ماعرفتوني .. كثر .. ما عرفني ..

[Princess]

http://fsfs.***********/9.gif


سلاااامو ... ومليون مرحبااااااااا.........:bigsmile:


ياهلا وغلا فيكم مع اميرووووه وقصة متسلسله جديده .. ومفاااااجأه منها لكم احبتي...
القصه هالمره بعد قطيفيه بالأحرى بلهجتي ..الخاصه... التجربه السابقه جاني انتقاد .. ويش لهجة ام الحمام..؟؟!! قاعدة.. تخرطي عليهم ....
لأني وبكل بساطه لهجتي مهي مره اصلية.. اتمنى تنال اعجابكم مثل اختها اللي عدت... واتمنى القى فيها التفاعل السابق اللي يشرح القلب ..


الفكرة للقصه فكرتي.. ناقشت مع الغاليه كيان مجنون بعض المواقف وعطتني كم واحد .... .. ..
المهم اكشنت عليهم وكل موقف كتبته لكم بعيون واحساس اميرووه.......
ببساطه شي جديد مني لكم.. فلا تنصدموا لأنها تختلف تماما عن الأولى .. ان شالله تعيشوا معاي اجوائها ويا رب اكون عند حسن ظنكم... و الاقي تفاعل فيها مثل اللي سبقتها واطمع بالمزيد...
هالمره نزولا عند رغبتكم في القصه الأوليه باطول الحلقات وعددها قدر المستطاع.. اتمنى لكم قراءه ممتعه ومسليه ...



GG (ما عرفتوني.. كثر.. ما عرفني ) GG







http://www.9df7.com/jpg/RZR70987.jpg





انتظروها قريبا ..... :wink:



ملاحظه
يمنع نقل القصه لمنتدى اخر ... يمنع تحويلها لصيغة
txt للجوال ونشرها بالبلووتووث
اللي بيسوي كذا.. لا محلل ولا مبري الذمه.. هذااني قلت .. تحذير .. ما تسوى عليك توقف على الصراط يوم القيامه على حساب قصه ok

[عيون لاتنام]

في الأنتظار أختي أميرة وماشاء الله نشاط بعد الأمتحانات دووووم ياااارب

[أمير العاشقين]

تبين الصراحه

اقول لش سالفه امير مع قصتش الاوليه

قريته حلفة ولما اخلص انتظر الحلقة الثانيه

كنت اتشوق والله

زهقت فما قمت قريت شي

وكنت كل اسبوع اذخل اشوف خلصتي القصه

لين ما ذخلت وشفتك خلصتيها

اهنا بدا أمير العاشقين يقرا القصه

والله العظيم خيه عساني ما اتوفق اذا اكذب عليش

من 12.30 الليل الين الصباح عفر 4.30 او 5

وانا اقراها خلصتها وعجبتني بجد وفي ناس شاهدين على كلامي

غير والدتي والله العظيم كان يحترق دمي لما كنت اقرا حلقه حلقة وانتظر الخحلقة الي بعدها

وهاذي الله يصبر قلبي اميره شكلش ما بتحطي الاجزاء ورا بعض لازم تشوقينا

الي ابيه منش عجلي ترا عنوان القصه شدني والله

وخاصه التصميم شي والله شي

اتوقع اسم البطل فارس صح

لانش كاتبه فارس

ادري مليتي من هدرتي بس ويش انسوي

استحملينا

واسف اذا اغلطت عليش لو غفيتش

أمير العاشقين

جاسم احمد

[عماد علي]

أما أنا قريت القصة السابقة قبل سبوع وما شاء الله قدرة عجيبة وخيال خصب لرسم المواقف والمشاهد والاحداث خصوصاً الشخصيتين قاسم ويوسف شلون في كل موقف الضحكة ملازمتهم طبعاً حسيتك تريدين تعاقبين قاسم وفي نفس الوقت ما تريدي ... زوجتيك ببنت عمته وما أرتحتي إلا بطلاقه منها أهنئك خية وبالتوفيق لك في حياتك ... ولو تقدرين تطبعي القصة وتوزيعها في المكتبات بيكون أفضل وأفضل... بالنسبة لقصتك الجديدة شكلها مرة حلوة بس ما بقرب لها إلا لما تخلص وتنتهي الضجة الكبيرة إللي بتسويها وبعدين على رواقة أقرأها وإن شاء الله تصير في الجوال حتى نمخمخ عليها عدل...
ودمتِ بحفظ الرحمن.

[آهات عاشقه]

بالصراحه غناتي اميره قريت قصتش الي قبل



بداية ما اشتركت في المنتدى


وزين انش كل خلصتيها




بس مره مره مره مره مره مره كانت تجنن


عجبتني بقوووووه


والاسلوب مرره تمام

لدرجة ان الواحد يحسبها حقيقيه


واندمجت في القصه مررره


لدرجة اني ماقمت من النت وزين اني جزأتها مرتين على يومين


حتى امي كل شوي تقول لي متى بتنامي ...


كأني حالفه ما أنام الا اذا قريتها


بس تمام مررره كانت وناااسه


تسلمي والله عساش ع القوه


وننتظر هالقصه بفارغ الصبر


دمتي لنا يالغاليه .....

[Princess]

:bigsmile: ما شاء الله
تواجد رائع جدا اعجبني تشكرون عليه ... ويعطيكم الف عافيه جميعا ...

عيون لا تنام .. حبابه منوره وياهلا ويارب اكون عند حسن الظن .... وعلى خبرش بأميروه ويش تسوي بعد الإختبارات
خخخ تقولي شاحن هالإختبارات .. :toung:

خيي امير ياهلا ولا غثه ولا شي منور ... اجل قريت الأوليه ولا سهرت عليها خوش سهره .. حلاتها تتحمس لكل جزء وحلقه
بس مممممم :evil: وين بصمتك وتعليقك عليها هناك.. والا ما نستاهل هاااا :toung:... تسلم اخوي من ذوقك والله وابطال القصه
" رائد وفارس " صدت واحد منهم انت :cool:... وياهلا فيك...


خيي ابو باسم .. هلا .. منور ولو اني ما شفت لك بصمه بقصتي بس شفت تعليقك يوم تسويها شموع الغلا للجوال
فنفذت مني والا بقول لك نفس كلام امير... وان شالله تمخمخ عليها مثل الأولى وتعجبكم يارب ...

ولو تقدرين تطبعي القصة وتوزيعها في المكتبات بيكون أفضل وأفضل...

هذا مناي والله وجالسه افكر بهالشي خبركم يعني اميرووه وطموحها الغريب خخ الشهره .. وان شالله اقدر ويوفقني
الله اسويها وانزلها وبإسمي الحقيقي بعد ... دعاكم طلبته...


اهات عاشقه... ياهلا وغلا منوره وتسلمي من ذوقش غناتي وزين سويتي يوم جزأتيها على يومين
واهم شي عجبتش وان شالله تعجبش هذي بعد



تشكرون جميعا وانتظروا الجزء الأول في مثل هذا اليوم :toung: الأسبووع الجاي .. لخاطر غوالي عندهم اختبارات
ما ابغى اشغلهم الله يوفقهم.. والاقيهم منورينا

دمتم بحفظ الرحمن

[أمل الظهور]

هلا هلاااااا ايوا عاشت امور الغلا http://smilesgate.com/smiles/6/019.gif



يعني لما بتخلينا ننتظر زين بتنزليها قبل لااتهور واجيك :evil:



والله ياامور انت ادرى بتشوقي للقصه اللي قبل



فعلا كانت حركتات ومشوقه بالمره



وصاحبتي عطيتها قصص جوال وعطيتها قصتك معاهم



الا تشوفني بعد اسبوع تقول وااااااااااااااااااااااااااااااااااااااااااااااااا ااااااااااااوhttp://smilesgate.com/smiles/15/A6rb.Com210.gif



مره عجبتني تركت كل القصص ولا قرات الا القطيفيه عطيني بعد الا اقول لها اسماء القصص اللي عندي



تقول لا ابغا ها الى نفس الكاتبه للقصه القطيفيه قلت لها ماكتبت غيرها http://smilesgate.com/smiles/6/024.gif



ولا رضت تاخذ تقول ماابي الا نفس الكاتبه :wink:


وهالقصه هذه شكلها رهيبه من اسمها وطبعا من كاتبتها الاكشناتيه امور

وويش من بدايتها بتزعلينا عليك ماتبيني قصتك شكلها تهي تهي http://smilesgate.com/smiles/23/000.gif

ليه مايطلع عندي التصميم يطلع نصه بس

اقول ارسليه لي بالمسن امبى ابغى اريد ابي اشوفه http://smilesgate.com/smiles/23/008.gif


امور ..

ننتظر بلهفه القصه http://smilesgate.com/smiles/15/A6rb.Com311.gifوبتصبرينا للاسبوع الجاي اممـ


يلا علشان يمكن اللي في بالي كح كح <<بلاش فضايح امور عيبhttp://smilesgate.com/smiles/11/023.gif


نترقب بشوق ماعرفتوني ..كثر ماعرفني http://smilesgate.com/smiles/12/034.gif

[عماد علي]

أفا خيتو أميرة المسألة ماهي مسألة عدم إهتمام ولكن بصراحة أنا أحب القصص بس حاكم عليها إنها مضيعة وقت لهذا أقلل من قرائتي لها يمكن لحد الآن قرأت ثلاث قصص من الجوال وقصتك هي الثالثة وحاط في بالي أنه لازم أقرأها ونشوف الابداع القطيفي... بصراحة القصة أكثر من رائعة والله يوفقك خية وإن شاء الله بدل القصة يكونوا ألف قصة وقصة بس لا تقطعي الاهتمام في هذا المجال ... وموفقين.

[.:روح وريحان:.]

يااااااااااااي
وناااسة
انشاء الله تطلع زي الا قبلها
هذيك رهيييييييييييب مرة
انتظرها على احر من الجمر
وهالمرة بنكسر ايدج من الكتابة نبيها طوووال
ومو تتاخري
<<<<اقرع ويتشيرط
ههههههههههههه
انتظرها بحماس

[وعود]

جـــاري الأنتظـــــاار

[Princess]

ياهلا فيكم منورين وتفاعل حلو تشكرون عليه
ومفاجأه قدمت الموعد
هدية للحلوين اللي خلصوااختبارات...

خيي ابو باسم...

لااا .. ما اقصد انك منت مهتم بالعكس قلت لك فرحني تعقيبك في موضوع شمعه تبع قصص الجوال
اشكرك على التشجيع ...
انتظروا اليوم
بداية القصه
دمتم بحفظ الرحمن

[Princess]

التعريف بأبطال القصه ومواقف بسيطه…






في قرية من قرى القطيف ...عاش... فاضل ... انسان بسيط وعلى قد حاله .. مع زهراء.. وحده طيوبة وحبوبه وبنت اجاويد... الله ما رزقه بالذريه الا بعد انتظار سنين......فاضل.. كان يحب زهراء وااايد..فما فكر يعرس عليها ومفوض امره لله ... علاجات وادويه ودعاء وصبر وحسن ظن بالله وقدرته... ولا شي على الله بعسير ..وفي عام 1987 حملت زهراء.... بعد 10 سنوات انتظار.... وجابت توأم .. ولد... رائد.... وبنوته رؤى...

ومرت الأيام تسابق بعضها البعض.. والكتاكيت تكبر وتكبر وزهراء تواجه صعوبات بالمره في تربيتهم ..خصوصا انهم توأم وولد وبنت .. كانت تداري عليهم من الهوا الطاير .. يحق ليها جايينها بعد انتظار... وكانت تخاف عليهم من اقل شي ..


ــ ااااا.... اهي اهي ... اهييي... اااه ..كح كح ...ااه .. اهيييييي
صوت مخنوق تسمعه زهراء .. يا ويلي ويش صاير .. وتركض طياري لغرفه رؤى .. تفتح الباب وتشوف المصيبه !!!
رؤى قاعده على الأرض والكشه "شعرها" شكلها ممصوعه والدموع اربع اربع .. ومنظر رهيب خلفيه لهالبنوته المسكينه ..
مجموعه العابها عرايسها على دببها معلقين من رقابهم بخيووط بالسرير
.>>>. نياااهاااهااا مشنقين تشنيق ... وكم عروسه ضحايا ارهاب عنيف مطشره اعضائها تطشير ..!! رجول بجهه وايد بجهه . والراس ياا اويلي ويلاه من جهه ... ودبدوبها المفضل ويلي عليها تكسر الخاطر.. ملعونه حالته والقطن منه طااالع........ بالمره صاير اكشن بالغرفه..


ــ عمري رؤى ويش فيش ؟؟ ويش صاير ؟؟.
. << سألت زهراء هالسؤال وهي عارفه الا باصمه بالمليون ويش الجوااب ..؟؟ وفي قلبها كاتمه ضحكه على هالمنظر...
رؤى وهي تشاهق المسكينه..:
ــ اا.. من ..من .. لااا.. لااائدووه...
ــ النحيس اوريه الحين وليش سوى فيش كذا..
ــ ماا..اا.. ادلي عنه.. يقول يبغى يلعب لعبه الحلب
" الحلب= الحرب ..غلطه بحرف الراء رائها ثقيله تنطقها لام على واو بس رنتها بالأذن خفيفه وحلوه .. . و تجنن .ياحليلها هذا واسمها رؤى .. كمثال على رائها .. راء تعجبني وجنااااان صاحبها اكثر من مجرد رائع حفظه الله ورعاه السيد حسن نصر الله .. من جد رجل والرجال قليل .. "
وتكمل ودمعها يتزايد:.. اني ما لضيت قام ضلبني .. ومصع شعلي.. وقتل العابي كلهم .. اهيي اهيييي...
صارت زهراء تهدي في رؤى وتمسح دموعها حطتها بحضنها..
: ــ ماما رؤى لويش ما تلعبي وياه الحرب .. يلعب مع مين اذا ما لعبت خيته وياه
ــ لويش هو ما يلعب بيت .. اقول له خلني اني الأم وانت الأبو ودباديبي اولادنا ..... يقول لي خباله ما العب كدا.. اني بعد ما ابغى العب حلب .. مو على كيفه . اني ما التاح باللعب الا مع حنين ...
(حنين ..بنت جيرانهم اصدقاء الروح بالروح و العايلتين مثل عيله وحده .. وهي اصغر من رؤى بسنه واخر العنقود .. جارهم "رضا" هذا رجل اعمال مشهور بالقطيف. زوجته مريم... عندهم سمر..و شذى.و. كوثر... و حنين.
وزهراء تحبهم وتعتبرهم مثل بناتها)
زهراء فيها ضحكه على براءه بنيتها ودمعاتها المنسكبه وحالتها التكسر الخاطر وفيها ضحكه زوود على رائد الشيطان وفعايله اللي ما تخلص ... وكل فعله العن من اللي قبلها..
صارت تسكت في رؤى وتوعدها بتجيب ليها العاب جديده غير اللي خربهم رائد ورضت رؤى بسررعه << ويش وراها حملة تجديد حركتات ...
زهراء مهي مستغربه فعايل رائد برؤى .. رائد طفل بالمره كان نحيس وحركي ومشاغب .. بس امه وابوه.. يعورهم قلبهم ما يقدروا يضربوه ولا حتى يصرخوا عليه .. وبنفس الوقت مهي هاينه عليهم رؤى والبلاوي اللي تصيبها.. كانوا دوم ياخذوه باللين والطيب .. وفعلا كان يعتذر لرؤى ويبوسها بس يرجع عشر دقايق حده .. ويكفخها بنعاله.. !!..

نادت زهراء على رائد...
اللي جاها ركض وحالته متدحن بالغبره تدحين .....
ــ ويش هالحال يا ولدي ..
ــ من بتش مهي راضيه تلعب وياي قلت حلني العب بالحووش
ــ وويش هاللعبه اللي عافسه احوالك
ــ نن سيااايير
ــ ههههههه سيايير وغبره هاللون لويش ؟؟
ــ مسوى افحط وانقلبت..
زهراء بالمره مهي قادره على رائد وهدرته .. صغيرون لسا بس 5 سنوات ومطلع ليها قرون !!
ــ طيب يا عمري ما يفحطوا مره ثانيه مو زين
ــ لالا .. اصلا اللي ما يفحط ما يعرف يسوق
ــ يووه .. مين اللي قايل لك كدا .. ها ياعمري عيب ما يسووا كدا
ــ ان شالله اماه
ــ يا بعد قلبي ولدي الحليو اللي يطاوع... تعال باقول لك.. لويش ضربت رؤى ..؟؟ هادي اختك حبيبتك مالك غيرها بدال لا تلعب وياها تكفخها .. ازعل عليك اني ويا البابا بعدين ...
ــ حلاااص حلاااص .. ما بكفحها .. باروح اقول ليها اسف
ــ عفيه على ولدي الشاطر يللا روح تأسف منها وقدامي الحمام غسل هالغبره
ــ ننننن ححححححححححححححححححححح .......... وراح طياري لرؤى
ام رائد: ــ هههههههه ولا يفيد فيك . اروح اخش عنك النعول ما يندرى بمزاجك ... الله يهديك بس ويغير حالك...

وبعد سنتين دخلوا المدرسه...>> و تعدلت خاء رائد الحمدلله على السلامه J. و صاير بالمره فصيح بالكلام وعليه سوالف عجب اكبر من عمره ... اما راء رؤى على حالتها L لا حوول ..

رؤى منسدحه على بطنها تحل الواجب... ويجي السيد رائد يعبر عليها وهو يناطط ..
ــ لا تتحركي لا ادووس فبطنش خلني اسوي رياضه...
ــ هييييه لا تطيح علي .. وتعال حل واجباتك بدل هالمناطط..
ــ اسكتي هدا انا اداكر.. رياضه..
ــ ان طحت علي با قول لأبوي..
ويصير رائد يناطط يناطط ومشتتت فكر هالمخلوقه الفقيره خايفه لا يطيح عليها
وشوي
ــ ااااااااااااااااااااااااااااااااه...
وتقوم له وهي ماسكه شنطتها تلوح بها لاااا ناويه له على نية قشرى
ويحط رجوله هوو... ركض وهي وراه ... ويوقف ليها فجأه ويخزها نظره .. ويصرخ ..
ــ ارررررررجعي وانشدخي حلي واجبش لا انتفش الحين ريشه ريشه
ــ يماااه .. اهي اهي ...<<<<<< انهزمت بسهوله واستسلمت من نظره يااا مسكينه .. ساعدها الله..
رجعت تجر اذيال الهزيمه وانشدخت وهي تطالع في رائدوه على جنب والدمعه في عيونها..
وشوي ينشدخ على بطنه جنبها ويطلع من مخباه حلاوه..
ـــ هادي هديه بدل دوسة البطن ...
ــ الله الحلاوه اللي احبها .. شكلا <<< شكلا=شكرا
ــ عفوا.. يلا اندفني داكلي << داكلي = داكري " يتمسخر على خيته"
ــ لويش تقول لي كدا
ــ بس كدا على كيفي
ــ لا مو على كيفك كله تطققني وتكفخني وتسخل علي وتقول لي كلام مو حليو
ــ بتسكتي لاااا........
ــ خلاااص.... خلاااص.. << يا مغلوبه على امرش وعايشه على النيات.. L


كان رائد شي عجيب .. خفيف دم بشقاوه .. فيه طيبه وحنيه بس يطلعها بطريقه ممزوجه بنحاسه تطغى عليها..
كان جدا طفل اكشن .. واهله ما يقدروا يعاقبوه لأنهم يضحكوا اصلا على فعايله ما يتحملوها ... كان يطاوع عشر دقايق ويلتعن ساعات ,,
اما رؤى دلوعه البابا والماما ...
كان عندهم خال اكبر منه بسنتين . اسمه حيدر.. ودوم صفقه ويا رائد >>>على قولة القايل الولد مأخوذ من حضن خااله..!!!
------------------------------------------
-------------

يتبع..

[Princess]

(بسولف ليكم شوي عن اهل زهراء ..)


ابو كرار..ابو زهراء..
حيدر.. اخو زهراء من ابوها ... زهراء ما تقدر على شريفه"مرت ابوها" هذي مدلعه حيدر تدليع مو طبيعي وتحسها تخرب اخوها بهالخوف الزايد عليه .. لا تطلع لا تروح لا تجي .. لا تسوي .. ولا ولا ..
فزهراء خايفه عليه يصير طرطور وخايب ولا يعرف كوعه من بوعه.. بس ويش تسوي امه وحره فيه .. هذا غير حالة الهوس العنيفه الغير طبيعيه بأم حيدر .... " تعاني من وسواس قهري "
حيدر ما دخلوه المدرسه بدري دخلوه بنفس سنه رائد لأنه كان حجمه صغيروون وهفه هوا تطيره ..
>>> وامه خايفه ينداس فبطنه في المدرسه قالت خله لين يشد روحه شوي ...
و كان اخوها الوحيد من ابوها .. اما خليصها كرار.. اكبر منها بسنه توفى بحادث من بعد سنيتن من زواج زهراء وفاضل وكان عمره 24 .... فما عندها الا خوات خليصات من امها وابوها ....وكانوا ثنتين..
1ـ.. تهاني .. اكبر من زهراء بسنه .. متزوجه وعندها بنت..مخطوبه.. زينب ... ... و.. حسن.. قد رائد بس علاقته به عاديه..
2ـ هدى.. اصغر من زهراء بـ 10 سنوات..ساكنه بجده .. بحكم شغل زوجها" متزوجه اخو فاضل" يعني ماخذه حمي زهراء.. .. وما عندها الا بنوته وحده مرام.. سنتين..


----------------------------------------------------------------------------------------------------


نجي لأهل فاضل...( ابو رائد)
ابو فاضل .. متوفي من سنين هو ويا ام فاضل .. رحمة الله عليهم..
و ما عنده الا 3 اخوان..


1ـ هادي.. اصغر من فاضل بسنتين. . متزوج بنت عمه .. وعنده ولدين .. علي..بثالث ثانوي.. و حمزه <<<قد رائد و حسن ولد تهاني اخت زهراء اللي ما يطيق اراضيه ولا رقعة وجهه و كله شباق..
2ـ منتظر.. اصغر من فاضل بـ 7 سنوات.. متزوج اخت زهراء هدى.. ويشتغل بجده.. ومثل ما ذكرت بنوته وحده .. مرام..
3_ سراج.. اصغر من فاضل بـ 10 سنوات متخرج ومسافر بعثه يدرس بأستراليا


----------------------------------------------------------------------------------------------------


فارس ..................يشارك البطوله مع رائد لقصتي..
فارس.. اكبر من رائد بــ 3 سنوات.. امه ماتت اول ما جابته ووهو صغير ابو 3 سنوات بس .. ابوه تزوج وهاملنه .. عايش مع جدته ام حسين.. " ام امه" ربته من صغره ..
----------------------------------------------------------------------------------------------------
طبعا مع ظهور بعض الشخصيات ... اثناء القصه...
يللا هذي مقدمه مهي حلقه… اقروها .. مره ومرتين . ذاكروها عدل... خخخ عشان تركزوا وياي ... وبكره احط الحلقه الأولى …
والى اللقاء..
دمتم بحفظ الرحمن...

[.:روح وريحان:.]

يسلمووو اميروووه على المقدمة
وشكلهااا خوووش
انتظرها
وسلمي على كياان مجنوون
وحشتني والله

[آخر شقآوهـ ..~]

يااااااااااااااااعلي شكلي بلزق في الصفحه امووره
صدقتي مثل ماقتي انها اكشنات من المقدمه تنعرف
يالله امووره المبدعه نستنا الحلقه الاولى
يعطيكِ ربي العافيه
تحياتي
ضحكوه البطه

[الحال2007مه]

واخيرا بدانا نستمتع في القصه:bigsmile:
هادا ومن بدايتها حركات الصراحه عجبتني هادي اللي تقول اللاء:toung:
ومن بدايته طق ومطاقق بعد:bigsmile: <<<< اموت على الأكشن <<<< كثري منه ماوصيش
لو تفحيط بعد منداك الزمن حركتتات:rolleyes:
تسلم ايدش على هالمقدمه الروعه يامووووووووووووور:bigsmile:
ولاعدمناك
يالله عاد لاتطولي علينا

[Princess]

ياهلا منورين جميع تواجد اسعدني حبابات
تسلمواا

يللا تفضلوا الحلقه 1

[Princess]

كان رائد بمثابة البودي جارد لخاله .. مع انه اصغر منه .. بس يللا حكم القدر والظروف صار كذا.. وكان يحامي دوم عن حيدر .. مسكين صاير زي الدبانه المرصوعه.. ماله كلمه ولا يعرف كيف يدافع عن حاله .. فبتأخيره عن الدراسه سنتين ارحم له ...

وياكثر المواقف اللي اثبت فيها رائد بطولته ..

مره في الصف الثالث ابتدائي .. طلعتهم من المدرسه مروا على البقاله .. قال رائد بيدخلها شوي .. حيدر يخاف من الهندي اللي في البقاله ... مسكين من يدخل يخزه عن مزح وحيدر ياخذها جد .. والهندي يستانس على هالخوف يضحكه .. فمن يطلعوا من المدرسه ويقرر رائد ان المحطه التاليه هناك.. حيدر .. وخر عنه .. واقعد على بابها ارحم لك...

وبين ماهو قاعد على الباب .. مروا شله يهال من ابتدائي ومعاهم حسن .. وكم واحد من عدة مراحل .. وكانوا لاحقين سياره موستينج سبورت ما بقى تظليل ولا جنووط حركتات وكتابات وحاله ... سيارة اللي يشوفها يقول ..راعيها بجد دااشر اقشر ..http://www.allams.net/vb/images/smilies/smilies/frankie[1].gif ... وهم يصفقوا ويسبوا .. ويرموا حجر <<< ياعيني على الفدائيين..
حيدر ياحلاته عجبه الوضع.. يفتكر لعب.. ولاااا.. حسن بعد هذا اعرفه ولد خالة رائد يللا ... حماس ... فقام وياهم << ومع الخيييل يا شقرا...

ويللا عااشوا .. وشوي وقفت السياره .. وما شاف حيدر الا الغبره قامت.. وصار لحاله في ميدان المعركه ..و الكل ولى وهرب .. ويطلع له داك الصبي اللي طول بعرض وضربة بكس منه تطيره للأسكيمو.. ويمسكه من كلر قميصه ويلوحه في مكاااان مااا في ارض الله الواسعه ...

طلع رائد من البقاله مابقى شي ما اخذه ..
ــ حيدروووه ... هيييييييييه .. حيدروووه وينك ..؟؟؟
ــ .....................
ــ ما العب ويااك الخشه اطلع تأخرنا على البيت ..
ــ ......................
ــ حيدرووه يالصاقعه وين رحت .
وصار رائد يدور عليه يمين شمال ... و يرفع الكراتين اللي عند البقاله يشووف حيدر الطشوونه وين منخش ... حتى كرتون البسكوت رفعه ...... يا دافع ...

رائد شب حراايق ...
ــ حيدررررررررررررررررروووووووووو ووووووووووووووووه
شوي الا يسمع ونه مهي بعيده وايد ...
ــ اااا..ااه...اا.هااا.. اااي .. اهي اهييييي....
صار يدور وين هالصوت ...؟؟؟
شوي وهو يمشي لقى طبقة نعال لحيدروه مرميه لحالها وحيده فريده ..و قريبه من الزباله..
ــ الله ... دليل على انه قريب .. حيدرووه وينك ... وليش نعالك مقطوط هنا ..
ــ اااي اهي اهيي .. انا...هنا اااا..
ــ وينك ..؟؟؟

رائد يسمع الصوت مخنوق وفيه نغمة صدا
ويقرب من الزباله الكبيره عاد هالزباله من كبرها اطول من رائد ..
ويطق رائد على الزباله
طق طق طق ...
ــ حيدرووه لا تقول هنا ...
ــ ادخلللللل .. ايه هنا .. اهي اهيييييييي طلعني باامووت...
ــ ههههههههههههههههههههههه .وييييع .. وعووووووه عليك... بالله ماحلا لك الخشه الا هنا ... كان رحت الزباله الصغيره..
ــ اهي اهي مو منخش .. ضربني هاداك الرجال ورماني هنا

رائد احترق دمه .. خاله ينضرب وهو ويااه يال الإهانه .. .. لكن هين ...×××
وصار رائد يدف بالزباله ويطق فيها مهي راضيه تتحرك
راح و..لايم .. له.. كم كرتون من جنب البقاله وما مداه يركب عليهم تخفسوااا
ــ اوووه ويش هالحاله كيف اوصل لك انا.... رائد ما يحب يطلب مساعده من احد نفسه عزيزه من صغره ..
قام يفكر ويفكر .. شوي طالع جنب الزباله لقى شجره ..
ــ ايووه ..
ركب عليها ورمى روحه في الزباله مع حيدروه ...طبعا الزباله مليانه شوي فحافتها قريبه لرائد نطه نطتين ويوصل ليها ..
مسك رائد حيدر وهو محمق فيه .. ويلوحه برى الزباله ...,<<< مسكين حيدر صاير لعبه.. كوره ويشاوتوا فيها... ونطه نطتين لرائد وطال الحافه تسلق عليها ورمى بروحه في الشارع وهو ينافخ والريحه مسويه هواايل
... حيدر مطروح على الأرض يون ..<<< زي الكتوت المنتوف ريشه .. رائد يعدل في روحه وشعره ودنيته <<< مرتب وكشخه منذ نعومة اظفاره
يشيل رائد حيدر .. ويسأله ... مين اللي كفخه .. ورماه بالزباله..
حيدر ودمعته طايحه ومخاطته سايحه خخ :
ــ ما ادري بس اعرف .. سيارته...
ــ المهم خلنا نمشي البيت الحين تأخرنا وحسابه بعدين
ــ حساب مين ..؟؟
ــ اللي ضربك
ــ مينوون انت .. رجال اطول من ابوي .. كبير مرره طول العماره يلطخك بكس يطيح ضروسك...و..
ــ بسسسسسس ولا كلمه .. هذا انت اللي يلطخك بكس ينفر ضروسك مو انا <<< ياعيني على ابو عنتر ... ابو عنتر عمره 9 سنوات وقتها ...
ــ مالي شغل فيك اذا نتفك
ــ انت وعلى روحك ومالك شغل شلون علي... ولي بس ... مالك شغل خلاص..
ووصل رائد حيدر البيت ...
ام حيدر وهي قرفانه :
ــ هااااااااااااااااادااااااااااا ويييييييييييييييييييييش .×××. ويش هالحاااااال؟؟؟
ــ اهي اهي .. رمووني بالزباله <<< علّم امه بالواقعه اللي صارت..

ــ هااااااا.. وي على عمري .. ووين رااائدووه عنك ... امحق من ولد اخت .. <<< الناس يقولوا امحق من خال بس يللا دنيتنا معكوسه هاليومين ..
ــ كاان في البقاله..
ــ وهذا رائدوه همي دبتي ... لكن هييييييين .. ما عليه ...×××

وتدق طياري على ام رائد
ام رائد :
ــ الوو ..
ــ هلا .. ويش حالكم..
ــ هلا خالتي ام حيدر .. حياش الله..
ــ وين رائدوه ولدش ؟؟
ــ بعده ما يوصل .. خير خالتي ؟؟
ــ ايه .. اكيد .. عقب بلوته ...وين يوصل ؟؟
ام رائد اختلعت على ولدها...
ــ هااا.. أي بلوه.. ويش صااير؟؟
ام حيدر علمت ام رائد بالسالفه وهي محمقه على رائد
ام رائد عصبت:
ــ الحين تقطي اللوم على ولدي لويش ..هو ويش ذنبه ؟؟ زين منه قط روحه بالزباله وطلع ولدش .. مين الأكبر ومين المفروض اللي يحامي عن الثاني ...
ام حيدر ولعت:
ــ تلعبي على ولدي .. شفتيه طشونه ومغلوب على امره ... ماعليه.. هين يصير خير .. لكن ..اني لويش اخذ واعطي وياش .. اعلم ابوش .. وهو يتصرف .. اني ولدي ما اخرت عليه كم سنه عشان يتشلخ بدنه ويرموه بالزبايل ×××
ــ وولدي ويش ذنبه...؟؟
ــ ما حامى عن حيدر .. حيدر ولدي ما يقدر مو راعي نحاسه وطراقات
ـ يعني ولدي الراعي ...
ــ مو راعي .. بس ولدش متعود..
ــ الله اكبر .. خالتي اخزي بليس مالي خلق مشاكل وعوار راس .. وولدي مو مسؤول عن ولدش زين .. ويللا مع السلامه ××
ــ الا .. وماني ساكته .. و....
طوووط طوووووووط طوووط
ــ سكرتيه بوجهي ...هيــــــــــــــن يا زهرووه ××××××
و تقوم ام حيدر وهي دخانها مفوح ومقهوره حدددها.. وتخلي ولدها يسبح ما بقى صابون ما خلته يفرك بدنه به ..
وتسبح هي وراه وتنقع في الحمام شوي زين ,, وتالي تطلع ويدقها فكر على المكان اللي مر فيه حيدر بالبيت الحين مليان ميكروبات وتصير تفرك وتنظف وتغسل ثيابه وترجع وتنقع بالحمام تسبح كم ساعه .. لاحول ساعدها الله..
اما رائد من وصل رائد البيت .. على طول دخل ..
ــ هلا امااه ..
وطياري بيروح الحمام ..
امه صادته ...
ــ ويش عندك..؟؟!!
ـــ باروح اسبح لويش ويش صاير؟؟
ــ عجييب.. توك سابح روحتك المدرسه والجو مهو حر ويش صاير ؟؟
ــ لا بس اليوم مراكض بالطرقات فصايره ريحتي خايسه..
رؤى تدخلت وبعفويه حسب ما فهمته من نقاش امها مع ام حيدر :
ــ هههههه خايس من الزباله
رائد ولع ناار .. هذي ويش دراها...
ويصرخ:
ــ انتين مااااااالش شغل...
ــ يمااه.. خلاص ...
ام رائد:
ــ صدق اعترف وقول لي ويش السالفه؟؟
رائد قال لأمه القصه بالتفصيل الممل...
امه طلبت منه ينتبه لروحه ولا يتعنتر على حساب غيره ويروح فيها
.<<< بس لا حياة لمن تنادي طبع خلاص برائد وما راح يتغلب عليه..

وفي بيت ابو كرار ... ام حيدر اشتكت لأبو كرار بنته وولدها .. وخبرته بالسالفه..

