ضعنا يا صبرنا...

[الــــنـــاري]

يسلمو خيتو على الطرح المتاخر << اقرع ومشيرط :evil:
بصراحة جزء فلة جنان
بس مادري ليش خليتي
علي بن ... آل ...
الى البارت الي بعده>> ونت ويش دراك يالخراط:wacko:

مانبغا نسبق الاحداث وخلي تخمنياتي في ماي راس :wink:

بتنتظار الجزء اليديد وياريت تحددين متى ينعرض الفلم:toung:

تمنياتي لك بالتوفيق

[Princess]

مرحبا
ههههههههه وقت عرض الفلم ماله وقت المهم ينزل وما يتأخر يوم
حسب ظروفي في البيت
حسب نفسيتي ووضعي
حسب ظروف النت العالميه..

:wacko:


تسلمو لي لا خلا ولا عدم
ودوم هالضحكه
وانتظروني الليله.. او الفجرررررر..:toung: بالجديد
دمتم بخير
وبحفظ الرحمن

[آسوآآر الآلــمـ]

تسلمين أختي أميرة

أحس عيشتيني جوء محرم .. أشتقت له والله

الله يعطيكـ العافية يااارب

وعساكـ ع القوة إن شاء الله

موفقه أختي

،،

[نبــراس]

أمور .. كأن الأجزاء قصيرة في هالرواية ~ : )

والأحداث سريعة >> بس روعة

مجرد إحساس إن :

زينب لـ أشرف

علا لـ علي

بالانتظار على أحر من الجمر


موفقة

[زهور الريف]

بسم الله الرحمن الرحيم
اللهم صل على محمد وآل محمد
وعجل فرجهم

واااااااااااااااو

بصراحة جزء جناااااااااااان

ما شاء الله

ويلي على عادلوووووووووووه فطسني من الضحك فضح أشرف مسكين

جزاته الخير دخله ماسوه فعل..!!

وكأن جاسم بدأ ضميره يأنبه خلاااااااااااص شكله بيعترف احم احم أن بكيفي ..!!

وحتى أم جاسم وأبو جاسم تحوووووووووفه

وااااااو

علا وسوسن صار أصحاب حركات

شكلها مسكينة طلعت تكلم أخوها واحنا ظلمناها ههههه


أقووووووول

عقبال علي بعد يطلع من السجن اهئ اهئ

تسلم الايادي يالغلا

بانتظار الجديد

[*زهرة البنفسج*]

جزء كشخه منك ياموررررررررر


لالاضحكوه ماتوقع علي بكون ضمن اسماء المفرج عنهم

شكلي بفهي زيش يضحكوه

ننتظر البقيه

[دمعة الاحزان]

تسلم عنوناتك وماتقصري
وخليه لحبايبك
زعلانه منك انا
الجزء مررة قصيرة كان طولتيه اتسلى فيه شوي
خبرك ليلي طويل بس يلا المرة الجايه
بس عادلوة الاهبل الله يهديه بس امه مفهمته وراح فيها من التفهي الله يغربل شرة
اما ام السوس طلعت خوش مرت اب وادميه<<كأن عندي زيها بس على حسب الرضا الداخلي عن نفسها
جاسك الله يكون بعونه<<حااسه فيه وحييل وكاسر خاطري لان احياتنا الظروف تجبر على
شي واحيانا يكون الظروف وابليس شاطر بس يلا الله كريم
علي احس مابيجيه الافراج مدري ليه احس لسى باقي له شي
وعبدالرحمن بيروح بيتهم ومع زوجته وبيطمنهم على علي ومن هناك ببدا مراسم التشيع عنده
طولتها مو
يلا سلام وانتبهوا لحالكم

[المتحير]

امييييييييييييييييييييييييييييييييييييييييييييييرة وينك نبيييي ناااااااااااااام يلا تعالي انا ما بانام الى اذاقريت الجزء

[دمعة على السطور]

صايرة دائماً اوصل متأخرة.
بس المهم اوصل
روعة ..خصوصاً أنه وصل شهر الحسين..


موفقة حبيبتي أمورة الحبابة..
دمتي بعين المولى الجليل...

[المتحير]

بااااااااااممممممممممممووووووووووووووووتتتتت يييييييييييللللللللللللاااااااااااا اااااااااااااااااااااااامممممممممممممممممببببببببب بببببااااااااااااااا ااااااااااااااااااااششششششششششششششششششششوووووووووو وووووووووووففففففففففففففف اااااااااااااااااااالللللللللللللللللللللللللممممم مممممممممممممممملللللللللللللللللتتتتتتتتتتتتتتتتت تتتتقققققققققققققققققققققققىىىىىىىىىىىى
وووووووووووووولاااااااااااااااااااا بااااااااااااااااامووووووووووووووووووووووووووووووو ووووت

[المتحير]

يلا اميرة

[المتحير]

اميرة بسرعة لاني كل دقيقة اطيح على الكيبورد نعسان لكن ما بانام لاني صااااااااااايم

[Princess]

مرحبا

ياااسااااتر.. عجيب الأنتظار.. بس هذي ظروفي .. وتمام الحين بدري ..
لول تمر ايام احيانا ما انزل الجزء الا الصباح الساعه 7 او الظهر..
تسلمو لي على المتابعه والتفاعل..
واللي نعسان ينام المرات الجايه.. ما بيطير الجزء موجود :)

تفضلو الجديد

[المتحير]

المهم تحطي الجزء الحين لانه انا وباقي الاعضاء اذا حطيتي الجزء وعلى طول قريناه كانه مباش لكن بعدين كانه اعادة

[Princess]

الحلقة 26



طارق محمد ال....
حسين عبدالله ال..
عبدالرحمن سعود ال....
عبدالرحمن صرخ حد ماعنده وحضن علي..
ــ عقبااالك يالغالي..
وطلع عبدالرحمن من باب السجن اخيرا.. صدر عليه العفو...


وبعد كم اسم..
خلص العسكري .. وسكر الباب..
الا بصرخة واحد من المساجين :
ــ ايييييه يادنيااا العفو ما شملناااا...
واحد ثاني :
ــ الله كريم يشملنا الجاي ..
ثالث :
ــ اخاف اخذ محكوميتي كلها .. ويلغو العفو..


علي متيبس ومهو قادر ...
جر الخطوات لعند باب السجن.. وقف ومسك قضبانه..
سند جبهته عليهم واطلق من عميق الروح والقلب زفره..
يحس بغصه.. تذبحه.. بس الدمعه عيت تنزل...


ظل علي واقف على هالحال.. متأمل كف حانيه تمسح على ظهره وتواسيه وتقول له..
ــ اصبر ويجيك الفرج ..
بس عبدالرحمن انيس الوحده .. الله فرج عنه..


بتعب استدار وتسند على ذاك الجدار.. وقعد .. قعدة المكسور المخذول.. سند راسه للورا.. و رحل في دنيا همومه..


دقايق وجى العسكري معاه عبدالرحمن..


علي بعفوية التفكير .. بدون قصد الشر .. فرح لرجعة عبدالرحمن.. الود وده يطلع وياه جميع..
فتح العسكري الباب دخل عبدالرحمن وملامح وجهه ما تنقرأ .. صعبه تعرف تميز هل الفرح اللي رسمها .؟؟ لو الحزن,,


اول مادخل .. حضن علي حضنه قويه.. حس علي كأن روحه انتزعت من جسده واندمجت مع روح عبدالرحمن..


عبدالرحمن بصوت مبحوح:
ــ في امان الله يالغالي..


علي شابح بعيونه.. وبعفويه سالت الدمعه اللي عذبت عيونه... وبعفويه اكثر فرد ذراعينه من حول عبدالرحمن..
عبدالرحمن لسا حاضننه..
ــ يالغالي.. بتوحشني ما طاوعني قلبي اترك المكان قبل لا ارجع واسلم عليك.. انتبه لنفسك..ولصحتك,, العفو شمل بس اللي مضى على محكوميتهم سنه.. وانا مضت سنه... انت بعدك ..الله يعينك ويصبرك ويفرجها عليك..
يالغالي ما بنساك .. ومع كل زياره بتلاقيني عندك.. و عهد علي كل اللي تعلمته منك راح اطبقهو عهد علي راح استمر على هالمذهب اللي اخذته منك.. و عهد علي ما راح اتنازل عن أيمعتقد غرسته في وجداني..


وترك عبدالرحمن علي .. مسح دموعه وابتسم له..
ــ مع السلامه..
ما مداه بيطلع من السجن .. الا علي يمسكه وينحب نحيب .. رجع عبدالرحمن وحضنه وصار يصيح وياه.. هالموقف فطر قلب الجماعه اللي بالسجن.. وصارو يهدو فيهم .. والله بيفرجها عالجميع ان شالله..
لين العسكري خلاص .. طلب من عبدالرحمن ينهي هالسالفه وطلعه..
علي من خلف القضبان :
ــ انتبه لنفسك يابو حنين .. وروح القطيف .. اسأل عن حي ال... بيت حسين آل.... هذا بيت اهلي
زورهم وطمنهم علي .. انا خايف عليهم مرت زيارتين لي ولا احد جى .. توقعت عالأقل خالييمرني بس مادري ويش فيهم وويش ظروفهم.. ان شالله تلاقيهم اهل لك ولزوجتك..
عبدالرحمن حط ايده على ايد علي اللي كانت شاده على القضبان..
ــ ولا يهمك يالغالي.. راح ازورهم بأذن الله.. مع السلامه..
ــ في امان الكريم<< قالها بهدوء .. هدوء كاتم العبره والآهات في صدره..


وطلع عبدالرحمن للدنيا..طلع والشوق يسبق الخطوه,,, و على طول راح لزوجته.. اللي كانت مثل الورده الذبلانه ,, من شوفته ردت ليها الروح..


حمل حنين بين ذراعينه.. وضمها لصدره وما تحمل على طول سالت دمعته.. و امها بفرحه عامره تقول ليها .. هذا البابا...


وحنين كلما رددت ببراءه هالكلمه.. عبدالرحمن ما يمسك نفسه.. ابتسامه يطغى عليها الدمع..
قعد ويا مرته وكل شوق .. يسألها عن اخبارها وويش مسويه .. والحمدلله اللي بس سنه ابعده عنها .. وحكى ليها سالفة علي .. والمذهب الجديد..


رزان متخوفه : ــ عبدالرحمن.. مدري .. تحس هالشي رح يكون سهل علينا..
عبدالرحمن يطمنها : ــ ايه .. لا تخافين .. انا معك.. والله ما بيتركنا دام حنا عالحق .. وراح اعرفك على عايلة خويي علي .. ماعنده الا خوات .. بيصيرون خواتك ان شالله و امهم خالتك.. ابشري ..
رزان ابتسمت : ــ ان شالله يارب..معك انا يالغالي في كل شي



في بيت ابو علي ...
ابو علي : ــ ايييه .. قضى اليوم.. وانتهى العفو.. وما شمل ولدنا..
ام علي حاطه ايدها على خدها ودموعها تصب .. : ــ الله كريم..
ليلى .. هدوووء ولا كلمه...
شوي يرن تلفونهم وكانت زينب .. تخبر ليلى انها بتمر عليها الليله بيروحو الحسينيه..
ولما سكرته ليلى وخبرت امها مين المتصل ..
ريما قفلت الكتاب :
ــ افففففففف الناس تطلع و اني حبسه اذاكر والله ماني مذاكره الليله..
ام علي ببرود : ــ منتين مجبوره .. عقلش في راسش من متى اجازه كنتي شان الحين قضيتي هالماده..
ريما تفتح الكتاب..
ــ اف اف اف اااااااااااااااه
وتمسك صفحه من صفحاته وتكفس فيها تلعن خيرها تكفيس..
ليلى : ــ انا لله .. دقت الحاله..
ريما تعدل الصفحه :
ــ سكتي عني هااا...



حميد ... خفت حالته... وقرر الدكتور يطلعه من المستشفى...
حميد يحاتي وين بيروح.. ؟؟
وويش بيسوي وصحته مو ذاك الزود.. يبغى له ملاحظه.. و أي مضاعفات لازم يرجع المستشفى..
مو معقوله المستشفى بيصير له فندق وحالته صارت احسن...


طلع من المستشفى .. وراح صندقته...
دخلها وحالتها حاله.. وعفستها قايمه... لاحظ الغطا اللي مغطي فيه اوراقه متزحزح عن محله..
رمى روحه على منامه وتلحف بغطاه وفي باله..
ــ سويتها يا جسوم.. سويتها فيني ... يالله تاخذني وتريحني...


جاسم استلم الشغل.. وصار يداوم في السوبر ماركت.. ويحاول قد ما يقدر يلهي روحه في الدوام دخيل الله ينسى همومه شوي...
فصاير مره نشيط وعاجب ابو اشرف .. وفرحان به.. ودايما يشكر فيه عند حجي عبدالرحيم..
ابو جاسم متشقق وطاير من الفرحه.. اخيرا صار ولده رجال و ينذكر بالخير..



ابو مالك قاعد في زراعة بيتهم الخارجيه... يكلم جوال.. بس خلص المكالمه.. جى بيقوم ناوي يطلع.. الا بجية سميرة له..
ــ قوه ياخوي..
ــ هلا.. الله يقويش..
ــ عساك بخير ..
ــ الحمدلله...
ــ بتطلع؟
ــ ايه شوي .. خير .. تبغي شي ؟؟
سميره متردده:
ــ عساه خير.. مادري ياخوي ويش اقول ومن وين ابدي..
ــ خير ان شالله ويش صاير؟؟
ــ سوسن..
ابو مالك تغيرت ملامحه: ــ ويش فيها؟؟
سميره مرتبكه : ــ مادري ... ماني عارفه ويش اقول..
ــ سميره تكلمي .. خوفتيني..
ــ مادري مادري .. بس كذا مره شفتها تكلم جوال..
ــ ايه !!
ــ مادري شكلها .. شكلها تكلم واحد..
ــ هشام اكيد..
ــ أي هشام..
ــ اخوها..
ــ مادري .. تكلمه بطريقه مو طبيعيه.. تقول له غناتي .. وحبيبي مدري ويه..
ــ ايه هي مع هشام كذا.. اخوها و اهلها بالنسبه ليها..
ابو مالك يقوم عن سميره:
ــ فكرت عندش سالفه..
سميره : ــ ويش دراني ياخوي اني شكيت .. وخفت وترددت اقول لك ..
ــ حرام عليش .. طيب بطلع الحين تبغي شي..
ــ سلامتك ...
وفي بالها :
ــ من متى تعرف الحلال والحرام انت.. ايه.. ماعلينا .. يمكن الله هداك على ايد سوسن ..



تابع<<

[Princess]

علا في غرفتها قاعده عالكمبيوتر .. الا بابها يطق ..
عرفت على طول انها سوسن.. مستحيل سميرة ما سوتها... ولا ابوها.. ومالك مسافر..
ــ تفضلي..
دخلت سوسن حامله كوبين كابتشينو..
ــ دفي رووحش ..
ابتسمت علا:
ــ مشكوووره..
ــ العفووو...


سوسن :
ــ تطلعي وياي الليله..؟؟
ــ وين؟؟
ــ وين يعني .. اكييييد..نروح حسينيه..
ــ تصدقي .. من زمااااان مارحت صايره دي كم سنه اكتفي بالتلفزيون.. واحس بالحسره فيقلبي..
ــ ليش عاد..!! اني في الغربه ونروح حسينيه هناك,, تجهزي الليله بيمر علي هشام اخوي وبنروححسينيه اني وياش..
علا تشققت من الفرحه : ــ ياسلااااام.. بس ...
وسكتت .. وتغير لونها..
سوسن : ــ بس ويش ؟؟
علا بهداوه: ــ استحي ..
ــ ههههههههههههه فديت الخجل واهله.. عادي اخوي هشام حباب وطيب .. واني وياش ..خيرتش تتعودي عليه..
ابتسمت علا..
الا جوال سوسن يرن..
سوسن : ــ عمرره طوويل ..
وردت على الجوال : ــ هلا غناتي.. تونا نحش فيك..
هشام : ــ اهلين .. ههههههههههه تحشو.. ماتجوزي انتين ورجلش..
ــ ههههههههههههه لااااا مو رجلي.. مع بناوتي..
ــ حركات بركات.. علا..؟؟؟!!
ــ ايه علا..
علا تلون وجهها احمر من رد سوسن.. قولتها ايه علا.. يعني السؤال كان فيه علا.. يعني يعرف اسمها..


هشام : ــ عن الحش وتأدبو عني زين..
ــ ههههههههه محنا متأدبين.. توي بتصل فيك بذكرك تمر علينا الليله لروحة الحسينيه..
ــ يا محاسن الصدف انا داق بقول لش بمر عليش الساعه 8 ونص..
ــ هههههههههه اوووكي 8 ونص بنطلع لك..
ــ بتطلعو لي .. بتجي وياش يعني..
ــ اييه..
ــ زين حياها الله.. وتمام حق تدلينا لو ضعنا..
ــ ههههههههههه لا تفشلنا ما نندل ترى..
ــ بل .. افلست منكم.. يللا الله يخلي السؤال .. ما تاه من سال.. اشوفش الساعه 8 ونص علىخير..
ــ على خير..


سكرت سوسن ولفتت نظرها ستاندر الرسم في غرفة علا.. والتفت للوحه معلقه ..
ــ ما شالله تبارك الله.. ترسمي علا..؟؟ هذي رسمتش؟؟
علا بخجل : ــ ايه..
ــ تجنن.. فن.. اللهم صل على محمد وآل محمد..
ــ تسلمي من ذوقش غناتي..
ــ الله يسلمش .. ماجربتي ترسمي لمحرم..؟؟
علا ابتسمت : ــ الا رسمت.. موضوعها لأبو الفضل العباس عليه السلام
ــ سلام الله عليه.. وينهي ؟؟
ــ في المعرض تبع الجمعيه الخيريه..
ــ ما شالله.. يعني ورانا رحله للمعرض بعدين..
ــ ايه ان شالله من 15 الى 25 محرم..
ــ وناااسه..


وشوي التفتت لمسجل علا .. شغلته .. وصدفه شريط اولياء .. ويا مسجون وغايب عن كل الحباايب..
علا بهتت.. وذبلت الأبتسامه على شفايفها.. وقعدت على السرير..
سوسن تردد مع الشيخ.. انتبهت لعلا.. وحالتها اللي تغيرت.. قصرت على الصوت وبهمس:
ــ تجنن القصيده .. ومؤثره... سلام الله على قاضي الحاجات..
علا بهمس متقطع : ــ سلام الله عليه.. تذكرني بناس.. عزيزين..
سوسن : ــ ناس !!
علا دموعها طغت في عينها : ــ ايه..
سوسن : ــ ويش فيش غناتي.. ومين هالناس...؟؟
علا بدت دموعها تسيل .. وصارت تقص لسوسن سالفتها مع بيت ابو علي من البدايه اول التعارف...




مؤيد كان مسؤول عن موكب الأطفال الحسيني من اطفال الفريق اللي يدرسهم في المدرسه .. يرتبهم ويحفظهم القصيده.. ويشرف عليهم...
كان موكبه من اروع المواكب الطفوليه واكثرها اتقان وابداع.. والكل يعرف موكب البراعم الحسينيه بأشراف الأستاذ مؤيد..


ام مؤيد ,, ملايه تقرأ مأتم الحسين عليه السلام كل سنه.. وبناتها ناديه وساره .. من اروع الأصوات الحسينيه الولائيه.. يعاونوها على القراءه وخدمة اهل البيت..
في محرم بالذات.. هالبيت معروف في الفريق ... ومن هالمأتم تنزل الرحمه على روح ابو مؤيد..


في بيت ام مؤيد غرفه فيها العاب جود وعفايش لكرار و منتظر...
كانت ام مؤيد في الغرفه اللي يقرو فيها المأتم.. ماسكه كتاب نعى وتقرا فيه.. وساره منبطحه.. وناديه تخيط بلوزة منتظر السودا تشابق ويا اخوه و شقها اله..
ما يسمعو الا صرخة جود وصياحها..
ساره فزت على طولها :
ــ غربال يغربلكم يالثنائي المجرم .. مايندرى ويش سوو في فقيرة الله
ناديه بالغلط شكت الأبره في صبعها:
ــ آآه وخناقه. غرباله تغربل منتظروه... لا تدعي على ولادي ....
ام مؤيد :
ــ ههههههههه استغفر الله ياربي .. عساكم السعاده.. انتين تدعي وهي لا تدعي..
ناديه: ــ ايه اني امه ..
ام مؤيد :
ــ هههههههههه الله يبلغش فيهم ان شالله..
ساره رجعت وجود وراها تصيح..
ناديه تطالع في ايد ساره ويش حامله.. وفتحت عواينها :
ــ دااويه..
ساره ماسكه دبدوب جود المفضل .. راسه في ايد وبقايا جسمه في ايد.. وترميهم على الأرض جنب ناديه وبحمق:
ــ خيطي..
ناديه وهي تقص الخيط خلصت البلوزه..:
ــ قالو لش فاتحه خيااط اني..
ــ فعايل ولادش.. لعن الله يزيد.. مادري بويش متأثرين.. قصو راس دبدوبها ما قصرو..
ناديه :
ــ ويلييييييي بيذبحوووني...
ام مؤيد : ــ بسم الله على عمرش .. ساره عاوني اختش عليهم..
ساره : ــ اهوو ليش مين يقدر عليهم هذيلا..
ناديه خذت الدب : ــ روحي جيبي لي خيط ابيض خلني الحم راسه ..
ساره : ــ ههههههههههه زين..
ناديه : ــ ونادي على الملاعين الأثنين.. كراروه بالذات خله يجي يلبس بلوزته لا يموت من البرد ماني ناقصه صخونه..


شوي جو ثنينهم .. وفي اياديهم العاب .. الا طايح راس باربي حقت جود..
جود فتحت عواينها وشالته وخلاص مهي قادره بتدحن..
ــ راااااااااس بتي ...!!!!!!!!!! قطعوووووووووه
ساره صفقت صدرها : ــ ياداااافع البلا ههههههههههههه جيبيه.. وين بقايا جسمها..
جود تصيح : ــ مادري..
ناديه تخيط في الدب : ــ اما يا جودي انش صيوحه.. غناتي الدب هذاني باخيطه.. وراس باربيتش يتركب .. مو مشكله..
ساره راحت غرفة الألعاب ورجعت.. وهي ميته ضحك والوانها متغيره..
ام مؤيد سكرت الكتاب:
ــ استغفر الله بتخسفو بنا انتون غربال يغربلكم..


ساره ترفع جسم الباربيه فصخوها من ثيابها و كسرو رجولها وايدها قبعوها .. صايره مفككه تفكيك..
جود من شافتها كذا يللا عاد مين يسكتها..


ناديه : ــ ياعلي ياساروه عليش خباله بشكل .. كان ركبتيها هناك.. جايبتنها قدامها.. يللا سكتيها الحين...
ساره : ــ ههههههه استغفر الله ماني قادره.. ولادش مجرمين من الصغر ماقصرو فيها


ام مؤيد تتأمل اللعبه وهي بلا ثياب واياديها مقصصه وراسها مقطوع.. وساره تركب فيها ,,
ماشافوها الا رفعت شيلتها وصارت تصيح..
ــ سلام الله على الحسين.. سلام الله على ابو فاااضل...
ساره تأثرت وصارت تركب في اللعبه بهدوء..
ناديه تكلم ولادها بهداوه :
ــ شفتو ماما ام مؤيد تصيح على الأمام الحسين عليه السلام.. اللي قلت ليكم قصته.. شفتو يزيدويش سوا بالأمام.. لويش تسوو بلعبة جود كذا .. حرام تاخذو شي مو اليكم و تخربوه.. الله مايحبكم بعدين..


ابو مالك في مكتبه.. طلب فواتير لرقم سوسن.. وقاعد يراجع الأرقام اللي فيه.. لقاهم كلهم لهشام.. تطمن .. وارتاح باله ...


وفي الليل .. الساعه 8 ونص .. مر هشام عليهم,, وطلعو..
ركبت سوسن.. وعلا لفت جهة كرسي سوسن فتحت الباب وبهمس بالكاد ينسمع سلمت..
سكرت الباب ما تسكر.. رجعت فتحته وسكرته ما تسكر .. حست بأحراج.. رجعت فتحته وشدخت به.. وتسكر.. خلاص وجهها صار احمر من شدختها للباب..
وطول الطريق سوسن وهشام سوالف وتعيلف .. و علا ما شغلتها الا تتصوخ وتبتسم..
وعلى بالها اخوها مالك.. وحشها وايد..
وهم ماشيين في الطريق الى الحسينيه .. الا الناس متجمعه وزحمه وعالم..
هشام : ــ ما يندرى ويش صاير..الله يستر .. شكله حادث...
سوسن : ــ الله يستر...


الى الملتقى...
اسمحو لي الجزأ قصير بس هذي ظروفي ما تسمح لي حاليا الا بهالكثر :)

[عوامية صفوانية]

يسلمو اموره على البارت الروووعة لكن قصير :wink:

كل اللي باقوله الاعضاء قاالوووه ما قصروا
وقلت ماني معلقه على شئ بس ما قدرت
والله لا يحرمني منكم ولا يحرمني من هالمنتدى المبارك


تعليقاتي
عادلوه اللي موتني من الضحك عااااااااد ما سوااا اسوايه في المجلس الحسيني ههههه
فشل اشرف مسكين هع هع

(( الله جبتي اجوااء محرم ))

وسوسن تهمتهاااا مسكينة افتكرتها تلعب على علا بس ان شاء الله تصدق عند كلامها وقسمها لعلا بالقرآن ..

ايه عبد الرحمن طلع عفو والله يفرجها على علي
( اني قايله لش أميرة المرح من اول ما انسجن علي الله يفرجها عليه يا الله طلعيه اميرة خخخ )


اما جاسم الصراحة غريب الاطوااار ماني فاهمه سكوته (( يلا يا اخي اعترف لأهلك مو غريبين عنك قول ليهم الحقيقة ))

والله يعطيش العافية ما اتقصري

[المتحير]

اووووووووووووووووووووف قصير انا احارس عادلوه غربال هه

بأنتظار بكرة بس لا تتأخري

[للدموع إحساس]

صبـــــــــــــــــــــــــاح الخيراااات ،،
خيهـ ،،
و الأخير و يا الصياح ،، عفر بيخلصو دموعي ،،
و اللهـ موقف علي و عبد الرحمن ،،
يقطع القلب ،،
يارب أفرجها يا كريم ،،
إلا وين عادل اليوم ما بين ،، هع هع و حشني عفر ،،
هاااا نحن دااااا نسير ،، على درووووووبنا .... ما ادري وشو ،،
و عوض غيابهـ ،،
كرار و أختهـ ،،
أستغفر اللهـ أني بس أتخيلت اللعبهـ ،،
ما قدرت ،، عن جد اليهال شغلهـ حلوووه ،،
و سواياهم أحلى ،، أسألوني ،،
ما هم مخلين عليي حاجهـ ،،
حتى ثيابي يركبو الغرفهـ و يلبسوهم و يااللهـ عرض أزياء ،،
و هاالحادث اللهـ يدفع البلا عنا و عنكم و عن المؤمنين ،،
المهم ما يخص بيت أبو علي ،،
كافيهم إلا فيهم ،،
مو مشكلهـ خيوووه ،،
المهم راحتكـ و صحتكـ فوووق كل شي ،،
و أحنا ننتظر ،،
يعطيكـ ربي العااااافيهـ ،،
و عساااااكـ دووووم عاالقوة ،،
خاااالص التحااايااا ،،
للددموع إحساس ،،

[دمعة الاحزان]

الله يغربل شرك ياميروة
صيحتينا بالبادايه قلنا نعوض عن بعدين في الجهه الثانيه من الغرفه بس بعدين ضحكتينا بالتوأم السونامي
ذكرتيني بالاء وولاء بنات اخوي ومع العابهم والعاب فاطمه
كل ماقريت عن جود ذكرت خواتي امس جوني يقولوا
قومي لبنات اخوك فتحوا محل جواتي
وحاطين منه رجل ومنه رجل ولبس نعال مع صندل
بس خسارة ماقدرت اقوم واشوفهم
وهشام بيعجب بعلا بتعرضها اخته ام السوس عليه
بيرفض في البدايه بس اكيد بتصير طلعات وصولات من 15 محرم الى 25
معاهم وبيشوف ادبها واحترامها وبتعجبه
بس هي مابتكون غير لعلي طبعا ابوها بيقوم حرب داحس والغبراء بس ممكن تساعدها سوسن
ومسكين علي ماشمله العفو بس كنت متوقعه هالشي
وجاسم اله يصبرة ويعينه على النار اللي بداخله
تسلمي حبابه وموفقه

[عوامية صفوانية]

يسلمو خيتو

ما انتبهت للجزء 26 الا بعد ما رديت على 25 والسموحة

اتوقعت انه علي ما بيطلع من السجن والله يفرجها ( طبعاً صيحتيني هئ هئ هئ )

وسميرة صارت شكاكه على اقل حركة من سوسن ( من القهر )
وسوسن ويا علا صاروااا حركااات صديقات ان شاء الله على طول والله لا يغير عليهم

وغربال يغربل ابليس الثنائي المجرم هههههه منتظر وكرار اولاد نادية ما خلوااا لجود ألعاب كسروهم عفر ههه

وهشام ويش شايف في الشارع ان شاء الله مو حادث ( الله يستر )
باا فتي اشوي يمكن تمثيليه لمحرم عشان كدااا التجمع ( لا تفتي واااايد خخخخ)

الله يستر اني خايفه من التجمع اللي في الشارع بسرعة ابي اعرف .....

لا اطولي علينا

والله يساعدش غناتي

[جنة الحسين]

أميرة المرح الله يعطيش العافيه

موقف علي و عبد الرحمن يقطع القلب حزيين مره لكن الجزء رهييييب

تسلم الايادي

بنتظار الجزء القادم

[الــــنـــاري]

الله يعطيك العافية امورة
مشكورة وماقصرتي
الجزء روعة بس ناقص
بصراحة الجزء الي بدون عادل ماليه طعم
هوه الي محلي القصة
<< شكلي كل يوم كذا بجي متاخر وشاهد الاعادة وخلاص ^_^

يعطيك العافية خيتو
تمنياتي لك بالتوفيق

[زهور الريف]

بسم الله الرحمن الرحيم

اللهم صل على محمد وآل محمد

وعجل فرجهم

كل شيء من الحلو حلو

تسلم الايادي يالغلا

بالانتظار

[دمعة على السطور]

البارت حزين جداً..
خصوصاً إن فيه ذكر لسيد الشهداء صلوات الله وسلامه عليه..



ياعلي...العفو ماشمل علي مافي
من متى ننتظر يطلع..



وعلا وسوسن زين صارو صديقاااات عدل..
قلت أني سوسن طيووووووووبة ..
>> بدأت الفلسفة..




يعطيك العافية حبيبتي أمورة..
عساك ع القوة إن شاء الله..
موفقة لكل خير إن شاء الله تعالى..
..دمتي بعين المولى الجليل..

[آسوآآر الآلــمـ]

جميل أختي هالترابط في الأفكار

أحس شيء بيت أم مؤيد على هالخدمة للإمام اللي عندهم

ياربي أحس بالقوه شوقتيـــــــــــــــني لمحرم ..

الله يعطيكـ العافية يارب

موفقه أختي ،،.....

[*زهرة البنفسج*]

اميروة لازم اصيحينا فرحينا اشوي

بس التوم يحلاتهم اضحكوو

تسلم ايدك امور

ننتظر البقيه

[سفيرة الاحلام]

اميره حلو الجزء


تسلمي لاهنتي على الجزء

نتظر الجزء الجديد

[ارجوان]

يالله تحيااها ميرو:wavetowel2:
ههههههههههههههه عجبتني ان ابو جااسم يدحن ع الزوليه ع شان الحكة اما الطوفة فهذي متعودين عليها:wink:
الله يغربله غربال هالعادل مااشاف اله شئ غير جزيرة الكنز ومااطاحت الا ع رااس اشرف مسكين
مسكينه سوسن والله يسعدها ان شالله وتصير هي وعلا خوش صديقات وخوات واتوقع علا بتنعجب بشخصية هشام لان حنون على اخته:embarrest:
الله يعين علي

تقبلي مروري وجاري الانتظار

[الــــنـــاري]

اليوم بنتظر البارت الى بعد الصلاة
ونشاء الله تنزليه قبل
>> كل خمس دقايق بسوي تحديث لصفحة ^_*

يلا امور احنا بالانتظار

[آخر شقآوهـ ..~]

أمممممم يعني تخمينآتي فشلت <<<صرت فآشله مآعرف أخمن
هونت خلآص مآبخمن..
لكن علآ بتحب هشآم <<<توهآ مآبخمن<<<مآتقدر تجيهآ حره
..
..
تسلمين قلبو ع الجزء
ربي يعطيك العافيه
جآري الإنتظــــــآر..

[دمعة على السطور]

أني بعد قلت في بالي مثل أختي الضحكة البريئة..
إن علا بتحب هشام..

وعلي شكله بيطلع بلوشي..
لاعلا ولا زينب..
المهم يطلع من السجن أول..
>>الناس في ويش وهي في ويش
موفقين..
بانتظار البارت..

[الــــنـــاري]

مدري وينها اميرة كل اشوي في مكان
ولحين ماوصلت هنا مادري ويش سالفتها
>> شكلها عناد فينا بس لازم تتاخر هههه
يلا انا بنتظر للعصر هنا @!@

[أميرة الشوق]

إن شـــاء الله علا من نصيب هشام : )


وزينب أشرف ووو ..
ريما مالك...
وليلى مو شايفه ليها أحـــد كنت حاطه أمل أنها بتعرس على صالح : (

أي أي صح ذكررررررت مؤؤؤؤؤؤؤؤيد : )ياربيييي تعرس عليييييه
.
.


يلا أميرة ننتظرش

[المتحير]

انا قاعد لها

[المتحير]

اميرة الجزء لازم يكون عادل موجود

[تكوير]

امووور انتظر :wink:

[Princess]

مرحبا...
تسلمو من كل شر
هههههههههه ياعيني مسنترين وتحديث ها..
يعطيكم العافيه وصيام مقبول ان شالله..
وتسلمو جميعا عالتخامين الحلوه.. لا خلا ولا عدم..

تفضلو الجديد...

[Princess]

الحلقة 27

وطول الطريق سوسن وهشام سوالف وتعيلف .. و علا ما شغلتها الا تتصوخ وتبتسم..
وعلى بالها اخوها مالك.. وحشها وايد..
وهم ماشيين في الطريق الى الحسينيه .. الا الناس متجمعه وزحمه وعالم..
هشام : ــ ما يندرى ويش صاير..الله يستر .. شكله حادث...
سوسن : ــ الله يستر...

وقف هشام على جنب ونزل يشوف السالفه.. لقاه فعلا حادث بس جدا بسيط.. بين واحد شباب و رجال كبير في العمر بعض الشيء... سيارة الشباب مرسيدس وتشمخت شمخ بسيط.. والغلط على الرجال الكبير.. وواقف له الا يجيب المرور..

الناس تقنع فيه يتحرك بيدفع له الرجال تعويض .. ومو وقت المرور في هالأوضاع العاشوريه.. دام هم غافلين عنهم ليش يجيبوهم .. لكن الصبي ابدا مو مقتنع وعلى قولته .. ويش فايدة الضمااان .. لازم اجيب المرور..

العالم مزحومه وتبغى توصل الحسينيه.. مافي الا هالشارع ومسكر من هالصبي اللي مو راضي يتنازل..

