ضعنا يا صبرنا...

[مياس]

بسم الله الرحمن الرحيم
http://3rb2.net/up/get-7-2008-lof4zbii.gif
أحداث جديده حزينه إن شاء الله يتغير الحال للأحسن:rolleyes:
ننتظر الجديد وسلمت يداكِ أختي اميره المرح:ongue:

[Sweet Magic]

صباح الخير ,,,,,,,,,,,,,,

غناتي أميرة المرح

ننتظرك وننتظر الأحداث اللي راح تحصل مع وصول أبو مالك

تقبلي أعجابي بروايتك

[fatemah]

السلام عليكم ورحمة الله وبركاته
صباح الخير للجميع
وربي تعبت وانا استنى متى يجي بكرة
^_^ ننتظر الاحداث بكل شوق
..}{..تحيـــــــــــــــــــــــاتيـ..}{..

[mrboch]

يسلمو أختي أميرة
والقصة بلا منازع حلوة
ولا هذا حميدوه احووشه بدست لين تطلع روحه
بأنتظار باقي التكمله

يعطيك ربي العافيه

[ارجوان]

وزززززززززززززززززززززززززززززززززززززززززززززززز :wacko:اوف قااعدة من الصبح غبشت الغباش <<<<<< بل قديمة الاخت علشان اقرء بس ماشفتهاااااااا:closedeyes::closedeyes::closedeyes:

جاري الانتظار خيتو :signthankspin:

[أسيرة الأحلام]

رجعنا للمنتدى واللي جمعتنا كالعاده الغلا كله اميروووه

وحشتيني دبدوووب ووحشني المنتدى وآآآآآجد << اهم شي فجيت عليكم هع

اخبارك انشالله تمام..؟!

طبعاً اني متابعه القصه بهدووووووء

بس الأحداث اجبرتني اني ارد عليش
واصفق لش بحراره على هالإبداع

ماشاء الله القصه مرره روووعه

وبإنتظار الجزء الجديد

ومو تطولي علينا

يلا سي يوو

[Princess]

وتمضي الأيام...
طارحة الأماني على شطئانها..
لتموت عطشاً ...

فهل سيأتي يوم لتعود الحياة لشرايينها...!!


احبتي المتابعين.. والمنضمين.. واللي وحشوني ونوروني ..
فديتكم والله اني بخير .. واكيد ما انساكم.. وشهاده اعتز فيها تواصلكم معاي ...
يعطيكم الف عافيه
تفضلو الجديد..

[Princess]

الحلقة الرابعه عشره...

....



اااه ايها العيد الحزين

يا ثاني عيد.. سيحل علي.. في سنتي هذه.. و انت بعيد..
عادة في العيد تعزف سيمفونيات الأمنيات والسعاده
وتهل الأفراح.....

ولكن عيدي بدونك.. اعزف به مقطوعة الحزن والألم..

والوحشة تهل علي تسقيني من كؤوسها مُر الشراب

كيف بي ان افرح..؟؟
مللت وانا اصطنع الإبتسامه !!
مللت من ظل رسمته لنفسي اسميته ظل السعاده !!
مللت من الأمل نفسه..............

والصبر قد فر مني هارباً.....................!!

حتى الدمعه في برد شتائي هذا حينما تنحدر .. تنحدر وبكل جفوة وقسوه

تتجمد على خدي.. وكفي البائس مل ان يمسحها....!!!

احساسي طالت غربته, ومشاعري حبيسة هناك معك
أيــــــــــــــــــا غائباً ..
لن اقول لما غيابك ؟؟
.. فإني اعلم اسبابه.......
ولن اقول طال علي..
فإنني اعلم انه ليس بيديك حيلة لتحتالها........

ولكنني ابث شكواي والم والديّ هنا في دفتري..
لعلي اداوي المي وجرحي المرير

فكما يقولون" كل همه أشقاه في ليله""

وانا همي انت...

وستظل انت...

الى ان تلمس كفي كفيك

واعانقها بحرارة المكتوي من الشوق

اخي الغالي .. علي..
ليت كلامي يصلك
وبوحي يخترق مسمعك...

تيقن انني معك.. وان كنت لا تدري .. فإني اصارع القدر بدونك..

فلك ايامك الحلوه التي لن انساها مهما طال بعدك..
اظل احبك ..
بل متعلقة فيك..

ليتني استطيع ان التمس لنفسي العذر في التقصير معك ...
ولكني لا املك بيدي سوى خالص دعائي ورجائي بالفرج لك وتخليصك من ظالميك...

وان انثر حرفي الباكي الشاكي في سطور ترتل بين طيات صفحاتي الماً اعتصرني وهماً كسرني....
وبقلبي الدعاء..لك يا غلاة اروحنا .. يا شمعة بصيصها يضئ عندنا وان قست علينا الأقدار و جعلتك عن ناظرنا بعيداً...
.
.
.
سكرت ليلى دفترها.. في ليلة العيد الكئيب .. عيد الحاج .. واخوها مسافر وموطنه ديار الظلم ...
اسبوع مر على هالوضع...
سالت دمعتها على خدها.. وهي تتذكر حالتهم في الأيام اللي فاتت..
تتذكر كلام خالها وهو يقول لازم له محامي ... والمحامي تكاليفه غاليه..

تتذكر وجه ابوها الشاحب اللي ما يملك الا الدعاء و دموع الرجاء..
تسلف خالها على شانه من عند ابو ناصر كم قرش..

ومن عند ابو اشرف شوي..
وحفظو ماي وجههم عن حجي عباس... وهدرته و اذلاله للعالم وما قربو له..

وزينب.. اللي صيحتهم كلهم لما قدمت ليهم سلسال ذهب هو الوحيد الغالي عندها .. لأجله...وبالموت والف رجاء يالله رضى ياخذه ابو علي ...

لكن ..
للأسف ما توفقو في محامي راعي ذمه وضمير...
ظل يماطل وياهم كل يوم يقول اليوم... وعلى حاله بهالمماطله الى ليلة العيد...

اذن اذان الفجر .. يوم جديد على امة محمد يحمل الخير و البشاير...

اللهم اهل الكبرياء والعظمه واهل الجود والجبروت و اهل العفو والرحمه و اهل التقوى والمغفره .. اسألك بحق هذا اليوم الذي جعلته للمسلمين عيدا ولمحمد صل الله عليه وآله ذخرا وشرفا وكرامة ومزيدا .. ان تصلي على محمد وآل محمد .. وان تدخلني في كل خير .. ادخلت فيه محمدا وآل محمد وان تخرجني من كل سوء اخرجت منه محمدا وآل محمد..

تردد صدى هالدعاء في بيت ابو علي .. مع صلاة العيد.. تزفه الدمعات والزفرات الأليمه..
وبعد الصلاه.. ام علي ما تحملت وصارت تصيح و تدعو الله يرجع ليها ولدها .. وتنذر و تترجى انها ما تخيب..

زينب على سجادتها.. تدعي بالفرج لعلي ... ودموعها على الخد شلال..
جاسم ... يتقلب على سريره... والهم معتليه... ولأول مره يقوم ويصلي الفجر في وقتها... وكانت لغرفته نافذتين... نافذه تطل على الحوش ونافذة تطل على زرنوق ...
بعد ماخلص صلاه.. ظل على سجادته... ضم وجهه بأيده وصار يصيح.. ويهز,,, يحس روحه مخنووق..
مرت زينب عليه وانتبهت له من نافذة الحوش.. وصارت تراقبه.. وهي منذهله اول مره تشوف جاسم بهالوضع...
غرقت عيونها وياه دموع.. وظلت واقفه تراقبه ودمعاتها تسيل...

شوي الا تسمع احد يطق نافذته اللي تطل عالزرنوق ..
جاسم اختلع..
التفت ناحية النافذه... صار يطالع... مافي شي.. شال سجادته وانسدح على منامه..
زينب طنشت الوضع .. راحت المطبخ بتشرب ماي ورجعتها طلت على اخوها لقته واقف عند نافذته الثانيه ويهدر بهمس:
ــ ويش جايبنك .. وويش تبغى هالحزه..؟؟
حميد: ــ ويش ابغى ..؟؟؟ جاي اعايد بك مالت عليك... باموووووت بطني يا جاسموه رجع دق علي من امس احس بينفجرررررررر مانى قادر..
ــ ومين قال لك بيتنا صيدليه لو مستشفى؟؟
ــ اف اف منك.. تكفى.. شوف لي أي شي .. رمان مثلا ...

ــ ههههههههههه احلف عاد احلف .. رمان !!... ما تبغى خوخ ومشمش بعد... روح أي زراعه وشوف لك وحده خضرا محصرمه ماااعندي شي هنااا .. وخليني في حالي.. مالي خلق هااا..

ــ والله و طلع لك لسان. ياجاسمووه هين بس اطيب اراويك.. يا شلب.. افففففف وربي رحت المستشفى قالو مافيني شي الحين لويش رجعت الحاله.. دكاتره قوااااااطي... عاد شوف لي دخيل الله اكياس شاي ... قررفه.. تفااح.. أي شي يوقف بطني ....
ــ ههههههههههههه جاي بقاله لو سوق الخضرا.... ماعندنا شاي الا تلقيمه..
ــ جييييييب اللي تجيبه...
وطلع جاسم من غرفته الا زينب في وجهه..
ــ مين هذا؟؟ وويش صاير..؟؟
جاسم ببرود:
ــ اففف .. اصدق ما تصوختي وعرفتي..
ــ ما سمعت عدل.. مين؟؟
ــ فكينا.. حميدو
ــ ويش فيه هالحزه جاي ومن ورى النافذه زي الحراميه... لا يكون بيبارك لك بالعيد << زينب ما تطيقه ولا تشتهيه من يوم يومها
ــ انا لله.. بطنه .. يبغى شاي ..
ــ وحنا فاتحين قهوه..؟؟!!
ــ وخرري عني زين.. هدرتش ما تخلص...
زينب في بالها: ــ الله يلعنك انت وياه ماخربك الا هالزفت..

ودخل المطبخ .. طلع كيس وحط فيه شوية شاي ووداه لحميد..
ــ هاك.. خذ لعل وعسى يمسك بطنك
ــ مشكووور ...
وصار يطلع الشاي ويحاول يبلعه بلع...
جاسم بيسكر النافذه..
حميد يحط ايده :
ــ هيه.. ويش قلالة هالحيا اللي عليك...؟؟
ــ بردان..
ــ الله عاد... صدق ما تستحي.. ما بتطلع؟
ــ لأ نعسان..
ــ اهوو فارق .. يللا باي.. نشوفك ..
ــ باي ..
وسكر النافذه..
حميد صار يمشي وهو يهلوس ويا حاله:
ــ الله يستر منك ياجاسموه بس ...



تابع>>

[Princess]

الساعه 9 الصبح.. علا لبست الجديد ... وقبل لا تنزل .. صارت تطالع المرايا وسرحت تذكرت ليلى... وفي بالها ..
ــ آآآه... الله يفرجها عليكم.. ودي اتصل بس اخاف تكونو لاهيين واتصالي يذكركم.. لو اخاف اتصل وتسمعو بعد اتصالي خبر ما يسركم.. الله يعينكم... ونزلت ..
نزلت تحت.. عمتها صاحيه ومعاها مالك...
ــ صبااح الخير.. وكل عام وانتون بخير..
سميره : ــ صباح النور وانتين بخير...
وصارت تطالع في لبس علا .. وبلهجة اللي ما عجبه الشي .. بأستنكار:
ــ من وين ماخذه هاللبس ...؟؟؟
ــ من المحل الفلاني ...
سميره باستياء: ــ كم مره قايله لش لا تاخذي لش ثياب من هناك...!!
علا بتحدي : ــ ليش يعني على شان سعرهم معقول ولا هم غاليين ؟؟
ــ خلاقين .. مهم شي مرتب.... ؟؟؟ ولا عليهم القيمه..
كان مالك قاعد وياهم .. نط بالموضوع:
ــ بالعكس مره ستايل ومرتبين... كشخااات ام الشابات..
سميره:
ــ مالك.. التهي بحالك...
مالك ابتسم وصار يستظرف :
ــ اووووووه العمه صارت شاعره.. اووووووووووه...
سميره تخزه بهذيك النظره بما معناها اسكت..
مالك يحط ايده على بوزه..


علا تبتسم..
ــ واللحين اعتراضش على ويش ؟؟؟
ــ لا تلبسي الا لبس عليه القيمه.. الناس يشوفوش يقولو بنت خالد ال... وكذا لبسها زي الناس العاديين.. مبين عليه الجرفله روحي غيريه..
ــ هههههههههههههههههههههههههههههههههههه
ــ على ويش تضحكي .. قلت شي يضحك؟؟؟؟
ــ لا بس ... مو قادره..
ورفعت علا بلوزتها من تحت شوي وطلعت الستكر حقها وعليه ماركة محل مشهور..
ــ ههههههههههههههههه هذا الجرفله يا عمه..
سميره تلون وجهها و كشرت حواجبها.. ولا هي عارفه ويش تقول... وبلهجة قهر:
ــ ليش تكذبي ؟؟
ــ هههههههههههههههه مو اكذب .. الصراحه اذا انتين بنت النعمه والخير على قولتش ما فرقتي وجايه من الصبح تهزأيني عليها وانها جرفله وهي بالعكس حليوه.. حجتش انها مهي ماركه.. وهي اساسا ماركه ومن محل كل تروحيه.. عمه المظاهر كذابه ترى...
ــ لا .. تعلميني بعد.. اقول بس قولو لتريزا تحط لينا فطور...
ــ إن شـــــــــــــــــالله....
مالك مو قادر صار يطلع صوت من داخله ضحك::
ــ خخخخخخخخخخخ كككككككك خخخخخخخخخخخخ
سميره تطالع فيه.. قام يركض لاحق علا :
ــ علا ااا وين ناووويه تروحي اليوم ؟؟


سميره بقهر في داخلها:
ــ جيل اخر زمن.. طويل لسان...


وفي المطبخ ..
علا : ــ كالعاده بروح ويا خالتي امل .. بنتغدى في مطعم بعدين بنتمشى في مجمع بعدين بنروح الملاهي بعدين بنتعشى بعدين شوف عاد ننوي نسوي شي بعد لو نرجع البيت...
ــ مع مين .؟؟؟ لحااالكم؟؟
علا بأستنكار.: ــ لأ .. كالعاده مع ابو سجاد الله يجزاه خير ..
وبصوت متكسر .. تكمل كلامها:
ــ اللي متحملني ومعتبرني اخته الصغيره...
مالك حس ضربات الكلام اله:
ــ اا.. احم.. ليش رجوله طابت؟
ــ ايه من زماااااااااااااان خبرك عتيق...
ــ اهاا... مممممم.. انا ماوراي شي .. ويش رايكم اوديكم انا ونتفسح سوا..
علا طارت من الفرحه: ــ صدددددق.. احلللف
مالك قام يضحك: ــ هههههههههههههه حق ويه الحلف... اتصلي بخالتش وقولي ليها..خبرش بعد العيد برجع اسافر استراليا للدراسه وبتوحشوني..
علا :
ــ مع اني ما احس بتواجدك وايد.. بس فعلا بتوحشني.. وبيرجع البيت موحش لا ابوي ولا انت.. وعمتي من عدمها.. اشوى وياي تريزا..
مالك ابتسم :
ــ الله كريم.. ادعي لي اخلص هالسنه اخر سنه...
ــ يارب تتوفق ..
ــ وابوي اللي على حساب قال بيرجع ... لا حس ولا خبر..
ــ مادري به والله .. ليش من متى قال بيرجع ورجع في الموعد نفسه.. يا يقدم يا يأخر .. حسب ظروفه..
ــ وانتين الصادقه..


اتصلت على امل وعلمتها.. امل قالت ليها حسين بعد ماوراه شي فبيطلعو جميع ... وبيتفسحو..
تريزا مسويه كيك وحلويات للعيد..
علا : ــ تسلميي ثاااانك يووو تريزا
تريزا : ــ ولكم حبيبتي .. هذا على شان لما انت يروح بيت خاله امل .. سلم عليها وااااجد..
علا بأبتسامه وهي تفكر في بالها..
ــ باشوف عمتي اذا ما تبغاش وبتطلع باخذش ويانا هالعيد تنفهي و تطلعي...
راحت لعمتها :
ــ عمه ..
ــ نعم..
ــ بتطلعي؟؟
ــ ايه ..
ــ تريزا؟؟ ما تبغيها؟؟
ــ لأ ما توقع .. تزهقني اذا ارتبطت بها وصارت كل وراي .. ليش؟
ــ باخذها..
ــ خذيها..


فرحت علا وراحت ركض المطبخ ومالك قاعد يفطر... وبفرح:
ــ ترييييييزااا
تريزا مختلعه من طريقة علا في النداء ,, وبادلتها الطريقه في الرد:
ــ يييسسسسس
ــ بتطلعي ويانا بعد شووي اوووكي
مالك شرق بالحليب..
تريزا منصرعه.. ومرتبكه ::
ــ هااا.. ويشو.. وماما سميره..
ــ ماما سميره بيطلع مافي احد في البيت.. بتروحي ويانا اليوم عيد .. فسحه .. بريييك..
تريزا و الأبتسامه انرسمت على وجهها ..
ــ شوكراا ..


مالك : ــ كح كح.,,, وينا بتاخذيييها؟؟؟
علا بقهر : ــ مالك شغل...
تريزا حست ان مالك ما يبغاها.. وبهمس مخذول:
ــ خلاص علا .. روحو انتو.. انا يبقى هنا..
علا تمسك ايدها :
ــ لأ بتروووحي ويااانا... لو ماااني طالعه... اني وماما امل مع سجاد..
تريزا تحب سجاد.. تموت عليه..
مالك : ــ انا لله.. حكم القوي ...



شوي الا جايه لمالك رساله.. وما مهل دقيقه وجت لعلا هي بعد..
ابتسمو ثنينهم وصارو يضحكو.. وبنفس واحد:
ــ ابونا..


وفعلا كان ابو مالك راسل ليهم... يبارك ليهم في هالعيد..
علا بهدوء:
ــ تمنيته يجي .. لو عالأقل يتصل ..
مالك يحاول يواسيها:
ــ مشاغل ياخيه مشاغل الدنيا ما تخلص..
ــ العمر يخلص والشغل ما يخلص .. ايه ..الله كريم




تابع>>

[Princess]

وفي بيت ابو جاسم.. ام جاسم محتاره ويش تطبخ ناويين يروحو بيت ابو علي بيودو غدى و يقعدو وياهم يواسوهم شوي عن هالهم اللي هم فيه...


ام جاسم :
ــ ماني عارفه ويش اسوي شي حالي.. ولا ودي اسوي ساقو...
زينب بصوت متكسر:
ــ ايه.. لا يذكرو علي.. الله يفرجها عليه...سوي كيكه..
ــ هذا القول .. ويش رايش تسوييها يابتي مدة اخلص بقايا الغدا..
ــ ان شالله..


ابو جاسم برى الحوش يشرب قدو... وممصخنها شفط وتارس الدنيا دخان..
ام جاسم طلعت بالملاس وبلا وعي:
ــ يااااارب ارحمنااااااا برررحمتك.. اليووم عيد والناس تتعطر وتتبخر ..
ابو جاسم يطالعها على جنب :
ــ تعالي.. تعالي لوحيني بالملاس .. تعالي اشدخي بدني..
ــ لو ما الحيا والحشيمه سويتها.. مرضنا من الريحه.. خسنا..


ابو جاسم يشيل قلم القدو..
ام جاسم عرفت السالفه فيها شدخه.. مع ان ابو جاسم ما عمره شدخها بس تخويف .. بس تتحاشاه دايما وتتحاشى تخويفه..


ويشيله فعلا ويشدخ به على الأرض:
ــ ررررررروحي.. حاصله ليكم .. بخوور صنفي اصلا ..


زينب ماقدرت صارت تضحك كانت في المطبخ تتصوخ سوالفهم..
وفي بالها:
ــ ياغناتي ابوي.. من زمان ما ضحكنا...


ودخلت ام جاسم المطبخ ورفعت ثيابها.. تشمهم
ــ اف .. اووووووووف .. اف اف اففف.. علقت الريحه.. اشوى ما تسبحت للحين.. والله ريحة طباخي اخن من قدووه
زينب : ــ هههههههههههههههههههه مافي شك..


الا بقعدة جاسم..
ابو جاسم كان يشفط شفطه قويه من شاف باب جاسم انفتح..
ــ كححححححح كح احححاااا...
وصار يطالع فيه مستغرررب وجود جاسم وقعدته الصبح؟ ...
جاسم راح لأبوه:
ــ صبحك الله بالخير يبا.. وعيد عليك مبارك..
ابو جاسم خلاص مو مستوعب الموضوع وبهدوء :
ــ صبحك الله بالنور.. .. علينا وعليك مبارك...هداك الله ياولدي
وراح المطبخ يعايد على امه واخته...


ابو جاسم دايما يفلت كلام... وما يقدر يخبي..
من طلع جاسم من المطبخ.. قال له:
ــ خير اللهم اجلعه خير.. ترى عيادي مافيه.. مافيني شده...


جاسم كشر حواجبه وحس بغصه,, ما تعودو منه اهله هالحركه.. فابوه على طول ظنها رشوه ليهم على شان اليوم عيد ويبغى عيديته..
جاسم بصوت يبين عليه الزعل:
ــ مو هذا القصد.. الله يغير الحال ان شالله..


وطلع من البيت..
ام جاسم .. حطت ايدها على قلبها:
ــ وعلى قلبي ولدي..
وطلعت لأبو جاسم:
ــ وانت ويش فيك هااا.. ويش فيك على الصبي.. يوم ان الله هداه.. تقهره حق ويه هااا..
ــ بتروووحي لاااا..
ــ انــــــــــا لله.. الله يهديك..
ــ اه..
ــ يهدييييييينا ويهدييييييك.. سابتنك عفر مو داعيه لك..
ــ خلصي بس خلصي ما نبغى نبطي .. بنصلي الظهر وعلى طول بنروح..


وبعد صلاة الظهر..
تجمعو في بيت ابو علي..
وصارو بيت ابو جاسم يسولفو يحاولو يطردو شبح الصمت والحزن المخيم على اجوائهم...


حطو الغدا و قعدو يتغدو.. احتاجو نشاف .. والنشاف في الكبت في غرفة الخياطه..


قامت ليلى تجيبه.. من فتحت الكبت طاح عليها كيس بداخله القطعه الحمرا..


طلعتها وصارت تـتأملها.. وبلا شعور .. انسلت دموعها...
رجعتها الكبت .. وطلعت علبة نشاف .. مسحت دموعها...


وهي طالعه الصاله.. الا تلفونهم يرن..


الى الملتقى...

[دمعة على السطور]

إن شاء الله يكون التلفون والاتصال من علي
أو بيطلعوه عفو بمناسبة العيد هه

قهر الظالم مرتاح وجالس >>هو مو مرتاح شكله الله بلاه بمرضة مامنها قومة يارب
والمظلوم محبوس في السجون..




بانتظار الغد..
موفقة لكل خير إن شاء الله تعالى..
..دمتي بعين المولى الجليل..

[آخر شقآوهـ ..~]

يآآآرب إتصآل من القسم يخبروهم ان علي بيطلع يآآآآآآآآآآرب
تسلمين حياتي ع الجزء
ربي يعطيك العافيه
ننتظر بفارغ الصبر
تحياتو

[للدموع إحساس]

صبــــــــــــــــــــــاح الخيرات ،،
أن شاء اللهـ ورى هاالأتصال إبشارة الأفراج عن علي ياااااااارب ياكريم ،،
و حميدوووه يستااااهل الزفت ،، عساه بـ هاالحال وأردى قليل الذات ،،
واللهـ يهدي جسووووم ،،
أبو جاسم ما أقدر عليهـ ،،
قال ويهـ قاااال صنفي ،، هع هع
يعطيكـ ربي العااااافيهـ ياالـ غلا ،،
وعســــــــــــــاكـ دوووم عاالقوة ،،
وبـ الأنتظاااااااااااااار ،،
خاااالص التحااايااا ،،
للدموع إحساس ،،

[Sweet Magic]

يسلموووووو أميرتنا


على الابداع المتواصل وحنى معه نواصل



الله يعين ليلى في العيد تدرف دموعه بدل الضحك والابتسامه


ننتظر هذا الاتصال اللي راح يغير حال ...........


دمتي

[fatemah]

السلام عليكم ورحمة الله وبركاته
انا احس ان جاسم راح واعرف لشرطة
بالحقيقة يعني علي بيطلع ان شاء
الله برا السالفة
تسلمييييييييي امورة ع الجزء الرائع
بنتظار الجديد
..}{..تحيــــــــــــــــــــــــــــــــاتيـ..}{. .

[زهور الريف]

بسم الله الرحمن الرحيم

اللهم صل على محمد وآل محمد

وعجل فرجهم

جزء كشووووووخي بصراحة

تسلم الايادي أميرتنا على هيك أبداع

الله يعينهم هالعائلة من حزن الى حزن

حتى بيوم العيد

الله يغير الاحوال إن شاء الله

بالانتظار

[*زهرة البنفسج*]

من ياتري المتصل الله يستر هم ناقصين

الله يعطيك ربي الف عافية

[آسوآآر الآلــمـ]

أحس أن الاتصال زين

الله يعطيك العافية أختي

وموفقة .. ننتظر الجديد ــ ـــــ ـــ

[Hussain.T]

واخيرا جاء يوم السبت

ان شاء الله فرج علي

وفرحة امه واخوانه في يوم العيد

ننتظر البارت القادم على احر من الجمر

تحياتي

[اسير الهوى]

انا اتوقع المتصل امل او علا يبغو يزيوروهم...
***
خيتي اميرة..

رائع قلمك الجبار..

وان كان لقلمك وصف كالجبار فلا وصف سيحوي عقليتك ابداً

استبيحك العذر لكنها الحقيقة..

[ارجوان]

((هلا ميرو تسلمي على هالطرح الحلو))
ان شاءلله الاتصال خير وهذا حميدوا يااعسااه مايصير زين بعد وجااسم كسر خااطري الله يهديه
جاري الانتظار

[**جوان**]

..

...


.. مــرحـبـاآ..

مـشكوـره. . خيــوه .. على الجزء الرـوعــهـ..

.. لاعدمنـاكـِ..

.. ننتظر الجزء الجديد ..

.. تـ ح ــياتــيــ..

...

..

[دمعة على السطور]

في الانتظار..
موفقة إن شاء الله..

[روعة الدنيا]

في الانتطـــــــــــــار

مبدعه خيتو اميره

الله يعطيكِ العافيه

تحياتي
روعة

[Princess]

مرحبا

للأيام دموع .. وليست ايما دموع.. دموع يصعب رؤياها كما يصعب مسحها...
دموع تحركها الأقدار... فهل من فرحة.. ولو جبر خاطر تعاند القدر و تمسحها ؟؟؟

رفقاً ايها القدر .. بعمرٍ اراه يمضي هدر...


اعزائي...
تنحني عبارات شكري وعرفاني...
فلا املك التعبير لأفيكم بما اشعر به وانا ارى حلو الوصل منكم .. بتعاليق رائعه يزدان بها متصفحي

اليكم الجديد

[Princess]

الحلقة الخامسه عشره...





رفعت ليلى السماعه..
ــ الو ..
وجاها صوت هز كيانها وخلاها بنبره مليانه فرح مخنوق بالعبرات..
ــ هلااا.. هلا غناتي.. الله يبارك فيك........ اخبارك انت....؟؟؟؟؟
نسأل عنك....... مشتاقين لك.. كلنا بخيررر عسااااك بخير ؟؟


كانو يتغدو في المجلس ..راحت ليلى تركض :
ــ امااه.. يبااه.. علي في التلفوون..
ام علي نفضت ايدها وقامت تركض .. والكل قامو وراها..
مسكت ام علي السماعه وهي ترجف و الدموع مغرقه عيونها:
ــ هلا.. هلا امي..
علي بصوت يحاول يداري فيه الألم:
ــ هلا اماه.. عيد عليش مبارك..
ام علي مهي قادره صارت دموعها تصب :
ــ هلا امي.. وعليك يا بعد ابوي.. شحوالك.. زين؟؟ تاكل؟؟ دافي المكان لو بارد؟؟ الناس اللي وياك.. يأذوك لو زينين..؟؟
علي ما تحمل انسلت دمعه من عيونه:
ــ انا زين اماه.. الحمدلله لا تحاتي .. كل شي تمام .. مو ناقصني الا شوفتكم..


ام علي ماقدرت على كلام ولدها... غطت وجهها بمشمرها وصارت تصيح وتصيح.. ابو جاسم ما تحمل حالة اخته وقال لمرته تاخذها المطبخ خلها تغسل وجهها و تشرب ماي وتستهدي بالرحمن.. واخذ هو السماعه ...
ــ هلا .. هلا علي اخبارك يا ولدي..
علي بمرح مصطنع : ــ اهلين هلا بالخال.. الحمدلله اسأل عنكم .. ها متجمعين اليوم وناسه... أأأخخ يا خونه..
ابو جاسم حس عليه يبغى ينفه : ــ ههههههههه عاد زينا خونه ماميش يجري في دمنا و ورفته لولادي ,, الله يفرج عنك يالغالي وترجع بالسلامه


علي حزت في قلبه مزحة خاله.. وفي باله:
ــ ايييه يا خالي لو تدري ان الخيانه فعلا اصل متأصل في ولدك ما قلت هالجمله.. الله يعينك ويخلف عليك...
شوي ريما خطفت السماعه :
ــ هلااا.. خيووو هااا اخبار اللي وياك عسى بس ناس طيبه..
ــ هلا ريمووو الحمدلله خيه .. تعرفت على كم واحد .. تمام طيبين ما صار منهم الا الخير. اخبارش انتين؟؟؟
ــ الحمدلله تماام مشتاقين لك....
ــ تسلمي غناتي.. الا وين ابوي؟؟؟
ريما تطالع المتواجدين في الصاله...وتسألهم:
ــ وين ابوي.؟؟
زينب :
ــ كأنه ماقام ويانا .. ظل في المجلس...؟؟
رجعت ام علي خذت السماعه بتكلم علي ..
ليلى راحت المجلس لأبوها مستغربه منه.. هو يدل كل مكان ولا يرضى احد في البيت ياخذ بأيده .. ليش ماقام وياهم..!!


لقته مسند راسه عالجدار ودموعه تسيل ...
وبصوت هادئ ومكسور الخاطر نادته:
ــ يبا... ما بتكلم علي ؟؟
ابو علي يداري دموعه ويمسحها بكفه ..
ــ لا يابتي .. سلمو عليه..
ــ ليش عاد...
ابو علي يأشر عليها بتعب.. بما معناه ما اقدر...
ورجعت ليلى الصاله .. وقالت ليهم.. انه مايقدر وسلموعليه


ام علي : ــ ابوك اعذره ياولدي .. مايقدر يكلمك ويسلم عليك
علي : ــ ما يقدر.. اماه .. ابوي فيه شي ؟؟ تعبان ؟؟
ــ لالا .. لا تختلع بسم الله على اعماركم والله وهذاني حلفت لك.. مافيه الا الخير بس تعرفه حساس..
ــ ايه... زين سلمو عليه و ان شالله المره الجايه اذا كلمت بلغوه ما بيهرب باصيده ترى
ــ بسم الله عليك يا بعد ابوي ان شالله مافي مره جايه ... وعساك من باجر بيينا ياكريم
ــ الله كريم...يللا اماه مع السلامه..
ــ يووو يـــــاولدي والله ما مدااااك.. ما شبعت منك...
علي بأبتسامه كسيره: ــ اماه انتهى وقتي خلاص .. اهم شي انتون بخير وتطمنت عليكم..
ام علي بصوت مبحوح: ــ لا خلا ولا عدم يا غناتي .. انتبه لعمرك.. واي شي ينقص عليك اذا كلمتنا ...قول ...
ــ ان شالله.. يللا مع السلامه..
ــ امانة الله..


سكرت التلفون.. ما تحملت وصارت تصيح : ــ انتقم الله منكم.. حسبي الله على اللي كان السبب .. جعله ما يربح ولا يتوفق .. بحق كاظم الغيض المسجون يالله تفك اسرك يا ولدي...


الكل صار يصيح وياها .. وزينب ماهي قادره وليلى تحاول تتماسك وتصير قويه وتهدي فيهم..
وشالو غداهم وعفستهم.. مال العيد طعم بدون علي.. عيد .. وعلى أي حال قد عدت يا عيد..





علي رجع لعنبرهم.. دخل وهو شاااحب و سرحان..
وقعد على سريره..
جى قعد جنبه عبدالرحمن.. الصديق اللي تعرف عليه في هالعنبر و ارتاح له.. ومبين عليه خوش رجال آدمي و حاله من حال علي .. ما حطه في هالموقف الا الظلم...


عبدالرحمن شاب سني في الثلاثينات.. متزوج.... يشتغل امين صندوق .. واتهموه ظلم انه مختلس مبلغ وقدره نص مليون.. مضى على محكوميته 11 شهر .. انسان غامض وكتووم.... بس يحاول دايما يكون مبتسم ويسولف مع الكل ... وياخذ ويعطي لكن بحدود..


و ما ارتاح عدل.. الا لعلي.. اللي ما اخذ شهر معاهم.. وكل مره يقول له شي عن حياته.. يحسه مثله.. مظلووم وما بيده حيله...


قعد جنبه . حط ايده على فخذ علي . وصار يواسيه..
ــ ايييه يا اخي .. الله يفرجها عليك وعلينا.. لا تضايق ولا تكدر عمرك..
علي بحزن : ــ آآآه يا عبدالرحمن.. صوت امي المكسور عور بقلبي .. تحاول تداري حزنها والمها ... وابوي اللي ماكلمني اعررفه ما يقدر ...
وغطى علي وجهه بكفه ..
عبدالرحمن صار يمسح على ظهره:
ــ هدي ياخوي هدي...
علي : ــ صعبه فراق الأهل يا عبدالرحمن..
عبدالرحمن تأثر وصار يفضفض:
ــ ايييه صعبه فرقاهم.. و احمد ربك منت بمرتبط مثلي..
علي التفت له مختلع: ــ مرتبط انت؟؟
عبدالرحمن يحاول يكون طبيعي ويبتسم وبعفويه :


ــ ههههههه ايه نعم.. متزوج .. وزوجتي هي امي وابوي ودنيتي ..وحيده ..ابوها انسان كبير السن ومريض و مرت ابوها ماشفت العن منها.. دالحين هي معاهم وربي اقضي ايامي دهور وانا احاتيها... خبرك امي وابوي مرحوم ترابهم من سنين وانا اصغر العيال... الله رفع حظي وتزوجت ماخذت معها 3 شهور الا و تدبست وخذوني..
وبلهجة سخريه يكمل كلامه وهو يضحك:
وابشرك لما خذوني توها حامل في شهرها الثاني .. وولدت.. والحين حنين عمرها 4 شهور..


ابتسم علي :
ــ حليو اسمها.. الله يحفظها..و تتربى في عزكم يارب
ــ تسلم ربي يخليك... امها اللي مسميتها ..
وابتسم وكمل كلامه :
ــ اييييه... الله لا يوريك حالتي لما كلمت بيت اخوي وقالو ولدت وسمت بنتكم حنين... اثر فيني هالأسم بالحيل.. خلاني اول مره ابكي من ابعدوني عنهم..
علي.. :ــ الله يعين .. ويفرجها..
ــ يااارب.. يللا قوم دالحين ما ابي اشوف حزن,, وهونها وتهوون..


علي ابتسم : ــ ان شالله...
وقام مع الجماعه وهو يحس بالراحه والدنيا لسا بخير...
صار يهون على روحه ..و من شاف بلاوي الناس هانت عليه بلوته..





تابع>>

[Princess]

علا في احد المجمعات مع خالتها امل...
علا : ــ ودي اشتري شي لليلى وريما عيديه مني ليهم بس محتاره واخاف ما تقبل ليلى...
امل : ــ فديتش وفديت حنانش.. لا هي تعتبر هديه بمناسبة العيد .. شدعوه ما تقبلها..!!
ــ مادري .. ويش تقترحي علي ؟؟
ــ مممممم عطر؟؟
ــ اخاف تفهمننني غلط..
ــ تستاهلي هههههههه من عمايلش السودا تعقدتي.. لا بالعكس ليلى طيوبه وحبوبه ومبين عليكم صرتو حليوين يارب على طول
علا بخجل: ــ ايه . ان شالله . زين ابغى شي ثاني حليو و يناسبهم..
ــ ممممممم ويش رايش تاخذي ليهم مجموعة اكسسوارات ناعمه.. ؟؟
ــ ممممم خوش راي .. حلوين و تمام...


وصارو يتمشو مع حسين و مالك و سجاد على الكرسي المتحرك وتهتم فيه تريزا..
امل وعلا دخلو محل اكسسوارات ... مالك و حسين قالو ليهم حوسو وقلبو ما بنطول وبنجيكم
وراحو يشترو ليهم آيس كريم...


وقفت تريزا برى مع سجاد .. بحكم ان محل هالأكسسوارات صغيرون والزحمه تكركبه..


وبين ماهم واقفين... جى طفل تقريبا بعمر سجاد... هالطفل من النوع المؤذي وراعي لسان طويل..
وقف عند سجاد وقال له بسخريه:
ــ ماااتمشي ...؟؟؟
سجاد طالع فيه وابتسم وحس بأحراج ماعرف يرد...
رجع الولد يتعيلف: ــ ليش.. رجلك مكسوره؟؟
سجاد بعفويه و بهدوء حزين :
ــ الله خلقني ما امشي..


الطفل ابدا مو مستوعب وناوي على اذيه,,
تريزا صارت توخره وتخزر فيه.. وتقول له يروح .. بس ابدا هيهات مو ناوي يتحرك الا لما يشبع فضوله ...


وبقلة ادب متعمده صار يشوت الكرسي...


تريزا صرخت فيه :
ــ خلاااااااص روووه...
امل انتبهت داخل المحل... وطلعت تركض لولدها و الصبي لازال يشوت في كرسيه.. وبلا وعي رفعت ايدها وعطته كف...


الصبي قلع سقف المجمع من الصياح والصريخ...
طلعت امه من المحل المجاور...
ــ شفيك؟؟؟ شفيك حبيبي تبكي .؟؟ علامك..
وهو يصارخ ويأشر على امل :
ــ عطتني كف...
مسكت المره وجه ولدها وشافت اثر اصابع امل على خده مطبوعين.. حمقت فيها وراحت ليها :
ــ انتي ياللي ما تستحين على وجهك بالله ليش تضربين ولدي .؟؟؟
امل بعصبيه: ــ احتررمي نفسش وبعدين هو اللي بدا واذى ولدي ...
ــ الله عاد شسوى له... ولدي ما يأذي الا اللي يأذيه..
ــ ولدي ما اذاه هااا..


علا طلعت من المحل وهي خايفه ولا هي عارفه تفض نزاعهم.. اتصلت لمالك..
مالك ماسك علب الأيس كريم . وراجعين ليهم. سمع النغمه..
حسين : ــ هههههههه شلون بترد عليه الحين..؟؟
مالك : ــ ههههههههههه لا ... هذي علا ,,,تلاقيهم خلصو واستبطونا...
ــ يعني.. اجل يللا نعجل..


المره مهي متنازله وواصله معاها للشيطان الرجيم.. وقامت تحذف كلام من الصمي والعمي زي مايقولو.. كلام عجيب وسب غريب .. والوضع صار رهيب ومريب << اف يالسجع..
ومهي متنازله عن حق ولدها..
شوي وصلو حسين ومالك...
حسين تصروع من صريخ المره...
علا ركضت ليهم ..
ــ الحقوو بتذبح هالمره املوه.. شبقه شبقه..
وفهمت حسين السالفه بسرعه..


وتجمعو الناس اللي في المجمع..
حسين تدخل وصار يهدي المره ويطلب منها تتنازل وحصل خير وتمسحها في وجهه..
امل مهي راضيه : ــ لا تمسحها ولا تمسحها مسحو بها ان شالله .. اصلا لسانها متبري منها ومو عجيب ولدها زيها..
سجاد صار يصيح.. وتريزا تهدي فيه..
علا تهدي في امل...


مالك ماسك قواطي الأيس كريم ويكفخ بهم.. وفي باله:
ــ ويلي ويلي واللي ما يشتري يتفرج...


كم واحد من الناس شهود صارو يهدو في المره ويقولو ليها ولدش غلطان وهو اللي بدى مع الطفل المعاق وهي ابدا راكب راسها مليون الف جني ..


فجأه طبت عليهم الهيئه وامن المجمع..
ــ السلام عليكم.. وسعو وسعو..
ودخلو بالنص
ــ خير ان شالله شصاير..؟؟
حسين خاف على مرته.. ووقف قدامه:
ــ عليكم السلام.. كل خير ...
ــ ممكن نفهم شالسالفه..؟؟
المره شاطت و صالت وجالت و ماخلت ولا بقت...
ــ منهم.. هي وولدها.. ضربت ولدي .. قليلة الأدب .. و و و..
الهيئه : ــ اختشي ياحرمه.. استحي .. و بشويش تكلمي ... وبلاك انتي ليش ضاربه ولدها؟؟
امل بخووف مهي عارفه ترد..


حسين : ــ ولدها الله يسلمك ضايق ولدنا..
ــ الله اكبر .. وخير ان شالله ضايقه.. بزران بينهم وبين بعضهم .. استغفر الله العظيم...
حسين مو عارف ويش يقول.. مالك تدخل:
ــ الله يسلمك ولدنا حاله خاصه...
ــ ليش .. شبلاه..؟؟
مالك يهمس للهيئه:
ــ المعاق الله يسلمك هذا اللي عالكرسي .. وولدها جى تعرض له وجرح فيه واذاه وزي مانت عارف قلب الأم ما تحملت على ولدها هالشي .. وولدها الله يصلحه ما رضى يبطل مضايق .. فصار اللي صار..
ــ اهااا.. الله يفرج عليه ان شالله وما تشوفون شر..
وصار يحرك ويفرق اللي تجمعو::
ــ يللا حصل خير تفرقو كل يروح لشغله ويلتهي بعمره .. يللا حركو..
المره مهي متنازله وصرخت في الهيئه:
ــ يعني شنووو؟؟؟ ولدي ينضرب واسككت...
الهيئه : ــ وتاليتها يا حرمه.. ما تبين نحجزك عندنا الي ما يجي ولي امرك ونتفاهم معه..؟؟؟
ــ هي الغلطاااااااااانه موب انا...
ــ اللهم طولك ياروح... مين فيكم شهد السالفه... << سأل هالسؤال للناس اللي لسا ما تحركو...
نط واحد وقال انه شهدها وعلمهم الموقف بالتفصيل..
الهيئه : ــ شفتي ,,اتقي الله ... ولمي ولدك عن العالم .. ويللا حركي


المره مشت وهي معصبه وتدعي ...
امل مهي متحمله وتصيح..
حسين يهدي فيها ... راحت لولدها وحضنته ...
تريزا وعلا صارو يصيحو...


