ضعنا يا صبرنا...

[*زهرة البنفسج*]

جزء كشوخ مره وصيحتينا من ظمير اميروة

اي والله يبيلش كف

خخخخخ لا كف عشانش تحملتينا وتنزلي الينا اجزاء

لايصير في علي شي اميروة لااذبحش

ننتظر البقيه

موفقين

,,,

[كبرياء]

أمييييييييييييييروووووه ..
سجنتي حميييييييييدييي << يآء النسب خخخخخخخخخخ
بعد ألحين بتقتلي عليييييييييييييي
<<< بتذحكـ ...
يسـلموو أميروووهـ ع الجززززء ...
لآعدمـ
كبريآء

[دمعة على السطور]

ياعليييييييييييييييييييييييي أميرة


لاتموتي علي في ذمتش >>ياعلي استغفر الله ربي..


بس ماصدقنا طلع



يعطيك العافية أمور..
موفقة وبكل شوووووووووووووق
انتظر بكرة إن شاء الله..
دمتي بعين المولى الجليل..

[للدموع إحساس]

مسـآآآآآآآآآآآآآآآآآآآء الخيرآآآآآت ،،
و اللهـ خوش شي ،،
جسوم و حميدووووه في السجن أأأأأأأأيآآآبآآآآآآآآآآآآآآهـ ،،
لكن شوي يكسرو الخاطر ،، ياللهـ يكبرو و ينسو ،،
المهم علووووي طلع ،،
و ما بيصير فيهـ شي ،،
بعد بعد أمووور ،، لا تقتلي علي ،،
خلهم يستانسو بهـ حرآآآآآآآآآآآم ،،
أني أدري قلبكـ رهيف و ما يهون عليكـ أم علي و أبوهـ ،،
و ما بيصير فيهـ شي ،، و إن صار لا سمح اللهـ شدخهـ و تعدي ،، هع هع
يعني تنشلخ رجلهـ و يجبروها ،،
و كسر الخواطر مو زين خيهـ ،،
إن صار فيهـ شي بينكسر خاطري ،، << سكتي ياللهـ و أطلعي ،،
بس الجزء و اللهـ كشووووخي ،،
المهم علوي يروح ياكل الساقووو ،،
و يعطيكـ ربي ألف ألف عاااافيهـ ،،
و سلمت يمينكـ ،،
خااالص التحااايااا ،،
للدموع إحساس ،،

[الــــنـــاري]

اختي في بارت اليوم لو مافيه ؟؟

[نبــراس]

:( ~ باااارت مؤثر ويفرح في نفس الوقت >>2 في 1
أميرة انتي طيبة ياغناتي أكيد أبو عليو مابموت
وبيطلع وبقولوا له الأخبار اللي صارت وبيتضايق
بس بعدين بيفرح من خطبة ليول << أسكـتي
أبغى أكمــل << بس كف


تسلمي خيتو
والله يوفقكـ ويعطيكـ مرادكـ
:
:
س / الحين أشرف هو نفسه شريف ؟؟؟
عشان تقولي مو مركزين :)

[Habit Roman]

خيووووووووووووووووووووه أمورة حرام عليش لاتموتين علاوي بحق منه ضربته اليوم حرام <<<<<< متأثرة الأخت
ائهي ائهي
تسلم أناملك أخيه

مأجورين

[الــــنـــاري]

والله شكله اليوم مافيه
اميرة الى الحين ماوصلت
>>ننتظر اشوي ونشوف<<

[آخر شقآوهـ ..~]

أنـــي مآتوقع في جزء اليـــوم بعد
قومو شيلي عفشكم ونآمو
أميــروهـ نستنآآآش
جآري الانتظآر

[Princess]

مرحبا
عذرا
جهازي عطاكم عمره يوم الخميس :sad2:
خلاص هلك عندي من سنين.. امس شريت غيره :amuse:
واليوم راح اركب البرامج
بروح الحين الدوام وبرجع به وببدي بالجديد
انتظروني :amuse:

.
.
.

[دمعة على السطور]

يعطيك العافية ..
وعساك ع القوة دوم يارب..
موفقة ..
في الانتظار..

[آخر شقآوهـ ..~]

على قلبي أميرهـ .. ألحين أني يدور في بآلي سؤآل الأجزآء اللي كتبتيهم والقصتين اللي قبل
كيفآ بترجعيهم <0000 سؤآلهآ عآلمي..
يالله غنآتي خذي رآحتش وضبطي الجديد وبدي فيه :)
يعطيك ربي العآفيه
تحيآتي
ضحكوهـ البطه

[المتحير]

ما خلصتي اووووووف يلا تعبت

[المتحير]

الجزء روعة بس ما فيه عادلوه!

[المتحير]

والاجزاء اللي ورى روعة واااااااااااااجد

[المتحير]

وبالانتظاااااااار

[الــــنـــاري]

ونا هنا بالاعتصام
تضامناً مع اخي المتحري
وبعد الوفاة انشاء الله في مظاهرات
<< لم يتم تحديد الوقت الى الان
يلا خيتووووووووووووووووووووه
عجلي اشوي لا....>> مو كف !!
كاس ليمون عشان تروقي ونتين تكتبي ^_^
تمنياتي لك بالتوفيق

[المتحير]

يلا اميرة نزليه مدام انتي هون

[الــــنـــاري]

اخيراً وصلت اميرة:clap::clap::clap::clap::clap:
انشاء الله تكون جايبة البارت وياها :amuse:

[المتحير]

يلا لاني واقف عل قلبي

[Princess]

مرحبا
يعطيكم الف عافيه
ومأجورين
وتسلمو لي عالتفاعل الجميل
واسمحو لي .. عالتأخير

على فكره. خيه نبراس. اشرف هو شريف هو شرف.. تدليع يعني مع الأندماج ادلع في الأسم واني رايحه.:toung:. بس اغلب شي اشرف..
لا خلا ولا عدم من هالتواجد..

وياخوك يا سيدنا ( الناري ) اي كاس لومي و اني ما افضى للكاتبه الا بعد صلاة الفجر :toung:
تسلمو لي جميعا نفر نفر ونفره نفره.. واالله لوعندي وقت رديت عليكم واحد واحد
لاحرمني ربي منكم ..
تفضلو الجديد

[Princess]

الحلقة 36





علي من الخلعه صرخ صرخه.. اختلع ابو علي سمع صوت التفحيط..


ــ علي .. علي..


علي ينافخ من الخوف..


ــ هلا يبا..


ــ ماصار فيك شي ياولدي..!!!!!!


ــ لالا.. تطمن يبا.. ماصار شي..


ــ يابوك متأكد .. انتبه لعمرك..


ــ ههههه ماصار شي يبا .. والله هذاني احلف لك..


ــ حصل خير.. ننتظرك يالغالي.. امانة الله..


ــ مشوار الطريق..




نزل صاحب السياره وهو مذهول..


ــ علي..!!!!!


علي انتبه له .. وابتسم ابتسامه عريضه..


ــ هلاااا.. مؤيد....


مؤيد راح له وحضنه..


ــ هلاا ياخوك.. الحمدلله عالسلامه.. ويش هالصدفه اللي خلتنا نشوفك... سبحان الله..


ــ ياهلا فيك يالقاطع.. اما صدفه حلوه. توهم مفرجين عني الا بجيتك..


ــ تفضل اوصلك..


ــ لا ياخوك لا اكلف عليك شكلك وراك مشاوير ..


ــ لا وراي ولا شي .. واحشني ابغى اسولف وياك واشوف علومك..


ــ تسلم يالغالي..


ــ تفضل..




ركبو السياره..


علي : ــ متاكد ما وراك شي ولا اعطلك..


مؤيد : ــ عن اللعانه علي قلت لك ماوراي شي.. خلصت اموري .. كنت راجع من المطار للبيت مريت الا احلى صدفه خلتني اشوفك.. بسم الله على عمرك اسمح لي بغيت اكسرك..


ــ ههههههه مسموح مسموح.. انا اللي بلا وعي بعد بعبر الشارع مالي بالة شي حواليي..


ــ ايه ويش اخبارك ويش مسوي.. تصدق من فتره مع عبدالرحمن كنت ناويين نزورك بس تصير زياره.. الحمدلله يوم الله فرج عنك..


علي تهلل وجهه وابتسم فرحان حده:


ــ عبدالرحمن.. تعرفت عليه..


ــ إيـــــــــه والله وخوش رجال يرفع الراس ..


ــ فديته.. متمسك باللي عرفه وناوي يعني عن حق وحقيقه.. يارب توفقه وتحميه وتكثر من امثاله..


ــ يارب ياكريم..


ــ ويش عندك في المطار راجع من سفر لو موصل الأهل..


مؤيد بنبره حزينه:


ــ ايه.. مودع ..


ــ بسم الله عليك.. ويشو مودع.. مين مسافر عندك؟؟


ــ بنت اختي الصغيره.. اخذها ابوها..


ــ اهاا.. خلاص يعني انتهت فترة الحضانه..


ــ ايه.. وسافرت ويا ابوها..


علي يحط ايده على فخذ مؤيد وبهداوه:


ــ الله يكون بعونك ويعوض عليك..


ــ جميعا ان شالله..




في بيت ابو علي .. الكل له حاله...


ابو علي قام يتمسح بيصلي ركعتين شكر..


ام علي بعدها مهي مستوعبه لين تشوف ولدها وتحضنه تالي بتعبر عن فرحها..


ريما تناقز و تصافر و وتصفق تتعيلف فيهم..


ليلى لامه امها وقاعده تدعي في قلبها يوصل بالسلامه..




بيت ابو جاسم.. الحاله حاله..


ام جاسم سكرت عليها باب غرفتهم وقفلته.. وصارت تصيح على ولدها..


ابو جاسم قاعد في الحوش مسند راسه على الطوفه.. والفكر ماكل عقله


زينب قاعده على باب الصاله مقابله الحوش .. حاطه ايدها على خدها والدموع تسيل..


ابو جاسم بهداوه:


ــ جنى على روحه.. و اكلها علقه.. لو هو آدمي ما صار اللي صار..


زينب ولا نفس هدوء..


ابو جاسم:


ــ لو هو رجال ويخاف ربه ما رمى ولد عمته في الحبوس هالفتره..


زينب : ــ بس اعترف ..


ــ اعترف.. .. بعد ويه..


ــ المهم اعترف غيره لا بيسكت للأخير.. وهو متغير لاحظناه كلنا .. معتفس وحاله مهو حال...


ــ الله يفرج ... انا عندي ينحبس ويتعلم ويتأدب ويحس بمعنى الحريه اللي اهدر وقتها على خراط.. يحس بقيمتنا في حياته .. شان ينصلح حاله.. احسن له..


ــ ايه.. الله كريم..


ــ قومي شوفي امش .. خلها تبطل الباب.. واسيها خلها تطلع من هالغرفه..


ــ ان شالله..


ــ انا باروح بيت عمتش .. بتحمد ليهم بالسلامه وباشوف علي..




طلع ابو جاسم.. من سكر الباب ..بعفويه حط راسه على ذراعه المتسنده على باب الحديد.. وصار يصيح.. ينحب مثل الطفل .. ماطول.. بس طلع حرته..


مسح بغترته دموعه..


واتجه لبيت اخته..






تابع>>

[الــــنـــاري]

طلع المتحري زيي يراقب اميرة هههه
والله انا رحت اشوف قلت اذا ماشبكة لحين
بقوم انام بس زين اني تاخرت اشوي عشان
اصيدهاااااااااااااا>>
<< شكلها من كثر مانغثها ونعجلها بتوهن ماتكمل القصة ~_~

[Princess]

عادل في الطريق .. يدور وين النقعه في الشارع و يراكض فيها...

والحريم كلما مرت وحده صارت تتباعد عنه لا يوصخها..

مرت وحده ضبعه.. وهو يراكض ويفحط..

طفر عليها ماي..

صرخت حد ماعندها:

ــ نااااااااااااااااااااااايبه... دااويه..!!!!!!!

عادل اختلع من صرختها...وبعفويه صار يضحك..

الضبعه : ــ ضحكت من سرك.. فوق شينك قواة عينك.. على ويه الضحك ؟؟؟؟؟

ــ ههههههههه ععععلللى صرررختتتتش..

ــ صرختي تضحك.. حسبي الله عليك من صبي خبل مغربلنا ..

ــ ايييه كككنننش الساااحححررره الشررريررره

ــ عادلوه.. عادلوه يووووز عني هااا.. ماقول الا الله يساعد امك عليك..

رفعت عباتها وهي متنرفزه:

ــ ويييع ويش هالكسافه ويش هالقطين .. توي متمسحه جعلك ويش اقول..

ــ حققق ويه متمسحه.. بتصلللي صلالااااة ووويه؟؟ ونزلللي عبااااتش عيييب

ــ اني ان وقفت وياك وايد ما بنخلص من الهدره .. هههههه عيب ويه ويا وجهك ويش طلع مني خوب فوبي وملولح حاله حال هالعباه...امشي احسن لي..

ــ فتنه .. فتتتتتنه حررررام..

ــ مخاوي مين انت هههههههههههههه ياالله ترحمنا.. عساك غربال .. عادلوه روح بيتكم احسن لك.. قال حرام.. وفتنه.. يفتتنو فيني بويه ياحسره..

ــ بالجممماااال

الضبعه استحت:

ــ يؤ.. جعلك ويش اقول.. أي جمال.. قضينا وضبعنا.. هاداك لول جمال .. اييه امشي بس بلا هدره..



ومشت عنه..

وشوي وهو يراكض في الماي ... لفت نظره قطو يتمشى ببرود وهداوه.. ويا ارض انهدي ماحدا قدي.. قرر يتعيلف فيه..



ويشوت برجوله ويطفر ماي على القطو المسكين.. ويطفر القطو..



بيهرب مامداه لحقه عادل ومسكه.. وهو يحاول يهرب منه ويحاول يشمخه بس عبث.. !!

بالصاقعه صاد عادل شمخ ..

ــ آآآآآآآه اررراااووويك

ويمسكه من ذنبه ويلوح فيه لفه لفتين ثلاث والقطو يصارخ..

ميوووو

ويووووووووو

نيوووووو

مابقت صرخه قطيويه الا قالها

>> كثري منها..



ويرميه .. وبالصدفه اشرف طالع بيرمي خمام بيتهم الايشوف حاجه طافره وطرااخ في الدرام.. ويرمي اشرف فوقه الكيس

اشرف : ــ داااااااويه.. ويش صاااير؟؟؟

اشرف ما انتبه للي انشدخ في الدرام..

عادل ميت ضحك::

ــ لاععععبت به..

ــ هااا.. ويشو اللي لاعبت به..

ــ قطو كبيررر..

ــ صاقعه.. انت لو يطلع لك نمر لاعبت به ولا عندك فيها مو قطو بعد !! لا تقول اللي طفر في الدرام مكحين هذا هو..

ــ هههههههههه ايييه.. افتررر مخه فررر

ــ يالله يفر مخك ويهديك ..

ــ ومخخخك ياااارررب

ــ ههههههههههههههه لا انا اذا افتر مخي على الدنيا السلام.. انت لا يمكن يعتدل..

ــ تتوقعععع !!

ــ ايه يجوز..

ــ اججججججل تعاااااااال فررر مخي..

ــ كيفا افره؟؟؟

ــ هههههههههه زي عبااسسسو يقووول يفررر مخي بكف ..

ــ هههههه رحمة الله عليه ولا بنخلص من طاريه !!

ــ تصصصصدق وحشتني طراقااااته

ــ عجيـــــــــــــــــــــــــــــب !!

ــ هههههههههه والله احس بدددني يحرررني ..

ــ تعال الاعب بك..

ــ لالا.. ههههههههه خخخلالالاااااااص..

ــ هذا اللي ماخذينه منك .. خلاص وخلاص..



عادل بهدوء وابتسامة حيا:

ــ اشرف.. شريف .. شرششووووفه..

ــ اه.. ويش صاير مابقت تدليعه.. خير ..!!؟؟

ــ شرررشفي..

ــ هاااااااا.. شرشفك.. عاد لهنا مصختها.. انشب <<يهزأ وهو فيه الضحكه..

ــ احبببببببككككككك

ــ هههههههههههههههههههه وربي انك منت صاحي .. حبتك الزهرا.. حتى انا احبك..

ــ لا مااابغى زهررا ابغى زييينب

اشرف فتح عيونه:

ــ استغفر الله ياربي .. عادلووووه تأدب وريــــــــح...

ــ زين .. بسسسسسس ترررا احبك انننااا..

ــ تسلم وانا احبك بعد...

ــ ماااسألللتني لووويه احبببك؟؟

ــ هههههه غربال يعني فيه سبب مصلحه..!!

ــ مصلحة ويه... منهييي دي .. تشيه فيه مَرَه تصلح؟؟

ــ خخخخخخ خلف الله عليك .. وعلي اللي اجاريك.. حق ويه تحبني..

ــ احبك.. لأنك كل تسسسووولف وياي و ترررد علي اذااا سألتك ولا تعصصصب عليي وكل تشتررري لي حوااايج ولا عمرررك هزأأتني لو قلللت لي كلاااام يعوور قلبي

ــ هههههههههههههههه فديتك...




شوي الا القطو طلع من الدرام ويترنح..

ما شاف اشرف الا عادل فاطس من الضحك..

ــ طللع .. من الدرررام

ويفصخ عادل طبقه من نعاله..

ــ والله مااا اخلييييييييك

ويلوح القطو بها.. ويرجع يطفر القطو ويركض بلا وعي..

اشرف :

ــ ههههههههههههههه حرام عليك يا نحيس... بتروح النااااااااااار..

ــ باصير مششششااااوي..

اشرف فتح عيونه:

ــ اه هههههههه دا اللي بيخسف بنا.. ما تتأدب انت..

ــ هههههههههههه شدراني عباااسسسوه كل يقققول جعلك حررريقه تنضيييك تخليك مشاااوي..

ــ يـــــــــــاعلي.. اقول ابو العدل..

ــ منهووو دا العددددل..؟؟؟

ــ انت..

ــ لا انا ابوو شررررريف

ــ ههههههههههههههه مااااقدر..

ــ ايه مو قلت لك احبككككككك بااسسسمي ولدي وولد زينب على اسسسمك...

ــ استغفر الله.. انا لله.. وتاليتها انت وزينب .. استحي عادل انت رجال عيب هالكلام..

ــ احبببهههههاااااااا

ــ ههههههههههههههههههههههههههههههههههه

عادل مستغرب من اشرف اول مره يشوفه يضحك كذا..

بهدوء رجع عاد الكلمه..

ــ احبهااا..

ــ هههههههههههههههههههههههههههههههه ..

عادل استانس .. صار يصفق ويصارخ..

ــ احبهااااااا.. زينب احببببببببهااااااااااا..

اشرف حمق:

ــ هيييييييه.. لا والله كدينا خيررر ويااااااااااك..

ــ هاااا.. يعني ويييييييه..!!!!!

اشرف انتبه لعمره..

ــ هاا.. ولا شي...

ــ شرررريف.. تحب زييينب انت بعددد؟؟؟

ــ هااا.. عيب عادلوه استحي على وجهك.. << قالها ووجهه تلون ..

ــ ايواااااا ايوااااااا اعترررف

ــ عادلوه وجع..

ــ هههههههههههههههههههههههههههههههه اشرررررررف يحب زينب ياهوووووووو



اشرف يمسك عادل يفغصه ويسكر بوزه بأيده:

ــ صك حلقك فضحتنااااااااااااااااااااا

ــ كحححححح كححححححح زنطتني .. فططسسسسسسست..

ــ اسسسسسسكت لا والله ما اشتري لك شي ولا تحلم..

ــ خلاص خلاااااااص..

ــ خلصو على بليسك.. من نحيس..

عادل بيهرب.. صار يفحط:

ــ حححححححححح باروح بيت زينب..

تابع>>

[Princess]

اشرف وده يمسك عادل ويساطر به..بنفس الوقت فيه الضحكه ويحس جسمه كله حااار..

شوي انتبه لعمره..

ــ ويش فيني انا.. معقوله حبيتها... الله يستر ....!!



عادل وهو يراكض مر على ابو جاسم .. وصار يلحقه..

ابو جاسم مر على اشرف وكان رايح لبيت اخته..

ــ هلا عمي قواك الله..

ابو جاسم سرحان ومبين عليه التعب..

اشرف ..
ــ ويش فيه ابو جاسم الله يستر..

ورجع عود عليه التحيه:

ــ عمي ابو جاااسم.. قوااك الله..

ــ ها.. هلا .. هلا ياولدي الله يقويك شحوالك..

ــ الحمدلله.. عساك بخير انت..

ــ الحمدلله .. الله كريم..



ومشى ابو جاسم .. واشرف مستغرب منه .. مو عوايده هذي..

اشرف :

ــ الا عمي.. وين جاسم دي كم يوم مو مبين.. لازم ينتظم على شغله ياعمي لا يخسره..



ابو جاسم وقف .. ودار براسه لأشرف وبأبتسامه كسيره:

ــ ايه.. الله كريم.. ياولدي شوفو ليكم غيره .. وربي يسهل عليكم..

اشرف ماحاول يستفسر من ابو جاسم عن السبب .. مبين عليه تعبان وضايق باله.. فما حب يغثه...



الا سياره تمر .. اشرف فتح عيونه مو مستوعب اللي فيها كنه شاف علي.. وقف كان بيركب سيارته هون.. صار يتقرب يبغى يتأكد..

ما شاف الا عادل يصرخ بفرح..

ــ علي .. علي رررررررجع.. علي طلعوووووووه ...



مؤيد مر جنب ابو جاسم اللي وقف منصرع من صريخ عادل ومو مستوعب السالفه..

.. وضرب له هرن..

علي نزل من السياره وفرد ذراعينه..

ــ خاااااااااااالي

ابو جاسم تهلل وجهه واستبشر فرد ذراعينه وراح حضن ولد اخته.. وصار يصيح صياح..

علي يمسح على ظهر خاله..

ــ هونها ياخالي وتهون.. ربي يفرجها ان شالله..

ابو جاسم فرحان يصيح و بصوت متكسر ..

ــ الحمدلله عالسلامه ياولدي..

مؤيد:

ــ قرت الأعين عمي..

ــ بشوفة نبيك ياولدي هلا فيك ..



اشرف تقرب منهم..

ــ السلام عليكم..

وبفرحه عامره سلم على علي :

ــ الف الف الحمدلله عالسلامه ياجار.. ويش اخبارك عساك بخير..

ــ الحمدلله عال العال... ويش اخباركم وويش اخبار الفريق ..

عادل مات من الضحك وخش عرض بينهم..

ــ عباااااااسوووووو ماااااااااااات

علي فتح عيونه وبوزه:

ــ هاا.. رحمة الله عليه..

اشرف:

ــ ياربي .. ماتجوز يا عادلو هااا.. ماتجوز...

عادل بيكمل نشرة الأخبار..

ــ و اشررررف يحححب ..ززز

اشرف مسك عادل على طول وسحبه وياه.. وبأحراج..

ــ الحمدلله عالسلامه وقرت الأعيان .. اشوفكم على خير..



وهو يسحب في عادل ويفلص فيه..

ــ امشي .. بسرعه قدامي..



ولما وخرو عنهم.. صرخ عليه..

ــ ويش فيك انت.. بتوديني بداهيه وبتوديها.. بتشهر بها المسكينه.. خبل انت خبل... لا بعد قدام ابوها وولد خالها.. تبغوهم يقصبونا .. يفرمونا.. والله ياعادلوه ان سمعتك تتكلم كذا دفنتك ولا باحبك ترى..

ــ لالا خلاااااصصص

ــ هذي حالتك.. الله يعيني عليك..





مؤيد:

ــ يللا اخليكم.. اشوفكم على خير..

علي :

ــ تسلم يالغالي .. يعطيك العافيه ولا تقطعنا..

ــ لا ان شالله بييننا اتصال دايم..

ــ على خير .. حياك الكريم..





ابو جاسم بيطق الباب.. علي ابتسم.. وطلع مفاتيحه..

ــ بفاجأهم..

ــ اخاف من الفرحه يصير بهم شي .. خلني ياولدي امهد ليهم احسن..

ــ هههههههه لا تخاف ياخالي يدرو بي كلمتهم..

ــ يعني.. اجل زين .. نستعد للمفاجأه..



دخل علي المفتاح في الباب..

فتحه..

صوت صرير الباب..

فضحه..

قامت ريما تركض..

طلت وصرخت..

ــ علـــــــــــــــــــــــــــــــــــــي..

قامت ام علي تركض له..



ابو علي متدوده مو عارف ويش يسوي وكيف يقوم.. تسند على الجدار ..

ليلى بتلحقهم .. رجعت ومسكت ابوها اول مره يسمح لأحد يمسكه من لهفته على ولده..



تجمعو حول الباب .. اول وحده سلمت عليه ريما.. ووخرت بسرعه لأمها اللي ارتمت على ولدها وحضنته وصارت تصيح..

ــ عسى عيوني ما تبكيك يا نظر عيني.. عساني ما انحرم منك.. حسبي الله على اللي يعاديك.. جعله اللي كان السبب ما يتوفق ..

علي متأثر ويحاول يهديها ما يبغاها تدعي اكثر قدام خاله.. وهي ماتدري ان ولده السبب..

خاله مهو متحمل المنظر صار يصيح ويمسح دموعه بالسرعه..

وصلت ليلى ابوها..

علي راح لأبوه باس راسه.. وحضنه..

ابو علي صار يصيح.. ويضم ولده بالقوه..

ــ لا خلا ولا عدم منك.. ياسندي يا ظهري اللي انكسر بفرقاك.. جعل عدوينك ما يتوفقو...



ليلى وصلت لعند اخوها...

اخوها بقايا الأمان والحنان اللي تبقى ليها..

موضع سرها و صندوق همها وشكواها..

وبعيون كلها لهفه وشوق

وبهمس متكسر ومخنوق..

ــ الحمدلله عالسلامه يالغالي..

حضنته وصارت تصيح..

علي يحاول يتماسك.. بس موقفهم واحد واحد اجبره ينهار وياهم ويصيح...

ابو جاسم:

ــ قرت الأعين خيه.. قرت الأعين ابو علي .. قرت الأعين يابنات..

ام علي:

ــ سلمك ربي يا غناتي..

ابو جاسم:

ــ يللا بمشي انا وباجيكم في وقت فاني..

ابو علي :

ــ استريح ياخوي

ــ اراحك الله من كل هم.. نوبه فانيه ان شالله خذو راحتكم ويا غايبكم ولاحقين بنغفكم غف تالي كل يوم

ام علي:

ــ ههههههههه حياك الله ياخوي عالعين والراس

ــ يسلم عينش ويرفع راسش.. يللا امانة الله..

ابو علي:

ــ حياك الكريم..



وقعدو في الصاله.. وصار يسألهم عن الأخبار وويش صار في الفريق فترة غيابه..

ام علي وابو علي .. طلبو منه يأجل هالهدره.. وفي بالهم.. مافي شي يسر على شان ينقال ...

تابع>>

[Princess]

ليلى راحت جابت الساقو لأخوها


فرح به..


ــ الــــــــــــلـــــــــــه ياسلااااااااام.. من متى افادي بها..


ام علي تذكرت يوم اخذوه كان عندهم صحن من بيت خاله وما ضاق منه شي..


و بفرح رفعت شيلتها غطت وجهها وصارت تصيح..


ــ وي ياغناتي .. لا خلا ولا عدم..


علي :


ــ يللا عاد اماه لا تصيحي لا ماباكل..


ــ لا خلاص .. ما بنصيح .. تعبنا صياح .. الحمدلله يوم ربي سلمك ورجعك بيننا...





في صالة بيت ابو مالك..


ابو مالك...


ــ ويش فيش سوسن لويش تطالعيني كذا..


سوسن وملامح وجهها متغيره و شكلها معصبه فيه..


ابو مالك..


ــ لا تطالعيني كذا...


سوسن تصفع في وجهها و تنحب نحيب يخوف.. وتصرخ..


ــ حراااام...


وشوي صارت ترجع دم


ابو مالك..بخوف مو عارف كيف يتصرف..صار يصارخ..


سوسن انهارت ...


ابو مالك صار ينادي على مالك وعلا يجو يساعدوه ..


ما احد يجاوبه..


توجه للدرج بيركب غرف ولاده.. كلما ركب درجه يحس الدرج يزيد ..


وهو يسرع اكثر بس مافيه فايده..!!




شوي بين آخر كم درجه ومكان وقفته.. حفره كبيره وفيها حيات وعقارب..


صار يطالع تحت.. لقى روحه مرمي والعقارب تنهش فيه والحيات ملتفه عليه..


قعد مذهول وصار يصارخ..


ــ علااااا.. مااالك..


الا ينتبه لمالك.. في الطرف الثاني.. قعد على ركبه يطالع في الحفره واللي فيها ويصيح..


ابو مالك يصارخ:


ــ مالك انا هنا.. ماااااااالك قدامك عبرني لك... لو تعال لي ,,الحق علي..


مالك ماكنه يسمعه .. وقاعد يصيح..


شوي جت علا حامله في ايدها كبد لآدمي .. شكلها يثير الرعب في النفس


حاملتنها وهي تضحك ودموعها تسيل..


ورمتها في الحفره..


وصارت تهدي في مالك و تهمس له..


وانقلبت حالة مالك من صياح الى ضحك..


وتركو المكان و ابو مالك يصارخ فيهم وهم ابدا لا حياة لمن تنادي


قام بيرجع لسوسن .. استدار الا الدرج صار بس درجتين..


نزل لقى محل سوسن رماد.. وورد يابس..


قعد وصار يلمه وهو يصيح..


شوي الا يسمع صوت...




الى الملتقى..

[Princess]

هههههههه عساكم السعاده جميع
الناري + المتحير
عليكم حركات عجيبه
الله يحفظكم ويسلمكم
يبغى ليكم دروس في الصبر:bleh:


يللا مأجورين جميعا
دمتم بخير
وبحفظ الرحمن

[Princess]

<< بالأقساط ترد..
ضحكوه :embarrest: فديتش ياغناتي لا تخافي صحيح اخترب وعطاني عمره
بس اميروه ذكيه :toung: كل المعلومات المهمه في هارد دسك خارجي <<
يعني مافي خساارات والحمدلله





هاا برد قلبكم الحين ما مات الغالي علي :wink:
والله يستر من الجاي ...!!


وبعض الناس صار حميدهم ها وياء نسب .. لا بجيهم كف عن حق وحقيقه :seif:
ومااا شالله عليكم :rolleyes:
هههههههه بغيتوها فرصه حق تنهالون عليا بالكفوف ايها الأعضاء والمشرفون
هين اراويكم مافي جزء لمدة مقدارها تحسب عن كل كف ذكر في كل رد.. :wink:
<<< امززح


يللا خلاص باروح لحوستي
اراكم على خير..

[المتحير]

هههههههههههههه بس قصير

يعطيك العافية

[للدموع إحساس]

صبـــــــــــــــــــــــــحكم اللهـ بـ الخير ،،
حاااارهـ حاااارهـ الأحداث ،،
ويلي ما عندي صبر ،،
ويش يصبرني << أني إلا مطفوقهـ ،،:nuts::nuts:
و أخيراً رجع علوي و فرحنا بهـ ،،
سلام اللهـ على أمير المؤمنين ،، و إن كانت نغيصهـ ،، بس بعد حلو البارت ،،
ياعلي عادلوهـ ،،
فطسني ضحكـ واللهـ ،، لعب بـ القطو لعب ،،:deh::deh:
مسكين ما تسوى عليهـ مر من فريقهم ،،
لا ويعرف فتنهـ بعد مو هييييين أبد ،،:wink::wink:
و أشرررف شروووف شرشفي أحلى شي ،، شرشفي :nosweat::nosweat:،،
و يلي يابطني ،، حسبي اللهـ على إبليسكـ ،،
حينب و شرشف ياللهـ عاد عرسو << بس المشكلهـ جسوم معقولهـ ما يحضر زواج أختهـ ،،
كل شي جايز ،، بس ما نتمنى ،،
و هاالحلمهـ دي أبو مالكـ هو إلي يحلم أكيد ،،
بس أن شاء اللهـ ما يوتعي و سوسن فيها شي ،،
بـ الأنتظار غلااااااتي ،،
يعطيكـ ربي ألف الف عاااافيهـ ،،
و سلمت يمينكـ ،،
خااالص التحااايااا ،،
للدموع إحساس ،،

[الــــنـــاري]

اي صبر هههههه
يبغا لينا نتعلم على الاختبار الي حطه شبل الطفوف
في طوير الذات
جربته مرة وبعدين تسكرة الصفحة ولا رجعت عليه
يبط الشبد
>> الميهم هذا ابو مالك قاعد يحلم
بتانيب الظمير الي ياكبر عليه اذا كان صاحي
يعني ابو مالك يمكن يرجع حقوق حميد مادري امجد
>من قال ليكم اني سيد @!@<<
يعطيك ربي الف الف الف عافية خيتو
لاعدمناك يارب تمنياتي لك بالتوفيق دنيا وآخرة
ورحم الله والديك على هذي الجهود الجبراة
تمسون على خير

[آخر شقآوهـ ..~]

ههههههههههههههههههههههههههههههههههآآآي..
ويليي ويلآآآآهـ عآآدلوهـ يفطس ضحك
أتخيل السنور وعآدل حركتــــــــــــــــآآت فلم هندي
أإأحـــم أشوى الحآجآت المهمه مآخسرتيها أميرتي

تسلميلي ع الجزء الرووعه يبر ع القلب ""<0000 هذآ الرمز اللي كلآ أحطه هنآك خيوهـ هع
ربي يعطيك ألف عآفيه
لآعدمنـــآ جديدك
تحيآتون

[آسوآآر الآلــمـ]

إبـــــــــــــــــــداع

خيتي

هذا أبو مالك يحلم

تسلمي أختي جزء مرة خطير
والله يعطيك العافية

وأنتم بعد مأجورين أختي

موفقين لكل خير ..

[*زهرة البنفسج*]

وي بردتي بفادنا يامورة واخيرنا علاوي طلع قرت عين اهله خخخخخ

وهذا عادلوه غربله ربي فظيحه بيفضح الولد

افطس ضحك

وابو مالك ذا شكله يحلم كله من عمايله الي حميد

ننتظر الباقي امورة

موفقين

,,,

[أميرة الشوق]

جزززء روعه
وأبو مالك أكيد أنه يحلم لأن مالك مسافر خخ

وإن شاء الله أشرف يعرس على زينبببببببببب ياارب

بإنتظااار الجديد
موفقه

[Habit Roman]

ويلي ويلي ويلي هههههههههههههههههههههه
ماني قادرة بطني عورني من الضحك على عدوله البهيم الله يخلف على أمه ههههههههه
شرشفي خخخخخ والله حليو مابقى إلا يقول مخدتي ودوشقي خخخ
الله يساعد السنور تلاقية ماصار فيه شيء صاحي اتكسر تكسير يكفي انه طلع من الزباله مدوده

الله يساعد علي على الاخبار الي بتوصله
والله يأخذ ابو مالك الحرامي

تحياتي

[دمعة على السطور]

قواك الله خية..
ويعطيك العافية يارب..
الحمد لله رجع علي سالم..


وأبو مالك أكيد يحلم..
لااقصد هذي الحقيقة اللي هو غافل عنها..

يعطيك العافية يارب..مأجورة إن شاء الله..
موفقة ..
دمتي بعين المولى الجليل..

[عوامية صفوانية]

باااااااااااارت روووووووووووعة

خيتو امووووورر لا عدمناك وتشكري على الجهود

واتوقع ابو مالك في حلمه في كابوس عشان يصحى انه ظالم حميد
يا جعلهم الحال من بعضه اثنينهم ما اشتهيهم استغفر الله

وألف الحمد لله على السلامة على رجعت وطلعت علي حسن الــ .... من السجن خخ
وقرت عين الجميع يا رب

وعاااااااادل فطسني من الضحك لعن الله ابن ملجم
( كان لا جبتيه في هادا البارت عشان لا نضحك في الوفاة خخخخ )


ننتظر البارت الـــ 37

بس نبيه طوووووويل هااااا

وبنشووووف حلمة ابو مالك ويش بيصير وياه
لا تقولي سوسن لو علا لو مالك بيصيروووو فيهم شي
( لا اعطيش ـ طن ـ اقصد كف لكن ما اقدر ازعل غاليتي امووور ) خخخخ
يسلمو والله يعطيش العافية
ما قصرتي والله

تحياتوووووو

[زهور الريف]

بسم الله الرحمن الرحيم

اللهم صل على محمد وآل محمد

وعجل فرجهم

احم احم

أبغى أجبب بس ما يصير تعرفوا هم عدهم

محرم واحنا عندنا وفاة أمير المؤمنين...

هههههه وما شاء الله على عااادلوه

حط في السنور دسست خخخ الله يعينه كسره تكسير..

وفضح اشررررف مسكين ما تسوى عليه إنه عطاه وجه

خخخخخخخخخ

ما شاء الله عليك خية ..

جزء ابدااااع صراااحة

الله يوفقش بحق صاحب هذه الليالي العظيمة

أمير المؤمنين علي بن أبي طالب (ع)

ومقضية الحوائج إن شاء الله ..

مأجورين..