هشام تدخل:
ــ يا خوي تنازل .. مو لازم المرور.. لجل هالليالي واصحاب المصاب..
الصبي يطالع في هشام نظرات قهر:
ــ قلت انا المرور يعني المرور..
هشام : ــ ياخوي وين كنت رايح؟؟
ــ شدخلك انت؟؟
ــ طيب هالطريق يروح للحسينيات و المآتم.. يعني رايح تحظر مأتم الحسين سلام الله عليه..
ــ ايه ..و اختصر لك الكلام.. تنازل ما بتنازل...
ــ عجيب امركم.. مع اهل البيت في مصايبهم.. وتلطمو .. واحسين واحسين.. والتسامح ممسوح منكم.. و الأخلاق الزينه معدومه .. مأجورين بس .. مأجورين..
الصبي سكت..
هشام : ــ اذا ان حسناتك زايده.. لا تخلي الناس تكسب ذنوب من وراك.. وتدعي عليك في هالليالي .. ووخر سيارتك .. وهالأجودي ماهو مقصر بيعطيك حق تغطية هالشمخ وزياده.. ياخوك لا تكبرها وهي صغيره.. وتيسر الله ييسر عليك..

الصبي بعده ساكت ومو راضي يقتنع..
هشام رفع كتوفه :
ــ ايه.. اجل نخلي الأمر لصاحب الأمر.. وهالعالم كلها اللي متعطله .. آثامها كلها لك وحسناتك كلها ليهم.. خلك .. انتظر المرور ..

ومشى هشام عنه.. ركب السياره.. مامداه يتحرك الا الناس قامت تتحرك... ضحك:
ــ الله يهديك.. عنيد ويكابر..
سوسن : ــ منهو.؟؟ ويش صاير؟...
وعلم هشام سوسن السالفه.. الا بوصولهم الحسينيه..

نزلو .. واتفقو بينهم اتصال بس يخلص الشيخ من المحاضره..

ودخلت علا الحسينيه وقلبها صار يصافق.. من زمااان عن هالأجواء.. من زمااان ما عاشتها... كانت نادرا اذا راحت مع خالتها امل.. بس لأن سوسن شجعتها وخذت بيدها...

وعمتها سميره ما تروح ابدا..
خذت نفس عميق .. واختلجت الدمعه.. وبدى الشيخ محاضره..

والله ان قطعتم يميني
اني احامي ابدا عن ديني
وعن امام صادق اليقينِ
سبط النبي الطاهر الامينِ

كانت ليلة السابع من محرم.. ليلة العباس...
معشوق علا .. وباب حوائجها و ملجأها في شدايدها... ابو فاضل سلام الله عليه..

في طرف آخر من الحسينيه نفسها.. ليلى و زينب و ام علي..
ام علي ما هدأت من النخوه لأبو فاضل .. تعبها فرقى ولدها.. وكلما حمى العزاء في النهايه وزادت ام علي في الرجاء والألحاح.. زينب وليلى يزيدو صياح..

انتهى المجلس... وطلعو العالم.. كل راح في حال سبيله.. علا ما انتبهت ليهم ولا هم انتبهو ليها... اتصلت سوسن لأخوها ,, وركبو السياره.. وصارو يسولفو عن المحاضره و ويش استفادو منها..
وعلا بس تسمع.. هشام كان عقليه جباره.. ما شالله عليه ,, وكأنه بيعيد محاضرة الشيخ بالشرح والتفصيل.. علا بلا شعور ابتسامه مرسومه على وجهها.. وفي بالها تصلي على محمد وآل محمد...

ليلى وزينب يمشو في الطريق .. ام علي سبقتهم وهي تقول:
ــ كن اني الشباب وانتون الضبعان.. همّو .. اسرعو الوقت ليل ..
وهم يتمشو على برود..

الا بطفرة عادلوه.. من زرنوق
ليلى وزينب شهقو شهقه ..
زينب ضربت صدرها :
ــ بسم الله على عمري وتاليتها وياك...
عادلوه فرحااااااااااااان وميت ضحك ويصفق ..
ليلى : ــ استغفر الله ربي واتوب اليه.. لا شرهه..

حاولو يتفادوه بس ماقدرو..وراهم يعني وراهم...
صارو يركضو لين وصلو لأم علي..
ام علي : ــ تشيه ويش صاير الا وصلتو لي بهالسرعه,,
ليلى تنافخ من التعب : ــ من عادلوه.. ماقصر .. صفاق و ضحك وورانا..
ام علي : ــ انا لله ,, الله يعين امه عليه..
ووصل ليهم عادل :
ــ خاااااااااااااااااااااااالتي .. ام عللللي
ام علي : ــ خناقه .. شيفا عرفني !!
زينب : ــ بفففففف هههههههههههه يعرفني اني مو بعد انتين
ليلى : ــ بقى وحده في الفريق ما يعرفها بنشغله خطابه..
ام علي : ــ هلا عادل .. هلا امي .. ويش احوالك..
ــ ححححيييااااششش الله.. عببباااسسسوه هههههههههههههههه مررررررررررريض..
ام علي : ــ يؤيؤ انا لله.. ويش فيه؟؟
ــ ضرررربه سهههههم في قلللبه
زينب : ــ ههههههه خخخخخخخ من الحب..
ليلى فيها ضحكه حاولت تداريها.. فلصت زينب : ــ انشبي
ام علي تساير عادل : ــ علي ياعلي ..سهم ويه؟؟؟
عادل : ــ مممااادررري ماشفففناااه وهههووو عند التلفزييون الا يقققول احممررر احمررر قلبببي يلعنكم يالأسسسهم وانسسسدح..
ليلى مهي قادره تحاول تداري : ــ استغفر الله ياربي ,, حرااام ياعلي الليله مصاب وهذا يضحك فينا..
ام علي صارت تضحك : ــ استغفر الله ياربي .. سلام الله على ابو فاضل .. عاد اني من متى ما ضحكت ..غربال يغربلك يا عادلوه.. ويش مسلطنك علينا الليله... قال ويه .. سهام ..وويش الحين ودوه الدختور؟
ــ اييييه في سيارة اس كريم .. كبيررررررره فيها لمببباااات حمررران يولعو ويطفو...
وتسوي صوت هاللون... وي وي وي وي.. ششااالللوه فيها تشششنه نمله مضروبه بنعااااااال.. لالا مو نمله .. خنفسا..

حزتها زينب دورو عليها .. من الضحك ما بتلاقوها..
ليلى تقدمت : ــ لو بتسمع سوالف عادلوه طار ثواب المجلس غربال..

عادل : ــ رررراااححت امي وييااااه قلللت ببباااروح .. مااا رررضيت.. افادي اركب سيارة الأس كررريم..
ام علي : ــ أي اس كريم أي بطيخه.. انا لله.. وانت مو لابس عدل والجو بارد..
ــ امسسس لبست فووووبي الأسسسود وطااااقيتي فااااتش كشششخه... زييينب فاااااتش امسسس والا شششان قلتي لي إمْشْ عرسسس علي
زينب فتحت عيونها ...
ــ ليلو صبري لي لا تركضي ..
ووراها ما تشوفو الا الغبار,,
عادل برطم..
ــ تشااا... لووويه ما تحبببني زززينب
ام علي ابتسمت: ــ انا لله.. زينب تحب الكل ياولدي.. بس انت الله يهديك تأدب عيب ما يقولو كذا..
ــ زززين...
ــ وروح البس عدل برد الحين..
ــ ززززين... يوعاااان..
ام علي عور بقلبها .. :
ــ وعلى قلبي .. امش وياي بيتنا بس.. الله يعين امك على بلواها..


تابع>>>>>>

[Princess]

وصلت البيت .. زينب قعدت ويا ليلى شوي تريح قبل لا يمر عليها ابوها اللي راح مع ابو علي الحسينيه.. ويكمل وياها بقايا الطريق... الا بدخلة ام علي وياها عادل..

زينب كانت في الصاله قاعده...و بسرعه لفت بوشيتها وتغطت.. :
ــ داااااوييييييييه ويش جيبه ؟؟؟

عادل : ــ آآآآآآآه شفتي ما تحبببببببني ولا تبغااااااااااني...
ام علي : ــ هدي بالش على الصبي ويش مسوي فيش..
زينب منقهره : ــ غير مخوبلني ومجنني ..
ام علي : ــ وين ليلى..؟؟
ــ في الحمام.. قولي ليها هي وريموه عادلوه هنا لا يتصروعو..
عادل : ــ .. قالللوو لشش خبااااابوووه اصصصررروع
زينب : ــ انااا لله..

شوي الا بجية ابو علي مع ابو جاسم..

ابو جاسم : ــ هلاااا عااادل قووه شحوووالك..
عادل طاير من الفرحه :
ــ هلالاااا عمممي..الحمممدللله زييين
ـــ عساك دايم زين....
ــ عممممممي تحبببني؟؟
ــ ههههههههه افا عليك ولويه ماحبك؟؟
ــ شفففتي يحببببببببني ابببووووشش مو زيييييييش..
ــ تأدب ياولد.. وقومي انتين دار بنات عمتش...

زينب قامت..
ابو علي : ــ ويش احوال حجي عباس...؟؟
ــ ششششااااللللللللوه في سسسياااارة اس كرررريم
ابو جاسم :
ــ ويه؟؟ سيارة اس كريم..؟؟
ابو علي : ــ ويش مدريني عن عادلوه وهربدته..
ام علي جابت خبزه فيها جبن لعادل و عصير ..
ــ من الأسهم.. طايحه والله يستر يقول انسدح .. عفر اغمى عليه ..
ابو جاسم : ــ ايه مال البخيل.. شان ما انجلط..
ابو علي : ــ يادافع البلا .. انا لله...


اشرف قاعد مع ناصر .. يتدربو لتمثلية الشبيه لليوم العاشر ... مع بقايا الشباب .. وكان اللي يمثل دور الشمر ( لعنه الله ) مو معاهم متأخر..
اشرف : ــ ما يندرى وينهو مصطفوه للحين ماجى نبغى نبدي..
ناصر : ــ ههههههههههه فاتك..
ــ ويش فاتني؟؟
ــ نسيت ماقلت لك... شكلها امه شدخت بدنه لو قفلت عليه الباب..
ــ اف .. حق ويه؟؟
ــ ههههههههه من كم يوم شفته.. ويش علومك وويش مسوي قال اسكت يابو الشباب امي مسوده وجهي وطالع بسبه وداخل بسبه.. على ويه ياخوك؟؟ الا هو يقول.. تخيل علي ويه؟؟؟
اشرف ــ على ويه؟؟
ــ ههههههههه يقول راح ليها يبشرها.. اول ما وزعنا الأدوار.. اماه.. اماه.. عطوني دور هالسنه في الشبيه... ما شافها الا هللت واستبشرت .. ويش ياااااااولدي ويش عطوووك دور مين؟؟
ــ الله يستر هههه.. ايه..
ــ شان يقول ليها الشمر.. الا مدافع السبايب قايمه زين ما شلخت راسه بدبة القدو..
ــ ههههههههههههههههه ترى ضبعه كبيره هي ..
ــ ايه ولا في تفاهم من درت الشمر.. سود الله وجهك..×× وين اودي وجهي ؟؟ .. ويش بيقولو نسوان الفريق ..!!! ام الشمر.. ×× ويلي على روحي ومدري ويه..و و و
ــ ههههههههههههههه استغفر الله مسكين مصطفوه...

ــ ويش فيه مصطفووه..
ناصر : ــ بسم الله,, طريناه قال مياااو..
مصطفى : ــ هههههههههه مياو في عينك.. تحشو فيني وفي الحجيه ها..
اشرف : ــ الله يعينك ياخوك.. ويش حالها اليوم..
ــ اسكت بس .. ما تكلمني دي كم يوم مخاصمتني..
ناصر : ــ ههههههههههههه ويلي ما تسوى عليك هالدور..
ــ ويش اسوي المشكله مهي راضيه تقتنع انه تمثيل وان لي اجر حالي حال اللي مثل دور الحسين سلام الله عليه..
ناصر : ــ كح احم..
مصطفى : ــ لا افلعك سو روحك بس ...
ناصر: ــ خخخخ.. ماعلينا .. تأخرنا وايد اليوم.. يللا مشينا نتدرب..


الساعه 1 الفجر.. حميد متلحف ببطانيته يتنافض من البرد والتعب .. الا بدخلة جاسم ..
كل واحد فيهم شهق شهقه مختلع من الثاني..
جاسم : ــ متى طلعوك؟؟
حميد : ــ ويش جيبك هنا؟؟
جاسم بنفس خايسه : ــ انا كل يوم اجي .. سؤالي متى طلعوك..!!
ــ الله.. شوي شوي لا يطيح خشمك.. من امس طلعت.. وبعدين لويه كل يوم تجي هنا؟؟
ــ كيفي .. اروح المكان اللي اروحه..
ــ لااااااا.. عدل عدل.. والله وطلع لك لسان يا جويسم.. هيه.. لا تنسى عمرك بس .. ترى اوديك ورا الشمس..
ــ هه ههه هههه هههههههههههههههههههههههههههه
حميد عصب : ــ على ويه هالضحك.. بايخ..
ــ هههههههههههههههههههههههههههه.. هذاك لول اخاف منك ومن اشكالك.. الحين اذا انت بتوديني ورا الشمس انا بوديك وراها بعدين بحذفك اسفل سافلين..
ــ آآه يالسفله.. اراويك..
ــ امجد .. هدي هدي.. ريلاكس .. توك طالع من المستشفى .. وما يسوى عليك الزعل..
ــ آآآآآآآآه لا تقول امجد.. واطلع برررررررى..
ــ انا بطلع.. بس بجي اليوم اللي بتقول لي فيه سالفتك.. لا قسما باللي خلقني ما بيحصل لك خير..

طلع وصفق باب الصندقه صفقه خلاها تهتز ومن الله يوم ما انشلخ الباب..
حميد صار يرتجف ويون يحس روحه بتطلع.. تلوت بالبطانيه وانسدح وظل يون لين نام...

تابع>>

[Princess]

امل خلصت معجزة المشلول و ابو الفضل العباس...متعوده تغب فتره وتقص على ولدها قصه او معجزه عن اهل البيت عليهم السلام وبناء على طلب ولدها تكون المعجزه على ابو فاضل لأنه صاحب الليله .. ماجت على بالها الا هالقصه..
اخر شي ..
ــ سلام الله على ابو فاضل .. ما نعست ياولدي ..؟؟
وتثاوبت حد ماعندها ..
ــ خلاص. تعبت اني دمعت عيوني.. بقوم انام. وحاول تنام انت بعد..
سجاد : ــ زين.. اماه..
وقبل لا تطفي امل الليت وتطلع سجاد يسألها..
ــ اماه.. تتوقعي تصير معجزه من العباس عليه السلام و امشي ؟؟
امل متوقعه هالسؤال من ولدها.. ابتسمت:
ــ الله كريم .. ماخاب من دعاه وتوسل بأهل البيت... ادعي الله ياغناتي ونام و ان شالله يتحقق دعاك..
ابتسم سجاد:
ــ يااارب



زفو الجـــــــاسم وعجنـــــو حنته.. وفرشي الخيمه يا زينب عمته..

وارتفع االنياح مع ارتفاع صحون الشموع.. ام علي انهارت.. صارت تبكي بحرقه..:
ــ ساعد الله قلبش يارمله.. يا ام الشباب.. واولداااااااااااه...
يتفاعل الجميع في هالليله.. لجل الشباب ومصابهم...

وبس انتهى المجلس.. ليلى متعوده تاخذ ليها كل سنه شمعه من زفة القاسم.... لفتت نظرها وحده عجبتها مدت ايدها عليها ومسكتها في نفس الوقت وحده ثانيه مسكتها..
ليلى انحرجت.. كانت منزله العباه على وجهها بس يبين شوي .. والبنت الثانيه متغطيه كامل..
التفت ليها ليلى.. وبخجل وهدوء:
ــ تفضلي .. خذيها..
ــ ليلى .. !! اهلييين
انتبهت ليلى للصوت:
ــ علااا.. هلا وغلا.. مأجوره
علا شالت الشمعه:
ــ اجرنا و اجرش...لا والله ماحد ياخذها غيرش .. اخبارش غناتي واحشتني..
ــ تسلمي.. الحمدلله تمام نسال عنش .. اخبارش انتين..
ــ الحمدلله ماشي الحال..
الا بجية سوسن : ــ يللا علا..
علا : ــ يللا .. سوسن .. هذا هي ليلى صديقتي..
سوسن : ــ هلا ..
علا : ــ ليلى هذي سوسن.. مرت ابوي.. و.. اختي الكبيره..
سوسن ابتسمت ..
ليلى : ــ هلا وغلا..

وقفو شوي يسولفو.. الا جوال علا يرن والرقم غريب..
علا : ــ ماعرفه..
سوسن : ــ باشوف.... يوووو هذا هشام..
علا فتحت عيونها .. ــ هاااا.. !!!
ليلى : ــ ويش صاير أي هشام؟؟
سوسن ردت عليه: ــ طالعين غناتي.. جوالي صامت دعسته في الشنطه.. يللا الحين بنجي..
علا مبهوته: ــ اخو سوسن..
سوسن : ــ يللا علا .. هشام ينتظرنا..من زمان واقف..
علا بعدها مفهيه.. ــ مع السلامه ليلى نشوفش على خير .. سلمي على امش وريما وزينب .. باي..
ــ الله يسلمش يوصل..
وطلعتهم.. رايحين للسياره:
ــ لويه رقمي عنده..؟؟
ــ اسمحي لي غناتي عطيته اياه حق يتصل فيش اذا صار ظرف طارئ زي الحين ما سمعت جوالي .. يعني لا يتوهق..
ــ ايه زين.. عساه خير..
ــ علا.. اخوي محترم ترى.. لا تخافي.. مو من النوع اللي في بالش..
ــ لااا مو قصدي..
ــ خلاص .. بس لا تحطي في بالش زين غناتي..
ــ زين..

وصلو وركبو السياره..
هشام : ــ الله يهديش بتتأخري دقي و علميني
ــ اسفين ياخوي خذتنا السوالف اسمح لينا..
ــ حريم ياحبكم للقرقر...


ويوم تاسع .. قريب المغرب..
باب بيت ابو علي يطق..
لبست ليلى عباتها..
ــ مين..؟؟
ــ هذا بيت حسين آل ...
ــ ايه وصلت.. خير ياخوي...؟؟

الى الملتقى..

[المتحير]

ههههههههههه غربال الله عادلوه هههههههههههههههههه يعطيك العافية اميرة

[للدموع إحساس]

صبــــــــــــــــــاح الخيرااات ،،
و اللهـ خيوووه عيشتينا أجواء محرم ،،
و عادلووووهـ ،، خخخخخخخخخخخ ،،
و لا يتوب ،، مسكين ويش بيصير فيهـ إذا عرست زينب ،، هع هع اللهـ يعينهـ ،،
مسكييييييييييييين حميدوووهـ النحيييييييييس < تناقض بحت ،، هع هع
عور قلبي بصراحهـ ،، لكن بعدني محترقهـ على علي ،،
سلام اللهـ عليكـ يا أبا الحسن ،،
ومن إلي دق الباب ؟؟؟؟؟؟؟!!
أمممم يكون أحد من طرف المرحوم صالح ،،
جايب وصيهـ أو شي ،، كل شي جاااايز ،،
بـ إنتظااااااركـ غلاتي ،،
لو المرض حدددددددددددددهـ متابعهـ ،،
يعطيكـ ربي العاااافيهـ ،،
وسلمت يمينكـ ،،
خااالص التحااايااا ،،
للدموع إحساس ،،

[آخر شقآوهـ ..~]

وحشتني أجوآء محرم..
علآ مثلي تمآمآ..
عآدلوه خبيلوه مآني قآدره عليه يموووت ضحك
كلهآ كوم وسيآرة الآيسكريم كوم ويليي عليه
أحم أني أدري منهو اللي طق البآب هذآ أكيد عبد الرحمآن صديق علآوي<<أصغر عيآلش علآوي هع
يعطيك ربي العآفيه ع الجزء<<هلمره صآر طويل شوي<<طمع
تسلمين حبوبتي
ربي يعطيك العآفيه
تحيآتي..ضحكوه البطه

[عوامية صفوانية]

يووووو

توني يا قول

غلبتني ضحوكه البطة هع هع

هذا اللي طق الباب شكله عبد الرحمن جاي ليهم لانه وصاه علي يروح لأهله ويتعرف عليهم ومرته تتعرف على بنات ابو علي

وعبد الرحمن ان شاء الله يكمل تشيعه على ابو علي ومرته تقتنع بكلام ليلى (( خوش تفاعل / كملت عنش القصة خخخخ ))

وعدوله ههههههه ما قصر خوش تعيلف عدل خخخخ


وحركات علا شافت ليلى في الحسينية


عاااااااااااااد اميــــــــرة قولي لليلى تعطيني الشمعة ابى انذر فيها

ويارب تتحقق امينياتي وامنيات القارئين يارب بحق ابا الفضل العباس


الصراحة جو محرم غير

و الحين جو شهر الله شهر رمضان بعد وااايد غير

يسلمو خيتو كثرت عليش من الهدره
والله يساعش علينا هع هع

[جنة الحسين]

الجزء روووعه

و انتهى بشي حماس

الله يعينا على الانتظار

الله يعطيش العافيه اموره

[الــــنـــاري]

شفتي كيف اميرة الفلة
قلت لش اذا جى عادلو يصير الجزء غير
يطيك ربي الف عافية اليوم ماقصرتي البارت كان مو قصير
عساك على القوة
تمنياتي لك بالتوفيق

[نبــراس]

البارت روعة

وبانتظار دخلت عبد الرحمن ~ : )

[براءة طفله]

ننتظر البارت عزيزتي

[جـــــوان]

أميرة غناتي

القصة كل يوم تزيد حماس أكثر


الله يعطيش الف عافية غناتي

[اسير الهوى]

اللهم بحق باب الحوائج ابو الفضل عليه السلام

وبحق شباب كربلاء علي الاكبر

الله يقضي حوائجك دنيا وآخرة خيتي امير

وتسلمي من كل شر

[آسوآآر الآلــمـ]

وأنا بعد على طول توقعت دخلت عبد الرحمن

تسلمين أختي أميره على هالمجهود

عساش ع القوة يااااارب

والله يعطيش ألف عافيه..

موفقه أختي ..

[Hussain.T]

هالجزء مره كشوخي

وهذا عادلوه فله

مشكوورة اميرة ع الجزء

وبنتظار القادم

تحياتي

[زهور الريف]

بسم الله الرحمن الرحيم

اللهم صل على محمد وآل محمد

وعجل فرجهم

ههههههههههه

موتني الخبل عادلوووووووه من الضحك

سيارة آيس كريم قاااااااال هههههههههههه

الله يعين بيت أبو علي عليه لازق فيهم

احم احم

ما شاء الله عليك عيشتينا أجواااااء محرم

أشتقت له شهر من أروع الشهوور,... ((ترى شكلي بكتب موضوع تعبير فيه..!!أحبه))

يكفي أنه شهر أبا عبد الله...

والله يفرجها على سجاد وعلي بعد..

وبانتظار دخلت عبد الرحمن ..

تسلم الايادي على الجزء الكشخة

قواكِ الله خية وحقق أمانيكِ

بحق محمد وآله الطاهرين..

[سفيرة الاحلام]

ابدااااااااع الجزء

عشنا في جوء محرم عدل كنا في محرم

عادلووووووه يذكرني وحده نفس حركتها

يخلي الناس تضحك في المصيبه


تسلمي على الجزء الحلو


لاهنتي

[*زهرة البنفسج*]

الله يقظي حواج اللكل يارب

ويقظي حواجك يامورة ياقمر

اتوقع الي داق الباب عبد الرحمن

بلا توقعات بلا خراط

المهم امور ننتظر الجزء الجديد

موفقين

,,,

[ارجوان]

الله يغربله غربال هالعادل ماايجوز عن زينب مخبلنها خوبال وزين ان ليلى ضحكت والله يساعد ام علي ويفرج عن ولدها ويقضي يوم عاشر معاهم.
خخخخخخخخخخخ والله انها شئ هالعيوز هذي ويش بتسوي في صطيف يوم الي يمثل بتتطلع اليه في الوسطة وبتشلخ بدنه<<<<<<<تهوني بلا افتن لا.
الله يساعد قلب امل ويشافي سجاد.
حميدوا كااسر خاطري بس يستااهل يروح يعترف اول وبعدين اساامحه وارضى عليه<<<<<<<عنش ماارضيتي ويش دخلش.
وجاسموا امسوي روحه ابضاي يهدد بعد خخخخخخ والله شكله الذيب هو الي بيوديه ورى الشمس ببوق السوبر ماركت وبيتهمه<<<<<بلا فتااوي اقول.
الي طق الباب شكله عبدالرحمن جااينهم علشان يتقرب اليهم ومرته اتشوف الاشياء الي اتصير بمحرم .

يالله بلاهدرة زاايدة وانتظري الجديد
تقبلي مروري خيتو

[أمل الظهور]

<<ميته ضحك على سياره الايس كريم و الاسهم

والله عليه سوالف تموت ضحك


الله يرحم بحال علي صار وحيد بعد عبد الرحمن


ذكرتينا باجواء محرم الله يعودها بخير


اما سوسن ورقم علا :wink:ياسلاااااااااام


عور قلبي سجاد مسكين بسؤاله لامه


احداث حلوه جمعتي بين البسمه والدمعه في السرد


موفقه غناتي لكل خير

[دمعة على السطور]

ياعلي تدري أميرة..
عيشتيني أجواء شهر محرم..
تصدقي حتى ماابغى أضحك على عادلوه زيهم..
عشت وياهم أميرة..

وكل هذا من ابداعش..
ماشاء الله عليش..
اللهم صلي وسلم على محمد وآل محمد وعجل فرجهم..
الله يوفقش يارب..
ويقضي حوائجك بحق أبو فاضل العباس..

تدري لما جبتي على القاسم..
تذكرت اللي يقولوه في الحسينية..
وحده فيهم يقولو بدايتها..

زينب تهلهل في الجلا محزونة .
وحسين ينادي هالولد زفونه..

مأجورين ساداتي ومواليّ أجمعين..

موفقة لكل خير إن شاء الله تعالى..
..دمتي بعين المولى الجليل..

[Princess]

مرحبا
ياعيني عالتخمينات الحركتات
تسلمو لي ..
اليوم بتأخر احتمال انزل الجزء بعد الصلاه او الصباح
عندي اشغال قد شعر راسي و ضروري اخلصها

نسألكم الدعاء
دمتم بخير
وبحفظ الرحمن

[المتحير]

بببببببببببببببببببببببببببببببببببببببببببببببببب ببببببببببببببببببببببببببل بس اه شي يكون عادلوه موجود

[الــــنـــاري]

بييييييييييييييييييييييييييييييييييييييب
بيييييييييييييييييييييييييييييييييييييييب
ويش صاير خلصت الصلاة وين الجزء
ترى انا قاعد اسحر وصلي وبقرأ القصة
يعني مابنام الا قارنها قارنها
يلا اميرة عجلي علينا اشوي

[الــــنـــاري]

اميرة مو موجودة يعني قوم نام وقعتك الظهر يصير خير

[دمعة الاحزان]

اللي داق الباب بو عابد وخوش جيته في مثل هالايام
واتوقع اشرف بيروح وبيجي معاه
وموقلت لكم ان هشام بيكون لعلا وهذي اول بيانه<<خوفي تغير الاحداث بس حتى لو تغيرت بيصير كلام عنهم
اما عاادلوة الاهبل سيارة الاس كريم مرة وحده
والله يعود شهر محرم على خير ويعيشنا اليه
امور تعالي شوفي اللي يستنوا بالصفحه ماجيتي اليوم
واحنا ورانا نفخ وطبخ الحين يعني نوم مبكر<<ماباقي الا انا انام من وقت
بس ربي يساعدك ويعينك ويوفقك
واذا ماحصل اقراها الحين مالي الا الليل
سلااام

[آخر شقآوهـ ..~]

ست الحــين يعني صبآآآح رآح وقت الصلآه وجت الصبح <<<ونعست أني بعد:nosweat:<<قولي كده من أول
وحتى كبريآآآؤؤه مو شآبكه عشآن أخليهآ تقووم تطمن عليش وعلى الجزء<<<والله بتحصلي لش تشديخ من عند أميروه:shiny::shiny:
خلآص بستنى وأمري إلى الله حدي لثمآن بآموت نعس حسووو<<نآمي
عجلي غنآآآتي<<أقوول بلآحنه ع البنيه لآتعصب فيني:laugh:
يالله أني بستنى وأني سآكته<<ليش قصرتي من الهدره
جـــآري الإنتظآر ...:help::help:<<سيآرة آيسكريم نيههههااي

[Hussain.T]

انا ابدا ابدا

مافيه تازل نوم قبل الرواااية

لا

[Princess]

قومو نامو

راسي صدع من شغلي ولا خلصته :no:
ما كتبت شي << بتتكفخ :mad:
بروح انام :sleep:
عورتو بقلبي لا تنتظرو..
و صبرو علي .. لا اموت :embarrest:

شوي شوي..

ابدي ويه لو ويه.. :nosweat:
والله حوستي حوسه دي كم يوم..
ابغى انظم وقتي واستقر :huh:

دمتم بخير
وبحفظ الرحمن

[آخر شقآوهـ ..~]

أمممممم يعني ..
زين غنآتي سآمحتش .. مقدره ظروفش<<<صآرت طيبه
الله يكون بعونش
اني برآضي روحي بروحي بروح أقرآ الجزء اللي فآت بعتبره وآحد جديد
يالله غنآتي روحي نآمي ورتآحي عطيتش إجـــآزه <<<بحصل ليي تشديخ من اللي يستنو ويييلي
وعودنـــآ على جآري الإنتظــــــــــآآآر

[Hussain.T]

الله يكون بعونش استاذتي

اذا انتين مزحوومة هالأيام مو لازم تتعبي حالك ونعطيك اجازة عادي

تحياتي

[الــــنـــاري]

زين اني بقرأ البارت اليوم مو اعادة
يعطيك العافية خيتو
ولا تتعبي حالك
خليها لوقت الفراغ اكتبي
عشان ماتروح الاحداث وي العجلة ^(^
تمنياتي لك بالتوفيق

[براءة طفله]

يعطيش العافيه خيوووووه

وعاااااد لااطولي علينا

موفقه غناتي

[عوامية صفوانية]

اختي اميرة

اذا ما عليش كلافه

مطلوبه في قسم التوقيع خخخخخ
وموضوع شرح تثبيت الفوتوشوب

ويسلمو على القصة الروووووعة
بدون تعليق لانه علقت من قبل ( والسموحة

[الــــنـــاري]

في اليوم لو نقوم ننام بعد
متسحر من حين اليوم
يعني مافي الا قعدت الصلاة
وبعدها نومة لظهر
اذا بجي القصة قبل الصلاة بستنا
عشان نصلي ونام احسن لينا

[الــــنـــاري]

بصلي وبرجع اذامافي شي بقعد
>}{اصــ~ْ!ْ~ـح}{<
لين اناااااااااااااام

[Princess]

مرحبا

يعطيكم العافيه وتسلمو لي يارب
سامحوني على القصور فوقتي حاليا مهو ملكي..
تفضلو الجديد

[Princess]

الحلقة 28



ويوم تاسع .. قريب المغرب..
باب بيت ابو علي يطق..
لبست ليلى عباتها..
ــ مين..؟؟
ــ هذا بيت حسين آل ...
ــ ايه وصلت.. خير ياخوي...؟؟
ــ ياهلا فيش اختي... معاش عبدالرحمن صديق علي اخوكم

ليلى من سمعت طاري علي حست بفرح ممزوج بغصه.. من خذو علي هذا الشهر الثاني...
وما قدر خالها يروح اول زياره .. ماله قلب يشوف ولد اخته بعد مصيبة المحامي وهروبه..

وثاني مره صادف وقتها مع فاتحة ولد عمتها صالح.. والزيارات مهي مفتوحه كل شهر مره.. والمكالمات في المناسبات ...

علي.. يالله مقصرين وياه وما يملكو لجله الا الدعاء والدموع..
ــ لحظه ياخوي..
راحت ركض لأبوها.. وكان منسدح
ــ يباا قوم وياي واحد عالباب من طرف علي..
ابو علي قام قومه .. ووجهه متهلل ومستبشر ..
ــ خير اللهم اجعله خير..
وقام للباب..
ام علي وما تنعرف ملامحها معقودة الحاجب ومبتسمه.. والدموع في عيونها محتبسه..:
ــ مين ؟؟ ولدي خبري به ماله صاحب الا حميد.. ومنقطعه اخباره من بعد علي..
ريما : ــ مافيه خير هالحميد لو فيه خير شان جا وزارنا وشاف ويش اخبارنا..
ليلى ما تشتهيه : ــ باللي ما يجيبه ويش تبغي فيه يولي .. يكافينا ربي خيره وشره..
ام علي : ــ ويش مسوي فيش الرجال..
ــ ولا شي بس.. ما ارتاح له ..
ريما : ــ انتين ترتاحي لمين.. الكل ماتحبيه وماترتاحي له..

ابو علي :
ــ تفضل ياولدي..
عبدالرحمن :
ــ يالله..
وانتبه عبدالرحمن لأبو علي انه اعمى..
من تحسسه للجدران وهو يوديه للمجلس..
حس بالغصه في قلبه وفي باله:
ــ يــــــــالله تلطف بحالكم.. ما قال لي علي انك يا عمي ما تشوف.. والله و فقدتك حيل تكسر الظهر ياعلي .. يارب ترجعك لهم سالم ..
وقعد وياه في المجلس..
عبدالرحمن: ــ ايه ياعمي.. معاك عبدالرحمن سعود آل.... ,, خوي علي بالسجن.. قضيت سنه من محكوميتي وشملنا العفو.. عقبال ولدك ان شالله..
ابو علي بأبتسامة امل و حس كله رجاء:
ــ يالله ياكريم.. انت خويه هناك يعني مو من قبل..
ــ لا ياعمي .. خويه هناك..
ابو علي بصوت متكسر ومختنق بالعبره:
ــ ياولدي .. علمني شحواله.. وويش مسوي .. ومين وياه.. و زين الوضع عندكم هناك لو ضيقه..

عبدالرحمن عور بقلبه حالة ابو علي ماحب يزيده هم .. فصار يواسيه ..
ان حالته تمام وما ينقصه الا شوفتهم.. و ماحب يقول له انه الوحيد خويه هناك لا يتضايق عليه ..
ابو علي : ــ ايييه.. عساك سالم ياولدي ما تقصر..

ام علي واقفه عند باب المجلس تتصوخ.. مغطيه وجهها بمشمرها وصياح..
شوي جت ليلى حامله تبسي فيه تمر وقهوه عربيه.. وبخوف
ــ اماه.. ويش صاير..؟؟ ويش فيه ..جايب اخبار عن علي ؟؟؟
ام علي تمسح دموعها وتبتسم:
ــ خويه هناك وشمله العفو وجاي يعلمنا عن اخباره..
ليلى فتحت عيونها وبأبتسامه كسيره:
ــ ويش اخباره..
ام علي تأشر عليها .. تصبر شوي .. وخذت التبسي من عندها.. تغطت وطقت الباب ودخلت..
ــ قواك الله ياولدي..
عبدالرحمن قام واقف:
ــ هلا ياخاله .. يقويك ربي ويبارك فيك..
ام علي : ــ الله يسلمك ...
عبدالرحمن يبغى يفرحها شوي :
ــ تطمني ياخاله,, علي تمام وبخير وعال العال وهو اللي دلني عليكم ..
والتفت لأبو علي:
ــ ياعمي ولو انه طلب صعب يمكن بس ياليت تعدوني مثل ولدكم .. ياليت تسمح لخالتي تجلس معنا ابيكم بسالفه..
ابو علي : ــ ايه ياولدي عالعين والراس.. قعدي ام علي ..
ام علي قعدت وكلها لهفه لسوالف عبدالرحمن..
اللي استلمته تحقيق ويش ياكل علي وويش يشرب وينام لو لا ..
والناس هناك زينين لو شنين .. يأذوه لو مرتاح..؟؟
عبدالرحمن يهدي فيها ويجاوب عليها ويطمنها..