ابو كرار وصل حده ...في ام حيدر وولدها :
ــ ولعنه ... وانتين ولدش لمتى هذا حاله ياهل اصغر منه ابو 9 سنوات يدافع عنه وهو اللي ابو 11 سنه .. انا ويش اسوي بحياتي ولدي الوحيد وهذا حاله .. ولااا بعد تبغي له محامي دفاع .. امحق ليش قاصرتنه ايد والا رجول .. رحمة الله عليك يا كرار كنت لي السند والعون من صغرك ... وهذا مو راضي يعتمد على روحه ويصير رجال.. و اصلاً ..زين من ولد بنتي طلعه من هالزباله انا مكانه اخليه يخيس عشان يحرم يتدخل في اللي ماله فيه .. ويبطل يعتمد على غيره في كل شؤونه .. ورائد مهو مسؤول عنه زين... وهوني حنه على هالرائد و شكايه .. اللي يبغى له يشكي هي بنتي .. مو انتين ... <<< عفيه ... ايووه .. عااش ابو كرار مع الحق
ام حيدر بلعت الكلام وغصت شوي زين وسكتت .. وفبالها : بل بل بل ويش هالمحاضره.. كله ضدي لو دريت ما اشتكيت .. ويلي عليك يا ولدي ..

كان ابو كرار شخصيه قويه .. وام حيدر كانت تخاف منه وتطيعه طاعه عميا ... كانت معنسه عند اهلها صكت 45 سنه يالله تقدم ليها ابو كرار بعد ما توفت زوجته وما جابت الا حيدر...

وبالطرف الثاني ..
ابو رائد رجع من شغله .. وعلمته ام رائد بسالفه رائد
ابو رائد:
ــ عفيه على ولدي البطل شاطر ويعرف يتصرف بس لا تسوي مشاكل..
ام رائد:
ــ ايه عاد لا تشجعه على هالبطولات.. .. هذاني قلت اله اليوم السالفه عدت على خير .. لا يسوي روحه عنتر زمانه ولا يسوي شي بكره وخليه ينتبه لروحه

رائد يسمع كلام امه وابوه من اذون ويخره ومن اذونه الثانيه..
كان نااوي على نيه قشرى للي طق خاله وحذفه بالزباله ... وياااسااتر...

[Princess]

وباليوم الثاني ...

وكان يوم الأربعاء وحيدر بيروح ويا رائد بيتهم يغير جو ... وهم راجعين من المدرسه .... الا عركة قايمة بالطريق ... وحولها شلة صبيان يصفقوا ويشجعوا تقولوا صراع الديكه ,,,ويدخل رائد بينهم يشوف ويش صاير الا..حمزة ولد عمه هادي.. يتشابق ويا حسن ولد خالته تهاني...
ويللا عاد ويش يسوي ويصير مع مين.؟؟

قرب ليهم حاول يفككهم بس الطق قايم وحمزه من العصب طير نعاله بوجه حسن.. حسن حمق واستحضر ام اللعنات والسبايب وحمزه ولع ويش يسبني هذا ., وحمى الوطيييس ..

الا رائد طفح كيله ويهجم عليهم ثنينهم ويصفق هذا كففه وذاك طراقات ويصرخ فيهم..

ــ بــــــــــس.. صار لي ساعه افاكك بينكم وكل واحد مو راضي يتنازل صدق انكم .... ..... ..... ,, لكن هين بسرعه حمزوه.. انقلع بيتكم لا العن : خامسك.. وانت حسنوووه ويش جيبك هالطريق وبيتكم مناك.. سيداا شفت هاداك الشارع وتالي لفه ولا تتغوى مره ثانيه حبيبي يللا فارق..

حمزه دمعت عيونه وحمق وولع احمر .. وطالع حسن بنظره وطبعا حسن بادله النظرات .. بس امرهم لله اذا الزعيم..
<< رائد قال شي ولا نفذوه يسلموا على وجوههم هم ابخص به ..فراح كل واحد لبيته ...وفي قلبه شايل الحره
رائد دار لحيدر اللي واقف مجطل ومفهي عقب الشبقه ..
رائد:
ـ ويش فيك بعد انت مفهي .. ليش خاطرك بكم كف..؟؟
ـ هاااه.. لالا.. ولا شي ...
وفباله يهلوس: ......هادا ويش بسم الله ينخاف منك شراني اقشر ..
وكملوا طريقهم للبيت.... وشووووي..

وقف حيدر عند بيت قريب من بيت رائد .. في الشارع اللي وراهم...
وفتح عيونه وهو يأشر :
ــ هاااادااا هووو اللي طقني ..
رائد فحط ووقف .. بعده فيه شبقه .. بطاريته لسا ما فضت..
ــ وينهووو .. مين ...؟؟
ــ اكووو ... <<<<نزل الصبي من سيارته ودخل بيتهم..راائد :
ــ اهاااا هذا امينوه ولد ام امينوه ... اوريك فيه الحين..××
ــ ويش بتسووي .. لالالا ... بيكفخنا .. وفباله: ويش فيني انا اهبل تونا خالصين من شبقه وندش فثانيه بس هاديك اهون يـــــــــاااا ويلي من رائدووه..
رائد وهو محمق:
ــ انت انثبر هنا ... ومالك شغل ...

ـ مالي شغل .. مالي شغل..
وراح رائد ينتقم

.........................


رائد متوجه للأنتقام .. استنى امين يدخل بيتهم .. وطياري ...
طلع من شنطته مسطرته الحديد <<< عاد ابو رائد ما ياخذ لرائد الا حوايج قويه برايه حديد مسطره حديد.. لو يحصل كتب ودفاتر حديد اخذ له.. عنيف الولد والأجر على الله وهذا اللي يمشي وياه ..
ويللا ابتدى المشوار مع هالمسطره ومن طرفها الحااد داار على السياااااره كلللللها ...
حححححححححححححححححححححححححححححح ححححححححححححح
وشمخ امهااا تشميييييخ ... ووقع بالنهايه على جامة السياره...و بقلم حبر ثابت .. الزعيم ..R
<<< يااعيني على الولد ...
وحيدر من بعيد يبلع ارياقه .. وخلص رائد المهمه...
وراح يركض وانخش هو ويا حيدر بعيد .. وصاروا يستنوا امين يطلع يبغوا يشوفوا ردة الفعل..
شوي .. ..
طلع امين حامل في ايده عدته .. معسل وفحم وخرابيط .. حق سهرته مع شلته .. هو شاف السياره تقولوا كنه صاعقتنه كهربا وشادختنه على ورا ويحط المعسل على جنب ويركض ليها .. صبغها الأحمر تقشر من كثر الخطوط ومره عميقه .. ولا بعد على جنب خرابيش بالأسود... وويش الزعيم .. << ويلي عالموستنج يدق ليها سلام وتحيه .. بس .. خلاص امين صار يطالع يمين وشمال يبغى دخيل الله قطو يحط الحرقه فيه .. دار وراه لقى المعسل ويشيلها ويشدخ بها .. وتتكسر تكسير..
حيدر من شاف هالحركه يبس ريقه ونشف دمه واستوى ازرق .. وصار يشاهق
شوي تجيه سطره من رائد :
ــ هييييه صدق .. صدق.. جباان.. اقعد وانثبر وانت ساكت لا يطلع صوتك لا يجيك ويكسرك زي حبيبة قلبه اللي كسرها من شوي ..
ــ قووم بنروح البيت انا خايف منه لا يضربني .. لويش شمخت سيارته .. الحين اذا عرفك بيشدخك...
ــ يفاارق ..مناك .. يسوي اللي يسويه... مو شغلي فيه.. زيك قالوا لك جبان انا
ــ لكن ما علي منك انا << كنك كل مره عليك عااد http://www.allams.net/vb/images/smilies/smilies/lol[1].gif

ــ احسن.. واسكت..
وشوي تمر سياره فيها 5 صبيان طول بعرض ... ووقفت بالنص على بعد 3 امتار تقريبا من امين وحيدر ورائد
حيدر:
ــ ميـــــــــن هاااديلا......؟؟؟؟؟؟؟؟؟؟

... والى الملتقى غدا.. :bigsmile:

[آخر شقآوهـ ..~]

يالله عليش لازم تخلينا نستنى اني قايله
بخليهم يجمعو خمس حلقات وبعدين بقراء
بس ويش اسوي
يالله نستنا الحلقه الثانيه
يعطيكِ ربي العافيه
تحياتي
ضحكوه البطه

[آهات عاشقه]

الله اميررررررررره على القصه مرررررررررره جناااااااااااااان



واستانست مررره واني اقراها


لا ورائد مسوي حركات >> توه نتفه وكاتب الزعيم ويلي عليه


تسلمي غناتي على القصه الحلووووووووووووه


الله يعطيش الف عافيه

دمتي لنا

[Princess]

يسلموو على التواجد الجميل .. منورين

ابغى تعليق مثل اهات عاشقه ويش عجبكم وويش ما عجبكم << تسلمي يالغلا اهات

دمتم بحفظ الرحمن

[Princess]

حيدر:
ــ مين هاااديلا.؟؟؟.

رائد وبوزه مشقوق من الفرحه :
ــ أيـــــــــــــــــووه .. هااديلااا ما يشتهيهم امينوه. هذا حبيبي الكاسر ابو عابد مع ربعه... الحين بتقوم شبقه.. اكشن <<< السيد رائد متابع اخبار الفريق "الحي" زين ما زين ...
امين بصوت عالي:
ـ عبدووووه اطلع وريني وجهك وموقف بعيد بعد.. يا .. يا... << مشفرين من الرقابه http://www.allams.net/vb/images/smilies/smilies/57.gif

عبدالله. " الكاسر". روبن هود.. الفريق.. عمره 22 سنه يتيم الأم.. رائد يستانس عليه و يحبه ويعتبره القدوه له .. بالمختصر .. عبدالله شخصيه قياديه قويه وفيها نحاسه بس على الدشران امثال امين وربعه.. ورائد كان بالمره في خاطره وده يقعد معاه بس مو عارف شلون وهو اكبر منه بـ 13 سنه ..


عبدالله فتح النافذه وطالع امين بنظره على جنب وبنفخه وهو داير على ربعه وبصووت عالي يسمعه امين:
ـ اففف ويش عنده هذا ينعق .. لا حوول ؟؟؟؟ورمى علبة رد بول فاضيه كفخت سيارة امين ..
ــ هاااك رد بول يديك جوااانح..

امين دق له عرق براسه ...
ــ ووجع انعق بعد .. هذا انت الحمار .. .. ولاااا بعد تنفخ علي... انا ما احد ينفخ علي هاااا... وويش مسمي حالك الزعيم.. بعد... امحق ويا وجهك..

عبدالله ابتسم ابتسامه جانبيه ورفع حاجب وحاجب واشر على جامة سيارته وهو يكلم اصحابه..

ـ ههههه انا.. انا.... قلت حمار.!!!. يا ربي حاشاي.. انا قلت يننننعععق وثاني شي الحمار ينهق مو ينعق .. خبري غراب الشؤم اللي ينعق ... افا بس بدون جوااانج..... اقول شباب ما تشوفوا اسمي انا الكااسر يا حلوين مش الزعيم ..

- غراب اللي ينبش بقبرك ..لا تسوي حضرتك تمويه اكيد خايف على حالك
الشله اللي مع عبدالله بالسياره قلعوا الدنيا ضحك
ابو عابد يحط كفوفه ورا راسه ويسترخي عالآخر:
-شبااب سمعتوه .. كخ .. شقال قال تمويه .. وليش اخاااف منه يعني لا وR ليش ما بحط عبدالله بكبره يعني .. كخ بس كخ..
وزادوا الشباب ضحك ورائد وحيدر يطمشوا... منخشين ... يطالعوا ويضحكوا
شوي حمق امين ..
-اذا فيك خير انزل قدامي
عبدالله طلع ايده من السياره .. هش هش..
ـ وخر وخر بس.. اذا ما فيني خير نزلت نفسي لمستواك.. ونزلت اتشابق ويا غربان..
ـ خايف حضرتك
ـ اناااا .... كخ .. شبااب يقول انا خايف .. لا حوول .. حبيبي انا خايف عليك مو منك .. ان نزلت لك بدوس فبطنك
ـ انزل يا ولد الـ...... يا ابن ........ << طوووووط...تشفير.. سبايب في ام عبدالله
عبدالله فوور دمه في راسه
ــ تسب امي يابن اللذين طيب ارااويك انا الحين ..
وينزل من السياره وينزلوا وراه ربعه ..لكن عبدالله نهاهم وامرهم يرجعوا السياره .. هو لحاله بيوري امينوه شغله..

وقامت العركه... يوم العركات العالمي...
وبالنهايه مسك عبدالله وجه امين وصفقه بجامه سيارته المشموخه.. وظل عاصرنه بالزجاجه وهو يصرخ عليه:
ـ مو ابو عابد اللي تنهان امه طيب .. وهالمره عديتها لك بكم طراق المره الجايه بتشوف شي ما شفته ... فااااهم..وتركه .. وما مداه بيرجع لسيارته .. الا امينوه يطلع من سيارته سلاح ويصوبه جهة عبدالله ..

رائد بلا شعور ما شاف نفسه الا يركض ويصدم عبدالله ويطيحوا عالأرض وطــــــــــــــــــاااااااااا ااخ .. تطير الرصاصه بالهوا ..
وينزلوا بسرعه ربع عبدالله .. واحد راح لعبدالله ورائد والثلاثه البقية لأمينوه اللي من سوء حظه فضى سلاحه كانت اخر طلقه اللي ضاعت ويتولوه شدخ فيه لين كسروا عافيته.. ورجعوا السياره ركبوها مع عبدالله اللي ما صابه شي .. وشالوا رائد اللي اغمى عليه من قوة الطيحه ... وخذوه معاهم بيودوه المستشفى..
حيدر سمر مكانه ..
ويش اسوي يماااااااااه... http://www.allams.net/vb/images/smilies/smilies/23.gif
قام وهو مفزوع شوي يسويها على روحه خخخ.. ويشوفه امينوه ويصارخ عليه :
ــ هييييه انت من وين طالع تعال تعال...
ويقوم له بس لحسن الحظ كان مترضرض.. ومو قاوي يشيل عمره ..
حيدروه خلاص طلعت روحه من الرعب وحد ما عنده ..يرررركض وما تنشاف الا غبرته ويوصل بيت اخته اللي مهو بعيد ... ويدخل وهو يصاارخ :
ــ زهرااااااااااااااااااا.. اهي اهي الحقي
ام رائد كانت تغسل مواعين حاسه انهم تأخروا بالرجعه بس قالت اربعاء واكيد معسعسين بالبقاله قبل لا يرجعوا.. سمعت طلقه الرصاص ونشف دمها ياساتر .. وجاها صريخ حيدر يزود نار خوفها حطب ...
استخفت و رمت كل شي من ايدها وراحت تركض
ــ وييييييش صاااير ؟؟؟؟
حيدر مهو عارف يتكلم يشاهق وكلامه مهو مفهوم
ـ امينوه... رصاص ... اهي اهي .. هناك .. شبااا.. اق.. رائدام رائد من سمعت حيدر يهلوس وجايب طاري الرصاص.. طاحت على ركبها
ـ رائد وينهو ؟؟ويش صار؟؟ ويش فيه؟؟ حيدروه تكلم عدل
ـ امينوه تشابق ويا صبيان... اهي اهي .. وضرب رصاص وصاب رائد وخذوه الصبيان ..ااا..اهي ..اه.. << حيدر اهبل ما شاف عدل يفتكر صاب رائد رصاص
ام رائد من سمعت هالخبر .. شهقت وافترت بها الدنيا ...

ولبست عباتها وطلعت تركض .. رايحه بيت امينوه .. وشافت ابو امين واقف عالباب يهاوش فيه.. و حالته حاله من بعد المعركه
ــ ابو امين .. قواك الله << قالتها وهي مختلعه وتصيح
ابو امين خاف ..:
ـ الله يقويش خير اختي ويش صاير ؟؟
ـ اني مرت فاضل الــ.... ,,, جيرانكم اللي وراكم ... اخوي يقول ولدك ضرب رصاص على ولدي رائد .. وينهو ويش صاير؟؟
ابو امين طالع في امين وهو مره منهار ومحمق يعرف ولده وبلاويه ويصكه كف ويكمل عليه طق...
امينووه يصرخ:
ـ انا ما صوبت ولدش كنت با صوب عبدووه و ولدش اللي جا وتدخل .. بس ما صابته طارت بالهوا ...
ابو امين يحمق زياده وبلا وعي يزيد الضرب
ـ طارت بالهوا هاا بالهواا وتعترف من وين لك هالسلاح يالــ ... بتجلطني انت بتقضي علي الله لا يبارك فيك
ام رائد صرخت :
- ولدي وينهو الحين وين راح ..؟؟؟
امينوه يصرخ :
ــ ويش دراني عنه اخذه عبدووه وياه
ــ ومين هالعبدووه وين الاقيه ؟؟؟
ابو امين يسأل امين :
ـ يالزفت .. هذا عبدالله الـ.......... اللي ساكنين في شارع الــ............ بأخر الفريق .. . والا غيره ..؟؟امينوه :
ـ ايه هو

ابو امين يعطي ام ارائد جواله ويطلب منها تدق على ابو رائد وتعلمه بالسالفه عشان يجيها ويدليه بيت عبدالله ويروحوا يشوفوا العلوم..
وتدق ام رائد على ابو رائد .. اللي من سمع السالفه ترك كل شي و جاهم طياري ...

-------------------------------------------------------------

يتبع >>>>

[Princess]

رائد معرق ومخنوق ويحس بحراره.. ودوخه واصوات.. فتح عيونه شوي شوي.. لقى فوقه رسوم واحد يعرفه .. دقق النظر وتأكد انه بحضن عبد الله .. صار يطالع في عبدالله وهو مستانس حده وطاير من الفرحه.. وفباله :
ــ انا ويش جابني هنا..؟؟

كان عبدالله يطالع في الشارع.. خلى واحد من اخوياه يسوق بداله وقعد بالكرسي اللي جنبه وبحكم ان السياره ورا مليانه شباب حط رائد معاه قدام بحضنه..

التفت عبدالله لرائد.. رائد غمض عيونه بسرعه...
ابتسم رائد .. وضرب خشم عبدالله زي التيله على خفيف :
ــ هااا .. تسوي حالك نايم .. يابطل..
رائد ابتسم وفتح عيونه .. والفرحه مهي سايعتنه... عبدالله يكلمه ويقول له بطل
<< متأثر واايد بعبدالله .. ومو مصدق عمره..وظل ساكت ما رد عليه...
عبدالله .:
ــ يعورك شي..؟؟
ــ لاااء..
ــ متأكد ...
وصار يتفحص في رائد.. لين وصل لذراعه اليمين.. هنا رائد قال :
ــ ايي..
عبدالله رفع قميص رائد .. ما شاف شي.. شويه جروح من الطيحه ..
لمس الذراع ..
رجع رائد : ايي
رجع دلكها على خفيف .. ورائد ما عنده نغمه الا : ايي..
قصيره.. وبصوت واطي..
عبدالله ابتسم..:
ــ تعور هذي شكلها انكسرت.. انا مكانك باقول : ايييييي..
هااا.. يا بطل لا تسوي حالك ..
رائد ما رد اكتفى ببتسامه..
رجع عبدالله :
ــ ويش اسمك انت ؟؟
هنا.. نور وجه رائد .. ابو العبد يسأل عن اسمه بيتعرف عليه ..
ــ رائد فاضل الــ..... ,,, سبق هالتعريف ابتسامه عريضه..
ــ ههههه ياحلاتك والله .. طالب مدرسه مجتهد الإسم الثلاثي بالكامل عفيه عليك..
رائد حس عبدالله يتمسخر فتغيرت ملامح وجهه
عبدالله حس عليه انه زعل..
ــ ويش فيك يا فاضل..؟؟
رد رائد:
ــ مو فاضل انا رائد ..
عبدالله ضرب راسه :
ــ اوووه .. السموحه يابطلنا.. والله ما قصرت علي صكيتني اسمك كامل .. انا كسلان ما احفظ بسرعه <<< يبغى يلطف الجو فغلط في اسمه
ضحك رائد..
عبدالله ضحك وياه :
ــ ايه يا حلاتك..
وسكت عبدالله شوي وسرح بحزن وهو يطالع وجه رائد وقال له:
ــ تصدق .. ذكرتني بأخوي .. كنت ما اسميه الا البطل .. بس هو اصغر منك بشوي..
الشباب اللي معاهم بالسياره كانوا يسولفوا وازعاج.. يوم جا طاري اخو عبدالله
سكتوا.. هدوووء..
رائد استغرب .. سأل:
ــ ويش اسمه اخوك.. يدرس بمدرستنا ؟؟ << رائد كان يعرف اغلب الطلاب بمختلف المراحل ..
عبدالله ابتسم بحزن :
ــ اسمه مهند ...لااا ويش يدرس الله يخلف ..اخذه الخبيث وعمره 6 سنوات..
رائد تضايق من نبرة عبدالله وهو يجاوبه ..وسكت .. بس مهو فاهم ويش يعني الخبيث .. ( يا دافع البلا اجرنا يامجير)وصلوا المستشفى .. ونزلوا .. قام عبدالله بيحمل رائد .. رائد ما رضى..
ــ لا تحملني اعرف امشي ايدي المكسور مو رجولي
ابتسم عبدالله :
ــ تعجبني انا قايل... بططططل...
رائد ابتسم ومره مستاااااانس..
دخل عبدالله ويا رائد المستشفى... كشفوا على ايد رائد .. وسألوا .. عبدالله ويش يصير له .. قال ليهم ولد خالته... قالوا لازم له جبيره لأنها انكسرت..
وبين ما هم يجبروها له.. طلع عبدالله جواله من مخباه .. كان محطوط صامت وبدون هزاز ويلاقي 50 اتصال من البيت .. عبدالله خاف .. ابوه رجال كبير وعايش لحاله في البيت .. دق البيت على طول .. رفع ابوه :
ــ الووووه..
ــ قواك الله يبه .. ويش فيك..؟؟ << قالها وهو مختلع ..
ــ لا ياولدي ما فيني الا العافيه لا تخاف .. بس هذا فاضل من فريقنا ابو الصبي اللي وياك.. جاني البيت يدور على ولده .. الا ويش صاير وويش سالفة هالصبي؟؟

عبدالله تنهد من قلب .. كان خايف على ابوه.. ابوه رجال كبير ومعاه القلب ..
ــ ايه اذا رجعت لك يبه اعلمك ورائد وياي الحين بمستشفى الــ.. .. انت طمنهم ما فيه شي بس ايده انكسرت يجبروها له وبرجعه البيت لا يختلعوا ..
ــ زين يا ولدي .. يعطيك العافيه.. انتبه لروحك.. الله الله بالسواقه العدله..
عبدالله ابتسم.:
ــ ان شالله يبه .. تامرني امر..
ــ يللا فمان الله
ــ مع السلامه..
دق ابو عبدالله على طول على رقم تركه فاضل عنده .. وبعدها طلع هو مع زهراء يدوروا في الشوارع ..
ويرن جوال فاضل ... ويقول لزهراء :
ــ هاا .. هذا رقم بيت يمكن ابو عبدالله .. ويرد :
الو مرحبا ..
ــ يا هلا فيك .. يا ولدي .. ولدك بخير لا تخاف .. بمستشفى الــ.... << وعلمه بالسالفه..
فاضل تنهد من قلب.:
ــ الحمدلله بشرك الله بالخير... تسلم ويعطيك العافيه ....... حياك الله..
زهراء من سكرفاضل تولته اسئله ..
ويش صاير ؟؟.. وولدي ويش فيه؟؟ .. ووينهو .؟؟؟. وويش الخير اللي حصل ..؟؟
فاضل صار يهدي فيها :
ــ استهدي بالرحمن .. ويش فيش .. مافيه الا الخير والعافيه بس ايده انكسرت
زهراء دقت صدرها :
ــ ويلي .. ويلي عليك يا ولدي ... وصارت تصيح..
فاضل قام يضحك .. وهو يهدي فيها ..
ــ ويش فيش الحين لويش الصياح.. الحمدلله جت سليمه .. كسر بيده ولا ضربة رصاص .. توش مختلعه واحنا ندور وفبالش رصاص الله يحفظ عليه .. يوم دريتي انه كسر صرتي تصيحي..
ــ ما ادري من الخلعه .. وين بأي مستشفى..
ــ بالــ .... هذا احنا رايحين..

وصلوا المستشفى... وسألوا الريسبشن .. وخبرهم بمكان عبدالله ورائد..
راحوا بسرعه وهم بالممر لاقوا رائد توهم مخلصين جبيرته .. بيده اليمين .. وعبدالله ماسك ايده اليسار .. وماشي وياه بيطلعوا من المستشفى.. زهراء من شافت رائد.. ركضت له وخذته بحضنها ..

ــ ويلي .. ولدي .. ايدك .. على عمري .. تعورك .. اسم الله عليك..

فاضل سلم على عبدالله وتشكره .. عبدالله كان مبتسم ومتأثر بموقف زهراء مع ولدها .. ذكرته بأمه المرحومه ..

زهراء رفعت راسها بتشكر عبدالله .. و أول ما شافته ..انقبض قلبها قبضه قويه ومخيفه .. رجعت بها الأيام على ورا 15 سنه .. تذكرت اخوها كرار .. اخر مره شافته فيها قبل الحادث..

ايه .. هذا هو واقف قدامها طوله.. رسومه... ابتسامته... يــــا الله..
اللهم جسم عبدالله رياضي .. معضل شوي واعرض ..

طغت الدمعه بعيونها .. وقالت بعبره مخنوقه :
ــ تسلم .. يعطيك العافيه يا خوي...
عبدالله :
ــ الله يسلمش ما سويت الا الواجب,,,

وطلعوا من المستشفى..
عبدالله طلب من فاضل وزهراء طلب .. تمنى يلبوه له .. اذا عادي ياخذ رائد مشوار وبيرجعه هو تالي للبيت.. وصار يطمنهم ويوعدهم انه ما بيصيبه شر...

زهراء كانت متردده .. بس ما تدري كيف ارتاحت لعبدالله .. لكن هالشبه مو كفيل يخليها تخلي ولدها يروح وياه... عقب اللي صار..

فاضل مو عارف ويش يرد .. هو عادي عنده .. بس على امه بعد ... شوي طلع صوت رائد اللي لاحظ تردد امه وابوه...:

ــ يباااه.. اماااه.. باروح ويا عبدالله .. عاااااااد..

http://www.allams.net/vb/images/smilies/smilies/55.gif اول مره بالتاريخ .. تسمع زهراء من ولدها كلمة عاااد..

فاضل ابتسم...ورد عليه :
ــ روح بس لا تطولوا ...

فاضل حس بالثقه في عبدالله على اللي سواه مع ولده وعلى هالعنايه والمداره فعطى ولده الحريه والفرصه دامه ترجى .. اول مره يسويها وما حب يخيب رجاه ... و عبدالله لزيادة الطمأنينه والثقه عطى فاضل رقم جواله حق يدق عليه كل شوي ويطمنه .. ومشى هو ويا رائد..

شوي يوم ركبوا فاضل وزهراء السياره الا زهراء داقه صدرها ..
ــ ويلي ... ويلي ...
فاضل اختلع :
ــ ويش فيش على هالدق والويلات اليوم..؟؟؟؟
ــ رؤى .. بتي .. ويلي ... طلعت عنها من الخلعه .. وما وياها في البيت الا حيدرووه .. هو بكبره يبغى له من يداريه ولا قفلت بيبان ولا شي
فاضل حمق عليها واول مره يصرخ من جد على زهراء ويهزأها :
ــ وانـــــــــتــــــــــيــــــ ـــــن مو صاااحيه .. تخليها بنيه لحالها في البيت ووجع .. انا توقعت وديتيها بيت رضا جارنا..
وصار يسرع بالسياره ..
زهراء ما اهتمت لصريخ فاضل حاسه بالغلط .. وتاخذ جواله من عنده وتدق على البيت . مره ومرتين وثلاث وعشر... وكلهم..
طووووووووووووط... طووووووووووووووط .. طوووووووووووط ...طوووووووووووووط .. طووووووووووووووط .. طوط طوط طوط طوط
ــ اااه ما احد يرد .. ويلي .. حسبي الله علي.. ويلي وحيدروه ما منه فايده

وتقعد تصيِّح .. وتنيِّح..



والى اللقاء بالحلقه القادمه... http://www.allams.net/vb/images/smilies/smilies/wink[1].gif

[آخر شقآوهـ ..~]

الله الحلقه اكشنات كفاريات
وكله كوم يوم يجي رائد ويطب على عبد الله جخه تخيلت الموقف وضحكت
يالله خيوه نستنى الحلقه الثالثه بفارغ الصبر
يعطيكِ ربي العافيه
تحياتي

[الحال2007مه]

روووووووووعه القصه اتصدقين واني اقراءها احس قاعده اطالع مسلسل:bigsmile:
تسلم ايديش وهاماوصيش اموووووووووووووووووووور موتتاخري علينا بالحلقه الجديده
ترى باخاصمش ادا تاخرتي واجد:evil:
حركتات هالرائد تقولي عمره 19 مو 9 سنين:wink:
يالله باي لاتتاخري:bigsmile:

[.:روح وريحان:.]

خيتووو لااميرررررررروه
ياااي القصة رووعة
لا لا
مو رووعة
اكثر من روووعة
رهييييييييييييييبه عجبتني واايد
خلاص من اليوووم كل شوي فاتحة المنتدى
مو تتاخري
وعلى فكرة دفتري حديد
هههههههههههههههههه
باجيبه له
يسلموووو خيتو
انتظر التكمله

[آهات عاشقه]

والله صراحه تعجبني شخصية رائد

ماشاء الله

تعجبني تعليقاتش

انزل يا ولد الـ...... يا ابن ........ << طوووووط...تشفير.. سبايب في ام عبدالله

وعجبني تصويرش الى الوضع يعني موقف زهراء وولدها ولما خافت عليه

يعني صحيح مشاعرالام الحقيقيه



وننتظر البقيه

الله يعطيش الف عافيه

[أمل الظهور]

اموور القصه جناااااااااااااااان رهييبه مررره


هذا من الحلقات الاولى سجلي اندماجي الكامل معاها ...


موتني ضحك موقف الزباله تذكرت مفتاح دموع وجوالك:toung:


ويد رائد المنكسره تهي تهي ذكرتني بيوم تنكسر يد عبود <<قلبتي المواجع :wacko:


وماشاء الله على رائد من صغره بطل وشجاع عجبتني فدائيته الى عبد الله واعجابه بشخصيته :noworry:


وامممـ يعني لو بعلق ببقى الى الصباح وانا اعلق واوصف ...

سلمت اياديك حبيبتي

موفقه

<<<<<جاري الإنتظار >>>>>>

[.:روح وريحان:.]

؟؟؟؟؟؟؟؟؟؟؟؟؟
وينج
اشتقنا لتكمله!!

[Princess]

ههههههههههههههه
على قلبي عسل هالتواجد الجميل
منورين واحلى من الحلى تعليقكم
من جد لوتشوفوني شاقحه البوووز من الفرحه تقولوا ياهل عاطينه حلاوه
تسلمواااا ...

هههههههه يمااه .. تأخرت يوم .. بس لظرووف ها بشووور .. ههههههه .. سامحينا يالغلا
وتفضلوا الجزء الجديد

[Princess]

ويوصلوا البيت .. تركض زهراء بلا وعي .. تدخل البيت وهي تنادي ..
ــ رؤى.. رؤى..
توصل للصالة.. تلاقي السيد حيدر قاعد على الأتاري << خبركم خخ قبل 10 سنين تقريبا بعده البلاي ستشين ما ينتشر..
ولعب ولا هو داق خبر.. وتصرخ زهراء :
_ حيدرووه لويش ما ترفع التلفون..
ــ ما سمعته..
ــ وين تسمعه وصوت هاللعبه مفزع الدنيا ومقومتنها.. وين رؤى
ــ ما ادري عنها
ــ هااا .. ويش ما تدري عنها .. ويلي عليش يابتي ..

وتصير تدور .. المطبخ .. الحمامات.. غرفتة رؤى.. غرفتهم.. غرفة رائد..ما بقى مكان وهي تصيح وتنيح..

وفاضل محمق ومولع في زهراء اللي ما انتبهت وفي حيدر المتفرغ ..
ويمصع من القهر وايرات الأتاري .. وحيدر يشهق :
ــ لووويش مصعتهم.. باقي شوي واخلص الدور الأخير الحين اعيدها من اول ..
فاضل بلا وعي رفس برجوله الأتاري وطيرة بعيد وهو يصرخ:
ــ قووم ولعنه احنا فويش وانت فويش .. قوم دور على بنت اختك...
حيدر يبس ريقه كالعاده :
ــ هااا .. زين ...
ويصرخ وهو قاعد مكانه :
ــ رؤى .. رؤؤؤؤؤؤؤؤؤؤؤؤؤى ....
فاضل وصلت عنده فلللل .. ويمسك بلا وعي حيدر من بلوزته من ورى ..
ــ رؤؤى .هااا... رؤى ..وانت مكانك .. حرك .. لا العن خيرك..

ويدفه بعيد .. ويركض حيدر وهو مختلع وفي باله يهلوس :
ــ بلللل .. وانا اقول رائدوه طالع على مين ..
ويصيروا يدورا .. وراح فاضل بيت جيرانهم . رضا .. يسأل .. قالوا له .. ما يدروا ولا جتهم ,, زهراء خلاص .. حست بإنهيار بنتها ما يندري وين راحت .. عمرها ما طلعت لحالها...

راحت مرة ثانيه تدور في غرفتها وغرفة رائد... وشوي وهي في غرفة رائد:
ــ اتشوووو....
زهراء وقفت مكانها مختلعه . من وين هالصوت .. وتذكرت السقيفه
" فتحه في السقف يسووها مثل المخزن للأشياء.. او لغرف الأطفال للألعاب "

ركبت زهراء تركض على الكرسي تطل في السقيفه.. ولا تلاقي الا
الحلوه رؤى نايمه فوق السقف وحواليها العاب رائد وصايره منحشره فوق .. << بنوته عمرها 9 سنوات فوق السقف .. ويش اللي ركبها ..؟؟!!

وتقعدها زهراء من النوم وهي تصيح :
ــ رؤى .. بتي .. بعد عمري .. الحمدلله ..
وتسحبها . . وتنزلها وهي تعنف فيها .. وتعاتبها .. ويش مركبنها فوق ورؤى اثر النومه فيها ومفهيه مهي داريه ويش السالفه..
جا فاضل يركض .. وحيدر تسند على برواز باب الغرفه يتطمش كالعاده...ويصرخ فاضل على رؤى من خوفه عليها :
ــ ســــــــــــااااعه ندورش ما بقى وادي وانتين نا يمه لينا فوق السقف زي القطوة .. ياهله انتين .. والله انكم سالفه .. يعني مو وايد اخوش وفعايله تطلعي لينا انتين بالخلعات..
رؤى استوعبت الموضوع ..واختلعت اول مره ابوها يصرخ عليها كذا .. حضنت امها وهي تشاهق صياح ..وما ينفهم منها الا قولة :
ــ لائد .. وينهو...

هدتها امها وفاضل اللي أنبه ضميره .. قعدوا حولها .. وصاروا يعاتبوها
انه هالشي من خوفهم عليها ومحبتهم ...