[Princess]

مرحبا
يعطيكم الف عافيه
ومأجورين
ولا عدمت هالتواجد الرايق

الناري .. سيد وولد عم السيد هاني الوداعي.:wink:. الله يحفظكم..
شلون عرفت.. ما يبغى ليها.. انت اللي قلت في مكان ما.. :rolleyes:


الليله مصاب جلل.. وفاة امير المؤمنين حيدر عليه السلام..
فما فيه جزء
حتى التقي بكم غدا
لكم مني اطيب التحايا
دمتم بخير
وبحفظ الرحمن

[Hussain.T]

ابداااااع يا اميرة

ننتظر البارت القادم

مأجورين

تحياتي

[الــــنـــاري]

انا قلت في مكان ما اوكي كاني اذكر
وسيد هاني يصير ابوه ولد عم ابويي
وفتخر بعد ^_^
ولي مو عاجبه يفطر

مؤجورين جميعاً بهذا المصاب الجلل
وشكرك اختي لحترام هذه الليلة
رحم الله والديك بحق امير المؤمنين عليه السلام

نتظار القصة الجديدة
<< لاحظي مو البارت الجديد
>> الصقة الي بعد هذي
يعني انا بنتظار 2في 1
ولاعدمناك يارب
تمنياتي لك بالتوفيق

[نبــراس]

ياعلي أستغفر الله .. عادلوووه فطسنا ضحكـ في الوفاة
عموماً قرت الأعين جميعاً بطلعة أبو عليو .... ^_^
وتسلم الأيادي أمووور
الله يعطيكـ ألف عافية
ويلا ننتظـــر تكملة القصة << كما قيل ~ :)

موفقة ,,,

[المتحير]

اميييييييييييرة بنتحر يلا بسرعة الجزء

[المتحير]

يلا وين الجزء

[المتحير]

ترى بنسوي مظاهرات

[فاطمة المعصومة]

شكرا على الجزء الروعة
وننتظر جديدك
الحمدالله طلع علي
وشكرا

[Princess]

مرحبا
ياهلا فيكم
ويعطيكم ربي الف عافيه..
ما يحتاج مظاهرات..
ليش :weird:... خليكم بعيدين عن السياسه :toung:
ومثل ما اكرر واظل اقول
صبرا صبـــــــــرا صبــــــــــــــــــــــــرا
:rolleyes:
تفضلو الجديد...

[Princess]

الحلقة 38





قام ابو مالك بيرجع لسوسن .. استدار الا الدرج صار بس درجتين..

نزل لقى محل سوسن رماد.. وورد يابس..

قعد وصار يلمه وهو يصيح..



شوي الا يسمع صوت...

صوت نياح .. قام لناحيته.. لقى مرأه ملتفه بالسواد.. وماسكه البوم صور ..

تقلب فيه وتصيح..

شوي مدت عليه الألبوم..

اخذه وصار يقلب فيه..

شاف ام امجد العراقيه.. شاف امجد ... و ابو عبدالرحيم و عبدالرحيم ( ابو جاسم ) ..

وهو يقلب وكل صوره يشوف ناس .. فاعل فيهم فعايل ...

الا المرأه تكلمه..

ــ ماتوقعتك يابو ولادي تعيش ولادك وتكبرهم على مال الحرام.. بجي لك يوم وبتعرف ان الحرام ما ياكل صاحبه الا كل حسره وندم.. الله بجازيك يا خالد.. الله حسيبك...



وقامت عنه وهو ينادي عليها..

ــ ام مالك.. امينه.. ام مااالك..

وهي ماترد عليه وتكمل مشيها..



ابو مالك يحس بحراره تطلع من البوم الصور اللي ماسكنه..

حاول يرميه من ايده بس عبث

شوي حمى زياده ولصق في ايده..

صار يصرخ وينفضه بس الحاله تزيد..



الا بجية سميره.. قعدت ببرود على كنبه قريبه.. وصارت تطالع فيه بنظرات كلها اسى..

تقرب ليها وحالته حاله..

ــ سميره.. تكفي .. ساعديني.. شيلي هالألبوم من ايدي..

سميره توخره عنها..

ــ اساعدك على ويش .. لا اسمح لي الا في الحرام ما بساعدك..

ــ سميره تكفي ارجووووش.. حاااااااارقني

ــ جرب الحره.. كفاية حرقة قلبي ايام ما ترجيتك وبكيت قدامك .. وانت قاطع لي حظي ونصيبي .. بحجة ما يناسبنا و مو على مستوانا.. ويش تبغى اسوي لك.. وخر عني ..

ابو مالك بعصبيه..

ــ اراويش ..

ويحاول يضربها بالألبوم.. رفع ايده وهو رافعنها حسها ثقلت وطاحت على خده ولصقت وصار يصارخ ودموعه تصب ...



سميره تركت المكان وخلته..



وانتبه من الكابوس .. عرقان وجسمه حار ويتنافض .. التفت على سوسن لقاها جنبه نايمه..

صار يمسح وجهه وشعره وقلبه يتزايد في نبضاته....

رجع انسدح.. ويطالع سقف الغرفه.. ترائت له الحفره اللي شافها في الكابوس..

انقلب على يمينه وحاول ينام بس عبث مافي فايده..

حاسس روحه مكتوم وحالته حاله.. بدت دموعه تسيل .. وشوي بدى ينحب ويصيح...

قام وطلع من الغرفه ونزل للحوش .. اختلى بروحه في الهواء الطلق وطلع كل حرته..





فتحت عيونها لصلاة الفجر

هالفجر احلى من أي فجر...

ام علي و اطمأن قلبها على ولدها.. واخيرا رجع ليهم...

ابو علي :

ــ لا اله الا الله... نقوم للصلاه.. ام علي .. قعدتي؟؟

ام علي بأبتسامه:

ــ ايه..

ــ ايه يللا اجل باقوم قبلش الحمام...

ــ زين



طلعت ام علي وراحت جهة المجلس .. لقت منام علي فاضي.. وصوت ماي في الحمام..

حطت ايدها على قلبها وابتسمت بفرح وعيونها تطغى فيها الدمعات..

ــ الحمدلله اللي ردك لأحضاني سالم..



مرت على بناتها لقت ليلى توها قاعده من النوم...

ــ قعدي اختش وياش..

ــ ان شالله.. الله يعيينني على تقعيدها..

ــ ساطري بها..

ــ حق يفزع الفريق كله من صراخها..

ــ ماعليش ساطري بها قليلة الطوع والمنفعه..

وطلعت عنهم..

ليلى تقربت من ريما..

ــ ريما.. ريمو .. قومي..

ــ مممممممم...

ــ قوومي صلي الفجر..

ــ آآآآه.. ماعلي .. ماعلييييييي..

ــ حشا.. وانتين كل ماعليش قووووووووووومي..

ــ اووووووووه مالش شغل فاارقي..

ــ افارق ها.. افارق..

وترفع ليلى ايدها وتصلخها سطار قوي على وجهها..

ريما تصرخ حد ماعندها ..

ــ آآآآآآآآآآآآآآآآآآآآآآه

الا بجية علي يركض ..

ــ ويش صاير.؟؟؟؟

ريما قعدت من قوة الكف..

ــ سطرتني

علي :

ــ لويه ؟؟؟؟؟؟

ليلى :

ــ ماهي راضيه تقوم للصلاه

ريما :

ــ لأنهااااااا ام حمااااااار

علي حمق :

ــ بسسسس قلة ادب .. قومي لا اكسر لش راسش ..

ريما بدت تصيح:

ـ اوووووه متحكمين وتسوو روحكم علي الله عاد العباده وياكم مقطعه بعضها..

علي يصرخ فيها::

ــ حررركي لا الطخش الحين واعلمش كيف التقطيع العدل..



ابو علي في الغرفه يسمع الصوت ويبتسم..

ــ لا خلا ولا عدم من هالصوت..

ام علي تلبس احرامها..

ــ يااارب..



الصباح...

فتحت علا عيونها.. وشالت جوالها بتشوف الساعه.. لقت رساله..

فتحتها.. الا هي من مالك..كاتب فيها..

ــ وحشتووني.. غناتي ادفعي دافعة بلا بأسمي .. دي كم ليله اشوف كابوس مو طبيعي..

علا قلبها انقبض.. صارت تتصل فيه.. مايرد..

انتبهت ان الوقت معكوس في استراليا وهالحزه اكيد يكون نايم..

قامت ونزلت..

لقت تريزا تقلب في التقويم...

علا :

ــ صباح الخير..

ــ هلا علا صباح النور...

ــ ويش فيش تقلبي في الكلندر؟؟

تريزا ابتسمت:

ــ قريب يخلص شهور وفي روح بلد..

ــ اهاا.. ياعلي تريزا بتوحشينا..

تريزا بأبتسامه :

ــ خلاص انا تعب يكفي شغل..

ــ وين نلاقي زيش عاد... والله تعودنا عليش من ايام المرحومه..

ــ انا بعد يحبكم ويتعود بس لازم يروح بلد خلاص..

ــ بالسلامه يارب.. عااد حزتها لا تنسينا..

ــ لا مافي ينسى..

ــ باقي كم....؟؟

ــ هذا شهر يخلص بعدين شهر ثاني وخلاص في روح..

ــ اهاا يعني في ربيع.. الله يسهل..





تابع>>

[Princess]

رزان:

ــ عبدالرحمن.. جوالك .. يرن..

عبدالرحمن نايم..:

ــ منو..؟؟

ــ مدري مو مكتوب الأسم..

ــ خليه يولي..

سكت الجوال..

شوي رجع يرن..

رزان:

ــ عبدالرحمن شكله مهم والله..

ــ اووه اشوف جيبيه.. الوو..

ــ هلااااا حمنّي...

عبدالرحمن فتح عيون وعيون يبغى يركز الصوت مو غريب عليه..

ــ هلا.. هلا فيك..

ــ اخباارك يارجال ويش... نايم؟؟

ــ الحمدلله .. مين معاي..؟؟؟

ــ حمااانووه .. انا علي..

عبدالرحمن قعد قعود وفتح عيونه:

ــ هلاااااااا وغلاااااااا بالطيب الغالي...

ــ اهلين هلا فيك.. هااا قوم يللا وتعال ..

ــ وين.. وتعال .. كيف جبت رقمي .. علي .. انت وين؟؟

علي مات من الضحك:

ــ انااا بررررى ويش فيك مفهي..

عبدالرحمن طار من السرير وطير الشرشف ..

وصرخ صرخه:

ــ قل قسسسسسسسسسم...

ــ هههههههههههههه والله .. امس طلعت

ــ يالخااااين من امس وتوك تتصل .. الحمدلله عالسلامه حبيبي .. والله وحشتنا.. جاااايك دالحين مسافة الطريق..

ــ ههههههههه مو لحالك زين. مع اهلك..

ــ يقطع شيطانك.. لا بالله بتأخر عليك كذا.. خلني اجي اشوفك على بال ما يجهزون ويخلصون وبعدين ارجع لهم..

ــ ياااحبك للمشاوير والتعب..

ــ يااااااانااااا مشتاق لك حيييييل.. اسكت بس وعن الهرج جايك يللا سلام..

ــ هههههههه يسلمك ربي..

سكر علي وتنهد بأبتسامه:

ــ الحمدلله رب العالمين..



عبدالرحمن قام يركض غسل و لبس وبيطلع..

رزان:

ــ شصاير وين بتروح.. مافطرت.. ومنو المتصل..؟؟؟

عبدالرحمن بفرح مو سايعنه:

ــ علييييي ,,, علي خوويي طلع..

ــ والله.. الف الف الحمدلله عالسلامه..

ــ الله يسلمك.. المهم انا رايح اشوفه جهزي عمرك بمرك بعد شوي وراح نروح سوا لبيت ابو علي..

ــ ان شــــــــالله..





حسين:

ــ الو.. عليكم السلام ياهلا........ ايه..... والله... الحمدلله.. متى.... تسلم ياخوي .. ماقصررت.. ربي يخليك... مع السلامه..

امل :

ــ ويش صاير..

حسين:

ــ تذكري الرجال اللي قلت لش عطيته اوراق سجاد يعرف مستشفيات في امريكا يعالجو حالته...

امل وجهها تهلل :

ــ ايه..؟؟

حسين بفرح:

ــ شافو اوراق سجاد و قررو له اذا بغينا عمليه خلال الأسبوع الجاي.. وان شالله خيررر..

ــ يــــــــــــــاااارب...

وغطت امل وجهها بكفوفها وصارت تصيح..

حسين :

ــ افا ليش الصياح يالغاليه.. لا تصيحي.. لا يقعد ويشوفش..

ــ من الفرحه.. من الفرحه ماني عارفه شلون اعبر عن شعوري..

ــ يارب تتمم على خير وتحقق لينا كل مراد..

ــ يالله يــــــاكريم...



سوسن قعدت من النوم ونزلت تحت.. شافت علا اللي خبرتها عن رسالة مالك..

سوسن: ــ الله يعديه الشر .. دفعتي البلا عنه..

ــ ايه بس قريت الرساله..

ــ عساه خير..

ــ ان شالله...

ــ الا صحيح.. متى المعرض ؟؟

ــ ما شالله عليش تذكري..

ــ هههههههههههههه اطلع شدابه اذا قلت ايه..

ــ مافهمت..

سوسن بأبتسامه..

ــ الله يسلمش البارحه مكلمه هشام وسألني .. قلت له نسيت متى التاريخ..

علا ابتسمت ..

ــ بكره..

ــ هههههه ما شالله على اخوي حاسنه قلبه...

علا تبغى تغير الموضوع..

ــ تريزا بتسافر في ربيع..

سوسن التفت لتريزا:

ــ صحيح تريزا..

تريزا هزت راسها بأبتسامه.. ايه..

سوسن :

ــ اجازه لو على طول..

علا بهدوء:

ــ للأسف .. على طول..

ــ افااا.. وين تلاقو مثلها.. ما ظني تحصلو..

ــ هذا القول..

ــ افااا تريزا ما بتشوفي بيبي مال انا..

تريزا ابتسمت:

ــ خساره.. مافي شوف..



الا بدخلة سميره عليهم..

ــ صباح الخير..

سوسن :

ــ صبااااح الأنوااار..

علا :

ــ صباح النور

سميره خذت ليها كوب شاي وبتطلع من المطبخ..

سوسن:

ــ ماتبغي فطور؟؟

سميره ببرود وبدون نفس:

ــ لأ



وطلعت..

سوسن سكتت.. وتغيرت حالتها..

علا حطت ايدها على ركبة سوسن..

ــ حقش علي غناتي.. عمتي كل كذا.. لا تحطي في بالش.. حتى وياي مو ذاك الزود.. اشوى الله رحم حالي بخالتي.. عمتي ويا الكل كذا لا تزعلي منها..

ابتسمت سوسن:

ــ لا .. ماني زعلانه.. و امل خالتش مافي منها.. الله يخليها ويحقق ليها كل مراد..

ــ وياش يااارب..





باب بيت ابو علي يطق..

ابو علي:

ــ مين اللي جاي هالوقت..

علي بأبتسامه عريضه..

ــ اكييييييد عبدالرحمن..

وقام له يركض..

ام علي:

ــ يالله تحفظكم لشبابكم وتبعد عنكم شر الأشرار..



ابو علي:

ــ ماقعدت ريمو..؟؟

ليلى:

ــ ويش يقعدها دي .. للصلاه بالمنازع قامت.. بتعوض الحين وتالي الحجه مانمت عدل قطاعي نومي..

ام علي: ــ ايييه يالله تهدي هالبنيه..من بعد نتيجتها الزفت زادت حالتها..



وعلى الباب.. عبدالرحمن وعلي بالأحضان.... ودخلو المجلس..

قعدو وصار عبدالرحمن يسال في علي عن التفاصيل وويش صار بالضبط..

علي:

ــ اجيب قهوه وتمره.. تالي نسولف..

ــ اقعد عليك الله ماتقوم..

ــ اهوو بس خل عنك هالهدره.. صبر دقيقه وراجع لك..



تابع<<

[Princess]

عادل في حوش بيتهم.. يفشخ بيض مسلوق يقشره وياكل فيه...

ام عادل:

ــ وايد عليك.. اكل لك حاجه ثانيه .. لو اكله ويا خبز

ــ حلللوو ..

ــ زين بتموت مو كذا...

ــ حققق ويه مسسووويه واايد..

ــ أي واايد.. هم 4 بيضات على حساب ثنتين لي وثنتين لك.. مابقت الا وحده ماقصرت حضرتك..

ــ تتوقعععي ابيييض؟؟؟؟

ــ هههههههههههه غربال .. تبيض ويه...؟؟؟؟؟؟؟

ــ من البيييض..ما تشششووفيني الا قلت كااااااااك وطلعت تحتي بيضه...؟؟

ــ لا فيك شي..!!

ــ اوووو.. صح صحححح الدييييك ما يبييييييييض...

ــ غربال.. على حساب انك ديك يعني..

ــ هههههههه ايييه وانتين دجاااجه..

ــ قلل الله حياك.. في واحد يقول على امه دجاجه.. !!

ــ ايه انتتتتين دجاااجه..

ــ كف على وجهك شايف فيني عرعر لو ريش..؟؟

ــ لاااااااا .. انتين بضتيني..؟؟

ــ هااااا..

ــ اماااه انا كنتتت داخل بيضه كبيرررره على كبررري.. لو بيفووحوووهااا ما تكفي صفاررريش كلها..

ام عادل جتها غصه على حال ولدها وفي بالها..

ــ يارب ارحمني.. حالته الصبي زايده..

عادل:

ــ هههههههههههههههه اماااه من وييين تبيييضي..

ام عادل فتحت عيونها

: عادلوه.. انطم واكل وانت ساااااااااااااااااااااااااااااااكت..

ــ زين زين.. خلالااااص خلاص



عبدالرحمن:

ــ يالله والله حكاية هالحميد حكايه.. واللي جرى له مو بقليل بس ماهو عذر يتعذر به ..على اللي سواه..

ــ الله يعينه ويفرج عنه ويرد له حقه ولكل مظلوم

ــ يالله.. اهلك عرفو بسالفته..؟؟

ــ لا لسا ما قلتها ليهم...

ــ الله كريم...



ابو مالك قعد من النوم...

نزل الدرج وهو يفكر في الكابوس... وحالته حاله...

راسه داير...

وصل المطبخ .. لا صبح عليهم ولا تكلم..

صب له كاس ماي وصار يشرب.. كاس .. كاسين .. ثلاثه..

علا وسوسن يطالعو في بعضهم.. مستغربين ويش فيه؟؟

ابو مالك بهداوه..

ــ اليوم ويش؟؟

سوسن:

ــ الخميس..

ــ ما اتصل مالك ولا جاكم علم عنه..

علا بأرتباك:

ــ رسل بس رساله..

ــ ويش يبغى..؟؟

علمته علا عالسالفه..

ابو مالك انقبض قلبه.. وصار يحاتي مالك لا يصير فيه شي..

ــ طيب .. بروح مكتبي ..

سوسن:

ــ اليوم خميس لكن..

ــ داري.. مكتبي اللي هنا في البيت..

ــ اهاا.. زين.. اجيب لك الفطور هناك..

ابو مالك طالع من المطبخ ويأشر بأيده وبتعب .. لااا..



سوسن وعلا يطالعو في بعضهم ومستغربين.. مهم داريين ويش صاير..؟!!!





في السجن..

حميد..

ــ ما تاكل ياجاسم..

ــ مابغى..

ــ وبعدين وياك.. خلاص ويش تبغانا نسوي.. اعتراف واعترفنا.. بتقتل روحك لا اكل ولا نوم..

جاسم ساكت مايرد..

حميد:

ــ يالله.. يالله تساعدني عليك..

شوي الا العسكري ينادي على مجموعه هاليوم يقدرو يكلمو فيه من كل شهر.. ونادى على جاسم اللي قام بالسرعه حق يكلم اهله وخصوصا امه..

العسكري:

ــ امجد عبدالكريم آل ..

ــ نعم..

ــ يللا معهم .. لك مكالمه..

ابتسم حميد بأنكسار:

ــ هه مكالمه.. ماعندي احد يفتقدني حق اكلمه..

وسكر العسكري الباب ووقف وراه حميد.. سند راسه عليه.. واطلق من صميم قلبه وبكل اسى... تنهيده قويه..



اشرف منسدح على سريره ومتكيسل يتحرك.. صار يتقلب وهو يفكر..

ــ مادري اذا جى ربيع افتح لأهلي الموضوع واخليهم يخطبوني..

يمكن ماتبغاني لكن.. بعد الحين ماعندهم ظروف ولا شي يمنع.. ولد عمتهم الله فرج عليه...

الله يعينه كيفا بيدبر رزقه.. وانا شريت طراده... مايندرى عاد فلوس البيعه صرفوها لمحامي لو بعدها عند ابو جاسم.. الله كريم يدبرها له.. اااخ.. امهل يعني للسنه الجايه.. بس.. بس اخاف تطير مني.. ويش فيني اناااا.. افففف.................... معقوله تعلقت بها... انا لله.. ههههههههه والله وطحت يا ابو شريف...



وقطع هالتفكير ... جوال اشرف .. يرن..



الى الملتقى..

[نبــراس]

أتوقع ,, إن جاسم متصل في أشرف
بوصيه على أهله << يمكـــن
يسلمو أميرة ع القصه ـههـ
اليوم وكل يوم إن شاء الله
موفقه غناتي

[عوامية صفوانية]

اموووووور مو كأنا حلمت ابو مالك اتخووووف وطوولت وااايد خخخخ


شكله حاس انه بيصير شي في مالك وهو في الغربة
( لا تقولي عاااد )



وريموووووه ما عقلت برجعة اخوها علي الله يغربل ابليسها
خلت علي يحمق فيها وهو توه راجع من اللحبووس



وخساره تريزااا بترروح ( حتى هذي علقت عليها هع هع )



ويارب يشفى سجاد بحق مريضى كربلاء ومن هو بإسمه الامام السجاد
يا الله يسوي العملية ويمشي بالعافيه



اما عدوووووله عليه حركااات هههه من وين اتبيض امه ههه يخلف الله عليه
والله يساعد اميمته عليه



و جاسم اتصل على اشرف اللي ساهي وسرحان بأخت جاسم وهو ما يدري بالسالفه انه بالاحبووس



وايوووووه يبو شريف طلعت على حقيقك هاااااا وتعرف بعد تسرح بالبنيه هههه افشته خخخخخ


يعني جاسم اتصل على اشرف وقطع حبل افكاره خخخخ



بس حميدوووووه بيتصل لدااامن ؟ ما عنده احد لو يكون بيتصل الى ابو مالك ؟ يمكن يجوز كل شي خخخ


يعني هالمره عندي توقعات شكلها صح هااااا
مو تقولي خطأ
يا الله بنشووف في البارت الجديد


ويسلمو امووور على البااارت الرووعه
ولا عدمناش


والله يعطيش الصحه والعافية


وننتظر البارت الجديد

[سفيرة الاحلام]

حلو الجزء

ان شاء الله اشرف اذا خطب زينب ماتوافق ان شاء الله تتزوج علي


تسلمي على الجزء الحلو

لاهنتي

نتظر الجزء الجديد

[آخر شقآوهـ ..~]

يــآآيز جزء جونـــآآن مع عدوله مفيش مستحيل
أومـــآآ توقعي الجديد..
أتوقع يعني اللي متصل بشرشف قصدي أشرف شآب من شبآب الحآره قصدي الفريق المهم طبعآ سآلفه تجر سآلفه وعرف إن جآسموهـ مسجوون فقآم سهى ورآح بعيد عن اللي متصل به وهو يضرب فكراً زينبته مآبيتقدم ليهآ ظروفهم لآتسمح بزآلك
<0000 الأخت مخرفه جآآن زين لو هلمرهـ توقعي يكون في محله <000 من زمآن مآتوقعت توقع صح هع

تسلمين أميرتي ع الجزء الحلو
ربي يعطيك ألف عآفيه
دمتي بخير
ضحكوهـ البطه

[المتحير]

يعطيك العافية عالجزء

المبيض ههههههههه

لو تحطي اوقات احتمالات نزول الجزء

[Habit Roman]

ههههههههههه
البارت جد روعة روعة لاخلاء ولا عدم منك أموره
عن جد ضحكني عدول اجل هو جاء من بيضة كبيرة خخخ
أتوقع مالك يموت " مدري تخمين" عشان كذا ابو مالك بيتحسف عدل ووبصيبه شيء وبيموت
ويمكن الاتصال يكون ناصر خويهم
تحياتي في الاننتظار

[دمعة على السطور]

تقبل الله طاعتكم..
مُثابين إن شاء الله تعالى..

وجعلنا وإياكم من عُتقاءه من النار..
بحق محمد وآله الطاهرين..

غاليتي أميرة..
راااااااااائعة أنتِ دوماً..

والبارت روعة كالعادة..
ماشاء الله كله فرح...


بس بصراحة ..
شكلي بصف ويا كبرياء..
حميد كسر خاطري اليوم..


بس يستاهل..


بانتظار الغد القريب..



موفقين يارب..
ومقضية حوائجكم..

[الــــنـــاري]

يمطيك ربي الف بيضة وبيضة
اقصد الف عافية وعافية
يسملو خيتو على الجزء الروعة
وبصراحة فلم البيض زحوف
<< كانه بمبا انا بضت بيضه @!@
>> مادري وين رحت انا <تيمون وبمبا
لاعدمناك خيتو
تمنياتي لك بالتوفيق
بس انا امس ماجيت << خلص الاشتراك حق النت
بس المفروض اليوم في باراتين يعني ناصق واحد وينه ؟
يلا خيتو انا بالانتظار

[فاطمة المعصومة]

يسلمووووووو
اميرة ع الجزء الحلو
اتوقع مالك بيموت
وابو مالك بصير عدل
وبيعطي ابو جاسم حقه
وشكرا

[زهور الريف]

بسم الله الرحمن الرحيم

اللهم صل على محمد وآل محمد

وعجل فرجهم

ما شاء الله

جزء رووووعة ..!

تسلم الايادي الغلا

بالانتظار

[آسوآآر الآلــمـ]

إبـــــداع أختي أميرة

يجنن مرة

وأتوقع أنا بعد يصير شيء في مالكـ بالسفر

أو انه بيكون راجع البلد وبيصير في الطائرة شيء <<ممممم

من التفاعل قمت أخربط ههههه

تسلمي أختي وعساش ع القوة يارب

دوماً مبدعه

موفقه يا أختي ...

[للدموع إحساس]

مســـــــــــــــــــــاء الخيرات ،،
اليوم جايهـ متأخرهـ ،،:weird::weird:
بس بصراحهـ الجزء كشوخي ،،
و أبو مالكـ أن شاء اللهـ يعقل و يرد الحق لـ أصحابهـ لكن بعد ويهـ ؟؟!
و المهم مالكـ ما يصير فيهـ شيء ،،
و أحلى شي عااادلوهـ كيف بضتيني ؟؟:nosweat::nosweat:
و شرشوف طلع على حقيقتهـ يسرح و حركات ،،:wink::wink:
و حينب مي هينهـ واللهـ سرقت عقل الرجال ،،:cool::cool::cool:
و أما التوقعات اممممم << مافي مخي مقفل ،،:wacko::wacko:
و بـ إنتظار القادم المشرق ،،
يعطيكـ ربي ألف ألف عااااافيهـ ،،
و سلمت يمينكـ ،،
و ما ننحرم منكـ ،،
خااالص التحااايااا ،،
للدموع إحساس ،،

[*زهرة البنفسج*]

طرح ولا اروع امور

تسلمي عزيزتي ربي يوفقش دنيا وآخره

وذا عالوه الله يغربله صار ديك

واشرف ذا خلاص اتعلق في البنت

ننتظر البقيه

موفقين

,,

[سماءك حلمي]

بسم الله الرحمن الرحيم

إمممممممم
قصة فكرتها جميلة وسردها بعد جميل بس بصراحة عندي ملاحظة اتمنى قبولها بروح رياضيه
بالنسبه للهجة القصة عاميه مرة مرة ومقتصرة على فئة معينه ولو كانت خليجيه أو فصحة بالذات كانت ارقى واحلا

شي ثاني لاحظته إن معظم الشخصيات مواجهتها للمواقف الصعبة دايما بالبكاء وعدم الثبات
يعني شخصيات القصة جسدت الضعف والإحساس المرهف بس ماجسدت لنا الشخصية القويه الي عندها حكمة في مواجهه المواقف الصعبة

يعني بصراحة كله يحلوا المسأله بالصياح وحتى الرجال منهم

وبشكل عام القصة حلوة ولها مميزاتها الخاصة فيها

واتمنى رأي مازعلك خيه ولا جرحك
فهو بالنهايه مجرد رأي

ودمتي لكل خير

[الــــنـــاري]

انا جاي متاخر اقول مابي اجي من حين اقهر حالي
بس مافي فايدة بدون مانهدر ولزق لوفت اعتراض
ونسوي اضراب عن التعليقات مابتخلص القصة على خير
>> لازم اسوي حلمة اضراب على التعليقات<<
الكل يجي يقراء ولا يعلق بولا حرف
<<< شكلها بتتوقف عضوتي هاليومين @!@
يلا خيتو بالانتظار على احر من الجوع

[المتحير]

هههههههههههههههه بالانتظار

[Princess]

مرحبا
يعطيكم الف عافيه واسمحو لي عالتأخير فعلا مضغوطه وما يعلم بحالي الا الله و اهل بيتنا
في ناسات صابو في تخامينهم هالمره.. ما شالله عليهم.. وكعادتهم رسمو الأبتسامه على شفتي وفرحوني ربي لا يحرمني منهم..
--------------
سماءك حلمي..
على عيني وراسي رايش خيه.. وابدا ما يزعل تسلمي لي والله.. بس الدمعه سيدة الموقف في القصه حتى بين الرجال .. لو تلاحظي لكن بس ابو علي اكثر شي لأنكساره وقلة حيلته.. بينما ابو جاسم كتم وصبر ما ذرف دمعه الا على آخر شي...
وعلي اللي على اللي صابه صبوور..
بالنسبه للهجه.. لا احبذ الفصحى ابدا.. احس يبغى ليها تدقيق نحوي ولغوي .. اللي بيكتب فصحى لازم يكون ملم بشكل كلي بقواعد العربيه .. وما احس نفسي ملمه ذاك الزود فبتعب..
وبالنسبه للخليجيه.. ايضا طبع من طبعي في ردودي وفي كلامي وفي معاملاتي مع اي كان..
غير لهجتي .. لا اتكلم... فما بالش اكتب روايه بلهجه غير لهجتي..
لهجتي احبها..
متمسكه بها..
و اسعى لنشرها بكتااباتي..
ويظل رايش على عيني وراسي وما انحرم من هالحضور..
-----------

اعزائي .. ما يحتاج مظاهرات ولا شي .. ولا يحتاج تسوو اضراب عن التعاليق .. الله يعلم شقد استانس واني اقرى تعاليقكم و ارائكم.. فلا تحرموني منها.. وقدرو وضعي.. ماعندي وقت .. وقت راحتي اكون بينكم.. واحاول قد ما اقدر اوفيكم .. بس اذا الشي على حساب صحتي .. اتأخر عليكم.. فأسمحو لي...

اليكم الجديد..
هالمره الجزء على جزئين..
مالونته..
ورجعتي من الدوام .. راح اكمل البقيه..
تفضلو..

[Princess]

الحلقة 39






اشرف منسدح على سريره ومتكيسل يتحرك.. صار يتقلب وهو يفكر..


ــ مادري اذا جى ربيع افتح لأهلي الموضوع واخليهم يخطبوني..


يمكن ماتبغاني لكن.. بعد الحين ماعندهم ظروف ولا شي يمنع.. ولد عمتهم الله فرج عليه...


الله يعينه كيفا بيدبر رزقه.. وانا شريت طراده... مايندرى عاد فلوس البيعه صرفوها لمحامي لو بعدها عند ابو جاسم.. الله كريم يدبرها له.. اااخ.. امهل يعني للسنه الجايه.. بس.. بس اخاف تطير مني.. ويش فيني اناااا.. افففف.................... معقوله تعلقت بها... انا لله.. ههههههههه والله وطحت يا ابو شريف...




وقطع هالتفكير ... جوال اشرف .. يرن..


رفعه اشرف:


ــ هلا نااصر هلا والله...


ــ هلا فيك يالقاطع لازم الواحد يتصل فيك والا ما تذكره


ــ افا عليك بس.. انت كل اتصالاتك ياخوك طفرات وروحات وجيات.. شوي نغير جو ونعتكف في البيت..


ــ ايه زي الحريمات .. خل عنك القرقر بس .. بامر عليك بعد ساعه بنطلع


ــ وينااااااا كم ساعه وبيجي الظهر وبتنصهر روسنا


ــ الله لا يروعك بسم الله على راسك ... لا تخاف يالحرير .. عازمنك عالغدا..


ــ ههههههه ظررريف.. زين على خير


ــ ويش قاعد تسوي؟؟


ــ منننننبطح..


ــ هههههههه احلى يالشايب.. للحين منبطح.. تفكر في ويه على هالبطحه..


ــ هاا..


ــ من قال ها سمع.. هااااا.. تفكر في ويه...


ــ فيك ياغناة حبايبك..


ــ ايه هين.. هههههه ماعلينا بعد الصلاه بمرك جهز عمرك





ابو جاسم في بيت اخته ام علي..


ام علي تصب له قهوه,,


ــ ايه ياخوي.. ويش اخبار زهرا


ــ الحمدلله.. ما نسمع ليها حس..


ام علي بأسى وفي قلبها قهر على جاسم وفعلته في علي و في اهله :


ــ ايه مالومها.. الله يكون بعونها ويفرج عنه...


ــ ان شالله..




سكت ابو جاسم شوي.. وطلع ظرف من مخباه..


ــ هاش خيه..


ام علي بأستغراب:


ــ داويه..؟؟


وفتحت الظرف الا داخله فلوس..


ابو جاسم : ــ نسيتي ياخيه بعنا طراد علي .. ما سأل عنه من امس؟؟


ــ لااا تشيه مداه يتنفس ... وعلى طول ويا عبدالرحمن بعده ما افتكر لطراد.. خله ينفه شوي.. وانت قاهرني الله يهديك كان حايلت في زهرا تجي للغدا ويانا عبدالرحمن بجيب اهله وبنتجمع نبغاكم تنورونا..


ــ ايه . خليها على الله وبالعافيه عليكم.. من كلمها بعد جاسم اعتفست فوق تحت... مادري برجع احايل فيها رضيت زين مارضيت بعد ما يصير اجي ويا زينب ونتركها في البيت لحالها.. اذا مارضيت مره باجيب زينب و خلني وياها وعلى الله. ... المهم هذي فلوس الطراد ورجعت له وما احتاج محامي والحمدلله.. ياخذهم ويتصرف بهم والله ييسر اموره..


ــ يالله ياكريم. حاسه فيها وربي.... تسلم ياخوي ما انحرم منك .. كنت لينا عون وسند..


ــ شدعوه خيه .. ماسوينا شي..


ــ عساك سالم يارب...





وفي المطعم وبعد ما وصو على الذبيحه ..


علي:


ــ غمرتنا بجميلك يا خوي.. ماكان له لزمه هالذبيحه وهالمصاريف


عبدالرحمن عصب فيه:


ــ أي مصاريف ياشيخ واي جمايل انا اللي جميلك انت وهلك فوق على راسي غمرتوني بعطفكم وحبكم ولقيت عندكم اللي ما لقيته بين هلي وناسي ..


عبدالرحمن يحط كفه على كتف علي:


ــ لا عاد اسمع هالهرج منك لا ازعل عليك..


علي بأبتسامه:


ــ لاااا كل شي ولا زعل الغالي....تصدق.. تذكرني بولد عمتي صالح.. مثله بالضبط .. نشمي واجودي وطيب حده.. الله يرجعه بالسلامه...


عبدالرحمن فهى شوي.. وصار يطالع في علي..


ــ صالح اللي في مسافر بعثه برى؟؟


ــ ايه...


عبدالرحمن مو عارف ويش يقول بس في باله يفكر اكيد اهله ماقالو له..


سكت.. ولا رد ... وراح يشوف الأكل وويش صار على طلبه..





ــ مجبور اعاني الشقا دام هذي افعالي.. محد جبرني اسوي سواتي


درب الحرام و سوء فعلي اردى بي.. شيداوي غير الصبر علاتي..




جاسم ماسك طرف الشرشف ويربط فيه... وسرحان ويا هالموال لواحد وياهم


...


وفي باله يقلب الأفكار..


ــ ايه ياجاسم.. يامااا عذبتك يا يبه.. وما طاوعتك... ياما كنت عنيد وراسي يابس .. سامحني يا يبه...




يتذكر لما راح يكلم اهله.. كلم بس امه .. اللي قالت له ابوه مو موجود وهو يحس ان هذي كذبه على شان لا يكلمه .. وظنه في محله ابو جاسم قلبه يغلي قهر على جاسم وفعلته بس مهو عارف ويش يسوي له .. فما يبغى يسمع صوته وهو في السجن لا يجرحه من قهره..




قطع تفكير جاسم.. انين من حميد.. انين خافت,,,


كان حميد منسدح وعاطي جاسم ظهره.. تقرب منه جاسم.. وبهدوء:


ــ حميد ويش فيك...


حميد مو قادره يتكلم والكلام يقطع تقطيع...


ــ شبدي.. رجعت حالتها..


جاسم انصرع:


ــ يالله.. حميد.. ليش ما اخذت ادويتك..


ــ أي ادوويه.. اففففففف... مو قادر...


ــ ياربي...


وقام جاسم بالسرعه لباب السجن ونادى العسكري..





تابع>>

[Princess]

العسكري:


ــ ماعندنا شي الا فيفادول وبندول..


جاسم حمق وصرخ فيه:


ــ الرجااااااااااال شبده .. وياااه الخبيث فيها .. منتهيه تقول لي فيفادول وبندول ما بغى ادويه ابغى تطلعوه المستشفى...


