ضعنا يا صبرنا... [الأرشيف] - شبكة الناصرة الثقافية

Princess

07-05-2008, 05:01 AM

اللهم صل على محمد وآل محمد وعجل فرجهم ياكريم...

اعود اليكم احبتي .. مع ثالث تجاربي الروائيه.. بعنوان :

ضعنا يا صبرنا ..

http://up3.shia4up.net/images/7q6aofkn8ganhqlebpwp.jpg

كلي امل ان تنال اعجابكم .. لا اطول عليكم بالكلام.. نبدأ المشوار مع ابطال الحكايه..
القصه احداثها كالعاده.. في احد قرى القطيف .. قرية تتنوع فيها الطبقات الأجتماعيه والأحوال الماديه..
في عائله على قد حالها..
ليلى .. بنت عصبيه لكن طيبه.... كثيرة التضحيه. 23 سنه..... أمها ام علي تشتغل خياطه...
اخوها علي اكبر منها عمره28 سنه.. رجل مزاجي للغايه يوم يتعب اهله ويوم يرضيهم .. خدوم .. على باب الله خلص المرحله المتوسطه ولا كمل دراسه.. وصار يصيد سمك وربيان ..ويبيع في السوق..
ابو علي .. رجل اعمى من سنين ما يشوف بسبب حادث من شغله .. كان يشتغل لحام حديد ..
ريما .. البنت الصغيره عمرها 19 سنه .. مراهقه تاعبه اهلها بشقاوتها وطلباتها اللي ما تخلص .. و دلوعه لأبعد الحدود...

وعلى النقيض في عائله غنيه ومعروفه..
علا.. بنت غامضه.. بعمر ليلى.. كتومه ما تبدي مشاعرها .. قليلة الكلام.. معروفه بالغرور بسبب هالطباع.. بداخلها قلب طفله حساسه وبريئه وحالمه لأبعد الحدود.. الا ان الغموض يخفي هالشي عن الآخرين .. رسامه فنانه و مبدعه ..
مالك.. اخو علا.. 25 سنه .. اسم على مسمى.. غريزة التملك معروف بها.. مافي شي ماهو عنده.. مدلل من كل النواحي .. عصبي .. رومنسي .. طيب بس يخفي طيبته بكبريائه.. يدرس في امريكا..

تريزا.. خادمه أندونيسيه في بيت ابو مالك...كبيره في السن (38) سنه.. متزوجه وعندها بنت متزوجه ايضا وجابت حفيده ماشافتها..
سميره.. اخت ابو مالك.. معنسه .(45) سنه. متسلطه بعض الشيء .. وموكلها ابو مالك تهتم بشؤون البيت في غيابه..

ابو مالك .. رجل أعمال مشهور .. كثير السفر بحكم العمل .. الكل يحسب له الف حساب.. وبعض الناس من الديره مايحبوه ويقولو انه ماكل حلالهم وماخذ اراضي وقف ..
ام مالك عطتكم عمرها من لما كان عمر علا 10 سنوات..

في نفس الفريق ,,

حجي عباس .. راعي بقاله.. كدر .. نحيس .. ما يرحم .. ويحاسب على اقل شي .. فيه بخل وحرص مو طبيعي....

متزوج ومطلق 3 مرات والله ما رزقه بالذريه لين اقتنع ان العيب منه .. بغى يتزوج المره الرابعه ماحد رضى يعطيه بنته للعيوب اللي انعرف بها.. بالأخير اخذ ارمله على باب الله.. على شان ترعى شؤونه.. ماعندها الا ولد واحد ..و مجنون اسمه عادل..

امل .. خالة علا.. 26 سنه..تزورهم بين فتره وفتره... متزوجه وعندها طفل عنده لين عظام شديد ,, حرمه من المشي .. اسمه سجاد عمره 5 سنوات فطين و ذكي .. وزوجها انسان مؤمن وطيب وصبور وراضي بقضاء الله واسمه حسين..

محمد .. معروف بأسم حميد.. 30 سنه .. عايش لحاله في صندقه قريب البحر .... اهل الفريق ما يعرفو اصله ولا فصله ,, مهو من ديرتهم.. من ديره مجاوره.. وكلما احد سأله انت ولد مين .. يرد انا ولد حواء وآدم..
يسموه حميد الميد.. لأنه مشهور بصيد هالسمك و اغلب الناس تشتريه منه هو.... ويتحاشو يتعاملو وياه في شي ثاني غير انهم يشترو منه السمك.. ناس تتكلم عليه وتطلع اشاعات وتقول انه ولد حرام دام انه يخفي اصله.. وناس تكذب هالكلام لا يصير عليها ذنوب وآثام.. وناس تقول انه من المباحث ومتخفي على انه صياد .. وناس وناس... و اللي ما يعرفه يجهله من هدوئه و غموضه.. مع انه شخصيه بسيطه وخفيفة دم في الواقع..
بقية الشخصيات,, ستظهر مع الأحداث..

Princess

07-05-2008, 05:07 AM

الحلقة ((1))

الجو بارد,, الساعه 9 الليل ,, والرعد صوته يثير الخوف في النفس .. والمطر كل ساعه يزيد ,, ليلى في بيتهم تدور في الغرف بصفاري ومغاطس وطاسات.. تحطهم يتجمع فيهم ماي المطر ..بيتهم دور واحد..و قديم و يخر ماي من السقف ..
ليلى :
ــ ريماا.. ريمااااا..
ريما منبطحه على بطنها وتحرك رجولها فووق وتحت .. وتطالع تلفزيون.. وزي ما يقولو عمك اصمخ..!!
ليلى :
ــ ريموووووه..
ريما بملل :
ــ هاااااااااااه..
ــ صار لي ساعه ازعق.. ما تردي حق ويه..؟؟
ــ اتابع الفيديو كليب .. تعالي شوفي لبسها يجنن مو..
ليلى بقهر طفته :ــ كم مرره قلت لش لا تتابعي هالسخافات.. حرام ما تفهمي ..
ريما والكلام مو عاجبنها : ــ اففف حرام وحرام.. اللي يسمع ويش مطلعه.. كلهم كم قناه عربسات .. لو نركب هوت بيرد ويش بتسوي بتشيلي التلفزيون عني.. طالعه لي فيها مرجع ومطوعه !!
ليلى حمقت من طول لسان اختها وصرخت:
ــ هوت قررد يفلعش ان شالله.. حركيني .. وبلا قلة حيا ومسخره .. اشوف النصيحه في هالزمن ما تتقبلوها .. وعدلي قعدتش..
ــ مو ياهله اني ولا احتاج نصايحش ..ولويه اعدل قعدتي ..
ــ قعدتش غلط يرجع اخوش من برى الحين و يشوفش.. تأدبي هاااا..
كانت منسدحه على بطنها و رافع سيقانها تحركهم في الهوا..
ريما: ــ اهوو ولو شافني ؟؟ ويش مسويه..!!
ليلى حمقت و طراااااخ..
و ترمي الصفاري في الأرض ..
ابوعلي كان نايم في الصاله .. ليلى نسيت انه نايم.. ويقوم مختلع ويقعد وهو قاعد..
ويفتح عيونه وبلا وعي :
ــ ونااااايبه... هااااداااااااااويه..
ليلى انتبهت وهي منحرجه وفيها ضحكه على خلعة ابوها:
ــ آسفه يُبه نسيت انك نايم هنا ..
ريما : ــ صار لينا ساعه نتشابق ما قعدت .. من ليلوه المزعجه كل متحكمه فيني .. لا تطلعي هالقناه .. لا تقعدي كذا.. لا تلبسي كذا.. حتى في النومه تطفي الليت غصب وتقول نامي لا تسهري كل شي على كيفها..!!
ابو علي : ــ عاد يا بنات ما تستملو من هالسنطوانه اللي تنعاد كل نوبه <<((سنطوانه=اسطوانه بلهجة الشياب))..
ام علي جت كانت تحاتي ولدها علي للحين ما رجع .. وقاعده كل شوي تتصل بجواله مقفل ..
ــ اهووو وتاليتها وياكم كل شباق .. اففف اني بالي بالة ولدي للحين ما عود والمطره كلما ليها تزيد..
ابو علي : ــ عاد يا ام علي ولدش مو ياهل كبير وشايل عمره .. ان شالله خير يوصل الحين بالسلامه..
ام علي :
ــ وكبييييييير وشاااااااايل عمره..؟؟ ما اخاف عليه يعني ؟؟؟
. ياربي ان شالله مو نازل في البحر ..
ابو علي : ــ اهووو غيره عندهم مَرَه وولاد .. رجال هذا ما ينخاف عليه
ام علي والكلام مو عاجبنها : ــ اهوو عني انت.. ويش بيدي عليه من وادي لوادي قال مره وولاد .. الله يبلغني ان شالله .. اني امه واحاتيه خلني بس..
ابو علي رجع انسدح: ــ انا لله ما بيدبحش الا هالخوف انام احسن لي ..
ام علي بهمس مقهور : ــ نام بس نام.. ما شغلتك الا تتعيلف..
ليلى : ــ حركيني دوري وياي من وين يخر السقف و حطي طاسات وصفاري
ريما : ــ اففففففف حنا ويا هالبيت المهتري .. ويش هالحاله .. ماني قايمه انتين اخبر بمحلهم,, كل سنه وهذي شغلتش
ــ ما تيوزي عن طولة لسانش هاا.. مادري افلع هالصفريه على راسش؟؟
ابو علي : ــ توتوتو عاد يامره ما تشوفي بناتش نبغى ناخد لينا غفوه
ام علي : ــ اهووو ما هم يهال ,,غفووة ويه قوم الغرفه و نااام موليه بعد غفوه ..
ابو علي : ــ اتاني عشاي مادري متى بتحطوه.. وبعدين قلتيها بناتش ما هم يهال تحاتي علووه إلويه الحين..
ام علي : ــ ايييهي عليك وعلى تعيلفك من حاجه لحاجه.. اقول .. ليلى خلي الصفاري لريموه وقومي انشبي لأبوش طاسة عيش ولبن خله ياكل وينام ..
ابو علي يعدل قعدته:
ــ ايه قالوها نوم الظالم عباده
ام علي ماليها خلق : ــ ووووووويش فيك؟؟؟ ويش دخل ظالم ما ظالم ؟؟؟
اني بالي بالة ولدي ,,, وانت ضرب تعيلف من الصبح للحين.. !!
ليلى جابت عشا ابوها:
ــ هاك يبا
ابو علي يمد ايده يتحسس..
تحط ليلى الطاسه في ايده اليسار والملعقه في ايده اليمين
ابو علي : ــ جزاش الله خير يابتي .. ملحتيه
ليلى : ــ ايه ملحته..
ابو علي : ــ بسم الله ..
وصار ياكل ..
ــ الا اقول يا ام عليو.. اخبار جارتش بعدها مخوبلتنش بثياب بناتها
ام علي:
ــ مالي زااغر ..هااا.. ويش جاب هالطاري..
ابو علي فيه الضحكه ,, ويكمل تعيلف وهو ياكل ..
ــ لا .. بس اسأل نسولف عن هالصخه والمحاتاه اللي دابحينش..
ام علي منقهره:
ــ وما دورت سالفه الا سالفت هالمصفعه ويا بناتها المتشيرطات..كل يومين نطو علي غيري هالموديل وقصري وسوي وزيدي الفتحه عجل يافرج الله...
ــ ههههههههه ويش عليش المهم تخيطي انتين عساهم تفصخو
ــ ويش علي منهم هاا.. ويش علي منهم .. حق ويه تسأل اجل ... حق ويه!!
ابو علي حط الملعقه في الطاسه وحطهم على جنب :
ــ اهووو بالعه راديو حشا ,, تصبحو على خير ..
وقام يتحسس الجدار رايح لغرفته بينام...
ام علي : ــ وانت من اهله ..
وفي بالها.. ــ يااابرووود اعصاابك...
ريما وهي تدور بالصفاري قاعده تطبل : ــ اففف زهقت اني خلوه يخر..
ليلى فضت كم طاسه فاضو من الماي::
ــ اقول ريوم فضي الطاسات الباقي وانتين ساكته ,, وطيورش هاللي ضاربه طبل خليها تركد عورتي راسنا..
ــ اوووه يماااه .....شوفو صرفه لهالبيت اخرتها بينهد فوق روسنا..
ام علي تشيل طاسة ابو علي و بلا وعي صارت تحرك بالملعقه وبنبره هاديه وحزينه :
ــ ويش بيدنا يا بتي .. شايفه بيد ابوش واخوش شي... حتى اني اشتغل بهالمكينه ولاني ملحقه.. ؟؟
ليلى عورت بقلبها امها .. :
ــ ريمووه .. كل سنه هذي اسطوانتش .. اذا بتحني وبتزني بلاها هالمساعده روحي قعدي وريحي .. اني باشيل هالصفاري..
ــ ايه زين.. مفكره ويش باسوي .. زين جت منش .. يللا تصبحو على خير..
ام علي : ــ .. الله يهديش يا بتي.. وانتين من اهله..
صارت ام علي تعاون ليلى على مسح الأرض و التنظيف وتفريغ الطاسات ..
والمطر يزيد .. وقلب ام علي يحاتي ازيد..

وفي الصندقه قريب البحر.. في الرطوبه البارده.. و حواليهم برادات السمك الطازج ,, دخان السجاير يتعالى .. حميد وعلي .. صديقين صار ليهم 7 سنوات .. تلاقو في البحر .. وبظروف مثل هالجو .. طلع علي من البحر والمطر غزير وهو تعبان ..مالقى الا صندقة حميد... اللي طلع له ودخله وقعد وياه لين خف المطر .. وصارو كل يوم يتقابلو في البحر حزة الصيد.. سوالف و حكايات لين تطورت العلاقات....
كل شي يعرفه عن حميد.. ويش يحب ويش يكره كم عمره .. قصصه وحكاياته.. الا هالأسئله اللي حيرت علي فيه طول هالسنين..
... ولد مين هو؟؟؟
وليش عايش هنا..؟؟؟
و الفلوس اللي يحصلها من شغلته.. تكفيه لأكثر من اكل وشرب .. وهو مكتفي بالأكل والشرب وعايش في هالصندقه..وين يودي الباقي ؟؟

علي : ــ يالله هالمطر مو راضي يخف .. وجوالي طفت البطاريه...
(( صندقة حميد طبعا مافيها كهرب ,, و لا عنده جوال))
حميد يفطفي السيجاره : ــ ياخوك ويش بيدك.. والله الجو يخوف وسيارتك مهي حمل لهالمستنقعات بالطريق .. اشك كم متر وبتطفي عليك.. شوف جوالك يمين يسار مافي ابراج..
علي : ــ افف لااا ..
وتطيح نقطة ماي على شعر علي ..
حميد يرفع راسه : ــ اوهووو هنا بعد يخر ...
ويحط صحن ..
علي يتنهد ويبتسم : ــ الله يعوض عليك و علينا ,, ايييه ياحميد تدري ويش نفسي الحين...
حميد يحط ايده ورى راسه ويتسند عالجدار ويتنهد هو الآخر :
ــ ايييه .. غرشة بيبسي معرقه تبرد الأفاد..
علي فتح عيونه:ــ معرقه في عينك هههههههههه وبيبسي انا في ويه وانت في ويه.. لا اطلع لك سمكه من البراد واسطرك بها...
ــ ههههههههههه,, عادي ياخوك كل واحد .من نظافتي... زفر انا في كل الأحوال.. ايه نفسك في ويه يا حظي...!!
ــ جعلني ما اصير حظك لا بالله,, ههههههه على شان يصير طايح عدل...
ــ هههههههههههه دون حظي .. صل على محمد بس ياخوك واحمد ربك ..
ــ الحمدلله ,, اللهم صل على محمد وآل محمد... آآآخ يا خوك ودي ..
حميد يطبل عالبراد : ــ ودي ارووح الغاضريه .. ودي ازوور الغالي حسين..
علي : ههههههههههه غربل الله شرك انا هذا اللي باسطره
ــ افااا يعني ماودك ؟؟
ــ وجهك اكيد ودي .. ووودي وودي...
ــ ااااااه,, انا ودي ان اعرس واجيب ولاد..هههههههههه..
علي سكت و جته غصه على خويه وعلى روحه وفي باله :
ــ يالله كان انا في امل الله يعطيني هالمراد.. العوض على الله في حالتك ياخوي.. لا ندري ويش اصلك وويش فصلك و لا انت راضي تتكلم .. ايييه يجي لك يوم وتعلمني...
حميد يفرك بطنه: ــ انا يوعاااااان... ويش ودك انت خلصني ..
ــ ويش ودي ويش دعوه فاتح مطعم ,, بتقوم بتملح سمشتين و شوية فلفل وبتشويهم ..
ــ هههههههههههههه ياربي .. ويش ودك من دي ساعه و ما قلت
ــ ايه ههههههههه تشيه انت تخلي الواحد يركز,, ايه ياحميد ودي اغير حالنا .. حال اهلي .. نعدل بيتنا عالأقل . بيت جدي هو اساسا ويوم توفى الله يرحمه ورثه ابوي.. وهو وحيده زين بعد لو عندي اعمام شاركونا فيه... ااااه يا حميد.. ودي اساعد ابوي باللي اقدر عليه .. بس ما باليد حيله..
حميد سكت وابتسم ..
علي يكمل : ــ خواتي ودي في يوم اطلعهم السوق .. ما يشترو ليهم شي الا من العيد للعيد.. نفسي افرحهم حالهم حال هالبنات.. ولا عاد الكبيره .. تبخل على نفسها بالقوه.. اذا توفرت فرصه تشتري شي في غير الأعياد,, تعطي الفلوس لأختها الصغيره... آخر شي عيد الفطر ماشرت ليها .. هالصغيره عجبتها لبسه غاليه.. عاد وياها دي الطلبات ما تخلص,, فقالت ذيك ما تبغى شي .... والحاله ياخوك كسيفه .. وهي تعور بقلب ابوي ما يبغاها اقل من خوياتها .. وربك يعين..
حميد تنهد : ــ الحمدلله على كل حال...
علي .. : ــ عورت راسك ياخوك بهدرتي بس وربي ابغى افضفض مو قادر
حميد يحط ايده على ظهر علي ويصير يمسح:
ــ لا ياخوك شدعوه انا وياك اخوان..
علي يبتسم لحميد ..ويحسه ملجأه الوحيد لاضاقت الدنيا عليه..

تابع..,,>>

Princess

07-05-2008, 05:09 AM

بالفرشاه العريضه.. لون احمر ثقيل .. غطى الريش الأبيض ...
مالك : ــ يالله ويش سويتي اللون ثقيل خربتي جناح هالحمامه .. كان مره فضيع..
علا بهدوء وهي تكمل دمج الأحمر على الريش الأبيض: ــ ما خلصت الحين اني..
مالك رفع حاجب وحاجب .. وقعد عالكرسي ورى علا وهي ترسم..

علا بصبعها تنزل اللون عالأرضيه في اللوحه.. وترسم سهم يخترق صدر الحمامه..
وبدمج مرتب ونظيف تطلع بشكل رائع... دمها يسيل وبجنبها عالأرض مرميه قربة ماي ,, مايها مختلط مع الدم...
مالك: ــ باقي كم على تسليم اللوحه..
علا: اسبوعين ..
مالك : اووف فكرت اكثر ,,, باقي تقريبا شهر ونص على محرم...
ــ ايه بس على شان ينظموهم في المعرض و يرتبو الوضع...
ــ اهااا.. يعنوو
مالك بهمس : ــ اقول خخخ عمتي ام السمر وينهي اشوفها ما طبت علينا..
ــ هذاا هي يا سيد مالك خير ان شالله آمرها..
مالك انصرع دار لعمته وهو يضحك: ــ هه هههه هه لا عمه ,, هلا ااااااااا ,, وينش من زمان ما شفناش ...
ويعطيها بوسه على راسها..
سميره تطالعه على جنب :
ــ ههههههه ايه اخلص يالحيال ويش تبغى ؟؟؟, حركاتك دي معروفه وراها شي..
ــ فديت الذكاء انا.. فديت المخيخ .. فديت اللي يفهموووني
ــ مالكوه لا تطولها وهي قصيره.. ويش تبغى..؟؟؟
ــ ابغى 2000 ريال
ــ حق ويه؟؟
ــ بعزم اخوياي عشا بمناسبة رجوعي من امريكا
ــ ليش كم واحد هم؟؟
ــ اربعه
علا : ــ 2000 ريال وايد على 4 حشا ويش بتأكلهم..
ــ غالي المطعم.. وويش عليش انتين,, لوني بس لوني..
علا سكتت و صارت تفرك بالفرشاه على اللوحه وفي بالها:
ــ خراب .. ما بيخربك الا هالفلوس ..
سميرة : ــ زين بس اكلم ابوك استأذنه اعطيك..
ــ اوووكي ... << قالها بكل ثقه لأنه ضامن ابوه ما بيرد له طلب ..
ــ متى بتعشيهم؟؟
ــ بكره ..على حساب الليله بس مثل ما انتين شايفه الجو ما يساعد..
ــ على خير ان شالله..
وطلعت سميرة من الغرفه..
علا : ــ ما بتوب .. لو بتوب تبت..
مالك فهم عليها :ــ اقوول .. مالش شغل فيني
ــ مسررف وربي..
ــ لا اجل بخيل زيش
ــ الله يسامحك..
ــ اهوو عني ....
وطلع عنها...
علا بنت حساسه.. عيونها غرقت دموع .., تحس اخوها مالك من تخرج وصار يدرس برى وهو مو مالك الأولي .. صار بعيد عنها بالمره وهو اللي كان الوحيد في دنياها يسليها .. عمتها سميرة ماهي حقت سوالف و قعدات ..

تحسها بس مسؤوله عنهم وعن تخطيط حياتهم زي ما يبغى ابوهم.. بس انها تقعد وياها.. تسولف وتضحك .. تفضفض ليها بهمومها ومشاكلها.. مستحيل !!

ومن شدة انطوائية علا وكتمانها.. و ردودها البارده العفويه.. الصديقات وياها للمصالح فقط.. عجزت تلاقي اللي تفهمها و تحس فيها ..

صارت تقلب همومها بملل ,, وانسلت دمعه ,وبعفويه نسيت ان ايدها فيها الوان مسحت بها وصار لون احمر عليه...

الا بدخلة تريزا ..:
ــ علا ماما سميرة يقول شنو تبغى ياكل عشا
وانتبهت للون في خد علا من بعيد وجت ليها تركض:
ــ شنوهذا علا؟؟ دم؟؟
علا ضحكت : ــ لااا مو دم لون.. سوي أي شي عادي
تريزا : ــ علا ,, انتي في يصيح؟؟
علا تداري حزنها : ــ لا مافيني شي ..
وترجع للوحتها الحسينيه .. تبث فيها حزنها والمها...

ام علي رايحه وجايه في الصاله .. و مهي عارفه ويش تسوي .. تحاتي بالقوه وكل دقيقه تمر عليها كنها ساعه.. الوقت تأخر .. وصلت الساعه 11 ونص الليل وولدها في هالمطر ما رجع.. بالعاده يرجع 8 ...

ليلى : ــ اماه اهدي وصلي على محمد..
ــ اللهم صل على محمد وآل محمد.. اففف مو بيدي يا بتي والله مو بيدي...
ريم طلعت من الغرفه : ــ يوعاااانه
ليلى : ــ علي ياااعلي .. توش بتنامي.. اكي الصفريه مليانه عيش حطي لش عيش ولبن وسكتي
ــ اففففف مااابغى ... لاعت شبدي
ــ ويش تبغي حضرتش .. قوووزي ؟؟؟ الحمدلله رب العالمين..!!
ــ اوهووو ..عن السخريه... بروح المخزن باشوف ويش فيه ابغى شي فيه حوسه وحركات
ــ انا لله فكينا سوي اللي تسويه..

راحت ريم المخزن .. كان غرفه صغيره في المطبخ .. فيها رفوف .. وعلى كل رف حوايجهم حق الأكل مصفوفه..
طلعت ريما تركض وهي ميته خوف وتصارخ ..
ــ يمااااااااااااااااااه
ام علي انصرعت:
ــ وويش صاير..!!!!!
ريما وهي تصارخ :
ــ ففففااااار...
ليلى فتحت عواينها : ــ فااار ويه
ريما : فار اللي ينطح.. فار ويه بعد...
ــ عن الظرافه .. ويلي .. فوين؟؟؟أي جهه؟؟؟.. واي قد ؟؟
ريما ودموعها من الخلعه تسيل : ــ تحت رف الطحييييييين على طول.. واي قد ؟؟ مااقسته!!!
ليلى : باااااااايخه .. يعني ويه؟؟ كبير لو صغير !!
ريما : يعني هالقد << وضمت كف ايدها..
ليلى : ــ ويلي مو هين ...
ام علي صفقت صدرها : ــ طحيننا يكفي كم شهر لا يلعب فيه هالفااار انا لله..
ويلي لو علي هنا كان راح وقتله.. ويش بنسووي...
ليلى وهي ميته خوف: ــ مااادرري
ام علي راسها داير من المحاتاه وزادها هالفار .. وهي وياها الضغط .. خلاص حطت ايدها على راسها وقعدت..
ليلى : ــ اماااه.. ويش فيش ..؟؟
ام علي : ــ لاا.. مافيني شي بس دخت شوي..
ليلى : ــ ريمووه روحي جيبي ماي
ريما تحط ايدها على خصرها : ــ لا والله .. ليش مو انتين.. يعني اني اللي ما اخاف من الفار..
ــ اهووو..... نسيته اصلا .. وخري عني..
وراحت ليلى المطبخ بتجيب لأمها ماي..
وهي داخله وقلبها يصافق لا يطلع ليها .. بسرعه صبت الماي ... وكان جنب المخزن براد سمك كبير حق اخوها علي ,, مغسل ومسند عالجدار بطريقه يخلي فتحته مكشوفه في الهوا حق ينشف.,,, يعني ظهره متسند عالجدار وبطنه مكشوف... ومفتوح بدون غطا..
والمخزن قريب من باب المطبخ... وليلى بتطلع لمحت الفار بيطلع من المخزن.. وبلا وعي وهي مختلعه تدف البراد عليه ..
وطرااخ,,,, يطيح ويحبسه داخله.. ويصير الفار يصاقع فيه يبغى يطلع مو قادر يحركه.. لأنه كان ثقيل شوي ..
ليلى طلعت وهي حامله كاس الماي تضحك وترتجف ..
ــ حححبسسسته..
ريما : ــ ويشووووووو قفلتي عليه باب المخزن ..
ليلى محمقه :
ــ ليش ؟؟ مخزننا فيه باب!!
ــ ويش دراااني
ــ ايه لو تدري عن المطبخ دريتي فيه باب لو لا .. يادافع البلا ..
ام علي تشرب الماي ... وبقايا اللي في الكاس رشحت وجهها به..:
ــ الحين ويه.. وينا راح ؟؟
ــ خخخخخ طيحت عليه براد علي ..
ريما : ــ وووووووييييييييييع وانفشخ ..
ليلى : ــ وييييييعااات ,, لاااااااا انحبس داخله..
ام علي : ــ وعوووه.,, اجل الحين يحوم فيه ..
ليلى تضحك : ــ اييه .. الله يستر من علي الحين بيرميه البراد ..
ام علي : ــ انا لله ... تشيه فيه شده ولدي ياخذ واحد فاني.. من النوع الزين هذا.. الله يهديش يا بتي..
ــ وويش اسووي؟؟؟ اماه كان بيطلع ليكم برى..
ام علي : ــ قولوا عاد على هالصريخ.. ابوكم ماقعد... مسمر نووم..
ريما بهمس : عاد لوقعد ويش بيسوي عاد..
ليلى سمعتها..وعطتها نظره ..
ريما استحت وسكتت..

ام علي ..
ــ باقوم اشوف مخزننا عسى ما الفار قرض شي لو خرب شي ..
وراحت وياها ليلى .. شيكو الأكياس والحوايج .. كلهم سليمين..
ليلى تركب الكرسي وتشوف الطحين فوق .. ركبت وحطت ايدها تلمس الأكياس .. وشالتها وهي مختلعه..
ــ امااااااه...
ام علي : ــ هااه.. ويه.. شققهم..!!
ليلى نزلت من الكرسي وايدها لونها بيضا:
ــ لااا ... صابهم الأكياس ماي ..
ام علي صفقت صدرها :: ــ هااه .. يخر السقف هنا بعد... اخوووش حاط قار بذاك الحساب العام... فوق هالسطح لا يسرب .. ويشوو مااااااي!!!!
ليلى وفيها غصه : ــ والله ماي..
ورجعت ركبت وشالت كيس طحين.. وينفقع في ايدها ويسيل عليها ..
ام علي قعدت عالأرض ..
ــ حسبي الله ونعم الوكيل .. الهي لا اسالك رد القضاء ولكنمها اسألك اللطف فيه يااارب.. يالله نسألك الصبر.. خسارتين اليوم.. براد وطحين.. على الــــــلــــــه العوضضض... شيليه امي .. شيلي,, الأكياس كلها وارميهم درام... ووخري يونية العيش لو غطيها بكيس كبير لا يدش ليها ماي بعد.. ويش لينا ناخذ 10.. طمع بني آدم..شفناه رخيص ذيك الحزه.. هاا.. خسرناه كله الحين..
ليلى حاسه بحزن امها.. هم مهم حمل خساير .. على الله و اللي يحصله اخوهم علي من بيع هالسمك ... صارت تشيل الأكياس و ترميهم وهي تحمد الله.. 10 اكياس طحين .. رمتهم .. وهي قلبها مهو مطاوعنها..
نظفت المخزن.. وحطت صفريه محل اكياس الطحين.. على شان يتجمع فيها ماي المطر...

ريما مشغله التلفزيون.. وبالصدفه برنامج تراثي .. واطفال يلعبو وانشوده تراثيه قديمه:
طق يامطر طق .. بيتنا يديد .. مرزابنا حديد
ليلى ابتسمت من هالأنشوده وفي بالها..
ــ الحمدلله على كل حال.. والله ناس تتمنى المطر وناس تعاني وياه..
الا ريما تتحمق :
ــ حنا ويا هالبيت لو هو جديد كان ما صارت دي حالتنا..
ليلى تفلص اختها وتهمس ليها :
ــ قومي اخمدي,, لو انشبي امي فيها اللي مكفيها,,, مهي ناقصه هدرتش..

وفي صندقة حميد...
الساعه 12 وربع الفجر .. علي خلاص يحس المطر ما بيوقف .. قام..
حميد: وين رايح ياخوك...
علي : ــ مانى قادر خلاص بطلع واللي فيها فيها .. احترقت السياره لو طفت بمشي مايصير اهلي يحاتو..
حميد : زين ياخوك على راحتك..
ما مداه علي بيطلع.. الا باب الصندقه يتشلخ طق ..
طق طق طاااخ طاااخ طاااخ
علي انصرع ..وطالع حميد..
ــ في احد يجي لك هالحزه..؟؟؟
حميد انخطف لونه.. وتغير ومختلع من شي .. وكأنه يدري مين هاللي يطق هالباب...
علي : ــ ويش فيك.. مين هذا عالباب افتحه؟؟؟
حميد :: ــ لالا ,,هاااه .. ايه .. مادري ...
علي مستغرب : ــ ويش صااير..؟؟
ــ ماصاير شي ... افففتحه..
علي مستغرب منه .. هالخوف لويه مو طبيعي ما كنه حميد الشديد..
وقف عند الباب :
ــ مين ؟؟ مين عند الباب
ماحد يجاوب والطق يزيد شوي ويشلخ الباب
.. ويفتح علي الباب
ويطيح عليهم .......

الى الملتقى..

شذى الزهراء

07-05-2008, 05:53 AM

قصه بدايتها حلووه ولطيفه
من المتابعين ان شاء الله
الله يعطيج العافيه خيتي اميره
بالانتظااار
تحياااااااتي

كبرياء

07-05-2008, 06:00 AM

يآآآوييل قلبي أنآآ << ؟؟؟ وش سآلفتهآ دي

بدآآيه مررره روووعهـ ...

وشكلك يآ أميرو نآويه كل يوم تصيحينآ مدآم هذي البدآآيه شكلهآ مأسآه

شووووووووقتيييني أن شآلله أطب عليكـ غررفتكـ الحين أشووف وش بيصير مااانااا ..

مرره مشووقه مع سآلفه حميد ..

من المتآآبعين بقوهـ ..

يعطيكـ ربي ألف عآآفيهـ ..

بآنتظآر جديدكـ ..

تح ـيآتوو

كبريآء

سـلـوان

07-05-2008, 06:05 AM

ألـف مبـروك نـزول الـروايـة الجـديدة..
مع اني مـا قد قريت لك بس راح احفظ الروايتين بـ الجهــاز علشـان اقراهم وأنـا مسـافرة..<<مـا تضيع وقت هع..
لأني أسـلوبك حمسني انـي اقرأ لك روايـة كـاملة واعرف أسـلوبـك اكثر..
مع أني شـاكة إن عندك كم عرق إجـرامي..؟؟
خخخخ موقف الفــار صـار لي يوووهـ حبسنــاهـ بـ الثـلاجـة هع..
ذكرتيني العـام كنـا بـ سوريــااا وإنــا بـ المطبخ ولمحته الموهم من الخرعة نقـزت والثلاجة تحـركت معـاي وتحـاصر الفـار..
عشنـا رعب وقتهـااا هع وغيرنــااا السكن..
عـائلة أبـو علي ربي يرأف بـ حالهم..
جـاني فضـول اعـرف مين الشخص الي يعرفـه حميد..
وتحمست معــاك ودي الحق ع الجـزء الثـاني بس خسـارة بـ سافر اليـوم..
وربي يعطيك ألف عــافية وسـلمت الأيـادي..
ونتظــرك..
موفقـة..

آخر شقآوهـ ..~

07-05-2008, 06:14 AM

سلاااااموون ..:bigsmile::bigsmile:
فديتش وحشتيني
ويش مسويه ويش اخبارش..؟
نلتقي من جديد في روايه جديده بنعيشها وياش ان شاء الله:rolleyes:
وبنتابعها جزء بجزء<<وبحن بعد:toung:
وان شاء الله تكون ناجحه مثل اللي قبلها
أحم..
يبغى ليي الحين اقراها بعد مره ثانيه عشان احفظ الشخصيات عدل :wink:
عجبتني بدايتها
ودي اعلق على كل مقطع بس النحيس مايضى ينسخ:evil:
بس باقول ..
حميد.. عجبني والله على كل اللي هوه فيه .. فيه روح رياضيه تجنن:rolleyes:
وليلى .. فيها لقافه شوي عفر<<بدينا من الحين:cool:
مالك.. عندي توقعات بتصير وياه بس مابقول
..
..
..
نشووف الحين من اللي طاح ..
نستنى الى بكرا يعني
فضوولنا يدبحووووونا:weird:
جاري الانتظار..
بحفظ الباري

الأمل البعيد

07-05-2008, 11:58 AM

وي وي رجعت أيام إلى الملتقى :icon30:
جزء مرررة روووعة وشكلها من بدايتها مأساه وصياح :unsure:
متحمسه حدي لسالفة حميد صراحه مت من الضحك على ولد آدم وحواء ولا حميد الميد :lol:
شكله حلووه مووت زي ختها الي قبلها احم حم :bleh:
اميرووه ليش وقفتي الجزء فيي حمآإآس ابي اعرف من الي يطق الباب :no:
:ongue:في شوق لغداً والجزء الجديد:ongue:
تحياتي / الأمل البعيد

ملاك الورد ..~

07-05-2008, 01:20 PM

الف مبروووووك الرواية الجديدة
من بدايتها حماس وتشويق
لا الغني مرتاح ولا الفقير مرتاح
كل همه على قدة
بانتظار الجزء الجديد على احر من الجمر
من المتابعين

دمعة على السطور

07-05-2008, 03:50 PM

اللهم صلي وسلم على محمد وآل محمد وعجل فرجهم وفرجنا بهم ياكريم
أميرة شكلها القصة روووووووووووووووووووووعة
عجبتني مررررررررررررررررررررره
بصراحة عشت معاهم وتأثرت عشان عائلة أبو علي
وشكلها حتى علا الغنية مي مرتاحة
مااحد عاجبنه حاله في هالدنيا..
الحمد لله رب العالمين

ابغى اعرف بسرعة ويش سالفة هالحمييييييييييييييييييد
متى يجي بكرة...
خيو أميرة وأني اقرأ القصة قرأتها لأمي وهي تشكرش عليها وتقول لش مررررررررررررررررره حليوة بداية القصة..ننتظر بكرة

يعطيك العافية خيتي أميرة المرح...
بانتظار الأتمتة..
موفقة لكل خير إن شاء الله تعالى..
..دمتي بعين المولى الجليل..

دمعة على السطور

07-05-2008, 03:58 PM

نسيت اكتب
إن أول حاجة عجبتني هي تصميمك اللي في البداية حق القصة..
يعطيك العافية خيتي..
وموفقة إن شاء الله تعالى..
..دمتي بعين المولى الجليل..

زهور الريف

07-05-2008, 04:21 PM

بسم الله الرحمن الرحيم

اللهم صل على محمد وآل محمد

وعجل فرجهم

غاليتي

أميرة المرح

دووما متميزة

تجاربك السابقة قمة في الروووعة

وخصوصا ما عرفتوني كثر ما عرفني

وأني كنت من المتابعين ..<< ها ذكرتيني لو لا

وقصتك الجديدة من البداية رائعة والاروع طريقتك في إنهاء الجزء

سلمت يمناك عزيزتي

ووفقك الله لكل خير

وحفظك من العين..

واصلي

ونحن بالانتظار

للدموع إحساس

07-05-2008, 04:32 PM

يعطيكـ ربي العااافيهـ على هيكـ روايهـ ..
تحممممممممممممس من البدايهـ ..
خيوووهـ ،، وإلي يعافيكـ لا تطوووولي واااااايد ..
ترى أستخف ،، الحين بتبتدي توقعاااااتي ولا بتوقف .. خخخخخخ
مبدعهـ دااائما .. أمور ..
في الأنتظار ..
خيهـ ما أوصيكـ لا تطولي .. ترى ما تدري ويش يصير فيني ..
يمكن أستخف .. أو شي .. خخخخخخخخخخ ما أخالف أني أسويها ..
يااللهـ ســـــــــــــــــــــــــــلاااام ..
تحيااااااااااااااااااااااااااتي ..
للدموع إحساس ..

جنة الحسين

07-05-2008, 06:09 PM

مبروووووووووك عليكم يا جمااعه رواية اميرة الجديده :bigsmile:

الروااااايه شكلها رووووعه فتعودنا منكي دومااا بالرائع

انتهى الجزء وقت الحمااس ،، ننتظر التكمله :rolleyes:

يعطيش العااافيه يارب

أميرة باحساسي

07-05-2008, 07:52 PM

والله ريمووووه هذي ذكرتني بأختي ودلعها ..
بس قصة حلوووووووة ومؤثرة .. يسلمووووو لافكااارك وجهوودك
بانتظار البقية ..
دمتِ بخير.

واحد فاضي

07-05-2008, 08:16 PM

رووووووووووووعه أقل ما توصف به

ترابط أطراف الرواية أو القصة

بداية موفقه وبالتأكيد ترابط ممتع يجذب القارئ

وتنقل الاحداث بين أطراف الرواية جداً رائع

أسأل الله العلي العظيم أن يوفقك وينولك مرادك

بحق محمد وآل محمد الطيبين الطاهرين

فمان الله

*زهرة البنفسج*

07-05-2008, 08:33 PM

بسمه تعالي

أمورة حبيبتي وحشتينا كفاري

وحشتنا قصصش الحلوة والي تخلي الواحد يتفاعل يوم وراء يوم معاها

بس ها امورة اكيد لازم اصيحينا شوي شوي علينا

وضحكتني دي غرشة بيبسي معرق هلمصطلح القداحه اقولوه الضاهر يامورة حتي انتوو اتقولوها

بداية روعه ودوم انشاء الله

ننتظر الجزء القادم

بالتوفيق

عوامية صفوانية

07-06-2008, 12:12 AM

تسلمي اميرة على الرواية
بداية رااااائعة وموفقه والله يعطيك العافية وما قصرتي

اني من المتابعين للرواية وتفاعلت معاها

( هذي ماتقرأ لا قصص ولا روايات في المنتديات قامت تندمج مع رواياتش خخخ)

مع اني ما قرأت من قبل رواياتش الاولية

عجبتني عيلة ابو علي منها ليلى الله يساعدها ريمووووووووه هههه
وعُلا الناعمة الحساسة رسامة بعد هااااااااااا

يا اله خيتو لا طولي علينا نحن في الانتظار

Princess

07-06-2008, 03:03 AM

مرحبا

يسلم لي ربي هالطله الحلوه..عسى ربي يحلي دنياكم..
يسلم لي هالتعليقات الخفيفه اللي فرحتني عسى ايامكم بالفرح عامره,,
يسلم لي ربي هالنور عساني ما انحرم منه..
ياهلا بالمتابعين القديمين وحشتوني .. ولا عدمت هالتواصل حبايبي ..
وياهلا بالجديدين منورين,, ودوم الوصل ان شالله..

وتفضلو الجزء الجديد...

Princess

07-06-2008, 03:04 AM

الحلقة 2..

ــ مين ؟؟ مين عند الباب
ماحد يجاوب والطق يزيد شوي ويشلخ الباب
.. ويفتح علي الباب
ويطيح عليهم عادل وهو يصارخ ويصيح... وكعادته من التأتأه الكلام مهو مفهوم بالمره..
ــ عبببااااسسووه.. ضرررب ضرربني .. برى .. آآآآه...
علي متصروع من حالته وخايف يجيه منه شي لأنه مجنون.. تباعد عنه ..
قام حميد له ومسكه من كتوفه وصار يهدي فيه..
ــ خلاص .. خلاص عادل .. خلاص... حجي عباس مو هنا.. خلاص ..
عادل يصيح وصياحه يخوف ويعور القلب ..
ــ طقنييي .. مابغاه ما احبه.. حميد خليني وياك.. مابغاااه..
حميد يضحك :
ــ ياخوك وين اخليك وياي انا يالله عايش .. هدي حبيبي هدي خلاص .. لويه طقك...؟؟؟ وبووويش طقك؟؟؟ ووين مانى شايف شي!!
عادل : ــ فففتحححت صندددقة الدجاج و طلعععو يتراااكضووو و فنتين طلعووو الشارع وضاعووو .. طققني باالعققااال ششوووف هنننا..
وفصخ عادل ثوبه ,, وكان ظهره متورم تووريم مو طبيعي ...
عادل .. : وطقققني بعد فييي ........... << طوووط محل افهموه عاد
تبغى اراوييييك؟؟؟
ومسك سير سرواله بيفصخ..
حميد : ــ لااااااااااا خلاص بسم الله عليك
عادل قام يصيح : ــ يعوووور هننناك مااقدررر اقعددد..
علي جته غصه وهو بس قاعد يتفرج عليهم
حميد ماقدر على دموع عادل .. صاير كبير رجال .. بس الله يخلف عليه..
لبسه ثوبه .. وحضنه وصار يخفف عنه..
عادل قام يضحك وفك الحضن عن حميد..
و ظل يضحك و يضحك... ويضرب برجوله عالأرض ..
علي خاف من الوضع صياح تالي ضحك .. وعادل رجال كبير في العشرينيات مو بعيده يسوي أي حركه تأذيهم والخلف على عقله..
حميد يضحك وياه : ــ على ويه الضحك هااا.. على ويه ؟؟؟
عادل يمسك خشمه : ــ أأضضحك عللى رررريحتك هههههههه زززفففر
حميد نقز : ــ أه هههههههههههههه صدق ملعون خامس جزاتي بعد حاضننك ..
ورفع بلوزته يشمها : ــ هههههههه اف ويلي ... يبغى لي تسبوح .. تالي في البحر الحين المطر غزير اخاف اغرق .. يلعن شكلك عادلوه ..
علي : ــ ههههههههههههههه ياربي حتى الميانين بيتعيلفو في ريحتنا ...
عادل هدأ من الضحك وصار يطالع في علي وقام يصارخ:
ــ أأنااا مووو ميينووون .. انت المييينووون .. انت زي عبباااسسوووه كل يقول لييي ميينننووون
حميد طالع في علي .. اللي كان مستغرب ..
قعد عادل وقام حميد زود ضوا الفنر (( الفانوس )) اللي بصندقته شوي و طلع قوطية حلوى بحرينيه وعطاه قطعه.. ..
حميد : ــ ايه ياعادلوه هالحلوى من نصيبك تذوقها.. عاد تدري بي ما احلي الا بها.. هاك بالعافيه..
عادل اخذ القطعه وصار ياكل ...
علي : ــ بل عليك مكحين للحين وياك ما طلعتها والحين طلعتها...
حميد : ــ ههههههههه مايفوتك شي .. نسيتها من شفت عادلوه ذكرتها لأنه يحبها.. هاك القوطيه كلها تفداك..
ـــ هههههههههه تسلم ما لي خلق اكل اصلا..
ــ مالت عليك ,, صدق نحيس ..
ــ هههههههههههه مو انحس منك..
عادل دخل بالعرض ..
ــ ريمووو اختتتك انحس مممنك..
علي فتح عواينه قد الفنجان.. وصار يطلع في عادل وحميد..
عادل ياكل بقايا الحلوى ويمص اصابيعه :
ــ أأأنااا ما احبببها كل من تشششوفني في الطريق تهههرب مننني كني شللب .. وااذااا رححت ببيييتكم ويا أأأمي وقعععدت عالباب وهي بتطلع كل تقققول لي وخخخر ياالللخبل...
علي ساكت و يبغى هالمجنون يسكت مو راضي ..
عادل يكمل : ــ حتتتى ما تتغطى مني هههههههههههه شفتها وهي طالعه .. إحححليييوه عدددل بسسس نحيييسسسه مااا احبببها...
علي دمه وصل لراسه.. شوي ويوصفها هالمجنون لحميد .. بس مو عارف ويش يسوي له... حميد حس عليه و حس انه لو عادل كمل هدره بيروح فيها من علي ..
حميد : ــ ههههه خلاص عادلوه استح,, عيب ..
عادل يضحك : ــ ههههههههه عطيني قطعه فانيه طشونه عاطني .. ما احبها ريموو..انا احببب ليلللى .. اطيييب وحددده في بيتكم علووه هي ويييااا ابوووك ..

علي خلاص عصب .. دار لليلى الحين ويقوم له.. ويمسكه من صدر ثوبه ويسحبه..
ــ وتاليتها وياك انت هااا !!! و الآخيرر؟؟
عادل : ــ وووويش سوويت انااا
حميد يفك علي عنه .. ويساسره
ــ علي الله يهديك مهو صاحي هذا ما عليه حرج لا تضربه حرام عليك ..
علي بعصبيه : ــ ماعليه حرج ماعليه .. قاعد يوصف حريمي ماعليه حرج!!! ...
عادل خاف من ردة فعل علي ..
حميد : ــ عادل خوش رجال ما يقصد .. عادل حبيبي ما يتكلمو عن النسوان ..
عادل : ــ انننا مااققلت شي .. و ليلى كككل امي تقووول انها بنيييه مررره اححلليييوه وطيييبه ماافففي زيييهااا,, وكككان زين الله يهدييييني وووييغييير حالللي و تخللليها مرررتي ..

علي خلاص طارت طيوره.. وهجووم على عادل .. ويتلقاه حميد ويمسكه ويصير يحاول يوخره.. طبعا علي حجمه اعرض من حميد.. حميد الميد .. اسم على مسمى .. من هالميد اللي يصيده ومن شكله ضعيف وطويل زيه تماما.. بالمقابل علي كأنه هاموره طويل وعريض ..
حميد خلاص صار لونه احمر كنه سحارة طماط..و شوي بيفطس .. وعلي يرفس وطفر نعاله يمين وشمال. عادل خاف وبيهرب برى ..
حميد يصرررخ : ــ خلالالالالالاااااااااااص ... علوووه خلاااااص .. اخزو بليس صندقتي ما تتحمل بتهدوها علييييييي
علي هدأ .. وقعد..
عادل فتح الباب بيهرب .. ويمسكه حميد ويهدي فيه هو الآخر ..
ــ ياربي .. عليك انت وياه.. خلاص عادل انت خوش رجال وقلنا لك عيب ما يتكلمو عن الحريم .. يللا روح تأسف من علي و حبه على راسه ولا تعيدها..
علي: ــ لا يحبني ولا يقربني فكوني ها...
عادل : ــ هااا شششفففته .. مااايحححبني ..
حميد طلع في علي وعطاه نظرات ترجي,, وصار يمسح على لحيته .. فوتها له هالمره..
علي ابتسم : ــ اففف انا لله خلاص مسامح..
عادل راح يركض لعلي .. علي اختلع من هالهجوم.. وقعد على ركبه ..
ويمسك عادل خدود علي بين ايده وكانت فيها اثر الحلوى برطوبه من اكله ويبووس جبهة علي ..
ــ ااسسسسمح للييي ما بعيييدها
علي فيه الضحكه وشبده لاعت .. صار يمسح اللفد اللي على وجهه...
حميد يضحك ويضحك ما سكت..
وصار يسخر عليه: ــ ههههههههههههههه لا تبطح الحين لا ياكل النمل خدودك ههههههههههههههه...
وعلي يطالعه على جنب بنظرات سخريه وقهر.. وعادل يصفق ويضحك...

وفي بيت حجي عباس ..
ام عادل وهي تصيح :: ــ ياحجي حرام عليك ,, خليت ولدي يهج في هالبرد .. وين بيرووح الحين
حجي عباس : ــ وينا بيروح يعني .. خله يهايت في الطرقات ياعساه خناقه..
ــ ويلي على ولدي ماني اني ماقدر اقعد باقوم ادوره
ــ ان طلعتي لا تعودي .. لا بغى اشوف لا رقعتش ولا رقعته.... من اخذتش وانا مبتلش في حياتي ...

تابع >>

Princess

07-06-2008, 03:07 AM

ام عادل مغلوبه على عمرها.. ماليها اهل الا خوال واعمام .. وكلهم لاهيين مع اهلهم .. وما بغو من الله يعرس عليها حجي عباس ويفكهم منها ومن خبال ولدها..
تعبت في دنياها وايد .. زوجها ابو عادل كان يشتغل سواق تاكسي .. وصابه حادث ومات وهي حامل بعادل.. ويوم جابت ولدها الكل قال انه مو طبيعي ولا احد تكفل برعايته وياها .. ما كان ليها الا امها وعاشت وياها فتره طويله على الله ومعاش الشؤون.. لين الله اخذ امانتها وظلت وحيده..
خوالها وعمومها خايفين كلام الناس اللي اكل وجههم وين ما يطلعو هدرو عليهم مخليين ارمله لحالها في بيت ويا ولدها المجنون...

صارت تتنقل من واحد لواحد .. وكل واحد حصلت منه ومن مرته وولاده عذاب شكل.. لين الله جاب حجي عباس ليها.. ومع انها كانت متأكده انها بتتعذب وياه بعد من بخله وجلافته .. بس قالت يستر عليها احسن ليها من هالمذله بين اهلها...

سالت الدمعه على خد ام عادل وبصوت مبحوح:
ــ ياحجي .. انت تخاف ربك ومصلي وصايم. و زاير بيت الله.... داخله عليك بالله ومحمد وعلي خليني اشوف ضناي وينا راح حرام اخليه في هالبرد والمطر..
حجي عباس حزت في نفسه كلمة ضناي .. وتذكر حالته الميئوس منها ,, وبكبرياء ..
ــ ذلفي دوريه لا بارك الله لا فيش ولا فيه..
ولبست ام عادل عباتها وخذت كيس كبير غطت فيه راسها وطلعت..

واول محاطت التدوير كانت بيت ابو علي .. تدري به هو يحب ابو علي وليلى اكيد راح ليهم.. وصلت عند باب بيت ابو علي وهي مستحيه .. الساعه قريب توصل 1 الفجر .. والفريق صخه هدوووء ولا حس .. انتبهت للنافذه لقتها مضويه.. تشجعت وقالت قاعدين عفر .. وطقت باب الحديد...