قامت بعفويه ودموعها اربع اربع تقول:
ــ اني يوم سمعت حيدل يقول لائد ضلبوه لصاص.. وطلعت امي تلكض .. خفت .. ويش اسوي قمت لحت غلفته .. وصلت اتذكله لما يبغى يلعب وياي واني ما الضى ولكبت سقيفة العابه وصلت اصيح ونمت .. اااا.. اهي اهي ..وين لائد ابغاه ابغى العب وياه . اهي اهي ... لويش طخووه .. اماه ويش فييه لائد..
<<<< طبعا لا تنسوا راء رؤى الحلوه .. عسى وصل الكلام ؟؟!!
زهراء ضمت بنتها بالقوة:
ــ على عمري الحنينة على اخوها ما فيه شي ياغناتي لا تخافي .. بس ايده انكسرت وجبسوها له .. وطلع ويا واحد ما فيه شي لا تخافي..
ــ اهي اهي.. ايه ابغاه اخوي .. لا يلوح عني ..
ــ ما بيروح عنش يا غناتي .. خلاص .. خلاص..
وصارت تهدي فيها لين هدت ونامت ..
ظل حيدر لحاله .. وقعد بالصاله هو يا فاضل وزهراء ..
زهراء كسر خاطرها اخوها اللي جاي يغير جو .. ما حصل الا الخلعات والصريخ .. فدقت على خالتها تستأذنها يبات حيدر وياهم الليله.. ويالله رضت .. وهي تهدد ان داس رائد فبطنه الا يشوف .. وزهراء تطمنها .. ما بيصير فيه شي .. بكبره رائد مكسر..
حطوا الغدى وقعدوا يتغدوا... << وصلت حزتها الساعه 4 العصر...



على البحر.. قعدوا .. عبدالله ورائد...بعد ما وصل عبدالله الشباب اللي معاه لبيوتهم... واشترى شندويشات ..


فتح عبدالله السندويشه لرائد وصار رائد ياكل.. وعبدالله قاعد على الكرسي وعيونه على البحر .. ورائد يراقب في عبدالله .. اللي كانت عيونه تضيق وتزيد حدة بالنظر كلما زاد تلاطم الموج .. شوي التفت عبدالله لرائد .. لقاه
بأسنانه يحاول يشق الورق اللي على السندويشه.. ضحك عبدالله واخذها من ايد رائد وهو يفتح الباقي :
ــ لويش ما تقول لي افتحها .. ؟؟؟
رائد ما رد عليه .. واخذ السندويشه وكمل الباقي وهوساكت .. بس عيونه ردت رد عبدالله كلام فهم معناه ::: انا ما احب اطلب مساعده من احد :::
حط عبدالله رجل على رجل وشبك كفوفه ورا راسه .. وصرخ بصوت قوي :
ــ اااااااااااااااااااااااااااااااااااااااااااااااااا ااااااااااااااااااااااااااااااااه...
رائد اختلع من الحركه وابتسم ابتسامه جانبيه ..
التفت عبدالله لرائد.. وبإبتسامه قال له :
ــ مينون انا صح ..؟؟!!
رائد ابتسم.. وهو ينهش الشندويشه ورفع كتوفه .. بمعنى .. ::ما ادري ::
رد له عبدالله الإبتسامه .. وقال له :
ــ تدري.. انا كلما تضايقت جيت هنا .. وقعدت على هالكرسي بالذات .. واذا جيت وشفت احد قاعد عليه ودي ادوس فبطنه .. خخ .. تدري لويش..؟؟
رائد ابتسم .. وحرك راسه بمعنى ..:: لااا::..
رد عليه عبدالله :
ــ طالع وراك على مسند الكرسي ...
التفت رائد .. وشاف محفور على الخشب .. م هـ ن د.. وراه.. و.. ع ب د الله .. ورى عبدالله...
حط رائد السندويشه على الكرسي وصار بصبعه يتلمس الحروف اللي مكونه اسم مهند .. محفوره بعمق .. ..
عبدالله التفت على رائد وتربع على الكرسي ... وصار هو الثاني يتحسس اسمه المحفور ..
وتنهد من عميق قلبه وقال :
ــ من اربع سنوات.. حفر اخوي مهند هالأسمين.. كنت دوم اجيبه هنا .. نقعد ويا بعض .. ويسولف لي متى يكبر ويروح المدرسه.. ويصير يكتب الحروف مشبكه .. علمته الحروف ومن الفرحه حب يطبقها في مكان يحبه وبطريقه تظل للأبد.. كان وقتها عمره 5 سنوات.. استغربت منه يوم يطلب مني سكين متعددة الإستخدامات محتفظ فيها بسيارتي وكنت ما احب يشوفها بيدي ولا احبه يمسكها.. طلبها مني برجاء .. عطيتها اياه .. وفاجأني وهو يحفر هالحروف .. وفاجأني اكثر يوم يحفر بداية اسمي .. مفرق ما عدا الله .. كتبها كامله .. لا اله الا الله .. يوم سألته كيف عرفتها .. رد علي ..:
اذا فتحت القران والا أي دعاء .. اشوف كلمه طويلة متكرره في البدايه فيهم.. سألت ابوي عنها .. قال لي هذي.. بسم الله الرحمن الرحيم ..
الله.. عرفت هالكلمة ..وحبيتها .. وصرت ادعوه ليل نهار يكبرني واصير قد الدنيا .. واعرف كل شي واسوي كل شي .. وحفظت اسم الله وصرت اعرف اكتبه عدل .. وانت يا اخوي عبد لله .. فكتبت ع ب د .. وكتبت اللي ما انساه . الله ...
سكتت عبدالله واحمرت عيونه وصار يتحسس اسم الله بعمق .. وتنهد..
ــ لا اله الا الله.. محمد رسول الله.. علي ولي الله ... ونعم بالله .. راضي يارب بحكمتك وقضائك...
وسكتت .. ورجع يتأمل البحر ..
رائد.. ومن بعد صمت مو طبيعي ومن بعد حوار كانت لغته فيه لغة الإيماء بالرأس والا الكتف .. نطق كلمتين :
ــ مهند وينهو..؟؟؟
ابتسم عبدالله ..ورفع راسه للسما.. وقال:
ــ مهند.. مهند ..كل ااااه.. تطلع من صدري بحرقه.. والم... مهند عايش بقلبي بعد ما اخذه الموت مني...
رائد حس برعشه بجسمه يوم سمع كلام عبدالله وبعفويه رجع سأل:
ــ يعني مهند مات..
ــ ايه .. من ثلاث سنوات.. لو عايش كان الحين بعمرك .. الله يخليك ويحفظك لأهلك..
ــ ولويش مات..
عبدالله تغيرت ملامحه وبحزن رد:
ــ اخذه الخبيث...بعد ما عذبه سنه كامله..

رجع رائد وسكت.. مهو عارف ويش يعني الخبيث .. " يادافع البلاا يالله"
ولا هو عارف يسأل عبدالله ويش يعني... وقام من على الكرسي ..
وراح وقف عند البحر .. يطالع في سرطان" قبقب " يمشي ...
شوي .. لقى عبدالله وقف جنبه .. وصار ينشد ...:
ــ اذا الأقدار خذت منا حبايبنا.. نردد ااه.. يا قسمتنا والنصيب
واذا العين تعبت من مدامعنا.. نعاتبها يستاهل دمعش الحبيب
صعب ننسى ونبعد وان تجاهلنا.. ترد الذكرى ترجعنا قريب
وما نملك الا االصبر والله يساعدنا.. هو الشافي للهم والطبيب

سكتت عبدالله.. ورائد يتأمله.. مبتسم... وبنبرة كلها اعجاب..
ــ الله .. صوتك حليو .. والكلمات احلى ..
ضحك عبدالله من قلب وحط ايده على راس رائد..
ــ والله .. هذي كلماتي ... تدري ما احد سمعها غيرك.. والله يا رائد منت هين .. تفهم بالشعر هاا..
ابستم رائد وطالع على جنب :
ــ ويش مفكرني ثور ما افتهم..
ــ هههههههههه.. لاااا .. حاشاك ..انا ما قلت كذا.. لويش تقول كذا.. حسبي الله على شرك..
ــ اجل منت مصدق ومفتكر روحك.. غراب ينعق .. خخ .. زي امينوه ..
ــ هههههههههههههههههههههه.. بــــــــــعــــــــد.. لااااااا.. حاشاي انا .. اصير زي امينوه وامثاله... الا .. تعال تعال تعال ...
ومسك عبدالله اذون رائد على خفيف يعنفه بمزح..
ــ امينووه هااا.. لااايكوون انت الزعيم...
رائد هز راسه وهو مبتسم ومغمض عين وحده.. بمعنى :: ايه..::
عبدالله فقع من الضحك..
ــ حسبي الله على شرك والله عليك هوايل .. ومتابع الهوشه من اولها لأخرها... بس تعال تعال تعال بعد.. لويش ما تنتبه وانت تركض لو صابك شي يوم امينوه يضرب رصاص.. ما تخاف انت على عمرك..؟؟
رد رائد :
ــ خفت عليك ...
ترك عبدالله اذون رائد:: وبإستفهام مستغرب وابتسامه تحمل مليون الف سؤال ..
ــ خايف علي .؟؟؟. لويش تعرفني !!!.. انا ماانتبهت الا انا وياك على الأرض قلت من خلعة الرصاص صدمتني .. طلعت متعمد؟؟
ــ ايه..
ــ ولويش؟؟
رائد سكت... وما رد ..
عبدالله ابتسم... :
ــ يا بطل .. قول لأنك اخوي الكبير .. وانا انقذتك..
رائد ابتسم ابتسامه مره قويه نورت وجهه من الفرح .. ورد بنبرة الملهوف والموافق على الشي بشدة:
ــ إيــــــــــــــــــــه يا خوووي ...
مد عبدالله كفه لرائد .. وشبك كف رائد بكفه .. وقال :
ــ خلاص انا اخوك .. وانت اخوي... طول العمر..
وابستم .. : الله لا يحرمنا من بعض..
رائد رد عليه:
ــ يارب ..
شوي الا جوال عبدالله يرن .. كان فاضل يسأل عن رائد .. وشلون ايده ما تعوره..
عبدالله طمن فاضل وقال له مسافة الطريق ويكون رائد في البيت ..

ركبوا السيارة.. وبين ما عبدالله يسوق.. طلب رائد منه انه يرجع ينشد له الأبيات اللي نشدهم في البحر ..

ابتسم عبدالله .. ولبى له طلبه.. وصار كلما يخلصها .. يطلب منه رائد يعيدها.. لين صار عبدالله تلقائي يعديها كلما خلصت...

وصل رائد البيت... على صوت اذان المغرب ... ووعده عبدالله انه كلما بين فتره وفتره بيمر عليه وبيطلعوا..

[Princess]

دخل رائد البيت .. وما مداه بيفتح الباب الداخلي ولا يلقى الا رؤى تطيح فوقه ودمعتها على خدها ..
ــ لاااااائد..
وتحضنه وتصير تصيح ..
وهو يضحك :
ــ ويش فيش ما فيني شي .. لا تصيحي .. يللا خلاص
وهي تصيح .. وحالتها حاله..
قام رائد يمزح وياها..
ــ بتسكتي لا بهالبنيَّه على راسش وتتكسر..
ضحكت رؤى من قلب وردت عليه :
ــ ايه اللحين تطمنت انك ما فيك شي اذا السالفه فيها تكسيل.. هذا لائد اخوي طبيعي ما فيه شي ..
ضحك عليها رائد عدل .. شوي الا حيدر طالع من الصالة.. يصرخ..:
ــ رااائدووه.. جيت ..تعال نصلي وتالي العب وياي دور .. زهقتني رؤووه ماهي راضيه تلعب ويوم رضت بالصاقعه .. ما تعرف تلعب ..
ضحك رائد :
ــ اوووه .. حيدرووه هنا... صدق نسيتك.. ويش اخبارك بعد الخلعه .. ما شلخ بدنك امينوه.. افاا.. راح عليك اليوم.. امحق اجازه,,
حيدروه وهو محمق :
ــ لاااا.. ويش مفكر .. انا قلت لأمي بانام وياك .. مو بعد تنساني .. لا الحين ارجع بيتنا..
رائد ميت من الضحك:
ــ عدال.. مره ... تهدد .. والله وطلع لك لسان يا حيدووور.. وخر بس خلني بدخل..
ودخل رائد .. راح لأمه .. كانت تحوس في المطبخ.. من شافته استلمته تحقيق ..
ــ ويش اخبار ايدك...؟؟ويش سويتوا ؟؟ وييش قلتوا.؟؟. وويش .. وويش...؟؟؟
وقص رائد على امه اللي صار بالتفصيل.. ويوم وصل لسالفة مهند وسبب موته... مسحت زهراء ايدها على وجهها .. وبنبره مخلوعه وحزينه قالت:
ــ الصلاة على محمد وال محمد... يا دافع البلا يالله...
رائد خلاص.. وصل الفضول عنده لحده..
سأل امه.. :
ــ اماااه.. ويش يطلع الخبيث.؟؟
علمته امه بالهداوه:
ــ هذا يا ولدي .. الله يكافينا شره.. مرض يجي للواحد.. وماله علاج.. يبتدي في مكان بالجسم وينتشر.. وخلاص يموت الواحد..
ــ ولويش سموه الخبيث..
ــ يا دافع البلا .. يا ولدي لأن هالمرض ما يرحم.. ينتشر بأذى وخبث ويسموه بعد السرطان..
ــ السرطان..؟؟ لويش؟؟ يقصدوا اللي في البحر القبقب مو هو السرطان..
زهراء ابتسمت وتنهدت:
ــ ايه يا رائد.. سموه كذا.. لأنه مثل السرطان.. اذا مشى.. تعرف كيف يمشي..؟؟
ــ ايه .. وتوني بعد شايف ويا عبدالله واحد واحنا على البحر .. يمشي كذا...
ومثل رائد لأمه بأصابيع ايده شلون يمشي السرطان.. حرك اصابيعه في البداية شوي شوي .. وبعدين قال لأمه:
ــ شوي شوي .. وبعدين يسرع يسرع ويطب في البحر..
ردت عليه امه:
ــ إيــــه يا ولدي .. شوي شوي يصير في الجسم .. وبعدين يسرع.. وينتشر وخلاص يا مجير يا الله .. ..

سكتت رائد وقعد على كرسي بالمطبخ.. وسرح بعيد..

راحت له امه.. ومسحت على راسه.. وقالت له:
ــ يا دافع البلا يا ولدي .. الله رايد لمهند يموت .. ما باليد حيلة.. عبدالله خوش رجال.. الله يعوض عليه بأولاده ان شالله
ــ ان شالله .. وتواعدنا نصير اخوان.. انا وهو
ــ صحيح.. زين .. الله يخليكم لبعض.. ووقت ما تحب تخليه يجي بيتنا قول له يتفضل مع ابوه.. ابوه رجال طيب.. ابوك حبه .. مثل جدك ابو فاضل الله يرحمه.. بتحبه بعد وبيصير جدك..
فرح رائد بالمره.. واستانس .. حاس ان الدنيا بتطير به من الوناسه..
عبدالله صار حسبة اخوه.. واخيرا .. بسبة هالهوشه اللي جت لا عالبال ولا عالخاطر..و تحقق حلمه انه يصير قريب منه ..

ورب ضارة نافعه...

والى اللقاء في الحلقة المقبله ..

[آهات عاشقه]

اني مستانسه لاني طبيت عليش اول مانزلتيها


عشان اول وحده اقراها



تعجبني لاء زهلاء

مله حليوه

طلبتش خيه


المره الجايه حطي الينا اكثر
>>> طماعه

تسلمي غناتي

والله يعطيش الف عافيه

دمتي لنا

[*زهرة البنفسج*]

تسلمي امورة يالغلا
والله اني مادريت عن قصتك ئله من ضحكوه
ههههههه
بس اشوي قالت لي قبل لاطوفني واجد
يعطيك ربي العافيه

[.:روح وريحان:.]

ياهلا امووورة
ترى اني ماصبر
كل ماتتاخري تلاقين انذاار
هههههههههههههه
ع فكرة اموووت في اسم
رؤى
كثري من هالاسم
لا وبعد غلطى بحرف الراء
وناااااسة والله
يسلمووو خيتو على التكمله

[آخر شقآوهـ ..~]

ــ ايه اللحين تطمنت انك ما فيك شي اذا السالفه فيها تكسيل.. هذا لائد اخوي طبيعي ما فيه شي ..

ههههههههههه ضحكتني تطمن ادا ضربها وعلى عمري تعودت ع الطق
تكسيل كأنها تقول تغسيل
كلامها يجنن
يالله خيوه نستنى الحلقه الجديده
يعطيكِ ربي العافيه
تحياتي
ضحكوه البطه

[فرح]

اللهم صلي على محمد وعلى آل محمد
يسلموووو عزيزتي امـــــــووووره
كنت مابي ارد الابالاخر لكن ماقدرت ما احط البصمه
لان ما احب الانتظااااار بس مايفيد فيني !!
القصه رووووعه وتسلم الايااادي
وبعد فيها شيء رؤى حرف الراء هذا
له حكااايه عندي ؟
يعطيك الف مليووون عاااافيه
جاااري الانتظااار الحلقااات القادمه
تحيااااتي فــــــــرح

[زهرة القلوب]

مشكوره خيه اميرة
على القصه الرائعه
ننتظر القصه بفارغ الصبر
الله يعطيك الف عافيه
القصه تججججججنن

[دمعه حزن]

مبدعتنا امووره
ما شاء الله عليج ابداعات ولا احلى
بس عاد انا ما بقرأها الا اذا كملتيها كامل
ما ابي احرق اعصابي بالانتظار لاني اكره الانتظاااار
بس جد ابدااااع ولا احلى امووره
يالله لا تتاخري عليهم وعلينا بعد
لاني متحمسه ابي اقرأ القصه
يعطيك العافيه

تحياتي
دمعه حزن

[Princess]

مشكوورين جميع على التفاعل الروعه يعطيكم الف عافيه
واعذروني لو تأخرت شويات... :rolleyes:
بس النت البارحه ما ادري ويش فيه خخ خرف..
وتفضلوا الجزء الجديد
دمتم بحفظ الرحمن

[Princess]

اليوم الخميس ...الساعة 5 الفجر .. ام حسين قاعده بالحوش بعد الصلاة.. .. على التاوة تخبز خبز.. تمسح التاوة بيمينها بالعجينه.. تسبقها بسم الرحمن ..و بكل خفه وسرعه.. والإبتسامه مرسومة على وجهها السمح .. وبصوتها اللي يرسم البسمه وتعيش معه جو الماضي لحظه بلحظه..:


ــ أماه امبى لقمة **** واللقمة من البرمة
والبرمة من الحطب **** والحطب يمبى قدوم
والقدوم عند الحداد **** والحداد يمبى فلوس
والفلوس عندالعروس **** والعروس تمبى ريل


وترفع ايدها اليسار .. وبنبرة الملهوف المشتاق :
" ياارب يالله تبلغني فيك يا فارس يا ولدي .. عساني اشوفك معرس .. على ديك العروس القمر ..واغسل رجولكم يا كريم "


وتنهدت من قلب والإبتسامه ما فارقت شفتها وترجع تكمل اغنيتها ..


والريل يمبى أولاد **** والأولاد يمبوا حليب


والحليب عند البقر **** والبقر يمبى حشيش


والحشيش من المطر **** والمطر من عند الله


لا اله إلا الله **** محمد رسول الله *** علي ولي الله...


وتخلص خباز .. وتكيس الخبزات في الأكياس.. وتصفهم بترتيب في ..
" المغطس" " الطشت" " السحلة" <<<<< ههههه بأغلب لغات القطيف لو اعرف زود قلت ..
وتتوسد الأرض بأياديها تقوم.. تعدل الشيلة.. وتتوجه لغرفة حفيدها فارس.. وهي تلهج بالتسبيح .. تطق الباب.. وتفتحه بهداوه .. وعلى صوت صرير الباب القديم
يفتح فارس عيونه...
ــ امي فارس.. قعدت.. ؟؟
فارس يتمغط ويمسح وجهه وبأبتسامه:
ــ ايه امااه.. صباح الخير
ــ صبحك الله بالنور والسرور والخير يا بعد ابوي .. يللا قوم بالصلاة على محمد تمسح وصلي مدة اسوي لك لقمة.. قبل لا تروح سوق الخميس..
ــ ان شالله اماه..
ويقوم فارس يعدل منامه.. يتمسح ويصلي.. ويطلع لجدته اللي جهزت له.. الحليب الصاخن.. وقرص البيض مع الخبز,,
يبوس راسها قبل لا يقعد:
ــ يعطيش العافيه امااه .. ولا يحرمني منش ..
وترفع ام حسين ايدها للسما..
ــ ولا يحرمني منك يا بعد روحي بلغني الله فيك ..
ــ ان شالله فيني وفي اولادي واولاد اولادي
تمسك ام حسين الشيله وتغطي وجها بها :
ــ يؤه .. ههههههههههه.. ويلي ياولد لأولاد اولادك بعد.. الله يخليك يا بعد روحي
ــ ويخليش يا أحلى ام وجده ومرة بالدنيا.. انا اذا كبرت وبتعرسيني ابغى وحده زيش..
ــ هههههه.. ضبعه.. ويش لك بالضبعان...
ــ هههههههههه احلى ضبعه..
تمسك ام حسين طرف شيلتها وتضرب بها فارس :
ــ غربل الله شرك..
ويصيروا يسولفوا وهم يفطروا سوالف زي العسل .. تشرح القلب بعيده عن الهموم والضيقه والمشاكل .. سوالف تتخللها كل دقايق ادعيه من اصدق القلوب في الدعاء...
ــ الحمدلله رب العالمين
ــ عوافي يا ولدي .. يالله تديمها من نعمه وتحفظها من الزوال ..
ــ يارب .. الله يعافيش اماه... يللا باغسل ايدي .. عشان الحق ابسط بالسوق
ــ يللا امي .. اني برزتهم لك بالمغطس..


------------------------------------------
فارس .. عمره وقتها 12 سنه... ولد مرضي .. طيب وحباب .. الكل في فريقهم يحبه.. خدوم ويساعد الغير .. يضحي بكل شي يقدر عليه.. رغم ضيقة الحال اللي هم فيها .على الله وعلى الشؤوون... الا انه كان يكافح.. ويحاول قد ما يقدر ...
كان ذكي وشاطر.. كان ايام دراسته .. يرجع من البيت وعلى طول يخلص مذاكرته.. ويروح يعلم اولاد بالإبتدائيه لواحد بطران في فريقهم كان يعرف جده المرحوم .. سمع بذكاء فارس وبحالتهم المادية فحب يساعده بطريقة ما يجرحه ويحرجه فيها.. ويوم الخميس يبسط بسوق الخميس يبيع خبز تاوة وماي مثلج..


------------------------------------------



حمل فارس المغطس على راسه.. وطلع يتمشى للسوق .. وقلبه بالمره مليان رضى وقناعه .. لاهو متذمر .. ولا هو متضايق..


ترررن.. ترررن... تلفون بيت فاضل يرن.. الساعه 10 الصباح..
ــ الوو.. <<< رؤى...
ــ السلام عليكم ... <<<< عبدالله.. اخذ الرقم من عند رائد " للتواصل"
ــ وعليكم السلام ..
ــ ابوش نايم.. والا قاعد..
ــ لا قعد..
ــ طيب نادي لي عليه..
ــ ان شالله..


ــ يبااااه.. في واحد يبغاك في التلفون...
ــ ميين؟؟
ــ ما ادري .. ما قال لي ..
ــ يمكن رضا عمش << يسميه اخوي بحكم الجيرة والصداقه القديمه..
ــ لااا مو عمي .. صوته غير..
ــ خير ان شالله .. اشوف الحين


ــ الو.. مرحبا..
ــ مراحب هلا اخوي ابو رائد..
ــ هلا .. هلا عبدالله..
ــ هلا فيك.. اخباركم عساكم بخير
ــ بخير الله يسلمك اخبارك انت واخبار الوالد...
ــ بخير الله يخليك يسلم عليكم
ــ الله يسلمك وياه من الشر
ــ اخبار رائد كيف صارت ايده..
ــ بخير الحمدلله..
ــ الحمدلله... ااا...ابغى اطلبك اذا ما عليك امر ولا كلافه..
ــ اطلب ياخوي .. امرني
ــ ما يامر عليك ظالم .. بس اليوم الخميس وحبيت اخذ رائد اذا ماعندكم مانع اتمشى وياه بالسوق ..
ــ لا ..عادي غالي والطلب رخيص.. حياك الله
ــ تسلم الله يحييك...


-------------------------------
عبدالله .. من ثلاث سنوات ما طب سوق الخميس .. كان مهند يحب يروح يتمشى معاه.. فمن فارقه اخوه.. فارقت رجوله تراب السوق.. وماعاد يروحه..
بس يوم عرف رائد.. حس الروح رجعت له.. وحب يسترجع الذكريات معاه...
--------------------------------



سكر فاضل السماعه.. وراح لزهراء خبرها بالموضوع .. فرحت.. وطلبت من ابو رائد يرجع يدق على عبدالله يعزمه على الغدا عندهم هو ويا ابوه ..


فاضل سوى اللي قالت عليه زهراء.. وبالموت رضى عبدالله .. بالحلف عليه...
ولو ما ساومه فاضل على طلعة رائد.. اما يتغدى والا ما في طلعه ..
استسلم عبدالله وضحك ووافق...


فاضل يدري هالشي بيفرح رائد.. راح له غرفته لقى المعركه قايمه.. وشوي تجيه كوره ..طاااخ .. على وجهه..
ــ اااه.. ويش هذا..؟؟
الا رائد مطلع راسه من السقيفه...
ــ يؤه .. يبااه .. ههههههه اسف .. بس ادور حاجه..
ــ تدور شي تسوي هالمعركه...
ــ هههه زهقان.. عادي تالي ارتبهم
ــ ترتبهم هاا.. اذا مو اختك والا امك تعلمني عنك...
ــ خخ .. لااا.. ادري ..
ــ المهم عندي لك خبر.. بيطيرك من الفرحه..
رائد نط من السقيفه وهو متلهف .
ــ. خبر ويش ؟؟
ــ عبدالله..
نور وجه رائد من سمع اسم عبدالله وبلهفه رد::
ــ أيـــــــــــــــــــه ويش فيه..
ــ خمن.. ويش؟؟
ــ مو قادر اخمن.. ويــــــــش؟؟
ــ ههههههههه اعصابك.. اموت واعرف ويش مسوي فيك هالعبدالله ساحرنك
ــ ههههه لا سلامتك يبه بس احبه .. اخوي الكبير هذا..
ــ اوه اوه.. والله حركات... الله يخليكم لبعض...
ــ يارب.. يباااه .. ويش فيه..
ــ ههههههه ايه صدق.. جهز نفسك بيطلع وياك سوق الخميس..
رائد من سمع هالخبر .. طار من الفرحه وضم ابوه وصار يناقز
ــ ياهوووو .. بيروح وياي سوق الخميس .. هيه هيه هيه..
ــ هههههههه غربل الله بليسك .. عساك دوم مستانس والله يجزاه خير من كان السبب..
نص ساعه .. تجهز رائد ومر عليه عبدالله...


ركب رائد السيارة.. وهم بالطريق .. تفاجأ عبدالله برائد يطلب منه ينشد له الأنشوده اللي نشدها له البارح..
عبدالله لبى له الطلب... وصار ينشد... شوي تداخل مع صوت عبدالله صوت رائد..
ابتسم عبدلله وكمل .. ماحب يلتفت لرائد لا يحرجه.. ويسكت ...
لين وصلوا سوق الخميس...
وصاروا يتمشوا.. عبدالله شابك ايد رائد.. ورائد مهي سايعتنه الأرض من الفرحه..
شروا حلويات.. واكل.. وصاروا يسولفوا وهم مستانسين..



يتبع>>>

[Princess]

في موقع ما في سوق الخميس .. كان فارس مبسط.. بخبز التاوة..


شوي جا اله واحد رجال كبير ببسطته معروف بأبو مصيبة ... << يادافع البلا خخ وهو يفتخر بهاللقب..
ــ هييه انت .. قوم .. هذا مكاني..
فارس استغرب كل اسبوع هذا مكانه ويش عنده هذا ؟؟
ــ لا.. مو مكانك كل اسبوع انا اقعد هنا...
ــ لا والله بتقوم .. لا اوريك شغلك.. مو ناقصني الا جهال ..
ــ واذا قلت لك مانا قايم...
ــ منت قايم .. ها.. اوريك...
ويشيل بيده المغطس ويكفخ به.. ويفتت الخبز ويتكسر تكسير..


كان يراقب الموقف على مسافه مهي بعيده رائد وعبدالله..


عبدالله من شاف حركة ابو مصيبة... وتكسيرة وتخريبة لرزق الولد المسكين .. شبت في قلبة حرايق ناار... وراح وهو معصب للرجال .. قال خلني اتفاهم وياه,, مسك اعصابه .. ولمس كتف الرجال ..
ــ السلام عليكم..
الرجال مره مو شي .. واحد نفسة خايسه.. شال ايد عبدالله من كتفه .. ومن طرف خشمه ..
ــ وعليكم .. خير ويش عندك..
عبدالله ما عجبته الحركه دق له عرق بس تمالك اعصابه..
ــ ابد .. بس مو عيب عليك هالحركه.. هذا رزق الولد تجي وتسوي كذا..ليش وين ضميرك..
ــ عيب اللي يعيبك.. جاي تعلمني العيب .. وانت مو عيب تتدخل في اللي مالك فيه..مالك شغل..
عبدالله وصلت معاه ..
ــ الا ...الي.. شغل ويللا عاد.. مصختها .. جيناك نحشمك طلعت ما تستاهل .. بسرعه ادفع ثمن اللي خربته للولد..
ــ واذا قلت لك مانا دافع...
عبدالله مسك دراعة الرجال من كتوفها .. وشده لوجهه..
ــ بتدفع غصبن عليك..
نفض الرجال ايادي عبدالله ..
ــ غصبن على امك .. مو علي ... روح بس الحق امك.. يا بن الـــ......


عبدالله ما يتحمل كل شي الا طاري امه ,, ويحوش الرجال بكس على عينه ..
وتقوم العركه ..وفارس ورائد على جنب ..


شوي يشيل رائد المغطس ... ويطيح شدخ في الرجال وين ما يحوش لحمه .. رضرض عظامه ,, وفارس يطالعهم وهو مبهوت ..


وقام الصريخ.. وتجمعوا الناس .. يهدوا في ابو مصيبة .. . لا يرتكب جريمة .. لأنه الرجال هذا معروف يا دافع البلا .. بسوء سيرته.. ومو بعيده لسا اثر السكر فيه وجاي يتعيلف بفارس المسكين... بس الرجال مو راضي يهدى...


فككوهم بالصاقعه .. يالله انفكوا ... وراح ابو مصيبة وهو يسب ,,وناوي على نية قشرى,,,عبدالله كسر خاطره شكل فارس .. مبهوت.. ما حصل الا كم ريال من هالبسطه..
وجهه اصفر وشاحب... من الموقف.. واقف ولا حركه..
كان فارس يقلب الفكر.. تعب جدته .. وجلستها من الصبح.. صار طحين...مفتفت..
مد عبدالله ايده لمخباه.. وطلع اللي عنده وعطاه فارس.. بس فارس ما رضى...
عبدالله قال له انه بياخذ كل الرقاق اللي في البسطه ولا يهمه ..
ورضى فارس.. ورجعتهم طلب عبدالله من فارس يوصله للبيت .. وبالموت رضى..
ركبوا.. رائد كان حاس بالغيره من فارس.. عبدالله مهتم فيه مره.. وزاد اهتمامه والسوالف معاه يوم درى به يتيم الأم مثله..
رائد متضايق .. وطول الطريق ساكت .. وشوي وصلوا للفريق اللي ساكن فيه فارس..
عبدالله :
ــ وين بيتكم فارس..
ــ هههه خلاص يعطيك العافيه.. بيتي داخل زرنوق ما بتدخل سيارتك لو ويش..
ــ هههههه طيب حياك الله..
ونزلته فارس.. ابتسم في وجه عبدالله وشكره.. ودار بيدخل الزرنوق..
الا عبدالله فاتح النافذه اللي جهة رائد " رائد كان قاعد قدام "
ونادى على فارس..


والى اللقاء بالحلقه القادمه..

[::: كان حلم :::]

واااااااااااااو والله قصة رووووووووووعة تسلمي اختي اميرة

تسلم ايدك..




كان حلم

[آهات عاشقه]

اللله وناااااااااااااسه


الله يخلي رائد لعبد الله

ويخلي فارس لجدته

تسلمي يالغاليه والله يعطيش الف عافيه

دمتي لنا

يلا متى بتنزلي الاجزاء الباقي>>مستعجله

[آخر شقآوهـ ..~]

يالله امووووروه لازم تشوقينا كفاريات
مايصير جدي
بس اقول زودي هـ الغيره اللي في رائد
تسلمي حبيبتي
يعطيكِ ربي الف عافيه
تحياتي
ضحكوه البطه

[.:روح وريحان:.]

واااو
كل حلقة تزيد حلاوة القصة
مشكوورة امووورة
ع التكمله
وياارب يهدي كمبيوتركم ولا يخترب الحين ولا يخرف
ويحفظه من كل شر وفايروس
ههههههههههه

انتظر التكملهـ..

[الحال2007مه]

اي والله لاتتاخري علينا واجد<<<<شوقتني الحلقه
وانشاء الله يصطلح الانترنت عشان تنزلي بقية الحلقات

[Princess]

يسلمووووو جميع ياهلا فيكم... منورين ويا حلو هالتواجد اسعدني..
كان حلم ... الروعه التواجد الجميل تسلم عليه اخوي
اهات عاشقه .. الله يعافيش حبابه ... وتسلمي
ضحووك .. هههههه كنش تقري افكاري يالبطه ... منوره يالغلا
بشوور.. الحلا وجودش حبيبتي لا تحرمينا هالطلات وحلو هالدعوات ..
الحالمه... منوره .. وتسلمي هههه .. ان شالله يسمع منش

تفضلوا الجديد

[Princess]

ونزلته فارس.. ابتسم في وجه عبدالله وشكره.. ودار بيدخل الزرنوق..
الا عبدالله فاتح النافذه اللي جهة رائد " رائد كان قاعد قدام "
ونادى على فارس..
ــ نعم ..
ــ الله ينعم عليك.. الأسبوع الجاي بتبسط؟؟؟
فارس انرسم الحزن على وجهه ..
ــ ما ادري عقب هالهوشه .. ما يندرى ويش ناوي ابو مصيبة من نية..؟؟
ــ ما عليك منه .. كل اسبوع بسط وانا بكون موجود .. يولي .. ليش السوق سوق ابوه وحنا ما ندري..
ــ ههههههه .. شكرا.. تسلم
ــ عفوا.. ما سوينا الا الواجب

رائد ساااكت... ومقهور ويغلي غلي .. خاطره يسكر النافذه على فارس اللي متكي عليها وهو يكلم عبدالله. ويخنقه ...
وده يصررررخ .. هييييييييه ويش عندك .. فارق ..
بس مو عارف لأنه عبدالله هو اللي يكلمه.. و هو اللي في البدايه ناداه..
<<< صاير من القهر مثل صفرية حاميه وفيها ذرة " فوشار" وعروقة من القهر تطق طق ..