شوي الا حميد قايم بالسرعه وداخل الحمام .. وبدى يرجع..


جاسم بقهر يصرخ على العسكري:


ــ شفففففففت .. اكو يرجع.. وترى ترجيعه مهو طبيعي يرجع دم...


ــ انا لله .. دقايق وراجع..


ــ ويييييييين رااااااايح....


العسكري مشى عنه .. بيروح ياخذ اذن لحميد ... وبعد ربع ساعه رجع وناداه..


مسك جاسم حميد بيوصله لباب السجن.. وحميد يهمس لجاسم بهداوه:


ــ سامحني ياجاسم على كل البلاوي اللي جت لك من تحت راسي ...


ــ مسامحنك ياخوي .. انا لي عقل وكبير طاوعتك بأرادتي .. لا تحط في بالك... ما تشوف شر..


ــ الشر ما يجيك.. مع السلامه ...


وطلع حميد... يحس ماله رجعه لهالمكان...


راح للضابط اللي لاحظ شحوبه.. وسأله...


ــ مرضك معدي .. خابري السرطان ما يعدي؟؟؟


ابتسم حميد.. وبتعب...


ــ مرضي ما يعدي الا بنقل الدم لو أي اتصال مباشر..


ــ ليش شنو نوع سرطانك بالضبط ؟؟


حميد في باله .. تحقيق هو.. المفروض تكونو عارفين ومسوين لي تحاليل قبل لا تودوني السجن..


ــ كان معاي التهاب الكبد ب اهملته فتره طويله بدون ملاحظه ولا علاج لين تطور الى د وصار اللي صار..


الضابط شكله مو فاهم شي ..


حميد اختصر السالفه..


ــ شبدي يا حضرة الضابط خلاص انتهت.. وحالتي ما تسمح لي انحبس .. لا ترجع لي الأعراض..


ــ انا لله... طيب الحين وشو


ــ ويش وشو.. مااانى قاادر حتى اوقف...


ــ طيب .. طيب استريح...


حميد متوجه للكرسي بيقعد وهو يمشي له صارت الدنيا سودا قدامه ودار راسه..


ولا حس بدنياه....... واغمى عليه...





في احد المطاعم ...


ناصر :


ــ مادريت عن آخر خبر في الفريق..


اشرف وهو ياكل ..


ــ لا اتحفنا.. زي الضبيعه انت تدري بكل شي ..


ــ مالت عليك جزاتي اللي اعلمك.. فارق مانى قايل ..


ــ ههههههههه كح كح لا تخليني اشرق .. مالت عليك انت .. اخلص قوول اللي عندك..


ــ لا تاكل زي المفجوع ولانا قايل شي..


اشرف يرفع الكاس..


ــ بتتكلم لا اصكك به..


ــ يمه يمه خفت..


اشرف :


ــ الحمدلله باروح بيتنا..


ــ هههههههههههههه تعااال يالعله.. صحيح الواحد ما يقدر يستثقل دمه عليك..


ــ عاد مصدق اني باروح البيت طافح غداك طافحنه باروح الحمام لحظه..


ــ ههههههههه يصقعك.. يللا اخلص..





علا قاعده مع سوسن يسولفو في الصاله... ابو مالك قال لا يطبخو بجيب الغدا...


شوي الا سوسن معتفس وجهها مسكت خاصرتها وقامت بالسرعه..


علا اختلعت :


ــ سوسن ويش فيش..؟؟


سوسن بأرتباك وتعب:


ــ مادري .. نغزات قويه من خاصرتي لبطني كله مهي طبيعيه..


ــ ياغناتي .. هذا الجنين يأذيش..


ــ بعده.. توي داخله الشهر الثالث بدري عالنغزات والترفس ..


ــ اجل ويش فيش..


ــ مادرري .. ماعندي خبره.. الله يستر...


ــ خلنا نسأل تريزا يمكن عندها خبره..


ــ صح الا اكيد عندها جايبه هي ولاد وعندها احفاد.. بس استحي اسألها


ــ ههههههههه غربال وتبغيني اني اللي اسالها..


سوسن بنظرات ترجي و مستحيه حدها..


علا تسخر عليها وتضحك:


ــ ههههههههههه فديت الخجل .. زين اسألها..




وراحت ليها المطبخ..


تريزا...


تريزا ابتسمت:


ــ نعم...


ــ اذا وحده حامل يجي الم هنا...


ــ شهر ؟؟


ــ بداية الشهر الثالث..


تريزا سكتت وصارت تفكر..


ــ ايه يجي الام كل وقت ..


ــ سوسن في خوف..


ــ لا ان شالله مافي خوف.. خليه يروح مستشفى يشوف دايما..


ــ مشكووره غنااتي


ــ عفواا..




مامداها علا بتطلع من المطبخ الا تريزا تسالها..


ــ علا .. كيف حال ماما امل وسجاد من زمان مافي شوف سجاد..


علا :


ــ الحمدلله تمام .. من زمان ما كلمتهم من بداية محرم.. ان شالله اقرب وقت اكلمها ونزورها ولااا يهمش..


ابتسمت تريزا..


علا : ــ الله لا يحرمنا من طيبش وحنيتش مادري اذا سافرتي ويش بنسوي..


ــ الله كريم..


ــ ما شالله عليش ههههههههه ايييه الله كريم...




وهي طالعه من المطبخ الا ابو مالك راجع من برى ومو حامل وياه شي ..


علا :


ــ هلا يبا.. وين الغدا؟؟


ابو مالك:


ــ اوووه.. نسيته في السياره..


ورجع طلع بيجيبه..


سوسن مستغربه..


ــ مادري ويش فيه اليوم مو على بعضه ابدا..


علا ترفع كتوفها حركة مادري:


ــ الله يستر..




علا جوالها يرن وكان في غرفه ثانيه راحت له بتشوفه...


الا هو رقم غريب ,, ماردت عليه..




ليلى رجعت جهة المجلس..


ونادت علي وعطته جواله..


علي : ــ خلاص ..


ــ لا ماردت..


ــ زين خليه عندش اذا احد اتصل مع اني ما اظن جيبيه..


ــ زين..




تلفونهم كان مفصول بس استقبال .. صار له شهرين فأستخدمت جوال اخوها على شان تخبر علا انه طلع بالسلامه..


بس علا ما ترد على رقم غريب..


رجعت الصاله الا سوسن منكمشه على الكنب وضامه بطنها..


وابو مالك جنبها يحاول يكلمها يفهم منها ويش فيها...وهي ابدا ماترد..


صرخ ابو مالك..


ــ علاااا.. جيبي عباتها بالسرعه..


علا مهي عارفه ويش تسوي.. مر عليها هالموقف من سنين.. صارت المواقف تتسارع للورا.. امها ومرضها ونفس ارتباك ابوها وصرخته عليها وهي طفله تجيب العباه لأمها.. نفس الموقف انعاد وكأنه كان بالأمس..


علا قلبها انقبض .. صارت تركب الدرج وهي تشاهق ودموعها تنزل بعفويه.. وبهمس مخنوق تنادي..


ــ اماااه...







لهــــــــــا بقيه..

[المتحير]

يعطيك العافيةناقصث عادل

[أحبك ياغلا عمري]

يعطيك العافيه أختي أميرة الفرح
يمكن اني اول مرة ارد على القصه بس ان شاء الله ماتكون الأخيره
جزء ولا أروع بس ننتظر البقيه لاتتأخري علينا

[زهور الريف]

بسم الله الرحمن الرحيم

اللهم صل على محمد وآل محمد

وعجل فرجهم

تسلم الايادي أمووور

جزء رووووعة

يؤؤ وعلي مسكيييين للحين ما قالوا له عن وفاة صالح ...!!

الله يصبر قلبه ..

وجاسم كأنه بدأ يعور قلبي << صباح الخير خخخ

ومااقدر على أشرف طاح في حب زينب خلاص مافي كلااااااام

ههههههههههههه

تسلم الايادي يالغلا

بالانتظار..

[كبرياء]

وٍيًـيًـيًـيًـيًـيًـيًـيًـيًـليًـيًـيًـ عُـلىٍ حِـمٍـيًـدُ وٍشُـ تِـبُـغٌـيًـ تِـسِـوٍيًـيًـيًـ َفٍـيًـيًـيًـهُـ بُـعُـدُ سِـجَـنٍـ وٍسِـجَـنٍـتِـيًـهُـ بُـتِـذِبُـحِـيًـيًـيًـهُـ ..!!!
بُـتِـخٍـليًـ جَـآآسِـمٍـوٍوٍوٍهُـ وٍحِـيًـيًـيًـدُ <<--- تِـبُـغٌـىٍ تِـگسِـرٍ خٍـآطَرٍگ گآنٍـ مٍـآتِـذِبُـحِـيًـ آلرٍجَـآآل ..
يًـسِــلمٍـوٍوٍ أمٍـيًـرٍوٍهُـ عُـلىٍ آلجَـزٍء آلشُـرٍيًـرٍ ..
لگنٍـ إنٍـ ذِبُـحِـتِـيًـ حِـمٍـيًـيًـيًـيًـيًـدُ مٍـآآنٍـيًـ َقِـآرٍرٍيًـهُـ <-- مٍـسِـوٍيًـهُـ تِـعُـرٍفٍـ تِـهُـدُدُ أتِـحِـدُآهُـآ هُـعُـ هُـعُـ هُـعُـ

يًـعُـطَيًـگـ رٍبُـيًـ ألَفٍـ عُــآآَفٍـيًـهُــ ..
لآعُـدُمٍــــ ..
تِـحِـيًـآآتِـوٍوٍ ..
گبُـرٍيًــآآء

[المتحير]

يلا

[المتحير]

وتعليق

حميد ما يستاهل يموت لانه جاسم بيبقى لحاله

والفلوس مال الطراد يشترو الطراد مرة ثانية

مممممممم

وبس

[المتحير]

وبالانظاآآآآآآآآآآر

[المتحير]

وما قلتي بفكرتي انك تحطي اوقات احتمالات نزول الجزء

[المتحير]

والانتظار جاري

[دمعة على السطور]

حلوووووووو البارت أمورة بس قصير..
بانتظار البقية حبيبتي..
موفقة دوم يارب..


معقول تكون سوسن فيها نفس مرض أم علا ؟؟


بالانتظار..

[*زهرة البنفسج*]

جزء ولا اروع امور

بس امور مو كانه يوم علي في السجن ابوه قال اليه ان صالح مات

لو علي مفهي ومانتبه

ننتظر البقيه امور

موفقين

,,,

[Princess]

مرحبا
تسلمو ويعطيكم ربي الف عافيه
المتحير .. ياخوك مالي وقت محدد حسب الفضاوه.. ياهلا فيك..
زهرة البنفسج.. غناتي ركزي اكثر ابو علي ما قال له لما كلمه.. علي سال ابوه عن الأحوال .. فأبو علي كلام صار يدور في خاطره اقول لك عن ويش لو ويش ومن بينهم وفاة صالح.. فما قال له شي خوفا عليه وهو بعيد عنهم.. مايبغى يضايقه..

تسلمي لي نورتي..

يعطيكم العافيه جميع.. ولا خلا ولا عدم..

اليكم التكمله..

[Princess]

تابع الحلقة 39







علا مهي عارفه ويش تسوي.. مر عليها هالموقف من سنين.. صارت المواقف تتسارع للورا.. امها ومرضها ونفس ارتباك ابوها وصرخته عليها وهي طفله تجيب العباه لأمها.. نفس الموقف انعاد وكأنه كان بالأمس..

علا قلبها انقبض .. صارت تركب الدرج وهي تشاهق ودموعها تنزل بعفويه.. وبهمس مخنوق تنادي..

ــ اماااه...



نزلت بالعباه.. تريزا صارت تعاونهم على سوسن.. سميره حست بشي مو طبيعي طلعت تشوف الوضع.. سألت علا .. علا ماردت ماليها بالتها.. رجعت ركض فوق بتلبس عباتها بتروح وياهم...



سألت تريزا...

تريزا بخوف ..

ــ مايدري.. ماما سوسن تعبان واجد..

سميره : ــ الله يسترر...

علا نزلت وطلعت ركض وراهم... وتوجهو للمستشفى..



في بيت ابو علي.. تجهيزات العزومه قايمه قومه ..

الرجال قعدو في المجلس.. ابو علي و علي وعبدالرحمن..

والحريم معاهم زينب ام جاسم مارضيت تجي وياهم...



ليلى :

ــ وين ريمو تجي تعاوننا ؟؟

رزان : ــ لا خليها تكفين عطيتها حنين لا تأذينا بحوستها ... تمسكها لين ما نخلص ..

ــ يعنوو..

زينب : ــ ويش تبغي في ريما.. اني باخلص اللي في ايدي وباسويه..

ليلى : ــ لا بس ابغاها ترتب سفرتنا احنا مدة نجهز بقايا الأكل و نوصله للمجلس..

علي :

ــ يالله .. يــــــالله..

زينب توها تسمع صوته.. جت وهو مو موجود...

من سمعت صوته طفر قلبها..

ام علي :

ــ يارجا الله.. تعال امي..

وتغطو رزان وزينب..

زينب من دخل علي ..

على استحياء ومهي عارفه ويش تقول وبهداوه:

ــ الحمدلله عالسلامه ولد عمتي...

ما سمعها علي..

ليلى عادت له..

ــ يتحمدو لك بالسلامه..

علي : ــ الله يسلمكم .. ياهلا...

وسأل ليلى بهداوه.. ــ مين.؟؟

ليلى بأبتسامه : ــ زينب بت خالي..

علي رجع ورد عليها: ــ هلا بت الخال.. اخباركم عساكم زينين..

ــ الحمدلله..

ــ وين مرت خالي حق ويه ماجت وياكم..

ــ ما رضيت..

ــ خير ان شالله..



اخذ علي تبسي فيه كم حاجه وراح المجلس...





عادل على الغدا قاعد... يحاول يقص اللحمه صايره خشنه شوي.. وهو يحاول فيها طفرت من ايده وطارت عالأرض.. صرخ حد ماعنده..

ــ ووووووووووف خششششششششنه..

ام عادل بملل :

ــ لحمة ما ليونها.. يوم لانت طفروها..

ــ هااااااا..

ــ ههههههههه جعلك سعاده على هالتفهي اللي فيك...

ــ يعني ويه.. لحمممممة ما نييموووها يوم ويه هههههههههههه نسيت الباقي..

ــ غربال.. ويش جاب طاري النوم.. شوف اللحمه مالانت عدل من الطباخ.. و انت من الحوس لينتها وشوي تقصها ويوم خلاص قريب طفرتها..

ــ يعني ووييييييه؟؟

ــ خناااااااااااااقه.. املش راسي اني.. هونت .. مايعني شي ..

ــ كلالااااام ضضبعااان مادررري من وووين تجيبيه...

ــ ياعلي .. استح على وجهك.. ويلووموني فيك ويقولو خبل .. اعقل .. اني امك عيب..

ــ ههههههههه زين زين.. لحمة ويييه دي اماااه؟؟؟

ــ تيس..

عادل فتح عيونه ومنصرع:

ــ تتتتتتتتيس!!!!!

ــ بسم الله ايه.. حق ويه منصرع؟؟؟

ــ تشيه ياااااااككككلو الرجاااااااال؟؟

ــ ههههههههههههههه لااااا زين منك امل .. زين يوم عرفت التيس رجال.. ينوكل لويه ما ينوكل

عادل يبتسم وابتسامته من الأذون للأذون..

ــ اييييه واعرف بعد مين مرررة التيس..

ــ مين؟؟

ــ البغغغغغغغله

ــ هههههههههههههههه بغله اللي ترفسك.. ياربي بتموتني.. مرت التيس الصخله..

ــ يووووو صدق... اللي هي الخروووفه مو..

ــ لااا..

ــ اه بعددددد ويييييييه؟؟؟

ــ غربال .. درس حديقة حيوان مو غدا... الصخله هي العنز .. شعرها ناعم.. الخروف جاعد معكرش..

ــ مااااااااحد قال ليها ما تستشششووور

ــ نااااااايبه وويش عرفك بالأستشوااار واني ما عندي ولا استشووور؟؟؟؟؟

عادل يرقص حواجبه..

ــ من التلفزيووون..

ــ مامخرب مخك ومخلنك مطيور وملسون غير فجعة هالتلفزيون...






تابع>>

[Princess]

رجع ياكل في الغدا.. شوي جى على باله سؤال..

ــ اماااه..

ــ هااااا..

ــ قولي نعممممم مو هاااااا..

ــ هههههههههه يارب ارحمني برحمتك.. نعممممم..

ــ ايه ينععععم بنعالشششش..

ــ ويلي .. ويلي باموت.. لا ترد .. الله يخليك .. لا تفشلني .. ينعم بنعالي ويه.. ينعم بحااااااااالي..

ــ هههههههههههه شدرررراني .. ايه .. قلللتي دي لحمممة تيييس..

ــ اييه.. ويش فيك عليها؟؟ خلاص من اليوم ورايح باسوي لحمة بقره..

ــ لالا.. سؤااال.. لويه التيس ينووووكككل .. والديييك ما ينوووكل...؟؟

ــ هااا..

ــ اه.. اعيييد السؤؤااال..؟؟

ام عادل ارتبكت..

ــ ما ينوكل الديك .. الدجاحه بس المره تنوكل الرجال الديك لا ما ينوكل..

ــ صدددددددددناااااااااش

ــ بسم الله .. على ويه..؟؟

ــ شيففااا التيسسس ينووكل .. والديك ما ينووووككككل



ام عادل ابتسمت ابتسامة مرتبكه..

وظلت ساكته..

عادل شال ملعقه وصار يطق فيها على الصحن..

ــ شيفاااااا هااا شيفااااااا؟؟؟؟؟؟؟؟؟؟

ــ خوبال لا تكسر الصحن...

ــ قولي لي اجل شيفاااااااا

ــ ههههههههههه شيفا كف اللي بجيك.. مااااااادري .. اكل بس اكل..

ــ اماااه انتين درستي لأي صصف..

ــ لوويه تسأل.؟؟

ــ باااشوووف ذكاااءش..

ــ اللهم طولش ياروح.. حدي المعلمه .. بس اعرف افك الخط لا غير..

ــ يعني ويه تفكككي الخط .. ههههههههه ترفعي السسسماااعه وتقوولي الوووو..

ام عادل عصبت فيها ضحكه بس تعبت كلما ضحكت عادل يمصخها ويزيد::

ــ لااااا يعني اقرأ على خفيف ..

ــ متى باااررروح المدرررسه

ام عادل جتها غصه على ولدها..

ــ الله كرريم .. ويش تبغى ياولدي في المدرسه؟؟

ــ ابغى افك الخططط زيش ..

ــ تبغى تتعلم.؟؟؟

ــ ايييه...

ــ ويش بيدي عليك.. الله كريم.. الله يفرجها...



شوي سكتت.. ورجعت سالته:

ــ ويش رايك اعلمك..؟؟

عادل طار من الفرحه:

ــ صصصححييييح..

ام عادل فرحت على عادل وحماسه:

ــ ايه .. خلاص من اليوم ..

عادل طار من الفرحه .. وقام يناقز..

امه :

ــ اقعد و اركد لا باهون

ــ لا خلاص خلااااص باااررروح اغسسسل وباجهز لي ورررقه وقلم..



وراح يركض..

ام عادل ودموع فرح طاغيه في عيونها..

ــ ربي لا يحرمني منك يا غناتي..



في المستشفى.. حميد .. مترقد وعليه مغذي .. وحاطين عليه رقابه..

الا بدخلة ابو مالك بسوسن يطلب دكتوره او دكتور فورا.. حالة طوارئ..

دخلوها بسرعه.. وفحصتها الدكتوره ..

ابو مالك:

ــ خير يادكتوره طمنينا..

ــ والله اتمنى يكون اللي في بالنا مو صحيح.. راح نسوي ليها تحليل للبول على شان نتأكد اكثر..

ابو مالك بخوف شديد:

ــ ليش ويش الأحتمال اللي في بالكم..؟؟؟

ــ الله كريم ياخوي ما نبي نخوفك عليها.,.

ابو مالك عصب فيها وصرخ:

ــ قووولي..

الدكتوره تنرفزت منه:

ــ طيب لا ترفع صوتك .. ااااااا.... احتمال يعني هو احتمااال...

ــ اللهم طولش ياااروووووح.. احتمااال ويش؟؟

ــ احتمال يكون معها الاكلامسيا ..

علا وابو مالك مهم فاهمين...

ابو مالك يحس روحه بينهار..

ــ يعني .. ويه؟؟

الدكتوره..

ــ تفضل معاي المكتب واشرح لك..



راح وياها المكتب.. قعد على الكرسي وصار يهز برجوله..

علا قعدت قباله.. وصارت ضامه كفوفها بالقوه وقلبها يطق بالسرعه.. وحالتها حاله..

الدكتوره::

ــ الاكلامسيا هذي حاله نادره تصيب المره الحامل وهي عباره عن تشنج او تسمم للحمل..

ابو مالك متوتر حده ومو عارف ويش يسوي .. ضرب المكتب بأيده بالقوه..

ــ يعني وووووويش.. ؟؟

الدكتوره عصبت فيه :

ــ يااخي بلاش عنف .. وهدي ..

ابو مالك يحاول يتمالك اعصابه..

الدكتوره..

ــ بسألك.. هي معها الضغط من قبل؟؟

ــ لااا..

ــ طيب قد اشتكت من بولها وانت بكرامه.. يكون مو طبيعي؟؟

ــ لااا ما سمعتها..

ــ طيب .. فيها هي تورمات بجسمها الله يهديك ويهديها ليش ما جت من اول ما شافت حالتها كذا..

ــ مااادري .. من فتره لاحظت عليها هالتورم.. قلت ليها انا قالت الحوامل لازم يتورمو .. سكتت هالشي معروف تقريبا ..

ــ يا اخي يتورمو في الشهور الأخيره مع الضغط عليهم والحمل مو دالحين في اول الشهور..

ــ ماادري مااادري.. ويش سالفة هالمرض .. خطير عليها..؟؟؟

ــ ياخوي قلت لك لازم نسوي تحاليل حق نتأكد مايصير نقول شي بدون دليل..

ــ انتوون دكاتره انتون ماتعررفو شي..

ــ احتررم نفسك وعن الغلط

علا صارت تهدي في ابوها..

ابو مالك.. تنهد من قلب...

ــ طيب وبعدين...

الدكتوره:

ــ بِكر ؟؟ اقصد اول حمل هذا لها..

ــ ايه..

الدكتوره ملامحها تغيرت..




تابع<<

[Princess]

ابو مالك..

ــ ليش يعني.. دكتوره ارجوش لا تلعبي بأعصابي..

الدكتوره:

ـ يا اخي وربي وربي ودي اطمنك.. بس لازم احلل لها بول حق اكون واثقه من اللي في بالي.. وان شالله يخيب ظني وما يطلع فيها شي.. بس ارجوكم حاولو تتذكرون ما كانت تشتكي من شي ..

علا بتردد..

ــ احيانا.

ابو مالك زي الملهوف منصرع..

ــ ويش ..؟؟ تشتكي من ويش...؟؟

ــ عيونها تقول زغلله.. ولما اقول ليها تروح تفحص نظر .. تطنش

ابو مالك عصب فيها.

ــ احنا في ويه وانتين زغلله..

الدكتوره بأنفعال..

ــ زغلله؟؟ وما تقول لك بعد احيانا تشوف الشي ثنين ..

علا .. وكأن الدكتوره قاعده معاها..

ــ ايه.. احيانا تقول الزغلله زايده وحولت..

الدكتوره.

ــ الله كريم.. ماراح اصرح بشي الا بعد التحليل .. وان شالله خير..

ابو مالك خلاص .. وده يشلخ الدنيا..

ــ وبالله شلون بتاخذو هالتحليل..

ــ ارجوك تهدي.. هي دالحين تعبانه.. راح نعطيها مسكن و بس تهدا شوي راح نشربها مويه كثيره ونطلب منها التحليل.. خذنا منها عينه للدم باقي البول حق تصير التحاليل شامله ومطمنه.. ..



علا مسكت ابوها وقامت به..

ــ مشكوره دكتوره..

ــ العفو حياكم..

وطلعت به..

ابو مالك الخطوه تثقل .. وتمر عليه فصول الحلمه.. تتابع.. ويتذكر سوسن فيها وحالتها..

شابح بعيونه و ساااكت...

قعد ويا علا في كراسي الأنتظار الخارجيه..

شوي الا جوال علا يرن..

علا ميزت الرقم من نهايته.. رقم هشام..!!

ارتبكت وما ردت..

ابوها ماله باله فما انتبه..شوي رجع هشام يتصل ..

حطت صامت.. ولا ردت.. وقلبها يطق وفي بالها..

ــ اكيد دق عليها وماردت.. لو اكيد اتصل البيت وردت تريزا.. وقالت له..

علا بهداوه:

ــ يبا وين جوالك..؟؟

ابو مالك يتحسس مخابيه..

ــ مادري لويه..

ــ لا بس..

رجعت تفكر في بالها..

ــ اكيد اتصل على ابوي وما رد عليه .. فأتصل علي.. ياربي ويش اسوي .. اخاف اعطي ابوي الجوال ويسوي لي وله تالي سالفه ويش جيب رقمش عنده .. الله يهديك ياهشام..

شوي رساله..

فتحتها.. الا هو هشام كاتب..

ــ تكفي خيه.. ردي علي.. وين انتون أي مستشفى.. لا تخليني كذا قلبي محترق من الخوف على اختي..

علا عور قلبها هشام وتأكدت انه اتصل على تريزا وخبرته .. ورسلت له اسم المستشفى...

نص ساعه الا هو جاينهم...

من شاف ابو مالك .. ركض قعد جنبه.

ــ ويش صاير ويش فيها.؟؟؟

ابو مالك بهداوه وشده:

ــ ننتظر التحاليل .. وعلى الله..

ــ يارب.. يارب ان شالله خير.. يارب تقومها بالسلامه...

ــ ان شالله يارب...





ام عادل ماسكه ورقه وقلم وقاعده تحاول تعلم ولدها..

ــ باعلمك الألفيه..

ــ يعني وييه..

ــ ويلي على روحي من زمان ما مسكت قلم بيصير خطي زي البقره

ــ هههههههههه زييي التيييس اللي اكلناااه..

ــ غربال.. يللا نبتدي...

ورسمت له حرف الألف كبير ..

ــ شوف اني باقول الحرف وبكتبه.. وانت قول وراي اللي اقوله لين تحفظ زين..

ــ زززين..

ــ يللا.. الألف لا شي له..

ــ الأللللف لالالا شي له.... اماااااااااه لويه يعني لا شي له.. مسسسسسسكيييييين... يعور الأفاااااد

ــ عادلوه.. عن النحاسه لاما بعلمك..

ــ خلاااص خلااااص..

ــ الألف لا شي له.. والباء تحته نقطه.. والتاء نقطتين من فوق.. و الثاء فلاف من فوق

وصارت تسرد الألفيه اللي تعلمتها من المعلمه عليه.. وهو وراها يكرر..

آخر شي يوم خلصت..

عادل بتفهي شديد:

ــ الحييييييين لووويه ناس من فووووق ونااااس من تحت...

ــ انا لله.. هم كذا...

ــ زين واللي لااااااااشي له..!!! من فوق يطلع لو تحححححت..

ــ قوولهم انت باشوف..

ــ الألف والحااااااء وو نسيت..

ــ لااا زين منك تذكرت الألف والحاء.. يللا برجع اعيدها لو اقول لك اليوم بس 5 حروف كل يوم 5 حروف وحنا ماشيين..

ــ زيييييييين..



في بيت ابو جاسم..

ابو جاسم جاب غدا من بيت اخته مارضيت يطلع الا بسهمه هو ويا ام جاسم..

ابو جاسم:

ــ تغدي يامره..

ــ مالي نفس..

ابو جاسم ينفض ايده:

ــ وتاليتها وياش انتين.. ما بتوقف الدنيا.. ارحمي روحش واكلي .. يارب ساعدني.. الله كريم وبيفرجها عليه.. بعد لاهو مظلوم حق نتأزم ولا مأكول حقه.. جنى على روحه بروحه.. ويش بيدنا.. ماخلف لينا الا الفضيحه .. حسبي الله على ابليس..

ام جاسم صارت تصيح..

ابو جاسم:

ــ اهووووووو .. والله تسدو نفس الواحد وما تخلوه يتهنى حتى بلقمه..



قام وترك الأكل..





اشرف:

ــ ياساتر.. من متى خذوه ماسمعت..

ناصر: ــ ليش ماشفت علي ؟؟

ــ الا شفته وسلمت عليه وشفت ابو جاسم بعد.. بس ابو جاسم طبيعي ما مبين عليه ان ولده كان السبب وانه خذوه..

ناصر:

ــ ابو جاسم من يوم يومه شديد.. اسالني عنه.. ابوي يحبه وايد .. على قولته رجال وسند ينشد به الظهر..

ــ ما شالله عليه ,, الله يديم عليه هالشده ويعطيه الصحه والعافيه..

وفي باله:

ــ لازم ازورهم واشوف اخبارهم...واعلم ابوي كان يجي وياي..





بعد ساعه.. هدأت سوسن.. وراحو ليها الغرفه..



هشام وقف فوق راسها وصار يمسح عليه ..

ــ ماتشوفي شر ياخيه.. بسم الله عليش..

ــ الشر مايجيك

ابو مالك:

ــ يعورش شي غناتي.. تحسي بشي..؟؟

ــ لا صرت احسن الحين..

علا :

ــ الحمدلله.. ماتشوفي شر غناتي..

ــ الشر مايجيش..

الا بدخلة الممرضه جايبه ليها غرشة ماي كبيره وتطلب منها تشربها كلها..

سوسن ضحكت:

ــ بل .. لويه..؟؟

ابو مالك ...

ــ لازم.. لازم تشربيها كلها حق التحليل ضروري

شربت ربعها ووقفت..

هشام يترجاها..

ــ غناتي كلها.. حاولي..

سوسن:

ــ ههههههه بنفجر..

ابو مالك:

ــ سلامتش.. على شان خاطرنا.. حاولي..

ــ شربت وايد علي نصها ماقدررر..

ابو مالك عصب..

ــ كلهااااااا

سوسن خافت:

ــ ويش فيك.؟؟. ماني قادره!!

ابو مالك يحاول يتمالك نفسه ولا يبين ليها شي..

ــ غناتي.. عمري انتين.. ضروووري تشربيها ..

سوسن نغزها قلبها..

ــ ويش فيني اني.. لويه مصرين اشربها كلها.. ويش صاير؟؟؟









الى الملتقى...

[الــــنـــاري]

أخيراً جابو الفلم
يعطيك الف عافية خيتو
بعد اشوي بقرى البارت << الجو مايساعد الحين
برب

[سفيرة الاحلام]

حلو الجزء

بس لا تخلي في سوسن شي


تسلمي على الجزء

بنتظر الجديد

[سر النجاة]

والله انت يالناري حريقة اسم على مسمى

تسلمي اختي على القصة والله وكنسلتي على مسلسلات رمضان

ننتظر الجديد

[أميرة الشوق]

حليو الجزء

مسكينه سوسن لا تقتليها ولا مالك ولا أحد حتى حميد تهئ تهئ

[الــــنـــاري]

يسلمو خيتو على الطرح الرائع
وسمحي ليي على ثقالت الدم
اخدي راحتك خيتو اهم شي راحتك
ولا عليك من الي قلته امس >> تراني كنت نعسان ومفهي ؛وقاعد اتليكع اشوي
ادري عنك طيبة ومابتحطي في خاطرك
يعطيك ربي الف عافية
لاخلى ولاعدم
بنتظار البارت الجديد
تمنياتي لك بالتوفيق

[للدموع إحساس]

صبــــــــــــــــــــــــــحكم اللهـ بـ الخير ،،
و اللهـ أن الباااارت كشووووخي ،،
عدددددددددددددددددددددددددددددددددل ،،
و أحلى شيء عادلووووهـ ،،
مرت التيس بغلهـ هع هع ،،
ويلي ما خلا فيني روح ،،
حتى الدموع تقاطرت من هاالضحكـ ،،
و سؤالهـ وش معنى التيس عادي و الديكـ لا ،، هع هع
عن جد صدق إلا قال ،،
خذ الحكمة من أفواه المجانين ،،
يعني هو بسم اللهـ عليهـ عن الجنون ،، مو مجنون بس خبل ،،
سوسن أتوقع أن صدق بيصيبها التسمم ،، بس بتقوم سالمهـ ،،
تتوقعو يصير حدث كدا منا مناكـ و أبو مالكـ يقابل حميدوووهـ << واللهـ كل شيء جايز ،،
ياللهـ تمسون على خير ،،
بآآآآروح أنآآآآم تأخرت وايد اليوم ،،
أمور ياالـ غلا ،،،
تسلم يداتكـ واللهـ خوش شي ،،
و يعطيكـ ربي ألف الف عااااافيهـ ،،
خااالص التحااايااا ،،
للدموع إحساس ،،

[Habit Roman]

الله الله الله الله
أموره هنا بتحط لنا إن شاء الله جزء جديد
يالله أموره ننتظرك غناتي حطيه لنا

[*زهرة البنفسج*]

يسلمو امورة عللجزء

ياربي اميروة لايصير في سوسن شي وحميدوه ذا بعد لايصير فيه شي

اها يعني ابو علي داك اليوم ماقال الي علي بس كان في باله يقول

اني افتكرت قال اليه يسلمو امور عللتوضيح

ننتظر البقيه

موفقين

,,

[نبــراس]

س / كل هذا وتقولوا عادلوه خبل ... ؟؟
موتني ضحكـ

س 2 / متى الحلقة الأخيرة ... ؟؟
~ : )

[دمعة على السطور]

ياعلي
ويش فيها ؟؟
معقووووووووووووووول يكون صحيح
يعني هذا انتقام الله من أبو مالك..

الله يستر..


ياعلي


بانتظار الغد القريب..
يعطيك العافية حبيبتي..
موفقة لكل خير إن شاء الله تعالى..
دمتي بعين المولى الجليل..

[دمعة على السطور]

ياعلي
ويش فيها ؟؟
معقووووووووووووووول يكون صحيح
يعني هذا انتقام الله من أبو مالك..

الله يستر..
ياعلي
خايفة على سوسن..
بانتظار الغد القريب..
يعطيك العافية حبيبتي..
موفقة لكل خير إن شاء الله تعالى..
دمتي بعين المولى الجليل..

[زهور الريف]

بسم الله الرحمن الرحيم
اللهم صل على محمد وآل محمد
وعجل فرجهم

ياعلي

مسكيييييييييينة سوسن ويش دخلها في أبو مالكووه

اهئ اهئ

حرام لا تموتيها خخخ << استغفر الله

ههههههههههههههه

والله إن عادلوووه تحفة

موتني ضحك الله يساعد امه كل شيء يسوي له قصده

ويطلع من السؤال ألف سؤال خخخخ

جزء رووووعة كالعادة وان شاء الله دوووم

بالانتظار

[Hussain.T]

ياااااااسلاااااااااااااااااام

بارتين روووووووووووعه

يسلمو اميرة عالإبدااع

تحياتي

[آسوآآر الآلــمـ]

إبـــداع أختي ماشاء الله عليك

الله يعطيك العافية أختي وأهم شيء صحتك

لاعدمناكـ أختي مو فقه لكل خير

والله يقويك إن شاء الله ...

أختكـ//....

[أميرة الشوق]

ان شاء الله ابو مالك هو الى يموت ويفكنا من وجهه
ويارب سوسن سليمه
ومالك مايصيبه شي
.
.
ننتظر البااارت

[جـــــوان]

بالانتظار

[المتحير]

يلا الجزء وينه؟

اميرة بسرعة

[المتحير]

بسرعة

[المتحير]

يلا عاااد بسرعة وكم جزء هم

[أحبك ياغلا عمري]

بإنتظـــــــــــــــــار البارت

[المتحير]

يلال البارت بسرعة

[المتحير]

يلا الجزء امييييييييييييييييييييييرة

[المتحير]

على فكرة

في الرد الجاي

[المتحير]

يلا البارت

[Princess]

مراحب
يسلم ربي نور هالحضور
عساني ما انحرم منه...

هالمره
البارت طويل
وعن جد.. شدخني تشديخ واني اكتبه وتالي الونه..؛:wacko:؛<< شبقه..:toung:

اتمنى يرضيكم ويعجبكم
تفضلو الجديد..

[Princess]

الحلقة 40





ابو مالك يحاول يتمالك نفسه ولا يبين ليها شي..


ــ غناتي.. عمري انتين.. ضروووري تشربيها ..


سوسن نغزها قلبها..


ــ ويش فيني اني.. لويه مصرين اشربها كلها.. ويش صاير؟؟؟




الا بدخلة الممرضه تنادي ابو مالك تبغاه الدكتوره...


طلع ابو مالك وهو متخوف ..


وصل الغرفه ودخل للدكتوره اللي كانت تقلب اوراق.. حطتهم وبهدوء..


ــ تفضل استريح..


ابو مالك وهو بيقعد..


ــ ويش النتيجه؟؟؟


الدكتوره تمهد له..


ــ الله كريم ان شالله هذي تحاليل الدم باقي البول بس واضح فيها هالشي و يارب ما يكون فيها شي..


ابو مالك عصب:


ــ ويش فيهااا ؟؟؟


ــ هدي ياخوي.. مافيها الا العافيه.. هي الحين بتدخل الشهر الرابع والأعراض تنذر بأحتمال تسمم الحمل مثل ما قلت لك...