صوت باب الحديد وهو ينطق شلع قلب ام علي شلاع .. قامت تركض وقامت وراها ليلى..
كانت تفكر هذا ولدها علي ..
ــ مييين...
ــ قواش الله ام علي ..
ام علي عرفتها من صوتها .. وخابت امالها .. بنفس الوقت اختلعت.. وفتحت الباب ليها..
ـــ الله يقويش ام عادل .. حياش ..تفضلي
ام عادل مستحيه:
ــ زاد فضلش وحياش ربي .. لا .. خيتي مره فانيه مستعجله الحين .. ادور عادل.. ما جى ليكم..؟؟؟
ام علي مستغربه: ــ لأ ولا شفناه.. خير ان شالله
ام عادل ودموعها تصب : ــ انحاش من البيت ولا ادري وينا راح قلت عفر جى ليكم.. اسمحي لي عاد .. ازعجتكم... باروح ادوره في مكان فاني .. مع السلامه..
ــ الله يكون بعونش.. ومسامحه غناتي حنا قاعدين عادي.. حياش الله..
وسكرت الباب.. وهي تدعي ليها بطولة البال والهدايه لولدها...

ام عادل صارت تكمل تدوير .. راحت جهة البقاله اللي كل يروح ليها..
راحت الميدان (( براحه كبيره يلعبو فيها الصبيان ))
ما حصلته.. اخيرا خطر على بالها صندقة حميد.. وصارت تمشي ليها..

سجاد قعد من نومه .. مختلع وصار يصيح.. نزل من سريره وصار يزحف عطشان يبغى ماي...
ابوه دوامه آخر ليل.. وامه كانت قاعده على كرسي جنب النافذه,, وتقرأ قرآن..
سمعته وهو يصيح.. وقامت والتفت وراها .. وراحت له تركض ..
ــ امي بسم الله عليك..
ــ اماه ,,انا خايف ..
ــ لا تخاف امي اني وياك...
ــ حلمت حلمه تخوف ...
صارت امل تمسح على راس ولدها وتصلي على محمد وآل محمد..
ــ اعوذ بالله من بليس .. بسم الله على عمرك..
وعلى طول دفعت دافعة بلا..
متعوده على سجاد ,, اغلب الأوقات يفزع من نومه .. يحلم احلام غريبه ويقعد مختلع وكل ينساها..
حملته .. وشربته ماي بترجعه سريره ما رضى ..
ــ اماه مافيني نوم.. بنتظر ابوي يرجع من العمل..
ــ امي نام الحين وبكره الصبح اذا قعدت بتشوفه..
ــ مااافيني اماااه. .. عااد,, بقعد وياش جنب النافذه,, باشوف المطرر..
خذته وقعدته في حضنها.. وصارت تقرأ في القرآن.. وشوي صارت برقه قويه وتبعتها رعده اقوى ..
وصرخ سجاد مختلع..
امل : ــ بسم الله على عمرك الرحمن الرحيم..
سجاد ينخش في حضن امه :
ــ يخووف امااه.. متى يوقف المطرر مابغاااه..
ــ هههههههه لا تخاف امي.. ولويه تبغاه يوقف .. المطر خير من الله .. ويجيب الخير..
ــ وااايد يطيح ..
ــ ايه ياولدي الحمدلله.. تعال باعلمك.. تبغى الله يحبك ويصير عندك اعمال زينه وااايد و تدخلك الجنه ان شالله..
سجاد فتح عيونه و ابتسم بحماس : ــ ايييه
امل : ــ ياغناتي هالولد.. اذا طاح المطر .. اقرأ سورة الطارق تصير لك حسنات بعدد ماي المطر ..
ــ مااعرف سورة الطارق..
ــ يللا بقراها وياك.. بسم الله الرحمن الرحيم....
وصارت امل تقرأ سورة الطارق وسجاد يردد وراها..

علا تتقلب على سريرها تحاول تنام.. النوم مجافيها.. تحس بملل شديد مهي عارفه ويش تسوي.. رنت رنه على خالتها امل..
سجاد سمع النغمه..
ــ هاااذي خالتي علااا << يسميها خالتي بحكم انها كل ويا امه..
امل : ــ ههههههه فديتك عرفتها من النغمه..
واتصلت فيها..
علا : ــ اهلين .. عسى مو نايمه..؟؟
ــ لا قاعدين في هالمطر .. نقرأ سورة الطارق..
ــ صح ذكرتيني اقراها.. جزاش الله خير..
ــ ويجزاش ان شالله.. ممم.. لويه مانمتي للحين..
ــ ضايق بالي ..
ــ من ويه؟؟ خير ان شالله؟؟
علا وشوي تصيح:
ــ من مالكوه..
ــ ياعلي وهذا بالش ما يضيق الا منه.. ويش مسوي هالمره..
ــ تخيلي يبغى 2000 ريال
ــ لويه يبغاهم..؟؟؟ وويش فيها لو طلبهم..!!
ــ يبغاهم حق عشا لأربعة انفار .. ويشو ويش فيها .. راتب واحد على قد حاله يكرف ليل ونهار يجي هذا يصرفه في عشا.. وهو مقضي فلوسه سرف وسهر في هالمزارع على شلة هالخمه اللي وياه.. ما يحس بالنعمه ولا يقدر ..
امل ابتسمت : ــ اللي يعجبني فيش ياغناتي تفكيرش الناضج. رحمة الله عليش يا اختي خلفتي وما متي .. امش الخالق الناطق قلبا وقالبا,,. الله يهدي اخوش ويغير حاله ويصبرش .. طنشي فديتش منتين مستفيده شي من حرقة هالأعصاب ,, ابوش وبيعطيه معروفه.. وسميروه ما بتقصر لا بتنصحه ولا شي .. ويش لش بحرقة القلب..
ــ بيخترب كذا..
ــ وويش بيدش تسوي .. الله يعين اللي بتاخذه ويا بخت اللي بياخذش
ــ ههههههههه عكستي .. يابخت اللي بياخذها .. والله يعين اللي بياخذني ,,
ــ ياعلي لويه هالقول..
ــ سوي روحش ما تدري ..
ــ ياعلي عليش .. داريه فديتش .. داريه ابوش رفض 3 متقدمين لش للحين والحجه مو على مستواكم المادي.. واخوش داريه نص بنات الديره يتحلمو به.. بس الله اللي يكتب النصيب ويقدره ويش راح يكون.. اخزي بليس ونامي بس .. وخلش من مالكوه وسوالف مالكوه..
ــ ان شالله..
ــ ايه باقول لش.. باقي اسبوع على عرس حماتي جمانه .. شكلي باكلم مالكوه بكره يطلعنا السوق بخلص كم حاجه.. و بنمر للخياطه ام علي باشوف ثوبي خلص لو لا..
ــ منهي دي ام علي..؟؟
ــ ما تعرفيهم؟؟ في الفريق الشمالي قريب البحر بيت حسن الـ ..
ــ ممممم مادري كأنه مر علي هاللقب..
ــ بكره اروح وياش .. تصدقي عندها بنات في عمرش الكبيره قدش وزي العسل اخلاق . اسمها ليلى,, نروح بكره اشوف ثوبي وشوفيهم..
ــ هههههههههههه
ــ على ويه تضحكي..!!
ــ حشا بنروح نخطب مو نشوف ثوب ..
ــ ههههههههههههه غربل الله شرش ..
ــ ماني استحي ..
ــ لا تستحي ولا شي ,, غيري جو عن هالكتمه اللي عايشتنها..
ــ زين .. تسلمي غناتي من اكلمش يتغير حالي الله لا يحرمني منش ..
ــ ولا يحرمني منش ,, يللا استهدي بالله وصلي على محمد ونامي..
ــ ان شالله ,, مع السلامه
ــ الله يسلمش..

حطت جوالها عالطاوله وتلحفت بغطاها .. وصارت تحاول تتذكر هالأسم ..
ليلى حسن الـ....
تحسه مر عليها ايام ابتدائي او متوسط بس مهي ذاكره...
ونامت وهي تحاول تتذكر..

تابع>>

Princess

07-06-2008, 03:08 AM

وصلت ام عادل صندقة حميد.. وطقت بابها..
حميد هالمره ما انصرع توقع ان اللي جاي ام عادل .. قام وفتح ليها الباب..
ــ قواك الله ياخوي .. عادل هنا..
ــ ايه هنا.. عادل تعال هذي امك..
طلع ليها عادل ..
ــ مااانى رررااجع وووياااش .. عببباااسسسوه يطققنني..
ــ نام الحين ياولدي .. من زمان نام ما بيطقك.. امش نعود البيت..
ــ نننااام .. ان زين.. مع السلااامه حميد
ابتسم حميد: ــ الله يسلمك...
ام عادل : ــ عطاك الله العافيه ياخوي ماقصرت تسلم..
حميد : ــ حاضرين ويش دعوه ماسوينا شي..
المطر خف عن قبل ...
علي : ــ خيه ام عادل انتظري اوصلكم برجع البيت..
ــ لا ماله داعي لانكلف عليك..
ــ ويش دعوه بنفس الطريق تعبتي انتين مشوار وانتين تمشي .. .. حياكم..
ركبو وياه السياره.. ركب عادل قدام .. وصار يحوس .. امه عصبت فيه وقالت له يركب وياها ورى لا يأذي علي و يشتته وهو يسوق..
ووصلهم ورجع البيت...
ولما فتح الباب... قامت ام علي تركض :
ــ ويلي يااااولدي ..
وصياح...
علي : ــ ويش فيش اماه..؟؟
ليلى : ــ ويش فيها بعد ... تحاتيك..
علي يبوس راس امه..
ــ اماه ماعلي الا العافيه.. المطر زي ما انتين شايفتنه قوي وخفت اطلع بالسياره و تخترب وانا امشي شوي شوي .. انتظرته يخف حق اسرع اكثر في هالنقعات اللي صارت بهالطرقات لا تطفي علي السياره..
ليلى : ــ قايلين لش على حساب السياره والمطر الا تحاتي وتتعبي عمرش ..
ريم طلعت من الغرفه : ــ هاااااااا .. رجعت عليو..
علي : ــ عليو في عينش اصغر ولادش انا عليو.. وبعدين يا قليلة الأدب والمستحى .. تطلعي قدام عادلوه المينون بلا غطى لويه..
ريم وهي ترول في شعرها بصبعها : ــ والله قلتها مينون حق ويه اتغطى ماعليه حرج..
علي عصب : ــ ماعليه حرج.. شوي ويوصفش بالكامل قدام حميد...
ريما بمسخره : ــ ههههههههه ويع مادور الا قدام حميد يوصفني..
علي فتح عيونه .. وليلى صارت تطلع في ريما..
ام علي : ــ قلالة حيا ..
علي : ــ لا انا اللي باراويها دي.. هدوني عليها...
ريما : ــ ييييييمااااااااااه...
وتهرب الغرفه وتقفل عليها الباب...
وراحت ليلى تحط لأخوها عشى..
علي : ــ مابغى عشى تعبان ابغى انام... باروح اسبح وبنخمد..
وراح المطبخ بيشرب ماي ... وشاف براد السمك منقلب ..
ــ حق ويه دا مقلوب ..؟؟؟
ام علي وليلى في نفس الوقت :
ــ لااااااااااااا
علي انصرع : ــ ووووويش صااااااااير؟؟؟
وعلموه بالسالفه..
علي : ــ أه أه أه أه فاااااااار في برااادي .. ويش خانته هالبرااااد انا لله .... هذا الخوفه الحين ما تفيد فيه ولا غرشة كلوركس كامله.. اخاف احط فيه السمش تالي ,,, ويتسممو العالم.. انا لله ... ومن متى وهالمنتحس منحبس ؟؟
ليلى : ــ هههههههه من دي ساعه تقريبا ..
علي يصفق كفوفه ويا بعض : ــ ايه بكره الصبح بتطلع روحه.. بيختنق .. حزتها ترحمو عليه واقرو له الفاتحه ..

ودخل الحمام يسبح... وهو يفرك جسمه مع ريحة الصابون تذكر حميد وحركة عادل وياه على ريحته .. وصار يضحك...

بالمقابل حميد لما حس المطر يخف ,,, حمل وزاره وفوطته و شامبوه وصابونته وطلع الساحل ونزل البحر يطامس فيه... هو يتفرك وهو يضرب فكر على روحه ويضحك:
ــ انا ويش خانتي ملولح من ماي هالبحر .. مادري منهي طايحة الحظ,, اللي تبغاني .. هههههههههه ربك كريم يا حميدوووه ربك كررريم... اخلص بس وراك شغل...

الدنيا كلها هدوووء.. الكل نام واستقر له البال.. الا مالك.. هايت برى البيت.. سميرة انتظرته لين تعبت .. وقامت نامت ومقرره يوم ثاني تهزأه.. بس كالعاده هي تهزأ وهو يستظرف ويضحك ويتعذر بأعذار ما تخلص .. لين يضحكها غصب ويخليها تنسى...

وفي جلسه مع الصبيان... في مزرعه من المزارع .. وبداخل الأستراحه.. طق العود قايم والرقص والتصفيق .. شلة شباب صايعين وبينهم مالك.. طبعا مخليين مالك رئيسهم لأن اكثر واحد غني فيهم... لاعبين عليه ... مسؤول عن اكلهم وشربهم ووناستهم .. يحس روحه بهالطريقه مسيطر عليهم.. وهو العكس خسران وهم المستفيدين..
وبين ما اللعب قايم عندهم على اصول ...
طفت كهربة الأستراحه...

الى الملتقى..

للدموع إحساس

07-06-2008, 03:46 AM

صبـــــــــــــــــــــــــــــــــــاح الخير ..
أمور يا الـ غلا ..
كل يوم تحمسينا وتوقفي حرام <شكلي بصيح خخخخخ
يعطيكـ العافيهـ غناتي ..
روعهـ عن جد .. تحممممممس ..
ما فيني صبر .. ويش بيصير في المزرعهـ < الله يستر السالفهـ فيها كهرباء ..
اللهـ يحفظنا و ياكم من الشر والبلا ..
بـ الأنتظار على أحر من الجمر ..
لكن ،، < الوصيهـ المعتاده ..
رحم الله و الدينا والديش .. لا تطولي خيهـ ..
و عساكـ عاالقوة ..
ســــــــــــــــــــــــلاااام ..
للدموع إحساس ..

المستحييل

07-06-2008, 04:07 AM

خطيييييييييييييييييييييييييييييييييييييييييييييييي يييييييييييييييييييييييييييره روعه يعطيك الف عافيه..

الأمل البعيد

07-06-2008, 01:52 PM

ههههههههه اما عادل ده داهية مو مينوون ..
سوالفه تمووت ضحك ولاعااد بيوصف ريمووه الدبه >>> عايشة الأجواء معاهم :toung:
علووه انقهر وكفخــه >> خووش :amuse:
ياربي لين بكره مافي امل اصبر
بس هالمرة الجزء طوييل وحلوووو ..
كل مرة كذا زين :wink:
في الإنتظار
تحياتي

Hussain.T

07-06-2008, 02:25 PM

WoOoW

جدا جدا رائعة واكثر من رائعة

انتظر البقية

دمعة على السطور

07-06-2008, 03:50 PM

ياعلي أمورة مرررررررررررررررره حليوة مررررررررررررررررره
الأحداث زادت حماس
أني توقعت إن ليلى درست ويا علا في الجامعة..
بس يمكن ليلى ماكملت دراسة..
عشان كذا قالت علا إنها كأنها تذكرها في ابتدائي أو متوسط..

ياالله متى تروح وتشوفها...اتوقع يصيروا صديقات يمكن؟؟؟

بصراحة أميرة ابدعتي ماشاء الله عليك
اللهم صلي وسلم على محمد وآل محمد وعجل فرجهم وفرجنا بهم ياكريم..

ياعلي ولاعاد عادل موتني من الضحك. ههههههههههههههههههههههههههه
الله يعقله
ترى صدقت وعشت وياهم..

ههههههههه
ياالله ننتظر البارت الجديد بكل حمااااااااااااااااااااااااااااااااااااس
نلتقي على خير إن شاء الله..

موفقة إن شاء الله تعالى..
..دمتي بعين المولى الجليل..

آخر شقآوهـ ..~

07-06-2008, 04:30 PM

ههههههههههههههههههههههههههههه..
تخيلت عآدل وعلي وهم يتشابقوو <<<زي شباقي اني واخويي هع
وريمووه ام لسانين ماتستحييي
..
..
أحم.. اني اتوقع<<عدنا مع التوقعات..
لما إنطفت الكهرباء كل واحد قام يصارخ ويصاقعو في بعض وشووووووووي يسمعو صوت ....<<بس مابقول صوت ويش
تسلمين حياتو ع الجزء
جااري الانتظار

أميرة باحساسي

07-06-2008, 04:39 PM

ولك يسلمووووووووو اموووووووووورة ...
احدااااااااث عن جـــــــد رووووووووووووعه .. الواااحد يعيشها لحظة بلحظــة .
تسلمي خيتووو ...... ننتظر البقيــة بفااااااااارغ الصبر .. يعني لا تطووولي علينا .
تحياااااااتي .

*زهرة البنفسج*

07-06-2008, 05:11 PM

بسمه تعالي

قصة روعة والأحداث ولا اروع

والله ليلي وعلا شكلهمم بصيرو صديقات

ننتظر الأحداث الجديدة

اسير الهوى

07-06-2008, 06:47 PM

الله يعطيش االعافية خية

عاد انا من قبل كم يوم اقول وش فيها اميرة من زمان ماحطة لينا قصة هههه

يالله هذا بتعود ايام السهرة بالمكتب عشان نقراها اناس كلهم يروحو غرفهم وانا بالمكتب اتابع الاحداث هههه

مشكورة ماقصرتي ويعطيك الف عافية

وتسلم الايادي..

واحد فاضي

07-06-2008, 08:32 PM

يعطيش العافيه خيتي

ويسلم هالديات يااااااااارب

ما شاء الله عليش

مبدعة دائماً

فمان الله

أمل الظهور

07-06-2008, 10:15 PM

مراااحب

بااااااااااين عليها خوش روايه تنضم لبناتك الحلوات :amuse:

جذبتني من البدايه وتحمست لها :bigsmile:

ريموه حتى عادلوه ماسلم من نحاستها الله يستر منها

مسكين علي الله يعوض عليه براده ماخلاه له هالفار الله ينتقم منه :weird:

ننتظر الجديد امروشه:cool:

fatemah

07-06-2008, 11:26 PM

بسمهـ تعالى
السلامـ عليكم ورحمة الله وبركاته
تسلمي خية اميرة جزئين رائعين جدا تسلم ايدك ويسلم لنا قلمك المبدع وبنتظار بقية الاجزاء لاعدمنا جديد ابداعك الحلو
..}{..تحيـــــــــــــاتيـ..}{..

Princess

07-07-2008, 02:34 AM

مرحبا
و ياهلا وغلا بالجميع..
اعضاء يسجلو ردودوهم وارائهم... مشكورين غاليين وما تقصرو...
ومتابعين من خلف الكواليس .. اقول افاا ما نستاهلكم ؟؟؟
منورين لا عدمت هالنور...
تسلمو والله على هالتواصل .. على الأستفقاده..
واني ما ببخل عليكم كلما جى على بالي اي شي جديد..
دعاكم بس .. هذا اللي اتمناه...

تفضلو الجديد...

Princess

07-07-2008, 02:35 AM

الحلقة 3..

وبين ما اللعب قايم عندهم على اصول ...
طفت كهربة الأستراحه...

الشباب انصرعو اول مره تصير هالحركه وياهم.. كل واحد فيهم طلع جواله وصار يضوي به المكان وازعاج قايم..
شوي وقف واحد اسمه ناصر .. صديق مالك المقرب وكانت هذي مزرعتهم ..
ــ ياشباب هدوووء ... و خلنا نتصرف ... بطلع اشوف العداد الظاهر صار ضغط وطفى ..
ومشى يهتدي بنور جواله الأستراحه كبيره و مشوار لين يوصل للباب بالنسبه لمكان قعدتهم...
وصل للباب كان مسكر .. عن المطر ... آخر واحد جى ليهم مالك جاهم والمطر يطيح .. حاول ناصر يفتحه ووقف محله منصرع..
ونادى :
ــ ياشبااااب البااب مقفل !!!!!
جو له يركضو .. ووويش صاااير...
ناصر : ــ جاسم .. المفتاااح كان في الباب جية مالك اخر شي .؟؟ صح لو لا!!
جاسم : ــ ايه صح..
جاسم .. كان شاب على قد حاله.. يجي ويسهر وياهم.. وكانو يستخفو به لمشاويرهم و يخلوه يسوي ليهم المعسل والشاي .. عمره 19 سنه.. يموت في قعدتهم و وناستهم وناصر مخلنه وياهم مقابل خدماته... ولد حجي عبدالرحيم ..اخو ام علي ...,, شايب فقير يشتغل في هالمزرعه ..,, ماكان ابو جاسم عاجبنه الوضع,, وكل يوم و الثاني كل يهدر عليه وعلى خيابته .. من تخرج من الثانويه بنسبه زفت .. وهو عطالي بطالي ...

الشباب طالعو في مالك ..
واحد منهم : ــ اقول يا خوك.. بلا مزح ويانا وين المفتاح..؟؟؟
مالك بنبرة استياء : ــ ما اخذته...
كان بينهم واحد ما يشتهيه مالك دم ضرووسه ولاااا يطيقه... مع انه كان صديقه في الطفوله .. بس صداقتهم انتهت لظروف ..
....و اسمه شريف, , وكان هو الآخر من عيله غنيه وابوه رجال معروف بين الناس بحسن سيرته واخلاقه ومساهماته في الجمعيات الخيريه وغيرها من الأمور في ديرته..

شريف : ــ لوو سمحت اذا عندك المفتاح ,,, عن هالمزح وخلصنا خلنا بنتصرف ويا هالظلمه..
مالك جت له ضحكه وبأسلوب سخرية :
ــ ليش يا جبان ؟؟ تخاف!!
شريف بأستياء: ــ مو مسألة اخاف .. بس مزحك البايخ هذا هون عنه..

كان مالك مشهور بمقالبه اللي اغلبها سخيفه وترفع الضغط ويا الشباب .. بس كانو يتحملوه لمصالحهم.. بعكس شريف مزحه خفيف ووناسه و حباب والشباب دايما يتجمعو حوله وسوالف وياه..

ناصر : ــ بس انت وياه .. مالك من جى انا فتحت الباب وانا سكرته و قعد جنبي ولا قام,,,
شريف : ــ طيب ما عندك يا ناصر نسخه من مفتاح الأستراحه ..
ناصر : ــ صح عندي
طلعه وحاول يفتح الباب بس الظاهر المفتاح من برى مصعب المسأله
ــ افففففففففففف الله يلعن اللي سوى هالفعله.... المفتاااااح بررررررى يعني مو مقلب مثل ما كنتو تتخيلو..
مالك تكتف وصار ينفخ:
ــ ايه .. بعض الناس دايم شكاكين و ظنانين .. الله يعينهم على انفسهم..
شريف سكت عنه..
شوي الا يسمعو صوت انذار سيارة مالك طلع مفاتيحه وصرخ
ــ سيااااااااارتي واحد يعبث فيها برررررى...
الشباب انصرعو..
ناصر صار يكافخ في الباب :
ــ هذاا حرااامي .. قفل علينا الباب وراح للسيايير يبووقهم.. يااالله
طاخ طاااااااخ طااااخ
لين انشلخت رجوله كان الباب حديد .. وقعد عالأرض ..
شريف يهدي فيه..
واحد من الشباب:
ــ يعني ميييييين يكون ؟؟؟ ماغير اللي قفل علينا الباب نفسه اللي يبوق السيارات الحين... شوفو مين النااقص فينا..؟؟

الأستراحه كبيره.. والشباب وايد... واحيانا يجو شباب من ديره ثانيه ما يعرفوهم.. يكون احد من شباب الديره عازمنهم.. وفلان يجيب فلان.. والجلسه حلوه وعامره ولا احد يدري بأحد..
ناصر يضرب كف بكف ..
ــ قعدو عاد الحين,, تشلحت سياراتنا تشليح..
مالك مو متهم ذاك الزود,, يعني ويش بيشلح منها.. ؟؟ راديو!!
ام بي ثري !!
دي في دي !!
مو مهم!!
كل هذا بيعوضه...!!
وبعد حوالي ربع ساعه والأزعاج قايم.. شريف جت في باله فكره غابت عن بالهم كلهم..
فتح النافذه وشال الشبك اللي فيها.. وصار يضحك ويضحك:
ــ صحييييييح قواطي كل ابونا... انحلت المشكله..
وجى بينط من النافذه ما مداه ناصر بيصرخ ينبهه...
الا بصرخة شريف..
ــ ووووووووووووووويع
ناصر ماقدر صار يضحك يضحك.. وطل من النافذه لقى شريف مفهي ورجوله غايصه في ضلع ماي صغير مليان طين وسماد .. وكان قريب من احواض زراعه...
شريف يطلع رجوله بلا نعال ويرفعها فوق للرمل ..
ناصر يضوي بجواله لشريف حق يشوف ...و خلاص انسدح عالنافذه من الضحك.:
ــ ويييين نعالك ؟؟؟
شريف يضحك وهو منقهر : ــ غررق ..
ــ ههههههههههههه ما مداني باقول لك انتبه من الضلع على طول طبيت ..
ــ هههههههه ويش دراني..
مالك بلقافه يستظرف :
ــ اف كفرك غرق ..هيهي الله يعينك يا شرشوفه
شريف بقهر : ــ كفري .. وجهك.. قالو لك سياره انا..و شرشوفه في عينك...

وطلع من الضلع والطين موصل للركب .. وفتح جواله حق يضوي له لا يطيح بعد في مكان ثاني .. ووصل للباب وفتحه ..
وطلع ناصر بسرعه للعداد .. وشغل الكهرب ..
وراحو الشباب يتراكضو لسياراتهم .. كلهم انباقت راديواتهم و كل حاجه في داخل السياره ليها قيمه..
وسيارة مالك كانت المصيبه.. انباقت كفراتها .. كان مركب جنوط غاليين بالمره .. وصاير شكل سيارته البي ام .. وهي بدون كفرات تحفه..
بس من داخل ماقدرو لأنه مركب قفل امان ومن رن الأنذار اختلعو وخلوها ...
ناصر وقف جنب مالك.. مالك كان ساكت..
شريف فيه ضحكه صار يضحك وهو يداريها.. وفي باله ..
ــ اجل كفري غرق هههههههههههههه استغفر الله
مالك مفهي .. ناصر يواسيه:
ــ خيرها بغيرها ياخوك .. الحين اوصلك البيت وبكره نجيب ونش يوديها الورشه و يركبو ليها جديدين ..
ويطق ظهر مالك : ــ قدها وقدود يابو الشباب
مالك يسوي روحه مو متهم : ــ ايه على قولتك...
وهو من داخله مقهور الجنط الواحد كلفه ذاك السعر و يالله عمته رضت تقنع ابوه يركبهم له...
شريف يعد السيارات :
ــ يصقعه هالحرامي ... شلح 13 سياره ,, من حظ اللي ما جو بسياراتهم خخخ و تعاسة حظ اللي جابوهم.. ولااا كلهم باقهم على ضوا بس قفل علينا الباب .. شكله يوم شاف جنوط سيارتك يامالك طفى علينا العداد
مالك بسخريه وقهر:
ــ تفلسف بس تفلسف .. الله عاد تسوي حالك تدري ... لويه ما باقهم كلهم لما طفى العداد..
شريف بتحدي : ــ مااايقدر 13 سياره حشا ,, بيفتح المقفولين وبيفك وحده وحده..
ويوم وصلو لسيارتك وشاف الجنوط قال يبوقهم بس خاف يصير ازعاج خصوصا ان سيارتك اقرب وحده للأستراحه.. قام طفى العداد علينا على شان نلتهي بالظلمه وبأزعاجنا...
مالك : ــ اف اف .. خبرررره .. لا يكون مخاوي الحرامي بس
شريف حمق : ــ خاواك بليس ..
ناصر : ــ يااااربيي,, خلاص انت وياه,, هدو واخزو بليس بلى شباق لينا ... يمكن الحراميه اكثر من واحد.. ماعلينا يللا كل واحد على بيته... في امان الكريم .. حياكم ..
كل واحد ركب سيارته .. وانطلق الى بيته...

تابع>>

Princess

07-07-2008, 02:37 AM

قريب يأذن اذان الفجر باقي عليه ربع ساعه.. وعلا ماغمض ليها جفن.. طلعت برى تشوف الوضع .. وتشوف اخوها رجع لو لا .. الا بدخلته البيت..
علا من فوق الدرج : ــ هاااا وصلت !!
مالك انصرع ورفع راسه : ــ بسم الله على عمري .. جنيه ... ما تعرفي تكحي؟؟ تسوي صوت وانتين تمشي خلعتيييييني ...
علا ببرود : ــ ايه زين.. لويه مختلع كنك حرامي..؟؟؟
مالك : ــ حرامي .. حرامي ..,, اهوو بس مادريتي ..؟؟
علا تتثاوب : ــ لا ويش دراني..
ــ باقو سيارتي
علا فتحت عيونها.. ونزلت تركض ..
ــ يابرودك.. ويش باقو؟؟
ــ على حساب بيبوقو الراديو والدي في دي و الأم بي ثري بس مامداهم..
اووف وجوازي بعد في صندوق السياره ههههههههههه ما مداهم لكن..
علا منصرعه : ــ ويش تهلوووس وويش ما مداهم...
علمها مالك بالسالفه :
ــ وآخر شي يتفلسف لي اللي ما يتسمى ويسوي روحه خبير تقولي هو الحرامي..
علا بأستنكار : ــ مين ؟؟
ــ شريفوو..
علا .. تميل لشريف .. تذكره من ايام طفولتهم.. هو وحيد امه وابوه..
كان ابوها شريك ابوه في مشاريع.. وكل ويا بعض .. وياما سافرو وطلعو وراحو وجو..
من ايام الطفوله ومالك يلعب ويا شريف واذا ضرب مالك علا .. شريف كان يدافع عنها.. ويشتري ليها حلويات و العاب... كان حب الطفوله البريء ..
كبرت علا .. وكبر شريف . وتغطت علا عنه...
وبدت المشاكل بين ابو شريف و ابو مالك....مشاكل ماليه في الشركه ابو مالك حمّل ابو شريف مسؤوليتها.. في الخساره لأنه السبب في الأقتراح.. وطالبه بنصيبه فيها وفض الشراكه...
غير ان ابو شريف تحرى عن مصادر بعض الفلوس اللي يساهم فيها ابو مالك وياه.. ولقى بعضهم فعلا من الحرام .. اراضي اغتصبها من اصحابها .. ومن غش في بعض المعاملات ..
فلما جت من ابو مالك طلب فض الشراكه على طول وافقه...
كان متيقن هالخساره من اكل مال الناس بالباطل .. فما يبغى يعيش وياه في الحرام ويختلط حلاله بحرام شريكه ..ولما جت منه .. تقاسمو الشركه ..
وفوق هذا كله.. ابو مالك بغى يسوي مشاكل تودي ابو شريف للمحاكم .. يطالبه بحقه مع انه عطاه حقه بالكامل .. !!

هالشي دفع ابو شريف لأعطاء ابو مالك زياده ولو كان فيها اضرار وخساره من جيبه...
وحسافه .. اكتشف ابو شريف ان هالصحبه كانت ماديات ومصالح....
رجع يشتغل بالقوه في نصيبه.. ومع كل ربح وربح ما ينسى حق الله في ماله..
الله بارك فيه ورزقه .. ووسع عليه و اعطاه من نعيمه كل خير..

كذلك ابو مالك.. تجاراته كانت اغلبها خارج البلد... لدرجة ناس بدت تتكلم عليه وتقول انه اكيد متزوج له وحده من برى ... وعايش اغلب اوقاته وياها..

علا سرحت مع طاري شريف وما عادت تسمع مالك ويش يقول...
مالك يمد كف ايده قدامها ويلوح يمين وشمال:
ــ هيه هيه.. قومي بس اذن .. اللي ماخذ عقلش..
علا صارت تداري : ــ سرحت افكر بسيارتك ويش خانتها الحين بدون كفرات .؟؟؟ ويش بتسوي الحين..؟؟؟
مالك رفع حاجب وحاجب : ــ في سيارتي !! اتوقع قلت لش ويش باسوي بكره فيها !! بس صدق اللي ماخذ عقلش !!
علا سكتت عنه وقامت تمسحت وراحت غرفتها .. صلت ونامت....

ومن صباحة الله خير...حجي عبدالرحيم ( ابو جاسم ) في حوش بيتهم ...ما ينسمع الا صوت القدو.. كرررررر .. كررررر...
ــ كحح كح كح .. آآه .. كححححح كححح كححح .....
ام جاسم طلعت من المطبخ بتشيل تبسي فطور حجي عبدالرحيم ويدور عليها وينفخ الدخان .. ويصير يكح..
ام جاسم : ــ ايييييهيييي .. اف وع وع... وصااااقعه..
ابو جاسم : ــ تصقعش .. هذا بدل لا تقولي لي صحه وعافيه ...
>>> دايم يتعيلفو في بعض ما يعيشو الا كذا .. بس ويش حلاوتهم .. تعيلف مزح ..
ام جاسم : ــ .. صحه !!! عافيه..!!!.,, أي صحه واي عافيه...
ويلي منك .. من هالقدو... قايله لك وايد عليك .. تشرب فيه وانت شايب منت قادر تتنفس وتالي كرف في هالزراعه .. وينا الله يجيب الصحه هااا؟؟؟ من وينااا ؟؟ وانت من هالصبح بعد فطورك تحلي به !!
ابو جاسم يشيل قلم القدو ويدف به ام جاسم وهو يضحك:
ــ اهوو عني يا ضبيعه سكتي بس قالت شايب قالت...
ويعدل غترته ويطالعها على جنب:
ــ ماتدري وانا رايح الزراعه... يتحدفو علي البنات .,,
ويحرك حواجبه : ــ بس ما اعطيهم وجه..
ام جاسم غطت وجهها بمشمرها وصارت تضحك وتسخر : ــ يعووه .. ههههههه,,, ويش يبغو فيك ياحسره..!!
ابو جاسم : ــ ههههههههههه حسبي الله عليش من مره.. الا وين جاسموه ولدش ابغاه يعاوني يشيل وياي السحاحير ينفعونا بالزراعه...
ام جاسم بخوف: ــ مادري به .. من البارحه ماشفت رقعته.. وللحين سريره على حطته..
ابو جاسم يضرب فخذه بقهر : ــ حسبي الله عليك من ولد .. انا ما بيدبحني هالقدو .. بيجلطني ملعون هالوالدين جاسموه.. وين ذالف .. وينا يطس وينااام.. جعله حريقه...
ام جاسم خافت : ــ هدي بالك .. وان شالله مافي الا الخير ..
ــ أي خير ويا ولدش .. صايع .. ضايع.. عطالي بطالي .. انا سهرته اخر الليل ويا هالشله ما تعجبني .. بدل لا يدور له شغله ينفع عمره بها.. اف من هالصبيان ومن دا زمن...

شوي الا بقعدة زينب .. اخت جاسم الكبيره .. قد ليلى وكل وياها ...
ــ صباح الخير ..
ام جاسم : ــ صباح النور .. هلا امي ..
زينب تسأل امها بصمت ..؟؟؟ ويش صاير وويش فيه ابوي ؟؟؟
ابوها ياخذ اخر مزة قدو .. حس عليها ..
ــ كححح كح ويش فيني بعد غير اخوش نحسوه جاسموه اللي بيدبحني ..
زينب سكتت وراحت المطبخ..
ام جاسم مهي داريه ويش تقول .. شالت التبسي ووراها..
ابو جاسم محمق : ــ ايه هذا اللي اخذه منكم.. صمٌ بكمٌ .. اقوم بس ..
قام ولايم اللي يقدر عليه من السحاحير .. وهو طالع طاحت وحده على رجوله..
ورمى اللي في ايده من العوار :
ــ آآآه وخنااااااااقه تخنق جاسموووووووه...
جت زينب تركض لأبوها.. لقت ابهام رجوله متورم ... جابت خلقه وثلجه ..
ــ ما يحتاج باضغط عليه وخلاص .. شيلي شيلي .. كان تعرفي تحطي فلج في قلبي تبردي عليه عن حرته حطي ..
زينب ساكته .. ومهي داريه ويش تقول ..
وصارت تلم السحارات لأبوها وجابت حبل وربطتهم به وعطتهم اياه..
ابو جاسم ابتسم : ــ استر الله عليش .. عساني افرح فيش يابتي .. اااخ من هالزمن اللي البت فيه تعين وتعاون والولد ما لينا به عازه...

وطلع من البيت..
تابع>>

Princess

07-07-2008, 02:39 AM

زينب راحت لأمها كانت تطبخ الغدا وناقعه ساقو في صفريه:
ــ اماااه اليوم باروح بيت خالي ..
ــ حق ويه..؟؟
ــ وحشتني ليلووه..
ــ متى بتروحي ..؟؟
ــ العصر ان شالله..
ــ ايه .. زين طلعتش ودي وياش هالساقو خالش وولد خالش يحبوه..
ــ ان شالله..

علي في المطبخ ,, ووراه امه وليلى.. واقفين قريب البراد.. قعد على ركبه .. وحط اذونه عليه يتصوخ في صوت لو لا ..
علي : ــ ياخوفي ارفع هالبراد ويطفر علينا..
ليلى : ــ وي وي اجل باوخر ...
ام علي : ــ لمتى نخليه يعني ..؟؟ اخاف مات وبكره تطلع ريحته علينا.. والله حاله...!!
علي صار يطق البراد بالقوه .. كان اذا الفار عايش يتحرك من الصوت..
لقاه مافيه حس..
ــ عفر مات..
ام علي .. باجيب كيس زباله كبير .. وشيله و ارميه..
علي :ــ والله لو اشتهي اخذته طعم للسمش .. عدل كبير يجيب لي خوش صيده..
ليلى : ــ وووويييي يماااه .. وييييع..
ــ هههههههههههه شدعوه ويش تاكل السمك.. كل شي لحم قدامها .. حنا نحط حراسين احيانا واحيانا قباقب لو قشور ربيان .. وعلى الله..
ام علي : ــ ويلي لا تلوع شبدي ها.. ان شالله بتقطعه بعد..؟؟
ــ هههههههههههه لا ويش رايكم اوديه الجزار
ام علي تضرب راس ولدها على خفيف من ورى :
ــ يعوه عليك .. الله يلوع شبدك..
ــ هههههههههههه انا داري .. مانى مشتهي اشيله الحين مو اقطعه بعد..
ويرفع البراد .. ويلاقيه فاطس ومنسدح...
ليلى برعب : ــ ماااات!!
علي يسخر : ــ لأ... الكاميرا الخفيه..
الا بقعدة ابو علي .. وجاي ليهم المطبخ..
ــ صبحكم الله بالخير .. ويش فيكم متجمعين.. ومين الكاميرا الخفيه..
ام علي : ــ هلا .. صبحك الله بالنور.. تشيه انت تدري بشي .. نمت البارحه نومة دجاج.. فار يا طويل العمر فار..
ــ هاا.. فار .. فار .. من وينا طالع..؟؟
ام علي بأستياء : ــ من ارض الله الواسعه من وينا بعد..؟؟
ــ عسى ما قروضكم..؟؟
ليلى : ــ هههههههههه لا لقيناه في المخزن,, اشوى ما قرض شي ..
ام علي بنبره هاديه ومتكسره: ــ اييييه ماقرض شي بس المطر ما قصر ..
ابو علي مو فاهم شي .. طلع من المطبخ : ــ ليلى جيبي لي الجدوع..
ــ ان شالله يبه..

علي يلبس الكيس في ايده ويشيل الفار ويقلب الكيس عليه ويربطه...
ويدور لأمه : ــ اف .. تمت العمليه. الفاتحه على روحه....
ليلى : ــ ههههههههه استغفر الله...
علي : ــ الا المطر ماقصر ؟؟ في ويش ؟؟؟!!
ام علي : ــ لا .. ولا شي ياولدي ... << خافت تقول لولدها من الصبح وتكدره مهو ناقص..
وراحت تحوس في غداهم..
قام علي وفتح درام مطبخهم بيرمي فيه الفار ...
وشاف اكياس الطحين على بعضها واصله لثلاث ارباع الدرام .. ومره طين صايرين من الماي...
علي وقف منذهل ..
ــ اماااه.. هادااويه !!!
ام علي شافته وهو فاتح الدرام .. سكتت شوي تالي قالت:
ــ الله كريم.. من ماي المطر ياولدي خر عليهم..
علي تنهد من قلب :
ــ ايه.. الله كريم..
رمى الفار في كيس الدرام الكبير .. ربطه وشاله بيطلعه برى الشارع.. الا بقعدة ريمو..
وتتثاوب حد ماعندها .. وتدخل المطبخ تلاقي البراد منقلب على ظهره..
ــ مااات؟؟؟
ام علي : ــ ايه الله لا يرده..
ريمو راحت تشرب ماي ..
ليلى : ــ خير اللهم اجعله خير .. الا قاعده من الصبح..
ريما تطالعها على جنب :ــ اففف توقعت منش هالكلام.... بشرب ماي ناشف حلقي.. مو قاعده برجع انام,,لا تختلعي ..
ليلى تحط الشاي في الماي المغلي ..
ــ ايه .. لا تعليق ..
ــ احسسسن..
ام علي : ــ ريما تعالي دام انش قعدتي نقي لي هالعدس .. شيلي منه الحصى و السوس..
ريما بملل وهي تحك راسها : ــ ماقعدت اني .. ماقعدت بعدني نايمه..
ام علي بقهر : ــ روحي . مامنش فايده.. فارقي ... عساني ما احلم بش ..
ليلى : ــ مره ثانيه باذكرش تحطي لش كاس ماي عند راسش على شان لا تطلعي..
ريما عطت ليلى نظره و راحت الغرفه.. وكفخت الباب..
ابو علي في الصاله ويا علي .. طفر من صفقة الباب ..
ــ هااادااويه اكيد ريموو..
علي : ــ ومين غيرها..!!
ــ الله يهديها..
ــ الا يبغى ليها تكسير راس شان تعقل ..
ــ هالله الله في اختك ياولدي .. باللين والكلام الطيب..
ــ يا يبه ما ينفع وياها دي لا لين ولا شده..
ليلى جابت الفطور ..
تفضلو...
علي : ــ مافي جبن؟؟
ليلى: ــ لأ...
ــ ولا بنات بتر ..!!
ليلى ابتسمت وفي عيونها حزن: ــ لأ...
ــ يعنوو .. وانا اشوفش امس واليوم حليب وصمول .. زين ..والدجاجتين وين بيضهم..؟؟؟
ليلى ابتسمت : ــ باسوي اليوم كيكه .. امس باضو بيضتين .. واليوم ثنتين...
علي ابتسم وقص الصموله وغمسها في الحلييب :
ــ كيكة ويه ياخيه ومافي طحين..
ليلى كتم وجهها و كشرت حواجبها وبأسى :
ــ صح.. نسيت...
ابتسم علي : ــ الله كريم.. ماعليش .. رجعتي اليوم اجيب كيس طحين وغرشة جبن.. وانتظر كيكتش على احر من الجمر..
ليلى ابتسمت: ــ تسلم ياخوي وعساك عالقوه..
وراحت تعاون امها في المطبخ
ابو علي : ــ لويه مافي طحين؟؟؟
علمه علي بالسالفه..
ابو علي : ــ الله يكون في عونك ياولدي ..
وحط الصموله من ايده.. وتغيرت نبرة صوته..
ــ إييييه.. ما ورثتكم غير الهم والفقر .. ويش بيدي وحالتي كسيفه لا عيون ولا...
علي يقاطعه .. عارف ابوه و اسطوانة المأساه والشعور بتأنيب الضمير على هالحال :
ــ عساك سالم يا يبه.. وايد عليك انت من صغرنا راعيتنا وكبرتنا وداريتنا لدرجة انك فقدت عيونك من هالشغل .. دورنا يا يبه نعين ونعاون..
ــ عساني ما انحرم منك ياولدي .. الله يبلغني فيك.. ويحفظ شبابك ياكريم..
ابتسم علي .. كمل فطوره.. وطلع لرحلة الصيد الشاقه..

وصل لصندقة حميد.. طق الباب .. ودخل لقى حميد قاعد ياكل حلوى وخبز ..
ــ قوووه
حميد : ــ هلا الله يقويك .. اقعد افطر وياي..
ــ لا فيه العافيه.. باروح اجهز طرادي و قشور ربياني وعفستي ..
وانتبه علي لشي مو غريب عليه في صندقة حميد....
طالع فيه عدل ..
ــ حميدووه ... ويش يسوووي هذااا عندك..؟؟؟؟؟

والى الملتقى..

للدموع إحساس

07-07-2008, 03:37 AM

صبــــــــــــــــــــــــــــــــــــــاح الخيرات ولليرات ..
يعطيكـ ربي العااافيهـ خيوووه ..
أجل باقوهم خخخخ خخخخ < يكبرو وينسو هع هع ..
بصراحهـ عجبني حجي عبد الرحيم .. ويا مرتهـ .. < مره جخهـ ..
لكن من إلي عند حميد < أمممممم عجزت خخخخ
خيوهـ بـ الأنتظار على أحر من الجمر ..
وعساااااكـ على القوة ..
تحيااااااااااااتي ..
للدموع إحساس ..

كبرياء

07-07-2008, 03:47 AM

مررررررررررررره رووووووووووعهـ ...

يســـــــــلمووو أميرووه على ـآ الجزء الحلوو ...

أمممممم عجبتني سآآلفه البووقهـ هع هع كلووهآ الشبآب ويلي عليهم

بانتظآآر الجزء الرآآبع ..

يعطيكـ ربي الف عآآفيهـ ...

تح ـــيآآتوو

كبريآآء

عوامية صفوانية

07-07-2008, 04:15 AM

الله يعطيش العافية خيتو اميرة المرح

قصة مشوقه وكلما ليها تزداد شوق اكثر واكثر

واني اتوقع انه اللي انتبه اليه علي في صندقه حميدووووه شكله ( عادلوه عدوله) رجع ليهم بعد خخخخخ

ننتظر باقي ضعنا يا صبرنا

ويسلم لي الرواياااااااااااات اللي هيك غناتي

جنة الحسين

07-07-2008, 04:33 AM

الجزء روووووووووعه صراااحه

ابوعلي و اولاده يعورو القلب :sad2:

يعطيش العافيه و ننتظر الجزء القااادم

شذى الزهراء

07-07-2008, 04:35 AM

رووعه
بانتظار التكمله بشووق
تحيااااتي

آسوآآر الآلــمـ

07-07-2008, 05:58 AM

ياربي جاتني الصيحة على ابو علي وولدهـ

_______

ماقدرت ماأعلق
ماشاء الله عليك بصـراحة مرة شيء القصة

الله يعطيك العافية وننتظر التكملة

موفقة

أختكـ ،،

روحي في ذكراك

07-07-2008, 06:00 AM

مشكورة يالغلاآآ رواية رائعة كاخواتها:kaseh:ا

كنت متابعة ع السايلنت :embarrest:

تسلمي مرة ثانيةو ربي يعطيك العافية :bigsmile:

بنتظار البارت بفارغ الصبر :angry:

لاخلا و لا عدم :in_love:

Hussain.T

07-07-2008, 02:05 PM

مشكووووووووووورة اميرة

كعادتك مبدعة في كل شي

-----
ننتظر البقية على احر من الجمر

تحياتي

مياس

07-07-2008, 02:34 PM

بسم الله الرحمن الرحيم
مرحبا ,,
الله يعطيكِ العافيه خيتووو, قرأت الأجزاء الـ3 وراء
بعض إبداااع صراحةً :amuse:
شوقتيني لأيام المطر والبرد:shiny:
والأحداث حلووووه يسلمووو إيديكِ وننتظر الجزء الجديد
(..أتوقع جسوووم إللي في صندقة حميد :toung:..)

دمعة على السطور

07-07-2008, 02:54 PM

أهلين خيتو أميرة
يعطيك العافية يالغالية على هذي الرواية الروعة
بصراحة مو قادرة اتوقع ويش يكون في صندقة حميد بس اتوقع أنه مو شخص يعني مو انسان ...
وبصراحة مرررررررررررره عاجبتني شخصية ليلى تجنننننننننننننننننننننننننننننننن
تأثرت وياها وياعلي..

أما اللي ضحكوني اليوم هم أبو جاسم وام جاسم..
عدل حركات
ههههههههههههههههههههههه

أخيتي أميرة المرح...
لك خالص دعواتي الصادقة بكل توفيق وسداد وقضاء الحوائج للدنيا والآخرة..
..دمتي بعين المولى الجليل..

فرح

07-07-2008, 03:20 PM

اللهم صلي على محمد وآله الطاهرين
القصه واحدااااثها اكتييييييييير حمااااس وروووعه
يسلموووو امووووورتنا الغاااليه
بجد جااايه متأخره :embarrest:
بس الموووهييييييييييييم اني وصلت :wink:ههههه :toung:
ننتظر القااادم بشوووق

*زهرة البنفسج*

07-07-2008, 03:27 PM

يسلمو امورة روعة

ولا عاد القدو أتخيل الوضع والريحة

ولا علي ظريف بعد

ننتظرر باقي القصة ومن الي عند حميد

موفقه

واحد فاضي

07-07-2008, 06:01 PM

تسلم الأيادي

وعسى راسش سالم ياااااااااارب

ذكرتيني بشباب جمب مزرعتنا يقعدوا

وطول الليل ما فيه الا رقص وطرب

الا ذيك الليله .............شلحوا سبع سيايير من عندهم

ما فيه شي بقى الا البدي

الكفرات ...الروايدو.....كل شي

وشالوا لوحات السيارات وصفوهم على الطريق ....

...كل شوي يشوفوا لوحه ههههههههههه

يعطيش الف عافيه

فمان الله

fatemah

07-07-2008, 06:52 PM

تسلمييي امورة ع الجزء الحلو

لاعدمنا الجديد وبأنتظارهـ

..}{..تحيـــــــــــــــاتيـ..}{..

آخر شقآوهـ ..~

07-07-2008, 08:19 PM

ههههههههههههههههآآي
شريف أبو ضلوع .. يذكرني بشيء بس مآبقوول هع
يستآهل مآلكوه أبو الكفرآت كآن يصير عآقل مثل أخته <<<هع مستحيل لا أتوقع ذالك
هههه أبو جسوم ونآسه يشرب قدو خووش ..
أبو علي مسكين حفظ بنته الدلووعه ريموه وحركآتها ..
تسلمين حيآتو ع الجزء
ننتظر الجديد..

Hussain.T

07-08-2008, 01:20 AM

والله مشتاق اعرف التكملة كل دقيقة ادخل اشوف نزلت الحلقة4.

ويش بيصير الحين؟؟؟؟؟:angry::mad:

يلا انتظر البقية.

الأمل البعيد

07-08-2008, 01:32 AM

رآآسي يعوورني >> من النعس هع هع
روووعة الجزء ولاعااد البووقه أكلووهآآ الشبآب >> يصير خير هههه
أجل علا تحب شريف :) >> يحبهــا للفضايح
وسالفه ابو جاسم ومرته جخهـ واللهــ >> سوآلف عسل
يسلمووو أمورتنآآ على الجزء
في الإنتظار

أمل الظهور

07-08-2008, 02:19 AM

روووعه

ياويلي على هالحرامي http://www.al-3ola.com/vb/images/smilies/eek.gif قفل عليهم الباب وطفى الكهرب http://www.al-3ola.com/vb/images/smilies/busted_blue.gif

شكله حرامي محترف على مستوى http://www.al-3ola.com/vb/images/smilies/pleasantry.gif

مسكين بو جاسم مع قدوه وسحاراته تلعوز فيهم

ولا .. ماعور قلبي الا ليول على عمري هي وكيكتها خاطرها فيها نست الطحين

يلا بيجيب لها علاوي مابيقصر وبيجوا لها علا وامل وزنوب وبيستانسوا عندها http://www.al-3ola.com/vb/images/smilies/girl_smile.gif

على فكره تعيلف ام جاسم وابو جاسم ذكروني في ام حيدر وابوه

بقصتك (ماعرفتوني كثر ماعرفني ):toung:

وويش في صندقة حميد اميروه http://www.al-3ola.com/vb/images/smilies/girl_cray2.gif

الله يستر

الى الملتقى مرمرش

Princess

07-08-2008, 03:56 AM

مرحبا
يعطيكم الف عافيه
ولا عدمت هالتعليقات الحلوه.. والمواقف الأحلى اللي ذكرتكم قصتي بها.. تسلمو لي والله من كل مكروه.
تواجدكم يبرد القلب ويشرح الخاطر... الله يبرد قلوبكم ويحقق امانيكم ياااارب

تفضلو الجديد..