حسين : ــ انا لله.. خلاص حصل خير...


سجاد من بعد الصياح.. تحجرت بقايا الدموع في عيونه.. وظل سااااكت...
راعي المحل نادى عليهم .. مابياخذو الأغراض والا كيف ؟؟


علا دخلت مع مالك .. حاسبوه وطلعو...


حسين يبغى يغير هالكآبه من هالموقف اللي صار...
الآيس كريم انسدت نفسهم ومابغوه.. عطوه الهنود اللي ينظفو المجمع..


حسين بنبرة تفاؤل وفرح:
ــ هااا ما تبغووو تدخلو الملاهي بالمجمع.. ويش راايك سجااادي و العبك في الألعااب؟؟
سجاد بدون نفس ابتسم:
ــ ما ابغى..
امل تحاول تخفف عن ولدها :
ــ غناتي انت تحب الألعاب اللي هنا.. يللا بتعلب يعني بتلعب
ــ مااا ابغى العب..
تريزا اول مره تدخل .. حست بالشفقه على سجاد ..
ــ سجاد حبيبي.. حلو العاب اليوم عيد.. لازم يسناتس
مالك ماقدر :
ــ بففففففففف هههههههههههههههههههه عجبتني تريزااا يسناتس
علا ماقدرت وصارت تضحك : ــ غربل الله شرش ..
حسين وامل لحقوهم ضحك...
تريزا مهي مستوعبه.. وتعيدها بعفويه ولا هي مستوعبه ويش الأمر..
ــ ايه يسناتس

مالك خلاص شوي ويدحن بكبر المجمع...
سجاد ضحك...
مالك : ــ ههههههههههههههه ايوااا ياعم .. اضحك بس اضحك فديتك...
علا ومهي قادره:
ــ يقطع سوالفش تريزا.. يستااانس مو يسناتس..
ــ آآآآآآآهاااا.... يسناا
ــ لالا يستاااانس
ــ يسنااااتس
ــ ههههههههههههه مافي امل ..
سجاد وببراءة الطفوله:
ــ ههههههههههه انا .. انا باعلمها.. قولي تريزا... يس..
تريزا بأبتسامه:
ــ يس
ــ تااا
ــ تااا
ــ نس
ــ نس
ــ يستانس
ــ يسناتس
ــ ههههههههههههههههههههههه

وظل سجاد طول الوقت يعيد الكلمه على تريزا يحاول فيها ...
وعلا تطالع في تريزا وهي فرحانه وفي داخل قلبها:
ــ الله يخليش ولا يحرمنا حنية قلبش .. معاي حق يوم اخذش ويانا..

وبعد كم يوم ....

ام علي راحت لمكينتها .. على الله وعلى هالمكينه... رزقهم هالكم يوم من وراها من بعد ماراح علي...
معاش التقاعد لأبو علي انقضى على فواتير الكهرب و الغاز و التلفون.. و بقاياه عطوه ابو جاسم يوافي فيه ديونهم لأبو ناصر وابو اشرف بالأقساط كلما قدرو...

ركبت ام علي الواير ... وقعدت بالصلاة على محمد وآل محمد..
وجت بتخيط.. الا المكينه ما تشتغل...
انصرعت ام علي ورفعت راسها للمكينه... لقت الواير مركب ... ويش صااير ..؟؟؟

قامت وانفاسها تحسها مخنوقه وفي عيونها دموع محتبسه.. وكلها امل تحرك الواير وتشتغل...

صارت تعدل في الواير وتشيل وتحط.. وتشيك يمين وشمال..

ابدا.. مافي فايده.. المكينه ما عادت تشتغل..

حطت ام علي ايدها على راسها.. وقعدت على الأرض .. ومن اعماقها
صاحت :



ــ ادركنـــــــــا يــــــــــــــاعلي

الى الملتقى...

[للدموع إحساس]

صبــــــــــــــــــــــــــــــــــحكم اللهـ باالخير جميع ،،
الحمد اللهـ على كل حال ،،
زين إن علي قدر يكلم أهلهـ ،، وربي يفرجها إن شاء اللهـ ،،
و هاالمرة دي جيبوها لي ،،
إن ما كسرت وجهها تكسير ،، هع هع ،،
قهرتني أحسها نحييييييييييييييسهـ ،،
بس تريزا خوش شي يسناتس ،، هههه هههه هههه
عجبتني ،،
زين واللهـ هي الوحدية قدرت تضحكـ سجاد ،،
اللهـ يعافيهـ يارب
أمور ياالـ غلا ،،
يعطيكـ ربي العااااافيهـ على هيكـ رواااايهـ ،،
اليوم أخر يوم أتابع معاكم الروايهـ ،،
و بعد 12 يوم إن شاء اللهـ أرجع أتابع وياكم ،،
عســـــــــــــــــــــــاكـ دووووم عاالقوة ،،
وسلمت يمينكـ خيووووه ،،
خاااالص التحااايااا ،،
للدموع إحساس ،،

[دمعة الاحزان]

ادركنا ياعلي
وادركنا ياحجه الله

بس تمام علاوي كلم اهله
ابوه كسر خاطري مسكين ربي يعينه
واما تريزا فلته فلته من جد بس زين عشان تونس سجاد

ربي يسلم هالاصابع فيما خطت ويحفظ هالعقل فيما ابدع
ماقصرتي غناتي وربي يوفقك ويحفظك بعينه اللي ماتنام

دمووع

[آسوآآر الآلــمـ]

ياعلي يا أبو الحسن

الله يعطيك العافية أختي أميرة المرح

مرة حلو هالجزء ..

موفقه أختي ،،

[اسير الهوى]

نادي عليا مظهر العجائب تجده عونا لك في النوائب كل هم سينجلي بولايتك ياعلي ياعلي ياعلي


وادركناااا يااااعلي..



يسلمو اميرة على الجزء الا كله صياح


بس يالله نبغي جزء كله اكشن يعني ضراب هههه


عوافي عليك..

[Hussain.T]

كلما تحطي بارت ازداد اشتيقنا للبارت اللي بعده

جدا روووعة

تحياتي

[جـــــوان]

البارت رووعة بكل معنى الكلمة

بس وش السالفة مع علي ؟ ودوه السجن خلاص ؟

ما يصير بصراحة ظلم


وهذه حميدوه عساه فجيعة تفجعه اللي ما يخاف ربه


بس ان شاء الله جاسم يعتررررف ويفتك علي منهم

[أمل الظهور]

:embarrest:


مسكين علي وهو يكلم اهله حالته تعور القلب :sad2:


وعلا شكلها تعلقت في بيت ابو علي مو بعيده تاخذ علي بعدين من زنوب :noworry:


وام الولد اللي تعيلف في سجاد قهرتني تخيلتها دبه حدها ودفشه ولابسه جلابيه سودا مبهدله

ومن هالبدو هالهبلان :toung:



وتريزا شكلها اكشن وحليوه وحنونه خوفتني بالاصوات اللي تسمعها وفطستني ضحك مع سجاد


ولسى شكلها لها مواقف اكشنيه


وعلى عمري ام علوي تجي المصايب كلها مع بعض مسكينه ويش بتسوي مصدر رزق هالبيت

الله يكون بعونهم


بانتظار ابداعك المقبل

[دمعة على السطور]

ياحلال المشاكل ياعلي..


بصراحة البارت حزين وحماس وكل شي فيه..


متى بيرجع هالعلي ليهم
مررررررة ضاق خالقي على أمي علي
ترى شوي واصيح



يعطيك العافية حبيبتي أمورة على هالبارت.. يخلي الواحد يسناتس ههههههه
بالعكس حزين أصلاً>>بس تبغى تقول هالكلمة...ههههه


نلاقيك على خير بكرة إن شاء الله..
موفقة لكل خير إن شاء الله تعالى..
..دمتي بعين المولى الجليل..

[*زهرة البنفسج*]

اميروة كذا صيحتينا مو قايلين بلا اجزاء فيها صياح

تحب صيحنا هللبنت

يسلمو عللجزء الحلو والله يفرج عنهم

للدموع احساس تروحين وتجي بالسلامة

موفقين

[روعة الدنيا]

مشكوره خيتو

الله يعطيكِ العافيه

بالا نتطـــــــار الجزاء القدم

تحياتي
روعه

[زهور الريف]

بسم الله الرحمن الرحيم

جزء مررررررررررة حلوووووووو
تسلم الايادي اميرتنا
بالانتظار

[جنة الحسين]

جزء مره رووووعه

تسلمي لنا غناتي

و الله يعطيش العافيه

ننتظر الجديد

دمتِ

[آخر شقآوهـ ..~]

يالله الله كرييم ,, الله يفرجها عليهم ان شاء الله..
تسلمييين حبوبتي ع الجزء ..
أحم.. بغيب عنش سبوع عفر بسآفر عمره
بتوحشيني وبيوحشني المنتدى والاعضاء
والقصه بتجمع عليي أجزاء كفيره <<دروس بتتراكم هع
نلتقي إن شاء الله
مع ألف سلآم

[Princess]

مرحبا


لا عدمت هالتعاليق الحلوه اللي يبين فيها تفاعلكم و يأكد تعبي ما يروح هدر ..
ضحوكه فديتش ترجعي بالسلامه والله يتقبل
وكذلك للدموع احساس بنشتاق ليكم.
واحس في ناس تقرى لي ولأجلهم ولعيونهم ما اتأخر و اضغط على روحي لو صارت ظروف
الصراحه تأخيري عليكم الحين بسبب ظرف جاب لي الضغط هههههههههههه
واني اكتب ومتفاعله ما كنت حاطه خيار الأسترداد التلقائي في الوورد,, قمت شوي ورجعت الا الكهربا فصلت عن اللاب توب واني شايله البطاريه .. بعد المشكله الأخيره مع هالجهاز...
يعني ساعتها ماميش كهرب و طفى ×××:mad:
واتصروع ويلي على صفحاااتي :closedeyes: طااارت الأحداث طااارت...
وارجع افتحها يالله هدأت اعصابي وحطيت خيار الأسترداد التلقائي تحسباً لأي ظرف مشابه...
واستهدينا بالله وصلينا على محمد وآل محمد وسويت استرداد تلقائي لمعلومات مخيخي :toung::embarrest:
مو الواحد ما يتعلم الا اذا حلت عليه مصيبه بسم الله عليكم من المصايب:notrust: << قصة حياتها :unsure:


:embarrest:
احم



تفضلو الجديد..

[Princess]

ياااااربي ويش هالحظ يقول لي مشاركتك قصيره مادري ويشووو


خلاص تعبت اني من هالجزء عفر جزء منتحس حاله :wacko:


مادري ويش المشكله.. :sad2:


حملت ليكم الجزء الحين في رابط وحملوه...
الله يعينكم بس ويش اسوي؟؟


وبكره لو بعد الصلاه برجع احاول انزله في المنتدى
اشوف ينزل لو لا


نسألكم الدعاء....




من هنا التحميل (http://www.alnassrah.com/up/view.php?file=2b2182c659)

[جـــــوان]

وي على قلبي زينب مسكينة كل ما تتطلع يصير ليها شيء بس كان حطت الصور في كيس مع الكراسة اضمن لهم ان شاء الله ما اختربت الصورة عشان لا تنقهر عشانها وهذا حميدوه عساه بهالحالة وما يقوم منها عديم الذمة والضمير مشكوووووووووورة غناتي اميرة الحلقة مرة روووووووووووووعة تسلم اليد اللي كتبته والفكر اللي فكره فيه تحية لك

[أمل الظهور]

صباح الفل ..


على عمري علا مسكينه تكسر الخاطر باحساسها بانها نحس على بيت ابو علي

<<الله يعينهم اذا خذوها لعلي :cool:


وان شاء الله وجهها حلو هالمره بسالفة الحناء وتسوي شهره لليول :bigsmile:<بتتفائل



على قلبي زنوب لو طالع لها عادلوه اهون عليها بواجد مسكينه احراج وربي :wacko:


اوووه عاد الحين اشرفوه بيسرح مع الصوره وكلام عادل عن شعرها ووجهها :wink:


في إنتظار مناحة حيينب :toung:



سييااااا

[ملاك الورد ..~]

الجزء رووووووووووووووووووعة
والقصة باكملها حركتات
مسكينة زينب
كله خلعات ما ترتاح من عادل الا وينط ليها اشرف
لو اني منها كان عفت الطلعة

حميد من هذا وازود ان شاء الله جعله ما يقوم منها
عادل كسر خاطري ما تسوى عليه هالعيدية

جاسم الله يهديه ويعترف بالي سووه ويفتك علي

اتوقع ان زينب بتصير لاشرف
وعلا بياخدها علي

[اسير الهوى]

افففففففف ارامكو البقر مشفرين الرابط او الموقع اللي محملة عليه الجزء ..:angry:

اميرة ووووووووووووووووووين الجزء >> متفاعل الرجال

اووووووه يالله لا تتاخري بسرعة نزلية ترا ادمنا على قصتك والله مابيحصل خير :ranting:

ترا باروح اخرب قسمك بافحط فيه تفحيط هههههه

[Princess]

مرحبا...

مشكورين ومنورين ..
:( ويش بيدي تعبت مو راضي ينزل ...
الحظ البارحه مو اوكي ..

باجرب الحين وعلى الله

المشكله الرابط موقع تحميل الشبكه
اف من ارامكوكم دي بعد.. عجيبه غريبه..

دقايق.. نشوف ويش يصير

[Princess]

:sad2: مااااااااااااااااااايفيد
ياااربي منه
نفس الكميه اللي انزلها
يرجع يحذف الرد ويكتب رسالتك قصيره اقل من حقل 1
خوبلني :wacko:

ثواني باجرب انزل ليكم الجزء :sad2:
بحساب اختي كبرياء

[كبرياء]

:angry: يــــــــــــآآنآس العيب بالشبكه هع

أكي أميروهـ بتشووف حل ..

الحقل كبير وشوي صغييير ومادري وشو هع

[Princess]

مرحبا

وربي مادري ويش الحل
في غياب شبكه الله يرجعه بالسلامه ان شالله

حملت ليكم الجزء على موقع ثاني
وشوفو

هنا (http://www.zshare.net/download/1617082249ca5778/)

دمتم بخير
وبحفظ الرحمن

[Princess]

مرحبا

متباركين بهالليله
مافي جزء وراح اعوضه يوم الأربعاء او الخميس على خير
وان شالله الاقي حل لمشكلتي
دمتم بخير
وبحفظ الرحمن

[Princess]

الحلقه السادسة عشر ..

صمت يخيم على بيت ابو علي .. ابو علي سااااكت و يسبح بمسباحه..
ريما قايمه وقاعده مو عاجبنها الوضع... ليلى مهي عارفه ويش تقوول وويش تسوي حتى عبارات المواساه عجزت تخفف من وطأة والم هالحال...
ام علي وهالمكينه اللي اختربت و زادتها هم على همها...
تلفونهم رن .. وبدد هالسكوت..
رفعت ليلى ..
ــ الو..
ــ هلا غناتي.. قوه.. وعيد عليش مبارك ولو اني متأخره..
ــ اهلييين علا .. هلا وغلا .. اخباارش والله يبارك فيش ... بعدنا ايام عيد شدعوه ما تأخرتي
ــ هههههههه اشوى.. على بالي والله قلت بتصل فيكم من اول يوم باعايد عليكم بس استحيت..
ــ افا عليش .. فيش الخير غناتي تسلمي..
ــ الله يسلمش .. الا اقول .. بتطلعو اليوم محل ؟؟
ــ لا وين نطلع .. قاعدين ..
ــ زين فديتش اذا مافيها ثقله باجيكم العصر..
ــ حياش غناتي لا ثقله ولا شي تنوري والله..
ــ تسلمي .. يللا اشوفش على خير ,, مع السلامه ..
ــ ربي يسلمش..
سكرت علا وهي حاسه ليلى مهي على بعضها.. قالت اكيد على اخوهم و متضايقه...
عادل يتمشى وهو ماسك مخباه.. وكل من مر عليه حرك له مخباه...
ــ عنددددددي فللللوووس.. من العيييددد وووااااااييييد...
ومن فريق لفريق .. مهايت في هالطرقات.. لين مر على مجموعة صبيان قاعدين وشكلهم بسم الله الرحمن الرحيم...
مد مخباه ليهم وهو فيه تيل يخرخش بهم وفلووس و فرحان:
ــ فففللللووس عننندي...
في البدايه الشله صارو يطالعو فيه ويضحكو.. ويسخرو عليه .. روح بس قال فلوس قال.. مينون وحالتك حاله..
لين طلع من مخباه 10 ريال ورجعها بالسرعه وهو يقول :
ــ وووااااايد مممن العيييد عنددي بعد....
حرك واحد منهم رقبته ناوي نيه قشره .. وتبعوه ثنين ,, دخلو ورى عادل في زرنوق وطاحو فيه دست... وخذو اللي في مخباه.. طبعا ظلمه مادرو كم اصلا.. كم ...؟؟ وانحاشو..
مسكين فقير الله كلهم 30 ريال.. 10 ريال اللي طلعها و خمستين و الباقي ريالات... ما يسوى عليه هالدست اللي حصله من خبالته بس ويش يقول المثل .. مال البخيل ياكله العيار .....
وظل مرمي في الزرنوق لين مر عليه واحد من هالفريق اسمه مؤيد وشاله وهو يصرخ يستنجد بأي احد يعاونه عليه.. ووداه البيت لأمه..
مؤيد.. ارمل .. عمره 35 سنه.. عايش مع امه ( ام مؤيد ) مره طيبه وحبابه وحنونه... عنده ثلاث خوات.. اكبر منه ناديه.. و وحده اصغر منه ساره.. تدرس في الرياض... وبينهم وحده كانت متزوجه بس توفت ولا جابت الا بنيه ابوها تزوج ويشتغل برى .. فظلت البنت ويا بيت اهل امها.. ..
جود 5 سنوات متعلقه في خالها وهو متعلق فيها ويحسبها مثل بنته اللي فقدها مع امها في حادث سياره.. صار غصبن عنه ,,.. و سبحان الله هو الوحيد اللي نجا ومن يومها وهو منطوي على روحه ,, ويحمل نفسه ذنب اللي صار ...
دخل مؤيد بيتهم ونادى على امه:
ــ امااااه... امااااه..
ــ هلا امي.. خير .. ويش صاير ...؟؟
وسدح عادل وانفاسه تتلاحق من ثقله..
ــ يــاالله في زرنوقنا طايح شكله مطقوق دست لين قال بس..
ام مؤيد تطالع فيه وحالته حاله وثيابه مشققه.. وبسرعه راحت تجيب ثلج و كمادات و كل شي يلزم جروحه...
مؤيد: ــ انا شكله مو غريب علي مادري وين شايفنه..
ام مؤيد : ــ خلف الله عليك ياولدي .. هذا احد مايعرفه.. عادلوه المينون ..
ــ اييييييه من زمان ما شفته من عرست امه وطلعت من فريقنا ... نسيته والله..
ــ الله يعينك .. ما تثبت شي هالأيام كل تنسى.. الله يذكرها بالخير امه... مره اجوديه وبنت حلال .. عساها بس بخير ...
شوي الا بطلعة جود من الغرفه..
ــ خالووووووو..
وياخذها مؤيد بالأحضان :
ــ هلا غناتي... ويش احواااالش؟؟
ــ زيـــــنــــــه...
حملها خالها وصار يداور بها ويسولف وياها..
و ام مؤيد ظلت تداوي في عادل..
علا في بيت ابو علي... وبخجل عطت ليلى كيس ...
ــ ااا,, هذي لش .. غناتي .. هدية العيد
ومدت على ريما اللي كانت عيونها بتطيح على كيس ليلى لأنه احلى:
ــ وهذي لش غناتي .. كل عام وانتون بخير
ليلى : ــ حق ويه مكلفه يالغاليه ماكان له داعي.. جيتش تكفي .. صايره ما تجي لينا الا حامله شي ..
علا : ــ ويش دعوه حوايج بسيطه ما هي من قيمتكم عندي ... المهم اخباركم ويش مسويين واخبار عمي وخالتي عساهم بخير..
ــ تسلمي غناتي عساش سالمه يارب... الحمدلله على كل حال..
ــ وويش اخبار اخوش ويش صار عليه.؟؟
ــ الله كريم خلاص نقلوه السجن المركزي والمحامي يشوف شغله الحين على الله يطلعه ان شالله..
ــ الله كريم .. ما ينسى المظلوم...
ــ ايه انتين ويش اخبارش وويش مسويه...
ــ الحمدلله تمام لا جديد..
ــ اخبار خالتش امل من زمان ما شفناها..
ــ الحمدلله بخير ... تغافص وعلى قلبي عرس حماتها بعد اسبوع وهي من سوق لسوق وحالتها حاله..
ــ الله يبارك و يتمم ليها على خير ..
ــ على خير .. الا صدق ليووله ابغى اسالش ما تعرفي حنايه حليو حناها .. حق خالتي؟؟
ليلى سكتت وابتسمت..
ريما دخلت في السالفه:
ــ ليلوووووو تحني وحناها يهبل ..
علا: ــ صدق ؟؟!!! وليش ساكته غناتي..
ليلى ابتسمت: ــ ما مارست المهنه لأني .. بس على امي وخواتي وبنت عمتي ...
ــ زين ابغى اشوفه ... بس شلون اشوفه؟؟ والله اولى من أي احد ثاني اذا عجبني خخخخ ولية امر خالتي بهالشغله قلت ليها خلي الحنايه علي...
ريما : ــ ايييييه.. زينبوه بنت عمتي مصوره في عرس خالها مدري خالتها و ليلو حنتها.. تبغي بتصل فيها تجي وتجيب الصور..
علا : ــ يـــــــاليت والله اني تكفلت بهالمهمه مع اني ما اطلع ولا اعرف احد سألتها ويش ناقص قالت الحنايه و كم شي من السوق خخخ وابتلشت..
ريما مره طاقه الصدر ومعزمه ما غير ليلى اللي تحني... وبتتصل لزينب
ليلى بأرتباك: ــ ياعلي ريموه.. يمكنما يعجبها ...
ريما بعفويه وقهر : ــ لويه ما يعجبها .. انتين اولى من غيرش .. عندش شي تقدري تنفعي به وتتحركي ... كفايه مكينة امي واختربت .. فيدي واستفيدي..
وطلعت الصاله بتتصل لزينب

تابع>>

[Princess]

ليلى تحس كأنه ماي صااااخن انكب عليها ماكانت حابه علا تدري عن خراب المكينه...
ليلى ما تعودت على علا بشكل كبير بالمره.. و تحس بعض حركاتها من باب الشفقه ...

كانت تحاول تغير هالتفكير وهالنظره.. ومره من الف اذا قدرت ...
بعكس علا تماما تعودت عليهم وتحسهم من اهلها وشي حلى حياتها رغم الحزن اللي عايشين فيه والألم اللي يكويهم..
علا بهدوء:
ــ ميكنة خالتي.. اختربت؟؟
ليلى بأبتسامه :
ــ ايه..
علا مستاءه من الموضوع : ــ من متى؟؟؟
ــ توها اليوم.. الصبح..
علا بلعت ريقها ورجعت حالة التهوس اللي تصيبها وفي بالها:
ــ يالله واني ما اقول باجيكم واكلمكم الا تصير مصيبه...
حست نفسها شوي وتصيح.. بس حاولت تكتم ...
ريما في الصاله.. اتصلت على بيت خالها رفعه جاسم:
ــ مرحبا..
ــ اهلين جاسموه.. قووه.. << مع انها تتغطى عنه بس ابدا شايله الكلافه وياه اكبر منها بسنه وعباره اخوها...
ــ يقووويش .... جاسموه كف ..
ــ خخخخخ لا تسوي روحك بس .. وين زنبوه...
ــ ويش تبغي فيها..؟؟
ــ اقووووول.. عن اللقافه .. ويللا بسرعه ناديها..
جاسم يتعمد يناديها وهو مقرب السماعه من بوزه :
ــ زنبوووووووووووووووووووووووه..
ريما باعدت السماعه و صرخت:
ــ و صااااااااااقعه..

زينب :
ــ مين..؟؟
جاسم:
ــ ريموه...
زينب :
ــ هلا .. هلا ريموو..
ــ اهليييييييييييييين حيــــــــــنب
ــ ههههههههههههههه حيييييينب في عينش.. ولا نسيتي هالسالفه
ــ هههههههههههههههههههه ولااااااا بنسى,,,
ــ لكن مو منش .. من ليلو الفضييييحه.. اشوفش دي فتره نسيتي قلت تبتي.. وهونتي..
ــ ههههههههههههههههه نسيت ايه,,. ومادري ويش ذكرني الحين.. اما تبت وهونت .. لاااااا تحلمي آنسه حنوبه..
ــ عساش حوبه يا النحيسه...
ـــ المهم ماعلينا.. بسرعه عباتش على راسش وجيبي صورش اللي حنتش فيهم ليلوه ويللا طيري
ــ هههههههههههه طارت طيورش .. حق ويه تبغيييهم؟؟؟
ريما بمزح :
ــ خخخخخخخ بيخطبوش ..
زينب كشرت و حمقت في ريما:
ــ عن البياااااخه..
ريما : ــ اقوول لش اللي حنتش ليلوه فيهم تقولي لي ويش تبغي فيهم؟
زينب وكنها فهمت السالفه:
ــ مييييييين بيشووف الحنا؟؟؟
ــ ههههههههههههههه اخيرا صرتي ذكيه,,, احم.. علا .. اكي ويانا وتبغى تشوفه لخالتها.. خلصي حركيني..
زينب وكن مو عاجبنها الوضع:
ــ اهااا .. عوووولااااااااااا...
ــ اييييييه.. يللا حركي قبل لا تروح المخلوقه..
ــ زين الحين.. شويات بس .. ان شالله ما يطلع لي عادلوه في الطريق..
ــ هههههههههههههه انتبهي لا يخوبلش ويطير صورش بس ..
ــ وجهش هههههههههه زين.. يللا باي..
ــ ننتظرش .. باي..
زينب راحت لأمها:
ــ اماه باروح بيت عمتي..
ــ خير .. ويش صاير ؟؟ في خبر عن علي؟؟
ــ لالا.. باخذ صوري وياي بتشوف حنى ليلو .. وحده.. قولي يارب تخلي ليلو تحنيها .. يستفيدو..
ــ ان شالله... الله كريم.. انتبهي بس وانتين تمشي لا يطيحو لو يطلع لش عادلوه ويخطفهم..
ــ لا باحطهم داخل كراسه .. وبمسكها في ايدي عدل ...
ــ المهم انتبهي.. وسلمي عليهم..
ــ يوصل..
ريما راحت المجلس..
ــ اكي حينب بتجي
علا مستنكره ..
ــ حينب !!
ليلى :
ــ ههههههههههههههههههههه ولا بتهوني عنها..
وصارت تحكي لعللا قصة حينب:
ــ خخخخخخ هذا الله يسلمش لما كنا في اول ابتدائي بنت خالي مادري ويش فيها ذاك اليوم مهلوسه.. لو من باب التغيير والله مادرينا بها... بس مسكناها عليها .. هههههههههههه سألتها بنيه عن اسمها قامت من باب الظرافه قالت ليها تخمن... قالت ليها البنيه بحرف ويش ...؟؟؟
ردت عليها زينبوه .. هههههههههه حاء ...
علا ضحكت ...
ريما مهي قادره : ــ اتخيل شكل زينبوه تحفه..
ليلى : ــ هههههههههههه تخوبلت البنيه.. قالت حنان.. حوراء .. حميده .. ماخلت ولا بقت .. افتر مخها.. آخر شي قالت ويشووووووو علميني..
ضحكت بنت خالي وقالت ببراءه : ــ حيـــــــنب
ههههههههههههههههه عاد ساعتها اني ما لي باله.. حدي قلت ليها :
ــ زينب يالخبله مو حينب...
علا :
ــ هههههههههههههههههههههههه ما شالله عليها... خوش تغيير...
ريما :
ــ لا تدري بعد فضحناها عندش لا تسوينا لحم مفروم
ــ ههههههههههه ولا يهمكم ما بتدري..
حميد في الصندقه.. يتلوى يحس بيموت.. بطنه انتفخ ويعوره.. ومهو قادر ويسب ويلعن في جاسموه اللي ما يجي له ولا يشوف حالته..
و صارت دموعه تسيل .. وفي باله..
ــ هذي حوبة علي .. والله هذا نتيجة دعاوي امه .. يااالله ويش اسووي.. آآآآآآآآه...
واغمى عليه..
زينب طلعت وهي ماسكه الكراسه.. وخايفه تطالع يمين وشمال..
وقلبها يصافق لا يطفر ليها عادل زي عوايده ويصروعها...
لكن سبحان الله مامداها تطمنت من ناحية عادل .. الا اشرف في وجهها بيدخل بيتهم ... وهو من كثر ما شافها ويا عادلوه وسوالفه عرفها.. ابتسم وفي باله .. الحمدلله هالمره مهو وراها .. خخخخ ما يندرى في أي وادي يصافق ..
وهي من رباشتها اختلعت وتعثرت بعباتها.. وطرااااخ تتعثر وشوي وتطيح .. وتطفر من ايدها الكراسه وعلى وجهها..
زينب صارت تركض وهي مختلعه. تلم الصور. وتطفر صوره في نص الطريق في الطين وهي مقلوبه على وجهها..
وعلى حظها الصوره كانت مصوره من قرب الوجه وهي حاطه ايدها على خدها جابتها لأن الحنى واااضح فيها عدل...
زينب شالت الكراسه واللي فيها وانتبهت للي طاحت في الطين ويبس ريقها وخلاص مهي عارفه ويش تسوي ..!!!
الطين غزير والصوره خفيفه طفحت فوقه..
خلاص تلونت حمرا خضرا زرقا اشارة مرور.. الوان الطيف السبعه.. قناه مسكررره.. اللي تبغووه.. المهم البنيه مرتبكه وحالتها حاااله.... وشلون تعبر وسط هالنقعه بتغووص .. !!!! ولا تقدر تفرع و ترفع عباتها !!
اشرف لاحظ ارتباكها.. ومسكين من باب الشهامه.. قال بينزل في الطين وبيشيل ليها هالورقه اللي مهو داري ويش هي..!!
اشرف :
ــ صبري خيه . باجيبها لش ..
زينب حزتها.. خلاااص...
يا ارض انشقي وابلعيني ...
وفي بالها دعاوي على ريموه وعلوه وليلوه بعد ماهي قادره تبلع هالموقف..×××
ولا هي قادره تقول له خليها .. لأنها ما بتوصل ليها
وان خلاها بيشيلها غيره وبتصير فضايح...
اشرف شلح بنطلونه لفوق ركبه..ودخل في الطين... شالها وصار ينفضها.. فكرها رسمه بما انها طاحت من الكراسه وبعفويه طلع نشاف من مخباه بيمسح الطين.. ما مداه بيفرها الا بصرخة زينب..
ــ لاااا..
اشرف اختلع.. لما فرها هو انتبه انها صوره.. ماشاف الا العواين وشويه من الشعر والباقي طين... تلون وجهه احمر وحس روحه صخن...
وهو بعده في نص الطين مشى شوي ليها ومدها عليها ووجهه فارنه على جنب ..
ــ مسامحه خيه.. ماكنت ادري..
زينب تحس روحها صخنت مهي عارفه ويش تقووول وبتأتأه مهي طبيعيه:
ــ مششكككووور...
وطلع اشرف من الطين وحالته حاله و قلبه يصافق .. دخل بيتهم وهو متصروع.. سكر الباب وطلع نفس قوووي..
ــ افففففففف ياربي يلعن هذا مووقف احراااااج..
زينب بعدها متسمره برى.. يالله استوعبت الموقف .. وخلاص تحس عيونها الدمع فيها محتقن .. وحالتها حاله نفضت الصوره عن الطين.. وشقت ورقة كراسه وكفستها عليها لا توصخ الباقي .. وكملت طريقها لبيت عمتها..
علا كانت تسولف لليلى وريما سالفة المره في المجمع واللي سوته في ولد خالتها:
ــ وعلى قلبي .. رجعنا البيت.. واكو دي يومين مصخن من الخلعه و خالتي متخوبله تبدي ويه لو ويه...
ريما : ــ الله يلعنها من مره عديمة احساس .. مالت عليها هي ويا ولدها..
ليلى : ــ ما يشوف شر ان شالله والله يفرجها عليه... وحسبي الله عليها ..
علا : ــ يارب ... دنيا والله بلاوي...
شوي الا باب البيت يطق .. زينب وصلت..
قامت ليلى .. فتحت ليها الباب...
الا زينب ..
طاحت عليها بصياحها..
والى الملتقى...

[Princess]

مرررررررحبا
هههههههههههههههههه
الظاهر المشكله في التنسيق مع الألوان صاير ما يضبط
حبايبي هذي الحلقة تبع امس السادسة عشره بدون الوان الله يعينكم
مشكوره خيتي نواره الدنيا صاحبة هالراي..

و متباركين بهاليوم..
دمتم بخير
وبحفظ الرحمن

[دمعة على السطور]

الله يبارك في حياتك غناتي
وعادي ألوان أسود..كل شي من يدك حلو..
الله يعطيك العافية تعبتي مو
والليلة مولد بعد يحرام..


المهم..
الأحداث تجننننننننننننننننننننننننننن حركات
ههههههههههههههه
مسكينة زينب..
ههههههههههههههههه
ههههههههههههههههههههههه
مو قادرة وأني أقرأ اني اللي تفشلت وياها
كأن أني اللي صاير لي الموقف..>>بعيد الشر عنا وعنكم هههههه


مسكينة..


وهذا علي إلى متى يعني ؟؟؟ طووووووووووووووول


إن شاء الله بكرة يرجع..



وزين والله ليلى بتستفيد من مواهبها..




موفقة خيه بحق محمد وآله الطاهرين.وبحق هذه الليلة العظيمة..
..دمتي بعين المولى الجليل..

[Hussain.T]

عادي اسود المهم عندنا ما ننحرم من الرواية الرووعه

تحياتي

[اسير الهوى]

متباركين باليوم جميعا واعادنا الله واياكم على مثل هذا اليوم سالمين بالخير والعافية..

شكرا اختي اميرة على الجزء وشكلك تعبتي على تنزيله الله يعينك وتنحل مشكلتك..







المشكله الرابط موقع تحميل الشبكه



اف من ارامكوكم دي بعد.. عجيبه غريبه..




:weird:





ترا رابط الشبكة محجوب عند ارامكو طبعا مو اتصال البيوت لا محجوب على اتصال المكاتب بس:noworry:.. ايـــه لو تدرو كيف فاتح الموقع بس .. الله يخلي لينا استاذ شبكة..

عموما مشكورة وماصرقتي

تحياتي للجميع

[*زهرة البنفسج*]

هلا بامورة هلا وغلا

اسود اسود اهم شي قرينا وخلصنا

وي ويافشلت زنوب مسكينه صدق أحرااااااااااااااج

وجعله سبع صاقعات حميدوه يستاهل

موفقين

[زهور الريف]

بسم الله الرحمن الرحيم

جزء روووووووعة

واعلى قلبي زناب عورني قلبي عليها

مسكييييينة إحراااااااج صراحة الله يعينها

مجهود رائع ولان شاء الله موفقين بحق هاليلة..

تسلم الايادي

بالانتظار

[دمعة على السطور]

غاليتي أمورة..
بانتظار الجديد بكل شوق ..
موفق إن شاء الله تعالى..
..دمتي بعين المولى الجليل..

[Princess]

مرحبا

تأتي المواقف مصادفه .. لتوقظ الآماً نائمه.. او لتكشف حقائق مخفيه...

تواجد رائع منكم .. لا عدمته ..
الجزء 17 راح ينزل على قسمين.. الليله واحد وبكره التكمله..

تفضلو الجديد..

[Princess]

الحلقه السابعة عشر ..


ليلى مختلعه من حالة زينب :
ــ ووويش فييش..؟؟
زينب تشاهق صياح وتعطي ليلى الكراسه:
ــ خذوو .. كل من هالصور وهالطلعه باموت..
دخلتها ليلى المجلس من حالتها حتى ما سلمت عالموجودين
وشالت حجابها و عباتها تحس روحها مخنوقه وصياح...

ريما وعلا مستغربين ويش فيها..
ليلى : ــ ريما جيبي ماي بسرعه
ريما قامت ولا هي داريه ويش السالفه..
جابت الماي ..
ليلى : ــ اشربي بسم الله على عمرش .. ويش فيش ... ويش صاير..؟؟
ريما : ــ اكيييييييد عادلوه طفر ليها
زينب وتنفسها يتقطع وتشاهق وتصيح :
ــ لأ ,, موو .. ععاادلووه..
ريما : ــ ويش فيش اجل..
ليلى فتحت الكراسه وطلعت الصور وشافت صورتها المعتفسه بالطين..
ــ زينبووه داوويه..؟؟
زينب زادت الصياح:
ــ تهي تهي آآآه..
علا اختلعت ومهي عارفه ويش تقول وجهها يحمل مليون الف علامة استفهام...
زينب وهي تحاول تهدأ من نفسها:
ــ طاحت.. واني امشي .. و شالها.. واحد..
ريما : ــ بففففففف خخخخخخخخ ويش هالفشيله
ليلى تخز في ريما .. وتحاول تهدي زينب ..
ــ هدي غناتي ,, هدي ,, ويش صار؟؟ ومين هالواحد..؟؟
زينب :
ــ تعثرت وطاحت الكراسه.. وطارت هالصوره اللي في ايدش للطين ماعرفت اجيبها .. قام قام .. تهي ..<< زادت حالة الصياح
ليلى لمتها وصارت تهدي فيها:
ــ هدي غناتي ياربي.. منهو بسم الله على عمرش لو درينا ما قلنا لش جيبيهم..
ريما تحاول تضحكها
وتطل على وجهها وتستهبل عليها:
ــ مين ,, هاا.. مين.. يللا قولي .. لا يكون حجي عباسوه..
زينب ابتسمت وصارت تضحك ضحك متقطع .. ودموعها تصب :
ــ ههه.. هه.. لأ .. هه.. شان زين..
ريما تستهبل عليها زياده:
ــ ههههههههههههههههه شان زين.. هااااااااا .. منهووو سعيد الحظ اللي شاف هالجمااال .. عاد هالصوره يا زنبوه احلى صوره واضحه فيها انتين عدل..
ليلى فلصت ريما فلصه.. وبهمس:
ــ احترمي عاد.. تأدبي..
ريما : ــ آآآه.. ويش قلت اني.. يللا يللا زنبوه مين؟؟
زينب ودموعها مستمره: ــ أشرررف ...

علا من سمعت اسم اشرف ... حست كأنه ماي حاااااااار انكب عليها...
و تغير لونها وصارت تطلع في الصوره اللي في ايد ليلى...
ريما :
ــ ووووووااااااااااااااو.. اشرف عبدالله ال... جيرانكم ماغيره.
ليلى : ــ بل عليش .. ويش عرفش به .. ولويه هالصفاعه....؟؟
ريما تصفق :: ــ يؤيؤ .. بلاش ما تدري .. هالصبي شحلاته قمر البنات يتحذفو عليه والمدرسه البنات يهدرو يقولو احلى واحد بالفريق .. بس ما يعطي وجه مؤدب شحلاته..
ليلى : ــ يعوه عليكم قليلات الحيا.. استحو على وجهكم...
ريما : ــ ويش دخلني هههههههههه قلت لش البنات مو اني.. وبهمس .. ولو اني اوافقهم الراي.. احم.. زنبوووووه .... حركتاااات << قالتها وهي تحرك حواجبها..
علا هدوووء .. صمت.. تحس بطنها بدى يعورها .. و تحس روحها بتطلع..

زينب فهت من الصياح و تطالع في ريما ومهي مستوعبه هدرتها..
وريما تزيد وتصفق:
ــ بالعااافيه لمن شافها بالعاااافيه.. زنوبه بنيه قمر بالعااافيه...
ولا تشوف الا قوطية النشاف تلوحها من ليلى..
ليلى : ــ ريموه.. قومي اطلعي برى..
ريما : ــ هههههههههههههه نمزح وحريقه ما تتقبلو مزح..
ليلى : ــ مزززحش زي وجهههش...


ريما بقهر : ــ مسامحه آنسسه ليلى .. الشرهه علي اللي امزح اصلا..
وطلعت من الغرفه..
زينب تمسح دموعها:
ــ حق ويه تتشابقو..
ليلى محمقه: ــ ما شفتيها بدل لا تهدي تستظرف وتزيد الموضوع ..
ــ تبغى تخفف عني..
ــ الا تبغى تكحلها وكل مره تعميها..
وحطت ايدها على ركبة زينب..
ــ ماعليش غناتي.. معروف عنه هالأشرف اجودي و وولد حلال ما توقع شافها عدل..
زينب ابتسمت: ــ ايه.. خلعته اني.. لما شالها صرخت لااا,, وصار يستسمح
ــ هههههههههههههههه ماقصرتي فيه..
ــ هههههههههههه والله مو قصدي بس من الموقف مره يخوووف
ليلى تذكرت علا .. نستها من حالة بنت خالها ومن الهدووء اللي هي فيه..
انتبهت ليها لقتها سرحانه.. لوحت بيدها ليها..
ــ هيه ,, ياجمااااعه.. نحن هنااا..
علا انتبهت .. وابتسمت..
ليلى : ــ هههههههههه وين وصلتي؟؟
علا : ــ لا ,, ولا مكان خخخخخ وياكم...
ليلى مدت على علا الصور..
ــ تفضلي شوفي هذيلا بانظف هذي بنشاف ياربي يا زنوب خساره بتتعفس لكن شوي..
ابتسمت زينب : ــ ويش اسوي دافعة بلا عن عمري .. ماقصرت فيني هالخلعه..
ليلى وهي تنظف فيها..
ــ أي والله دافعة بلا..
علا تقلب في الصور عجبها الحنى مره:
ــ الله.. والله حليو شغلش ليلى.. ليش دافنه هالمواهب..!!
زينب: ــ قايله ليها ما تصدقني...
ليلى تلون وجهها..
علا بفضول .. ــ اشوف اللي في ايدش..
ليلى تمدها عليها : ــ عاد هذي احلى وحده واوضح وحده..
علا فيها غصه صارت تبلعها..
زينب من دون شي جمال ونعومه.. مو بعد تصوير استديو وتعديل وحركات...
صارت تتأمل ملامح زينب بدل الحنى.. وفي بالها..
ــ اشرف.. عاااد اللي شافها... اشرف.. ياربييي..

زينب : ــ هاه.. ويش رايش؟؟
علا سرحانه في الصوره..
زينب : ــ علا؟؟ ياهوو..
علا : ــ ها.. احليو يجنن.. والله ما اجامل .. خلاص غناتي الأسبوع الجاي بتجيش خالتي على خير
ليلى : ــ على خير.. ما بتجي وياها انتين؟؟
ــ مادري حسب الظروف .. ابوي كل اسبوع يقول هالأسبوع بينزل البلد ولا يندرى .. اذا ما رجع باجي وياها..
ــ حياكم الكريم..