ابو علي : ــ اهدي يامره تعبتي الرجال.. الحمدلله ماعلى علي قصور ان شالله وربي يفرجها..
ام علي بدت تصيح : ــ يالله ياكريم.. شهرين مرو كنهم سنه..
عبدالرحمن عورت بقلبه.. تنهد :
ــ الله يفرجها ياخاله.. اصبري وتمسكي بأهل البيت ما يخيبونك ان شالله

ابو علي انتبه له.. وصار يضرب فكر اسمه سني .. عايلته من القبايل السنيه؟؟ ..
وجت له الجرأه يسأله:
ــ ياولدي... انت .....شيعي؟؟؟
عبدالرحمن ابتسم :
ــ مو هذي السالفه اللي ابيكم فيها..

وصار عبدالرحمن يسولف ليهم عن رغبته في التشيع وانه امنيته يكونو له سند وعون.. وعلمهم عن مرته رزان.. وطلب من ام علي هي ويا بناتها يوقفو جنبها و يعلموها..


ابو علي :
ــ ما شاء الله تبارك الرحمن.. الله يحفظك ياولدي ويكثر من امثالك .. حاضرين على عينا وراسنا..
عبدالرحمن:
ــ عساك سالم ياعمي.. الله يخليك ويرفع شانك..

ام علي : ــ ياولدي جيب مرتك بكره معانا من الصبح.. العصر في تمثيليه نسميها الشبيه.. شبابنا الله يخليهم يمثلو واقعة كربلاء كلها.. بالمره تشوف وتفهم وتركز في بالها..

عبدالرحمن : ــ صدق ؟؟ بس حريم لو في رجال..
ابو علي : ــ فيه للرجال من جهه ثانيه ...
وبهداوه يكمل كلامه: ــ ايه ...خلف الله علي ...
عبدالرحمن عوره قلبه ,, حط ايده على رجول ابو علي وبهداوه:
ــ ياعمي .. تشوف كل شي بقلبك.. ما اعمي الا اعمى القلب ..
ابو علي حط ايده على كف عبدالرحمن:
ــ الله يحفظك ياولدي ويبلغك في ذكرك.. استأذن انا .. ونشوفكم بكره ان شالله..



تابع<<

[Princess]

أرأيت اختا قدمت لشقيقها فرس المنون ولاحمى وكفيل
فتبادرت منه الدموع وقال يا اختاه صبرا فالمصاب جليل
فبكت وقالت يابن امي ليس لي وعليك مالصبر الجميل جميل

وودعت زينب حسينا...
وارتفعت الأصوات الولائيه.. بالبكاء والنحيب.. تندب السبط الشهيد...

طلعة ليلى وزينب من الحسينه...
زينب : ــ ريموه ماحضرت ولا مجلس..
ليلى : ــ يازعم تذاكر ولا كني ماعرف حركاتها بكره اذا خسفت بتقول.. من حسرتي على محرم شلون اذاكر فيه..
ــ متعيلفه ومتحججه عالميه..
ــ أي والله.. اما اليوم امي و امش مكيفين في الطريق .. الا صدق اول امس ولا امس امش ماحضرت .. ويش فيها؟؟
ــ داير راسها ,, ماندري من ويه.. وكلما وقفت تطيح..
ــ ياعلي .. من فقر الدم..
ــ ايه.. ماكله طاسة فول وين ما تطيح. حاولت اول امس العصرماقدرت,, و امس اشوى.. شالت عمرها .. . خخخخ فاتش ابوي يسخر عليها خلاها تشب حريقه..
ــ على ويه .؟؟
ــ يقول ليها ... مفتر راااسش و مفتر راااسش.. مبروك انتي حامل..
ــ هههههههه استغفر الله اعقلي ها..
ــ خخخخخخ شدراني عنه.. عصبت منه وصارت تهدر .. وهو ضبعتي وهي يالشايب..
ام جاسم:
ــ علي ياوكالة الأنباء.. مسرع ما تقصي الأخبار...
زينب حطت ايدها على قلبها:
ــ بسم الله الرحمن ههههههههه متى وصلتو ؟؟
ام علي : ــ خوبلتني امش بارده.. سحبتها سحاب..
ام جاسم : ــ اهووو رجولي متشلخه..
زينب : ــ امشو بسرعه لا يطفر عادلوه..

وصلو بيت ابو علي قبل .. وينصرعو بعادل قاعد على الباب...
ومنكس وجهه على ذراعينه كنه يصيح..
زينب : ــ خنااااقه.. اماه بنغير الطريق..
ام جاسم: ــ وينا تبغينا نرووح نخبط في المطرات والنقعات مافيني شده امشي لا طراقات..
ــ ويليييييي عادلوه على باب بيت عمتي بيخوبلنا..
ــ خوبال ماعليش منه..
ام علي :
ــ الله يستر عمره ماسواها .. ويش مقعدنه على باب البيت..وويش فيه كنه يصيح

ليلى ــ ياعلي قعدته تعور بالقلب..
تقربت منه ام علي:
ــ عادل.. امي .. ويش فيك؟؟

عادل رفع راسه وعيونه غرقانه دموع,, وحضن رجول ام علي وهو يصيح..
زينب وام جاسم ماكملو طريقهم وقفو يشوفو ويش صاير
ليلى انصرعت من حركة عادل صارت تصرخ فيه ..
ــ عيب .. عادل.. وخررر...
عادل يصيح ويضغط على رجول ام علي :
ــ ابغغغغغغغىىى اممممممي
هو ماقال كذا..
ام علي ماتحملت..

ذكرت ولدها علي.. اللي اصلا ماغاب عن البال ولا الخاطر..
وصارت تصيح..

حطت ايدها على راس عادل وصارت تمسح عليه:
ــ امي.. خلاص لا تصيح.. وينهي امك...؟؟

ـــ رررااااحححت لعببباااسسسوه... مسسسكتتتها طلللعتتتها قلللت لييها لااااتررروح قاااالت اقعععد هنااا عببباااس مررريض قلللت ليهااا برررروح ويييااااش مااارضيييت تاااخدددني..

ام علي : ــ انا لله.. الله يفرجها عليه ان شالله ومايشوف شر .. قوم امي .. برد برى وكم مره اقول لك البس عدل مايفيد فيك.. قوم داخل..
زينب تهمس لليلى : ــ صار بيتكم فندق ..
ليلى حمقت فيها: ــ مسكين.. خليه..
زينب تستنحس على ليلى .. رفعت ايدها:
ــ يااااااارب يحول عليش ويخوبلش بداااالي ياااااااااااالله ياكريم..
ليلى تفلص زينب فلصه:
ــ انقلعي بيتكم لا كف.. يللا .. فااااااارقي.. وعادلوه ما يملى عينه الا انتين...
زينب : ــ آآآه .. ماعليه لكن ههههههه يالنحووس اراويش وين امي؟؟
ليلى : ــ ههههههه خلف الله عليش قالت مع السلامه وتقدمت.. وامي دخلت ويا عادل ويش دراش وانتين تتعيلفي . ..
زينب : ــ يؤيؤ.. ولا كني وياها ابدا.. يللا نشوفكم على خير مع السلامه..
ــ خخخ الله يسلمش..

دخل عادل صالة بيت ابو علي.. راحت ام علي لريما بتقول ليها عادل هنا لا تطلع فجأه... لقتها نايمه..
شغلت ليلى التلفزيون حطت محاضره....
وقعدت وياها ام علي.. وشويات جى ابو علي...

دقايق ولا شافو الا عادلو طلع من مخباه مجموعة تيل .. وصفهم قدامه وبدى يلعب..
وكل شوي ينبطح ويدحن .. ويغمض عيون وحده .. ويطلع لسانه.. يازعم يبغى يصوب الهدف..

ام علي :
ــ هههههههههه حق ويه اللسان بعد يشتم الهوا..
عادل : ــ حقققققق ارررركززز..
ابو علي : ــ ويش يسوي ويش هالطقطقه.. تيل ؟؟
ام علي : ــ ايه..
ابو علي : ــ رحم الله ايام لول يوم كنت العبها وانا صغير .. هههههههه ياما تفلعت بها... من الحمق الصبيان يرموها على بعضهم..
عادل : ــ هههههههههههه ايييييييه انااا فلعوووني مرررااات وووايد بهااا تعووور.. صااارت في جبهتي طمااااطططيه صغيييررره بسسس فلعتهههم سووويت فييهم سحااارة ططمماااط
ام علي وابو علي وليلى .. ضحكو من هدرته..
ام علي : ــ لعن الله يزيد غربال ياعادلوه غربااال..

شوي تلفونهم يرن على طول عادل ماصدق خبر ورد هو..
ليلى فتحت عيونها: ــ اه.. خذ لك..
الا عادل : ــ اماااه وينش انتيييييييين... ززززين احححين باااجي ...
وسكر السماعه..
ام علي : ــ ماشالله عليك .. قلبك دليلك.. على طول حسيت بها هي...هاا.. رجعت البيت..
ــ اييه تقققوول اتصصلت من محححل لمحللل وهي تداااور ماحصلتني
ليلى : ــ كيفا دي بعد ترجمو لي .. اتصلت ومن محل لمحل وتداور..
ام علي :
ــ ايه.. المهم فهمنا له.. الله يعين امه ويفرجها عليه..
عادل :
ــ مععع السسسلااامه..
ام علي :
ــ الله يسلمك انتبه لعمرك.. وشوي شوي في الطريق ...

ساره تقلب في التقويم..
ــ اففففف .. ياربي اول سنه بعد االتخرج.. عساها فال خير علي يارب...
وصلت لربيع ثاني:
ــ عساك ماتجي الا واني متوظفه
وبلا شعور شالت الورق كله لين نص ربيع ثاني..
مؤيد مر عليها وانصرع:
ــ وووووووويش صااااااير..؟؟ حق ويه شقيتي الورق؟؟؟
ساره انتبهت لعمرها...
مؤيد يطالع فيها:
ــ ماباقي وايد على ربيع..
ساره فهت:
ــ هااا.. يعني ويه..؟؟
ــ ويش دراني عنش ,, حق ويه شقيتي التقويم لهالتاريخ..؟.؟ تحاتي ويه.. المهم نطمنش ماباقي وايد على ربيع..
ــ صحيح متعيلف اغبر .. ماحسيت اصلا ولا انتبهت..
ــ هههههههههه زين ماباقي وايد وخلاص..وين جودي؟؟
ــ نامت..
ــ واحشتني دي كم يوم ماشوفها عدل من زحمة الشغل للمواكب
ــ الله يعطيك العافيه..
ــ الله يعافيش.. اخبار ناديه ..
ــ الحمدلله تمام.
ــ اخبار رجلها ماغيرو رايهم على حساب شغله
ــ لا ما سمعت شي جديد.. وعلى قلبي ندووش تحاتي .. احتمال كبير في ربيع يتم نقله .. ويلي على اختي ويش يعيشها في الجنوب بتتخوبل ويا ولادها
ــ ههههههه يا ترسلهم الطايف لو يرسلوها.. << اكبر مستشفى مجانين هناك..
ــ ههههههههه غربال بيرسلوها هم..


علا في غرفتها .. شوي طقت عليها سوسن الباب ..
دخلت سوسن وهي تكلم جوال وسألت علا :
ــ ويش تبغي تاكلي بنطلب عشا من مطعم..
ــ هههههههه قصدش سحور..
ــ خخخ اللي هو يوعانه اني ... هذا هشام بجيب يللا بسرعه ويشو
ــ بس فيه العافيه..
سوسن : ــ ماتبغى علا بس اني..
حمق هشام.. سوسن تغمض عيونها::
ــ زييييين بطيت اذوني ههههههه حشا..
علوه يقول لش ويش تبغي يللا محمق ولازم تطلبي..
ــ ظرريفين... شبعانه اني فيه العافيه..
ــ ماااااالي شغل .. هشام ويش اسوي جيب اللي تجيبه... باي بااااي..
وسكرت...:
ــ اف الا غصب ويش تبغى.. اقول له ما تبغى يقول تستحي مني افا ومدري ويه.. فاضيه ليكم أني كل واحد يتدلع عالثاني..
علا فتحت عيونها وصارت تطالع في سوسن..
سوسن ابتسمت : ــ احم ..امززح...


ــ خنقه المحل.. حميد.. خلنا نطلع..
ــ شااااااايفني قادر اطلع وماطلعت.. اسكت عني..
ــ حميد.. انا خايف المحل مو طبيعي..
ــ جاسمو بتسكت لو ويش..
ــ حميد ويش فيها ايدك..
حميد يطالع في ايده.. متورمه ويطلع منها الدم..
ــ آآآه.. مادري .. ويش فيهاا يااربي..
جاسم : ــ بطني بدى يعورني.. حميد تكفى دبرنا خلنا نطلع..
حميد يطق في ايده وكلما طقها زاد الورم فيها.. وصار يطلع منها دود...
جاسم خاف وهرب .. شاف باب فتحه الا تلفحه منه حراره مهي طبيعيه...
ــ آآآآآآه
الى الملتقى..

[Hussain.T]

مع ان الجزء قصير

بس

ابدااااااااااااااااااآآآآآآآآآآآآآآآآآآآآآآآآااااا ااااااااااااع

يسلمو اميرة ع البارت الحلو

وبنتظار البارت القادم على احر من الماي قصدي الجمر<<شكلي عطشان من الحين ههههه

ولا تتعبي حالك قد ما تقدري

تحياتي

[آخر شقآوهـ ..~]

يـآآي جزء رووعه قسم بالله
أني أتوقع حميد يحلم يمآآآآه يخووف :amazed::amazed:
تسلمين قلبو ع الجزء
ربي يعطيك العافيه
تحياتون ..ضحكوه البطه

[فاطمة المعصومة]

شكرا على القصة بس بسرعة نزلي الجزء الجديد بليز

[اسير الهوى]

يسلموووووووووو اميرة

والله يسهل لك امورك

[جـــــوان]

الجزء رووعة

بس آخر شيء شكله حلم

ويخوف وايد

مشكورة غناتي اميرة

[زهور الريف]

بسم الله الرحمن الرحيم
اللهم صل على محمد وآل محمد
وعجل فرجهم

تسلم الايادي يالغلا

جزء روووووووعة


ابداع صراحة

تسلم الايادي

وموفقة خية.

ومتباركة بالشهر الفضيل


بالانتظار

[عوامية صفوانية]

الله يثبت قلب عبد الرحمن على ولاية امير المؤمنين
ويفرجها على علي



و يووووووووو
ويش صاير ويااا حميد وجاسم

يخووووفوا هالاثنين غريببين بالمره ....


يسلمو على البارت ولا عدمناك

[سفيرة الاحلام]

تسلمي اميره على الجزء


في اكشن شوي

صح قصير بس حلو


لاهنتي

[دمعة على السطور]

حاسة إن هذي حلمة ..
يعني جاسم يحلم كل من تأنيب الضمير..
وهذا الباب باب النار جهنننننننننننننننننننننم

الله يعتقنا وإياكم منها..


يعطيك العافية حبيبتي..أميرة..
وموفقة يارب..
ننتظر البقية..
..دمتي بعين المولى الجليل..

[للدموع إحساس]

مســــــــــــــــــــــــــــاكم اللهـ بـ الخيررر ،،
من جد تسلم الأيادي خيووووهـ ،،
صبرنا و نلنا ،، أحدااااث حلووووهـ ،،
لكن اللهـ يدفع البلا ،، حميدوووهـ اللهـ يعافيهـ ،،
وين هم ؟؟!!!
أمممم أعتقد حلمهـ ،،
و جسووووم هو إلي يحلم ،،
اللهـ يعينهـ ،،
بـ إنتظآآآآآآآآآآر التكملهـ ،،
و يعطيكـ ربي ألف ألف عااااافيهـ ،،
خاااالص التحااايااا ،،
للدموع إحساس ،،

[*زهرة البنفسج*]

تسلمي امور عللجزء الكشخه

مره حلو

اي والله شكله حلم ذا شكله جاسم يحلم

امور اخدي راحتك يالغلا اهم شي لاتضغطي روحش

موفقين

,,,

[Princess]

مرحبا
تسلمو لي والله من كل مكروه
والله يخلي اللي يقدرو ظروفي ويحسو بتعبي لا خلا ولا عدم فديتهم والله..
حبايبي الليله بعد ماتوقع فيه جزء..
بين ايدي اشياء وايد اولى من القصه مكلفه بهم ولازم اخلصهم
اصبرو علي..

اسألكم براءة الذمه
و استميحكم المعذره..
دمتم بخير
وبحفظ الرحمن

[الــــنـــاري]

يعطيك العافية خيتو
الله ييسر لك امورك
ببركة هذا الشهر
تمنياتي لك بالتوفيق
دمتي بحفظ الباري

[بائعة الخبز]

جاريـ الانتظار .......:wink::wink:

[آسوآآر الآلــمـ]

تسلمي أختي وعساش على القوة يارب

والجزء مرة شيء واتوقع أنا بعد انه حلم

الله يكفينا حر النار

تسلمين أختي على هالإبداع

والتشويق اللي مو طبيعي

موفقه أختي

والله ييسر لك أموركـ ،،

[زهور الريف]

بسم الله الرحمن الرحيم

اللهم صل على محمد وآل محمد

وعجل فرجهم

عساج عالقوة خيية

لا تشيلي هم..

إحنا بالانتظار

مقضية الحوائج إن شاء الله

موفقة لكل خير

[Habit Roman]

سلام امورررره
يسلموا يالغلا على هالقصة جد روعة وتسلم الايد الي كاتبتها
انا قلت ماراح ارد عليك لين ما اقراء الأجزاء الي كاتبتها كلها
وانا متحمسه اكملها كلها
يالله يالغلا لاتتأخري علينا ترى احنا ننتظر على أحر من الجمر

سلام يالغلا

[جنة الحسين]

صرااااحه الجزء روووعه مع انه قصير

الله يعطيش العافيه و يقويش

موفقه ان شاء الله

[الــــنـــاري]

2 يوم وحنا ننتظر
شكلها بنطلع مظاهرات
ونطالب بالحقوق << اي حقوق انت ووجهك
ماليي شغل لازم تكلموها لا اصيح
مو تصيري زي السعودية الاولى
تجيب نص الفلم ونص الثاني بعد سنة @!@

[Princess]

مرحبا
:embarrest:
عساكم بخير
والله توي اتنفس

مزحوومه حدي طول الأسبوع اللي فات
يالله احصل وقت للنوم..:wacko:

واجازتي فقط اليوم ( الجمعه) :sad2:

ما يحتاج مظاهرات
هذاني جيتكم :amuse:
وجاري كتابة الجزء
مادري متى انزله بس اخلصه باحطه
دمتم بخير
وبحفظ الرحمن

[عوامية صفوانية]

عساش عل القوة
والله يعطيش العافية

المنتدى خالي بلا اياش خيتو
لا عدمناش

( ما صدقت اشوف اسمش لإ ركض اشوف شو الجديد خخخخ ) ملحوقه

وسلمش الله من الشر

[كعور]

انا بعد ركضت كني ويه استنى الجزء الجديد
نستناش اختي اميره
لان بجد بجد ماشاء الله عليش
بأي كلمه انا اوصف هالأبداع
الله يخليش لنا
ويخليش لغاليش ومغليش
الصراحه في حماس مو طبيعي للروايه
انا شفت ناس يمدحو فيش وفي رواياتش بس ماكنت متحبب للروايات زي حالياً ماقرأت إلى رواياتش لأن الصرااحه ماعليهم كلام
مابطول في كلامي

ونستناش

[نبــراس]

أميرة .. إبداعكِـ ليس له حدود

وخيالكِـ .. ينقلنا من حــال لآخر

لنعيش المعاناه وكـأننا أصحابها

سلِمت يمناكِـ عزيزتي

بالانتظـــار

[الــــنـــاري]

اميرة اهلا بعودتك
اختي عندي اقتراح
يمكن يأيدوني فيه الجماعة
وهم شي انتين تايدين فيه قبل الكل


انا من رايي تكتبيها في ورق وقت الفراغ
وبعدين كبرياء ترتبها وتنسها لينا
اعرفها اختك ومابتقصر وياك ^_^
ونشاء الله الكل يوافق على الاقل
كذا مابنتظر وايد >واجد > كثير << كل اللغات عندي > قام يفخم
يلا سي يو بعد اسبوع بجي اشوف الجزء هههه
تمنياتي لجيمع بالتوفيق

[Princess]

مرحبا
تسلمو والله من كل مكروه
اخيرا تمت كتابة الجزء
حاولت قد ما اقدر في فراغي اضغط على روحي شويات واطول هالجزء..
ان شالله يعجبكم

خيو كعور .. ياهلا فيك نورت.. واتمنى تعجبكم هالروايه للآخر مثل اللي سبقوها ولا استاهلنا تعليق منكم عليهم...:toung:جاني فضول اعرف مين الناس
اللي سمعتهم يمدحوني !!
ويمدحو رواياتي؟؟
واللي زاد فضولي ... لقيتك في مكان آخر من انحاء المعموره.. :rolleyes:!!



بالنسبه لأقتراحك خيو الناري..
خيو اني وقت فراغي الوحيد اللي اصير فيه على الجهاز حاليا في رمضان من بعد صلاة الفجر تقريبا الى وقت نومتي .. اذا مو مخيخي مره منتهي وخلاص انام..
وبهالوقت.. اكتب مباشره
اما اني امسك ورقه وقلم ماااا عندي ولا حتى ساعه حق اقدر اسويها..:nosweat:
تسلم والله تعبتكم وياي من الأنتظار بس ان شالله تتيسر اموري وتتعدل ظروفي ..
واتواصل بشكل اكثر:embarrest:
تفضلو الجديد..

[Princess]

الحلقة 29






ــ خنقه المحل.. حميد.. خلنا نطلع..
ــ شااااااايفني قادر اطلع وماطلعت.. اسكت عني..
ــ حميد.. انا خايف المحل مو طبيعي..
ــ جاسمو بتسكت لو ويش..
ــ حميد ويش فيها ايدك..
حميد يطالع في ايده.. متورمه ويطلع منها الدم..
ــ آآآه.. مادري .. ويش فيهاا يااربي..
جاسم : ــ بطني بدى يعورني.. حميد تكفى دبرنا خلنا نطلع..


حميد يطق في ايده وكلما طقها زاد الورم فيها.. وصار يطلع منها دود...
جاسم خاف وهرب .. شاف باب فتحه الا تلفحه منه حراره مهي طبيعيه...
ــ آآآآآآه


وانتبه جاسم من النوم.. مفزوع.. وعرقان وحالته حاله... غطى وجهه بكفوفه وصار ينحب..
ــ لمتى هذا حالي.. يارب سامحني... لازم اشوف حل.. مايصير اسكت.. باموت..



العصر في الساحه.. في يوم العاشر .. الشباب يمثلو.. ليلى واقفه جنب رزان..
ورزان مندمجه ومتفاعله ومتأثره.. وبلا شعور دموعها تسيل وكل شوي تقول لليلى..
ــ ماصدق في ناس بهالظلم.. ماصدق وهذا تمثيل اجل الحقيقه كيف؟؟
وليلى تهديها :
ــ ياخيه صدقي .. هذيلا قوم غضب الله عليهم ولعنهم واعد لهم اشد عذاب.. هذيلا قتلة آل رسول الله..
وجى موقف الطفل الرضيع.. ورزان حامله حنين وضامتنها ليها عن البرد ..
موقف الأمام الحسين وهو يطلب الماي لأبنه الرضيع.. هز كيانها ..


ومن رمى حرمله الرضيع بسهم..
من رفعه اللي يمثل دور الحسين عليه السلام ( ناصر ) للسما ..
ومن ارتفعت الأصوات بالبكاء والنحيب..


رزان خلاص..
تحس نفسها فقدت الحواس.. ودموعها انهمرت على خدودها.. ضمت بنتها...
قتل الحسين... طاح الممثل من على ظهر الفرس... و اعتلى الشمر صدره..


هنا ..
الناس كلها تصرخ وتصيح..
ورزان بلا وعي وياهم.. وبعمق وصدق احساس.. نادت.. يااااا حسيــــــــــــــــــــــــــن..


وبين الحريم النادبات.. من جى دور الشمر.. ام مصطفى تركت المكان بالدعاوي..
ــ نايبه تصكك سودت وجهي..
والناس متفاعله وتلعن الشمر اللعين
رزان مهي مستوعبه ,, صارت تسال في ليلى..
ــ وش بلاه هذا.. وش يسوي.. شكله يخوف .. منو هذا؟؟
ليلى :
ــ هذا الشمر لعنه الله.. يبغى يقطع راس الحسين عليه السلام
رزان شهقت شهقه وبدموع:
ــ ليش ؟؟ مو كفايه حالته واللي سووه.؟؟ ليش يقطعه ؟؟
ليلى زادت صياح.. وصارت تحكي ليها ...
وفجأه اعتلى صوت النياح في الساحه..
وارتفع راس على الرمح..
الله اكبر.. الله اكبر..


عبدالرحمن في الطرف الثاني..
يراقب المشاهد بتمعن..
دموعه تسيل.. ويحس الدم يسري في خدوده بالقوه..


كان تايه وحيران..
ضايع.. ومحتاج احد يرشده..


يحس بعد ما شاف التمثيله انه ارتاح .. وفهم اشياء كان غافل عنها..
واشياء ثانيه كان فاهمها غلط..
تنهد من قلب ومع ارتفاع الأصوات ..
صرخ::
ــ الله يفرجها عليك يالغااااالي..


جاسم... جاه غثيان فجأه.. و اقرب محل الى ساحة التمثيل كان بيت عمته.. ..
ابو علي اكيد موجود في البيت بحكم انه مايشوف ولا بيقدر على الوقفه والزحمه,,
ركض على طول راح بيت عمته طق الباب..


ابو علي قام وهو مستغرب اهله عندهم مفتاح .. ومين اللي جاي وتارك التمثيليه برى..
ــ خير اللهم اجعله خير.. مين.. مين عند الباب..
جاسم خلاص بيفرغ مو قادر..
ــ انا......... جاسم..
فتح له ابو علي وعلى طول اندفع جاسم لا سلام ولا كلام ودخل حمام المجلس..
وصار يستفرغ,,
ابو علي مستغرب ..
ــ جاسم.. ويش فيك ؟؟.. ويش صاير..!!
جاسم في الحمام .. بدى يصيح .. ويهوس في باله..
ــ لا يكون صار فيني زي حميد.. يارب .. يارب الطف بي ..


طلع من الحمام ..
ابو علي : ــ ويش فيك ياولدي..؟؟
جاسم انسدح في المجلس وبتعب:
ــ مادري فجأه بطني عورني ..
ــ سلامتك.. ما تشوف شر..
وقعد ابو علي وياه:
ــ ايه.. زين .. مصايب قوم عند قوم فوايد..عالأقل ونيس وياي..
ابتسم جاسم.. وصار يتأمل السقف .. و آثار المطر عليه.. والتشققات...
سالت دموعه..
ــ يالله.. سامحوني .. حرمتكم من ولدكم.. يارب .. سامحني..



ــ تبكيك عيني كيف لا تبكيك عين..
فرض على الأحجار ان تبكي و دين ..
كيف القلوب العاشقات ياحسين.. ياحسين..
علي.. مسند راسه على الجدار.. وبينه وبين نفسه يرثي الحسين بهالقصيده..
شوي الا بجية العسكري ..
ــ اليوم لكم مكالمه..يللا بالدور جماعات.. فلان آل فلان.. ....... علي حسين آل ....
علي على طول قام.. وقلبه يطق ..وفي باله يارب الاقي احد .. اليوم عاشر اكيد طلعو ...


اتصل ...
رن.. رنه .. رنتين..
ابو علي ..
ــ اوه تلفون.. مكحين باب واستغربت والحين تلفون.. خير اللهم اجعله خير.. << تلفونهم الوحيد في الصاله..
ابو علي وهو قايم:
ــ انا لله.. ما يمديني اوصل له الا سكت..
جاسم : ــ استريح عمي انا باروح اشوفه..


وراح جاسم..
رد..
ــ الو..
علي استغرب . قال يمكن دقيت غلط..... عمره ماكلم جاسم تلفون فما مر عليه صوته:
ــ مين معاي؟؟
ــ انت مين..؟؟ تبغى مين..؟؟
ــ هذا مو بيت حسين آل ....
ــ ايه هذا هو...
ــ مين انت؟؟
ــ انا ولد خالهم...
علي .. سرت في بدنه نفضه قويه.. وحس نفسه في ضيقه مهي طبيعيه..
وبصوت مقهور ومتألم:
ــ جاسم !!
جاسم : ــ ايه جاسم.. مين انت.. وتبغى مين..
علي ببرود وملامه: ــ وين ابوي ؟؟
جاسم من قال علي وين ابوي.. ميز الصوت.. وعرفه..
حس كنه نزلت عليه صاعقه من السما..
تيبس محله.. ودقات قلبه صارت في راسه وبطنه تتسارع...
وبصوت متقطع : ــ دقيقه..
علي ابتسم ابتسامة سخريه و في باله ..
ــ مالومك ما تسال عن احوالي وانت السبب في ضيقتها.. ايه.. الله عليك وعلى اللي كان وياك شريك..


جاسم يسحب نفسه سحاب ..
ــ عمي.. علي ............في التلفون


ابو علي .. جته غصه..
ــ سكر ؟؟
ــ لالا اكو في الصاله .. على المخده حطيت السماعه روح رد عليه


قام ابو علي وهو متردد وقليه يصفق .. اول مره بيكلمه.. ماكلمه في العيد .. مايقدر يسمع صوته..


هو راح الصاله للتلفون من جهه.. جاسم رجع الحمام .. وصار يفرغ من جهه ثانيه..




ابو علي وايده تتنافض رفع السماعه:
ــ هلا,, هلا ابوي..
علي اختجلت الدمعات في عيونه توه يسمع صوت ابوه.:
ــ هلا يبا.. قواك الله.. مأجورين.. ويش حالكم..
ــ هلا بعد ابوي .. الله يقويك و اجرنا واجرك.. الحمدلله ما نسأل الا عنك.. شحوالك يا ولدي ويش مسووي... وويش اخبارك..
ــ الحمدلله تمام .. وما ناقصني الا شوفتكم .. ويش اخبار امي وخواتي ووينهم .. عساهم بخير .. وريمو اختباراتها ويش مسويه
ابو علي يرفع غترته ويمسح دموعه .
ــ لا خلا ولا عدم منك.. كلهم بخير و يتأملو رجعتك بالسلامه.. ما نسيت وقت اختبار اختك اللهيوفقها ويفرجها عليك ان شالله.. اهلك راحو يشوفو تمثيلية الشبيه..
ــ اهاا صح.. عليهم بالعافيه .... ويش الأخبار الجديده ويش مسووين.. وجاكم عبدالرحمن لو لا؟؟
ابو علي :
ــ مافي شي جديد.. وماشي الحال الله كريم.. وجانا خويك.. والحين راح ويا مرته التمثيليه


وفي باله.. ويش اقول لك ياولدي.. اقول لك محاميك انحاش وباق الفلوس.. لو اقول لك بعنا طرادك وندور لك محامي ثاني.. لو اقول لك ولد عمتك عطاك عمره.. لو اقول لك رجع ابو مالك من السفر وحال خالك مو حال من طاريه .. اقول لك ويه لو ويه ياولدي.. مافي شي جديد وامرنا لله..


علي : ــ اووه تمااام .. يبا انتبهو ليهم ودلوه على الشيوخ وعطوه كتب..
ــ ان شالله ياولدي ما يصير خاطرك الا طيب .. لجل اهل البيت ولعيونك ..
ــ يبا.. ويش فيك..
ــ هلا.. ها.. مافيني شي ياولدي..
ــ مادري بس صوتك مو مريحني..
ــ لا مافيني شي .. بس توه زكام رايح.. وشوي الصوت متدهور من البرد..
ــ ايه انتبه لصحتك يبه .. ويللا سلم على امي وخواتي وخالي واهله..
ــ الله يسلمك ياولدي .. يوصل وانت انفت لعمرك ..
ــ ان شالله يبه.. مع السلامه
ــ امانة الله..


سكر علي ..
وابو علي حط السماعه.. وقعد على الأرض :
ــ إيييه.. الله يردك لينا ياولدي.. عاجلا غير آجل...


راح المجلس ونادى..
ــ جاسم.. جاسم .. وينك.؟؟
ولا يسمع الا صوت جاسم في الحمام.. يرجع..
ابو علي :
ــ انا لله,. ما يندرى ويش ماكل .. لوع شبدي..




تابع<<

[Princess]

و احترقت الخيام..
وجرت النساء سبايا...

رزان خلاص .. من هول الموقف .. طلعت من الزحمه وقعدت على الرصيف .. وصارت تصيح..

لحقتها ليلى وصارت تقص ليها بعدين ويش صار في السبايا..

و انتهت التمثيليه....
الا بدخلة ضبعه تركض لماي النهر الأحمر اللي مسوينه بالساحه..
حامله غرشة ماي فاضيه..
الصبيان يكلموها..
حجيه .. ويش تسوي؟؟ حجيه الماي مو زين..!!!.
وهي محمقه و لا عندها فيها .. وعاطتنهم الأذون الصمخه...
وتصيح وتسب في يزيد وآل يزيد و اصحاب يزيد.. ماخلت ولا بقت سبه..
وتعبي في ذيك الغرشه...

خلوها على راحتها.. بس كلموها اهم شي لا تشرب منه لأنه فيه الوان تضر...

عادل دخل وسط الساحه وصار يراكض فيها ويغبر ..
الا يلفت نظره مصطفى بعده ما بدل لبسه التنكري لدور الشمر..
ويهجم عليه ويمسكه ويدحن فيه في الرمل .. ويدوس فبطنه..
وهو يسب فيه:
ــ الله يلللللللللعنننك .. ياااا قاااتل .. يااااا........ يااااا...............

ناصر فتح عيونه هو الثاني ما غير ثيابه .. وراح يركض هو ويا اشرف لعادل يفكوه عن مصطفى..
مصطفى يحاول يشيل عادل عنه .. حاشه بكم بقس بس ما يفيد ..
عادل مستميت و مره قايم له قومه عدله..
اشرف وناصر يسحبوه..
عادل فتح عيونه ومسك ناصر..
ــ ما مت..؟؟ انت ماااااااا متتتتتتتت....
ناصر :
ــ عادل .. ويش فيك .. نمثل حنا...
ــ قتلللللللللك هذا الـ....... الــ............
اشرف يصرخ فيها:
ــ خلاااااااااص ويش هالسبايب .. عادلوه باقص لسانك .. قلنا لك نمثل مافيه شي ناصروه ها شووف .. شووف..
عادل قام من على بطن مصطفى:
ــ ايه.. حسسسببباااالي متت.. دبحححك هالـ.... الـ....

اشرف :
ــ وتاااااااااااااااااليتها.. قدامي البيت يللاااااااا..
عادل مد برطمه:
ــ اممممممي مااااهي في البيييت..
ــ امشي ولا تكثر هدره...

مصطفى قام وهو ينفض روحه :
ــ يلعن شكلك لو مانت خبل شان دست بطنك في القاع..
ناصر يطالع فيه على جنب:
ــ ايه .. زين.
مصطفى بقهر:
ــ ويش قصدك؟؟
ناصر شلق بوزه شبرين:
ــ لاااااا سلامتك.. يعطيك العااافيه..
ــ حسبالي بعد..الله يعافيك..

وراح مصطفى سيارته كان حاط فيها ثوبه.... وفي طريقه للسياره..
مرو عليه صبيان صغار شالو حجر وصارو يرمو عليه..
ــ ياشمر يالعين.. ياشمر..
مصطفى فتح عيونه:
ــ خناقه.. والله بلشه و ابتلشتها ما يسوى علي هالدور.. فااااااااااارقووو..
وهم يشيلو حجر ورمل ويرمو عليه..
شوي الا بضربة حجره كبيره لسيارته جهة بابه..,, شهق شهقه وفتح الباب بسرعه بيركض ورى الصبي .. بس فلت منه..
رجع لسيارته..
ــ ويلي على كامريتي ويلي .. انشمخت.. يا عسااااااااك ويش اقول...