Princess

07-08-2008, 03:57 AM

الحلقه الرابعه ..

وصل علي لصندقة حميد.. طق الباب .. ودخل لقى حميد قاعد ياكل حلوى وخبز ..
ــ قوووه
حميد : ــ هلا الله يقويك .. اقعد افطر وياي..
ــ لا فيه العافيه.. باروح اجهز طرادي و قشور ربياني وعفستي ..
وانتبه علي لشي مو غريب عليه في صندقة حميد....
طالع فيه عدل ..
ــ حميدووه ... ويش يسوووي هذااا عندك..؟؟؟؟؟

حميد يحط صبعه على خشمه :
ــ شششششش .. خله نايم...
وطلع وياه برى....
علي مستغرب : ــ لا صدق ولد خالي ويش جيبه وياك هنا؟؟
ــ شدعوه ماعرفه تدري بي اعرفه !!
ــ ايه ادري بك .. بس ينام؟؟؟ غريبه ويش صاير!!
ــ هو خالك متشابق وياه ؟؟؟ هو الشله اللي يسهر وياهم..؟؟ والله مادري ... جاني آخر الليل كنت قاعد عالبحر قعد وياي شوي .. اكلنا ,, سولفنا..و شكله متضايق من شي .. طلب مني يبات وياي اذا مافيها ثقله,, قلت له حياك.. شدعوه بعد صندقه واطرده منها..
علي مستنكر .. ــ هاا.. ايه زين... خير ان شالله...

وبين ماهم يجهزو عفستهم للصيد ,,, الا بجية عادل يركض ليهم والغبره وراه...
حميد تلقاه :
ــ ويش فيييييييك؟؟
عادل : ــ وووووويلللي ههههههههههههههه... كتيت على عببباااسسسوه الحليبه ,, ححااااررره ههههههههه ققققام عصصب علللي وقققال والله لأكت بدنك بدسسست..
ولوووت غترته وصار يشلووووطني .. قمممت قلللبت تبسي الجدوووع عليه و هررربت..

وينفض عادل ايده و يطلع صوت قرطعه قويه بأصابعه..
ويكمل كلامه : ــ شششاااان يقوووم ويلحقني .. انننا حتتتى نعاااالي ما لبببسته جيت لك علللى طوول...
حميد : ــ ههههههههههههه الله يهديك.. وكل هالمشوار والطق و خبزتك بعدها في ايدك..
علي ماقدر قام يضحك..
عادل طلع ايده اليمين : ــ يؤ نسسسسيييتها اصصصلا...
وقعد ياكل فيها.. مدها على حميد:
ــ هااا .. حييياك اكككل ويييايي
ــ ههههههههههه تسلم فيه العافيه تووي ماكل
مدها على علي :
ــ هااااا تففضضضل...
علي ابتسم : ــ انا بعد توي ماكل .. عليك بالعافيه..
عادل : ــ بببااااارروح وييياكم

حميد : ــ وينا ياخوووك..
ــ الحححداااق.. ..بااانيم السمش اللي تصيدووه باااغني له لا ينحاااااش
ــ هههههههههه لا الله يخليك استريح عالساحل من بتغنى بينحاش حتى اللي في البحر.. استريح وخلنا نخلص شغلنا..
عادل : ــ زززين...
وركبو طرادهم.. كان مشترك بينهم.. ودخلو البحر .. وكل واحد قعد في جهه .. ورمى شباكه.. والرزق على الله...

امل تفتح عيونها بصعوبه مع صوت المنبه وتقوم :
ــ حسين.. ياحسين..
حسين بتعب ما نام الا متأخر رجعته من العمل : ــ مممممم
ــ يللا غناتي قوم ورانا موعد لسجاد في المستشفى..
حسين يفرك وجهه: ــ ان شالله يللا قايم..

راحت امل لسجاد.. لقته قاعد ومنسدح في سريره..
ــ صباح الخير غناتي ,, من متى قاعد؟؟
ــ صباح النور .. توني من شوي..
امل تحمله .. وتلعب في شعره..
ــ يللا مشينا الحمام ,, تسبح وتفطر وتجهز .. اليوم بنروح للدكتور مصطفى..
سجاد مد برطمه
امل حست عليه.. وصارت تضرب برطمه بسبابتها على خفيف:
ــ هااا ويش فيه الحلو زعلان..؟؟؟
ــ مابغى دكتور مصطفى..
ــ لوويه ...
ــ ما احبه..
ــ افااا ليش عاد... هو يحبك وكل يعطيك حلويات..
ــ بس كل مره يقول ان شالله امشي .. كل مره كل مره .. ولا يستوي كلامه..
امل عور بقلبها ولدها .. ضمته بالقوه لصدرها ..
ــ امي هالشي مو على كيف دكتور مصطفى.. هو يعطيك دواء ويسوي لك علاج بس الله سبحانه وتعالى هو اللي يخليك تمشي ..
ــ وليش الله ما يخليني امشي ؟؟
ــ الله كذا خلقك .. الله يبغاك ما تمشي.. يمكن اذا مشيت يصير فيك شي مو زين...
وانت كذا احسن لك يمكن.. ما تدري ..الله كل شي يسويه بحكمته و عدله بالوضع اللي يناسبه..
سجاد ابتسم ورفع راسه لأمه : ــ اييييه.. زي هاذاك الكرتون العصفور يبغى يطير وامه قالت له اذا كبرت بتطير.. الله خلاك ما تطيير لأنك بعدك صغير,,, تالي ياكلك الثعلب .. قام ما سمع كلام امه ولما راحت تجيب له دود ,, قام نط من عشه يبغى يطير وطاح واكله الثعلب .. مسكييين
امل ضحكت : ــ فديتك.. شفت ..
ــ الله ,, يعني اذا كبرت بامشي
امل بأبتسامه : ــ إن شالله..

ليلى تحوس ويا امها في المطبخ.. الساعه صارت 10 الصباح...
ام علي : ــ من زمان ما شفنا ام فلاح
ليلى : ــ وييييي ويش تبغي فيها هالهداره
ام علي : ــ هههههههههه وحشتنا اخبار الفريق
ــ ههههههههههههه نصها خرطي وتزيد من عندها...
ــ صدقتي .. بس تسلي
ــ خخخ الا تكسبنا ذنوب يا مجير..
ــ و نحسو فجعو نسرينو .. من متى فوبها طايحة الحظ ناقصنه قماش كلما اتصل عليها ما الاقيها وتالي تجي وتتليسن ما خلصتيه..
ــ اييه يا امي ..مشاغل البيزنيس ما تخلص ويا نسرين كان اخذتي رقم جوالها..
ــ راح عن بالي جوالها يبغى لي ,,,لا بنزيس ولا طزنيس, , اصباغ وجه وعطورات سويتيها بنزيش
ــ ههههههههههههه بزنيس بزنيس .. ايه ياا امي المهم تتحرك وتشوف ليها شغله ..
<< قالتها بطريقه كنها تضرب ضربات
ــ اهوو ويش عرفني بهالسوالف.. وفكينا من هالشغله قلنا لش من زمان ما تنفع لينا..
ــ ايه .. زين .. خلاص
نسرين ,, بنت من الفريق تشتغل مندوبة مبيعات.. تبيع عطورات ومكياجات لشركه فرنسيه..
اللي خلى اهل ليلى يرفضو هالشي . لأن نسرين احيانا تتعامل ويا محلات واصحاب المحلات رجال .. تصير تتفاوض وياهم على البضاعه و تبيعهم وياها..
علي من درى بهالشي قال .. ما عندنا بنات تكلم رجال وتطلع من بيت لبيت اصلا.. محلش ....
فصرفت النظر عن هالشغله..
ام علي تتنهد :
ــ ايه يابتي .. الله يرجع ولد عمتش صالح بالسلامه ونفرح فيكم يارب
ليلى تلون وجهها وابتسمت ..

تابع>>

Princess

07-08-2008, 03:59 AM

صالح .. ولد اخت ابو علي وفي عمر ولده علي تماما فرق بينهم شهور .. اخته من سنين ماتت وابو صالح تزوج وحده ثانيه بس ما قصر على صالح.. كان من عايله مستواها فوق المتوسط.. تعلم صالح و شد حيله .. كان جدا ذكي .. جاب نسبه عاليه.. فرسلوه بعثه يدرس برى .. خيروه بين امريكا و استراليا.. فأختار استراليا .. ومن لما عمره 19 سنه راح هناك يدرس .. اخذ الماجستير .. و كمل دراسات عليا والسنه كانت آخر سنه له .. وياخذ الدكتواره..

من صغرهم هو وليلى .. مسميين لبعض .. وهو كل يجي ويقعد وياهم... ومن صغرهم وهو يهتم فيها وهي كذلك.. ما شاف غيرها بنت في حياته وهي ما تعودت على ولد غيره هو ويا اخوها في حياتها..

كبرو و بلغو .. وتغطت عنه.. وهو صار يحترم هالشي ,, ويحصر علاقته فيها بالسلام والسؤال عن الحال...

كان صديق علي بالمره.. وكل وياه.. على الرغم من كون علي ما كمل دراسته الثانويه.. و صالح العكس تماما لين تخرج و بعثوه ..

كان يوم جدا صعب على علي لما تركه صالح وسافر عنه.. يذكره على طول ..

وسافر صالح.. وسافر وياه قلب ليلى.. وسافرت وياه ذكريات علي .. و ظل بينهم المراسيل .. تجي احيانا واحيانا تنقطع... وهذي الدنيا ارزاق والرزاق رب السما...

ابو علي مشغل اخبار العربيه .. والصوت مرفع حده
وكل ما جت موسيقى العربيه الفاصله بين الأخبار .. نقز :
ــ لابوكم لابو مزيقتكم...
صار يتحسس في الأرض جنبه.. يتذكر علي قبل لا يقوم غير القناه وحط العربيه..
.. ظل يتحسس حواليه... لين مسك الريموت...
صار يحوس في الحبات.. يمين وشمال يبغى يقصر عليه.. بالغلط رفع عليه زياده ...
ــ انا لله .. ليلى.. يااااااااااا ليلى...
ما تسمعه في المطبخ ومسكرين عليهم الباب ويسولفو غير ان صوت التلفزيون حده ... صار يحوس .. يمين .. شمال .. لين قدر يقصر عليه.. وتقصر على الصوت..و حط جنبه الريموت ..
و شوي جابو برنامج فيه السيد حسن نصر الله .. الله يحفظه..
ابو علي من سمع صوت سيد حسن :
ــ هلا .. هلا وغلا بالرجال ولد الرجال.. رجال والرجاجيل بهالزمن.. ماميش..
عاد ابو علي يموت في تراب السيد حسن.. يبغى الحين يرفع الصووت حده زي ذاك الحين و يتحمس ويا كلامه وحواره..

اخذ الريموت مره ثانيه.. بس هالمره صار بالمقلوب.. وقعد يحاول يرفع الصوت مره ثانيه .. بس مو عارف يحس ما يتغير شي ..

والسيد حسن يتكلم .. وابو علي داقتنه الحومه.. وفيه حره..
قام يحبي وقرب اذونه من التلفزيون...

الا بطلعة ليلى بتشيل تبسي فطورهم... وشافته وهو ايده ثنتيهم على الأرض وركبه.. كأنه بيحبي.. وقاعد يتصوخ..
ـــ يووو يبه .. قصرت عالصوت وايد..!!
ابو علي : ــ ايه .. ايه يابتي .. عدليه عاد يجزاش خير .. تعبت وانا قاعد هاللون..
مسكت ليلى ابوها وقعدته وسندت وراه مخده.. ورفعت عالصوت
ــ كذا زين..؟؟؟
ابتسم ابو علي : ــ لا ارفع.. ابغى صوته يرن بطيفان الصاله
ليلى ابتسمت وصارت تزيد : ــ هااا كذا
ــ ايوووه... يللا سكتو ولا اسمع منكم حس
ليلى ضحكت وشالت التبسي وراحت المطبخ..
ربع ساعه الا باب غرفة ليلى وريما انفتح
وريما تنادي بتعب : ــ يبااااا... يبااااااااا
ابو علي ولا عنده فيها ... مندمج..
وتروح ريما تشيل الريموت و تقصر عليه..
ابو علي انتبه: ــ مين.. مين نزل عالصووت..!!
ريما : ــ اني .. انفقع راسنا.. نبغى ننام..
ــ نامت عليش طوفه بلى .. نامت عليش طوفه.. تقصري حس السيد حسن.. ارفعي عليه لا بهالعكازه الحين
<< ابو علي يعصب وابدا ما يتفاهم اذا تصرف واحد من عائلته أي تصرف ضد رغباته الشخصيه...
ريما رفعت عليه : ــ اوووه الواحد في هالبيت ما ينام ولا يرتاح..
ابو علي : ــ اهوو.. جيبي الريموت عندي .. ويللا فارقي..

عطته اياه وراحت الغرفه وصفقت الباب..
ابو علي : ــ صفق راسش بليس.. يالحنانه..

وما مداه 10 دقايق بالكثير انتهى البرنامج.. ويللا ويا موسيقى العربيه اللي تشلخ الراس .. ويصير ابو علي يعصص بالحبات.. الا التلفزيون انخرس...
ابو علي فكر طفاه..
شويات طلعت ريما خلاص طارت النومه.. وروحتها للحمام انتبهت للتلفزيون
وراحت تركض : ــ هااداااويه.. يبااا ويش سويت..؟؟؟؟
ابو علي منسدح على المخده وحاط ذراعه على جبهته.. ..
ــ ويش سويت بعد يالهداره
ــ برمجته.. ماني ماني .. انحذفت كم قناه واعتفست الدنيا..
طفته تركض ورجعت شغلته..
ابو علي :
ــ فورتين طارت
ريما تقلب في القنوات : ــ لأ
ــ العربيه طارت ..؟؟
ــ لأااا ..
ــ الأنوار طارت ؟؟
ــ لأ لأ
ــ اجل ويش اللي طار ؟؟
ــ طاااااااارت ام بي سي وشلتها 2 و 3 و 4 و الأكشن وكم وحده من القنوات اللي ورى .. القنوات اللي قدام ماطارو.. يبااااا ويش عصيت << اللي ورى كانو قنوات روتانا ابو علي مايدري بهم
ــ هههههههه باللي مايردهم..
ــ تهي تهي ماني .. ويش عليك انت قنواتك طالعين..
ــ الله عاد .. ذلفي وعن قلالة الحيا.. اذا جى اخوش علي يعدله..
ــ تهي .. ما بيرضى اصلا بيستانس ..
ــ الويه؟؟
ــ و لا شي..
ابو علي ما يدري ان علي شفر كل قنوات الأغاني والقنوات الأجنبيه.. وريما خلت ولد خالها جاسموه يطلعهم ليها مقابل 10 ريال .. وقالت له يخليهم اخر القنوات.. لأن علي اذا جى تعبان .. حده بس يشغل العربيه وهي في البدايه. يشوف الأخبار وينام
ريما راحت الحمام وهي تتحمق :
ــ افففففف الحين من وين اجيب 10 ريال لجاسموه .. ياااااربييييييي...

تابع>>

Princess

07-08-2008, 04:00 AM

وفي المزرعه .. ابو جاسم يشتغل .. الا بجية ابو ناصر ومعاه حجي عباس..
ابو ناصر :
ــ قواك الله حجي ابو جاسم..
ابو جاسم قام واقف ومسح ايده في وزاره ..
ــ هلا هلا .. الله يقويك عمي ..
ــ ما يفيد فيك .. كم مره قايل لك لا تقول لي عمي .. انا ابو ناصر..
ابو جاسم بحرج: ــ ولو يا عمي العين ما تعلى عالحاجب..
ــ عساك سالم.. هاا اخبار الشغل اليوم ..
ــ الحمدلله في احسن احواله..
ويكمل كلامه بأستنكار من حجي عباس اللي ما سلم ولا نطق:
ــ قواك الله حجي عباس .. كيف اصبحت..؟؟
حجي عباس : ــ هلا.. يقويك.. زين زين..
ابو جاسم فيه ضحكه.. بس مداريها.. يدري بحجي عباس اذا نفسه في خشمه اكيد عادلوه مسوي فيه شي ..
وفي باله :
ــ تستاهل ياعساه يخوبلك ,,
الا بحجي عباس:
ــ ها ابو جسوم.. صدق ما دفعت اللي عليك..؟؟ متى ان شالله
ابو جاسم تلون وجهه وحس بأحراج.. :
ــ ايه.. هاا.. ان شالله الله يطول عمرك .. يوصل حسابك...
ــ ايه .. لا تتأخر .. قريب يخلص السبوع و ما دفعت ...
ابو ناصر تدخل:
ــ ليش كم عليه...؟؟
حجي عباس يحسب :
ــ مااخذ يونية عيش صغيره... و 3 قواطي حليب ابو علم.. و غرشة زيت
ابو ناصر عصب من حركة حجي عباس .. قاعد يحسب يعدد ويش اخذ ويش ما اخذ..
ــ ياااحجي قلنا لك كم عليه مو ويش اخذ ..
ــ هو دفع فمن قواطي الحليب وغرشة الزيت.. باقي يونية العيش ما دفعها قال السبوع الجاي ..
ابو جاسم مو عارف ويش يقول :
ــ ياحجي .. بعده السبوع ما خلص .. قلت لك باوفيك فلوسك .. واللي خلقني ما باكلهم عليك..
كان آخر الشهر.. باقي اسبوع و يعطي ابو ناصر حجي عبدالرحيم اجره..
ابو ناصر :
ــ ياحجي عباااس.. خاف ربك.. واقف له على 40 مدري 50 ريال ..
حجي عباس : ــ فمانييييييييين.. فمانين يابو ناصر..
ابو ناصر : ــ جعله ميه.. الله موسع عليك و راهي عليك ومتفضل عليك بخيره ونعمه.. تجي تحط بالك بال اللي على باب الله حق ويه..؟؟ خلاص فلوسك بتوصلك ولا عليك..
ابو جاسم انحرج ومو عارف ويش يقول :
ــ لاا .. تالي بعطيهم وياه.. عسى عمرك طويل .. عساك سالم... لا تكلف ..
ابو ناصر يبتسم : ــ ماعليك ..
ابو جاسم : ــ الله يعطيك الصحه والعافيه..اخصمهم علي من اجري ..
ابو ناصر طالع في ابو جاسم : ــ ويش تقول .. باسوي روحي ماسمعت..
ابو جاسم : ــ لا والله ما يصير يابو ناصر .. خيرك مغطينا الله يزيدك من فضله..
ابو ناصر يعرف ابو جاسم نفسه عزيزه وبيسوي سالفه على هالفلوس ولا بيرضى :
ــ خلاص يا بو جاسم.. اعتبرهم من اجرك ..
ابو جاسم ابتسم : ــ الله يبغلك في ذكرك .. الله يوسع لك في دنياك وآخرتك.. الله يطول عمرك ويعطيك الصحه والعافيه.. الله يخليك
ابو ناصر : ــ تسلم بركة دعاك الصالح.. يعطيك العافيه
ــ الله يعافيك..
ومشى ابو ناصر ويا حجي عباس .. وابو جاسم رجع لشغله..
حجي عباس : ــ حق ويه .. ها.. حق ويه.. الحين تعوده على هالحركه.. ولويه ما تخليه يسميك عمي.. تقويه عليك
ابو ناصر طالع في حجي عباس:
ــ افففف الله يهديك..
ــ لا اا.. قالو لك مينون.. قول مينون...
ــ لاااا حاشاك ..
ــ ايه.. حسبالي .. بس والله انك يابو ناصر تعطيهم وجه زياده و..
ابو ناصر يقاطعه:
ــ ياااحجي .. فلوسك وصلتك لو لا ؟؟
ــ ايه..
ــ خلاص اجل .. ماعليك مني عطيتهم وجه ما عطيتهم ..شي راجع لي..
ــ زين ويش فيك حمقت..!!
ــ ما حمقت.. ماعلينا.. ايه .. نشوف شغلنا..

الدكتور مصطفى.. يشوف نتايج الأشعه..
حسين و أمل قاعدين ومتأملين أي خبر يبشرهم يعطيهم الأمل من ورى هالعلاجات..
ابتسم الدكتور.. وطلع من الدرج حلاوه..
من طلع الحلاوه.. عرفت امل .. نفس حركته كل مره.. وتذكرت كلامها ويا ولدها قبل لا يروحو المستشفى..
دكتور مصطفى : ــ خود بأى يا شااااااطر المصاصه دي ..
حسين بنظرات تأمل .. حط كوعه على مكتب الدكتور و سند خده على كفه..
ــ الله كريم..
الدكتور : ــ الله كريم يا باش مهندس .. انا هغير له العلاق هالمره دي .. وان شاء الله مع العلاق القديد يبأى في نتيقه..
حسين : ــ ان شاء الله..
ــ بالسلامه يارب
ــ الله يسلمك..
حمل حسين ولده.. اللي ترك المصاصه على مكتب الدكتور..
يحس ماليها طعم.. ولا حلاه.. ولا عاد يبغاها.. لأنه زهق منها.. ولا عادت تعني له أي شي..

الساعه 11 ونص الظهر ..
علا كانت في الحمام ,, طلعت شافت جوالها رساله من خالتها امل رسلتها ليها الصباح..
ــ صباح الخير غناتي.. المهم اذكرش اليوم بنروح للخياطه.. تجهزي و كلمت مالك ووافق يودينا السوق بس يقول اول شي بيجيب سيارته من الورشه يعني العصر ان شالله نلتقي.. اشوفش على خير..

ابتسمت علا :
ــ على خير.. ممممم ولا اني جايه اتذكر هالليلى...
طلعت لقت عمتها سميره في الصاله قاعده..
ــ صباح الخير..
ــ أي صباح.. قولي مساء الخير..
ــ خخخخ ما نمت الا بعد صلاة الفجر..
ــ وويش مسهرنش .. ؟؟؟
ــ لا بس ما جاني نوم..
ــ ايه اللي ماخذ عقلش..
علا ببرود : ــ ماحد..
ــ ايه .. يتهنى به..
علا سوت روحها ما سمعت.. متعوده هالضربات من عمتها .. دايما تحط دوبها دوب البنات..
من تسمع وحده رفضت واحد متقدم ليها.. قالت اكيد تحب واحد و في بالها واحد.. من تشوف علا ما نامت لو سرحت .. قالت ليها تفكري في مين..؟؟؟

دايما تحسس علا ان كل بنات هالزمن مهم خاليين من هالحركات..
لدرجة انها كل سنه تحسب لعلا كم وصل عمرها...!!!
واذا جى ليها خطيب ورفضه ابوها بدل لا توقف ضده وتقول له شوف حالتي وليش الرفض .. بالعكس تشجعه على تصرفه وانه مهو من ثوبهم ولا يناسبهم...

علا تسكت عنها.. وفي بالها .. ــ مالومش .. من حالتش اللي وصلتي ليها.. وياخوفي الحقش ...

دخلت المطبخ .. لقت تريزا تحوس بس حوستها مو زي العاده.. كانت تفرك المواعين ببطئ وسرحانه وسرحانها يغطيه الحزن..
علا تعمدت تسوي صوت وهي داخله لا تخلعها..
تريزا عفويا اختلعت و رمت الكاس وانكسر ..
سميره برى تصرخ :
ــ ويش كسرررررررتي بعد..
تريزا بخوف :
ــ سوري ماما.. سوري ..
وصارت تلم الزجاج من المجلى وترميه.. ووجهها مكتوم وكأنها بتصيح..
علا تعتذر من تريزا على الخلعه وتكلم عمتها : ــ ويش فيش عمه.. دافعة بلى الكاس .. حصل خير..
ــ ليش مفكره هذا اول واحد,, من قعدت وهي تكافخ بالمواعين.. كم شي كسرت ومن شوي كسرت غرشة مخلل خيستنا..خرفت الظاهر وما عادت تقدر تشتغل .. يبغى لي اقول لأبوش يجيب لينا وحده غيرها..
تريزا ما تحملت..
انسلت دمعه من عيونها..
علا ماقدرت على الموقف .. وراحت ليها..
ــ ويش فيش تريزا..؟؟؟
تريزا ساكته مهي عارفه ويش تقول..
علا حطت ايدها على كتف تريزا.. وقعدتها على الكرسي .. وصارت تواسيها:
ــ ويش فيش .. على ويش تصيحي..؟؟
تريزا بألم وصوت متقطع:
ــ بنت مال اني ..واجد مريض..
علا :
ــ هاا..مين قال لش ..؟؟
ــ زوج مال هو ليل يتصل ويقول .. مريض واجد ونده بيبي صغير..
علا مهي عارفه ويش تقول :
ــ انا لله.. ويش فيها؟؟
ــ مايدري .. انا في خوف
ــ لا ان شالله خير .. اذا تبغي تروحي اندونيسيا روحي اسبوع شوفي بنت وتعالي..
ــ مايقدر يروح.. عقد مافي يخلص وماما سميرا وبابا ابو مالك مافي يرضى..

علا حست انها ماتقدر تقول أي شي .. دام بابا ابو مالك ما يرضى.. ماليها كلام..
مسحت على ظهر تريزا:
ــ لا ان شالله بنت يقوم ويصير اوكي.. لا تيصيحي خلاص..
ابتسمت تريزا: ــ ان شالله..

وفي وسط البحر .. حميد وقف بيشيل الشبك امتلى سمك..
وهو واقف دار راسه وصار يترنح..
علي انتبه عليه:
ــ ويش فيك ؟؟
ــ ها لا بس ما نمت عدل..
ــ ليش عاد.. اشوفك دي كم يوم نومك مو لهناك.؟؟
ــ لا ويش دعوه كل يوم انام عدل .. بس البارحه ولد خالك ما قصر يشاخر
ــ هههههههههههه حق لا تنومه وياك مره ثانيه
ــ خخخخخ ولا يهمك المره الجايه اطرده...

علي التفت الى شبكه لقاه امتلى .. وقف بيسحبه..
حميد كان واقف ..
ولا يسمع علي الا صوت شي طاح في البحر
التفت بسرعه لقى حميد.. مو على الطراد..

الى الملتقى...

آسوآآر الآلــمـ

07-08-2008, 04:22 AM

ياااااربي

ننتظر الجزء الجاي بفارغ الصبر

.........

منتظرين

mrboch

07-08-2008, 04:45 AM

ليش بالشيء الجديد عليك أخيتي هذا الأبداع
تعودنا والتمسنا منك ذلك دائما وهو للأفضل وفي تقدم دائم
ليش بمقدوري الا أن أدعي لك بدوام الصحة والعافية
والتوفيق بحق محمد وآل محمد

أختك
أخت مربوووش اذا تذكريني من متابعين قصتك سابقا ماعرفتوني ...

للدموع إحساس

07-08-2008, 05:07 AM

صبــــــــــــــــــــــــــــــــــاح الخير ..
خيوووه حماااااااااااااااااااااس على الأخر ؟!!
ويش بيصير في حميد .. ؟!! زين أن وياه علي .. وإلا كان راح فيها ..
أما أبو علي خوش شي هو ويا التلفزيون ..
يعطيكـ ربي العاااافيهـ خيوووه على هيكـ روايهـ ..
بـ إنتظار التتمهـ ,,
إلى ذالكـ الوقت ..
أستودعكـ اللهـ وأترككـ بـ أمانهـ ..
تحياااااااااااااتي ..
للدموع إحساس ..

عازفت الاوتار

07-08-2008, 01:20 PM

هااااااي

الروايهـ جناان

كل شخصيهـ احلى من الثانيهـ

جااااري الانتظاااار

تحياتيـ

fatemah

07-08-2008, 01:31 PM

بسمهـ تعالى
ماشاء الله جزء ولا اروع وبنتظار وش صار لحميدو ^_^
تسلمي امورة
..}{..تحيــــــــــــاتيـ..}{..

Hussain.T

07-08-2008, 02:16 PM

اي وبعدين ويش بيصير ان شاء انقذه بس<< الولد اندمج في السالفة عدل

اميرة المرح

حقا

((الابداع لعبتك))

تستاهلي التقييم

ننتظر الجزء الخامس

تحياتي

عوامية صفوانية

07-08-2008, 03:29 PM

الله الراوية كلما لها تستحلي صارت احليوه

ننتظر الابداع خيتو اميرة المرح

تسلمي بالغاليه

*زهرة البنفسج*

07-08-2008, 06:01 PM

هااااااااااااا وش صار في حميد

ناقص اهوو مسكين

يسلموو امورة

ملاك الورد ..~

07-08-2008, 10:35 PM

رواية حمااااااااااااااااس
شخصيات تنبض بالحياة
فعلا
الابداع لعبتك

دمعة على السطور

07-09-2008, 01:14 AM

ياعلي قاعدة انتظر متى تروح علا وأمل لليلى..
ياالله إن شاء الله بكرة تروح
المهم الحين ويش صار لحميد؟؟؟؟؟؟؟؟؟
بصراحة الأحداث كل يوم تسخن أكثر..
بانتظار البارت الجديد
موفقة لكل خير إن شاء الله تعالى..
..دمتي بعين المولى الجليل..

**جوان**

07-09-2008, 02:24 AM

.. مــرحــبـا ..

القـصه مره روعــهــ ,,:bigsmile:

والله من خلصت قصه ماعرفتوني كثر ماعرفني وانا متحمسه للقـصه للي بعدها بس قالوا لي انك كتبتي قصه جديده جيت اقراها ,:amuse:,

بســ القـصه مرـرـه روعــه ,,:noworry:

وتـعودنا على روعـتك في الكتابــهـ ...

الله يوفقـكك ..

وـو ننتظر الجزء الجديد ..

.. ـتحـياتــيــ ..

أمل الظهور

07-09-2008, 03:25 AM

الله الله

احداث تشوق

يقهر عباسوه خل الرجال يدفع عن بو جسوم لاخيره ولا كفايه شره بعد

عور بقلبي سجود بكلامه مسكين

تريزا تحاتي في بنتها وسميروه مو هامنها وتهزا فيها بعد على عمري تروزه

وريموه ماتجوز عن سوالفها ولا القهر تعطي جاسم فلوس علشان قنوات وهم حالتهم حاله

ومدري ويش فيه حميدوه الميدوه ان شاء الله يقدر ينقذه :wacko:

الله يستر :amuse:

الى الملتقى :toung:

دمعة على السطور

07-09-2008, 02:13 PM

بسم الله الرحمن الرحيم
اللهم صلي وسلم على محمد وآل محمد وعجل فرجهم وفرجنا بهم ياكريم...
السلام عليكم ورحمة الله وبركاته..
خيتنا الغالية أميرة المرح...
وين البااااااااااااااااااارت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انتظره .........
اليوم الأربعاء أو الخميس؟؟
لا الأربعاء اليوم..
إن شاء الله يكون المانع خير يارب...ونشوف الجديد الحلو ...
موفقة لكل خير إن شاء الله تعالى..
..دمتي بعين المولى الجليل..

Princess

07-09-2008, 02:40 PM

مرحباا

بسم الله على عمرررررررري الرحمن الرحيم http://up3.shia4up.net/images/3pcvrregiy0282rqqan.png
خيه نزلت البارت
ووصل للصفحه السادسه http://up3.shia4up.net/images/t4g1vhorv0n2j3hilc.png
وردو اسوار الألم و جنة الحسين وللدموع احساااااس
وكان في غلط وعدلته الأمل البعيد
الخلل من الشبكه
<< انني مختلعه حددي http://up3.shia4up.net/images/3pcvrregiy0282rqqan.png

باشوف قسم المشرفين واذا ما حصل تعديل
راح ارجع انزل البارت الظهر http://up3.shia4up.net/images/3lshkwtywaetu3x2hce.png

ياساااتر

دمتم بخير
وبحفظ الرحمن

الأمل البعيد

07-09-2008, 03:18 PM

يؤ يؤ يؤ وين الجزء الخآآمس أني عدلتــــه
قبل لا أنام ويوم قعدت اختفى >> اميرووه انني مختلعه أكثر منكــِ
وأتذكر الأحدآآث عدل عدل
وعلآ لاعدت شبدها من بيت أبو علي >> دليل على انه موجود ههههه
اكيد العطل من الشبكه ...

Princess

07-09-2008, 03:21 PM

ههههههههههههههههه فديتش
اشوى ماني حلمانه يعني
عموما الحين برجع انزل البارت الخامس
وقومي بالتعديل مره ثانيه

في البارت 3.. زينب بتروح بيت عمتها مو بيت خالها..
والعوض على الله..

ويعطيش الف عافيه غناتي
دمتم بخير
وبحفظ الرحمن

Princess

07-09-2008, 03:25 PM

الحلقة الخامسة..

علي التفت الى شبكه لقاه امتلى .. وقف بيسحبه..
حميد كان واقف ..
ولا يسمع علي الا صوت شي طاح في البحر
التفت بسرعه لقى حميد.. مو على الطراد..

ليلى حطت مكونات الكيكه في صفريه.. وحطت ملعقه خشب ونادت على ريما تخلطها...
ريما صارت تخلط .. وشوي وقفت وصارت تتحمق:
ــ اففففففف تعبت ايدي .. متى بتاخذو ليكم خلاط
ليلى تغسل المواعين : ــ ايه مسوى ما ناقصنا شي الا هو..
ريما ترجع تخلط و هي تضرب في الصفريه ومسويه ازعاج..
ام علي : ــ ياااااالله ما تسوى علينا هالكيكه ... شوي شوي..
ريما تركت المعلقه..
ــ تعبت .. ايدي تكسرت...
ليلى تركت المواعين..
ــ خليها اني بخلطها وروحي للمواعين...
ــ لا والله.. واقعد افرك .. ماني ايدي تنشف بسرعه..
ــ الله يالرقه.. ذلفي اصلا مفركين بس غسليهم عن الصابون..
ــ ايه حسبالي بعد..

وحطت ليلى الكيكه في الفرن... و طلعت الصاله ...
شافت الساعه 12 الا ربع.. باقي شوي ويأذن الظهر.. ابوها منسدح غافيه عيونه..
ــ يبه.. يبااا..
ــ هاا.. هلا ..
ــ يعطيك العافيه شوي وبيأذن على ما تتمسح و تجهز للصلاه..
ــ تسلمي يا بتي جعلش الله من المصلين..

وقام ابو علي .. يلتمس خطاه بعكازته والجدار.. ماكان يرضى احد يمسكه في البيت ويدليه مكان أي شي .. كان يشوف كل شي بقلبه.. وكل شي يندل مكانه وكأنه يشوف...
واذن الظهر.. وليلى تتمسح في المطبخ:
ــ اماه مو كنه علي تأخر ..؟؟
ــ ايه يابتي العاده يرجع قبل أذان الظهر بربع ساعه لو نص ساعه... الله يستر مادري ويش فيه هالولد مخلنا نحاتيه...

وعلى الطراد.. علي يضغط على بطن حميد.. و صدره.. لين طلع شوي زين من الماي..وفتح حميد عيونه....
علي : ــ هاااا سلاااامات خلعتني يا ميدووه..
ابتسم حميد ورجع غمض ..
علي يسطر فيه : ــ هيه.. هييييه.. ويش فيك..
فتح حميد : ــ هااااا دااير رااسي ..
ــ الله ستر المكان اللي كنا نحدق فيه مو عميق والا شان رحنا فيها ثنينا.. وبرررد الجو كان ما تصخن بس ...
حميد ابتسم : ــ عالأقل وياي سباح.. ما شالله عليك..
ــ ههههههههه سباح .. اسبح بروحي مو اطلع جثه كلما اشيللك من جهه فلتت من جهه .. شلختني ياخوك هذا وانت عصقل..
ــ هههههههههههه كح كح يعطيك العافيه ..
ــ الله يعافيك .. من قلة النوم .. بس مو لهالدرجه تطيح.. ما تاكل ؟؟
ــ لا ويش دعوه اكلي هو هو.. من عرفتني ..
ــ منت على بعضك اصلا من دي شهر,, احسك منت حميد اللي اعرفه.. كل تعبان و تخاف وايد .. مادري لويه.....
ــ قلت لك ما نمت عدل..
ــ زين .. الله يغربل جاسموه.. ان شالله بس ما رجع بيتهم..
ــ الويه؟؟
ــ بس عندي كلام وياه..
ــ كلام ويه؟؟
ــ ويش فيك تحقق .. سالفه عائليه..
ــ ايه .. زين..
وسكت حميد ..
علي حس روحه فشل صديقه:
ــ جاسموه متعب خالي .. مجننه تجنن.. صاير له صايع ضايع.. وخالي مو حمل تعب .. باكلمه كان الله يهديه..
ــ يعني.. عساه خير
ــ خير ان شالله..
ووصلو للساحل .. وكل واحد شال براد سمكه
السمك بالحسره من الشتا يصير اقل ...
تيسرو بيوتهم... والعصر يروحو به السوق ويبسطو...
رجع علي بيتهم.. دخل .... وعلى طول راح يسبح.. كانت حالته حاله من الجو البارد والحداق ومن طيحته البحر ورى حميد..
ولما طلع تلقته ليلى بإستكانة شاي دافيه
علي :ــ ويش دراااش افادي بشي صاخن..
ــ هههههههه المااي باااارد .. الصخانه ما شغلناها ,,, كيف قدرت تسبح فيه...
ريما : ــ أي والله مكحين صارت ايدي فلجه واني اغسل المواعين..
علي : ــ هههههههه انا بكبري صرت قالب فلج .. ويشو غداكم يوعاااان.. يللا باصلي و انشبو..
ام علي : ــ الله يعطيك العافيه .. صالونه
ريما بسخريه : ــ مرقة بطاطس و لحم خخخخخ
ليلى : ــ احمدي ربش ...في لحم غيرش ما يحصل ..
ابو علي : ــ هالبت ما تستحي .. لا حمدا ولا شكورا..
علي يطالع ريما على جنب : ــ قايل ليكم خلوها علي منتون راضيين..
ريما تنخش ورى امها : ــ يماااه.. ويش بيسوي يعني..
ام علي : ــ يكسر راسش ويسنعش .. تأدبي لا احده عليش ..
ــ زين زين خلاص ..

الساعه 3 العصر .. جوال علا يرن..
ــ اهلييين اموله..
ــ هلا وغلا .. ها جهزتي ؟؟
ــ ايه .. مين بيودينا مالك لو حسين؟؟
ــ لا اخوش مالك.. دقيت عليه من شوي وقال قريب بيجيني .. بس نوصل بيتكم بارن رنه واطلعي..
ــ اووكي انتظر..

زينب : ــ اماااااه .. وين صحن الساقو يللا باروح بيت عمتي ام علي ..
ــ هااش .. وسلمي عليهم..
ــ ما بتروحي وياي ..؟؟
ــ والله ودي .. بس مره فانيه .. الحين حوستي حوسه.. سلمي عليهم...
ــ يوصل .. يللا مع السلامه..
ــ انتبهي في الطريق زين.. لا يطلع لش عادلوه ..
ــ مسكين ما يخوف والله زي الياهل لا تردي عليه انتين بس ولا بيأذيش .. احس ظالمينه بقولة مينون .. يفهم بس اهبل ..
ــ الله يعين امه عليه ... في طريقش اذا شفتي جاسموه اخوش قولي له يعود البيت لا رجعة ابوش المغرب يرد يصارخ ويهزأ كفايه الغدا شفتيه كيفا كنه شارب غرشة الصاص و شراره حرقنا.. صريخ صريخ..
ــ خخخخخ زين .. اذا شفته عاد.. واذا طاوع..

وطلعت زينب .. وهي تمشي صار المتوقع.. ويطفر عادل المينون في وجهها..
زينب : ــ بسم الله على عمري الرحمن الرحيم...
ــ ههههههههههههههه خخخخلعتتتتش..
زينب ما ردت عليه و وصارت تمشي .. وهو وراها..
ــ ووويين بتتتروووحي .. اكككيد بيييت عمممي ابوو علي..
ــ ياااعلي وويش عرفك اني مين ..؟؟؟
ــ انننتين زنبببوه اخت جاااسموووه..
زينب فتحت عيونها ودارت عليه:
ــ قلة حيا.. فارق عني ..
وفي بالها .. يصقعك ويش خليت للعاقلين...
عادل : ــ حسبببااالش مااعععرررفش .. وويييش حااامللله في ايدش..
زينب ساكته ماترد..
الا بطلعة شريف من بيتهم ... وشاف عادل وهو لاحقنها..
شريف : ــ عادلووه.. تعال تعال..
عادل يغطي وجهه بأيده.. : ــ وويييش تبغى فففيني..
ــ تعال ابغاك بسالفه..
زينب تكمل طريقها بسرعه مدة شريف يلهي في عادل..
عادل : ــ مانى .. باروح ويا زنبوه بيت عمي ابو علي..
زينب خلاص صخنت وبداخلها تدعي : ــ عساني حريقه يوم اطلع.. صاقعه تصقع بليسك يا عادلوه فضحتنا حسبي الله عليك ...
وصارت تسرع لين لفت جهة بيت عمتها..
شريف نزل من درج بوابتهم : ــ تعال تعال مافي روحة مكان..
عادل يرفع ثوبه ويعضه وينحاش ركض ..
شريف يموت عليه من الضحك.. :
ــ الله يهديك ويعين امك عليك...
زنبوه.!!. أي زنبوه..!!
صحيح فضيحه هالعادلوه ههههههههههه مسكينه صروعها...

ووصلت زينب بيت عمتها وهي تنافخ من الركيض .. ومامداها بتطق الباب .. الا علي يفتحه ويطلع براد السمك ..
من شافها عرفها .. ووخر على جنب .. ــ يالله.. تفضلي ..
زينب قلبها طاح في بطنها.. دخلت وبهمس بالكاد ينسمع : ــ السلام..
علي ما سمعها .. فما رد عليها وطلع..
زينب تغير وجهها.. هي تميل لعلي و ترتاح له .. وتتمناه اليوم قبل بكره يجي يتقدم ليها .. بس كل تحسه مو فاضي ولا يعطي وجه.. وهو مسكين فعلا مو فاضي لهالموضوع ومافيه شدة لا عرس ولا تحمل مسؤوليه زياده .. وهو شايل هم بيتهم على اكتافه...

كذا مره ليلى حاولت تلفت انتباه اخوها لبنت خاله.. و انها خوش بنيه ومستعده تعيش وياه في البيت وعلى الحلوه والمره وما بيلاقي وحده في هالزمن تتقبل هالشي ..
بس هو ابدا.. شايل فكرة الزواج من راسه.. وكل يقول:
ــ خلني اقدر اكون نفسي .. احس روحي واقف على رجولي .. انا الحين يا خيه ازحف زحف .. واقول يالله على بابك .. اذا حققت اللي في بالي با فكر اعرس..
ليلى : ــ وويش اللي في بالك ياخوي..
ــ اشتري بيت جديد ..و اوسع علينا .. و اغير حالنا للأحسن ان شالله بعدين افكر ..
ــ ياخوي .. يمكن بنت خالك هذيك الحزه الله يسهل عليها..
ــ الله يسهل ويوفقها ويرزقها باللي احسن مني .. ساعتها الديره مليانه بنات..
ــ بس ياخوي هي منك وفيك..و اللحمه اذا ما حبتك رحمتك..
ــ ما يرحمنا الا رب العالمين..
ــ ايه.. ونعم بالله.. خير ان شالله..

ليلى تتمنى زينب تكون لعلي .. بنيه قمه في الأخلاق والأدب وحليوه ومافيها عيب .... وفوق هذا بنت خالهم والحال من بعضه .. لا بتتذمر ولا بتتشكى ولا بتتحمق من المعيشه.. بس ويش تسوي في اخوها .. عنيد وراسه يابس...

تابع>>

Princess

07-09-2008, 03:26 PM

زينب دخلت المطبخ .. وحطت الصحن ... شافتها عمتها .. عطتها غمزه وبوسه من بعيد..
زينب تسوي لعمتها من بعيد شششش هدووء..
ناويه تخلع ليلى..
ليلى كانت تقطع الكيكه وهي تنشد :ــ قبل لا تروح ودنا وياك ودنا نريد نزور صحن الزينبيه...
زينب قربت منها وصفقت صفقه : ــ يـــــــــالله يااااااكريم وياااش ,, الله يبلغنا الوصول ..
ليلى رمت السكين في قالب الكيك.. ودارت لزينب :
ــ يييمااااااااااه ههههههههههههههههههه عسااااش ويش اقووول خلعتيييييييينيييي
وحضنتها..
زينب : ــ هههههههههه بسم الله على عمرش .. اخبااارش ويش مسويه..
ليلى فكت الحضن و تسحب خشم زينب :
ــ اسأل عنش يالقاطعه...
ــ هههههههه والله على بالي .. صحيح.. تسلم عليكم امي ..
ام علي وليلى : ــ الله يسلمش وياها من الشر ..
ام علي : ــ ويش احوال ابوش عساه بخير..
ــ الحمدلله تمام..
ــ وجاسموه اخوش..؟؟
ــ خخخخخ لا تسأليني عنه..
ــ الله المعين.. دام لا اسألش عنه.. اجل احوال اخوي مو تمام..
زينب تطلع لسانها : ــ .. الله كريم ..
ريما دخلت المطبخ : ــ هااا زوزو هنا..
ــ اهلين وسهلين هلا بأم الريم اخبارش..؟؟
ــ الحمدلله بخير.. مممم ويش جايبه وياش..
وفتحت الصحن ..
ــ ويع .. ساقو .. خخخخ ما احبه..
ليلى : ــ خذ لك .. قولو تستحي هالبنيه ابدا.. الحمدلله رب العالمين...
زينب تضحك : ــ ههههههههه ماني غريبه اعرفها ...
ريما : ــ يادافع البلا كل تشابق هالأخت.. .. وثاني شي راايي مو مهم
وصارت تحرك حواجبها فوق وتحت :
ــ هالصحن لعليوو..
زينب تلون وجهها ..:
ــ لخالي ..
ليلى : ــ عسى ريمو سعاده استحي يابنيه استحي.... اهو بس ناخذ هالصحن لأبوي بعده صاخن خله يدفيه عن هالبرد شوي ..
مامداها ليلى بتطلع بالصحن لأبوها .. الا جرسهم يطق ...
ورجعت لأمها : ــ امااه.. في احد بيجينا..؟؟
زينب : ــ هههههههه ويش دعوه كنتو تدرو بي..؟؟
ليلى : ــ ههههههههههه على قولتش .. علي طلع .. باروح اني اشوف الباب اجل..

لبست ليلى مشمر ووقفت عند الباب: ــ ميين؟؟
امل : ــ هنا ام علي ..؟؟
ــ ايه تفضلو .. حياكم..
وفتحت الباب..
دخلو امل وعلا ..
امل : ــ قوووه ليلى..
ــ اهلييييين هلا والله بأم سجاد...
ــ اخباركم.. ؟؟
ــ الحمدلله اخبارش انتين .. واخبار سجاد.. وينهو؟؟؟
علا واقفه برى تطلع شكل البيت .. وتنتظر خالتها امل تدخل وبتدخل وراها..
امل : ــ برى في السياره..
ليلى كانت ورى الباب واقفه ومتغطيه بالمشمر ما انتبهت لعلا ... ولما دخلت امل .. كانت ليلى بتسكر الباب.. الا تحسه يندف وتدخل وحده..
ليلى انحرجت: ــ اسمحي لي خيه مادريت بش ..
علا : ــ لا حصل خير..
وشالت علا غطاها..
علا من شافت ليلى .. تذكرتها .. كانت تدرس وياها في المتوسطه.. وصارت وياها في نفس الصف ..
ليلى صارت تطالع في وجه علا..
و ابتسمت و بصوت هادي :
ــ هلا .. ... علا؟!!؟؟
علا ابتسمت : ــ ايه علا... هلا فيش ...
ــ اخبارش ؟؟
ــ الحمدلله تمام..
امل بأستغراب : ــ تعرفو بعض ؟؟!
علا ابتسمت : ــ معرفه سطحيه.. درسنا ويا بعض في صف ..
ــ اهااا.. علا تصير بنت اختي..
ليلى بأبتسامه : ــ ياهلا حياكم..
ودخلو داخل ..

علا عيونها تتحرك بشكل تحاول ما تبينه لليلى وهي داخله البيت..
مستغربه من المكان اللي هم عايشين فيه..
غير ان ريحة الممر سمك توه علي عابر بالبراد و شوي ظلت ريحه..
ام علي طلعت بالمبخر تبخر المحل ..
ــ ليلى .. مين ؟؟
ــ ام سجاد.. ويا بنت اختها..
ابو علي يتحمق على ريحة البخور : ــ كح كح فطست .. ويلي شيليه مانى قادر..
ام علي تهمس بحمق : ــ اسسسكت جايين ناس وريحة البيت زفر ..
حطته فوق التلفزيون ,, وراحت تستقبلهم..
زينب : ــ ريموه .. تعرفيهم..؟؟
ريما : ــ ما عرف الا وحده .. ام سجاد .. كل تجي تخيط عند امي و تغب بين فتره وفتره وتزورنا.. و ريلها يجي احيانا و يقعد ويا ابوي يسولف ..
ــ اهااا .. والثانيه .. وجهها مو غريب علي ..
ــ ويش دراني ماعرفها..

كانت الغرفه اللي فيها المكينه و يجو ليها الزباين .. في آخر البيت .. يمرو اول شي على الصاله بعدين يوصلوها.. وكان ابو علي في الصاله..
دخلو البيت .. علا انتبهت لأبو علي وغطت وجهها بالجهه اللي قاعد فيها ابو علي .. ولا تسمع الا خالتها :
ــ قواك الله ابو علي ..
علا مستغربه .. خالتها مهي متغطيه.. .. ريما انتبهت لعلا وهي متغطيه.. وراحت جنبها وهمست : ــ ترى ابوي ما يشووووف ..
علا صارت تطلع في ريما مستغربه منها ومن هالكلام.. وحتى لو ما يشوف .. ويش هالجرأه اللي عليها لا تعرفها ولا شي وجايه ليها... ترى ما يشوف ..
بنفس الوقت تأثرت على حاله ..
ابو علي : ــ هلا .. هلا الله يقويش يا بتي.. ويش احوالش .. وويش احوال ابو سجاد وسجاد..
ــ بخير الله يسلمك..
ــ حياش الله.. سلمي عليهم
ــ ان شالله يوصل

ليلى انتبهت لريموه ولتصرفها..
ــ ريما.. امشي وياي دقيقه..
ريما عرفت.. السالفه تهزأ..
ــ باروح غرفتي باذاكر قريب يخلص اسبوع الأجازه .. وراي اختبارات النهائيه .. ابغى اجيب مجموع..
ليلى تهمس بقهر : ــ هداره.. ذلفي ..
زينب فيها ضحكه.. : ــ الله يوفقش ..

ودخلو الغرفه .. وقعدو...