ابو مالك مو عارف ويش يقول ::


ــ والحل؟؟


ــ راح انتظر تحليل البول بعد ونتأكد اكثر واكثر.. وبعدها راح نحطها تحت المراقبه فتره. واذا صارت زينه راح نطلعها من المستشفى بس اتمنى تلاحظوها زين واي اعراض مهي طبيعيه تجيبوها المستشفى


ابو مالك:


ــ عساه خير...


ــ و اهم شي نفسيتها رجاء لا تدري بشي..

ــ يـــــــــالله هي الحين كل شوي تسال وش فيها ...



ــ قولو ليها تعب بسيط نقص سوائل جفاف أي شي..


ــ.. خير ان شالله..


ــ عساه خير...




رجع ابو مالك الغرفه ليهم الا سوسن مهي على سريرها..


ابو مالك..


ــ وين هي؟؟


هشام:


ــ راحت الحمام..


ابو مالك:


ــ خذت غرشة التحليل؟؟


علا :


ــ ايه عطيتها اياها..


ابو مالك بهداوه:


ــ يارب خير..


هشام بخوف :


ــ ويش يبغو فيك.. ويش صاير؟؟


ــ لا بس يقولو فيها جفاف ومهو زين للجنين هالحاله..


هشام مو مصدق..


ــ جفاف وتحليل لويه يشربوها سوائل ومغذي وخلاص..


ابو مالك مهو مروق:


ــ ماااااادرري مو انا الدكتور..


ــ زين.. خلاص..




علا عور بقلبها هشام.. تحسه مرتبك وضايع وخايف على اخته مره... وابوها ماتحسه واقف وياه كل واحد منفرد بهالهم...




ابو مالك استأذن منهم بيطلع يغير جو..




علا قعدت على جنب لين طلعت سوسن اللي سالت على طول عن ابو مالك وقالو ليها طلع شوي والنتيجه جفاف وبس...




شوي الا جوال علا رجع يرن نفس الرقم الغريب


سوسن تطالع فيها..


ــ ماتردي ..؟؟


ــ ماعرفه....


ــ يعني...




سكت ورجع اتصل..


سوسن..


ــ عطيه هشام يتفاهم وياه..




علا عطته سوسن واخذه هشام..


ــ مرحبا..


ليلى ارتبكت..


ــ الو...


هشام سمع الصوت بنيه..


رجع ومده على سوسن..


ــ بنيه.. شكلها مهي غلطانه...


علا مستغربه..


ــ مين؟؟


خذته.. وكلمت... وشوي عرفت المتصله..


ــ اهليين هلاااا وغلاااا.. متصله من وين...


ــ هلا فيش .. مين اللي رد علي .. اخووش؟؟


ــ لاا.. اخو سوسن..


ــ هاا؟؟ يووو انخطبتي؟؟؟


ــ هههههههههه لاااا.. << تلونت مليون لون... تالي اشرح لش السالفه..... هذا رقمش..؟؟


ليلى بفرح:


ــ لاااا مو اني متصله على شان ابشرش...


علا كأنها فهمت السالفه وبعفويه وفرح..


ــ طلع.. علي ... طلع؟؟؟؟


ــ إيـــــــــه...




هشام من سمع علا تقول علي انصرع...


وعلى طول سأل سوسن اللي كانت مبتسمه .. بهداوه واشاره مين المتصل...


سوسن تأشر عليه دقيقه تبغى تسمع باقي المكالمه





ــ الف الف الحمدلله على سلامته... قرت عيونكم..متى طلع..؟؟


ــ امس




هشام مرتبك.. وبعفويه كل تصرف يتصرفه..


ــ مين.. اقوول لش مين المتصل..


سوسن تهمس له بهداوه:


ــ داويه حمصتك محروقه.. صديقتها..


ــ مين علي اجل..؟؟؟


ــ اخو صديقتها..


ــ بعــــــد.. ويش سالفته لويه طارينه..؟؟


ــ كان محبوس والله فرج عنه..


ــ يعني.. ايه.. خير ان شالله..


ــ حق ويه تحقق؟؟ يهمك الموضوع..


ــ هاا.. لا ... بس كذا..


سوسن ابتسمت


ــ ايه.. ربي يحقق اللي في بالي..


هشام يطالعها على جنب:


ــ وويش اللي في بالش..؟؟


ــ اللي في بالك..


ــ لغز هوو..!!


ــ ههههههههه خلاص اهدأ




علا :


ــ الله يسلمش غناتي وان شالله ازوركم قريب.. مع السلامه..


سكرت علا وهي مرتبكه وفرحانه.. وهي عارفه كيف تعبر عن مشاعرها..


سوسن بفرح:


ــ الحمدلله على سلامته والله يديم الفرح عليهم


ــ الله يسلمش ويخليش..




هشام في باله..


ــ وايد مهتمين في الأمر وفرحانين.. .......!!!. اف ويش فيني انا الحين مهتم ...!!




بعد ساعه رجع ابو مالك وكانت نتيجة كل التحاليل طلعت و طلبت الدكتوره ترقيد للملاحظه ولتفادي الأمر ..


ابو مالك.. بشحوب..


ــ غناتي سوسن.. لازم تترقدي في المستشفى كم يوم..


سوسن بخوف:


ــ ليش ويش فيني؟؟


هشام..

ــ جفاااف وترقيد...؟؟؟



ابو مالك يحاول يداري وبعصبيه رد على هشام..


ــ ايه.. جفاف.. ويش فيك.. فيني اللي مكفيني انا زين..


هشام تغيرت ملامح وجهه.. التفت الى سوسن..


ــ مع السلامه خيه... انتبهي لروحش .. بكره ان شالله بازورش ..


سوسن ..


ــ الله يسلمك غناتي انتبه لروحك انت بعد..




وطلع هشام...


علا مو عاجبنها تصرفات ابوها بالمره.. تحس السالفه مو بس جفاف..


طلعو عن سوسن ..


وفي السياره.. حاولت تستفسر من ابوها..


ابو مالك بهدوء..


ــ سوسن... سوسن احتمال يكون وياها تسمم في الحمل..


علا جاها الخبر زي الصاعقه..


ــ يعني ويه..؟؟


ــ يعني الحين .. الحين وضعها حرج.. بتصير تحت المراقبه فتره لو يسقطوها الجنين..


ــ يــــــــارربي .. الله يساعدها.. يارب تشافيها وتقومها بالسلامه..


ابو مالك بصوت خافت بالكاد يسنمع..


ــ يارب..






تابع؛؛<<

[Princess]

وفي العصر..

حسين..

ــ خلاااص بعد ثلاثة ايام بنسافر امريكا للعلاج وياااارب نطلع بنتايج ايجابيه

امل وايدها على قلبها..

ــ يااارب ياكرريم...

ــ الا ويش اخبار بيت ابو مالك من زمان ماشوفش تروحي..

ــ بالي مشغول على ولدي دي كم يوم.. خبري بهم من بداية محرم كم يوم رحت ويا علا وسوسن الحسينيه وكانت علي...

ــ اهاا,, يعني.. واخبارها مع مرت ابوها.؟؟

ــ تمااام للحين كأنهم خوات .. اشوى تطمنت عليها..

ــ الحمدلله..

ــ لويه تسأل؟!!

ــ لا بس قلت الحين اذا سافرنا بتصير علا لحالها وهي متعوده عليش..

ــ لااا الحمدلله مطمنه عليها بالمره الحين ويا سوسن صارت علا اكثر حيويه من اول وتسولف و تاخذ وتعطي و تطلع .. مهي مقصره وياها سوسن بشي .. يالله تسهل عليها وتحفظها..

ــ يارب...





عادل ويا امه والدرس الثاني .. وبسرعه استوعب.. لغايه في نفسه...

وطلب منها تكمل بقايا الحروف للأخير ولا تجزأهم....

ويوم خلصت منهم...

ــ باااققققوووم اطططلللع..

ــ وين بترووح..؟؟

ــ باااههااااايييت

ــ انا لله .. انتبه لروحك زين..

ــ ان شششاااالله



راح عادل غرفته واخذ ورقه وقلم وطلع..

قعد على باب بيتهم ينتظر اشرف يطلع ماطلع..

ساعه .. ماطلع.. سيارته على الباب وينهو؟؟؟؟



قاعد وهو يردد كم حرف معينين في باله .. شويات الا بسيارة ناصر جايه وينزل اشرف وهو يسولف ..سكر الباب ومشى ناصر..

عادل من شاف اشرف طار من الفرحه وقام له يركض..

ــ شششرررريف..

ــ هلاااااا عدووله..

ــ هههلالالاااا فيييك...وييينااا رررحت من زمممااااااان اسسستناااك برررى

ــ طلعت ويا ناصر.. تبغى شي..؟؟

عادل بفرح طلع الورقه والقلم..

سند الورقه على جدار بيت اشرف وبالقلم صار يكتب وهو يقول..

ــ الزززاااء نقطه من فففووووق والياااء نقطتتتتين من تحححت والنووون نقططه من فففوووق والباااء نقطططه من تحتت..

اشرف مفتح عيونه.. عادل بخط كبير كتب حروف اسم زينب ..

ز ي ن ب

وبفرحه عظيمه :

ــ كتببببببببت اسمهااااااااااااا

اشرف مهو عارف ويش يقول... ابتسم ببرود..

ــ عفيا عليك ... يللا اكتب اسمي...

ــ مماااااا اعررررف

اشرف فيه قهر بس يداريه..

ــ شمعنى تعرف تكتب زينب؟؟

عادل بأبتسامه عريضه..

ــ لأني احبهاااااااا

اشرف بلا وعي مسك عادل من كتفه وسحبه بالقوه..

ــ بتتأدب لو لا....؟؟؟

ــ آآآآآآآه ويش فييييييك ...

ــ تأدب .. عن هالحركات البايخه فاهم..

ــ تششيييييييه ويش قلت اناااااا...

ــ لا اسمع طاري زينب على لسانك.. تفهم.. عيب..

ــ اووووووه.. لووويييييييه

ــ بدون لويه.. استح وخلاص..

ــ زين خلييييييني عورررررتني..



اشرف ترك عادل وراح يركب الدرج بيدخل بيتهم.. الا عادل يصرخ حد ماعنده..

ــ اصصصصصلاااااااا لو ماتحبببببهاااااااا مااااا حمقت كذاااااا لووويه ماتعتررررررف

اشرف حمق وينزل له من الدرج بسرعه

عادل خاف وهرب يركض ... وصل لباب بيت ابو علي ..

اشرف بحمق..

ــ هذا اللي ناقص.. قلة حيا....

مامداه اشرف بيدخل الا ينتبه لوحده طلعت من بيت ابو علي وكانت زينب بترجع بيتهم...

اشرف وقف قلبه ووده يروح ويسحب عادلوه من ذاك المكان....

سوى روحه توه طالع من بيتهم وبيروح السياره... ووقف زي الخبل عند باب سيارته وفي باله..

ــ اففففف المفاتيح داخل ما اخذتهم طلعتي مع ناصرووه ويش هالفشيله..

صار يراقب عن بعد..

عادل:

ــ ززززييينب تعلللمت الكتااابه

زينب تسوي روحها ماتسمعه وتمشي..

عادل وراها فرحان ويمد الورقه ..

ــ شوووفي.. كتتتتتتتبت اسسسسمششش

زينب مطنشتنه وتكمل مشي..

اشرف فرحان من تصرف زينب ويراقبهم..

عادل بدى يحس بخيبة امل .. مهو عارف ويش يسوي تعب وهو يبغاها تشوف وهي ابدا ما كنها تشوفه ..

قام وقف قدامه وفتح الورقه بالمقلوووب ..

ــ ششششوووووووووووفي






زينب خلاص وصلت حدها منه واقف ليها في عرض الشارع..

خطفت الورقه منه ورمتها على الأرض..

وطاحت في الطين مع ماي المطر..

عادل شوي وبيصيح..

ــ لوووووويه سوييتي كذذذاااا

مشت عنه زينب.. وانتبهت نهاية الشارع لأشرف الواقف عند سيارته...

زينب في بالها.

ــ ناقصه اني وهذي كل حالتي عاد هالمره ولد العمه مو فاضي لا هو ولا اخته يوصلووني كل مني يوم ما اطاوع ليلو واقعد وياهم لليل...



اشرف ابتسم ابتسامه رضا وتشفي على عادل..

عادل قعد على عتبة باب بيت قبال بيت اشرف... والهم ضاربنه... وحط راسه بين ذراعينه..

اشرف عور بقلبه عادل يوم يشوفه على هالحاله.. وصار في باله..

ــ ويش فيني عليه.. حق ويه انقهر منه.. ماينشره عليه هذا.. ولويه انقهر.. والله يا بت عبدالرحيم منتين هينه.. ويش سويتي فيني...!!



تقرب من عادل..

وبهدوء..

ــ عادل .. قووم..ويش فيك...

عادل مايرد ومطنش اشرف..

صار اشرف يهزه::

ــ عادل قوم.. خلاص... على شان مره ثانيه زي ماقلت لك تتأدب ولا عليك من بنات الناس..

عادل رفع راسه وبحمق شال ايد اشرف عنه .. وقام وبقهر:

ــ ماااااااالللللللك شغغغغغغغغغغل فيني.. وارااويكم انا الحييين

ومشى عنه..

اشرف مستغررب..

ــ يالله .. ويش فيه هالعادل ..

عادل يمشي بسرعه ويصرخ على زينب..

ــ هييييه انتين يازينبببووووه

زينب اختلعت وقفت ودارت عليه

عادل..

ــ ماحبششششش انا خلااااااااااص .. خلي اشرررررررفووووووووو ينفعش..

زينب قلبها طاح وتحس رجولها مهي شايلتنها... وكملت طريقها وهي ميته خوف ..

ــ يارب.. يارب ماحد يطلع ويسمع هالخبل ويصدقه.. بيوديني في داهيه..

عادل بعده يصارخ ويكمل كلامه..

ــ وانت ياا اشررف .. لا تسوووووي رووووووووحك ما تحبببها بس فاااالح تقققووول ليي عيييب وعيييييب..

اشرف راح لعادل بالسرعه..

ــ بس خلااااااص.. اسكت.. ويش فيك انت..!!!

ــ ماااااناااااااااااا ساااااااااااااااكت... ما بسسسسسسسكت.. ولا اطيقكم ثنيييييييينكم..

ــ لا تطيق احد بس اسكت...

ــ قلت لك ماااا بسكت

ويهجم عادل على اشرف ينطحه براسه وهو يصارخ ومحمق



اشرف يدافع عن نفسه ويحاول ما يعطي عادل أي ضربه تضره..

طاح اشرف على الأرض و عادل فوقه..

ماسك بلوزته ويدحن فيه.. ويصرخ..

ــ انت اللي ماتتتتتتتسسسسسسسسسحي .. ثننيييينكم مااااااااااحبببببببببكككككككم.. اخذذذذذذذتها مني انتتتتتت..

اشرف مو قادر .. بيطلعو العالم وبيشوفو الحاله وبتصير فضيحه والسبب عادلوه..

زينب لفت لفة بيتهم ودموعها اربع اربع من الكلام اللي سمعته...



تابع>>

[Princess]

اشرف خلاص مايفيد ويا عادل أي تصرف غير يرد عليه بالمثل..

ويشيله حد ماعنده ويعطيه طراق طراقين ثلاثه.. ويحشره عند جدار البيت ويصرخ فيه..

ــ بس.. خلاااااص قلنا لك...

عادل انهار وصار يصيح..

ــ خلاص.. خلاااص خليني.. مابغاااكم.,,

اشرف تركه..

عادل راح بيتهم على طول.. ودخل..

واشرف كذلك...



ابو اشرف كان بيطلع انتبه لأشرف وحالته..

ــ ويش صااير ..؟؟ متشابق ويا مين.. وجهك مشمخ..؟؟

ــ لا بس سوء تفاهم بسيط مع واحد وانتهى على خير

ــ خير ان شالله ومين هالواحد..

ــ عادل .. مأذي بنات الفريق وملاحق فيهم صدته هون ياولد صار يصارخ مالك شغل فيني مد ايده واجبرني اشلخ عافيته

ــ هههههههه انا لله من هالعادلوه الله يكون بعون امه ماحد قادر عليه الا المرحوم حجي عباس ولا يشيخ بعد.. روح شوف عمرك كنك متشابق ويا قطو..



ابتسم اشرف ومشى عن ابوه وفي قلبه.

ــ يالله لو انفضح انا ويا المخلوقه بكبر الفريق وحنا ماسوينا شي والسبب هالنحيس عادلو... لااازم اتصررف... بس ويش اسوووي مو وقتتتتتتتته... افففففف...





عادل رجع بيتهم شدخ باب الطريق ولاسكره

امه قامت تركض.. وشافت حالته..

ــ ويش صاااااااااااير ؟؟؟؟؟؟

ــ مااااااااحبهم اناااااااا..

ــ منهم.. وويش فيك؟؟

ــ خليني بروووووووووحي..

ودخل غرفته شال كل الورق اللي مجمعنه بيكتب فيه وشققه ورماه والأقلام كسرها .. وانسدح على سريره حمقان ويصرخ..

ــ ولا اشتهيهم.. ولاااااااااا اطيييييييققهم

امه تحاول تهدي فيه وتفهم منه بس مافي فايده.. لين اخر شي خلته بروحه

هدأت حالته.. ونام...






تلفون بيت ابو علي يرن..

رفعته ريما..

ــ الوو..

ام مؤيد:

ــ قووه

ــ الله يقوويش..

ــ ويش حالكم.. وقرت الأعين..

ــ الله يحييش ويسلمش..

ــ وين امش ..



نادت ريما امها..

ليلى : ــ مين؟؟

ريما بسخريه:

ــ ماقلت ليها تراويني بطاقتها..

ــ ظرريفه لو تستظرفي...؟؟

ــ الأثنين.. تصوخي ياللقفه وبتعرفي..



ام علي في البدايه ماعرفت مين المتصله..

شوي:

ــ هلااا .. هلا وسهلا بأم مؤيد.. بشووفة نبيش ,.. حياش غناتي



ريما:

ــ هاا عرفتي...

رزان مهي متذكره:

ــ منو ام مؤيد مر علي هالأسم..

ليلى :

ــ اللي كنا نتسمع في بيتهم العشره الوسطيه..

ــ اهااا.. والله وفيها الخير

ــ ايه درت من ولدها هو الموصل علي..

ــ باين عليهم خوش عالم ناس اجوديين وطيبين.. عجبتني بنتهم ساره..

ليلى :

ــ ايه خوش بنيه..

ريما دخلت عرض:

ــ جميله بشكل... موطبيعي

ليلى : ــ هذا اللي يهمش..

ريما:

ــ ايه ويش يمشي في هالزمان غير الجمال..

ــ مالت

رزان:

ــ ههههههههههه وهي الصادقه..

ليلى :

ــ مالت عليهم...

ريما : ــ ويش فيش منقهره...ويش حارنش يبغو جمال لو غيره..

ــ بس كذا ناس فاضيه..

ريما:

ــ ايه والحين يتشرطو بعد مانبغى الا بيضا وشعرها ناعم..

ليلى بهداوه مقهوره:

ــ ويش قصدش ويا هالوجه... السمران كخه !! .<< ليلى سمراء..

رزان:

ــ افااا... والله ان السمر ياكلون العقل وحلوين ودمهم خفيف ولهم اللي يحبهم ويموت عليهم بعد

ليلى بأبتسامه:

ــ ههههههههه ايه ماعليه..

ــ هههههههههه قسم بالله بلاك ما تصدقين..!!

ريما:

ــ ماتصدق دي وكل طايحه لي بنخطب قبلها..

رزان:

ــ ياحليلها .. هذا وجهي اذا ما توفقت باللي يحبها ويسعدها ويموت عليها بعد

ليلى تلونت..

ــ استحو هااا..

رزان:

ــ ههههههههه فديت الـ يخجلوون..





ام علي جت ليهم..

ــ الليله بتجي ام مؤيد وبتها ساره ..

ليلى : ــ حياهم الله

ام علي:

ــ رزان ابقي ويانا الليله ..

ــ ان شالله خالتي على عبدالرحمن..

ريما: ــ لااا عبدالرحمن ناسي عمره ويا علي .. خليش ويانا بس..

رزان: ــ هههههه الله لا يحرمهم من بعض

ليلى : ــ يالله ياكريم...



تابع>>

[Princess]

وبعد اسبوع..



ابو مالك : ــ الحمدلله عالسلامه يالغاليه نورتي بيتش..

سوسن: ــ الله يسلمك.. منور بكم..

علا فوق تنتظر هشام يطلع حق بتنزل تسلم على سوسن..

سوسن قعدت عالكنبه وجت تريزا تتحمد ليها بالسلامه

وشوي سميره كانت لابسه عباتها بتطلع..

ــ هلا.. الحمدلله عالسلامه و قرت عينك ياخوي

سوسن:

ــ الله يسلمش .. << قالتها بعتب طول الأسبوع مازراتها في المستشفى ابدا..

ابو مالك:

ــ وين رايحه؟؟

سميرة: ــ مشوار...

ــ وين؟؟

ــ لوحده من صاحباتي..

ــ يعني... مين بيوديش..؟؟؟

ــ بتمر علي وحده ثانيه وبنروح جميع..

ــ مرتبين اموركم .. ولو ماكنت موجود بتطلعي كذا على طول؟؟؟

ــ ماعمري خذت اذن من احد ويش اللي بيتغير؟؟

ــ من اليوم كل شي بيتغير..

سميره مو عاجبنها الكلام مامداها بتعترض وبتهدر الا جوالها يرن .. صاحبتها وصلت..

سميره:

ــ عساه خير.. مع السلامه

وطلعت.,.

هشام::

ــ استاذن انا.. الحمدلله عالسلامه خيه وماتشوفي شر..

سوسن:

ــ وين بتروح؟؟

ــ عندي كذا شغله لازم اخلصها.. زين تطمنت عليش .. انتبهي لروحش..

ــ الله يعطيك العافيه..

ــ الله يعافيش .. مع السلامه.. مع السلامه ابو مالك

ابو مالك:

ــ الله يسلمك..



سوسن قامت بتركب فوق..

ابو مالك:

ــ لالالا ويش تركبي..!!

سوسن:

ــ اجل ويه..

ــ انتين تعبانه الحين ولازم كل مرتاحه..

ــ هههههههه عاد مو لهالدرجه..

ابو مالك:

ــ لهالدرجه ونص

ويحمل سوسن..

سوسن فتحت عيونها مختلعه..

ــ هههه ههه نزلني .. مو لازم..

ــ هههههههه مفكرتني شيبت .. بعدني قوي.. وانتين ياحلاتش خفيفه زي الريشه..

سوسن استحت:

ــ لااا مو قصدي .. ربي يعطيك الصحه والعافيه..بس مو ضروري نزلني..

ــ سكتي قريب نوصل..

علا عالدرج.. شافتهم واستحت..

سوسن يوم شافتها استحت زياده..

علا بأرتباك:

ــ الحمدلله عالسلامه غناتي..

ابو مالك ينزل سوسن..

اللي راحت لعلا وحضنتها ..

ــ الله يسلمش يالغاليه..



سوسن طيبه وحنونه.. ماحبت هالحركه من ابو مالك وزادت احراج لما شافت علا قدامهم.. ماحبت تجرح مشاعر علا ولا تحرجها مهما كان تظل مرت ابوها



سوسن بهداوه..

ــ ابو مالك.. باخلي تريزا تنقل اغراضي تحت يكون اريح لي واريح لك.

ابو مالك..

ــ ان شاااالله..اللي يريحش

علا ..: ــ ارتاحي غناتي اني باشوف تريزا وباعاونها..

ــ لا خلا ولاعدم منش..



وسوسن رايحه غرفتها.. تذكرت شي.. ودارت لعلا..

ــ الا صحيح.. نسسييييت......



الى الملتقى..

[Princess]

:) ولمن سألو عن النهايه..

ماقدر احدد متى وكم جزء باقي .. لأني حسب طوولهم وكمية الأحداث امشي مو على حسب العدد...

بس اقول ليكم
تراها قريبه
كم جزء وباودعكم في هالمتصفح..


اسالكم الدعاء
دمتم بخير
وبحفظ الرحمن

[*زهرة البنفسج*]

ياربي على عادلوه فظح البنت وفضح اشرف

ولا زعل بعد يحليله

يسلمو امور عللجدء الطويل والكشوخ

ربي يعطيك العافيه

ننتظر البقيه

موفقين

,,,

[المتحير]

يعطيك العافية عالبارت

[للدموع إحساس]

صبــــــــــــــــــــــــــــــــــــــــــــاح الخيراااات ،،
وااااااااااااااااااااااو الجزء جونآآآآآآآآآآآآآآآآآآآآآآآآآن ،،
أبدآآآآآآآآآآآآآع عاالأخر ،،
بس بصراحهـ كسر خاطري عادل ،،
أقول الغيرة بدت عند الشباب ،،
هشام و شرشف مو قاووويين الصبر أبد ،،
أتوقع أن أم مؤيد بتجي و بتتكلم في ليلى ،،
و يا ســــــــــــــــــــــــــلام أخيراً بتصير فرحهـ في بيت أبو علي ،،
و بعدين بياخذو سارة إلى علي بعد ،،
و عااااااشو دامت الأفراح عامرة في دياركم ،،
و تمسون على ألف خير ،،
أموووورة غلااااتي ،،
يعطيكـ ربي ألف ألف عااااافيهـ ،،
و سلمت يمينكـ ،،
خااالص التحااااياااا ،،
للدموع إحساس ،،

[Hussain.T]

الجزء ابدااااااااااااااااااااااااااااااااااع يا اميرة

بانتظار البارت القادم

تحياتي

[أميرة الشوق]

جزء كشوخ بس لو فيه علي صار أحلى
تشكري أمووور
وبإنتظار البارت الجاي:amuse::amuse:

[اسير الهوى]

حلوووووووووووووووو

الجزء روعة يا اميرة..

بس على فكرة في ملاحظة صغيرة بس او سؤال يعني..

اشوف هذي القصة مافيها تعليقاتك زي اللي قبل؟؟

لانها بصراحة تعطي روعتها روعة اكثر

خاصة في المواقف الطريفة

يعطيك العافية و تسلم يدك والله يحفظك من كل سوء

كوني بخير

[المتحير]

بأنتظار البارت اللي اجمل منه

خخخخخخخخخخ

اهم شي نص البارت القادم فيه عادلوه:wink:<<<<<<<<<يتشرط الاخ

بانتظار البارت

[أحبك ياغلا عمري]

مشكورة أختي عالبارت
وننتظر البارت الجديد

[سفيرة الاحلام]

الجزء الحلو ومشوق

مساكين اشرف وزينب بيروح في داهيه من عادلوه
اتوقع ام مؤيد بتجي تخطب ليلى

لا هنتي على البارت

[المتحير]

يلا البرت ما نبيه يتاخر

[دمعة على السطور]

جزء رووووووووووعة
أحداث ساخنة..
يعطيك العافية حبيبتي..
موفقة يارب
دمتي بعين المولى الجليل..

[Habit Roman]

ربي يعطيك ألف ألف عافية
عن جد تعبناك معانا الارت مرة روعة تسلمين ياعمري هالجزء













عادل:


ــ ززززييينب تعلللمت الكتااابه


زينب تسوي روحها ماتسمعه وتمشي..


عادل وراها فرحان ويمد الورقه ..


ــ شوووفي.. كتتتتتتتبت اسسسسمششش


زينب مطنشتنه وتكمل مشي..


اشرف فرحان من تصرف زينب ويراقبهم..


عادل بدى يحس بخيبة امل .. مهو عارف ويش يسوي تعب وهو يبغاها تشوف وهي ابدا ما كنها تشوفه ..


قام وقف قدامه وفتح الورقه بالمقلوووب ..


ــ ششششوووووووووووفي






زينب خلاص وصلت حدها منه واقف ليها في عرض الشارع..


خطفت الورقه منه ورمتها على الأرض..


وطاحت في الطين مع ماي المطر..


عادل شوي وبيصيح..


ــ لوووووويه سوييتي كذذذاااا






بصراحة حزنت على عادل ليش زنابوه سوت له كذا







عادل رفع راسه وبحمق شال ايد اشرف عنه .. وقام وبقهر:


ــ ماااااااالللللللك شغغغغغغغغغغل فيني.. وارااويكم انا الحييين


ومشى عنه..


اشرف مستغررب..


ــ يالله .. ويش فيه هالعادل ..


عادل يمشي بسرعه ويصرخ على زينب..


ــ هييييه انتين يازينبببووووه<<<<< يعيني على الحمش


زينب اختلعت وقفت ودارت عليه


عادل..


ــ ماحبششششش انا خلااااااااااص .. خلي اشرررررررفووووووووو ينفعش..






عادل بعده يصارخ ويكمل كلامه..


ــ وانت ياا اشررف .. لا تسوووووي رووووووووحك ما تحبببها بس فاااالح تقققووول ليي عيييب وعيييييب..<<<< تؤبرني ياعدوله لاتزعل عمرك





تحياتي يالغالية
بالانتظار

[زهور الريف]

بسم الله الرحمن الرحيم

اللهم صل على محمد وآل محمد

وعجل فرجهم

تسلم الايادي يالغلا

جزء روووووووعة

صراااحة

موفقة لكل خير

[أميرة الشوق]

بالإنتظـــــــــــــــــــــــــار...

[الــــنـــاري]

يسلمو خيتو على البارت الرائع
بصراحة انا صار لي 4 يمكن بدون نت
قلت مابجي الا القصة خلصت
بي زين << كذا احسن
عشان اكون متحمس ليها اكثر
يسملو خيتو على هيك ابدااااعات
لاخلا ولاعدم
يعطيك ربي الف الف عافية
تمنياتي لك بالتوفيق

[المتحير]

هل مسموح بنقل القصة؟

بصراحة وربي شاهد عليي

اني شفت القصه

بمنتدى ثاني فهل مسموح بنقلها

والله شاهد مو انا نقلتها

[Princess]

مرحبا
يعطيكم العافيه
وتسلمو..
خيي اسير الهوى.. ياهلا فيك وبرأيك واستفقادتك..
الروايات السابقه تميل الى الكوميديا الساخره و تكثر فيها المقالب .. فيستدعي هالشي تعليق ساخر جانبي مني.. بعكس هذي تماما.. اللي اعتبرها تراجيديا جديده ومنحى مختلف اتخذته في كتاباتي الروائيه... لا عدمناكم..



المتحير .. لا طبعا غير مسموح ولا احلل ولا ابرأ ذمة اي احد ينقل كتاباتي ...
عجيب !! الحين حاطين حنا خاصية منع النسخ في المنتدى على شان لا تنسرق الكتابات .. ومع هذا تنسرق...؟؟!!
لو سمحت ممكن تترك لي عنوان رابط المنتدى اللي شفت فيه الروايه في قسم الأقتراحات والشكاوي على شان اخذ حقي بنفسي .؟؟ واكون لك شاكره ممتنه......



ابشركم.. :)
خلاص عطلت..
ومن الحين بابدي كتابه للجزء الجديد..
وعساكم من العايدين الفايزين..


اكرر .. المتحير انتظر رابط المنتدى واسمه .. واسم العضو اللي قام بسرقة القصه بدون اذن مني ..


لي عوده .. دعاكم ان تكون قريبه
دمتم بخير
وبحفظ الرحمن

[Princess]

مرحبا
عوده سريعه
الله يخلي قوقل ويبارك فيه
حصلتها ومشكوووور خيو المتحير
لا عدمت هالطيب منكم..

جاري التصرف ........!!!!

[*زهرة البنفسج*]

يختي ياميرة عن جد ناس فاظييين

وهذي قصتش الثانيه الي ينقلوها اي والله مانعين انتو النسخ كيف انسرقت

ربش كريم وياخد حقك منه

بارك الله فيك اخي المتحير

موفقين جميعا

,,

[Princess]

مرحبا
ويش اسوي يا زهوره
تصرفت وياهم وعساه خير ان شالله

اليكم الجديد..

[Princess]

الحلقة 41







وسوسن رايحه غرفتها.. تذكرت شي.. ودارت لعلا..

ــ الا صحيح.. نسسييييت...... ويش سويتي على المعرض ؟؟؟

علا ابتسمت:

ــ مارحت..

سوسن مختلعه:

ــ يووو لووووويه افااا..

علا بهدوء وابتسامه عريضه:

ــ الحمدلله على سلامتش .. بنفس اليوم كنت وياش اني في المستشفى..

سوسن تلون وجهها وتغيرت ملامحها..

ــ ياعلي.. خربت عليش غناتي .. اسمحي لي .. من متى تنتظريه .. كان لا قعدتي وياي ورحتي

علا :

ــ ههههههه ظريفه سوسنوو عااادي شدعوه ... الجايات اكثر ان شالله

ــ ان شالله اكثر .,,, وبأبتسامه تخفي وراها كلام :

ــ خساره راح على اخوي عاد هو اللي مذكرني .. يللا عاد بس ترجع لش هاللوحه بالذات باراويها اياه..

علا بخجل:

ــ زين ..



ابو جاسم في المطبخ يسوي له جمر للقدو... وقاعد يهف فيه... الا يتطفر شرر على ثوبه

ــ ووووووفففففففف .. نايبه احترقت دراااعتي... انا لله

يشيل الجمر بملقط الفحم الا بدخلة زينب عليه ..

ــ يووو يباااه تسوي لروحك..

ابو جاسم بقهر..

ــ ايه.. ويش تمبيني اسوي.. . هاا طلعي حالتي صرت تشني مشخال.... امش وما تعطي وجه و لا يقدر الواحد يكالمها .. ماقول كلمه الا برطمت و بدت تحن وتون..

ــ اعذرها يبا من ليها غيره ماعندها ولد الا هو..

ــ غربال يغربله لو هو عاقل وحاله حال هالخلق شان ماصار اللي صار,,, بس من ربادته و هياتته وقلة سنعه..

زينب تعرف ابوها غاز يبغى له بس شراره وينفجر .. فسكتت عنه ...

ابو جاسم يشيل راس القدو والحديده حااميه ..

ــ احححح جيبي التتن اكو منقوع في المغطس ..

زينب :

ــ ان شالله

وفي بالها وبقهر :

ــ وفففففف ولا ادري متى بتهون عن هالسم....



قعد في الحوش ...

ــ ويش احوالهم بيت عمتش .. ماكلمتيهم

ــ الحمدلله توي امس مكلمه ليلى اسأل عنهم.. بيتهم ما يخلى من الناس على شان رجعة علي..

ــ الله يديم عليهم الأفراح ..

ــ يارب...

ابو جاسم وهو يشرب في القدو وبدون سابق انذار طرح سؤالا غريبا....:

ــ مو تشنه ولد عمتش اضعف ؟!

زينب انحرجت من سؤال ابوها عجيب غريب..

ــ هاا.. مادري ما انتبهت..

ــ اضعف وايد بعد.. صاير يلده على عظمه... يالله تعوض عليه ..

زينب تغير سالفة علي :

ــ اجل ويش خانة جاسموه من دون شي عصاة مخمه بعد بيلاقي هالحال !!

ــ جاسموه.!!. جاسموه ما بصير فيه شي .. هذاك مظلوم والظليمه هضيمه تخلي الواحد ينسحت و ينتحل غصبن عليه..

تنهدت زينب .. وراحت بتشوف امها...

فتحت عليها باب الغرفه لقتها نايمه...

رجعت لأبوها:

ــ ياعلي امي مهي طبيعيه كل نوم..

ابو جاسم ينفخ دخان القدو..

ــ ويش اسوي ليها غلبت الدبب كل سبات عندها..

زينب فيها ضحكه على هالوصف .. صارت تداريها .. وراحت الصاله تطالع تلفزيون...





علي قاعد ويا امه وابوه.. بعد الحاح منه.. يبغى يعرف ويش صار وويش الأخبار..

صار له اسبوع وهم يقولو له مو وقته... وحده عرف من عادل بالصدفه عن حجي عباس...

هدووووء..

علي :

ــ اماه .. احس في شي خاشينه علي.. !!

ام علي بأرتباك..

ــ مافي الا الخير...

علي : ــ ان شالله .. ولو اني اقول في خبر ما يسر..

ابو علي تعب خلاص من هالحاله وبتوتر:

ــ داويه لمتى بنخش عنه يعني .. خيرته بيعرف .. ياولدي.. كلنا بخير وماصار الا كل خير الشي الوحيد اللي كدرنا مصيبتك وولد عمتك

علي مختلع:

ــ صالح؟؟ ويش فيه؟؟

ابو علي بهدوء متقطع:
ــ عطاك عمره..

علي شهق و حط ايده على راسه..

وبصوت خافت.. والذهول يعتليه:

ـــ هاا.. متى؟؟

ام علي :

ــ بسم الله على عمرك الرحمن ... من بعد ماخذوك بفتره جانا الخبر..

علي يمسح وجهه بكفه.. ويطلع نفس قوي بحرقة قلب. وعيونه تلجم الدمعات وتكسرها..

ــ انــــــــا لله وانا اليه لراجعون.. الله يرحمك يالغالي ... ويش وشلون عرفتو فهموني ..؟؟!!

ابو علي صار يقص لولده تفاصيل الخبر..





ام عادل ملاحظه تغير على ولدها .. صار له فتره ولا هي داريه لويه.. ما يستهبل عليها ولا يسولف ولا ياكل عدل...

ــ عادل امي..

ــ هااه..

ــ قوول نعم مو هاااه..