الا برنة جوال علا...
كان مالك يخبرها ان ابوه اتصل وقال بكره ان شالله بيرجع..
سكرت علا :
ــ هههههههههه شفتو .. سبحان الله
ليلى وزينب : ــ هههههههههههههه
ليلى : ــ لو درينا من زمان طريناه..
علا : ــ مو مضموون .. كل مره كذا.. من لبكره ان شالله خير..
ــ خير يارب..
ليلى بفضول :
ــ غناتي علا.. بسألش سؤال..
علا ارتبكت.. فكرت ليلى لاحظت عليها شي ..
ــ ها.. تفضلي..
ــ نغمة جوالش للشيخ حسين.. عاجبتني موت.. بس ما اسمع له اني وايد.. من أي قصيده دي ؟؟ أي اصدار؟؟
علا ابتسمت:
ــ من اصدار اولياء .. عن الكاظم عليه السلام..
ــ اهاا.. سلام الله على باب الحوائج... زينبوه سمعتيها..؟؟
ــ النغمه ايه عجبتني ,, القصيده كامله لا..
علا : ــ افا عليكم.. له فتره طويله هالأصدار..
وصارت تحوس بجوالها.. :
ــ امممممم اني محملتنها كامله لأني احبها وايد .. دقيقه ..

شوي شغلتها..

ظلينا
ظلينا

ظلـــــــــــــينــــــــا
يا مسجوووون وغــــــــــــااااااايب


هالجمل رنت في مسامع ليلى.. وصار قلبها يصافق وياها...
بلا شعور حطت ايدها على رقبتها تحس غصه..
زينب نفس الشي مذهوله...

يامسجون وغايب عن كل الحبايب بعدك للمصايب ضلينا
عزت الكرامه ياسنا الامامه للزمن يتاما ضلينا...

ليلى ما تحملت.. بلا وعي دمووع صارت تصب..
علا انتبهت عليها... وطفتها وفهمت ويش صاير.. وبأرتباك:
ــ بسم الله على عمرش غناتي .. اسمحي لي نسيت ..
ليلى تمسح دموعها وتبتسم..
ــ لا حصل خير ... شغليها.. سلام الله على باب الحوائج..
زينب : ــ ليلى غناتي من اول مقطع ما تحملتي..
ليلى ابتسمت: ــ ابغى اسمعها.. مصايب اهل البيت تهون مصايبنا..
شغلتها علا.. وعطت ليلى الجوال تسمعها لأخرها..


جاسم يحس نفسه مكتوم ومضايق...
راح الصندقه لحميد.. مالقاه فيها.. راح يدور عليه قريب منها.. لقاه عند البحر .. قرب منه.. وصرخ :
ــ حميد.. ويش فيك ؟؟؟؟ ويش صاااير
كان حميد يرجع وفي ترجيعه دم..
حميد مسك بطنه.. وانقلب على الساحل ومهو قادر:
ــ آآآآآه.. تفرغت.. توك ..
ــ ويش فيك.. ومن متى.. قوم قوم.. روح المستشفى..
ــ اهوو وخر عني .. انا من شوفتي لولد عمتك ذاك اليوم وحالي مو حال وانت لا تسأل ولا تنشاف..
ــ اووووووووووه تعبت انا من الكل..
ومشى عنه..
الا حميد مو قادر من الألم و دموعه تصب :
ــ تعاااااااال... آآه جااا.. جاااسمووووه...
واغمى عليه..
جاسم رجع له متصروع.. وراح بسرعه شاله وسحبه لصندقته...
وهو يدخله ومو قادر من ثقله... دخلت رجوله في حبل دائري في الأرض داخل الصندقه... تعثر فيه.. وشوي يطيح.. طلع رجوله منه...
و سدح حميد على منامه.. وقعد على ركبه وهو مستغرب..
هالموقع من يوم يومه مغطى بحصير .. !! ولا خطر على باله يشوف ويش تحته..

مد ايده وصار ينفض الرمل من نفس مكان الحبل اللي شافه.. لقى مربعه خشب كأنها غطاء لمخزن .. ارضي..
مسك الحبل وصار يسحب ..
وفتح الغطا

والى الملتقى...







..

[آسوآآر الآلــمـ]

مال الحرام .. سبحان الله ويش يسوي في الإنسان

أعوذ بالله

الله يعطيكـ العافية أختي أميرة المرح

ماشاء الله عليك كل يوم تبعدين أكثر بالأجزاء ..

الله يوفقك يارب ...

[اسير الهوى]

جزء رائع..

ننتظر الجديد

[Hussain.T]

جدا رائع هالبارت

بنتظار البارت تاقادم


تحياتي

[زهور الريف]

بسم الله الرحمن الرحيم

جزء ابدااااااااااع

بس اني مو ركزة الظاهر يعني علا تحب أشرف والله شلوون...؟؟؟؟

المهم حميد النحس

يستاهل عساه من هالحال وأردى بعد

جزء كشوووووووخي يالغلا

تسلم الايادي

موفقة لكل خير

بالانتظار

[fatemah]

السلام عليكم ورحمة الله وبركاته
انا اقول يمكن فلوس حميدو من الاغراض اللي يبوقهم
ننتظر الجزء الجديد
..}{..تحيــــــــــــــــــــــــاتيـ..}{..

[دمعة على السطور]

يووووووووه وشو بعد المغبى وما خفي أعظم..
الله يستر بس


أميرة الجزء مع قصره إلا أنه مرررررررررررررررررررررره روووووووووعة كالعادة يعني..
موفقة غناتي إن شاء الله..
..دمتي بعين المولى الجليل..

[دمعة على السطور]

حبيبتي..أمورة...
بانتظارك..وبانتظار البارت الروعة دايماً..
موفقة عزيزتي..
..دمتي بعين المولى الجليل..

[*زهرة البنفسج*]

جزء روعه مو أشرف كان صديق ماللك

يمكن علا اتحبه من كان مع اخوها اصدقاء

ممكن

وعساه اكثر حميدوه

ننتظر الجزء الباقي

موفقه

[الــــنـــاري]

السلام عليكم
كيف الحال خية
قصة في غاية الروووووووعة
ابدااااااااااااااااااااع لبعد حد:bigsmile:
انا تابعت القصة من 3او 5 ايام وندمجت وياها وخلصتها على طول
بس وين الباقي خية لو تنزلين جزئين جزئين يكون افضل:cool:

يعطيك ربي الف الف عافية
وماننحرم منك يارب
تمنياتي لك بالتوفيق

والـ10% وتوصل 200%:wink:
انتظر التكملة في اسرع وقت :cool:

[Princess]

مرحبا ...
ربي يسلم لي هالتواجد الجميل لا عدمته يارب ولا عدمت هالتخمينات الحلوه

خيو النااري هههههههههه عجزت افهم سر هالأقتباس ويش سالفته..؟؟
وجزئييين ... ويلي لا ماقدر ياخوك اسمح لي .. اني في اليوم يالله اكتب جزء واحد ارتب افكاري والأحداث والسيناريو ..
اكتب كل يوم بيومه.. خليك متابع ويانا اول بأول او امهل عليها كم يوم وطل .. تكون تجمع كم جزء.. نورتني والله لا خلا ولا عدم...



تفضلو الجديد..

[Princess]

تابع الحلقة السابعة عشر...

وسحب جاسم الغطا ,, واستغرب االلي شافه؟؟!!

... مجموعة اوراق وملفات.. شكلهم شهايد دراسيه
شال وحده من الورق وفتحها... فعلا شهاده .. وكذا وحده لعدة مراحل من الأبتدائيه للمتوسطه والثانويه...
شوي طلع شهادة ميلاد... صار يقرى الأسم..: ــ امجد عبدالكريم ال....
الجنسيه : سعودي..
الأب : ــ عبدالكريم علي آل ...
الأم : ــ ماجده عبدالقادر ال...
الجنسيه : ــ عراقيه..
جاسم يقرا ويحس روحه تايه .. ويش السالفه؟؟؟
شوي الذاكره اسعفته على اسم العايله..
وحس نفسه صخن..
آل ....
وصار يهلوس في باله
نفسها عايلة بيت ابو مالك...؟؟
مين امجد...؟؟؟؟
وويش دخل حميد.؟؟؟
وويش جاب هالشهايد عنده ولويش..؟؟؟
جاسم رجع لشهادات الدراسه .. لقاهم كلهم بأسم امجد... ولقى كم نسخه لشهادة الميلاد..
صار جاسم يقلب وهو محتار ولا هو عارف كيف يتصرف ..
باق وحده من نسخ شهادة الميلاد .. عفويه منه من بعد الصدمه .. حطها في مخباه .. وسكر الخشبه ورجع الرمل اللي فوقها.. وقعد على المنام جنب حميد وهو يضرب اخماس في اسداس...

شوي حميد صار يون ويعرق مع ان الجو بارد.. جاسم خاف .. حسه يحتضر بيموت..

قام طلع بالسرعه واستنجد بأهل الفريق .. اللي اتصلو اسعاف وعلى طول نقلوه المستشفى وجاسم وياه مرافق...

عادل فتح عيونه.. وصار يطالع في الغرفه..
قعد بالسرعه وشال الكمادات.. وكانت ام مؤيد قاعده برى الحوش تخبز تاوه معاها حفيدتها جود تصفق و ترد ورى جدتها ....
حبيبتي ربى الحوش
سنين الخير ربوش
قدم الأزهر على امش
قدم الأخضر على ابوش
حبيبتي وأني أمها
والغبرة ما تضمها
وسكين السنينة
على من تبغضأمها

ما يشوفو الا بطفرة عادلوه ليهم من الغرفه للحوش طيرااان وهو يرقص على جنب ورافع ثوبه ووياهم متفاعل..
ــ هلا هلا هلا..

ام مؤيد حطت الخبزه عالتاوه ومن خلعتها من طفرة عادل عليهم فجأه..
ــ بسم الله الرحمن .. هيبة الله عليك من اصبي ..طفرتنا خلعتنا ...
وخلت الخبزه مع انها المفروووض بسرعه تلفها لا تحترق...

وتقوم وهي تتسند على الجدار .. خايفه لا ينحاش ويعود يسوي مصيبه...

وتروح بسرعه تقعد مؤيد كان في غفوه..
ــ امي .. مؤيد.. قوم بسرعه قعد عادلو .. قوم خلنا نوصله بيتهم..
مؤيد فتح عيون وحده ومهو قادر: ــ ويلي توها غافيه عيوني.. ان شالله هذاني باقوم..
وطلعت ام مؤيد.. وتصرخ :
ــ ضوووووووو على ضوووووووو.. وخررررررررر
جود ميته ضحك..
عادل فصخ ثوبه وحطه على التاوه فوق الخبزه ودخان الخبزه طالع حده.. احترقت..
ام مؤيد شالت مخمه وراحت لعادل... تباااعد ويش تسوووي..
عادل وخر وهو خايف لا تحوشه ضربه:
ــ ااااببببخررر ففففوووووبي...
جود : ــ ههههههههههههههه يفكره مبخر...
ام مؤيد : ــ ههههههههههه غربلك ربي غربال.. وخر احترقت الخبزه كل منك ومن سواياك.. اقعد بعطيك خبز..
مؤيد طلع من الغرفه من الصريخ:
ــ ويش صااير اماه؟؟
ــ ههههههه ما صاير شي .. يبخر فوبه بحريقة التاوه . غربله الله من اصبي..
مؤيد : ــ ههههههههههه خلف الله عليه.. يللا اماه حاولي تتصرفي وياه شوي وتلهيه مدة اسبح بالسرعه ونروح نوديه..
ــ ان شالله... يللا اقعد منا تعال.. بعطيك خبز
عادل : ــ ويا اسسسستكككااانة ششششاااي
ــ ههههههههه بعد متشيرط.. ولاااا يهمك حجي..
ــ وع .. وووع اننناااا مو الحححجججي..
ــ يوووووو استغفر الله ربي .. الحجي زينه ياولدي مهي سبه.. يعني تروح بيت الله وتحج ..
ــ مممااانى... عبااااسووه يسسسمووه حجيي.. وامممي ما تننناااددديه الا الحححجي .. ماااابغاااه مااا طيييقه...
ام مؤيد تصب استكانة الشاي لعادل:
ــ يعني ريل امك اسمه عباس..
ــ لالا.. حجججي عباااس..
ــ هههههههههه ولا يهمك .. الحجي عباس.. كم مكعبة سكر تبغى احط لك في الأستكانه..
عادل بأصابعه مهو عارفه مره يسوي 7 مره يسوي 6 اخيرا رسى على 10..
ام مؤيد:
ــ الشرهه علي اللي سائلتنك..
حطت له مكعبتين و عطته الخبزه وقعد شوي ياكل ويشرب شوي يغمس ويذوب الخبز في الأستكانه..
لين ذوب شوي زين .. ومدها على جود ..
ــ خذذذي اكككليييه..
جود تنرفزت:
ــ ويع .. مابغى..
عادل فتح عيونه وحط صبعه في الأستكانه .. وطلعه ومصه:
ــ مممااااايقوووولوو ووويع على نعمممة الله .. حرررااام..

ام مؤيد : ــ ههههههههه والله ويطلع منك .. سمعتي غناتي ما يقولو ويع.. يقولو الحمدلله..
رجع عادل ومدها عليها..
جود : ــ الحمدلله.. مابغى..
عادل : ــ ايييه هلللون خخخوووش بنننيه..
ام مؤيد : ــ ههههههههههههه ماني قادره عليك وعلى سوالفك.. خلف الله عليك..
عادل وهو ياكل في خبصته اللي سواها:
ــ وووو عللليش
ــ ههههههههههههه وعلي .!!. زين,, وعلي .. الله يخلف علينا ياكريم..

وخلص مؤيد .. وطلع ويا عادل يحمي السياره.. ولبست ام مؤيد عباتها.. وخذت جود ,, مرت على بتها ساره ,, كانت نايمه بعد الغدا:
ــ امي.. ساره.. قومي غناتي .. قفلي عليش الباب .. بنروح نص ساعه وبنرجع..
ساره بتعب: ــ وينا..؟؟
ــ سالفه طويله عريضه قومي بس قفلي الباب...
ــ بتجي ناديه الليله صحيح نسيت ماقلت لش .تقول عندها سالفه مهمه...
ــ حياها الله. قوومي يللا بنطلع..
ــ زين..
قامت ساره بتقفل الباب ,, الا ام مؤيد..
ــ تعالي قبل لا تقفليه.. شيلي هالأستكانات والتاوه داخل .. لا يطيح المطر ويتغربلو..
وهي تشيلهم .. لفتت نظرها استكانة عادل.. وصارت تحاول تفتح تميز هالخبصه
ــ داويه.. ويييييييييييع..
جود ضحكت:ــ ههههههههههههه خاله مايقولو ويع.. يقولو الحمدلله..
ساره : ــ خخخخ يغربل بليسش.. الحمدلله ربي..
وشالتهم ودخلت وقفلت الباب...



وفي السياره .. قعد عادل قدام... مؤيد مو متعود عليه .. فخايف منه لا يتصرف أي تصرف طايش ويوديهم بداهيه.. قام ربطه بالحزام .. ويحذر فيه لا يتحرك ولا يسوي شي..

ومشو..

عادل متضايق وشوي ويصيح.. وبعد كم دقيقه صار يترجى في مؤيد يفتح له الحزام..
ام مؤيد: ــ ماعليك منه.. ما به امان يفتح الباب لو يسوي شي..
عادل بدى يصيح .. ــ عااادااا والله ما بسسسسوووي شي..
مؤيد عور بقلبه.. فتحه له الحزام وقفل بابه.. وصار يطلع فيه ويش بيسوي..
تربع عادل وقابل النافذه.. لزق وجهه فيها وصار يطلع..
مؤيد صار يضحك عليه..
جود عجبتها الحركه وسوت زيه..
ام مؤيد : ــ هههههههههههه ماقول الا خلف الله عليش..
عادل : ــ وعليشششش..
مؤيد : ــ هههههههههههههه انا اشك يفكرها سبه..
ام مؤيد : ــ ههههههههههههه عفر...


وفي السجن...
للعصر علي مافتح ولا تحرك من منامه.. عبدالرحمن تهوس عليه.. في البدايه قال يمكن سهران مانام وطول ليله يتقلب زي عوايده.. فخلاه نايم.. بس لما طولها ووصل للعصر ..
قرب منه..
ــ علي .. علي..
علي بتعب : ــ هاااه...
ــ شبلاك يا اخي مابقى الا كم ساعه عالمغرب .. قوم .. قوم صل تحرك..
علي تنفسه صاير ثقيل.. ولونه متغير... وحده بس يقول : ــ هااه
عبدالرحمن خاف عليه.. ويش فيه ..؟؟
مد ايده على جبهته.. لقاها حاره..
عبدالرحمن: ــ ياربييييييي... صخنت يا رجال.... انا لله..
وراح لعند باب السجن ونادى.:
ــ ياا عسكرري.. ياهووووو... تعالو في مشكله..
جاه العسكري :
ــ خير ان شالله؟؟؟
ــ معانا بالعنبر واحد مصخن..
ــ يرجِع ؟؟
ــ لا..
ــ يغمى عليه..؟؟
ــ ما تحرررك على شان اعرف..
ــ طيب طيب راح نجيب له بندول.. او فيفادول
عبدالرحمن بقهر:
ــ لا عاد.. وش بيسوي البندول والا الفيفادول..
العسكري عصب فيه:
ــ اسكت ولا هو من اختصاصك.. هذا اللي نوفره هنا.. والله مو مستشفى ولا فاتحين صيدليه .. فيفادول وبندول وبس .. شوي وبجيبهم..

عبدالرحمن وخر عن الباب وهو محمق:
ــ لا بارك الله فيكم ..

وراح قعد جنب علي .. شال عنه البطانيه..
علي : ــ لااا.. برددااان..
ــ يبغى لك بروده اكثر .. مصخن يا اخي..




تابع>>

[Princess]

ام علي في غرفتها قاعده همها على مكينتها. بناتها في المجلس ويا علا بعدهم. قامت تبغى تتناسى همها شوي .. راحت المطبخ وصارت تحوس ..
فتحت كبت .. بتاخذ منه شي .. هالكبت فيه طاسه زجاج ملونه حليوه واسعه ومره جميله. ومليانه نقوش وزخارف...
شارتنها وخاشتنها.. ناويه تغسل رجول ولدها ومرته ليلة زفتهم فيها..

شافتها..
شالتها وصارت تتأملها.. وعيونها غرقانه بالدموع.. حست ايدها ترتعش .. جت بترجعها محلها زلقت وطاحت من ايدها وانشلخت..

ام علي صرخت ..
ابو علي في الصاله قام ليها يركض..
ليلى طلعت من المجلس وجت ليها تركض ..
زينب ما عرفت تقوم على حساب علا .. حست عيب يخلوها لحالها..
ابو علي دخل المطبخ..
ــ ام علي.. ام علي .. ويش صاير..
ام علي تصيح وهي الزجاج المنفر:
ــ لا تدخل.. زجاج متكسر ..لا تتصوب..
ابو علي :
ــ انكسر الشر بسم الله على عمرش الرحمن..
ليلى ماهي عارفه ويش تقول .. صارت تلم وياها الزجاج.. وتطالع في وجهها اللي صاير شاحب.. وبهمسات مخنوقه تصيح وهي تدعي:
ــ يفرج الله عنك.. بالغه فيك يا عيني.. عساني ما انحرم منك..
ودموعها تصب ..
ليلى مهي قادره صارت تصيح هي بعد..
الا بطيحة ريمو عليهم المطبخ ..
وتصفق صدرها بالقوه:
ــ افااااااا خسااااااااره .. طاسة الأحلام والأماني..
ليلى خزت ريما ..
ريما : ــ اوهو ما شغلتش الا خز وبس ..
ام علي ماليها خلق ولا كأنها تسمع..
ريما تمزح:
ــ صمغوها تتعدل..
ليلى : ــ ذلفي وعن الظرافه..
ريما بأستياء: ــ زيييييييين ..
وراحت ليهم المجلس..
زينب .. ــ ويش صاير؟؟
ريما : ــ طاسة الأحلام انشلخت..
ــ أي طاسه؟؟؟
ــ طاسه امي شارتنها من زمان على حساب ناويه تغسل رجول علي اخوي ومرته فيها ليلة زفتهم..
زينب بغصه: ــ اهاا.. الله كريم.. انكسر الشر..
علا : ــ الله كريم ..
ريما : ــ هاااااا ويش الحين بتحني ليلوو
علا: ــ ايه ان شالله على خير..
ــ حركااااااات...
رجعت ليلى ليهم الا بقومة علا من بعد ما رن عليها اخوها..
ــ يللا غناتي بمشي مع السلامه.. وبس اعلم خالتي بخليها تتصل عليش وتحدد متى تجيش ..
ليلى : ــ حياش الله غناتي.. على خير ان شالله..


وعلى باب بيت حجي عباس وقفو مؤيد و ام مؤيد وجود و عادل..
مؤيد:
ــ متأكد هذا بيتكم .؟؟
ــ إإإإيييه متتأأأكد..
طق الجرس .. مهلو شوي زين.. فتح حجي عباس الباب.. ووجهه مكشر كدر ونفسه في خشمه..
من شاف عادل:
ــ هاااااا .. عودت لا بارك الله فيك.. دش .. دشت بدنك النوايب والمصايب دش..
ام مؤيد بعفويه:
ــ بسم الله عليه..
حجي عباس انتبه عليهم.. وبدل السلام والترحيب..
ــ خير..؟؟ نعم...؟؟؟
مؤيد تغير لونه واستغرب من هالتصرف :
ــ لا .. خير ان شالله. بس شفنا عادل في فريقنا طقوه صبيان قلنا نرجعه...
قاطعه حجي عباس :
ــ جعله ما رجع.. جعلهم رضرضو ضلوعه ترضرض..
ام مؤيد : ــ هااداويه هالدعاوي على هالفقيررر ..
حجي عباس .. ولا داق لأم مؤيد خبر...:
ــ عادلو.. دش لأمك لا بارك الله فيك ولا فيها..
دخل عادل وهو خايف وانحاش داخل...
حجي عباس بلا احترام وبلا أي اصول .. سكر الباب في وجه مؤيد و امه ...

الى الملتقى...

[Princess]

هههههههههههههه
رجعت..
وربي من التعب والدوخه :wacko:

الناري
مافهمت الأقتباس في البدايه
الحين فهمته :embarrest:

تسلم خيو
وربي يحقق احلامك انت الآخر
لا عدمنا هالروح الطيبه

يسمع منك ربي ويزيد معدل وسرعة التحميل نبغى 80 % مو طماعين.. :toung::embarrest:

دمت بخير
وبحفظ الرحمن

[آسوآآر الآلــمـ]

يسلمو أختي أميرة على هالجزء ..

مبدعة دائماً

موفقة لكل خيــ ــ ـــر ،،

في أمان الله ..

[الــــنـــاري]

يسلمو خيتو على هل حركات
دووووم قصصك ابداع
يعطيك العافية وماننحرم منك
يوم ا طلب جزئين كنت اعتقد انها مكتوبة بس يبي ليها اشوي تنسيق
بس طال ما انها كل يوم تجي فرش:wink: نتابع كل يوم بيومه وطمع مو زين:toung:
>>خلاص بتابع اول باول حالي حال غيري<<:toung:
تمنياتي لك بالتوفيق

[Hussain.T]

يسلموو ع التكمله الرائعة

مسكين علي يكسر بالخاطر

تحياتي

[جـــــوان]

بصراحة هذا حجي عباس ما عنده حشيمة لأحد ابد

مشكل عليه

وعلي الله يعينه على السجن وبلاويه


وكسرت الطاسة ان شاء الله خير ،، ويشترو احلى منها


بس الاوراق اللي شافهم جاسم لايكون تخص حميدوه وهو نفسه امجد ؟


كل شيء يصير


بانتظار الحلقة الجديدة

شكراً لكِ اميرة

[دمعة على السطور]

مره مايستحي حجي عباس
المشكلة اسمه عباس هذا القهر..
سلام الله على العباس..


وهذا حميدو شكله ينسب لمالك يمكن يصير ولد عمه يمكن؟؟؟


وعلي مو وقته يصخن بعد خخ
على كيفي...استغفر الله..



والأم لازم تحس لولدها يوم مرض طاحت الطاسة..



بانتظار الغد
ياالله بسرعة متى يجي بكرة بسرررررررررررررررررررررررعة


موفقة حبيبتي..ويعطيك العافية يارب..
..دمتي بعين المولى الجليل..

[*زهرة البنفسج*]

يسلمو امورة عللقصة

ننتظر الجديد

[دمعة على السطور]

ياهلا بخيتي أميرة أبغيك تشوفين هالرابط..
http://www.alnassrah.com/showthread.php?t=45667&page=17 (http://www.alnassrah.com/showthread.php?t=45667&page=17)


واسمحي لي يمكن تعتبر نص سرقة أفكار ههههه بس كلامك أوحى لي بهالكلام..
موفقة غاليتي..

[Princess]

مرحبا

اعتذر احبتي .. الجزء ان شالله راح اكتبه اليوم العصر .. واشوف وقت اللي اخلصه بنزله..
فجأه جاني تعب .. عوارض انلفونزا و اللوز ملتهبه .. و صداع..و القولون العصبي اللعين.. الله يكافيكم شره قاعد يلعب معاي..

التقيكم على خير
دمتم بحفظ الرحمن

[دمعة على السطور]

سلامتك خية ..
ماتشوفي شر إن شاء الله..
موفقة بإذن الله
..دمتي بعين المولى الجليل..

[اسير الهوى]

ماتشوفي شر اميرة والله يعافيك ويكفيك الشر

ان كان ولا بد انك تريحي راحتك اهم

جزء روعة وتسلم يدك


ننتظر الجديد

[زهور الريف]

بسم الله الرحمن الرحيم
اللهم صل على محمد وآل محمد
وعجل فرجهم

هلا والله بك اموووره

جزء بصراااحة ابداع وصحيح شكله حميد ينسب الى مالك

وبالنسبة الى علي الله يفرج عنه ان شاء الله

الله يعافيك امووورة وما تشوفي شر

بالانتظار

موفقة لكل خير

[Hussain.T]

الله يعافيك استاذتنا وما تشوفي شر

اهم شي عندنا سلامتك

تحياتي

[Princess]

مرحبا

:embarrest:

تسلمو والله والشر ما يجيكم.. الحين احسن بوايد
دقايق وينزل الجزء بس الونه ليكم في المنتدى

[Princess]

الحلقة الثامنة عشره..



ام مؤيد مختلعه من حركة حجي عباس.. ولا هي عارفه ويش تقول..
مؤيد نفس الحاله:
ــ لا بارك الله فيك.. صحيح قلة ذوق.. امشي اماه بس نرجع بكرامتنا.. لا حيا ولا مستحا..
ام مؤيد: ــ انا لله وانا اليه راجعون.. الله يعينش ياا ام عادل على هالريل..


ورجعو بيتهم...


في المستشفى... حميد اجرو له تحاليل وفحوصات .. وحطو عليه مغذي وعطوه كم ابره .. لين تطلع نتيجة التحاليل...
جاسم قاعد وياه.. و الأفكار توديه وتجيبه ..
ويش سالفة هالأوراق..
ومين امجد؟؟؟
شوي حميد فاق من الغيبوبه و بتعب... قال يبغى ماي
جاسم قام له سنده وصار يشربه ..
سدحه على المخده وهمس له:
ــ امجد..
حميد بلا وعي وعيونه مغمضه :
ــ هااا..
جاسم اختلع.. وحس قلبه بيطفر .. قام يكمل وياه الكلام..
ــ ويش اسم ابوك..؟؟؟
حميد يجاوبه : ــ عبدالكرريم...
جاسم مو عارف ويش يقول له...
ــ خالد آل ..... منهو دا ؟؟
حميد مايرد...
جاسم كرر عليه السؤال مره ومرتين وعشر..
وحميد ابدا لا حياة لمن تنادي..
صار يهزه وهو ابدا ما يتكلم...
خاف جاسم ... لا يكون مات..!!!!!!!!
طلع من الغرفه بسرعه وراح ينادي الدكتور...


علا في غرفتها قاعده في الظلمه.. سرحانه في عالم ثااااني...
تواسي نفسها ..
ــ اشرف.. عمره ما بيكون لي اصلا.. ليش تأثرت من سالفة زينب وياه..
ابتسمت والدموع تنزل بعفويه:
ــ ايييه.. الله يكتب اللي فيه الخير...


باب غرفتها يطق ... طلعت تريزا وماسكه سماعة التلفون..
ــ علا .. نايمه؟؟
علا تمسح دموعها : ــ هلا .. لا قاعده .. ويش صاير؟؟
ــ .. خاله امل تبغاك..
خذت علا السماعه..
ــ الوو << كانت مبحوحه..
ــ اهلين.. ويش فيه جوالش مقفل...؟؟ما رديت من ساعه كنت اسبح سجاد..
علا تحاول تعدل صوتها :
ــ لا البطاريه خلصت ومادري وينهو الشاحن..
ــ وويش فيه صوتش..؟؟
ــ شاربه بارد..
ــ اهاا .. لا تشربي في هالجو .. ما يفيد فيش...
ــ ان شالله.. ايه..كنت متصله باقول لش لقيت لش حنايه
ــ وووووالله.. اني كل من اتصلت بها قالت محجوزه و لا اعرف احد تسلمي غناتي .. منهي ؟؟ وحليو شغلها لو ويش ؟؟
ــ هههههههههههههههه شوي شوي علي .. شغلها مره روعه شفته بعد .. اما منهي .. خمني ..
ــ مييين ؟؟ ويش عرفني اخمن..
ــ ليلى ...
ــ ليلى... بنت ام علي ما غيرها..!!
ــ اييه.. شفت اليوم صور بنت خالهم زينب .. مره حليو شغلها وقلت ليها باخليش تكلميها وتحددي يوم تروحي فيه...
ــ تماام توي ادري بها.... اخبارهم وويش حالها ام علي... مادري احس وضعهم ما يسمح بحنى وحركات وهيك..
ــ الحمدلله تمام هم وام علي ما شفتها يوم اروح...و بالعكس هم اولى من غيرهم..
ــ الله يعينهم... زين تعاون امها شوي على المصاريف ...
ــ يووووووو ذكرتيني نسيييت..
ــ ويشوو؟؟
ــ مكينة ام علي خربانه .. قلت باقول ليهم باخذها نصلحها ونسيت
ــ انـــــاااا لله.. ناقصين هم .. الله يكووون بعونهم والله.. غريبه ويش اللي نساش ..
ــ مادري نسيت دق علي مالك وطلعت ونسيت << اللي ماخذ عقلها نساها..
ــ اصلا مهي حلوه منش تاخذيها تصلحيها مفكرتنهم بيرضو..
ــ اجل ويش اسووي...؟؟
ــ ممممممم كذبه بيضا.. اتصلي فيهم بكره وقولي مالك يعرف يصلح هالحوايج ويحب الحوسه وخذيها وديها المصلح ورجعيها .. اهم شي لا يدرو صلحتيها على حسابش وعند محل.. ما بيرضو ترى..
ــ خووش راي .. خلاص بكره اتصل واشوف.. وانتين اتصلي فيها حق حناش وحددي لش يوم..
ــ على خير ...



الدكاتره في غرفة حميد ...
جاسم خايف :
ــ ويش فيه..؟؟
الدكتور(سوري): ــ اغمى عليه مره تانيه.. من ايمتى ما اكل وشو كان فيه قبل لا تجيبه بالضبط
جاسم : ــ مادري .. مادري من متى ما اكل .. بس هو صار له فتره بطنه كل يعوره وينتفخ و قبل لا اجيبه كان يرجع و يطلع دم مع الترجيع..
الدكتور :ــ توتوتو.. لا حول الله.. النتايج راح تبين النا شو فيه..
ــ يعني من الأعراض ماعرفتو
ــ يا ابني الأعراض هيدي لعدة امراض باطنيه ونحنا شاكين في واحد منوون بس نتايج التحليل راح تبين النا اكتر..
جاسم في باله:
ــ الله يستر.. شكلها حوبة ولد عمتي قويه.. والدور علي .. ويلي ويش اسوووي... وانت ويش سالفتك .. امجد لو حميد لو ويش تطلع ؟؟؟


وطلع جاسم من المستشفى وهو يفكر .. وصل البيت .. دخل وهو سرحان ...لا سلام ولا كلام..
امه كانت تجهز عشاهم .. وابوه كالعاده في الحوش مع القدو..
ابو جاسم :
ــ كح.. كح احححاا .. هذا اللي ماخذينه منك لا سلام ولا كلام.. وين طاير من صباحة الله..
جاسم ما انتبه لأبوه فما رد..
ابو جاسم شال فنجان قهوه كان يشرب فيه .. وبقاياه رشه على جاسم...
جاسم انتبه ...
ــ اححح .. هااا.. ويشو..
ــ هااا.. في عينك... وينك من الصبح..


ما شاف الا جاسم يجي له بسرعه ويقعد جنبه.. وشكله كأنه بيصيح...
ابو جاسم مستغرب :
ــ بسم الله الرحمن.. ووويش صاير.؟؟ ويش فيك....؟؟؟
جاسم مو عارف ويش يقول..
ــ مادري .. حاجه غريبه..
ــ ويش الغريب بعد .. اغرب من حالتك ماميش ...
ــ يبا .. تعرف واحد اسمه عبدالكريم ال....


ابو جاسم انتفض و ترك القدو من ايده..
ــ هااااا... رحمة الله عليه... حق ويه تسأل
ــ تعرررفه مار علي اسمه..... بس مين هوووو؟؟؟؟
ــ حق وييييييه تسأل ؟؟
ــ يباا تكفى اول علمني ويش سالفته..
ــ أي سالفه .. هذا ابو خالد آل .. اللي هو ابو مالك شان تعرفه.
ــ ايييه اللي صارت وياك سالفه وياه من سنين...
ــ لا بارك الله فيه.. رحمة الله على ابوه .. ما خلف الا اللي ما يستاهل يعيش
ــ الله يرحمه ... يعني كان ابو خالد اسمه عبدالكريم
ــ ايه... ولويش تسأل..
ــ زين ماعنده الا خالد وبس..؟؟
ــ لا .. عنده عفر بس امه عراقيه كانت خوش مره طيبه واجوديه.. وتدري بكل شي يسويه ابو خالد رحمة الله عليه.. يعني ارضنا اللي اكلها ابو مالك اللعين .. تدري بها انها حقنا وملكنا ... بس سافرت بولدها من توفى المرحوم


جاسم بفضول : ــ ايه...
ــ ايه... .. كان صغير عمره عفر 7 سنوات لو 10 سنوات ,, ويوم جى ابو مالك يحصر الأرث قالو لأخوه حق فيه حتى لو صغير...بعدين سكتو مادري قالو مات مدري ويه من دي 20 سنه ياولدي ويش يذكرني...


جاسم بهمس وخوف :
ــ اسمه.. امجد...؟؟
ابو جاسم فتح عيونه : ــ هااا... ويش تهربد يا ولد.. ويش دراك بأسمه ولويه تسأل كل هالأسئله ؟؟؟


جاسم طلع شهادة الميلاد من مخباه..
وعطاها ابوه..
ابو جاسم مسك قلم القدو وهو محمق:
ــ اه..!!!. اشلخه على راسك... من متى ابوك يعرف يفتش الخط .. ويش هالورقه
جاسم اخذها .. وصار يقرأ اللي فيها..
ابو جاسم مو مستوعب..
ــ تلعب وياي ويا هالوجه.. ويش تقوول ... ويش دي ؟؟؟
ــ شهادة ميلاااااااااااد...
ــ ويش السالفه .. ؟؟ من وين جايبنها...؟؟؟
ــ من صندقة حميد...
ــ حميد الميد.. ماغيره ؟؟؟
ــ ايه...
ــ خوي ولد عمتك.. !!!
ــ اييييه
ــ مانى مستوعب .. يعني ويه..؟؟!!
جاسم وجهه اصفر .. ولا هو داري ويش صاير:
ــ ولا انا.. مادري ...
ــ لايكون هو امجد .. اخو خالدوه الملعنه..
ــ يجوز......


زينب طلعت من غرفتها ...
ابو جاسم : ــ نادي على امش بسرعه....
جت ام جاسم .. علمها بالسالفه ...
ام جاسم تصروعت..
ــ اخوووووه.. تتوقعو.. لا عاد... ولويه كل هالسنين في الصندقه .. حق ويه ساكت عن حقه...
ابو جاسم : ــ مااادري .. ويش شفت بعد من اوراق عنده...؟؟؟
جاسم: ــ ما نبشت عدل.. بس شهايد مدرسه وشهادة هالميلاد اللي انتبهت ليهم


زينب : ــ اخو ابو مالك.. اني اعرف بتهم..
ابو جاسم طفر : ــ ها ويش عرفش بها بعد..؟؟؟
زينب خافت: ــ لا معرفه سطحيه بس اسمها ليلى بنت عمتي تعرفها عدل .. مالي بها اني..
ــ ايه حسبالي بعد...لا بارك الله فيهم من عايله


ام جاسم : ــ ووينهو حميد الحين؟؟
جاسم : ــ في المستشفى .. وكل في غيبوبه..
ــ الله يعينه ويقومه بالسلامه..






تابع>>

[Princess]

بعد كم يوم
عبدالرحمن يشرب علي الماي بعد حبتين البندول... اللي مافي غيرهم هم لو الفيفادول وصار له على هالحال فتره لعل وعسى يخف..
سدحه عالمخده:
ــ فيه العافيه.. يللا خلك شديد يارجال الله يعين امك عليك.. شكلك ما تمرض واذا مرضت مرضتك كايده وقويه..
علي ابتسم : ــ اييه والله ياخوك.. خلاص طيحه مامنها قومه..
ــ بعيد الشر عنك .. فال الله ولا فالك.. هههههههههههه اسمع بس من يتكلم .. نفس حالتك انا الله لا يبلاني ويقومك بالسلامه..
ــ هههههههههه وقاعد تهدر هاااا..
ــ هههههههههههههه ثاني اسبوع عرس طحت على زوجتي مصخن..مسكينه ما مدانا .. كنا بنسافر اجلنا سفرنا... صاير مو طبيعي مسكينه خرعتها ما شغلتها الا صياح ,, ومن اسكت ..تصارخ.. تكفى عبدالرحمن رد علي ..
ــ ههههههههههههههه اهااا وانت الحين تطبق فيني ..
عبدالرحمن يدف خد علي بصبعه: ــ يقطع شيطانك..ههههههههههه لا بجد خرعتني وين ندبر لك علاج وهالخمه ما يعطون الا بندول او فيفادول.. وانت ما شغلتك الا هااا .. وهااا..

ابتسم علي .. شوي .. تنهد من قلب...

ــ آآآآآآآآآآآآآآآآآآآآآآآآه

عبدالرحمن : ــ اف اف اف . انعسكت الهااا وصارت آآآه. سلامتك ياخوي من الآآآآه ... شفيك؟؟
ــ امي.. وحشتني ... يا بو حنين..
عبدالرحمن ابتسم.. ــ ايييه رحمة الله عليكي يا اميمتي....
علي حط كفه على كف عبدالرحمن : ــ الله يرحمها ويحسن اليها ويرجعك لزوجتك سالم يارب.
ــ جميع يارب...

حط عبدالرحمن كفه الثانيه على راس علي وصار يردد ..
ــ احن إلى خبز امي.. وقهوة امي. ولمسة امي... وتكبر في الطفولة يوما على صدر امي.. واعشق عمري لأني اذا مت اخجل من دمع امي ..
علي : ــ الله... صح لسانك..
ــ لسان راعيها يارب...
ــ ليش ..؟؟؟ مو انت اللي مألفنها..؟؟؟
ــ ههههههههههههه لا ااا انا !!... ههههههههههههه ويني ووين هالتأليفات .. لا تفشلنا واللي يرحم والدينك..
ــ هههههههههههههههههه ويش دراني...
ــ لا عاد ياخي من صجك .!!. مشهوره هالقصيده .. كاتبها محمد درويش.. وتغنو فيها مواويل .. عن جد تقطع القلب ... ما قط سمعت به..!!؟؟

علي ابتسم : ــ هههههههههه خلني ساكت احسن لي لا اتفشل انا الحين..
ــ ههههههههه يقطع شيطانك.. شدعوه الثقافات تختلف من واحد للثاني...
علي : ــ حافظ الباقي؟؟
ــ ايه حافظها كلها...
ــ تممها ما عليك امر..
ــ ماعليك زود .. غالي والطلب رخيص... اييه.. واعشق عمري لأني اذا مت اخجل من دمع امي .. خذيني اذا عدت يوما ....

وصار علي يتأمل كلمات القصيده .. ويحس روحه مكتوم ومتضايق... ووده يصيح .. وطيف امه قدامه .. خايف عليها ومتأكد ان حالها مو حال في فرقاه...



ام علي بالها ضايق ... تحس روحها مهي على بعضها....
ليلى حست عليها:
ــ امااه ويش فيش؟؟
ــ مافيني شي على اخوش يا بتي ..و بالي بال مكينتي .. وولد خالش جسوم قلنا شان يعرف ماعرف ليها...
ــ الله كريم.. زين اماه اكو خالي يقول الأسبوع الجاي في يوم زياره ومن متى وهو يحايل فيش روحي وياه..
ام علي كانت تحمس بصل .. دموعها انسلت :
ــ يابتي قلت ليكم ماقدر اشوفه هناك وهو على هالحاله.. لا تزيدوني هم.. اخاف اروح اشوفه وازيد ..عساه الأسبوع الجاي في حضني..
ــ يااارب.. خلاص.. ابوي يروح ويا خالي ..

وشوي انتبهت لأمها :
ــ اماه ويش فيش تصيحي الحين.. خلاص عاد هدي وهونيها وتهون..
ام علي تمسح دموعها بذراعها..
ــ من البصل .. من البصل..

تلفونهم يرن.. رفعته ريما..
ــ هلااا..
ــ اهلين ريووم اخبارش..
ــ هلا زينب .. الحمدلله بخير .. اخبارش انتين
ــ تمام اسال عنكم.. وويش فيش ما تذاكري .؟.. كم يوم ويجي يوم السبت اول يوم اختبارات..
ــ اف لا تذكررررريني ويدخل محرم وحنا نختبر ويوم عاشر ما نقدر نغيب اختباااااارااات
ــ خخ الله والغياب .. تعلميني عنش ريووم...
ــ عن النحاسه حينب .. عن النحاسه..
ــ اهوووووو يلعن بليسش .. وين ليلو...؟؟
ــ دقيقه..

راحت ونادت اختها..
ــ ليلو .. تبغاش حنبوه
ــ ههههههههههههه زين الحين باجي..