سوسن في السياره راجعين مع علا من التمثيليه..
سوسن:
ــ ابداع وربي .. الله يعطي الشباب العافيه
هشام :
ــ ان شالله يارب .. اتقنو التمثيل .. بس زحمة الناس والجو ابدا ما يشجعو.. برد و التنظيم مو مره .. الله يقدرهم على العالم والزحمه في السنوات الجايه..
سوسن : ــ يارب.. الا علا صحيح.. متى يوم افتتاح المعرض..
علا بهمس بالكاد ينسمع وكان هشام حاط عزا:
ــ 23 هالشهر..
سوسن :
ــ قصرر عالصوت ماني سامعتنها.. كم؟؟
علا بنفس الدرجه صوتها ماعلته:
ــ 23 هالشهر..
سوسن..
ــ ماسمعش .. ويش فيش تساسري روحش...!!
هشام ابتسم..
ــ 23 هالشهر..
سوسن :
ــ ما شالله عليييييييك.. الحين هي وراي ولا سمعتها .. سمعتها انت؟! تتصووووخ..
علا حست بأحراج.. هي تهمس حق لا يسمعها .. يقوم هو اللي يسمعها..
هشام ضحك..:
ــ يعني ويش اسوي .. اسكر اذوني...
سكت شوي..
ــ مممممم بتلقف.. معرض ويش هو لكن؟؟
سوسن ابتسمت :
ــ مادرريييت.. علا رسامه وليها لوحه في معرض بالجمعيه الخيريه بيفتحوه 23 هالشهر..
ــ ما شالله تبارك الله.. والله تمام.. بتروحو اكيد..
ــ اكيدين و انت اللي بتودينا..
ــ حااضريين..عسى في يوم للرجال لو بس حريم..؟؟
سوسن تسألها..
ــ علا فيه رجال؟؟
علا بهمس :
ــ ايه الرجال الليل والحريم العصر..
سوسن :
ــ اف ولو اني ما سمعتش عدل بس اكيد سمعش ...
هشام ضحك:
ــ ايه.. الحمدلله على شان لا يفوتنا الفن..
علا تلون وجهها.. وتحس روحها صخنت..

عادل مع اشرف في السياره..
اشرف يحاول يفهم فيه ان اللي شافه تمثيل واللي حقيقه من زماان..
بس ابد مو داخل في مخ عادل .. كل شوي ينط له بسؤال..

مره يقول له اجل ويش الدم اللي يطلع..
ومره يقول له ليش طاح من على الحصان..

وكل دقيقه سؤال..
لين وصل لهالسؤال:
ــ مين الحرررريم اللي طلللعو من الخيييمه المحترررقه..؟؟
اشرف :
ــ اهل الحسين عليه السلام.... حرمه .. خواته.. وعياله..
ــ توووك تققووول تمثيل..!!
ــ ياربي ياعادل افهمني .. يمثلو دورهم..
ــ كككيفا ويااااكم حررريم وشلللون ناااصصصر حضضضن المرررره ههههههههههههههههه عيييييييييب..
ــ ههههههههههههههههههههههههههههه والله وتعرف العيب تمام والله.. مهم حريم هذيلا رجال لابسين عباه..
عادل فتح عيونه:
ــ قلللللللللة حيييييييييييااااااااا.. ررررجاااال خنييييتتتتووووااااه..
اشرف فتح عيونه:
ــ وووووووووويه؟؟ هههههههههههههههههههههههههههه استغفر الله ياربي .. عادلوه انشب لا اصكك كف.. يمثللللللللو قلت لك يمثلللللللو....
ــ عييييييييب حق ويه يلبسووو عبااااه..!!
ــ انا لله.. وصلنا بيتكم.. انزل بس كني انفخ في قربه مفقوعه.. ..

ونزل عادل وهو يضرب فكر..
حاول يفتح الباب .. مقفل .. صار يطقه مافتح له احد..
ــ افففففف تحححب امممي عبااااسسسوه اكتتتتررر مني.. ويننناااا اررروح.....؟؟؟

في بيت ابو علي ..
طبعا بعد ما وصل ابو علي سلام علي لأمه وخواته....

ظلت ام علي فتره تصيح ومتأسفه مالحقت على ولدها..
ام جاسم تهدي فيها ..
ــ سلام الله على الشباب .. ساعد الله امهاتهم اللي فقدوهم.. هدي ياغناتي.. اجر وعافيه ..
يالله هدت و رجعت لحالتها..

في المجلس..
ابو جاسم : ــ الله يقوي الشباب.. تمنيت جاسمو يكون له دور وياهم .. بس خايب وطايح حظ
ابو علي :
ــ شوي شوي عالولد يا خوي.. حالته حاله شكله بيصخن..
ــ انا لله ناقصنه وناقص بلاويه..

جاسم منسدح يسمعهم بس باله مو وياهم ويا حالته .. وفكره متهوس لا يكون صابه ما صاب حميد..

عبدالرحمن كان قاعد وياهم.. ويسألهم عن الأشياء اللي يبغى تفاصيلها من التمثيليه.. وابو علي وابو جاسم يعطوه الجواب..

عبدالرحمن:
ــ طيب يا العمام.. ابي ماعليكم امر .. ارقام لشيوخ.. ومكان تواجدهم.. ابي اتواصل معهم اكثر واعرف كل اللي ابيه.. يجزاكم خير..
ابو علي : ــ على عينا وراسنا.. ولا يهمك ياولدي.. وربي يوفقك ان شالله ويسهل امورك..
ــ يارب آمين..

تابع>>

[Princess]

وفي غرفة الخياطه.. جلسو الحريم.. ام علي و ام جاسم وليلى وريما و زينب ورزان وبنتها حنين..
رزان:
ــ ماتخيلت وربي هالشي كله صار للأمام الحسين.. يستاهل هالحب من قلوبكم وهالولاء والتمسك..
زينب : ــ افا عليش .. المسأله مو يستاهل لو ما يستاهل.... حب اهل البيت انولدنا به وتربينا وكبرنا عليه.. مو مسأله شفقه او احقيه.. هالشي فطره فينا
رزان : ــ عليكم الف عافيه.. وربي يوفقني اعرف اكثر عن المذهب و اكون محبه مثلكم..
ليلى : ــ قلبش ويش يقول لش الحين خيه..
رزان : ــ ما ابالغ اذا قلت لك اني مافي حياتي حسيت بهالأحاسيس .. مافي حياتي بكيت هالكثر وبصدق وربي يشهد.. صدق مصيبتهم تبكي العدو قبل الصديق .. سلام الله عليهم..
ام علي : ــ الله يفتحها في وجهش يابتي,, وينور عليش..
رزان : ــ يارب ياكريم..
ام جاسم: ــ وكلما بغيتي شي يابتي لا تستحي كلنا اهلش وما بنردش ان شالله..
رزان: ـ تسلمون ربي لا يخليني منكم ومن طيبكم..

ريما : ــ اووووووه وتاليتها ويا بتش..!!
رزان مستغربه:
ــ شفيها..؟؟
ريما :
ــ ههههههههههه تعبت ترجي فيها تعالي تعالي ايدي انكسرت واني مادتنها.. عيوني حولت من التغمز.. بوزي طاح من الأبتسامات.. استررررررر عالثقل مهي عاطتني وجه..
الكل قام يضحك على ريموه وخبالتها..
رزان: ــ ههههههههه شسوي لها وهي تعوف .. حنين ماما روحي للخاله ريما..
حنين متمسكه في امها..
ريما تطلع لسانها:
ــ مابغاااااااش هونت
حنين تقلد على ريما وتطلع لسانها..
ريما : ــ ههههههههههههههه تجنن النحيسه ولا هي راضيه تجيني..
ام علي : ــ الله يخليها لش ويبلغش فيها..
رزان : ــ يارب ويخليك ياخالتي ويبلغك في بناتك..

جاسم طلع لحميد... وصل لعنده.. ودخل عليه الصندقه.. لا احم ولا دستور..
ولا سلام ولا كلام.. لقاه متلحف من البرد .. وماسك كاس شاي..
حميد: ــ بسم الله الرحمن.. ويش فيك وهذي حالتك انت!!!!
جاسم حالته حاله وبس ينافخ ويطالع فيه نظرات .. شرانيه..

حميد :
ــ اشوف طال وياك بالي .. صاير تقلل ادبك علي وانا ساكت عنك.. هيه .. ويش فاكر نفسك انت.. اعقل لا العن ابو جدانك..
ــ فكني زيييييييين.. مرضك يعدي.؟؟؟
حميد ببرود يشرب الشاي .. ويبتسم بسخريه:
ــ ايه.. ليش تبغى اعديك؟؟
جاسم بطنه عوره:
ــ يافااااشل .. تعديني .. ياربي .. والله ماخليك يا حميدوه.. مين انت.. تكلم.. ويش قصتك..
ــ لا تطووول لسانك علي واطلع برى..
ــ وربي ما بخليك ترتاح في عيشتك..
ــ ليش.. بقى في العمر شي على شان ارتاح.. ايامي صاير اعدها.. واتمنى اليوم قبل بكره انطفي..
ــ انطفى حسك .. جعلك جهنم ..
ــ وياك يا بابا.. وين بتروح يعني انت.. ؟!!
ــ ماعليه.. الأيام بيننا..
ــ وانت هذي سالفتك.. تدخل لي زي البعير المسعور بين فتره وفتره.. تزبد وترعد وتهدد وبعدين تذلف.. روح زييييين.. واعلى مافي خيلك اركبه..
ــ مسعور في عينك .. وبعير اللي يرفسك.. وهين ان ما ركبت على راسك .. اصبر بس..
ــ اذلف زين اذلف

ويكب بقايا كاس الشاي ناحية جاسم.. اللي طلع وهو مقهور .. ولا سكر الباب وراه..

حميد دموع تجمعت في عيونه.. حاول يداريها.. بس ماقدر .. وصار زي الطفل الصغير .. يصيح ويون.. وفي قلبه قهر وحسره..


عادل .. صار يتمشى في الطريق .. لين وصل فريق بيت ام مؤيد..
ــ يوعااااان.. بررروح بيت مؤؤؤؤيد يييمممكن يعططووني اكككل..

لقى باب بيت ام مؤيد مردود.. فتحه شوي شوي... و دخل ..
اول غرفه على طول لقاها وكانت المجلس ,, وكان المكيف يشتغل..
والميكرفون للقرايه والكتب مرتبين استعداد للمأتم..

صار يداور فيه..
الا بدخلة ساره حامله تبسي فيه شاي وماي ..
ما انتبهت له كان في جهه بعيده عن الباب ومكان روحتها ...
حطت التبسي .. ودارت للباب..
شافت عادلوه واقف قدامها .. ومبتسم شبرين ونص
صرخت حد ما عندها..
ــ آآآآآآآآآآآآآآآآآآآآآآآآآآآآآآآآآآآه

الى الملتقى..

[بلسم لجروح]

الف شكر لك يااميرة المرح على الجزء الروعه خليتينا انحس باجواء محرم ومصائب اهل البيت عليهم السلام .

تحياتي بلسم لجروح

[أميرة الشوق]

مشكورة أميـــره ع الجزء الروووووووووووعهـ
خخخخ أحلى شي عادلوووه : )

بإنتظـــــــــــــــــــار الجزء الجديد ع أحر من الجمر

[سفيرة الاحلام]

حلو الجزء

ههههههههه

عادلوه شكله بشوف بنات البلد كلهم

نتظر الجزء الجديد

[*زهرة البنفسج*]

يسلمو امور عللجزء الفله منك

والله عيشتينا اجواء محرم

تسلمي عزيزتي

موفقين

,,,

[آسوآآر الآلــمـ]

هههههههههه وناسه هالعادل هذا

لا احم ولا دستور على قولتهم

تسلمين أختي على هالجزء الروووعة

الله يعطيش العافية .. ويعطيش الصحه

متعبينش معانا أختي

الله يقويش ...

[للدموع إحساس]

مســــــــــــــــــــــــاء الخيراااات ،،
و يلي من زمآآآآآآآآآآآآآآآن ،،
لكن الجزء صدق رووووعهـ ،،
يعني أحداث و لا أحلى من هيكـ ،،
و أحلى شيء عادلووووهـ لما شدخ مصفطى ،، هع هع
و كسر خاطري حميدوووو و اللهـ غصهـ غصهـ كلما ينذكر ،،
اللهـ يفرج عنهـ ،، و عن علي و المؤمنين و المؤمنات أجمعين ،،
يعني بـ صراحهـ ،،
عشت ويا الشخصيات ،،
و صار ودي أتعرف عليهم هع هع ،،
عموما ،،
تسلم أيدينكـ غلااااتي ،،
و يعطيكـ ربي العااااافيهـ ،،
و نحن هنااا داااائما ،،
نترقب الجديد ،،
خااالص التحااايااا ،،
للدموع إحساس ،،

[دمعة على السطور]

يعطيك العافية خية..

خليتينا نعيش أجواء عاشورية..
الله يبلغنا ويقدرنا على تعزية الزهراء أم الحسن..



وهذا عادلوه الله يغربل ابليسه ماهومقصر في أحد..



عساك ع القوة دوم يارب..
موفقة لكل خير إن شاء الله تعالى..
..دمتي بعين المولى الجليل..

[Habit Roman]

يعطيش الله العافية غناتي أمور
عن جد ألف شكر إلك جزء روعة

والله قتلني ضحك عدووووووووله يبغليه كم اسطار كان يركد اشوي من اهباله <<<<<<<< حجي عباس مو مقصر خخخ

ننتظر جديدك خيوه بفارغ الصبر

[آخر شقآوهـ ..~]

مرحـــــــــــبآ أمورتي..
وحشتيني بآلقوهـ خيـــوهـ لآهني ولآ هنآ متغبيهـ
على عمري .. الله يوفقش في شغلش غنآتي..
والله يحسن ظروفش يآغنآتي..
..
..
تسلمي ع الجزء آلروعه
عيشتيني معآش أجوآء محرم..
عسآنآ نعيش ونعظم أجر الزهرآء سلآم الله عليهآ.
عآدل هدآ إنسآن كشووخي وفله مآتخيل القصه بدونه فله هلمخلوق
ربي يعطيك العآفيه غنآتي
ومآننحرم منك ولآ من جديدك
تحيآتي
ضحكوه البطه

[عوامية صفوانية]

ههههههه

عادلوه ما قصر في مصطفى ولا في يت ام مؤيد صروووع ساره ههههه

اشوى رزان كلما ليها تتطووور وتتتعرف على حياة الامام الحسين
مشكورة خيتو عيشتينا بأجواء محرم الله يعوده علينا

والاخت عُلا ان شاء الله بتفورز بالجائزة لرسمتها عن العباس ( عليه السلام )
يلااا نستنا 23 هالشهر عشان نعرف خخخخ ( متفاعله وياهم ههه )


يسلمو لا عدمنا ابداعك خيتو

والله يعطيش العافية ما تقصري


تحياتي

[الــــنـــاري]

رحم الله والديك وماقصرتي
التعليق انتي عارفته قبل لاكتبه
يعني مابتعب حالي >> نعسان والنفسية مو اوكي يعني بقوم انام
بس ابغا اشوف رسمة علا >> وملزم بعد :weird:
لاعدمناك خية
وسمحي لينا على التقصير
بنتظار الجزء الجديد بتاريخ 23 هذا الشهر :wacko:
دمتي بحفظ الباري
والله يحقق كل امانيك يارب
بجاه النبي وهل بيته عليهم السلام
وبركة هذا الشهر الكريم
<< اقول قوم نام وبلا هدرة كانك ضبعة >> زين انشاء الله
سي يو الى اللقاء

[Hussain.T]

مشكووووورة ع الابداع

وبنتظار الابداع القادم

تحياتي

[فاطمة المعصومة]

شكرا على الجزء الروعة
وانشاء يطلع علي من السجن
وعدل والله بيجنن نص البنات
اول زينب والحين سارة
وانشاء الله تفوز عُلا
وتقبلي مروري
تحياتـــــــــــــــي
فاطمة المعصومة
sos0

[كعور]

خيو كعور .. ياهلا فيك نورت.. واتمنى تعجبكم هالروايه للآخر مثل اللي سبقوها ولا استاهلنا تعليق منكم عليهم...:toung:جاني فضول اعرف مين الناس
اللي سمعتهم يمدحوني !!
ويمدحو رواياتي؟؟
واللي زاد فضولي ... لقيتك في مكان آخر من انحاء المعموره.. :rolleyes:!!




خيو كعور .. ياهلا فيك نورت.. واتمنى تعجبكم هالروايه للآخر مثل اللي سبقوها ولا استاهلنا تعليق منكم عليهم...:toung:جاني فضول اعرف مين الناس
اللي سمعتهم يمدحوني !!
ويمدحو رواياتي؟؟
واللي زاد فضولي ... لقيتك في مكان آخر من انحاء المعموره.. :rolleyes:!!

ههههههههههه
افاا عليش اختي
الصرااااااحه كل كتاباتش رووعه في رووعه
وانا لو تشوفيني كني مصفع خلصت اجزاء هالقصه في 3 ايام
ازيدش من الشعر بيت هالنااس متابعين رواياتش اوول بأول وأول ماحطيتي الروايه هذي طارو من الفرحه يقولو حطت أميره روايتها الجديده <<<<مطلع الفضاااااايح عشان تستانسي خخخخخخخ
انا هذا عاادلوه اللي ابفطس منه خلااص
مسكينه ساااره وش بيصير فيها الحين
والله لو انا من ناصر شان كسرت عافيته
وأتووقع جاسم انعدى من حميد
وماشاء الله على عبد الرحمن ورزان
وهذي سووسن أنا من البداايه ماتوقعتها كذاا قلت شكلها مو زينه
وريموه ذي بحوشها بدست شان تعقل
يا تروح وياهم تتسمع ياتذااااكر ذي النااااس
مذاكرتها لعب هالبنيه
>>>شكلي طوولت احم
ويلا ننتظر الجزء الجديد
لا تطولي علينا

[fatemah]

السلام عليكم ورحمة الله وبركاته
رووووعة ياأميــرهـ والله خوش رواية نتغاعل
معها ومع الاحداث احس اذا خلصت قرايتها كني طالعة
من مكان ثاني مو في البيت احس ان عايشة معهم هلاحداث
ولاعادلوه مصروع نص بنات الرواية ههههههههههههههههههههههه

لاعدمنا الجديد
تحيـــــــــــاتيـ

[زهور الريف]

بسم الله الرحمن الرحيم

اللهم صل على محمد وآل محمد

وعجل فرجهم

ما شـــــــــــــاء الله

جزء رووووعة

تأثرت واااجد وعشت اجواء محرم

لله يعودنا عليه بالخير..

وعادل بصراحة فطسني من الضحك

هههههههههههههههههه

مسكين مصطفى ندم لانه اخد ادور

امه من جهة والجهال من جهة ثانية خخخخخخخ

وجاسموه عساها ماجاءه وأكثر بعد

وعلي الله يفرجها عنه

تسلم الايادي يالغلا

موفقة لكل خير

ومقضية الحوائج ان شاء الله

وبإنتظار الجديد

[Princess]

مرحبا

تسلمو والله ربي يخلي لي هالطله
عاد مو لدرجة 23 هالشهر هههههههه.:wacko:. غربل الله شركم
صبرو علي وربي ما بتلقو الا اللي يسر..:amuse:
كعور.. زدت الفضول ياخوك.:nosweat:. حياك متابع وحيا الله المتابعين اللي دلوك على كتابتنا.. بلغهم سلامي ايا كانو...:amuse:





رحماك ياربي .. هل للذكريات ان تموت..!!
اهلكنا الوجد والبعد,,, وكل حي لابد ان يموت...


اليكم الجديد..

[Princess]

الحلقة 30





عادل .. صار يتمشى في الطريق .. لين وصل فريق بيت ام مؤيد..
ــ يوعااااان.. بررروح بيت مؤؤؤؤيد يييمممكن يعططووني اكككل..

لقى باب بيت ام مؤيد مردود.. فتحه شوي شوي... و دخل ..
اول غرفه على طول لقاها وكانت المجلس ,, وكان المكيف يشتغل..
والميكرفون للقرايه والكتب مرتبين استعداد للمأتم..

صار يداور فيه..
الا بدخلة ساره حامله تبسي فيه شاي وماي ..
ما انتبهت له كان في جهه بعيده عن الباب ومكان روحتها ...
حطت التبسي .. ودارت للباب..
شافت عادلوه واقف قدامها .. ومبتسم شبرين ونص
صرخت حد ما عندها..
ــ آآآآآآآآآآآآآآآآآآآآآآآآآآآآآآآآآآآه


مؤيد صدفه كان راجع البيت .. من صرختها اختلع ودخل المجلس على طول لقى ساره طايحه مغمى عليها .. و عادل واقف يطالع ومستغرب..

مؤيد بلا شعور مسك عادل من كلر ثوبه من ورى وشوي يفطسه وصار يسحبه لبرى وهو يهزأ فيه..
عادل :
ــ كحححححح بااامووووتتت فططططسسسست..
مؤيد طلعه برى الطريق وصار يصارخ فيه:
ــ ماتستحي على وجهك تدخل بيت ناس بدون ما تستأذن .. و و
عادل برطم وشوي بيصيح..
ــ انننااا يييوووعااان مممااادررريت في اححد في الغرررفه

مؤيد ماله بالة هدرة عادل... دخل لخته.. لقى امه جت ليها من بعد الصرخه..
وتصيح وتسطر فيها وتصب عليها ماي من اللي بالتباسي شان تقوم وهي ابدا رايحه فيها..
مؤيد دخل ومسك ساره:
ــ جيبو عطر .. أي شي فيه ريحه قويه..
ام مؤيد ومهي متحمله الموقف : ــ ويش فيها بتي ..؟؟
مؤيد يحاول يصحيها :
ــ عادل.. عادل الزفت دخل هنا وخلعها..
ــ ياااربي .. جود امي جيبي عطر..
جود تصيح:
ــ خالتي ماتت.. !!
مؤيد اول مره يصرخ على جود:
ــ رووووووحي جيبي عطر .. ماتت في عينش..
جود صارت تصيح..

ام مؤيد:
ــ انا لله.. يارب الطف بحالنا
وقامت هي وجابت العطر ..وجود طلعت من المجلس..

صار مؤيد يرش على وجه ساره عطر.. قربه من خشمها اكثر وصار يرش
لين فاقت من الغيبوبه:
ــ كح كح..
فتحت عيونها شافت مؤيد قدامها.. مهي مميزه شكله بس مبين انه رجال..
صرخت حده ماعندها مره ثانيه..

ام مؤيد حضنتها وصارت تهدي فيها بالصلاة على محمد وآل محمد لين هدت اعصابها..
مؤيد صار يسب في عادل و انه مصخها وما يصير كذا ابدا لا احم ولا دستور..

وبعد ما هدأ الوضع و استقرت حالة ساره..
ام مؤيد بهدوء:
ــ ياولدي حطيت حرقتك في جود المسكينه..
مؤيد انتبه لعمره:
ــ ويش سويت ؟
ــ صرخت عليها وشكلها تصيح الحين قوم شوفها..
مؤيد : ــ انا لله والله ماكنت منتبه ولا قاصد..

قام ليها... هي مع ساره في غرفه..
لقى الباب مردود.. صار يطالع داخل ويش تسوي؟؟..
شافها قاعده على سرير خالتها حاضنه دبها.. وقاعده تصيح..
عورت بقلبه.. وقبل لا يدخل سمعها تعتب .. وتكلم الدب..
ــ خالتي بتموت.. زي ماما.. وبتخليني وبتخليك.. مابغاها تموت..
مؤيد ما تحمل .. عورت بقلبه عدل..
دخل عليها لقاها زعلانه منه ومسويه روحها ماتشوفه..
قعد جنبها وصار يسولف وياها بهداوه..
ــ خالتش مافيها شي غناتي لا تخافي..
ابتسمت جود..
مؤيد : ــ فديت هالوجه انا.. ولا تزعلي غناتي ماقصدي اصرخ عليش بس من خوفي على خالتش..
جود :
ــ ما ازعل عليك اني..
مؤيد يغمز ليها:
ــ لويه ما تزعلي ..
جود بأبتسامه عريضه: ــ لأني احبك..
مؤيد يحضنها:
ــ ياغناتي طفلتي الصغيره...

وطلع مؤيد..
طلعته لقى عادل قاعد على باب بيت جيرانهم اللي قبالهم..
عادل من شاف مؤيد قام وقف وهو خايف منه..
مؤيد كسر بخاطره عادل وحالته.. وفي باله:
ــ مينون هو وما عليه شرهه.. قسيت عليه وايد..
تقرب منه..
عادل خاف فكره بيطقه.. ورفع ذراعينه يغطي روحه..
مؤيد :
ــ لالا تخاف مابطقك..
عادل بصوت متكسر ومختنق:
ــ مممااااحددد يحبببني .. الكككل يطررردني وممااا ييبببغاااني..وييينااا اررروح..

مؤيد من شكل عادل وخوفه وكلامه جت له غصه عليه..
ابتسم له..
ــ قلت يوعان.. صح؟؟
عادل بأبتسامه ونظرات مثل فرحانه مثل الأطفال .,,
ــ اييييييه..
مؤيد يمسكه من ايده:
ــ إمش وياي بشتري لك شاورما...
ــ الله.. شششاااوووررمااا... !!
ــ ايه يللا مشينا..



تابع>>

[Princess]

باب بيت ابو علي يطق..
ام علي :
ــ مين...؟؟
ريما قريبه منها تتصوخ مين عالباب..
ــ السلام عليكم..
ــ عليكم السلام ..
ــ هذا بيت حسين علي آل ...
ــ ايه وصلت .. خير..؟؟
ــ انا جاي من طرف المرحوم صالح...


ام علي من سمعت طاري صالح.. حست ركبها مهي قادره تشيلها.. فتحت الباب...
ــ تفضل ياولدي ..
ــ لا ياخاله اسمحي لي مستعجل بروح لأهلي .. بس قلت رجعتي للبلد اسوي خير .. واجيب لكماغراضه.. يستاهل الله يرحمه حد يتعنى على شانه..
ــ تسلم ياولدي .. ماتقصر .. رحم الله والديك..
الرجال :
ــ يالله يالله..
دخل شنطة سفر لصالح..
ــ تآمريني على شي ياخاله..
ــ سلامة عمرك.. بالغين اهلك فيك.. ماقصرت..
ــ مع السلامه..
ــ الله يسلمك .. ويحفظك..
سكرت ام علي الباب..
مهي قادره مرت على الشنطه مرور الكرام وخلتها محلها..
ريما مهي فاهمه ويش صاير...
ــ مين هذا اماه..؟؟ وويش فيش؟؟ وويش هالشنطه..
بصوت بالكاد يسمع وانفاس مخنوقه:
ــ اغراض ولد عمتش..


ريما فتحت عيونها.. وراحت على طول لليلى..
ام علي قعدت جنب ابو علي في الصاله..
ابو علي بعكازته يشخط على الزوليه:
ــ اييه.. رحمة الله عليك يالغالي.. ومرحوم والدينه اللي جابهم..
ريما :
ــ ليلى.. قومي .. الحقي..
ليلى كانت تكتب في دفتر من دفاترها..
ــ ويش صاير؟؟
ــ اغراض صالح جابهم واحد من شوي.


هي قالت كذا.. ليلى على طول تركت كل شي من ايدها.. وراحت تركض للشنطه..
طلعت من باب غرفتهم وتوجهت للمجلس .. وشافتها محطوطه..


سبحان الله.. سبحان التقشف والعنايه.. الشنطه نفسها اللي راح بها...
من سنين.. نفسها اللي ودعهم وهو حاملنها..


طاحت على ركبها .. وصارت تتلمس في الشنطه.. لين وصلت للسحاب اللي ربطت فيه شريطه حمرا .. غمضت عيونها والدموع تسيل ورجعت للوار لحظة وداعه للسفر..
صالح : ــ نشوفك على خير ابو حسين..
ــ على خير يالغالي .. انتبه لعمرك..
ــ ان شالله .. وانتون بعد انتبهو لعمركم..
ابو علي : ــ ياولدي واذا نقصك شي ارسل لينا وان شالله نقدر نرد عليك..
صالح: ــ ان شالله ما تنقصني الا شوفتكم...


التفت لليلى كانت لابسه مشمرها ومتغطيه ومهي شايفه عدل ..
وتحاول تربط شي في شنطته..
غض النظر .. علي انتبه ليها وانتبه له انه شافها.. وصار يتعيلف:
ــ احم احم.. بعض الناس مادري ويش يسوو.. لا يكون يحطو لك سحر .. انتبه هاا..
ليلى خلصت .. وقامت عن الشنطه وبهدوء :
ــ سحر.. ايه ماعليه.. بس ربطت شريطه ..
علي : ــ هههههههههه لويه يعني؟؟ لا يتغوى عن شنطته.. والا بتروح المدرسه..؟؟
ليلى بهدوء وقهر: ــ ظررريف.. بس كذا
صالح ابتسم ..
علي : ــ ياعيني ياعيني وحمرا بعد..
ليلى انقهرت وراحت بتشيلها..
صالح صرخ:
ــ لااااا.. خليها..
علي : ــ لاااااا خلاص لا يموت..
صالح يضرب علي عن مزح:
ــ عن التعيلف يادفش .. سلط الله عليك من يتعيلف فيك ليل ونهار..
ــ هههههههههههههه ما بيقدر علي..


صارت تتحسس الشريطه بيدها.. وتسحبها شوي شوي .. لين تفللت ...
ريما انتبهت ليها..
ــ يالله نفس الشنطه والشريطه ماشالها ولا ضاعت.. الله يرحمك ياولد عمتي..


ليلى ما هي في الدنيا .. وتحس روحها ما تسمع شي..
قامت سحبت نفسها وسحبت الشنطه وياها..للمجلس ودخلت فتحتها..


واول شي قدامها برواز فيه صوره له هو ويا علي ...
ليلى من شافتها صارت تتلمس في زجاج البرواز ودموعها تتناثر عليه..
وتحس روحه بتطلع.. وبلا وعي شالته وضمته لصدرها وصارت تصيح وتنحب ..


ريما ما تحملت صارت تصيح وياها..
لفت نظر ريما بين الثياب و اغراضه.. دفتر ..
شالته وفتحته...
لقته مليان خواطر و اشعار ..
و اول صفحه فيه كان مكتوب..


اول هداياي لكِ حبيبتي .. حينما تكونين حليلتي...
من غيركِ يا ليلتي... سر صبري في دنياي وسعادتي..


محبكِ الوفي لكِ دوما: صالح..


ريما ماقدرت تقرى الباقي .. دموعها مهي قادره تتحكم فيها.... و مدت الدفتر بعفويه على ليلى..
ليلى مسحت دموعها.. مسكته..


قرت اول صفحه.. ومن قلب صرخت:
ــ آآآآآآآآه..
.. سكرته وضمته مع البرواز.. وصارت تنحب نحيب مو طبيعي..


جت ام علي ليها .. وشافت حالتها.. وهي ضامه برواز ودفتر .. وقاعده على ركبها.. تنحب وتهز ..
مسكتها من كتوفها. تبغاها تهدأ ..
بس ليلى مستمره في الهز...
وبعتب ..
ــ خليني يماااه.. خليني.. خليني اطلع حرتي ..
ام علي ماقدرت ضمتها وصارت تصيح وياها..
ابو علي وقف على باب المجلس.. رفع غترته ومسح دموعه..
ــ الله كريم..يساعدنا.. وما يضيع صبرنا ...






تابع>>

[Princess]

عادل في المطعم مع مؤيد .. وقاعد ياكل في الشاورما..
عادل :
ــ اششتهيييت اوووددددي الى ليلللى تحب الشششاوورررما هي..
مؤيد:
ــ ياحلاتك...حنون على خواتك ... دوم ان شالله..
عادل يضحك ويأشر على مؤيد:
ــ طالع.. ويش تتققوول ماااعننندي انااا خوووات.. ههههههههههههه عببباااسسسو يقققولاشششوى ما عندددك اخوووان ولا خوووات..
مؤيد : ــ لويه يعني..؟؟
عادل ياكل في الشاورما ويضحك:
ــ يقققول لا يطططلعو خببلالالاان زيي.. ما الأخبببل الااا هوووو..
ــ ههههههههههه انا لله...
ــ لييلى بتت جيررراننا بيييت ابببو علي..
ــ أي ابو علي؟
ــ حسسسين آل......
ــ اهااا... من زمان خبري بهم.. اخبارهم.. و اخبار علي .. علي بالذات ذكريات.. درس وياي في ابتدائي و متوسط.. انا خخخخخ كنت ارسب.. تالي طلع من المدرسه وصار كل منشغل في الحداق على شان اهله.. رحم الله ايامه خوش ولد كان.. ذكرررررررتني باللذي مضى ياعادلوه.. يبغى لي ازوره خبري فيه اخر مره شفته من سنتين تقريبا ..
عادل : ــ هههههههههههه اسسستااااد كيفففا تدرس في المدرررسه وترررسب ؟؟
ــ ههههههههه ويش نسوي بعد.. ارزاق.. ايه ماقلت لي ويش اخباره..؟؟
عادل ياكل في الشاورما وانفاسه تتلاحق .
ــ في السسسجن..
مؤيد فتح عيونه..
ــ في السجن؟؟ ويش ؟؟ لويه؟؟؟
عادل :
ــ اهووو بباااااككككل شندووويشتي..
مؤيد ياخذها من عنده..
عادل:
ــ مانى مانى .. ماااخلللللصصصت..
ــ وتبغاني انتظرك تخلصها بعد هالخبر.. ويش سالفته؟؟ ومن متى؟؟
ــ ماااااااااااادررري .. الفررريق كله يققووول انه في السجن... جيب شندوووووووووويشتي
ــ خذها وصاقعه فضحتنا..
وفي باله..
ــ لا لازم اخلي امي تروح لأهله.. لو اروح اشوف ابوه.. واعرف الموضوع.. والله ما تستاهلهالمصيبه ياعلي..


و بعد كم يوم..
طلع حجي عباس من المستشفى.. مع تحذير الأطباء بأبتعاده عن أي شي يسبب له العصبيه والتوتر .. لين تستقر حالته النفسيه كليا..
صاير مره كدر .. ما يتكلم الا للسب والتهزأ كعوايده..


ام عادل تحاول تعقل في عادل لا يسوي حركات نحاسه ترفع ضغط عباس...
وعادل ما شغلته الا يهز رقبته.. ويازعم فهم و بيسمع الكلام..


طلع برى الطريق .. لقى صبيان صغار من ابتدائي .. حاملين عصي.. و يلعبو...
... تقرب .. وصار يتصوخ لعبتهم...
لقاهم يقلدو تمثيلية الشبيه اللي شافوها..
راح ليهم متحمس يبغى يمثل وياهم..
طردوه:
ــ مانبغاك .. ماتفهم.. روح.. فارق..


عادل وخر عنهم وهو مقهور..
ــ ما افهم هااا.. ارررراااوووويكم...


دخل البيت..
تسلل غرفة امه شوي شوي..
وباق العباه..
لبسها.. وصار يلم كشته داخل..
ــ اووووووف كببيييررر شعرري يبغىىى لي احححلق...
رجع تسلل بسرعه وباق البوشيه.. وتغطى..
وطلع للصبيان وهو يراكض..
الصبيان من شافوه اختلعو وهربو..
عادل مو شايف عدل من البوشيه.. مخلنها 3 طبقات من خبالته تعثر على عتبة باب بيت جيرانهم المقابلين ليهم... و طاح و صقع في الباب صقعه قويه.. وكان باب بيت ابو اشرف..