ومشا عبدالله عن فارس ... بطريقهم لبيت عبدالله بيمروا على ابوه .. عشان العزومه .. ورائد طول الوقت ساكت.. عبدالله حس عليه انه في شي مضايقنه ..

ـــ كح.. احم .. اا.. في ناس طول الطريق ساكتين .. ما دريتوا ويش فيهم..
رائد تكتف ونظر لعبدالله على جنب .. وما رد ..
عبدالله ما عجبته الحركه ..
ــ بعــــــــــــــــــــــد... عاطني طنااش... عدال يا مطنش.. لويش ... خير ويش فيك..؟؟
رائد ولع .. حمق ... خلاص شبت في قلبه حراايق .. ويلتفت على عبدالله بسرعه ويصرخ..
ــ انا .. انا .. المطنش .. والا انت ؟؟
ــ هاا.. انا ؟؟؟
ــ ايه انت .. اسأل روحك.. من شفت هالفارس .. الله بالخير... ما كني وياك بالدنيا .. مره عاد انا المهتم ..
ــ ؟؟!!|||!!؟؟؟؟؟ <<< نظراات عبدالله تشرح هذا الواقع ...
ــ لا تطالعني كذا ..
ــ ما دامك منت مهتم .. لويش تصارخ الحين .. وتعاتب؟؟
ــ هاا ... <<< انربط لسان رائد... ولا شي .. كذا ابغى اتشابق فيها شي ..
ــ ههههههههه يا حليلك بس... ويش فيك بلا نحاسه .. ..
رائد ساكتت
ــ زعيمووه ... زعيموووه .. لك بطل دلع ولااا...
رائد صمت .. لا تعليق...
عبدالله حمق .. وسكت عنه ... ووصلوا بيت عبدالله.. وطلع ابو عبدالله .. رائد نزل وركب ورا.. عشان ابو عبدالله يركب قدام...

ثواني وصلوا بيت فاضل.. نزلوا... رائد عناااد في عبدالله نزل وما سكر الباب ...
عبدالله جته الضحكه على حركه المجاكر هذي تبع رائد... وفي باله:
ــ بطووول بالي عليك يا سيد رائد باشووف ويش اخرتها معاك...
دخلوا المجلس... وقعدوا شوي زين.. وحطوا الغدا,,, عبدالله توقع رائد يجي يجلس جنبه على السفرة.. بس رائد عناد جلس جنب ابوه..
رائد مره مقهووور وده يصيد فارس ويطيح فيه بدست خرب عليه هالمفاجأه..
عبدالله يضرب فكر..
ــ ويش فيه هذا زعلان... مو معقولة عشان فارس..؟؟
فاضل مستغرب ردة الفعل من رائد.. قال يمكن قدامي عادي ...يسوي حاله مو مهتم بعبدالله... الكل ياكل وحاط في باله احد ويضرب فكر عليه ...مستغرب منه..
لين قطع الصمت سؤال من فاضل لعبدالله:
ــ هاا ابو عابد .. تدرس .. تشتغل .. والا ويش؟؟؟
ــ لا والله متخرج من الثانوية .. والنسبة طايحه ياخووك.. وصار لي 3 سنين اهايت واداور بملفي من محل لمحل...
ــ اهاا.. الله يعينك...
ــ الله المعين..
فاضل .. دخل قلبه هالعبدالله.. وحاب يساعده .. صار يضرب فكر .. وجا على باله خوية رضا.. ليش ما يسأله يمكن يلاقي عنده وظيفه لعبدالله...

خلص رائد غدى بسرعه..
ــ الحمدلله...
ــ وين يا ولدي .. ما اكلت شي...
ــ شبعت الحمدلله..
عبدالله وبإبتسامه..
ــ يسوي رجيم
رائد ما رد على عبدالله .. عطاه طناش كالمعتاد وراح يغسل ايده...
عبدالله لااا وصلت معااه حدها... اول مره احد يسوي له هالحركات ولا يرد عليه ولا يتصرف هو معاه. صارت كلمة _ لويش _ تلعب في راسه :.
لويش. ما عرفت اتصرف .؟؟؟. لويش ما رديت عليه بقساوة يوم يطنشني .؟؟؟.لويش لو احد غير رائد كان لاقى له اقل شي زجره والا خزره مني ... عجيب يا رائد امرك... قاعد تلعب بأعصابي ؟؟

خلصوا غدى .. جلسوا يسولفوا.. عبدالله قعد جنب رائد اللي عاطنه طناااش عنيييف .. شوي قام رائد..
عبدالله :
ــ على وين ؟؟ وين رايح؟؟
رائد ما حب يطنش هالمره ...
ــ بطلع الحووش ... لويش ويش عندك...
ــ لااا.. بس سلامتك..
فاضل مو مستغرب سوالف ولده وطولة لسانه... قام يقول لعبدالله
ــ ههههه طول بالك يا خوي اقشر هالولد ما ادري على مين طالع
ــ ههههه لا عادي انا قيل له يطيح وياي الميانه..
ــ ايه الله لا يحرمكم من بعض ..ويخليكم ..
ــ تسلم,,

طلع رائد الحووش .. يحس وده يصرخ .. يتشااابق ...
ــ اااااااه يلعن يومك يا فاارس خربت علي يومي ...
عبدالله استأذن من فاضل وابوه.. ولحق رائد بدون ما يحس عليه ...
لقاه قاعد على درجه في الحوش .. جنب زراعه ..شجرة ليمون صغيرونه ونخلتين.. وريحان ريحته معبيه المكان... وقاعد رائد يحوس بالرمل بعصايه ويحفر فيه شوي... الا بسم الله.. صرصور صغير طلع. من بعد الحفر والنبش ..

ومفاجأه لعبدالله خلت حواجبة من الدهشه يرتعشوا ويرقصوا ... يوم شاف ردة فعل رائد...
ــ اااااااه .. ويع ويع ..
والصرصور يطير ويقعد على البلاط برى الرمل
وراائد مره .. مرعووب .. ولايعه كبده ...وموخر بعيد..

عبدالله مبتسم ابتسامه جانبيه .. وحواجبه بعدها على حالها .. مستغرررب ...
ــ لاااا.. رائد اللي يخوف بلد .. ونحاسته ما تنوصف .. يخااف .. ومن ويش .. صرصوووور...
لا شعوري كذا مسك عبدالله نعاله وطااااخ .. ويترصع الصرصوور على الأرض وراائد يسوي صوت اكشن خلفيه لعملية الإعدااام
ــ اااااااااااااااااه .. وييييييييع .. وويع .. وع وع وعععععع...
وتصير اجنحة الصرصوور المسكين وقرون استشعاره ترتعش .. بشوي شوي لين قضى نحبة...
ويتبع رائد هاللوعه بضحكه من قلب ... تتقطع فيها جملة ..:
ــ كيف اشتهيت ...كيف قدرت....
عبدالله مهو قادر على شكل رائد المرعوب واللي فجأه قام يهستر ضحك
وقام يضحك ويضحك معاه ... ويوم درى برعب رائد .. حب يزودها شوي .. طلع من مخباه "نشافه""منديل" ومسك الصرصور من قرن استشعاره .. وقربه من رائد.. وهو يخوف فيه ..
ــ وعععع .. اوووووووووه ... احطه على راسك
ــ لاااا.. ويع .. ااه..
ويصير رائد يراكض بالحوش .. وعبدالله وراه بذاك الصرصور المنتهي ..
بالنهاية وقف عبدالله ركيض تعب ,, وصار ينافخ وهو يضحك .. رمى الصرصوور على جنب في الرمل :
ــ هااا .. هدية للنملات ... خووش ذبيحه ... تعال خلاص رميته...
رائد مو قادر .. فيه ضحكه على رعب على مفتشل ... عبدالله اكتشف نقطة ضعفه ..
عبدالله :
ــ صرصووووووووور .. يــــــــــارااااائد .. افا بس افا ...
ــ خخ .. يللا عاد ... ويييع ما احبهم
ــ يعني انا اللي اموت فيهم ... بس رجال ما يخاف من صرصور .. اجل الوزغه ويش تسوي ..
ــ لااا .. الورغه اذبحها .. عادي ...
ــ ههههههههه عجيب .. شمعنى صرصور ...
ــ لااا ما ادري بس اداينه تخوفني ..
ــ اداينه ؟؟!!
ــ ايه .. خخ الخيوط اللي براسه وهم يتحركوا ,,, واذا يطير يخوف بعد ازيد
ــ هههههههههههههههههههه قصدك قرون استشعاره ,,,
ــ ههههههههههه ما ادري اللي مثل رقم سبعه على راسه ..
ـــ ههههههههههههههه رائدوووه خلاص خلاص تكفى متت ضحك... مانى قادر
ــ هههههههه ويش اسوي لك بعد .. لا تتمسخر علي هاا..
ــ هههههههه .. كح كح .. صرصووور ..هههههههههه
ــ لااااا .. مانا مانا ...
ــ خلاص .. هههههه بس ان طنشني والا زعلت علي لوريك .. باجمع شلة صراصير .. للضروره ..
ــ ههههههه ...

وشوي هدئوا... تنهد عبدالله ..
ــ ااه ضحكتني ...
والتفت لرائد اللي شكله مره فيه شي مضايقنه...
ــ رائد .. ويش فيك...؟؟
ــ مافيني شي ...
ــ الا فيك .. من بعد الشبقة بسوق الخميس وانت منت على بعضك..
لايكون بس ايدك عورتك.. والا الجبيرة صابها شي...
ــ لاااا
ــ متأكد ..اشوفك طحت بيدك اليسار شدخ في ابو مصيبة بالمغطس ههههههههه
عسى ما صابتك ضربة بس ...
ــ لاااا
ــ ويش فيك انت .. كله لاااا .. ولاااا.. جاوبني عدل ..
ـــ لااااا
عبدالله ولع ناار ..
ــ راائدووه ووجع ...
رائد عيوونه صارت حمرا و فجر كل اللي بقلبه...
ــ اسأل عمرك .. من شفت هالفارس وانت منت وياي .. ولا كنك تشوفني .. وطول الوقت مهتم فيه .. ومطنشني ... ولا داق لي خبر...كني مو معاكم بالسياره ,,, ايه شفته كبير .. وشكله شاطر..ويسولف سوالف تعجبك...و صرت انا ما اهمك...

عبدالله مو مستوعب الكلام... يبغى يدخله في راسه.. وصار يهلوس في باله :
ــ رائد ابو 9 سنين ... يتكلم كذا ... ولا يغار ما يبغاني اهتم بأحد غيره .. ياترى ويش انا بالنسبة لك يا رائد.. يالله .. لهذي الدرجه...!!!!
وقطع حبل الهلوسه رائد وهو يقول بتعنيف...
ــ اذا كاسر خاطرك مره .. روح بيع وياه بالسوق .. وخله اخوك بدالي ...

عبدالله انقهر من كلام رائد.. بس حب ياخذه على قد عقله رغم فصاحة لسانه..

ــ شوف يا رائد.. الدنيا عندك .. غير عندي... وغير عند فارس... انت عمرك 9 سنوات.. والحمدلله عايش بخير ونعمه يارب تحفظها من الزوال وفي حضن امك وابوك الله يخليك ليهم ويخليهم لك .. انا عمري 22 سنه.. عايش والحمدلله عيشة مستوره بس عطالي بطالي اراكض ورا الرزق... صحيح امي ماتت يوم كنت صغير .. بس الله عوضني بأبوي كان حنون علي وما قصر...
تعال لفارس... عمره 12 سنه... لسا صغير .. ام ما عنده .. ابو مهو حوله ... حالته حالة... شفته ويش يبيع .. خبز تاوة في السوق... الله رحم حالة بجدته... بذمتك يا رائد..؟؟؟. منهو اكثر واحد شقيان .؟؟؟. منهو يستاهل اهتمام من اللي حولة وعطف عليه ..؟؟؟

رائد هدت اعصابه ,,, وانكسر خاطره على فارس مره.. صار كلام عبدالله يتردد في مسامعه ... " منهو اكثر واحد شقيان .. منهو يستاهل اهتمام من اللي حولة وعطف عليه .."

والى الملتقى غدا ..





واعذروني على تقصيري بس صداع ذابحني شوي .. الله يعطيني الصحه واصدعكم من كثر القرايه :bigsmile:

[زهرة القلوب]

الله يعافيش اميره ويعطيش الصحه والعافيه

مشكوره

تحياتي زهرة القلوب

[آهات عاشقه]

الله يعطيش الف عافيه يالغاليه

واسم الله عليش من عوار الراس

ولو ودنا بأكثر لان ماشبعنا

لكن الله يعطيش العافيه

والمره الجايه تحطي الينا اكثر

وعلى فكره عجبتني غيرية رائد .. الله يخليه هو وعبد الله لبعض

دمتي يالغاليه

[ام الحلوين]

اللهم صلي على محمد وال محمد

والله انه انربط لساني وماني قادره ويش اقول او ويش اكتب

ماني قادره يا الغلا اوصف مشاعري ولو تشوفيني و اني اقراء القصه مره اضحك ومره اصيح من فرحتي بش يابعد عمري مني عارفه ويش اسوي الله يحميش ويبعد عنش اعيون الشياطين يارب


http://i108.photobucket.com/albums/n20/chips_10/ayatkursi.gif

[.:روح وريحان:.]

من حقش ام الحلوووين
وعندش بنووتة زي القمر
مشكووورة اميرووووة
وعطااش الله العافية
سلامتش ماتشوفي شر

[آخر شقآوهـ ..~]

ياسلام عليش يا اموره قصه مشوقه كل حلقه احلى من الثانيه
احداثها روعه وغيرة رائد اروع
الله يعطيش الصحه والعافيه خيوه
تحياتي
ضحكوه البطه

[*زهرة البنفسج*]

امورة قمورة حبيبت قلبنا
والله هلغيرة شي ها
حركتات
والله في حلقه امورة قلت لك وش سويت وقلتي لي ليش ماعلقتي
والحين بعلق
صحت صياح لو تشوفيني قاتلين لي قتيل
رجعتي مواجيعي ئلي صارت من سنة ونص:sad2:
وفاة ابوي الله يرحمه من هلمرض الخبيث يادفع الشر عن اللكل يارب
يسلموو امورة يالغلا
والضاهر امش فرحانه علي تشوف بنتها كاتبه ام الحلوين ماشاء الله بنتك يحليلها شي

[Princess]

يسلمو ووو جميعا .. اخجلتوني والله لا عدمته تواجدكم

اماااه .. تسلمي والله لا يحرمني منش .. من جد شوي وتطيح دمعتي على هالتواجد الجميل الله يخليش لينا يارب...

زهوور يالغلا .. الله يرحم ابوش ويسكنه فسيح جناته واسفه على تقليب المواجع ...
بس هذي الدنيا وهذا حالها , والقدر مو بيدنا نتحكم فيه .. الصبر يالغاليه والدعاء ورحم الله موتى الجميع ...

وجميعا .. تسلمووووووو وتشكرووا ..
وتفضلوااا
الحلقه الجديده ... واسفه على التأخير بس مزحومه عدل

[Princess]

رائد هدت اعصابه ,,, وانكسر خاطره على فارس مره.. صار كلام عبدالله يتردد في مسامعه ... " منهو اكثر واحد شقيان .. منهو يستاهل اهتمام من اللي حولة وعطف عليه .."
عبدالله:
ــ يللا بطلع انا.. توصي على شي...
ــ وين بتروح..
ــ ولا مكان.. با.. اهايت في الشوارع .. ما احب قعدة البيوت.. خصوصا اذا في ناس عزيزين علي عاطيني طناش.. اطلع احسن لي ..
ــ هااا.. اجل بطلع ويااك...
ــ ههههههههههههههه .. لعن ام التطنيش اللي كذا.. يللا مشينا.. بس روح استأذن من ابوك اول..
ــ هههههه .. زين.. مشينا...
استأذن رائد من ابوه .. وطلعوا... وهم بالطريق شافوا علي ولد هادي.. عم رائد.. في سيارته.. ومعاه راكب امينووه... رائد من شاف علي ويا امين... فتح النافذه وطل براسه والسيارة تمشي يبغى يتأكد .. علي هذا.. واللي معاه .. امينوه صدق ...
عبدالله مستغرب من حركة رائد:
ـــ ويش فيك.. ماد راسك برى .. لا يكون بس ترسل سلام للي ما يتسمى..؟؟
ــ مين..؟؟
ــ خخ مين بعد.. اللي لعنت سيارته حضرتك تشمخ..
ــ هههههه .. امينوه.. ايه.. بس لويش ما تقول اسمه..
ــ خذ لك .. وايه بعد.. يعني تعترف ترسل له سلام .. هااا.. اعود انزلك عنده.. يللا حاضرين..
ــ يؤوو .. لاااا.. انت ما فهمتني .. انا اقصد امين صحيح بس اقصد علي اكثر.. مستغرب ويش جمعه وياه.. وبعدين صدق لويش ما تقول اسمه خخ
ــ ما اشتهيه.. ينطرى على لساني.. ومين علي هذا؟؟؟
ــ هذا ولد عمي .. تخرج من الثانويه.. هذي 9 سنين وكل ما يدخل وظيفة طلع لو طردوه.. مو عاجبنه العجب...
ــ بلل .. صدق من شاف بلاوي الناس هانت عليه بلاويه.. من 9 سنين هذا يعني عمره تقريبا 29 ..
ــ خخ ايه...
ــ ولا عرس...؟؟
ــ لااا.. اهله مهم معرسينه لين يقعد بوظيفة ويثبت نفسه فيها ما يبغوا يبلشوا بنت الناس وياه..
ــ خخ لا حول الله.. بس تعال دورت راسي ... مو ابوك اكبر واحد
ــ ايه اكبر من عمي هادي بسنتين بس ..
ــ يؤ.. وشلون .. عرس عمك قبل ؟؟
ــ هههههه ايه عرس قبل.. يقول ابوي كان يحن يبغى بنت عمه خايف لاتطير.. حجزوها له وعمره 15 سنه... وتالي قامت الناس تهدر .. فمن صار عمره 18 عرسووه خخ.. وابوي ما عرس الا وعمره 23 وبعدين ابوي وامي ما جابوني على طول تأخروا 10 سنين كذا.. يعني كان انا المفروض اكبر منك خخ يمكن 25 سنه.. مانى شاطر بالحسابات لا تدوخني
ــ ههههههه الله.. لا اجل الحمدلله .. خلك اصغر مني.. انت هالكبر وانا مو قادر عليك... شلون تصير اكبر ..
رائد يطالع عبدالله على جنب :
ــ ويش قصدك..
عبدالله يضرب راس رائد بعلبة النشاف:
ــ ولاااا شي .. لا تتحسس بس لينا...
ــ ايه فكرت بعد...
ــ خخ لا تفكر...


هدووء .. عبدالله يفرفر بالسيارة مو عارف وين يروح... عبدالله:
ــ الا لويش اختلعت يوم شفت امينوه ويا علي ...
ــ هههههههههههههههههههههههه..
ــ لويش تضحك..
ــ قلت اسمه .. قلت اسمه..
ــ ويشووو,,..؟؟!!
ــ امينووه .. قلت اسمه...
رجع عبدالله كفخ رائد بعلبة النشاف:
ــ ههههههه حسبي الله عليك .. تتصيد علي هاا.. لكن لوريك....
ــ اجل اللي ما يتسمى هااا..
ــ هههههه.. خلاص عاد.. صدق لويش اختلعت..
ــ ما ادري .. مع انه علي يعني رايح فيها .. بس مو زي امينوه .. علي فاشل بس امينوه داشر صايع اغبر...
ــ تدري خخ يمكن علي ما صار فاشل الا من مجالس امين وربعه..
ــ شكله.. ما علي منه... لو هو ولد خالتي وريته شغله..
ــ ههههههههههههه شمعنى..؟؟
ــ لااا .. بس خالتي الكبيره اكثر شي انا مع ولدها.. عكس عموميتي تدري عمي هادي عنده ولد قدي اسمه حمزه .. وخالتي الكبيره ما عندها بعد الا ولد وقدي اسمه حسن.. بس انا مع حسن اكثر .. عمي ما يزورنا وايد ولا نزوره من ماتوا جدي وجدتي.. قبل لا انولد حتى.. وحنا ما نشوفهم بالسنه الا بالأعياد.. غير خالتي الكبيره .. حسن اشوفه وايد .. بس حتى هو .. مو مره معاه ...
سكت رائد شوي وصار يضحك...
عبدالله :
ــ ويش فيك.؟؟؟.
ــ ههههههه.. لا بس عندي خال .. كله وياه صفقه .. اكبر مني .. عمره 11 سنه تقريبا .. لو تشوفه خخ تقول اصغر مني ..
ــ اهاا قد فارس يعني ..
سكتت رائد ... وفي باله <<< يا حنا يا هالفارس ..
عبدالله لاحظ عليه :
ــ هااا .. ويش قلنا ..؟؟
ــ خخ ولا شي .. ايه بس فارس اكبر بسنه ..
ــ هههههه والله .. طيب ليش طشونه؟؟
ــ ايه صغيرون وضعيف .. والدب ما يكش ولا يهش ..
ــ ههههههههه ... حش حش بس فيه ويش وراك
ــ عادي طيب ..
ــ ههههههه .. غربل الله شرك..
ــ ويش رايك نمر عليه اعرفكم على بعض ... اذا ما عندك مانع..
ــ افاا.. انا يصير عندي مانع .. ولا طلب بعد من رائد .. افا علي اذا قلت لا.. مشينا .. احسن لينا من المهايت ... وين بيتهم ..
ودلى رائد عبدالله على بيت جده,, نزل رائد ودخل بيت جده .. لقى خالته في الصاله .. دخل سلم عليها .. :
ــ هلا رائد ...
ما مداه بيركب لحيدر يشوفه .. الا مرت جده تناديه بطريقة عجيبه ..
ــ تعال تعال تعال ... ارجووولك ... عسى ما فيها رمل بس .. توني منظفه هاا...
رائد وقف وما دار ليها .. هذي سوالفها المعتادة يا دافع البلا .. وبملل شديد رد عليها :
ــ لااااا.. علي جوتي مو نعال بعد .. ما تشوفي الشراب .." جوارب " << "دلاغ" على قولة ديرتي ام الحمام...


ــ ولو .. شراب يمكن فيه شي ..
ــ يــــــــــــــااااربي .. فيه مجاري .. بواليع .. دست حافي .. ويع رطوبه .. بملي فرشكم كله .. زين
ــ صدق قليل ادب .. تعــــــــااال .. اطلع واني بانادي لك على حيدر .. يللا ..
رائد دار عليها وهو محمق ونفخ في وجهها..:
ــ افففففففففف .. معقده...
ــ معقد انت .. يا طويل اللسان .. اطلللع ..
رائد سلم امره لله .. ما يبغى مشاكل يدري بها مريضه .. ما مداه يوصل للباب الا ابو كرار دخل ..
ــ هلاااا .. وسهلاااا.. مين عندنا .. رائد .. هلا حبيبي هلا ..
وانحنى له يبوسه ..
ــ هلا يبه .. قواك الله ..
وباس راس جده ..
ــ يقويك .. ويش اخبارك من زمان ما شفتك .. ويش اخبار امك وابوك ..
ــ الحمدلله بخير..
ــ وين بتطلع ..؟؟ وين رايح ..
ــ لا بس كنت جاي بانادي حيدر بطلع وياه مع عبدالله ..
ــ اهاا .. عبدالله ولد محسن ,, اللي ساكنين بأخر الفريق .. هذا هو اللي في سيارته برى ..
ــ ايه .. لويش تعرفه ؟؟
ــ ايه ابوه اعرفه .. والله كبر الولد وصار رجال ... ها ناديت على حيدر
ــ لا ام حيدر قالت لي اطلع برى هي بتنادي ..
ابو كرار رفع حاجبه ..
ــ اهاا ,, ام حيـــــــــــــدر .. قلت لي ...
ام حيدر على جنب تسمعهم لسا ما صعدت لحيدر ..
ابو كرار :
ــ رائد اصعد فوق انت .. ونادي على حيدر ... واي وقت تعال ,, وسوي اللي تبغاه ..
رائد طالع في ام حيدر نظره المنتصر الفرحان ..
ــ ان شالله يبه .. الحين اركب ...
وعناد في ام حيدر سوى حركه حرقت اعصابها .. فصخ شرابه ونفضه .. وقال وهو يطالع في أم حيدر ..
ــ حرر.. بخلي جوتيي هنا برى .. وشرابي باخذه .. امي تغسله .. وبتسلف نعال من عند خالي ..
ابو كرار فهم مغزى ولده الملسون ومات عليه ضحك :
ــ سوي اللي يريحك يا ولدي لو تبغى نعالي اخذه ..
ــ هههههه افا بس مو قدي ..
ــ هههههههه حسبي الله على شرك ..
وركب رائد الدرج وهو يصفر .. وام حيدر محمقه طلع دخانها من القهر ..
ابو كرار دار عليها وهو معصب بس يكلمها بهداوه :
ــ وتاليتها وياش... عقدتينا وعقدتي خلق الله .. قلت لش باوديش المستشفى يشوفوا لش حل .. اهون من هالعذاب اللي عايشتنه ومعيشتنا فيه وياش..
ــ ما فيني الا العافيه .. الواحد اذا يحب النظافه سويتوه هوسي .. اما عليكم كلام مو طبيعي ..
ابو كرار حمق ورفع صوته :
ــ هااا .. ويش اللي مو طبيعي
ام حيدر خافت :
ــ لااا ,, اني .. ولا شي ..
ــ ايه حسبالي بعد..
ــ لااا.. سلامتك ..
وفي بالها .. الا انت يبغى لك تروح الدختور... ياعلي شخاط..


طااااااخ ... << رائد اقتحاااام غرفة حيدر
حيدر كان يحوس .. في يدة اتاري خربانه .. مفتحنها والويرات حاله ...وبراغي وسكاريب ..
من سمع فتحه الباب .. يطير السكروب من ايده ويصفق الجداار :
ــ وصاااقعه ... هدا ويش انت .. خلعتني ..
ــ هههههههههههههه .. اسمع .. هع هع هع .. خلعتك ..
ــ ايه .. وطيرت الفكره من راسي بعد..
ــ الله يالمخترع والمفكر الخبير ... ويش براسك ..
ــ كنت افكر ليش اليدة خربانه .. صرت احوس فيها وفي وايراتها .. وخطرت في بالي فكره التصليح وانت طيرتها مع الخلعه ..
ــ هههههههههه مع وجهك .. قوم بس لا تصدق عمرك ... قوم بطلع ويااك بسيارة .. مع واحد فلته زمانه ..
حيدر يموت على الطلعات بسيارة .. ابو حيدر ما يسوق .. وطلعاته قليله .. عنده بقاله جنب البيت ويقعد فيها بعد ما تقاعد من شغله .. وحيدر يستمل .. الله رحم حاله برائد كل شويات يفاجأه بطلعه .. بس هالمره غير بسياره ..
طاار حيدر من الفرحه ...
ــ من هوو هالفلته ,,
ــ عبدالله ...
ــ أي عبدالله ..؟؟
ــ اللي تشابق ويا امينوه امس ..
ــ الله .. عبدالله ..داك الصبي الطويل الحليو .. مسررررع عرفته
ــ هيييييه . صلي على محمد ... بعدين ويش حليو وما حليو ..ويش تخربط ,, هاا ,, <<< رائد يغار .. خخ
ــ اللهم صلي على محمد وال محمد لا بس شي هالصبي صحيح فلته ..
ــ فلتوك في زباله وما طلعوك
ــ افا .. بتمسكها علي ..
ــ خخ امزح وياك .. يللا خلص اجهز .. وخل عنك القرقر ..من زمان عبدالله واقف برى..
ــ زين ..


وخلص حيدر .. ونزلتهم .. تعمد رائد يحفط برجوله قدام ام حيدر قبل لا يطلع ..
وهي بدورها ما قصرت فيه سبايب ... طبعا في عدم وجود ابو كرار معاها .. لأنها ما تتجرأ وهو موجود ..


ركبوا السياره .. سلم حيدر على عبدالله ..
عبدالله يوم يركبوا كان متكي راسه على الكرسي .. فما انتبه اليهم وهم يطلعوا من الباب .. انتبه يوم يركبوا السياره ,.. وحيدر صار بابه بجهة باب رائد على حسب وقفة عبدالله .. فمع كفخه الأبواب انتبه عبدالله ...
رد السلام .. ودار .. يشوف هالصغيرون ...
مسكين حيدر .. جت لعبدالله ضحكه .. خفاها بإبتسامه .. تبعها بقولة :
ــ اهلااا .. بخال رائد ..


شكل حيدر طشونه على داك الكرسي .. طوله متر و 25 سم .. وضعيف .. وعلية نظاره .. وشعره ناعم مغطي عيونه شوي .. مره صاير حاجه كتكوته صغيره مو صبي ابو 11 سنه ..

[Princess]

ودار عبدالله ورائد يطالع فيه وهو مبتسم .. فهم عليه انه مستغرب من شكل حيدر خخ..
حيدر طول الطريق ساكت .. يسمع سوالف رائد وعبدالله .. اللي ما خلت من المعاند والمجاكر والضحك...
شوي دار رائد على حيدر بيشوفه ويش فيه ساكت .. وما يشاركهم .. لقاه قاعد قعده مهي طبيعيه حاط رجول على رجول وشاد على عمره .. ومعفس حواجبه .. وياكل في شفايفه .. ويطالع في الشارع ,,,. رااائد عرف ويش فيه خاله ..<<< خبز ايده هالخال ...
ضرب رجل حيدر .. وقال له :
ــ هيه .. حيدروه.. ويش فيك... هاا ..
ــ مافيني شي .. << قالها وهو على اعصابه ..
رائد سأل حيدر على الصامت .. بس شفايفه اللي تتحرك ..
وتقول :
ــ حمام ؟؟؟ << خخ الله يكرمكم
حيدر هز راسه بأسى وحزن وفشلة شديده ايمااء يدل على
ــ أيـــــــــــــــــــه...
رائد طلع لسانه من الفشله وياه .. شوي ويطيح بالأرض .. ورجع سأل حيدر على الصامت :
ــ ضروري .. ما تتحمل ..
حيدر رجع هز راسه بمعنى :
ــ لااااء..
عبدالله لاحظ هالحركتات .. ما التفت عليهم وقال :
ــ احم.. اشوف اسرار .. اقول .. ما تعرفوا الحديث اللي يقول : لا يتناجى اثنان دون ثالثهما .. والا ما علموكم اياه في المدرسه ..
رائد عدل جلسته .. وطالع في عبدالله مو عارف ويش يقول له :
ــ ااا..
ــ اااا.. ويش فيك .. شكلكم تحشوا فيني .. قول اعترف ..
ــ لااا.. بس .. ااا ..
ــ بس ويش ...
ــ الصراحه .. نبغى حمام ..
عبدالله جته ضحكه قويه مهي طبيعيه بس كتمها قد ما يقدر .. وصار يكح ..
ــ حمام .. وليش ما قلتوا من اول .. كنت مار من شوي على بيت واحد من اخوياي كان نزلتكم .. اثنينكم والا مين ..
رائد :
ــ لا .. لا ... انا اخذ احتياطي قبل لا اطلع .. حيدروه هذا ..
عبدالله ما حب يحرج حيدر اول طلعه له وياه .. فرد على رائد :
ــ هههه عادي .. لويش الإحراج هو الا حمام << وفي باله .. وين اصرفه الحين ..
شوي الا عبدالله مار على خرابة " ارض فاضيه " خخ الا هو يقول لرائد وحيدر ..
يللا .. انا بنزل بطلع من دبة السياره غرشة ماي .. واللي بغى حمام .. عنده هالأرض يقعد بزاوية...وبنغطي عليه بالسياره وبذمتنا ما بنطالعه..
حيدر انحرج وتقلب الوان .. قناة مسكره صار .. ونزل من السياره .. ويش يسوي مو قادر يتحمل .. وطبق الخطه خخ. وخلص غرشة الماي ياساتر تقولوا سبوحه خخ ... وانتهت العمليه بسلام ..
ومشوا .. وبعد تقريبا شي نص ساعه وهم يفرفروا .. وقفت السياره لحالها ..

نزل عبدالله .. فتح الكبوت .. وطلع الدخان .. حمت السيارة من الحر والمداور .. وما فيها ماي ... راح عبدالله لدبة السياره بيطلع الغرشه ..
فتح الدبه .. ويضرب ايده بجبهته..
ــ اففففف.. ما في ماي ..خخ .. خلصها حيدر ...
رائد فتح النافذه وطلع راسه :
ــ ويش صاير ..؟؟
عبدالله وهو يضحك :
ــ اقووول .. انزلوا بس ...

والى الملتقى غدا ...

[آهات عاشقه]

هههههههههههه

هذي مرت ابوهم تجيب الحومه

وضحكني موقف الحمام

مرررره

وحيدر طالع على امه خلص غرشه الماي كلها

تسلمي يالغاليه على القصه الي كل يوم تصير احلى واحلى

دمتي يالغاليه

ويافرحة امش بهالجوهرة الغاليه

[دمعة الاحزان]

اموووووووووووووووووووووووووور
كيفك وشنو اخبار وحشتيني يالدبه خليني اشوفك قريب

اموووووووووووووووور ماني بصيح ببكي بعيط
موب شغلي انا مادري انك نزلت القصه ولا ادري كم حلقه
اقولك استوب هنا لا الاعضاء بيجون يذبحوني
بس موب شغلي ابي اقرء اول الحلقات الاولى وبعدين كمليها
وكمليها على روااااق ابي اقراها من البدايه وبعدين كملي
ابي اتابع حلقه حلقه مع الكل
انت تدري عني صايرة سندريلا زماني ماجي الا اخر الناس
بس عندي اعتراض غيري اسم الشخصيه
غيريه بسرعه مااحب اسم رااااااااااااائد
اكرهه كره ماقد كره زيه احد من البشر
بس يلا نمشي الحال وانا بسميه بكيفي اذا قريت القصه
موفقه والله يعطيك العافيه
ادري طولت بالكلام بس هلوست لحالي من كثر مانا لحالي
موفقه وموفقين شله الهلاوس

[.:روح وريحان:.]