ــ اهلين ..
ــ هلا والله اخبارش بطيخه..
ــ الحمدلله تمام وانتين ويش مسويه؟؟ و حق ويه ماجيتي ويا خالي وجاسموه يوم يجو للمكينه...؟؟؟
ــ ههههههههه والله قلت باجي ,,قال ابوي : انفبري << انثبري
ــ هههههههههههه خالي ويا انفبري .. حركات...
ــ ههههههههههه تعودنا...هااا .. ويش اخبار الحنى.. اتصلت عليش ؟؟؟
ــ ايه .. ليلة الجايه بتجي احنيها..
زينب بهمس :
ــ على خير الله يوفقش غناتي.... باقوول لش خبر .. مادري ابوي وجاسموه قالوه ليكم لو لا..
ليلى تبادلها الهمس : ــ ويشوو .. ماقالو لينا ذاك اليوم شي غريب..
ــ حميدوو خوي اخوش اللي وياه في الحداق...
ــ ايه .. ويش فيه؟؟ خذوه هو بعد ؟؟
ــ لاااااا.. طلع اخو ابو مالك.. يعني عم علا..
ليلى تصروعت: ــ هااااااااااا...
زينب : ــ وي وي الله لا يروعش لا تفضحينا .. وتوديني بداهيه.. يعني ما قال ليكم ابوي..؟؟
ــ لااا.. توي اسمع .. كيفا .. وويش دراككككم؟؟؟؟
ــ ياعليييييي يبغى ليها قعده هالسالفه مو تلفون .. ماعرف الحين امي اكي بتجي .. اهو تالي تالي..
ــ وصاقعه تصقعش هذي حالتش تقول نص السالفه والباقي تالي ,, ذلفي .. فارقي..
ــ امواااااااه لا تزعلي لا سطار... تالي اجيش واعلمش .. بس لا تعلمي اهلش.. باي الحين
ــ باي .. باي..

سكرت ليلى وهي تضرب فكر..
عم علا!! من وييييييين لويييييين .. خرفت زنبوه..
الا تلفونهم رجع يرن..


تابع>>

..

[Princess]

رفعته.. طلعت علا ..
وبعد السلام والكلام والسؤال عن الحال وكان تمام..


علا: ــ غناتي اخبار مكينة الوالده؟؟
ــ اييه على حطتها من يومها .. حاول فيها امس جسوم ولد خالي مافاد
ــ زين اقدر العصر امر اخذها .. مالك اخووي عنده خبره ويعرف يصلحها ان شالله
ــ صحيح.. مابغى نكلف عليكم..
ــ تكلفي ويه.. اقول لش حوااس يحب هالسوالف عادي شدعوه...
ــ زين .. تسلمي غناتي.. نردها لش يارب
ــ الله يسلمش ولا تردوها ولا شي . ..


سكرت ليلى وهي فرحانه عدل...
راحت علمت امها.. فرحت امها و تأملت خير ..


ابو علي ينادي :
ــ ليلى .. تعالي يبا..


ــ هلا ..
ــ جيبي السماعه واتصلي على جوال المحامي خلني باشوفه ويش سوى لليوم..
ليلى في بالها:
ــ لله صبرك يا يبه.. كعادته..بارد وهبل هالمحامي..


وصار ابو علي يملي ليلى الرقم..
ان الهاتف المطلوب لا يمكن الأتصال به الآن..


ابو علي : ــ داويه.. مقفلنه..
ــ تالي اجل ذكرني ارجع ادقه لك..
ــ عساه خير...


العصر .. علا في السياره تخبر مالك بقصة بيت ابو علي وويش سالفتهم ....
مالك تعاطف وياهم.. و فرحته فكرة اخته .. ووافقها يروحو ياخذو مكينتهم ويودوها المصلح..


وهم في الطريق لبيت ابو علي.. مرو على بيت اشرف .. الا بطلعته..
مالك ضرب له هرن و سلمو على بعض ..
علا .. حست الدم يسري في خدودها بالقوه.. وحاسه قلبها يطق طق..
صارت تحاول تتجاهل هالمشاعر...
مالك : ــ خخخخخ مع اني وياه مو مره.. بس احيانا يعجبني .. ما شالله عليه تصدقي خلص كورساته كلها في امريكا.. انا لو ما هالكورس اللعين اللي اجلته .. شان خلصت وياه واسترحت..
ــ هو ويش دارس..؟؟
ــ تقنيه وادارة معلومات..
ــ تمام.. والله حلو تخصصه...
ــ بس ويش بيسوي فيه .. مايناسب اموال واملاك ابوه..
علا تطالع فيه على جنب:
ــ يعني تبغاه زيك .. ادارة اعمال.. يا اخي يبغى هو شي يحبه مو شي على هوى غيره
ــ ويش قصدش ...!!
ــ ولا شي.. اسكت احسن لي..
ــ ايه خلش ساكته دام النفس عليش راضيه...


ليلى ترجع تحاول تدق على المحامي .. ونفس الحاله مقفل....
الا باب بيتهم يطق..
ليلى : ــ دقيقه يبا.. دي اكيد علا.. جايه حق المكينه..
قامت ليها.. ودخلتها...
علا : ــ اهلين.. ها وينهي ..؟؟
ــ هذا هي في المجلس..
ــ ياعلي مين اللي شالها.. اني قلت باخلي اخوي يدخل يشيلها ليكم..
ــ لا ويش دعوه شلناها اني وامي وصلناها للمجلس اقرب..
ــ زين غناتي .. ادخلي داخل لو البسي شي .. بيدخل اخوي ياخذ المكينه..
ــ زين بدخل.. تسلمو والله ما تقصرو .. عسى عمركم طويل..
ــ شدعووه يللا عن الرسميات...
ليلى بخجل...ــ ان شالله ..
ــ مع السلامه .. واشوفش على خير..
ــ على خير حياش الكريم..


ودخلت ليلى داخل..
ودخل مالك..
ــ يالله يالله..
شال المكينه وطلعو..


ام علي صارت تدعي ليهم .. الله يوفقهم ويبارك فيهم.. وصارت تقول: ــ سبحان الله فرق بينهم وبين ابوهم..
ابو علي : ــ ياما من بذرة السوء يطلع فمر طيب وياما من البذرة الزينه ما يطلع الا شوك و علقم..
ريما : ــ ويشوو علقم بعد...
ابو علي : ــ قومي لدروسش .. تشيه انتين في شي في هالدنيا تعرفيه..!!
ريما : ــ زهق .. ززهق .. ززهقااااااااااااااااااانه..
ابو علي يضرب بالعكازه: ــ ووجع .. قومي .. تعالي ليلى عيدي الرقم باشوف اخرتها ويا هالمحامي..


ونفس الحاله..
ابو علي : ــ اتصلي مكتبه.. لا بارك الله فيه .. انا اول مره اشوف محامي يقفل جواله...


اتصلت ليلى مكتبه...
وعطته ابوها..
رد السكرتير..
ابو علي بعد ما سال عن المحامي..
بذهول واندهاش ..
ــ هااااااااا...؟؟؟ من متى ؟؟؟!!!



والى الملتقى..


اعذرو تقصيري .. ..:embarrest:

[Hussain.T]

الحمد لله ع السلامة

وبصراحة

بارت حلو وابداااااااااااااااااااااااااااااااااااااااااااااا اااااااااااااااااااااااااااااااااااااااااااااااع

وبنتظار البارت القادم على احر من اليمر(الجمر)

تحياتي

[دمعة على السطور]

يجنن البارت كله حماس..
وهذا حميدو طلع عم علا.. ياالله..
بس علا عاجبتني شخصيتها وحنانها على ليلى.,..وتعاطفها وياها..

يعطيك العافية خيتي ومامنك قصور إن شاء الله..


موفقة غن شاء الله تعالى..
..دمتي بعين المولى الجليل..

[جـــــوان]

وصاقعة تصقع هالمحامي الاغبر لا يكون سافر وكان ينصب عليهم ؟

[*زهرة البنفسج*]

سلامات أمورة ماتشوفي شر

لاتعصبي ولاتنقهري عاد وياهللقولون الله يغربله الله المستعان

قصة روعة كل ماجاها تحلي

الله يعطيك ربي الف عافيه

[جنة الحسين]

الله يعطيش العافيه على الجزء الروعه

ننتظر الجزء الجديد

[mrboch]

يسلمو خيه على القصه الحلوه
والجزء الأحلى
بأنتظار التكمله
بالتوووفيق

[الــــنـــاري]

يعطيش العافية خية
وماتشوف شر انشاء الله

والله القصة كل ماجاها تصير اكشنات
لاعدمنااااااااااااااااااااااااااك يارب
تمنياتي لك بالتوفيق

[اسير الهوى]

اكشششششششششششششن اليوم


ابد مو مقصرة..


واحنا اللي مقصرين..


الله يعافيك وماتشوفي شر..

يعطيك الف عافية


(كفاية انا مانقدر نشتغل الا اول نقراء الجزءهههه)

سنتابع

[آسوآآر الآلــمـ]

ماتشوفين شر أختي أميرة

الله يفرج عنك وماعليك قصور

مرة شيييييييء الجزء

الله يعطيكـ العافية ،،

[fatemah]

السلام علـيكم ورحمة الله وبـركاته
الحمد لله على سلامتك خيتي اميرة ماتشوفي شر
وربي يسلمك على هالجزء الرائع لاعدمنا جديدك
الله يغربل شر هالمحامي شكله اخذ الفلوس و انحاش
..}{..تحيــــــــــــــــــــــــــاتيـ..}{..

[زهور الريف]

بسم الله الرحمن الرحيم

اللهم صل على محمد وآل محمد

وعجل فرجهم

جزء ابدااااااااااع خيتو اميرة

وما منك اقصور ابدا

سلمت يمناك بانتظار التكملة

[ارجوان]

...هاي ميرو وحشتيني يالغالية وماتشوفي شر ان شالله...
فطسني عادلوة من الضحك وهالمبخر الفلته حقه علشان يبخر ثوبههه مااشاف الا مخبزة التاوه والله حلكتات هالولد وحجي عباس الله يغربله غربال عديم الذوق فشلنا ويالجيران عساه يسكروا الباب على ارجوله<<<<<ناويه على الرجال خخخخخخ

واحم احم على اشرف مسكين نااقص هو يتولع وياحينب خخخخخ عجبني الاسم الله يعين علا <<<<<<<اقول اتأدبي فشلتينا

وحميدوا مادري امجدوا كسر خااطري هالمرة ماابدعي عليه يؤ ليكون عنده الخبيث يااكافي الشر بس اليش مااطالب بحقه وعاش بصنااديق<<<<<< صج من قال البيوت اسرار ودعاوي الام مستجاابة

وعلي الله يطلعه من هالمصيبه ويشافيه من مرضة ويرجع الى اهله ويعوض امه بصحن الاحلام
...تقبلي تحياتي ومروري بصفحتك الجميلة...
.....جاري الانتظار خيتو:signthankspin: ....

[Princess]

مرحبا

تسلمو لي يارب
و الله يعطيكم الصحه والعافيه
لا عدمت هالفكر وتخامينه
ولا عدمت هالطله الحلوه..

تعجبوني اذا اصبتو..
و تفرحوني اذا تفاعلتو...



القدر ما منه هروب..
مكتوب علينا نعيشه .. حلو كان.. او كله عيوب..

اليكم الجديد..

[Princess]

الحلقة التاسعة عشر..


اتصلت ليلى مكتب المحامي...
وعطته ابوها..
رد السكرتير..
ابو علي بعد ما سال عن المحامي..
بذهول واندهاش ..
ــ هااااااااا...؟؟؟ من متى ؟؟؟!!
ام علي انصرعت ..
ــ ويش صاااير ؟؟
ابو علي يرمي السماعه عالأرض وهو يسب ويلعن وحالته حاله.. ومعصب حده ..
وشوي انقلبت حالته وصار يصيح ..
ام علي قلبها خلاص مهي قادره.. :
ــ داخله عليك بالزهرا ويش قااااايل لك ؟؟ ويش فيك..؟؟
ابو جاسم بصوت متكسر:
ــ ولد الحرام.. سافر .. وسكرتيره يقول كم يوم ويسكرو مكتبه .. ناس وايد رافعين عليه قضايا استغفلهم باقهم وانحاش..
ام علي حطت ايدها على راسها وصارت تهز و تون:
ــ آآآآآآه .. جعله ما يربح.. جعله مااا يتهنى .. حار وناار في جثته..
وصارت تضرب على فخذها.
ــ ويلي عليك ياولدي.. ويلي عليييك يا وحيدي.. الحين ويش بنسوي..شلون بندبر عمرنا.. من وين نجيب محامي .. ؟؟
ليلى وريما واقفين مذهولين .. بس دموع تصب ..
ابو علي .. هدووء... ما يملك أي تعليق ..
التفتت ام علي لليلى :
ــ اتصلي بيت خالش.. خلي خالش يجي..
ابو علي بعصبيه حزينه:
ــ عبدالرحيم وعبدالرحيم.. تعب عبدالرحيم.. ويش بيسوووي لينااا..!!! وايد عليه همومه..
ام علي ما تحملت وصارت تصيح:
ــ ويش بيدي .. هااا.. ماعندي الا هالأخو...
ابو علي حز في نفسه .. وبهمس متكسر ..
ــ ايييه.. اتصلي به.. ويش بيدنا.. انا لا حول لي ولا قوه..
ام علي حست بتأنيب ضمير..
ــ ما اقصد يا بو علي .. افهمني عاد وقدر موقفنا..
ابو علي بهدووء:
ــ فاهم.. فاهم.. اتصلي يابتي وشوفيه..
ليلى اتصلت بيت خالها .. قالو ليها خالها في الزراعه...
ولما عرفو ويش صاير فيهم...
زينب صارت تصيح وتدعي...
لبست عباتها بتروح لأبوها الزراعه ..
ام جاسم :
ــ يابتي اكو اخووش نايم خله هو يروح..
زينب وصياح وحالتها حاله:
ــ اخوي .. اخوي من الصبح مو هنا.. امااه.. ياغافلين ليكم الله


ام جاسم فتحت باب غرفة ولدها الا هو فعلا مو موجود وبقهر وحرقة قلب:
ــ ياعساااك خنااقه..


وطلعت زينب .. وابدا مهي في وعيها ولا هي حاطه في بالها الخوف المعتاد من عادل ولا انها تصادف اشرف كالعاده..


وبين ماهي تمشي صار المطر يطيح..
الا سياره مرت بسرعه فيها صايع.. من الأشكال المشبوهه.... وطفرت عليها ماي من الطريق..
زينب شوي وتصيح.. لازم كل طلعه ليها سالفه.. والقدر يجبرها انها تطلع ... والا كل مره تقول التوبه ما طلعت ..
وبلا وعي من االقذاره والحاله اللي هي فيها صرخت..
ــ و حررررررريقه تحرررقك..


نوافذ السياره مفتوحين.. سمعها الصايع ...
ولا شافت الا السياره تريوس ..
اختلعت .. وقلبها صار يطق .. سوت روحها ما تشوف شي والوضع عادي..


وصلت السياره لعندها..
الصايع يصفر : ــ اقوول.. اول مره اشوف انوثه تصارخ كذا .. ؟؟ خير ياحلو .. ليش هالصريخ
زينب تقلبت الوانها .. صفرا .. حمرا.. زرقا .. اختنقت بتصيح .. قلبها يطق بشكل مو طبيعي ..
صارت تمشي ولا عليها.. وهو يمشي جنبها على خفيف..
رجع يتعيلف :
ــ مممم حريقه تحرقني هاا.. زين الجوو باااارد .. والمطررر يطييييييح... اركبي بس اوصلش ..
زينب خلاص بدت تصيح...


الصايع يبغى يخوفها زياده.. قام وهو يمشي على خفيف فتح الباب
الا بصرخة زينب:
ــ آآآآآآآآآآه
ولا تشوف الا عادلوه .. طافر ليهم ,, ويمسك الصايع من كلر بلوزته .. ويحوشه بقس على وجهه..
وقف سيارته... ونزل له::
ــ آآآه يابن الـ........... ... مين انت على شان تمد ايدك .. منت الا واحد مينوون..
ويصير يترفس في بطنه.. وعادل يصرخ ويصيح...


عاد زينب حزتها تمنت اشرف يطلع.. بس ما طلع.. صارت تصارخ..
طلعو كم واحد من بيوتهم.. وراحو يفكو الصايع عن عادل..


زينب هربت .. ويش توقف تسووي.. !!


وصلت للمزرعه وهي حالتها حاله بتمووت من التعب .. لقت في وجهها ابوها حاط فوق راسه كيس كبير عن المطر..
هو من شافها اختلع.. زينب ما تجي الا اكيد في سالفه قويه..
تلقاها وهي تصيح وحالتها حاله..
ــ ويش صااااير...؟؟ ويش فيش ؟؟؟؟
ــ علي...المحامي .. باق فلووسهم وانحاش..
ــ اناااااااا لله واناااااا اليه لرااجعووون.. حسبي الله ونعم الوكيل..


وغطى ابو جاسم بته وياه بالكيس و اتجهو بيت ابو علي..


ام عادل تداوي في ولدها :
ــ ويلي ياولدي .. ناقص انت طق وترضرض عظامه..
ــ آآآآآييي.. مممااااحد قققال له قققلييييل الحيييااااا ... يأأأذذذي زززينب
ــ ياربي .. ماعليك من احد.. ولبك ولب عمرك انت..
ــ مممااااايصصصيييير..
ــ ولويه ما يصير ؟؟
ــ مرررتي و اددااافع عنننها .. لاااازم
ــ ههههههههههههههههههه انا لله.. ما يسوى علينا ذاك القول.. خلاص حطيتها في بالك..
ــ اييييه .. ولا ابببغى غيييرررهااا..
ام عادل بغصه وفي بالها:
ــ ايييه.. خلف الله عليك ياولدي.. ياليتني اقدر احقق هالشي وافرح فيك.. منى روحي والله.. بس ويش بيدي.. الحمدلله رب العالمين على عطيته..
عادل : ــ بس هالتشششلللخ اهووون من هذذذاك .. فييي الزززرررنوووق ططاااحوو ففيييني دسست لوو مااامؤؤيد شااالني شششان متت..
ــ وي بعيد الشر عنك .. مؤيد ؟؟ وين هذا بفريقنا؟؟
ــ لاااا مو فريقنا .. هناااك في الفررريق الثاااننني
ــ شفت امه؟؟
ــ اييه ام مؤؤؤيييد طيييبه وتحببني داااوتني و عطتتتني شاااي وتاااوه و بتتتها جججووود احللييوه وخفففيفة دم..
ام عادل ابتسمت : ــ يالله وحشووووووني ... كبرت جود؟؟
عادل يأشر بأيده .. : ــ هالكككبررر...
ــ يالله ليهم وحشه... تصدق ياولدي .. على ايام ما كنت عايشه في ذاك الفريق ومن بيت خال لبيت عم... وحالتي ما يعلم بها الا الله.. ما كنت اشوفها الا هي تزورني وتخفف عني .. وتسأل عن اخباري .. خوية جدتك المرحومه.. ياعلي ذكريااااات,,, قول اندل بيتهم لو شي .. خلف الله علي..
ــ اننننننااااااااا اننندددله..
ــ والله.. صحيح... اجل يبغى لي ازووورهم..
ــ جااابوووني ذااك الييوووم بس عباااسسسوه ما دخخخلهم .. طررراخ صفففق الببباااب في وجهههم
ام عادل انصرعت :
ــ هاااااا .. احلف .. وتوك تقول يا لخاااااااايب !!
ــ وووالله .. ووويش دررراني ... وصصلووني بالسسسيااارة وعببباسسسو من شششافني صار يسسب مااالت علللييك وعلللى امككك سبش ترى اماه بعدد..
ــ واني ويش ماخذه منه غير السبايب .. ياعلي فشيله وعلى قلبي .. جزاة خيرهم... لا يبغى لي ازوورهم لازم.. طيح وجهنا حجي عباس ما قصر..



تابع>>

[Princess]

وفي بيت ابو مالك..
علا قاعده في الصاله تفرفر في القنوات..
الا تسمع صوت مفاتيح في الباب..
طنشت .. ماحد غير مالك..
شوي الا تسمع..
ــ احححححم.. هاااااااا .. ويش اخباااااااااركم..
علا فتحت عيونها وابتسمت حد ماعندها وقامت تركض..
ــ يباااااااا...
ابو مالك حضن بنته:
ــ هلااااااا.. هلا بالغاليه
علا صارت تصيح ..
ابو مالك:
ــ بديناااا....
سميره طلعت من غرفتها:
ــ هههههههههههه هلا اخووي هلا..
وسلمت عليه..
ــ تدري بها ياخوي الدمعه الساكبه.. قايله لك باقول ليها لا تختلع
علا : ــ يعني تدري به انتين
سميره : ــ هههههههههههه ايه بس هو قال لا اعلمكم..
ابو مالك : ــ وين مالك ؟؟..
سميره : ــ طلع ..
ــ ومتى يرجع ؟؟
ــ والله مادري ماله جدول معين..

قعدو في الصاله.. وصار ابو مالك يسأل في بته عن اخبارها وعلومها.. وويش مسويه ..
وهي مهي مصدقه عمرها .. اخيرا رجع ابوها.. صار له سنتين غايب عنهم وما بينهم الا المكالمات..

ابو مالك يغمز لسميره .. وكأنه يسألها عن شي .. سوته لو لا..
سميره مرتبكه واشرت له ,, انها ما سوته..
علا تطالع فيهم .. ووجهها فيه مليون استفهام ..

ابو مالك:
ــ اييه.. احم.. ويش احوالش علا زينه..
علا ابتسمت: ــ ايه.. الحمدلله .. يبا .. بتقضيها سؤال عن احوالي .. انت ويش سويت في هالسنتين .. ما وحشنااك.. ويش هالشغل اللي ما يخلص وحارمنا منك..
ابو مالك .. مرتبك .. يبغى يقول شي بس مو عارف شلون يقوله..
علا لاحظت :
ــ يبا... فيك شي ؟؟ بتقول شي ؟؟
ابو مالك ..
ــ هاا.. لا.. ايه...
ــ يعني ويه...؟؟؟
ابو مالك مهو عارف
سميره اختصرت السالفه ..
ــ ياعلا.. ابوش عررس ....
علا انصرعت.. وفتحت عيونها وصارت تطلع في ابوها..
ــ يبا.. عرست؟؟؟؟
ابو مالك ابتسم ابتسامه قلقه..
ــ ايه..
ــ متى ..؟؟ و من وين.؟؟ اجنبيه...!!!!!!
ابو مالك:
ــ لا من العام .. و مهي اجنبيه ..سعوديه .. بس مو من ديرتنا ....
علا فتحت عيونها:
ــ هااا.....
ابو مالك ..
ــ ااااا.. اخوها يشتغل عندي في المجموعه اللي في كندا .. واخته تدرس هناك..
علا الكلام صاير ينزل عليها مثل الصاعقه:
ــ تدررس؟؟؟؟؟!!
ابو مالك ارتبك زياده:
ــ ايييه.. اكبر منش بسنتين بس .. تخيلي .. هههههههههه ما شالله عليش يابتي لو كملتي دراستش وطاوعتيني تدرسي برى كان تخرجتي .. بس هي الله يهديها كم سنه تاخذها سنتين..
علا فقدت اعصابها:
ــ دااام انها تدررس بررررى.. و السنه سنتين.. يعني بنت خير ونعمه.. لووويش ماخذتتتتتنك؟؟
ابو مالك عصب:
ــ وجع .. يا بنت.. انتبهي لكلامش زين ما زين.. ويش ليش ماخذتني... ليش ؟؟ ويش ناقصني ... الف بنت تتمناني .. الشره علي اللي قايل لش اصلا .. وقاعد امهد..
وعلى فكره .. خلاص تقريبا بستقر في البلد فتره.. وجبتها معاي .. الحين هي في بيت اختها ,, لأن ابوها متزوج ومرت ابوها ما تبغاها .. بكره باجيبها هنا..
علا ما تحملت .. صارت تصيح...
ــ مرت ابووووها ما تبغاااها.. يعني اني اللي ابغاها.. شكلها هي بعد بتقول ما تبغاااني..

. وقامت عنهم...
ابو مالك معصب : ــ قلة حيا...
سميره : ــ هدي بالك ياخووي.. ما يسوى عليك التعصيب,,
ــ اهدي بالي.. على آخر الزمن صارت ترفع صوتها علي ..
ــ من الصدمه.. شوي شوي عليها .. من زمان ما شافوك تالي ترجع بهالخبر...
ــ اففففففففف.. باقوم انام تعبان..
ــ نوم العوافي..

علا في غرفتها تصيح...
ــ ياليتك ما رجعت.. وياليتك يوم رجعت خبيت عني هالموضوع.. ما كان ضروري اعرف .. يالله ساعدني..


وفي بيت ابو علي ..
ام علي :
ــ ويش نسووي ياخوي الحين ,, والله محنا عارفين ,, ولد الذين ما خلى لينا شي دفعنا ما ورانا وقدامنا .. وانكسر ظهرك بالديون..
وصارت تصيح :
ــ مالبيد حيله.. ويش بيدي عليك ياااولدي..

ابو جاسم يهدي فيها ..
ــ خلاص خيه.. هدي بالش .. تفرج ان شالله.. تتدبر .. بس هدي بالش ...
ام علي :
ــ ووين اهدي بس ياخووي وين اهدي... راس مالنا الحين المكينه.. واكي خربانه لو ما الأجاويد بيعاونونا وبيصلحوها.. والا ويش طالع بيدنا نسوي...

ليلى تحاول تقوي نفسها ..
ــ باقي ... ما نفقد الأمل .. اخوي بيطلع وبتطلع براءته.. بنجيب محامي ثاني .. وبنطلعه...
ام علي:
ــ من وييييين.. محامي ثاني .. ما يبغى تكااليف .. من وييييين وحالتنا كسيفه ؟؟
ليلى : ــ نبيع الطراد..
ابو جاسم : ــ يابتي رزق اخوش الله يرجعه سالم عليه.. ويش نبيعه؟؟
ام علي بلهفه : ــ ايه ياخوي... بيعوه... بيجيب شوي زين.. يغطي ان شالله تكاليف المحامي.. بس يرجع ولدي بالسلامه.. الله يرزقه ويفتح عليه ان شالله..

ابو جاسم مو عاجبنه هالقرار..
ــ اللي تشوفوه..



حميد : ــ تكفى علي .. قول لأمك لا تدعي علي .. تعباان انا..
علي ساااكت ولا كلمه..
حميد صار يصيح: ــ سامحني .. تكفى..
علي حتى ما طلع فيه..
ــ علييييي ..
غطى حميد وجهه بكفينه وصار يصيح.. ولما رفع كفوفه.. ايده وخدوده سايل عليهم دم...

علي فتح عيونه ..
ــ بسم الله ..
عبدالرحمن:
ــ هااا.. صحيت...
ــ حلم مزعج..
ــ شنو .. خير ان شالله؟؟
ــ حميد.. حميد يصيح دم ويترجاني اخلي امي ما تدعي عليه
ــ باللي ماااااايرده.. يستاهل.. عساه من هالحال واردى..
ــ الله يستر..
ــ اخبارك الحين ان شالله احسن..؟؟
ــ ايه الحمدلله .. بعون الله و عنايتك حبيبي..
ــ الحمدلله .. ولووو واجبنا ياخوي..
ــ الله لا يحرمني منك.. الله ما عطاني خوان من امي وابوي وعوضني بك.. تسلم يالغالي..
ــ الله يسلمك .. ورب اخ لك لم تلده امك..
علي ابتسم:
ــ على قولتك..


وفي المستشفى ..

جاسم قاعد مع حميد... حميد مهو في وعيه...
جاسم كالعاده افكار توديه وتجيبه.. وخايف على عمره يجيه يوم ويصير بهالحاله...
الا بدخلة الدكتور..
جاسم : ــ هادكتور.. طمني؟؟ ويش نتايج التحاليل..
الدكتور : ــ اييه الله كريم.. لك لازم الواحد يكون أوي ويرضى بالمكتوب ..
جاسم اختلع : ــ ويش صاير..؟؟ ويش فيه ؟؟؟
ــ لا حول ولا قوة الا بالله.. يا ابني .. صاحبك معو سرطان بالكبد .. كان عندو التهبات حاده اهملها فتره طويله .. خلاص الكبد تضررت ..
ــ يعني ويييييييه ؟؟ بيموووت..
ــ الأعمار بيد الله يا ابني.. بس حالتو خطيره ..
جاسم قعد وهو مبهوت...
وقلبه منقبض ..
ويحس جسمه كله يعوره...

الى الملتقى...

[كبرياء]

يـــــــــــــــآآعلي أمييييييييييييرووه الجزززء يهببببببببل ..

وش هالنحااااااااااااسه اللي عليييك

بتمووووتي حمييييييييييد ...؟؟؟؟ لآلآلآلآلآ << خخخخ عفرر تحبه ههههههههههههـآآآي

وهذآ أبو مآلك الخبل وآلله أنه ماعنده ماعند جدته ..

يسلمووووووو أميروه بس لأ تموتي حميد << بتنطق هآآع

يعطيكـ ربي ألف عآآفيه ..

بآنتظآآر الجزء الي بعدو

ماننح ـرمـ منك

تح ـيـآتوو

كبري ـآء

[جنة الحسين]

الجزء مررررهـ كششخه و ونآآآســـه

بصرآآآحه فرحناآآ على حميييد عساه على الحال و أردى :amuse:

و ان شاء الله الدووور جاي على الباقي ( جاسموووه ) :noworry: << حقدة عليه هوه و صديقه :embarrest:

يعطيش العافيه و تسلمي يالغاليه

ننتظر الجـــزء الجديد}

[الــــنـــاري]

الجزء مرة روعة تسلمين خيتو
بس احسه قصير اشوي
يعطيك بي الف الف عافية
تمنياتي لك بالتوفيق
بنتظار الجزء اليديد

[اسير الهوى]

ياسلام ..

وش حلاوة الفطور مع حلقة من مسلسلك اميرة ..

مو مسلسلات هالزمن مافيها غير قلة هالحيا.. >> الله يعز السامعين

اميرة اكملي ..

وكلنا متابعين.. ولتسلم اناملك اللطيفة..

(بس حاولي تزيدي وتطولي لينا الجزء >> طماعين

موفقة يارب

[آسوآآر الآلــمـ]

سبحان الله كل ظالم له يوم

الله لايبلينا .. الله يعطيكـ العافية أختي

جزء مرة روعة عورت قلبي علا شكل مرت أبوهم بتأذيهم

موفقة أختي وننتظر الجديد ،،

[*زهرة البنفسج*]

امورة جزء روعه تسلمي عللطرح

مو قادرة ارد عليش ذكرتيني بشي بهللمرض الله يكفينا شره :closedeyes:

موفقين لكل خير

[دمعة على السطور]

ماابغى حميد يموت باهالسهولة
ابغاه يلتقي ويا علي أول
ابغى اسمع نقاشه
تبريراته
كلامه
اشوف وش يقول له؟؟؟؟


وهذا أبو مالك رجع بعد هالعمر..ومتزوج
إنا لله...
لاوعلى شينه قواة عينه بعد..


روعة...مبدعة دائماً...
هي انتي غاليتي...
دمتي ودام الإبداع لكِ رفيقاً..
موفقة لكل خير إن شاء الله تعالى..
..دمتي بعين المولى الجليل..

[دمعة الاحزان]

مسكينه ام علي من شي لشي الله يعينها
وهالمحامي جعل صاعقه تنزل عليه وتدمرة طلع نذل وخبيث ومايستحي بعد باقهم وانحاش
وحميدوة التهاب كبدي جعله المحامي بس لايموت الحين خليه يتعذب
اتوقع مايموت الابعد مايعرف ابو مالك وجسوم يعرف سالفته وبياخذ حقوقه
وبيكلم علي وبتسامح منه واذا ماتغلب عليه الشيطان وهو وجسوم بيروحوا القسم وبيعترفوا
وبيتبرا علي
بس سين سؤال ليش امجد مدري حميد اذا عنده كل هالشهادات يعني يعرف ان اخوة ابو مالك ورجل اعمال
ليش ماحاول يرجع حقه او يحاول بدل البوق وتهم خلق الله بس ننتظر ونشوف شنو تجيب امور في حلقاتها الممتعه
ايه صح نسيت نقطه بالقصه قال انه مات وهو صغير يعني لو جاب وثائق ابو مالك ظالم
وقادر فبيطلع وثائق الوفاة<<كأنها قلبت الموضوع وعفست الدنيا وماخلت شي <<ماعليكم منها حابه تهربد مع نفسها شوي ولو كانت كتابه

عوافي عليك امور غناتي وموفقه

[ارجوان]

ياعلي ياعلي اميرة ويعلش السعادة وزيارة علي واولاده قولي امين <<< خوفتي البنية خخخخ :wink: حق واى بتموتي حميدوا:seif: عساه ماادري ويش لالاا خليه بس اشوي مثل مااقالت خيتو دمعة على السطور وياخذ حقه وحق ابو جاسم من ابو مالكوا >>>>>> ويش هالحقد على الرجال يستاهل لكن مصدق حاله هالعيوز وان شالله تطلع زوجتةخوش وحدة و تعوض علا حنان الام والصديقة لانها من سنهاااا

ومسكينه هالزينب لو انا منها ما طلعت وين شروف عنها<<<<مخرطش مااتطلعي :wink:
...جزءوااجد وااجد هلو خيتو تسلمى ايدك...
... تقبلي مروري على صفحتك وجاري الانتظار ...

[Hussain.T]

هالجزء روووعة

انتظر البارت القادم على احر من اليمر

تحياتي

[الجعفرية]

مشكورة غاليتي
روووووووووووووووووووعة يمكن الكلمة قليلة
تعجز حروفي عن التعبير
فلا يسعني إلا الدعاء لك بالتوفيق
ومبارك عليكم مولد الاطهار عليهم السلام
تحياتي: الجعفرية

[زهور الريف]

بسم الله الرحمن الرحيم

اللهم صل على محمد وآل محمد

وعجل فرجهم

ما شاء الله

جزء أبداااااااااااااااع
:wink::rolleyes::wink:
تسلم الايادي أمووور

بالانتظار

سامحينا على التقصير بس هاليومين مشغولين:noworry:

[دمعة على السطور]

بانتظار الجديد

موفقة حبيبتي..لكل خير إن شاء الله تعالى..
..دمتي بعين المولى الجليل..

[آخر شقآوهـ ..~]

يآآآآآآآآآي أجزاء روووعه تجنن
بس عفر ماتراكمت عليي واجد<<<هع بس عيوني راحت فيها
والله وناسه تتراكم عليي اجزاء هاع
تسلمين قلبي ع الاجزاء الكشووخيه
يعطيك ربي العافيه
تحياتو

[Princess]

مرحبا


والله احلى مشاعر احس فيها لما اقرى ردودكم وتعاليقكم
احسكم معاي تشاركوني اللحظه
و تقرو افكاري احيانات وايدات..
تسلمو لي والله من كل مكروه


ضحككككوووووووه بطيخووه هلا وغلا والله يتقبل غناتي .. << ماشبكت المسن اليوم كله ولا دريت بش ولا قالت لي ام الخونه كبرياؤوو.. :lol:
نورت ياحلاها الناصره برجعتش.. قرة عين حبايبش والسنه وكل سنه..:clap::wavetowel2:


.
.
.
مع الدنيا .. نظل نمشي..ولا ندري وش المكتوب..
شلون نترجى باكر .. وحنا متعلقين بماضينا..
نتقاسم همومنا ونتعب و نتسامر مَعْ حكي القلوب..
حكي.. يشتت الهوجاس و تتزايد به امانينا..


اليكم الجديد..

[Princess]

الحلقة العشرون..


جاسم يتأمل حميد... دموعه بدت تصب ... شوي صار ينحب..
مسك كف حميد وضغط عليها.. وصار يهمس بصوت مبحوح:
ــ يارب .. تقوم بالسلامه.. يارب تفرجها على ولد عمتي.. يارب ارحم حميد وادفع عنه البلا..


مالك رجع البيت.. حس في شي متغير...
استقبلته عمته:
ــ هلاااا.. هااا رجعت..
مالك يستظرف : ــ خخخخخ لا بعدني..
ــ عن الظرافه.. قرة عينك..
ابتسم مالك : ــ اوه اوه.. سلم الله عمررش .. انا قااايل البيت متغير فيه شي صاير.. وانتين بعد قرة عينش.. وينهو ابو الشباااب مانا شايفنه؟؟؟
ــ ههههههههههههه اما ابو الشباب .. ميه ميه.. نايم الحين..
ــ افا.. وين علا اجل؟؟
ــ في غرفتها اكي .. روح ليها وشوفها بس ..
ــ ليش ؟؟ ويش صاير؟؟
ــ بس تزاعلت ويا ابووك..
ــ بل .. توه وااصل .. على ويش تزاعلو؟؟
ــ روح ليها وهي تعلمك..
ــ خاااطري يوم تعطيني وجه هههههههههه مافي امل
سميره تداري ابتسامتها : ــ اهوو روح يللا عني..
ــ هههههههههه زين زين..


طق باب علا .. مره.. مرتين.. ثلاث..
ما ترد..
قرب بوزه من الباب..
ــ علا.. علووه.. افتحي .. جايب لش حاجه بتفرحش..
علا تمسح دموعها:
ــ ويش تبغى؟؟
ــ افتححححححي ما يصلح كذا..
ــ مالكوه .. تالي .. مالي خلق الحين..
ــ ياربي .. اقول لش شي بيفرررررحش افتحي لا اشلخ الباب..
ــ مافي شي يفرح بعد اللي سمعته..
ــ ويشو.. ويش سمعتي.؟؟؟. افتحي لا كف..


فتحت علا الباب.. دخل مالك لقاها حالتها حاله..


ــ ويش صاير..؟؟
بلا شعور ضمت علا اخوها وصارت تصيح...
مالك منصرع ويش فيها.. صار يهديها ..
ــ علا .. غناتي خوفتيني .. ويش فيه ابوي؟؟ وويش قايل لش؟؟
ــ تخيل.. عرس ..!!
مالك مندهش:
ــ هااا.. مين؟؟؟ ابووي؟؟
ــ ايه.. ووحده من جيلي اكبر مني بس بكم سنه..
ــ يالله ... صحيح عاد..
ــ والله .. وبجيبها تسكن ويانا..
ــ مستحييييييييل اقبل ..
ــ ويشو مستحيل.. نسيت انت كلها اسبوع بالكثير وبتروح استراليا.. وعمتي يمكن تروح وياك اسمعها تقول حق مشروعها اللي هناك مدري ويه... عاد كنها اذا ظلت باحس فيها..
ببقى اني و الهم.. مرته بقابلها..
مالك صار يهدي في اخته:
ــ ريحي بالش .. وكان علي أأجل انا هالكورس للسنه الجايه لاحق..
ــ لااااا ويش تأجل .. خلصه بس وافتك.. تتعطل على حسابي..
وتمسح علا دموعها وتبتسم..
ــ هااا ما قلت لي ويش الخبر اللي يفرح؟؟
ــ اووه.. ههههههههه نسيتيني بدموعش يقطع شرش وبهالخبر اللي يسد النفس.. خمنننني ويشوو؟؟
ــ ويشوو مافيني مخ والله
ــ ههههههههههه اما مافيش .. صدقتي.. قوطي..
ــ ههههههههههه مالكووه عن اللعانه..
ــ مكينة بيت ابو علي ...
علا ابتسمت حد ماعدنها وصفقت :
ــ اصطلحت خلاااص
ــ هههههههههههههه اييه..
ــ هييييييه.. ما شالله بالسرعه.. شقد متشوقه افرح هالبيت بأي شي اقدر عليه..


مالك يغمز ليها..
ــ اتصلي يللا .. ومشينا نوديها ليهم...


واتصلت علا لليلى وخبرتها...
ليلى فرحت وراحت لأهلها تبغى تطلعهم من جو الكآبه اللي هم فيه..
ــ اماااه المكينه استوت وبتجيبها علا بعد شوي..
ابو جاسم مستغرب:
ــ المكينه.. ليش وديتوها مصلح؟؟
زينب : ــ لا .. صديقة ليلى اخوها يعرف يصلح وصلحها وبيجيبوها..
ابو جاسم : ــ خير ان شالله..


ربع ساعه بالكثير وصلو مالك وعلا بيت ابو علي.. بنفس الوقت ابو جاسم و زينب قايمين بيرجعو البيت ..
ابو جاسم بيفتح الباب الا في وجهه علا ..
علا شهقت من الخلعه..
تنحت علا على جنب .. طلع ابو جاسم :
ــ يالله .. يالله..
زينب طلعت .. وسلمت على علا ...
مالك نزل من السياره بيطلع المكينه.. سلم على ابو جاسم...
مالك ابتسم : ــ كني شايفنك من قبل ؟؟
ابو جاسم عرفه وبدون شعور حس قلبه تغلي فيه نيران.. حاول يداري اللي فيه.. ابتسم ابتسامه صفرا : ــ عفر شفتني ... في مزرعة ابو ناصر
ــ اييييييه صح صح.. تذكرت..
ابو جاسم : ــ ويش عندك هنا؟؟
مالك مستغرب من سؤال ابو جاسم .. طلع المكينه من السياره:
ــ جايب دي..
ابو جاسم : ــ اهااا يعني انت اللي ماخذنها تصلحهااا
مالك ابتسم : ــ ايه..
وفي باله: ــ يازعم انا خخخخ..
ابو جاسم راح له:
ــ جيبها عنك جيبها..
مالك : ــ خلها عنك حجي ثقييله..
ــ جييييبها بس قال ثقيله قال.. شغل في هالأراضي لين قلنا بس ما استثقلنا شي ..
واخذها ابو جاسم.. ومالك مستغرب منه ..
ابو جاسم يكلم زينب.. : ــ افتحي الباب
ودخلها وهو يتحمق بهداوه ..
ــ مو قاصرنا الا انت ندخلك بيوتنا..
علا سمعته.. وهزت بدنها الجمله..


وتجرأت و سألت زينب: ــ ويش فيه ابوش علينا؟
زينب انحرجت : ــ هاا.. مادري .. هههه.. هو كل كذا ترى متحمق ..
علا طنشت الموضوع فرحانه بالمكينه وتبغى تفرح ام علي ..
مالك : ــ بتمشي .. لو بتدخلي؟؟ وانتظرش لو ويش؟؟
علا : ــ انتظرني بدخل دقيقه باسلم وبرجع..
ــ زين..
دخلت علا .... وظلت زينب واقفه برى.. الباب تسكر دخلة علا ... ومالك واقف فاتح باب السياره ومتكي عليه..
زينب مهي منتبهه لعمرها وتفكر في كلام ابوها لا يكون حز في نفس علا لو تقول لليلى الحين لو شي.... << مسكينه كل مفهيه هالبنيه..
مالك يطالع في البيوت وسرحان..