تابع>>

Princess

07-09-2008, 03:26 PM

طلعت ام علي ثوب امل ..
ــ ها يا بتي ويش رايش .؟؟.
علا عجبها الثوب والخياط مره مرتب ..
امل : ــ ما شالله .. ويش رايي بعد يا خالتي .. شغل مضبوط كعادتش ومرتب يعطيش العافيه..
ــ الله يعافيش ..قيسيه يا بتي .. يمكن فسيح شوي لو يبغى له تعديل لو تقصير ..
ــ زين..
كانت ام علي حاطه في الغرفه ستاره حق التبديل ..
بدلت امل وطلعت..
ــ ممممم ضابط بس شوي يبغى له تضييق حق يصير احسن ..
خذته ام علي تضيقه..
ومدة هي تضيقه.. قامت ليلى تجيب ضيافه ..
صارت تحوس في مطبخهم مهي عارفه ويش تحط..
حطت كيكه في صحن و سوت دلة شاي .. و انتبهت للساقو وحطته .. وراحت بالتبسي ..
صبت شاي .. ومدته على علا ..
علا ابتسمت : ــ بس مابغى.. مشكوره ..
ليلى بأبتسامه: ــ ويش دعوه .. دفي روحش في هالبرد..
علا ردت ليها الأبتسامه: ــ لا بس ما اشرب
<< كذابه .. مهي مشتهيه تشرب اصلا من بعد ما شافت الحاله والبيت .....
مدت ليلى استكانة الشاي على امل .. خذتها وصارت تشرب فيها..
شوي ليلى قربت صحن الكيك ليهم.. امل خذت قطعه..ومدته ليلى على علا .. :
امل : ــ علا .. اخذي لش كيكه..
علا بعفويه خفست وجهها : ــ لا .. بس .. مابغى..
ليلى انحرجت من الحركه و حطت الصحن ..
امل عارفه بنت اختها.. ونفسيتها .. الوضع ما عجبها فمستحيل تاكل شي او تشرب شي ...
غير ان علا كل شوي تتلفت بعفويه يمين وشمال ..
امل حست ان ليلى انحرجت من اسلوب علا ورفضها انها تشرب او تاكل أي شي من عندهم..
زينب كانت طول الوقت تطالع في علا .. وكلما طالعت فيها علا شالت عيونها عنها بالسرعه..
زينب في داخلها : ــ شكلها مغروره.. مابغى مابغى ولا تخفس وجهها بعد.... عدال..
ام علي لاهيه في المكينه تضيق الثوب ..
وشوي الا علا تصرخ وتنفض عباتها وتقوم..
ام علي وقفت عن الخياطه وهي مختلعه..: ــ خير .. ويش صاير..!!!
ليلى قامت تشوف ويش صاير..
علا بخوف : ــ مادري .. حسيت شي يمشي علي ..
ليلى : ــ وينا؟؟ ويشوو؟؟
وراحت مكان علا..
وصارت بأيدها تمسح عالفرش تبغى تشوف شي .. وتطالع بدقه..
شافت نمله.. جابت نشافه وشالتها,, وابتسمت :
ــ نمله..
علا هدأت وقعدت..
امل قامت تضحك:
ــ ما عليكم من علوه تسوي من الحبه قبه.. خوب نمله..
ليلى قامت تجيب لعلا ماي من بعد الخلعه..
جابت ليها الكاس..
علا : ــ لا بس ما ابغى..
ليلى تضايقت و في بالها: ــ ياعلي .. حتى الماي..!!

امل ما عجبها الوضع.. تبغى تسوي أي شي يحرك علا و يغير هالمعامله اللي مبين انها مهي عدله ابدا .. عالأقل تاكل لو شويه..
هي تعرف هالبيت .. صحيح على قد حاله ...
بس نظيفين بالمره وما عمرها اكلت لو شربت شي من عندهم واشتكت بعدين..
فويش تسوووي؟؟؟
.. قامت سوت روحها تحوس في شنطتها وكأنها تدور شي .. وهي كانت اساسا تكتب رساله بالجوال لعلا .. ولما خلصت طلعت نشاف .. على انها كانت تدور عليه وسكرت شنطتها
ليلى ابتسمت.. و قامت وجابت علبه وحطتها
ــ اسمحي لينا .. راح عن بالي اجيب نشاف
امل ابتسمت : ـــ ويش دعوه .. تسلمي غناتي..

الا صوت مسج.. علا طلعت جوالها.. لقت رساله من عند خالتها...
ــ علا غناتي.. عيب الناس نظيفين لا تحرجيهم.. اكلي من عندهم على ضمانتي..
علا حست بأحراج..
والتفت لأمل خالتها.. امل تسوي روحها ما هي منتبهه ليها .. وقاعده تسولف ويا ام علي ..
علا محتاره في عمرها .,, تحس روحها مهي عدله تصرفاتها.. بنفس الوقت ماعندها رغبه وهي مشتهيه..
مدت ايدها و نتفت قطعه صغيره من الكيكه.. وحطتها في بوزها..
وشوي مدت ايدها بعفويه وبسرعه عالنشاف ... خذت نشافه و طلعت الكيكه و لوتتها في ايدها..

ليلى انتبهت عالحركه.. لأنها اسااسا من مدت علا ايدها استانست وصارت تطالعها..
وبعفويه تامه.. وقفت و في قلبها غصه .. وصارت تقول وصوتها متكسر :
ــ نظيفين حنا على فكره..
وطلعت من الغرفه..
ام علي وقفت المكينه .. وطالعت في زينب ..
ــ ويش صاير !!

ليلى دخلت غرفتهم .. وريمو حاطه سماعات المسجل وماسكه كتاب يازعم تذاكر..
سكرت ليلى الباب وراها وراحت سريرها وقعدت ووجهها احمر ومعصبه وكأنها بتصيح..
زينب ما تدري ويش خلى ليلى تفجر هالجمله ... حركت كتوفها لعمتها بمعنى مادري ؟؟
وقامت لليلى..

ريما شالت السماعات: ــ ويش صاير ؟؟
ليلى تتنفس بسرعه.. الا بدخلة زينب ..
ريما : ــ زنبوه ويش صاير ؟؟
ــ سكتي مو وقتش..
ــ اهووووو كل مو وقتي ومو شغلي .. فارقو..
وحطت سماعه وحده في اذونها وانسدحت وعطتهم ظهرها..
زينب حوطت ليلى بذراعها:
ــ ويش فيش غناتي ولويه قلتي كذا..
ليلى ما تحملت.. صارت دموعها بعفويه تطيح وبصوت متكسر::
ــ كل شي بس ما بغى.. و تعابير وجهها تقهر .. كنها قاعده في زريبه .. وقرفانه .. كل هذا واني اسوي روحي ما اشوف شي .. وساكته.. تالي تاكل كيكه وتطلعها في نشافه .. ليش ..؟؟؟
لاعت شبدها.!!!. لو ما دخلت مزاجها..؟؟
عيني عينك.. حركتها تقهر..
زينب عورت قلبها بنت عمتها : ــ بس .. خلاص .. ماعليش منها غناتي.. خليها تولي..
ــ على شان هي بت اغنياء صرنا حنا الفقارى كخه.. لو ما اكلت احسن لينا وليها..
لا يجيها تسمم.. ولا قايمه تناقز لي وتصارخ على حساب نمله..
زينب تمسح على ظهر ليلى تهديها..
الا ريما دايره عليهم .. سمعت من الأذون اللي ماحطت عليها السماعه .. وصارت تضحك .. تضحك..
زينب فتحت عواينها : ــ على ويه تضحكي يالبايخه..!!
ــ هههههههههههه بلاها ما شافت الفار البارحي .. لو تدري به شكلها حتى على الفرشه ما بتقعد ههههههههه
زينب : ــ يؤ تشيه طلع ليكم فار ؟؟
ريما تدحن على سريرها ضحك : ــ ايه ههههههههههههه..
زينب ضحكت : ــ اسبوع الفيران العالمي .. حنا بعد من دي كم يوم طلع لينا .. لاعبه ابوي تليعب .. صغير مره ههههههههه.. لحقه ابوي و رمى عليه قوطي دهنه .. ونادى على امي ..
وصارت تمثل زي ابوها .. : ــ زهرااا .. جيبي خااشوووقه..
ليلى وريما صارو يضحكو..
زينب وهي ميته ضحك..
ــ وياخذ الملعقه ويصير يطق على قوطي الدهنه حد ماعنده .. طاخ طاخ طاخ..
ههههههههههههههههه سدح الفار مسكين خلاه يستجن من الأزعاج .. تالي جاب كيس ورماه .. موتنا ضحك ذاك اليوم..
ليلى وريما خلاص مو قادرين من الضحك..
شوي الا يسمعو صوت امل في الصاله... بيروحو..
وطلعة امل ..
ــ اسمحي لينا خالتي .. وامسحيها في وجهي .. مع السلامه
ام علي بأبتسامه:
ــ لا ويش دعوه.. حصل خير.. الله يسلمش
علا طلعت تركض ركبت السياره.. ورى ويا سجاد
امل ركبت قدام..
مالك : ــ هاا... وين الحين ناويين أي سوق ..؟؟
امل ما تبغى تفتح الموضوع قدام مالك سوت روحها مافي شي .. ودارت على علا :
ــ وين تقترحي نروح..؟؟
علا بهدوء وغصه:
ــ البيت..
امل : ــ ويش فيش .. لويه؟؟
ــ البيييت...
ــ ياساتر عليييش.. البيت البيت..
مالك : ــ ويش صاير ..؟؟
امل : ــ ولا شي .. خل السوق مره ثانيه..
ــ على خير..

وفي سوق السمك..
ــ قرررررب عالمييييييد.. قرقفااااااااااان.. شحااااااااااديييييييييد
علي يضحك : ــ حميدوه عورت راس العالم.. حراج السمك مسوي عمرك..
ــ كحح بح صوتي .. ويالله احد يجي .. كل العالم مسويه حالها .. هوامير و شعري وكنعد .. والصافي سيد السوق .. الله لك يا ميدي
ــ مالت عليك .. حتى سمكنا يبغوه للمشوي تمام.. صبر الحين يجوك شرايين لا تستعجل على رزقك...

شوي .. جى رجال لحميد .. وصار يقلب في السمك.. ويرفعه ويشمه..
حميد استفزته الحركه :
ــ ياخوك ويش تشم.. كله على بعضه سمش وزفر..!!
الرجال بنظره مهي لهناك : ــ فرضا معفن..!!
حميد عصبته النظره والجمله : ــ معفن وجهك.. طااااااازج توي صايدنه الصبح..
علي في باله : ــ اوووووه حميد ولسانه يللا عاد الله يستر
الرجال بقهر : ــ وجهي معفن.. ما معفن الا انت واشكالك..
ويرمي السمكه في الصينيه.. ويمشي
حميد يصفق كنه مصريه محمقه ...
ــ ايييييييه.. ريحتنا.. باللي ماايرد
علي : ــ ههههههههههههههههههه ويش فيك حميدوو .. هدي .. ياساتر عليك.. تالي قول ماحد يشتري..
حميد : ــ قهرني .. قهرني .. شراي كذا مابغى.. يولي .. قال معفن قال..
ــ ههههههههههه الله يهديك..

شوي الا بجية واحد لحميد .. وكان غريب على علي ما شافه في حياته.. وشكله ما عجب علي .. يحسه شبهات.. من حلقته ووشم على كتفه.. .. حميد من شافه ..
ــ هلاااا والله هلا فيك..
والتفت لعلي ..
ــ انتبه لصينيتي وبيع عني اذا جى احد.. شوي وباجيك..
علي بريبه : ــ وين رايح..؟؟
حميد وهو ماشي مع الرجال ..
ــ دقايق وراجع...

والى الملتقى..

دمعة على السطور

07-09-2008, 04:12 PM

ياعلي
بعد عمري ليلى مره كسرت خاطري
ماتوقعت علا لهذي الدرجة هذي الحساسة عن حساب بعد
تقهر مرررررررررررررررررره

وهذا حميدوه وين رايح
ومن هو الرجال المشبوة هذا؟؟؟؟؟؟؟؟؟؟؟؟؟؟؟؟؟؟
ياعلي بكرة الخميس أميرة
مااااااااااااااااااني
هههههههههههههههههههههه

ياالله مالينا إلا ننتظر ونصبر للسبت
يعطيك العافية خيتي أميرة
على هالقصة الروعة اللي تصور أحداث من واقع مجتمعاتنا..
الأحداث بصراحة كل يوم تغلي ويزيد فيها الحماس أكثر

موفقة لكل خير إن شاء الله تعالى..
..دمتي بعين المولى الجليل..

*زهرة البنفسج*

07-09-2008, 04:59 PM

وييييييييييي مسكينه ليلي عورت بفادي عفرررررر

وطلعت ريما مره عاد

ومن الرجال الي جاي الى حميد

ننتظر البقيه

Princess

07-09-2008, 06:42 PM

مرحبا
نورتوني لا عدمت هالنور..
حبايبي .. اني بحاول قد ما اقدر .. اكتب الجزء حتى في ايام اجازتي ..:amuse:
شيكو وشوفو يمكن الله يقدرني احط شي..:rolleyes:
لعيونكم والله .. بحاول:embarrest:

اسألكم الدعاء
دمتم بخير
وبحفظ الرحمن

أميرة باحساسي

07-09-2008, 08:16 PM

هداااويه على وووو شااايفة حاااااااالها عولاااااايوووووه بنت الصوااااااقع ......على قووولة امي .
مسكينة ليلى كسرت خااطري http://www.alnassrah.com/images/icons/bawling.gif والله اني عشت الجوووو وكأن اني اللي في هذا المووووقف . قهرتني الدووووووبه .http://www.alnassrah.com/images/icons/icon8.gif

يسلموووووووو امووووووووورة على الجهوود .. مباااركة ان شاء الله .
وبانتظــــار الجزء الجديد بفااارغ الصبر.
عساااج ع القوة .

دمعة على السطور

07-09-2008, 09:51 PM

ايه عدل خيوة حطي بكرة ها
بالانتظار..
نسيت اعلق على ليلى لما قامت تقول
قبل ماتروح ودنا وياك ودنا
نريد انزور صحن الزينبية

ياعلي احنا بعد نبغى نروح متى...........
الله يرزقنا وياكم الوصول يارب...
موفقة خيتي إن شاء الله تعالى..
..دمتي بعين المولى الجليل..

Hussain.T

07-09-2008, 10:39 PM

انا قريتها الصباح بعد

يعطيك ربي الف الف عافية

ننتظر التكملهـ على احر من الجمر

تحياتي

صمته جرحني

07-09-2008, 11:49 PM

احب اهنيكي عالرواية

انا بصراحة تحمست للرواية مع اني ماقريها بس شفت ردود الاعضاء وحماسهم خلاني اتحمس للقرائة //// شفيها ماعرفت الا هالكلمة

وانشاء الله بقراها اول ما اخلص من الرواية الي عندي بس انا واثقة انها راح تكون من روائع الروايات

تحياتي

للدموع إحساس

07-10-2008, 02:41 AM

صبــــــــــــــــــــــــــــــــــاح الخير ،،
من حظهـ حميدووو أن علي وياه ،، وإلا كان راح فيها ،،
لكن ،، بـ صراحهـ علا بالغت ،، وين قاعدين يادفع البلا ،، < مرة ما عجبتني تصرافاتها ،،
وليلى ،، بـ صراحهـ عندها كل الحق تنقهر ،، شي يبط القلب ،،
كان لا أكلت ولا سوت هاالسالفهـ ،،
عموما خيوووه ،،
يعطيكـ ربي ألف ألف عاااااافيهـ ،،
على هيكـ روايهـ حمااااااس ،،
بـ إنتظار الجزء القادم بـ فارغ الصبر ،،
تحياااااااااااتي ..
للدموع إحساس ..

Princess

07-10-2008, 03:59 AM

مرحبا..
ولا احلى من دخلتي هالمتصفح
وشوفة هالردود منكم..
شي يفرح والله..
الله يخليكم ويبارك فيكم.. ويحقق امانيكم...

هو اليوم اني على حساب اجازه .. ولا رجعت الا متأخره :embarrest: بس قلت اشد على روحي شوي لعيونكم..
وكتبت ليكم الجزء السادس.. وله تتمه .. بس ما اوعدكم تكون بكره..
حسب الظروف .. وان شالله تكوون بكره..

نسألكم الدعاء
و تفضلو الجديد

Princess

07-10-2008, 04:01 AM

الحلقة السادسة..

شوي الا بجية واحد لحميد .. وكان غريب على علي ما شافه في حياته.. وشكله ما عجب علي .. يحسه شبهات.. من حلقته ووشم على كتفه.. .. حميد من شافه ..
ــ هلاااا والله هلا فيك..
والتفت لعلي ..
ــ انتبه لصينيتي وبيع عني اذا جى احد.. شوي وباجيك..
علي بريبه : ــ وين رايح..؟؟
حميد وهو ماشي مع الرجال ..
ــ دقايق وراجع...

علي في باله..
ــ الله يستر منك ياحميد.. هذي فتره منت عاجبني ابدا.. مادري ويش اللي وراك وويش ناوي,, ايه ياخبر اليوم بفلوس بكره ببلاش

ام علي : ــ ابو علي تبغى ساقو؟؟
ــ... وهذا سؤال ينسأل ؟؟ ايه ليش مابغى !!

عطت ام علي ابو علي الصحن
ابو علي بأطراف اصابعه يلمسه:
ــ هادوااايش برد..!!!
ــ ايه مفتوح ظل شوية زينه وبرد
ــ حطيه في الفرن يصخن..
ــ الصحن بلاستيك بيميع علينا...
ــ اهووووو حطيه في صحن عدل وحطيه في الفرن
ــ يااااااااعلي ياحبك للشغل والحوسه
ــ ايه .. يا تجيبي شي عدل يا لا تعزمي مره فانيه..
خذت ام علي الصحن .. وراحت تصخنه..

وفي غرفة البنات.. ريما :
ــ زنبوه .. وين اخوش جاسموه؟؟
ــ الويه؟؟
ــ ابغاه في شغله...
ليلى : ــ شغلة ويه.؟؟؟
ــ يحل الي سؤال...
ليلى بسخريه: ــ في الكيمياء لو الفيزياء
ــ لا احياء .. تسخري ويا وجهش .. ابغاه لأاعرابات في النحو << شلاخه تبغاه للتلفزيون
زينب : ــ ويش دعوه حنا نعرف نعرب... هههههههههههه واللي يسمعش عاد جاسموه ابو الأسود الدؤلي ..
ريما : ــ لا انتون علمي ما تعرفو.. ومنهو دا ابو الأسود الدؤلي..؟؟
زينب : ــ ههههههههههه ظررريفه كثري منها.. وافاا ما تعرفي ابو الأسود الدؤلي..؟؟؟
ليلى : ــ تشيه دي تعرف شي .. ينفع... تعرف اسامي مطرربين ممثلين.. خرابيط ايه اسأليها عندها علووم..
ريما بقهر : ــ ذلفو عني .. خلاص هونت.. مابغى شي..
زينب: ــ كيفششش.. وثاني شي جاسموه ماندري وين ارضه كل يوم والثاني ذالف ولا نشوف رقعة وجهه الا بالصاقعه..
ريما بهمس : ــ شااان زين اني زيه...
زينب : ــ هااا .. ويشو تقولي ؟؟
ــ لا ..ولا شي ...

ليلى دارت على زينب بحماس :
ــ مادريتي ياخيه..
زينب ابتسمت : ــ لااا ويشوو..
ــ افكر في شغله دي يومين..
ــ احلفي .. الله تماااام.. ويشوو فكرتش؟؟
ــ حنايه..
ــ حلوووو .. فكره مره حلوه .. ولا هي مكلفه .. بس متعبه.. وانتين ما شالله عليش ايدش خفيفه .. هههههههههه اذكر ايام المدرسه تزخرفي دفاترنا... وفوق هذا الشغله كلها حريم في حريم .. ما بيمانعو اهلش..
ــ ايه على قولتش .. بس بعدني افكر..
ــ الله يوفقش ياليلوه يا بنت عمتوه
ــ الله يسمع منشششش بنت خالوه..

ريما : ــ تالي اجل تحنيني حنى عرسي بلاش
ليلى : ــ هههههههههههه اللي يسمع مخطوبه .. ان شالله .. الله كريم و احنيش..
ريما : ــ هههههههههههههه خلاص اجل بكره بادور ريل
زينب ترمي عليها المخده: ــ ما تستحي هههههههههههههه
ريما تغمز لزينب : ــ ماتبغي ادور لش .. لووو صح صح .. موووجوووود

ليلى كشرت بوجه ريما.. ما تبغى هالسوالف كل شوي.. وهي تدري بأخوها وتفكيره.. و لا تبغى زينب تتعلق اكثر ويصير عشمها فيه..

وصل مالك خالته امل .. اللي مارضيت تنزل وياهم بيتهم... وكانت متضايقه من تصرفات علا بالمره...

ورجعو البيت.. ودخلت علا وعلى طول ركبت غرفتها..
ودخل وراها مالك...
سميره : ــ الا رجعتو بدري .. وويش فيها دي ركض لا سلام ولا كلام
مالك يرفع كتوفه : ــ مادري .. خذناهم من الخياطه وهذي حالتها وقالت على طول تبغى البيت.. ومارحنا السوق.. تعرفيها .. الدمعه الساكبه..
ــ امممم يعني.. واي خياطه؟؟
ــ ما اعرفهم .. بس بيت من البيوت القديمه في الفريق الشمالي .. قريب البحر
ــ اهااا .. وويش وداهم هناك.. قلة خياطين هنا !!!
ــ والله مادري..
وبيطلع مالك من البيت..
ــ وين رايح؟؟
ــ للشباب ...
ــ زين متى بترجع..؟؟
ــ مادري على حسب.. لويش ؟
ــ لا بس ولا شي .. قلت لو اتصل ابوك عالبيت كان تردو عليه .. يمكن يتصل لو شي ..
ــ ايه عادي احيانا هو يكلمني عالجوال
ــ يعني .. اجل تيسر...

علا في غرفتها.. ماقفلت الباب لأنها تدري عمتها ما تسويها وتجي ليها تشوفها ويش مضايقها ..
صارت تتذكر موقف ليلى منها.. صوت ليلى المتسكر والحزين يرن في اذونها.,,
صارت تصيح :
ــ مو قصدي .. وربي مو قصدي.. ياالله سامحني .. ويش اسووي..
وظلت تقلب افكارها والهم مخاويها..

علي قاعد في السوق.. اذان المغرب قريب .. وحميد مارجع .. باع بداله شوي زين لو كان موجود عند صينيته ماباع هالكثر,,,
من كثر ما يتشابق ويرد بلسان طويل على خلق الله..
علي كان صبور.. حتى لو توجهت له اهانه .. كان يمسك روحه.. واذا عصب مو زي حميد.. يحاول يداري عصبيته على حساب رزقه.. لكن من يرجع البيت وهو تعبان ومعصب .. وتسوي ريموه اقل حركه مهي عدله.. يحط حرقته فيها ويقوم الصريخ والتهزأ...
وريما ما شغلتها الا ترد عليه احيانا لو تضحك وتزيده عليها .. واحيانا تخاف و تسكت..
عمرها ماصاحت ولا ذرفت ولا حتى دمعه وحده..

علي خلاص .. زهق مو عارف ويش يسوي ... وحميد ماعنده جوال كان يتصل عليه... سلم امره لله .. شال بقايا سمك حميد وصوانيه .. وصار يرتبهم..
لين يرجع..و المشكله مايقدر يخليهم .. ولا يوديهم الصندقه.. لأن حميد يروح ويجي وياه ..
شوي الا برجعة حميد ..
علي بقهر : ــ وووووووينك يارجال..!!!!!!
حميد بابتسامه عريضه و يمسح على ظهر علي :
ــ مسااااامح ياخوووك,, شغله ضرووريه والله.. تسلم يعطيك العافيه..
ــ الله يعافيك......... وويش هالشغله.. ومنهو دا؟؟
حميد وهو يلم باقي اغراضه..
ــ ايه.. لا بس هذا واحد من الشباب جايب لي خبر عن طراد... مره سولفت وياه قلت ودي اخذ لي طراد سعره اوكيه و يمشي قال بس يحصل بيكلمني.. الحين جى هو ويا واحد من اصحابه .. راعي الطراد هالواحد بيبيعه.. وحاطينه في سيارتهم رحت اشوفه.. و بس ..
علي مو داخل راسه هالكلام : ــ يعني.. وويش نويت تاخذه؟؟
ــ لأ.. ما عجبني.. غالي سعره...
ويحاول حميد يغير الموضوع بمزحه وهو يضحك:
ــ هااااااا ابو علاي .. لايكون مضايقنك انا عالطراد.. اعتررف بس اعترررف
علي : ــ ظرريف .. ويش دعوه بالعكس تونسني خوش طلعات وياك..
ــ ههههههههههههه ايه حسبالي بعد
ــ لا يحس بالك ..
علي مو مرتاح بالمره.. وكلما حاول في حميد .. يلاقيه يلف ويدور...
رجعه الصندقه.. ورجعته لقى جاسم جهة الصندقه توه طالع منها
حميد : ــ وووووووول عليك توك قاعد من النوووم.. فكرتك رحت من الصبح..
جاسم يتثاوب : ــ لأ .. توي قاعد..
ــ ايييه يادنيا ناس تتشحطط في البحور و تتعب وتروح وتجي وناس نايمه ولا همها
علي مستنكر : ــ ليش ..؟؟ الظهر طلعتك من البحر..؟؟ مادخلت الصندقه؟؟ ماشفته فيها..
حميد انربط لسانه : ــ هااا ... لااا .. دخلت بس تدري ياخوك طايح في البحر وداير راسي .. ما انتبهت له ...
علي بأستنكار وابدا كلام حميد مو عاجبنه ولا داخل مخه: ــ ايه.. يعني..
حميد : ــ يللا مع السلامه ياخوك .. اشوفك بكره على خير
ــ على خير .. تعال خذ فلوسك..
ــ أي فلوس ؟؟
ــ فلووس سمشك... بعنا لك شوي زين..
ــ اوه.. ما شالله.. خلهم لك حلالك..
علي حمق فيه : ــ امسسسك يا بن الحلال وخلني اتيسر
حميد اخذهم و بأبتسامه عريضه : ــ يااااااساااااااتر عليك...
وركب جاسم مع علي.. وهم في الطريق اتصلت عليه اخته تبغاه يجيب ليهم خبز قبل لا يأذن... وهي تكلمه جاسم عطس ..
ليلى : ــ يؤ وياك احد..؟؟
ــ ايه جاسموه ولد خالي ...
ــ اهااا يللا اجل ننتظرك لا تنسى الخبز
ــ ان شالله..
وسكرت التلفون..
ام علي : ــ مين اللي وياه ....؟؟
ــ جاسم
ريما فتحت عيونها بتررجي .. وآمالها تخيب.. وفي بالها:
ــ اففففففف حتى لو جى بيتنا من وين اجيب له 10.. صاقعه تصقعه ابو كروه..
زينب : ــ ياعلي عليش .. وياه ولا تقولي
ــ الويه اقوول؟؟
ــ الحين بيرجعه البيت.. كان يرجعني وياه مره وحده..
ام علي : ــ الويه يابتي ..؟؟ قعدي تعشي ويانا..
ــ لا عمتي فيه العافيه مره ثانيه.. اسمه علي بيروح بيتنا كل ولابد .. ياليت يمر هنا قبل وياخذوني لا امشي تالي في الليل ..
ام علي : ــ قعدي تالي علي ويا ليلى يرجعووش..
ليلى : ــ ايه يللا عاد.. من زمان ماقعدتي ويانا..
ــ لا.. خلوها مره ثانيه.. اجيكم ويا اهلي كلنا.. ولا اتعب علي توه راجع من شغله ويرجع يطلع..
ام علي : ــ مافيها تعبه يابتي..
زينب ابتسمت .. ــ مره ثانيه غناتي
ام علي : ــ على راحتش .. وسلمي على اهلش.. و اتصلي امي باخوش قولي له يمر

واتصلت ليلى لعلي .. اللي قال ليها دقيقتين وبيمر عالبيت..
وطلعت زينب لعلي ..

تابع>>

Princess

07-10-2008, 04:01 AM

وفي طريقهم لبيت ابو جاسم.....
لفت نظر جاسم شبقه في احد الزرانيق ..
ــ اه .. طلعو.. شباق..
علي وقف وريوس ... الا فعلا شباق والدعسه في البطون قايمه...
صارو يركزو النظر مو مبين مين هذيلا ؟؟؟
وينزل علي ليهم ويفكهم ... ويهرب واحد منهم ويظل الثاني .. اللي عرفه من صوته
ــ عادلوه ويش فييييك...؟؟؟
عادل وهو رافع نعاله المنقطع ...ــ هدددني عليه باااادوووس فبطنه..
علي : ــ ههههههههه امش .. اطلع من هالزرنوق .. خلصني ..
ــ هددددددني بدبحه هالـ .......... << طووط تشفير ,,, سبايب قويه من العيار الثقيل
علي مختلع ... ــ يااللله ويش هالكلام .. من وين لك...!!
عادل يضحك: ــ عببباااسسسوه كللله يقووول لي كذااا..
ــ و لعنه انت و عباسوه.. امش قدامي...
وفتح باب السياره جهة جاسم.. كانت سيارة علي عراوي غمارتين موديلها قديم... وقدام واسع يكفي نفرين غير السواق...
وركب عادل .. ونعاله المقطوع بعده في ايده..
جاسم : ــ هاداااويه نعالك لويه في ايدك.. ارميه انقطع خلاص ..
ــ هههههههه ميييينوووننن انتتت ووويشششو ارررميه .. هاااداا سلالالاح الحرررب,, بكره اراويه صبيان الفرررريق...
وحطه على صندوق السياره .. وصاير شكله وهو من ورى الجامه تحفه..
علي : ــ هههههههههههههههههههههههههههههههههههههه
زينب اختلعت .. اول مره تشوف علي يضحك بهالدرجه .. وابتسمت وفيها فضول على ويه هالضحك معقوله لجملة عادل..
علي مو قادر يضحك...
جاسم : ــ ووويش فيك؟؟؟
علي : ــ ياربي على عادلوه.. ذكرني يوم انا صغير .. اذا انقطع عندي نعال في شبقه .. استانس وافخر واقول قطعته على فلان.. ههههههههههههه الله يخلف على ذاك النعال تعب من كثر ما ترقع.. رحم الله ذيك ايام...

زينب ماقدرت ,, صارت تضحك على خفيف ..
جاسم : ــ بل .. خوش سلاح...

عادل سمع زينب و التفت بالسرعه عليها ..
ــ منههههييي انتين..؟؟؟
جاسم يفلصه ...
ــ استريح وتأدب..
عادل : ــ مييين هييي .. زنببببوووه اختك..؟؟
جاسم : ــ ويش عليك انت ؟؟؟
ــ ههههههههههه لاااا بببس العصصصر لاحقققتها فففي الطررريق
جاسم منقهر : ــ ومستانس ويا وجهك..
علي يهمس لجاسم.. : ــ هدي هدي .. لا شرهه عليه ..
عادل : ــ اححححللليوه اخخختك .. انننااا احببببها ..
علي بعفويه تامه صار يضحك ...
زينب فتحت عيونها مختلعه من جملة عادل .. ومقهوره من ضحك علي ابدا مو هامنه الكلام وقاعد يكركر ضحك.. ..
جاسم ضرب عادل على راسه.. وفتح له باب السياره..
ــ يللا اذلف وصلت بيتكم..
ــ ددددقققيييقه جيييب نعااااالي
جاسم يرميه عليه:
ــ خذه مالت عليك..
ــ ووووعللليييك...

علي يسكت شوي .. وفجأه ما يشوفوه الا يضحك
جاسم يطالعه على جنب : ــ على ويه الضحك؟؟
ــ خخخخخ على خبالة عادلوه..
زينب معصبه .. مصخها علي بالضحك..
وصلو البيت ونزلو ... ودخلت وهي محمقه..

جاسم دخل .. وفي الممر قبل لا يوصل للحوش ..
ــ شششوووفي ابووش هنا..؟؟؟
زينب : ــ اوووه فارقني اكيد هنا... ما تشم ريحة القدو..
ــ ياساااتر اكيد في الحوش مبسط .. استعد يا جويسم للقصف العشوائي...

دخلت زينب للحوش .. كان بيت ابو جاسم من البيوت العربيه القديمه.. الباب تالي ممر يوصل للحوش .. وحوالين الحوش الغرف ..
ــ قواك الله يبا..
ابو جاسم يشرب في القدو :
ــ هلا .. الله يقويش .. مين رجعش؟؟
ــ علي ولد عمتي
ابو جاسم :ــ لحاااالش ؟؟
ــ لا وياي جاسموه
ابو جاسم رمى قلم القدو: ــ جاسمووه .. ووينهوو..؟؟؟؟؟؟
الا بدخلة جاسم للحوش...
ما شاف الا ابوه يحبي بسرعه ويشيل نعاله ويرميه عليه..
ويتحاشى جاسم رمية النعال ..
ويحاول ابو جاسم يقوم بالسرعه .. بس وين يقوم بعد التعب في الزراعه وقاعد الحين ويا القدو.. داخ راسه وقعد ..
وينحاش جاسم غرفته ويقفل الباب
ويصير ابوه يصرخ:
ــ ايييييييييه.. مو هذا اللي ماخذينه منك.. زي البنيه تنحاش وتقفل بيبان .. يا الدلعه.. يا طايح الحظظظ,, عساك ما تربح.. حسسبي الله عليك من ولد قليل طوع و منفعه...
ام جاسم في المطبخ تسوي العشا ببرود ولا كنها تسمع.. متعوده على هالشباق..

ابو جاسم يكمل تهزأ وصريخ..
ــ احمد ربك الحين قرريب يأذن وبطلع المسجد .. يا طايح الحظ والا كان شلخت الباب عليك.... شان فيك خير روح صل صلاة ربك هناك.. لو بس فالح هياته في المزارع ما تأخرها ولا تفوتها..
وقام ابو جاسم وهو يهزأ .. وقومته حط ايده على قلبه .. وصرخ:
ــ آآآآآه قلبي .. قلبييييي..
وقعد...
وجت له ام جاسم تركض .. وزينب راحت بسرعه وهي متصروعه تجيب له ماي..

والى الملتقى :embarrest:.. مع تتمة الجزأ السادس ..

للدموع إحساس

07-10-2008, 04:18 AM

صبــــــــــــــــــــــــــاح الورد والجوري ..
خيوووه حممممممممممممممممممممممماس ،،
عسى ما يصيبهـ مكروه أبو جاسم ،،
أما عادلوه دا فلتهـ ،، ولا يستحي أحرج البنيهـ ،، لا ويقول حليووووه ،،
ويحبها بعد ،، هـ ع هـ ع يقطع إبليسهـ على هاالسوايا ،،
وحميدووو دا ،، شكلهـ داهيهـ اللهـ يستر منهـ ،،
واره شي ،، لا وشي شايد بعد ،، اللهـ يستر على علي منهـ ..
خيتووو ،،
يعطيكـ ربي ألف ألف عااااافيهـ ،،
بـ إنتظار التتمهـ < وف الحين متى بتجي بكرة الصبح ،،
سلام ياالـ غلا ،،
للدموع إحساس ..

كبرياء

07-10-2008, 04:29 AM

حركااااااااااااااااااااااات

يسلمووووووووووووووو أميرووه على الجزززئين الرووووووووووووعهـ ..

ضحكتينآ هع هع

يعطيكـ ربي ألف عـآفيهـ ..

بااااااااااانتظااااااااااااااااار الساااااااااااااااااااااادس تكملته

عوامية صفوانية

07-10-2008, 04:31 AM

اما الصراحة شخصية ليلى عاجبتني وااااااايد

وعلا مره مصختها الدلوعة

وريموه بعد اللي ما تستحي بكل وقاحه اتقول ابويي ما يشوف ( انتي وش عليش حتى لو انه ابوش )

يا الله ننتظر دامن اللي جاي لحميدوه اللي فيه وشم بعد يخوف شكله هههه ( لا شفتيه اي قريته هههه)

مشكورة خيتو تسلمي على الرواية روعة مثلك غناتي

نحن في الانتظار الله يصبرنا ان شاء الله

شذى الزهراء

07-10-2008, 05:29 AM

حلوووه جداا
تسلميين اموره ع الطرح
تحياااتي

آسوآآر الآلــمـ

07-10-2008, 05:48 AM

مبدعة أختي أميرة المرح

حماااس .. حمستيني

يالله ننتظر الجاااي

موفقة أختي ..

_________

Hussain.T

07-10-2008, 12:35 PM

مشكوووره اختي اميييييره

وننتظر البقية

دمعة على السطور

07-10-2008, 04:03 PM

ههههههههههههههههههههههه
ههههههههههههههههههههههههههههههههههههههه
ماني قادرة على عادلوووووووووووووووووه موتي من الضحك

بس مسكينة زينب ههه
وعلي بعد يضحك هههههههههههه
يقهر

بس علا بصراحة شكلي ظلمتها..

يعطيك العافية خيتنا الغالية أمورة
بانتظار البارت الجديد..الجميل زي اللي قبله إن شاء الله..
موفقة لكل خير إن شاء الله تعالى..
..دمتي بعين المولى الجليل..

*زهرة البنفسج*

07-10-2008, 04:29 PM

والله هلعادلوو فلته ولا حليوة بعد

الله يغربل شره

عسا اميرة مافيها موت لأبو جاسم اي لازم اصيحينا

ننتظر البقيه

مياس

07-11-2008, 01:00 AM

بسم الله الرحمن الرحيم
جزئين روووعه يسلمووو إيديكِ أختييي
بس شو بيصير في أبو جسوووم ؟؟؟
ننتظر الجزء الجديد

دمعة الاحزان

07-11-2008, 01:41 AM

اااااااااه .... ااااااااه قلبي:sad2:
اوف انا ماجي الا بالوقت الغلط
الحين ويش يصبرني لبكرة عشان اشوف ابو جسمان ايش صار اله
انا قلت مو قاريتها الا من سبت لسبت بس ويش اسوي فضول ذبحني
والحين بيذبحني اعرف ويش صار
شكلي بعقد صلح مع اختك بالكليه عشان هي تسرق من غرفتك وترسل الي وبكذا
انهي فضولي وفضولها:toung:
بس حسرة الحين مافيه كليه
بس الروايه الجايه مابتتنزل الا العقد موقع:wink:

امور غناتي ابداع زي كل مرة تسلمي على كل هالابداع
ربي يوفقك ويفتحها بوجهك ومن سابع سماه يرزقك
تحياتي وامنياتي لك بالتوفيق<<مدري من وين نزل الادب فجاءة

آخر شقآوهـ ..~

07-11-2008, 02:47 AM

أني أتوووقع يسخر عليهم ابو جسووم عشان جاسموه يطلع من الغرفه ويطيح فيه ابوه دق
ننتظر الباقي بفارغ الصبر
يعطيك العافيه
تحياتوو

..انين الروح..

07-11-2008, 03:48 PM

تسلم يدك امور على الروايه الروعه وعقبال ما نشوف لك كتاب في المكاتب
الله يوفقك في كتاباتك وفي حياتك يا رب
بتظار باقي الاجزاء
تحياتي

دمعة على السطور

07-11-2008, 04:17 PM

هلا خيتي أمورة
بانتظار الغد ...
موفقة لكل خير إن شاء الله تعالى..
..دمتي بعين المولى الجليل..

Princess

07-12-2008, 04:22 AM

مرحبا
ويعطيكم الف عافيه
وربي يسلم هالطله الحلوه
والتخمينات الأحلى اللي بعضكم جابوها وصادوها << اني قايله ليهم ما قدر على تخميناتكم فلته.. :rolleyes::icon30:

واني كل يوم بيومه اكتب الجزء يعني كبرياؤووه حالها من حالكم:bleh: تنتظر متى ينزل مافي تهررريب :wink:

يعطيكم الف عافيه
نورتوني والله
تفضلو الجديد

Princess

07-12-2008, 04:26 AM

ابو جاسم يكمل تهزأ وصريخ..
ــ احمد ربك الحين قرريب يأذن وبطلع المسجد .. يا طايح الحظ والا كان شلخت الباب عليك.... شان فيك خير روح صل صلاة ربك هناك.. لو بس فالح هياته في المزارع ما تأخرها ولا تفوتها..
وقام ابو جاسم وهو يهزأ .. وقومته حط ايده على قلبه .. وصرخ:
ــ آآآآآه قلبي .. قلبييييي..
وقعد...
وجت له ام جاسم تركض .. وزينب راحت بسرعه وهي متصروعه تجيب له ماي..

شرب الماي .. وظل شوي وهو قاعد... ام جاسم حاطه ايدها تحت رقبته .. و زينب عند ركبته قاعده ومتصروعه.. وهم خايفين عليه...

بسم الله الرحمن الرحييم,, اللهم صل على محمد وآل محمد الطيبين الطاهرين
ان الله وملائكـــــــته يصلــــــــون على النبي ......

الا ابو جاسم قايم على طوله.. وهو محمق ..
ــ سود الله وجهك من ولد .. انا قلت بتطلع .. صحيح مالت علي بس مالت على هالخلفه..
ام جاسم ماسكه كاس الماي و مفهيه .. وزينب اعظم منها..
ام جاسم بقهر : ــ ابوش قطو ابو سبعة ارواح.. تسووي حالك طايح علينا حق ووويه!!!
ابو جاسم : ــ احسديني .. انتين بعد .. احسديني .. دقيني عين واسدحيني..
ام جاسم وهي تضحك : ــ اللهم صل على محمد وآل محمد.. ملح وشبه في عين اللي ما يصلي على محمد وآل محمد.. الحين صدق صدق .. انت قلبك لو تمزح ويانا..
ابو جاسم يطلعها على جنب : ــ قلبي.. قلبي انفجر فجأه.. واعتدل ... هادويش انتوون
اهوو بس... اذان الله اذن اتمسح واروح اصلي احسن لي ..
<< شلاخ ابو جسوم ,, لا قلبه ولا شي .. بس يبغى جاسم يطلع ويصيده لكنه ما طلع وقهره زياده...
وفي الطريق للمسجد.. تقابل ويا ابو اشرف ... مع ولده اشرف يتمشو للمسجد..
ابو اشرف : ــ قواك الله ابو جاسم..
ابو جاسم كان معصب من جاسموه وما انتبه لأبو اشرف..
ابو اشرف روحه طيبه انتبه ان ابو جاسم مهو وياه.. قرب منه وكرر عليه التحيه..
ابو جاسم ابتسم : ــ اوه هلاااااا,,, ياخوك اسمح لي ما انتبهت لك..
ــ هههههههه هلا فيك داري والله حسيت عليك
اشرف : ــ قواك الله عمي..
ابو جاسم : ــ هلا .. الله يقويك ياولدي..
وكملو طريقهم للمسجد..
ابو اشرف : ــ اخبارك وعلومك .. واخبار الشغل وياك...
ابو جاسم ومبين عليه الضيق: ــ اييه.. الحمدلله على كل حال .. مستوره الله يسلمك..
ابو اشرف حس ان ابو جاسم وده يتكلم ويفضفض بس مو عارف .. حس عليه من تعابير وجهه...
ابو اشرف: ــ الحمدلله على كل حال .. خير ياخوك .؟؟. ويش فيك كل ما نشوفك الا معصب ومتضايق ؟؟ تعبان من شي ..؟؟ ابو ناصر متضايق منه في شي..؟؟
ــ لاااا ياخوك... ابو ناصر راية البيضا عليه والله....
ــ اجل ويش اللي مضايقك هاللون..؟؟
ــ تبغاها صراحه يابو اشرف.. ولدي .. الله يسلم لك ولدك
ــ خير ان شالله .. ويش فيه؟؟؟
قال له ابو جاسم عن حالة ولده وقهره فيه.. ابو اشرف رجال طيب ويسمع الكل و يسولف ويا الكل و ما يقصر ابدا..
ووصلو للمسجد..
ابو اشرف : ــ الله يكون بعونك ياخوك.. الحين ندش ونصلي على محمد وآل محمد,, وطلعتنا نكمل السالفه و عساه خير
ــ خير ان شالله << قالها ووجهه متهلل ومتأمل ..

صلاة المغرب .. هي الصلاه الوحيده اللي يصليها ابو علي في المسجد.. يروح وياه ولده علي ..

وفي البيت.. ليلى فرشت سجادتها بتصلي غرفتهم ضيقه.. والمساحه الفاضيه الوحيده كانت للصلاه.... ووراها ريما عالسرير منسدحه..
ليلى : ــ خير .. ما تقومي تصلي .. بعد ماعندش عذر..
ريما : ــ زين.. الحين...

وصلت ليلى الفرض الأول ودارت لريما لقتها غافيه عيونها..
ــ ريمووووووه قوووومي صلي ..
ريما : ــ قلنااااا لش زيييييين..
ــ فويل للمصلين.. الذين هم عن صلاتهم ساهون...
ــ ياااااربي .. ما سهيت .. فكيني .. قلت لش الحين.. وثاني شي مافي محل اصلي فيه
ــ الله اكبررر .. اتوقع ماعمرش صليتي في هالغرفه كل تصلي برى الصاله لو في غرفة الخياطه.. تسووي روحش الحين لويه بعد..!! الله عاد متى تصليها عقب ساعه .. اصلا المفروض ما اتكلم كل مره هذي حالتي وياش .. الظهرنايمه و تصليها قريب المغرب.. والمغرب تسدح وتبطح.. مافي الا الصبح في وقتها من السهر .. ياويلش من عذاب ربش..
ــ ويش فيششش انتين.. شاكه في امرش اني .. طالعه لي مصلح ديني واجتماعي.. اهوووو اقووم بس عورتي راسي .. وما خصش
ــ ايه مو النصيحه هاليومين ما يتقبلها احد وعوار راس .. وصحيح ما خصني ..
خذت ريما حرام صلاتها وطلعت برى...

وصلت ليلى فرضها الثاني وقعدت تقرى قرآن.. الا ريما رجعت ..
ليلى : ــ بل .. خلصتي .. ما شالله صاروخ... ويش هالصلاه ما تسوى ثمن
ريما بسخريه : ــ تسوى... تجيب رويد من سوق الخضره..
ــ ههههههههه استغفر الله.. صلاتش لش مو لربش .. الله الغني عن اعمالش.. والله يهديش..
ريما مهي داقه خبر.. وتنسدح على سريرها وتتغطى..
ليلى : ــ ما تبغي عشا؟؟
ــ لا ويش دعوه ويشو عشاكم.. عيش ولبن لو بقايا الغدا لو خبز وفاصوليا لو ..
ــ سكتي .. سكتي ... انثبري ونامي.. الحمدلله رب العالمين..
وطلعت ليلى من الغرفه ,, طفت الليت وسكرت الباب على اختها..

وطلعتها .. مرت على امها في غرفة الخياطه كانت تصلي .. وكانت عاطتنها ظهرها .. (( القبله.. تعطو الباب ظهركم ))
لقتها قاعده عالسجاده ورافعه ايدها.. وبهمس مبحوح.. وكأنها تصيح...
ابتسمت ليلى و عيونها غرقت دموع.. متعوده هالحركه من امها .. صلاتها تختمها بالدعاء والدموع...
راحت المطبخ تحوس.. وتجهز عشاهم...
تابع>>

Princess

07-12-2008, 04:37 AM

علا في غرفتها.. بعد ما خلصت صلاه.. اتصلت في خالتها امل ..
امل من شافت علا المتصله.. ماردت عليها.. بعدها متضايقه منها وما تبغى تنفعل و ترجع تفتح السيره و تضايقها ..
علا حست ان امل زعلانه.. هي بكبرها مهي متحمله نفسها وحاسه انها مكتومه وتبغى تفضفض...
عمتها كانت في غرفتها.. وحتى ولو شافتها ما بتفضفض ليها..
نزلت .. راحت المطبخ لتريزا..
دخلت وخذت كاس ماي وصارت تعبيه .. بتشرب ... وبصوت هادي.
ــ تريزا....
تريزا : ــ يس ماما..
ــ اخبار بنتش ؟؟
تريزا ابتسمت: ــ الحمدلله زييين زوج مال هو يتصل ويقول واجد زين..
ــ الحمدلله..
وسكتت علا شوي..
ــ تريزا..
ــ يس ماما..
ــ سوي كيكه بكره زين ..
ــ ان شالله ماما..

وطلعت من المطبخ وفي بالها الف فكره وفكره..

وطلعة المصلين من المسجد,, تلاقى ابو اشرف مع ابو ناصر .. ووقف وياهم حجي عباس .. وصارو يسولفو ..
ابو جاسم استحى يكلم ابو اشرف .. سلم عالجماعه كان يتذكر ابو اشرف السالفه ... بس للأسف السوالف مع الجماعه نسته واشغلته.. وولده اشرف مشى عنه..
ابو جاسم خابت اماله.. و تركهم وراح وهو يضرب فكر...
وهو يمشي ما انتبه لحجر في الطريق .. تعرقل بها وطاح على ركبه...
ماشاف الا واحد يشيله..
ــ سلامات عمي .. تعوورت ؟؟؟
ابو جاسم : ــ الله يسلمك ياولدي ..
وانتبه له انه اشرف....
حاول ابو جاسم يمشي .. بس ركبه تعورت شوي .. و يحس مشيته ثقلت .. غير التفكير اللي ماكل عقله وقلبه..
اشرف حس عليه.. ــ عمي .. رجولك تعورك ؟؟
ــ لأ.. مافيني شي..
وصار ابو جاسم يتسند عالجدار وهو يمشي خطوه خطوه..
اشرف : ــ كيفا دي بعد مافيك شي ..؟؟
مسكه وسنده عليه..
ــ امش عمي .. تسند علي باوصلك بيتكم..
ابو جاسم .. من الطيحه يحس جسمه يعوره..
ــ الله يجزاك خير ياولدي..
وتسند على اشرف وصار يمشي وياه..
و هم يمشو... مر عليهم مالك بسيارته.. وفتح النافذه وبلهجه منفعله وتخفي بين طياتها سخريه:
ــ هااا .. هلااا بأبو شريف.. منهو دا ؟؟
اشرف بملل: ــ هلا فيك.. وهذا عمي ..
ابو جاسم ساكت..
مالك: ــ عمك.. مو هذا اللي يشتغل عند ابو ناصر؟؟ من وينا لوين عمك..
اشرف : ــ دام انك تعرف لويه تسأل ...
ــ استعبببط..
ــ مانى فاضي لأستعباطك.. تيسر الله ييسر لك..
ــ خخخخ لا تفضى.. نشوفك .. باي..
ــ حياك..
سكر نافذة السياره ومشى ...
ابو جاسم بتعب وابدا ما عجبه هالمخلوق : ــ منهو دا؟
ــ مالك خالد الـ....
ابو جاسم من قال له هالأسم.. انتفض جسمه...
ــ لا بارك الله فيه ولا في ابوه..
ابتسم اشرف ولا رد عليه.. لأنه معذور على هالدعوه..

ورجعت بأبو جاسم.. الذكريات للورااااء...

كان ابو جاسم هو ويا ام علي الوحيدين اخوان ما عندهم احد..
بقايا اخوتهم اللي مات من صغره من الأمراض .. واللي مات على كبر .. و ماظل الا هو واخته..

ورثو من ابوهم قطعة ارض صغيره ..
كان مبني فيها صندقه عاشو فيها وهم يهال و زراعه يترزق منها ابوهم المرحوم..
وكانت هالأرض في النص بين ارضين لجد مالك..
كان ابو حجي عبدالرحيم يشتغل في اراضي جد مالك..
و تنازل عن اجر كم سنه مقابل قطعة هالأرض اللي حوطها له جد مالك كأجر لتعبه طوال السنوات..
بنى فيها الصندقه وستر على مرته و عيش ولاده فيها.. ومن شدة ثقة ابو عبدالرحيم بجد مالك ومحبته له ما طلب لا صك للأرض ولا شيء يثبت ملكيته ليها وانها اجر تعبته وشقاه..

ومرت الأيام. 5 سنين ثمن هالأرض .. كانت تعب وشقا في مزرعة جد مالك ... لين الله اخذ امانة ام عبدالرحيم.. توفت بالكوليرا .. انتشر وقتها هالمرض وكانت من ضحاياه.. وظلو في الصندقه.. ابو عبدالرحيم و عبدالرحيم واخته ام علي...

وتقدم بعد كم سنه ابو علي وخطب ام علي .. و حس ابو عبدالرحيم بالأمان على بنته و عقبال ولده ان شالله. ولده كان من نفس جيل ابو مالك.. متقاربين في الأعمار...

لكن تجري الرياح بما لا تشتهي السفن.. توفى جد مالك..
وولده الوحيد ابو مالك ورث كل الأموال...
وفي يوم لا حاسبين ولا كاتبين فيه .. تفاجاو بأبو مالك يطالبهم بالأرض .. وانها في النص بين الأراضي .. و ما يصير كذا .. وليش ؟؟
ابوه خلاص وتوفى .. و هو ما عاد يبغى عماله من البلد .. بجيب هنود للأراضي..!!

ابو عبدالرحيم مرض.. و الهم اعتلاه.. ابو مالك يدري باللي بينه وبين ابوه المرحوم بس ينكر هالشي لأجل مصالحه..