من قوة الصقعه قعد على عتبة.. وخشمه صار ينزف دم.. دار راسه وسنده على الباب
الا بطلعة اشرف..
اشرف مافتح الباب الا يشوف مره قاعده بعباتها.. وشكلها مو طبيعي..
اشرف :
ــ يالله يالله..
يبغاها تقوم.. لا حياة لمن تنادي..
ــ حجيه... لو سمحتي بطلع..
ابدا .. ساده الباب هالحرمه ولا تسمع..


اشرف فكرها طراره:
ــ الله يعطيش حجيه.. قومي.. لو سمحتي..
شوي انتبه للرجول مشعره كانت طالعه.. والنعال لرجال..
وبالأحرى يعرفه.. رجول عادلوه..
ــ عااااااااااااااااااادلووووووووه.. ويش لاااابس...
عادل بتعب وبألم يون:
ــ آآآآآآآي
ــ آآآي .. هاا.. قووم يا قليل الحيا.. حق ويه لابس كذا..!!
ــ امثثثثل..
اشرف فيه ضحكه:
ــ انا لله.. قوووووووم...
ومسكه اشرف من تحت كتوفه.. وصار يحاول يشيله...
عادل يصرخ:
ــ آآآي خشششششششششمي
اشرف تركه:
ــ خشمك؟؟؟ ويش جيب خشمك منا بعد..!!!!!!!!!!


عادل : ــ يطلللع منه دمممممم..
ــ قوم.. قوم
الا واحد مار عليهم..
ــ سلامات سلامات.. طاحت الوالده.. ماتشوف شر ..
اشرف فتح عيونه:
ــ الوالده.. مهي امييييييييييييييي..................
ويشيل الغطا عن وجه عادل..
اللي طلع وخشمه احمر وسايل الدم منه..
ــ عادلوه البطيخ هذا..
الرجال ما تحمل وصار يضحك.. وجى يساعده عليه..
فضخوه العباه.. ومسحو الدم اللي فيه...ودوه بيتهم..
ام عادل..
ــ هذاا ويييييه ويش مسوووي فاضحنا في الفريق فضايح...
جابت له ثلج.. وخلته ينسدح و يحطه على خشمه...


الا برنة تلفونهم..
راحت بترفعه.. الا عباس سبقها...
تركته شكله التلفون له...


ما سمعته الا منصرع..
ــ لاااا.. من متى... هاااااا.. وييييييييه.. آآآه...
ما راحت له الا متشنج وماسك السماعه...
شالتها من ايده ..
حطتها على اذونها لقت نغمة المشغول.. المكالمه انتهت..
سكرت السماعه..
ــ حجي ... حجي ... ويش فيك..
عباس قاعد متشنج وفاتح عيونه..
ام عادل:
ــ حجي عسى ماشر .. ويش صاير..
عباس ابدا مافي رد..
ام عادل تحط ايدها على كتفه :
ــ حجي..!!
الا عباس فقد التوازن و طاح على جنب...




الى الملتقى..

[كبرياء]

أيوآآ أيوآآ عـآآشوآ عـآآشوآ
مآآآت البخيل ثقيل الدممم << على طول حكمت انه مات
وماال البخييييييييل يااكله العياار عااشوو << باقي تقوم تررقص هع هع
وجزء كشووخي بس ما طمنتيني على حمييد ؟؟ << عشقته
وجااسمو ما بين اليوم ؟؟
بس فطرتي قلبي على سالفه صاالح وليلى عفر الا
بتستجن آخر شي هالخبلهـ ..
هع هع يسلمووو أميروو ..
بآنتظآر الجديد ..
لآعدمـ ..
كبريآء

[آخر شقآوهـ ..~]

يـــآآآي جونــــــــــــــآن
أحسهآ مآرآح تزوج مدري ليش.. يمكن عشآن صآلح !!
عآدلوه هذا وسوآلفه تحفه
والله اللي سوآه دكرني بوآحد من النسآيب هآع<<إذآ جآش فضول تعآلي المسن هــآآآآع
عبآسوه هلجلف ده أكيد كلموه عشآن الأسهم أوم شي في الشغل وكآن الخبر سيء جدآ جدآ جدآ
ولذلك سوف يمت ونفتك منه<<خوش فصحة وعآميه
وإذآ مآت يمكن عآدلوه يفرح ويعقل.,. الله كريــم
تسلمين قلبو ع الجزء الروعه
ربي يعطيك ألف عآفيه
بانتظآر جديدك
تحيآتون
ضحكوه البطه

[عوامية صفوانية]

يسلمو يسلمو على هالبااارت الرووعة

اما انش فطرتي قلبي وصيحتيني على ليلى وصالح الله يرحمه

وامااااااا عااادلووووه تـــُحفه بجد في كل المواقف

يووووه ويش اخبار زينب ، عفر ما طلعتي وصار لش موقف مع اشرف خخخخ ( يا حبش للشماته هههههه)

واخبار سوسن وعلا وامل خالتها وسجاد من زمااان ما شفناهم

اما عن حميد وجاسم هذولا ما اطيقهم بعيشه الله ما ادري ليش ....

وخيتو كبرياء عاشقتنه ما ادري ليش ....

يسلمو خيتو والله رووووووعة قليله عليها

والله يعطيش الصحة والعافية

ولا عدمنا هالنور



دعواتكم

[سفيرة الاحلام]

مشكوره على الجزء

:closedeyes::closedeyes::closedeyes:حزين الجزء بالمره كل صياح :closedeyes::closedeyes::closedeyes:

تسلمي

لاهنتي

انتظر الجزء الجديد

[كعور]

كعور.. زدت الفضول ياخوك.:nosweat:. حياك متابع وحيا الله المتابعين اللي دلوك على كتابتنا.. بلغهم سلامي ايا كانو...:amuse:

ههههههههههه
خلااااااص خلش جذي مايحتاج تعرفـي
إذاا خلصتي الروايه يمكن أقول لش من
وإن شااء الله يوووصل
وليلى عورت افااادي مسكينه
وريماا من وين طالعه الرحمـــه منهاا
انا بداية الروايه قلت ريموه ترفع الضغط يبغى ليها دست
وحميد مادري أمجد وجااسمووه وينهم مابينو
وعلاا بعد
لكن كالعااااده الرواااايه رووووووعه

تسلم ايااديش
ويالله لا تطوولي علينا
نستنى الجزء الجديد

[دمعة على السطور]

ههههههههههههههههههه
هههههههههههههههههههههه
هههههههههههههههههههههههههههههههههه
ماني قادرة عادلووووووووووه الله يغربل ابليسه موتني ضحك ..
وهذا شكله خسر كل حلاله ومات من الصدمة..


بس تصدقو شكله مؤيد بيتزوج ليلى في النهاية>>على كيفها تفكر ..




يعطيك العافية حبيبتي.أمورة..
وعساك ع القوة دوم يارب..


موفقة لكل خير إن شاء الله تعالى..
..دمتي بعين المولى الجليل..

[للدموع إحساس]

مســــــــــــــآآآآآكم اللهـ بـ الخير ،،
داني بقت جهاز بنت أخوي ،، علشان أطمن ،،
نزل الباااارت أو لا ،،
و الحمد اللهـ نزل ،،
خيهـ ،،
خلصووو دموعنا ،، ياإما على علي ،، أو حميد أو ليلى ،،
اللهـ يعين و اللهـ يقطعو القلب ،،
و عدوووولهـ ،، هع هع ،، خووووش شي ،،
منشغل بـ السندويشهـ هع هع ،، مو فاضي ،،
لكن الظاهر ،،
أن مؤيد بيكون لهـ يد في طلعة علي ،،
و أحتمال ياخذ ليلى ،، < أن شاء اللهـ ،،
خيووووه وين حميدوووو اليوم ما بين ؟!!!<< صايرهـ كلهـ أسئل عنهـ عفر ،،
أموووور ياالـ غلا ،،
يعطيكـ ربي ألف ألف عاااااافيهـ ،،
و سلمت يمينكـ ،،
و بـ إنتظآآآآآآآآآآآآآآر الجديد ،،
خااالص التحااايااا ،،
للدموع إحساس ،،

[*زهرة البنفسج*]

يسلمو امور عللجزء الكشوخ

ولازم اصيحينا مسكينه ليول

ننتظر البقيه

[زهور الريف]

بسم الله الرحمن الرحيم

اللهم صل على محمد وآل محمد

وعجل فرجهم

جزء كشششخة

ما شاء الله عليك

تسلم الايادي

وبالانتظار

[الــــنـــاري]

متربع انتظر الجزء حق اليوم:bigsmile:
<< انشاء الله فيه بس:wink:

[للدموع إحساس]

صبــــــــــــــــــــــــاح الخيراااات ،،
خيهـ بـ ينزل بارت جديد و إلا ؟!!
إذا ما فيهـ بعطيهم جهازهم ،،:wacko::wacko:
و إذا فيهـ بـ حاول فيهم شوي ،،:sad2::sad2:
علما أقرأهـ و أقووووم ،،:weird::weird:
بـ إنتظآآآآآآآآآآر الرد ،،
و يعطيكـ ربي ألف عاااافيهـ ،،
خااالص التحاايااا ،،
للدموع إحساس ،،

[الــــنـــاري]

شكلها ننام وبكرى يصير خير
عليي دام من 9 الصباح @!@
يلا تصبحون على خير

[Princess]

مرحبا

تسلمو لي يارب ويعطيكم الف عافيه..
في تخامين جهنميه.:wink:. تجبرني ابتسم لروعتها..
وفي تعليقات تضحكني لخفافة دم رواعيها..
لا خلا ولا عدم منكم يارب

الفضول قتلناه.. ويش نسوي ..:nosweat: حكم القدر.:notrust:. يللا نشوف في النهايه مين هالناس ؟؟ << ويش فيش بصلتش محروقه..:suspicious:
:nosweat: ياربي عليكم
اتنفس اليوم شوي ,, بس شوي ... << بيذبحوش بحجة خلصتي الهوا من كثر ما تنفستي :toung:
حطيت للجماعه المتدربين في دورتي درس فتوشوب..متأخره عليهم..
الحين بعدني فيني طاقه شوي .. قدرت اخلصه و انزله كان بها
ماقدرت.. رجعتي من الدوام الساعه 2 الفجر اكمل..:wacko:


تجبروني اكتب قصة الحياه.. هين اراويكم :seif::bleh:


جاري
كتابة
الجزء..

[جنة الحسين]

و الانتظااار جااااري ،، اموره الله يعطيش العافيه

و الله تتعبي وااااجد ،، الله يوفقش و يحرسش

[الــــنـــاري]

راحت نامت وقالت جاري الكتبابة:evil:
تفكر تمشي علينا حركاتها:weird:
انا اعود انام وقعد المغرب احسن ليي:cool:

[Habit Roman]

اميرتنا الغالية سلمت يداك على هالقصة الروعة
عند جد ابداع فابداع فابداع
ننتظر جديدك اليوم بإذن الله أنا بدخل الليلة وبشوف إذا حطيتي الجزء أو لا

ممم أتوقع انا بعد أن مؤيد يأخذ ليالي مع أن اكبر منها بواجد
أممم وأتوقع حجي عباس يموت في هالجزء <<<<< قتلتي الرجال>>> كريه ماشتهية ثقيل دم
اممم شنو بعد <<<<< بس خلاص ماشبعتي

أيه صح
ملاحظة:.
" الناري أنت ماتشبع نوم كل ماتدخل شوي قلت نعسان وتبغى تنام<<< شدخلك في الرجال أنتي؟

تحياتي

[Princess]

مرحبا
ههههههههههه والله و اللهم اني صايمه ...
كتبت الصباح 3 صفحات وورد ولا تقولو حجم الخط كبير .. 14 الله وكيلكم
والجزء تتوقعو كم صفحه يالله يوفي المتصفح عالنت.. 12 صفحة وورد :wacko:
والواير لس كان مو صاحي عندي .. عصبت وتعبت ونمت :embarrest:
حبة رمان + جنة الحسين تسلمو حبايبي وان شالله رجعتي اكمل

الناري .. ياخوك انت بتنام :amuse:وحنا بعد يبغى لينا نناااام :cheesy:

ياخوك.. وايد علينا نقص قصص الحياه..
صبرا.. صبـــــــــرا ,, صبــــــــــــــــــــــراااا

انتظروني.. و اعذروني .. وقدرو وضعي..

[المتحير]

ابدااااااااااااااااااااااااااااااااااااااااااااااا اع الجزء

[نبــراس]

وإنا لمنتظرون ,,,

~ : )

[عوامية صفوانية]

ونحن من المنتظررررون ان شاء الله

الله يعطيش العافية وما اتقصري

بس لا اطولييين علييينا عشان الكمبيوتر لا يزعل خخخخ


يسلمو أموره

[دمعة على السطور]

ونحن بدورنا جاري الانتظار..
والجميع يقدر تعبك وظروفك..
بس لأن القصة تجنن ماشاء الله
عشان كذا متحمسين >> وانتي وش دخلش يالملقوفة..


الله يوفقك دوم يــــــــــــــــــــارب..

بالانتظار..

[المتحير]

بالانتظااااااااااااااااااااار

[الــــنـــاري]

والله امس مانمت الا 3 ساعات متقطعة
وبعدين قعت رحت الدمام وماجيت الا مع اذا الظهر
قت اشوي وصليت ونمت
وقعت المغرب والحين بنام اعناد :toung:
<< لاني مريض اصلا :sad2:
ادعو ليي يروح المرض قبل لايكمل سيطرته
لاني اذا مرضت امرض عن جد او بلاش منها
يعني تمرني سنة مامرض عادي بس اذا مرضت تجنين سنة مابرى :evil:
الحمد الله على النعمة
وسمحو ليي على الهدرة
بقوم انام ولي مو عاجب لايصوم بكرى:weird:

[براءة طفله]

اخوي الناري ماتشوف شر

الله يشافيك بحق هالشهر


خيوووووه نحنا في الانتظااااااااااار

[فاطمة المعصومة]

شكرا على الجزء الروعة
والله ليلى تعور القلب
وتقبلي مروري
تحياتـــــــــــــــــــــي
فاطمة المعصومة
soso

[Princess]

مرحبا
تسلمو والله لا يخليني منكم ومن تواجدكم الجميل
نورتوني .. وان شالله دوم..
ربي يعافيكم.. ويحفظكم..

سلامتك خيو الناري ما تشوف شر..
الظاهر زيي مرضتك شايده ويمرض البيت كله وياك



الا كل ماهو آت قريب..
ولكل ما في الأرض من حيٍ نصيب ..!!


تفضلو الجديد..

[Princess]

الحلقة 31



بعد الأنتهاء من المجلس في فاتحة حجي عباس..
ام جاسم : ــ عظم الله اجرش ...
ام عادل : ــ اجرنا و اجرش..
ام علي : ــ الله يعوض عليش غناتي .. ويخلي لش عادل ان شالله..
ام عادل: ــ يالله ويفرج عن علي بقرب وقت..


حريم على جنب يتساسرو..
ــ تتوقعي كم ورثت الحين منه.. ؟؟
ــ مادري بس يقولو خير واايد.. والله عوض عليها وفكها من هالبخيل
ــ لا حول الله.. نذكر محاسن الموتى احسن..
ــ استغفر الله ليش عنده حسنات..؟؟
ــ ماعلينا من احد..


شوي الا بدخلة عادلوه ليهم يناقز على جنب ويصفق ومستانس..
ــ عباسسسسو مات.. عباااسسسو ماااات ..
الحريم اختلعو منه.. واللي قامت تتغطى.. واللي صارت تهدر ..
و انا لله,,امه مهي عارفه ويش تسوي..
قامت له مسكته وسحبته برى..
وهو يصرخ ويضحك:
ــ ماااااااااااات.. ما بيطققققني الحييين احدددددددد...
اجبرهم عادل يبتسمو ..
عباس مات.. فعلا مات.. ليش من متى كان حي؟!
ام عادل تحبس عادل في غرفته.. وهو يناطح في الباب..
ــ اففففففففتحييييييييييه بااااااشللللللللخه ترررررررى..
ــ فضحتني .. استح عيب .. احنا في عزا عمك..
ــ عممممممممت عيييينه ..
ام عادل شاتت الباب : ــ بعد تعرف ترد .. هين بس يروحو الناس اراويك..
ــ تششششششيه؟؟ عللللمش عباااسسسو الطققق.. اهووووو بس ..


تركته امه..
صار يحوم في غرفته... طلع التيل من مخباه.. وقعد قبال الباب وصار يرميهم عليه..
ومع كل شدخه للتيله يتفجر ضحك.. ويقول .. عباسو مات..


مافي عزا للرجال.. مافي احد يعزوه على شان فقد عباس..
عباس ماله علاقه في احد من يوم يومه.. كل علاقاته مصالح..
غير ان اهله ساكنين في فريق ثاني ’’ من سنين خبره فيهم لدرجة انهم ما يدلو بيته...
ما يبغى احد من اهله يحتك فيه.. خايف على حلاله..
ما يستغربو منه الناس الا في اصراره على الخلف... ويش خلف وهذا حاله..؟!!
قليل اصل مع اهله .. بخيل على مرته و الناس ...!!



في الزراعه ابو ناصر وابو اشرف.. يسولفو عن حجي عباس ..
وابو جاسم قاعد يحوس في الزراعه..
ابو ناصر:
ــ ايييه.. كنه توه امس ويانا بالزراعه و يتعيلف في حجي عبدالرحيم..


ابو اشرف : ــ الله يرحمه ويحسن اليه.. انا لله الله يخفف عنه كل عذاب ويغفر له كل ذنب..
المرجع لله.. قول على هالثروه اللي عنده .... قول سوى له مشروع خيري.. بنى مسجد حسينيه.. أي شي ... ابدا.. ولاااا شي ينذكر به.. شان خلف ماميش ... عمل صالح ذخر له بعد ماميش..


ابو ناصر بأستياء: ــ خلني ساكت بس .. قال ويه مسجد وحسينيه... كنك ما تعرفه..
ــ رحمة الله عليه.. مال البخيل ياكله العيار.. ويش الحين مين اللي ورثه.. غير مرته الله يعوضعليها.. وولدها الله يغير حاله..
ــ عليهم بالعافيه.. صبرت مرته.. صبرت وايد ونالت.. الله يغفر له ويوسع عليه في قبره..
ــ يارب ياكريم...
ــ الا ويش سبب موتته بالضبط..؟؟
ــ خسر فلوسه كلها في صناديق التأمين.. طاح السوق في الحظيظ .. وطارت فلوسه.. جته سكتهاللهم ادفع البلا .. وراح..
ــ يادفع البلا .. يالله ترحمنا برحمتك..


ابو جاسم..
ــ يبغى لي اوفي ديني له.. لأم عادل.. انا لله وانا اليه راجعون..


بعد كم يوم...
ابو علي .. في صالتهم..
ريما حاطه الكتاب على رجولها.. هذا ثاني اسبوع اختبارات..
وقاعده تشخط بالقلم رايحه جايه على هذا السطر اللي لو الود وده سطرها من كثر التسطر.. والتأفف عندها زايد..


ابو علي :
ــ حق ويه ما تذاكري في غرفتكم..؟!
ــ ليلو مقابلها ما يسر ولا يفتح النفس..
ــ يالله .. تأدبي عن اختش.. فيها اللي مكفيها..
ــ اهوو.. الحزن في القلب .. يوم يومين.. مو كذا.. ما شغلتها الا صياح.. تفتح الدفتر اللي منعنده تقرا شوي وتقعد تحن وتصيح.. تعبت اني .. ما ينطاق الوضع..
ــ طقوش ورضرضووش .. ابدا مافيش احساس.. من زين المذاكره عاد.. يللا .. سكتي بسالشرهه علي يوم اكلمش..


ريما عيونها صارت حمرا شوي بتصيح.:
ــ ماعندي احساس.. ايه زين مابغاه الأحساس..
ابو علي يشدخ بالعكازه في الأرض:
ــ قومي قام صلبش من طويلة لسان قشراا.. يللا فارقي ...
ــ زييييييين...


دخلت غرفتهم وصفقت الباب.. ليلى ابدا هدووء ولا كنها تسمعها...
ابو علي :
ــ انصفق راسش..
ام علي طلعت من المطبخ:
ــ ويش صااير؟؟
ابو علي :
ــ بتش المنتحسه ويش صاير بعد..
ــ ايه.. الله يهديها..


في بيت ام مؤيد...
مؤيد: ــ اماه.. تتذكري صديقي علي ايام الدراسه.. اللي كل تمدحي فيه وتقولي خوش رجال شايل اهله و يعتمد عليه..
ــ ايه .. رحم الله ايامه.. من زمان ماشوفك تسولف عنه.. !!
ــ آآخ يا يمه.. الزمن والأشغال ما تقصر.. ما شوفه صرت وايد وهو رواه حمل ومسؤوليه وانا التهيت في همي فتره.. الله المعين..
ــ الله المعين.. ويش احواله؟؟
ــ انا الحين ذكرته لش ابغى اعرف احواله؟؟
ــ ويش تقول ياولدي ماني فاهمه عليك!!
ــ سمعت انه مسجون .. ابغى ازور اهله واعرف سالفته.. بس متحرج اروح لحالي خصوصا انمن زمان ماشفته..
ــ يعني ويه.. تبغاني اروح وياك؟؟!!
مؤيد بأبتسامه مرتبكه..:
ــ ايه... ماعليش امر..
ام مؤيد متردده:
ــ مادري .. ولا عمري شفت امه ولا اعرفها.. مادري ياولدي...
ساره دخلت عليهم..
ام مؤيد:
ــ هلا امي.. ويش حالش اليوم..
ابتسمت:
ــ الحمدلله ...
قعدت جنب امها..
مؤيد بلهجة ترجي..: ــ ها اماه.. بترووحي وياي لو ويش ..؟؟
ساره: ــ وينا؟
ام مؤيد تعلم ساره بالموضوع..
ساره: ــ اييييييه اخو البنيه اللي درست وياي في ثانوي.. ليلى اتوقع اسمها اذا ما خانتني الذاكره..
مؤيد : ــ ايه ليلى..
ام مؤيد: ــ و انت ويش دراك..؟؟
ــ من عادلوه اللي علمني بالموضوع و طراها..
ساره : ــ وي وي .. لا تطريه لي..
ام مؤيد : ــ طراها في ويييييش..!!! هذا عادلوه بنات العالم نصهم يعرفهم.. عسى ما فضح البنيه في شي بس..
ساره : ــ ويلي على روووحي .. الحين بيوصفني للعالم كلهم..
مؤيد : ــ يخسي .. خله بس يفكر يسويها .. لأقص لسانه.. ولاعطيته فرصه يتكلم عن البنيه...
ساره : ــ اذكرها ليلى كانت خوش بنيه هادئه و طيبه وحبوبه.. الله يكون بعونهم اذا صحيح اخوهم مسجون....
مؤيد: ــ مو هذا اللي ابغى اعرفه....
ساره : ــ روحي اماه..
ام مؤيد: ــ استحي بلا موعد ولا شي..
مؤيد : ــ يللا امااه ما بنطول دقايق بس...
ــ ممم زين ماعليه.. باجر العصر ان شالله..
مؤيد يبوس راس امه:
ــ تسلمي لي يا احلى ام في الدنيا..
ــ هههههههههه ويلي منك ومن سوالفك..



تابع>>

[Princess]

الساعه 8 في الليل .. المطر يطيح..
سجاد عند النافذه قاعد على كرسيه.. مسك برواز النافذه.. حاول يوقف ,,,

امل جايه له بتناديه للعشا.. شافته يحاول .. وقفت تطالع فيه عن بعد..
كان شاد على روحه باقصى حد..

ارتفع شوي .. و سيقانه وذراعينه يرتعشو...

وقف لثواني.. ماتحمل رمى نفسه... على كرسيه..
وغطى وجهه بكفينه..
جت له امل تركض..
حضنته .. ومسحت دموعه... ضمت خدوده بكفينها.... باست جبينه:
ــ امي .. انت حاولت وقدرت توقف شوي.. صدقني .. بجي يوم وبتمشي فيه...
سجاد ابتسم ..
حسين :
ــ ويش تسووووووووو....
امل بفرحه:
ــ سجاد.. سجاد حاول يوقف وسواها..
ــ اوووووه ما شالله.. ولدي بطل .. قدها وقدووود...

سجاد مو عارف يعبر عن شعوره.. مكتفي بأبتسامه تطغى عليها الدموع..

صندقة حميد.. تخر .. والماي عبى الدنيا عنده...
حاط الزقاره في بوزه.. ويشفط الدخان.. و شارد ذهنه..
ومع كل سعله يحس شبدته خلاص تفتت..

الا باب الصندقه ينفتح..
حميد شال الزقاره من بوزه وببرود..
ــ و انت هذي سالفتك.. هالصندقه مهي ملجأ لك.. فارقني..
جاسم ماسك في ايده ملف بلاستك...

ووقف قدام حميد..
حميد رمى الزقاره .. وبعصبيه:
ــ خير .. ويش عندك؟؟؟
جاسم طلع شهادة الميلاد..
ــ الأسم.. امجد عبدالكريم آل .... .. اسم الأم...
ــ بس .. بس خلاص .. ويش تبغى انت؟؟ ويش غرضك؟؟
ــ غرضي واضح وتعرفه... مين انت.. بالضبط؟؟
ــ هالموضوع مسكرنه انا.. مو شغلك .. ولا تتدخل..
ــ بتقول لا قسم بالله.. ما بيحصل لك خير..
ــ الله عاد ويش بتسوي خوفتني..
جاسم ببرود يتمشى رايح جاي .. وماسك الشهاده يهوي بها على نفسه:
ــ اممممممم ,, ويش باسوي .. ويش باسوي.. اقلها يا الحبيب..
باروح اقدم بلاغ عليك.. انك مزور شهادة ميلاد..
وهذي فيها قضيه ترى.. وبتروح في ستين داهيه..
وكاااااااان نفذت من قضية السرقه.. ما بتنفذ من قضية التزوير..
ــ والله ماتسويها الا ابلغ عنك انت بعد واوديك وياي بالستين داهيه..
ــ بلغ حبيبي بلغ..
ويطلع نسخه من بطاقة الأحوال تبع الذيب..
من الملف ويصير يقرأ الأسم..
ــ طبعا هذا الأسم ..ما تعرفه...
ويعطيها اياه..
ــ هههههههههه تأمل بس في هالوجه

حميد مسك الورقه وصار يقراها وهو يتنافض ..
ــ من .. من وووين لك... كيفا جبتها...
جاسم صار يضحك من قلب...
وطلع من الملف البطاقة الأصليه..
ــ نسخت هذي .. بعد من وين جبتها؟؟
حميد فتح عيونه :
ــ لااااااا.. منت هين ياجااسموووووو.. منت هين...
ــ هذي البدايه وياكم.. والجاي اكثر..
ــ تراك تلعب بالنار..
ــ خلني العب دامكم حطبها..
ــ جاسم اعقل و اقصر الشر..
ــ ما بقصره .. واعترف..
حميد خلاص .. حس نفسه منهار.. ومهو قادر يداري اكثر..
شد على الورقه ما بين اياديه..
وبهمس تعبان..
ــ طيب .. بعترف..

قعد جاسم على باب الصندقه.. وبدأ حميد حكايته.. من اول ما توفى المرحوم ابوه....


على فراش ابيض... اعتلتني حمى شديده... وددت حينها ان اكون بينكم..
اذكر ايامكِ حبيبتي.. واذكر مداراتكِ لي .. مع اقل عطسة .. و ابسط خدش..
اذكر كأس الليمون.. كالأطفال ابتهج حين قدومه.. واذكر ضمادات الجروح يا بلسم جروحي..
هنا في الغربة لوحدي.. ارتجي طيفك .. ليمسح بحنانه المي .. اشتاقكِ

سالت دمعه على الصفحه.. سيلت الحبر...
سكرت ليلى الدفتر.. حطته تحت مخدتها وانسدحت..
ريما :
ــ انا لله .. بدينا..
ليلى مطنشتنها بالأحرى ما تسمعها..
وفي بالها تجر الحسره..
ــ آآآخ يالغالي.. قاسيت الغربه وعانيت.. الله يرحمك..
ريما رمت الكتاب .. وقامت طفت الليت .. بتنام..

..

في بيت ابو مالك...
سوسن ..
ــ تعبانه حدي..
ابو مالك..
ــ سلامات غناتي.. ويش فيش؟؟
ــ مادري ويش فيني .. كل داير راسي..
ــ داير راسش ؟؟ من متى!!
ــ صار لي فتره.. وشبدي لايعه.. شاكه في روحي..
ابو مالك ابتسم..:
ــ ياارب يثبت الشك..
سوسن:
ــ حرام عليك.. بعدني عروس..
ــ هههههههههههه صحيح تتدلعو وايد.. بتكملي السنه هذا اذا ما كملت .. يللا انتهى وقت الدلاعه وجاء وقت الجد..
ــ افااا...
ــ هههههههههههه فديتش .. تتدلعي على ابو مالك في أي وقت..
سوسن ابتسمت..
ــ تتوقع لو صحيح.. والله رزقنا.. ويش باسمي..
ــ مممممم ما في بالش اسم..
ــ صراحه.. عاجبني اسم امجاد اذا بنيه.. و امجد اذا صبي..

ابو مالك انعقدت حواجبه..
ــ امجد.. لالا.. مو حليو.. امجاد ماعليه اذا بنيه..
سوسن : ــ ويش تفرق .. امجد مشتق من امجاد..
ــ لا .. ماحب هالأسم.. بلاه..
ــ زين براحتك .. الله يكتب اللي فيه الخير..

تابع<<

[Princess]

علا .. في غرفتها.. ظلمه ومشعله ليها شمعه.. حاطه ليها عزا.. وقاعده تفكر .. في علاقتها ويا سوسن... شلون كانت وكيف صارت.. و في ليلى اللي من زمان ما كلمتها...
تمنت لو عند ليلى جوال عالأقل ما تتحرج تكلمها في أي وقت.. وفي بالها نفسها تاخذ ليها بس تخاف تفهمها ليلى غلط وتصير مشاكل وهي مابغت تتعدل الأوضاع بينهم..


وشوي صارت تفكر ويش ممكن يصير في تاريخ 23 ... ومتحمسه لهاليوم..
طفت الشمعه.. و نامت..


عادل على باب بيتهم قاعد الساعه 12 الفجر..
ــ قدددد كككااان عننددددي بلبلووووون... حللللو طوووويل الذنننب .. اسكنتتته في غرررفتي ..في قفصصص من دههههب... هههههههههههه دهب.. دههههب ويييه.. وييييا عباااسسسسوحددددي رااانققووول..
ويضرب جبهته ويضحك..
ــ اه.. ههههههههههههه عباااسسسوو ماااات...
ام عادل فتحت الباب..
ــ عادل.. عادل..
عادل عاطنها اذون الصمخه..
وتمسكه من كلر ثوبه من ورى.. وتسحبه..
ويصرخ..
ــ آآآآآآآآآآآآآآآآآآآآآآآع .. آآع .. اع اع.... فطسسسسسسسسسست...
ويرفس وهي تحاول فيه يدخل...
لين دخل ..


ــ باااناااااااااام ويييييييييياااااااااااش..
امه محمقه:
ــ لا .. تنام في دارك.. استح على وجهك رجال انت..
ــ ماااااااات عببباااسسسو الحين مييين يناااام وييياااش في السرررير..
ــ ياربي ارحمني برحمتك.. روح غسل رجولك ويللا دارك..
ــ تنوووسي تناااامي لحاااالش..!!
ــ ايه انوس .. هذا انت ما تخاف لحالك ليش بس انت اللي ماتخاف؟
ــ كبيرررررررر عليش السريررر لحالش..
ــ اللهم طولش ياااااااااااروح .. عاااااااااادلووه..
ــ هاا.. هاا.. خلاصصص خلاصصص..




ابو جاسم كل شوي يكح ويهتز السرير..
ــ كحححح.. احححححححااا..
ام جاسم تتحمق..
ــ لا بالله غمضت عيونا الليله.
ــ عن التعيلف يا مره..


هدوء شوي زين.. ما يمديها عيون ام جاسم تغفو..
ــ كححححح كحاااااااااا..
ام جاسم طفرت.
ــ بسم الله على عمري .. ويلي.. من هالقدو ...
ــ كح كححح ... فكينا.. سدي ادونش..
ــ السرير يهتز من كحتك..
ــ اه.. والآآآآآآآآآآآآآخيرررررررر.. قلت عن التعيلف.. ويش اسوي لش !!؟؟ اقسم السرير نصين !!


ام جاسم تشيل مخدتها..
ــ اووه.. اروح انام ويا بتي اريح لي..
وتقوم من السرير
ابو جاسم يمد رجوله .. لمحلها..
ــ كححح احححححااا توفررري محل...


راحت غرفة زينب.. لقتها مشغله الليت وقاعده تقرأ في روايه..
مسكت مخدتها..
ــ اففف..
زينب فتحت عيونها..
ــ وووويش صاااير؟؟؟
ــ ابوش اذاني..
ــ تشابقتووو؟؟
ــ ليش يمر يوم ما نتشابق..
ــ طررردش؟؟
ــ لاااا.. طردت روحي.. ازعجني بكحته..
ــ ههههههههههه يعني.. حياش تعالي .. طفي الليت وياش...




حميد..
ــ عرفت الحين السالفه...
جاسم هدوووء....
حميد بصوت متكسر .. وشوي بدى يصيح..
ــ تعبان انا.. وماحد يرحم في هالدنيا.. الاقيها من وين لو وين..
جاسم شد على عمره وحاول يداري حزنه على سالفة حميد..
وبنبره هاديه وكلها قسوه..
ــ مايفيدك.. لا تتمسكن..
ــ جاسم تكفى خليني في حالي .. وربي الي فيني مكفيني..
ــ اقول... آخر كلام لي وما في غيره..
ــ ويش بعد..؟؟
ــ لازم نسلم نفسنا...
ــ هااااا........!!!!


الى الملتقى..

[آخر شقآوهـ ..~]

حيــــــــــو..<---- الأخت نعسآنه ومخرفه
وأخيـــراً أفتكينآ من الجلف هدآ ..
ألحين عآدلوهـ بيستجن زيآده عشآن عبآسوه مآت مآحد بيشلخه ولآ أحد بفلع عيونه بالبتري <---- هآع كبريآء تخيلي الموقف
أني أتوقع حميد وجسوم بيسلمو نفسهم لآنهم تعبو من تأنيب الضمير
تسلمين أمووورتي ع الجزء الرووعه
يعطيك ربي ألف عآفيه
تحياتي
ضحكوه البطه

[عوامية صفوانية]

يا زين هالبارت رووووووعة بجد وتسلمي يا الغلا أمورره


عاااد زين هالمره ما اتأخرت في هالبارت


عدووووووووله يضحك هههههه على عباسسووووه انه مات ( الله يرحمه ) افتك منه
وامه المسكينه اللي ابتلشت به بزياده

وان شاء الله سجاد يمشي عن قريب والله افرحت له

وليلى بس وااايد عليها اصياح ( يبى لأم علي اتغبي عنها الدفتر خخخخ اخرب عليها ههه بس الصراحة مسكينة

ولا الاخت سارة توصف ليلى بعد لأخوها مؤيد مو كفايه عااادل هع هع

وعلووووي ( علا ) طلعت حامل صح هااا

وحميد وجاسم ان شاء الله يعترفوا ويطلع علي من السجن بس وااايد عليه ابرووا ذمته

واما تعيلف ام جاسم وايااا ابو جاسم لا صار ولا استوى ههههه خوش تعيلف

وأغنية عاااادل الي فيها عن بلبووولون ههه وقفص من دهب بعد ههههه
موتتني من الضحك ههههه روعة يبلي احفظها ( ما تنعطى وجه هالبنت ههههه )

لا عدمنا جهودك خيتو

وتسلمي والله يعطيش العافية

[اسير الهوى]

حريم على جنب يتساسرو..
ــ تتوقعي كم ورثت الحين منه.. ؟؟
ــ مادري بس يقولو خير واايد.. والله عوض عليها وفكها من هالبخيل
ــ لا حول الله.. نذكر محاسن الموتى احسن..
ــ استغفر الله ليش عنده حسنات..؟؟
ــ ماعلينا من احد..