ابو جاسم يزحف زحيف بالمكينه .. يمشي وهو مفوشح رجوله.. ويصرخ وصوته مضغوط:
ــ خيييييه.. بطلي باب دارش ..بطليييه..
ام علي قامت تركض .. فتحت باب غرفة الخياطه..
حطها ابو جاسم .. وهو ينزلها .. طق ظهره:
ــ آآآآه ...آآه آآه ويلي ..
مسكه بيده وصار يدلك فيه:
ــ غربله الله غربال من ظهر اغبر..
ام علي خافت عليه: ــ ويش فيك ياخوي.. سلامتك.. حق ويه شايلنها عاااد .. ثقيله..
ابو جاسم بقهر يعض شفايفه من الألم:
ــ لا اجل اخلي ولد الذين يدخلها..
ــ أي ولد لذين؟؟
ــ ولد خالدو آل ..
ام علي حست على اخوها وعاذرتنه مو قادر ينسى الماضي:
ــ ياخوي ما يتجارمو بذنوب ابوهم.. والله ماشفنا من هالعلا واخوها الا كل خير...
ابو جاسم : ــ خير.. ايه .. عساه خير.. يللا مع السلامه..
ــ الله يسلمك..



تابع>>

[Princess]

علا ويا ريما وليلى في غرفتهم..
ليلى : ــ تسلمي والله مو عارفين شلون نرد ليكم جمايلكم..
علا : ــ حشا.. شدعوه لا تقولي كذا .. لا ازعل ترى..
ريما : ــ والله ما قصرتي ويانا .. خوش وقفه وقفتيها..
علا : ــ تستاهلو كل خير ...

ابو جاسم مفكر بته دخلت..وقف في الصاله ونادى.
ــ زينب .. زييييينب..
طلعت ريما من الغرفه :
ــ مهي هنا.. طلعت..
ــ يعني.. اجل اشوفكم على خير ,, و لا تفكرو وتحاتو .. تنحل ان شالله وتتدبر .. ريح بالك ابو علي .. وان شالله خير..
ابو علي :
ــ اييييييه .. الله كريم .. يسمع منك ان شالله..

ابو جاسم يحاول يفتح باب الحديد .. صاير ثقيل عليه من ظهره مره مأثر...
ويسحبه حد ما عنده .. وطرااخ يصفق الجدار..
وتتصروع زينب وتشهق شهقه..
ومالك ينتبه من سرحانه ويطفر.. وبلا شعوور يدخل السياره ويسكر الباب عليه

ابو جاسم باله بال ظهره ومفكر زينب سبقته للبيت .. مايدري بها واقفه برى ومفهيه..
من شافهم ثنينهم اختلعو من صوت الباب وطلعته.. ومن شاف مالك اندعس في السياره..
ــ اححححااااااااا .. ويش تسووي كنتي وياه.؟؟؟.
زينب منصرعه: ــ هااااا.. منهووو
ــ هاللي اندعس تشنه فار خاف على عمره..
مالك ما يسمعه مشغل المسجل ومسكر النوافذ .. يشوفه بس يشبر و يهدر ولا يدري به ويش يقوول..
زينب : ــ وووو اني ويش درااني .. ما سوينا شي .. بيني وبينه عشرة امتاار..
ــ هااا.. لا يكون تعيلف فيش لو قال شي ..
زينب ترفع سبابة يمينها لين خشمها .
ــ وقسسم بالله حتى نفسه ما سمعته..
ابو جاسم يعدل غترته..
ــ ايه.. حسبالي.. امشي قدامي.. خبله.. ماتعرفي تدخلي يعني..
زينب تمشي وهي تتعثر من الخوف..
ابو جاسم يمسكها :
ــ اررررفعي عباتش خبابوووه..
زينب تمسكها شوي .. وتحاول تضبط عمرها..
وهم يمشو ما سمعت الا ابوها وراها:
ــ اوووو.. افففففففففف..
دارت له الا ماسك ظهره ورافع راسه فوق..
مسكته : ــ يباا ويش فيك..
ــ اهو اهو.. بس ظهري تقرطع شوي.. الحين ان شالله اشوف جاسموه يمرخه لي .. ويعتدل..
ــ امسكك؟؟
ــ امسكي عمرش بس لا تطيحي علينا بهالطريق.. وارفعي عباتش شوي خميتي الطرقات صايره جرفليه..
ــ يااعلي .. ويشوو ارفعها..
ــ اجل تخمي الطرقات.. ؟؟
زينب بخوف : ــ ماا علي دلاغ.. << شراب ..
ابو جاسم : ــ اهاااااا.. قووولي كدا من الصبح.. وحق ويش بالله ماعليش .؟؟ ويش مطلعنش وضاااربه لي مشواااار لين الزراعه ومن الزرااعه لبيت عمتش وانتين كذا..
زينب ترجع ترفع سبابتها لخشمها:
ــ والله والله عباتي طويله ولا رفعتها ولا حتى سانتي واحد.. دنت تشوفها مغبره وحالتها عدم.. لأني طلعت بسرعه ومالي باله .. ما انتبهت..
ــ اييه.. لا تعوديها هالحركه نوبه فانيه لا اكسر كراعينش ... وويش سالفتش كل دقيقه رفعتي لي هالصبع ..
زينب جتها ضحكه: ــ كراعيني .. تشيه خروفه.. هههههههه خخخخخخ
ــ شب .. فضحتينا.. امشييييي .. لا بارك الله في بليس.. يللااا
زينب متصروعه :: ــ هه.. زين زين..

ام علي تركب الواير في الكهرب..
تجربها بالصلاة على محمد وآل محمد..
اشتغلت..
ام علي حطت ايدها على راسها وصارت تضحك وتحمد الله وتشكره.. وتدعي لعلا ومالك بطولة العمر والصحه...
ليلى فرحانه.. وريما تصفق وترقص ..
ابو علي برى الصاله من سمع صوت المكينه تشقق من الفرح..

وعلا الدنيا مهي سايعتنها وهي تشوف فرحتهم .. ولا هي عارفه شلون تشاركهم هالفرحه.. بس واقفه ومبتسمه ..
علا : ــ يللا الحمدلله .. اصطلحت وصارت زينه.. الحين باخليكم اخوي واقف برى من زمان..
ام علي : ــ قعدي ويانا يابتي .. مو بس جايه تجيبي المكينه.. ريحي وبعدين خله يرجع لش..
علا : ــ لا مره ثانيه خالتي .. ابوي رجع من السفر وباروح البيت ما شفناه من زمان..
ــ يعني .. قرة عينش غناتي..
علا مهي عارفه ويش يردو على هالجمله !!
ريما واقفه جنبها .. صارت تغششها:
ــ سلم الله عمرش ..
علا تلونت من الخجل .. ايتسمت :
ــ سلم الله عمرش..
ريما : ــ خخخخخخخخخ.. ويلي .. احم..
علا تطلع في ريما على جنب وتهدد فيها .. صبري علي ..

وطلعت علا ..
من طلعت علا .. ام علي فرغت كل العواطف اللي بداخلها.. صارت تصيح.. صياحها هالمره بأبتسامه.. فطر قلب بناتها عليها.. وهي تدعي ..:
ــ ياربي يا حبيبي .. زي ما رجعت رزق هالبنيات ترجع سندهم واخوهم.. ترجع ضناي ياااارب .. سالم معافى ..عاجل غير آجل..

جوال ابو مالك يرن..
ــ هلا حياتي..
سوسن : ــ هلا عمري .. وينك؟؟ ويش فيك ماترد علي من متى واني ادق ..
ابو مالك يتثاوب : ــ كنت نايم.. ها اخبارش ويش مسويه؟؟
ــ نوم العافيه يااارب.. زهقت.. ما صار لي كم ساعه.. اشتقت لك..
ابو مالك مصدق روحه ..
ــ الله.. اشتقتي لي.. انا بعد اشتقت.. خلاص الليله ما انام قبل لا اجيبش..
ــ صج.. انتظرك اجل ..

ابو مالك طلع من غرفته الا علا راكبه بعباتها توها راجعه..
ابومالك: ــ من وين راجعه؟؟
علا : ــ بيت صديقتي...
ــ وانتين كذا تطلعي على طول ؟؟
علا استغربت من ابوها : ــ مالك موصلني وعمتي سميره تدري ..
ــ ايه حسبالي تطلعي كذا وبس .. لا حسيب ولا رقيب ..
علا وجهها تغيرت الوانه .: ــ لا ما اطلع وبس .. مالك يوصلني كل مكان ابغاه وعمتي تدري..
ومشت عن ابوها بتروح غرفتها..
ابو مالك : ــ الليله استعدو ترحبو بخالتكم سوسن باجيبها..

تابع>>

[Princess]

علا وقفت وهي مختلعه ودارت لأبوها:
ــ انت ما قلت اليوووم قلت كم ييوم وبتجيبها !!
ابو مالك : ــ أأأصصصصص.. انا اللي احدد متى اجيبها و في أي وقت..
علا عيونها غرقت دموع..
دخلت غرفتها وقفلت على روحها الباب..
الا بركبة مالك ..
ــ هلاااا يبااا.. قووه .. الحمدلله عالسلامه...
ويحب راس ابوه..
ــ الله يسلمك.. هاا.. سمعت الكلام اللي قلته من شوي لو لا
مالك مختلع وفي باله:
ــ بل ما قال ويش احوالك ولا ويش مسوي على طول سمعت لو لا..ما كأنه ما شافني من سنتين
مالك : ــ ها.. ايه.. سمعت..
ــ وويش بعد عندك اعتراض زي اختك..
مالك بأبتسامه عريضه..
ــ لا .. اعتراض ويه.. لا اعتراض على حكمك يارب..
ــ تستظرف ..؟؟!!
ــ لا تشيه ويش قلت..؟؟
ــ زين.. عقّل اختك بس .. وقول ليها لا تتصرف أي تصرف مو لصالحها الليله.. وخلكم خوش ولاد ..
مالك بأبتسامه مصطنعه:
ــ ان شاااالله يبا..


وراح غرفته وهو في باله مخطط يطلع الليله ولا يرجع الا الفجر..
وفي الليل ...
ناديه في بيت اهلها..
ــ امااه والله البنيه ملتزمه وادميه وحليووه خووش بنيه ما تتعوض..
ام مؤيد : ــ ويش اسوووي في اخووش ها.. شبدي فوحت من كثر الحنه عليه.. مو راااااااااضي .. والله مناي الله يهديه.. لا سند ولا ولد.. قاعد لي وشايل الهم في القلب..


ناديه: ــ افففففف منه زهقت كل مره يطلع حجه في اللي اختارهم له واذا ما لقى حجه يقول مابغى ومو مهيأ انا للزواج حاليا و ماهي من مستواي الفكري ومادري ويه.. من كلماته الجهنميه ..
ساره تضحك : ــ هههههههههههه استااذ عربي بعد ويه .. فديته..
ناديه : ــ اف وهذا اللي ماخذينه منش انتين الضحك بس ..
ــ ووويش تبغيني اسوي ..!!
ــ حاولي فيه وياي .. اقنعيه... هو يحبش و يدلع فيش يمكن يسمع منش..
ساره بسخريه : ــ انا لله .. ههههههههههههه تبغاني احن عليه ويكرهني تالي..
ــ ويش قصدش هاا .. ويش قصدش .. يعني يكرهني ..


شوي الا بجية جود وهي تصيح : ــ آآآآآآآآآآآآه..
ساره : ــ وي على قلبي العسل قلبوو.. من مين... اكيد يا منتظروه يا كراروه..
جود وهي تصيح : ــ مادري أي واحد فيهم شوفي ..
ومدت ذراعها وفيه شمخ طول بعرض..
ساره تمسحه ليها بنشاف.. ــ توتوتو ..بسم الله عليش .. ناديوه قومي لولادش الخوبال .. كفايه ما تفرق بينهم هالفقيره,,, خوبلوها .. الا بعد كل جيه ليهم ينتفو ليها من لحمها شوي..


ناديه : ــ اوهوو.. عساش تجيبي زيهم يااارب
ساره : ــ وي وي بسم الله علي لا .. مابغى توائم .. الخاصيه التوأميه مهي لآل ... ...,,, هالخاصيه لآل..... <<< تقصد بيت رجل ناديه...
ناديه : ــ ههههههههههههههه بتجيبي ياعيني .. << قالتها وهي تحرك حواجبها..
ساره فهمت عليها : ــ انا لله.. ندري .. ملتزم .. واخلاق .. ويدورو له على عرووس.. ناديوه بجيش طرااااااق .. قلت لش لا تحَرْجي علي ..
وقامت جود من حضن خالتها ساره ورجعت تلعب ويا ولاد خالتها ناديه..


ناديه..: ــ ياعلي جزاتي اللي ابغى الخير لش ولأخووش..
ساره تلعب في خصلات شعرها:
ــ والله تشني البخت .. شحلاوتي قمر .. ورزقي مو لحميش ...
ــ استحي هااا.. استحي..
ام مؤيد : ــ وبتي الصادقه.. وعمتش نيتها تنوع .. ما تبغى من بيت واحد .. فلا تحرجي على بتي..
ناديه بعتب : ــ حتى انتين اماااه...
الا برجعة جود تصيح...
ساره : ــ والآآآآآآآآآآآخييرررررر ويا ولادش
ناديه تصرخ حد ما عندهاا..
ــ منتظرررررررررررررررررووووووووووه.. كررررررررااااااارووووووه وخناااااااااقه..
ام مؤيد تحط ايدها على راسها:
ــ علي علي .. ارتجت طيفان بيوت الفريق الغربي ..
ساره صارت تدحن من الضحك..
ناديه: ــ بلاكم ما تحسو فيني ..
ام مؤيد : ــ وعلى قلبي.. الله يعينش ويساعدش .. يكبرو وتنسي..
ساره تبحلس : ــ خخخخ ماحد قال لش جيبيهم..
ناديه تشيل قوطية النشاف وتصفق بها ساره:
ــ ذلفي بس.. ياعساااش 7 في بطن..
ــ ويلييييي بسم الله علي ,, ههههههههههههه عساااش انتين في الجايه..
ام مؤيد تمسح شعرها : ــ لمسنا الصووف والشر عن بتي مصرووف بالصلاة على محمد وآل محمد.. لوييه.. تبغي تدبحيها انتين.. هي فنين ومهي قادره ومتغربلين وياها بهم .. مو 7 بعد..


شوي الا بجية مؤيد.. وناديه طالعه للحوش بتجيب ولادها عن الصفقه والبرد..
من شافها قال : ــ هلاااااا.. هلاااااااا بالخطااابه
ناديه حمقت: ــ اهووووو..
ــ هههههههههههههههههههههه انا داري .. لازم كل جيه لش سالفه .. اتحداش الحين خَلِيّه وما عندش شي..
ــ لا تتحدى ولا تتحدى .. تعال اسحب وياي واحد منهم..
ــ من هم.؟؟
ــ مين بعد.. ولادي ...
مؤيد يسخر : ــ كرار اسحب لو منتظر.؟.؟؟
ناديه بقهر : ــ اللي هو .. حظك نصيبك .. شدعوه تفرق بينهم انت
ــ هههههههههههههههه ياعلي .. تجنني ندووشه وانتين محمقه...
ناديه تبتسم وتداري ابتسامتها بعصبيه: ــ اهووو...


في صندقة حميد..
جاسم ينبش في الأوراق .. عل وعسى يشوف شي غريب وله قيمه.. لو خيط يوصله لهالأسرار اللي بحياة حميد..
الا بطيحة الذيب عليه..
ــ جاسموه.. ويش تسوي؟؟؟


والى الملتقى..

[كبرياء]

يؤؤؤؤؤؤؤؤؤؤؤؤؤؤؤؤؤؤؤؤؤ

يؤؤؤؤؤؤؤؤؤؤؤؤؤؤؤؤؤ

وش بيصيرررررررر ..؟؟

هااااااااه << شهقه ..

ان شآلله ألحين أقوم لك هااا << مرره بتقولي لي اووف

بتذبحي جاسمو بعدددددددددددددد ..؟؟؟؟؟؟؟؟؟؟

أميرووه بذببحك ..

ماانااا وش بيصير في حميد ما قلتي << خايفه عليه هااااع

جززززء رهيب بس دوخني سالفه ناديه وسآره يبغى لي أقرآآ مرره ثآنيه ..

أييييييييييي كأن بعض الناس اللي يقروآ ويآآي فهمووني هااااع ..

<< مضيعه

بآنتظآر الجززء الجديد ..

قهررني أبو ماالك داااااااا النحيسسسسسسس

وابو جاسمو بعد شرير ..

ووووو بس

تشكراااات ..

ننتظر بشوووق لا يحتمل المتابعه خلف الكواليس هع هع هع


تحياتي

كبري ـآء

[آخر شقآوهـ ..~]

أموورتي هلا والله هلا حيااش
منوره النآصره بأهلها غنآتو
سلم الله عمرش غناتي وان شاء الله السنه الجايه نروح وتروحي ويانا :bigsmile:
...
..
.
أما جزء فله مع زنبووه المفهيه وأبوها النكته
مو طبيعيين يضحكو بالقووووه
تسلمين حيآتو ع الجزء
ننتظر الجديد
تحياتونا

[آسوآآر الآلــمـ]

جميل أختي أميرة

عجبني الجزء مررررة

الله يعطيكـ العافية أختي

وعساكـ ع القوة ....

[Hussain.T]

يؤؤؤؤؤؤ

ويش بيصير ؟؟؟؟؟

الله يصبرني ليوم السبت

[روعة الدنيا]

هلللووو

:amazed:اميره شنو هد الكلم شنو هدى الجزء فــــــــــــله :cheesy:


اميره امتى تكمله:seif:بفقع راسش :seif:

:in_love:امزح معش :in_love:

الله يعطيكِ العافيه

جـــــــــــــــــــــاري الانتطار

تحياتي

روعة

[جـــــوان]

الجزء مرة روعة

بس مسكينة علا ما تستاهل اللي يصير معاها

[دمعة على السطور]

الجزء ممتاز جداً..
صدقيني ماادري ويش أقول كل مرة حاجة أقول يمكن توفي تعبش في هالقصة..
الله يقويك يارب.
ويوفقك الكريم..
بحق محمد وآله الطاهرين..


بانتظار السبت..
أو يمكن الغد..
إن شاء الله..

موفقة لكل خير إن شاء الله تعالى..
..دمتي بعين المولى الجليل..

[دمعة على السطور]

كأني من زمان مااقرأ في القصة..
ما كأن بس اليوم...
جاري انتظار الغد...
موفقة غاليتي..
..دمتي بعين المولى الجليل..

[الــــنـــاري]

شكلها مافي جزء الا السبت
<رايح جاي كل اشوي يدور جزء جديد ضايع:weird:
قلت مابرد الا بعد ماقرأ جزئين بس الظاهر لازم بعد كل جزء
شكر وعرفان:cool:
يعطيك العافية خيتي
ومانبي نكلف عليك زيادة
خليك على راحتك
ويامطول صبرنا> ضعنا ياصبرنا:wink:
تمنياتي لك بالتوفي
والف الف مبروك على الـ20%:blink1:
ادري لقافية مني كل مرة ادقق خخخ

يلا باقوم انام:sleep: وبكرى انشاء الله خير > يقولون الشياب الصباح رباح

اسمحو ليي على الهدرة الزايدة بس هذي آثار النعس :sleep:
دمتم بود

[Princess]

مرحبا

تسلمو لي والله من كل مكروه لا خلا ولا عدم..

كبريااؤوو.. تشتغلي جزار على غفله؟؟ بتذبحيني .:weird:. ياساتر.. سني سكاكينش عدل بس.:wink:. ورفقا بي ,, هههههههههه والله يخلي بعض الناس اللي يفهمو عدل ويفهموش .. :icon30:
ضحووكه.. يؤ يؤ السنه الجايه وياش خوش .. الله يتقبل اجل من الحين :nuts:<< كف .. هههههههه :toung:تسلمي لي والله
روعة الدنيا هههههههههه بحط على راسي صفريه تجنبا للفلعه اللي بتصيبني منش .:silal:. نورتي حبابه :bigsmile:
دمعه عالسطور دوم هالحماس حبابه تسلمي على هالتفاعل الأكثر من رائع..:in_love: يعطيش الف عافيه
اسوار ,,شبل ,, جوان.. لا تحرموني هالنور..يعطيكم الف عافيه جميعا على التواصل والتواجد الجميل ..:clap:
الناري .. هههههههههههههه :deh:غربل الله شرك.. خوش هلوسه ماقبل النوم.. تسلم من كل شر من ذوقك.
وما شالله عليك وعلى ملاحظاتك.. لا لقافه ولا شي .:rolleyes:. سبحان الله كنك من انتبهت هذيك المره.. وزاد التحميل في احلامي :embarrest:

اليكم الجديد..

[Princess]

الحلقة 21

في صندقة حميد..
جاسم ينبش في الأوراق .. عل وعسى يشوف شي غريب وله قيمه.. لو خيط يوصله لهالأسرار اللي بحياة حميد..
الا بطيحة الذيب عليه..
ــ جاسموه.. ويش تسوي؟؟؟

جاسم تصروع :
ــ بسم الله الرحمن.. ادور ورق لحميد ضروري
ــ ورق ويه؟؟
ــ مريض هو في المستشفى .. ورق لتحاليل له من زمان..
ــ اهااا.. ما يشوف شر .. من متى مريض؟؟
ــ الشر ما يجيك... من فتره هو تعبان والحين ترقد.... خير تبغى منه شي ؟؟ اقول لك أي مستشفى وتروح له؟؟
ــ لاا.. بس خبرك حصلنا لينا طلعه جديده .. و هالمره مزرعه في الـ..... ,, ما مره طبينا هالديره.. وهالمره ناويين نشوف رزقنا فيها..هاا.. بتروح ويانا لو ما تمشي الا بحميد؟؟
جاسم صار يفكر...
ــ لا .. بروح وياكم..
ــ اووووكيه .. الليله امرك هنا.. و نروح لبقايا الشله..

وطلع الذيب..
جاسم قلبه يصافق .. وفي باله مليون الف فكر..
تعب من التدوير كلها اوراق دراسه وكلها من مدارس عراقيه.. وكلهم بأسم امجد..
اخيرا لقى جواز سفر .. فتحه وصار يقلب اوراقه.. الا صورة قديمه لحميد وايضا بأسم امجد..
واختام البلدان اللي سافر ليها..
مافي الا العراق..!!
والجواز قديم.. من لما كان تقريبا عمر حميد 17 سنه بالكثير ,, ومنتهيه مدته..

جاسم يحس قلبه يطق.. وهو يكشف هالحقائق.. وزادت التعقيدات في راسه.. ماهو فاهم ليش امجد صار حميد.. وليش عايش في هالصندقه دام هو ولد خالد آل ...
اخذ الجواز وطلع..


على باب بيت مؤيد..
ام عادل : ــ متأكد هذا هو البيت..اني شاكه مو اللي جنبه. تغير وايد كأنه,,. اني مازرتها الا مره وحده اني الله لا يعود ذاك يوم ما اطيق ذكراه..
عادل : ــ ايييييييه متأكد... حققق ويييه ما تطييقي ذككررراه...؟؟
ــ اهووو عني..

و تطق الجرس..
فتح ليها مؤيد.. من شاف عادل ابتسم له:
ــ هلاااا.. هلااا بعادل..
عادل شق البوز شبرين:
ــ تذذذذككككككرررني !!
ــ ههههههههههههه مامداني انساك غربل الله شرك كلها كم يوم من شفتك..
ــ هاااادي امممي جت تبغغغى تشششوووف امممك..
مؤيد : ــ هلا خيه.. تفضلي حياش..
مؤيد دخل البيت ونادى :
ــ يـــــــالله دخلو داخل .. رجال بيدخل...
دخلهم المجلس وراح ينادي على امه..

ام عادل قلبها يطق.. وترجع بها الذكريات..
ــ اني تعبت من حياتي .. لا ابو ولا ام ولا اهل ما عندي الا انتون وخوالي وصايرين تتعازمو علي كل اسبوع عند واحد وكل واحد يعاملني شكل واحد زي الشغاله وواحد ما شغلته الا يأذي في ولدي ويسخر ويآمر عليه... وواحد اولاده لاعبين بنا كنا حياوين.. ليش ماتحسو فينا.. محنا اوادم حنا..
خالها : ــ بسس.. لا بارك الله فيش ..
ام عادل تصيح : ــ اني ويش ذنبي اتجارم بجرم اهلي.. اذا امي وابوي خذو بعض غصبن عن اهاليهم .. اصير اني الضحيه..
ــ امش حطت روسنا بالطين لما هربت وياه هاللي ما يتسمى.. على ويش يعني .. غني .. ؟؟ اهله من درو به بياخذ امش قومو الدنيا وطربقوها فوق راسه.. كفايه ابوه تبرى منه لما انحاش وياها.. أي حب واي بطيخ.. شوفي حوبتنا طلعت في ولدش..الله العالم بعد حملت فيش متى قبل لا تنحاش وياه وتعرس عليه لو بعد النحشه...
ام عادل مهي قادره : ــ استغفر ربك.. لا ترتكب ذنوب.. ترحم عليهم بدل هالكلام..
ــ استغفر الله ربي منش ومن بلااويش..
ــ وين ارووح ..؟؟؟ قلت ليكم بقعد في بيتي.. قلتو لي بيعيه..
ـــ ايه ,, مافي حريم عندنا تقعد لحالها في بيوت.. تبغي يخلى لش الجو.. وتعيدي سالفة امش .. العرق دساس..
ــ الله يسامحك.. انتون ومنتون طايقيني.. اعمامي نفس الشي .. ماعندهم سالفه الا ابوي اللي كسر كلمتهم وشوه سمعة العايله.. و اني حالتي لله ويا هالولد... ماعندك رحمه ما تحسو .. ابغى فلوس بيتي بدبر عمري ولا عليكم مني
ــ مافي لش عندنا فلووس
ــ ويش تقوووول..!!! انتون قلتو لي ابيع البيت واسلمكم المبلغ يازعم بتبنو لي شقه في بيت امي ,, وللحين ماني شايفه شي..
ــ بيت امش .. هه.. اقول انسي .. هالمبلغ ما يساوي سمعتنا .. صار بيت آل ... علج في حلوق اللي يسوى واللي ما يسوى.. .. كل من طرانا قالو ايه هذيلاك اللي بنتهم انحاشت ويا حبيبها.. سودت وجهنا..
ــ ما اقول الا سود الله وجه الظالم .. واللي ياكلو اموال اليتامي
ــ وييييييييش قصدش؟؟
ــ قصدي اللي اقصده..
خالها ضربها بالعقال .. ضرب ... وهي تستنجد بخوالها الباقي بس ماليهم كلمه اذا حكم الكبير خلاص ..
طلعت من البيت وحالتها حاله... وما لقت ليها مأوى الا بيت ام مؤيد.. اللي لمتها كم يوم و كانت ليها مثل الأم و ازيد..
ام مؤيد اللي بكلامها وحنانها عوضتها عن شقى الأيام والحرمان...

ــ هلا امي .. هلا .. هلا .. هلا بعد ابوي..
قطعت السرحان ام مؤيد بهالترحيب الحار..
وبلا شعور ام عادل قامت ليها وحضنتها وصارت تصييح..
ام مؤيد تمسح على ظهرها:
ــ وي .. الصلاة على محمد وآل محمد.. ويش بش يا بتي؟؟
ــ وحشتووني..
ام مؤيد ابتسمت:
ــ لا توحشتي على حبيب يا غناتي.. بسم الله عليش قعدي قعدي.. شحوالش وشحوال الدنيا وياش.. شدعوه من عرستي ما شفناش
ام عادل ومبين عليها قساوة الظروف والشحوب طاغي على ملامحها ومخلتنه اكبر من عمرها:
ــ ايييه ياخاله.. ويش اقول لش .. ما اعظم من الخوال والأعمام الا هالريل .. الحمدلله على كل حال.. اهم شي ساتر علي ولامني في بيته..
الا بصوت مؤيد يتنحنح:
ــ يالله يالله.. عادل .. ياا عادل..
عادل طفر من جنب امه : ــ هاا..
ام عادل تفلصه وبحمق : ــ كم مره قلت لك قول نعم..
عادل : ــ آآآي... مؤؤؤؤؤؤؤؤؤؤييييد عوووود نااادي علييي..
مؤيد برى مستغرب : ــ حق ويه؟؟
ــ نااااااااااادي..
ــ عاااادل..
ــ نعـــــــــــــم..
ــ تعال برى الحوش نقعد..
ــ مانا .. ابغى امي.
ــ تعال لا تصير زي اليهال .. الرجال ما يقعدو ويا الحريمات..
ــ ززززززين...

وطلع له..

ام مؤيد صارت تضحك عليه..:
ــ غربل الله شره.. سنين ما تلحق .. كان ابو 12 سنه عفر لو 13 سنه يوم تعرسي..
ام عادل ابتسمت.. وتنهدت من قلب:
ــ ايييه يا خالتي سنين ما تلحق الحين ابو 22 سنه.. الله يغير حاله... اما احوالي الحمدلله.. ولو انها ما تسر لا عدو ولا صديق..
ام مؤيد حطت ايدها على فخذ ام عادل :
ــ الصبر يابتي.. الله يعينش على هالريل صراحه.. من قَبَلنا عليه وهو مكشر ما يعبر ..
ــ اسمحو لي والله.. فشلني وياكم..
ــ شدعوه غناتي.. عرفناه وعرفنا اطباعه .. وانتين اجوديه وبت حلال .. وتستحملي .. لله صبرش..والله يعوض عليش ان مو في هالدنيا في الآخره ان شالله..
ــ يارب ياكريم ,,.. اخبارش انتين واخبار بناتش ومؤيد..
ــ .. يابتي من عرستي وتركتي عالفريق من دي 9 سنين عفر تقريبا .. صارت سوالف شي يفرح وشي يذبح من الحزن.. وهااادي حال الدنيا...

وصارت ام مؤيد تقص على ام عادل اللي صار فيهم و في الفريق من تركته ..

جاسم دخل البيت بسرعه قبل لا احد يشوفه.. ودخل غرفته.. طلع كرتون اللي فيه الحوايج المبيوقه اللي خاشنهم.. وحط فيه الجواز ورجع دعسه.. بدل ثيابه وراح الصاله..
زينب تطلع مسلسل .. كانت منسدحه من دخل جاسم
اختلعت وقعدت قعاد :
ــ بسم الله الرحمن على عمررررررري .. من متى جيت..؟؟
ــ ليش طلعت انا؟؟؟
ــ عن الظرااااااااافه.. من الصبح انت منت هنا... والحين قريب يأذن المغرب .. تستهبل علي..
ــ فكينا واللي يرحم والديش عن الحنه والهدره الزايده..
ــ زييييين بافكك..

شوي..
.. ــ يوعان.. وين امي؟؟
ــ طلعت..
ــ وين راحت..؟؟؟
ــ وانت ما تسأل عنها الا لبطنك.. صحيح همي دبتي..
ــ عن التعيلف زين..
ــ وين راحت... بعد
وتغيرت نبرة صوتها ... صارت هاديه وكسيره..:
ــ راحت تتسلف من فلانه وعلانه. هي ويا ابوي ... حق علي ..
جاسم من سمع طاري علي ,, حس بطنه يعوره وتذكر حميد وحالته..
ــ وويش صاير؟؟
زينب تطلعه على جنب:
ــ قول ويش اللي مو صاير .. ليش انت تدري عن دنياك ووين الله حاطنك..
ــ زينبوه عن ثقالة الدم وويش صاير..

علمته زينب بالسالفه...

جاسم مو عارف يميز مشاعره.. هي خوف ؟؟ تأنيب ضمير..؟؟
خاطره منكسر على بيت عمته وحالتهم.. وعلى ولد عمته المرمي في الحبوس ظلم..
من تحت راس حميد السوسه.. ومن تحت راسه الجبان اللي سكت عن الحق..

زفر زفره قويه.. وقام راح غرفته.. وقفل عليه الباب..
زينب : ــ ايييه.. هذا اللي ماخذينه منك..
الا برجعة ابو جاسم ..


تابع>>

[Princess]

رمى روحه وبتعب:
ــ قومي بس سوي لي راس قدو.. راااسي يدْوِي .. احسه بيفقع..
زينب بعفويه : ــ بيفقع من هالقدو..
ابو جاسم بحمق : ــ هااااااا,,, قوووووومي..

راحت زينب تركض .. تسويه لأبوها... شويات ورجعت له .. لقته يمسح دموعه بغترته.. اول مره في حياتها تشوف ابوها كذا.. ماحبت تخليه ينتبه ليها ويكابر و يخفي حزنه..

رجعت المطبخ عنه..وصارت هي الثانيه تصيح.... الا برجعة امها.. دخلت المطبخ وهي مره تعبانه وهواها غايب .. شالت عباتها وصارت تشرب ماي.. انتبهت لزينب انها كانت تصيح... تنهدت:
ــ انا لله.. هونيها وتهون يابتي..
ــ صابره يماه.. بس ابوي
ــ ويش فيه..؟؟
ــ يصيح...
ام جاسم كنها مهي مصدقه حطت ايدها على قلبها:
ــ احلفي... فوين؟؟
ــ في الصاله..
ام جاسم بتروح له مسكتها زينب...
ودموعها تسيل:
ــ خليه.. خليه يطلع حرته ان رحتي له الحين بيوقف..
ام جاسم .. سالت دموعها ..
ــ الله كريم...

جاسم طلع من غرفته يحس روحه مخنووق وان حبس روحه الأفكار بتروح وبتجي .. فخله ويا اهله ويتهزأ ويلعن خيره ولا يتعب قلبه من التفكير..

كانت غرفة جاسم بابها بين باب غرفة زينب وباب صالتهم.. والحوش في النص .. والمطبخ قبال غرفة جاسم..

مامداه بيدخل الصاله انتبه لأبوه .. يمسح في دموعه..
رجع بالخطوات للورا وتسند عالجدار.. حس قلبه مقبووض.. ابووه يصييح!!!

ابو جاسم فرغ كل مشاعره.. تنحنح.. ونادى حد ما عنده:
ــ زيييييييييييينب.. وين القدووو... والله لو لحمة جمل استوت..
زينب بسرعه طلعت القدو من المطبخ للحوش..
قام ابو جاسم وهو يتثاقل الخطوه.. وقعد يشرب فيه..
ام جاسم طلعت من المطبخ.. ومدت عليه فلوس..
ابو جاسم رفع راسه وعيونه كانت حمرا من الصياح وبصوت تعبان:
ــ كم هذيلا؟؟ ومن عند مين؟؟
ــ من عند نسرين المندوبه .. الله يجزاها خير .. ثلاثة الاف وقالت على سعتنا وقت ما نقدر نرجعهم ليها..
ابو جاسم اخذهم.. وتنهد من قلب:
ــ اييه.. الله يعطيني الصحه وطولة العمر و اوفيهم ليها..
زينب : ــ ياارب ياكريم.. بسرع وقت.. يااارب ما نحتاجهم ..
ابو جاسم : ــ انا اليوم رحت اسوم الطراد كم يسوى له.. وصل لـ 15 الف .. والله مو مطاوعني قلبي ابيعه وهو رزق ولد اختي... اييييييه حيره وربي ..
هدووء.. صمت... وملامح الوجه كفيله تشرح الحال..
حتى جاسم اللي كان خايف على عمره يتهزأ ماكلمه ابوه ولا انتبه له اصلا...

الساعه 9 في الليل..
دخلت سوسن بيت ابو مالك...
استقبلتها سميره..
ــ هلااا.. بمرت اخوي .. هلا والله..
سوسن بأبتسامه عريضه: ــ هلا بيش ..
ــ بسم الله ما شالله.. ذوق اخوي وايد حليو..
سوسن بخجل : ــ تسلمي عيونش الحليوه..

ابو مالك يدخل الأشناط... وقعد عالكنبه..
ــ ايييه افففف كبرنا والله.. ثقيلين.. وين مالك ؟؟ خله يصعدهم فوق

سوسن بهداوه تدلك كتوف ابو مالك: ــ لا كبرت ولا شي حياتي .. بعدك في عز شبابك..
سميره رفعت حاجب وحاجب ,, وفي بالها..
ــ هيه.. احترمي وجودي .. عزوبيه اني... هذا اولها ... ياسااتر..
ابو مالك : ــ سميره.. وين مالك؟؟
ــ هلا.. طلع ..
ــ ويييييين رااح بعد,, انا قايل له الليله ابغاه يطلع؟
ــ مادري ياخوي اتصل عليه وشوفه..
ابو مالك يطلع جواله. ــ اف منه هالولد..

ان الهاتف المطلوب لا يمكن.......
ابو مالك : ــ ولعنه.. مقفلنه بعد.. هين يامالكوه..
سميره: ــ يمكن في محل مافي ابراج..
ــ مافي ابراج الطل في عينه.. اراويه اللي يكسر كلامي ولا يطاوع.. ووين علا..؟؟؟

سميره بأبتسامه قلقه: ــ نامت..
ابو مالك: ــ لا بالله خووش.. ولاد.. واحد طاير.. ووحده نامت.. عناد فيني يعني .. لكن ماعليه .. هين.. اوريهم..

سوسن تهدي فيه وتحط ايدها على شعره وتمسح عليه..
ــ هدي غناتي هدي.. الشناط مو ضروري تصعدهم الحين.. بس وحده الخفيفه والباقي لبعدين.. ومالك وعلا .. الأيام جايه ان شالله ما شفتهم الليله اشوفهم بكره... انت بس لا تعصب..
..
سميره تنرفزت ما تحملت الوضع..!!
شلقت بوزها شبرين بابتسامه مصطنعه:
ــ نورتي سوسن... ودي اقعد وياكم بس تعبانه باروح انام.. تصبحو على خير.. واكي تريزا تعاونكم على الشنط اذا تقدر ..
ابو مالك : ــ حتى حنا بنام اصلا.. تصبحي على نور ..
سميره وهي رايحه غرفتها..
ــ صاااقعه مافي مجامله بغى الفكه..
ابو مالك نادى على تريزا., تشيل الأشناط..
تريزا من جت بتشيل وحده منهم.. حست ايدها بتقبع.. صارت تسحبها... سحب لين وصلت للدرج...
سوسن كسرت بخاطرها تريزا.. وصارت تحاول تعاونها...
ابو مالك قام وياهم وصارو ثلاثتهم يصعدو في الأشناط..

ويوم خلصو..
تريزا: ــ ماما يبي اسوي شي؟؟
سوسن بأبتسامه : ــ لا خلاص يعطيش العافيه روحي نامي...
تريزا ابتسمت : ــ الله يعافيك..

وراحت غرفتها وهي تفكر .. من اول لقاء سوت وياها كذا.. عمرها ما احد عاونها على شي ثقيل لو على شغله.. حتى علا اللي هي قريبه منها.. وهي نادرا اذا حركت وياها شي...
صارت تفكر يمكن لأن الأشناط ليها وخايفه على اللي فيها لا ينكسر لو شي ..
مصير الأيام تكشف سوسن وطبايعها....


سميرة على سريرها تضرب فكر..
ــ اييييه يالدنيا.. الأخو شيب وهو ماخذ له هالشباب.. حلاوه ودلع .. وويش وراه.. و وولاده شوي ويتخرج مالك ويتوظف ويعرس.. وعلا كم واحد تقدم ليها.. مافي الا انتين يا سميره عمرش يمضي هدر.. .. بتقابلي تريزا طول حياتش .. هذا اذا ما طفشت تريزا منش.. اييييييييه .. الله كريم يغير الحال..


الفجر.. طلع جاسم على الموعد مع الذيب .. رايح للصندقه... وجلس ينتظره..



تابع>>

[Princess]

علي فتح عيونه فجأه.. قعد من النوم.... ولا يسمع الا عبدالرحمن قريب منه على سريره بس عاطنه ظهره..
صوت انفاسه مو واحد نايم.. واحد كأنه يصيح..
علي مو مستوعب الموضوع..
حاول يركز وياه.. الا فعلا يصيح..
وعلى شان مايزعج الباقي.. قام له على سريره.. وقرب منه..
عبدالرحمن حس عليه ومسح دموعه بسرعه.. وبدون ما يلتفت له.. بصوت هادي:
ــ صحيت؟؟
علي ابتسم : ــ انت اللي ويش فيك ياخوك..؟ مانمت للحين ..!! وويش فيك متضايق..؟؟!!
عبدالرحمن ساكت..
علي حط ايده على ذراع عبدالرحمن..
ــ ياخوي .. انت دايم تصبرني و تقول لي اهونها وتهون.. ورب ضارة نافعه على قولتك.. وكلام وايد هههههههه صراحه ماقدرت احفظه .. من عقليتك الجباره.. والله ما صادفت واحد يخفف عني ويفهمني كثرك.. الحين ويش فيك انت؟؟

عبدالرحمن ابتسم وسالت منه دمعه..وبهدوء شجي:
ــ ولهان على الغاليه.. وعلى بنتي اللي ماشفتها..
علي كسر بخاطره عبدالرحمن .. ووضعه... حس ان بيته ارحم.. خواته حول امه وابوه وكل واحد يواسي الثاني ويتأملو رجعته بفارغ الصبر ,, غير عبدالرحمن اللي ماعنده في هالدنيا الا مرته ومرته ماليها غيره.. وبنتهم اللي ما كحل عيونه بشوفتها..
علي:
ــ بعدين يا اخوي كل شهر فيه زياره ليش ما تخليها تجي ..
عبدالرحمن بقهر :
ــ ومين اللي يجببها.. ابوها اللاهي .. والا اخوانها اللي من ابوها اللي مايدرون عن هوى دارهم.. وانا حرمتي ما ابيها تطلع وتشحطط في هالأماكن لحالها.. ايييييييه خليها على الله بس..
ــ ونعم بالله..

صار يمسح على ذراعه و يقويه ويواسيه لعل وعسى يخفف عليه.. وفي باله..
ــ من شاف مصايب الناس هانت عليه مصيبته..

وصلو الذيب وجاسم وثنين وياهم للديره اللي ناويين على كم مزرعه فيها..

وصارو يحاولو في السيارات يفتحو قفول ابوابها..
انفتحت وحده .. قعد الذيب عالسيت وصار يفك في الراديو .. ومدة هو يفك..
جاسم مكلفينه يراقب .. لا احد يجيهم... وقف قريب السياره اللي الذيب يحوس فيها...
وانتبه لمحفظته طالعه شوي من البنطلون..

صارت عيونه تروح وتجي عليها..
وبحركه سريعه مرتبكه وتخلع.. ضرب الذيب بخفه وخطف المحفظه ..
وبتخويف:
ــ في وااحد اشووفه طالع من الأستراحه..
الذيب انصرع وقام يركض ..
جاسم خش المحفظه عنده.. و تراكضو كلهم ورى الشجر .. الا من حظ جاسم طلع كلامه صحيح.. كم دقيقه ودخلت سياره الأستراحه نزلو منها شباب وصارو يضحكو على راعي السياره المفتوحه.. ويسخرو عليه .. مفكرينه نساها ..
اللي يقول تنفه عن عمرها..
واللي يقول مخلنها تتهوى..
واللي يقول للحشرات والفيران .. فاتح فندق ..
سكروها ودخلو الأستراحه..

جاسم يبغى يغافل اللي وياه:
ــ ابغى حماام.. بروح أي محل ظلمه بخلص وبجي ..
الذيب محمق : ــ وقتك ويا وجهك..
جاسم : ــ وهوووووو على كيفي..
ــ فارق فارق بالسرعه..