وفي يوم ما ينساه عبدالرحيم طول حياته...
لقى رجعته من شغله ..
ابو مالك... نازل من سيارته جاي ليهم.. وقف وياه وصارو يتناقشو .. وزاد النقاش حده على هالأرض .. ووصلت بينهم للضرب ..
وصريخ .. اجبر ابو عبدالرحيم اللي كان مريض يطلع من الصندقه ويصير يصارخ عليهم يبغاهم يهونو..
ابو مالك صرخ في وجه ابو عبدالرحيم..
ــ امسك ولدك عني وهالأرض تطلعو عنها...
عبدالرحيم : ــ هالأرض ارضنا .. وما يحق لك تطردنا .. تعب ابوي وشقاه.. بتعطينا ثمن هالتعب بنخليها..
ــ أي تعب وأي شقى واي ثمن تتكلم عنه.. ليش تخليني اعيد وازيد في الموضوع..
ابغى دليل.. اثبات.. صك ملكيه ,, وينهوو؟؟
ابو عبدالرحيم وبتعب وبصوت متكسر : ــ رحمة الله على ابوك طيبته و حنيته ومعاملته الزينه كفتنا ووفتنا عن صكوك الدنيا..
ابو مالك بمنتهى الوقاحه : ــ غبي .. والا واحد في هالدنيا يتعامل بدون صكوك.. انا حتى لو المرحوم ابوي تعامل وياي بشي لازم اقيد عليه واسجل ..
ابو عبدالرحيم : ــ الله يهديك ياولدي..
ابو مالك بعصبيه: ــ ليش مجنوون انا.. و يللا برى عن هالأرض بكره باجيب ونش يشيل عفشكم كله..
وتركهم .. وابو عبدالرحيم يوصي ولده يهدي اعصابه ولا يسوي شي ...

وفي اليوم الثاني.. زاد التعب على ابو عبدالرحيم.. والصندقه مافيها اكل .. طلع عبدالرحيم يشوف له شغله.. كان يشتغل حمال بالأجر اليومي .. عند المقاولين ...يحمل اكياس الأسمنت و الخشب والطابوق ..
تابع>>>>

Princess

07-12-2008, 04:37 AM

طلع من صباحة الله يشوف مقاول ياخذه وياه للشغل ... ولما رجع العصر .. وهو حامل كيس الخبز وبطاطس في ايده...
لقى منظر.. تفطر له قلبه...

سواها ابو مالك.. الأرض فاضيه مافي الا خشب على بعضه .. وهنود يشيلوهم في ونش...
وابوه.. قاعد و متسند على شجره في الزراعه.. حاط ايده على خده.. و سرحااان.. ولا كنه في الدنيا...

رمى الأكياس من ايده وراح له .. قعد جنبه... مو عارف ويش يقول يحس ما بيده حيله..
ضم راس ابوه لصدره.. ودموعهم بعفويه انسلت على الخدود...

الا بجية ابو مالك ,, عبدالرحيم من شافه قام له وهو حده معصب..
وصار يتهاوش وياه...
ابو مالك رجع واصر على سالفة الصك... وبصرخه منه :
ــ لا تطالبوني بشي .. تسرقو حلالي عيني عينك .... يللا شوفو ليكم محل غير هالمحل
عبدالرحيم بعصبيه :
ــ وتطلعنا حراميه يا عديم الضمير..
ــ ليش ؟؟ وانتون غير كذا.. اذا انتون غير كذا.. جيب لي الدليل ومستعد اعطيك مو بس هالأرض .. واللي جنبها بعد..

عبدالرحيم خلاص حس كل شي ضاع وانتهى ...
وصل حده.. بيهجم على ابو مالك.. بس ابو مالك قبل لا يتصرف عبدالرحيم ويسوي أي شي .. قال له وبنبره تساؤل :
ــ ابوك .. ويش فيه.. روح شوفه بس ...

التفت بسرعه الى ابوه..شافه منسدح..
راح له يركض ... لقاه مغمى عليه من التعب والصدمه.. تحسسه فيه نبض .. شاله بسرعه وين يروح اقرب محل اليهم ساعتها بيت اخته ام علي..

راح ليهم .. اختلعت ام علي .. على طول ماي و بطحو ابوهم.. وراح علي اللي كان عمره ساعتها 5 سنين ,, بيت جيرانهم كانو عندهم سياره .. يستنجدهم على شان يوصلو جده المستشفى...

ما وصل الطفل الصغير الى عتبات باب دارهم..

الا يستقبله الصريخ .. والدموع..

فارقهم جده الغالي .. وودعهم ابو عبدالرحيم..

مات بقهره وحسرته...

مرت الأيام و ام علي تحايل في اخوها يظل وياهم.. ماله احد في هالدنيا غيرها..
وصار ابو علي يعاونها على المحايل والترجي .. لين قبل يسكن عندهم فتره لين يدبر عمره..

ام علي وزوجها كانو دايما يوصو عبدالرحيم انه ينتبه لعمره ولا ياخذ ويعطي مع ابو مالك..
عبدالرحيم خلاص .. سلم امره لصاحب الأمر .. لأن فعلا ما عاد بيده حيله ولا يقدر يسوي شي بدون دليل ....

شد على عمره ومن شغله لشغله.. الى ان اشتغل في زراعة ابو ناصر و كان معاه يشتغل ابو مرته المرحوم .. الله ما عطاه الا زهراء ( ام جاسم ) ,, وكان يحبه بالمره .....و يعامله مثل ولده .. و حس فيه بالرجوله والأخلاق العاليه..

عبدالرحيم ما كان يرتاح لا ليل ولا نهار.. الى ان توفر عنده مبلغ دفعه كعربون اجار لمدة سنه.. لبيت عربي قديم .. عجبه .. وقرر يسكن فيه ويشيل الحمل عن بيت اخته...

ولما عرف عبدالرحيم ان عنده بنت .. ومهي متزوجه.. طمع بالقرب منه.. وابو زهراء ما بيحصل احسن منه رجال والنعم فيه و مافي منه..

ساعده ابو علي في مهرها .. وماطلب ابوها الكثير .. و الله تمم ليهم بخير..

سنتين بالكثير .. وفى عبدالرحيم ديونه و صار البيت ملكه و لما جى بيرجع فلوس زوج اخته اللي ساعده بهم للمهر.. رفض ابو علي وقال له هدية زواجه..

قبلهم عبدالرحيم بالموت.. خشهم و صار يجمع فوقهم كم قرش لمدة سنه.. بعدها قرر يزور بيت الله.. .. اخذ مرته وياه .. كانت لسا لا حملت ولا شي .. بس كان يحبها مره ولا حط باله لهالمووضوع ومتأمل من رب العالمين كل خير..

ورجعتهم من الحج... حملت زهراء بزينب بعدها بجاسم..... واستمرت الحياه معاها بحلوها ومرها الى يومهم هذا...

كل هالأحداث .. كانت تتسارع في خيال ابو جاسم مثل الفلم... و هو متسند على اشرف .. لين وصلو باب البيت..
اشرف : ــ وصلت عمي..
ابو جاسم : ــ يعطيك العافيه ياولدي..
ــ الله يعافيك... الا صحيح. ولو انها لقافه مني... كملتو سوالفكم انت ويا ابوي لو لا ؟؟
ابو جاسم ابتسم .. ورجعت اماله : ــ لا ياولدي .. طلعتنا من المسجد استحيت وياه الجماعه..تفضل حياك
ــ الله يحييك... تسلم برجع البيت مره ثانيه ان شالله..
اشرف يكمل كلامه بخجل من كثرة اسألته ..
ــ حجي انا باذكر ابوي بسالفتك يمكن هااا يمكن مو وعد يقدر يعين ويعاون ويدبر لجاسم شغله... ما عندك ولد غيره.. !!
ابو جاسم ملامح وجهه بان عليها الراحه : ــ تسلم الله يخليك لأهلك ويبلغهم فيك ويحفظ شبابك .. لا يابوك ما عندي الا هالجاسموه .. وزينب بتي اكبر منه..

اشرف : ــ الله يحفظهم ان شالله..

مامداه ابو جاسم بيفتح باب بيتهم..
الا ......
الى الملتقى....

آسوآآر الآلــمـ

07-12-2008, 06:28 AM

صابت توقعاتكم ..

يالله أختي ننتظر جديدك

ماشاء الله عليك مبدعة

________

للدموع إحساس

07-12-2008, 08:32 AM

صبـــــــــــــــــــــــاح الخير ،،
يا علي أبو جاسم ،، ضحكني ،، أني خفت عليهـ صدق ،،
اللهـ يسامحهـ ،، لكن فكرتهـ جهنميهـ ـ،،
وهذا أبو مالكـ اللهـ لا يسامحهـ ولا يحللهـ ،، < أندمجت ،، خخخخخخخخخ
لكن حرام عليهـ الظالم ،، ما يخاف من ربهـ ،،
جزء اليوم مؤثر ،، بصراحهـ ،، كسر خاطري أبو جاسم ،،
غربل اللهـ ولده جاسموووه ،،
واللهـ يسلم أشرف ،، خوش ولد ،،
هذا إلي يحز في النفس لما تشوف أولاد الناس تحن عليكـ أكثر من ظناكـ ،،
ساعد اللهـ قلبكـ يا عبد الرحيم ..
أممممممم أتوقع أن بيصادف جسوووم ولده طالع ،، شي كدا ،،
خيووه يعطيكـ ربي ألف عااااافيهـ ،،،
وبـ إنتظار البقيهـ ،،
تحيااااااااااااااتي ..
للدموع إحساس ,,

Hussain.T

07-12-2008, 02:51 PM

شكله ابو جاسم داهية عليه افكار

اما دا ابو مالك قهرني

يسلموووو اميره
و
ننتظر البقية

تحياتي

دمعة على السطور

07-12-2008, 04:35 PM

بصراحة طلع أبو مالك حرامي ومو هين..
أما أبو جاسم طلع خرااااااااااااااااااااط عدل هههههههههههه ولاحس هالولد بشي ..
ماشاء الله عليك أميرة
عندك قدرة على ربط الأمور مع بعضها..

أما هذي علا شكلها طلبت الكيكة وبتوديها لليلى تراضيها يمكن؟؟؟؟؟؟؟؟؟؟؟؟؟؟؟؟؟؟؟؟؟؟؟؟

موفقة خيتي أميرة لكل خير إن شاءالله تعالى..
..دمتي بعين المولى الجليل..

*زهرة البنفسج*

07-12-2008, 05:06 PM

يسلمو امورة علجزء

واني توقعي بعد علا بتودي الكيكة الي ليلي

ننتظر البقية

fatemah

07-12-2008, 05:08 PM

تسلمييي امورة ع الاجزاء الحلوة لاعدمنا جديك وبنتظار التكملهـ
..}{..تحيـــــــــــــــاتيـ..}{..

آخر شقآوهـ ..~

07-13-2008, 02:55 AM

هههههههههههـ .. مآشاء الله عليي اصبت الهدف هلمره ..
توقعي في محله <<مصدقه حالها بقووه
أبو مالك طلع حووومار <<<استغفر الله اسب الرجال <<<يستاااهل
تصقعه الحرامي دويش ده .. ظالم ..
التوقع..
بيطلع في وجهه جاسمووه وبيطيح فيه سب وبيهدر عليه ماشغلتك الا لمداوور ووو....الخ
المهم بس مادري بدقه او لآ واتوقع شريف بيشوف ابو جاسم وهوه طايح سب في ولده..
وبس <<<بحصل كفوف هلمره عفر..
تسلميين قلبووه
ننتظر..
تحياتو

Princess

07-13-2008, 04:16 AM

مرحبا

لا عدمت هالنور يارب.. وهالتعليقات اللي تصيب مره وتخيب مره..:rolleyes:
هههههههههههه فديتكم والله.. هالمره تخميناتكم مو كلها صحيحه بعد.. فيها شيء من الصحه..:wink:

تفضلو الجديد

Princess

07-13-2008, 04:19 AM

الحلقة السابعه...

مامداه ابو جاسم بيفتح باب بيتهم..
الا بطلعة جسوم...
من شاف ابوه انصرع.. ابو جاسم فيه حره يبغى يصيده .. ويكسر راسه بس استحى من اشرف ..
جاسم بغاها فرصه...
طلع بهدووء سلم على اشرف ومشيو ثنينهم
ابو جاسم دخل وكفخ باب الحديد وراه...
ام جاسم صرخت : ــ وخناقه ..ما يصك الباب بهداوه
ابو جاسم : ــ تخنقني وارتاح من هالهم..
ــ وي هذا انت.. مادريت بك فكرت جاسموه اللي كفخ الباب..
ــ ياليته انكفخ عليه.. ذلف الفاشل مادري وينا راح..
ام جاسم مستغربه : ــ وشلوون ماتدري .. غررريبه خليته يروح ..
ــ كان وياي واحد لأنه.. ماعرفت اتصرف
ــ منهو؟؟
ــ اهووووو تحقيق هو تحقيق.. قومي بس جييبي عشاي و تالي جيبي لي مرهم و امرخي رجولي متكسر تكسر...
ــ ان شالله

جاسموه راح لحميد في صندقته... ودخلته ..
حميد : ــ صك الباب عدل لا يهجم عادلوه ويفضحنا...
وقفل جاسم الصندقه...

وعلى سفرة العشا... ابو علي :
ــ اخبار الحداق وياك ياولدي في هالشتا..
ــ الحمدلله ماشي حاله..
ــ الحمدلله....
ام علي : ــ عساني بالغه فيك معرس يارب ما تخلص هالسنه ويجي ربيع الا خاطبين لك..
علي بعفويه : ــ ههه يارب ..بعد عمر طويل
ام علي بخيبة امل : ــ لويش ياولدي..
علي سكت ..
ام علي : ــ ايييه ياولدي لو تبغى ,, البنيه موجوده مافي منها .. بس انت الله يهديك مره شايل الموضوع من راسك.. ياولدي نبغى نفرح فيك ونشيل ولادك ..
علي صار ينتف في الخبزه قطع صغيره ومهو حاس..

ليلى انتبهت عليه .. عرفت اخوها متوتر .. هذي حالته اذا توتر وفي ايده شي ينتفه تنتيف ..
ليلى همست لأمها : ــ خلاص اماه..
ام علي ردت عليها بصوت مسموع: ــ ويش اللي خلاص انتين بعد.. ولدي وابغى افرح به..
علي قام من السفره..
ــ الحمدلله
ابو علي : ــ وين ياولدي ما مداك..
ــ لا بس خلاص فيه العافيه...
ام علي تضايقت : ــ انا لله.. صاير هالطاري كنه عزرائيل على قلبه.. بسم الله عليه وعساه سالم..
ابو علي : ــ وانتين يا مَرَه ما تدوري تحني عليه وتفتحي له مواضيع تحسيه ما يقدر عليها الا حزة الأكل
ام علي بغصه: ــ لويش متى اشوفه اني .. على شان اكلمه ...
ــ انا لله .. الله كريم ويغير الحال...

عباس ياعيوني.. ترضى يذلوني .. وللشام يهدووني...
عندك يا بو فاضل يا خوي أشتكي حالي
حرمة بلا والي والشمر يبرالي

واليحدي لي الناقةزجر عباس يا عيوني
ترضى يذلوني وللشاميهدوني..

على هذيك اللوحه.. ومع مشاركة باسم الحزن في ذيك القصيده...
لاازالت الفرشاه تمر .. احيانا بخفه .. واحيانا بقوه ..
كانت لوحة علا العاشوريه .. شغلها الشاغل واللي ماخذ اغلب وقتها .. ركزت فيها بالقوه على مصيبة ابي الفضل العباس سلام الله عليه..

الا بدخلة خالتها سميره
علا اختلعت.. ويش جيبها ..؟؟ حست عليها ... انها متضايقه!!!
سميره: ــ ممكن تقصري عالصوت شوي.. ابغى انام... بعد شتا لا مكيفات ولا شي ..
علا بهدوء : ــ ان شالله..
سكرت سميره الباب.. وقصرت علا الصوت.. وبلا شعور عيونها غرقت دموع.. وقعدت تصيح...كانت محتاجه تتكلم وفرحت لما شافت عمتها بس خابت امالها للأسف..

وفي بيت حجي عباس .. حجي عباس ماسك ريموت التلفزيون.. الا ما يشتغل ..
لقاه مافيه بطاريه.. ويصرخ:
ــ عصموووووووووه وين البتري لا بارك الله لا فيش ولا في ولدش
جت ام عادل تركض : ــ مادري به.. وويش دخل ولدي..
ــ ماحد غيره .. شاله وضيعه ..
ــ ما لمسه اصلا..
ــ اهوو لا تجادلي وياي.. بسرعه جيبي لي بتري ..
راحت ام عادل تدور لقت قديمين مستخدمين..
ــ هذا اللي حصلته…
عادلوه طلع من غرفته..
ــ ابغى افففلالالالاام كرررتون .. حطط ليي..
ــ بتقوم لا العن ابو خامسك.. مافي بطاريه الرموت ابغى اشوف اخبار الأسهم... وجاي لي تبغى افلام كرتون.. طس .. انقلع..فَلَمْ الله راسك…

ويحط حجي عباس البطاريات في الرموت .. طلعو ضعيفين وما يصلحو..
طلعهم ويصير يعض فيهم..
عادل قام يضحك : ــ اممااااه ططللعي عببباسسسوه صصااارر ميننوون ييااااككل بتاااري..
عباس حمق عليه : ــ انا مينون ها.. وعباسوه بعد.. ما بتوب..
ويمسك البتري ويرميه عليه.. ويصفقه في عيونه وتتورم ويصير عادل يدحن في الصاله ويصارخ ويصيح..
امه خافت عليه قامت تركض له.. مسكته تهدي فيه وهو يزيد بالصريخ..
عباس حس بالخوف شكل الضربه قويه .. واثرت على عيونه..
ما بين خوفه . وقام :
ــ لا بارك الله فيكم … تقصرو العمر..
دخل غرفته وسكر الباب..
ام عادل صارت تصيح : ــ انتقم الله من الظالم.. والا هذا يشرهوو عليه ويحطو دوبهم من دوبه..
وراحت تجيب ثلج وكمادات ماي بارد حق عيون ولدها..

الساعه 11 الليل ..
علي يتقلب مو جاينه نوم... ويحس روحه مخنوق... قام وطلع من البيت..
صار يتمشى وكان الجو باارد.. نص ساعه وهو يمشي .. وصل للبحر..لقى صندقة حميد ظلمه من برى .. اكيد نايم.. صار يتمشى عالساحل رايح وجاي وظل ساعتين على هالحال …. ووخر عن الصندقه مسافه..
وشوي برقت السما … وانذرت بالمطر… وبدى يطيح قطره .. قطره وشوي زاد .. علي ماكان ماخذ احتياطه طلع بدون وعي اصلا للجو حتى..

رجع يركض لصندقة حميد لا يزيد المطر و يغربله.. وهو راجع تفاجأ بها مضويه .. و لما وصل البحر من شي كم ساعه كانت ظلمه…

تطمن انه مابيقعد حميد وهيك احسن له .. الباب ماكان مسكر عدل بس طقه انفتح على طول ..

ويطفرو حميد وجاسموه بصرخه مختلعين منه .. دقو السقف من قوتها..
علي منصرع وفاتح عيونه حدها :
ــ ووووووووووويييييش تسوووووو!!!!!!!! ولووويه جاسموووه هنااا هالحزززززه…
حميد انخطف لونه و صار كلامه يتقطع.. : ــ و و وو والله م م مااااشششي..
علي خلاص دمه وصل لراسه.. ومسك حميد من كلر ثوبه ويسحبه لدرجة انشق من قوة السحب…
ــ ووووووويش تسوووووو .. توها الصندقه ظلمه .. وانت وياه .. وهالحزه يا كلاب يا يا يا…
حميد ضم اصابع كفه : ــ صبرررر.. صبر.. افهمممك شووي شوووي علينا منت فاهم الممموووضضوع
ــ يبغى ليها فهم بعد.. يبغى ليهاااااا…. !!!!! بتتكلم لو ويش .. جاسموووووه..
جاسم يبلع ريقه : ــ ههااااا.. مممااالي شغل انا.. حميدوو راعي البلاوي
حميد التفت له وهو منذهل :ــ الحين قطيت البلا كله علي .. ليش انت كنت منت محتاج.. !!

تابع>>

Princess

07-13-2008, 04:22 AM

علي خلاص ولع حده من القهر .. ويطيح في حميد دست .. وحميد يصرخ ..
ــ والله منت فاهم ولا اللي في بالك..

علي خلاص شياطين الدنيا تراقص فوق راسه..
ويرفع حميد ويشدخ به على رفوف مسونهم في صندقته ومغطنهم بكنبل ..
من شدخه عليهم.. طاحت الرفوف باللي فيها فوقه…
وطلعت بلاوي .. 3 راديوات .. دي في دي.. و جوال ....
علي قعد على ركبه وصار يشيل فيهم واحد واحد ويقلبهم..
ــ ويشوو هذيلا..!!
حميد يوخر الكنبل و يدلك جبهته تورمت.. وبقهر:
ــ هذا اللي كنا نسويه.. !!
علي منذهل ومو فاهم.. وطالع في جاسم اللي استوى كركم من الخوف :
ــ تسوو ويه.. !!
حميد : ــ ياخوك خلاص كشفتنا انت.. هذا حصاد الليله..
علي فتح عيونه: ــ تبووقووو …. حررراااميه!!!!
جاسم يطالع في الأرض…
علي ماسك راديو ويرميه على حميد.. حميد يتلقاه ويصرخ:
ــ كسرتنا حنا....بعد هذا لا تكسرررررره…
ــ كسر الله راسك بلى عساه يتكسر
علي يشيل الجوال من على الأرض ويرميه على جاسم ويقوم له..
حميد يمسكه : ــ خلاص وايد ... لاتكفخ ..
علي : ــ هدني عليه لا اشيلك وارميك عليه.. الله ياخذك من ولد... يا حيوان .. ابوك ناقص هم وبلاوي .. حسبي الله عليك يا فاشل ..
جاسم صرخ : ــ ابووي .. ويشوو ابوووي .. كني ياهل يعاملني .. وكل يطق فيني .. شغل .. تعبت وانا ادور شغل .. ما يبغو جامعيين يبغوني …!! ويش اسوي .. من ادخل البيت ما اسلم منه ومن الهدره.. رجال ورجال و طايح حظ .. وكل مسوني عاله عليه… هذاني الحين بشتغل وبصرف على روحي ..
علي بحمق : ــ تصرف على روحك. والمرجله تبوق ياحمار. من حرام يا زفت.. صحيح انك ما تستحي .. وبقوة عين بعد تقولها اشتغل حالك حالي روح وياي احدق عاون ابوك في الأرض والا هالشغلات مهي على مستواك يا زفت .. سود الله وجهك…
جاسم سكووت ولا رد..
حميد : ــ خلاص لا يجينا احد على هالصرريخ
علي يدور عليه : ــ وسود الله وجهك انت بعد
حميد : بل ناقص هو ..
ــ تستاهل الله ما سوده الا من فعايلك الشينه.. ياحيف معرفتي بك يا فاشل .. من متى وانت كذا..
حميد بحزن : ــ ويش اسوووي .. حالتي مهي حاله.. لمتى وانا عايش بهالصندقه هااا… وبعدين لا تظلمني .. ماصار لي كم شهر.. والله مو من اول ما عرفتني..
ــ كم شهر ها.. كم شهر . وانا اقول منت على بعضك دي كم يوم .. الا من سهر الليالي .. وانا اقووول كلما طق باب هالصندقه تروعت لينا … الا من فعايلك الشينه.. وآخر بوقه قويه ليكم اللي سمعنا عنها والفريق كله يتكلم عليها.. في مزرعة ابو ناصر صح....
حميد ابتسم بأسى : ــ ايه.. بالأشتراك مع جسوم ولد خالك وكم واحد ..خخخخ بس ويش رايك؟؟
علي : ــ آآه يا قليل الحيا يا جاسموه… وكم واحد بعد.. مسوين ليكم جماعه..
خمه وربي .. ولا تقول البعير اللي جانا السوق هذاك اليوم وياكم مجرم..!!
حميد بهمس : ــ هو اللي يشتري مني اللي نبوقهم ..
ويسطر علي حميد كف على وجهه ..
ــ طراد.. طراد يا كذاب .. توني اعرفك .. افا بس ..

حميد : ــ تراك مصختها وياي .. اي حركه ثانيه منك لا تلوم الا حالك..
ــ يعني ويش بتسوي مع هالوجه..
ــ بتصرف تصرف يخليك تندم على كل هاللي سويته فيني..
ــ لا .. احلف عاد.. تشيه مفكرني بسكت عنك .. ما بيطلع الصبح الا مبلغ عنك
ــ بلغ باللي مايردك.. ما بتقدر علي .. اتقي شري احسن لك .. وخلك في حالك وخلني محترم عشرتنا,,, ولا كأنك شفت شي .. ويا دار ما دخلش شر..
ــ لاااا .. ناوي اذبحك الليله وادفنك في صندقتك.. لا بارك الله لا فيك ولا في عشرتي لك..
ــ علوووه.. انا ما ابغى ااذيك.. فخلك في حالك احسن لك..
ــ تهدد ويا وجهك…انا الحين بهدي اعصابي وما بسووي فيك شي .. بس بكره نومتك انت ويا هالكلب اللي وياك في الحجز .. وبتشوف
جاسم صار يصيح: ــ خلاص .. تكفى.. على شان خالك ..
ــ تخلخلت ضلوعك.. انت بتموته اصلا .. اللي يسمع مستفيد منك.. ولي عني ..
حميد بقهر : ــ اطلللع برى… واللي ما توصله بيدك .. اوصله برجولك.. يللا مقفاك فارق..
علي بعصبيه: ــ هين .. اراويكم.. ماعليه..

المطر يطيح بغزاره وبرد شديد.... وعلي طلع وهو حمقان ومعصب .. وابدا مو حاس بالجو وبرودته من شدة القهر …
وصل البيت مع اذان الفجر.. ودخلته .. تلقته ريما اخته كانت سهرانه..
اختلعت.. ويش اللي طلعه في هالجو وليش حالته كذا…
ــ علي ,, ويش فيك ,, و من وين جاي؟؟؟
علي منقهر : ــ مافيني شي ,, مافيني ..
دخل الحمام بدل ثيابه تمسح .... ودخل المجلس كان يفرش فيه منامه.. وسكر الباب..

ريما خافت على اخوها .. فيه شي .. شكله متهاوش .. مو طبيعي…
شوي الا بقعدة ليلى… ركضت ليها بسرعه وعلمتها …
ليلى اختلعت.. وراحت المجلس طقت الباب مارد عليها ولا فتح..
قالت يمكن يصلي .. حركت عروة الباب طلع مقفل…
خافت .. : ــ ويش صاير بالضبط ؟؟
ريما : ــ والله مادري بس شكله مو طبييعي لما شفته…

دقايق انفتح باب غرفة امهم وابوهم قعدو للصلاه.. ليلى تهمس لريما خلها الليله تعدي على خير وما تقول ليهم شي ولا تبين ليهم لا يختلعو ولا ينامو ويصيرو يحاتو ....
علي ما نام طول الوقت يقلب الفكر و يحس مخه متشنج وصداع مو طبيعي..

الساعه 10 الصباح.. جرس بيت ابو علي .. يطق..

الى الملتقى..

واسمحو لي على القصور من اليوم الى يوم الأربعاء .. عندي ظروف طارئه والله وتمنعني اني اطول الأجزاء .. واحتمال أأجل جزء واعوضه يوم الخميس .:embarrest:. دعاكم حبايبي..:amuse:

جنة الحسين

07-13-2008, 05:16 AM

الجزء مـــــرررره حمــــــاااااس ،، و رووووووعه
الله يعطيش العافيه و يسهل امووووورش يا كريم
ننتظر تكملة الجزء على احرررر من الجمررر

**جوان**

07-13-2008, 05:29 AM

...

... مــشكوره خــيوهـ ..

.. على الجزء الروعــه ..

.. ولا عدمـناكِ ..

.. تـحياتـيــ ..

ريم

07-13-2008, 07:13 AM

يسلمو امووور علي الجزء الاكشن

انا اتوقع انه ابو جسم يسأل عن ولده او هده جاسم يترجئ علي لا يبلغ عنه

الله يوفقك وبنتظارك

ملاك الورد ..~

07-13-2008, 07:57 AM

افااااااااااا
قهرني حميد حده
اخرتها حرااااامي
مشكورة اميرة على الجزء الحلو
وخليك براحتك لا تضغطين على نفسك

ارجوان

07-13-2008, 09:03 AM

:clap::clap:هلا والله هلا هلا بميرو هلا بالفرح كله هلا بعد شبدي من جد وحشتينا وينش خيتوا غبتي وغابتادموعنا معاش عيشتينا باجواء خيالية ورائعة وختفيتي <<<<<<< يالله عاد تراش مصختيها دخلي بالموضوع وجع:seif:

ماشالله عليش بداية راائعة وان شالله نهاية هلوة بع:icon30:د , ميرو ياابعد شبدي ماانبغى نصيح واايد الله يخليش<<<< اقول موعاجبنش لاتقري:embarrest::embarrest:
(((( التعليق احم احم:coool:))))
ام هذا ابو جااسم ولد لذين كبير بس ابوها في الخرطيي ينفع يمثل في الافلام الهندية ومايشوف شر على رجوله<<<< مادري على من طالع خخخ اجنن هو وياامرته مثل الوالد والوالدة الله يحفظهم, والله يستر على جاسموا كان ماايموت وهذا ابو ريحة حميدوا في البداية قلت عنه بيطلع شخصية مهم:rocket:ة وبياخذ ليلىمع قلبها الرقيقة مااقول الا مالت خوش شخصية الحرامي انزين بتبوق بوق حاجة عدل ساعة الماس ذهب لان الحين غالي صحيح ماايفهم<<<< والله انش موهينه بدل مااتنصحيه , وعلي واي عليه:in_love: ياارب يعرس وياخذا ام الزيز مع ان شكلها بياخذها اشرف وريموا هذي بنتف شعرها:angry:قاهرتني حدهامااتنفع تدخل في مسابقة ملكة جمال الاخلاق الي بصفوى , وعلا هذي بطت شبدي بس يالله مدام بتسوي كيكة بتصير خوش وحدة وسميرو مااحبيتها وامل الله يعينها وهذا ابو مالكوا ويا ولده اشوف فيهم يوم انعل شكله موت الرجال وبلا ذمة وضمير, اماعادل:kaseh: خووووش ولد ماخل بنت ماافضحها بالفريق وان شالله عيونه مافيها شئ ويستااهل ويش ماايسوي بعباسوا البخيل <<<<<< خلاص بلا هدرة زاايدة مااتنعطي وجه
ساامحينا ميرو على الهدرة بس من زمان مااشفناش ولاخلانا الله من هالقصص الرائعة :icon30:ونتظر جديدش والله يوفقش بكل كلمة تكتبيها يااااااارب:wavetowel2:

آسوآآر الآلــمـ

07-13-2008, 09:45 AM

ياحرام على العشرة

مسكين علي الله يكون بعونه

انصدم من الصوبين ولد خاله ورفيق عمره

الله يعين

وننتظر الجاي

شكله هالحميد أبو الدواهي !!!!

_______

دمعة على السطور

07-13-2008, 03:08 PM

يوه والله وطلع حميد داااااااااااااهية مو قليل..
الله يغربله...
ليكون هو اللي باق سيايرهم ديك الليلة هههههههههههههههههههههههههههههههه
شكله هههههههههههههه

أما علا بصراحة يعجبني تعلقه بأهل البيت وعليها بالعافية على هالأبداع والرسم...
هههههه صدقت
اي هي لازم تكون فيها من الواقع..

خيتي أميرة المرح....
لكِ خالص دعائي ...بالتوفيق والسداد وقضاء الحوائج للدنيا والآخرة بحق من هو باب المراد...
موفقة لكل خير إن شاء الله تعالى..
..دمتي بعين المولى الجليل..

*زهرة البنفسج*

07-13-2008, 03:38 PM

امورة ليش كذا اخرته حميد حرامييييييييييي

ماتوقعت لالالالالالالالالالالا اميرة

وعلي مسكين من الصدمه الله يعينه

تسلمي علجزء ومعذورة حبيبتي امورة اخدي راحتش

اوه اخاف اجيني صواريخ من الأعظاء الحين

ننتظر البقية

Hussain.T

07-13-2008, 03:38 PM

هذي اللي ماتوقعته

حمييد حرامي....!!

يسلمو اميره ع الجزء الأكشن وونتظر البقية

تحياتي

دمعة على السطور

07-13-2008, 04:14 PM

تعالوا
شكلهم حميد وجاسم قلبوا السالفة على علي
والحين هذي الشرطة جاية لبيتهم

عوامية صفوانية

07-13-2008, 05:43 PM

الله يعين علي الصراحة يعور القلب

ما يستاهل احد يخدعه مثل حميدوه الميده ولا جاسموووه ولد خال علي تخلخلت اعظامت جاسموووه بواقيين بعد

واندمجت مع علا بقصيدتها ايه رووووعة الله يحفظ باسم وان شاء الله تفوز علا بالجائزة من رسمها الحلو

والعذر معك خيتو اميرة المرح لكن لا طولي علينا هع هع هع

وان شاء الله تتعدل ظروفك وما تشوفي شر ولا ضر ( ههه صرت عجوز )

آخر شقآوهـ ..~

07-13-2008, 08:19 PM

أفا ثم أفا ماهقيتها من حميدووه حرآآآمي .. الله يغربله غربااال
هلمره مابتوقع .. اخاف يطلع غلط هع
تسلمين عيوني ع الجزء
والله يعدل الظرووف..
ننتظر البقيه
يعطيك العافيه

قيس الغزالي

07-13-2008, 09:13 PM

عاشت الايادي

حلوة مرررررة علة كولتكم

انتظر المزيد

تقبلي تحياتي

واحد فاضي

07-13-2008, 10:20 PM

تسلم الأيادي خيتي

والله يفرج عنا وعنك خيتي

مبدعــــــــــــــــــــــــــــــــــه

بإختصار خيتي

مبدعــــــــــــــــــــــــــــــــــه

فمان الله

دمعة الاحزان

07-14-2008, 01:51 AM

يوة حراميه جاسم قلت ممكن
بس حميدوة ماتوقعته حرامي قلت غلطان غلط وخايف منه بس يطون حرام ماهقيتها منه
ومسكين علي وشكلهم زي مقالوا انهم قلبوا الموضوع على علي المسكين
الله يوفقك ويسهل كل امورك
مشكورة

Princess

07-14-2008, 02:26 AM

مرحبا
ياهلا بالمتابعين الجدد :bigsmile:
وياهلا باللي وحشوووونا وااايد..
تسلمو والله من كل مكروه من ذوقكم..:embarrest:
فرحتني هالتعليقات الحلوه .. الا ضحكتني.. والتخمينات اللي مره تصيب ومره تخيب ..:rolleyes:
رائعين ومنوررين...

وتسلمو على دعاكم حبايبي..
بس لا اخوف احد علي << ما يندرى مين اللي يخاف عليش :notrust:>> تتغلى:toung:

عندي زواج ,,عقبال حبايبكم يارب.. ومعروف الزواج اقل شي غفصته 3 ليال.. فأعذرووووني:wacko:
واوعدكم بالتعوويض وخوش تعويض بعد من عيوني ليكم...:nuts:
لو يتطلب موضوع التأجيل اني في فجر الخميس والجمعه انزل اجزاء.. و انزل في يوم الأربعا العصر جزء بعد راح اسويها

انتظروني
واعذروني :in_love:

دمتم بخير
وبحفظ الرحمن

دمعة على السطور

07-14-2008, 02:31 AM

الله يبارك لكم إن شاء الله وعقبالك يارب..
خيتي أميرة المرح
بتوحشينا وبتوحشنا القصة مرررررررررررررره
على العموم
نلقاك على خير إن شاء الله..
موفقة لكل خير إن شاء الله تعالى..
..دمتي بعين المولى الجليل..

ملاك الورد ..~

07-14-2008, 08:01 AM

على ما يخلص العرس
نكون قريناها مرة ثانية
الف الف مبروك
وعقبالك

للدموع إحساس

07-14-2008, 04:03 PM

مســـــــــــــــــــــــــاكم اللهـ باالخير ،،
أني قايلهـ من الأول ،، حميدوه هذا داهيهـ ،،
شكيت فيهـ ،، لكن زين سوى فيهـ علي برد قلبي فيهـ ،،
وجاسموه ذا النحييييس ما يحس في أهلهـ وأبوه ،،
أما حجي عباس مو خوش شي ،، ورم عيون الرجال ،،
لكن حرام عليهـ ،، مسكين ما يفهم ،،
أممممممممم ،، لكن من إلي جاي بيت علي ؟!!
يكون جاسموه جاي يترجاه ما يبلغ عنهم ،،
أو حميدو الزفت ناويهـ نيهـ شينهـ ،،
اللهـ يستر وبـ الأنتظار ،،
وألف ألف ألف مبرووووكـ ،،
عقبالكـ إن شاء اللهـ ،،
ويعطيكـ ربي ألف ألف عااااافيهـ ،،
على هيكـ حمااااااس ،،
تحياااااااااتي ..
للدموع إحساس ..

أمل الظهور

07-14-2008, 11:20 PM

افااااا ...لا عااااااااااااااااااد ماتوقعت ابد يكون حميد حرامي ماهقيتها منه والله

جاسموه يجي منه ونص بس حميدوه ابد :wacko:

وشكل حميدوه وجاسموه قلبوا السالفه على علي المسكين :sad2:

ومبروك عليكم الزواج وعقبالك ان شاء الله

بتوحشينا وننتظر التكمله :amuse:

دمعة على السطور

07-15-2008, 12:29 AM

بانتظارك حبيبتي أمورة..
موفقة لكل خير إن شاء الله تعالى..
..دمتي بعين المولى الجليل..

اسير الهوى

07-15-2008, 08:13 AM

:huh::huh::huh: الاثنين والثلاثاء والاربعا وبعدين الخميس اففففففففففف طويل الوقت..

بس يالله وش نسوي لازم ننتظر

الظاهر بنصب لي خيمة هني ومانا متحرك لذاك اليوم..

****
الله يوفقك خيتي ويبارك ليكم بالزواج وافراح دايم انشاء الله
كوني بخير

Princess

07-16-2008, 02:06 AM

مرحبا
يسلمو جميعا احرجتوني والله لاعدمت طلتكم
ياعلي
مفتشله منكم

يقول المثل .. اعطي اميروه حظا .. وارميها بحرا :nosweat:

متباركين بالمولد الشريف والله يعوده علينا وعليكم بالخير ان شاء الله

:nosweat: ببالغ الحزن والأسى
انعى فقد شاحن لاب توبي .. فقع ... احترق الحمدلله اللي سلم عمري وما فقع فيني :toung:

الحين اني سلف من لاب توب اختي كبرياؤوه جزاها الله خير

فيا متابعين روايتي... ويا اعضاء ويا مشرفين ويا المتدربين في دورتي

جاري البحث عن شاحن جديد من يوم غد
دعاكم احصل في اسرع وقت :closedeyes:

دمتم بخير
وبحفظ الرحمن

عوامية صفوانية

07-16-2008, 03:58 AM

الحمد الله على سلامش خيتو أميرة المرح والله يسلم لاب توبش

وان شاء الله اتحصلين واحد عدل وتعطي كبريااء شاحنها ومعاه هدية هههه

وموفقين لكل خير خيتو

وداااامت افراحكم عامرة بالمسرات وعقبالنا وعقبالش يا كريم يا حق

تسلمي غناتي

Hussain.T

07-16-2008, 02:24 PM

الحمد على سلامتش
وان شاء الله تحصلي لك واحد عدل وبسرعة

تحياتي

زهور الريف

07-16-2008, 10:31 PM

بسم الله الرحمن الرحيم

اللهم صل على محمد وآل محمد

وعجل فرجهم

ما شاء الله

اجزاء قمة في الرووووعة

والاحداث تسلسلها حلووو

وترانا هنا بس ننتظر التكملة..

والحمد الله على السلامة وكأن على الاب توب

لا تشيلي هم

كبرياء موجودة ((هههههههههه ما شاء الله عليي كريمة من مال غيري))

بانتظارك

موفقة لكل خير

دمعة على السطور

07-17-2008, 02:55 AM

أهم شي سلامتش خيتي...
وإن شاء الله حظك رفيع يارب بحق محمد وآله الطاهرين..

المهم ترجعي قريب وتكملي الرواية لأن أعصابي توترت..
أبغى اعرف وش بيصير..
موفقة لكل خير إن شاء الله تعالى..
..دمتي بعين المولى الجليل..

Princess

07-17-2008, 04:51 AM

مرحبا
:embarrest:
تسلمو لي والله
لعيونكم دبرت عمري مع جهاز آخر لين اجيب لي شاحن
دعاكم احصل في اسرع وقت اريح لي ..

تفضلو الجديد

Princess

07-17-2008, 04:53 AM

الحلقه الثامنه...

علي كان توه قاعد من النوم .. فتح الباب لقى رجالين غريبين عليه..
ــ السلام عليكم
ــ عليكم السلام والرحمه ياهلا..
ــ هذا بيت حسن علي آل ....
ــ ايه نعم .. وصلتو
ــ وين علي حسن علي آل ..
ــ انا..
ــ انت.. طيب تفضل معانا
علي اختلع .. : ــ وين ؟؟!! وليش ؟؟
ــ قسم الشرطه يبونك .. هناك راح تعرف كل شي .. تفضل ..
علي مذهوول !!:
ــ طيب بس ابدل ثيابي واعلم اهلي .. دقايق..
دخل علي الصاله كان ابوه حاط الأخبار وصاير البيت ازعاج..
..
راح المطبخ .. اخذ كاس وعباه ماي تعبأ الكاس وصار يفوض ..
ليلى : ــ علي خير ؟؟ ويش فيك ؟؟ ومين عند الباب ؟؟
علي مخطوف لونه .. وبنبره هاديه :
ــ وين امي ؟؟

ــ طلعت راحت تشتري خيط اسود خلص عليها البارحه ووراها على قولتها خياط ثياب وايد

لمحرم .. نسوان موصين عليها مدري ويه

ــ محرم.. ايه.. زين.. مع السلامه..

ليلى مستغربه من اخوها ويش فيه وليش يتكلم كذا..
بدل ثيابه.. وراح لأبوه باسه على راسه:
ــ مع السلامه يبا..
ابو علي مستغرب ماخبره في ولده يسوي له هالحركه كل ما يطلع للحداق :
ــ الله يسلمك.. ويرزقك ياولدي..

طلع علي .. سكر بابهم الحديد وراه.. لأول مره في حياته يحسه ثقيل .. ويحس صوت صريره يعور القلب .. يحس انه طلع ورجعته راح تطول..

ركب وياهم السياره ... وتوجهو لقسم الشرطه..

وهم في الطريق مرو على عادل كان قاعد على باب بيتهم عيونه ملفوفه بعد فلعة حجي عباس .. ونعاله طبقه منقطعه وسبحان الصدف طبقة النعال و عيونه المفلوعه بنفس الأتجاه...

هواية عادل المفضله .. اي سياره غريبه عن فريقهم تمر .. يرمي عليها حجر..

متأثر بجو الحروب اللي يشوفها في التلفزيون وسيارات العدو الدخيله و عمل الفدائيين من الشباب والأطفال ناحيتها..

مسكين غالب عليه وصف الجنون مع ان الهباله هي الأساس .. والا هو عليه حركات اعقل من العاقلين...

مرت السياره اللي فيها علي .. وكانت سيارة شرطه سريه.. مو باين عليها انها لشرطه.. ومظلله من ورى ولا يبين مين فيها راكب ...

وبدأ مشوارالرجم مع عادل.. ماخلى حجر قوطي الا رماه على هذيك السياره..

حمقو فيه الشرطه ووقفو بينزلو له وبيتصرفو وياه و اقل تصرف يحجزوه لمدة كم يوم لتعرضه على املاك الناس ...

علي صار يهدي فيهم ويبين ليهم انه مجنون ولا شرهه عليه.. لين صدرت من عادل حركه عفويه جبرت الشرطه فعلا يخلوه ..

رفع ثوبه وغطى فيه راسه وصار يصارخ ويصفق ...

صارو الشرطيين يهدرو بينهم انه المفروض يمسكوه عن الشارع وعن الناس لا يأذيهم...

وعلي ابدا مو وياهم وهمه في قلبه...

وفي صندقة حميد.. جاسم حاط راسه بين ركبه وقاعد يصيح...

حميد : ــ طاح حظك يا خيخه ويش خليت للبنات.. !!
جاسم وهو حاط ايده على راسه :
ــ حرام عليك.. ولو كان

... ولد عمتي هذا.. وماليهم احد الا هو قايم بهم كنك ما تدري عن حالتهم..

حميد بأسى : ــ ياخوك ويش تبغاني اسوي ...؟؟ هو اللي هدد وتوعدنا بيبلغ علينا.. نسيت كم بوقه بقنا !! و كم تبليغ عن حالات السرقه في الفريق والفرقان القريبه !!.. ولا عاد بوقتنا القويه ذيك الليله في مزرعه ابو ناصر حتى كفرات البي ام شلحناها...

تدري لو بلغ علينا وخذونا وعلمنا على باقي الجماعه اللي من برى الديره ويش مصيرنا ؟؟ بيحبسونا مادري كم سنه حسب سرقاتنا و قيمتهم .. تبغى تخلينا نفني عمرنا بين حبوس هذا اذا ما ذبحونا الشله اللي نتعامل وياهم.. تشيه منت صاحي..!!؟؟
ــ لا اجل انت اللي صاحي تتهم واحد بريء..
ــ والله حذرته ..وقلت له مالك شغل ووخر عنا ويا بااب ما دخلك شر ما طاوع
ــ يالله .. موقادر اتصور اصلا .. مالي عين اقابل عمتي ولا بيتنا اصلا .. ان شالله يطلعوه وما تثبت عليه اي تهمه ..
ــ مستحيل ..
جاسم يصرخ : ــ شلووون.هااااااا. شلووووووووون ؟؟؟ يالداهيه مستحيل..... ويش سووويت ؟؟؟!!
ــ مو شغلك .. وقسم بالله يا جاسموه احس انك ناوي تفتن لو تكشف شي لأي مخلوق لبتودينا

بستين داهيه.. سمعت.. بنترحم على عمرنا..

ــ افا.. ولد عمتي اللي وياك عشرة سنين وغدرت به .. ما منك امان اصلا..

ــ الزمن جبرني وقساوة الظروف .. وقلت لك انا ماكان ودي ابلشه هو اللي جبرني .. فخليك في حالك احسن لك و لي لا اللي نشتغل وياهم يودوك ويودوني لأسفل سافلين

جاسم خاف.. اللي متعامل وياهم حميد من شرار القوم زي ما يقولو ومتأكد من تهديده له لو صار ما صار وخانه اكيد ما بيرحموهم..

رجعت ام علي البيت... بتفتح الباب الا قلبها مقبوض .. ظلت ماسكه العروه من برى وهي تحس بخنقه... صارت تضغط على العروه تحاول تاخذ نفس ..

شالت ايدها ومسحت بها وجهها.. وقلبها وهي تسمي بالرحمن وتصلي على محمد و آله...

دخلت البيت وعلى طول ولأول مره في هالوقت مرت المجلس ... محل نومة ولدها علي ..مرت وهي على امل تشوفه .. ماتدري ليش هالشعور جاها... وهو اساسا هالوقت يكون بالبحر ...

استقبلتها ليلى ... وعلى طول سالتها عن اخوها :

ــ متى طلع علي ؟؟
ليلى استغربت اول مره امها تسأل هالسؤال ...
ــ توه من ساعه طقو الباب ناس وقالو يبغوه وطلع ...
ماقالت لأمها عن حالة اخوها خافت عليها تهوس ..
ام علي قعدت ورمت اكياسها على جنب وصارت تفصخ دلاغها (شرابها)
ــ مين هالناس ؟؟
ــ مادري ما سألته..
ابو علي : ــ يمكن حميد..
ام علي : ــ يجوز.. بس حميد!! ما عنده سياره و وولدك اللي يروح له البحر صندقته هناك ويش جيبه..
ابو علي : ــ يمكن شي ضروري احد يبغاه .. ما تدرو .. ولويه هالسؤال المفاجئ عنه مو من عادتش .. عادتش اذا تأخر تهوسي ..
ــ مادري ...
وتاخذ نفس عميق وتغمض عواينها ..
ــ قلبيييييييي يابو علي مقبوووض
ابو علي : ــ مافيه الا الخير ان شالله,, سلامة قلبش وخلي عنش التهوس الزايد..
ليلى راحت غرفتهم وهي تفكر .. وفي بالها .. قلب الأم دليلها .. علي مو طبيعي اليوم وفيه شي..

في قسم الشرطه.. اجرائات التحقيق مع علي ..من متى وهو يسرق .. وكم عمليات السرقه اللي تمت بمعرفته..

علي منهار و يحلف ويقسم مليون قسم ان ماله علاقه بالموضوع .. الضابط طبعا مرت عليه حالات وايد تقسم وتحلف وتنكر علاقتها بالتهمه فلذلك لا مجال للأنكار والتصديق ...

التهمه كانت ثابته على علي .. لقو في طراده مخشوشين.. مجموعة سرقات قديمه مبلغ عنها وكانت خاليه من بصماته وجديده تواجدت فيها البصمات... صار الضابط يحقق وياه السر في هالشي وليش ما اخفى بصماته اواستخدم قفاز مثل المجموعه اللي تخلو من دليل ادانه ضده ..!!

علي متبلعم واساسا مو عارف ويش يرد.. ويش يقول اصلا مهو داري .. قسم وحلف ومهم راضيين يصدقوه .. والحين يسالوه عن سر هالبصماات..

ــ اصدق يا علي كل هذولي تنكر علاقتك فيهم
علي : ــ يا حضرة الضابط .. انا مالي شغل .. والله العظيييييييم؟؟؟
رفع له الضابط جوال ..
ــ منت هين ولا مقصر .. راديوهات.. جوالات ... دي في ديات .. حتى التواير ما شالله عليك

ومنت براضي تقر وتعترف وتريحنا..

علي خلاص حاس بأنهيار في اعصابه .. لفت نظره واحد من الجوالات ..

ــ هذا.. هذا اذكره ..والله شفته عند حميد البارحه وشلته ورميته على ولد خالي كان معاه ..

بصماتي اللي عليه طالعه من بعد ما شلته ورميته احلف ليكم بالله العظيم.. وشلت كم راديو رميتهم على حميد وواحد منهم مسكه هو راح تلاقو بصمته عليه... والله ما اكذب ..

ــ اي حميد؟؟ ومين ولد خالك.. بسرعه عطيني معلومات عنهم..

وجابوهم بعد ساعه.. دخلو الغرفه وياهم..

علي ماقدر يمسك اعصابه : ــ سوتيها يااكللللللللب...سويتها ياحقير
حميد ببرود اعصاب وبتمسكن.. ــ ويش صاير ..!!
الضابط .. ــ اي كلمه ثانيه ياعلي راح احجزك .. وانت يامحمد دالحين راح تعرف ..

جاسم كان خايف ووجهه مخطوف .. من طاحت عيونه بعين ولد عمته ماقدر على نظرته .. كانت تخوف و تحمل عتب مو طبيعي ... صار يغض النظر ويبلع في ريقه و بداخله ضميره يأنبه.. بس الخوف ماكل قلبه..

وبعد اخذ بصمات جاسم و حميد..

وكشف البصمات اللي على المسروقات..

طلعت النتيجه..

الضابط يقلب في الورق .. وعلي قلبه يتقلب بتوتر .. وحميد ابدا عادي الوضع ..