ــ ويشششووو

ــ مامنك فايده.. ماعلينا...ويش فيك ياغناتي .. منت على بعضك..

ــ ممماااااففففيييني ششششي...

ــ الا فيك.. وشكله شي شايد بعد مو عوايدك ...

ــ مووو ععوووااايييدي ويه..

ــ مو عوايدك ما تطلع ولا شي صار لك اسبوع تقريبا في البيت..

ــ خخخلالالالااااص بباااقققووم اطططلع

ام عادل تمسك ولدها:

ــ هي عناد ياولدي .. ماتقول لأمك ويش فيك حق ويه !!

عادل بحرقة قلب..

ــ زززين بااقووول..

ــ قول امي .. قول..

ــ اماااه.. حققق ويه زززينب ما تحححبني

ــ اهاااااا هذا اللي مغربلنك و مغير حالك.. عساني ويش اقول يوم اتكلم قدامك واقول ياليت لو اخطبها لك..

ــ لييييش اناااا ويششش ناقصصصنني لووويه تحببب اشرررفوو وماااا تحبببني

ام عادل فتحت عيونها..

ــ وويــــــــــه.. ويش دخل اشرف .. ولويه تقول كذا.. ليش ويش مسويه زينب..

ــ مماااسسسسوت شي بسسس اشرررفوو كل يداااافع عنهااا ونااافخ ررروحه على خررراط ودددي افققققعععه من قهرررري

ــ هههههههه عادل غناتي اعقل.. الصبي اجودي ومو معقوله بيشوفك تاذي بنات الناس في الطالعه والنازله ويسكت عنك...

ــ مماااااااااااااا اذذذيت احد انااا بسسس زينب...

ــ خلي هالزينب في حالها .. بس تكبر وتصير رجال باعرسك على اللي احلى منها واحسن منها ..

ــ مااابغى الا زيييينب ولوووووويش تقققولي بس اكبرررر قد البقررره انااا ويش كبررري وفيييني شنب ولحيييه بعد ويشوو باااقققي على شششااان اصيررر رجال

ام عادل في بالها باسى:

ــ باقي العقل خلف الله عليك ياولدي ...



عادل :

ــ باقووم بطلللع بشتغللل وبشتررري سياااره كبيررره حق اطلللع زينب بها احلى من حقت اشرررفووو

ام عادل:

ــ اعقل ياولدي وخلي الصبي والبنيه في حالهم مافينا شدة مشاكل....

ــ مع السلالااااامه

ــ انتبه لروحك زين..






تابع>>

[Princess]

طلع عادل وهو يضرب فكر .. وين يروح يشتغل.. دخل البقاله وسأل الهندي:

ــ مااافي شغغغل؟؟؟

الهندي يهز راسه واستفهامات وتعجبات ..

ـ ايش كلام.. شقل ايش مافي شقل هنا ..

عادل :

ــ اعرررف اعد ريالااات خليني اعدهم لك..

الهندي محمق:

ــ ايش كلام يعد ريالات مافي يللا روه..

ــ رررراااحت ررروحك.. بقالة ابو اللي جااابببك هي .. مانى طااالع زين..

ــ يللا برى رووه ..

عادل رفع علبة حلاوه صغيره من الطاوله اللي قبال الهندي وطراخ صفق الهندي بها..

حمق الهندي وشال مكشة الغبار اللي عنده وبسرعه ورى عادلوه اللي هرب يركض...



وشوي مر على مجموعه يهال يلعبو... وخطرت في باله فكره..

راح ليهم يستعرض عضلات..

ــ اللي يبغاااني احمللله بحمللله وبافر فيييه كل فررره بريال..

اليهال حماس ,, جاله اول واحد عطاه الريال..

حمله عادل ودار حول روحه ونزله..

الصبي اعترض..

ــ تلعب علي انت؟؟,., هذي تسميها فره.. ويشو بس تاخذ ريالي .. باقول لأبوي ..

عادل عصب فيه:

ــ روووه يللا رووووه << متأثر بالهندي..



باقي الصبيان هونو شافو عادل بينصب عليهم..

قام طرح عرض مغري..

ــ اللي بيدددددفع ار ار ارياليييييييييين باااحممللله الحمله المميزه



الصبيان خبلان .. اخبل منه.. واحد ضربه الفضول يشوف كيفا هالحمله المميزه..

ومن حسن حظ عادل ان هالياهل كان امتن واحد وما شالله متعافي..

عادل انصرع بس قال بيسوي حاله كرمال الريالين..

بس قبل لا يشيله اعترض عليه..

ــ اننننت متتتييين لااازم تدفع ررريااال بعد يعني فلاااافه رييييااال على ششششان اقدر اشششيلك عدل ..

الصبي ما مانع دفع الريال الثالث..

عادل ولا مفر من الحمله المميزه..

نزل للأرض وكل ثقله على ساقينه << قعده ماعرف ويش تنقال بس بلهجتنا نقول توقل .. يعني عادل الحين متوقل ..

ــ يلالالالا اررركب ..

الصبي حده وقف ومسك كتوف عادل..

عادل يحس روحه بينقلب .. ويتحامل على روحه.. ووجهه صار سحارة طماط.. يمسك الصبي ويقوم به شوي شوي ..

ولا يسمعو الا تشيييييخخخخخخخخ

عادل فتح عيونه.. ونزل الصبي بسرعه.. ودخل ايده تحت ثوبه يتحسس موضع الصوت وصرخ:

ــ سرواااااااااااااااالي انششششششششق..

الصبيان ماقصرو ضحك عليه..

عادل منحرج..

ــ انشششبببو لا انفرررركم بطررراق

الصبي المتين معترض ..

ــ ماحملتني الحمله المميزه..

عادل بحمق:

ــ مااااااسسسسسسمعت الصصصوت متيييييين انتتت ماقددددددددر

ــ رجع فلوووووووسي..

ــ يلعن شكلللللللك والله للللووو اوديهم للخيييياط يخيط سروااالي ما كفووه.. ياعلي ويششش كبره الشششق..

الصبيان يصفقو ويلعبو عليه..

ــ ابو سروااال مشقوق ابو سروال مشقوق..

واحد من الصبيان لعانه صار يتحرش فيه ويرفع ثوبه..

عادل خلاص وصل حده منهم..

وبدى مشوار المناطح.. ماخلى واحد فيهم الا داس فبطنه .. واليهال صريخ وصياح...

واحد منهم من التبقس طاح ضرسه...

الا بجية ناصر ومعاه اشرف ...

ناصر : ــ عااااااادل خلااااص

عادل مستمر في الطق والتكفخ اللي نجا منهم نجا واللي بين ايده الله يعينه...

اشرف يمسك عادل ويوخره بعيد ويتفالتو اليهال بالسرعه..

ويدور عادل لأشرف ويصرخ فيه صرخه:

ــ ويشششششششش دخلللللللك بعد مو بنااااااااااااااات ماعليييييييك منيييييييي

ناصر مستغرب :

ــ بنات!!

اشرف وجهه تلون..

ــ اشوفك على خير ناصر مع السلامه..

وتركهم بيدخل بيتهم..

ناصر بأستغراب :

ــ الله يسلمك



ومن دخل اشرف .. ناصر مسك عادل على جنب:

ــ ويش سالفتك ؟؟ ويش صاير ؟؟ لويه محمق على ابو شريف..

عادل بقهر:

ــ ويششش دخلللك فيني ؟؟

ــ عدوله انا احبك وبشتري لك اللي تبغاه..



<< عادل ينوكل بعقله حلاوه..

ــ احللللف

ــ والله .. بس ويش فيه اشرف وويش فيك عليه واي بنات؟؟ غريبه انت تحبه..

عادل بقهر :

ــ لوووووووول احبببه الحين لاااااا

ــ بل.. لويه <<< ياحب الأصحاب للتصيد قالوها احذر عدوك مره وصديقك الف مره..

ــ بااااق حبيبتييييي

ــ هاااا... أي حبيبه؟؟؟

ــ ويش عررفك بها انت ما تعرفهااا..

ــ منهي ؟؟ لا ما بشتري ولا شي..

ــ لا خلاص خلااااصصص .. زيييينننب بتتت ابو جااااسسسسم..

ناصر :

ــ اهااااااااا..

وفي باله..

ــ وانا اقول ويش فيه انصرع ذاك اليوم لما درى عن اخوها وتغيرت احواله.. منت هين يا ابو شريف ..

ــ يللالالا قلت لك.. بالسسسسرررعه مابغى تشششتري لي شي .. ابغى طلب ففففاااني

ــ فاني..!! فنى الله بليس .. ويش طلبك الفاااني على قولتك ؟؟

ــ تعطيييني بدل لا تشتررري فلووس اللي بتشتررري بهم..

ناصر مستغرب:

ــ 10 ريال .. عجيب.. ويش بتسوي بها؟؟

ــ باجمممع فلووس..

ــ ههههههههههه ما شالله عليك.. لويه ويش عندك..

ــ باااااااشتررري سياااررره حق اكشششخ فيهااا قداااام زيييينب وتحببببني و تخلي اشرررفووو

ــ ياساااتر منت هين.. ليش هي بعد تحبه على شان تخليه..!!!

ــ ويش مدرررريني عنهاااا كل يدااافع عنننها وهي تسسسستااانس انااا ما اححححبه هو بس هيييي كرهتتهااا ييييووومييين وتاااالي عوودت حبيتهاااا..

ــ غربال.. امشي عنك.. مو انت اللي منت صاحي.. اللي مو صاحي اللي قال عنك مو صاحي وهذي العشره..

عادل اخذ العشره وصار يطالع فيها:/:

ــ هاااا يعني ويه.. مهي صاحححححييه العشررره

ــ هههههههههه انا قلت كذا...الله وكيلك نسيت ويش قلت...مادري خربطه.. مسامح حجي عادل ..

ــ ووووووووييييييييييعععععععع لا تققققووول حجي..

ــ بسم الله لويه عاد..

ــ تذكككررررني بعباااسسسو

ــ هههههههههههههه استغفر الله ربي .. المشكله مالي مزاج اعلمك يعني ويه حجي روح لأمك تعلمك...مع السلامه

ومشى ناصر وهو يفكر في باله..

ــ والله وطلع المستخبي يا سيد اشرف..





تابع<<

[Princess]

تلفون بيت ابو علي يرن .. وكانت ساره المتصله..

ردت ريما..

ــ اهلين ساره.. هلا فيش..



علي كان شارد الذهن يفكر في صالح.. وفي كلام امه وابوه وتحذيرهم له لا يبين شي ما بغو تتحسن حالة ليلى.... فمن سمع رنة التلفون صار يتصوخ.. ومو عارف منهي المتصله.. وريما ضرب سوالف وياها ..



شوي ريما تنادي على ليلى..

ليلى : ــ مين؟؟

ــ ساره..

ليلى ابتسمت بفرح وخذت السماعه :

ــ اهلين سارونه هلا والله



علي مسك ريما على جنب وصار يستفسر منها .. منهي دي اول مره احد يتصل في ليلى غير زينب ..

ريما : ــ اووه فاتك.. الحين عندها علا وساره..

ــ علا وساره.... مين بعد هذيلا..؟؟

ــ علا بنت ابو مالك.. وساره بنت ابو مؤيد..

علي عفس وجهه..

ــ بت ابو مؤيد والنعم والله.. بس ويش عرفها ببت ابو مالك ..؟؟؟

ــ لااااااا .. ترى والله مافي منها احسن من طوايفها كلهم.. وتعرفنا بعد على مرت ابوها طيبه لحدها..

ــ مرت ابوها..؟؟!!!!!!!!

ــ مو طلع ابو مالك متزوج وحده قد ليلو تقريبا..

علي تذكر سالفة حميد.. وكأنه يسمع حميد يسردها عليه من جديد..

صار يفكر في باله..

ــ متزوج بعد.. والله معيش روحه في نعيم هالأبو مالك .. الله عالظالم بجي له يوم...

سكرت ليلى السماعه ودارت على ريما:

ــ الخميس الجاي معزومين اني وياش عالعشا

علي يستظرف :

ــ اه و انا..

ليلى :

ــ هههههههههه عزومة بنات.. انت ياغناتي اللي بتودينا..

علي : ــ على خير.. على طاري التوديه .. ذكرتوني .. تعالو ويا امي وابوي عندي سالفه..



ريما : ــ ياسااااتر

علي : ــ استر على ام لسانين.. الا تعاااااااالي صار لي اسبوع ورايح عن بالي .. ويش اخبار نتيجتش مو المفروووض خلصتي اختبارات من زمان وطلعت ..؟؟

ريما تغطي وجهها بكفينها..

ليلى بسخريه:

ــ امشي ياخوي بس امشي.. لا تسال عن امور ان تبدو لكم تسؤكم..

ــ بل .. اجل انا اللي اقول ياسااااااااتررر.. طايحة النسبه في الحضيض هااا..

ريما تسوي روحها ماتسمع وركض لغرفة امها وابوها..

ليلى وعلي وراها..

علي :

ــ ايه.. مثل ما قلتو لي الطراد انباع.. و عطيتوني فلوسه اتصرف بهم.. وبصراحه خايف لا يضيعو على خرطي .. واقعد لا شغله ولا عمله.. فويش رايكم اشتري ميكرو واترزق الله به..

ابو علي :: ــ اللي تشوفه ياولدي واللي يريحك..

ام علي : ــ هالشغله ياولدي يبغى ليها صبر .. وانت قدها الله يرزقك..

ليلى ابتسمت: ــ عساه خير يعطيك ان شالله خيره ويكافيك شره..

ريما : ــ هههههههه خساره خلصت مدرسه شان استفيد..

علي يمصع اذونها بمزح..:

ــ يصقع المصاااالح..



وطلعو من الغرفه

الا التلفون رجع يرن.. ردت هالمره ليلى

ريما: ــ يوم التلفونات العالمي..

علي : ــ هدارات يالبنات..

ريما : ــ صخ خلني بتصوخ..

ــ يصقع دي لهجه.. صخ واتصوخ.. تصوخي تصوخي..

ريما تضحك:

ــ مكحين ساره الحين علا..

ــ بل عليش ويش دراش..؟؟؟

ــ احسدني احسدني.. سمعتها تسالها عن سوسن

ــ منهي سوسن بعد؟؟؟

ــ تشيه ويش عليك من بنات الفررريق .. ناوي تخطب

ــ استحي على وجهش يا نحووسه..

ــ هههههههه مالك الا زنبوه .. طرت لو طحت..

علي عفس حواجبه وقام عنها..

ــ اقوم بس عن سوالف هالبنات,,..

ريما تفكر :

ــ مادري لويه هالرجال ما يحب طاري هالبنيه.. مسكينه ويش مسويه فيه..



علي راح غرفته وسكر الباب عليه..وفي باله..

ــ ليش مو راضيين يفهموني .. ولازقين فيني هالزينب لزق .. حرام عليهم يوهمو البنيه وحرام يوهقوني وياها.. اف من هالحركات وهالعادات.. يااارب ترفع حظها و تزيحها عن طريقي ...



على سريره .. جواله .. كان يولع ويطفي .. يعني مكالمه او رساله

راح له.. لقى مكالمه من رقم غريب .. وشوي رساله فتحها... وقعد يقراها ...

وهو منصرع... وقعد عالسرير .. وعلى طول اتصل بالرقم...



الى الملتقى





وكل عـــــــــــ:)ـــــــــــام وانتم بخيــــــــــــ ;)ــــــــــــر

[سفيرة الاحلام]

هلا اختي

وانتي بخير

عيدك مبارك

تسلمي على البارت الحلو

مسكينه زينب علي مايحبها

لاهنتي على البارت

بس بكره في بارت

[نبــراس]

ناصر راسل رسالة لأشرف ~ : )

أمور / الله يعطيكـ العافية
وكل عام وانتي بخير وبألف صحة وسلامة
عيد سعيد وينعاد عليكم بخير

[للدموع إحساس]

صبــآآآآآآآآآح الخيرآآآآآآآآت ،،
خووووش أحداث ،،
بس مسكييين عادلوووووهـ كسر خاطري ،،
عجبتني سالفة الحملهـ المميزة ،،
خلهـ يجي جنب بيتنا يحصل ألاااااااف ،،
من خبالة اليهالووو إلي عندنا و إلي حوالينا ،،
و ناصرووووهـ تصقع إبليس الفضول و أخوانهـ ،،
يعرف يسحب الحشي ،،
و اللهـ أجواء بيت أبو علي صااايرة تسر الخاطر ،، << أن شاء اللهـ دوم موب يوم يارب ،،
و ياللهـ أموووورهـ خلي أم مؤيد تتقدم لـ ليلى لهـ ،،
و شرشف لـ حينب ،، لكن عاااادلوهـ مسكيييييييين ويش بيصير فيهـ ،،
أمممممممم أني متحمسهـ لـ وقت يشوف هشام اللوحهـ ،،
لو اني وياهم كان عددددل أستانس ،،
خيهـ من هو المتصل على علي ؟؟؟!
أبهااااااام الموضوع ،،
ما في توقعات المخ ميييييح عاالأخر ،،
بـ إنتظار البارت الجااااري ،،
يعطيكـ ربي ألف ألف عاااااافيهـ ،،
و سلمت يمينكـ ،،
خااالص التحاااياااا ،،
للدموع إحساس ،،

[*زهرة البنفسج*]

كل عام وانتي بخير يامور

وجزء كشوخ مسكين عدول

ومسكينه زنوب متعلقه في علي وهو مايحبها

ننتظر الجديد

موفقين

,,,

[Hussain.T]

عيد سعيد
وكل عام وانتم بالف خير

والجزء مره رووووعه
يسلمووووو
وبانتظار البارت القادم

تحياتي

[عوامية صفوانية]

احس نفسي من زماااان ما علقت على الاجزاء والسموحة خيتو
مع اني مديمه على القراءة

بصراحة البارت ابداع ثم ابداااع على الاخر
والله يعطيش العافية ما قصرتي

ههههه ويلي على عدووووله ما قصر في اولاد الفريق هههههه يعرف يلعب على عقولهم خخخ


واحلى شي بيت ابو علي بصراحة ابدااااع رجعتي لهم الفرح وعساه دووم يارب

اهاااااا وعلي طلع ما يبي حينب قصدي زينب هههه وهي كلاااا اتانيه ومستعجله عليه تبي اتعرس ههه

اممممم
توقعي اللي متصل على علي والرسالة اللي قعد يقرأ فيها
هذي اكيد ثم اكيد ( اسمع يا الواثقه هع هع ) ان علا متصله على رقم اخو ليلى( يعني علي ) لانه من فتره اتصلت ليلى على جوال اخوها وكانت علا ما ترفع ارقام غريبه صح

بس علا ويش تبي من ليلى الله اعلم خخخ

ويسلمو خيتو على الباااارت الروووعه مثلك غاليه
لا خلا ولا عدم
والله يعطيش العافية ما تقصري

وتبغي الصراحة اني مرررره انقهرت لما قال اخوي المتحيير انه القصة منسوخه الى منتدى ثاني والله اقوى على الظالم اللي اترووح تعبش هدر بس ويش اقول ؟؟

الله يعطيش العافية
وكل عام وانتِ بألف خير وسعادة
وعساكم من العيدين والسعيدين والفايزين
واتمنى لكِ كل الموفقيه بإذن الله

دعوااااتك خيتو

[المتحير]

اختي ابري ذمتي بس اسف ما خزنت الرابط بادوره لك وان شاء الله اشوفه

[المتحير]

ويعطيك العافيه

وسموحه

[بيسان]

اهلا بك يااااا اميتنا ,, اميره المرح
ابداع xابداع
مايحتاج اقوول
بس حبيت اسجل تووواجدي وحضوري الدائم
ومتبااركه بالعيد انتي وكل الاعضااء
وويعطيك ربي العاافيه غناتي
ووننتظر البارت لنيوو
بس بجد احس عااادل يعطي جو في الباارت شي خخخ صحيح يقهر اوقات بس معور بقلبي ..
حرام اموور زوجيه هههه وفرحي قلب اميمته
: )
وبالتوووفيق

اختك ,,بيسان

[الــــنـــاري]

متباركين بالعيد جميعاً
وعساكم من عواده
ينعاد عليكم بالخير انشاء الله
اشكرك اختي على جهودك المذولة
وبصراحة البارت حلوة كتير كتير
تسلم دياتك على هيك طرح
لاعدمناكي يارب
<< ودي اشوف الثار الي بتاخديه من الحرامية>>
والله عيب وقلت ادب > يعني لو ماقلتي انه غير مسموح نقلها ماعليه
وياخوفتي الي ناقلنها يقول انه من تاليفه بعد << المصيبة تكمل هنا
>> مابي اهدر
بقوم اصلي
<< عشان نجهز للغدى ^_^

تمنياتي لكي بالتوفيق
خيتو

[آخر شقآوهـ ..~]

كــل عآم وأنتـــو بخير يآلغوآلي..
وعيدكم مبآآآرك ..
أمورتي..
جزء فلته أعتبرتهآ عيديه أني هع هع
ومبرووك الأجآزهـ ع الأقل تستريحي شوووي من المشآآوط<~~~أي مشآآوط روحي نآمي
أحـــم بقولك لمآ قآل أخوي المتحير أن في نفرهـ من النفرآت حآطه القصه بمنتدى ثآني
حكتني أيدي ورحت قوقل الجميل وشفتهآ
وشفت ردش ...أبضآآآآآآي تعجبيني
الموهيييم..
أني أتوقع نآآصر رآسل إلى أشرف ألحين بتقولو كيف نآصر والرقم غريب وأشرف أكيد عندهـ رقم نآصر
أني أقوول ليكم ... أخد ليه شريحه ثآنيه يمكن أو هوه عنده رقم ثآني بس شرشوفي مآهو عندهـ هذآ الرقم..
ومكتوب في الرسآآله <~~~خلوهآ على أميرهـ تكتبهآ ليكم هيه حفظتهآ

تسلمين أميره ع الجزء الرووووعه
ربي يعطيك ألف عآآفيه
لآعدمنــــــــآآك يآرب
تحيآتي
ضحكوهـ البطه

[دمعة على السطور]

ههههههههههههههههههه
عادل موتني ضحك..
خصوصاً لما قال للأطفال حملة مميزة
ههههههههههههههههه
آخرتها طلعت عليه ..
روه روه بس.. ههههههه>> انقلبت اني بعد هندية:toung:

يعطيك العافية حبيبتي أمووووووووووره..
وكل عام وأنتو بكل خير..
وأيامكم سعيدة إن شاء الله..

موفقة لكل خير إن شاء الله تعالى..
دمتي بعين المولى الجليل..

[Habit Roman]

أنا ماقول كل عام وأنتم بخير و لكن أقول أنتم الخير لكل عام
كل عام وأنتم بألف خير
عساكم من عواده عاده الله عليكم وعلينا بالخير والسرور
وتقبل الله طاعتكم

بارت رائع بانتظار الجديد

أعذروني ماعندي تعليق مخي مسكر خخخخ

تحياتي

[عازفت الاوتار]

مـشـكـوـوـرـرهـ

خـ ي ـتـوـو

ههههههههههههههههههههههههههه عادلوو

انـسـانـ ولا اروع

توـوح ـفه

ههههههههههههههههههه

جااريـ الانتظاار

تحياتوـو

[المتحير]

اختي اميرةابري ذمتي

وانا اسف لعدم المساعدة

[المتحير]

خخخخخخخخخخخ غربال الله عادلوه

[المتحير]

مشكورةبانتظار الجديد

[المتحير]

ولو تحطي لي رابط المنتدى الذي به الموضوع وتضعي لي تصريح

[أميرة الشوق]

الجزء أكثر من جنااااااااان
تسلمي أموره
بإنتظار الجزء الجديد

[الــــنـــاري]

بحثت في القوقل
بس ماشفت الموقع
<< شفت موقوع بس لازم اسجل @!@
>> كان ودي اشوف ردك بس للاسف!!
المهم انك تاخدي حقك من الحرومس ^_^

[Princess]

مرحبا

عساكم من العايدين السعيدين..
ويعطيكم الف عافيه نورتوني
ربي لا يحرمني منكم..
المتحير .. لا تشيل هم خيو ومحلل ومبري ,, وتسلم سويت اللي عليك..
وخلاص اميره قدها وقدود ,, تصرفت لحالي ...:rolleyes:
سجلت بالمنتدى اللي حصله اخونا الناري بعد
ورديت على اللي نقل القصه بدون اذني ....
بعدها انتقلت لقسم الأقتراحات والشكاوي .. و قدمت لأدارتهم شكوى وضعت فيها رابط القصه عندهم ورابط القصه عندنا...
وبعد كم ساعه .. جيت بدخل القصه باشوف ويش صار...
لقيت...

اميرة المرحPrincess.M, لا تملك تصريح بدخول هذه الصفحة. قد يكون هذا أحد الأسباب التالية وربما بسبب آخر:


حسابك قد لا يكون فيه إمتيازات كافية لدخول هذه الصفحة. هل تحاول تعديل رسالة عضو آخر, دخول ميزات إدارية أو نظام متميز آخر؟

إذا كنت تحاول المشاركة, ربما قامت الإدارة بحظر حسابك, أو لا يزال حسابك بإنتظار موافقة الإدارة.

يعني اخذت حقي .. والحمدلله .:clap:. تم حذفها لديهم.. ولقطع الشك باليقين...
سويت بحث في منتداهم مالقيتها..:shiny:

انتظروني الليله مع الجديد..
لا اعشق شيئا كعشقي للمتابعه معكم.. كلما سنحت لي الفرصه والظروف...:embarrest:
.
.
.
دمتم بخير
وبحفظ الرحمن

[*زهرة البنفسج*]

هلا امورة اي اني بعد اول ماقال المتحير القصه احد ناقلنه رحت سويت بحث ولقيتها وشفت ردش بعد

ويوم ثاني اروح اشيك ئله حذفوها

يعني تمام ووقفوها

موفقين

[Princess]

مرحبـا
عفر اخبار الساعه.:weird:.. وصلني عبر الأيميل رد من ناقلة الروايه بعد حذفها.. مع ردي ...
اترككم مع ردي على حقي ..وردها علي ...
وكونو حكما هل اخطأت بشيء ؟؟:huh:



مرحبا..
جميل ما اراه هنا..
ولعل الأجمل كونه عيديه من ناقل لروايتي بدون اذن مني ؟؟
وبدون ذكر اسمي حتى...

سؤال يطرح نفسه في هذا المتصفح..
من الأدب ان نستأذن الأخرين قبل ان نأخذ شيئا من حقوقهم
شاكرة للناقل وضع وصف المنقول
ولكني كما سبق وكررت وحذرت بأني لا اسمح ولا احلل ولا ابيح اي احد ينقل رواياتي ..
علما بأن المنتدى المنقول منه.. وهو شبكة الناصرة الثقافيه..
به خاصية منع النسخ ..
وانا من طلبتها من الأداره.. لما لاقيته من اقلام اخذت جهدي ببرود ونشرته بدون اذني ..

_اطالب .. بوقف اكمال الروايه هنا...
و لكم شكري .. على هذا النقل !!!!!_

سأعود .. لأتأكد من حقي..
وحبذا لو قامت الأداره بحذفها..
حينها سأكون شاكره وممتنه...


على فكره تتواجد عضوه اسمها اميرة المرح هنا .. لديكم لا صلة لي بها سوى تشابه الألقاب..
اكتشفت ذلك من تسجيلي فأتخذت لقبي الآخر المتعارف عليه Princess.M

كل عـــــــــــام وانتم بخيـــــــــر
واتمنى ان تبطلو عادة المنقول..
خصوصا اذا كان من دون علم اصحابه !!

اصابع الكف ليست سواسيه..
فهذا المنتدى معروف و له رواده الكبار والمبدعين...
فلا اود ان يكون هذا التصرف مسيئا له..

دمتم بخير
وبحفظ الرحمن

تفاجأت بردها هذا علي .. اقولها وبصراحه.. عجيب غريب..:weird::notrust:



انا آســـــــــــفــــــه يا اميره المرح وماراح انقل من عندش مواضيع

وروحي بلغي عني عند المشرفين وقولي لهم يحذفونها

ماني محتاجه لرواياتش خليهم لش تـــــــــــــــــــــــــــــــــــــــــــــــــ ــــــــــــــــأســــــــــــــــــــــــــــــــ ـــــــــــفــــــــــــــــت

يوم نقلت الموضوع

معنى اني كنت من متابعين رواياتش بس اللحين خلاص ماباتااااااااااااااااااااااابع

وآآآآآآآســـــــــــــــــــــــــــــــــــــــــ ــــــــفه مره ثانيه

ملاحضه:
ترى انا ماني قليلة ادب وانا اصلن سجلت في شبكة الناصره الثقافيه بس ماقبلوني عشان كذا ماقدرت اعرف كيف استأذن منش وترى انا زعلت منش
واتمنى انش ماتزعلين وتفهميني غلط من الكلام الي قلته
وبس هذا الكلام الي عندي وسلامتكم



هالرد اتمنى تشوفه اللي نقلت القصه

الله يسلمش خيه... وماضاع حق وراه مطالب.. شلون ماقبلوش الناصره ..؟؟
مستحيل المنتدى مايقبل احد الا اذا الأسم متكرر او مافعلتي العضويه هذا اولا..
وثانيا حتى وان كنتي زائره وعذرش انش ماقدرتي تسجلي على شان تستأذني .. فالناصره لا يسمح بالرسائل الخاصه و لا يسمح بالنسخ سوى بالأقتباس وهذا خاص لمن لديهم العضويه...
ثالثا.. اذا كنتي نقلتيها من منتديات اخرى مع العلم اني وضعتها بعضويتي في منتديين اخرين مع اسبقية الناصره في طرح الأجزاء.... فمالش عذر .. لأن المنتديين الأخرين بهم خاصية الرسائل و تقدري تستأذني فيهم..
خيه.. لا تحطي اعذار ولا داعي للأسف...
والله الغني ...
اتوقع ماقلت شي يزعل ولو كنتي في محلي سويتي الكثير
مافهمتش غلط ولا بزعل .. تأكدي من هالشي.. << على فكره عجبتيني زعلتي مني وما تبغيني ازعل .. ياترى مين فينا الغلطان عالثاني و يحق له الزعل ؟؟؟
ولا قلت عنش قليلة ادب الا اذا فهمتي هالشي من كلامي فهذا راجع لش ..
المنقول شيء مو جميل ابدا بالأخص اذا كان جهد وتعب وفوق هذا .. بعده ما يخلص !!

مؤسف .. فعلا ... هاللي يصير .. مؤسف
دمتم بخير
وبحفظ الرحمن

[*زهرة البنفسج*]

اختي اميرة منتي غلاطانه ولاشي وهذا حقكٍ

اللي سويتيه عين العقل اختي

موفقين لكل خير ويبعد عنك الشر يارب

[المتحير]

منتي غلطانه حقك لك

[المتحير]

وبألانتظار

[Habit Roman]

هلا أخيه أختي العزيز أبد والله منتي غلطانة الغلط غلطها هي اول لانها أخذت القصة بدون إستاذان مع أنك معلنه ممنوع النقل

بالإنتظار عزيزتي

[للدموع إحساس]

مســــــــــــــــــاء الخيرااات ،،
خيهـ بـ صراحهـ ،،
حقكـ و إلكـ ،،
و الغلط غلطها ،،
و تتحمل إلي يجيها ،،
و زين سويتي ،،
تصرف حكيم ،،
و بـ إنتظار الجديد ،،
خااالص التحااااياااا ،،
للدموع إحساس ،،

[آخر شقآوهـ ..~]

لآآآ والله يآلغلآ منتي غلطآآنه
الغلط غلطهآ ..
وردك كآن بأسلوب لبق
مآنطيتي عليهآ وشتمتيهآ <0000أخلآآآق فديتك..
وكل التبريرآت اللي ذكرتهم مآيدخلو المخ !
هسآلفه دكرتني بسآلفة الخآطرهـ : (
مبروك غنآتو أخذتي حقك
ننتظر جديدك قلبوو
تحيآتون
ضحكوهـ البطه

[عوامية صفوانية]

زين سويتي فيها خيتو اموووره وعين العقل
وتستاهل كل اللي يجيها وخلها تزعل بالطقاق :mesb: هع هع

اسمحي لينا شكلها انقلبت الصفحات الحاليه الى ابراء الذمه وآخذ الثار من اللي ينسخو شي مو تعبهم وينسبوها اليهم دون استئذان بجد الوضع يقهر ويحز بالنفس :angry:
الله يعطيش العافية ما قصرتي صج قدها وقدووود

وما اقول الا الله اقوى على الظالم من هيك عمايل
( انقلبت مصري لو سوري هههههه )



وننتظر البارت بفارغ الصبر
والله يساعدش غاليه

[الــــنـــاري]

عجبني ردش امورة
وهم شي انك تاخدي حقك

للاسف النقل صاير عادة عن الناس
حتى المواضيع في كل المنتديات نفسها تقريباً
الا مارحم ربي ورزق المنتدى بأقلام ذهبية
تكتب من بنات افكارها

انا مابغا اعقب على الموضوع واجد لان هذا مو كان حل مشاكل او ماشابه
والمهم الحين انك اختي حقك
وزي ماقلتي ماضاق حق وراه مطالب

[الــــنـــاري]

خيتو اميرة
اتوقع لو احد بيطلب نسخها << انك مابتعارضي صح
وتوقع لو احد نسخها من دون علمك وكتب انها من قول من شبكة الناصرة
او كتب بقلم المبدعة اميرة المرح << ايضاً مابتعارضي
يعني ماحد ليه حجة عليكي
بنتظار البارت خيتو

[الــــنـــاري]

كًأأأنهـ بآآآآآآآقـ ي شـ ـؤوي وأذّن
لحين ماجابو الفلم
<< شكله قيد الانشاء
بالانتظار خيتو على احر من النعس

[زهرة القلوب]

كيفيش خيتو وكل عام وانت بخير
شكل القصه روعه كاالقصتين السابقتين
ان شاء الله اقراها في اقرب فرصه
وانتي ماغلطتي ولاشي اخذتي حقش بايدش
وموفقه لكل خير
تحياتي
اختك زهرة

[Princess]

مرحبا
يعطيكم الف عافيه
وتسلمو على الراي والوقفه .. لا عدمتكم..
خيو الناري.. كلامك صحيح.. بس مين اللي شفته استأذن..؟؟؟
ولا احد.. !!
تجيني اخبار النقل صفعات.. الحين ذكرو منقول .. اما اول روايه لي صدت واحد ماذكر منقول وعلى انها له يعني سرقه ادبيه بحته.. بس ويش تقول .. بيني وبينهم الصراط يوم القيامه.. والله حسيب..
زهرة القلوب.. ياهلا بهالطله نورتي ان شالله تعجبش مثل اللي سبقوها..
وتركيز اكثر ياجماعه
الجوال اللي يرن كان لعلي لما تضايق من ريما وسكر عليه الباب .. مو لأشرف..

وعذرا على الغلط المطبعي في اخر الجزء تم تعديله مع بداية هالجزء..

تفضلوو.. وعذرا عالتأخير << نامت و توها قاعده :toung::embarrest:..

[Princess]

الحلقة 42



على منامه .. جواله .. كان يولع ويطفي .. يعني مكالمه او رساله
راح له.. لقى مكالمه من رقم غريب .. وشوي رساله فتحها... وقعد يقراها ...
وهو منصرع... وقعد على منامه .... وعلى طول اتصل بالرقم...

رد عليه مصري..
ــ ايوا..
علي بأستغراب:
ــ مين معاي..؟؟
المصري:
ــ اهلا .. معاك الدكتور محمد .. انت علي؟؟
علي : ــ ايه... ويش صاير اشوف رساله عرفت انها من شخص اعرفه ويش السالفه..
ــ تأدر تقي مستشفى الـ... اصل امجد متنوم عندنا وعاوز يشوفك..
ــ خير ان شالله.. عساه خير...

سكر علي وفي باله مليون الف سؤال... ياترى حميد من متى في المستشفى .. والحين ويش فيه هل حالته رجعت .. وويش يبغى منه .. و و...

قطع هالتفكير صوت بابه يطق ... دخلت ليلى....
ــ ويش فيك ياخوي هربت لهالمجلس...
ــ من اختش وهدرتها الفاضيه..
ــ ايه سمعتها اني..
وقعدت جنبه وبهداوه..
ــ صارحني غناتي.. انت ماتبغى زينب.. ما هي في بالك... البنيه مانبغاها تفكر فيك زياده.. علمني ريح روحك وريحها..
علي بتوتر:
ــ بالصراحه.. ايه.. مابغاها.. بس ساكت على شان امي و خالي .. وكل مره اقول الله يحين اليوم اللي ما بسكت فيه وباقول .. بس مانا عارف .. خصوصا انكم مصورين لي انها متعلقه فيني .. والله زينب مافيها عيب .. بنيه اخلاق وذوق و فوق هذا جمال.. بس انا احس نفسي اخوها .. مانا حاطنها في بالي زوجه الله يوفقها ويسعدها مع غيري.. مو عارف ويش اقول .. وخايف لا اجرح مشاعرها ..
ليلى ./
ــ لا ياخوي هذا حقك مافي شي غصب.. وزينب خليها علي اعرف ليها.. والله ان شاء بيوفقها ويا ولد الحلال اللي يسعدها...
ــ يارب ياكريم.
ــ مممممم فيك شي غير سالفة زينب.. اسمح لي يعني قبل لا ادخل سمعتك وانت تكلم جوال .. ويش صاير .. اذا ما يضايقك اعرف ..؟؟
ــ لااا شدعوه غناتي انتين الغاليه و اللي مالي غيرها تسمعني..
وبخوف وقلق..
ــ حميد.. سالفته سالفه..
ليلى بدون شي ما تطيقه بعد من درت به سبب رمية اخوها بالحبوس زادت عليه..
ــ ويش فيه دا بعد..؟؟
علي شارد ذهنه..
ــ اقول لش سااالفته سالفه.. بالمستشفى الحين هو ويبغى يشوفني..
ــ ياساتر ويش فيه..؟؟
ــ تدري انا بنفجر باقول لش سالفته كلها..
ــ سلامتك ياخوي .. فضفض قول..
وصار يقص ليها قصة حميد من اولها....