بعد عنهم جاسم شوي زين.. وفتح المحفظه صار ينبش فيها.. لين طاح على بطاقة الأحوال تبع الذيب .. حطها في مخباه.. و رجع ليهم...

مهلو نص ساعه يراقبو الوضع.. لما حسو بالأمان رجعو لشغلهم...
جاسم بخفه رمى المحفظه على باب السياره اللي كان يحوس فيها الذيب..
ولما قريب يخلصو انتبه عليها الذيب:
ــ افففف يااساااتر.. محفظتي طاحت.. عمري ماجبتها معاي في طلعات على هالحظ اجيبها اليوم بالغلط وتطيح.. كان ياويلك يالذيب ياسواد ليلك..
شالها وحطها في مخباه..
وجاسم قلبه يطق طق مو طبيعي..
خلصو شغلهم و انحاشو من الزراعه...


ولما طلعو.. جو بيقسمو اتعابهم.. جاسم قال ما يبغى شي الحين.. متنازل .. وهم مهم مصدقينه ويش فيه ودام ما يبغى شي ليش طلع وياهم..
صار يمزح ويقول دافعة بلا عن عمر حميد المريض << خوش دفع بلا..
الذيب عاد ما يحتاج.. ما تبغى باللي مايردك,, توفر..


ورجع جاسم البيت.. قلبه وروحه يحسهم يسبقو خطاويه..
وطول الطريق وهو يتذكر كلام حميد اول ما اخذو ولد عمته وهو يهدد فيه بالذيب وجماعة الذيب وانهم كلهم مجهولين الأسامي والهويه ..
وما احد يعرفهم الا بألقابهم.. واذا واحد منا خانهم يروح بستين داهيه.. يتشهد على روحه..
وصل جاسم البيت دخل وعرقه يصب مع ان الجو كان برد مو طبيعي..
سكر على روحه الباب..
طلع بطاقة الأحوال من مخباه..
وصار يقرأ الأسم .. فلان ولد فلان.. ويقرا بقية المعلومات..
بدا يهستر .. شوي يضحك وشوي يصيح..
سحب كرتونه السري.. وفتح جواز حميد.. وحط البطاقه داخله..
واغمى عليه على سريره من التعب والخلعه..

الى الملتقى..

[**جوان**]

..

...


.. مشكوره خيووه على الجزء الروعـهـ..

.. ونستنى الاجزاء الباقيـهـ ..

.. تـحـياتــيــ..

...

..

[آخر شقآوهـ ..~]

لآتقولي الديب يصير إلى حميد أو جآسم <<<كل شي جآيز
وادا مآيصير ليه فهوه يعرفه معرفه قديمه أو شي مآشيات
يالله نشووف ويش يصير
يعطيك العافيه ع الجزء
يعطيك ربي العافيه
تحياتو

[Hussain.T]

يؤؤؤؤؤ

ان شاء الله ما ينتبه الذيب

×شكله جاسم مابيتحمل الهموم اللي في قلبه وبيعترف للشرطة×

ننتظر الجزء القادم على أحر من الجمر

تحياتي

[اسير الهوى]

عوافي عليك اميررررة...

وما نقول الا تسلم يدك على الحلقة الحلوة..

متابعين ان شاء الله

[جنة الحسين]

حرامي و يبوق الحرامي :weird:
و فكرة جاسموووه كشخه
ان شاء الله يعترف
جزء روووووعه ،، ننتظر الجزء بكـــرى
يعطيش العافيه

[Hussain.T]

متشوق الى معرفه ماذا سيحدث

اهو اترك عنك الفصحى واتكلم عامي

زين

ابغى اعرف ويش بيصير بسرعة مانا قادر اتحمل

[Princess]

مرحبا

:embarrest: تسلمو عالتفاعل
وعلى الحماس
مو عارفه ويش اقول ليكم

بس اقدم اعتذاري
الجزء 21 اخر جزء انزله
الى ان التقي بكم رجعتي من المدينه

بسافر

التفاصيل

هنا (http://www.alnassrah.com/showthread.php?p=772917#post772917)

الى ان التقيكم
اترككم بحفظ الله ورعايته

[دمعة على السطور]

وشوووووووووووووو بعد
ليكون الذيب يصير لأبو مالك...
ليكون أخوي حميد..




وهذي سوسن شكلها طيبة ترى..
إن شاء الله تطلع طيبة ولاتطفش علا



بصراحة البارت ولا أحلى....
روعة بجد..
بس إذا بتتيسرو بعد كم يوم
10 أيام مابنقرأ القصة ...
بنفتقدها..


على العموم..تروحو وترجعو بالسلامة يارب..
ويعطيك العافية أمورة الحلوة..
موفقة لكل خير إن شاء الله تعالى..
..دمتي بعين المولى الجليل..

[*زهرة البنفسج*]

ليكون جسوم بيعترف عليهم انبه ضميره عفرر

اميروة بتوحشينا تروحي وتجي بالسلامة يارب

وبتوحشنا القصة كفاري

ها ماوصيش ادعي لييييييييي

موفقه لكل خير

[للدموع إحساس]

صبـــــــــــــــــــاح الخيراااات ،،
خيوووه ويش هاالخيانهـ تنتظروني أرجع ،،
و تسافرووو ،،
كان قلتو أنكم بتروحو كان أقعد هناكـ و ألتقي فيكم لهـ ،، هع هع
المووووهيييييييييم ،،
خلني في الروايهـ الحين ،،
بـ صراحهـ ،،
روووووعهـ ،،
كل هاالأحداث صارت في غيااااابي ،،
يعطيكـ ربي ألف عااااافيهـ ،،
على هيكـ إبدااااع ،،
ما ننحرم منكـ يااااارب ،،
و تروحو و ترجعووو بـ السلامهـ ،،
و قلدناكم الدعاء والزيارة ،،
و عليكم بـ ألف ألف عاااااافيهـ ،،
بـ إنتظااااااركم ،،
خاااالص التحاااايااا ،،
للدموع إحساس ،،

[ارجوان]

:ongue:يسلمو خيتو ع الطرح الحلو والمميز:icon30:

وتروحي وترجعي بالسلامة ان شاءالله ونبسطي وتهني عيني

ولاتحاتينا ابدا ماراح ندخل كل يوم ونشوف في جزء جديد ولا لا والله يعينا على الانتظار :closedeyes::closedeyes::closedeyes:

اما جااسموا زين اسوي بالذيب يااعسى الذيب ياكله ويشتكي عليهم بالشرطة<<<<صحيح حاميها حراميها خخخخ

وسوسن شكلها بتصير خوش وحدة وياعيني على الدلع وسميروا ان شالله تعرس علشان لاتنبط من الدلع الي بيصير

تقبلي تحياتي لك:signthankspin:

[الــــنـــاري]

اعتقد اني انتظر هديتي:toung:
تروحين وجي بالسلامة >> عشان الهدية بس:rocket::silal:
والله يعين ننتظر القصة لبعد الناصفة
مادري ليلة الناصفة اول مارجع تعبان ويش اسوي :wacko:

[آسوآآر الآلــمـ]

تروحون وترجعون بالسلامة إن شاء الله

والله يوفقكم .. ولا تنسونا من الدعاء

موفقين إن شاء الله

.........

والله يعطيك العافية أختي على الجزءمررررررررة شيء

نفسي أعرف مين يكون الذيب

موفقه أختي ....

[زهور الريف]

جزء روووووووعة يالغلا

تسلم الايادي على هيك ابداع

واااااااو

بتروحي المدينة وناسة والله
بتوحشنا الرواية لكن..!!

تروحي وترجعي بالسلامة

موفقة لكل خير

تحياتي

[دمعة على السطور]

خيووووووووووو أميرة تدري وحشتني القصة..
ياالله مالينا إلا نصبر..
هذا وأول يوم ..يمكن بعدكم حتى ماتوصلو للنبي..
ترجعو بالسلامة يارب.
موفقين دوماً..

[دمعة على السطور]

اليوم الثاني
ترجعو بالسلامة


موفقين..



تعالو أني أفكر
ليكون هذا مؤيد بيتزوج أم عادل..
يمكن يموت حجي عباس ويتزوجها مؤيد؟؟؟
الله اعلم..
ننتظر ونشوف..

[دمعة على السطور]

اليوم الثالث..
قاعدة تعد حضرتها ههههههههه
ترجعو بالسلامة


موفقة..

[Hussain.T]

صاير ملل

ترجعوا بالسلامة ان شاء الله

تحياتي

[سفيرة الاحلام]

http://www.nsaayat.com/up/uploads/nsaayat6af44678d7.gif
اميره ررررررروعه

رواياتك كلها روعه ابداااااااع في ابدااااااااااااع

من زمان كنت انتظر تنزل روايه فرحت كثير لم شفته

الراويه حلوه كثير جناااان

اتروحي وترجعي بالسلامه
http://www.nsaayat.com/up/uploads/nsaayat6af44678d7.gif

[دمعة على السطور]

اليوم الرابع..
في الانتظار..
ترجعو بالسلامة
موفقين جميعاً..

[دمعة على السطور]

وحشتينا خية ووحشتنا القصة
ترجعي بالسلامة ..
وعليك بالعافية بجوار رسول الله وبضعته الطاهرة ..
عليهم أفضل الصلاة وأزكى السلام..


موفقة..

[أميرة الشوق]

السلام عليكم ورحمة الله وبركآته
http://www.2kraz.com/up/get-7-2008-e3kf7e1g.gif (http://www.2kraz.com/up)


الكـــاتبه
/
\
/
\
أميرة المرح*

مبدعه دائمــــــــــاً بسردك للقصص:)

http://www.cofe1.com/uploader/files/3601.gifولا يسعني إلا أن أرفع القبعه تحية لهذا التميـــــزhttp://www.cofe1.com/uploader/files/3601.gif

القصــــــــــه رووووووعه وأكثر من روعه
تجنـــــــن
تجنـــن
تجنن

:d
يعطيـــــــــكِ ألف عافيه ع القصــــه
والله يتقبل منكم صالح الأعمال وترجعوا بالســــلامه

وبـــــــإنتظار القصه ع أحر من الجمر

http://www.cofe1.com/uploader/files/3601.gifموفقين ـن ـنhttp://www.cofe1.com/uploader/files/3601.gif

[ارجوان]

ترجعي بالسلامة خيتو

جااااااااااااااااااااااااااااااااااااري الانتظار

[Hussain.T]

صار ليكم بالمنتدى وحشة

وللقصة وحشة

ترجعو لينا بالسلامة

تحياتي

[دمعة على السطور]

اليوم الناصفة
متباركة خية..
عليكم بالعافية بجوار الرسول الأعظم صلى الله عليه وآله وسلم..

وحشتنا القصة..
موفقين..

[دمعة على السطور]

ترجعي بالسلامة وحشتيييييييييييييييييييييييييييييييييييييييينااااا اااااااااااااااااااااااااااا

ووحشتنا القصة مرررررررررررررررره
موفقة حبيبتي..

[Hussain.T]

ياعلي

ويش هالوحشة

ترجعي بالسلامة خية

اذا رجعتي نبغي 10 اجزاء قي يوم ههه

[دمعة على السطور]

صدقت أخوي شبل..
يبغى لينا نسوي مظاهرات ..:toung:
امزح..
ترجعو بالسلامة يارب..

[أمل الظهور]

يعني متى بترجعي اميروه وبنعرف ويش بيصير :sad2:


وربي اشتقت لك :sad2:

[عوامية صفوانية]

اشتقت للقصة

وحشتينااااااااااااااااااا اميره

ولا تنسينا من الدعاء وتروحي وترجعي بالسلامة

يلا عشان يمديني اقراها من جديد لاني قطعت عنها بسبب السفر بعد خخخخخ

صدق اشتقنا لش وما نسيتك عند ضامن الجنان خيتو

الى اللقاء عن قريب بإذن الله

اختك المحبة دوماً: عوامية صفوانية

[الــــنـــاري]

اليوم العاشر اذا مو غلطان
مادري اقول الحمد الله على السلامة
لو اقول ترجعون بالسلامة
بصراحة وحشتينااااااااااااااااااا خيووووو
<< اهم شي دعيتو لينا عند النبي >صلى الله عليه وآله<

دمتم بود

[Princess]

مرحبا
عدنا والعود احمد
ما نسيتكم دايما على بالي..
تسلمو لي من كل مكروه
لا خلا ولا عدم
من الليله ان شالله راح نرجع ونكمل

دمتم بخير
وبحفظ الرحمن

[أميرة الشوق]

أميـــــرة

الحمد لله ع الســـــلامه والله يتقبـــــل

وحشتينـــــــا واجد

ننتظر التكملة بفارغ الصبر
لاتتأخري عليـــــــنا

:
:
تحياتي

[*زهرة البنفسج*]

ياعمري امور

حمد الله علسلامه وحشتينا كفاري يادبه

كم مره قلتها الش وحشتينا وحمدالله علسلامه

المهم ننتظر تري وحشتنا القصه هي الي تحمسنا وتخلينا ندخل المنتدي

موفقين لكل خير

[Hussain.T]

ههههههه

واخيرا جاء الفرج واعصابي بتبرد شوي

الحمد لله ع السلامة اميرة

وطبعا وحشتنا القصة وااااااااجد

ننتظر البارت على احر من الجمر

تحياتي

[ارجوان]

:clap: كووووووووووووووووولو ليييييييييييييييييييش:clap:
واخير رجعوا الحلوين الحمدلله على السلامة اسفرت وانورت تو مانورت الشرقية خيوه وعسى جبتي الي صوغة محترمة<<<<<امزح معاش

يالله خيتو وااجد انتظرنا:mesb:

لاعدمناش ان شالله

جااااااااااااااااااااااااااااري الانتظار على احر من الجمر

[جـــــوان]

الحمد لله على السلامة اختي اميرة الله يتقبل

[Princess]

مرحبا
هداياكم دعائي
وصوغتكم المحبه من قلبي..
عن جد يالحبايب ليكم وحشه..:embarrest:
ياليت لو تقرو الجزء 21 تهيأه على شان تسترجعو الأحداث وبكره 22
:rolleyes:



























امززززززح...
تفضلو الجديد .. غاليين وماقدر على زعلكم... :clap:

[Princess]

الحلقة 22

يوم ثاني الصباح.. قعدت علا .. وجهزت اغراض لطلعتها .. ولبست عباتها ونزلت.. لقت في وجهها عمتها قاعده..
ــ صبااح الخير ..
عمتها ببرود :
ــ صبااح النور..
علا ببرود اعظم :
ــ ويش صار البارحه ؟؟
سميره تتمسخر وتتدلع :
ــ ايه فاتش فلم رومنسي ما حصلش..
علا انقهرت :
ــ المهم بطلع الحين الليله حنى حماة خالتي وبروح اتغدى وياها والعصر بروح وياها للحنايه والليل الجلوات ,, الزبده.. ما بتشووفو رقعتي..
ــ حشا حشا.. ابوش ما يدري .. وبيعصب وبيسوي سااالفه ومافيني شدة هدرته..واخووش للحين ما رجع ما يندرى وين ارضه .. !!
علا بأبتسامه بارده:
ــ مالي خلق .. و كل مره اني اطلع استأذن منش مو جديده.. مع السلامه..
ــ تعااالي .. مين بوديش؟؟
علا وهي طالعه :
ــ حسين ريل خالتي اكو برى.
سميرة : ــ خوووش خووش .. ويا زعم تستأذني وانتين حزة الحزة تقوولي لي
ــ مع السلامه << قالتها وسكرت الباب وراها..
سميرة بقهر :
ــ ماااااااااالي شغل في احددد...
وطلعت علا ,, سلمت و ركبت السياره كان فيها سجاد مع ابوه..
سجاد دار ليها بأبتسامه :
ــ بتتحني ويا امي ؟؟
علا :
ــ خخخخ .. لا.. بس ضيفة شررف..
حسين : ــ خووش والله.. حق ويه ما تحني في عرس اختي .. لو ما نستاهل..
علا استحت : ــ هاا.. مادري ..
حسين : ــ افااا.. لا تقولي بعد ما بتكشخي ,, خبرش خالتش ماليها احد الا انتين عباره اختها وبت اختها وصديقتها.. افاا عليش بس .. ؟؟!!
علا : ــ لالا.. بكشخ جبت وياي عفستي وبروح ويا امل بكره الكوافير .. بس ما بتحنى..
حسين يطالع على جنب وبأبتسامه : ــ ايه.. كملي جميلش و تحني..
علا : ــ تتوقعو..!!
سجاد : ــ اييييييييه ,, خلي امي تستانس ..
علا : ــ ماحب الحنى وايد
سجاد : ــ على شان امي عااااد..
حسين يتغلى :
ــ خلاص ياولدي خلها براحتها.. ايه.. ما نستاهل حنا..
علا ابتسمت وصارت تفكر في الموضوع
...وهي تفكر .. اقتنعت على شان حسين واخته من جهه وعلى شان ليلى تنفعها من جهه ثانيه..

سوسن قعدت ونزلت تحت بروب النوم ,, سميرة فققت عواينها .. وفي بالها..
ــ هاااداااوووويه..
سوسن : ــ صبااح الخيررر..
سميره مفهيه: ــ صباح... النور..
سوسن : ــ قعدت الشغاله لو لا ؟؟
وهي رايحه المطبخ ...
سميره ما سكتت ولا قدرت تخبي اللي في بالها :
ــ اقوول سوسن.. البيت ترى فيه رجال ..
سوسن رجعت منصرعه :ــ هااا .. مين؟؟
سميره بأبتسامه بارده : ــ مالك..
سوسن تطالع سميره بأستغراب : ــ ومالك ؟؟!! خير يالله..
سميرة انقهرت : ــ لا والله.. مالك مو رجال ..!!؟؟
سوسن : ــ ما اقصد .. بس ويش قصدش ؟؟؟!!ليش يعني تقولي لي ... اتغطى يعني ؟؟!!
سميره تأشر على لبس سوسن بسبابتها من فوووق لتحت.. :
ــ ليش هاللبس بنظرش ساتر !!
سوسن طلع في روحها من فوق لتحت وترفع كتوفها :
ــ ويش فيه... صحيح روب بس اياديه طويله و طوويل .. ولا هو شفاف ولا شي.. ساتر الصراحه .. !!
سميره رفعت حاجبها :
ــ اسسسسسسمه رووب .. علا اخته ما تطلع كذا قدامه..
سوسن مستائه من الوضع .. ابتسمت ببرود :
ــ ان شالله بس باخذ لخلوودي كاس حليب وبركب ولا بنزل الا مبدلتنه..
وراحت المطبخ ..
سميرة شبدها لاعت وصارت تهدر بينها وبين نفسها ..
ــ خلوودي .. يعووه .. رجال كبير ابو عيال .. خخخ استغفر الله ربي ..بيت عجيب غريب ما يجيب الا الهم ..

وراحت غرفتها..

صارت سوسن تحوس في المطبخ .. صبت كاس حليب وتريزا تدليها وين الكاسات وين السكر وين كل غرض ... شالته في صحن بتطلع من المطبخ الا برجعة مالك البيت ..
هو دخل وشافها في وجهه اول مره يشووفها ولا يعرفها .. و هي بعد ..
وتتصروع وترمي الصحن من ايدها وتصرخ صرخه...

مالك عفوي بلا شعور هو اللي اختلع وغطى وجهه وعطاها ظهره .. تريزا طلعت تركض ,, سميرة انصرعت وطلعت..
ــ ويش صاااير؟؟؟

من شافت سميره مالك وهو بهالوضعيه وهالأرتباك وما سكت من قولة : ــ يالله .. يالله..
ما مسكت نفسها.. واول مره تضحك بهالشكل .. ضحك وهستره مهي طبيعيه...

مالك نزل ايده ولسا داير بظهره ..و بأرتباك :
ــ عمه.. ويش صاير !!

سميرة و الضحك زايد و تكلم سوسن: ــ قايله لش البيت فيه رجاااال...

سوسن ما تحملت تلون وجهها احمرر ودموعها طغت في عيونها ركبت فوق على طول ..

تريزا فيها ضحكه على سميرة اول مره تشوفها كذا.. كانت تضحك ضحكة شماته وتشّفي ..
صارت تريزا تمسح في الحليب وتلم الزجاج وهي مستغربه.. وفي بالها .. مسكينه سوسن..

مالك اعصابه تلفت ما توقع روحه يدخل في امان الله بيتهم ويشوف كذا..
قعد عالكنبه .. ــ اوووف خلعتووووووني ... وحق ويه هي تصرخ كذاا..

سميره : ــ ههههههههههه ويش تتووقع .. مع لبسها ووضعها ولا في حياتها شافتك ... ما تبغاها تنصرع..
ــ ههههههههه ما قصرت فيني قلبي طاح في بطني .. بس ... سبحان اللي خلقها خخخخ والله ابوي يعرف ينقي ويختار..
سميرة بقهر : ــ استح ... لا يسمعك ابوك ويقص لسانك... وبعدين مافيها شي زود اني واختك احلى منها..
مالك: ــ ايه علا .. مافي زي اختي اكيد احلى
سميرة تطالعه على جنب : ــ احم..
مالك شلق البوز شبرين :
ــ ايه وانتين ياعمه... افا عليش طالع على مين انا .. عليش

سوسن دخلت الغرفه وصياح صارت..
ابو مالك طلع من الحمام .. شافها تصيح .. راح ليها يركض ..
ــ ويش فيش غناتي...؟!!

علمته بالسالفه ,, صار يهدي فيها :
ــ عسى ما قال شي ولا سوى شي ؟؟
ــ لا حرام.. اني اللي صروعته وخليته يصرخ .. هههه مسكين غطى وجهه..
ــ ههههههههههه مالكوه خبل ..
ــ الا يعرف الأصول و شكله خوش رجال من هالتصرف..
ابو مالك ما عجبه كلام سوسن :
ــ ايه.. هذا ولدي زين.. انتبهي..
سوسن مهي فاهمه : ــ هاا.. ايه ادري ...
ــ زين انتبهي ولا تاخذي وتعطي وياه وايد..
سوسن مستغربه : ــ لويه ؟؟
ــ انا اقوول لش لا تاخذي ولا تعطي وياااه وايد وخلاص ...
سوسن خافت اول مره تشوف ابو مالك كذا..
وبهمس هادئ : ــ ان شالله على امرك...
شوي انتبه على لبسها: ــ وان شالله شافش كذا..

سوسن قلبها انقبض ..
سميرة من شوي والحين ابو مالك شكله محمق .. بخوف وتردد:
ــ اييه...
ــ وللللللعنه... مره ثانيه هاللبس ما تطلعي به برى الغرفه.. انا قايل لش باسكنش في بيت لحالش ما رضيتي تبغي وياهم وتبغي تتعرفي عليهم ولا تحبي تصيري لحالش .. فتحملي والا غيري رايش ..
سوسن : ــ لالا.. بتحمل .. وعد ما بطلع مره ثانيه كذا .. خلاص ..
ــ ايه انتبهي ...
ــ ان شالله على امرك...
ابو مالك ابتسم : ــ ايه تعجبيني كذا سوسني..
سوسن بهمس و بخجل : ــ من يمينك لشمالك كم خلوود عندي..
ــ يسلم لي ربي هالحس وهالخجل...


امل طلعت من الغرفه وصارت تدور حول نفسها:
ــ ويش رايش .. حليوه الجلابيه..
علا : ــ مرره فن.. صراحه اول مره تلبسي كذا وما كنت موافقتنش عليها .. خصوصا ان الجلابيات حليوين على جسم مليان .. والله وعاندتي واخذتيها من وراي .. بس صراحه رروووعه..

امل : ــ خخخخخ افادي فيها الصراحه.. و بلاش ما تدري طفشت عمر الخياط ,, واني ضيق ثنين سانتي ,, ضيق صبعين ... طفرت روحه..
ــ اهاااااا يعني فيها تضييق وتلاعب ,, هههههههههه اقووول من وين جبتي حجمش ..
ــ ههههههههههه كف عن المسخره هااا...
ــ ههههههههه ما اسخر.. تجنن عليش بالعافيه.. بس تعالي ... لويه خياط ..؟؟ لويه ما وديتيها لأم علي ...؟؟
امل بتردد : ــ قلت باوديها .. بس استحيت وضعهم ونفسيتها على ولدها .. واني ماصار ليها اسبوع من اخذتها .. مادري ترددت حسيت مو وقتي..
ــ بالعكسسسسس تنفعيهم حرام عليش ..
ــ مادري ..
ــ ماعلينا... الحين متى بنروح لليلى ونتحنى
امل : ــ نتحنى!!
وابتسمت ابتسامه عريضه : ــ بتتحني ويااااااااااي ؟؟!!
علا طلعت لسانها وغمزت : ــ ايييه..
ــ فديييييييتش ياغناتي .. ههههههههه حركات .. ويش اللي غير رايش ؟؟
ــ هههههههههههه ابو سجاد ماقصر علي في السياره.. وفكرت في ليلى قلت انفعهم يعني..
امل تغمز ليها : ــ اييه ياعيني عالأنسانيه .. افااا و اني .؟!! لو ابدا مالي خاطر ..؟؟ !! مالت علي ..
علا : ــ ههههههههههههه يللا عاااااااااااد ..
ــ ههههههههه امززززح ويااااش ...
ــ ما جاوبتيني متى بنرووح ؟؟
ــ العصر ان شالله ,, كلمت ليلى اني امس ..

جاسم يقلب الأفكار .. وقلبه مليان خوف ورعب .. اشياء وايد عنده مهمه وتخوف .. محتار في عمره .. يبلغ عن الذيب و جماعته... لو لا .. خصوصا ان الذيب ما انتبه له ولا حس عليه... بس اذا بلغ راح يكون شريك معاه في الحكم... مو عارف ويش يسوي .. خايف على روحه وبنفس الوقت تعب قلبه من الملامه.. وروحه بلغ فيها الألم اقصاه.. يحس نفسه مثل الطفل الضايع ..



تابع>>

[Princess]

طقت عليه زينب الباب ...
ــ جاسم.. جاسمووه.. نايم ؟؟
جاسم بتعب : ــ ويش تبغي ...
ــ قوم تغدى ...
ــ مابغى..
ــ ويش فيك .. ناوي تصوم الدهر...؟؟
ــ قلت لش مااااااااااااااا بغى...
ــ علي ياعلي .. زين.. تووفر ...


راحت المطبخ لأمها :
ــ ما يبغى حظي ..
ام جاسم كانت تنشب الغدا .. تركت الملاس عالصحن .. :
ــ وويش فيه ولدي .. انا لله..
راحت له فتحت الباب الا هو مقفول .. طقته :
ــ جاسم .. امي .. قوم تغدى ..
ــ مابغى ..
ــ ويش فيك امي .. صرت كنك كركمه اصفر من قلة الأكل .. ويش يعورك .. ويش فيك ..
زينب تستظرف : ــ عشقان يمكن ..
جاسم : ــ عشقان في عينش عن الظرافه لا اطلع لش ارويش شغلش ..
زينب : ــ اطلع اشووف اطلع ..
جاسم وصل حده : ــ خلووووووووووني بروووحي مابغى شي خلاااص ..
ام جاسم : ــ انا لله .. نلاقيها من وين لو من وين .. الله يصبرنا ويساعدنا...


وراحت المطبخ ولحقتها زينب ..
زينب : ــ اقص ايدي اذا ما ورى جاسموه سالفه خطيره..
ام جاسم بخوف و عيونها غرقانه دموع : ــ خوبليني انتين بعد هاا.. خوبليني .. خليني اهووس .. ويش سامعه .. ؟؟ زينبوه حلفتش بالله ومحمد وعلي .. اذا تعرفي شي عن جاسموه الا تقوليه..


زينب اختلعت من حالة امها :
ــ لالا.. اني خبله.. والله العظيم مادري عن شي و اهربد من عندي ما عليش مني...
ام جاسم ترفع مشمرها وتمسح دموعها ...
الا بدخلة ابو جاسم الحوش :
ــ احححااااا.. وينكم...؟؟
زينب طفرت من المطبخ :
ــ هلا يبا .. هلا قواك الله..
ــ الله يقويش .. وين امش ؟؟
ــ تنشب الغدا .. الحين بنحطه..
ابو جاسم راح المطبخ :
ــ لا اله الا الله.. لعن الله يزيد...
و صار يصب له ماي ... وانتبه لأم جاسم
ــ ويش فيش ؟؟
ام جاسم تداري دموعها : ــ لا مافيني شي .. الحين بنحط الغدا على ما تغسل و تقعد ...
ــ انا ما سألت عن الغدا .. ويش فيها عيونش حمرا ... زينب .. ويش فيها امش ؟؟
هدووء مافي رد ..


ابو جاسم حمق .. و يصرخ فيهم :
ــ اكلم طيفان انا.. ولللللللعنه .. ويش فيكم ؟؟ ويش صاير لا اشيل قلم هالقدو واشلخ ظهوركم..


زينب ابتسمت بخوف و ببرود : ــ لا .. لا مافينا شي .. على جاسموه مو راضي يتغدى ...
ابو جاسم استنكر : ــ عمره.... ويش نسوي له.. نراشي فيه و نلقمه بيدنا لقمه لقمه.. و كِلْ يا بعد امي .. كِلْ يا خلف ابوي .. خلوه يولي ..


ام جاسم بحزن : ــ بيمووووت.. ما ياكل هالمده.. حده ماي .. صار جلده على عظمه..
ابو جاسم : ــ انا لله... مادري ويش حال عليه هالصبي من مصيبه.. ما ممرضنا و قاضي علينا الا هو .. لا في صحته مريحنا ولا في مرضه.. يمكن على خويه حميد .. متأثر ..
زينب : ــ ايييييييه صح صح.. يمكن اماه صحيح متأثر .. عاد ما ينلام .. يادافع البلا ... الله يفرج عنه...


ام جاسم : ــ يارب ياكريم يفرج عن كل مريض و اسير ..


ابو جاسم : ــ ايه نسيتوني ويش باقول .. الطراد حصلت له شرااي .. و هالشراي نفسه كلمني على جاسموه وجه القوطي دبر له شغله.. وين يشتغل هالولد وهذي حالته...
ام جاسم استبشرت : ــ اللهم صل على محمد و آل محمد.. يارب يفرجها.. مين هالشرااي..
ــ اشرف ولد عبدالله آل.. .. جيراننا...
زينب ارتبكت وتذكرت موقف الصوره وياه وصخنت وفي بالها..: ــ بل .. اشرف ..
ام جاسم : ــ الله يجزاه خير .. ما قصر ..
ابو جاسم : ــ ايييه هالولد ماميش زيه الا بالتفق... الحمدلله ماعند ابوه الا هو و الله هاديه جعله يارب على طول.. اخلاقي و طيب .. من درى بي بابيع هالطراد.. مسكني و اصر يعرف لويه با بيبعه خصوصا انه يدري عن علي و يدري ان الطراد له.. ولما درى قال بيشتريه بالسعر اللي يرضيني...
ــ الله يبارك له ويوفقه و يكثر من امثاله ياااارب.. وويش الشغله..؟؟
ــ سركتي مدري ويش سماها في بقالتهم الكبيره..
ام جاسم : ــ سركتي ويه بعد ؟؟
زينب جتها ضحكه : ــ سيكيورتي ..
ابو جاسم : ــ ايه .. هادي هي .. ويش عرفني انا كيفا تنقال دي بعد..
ام جاسم : ــ ويعني ويه سكررتتري...
زينب تبلع الضحكه : ــ يعني موظف امن..
ام جاسم : ــ شرطي ؟؟
ابو جاسم : ــ تخسي الا هو .. بكره قال خله يمر يفصلو له بدله .. يقعد برى و ينتبه للبقاله..
ام جاسم : ــ حرستي ؟؟
زينب ضحكت ما قدرت : ــ يعني ههههههههههههه تقريبا حرستي بس متطور..
ام جاسم رفعت ايدها والملاس وصارت تدعي : ــ يااااااالله توفقك يا جاسموه وتفتحها عليك .. وياااااااالله تحرسك يا اشرف يا ولد الأجاويد يبلغ اهلك فيك ويرزقك بت الحلال اللي تسرك و تبرد قلبك...
ابو جاسم :
ــ يالله يا كريم.. من بختها فيه الصراحه .. رجال والنعم فيه .. خوش واحد..
زينب بلا وعي حست خدودها يمشي فيهم الدم بالقوه وخجل مو طبيعي .. انتبهت لعمرها.. وفي بالها :
ــ ويش فيني اني انخبلت..!!


العصر..
عادل زهقان يروح ويجي في صالتهم... حجي عباس منسدح يتابع الأسهم وينتظر اسهمه متى يجي دورها .. مشتري له مجموعه كبيره في كذا شركه..
وطلعت اول شركه.. طايحه شوي.. قعد حجي عباس قعود وضرب فخذه ,, و صرخ :
ــ صااااااااقعه...
عادل لسا يروح ويجي ... ولا يشوف الا ريموت التلفزيون انرمى عليه وصرخه :
ــ اقعد و خناقه تخنقك خليت راسي يفتر .. وايد علي هالفره من هالشركات طاح حظهووووووووم


عادل قعد في الزاويه وهو خايف لا يقوم له و يشلخ بدنه تعقد منه .. وفي باله يدعي على حجي عباس :
ــ طاااااااححح حظظظظظك انت جعلك حرررريقه لين تصير فححححححمه و يحطو عليك بخوووررره للعييييد خخخخخخ..
شوي الا امه تنادي عليه ..
طفر عادل يركض لأمه..
كانت في المطبخ تقصدر صحن وتحطه في كيس ..
وتساسر ولدها : ــ اسمع امي .. هذا صحن معمول تمر .. ابغاك توديه بيت ام مؤيد .. لا يسمعك ولا يدري بك حجي عباس لا يودينا بداهيه..
عادل يضحك بهداوه : ــ خخخخخ زززين بخيلووه هذذذااا رررجلش ... بااوووديييه بدووون لا ييدددررري...
ولا يسمعو الا صرخة حجي عباس :
ــ آآه قلبي باموت .. ونايبه تصككم من شركات .. ويلي ما بطلع الا براس المال ولا بعضهم خساره.. اوووووووووووف...
ام عادل تساسر ولدها : ــ يللا يللا روح .. وانتبه في الطريق ولا تلاعب الكيس وتمرجح فيه ما توصله الا طحين مفتفت ... شوي شوي هااا .. امانة الله..
ــ ان شششااااللله..
وطلع عادل ...
ام عادل في بالها : ــ يارب تسامحني .. من وراه اسوي هالشي يارب انت اعلم بحالي .. مفشلني هالرجال و منشف ماي وجهي .. يارب الطف بي ..


وعادل في الطريق .. طلعو له صبيان اعمارهم بين 12 الى 15 سنه... ..هوايتهم المفضله التحرش في عادلوه والتعيلف فيه ..
ــ عادلوه .. ويش عندك ؟؟
عادل حضن الكيس : ــ مووو شغغغلللكم ..
ــ بنشووف دقيقه ..
ــ وخرررررو...
حوطوه ... واحد منهم وراه صار يشلوط فيه وواحد جنبه صار يدلدغه وواحد يفلصه ..
خلاص عادل مو عارف كيف يتصرف وياهم ..
شان يرفع الكيس ويلوحهم به شدخ .. نفرهم تنفير ...
لين تركوه في حاله ..
صار يعدل في الكيس .. وهو خايف :
ــ ييياااااعلللي صصصاااار طحححييينه...
وكمل طريقه لبيت ام مؤيد وقلبه يراقع ...
وصل وطق الباب ومن فتح له مؤيد .. هجم داخل ولصق روحه بالجدار وصار يصيح وهو ماد الكيس ولا ينفهم ويش يقول ..
مؤيد مستغرب : ــ ويش فيك عادل ؟؟ ووش هالكيس ؟؟ وويش تقول ؟؟ شوي شوي خلني افهم..
دخله المجلس ونادى على امه قال ليها تخبر اخته ان عادل هنا...
جت امه وقعدت وياهم في المجلس .. فتحت الصحن ..
ــ يوو .. هادا ويه امي ؟؟ متفتفت البسكوت...
عادل وجهه انقلب احمر . : ــ مووو مننني ...
وصار يصيح عور بقلبهم..
ام مؤيد فطر قلبها شكل عادل .. صاير زي الطفل الصغير رغم كبر حجمه..
مؤيد يهدي فيه وخلاص حصل خير .. ويبغو يفهمو منه ويش فيه..


عادل علمهم السالفه..


ضحكت ام مؤيد .. وتبغى تخفف عن عادل خذت نتفه واكلتها وهي تضحك :
ــ ههههههههه حلووو .. وحلاوته انه مفتفت .. مافيني ضرووس يا ولدي زين فتفته اريح لي..


عادل صار يضحك.. و مؤيد ابتسم .. و صار ياكل وياها.. ونادى على جود وعطاها...
عادل مستانس ,, وبرد قلبه.. وطلعته .. مؤيد قال له بيوصله .. و ام مؤيد قالت له لا يقول لأمه انه تفتف البسكوت...
وفي بالها على حساب لا تنجرح المسكينه وايد عليها احراجات.. وطلبت منه تسلم عليها و تطلب منها تزورهم ...
وطلع عادل ويا مؤيد ... راجعين البيت..

تابع>>

[Princess]

في السجن...
اشاعات بين المساجين تروح وتجي ...
عبدالرحمن : ــ سمعت ياعلي .. يقولون مع بداية السنه الجديده في شهر محرم راح يطلع عفو ملكي عن بعض المساجين.. يارب يشملنا ..
علي تهلل وجهه وفرح : ــ مين قال لك ؟؟
ــ سمعت الشباب يتناقلون هالحكي بينهم .. وقبل فتره طلع عفو فعلا و افرجو عن جماعة مهي بشويه..
علي رفع ايده برجاء : يــــــــــــااااااااارب..


حميد .. فتح عيونه بعد غيبووبه طويله .. رفع ايده لقى المغذي .. نادى على الممرضه.. جت له و صار يسالها انا ليش هنا..؟؟؟ وويش فيني ...؟؟؟


الممرضه مافهمت عليه... نادت عالدكتور . الدكتور من دخل :
ــ يعطيك العافيه خيي امجد كِيفك اليوم..
حميد فتح عيونه : ــ امجد !!
الدكتور : ــ شوو في؟؟
حميد : ــ انا اسمي حميد ليش قلت امجد؟؟


الدكتور مستغرب طلب من الممرضه تروح تجيب ملف حميد والمعلومات,, جابت الممرضه ملفه.. فتحه الدكتور وقلب بين الأوراق وطلع نسخه من جواز سفر..


و قال : ــ ايه هيدي صورتك بالباس بوورد من كم سنه .. وهيدا اسمك امجد عبدالكريم ال.. لك شوو في خيوو فأدت الزاكره !!؟؟
حميد منصرع .. ويحس روحه خلاص دار راسه و مهو قادر يستوعب الأمر ... وبتعب وخووف سأل .. :
ــ من وين جبتو هالصوره للجواز ؟؟ وشلون جيت هنا .. وويش فيني اصلا ؟؟!!
الدكتور ابتسم وصار يكلمه بهداوه .. وحميد شوي شوي يغيب عن الوعي ...:
ــ واحد من أرايبينك .. جابك لهون و لما استأبلناك وطلبنا منو شي معلومات عنك .. تعب وهو بيدور على هويتك ... عطانا صورة من باس بوردك.. واستكفينا فيها ... ريح نفسك خيوو و ان شالله ما تحصل مضاعفات و ...
خلاص حميد غمضت عيونه وغاب عن الوعي...





العصر في بيت ابو علي . في المجلس .. ليلى و علا و امل و ريما. ليلى تنقش آخر شي لعلا ... النهايه.. و امل قاعده تقلب في ايدها المنقشه و تمدح في ليلى و شغلها..
امل : ــ ما شالله على شغلش ليووول يجنن ..
علا مقهوره فيها : ــ يجنن وبس .. اللهم صل على محمد و آل محمد .. ودافنه هالموهبه و ساكته عن روحها ..
ليلى تلون وجهها : ــ خلاص عاد خلوني اخلص بقايا هالأيد لا اخربشها
ريما : ــ ههااااااااي استرر عالخجل ..
ليلى تطالعها على جنب وهي تضحك : ــ انشبي هااا..
ريما تحط ايدها على بوزها : ــ هاا .. انشبيت ... خلاص ..
ريما بهداوه وهي تقلب في ايدها اللي خلصت :
ــ عاد حماتش يا اموله ما دورت تعرس الا في ذي الحجه .. ما باقي شي على محرم بترووح زهوة العرووس..
امل : ــ ويش اسووي تشيه على كيفي .. يبغو في عيد الغدير .. يمديهم اسبوع وكم يوم ..
ريما : ــ متى عيد الغدير ؟
امل : ــ في اليوم اللي قلت ليكم تشرفونا اذا تقدرو.. ليلة 18
ليلى ابتسمت وبهداوه : ــ الله يفرج عن علي وهو اللي يجيبنا ان شالله
الجميع بنفس واحد .. يــــــاااارب


تلفوونهم يرن ... ليلى : ــ قومي ريما شوفيه...
ريما : ــ اهوو اكم امي وابوي برى بيشوفوه..
ــ صحيييييح عاجزه .. قووومي.. ... اكو بعده يرن.. يمكن علي
ريما: ــ علي ما يخلوه الا في المناسبات..
ليلى حمقت : ــ سكت.. اكي رفعته امي شكلها .. و اي مناسبااات يا حسره .. مافي الا العيد ,, وبكره بيروح له خالي زياره..
علا :ــ اول زياره..؟؟
ــ لا كل اسبوع وحده,, هذيك المره ما قدر يرووح .. من طلعت سالفة المحامي انسدت نفسه وما قدر يروح ويشوفه على هذيك الحاله بعد هالخبر..
علا : ــ الا صحيح وويش بتسوو..؟
ليلى تنهدت : ــ خليها على الله.. اكو خالي يفكر يبيع الطراد حق يوفر تكاليف لمحامي ثاني ورفع ويا الجماعه قضيه على المحامي ..الحرامي الزفت .. وللحين مو شايف سعر يناسب و يغطي التكاليف ..


امل : ــ الله كريم.. يفرجها ان شالله ..
ــ ان شالله..


ولا يسمعو الا صرخة ام علي بألم و حسرة و صياح : ــ يـــــــــاااااعلي ...


الى الملتقى..