الضابط : ــ لساتك ياعلي تنكر علاقتك بالمسروقات؟؟
ــ ايه.. والله يشهد ..
الضابط : ــ بس نتائج البحث الجنائي تثبت العكس.. مالقينا بصمات لا لحميد ولا لجاسم على المسروقات .. و زي ما قلت لك مسبقا .. كم شي لقينا عليه بصماتك وبصمات اخرى متشابهه اكيد لراعيهم
علي كان قاعد.. وقف منذهل وحط ايده عالطاوله ..
ــ واللي خلقني اني رميت من قهري على حميد البارح واحد..
الضابط: ــ تقدر تتعرف عليه من بين هالمسروقات؟؟
علي بخيبة امل كبيره ارتسمت على وجهه :
ــ لااا.. كنت مصدوم ومعصب و مو في وعيي شلته ورميته ولا انتبهت لشكله .. ما ركزت..
الضابط : ــ يا اخي .. مالك اي حجه .. جاسم وحميد برى الموضوع راح يطلعون .. وعلى فكره يقدرون يرفعون عليك قضية لأنك تهمتهم بشي مالهم علاقه فيه..الا عاد اذا ما يبون؟؟؟ شرايكم يا جماعه..
حميد وببرود لامتناهي : ــ الله يسامحه.. ما بنرفع قضايا,, ولو كان عزيز وغالي .. الله يلعن بليس اللي غواه وخلاه يسوي هالعمايل .. ايه.. الله يسامحك ويعينك ياخوك..
علي شرر يتطاير من عيونه ,, وده يرتكب في حميد جريمه بهاللحظه ..
الضابط : ــ وانت ياجاسم..؟؟
جاسم بارتباك : ــ ها.. لا .. مابغى ارفع شي
الضابط : ــ بلاك مرتبك ومتلعثم!!؟؟
حميد في باله.. هذا اللي بيودينا بداهيه..ورد على الضابط
:ــ لا ياحضرة الضابط.. زي منت شايفه لسا شباب وصغير .. اول مره يدخل هنا وهيبة المكان والوضع وهيبتكم سبب حالته
ــ هههههههه اهاا.. طيب تقدرون تتفضلون.. ومشكورين ازعجناكم
حميد وهو شاق البوز: ــ لاااااااااا ولووووو حاضرين في الخدمه..

لا مجال للهروب من الواقع الأليم... بصمات علي مثبته عليه التهمه.. وراح ينحبس كم يوم على ذمة التحقيق لين يعترف ببقايا المسروقات وكيف تم التصرف فيهم... ويتم ارجاعها لأصحابها و استجوابهم هل يبغو يسقطو عنه الحق الخاص فياخذ الحق العام فقط من وراء هالتهمه... او متحلفين فيه يخلوه ياخذه ...

جاسم مو قادر يستوعب هالخسه اللي في حميد ولأي درجه من الدنائه والخباثه وصل ..

ساله بحزن و تعب :
ــ ويش سويت البارحه؟؟
حميد بلا مبالاه:
ــ لميت القش المسروق اللي ضبطه ولد عمتك عندنا و اللي مخشوش مادرى به و حطيته في

طراده و طلبت من واحد من جماعتنا يبلغ عنه انه شافه على طراده في الفجر وفي اوقات متقطعه ... و شك في سالفته ..

جو ودورو طراده وحصلو الغنايم...وتجيك يا علي التهايم وانت نايم

ــ المسروقات انا وياك كنا نلبس قفازات واكيد البارحه حطيتهم في طراده وانت بعد لابس...

فما عليهم ولا اي بصمه منا.. بس الراديو اللي تلقيته لما رماه عليك .. وينهو؟؟؟

حميد بأسى..

ــ عطيته الذيب يتصرف فيه ..
كانت الجماعه اللي يتعامل معاها حميد.. يتعاملو مع بعض بالألقاب .. ولا واحد فيهم يعرف اسم الثاني و لا اصله و فصله... عملهم وجرمهم بسريه تامه.. اللي ينصاد ما يقدر يبلغ عن غيره...كان حميد يدري بهالشي وخافيه عن جاسم... و قايل له ان مسألة الألقاب بس كذا متعودين عليها...
و حجزو علي على ذمة التحقيق....

تابع>>

Princess

07-17-2008, 04:54 AM

العصر.. الساعه 3 تقريبا.. باب بيت ابو علي يطق...
لبست ليلى مشمرها..

ــ مين؟؟

ــ اني ...

ــ مين انتين ..؟؟

ــ علا..

ليلى كشرت حواجبها.. واستغربت...
فتحت ليها الباب .. دخلت وهي حامله كيس ..
سلمت على ليلى .. وباستها...
ليلى مستغربه مره .. ومهي عارفه كيف تتصرف ..
دخلتها المجلس على طول ...
كان منام علي مفروش مارتبه لأنه طلع على طول..
صارت ليلى تطويه وتشيله وهي تعتذر من علا ان هالمكان نومة اخوها وعفسه وتسمح ليها.,,
علا مبتسمه :

ــ مسامحه شدعوه خذي راحتش...

عطت ليلى الكيس ..
ليلى :ــ ويشو دا؟

علاوهي فرحانه : ــ افتحي الكيس وشوفي...

فتحت ليلى الكيس .. شافت صحن فيه كيك...
كشرت و بنبرة تساؤل : ــ وليش يعني .... ويش قصدش ؟؟

علا ارتبكت و حست بأحراج: ــ لا .. والله ما اقصد شي بس .. حبيت اكفر عن تصرفي هذيك المره.. اسمحي لي ما كان قصدي خيه ..

ليلى تغيرت نبرة صوتها : ــ تكفري عن غلطش كذا..!!! يكفيني اعتذار

علا مهي عارفه ويش تقول تحس نفسها غلطت مره ثانيه...
الا تلفون البيت يرن...
استأذنت منها ليلى و ردت عليه... وشوي
تغيرت الوانها.. وصارت تصرخ.. و عيونها غرقت دموع...

ــ علي .. ويش فيك؟؟ وليش اخذوووك؟؟؟ ويش صاير !!

علي بغصه ويحاول قد ما يقدر يكون طبيعي:

ــ خيه انتبهي لروحش ولأمي و ابوي .. ان شالله مايصير الا كل خير.. بس شوفو لي احد يكفلني حزة التحقيق لين اقدر انفي التهمه

سكرت ليلى التلفون .. وصارت تصيح و مهي عارفه ويش تسوي
وبعفويه صارت تشتكي لعلا :

ــ اخوي في قسم الشرطه .. تاهمينه سرقه .. قسم بالله اخوي مو كذا مو كذااا

وصارت تلطم خدودها
علا تاثرت وياها وصارت تصيح قامت ليها حضنتها وصارت تهديها
ام علي سمعت الصريخ راحت المجلس تركض .. فكرت علا تشابقت ويا ليلى

: ــ ويش تبغي هالمره وويش ناويه بعد

<<قالتها لعلا بلهجة غضب

علا ما تحملت زادت صياح .. و صارت تمسح على ظهر ليلى
ام علي حست انها فاهمه السالفه غلط..

ــ امل ؟؟ فيها شي خالتش؟؟ ويش فيكم.؟..

علا هزت راسها بمعنى لا..
ام علي صارت تصرخ عليهم :

ــ اجل ويش فيكم ؟؟؟؟؟؟؟؟؟

ليلى وكلامها متقطع..

ــ علي ... علي اتصل

ام علي من سمعت طاري ولدها وهي من الصبح متهوسه وحالتها حاله وكل على بالها..
ضربت صدرها ..

ــ ويش فييييييييييييه؟؟؟؟؟؟؟

ــ يقول... الشرطه حجزوه........ ويبغى احد....... يكفله...

ام علي دار راسها .. وطاحت غشيانه...
ليلى انصرعت وصارت تصرخ.. اماااااااااه .. اماااااااااااه

ابو علي سمع الصريخ و صرخ.

ــ ويش صااااااااااااير ؟؟

لا مجيب ولا احد يرد عليه..
ريما في سابع نومه ولا تدري ويش صاير...
قام ابو علي يتحسس الجدران متوجه للمجلس..
وصل له ..
علا كانت حاطه ايدها ورى راس ام علي ... ومسندتنها على صدر ليلى..
ليلى تضرب في خدود امها كان تصحى..

الا بدخلة ابو علي وقف على باب المجلس :

ــ ويش فيكم.؟..

علا اختلعت وقامت بتتغطى .. تذكرت انه ما يشوف .. رجعت قعدت وصارت تعاون ليلى على امها...
ابو علي يحس الحاله قايمه وفيه مصيبه صايره بس مهو فاهم شي ..
صار يصرخ فيهم ويش صاير .. ولا احد يرد..

ليلى ماعادت تسمع من صدمتها بأخوها وحالة امها
ابو علي صار يمشي داخل المجلس وهو يتعثر وصوته يتقطع ::

ــ ماتقولو لي ويش فيكم...

علا عور قلبها ابو علي :

ــ عمي .. ولدك في قسم الشرطه ويبغى احد يكفله..

ابو علي قعد مختلع:

ــ هااا...

ليلى انتبهت لأبوها..

ــ يباا.. ويش فيك..

وصارت علا تسال :ــ ويش فيك عمي قعدت..؟؟؟

ابو علي بصوت تعبان و بالكاد ينسمع وهو ياشر بيده:

ــ مافيني .. مافيني شي .. شوفي امش .. امش..

طلعت علا من شنطتها عطر .. وصارت ترش في وجه ام علي..

لين اوتعت... حضنتها ليلى.. وصارت تصيح..

علا ما تحملت المنظر .. اثر فيها وايد. .. خصوصا انها يتيمة ام من لما كانت صغيره ..
و شكل هالعايله مره مترابطه في الشده والرخاء...
حست نفسها تعيش وياهم هاللحظه بتفاصيلها وكأنها تعرفهم عدل...
الا برنة جوالها...

للعليم امرنا.. يعظم لأجرنا.. ضعنـــــــــا يــــــاصبرنــــــــــــــا.. من لينا !!

نغمة للشيخ حسين الأكرف حفظه الله

والى الملتقى...

جنة الحسين

07-17-2008, 05:29 AM

:closedeyes::closedeyes::closedeyes::closedeyes:

نحييييييييس حميدوووه و حتى جاسموووه ان شاء الله يعترفوا هالخايبين :evil:

،، الحلقه مررره روووعه و حزينه ،،
ننتظر الجزء الجديد بحمااس
الله يعطيش العافيه و تسلم يمنااش و عينااش
الله يدبر الامور //

ارجوان

07-17-2008, 06:48 AM

(((:ongue:(تسلم الايادي الي كتبت:ongue:)))
الاحداااث مرة روعة بس جزينة وااجد مسكين علي والله حراام:no: ينسجن وكسرت خاطري ام علي مااشاءالله على قلب الام الله لايحرمنا من امهاتنا يارب يااكريم وان شالله ماايصير فيها شئ ولا في ابوهم وحميدوا عسااه المااحي ان شالله هذا خوي عمره الله يغربلة يقوم يشتكي عليه النحيس صحيح ماافي الدنيا امان ولا وفى صديق الا النادر عمت عينه الفلوس ابو الصنااديق يااعسااه ماادري ويش بس:med: وهذا جااسموه مالت عليه من نسيب طلع موخوش ولد:thumbdown: <<<<<< عاشت الجو الاخت

نتظر الجديد خيتو والنشاف جااهز على العموم بس طلعي علي حرام وان شالله
يمسكوا الذيب ويعلم على حميدوه النحيس<<<<< شماته :evil:يستاهل لكن
تحياتي لك وان شالله اتشوفي اليش شااحن جديد

مياس

07-17-2008, 06:51 AM

بسم الله الرحمن الرحيم
http://www.mekaeel.com/images/crying.gifhttp://www.mekaeel.com/images/crying.gifhttp://www.mekaeel.com/images/crying.gif
مسكييييييييين علي حرام عليهم يظلمووووه,,,
تأثرنا بالأحداث مررره وهذا دليل على رووووعة القصه
و إبداعكِ خيييييييه اميره http://www.mekaeel.com/images/thumbup.gif
ماذا سيحدث ومن المتصل لعُلا ؟؟؟http://www.mekaeel.com/images/smiles_a/310.gif
ننتظرررررر
و موفقين لكل خير

عوامية صفوانية

07-17-2008, 01:22 PM

اهئ اهئ اهئ

الراوية اتصيح مؤثر جداً هذا البارت

الله يعطيش العافية خيتو اميرة المرح ابداااااع بجد

واتوقع اللي متصل على علا خالتها أمل وبجيهم بعد لبيت ليلى ان شاء الله

واللي بيكفل علي في قضيته شكله ابو علا ،،، (( اهم شئ يطلع من الشرطة ))

وان شاء الله تثبت براءته يا الله يا كريم

مشكورة خيتو على هالبارت المؤثر

جداً روووووووووعة وتسلمي

للدموع إحساس

07-17-2008, 01:30 PM

مســـــــــــــــــــــــــاء الخير ،، :sad2:
حسبي اللهـ ونعم والوكيل على الظالم ،،
هذا حميدو لو بس يطيح في أيدي لأقطعة تقطيع اليهد ،،:seif::seif:
ناكر العشرة والمعروف ،، :ranting::ranting:
كان زين ديكـ المرة خلاه علي يغرق وفكنا منهـ الزفت ،، :rocket::rocket:
لا حول ولا قوة إلا بـ اللهـ العلي العظيم ،،
شكلي عصبت بـ القوووة ،،:wink:
قهرني هاالنحييييس ،، لكن يجيهـ يوم ،،
و الحين علي ،،
من إلي بيكفلهـ ،، أممممم أعتقد شخص من طرف علا ،،
يمكن أخوها ،،
وهذي ريموه بعد للحين نايمهـ ،، :ranting:
ولا تقوم تشوف أبوها ،، يا صبر أيوب ،،
أني بطلع الحرقيهـ في كل من أشوفهـ اليوم ،، هع هع
خيوووه ،،
يعطيكـ ربي ألف ألف عاااااافيهـ ،،
على هيكـ بارت مأساوي ،،
وبـ الأنتظار بـ فارغ الصبر ،،
تحياااااااااااتي ،،
للدموع إحساس ،،

زهور الريف

07-17-2008, 03:22 PM

بسم الله الرحمن الرحيم

اللهم صل على محمد وآل محمد

وعجل فرجهم

اهئ اهئ

جزء حزززززززززين

مسكين علي والله انه ما يستاهل

وهذا هالخايس حميد ما توقعته يسوي كذا بصاحبه

والاخس جاسموه يعني ولد خالتك تسوي فيه كذا..!!

ايه يالدنيا صحيح الناس صاروا يخوفوا

(( ههههههههه عشت الجو الظاهر))

بس بصراحة ابدااااع ما شاء الله

الله يوفقك يالغلا وسلامات الشاحن ما يشوف شر

سيووو

دمعة على السطور

07-18-2008, 01:48 AM

ياعلي
لهذي الدرجة وصلت في حميد
وين الصداقة
وش أصله دا؟؟
ياعلي
مره تأثرت
من دخلت أم علي البيت واني جسمي يقشعر ..
وحاسة بإحساس الأم بفقد ضناها..
مأجورة الزهرا صلوات الله وسلامه عليها..

حرام اللي قاعد يصير لعلي حرام
بس لازم يظهر الحق لازم..
بانتظار البارت الجديد بكل شوق وحزن...
وهذي علا مرة عجبني تصرفها زي ماتوقعت..
يعطيك العافية خيتي الغالية أمورة..
موفقة لكل خير إن شاء الله تعالى..
دمتي بعين المولى الجليل..

**جوان**

07-18-2008, 01:52 AM

...

..

يؤيؤ

ويشسوى ابــن ...:amazed:. << عيب يابنـتـ..

ليش كذا لو يطيح في ايدي << ويش بتسوي يازاعطهـ

:closedeyes::closedeyes::closedeyes:

بـس جزء مره روعـهـ

مشكوره خيووه ونستنـى الجـزء الجديد ..:kaseh:

.. تـحيــاتــيــ ..

...

..

Hussain.T

07-18-2008, 01:58 AM

يا الله

جزء رووووووووعة واكشن .

ننتظر التكملهـ ع ـلى أح ـر من الج ــمر.

تحياتو

*زهرة البنفسج*

07-18-2008, 03:26 AM

امورة مو قايلين الش لاتصيحينا

قصة روعه وتصيح بصراحة

التوقع كان صح ان علا بتودي هلكيكة الي ليلي

امورة طلب حبيبتي ممكن

هلمقطع الي حسين الأكرف ممكن تقولي لي وش اسم عنوان المقطع

عفر عجبتني
تسلمي عزيزتي اميرة وانشاء الله لاب توبش يصلح

دمعة الاحزان

07-18-2008, 04:14 AM

امور مشكورة ع الجزء وكان قصير وقلت الك امس
وانا مو جايه اتشكر لانك تعرفي راي قلته لك امس
بس وين الجزء الجديد
يلا نقراه الليله اذا مالي نصيب الحين
عوافي عليك وربي يوفقك
والف شكر الك

آخر شقآوهـ ..~

07-18-2008, 04:57 AM

حمــــــــــآآآر حميييدوه صحيح طلع قليل ذآت طآح حظه <<بدون شي طايح
إيه والله طآيح حظ وفعايه سوده زيه <<<محمقه الاخت الله يستر
الله يكون بعون هلمسكين الفقير علي..إهيء إهيء
الصبر مفتاح الفرج ..
تسلمين حبيبتي
يعطيك العافيه
ننتظر

Princess

07-18-2008, 05:21 AM

مرحبا
يعطيكم الف عافيه
و مأجورين
و لا خلا ولا عدم من هالتواجد الرائع والمتابعه والتعليقات الحلوه...

هذا المقطع للغالي الشيخ حسين الأكرف حفظه الله.. من اصدار
اولياء..
قصيدة..
الكاظم عليه السلام..
ملهمتي في احداث القصه.. اضافه الى باب الحديد في صورة التصميم للروايه..
(( الباب لبيت قديم من بيوت القطيف .. شكراً لصاحبه على الصوره))
للتحميل والأستماع..
من هنا... (http://shiavoice.com/play-26853.html)

واليكم الجديد...

Princess

07-18-2008, 05:24 AM

الحلقة التاسعه..

كان المتصل اخوها مالك ,, وصلها بيت ابو علي وقالت له هي ما بتطول نصف ساعه بالكثير فقال بينتظرها...

ــ هلا علا .. اسمعي بمشي الحين انا خليش ساعه اذا تبغي واذا ما تبغي اطلعي الحين مستعجل طلع عندي مشوار ..
علا محتاره تشوف حالة بيت ابو علي ما حبت تخليهم لحالهم...
ــ لاا خلاص روح وتعال بعدين...
ومشى مالك.. علا مهي عارفه شلون تتصرف ويا الجماعه .. الكل منهار والصمت مخيم عالمكان مافي الا الدموع..
شوي الا ام علي بصوت مبحوح:
ــ الله عالظالم.. ولدي يروح حبوس.. ابو علي .. شوف احد يكفله ..
ابو علي بتعب و بنبره متكسره : ــ مين..؟؟ اشوف مين...؟؟ شايفه حالتي تخليني اقدر اشوف احد.. ماكان عندي الا هو ولدي الوحيد وسندي... على الله وعليه ..
وين اروح ها .. وينا...؟؟

علا حست بغصه.. ماهي عارفه ويش تسوي وويش تقول ,, بودها تساعد بس عارفه ابوها حق المعرفه وعارفه اكثر الناس كيف تنظر له وكيف تتجنبه .. وباصمه بالمليون حتى لو طلبت منه يساعد بيقول ماله علاقه غير انه اساسا مهو في البلد..

واخوها مالك ما تدري به وخايفه لو كلمته يصير سين وجيم ويسأل وايد .. بس جى على بالها و قررت تكلمه...

ظلت ساكته ماحبت تدخل وتعطيهم امل وبعدين تخيبهم..

وفي بيت ابو جاسم.. ام جاسم تحوس بالمطبخ.. الا بدخلة جاسم ولدها..
ــ قوه..
ام جاسم بدون نفس من قهرها فيه على هياتته ونحاسته ويا ابوه ماردت عليه..
جاسم متضايق حده صار يتنفس بالسرعه ويشاهق :
ــ باموت انا.. باموووووووووووووت..
امه خافت .. تركت كل شي في ايدها وراحت له تركض
ــ ويش فيك؟؟؟ بسم الله على عمرك..؟؟؟
ــ ولد عمتي علي ..
ــ ويش فييييه؟؟
ــ خذوه الشرطه اليوم.. حبسوه..
ام جاسم انصرعت .. ضربت صدرها..
ــ لويه..؟؟ ومتى؟؟؟ ومين قال لك..!!

جاسم تذكر تهديد حميد .. وخاف على عمره ...
ــ مادري .. سمعت من حميد الصبح.. يقول خذوه..
ــ الوووويه زين..
جاسم بصعوبه بالغه و بغصه..
ــ يقول لقو في طراده حوايج ..
ام جاسم بهدوء مليان ريبه وخوف...
ــ يعني.. ويييه..؟؟!!
جاسم سكت...
امه : ــ ويييييه تكلممم.. مخدرااات؟؟
جاسم انصرع ..
ــ لااا.. لااا.. راديوات وجولاات.. بوقات الفريق هالفتره متهم فيها هو..
ام جاسم دارت بها الدنيا..
ــ لاا عاد.. علي...!! مستحيل ...!! ماصدق !!! وشحوال بيت عمتك ؟؟ درو؟؟
ــ اكيد درو... مادري ... باموت..
ــ ويلي عليك يا ولد حماااتي... روح.. روح نادي ابوك.. خله يجي ...

جاسم خايف من ابوه ان راح له دفنه في مزرعة ابو ناصر .. وماله عين اصلا يروح بعد هالبلوه يحس رجوله ثقيله وضايق باله ونفسه..
ــ مانى رايح.. مانى..
ــ وخنااااااااااااااااقه.. اروح اني المَره.. البس عباتي واروح له بين الرجال ابو جاسم هد الزراعه وتعال شوف مصيبة ولد اختك.. مالت علينا على هالولد .. اذلف لا بارك الله فيك.. جعلك نايبه... تستاهل كل فعايل ابوك فيك ..
وصارت تدعي وهي رايحه تلبس عباتها..
زينب سمعت الصريخ في البدايه قالت شي معتاد من امها وابوها ناحية اخوها
بس لما سمعت اسم علي .. وطاري عمتها تصروعت ..
طلعت تركض..
ــ ويش صاااير؟؟؟
علمتها امها باللي قاله جاسم..
زينب بلا وعي صارت تصيح.. لبست عباتها..
ــ روحي انتين بيت عمتي اني باروح لأبوي باقول له..
ــ انتبهي لرووحش.. امانة الله..
جاسم واقف متيبس ولاااا كلمه..
طلعو عنه .. ظل هو يدور بالحوش .. وهو يفرك في راسه.. يحس نفسه مخنوق متضايق.. كان في حوشهم كم دجاجه يتمشو مرت عليه وحده طيرها بشوته ..
ابدا ماله خلق ..
دخل غرفته اخيرا وقفل عليه الباب...
زينب وهي في طريقها لمزرعة ابو ناصر .. طلع ليها عادلوه من احد الزرانيق..
ــ اووووووووووه
زينب مهي فاضيه له و مره نفسها في خشمها وحالتها حاله..
ــ وخخخخخخخخر عني زيييين
ــ ووووينااا بتتتررروحي؟؟
ــ ويش دخلك.. تباااعد...
عادل يعاندها ويجاكر..
ــ بتررروحي بيييت عممي ابببو عللي بببارووح اياااش..
ــ حريقه تحرقني .. ويش عرفك بي . مكتوب على عباتي اني زنبوه.. . ياعلي بتذبحني انت.. فااارق خلني امشي مو فاضيه لك..
ـــ بببااااااااااااارررروح اياااش...
ولا يسمعو الا صوت واحد يصرخ..
ــ عادلووه.. هيه..
عادل من شافه انصرع ..
ــ حححححححح صيدددني..
وهرب..
التفت زينب وهي متصروعه.. لقته اشرف في سيارته ..و كان بيروح مزرعة ابو ناصر متصل عليه ناصر يبغاه ضروري هناك...

اشرف انتبه ليها وهي تمشي بسرعه .. شوي وتركض وطريقها نفس طريقه..
كانت المزرعه على بعد 5 دقايق تقريبا بالسياره..

وصل قبلها وهو شاك في الأمر .. وين رايحه هالبنيه ومين هي ؟؟
ودخلته المزرعه قابل ابو جاسم .. وتذكر كلامه وياه ذاك اليوم انه بيكلم ابوه .. وضرب جبهته وهو مفتشل :
ــ اوه نسيييت ما كلمت ابوي ولا ذكرته .. ويش هالفشيله..
تقرب من ابو جاسم:
ــ قواك الله عمي ..
ابو جاسم ينفض ايده من الرمل ..
ــ هلا .. هلا بيك يا ولدي يقويك .. شحوالك؟
ــ الحمدلله بخير... وين ناصر ؟؟
ــ راح مناك .. الناحيه الغربيه للزراعه..
ــ زين.. باروح ليهم..
اشرف رايح ليها الا ابو جاسم يكلمه:
ــ ياولدي تعال... نسيت...
اشرف وقف وغمض عيونه وهو مفتشل وفي باله:
ــ ياعلي الله يستر ,, عليك مخ يا اشرفوه قوطي .. يا فشلتي من الرجال
التفت لأبو جاسم..
ــ خير يا عمي..
ابو جاسم بأبتسامه :
ــ لمبة سيارتك اللي داخل مولعه عفر ما سكرت الباب عدل..؟؟
اشرف ابتسم :
ــ هههههه ايه ما سكرته.. تسلم عمي..
ورجع بيسكر باب السياره انتبه لجواله نساه داخل .. شاله..
ــ ونسيت جوالي بعد..
ابو جاسم ابتسم في وجهه ورجع يحوس في الأرض ..
اشرف تنهد داخل قلبه وفي باله..
ــ مسكين ابو جاسم الهم ماكل قلبه تلاقيه ناسي وحتى لو متذكر مستحي يتكلم.. الله يغربل شري .. خلني اكتب مذكره في جوالي حق لا انسى.....

وصار يكتب ومدة هو يكتب الا بدخلة زينب الزراعه ما انتبهت له كان متسند على كبوت السياره.. فكرت السياره مافيها احد.. طالعت قدامها يمين وشمال مافي احد وهي غايب نفسها من الركض .. فتحت وجهها ووصلت لأبوها وهي تصيح ..
ــ يبااااا الحققق..

ابو جاسم انصرع ورفع راسه شكل بنته صروعه اول مره في حياتها تجي له الزراعه و تصيح ومهي طبيعيه... قام يركض .. مسح الرمل في وزاره ,,
ــ ويش صااير ويش بها امشش؟؟؟
زينب تحاول تاخذ نفس مهي قادره من الركض والصياح:
ــ مو امي .. وولد عمممتي .. علي.. خذوه الشرطه ويبغو كفيل له..

اشرف انتبه ليها من دخلتها ومتحرج لأنه شافها.. غض النظر .. بس الفضول دفعه انه يطالع حالتها مهي طبيعيه .. دموع و صياح وشكلها مصيبه..
تنحنح..
ــ احم يالله..
ابو جاسم غطى بنته..
ــ يا رجى الله...
اشرف : ــ خير يا عمي ويش صاير... ؟؟
ابو جاسم بلا وعي من الخلعه:
ــ خير .. ان شالله خير... ياولدي روحتك لناصر تكفي كلمه قول له ابو جاسم طلع من الزراعه ضروري خله يعلم ابوه.. باشوف ويش حل علينا من مصيبه..
اشرف : ــ عساه خير.. عمي اوصلك اسرع.. لا تمشي...
ــ لا ياولدي ما نبغى نكلف عليك...
زينب مهي قادره مبين عليها التعب وتتنفس بسرعه...
اشرف : ــ ياعمي البنيه تعبانه من الركض وانا جاي شفتها وراي .. مافي كلافه اركبو واوصلكم..
زينب منحرجه.. نعالها من الركض والطريق في هالجو البارد كله طين و حالته حاله..
همست لأبوها .. همس مبحوح .. ومن التعب صاير مسموع ..
ــ نعالي وصخ ... خلنا نمشي يبا
اشرف سمعها :
ــ عمي.. السياره وراعيها يفدوكم.. تفضلو.. تتنظف السياره شدعوه..
ابو جاسم ماله وعي ولا بالة شي .. باله بالة ولد اخته..
ــ تسلم يا ولدي ماقصرت.. امشي انا بتصرف ..

فتح ابو جاسم باب السياره الخلفي وخلى زينب تقعد ورجولها برى.. فصخت نعالها ورفعته لأبوها..
اخذه وراح لبركه رفيعه فيها ماي كان يتجمع فيها ماي المطر و اذا احتاج الزرع يسقوه .. يفتحوها ويخلو الماي يجري له..
الماي فيها للنص .. و ابو جاسم قصير ما يوصل ..
اشرف كان يكلم ناصر يقول له بيتأخر شويات وعلمه عالسالفه بسرعه و قال له يقول لأبوه..
خلص المكالمه وانتبه لأبو جاسم وهو يحاول يغسل نعال بنته.. راح له ..
ــ جيبه عمي ,, عنك انا اغلسه..
ابو جاسم تلون وجهه وحس بأحراج:
ــ لا ياولدي خليه.. مو مقامك.. تكرم... خليه عنك..
ابتسم اشرف :
ــ عمي .. جيبه شدعوه.. وانت من الخلعه صاير منت طبيعي روح اركب انا باغسله..
كان اشرف طويل .. ركب عالبركه و غطس النعال في الماي.. ولما طلعه ابتسم.. وفي باله..
ــ هههههههه ما شالله رجولها صغيره..
طلع لسانه وابتسم.. ورجع يهلوس ويا روحه..
ــ استحي يااولد..

راح السياره ركب وعطى النعال ابو جاسم..
ابو جاسم دار لبنته وعطاها نعالها::
ــ وين راحت امش ؟
ــ بيت عمتي..
اشرف :
ــ اوديكم بيت ابو علي يعني..؟؟
ابو جاسم :
ــ ايه الله يخليك.. ماعليك كلافه..
اشرف ابتسم : ــ عمي .. لا كلافه ولا شي..
ــ الله يطول عمرك ويحفظ شبابك و يبلغ اهلك فيك..

تابع<<

تابع <<<

Princess

07-18-2008, 05:25 AM

وصلو بيت ابو علي .. عادل كان واقف على بابهم.. من شاف اشرف بالسياره..
وابو جاسم قدام ونزل ونزلت زينب ..
قام التصفيق والجباب..
ــ كلوووووش هيه .. هيه.. معارررريس هههههههههههههه .. زينب زفوووهاااا فففي سييياااارة .. زززينب مييين هذذذااا اللي ركككبتي وييياااه ... ريللللش؟؟؟
زينب فتحت عيونها..
وهي تطق باب بيت عمتها:
ــ ريلي في عينك..
اشرف مو قادر على كلام عادل وكان يحاول يكتم الضحكه.. بس لما سمع زينب بعفويتها وهي تعبانه ومحمقه وماليها نفس .. وهي تقول ريلي في عينك
ماقدر.. فقعها ضحكه..

ولا يشوف الا ابو جاسم يصرخ في عادل صرخه تطفره لآخر الفريق.. خلاه ينحاش من الخوف...

فتحت علا الباب لأنها لابسه عباتها..
زينب انصرعت وفي بالها... ويش جيبها دي !!!! وعلى طول لا سلام ولا كلام..
ــ وين عمتي؟؟؟
ــ داخل..
ــ زين تغطي ابوي وياي..
تغطت علا و دخلت داخل.. ودخلو ابو جاسم وزينب المجلس .. لقو ام جاسم قاعده جنب ام علي تواسيها..

ام علي من شافت اخوها قامت له حضنته وصارت تصيح وهو يخفف عنها..
ــ لا تصيحي خيه.. بنكفله.. ان شالله بيطلع.. هونيها وتهون..
ــ والله ولدي مو كذا... حسبي الله عالظالم..
زينب راحت لليلى حضنتها.. وصارو يصيحو..
ليلى تعصر زينب بالقوه و صياح:
ــ اخوي مو كذا.. لا تصدقو..

ريما قعدت من صريخهم وصياحهم...وصايره طول الوقت تحقق .. :
ــ وين كان البارحه..؟؟ حق ويه طالع...؟؟ ولويه متوتر..؟؟ ياعلي .. الله يستر
ليلى عصبت فيها:
ــ لا تحققي الحين.. فينا اللي مكفينا ولا تهدري وتزيدينا هم على همنا..
ريما حمقت:
ــ وانتين كل تسوي حالش ... يعني هو اخوش بس مو اخوي.. ترى حتى اني احاتيه .. بس مستغربه منه حق ويه طالع الفجر في هالمطر والصبح جو خذوه..
زينب حمقت فيها وبلا وعي صارت تصرخ:
ــ يعني ويه.. هاا.. ويه... وياهم انتين بعد تتهميه.. لو ويش قصدش .. سكتي بس واللي خلقش مافينا شدة هدره..
ريما حمقت وصارت تصرخ وتصيح: ــ ويش فيكم انتون علي .. كلكم علي .. افففف وانتين ويش دخلش .. حشا.. ماصار شي وانتين تتلقفي
ليلى مافهمت مقصد اختها: ــ ماصار ويه.. كل هذا وما صار.. الله كريم.. يدبرها ان شالله ويحلها لينا..
زينب فهمت عليها.. جتها غبنه وسكتت..
ريما ما سكتت وصارت توضح: ــ اقصد زنبوه اني .. ماليها دخل في علي .. لا تسوي حالها بعد هو اخوي ترى وهو بس ولد عمتها ماصار شي ..
ليلى خلاص وصلت حدها هم في ويه وهي في ويه .. علا تحس نفسها ضايعه قاعده وياهم بس تصيح وتراقب الوضع..
ما سمعو الا ابو جاسم يصرخ في ريما:
ــ ولعنه.. لا حيا ولا حشيمه.. انشبي ..
ريما زادت صياح:
ــ ويشو انشب.. حق وييييييه..
ابو علي ببرود و بصوت مذبوح الم:
ــ ريما.. اطلعي برى هالمكان..
ريما: ــ حتى انت.. وين اروح..
ــ ارجعي .. نامي.. فكينا من هدرتش..
ريما وصياحها يزيد: ــ ماني نايمه..
ابو علي يصرخ صرخه مافي حياته صرخها على بناته:
ــ ريمووووووه ذلفي لا قسم بالله اقوم لش...

ريما خافت وطلعت وهي تصيح وتتحمق بينها وبين نفسها.
ــ كلهم علي .. مادري اذا قمت لي ويش بتسوي..
دخلت غرفتهم و كفخت الباب...
علا مستنكره من تصرفات ريما.. هي الغريبه عنهم متأثره وحزينه و ابدا ماجاها شك من ناحية علي مع انها ما تعرفه.. وهذي اخته قاعده تحقق و تشكك وتزيد جرحهم جرح...

اشرف رجع الزراعه.. لقى ناصر ومعاه مالك..
اشرف كشر حواجبه وفي باله..
ــ لو ادري به هذا موجود ما جيت..
سلم عليهم...

ناصر : ــ عليكم السلام.. هاا .. وصلته؟؟
ــ .. ايه الله يكون بعونهم شكلها سالفتهم سالفه..
ــ ويش صاير ..
ــ مادري بالضبط بس اللي فهمته ...
وصار اشرف يعلم ناصر بالسالفه..
مالك فتح عيونه: ــ لا تقولو هو اللي شلح البي ام حقتي كفراتها هذيك الليله...
ناصر : ــ حسب الكلام .. يجوز هو..
اشرف : ــ تاهمينه هو .. شكله بريء ماله شغل
مالك : ــ ياعساه.. ويشو ماله شغل.. بيحجزوه وبيتهموه منا والطريق اكيد صايدين عليه شي..منهو هو بالضبط .. هذاك اللي يشتغل سماش صح ؟؟
اشرف حمق فيه: ــ خلاص خل الرجال بحاله..
ــ ويش فيك تدافع.. لا يكون نسيبه؟؟
اشرف بلهجة قهر: ــ ايه ويش عندك؟؟
ــ هههههههههههه من وين لوين.. ؟؟؟؟؟؟؟؟؟
ناصر ماعجبه الوضع:
ــ خلاص انت وياه .. كل تشابقو.. يلعن شكلي يوم اتصل فيكم..
اشرف سكت..
مالك قام يستظرف :
ــ هههههههه يلعن شكلك زين
ناصر : ــ بعد.. اقول انشب .. اسمعو.. سمعت الليله فلم رهيب في السينما في البحرين بيعرضووه.. شرايكم نروووح.. انا الصراحه متحمس له سمعت به من فتره ويمدحو فيه ما يتطووف..
مالك : ــ ماااااا عندي مانع...
اشرف : ــ ولا انا...
ناصر : ــ جوازاتكم وين؟؟ عندكم لو في البيت..
مالك : ــ انا في صندوق السياره ماشلته ..
اشرف : ــ لا انا في البيت باروح اجيبه و اجيكم..
ناصر : ــ اوووكي .. ننتظر..

وبس رجع اشرف ليهم.. انطلقو البحرين.. ونسى مالك اخته في بيت ابو علي...

ابو جاسم رجع بيتهم .. بدل ثياب الشغل وراح قسم الشرطه.. و صار يحاول يخلص اجرائات كفالة ولد اخته...

قريب يأذن المغرب.. ولا رجع ابو جاسم..
ام علي الدقيقه تمر عليها كنها ساعه والساعه كأنها دهر..
ليلى وام جاسم وزينب وعلا حواليها...

علا طلعت جوالها بتتصل في اخوها طول عليها بزياده قريب يأذن المغرب
ليلى ابتسمت في وجه علا..

ــ يعطيش العافيه غناتي.. ضايقناش بهمنا.. ماقصرتي...
علا بأبتسامه هاديه:
ــ الله يعافيش .. ولو .. ماسويت شي ...باشوف اخوي..
اتصلت عليه.. وانصرعت.. رنة جواله مهو في السعوديه..
مالك من سمع رنة جواله وهم في كوفي شوب في البحرين.. ضرب جبهته..
ــ اوووووه
ناصر : ــ بسم الله ويش فيك .. ومين المتصل ؟؟
مالك يأشر عليه دقيقه.. ويرد على اخته:
ــ هلا خيه..
ــ اهلين.. وينك.. يللا تعال تأخرت..
مالك مو عارف ويش يقول:
ــ انا.. بعييييييد ..
علا انصرعت:
ــ من الرنه عرفت.. لا تقول في البحرين..
ــ ايه..مسافة الطريق وباجي..
ــ لالا.. خلاص لا ترجع.. بادبر عمري
ــ ويش بتسووي؟؟
ــ بتصل على خالتي امل .. باشوف حسين اذا يقدر..
ــ زين.. اذا ماقدر اتصلي علي..
ــ اوكي..

سكر مالك .. ورمى جواله عالطاوله .. وحد ما عنده :
ــ افففففففف
ناصر : ــ هذا ويه.. طيرتنا...ويش صاير
ــ خخخخخخخ نسيت اختي..
ــ نسيتها ؟؟ وين؟؟
علمهم بالسالفه..
ماقدرو عليه ثنينهم ضحك..
مالك يطالعهم على جنب:
ــ اضحكو.. ويش وراكم..
ناصر : ــ ههههههههههههه خوش اخو.. والله سالفه.. اشوى ما عندي خوات كل اخوان..

تابع>>

Princess

07-18-2008, 05:26 AM

علا مرتبكه.. مهي عارفه ويش تسوي وحاسه بأحراج.. وهي ما تندل الطريق وتحس بيتهم بعيد.. اتصلت على خالتها امل.. اللي قبل لا تروح لعلا رسلت ليها رساله وخبرتها باللي بتسويه...

ــ هلا خاله..
ــ هلا وغلا .ها بشري ويش سويتي؟؟
ــ اني ويا ليلى بعدني..
ــ اووووه تمام حركات.. طابت ليكم القعده...
ــ الحمدلله
ــ ويش فيه صوتش ؟؟
ــ بعدين.. متى يرجع ابو سجاد؟؟
ــ لويه..؟؟
علمت خالتها بالموضوع..
امل : ــ ياعلي ويش بيدي عليش توه طالع من ساعه رايح العمل وخبرش دوامه نايت شفت..
علا قامت وقفت عند باب المجلس:
ــ الحين ويش اسووي..
ليلى قامت وراها .. حست عليها متوتره وفهمت السالفه..
مسحت على ظهرها :
ــ ابقي معانا لليل ..

التفت ليها علا لقت في عيون ليلى حزن دفين.. مهو وليد هاليوم وهاللحظه..
حست في عيونها الذبلانه المليانه تعب كلام وايد..

ارتبكت من طلبها وابتسمت.. وبهمس :
ــ تسلمي غناتي.. ماعليه بدبر لي احد يرجعني..
امل : ــ ها.. ويش تقولي؟؟؟

ليلى تكلم علا بعتب هادئ : ــ يعني.. محنا قد المقام .. نسيت..
ورجعت لأمها ومرت خالها وزينب بتقعد وياهم
علا تأثرت .. ماكان هذا قصدها من الرفض..
امل : ــ الوو .. علا وينش..
ــ هلا..
ــ ويش كنتي تقولي..؟؟
ــ لا.. كنت اكلم ليلى.. تبغاني اظل وياهم لليل
ــ تمام.. ظلي وياهم لرجعة مالك.. رجعته يمر عليش..
ــ استحييي اول مره فرضا تأخر..
ــ عادي بيت ابو علي طيبين.. وناس اجاويد.. وليلى خوش بنيه.. وصدقيني مابتصيري ثقله عليهم الا اذا عاد تصرفتي زي ذاك اليوم.. فخلش آدميه لا كف..
علا ابتسمت..
ــ ان شالله.. باكلم مالك اجل وباقول له..
ــ على خير..
اتصلت في مالك وقالت له رجعته يمر عليها..
صار يهدر..
ــ بيت ناس غريبين يمكن اتأخر انا للفجر ويشو تقعدي هناك لهالحزه..
طلعت علا من المجلس وبهمس صارت تكلمه:
ــ ويش تبغاني اسوي ريل خالتي دوامه نايت شفت.. ارجع مشي ؟؟ ما اندل..
ــ والله ما تدري عمتش ان ما حد فينا في البيت الفجر الا تشب حريقه.. وثاني شي ويشو تقعدي هناك.. وتعااااالي.. هم بيت ابو علي .. علي ولدهم اللي خذوه اليوم الشرطه صح..
ــ ايه..
ــ ويش عرفش بهم انتين بعد..
ــ مالكوه .,, مو تحقيق هو.. اعرف اخته خويتي من ايام الدراسه.. خلاص قلت لك رجعتك مر علي..
ــ احمدي ربش ابوهم اعمي والا شان رجعت لش من البحرين..
ــ حرام عليك.. استحي عاد.. ويش لي اتصل فيك لو منتظره ريل خالتي احسن لي المشكله يرجع الصبح متأخر اعظم منك..
ــ تبغي اكسر رقبتش.. خلاص باي .. رجعتي امر عليش باي..
ــ باي..

ناصر واشرف يطالعو في بعضهم..
مالك : ــ ويش فيكم..؟؟
ناصر : ــ لا ... ابد ...سلامتك.. غريب عجيب .. شباق مو مكالمه ما بقى احد من الرايحين والجايين ما تفرج علينا..
ــ ههههههههه ويش اسوي بها.. عملت لي قلق كل شوي متصله..ذكروني بس رجعتنا الفجر اوصلكم وامر عليها لا انساها بعد..
ــ على خير..

.. وراحت علا لليلى.. قعدت جنبها وهي مستحيه :
ــ بقعد لين يرجع اخوي من البحرين بيرجعني..
ابتسمت ليلى : ــ حياش الكريم..

واذن اذان المغرب...
ولا خبر عن ابو جاسم ولا علي ... تمسحو و صارو يصلو..
خلصو من الصلاه.. وظلت ام علي كعادتها على سجادتها.. وهالمره دعاها يفطر القلب ..و تردد بألحاح و ألم ..
ياراد يوسف على يعقوب.. رد ولدي علي سالم من الشر ..

الا باب بيتهم يطق..
هالباب اللي صدى طقته مخيفه..
فتحت ليلى الباب الا هو خالها ابو جاسم .. وعلى وجهه ارتسمت ملامح الحزن
ليلى قلبها انقبض.. ظلت فاتحه الباب..
ابو جاسم:
ــ سكري الباب يا بتي..
ليلى بهمس مرتعب:
ــ وين اخوي؟؟
ابو جاسم وهو رايح المجلس:
ــ الله كريم يا بتي .. الله كريم...
سكرت الباب... وتسندت عليه وصارت تصيح...
ابو جاسم دخل المجلس وتغطت علا .... تلقته زينب وام جاسم..
ابو علي صار يسأل:
ــ علي.. جبته؟؟ طلع..
الا بجية ام علي وهي بأحرام صلاتها.. باب المجلس كان قريب من باب الطريق .. شافت ليلى متسنده على الباب وتصيح..
خابت امالها..
جرت خطواتها للمجلس .. ووقفت على الباب... و بصوت متقطع:
ــ ما رضيو يطلعوووه؟؟
ابو جاسم بأسى:
ــ يقولو كم يوم يبغوه يحققو وياه.. وتالي بيطلعوه على كفالتي .. كم يوم بعد وبيرجعو يستجوبوه.. لين يخلصو الأجرائات.. اذا قدر ينفي عنه التهمه مدة التحقيق بيفرجو عنه.. اذا ماقدر بيحبسوه مده حسب تهمته و نوعية السرقات..

ام علي ماقدرت.. قعدت على الباب ورفعت احرامها غطت وجهها وصارت تصيح... وتنحب وتصرخ وتضرب فخذها... :
ــ ويلي عليك ياولدي .. ويلي عليك يا شباب.. ويش بيدي عليك

ورجعت حالة الصياح للجميع...

وفي الصندقه.. حميد يشيل أي شي يصير دليل ادانه له.. جمعهم بيبيعهم في اسرع وقت للجماعه اللي يتعامل وياهم... الا بجية الذيب ..

الى الملتقى..

آخر شقآوهـ ..~

07-18-2008, 06:07 AM

آآآآخ ويلييي عليك يآآآعلي يامسكيين الله يفرجها علي
الله كرييم .. الله يكون بعون أهله ..
حــــــــرآآآم على حميييدوه تصقعه اللي ماعنده ذرة إحساس
الله يطلعه برآءة يآآرب ..
تسلمين قلبو ع الجزء
يعطيك العافيه

آسوآآر الآلــمـ

07-18-2008, 10:25 AM

يالله أحس علي مسكين

الله يعييييين بالجزء الجاي

أحس التهمة بتلبس فيه

ننتظر الجاي أختي
_______

*زهرة البنفسج*

07-18-2008, 10:44 AM

تسلمي حبيبتي امورة علجزء الروعة

هههههههههه امورة يعني هذا هو المقطع ماعرفه اله يامسجون وغايب وماكانت عندي كامله

يسلموو حبيبتي

والقصة كل ماجاها تحلي

موفقه لكل خير

للدموع إحساس

07-18-2008, 02:06 PM

مســــــــــــــــــــــــــــــاكم اللهـ بـ الخير ،،
حسبي اللهـ ونعم الوكيل ،،
واللهـ علي ما يستاهل ،، حرام ،،
لكن كلهـ من أسود الوجهـ حميدوه ،، عساه خناقة تخنقهـ وتفكنا منهـ ،،
باط قلبي عسى قلبهـ البط ،، النحييييس ،،
بس الشهادة اللهـ أشرف دا خوش ولد ،،
وجاسموه يعني هو كسر خاطري شوي ،، لكن بعد زفت ،، حرام يرضى بـ الظلم ،،
و هذا الذيب منهو بعد ،،
سود اللهـ وجهـ إبليس وربعهـ ،،
بـ إنتظاركـ خيوووه ،،
عاد لا تصيحينا في الجزء الجاي ،،
تقرحت شبدتي من الصياح < على قولة أمي هع هع هع ،،
لكن اللهـ على الظالم ،،
بـ إنتظار الجزء الجاي ،،
على أحر من الجمر ،، وإن شاء اللهـ يحمل بشارة الأفراج عن علي ،،
ســــــــــــــــــــــــــلام ،،
للدموع إحساس ،،

زهور الريف

07-18-2008, 02:21 PM

بسم الله الرحمن الرحيم

اللهم صل على محمد وآل محمد

وعجل فرجهم

يا علي والله إنه يقطع القلب يعني هذا جزاته مع الخيبةحمدوووه

الله يعينه ان شاء الله ويصبر أمه

لكن هذا حميد يجيء له يوم

\حسبي الله على الظالم\

((خخخ متأثرة مرررررة الظاهر أني))

يسلمووو الايادي يالقمر ومأجورين إن شاء الله

موفقة لكل خير

بالانتظار

Hussain.T

07-18-2008, 11:06 PM

هالنحيس حميدووه لو اشوفه الطخه وكسر عافيته بعد<<خلاص الولد عصب

يلا اميره نبغى التكمله

هالرواية ماينمل منها ابدا

تحياتي

دمعة على السطور

07-18-2008, 11:55 PM

ياعلي
البارت مره حزين..
بانتظار الغد إن شاء الله تعالى...
موفقة لكل خير إن شاء الله تعالى..
..دمتي بعين المولى الجليل..

وعود

07-19-2008, 01:32 AM

اللهم صل على محمد وال محمد وعجل فرجهم ياكريم
::
::

بدايه جميله ورائعه كعادتك متميزه

يعطيــكـ العافيــه

وسلمت يمينكـ

fatemah

07-19-2008, 07:20 AM

السلام عليكم ورحمة الله وبركاتهـ
ماتوقعت حميدو نذل لهدرجة وجاسموه يعني مو لهدرجة بنتظار التكملة
وتسلمييي خية ع الاجزاء الرائعة
لاعدمنا الجديد
..}{..تحيــــــــــــــاتيـ..}{..

اسير الهوى

07-19-2008, 02:04 PM

ايــــــــــــــــــــــــه كذا بدت الاحداث العدلة...

بصراحة الحلقة كانت احساااااااااااااااااااااااااااااااااس

وهذا من ابداعك يا اميرة واحساسك....

تاكيووووووووووووو

Princess

07-19-2008, 05:19 PM

وقفة تأمل من القلب للقلب...

يهدينا الزمان حلو الأيام ومرها..
تبكينا الأقدار تاره.. وتاره ترسم الأبتسامه على شفاهنا

لا نعلم لِمَ.. ننسى اوقات الفرح.. ونستشعر انها قليله..!!
في حين نستعظم الحزن و نستشعر بأن لحظاته تستغرق العمر كله...!!

تواجدكم.. بهجة عمري ..يفرحني وينسيني تعبي و الصعوبات التي اواجهها مع كل جزء

اليكم احبتي الجديد...

Princess

07-19-2008, 05:22 PM

الحلقة العاشره

وفي الصندقه.. حميد يشيل أي شي يصير دليل ادانه له.. جمعهم بيبيعهم في اسرع وقت للجماعه اللي يتعامل وياهم... الا بجية الذيب ..

نفسه الرجال اللي جى لحميد في سوق السمك... هو يدل مكان تواجد حميد ويجي له ويشتري منه المسروقات .. بس حميد ما يعرف اسمه الحقيقي ولا يعرف بقايا العصابه.. اللي الذيب فرد واحد منهم موزعين على مناطق مختلفه...

ــ هلا حميد.. ويش تسوي.؟؟
ــ هلا بالذيب .. هلا والله.. اجمع الحوايج ..
ــ جمعتهم... اشووف...

وصار يقلبهم.. ويسعر كل قطعه كم بيدفع عليها...

وتمت البيعه... كان في كم حاجه عند جاسم خاشنهم... حميد ما يدري بهم... جاسم محتفظ فيهم بيبيعهم لروحه...

لأنه كان يدري بحميد وتصرفاته اللي من تحت لتحت.. اغلب الأحيان ما يعطيه حقه عدل .. ياخذ النسبه الأكثر ...

الساعه 9 الليل .. ابو جاسم وام جاسم وزينب.. يودعو بيت ابو علي بيرجعو بيتهم..قبل لا يتأخر الوقت اكثر ويصير ما يصلح لمشي ..

علا ماكلها الحيا .. للحين مالك مارجع...
ظلت في المجلس وليلى قامت توصل بيت خالها للباب..

وطلعت زينب همست لليلى :
ــ لمتى بتظل دي وياش..؟؟
ليلى : ــ حرام عليش ليها اسم... لين يرجع اخوها..
زينب كشرت : ــ مالت.. الله يعينش ان شالله ما تسوي أي تصرف يقهر..
ــ ما شكلها.. ويش فيش عليها..؟؟
ــ خخخخخخ مافيني شي .. انتبهي لروحش ولأمش وابوش غناتي... يللا باي..

ابو علي جت له النعسه من التعب و التوتر .. راحت له ليلى و ووصلته غرفتهم حق ينام...
ام علي تعبانه حدها بس النوم مجافيها.. قعدت وياهم ساعه بعدين استأذنت وراحت غرفتهم تتسطح تريح شوي...