هههههههه

ماعلينا من احد بعد ويش

حش في العالم

وبعد ين اللهم لم اقل شيئا او اللهم لم اسمع شيئا ههههههه


غفر الله لهم


ههههه


.........

يعطيك العافية اميرة

ويسعد ايامك

والله يكون بعونك

ويتقبل اعمال في الشهر الشريف

كوني بخير

[Habit Roman]

ههههههههههه كهكهكهكهكهكههك
جد البارت روعة تسلم إيدك الحلوة
اما عدوله ذا حكاية ثانية خخخخخ يبغى ليه حكاية لنفسه <<<<<<<<< اه مادري متى بس بيعقل هالولد
لا وكبير عليش السرير خخخ
وام جاسم وابو جاسم "هههههههههههههههههه" أجل يهتز السرير هههههههه
وسوسن حامل لحول ابو مالك اعجل ويصير عنده ولد خخخ يصير تحفة خخخ بدال مايكون حفيدة يكون ولده
وإن شاء الله حميد " امجد" وجسوم يسلمون نفسه حرام علشان يطلع علي

وننتظر جديدك خيوه
في الانتظار ................................. loading.......................
تحياتي العطرية والمحمدية لكِ

[الــــنـــاري]

وعلووووي ( علا ) طلعت حامل صح هااا


اختي عوامية صفانية الي حامل سوسن
مو علا << بعدها مايخطبها هشام ههه

بصراحة الجزء روعة
ولا عاد حشة اهل لول
يحشو وبعدين استغفر الله وكلمو الحشة ههه
مشكورة اميرة على الطرح الرائع
يعطيك العافية
:wink:>> تراني هونت مابمرض <<:wink:
تمنياتي لجيمع بالتوفيق

[كبرياء]

هههههههههههههههههههه آلله يغررربلك يآآ ضحكوووه جين جين جين .... << تعرف تهدد ..هـآآآع
ومـــــــآآت عـبآآآسوووه كشخه عدل عدل ..
بعد ليلى أذبحيهآ عـآد جآبت لينـآ المرض ههههههـآآي ..
أوومـآ من جد جزززء حلوو مرهـ ..
يسـلموو أميروه ..
بآنتظآر الجديد ..
لآعدمـ ..
كبريآء

[*زهرة البنفسج*]

امور كشوخ الجزء كشخات

تسلمي عزيزتي

وننتظر الباقي

موفقين

,,

[fatemah]

مــرح ــبـــأ
ونعم الــقــرار قــرار جــاسم ^_^
يسلموووو ع الجزء الرائع
أميــرهـ لاعدمنا الجديد

تقبلي مروري
fatemah

[للدموع إحساس]

صبــــــــــــــــــــاح الخيراااات ،،
بـ صراحهـ الجزء روووووعهـ ،،
ياللهـ الحين جاسموووهـ و حميدوووو بيعترفوو ،،
و علي بيطلع ،، و إن شاء اللهـ أبو مالكـ الزفت يقطوهـ في السجن ،،
و يتعافى حميدووو ،، و هشام ياخذ علا ،،
وزينب تاخذ أشرف ،، و ليلى مؤيد ،،
و يمكن ريمووه الخبلهـ ياخذها مالكـ ،، و علي بياخذ من ؟؟؟<< لا بعد كملي حق ويهـ توقفي ،،
لا خلاااااص ،،
أمووووور يعطيكـ ربي العاااافيهـ ،،
و عســـــــــــــــــــاكـ عاالقوة ،،
خااااالص التحااايااا ،،
للدموع إحساس ،،

[نبــراس]

أمووور الجزء روعة


أهم شي موت عبآآآآآآآســوهـ


وبلبولووووون {{{ من ويــن طاآآلعة


عادلوه بيزداد جنون



تسلمي خيتوو


ربي مايحرمنا منكـ ولا من أجزائكـ اليومية ~ : )

[دمعة على السطور]

زين سوا هذا جاسم اول مره يسوي شي عدل في حياته..

حاسة إن مؤيد بيتزوج ليلى في النهاية ؟؟؟؟؟؟؟؟؟

ها بيتزوجها ؟؟؟


يعطيك العافية حبوبة أمور....
موفقة لكل خير إن شاء الله تعالى..
..دمتي بعين المولى الجليل..

[عوامية صفوانية]

عفواً اخوي الناري

غلطه كتابيه خخخخ

اقصد سوسن مو علا الحامل خخخخخ


بعد يصيد لينا الاخطاء هههااااااا


يسلمو اخوي
لا عدمنا متابعتك

واله يعطيش العافية خيتو اميرة
لا عدمنا جهودك ان شاء الله

[Hussain.T]

الجزء مررره حلو

عقبال فرج علي

[فاطمة المعصومة]

شكرا على الجزء الروعة
واحسن مات عباس
وعدل فرحان
وانشاء الله
يطلع علي
وتقبلي مروري
تحياتيــــــــ
فاطمة المعصومة
soso

[زهور الريف]

بسم الله الرحمن الرحيم
اللهم صل على محمد وآل محمد
وعجل فرجهم

روووووووعة الجزء ما في كلااااااام

ومات عبااااسوه فككككككة

الحمد الله يوم الله بلغنا...!!

خخخخخخخ

وعادلووووه تحــــــــــــــفة..!!

يسلموو يالغلا

موفقة لكل خير

بالانتظار

[سفيرة الاحلام]

واااااااو جزء حلو

جاري انتظر الجزء

اتوقع ليلى تاخد مؤيد

علا تاخد هاشم

ويطلعوا علي من السجن

وام عادل اهلها يجوا اليها يبوا ياخدوها عشان الفلوس الي عندها

اتمنى بعض من الي خمنتا صح :cool:

وبس

[الــــنـــاري]

مسكين عباس حتى بعد مامات ماسلم منكم
>> اذكرو محاسن موتاكم << هذا اذا كان فيه
وذا مافيه خلوه يورح مهب الرياح هههه
بنتظار البارت اليديد

[نبــراس]

أمورر اليوم في بارت ... ؟

( =

[Princess]

مرحبا...
يسسسس.. :)

[نبــراس]

ننتظــــــــــــــــــــــر ...!!..
يعطيكـ العافيه غناتي

[الــــنـــاري]

قالو يس من ساعة
امم يعني باقي ساعة
والدعايات ساعة
يعني باقي 35 ساعة
طيب شي جيد احلق انا وقعد وسافر ورجع وروح وجي
ويلا انا بالانتظار ؤيؤيؤييي

[Princess]

مرحبا

عدنا مع الجديد
تسلمو لي وربي يعافيكم
غربل الله شرك خيو الناري
ههههههههههههه خوش تحليل ضحكتني
عاد و اني اكتب
فصل النت.. حطيت ايدي على قلبي
اما ماعود.. ويش حالتي.. والناس تنتظر.. بنفلع..:wacko:
الحمدلله رجع.. وجيت بالجديد
تفضلو..

[Princess]

الحلقة 32




حميد..
ــ عرفت الحين السالفه...
جاسم هدوووء....
حميد بصوت متكسر .. وشوي بدى يصيح..
ــ تعبان انا.. وماحد يرحم في هالدنيا.. الاقيها من وين لو وين..
جاسم شد على عمره وحاول يداري حزنه على سالفة حميد..
وبنبره هاديه وكلها قسوه..
ــ مايفيدك.. لا تتمسكن..
ــ جاسم تكفى خليني في حالي .. وربي الي فيني مكفيني..
ــ اقول... آخر كلام لي وما في غيره..
ــ ويش بعد..؟؟
ــ لازم نسلم نفسنا...
ــ هااااا........!!!!
ــ من قال هاا... سمع..
ــ جاسم ويش فيك.. ويش ماكل؟؟
ــ ماكل هم وقهر.. ماكل تعب وشقى ..
ــ يعني انا اللي مو مقهور ومو شقيااان..
ــ حميد .. لا تكثر كلام..
وبصوت مبحوح وبدت دموعه تطغى في عيونه..
ــ ماتدري بحالة بيت عمتي.. ما تدري شلون عيشتهم وهم فاقدين ولدهم.. حطمنا مستقبله ظلم .. وين بنروح من عذاب الله ها.. قول لي وين بنروووح.. والله ياويلنا .. يكفي دعوة المظلوم.. ما بينها وبين الله حجاب.. انا تعبت يا حميد.. تعبت.. واذا انت ما بتعترف.. من نفسك.. انا راح اسلم نفسي واعلم عليكم كلكم.. واللي فيها فيها..
حميد مسح وجهه بكفه.. وظلت كفه مغطيه بوزه وعيونه شابحه..
ــ والله حتى انا.. ما تفارقني الكوابيس.. و هذا انت تشوف حالتي.. مهي الا من حوبته..
وبنبره هاديه..
ــ خلاص .. بروح وياك..بس امهلني وقت.. وصدقني باروح وياك..
ابتسم جاسم.. قعد على ركبه.. وصار يصيح من قلب...


يوم ثاني..
الساعه 12 و نص الظهر ..
ريما راجعه من اختبارها. كان عليها فترتين.... لحقها واحد بسيارته..
فتح النافذه..
ــ الغزال في هالظهريه.. على وين رايح..؟؟
ريما فتحت عيونها.. وفي بالها..
ــ يماااه..
صارت تمشي بشكل اسرع..
شغل اغاني .. و تكى على نافذة السياره وهو يمشي شوي شوي ويغني ..
ريما خلاص قلبها بتموت..
ماتحملته..
ــ استحي على وجهك.. فارق..
ــ الله عالفارق الله.. مابفارق بشوف ويش بتسوي..؟؟

ريما صارت تركض .. وصلت قريب بيتهم.. الا تشوف عبدالرحمن توه طالع من عندهم..
ريما على طول من شافته عرفته .. راحت له تركض..
ــ الحقني ياخوي .. هالرجال مأذيني..
عبدالرحمن خذته الحميه... مع انه مادرى انها ريما اخت علي..
وراح للصايع..
ــ خير يالأخو.. ؟!
ــ و انت ويش دخلك..!!
ــ لا والله.. فوق شينك قواة عينك بعد؟!
ــ خير .. ابوها.؟؟. اخوهااا..؟؟
ــ مو شغلك.. ويللا فارق..
ــ ههههههههههه ويش فيكم اليوم على فارق.. فارقت روحك جسدك..
ــ جعلك انت قل آمين
ــ بعدين انت ويا وجهك.. ويش جايبنك هنا يالبدوي..
عبدالرحمن عصب فيه..
ــ ما برد عليك يالتعبان .. بس هين ارويك الحين.. البدوي وش يسوي..
طلع جواله وسوا روحه يدق ..
ــ الو .. الهيئه... ياهلا اخوي..
الصايع فتح عيونه...
عبدالرحمن:
ــ ايه ..ابلغ الشرطه رقم السياره.. طيب .. طيب حفظته.. وبعدين راح تجو القسم وتتفاهمون معه.. طيييب.. تسلم ياخوي..
سوى حاله خلص المكالمه..
ــ وهذا البدوي الحين .. بيسجل ارقام سيارتك.. و ابشررررر.. هين ان ما وريتك...
الصايع..
ــ خلاص خلاص.. فكني .. بروح..
ــ يللا عاد فارق ولا عاد اشوفك تتوطى هالحاره.. فاااررررق..
ــ حرررررره تحرك..
ــ فااااارق..
سكر الصايع النافذه.. وراح..
ريما دخلت البيت على طول تركض..
عبدالرحمن عرف انها اخت علي.. عوره قلبه على صاحبه..
ــ اييه.. الله يفرجها عليك يا وليهم..والله يقدرني احميهم و اكون معهم قد ما اقدر..

دخلت ريما وهي تنافخ..
راحت المطبخ بتشرب ماي..
لقت رزان قاعده تنوم حنين.. و ليلى تقطع سلطه..
ريما :
ــ مساااء الخير...
رزان: ــ هلا وغلا .. مساء النور
ريما :
ــ و اني اقوول بيتنا منووور .. شفت عبدالرحمن طالع فكرت بس هو..
ــ النور نورش فديتش.. لا جيناكم هالمره جميع..
ــ الله وناسه.. بتتغدو ويانا..
ليلى :
ــ شفتي.. وشان زين حنا اللي بنسوي الغدا.. عبدالرحمن بيجيبه.. خوش عزومه..
رزان ابتسمت..
ــ كلنا اهل يا ليلى..
ليلى : ــ لا خلا ولا عدم..
ــ منكم ان شالله ..
ريما..
ــ وووويش تسوي توي انتبه.. حق ويه تنوميهاااااا؟؟!!
ــ ههههههههه وكلتها و غيرت لها ودالحين وقت نومتها..
ريما : ــ لالالا .. لا ياعيوني..
رزان: ــ هههههههههه يسلم عيونش .. ها طالعيها .. نامت..
ــ اووه ياربي .. بفلص خدودها.. واحشتني البطه..
ــ هههههههه اذا صحت لك علي ماخليها تفارقك..
ــ آآآآآآآآآآه بكره اخر يووووووووووووووم
ــ الله يعينك ويوفقك يارب ياكريم..
ــ يسمع منش الهي..

ليلى قامت توزع السلطه في صحون..
ريما قعدت جنب رزان وصارت تهمس ليها..
ــ زين سويتو بهالجيه.. عالأقل تطلعو هالبيت من جو الكآبه اللي هم فيه..
رزان تفلصها..
ــ يقطع شيطانك.. اعقلي..

ليلى ..وهي تحوس..
ــ ويش تحشو..
ريما::
ــ فيش..
ليلى : ــ ايه ادررري..
رزان : ــ هههههههههههههه لا ماعليكي منها..
ليلى : ــ ايه هين تعلميني عليها..
ريما : ــ لا لا تعلمش .. نحش فيش زييييين..
رزان : ــ هههههههه ياربي .. بتتهاوشون..
ليلى : ــ هههههههه لا شدعوه كل هيك اني وياها فار وقطو..
ريما : ــ مين الفار ومين القطو.. انتين الفار..
ــ أه اني الأكبر يعني اني القطو..
ــ احلفي عاد.. فار شايب .. زين .. مافيها شي..
رزان : ــ ههههههههههههه غربل الله بليسكم.. توم وجيري..
ريما صفقت: ــ ايواااااا.. انتين ليلو ماتحبي توم.. يعني اني توم وانتين جيري..
ليلى : ــ ههههههههههه فكينااا..
ريما : ــ اقوم افصخ هالخيشه .. و اجيكم..
رزان : ــ هههههههه حشا مو بمريول هذا.. خيشه!!
ليلى : ــ بدلي خيشتش على قولتش.. وصلي الظهر ..
ريما بملل ..: ــ زيين..
رزان:
ــ ماعليكي امر حبيبتي ريما.. خذي معك حنين وغطيها زين..
ــ ان شالله اقعدها...
ــ لا تكفين حرام عليك.. يعني اقوم انا..!!
ــ خخخخخخ امزح .. جيبيها..

خذتها وطلعت..
ليلى بهدوء:
ــ بتذبحني هالأخت..
رزان..:
ــ ليش ..؟!
ــ ما يهمها شي.. لا دينها .. لا مستقبلها.. لا اهلها.. بايعتنها بالمره..
ــ ربي يهديها ان شالله.. مراهقه .. فتره وتعدي..
ــ الله يسمع منش ..

تابع>>

[Princess]

عادل منسدح في صالتهم.. يطالع تلفزيون.. ومقرب عدل منه.. ماد رجوله ..
ولاصقنها على حبات التلفزيون.. ويفرفر فيه.. وكل مشوش..
صرخ حد ماعنده..
ــ اماااااااااااااااااه...
جت امه..
ــ ويش صاااير؟؟؟
ــ ماااااااااااااتطططلع ولاااا قناااه,, كل دبان يتشااابق ,,, وشششششششششششش
ام عادل فيها الضحكه على وصف ولدها.. دارتها وعصبت فيه..
ــ من عذر.. وصلت للقناه إميه ومادري كم .. في التلفزيون.. كم مره اقول لك الرسيفر تغير منه القنوات مو التلفزيون..
ــ وييششش دررراني عن الفررريزررر
ــ أي فريزر.. انا لله.. ريسيفر..
ــ اللي هووو.. وووين الررررموووت...
ام عادل تعطيه وياه...
ــ انتبه لا تبرمج شي ولا تحوس.. من هنا تقدم قناه ومن هنا ترجع قناه وهذيللا للصوت.. فهمت..
ــ ايييه..

وراحت عنه المطبخ..

ابو علي..
ــ كلفت على روحك ياولدي.. ماكان لازم هالأكل كله..
عبدالرحمن : ــ ولو ياعمي.. لا كلفت ولا شي..
ــ ويش ماكلفت.. نص ذبيحه..شلنا منها لبيت ابو جاسم وبقى.. ترى اكلنا على قدنا..
ــ ياعمي بالعافيه عليكم.. اعتبرها.. اعتبرها بمناسبة الأفراج عني.. << قالها بعفويه..
ابو علي .. بيرفع اللقمه لبوزه.. وقف.. ابتسم..
ــ الحمدلله .. ربي يفرج عن كل اسير..
عبدالرحمن انتبه لنفسه..وماعرف كيف يرد..
ــ يارب ياكريم عاجلا غير آجل..
وفي باله.. ــ خبل انا.. مادورت غير هالمناسبه.. يخرب هالعقل اذا قفل.. قفل..


سوسن قامت من على الطاوله تركض..
سميره.
ــ ويش فيها دي؟؟
ابو مالك مبتسم حده..
ــ لاااا.. صدق ..
سميره:
ــ ويش اللي صدق....!!!!!
ابو مالك:
ــ العصر اروح وياها ونشوف..
علا تاكل وهي تتصوخ الهدره..
سميره بأرتياب:
ــ يعني ويه..؟؟ لا يكون اللي في بالي..؟؟
ابو مالك وهو فرحان:
ــ ايه ان شالله
سميره وكأن الكلام ماعجبها .. صارت تطقطق بالملعقه على الصحن..
ــ خير.. خير ان شالله..
ابو مالك قام وراح يشوف سوسن..

سميره تكلم علا:
ــ عاجبنش اللي سمعتيه..؟؟!!
علا ابتسمت ببرود..
سميره:
ــ اكلم الجدار اني؟؟
ــ ويش تبغيني اقول؟؟
ــ عاجبنش .. على آخر العمر يصير عندش اخو لو اخت..!!
ــ ليش لا..
سميرة تحط الملعقه بالقوه على الطاوله..
ــ هذا اللي نااقص..
علا انقهرت:
ــ ويش فيش الحين.. ليش لا .. دام امه سوسن..
ــ ياعيني.. يــــــــــــاااعيني.. ايه.. اكلت بعقلش حلاوه.. بكره اذا جابت الولد.. وجابت غيره و غيره.. شوفي عاد اذا صار لش في هالبيت نصيب..
ــ ويش قصدش..!!!
ــ اتوقع فهمتي قصدي..
علا انسدت نفسها وقامت:
ــ بعد عمر طويل..

عادل يداور من قناه لقناه.. شوووي طاح على قناه.. فيها فلم اجنبي...
ويطالع...
ومهو فاهم ويش صاير؟؟؟
حط ايده على خده وصار يتابع.. شوي بدت حركات مهي عدله..
وهو مفهي.. وشالق بوزه مبتسم..الا بجية امه حامله تبسي الغدا..
وتشوفه يطالع واللقطه ياعيني..
وتصرخ..
ــ عادلوووووووه وخناااااااااااقه..
عادل طفر من محله من الخلعه..
ــ هااا.. هاااا وووويششش صاااااير..!!
ام عادل تاخذ الريموت وتطفي التلفزيون..
ــ ويش قلالة هالحيا اللي تطالعها..؟؟
عادل :
ــ وااااحد ويااااا مررررررته..
ام عادل فتحت عيونها:
ــ بعد... ويقولو مينون.. باموت.. بيقتلني.. مرته ويه.. استح على وجهك.. وان مره ثانيه حطيت اشياء كذا خبقت عيونك..
ــ اه.. تششششييييييييه بس عباسسسسسسو اللي يطططللللللللع؟؟
ام عادل مختلعه:
ــ يطلع.. يطلع ويييييه؟؟
عادل مد ايده عالغدا وصار ياكل وهو يضحك ويفتن:
ــ يططططلللع حااجااات قلة حياااا ..
ــ متى؟؟
ــ آآخخخخرررر الليللل اذااا نمممتتتي..
ام عادل حطت ايدها على قلبها وفي بالها:
ــ الله يررحمك ياعبااس فوق شينك بعد زياده هالسالفه..
وتسال عادل:
ــ و انت ويش دراك؟؟
ــ مرررره طلللعت اشرررب ماااي وشفففته .. يوووم انتبببه لي .. قققال لييي بعطططيك 5 ررريااال بس اسسسكت ولاااا تعلللم امممك... ققلللت له ابببغى 10 ولا بااااعلللم هههههههههههه وهذاااني علللمت..
ام عادل مهي قادره تدخل السالفه في راسها..
ــ ويش يشووف و التلفزيون القنوات نصها مشفره..!!!
ــ مووو التلفزززيييون يجيييب دويرررات لماااعه..
ام عادل مستغربه..
ــ هاا.. ويشوو؟؟
ــ اوهووو شيييفااا اعلللمش اناااا... اللي يحطططوهم في هذذذاا الجهههاااز فوووق الفريزر..
ام عادل :
ــ اهااا هههههههه تقصد الدي في دي.. سي ديات يجيب؟؟؟؟؟؟؟
عادل : ــ اييييييه..
ــ يالله ترحمه برحمتك.. يالله تخفف عنه عذابك..
عادل مندمج في الأكل:
ــ خلللله يووولي..
ــ ياربي .. اكل بس اكل..




تابع<<

[Princess]

مؤيد:
ــ اماه.. كل يوم تقولي بكره.. مو كنش تلعبي وياي..
ــ ياربي ياولدي استحي اني من العالم..
ــ على شان خاطري اماه.. بيتهم كله حريم بس ابوه .. ومسكين ما يشوف.. تكفي روحي وياي.. يكون احسن..
ــ زين.. الساعه 4 بنطلع..
ــ اخيرررررررا.. اشوى ماقلتي بكره..
ــ عفر تبغى اغير رايي..
ــ هههههههههه لالا خلاص..


الساعه 4 العصر باب بيت ابو علي يطق..
عبدالرحمن بعده وياهم..
ــ بقوم اشوف الباب..
فتح الباب..
مؤيد اختلع..
ــ مو هذا بيت ابو علي؟؟
عبدالرحمن ابتسم:
ــ ايه وصلت..
ــ وين ابو علي..؟؟
ــ داخل.. اقلط الله يحييك..

ام مؤيد مستغربه من لهجة عبدالرحمن.. ومؤيد مستغرب اكثر .. مين هذا؟؟؟

عبدالرحمن:
ــ تفضلو.. ياخالتي الحريم داخل ..
ودخل ويا مؤيد المجلس.. و ام مؤيد دخلت للحريم..
مؤيد:
ــ السلام عليكم.. قواك الله عمي..
ابو علي رفع راسه يحاول يميز الصوت ..
ابتسم..
ــ عليكم السلام.. الله يقويك..
مؤيد:
ــ ويش حالكم عساكم بخير..؟؟
ابو علي :
ــ بخير ياولدي.. حياك الله.. مين انت..؟؟
مؤيد قعد وابتسم..
ــ من عذر ما تذكرني.. انا صديق علي من زمان ماجيت ليكم.. انا مؤيد
ابتسم ابو علي:
ــ ياولدي ذكرني اكثر .. الذاكره مهي ذاك الزود..
مؤيد ابتسم..
ــ انا مؤيد احمد ال... ,, كنت مع علي من ابتدائي لين متوسط.. انا اللي اذا تذكر طلعت مع علي مره الحداق و رجعنا بهامور..
ــ هههههههههههههههه اييييه مؤيد ابو الخير..
ــ ههههههههههههه ايووااا وصلت..
عبدالرحمن ضحك..
ــ ابو الخير؟؟
ابو علي : ــ يا حيااا الله هالطله... والله وكان وجهك فال خير على ولدي ذاك اليوم..
مؤيد : ــ هههههههههه جعله بخير دايما..
ــ يارب وياك..

مؤيد ابتسم لعبدالرحمن:
ــ ما عرفتنا على نفسك؟؟
عبدالرحمن:
ــ عبدالرحمن سعود الـ... صديق علي ..
ــ ياهلا فيك تشرفنا..
ــ الله يعز مقدارك..
ــ الا وين علي..؟؟

ابو علي .. تغيرت ملامح وجهه..
عبدالرحمن استغرب هالسؤال.. بس عرف من كلام مؤيد السابق و تخمين ابو علي له..
انه من زمان ما شافهم..
عبدالرحمن بهدوء:
ــ أيــه.. علي.. الله يفرجها عليه.. دعاك يالحبيب..
مؤيد فتح عيونه.. وفي باله: ــ يعني صحيح اللي سمعته..
وسأل:
ــ خير.. ويش فيه..؟؟

وصار عبدالرحمن يعلم مؤيد السالفه..

وفي غرفة الخياطه,, ام مؤيد مهي عارفه كيف تسولف مع الجماعه.. ام علي تعرفها معرفه سطحيه.. بدو يسولفو عن ام عادل بما انها عامل مشترك بينهم وثنتينهم يعرفوها.... ودرت ام مؤيد ان عباس توفى..
ــ انا لله و انا اليه لراجعون.. زين قلتي لي ياخيه.. خلنا نروح نعزيها..
ام علي : ــ المرجع لله.. يعطيش العافيه..
ــ الله يعافيش ..
وصارت تتعرف على بنات ام علي و على رزان اللي قصو ليها سالفتها.. ومن سالفتها عرفت انها مرت عبدالرحمن اللي صادق علي في حبسه..
ام مؤيد:
ــ الهي يفبت قلبش يابتي.. << قالتها وهي تطالع في رزان..
..ويفرج عن ولدكم عاجلا غير آجل ياكريم << قالتها لأم علي..
ام علي : ــ يالله..
ام مؤيد ابتسمت وصارت تكلم ليلى:
ــ بالغه فيش امش .. بتي ساره كل تسولف عنش . تقول تعرفش..
ليلى استحت وابتسمت::
ــ ساره؟؟
ــ ايه تقول درست وياش مادري في أي سنه.. حتى وصفتش وهذاني شفتش وتأكدت انها صادقه..
ــ ايييه ساره احمد آل .. تذكرتها.. اخبارها ويش مسويه..
ــ الحمدلله ..
ــ اخبار دراستها.. شان جت وياش .. نسترجع الأيام..
ــ دراستها.. وخلصت يابتي الجامعه واكي قاعده بشهادتها ولا يندرى ويش بتسوي.. و الجيه خليها مره فانيه الأيام ان شالله جايه..
ــ ان شالله يارب..
ام مؤيد:
ــ ايه .. سلام الله عالحسين.. اذا قدرتو تجو العشره الوسطيه.. اني بقراها..
ام علي : ــ سلام الله على ابا عبدالله.. بنحاول ياخيه.. ان شالله يكون بيننا وصل..



مؤيد درى من عبدالرحمن ان نهاية هالشهر فيه زياره الى علي ..
عطاه رقمه وطلب منه يتلاقى وياه يبغى يروح يشوفه....
ساعه بالكثير .. واستأذن..
ابو علي: ــ بدري ياولدي..
ــ بدري من عمرك.. الجايات اكثر ان شالله..
ــ ان شالله..تسلم ياولدي ما قصرت ..
ــ الله يسلمك عمي .. ولو على العين والراس انت اسمح لي على القصور..
ــ مسامح .. والله يعطيك الصحه والعافيه
ــ الله يعافيك... مع السلامه..
ــ سلمك الكريم..
مؤيد نادى على امه.. وطلع..
ركبو السياره..
ام مؤيد..
ــ الله يكون بعونهم ويفرج عن اسيرهم ..
ــ يالله ياكريم.. حالتهم تعور القلب.. وزين عبدالرحمن.. والله عجبني هالرجال .. والنعم فيه ينشد به الظهر..
ــ ايه حتى مرته اجوديه.. الله يحفظهم ويثبت قلوبهم..
ــ يارب...

وفي نص مشوار رجعتهم...
رن جوال مؤيد,, وكانت المتصله ساره..
رفعه مؤيد..
ــ هلا خيه..
ساره تصيح ولا ينفهم شي من كلامها..
ــ الحق ياخوي..
ــ خير ويش صااااير؟؟ ويش فيش..!!!
ام مؤيد حطت ايدها على قلبها:
ــ يالله ستررك..
ساره :
ــ جود... جود...
مؤيد:
ــ ساره شوي شوي .. مانى فاهم.. ويش فيكم.. ويش فيها جود...
ساره:
ــ جود خذهاااا... ....

الى الملتقى

[آخر شقآوهـ ..~]

هههههههههههههههههههههههآآآي فرييز ويش قآل قآل فريز ويلييي عليه هلنكته دهـ
أني قآيله مآ أطيق عبآسوهـ ويشآهد كده الله المعين
لكنه قآهرني أسمه عبآس وأني أموت في أسم عبآس <<تبغى ولدهآ في المستقبل عبآس هآع

جود أخدهآ أبوهآ عفــــر<<نسيت أبوهآ متوفي لو لآ<<المخ صآير مآيخزن

تسلمين حبوبتي
ربي يعطيك ألف عآفيه
بانتظآر الجدييد
تحيآتي
ضحكوه البطه

[عوامية صفوانية]

اشوى ما اتأخرت على البارت


ويش فيها جود ،،، منو اللي خذاها ( عجيبه )
لو كون اتشاابقت مع اولاد نادية التوائم ما ادري

لو ابوهم جا اليها ( ليش ابوها وينه ) ما ادري انسيت مخي فيه جبن خخخخ



واما عااادلوووه ويا التلفزيون بعد موقف خخخ الشاشه دبان يتشابق ههههههه



يووووووو وان شاء الله يعترفوا زي ما قلت ليكم انهم بيعترفوا حميد وجاسم


والله يفرجها عن علي قريب بروحة مؤيد اليه



خيتو اميرة ما جااااا 23 هالشهر ؟ خخخخ نبى نعرف فازت علا لو لا ( لقافه خخخخ )




يسلمو عمري على البارت الروووووووعة

لا عدمناش
والله يعطيش الصحة والعافية


يسلمو

[الــــنـــاري]

شلكها اكثر واحد ينتظر آخر واحد يقراء الجزء ههه
بصراحة ابداع الدبان
ام عباس << شكلك ماتبغينا نذكره بخير ابد
>> مادري من وين ليه الخير من ساقعة

مابي اخمن بس جود مسكينة صغيرونة
ليش اخدها الجني !! @!@
بنتظار الجديد خيتو
والله يعطيك الف الف عافية
تمنياتي لك بالتوفيق

[سفيرة الاحلام]

تسلمي اميره على الجزء

اتوقع اهل ام جود جاين ياخدوها

اتمنى توقعي صح :rolleyes::rolleyes:

لاهنتي

نتظر الجزء الجديد

[*زهرة البنفسج*]

تسلمي امور عللجزء الحلو

ننتظر البقيه

موفقين

,,,

[دمعة على السطور]

ياعلي ويش فيها جود..
تذكرني بأختي الصغيرة


بصراحة روووووووووووووووعة الأحداث روعة أميرة.
يعطيك العافية..
موفقة لكل خير إن شاء الله تعالى..
..دمتي بعين المولى الجليل..

[دمعة على السطور]

تعالوا
أني اللي اذكره إن مؤيد هو أبو جود
معقول أكون غلطانة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
معقوووووووووووووووووووووووووول ؟؟؟
وأمها ماتت..
عشان كذا هو انطوى عن الناس...

يمكن خرفت ماادري..

[للدموع إحساس]

صبـــــــــــــــــــــــــــــاح الخيراااات ،،
خيهـ الجزء ،، يقول لـ الروعة قومي و أني بقعد مكانش هع هع << مع وجهي أخفف دم من الصبح ،،
لا عن جد الأحداااااث رووووعهـ ،،
و أحلى شي عااااااااااااااااادلووووهـ ،،
حجي عباس اللهـ يرحمهـ ويش هاالخراب ،، أني مستغربهـ كيف طلعت العشرهـ من عندهـ ،،
و أم مؤيد ،، بالغهـ فيش أمش ،،
قولي باخذش لـ ولدي وخلاص ،،
لا أني صرت شبهـ متأكدة أن ليلى بتاخذ مؤيد ،،
و جود ويشششش فيهاااا ؟؟!
مخي قفل خلااااص أني ،،
أن شاء اللهـ خيييير،،
يعطيكـ ربي العاااافيهـ يا أمووور ،،
و سلمت يمينكـ ،،
و بـ إنتظآآآآآآآآآر البقيهـ ،،
خاااالص التحااايااا ،،
للدموع إحساس ،،

[زهور الريف]

بسم الله الرحمن الرحيم

اللهم صل على محمد وآل محمد

وعجل فرجهم

بصررااااحة

رووووووووعة

تسلم الايادي يالغلا

وبالانتظار

[نبــراس]

أمورررر البارت روعة
طلعت بلاوي عباس << الله يرحمه
بس من زمــان ماسمعنا سوالف
زينب وأشرف
ننتظــر خيتوو

[الــــنـــاري]

اختي اميرة في اليوم لو مافيه ؟؟

[Princess]

مرحبا
فيه ان شالله
بس مادري متى بينزل اي وقت..
.
.
.

[عوامية صفوانية]

جاري الانتظار


خيتو


والله يعطيش العافية


ولا عدمنا جهودش

[الــــنـــاري]

المفورض البنات ينامو عشان يقعدو يسوو فطور
بس اميرة تقد تكمل القصة هههه
بالانتظار

[Hussain.T]

انا توني واصل قريت الجزء اللي راح وقلت يا سلام الحين بقرأ ورى بعض بس

الجزء لساته في الفرن بس يستوي نادوني علشان أكل وياكم ههههه

تحياتي

[الــــنـــاري]

اخوي شبل
اميرة هنا
يعني اشوي وبيستوي الفطور ههه
يلا بالنتظار


يعني لازم اروح وجي بعدين
يلا خيتو عجل اشوي
مابي ارجع بعدين ابغا جيتي انام على طول عشان اقعد للفطور

[نبــراس]

ونحن من المنتظريــــــــــن

[Princess]

مرحبا
تسلمو ويعطيكم الف عافيه...
ههههههههه والله ماحد بيسهر وبيقعد تالي وبينكرف لين يرجع ويرجع يسهر الا اني..
خوبال.. :wacko::toung:
هالمره اني زعلانه.. :sad2:
صحيح فيه كم تخمين صحيح..
بس اللي ماتوقعته منكم ابدا ابدا ابدا..
هالخربطه اللي صارت في سير متابعتكم..
مع انها كانت واضحه وضوح الشمس..


شوفو .. اقتباس من اجزاء قديمه..




مؤيد..ارمل .. عمره 35 سنه.. عايش معامه ( ام مؤيد ) مره طيبه وحبابه وحنونه... عنده ثلاث خوات.. اكبرمنه ناديه.. ووحدهاصغرمنه ساره.. تدرس في الرياض... وبينهم وحده كانت متزوجه بستوفت ولاجابت الابنيه ابوها تزوج ويشتغل برى .. فظلت البنت ويا بيت اهل امها....





جود5 سنـوات متعلقه في خالها وهو متعلق فيهاويحسبهامثل بنته اللي فقدهامع امهافي حادث سياره.. صارغصبن عنه ,,.. وسبحان الله هوالوحيداللي نجاومن يومهاوهومنطوي على روحه ,, ويحمل نفسه ذنب اللي صار ...