ياهلا فيجج
خيتو ااموورة
كالعاادة
عفر علمتج النحااسة
تقطعين علي في النص
ههههه
انتظر التكمله

[أمل الظهور]

واااااااااااااااي عليك يااموووورش


القصه في تشويق مستمر


ولا غيرة وطناش رائدووه نيااااااااااااااااااهاااااااااااااا نيااااااااااااااااااااااهااااااااااااااااا

والمسكينه ام حيدر وعلى مرضها لعوزت رائدووه وجده

اقول يالغلا خففي حلقاتك هاليومين

تراي مشغوله وعندنا زواج ويالله اللحق هالاخت وطلباتها وروحتها للسوق اللي ماتخلص

فخففي هاليومين اوكي عاد انا خويتك بس هاليومين وبعدين كيفك

ولا حطي سطرين بس <<<عناد في بعضا من الناس

<<جاري الانتظار اموررر

[Princess]

نداااااء للمتابعين...
اميرووه مصدعه .. :wacko:
وحوستها حوسه...:rolleyes:
وكم عضو طالب تخفيض
باخذ اجازه الليله بس .. :embarrest:
وبكره جزء على كيف كيفكم
اعذروني على تقصيري

دمتم بحفظ الرحمن

[آهات عاشقه]

يااااااااااااااااااااااااااااربي


كيف يصير كذا

واني قاعده انتظر

يلا ماعليه

اليوم مافيه

بس بكرا عوضي عن اليوم

نبغى 5 او 8 او 10 اجزاء واذا بتعطينا اكثر ماعليه موافقين >>> طماااااااااااااعه

الله يعطيش الف الف صحه وعافيه يالغاليه

وماتشوفين شر

دمتي لنا

[إيلاف]

أميرتنا المبدعه ..
لو تشوفي حالتي .. جنبي علبة النشاف ..
احتياطا علشان اذا نزلت الدموع ..
عن جد القصة روووووووووعه .. بكل معنى الكلمة ..
عجبتني شخصية عبد الله ورائد .. ثنائي رووعه ..
وإحساسهم وتواصلهم مع بعض جدا جميل ..
ماابغى أتنبأ بالأحدااث .. بس لا تعوري قلبي .. ووتفرقي بينهم .. << ترى اسوي مناحه بعدين ..

أما موقف الحمام .. صراحه مامسكت حالي ..
قمت اضحك بقوووة ..

أموورة .. الله يخليكِ لنا .. ويدوم ابداعاتكِ ان شاء الله ..
ننتظر البقية بفارغ الصبر ..
إيلاااف ..

[همسات وله]

ايوووووووووووووووووووووووووووه امووووووووووووووووره
عجايب وفناتك هالقصه
مررررررررررررررررررره عجيبه
ابداع وتشويق فاق الحدود
وموقف الزباله صدقيني مار علي
ولدي علي قطووووووووووووه في الزباله :embarrest:
ليش لانه راح ايدافع عن ولد عمه
مسوي روحه بطل الولد :seif:
لا والي راح ليهم علشان ياخذ حق ولد عمه اكبر منه في صف الخامس
اتعاونو عليه وشدخو به في الزباله :wacko:
من داك اليوم لهاليوم عرف ان الله حق
وقال مالي شغل باحد
اصغر مني اوكي انعل ابو اسلافهم :wink:
اكبر مني نوووووووووو ويييييييييي
مالي شغل فيهم
كل واحد ايدافع عن رووووووحه:bigsmile:

تسلمين امووووووره عالقصه الرائعه والاحداث المشوقه
والله اني مادري انش نزلتين قصه
بس بنتي شااااااااااافتها وقالت لي عنها واني اليوم قعدت عليها وقرأتها كلها رغم ان عندي مشاغل الدنيا
بس ماأفوتها
في انتظار الباقي على احر من الجمر
يسلموووووووووووو اموووووووووووووووره المبدعه
تحياتي لك
همسات وله

[*زهرة البنفسج*]

امورة يالغلا يسلموو علحلقة اليوم تجننن
ولا عاد سالفة للدلاغ احنا انسميه كذا بعد
والله عشان لااحد يزعل جبتيها بكل المعاني شراب جوارب دلااغ
هههه بس احس العدل دلااغ لادللعه هلكلمة زي غيرها ولاشي
ههههه ولا سالفة الحمام هههه عجل وقف في ارض فاضيه وخلص الماي
والله حاله مسكين عبود واحتاج الماي ئلي خلصه حيدر
الله يعطيك العافيه غناتي امورة

[أسيرة الأحلام]

أميروووووووووووه يالدبه خليتي الناس تقول عني مجنونه
والله العلي العظيم القصه تــــــــــهـــــــبــــــــــــــــــل
وربي تجننننننننننننننننننننننننن
دموعي أربع أربع من كثر الضحك وكل من دخل عليي الغرفه قال الحمد الله والشكر على نعمة العقل
ماشاء الله عليش عندش أفكار روووووعه
وأسمعي هالقصه والقصه الأوليه ثنتينهم تنزليهم في المكتبات لأني أحب أجمع قصص
وأسمحي ليي تأخرت في الرد على القصه وعلى فكره ماكنت ناويه أجي إلا لما تخلصيها لأنها بجد تخلي الواحد يتحمس للحلقات الثانيه
وكنت ناويه أقعد عليها قعده لما تخلصيها بس ماأقدر ويش أسوي بعد

يلا ماأبغى أكثر هدره وقرقر واجد على راسش علشان تعرفي تكتبي عدل
يلا أني بإنتظار التكمله حبيبتي

:rolleyes: تقبلي مروري :rolleyes:

[.:روح وريحان:.]

سلامااات اميرووه
ماتشوووفي شر
بس هالله هالله بالجزء
انتظر التكملهـ...

[Princess]

ههههههههه تفاعل ولا اروع.. :bigsmile:
حبابه اهات ,, اعذريني يالغلا ,,, بس من جد صداع,,ووقتي مزحوم مره والا كان ما اتأخر عنكم ابد..منوره عزيزتي وتسلمي... :cool:

ايلاااف .. هلا وغلا ومية مرحبا... منوره ,, وتسلمي على التفاعل الجميل ... ههههههه ما بعلق على تنبأش المستقبلي.. جايتنش الحلقات وشوفي على خير... :rolleyes:

ويلي .. على علاوي .. همووس .. ههههههه من جد صارت لولدش.. خخ .. لا يكون زي رائد بس.. تحفه .. الله يخليه لش وما يحرمش منه .. حركتات اجل ..بطل ... منوره حبابه.. تقولي بنتش شافت القصه وعلمتش .. ليش بنتش معانا بالمنتدى.. خخ .. عاد اني من الحوس.. مو داريه عن دنياي .. عموما الله يخليهم لش .. ويخليش ليهم ,, وحياش غناتووه تواجد اسعدني... :bigsmile:


هههههههه هلاااا باللي تقول دلاغ.. طلعتوا تقولوا زينا . هههههههههه احلى دلاغ مو... هلا وغلا
ببنفسج الزهر .. منوه حبابوه وتسلمي تفاعل اسعدني :embarrest:

اسوووووووووورة.. هههههههه سويت لش دعايه وتحميس باللقاء هاا.. وجيتي .. والله طله عالميه وتعليق رهيب عجبني ... والله يقدرني ويوفقني انزل القصتين وغيرهم وغيرهم يارب بالمكاتب بس دعاكم احبتي .... :rolleyes:

الله يسلمش بشوور .. ولو انه للحين تقولي فرقة طقاقات يا كافي الشر... خخ
بس لعيونكم هالحلقه.. اتمنى تعجبكم .. ولو اني احسها مو مره ... بس يللا .. خخ المسلسلات
مو كل حلقاتها حليوين :amuse:

تفضلوا الحلقه 7

[Princess]

نزل عبدالله .. فتح الكبوت .. وطلع الدخان .. حمت السيارة من الحر والمداور .. وما فيها ماي ... راح عبدالله لدبة السياره بيطلع الغرشه ..
فتح الدبه .. ويضرب ايده بجبهته..
ــ اففففف.. ما في ماي ..خخ .. خلصها حيدر ...
رائد فتح النافذه وطلع راسه :
ــ ويش صاير ..؟؟
عبدالله وهو يضحك :
ــ اقووول .. انزلوا بس ...


.. والسيارة وقفت بالشارع العام.. والحمدلله كان عبدالله يسوق بالجهه اليمين .. فوقفت بهم على جنب ومو بنص الشارع .. كان ويش حالتهم..
رائد :
ــ ويش صاير ..؟؟ ويش فيها ؟؟؟
عبدالله :
ــ يابس ريقها.. عطشانه تبغى ماي ..
حيدر :
ــ ههههههه شربوها...
رائد يطالع على جنب في حيدر :
ــ هع هع هع .. نشربها هاا.. ليش خليت انت قطرة..
حيدر خخ تفشل وسكت.. المسكين...
عبدالله :
ــ .. يللا حصل خير .. ثاني شي في محطه قريبه .. يللا ندف السياره...
وصاروا يدفوها ...


-----------------


ــ اماااه .. بروح لرؤى بلعب وياها ...
ــ حنين .. العبي مع خواتش.. اليوم خميس ولا تروحي بيت عمش .." فاضل.. تسميه عمها " ..
ــ تهي تهي .. ماني .. سمروه .. قاعده عند المرايا .. تقولي اول مره تشوف عمرها .. كل شوي عفست تسريحه .. واذا دخلت عليها غرفتها طردتني..
شذيووه حاطه المسجل ومرفعه حده وزي الخبله كنها تطلع جنانوه .. كوثروه ماسكه هالمجلات وتقلب .. وما ليها خلقي .. تهي تهي .. مااني .. بناتش كبار ما يلعبوا وياي .. ابغى اروح لرؤى..
ــ هههههههه .. ملسونه يبغى له لسانش قص.. بشوف بتصل على زهراء اذا ما طلعوا ولا معاهم ضيوف بخليش تروحي...
ــ هيه هيه .. يللا بسرعه ..
ــ زين ..


ترررررن ... << ما مداه يرن الا رنه وحده..
ــ الووووو..
ــ هههههه هلا رؤى .. اخبارش غناتي..
ــ هلا خالتي.. الحمدلله ..
ــ هاا سنترال عند التلفون على طول رفعتيه .. ما وياكم احد..
ــ افف لا لحالي .. ولائدوه طلع ويا واحد وامي تحوس في المطبخ.. وابوي ويا واحد في المجلس.. واني قاعده عند التلفون ادعي الله احد يتصل ..
ــ ههههههه .. عليش سوالف عجب .. المهم غناتي .. لا تزهقي ولا شي.. هذا هي حنين بتجيش تسليش..
ــ صدق .. هيــــــه.. يللا خليها بسرعه تجي ,, استناها..
ــ هههه يللا زين.. دقايق وتجيش . سلمي على امش ... يللا مع السلامه
ــ الله يسلمش...
وراحت رؤى لأمها وصلت السلام وخبرتها بجية حنين..


ــ يللا انسه حنين .. روحي بدلي ثيابش وخلي وحده من خواتش تعدل شعرش وروحي لرؤى..
قامت حنين طايره من الفرحه..
راحت بدلت ..
ــ ممم اروح لمين من الخبلات الثلاث تمشطني.. خلني ابدي الكوافيره.. سمرووه...
طقت الباب ودخلت على سمر اللي كانت تستشور شعرها ...
ـــ مشطيني..
طفت سمر الإستشوار..
ــ نعم..؟؟
ــ مشطيني..!!
رجعت سمر ولعت الإستشوار :
ــ ماني فاضيه.. ما تشوفيني مشغوله...
ــ شعري ناعم ما يبغى له شي ..
طفت سمر الإستشوار ,, وطالعت في حنين على جنب ..
ــ خخ دبه ويش قصدش ..
ــ هههههه .. ما قصدي شي .. ظنانة ...
ــ ايه افتكرت ...
مشطتها على السريع .. واستحلت حنين من سمر كم شبيصه عاجبتنها بالموت يالله رضت سمر تعطيهم اياها ...
طلعت حنين من عند سمر .. مممم يبغى لي عطر .. اروح للمحطه الثانيه .. لكوثرووه.. و اشحت من عندها ..
طق طق طق ..
ــ هااااا...
فتحت حنين الباب .. لقت كوثر راميه المجلات .. وداقه بها نومه... قالت ليها بصوت مليان نوم.. طالع من خشمها خخ
ــ ويش عندش ...
ــ ابغى عطر ...
ــ ايه اخذي من الورديه .. وخلي الزرقا لا تلمسيها..
ــ لويش اني ابغى الزرقا..
ــ حنينوه لا تطوليها وياي .. رشي لش من الورديه وفارقي..
ــ دبه بخيله لكن ما عليه ..
وتاخذ حنين الورديه وتعبي نفسها عدل .. وتالي ترش بالغرفه يمين ويسار وبكل مكان,,
ــ كحححححححح ..كح ..كح .. حنينووه يالصاقعه .. لويش كذا..
ــ ما تبغيها انتين .. تبغي الزرقا ..
ــ يا نحيسه .. كح كح .. انقلعي ..
وترش حنين زياده .. وتقوم كوثر وتشيل مجله من الأرض وتكفخ بها حنين .. اللي طلعت بسرعه وكفخت الباب وما صادتها ..
كوثر عودت لنومها وهي تهلوس ..
ــ خبال اخر زمن .. اقرع ومتشيرط..
حنين تفكر .. ويش باقي بعد .. خلني اخذه من شذيووه.. خخ.. ايووه بابوق من عندها كم شريط خلني اتخبل اني ويا رؤووه...


طق طق طق ..
لا حياة لمن تنادي .. ما تسمعها من الصوت العالي...
وتدخل حنين الغرفه اقتحاام.. هجووم...
وتصرخ شذى..
ــ هااادااااويييش... ويش فيش خبله .. ما تستأذني خلعتيني ..
ــ طقيت الباب وما سمعتي ويش اسوي لش...
خفضت شذى صوت المسجل ..
ــ هاا .. ويش تبغي..
ــ ابغى كم شريط من عندش سلف وبارجعهم..
ــ خخ .. صدق ما عندش سالفه.. اكي العلبه اخذي اللي تبغي..
ــ خخ اجل باخذ العلبه بكبرها .. وهناك بنختار..
ــ لويش وين بتروحي..
ــ باروح بيت عمي فاضل.. تروحي وياي ؟؟
ــ خخ لااا.. لويش اروح.. اقعد ويا مين... تيسري امانة الله..
وترجع ترفع صوت المسجل ...وطلعت حنين من بيتهم .. لرؤى...
دخلت شافت زهراء بالمطبخ .. سلمت عليها .. وركبت غرفة رؤى...
دخلت ما لقت رؤى بالغرفه.. قالت تنخش وتخلعها... جت بتنخش ورا الباب الا رؤى :
ــ واااااااااه.. ههههههههههه..
ــ يماااااااااااه,,, ههههههه.. اني جايه بنخش بخلعش طلعتي ناويه تخلعيني يا دبه..
ــ ههههههه سبقتش... ويو ويو.. ويش تسوي من اتصلت امش كل هذا تكشخ وتدل .. بتلوحي معاليس...
ــ ههههه لا كان زين ودي بمعاريس والله.. متى بس يعرسوا خواتي ..
ــ يارب .. انتين عندش خوات .. اني مين بيعلس عندي..
ــ خخ اخووش ..
ــ لااا .. لائد.. بيعلس وياي..
ــ لويش ,,ههههههه..
ــ لأننا توأم.. كله زي بعض.. بنعلس ويا بعض.. خخ
ــ خخ .. ان شالله.. تعالي عندش مسجل...؟؟
ــ عند لائد... لويش؟؟
هزت حنين العلبه اللي في ايدها
ــ بنسوي معاااريس .... بنرررقص..
ــ هههههههه .. خبله ويش بتلقصي..
ــ بنحط موالد حليوين واشرطه معاريس اخذتهم من عند شذيووه اختي .. كل اشرطتها كذا زي الطقاقات في العرس .. وهي زي الخبله فقعت راسنا وشلخصت الأرض .. الحمدلله غرفتها فوق كان طلعوا الجنانوه .. << لا اشرطتها وتحش فيها بعد خخخ
ــ ههههههه.. يمكن تبغى تصيل طقاقه ..
ــ ههههههه يمكن.. خخ .. عشان يدبحها ابوي..
ــ زين بالوح اجيب المسجل...


--------------------------
ــ يللا رائد... يللا حيدر ..دفففوا .. دففففوا ..
حيدر ورائد يدفوا السيارة من ورا .. وعبدالله فاتح بابه وقاعد يدف .. وحد ما عندهم.. شوي الا حيدر كافخ راسه بدبة السياره..وموقف..
ــ اااه.. اااه.. تعبت.. مانا قادر...
رائد حمق عليه .. ويصكه كف على رقبته..
ــ قووم.. مو كفايه خلصت الماي .. ما باقي الا شوي ونوصل..
ــ اااي .. تعبت ويش يقدرني ...
ــ انت صدق هفة هوا وتطيرك .. بس قووم ..
ــ مانى .. تعبت ... ااه...
ــ حيدرووووووووه..
ــ هاا ..هاا .. خلاص .. يللا .. دففف.. دففففف..
شوي ثانيه الا رائد موقف ...
ـــ ااااه .. وصاقعه ..
عبدالله اختلع .. وراح ليهم ورا ..
ــ ويش صاير .. ؟؟
ــ النعال انقص ...
الا حيدر يشهق شهقه.. شوي وتطلع روحه...
ــ جديـــــــــــــــــــــــد.. ما لبسته الا مره... :weird:
رائد يطالع حيدر على جنب..
ــ بلللل.. يصقعك بدل لا تقول يفداني .. << ويقلد على حيدر بمسخره ...
جديــــــــــــــــــــــــد.. ما لبسته الا مره ,, مالت عليك وعلى نعالك.. هذا استخدام مره وانقطع بالثانيه...
ــ تهي تهي.. خساره...
ــ بتسكت لا بالطبقه الثانيه على راسك .
ــ لااا خلاص بسكت لا تقصني انا بكبري..
ويفصخ رائد النعال..الا عبدالله يطلع من دبة سيارته .. نعال زنوبه اللي حق الهنود وهو يضحك...
ــ نعال المهمات الصعبه...
ــ هههههههه .. صدق والله.. بس لويش بسيارتك..
ــ بايقنه من هندي هههههههه
ــ هههههههه صدق..
ــ ههههههه,,, لا لا تصدق شدعوه .. هذا مره رحت هافمون ويا الشباب وواحد يستخدم نعول كذا اذا رحنا البحر يبدل نعاله بهم ... جايبنه وياه وتركه بسيارتي ..
ــ هههههه بس من جد نفعنا...
ولبس رائد الزنوبة.. ويللا كملوا الطريق ... لين وصلوا المحطه... " الشيشه"
عبوا السياره ماي... رائد من الحر ... والتعب صب على راسه ماي.. ودار بالغرشه لحيدر وسبحه هو الثاني وببلل شعره ولزق على وجهه.. وثايبه تبللت وحاله... الا حيدر يصررخ:
ــ لااااااااا,,, لويش كذا...
رائد:
ــ حرر.. حرر.. الا ماي...هوو .. عاادي ..!!
ــ الحين امي بتحمق علي.. وما بتدخلني البيت الا اذا نشفت..
عبدالله استغرب... :
ــ ليش؟؟
ــ ما تحب .. وصاخه...
ــ وصاخه.. ؟؟ الا ماي هو.؟؟؟
رائد يقطع الحديث والتساؤلات::
ــ ما ترتاح هي...تهوس ..
عبدالله فهم :
ــ اهااا... طيب بينشف الحين بسرعه من الحر...
وركبوا السياره بيرجعوا البيت.. وصلوا حيدر ... امحق طلعه طلعها ..خخ نزل وزي ما توقع .. لاقى له صريخ من امه,,, اللي على طول :
ــ روووووووووووووووووووووووح الحمــــــــــاااااااااام ..
ويللا ابتدت المعركه... :wacko:


ووصل عبدالله رائد لبيتهم.. ونزل وياه عشان يسلم على فاضل .. ويرجع ابوه معاه...
وطلعوا... رائد صعد فوق بيسبح .. الا الطابق الفوقي.. زلزال.. معاريس وطق..
والصوت جاي من غرفة رؤى..
رائد ما يدري ان حنين معاها.. ومتعود اقتحام على اخته .. لاطق باب ولا هم يحزنون.. ولااا .. بعد صوت ازعاج ... طق وفرقة... وهو جاي من شموس .. وحرر...
ويقتحم الغرفه .. طااااااااااخ,,,,:weird:

[Princess]

ويفتر في النص ..
ــ هلا هلا .. ايوه ايووه...
ولا يشوف عن يمينه وشماله الا شبحين... ثنتين وحده اطول من الثانيه بشوي لابسين مشامر.. ومغطيين روحهم بالكامل .. وواقفين يطالعوا فيه
ــ يماااه.. رؤووه.. وينش .. أي وحده. انتين و. مين الثانيه...؟؟
ماردوا عليه .. بس ضحك...
راح رائد لحنين يفكرها اخته.. ويفتح المشمر شوي شوي .. وعبر راسه ويطل ...
حنين استحت المسكينه ,, وظلت ساكته ..
رائد اختلع يفكر اخته.. ابتسم وطلع راسه من تحت المشمر.. وصفق الثانيه كف خفيف على راسها من ورى << كف واحد منحرج..
ــ لويش ما رفعتي ايدش والا المشمر عشان اعرفش خخ .. خليتيني اغلط بالعنوان..
ضحكوا حنين ورؤى...
رؤى:
ــ قلت خلني اشوف تعرفني واني متغطيه .. بس افا ما عرفتني..
ــ وانا ويش دراني ثنتينكم طول بعض...
ــ لااا.. اني اطول .. بس بشوي ...
ــ اهوو.. يللا .. وويش هالخباله.. لويش كذا,,,
ــ هههههه خباله بس كذا.. هاا تلعب ويانا..
ــ لااا.. ما العب ويا بنات..
ــ كيفك ...
وطلع رائد .. من غرفة اخته.. راح يسبح ., وهو يسبح.. خخ تذكر حركته وهو يفتح المشمر .. وصار يهلوس فباله..
ــ زي التلفزيون .. المعرس والعروسه..خخخ
طلع من الحمام لبس وقعد يحوس في غرفته.. والطق في غرفة اخته قايم اكشن..
وهو زهقان...
ــ اهووو.. اليووم نلعب مع بنات...
وشوي الا داخل على رؤى وحنين شرشف متحرك ويرقص بشكل مو طبيعي.. يمين شمال ويدور ... خبال مجنون... و ما طالعه الا عيونه.. ويللا لعب وياهم لعب..


اهتز البيت هز,, صعدت زهراء ..:
ــ ويش صاير فضحتونا...
ومن شافت شكلهم ثلاثتهم .. واحد بشرشف وثنين مشامر.. ماتت ضحك...
ــ خبلان من جد,, قصروا على الصوت..
وطلعت عنهم...
شوي الا رائد تقول:
ــ خلونا نلعب لعبة البيت المسكون..
رؤى:
ــ ماني اخاف.. وظلمه وبعدين تطيح فيني دست ادري بك..
ــ لااا .. انا ما بضرب الا اللي يقربني.. وكل واحد يضرب اللي قرب له..
ــ ظلمة ويش درانا بك قريب والا بعيد...
ــ مو ظلمه قوي في ضوا شوي خفيف ..مغرب الحين.. بعدها ما تجي الليل..
ــ زين ...
وطفوا اللمبات..
شوي الا رائد..:
ــ ااه .. ااه... هدااا ويش تونا ... مابدينا
حنين كفخته تفكره رؤى.. مو مين عدل وهي كانت متغطيه بالمشمر ..
ويمد ايده رائد ويكفخها على وجهها..
طااااااخ ... << انتقام .. لويش كفخته..؟؟


الا حنين مصرخه حد ما عندها :
ــ اااااااااااااااااااااااااااي..
رؤى اختلعت..
ــ لائدووه... هذي حنين مو اني
ــ يؤووو .. فكرتها انتين << شلاخ .. يدري بها حنين .. بس يبغى يرد ليها الكفخه ..
وصارت حنين تصيح...
رائد فصخ الشرشف ورمااه..
ــ اهوو بنات .. دلوعات.. مانى لاعب وياكم...
رؤى حمقت:
ــ تكفخ وتالي دلوعات.. بس تعلف تخلب علينا..مالت عليك انت ولعبتك..
ــ اسكتي ولا كلمه... وهي اللي بدت..
حنين وهي تشاهق :
ــ ما ادري افكرك رؤى.. << مسكينه من جد ما تدري
ــ وانا بعد ما ادري افكرش رؤى.. << لعن يوم الشلخ
رؤى :
ــ الـــــــــــــــلــــــــــــــه.. متفقيين علي ثنينكم.. لكن جزاكم...
رائد:
ــ بتسكتي لااا...
ــ خلاص خلاص...
رفعت حنين المشمر.. الا اثر الكف على وجهها.. اصابع رائد اربعتهم مبينين
رؤى تنفض ايدها بحركه التخويف..:
ــ يــــــــــــــاااعلي .. لائدووه.. بين كفك.. بيعصب عليك عمي لضا الحين
ــ ما ادري .. اووهووووو...
حنين :
ــ خلاص لا تتشابقوا ما يدري.. باروح بيتنا خلاص اني
ــ حنينووه.. ما يدلي .. اسفين..
ــ خلاص عادي...
وطلعت حنين ... رؤى دارت معصبه لرائد:
ــ وانت ما تشوف .. مع لعبتك الفاشله .. بس خلبت علينا.. وبعدين لويش ما تقول ليها اسف..
ــ انا ما اقول اسف لأحد.. قلت لش فكرتها انتين ,.. وخلاص لا احط الحرقه فيش هاا..
ــ هذا اللي اخذه منك .. بس طق وتشلخ .. تهي تهي تهي ..
ــ اوهووو.. وانتين كله صياح ودمووع.. اطلع عنش انا احسن لي...
وطلع رائد من غرفة رؤى وكفخ واره الباب ...


والى الملتقى غدا

[آهات عاشقه]

تسلمي يالغاليه اميرووووووووووه الحلوه

والله انش قمرررررررررر وحليوووووووووووه

الله يعطيش الف عافيه

وان شاء الله راسش خف

ونااااسه القصه

مرررررره تماااااااااااام

خليتيني اضحك من قلب

تسلمي يالغاليه

دمتي لنا

[دمعة الاحزان]

هااااااااااي اموور
ها عسى الالم راح
اقول كفي حلقاتكتراي اتابعا من خلف الستار
والله قصتك روعه وتسلمين عليها
وربي يكملك بعقلك وتصضير زي ماتبين
ويشار الك بالبنان
موفقه يالدبه

[أسيرة الأحلام]

أميرووووووه يالدبه كملي القصه لابانتفش

خخخخخخخخخخخخخخخخخخـ

يلا ترى أني أستناش على ناااااااااااااااااااااااااااااااااااااار

وعلى فكره القصه رووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووووووووووووووووووووووووووووووووعه وأكثر من كذا كمان

يلا أني بالإنتظار

:rolleyes: تحياتي :rolleyes:

[أمير العاشقين]

هههههههههه خيتووو أميره


عشان تعرفي ان امير العاشقين يقرا القصه بحواسه الخمس


شوفي ملاحضاتي عليش


وملاحظاتي بخصوص رؤى


زين مو تزعلي ولا تقولي اتصيد عليش


بس عشان مره ثانيه تزبطي الكلام خيتووو


صدق .. هيــــــه.. يللا خليها بسرعه تجي ,, استناها..


ــ يارب .. انتين عندش خوات .. اني مين بيعلس عندي..


ــ قلت خلني اشوف تعرفني واني متغطيه .. بس افا ما عرفتني..


ظلمة ويش درانا بك قريب والا بعيد...


التعديل خيتووو أميره


صدق .. هيــــــه.. يللا خليها بسلعه تجي ,, استناها..


ــ يالب .. انتين عندش خوات .. اني مين بيعلس عندي..


ــ قلت خلني اشوف تعلفني واني متغطيه .. بس افا ما علفتني..


ظلمة ويش دلانا بك قليب والا بعيد...


******


مجنون أنا صح


هههههههه بس تعرفي متحمس ومندمج مع القصه خيتوو


وتعودت من يجي دور رؤى اقلب اغلط


ترا يعجبوني الغلطان والله كلامهم حليووو


يالله بس خيتووو عجلي بالكتابه


انتظر جديدش


وعلى قولة رؤى


انتظل جديدش أميله الملح


ههههههههه


ولكم خيتووو


سيوو ليتر

[Princess]

هلاااا بأهات الغلا .. منوره .. :embarrest: اخجلتيني والله .. تسلمي .. والحمدلله الراس خف صار اشوى..

اسوووووووووووووووووووووووووووووووووووووووووووووووو وووووووووووووووووووووووووووووووووور ..
منوره غناتوه.. ولا تنتفيني .. ولا شي خخ.. تالي ما اكملها اذا نتفتيني :wink: يسلموو حبابه ومن ذوقش والله .. ودو يارب هالضحكه...

هلا .. حيا الله اللي ما شفت تعقيبهم ورايهم على كل حلقه .. الا حزة التصيد :wink: هلا خيي امير .. والله وجبتها .ههههههههههه موتتني ضحك.. عاد اني البارحه كتبتها في الورد بالأسود وكوبي بيست بالمنتدى وصرت الون.. وما انتبهت لحرف الراء الجهنمي .. مشيت على رائي .. خخ بس حلو منك نبهتني .. عشان اصحح النسخه الأصل :wink: تسلم اخووي ومنور.. وابدا ما ازعل بالعكس... وخلينا نشوف تعقيبك ما بين فتره وفتره ...


واليكم الجديد..

[Princess]

وطلع رائد من غرفة رؤى وكفخ وراه الباب ...
رؤى ودموعها اربع اربع :
ــ نحيس لائدوه.. خلب علي اني ويا حنين.. يعني مو كفايه طلع واستانس .. لويش يسوي فيني كدا.. تهي تهي ...
رائد نزل وقعد بالصاله.. شغل التلفزيون.. وفكره في مكان اخر...
ــ انا لويش كله اصارخ واحمق .. ولويش كله ازعل اختي.. ياعلي.. لويش ضربتها هالحنينوه.. افف.. والله مو قصدي..
ويضرب فكر على فعايله... شوي الا يقطع حبل افكاره امه... جايه الصاله..
ــ هااا.. خلصت الحفله... اشوف حنين مرت علي بالمطبخ بسرعه و يللا مع السلامه,, .. لا تقول تشابقوا..
ــ لااا.. بس انا كفخت حنينوه
زهراء شهقت..
ــ يؤووه . احلف ... ولويش؟؟
ــ ما ادري كذا.. نلعب .. كفختني وهي ما تدري .. كفختها ..
ــ ويلي .. ويلي .. عاد كفختك والقبر.. صدق رائدوه.. وفوين كفختها..
ــ خخ .. ايه صدق وعلى وجهها..
ــ ياعلي .. وظلت تصيح.. والا سكتت قبل لا تطلع..
ــ قالت خلاص .. وطلعت..
ــ الله يستر .. هم بيت عمك رضا طيبين.. ويحبوك.. بس ... ان شالله ما يزعلوا..
شوي الا تلفون البيت يرن.. زهراء:
ــ علي ياساتر.. لا يكون بس مريم... حنين اشتكت ليها ..
رائد وهو محمق :
ــ اهوووووووووو...
ردت زهراء:
ــ الوو..
ــ هلا خيه.. قووة..
ــ هلا ام حسن .. هلا خيه يقويش..
ــ ويش حالكم ..
ــ حياش الله .. عاش من سمع هالصوت..
ــ عاشت ايامش .. ويش اخبار الأولاد ,,
ــ الحمدلله بخير وانتين اخبارش واخبار حسن وزينب .. والله ما تنشافي..
ــ ويش نسوي .. حوسة الدنيا ومشاغل.. وتدري زينب قريب عرسها.. باقي شهرين .. فمره زحمه..
ــ الله يعين .. ويتمم ويبارك على خير
ــ تسلمي عقبال رؤى ورائد يارب
ــ يسمع منش ... هاا نشوفش الليله اذا تجمعنا في بيت ابوي..
ــ ايه على خير.. ان شالله . واصلا باجيب وياي الحلاوة والمكسرات والعصير حق عرس زينب عشان تعاونوني نكيسهم.. ما بيمديني تالي ... عااد الله يستر ..هداك الأسبوع زهقتني مرت ابوش.. حاطه دوبها ودوب حسن .. لا تروح لا تجي.. ما تسوى عليه يوم يغسل ايده طلعته من الحمام .. ويمسك عرواي البيبان... قامت تمسح وراه.. كنه الا ياهل ابو 3 سنوات مو ابو 9.. اخاف الليله تحمق عشان المكسرات والحلاوة وتخاف نوصخ البيت .
ــ ههههههه يا دافع البلا مو لهادي الدرجه.. هي ما تشتهي الرطوبه.. الله يكافينا الشر.. والوصاخه.. اما حلاوه ومكسرات .. عادي نواشف.. .. عاد يا تهاني .. تدري بها مريضه اعذريها .. وتحملي انتين عصبتي وشبيتي فيها ., وقام الشباق..
ــ ويلي ما اتحملها .. هذي بتقضي علينا واحد واحد... الحمدلله ابوي ملتهي بالبقاله . والا كان قضت عليه بعيد الشر..
ـــ هههههههه استغفر الله ياربي.. المهم غناتي الليله ما اوصيش الله الله بالأعصاب ...
ــ ههههههه ان شالله .. الا متى بتروحي ...
ــ كذا بعد تقريبا ساعه ونص باقي ربع ساعه على اذان المغرب .. اصلي واعشي رائد ورؤى .. واروح..
ــ خخ اجل اني بعد ساعتين ..
ــ هههههههههه .. احسن .. لا تتشابقي وياهاا ..
ــ ههههه أي والله .. يللا اخليش .. واشوفش على خير
ــ حياش الله...
<<< حنين اصلا راحت البيت ونامت ولا اشتكت المسكينه نست السالفه ..

سكرت زهراء السماعه .. ودرات لقت رائد متسطح على الجلسه ورايح فيها نوم .. << كان يوما متعبا وشااقاا..
قالت خله شوي نص ساعه يريح.. وراحت لرؤى...
فتحت عليها الباب.. لقتها نايمه وبيدها ورقة .. وقفت على راسها تشوف ويش فيها ..
الا هي تقرا..:
ــ اخوي الحبيب رائد.. ليش تطقني .. وتكفخني.. وكل تصرخ علي.. اني احبك.. اذا ما تحبني قول لي ما احبش.. بس لا تضرب وتصارخ.. واني عادي ما بكلمك .. بس ببقى احبك.. لأنك اخوي .. وتوأمي ..
رائد احبك.. اختك الصيوحه .. رؤى..
زهراء عورها قلبها على بنتها .. وصارت تتأمل وجهها الملائكي البرئ وهي نايمه واثر الدموع على خدودها .. مسحت على شعرها .. وخلت الرساله بيدها ..
قالت يمكن اذا عطتها رائد الله يهديه على خيته .. مع انها متأكده ان رائد يحب خيته .. وما يسوي هالفعايل الا نحاسه.. بس ويش تسوي فيه ما يفيد وياه الكلام...
طلعت من الغرفه .. ولا كنها شافت شي..
ان الله وملائكتة يصلون على النبي .. يا ايها اللذين امنوا صلوا عليه وسلموا تسليما..