[للدموع إحساس]

سلمت يمينكـ غلاااااتي ،،
الجزءء رووووووووعهـ ،،
شفيت على الحنى ،،
شكلي بتحنى في الناصفهـ ،، < تصقع إبليسي ما أخلي شي إلا و أندلع عليهـ ،،
لكن اللهـ يستر ،،
و يش كان ورى صرخة أم علي ،،
أن شاء اللهـ خير يارب ،،
بـ إنتظاركـ خيووووه ،،
لا تطووووولي علينا ،،
يعطيكـ ربي ألف عااااافيهـ ،،
خااالص التحااايااا ،،
للدموع إحساس ،،

[*زهرة البنفسج*]

تسلمي امورررررررررررر ياقمر


عللجزء الفله

ننتظر البقيه وش صايرر ياعلييييييييييييييييييي خلعتيني امور وش بصيرر

موفقين لكل خير

[أمل الظهور]

يوه يوه سوسن شكلها طيوبه بعفويه


وجاسم يارب قريب يتحرك و يريح ضميره


وحميد عقب ماعرف انهم عرفوه الله يستر مدري ايش بيسوي وكيف بيتصرف


ياربي بعد ويش فيها ام علي


هالعلا من تزورهم الصريخ في هالبيت الله يستر بس الله يستر


موفقه وتسلم اناملك

[Hussain.T]

ياسلام

اخيرا جا الجز 22 اما الجزء روووووعه

ويش اخرها ويا جاسم وامجد وعلي والذيب

بنتظار البارت القادم

تحياتي

[آخر شقآوهـ ..~]

أحلى أحلى
أمووور شرفتنآ
الحمد الله ع السلامه ياقلبي
تقبل الله ..
والله ولكم وحشه ولا عاد في المسن
...
تسلمي حياتو ع الجزء
ربي يعطيك العافيه
لآعدمناك يارب
تحياتوون

[اسير الهوى]

يسلمو اميره

مسكين على رحتي المدينة ونقعتيه بالسجن وحميد بعد خليتيه من ذاك اليوم لليوم بغيبوبته

الحمد لله على السلامة والله يتقبل منك صالح الاعمال

كوني بخير

[الــــنـــاري]

تشكراتي & تحمداتي على السلامة
=
يسلمو هالانامل على هيك اطروحات
لاعدمناك خيتو دوم مبدعة ماشاء الله عليك
وعقبال الـ 50 % ^_*
تمنياتي القلبية لك بالتوفيق
دمتي بحفظ الباري

[دمعة على السطور]

ياعلي ويش صاير؟؟
طاح قلبي..
ويش فيها أم علي..
إن شاء الله بس مو شي خاص في علي...

أميرة حبيبتي..البارت روووعة يجنن ..
وعادل موتني ضحك..:bigsmile:
ولا عاد لما واحد يفلصه وواحد يدلدغه وواحد يشلوطة هههههههههههه


أميرة لاتغيبي مرة ثانية..>>:weird:تفكري على كيفش إذا حصلت ليها سفرة بتسافر بعد أحد يعيف...:toung:



موفقة غاليتي..
بانتظار البارت القادم..

[MOONY]

يعطيكِ ربي ألف عافيه
بنتظار الجزء القادم
سلامي الحار لكِ:amuse:

[عوامية صفوانية]

واااااو

عندي تعليقات وااايد

بس ما اقدر اقولها الحين لانه قريت القصة من البداية الى هنا وبإنتظار الباقي

روووعة روووعة

والله يفرجها على بيت ابو علي بس وااايد عليهم من المصايب
( على كيفي شكلي بعد مو القدر صايبنهم بالهم والغم )

تسلمي غناااتو أميرة الله يعطيش العافية ما قصرتي
وعيشتيني بداخل القصة خخخخ

والله يحقق أمانيش بحق محمد وآل محمد

تحاااتو القلبية : عوامية صفوانية

[Princess]

مرحبا

الله يسلمكم ويخليكم ويتقبل منا ومنكم صالح الأعمال..
يعطيكم الف عافيه على هالتواجد الرائع...
دعاكم تتحقق الـ 50% الباقيه..:toung::embarrest:

وصح خيتي عوامية صفوانيه.. الحمدلله عالسلامه غناتي والله يتقبل اسمحي لي مافي مخ دي يومين :wacko::embarrest:

.
.
.
.
.
.

في عينهم.. نلمح مرارة القدر .. يحكي حكاية الفرح بها مبتور...
دقات قلوبهم يعانقها الدعاء والرجاء..
صبرو .. تعبو.. وذاقو شتى العذاب..
تلك هي ارواحهم.. و شتى شبيهه بل و اقسى و اكثر مصابا..
في دنيانا .. على ارض الواقع..

ضعنا ياصبرنا.. فهل من طريق يرشدنا..؟؟
.
.
.
معكم... اكمل المشوار

[Princess]

الحلقة 23 ..


ليلى وريما انصرعوا من صريخ امهم.. وقامو ليها يركضو..
علا شبحت بعيونها و صار قلبها يدق بالسرعه .. وفي بالها .. الله يستر .. وبدت تحس بحالتها و حظها كل ما تجيهم الا بفال نحس ..
امل مختلعه : ــ ياساتر استر

ليلى راحت لأمها تهديها شان تفهمها ..
وبالها ويا ابوها اللي اخذ السماعه وبدا عليه الشحوب و التعب وشوي بدى يصيح وياها.. صارت تحاول تفهم ..
ابو علي ودموعه تصب وبصوت مبحوح : ــ انا لله و انا اليه راجعون.. من متى ..
وشوي يقول : ــ ماادااايم الا سبحانه.. تسلم اخوي ... ما قصرت.. اقرب وقت نشوف احد يجي يستلم اغراضه..

ريما جاها مغص في بطنها ..
ليلى قعدت عالأرض مختلعه.. و صارت تهز في امها .
ــ امااااه ويش صاير ...؟؟؟!!!
ريما :: ــ اماااه ,, مين اللي مااات...!!
ام علي ما ترد ... نفسها غايب وماسكه قلبها وصياح..
ليلى خلاص مهي عارفه ويش تسووي ..
ــ امااه .. يبااه .. ويش صاااير؟؟

ابو علي رمى السماعه... و بصياح شديد .. رفع غترته و صار يمسح دموعه :
ــ ولد عمتكم...
ليلى جاها الرد زي الصاعقه ..
ــ صالح.. صالح .. ويش فيه..؟؟
ام علي تضرب فخذها وتنووح : ــ يا مطول الغيباااات...
ليلى خلاص تحس لسانها انخرس ..
ومهي عارفه ويش تقول ... تحجرت بالمره..
ريما صارت تصيح وتستفسر ..
ــ متى ؟؟ وويش بالضبط ... !!
ابو علي بتعب ومنهار : ــ صار له اسبوع.. حادث سياره.. الحين هذا واحد وياه في غرفتهم بالسكن..
ريما : ــ ومن اسبوووووووع توه يتصلل..!!!!!!
ــ مادري ويش يقول توه شايف جواله مدري ويش سالفته ماااادري يا بتي خفي عني اساله مانى قادر..
ليلى مهي قادره .. قامت وصارت تسحب رجولها سحب ..
وصلت المجلس ووجهها احمر ..
امل بخوف : ــ خير ليلى.. ويش فيكم .. عسى ما شر ..؟؟
ليلى دموعها صارت تصب بعفويه بدون احساس تتناثر ..
تسندت على باب المجلس و صارت تقعد شوي شوي ...
لين طاحت بأنهيار.. و بصوت مبحوح هادئ ومتقطع..:
ــ ولد عمتي............ توفى..
امل اختلعت وارتبكت : ــ انا لله وانا اليه راجعون.. الله يرحمه ويطول بعمركم .. الله يعظم اجركم...
علا مهي عارفه ويش تقول .. وبألم و ارتباك : ــ الله يعظم اجركم..

امل مستحيه حدهااا.. بدون شي تحس الوقت مو مناسب لحناها في هالبيت ,,
مو بعد تطلع حالة وفاه مفاجأه..
اتصلت في حسين يجي ليهم..

وصارت علا تحاول تنشف في ايدها وهي لسا ما اكتملت..
و يهدو في ليلى... عشر دقايق.. وبأرتباك مهم عارفين يعطو ليلى فلوسها
.. الا جوال امل يرن .. حسين وصل ..

قامت امل وهي مستحيه .. عظمت الأجر لليلى و صارت تصبر فيها.. علا قعدت على ركبها وحطت كفها على كتف ليلى .. وصارت تهمس ليها :
ــ الصبر غناتي والله يهونها ويفرجها عليكم..
ليلى بس دموع ..
امل وقفت في الممر ونادت على ريما..
جت ريما وحالتها حاله.. عطتها امل الفلوس وبهداوه:
ــ هذا حقكم غناتي يعطيكم العافيه.. والله يعظم اجركم..
وطلت الصاله على ام علي وابو علي سلمت عليها وعظمت اجرهم ..
وقبل ما تطلع قالت لريما :
ــ روحي لأختش اكي على باب المجلس وحالتها حاله.. الله يكون بعونكم..
ريما وهي صياح :
ــ ويلي على اختي خطيبها ما الووومها...
علا انصرعت : ــ خطيبها ؟!
ريما تسمح دموعها : ــ ايه من لما كانو صغار.. الله يرحمه..
امل : ــ انا لله.. الله يرحمه و يهون عليكم ..

طلعو .. ركبو السياره.. وحسين يتعيلف ويسخر :
ــ انتبهوو لا تدعبسو سيارتي وتوصخوها..
امل : ــ نشف .. ما يووصخ..
ولا يسمعو ورى الا صياح... فجأه كذا..
حسين انصرع.. وكان سجاد ورى..
ــ ويش صاير؟؟؟ سجاد ويش فيكم..
سجاد خايف : ــ مادري ,, علا تصيح على ويه...
شوي الا امل قدام اشتغلت هي الثانيه صياح..
حسين وقف على جنب .
ــ بسم الله الرحمن ,, ويش فيكم؟؟ على ويه ؟؟
امل بصوت متكسر :
ــ الله يكون بعونهم ويساعدهم بيت كله مآسي .. من شي لشي .. لله صبرهم ..
الله لا يضيع اجر هالصبر و يعوضهم ويفرج عليهم..

هي تقول كذا .. وعلا تزيد صياح..
حسين يستفسر ويش صاير فيهم...
وصارت امل تعلمه ...

على باب المجلس ظلت متحجره.. بس الدموع تصب .. كفها اليمين حطته جهة قلبها و ضمت بلوزتها بالقوه.. وضمت كفها اليمين بكفها اليسار..
وصارت تتنفس بالقوه شوي صارت تشاهق ..
جت ليها ريما فتحت علبة لأختها على التسريحه وحطت فيهم الفلوس..:
ــ ليلى .. ليلى قوومي ...
ليلى ويش فيش ...؟؟

ليلى ابدا لا حياة لمن تنادي ..
صارت ريما تحاول فيها .. سندتها عليها وودتها الغرفه... قعدت ليلى على سريرها صايره ما كنها في الدنيا .. ريما خايفه عليها سدحتها وغطتها .. وصارت تمسح على راسها وهي تصيح ..:
ــ ليلى غناتي خلاص هدي روحش و نامي ...
ليلى عيونها على السقف وما في الا الدموع...
طلعت عنها ريما و سكرت الباب..


ابو جاسم قبل لا يرجع الزراعه ,, قال بيقعد ويا ولده .. طق الباب .. جت له صرخة جاسموه :
ــ خلووووووني بروووحي مااااااااابغى شي ..

ابو جاسم رفس الباب رفسه وبصرخه :
ــ تخلخلت ضلوعك وراحت روحك .. افتح لا افتح راسك ..

قام جاسم على طوله يركض عدّل حالته مسح دموعه وفتح الباب..
ابو جاسم دخل وقعد على السرير ..
وصار يطالع في جاسم وهو واقف...
ــ تعال اقعد ابغاك في سالفه..
جى جاسم وقعد على الأرض قدام ابوه..
ابو جاسم : ــ ويش بك..؟؟
جاسم ساكت ما يرد..
ابو جاسم : ــ لا تخليني تشني قاعد ويا طوفه ..
جاسم بأرتباك مو عارف ويش يقول :
ــ ااا.. على حميد .. متضايق عليه.
ــ اييه.. انا قايل لأمك و اختك ..
ماعلينا .. الله يقومه بالسلامه ..
اسمع.. في اقرب وقت تمر على اشرف ولد جارنا عبدالله... و تقول له انا جاسم عبدالرحيم.. بيعرفك على طول.. وبياخذك يفصلو لك بدلة حق شغلك في البقاله..
جاسم فتح عيونه : ــ بدله .. بقاله؟؟ ويشو؟؟
ــ لا تستهبل علي .. بقالتهم الكبيره يبغوك سكرترري فيها..
جاسم : ــ بف خخخ.. ايه فهمت.. ان شالله..
ــ ضحكت من سرك.. هذا اللي فالح فيه.. انتبه عدل ولا تصير حمار و تضيع الشغله.. خوش رجال اجودي زين يوم قبل بك..
جاسم يتحمق بينه وبين نفسه:
ــ زين يوم قبل بي .. بلاه مايدري بي حرامي لو يدري لو على قص رقبته مابغاني..
ابو جاسم : ــ ويش تهربد؟؟
ــ ها... ولا شي..
و قبل لا يقوم ابو جاسم من على السرير .. حرك رجوله.. على ورى وطقت في الكرتون.. استغرب ويش هالطقه.. ورجع طقه..
ــ ويشو تحت كرفايتك..؟؟
جاسم انقلب لونه ازرق من الخوف:
ــ هاا.. ,, كرتون ... كرتون فيه عفستي الزايده كتب وخرابيط..
ــ ايه.. زين .. يللا لا تنسى اللي وصيتك عليه...

وطلع ابو جاسم من الغرفه..
جاسم شوي ويغمى عليه,, يحس كنه منكب عليه ماي باااارد..
قام قفل الباب وراح للكرتون وصار يقلب في اللي فيه.. ويخشهم بين الكتب وهو يتنافض.. وفي باله :
ــ لمتى وهذا حالي؟؟
تابع>>

[Princess]

ــ وخذو النساء والأيتام سبايا على جمال.. من كربلا للشام.. مهتوك سترهم .. شمر يلوعهم و زجر يضربهم بالسوط.. ووصلو خرابة بالشام.. ما تقيهم حر شمس ولا برد ..

هذا كان حال علي.. مع عبدالرحمن.. يقعد وياه يقص له قصص عن اهل البيت عليهم السلام...
وعن مذهب الشيعه وعقيدتهم..
عبدالرحمن و الأسى مبين عليه تنهد من قلبه:
ــ الله يلعن كل الظالمين.. وربي هالموقف يبكي الحجر ..
سكت عبدالرحمن شوي .. ورجع قال:
ــ تصدق ياخوي .. عمري ما قعدت مع شيعي وسولفت واخذت وعطيت.. بالمختصر عمري ما صادقت احد منكم وتقربت منه كثرك مع اني مو من النوع المتشدد واللي ضدكم بالعكس عندي فضول اعرفكم واتقرب منكم بس متخوف من اللي اسمعه عنكم من اللي حولي.... يااخي .. مدري شقول.. ولا ادري كيف ارتحت لك وانجذبت.. يعجبني خلقك و اسلوبك والتزامك..

علي : ــ الله الله.. خلاص ياخوي احرجتني.. تسلم من ذوقك.. من طيب اصلك وصفا قلبك... عزيز وغالي وعلى عيني وراسي .. أهم شي أي سؤال يطري في بالك عنا اسألني .. انا اجاوبك لأني اخبر بمذهبي..
ــ ايييه.. تدري في ايش افكر صار لي فتره..
علي : ــ ويش؟؟
عبدالرحمن حط ايده على فخذ علي ..
ــ اني استشيع...
علي ابتسم وتهلل وجهه:
ــ والله.. من صجك؟؟ عندك الأرداه !! صحيح.؟؟
عبدالرحمن : ــ ايه ياخوي.. من اول ما تعلقت فيك وصرت دوم معك وانا افكر بهالشي بس متخوف ومتردد.. ويوم عن يوم تزيد رغبتي.. بس صار لي فتره احس نفسي متمسك بهالقرار وفعلا حابب اكون منكم وعلى مذهبكم..
وبصوت هادئ وفي عيونه ينقرأ الأمل :
ــ علي.. تساعدني..؟؟
علي يحط كفه على كف عبدالرحمن وبهدوء :
ــ .. من عيوني افا عليك..بس اهلك ويش بتسوي وكيف بتتصرف
ــ اهلي.. ماعلي من اهلي ماعندي اهل الا زوجتي.. وراح تكون معي بأذن الله خواتك خواتها وخواتي راح يوقفون جنبها ان شالله متأكد من هالشي مابيقصرون وانت اخوهم.... علي انا عن جد ارتحت لكم و حابب اكون منكم..
علي ضغط على كف عبدالرحمن وابتسم:
ــ نتوكل على الله.. بالصلاة على محمد وآل محمد.. وان شالله اكون قدها .. وبس نطلع راح اوديك للمشايخ و اعطيك كتب وما ببخل عليك باللي اقدر عليه.. واذا طلعت قبلي راح اعطيك عناوينهم..
عبدالرحمن ابتسم وبهدوء : ــ لا ان شالله جميع ياخوي.. الله لا يفرقنا.. وتسلم يالغالي هذا عشمي فيك..
علي : ــ بدينا بالصلاة على محمد وآل محمد.. ماتكون بتراء .. كاااااااامله.. اللهم صل على محمد وآل محمد.. والحين الشهادات.. .. ان لا اله الا الله.. و ان محمد رسول الله.. وان علي واولاده المعصومين بالحق حجج الله..
عبدالرحمن غمض عيونه .. حط كفه على قلبه.. ونطق بالشهادات.. وكله حماس و اصرار على هالقرار...
واتريمبو والـيومي

بدينا بالصلاة اعلى محمد

و ثانيهم أميرالمؤمنينِ

وثالث فاطمة بنت الأمين

و رابع الحسن و يا الحسين

و خامس الخضر يا بو محمد


حماة امل تحت المشمر الأخضر يجلوها في ليلة حناها.. علا بالها ويييين في بيت ابو علي.. ماسكه المشمر وببرود تحركه ومخربه حركة ..

امل انتبهت عليها .. لمستها بكوعها وقطعت عليها السرحان.. ابتسمت في وجهها.
علا حست لروحها.. ابتسمت و عدلت وضعها... وفيها غصه...
تحملت كم دقيقه وتركت المشمر و قعدت...
امل التفت عليها .. لقتها تتصل جوال..
تركت المشمر وقعدت جنبها..
ــ تتصلي في مين؟
ــ مالك.. تعبت خلاص ابغى اروح البيت..
ــ ياربي .. علا غناتي هذا قدرهم ويش بتسوي .. هذا حكم الله وهذي ارادته..
ــ والنعم بالله.. بس تعبت امول لا تحاتيني غناتي وروحي لحماتش .. شوي بيجي مالك..
امل مهي عارفه ويش تقول تبغى تقول أي شي وبعفويه مالقت الا هالسؤال:
ــ متى بيسافر مالك؟؟
علا من سمعت هالسؤال بلا شعور :
ــ تهي تهي..
وحطت ايدها على وجهها وصارت تصيح..
امل انصرعت :
ــ يؤيؤ .. يقطع خبالتي اجل هذا وقت هالسؤال.. .. خلاص فديتش لا يسيح مكياجش من الدموع وتطلعي جنيه..
علا صارت تضحك وتصيح .. مسحت دموعها :
ــ مع بداية محرم بيسافر .. باقي اسبوع بس .. وبيخليني ..
امل حطت ايدها على خد علا :
ــ افا عليش وين رحت اني.. !!
ابتسمت علا ..
ــ تسلمي لي .. يللا قومي جلّي حماتش..
ــ ان شالله ..
ورفعت ايدها : ــ عقبااااااااااال ما اجليش ياااااااااارب..
ــ هههههههههههه قومي زين..
ــ فديت هالضحكه.. يللا اشوفش بكره على خير..
علا قامت بتلبس عباتها..
ــ على خير ...


.
.
.
.

تابع>>

[Princess]

ــ بس ارجع من البعثه .. بتوظف ان شالله وظيفه عالميه.. و بخطب رسمي .. و بسوي عرس لا صار ولا استوى.. باجيب رواديد الدنيا يقرو الموالد .. و حركاات..
علي يضحك : ــ ماااقدر على ابو صلووح ماقدر.. ان شالله يارب..
و يرقص حواجبه يتعيلف فيه :
ــ تخطب رسمي هاااا.. احلى يالخاطب من وراء الكواليس
ــ ههههههههههه كواليس في عينك.. تسوي حالك هاا.. احم.. اللي يسمع منت من ورى الكواليس..
ــ لا من ورى ولا من قدام.. هههههههههه انت ما شالله وراك بعثه.. انا يغسلو ايدهم مني..
ــ فااال الله ولا فالك... خااااااله شوفي ولدش ..
<< كان صالح يعتبر مرت خاله خالته ما تتغطى عنه و تحبه وتعده مثل ولدها..
ام علي منقهره من كلام ولدها : ـــ اهوووووووو عني..
ضحكت ليلى..


..ضحكه في الحاضر ..
قطعت سرحانها مع ذاك الماضي..
ضحكت وتبعت الضحكه موجة صياح متقطعه..
مخنوووقه.. و مهي عارفه تفضي المها ..
شلون تفضيه ؟؟ ووين .؟؟


و اخوها حبيبها وصديقها علي .. مرمي في الحبوس وبعيد عنها..
و صالح.. الصديق .. الحبيب .. اللي حبه قدام العالم كلهم .. مافيه أي شي يعيبه ولا أي شي يخدش الحياء فيه.... صالح...اللي كانت تتأمل متى الله يوفقه ويجمعهم .. صالح .. اللي روحه ترافقها وروحها ترافقه.. فارقته روحه وخلاها..!!


بلا شعور.. طلعت الدفتر من تحت منامها وصارت تقلب فيه ومع كل ورقه تزيد النحيب ..
شوي صارت تشقق ورقه وترميه يمين وشمال.. وتصارخ وتكفخ في نفسها..


ريما كانت برى .. ام علي داخت ونامت وابو علي مع ريما في الصاله..
من سمعو الصريخ..
ابو علي ما تحمل رجع يصيح.. :
ــ قومي يابتي شوفي اختش وهديها..


ريما ودموعها تسيل .. فتحت الباب .. لقت ليلى قاعده على ركبها على الأرض .. ووجهها ضامتنه بذراعينها على السرير ... وصياح.. وحواليها ورق منفر ومشقق..


صار ريما تلم الورق .. اول مره تشوف محتوى هالدفتر.. هالدفتر اللي مافارق سرير ليلى ..


ذكرياااات... من صالح... ويوميات... و حوااايج وحكاياااات...


صارت تلمهم ورقه ورقه.. جمعتهم وحطتهم داخل الدفتر وحطته على المنام جنب ليلى ..
وصارت تهديها:
ــ خيه.. خيه خلاص عاد.. هونيها وتهون.. قومي اكلي لش شي.. هدي وريحي بالش ..
ليلى بصوت مقهور :
ــ مابغى شي .. خليني بروحي..
ــ زين لا تعصبي وهدي .. ارتاحي شوي..


وطلعت عنها...


تحاملت على نفسها و ركبت منامها.. تلحفت بشرشفها والدموع شلال لين نامت..


وشوي لحقتها ريما .. ونامت..
طق .. طق .. طق ..
ضربات عكاز ابو علي ... في ظلمة صالتهم
ظل صاحي .. يقلب الهم ذات اليمين وذات الشمال..
الغم معتليه وماكل قلبه.. وفي باله الف عتب على نفسه و الف اسى على حاله .. مكسور مابيده حيله ..
تنهد من قلب ومع الزفرات :
ــ استغفررر الله ربي واتوب اليه.. يالله تغير الحال و تلطف بنا ياكريم..



الكل نايم ,, الا عبدالرحمن .. منسدح وايده تحت خده.. يفكر في حياته الجديده وشلون بتكون.. يحس ان نفسه كانت فارغه ..
الأفكار تصفع بها ..
تايه يبغى يتعبى معتقدات تناسب تفكيره ويحس اذا اعتنقها انه على حق .. !!


: ــ اييه.. الله كريم ما بيضيعني .. يالله تحفظك ياعلي وتكثر من امثالك..


ظل يتقلب فتره طويله لين غفت عيونه بصعوبه..


اذن اذان الفجر..
و الكل صحى للصلاه..
ليلى اول مره في حياتها ما تقوم..
مهي في وعيها ابدا..
ريما ما يحتاج ما تقوم اساسا على شان تقوم ليلى..
ابو علي ترك عكازته وقام يتحسس الجدار للحمام بيتمسح..


علا من رجعت البيت على طول غرفتها مادرت عنها الا تريزا اللي خبرتها ان عمتها نامت.. وابوها ومرت ابوها طلعو يتعشو برى... ظلت سهرانه تفكر لين الأذان .. وقامت بالدعاء لبيت ابو علي بالفرج..


وفي السجن...


ــ عبدالرحمن ياخوي.. قوم الله يجازيك خير .. اذن الفجر..
عبدالرحمن مايرد..
علي راح يتمسح ورجع له:
ــ عبدالرحمن قوم حبيبي خلنا نصلي سوا واعلمك الجديد عليك في الصلاه..
عبدالرحمن ابدا سكون..
علي يهز عبدالرحمن :
ــ عبدالرحمن .. عبدالرحمن..


سكوووون....ولا حركه..


علي خلاص اختلع..


الى الملتقى..
<< شكلي في الأخير بتلطخ على هالنهايات وهالأحداث..:toung:

[الــــنـــاري]

يعطيك الف عافية خيتو
من ساعة ونا هنا انتظر الجزء الجديد
واخيرناً وصل البارت
يعطيك ربي الف الف عافية
تمنياتي لك بالتوفيق
وعقبال الـ 1000 %

[سفيرة الاحلام]

واااااااااااااااو

روعه الجزء

صحت من قلبي:closedeyes::closedeyes:

لا تطولي علينا اميره

وتسلمي


والحمدلله على سلامتك

[للدموع إحساس]

صبــــــــــــــــاحكم بـ نور الصلاة على محمد وآل محمد ،،
بـ صراحهـ البارت مأساوي ،،
اللهـ يصبر ليلى ،، ويلطف بحالهم ،،
خيهـ ،،
لا يكون بتقتلي عبد الرحمن ،،
لا لا لا خيهـ لا تسويها ،،
بعدنا ما فرحنا بهـ علشان أستشيع ،،
خلهـ يونس علي في غربتهـ ،،
ويرجع لـ أهلهـ ،،
خيهـ حرام مرتهـ وبنتهـ من ليهم ،،
بعد بعد تقتليهـ ،،
ياعلي الحين أني كيف أنام ،،
سلمت يمينكـ ياالغاليهـ ،،
و اللهـ الروايهـ إدمااااان عاالأخر ،،
بس لا تقتلي عبد الرحمن ،،
يعطيكـ ربي العاااافيهـ ،،
وبـ إنتظااااااركـ ،،
خاااالص التحااايااا ،،
للدموع إحساس ،،

[*زهرة البنفسج*]

يوووووووووو امور وش هلبلاوي مساكين

وريما طلعت حنونه عفر

ليكون عبد الرحمن مااااااااااااااااااااات

اميروه وش فيش تصيحينا واجدد

يسلمو عزيزتي علطرح والجزء المليان صياح

موفقين

[آخر شقآوهـ ..~]

تنتييف أمييييروهــ حرآآم عليييش
لآتقولي بمووت بعد عبد الرحمآن<<<تصيح البطيخه
تسلمين قلبو ع الجزء المؤلم
الله يفرجها عليهم ان شاء الله
يعطيك العافيه

[دموع الوحدة]

السلام عليكم ورحمة الله وبركاته
حبيت اشكرك امووورة على الرواية الروعه اللي مثلك صرااااااااااحة مرررة تجنننننننننننننن واني ادخل المنتدى ما بين فترة وفترة بس توني منتبهه ليها مرررررررررة عجبتني وانجذبت ليها عددددددل ودي اعرف ويش بصير
حرااااااااام عايله علي مرررررررة تكسر الخاطر وليلى اليوم صيحتني عددددددل قطعت قلبي حرااام امووورة خففي شووي عليهم الهموم اخاف يصير بليالي شيء <<قلب القصة جد خخخخخخخخخ
مسكين عبد الرحمن ويش فيه لا يكوون مات لألألألألألألأ الله يخليش اموورة لا تموتيه عاد استانست لما استشيع بتموتيه الحين لا حرااام اهئ اهئ <<بصيح مرة متاثرة
كاني سولف واجد له ومليتي مني خخخخخخخخخخ سوري آسفة بس اندمجت ويش اسويي
انتظر التكلمة اموووورة مو تطولي زين

تحياتي/دموع الوحدة

[اسير الهوى]

العجيب خيتي انك تخلي اللي يقرا القصة يلبس الشخصية عدل وبكل حركة

مرة يكون شايب

ومرة شباب

ومرة بنت

ومرة ام حنون

ابداع بحق ابداع

سلمت يدينك

موفقة يارب

[عوامية صفوانية]

الله يسلمك خيتو اميرة المرح وانتي بعد الحمد الله على السلامة وتقبل الله منا ومنكِ صالح الاعمال

والله البارت رووعة ويصيح هئ هئ هئ
يعني لوما اني في الغرفة لحالي كان الكل يشوفني مجنونه على هاالاصياح من كثر ما اتأثرت بالقصة ههههه

ولا ازيدش بعد من الشعر بيت اجي لي بنت اختي وتقول هذي اللي ما تقرأ قصص في المنتديات :noworry:
( طبعاً اول مرة بحياتي اقرأ قصة في المنتديات )

وعبد الرحمن ما مدانا نفرح فيه بيتشيع الا تموتيه لينا خليه يعرف صلاتنا عدل اول خخخخخخ

وشكله جاسمووووووووه بيـبـــــــووووق في البقالة اللي بيشتغل فيها عفر

واما ام الريم صارت خوش بنيه عفر شكلها بدت تعقل هع هع

ويارب يفرجها على بيت ابو علي هالبيت كلا مساكين كلا هم في هم الله يعينهم ويصبرهم على ما بلاهم


بس وااايد عليش من هدرتي والسموحة ما عليش الا تتحمليني على هالهدره ههههههه

[Hussain.T]

الله يستر

اميره شكرا ع البارت الحزين والمؤثر

وننتظر البارت القادم بشوق كبير

تحياتي

[دمعة على السطور]

ويشو ؟؟؟؟؟؟؟؟؟؟؟؟
ليكون هذا بعد مااااااااااااااات
لالالالالالالالالالالالالالالالالالالالالالالا
مايصير توه استشيع
استغفر الله
بس لاتموتيه أميرة...
لاتموتيه

البارت مرة حزين بصراحة مرررررررررررره
يعطيك العافية عليه..
موفقة لكل خير إن شاء الله تعالى..
..دمتي بعين المولى الجليل..

[سر النجاة]

هلا اختي اميرة الحمد لله على السلامة زيارة مقبولة إن شاء الله
هذا أول حضور لي على صفحاتش عجبتني القصة مرة مبدعة ما شاء الله عليش تعلقت بالقصة وايد ولما سافرتي ما حبيت اضيع الفرصة فالتعرف على كتاباتش فاستغلت الفرصة في قراءة اطروحاتش السابقة وفعلا رواية <ما عرفتوني كثر ما عرفني > فتحت لي دراعها وتعلقت بالقصة لدرجة انها شبكت فيني ما تخلصت منها بسهولة بس للأسف صابتني حالة قمت أخربط بين القصتين لدرجة واني اقرأ الثانية جا في بالي مؤيد تبع <ضعنا يا صبرنا>واقول في بالي هذا وين راح ما نسمع عنه خبر
أدري طولت عليش بس هذا اقل شي اقوله
وننتظر جديدش

[بلسم لجروح]

مشكوووورة على الروايه الروعه
وين الجزء الجديد طولتي ننتظرمن زمان
تحياتي

[آسوآآر الآلــمـ]

الحمدلله على السلامة أختي أميرة

والله يتقبل ...

صيحتينا أختي

احس قلبي عورني

على صالح الله يكون بعونهم والله

تسلمين أختي وننتظر الجاي ..

مافينا شدة دموووع !!

[Princess]

مرحبا
يعطيكم العافيه
الله يسلمكم ويخليكم ويتقبل منا ومنكم

اسمحو لي من رجعت من المدينه ,, مانمت عدل ابدا ..:amuse:
وفوق هذا استلمت وظيفه من يوم السبت من 3 العصر الى 9 الليل وعلى كمبيوترات ما ارجع الا راسي يدووي :wacko:

البارحه ماقدرت عوضت النووم وما كتبت شي
اليوم ان شالله رجعتي من الدوام اعوض:embarrest:

اصبرو علي وليكم اللي يسر
تسلمو لي
دمتم بخير
وبحفظ الرحمن

[عوامية صفوانية]

ألف مبروك على الوظيفة

خيتو أميرة المرح

بس كأنا الوقت مو زين لشهر رمضان ( عن اللقافة عوامية صفوانية :mad: )

عن جد افرحت لش يوم قلتي انش اتوظفتي وعلى البركة

وكل عام وانتم بخير وصحة وسعادة يا الله يا كريم

ويلا اميررررررررررررة ننتظر باقي القصة لا تطولين علينا خخخخخ

[ارجوان]

الف مبروك خيتو على الوظيفة ونوم العوافي ان شالله
لا ميرو حرام اتموتي عبدالرحمن ومرته وبته من ليهم من بعد عينه ومسكينه ليلى الله يعينها ويصبرها

جاري الانتظار

تقبلي مروري

[المتحير]

مبروك عالوظيفة والصر احة القصة ابداااااااااااااااع

[fatemah]

يسلموووووووو اميرة ع الجزئين الحوين وبنتظار البقية
لاعدمنا الجديد

..}{..تحيـــــــــــــــــــــاتيـ..}{..

[دمعة على السطور]

مبرووووووووووووووك حبيبتي تستاهلي كل الخير..
الله يوفقك يارب..
والقصة مابتطير نصبر إن شاء الله..

أهم شي التوفيق لينا وليكم يارب..



موفقة لكل خير إن شاء الله تعالى..
..دمتي بعين المولى الجليل..

[سفيرة الاحلام]

مبروووووووك اميره على الوظيفه

جاري انتظر الجزء باحر من الجمر

[نبــراس]

تحية إجلال لهذا القلم الذي تبعتُه حتى هنا


أميرة / موفقة بإذن الرب عزيزتي


لاعدمنا رواياتكـِ الرائعة كروعتكـِ أخيه


وُفقتِ لكـــل خير




ود ..

[زهور الريف]

بسم الله الرحمن الرحيم

اللهم صل على محمد وآل محمد

وعجل فرجهم

غاليتي

أموووورة العسل

أجزاء رائع

أستطعتي بدفئ مشاعركِ أن ترسمي

لنا لوحة محفوفة بالابدااااااااع...

غاليتي

وفقك الله ورعاك بحق محمد وآله الطاهرين

بانتظار الجديد..

[Hussain.T]

مبروووووك استاذتي ع الوظيفة

وان شاء الله من احسن لأحسن

وخذي راحتش لا تعبي نفسك

صبرنا وانت مسافرة ونقدر نصبر بعد

تحياتي

[Princess]

مرحبا


تسلمو لي من كل مكروه.. وربي يبارك فيكم ويخليكم..
ولا خلا ولا عدم من هالمتابعه الحلوه...
واني بستمر معاكم يوميا بالكميه اللي اقدر عليها


نبراس .. هههههههه عرفت الحين سر المهنه.:wink:. نورتينا والله تسلمي .. ماعندش صبر هناك هااا.:toung:. متأخره شوي هناك لأني نزلتها هنا قبل .. ياهلا فيش والله..


من رحم الأمل.. يولد المستقبل ..


ومن مقابر الألم.. تُبعث الذكريات..


نكمل المشوار..

[Princess]

الحلقة 24

وفي السجن...

ــ عبدالرحمن ياخوي.. قوم الله يجازيك خير .. اذن الفجر..
عبدالرحمن مايرد..
علي راح يتمسح ورجع له:
ــ عبدالرحمن قوم حبيبي خلنا نصلي سوا واعلمك الجديد عليك في الصلاه..
عبدالرحمن ابدا سكون..
علي يهز عبدالرحمن :
ــ عبدالرحمن .. عبدالرحمن..

سكوووون....ولا حركه..

علي خلاص اختلع ,, شان يرفع ايده ويصلخ خدود عبدالرحمن كف معتبر خلاه ينتبه من نومه العميق بصرخه ... خلعت كل اللي بالسجن..

عبدالرحمن قعد قعود بالسرعه وبلا وعي رد السطار لعلي ..
علي منصرع حط ايده على خده وصار يضحك ضحكه متقطعه..
ــ يلللللللعن شكككككلك
عبدالرحمن انتبه لعمره :
ــ شصاير ؟؟ شفيني .. شسويت..؟؟ ليش ضاربني فزعتني من نومتي يقطع شيطانك...
علي حمق فيه : ــ يصصصقعك على دي نومه خلتعني ماترد ,, ماقومتك الا هالسطره..
عبدالرحمن يتثاوب : ــ يخرب عقلك بلاك كل يوم تصحى و انا صاحي.. ماتدري بنومتي الثقيله....
ــ وويش فيك اليوم ماقعدت؟؟
ــ نايم متأخر يمكن ماصار لي ساعه الا بسطرتك تفزعني..
ــ ههههههههههه يللا زين.. نقوم نصلي


الظهر .. ابو جاسم منسدح على ظهره تعبان ,, تلفونهم يرن..ماحد حوله يرفعه .. صار يتحمق:
ــ يلعن جدانك من ظهر اغبر.. آآه.. ويلي ..
قعد ونادى : ــ خناااقه.. ماتسمعوو التلفوووووووون يصررخ..
جت زينب تركض :
ــ ما سمعناه اني في غرفتي وامي مادري وينهي..
زينب رفعت التلفون..
ابو جاسم رجع انبطح وهو يسخر :
ــ ماتدري وين هي .. عبت الدبه وناامت ,, آآه .. ويلي ويلي ويلي...
زينب متفاعله ويا المتصل وشوي قامت تصيح :
ــ متى ..؟؟ انا لله... وليلى ويش اخبارها.. ياربي .. شويات وبحاول اجيكم... مع السلامه..
ابو جاسم : ــ خير اللهم اجعله خير..
زينب : ــ صالح صابه حادث وتوفى..
ابو جاسم رجع قعد بالسرعه :
ــ آآآآه.. هااااااا... متى ومين الحين اللي قال لش..
ــ مادري متى .. توهم امس يدرو .. هذي ريما.. بمهل شوي تخف الشمس وبروح ليهم ..
ــ لااااااا شمس ويه ما شمس.. باقوم انا باروح ..
ــ اجل بلبس عباتي..
وقبل لا يطلع ابو جاسم مر على غرفتهم بيشوف ام جاسم:
ــ انااا قااايل عبت الدبه ونامت.. ام جاااسموووه.. يااامره..قومي قومي..
ام جاسم فتحت عيونها بتعب:
ــ هاااا..
ابو جاسم بحمق : ــ و صمّه.. في وحده تقول لرجلها هااا.. قومي صالح توفى..
ام جاسم فققت عواينها وشهقت.. وشرقت شرقه قويه..
الا بجية زينب..
ابو جاسم : ــ اناا لله.. روحي جيبي ليها ماي لا تموت..
زينب بسرعه جابت الماي خذته ام جاسم شربت وحطت ايدها على قلبها :
ــ آآآه.. اجل احد في الدنيا يقعد احد من النوم كدا.. يقول له قوم اكو واحد متوفي .!!!. دبحتني ..
ــ انا لله ويش اسوي لش انا بعد.. قومي تحركي بنروح..
ــ زين باقوم.... الله يساعدهم ويصبرهم .. ويفرج عنهم..

وطلعو من بيتهم والوقت ظهر.. اشرف راجع من البقاله جايب لأمه اغراض.. من شافهم في الشمس .. وقف ..
ــ قواك الله عمي ..
ابو جاسم : ــ هلا ولدي هلا الله يقووويك ..
ــ وين طالع في هالشمس ويا الأهل ؟؟ صبر اوصلكم بس انزل الأغراض ..
ابو جاسم : ــ لااااا ياولدي لا تكلف ..
اشرف يفتح السياره ويشيل الأغراض :
ــ لا والله ما اطفيها وتركبو.. حلفت عليكم..
ام جاسم تفلص في ابو جاسم وتهمس : ــ حر بنموت ويش وراك انت ارحم بعباياتنا .. خله يجزاه خير يوصلنا..
ابو جاسم يطالعها على جنب ويخز فيها..
زينب قلبها بلا شعور يطق طق وموقف الصوره ويا اشرف في بالها ..

اشرف شال الأكياس وهو يقسم ويحلف .. لين قبل ابو جاسم وركبو..
ركبت ام جاسم من الباب اللي مو جهة السواق لأنه اقرب ليها ..
وزينب لفت للباب اللي جهة السواق وكان مفتوح اشرف شايل الأغراض..
بقى كيس وقفت تنتظر اشرف يشيله جى بالسرعه شاله..
ركبت وانتبهت لغرشة عصير زجاج على الأرض طاحت من الأكياس ...
عفويه مره هالبنت .. شالتها وقالت :
ــ طاحت الغرشه..
اشرف بيسكر باب السياره انتبه ليها .. مد ايده بياخذ الغرشه وبالغلط تلامست ايده ويا ايدها هي اختلعت وهو اختلع وشالو ايدهم ثنينهم وطاحت الغرشه في الطريق وانشلخت..
زينب شهقت شهقه,, ابو جاسم التفت ورى :
ــ ويش صاير ..؟؟
ام جاسم فلصت بتها فلصه ..
اشرف منحرج : ــ انكسر الشر .. خير ان شالله.. عادي خيه .. ماعليه .. حصل خير..
وسكر الباب ودخل بالكيس بيتهم...
ابو جاسم : ــ غربلكم غرباله .. ويش صاير ..
ام جاسم تضرب رجول بتها على خفيف وبحمق :
ــ هالخبله .. فشلتنا.. شان خليتيها مرميه ولا تنكسر .. حق ويه رميتيها ..
زينب مهي عارفه ويش تقول ..
ــ آآآه ,, ويش دراااني..
ام جاسم : ــ تشيه تدري عن شي انتين..
ابو جاسم : ــ بس بس . ياراعيات الفشايل ... صخو اكو جى الرجال ..
ركب اشرف السياره : ــ ها عمي .. ماقلت لي وين بتروحو؟؟
ــ وين بعد ياولدي .. بيت اختي
ــ ان شالله من عيووني ..حاضرين..
ــ تسلم ياولدي وربي يبلغ اهلك فيك ويخليك..
ــ الله يسلمك عمي.. ويحفظك..

وصلو ونزلو ..
ــ مشكور ياولدي ما قصرت,, رحم الله والديك ..
اشرف ابتسم ..:
ــ ووالديك...
زينب نزلت وكفخت الباب .. اشرف نقز من قوة الكفخه.. ابو جاسم سكر الباب وهو يصرخ فيها :
ــ شوووي شوووي كسرتي سيارة الرجاااال...
اشرف يبتسم وفي باله .. ــ تفداها............... اه.. ويش فيني انا..!! .. الله يستر..

زينب على طول راحت لليلى.. دخلت عليها لقتها قاعده وحاضنه المخده..
ووجهها شاااحب وعيونها شابحه وحمرا..