هاا.. ويش رايكم ؟؟
عرفتو ويش يصير مؤيد لجود..
:nosweat: صراحه جبتو لي حالة احباط بردودكم..
مافي الا ثنتين كبرياء .. ووحده من صديقاتي سالتهم ويش يصير مؤيد لجود وجاوبوني اجابه صحيحه.. قلت اشوى يعني تسلسل الروايه مضبوط وواضح..
يللا كثرة المشاغل تخلي الواحد مايركز
الله يكون بعونكم وعوووووووووووني
تفضلو الجديد..

[نبــراس]

شدعوه أمور

كان سألتيني باجوب صح

~ : )

[Princess]

الحلقة 33



وفي نص مشوار رجعتهم...
رن جوال مؤيد,, وكانت المتصله ساره..
رفعه مؤيد..
ــ هلا خيه..
ساره تصيح ولا ينفهم شي من كلامها..
ــ الحق ياخوي..
ــ خير ويش صااااير؟؟ ويش فيش..!!!
ام مؤيد حطت ايدها على قلبها:
ــ يالله ستررك..
ساره :
ــ جود... جود...
مؤيد:
ــ ساره شوي شوي .. مانى فاهم.. ويش فيكم.. ويش فيها جود...
ساره:
ــ جود خذهاااا ابوها.. رجع من السفر و جى و اخذها..

مؤيد ضرب بريك ووقف على جنب:
ــ ساره.. ويش تقولي .. متى جى.. وليش اخذها على طول..!!!
ــ مادري .. جى و اني لحالي ويا جود في البيت.. دخلته قعد شوي.. تالي قال بياخذ جود.. ولما سالته لويش.. قال فترة حضانتها عندنا انتهت وهو بيسافر بعد كم يوم ولازم ياخذها وياه..
مؤيد بعصبيه:
ــ ويش فيه خبل مو صاحي.. ما ياخذها..
و صار يضرب على الدركسون:
ــ لا .. لا .. لا..
ساره :
ــ خلاص ياخوي.. تعال الحين بسرعه..
سكر مؤيد الجوال ورماه.. وصار يسرع..
ام مؤيد فهمت الموضوع وصارت تصيح..:
ــ يالله تلطف بنا.. يالله تدفع عنا البلا.. يالله لا تفجعنا بفقد غالي..
وصلو البيت..
دخل مؤيد وهو معصب.. لقى ساره قاعده حاضنه مخده وتصيح..
مؤيد : ــ من متى جى..؟؟
ساره : ــ تقريبا من ساعه...
ــ ابن اللذين..
ام مؤيد : ــ ياولدي صل على محمد.. هو ابوها .. ولي امرها.. وهو الأحق بها..
ــ بس مو كذاا.. لا احم ولا دستور ياخذها..
ويمسك جواله بيتصل فيه..
ام مؤيد:
ــ ياولدي بالهداوه.. لا تشابق الرجال زين.. من ماتت اختك المرحومه وهو ما اذانا بشي..
ــ ايه غير انه تزوج اجنبيه وسافر وترك بنته ,, والحين جاي ياخذها..
ــ ياولدي الحضانه صارت من نصيبنا اهل امها والا هو من اول يبغاها ماتركها.... بالهداوه تفاهم وياه زين..
ــ زين..

شوي عصب مؤيد ,, ورمى جواله..
ــ مقفلللللللنه والله يستر يمكن قديم هذا وغيره..
ام مؤيد:
ــ هدي بالك ياولدي..
مؤيد قعد وصار بكفينه يمسح على راسه وهو متوتر..
ــ اهدي ويه يماااه.. اهدي ويه.. جى واخذها.. ولا ترك لينا شي نتواصل به.. لا رقم لا عنوان لا نايبه.. خذها اماه.. تعرفي يعني ويه اخذها.. جود هذي حياتي .. احسها قطعه مني..
ساره ماتحملت كلام اخوها وصارت تصيح..
ام مؤيد حاولت قد ماتقدر تتماسك بس ماقدرت وصارت تصيح وياهم...


في السياره..
منير : ــ ويش تبغي تاكلي جودي..؟؟
جود ساكته..
منير:
ــ يابتي ويش فيش من طلعنا ما سمعت حسش..
جود ببراءه وعفويه:
ــ اني ماني بتك..
منير :
ــ اجل ويش؟؟
ــ اني بنت خالي..
ــ ههههههههههه بابا ويش اسمش انتين..
ــ جود..
ــ جود ويش ؟؟
ــ جود منير آل ...
ــ زين و انا منير آل .. يعني انا ابوش..
ــ لا.. لا انت مو ابوي .. خالي مؤيد ابوي..
ــ انا لله.. زين خالش مؤيييييد ابووش.. الحين قولي لي ويش تبغي تاكلي..
ــ مابغى شي..
ــ مايصير ..
ــ مابغى.. ابغى بيتنا..
ــ كم يوم غناتي وبنروح بيتنا..
ــ ابغى خالتي ساره..
ــ يابتي .. خلاص بتسافري وياي ان شالله.. وبتعيشي في كندا.. وبتتعلمي هناك وبتصيري دكتوره قد الدنيا.
جود بدت تصيح..
ــ مابغى شي .. مابغى شي .. رجعني بيتنا..
منير تعب منها .. كان ماخذنها على شان يصورها بيسوي ليها جواز خلال كم يوم على شان بيرجع كندا وبياخذها وياه.. انتهت فترة حضانتها عند اهل امها وهو الحين الملزوم بها..

ماكان يبغى يخليها تظل عندهم اصلا.. بس حكم القضاء كان لصالحهم.. بما انها كانت طفله رضيعه و امها متوفيه والأب في سفر للعمل .. اهل الأم اذا عندهم القدره ليهم احقية حضانتها..

لين تبلغ 6 سنوات .. بعدها الأب يقدر ياخذها او يخليها معاهم براحته..

بس منير .. كان يبغاها من زمان.. فمستحيل الحين يتنازل وحكم القضاء لصالحه..


تابع>>

[Princess]

ظلت تحن.. وتزن وهو مطنشنها..
شوي وهو يمشي بالسياره فتحت الباب..
منير اختلع .. ضرب بريك .. وسحبها.. ووقف ومد ايده ..
سكر الباب.. وبعصبيه... بدون وعي.. من خلعته..
صرخ عليها صرخه..
جود زادت في الصياح..
منير يتنفس بعمق .. ماقصرت فيه هالحركه.. قفل بيبان السياره.. وكمل طريقه..



ام عادل قاعده تخيط مخابي ثياب عادل..
وهي تتحمق:
ــ مايبغى يلبس الا فوب.. طالع لي فيها رجال.. وحالتهم حاله.. بس اموت واعرف كلهم مخابيهممشققه لويه..
وتصرخ حد ماعندها..
ــ عادلوووووووووووووه..
عادل جاها وحالته حاله ثيابه مليانه غبار... وشكله معفن..
ام عادل فتحت عيونها..
ــ ووويش مسوووي.. لويه هالجرفله.. وين كنت.؟؟؟
ــ فففييي الببببيييت ما طلللعت..
ــ اجل ويشوو دا.. ويش هالحال من صاقعه..
ــ من الفيللله..
ــ أي فيله بعــــــــــــــــد !!!!!!
ــ المكككنسسسه.. سحبببتها بالللققووه وانفتحت.. تنفررر اللي فيها حاولت اركككبها ما قدررت..قمت تشااابقت وياها راقققعت بها مراااقع..
ــ رقعو بك بلا رقعووو بك يالخناقه .. ياربي .. والله كان المرحوم الحجي مفيد في هالبيت..
ــ منههووو داا بعد حجججي مفيييد.. لااايكككون واااحد فاااني بتشتررريه..
ــ حسبي الله على شرك من صبي.. وقول لي ويش سالفة هالمخابي المشققه كلها.. ولا فوب عندكعدل كلهم مخابيهم..ماكلتنهم الفاره..
ــ لاااا هههههههه فااارة ويه.. انا اشقققهم
ــ لويـــــــــــــــــــه !!
ــ اذا خلصصصت الفللوووس .. احاااول ادخل ايييدي اكتررر يمكن اشوووف شي داااخل .. فينشترررو..
ــ ياعلي.. ياعلي .. مو صبع.. الله يساعدني عليك..
ــ الحين ويشش اسسسووي في الفيييله..
ــ روح.. روح الحمام غسل هالجلخ اللي عليك.. وخلها اني باقوم ليها..
ــ ززييين.. باررروح الحماام اللي في غررفتكم..
ــ لويه يعني..
ــ بااغيررر جو..
ــ ايه مسوا بتروح لندن.. روح اللي تروحه..ا خلص..
ــ وينا دي بعد لندددن..؟؟
ــ في مخباك المنشق ..
ــ ههههههههههههههههه يعننني باااررروح مخباااي..
ام عادل تلفت اعصابها.. وهي تخيط شكت الأبره في صبعها:
ــ آآآآآه اذلللللف..يالعله
ــ اه.. تبقررر رووحها.. وتسبني ... عساااش تنسسسمي..
ــ هههههههههه غربال يغربلك.. شان زين.. فارق يللا بس واخلص.. تسبح عدل ولا تلعب في الصابون وتكت الشامبو لا اكت بدنك..
ــ تشششيه البدن ينكككت؟؟
ــ والآآآآآآآآآآخيررررررررر
ــ خلاصصص خلااااص..




دخل الحمام.. وصار يطالع في المرايا.. وفي الحوايج المصفوفين على رف المغسله..
لفت نظره موس الحلاقه.. و كان فيه شنب خفيف..


مسك الموس وشال نص شنبه.. ويوم شاف النتيجه اختلع .. وخلى الباقي..
تسبح ولبس .. وبسرعه طلع من غرفة امه..
ــ مع السلامه بطلع..
ام عادل تخيط ماليها بالته..
ــ لا تتأخر وانتبه لروحك..


طلع عادل .. ولسانه فوق شفته يلعب محل اللي مافيه شنب.. وكل شوي يضحك ..
الا بطلعة اشرف ....
ــ عادلوه.. ههههههههههههههههه ويش هالحلقه ..؟؟
عادل يضحك: ــ جدددييييده ويش عررررفك..
ــ احلف عاد ههههههههههههه .. ويش اسمها...؟؟
ــ اسسسمممهااا عبااسوو..
ــ هههههههههههههههههههه الله يرحمه .. لويه يعني اسمها كذا؟؟
ــ هههههههههههههههه لأننننه اعوووج في كللل شي يسسسووويه..
ــ انا لله وانا اليه لراجعون.. هههههههههههه صاير شكلك يضحك غربال يغربل شرك.. بستصدق لو تقول موضه قلدوك كلهم..
ــ بوظه.. ابغغغغغى بووووظظظه..
ــ هههههههههههههههه من جاب طاري البوظه.. حسبي الله على بليسك.. زين ولا يهمك نشتريلك الحين بوظه..


وهم يسولفو.. الا زينب ماره عليهم بتروح بيت عمتها..
الا عادل يريوس بسرعه على ورى ..
ــ حححححححححححح من زمان ما شفناش..
زينب اختلعت وسكتت ولا ردت عليه مستحيه من اشرف..
اشرف عرفها. وصار قلبه يدق... وفي باله صار يضحك..
ــ عرفتها.. مالوم عادلو.. لما استغرب منه كيفا يعرفهم..
عادل:
ــ ويش رررراااايش في حلللقتي.. تبغغغي احلللق كذااا ليلللة عرررسي
زينب فتحت عيونها:
ــ واني ويش علي منك ليلة عرسك.. وخر بعبر..
ــ ماانى موووخررر.. بتررروحي بيت عمي ابوو علي باااررروح وياش..
زينب بهمس ومقهوره:
ــ راحت روحي زين.. رااحت روحي..
اشرف سمعها وفي باله:
ــ بسم الله عليش.. عدوينش ان شالله..
وصرخ على عادل:
ــ عادلوه.. تعال وعن قلة الحيا. ما يفيد فيك.. تعال بشتري لك بوظه..
ــ زززين .. لي وحده .. ولزينبي وحددده..
زينب وهي تمشي سمعته وهو يقول زينبي .. فتحت عيونها.. وصارت في قلبها.. تسب في عادلوه من القهر ..
الا تسمع اشرف يرد عليه..
ــ زينبي في عينك ..انا لله الهبلان يفهمو ويش خلو للعقل..
زينب ابتسمت.. وصار قلبها يدق بالسرعه..
وصارت تركض تتباعد عنهم..
اشرف انتبه لعمره.. وفي باله..
ــ ياربي ويش فيني ؟؟ ما اهبل غيري.... الحين بتاخذ عني فكره اني مغازلجي .. يارب ما تاخذ عني فكره شينه..


وصلت بيت عمتها.. وقعدت ويا ليلى وصارت تقص ليها السالفه..
وهي كل مره يصير موقف ليهامع اشرف تقصه لليلى..
ليلى ابتسمت:
ــ ويش رايش فيه انتين؟؟
ــ حلوه دي ويش رايي فيه.. ما في راي..
ليلى تغمز ليها وتتعيلف:
ــ متأكده..؟؟
زينب تلون وجهها احمر وطغت دموع في عيونها..
ــ ليلوه ويش تقولي..
ــ ولا شي امزح وياش غناتي ويش فيش اعتفس حالش..
زينب بصوت متقطع:
ــ الله يفرج عن علي .. وبلا هالسوالف
ليلى ضاق بالها على اخوها من جهه.. وعلى بنت خالها اللي رابطه روحها فيه من جهه ثانيه..
حطت ايدها على كتف زينب وبهداوه:
ــ غناتي .. اللي ابغاش تفهميه الحين.. وتحطيه في بالش زين مازين.. انش ما تربطي روحش ومستقبلش بعلي اخوي.. هالكلام صار من سنين.. ومجرد سوالف .. والله يعلم وين نصيبش وويش نصيبه.. يمكن تكونو لبعض .. ويمكن لا.. اللي ابغاه منش اذا الله جاب لش ولد الحلال اللي يسعدش .. اخذيه ولا تفكري لا في علي .. ولا فينا..
زينب سالت دموعها بعفويه:
ــ الله يفرج عنه.. ليش تقولي هالكلام... هو قال لش ما يبغاني...
ليلى سكتت..
زينب :
ــ قولي لي الصراحه ليلى.. هو ما يبغاني واهلنا رسمو في بالنا هالخيال ان حنا لبعض..
ليلى بهمس متكسر:
ــ الله كريم.. الله يفرج..
زينب تمسح دموعها وتبتسم..
ــ ماعلينا.. من زمان ما سولفت وياش..
ــ أي والله وحشتني سوالفش..
سكتو شوي ..
ليلى جى على بالها سؤال..
ــ الا صحيح.. مره من فتره .. قلتي شي جاب لي فضوول.. اتصلتي لي وقلتي لي عنه وتالي اجلتي التفاصيل وجت ظرووف وما عرفت ويش السالفه بالضبط..
زينب مستغربه..
ــ سالفة ويه؟؟
ــ تخص حميد ..
ــ ايييييييييه.. صح صح.. اسمعي .. آآخررررررررر خبرررررر عرفناه...


وصارت تحكي لليلى الأشياء اللي عرفوها من جاسم.. انه ولد عبدالكريم آل .. و ابو مالك اخوه .. و ان امه عراقيه.. يعني تفاصيل النسب..
ليلى ..
ــ احلللفي..
ــ والله هذا اللي عرفناه من جاسم.. جت له فتره مو طبيعي.. الحين اعتدل من اشتغل وينشووين.. بس تصدقي البارحه مارجع البيت ما يندرى وين ذالف .. الله يستر شان ما عود لصايعتهوبطالته..
ليلى تضرب فكر ومستغربه..
ــ الله يستر.. بس .. يعني معقول.. عم علا يصير.. لااااااا.. ما تدخل مخي ابدا..
ــ والله ولااا اني.. بس مادري هذا اللي توصلنا له..
ــ ايه.. بكره اذا في شي مستخبي بيطلع..


تابع>>

[Princess]

المغرب .. رجع ابو مالك البيت معاه سوسن..
دخل وصار ينادي..
ــ علا .. سميره.. تعااالو..
جو ثنتيهم..
سميره:
ــ خير ياخوي .. ويش صاير؟؟
ــ اولا .. اتصل مالك ويسلم عليكم..
علا ابتسمت حدها:
ــ الله يسلمك.. اخباره .. زين .. وحششني..
ابو مالك:
ــ عال العال والحمدلله.. وحشش . حق ويه مقفله جوالش.. متصل هو فيش قبل لا يتصل فيني ولارديتي يقول مقفل..
ــ يووووو نسيت ما شحنته من امس خلصت بطاريته..
ــ عفيا عليش.. ماعلينا.. خبرر ثاني .. وبنسوي على شانه حفله..
سميره:
ــ خبر .. وعلى شانه حفله.. خير اللهم اجعله خير,,
ابو مالك وهو فرحان حده..ويطالع في سوسن..
ــ الغاليه.. حامل..
سوسن توردت خدودها خجل..
سميره جاها الخبر زي الصاعقه..
علا ابتسمت وحضنت سوسن.. وباستها..
ــ الف الف مبروك غناتي.. الله يسهل عليش ان شالله..
سوسن بخجل : ــ الله يبارك فيش .. تسلمي غناتي..
سميره بأرتباك.. ــ مبروك..
وتركتهم وراحت غرفتها.. وهي رايحه كانت تريزا عابره حامله تبسي فيه عصير طلبته..
تريزا :
ــ هذا عصير ماما..
سميره:
ــ روحي زين مابغاه..


ابو مالك يهمس بسخريه:
ــ هالأخت.. خوش تبريك.. كنها مرتي الثانيه مو اختي..
هاا علا .. وانا ما استاهل تباركي لي..
ــ ههههههههه افا عليك.. الف مبروك يبا..
وباست راس ابوها..
ابو مالك..
ــ جيبي العصير تريزا..
اخذه من عندها وعطاه سوسن..
ــ اشربيه وتغذي عدل..
علا :
ــ كم شهر صار لش..
ابو مالك...ــ هذا الثاني تخيلي .. وهي ابدا ولا هي طاقه خبر ولا حاسه..
سوسن ذابت من الحيا..
علا :
ــ ههههههههههه خلاص يبا.. ذابت..
ــ هههههههههههههه زين خلاص.. يللا قومي ارتاحي .. و أي شي تبغيه تريزا موجوده..
سوسن: ــ ان شالله..


في قسم الشرطه...
جاسم يسجل اقواله.. وحميد وياه...
والضابط فاتح ملف قضية علي .. ويقلب اوراقها..


ــ يعني تعترفون بجنايتكم...!!
جاسم :
ــ ايه.. ومستعد ابلغ بعد عن واحد ممكن يوصلكم لبقيه العصابه..
ــ صج ..؟؟ منهو؟؟
طلع جاسم بطاقة احوال الذيب..
الضابط..
ــ اووه والله منت هين.. سرقتها منه؟؟
ــ ايه..
ــ والله ما يعرف للحرامي الا اللي مثله.. طابخها زين..طيب بما انكم سلمتم نفسكم.. ارجعو بيوتكم الحين وتركو ارقامكم.. و عناوينكم.. راح نفتح القضيه و نسجل اقوالكم.. ونقبض على بقية العصابه.. ونتخذ معكم الأجرائات القانونيه.. تقدرون تتفضلون الحين..
جاسم..
ــ مشكور.. مع السلامه..


وطلع وهو ماسك حميد.. اللي كان متيبس .. ويحس نفسه لا حول له ولا قوه.. ماتكلم ولا كلمه طول فتره التحقيق حده اسمه.. ويجاوب بإيه او لا..


جاسم يحس بالراحه اخيرا.. ابتسم ابتسامة رضا.. فرح .. اخيرا صحّا ضميره من بعد سبات عميق..


حميد الذبول طاغي عليه.. ويتمنى الله ياخذ عمره اليوم قبل بكره.. بس قبل هالأمنيه.. يتمنى يتواجه مع علي.. ويطلب منه العفو والسماح..



امل مع حسين في الصاله يسولفو.. سجاد راسم عصافير تطير .. و شجر .. شمس وغيوم.. ومتفنن.. وفرحان بالرسمه..وجاي بيراويها امه و ابوه.. وقف وهم مايدرو به وصار يسمعهم..
حسين:
ــ مابقى مستشفى صدقيني.. هنا مافي امل.. اعصاب سجاد مره ضعيفه ولا تتحمل تشيله..
امل بنبره حزينه:
ــ اسأل ودور اكثر .. لو ادفع عمري بس يسوو له أي شي .. أي حل .. تعب ولدي من حالته وتعبت وياه .. احس كل يوم اعطيه امل والأمل يوم عن يوم يموت..
حسين يحط ايده على خده..
ــ اآآآخ .. انا لله.. والله كلهم قالو لي حالته ميأوس منها.. ويش بيدي.. الحين اعرف واحد في العمل عنده اقارب في امريكا بيسألهم عن المستشفيات المتخصصه بهالحاله هناك وتكاليف علاجهم.. وان شالله خير..
ــ يارب خير..


سجاد.. فهم كلامهم كله .. تحجرت دمعه في عيونه,,
كفس الرسمه واستدار بكرسيه لغرفته..


المغرب..
رجع منير جود بيت امها..
من شافه مؤيد.. جن جنونه وصار يصارخ فيه..
منير:
ـ هيه .. هيه.. خوش استقبال.. ويش فيك علي؟؟ بنتي وطلعت وياها خير ان شالله..


ــ وين وديتها.. وليش تاخذها بدون ما ندري..انت ويش فيك؟؟ منت صاحي ..؟؟


ــ اخزي بليس يا مؤيد ولا تسوي حرايب .. خلاص الحين جود من حقي اخذها انا ولي امرها.. وعلى فكره انا خذتها حق اصورها للجواز والحين جبتها ليكم كم يوم لين يطلع .. تقعد وياكم وترتبو اغراضها و امورها حق باذخها كندا..


ــ ولااااااا حتى تحلم..


ــ اللهم طولش ياروح.. الكلام وياك عقيم.. امشي احسن لي..
طلع منير .. مؤيد بعفويه.. حضن جود.. وصار يهمس ليها..
ــ صدقيني مابخليه ياخذش وبيننا المحاكم..
الى الملتقى

[Princess]

ههههههههه
خلاص خيه نبراس..
المرات الجايه اسوي استجواب.. :wink::embarrest:
يللا اقرو بس وروحو نامو..<< تقطع رزق بقايا المواضيع والأقسام :lol:

ايه الصبيان وراهم قعده للفطور والبنات للكرف..
الله يساعد ويعين..لكن خل واحد منهم يتكلم ويقول مالح لو مو عدل لو كان حطيتي كذا
الا يبغى له فلعه معتبره.. :notrust: لا وآخر شي يقحصو الصحون.. << بتتوقف عضويتش بالأخير :help:
احم :shiny::embarrest:

تمسو على خير..
ولا تختلعو اذا مابينت اليوم :unsure:
عندي حوسات.:wacko:. قولو يارب اخلصها بدري وابين..
اسالكم الدعاء
دمتم بخير
وبحفظ الرحمن

[Hussain.T]

يم يم

فطووووور لذيذ جدا

واحلى شي فيه ان علي بيطلع بالسلامة بكره او اللي بعده

واما عادلوه خلاني اشرق من الضحك غربال يغربله

واما امييرة المرح خلتني افرح لاني قريت الجزء قبل النوم

مشكوووووووووووووووورة اميرة ع البارت الابداعي

والله يعطيش الصحة والعافية

وبنتظار البارت القادم

تحياتووو

[الــــنـــاري]

خلصت
يعطيك ربي الف عافية
خية مافي تعاليق
بقوم اخلص بروح الاحوال ههه
بنتظار البارت الجديد

[آخر شقآوهـ ..~]

يـــآعلي أميروه زعلتي ..
وقسم بالله مآدري ويش فيه مخي مآيجمع عدل
وكلآ أنسى لآتزعلي مني مآ أقدر على زعلش أني أنتينآ عزيزه وغآليه
وجود ويش تصير إلى مؤيد للحين أذكر مآنسيت قسم بالله
تكفين عآد لآتزعلي
<--- ضآق خلقي مآبعلق
تسلمين ع البآرت غنآتي
وربي يسهل عليش ونشوفش إن شآء الله
تحيآتي

[أميرة الشوق]

تسلــــــــلمي أموره ع الجــــــزء الجناااااااان

وإن شاء الله يطلعوا علي بسرعه
والله ياخذ منير إن شاء الله

خخخ

ننتظر الجزء

[للدموع إحساس]

صبحــــــــــكم اللهـ بـ الخير ،،
و اللهـ خوووش أحداث ،،
و أخيراً علاوي بيطلع يآآآآآآآآآآآآآآآآآآآآهووو ،،:bigsmile::bigsmile:
يمكن علوي بعد ياخذ سارة أخت مؤيد << كل شي جايز ،،
وعادلووووهـ غربلهـ غربال ،،
أحلى شي الحلقهـ الجديدهـ هع هع و سماها عباااس ،،
و زينبي ،، خخخخخ مسكينهـ زينب لاعب بها لعب ،،
و منيروهـ دا بعد نحييييييييس ويش جايبنهـ الحين ،،
جيبوهـ لي برقع بهـ :wink::wink: أسوي روحي قويهـ لو يزقرني زقرة أختفيت هع هع
يعطيكـ ربي العاااافيهـ أموووورهـ ،،
و سلمت يمينكـ ،،
و بـ إنتظار البآآآآآآآآآآآآآآآآرت الجديد ،،
خاااالص التحاااايااا ،،
للدموع إحساس ،،

[سفيرة الاحلام]

روعه الجزء اميره

سوري اتخربطنا على مؤيد وجود

نسينا من الاشغال الثانيه

لاهنتي على الجزء

[نبــراس]

أمووور ... ~ =)
بارت روعة
الله يغربل عادلوه مصروع البنات تصروووع
ويلا البارت الجديد على خير
نبغى نفرح بطلعت بوعليو ,,,, ؛)


موفقة خيتوو
وتسلم الأيادي ,,, :)

[دمعة على السطور]

روووووووووووووعة
وطلعت مخرفة عدل..
طلع خالها خخخ


يعطيك العافية حبيبتي.
وأخيراً اعترفو الأشرار جاسم وحميد..

وبيطلع علييييييييييييييييييييي
هييييييييييييييييييييييييه هيييييييييييييييييييييييييييييه


موفقة دووووووووووووووم يارب
دمتي بعين المولى الجليل..

[فاطمة المعصومة]

شكرا على الجزء الروعة
بيطلع علي وناسة مرة
الله ياخذ منير انشاء الله
وتقبلي مروري
تحياتيــــ
فاطمة المعصومة
soso

[الــــنـــاري]

هواريو
كيف الهال
خيتو متى بتنزلين البارت اليديد؟؟

[Princess]

مرحبا
هههههههه غربال
تسلمو والله وربي يحفظكم
آيااام كلينكس مو بس فاين..

توي مخلصه اللي في ايدي ..
ناصفتكم رجعتي من دوامي..
جزء ان شالله على كيف كيفاتكم
ومتباركين بالمولد..
دمتم بخير
وبحفظ الرحمن

[Hussain.T]

متباركين بالمولد

وفي انتظار الابداع القادم.

تحياتي

[أميرة الشوق]

متبــــاركين بالموووولد :cheesy:

أميره ننتظر منش ناصفتنا بارت حلو:clap:
:)

انتي كريمه ونحنا بنستاهل:embarrest::embarrest:

[الــــنـــاري]

انا بنام << مافي ناصفة<< مو طالع
وقعدتي ابغا اشوف البارت هوني
اذا ماعليك امر
اوكي خيتو
يلا تصبح على خير
وعساكم من عواده
متباركين

[زهور الريف]

بسم الله الرحمن الرحيم

اللهم صل على محمد وآل محمد

وعجل فرجهم

هلا فيك يالغالية

جزء ابداااااااع


ويلي عادلوووه موني من الضحك على البوضة الجديدة << احم قصدي الموضة

واما سوسن ووووناااااسة طلعت حامل وسميرة هذاي ماادري ويش فيها حقوده << ويش خصك انتي خخخ

تسلم الايادي يالغالية

ومتباركة بالمولد

وجعل أيامك كلها سعادة

[دمعة على السطور]

متباركة وأيامك سعيدة يارب..

في الانتظار حبيبتي..

موفقة دوماً إن شاء الله تعالى..

[نبــراس]

متباركــة بالمولد أمور

ينعاد عليكـ بصحة وسلامة

وبانتظار ناصفتكـ ~ : )

[Princess]

مرحبا
ربي يخليكم
ويبارك ليكم..
نورتوني .. يعطيكم الف عافيه..

لكل ضيقه.. تحين من الله ساعة الفرج..
ومن كل عسر .. يرسم الأمل وصدق الدعاء الف مخرج..

تفضلو الجديد..

[Princess]

الحلقة 34

اويـلاه.. ياكربلا شسويتي..
اويلاه .. طفيتي شمعة بيتي..
اويلاه شبان ماخليتي..
اويلاه ياكربلا اويلاه..
يام المصايب والبلا...

في بيت ام مؤيد.. 15 محرم.. احياء العشره الوسطيه لمصاب الحسين عليه السلام..
رزان.. في قلبها تعمق المصاب.. ومن مدرسة ابي عبدالله تعلمت اول دروس التشيع..
كانت تلطم وفي بالها تعتب على نفسها.. لو انها فقط قرت واقعة كربلاء بالتفصيل .. لكانت كفيله انها تخليها تتشيع..
فدمه ودم الشهداء.. هم اصل تجديدنا لعهد والولاء...

انتهى العزا..
ساره تصب الشاي للحريم.. وتضيفهم.. مرت على ليلى وابتسمت ابتسامه عريضه..
ــ هلااا خيه.. نورتينا
ليلى قامت وسلمت عليها..
ــ النور نورش .. عظم الله اجرش ويعطيش العافيه.. تسلمي على هالصوت..
ساره بخجل:
ــ الله يسلمش غناتي.. لا خلا ولا عدم.. حياش الله..
ــ الله يحييش..

قعدت ليلى.. ابتسمت ام علي وبهداوه صارت تساسر ليلى وكانت وراهم زينب :
ــ قدش بت ام مؤيد مو..؟؟
ــ ايه قدي..
ــ حلاوتها على هالحس .. تفجع اللي مايحس... الله يسعدها
ــ يالله ياكريم
زينب سمعتهم.. وبلا شعور حست بغيره...
وصارت في بالها:
ــ ويش فيني .. لويه انقهرت من سؤال عمتي عن البنيه.. .. اطنش احسن لي..

ام مؤيد :
ــ هلا ام علي هلا خيه وينش امس ماشفناش..
ــ هلا فيش غناتي.. لا بس ما لقينا مواصلات... والدنيا تمطر شوي امس.. اليوم اهون يقدر الواحد يمشي ..
ــ مأجوري..
ــ اجرنا و اجرش.. هذي مرت اخوي .. وهذي بتها..
ام مؤيد :
ــ ياهلا فيكم شرفتونا .. اليوم وكل يوم
ام جاسم : ــ تسلمي ويعز مقدارش..
ــ ربي يسلمش..
وبأبتسامه: ويش اسمش يابتي << تقصد زينب..
زينب تلونت : ــ زينب..
ريما صارت تتعيلف في زينب وتفلص فيها:
ــ يؤيؤ بتخطبش..
زينب طالعت ريما على جنب بنظرات ثاقبه ..
ريما :
ــ يمه .. عساني ماحلم بش..

شوي خلصت ساره تضييف الحريم وقعدت جنب ليلى.. وصارو يسولفو
رزان كانت في عالم ثاااني..
زينب تبغى تدخل بالعرض بين ليلى وساره بس مهي عارفه..ومنقهره..
ريما ماخذه حنين تلعب فيها.. ورزان سرحانه في عالم آخر..
زينب في بالها: ــ اهوو مالي الا رزان ..
وصارت تتعيلف:
ــ احم.. وصلنا المدينه.. نزلو يللا .. الحمدلله عالسلامه..
رزان انتبهت:
ــ هاا.. وشو..!!
ــ ههههههههه سلام الله عالرسول... انتين اللي ويشو .. وين وصلتي.....؟؟
رزان بهداوه:
ــ افكر باللي يصير دالحين و كيف تغير حالنا.. يالتني عرفتكم من زمان..
ابتسمت زينب:
ــ وياليتنا عرفناش.. الله يفرج عن سبب هالمعرفه..
ــ يارب بحق صاحب هالمناسبه..
ــ يااارب..


عادل على باب بيتهم جنب الزراعه الخارجيه.. قاعد يصيح..
طلع اشرف و انتبه له :
ــ ويش فيك؟؟ عادلوه على ويه تصيح؟؟
ــ ححححمممماااامتتتي ماااتتت..
ابتسم اشرف :
ــ الله يرحمها.. ويش تسوي .. البقاء لله.. الله يعوض عليك..
ــ ححححممممااامممتي ماتمووت بس عبااسسسو يموووت..
ــ يارجال عباس خلاص .. ماتجوز عليه الا الرحمه.. خله في حاله..
ــ ابغى حمماااامتي مو شغغغلي..
ــ ويش حمامتك انت بعد ناقصين فلونزا الطيور..
ــ ويششششوو بعد فللللنننزززنزززا
ــ يعني اتشوووووو
ــ ايه يرررحمك الله
ــ ههههههههههههههه غربال .. وين حمامتك الحين .؟؟
ــ اقققووول لك ماااتت
ــ ايه زين وين وديتها؟؟
عادل يأشر عالزراعه الخارجيه .. على مكان مرتفع شوي الرمل ومغروس فيه عود ريحان..
ــ اهههنننااا دفنتتهااا .. تهي .. تهي ..
اشرف فيه ضحكه بس يحاول يداريها وفي باله:
ــ ويقولو مينون.. الله يتمم عليك بعقلك..

اشرف:
ــ ايه .. ماعلينا.. الله يعوض عليك.. وبلا صياح..
ومشى عنه..
عادل:
ــ وييينااا بتتتررروح؟؟
ــ مشوار..
ــ لزييينب !!
اشرف بيفتح باب السياره وقف يطالع في عادل..
ــ زينب !! حق ويه يعني ؟؟
ــ مفكككككككررررني مااادرررري بككككك..
اشرف انصرع .. ويحس قلبه بيطفر من كلام عادل.. ضحك بأرتياب:
ــ ويش تقول؟؟ تدري بويش؟؟
ــ مفكررر مادرررري بك.. بتررروح تشتتتتررري ليييهااا بووووظظظه.. ذاااك الليييووم شررريت ليي وماااشررريت ليييهااا.. اييييييه اليوم بتشتررري ليها..

اشرف حس وده يروح لعادلوه ويدوس فبطنه دوس على هالخلعه..
فرد له بوزه شبرين ابتسامة قهر..
ركب السياره.. شغلها.. وصار يفكر مدة تحمى ..
ــ ويش فيني اختلعت من كلام عادلوه.. معقوله صحيح.. معقوله احبها.. ويش فيني.. من وين لوين.. كم موقف صار وياها.. وتعلقت كذا.. بلا خباله..