فتح رائد عيونه.. ما اخذ ربع ساعه.. لقى امه تتمسح,,, وقام يركض..
ــ لويش ما قعدتيني...
ـــ هههههه لويش... شفتك تعبان..
ــ مانى ابوي وينهو..
ــ طلع من خمس دقايق للمسجد..
ــ اوهوووووو.. حق ويش خليتني نايم.. الحين ويش اصلي في البيت
ــ يا بعد عمري ولدي .. جعلك الله من المصلين... صلي في البيت اليوم عادي.. وعهد علي مره ثانيه اذا اذن ولقيتك نايم اقعدك... الله يهديك ويكملك بعقلك يارب..
تمسح رائد... وراح ركب لرؤى بيشوفها ويش تسوي..
وصل لغرفتها لقاها ظلمه من برى.. فتح الباب ... وولع الليتات..
الا يشوف رؤى نايمه.. قرب منها بيقعدها للصلاة... شاف الورقه...
شالها قعد على سرير رؤى.. وصار يقراها..
عوره قلبه.. وانبه ضميره..
ــ ياربي انا نحيس في كل مكان حتى على اختي.. ان زين على الأقل اختي .. لا اصير نحيس وياها... افف.. ويش اسوي..
صار يقرى الورقه مره ومرتين وعشر... شوي طاحت عيونه على القلم اللي كتبت فيه رؤى الرساله.. كان طايح على الأرض.. اخذه رائد .. وكتب في نفس الورقه .. بيده اليسار لأن ايده اليمين لسا مجبسه والخط كان مره حالته يالله ينقرأ .. حتى يوم يدف السياره بالعصريه مع عبدالله .. دف معاهم بيد وحده وركز القوه على رجوله فلذلك انقص النعال ,. مع انه عبدالله نهاه لا يدف .. بس هو ما رضى.. وعبد الله عرف ان رائد من النوع اللي ما يحب انه يكسر الخاطر والا يتعامل معامله خاصه... واللي كتبه سطرين ...
ــ رؤووه... انا اسف... وانا احبش... وان كنت وياش نحيس... بس قلبي يحبش... تحمليني .. انتين اختي وما الي غيرش.. اخوش الدفش: رائد..
وطلع من غرفتها .. وراح يصلي... وبعد نص ساعه .. راحت زهراء تقعد رؤى.. قبل لا تقعدها ا .. شافت رد رائد.. ابتسمت,, .. الله يهديك يا ولدي ...
وراحا وقفت على الباب عشان رؤى تحس انها ما شاف شي .. ونادت وهي على الباب واقفه..
ــ رؤى... رؤى... امي .. حبيبتي... قومي . صلي ... وايد عليش عشان تنامي الليله.. وبنروح بعد شوي بيت جدش .. قومي اماه..
رؤى تنقلب الجهه الثانيه..
ــ ااا.. الحين باقوم ...
ــ لااا دام انش انقلبتي معناتها ما بتقومي .. رؤى ان ما قمتي لحالش في البيت .. زين...
قامت رؤى وعواينها متورمه ..
ــ هااا .. لاااا .. داني قمت ..
وانتبهت للورقه على سريرها وفيها شي متغير ..
امها حست عليها انها انتبهت للورقه فما حبت تطول عندها وطلعت عنها ..
خذت رؤى الورقه تقرااها زي الملهوف ..
وصارت تصيح...
ــ يا غناتي لائد.. ادلي .. والله ادلي انك تحبني ...
وصلت بالصلاة على محمد ... ونادت عليهم امهم يتعشوا .. وقعدوا يتعشوا هدووء .. ولا صوت .. حتى فاضل استغرب منهم ..
ــ كح .. اللهم صلي على محمد وال محمد.. زهراء هدووء موو.. ياحلاة الهدووء على الأكل ...
ــ ههههههه ايه والله... عساه دوم مهو يوم... << زهراء دعاها هذا لسببين الهدوء .. وحالة الصلح الغير مباشر بين رؤى ورائد..
خلصوا اكل .. ولبسوا وتجهزوا .. وانطلقوا الى بيت الجد ابو كرار ...
وفي السياره زهراء توصي في رائد الوصايا الخمس المعتاده ..هي تقول وحده ورائد يقول اللي بعدها :
ــ مرت جدك لا تحط دوبك ودوبها
ــ واذا تعيلفت فيك لا تتعيلف انت بعد ولا تحمق
ــ وحيدر لا تسبه وتضربه قدامها ..
ــ واذا طلبت شي والا قالت ليكم قعدوا في مكان معين طاوعوها..
ــ ولا تعفس ولا تصير تداور في البيت من مكان لمكان
فاضل :
ــ وهذي اسطوانتكم كل اسبوع .. الوصايا الخمس .. يا علي ..حفظناهم..
زهراء:
ــ هههههه .. وربي ولا يفيد.. كل اسبوع نطلع بسالفه... الحمدلله داك الأسبوع طلعت انت ويا رائد.. بس خالتي ما تقدر الا تتعيلف .. فتعيلفت بحسن ولد اختي ..
ـــ هههههه ياربي .. الله يعين ابوش عليها بس .. اللهم ادفع البلا ..
ــ يارب .. والله انها طيبة بس.. لو ما هالهوس يخرب عليها ويخليها نحيسه ..
ــ الله يشافي كل مريض.. يارب..
ــ يارب... سمعت يارائد.. الله الله ها .. ما اوصي .. ولا تحمق زين...
ــ ان شالله .. <<< اسبوعيا .. ولا يفيد... خخ
وصلوا البيت.. دخلوا... سلموا .. رائد عيونه على مرت جده اللي ما شالت عيونها عن رجولهم خخ..
وفباله..
ــ وفباله.. ياعلي.. اللي يشوف قاعده تخمن مقاس رجولنا بتجيب لينا نعل.. ما ادري اطلع برى حافي واجيها عشان تستانس خخ..
قعدوا كذا ربع ساعه .. هدووء .. لين جا ابو كرار .. قفل البقاله .. ليلة الجمعه ما يطول حده لــ 8 ويروح البيت يسهر مع بناته..
دخل عليهم وفي ايده كالعاده كيس مليان شكاليت وحلاويات..
واول وحده استقبلته هي رؤى وتعلقت على رقبته واحشنها عدل ..
ــ قوووه يبه ابو كلال..
ــ يا عيون ابو كلال انتين .. يقويش يا غناتي...
والتفت لرائد...
ــ هااا .. ابو جراح << لقب لرائد ما يسميه كذا الا جده.... ما لينا بوسه وسلام .. خلاص اخذناهم العصريه
ــ هههههه .. لا ولو .. من عيوني .. هااا
وراح لجده .. وعلى خده ...
ــ اموااااااااااه.. اقوى بوسه لأحلى ابو في العالم..
ضم ابو كرار رؤى ورائد لصدره..
ــ الهي ما يحرمني منكم ويحفظكم ...
ورائد يطالع برؤى اللي عيونها بعيونه .. ويعطيها خوووش بحاليس خخ...
وراحت زهراء تسلم على ابوها .. سأل ابو كرار عن تهاني ..
ــ ايه يبه .. بتجي .. كلمتني المغرب قبل الصلاة ولو تشوفها على عمري مزحومه عدل ..على حساب عرس زينب قريب .. فشوي بتجي وبتجيب معاها يمكن المكسرات والحلاوة والعصير نعاونها على التكييس <<< تمهد لأختها .. لا تنصدم خالتها فجأه ...
الا ام حيدر ناطه بالكلام:
ــ يؤووو.. ولويش الله يهديها ما تاخذ شي جاهز ومكيس ... << احم احم .. يعني ما ابغى حوسه وعفسه عندي ..
ــ لا بس يا خالتي ما في شي مكيس الا نوع واحد يا حلاوة يا مكسرات.. والعصير ما يصير وياهم . والكل هالأيام ينوع ويحط خلط من كذا وكذا بأكياس ورق.. .. <<< خبركم الأكياس لول من زمان للمعاريس .. للحين يسووها في بعض المأتم.. " الكيس البني تبع البوفيات وداخله سبال وحلاوه ومكسرات .. خخ حليو يذكرني بالطفوله : نفتحه ونستانس اذا شفنا داخله حلاوة حلوه ونبرطم شبر اذا بس سبال وحب خخ : اميروة كنش طلعتي برى القصه خخ كح .. احم...

[Princess]

ابو كرار :
ــ والله احسن هالحركه واوفر .. من كل شي شوي.. وزين بعد عشان نعاونها..
ام حيدر داخلها غليان...
ـــ افففففف ويش هالحاله ..
شوي الا تهاني جايه مع زوجها واولادها .. حسن وزينب .. وحاملين اكياس مكسرات وحلاوة..
سلموا ... وراح فاضل ورائد يعاونوا ابو حسن في شيل الأكياس وكراتين العصير ...
وتفرقوا بالصاله على قسمين .. قسم للرجال وقسم للحريم.. وصاروا يكيسوا ..
ورائد ورؤى وحسن .. مستلمين الكيس اللي جابه ابو كرار وطايحين بلع..
شوي الا رائد موقف :
ــ الا وين حيدرووه..
ام حيدر نطقت وهي تكيس .. بحمق :
ــ ناايم .. ويش تبغى فيه..
ــ يؤه ويش منومنه هالحزه .. والليله جمعه .. دجاجه..
ــ دجاجه انت.. ليش قصرت عليه اليوم انت .. مخلينه ويا هذا خويك مدري ويش يطلع يدف سيارته كنه الا يشتغل صبي عندكم...
رائد حمق .. شلون هذي تتكلم عن عبدالله بهالطريقه .. مدري ويش يطلع :: ما عجبته هالجمله.. ولااا .. تكلمه كنه غلطان .. ما تدري ان ولدها ساس البلا ..
الا رائد ما ينتبه لكلامه ويرد عليها ..:
ــ والله ولدش لو ما بــ..... وتسبح بماي السيارة ما خليناه يدفها ..
كل اللي بالصاله فقعوا ضحك .. على جرأة رائد يوم يقط الجمله... زهراء وفي قلبها كاتمه الضحكه :
ــ عيب امي.. خلاص ويش قلت لك...
ــ انا داري .. هو ساس البلا وجايه تتبلى علي.. جزاتي مستفقدنه..
ام حيدر :
ــ الله يخلي وليدي وما ينفقد..
ــ لويش دعيت عليه انا الحين..
زهراء :
ــ اوهوو .. رائد خلاص..
ــ زين ..
لكن رائد فيه حره .. ما يصير .. يسكت .. الا يطلعها بطريقه او بأخرى...
غافلهم وهم يحوسوا ويكيسوا .. وصعد فوق لحيدر النايم... وطاااخ .. هجووووم...
ــ حيدروووووووووووووه قووووووووووم...
ويطير حيدر من مناامه.. ويقعد على ركبه من الخلعه ...
ــ اااااااااااااااااااااااااااه...
ام حيدر سمعت صرخة ولدها .. رمت الأكياس من حضنها .. وقامت تركض ..
ركبت شافت رائد بالغرفه .. كان حاضن حيدر بعد الخلعه .. بإيد وحده.. معورنه قلبه عليه .. << دايم رائد كذا يسوي البلوه وتالي يتندم...
وتجيه ام حيدر بلا وعي .. وتصطره داك الصطار اللي خلى راس رائد المسكين يفتر ...
رائد ما قال حتى ااه ... حيدر شهق ... ام حيدر تصرخ :
ــ اني قايله لك نايم.. تجي تقعده لويش
حيدر :
ــ عادي .. انتين لويش ما قعدتيني الليله جمعه .. شلون تخليني انام
ام حيدر تحط صبعها على خشمها :
ــ اصصصصصصصصصص انت ولا كلمه .. ما احد بيخربك وبيقويك علي ويعلمك طولة اللسان الا رائدوه هذا ..
رائد بعده متخشب من الصطار .. عمره ما احد صطره على وجهه كذا..
وصار يطالع مرت جده بنظرات .. اعوذ بالله .. شرار يطلع من عيونه...
وهي لا .. ما اكتفت لهالحد .. تمسكه من بلوزته وتسحبه برى الغرفه ...
رائد نفض ايدها .. وصرخ عليها بجمله هزت بدنها :
ــ لا تلمسيني يا مريضه.. اخاف تتوصخي.. والا تعديني ..
ام حيدر ما تحملت ..
وصارت تصرخ عليه ..:
ــ اني مريضه ياا.... ياا.... ياا.....
هو قام يصارخ :
ــ لا تسبيني هااا...
الكل قام .. وتركوا التكييس ... بيشوفوا ويش السالفه ...
الا رائد ينزل من على الدرج بسرعه .. ومرت جده وراه.. ويتعثر المسكين .. من فوق الدرج ويصير يتدحرج لتحت .. ترضرضت عظامه .. وطاح على الأرض...
وزهراء قامت تركض وهي تصرخ..
ــ ولـــــــــــــــــــــدي...


والى اللقاء في الحلقه القادمه..

[ســحرالقوافي]

الله الله يا اميره

ويــــــش ها الابداع


عاد كرتون النشاف خلص على سالفت الرساله

عن جد موقف محزن

وعاد القصه تهوس

ما شاء الله عليك

وهذي الهوسيه صراحه تطفش

ههههههه

إذا شفت احد من هذا النوع اقول يما ارحميني


عن جد يجيبو للواحد القرف من تقززهم



يسلمو ياقلبي

بنتظار باقي القصه



دمتـــ بود

[آهات عاشقه]

ووووووووووف من هالهوسيه

مسكين رائد حاطه دوبها ودوبه

تسلمي يالغاليه

الله يعطيش الف عافيه

دمتي لنا

[فرح]

امــــــــووورتنا
رووووووووووووووووووووووووووووووعه
وجـــــــــــاااااااااري الانتظااار بشوووووق
دمت بحفظ لله ورعايته
فــــــــــرووحه

[.:روح وريحان:.]

اييييييييييييييييي
اهئ اهئ اهئ
توني قااريه الحلقات الاخيرة
لو ادري كملت عليهم بالثالثه
مجمستني اقرء البقااايا
مشكوورة اموورة على التكمله

[أمير العاشقين]

وااااااااااااااااااااال أميرره عفيه يالله بسرعه

يالله وقسم بالله انقهرت ما شفت تكمله

يالله لاتتحججي عشان خاطري يالله

اوووووووووووه

بسررررررررررررررررررررررررعه

[آخر شقآوهـ ..~]

http://www.alnassrah.com/vb/images/icons/flaming.gif
http://www.alnassrah.com/vb/images/icons/flaming.gif
http://www.alnassrah.com/vb/images/icons/flaming.gif
http://www.alnassrah.com/vb/images/icons/flaming.gif
http://www.alnassrah.com/vb/images/icons/flaming.gif
اميرروه تحمسيني وتخليني اندمج شفاريات وتقطعي عليي المسلسل لاحووول<<خرفت نيييييهاااي
احسه فلم لما تدحرج ع الدرج وعلى عمري تعور احسه اني يعور شفاريات
والله على الاخت ام الراء العدله طيبه قلبها طيب طالع عليي <<بل قفزت كانت تحت ركبت فوق الله يعديها
تسلمي حبيبتي ع القصه الوعيه
يعطيكِ ربي العافيه
تحياتي
ضحكوه البطه

[أسيرة الأحلام]

أميرووووووووووووووووووووووووووووووووووووووووووه

مااااااااااااني بسرررررررررررررعه تكمليها ماليي دخل فيش
تكمليها تكمليها
مااااااااااااااااااااااااااااااااااااااااااااااااا ااااااااااااني
:mesb::mesb::mesb::mesb:
يعني لازم تحرقي أعصابنا
يلا يالدبيه كمليها بسرررررررررررررعه
:ranting::ranting::ranting::ranting::ranting:

ويش فيش أميروووووه حطيها كلها وفكينا يعني لازم تسوي فينا كذا
أفففففففففففففففففففففففففففففففف

يلا أني أستناش

باعد للعشره <<<<<< نلعب الغميضه
خخخخخخخخخخخـ

أني أستنى ترى هيه

[Princess]

هلااااااااا بالمتفاعلين
هلاااااااااا
منورين
الجزء اليوم عقاب لي
طويل شويات
تعبت تكسر ظهري
لعيونكم
اعذروووني على التأخر
عند ظرووف شويات
وتفضلوا الجديد

[Princess]

الا رائد ينزل من على الدرج بسرعه .. ومرت جده وراه.. ويتعثر المسكين .. من فوق الدرج ويصير يتدحرج لتحت .. ترضرضت عظامه .. وطاح على الأرض...
وزهراء قامت تركض وهي تصرخ..
ــ ولـــــــــــــــــــــدي

ام حيدر سمرت على الدرج مكانها.. وانخطف لونها... الياهل طايح على الأرض... رائد ما صابة شي... بس جبهته انتفخت بشكل بسيط.. والجبيره الحمدلله ما صابها شي وانتبهت امه لخده احمر .. عرفت هذا اثر صطاار ...
زهراء .. حمقت ووولعت على مرت ابوها .. وبلا وعي قامت تصارخ:
ــ وانتين عديمة احساس .. وتحطي عقلش بعقل ياهل... وبأي حق تكفخيه..
قسما بالله وربي لو كان صابه شي اعظم من كذا.. لكنت اوريش الويل ..
ام حيدر يوم تطمنت انه ما صابه شي قوي .. اطلقت سيل الرشاشات.. :
ــ ما احد قال له يركب فوق ويخلع ولدي .. ويطيرة من عز نومه ..
ليش بس انتين اللي تخافي على ولدش..
ابو كرار حمق:
ــ شريفة... زهراء... خلاص... هذا وانا موجود والشباق قايم.. كيف لو الله ياخذ امانتي.. بتتذابحوا بسكاكين... زهراء اخزي بليس وصلي على محمد واله.. وانت يارائد لويش خلعت خالك؟؟
رائد ساكت ما يرد.. ووجهه يعبر عن قمة الغضب والقهر ووده يشب حريقة.. ومكتفي بتكشير الحواجب ومد البرطم..
ابو كرار يدري بطبع حفيده فسكت عنه .. ودار لشريفة:
ــ اسمعي... انا بناتي هذا البيت بيتهم.. ان تصرفوا هم والا اولادهم تصرف غلط بوجودي علميني .. مالش أي حق تمدي ايدش عليهم .. ولا تطولي لسانش.. سمعتي ...
ام حيدر تقلبت الوانها.. وشوي وتصيح... دارت بظهرها بتروح غرفتها .. الا ابو كرار يصرخ..
ــ شريفه.. انزلي مع البنات بسرعه.. ويللا خلصوا اللي في ايدكم...
نزلت ام حيدر وهي تبلع القهر غصة ما بعدها غصة... وهي نازله طاحت عيونها في عيون رائد اللي كان بحضن امه جالسين قريب الدرج... وشافت فيهم عبارات قهر .. وشرار يحرق بلد مو بس يحرقها... فغضت النظر ...
على جنب كانوا تهاني وبنتها زينب .. يطمشوا... عاد تهاني فيها ضحكه.. مستانسه بسواة ابوها في ام حيدر .. وقاعده تساسر في بنتها :
ــ ههههه.. ويلي .. هذا اللي قاصر.. ضبعه وتعرف تحمس..
ويضحكوا على الصامت...
ام حيدر انتبهت ليهم ..
<<<احم .. عدلوا وضعيتهم ما كنهم سووا شي .. وكملوا تكييس...
ام حيدر تحط حرقتها بالتكييس... صارت تحط مكسرات شوي .. وكم كيس انشق من تحت ..من قوة رماي قوطي العصير فيه...
تهاني حمقت :
ــ اوهووو .. عاد ياخالتي .. لا تطلعينا قدام الأوادم بخيلين .. حبتين مكسرات .. ولا ترمي العصير بالقوه .. تشققوا الأكياس ..
ام حيدر ما ردت عليها .. وعاندتها .. صارت تحط العصير وتملي الكيس حده مكسرات.. ليت تفجر من الجوانب ...
تهاني حمقت... مهي عارفة ويش تسوي ...
شوي ما تشوف الا حبة ضرس غزال طايره من مكان ما.. وتصفق عيون ام حيدر ...
ام حيدر:
ــ اااه وحريقه..
ويتبعها امر بصوت هادئ ومره متكبر حدده :
ــ لوو .. سمحتي... كيسي عدل...
زهراء جتها ضحكه.. بس كتمتها .. وبنفس الوقت مصدومه .. من حركة ولدها.. كنه مصخها... وتمصع اذونه.. على خفيف وتساسره:
ــ راائد .. حبيبي .. عيب احترم الأكبر منك...
رائد بملل.. مو مقتنع مره :
ــ زين ...
ويكفخ وجهه عن ام حيدر الجهه الثانيه..
وام حيدر بحمق تتحنطب:
ــ قلة ادب .. يهال اخر زمن ..


مرت ساعه,, والتكييس لسا قايم... رؤى تعاون امها تحط حلاوه في الكيس.. تقعد تنتقي اللي قرطاستهم يعجبها لونها .. وتخلي الباقي ....

حيدر طبعا قعد من النوم معاهم... قاموا يلعبوا اتاري .. حيدر وحسن ورائد..
وشي اساسي رائد محتل يدة .. والثانيه بالتناوب بين حسن وحيدر ... خخ
ودوم رائد يغلب.. وفجأه اختربت القاعده .. وحيدر غلب رائد.. حيدر اختلع... فتح عيونه.. وفي باله يهلوس
ــ انا غلبت رائد.. يؤ يؤ.. ويش هالفن... بس يااساتر من رائدووه .. بيعصب...
الا رائد وبكل برود.. :
ــ مو منك.. من اليدة.. اللي عندك..
حيدر قام يقلب اليدة .. وهو يطالع فيها بتفحص..
ــ لويش يعني..
رائد:
ــ اللي عندك هي الأصليه .. اللي عندي خراط... <<< لعن يوم الخراااط
الا حسن ينط ويتدخل..
ـــ خراط.. اجل بدل باليدات.. اشوف مين يغلب...
وصار التبديل .. وغلب حيدر للمرة الثانيه.. حيدر فيه ابتسامه .. فيه فرحه.. بس خافنها.. خايف من رائد << اللهم ادفع البلا ..خخ
الا رائد وبكل برود:
ـــ ممممم طلعوا ثنتينهم اصليين.. نفس الليونه الحبات.. انا افتكرت حبات يدتي الأوليه خشنين وتقليد..
حسن رافع حاجب وحاجب... وفي باله
ــ بللللل.. يصقعك رائدووه مستحيل تعترف بالهزيمه.. لو انا من حيدروه ما العب وياك خلاص...
ويقطع عليه حبل الأفكار رائد..
ــ حسنوه.. يللا دورك...
ــ انا .. لا زهقان..
ــ زهقان والا خايف اغلبك...
ــ تغلبني لااا اتحداك... يللا بلعب دور
ويلعبوا ,, ويغلب حسن رائد.. ويفقعها حسن ضحكه ومسخره على رائد...
ولا يشوف رائد الا ماصع الوايرات من القهر ... بطلنا نلعب اتاري .. قوموا نلعب برى...

طلعوا برى الحوش... كان في بيت ابو كرار صندقة " حظيرة" دجاج... فيها خمس دجاجات وديك... >> كسر القاعده هالديك خخ زيادة واحده مجانا خخ
رائد فيه نحاسه.. شافهم نايمين... قال الا افزعهم بس بطريقتي الخاصه...
ــ حيدرووووووه... كم مسدس ماي عندك..
حيدر مستغرب...
ــ اثنين...
ــ خخ روح جيبهم..
ــ لويش..
ــ بنعلب لعبه حليوه..
ــ زين باجيبهم..
شوي رجع بهم حيدر << عاد مسدسات لول .... كان مرت عليكم.. صغيرونات .. وشفافين والوانهم حليوه ..خخ
عبى رائد المسدسين ماي من الزراعه ... عطى حيدر واحد .. وهو واحد...
وقال لحسن:
ــ راعي الحلال وصاحبه اولى خخ
حسن ما همته السالفه.. فيه فضول بس لويش..؟؟ وويش بيسوي بهم...؟؟
فتح رائد باب الصندقة.. ودخل هو ويا حيدر...
وقف رائد.. في شمالها .. وحيدر خلاه بالجنوب.. وحكروا الدجاجات وبعلهن الديك في الوسط ..خخ <<< خطه حربيه جهنميه .. لا مفررر..
وشوي .. نااار .. اقصد مااااي.. هجووووووووم...
قام الرش على الدجاجات و الديك المساكين.. وهم في عز نومهم...

الا اللي في الصاله يكيسوا يسمعوا..
ــ كااااااااك.. كاااااااااك.. بك بك بكيييييييييييك.. كااااك..
والحرب قايمه.. الديك قام يفزع لحريماته.. ويطير على رائد وحيدر .. ويعطيه رائد شووته تطيره بعيد .. ويستمروا بالرش .. وحسن ميت ضحك.. وطار الريش يمين وشمال .. ويطلعوا اهاليهم.. على صوت صريخ الدجاجات المرعوبات...
ويصرخ ابو كرار ..
ــ حيدر .. رائد .. ولعنه.. ويش تسووا...
وفتح باب الصندقه .. وسحبهم برى..
<<<< طبعا تخيلوا شكل الدجاجات.. متبللات.. وصوتهن بعد الصراخ قد ..بح.. من كثرة الكاااااااااااااااااااااااك.. الى كاك كاك كاك...

ابو كرار عصب.. ليش يعني هالحركه.. بس بنفس الوقت فيه ضحك.. مو عارف ويش يسوي وكيف يتصرف.. هدد فيهم ان عودوها ليكون ليهم حساب ثاني...

دخلوا البيت... شي اكيد بعد الصراع.. مبللين.. مقطنين.. وريحتهم من الصندقه .. اووه.. خوووش ريحه...

واليكم ردة فعل ام حيدر :
ـــ ااااااااااااااااااه... ويش هذا.. اففففففف... ويع والله ويع.... صاقعه تصقعكم و.. و... و....

[Princess]

زهراء حمقت..
ــ بعيد الشر.. يهال ولعبوا .. لا تدعي هالدعاوي...
ــ وتصقعش وياهم .. و...... وياهم و....... وياهم..
زهراء حمقت :
ــ اقوووول ...
تهاني تطمنت ان ولدها خارج الحرب اللي صارت.. فوخرت عن شباق زهراء وخالتها .. <<<لا يحوشها صاروخ شريفي معتبر...
زهراء خلاص وصلت حدها..طبعا هالصريخ .. الرجال " فاضل وابو حسن" صاروا يهدوهم .. ويطلبوا منهم يصلوا على محمد واله ويبطلوا شباق...
اما ابو كرار فلم يكن موجود كان في الحوش يتطمن على دجاجاته ويهدأ من روعهن خخ << لو هو موجود انثبروا وانخرسوا ساكتين...

شوي دخل ابو كرار.. ام حيدر خافت يحمق عليها غضت النظر وسكرت الموضوع.. بس قامت مسكت ولدها من طرف بلوزته.. توديه الحمام.. وبنظره معناها لزهراء .. قومي بولدش...
زهراء قالت لتهاني تحط ليها كم كيس مكسرات وحلاوة وكم قوطي عصير بتكيسهم في البيت على رواق وبترسلهم ليها .. لأن الوضع ابدا ما ينطاق..

رائد مقهووور.. وليش هذي ام حيدر عدوته اللدوده ودوم تحط دوبها دوبه.. لكن هين ما يفوتها....
ويروح يقول لأمه باروح الحمام.. وياخذ له نشاف .. ويبلله ماي.. ويجمعه في ايده... ويروح عناد في ام حيدر .. يصفقه بالسقف قريب الحمام ويلزق .. ويصير ينقط ماي .. << حيدر داخل يسبح...
وينتظرها تجي ...
دقايق وجت ام حيدر بتدق باب الحمام على حيدر عشان يطلع... الا تحس رطوبه كذا نقطت على راسها .. رفعته الا نقطه قطرت بعيونها.. وتكش بنفسها على جنب زي القطو.. وتصرررخ...
ــ رااائدووه .. ومصيبه....
يجيها رائد وببروده المعتاد..<< اللي مثل البنزين يشعل شرار ام حيدر حرايق:
ــ شيليه اذا تطاليه...
ــ اطاله.. هاا.. اطاله... طالتك نايبه .. وخذتك... << قالتها بصريخ..
وتجيها زهراء وهي مره موصله حدها..
ــ تطوول عدوينه واللي يدعوا عليه دعاوي كذا.. صحيح عديمة احساس .. وان غلط ادبيه بطريقه .. بأسلوب .. مو دعاوي .. الله يعينا عليش بس...امش رائد قدامي.. بنروح البيت.. لا نمرض..
ــ تمرضي ويش.. لا يكون اعديش .. انتبهي لعمرش بس .. صدق ما تستحي..
ــ اولا.. اذا بمرض بيجيني الضغط ياكافي.. من كثر حرقة الأعصاب.. وثانيا.. ترى المرض النفسي يعدي صحيح.. يعني من الأفضل على المريض العلاج.. قبل نقل العدوه..
ــ صدق انش ما تستحي..
ــ خلينا الحيا للي يستحي.. اني تاركه لش البيت الحين وطالعه..
ــ بالطقاق.. بينقصني شي...

شوي الا حيدر بعفويه .. طولت عليه امه المده في الحمام.. >>> عاد حسابات كل شي معروف... فتح الباب وطل براسه..
ــ اماه وين الفوطه...
ام حيدر تسمك عروة الباب وتصفقها تسكره .. وهي تصرخ في ولدها..
ــ الحين اجيبها.. لا يكون بس دست الأرض حافي..
ــ لا علي النعال..
ــ ايه زين..
زهراء تطالعها .. وتبوس ايدها وجه وقفا... الحمدلله والشكر ...

راحت شالت الحوايج اللي جهزتهم تهاني ليها.. وطلعت مع زوجها واولادها...
وتهاني على طول ما طولت وراها.. << خافت لا تتعيلف بها شرووفة بعد ما خلصت من زهراء..
وفضى البيت .. ابو كرار محمق...
ــ شريييييييييفه....
جته تركض والخوف ماكل قلبها كانت تعدل لبس حيدر بعد ما لبسه ,,, << متعود احد يعدل واره..
ــ هلا.. هلا هلا ..
ــ حسبي الله عليش قولي امين..
حيدر وبعفويه :
ــ اميـــــــــن..
ابو كرار :
ــ وجعين..
شريفة:
ــ ويش صاير..؟؟
ــ بعد ما تدري ويش صاير.. تسوي بلاويش ولا تدري.. لمتى هاا.. لمتى هذا حالي وياش.. تبغي تجلطيني
ــ لا بعيد الشر..
ــ لا قوليها .. الا .. تبغي .. الشر هو في هالعيشه.. يا مَره.. اخزي بليس.. الطبيب النفسي مو لمجانين وبس.. صدقيني تتعالجي وترتاحي من هالهم وتريحينا...


ام حيدر ما تحملت كلام ابو كرار.. وتركت الصاله وركبت غرفتها..,
ابو كرار جلس بالصاله .. ومره تعبان وفكره مشغول بهالمره هذي اللي مهي راضيه تريح روحها وتريحهم معاها..
حيدر قعد على الدرج.. مو عارف ويش يسوي ولا يدري ويش صاير.. شي روتيني نقاش امه وابوه بهالموضوع .. << صار زي الأهبل يتذكر شباقه ويا الدجاجات ويضحك.. لين نعس ونام في محله...
انتبه له ابو كرار.. وشاله لغرفته...
ورجع الصاله ... دق تلفون بيت بنته زهراء .. بس ما احد رد عليه.. الظاهر ناموا...
صار يقلب بهمه.. ومو عارف ويش يسوي وكيف يتصرف...

[Princess]

وفي صباح يوم الجمعه.
... في بيت فارس... كان فارس يحوس بالحوش.. عنده سيكل يحاول يصلحه.. كان يصير اريح له لروحة سوق الخميس كل اسبوع..
جدته قاعده تسف بالخوص .. حصر.. وسفر ... وغيرها من الخرابيط الخوصيه خخ.. عشان يبيعهم مع التاوه في الخميس الجاي...
فارس زهق من الحوسه في هالسيكل المتشخشخ... قعد عليه ..
ــ اماه..
ــ امي ..
ــ قولي لي لغز,,
<<< جدة فارس .. تحب الألغاز .. والغازها لطيفه وخفيفه ..
ــ لغز,, لغز,, تمبى لغز,,
ــ ايه .. مخي مصدي شوي..
ــ ههههههههه غربل الله بليسك.. زين ... يللا حل الي هذا ..
... بنتنا بنت الدلال راكبه فوق لجبال.. إتحارس مركب أبوها.. لا يجروه بلحبال....
ــ امااه.. قلتيه لي من قبل وعجزت ما عرفته.. طلع تالي سطل البير " الدلو"
ــ هههههههه .. صدق.. نسيت .. زين اجيب لك واحد فاني ...
جيته ولا جاني في السوق لاقاني.. واعمامته خضرة وثوبه اسوداخرساني...
ــ ممممممم اكل هو..
ــ والله ما ادري .. انت شوف ويش يطلع وحله..
ــ مممم.. دام اسود.. وعمامه خضرا.. الباذنجاان موو..
ــ عفيا عليك .. عدل .. هههههه ..
ــ هههههههه.. حليو اللغز عجبني .. يللا ابغى غيره...
ــ غيره.. يؤه.. خش شوي لبكره لا اعيدهم..
ــ هههههههه لا زهقان يللا ابغى اتسلى..
ــ وي .. اني افدى هالضحكه بعد امي.. لسليك ولا يهمك .. زين .. مممممم...
طوله فلافين وعرضه فلافين و تخضع له السلاطين...
صار فارس يفكر ويفكر.. وعجز وهو يفكر....
ــ مممممم شهر اكيد شهر .. دام انه ثلاثين...
ــ ما ادري بك.. حله..
بعد شي ربع ساعه تفكير ..
ــ ههههههه شهر .. ورمضان بعد .. هااا..
ــ هههههههههه .. عفيا عليك ... ولدي فطين مو مصدي مخه ..
ــ هههههههه.. الله يخليش ولا يحرمني منش..
ــ وي ويخليك لي ويحرس شبابك يا كريم..
ــ هاا بعد واحد..
ــ يؤه .. خليهم لغير هاليوم..
ــ ههههههه زين انا الحين بطلع ... بتمشى بالفريق .. توصيني شي ..
ــ سلامتك امي .. انتبه لروحك.. ولا تمشي بريحاتك في زرانيق ..
ــ يؤ.. لويش..
ــ الله يا كافي .. صبيان مشلخين بدن ضبيعة مسكينه.. داك الأسبوع في زرنوق
ــ الله يا ساتر .. ولويش..
ــ سمعوها تخرخش بمعاضض دهب... طاحوا فيها دست وخدوهم..
ــ هههههههه هدا انتين قلتيها .. ذهب.. انا ويش ليهم فيني ... مخباي ما فيه الا ريالين .. بيكسروا عافيتي عشانهم..
ــ وي على عمري ولدي ...
وتفتح ربطة شيلتها وتطلع منها خمسه ريال.. فارس ما رضى ياخذهم .. وبالموت وهي تحلف عليه.. الا ياخذهم... اخذهم.. وفي باله يشتري ليها قناطي ..
<<< قناطي= نخج يابس مغلف بحلاوة سكر .. الوان.. وردي .. ازرق ... ابيض ... خخ.. لول وايد متواجده الحين ما عدت اشوفها ...