وظلو في المجلس ثنتينهم لحالهم...
كم دقيقه هدوء...
ليلى : ــ احم..
علا ابتسمت..
ليلى : ــ ايه.. بنظل ساكتين كذا..!!
علا بأبتسامه : ــ مادري..
ــ ممممم ندبر لينا سالفه ... بعدش تدرسي ؟
ــ خلصت الثانويه واخذت دبلوم حاسب .. وهذاني قاعده في البيت... وانتين؟
ــ لا بس الثانويه.. قدمت في الكليه ماقبلوني الا انتساب مابغى اتعب عمري .. فقعدت في البيت..
ــ الحمدلله على كل حال..
ــ الحمدلله..

رجع الصمت مره ثانيه..
ليلى نقزت وهي مختلعه : ــ يووو اسمحي لينا.. من جيتش العصر حتى كاس ماي ما عطيناش..
ابتسمت علا .. حست روحها في بيتها ومرتاحه والوضع عادي وبعفويه:
ــ جوعانه تراني بعد..
ليلى استانست مرره:
ــ ههههههههههههه فديتش حق ويه ما تكلمتي؟؟
ــ ههههههههه صراحه .. استحيت ..
ــ افا .. والوضع ماكان يناسب .. عاد على حظش اول زياره لينا في هالظروف.. الله كريم...
ــ الله كريم الجايات اكثر ان شالله.. وان شالله بكره تفرحو برجعة علي ليكم...
ــ ان شالله ربي يسمع منش ... تاكلي بيض ؟
ــ ايه عادي...
ــ زين بروح اسوي .. قومي وياي الصاله شغلي التلفزيون وقعدي .. الكل الحين في غرفه عادي لا تستحي..
علا مستحيه ..
ليلى راحت ليها وقومتها..
ــ قووومي عن القعده هنا...

وقامو الصاله.. قعدت علا وشغلت ليها التلفزيون .. صارت تفرفر في القنوات .. اخيرا حطت الأنوار ..

وكانت كليب مدامع الضياع لجعفر الدرازي
..
طلعت ليلى تركض من المطبخ حامله طاسة فيها 3 بيضات ووقفت عند التلفزيون,,
علا : ــ ههههههههههه ويش فيش...؟؟
ــ يعجبني جعفر و قصايده.. رادودي المفضل..
ــ ما شالله عليش ههههههههههه جيتي تركضي ... يعجبني اني بعد..
ــ مين المفضل عندش..؟؟
ــ باسم الكربلائي والشيخ حسين الأكرف
ــ الله يحفظهم يارب جميعا ...
ــ يارب ويحفظش
ليلى ابتسمت : ــ ويحفظش.. تجنن هالقنوات من فتحوها والناس عليها..
ــ ايه .. مره تمام الله يخلي القايمين عليهم.
ــ يارب...

ظلو ساكتين شوي ... كل وحده تدور سالفه مهم عارفين...
ليلى : ــ يؤ نسيت حالي بطاستي ..ههههههههه باروح اسويه..
ــ ههههههههههه زين.. اجي اساعدش؟؟
ــ هههههههههه لا تسلمي ويش باسوي خوب بيض..
ــ يعطيش العافيه
ــ الله يعافيش...

وراحت ليلى تسوي البيض...
عزمو ريما بس ما رضيت تطلع ماليها نفس وبحجة انها تذاكر كالعاده...

قعدو اكلو و جابت ليلى الكيكه اللي جابتها علا...
..وتأخر الوقت.. الساعه وصلت 12 الفجر...

علا خلاص ميته من الحيا.. تحس من اول مره مصختها والأوضاع اللي هم فيها مهي حمل هالزياره المتأخره.. .. بس مو بيدها ..

للعليم امرنـــــــا.. يعظم لأجرنــــــا... ضعنا يـــــــاصبرنا..

ــ هلا مالك.. وينك..؟؟
ــ هلاا... بعدني في البحرين تعلطت بنا السياره.. غير تالي زحمة الجسر شكلنا بنتأخر..
علا انفعلت وعصبت فيه:
ــ لمتــــــــى ؟؟؟؟؟؟؟ يعني هاااااااا لمتـــــــــــــى؟؟
مالك يعصب فيها هو الثاني: ــ ويش اسوووي لش تعطلت بنا السياره ماحد قال لش ترووحي...
ــ ماحد قال لي .. حق ويه تروح عني البحرين :: وتنساني مو ذنبي ..
طووط طووط طووط
علا فتحت عيونها... وصارت تبلع في ريقها تحس بغصه...
ليلى لاحظت عليها التوتر..
ــ علا... ويش فيش غناتي؟؟
علا بعدها ماسكه الجوال في ايدها... وساااكته ... و بهمس ..
ــ قفله.. في وجهي..
ليلى سكتت ماعرفت ويش ترد عليها..
بعفويه انسلت دمعه من عيون علا..
ليلى تقربت منها و حوطتها بذراعها..

ــ يمكن فصل الخط وياه.. ما تدري ..
علا بعفويه تامه .. وكأنها تعرف ليلى من سنين صارت تفضفض:
ــ من يوم يومه كذا.. مو اول مره
ــ دام انه مو اول مره ليش الزعل اجل ؟؟
ــ الوضع الحين غير.. الوقت تأخر وما يسمح بهالحركه البايخه منه..

ليلى بأبتسامه: ــ شرايش تخليه يولي وتباتي وياي الليله
علا ارتبكت: ــ لا ويشو ابات.. ماقدر..
ــ افا ليش عاد.. والله احس نفسي اقعد ويا احد اسولف وياه.من زمان ما سولفت... و ريموه اختي ما تعطي وجه ولا تنعطى وجه...

علا مرتبكه.. وبالمحايل .. وافقت بس بتتصل لخالتها امل تدبر ليها عذر لعمتها سميره..

امل طمنت علا انها بتتصل في سميره وبتقول ليها علا وياها .. تأخر الوقت وحسين في العمل ومالك في البحرين.. فبتبات عندها..

سميره مشت عليها الشلخه..

دخلو الغرفه... ريما كانت مغطيه راسها بالبطانيه وكالعاده حاطه سماعات المسجل..
رفعت البطانيه ومن شافت علا داخله .. قعدت وشالت السماعات وصارت تطلع..

علا بخجل..
ــ بقعد وياكم الليله اذا مافيها ثقله..
ريما من النوع اللي تموت بالمظاهر .. تحب تصادق البنات الهاي زي ما يقولو..
فردت بوزها شبرين ونص...
ــ هلاااا .. لا ولو حق ويه امانع..؟؟؟ صدر الغرفه لش والعتبه لينا...

ليلى تطالع ريما على جنب .. تعرفها وتعرف حركاتها دي...
علا بخجل : ــ تسلمي...

تابع<<

Princess

07-19-2008, 05:27 PM

ليلى طلعت منام وفرشته.. وطلعت شرشف بتغير شرشف سريرها...
علا بأستنكار..
ــ لويه تغيريه؟؟
ــ بتنامي على سريري الليله واني على المنام..
ــ لالا.. تسلمي فديتش خليني على المنام...
ــ هذاني باغير الشرشف لش...
ــ غناتي مو هذا القصد.. بس سريرش هو لا اصير فوق وانتين تحت..
ــ مااايصير بعد انتين ضيفتي انيمش تحت واني فوق..
ــ عااادي ههههههههه ويش فيها..؟؟ تدري شلون..

وخرت علا المنام .. وشالت منام سريرها ونزلته على الأرض...
وهي تشيله طاح على وجهه وانفتح بالمقلوب ..دفتر .. شكله دفتر ذكريات او ما شابه..
ــ اوه.. آسفه مادريت في شي ...
ليلى شالته وحطته في الدرج: ــ عادي شدعوه..
ريما جاها فضول ... دفتر ويش هذا؟؟؟
في حياتها ما شافت ليلى تكتب؟؟؟

طفو الليتات وانسدحو يسولفو...
علا صارت تسأل ليلى عن هواياتها و اهتماماتها..
ليلى ابتسمت..
ــ ههههههههه تصدقيني اذا قلت لش مادري.. ما شوف شي اتميز به..
ــ ليش عاد.. تلاقيش عندش بس مدفونين ما تدري عن روحش...
وبعفويه كملت كلامها..
الدليل الدفتر .. شكلش كاتبه...
ليلى في الظلام ما يبين.. ارتسمت ملامح الحزن على وجهها.. وبهدوء..
ــ لا .. ماني كاتبه ولا شي .. دفتر خرابيش هذا ..
ــ يعنوو..
ــ انتين ويش هواياتش؟؟
ــ اني.. الرسم...
ريما نطت بالسالفه:
ــ الله حركتاااات .. ترسميني اجل ؟؟
علا : ــ هههههههه لا بعدني ما وصلت لهالمرحله..
ليلى : ــ ويش ترسمي.. ؟؟
ــ ارسم لوحات زيتي..
ــ تمام ما شالله عليش ؟؟ الحين عندش لوحه ترسميها..
ــ ايه لعاشوراء .. باقي ليها اللمسات الأخيره بعد 3 ايام باسلمها..
ــ عليش بالعافيه ومأجوره.. لعاشوراء ؟؟ وبعد ثلاثة ايام... بعد ثلاثة ايام يبدي شهر ذي الحجه...
ــ ايه بس يبغوها قبل على شان ينضمو الوضع و العرض و هالسوالف..
ــ الله يوفقش ان شالله..
ــ ويش رايش تروحي وياي المعرض التابع للحسينيه .. تتفرجي يومها على اللوح
ــ ان شالله.. تسلمي غناتي..

ريما : ــ ناااااااس ونااااس .. واني ما بتاخذووني؟؟
علا : ــ ههههههههههه ولا يهمش .. لويه ما ناخذش...

في التوقيف.... ايده على خده وحاط الهم في القلب ...
كان معاه واحد موقوف مدمن خمر.. وآثار السكر شوي بعدها فيه...
علي مو طايق الوضع ولا اللي وياه.. والحزن مرسوم في وجهه وعيونه غرقانه دموع..
ما سمع الا السكران:
ــ انت.. هيه.. ويش فيك عافس هالسحنه..
وصار يهربد موال..
لااااا تشتكي للناااس.. لاضاق بالك..
الناااس ماتملك مسره .. ولا ...ويــــــــــش ..
علي يطالع فيه وصمت ابدا ولا كلمه..
السكران يكمل : ــ اف منك.. ولا ياااس
ولا تحسبك في التعاااسه لحالك..
اعرف ترى عاااايش معك في الدنيا اجناااس..
هههههههههه زيي .. شوفني .. هذانا وياك مفلوت هنا حالي من حالك... لا برطمت ولا انقهرت

علي جته غصه... ـــ حاله من حالي ... اييييه الله العليم بحالي ..
السكران يكمل :
ــ الناااس حالهم مثل حاااالك
والكل من مر الليالي شرب كاس ..
ويقعد جنب علي و يضرب على ظهره :
ههههههههههه انا اللي خاطري الحين في كاااس...

علي تنرفز مو طايقنه ولا طايق ريحته ولا طايق هربدته ولا الوضع ولا المكان ولا شي ... صرخ صرخه حد ما عنده ..
ــ وخرررررررررر عني ...
السكران نقز :
ــ بسم الله ههههههههه ويش فيك عدال .. تقول جربان اوخر عنك.. تشني البخت..
علي بقهر :
ــ الجربان انظف منك يالتعبان..
السكران :
ــ ههههههههههههههههه اقوول الله عالنظافه اللي جابتك هنا .. هههههههههههه قال انظف قال..

علي ما تحمل .. نزل راسه بين ركبه .. يحس بقهر الظلم بحسره والم ...

صارت دموعه تسيل على ثوبه.... و في باله ..

ــ صادق في اللي يقوله.. أي نظافه اللي جابتني هنا.. على آخر عمري اتسمى حرامي... يالله الطف بحالي ...

ام علي ما غمض ليها جفن.. دمعاتها تسيل وصوت نفسها ينسمع ...
ابو علي انقلب على ظهره.. مد ايده ومسك ايدها ..
ــ اييه يا ام علي.. الله كريم.. هدي بالش ... خلي ايمانش بالله قوي..
ــ و النعم بالله .. احاتيه يابو علي .. احاتيه.. اكل لو ما اكل الحين... نايم لو صاحي... اللي وياه في التوقيف مين... اشوى الجو شتا لا يموت من الحر... ماني قادره اتخيل ولدي هناك...
وتصير تصيح...
ابو علي ضغط على ايدها.. وسالت دمعته على خده...

ريما :
ــ علا .. تسمعي اغاااني؟؟؟
علا بأستنكار: ــ لأ ...
ريما : ــ غررريبه
ليلى : ــ ويش الغررريب بالله.. تفكري الناس كلها زيش..
ريما بسخريه : ــ لا زيش..
علا : ــ هههههههه ويش فيكم .... ولويه قلتي غريبه...
ليلى : ــ ما تستحي لأنها..
ريما : ــ مالش شغل. خليت لش الحيا....
علا: ــ لويه بتتشابقو الحين.. وحق ويه قلتي غريبه؟؟؟؟؟؟
ريما: ــ لا بس كل البنات الغنيات اللي اعرفهم يسمعو ولا بعد اجنبي وبعدة لغات..
علا : ــ ههههههههههههه وليش يعني كل الغنيات يسمعو.. عندهم سيوله يشترو ليهم يعني.. والا ويش القصد!!!
ريما : ــ خخخخخ شدراني بس انتين اول وحده تمر علي كذا...
علا : ــ ان شالله مو آخر وحده.. وان شالله انتين بعد تبطلي تسمعي...
ريما : ــ خخخخخ على خير..
ليلى : ــ ياليت تهون.. ابدا ما عندها حتى نيه انها تهون..
علا : ــ لا ان شالله بتهون..
ريما حطت السماعه .. و لا عندها فيها .. تغطت بالبطانيه.. وفي بالها:
ــ شلة مطوعين و يللا عاد بيقعدو يحنو على راسي...

جاسم في غرفته .. طلع من تحت سريره كرتون فيه راديوين و 3 جوالات.. وصار يقلب فيهم.. وفيه غصه ... شوي بدأ يصيح.. ويعتب على حاله..
ــ انا فاشل.. عاطل باطل.. بس عديم انسانيه وضمير.. هذا اللي ماتوقعت اوصل له..

باب غرفته يطق .. ارتبك وبسرعه دخلهم في الكرتون تحت سريره...
ــ ممميين...!!
ــ اني زينب...
ــ ويش تبغي.؟؟
ــ ابغاك بقعد وياك..
ــ مابغى اقعد ويا احد...
ــ افتح زين...
ــ مانى فاتح .. روحي عني...
ــ زين باجيب لك اكل ما تبغى..
ــ ماااااااابغى شي ...
ــ زين كيفك...بالطقاق

راحت عنه زينب وفي قلبها حره.. تبغى تسأله عن تفاصيل السالفه وشلون عرف حميد و من متى.. بس ابدا مقفله النفسيه مع جاسم.....

حميد في صندقته منسدح... يتقلب يمين وشمال يبغى ينام موعارف...
قام من منامه وهو يتحمق..
ــ اففف اتقلب كني دجاج شوايه.. لو فيني نومه نمت.. اطلع احسن لي ..

طلع وقعد عالبحر.. شاف طراد علي مربوط.... راح ركبه وقعد فيه.. وبلا وعي صار يسترجع ذكرياتهم وطلعاتهم .. ومقالبهم في بعض...

صار حميد يحاول يطرد شبح هالذكريات... ما يبغى يتذكر شي .. يحاول قد ما يقدر يموت صوت الضمير الحي بداخله...

لين تذكر يوم ينقذه من الغرق ...
ساعتها ما قدر يتحمل...

غطى وجهه بكفوفه وصار يصرخ و يضرب في روحه..
ــ انا ليش سويت كذا.. نذل .. انا نذذذذل...

قام و رمى روحه في البحر .. وصار يكفخ الماي وهو يسب في نفسه... لين تعب ورجع عالطراد رمى روحه .. ونام...

سجاد.. ما جاله نوم.. طلب من امه بألحاح تخليه سهران وياها .. لين يرجع ابوه الصبح من العمل وبعدين اذا نامو بينام ...

وافقت امه .. وخلته يطالع سبيس تون.. مسلسل ريمي..
كان اخو ريمي ( آرثر) ما يمشي مثله.. وفي هالحلقه مشى...

امل كانت عندها هوايه .. تسوي اكسسوارات يدويه.. خشبيه وخرز وخيوط,,, من حركتات البنات هاليومين.. وتبيعهم...

كانت تشك قلادة خرز,,, ولا سمعت الا ولدها ..
ــ اماااااه..
اختلعت امه وجت له تركض..
ــ ويش فيك...؟؟؟؟؟؟
سجاد وفي عيونه لمعة دموع الأ مل ممزوجه بأبتسامه كسيره ببراءة طفوله..
ــ آرثر.. مشى...
امه قعدت جنبه وحوطته بذراعها.. وباسته:
ــ فديتك..
ــ بمشي انا زيه صح
ــ ان شالله غناتي.. ان شالله..
ــ هو شكله اكبر مني .. يعني اذا صرت قده بمشي.. امااه تتوقعي كم عمره..
امل ابتسمت: ــ عمره !!.. الله يخلي الواحد يمشي في أي عمر.. يمكن انت تمشي الحين .. يمكن اكبر منه.. الله العالم..
ابتسم سجاد ابتسامة رضا.. ورجع يتابع الكراتين..

قامت امل وهي سرحانه.. وتفكر في حال ولدها.. و في قلبها تدعي يارب ما يطول ويفرجها عليه...

وبين ماهي تشك خرزات العقد. جى على بالها حسين... شكت الأبره بصبعها..
ــ آي...
ضغطت عليه وفي بالها..
ــ الله يستر...

حسين عمله كله حديد في حديد.. مسؤولين عن انابيب البترول صيانه و تمديد و غيرها من هالشغلات المتعلقه بها...

صارت مشكله وبالغلط طاح بيب كبير على رجول حسين... اغمى عليه من ثقل البيب و نقلوه المستشفى على طول.....
الى الملتقى..

دمعة على السطور

07-19-2008, 05:57 PM

يوووووووه ويش بيصير في حسين يعني..
معقول يصير مايمشي؟؟؟
بصراحة البارت حمااااااااااااااااااس
رووووووووووووووووووعة ماشاء الله عليك خيتي..
شكله دفتر المذكرات اللي عند ليلى كاتبه فيه عن نسيبها داك الله مسافر
اللي تحبه..
وهو اتوقعه والله اعلم تزوج هناك ولاهو داري عنها..
شغلتي اتوقع وبس..هههههه
بانتظار الغد...
موفقة لكل خير إن شاء الله تعالى..
..دمتي بعين المولى الجليل..

*زهرة البنفسج*

07-19-2008, 06:04 PM

الله يعيطك الف عافية امورة علجزء الروعه

زهور الريف

07-19-2008, 06:05 PM

بسم الله الرحمن الرحيم

اللهم صل على محمد وآل محمد

وعجل فرجهم

جزء ابدااااع ما شاء الله

علا ما شاء الله عليها بيضة الوجة لكن نحيس الخلقة أخوها تصرفه مرة بايخ بدل لا

يدبر لها سيارة يسوي كذا...

أما جاسموه وحميد جعلهم الماحي ان شاء الله صحيح ما يبين فيهم خير ابدا..

الله يفرج عن علي ويطلعوه من السجن وسجاد بعد ان شاء الله يطيب ويرجع يمشي

اما حسين ها ويش فيه بعد اصابته خفيفة صح أمووور ..

تسلم الايادي على الجزء الروووعة

موفقة لكل خير

بالانتظار

للدموع إحساس

07-19-2008, 06:14 PM

مســــــــــــــــــــــاكم اللهـ بـ الخير ،،
يا علي تمنيت أن علي يطلع اليوم ،،
وهذا حميدووه لو يقطع روحهـ تقطيع صياح و ندم ،،
يظل قليل أصل ،، مالت عليهـ ،،
لكن سهرة علا و ليلى ،، عجبتني ،، ونااااسهـ شكلها ،،
ودي أروح وياهم ،، خخخخخخ ،،
صدق ،، و حسين أن شاء اللهـ ما يصيبهـ لا شر ولا ضر ،،
وتعدي على خير ،،
بس كأن البارت اليوم قصير ،، < ما شبعت الظاهر ،،
وناااااااسهـ الروايهـ بـ صراحهـ ،،
يعطيكـ ربي ألف عاااااافيهـ خيوووه ،،
وسلمت يمينكـ ،،
بـ إنتظار التتمهـ ،،
إلى ذالكـ الوقت ،،
كوني بـ أمان اللهـ وتحت رعايتهـ ،،
تحيااااااااااااتي ،،
للدموع إحساس ،،

Hussain.T

07-19-2008, 08:19 PM

كلمة روووعة قليلة بحق هذه الرواية

ننتظر التكمله.

تحياتي

دمعة على السطور

07-19-2008, 10:48 PM

ياعلي خيه لو تدري القصة كيف أثرت فيني...
عشت مع كل شخصية..والأحداث اللي تجري ليها..
وكل هذا دليل على مهارتك وقدرتك المميزة حقاً...ماشاء الله عليك...
اللهم صلي وسلم على محمد وآل محمد وعجل فرجهم..

بانتظار الغد بكل شوق...وحماس...
موفقة لكل خير إن شاء الله تعالى..
..دمتي بعين المولى الجليل..

الجعفرية

07-19-2008, 11:04 PM

الله يعطيكِ الف عافية على القصة الروعة
ننتظر البارت الجاي بفارغ الصبر
ويش بصير في علي وحسين
تقبلي تحياتي لكِ:الجعفرية

كبرياء

07-19-2008, 11:19 PM

هــــــــــــلا أميرروووه

جزززززززء مررره رووعهـ ..

وحريقه تحرق حميدوو الحيوآن << طوووط ..

وهذآ جآسموه قليل الذآت لكن ..

تووقعي بعد مثل دمعه عن دفتر ليلوو دي هع هع

يسلمووو على الجزء الحلوو

ويلآ ننتظر الجزء الجاي

مووفقين

آخر شقآوهـ ..~

07-19-2008, 11:54 PM

وعلى طوول دقو على البيت ورفعتها أمل وقالو ليها وقالت امل كان حاس قلبي ....طووووط عجر المخ
تسلمين أموور ع الجزء
ربي يعطيك الف عافيه
ننتظر الجديد..

fatemah

07-19-2008, 11:54 PM

السلام عليكم ورحمة الله وبركاته
جزء رائع جدا تسلميي امورة
وبنتظار البقية
..}{..تحيـــــــــــــــــــاتيـ..}{..

آسوآآر الآلــمـ

07-20-2008, 05:04 AM

جميل أختي ..

أنا أكثر واحد متأثرة معاهـ سجاد

لإن نفس حالة ولد خالتي

ويع عليه عليهم

الله يفرج

والله يعطيك العافية أختي

موفقه وونتظر جديدكـ

.........

ارجوان

07-20-2008, 05:26 AM

يؤاتوقعت علي بيطلع ميرو طلبتش لا تخلي الشرطة اتكفخه على شان يعترف تعرفي اسلوبهم ماايجو الا بالطق اولاد الابلسه<<<<<<اقول بلا دخل ملقوفة ولاتشااهدي وااجد
ريموا هذي بنتف شعرها عديمة الاحساس والله يصبر ليلى وامها وابوها وعلا طلعت خوش بنت
اما عاادل تفقيع هالولد بصرااحة فشل زينب<<<<<< انيهااااااااااااااااااي
بالنسبة الى دفتر الذكريات توقعي مثل دمعة شكلها ليلى حركتات<<<<<<بلا تقليد اقول على دمعة
احم احم على الاحساس الي عند امل:in_love: الله يحفظ ولدها ويمشي بمشيئة رب العالمين<<<<< عايشة الدور ومصدقة السالفة صج
وحميدوا يااعسااااه عقرب يقرصه وهو ناايم في صندقته<<<<<<ماهي طايقتنه:mesb:

:icon30: تحياتي وموفقة وبحفظ الباري :ongue:

اسير الهوى

07-20-2008, 04:09 PM

طق طق طق..

يالله عاد خية نبغيك تكملي يالله ههههه كأني باصيح موراكبة عليي ههههه

اي هذي القصص مو مسلسلات هالزمن وخرابيطها..

نحن بالانتظار

الله يعطيك العافية وسلمك من كل سوء

دمعة على السطور

07-20-2008, 04:36 PM

وين الجزء خيتي..
جاري الانتظار..........................

لاتضغطي نفسك..
على راحتك
بس نبغى الجزء هههههههه

موفقة عزيزتي..
..دمتي بعين المولى الجليل..

Princess

07-20-2008, 09:24 PM

مرحبا

هذه هي احوال الدنيا..
وما بين غمضة عين والتفاتتها.. يغير الله من حال الى حال...

تواجد يثلج الصدر .. وتعليقات رائعه.. سلمتم من كل مكروه
اخجلتوني والله.:embarrest:.. احد احلامي واحسه حلم كبير بالمره.:nosweat:. ان رواياتي يمثلوها فلم او مسلسل ...
خلني احقق حلمي الأول اني اطبعها روايات مكتبيه بعدين افكر هالتفكير... :toung:
دعاكم بس لي احبتي
الله يجزاكم كل خير
تفضلو الجديد..

Princess

07-20-2008, 09:25 PM

الحلقة الحادية عشره..

اذن اذان الفجر... وعلا وليلى لسا سهرانين .. ريما نامت...
علا: ــ عاد قبل الصلاه بساعه قاعده ... الحين نامت..!!
ليلى : ــ هي كل كذا .. مالت بس..
ــ قعديها للصلاه..
ــ مابتقوم صدقيني..
ــ جربي..
ــ ههههههه زين وهذا وجهي اذا قامت...
تقربت منها وصارت تهزها :
ــ ريما.. ريمووه... ريمووووه...
ابدا لا حياة لمن تنادي...
علا : ــ ههههههههه ما اصدق ..
ليلى : ــ شفتي.. ابصم لش اصلا تسمع وتحس بس تسوي حالها و تطنش... خلها تولي الخساره من كيسها...
و قامو يصلو... وبعد الصلاه بربع ساعه...
للعليم امرنا .. يعظم لأجرنــــــــا ضعنا ياصبرنـــــــــا..
ــ الوو ..
مالك : ــ زين بعدش قاعده.. يللا اطلعي انا برى..
علا: ــ بسم الله وصلت؟؟
ــ لا بعدني في البحرين.. اقول لش اطلعي انا برى...
ــ زييين...

ليلى : ــ ما شبعنا من القعده..
علا بأبتسامه خجوله: ــ تسلمي الجايات اكثر ان شالله
ليلى بأبتسامة فرح : ــ وعد..
ــ هههههههه وعد...
وصلتها للباب..
علا بخجل:
ــ غناتي .. اسمحي لي على أي تصرف ضايقش .. وحلليني وبيحيني...
ــ فديتش مافي شي خلاص .. زال العتب .. جيتش هذي فرحتني .. لا خلا ولا عدم .. وتسلمي والله ضايقناش ويانا..
ــ الله يسلمش .. والله يفرجها على علي ان شالله... اقول خيه.. بغيت رقم تلفونكم حق اتصل اذا مافيها ازعاج واتطمن عليكم
ــ من عيوني مافيها ازعاج ... بس هااا مو يغنيش الألو عن الزياره
ــ ههههههههههه ما بيغنيني ان شالله....
وصارت علا تكتب الرقم في جوالها كتبت رقمين الا مالك رجع اتصل وقفلت في وجهه و كملت باقي الرقم..
وطلعت...

سكرت ليلى الباب وتسندت عليه... مشاعرها مختلطه بين الحزن والفرح.... مهي عارفه كيف توصفها...

علا ركبت السياره ..
ــ هلا..
مالك مكشر ولا رد عليها..
علا : ــ الحمدلله والشكر..
ــ لويه قفلتي في وجهي...؟؟
ــ والله كنت اكتب رقم...
ــ تكتبي رقم تقفلي في وجهي..
ــ قول لروحك متصله فيك ومتورطة تقوم تقفله في وجهي ..
مالك بإستياء :
ــ والمعنى..؟؟
ــ العين بالعين والسن بالسن والبادي اظلم
ــ ماعليه...هين..

ويصير يسرع في الشارع ولا يخفف عند المطبات..
في البدايه صرخت علا :
ــ هييييييه منت صاااحي...
تالي يوم لقته يعاند..
ربطت حزام الأمان وسكتت... وموتته قهر بسكوتها.. لين هدأت اعصابه ورجع يسوق عادي...

دخلو البيت .. لقو تريزا لسا صاحيه...
انصرعو ..
علا : ــ تريزا ليش مافي نوم...؟؟
تريزا بخوف: ــ مادري ماما.. انا يسمع صوت و يطلع الحين ...
مالك : ــ صوت الكراج لما دخلت سيارتي !!
تريزا : ــ لالا.. صوت واحد.. كلام..
علا : ــ بسم الله كلام ويه ؟؟؟ تريزا بعدش على هالحاله ؟؟؟؟ .. ويش تسمعي ؟؟
ــ والله ماما .. يسمع بيبي يصيح... وكلام واحد
مالك بسخريه : ــ مو وحده ؟؟؟
تريزا حستهم مهم مصدقينها...
مالك : ــ قايلين ليكم بنجيب غيرها كبرت وخرفت وصارت تهلوس انتين اللي متمسكه بها ولا تبغي نغيرها.. خذ لك الحين .. تسمع لينا اصوات عجايب .. تشككنا بيتنا مسكون !!...
علا : ــ بسم الله.. لا تريزا مافيها الا العافيه من سنين وهي ويانا عشرة عمر .. مانبغى نغيرها الا اذا وقفت عن الشغل وقالت ماتبغى خلاص.. ما تشتغل عند غيرنا .. لأ..
مالك : ــ هههههههههههههه ما بتوقف الا منطفيه
علا انقهرت فيه : ــ بعيد الشر عن المره .. يا ثقل دمك اذا صرت تفاول كذا..
ــ فكينا زين... و خذيها واقري عليها,,, خل التابعه اللي فيها يطلع...
ــ لا تعليق
ــ يكون احسن... بروح انام... تصبحووووووون

دخلت علا ويا تريزا المطبخ.. قعدتها على كرسي .. وحطت ايدها على كتوفها..
ــ تريزا ويش فيش؟؟
تريزا بتعب و مهي عارفه ويش تقول:
ــ ماما.. انا مافي كذاب .. والله يسمع صوت...
ــ كل مره تسمعيه... ولا نشوف شي !!
ــ مادري...
ــ خلاص هدي .. بسم الله .. اشربي ماي .. ويللا نوم..
ــ ان شاء الله...

وقامت تريزا غرفتها...
علا تضرب افكار.. مهي قادره تتخيل البيت بدون تريزا.. من ايام امها المرحومه وهي وياهم ولما توفت امها,, تريزا تمسكت بهم... ظلت تقوم بهم وماقصرت.. وكل مره يجددو ليها وياهم... لا تعبت ولا ملت ولا اشتكت...

ركبت علا غرفتها.. شغلت الثريا ضوا خفيف وصارت تتأمل اللوحه...
ماباقي شي واسلمش....
انسدحت .. شغلت المسجل... كانت حاطه شريط اولياء للشيخ الأكرف .. وصدفه كانت قصيدة الكاظم ,,, في هالمقطع..

عجيبه .. هالمصيبه .. جرحت احساس العدم
شيهَونك .. ياللي حزنك .. عالـقلب مثل السهم
خطيه .. شالقضيه ؟؟.. بالطهاره متهم....!!

سرحت علا مع الكلمات,, وصارت تفكر في بيت ابو علي وحالهم.. وهل فعلا علي مظلوم ؟؟
من اجواء البيت.. من اهله اللي قعدت وياهم ... تحس انه مظلوم...حست بضيقه عليهم.. وصارت تفكر .. ياترى كيف حاله في التوقيف ... وويش مسوي... مره متعاطفه وياه..
وانتبهت لعمرها... وصارت في بالها..
ــ ويش فيني تعلقت في هالبيت وكأني اعرفهم من سنين...
تنهد من قلب:
ــ يارب افرجها عليهم...

ونامت...

بالطرف المقابل ليلى... ماسكه الدفتر .. تقلب في اوراقه.. بأبتسامه كسيره...
وفاحت ريحة ورد الترنج ( نارنج) .. مجفف في احد صفحات الدفتر حافظتنه في ظرف رسايل...
ريحته بعدها قويه و نفاذه... شقد كانت تحب شجرة الترنج .. وشقد كانت تحب وردها ويعجبها ريحته..
فتحت الظرف وصارت تستنشق شذاه...
ورجعت بها الذكريات.... لما كانت بصف سادس .. وصالح في ثاني ثانوي. وعلى طول وياهم تربي وعاش .. << خبركم لول براءه والله على عهدي بهالعمر صفقه ويا صبيان الأهل وعادي الوضع.. مو زي الحين ياكافي الشر الصبي من صف سادس ينخاف منه صراحه ..

ــ آآه ويلي ...
ــ ههههههههه انتبه لا تطيييح..خلاص مابغى انزل...
ـــ ههههههه ما بطيح .. صبري .. بضرب الغصن بعصاه وحظش طاحت عليش ورود لو ترنجه تفقع راسش..
ــ ههههههههههه .. من خشانتها.. لينه الترنجه ما بتعور..
ــ يللا يللا يا أميره شوفي الورد شلون يتنفر عليش
ليلى وجها احمر خجل : ــ ههههههههه وجهك...
ــ ويييييييي خلية نحل .. نحللللل بيقررصش اهررربي..
وينزل صالح من فوق السور يركض
ليلى خافت: ــ يماااااااااه ....
راحت تركض..

ولا تسمع الا صالح ميت ضحك:
ــ جبااانه صدق .. ههههههههههههههه العب عليش .. شكلش وانتين تركضي هههههههههههه تعالي بس تعالي,,,
وصار يجمع الورد من على الأرض ..
جمع كمية كبيره في كف ايده...
ــ هااش.. ورداتش..
ــ شكرا..
خذتهم وصارت تشمهم...
ــ ابغى احتفظ فيهم..
ــ هههههههه الويه ؟؟ بتسوي عطر؟؟
ــ لأ .. بس..
ــ حطيهم في ظرف ..
ــ خبرررره...
ـــ ههههههههههههه وجهي .. احفظ ليهم...

وقطع على ليلى السرحان.. ريما تكح...
خذت نفس عميق للورد المجفف... سكرت الظرف والدفتر.. و عدلت سريرها ونامت...

الساعه 8 الصباح..
امل مختلعه تحاتي زوجها.. ماتحب تتصل عليه وهو في العمل لأن نادرا اذا قدر يرد من زحمتهم وحوستهم.... بس تأخر هو عادة 7 ونص بالكثير يكون رجع البيت...
اتصلت عليه..
رنه..
رنتين..
ثلاث...

رد عليها:
ــ هلا ..غناتي..
ــ اهلين وينك؟؟
ــ قريب ...
ــ ايه تأخرت خفت عليك..
ــ لا تخافي..
ــ ويش فيه صوتك؟؟
ــ مافيه شي .. هذاني خمس دقايق تقريبا واوصل ..
ــ بالسلامه يارب...

امل تفكر .. ويش فيه متأخر وصوته مو طبيعي ... قالت يمكن من التعب ...
التفتت لسجاد لقته نام على الكنبه..
شالته لسريره... وبين ماهي ترتب المكان وتعدل المخدات اللي عفسهم سجاد..
الا بدخلة حسين... رجوله مجبسه و متكأ على عكاز...
امل فتحت عيونها ..
ــ ويش فيييييييك؟؟؟
راحت تركض له...
حسين : ــ ههههههههههه فديتش لا تخافي مافيني الا العافيه..
امل شوي وبتصيح:
ــ رجوولك من ويش..؟؟؟
ــ منسدح عليها بيب هههههههههههه
ــ هههه نحاستك.. تستظرف... ياعلي جبسوها .. انكسرت بالقوه؟؟
ــ لا الحمدلله فتره بس وبيشيلو الجبيره.. عطوني العمل اجازه ..
ــ ياعلي من متى نبغى اجاااازه ويوم كسروك عطوك حسبي الله عليهم
ــ ههههههههههههه خبرش حادث عمل تبغي بعد يخلوني اداوم .. تالي يروحو بستين داهيه..
امل سندت حسين عليها وودته الغرفه..
ــ اكلت؟
ــ ايه الحمدلله.. بس باقوم اسبح .. جيبي لي كيس الف فيه الجبيره لا تتبلل ...

تابع>>

Princess

07-20-2008, 09:26 PM

الساعه 2 الظهر ..
جاسم فتح باب غرفته.. الا امه وابوه واخته في الحوش قاعدين يتغدو..
ابو جاسم ماله خلقه فما كلمه ولا اخذ وعطى وياه.. باله ويا اخته ومصيبتها..
ام جاسم:
ــ تعال تغدى..
جاسم : ــ مابغى مالي نفس..
ــ ايه.. على هواك ...

دخل الحمام وغسل .. ورجع غرفته بدل ثيابه وطلع ..

ابو جاسم ينفض ايده:
ــ سد الله نفسك مثل ما انت ساد نفسي.. لا حيا.. لا مستحى.. لا صلاه.. لا عباده.. لا طوع لا ادب.. آآآه الله يصبرني عليه..
ام جاسم بهدوء : ــ الله يهديه..

وقام ابو جاسم:
ــ روحي بيت اختي وطمنيها اني باروح اليوم لعلي ...
ــ ان شالله..

زينب بعد ماقام ابوها تهمس لأمها:
ــ ويش يسوي ابوي لعلي بالضبط؟؟
ــ والله مادري يابتي .. اللي ادري به يكفله ... يطلع على كفالته لو صار ماصار وما لقو علي بعيد الشر عنه .. ياخذو ابوش بداله..
ــ يعني.. عساه خير.... تتوقعي يحتاجو محامي..؟
ام جاسم بحزن: ــ ويلي عليهم.. لا ان شالله سهاله.. المحامي تكاليفه وايد يا بتي..
ــ اييه.. الله كريم...

جاسم راح الصندقه لحميد... ما لقاه فيها ...
قعد على الباب... ساعه .. ساعتين.. ماجى..
وين راح هذا؟؟
شوي الا بجية عادل..
جاسم في باله : ــ اففففففف ويش جابه مالي خلقه..
ولا شافه الا تعثر ويطيح يتشدخ :
ــ آآآآآه...
ويرجع يقوم ينفض روحه ويشدخ نعاله ويلبسه..
جاسم ماقدر صار يضحك عليه و لا انتبه له الا نعاله مقطوع...
عادل:
ــ قققووووه جججاااسسسموه
ــ جاسموه في عينك...
ــ ووويش تسسسووي برررى... ححممميد ررراح سووووق السسسمك شششفته..
ــ يعني.. وانا اقول وينا راح.. نسيت ... عدل نعالك مقلوب.. و لويه ما تغيره مقطوعه طبقه...!!
عادل يرفع ثوبه ويطالع نعاله تحت..
ــ هههههههههههههههه خبل قققااالللو لك .. مانى خببل حققق اغيييررره.. قطططعته على ظههر حسسسنوووه الأغبررر,,, تمباااني اغييررره .. كل من سأأألني قلت له سااالفته..
ــ هههههههه خبل وربي .. الله يخلف عليك.. عيون ونعال عوران... وعيونك من ويه؟؟
ــ من فججعوووه عببباااسوه.. فلللعني ببترري .. هههههههههههه تصصصدق انه ياااكل البتتتاااررري
ــ اصدق انك زهقتني اقوم احسن لي ...
وقام عنه....

وفي القسم.. ابو جاسم يحاول يخلص اجرائات الكفاله...
الضابط سمح له يكفله ويطلعوه يومين على ذمة التحقيق ومو بعيده يرجعو يستجوبوه...
ابو جاسم فرح.. وطلعو علي ...
حضن خاله وصار خاله يصيح.. و علي يمسح على ظهره:
ــ خلاص ياخال...
ابو جاسم يمسح دموعه بغترته .. ويبتسم:
ــ مشينا ياولدي .. والله كريم...

طلعو من القسم.. علي يحس روحه كأنه محبوس شهر مو بس يوم بليله...

وصلو البيت.. وطقو الباب...
وكانو كلهم قاعدين في المجلس ينتظروه..
ام علي مع طقة هالباب قلبها طاح..
قامت هي تركض وفتحته..
الا بدخلة علي عليها..
ــ ولددددي...
حضنته بالقوه ,, وصارت تصيح
طلعت ام جاسم من المجلس وصارت تصلي على محمد وآل محمد بصوت عالي...
زينب حضنت ليلى وصارو يصيحو من الفرح...

علي راح لأبوه وباس راسه.. ابوه مسكه و حضنه ويللا صياح...
الكل يتحمد له بالسلامه..

وبعد ما ارتاح علي .. وسبح .. رجع ليهم المجلس بيقعد وياهم شوي..
امه صارت تسأل فيه..
ــ وكيفا كذا ياولدي .. من ويه ... لويه تهموك..؟؟
علي مو قادر يتكلم ولا يبغى يتكلم ويقول الحقيقه .. وولد خاله جاسم له صله بالموضوع .. يكفي ابو جاسم جى وكفله ... مسكين عالنيات مايدري ولده ورى حبسته..
ــ والله مادري ,, يقولو شافو في طرادي حوايج مخشوشين مادري مين اللي خاشنهم...
ابو علي : ــ زين يمكن حق حميد مو هو وياك بالطراد..؟؟
علي يحاول يكون طبيعي :
ــ لا كشفو البصمات ماعليهم بصماته...
ريما نطت : ــ اجل بصماتك اللي عليهم..!!
علي صار يطالعها بقهر..
ليلى : ــ بصماته في عينش ..
ريما : ــ ويش قلت اني,,, و دام لا بصماتك ولا بصماته .. لويه اجل خذوك..
ليلى عصبت فيها : ــ ريموو وبعدين.. ؟؟
زينب ودها تقوم لريمو وتطيح فيها بدست..
علي مو عارف ويش يقول:
ــ لأن الطراد الي وبأسمي .. ماندري مين اللي كايدنا وناوي لينا بالشر وخش المسروقات فيه..
ام علي : ــ انتقم الله منه.. جعله ما يربح ولا يتهنى..

علي : ــ اخليكم باقوم انام شوي ,,, ما نمت شي ..
ام علي : ــ نوم العوافي يا بعد ابوي...
ليلى : ــ نام في غرفتنا اكو في منام مفروش ما شلته...
ـــ زين...

وراح علي غرفة خواته.. رمى روحه عالمنام.. وعلى طول راح في سابع نومه من التعب..

المغرب رجعو بيت ابو جاسم بيتهم.. وشافو جاسموه قاعد ياكل عيش ويرمي عالدجاج في الحوش يأكلهم..
ابو جاسم وهو داخل صار يتحمق عليه:
ــ ها,, طايح هالحظ,,, يرحم الدجاجات ويأكلهم .. واهله ما ياخذو منه لا حق ولا باطل..
جاسم نفر بقايا اللي في الصحن للدجاج وراح المطبخ ..
ابو جاسم:
ــ ولعنه ,, يعرف يعاند اسود الوجه..

ام جاسم وزينب راحو المطبخ
ام جاسم... يازعم بتبشر ولدها .. لأنه هو اللي جاب الخبر عن علي ليهم ,, وبأبتسامه عريضه:
ــ ولد عمتك علي .. طلع اليوم
جاسم اختلع : ــ هاا.. ويش طلعه؟؟
ــ ويش فيك مختلع..؟؟
ــ لا بس .. كنت احاتيه وسالفته مهي هينه... شلون طلع بهالسرعه.. ... ايه... الحمدلله..
ــ طلع على كفالة ابوك .. كلما بغوه بينادوه ويحققو وياه ما بيحبسوه عندهم.. والله كريم ان شالله و ينفي عنه التهمه..
جاسم مرتبك.. وتعفست احواله زياده.. ولا هو عارف ويش يسوي..
ام جاسم بتساؤل:
ــ اني مو ماكل مخي الا هالحميد..
جاسم : ــ ها.. ويش فيه..؟؟
ــ هو كل ويا علي ومتشارك وياه في الطراد جق ويه خذو علي وخلوه.. قال ويه بصماته مهي على الحوايج... وخذو علي على حساب انه الطراد بأسمه..

جاسم مو عارف ويش يرد:
ــ ايه.. مادري
وطلع من المطبخ..
زينب : ــ ويش فيه هذا..؟؟
ام جاسم : ــ ويش دراني عنه.. حاله مو طبيعي..
ــ اقص ايدي اذا ما يعرف شي و ساكت..
ــ مايعرف ويه؟؟ وويش دخله في حميد .؟؟ ويش عرفه به ..؟؟؟
ــ ويش دراني .. اجل لويه هالأرتباك وهالخوف..
ــ اهوو من يوم يومه اخوش جبنه.. فالح يتشيطر علينا بس..
ــ يجوز...

تابع>>

Princess

07-20-2008, 09:27 PM

الساعه 9 الليل .. اتصلت علا بيت ابو جاسم.. علي قعد من النوم نام له بس 3 ساعات وقعد يصلي المغرب و ياكل شي تالي بيرجع ينام....

اتصلت علا ...
ورفعه علي..:
ــ مرحبا..
علا ارتبكت.. معقوله هذا ابو علي..؟؟؟مافي البيت رجال غيره..
وبعفويه.. ــ هلا عمي... اخباركم..
علي مستغرب.. عمي !! واخبارنا.. شكلها غلط...:
ــ الحمدلله خيه.. بغيتي مين؟؟؟
علا شكت بالموضوع:
ــ مو هذا بيت حسن علي آل ....؟؟؟
ــ ايه .. عدل خيه..
ــ وين ليلى؟؟
ــ لحظه...

ونادى على ليلى... ليلى تأشر له مين.. حرك كتوفه مادري وقال:
ــ خخخ وحده اول مره شكلها تتصل وتسمع صوتي .. سمتني عمي ...
ليلى ضحكت :
ــ ههههههههه هذي اكيد علا..
علي في باله وبأستنكار..
ــ علا؟؟ أي علا؟؟
رفعت ليلى السماعه..
ــ هلا..
علا : ــ اهلييين..
ــ هههههههههه توقعتش انتين....
ــ هههههههههه اخباركم... ويش مسووين ها بشري...
ــ فديتش بخيير والبشاره كلمتش..
ــ كلمتني؟؟
ــ هههههههه علي اخوي اللي رد عليش
علا استحت: ــ هههههههه يوو .. الحمدلله على سلامته.. واني سميته عمي .. فكرت ابوش ..
ــ ههههههههه الله يسلمش قال لي هو وعلى طول عرفتش.. اخبارش انتين
ــ الحمدلله ... نسأل عنش ..
صارو يسولفو شوي ... ريما كانت قاعده ,,,
علي صار يسألها..
ــ منهي دي علا...؟؟
ـــ اووووه .. هذي بنيه حركتات... اكشنات... بنت عايله فوق فووق..
ــ ياساتر عليش .. بت مين..؟؟
ــ بنت خالد ال.... .,,, ابو مالك
علي خفس وجهه:
ــ بل .. وويش عرف اختش بها..؟؟
ــ لا تخاف مهي زي ابوها.. تحفه البنيه .. وطيبه مره...
ــ ولو ,,, هالناس ينخاف منهم...
ــ ما شفنا منها الا الخير...
ــ مممم عساه خير...

وفي نص الليل ... طلع جاسم وراح لصندقة حميد.. فتح الباب لقاه قاعد يدخن وحاط ايده على خده..
جاسم: ــ هلا .. جيتك الظهر وشفت عادلو قال في سوق السمك...
حميد ببرود وتعب: ــ رحت اترزق .. خير ويش تبغى؟؟

ــ علي ولد عمتي طلعوووه..
حميد فتح عيونه:
ــ كح.. كح.. متىىىى؟؟ وشلوووون.....؟؟؟؟
جاسم علم حميد باللي صار..
حميد يطفي الزجاير يدوسها بعصبيه...
ــ اوووووووووه... هذا اللي بيودينا بداهيه.. قضينا يااجسووم قضينااا....
ــ ياربي .. تتوقعه ويش بيسوي..؟؟؟
ــ مادري... بس مافي أي شي ضدنا .. الله يستر...
ــ الله يستر .. انا خايف..
ــ فارقني ومن متى ما خفت انت؟؟

قعدو شوي زين.. لين نعس جاسم...
ــ بانام..
حميد بقهر: ــ نام.. اخمد.. خمدت عليك طوفه.. ما غربلنا الا شوفة ولد عمتك لك عندي..

ونام جاسم...
وظل حميد سهران يقلب افكاره.. ويش ممكن يسوي علي .. وكيف راح يمشي الوضع بعد ما طلعوه...

وبعد يومين...

الى الملتقى...

Hussain.T

07-20-2008, 09:51 PM

الحمد لله على سلامة علي وان شاء الله يجيب دليل براءته

ويسلمو اميره ع التكمله الحلوه

تحياتي

ملاك الورد ..~

07-20-2008, 10:04 PM

ما شاء الله
القصة كلما لها وتحلو
وتصير اكشنات
بس خيتي فيه غلطة صغيرة
علا اتصلت على بيت ابو علي مو بيت ابو جاسم
تسلمي لنا يا اميرة الكون

Princess

07-20-2008, 10:14 PM

مرحبا

:in_love: يسلمو والله منورين

تسلمي خيه نواره
صح كلامش,,
غلطت :wacko:
حاولت اعدله الحين ما يتعدل

خيتي

الأمل البعيد ...

ان شالله تقوم باللازم
<<< خوبلتي البنيه وياش :toung::embarrest:
دمتم بخير
وبحفظ الرحمن

دمعة على السطور

07-20-2008, 10:23 PM

الحمد لله طلع علي بالسلامه
إن شاء الله يطلع براءة بس

بانتظار الغد...
بس إذا ماخاب ظني..
علا وعلي بيحبو بعض ههههه وكل يوم هالتوقعات
موفقة خيتي أميرة ويعطيك العافية على هالجزء يبرد القلب..
..دمتي بعين المولى الجليل..

زهور الريف

07-20-2008, 10:31 PM

بسم الله الرحمن الرحيم

اللهم صل على محمد وآل محمد

وعجل فرجهم

ما شاء الله جزء أكشن

تسلم الايادي يالقمر

والحمد الله على سلامة علي

والله ينتقم من حميد يارب

للدموع إحساس

07-20-2008, 11:31 PM

مســـــــــــــــــــــــــاكم اللهـ بـ الخير ،،
ألف الحمد اللهـ ،، على طلعهـ علي بـ السلامهـ ،،
وأن شاء اللهـ ما يرجع لهـ ،، يارب ،،
اللهـ لا يعودها عليهم من أيام سوووده ،،
و عقبال حميدووه الزفت يزفوه للسجن ،،
أشكـ أن بيصير بين علي وعلا شي ،، ما ادري ليش !!
لكن حرام و زينب ،،
ماعلي ياخذها أشرف عفر أسمهـ هع هع ،، مداني نسيت ،،
<<أخلصي عن التوقعات ،،
بس اللهـ يستر من شيطان حميدووه كان ما يدبر لهـ دبره ثانيهـ ،،
ويقطها على علي ،، وإلا يسويها حطها في جسوووم الخبل ،،
يعطيكـ ربي العاااافيهـ خيوووه ،،
وبـ الأنتظار ،،
خااااالص التحاايااا ،،
للدموع إحساس ،،

عوامية صفوانية

07-21-2008, 02:55 AM

ابي اتحمد لعلي بالسلامة

هي هي (( علي )) الحمد لله على السلامة " هذا صوتي بصراخ اكلمه عفر " ما استحي اكلم رجال خخخخ

ماني متوقعه شئ هالمرة عفر

ننتظر جديدك خيتو قبل السفر

بس عندي سؤال لأختي اميرة المرح

( باقي كم جزء لروايه )

ويسلمو يالغلا على الابداع والله يعطيش العافية

Princess

07-21-2008, 02:59 AM

مرحبا
يسلمووو جميعا ولا خلا ولا عدم حبايبي..

عواميه صفوانيه..
تروحي وترجعي بالسلامه غناتي وقلدناااش الدعاء والزياره
خصيني بدعاء يارب تحقق لأميره مرادها .. :embarrest:

خيه باقي تقريبا 19 جزء
اذا ما زادو اكثر حسب توزيعي الأحداث ..

دمتم بخير
وبحفظ الرحمن

عوامية صفوانية

07-21-2008, 03:21 AM

وااااااو

خسارة ما بلحق عليهم كلهم

كلها كم يوم وماشيين للسفر ...