صار يلهي عمره.. وشوي ابتسم..
ــ بس والله شكلها خفيفة دم .. واجوديه.. وفوق هذا حليوه
غمض عيونه:
ــ استغفر الله ياربي .. ويش فيني اخربط

الا طرررررااااااااخ
عادلوه هجم عليه صفق نافذته بكفينه ولصق وجهه فيها..
اشرف نقز وصرخ حده ما عنده:
ــ آآآآآآآآآه...
وفتح النافذه وصرخ على عادل:
ــ ياااااااااااخبل خلعتني..
عادل ماقدر صار يدحن من الضحك..
اشرف بقهر:
ــ خبلوه.. مالت عليك..
ــ هههههههههههههههههه فوووووووووووويششش تفككككككككر.. اككككيد فييي زييييييينب
ــ وتاليتها وياك ها.. استح عيب...
ــ فكررررر في خطططططه كيفااا تووودي ليها البوووظه
اشرف حط كفه على راسه..
ــ انا لله.. راسي باموت منك.. ماتسوى علينا هالبوظه اللي شريناها لك..
ــ حققققق مرررره تاااانيه تشتررري ليييها..
ــ لويه يعني اشتري ليها..؟؟
ــ مرررررتي .. لااازم زيي..
اشرف حمق وعطى عادل خزره قويه:
ــ ويه..ويش قلت..؟؟
عادل يضحك ويعيد الجمله:
ــ مرررتي وابغاها زيي..
ــ اقوول.. روح لأمك لا انزل لك واكسر راسك..
ــ حققققق ويييييييييييه..
ــ روووووووووووووووووووح..
ــ زين زين.. تهي تهي.. حممممممااااااامتي
اشرف بقهر:
ــ و حما.. تحم بليس.. فارق..
مشى اشرف وهو ماشي قابلته سياره فيها 3 رجال..وشكلهم غريبين عن الفريق .. صار يراقبها من المرايه الجانبيه ... لقاها وقفت السياره على باب بيت ام عادل .. ونزل واحد يكلم عادل وعادل شكله مو مشتهنه و مايبغى يكلمه..
اشرف في باله:
ــ اهوو دع الخلق للخالق..


عادل يشابق:
ــ ررروووحو ما نبغغاااكم حححق ويه جاااين..
ــ كلامنا مو وياك يالخبل ويا امك.. وخر..
ــ مانى موخررررررر والخبل انتتتتتت..
ــ وخر لا افلع راااسك..
ــ مااااانى مووووخر..
ويشيل عادل رمل من الزراعه وينفره في وجه الرجال..
ــ عيوني جعلك صاقعه يالمينون..
ــ تصصصصصصقعك.. مابتدددخل بيتتتنا لا انت ولا هااالخبلاااااااااااان اللي وياااك..


فتح باب السياره رجال كان اكبرهم..
ــ عبدالرزاق... خله يولي عنك .. اشوف انا لو هو..
ونزل الثاني ..
وحاوطوه..
عادل يحس روحه قد النمله في وسطتهم.. وشوي بيصيح:
ــ ويش تبغووو
ــ امك داخل؟؟
ــ اييييه..
ــ وخررر زين..

ودخلو البيت..


تابع<<

[Princess]

ــ يــــــــالله.. يا زهرا.. يا ام عادل .. وينش..
زهرا من سمعت صوت عمها.. انصرعت..
طلعت من الغرفه.. وقفت على بابها
ــ هلا.. هلا اعمامي << قالتها والشحوب والخلعه مبينين عليها..
ــ عظم الله اجرش..
ــ اجرنا واجركم..
ــ ايه ويش اخبارش..
ام عادل بهداوه ووببرود:
ــ الحمدلله.. عايشه..
ــ الحمدلله.. هاا ويش بتسوي الحين..؟؟
ــ ويش باسوي على ويه؟؟
ــ في وضعش.. لا سند ولا رجال ..
ــ وياي ولدي...
ــ وولدش تسميه رجال..؟؟

مايسمع وراه الا عادل بحمق:
ــ رجااااااااااال غصصصصصصصبن عنننك...
ــ عاشو والله.. وطلع لك لسان يا عادلو..
ــ ايييييه .. وكسررر راااسك بعد..
ــ بسسسسسسسس ولا كلمه .. مصختها يا قليل الحيا..
وقامو عليه الخوال الأثنين..
عادل خلاص عيونه طغت فيها الدموع:
ــ خلاص خلاصصصص..

ــ ايه يا ام عادل .. حنا نقول لش الحين ماعندنا حريم يقعدو لحالهم و...
ابتسمت ام عادل ببرود وقاطعته:
ــ وماعندهم والي ويش بيقولو عنا الناس لازم الحين تسكني ويا واحد منا وتحاولي بين فتره وفتره تسكني ويا الثاني والثالث ..
سكتت ودموع في عيونها..
ــ آسفه.. طلعه من بيتي مابطلع..
ــ بس ..
ــ مابغير رايي..
ــ غصصبن عليش.. الحين بنخليش فترة الحداد.. وبس تخلصي.. لينا كلام وياش..
مشينا..
وطلعو.. عادل ماخلى سبه من وراهم.. من جميع الأنواع..
ام عادل قعدت على باب الغرفه .. وصارت تصيح..
عادل قرب ليها وصار يصيح.. ويمسح على راسها..
ــ لا تصيحي اماه.. بسسسم الله عللليششش.. مااابخلللليييهم ياااخذووونا من بييييتتتنا.. خلااااص خلالااااص..
ام عادل ماهي متحمله.. حضنت ولدها وصارت تنحب..
ــ تذكروني ياولدي.. جابتهم الفلوس.. عاين من الله خير.. ويجو الخوال بعد.. مالي الا الصبر...

بعد يومين..
تلفون بيت ابو جاسم يرن..
ردت زينب..
ــ الو..
ــ السلام عليكم.. منزل جاسم عبدالرحيم آل ..
زينب مستغربه .. اول مره يتصل صبي لجاسم ويسال هالسؤال بالعاده على طول وين جاسموه!!
ــ ايه .. لحظه اناديه..

راحت لجاسم وكان نايم..
ــ قوم.. قوم يبغوك..
ــ ماااااااانى..
ــ قووم شكله الصوت غريب اول مره اسمعه..
ــ فكيني رادار اصوات.. اطلعي وصكي الباب .. قولي له جاسموه مات..
ــ يافقالة دمك يالغفيف.. جعلك زين.. لا تقول ماقلت لك.. ترى سال عن اسمك بالكامل.. كنه اول مره يتصل..
جاسم فتح عيونه:
ــ هااا.. صدق ؟؟
ــ لا امزح..
ــ دانا باقوم باااااااقوووووم..

رفع السماعه وزينب فوق راسه ضاربنها الفضول..
ــ هلا..
ــ ياهلا ,, الأخ جاسم؟؟
ــ ايه.. خير..
ــ خير ان شالله.. معاك قسم شرطة الـ .. ياليت تتفضل وتبلغ خويك امجد يتفضل ..
ــ خير ان شالله..
سكر التلفون.. ببطئ..
اخذ نفس عميق.. اطلق زفره حس ان روحه طلعت وياها..
التفت لزينب اللي كانت مستغربه حدها منه .. وبهدوء:
ــ مين هذا؟؟ وويش صاير؟؟
ــ وين امي .. و .. ابوي...
ــ في الغرفه..
ــ ناديهم وتعالو.. باقول حاجه..
ــ الله يستر..زين..

راحت ليهم طقت الباب.. وكان مردود.. فتحته الا ابو جاسم منسدح ومغطي وجهه بالغتره.. و ام جاسم قاعده تطوي ثياب..
ــ يبااه.. امااه.. جاسم يبغاكم..
ابو جاسم يطلع عيون وحده من تحت الغتره ويطالع على جنب:
ــ هلا والله.. ويش قلتي .. جاسم يبغانا.. بيهزأنا .. لو بيعطينا المصرووف..
ــ ما امزح مادري ويش صاير يقول يبغاكم.. ويبغاني بعد..
ــ تبغبغ بوزه.. كحححححح كح ويلي يا صدري انا حاس يوم بينفقع..
ام جاسم ببرود:
ــ اني اللي بفقع هالقدو ونستريح..
ــ افقعيه ان ما فقعت راسش .. سويها وشوفي..
ــ علي ياااعلييييييييييييي منك رجال.. شخاط..
ــ ايه شخاط.. سكتي لا اقب عليش..
زينب : ــ والحين ويش..
ابو جاسم:
ــ ويلي رجولي داقه عليي.. ما تجي تمرخيهم لي زنبوه..
ــ يبا.. اقول لك جاسم مادري مين متصل عليه تالي قال يبغانا..
ــ انا هذي اللي بقوم ليها باسطرها.. روحي ناديه هو.. مين اللي يبغى الثاني .. اللي يبغى الثاني يجي له.. فاني شي حنا الأكبر وامه وابوه.. يستحي على وجهه.. مصخها.. اما قلالة حيا..
ــ بل.. زين !!


وراحت لجاسم.. لقته قاعد و ضام كفوفه وسرحان في عالم ثاني..
ــ جاسم.. جاسم..
ــ ها.. ..
ــ قوم يقول لك ابوي انت روح ليهم..
ــ زين..



ليلى :
ــ الحين متى صدق نتيجتش؟؟
ريما: ــ مادري يقولو بعد فتره تنزل في النت بعدين نروح نستلمهم..
ــ عساه خير..
ام علي :
ــ استغفر الله في كذا فستان لازم اخلصهم قبل ربيع وكلهم على بداية ربيع.. ماني مشتهيه اشغل المكينه .. اكره ماعلي شغل محرم..
ريما : ــ.. ويش تسوي بعد يا امي.. رزق ..
ليلى : ــ سلام الله على الحسين ..

تابع>>

[Princess]

ام جاسم صارت تصفع خدودها..
ــ ويلي.. ويلي.. ويش هالمصيبه..
زينب قعدت من الذهول...
ابو جاسم .. مبهوت.. و بهدوء:
ــ روح.. قوم اطلع برى.. روح.. سلم روحك.. زين .. فيك ضمير... بقى فيك انسانيه.. روح .. الله يفرجها على من ظلمتوه..
وشوي صار يصارخ..
ــ ياسودان الوجه.. يا قليلين الذمه والوجدان .. يا يا..
ام جاسم تصيح..
جاسم ما تحمل صار يصيح..
قام..
ــ مع السلامه..
وطلع.. و ام جاسم لحقته بصياحها...


طلعت نتيجة القضيه.. اللي رفعها مؤيد يحاول بأي طريقه يرجع جود لحضانتهم..
طلعت.. وكانت النتيجه لصالح ابوها.. فهو ولي امرها والمسؤول عنها ..
منير يطالع في مؤيد اللي مبين في عيونه القهر.. بس مستحيل يتنازل عن بنته.. وخلاص بيرجع كندا وسفره بيطول..
طلع مؤيد.. بالخيبه.. والألم...
طلع وهو عارف ان منير كان واثق من كسب القضيه ومرتب اموره و بكره بيسافر ..
طلع وحس روحه طلعت وياه.. خلاص.. مابيده حيله.. هذا القانون.. وما يقدر يغيره ...

جاسم يمشي في طريقه للصندقه.. يجر الخطوات.. ومع كل خطوه ياخذ نفس..
هذي آخر ايام لك ياجاسم و انت حر.. الله العالم أي كثر بتصير محكوميتك..

وصل الصندقه.. لقى حميد قاعد عالبحر .. ويدخن..
جاسم قعد جنبه..
ــ اييه.. ماتعبت من التدخين ولا بتتعب.. جهز عمرك بس .. انتهى وقت الحرية
حميد ينفث الدخان.. ويتنهد من قلب..
ــ مشينا...


يتعب صبرنا و للصبر يالغالي حدود ..
و لو هو قلب كل البشر من نسج داوود ..
لو يرحل شننطي الصبر من حيله و يعود ..

طفت علا المسجل... والتفتت لسوسن اللي كانت قاعده عالسرير....بأبتسامه..
ــ بالعكسسس...ما تتصوري قد ويش فرحانه .. لويش هالكلام..
ــ متأكده؟؟
ــ صدقيني.. ماني متضايقه.. هذا حقش تكوني ام.. ومتأكده انش بتصيري احلى ام.. شي يفرحني يكون لي اخو لو اخت اصغر مني .. شلون بعد وانتين امه..
ماشافت علا الا سوسن رافعه كفوفها غطت وجهها وصارت تصيح:
ــ ربي مايحرمني منش ومن طيبش وحنانش..
ــ ياعلي سوسن ويش فيش ؟؟ على ويه تصيحي..؟؟!!
سوسن وهي بعدها تصيح:
ــ كنت ماكله هم التقرب منكم.. كنت خايفه اخرب حياتكم وتفهموني غلط.. ويوم حسيت ان حنا صرنا زينين.. و حسيت انش اقرب لي من أي احد في الدنيا.. جى هالموقف ورجع الخوف ياكل قلبي.. علا لا تخلوني اني احبكم واحتاج ليكم..

علا .. عورت بقلبها سوسن.. حضنت راسها وصارت تمسح عليه..
وتفكر .. قد ويش هي بنعمه.. مع انها فاقده امها.. بس عمرها ما صاحت زي سوسن الحين وعمرها ما حست بالحاجه مثل حالتها في هاللحظه..



فتحو ملف قضية علي...
وتسجلت اقوال جاسم وحميد.. مع استرداد بقية المسروقات.. و القبض على الذيب ..
اللي تحت التعذيب اعترف وعلم على البقيه.. ولحماية جاسم تم ابلاغ الذيب انهم حصلو بطاقة الأحوال تبعه في الزراعه اللي سرقو منها بعد عمل تغطيه لموقع السرقه...

وطلع الحكم..
يتم سجن المتهمين مدة 5 سنوات.. مع الغرامه الماليه كحق مردود .. لمن اكلو حقوقهم...

جاسم ابتسم وصارت دموعه تصب.. تنهد من قلب... اخيرا ارتاح ضميره..
حميد .. يتنافض .. قعد على الكرسي ..
ــ حضرة الضابط لو سمحت..
ــ تفضل..
ــ ممكن اطلب طلب قبل لا تودونا السجن..
ــ تفضل.. بس على فكره لكم يوم تشوفون اهلكم وترتبون اموركم ..مع فرض الرقابه عليكم..و ان شالله بكره راح يتم الحجز واتخاذ الأجرائات القانونيه كامله..
ــ طيب ممكن..........
الى الملتقى...

[Hussain.T]

اميرة كان كملتي وخليتنا نقرأ مولد اليوم

جزء رووووووووعة وبانتظار الفرج

تحياتي

[عازفت الاوتار]

هااااااااااايـ

مشكوووور خيتوو ع الاجزء الي اروع من الروعهـ

انا اتوقع

انهـ بيرووح الى اخووهـ

وراح يمووت قبل لالا يخلص الكم << ان شاء اللهـ

تحياتوـو

عازفة الاوتار

[اسير الهوى]

تسلم الايادي اميرة

هذي الاحداث والا بلاش

كذا تماااااام


كل واحد ياخذ نصيبة

شوووووووووكررررررررن

[fatemah]

اكيد حميد يبي يشووف علي ^_^
تسلميي اميرة ع الجزء الرائع
وبنتظار الجديد

تقبلي مروري
fatemah

[سفيرة الاحلام]

هلا اميره

متباركه بالمولد

ابدااااااع

واخيررررر بيطلع علي

تسلمي

لا تتاخري في الجزء الجديد

[أميرة الشوق]

جــــــزء رووعه

وأتوقع حميد يمبى يروح لعلي يستسمح منه>>مالت عليه النحيس

بإنتظار الجزء القااادم ع أحر أحر أحــــــــــــــــــر من الجمر>>متحمسه

[للدموع إحساس]

مســـــــــــــآآآآكم اللهـ بـ الخير ،،
خووووش نااااصفهـ ،،
و أخييييييييييييييراً علووووي بـ بيطلع ،،
مسكييييييييين حميدوو يكسر الخاطر ،،
تتوقعووو كيف بيكون موقف علي منهـ ؟!!
بـ الأنتظآآآآآآآآآآآآر ياالـ غلا ،،
يعطيكـ ربي ألف ألف عااااافيهـ ،،
و سلمت يمينكـ ،،
خااالص التحااايااا ،،
للدموع إحساس ،،

[كبرياء]

ويييييييييلييي على حميييييييد <--- كآآسر خآطري اهئ اهئ اهئ ...
هههههههههههع يسلموو أميرووهـ ع الجزء الروووعهـ ...
لآعدمـ ..
كبريآء

[Habit Roman]

ناصفه حلاوة على النبي صلوه

أحلى ناصفة والله على الاقل نأخذ ناصفة زي الناس بدل قعدتنا بدون ماناصف

بارت جدآآآآآآآآآ رائع تسلمين أموره

أنا بعد أتوقع أمجد يبغى يشوف علي ويستسمح منه

ومتى اشرفوه يتلحلح ويخطب حينب

أمورة غناتي متى تخلص القصة اتوقع ماعليها واجد؟

سلمت أناملك خيوه
تحياتي

[زهور الريف]

بسم الله الرحمن الرحيم

اللهم صل على محمد وآل محمد

وعجل فرجهم

أفضل الصلاة والسلاام عليك يا حبيب الله

مـــــــــــحــــــــــمــــــــــد


ككككللللللللللوووووششش


وأخيرا بيطلع علي

وحمييييييد وجاسموووه يستاهلوا

بس مو كأنه حرام 5 سنوات وااجد<<< مسرع ما غيرتي رأيك خخخخ


غناتي

جزء رووووووعة

تسلم الايادي

مقضية الحوائج إن شاء الله

وبالانتظار

[آخر شقآوهـ ..~]

أحسن شيء سووه في حيآتهم جآسم وحميد
أتوقع حميد وجآسم هم أقل من الذيب والشله
يعني حميد وجاسم خمس سنوآت ديلآك أكثر لآن مآعترفو مو؟!!
وأخيرا بيطلع علآآآآوي ده وحشني أوي<---- قلبت مصري
تسلمين أمور قلبي..
نلتقي عمآ قريب قلبو
تحيآتي
ضحكوه البطه

[دمعة على السطور]

أفضل الصلاة والسلام عليك ياحبيب الله يامحمد وآل محمد..
كوووووووووولوووووووووولوووووووش..
هذي هدية المولد أميرة..



أكيد الطلب أنه يشوف علي..


وأخيراً علي بيرجع للحياة ..
بس عجبني النسج وتداخل المواقف والأحداث..
ماافرج عن علي إلا في شهر الحسين..
وأحس قصدك هذي ببركات أبو علي سلام الله عليه..


موفقة دوووووووووم يارب بحق هذا الشهر العظيم ..
وبحق محمد وآله الطاهرين..
دمتي بعين المولى الجليل..

[دمعة على السطور]

أميرة المرح..
عساك ع القوة دوم يارب..
وموفقة يارب..
في الانتظار..

[*زهرة البنفسج*]

تسلمي امور عللطرح الرائع

ننتظر البقيه احداث روعه

موفقين

,,,

[بائعة الخبز]

في انتظار البارت الجديد

[عوامية صفوانية]

اصدقووووووون عندي تعليقااات وااااااايد
احس اني من زماان ما علقت
لاني اقرأ البااارت واطلع بدون تعليق

بس بخليها عنكم الحين ماليه داعي هع هع

وان شاء الله حمييييييدددوه اللي باط شبدي يستسمح من علي بس وين ايودي ويهه الله يغربله غربال
( توش اتقولي بتخلي التعليقات هاااا بس ما اقدر خخخ )

يسلمو امووووره على البارت
وكل باااارت احلى واحلى

الله يحفظش ويخليش يا رب

دعواتك

[Princess]

مرحبا
ياعيني عالتواجد الرايق والتعاليق الحلوه..


نع ساااااااااانه :sleep:
و
تع بااااااااااانه :wacko:
و
خر فاااااااااااانه << كف :toung::embarrest:
لدرجة 3 مرات ادخل كلمة المرور للمنتدى غلط.. واقول ويش صاير .. :weird:
يالله استوعبت وتذكرت كلمة مروري :embarrest:
<< عدل عدل خوش كلام .. :unsure:


هالمره الجزء مو طويل مره
بس ....... مره << بعد قراءته بتعرفو تكملو الفراغ.. :bleh:


ولا لونته.. يا حلاوة الأسود.. انيق وشياكه..
تفضلو..
وتمسوون على خير...


.
.
.
.
.
على فكره.. ماباقي وايد كم يوم اذا تلاحقت على عمري وشديت على روحي ولقيت وقت كافي..
وراح اودعكم في هالمتصفح .. :amuse:

[الــــنـــاري]

يعني انتظر اشوي وبجي الفطور
>> بروح احط موضوع في محل وبجي ^_^
بنتظارك

[Princess]

الحلقة 35

العسكري ..:
ــ علي حسين آل ..

علي كان منسدح .. من سمع اسمه قلبه انقبض ومو عارف شلون يوصف شعوره..
هل هو خوف؟؟
امل؟؟
والا يخلي وضعه طبيعي .. و ما يتأمل شي..
تقرب من باب السجن..
ــ نعم..
العسكري :
ــ افراج..
علي مو مستوعب السالفه:..
ــ هاا..
العسكري يفتح الباب:
ــ افراج..
علي مو مصدق .. يحس نفسه بيطير من الفرح..
رفع ايدينه للسما عااالي وصرخ..
ــ الحمدلله.. احمدك يااااااااااااااااارب...
وطلع تسبق الخطاوي دموع الفرح.. طلع وقلبه متلهف على اهله.. على ابوه وسوالفه.. على امه وحنانها.. على اخته ليلى و صفاء قلبها و ريما وشقاوتها..
العسكري دخل فيه غرفة الضابط..
الضابط:
ــ الحمدلله عالسلامه علي..
علي بفرح وارتباك:
ــ الله يسلمك..
الضابط يقلب في ملفه..
ــ وطلعت براءه.. ماودك تعرف ليش..؟؟
علي بكل ثقه:
ــ عارف..
ــ وشو ؟؟
ــ مصير الحق يطلع.. والمظلوم الله ينصره في الأخير..
ــ الله يقوي ايمانك.. طيب في شخص يبي يشوفك.. ياليت تقابله..
ــ منهو؟
ــ ياعسكري.. دخل امجد عبدالكريم آل..
علي فتح عيونه..وفي باله..
ــ امجد .. منهو دا.. وولد عبدالكريم آل .. يعني ويه؟؟ اخو ابو مالك.. مين .. ويش صاير..
الا بدخلة حميد..
علي التفت..
وفتح عيونه..
ــ حم حميــــــــــد !!!
حميد منهار وعلامات المرض والحزن باينين عليه..
وبصوت متكسر:
ــ الحمدلله عالسلامه ..
الضابط..
ــ اخليكم الحين..
وطلع عنهم..
علي مو قادر .. قام ..
حميد :
ــ تكفى علي .. ارجوك .. اسمعني.. عندي كلام ابغى اقوله لك..
علي ومره نفسه في خشمه:
ــ مااااا بييننا كلام..
حميد مسك ذراع علي..
ــ علي.. دخيل الله تسامحني.. حللني وابري ذمتي .. انا غلطت .. واطلب منك السماح...
علي يسحب ايده .. ويغمض عيونه..
حميد يطيح عند رجول علي ويضمها وصار يصيح:
ــ تعبان انا.. ايامي معدوده.. علي تكفى سامحني..
وصار ينحب .. مثل اللي فاقد له عزيز ..
علي ما تحمل وضع حميد.. شاله وقعده على الكرسي .. وقعد قباله.. وبصوت متكسر وهادي:
ــ تكلم.. قول اللي عندك..
حميد يمسح دموعه.. وبهداوه:
ــ طبعا مثل ما قال لك الضابط اسمي.. انا امجد عبدالكريم آل .. مو حميد آل مثل ما تعرفوني..
ــ ايه.. ويش السالفه.. فهمني... وليش سويت فيني كذا...
حميد يمسح وجهه بكف ايده .. ويتنهد من عمق.. ويبدي سرد الحكايه..
ــ ابوي عبدالكريم آل .. من سنين تزوج عراقيه ماخلفت له الا انا .. تزوجها بالسر .. ولما توفى ودرى ابو مالك عن امي لما جت تطالب بحقوقها قام ...........



سأنتزعك من صدري .. وبين طيات الورق..
ستعيش ياقلبي.. بعد ان رحل حبي..

ــ ليلـــــى.. ليلى امي ..
ليلى : ــ هلاااا اماااه..
ــ تعالي..
سكرت ليلى دفتر مذكراتها.. وقامت لأمها
ريما تتمسخر :
ــ زين نادت امي والا شان ما تسكر ولا خلصنا من تقليب المواجع..
ليلى التفت على ريما.. وعطتها نظره..
ريما :
ــ يمااااه.. النظره الثاقبه..

راحت ليلى لأمها لقتها واقفه عند الفرن وتقلب في صفرية ساقو..
ــ تعالي امي قلبي فيه لين يستوي..
ــ الله ساقو.. << قالتها بصوت متكسر..
ام علي تاخذ نفس وتتنهد:
ــ ايه .. قلت ابوش يحبه من زمان ماسوينا .. متنغصه على علي ..
ــ تفرج ان شالله عاجلا غير آجل..
ــ تصدقي.. سويتها و اني متأمله جيته يذوقها.. مادري لويه .. وويش جيبها على بالي ..
ابتسمت ليلى:
ــ الله كريم.. ماتدري يمكن شوي و يطق الباب...



تابع>>

[Princess]

في المطار..
مؤيد صار له ساعه ضام جود لصدره.. وهي ماسكتنه وشاده على ظهره بالقوه..
يمسح على راسها..
ــ انتبهي لروحش غناتي.. بتوحشيني..
جود تصيح:
ــ.. خالو مابغى ارووح..ابغى اقعد وياك
مؤيد مو قادر يتحمل كلام جود وبراءتها.... صار يمسح على ظهرها..:
ــ ضروري ياخالو تروحي مع البابا.. لازم تروحي..
منير كان يخلص الأجرائات...

على المسافرين الى كندا التوجه الى .....
منير .. راح لجود بياخذها...
وبهدوء وأسى .. كاسر خاطره حال مؤيد بس لابد من هالشي..
ــ يامؤيد.. اسمح لي .. بس هذا اللي مفترض يصير.. انا ابوها ..
مؤيد وقف وبهدوء وابتسامه بارده:
ــ لا .. حقك ياخوك.. خلاص .. ماباليد حيله.. انتبه ليها وداريها..
ــ صدقني راح احطها في عيوني.. وكل فتره وفتره راح اخليها تتصل عليكم تكلمكم..
ــ على خير ان شالله..
منير مد ايده:
ــ يللا بابا .. نمشي..
جود واقفه محلها .. وتطالع في خالها بنظره حزينه..
منير :
ــ يللا بابا لا نتأخر على الرحله..
مؤيد ابتسم وفي القلب غصه..
ــ روحي غناتي مع ابوش .. باكلمش بس توصلي ..
جود برطمها ممدود وفي العينين بحر دموع..
مؤيد:
ــ ابتسمي غناتي.. بتسافري مكان حليو .. صدقيني بتستانسي .. وانتبهي لروحش ..
منير سلم على مؤيد.. و اخذ ايد جود.. ومشى بها...
جود تمشي وهي لافه برقبتها لخالها.. اللي ظل مبتسم لين خلاص راحو بين الزحمه..
ساعتها ماتحمل طلع من المطار ودموعه تنسل وتتناثر على خدوده بعفويه تامه..
ركب السياره.. سند راسه عالدركسون.. وصار ينحب.. يتذكر مرته المرحومه.. وبنته.. وشلون القدر اخذهم منه.. يتذكر الحادث بتفاصيله.. ووجه جود من لحظات ودموعها..
وبألم :
ــ ياارب... لا تفجعني بفقد غالي .. يارب ريح بالي..
علي حاط كفينه على فخذينه وشاد على ثيابه.. وبتوتر:
ــ يالله.. ويش هالسر اللي دفنته في قلبك سنين.. بس .. بس مالك حق تسرق .. ولا لك عذر على شان تتهمني ظلم.. وتخرب حياتي ..
حميد بتعب:
ــ ادري ياخوك ادري.. الشيطان حي.. مامات..
ــ اعوذ بالله منه...
ــ المهم.. هذانا طلعت كل اللي في قلبي وحكيته لك.. ما ابغى منك الا انك تسامحني..
ــ الله كريم.. الله يسامحك..
ابتسم حميد:
ــ يسامح الجميع.. طيب .. خلاص .. ماعندي شي اقوله.. الله يوفقك ويعوض عليك..

شوي الباب يطق..
وانفتح.. وكان جاسم..
نظرات.. حكت عتاب و قهر من علي .. و ندم و اسى من جاسم..
جاسم ماتحمل نظرات علي له.. راح له وكان جالس على الكرسي .. و قعد على ركبه قدامه.. وصار يصيح:
ــ ماكان قصدي اسوي اللي سويته.. سامحني يا ولد عمتي.. الله يعلم اني ما هدا لي بال ولا غفت لي عين من خذوك..
علي ابدا ولا حركه ولا نفس .. ساااكت ..
جاسم :
ــ تكفى تكلم.. قول ا ي شي.. كفخني طقني .. سوي فيني اللي يريحك .. بس لا تسكت عني .. سكوتك هذا وزعلك يعذبني..

حميد بهداوه:
ــ علي .. المسامح كريم.. وصدق جاسم عاش حالة تأنيب ضمير مهي طبيعيه... يكفي هو اساس صيدة بقايا العصابه وحبسهم..
علي بذهول:
ــ أي عصابه؟؟
حميد:
ــ جماعه نتعامل معهم .. جاسم قدر ياخذ دليل عليهم و هذا حنا هنا..
ــ يعني لو ما جاب جاسم الدليل ماكنتو جيتو واعترفتو؟؟

حميد مو عارف ويش يقول .. مرتبك ..:
ــ لا ياخوك مو كذا القصد.. بس ترى هم جماعه مهي هينه يعني لو دريو بنا بلغنا عليهم وحنا ماعندنا دليل ادانه ضدهم بنروح في داهيه كلنا.. احنا .. واهلك و اهل جاسم.. حنا اعترفنا وخذنا حكم 5 سنين.. والشرطه دارو عنهم ان حنا اعترفنا وجبنا خبرهم.. والا حكمهم اكثر ...

علي : ــ يا الله.. الله اخذ بحق كل مظلوم و جابكم لنصيبكم..
جاسم: ــ نستاهل.. بس اهم شي تسامحنا..
علي يحط ايده على كتف جاسم..
ــ سامحتك..

جاسم ..
ــ اعرفك.. من يوم يومك ياولد عمتي.. قلبك كبير..
وماتحمل رد علي عليه.. وصار ينحب ..
علي ماقدر مسح على راسه وصار يهديه..
حميد حاول يداري دموعه بس ما فلح و سالت على الخدود..
فتح الضابط الباب..
ــ يللا يا اخوان انتهى الوقت..
حميد وقف .. ومسك جاسم..
ــ نشوفك على خير.
علي :
ــ على خير.. امانة الله..
وطلعو..
الضابط عطى علي اغراضه.. محفظته وجواله..:
ــ تقدر تتفضل وتتيسر بيتكم..
علي :
ــ مع السلامه..
ــ الله يسلمك..

طلع علي.. والفرحه مهي سايعتنه.. وقف على باب السجن من برى. كانت السما تندي << تمطر بخفه..
. خذ نفس عميق... ابتسم .. ــ الحمدلله رب العالمين..
شغل جواله.. واتصل على بيتهم..

ابو علي كان قريب من التلفون.. رفعه..
ــ هلا..
علي والعبره خانقتنه:
ــ هلا يبه..
ــ هلا بعد ابوي .. شحوالك.. عساك بخير .. ويش مسوي..
علي مو عارف كيف يقول لأبوه انه طلع..
صار يكلمه في الجوال وهو يمشي طالع من السجن المركزي..
ــ يبا.. انا طلعت .. طلعت يا يبا.. هذاني باجيكم..
ابو علي مو مستوعب الموضوع وبفرح .. ممزوج بأرتباك و توتر:
ــ هاا.. ويش تقول يا ولدي .. وينا ... ؟؟
ــ هذاني امشي في الطريق طالع من السجن المركزي .. جاي ليكم...
ابو علي صرخ :
ــ يــــــــــــــــــالله.... ام عليييييييييي .. يابناااااااااات
ام علي تركت اللي في ايدها..
ــ الله يستر..
وراحت تركض..
ليلى كانت تحط الساقو في صحون .. تركته.. وراحت ورى امها..
ريما طلعت من غرفتها ..
ــ ويش صااايررررر؟؟؟
ابو علي بحماس ودموعه تصب:
ــ علي .. طلع.. ... طلللللللع عليييييييييي

ام علي صرخت :
ــ يـــــــــــــــــــــاعلي..
ليلى مسكت قلبها وقعدت وصارت تصيح..
ريما تصفق وتصفر والفرحه مهي سايعتنهم..
علي يسمع ردة فعلهم.. ودموعه تنحدر وابتسامه مرسومه على الوجه من الأذون للأذون..
ابو علي ..
ــ الحين كيفا بتجي ؟.. اكلم خالك يدبرنا يمر عليك؟؟
ــ لالا يبا.. لا تكلف عليه..
وفي باله: ــ فيه اللي مكفيه الحين على ولده.. الله يعينه..
ابو علي : ــ ويش بتسوي..
ــ هذانا باشوف لي تكسي..
وشوي وعلي يكلم..
قرب من الشارع العام..
وهو مندمج في المكالمه ويسمع فرحة اهله وكلام امه .. اللي صارت تصيح وتحمد الله وتشكره..
ما انتبه للشارع وهو يقطعه ..

حححححححححح..








الى الملتقى..
بجيني كف ادري :toung:>>

[الــــنـــاري]

اناادري ان علي مابصير ليه شي
بس عن جد يبي لك كفففففففففففففففف من ضمير بعد << شكلي انا الي بنشدخ
يسملو خيتو على الجزء الروعة
يعطيك ربي الف الف عافية
تمنياتي لك بالتوفيق
بنتظار الحلقة الاخيرة

[آخر شقآوهـ ..~]

وأني جآيه جوعآآنه ..أفكر جزء أبو خمسين رد<00000 بل من متى دي
أتوقع سيآره كآنت بتصدم علآوي بس وقف لآخر لحظه
وقآم دآك الرجآل اللي يسوق يسب تشفيرآت يعني<000 غلط غلط التوقع ليس في محله
..
..
يالله مآعلى أهم شي سحرتينآ <000 من شوي فطور الحين سحور مفهيه
تصبحي على خيــر قصدي تمسي ..
ربي يعطيك ألف عآفيه قلبو
تحيآتي
ضحكوه البطه

[زهور الريف]

بسم الله الرحمن الرحيم
اللهم صل على محمد وآل محمد
وعجل فرجهم


ماااااااااااااااافي


اهئ اهئ:closedeyes:


حرااااااااااام عليش قتلتي الفرحة وهي في مهدها:closedeyes: <<< خخخخخ بدأت تظهر آثار التخريف:toung::amuse:


بصراااااااااااحة:rolleyes:

جزء ولا أروووع :bigsmile::cool:


تسلم الايادي يالغلا


يعني هو صحيح قصير بس أحداااث موفقة
وتجننننننننننن:wink:

بعد مرة ثانية تسلم الايادي:clap::ongue:

والله ينور دربش بنور الايمان:shiny:

بالانتظار على أحر من الجمر
:in_love:

[آسوآآر الآلــمـ]

أن صار لعلي شيء بنحرك اميرة ههههههههههههه

بس جد احس اشوي واصيح معاهم

تسلمييييييييييييييييين أختي على هالروعة هذي اللي عندك

إبــــــــــــــــــــــــــــــــــــــــــــــــ ـداع


الله يعطيك العافية

ننتظر الجزء الجديد

[أميرة الشوق]

طبعاً كملنا الفرااغ
الجزء قصيـــــــــــــــر مرررره

بس رووعه
وأرجوش لا يصير في علاوي شي
ما قلنا متى متى طلع !!
بس بعد مو هاين علينا أمجدوو وجاسموو
بنستنى متى يطلعوا هع هع
.
.
بإنتظار الباارت الجاااي

[سفيرة الاحلام]

الجزء حلو بس قصييير

لا يصير شي في علي كل شي الاعلي

الله يعينه اذا عرف وشي صار هو في السجن

نتظر الجزء الجديد

لاهنتي على الجزء

[بائعة الخبز]

ويلي عليك ياعلاوي >> احلفي !!

تسلمي امورة على البارت الرئع المملؤء بالمغامرات >> فلم هندي صاآر خخخخ