ام علي ..
ــ وين اختش واخوش..؟؟
ريما :
ــ وينا بعد في المجلس .. مسوين اجتماع مغلق..
ــ هههههههه يالله تحفظهم وتخليهم لبعض
ريما بدلع:
ــ وتخلييني لو بت البطه السودا..؟؟؟
ــ ههههههههه .. استحي مو اني بطه سودا.. ولا يهمش ويخليش ويهديش..
ــ كافره!!
ــ يؤ استغفر الله تشيه الهدايه بس للكفار..
ابو علي قاعد يعض في البطاريه حقت الريموت:
ــ اهوو تركيها عنش وتعالي شوفي لي بتري غير هالبتري تكسرت ضروسي ولا هو راضي يشتغل
ام علي وهي تدور بطاريه :
ــ الا مين المتصل مكحين؟؟
ريما:
ــ ايه صح.. ساره متصله تعزمنا على العشا جلسة بنات ليلة الجمعه.. وتالي علا بتجي الليله بتزورنا..
ام علي:
ــ حلاوتهم هالبنات .. يالله تحرسهم وترفع حظهم..
ريما : ــ تشيه طايح؟؟
ابو علي:
ــ هههههههههه ويش عرفش .. دي للي مو متزوجات هالدعوه..
ريما : ــ يعني الرجل يرفع الحظ...؟؟
ام علي :
ــ ياربي بتقعد تحقق في هالدعوه لبكره.. خلاص اسحبها ..
ريما : ــ ههههههه احسن لأنها مادخلت مزاجي..
ابو علي:
ــ ياساتر على مزاجش... يللاااا يا ام علي وين البطاريه
ام علي في ايدها ثنتين:
ــ حصلت ثنتين جرب
جربهم ما اشتغلو..
ابو علي محمق:
ــ اهوووو روحي اسلقيهم
ريما تسخر:
ــ بجينا تسمم الصفاري كلها بطاريات
ابو علي يضحك وبسخريه اعظم منها:
ــ بلاش ماتدري امش مخصصه صفريه بس لسلاق البتاري
ريما : ــ هههههههههههههههههه ابووو البطررر
ام علي : ــ ويش مفكررره اجل...



تابع>>

[Princess]

عادل :
ــ امماااااه .. نعاااالي
ام عادل تخيط سروال عادل المنشق:
ــ ويش فيه بعد .. ياربي ماني عارفه شيفا ارقع لك هالسروال
عصبت ام عادل وشقته زياده..
ــ خله بيز امش فيه الزيوت في المطبخ..
عادل شهق شهقه..
ــ ووووووووووووووووويلي سررررواااالي .. واااسروااالااااه
ام عادل فتحت عيونها..
ــ وااكفاااه .. وااادستاااه.. استح على وجهك واعقل..
ــ ههههههههههه نعععااالي خيطيييه..
ام عادل بأستياء:
ــ خراز قالو لك اخيطه.. روح لا اساطر بك.. ويش فيه بعد..؟؟؟
ــ شوووفيه فااااتتتح بوووزه..
ــ هههههههههههه غربال... ارميه وبكره اشتري لك جديد..
ــ وووويش يصصصبرررني لبكررره تبغيييني ما اطلللع لا المغرررب ولا اللليييل..
ــ اركد شوي وايد عليك طفرات..
ــ اوووووووف .. اففففااادي بصصصصاااالللوووونه
ام عادل بأستغراب:
ــ ياسااتر .. توك متغدي ويش جيبها على بالك..
ــ افففاااادي فيييهااااااااااا
ــ ياعلي .. اشك في بطنك دود.. بلع بلع ولا انت راضي تتغير..
ــ احسسسديييني
ــ هههههههههههه ويولوموني فيك...
عادل يكمل الجمله بهدوء وانكسار..
ــ ويقققوولوو مينننووون وما افهههم..
ام عادل عورها قلبها على ولدها..
ــ وعلى قلبي امي.. سيد الفاهمين انت .. الله لا يحرمني منك.. الفلاجه فيها صفريه صغيره فيها صالونه اصخنها لك ولا يهمك..

صختها له وحطتها في طاسه ويا الخبز
وهو يطالع تلفزيون... ما سمعته الا يتغزل في الطاسه..
ــ طاااسه.. بطاااااطسه فيها غطااااااسه.. ولححححمتووون .. كوسااايتووون .. امااااااااه مافي ابو العبييييييد << يقصد الباذنجان..
ام عادل تفهم لولدها :
ــ خلص ياولدي..
ــ اووهوووووووو احبه اناااا.. افففففف.. خساااااااره...

شوي رفع الطاسه وصار يشرب..
ام عادل:
ــ خنااقه تشيه شوربه..
ــ اككككككلت ككل الخضررره باقي المرررق ..
ــ ويلي على بطنك ويلي ..
ــ اررروح الحمااام وخلللصصصت السااالفه
ــ ههههههههه غربال..


ليلى :
ــ يالله.. قالت لي زينب ..و ماصدقت.. كل هذا صار له وساكت كل هالسنين.. الله عالظالم.. ماني قادره اتصور..
ــ زينب اكيد جاسموه قال ليها... شفتي ياخيه.. انا كاسر خاطري بنفس الوقت الومه.. مو عارف اوصف مشاعري ناحيته..
ــ دنيا قاسيه.. والأقسى انه يطلع من البذر الخبيث ثمر طيب يعاني ويقاسي دعاوي الناس وكرههم وياخوفي تطلع فيهم الحوبه..
علي مو فاهم..
ــ مين تقصدي؟؟
ــ ايه ياخوي.. ولاد ابو مالك.. مافي منهم.. مالك وعلا وقفو ويانا وقفه وانت غايب مايوقفها أي واحد.. وماقصرو..
ــ والله !!
ــ ايه وربي يشهد.. وحتى الحين مرت ابوهم خوش انسانه.. الله عامي على قلب ابو مالك ياليت لو ينهدي ويتغير حاله..
ــ لو بيتغير تغير ..
ــ انك لا تهدي من احببت ولكن الله يهدي من يشاء..
ــ والنعم بالله.. المهم ياخيه باقوم الحين ببدل وباروح اشوف حميد واخباره وويش فيه بالضبط..
ــ خير ان شالله.. رجعتك لينا جيب وياك عصير بتجي الليله علا..
ــ ان شالله.. ذكريني لكن يمكن انسى..
ــ زين..


علا تكلم امل جوال:
ــ اخباااركم وحشتووووووووني ويش مسوي سجاد..؟؟
امل في امريكا:
ــ الحمدلله انتون اكثر .. هذا احنا نخلص اجراءات وتحاليل وان شالله كم يوم ويقررو موعد العمليه وعساه خير..
ــ ياارب خيرر تسلم عليش سوسن ..
ــ الله يسلمش وياها من الشر سلمي عليها انتين بعد
ــ يووصل .. يللا مع السلامه و سلمي على حسين وعلى سجادي..
ــ يوصل غناتي.. الله يسلمش..

سكرت علا ..
والتفت على سوسن لقتها غافيه.. تنهدت وفي بالها..
ــ ربي مايحرمني منش ويسهل عليش..
الا جوال سوسن يرن .. وكان صامت...
انتبهت علا لقته هشام..
مكالمه.. مكالمتين .. ثلاث..
شوي رن جوالها في ايدها.. طلعت به بالسرعه من الغرفه لا تقعد سوسن.. الا هو هشام..
علا في بالها:
ــ ويش فيه هذا.. لويه متصل .. ياربي كنه مصخها..!!
قفلت في وجهه
..هشام انصرع..
ــ ياربي ويش فيها اختي ودي كل ما تعطيني وجه ويش مسوي ليها..
شوي صار يفكر في باله..
ــ كني مصختها.. بس والله مو قصدي خايف على اختي ومين اللي يطمني عليها..
ابليس يلعب في راسه..
ــ بس بعد تبغى تسمع صوت علا .. وتسأل عن اخبارها.. لا تنكر..
صار يتعوذ من الشيطان.. فتح رساله جديده وكتب..
ــ اسف على الأزعاج خيه بس ويش فيها سوسن ماترد هوستني عليها متصل ابغاها اذا هي وياش..
وارسل الرساله..
علا في الصاله قعدت ويا عمتها سميره.. الا بالرساله جايه..
سميره تطالع في علا انتبهت ليها وهي نازله من الدرج جوالها يرن وتالي سكت شكلها عطت المتصل بزي والحين رساله.. وملامح علا مهي طبيعيه وهي تقراها.. وصارت ترد على الرساله..
ــ ياهلا ياخوي.. سوسن مافيها الا العافيه بس نايمه وجوالها صامت..
ورسلت له...
سميره بدت تضرب شكوك وبليس يلعب في راسها..
ــ الله يستر منش ياعلوه ويش وراش ..؟؟ وويش سر هالمكالمات وهالرسايل..
علا حطت جوالها على الكنب وقامت..
ــ باسوي لي عصير ليمون تبغي اعصر لش وياي..
سميره ماتبغى بس تبغى علا تطول لغايه في نفسها:
ــ ايه سوي لي..
راحت علا المطبخ بتسوي..
سميره خطفت الجوال بتفتحه تشوف ..
الا عليه قفل وكلمة مرور..
سميره بقهر:
ــ لاااااااا السالفه فيها ان.. لويه قفل بعد.. هين ياعلا .. ابوش يبغى له يتصرف وياش قبل لا تكبر السالفه... وتسوي لينا فضايح..

ام مؤيد..
ــ ياولدي فكر.. عندك هالشهر صفر الحرام .. اول ربيع بنروح نخطبها لك..
ــ اماااه مو جاي على بالي وكل مره تجيبو لي وحده ورايي واحد ما اغيره..
ساره:
ــ دي ياخوي غيرهم كلهم.. دي ظروفها زي ظروفك.. انت فقدت مرتك.. هي فقدت خطيبها.. ثنينكم بتفهمو مشاعر بعض ومتأكده بتحبو بعض.. ليلى مافي منها .. بنيه اخلاق وذوق والتزام .. ونعومه وشطاره .. ربة بيت و عقل .. والله ما تتعوض ولا تتلاقى بسهوله..
مؤيد ساكت..
ام مؤيد..
ــ هي بتجي يوم الخميس ويا اختها .. قلنا ليهم عزومة بنات على شان لا يستحو.. بنخلي ليلى في المجلس شوي لحالها ويا اختك وباخذ اختها وياي دقايق .. شوفها من النافذه نظره شرعيه ..
مؤيد فتح عيونه:
ــ تشيه حرااامي..!! مو حراام؟؟
ــ لا ياولدي مو حرام.. اذا نيتك خطوبه مو شي ثاني.. بس طله احسن من تالي ماتعجبك اذا شفتها وهي تدري وتجرحها بتغيير رايك..
مؤيد: ــ مابغى اشوف شي .. ولا شي .. وخلوني بحالي..
ام مؤيد صارت تصيح:
ــ على شان خاطري.. خليني افرح فيك.. ياولدي ماعندي غيرك سند بهالدنيا.. والبنيه مايعيبها شي .. فكر داخله عليك بالله ومحمد وعلي..
ــ يااااااعلي امااه.. تجبريني بهالكلام اسوي شي فوق طاقتي
ساره:
ــ لافوق طاقتك ولا شي.. فكر ياخوي.. هذي مو زي البنات اللي تلاقيهم لك ناديه.. ناديه يهمها الشكل اكثر من الجوهر .. وربي مابتندم .. بس فكر..
مؤيد يبغى يغير السالفه:
ــ الا ويش اخبار ناديه..؟
ساره: ــ ياعلي منك.. متحايل وتعرف كيفا تهرب.. الحمدلله .. الله يعينها على شغل رجلها والبٌعد.. ويساعدها على الثنائي المرح..فكر ياخوي تكفى زين..
مؤيد يرجع يهرب من الموضوع:
ــ وحشتني جوودوو خبري بها من اسبوع ..
ام مؤيد..
ــ ياغناتي .. الله يخلي الباسنجر حقكم ..
ساره : ــ الماسنجر اماااه..
ــ ايه.. حلاوته يخلينا نشوفها ونكلمها... تشنه جني
مؤيد: ــ ههههههههه العلم يسوي الهوايل يمااه..
ساره تطالع في مؤيد على جنب: ــ اقوول.. فكر بس فكر..
مؤيد ابتسم:
ــ عساه خير..

تابع>>

[Princess]

ناصر يفكر في كلام عادل وكل شوي يضحك ويا روحه..
ــ والله منت هين يابو شريف..
ناصر يحوس في جواله وجايتنه الحومه.. ابتسم بخباثه..
ــ خلني اتعيلف..
كتب رساله ورسلها لأشرف..
اشرف منسدح على سريره ويفكر في كلام عادلوه وكيف متغير عليه.. وفي جاسم اللي طلع بهالمصيبه .. وفي زينب اللي لحست مخه.. مو عارف يفكر في ويه لو ويه.. الا بصوت المسج..
فتحه ..
ــ هلااا روميوو... ويش عندك الليله؟؟
اشرف رفع حاجب وحاجب وبأستغراب.. اتصل على ناصر..
ناصر: ــ هلااا روميووووووو
اشرف : ــ هلااا ماعندك رصيد..؟؟ وروميو ويه.. روميو في عينك..
ــ هههههههههه لا عندي .. بس قلت اتعيلف برساله..
ــ وجهك.. ماعندي شي .. ليش ويش ناوي؟؟
ــ بنسهر في المزرعه.. ما بتجي ويانا.؟؟
ــ مادري بس ماتوقع..
ــ ايه يارووميووووو اللي ماخذ عقلك..
ــ ناصروه ووجع.. ويش فيك..
ــ احم.. ولا شي .. الله لينا.. يعطينا مما عطاكم..
ــ لا حول الله.. ما تتكلم عدل؟
ــ ليش مقلووب.. ههااااااااي..
ــ بايخ..
ــ ادري .. مالك خلقي الحين.. اخليك ويا افكارك
اشرف حاس ان ناصر عارف شي من كلامه مبين..
ــ ناصروه.. ويش سالفتك؟؟
ــ خخخخخ اسال عادلوه..
ــ اهاااااااا.. حسبي الله عليه.. لا تصدقه ترى شداب..
ــ ليش ويش قال على شان اقول عنه شداب..!!
ــ هااا...
ــ ههههههههه اقول روح نام واحلم بس ياعنتر
ــ عنتر في عينك ..
ــ هههههههه روميو وما تبغى عنتر وماتبغى ولا يهمك يا قيس بن الملوح
ــ لوح اللي يلوحك فارق بس يللا .
ــ ههههههههههه افااا .. قالوها من شاف احبابه نسى اصحابه..
ــ ناصررررروه..
ــ ههههههههههه يماااااه يالبع بع,, خلاص خلاص .. باي نشوفك على خير..
ــ باي..
سكر اشرف الجوال ورماه على جنب..
ــ هين يا عادلوه.. سويتها فيني.. ماعليه اراويك..



في المستشفى...
دخل علي على حميد اللي كان في وضع شبه حرج..
ــ عطاك الله العافيه..
حميد من شاف علي قام بيقعد..
علي يمسكه ويسدحه..
ــ لالا خليك مرتاح..
حميد بنظرات حزينه تكسرها ابتسامة فرح..
ــ هلا فيك ياخوي.. كنت حاس انك مابتردني وبتجيني..
ــ افا عليك مهما كان.. اخبارك الحين ويش فيك.؟؟
ــ زي ما انت شايف .. رجعت حالتي ..
ــ الله يفرجها.. الله كريم..
ــ يارب..
حميد وبصوت متقطع ..
ــ علي .. طلبتك...
الى الملتقى

[للدموع إحساس]

صبـــــــــــــــــــاح الخيرآآآآآآآآآآت ،،
ياعلي خيووووهـ ،،
حممممممممممممممممممممممممماس ،،
ما عندي صبر ،،
و اللهـ حلاة بيت أبو علي اللهـ يديم عليهم الراحهـ ،،
أقول مؤيد يااللهـ حيهـ ،، << وأخيراً بـ تنفرج ،،
و مالكـ متى بيرجع ما خلص دراسهـ لهـ ؟؟!
و ناصروهـ ،، تصقع إبليسهـ ،،
بس لو أني و ياهم كان أمسكـ شراشف مسكهـ عددددلهـ ،، هع هع
و حمييييد وش بيطلب من علي ؟؟!
معقولهـ بيقول لهـ يروح يكلم أخوهـ أبو مالكـ ؟؟!
بـ الأنتظار على أحر من الجمر ،،
و يعطيكـ ربي ألف ألف عاااافيهـ ،،
و عســـــــــــــــاكـ عاالقوة ،،
خااالص التحاااياااا ،،
للدموع إحساس ،،

[المتحير]

روعة روعة روعة روعة

[المتحير]

الجزء رووووووووووووووووووووووووعه

وعادلوه خخخخخخخخخ انعالي فتح بوزه<<<<<<<<<جوعان خخخخخخ

وش صاير ويا حميد<<<<امجد<<<<<ما احبه

ويعطيك العافية

[إيقآعآت قلب]

http://m002.maktoob.com/alfrasha/up/53003779273237644.gif

گـ نسمةِ ـآلهوآء ـآلطـلقِ
وبحـور هآجت مع ـآنيهـآ
گِتَآبَآتِگِ..]~

أميـــرة المرح//
گــنت أتآبع بهدوٍِوٍِءٍ خ ـلف الگـوآليس
ولگـني لم أستطـع الوٍِقوٍِف في الخ ـلف
ح ـتى قررت أن أسج ـل في هذآ الصرح وأبدي رأيي ,,

گـلمه بسيطـه//
صحيح أن شبكة الناصره لا تدعم خ ـآصية النسخ
ولگـن المتــصفح فآيرفوٍِگـس يفع ـل ,,

//
\\
//
أنتــظرُ الج ـزء الج ـديد
لآ تطوٍِلي ع ـلينآ,,
http://m002.maktoob.com/alfrasha/up/53003779273237644.gif

[كبرياء]

حميييد بيمووووووت ويبغى يوووصي علي آآآآه يآآقلبي عليه
و مؤيدوه خل يآخذ ليلو ثنينهم لآيقين على بعض <<-- نكد × نكد هع هع نحيسه ههههههه
و شرشفووه أنفضح هآآع والله يستر ...
ههههههههه والجزء حلوو مررره
بس عااد لآ تذبحي حميد <-- بتضربها صدمهـ عـآطفيه أن مات
يسـلموو على الجزء الروعهـ ..
يعطيكـ ربي ـألف ـعـآفيهـ ..
لآعدمـ ..
ـكبرـيآء

[Habit Roman]

ووووووووووواو جزاء جدا رائع

الله يديم الفرح على بيت أبو علي
ويغربل ابليس عادل الفضيحة فضح الرجال
وناصر ماتوقعته فكاهي للهدرجة خخخخخ

تحياتي عزيزتي
بالانتظار

[أحبك ياغلا عمري]

جزء حلو وننتظر البقيه

[الــــنـــاري]

روووووووووووووووووعة ابدااااااااااااااع اميرو

مسكين روميو<< شرشفي >> فضحه الخبلة عدولة
اتوقع مؤيد بواقف على ليلى وبصير من نصيبه
وعلي بياخد علا ومادري ويشو مابغا اسبق الاحداث

خيتو امير زي ماقالت اختي ايقاعات قلب
الفايرفوس يسوي بلاوي << مافي شي ممنوع عنده
وهو ريح في السرقات ودي الحركات الحلوة

يعطيك ربي الف عافية ونتظار البارت اليديد
لاطولي علينا عاد
<< مو تجهزي الجزء وتنامي زي اليوم الفجر
خليتيني انتظر لين فطست وقمت نمت ~_~

ـ،،،ــ ـلآآآآآمــ

[سفيرة الاحلام]

جزء حلوه بالمره

ومؤيد يناسب ليلى عجبتني حركه النظره الشرعيه

ومسكين اشرف الله يعينه

وان شاء الله سجاد يمشي

لا هنتي على الجزء

بالانتظار

[دمعة على السطور]

الجزء عجبني مررررررررررره
بجد مبدعة ماشاء الله..

حميد بيموت شكله..
ومؤيد بيتزوج ليلى ..حركاااااااااات
وأشرف بيتزوج زينب..
وهذا هشام أكيد علا..
>>> احلفي عاد قلتي النهاية تفكري..


بانتظار الغد القريب..
يارب يوفقك أميرة ..
دمتي بعين المولى الجليل..

[الــــنـــاري]

امورة في اليوم بارت لو مافيه ؟؟

[إيقآعآت قلب]

إن شآآء الله فيــــه <~ وش هاللقافه بس :toung:
اموووور حبيبتي حااولي تجيبي لنا بارت اليوووم
<<~ مصالح عفر:blink:
نبي نشوووف حميدوو وش يبي من علي
أتوووقع يبيه يطالب بحقه عند ابو مالك
ومالك وحشني من زمان عن طاريه :smile1:

[Princess]

مرحبا
يعطيكم العافيه
كلامكم قاله لي اخوي اليوم اول مادرى عن نقل القصه
قال الله يخلي الفاير فوكس..


اليوم فيه بارت اعزائي بس مادري متى بانزله
هل الصباح..
الظهر..
العصر ..
المهم بينزل بارت..


يعني بالمختصر النعسان لا يواصل وينام


طلعت لي طلعه مفاجأه البارحه وتوي راجعه من نصف ساعه..
اسألكم الدعاء
دمتم بخير
وبحفظ الرحمن

[إيقآعآت قلب]

ويييي ونااااااسه
اني من شفت في رد على القصه ومنش لااا طفرت من مكانتي <<~ يلعن الحمااااااس
نستنااااه
ومشكووورة
الله يوفقش
وعساهااااا خير

[الــــنـــاري]

انا قوم انام ونشا ءالله الليلة او الظهر نشوف البارتات
والاهم انك ستانستي في الطلعة المفاجئة وروقتي

تمسنو على خير

[عوامية صفوانية]

يا الله خيتو أمووور
ننتظر البااارت
ونعرف ويش عنده حميدوووه يبغى علي

وعليش بالعافية بالطلعة وعساه دووووم بس اهم شي اتكملي القصه
اني عيدي ما طلعت للحين ما شفت باب الشارع هع هع

هع هع شكلي فيي لعانه اشارك الحين عشان اوريش وسام المسابقة هههه

يسلمو اميره ننتظر الوسام اااا اقصد البارت ههههه من لخبطتي وفرحتي به ههه
لا عدمنا جهودش غاليه
والله يعطيش العافية

[واحد فاضي]

متابع من بعيد لبعيد

سآئني ما قامت به الأخت من نقل القصة

وبس حبيت أقول ليها كلمة وبالعامية بعد

دام انش ما قدرتي تستأذني من كاتبة القصة بأي طريق كيف تحللين لنفسك نقلها بدون أذن

حتى لو لم تفعل عضويتك في منتدانا فهناك الف طريقة

الاتصال بنا >>>موجود ...وموجود إكسترا بعد

بصراحه ...شين وقوة عين بعد


ترى السرقة سرقة >>>أدبية >>فلوس >>>غيره

خيتي نصيحة بدل ما تعصبي روحش وتكابري على اللي سويتيه

إطلبي السموحه لما فعلتيه

فالأخت أميرة المرح لم تطالب الا بحقها الشرعي

إنتبهي ورائك حساب وعقاب وثواب ...في يوم لا ينفع مال ولا بنون


خيتي أميرة المرح واصلي إبداعك ....واصلي

ترى بنسوي الش مظاهرة في المنتدى لوووول

فمان الكريم

[الــــنـــاري]

آآآآخيراًأُ وصلت اميرة
يعني بعد اشوي بجي البارت
بس انا بطلع << بروح وبجي سريع عجل ^_^
بنتظارك خيتو

[Princess]

مرحبا..
تسلمو لي من كل مكروه.. ايقاعات قلب.. ربي يحفظش حبابه ودوم هالحمااس ..
والف مبررووك خيه عواميه تستاهلي يالغلا..
خيو واحد فاضي.. شفت ياخوك.. رغم اللي سويناه طلع فاير فوكس اقوى منا.. الله كبيرر وما يضيع حق.. اني مايهمني لأني عرفت اتصرف واخذت حقي والحمدلله انحذفت هناك.. وراح يكون هذا تصرفي مع اي احد يحاول ياخذ شي مو حقه تحت غطاء المنقول .. مادري ويش يستفيدو يعني اني لو ابغى انشرها نشرتها في كل مكان ولا عاد الجوالات مو بس المنتديات..
بس اني هيك ابغاها حصريه في اماكن معينه ولي الحرية في هالتصرف..
تسلم خيو عالوقفه وربي لا يخلينا منك...


يللا وصلنا بالسلامه.. هههههههه لا يحرمنا الله من حركتااتك يالناري وتعليقاتك...
ثواني وينزل الجديد

[Princess]

الحلقة 43






حميد وبصوت متقطع ..


ــ علي .. طلبتك...


علي بأستغراب:


ــ عطيتك...!!


ابتسم حميد ابتسامه حزينه:


ــ احس ايامي خلاص قربت تخلص..


علي يهدي فيه:


ــ بعيد الشر عنك .. ربي يطول عمرك


حميد :


ــ لا فعلا .. مادري متى الله ياخذ امانتي.. باطول على هالحاله ايام .. ويمكن شهور... اللي ابغاه منك.. تكون قريب مني هالفتره... تحسسني بوجودك.. خليني احس ان لي احد في هالدنيا.. واذا متت.. يحضر دفني .. ويوقف على قبري .. يترحم لي ويقرا لي الفاتحه.. مابغى اموت موتة غريب...


علي ملامحه تغيرت وبدا عليها الحزن الشديد.. وبهمس مختنق:


ــ السلام عليك ياغريب كربلاء... خلاص ولا يهمك ياخوك.. لك اللي تبغاه..


حميد مد ايده ومسك كف علي وضمه بالقوه..


ــ لا حرمني ربي طيبك .. سامحني .. من قلبك ابغاك تسامحني..


علي بأبتسامه صادقه ونظرات عيونه تشهد..


ــ سامحتك.. والله كريم ..




سالت دمعه من حميد.. كانت احر دمعه واصدق دمعه يذرفها في حياته.. وهو يحس بهالأحساس.. يحس بحقارة نفسه ودنائته على اللي سواه في صاحبه الوحيد..


بلع ريقه بصعوبه وبصوت متقطع:


ــ ايه استريح .. وقول لي ويش اخبارك ويا الدنيا..


وقعد علي يسولف مع حميد...




في الليل علا مع ليلى.. والفرح عامر..


ليلى : ـــ ماجت وياش سوسن لويه..؟؟


ــ تعبانه هي هالفتره.. وهشام اخوها يبغى يطلع وياها من زمان ما شافها.. وصلوني وراحو.. تسلم عليش واايد.. وتتحمد على سلامة علي..


ــ الله يسلمها.. اهاا هذا هشام اللي رد علي ذاك اليوم..


علا بهداوه و خجل واضح..


ــ ايه..


ريما لاحظت.. وصارت ترقص حواجبها...


ــ ياعيني .. ياااعيني..


ليلى تطالعها على جنب:


ــ استحي عيب..


علا وجهها صار احمر..


ريما:


ــ هههههههه استحي ويه.. الوجه مبين من عنوااانوو.. الله يوفق لنصفق..


علا :


ــ ريموه.. استحي..


ليلى :


ــ باساطر بها..


ريما : ــ هههههههههههههه زين خلاص باقوم عنكم اصلا


ليلى : ــ احسن...


ريما : ــ مالت .. طرده هي يعني ... احمدي ربش مسلسلي الحين وقته.. والا شان ماقمت لو ويه...


وطلعت ريما الا بدخلة ام علي المجلس..


قامت ليها علا.. تسلم عليها وتتحمد ليها بسلامة ولدها..


ام علي :


ــ ياهلا فيش ياغناتي والله يسلمش ويحفظش .. ويبلغنا فيش.. شحوالش وشحوال خالتش امل ..


ــ الحمدلله بخير.. وخالتي تسألكم الدعاء سافرو امريكا بيسوو عملية لسجاد..


رفعت ام علي ايدها:


ــ يالله تبلغهم مرادهم وترجعهم بالسلامه..


ليلى وعلا بنفس واحد.. ــ يـــــــــارب...


ام علي :


ــ اخذي راحتش غناتي.. ويش اخبار مرت ابوش.. ماجت وياش..


ــ الحمدلله تمام.. وياها اخوها,,, تسلم عليكم..


ــ يعني.. الله يسلمش وياها من الشر سلمي عليها انتين بعد ...


ــ ان شالله يوصل ..


ــ خذي راحتش غناتي البيت بيتش..


ــ تسلمي ..




وطلعت ام علي من المجلس...


وصارو علا وليلى يسولفو..


الا بطاري سؤال ..


ليلى : ــ الا صحيييييح ويش اخبار المعرض؟؟ جى وقته مع طلعة علي...ومادرينا..


علا .. صارت تعلمها عن سوسن واللي صار فيها بالضبط....






عادل ...


ــ وووووففففففففففففف ابغى اطططططللللللللع


ام عادل:


ــ ويش اسوي لك ماعندك نعال وطلعه بدون نعال في هالنقعات وهالمستنقعات لا تحلم..


ــ مابدوووس عليهم..


ــ ايه تعلمني عنك..


ــ وففففففففففففف..


ــ اركد هااا..


ــ زهقققااااااااان...


ــ انا لله .. قوم نام..


ــ مافيني نوووووووم.. دجاجنا ماننننام انننااام انااا؟؟


ــ ياربي ويش تبغاني اسوي لك.. طالع التلفزيون..


ــ مااااافففففففي شي..


ــ عاادلووه.. ارركد... صخ.. عورت راسي..


عادل ولأول مره في حياته يسأل هالسؤال وبهداوه:


ــ امااه.. منهوو ابووي؟؟ ووين هوو؟؟


امه انذهلت منه..


ــ هاا...


ــ كككل واحد بالدددنيييا له ام وابوو انا حجي عباااسسسو مو ابووويي ويين ابووويي؟؟


ام عادل صارت تفكر شلون بتجاوب عليه...


ــ ابوك ياولدي.. زي حجي عباس


بعدها ماتكمل كلامها صرخ عادل


ــ وييييييعععععععععععععع هووووووووونت مابغااااااااااه


ام عادل مسحت وجهها ..


ــ يالله ترحمنا برحمتك.. خلي الميت بحاله وخلني اكمل كلامي لا بملاس الهريس اشلخ مخك..


ــ خخخخلااااص خلالالااااص


ــ هذا الماخذينه منك .. خلاص وخلاص.. ماعلينا ابوك مات الله يرحمه زي حجي عباس ..من يوم كنت صغير..


ــ شيفا مااات زيييه.. يعني فتح عيييوونه وقققال قلبي قلللبي وانفلت على ججنب؟؟


ــ هههههههه ياربي الهي سامحه عقله على قده .. يارب ترحم موتانا ياااارب.. عادلوه.. يوز عن اللعانه ها.. مات يعني ... يعني.... اهووو ماات يعني ثننيهم ماااااتووو..


عادل توه مستوعب ..


ــ اهااااااااا قققولي مااات وخلالالاااص شدددخل عببباااسسسو


ام عادل في بالها..


ــ يالله تكملك بعقلك و تغير حالك حسبالي ما بتفهم...


عادل يرجع يسال:


ــ يششششبه من ابببووي .. يشبهش لووو يشبهني.؟؟؟


فتحت عيونها :


ــ هاا.. يشبهني ويه بعد..؟؟. اخته قالو لك مو مرته... ما تشبهه انت.. تشبه المرحوم جدك.. ابوي ..


ــ اهااااااا اجل عرررفت.. اكيد ابوووي يشبه حجي عباااسوو


ــ علي يااااااعلي ادركنا.. لويه يعني قلت يشبهه؟؟


ــ لأنهم ثنييييييينهم عررررسو عليش


ــ هههههههههههههههههه ايه واني لا يتغير علي الوضع راح واحد قلت ابغى الفاني يصير نسخه كربون ..استغفر الله ياربي..


ــ يعععني ويه نسسسخه كررربون..


ــ يعني زيه بالضبط..


ــ اييييييييه يعني سيم سيم..


ــ هههههههههههه وتعرف بعد للهنووود..


ــ ههههههههههههه لاااااااا دي مو هنووود دي اساااسااا عنجليززززززززي


ــ اهااا عنجليييزي ومن وينا تعرررف مين اللي علمك؟؟


عادل ملامحه تغيرت وكنه مو طايق الطاري..


ــ اشررررفووو..


ــ ياساااتر عليك....





تابع>>

[Princess]

ليلى فيها فضول تسال علا عن سالفة حميد.. وياترا تدري به لو لا...

وبهداوه::

ــ علا بسألش سؤال

علا استغربت طريقة ليلى في الكلام.. وبريبة..

ــ تفضلي...

ــ انتين عندش عم اسمه امجد..؟؟

علا بأستغراب ::

ــ ايه.. لويه؟؟

ليلى قلبها يراقع مهي عارفه ويش تقول:

ــ لاا.. بس سمعت من اخوي انه يعرفه.. و ماعمري سمعتش تتكلمي عنه..

علا بأستغراب::

ــ يعرفه؟؟؟ ما شالله يذكره...!!!

ليلى باستغراب اعظم:

ــ لويش يعني..؟؟

علا:

ــ الله يرحمه مات من زمان في العراق خذته امه.. و ماتت هي بعد.. الا عاد اذا شافه ويعرفه وهو ياهل قبل لا يروح ..

ليلى جاها الكلام زي الصاعقه.. وفي بالها..

ــ حتى علا .. ماتدري .. ياربي أي قلب هو قلبك يابو مالك....

علا :

ــ ويش فيش ليلى..؟؟

ــ لا بس .. يجوز وهو يهال .. مادري...



وغيرت ليلى السالفه ...







عادل من الزهق قام يغني..

ــ ططططاااح الفاااار في الطححححين.. سسسسموووه عبدالررررحيم.. قققااالت امه... ويييييه وييييييه .. قال اببببوه عزززي عليه..

ام عادل ماقدرت..

صارت تدحن ضحك .. ضحك..

ــ وااااااااااااال بعدك تذكرررها...

عادل يضحك::

ــ اييييييه قولي مــــــــا شالله اول مررره اشششووف ام تحسد ولللدهااا,,, اذكرررها عدددل ما انااام الا اذذذا قلللتها.. تذكككري اماااه لول وانا صصصغير كل تقووليها لي..

ــ ههههههههههه ما شالله عليك عودت بالرحمن..

شوي اعترض عادل..

ــ بسسس لااااااااااااا ويشووووووو فار عبد الررررررررررررحيم عبدالرررررررررررحيم ابووو زنوووب ماااهوو فااار

ــ هههههههههههههه استغفر الله ربي مو لأنه بعد ابو زينب .. الله يخلف علينا لول نهرربد أي كلام وبس .. نبغاكم تنااامووووووو ... ايييه يالله ترحمنا برحمتك...



عادل:

ــ تدررري...

ــ ويه؟؟

ــ باااقوووم انااام..

ــ احسن لك...نومة العافيه.. غسل رجولك واسنانك.. وتغطى عدل..

ــ ان ششششالله...



انسدح .. وتغطى بالبطانيه.. حس روحه استحر.. قام يدور على شرشف ,, لقى له واحد .. كان عرضه اكبر من طوله..

رجع انسدح وتغطى.. غطى روحه بالعرض .. صار الطول قصير عليه.. ورجوله طالعه.. لكن العرض زاايد واايد من الجوانب...

حاول ينكمش بس مايقدر .. يبغى يمدد رجوله لحدها..

ويش يسوي... ويش يسوي..؟؟؟

طلع من غرفته لقى امه قامت غرفتها..

راح يدور له مقص .. حصله.. رجع غرفته ..

وصار يضحك..

ــ موو عللييي هالحررركااات الحييين اراااويك يااا شرشفووه..

هااا شرشفووه... هههههههههههه شششان زييين اقصصصصصصك...





تشييييييييخ...



قص الشرشف نصين من العرض...!!

انسدح وغطى رجوله بنص والنص الثاني بقايا جسمه....



وغفت عيونه.. ونام..

ام عادل قبل لا تنام لازم تطل عليه تشوفه نايم لو لا ,,,

تخاف يستغفلها ويطلع وهي نايمه..

دخلت شافت البطانيه مرميه.. وانتبهت له متغطي بشرشف وفي شي غلط في الوضع..

تقربت وحطت ايدها على راسها.. وفيها ضحكه بس بالعتنها وفي بالها..

ــ غربااال ياعادلوه ... ويش هالحل بدل لا تتغطى بالطول خربته لي وقصيته من العرض نصين.. عساااك السعاده..

تنهدت وبأبتسامه:

ــ يفداك ياغناتي.. عساني ما انحرم منك..







ليلة الخميس .. مؤيد جاينه ارق يفكر في حاله..