وطلع فارس يتمشى... ويدخل هذاك الزرنوق... ولا ينتبه الا طااااخ....


الى اللقاء في الحلقه القادمه ..

[آخر شقآوهـ ..~]

كده يعني كان كملتي توني كلحينات اقول لش حبابه
بس الحين بعد حبابه بس شان شملتي مايصير بد هدا مو شلام
ان ابغى ها قناطي مو تنسي ابغى ازرق احم
بس تدري خيوه عندي احساس شبير واجد ان ها رائد بعرس على هدي حنينوه تحسي ويايي
في بعد وحده في بالي بتعرس على واحد بس مابقول الحين ننننييهههههههههههههههااااي
يالله حبوبتي استنى الجزئين ها مو جزء شاطره طالعه عليي
يعطيكِ ربي العافيه
تحياتي
ضحكوه البطه

[زهرة القلوب]

مشكوره خيتو على القصه الحلوه
لاعدمنا ذلك
الله يعطيش العافيه
وتسلم هاليدين الحلوه
وننتظر تكملة القصة باحر من الجمر
الله لايحرمنا منك
تحياتي زهرة القلوب

[ام الحلوين]

صغيـــــــــــــــــــــــــــــــــــــــــــــــ ــــــــــــــــــــــــــــرتي يعجز لساني عن تعبير مشاعــــــــــــــــــــــــري

http://www.alshamsi.net/iklas.gif

[..انين الروح..]

مشكوره حبيبتي قصه رائعه وكاتبه اروع
تسلمين والله وطولي الاجزاء عاااد لا تشوقينه كثير

بنتظار الجزء الجديد

تحياتي
رهوفه التوفه

[أسيرة الأحلام]

أميره المرح <<<< أحم احم على الأدب
خخخخخخخخخخخخـ
أميرووه القصه روووعه وتهبل بعد
ومشكووره على الحلقه الطويله والحليوه بعد
يلا حبيبتي نستنى الباقي

:rolleyes: تحياتي :rolleyes:

[Princess]

ضحوك .. زهوور.. اسوور.. رهووف.. تسلموا لا عدمت هالتواجد الجميل
امي الحب.. منوره يالغاليه الله لا يحرمني منش ..

الحين ما بحط جزء لا تفرحوا... اجزائي في الفجريه كالعاده..
با حط عتب ...
اني ملاحظه وجود اعضاء متابعين القصه.. بس بدون تعقيب.. ما ادري ويش ينتظروا...
ترى اميرة تحب التعقيب يكون اول بأول.. ويتوضح ليها ويش اللي عجبكم وويش اللي قهركم .. بالمختصر شعوركم مع قصتي كيف كان,,, اما كذا .. لااا.. تراني ادخل زائر احيانا :wink:
وصدت ناس... اتمنى الاقي تعقيب ...


دمتم بحفظ الرحمن

[.:روح وريحان:.]

ياهلا فيكمــ
هلا خيتوو
تكمله حلوووة الصرااحة
بس اقووول خيتووو
صار افادي اشدخ ام كراار
هاه متى تروحي وياي؟
ههههههههه
مشكوورة حبيبتي

[آهات عاشقه]

يسلمو ا يالغاليه ويالحبوبه

علا هالقصه الروووعه

ربي يعطيش الف عافيه

وصرت احبش لانش حطيتي اجزاء شويه واجد

ههههههههههه

تسلمي يالغلا

[ســحرالقوافي]

اميروووه

ههههههههه

عجل تدخلي زايره

خخخخخخخخ

عجبتيني


والله انك حركات


نرجع الى القصه

ههههههههه

بصراحه ذكرتني جدة فارس بجدتي الله يرحمها دايماً كانت تقول لينا الغاز

ومنهم هذول


اميراٍ فوق قصرة يحرس الناس في عصرة سلاسل مرتخية ولسانه فوق صدره .....


ويش الجواب حزري فزري:wink:




بس الهوشه والشبقه شي

خخخخخخخخ

دمتـــ بود

[الحال2007مه]

الله القصه بدت تولع وصار فيها اكشن بس تبغي الصراحه رائد مصخها وي مرت جده
وهي المفروض متحط عقلها وي جاهل بس عجبتني وحده من حركاته دكرتني بايام لول
يوم ياخد النشاف ويبللبلها ويرميه بالسقف كنا نسويها يوم احنا يهال<<<إرهابيه اني خخخخ
يالله ننتظر الجزء الجديد
موتتاخري واجد

[شمعه تحترق]

http://www.members.lycos.co.uk/scfile1/upload/51f79edb3.gif
مرحباااااااااااااااااااااااااااااااااا
واصله متأخره :rolleyes: لكن يقولون (أن تأتي متأخر خير من ألا تأتي أبدا ً)
والعذر والسموحه من القلوب الطيبه عالتقصير
مبدعه دوووم يا أموره
امنياتي لك بمزيد من التألق
موفقه بعون الله

[نور الهدى]

اللهم صلي وسلم وزد وبارك على محمد وال محمد

الله يعطيك العافية

وتسلم يدينك


قصة روووووعه ومن غير مجامله :rolleyes:

الله يوفقك يا رب استمري وان شاء الله يتحقق حلمك وتصير ي مشهورة :bigsmile:

بيكون لك بأذن الله مستقبل ان في هذا المجال

قاعدة على القصة من الظهر وتوني مخلصة تدرين حوسة الجهال كل شوي اقوم

وطول ما انا اقرء اضحك بروحي

يالله بلا لعانه وخلي النحاسة في صوب وكملي القصة لو تحطين ثلاث حلقات بعد كل يوم لك كل الشكر :wink:

طماعه صح
بس جد القصة مشوقه نبي نكملها

الله يوفقك يا رب ويسلمك لاهلك واحبابك

[دمعة الاحزان]

هلااااااااااااا امور
قلت خلني اسلم على عمري واحط الك رد
يمكن الحين زايرة وتشوفيني وبالليل تشبي فيني نار وحرايق
و نجيب المطافي الفوله
بس انا دخلت اشوف حطيتي اجزاء ولا لا شفتي اجزاء موب جزء
لان العروق تنط من مكانها اذا دخلت وشفت حاطه جزء
لايغني ولا يسد من جوع وحماس وبعدين وينه بح طار
لي عوده عشان اقراء الاجزاء الي فاتنتي الحين بقوم انصلي
سي يووووو تو نايت
موفقه يالدبه

[كبرياء]

عااااااااااااااااااد اني من النوع اللي تجيني حرقه اذا ما عرفت ويش بيصير

عشان كذا اجلت قرائت قصتش لين تتكتمل شوي بس مااا قدرت

اميرووووووه القصه حركات والله >>>>حركتات على قولتش لا تطولي علينا لا اكفخش خخخخ :wink:

بسررررررررررررعه :toung:
كي يوم كي يوم <<< على قولت شقي بيتنا :wink:
ودمتم

[أسيرة الأحلام]

http://www.alnassrah.com/vb/images/icons/flaming.gif http://www.alnassrah.com/vb/images/icons/flaming.gif
أميرووووووووه ماااااااااااااااني

من زماااان وأني أستنى ولاجيتي

يلا عاد قاعده تتغلي علينا يلا بسرررررررررعه تعالي

وبسش تغلي

أني أستنااااااش

:rolleyes: تحياتي :rolleyes:

[Princess]

هلا وغلا
هلا بالمتابعين ومية مرحبا للمنضمين .. منورين...

اسوور يمااه اخاف منش .. عساني ما احلم فيش ..<< اخاف تاكليني بالحلم خخخ
وربي ما اتغلى بس من جد مزحووومه مووت حتى دخلاتي المنتدى قاله هالأيام.. ما تشوفوني وايد مره.. ان شالله اعوض التقصير على خير
ولا يهمكم الحين الجزء الجديد
ومتباركين بالمووووولد حباااايبي
وهذي الحلقة حلاوة المولد <<< خخ كذا والا كذا بتحطي حلقه تتحججي حلاووه
احم كح :embarrest:

تفضلوااا.. الجديد

[Princess]

وطلع فارس يتمشى... ويدخل هذاك الزرنوق... ولا ينتبه الا طااااخ....
ويفتر راسه.. ويصير يترنح يمين وشمال.. المسكين صدم في مكيف ما نتبه له في الزرنوق المظلم الضيق.. وكان سرحان.. ويطالع في الأرض...
تسند فارس على جدار البيت راعي المكيف اللي صدم فيه.. ولا يشوف الا النافذه انفتحت.. وضبعه لابسه شيلة ومغطية وجهها الا عيون وحده تطل..
ــ هااادوااايش... << اختلعت من صفعة المكيف...
فارس وهو يون ويدلك جبهته...
: ــ اااي.. هذا انا .. قواش الله ام ابراهيم.. << جيرانهم .. جدته تعرفها..
ــ وي .. فارس.. هلا وليدي .. ويش صاير وويش هالصفقه..
ــ اييي...
ويشيل فارس ايده من على جبهته.. ويأشر عليها لأم ابراهيم..
ــ جبهتي صفقت بمكيفكم..
ــ يؤ.. وي على عمري .. ما شفته.. اهو تعال بحط عليها فلج.. << " ثلج "
ــ لا خلاص..
ويحط صبعه عليها ,, ويشيلة بسرعه..
ــ ايييي..
ام ابراهيم.. منقهره عليه بخوف..
ــ باشوفهااا...
ويقرب فارس وجهه من النافذه..
ام ابراهيم...
ــ وي على عمري طلع الدم شويه.. .. وي .. تعال بس دش خلني احط فلج.. لا ابوه مكيف...
ودخل فارس بالموت .. لأم ابراهيم.. اللي صارت مسكينه تدلك في جبهته.. وتحط فلج... لين نزلت شوي ... مسحت الدم اللي طلع..
ــ اشوى طلع دم اهون لك.. عاد ياولدي مره فانيه انتبه وانت تمشي بهالزرانيق.. خلعتني .. وشوف ويش سوت بعمرك..
ــ هههه .. انشالله.. يعطيش العافيه خالتي ..
ــ الله يعافيك.. سلم على امك...
ــ الله يسلمش ... مع السلامه..
ــ امانة الله وانتبه لروحك..
ــ ان شالله..
طلع فارس.. ونزل شعره على جبهته لا تبين الضربة.. وصار يتمشى.. شوي الا يمر عليه بالسياره 3 شباب... السيارة عدته.. بس تفاجأ يوم لقاها رجعت للورى.. وفتح النافذه الا ابو مصيبه الأقشر , ووجه مورم من بعد تكفيخ وبكووس عبدالله, يصرخ في فارس..
ــ هااا... لحالك.. وين المحاميين تبعك.. والله ما اخليك...
كان معاه بالسياره امينوه... وعلي ولد عم رائد...
فارس طنش ما كنه يسمعه..
ــ تسوي روحك اصمخ وصاقعه تصقع صماخك .. لكن هين ليش مفتكر بخليك انت واللي وياك...
امين تدخل ..:
ــ ويش السالفه ..؟؟ ومين اللي وياه.. هذا ياهل تحط راسك براسه..
ابو مصيبة درا على امينوه وهو محمق.. ويأشر على وجهه المبكس..
ــ ياهل هذا هاا.. ياهل ..
امين :
ــ بفففففف.. هههاااااااااااااااااي.. لا تقول منه .. اااه .. هههاااااي...
ــ منه فعينك.. من خوية اللي وياه..
ــ خوية .. مين...
ــ وانا ويش مدراني عنه.. واحد بعمرك كذا.. << كان امينوه اصغر واحد في شلة الدشران.. وتالي علي واكبرهم ابو مصيبة...
ــ اهااا بعمري... قول لي بس اسمه ؟؟ وولد مين؟؟ .. وانا اشلخ لك بدنه <<< دافع عن عمرك اول ...
ــ ليش مفكرني ياهل تدافع عني لا افرمك وياه.. انا ما بشوفه الا يوم الخميس.. بالسوق اذا بسط هالتيس..
فارس انقهر..
ــ لو سمحت حسن الفاظك
ابو مصيبة يمسك اذونه ويطلع راسه من النافذه...
ــ نعم... هاا.. ما سمعت ... عيد .. عيد
فارس وهو يطلع في الأرض قدامه..
ــ لووو.. سمحت... حسن الفاظك..
ابو مصيبة يلتفت للي معاه..
ــ شباب .. سمعتوه ويش قال..
علي ::
ــ هههااااي.. حسنها ..
ابو مصيبة..
ــ حسن الله حواجبك انت وياه..
ويرجع يلتفت لفارس..
ــ انثبر واسكت لا انزل لك وادوس فبطنك .. واشوف تقدر تتكلم..
فارس طنشه وما رد عليه...
ابو مصيبة .. فتح محفظته وطلع منها 10 ريال.. ومدها على فارس..
ــ هااك اخذ ثمن بسطتك الإسبوع الجاي.. لأني ناوي اشلخك انت وياها..
واللي بيدافع عنك ساعتها كلكم جميع,,,
يرجع يطالع في العشرة..
ــ والا لويش .. وايد عليك 10
ويطلع ريالين
ــ كل ابو خبزك ما يسوى حتى هالريالين..
ويرميهم عليه
ــ هااا خذهم.. وانتظر الأسبوع الجاي ....
ححححححححح.. ويغبر بسيارته على فارس.. اللي ظل واقف.. ومره فكره مشغول.. ويش بيصير الإسبوع الجاي...

يتبع >>>

[Princess]

وقبل ما يتحرك من مكانه... شال الريالين من على الأرض.. وحطهم في مخباه.. وكمل طريقه...



في بيت ابو رائد... زهراء قاعده تكييس اللي عطتهم اياها اختها...
رائد طل عليها..
ــ امااه بروح البقاله...
ــ خذ اختك وياك.. توها تبغى البقاله قلت ليها اذا جا ابوك
ــ ما في تقول لي ويش تبغى.. ما في بنات يروحوا بقالات...
رؤى تدخلت :
ــ ماني ماني .. بالووح.. اكي حنينوه تلوح
ــ حنيننوه اصغر منش..
ــ بس بسنه..
ــ ايه خلاص مافيه..
ــ والله ماني ماني.. ابغى اختال على كيفي..
ــ قولي ويش تبغي وباجيب لش..
ــ ما تعلفه..
ــ ويش اللي مع وجهش ما اعرفه..
ــ ماني ابطلع... ابطلع...
زهراء..
ــ رائد اخذ اختك.. ابوك عادي بس انتبه ليها ولا تطولها يا ولدي وهي قصيره..
ــ زين.. قومي البسي عباتش وقدامي..
ــ هيييه هيييه...
طلعت روى تركض.. ومره مستانسه.. ورائد منقهر شلون تطلع هذي وياه...
وصلوا البقاله ... خذوا اللي يبغوه .. وطلعت رؤى قبل رائد .. رائد ظل ينكت ويا الهندي ويحاسبه.. الهندي كان يحب رائد.. ويحب سوالفه..
رؤى جت بتعبر الشارع,, وماسكه بطاطس .. وقاعد تاكل فيه.. الا سيارة واحد جايه بسرعه ..
ححححححححححححححححححححححححححح


وترمي رؤى البطاطس من ايدها.. وتصرخ وتوقف في وسط الشارع...
بيييييييييييييييييييييييييييييييييييب
ويطلع الرجال راسه... ويصير يصرخ عليها ..
ومن الخلعه رؤى المسكينه.. تقعد على الأرض وتصير تصيح..
ويحمق الرجال ويزيد صريخه..
الا بطلعة رائد من البقاله سمع الهرنات والصريخ .. ويشوف رؤى على الأرض وتصيح .. << هلا هلا كملت...
وويروح يشيل اخته ويوخرها ...
والرجال بدل لا يكمل طريقه .. صار يسب فيهم.. وفي اهاليهم اللي مخلينهم في الطرقات...
رائد حمممق .. ويفصخ نعاله .. ويصفق بالسياره وهو يصرخ ..
ــ روووح.. روووح...
الرجال حمق .. جا بيطلع... الا الهندي يصرخ لرائد ..
ــ اناا في رووه يتصل بالشرطه.. >> الهندي يشلخ بس تخويف
الرجال من سمع شرطه.. رجع السيارة.. ماله والمشاكل.. عطى رائد كم سبة .. ورائد ما قصرؤ بادلة المسبات.. ورؤى تسحب فيه .. ودمعها اربع اربع ..
ــ خلاص خلاص.. بتجي الشلطه ..
ويمشي الرجال عنهم..
رائد:
ــ ويش فيش ما تعورتي ..
ــ تهئ تهئ.. لا.. بس اختلعت..
ويمسك ايدها وهو معصب..
ــ انا قايل لش.. ما في روحه.. زين ما صابش شي.. يللا قدامي..


ويرجعوا البيت .. وتشوف زهراء عباية رؤى مدحنه غبار ..
ــ وي على عمري .. طحتي ؟؟!!
رائد بمسخره:
ــ لا بغت تصقع في سياره..
زهراء اختلعت :
ــ تصقع ويـــــــــــــــــش...؟؟
رؤى:
ــ تهئ تهئ.. ما عليش منه.. بغت تصدمني بس ما صال شي بس طحت..
حضنت زهراء بنتها..
ــ وي على عمري.. الحمدلله ..
رائد وهو ياكل بطاطس ببرود:
ــ قايل لش لا تطلع..
رؤى محمقه:
ــ من حنتك.. من عيونك.. نحيس..
ــ ههههههه وانا ويش دخلني..
ــ ههههههه اماه امن لائدوه طق سيالة اللي بغى يصدمني بنعاله..
زهراء :
ــ يؤه هههههههههه.. لويش..؟؟
ــ من القهل .. قام يسبني لأنه..
ــ هههههههه الله يهديه .. و انتبهوا مره ثانيه ها..
ــ ان شالله...
رائد بتأكيد..
ــ ان شالله هذا اذا طلعتي وياي مره ثانيه..
رؤى طايحه بحاليس:
ــ الا باالوووح..


وبعد ما خلصوا اكل... رائد قام يحوس في البيت.. يداور ويبحبش يمين وشمال...
كان في المطبخ سقيفه مثل اللي بغرفته << بيت ابو السقايف خخ ..
ورائد فيه فضول يركبها.. وامه تقول له ما فيها شي الا صفاري وصحون زايده..
وهو يداور من غرفة لغرفة ويتعليف في كل شي قدامه.. مر على امه في المطبخ.. لقاها ساحبة كرسي وراكبتنه بتصعد السقيفه...
ــ اماااه.. ويش تبغي من فوق..
ــ صفريه محتاجتنها... لويش..
ــ انا.. بنزلها .. عاااد..
ــ هههههههه يؤ يؤ تترجى على شان تنزيل صفريه.. تعال ونزلها ..
رائد فرحان فيه فضول يبغى يشووف هالسقيفه ويش سالفتها.. ما بقى ركن في البيت ما عرفه الا هالمكان..
صعد وحصل الصفريه.. وقبل لا ينزل.. لفت نظره كرتون .. مليان جرايد ومجلات .. شكلهم ابد مهم مسليين.. ولا فيهم شي يلفت..
مد على امه الصفرية من فوق ..
ــ امااه .. هااش اخذي...
اخذتها زهراء .. تنتظره ينزل .. دقيقه ..دقيقتين .. ما نزل..
ــ رائد ويش تسوي فوق..؟؟
ــ اغير جو..
ــ ههههههه انزل حرر ..
ــ اماه ويش هالجرايد اللي بالكرتون..
ــ أهااا... واني اقول ويش تسوي .. تغير جو هاا.. ياحبك للفضول والإكتشاف..
ــ صدق ويش هالجرايد كلهم مهم حليوين...
ــ هذي من يوم عمرك تقريبا سنوات لين دخلت 4...
ــ هههههه لويش مجمعينهم وشمعنى هم ..
ــ هذي جرايد ومجلات.. فيهم عن حرب الخليج .. عاصفة الصحرا...
رائد من سمع سالفة حرب ... مره اكشن << ويش درااه بالهوايل ..
وبلهفة يسأل ..
ــ متى هذي... صارت..؟؟
ــ عام 1990.. انت صغير بس اتوقع ممكن تتذكر..
ــ لا ما اتذكر عدل ...
وصار يقلب المجلات والجرايد المغبره..
و يقرى كلام وايد ما فهمه.. بس فضوول فيه يفهم عدل...
شال كم مجله ونزل بهم .. يقلب فيهم....
شوي الا ابوه دخل البيت راجع من المسجد بعد صلاة الجمعه ..
ــ السلام عليكم..
ــ هلا يباه وعليكم السلام,, رحت عني هالمره بعد..
ــ هههه لا قعدتي من الصبح انا وطلعت وانت نايم وتوني راجع.. كيف حالكم اليوم..
ــ الحمدلله بخير..


قعد فاضل وجت ليهم زهراء الغدى وصاروا يتغدوا ,, ويسمع فاضل صوت اوراق لمجله تتفرفر بسرعه..
دار لقى بيد رائد المجله..
ــ بـــــــــــــــــــــــــــل.. من وين طلعتها من زمااان قديمه ..
ــ من سقيفة المطبخ..
رجع فاضل يكمل غداه وهو يسأل في رائد:
ــ تتذكر رائدي الحرب..
ــ انا .. لااا,..
ــ هههه الله لا يعودها ايام بس رغم الرعب اللي فيها.. الا انك كنت تموتنا ضحك وتنسينا .. كنت صغيرون وعليك سوالف عجيبه.. كنها انتهت سوالفك الحين الا كلما ليها في نمو وازدياد..
ــ ههههههه صحيح ويش صار ما اتذكر قول لي..
ــ قوم تغدى واذا خلصنا اعلمك..
ــ ان شالله...
وبعد الغدى .. جلس فاضل جنب ولده .. حوطه بذراعه وحط المجله في حضنه...
وصار يقلب فيها.. ويسولف لرائد بأسلوب قريب من تفكيره وعمره..
ــ هذي الحرب صارت عام 1990 واستمرت تقريبا سنه كامله .. كانت قبلها في حرب العراقيه الإيرانيه,,
شاركت فيها الكويت والسعوديه.. بعد فتره احتلت العراق الكويت.. وصارت الحرب.. والسعوديه شاركت الكويت الحرب على العراق.. وانأسروا ناس كويتين لليوم ولا رجعوا.. وماتوا ناس..
رائد ما يحب هالسوالف ,,
ــ يباااه.. ابغى انا ويش سويت ..خخ .. الحرب خلاص خلصت ..
ــ ههههههه صدق نحيس ما تبغى الا النحاسه.. هااا.. اييييه صدق خلصت وانتهت والله لا يعودها .. تبغى تعرف ويش كنت تسوي ..
ــ ايه ايه..
ــ زين.. هذا الله يسلمك .. يوم كان عمرك تقريبا 3 او اربع سنوات.. وانا ويا امك نلزق الكراتين والجرايد على النوافذ ونغطي بروايزهم بلزق حق لا يتسرب لينا أي كيماوي والا أي ضرر.. تجي حضرتك..وتخش عنا اللزق ويللا.. بابا ماما.. دوروا عليه.. .. واحنا صريييخ.. لاااا
ــ هههههههههه...
ــ اضحك اضحك.. ويش عليك .. ولا بعد اختك رؤى تقعد تصيح المسكينه لما تسمع صوت صفارة الإنذار والتلفزيون خلاص الشاشه خطر.. البسوا القناع الواقي.. احنا كلما نلبسك تفصخه.. مو عاجبنك الوضع.. صريخ ومنازع وياك.. جننتنا لا بنا بخوف الحرب والا الخوف عليك.. نحيس طالع لينا حزتها..
رائد يضحك على روحه .. شولن كان يسوي كذا...
ويكمل فاضل..
ــ بس موتنا خوف وموتت امك بالذات,, نزلنا سرداب بيت جدك وتجمعنا. بالليل اللي نام نام والي مختلع وقاعد . وتغافلنا وتطلع تروح الحمام.. وحسبي الله على شرك تنام هناك.. وتنتبه امك .. ويللا عاد ويا الويلات.. واللطم .. وين رائد ووين رائد.. ونصير ندور عليك.. والصياح قايم.. خايفين لا تكون طلعت برى .. بس الأبواب مقفله زين.. وتالي يدخل عمك سراج <<< المسافر للدراسه
الله يذكره بالخير الحمام ويشوفك ويصرخ من الفرحه.. قام يرقص رقص.. هههههه الله يذكره بالخير..
ــ هههههههه ياربي .. ما اتذكر ولا حاجه..
سكت فاضل ..
ــ الحمدلله على كل حال.. الحين احنا بخير ونعمه. الله لايعودها ايام ازمه الكل في بيته والكل مخازن اغذيه مسوي له.. لا تصبيهم مجاعه ..الأعمال والمدارس تعطلت... والله الحين نتذكر سواياك ونضحك والا لول بخوف ورعب الله يعين اخواننا الكويتين ويصبرهم على فقد اسراهم يارب..
ــ يارب ...
وصار فاضل يقلب بالمجله ويعلم ولده باللي صار واستوى ,,



الساعه 4 العصر.. رجع فارس لجدته بعد المداور من طلعته الصبح.. راح المسجد صلى الجمعه .. وقعد شوي.. وتالي طلع وقعد في بوفيه.. مع كم واحد من صبيان الفريق.. جدته تخليه على راحته يوم الجمعه اليوم الوحيد اللي يصير فيه فارس فاضي وما وراه شي.. هو بعد ما يطول بس للعصر ويرجع لجدته..


كان فارس متضايق.. من ابو مصيبة وخايف لا يسوي شي كايد في عبد الله الأسبوع الجاي..

يتبع >>>

[Princess]

رجع للبيت دخل سلم على جدته وحب راسها.,, وسألها عن الصندوق اللي مسوتنه هي لدفع البلا.. كلما بين فتره وفتره تحط فيه اللي تقدر عليه..
استغربت ام حسين سؤال ولدها اول مره يسألها عن هالشي .. خافت عليه...
ــ ويش صاير اللهم ادفع عنك البلا..
فارس ما حب يضايق جدته..
ــ ولا شي بس بقايا مصروفي ريالين بحطهم فيه << الريالين تبع ابو مصيبه .. ما حب فارس يخليهم مرمين بالشارع .. نعمه الله .. شالهم وبيدفعهم دافعة بلا..
حطهم بالصندوق وحط معاهم ريالين من عنده.. وطلع لجدته القناطي ..
ــ امااه جبت لش قناطي ...
ــ وي .. على عمري .. ما بقى لك شي اجل.. تغديت يا غناتي..
ــ ههههه لا تخافي اكلت سندويشة فلافل وشربت لي عصير .. ويش باصرف انا يعني ..
ــ وي على عمري لويش تاكل فلافل وانت فيك فقر هالدم.. الحين راسك بعورك..
فارس فباله ..
ــ من دون شي راسي معورني من ابو مصيبه..
ــ فارس.. امي.. منت يوعان.. متأكد ..
ــ لا ابد امااه صدقيني اذا يوعان با قول لش..
ــ وي عساني بالغه فيك .. من زمان ما اكلت هالقناطي .. هههه.. عاد من زين هالضريسات طاحوا الله يخلف علي .. بامص الحلاوة وبرمي النخجه .. ههه ويش يقدرني على طحانها..
ــ ههههههه .. لا يمااه مو لهالدرجه..
ــ هههه يوووه يا ولدي .. كبرنا وضبعنا..
ــ الله يطول بعمرش ولا يحرمني منش يارب
ــ ويبلغني فيك يا ولدي ..
ــ ايه صدق اماه تسلم عليش ام ابراهيم جارتنا ,..
ــ الله يسلمك .. لويش وين شفتها..
فارس خاف لا تدري جدته بجبهته .. كان مغطيها بشعره .. ان درت خافت وصارت تحوس وتحاتيه على ضربة مهي مره قويه..

بس للأسف انسدح اخذ له غفوة في الحوش .. وهي تمسح على شعره رفعته وشافت الضربه..
ــ وي .. وي ..فارسي اقعد..
قعد فارس مختلع .. ويش صاير اماه..
ام حسين ومره خايفه على ولدها..:
ــ هذي ويش هالضربه..من مين..؟؟
فارس حطته جدته قدام الأمر الواقع .. علمها السالفه .. وطمنها انها ما تعوره .. وام ابراهيم قامت باللازم..

وبعد اسبوع..

يوم الخميس الصباح... رائد ينتظر عبدالله يمر عليه حق طلعة السوق.. وفي قلبه يهلوس :
ــ الحين انا ويش يفكني من هالفارس اللي ما ادري من وين طلع لينا.. اكيد عبدالله الحين من روحتنا السوق لين رجعتنا بيعسكر عنده .. اففف.. لكن ما اخليه ..
وصل عبدالله وركب رائد معاه .. ورائد ساكت.. وماد البرطم شبر.. << يحاتي ويش بيصير .. وكيف بيتصرف لو طنشه عبدالله وصار ويا فارس..
وعبدالله كلما سأله ويش فيك.. يتحجج له انه متشابق ويا اخته وزهقان... !! << خووش تصريفه
وصلوا سوق الخميس... الا الناس متجمعه .. والحاله قايمه...
عبدالله خاف .. وبصوت عالي :
ــ اكيد فارس.. اكيد ابو مصيبة سوى له شي...!!
رائد على الرغم من غيرته من فارس..
بس يوم شاف التجمع والناس اللي تركض .. خاف عليه .. قال لا اكيد في شي قوي........
عبدالله وقف السياره وبسرعه نزل ... حتى ما انتبه لرائد.. انه وياه,,
رائد فهى وهو مكانه .. وبنفس الوقت خايف من الموقف والناس المتجمعه و محمق وشاب حريقه على تطنيش عبدالله ونزوله يركض ..


والى اللقاء غدا... واعذروني على تقصيري :embarrest:

[نور الهدى]

الله يعطيش العافية اميرة


وما تشوفين شر

والله يعطيش الصحة والعافية عشان تمكلي الينا القصه له


ومتباركة بهالليلة والله يعودها عليش وانتي بالف صحه وعافية ويوفقك ويهنيك

تحياتي لش

[كبرياء]

لا والله الحين يوووم صرت اني اتبع اول باول صرتي تقصري الحلقه ؟؟؟
هين اميروووووووووووه هين

[سوبر ستار العشق]

اول رد لي

بس متاابعتها من البدايه

مااشااء الله القصه حلووه

والاحداث والوصف رهيب

الله يعطيك العاافيه

ومتباركه بالمولد

[فرح]

ربي يعطيك العااافيه امــــــــيره
وليله مباركه عليك وعلى جميع شيعة اهل البيت عليهم السلام
بجد اموووره لا طولين تحرقين اعصاااابنا ما احب الانتظاااار
تمنيااااتي لك بالسعااااده والتوفيق
جــــــــــااااااااري الانتظاااااار

[آهات عاشقه]

متبااااااااركه يالغاليه



ومشكوووره غناتي والله ماتقصرين

بس جايتني حره وفضولي يقطعني

ويش صاير والا ويش هالتجمع

الله يعطيش الف عافيه

دمتي لنا

[آخر شقآوهـ ..~]

واااااااااااااال واني افكر حلقتين فاتتني طلعت بس وحده والله خوساره
المهم نرجع الى القصه الكشوخيه
رؤى طايحه بحاليس:
ــ الا باالوووح..
هدي فلته والله مع الراء حقتها
لا وهيه تبلحس ونااسه <<ياحبها لهل حركات
تسلمي حبيبتي ع القصه
يعطيكِ رببي العافيه<<الف مره تعيد وزيد
تحياتي
ضحكوه البطه

[ســحرالقوافي]

ويش ها الحركااات الكشخااات


جزء روعه اكشن وكوميديا


بس عاد لا تطولي علينا ترى احنا على نااااار

دمتـــ بود

[زهرة القلوب]

الله يعطيكي الصحه والعافيه
متباركين بالمولد

[.:روح وريحان:.]

متبااركين بالمووولد
واشوا خليتيها لبعد المولد
شكلها مصيبة
هههههههههههه
مشكوورة اموورة

[أسيرة الأحلام]

متبااااااااااااااااااااااااااااااااركين بالمولد

مشكوووووووووره أميروووه على التكمله

وجاري إنتظار الباقي

:rolleyes: تحياتي :rolleyes:

[دمعة الاحزان]

انا مع ضحوك ضحكحك
افتكر فاتتني حلقتين حلقتين ونص
مابصير طماعه حلقه ونص
الا ماجي الا حلقه وحده

بس والله وذكرتينا بحرب العراق والكويت
كانت ايام الله لايعودها
كنت كبيرة وقتها بس موب واايد
وماذكر منها شي الا هاهلابواب
حتى اخوي لما طلع وامي شبت نار وهي تصيح وتصارخ
وموقف لائد ذكرني عدل
الله لايعودها من ايام
والله يفرج عن كل المسلمين
ودبه دبدوب متباركه بالمولد عشان ماشفتك وهذا الاهبل الليله مدري ايش فيه وخرف
اله يعطيك الف عافيه
ويسلموا ع القصه الروعه

[الحال2007مه]

متباركين بالمولد جميعا :bigsmile:حتى لو متاخره
اميررررررررررررررررررره الله يعطيش العافيه والصحه يارب :bigsmile:
ولاتتاخري علينا باجء الجديد واني متحمسه واييييييييييييييييييييييييد لان فيه شبقه<<<<<عربجيه الاخت:wink:
بااااااااااااااااي

http://http://www.7aar.com/up-pic/10-5-2007/465ebbd51b.gif (http://www.7aar.com/up-pic)

[Princess]

يسلمووو جميعا على التواجد الروعه والتعليقات الأروع
واعذووورني على التأخير
منورين حبايبي
وتفضلوا الجديد

[Princess]

عبدالله وقف السياره وبسرعه نزل ... حتى ما انتبه لرائد.. انه وياه,,
رائد فهى وهو مكانه .. وبنفس الوقت خايف من الموقف والناس المتجمعه و محمق وشاب حريقه على تطنيش عبدالله ونزوله يركض ..