من شافتها على هالحال.. راحت ليها وحضنت راسها وصارت تمسح عليه وهي تصيح :
ــ هدي بالش غناتي.. الله يرحمه ويغفر له ..
ريما صارت تصيح وبصوت مبحوح:
ــ هذي حالتها من امس حدها تقوم تصلي وترجع .. لا اكلت ولا شربت..
زينب : ــ ما يصير غناتي كذا.. انتبهي لروحش .. قومي وياي برى هالغرفه .. قومي..
ليلى مهي راضيه تقووم.. ولا تكلمت ولا كلمه...
زينب : ــ قومي ريما جيبي لي ماي..
ــ ان شالله..





تابع>>

[Princess]

وفي بيت ابو مالك.. علا نزلت العصر من غرفتها حامله كيس فيه ثوبها بتروح الكوافير ويا خالتها .. وكانت سميرة في الصاله ومعاها سوسن يطلعو تلفزيون.. علا من انتبهت لسوسن ارتبكت .. ابتسمت ابتسامه صفرا بارده :
ــ السلام ..
سوسن بأبتسامه عريضه : ــ هلا والله.. عليكم السلام.. اخيرا شفناش .. ما شالله تبارك الله.. قمر..
علا عاطتنها اذون الصمخه..
سميره : ــ ويش بتروحي الكوافير الحين؟
علا ببرود : ــ ايه..
وقعدت عالكنب..
سوسن : ــ اخبارش علا .. ويش مسويه؟؟
علا ببرود وبدون ما تطالع في سوسن : ــ زينه..
سوسن ماعجبتها معاملة علا بس صارت تتدارك الموقف ..
ــ عرس مين بتروحي ..؟؟
علا : ــ حماة خالتي...
ــ ما شالله حماة خالتش وتكشخي وكوافير ..
علا : ــ اييه.. ليش فيها شي ؟؟
ــ لا ابد ..
سكتت سوسن حست بأحراج من طريقة ردود علا عليها..
سميرة حست على سوسن وصارت تشرح ليها:
ــ لأن خالتها ماعندها خوات ولا شي و علا كل شي بالنسبه ليها توقف وياها غير انها تعرف العروس عدل..
ابتسمت سوسن : ــ اهاا.. دوم يارب ..
رن جوال علا .. وقامت : ــ وصل حسين..
وطلعت بدون ماتقول حتى مع السلامه..
سوسن لما تسكر الباب : ــ الله يسلمش ..
سميره ابتسمت.. وصارت تفرفر في القنوات ..
الا جوال سوسن يرن ..
سوسن قامت ودخلت المطبخ..
سميرة شكت بالموضوع... وقامت وراها بدون ما تحس بها..
سوسن : ــ هلا غناتي ..
سميرة في بالها : ــ ايه بدينا..
وصارت تتصوخ المكالمه ..
سوسن : ــ مع حماتي قاعده ..
سميره مستنكره.. ــ اخوي دا ؟ وتقول له حماتي ماتقول اختك..؟؟ غريبه.. منهوو دا !!

سوسن : ــ تعال الحين..وااااحشني مووووت.. .. زين بس تجي رن علي رنه وبطلع لك.. شدعوه بقول له بطلع ويا اخوي .. مابيرضى يعني .. بيرضى افا عليك.... باي غناتي.. باي ..
سميره منصرعه..
ــ وويييييه .. منهووو دا...؟؟؟
وراحت تركض الصاله وقعدت ...
الا بطلعة سوسن .. ركبت غرفتها نص ساعه بالكثير نزلت لابسه عباتها..
ــ بطلع الحين اني .. تآمريني على شي ..؟؟
سميره : ــ وين بترووحي ؟؟؟
سوسن : ــ بطلع ويا اخوي .. كلمت خالد وقال ماعليه..
سميره : ــ اخوش !! زين.. عساه خير...

شوي رن جوال سوسن .. وطلعت..
سميره : ــ مالت علي .. كلهم طلعو وخلوني .. الله يستر .. قالت ويه اخوها.. اخوها تكلمه كذا؟؟ مايندرى.. استغفر الله ربي...

سميره تحط حرقتها في الريموت ومن قناه لقناه... شوي الا تلفونهم يرن..
رفعته الا هو رجال صوته كبير ..
ــ السلام عليكم
ــ عليكم السلام..
ــ ابو مالك موجود..
ــ لا والله ياخوي موموجود..
ــ طيب اذا رجع قولي له ابو عدنان..
ــ ان شالله ..
ــ مع السلامه..
ــ الله يسلمك..
سكرت سميره ..
ــ بـــــــــــــــــــــــل .. ابو عدنان جارنا لول و صديق اخوي غبااااار .. مايندرى متى رجع من السفر .. مالت ماخذ له تايلنديه ومعسكر وياها هناك... الحمدلله والشكر...


جاسم مع حميد اللي صحى من غيبوبته..
ومستلمنه تحقيق ..
ــ حميد.. ويش سالفتك بالضبط ؟؟
ــ أي سالفه؟؟
ــ لا تتغيشم علي .. ترى كل شي صار مكشوف ,, هويتك الحقيقيه و اصلك .. مو بس انت .. غيرك بعد كشفتهم والله بوديكم بداهيه ان ما تكلمت الحين..
ــ جاسموه ويش تهلوس !! و أي ناس !! واي داهيه !!.. مانا ناقصنك هااا.. فيني اللي مفكيني..
ــ حميد .. مين امجد وويش سالفته ؟؟؟
حميد فتح عيونه : ــ هااااااا..
جاسم طلع جواز السفر :
ــ ويش هذا.. ترى كشفتك .. بتتكلم لو اوديه للشرطه وارفع قضية تزوير عليك ترى بتروح بداهيه..
ــ حرام عليك انا مريض ويش تبغى فيني وويش بتستفيد اذا عرفت يعني..
ــ امجد بتتكلم لو لا ..
ــ ماااااااااايخصك...
ــ امجججججد .. ترى عندي شهادة ميلادك بعد وناوي لك على نيه قشرى ان ما تكلمت..
ــ ياااااربي .. من وين طلعت لي يالبلوه.. فكني .. ما تفهم مريض انا بتقتلني ..
ــ تكلللللللم
حميد رن الجرس ينادي على الممرضه..
جت له ..
حميد : ــ خل هذا يطلع عني انا تعبان وهو مسوي ازعاج..
الممرضه حاولت في جاسم يطلع مهو راضي وصار يهاوش و حالته حاله..
نادو على موظف الأمن يطلعه.. جى له وصار يسحب فيه .. وجاسم يصرخ :
ــ والله مابسكت.. والله بوديك بداهيه انت والذيب .. صبرو علي بس .. والله مابرحمكم.. هين يا ... يا... يا..
حميد مو قادر يحس نفسه خلاص بتطلع روحه .. وصارت تجي على باله احداث ....
يذكر ابوه لما توفى و امه يوم تطالب بالورث.. وجابت عقد الزواج دليل ,, ابو مالك اخذه وشققه.. بس ام امجد كانت اذكى من ان يقهرها ابو مالك ..
هددته وتوعدته بنسخ عندها وانها بتاخذ حقها وحق ولدها... ابو مالك يضرب امه.. ويطردها... ويجيب شهود يشهدو ان ابو مالك ماعنده ولد الا خالد وتزوج وحده ثانيه صحيح بس طلقها وولدها مات..

ام امجد ضاقت بها الوسيعه وتسكرت في وجهها الأبواب .. قررت ترجع بلدها عل وعسى اخوانها يحلو ازمتها .. اللي تحس انها خلاص ماليها حل ... والقاضي استند على الشهود و الأوراق اللي ماتدري كيف جابها ومثبته ..

حاولت ترجع العراق بس شلون وولدها شاهدين انه امجد خالد آل ... توفى .. و مزورين شهادات وفاته..
حاولت وباعت ذهبها وكل شي غالي عندها بس على شان تدبر احد يزور ليها جواز سفر وهويه مزوره بأسم محمد .. وعطته اسم عايلتها..
وسافرو وعبرو الحدود بسلام..
و تتفاجأ بأخوانها اللي باعو بيتهم بعد وفاة ابوها...
وتقاسمو فلوس البيعه ,, وعطوها فلوسها...
ويش تسوي .. وويش تجيب هالفلوس ..
دورت ليها بيت صغير عل وعسى يكفي هالمبلغ ...
حصلت بس ما وفى كل المبلغ بقى شوي عليهم ...
صارت تشتغل في البيوت و خلت امجد يكمل دراسته.. لين تخرج من الثانويه...
لين اعتلاها مرض السل .. وكانت كل تبعد عنه لا تعديه..

ماتت وظل وحيد ... في بيت مهو ملكه .. باقي عليه ربع الثمن.. تركه لراعيه وقال له .. حلاااالك.. ورجع السعوديه بجواز سفره المزور بأسم حميد.. حامل معاه كل ذكريات امجد..
رجع مهو عارف كيف بيتصرف مع ابو مالك..
خايف لا يدري به امجد ويقتله لو شي .. ينخاف منه .. !!
رجع بس لأنه في العراق يحس بالغربه ..

سالت الدموع على خدود حميد .. وتنهد من قلب ...
ــ الله يسامحك ياجاسم.. رجعتني لأيام ظنيت نفسي ناسيها...

والى الملتقى...

[Hussain.T]

بصراحة يا اميرة ابدعتي

جدا رووووووعه هالبارت

ننتظر البارت القادم على أحر من الجمر

تحيااتي

[آخر شقآوهـ ..~]

زينب وأشرف شكلهم بحبو بعض إنـــزين
وأتوقع بعد كم جزء يمكن ثنين لو ثلاث بيطلع علي وعبد الرحمان
ووويش اتوقع بعد أمممم مآبقوول <<عشان ما أحصل كفوف هآآع
حميد عفر سآلفته تعور بالفااد
جآسموه خبيلووه أتوقع صبره بينفذ وبيروح يبلغ عنهم وهوه بيسجنونه لكن مو مثل الذيب وشلته لانه مسلم نفسه فيخف الحكم عنه شوي<<<ويش تخربط دي<<مآخربط أصلا
أمممممم وبس عفر
تسلمين عيني ع الجزء الحلو
ربي يعطيك الف عافيه
لآعدمنا جديدك يآآآآرب
تحيآآتون

[للدموع إحساس]

صبـــــــــــــــــــــــاح الخيرات ،،
عساااااش السعادة خيهـ ؟
طيحتي قلبي ،، قلت مات عبد الرحمن ،،
لكن أشوى السطرة قعدتهـ ،، هع هع
أحسها قويهـ لـ درجة أنهـ ردها لـ علي بدون حواس ،،
أما أشرف و زنبوه خوش شي ،،
ياللهـ متى بيخطبها أشرف ،،
نبغى نستانس شوي ،،
حميدووو كسر خاطري ،،
حسيتهـ ضحية ظلم أبو مالكـ ،، مالت عليهـ ،،
عفرصرت أشكـ أني في تصرفات سوسنوهـ أستغفر اللهـ ربي ،،
خيوووه ،،
يعطيكـ ربي العااافيهـ ،،
على هيكـ باااارت ،،
و اللهـ يفرجها على بيت أبو علي ،،
و بـ إنتظار الجزء الجااااااي ،،
على أحــــــــــــــر من الجمر ،،
خااالص التحااايااا ،،
للدموع إحساس ،،

[الــــنـــاري]

الف الف مبورك على الوضيفة
وخدي راحتك في كتابة القصة لاتعبي حالك
احنا بننتظر والله يكون في عون الجيمع
يلا انا بقرى البارت حق اليوم
ولي رجعة ^_*

[الــــنـــاري]

برصراحة جزء ابداع
تسلم دياتك عليه
صحيح هوه قصير بس مانقدر نقول شي
<< في اشياء اولى من القصة
تمنياتي لك بالتوفيق
دمتي بخير

[نبــراس]

نبراس .. هههههههه عرفت الحين سر المهنه.:wink:. نورتينا والله تسلمي .. ماعندش صبر هناك هااا.:toung:. متأخره شوي هناك لأني نزلتها هنا قبل .. ياهلا فيش والله..









أميرة .. سر المهنة :wink: جالسة أخبط في الشبكات لين ماطحت هنا
وقرأت ( أسف عليكـ ياقلبي ) في ليلة وحدة
رواية كشخة بس مو أحلى من ( ماعرفتوني كثر ماعرفني ) اللي تأثرت وأني أقراها


( ضعنا ياصبرنا ) ... التعليق عليها بعدين :noworry:

[زهور الريف]

بسم الله الرحمن الرحيم

اللهم صل على محمد وآل محمد

وعجل فرجهم

واااااااااااااو

جزء ابدااااااااع....!!!

الحمد الله عبد الرحمن ما مات وطراااااااااااق يا الله قعد ...!!

ويا الله زينب زوجيها الى اشراف بس احم احم

مو كأن علا تحبه .... لكن كيييييف يمكن ما يرضى ابو مالكوووووه وجه الفقر

اووووووووه

اقوووول

بانتظار البارت الجديد واجد احسن من هلوساتي..

سلمت يداكِ خية

[آسوآآر الآلــمـ]

ياربي عور قلبي اشوي حميد

شكلة صار كذا من اللي شافه

الله يكووون بالعوووون

والله يعطيكـ العافية أختي

وعساكـ ع القوة ..

وتستاهلي كل خير .. الله يوفقك مع شغلكـ

[fatemah]

بارت محزن جدا :sad2: اول مرة احس ان حميد مظلوم :sad2:
بنتظار البارت الجاي خية اميرة
..}{..تحيـــــــــــــــــاتيـ..}{..

[*زهرة البنفسج*]

جزء قصير بس كشخه

يسلمو يامبدعتنا

وذا اشرف شكله حب زينب خلاص

وريما صارت طيبه حنونه مايناسبها

وعلي وعبدالرحمن شكله الفرج قريب

وجاسم شكله بيعترف

اميروة كم جزء باقي

اي خلاص مو مستعجلين ترانا

تسلمي اموررررررررر

[كبرياء]

ألحييييييييييين عررررررررررررفت لوووويه أحب حمييدووو وماأبغااااه يمووت
شفتوووووووووآآ مسكيييييين يكسر الخاااطر ...
وأنتون كلا صااكينهاا دعااااوي عليه << خخ خرفت ..
أووماا وررى سوسنو سالفه مااااهي بطبيعيه هاااع ..
وإلا جااسمو المستشر هالجباان ثقيل الطينه
أقتليييه عااد اميرووه << ههههههههههههـآآآي على كيفي بس هاا
يسـلموو على الجزززء الخطييير مره ..
اييي وهذي زنبو الخبله قال طق طق < قلبهااا ..
وعلي هالمخبوله ..؟؟
هههههه شكلي الا بنطق ..
خلاص
سي يو

[ارجوان]

ماادري ويش اقول فيش يالميروا بس عساش السعادة وزيارة علي واولاده ان شالله صيحتينا وخوفتينا وبعدين يطلع نايم هالعبد الرحمن بس صرااحة الكف ميه ميه

وشكلها راح تحلى مع زينب واشرف يالله نبغى نفرح عرسيهم خيتو<<<<<<<<خلي علي يطلع اول صج متفرغة

وهالسوسن مسكينه طنشتها علا خخخخخخخخ بس اذا كانت داهية تستاهل انيييييييييييهاي<<<<<<<لاتحكمي على الناس

تسلمي خيتو على الابداع

جاري الانتظار

[عوامية صفوانية]

يسلمو على البارت الرووووووووووعة

الصراحة زينب كلا مواقف في مواقف تذكرني بصديقتي خخخخخخخ

اي وزينب واشرف ( ومن الحب ما كسر الغرشه هههههه ) قلبت المثل = ومن الحب ما قتل = خخخ

واني شاكه في سومسن ترى من دخلت بيت ابو مالك ما دخلت مزاجي بسوي المشاكل والمصايب والنوايب خخخخ

وعادلوه ما طلع في هالبارت غريبه شفيت عليه

وليلى الله يساعدها على ما جاها والله تكسر الخاطر (( حرام عليش اموره بس واااايد عليهم مصايب )) هونيه وتهون


يسلمو اميره

[دمعة على السطور]

رووووووووووعة ترابط الأحداث روعة دائماً روعة..
كروعة صاحبة القصة.
أني احس إن سوسن ماتسوي شي غلط وهذا أخوها..>> بدأت المفتية في الهدرة..


صحيح كبرياااااااااااااء زينب ويش فيها نست عمرها
بتحب أشرف..
وعلي شكله بيصير من نصيب علا..
الله اعلم..
بطلع لااخرف واسبق الأحداث >>:toung:بعد ويش



بانتظار القادم إن شاء الله تعالى.
موفقة لكل خير إن شاء الله تعالى..
..دمتي بعين المولى الجليل..

[دمعة الاحزان]

اهلين امور
الحمد الله ع السلامه
ومبروك عليك الوظيفه ولاتنسي زي ماتفقنا اول راتب اوكيك:wink:
اما القصه مو رووعه ابد مو حلوة نهائي<<نغير الكلام كله ينعاد
هي صح صحيتنا اكثر من ضحكتنا بس
يقولك الي مايصيح قلبه قاسي
وكثرة الضحك تميت القلوب
فكذا احسن بعيد عن القسوة وبعيد عن موت القلوب كفايه هي ميته من الاحساس
تسلمي غنلتي وموفقه

[دموع الوحدة]

اموووووورة مرررررررة هالجزززء روووعه مررررة حليوووووو
وناااااااااسة عبوود ما مات<<هع هع خخخخخخخخ
وزينب مسكينة كسرت خاطري كل ماتشووف اشرف يصير ليها موقف يحرجها مسكينة
وليلى مرة كسرت خاطري ياعمري تعوووور القلب الله يعينها ويصبرها
المصايب تحل عليها من كل جهه الله يعوضها ان شاء الله باللي احسن منه ويطلع علي من السجن<<سوت القصة حقيقة ههههههههههههههههه

طولت بكلامي
صحيح مبرووووك على الوظيفة

ننتظر البارت الجديد على أحر من الجمر

تحياتي/دموع الوحدة

[المتحير]

روووووووووووووعة

انا اول ما شفت اسم الموضوع ما عجبني وقلت ما ادخله>>>>>>>الاعتراف بالحق فضيله

وبعدين عجبني وقريته كله ونحارس الجزء الجديد

وهالجزئ روووووووووووووووووووووعة وامبا اسئل سؤال:القصةحقيقة لو خيالية

[Princess]

مرحبا
تسلمو لي والله والله يعافيكم ويبارك فيكم..
ولاااا يهمش دموعه من عنوووناتي.. :toung:
يعجبني تفاعلكم ويشجعني دوم اعطيكم ولا ابخل عليكم
لأنكم ما تضيعو تعبي ..
تعجبني تخميناتكم.. اللي مره تصيب ومرات تخيب .. تحسسوني كأنكم عايشين في خيالي وتشاركوني مع الأبطال الحكايه ..
احتمال تصير اكثر من 30 جزء حسب الأحداث وترتيبها مابغى تتسارع الأحداث على وتيره مفاجأه وتخترب النهايه اللي في بالي ...


المتحير .. ياهلا فيك خيو... تعجبني صراحتك تسلم ومن ذوقك..
القصه خياليه مع اقتباس بعض الأحداث من حقيقه كمثال .. السجن مع الظلم... هذا واقع...بس الشخصيه ماكانت هذا حالها.. ومافي وجود لعبدالرحمن اللي استشيع و صار صديق وفي ...
التناقض بين الأخوات ريما و ليلى هذا واقع.. بس ما كان الكلام والأحداث كذا...


يعني تقدر تقول ..
اخذت الأحداث الحقيقيه كرؤووس اقلام مع التتغيير الكامل في الحوار و السيناريو ....



انتظروني الليله بأذن الله..
راح اغير النظام..
فقط ليلة الخميس مافي جزء
وباقي الأيام فيه..
الله يقدرني اخلصها معاكم بما يرضيكم..


دمتم بخير
وبحفظ الرحمن

[الــــنـــاري]

زين خلي لينا ليلى جيبي فيها دعاية >> mbc
هههههههههههه
ولا تتسرعي في طرح القصة عشان تجي النهاية Vري Gود
والله يوفقك لكل خير
وتتحقق كل احلامك
تمنياتي لك بالتوفيق
دمتي بحفظ الباري

[سفيرة الاحلام]

روعه الجزء كثير

تسلمي

لاتطولي علينا اميره

لاهنتي على القصه الحلوه مثلك

[دمعة على السطور]

هيه
بانتظار الليلة هيييييييييييه:clap::clap:
موفقة لكل خير حبيبتي..
..دمتي بعين المولى الجليل..

[الــــنـــاري]

الساعة كم تنعرض الحلقة&+&
<< الظاهر في تلفزيون لازم في نفس الوقت كل يوم
>> خيتو اذا عندك وقت محدد للكتابة او لطرح قوليه لينا زين
انا تعبان وبقرأ جزء اليوم بشار الصبح
فمان الله خية
بيت المعمور
سلامة وسلم

[Hussain.T]

لا تفوتني الحلقة

الانتن تبعي يوشوش

ومو راضي يصطلح

متى الاعادة

دقيقة المسلسل ينعرض على قناة السعودية الاولى؟؟لانها الوحيدة اللي طالعه

بنتظار الحلقة

تحياتي

[المتحير]

يلا اميرة الاعضاء ويا الزوار ينتظرو يلا متشوق عالجزء بسررررررررررررررررررعة

[المتحير]

يلا اميرة

[Princess]

مرحبا
ههههههههههههه ياربي النعسانين المرات الجايه لا ينتظرو شي .. ينامو لاحقين على الجزء مابيطير..
والله اني الأخرى تعبانه ونعسانه بس دام بكره اوف لازم اكتب ليكم شي ..
ومن عيوني واسمحو لي عالتأخير
بس هذي ظروفي

تفضلو الجديد..

[Princess]

الحلقة 25

هلي الدمع ياعين صبح ومسيه..
بانت ليالي حسين .. و أعظم رزيه. عـاشور و أهواله .. من أول هلاله هِلي الدمع يا عين .. صبح و مسيه.

وهل هلال محرم... هل بالحسرات.. والآلام... ليلى حاطه القصيده تسمعها.. الا بدخلة ريما الغرفه شادخه الكتاب على جنب وراميه روحها على السرير .. وحد ماعندها :
ــ افففففففففففف يلعن ابو النحو..
ــ بدينا.. هذا اول يوم,, حق ويه ما ذاكرتي من البدايه ..؟؟
ــ مسوا شايفه الأوضاع تشجع..
ــ استغفر الله ربي والله الأوضاع مهي حجه
ــ اهووو الله عاد والنسبه اللي باجيبها .. فكينا ,, زاده جبتيها و دخلتي الجامعه والحين موظفه..
ــ اسكت عنش احسن لي..
ــ يكووون احسن..
وطفت ريما المسجل..
ليلى حمقت : ــ لووووويه طفيتيه؟؟
ــ راسي يعورني وبانام .. قاعده من الصبح اني..
ــ صليتي الظهر حق بتنامي..!!
ــ اذا قعدت
ليلى بتطلع من الغرفه:ــ ايه هين.. الله يهديش..
ريما تتغطى بالشرشف :
ــ الله يهدي الجميع..طفي الليت وسكري الباب وراش..
ــ ان شالله عمه..
وطلعت ليلى من الغرفه... قعدت ويا ابوها شوي..
ابو علي : ــ ليلى ..
ــ هلا..
ــ ويش فيش يابتي ؟؟
ــ مافيني شي ..
ــ هدووء لا تسولفي ولا شي من زمان على هالحس وحشنا..
ابتسمت : ــ ربي لا يحرمني منكم ان شالله... الحين بدت محاضرة السيد الفالي احطها ونتابعها سوا تغنينا عن كل السوالف..
ــ أي والله يابتي تسوي خير..

حطتها ليلى وقعدو يتابعو..



ام مؤيد: ــ سليمه تصكه هالقطو.. << تقصد توم..
جود : ــ سليمه تصك الفار هو النحيس ...
ساره دخلت عليهم : ــ سليمه تصك بليس .. وين الريموت ؟؟

ام حسين: ــ ماشتهي القطاوه .. زين يسوي فيه لكن ..
جود تخشه تحت ثيابها ...
ساره انتبهت عليها :
ــ يااااربي جووود التلفزيون مو بس كراتين الحين محرم نبغى نشوف محاضرات نتابع برامج هالشهر لا تعوري راسنا..
ــ ماني ماني .. ابغى توم وجيري
ام مؤيد : ــ أي والله اني ماعرف لهالتلفزيون ولا اعرف اغير قنواته.. هالنحوس الطشونه احسن مني جابت رقم فيَيع تون ,, حقهم دي وبسطت..
ساره : ــ اهوو جودوه جيبي الريموت..
ــ ماني ماااني ..
ــ تالي تروحي النار .. الحين يشوفو العزا شهر محرم .. ما يحبش الحسين عليه السلام بعدين..
جود خافت : ــ لالا اني احبه ابغاه يحبني..
ــ جيبي الريموت اجل ..
ــ هااش ....

ساره : ــ ما بتتسمعي اماه العصر ؟؟
ــ ايه شوي وباروح .. بتروحي وياي؟؟
ــ لا .. سموعة حريم ماروح اني.. الليل باروح محاضرة الشيخ ...
ــ علي ياعلي ولا بتغيري رايش..
ــ اهوو استغفر الله بتخليني ارتكب ذنوب.. ام عبدالتواب ماحسها تعرف تقرا.. تكفخ ولا افهم شي .. اهم شي في السموعه الواحد يفهم حق يتفاعل .. كل اللي يتسمعو ليها ضبعان.. تقرا كلمتين من الكتاب و الباقي مافهمه..

ــ استغفر الله ربي دي اللي بتخسف بنا خدامين الحسين ما يسخرو عليهم ,, اجل اني بعض كلام الشيخ مافهم له ولا ادري ويش يعني..
ــ وربي مو قصدي اسخر وعليها بالعافيه .. بس ماحب اني ولا افهم لا تحاولي فيني..و بالعكس ويش فيها المحاضرات .. .. الشباب..المتحضرين ..
ــ ايه خلف الله عالضبعان المتخلفين..
ساره تلصق في امها وتدفها بمزح : ــ يللا عاد امااااه مو هذا القصد ..
ام مؤيد تسوي روحها زعلانه ,,
ساره : ــ الحلووه زعلاااانه.. الحلووه زعلاااانه
جود : ــ حرام يغنو في محررررررم..
ساره : ــ هههههههه دخيل الفهيمين اني ..


عادل لابس الطاقيه السودا.. وثوب اسود صوف ورايح ركض للحسينيه اول سنه يحضر فيها بألحاح من امه شان الله يهديه ويغير حاله..
كان يخاف ولا يدري ويش يصير .. علمته وصارت تفهم فيه قد ما تقدر ...
والسنه صار اول الحاضرين .. وقعد قدام وتسند خوش مكان...

شوي امتلت الحسينيه ..
قومو عادل في البدايه على شان رجال شايب.. عادل قبل هالشي ..

شوي صارو يقومو ويقعدو فيه.. مسكين على حساب ما يفتهم .. ناس تحس ليها الأحقيه في صدارة المجلس.. لين وصل ورى .. شوي قوموه لياهل يقعد محله..في البدايه مارضى عادل يقوم.. بعدين شاف الكل عليه يلحو انه يقوم ...

وسمع ناس يتكلمو عليه بمنتهى الوقاحه ويقولو هذا ويش مجيبنه هالهبل مضايق علينا ,, وليش يفهم هو على شان يجي و و و...

عادل ما تحمل جت له الغبنه.. وطلع من الحسينيه وقف على بابها.. الا بجية اشرف ومعاه ناصر..
وكانو يسولفو عن مالك اللي بيسافر يوم ثاني الصباح استراليا..
اشرف : ــ قوه عادل..
عادل ما يرد ووجهه مبين عليه زعلان..
ــ عادل ويش فيك؟؟
صار يصيح..
ناصر : ــ ويش فيه دا؟؟
اشرف : ــ مادري علمي علمك!! عادل مين اذاك ؟؟ على ويه تصيح؟؟
ــ ممماااااييبغووني وياااهم.. كككل ممماااا قعدددت في محححل طررردووني..
اشرف مسك ايد عادل :
ــ سلام الله عالحسين.. امش ولا عليك من احد..
ودخل اشرف قعد هو وناصر وقعد عادل جنبهم..
اشرف : ــ اللي يكلمك بيشوف شغله..
عادل فرحان ويحس روحه ملك وحوله حراس ..

بدا الشيخ يلقي المحاضره...
ربع ساعه... عادل استمل ...وفصخ طاقيته وحطها في صبعه السبابه وصار يلوح بها..
ــ مررررووووحه..وززززززز
وتطير على وجه واحد من القاعدين..
اشرف فتح عيونه : ــ داويه عادلوه اعقل هااا..
عادل حط ايده على وجهه : ــ ززززين..
رجعو له الطاقيه .. لبسه اشرف :
ــ خلاص اركد واتسمع المحاضره..



تابع>>

[Princess]

خلص الشيخ المحاضره وبدا النعى الأخير والناس صارت تصيح..
عادل مستغرب الوضع: ــ ويشششش صصصاااير.. ؟؟؟!!


اشرف مطنشنه و حاط ايده على جبهته ومغطي عيونه ومتفاعل مع النعى
عادل يمسك ايد اشرف ويهزها:
ــ وييييشش تطلع.. هههههههه زي افلام الكررررتوون تسسسوووي ايييدددكتطططلع شي من بعيييد .. كنزززززز.. جزيررة الكنزززز..


ناصر سمع عادل ماقدر جت له الضحكه.. حط راسه بين ركبه وصار يداري الضحك وفي باله:
ــ استغفر الله ربي غربلك الله ياعادلوه يالخبل ...
شوي الا عادل قايم :
ــ هانحنووو ذاااااااا عععععلى درررروب كنزناااااا نسيرررر معنننننن وامالناااااااا تسيرررروقبلناااا....
اشرف فتح عيونه..
ناصر ماقدر ضحك وغطى وجهه..
اليهال قامت تضحك وتأشر عليه.. يغني اغنية كرتون جزيرة الكنز...
الشيخ يطالع فيه ويكلمه في المايك كان يعقل ويهدأ..
بس عادل ولا عنده فيها و يستمر ...
ــ من غيرررررنااااا يقططططع يوما مثلنا دررربننننن خطططيرررن الى الجزيررررة منغيرنااااااااااا
اشرف قام ومسك عادل وطلع به
ناصر مهو قادر قام وراه وهو يقول :
ــ من غيرنا .. نسحب نفسنااا.. نلم قشنااا.. عادلووه فشلنااااا...
وبرى الحسينه اشرف يعاتب في عادل:
ــ ويش فيك انت؟؟ فشلتنا؟؟ حراااااااااااام.. في الحسينيه وقت المحاضره مايسوحركات خباله ويضحكو.. الله يوديهم النار...
ــ اجججل حققق ويييه انت تسسسوي حررركات زي سيلللفر..
ــ أي سيلفر و أي بطيخه..؟؟
ناصر : ــ ههههههههههه احلى يا سيلفر.. تبع جزيرة الكنز نسيته..؟؟
اشرف : ــ كف على وجهك انت وياه.. ويش خانة مجلسنا طار ثوابه من حركات هالمسخره..
عادل : ــ الااااويه تصييححححو...؟؟؟
صار اشرف يفهم فيه ويعيد ويزيد.. آخر شي عادل وببرود:
ــ ادررررري اصللن ققااااالللت لي امممي.. وقققاااالت حتى لللو ماااا صصصحتاسسسوي روحي اصييييح
اشرف بلا وعي حط ايده على راسه:
ــ أه ,,, آآه آآه بيجلطني هالصبي يعني امه فهمته وكل شي وقاعد يسوي لينا حركات و مخلني اعيد و ازيد .. حسبي الله على شرك..
ناصر وهو يضحك : ــ هاااااانحنووو ذااااااااا...على دروب كنزنااااا..
عادل بغاها فرصه وحد ماعنده يكملها..
اشرف : ــ اف منكم اهرب عنكم احسن لي...



ابو جاسم مندمج ويا محاضره في التلفزيون..و يحاول يحك ظهره مهو قادر يوصل للمكان..
ــ افففففففف نااايبه.. زنبوه تعالي حكي ظهري..
زينب : ــ هااااا.. !!!
ــ عجب العجاب ويش قايل انا..؟؟ تعالي حكيه...
زينب قامت وصارت تحك وهي تسال :
ــ منا... ؟؟
ابو جاسم : ــ لالا تحت
زينب نزلت : ــ هنا؟؟
ابو جاسم : ــ رووحي يمين شوي .. يمين
ــ هااا...
ــ لالا مو منا...
ــ ... وينا؟؟؟
ــ خوبااااااااال ... صدق ماحك جلدك مفل ظفرك.. اهوو قومي جيبي لي علاقةفياب..
ــ بل ..
الا بدخلة جاسم عليهم..
ــ تعال تعال حك ظهري..
جاسم على طول صاد المكان بالصدفه حكه ..وكأن موقع الحكه قال لجاسم انا هنا يللا حك..!!
ابو جاسم يتمغط : ــ آآآه.. ايييه.. عدل عددل...صحيح مايجيبها الا رجالها..
ام جاسم : ــ قالو مايجيبها الا نسوانها ... ويشو رجالها ...؟؟حق ويه التأليف!!
ابو جاسم يطالعها على جنب :
ــ من الحرره ماقلت لش حكي ظهري..
ــ هههههههههههههه احتر على ويه .. استغفر الله ربي .. حق ويه تتعب عمرك وتخوبلنا وياك.. تدحن عالزوليه لو افرك روحك بالطوفه وقضت المهمه..
ــ وللللللعنه.. ويش قالو لش اجرب..
ــ اهو بس صخ خلنا نتصوخ المحاضره..
ــ تصوخي بس تصوخي صخو بش...
ــ بسم الله علي..
زينب : ــ ياعلي بتخلص المحاضره وماسمعنا شي كل شباق..
ام جاسم : ــ انشبي انتين بعد..
ــ بل ..
وقامت ام جاسم..
ابو جاسم : ــ صايره كل تحمس هالضبيعه ..
زينب : ــ منت مقصر طايح فيها تفشيل ..
ــ اهو تالي كلمتين ترضيها لو قوطية حلوى بها نراشيها..
زينب تغمز لأبوها: ــ ايه ايه حركات اساليب غزل متطوره..
ــ غزل في عينش..
والتفت ابو جاسم لجاسم اللي قاعد في زاويه وساكت.. وشوي يصير جلده على عظمه:
ــ ويش فيك انت ولمتى دا حالك.. الله يفرج على خويك وهذا نصيبه ويش بيدك تسوي له بعد..
جاسم شابح بعيونه و سرحااان وفي باله الفكر مسوي عمايل ..
زينب : ــ ويش تكلم يا يبا.. في عالم ثاني الأخ...
ابو جاسم : ــ ايييه.. الله كريم..



سوسن كذا مره حاولت تتقرب من علا.. بس مهي عارفه شلون تكسب رضاها.. كانت ما تلاقي غير الصد...
و لما ودعهم مالك وسافر استراليا.. سكرت على روحها الغرفه واشتغلت صياح..
سوسن استجمعت انفاسها وشجاعتها .. وطقت على علا الباب.. فتحته ودخلت..
ــ تسمحي لي اقعد وياش شوي..
علا مسحت دموعها: ــ خيررر ؟!!
ــ خير ان شالله..غناتي لا تصيحي و اذا مالك سافر اني موجوده اذا حبيتي تسولفي لو تسوي أي شي .. و اخوي هشام ما بيقصر ويانا اذا بغيتي نطلع ونتفسح..
ــ مابغى شي..
ــ ياعلي لويش كل تسكري الأبواب في وجهي.. لويش كلما حاولت اتقرب منش تصديني.. علا.. اني احس نفسي زيش .. الله حرمني الأم وذوقني قساوة مرت الأبو.. ولا ابغى اذوق غيري مرارتها.. الله عطاني خليص وحيد هشام اخوي...هو السند والعون لي بدنيتي.. غناتي صدقييني مادخلت حياتكم على شان اخربها


ــ شلون عرفش .. ولويش اخذتيه وهو قد ابوش..
ــ.. الله حرمني حنان الأبو وعوضني اياه ابوش.. يمكن تستغربي هالكلام مني .. بس اتصور تعرفي معنى الحرمان .. وتعرفي قد ويش يعاني الواحد منه.. اما شلون عرفني من اخوي هشام..
ــ خراب البيوت اخوش يعني..
ــ ياعلي ياعلا ,, مسويه اخوي شرير..
علا سكتت عنها..
سوسن : ــ ايييه.. من لما توفت امي .. اخوي كان عمره 13 واني بعدني صغيره 3 سنين ,, على طول ابوي تزوج .. يازعم مرته بتهتم فينا بس العكس ,,
كان اخوي يحاتيني طول ما هو في المدرسة.. ومن يرجع يهتم فيني ويداريني ولا يرضى مرت ابوي تاخذني.. ولما صار في ثانوي حول دراسته ليلي ينومني تالي يروح.. عمره ماقصر وياي بشي ...
كان لي الأم والأبو والأخت وكل شي.. درس حقوق وتخرج محامي .. وتعين عند ابوش محامي في مؤسساته وشركاته..
ولما تخرجت من ثانوي سافرت وياه اكمل دراستي..شافني ابوش وتعرفنا و ارتبطنا..
اسمحي لي اذا اخذت ابوكم.. والله مو قصدي الخراب .. وربي يشهد اقسم لش ياعلا اني كنت متحمسه اتعرف عليش واعتبرش اخت غاليه .. ومافي نيتي اضر احد فيكم ابدا.. وان كنتي تضنيني داخله على طمع زي ما تصور ليكم المسلسلات ..


اقسم لش بالله اني مستعده بس يرجع ابوش اكتب تنازل عن حقي في الورث..


علا .. اني مابغى شي .. مابغى الا الراحه النفسيه بين ناس يحبوني و احبهم.. ابغى اعيش جو الترابط الأسري .. ابغى احس بهالشي اللي انحرمت منه..


علا.. بتعطيني وياه لو بتحرميني انتين بعد..؟؟؟



علا حساسه مره ماقدرت على سوسن وكلامها ودموعها اللي تصب ويا قصتها..
صارت تصيح وياها.. وقامت ليها وحضنتها..
سوسن وهي تصيح:
ــ عهد علي ما أأذيكم ولا اكدر عليكم.. و ان في يوم خنت هالعهد.. لش علي ما اظلفي هالبيت ولا لحظه..
وراحت لقرآن كان محطوط على تسريحة علا لفت نظرها..
حطت ايدها اليمين عليه:
ــ اقسم لش عالقرآن .. اني مادخلت عليكم طمع ولا بنية شر .. وعساها تنشل يمينياذا كنت اكذب ..
علا : ــ خلاص لا تحلفي صدقتش..
وابتسمت : ــ وان شالله نكون خوات وصديقات..
سوسن تسمح دموعها:
ــ ان شالله..


وطلعت من الغرفه.. ونزلت المطبخ بتشرب ماي .. الا جوالها يرن.. ردت عليه..
ــ هلا غناتي .. اخبارك ويش مسوي اليوم.. ماسمعت هالصوت... واحشني انتبعد..
سميره رايحه المطبخ .. انتبهت ليها تكلم جوال .. وصارت تتصوخ..وفي بالها..
ــ ياربي اسكت على هالحال مستحيل .. خل اخوي يجي ونشوف...



طارق محمد ال....
حسين عبدالله ال..
عبدالرحمن سعود ال....
عبدالرحمن صرخ حد ماعنده وحضن علي..
ــ عقبااالك يالغالي..
وطلع عبدالرحمن من باب السجن اخيرا.. صدر عليه العفو...


الى الملتقى

[المتحير]

روووووووووووعة الجزء بس عاد عادلوه ما سوى خير ههههههههههههههههههه

بأنتظار الحلقة الجاية

بس حرام شان طلعو علي مسكييييييييين

[للدموع إحساس]

صبـــــــــــــــــــــاح الخيرات ،،
خووووش باااارت ،،
ياعلي عادلووووه هع هع ،،
ما يسوي فعل ،،
هههه هههه هههه هههه هههه ،،
أستغفر اللهـ عند الشيخ ،،
غربلكـ اللهـ ،،
لكن جاسموهـ ويش في نيتهـ ،،
و اللهـ ينخاف عليهـ هاالولد متسرع ويسوي أي شي ،،
يو يو عفر ظلمت سوسن اللهـ يسامحني ،،
هي بـ صراحهـ تشبهـ الطيبين ،، بس ما أدري ،،
و عبد الرحمن طلع ،،
و علي ،، ياعلي أفرجها يا حلال المشاكل ،،
حرام ،، تصقع إبليس ،،
ياللهـ لكن اللهـ كريم ،،
سلمت يمينكـ واللهـ على هيكـ بارت ،،
و الأحدااااااث حماااااااااااااس عا الأخر ،،
بـ إنتظاركـ ،،
و اللهـ يعطيكـ العااافيهـ و يعينكـ ،،
خااالص التحااايااا ،،
للدموع إحساس ،،

[دموع الوحدة]

هههههههههههههههههههههههههههههههههههههههه
فطسني ضحك عادلووه غربل الله بليسه هههههههههههههههههههههههههههههههههههههه
ذكرني بيوم اني صغيره كنت احب اشاهد هالكراتين خخخخخخخخخخخخخخخخخخخخخ
مرة استانست من سوسن وعلا وشكلها سوسن حبوبة وطيوووبه وكسرت خاطري لما قالت ان اخوها حول ليلي علشانها <<شكلها سوسن تعذبت عددل ياعمري عليها
وعبوووود صدر ليها عفووووو حركات عقبال ما يصدر عفوو لعلي بعد ويرجع لاهله
مشكوورة امووورة على الجزء الروعه بس كانه قصير <<هع هع طمااااعه هههههههههههههههههههههههه
تسلم ايدنك اموورة ننتظر البارت الجديد على احر من الجمر

تحياتي،؛،
دموع الوحدة

[آخر شقآوهـ ..~]

الله حركآت ونآسه الجزء..
ريموهـ الهبله ذآخله أدبي عفر ..<<شغلت بآلها
تصقعها أكبر مني بسنتين أو أقل بصآدقهآ أجل هع هع هع
عآدلوهـ.. تمووويته من الضحك رجعني الى أيآم إبتدآئي كنت أني وأخويي نشآهده وأني مسكينه أروح أنآدي أمي
أمااااااااااهـ دآكم جآبو صديقش جزيرة الكنز <<<أمي كآنت تحبه نيههههههههااي
لو ترجع الايآم بس برآءة وطفوله أحم كووح
الموهم بكمل اني الجزء أميروه عنش
قال الشرطي اللي ينآدي الاسآمي
يآولد أستح خلنآ نكمل بآقي الاسمآء
ويكمل ذآك الشرطي ويقعد علي على أعصآبه
وآخر أسم كآن أسم علي <<<كف الحين على الشلخ
ان شاء الله يااارب يطلع وياهم يـــــــــآآآآرب
تسلمين قلبو ع الجزء الروعه
ربي يعطيك العافيه
جـــــــــــــآري الانتظآر