ــ لمتى انا كذا.. ولمتى بتظل امي تحاتيني وتحايل فيني وانا عنيد زي اليهال.. بعد لول جود ماليه علي الدنيا الحين راحت وشافت حياتها.. انا ليش ما افكر.. بتفهمني ليلى.. زي مافقدت انسانه غاليه علي هي فقدت انسان غالي عليها.. بتعذرني وبعذرها.. وممكن مع الأيام ننسى ماضينا و نعيش احلى مستقبل... يارب .. ساعدني..



ام مؤيد مع ساره .. عصر يوم الخميس يجهزو العشا لليلى وريما..

ام مؤيد مبرطمه من ولدها اللي مارد ولا فكر ومطنش الموضوع..

الخميس .. الساعه 8 ونص الليل ..

ساره مع ريما وليلى في مجلس بيت ابو مؤيد..

ريما بأستغراب..

ــ ماجى احد .. حنا اول ناس شكلنا..

ساره تسوي روحها ماتدري وهي ماعزمت احد غيرهم لغايتهم اللي ما حصلوها من مؤيد..

ــ مادري اغلبهم قالو يمكن ومو اكيد لأنهم ليلة الجمعه مرتبطين ..

ليلى : ــ اهاا..



ام مؤيد في صالتهم قاعده ومتأسفه حدها على ليلى ..

الا بطلعة مؤيد ليها من غرفته..

ــ قواش الله اماه..

امه بدون نفس:

ــ هلا..

مؤيد فهم عليها وفي داخله ضحكه:

ــ ويش فيه الحلو زعلان.؟؟!!

ام مؤيد مبرطمه ومهي عاطتنه وجه..

مؤيد ابتسم..

ــ واللي يقول لش قومي اخذي اختها و خلوني باروح اسوي اللي في بالش

ام مؤيد طارت من الفرحه وشوي وترقص .. قامت :

ــ من عيوووني .. احلف .. ماصدق..

مؤيد يمزح..

ــ ههههههههههههه يسلم عيونش .. هااا اهووون؟؟

ــ لالالا.. دقيقه باروح اخذ اختها ..

ــ زين...



راحت ام مؤيد .. ونادت على ريما..

ــ ريما امي .. تعالي ..

ريما مستغربه وليلى اعظم منها..

ساره ارتسمت ابتسامه عريضه على وجهها وفي عيونها فرحه عامره ..... فهمت الموضوع...




تابع<<

[Princess]

قامت ريما مع ام مؤيد.. اللي خذتها وياها غرفه وطلعت كذا قطعة قماش وتسولف وياها ..

ــ ايه يابتي .. سمعت ذوقش حليو قلت اخذ رايش ابغى اخيط لي فوب عند امش الله يخليها ومحتاره أي قطعة خام اخيطها

ريما عاد.. ما شي يفرحها كثر ما احد يمدح ذوقها لو جمالها.. ومره مستناسه تقلب في الأقمشه ومحتاره وتفكر أي واحد..



وبالمقابل ..

مؤيد.. طلع برى الحوش ..

لف لنافذة المجلس..

وصل ليها وقلبه يدق ومو عارف شلون يتصرف..

النافذه كانت مفتوحه بحكم الجو بارد..

وقف عندها و القى نظره..

ظل واقف محله... مبتسم ويطالع..

ــ ما شالله تبارك الله

ساره انتبهت لوجهه ورى الشبك.. جتها ضحكه بس شالت عيونها بالسرعه لا تنتبه ليلى ..

كانو يسولفو وينكتو وليلى تضحك ..



مؤيد بعده واقف تسمر محله.. عجبته نعومه ليلى بشكل .. وضحكتها ماقدر عليها..

و بليس اووووووووه... خلاص خلاه واقف مايتحرك وشوي بتصير مو نظره بتصير تبقق وتبصبص...



ساره مهي قادره على اخوها قامت وفي بالها..

ــ يااااارب .. هههههههه هذا اللي مو راضي .. لصق عند النافذه

وصلت للنافذه وبصوت عالي..

ــ الجو احسه بررد ماليها داعي هالنافذه تظل مفتوحه..

سكرتها ...

مؤيد تسند على جدار المجلس.. وابتسم..

ــ والله وشكلي باوافق...



دخل الصاله.. وتنحنح..

ــ يالله يالله.. امااه

ام مؤيد في بالها..

ــ مااااااابغى خوبلت البنيه كلما اختارت قطعه قلت متأكده مو تشنه دي احلى..

ام مؤيد..

ــ خلاص ياغناتي دي .. اخر كلام..

حطتها في كيس مع ثوب للموديل والقياس..

ــ هاش ويعطي امش العافيه ..

ريما:

ــ الله يعافيش.

ورجعت المجلس...

ام مؤيد قامت تركض لولدها وهي تتعثر..

ــ هااا .. ويش قلت..

مؤيد شالق بوزه من الأذون للأذون..

ام مؤيد بفرحه غامره..

ــ لعن الله يزييييييييد لو ما حرمة هالشهر شان جببت.. ياعساااني بالغه فيك برد الله قلبك وعوض الله عليك يااااااارب..

مؤيد باس راس امه.. ودخل غرفته..



ورجعتهم ليلى و ريما البيت..

ليلى مستغربه من ام مؤيد لويش نادت على ريما يعني..

ريما تدلع:

ــ تقوول ذووقي حليوو ويعجبها وخلتني اختار ليها..

ام علي تضحك..

ــ ايه عليش بالعافيه..

ليلى ساكته.. وفي بالها..

ــ يعني اني اللي ذوقي ويع...!! لويش ماجابت القطع وخذت براينا كلنا.. اسكت لا تفكرني ريمو غيرانه..



طنشت ليلى الموضوع.. وماطقت له خبر..





ويمر هالشهر.. شهر صفر,,

و ابو مالك.. خلاله عايش ازمه نفسيه حقيقيه...الحلمه صارت عاده يشوفها في اغلب الليالي... انتحل جسمه وحالته صارت حاله....

قرر اخيرا يروح لشيخ من الشيوخ...





الشيخ:

ــ اللهم صل على محمد وآل محمد.. يا اخي الكريم... هالحلمه ماليها تفسير الا انها نتاج عملك... في عمل بالأحرى اعمال سيئه حلت عليك بسببها غضب الله فطلعت لك في الأحلام ...

اما عن كونها ليش تأخرت هالأحلام وتوك تحلمها.. فالله العالم انها نذير لك بوقوع مصيبه.. اكثر من الصلاة على محمد وآل محمد.. ومن الصدقات.. وارجع الحق لأصحابه... والله يخفف عنك كل عذاب ويحفظك من كل مصاب...

ابو مالك طول ما الشيخ يتكلم..

وهو يربط بين احداث الحلمه واللي شافهم فيها وبين اللي سواه فيهم في الواقع..

يحس نفسه حرااان رغم برودة الجو.. وعرقه يتصبب من جبهته...

عطاه الشيخ كم دعاء يقراهم قبل النوم.. ووصاه على سورة يس لطرد الأحلام المزعجه و سورة مريم للأمن من الخوف..



طلع ابو مالك من عند الشيخ ودقات قلبه تتسارع.. ومهو عارف ويش يسوي...



وفي بيتهم..

علا قاعده مع سميره في الصاله.. سوسن كانت تسبح...

رن جوال علا .. كانت ليلى متصله بجوال اخوها..

علا خزنت رقم علي بأسم ليلى..

من رن الجوال بعفويه علا .. قامت المطبخ,,,

سميره في بالها..

ــ لاااااا الوضع ما ينسكت عنه... لااازم اقول لأبو مالك..



الا بدخلة ابو مالك وهو متوتر..

سميره لا احم ولا دستور.. على طول قامت له..

ــ الحق ياخوي الحقق..

ابو مالك انصرع توه سامع كلام يخوف من الشيخ على احلامه..

ــ ووووووويششششششش صاااااااااير؟؟؟

ــ روح علا في المطبخ.. اني صرااحه مو عاجبتني المكالمات اللي تجيها.. رووح وشووفها مين تكلم على كل وقت..

ابو مالك بلا وعي راح المطبخ .. دخل الا علا مخلصه المكالمه ومسكره.. كانت ليلى تسألها عن امل ويش صار عليها وعلا ردت عليها انهم سوو العمليه لسجاد وباقي علاج طبيعي لمدة اسبوع وان شالله خير....

ابو مالك من شافها سكرت الجوال عصب فيها وصرخ..



ــ ميييين تكللللللمي؟؟؟؟؟؟؟؟؟؟

علا انصرعت من ابوها .. ومهي فاهمه شي..

الا سميره وراه..تسوي روحها طيبه وخايفه عليها..

ــ علا .. اعترفي حبيبتي مين تكلمي.؟؟. ولويش من يتصل فيش قمتي انخشيتي.. ولويش على جوالش قفل..!!

علا فهمت مقصدهم.. الكلام جاها مثل الرصاص حست نفسها مخنووقه.. ويش هالظليمه...؟؟؟

صمت مافي جوااب.. من الصدمه...

ابو مالك ياخذ الجوال وكان لسا ماقفل ..

صار يقلب في المكالمات..

وصل لرقم هشام.. وكان بدون اسم.. فما عرفه .. ولا هو حافظنه.. وكذا مره كذا مكالمه لم يرد عليها.. حاول يخزي بليس بس مو عارف ..

قلب في الرسايل لقى رسايل هشام.. قعد وهو متوتر.. سميره فوق راسه..

ــ شفت ياخوي.. رسايل بعد..

ابو مالك يقرا كان يتسوعب ..

شوي .. قعد على كرسي و ارتخى جسمه المشدود من التوتر والعصبيه... والتفت على سميره وقال ليها ببرود مقهور..

ــ يلعن شكلش فارقي ... اطلعي برى..

سميره انصرعت.. من كلام اخوها.. اول مره يقول ليها كذا...

وبذهول:

ــ ليش .. ويش سويت..؟؟

ابو مالك يفتح ازرار ثوبه يحس روحه مخنوق..

ــ بتي .. اشرف من الشرف .. حسافه وانتين عمتها تشككيني فيها.. المفروض ما اصدقش لش سوابق ويا سوسن.. بس ما يفيد فيش ولا فيني .. فارقي مابغى اشوف خلقتش لا ما يحصل طيب..

سميره مصره تعرف ويش صاير..

ابو مالك:

ــ هذااااا هشاام اخو مرتي يرسل ليها يسألها عن اخبار سوسن لما كانت مريضه.. لأني ما ارد عليه..

سميره حست روحها قد النمله وكن منكب عليها ماي حااار

بس المكابره والأصرار خلاها ترجع وبمنتهى الوقاحه تسال

ــ واللي منخشه تكلمه من شوي؟؟

علا ماتحملت صارت تصيح..

ابو مالك..

ــ سميره اطلعي دام النفس عليش طيبه .. لا ما يحصل طيب... صديقتها اخر مكالمه مستلمه..

سميره خلاص . ماليها حجه.. تحس روحها تفشلت.. طلعت من المطبخ تركض..





ابو مالك ولأول مره في حياته.. فرد ذراعينه لعلا اللي كانت واقفه تصيح.. وبهدوء وابتسامه اسف..

ــ حقش علي غناتي.. تعالي..

علا ارتمت في حضن ابوها وصارت تصيح.. وهو يمسح عليها..

تريزا حاضره للموقف كله.. ابتسمت وحست بفرحه كبيره.. على تصرف ابو مالك..



علي رجع بيتهم فرحان ومستااانس...

نادى باعلى صوت::

ــ ياااااااا اهل بيتنااااااا تعاااااااالو مفاااجأه

طلعو كلهم وابو علي كان مسندح في الصاله قعد قعود..

ــ خير اللهم اجعله خير....





الى الملتقى

[أميرة الشوق]

بعد شوي بقرأ الجزء
بس أكييييييييييييد روووعه

يسلمو أميره
بإنتظار الجزء القااادم

[سفيرة الاحلام]

الجزء روعه

اتوقع مؤيد خطب ليلى من علي

تسلمي على الجزء

لاهنتي

[Habit Roman]

الله الله الله روعة هالبارت يجنن يأخذ العقل
سميرو الدفشة الكريهه تستاهل إلي صار لها
وعدوله والله حركات عليه أجل شق الشرشف نصين الله يديم علينا عمة العقل
يالله يامؤيد متى يخلص الشهر وابلغ فيك أنت وليلى معاريس

أمورة ماتوقفين إلا على جزء يشوق ونحمس فيه ونقعد على أعصابنا

تحياتي

[إيقآعآت قلب]

الله يديم الأفراح لبيت أبوووو علي بس

يااسلام والله رووووووعه الجزء

يمكن علي لقى له شغــل أو على قولته اخذ له الميكروو

يلااا حبيبتي أميره نستنى البارت الجديد

[براءة طفله]

الباررررررررت مرررررررره روعه

واتوقع المفاجأه ان علي شراء الميكرو

يعطيش العافيه خيووووووووووووه

[جـــــوان]

ياي هالجزء جد وناسة


اتوقع ان مؤيد تقدم الى ليلى

كشخة كشخة

[الــــنـــاري]

بصراحة مادري الابداع يتفجر من قلمك
لو انتي تتفجري من الابداع
لاعدمناك خيتو
بارت قصير بس روعة
يعطيك ربي الف الف عافية
رحم الله والديك ماتقصير
تمنياتي لك باللتوفيق

[للدموع إحساس]

مســـــــــــــــــــاء الخيرآآآآآت ،،
توني راجعهـ من طيارتي ،،
و طوآآآآآآآآآآآآآآآآلي عاالروايهـ ،،
البااااارت جوووونآآآآآآآآآآآآآآآآن عاالأخر ،،
و أخيراً مؤيد تلحلح ،،
أقول أمور ياالـ غلا ،، وصلي لـ ريم تنام في العسل هع هع ،،
و عادلووووه هههه هههه هههه هههه ،،
غربال ما لقى حل إلا يقص الشرشف ،،
ياللهـ الحين جا دور حينب ،، و يا شرشوف ،،
و عآآآآآشو ،،
خيهـ لا تقلتي حميد ،،
يعني قدرة قادر و يروح المرض ،،
حرام يكسر الخاطر ،،
و علوووووي وراهـ خبر حلووووو يا ســـــــــلام ،،
أن شاء اللهـ مؤيد خطب ليلى ،،
أو أشترى الميكرو ،،
إلا يصير المهم خبر حلو ،،
و عسى الأيام الحلوة ترافقكـ يا أمور ياالـ غلا ،،
و ينولكـ ربي مرادكـ ياللهـ يا كريم ،،
و يعطيكـ ربي العااااافيهـ ،،
و عســـــــــــــــاكـ دووووم عااالقوة ،،
خاااالص التحاااايااااا ،،
للدموع إحساس ،،

[دمعة على السطور]

ماشاء الله
اللهم صلي وسلم على محمد وآل محمد وعجل فرجهم
رووووووووووعة
ياترى وشو الخبر الحلو اللي عند علي؟؟
مااتوقع بيكون الخطبة .
لأنه يعرف أخته وتعلقها
بولد عمها كان مابيقوله بهذي الطريقة

يمكن الميكرو..
المهم أنه حلو..

بانتظار الغد القريب..
موفقة لكل خير إن شاء الله تعالى..
دمتي بعين المولى الجليل..

[الــــنـــاري]

خيتو متى عادل بعرس على ريموه

في بارت اليوم لو مافيه ؟؟

[Princess]

مرحبا
لا خلا ولا عدم منكم حبايبي.. وزين عجبكم الجزء ودوم الفرح يارب..

فيه بارت.. بس نفس حزة امس..
عصر او ليل ..
دمتم بخير
وبحفظ الرحمن

[آخر شقآوهـ ..~]

توقعآتي لهذآ اليوم هي..
أن علآوي الخبر اللي جآيبنه هوهـ خبر الشغله الجديد
أكيـــــــــــــد حصل ليه شغل عدل<0000 أمآ صآر فيسي قد النمله والتوقع طلع غلط هع
تسلمين يآقلبي ع الجزء الزآآحف<000 وآآل من زمىن مآقلتهآ
ربي يعطيك ألف عآآفيه
لآآآعدم يآرب
تحيآتون
ضحكوهـ البطه

[الــــنـــاري]

يعطيك العافية خية
اذا العصر عجل اقوم انام الحين ولعصر مادري الليل يصير خير
تمـ،،،ـون على خير

[عوامية صفوانية]

واخيراً حميييدووووه بيتأسف لعلي وبيعترف لأنه قربت منيته له


ههههههههههه
ويلي ما ني قادره على عاااادللللووووووه ويا اسواته هههه ما سواا اسوايه قص الشرشف واذكر ابو اشريف هههه

وان شاء الله مؤيد يأخذ ليلى والله لاقيين على بعض والله يتممها على خير خخخ عشت الجو اهنا بعد ههه
ترااااااااا باجبب ليهم من الحين يوووو استغفر الله بعده عندهم شهر صفر

وصرت الحين ما اشتهي سميررررووووه لانها كلااا شكاكه في علا
والله يعافي سوسن ويثبت حملهاا هع هع وابو مالك يرجع حقوق غيره الى اصحابها اييه من قلتهم عاااد
واول مره ابو مالك يحضن بنته هييي انت تراا هذي بنتك مو غريبه اييه من العواايد
هع هع
ولاااا تروووز ( تريزا هههه) اطلع عليهم شايفه فلم هندي عفر هههه

وعلي ويش عنده جااااي ركيض لأهله ورافع صوته ويا اهل البيت مفاجآه بسررعه ويش عندك فرحناا وياكم
( اسمعته اني بعد ايه هين ) ويا ابو علي خير ان شاء الله خير ما داام وياكم علي اكيد فيه خير لا تحاتي

يا جايب خبر بيعة الطرااد لو مشتري الميكرووو
لو يمكن ايقول ليهم عن سالفته ويا حميد يوم ايروح اليه المستشفى وتأسف حميدووه اليه عشان كدااا فرحاان امم جايز (يمكن هالمره تخميني يصيب هع لا تصيري واثقه وااايد)

يسلمو خيتو امووووووووور على الابدااااع
والله يعطيش العافية وما قصرتي
والله يحفظش من كل سوء بإذن الله
تقبلي تحياتي

[أحبك ياغلا عمري]

مشكووووووورةه خيتو
ننتظر البارت الجديد

[دمعة الاحزان]

ويلي اخيرا خلصت
دار راسي ويبست عيوني وعطشت بس مافي مجال للشرب خلاص
من قبل الوفاة ماقريتها واليوم انهيتها
بس اجزاء روعه كذا اخذ الشي بسهاله اخمن والقى الجواب يستناني في الصفحات الجايه
واما عدول وربي اول بارت في قصته مع هالسنور المسكين
في قمة زعلي وتعبي اني ضحكت من قلب وحتى عيني دمعت
ومسكين هالشراشف وهالزنانيب على الفضحيه اللي سواها لهم
بس هو غبي او يستغبي يعني عليه حركات نص كم وايام يفكر بعقل الله يهدي كل من زيه
واما بوحميد كاسر بخاطري المسكين وحاسه فيه يحس حاله وحيد
فريد بهالدنيا وهالاحساس مر وامر من تعب الدنيا نفسها
واما مؤيد توقعت بيكون الى ليلى وعلا لعلي وزينب خلاص واضحه
ليلى بتفهمها الوضع وهي بتفم وبترضى باشرف
خاصه انها بتحس بشويه ميل اله
وسوسن مسكينه ماتستاهل
وسمور كان ودي يكخفخها ابو مالك ويحط حرة الاحلام فيها
يسلموا بالغاليه على الابداع الرائع
والله يوفقك دنيا واخر ويحقق كل اللي ببالي<<قعدت على باب المسجد ونست حالها
تحياتي...
دمعة

[أميرة الشوق]

بالإنتظــــــــــــــــــــــــــــــار**

[المتحير]

ياهووووووووووو جزء روعة رحت انا البحرين يومين قلت باجي وشوف جزئين لكن يلا اليوم راح ينزل

الثاني
بالانتظار تحياآآآآآآآآآآتي

\المتحير\

[Princess]

مرحبا

يعطيكم العافيه وخوش تخمينات.. بعضكم اصاب الهدف..
بنزل الجزء اسود .. بدون الوان..
النت عندي زفت الزفت.. من المغرب مافي شبكه وتوها جايه اخاف ترجع تفصل وافلس واقعد لبكره ..

تفضلوو الجديد..

[Princess]

الحلقة 44







علي رجع بيتهم فرحان ومستااانس...

نادى باعلى صوت::

ــ ياااااااا اهل بيتنااااااا تعاااااااالو مفاااجأه

طلعو كلهم وابو علي كان مسندح في الصاله قعد قعود..

ــ خير اللهم اجعله خير....

قامو كلهم... عند الباب..

علي دخل المجلس طفى اللمبات وفتح النافذه :

ــ طالعو من ورى الستاره شوفو الحليو اللي برى..

ام علي مهي فاهمه..

ريما ركض اول وحده...

ليلى بفرحه فهمت السالفه.. صفقت صفقه قويه:

ــ شرريت الميكرووو

علي يضحك:

ــ إيــــــــــــه

ام علي رفعت ايدها::

ــ ياالله تعطيك خيره وتكافيك شرره يااارب

ريما من ورى الستاره..

ــ كشششششششخه.. يبغى له تظليل وستاااير.. ويش بتسميه ياخوي... ؟؟؟

ــ ويش باسميه... خخخخخ تعرفيني مو تبع تسميات.. اكيد على اسمي ميكرو علي آل .. للتوصيل المدرسي والمشاوير الخاصه..

ليلى : ــ الله يرزقك ان شالله ويعطيك على قد نيتك..

ابو علي وصل ليهم.. والأبتسامه مرسومه.. وسؤال عفوي ....

ــ ويش نوعه...؟؟

ــ نيسان..

ابتسم ابو علي ..

ــ زين تماام.. كفت فلوس الطراد لو ويش..

علي بهدوء.

ــ ماكفت كامله للجديد ,, بعت سيارتي و كملت ثمنه وبقايا فلوس السياره سددت فيها فاتورة التلفون وحطيتهم في البنك..

ابو علي بفرح:

ــ عساك سالم .. عساك ذخر .. يعطيك العافيه...

علي : ــ الله يعافيك يبه ويخليك.. ماسويت شي .. قليل عليكم والله

ابو علي بهداوه وسؤال عفوي ثاني:

ــ الا ويش لونه...؟؟

ريما : ــ فضضضي..

ابو علي : ــ يالله ترزقك ان شالله وتعمي عنك عيون الحاسدين وكيد ولاد الحرام..

ليلى.. تطالع في ابوها واسألته العفويه.. تحس في قلبها غصه... ويش نوعه.. ويش لونه.. والدعاء اللي كان من قلب.... تنهدت في قلبها..

ــ الله لا يحرمنا من بصيرة قلبك يالغالي...



ريما :

ــ ماااابتااخذني فيه مشوار

ام علي:

ــ داويه هالمصفعه دي .. وين ياخذش به.. دون السياره يعني؟؟

ــ ياااعلي الواحد ما يقول شي الا شابقتوه. داويه..

علي : ــ ههههههههههه وين تبغي اوديش به؟؟

ــ مـــــــادري !! اذا جت على بالي طلعه على طول باقول لك...



الفرحه مهي سايعه بيت ابو مؤيد... وناديه من درت بالسالفه صارت تتطفر وتهدد وتتوعد فيهم ان جى ربيع وراحو بدونها لبيت ابو علي .. ينتظروها في ربيع عند زوجها اجازه اسبوع..



ليلى تحوس في درج من دروجها.. تطلع الكتب الزايده والعفسه.. وبين ماهي تحوس طاحت صوره .. شالتها الا هي صورة صالح مع علي ...

ظلت ماسكتنها تتأملها... تحس نفسها مهي في الدنيا... ايدها ترتعش ..

وانفاسها تتلاحق .. قلبت الصوره على التسريحه وصارت دموعها تتناثر لا اراديا...

ريما كانت تسبح... ولما طلعت ما انتبهت لليلى اللي تركت الغرفه وفي ايدها الصوره..

وصلت المجلس وكان علي يبدل ثيابه بينام.. ماشاف من تحت الباب الا صوره تدخل..

شالها وقلبها...

وصار يتأملها بألم.. عرف انها ليلى اللي دخلتها.. تنهد..

ــ رحمة الله عليك يالغالي..

قرأ على روحه الفاتحه.. و ما طلع لأخته .. عارف انها بهالحركه اللي سوتها ما تبغى تواجهه ولا تسمع أي كلام..



وفعلا .. رجعت ليلى غرفتهم.. على طول للسرير انيس الوحشه وكاتم الهم والأسرار..

تغطت.. وهالمره .. نامت وفي قلبها غصه والدموع مجافيه عيونها...



بعد كم يوم... اتصلو المعرض في علا ... ومعاهم خبر يسر... واحد راعي حسينيه شاف لوحتها وعجبته ويبغى يشتريها...



علا مهي عارفه تتصرف .. وابوها كان في الدوام واذا رجع تعبان وماهو فاضي هالأيام..

علمت سوسن بالسالفه..

سوسن بفرح:

ــ افااا عليش وين رحنا اني و اخووي..

علا سكتت وتحس روحها مستحيه..

سوسن:

ــ تبغي تحرمي اخوي من شوفتها ..!! متحمس يشوفها والحين بتنباع..

علا ماترد ووجهها والخجل اللي معتليه يغني عن الكلام..

سوسن ابتسمت:

ــ خلاص اكلم هشام ونروح نخلص امرها..

ــ تسلمي غناتي..

ــ الله يسلمش ولوو..



سوسن كلمت هشام قدام علا..

ــ هلا ياخوي .. اخبارك

هشام: ــ تماام اخبارش انتين عساش بخير

ــ الحمدلله بخير .. اقول ويش عندك الليله؟

ــ ولا شي .. آمري..

ــ تسلم غناتي لا بس بنروح اني وعلا المعرض للوحه

هشام طار من الحماس:

ــ والله... ليش فيه عرض الليله لو كيف؟

ــ لاااا.. بارك لعلا لوحتها يبغى يشتريها واحد

هشام ماعجبه الكلام:

ــ هاا.. ليش .. معروضين للبيع؟؟؟

سوسن انتبهت لنبرة هشام انه مو عاجبنه الوضع..

ــ ايه .. اذا رضى الرسام يبيع ليش لا....

ــ ولوووووووويش ماقلتو لي هالمعلوومه انا فكرت عرض وبس...!!

ــ بسم الله ولو قلنا لك يعني ويش بتسوي.؟؟

ــ بشتريها..

ــ هههههههههههههههههههههههههههههه

ــ على ويه تضحكي؟؟

ــ عليك.. ليش شفتها انت؟؟



علا اختلعت.. ويش فيهم .. على ويه تضحك وويش اللي شافها..

سوسن بعفويه تكلم علا والسماعه على اذونها..

ــ يبغى يشتريها يقول

علا ارتبكت و ابتسمت..

سوسن: ــ ظرريف ابو الهشم.. لحسينيه اللي حجزها يبغاها..

ــ اهاا.. اجل خلاص غيرت كلامي حلال عليه دام لحسينيه..

ــ ماني قادره عليك متحمس مره..

ــ ايه .. ابغى اشوف ...

ــ ويش تشووف؟؟ << تتعيلف فيه

ــ هاا.. اللوحه..

ــ هههههههههههههههه الليله على خير الليله..

ــ ظرررريفه.. بلا ضحك..

ــ هههههههههههه زين خلاص الساعه 8 ونص موعدنا على خير

ــ على خير..

عادل ماسك ورقه وقلم ويشخبط..

ام عادل:

ــ اكتب اسمك..

عادل بزهق:

ــ ماعررررف...

ــ يوو هذاني معلمتنك كم يوم نسيته؟؟

ــ اييه ولا ابغغغغغغى اتعلم خلاصصص

ــ ويش فيك؟؟

ــ ماففييييني شييي .. باااقووووم اطططلع...

ــ زين انتبه لروحك...



طلع والزهق واصل حده.. مو عارف وين يروح وويش يسوي ..

الا يشوف في وجهه اشرف وهالمره مو لحاله وياه ابوه.. ركبو السياره ..

عادل صار يتمشى.. وطول ماهو يتمشى سيارة اشرف وراه.. شوي طافته...



كان اشرف رايح مع ابوه لبيت ابو جاسم.. اشرف حايل في ابوه يروح وياه على شان ابو جاسم و انه ولده كان يشتغل من قبل في السوبر ماركت وحقه عن شهر ما اخذه .. وعلى شان يواسيه جيران و ساكنين في فريق واحد..




تابع>>

[Princess]

وصلو بيت ابو جاسم.. وطقو الباب

ابو جاسم كان منبطح و غافيه عيونه..

زينب وقفت عالباب..

ــ مين.؟؟

اشرف من سمع صوتها طاح قلبه...

ابو اشرف:

ــ قواكم الله..

زينب: ــ هلا الله يقويك..

ــ ابو جاسم موجود..

ــ ايه دقيقه..



راحت لأبوها...

ــ يبه .. يباااه

ابو جاسم راحت عليه النومه..

وتصرخ زينب :

ــ يباااااااااااه

ويطفر ابو جاسم وبحمق:

ــ وخناااقه.. ويش بش يالمزعجه يالأذيه...

ــ واحد يبغاك عالباب

ــ تستهبلي ماتعرفي تقولي له نايم.. مو هنا... ما تعرفي تقولي له منهو هو وتالي اشوفه...

ــ استحيت..

ــ انا لله...الاقيها من نكد امش لو من خبالتش

زينب في بالها..

ــ ويش سووويت اني.. ياربي ...



قام وهو مو قادر متكسر تكسير..

فتح الباب ..

ــ هلاااا هلا بأبو شريف هلا وسهلا...

ــ هلا فيك ابو جاسم شحوالك..

ــ حياك الكريم هلا ولدي شريف تفضلو تفضلو..

ابو اشرف:

ــ يالله يالله..

زينب راحت المطبخ تجهز ضيافه...

ابو جاسم قعد وياهم شوي صارو يسولفو عن احوال الفريق واخر اخبارهم.. استأذن ابو جاسم وراح المطبخ بياخذ الضيافه.. الا زينب ناطه:

ــ مين هذيلا؟؟

ابو جاسم بياخذ التبسي..

ــ ويش عليش انتين ويش اللي يهمش..؟؟

ــ بل .. بس كذا اسال..

ــ جيبي بش جيبي.. ابو شريف وولده..

زينب قلبها رقع..

ــ هااا..

ــ ويش فيش مفهيه... اهووووو جيبي فناجين غير هذيلا يفشلووو

ــ ويش فيهم..

ابو جاسم يرفع واحد منهم..

ــ عوبه انتين ما تشوفيه... شوفي ها.. منفلم.. تبغي تشقي برطم الرجال..

ــ يووووو ما انتبهت له..

ــ تشيه تنتبهي لويه انتين ,, الله يعين بس .. اخلصي ..

حطت زينب غيرهم... وراح ابو جاسم المجلس..

زينب قعدت وصارت تضرب افكار..

ــ ويش صاير ولويه جاي ويا ابوه...

ممممم .. لا يكون... لا يكون بيخطبني...

لااااا ويش اهلوس اني... احد يخطب في صفر ؟؟!!

ممممممم ياربي ويش فيهم.. لويه يعني ثنينهم...





ابو جاسم والأسى مبين على وجهه..

ــ ويش اسوي ياخوك.. هو اللي جنى على روحه..

ابو اشرف: ــ بس لازم تزوره وتشوف اخباره.. ونتابع وياه.. يمكن نقدر نساعده وتخف مدة الحكم,,

ابو جاسم: ــ ياخوك ويش بيدي عليه .. ويش اسوي .. مابيدي حيله..

ابو اشرف: ــ الله كريم .. انا باشوف لي يوم وبروح السجن المركزي وان شالله خير

ــ خير ان شالله....







عادل وصل بيت ابو جاسم وشاف سيارة اشرف على الباب وانصرع..

ركض ليها..

ــ دي ويش جاااااااااابها هنناااااااااااا

صار يشوتها منقهر

ويكفخ فيها.. الا بطلعة اشرف ويا ابوه

ابو جاسم شافه..

ــ هيه عادلووه ويش تسووي

عادل يشيل حجر وطرااخ يكفخ فيه السياره..

ــ ويش جاااابه عنددددددددددددددكم

اشرف صخن.. لا فضيحه عالميه عيني عينك..

ابو اشرف حمق فيه:

ــ اعقل يا صبي .. كسرت السياره..

اشرف ساااكت ماله بالة السياره اللي قايم فيها الشدخ.. له بالة الفضيحه مو كفايه ناصر الحين ابوه وابوها..

ويسمع دقات قلبه في اذونه من شدة التوتر..

ابو اشرف طفح كيله وطلع جواله يسوي روحه يتصل حق يخوف عادل..

ــ دقيقه دقيقه ان ما اتصلت للشرطه الحين... الووو الشرطه



عادل ماتشوفو الا غبرته.. هرب..

اشرف صار ينفض الحجر والرمل اللي على كبوت السياره .. ركبو و هو متوتر ومذهول ويحمد ربه عادل ماقال شي .. وفي باله:

ــ لاااازم في اقرب فرصه احط حد لتصرفاتك ياعادلوه..



عادل وهو يركض مانتبه وصقع في سيكل ياهل .. طاح الياهل من سيكله وصار يصيح ويصارخ..

عادل مو عارف ويش يسوي له... الا بجية اخوه الأكبر منه..

ــ ويش سووويت في اخووي ياخبل

عادل محمق فيه اللي مكفيه:

ــ مانننننننننى خبل وماااسسسسوويييت شييي انا ارررركض وصقعتتت فيه

ــ الا خبل وماتشوف ..

ــ اوووووووه

ومشى عادل..لكن الصبي لسا يتعيلف فيه...

شوي بدت شبقه وتجمعو صبيان الفريق عادل كان اكبرهم طاح فيهم شدخ اللي انفلع واللي تورمت عيونه واللي دمه صار يشخل .. مره عادل حزتها طايره طيوره ومستميت...

طلع رجال من اهل الفريق وطلب النجده وصارو يفككو عادل عن الصبيان ماقصر فيهم.. واحد منهم اتصل للشرطه اللي كانت بالصدفه عندها دوريه قريبه من سوء حظ عادل .. جو وشالوه ويا الصبيان اللي كفخهم لقسم الشرطه..



وانباعت لوحة علا بسعر حليو.. طبعا بعد ماصورها هشام .. وتدحن على حلاوتها وماسكت من قول

ما شالله فن وابدااااع...

علا بالفلوس اللي استلمتهم من الرجال حطتهم دافعة بلا عن عمرها وعمر اخوها صدقه في الجمعيه الخيريه اللي ترعى المعرض ..

هشام زاد اعجابه في علا اكثر واكثر.. ويوم عن يوم تكبر في عيونه.. ومهو عارف مشاعره شلون يترجمها وشلون ينهيها...



وفي آخر اسبوع من صفر..

ابو اشرف في السجن المركزي طلب فتح قضية جاسم وحميد اللي بعده في المستشفى تحت الملاحظه...

الضابط وضح له انه لو تم دفع تعويض للمسروقين راح تخف مدة الحكم الى سنتين ياخذو الحكم العام فقط..

ابو اشرف على حساب ولده والحاحه وعلى شان حجي عبدالرحيم يستاهل.. متابع الموضوع وناوي يدفع التعويض عن جاسم بدون علم ابوه.. لأن حجي عبدالرحيم ان درى بتقوم الدنيا ولا بتقعد..

فما يبغى يحرجه او يجرحه... وبيقدم الخير لوجه الله





عادل في قسم الشرطه .. الصبيان كلهم ضده,, وكذا رجال من الفريق وقف ويا عادل بحجة انه مو صاحي.. هالأمر ادى بالشرطه الى تحويله للجمعيه الخيريه عندهم قسم خاص لحالته.. يظل عندهم دام اهله تاركينه مأذي الفريق و يغربل احوالهم...



الكل حاول يطلعه .. ووقفو ويا ام عادل واولهم ابو اشرف .. واشرف ..

بس للأسف واحد من اباء الصبيان اللي كسرهم مو متنازل .. لأن ضربة عادل جت قويه لولده ورمت عينه ... ومايبغى حق الا ان عادل يظل هناك احسن له وليهم عن الشوارع والأذيه والتكفخ في خلق الله...

ام عادل مهي عارفه ويش تسوي .. ام علي وام جاسم كل يوم يزوروها وهي دنياها مهي دنيا بدون ولدها .. وهالشهر تخلص عدتها وهي وحيده وخايفه من خوالها واعمامها يجوها وترجع لحالتها..

وضعها كان يفطر القلب تفطير .. بس ويش بيد اهل الفريق واللي قدرو عليه سووه..!!



ودع الدنيا هلال شهر صفر الحرام.. وهل ربيع بأفراحه..

ولأول مره من سنين ام مؤيد تشوف الفرحه في وجه ولدها وتسمع منه الألحاح على سالفة خطبته.. تحس روحها بهالسنه اسعد انسانه... حددت ام مؤيد نهاية الأسبوع موعد الروحه...





ابو مالك .. لازال الكابوس يرافقه.. وكلما شافه قعد مختلع يقرأ الأدعيه والسور ويرجع ينام.. بس يحس مو فايدنه شي .. لأن نيته اساسا مهي صافيه.. والحق بعده في ذمته خانقنه لين يرجعه لأصحابه...



ابو مالك ظل يتقلب على فراشه ويتذكر المظالم اللي مسجله عليه...

تنهد..

ــ لازم اضيقش ياذمتي الوسيعه....







الى الملتقى





عذرا قصير بس لأن خلاص قريب تخلص القصه واودعكم...


:) بكره احتمال اتأخر اكثر في تنزيل الجزء سنعود للدوام..


من العصر الى 9 ونص.. نسألكم الدعاء..