ومن الدعاء وعلى الإجابة

والله يقضي جميع حاجاتك بحق محمد وآل محمد

وان شاء الله ضامن الجنان يسهل لش امورش والله يوفقش خيتو

بدعي لك من قلب صادق غناتي

( غناتي ) == حتى لو هذي مقتبسه منكم لكن صارت كلا في لساني هههه

و ما بنسى حبايبي بنات المنتدى

وموفقين لكل خير يا حق

آخر شقآوهـ ..~

07-21-2008, 04:42 AM

أتوقع ودو علي التوقيف يحققو وياه
الله المعين
تسلمين خيوه
يعطيك العافيه
ننتظر..

آسوآآر الآلــمـ

07-21-2008, 05:01 AM

يسلمو أختي أميرة ..

الله يعطيكـ العافية ،،

موفقه ياأختي

ننتظر الجديد ..

______

اسير الهوى

07-21-2008, 04:51 PM

يسلموووووووووووو من قلب اميرة..

وسنتابع..

Hussain.T

07-21-2008, 06:48 PM

طوط

جاي اشوف نزلتي الجزء اال12

ابغي اعرف ويش بييصير في علي

يلا الحماس زايد عندي

تحياتي

*زهرة البنفسج*

07-21-2008, 09:17 PM

الف شكر امورة علجزء الروعة

وانشاء اللع علي برائة

موفقين

جـــــوان

07-21-2008, 10:16 PM

بصراحة يا أميرة رواياتش أحبها موت

وسجليني من المتابعين معاش

تحية ارجوانية لكِ

Princess

07-21-2008, 11:27 PM

مرحبا

يسلم لي هالتواجد
وهالتعليقات
وهالحماس..
حبتكم العافيه ياااارب
ولا عدمت هالنور

قد تسرق الأقدار.. لحظات جميله طالما تمنينا ان تبقى.. وقد تمنحنا الصُدف مفاتيح السعاده...

اليكم الجديد..

Princess

07-21-2008, 11:28 PM

الحلقة الثانية عشره...

وظل حميد سهران يقلب افكاره.. ويش ممكن يسوي علي ..؟؟
وكيف راح يمشي الوضع بعد ما طلعوه...!!

وبعد يومين...

طفش علي من قعدته في البيت... حابس روحه حق تهدأ اعصابه ولا يطلع ويشوف حميد و يصير شي...
قرر يروح يحدق ولا عليه من حميد ولا بيكلمه...

وطلع الصبح للحداق... وصل البحر لقى حميد قاعد عالساحل يعدل شبك مخترب ...
من شاف علي ... طاح وجهه .. صار له فتره ما حدق .. والطراد لعلي و هو ما يعرف له... صار يحاول يداري ردة فعله و يسوي روحه ما يشوفه..

علي هو الآخر ..ولا كأنه يشوفه .. ركب طراده .. ونزل البحر و صار يحدق...
حميد يراقب في علي عن بعد .. وفي باله..
ــ يالله .. لا شابقني .. ولا عاتبني .. ولا حتى سلم علي... ولا حتى قال لي قوم وياي ...خخخخخخ ليش؟؟؟ استاهل انا؟؟؟ جزاتي على فعلتي فيه.. ماشفت بحياتي زيه... الله يستر منه...

وطلع علي من البحر .. وشال براداته و قبل لا يركب السياره التفت لحميد:
ــ اقوول.. اذا عندك شي بعد اكو الطراد ادعسه فيه بس حاول ما يكون نفس المكان.. مابغى اصير حرامي وغبي بعد..

حميد ترك اللي في ايده.. وصار يطالع في علي بنظرات مفهيه..

العصر علي في السوق ,,.. الا يصادف حجي عباس..
عباس وهو يقلب في سمك علي..
ــ هااا.. اجل طلعووك؟؟
علي صار يطالع في عباس ... وفي باله:
ــ يالله انتشر الخبر....!!
حجي عباس وهو يشيل ويحط :
ــ هالشغله ما تأكلك عيش يعني وقمت تشتغل غيرها!! ...
علي صار يطالع فيه ,, وسااااكت..
الحجي بعد تقليب وتفحص وهدره ترفع الضغط : ــ عطيني كيلو و نص ميد ..
علي صار يكيل له السمك..
خذه الحجي .. وعطاه ثمنه وقال له:
ــ مره فانيه .. الواحد يقنع برزقه .. ولا يتعدى على حقوق الناس .. على شان الله يبارك فيه..
علي جاه الكلام زي السهام... ما تحمل ... و رد على الحجي:
ــ الله وحده اللي يعلم بحالي واللي بيطلع الحقيقه..
حجي عباس : ـ ايه.. زين...الله كريم..
ومشى عنه...
علي في باله... لو فيك خير رحمت مرتك وولدها والناس .. بدل لا تعطيني نصايح وتتشطر علي... كيلو و نص !!!
بخخخل ,, استغفررر الله ربي...

اشرف كلم ابوه من فتره بخصوص جاسم... و قال له ابوه...
بما انك قعدت ويا حجي ابو جاسم.. و انت اللي ذكرتني .. روح وبشره يقدر ولده جاسم يشتغل سيكورتي ( موظف أمن ) في السوبر ماركت حقتنا...

اشرف فرح.. وقرر يقول لأبو جاسم.. بس يوم شاف حالتهم مع سالفة علي سكت وقال لوقت ثاني ... ولما علي طلع بالسلامه...
راح بيت ابو جاسم...
طق الباب... وزينب كانت لابسه عباتها بتطلع بتروح بيت عمتها..
ماليها باله .. وقفت ورى الباب...
ــ ميين؟؟
ــ اشرف..
زينب ما سمعته:
ــ ميييييييين؟؟؟
اشرف ابتسم :
ــ اشرررف...
زينب هالمره ما عرفته مين اشرف ؟؟.. بعفويه تامه ردت وقالت:
ــ ميين؟؟
اشرف خلاص فيه الضحكه.. قرب بوزه من بابهم..
ــ اشررررف عبدالله آل ....
زينب انصرعت الصوت قريب وهي مقربه اذونها للباب.. و استوعبت الموضوع.. واختصرت..
ــ ابوي مو هنا.. في الزراعه...
اشرف ابتسم : ــ زين .. مع السلامه..

زينب تغطت وعدلت عمرها .. وهي تهربد ويا روحها :
ــ الله يسلمك يللا حرك عن الباب بطلع...
مهلت شووي.. وطلعت ...
اشرف في سيارته .. لمحها وهي طالعه من البيت.. شافت اشرف قريب بيتهم في السياره .. عرفته .. وفي بالها..
ــ يوو هذا اللي كلما طفر لي عادلوه طلع له ..
وعبرت جنب السياره ومشيت..
اشرف في باله : ــ ههههههههههه بتطلع كانت .. زاده خوبلتني ماليها باله..

الا بعادلوه جاي من بعيد..
زينب في بالها
ــ اوهووووووو واني ما اطلع الا يصادفني هالخبل .. انا لله..

وغيرت طريقها لا يلحقها
الا بصرخته,,
ـــ وققققققفي ....
زينب :
ــ يمااااااه,,,
و تصروعت كالعاده وهالمره خلاص صارت تصيح قهر ... وتمشي بسرعه وهي تهربد ويا روحها:
ــ الله مسلطنك علي .. حسبي الله عليك من رجال ...
وعادل وراها..
اشرف كان ساعتها يكلم جوال:
ــ باي باي اكلمك بعدين..
سكر الجوال بسرعه وفتح باب السياره... وزينب كانت بتعبر من جهة باب اشرف كانت الأرض يابسه .. لأن الجهه الثانيه فيها ماي ....
بس من شافت باب السياره انفتح فجأه واشرف ينزل ويصرخ ينادي على عادل...

شهقت شهقه قويه ورجعت على ورا وراحت بتعبر من جهة الماي ..
اشرف انحرج حس روحه صروعها فعلا .. تنحنح..
ــ احم.. يالله .. يالله .. تفضلو ..
.. ومشى بسرعه ناحية عادل ووسع ليها مجال تعبر .. ورجعت تركض تعبر لا تتبلل عباتها وثيابها بالماي..
اشرف مسك عادل ..
ــ وتاليتها وياك؟؟؟ هااااا...؟؟؟!! كل مره اصيدك تلاحق وحده!!
ــ ووووالله ما لااااحقت احححد الاااا زييينب...
ــ في عينك.. عييييييييب.. استحي على وجهك.. رجال انت كبير...
ــ مااااسسسووويت شششي....
ــ تعال تعال.. اركب باوصلك بيتكم..
ــ ما برررروح
ــ لا اجل تقعد تخوبل الرايح والجاي..؟!!!
ــ خخخلاااااص ما بخوووبببل احد...
ــ..وامش اركب وياي السياره باوصلك بيتكم اسمع الكلام يللا
ــ زين بس مااابغى بييتتتنا يزههقني عببباااسسوه ويطقققني وديييني البحررر
ـــ زين اوديك بس بشرط ..ما تلاحق النسواان فاهم
ـــ هههههههههههههه ويش فيييك انت اقووول لك ما الاحححق الا زنبببوه

و ركبو السياره..

تابع<<

Princess

07-21-2008, 11:28 PM

اما زينب فمن الخلعات اللي انتابتها رجعت البيت
دخلت وكفخت الباب ودخلت الحوش وهي محمقه::
ام جاسم : ــ بسم الله الرحمن .. مو توش رايحه بيت عمتش ويش اللي عودش.؟؟.
زينب و عيونها حمرا بتصيح:
ــ عادلوه.. زفتوه.. فاضحني في الفريق فضيحه ما تسوى علي شوفته لي داك اليوم
ــ وعلى قلبي .. غربله الله هالخبل غرباله.. قايله لش خبل قلتي مافيه شي عاقل ويفهم..
ــ حريقه .. ايه عاقل .. اقول لش فاااااضحني.. ولا عاد عند اشرف..
ــ اشرف ولد جيرانا.. عبدالله آل .... لو غيره؟؟
ــ ولد جيرانا عبدالله آل .. ,, ليش في غيره اشرف في الفريق ؟؟؟
ــ ايه ولد ام فتحي بس صغير توه يمشي ..
ــ امااااااااه .. ناقصه اني خوبال.. اقول لش فاضحني ولا عاد عند اشرف تقولي لي اشرف ولد ام فتحي .. تهي تهي .. ياربي ..
ــ هههههههههههه اهوو عن الدلاعه... لويه ويش مسوي عادلوه بعد ؟؟؟..
ــ كم مره طفره اشرف عن دربي .. ما اطلع الا هم ثنينهم في وجهي واحد يخوبلني وواحد يطفره.. واني اطفر من الخلعات.. ناقصتنهم اني..
ــ زين فيه الخير يطفره عنش..
ــ الله يستر كان ما وصفني له من خناقه..
ــ تتوقعي يسويها..؟؟ حسبي الله عليه من ولد اذا صدق ... باجر باكلم امه .. تأدبه..وعلى عمر العدو..عاد قادره هي على حجي عباس حق تقدر على ولدها الخبل .. ايييه يا بتي اصبري بس اصبري
ــ اصبر .. لين ينشهر بي من تحت راس عادلوه.. لا بالله مافيني صبر ...
ــ قلتي لي اشرف ولد عبدالله..؟؟
ــ ايه ., ويش فيه؟؟
ام جاسم بطريقه تمني .. وبهمس
ــ ايه.. الله يكتب الخيرمن ورى هالخلعات ....
زينب فتحت عيونها :
ــ اماااااااااه ويش تقووووولي ...؟؟؟
ــ ههههههههههه علي ياعلي .. ماشي ..
ــ ايه .. حسبالي...

وفي السياره..

اشرف بعفويه : ــ لويه يعني ؟؟ شمعنى هي ؟؟
ــ لأننها طيببه .. وووو احححليييوه
اشرف ضحك ومسك اذون عادل :
ــ استح .. عييييييييب .. فضحت البنيه ما قصررت فيها.. ويش عرفك بها ووين شايفنها..؟؟؟
ــ آآآآي آآآه لا تمصع اددووووني واعلللمك بالسسسالفه
اشرف قال في باله خلني اسمع سالفته هالخبل لا اظن في البنيه ظن سوء غصبن عني..
ــ ها قول يالله.. تركناك..
ــ ههههههههه هاااداا من زمممااان ررحتت ويياا امي بيتهم .. مو بيييت امي يعني بييت زييينب ,, فهمت علي لا تخخخررربط بعد لووو شي ترررى مااانى عاااايييد
ــ ههههههههههه ياربي عليك فهمنا,,, ما اقدر على اللي ما يعيد .. كمل...
ــ دخلوووني اقععد في الحوووش عن بررى الطرريق واممي دخخلت ويااا ام جااسم داخخخل سوااالف حررريم ماادرري ويش يسووو.. وعييب اقعد ويااهم... و زنبببوه..
ــ عيب يا رجال ويش قلنا ... لا تقول زنبووه..
عادل مسوي روحه شخصيه:
ــ لااااتققاااططعنيي لااا ما بكمممل الساااالففه..
ــ هههههههههه لا بالله انا اللي بفلعه هذا.. كمل بس نشوف آخرتها وياك ...
ــ ايه.. وويناا وصصصلت .. نسسسيت...
ــ امك وام جاسم يسوولفو و زينب .. تالي ويش فيها زينب؟؟
ــ ايه .. و كان الجو مسمش ..
ــ ههههههههههههه الجو ويه.. مسمش .. هههههههههههههه من وين دي بعد هالكلمه.. مشمس حبيبي مشمس مو مسمش.. ومن وين جايبنها هههههههه
ــ اهووو ويش دررراني في التلفزيووون يقولو كدددا.. يععني في شمممس قوووويه
ــ هههههههههههه ايه افندينا وبعدين...
ــ وزييينب ماهي في البببيييت ,, ششوووي رجعتت ودخلللت تركض وشكلها فااطسه من الشممس هي داااخله ما تدررري بي في الحوووش كنننت قاعدد في زاااوييه ويااا الدجاجاااات
ــ ههههههههههههههههه لويه ...؟؟ تحرسهم؟؟
ــ لاااااااا.. احبببهم...
ــ زين وبعدين ؟؟
ــ ههههههههه دخللت وهي مااتدددري وشااالت عباتها و بوووشيتهااا انااا شفففتها وسكتت وهيي ما شااافتتتني ... وررراحت لأممها ويا امممي وشافووها مفصصصخه
اشرف ما تحمل : ــ ههههههههههههههههههههههه غرباااااااال يغربلك .. مفصخه وييييييه...!!!!!!!
ــ هاااا .. يعععني ما علييييها عبااااااااه..
ــ هههههههههههههه حتى اختيارك للكلام عجيب .. خلف الله عليك...
ــ تتتتلعب علي.. خخخلاص مااابكمممل القصصصه..
وتكتف ومد برطمه .. يازعم زعلان..!!

اشرف مو قادر فيه ضحك.. صار يدلدغ فيه..
ــ خلاص لا تزعل.. امزح وياك..
ــ ههههههههه لا تدللللللدغ خلالالااااص...

ومشى اشرف بالسياره.... سكتو شوي ورجع عادل يهربد..
ــ ايييه بااكككمل السسسااالللفه..
اشرف ابتسم : ــ بتكمل..... كمل..
ــ ورررراحت لأمممي وأممها .. قااالت امممهااا .. ان شششاااالله فصصصختي عبباااتش في الحوووش؟؟؟
قالت زيينب ايه تششيييه كل مرره وييينا افصخهااا...!!
قاممت امممي تضضحك وقااالت عععادلوووه وللدي هناااك ما شفتتتيه؟؟؟
قاااالت ززينب لأاا.. امممي انصرررعت فكككرتتني انحشششت.,, طلللعت بسسرعه الححووش هيي وياا زييينب وامهاا..وصااارت تطااالع فووين ... الاااا الديش حقهم يصرررخ كااااااااااااااااااك.... امي شافتني وووقاااالت اشششوى ما انححاااش اكووو.. واانااا افاااغص في ديييشهم...
ــ هااا هههههههههههههههههههه اجل ذبحته ورملت الدجاجات
ــ ههههههههههههههه ايه..................يعععني ويييه رممملت الدجااجات..
ــ هههههههههههههههههه اجل على ويه.. إيه.... ولا شي خلاص هههههههههههه,,,
ــ ايييه دبححححته... بسسس مااماااات..
ــ هههههههههههههه ياربي ..
ــ ههههههههههههههه تتتااالي زنببوه لما شااافتني صفففقت صدرررها و قاالت
يووو... وررراحت تررركض غرررفتها... وقققامت تصصصيح...
ههههههههههه اممي قااالت ليهااا لا تصصييحي ولدددي ما عللليه شررهه..
ــ أي والله ماعليك شرهه.. هههههههههههه
ــ عللللللي شررررهه الحين تشيه مااااتششششووووف؟؟؟؟؟؟؟؟؟؟
اشرف انصرع : ــ ههههههههه اشوف ويه..؟؟
عادل يرفع بلوزته : ــ الشرهه هاا بعععد... لونها زرقا ....
ــ هههههههههههههههههههههههه صارت البلوزه شرهه
ــ امي اللي تقوول دااك اليوم لمماا سالتها يعننني ويه شرهه قالت بللوزه وانا ككككان علي ثوووب لما شفففت زنبوه
ــ ههههههههههههههههه خلاص اسكت.. تكفى .. لا اسوي بك حادث..
ــ يماااه خلااااصصص بسسسكت ..لا نتشفففخ
خمس دقايق ونطق عادل..
ــ احللليوه بيضضاا و عيووونههها كبييره
اشرف فتح عيونه:
ــ عادلوه.. عييييييييييييييييب ..
ــ زين خلاص خلاص..

مهل شوي ورجع نطق
ــ شعرررها نااااعم..
اشرف طالع في عادل وبعصبيه:
ــ وبعدين وياك.. حرااام بتروووح النااار...
ولا ينتبه اشرف الا ياهل يركض بيعبر ..
ويضرب بريك ..ححححححححح..
بييييييييييييييييييييييييب
ويطفر عادل ويطيح على ارضية السياره..
اشرف يصرخ عليه:
ــ شفت لأنك تلاحق الحررريم وتوووصفهم بغينا نسوي حادث ونمووت.. حررررراااااااااااااااام.....
عادل وشوي بيصيح : ــ والله.. ووووالله ما اعييييددددها...
وحط ايده على بوزه طول الطريق لييين وصل البحر

.. نزل من السياره وهو لسا حاط ايده على بوزه .. واشر بأيده مع السلامه.. وسكر الباب..

اشرف : ــ هههههههه غربلك الله يابو شرهه زرقا..

...

سجاد: ــ اماااه ابووي صار زيي رجوله منكسره..؟؟
ــ لا امي .. كم يوم بس و تصير عدله...
ــ هو كان عدله تالي انكسرت وبتصير عدله مره تانيه.. يعني انا الحين منكسره بتصير تالي عدله وبترجع تنكسر مره تانيه؟؟
ــ لا بسم الله عليك امي... تعتدل ان شالله على طول...
ــ امااه .. كنت افكرر لول كيفا اصلي اذا تعلمت الصلااه.. الحين عرفت من ابووي..
ــ فديتك ياعمري .. جعلك الله من المصلين..
كان حسين يصلي على طاوله وكرسي .. لأنه ما يقدر من رجوله المكسوره يركع ويسجد...

سجاد يصفق وينشد:
ــ صوت الأذان يرن بالمسامع روح المعاني بساجداً وراكع ,, نعوذ بالأله من تارك الصلاة...
وصارت تنشد وياه ...

تابع<<

Princess

07-21-2008, 11:30 PM

علا كانت قاعده في زراعتهم اللي في البيت... بلاب توبها...
جتها عمتها سميره...
ــ ويش تسوي؟؟
ــ افرفر في المواقع..
ــ مواقع ويش؟؟
ــ ازياء .. فنون.. ديكور ..
سميرة ببرود وكنها مهي مصدقه:
ــ ازيااااء .. وفنووون..
علا رفعت لاب توبها وفرته عليها..
ــ شوفي...
سميره : ــ زين خلاص.. المهم اتصل ابوش العصر وانتين نايمه .. ويسلم عليكم.. يقول احتمال قبل العيد بكم يوم يرجع..
ــ والله.. تمام.. وحشنا وايد..
ــ متى بتنامي؟؟
ــ اذا نعست...
ــ زين قومي داخل .. بنقفل الباب..
ــ اني باقفله اذا قمت.. حليو الهوا بقعد شوي..
ــ لا ما تقعدي ... قومي الحين يمكن تنسيه..
ــ ما بنساه..
ــ علااا..
قامت علا وهي محمقه وفي بالها::
ــ حكم قرقووووش..
وركبت وهي فيها غصه..
ــ مالكوه لآخر للفجر سهر برى واني كم ساعه في حوشنا مافي...

ليلى كانت تكنس الصاله. بعد العشا... وريما ماسكه كتاب وقلم تشخبط فيه و متملله تذاكر... ماباقي شي على اختبارات الثانويه العامه وهي لا تعب ولا هم يحزنون...

الا تلفونهم يرن ..
طفت ليلى المكنسه.. وردت عليه..
ــ الو..
ــ السلام عليكم ورحمة الله...
ــ عليكم السلام..
ــ هذا بيت علي حسن آل ...
ــ ايه..
ــ وين علي الله يسلمك؟؟
ــ لحظه...

ليلى اول مره يمر عليها هالصوت وهاللهجه..
نادت علي كان منسدح في المجلس يقرأ كتاب...

ــ علي..
ــ نعم..
ــ واحد يبغاك في التلفون..
ــ مين ؟؟
ــ مادري !!

رد علي على المكالمه..
ــ مرحبا
ــ ياهلا ,, الأخ علي؟؟
ــ ايه نعم انا علي
ــ لو سمحت بكره الصباح تشرفنا القسم طالبينك ضروري ...
علي بنبرة متكسره...
ــ ان شالله.. خير ان شالله

سكر التلفون.. ليلى لاحظت على اخوها التعب...
ــ مين.؟؟؟ وويش صاير؟؟؟
علي يهمس ليها..: ــ لا يسمعو امي وابوي... هذيلا القسم يبغوني بكره..
ليلى ضربت صدرها:
ــ ويش يبغووو فيك.؟؟
ــ اشششش,, لا تخافي ولا تسمع امي ولا تنام الليله وتصير تصيح.. بس بيكملو تحقيق .. كم سؤال وبطلع ان شالله..
ــ ان شالله.. عساه خير
ــ يللا باروح انام .. تصبحي على خير
ــ وانت من اهله..

ريما :
ــ وِت وِت وِت وِت.. كل يوتوتو.. ويتهامسو .. اسرااار
ليلى : ــ اسرار وجهش..
ــ يبااا شفت ما كنهم خواني كل عندهم اسرار وسوالف واني برى ..
ابو علي فيه النوم:
ــ ما توبي انتين لو بتوبي ...
ويتثاوب حد ما عنده ... وهو يكمل كلامه..
ــ تبتي... اقوم انام.. تصبحو على خير
ريما : ــ خخخخخ ذكور هالبيت زي الدجاج ينامو من بدري..
ليلى : ــ الساعه 10 الحين .. زين وقت النومه.. دجاج ولا بومه...
ــ ويش قصدش هاا .. ويش قصدش..؟؟
ــ اهووو سكتي....
ــ اقوم غرفتنا احسن لي..
ــ ايه قومي لمسجلش الصنم احسن لش...
وكفخت ريما الباب..
وشالت ليلى المكنسه .. وراحت تقعد ويا امها شوي وهي تخيط
ام علي : ــ نام ابوش..؟؟
ــ ايه .. وعلي بعد...
ــ زين..

ليلى انسدحت على جنب ...
ام علي طلعت من الكبت قطعه حمرا..
ــ ويش رايش بها ..؟؟
ــ الله حليو لونها... وخامها بعد..
ــ من عند جارتنا جايبه امتار وايد لبناتها التوأم تبغاني افصل ليهم فساتين عرس ,, عندهم عرس قبل عيد الأضحى.. فصلتهم وبقى 3 امتار قالت لي اخذهم... ويش رايش اسوي لش قميص بهم.. للعيد ؟؟
ليلى ابتسمت : ــ كل شي منش حليو ربي لا يحرمني منش ..
ــ يا بعد ابوي ولا يحرمني منش ..
ــ بس ريموه.. ما بتعترض ؟؟
ــ ريموه ما يعجبها العجب .. خلها تاخذ اللي تاخذه للعيد .. ربش يفرجها بس..
ليلى : ــ يارب...

وبين ما ام علي تخيط...
انكسرت ابراة المكينه...

الى الملتقى...

دمعة على السطور

07-22-2008, 12:01 AM

البارت روووووووووووووووووعة
بصراحة كل يوم اتعلق أكثر بهالقصة وبأبطالها
بس اليوم ضحكت عدل ههههههههههههههههههههههههههههههه
ههههههههههههههههههههههه
على عااااااااااااادلووووووووووووة موتني ضحك
هههههههههههههههههههههههههه
مابقى شي من البنية ماوصفه

بانتظار الغد بكل شووووووووووووووووووووق
موفقة لكل خير إن شاء الله تعالى..
..دمتي بعين المولى الجليل..

MOONY

07-22-2008, 12:59 AM

ربي يعطيك ِ العافيه
بجد حلووه
وممتعه بنتظار البقيه
تحياتي

جـــــوان

07-22-2008, 01:24 AM

مسكينة زينب
عادلوه مغربلنها تغربل:wink:

بس لا يآخذها اشرف عن علي :sad2:

عوامية صفوانية

07-22-2008, 02:23 AM

هههههه
عااادللللللوووه ه ه ما قصر وصف زينب عدل هههه

ان شاء الله ما يوقفوا علي مرة ثانية عند الشرطة الله يحفظه من كل شر

و لكن عندي تعليق ...
على بين ما أم علي تخيط انكسرت ابرة المكينة

(( كسر الإبرة عند الخياطة بها يدل على فراق ووداع شخص ))
الله يعين ام علي ويصبرها

من كتاب < كشف المكتوم > في دلالات حوادث الإنسان

تقبلو تحياتي
وننتظر البارت بفارغ الصبر

دمعة على السطور

07-22-2008, 02:32 AM

صدقتي خيتي عوامية صفوانية
أني بعد إحساسي كذا إن انكسار الإبرة أكيد ليها دلالة مو زينة..
إن شاء الله خير

موفقين جميعاً..

fatemah

07-22-2008, 07:35 AM

السلام عليكم ورحمة الله وبركاته
جزء حلو مرة اما ضحكت على عادلوه ضحك ههههه
بنتظار الجزء القادم
..}{..تحيـــــــــــــــــــــــاتيـ..}{..

آسوآآر الآلــمـ

07-22-2008, 08:28 AM

جميل اختي أميرة

كل يوم تشوقينا أكثر

الله يعطيكـ العافية يارب

موفقة

___________

ارجوان

07-22-2008, 08:36 AM

مااقصرتي ميروا على هالبارت الروعة والمضحك :icon30:
اما حميدوا يااعساه الماحي ان شالله مااني طايقتنه وعسى الذيب يغدر به ان شالله.
ومسكينه زينب عادلوه مااقصر عليها حتى الوصف وصفها اه لوتدري بتفقع عيونه الثانية وشكله اشرف ماابينام في الليل:in_love:<<<<<استحي ماايقولوا ذا الكلام خخخخ
اما علي الحمدلله على سلامته اول وبعدين شكله التلفون مومن الشرطة شكله الي ماايتسمى متفق مع عربجيه يضربوه <<<<<<اللله يغربلش ويش هالتوقع عليش:huuh:
ويااعلي ام علي ان شالله الابرة بس انكسرة كذا من دون مااتكسر قلب صااحبتها ويعيشوا العيد سواى يارب يااكريم

((ترجعي بالسلامة عوامية صفوانيه وقلدناش الدعاء والزيارة))

جاري الانتظار خيت:signthankspin:و

زهور الريف

07-22-2008, 12:36 PM

بسم الله الرحمن الرحيم
اللهم صل على محمد وآل محمد
وعجل فرجهم

جزء روووووعة

وصحيح عادلووو رايح فيها خخخخ

فضح البنت

تسلم الايادي

بالانتظار

Hussain.T

07-22-2008, 02:56 PM

اما عاادلوووه نوكته

الله يعطيك العافية

وبنتظار التكمله

تحياتي

*زهرة البنفسج*

07-22-2008, 05:03 PM

الله يعطيك العافية امورة

ننتظر الجزء الجاي

آخر شقآوهـ ..~

07-22-2008, 05:15 PM

يسلمو حبيبتي ع الجزء الحلو
ربي يعطيك الف عافيه
ننظر جديدك

للدموع إحساس

07-22-2008, 07:27 PM

مســــــــــــــــــــــــــــــاكم اللهـ بـ الخير ،،
اليوم الجزء كشوخي ،،:bigsmile:
غربلهـ غربال عاادلوووه ،، يعني حتى لو أشرف ما بيفكر فيها ،،
إلا غصب من كلامهـ بيفكر ،، بيضا وعيون واسعهـ وشعر ناااعم ،، ويش بقى ؟!!
لون شعرها هع هع < تستعبطي مه وجهش ،،:weird::weird:
تصدقي عاد خيووه ،،
القطعهـ الحرا عجبتني بس من الكلام هع هع ،،
كيف لو أشوفها يمكن أندلع عليها خخخخ :wacko::wacko:< ما أخالف أسويها ،،
الله يستر من كسرة الأبره ،،
وراها شي ،، اللهـ يستر على علي ،،
كان ما يمسكوه مرة ثانيهـ ،،< بعيد البلا أن شاء اللهـ ،،
بـ إنتظار البقيهـ ،،
إلى ذالكـ الوقت ،،
كوني بـ أمان اللهـ وتحت رعااايتهـ ،،
خاااالص التحاايااا ،،
للدموع إحساس ،،

Princess

07-23-2008, 03:24 AM

تنام عيون.. وعيون يخاويها السهر...
تبات مظلوم.. ولا تبات ليلك ظالم...
تعيش لحظات تنسيك مـر العمر..
ولحظات قهر والله الوحيد العالم..

هنيئا لي .. هذا الحضور...
هنيئا لي.. تواجدكم العطر ...
هنيئا لي .. تواصلكم المميز...

من اعماق قلبي خالص شكري ودعائي ..

ومعكم اكمل مشواري...
7
7
7

Princess

07-23-2008, 03:25 AM

الحلقة الثالثة عشره...

وبين ما ام علي تخيط...
انكسرت ابراة المكينه...
ام علي بخلعه:
ــ اللهم صل على محمد وآل محمد.. يالله تكفانا الشر ...
وبصوت متكسر :
ــ يالله تبعد عنك شر العبيد والحديد يا ولدي ...
ليلى خافت... وتذكرت المكالمه .. وشكل امها الحين مع انكسار الأبره اثر فيها...
لكنها ظلت ساكته...

وشوي بدى المطر يطيح...
ليلى قامت ... بتحط الصفاري والطاسات كالعاده ..
ام علي تركب ابره جديده .. وهي تتنهد:
ــ الله يكون بالعون...

وعند النافذه.. علا قاعده... ماكل عقلها التفكير..
ــ ابووي.. من سنه ما شفته.. حدي مكالمات و يالله بعد.. ماشوف روحي لجيته متحمسه.. استغفر الله.. قلبي ناغزني... وهي تطالع في النافذه الا برجعة مالك ...
علا في بالها:
ــ زين والله راجع من بدري...
نزلت تحت .. لقته ينادي:
ــ تريزااااا.. تريزوووه
علا : ــ اششششششش ويش فيك ؟؟ تريزا من زمان نامت وعمتي بعد .. ليش مفكر الحين الساعه 9 ..!!
ــ اوهو .. بلا ظرافه علي..
ــ ويش تبغى؟
ــ يوعان .. ابغى اكل...
ــ هاا.. غرييبه جاي من برى ولا اكلت.. مفلس!!؟؟
ــ سالفه هي.. لا تستظرفي علي وروحي قعدي تريزا..
ــ حشا.. منت صاحي المره تكرف طول نهارها اروح اقعدها لك نصاص الليالي .. اني باسوي لك ..
ــ سوي عدل..
علا رفعت حاجب :
ــ اقرع ومتشيرط.... ليش مفكر ويش باسوي لك... جبن و لبنه وباطلع كل شي بالثلاجه وخبز...
مالك مو عاجبنه الكلام: ــ افففف .. بعد لو احب البيض قلت لش سوي لي بيض..
ــ تبغى بطاطس مقلي؟
ــ يكون احسن ..

وراحت المطبخ...
شوي لحقها مالك... وصار يحوم رايح جاي.. و كن فيه شي... لو يبغى يقول شي..
علا حست عليه..
وبسخريه و برود : ــ اخلص .. كم تبغى؟؟
مالك ابتسم شبرين ونص:
ــ والله ذكيه ام العلالي ويش دراش ؟؟
ــ علالي كف ... معروفه هالحركه منك... بس هالمره مامداك ما خلص الشهر ...!! حسابك صفرته حشا... ويش تسوي تحرقهم وتتدفا بهم؟
ــ اف.. بتعطيني وتذليني .. مابغى... و بلاها هالسخريه...
ــ اذلك؟؟ زين.. يا سيد مالك بس سؤال .. وين تودي هالفلوس صدق...؟؟
ــ سفرات.. روحات.. جيات.. كشخات..
ــ حتى ولو .. الله والسفرات البحرين رحت هالشهر... وويشو الكشخات .. جنوط جديده بدل اللي انباقو...
ــ تهي .. لا تيجيبي لي عله اللي اخذتهم ولا شي بالنسبه للي انباقو ..
ــ اجل وييييييش سووويت.. 7000 ريال راتب واحد يكرف ليل نهار في هالوقت وبالحسره اذا اخذها بعد ... انت تحرقها بارده مبرده في اقل من شهر.. ويش فيك انت؟؟؟؟؟
ــ اوهووووووو طلعت لينا فيها .. اقول .. بلا فلسفه.. و اقلي عدل لا تحرقيه.. وخلاص مابغى منش ولا ناقص منتش...
وطلع من المطبخ..
علا : ــ ثقيل دم ومنت عاقل .. الله يعين اللي بتاخذها.. مالت علي يازعم اخوي الكبير.. مالت بس مالت..

وبعد ماخلصت ليلى توزيع الصفاري والطاسات.. راحت لأمها:
ــ اماه باروح انام.. توصي على شي ..؟؟
ــ سلامتش .. ونوم العوافي غناتي..
ــ الله يعافيش.. يللا تصبحي على خير
ــ وانتين من اهله..

وراحت ليلى غرفتهم.. لقت ريما في سابع نومه .. وكتبها مرميه تحت السرير..
ــ هه قالت ويه ذكور البيت دجاج.. نامت البومه...

قعدت عالسرير .. قرت قرآن شوي... بعدين فتحت دفترها...

ام علي وهي تخيط .. تحس بضيقه .. و نفسها مخنوق... بعفويه تامه حطت جبهتها عالمكينه .. وصارت تصيح بهداوه:
ــ يالله تحميك ياولدي وتعديك الشر .. يالله لا تخيب املي ورجاي...

حميد في الصندقه.. يتلوى .. بطنه يعوره...
جاسم وياه : ــ ويش فيييك انت..
ــ افففففف اسكت عني ها بطنييي اسهاااااال
ــ بل ... من متى ؟
ــ الله عالأخصائي .. يعني الحين اذا قلت لك من متى بتشوف لي حل...
ــ اسكت احسن..
ــ احسن.. اففففف... من العصر ,,, من شوفة ولد عمتك عفر
جاسم مارد عليه..
حميد طلع من الصندقه وانتون بكرامه.. خلاص بطنه مو قادر..
جاسم : ــ الله يعينك...خخ جرثومه عفر ولد عمتي.. .حوبته.. الله يستر علي...

اشرف منسدح على سريره بينام... تذكر سوالف عادلوه وصار يضحك...
غربلك الله من خبل .. نسّاني اروح لأبو جاسم.. يللا بكره وان شالله خير...
وانقلب على يمينه .. غمض عيونه... وتذكر كلام عادل..
ــ بيضااا وعيونها واسعه و شعرها ناعم...
ابتسم ورفع ايده وصار يحوس في شعره...
ــ اففففف خزاك الله يابليس .. لعييييين عادلوه نحييس.. هههههههههههه
حضن المخده وصار يهربد..
ــ بس والله زي المواصفات اللي في بالي وحابنها...
دعس وجهه في المخده:
ــ اعوووذ بالله منك يا بليييييييييس ..
صار يقرأ كم سوره في قلبه ,, لين غفت عيونه.. ونام..

ليلى تقلب في دفترها .. وشالت نشافه فيها دم..!!
ومكتوب عليها .. لا تتحدي مره ثانيه مع رسمة ابتسامه :)...
ليلى تبتسم وتتحسس النشافه بأيدها و ترجع للذكريات..
ــ مو طبيعي هالمسلسل احسهم يبالغو فيه.. ويشوو يقتل روحه على شان حبيبته فارقته .. مو صاحي ..
علي : ــ قيس استخف وهذا انتحر ومن الحب ما قتل..
صالح : ــ ههههههههههه تسخروو.. يصير والله .. ياما في الحب مجاريح..
علي يسخر...: ــ وينزفو دمّان ...
صالح يسخر زياده : ــ لأ .. ماي..
علي يضرب ضربات << كانو عادي يقعدو جميع حتى و ليلى متغطيه.. كان صالح ماله احد الا بيت خاله .. وكل وياهم...
ــ احم.. ابو صلوح.. اجل تالي بنشوف دمانك يسيح لجل الحبايب
صالح ابتسم.. ــ ايه افا عليك.. يستاهلو دمي وروحي...وكل شي..
علي يطالع في ليلى على جنب:
ــ بيصير قصّاب.. للحبايب ماااقدر هههههههههههههه
ليلى استحت وقامت وهي تتحمق :
ــ ما تستحو .. اتحداكم اصلا...بس في الأفلام...
وطلعت عنهم...

وبعد شوي ... طق باب غرفتهم ..
فتحته ليلى لقته اخوها علي وهو ميت ضحك...
ــ هاااش..شوفي الخباله..
عطاها نشافه...مطويه..
ليلى خذتها وفتحتها .. واختلعت .. وصارت تقرأ المكتوب عليها ..
ــ ههههههه وويشووو دااا..
ــ هههههههههههههه الحبايب عند كلمتهم.. الله لينا بس ... حط له اكو تيب جروح بعد العمليه وطلع..
ــ هههههه علووه عن السخريه .. داويه .. صاص ؟؟؟ حبر ؟؟؟
ــ اقووول اشتميه و بتعرفي ... و يللا فارقيني هههههههههههه قالت صاص و حبر...صالحوه استخف... هههههههههههههه.. الله يعينه بس ..
خذتها ليلى وهي مستغربه و مستحيه و مهي عارفه كيف توصف ردة فعلها...
وكل شوي تقرأ الكلام اللي عليها وتضحك...

انتبهت لعمرها .. مع صوت اذان الفجر.... طوت النشافه وهي مبتسمه... حطتها في دفترها .. وقامت للصلاه...

تابع>>

Princess

07-23-2008, 03:26 AM

وفي الصباح.. علي يسبح.. وليلى قعدت من بدري .. وصارت تجهز فطور لأخوها,,
شالت بيضتين في ايد والمقلى في ايد.. وبدون شعور فجأه طاحت بيضه عالأرض..
ليلى : ــ اففففف ويش هالزفاره....
حطت الثانيه على الفرن بس ما حطتها عدل.. .. وصارت تنظف البيضه المنكسره ,, الا بطيحة الثانيه ... ليلى بلا شعور صرخت:
ــ اوهوووووووووو... ياربي ويش هالحاااله....
الا بدخلة علي المطبخ بيشرب ماي..
ــ صباح الخير.. ويش صاااير!!
ليلى قامت وهي تشيل في البيض ..
ــ ووع .. الحمدلله.. صباح النوور.. ويش صاير .!!. خخ اللي تشوفه..
علي يمسح وجهه بالفوطه..
ــ عموما يعطيش العافيه.. لا تعبي عمرش مالي نفس بطلع الحين..
ــ مايصير ما تاكل شي ؟
ــ رجعتي ان شالله...
ــ ان شالله.. يارب...

لبس علي ثوبه.. وجاكيته.. وطلع ...
طلعته كان الجو بارد .. وجاكيته كان فيه قبعه.. غطى بها راسه المبلول...
يحس روحه مقبوضه وانفاسه مكتومه وتنفسه يتسارع.....ماقدر على القبعه .. شالها..
وركب سيارته... وتوجه للقسم...

ووصل القسم.. وظل ساعه وهو متنقع ينتظر التحقيق.. ساعه يحس قلبه فيها ما بين كل دقيقه وثانيه يوقف... وفي باله مقهور..
ــ جاي ليهم برجولي وينقعوني .. لو ما جيت شحطوني من بيتنا حق الفضايح في الفريق...

لين حل الوقت.. و بدو وياه يحققو...
ــ الحي الفلاني .. منزل فلان ال فلان.. والحي الفلاني .. فلان آل فلان..
وعلي يقسم ويحلف ما يعرفهم.. وانه حتى اللي يعرفهم سمع بالبوقات اللي صارت ليهم.. بس ماله شغل..
الضابط : ــ يا اخي قر وريحنا.. اعتررف .. وبعدين لا تخاف كلهم الحق الخاص اسقطوه من حكم حبسك بشرط ترجع اللي سرقته لو تدفع قيمته..
و بس بتاخذ فترة الحق العام..
علي يحس ركبه مهي شايلتنه..
ــ يعني كم ادفع ؟
ــ تدفع..!! ليش تصرفت بالمسروقات كلها ؟؟
علي تنرفز : ــ اقول لك واللي خلقني ما اخذتهم..
ــ اجل تدفع شنو؟
ــ اذا ماقدرت انفي التهمه عني على شان اسقط الحق الخاص كم ادفع؟
ــ والله حول 15 الف اذا مو زود ...
ــ حشا.. ليش .. ذهب ؟؟ بتروول؟؟ مو راديوات و جوالاات..
الضابط يضرب ايده عالطاوله:
ــ هذا الحق ولا تغالطنا فيه.. ووش قصدك..؟؟؟
يا رجال خلك ماش عالمضبوط لا ما يحصل لك خير..

علي يحس ابواب البراءه انصكت في وجهه:
ــ ويش ممكن اسووي حق ما انحبس..
ــ توكل لك محامي يشيل قضيتك.. او ترجع الحقوق للناس..
علي عصب: ــ انا ماااااا اخذت شي ولا احد له حق عندي....
الضابط صرخ عليه : ــ احترم نفسك ولا تعلي صوتك.. مال احد حق عندك,,
هالشي راجع لك..وهذا شغلنا...
ياعسكري ... خذه للحجز...
علي وقف :
ــ ليش ..؟؟؟ انا باجيكم كل ما طلبتوني ....
ــ السالفه مهي بكيفك.. ويللا لا تعطلنا ورانا قضايا غيرك...
ــ والحل.؟؟
ــ لا حووول.. وانا اقعد اعيد وازيد لك.. يا اخي قلنا لك وكل محامي .. والا رجع الحقوق.. ويللا اغراضك .. مفاتيحك وجوالك و محفظتك .. خليهم عندنا...
ــ طيب ممكن اكلم اهلي قبل لا اسلم الجوال..
ــ تفضل ...
علي وايده ترتجف .. اتصل بيتهم.. للأسف ليلى رجعت نامت .. ما نامت طول الليل ... بس قعدت على شان اخوها وفطوره...
لم يتم الرد..
علي مو قادر.. قام اتصل بيت خاله...
رنه ... رنتين.. رفعته زينب..
ــ الو...
ــ هلا.. وين خالي؟؟
زينب عرفته.. وارتبكت.. واستغربت من صوته و سؤاله على طول عن ابوها..
ــ في الزراعه... هنا جاسموه تبغاه؟؟
علي من سمع اسم جاسم :: تنرفز وصرخ عليها بلا وعي:
ــ لأا., مابغاه..
زينب اختلعت.. وسكتت..
علي انتبه على عمره:
ــ اسمحي لي خيه.. واسمعي باقول لش.. حاولي بعدين تكلمي بيتنا وتخبريهم احتاج محامي ضروري .. مع السلامه..
زينب اختلعت وجتها غصه وصارت دموعها تصب .. مامداها بترد عليه الا
طوط طوط...
ظلت ماسكه السماعه ... نزلتها على كتفها.. وعيونها شابحه وغرقانه بالدموع..
دخلت امها وشافتها.. راحت ليها
ــ هادا مين في التلفون...؟؟
ولا انتبهت ليها الا دموع..
ــ زينب .. ويش صااير .. ويش فيش؟؟؟ ومين المتصل ؟؟
زينب رمت السماعه وحضنت امها .. وصارت تشاهق و دموعها تصب ..
وامها مختلعه: ــ زينب .. وقفتي قلبي .. ويش صااااااااير..؟؟!!!
ــ علي..
ــ ياااعلي يا حلال المشاكل.. ويش فيه علي...
ــ رجعو .. خذووه... ومتصل يقول.. لازم محامي...

تابع<<

Princess

07-23-2008, 03:27 AM

ام جاسم صارت تصيح وياها:
ــ انا لله.. الله يساعدش يااا ام علي .... ودريو اهله؟
ــ لا.. اتصل وقال نقول ليهم.. شكلهم نايمين ما رفعو.. لو ما قدر يكلمهم على طول...
ــ الله يكون بالعون.. وشلون الحين بنوصل ليهم الخبر...

ام علي فتحت عيونها .. وظلت تطلع في السقف.. ولا انتبهت الا ابو علي مو جنبها...
قامت غسلت .. وطلعت لقته قاعد بالصاله ,, ماسك مسباح و يسبح..
ــ صبحك الله بالخير..
ــ هلا.. صبحش الله بالنور..
ــ مافطرت؟؟
ــ لا.. للحين ما فتشينا ريقنا ولا حتى بكاس ماي..
ــ لعن الله يزيد.. غريبه ليلى للحين نايمه ... خير ان شالله,,
راحت المطبخ لقت الهوايه تشتغل ولقت كيس فيه قشور بيض ...
صبت ماي لأبو علي وطلعت له..
ــ شكلها قعدت اشوف المطبخ فيه حوسه...
ــ يجوز قعدت تسوي لأخوها فطور قبل لا يروح يحدق..
ــ يجوز...

ام جاسم وزينب محتارين كيف يقولو ليهم الخبر...
ام جاسم: ــ مو عدله نقول بالتلفون .. يتصروعو تالي.. بلبس عباتي وبروح ليهم.. عالأقل اكون جنب عمتش .. ادري بها بتنهار.. ما الومها والله.. وابوش بعد ابغاه يجي...

زينب .. :
ــ خلاص اني باروح له.. اناديه..
الا بجاسم داخل عليهم..
ــ انا باروح.. روحي ويا امي..
ام جاسم في بالها..
ــ صلوات على محمد وآل محمد ...
لبسو وراحو بيت ابو علي..
وجاسم راح المزرعه لأبوه..

كان بالمزرعه ابو ناصر وحجي عباس ووياهم كم واحد من الجماعه...
الا بجية جاسم...
سلم على الموجودين.. وراح لأبوه..
ــ يبا..
ابو جاسم رفع راسه..
وهو مختلع ومو مستوعب .. جاسم قاعد الصبح وجاي له الزراعه:
ــ هااا... ..!!
ــ امي وزينب راحو بيت عمتي ويبغوك بالسرعه..
ــ ووويش صااير..
ــ الظاهر رجعو خذو علي..
ابو جاسم ينفض روحه ويقوم..
ــ انا لله وانا اليه راجعون..
وراح لأبو ناصر وهو مستحي :
ــ طال عمرك بغوني الأهل....
ــ خير ان شالله ؟؟ عسى ماشر ؟؟؟
ــ لا بس ولد اختي عنده مشكله وباروح اشوفهم
حجي عباس نط بالنص:
ــ ولد اختك.. علي ؟؟
ابو جاسم : ــ ايه..
عباس : ــ عودو خذووه ,,, لو ويش فيه؟؟
ــ شكلهم رجعو خذوه..
ــ الله يعينكم على هالسالفه.. والله يهديه..
ابو جاسم : ــ الله يعيننا.. والله هاديه ما ميش زيه هالرجال.. ماسوى جرم .. الله يشهد انه مظلووووم..
ــ ايه .. عساه خير..
ابو ناصر وباقي الجماعه ضايعين في الطوشه ..
ابو ناصر: ــ ايه.. تيسر حجي امانة الله..
ابو جاسم : ــ تسلم طال عمرك...

وراح ويا جاسم لبيت اخته...

ابو ناصر : ــ ويش سالفة ولد اخته؟؟
حجي عباس علمهم بالسالفه.. مع رش البهارات وتزويد الحكايات... وطلع علي بمنظر المتهم فعلا والجاني .. مو المجني عليه....

شوي الا بجية اشرف ليهم.. وبعد ما سلم .. سأل عن ابو جاسم.. قالو له طلع ...رجع البيت عفر ..
اشرف في باله:
ــ وانا هذا حظي ... اروح له البيت يقولو المزرعه اجي المزرعه يقولو البيت...
راح له البيت طق الباب لين عجز ,, ماحد فتح له...

وفي بيت ابو علي..
ام علي مستغربه وقلبها ناغزنها من جية ام جاسم وزينب هالحزه.. وشكلهم مهم خليين..
ام جاسم..
ــ مادري ويش اقول لش ياخيه..
ام علي : ــ ويش صاير ؟؟ قلبي اكلني من المحاتاه...
ــ علي... << قالتها بخووف شديد..
من قالت اسم علي.. ام علي حط ايدها على راسها...
ــ ويش فيييه.....
ام جاسم بأسى : ـــ خذووه...

ام علي ضمت وجهها بيدها وصارت تهز رايحه جايه ,,
ــ آآآآه.. حسبي الله عليهم.... قلبي ناغزني وحاااسه.. انتقم الله من الظالم...
ليلى صارت تصيح... كانت خايفه من المكالمه البارحيه .. وطلع خوفها في محله...
ام علي :
ــ نخوه يا ام البنين.. نخيتش .. داخله على الله وعليش ما ترديني.. ترجعي ولدي بحق بنينش .. بحق العباس نظر عينش .. نخيتش لا ترديني..

ابو علي سند راسه عالجدار ومافي الا دموع تصب ..
ووصل ابو جاسم... قعد شوي ويا اخته واساها .. وراح بيتهم بدل ثيابه .. وعلى طول القسم بيحاول يكفله مره ثانيه ,,. ويشوف ويش المطلوب يسووه ....

بالصدفه اتصلت علا تسأل عن اخبارهم...
قامت ليلى ركض للتلفون متلهفه متوقعه خبر عن اخوها...
ــ الوو..
ــ هلا .. قوه ليلى
ــ اهلين الله يقويش .. << قالتها بصوت متكسر وخايبه اماله..
ــ ويش فيش .. صوتش متغير.. خير ان شالله...؟؟
ليلى وفيها غصه..
ــ اخوووي << قالتها وصارت تنحب..
علا اختلعت: ــ ويش فيييه؟؟ خذووه مره ثانيه,...؟؟؟
ــ اييه...
ــ يـــــــــالله حسبي الله عليهم.. هدي بالش غناتي.. وان شالله خير.. متى خذووه؟
ــ ان شالله... تونا من شوي نسمع بالخبر...
ــ ياربي ...عساه خير... وطمنيني ..
ــ ان شالله..
ــ الله كريم.. والصبر زين.. يللا مع السلامه..
ــ حياش غناتي.. الله يسلمش ..
سكرت علا السماعه.. وهي متضايقه وفي بالها.. تهلوس ..
ــ اني شكلي فال نحس عليهم .. من عرفوني وهم من بلوه لبلوه...

صارت تصيح .. راحت المطبخ تغسل وجهها..
تريزا : ــ علا .. ويشو في.؟؟
ــ مافيني شي ...
ــ زعلان ويصيح....؟؟
علا شربت ماي وقعدت..
ــ اخو صديقتي خذوه الشرطه للسجن...
ــ اوووه.. هراام...
تريزا في بالها مستنكره .. اخو صديقتها وهالصياح...
ابتسمت في وجه علا .. و طبطبت على كتفها...

وبعد كم ساعه..
باب بيت ابو علي يطق ...

هالباب اللي لكل طقه من طقاته حكايه..

قامت ليلى ركض .. فتحت الباب
الا هو خالها ابو جاسم.... و..

الى الملتقى...