[للدموع إحساس]

مســــــــــــــــــاء الخيراااات ،،
و يلي قصييييييييييييييير و حمااااااس ،،
و عاااااشووو و أخيراً حددت أم مؤيد الموعد ،،
و طحت يا مؤيد و ما أحد سمى عليكـ ،،:wink::wink:
ياعلي خيهـ عادلوهـ ،، كسر خاطري :no::no:
لا تخليهم يحجزوهـ عندهم حرااااام ،،
و حينب بدت تتحلحل سالفتها ،،
و أبو شريف واقف ليهم وقفهـ ،،
يلعن الحب و سواياهـ ،،
مو مخلي أحد ،، و هشام هع هع ،،
عجبني لما صور اللوحهـ ،،:shiny::shiny:
و يعطيكـ ربي ألف ألف عاااافيهـ ،،
و سلمت يمينكـ ،،
و ربي يوفقكـ يا أمور و يسر أمركـ ،،
و يعينكـ ،، ياكريم ،،
و بـ إنتظار الجديد ،،
خااالص التحاااياااا ،،
للدموع إحساس ،،

[سفيرة الاحلام]

جزء روعه

لاتحرمينه من الابداع

ومانبي القصه تخلص بسرعه :closedeyes:

ونتظر الجزء الجديد

[دمعة على السطور]

صحيح قصير البارت..
بس حلو وفيه تطورات واجد..
حاسة إن عادل مو بس مسألة نضحك على حركاته وينكت..
بصراحة صحيح لو نفكر فيها مأذي خلق الله كل يوم له شبقة >هوشة
فعلاً جبتي من الواقع..
في كذا ..
يعطيك العافية خيتي ..
موفقة دوم يارب..
دمتي بعين المولى الجليل..

(إذا انتهت القصة بنفتقدها مرررررررررررررررره )

موفقة يارب.

[المتحير]

صح صح صح صح صح

ما نبي القصة تخلص لالالالالالا

لازم تكون طويلة

[دمعة الاحزان]

اليوم قلت مو موفته الاجزاء زي اللي راحت
عندي شغله وبغيب عنها فترة طووويله
بس كان قصير بس حلو منك هالابداع
ومسكين عدول لا تخليهم يحجزوا عليه امه بعدين بتمرمط<<كأن كذا يكتبوها ولا كيف يلا مو مهم
بعدين خوال واعمام العازة مابيخلوها بحالها
واما زينب اصابت الهدف وماحست بحالها ولا جابت طاري ولد عمتها
وشراشف لاجل عين تكرم مدينه
وهو اكرم مدن بحالها لاجل عين زنوب وخلى ابوة يوقف وقفه

القصه بتنتهي بس متى ان شاء الله تنتهي قبل مايصير اللي ببالي عشان ماتوهق بعدين في قرايتها زي البارح
وامور انتي هنا ها عندك شي مخبيته ولا خلاص مامر هالوادي وافر بالوديان الثانيه
لان اذا عندك قولي بجي امرة قبل مانام
الله يوفقك غناتي ويعطيك العافيه ويسلاعدك ع الدوام
وانتم السابقون ونحن اللاحقون

[أحبك ياغلا عمري]

جزء قصير وروعه
مشكوره خيتو
بإنتظــــــــــار الجزء الجديد

[الــــنـــاري]

البارت صحيح قصير بس حلو
مشكورة ماقصرتي خيتو
ونحن بنتظار بقية القصة
تروحين العمل وترجعين بالسلامة << ش مسافرة ههه
موفقة خيتو لكل خير
ربي يقويك ووفقك لمايحب ويرضى
تمنياتي لك بالتوفيق

[*زهرة البنفسج*]

يووو كانها القصة على انتهاء بتوحشنا كفارييييييييي امورة

ربي يوفقش امور

موفقين

بالأنتظار

[ارجوان]

كل عام وانتم بالف صحة وسلامة وينعاد علينا وعليكم بالخير والبركة

هلا وغلا خيتو ميررررررررررررو من زماااااااااااااان ماسيرة ع المنتدى ويوم جيت قريت القصص بشكل متسلسل ونااسة كان لانها مو متقطعه ولااانتظرت يوم علشان اقراها ومن جد ابدااع في ابداع والله لايحرمنا من افكارش وخيالش الوااسع.
مسكين حميد يكسر الخااطر بس الله يعينه
وليلى ومؤيد لايقين ع بعض وان شاءالله تواافق بس عجبتني وقفت النافذة وفتحت البوز هع هع هع
مسكين اشرف فضحه هالعادل مع ذكائه وهو يشق الشرشف وبيستلمه شكله نااصرو عساه ماادري ويش
زينب تكسر الخاطر علشان علي مايبغاها بس ان شاءالله يتقدم شررفو وتتم الفرحة
الله يغربلها سميرو ياعساها الماحي هالشكاكه ان شالله ماتعرس زين
وهشام ان شالله ياخذ علا وتقوم سوسن بالسلامة

((اي خيتو الحق كل اليش عجبتني انها زعلانه وهي الغلطانه شين وقوي عين بس ردش كل حكم غناتي والعادة الناس تنقل المواضيع مو القصص ولا اتصير باسمها حلوة دي ان شالله موفقة بكل دربش ياارب ياكريم))

تقبلي مروري وتحياتي لك ولكل الاعضاء
دمتم سالمين

[آسوآآر الآلــمـ]

وش هالإبـــداع أختي اميرة

الله يعطيكـ العافية بصراحة الأحداث مره شيء

وننتظر نهاية القصه وأتأمل من النهايه خير

موفقه أختي ...

[Habit Roman]

البارت مرةة روعة على قصرة لكن جميل
يعطيك ربي العافي والصحة وزيارت علي ووالده<<<< قلبتي ضبعة

بعد سبدي عادل مايستاهل إلي يصير ليه حرام أمورة عفيه طلعية علشان أمه مسكينة ماليها أحد غيرة ايهي ايهي:sad2::sad2::sad2:

ومؤيد وليلي يارب انك تحنن قلبها وتوافق عليه :wavetowel2::wavetowel2:

وشريف زين مانشلخت سيارته من عدوله :deh::deh::deh:

ننتظر جديدك

[المتحير]

الببارت البارت البارت قصير

[المتحير]

وبانتظار البارت الى طوله صفحه كامله:wink::wink::wink:

[حلم الخلود]

بسم الله الرحمن الرحيم
اختي اميره..حبيت اهنيك عالابداع
الصراحه انا ماخلصت القصه للحين..بس كل اللي قريته ابداع في ابداع..
ماحبيت تنتهي القصه وانا..ماعلقت عليها..ان شاء الله اوصل للاخير..قبل نهاية القصه..
تحياتي لك..وسلمت الايادي

[أميرة الشوق]

بالإنتظــــــــــــار

[Princess]

مرحبا

توت توت وصلت اميره..
الله يعافيكم ويخليكم.. ونظرا لظروف الشبكه الصحيه لدي والأنقطاع المتواصل والمفاجأ...:sad2:

اقول ليكم واعذاري تسبقني..


مافي جزء...


















امززززح:wink:
عسى مادعيتو علي بس ..:toung:
طويل اليوم.. :shiny:
بس مو ملون..
خفت اقعد الحين الون فيه..
ولا اشوف الا الواير لس افلس وقال ماميش شبكه.. :nosweat:

تفضلوو..

[Princess]

الحلقة 45






ابو مالك .. لازال الكابوس يرافقه.. وكلما شافه قعد مختلع يقرأ الأدعيه والسور ويرجع ينام.. بس يحس مو فايدنه شي .. لأن نيته اساسا مهي صافيه.. والحق بعده في ذمته خانقنه لين يرجعه لأصحابه...




ابو مالك ظل يتقلب على فراشه ويتذكر المظالم اللي مسجله عليه...


تنهد..


ــ لازم اضيقش ياذمتي الوسيعه....




بعد كم يوم..


ــ الو.. هلا بتي قواكم الله..


ريما : ــ هلا خالتي ام مؤيد الله يقوييش..


ــ وين امش ..


نادت ريما على امها.. وخبرتها انها ام مؤيد...


ام علي متوقعه الأتصال سؤال عن الثوب اللي خلصته من فتره ... واتصلت عليهم ياخذوه...


ــ هلا ام مؤيد..


ــ هلا ام علي ويش حالكم..


ــ حياش الله .. اخباركم انتون..


ــ الحمدلله بخير ...




وبعد سؤال عن الأحوال والقيل والقال من النسوان...


ام مؤيد:


ــ ايه يا ام علي .. بغينا نزوركم كلنا اني وبناتي وولدي وحماي الكبير ..ليلة الخميس هالأسبوع اذا ماعندكم شي ..


ام علي:


ــ لا.. هلا فيكم ما عندنا شي .. حياكم البيت بيتكم..


ــ بيتكم عامر فيكم .. تسلمي على الموعد ان شالله نشوفكم..


ــ خير ان شالله...




وودعو.. وسكرو..


ام علي تضرب فكر وقلبها يطق.. وفي بالها هالزياره مهي طبيعيه.. اكييد فيها إن..


الكل كان بالصاله يتابعو مسلسل ...


ابو علي :


ــ داا مين اللي في التلفون..


ام علي سرحانه تفكر ..


ريما: ــ ام مؤيد..


ابو علي : ــ ويش تبغى..؟؟


ام علي ماردت.. بالها مو وياهم..


ريما: ــ مادري تبغى امي هي .. اسألها


..


الا التلفون رجع يرن.. وكانت المتصله رزان حنين تصيح طول اليوم وتبغى تكلم ريما .... ردت عليها وصارت تسولف وياها...


ام علي انتبهت لأسئله ابو علي ..


وقالت له سبب اتصال ام مؤيد...


ابو علي : ــ ومؤيد بجي بعد؟؟


ــ ايه..وياه عمه الكبير


ــ خير اللهم اجعله خير... عمه بعد..؟؟ مايندرى ويش السالفه..


ام علي ابتسمت وصارت تطالع في ريما وهي تهدر في التلفون..


ــ كني.. فهمت..


ابو علي :


ــ ويش فهمتي..؟؟؟


ــ مادري على هوى كلامها كنهم جايين خطاب...


ابو علي : ــ لا على هوا ولا على ريح.. لا تقعدي تفسري الأمور على كيفش ..


ام علي: ــ بسم الله على عمري ويش فيك عصبت..


ــ لا بس .. هالأمور مايقولو فيها كنه وما كنه..


ليلى حس قلبها وفهمت على امها .. شكلهم جايين يخطبو ريما.. ورجع موقف ام مؤيد مع ريما في بيتهم لما خذتها وتمدح في ذوقها..


ابتسمت:


ــ الله يوفقش ياخيه ويفتحها في وجهش...


ام علي :


ــ امي ليلى قومي ابغاش...




ابو علي : ــ انا لله.. وحده تهدر في التلفون .. وفنتين بيقومو عندهم اسرار .. وانا زي القطو منفلت لحالي..


ليلى جتها ضحكه على كلام ابوها بس دارتها..


ام علي :


ــ ياااااااابوووووووي منك رجال... ويش فيك كل محمق وبصلتك محروقه.. سالفة نسوان ابغى بتي فيها.. طلع التلفزيون ولا تتعيلف..


ابو علي يرفع العكازه ويشدخها عالأرض:


ــ اشووف طووووولااااااان لسااانش اليوم..


ام علي تصروعت: ــ يؤيؤ.. مسامحه حقك علي خلاص..


ــ ايه هاللون خوش مره.. مانى متعود عليش ملتعنه.. خلش آدميه..


ام علي ماسكه بتها بتروح وياها الغرفه.وهي تتحمق على هداوه.


ــ ادميه وآدميه.. منت متعود يبغى لك تتعود..


ابو علي سمعها:


ــ على عدال على عدال تحمقي ..


ام علي ماقدرت صارت تضحك.. ودخلو غرفة الخياطه...


قعدت ليلى قدام امها اللي كانت مرتبكه ومهي عارفه ويش تقول..


ــ ايه يابتي ... هالأتصال مثل ماقلت حاسه وراه شي ... واتمنى اذا ماكان لش ماتزعلي ولا تتضايقي ولاا..


ليلى بأبتسامه قاطعت امها:


ــ اماه.. اللي فيه الخير بيصير .. واني اتمنى لأختي كل خير .. ولا تحطو في بالكم ان بضايق لو بزعل .. اني اللي اضايق وازعل على شانه.. خلاص مات.. وماتت سعادتي وياه..


ام علي بأسى:


ــ يابتي لا تقولي كذا .. على شان خاطري..




خلصت ريما من حنين وهجوم على الغرفه.. فتحت الباب:


ــ ويش عنددددددددددكم اسرااااااااااار..


ليلى ضحكت..


ام علي : ــ كبرتي هااا.. بتصيري مره.. عن هالحركات الخبله..


ريما بأستغراب: ــ مرة ويه بعد.. لاحقين على قولة مره..


ام علي بأبتسامه: ــ بالغه فيش وفي اختش..


ريما رفعت ايدها فووق:


ــ يااااااااااارب


ام علي وهي تضحك رمت عليها قوطية النشاف:


ــ البنات يستحو عادة مو يصرخو حد ماعندهم ويدعو في هالسوالف..


ريما : ــ هههههههههههه لووول ولول تحول..


ــ الله يهديش ويغير حالش..


ــ انالله..


ام علي رجعت تضحك :


ــ عساش السعاده.. عساني بالغه فيش صرختي حد ماعندش يااارب والله يهديش تحمقتي انا لله..


ريما : ــ احم.. بس احم..


ام علي: ــ دي ويه بعد احم...


ريما بأبتسامه شبرين: ــ ولا شي ....





تابع>>

[Princess]

ابو مالك حالته النفسيه صعبه.. رجع كذا حق من حقوق الناس.... وقاعد في مكتبه يحوس في مخططات الأراضي اللي عنده ناوي يعطي ابو جاسم ارض بدل ارضه اللي غصبها منه تكون قريبه له ...

الا بدخلة واحد من اصحابه .. ( ابو عدنان ) عليه..

ابو عدنان:

ــ السلااام عليكم..

ابو مالك : ــ هلا وعليكم السلام هلا بالقااطع..

ــ ويش اسوي احوال الدنيا والمشاغل.. اخبارك انت عساك طيب..

ــ والله.. الحمدلله على كل حال..

ــ ويش فيك ياخوك منتحل ومصوفر..

ــ لا بس هههههههه خبرك شيبنا ومشاغلنا كثرت وماعدنا حمل تعب..

ــ الله يكون بالعون.. بعدنا شباب بعدنا..

ــ ههههههههه أي شباب خل الشباب لأهله بس .. خلاص انتهينا..

ــ افاا عليك هذا وانت تنتظر ولد جديد .. اقول عن الدلاعه..

ــ ما شالله قاطع و تعرف كل الأخبار اجل لو توصل..

ــ ههههههههههه بعرف ويش ماكل وويش تفكر بعد..

ــ ماقدر عليك..

ــ لا بتقدر ان شالله.. وبتقدر تقدر ماتردني في هالطلب..

ــ آمرني .. ان شالله اقول لك لبيك..

ــ ان شالله.. ااااااا..

ــ ويش فيك مرتبك؟؟

ــ خبرك ياخوك انا ماقدر اعيش بدون مره.. وخبرك بي الله حارمني الذريه والعيب فيني .. والحمدلله على كل حال...

ابو مالك بريبه: ــ ايه .. الحمدلله..

ــ وخبرك كم مره تزوجت وماتوفقت اخر شي الحين بت الذين لبنانيه ماتحملت البعد عن اهلها واذتني .. بدي روح عأهلي وشو متى بدك تاخد لي بيت بالضيعه.. فقعت راسي بطلايبها.. ويش لي اتحمل وحده ماخذتني لفلوسي .. سرحتها لبيت اهلها..

ــ هههههههههه انالله انت ويا هالتسريح.. حتى الطلاق اسمه عندك غير شكل,.,

ــ ههههههههههههههه ويش اسوي ياخوك.. خلنا بس نضحك والهم في القلب..

ابو مالك تنهد:

ــ ايييه.. الله كريم..

ابو عدنان ابتسم:

ــ ايه.. انا عاد هالمره قلت مالي الا بت بلدي تداريني وتخاف علي وتكون بت خير ونعمه فقصدتك لهالشي ..

ابو مالك فتح عيونه وعلى طول جت في باله بته علا..

ــ هاااااااا.. ويش قصدك..

ــ يعني اذا ما فيها احراج ولا مانع يشرفني اناسبك

ابو مالك شدخ ايده عالطاوله..

ــ ويش تقوول انت.. ويش تخررف .. لو الله عطاك كان هي قد بناتك وبناتك اكبر بعد..

ابو عدنان انصرع وصار يهدي في ابو مالك..

ــ هوو.. هييي.. خفف هدي.. ويش بك.. ليش من قال ابغى بتك..؟؟

ــ اجل؟؟

ابو عدنان رفع حاجبه بأستنكار:

ــ افا.. ليش اختك تزوجت...

ابو مالك هدت اعصابه وصار يضحك من قلب .. يضحك يضحك .. دموعه نزلت من الضحك..

ابو عدنان مبتسم بريبه:

ــ خير .. لا جد اتكلم.. تزوجت.. ؟؟ افلست يعني؟؟

ابو مالك يسمح دموعه:

ــ غربال يابو عدنانوو.. بطني عورني منك.. ويش جيبها على بالك..

ابو عدنان.. ــ لا بس مره اتصلت بيتكم وردت هي علي ماصوتها صوت بتك .. اعرف بتك افا عليك حسبة بتي.. فقلت هي اختك اكيد وبعدها الله مارفع حظها..

ابو مالك والضحك يهدأ:

ــ ايه .. ايه... ويلي منك ومن سوالفك.. لا تطمن.. بعدها وياي ما تيسرت..

ابو عدنان بأبتسامه:

ــ بشرررررك الله بالخييرررر...

ــ هههههههههههههههههههه عساك ويش اقول ضحكتني..

ــ ليش لا سمح الله؟

ــ لا .. بس صراحه.. نسيت امرها انا..

ــ افاا.. هذا وهي اختك..

ــ ويش تقول .. المخ ماعاد يجمع..

ــ ساعدك الله.. المهم.. خذ وقتك شاورها وشوف ويش رايها ورد لي خبر..

ــ عساه خير ان شالله...



ام عادل ماخلت احد الا لجأت له لجل ولدها.. لين بالأخير راحت هي الجمعيه وقابلت مديرها.. وبصياح:

ــ ولدي ياخوي مالي غيره شلون تخلوه عندكم..

المدير: ــ يااختي الله يكون بعونش بس هالأجراء لازم للي مثل حالته.. مأذي العالم كل يوم تروح شكاوي عليه عند الشرطه والشرطه يجو لينا ليش ما ناخذه مع اقرانه.. ياخيه كذا مره رسلنا لش ناس يطلبو منش تنتبهي له ولا تخليه يتصرف أي تصرف فيه اذيه لو خطر على ألأخرين.. ماخلا احد الا ضربه وماخلى احد الا خرب سيارته والبنات ماخلاهم في حالهم

ام عادل بعفويه: ــ أي بنات.. مافي بنات الا زينب اشتكت عليه هي بعد؟؟

ــ أي زينب .. ماعلينا من احد .. ارجوش اسمحي لينا.. ولدش هنا اصلح له.. بينتبهو له.. وبيعلموه.. و بيداروه.. وبس تتحسن حالته وتخف حالة العدوانيه فيه .. ان شالله بيرجع لش..

ام عادل مهي قادره وتصيح.

ــ حسبي الله على اللي كان السبب .. ماقدر اشوفه..

ــ تقدري خيه على أي وقت واي يوم..









راحت بتشوفه.. لقته في حديقة الجمعيه يلعب ويا الصبيان و مستانس..

صارت تتامله وهي مبتسمه و دموعها على خدودها..

نادو عليه ليها..

وصل :: وهو فرحان:

ــ هلااا اماااه بتسككككني وييييااااي هنا..

ــ لا ياولدي .. هنا كل صبيان .. باجي ازورك كل يوم..

ــ حققققققق ويييييييه كل يييييوووم؟؟

ــ ماتبغاني...؟؟

ــ لاااا تعاالي كل يووم عاااددددي .. بسسس الحييين باااررررووح العععب خلللصوو الدووور عنننني...

وراح يركض..

ام عادل تحس روحها وحيده.. كنها لحالها في هالمكان.. ماتسمع شي الا صوت عادل وهو يصرخ وهو يلعب ويصفق .. وشوي يسب سبه من سباته القويه لواحد من الصبيان غلط في اللعبه وخرب عليهم..

تذكر معاملتها له في البيت وتقليلها الدايم لعقليته وفهمه وكيف كل تسكته لما يتكلم وماتعطيه فرصه..

تتذكر ضرب عباس له على الفاضي والمليان..

تتذكره وهو يعبر عن مشاعر حبه لزينب .. و شلون يتمنى الرضا لترضى عليه..



دموع مع كل صفحة ذكريات ليها مع ولدها...

مع كل سالفه عفويه ضحكها فيها..

تنهدت من قلب ومع الزفره ..

ابتسمت..وتنهدت من قلب..

ــ في حياتي ماشفتك مستانس هالكثر .. الله كريم..



علي والحمدلله.. قايم شغله على المشاوير الخاصه في هالفتره.. خصوصا مع بداية ربيع والأعراس والعطله الصيفيه والدورات.. فحاط في باله اعتماده راح يكون عليهم طول فترة الأجازه..

كان يوصل حميد بين فتره وفتره .. ومايخليه...








جوال علا يرن المتصله كانت امل..

ردت علا الا تسمع امل بحماس :

ــ غناااتي رجعناااا البيت..

ــ الله.. الحمدلله عالسلاااامه.. اخبار سجاد..

امل ودموعها تنسل:

ــ الحمدلله صار يخطي .. مشى يا علا .. مشى..

علا بعفويه صرخت:

ــ الحمـــــــــــــــــــد لله.... يااااااااااااااااااااارب .. خلااااص سكري سكري باااجييييييكم..

سكرت وكانت معاها سوسن’’ سوسن بفرح:

ــ خير .. خير اللهم اجعله خير..

علا مهي عارفه ويش تسوي صارت تصفق وتتنطط..

ــ سجااد.. سجااد ياااسوسن..

سوسن تهلل وجهها وفهمت وبحماس:

ــ مشى؟؟؟

ــ اييييييييه

ــ هييييييييييه ... هههههههههههههههه الحمدلله ..

علا ودموع الفرح على خدها ..

ــ بتصل على ابوي يجي يوديني لخالتي...

اتصلت .. الا جواله مقفل..




تابع>>

[Princess]

سكرت بالخيبه:

ــ افففففف مقفل جواله والحين مابيرجع الا اخر الليل من عمله ياربي ويش يصبرني..

سوسن ابتسمت:

ــ بتصل على اخوووي..

علا فتحت عيونها::

ــ لالالا..

ــ ويش فيش .. ويش يصير يعني لو اتصلت..

علا بخجل وارتباك:

ــ لالا غناتي .. وايد مشاوير .. كلفت عليه وايد .. ماني..

ــ افااا.. افاا بس يا علووشه.. ماهقيتها منش .. بالعكس اخوي مايمانع ويفرح اصلا اذا طلعنا وياه..

ــ ويش اللي يفرحه.. اخته انتين ماعليه.. خله يفرح.. اني خلاص بديت احس بأحراج..

ــ علا..

ــ هلا..

ــ انطمي..

ــ بل..

ــ تقهري زين..

ــ سوسن ويش فيش..

ــ ولا شي .. سكتي عني..

ــ ياعلي سوسنوو لا تزعلي مني بس والله احرااج..

ــ فارقي..

ــ سوسنوووووو يا نحيسه..

ــ ويه.

ــ عن اللعانه..

سوسن تقوم:

ــ وباروح غرفتي بعد.. صرنا اغراب وتنحرجي منا..

ــ سوسنوو خلاص.. بلا نحاسه..

ــ مابرضى لين تطاوعي..

ـ ياربي عليه اشغال يمكن..

ــ ماعليه.. واسطااات هو يشتغل ويا ابوش محامي الشركه >> قالتها وهي تحرك حواجبها..

علا انربط لسانها وهي عارفه ويش تقول..

ــ كيفش .. اللي تشوفيه..

سوسن بفرح:

ــ الحيييييين اتصل..

جت بتتصل الا جوالها مافيه رصيد..

علا كانت ماسكه جوالها في ايدها.. حست احراج لو قالت لسوسن عندش التلفون..

علا : ــ هاش اتصلي من جوالي..

سوسن : ــ تسلمي..

سوسن استحت تسأل علا اذا مخزنه رقم اخوها لو لا..

قامت كتبت الرقم وسوت اتصال واذا مخزن بينكشف الأسم..

طلع مو مخزن..

سوسن في بالها: ــ افااا...

على الطرف الثاني هشام.. من شاف اسم علا يولع ويطفي .. وكان مسجلنه بأسم: ( مناي)

انصرع.. وارتبك.. ومو عارف ويش صاير.. ومختلع غررريبه .. وعلى طول جت في باله اخته اكيد فيها شي بس بالعاده علا ترسل له اذا فيه شي مو تتصل

رد بأرتباك:

ــ هلا..

سوسن بصرخه:

ــ اهلييييييين ساعه يالله ترد

هشام وقلبه طاح في بطنه:

ــ هذا انتين.!!

سوسن تتعيلف :

ــ ليش اجل فكرررت ميييييين..

ــ اهووو عني..

ــ احم.. بس احم..

ــ غربال.. ويش صاير ولويه مو من جوالش..

ــ ماعندي رصيد..

ــ ايه وخسري البنيه..

ــ احم خااايف عليها << قالتها وهي تطالع في علا

علا ارتبكت وراحت المطبخ..

هشام محمق:

ــ استحي هاا استحي..

ــ يوو الا كيف دريت ان هذا رقم جوال علا ..؟ ليش؟ مخزننه..

ــ ايه.. حق الطوارئ..

ــ مممممم حق الطوارئ

ــ ههههههههه سوسنو عن التعيلف واللعانه..

ــ ويش الأسم..

هشام فهم عليها وقام يستظرف :

ــ هشام ال...

ــ ههههههههههههه كف ويا وجهك.

ــ كفيين.. ويش صاير ؟؟

ــ هاا,,انسيتني لويه متصله اني عساك سعاده.. ايه.. ويش عندك الحين..

ــ ابد من ساعه خلصت شغلي .. خير؟؟

ــ لا بس ابغاك تمر علينا بنروح بيت خالة علا

ــ اللي سافرت امريكا؟؟ رجعو..

سوسن بفرح: ــ ايييه وابشررررك نجحت العمليه ومشى ولدها..

ــ الحمدلله رب العالمين.. اللهم صل على محمد وآل محمد..

ــ اللهم صل على محمد وآل محمد.. ويش الحين؟؟ نجهز..

ــ ايه افا عليكم .. اجهزو.. مسافة الطريق بس..

علا طلعت من المطبخ..

سوسن: ــ ايييه اني قايله مافي زيك بالدنيا ولا بتردنا .. امواااااااااه..

هشام استحى: ــ ههههههههههه عساش ويش اقول .. تأدبي عني..

علا ولعت حمرا.. وابتسمت..

سوسن بعفويه:

ــ هههههههههههههه استحو ثنينهم.. عساكم السعاده..

هشام:: ــ اقول باي..

ــ هههههههههههههه باي ..

سكرت سوسن:

ــ مسامحه طيرنا نص رصيدش..

علا ابتسمت:

ــ شدعوه.. يفداش الخير وايد..

ــ ايييه يبغى لي طلعتي اقول لخوي يشتري لي بطاقه ذكريني ..

ــ ان شالله..



ابو اشرف يكلم ابو جاسم في التلفون:

ــ ايه يابو جاسم انا المشكله حاولت اني اتكفل بتخفيف الحكم عن ولدك.. بس للأسف ما رضيو الا لازم حضور ولي الأمر دام انه موجود الله يطول بعمرك والا باسوي من وراك.. حسبي الله على بليس.. فأبغاك تجهز بنمرك انا واشرف وبنروح

ابو جاسم حاس بأحراج:

ــ لا ياخوك مانى رايح.. ولدي مهو مظلوم .. وانا اعرفه.. ماتتجارمو وتدفعو لجله ولا ريال والله ما ارضاها..

ــ لا تزعلني منك يابو جاسم..

ــ حلفت عليك بالله ومحمد وعلي .. والله ماتدفع ولا ريال ..

ــ يابو جاسم..

ــ يابو اشرف ماقصرتو عساكم سالمين وعساك بالغ في ولدك .. الله يوسع عليك.. بس هالطلب فوق طاقتي اسمح لي ماقدر عليه.. ماقدر اكلف عليكم وانا ايدي تصفر مااقدر اسوي شي..

ابو اشرف صار يفكر في كلام ابو جاسم لقاه في محله.. عزة النفس تغلب كل العواطف الأنسانيه..

ابو اشرف بهداوه:

ــ على راحتك ياخوك.. المهم حنا حسبة اهلكم أي شي تعوزوه مايردكم الا لسانكم..

ــ عساك سالم..



سكر ابو اشرف والتفت لولده.. وبهداوه:

ــ عزيز نفس وقوي مهجه هالرجال.. زيه قليل في هالزمن.. الله يهدي ولده ماطلع عليه

اشرف بحزن:

ــ الله يهديه..

وبفرح داخلي:

ــ ويحببك فيهم اكثر واكثر..



بالطرف الثاني ام جاسم صارت تصيح وتحن على ابو جاسم لويه ماقبل من ابو اشرف هالخدمه..

ابو جاسم في الحوش يشرب قدو...

الابصرخته: ــ شيفاااااااا.. شيفاااااااااا هاااااااااااا.. ترضيها علييي.. احس روووحي مديييووون طووول عمررري .. حتى لو قال لله فلله.. يامره محنا محتاجين احد .. الله لا يعوزنا.. وولدش خليه يتأدب .. لا تعوري راسي ولا تطوليها وهي قصيره..



ام جاسم بحمق:

ــ ماكنه ولدك.. مادري لويه تكرهه.. كني جايبتنه من الشاااارع..

ابو جاسم حمق ازيد منها ويشيل القلم من دبة القدو ويشدخ به عالأرض...

ــ وتاااااااااليتهااااااااااا



ام جاسم تركت له الحوش ودخلت غرفتها...

زينب تسمع صريخهم.. وتصيح.. مهي عارفه ويش تسوي...

ابو جاسم رجع القلم محله.. بيشفط نفس الا يحس مايوصل ...

شال القلم يقلب فيه وبقهر:

ــ شلخ الله راسش يا زهرو يالحنانه.. انشلخ قلم القدوو..

قام :

ــ ايه.. يالله.. ويلي ويلي .. يا ضلوعي..

وطلع من البيت...



تابع>>

[Princess]

وصلو بيت حسين.. ونزلت علا بالسرعه وياها سوسن...

طقو الباب .. مهلو شوي.. وهم ينتظرو..



وداخل .. امل بأبتسامه كلها سعاده.. تطالع سجاد اللي يخطو خطوه خطوه رايح للباب بيفتحه..

تحس قلبها مع كل خطوه يقفز من الفرح.

سوسن:

ــ يووو.. توش مكلمتنها.. ماحد يرد ولا يفتح.. عساه خير..

هشام واقف ينتظرهم يدخلو..

الا سجاد فاتح الباب وهو واقف على رجوله..

بعفويه وبلا شعور .. علا نزلت له وضمته..

هشام يطالع فيهم ومبتسم .. الموقف اثر فيه وايد ...

سوسن تصلي على محمد وآل محمد..

ودخلو البيت.. علا ماسكه بأيد سجاد.. ومن اقبلت على خالتها.. حضنتها .. واشتغلو صياح ..

سوسن:

ــ اوهوووعلى ويه الصياح.. الحمدلله على سلامته..

امل :

ــ الله يسلمش غناتي .. من الفرح والله من الفرح.. عقبالش ربي يسهل عليش ويفرحنا فيش..

سوسن : ــ يارب..





ويوم ثاني الصباح.. على طاولة الفطور..

ابو مالك:

ــ ايه ياخيه.. ويش اخبارش..

سميره مستغربه من هالسؤال.. وعلا وسوسن مستغربين اكثر واكثر..

سميره بأرتياب :

ــ الحمدلله بخير..

ابو مالك :

ــ ايه.. عندي وياش سالفه وابغى علا وسوسن يسمعوها ويشاركوني الراي..

الكل ساكت منتظر السالفه..

ابو مالك:

ــ ابو عدنان صديقي تعرفيه..؟؟

سميره بتوتر:

ــ ايه.. اللي عرس على بت عمه وتوفت تالي مصريه واخر شي لبنانيه.. وهو مايجيب ولاد..

ــ ايووواا وصلتي خير... المهم ياخيه.. بالمختصر وبدون مقدمات.. طالب القرب مني ومتقدم لش..

علا شرقت بالعصير .. سوسن صارت تطق في ظهرها..

سميره شدخت الملعقه عالصحن.. وقامت غرفتها..



الى الملتقى

[كبرياء]

هههههههههههههههه
استتتتتحت العمه هالضبببببعه هههههههههههههههههههههههههه
والله شكلك يا اميروه بتختمي القصه بفررح <<--- كانت تبغاها مأسآآه هع ..
خااطري اصيح هع هع <--- بتتكفخ
يسلموو على الجززء الرووعه
لاعدم
بالانتظااار
كبرياااء

[دمعة الاحزان]

اهو بنقلع انا
ماني عارفه اقرى هالخوات هنا مشوشين علي ومزعجين
والفكر مشوش شويات
فكملت خلني اروح وعلى رواقه بعدين اجي
سييا

[للدموع إحساس]

يــــآآآآآآآآآآآآآآآآآآآآآآي ،،
البآآآآآآرت جونآآآآآآآآآآآآآآآآن ،،
ما في صباح الخير و لا أخوهـ ،،
و لا أحلى من هيكـ ،،
سلمت يمينكـ يا خيووووهـ على هيكـ إبداااااااع ،،
و يلي لكن عفر أم عادلوهـ كسرت خاطري ،،
أن شاء اللهـ يطلعوهـ خيهـ طلعيهـ عندش واسطهـ ،،
و عاشو متى بيجي الخميس ،،
من زمآآآآآن ننتظرهـ ،،
و حينوب مسكينهـ اللهـ يفرجها أن شاء اللهـ ،،
بـ إنتظاركـ ياالـ غلا ،،
لا تطولييييييييييييييين ما في صبر ،،
يعطيكـ ربي ألف ألف عاااافيهـ ،،
خاااالص التحااااياااا ،،
للدموع إحساس ،،

[Hussain.T]

ما عليش من كبرياء


حلاوتها فرح << زين ومرح


صراااااحة صارت الرواية رهيييبة

يسلمووووووو اميرة

تحياتي

[سفيرة الاحلام]

روعه

زين بتعرس سميره

وحركات هاشم وعلا يذكروني بناس هع هع

ومسكينه ريما بتنصدم من خبر خطبة ليلى

وتسلمي على الجزء

لاتطولي

[دمعة الاحزان]

لا البارت قصير مرة
بس الحمدالله على سلامه سجاد ومشيه
واما سمور عليها حركات بتعصب شوي وبتنقهر بس بتقلب الموضوع في
فكرها انها الى متى من غير زواج وعند اخوها صدق بتشتاق للولد بس ماعتقد ان فيها وبتوكل امرها وبتوافق
وريموة طلعت مطفوقه على العرس الله يرفع حظها قولوا امين
وزين ماتسوي تختميها بفرح
تشكرات افندم

[جنة الحسين]

روووعه روووعه الجزء

ننتظر ليلة الخميس هالاسبوع < متحمسه للخطبه

[زهور الريف]

بسم الله الرحمن الرحيم

اللهم صل على محمد وآل محمد

وعجل فرجهم

ويش أقدر أقووول أني بس...!!

ابدااااع في ابدااااع

ما شاء الله

اجزاااء ولا أحلى

أتونست وأني أقرأ الاجزاء

بصرااااحة انقلبت القصة بشكل رااائع


كل ضحك ووناسة الحمد الله الله يدوم هالحال..!!

تسلم هالانامل المبدعة

والله يحفظش ويوفقش لكل خير ياااااارب

[اسير الهوى]

انا اتوقع ان الخالة مو موافقة اصلا وقامة منقهرة

تسلمي اميرة بصراحة روووووووعة

تسلمي عل هالابداع وترابط الاحداث

وين المخرجين عنك بس (اوه نسيييييييت ان انا مخرج هههههه)

بس للاسف هني بهالبلد ماعندنا فرصة

ماعليك بس افتح شركة لاخراج بشتري كل السيناريوهات من عندك


الله يوفقك خيتي ويعطيك كل خير ويحقق كل امانيك بحق عليل كربلاء عليه السلام

كوني بخير

[آخر شقآوهـ ..~]

يـــــــــــــــــــــــــــــآآآآيز جونـــــــــــآآن بآلقوهـ
أهم حويجه تكون آخر شيء فرح ..
أني أتوقع سميروهـ بتقعد تكلم حآلهآ وبتقول الآتي
لمآزآ أني حظي منحووس ألحين مآعجه إلآ أبو عدنآآن وهيه طبعآ مآعجبهآ العريسس
بس آخر شي بتآخده هع هع
تسلمين يآغلآ ع الجزء الفلته
يعطيك ربي ألف عآفيه
لآعدمنآ جديدك
تحيآآتون

[جـــــوان]

تسلم أيدش غناتي على الجزء الروووعة


بس علاويش ما خليتيهم يتقدمو الى ليلى اليوم

كان وناسة