ويدخل عبدالله بين التجمع.. فارس حاط وجهه بين ركبه وقاعد على الأرض وبسطته منفره ومبعثره.. اللي حول فارس يحاولوا فيه يشيلوه يحركوه وهو معاند .. وجهه بين ركبه.. ومنكمش مو راضي يتحرك.. وكل من قرب منه صرخ عليه
ــ وخـــــــــــــــــروا عني..
عبدالله سأل المتجمعين
ــ ويش صاير؟؟
قالوا له فارس مو عوايده يتأخر على السوق .. ومن شي ساعه جت سيارة ما يعرفوها لمين.. فيها صبيان ثنين .. طلعوا فارس ورموه بالسوق على هالحاله هو وبسطته...
عبدالله راح لفارس.. حرك فيه::
ــ فارس.. فارس.. انا عبدالله.. ويش فيك...
فارس لا شعوري رفع راسه.. وطاح بحضن عبدالله يصيح بحرقه والم..
وصار يصارخ :
ــ خلهم يوخروا.. كلهم... ما ابغى احد.. لا احد يتفرج..
عبدالله صار يكلم المتجمعين يرحمو بحال هالصبي المسكين ويلبوا له طلبه.. الكل تفرق وراح لبسطته.. ما بقى الا واحد... اللي هو رائد.. متكتف ويطالع فارس وهو بحضن عبدالله وشابك فيه وشوي يشق دراعته من ظهرها ..
مسكة فارس .. مسكة واحد خايف.. عبدالله مو عارف ويش يسوي.. رفع وجه فارس من على حضنه .. وضمه بين كفوفه.. لاقاه مبكس ومتورم.. وعيونه بحر من الدموع... واللي طيح قلبه وجاب له رعب مو طبيعي.. ان ثياب فارس كانت مشققه.... رجع ضمه اله عوره قلبه عليه ... وصار يكلمه..
ــ فارس .. فارس مين سوى فيك هالعمل..
فارس ما يرد وزايد بالضغط على عبدالله ..
عبدالله مو قادر ...
ــ فارس من مين .. من ابو مصيبه...؟؟
فارس يزيد حدة بالصراخ... الناس قامت تطالع ... عبدالله ما عجبه الوضع .. حمل فارس للسياره... سدحه ورى على الكرسي.. وركب السياره .. التفت للكرسي اللي جنبه.. لاقى رائد مو موجود... طالع من النافذه وشاف رائد واقف محله اللي كان فيه من شوي .. بنفس الوضعيه ومتكتف وابد ما التفت.. عبدالله صار ينادي ..
ــ رائد .. رائد..
رائد طناش لا حياة لمن تنادي.. صار يحرك رجوله يلعب بالرمل على الأرض ويشوت في الحجر...
عبدالله محمق على حركة رائد اللي ما يقدر وضع فارس.. صار ينادي وابد رائد طناش...
وصل عبدالله حده.. نزل من السياره.. مسك رائد من كتوفه.. وهزه..
ــ ويش فيك اناديك ولا ترد..
رائد نفض ايد عبدالله...
عبدالله... لااااا.. الظاهر بيمصخها السيد رائد,.. ويمسكها من ايده .. ويسحبه للسياره وهو يصرخ عليه..
ــ الدلع الزايد بطله.. ماله داعي ما تشوف الصبي وحالته..
رائد يحاول يسحب ايده من كف عبدالله بس مسكة عبدالله وضغطه كان اقوى,, لدرجه انه يبين اثر اصابعه...
ركبه السياره.. وسكر الباب .. ركب عبدالله.. ومشوا من السوق.. وهم بالطريق عبدالله كل شوي يلتفت لفارس ورى اللي كان مهلوك .. وحالته حاله... وقلبه خايف موت عليه.. شكله وثيابه مشققه.. يخوف.. يقلب الفكر .. يارب مو شي قوي.. يارب بس وجهه المتأذي مو شي ثاني ...
عبدالله متوتر.. مو عارف يسوق.. التفت لرائد لقى شي زاد همه هم.. رائد دمعته طايحه على خده.. ومكشر حواجبه ومتكتف بالقوه.. ومره لا احد يكلمه...
تنهد عبدالله من قلب.. ويش يسوي بعد...؟؟!!
وصلوا المستشفى.. نزل عبدالله وحمل فارس.. وفتح باب رائد يبغاه ينزل .. ورائد لا قاعد... مو راضي يتحرك.. عبدالله حمق وطاااااااااخ.. يكفخ الباب ويقفل السياره .. طبعا النافذه مفتوحه.. وبغضب:
ــ الوضع وحالة هالمسكين ما تسمح للعتب الحين.. اتمنى تفهم و تقدر الوضع...واذا حبيت تطلع .. اطلع من النافذه...
وراح بيدخل المستشفى..
دخل به قسم الطوارئ.. وراح يكلم الطبيب اللي بيكشف عليه...
ــ السلام عليكم دكتور..
ــ اهلا وعليكم السلام...
ــ انا مع هالولد.. دكتور طمني عليه..
ــ الحمدلله دي شوية كدمات وان شاء الله كم مرهم وعلاج وراح يخفوا..
ــ دكتور انا خايف لا يكون صابه شي ثاني..
ــ شي ثاني .. زي ايه مسلاً..
ــ والله مو عارف يادكتور.. بس ملابسه مشققه.. ويصارخ بشكل هستيري..
ــ الله الله يا ساتر.. ما تأولش انو تعرض لحاجه كدا والا كدا لا سمح الله..
ــ دكتور انا خايف لا يكون من جد...
ــ هو في ايه.. انت جبتو منين..
عبدالله حكى للدكتور القصه بالمختصر << نشب فيه . في ايه .. وفي ايه.. ويبغى يتسلى بقصه...المتفرغ..!!
ــ الله الله الله.. يا ساتر.. لا ميكونش اللي فبالك حصل.. عموما حنعمل له فحوصات وراح نعرف ان شاء الله..
ــ يارب ما يكون شي من اللي فبالي..
عبدالله متأزم .. يطالع فارس اللي غايب عن الدنيا.. من جد هالفارس دخل روح عبدالله .. حسه مثله..
نفس المعاناه..
نفس الحكايه ..
نفس الصبر...

يتبع >>>

[Princess]

ــ امااااااااااااااااااااااه..
ــ عبدالله .. وي على عمري ويش فيك... ويش صاير لك... وليش كذا متشابق مع مين...
وتضمه لحضنها .. وهو يشاهق .. مو قادر... يحس بحرقه في قلبه .. الم .. صغير ما بلغ 10 سنوات.. اولاد الحرام يسووا فيه فعلتهم الشنيعه.. !!

ما ينسى حضن امه اللي ضمه وصار يحس بالنار تكوي جسمه من الحره ...

شوي يرجع به من الماضي للحاضر.. لمسة يد على راسه .. اللي كان منحني ومضموم بكفوفه ودمعه انتبه لها طاحت من عيونه بين رجلينه..
رفع راسه لقى رائد .. وفي عينه دمعه .. ويسأل بخوف..
ــ فارس ويش فيه...
عبدالله بلا وعي وبعفويه ضم رائد بالقوه وصار يصيح.. بشدة...
ــ يارب ما يصير فيه .. اللي صار فيني.. يارب دخيلك..

رائد مو قادر يشوف هالموقف .. مو قادر يتحمل شكل عبدالله المنهار .. خايف .. ياربي ويش صاير لهالدرجه السالفه قويه. وويش اللي صار فيك يا عبدالله ولا يصير لفارس..؟؟ .. صار كلما عبدالله يبكي هو معاه..

طلع الدكتور من الغرفه.. عبدالله تلقاه بلهفه.. لهفة ما جته الا يوم تلقى الدكتور اللي صدمه بوفاة امه المرحومه ,, وبكل خوف ورعب يسأله..:
ــ هاا .. ويش فيه ..
ــ لا الحمدلله جت سليمه.. دا تعرض للتحرش بس.. بس ما صارش حاجه.. الحمدلله.. اصله مصدوم نفسيا بس .. عطيناه ابرة مسكنه وان شاء الله حيبأى كويس..
عبدالله دموعه تناثرت على خده شلال .. رفع ايده .. الحمدلله يارب... وصار يضحك والدمع يسبق الضحكه..

رمى نفسه على الكرسي .. سند راسه على الجدار .. وغمض عينه.. وتهادت له صورة امه المرحومه.. اللي ما درت بالهم اللي اعتلاه.. ما درت ويش سووا اولاد الحرام عديمين الإنسانيه بولدها.. كتم الجرح بقلبه وداراه سر دفين ليوم موته...

اطلق زفرة من قلب ... سالت معها دمعه حاره على وجنته...

ــ الله يرحمش .. والله احتاجش..
رائد مذهول مو فاهم... ومستعجب من وضع عبدالله ودموعه اللي ما توقفت ..
عبدالله ذاك الإنسان القوي اللي ابتسامته مضرب المثل يشوف دمعاته.. لاا .. مستحيل .. اكيد شي قوي ...
عبدالله مد كفوفه على وجهه مسح دموعه وابتسم .. وحاول يغير الوضع الأليم..
ــ هاا رائد ويش فيك...
ــ على ويش تصيح.. فارس فيه شي..؟؟
ــ ااه.. الحمدلله لا مافي شي...
ــ اجل لويش تصيح؟؟
ــ بس تذكرت امي المرحومه
ــ الله يرحمها...
وسكت رائد ما حب يكثر اسأله .. حس بفطنته المعتاده ان عبدالله مو قادر ولا هو قد حمل يجاوب على اسئلة وايد..

راح عبدالله يكلم الدكتور.. يسأله عن فارس.. قال الدكتور ان فارس يحتاج له يوم على الأقل في المستشفى..
طلع عبدالله ويا رائد .. ركبوا السياره.. وفي باله يضرب فكر..
ــ شلون الحين اخبر جدته...
رائد قطع الصمت على عبدالله..
ــ اذا رحت بيت فارس.. انا بنزل معاك..
عبدالله ابتسم,,
ــ ان شاء الله..
وصلوا.. طفى عبدالله السياره.. صار يطالع في الزرنوق.. قلبه يدق.. الحين بدخله.. بطق باب باب.. وين بيت فارس الــ... ,, وبعدين شلون اكلم جدته.. ويش اقول... ؟؟
رائد فتح الباب.. وصار يطالع في عبدالله ,, وبكل قوة قال له كلام .. رن في اذون عبدالله .. كلام يطلع من واحد اكبر من هالعمر.. كلام لو عبدالله في وضع غير هالوضع كان صفق لرائد وصفر له اعجاب...
ــ شد حيلك وقوي نفسك.. وهذا القدر مكتوب ما منه هروب.. واحنا نحب فارس ولازم نصير جنب اهله في هالوقت.. اذا منت قادر تقول لجدته انا بقول ليها..
عبدالله مو مستوعب .. رائد يقول ... ...احنا ... احنا... نحب فارس...
يــــــــــــالله ... فرح عبدالله من قلب .. فتح باب السيارة...
ــ يــــالله مشينا...
دخلوا الزرنوق... وعرفوا بيت فارس.. من خرابيش صبيان نحوس برشه على جدار البيت القديم... كاتبين مجموعه مسبات لفارس .. وشكله فارس شاخطهم بقطعة فحم.. بس مبين اثرهم..
مد ايده عبدالله للباب .. وطقه بهداوه.. ورغم هداوة الطقه.. هز صداها الباب القديم...
شوي .. صوت جدة فارس..
ــ ميـــــن...
عبدالله تبلعم مو عارف ويش يقول ..
ــ احم.. اا
رائد رد عليها..:
ــ انا خوي فارس..
ــ هلا امي.. تمبى فارس.. فارس ياعيني مو هنا..
عبدالله جته غصه.. كيف بيقول ليها...
رائد تماسك ورد عليها..
ــ لا اماه.. بقول لش شي عن فارس...
تغيرت نبرة ام حسين
ــ عن فارس.. وي على عمري .. ويش فيه.. دقيقه بفتح الباب...
لبست الشيله ... وعلى صوت صرير الباب وهو ينفتح... عبدالله حس رجوله مهي شايلتنه... اول مره يحس بالضعف بعد ما تغلب عليه ودفن همه في قلبه.... ومع انه فارس شغلته الحمدلله بسيطه.. بس اللي صار قلب عليه المواجع..
اللي صار .. رجعه عبدالله المصدوم.. المنكسر .. رجعه عبدالله ابو 10 سنوات .. مو الرجال ..
تنحنح ...بصعوبه..
ــ احم.. يالله يالله..
ــ يا رجى الله... مين انت...
رائد سبق عبدالله دخل وسلم على ام حسين.. ووقف على الباب ..
ــ هذا اخوي الكبير.. ما بندخل اماه بس بنقول لش حاجه..
ام حسين بخوف اول مره تشوفهم .. خبرها فارس المسكين ما عنده صداقات .. الا للمصالح يجوه اذا بغوا شي ..
ــ ويش امي .. ويش صاير...؟؟
رائد خانه الكلام.. سكت... عبدالله مسك نفسه:
ــ خالتي ام حسين.. فارس ولدش انضرب بـالســ ..
ما مداه بيكمل كلامه,,, لطمت ام حسين صدرها و صرخت..
ــ وي ... ولدي ...ويش فيه... مين ضربه انتقم الله من اللي اذاه..
ورفعت شيلتها وصارت تصيح...
عبدالله مو قادر.. صار يهديها بالصلاة على محمد وال محمد..
ــ اللهم صلي على محمد وال محمد.. ويش فيه ولدي ..
ــ لا تخافي خالتي بس انضرب ووديته المستشفى.. يوم بس ان شاء الله وبيطلع..
صارت ام حسين تصيح وتنيح.. وهم يهدوا فيها .. وكلما هدوا زادت:
قعدت على الرض تضرب على رجولها.. وهي تهز,,
ــ ولدي هذا,, مالي غيره.. بقايا اهلي.. ويلي عليك يابعد عمري.. ويلي يا ضناي يا ولد ضناي.. اااه... اذى الله من اذاه...
رفعت راسها ومسكت ساق عبدالله بالقوه .. وهي تصيح..
ــ وديني له .يا ولدي وديني...
عبدالله ما قدر .. قعد .. باس راسها.. شالها... حسبة امه.. المواجع صارت تتسابق عليه بالذكريات الموجعه...
ــ امااه.. قومي .. اوديش .. امشي يللا..
لبست عباتها.. طلعت من البيت بدون ما تقفله.. ويش تقفل.. ما في شي يستاهل تقفل عليه البيبان.. طلعت مهي قادره تمسك نفسك .. تمشي وايدها تتسند على جدران البيت.. عبدالله مسكها.. وصار يكلمها :
ــ اماه.. هدي وصلي على محمد.. ما صار الا الخير..
ــ ااه.. اللهم صلي على محمد وال محمد.. يا ولدي متأكد ما صاد ه ضر .. ما صاده شي قوي ..
ــ لا اماه ما صاده شي بس ضرب لا تخافي..
ــ اجل لويش في المستشفى يوم.. داخله عليك بالله ومحمد وعلي.. علمني اذا شي جاايد...
ــ لا والله ابد مافيه شي لا تخافي اوديش له .. الحين وتتطمني ..
فتح رائد باب السياره الوراني وركب عبدالله ام حسين...

تابع >>

[Princess]

ركبوا ورجعوا المستشفى... وهم بالطريق للمستشفى.. اذن الظهر...
الا جوال عبدالله يرن.. كان فاضل .. يسأل وييش فيهم ما جوا للحين...
عبدالله طمن فاضل وعلمه السالفه بسرعه.. فاضل سكر السماعه .. وهو مستغرب.. ويش صاير بالدنيا.. كل اسبوع بلوة..
علم زهراء بالسالفه.. عشان لا تخاف على ولدها وانه ما صابه شر...

وصلوا المستشفى.. ودخلوا ام حسين لفارس.. اللي ارتمت عليه وحضنته.. وصارت تبوسه و تشمه .. وهو مغمى عليه.. وتصيح تبغاه يرد عليها.. تمسح على راسه بكفها الحاني الدافي.. وكلماتها الروعه ودعاها وذكرها لله والأئمه عليهم السلام ..عاطي المكان دفى حزين مو طبيعي.. اجبر عبدالله على ترك الغرفه وراح للحمام...رائد لحقه .. بس عبدالله ما انتبه له..

دخل عبدالله الحمام.. وقف قدام المغسله .. فتح الماي .. صار يطلع نفسه بالمرايا.. فتح ازرة دراعته.. شوي قام يضرب بكفوفه وهي مقبوضه على المغسله ضربات قويه .. ويغرف ماي ويغسل وجهه بالقوه.. مرة ومرتين وثلاث .. وعشر.. الماي امتزج مع الدموع.. المرايا ما عادت تبين ما كثر الماي اللي صابها.. صار عبدالله ينافخ.. شهيق .. زفير بسرعه مهي طبيعيه .. مد كفه بيمسح الماي اللي على المرايا.. زادها بلل بيده.. ظل حاط كفه على المرايا .. واصابعه موخر بينهم وشادنهم حد ما عنده . والكف الثاني ماسك به رقبته يحس بخنقه.. . راسه منحني يطالع الماي اللي يصب.. ودمعاته تنحدر..
رائد ما تحمل .. وفباله..
لااا .. عبدالله ليش كذا.. كل هذا مو بس لفارس.. عبدالله فيه شي..
شوي الا جوال عبدالله يرن..
.. طلع جواله .. كان ابوه اللي داق عليه.. وقبل لا يرد على ابوه انتبه لوجود رائد .. صار يطالعه وعيونه حمرا .. وهو لسا ينافخ...
ــ من متى انت هنا..؟؟
رائد خاف.. حاس عبدالله بركان هايج ثاير ومره منظره يخوف
ــ هاا.. توني داخل من شوي سمعت صوت جوالك كنت جاي اتمسح بنصلي...
ابتسم عبدالله :
ــ جعلك الله من المصلين..
رد عبدالله على ابوه.. اللي اختلع من صوته...
ــ لا يبا .. ما فيني شي بس كنت العب كوره مع رائد..
رائد مستغرب.. يرقعها عبدالله لا يحس ابوه عليه,,
ــ يا ربي يا عبدالله .. ويش اللي فيك..؟؟

تمسحوا عبدالله ورائد .. طلعوا من الحمام.. توجهوا لمصلى الرجال.. صلوا.. خلص رائد لقى عبدالله بالسجده الأخيره بعد السلام.. دموعه تصب بالسجده.. شكله رهيب.. حس رائد بقشعريره رهيبه.. صار يدعي بقلبه..
ــ يارب فارس ما يصير فيه شي ..
رفع عبدالله راسه.. مسح دمعاته.. و راحوا لأم حسين.. اللي لقوها قاعده على سجاده قريب سرير فارس.. ورافعه ايدها ودمعاتها تهل ..
استنوها تخلص.. وطلبوا منها تمشي وياهم.. و بالموت رضت تمشي... رجعتهم .. رائد كاسره خاطره ام حسين... شلون تقعد لحالها الليله.. وبنفس الوقت عبدالله يفكر فيها .. ما يصير يقعد معاها هو.. ولا يصير يخليها تروح بيتهم وابوه وهو موجودين..وقطع هالتفكير رائد:
ــ عبدالله لا توصل ام حسين بيتهم.. خلها تروح بيتنا تتغدى ويانا
ام حسين ما رضت... وصار رائد يقسم ويحلف عليها.. دار ليها ...
يطالعها .. ام حسين دخل قلبها هالرائد.. كانت لرائد عيون نظرتها عميقه .. واذا ابتسم ابتسم من قلب .. ام حسين ودها تفتح قلبها وتخشه داخله وتقفل عليه.. حسته زي فارس.. تصرفاته معاها تصرفات واحد رجال مو طفل ..
وبالموت رضت .. تروح مع رائد اللي طار من الفرحه..
رائد حبها.. حسها مثل جداته اللي ما شافهم بحياته.. دوم يسمع عن الجده وحنانها وطيبتها.. وانها مثل الأم.. وبعض الأحيان تصير اعظم .. في محبتها للحفيد << على قولة القايل .. ما اعز من الولد الا ولد الولد ..
عبدالله ارتاح يوم رضت ام حسين تروح ويا رائد .. وتطمن عليها...

وصلوا بيت رائد.. نزلت ام حسين بالدعاء لعبدالله .. دعاء يشرح القلب,,
ــ رحم الله والديك.. بلغهم فيك.. وسع عليك رزقك.. وبعد عنك اولاد الحرام.. يعطيك العافيه .. .. .. ...
كانت ادعيه ام حسين مثل البلسم الشافي اللي طفى حرارة حرقة قلب عبدالله .. ابتسم.. ورد عليها::
ــ تسلمي اماه ما سوينا الا الواجب..
ــ الله يخليك.. ويحييك.. عساك السعاده.. وزيارة علي واولاده..
نزلت وسلسلةالدعاء مستمره...
دخل رائد ودخلت معاه ام حسين اللي كانت مستحيه اول مره تجي هالبيت وما تعرف احد من هالفريق.. وقفت في الصاله..
راح رائد لأمه بالمطبخ وخبرها بوجود مره بالصاله وانها ام حسين ,, و بالمختصر الشديد قال ليها القصه..
امه تركت كل شي من ايدها وراحت لأم حسين تستقبلها.. جلستها بغرفة الحريم.. وراحت لرؤى.. طلبت منها تقعد وياها لين تفهم من رائد السالفه بالضبط..
رؤى بنوته حبابه.. واجتماعيه.. راحت لأم حسين.. سلمت عليها.. ام حسين استانست على رؤى..
ــ هلا امي .. ويش اسمش غناتي..
ــ لؤى.. ...
ام حسين ما تدري بالغلطه.. والإسم ما تسمع به وايد .. فكرت من جد لؤى.. وبعفويه:
ــ هلا لؤى .. هلا بعد امي..
رؤى تضايقت شوي .. بس ابتسمت وفبالها .. تقول :
ــ يللا ما تدلي بغلطتي .. خخ..
ــ في المدرسه غناتي..
ــ ايه في المدلسه...
ابتسمت ام حسين.. وفبالها :
ــ حلاوتش .. وحلاوة لسانش..
وصارت تسولف ويا رؤى.. ومره مستانسه بها..

وفي المطبخ زهراء مستلمه رائد تحقيق .. وقال ليها السالفه بالتفصيل.. كسرت خاطرها ام حسين.. وراحت لفاضل كان بالغرفه ياخذ له غفوه.. بعد الغدى..
صحته وعلمته السالفه..
عورت قلبه المره المسكينه.. فقال لزهراء.. خليها تبات معانا الليله.. ماليها احد..
راحت زهراء لأم حسين .. وقعدت تسولف وياها.. وتنسيها شوي اللي فيها..
ــ رؤى امي.. روحي شوفي رائد اخوش قولي له.. يجي بحط له ويا ام حسين غدى..
ــ لا رحم الله والديش مالي نفس لا تكلفي
ــ ما يصير ام حسين انتين ضيفتنا.. عاد لا تردينا..
ــ ياعلي ..
ام حسين انتبهت للأسم.. وابتسمت... درت انه رؤى..
راحت رؤى تنادي رائد .. زهراء استئذنت ام حسين تجيب غدى..
حطوا الغدى وتغدى رائد مع ام حسين...

عبدالله رجع البيت .. لقى ابوه نايم.. دخل غرفته وقفل عليه الباب .. ارتمى على منامه.. حضن مخدته.. وسرح في ماضيه الأليم.... شوي الا جواله يرن...
رفعه .. لاقاه رقم ما يعرفه... رد عليه...:
ــ الو.. مرحبا...


والى اللقاء .. مع الجزء الجديد.. :cool:

[آخر شقآوهـ ..~]

يااااي اموره صرتي كريمه شفاري حطيتي شفاري<<بس في عيني تشونيه
الحلقه اليوم تخلي الي مايصيح يصيح
لاكنها كشخه زاحفه زحيف
يالله اموره ازحفينا بالحلقات القادمه
تحياتي
ضحكوه البطه

[أمل الظهور]

اموووووووووووووووووووووووووووووووووووووووووووووووو وووور

الاحدااااااااااااااااااااااااث تذبح وتبكي وتصيح وتعيط

تفاعلت معاها بالمرره وفجأه بأموووووووووووررر تقول :

والى اللقاء .. مع الجزء الجديد.. :cool:


ماشاء الله عليك فن في الصياغه

والاحداث قمه في الابداع


اموووووووووووووووووووووووووووووورشه

<<<<<<<جاري الانتظار <<<<<<<<<

[آهات عاشقه]

ياااااااااي غناتي

مشكوووره بالقووووه

الله يعطيش الف عافيه

صج القصه اليوم تكسر الخاطر وتعور القلب


تسلمي يالغاليه

دمتي لنا

[mrboch]

تابعت قصتج الأولى أخت أميرة
وبالفعل كانت ولا أروع
فما أستغرب لو أشوف منج أبداع جديد
تستحقي التألق أخيتي
بالتوفيق
والله يحفظج ويخليج لأهلج
أكيد بقرأ القصة
لي عودة أن شاء الله

[.:روح وريحان:.]

أبعدكمـ الله عن اولاد الحرام ياارب
التكملهـ مبكيهـ بجد
مشكورة اختي
أميرة المرح
ع التكمله الحلووة
كل مرة اتاخري اذا بتحطي لينا هالقد من الحلقاات
ههههه

[محب القائد]

مشكورة أميرة على القصة الرووعة يعطيكِ العافية

[زهرة القلوب]

مشكوره خيتو

القصه اليوم اتصيح وايد

الله يعطيك الف عافيه
تحياتي
زهرة القلوب

[فرح]

امــــــــــــوووره
الاحدااااث واااااجد تبكي بجد اكسروو خاطري تفاااعلت مع القصه
لدرجة الاشافوني فكروو فيه شي..!!!
تسلمي حبيبتي
يعطيك العااافيه
جـــــــــــاااااااااري الانتظاااااار

[ســحرالقوافي]

http://i168.photobucket.com/albums/u181/lomwy/51266725-1.gif

اللهم صلي على محمد وال محمد


الجزء روووووعه

ياكثر دموعي الي واست دموع عبد الله

رغم الحزن المخيم عليها


روووعه


اموت واعرف مين الي دق على عبد الله

مو تتأخري علينا ترى اني على احر من الجمر



دمتـــ بود

[نور الهدى]

الله يعطيك العافية اميرة



وتسلم يدينك



حلقة رووعه طالعه من بنت حبوبة مثلك



تفاعلت معها و قعدت اصيح معاهم


رغم اني ما ابكي امام احد بس لما قريت القصة نسيت حالي واولادي يطالعوني ويش فيها


وما انتبهت الا على نهاية الحلقة


ما حسينا بالوقت


الله يوفقش يار ب اميرة

وان شاء الله نشوف اسمك يلعلع في المجال الادبي

[Princess]

يسلموو جميع على التواجد الرائع
وتشكر اخي مربوش ياهلا فيك حياك الله من ذوقك

وتفضلوا الجديد

[Princess]

عبدالله رجع البيت .. لقى ابوه نايم.. دخل غرفته وقفل عليه الباب .. ارتمى على منامه.. حضن مخدته.. وسرح في ماضيه الأليم.... شوي الا جواله يرن...
رفعه .. لاقاه رقم ما يعرفه... رد عليه...:
ــ الو.. مرحبا..
ــ اسمع.. هالمره عديناها له .. وما اذيناه .. المره الجايه بتكون انت وياه..
عبدالله بحمق:
ــ مين انت؟؟ مين معاي ؟؟؟
ـــ اكون اللي اكون .. مو شغلك..
ــ يا جبان.. لو فيك خير قلت.. انت اكيد ابو مصيبه.. وهين بس يصحى فارسبسئله وانت طلعت انت اللي تعرضت له بوديك في داهيه..ولا تلوم الا نفسك...
ــ هههههههههههه .. نشوف ..
طووط طووط طووط
عبدالله مره متضايق .. قام يسبح .. يمكن الماي يخفف حدة توتره وضيقته..
الماي يصب .. وصوته وهو يرش.. والصدى.. ذكرة بالليله المشؤمه.. ليلة المطر فيها امتزج مع دمعاته.. ليله صار يسابق الخطوه ويتعثر يحاول يهرب من المصيبة.. ليلة انفاسه فيها انقطعت وروحه طلعت.. .. ..
ليلة.... دخل فيها على امه الولهانه الملهوفه على ولدها اللي تأخر,, ويجيها بعدين,, غرقان بدموع الخوف والألم.. قبل ما يغرق بماي المطر...



عبدالله مغمض عيونه.. الماي الدافي يحسه تخلل راسه لعميق حناياه.. سكر الماي .. وطلع.. هالدش اللي اخذه زاده هم وذكره اكثر واكثر...
لبس.. وشعره ما مشطه.. رمى نفسى على السرير جلوس.. وحط كفه على راسه.. وتخللت اصابعه شعره.. صار يحركها ببطء.. ببطء.. وعيونه مغمضنها.. يبغى كان ترتاح اعصابه.. شوي زاد السرعه .. لين وصل لحاله قام يضرب فيها على راسه...
انتبه لحالته..
ــ لاااا.. انا اكيد بستخف...
اخذ مفاتيحه.. طلع من غرفته .. تلقاه ابوه اللي سأله عن حاله.. وويش فيه.. ؟؟
عبدالله قد ما يقدر يحاول يداري الحزن اللي طغى على ملامحه.. بس عينه تفضحه.. ابتسم ابتسامه مثل الشبح.. مجرد ظل ..
ابوه خاف عليه.. لااا.. هذا مو عبدالله اللي اعرفه.. مو ولدي ...
ــ ابوي ويش فيك؟؟
ــ هااه.. هلا يبه.. لا .. ولا شي..
ــ شكلك تعبان.. فيك شي ؟؟
ــ انا... ايه.. شكلها بداية صخونه.. و زكام...
ــ اشرب لك دوا لا تزيد...
ــ ان شالله.. تامرني على شي يبه.. انا بطلع...
ــ لا سلامتك.. انا بطلع بعد .. اهم شي لا تنسى مفاتيح البيت .. نسختك خذهامعاك..
ــ ايه .. اخذتها.. يللا مع السلامة
ــ امانة الله وحفظه.. سوق على مهلك..
ــ ان شالله..

الساعه 5 المغرب ... ركب عبدالله سيارته.. متجه لهاف مون >> " البحر " " شاطىء نصف القمر"..
يبغى مكان بعيد بهالوقت ما يتوقع وجود احد يعرفه.. صار يسوق على اقل من مهله.. يبغى يضيع الوقت.. وصل هاف مون.. مع وقت اذان المغرب.. تمسح وصلى بالصلاة على محمد وال محمد.. وجلس على البحر...
ساعه بالكثير.. غابت الشمس وخيم الليل...
عبدالله جالس على الرمل.. قريب للبحر مره.. يسمع الموج ويزيده شجن شكل الأمواج وهي تتلاطم وصوتها الشجي.. سرح بعيد .. بعـــــــيــــــــــــــــد...

رجع به دولاب الزمن.. لطفولته البائسه.. للحادثه الأليمه.. اللي بعدها بكم سنه.. فقد اعز واغلى ناسه.. فقد الحضن الحنون.. سلوته في دنيته .. وعزاه ان تكالبت عليه الهموم...

يتذكر الرعب اللي صابه.. كان ثالث ايام العيد.. بعد صلاة المغرب.. الجو في عز الشتا.. عبدالله ابو 10 سنوات.. توصيه امه .. ينتبه لروحه بطلعته للبقاله.. ولا يطول.. لاتمطر وهو برى..

عبدالله فرحان حده.. بالعيديه اللي جمعها.. ومحتار ويش ياخذ بها.. قرر اول محطاته للصرف .. البقاله.. دخلها,, وصار يداور بين الرفوف .. وايده تتسابق وتلتقط كل شي نفسه فيه.. كل شي مشتهيه ومنحرم منه.. يحس العيد فرصه للتعويض.. كان مصروفه حده للأشياء الضروريه.. بحكم حالة ابوه الماديه وقساوة الظروف ساعتها..

عبدالله.. يحس بنظرات غريبه تطالعه.. رجال في العقد الثالث تقريبا من عمره... شكله مخيف.. من طريقة لبسه.. وعدم احترامه لمساحة المكان اللي عباها دخان من سيجارته..

وكلما تنقل الطفل .. من رف .. لرف.. لقى هالوحش قباله.. كان عبدالله مطنش السالفه.. وعالنيات.. ما فباله أي شي.. حاسب راعي البقاله.. وطلع..
وشائت الأقدار مع طلعته.. يطيح المطر..

لحقه راعي الشهامه الخبيثه.. والنوايا السيئه.. وابتسم في وجهه.. وعرض عليه توصيله بهالجو الممطر..

عبدالله وافق.. وركب معاه.. واكتشف بعد حين انه طاح بشباك احقر مخلوق على وجه الأرض.. مخلوق بلا قلب .. بلا روح .. و بلا رحمه..

وقف في مكان كله مزارع.. ونزل عبدالله البرئ.. اللي ايده كانت ماسكه كيس الحلويات.. ودخله بصندقه << " عشه" " كوخ خشب قديم" معزوله ومهجوره قريبه من المزارع..

عبدالله حاول يدافع عن نفسه ما قدر. صار يضرب بالكيس .. لين تنفر وتبعثر كل اللي فيه.. كيس الفرحه اللي ما تمت..!!

كان الخوف ماكل قلبه.. والشلل اصاب جوارحه فما عادت تحس..


يتبع >>>

[Princess]

تركه الحقير بعد فعلته الشنيعه بالصندقه.. عبدالله يرتجف.. اعتزل في زاويه.. وصار يصيح.. ويون ونين يقطع القلب..

وبالصدفه.. كانوا شلة شباب طالعين من مزرعه قريبه .. هونوا عن السهره بحكم المطر يطيح.. وكل ناوي يرجع لبيته..

سمعوا صوت الصريخ بالصندقه... نشفت ارياقهم.. ويبس دمهم.. وتقلبت الوانهم من الرعب ... اكيييد جني..

شوي سكت الصوت وصار هدوء..
>>>لااا الصبيان من دون شي سهرتهم اختربت بسبة المطره.. بعد جنانوه .. لاااا كملت..
ساعتها كل واحد نفذ بجلده هرووب ... عدا واحد.. كان الفضول ماكل قلبه...
هالصندقه خبرنا بها مهجوره من سنين.. ويش هالصوت اللي طلع منها..
استجمع شجاعته.. وقرر يكتشف ويش داخلها.. وبخطوات متردده .. قصدها..
كان الظلام مالي المكان.. مافي شي مبين.. ولع الصبي جواله وصار يستخدم ضواه كشاف.. وهو يحركه .. وصل لزاويه .. لقى فيها طفل يرتجف.. منكمش.. راسه بين ركبه.. وضام سيقانه بذراعينه.. ووضعه يكسر الخاطر بالمره...

الصبي خاف.. ويش سالفة هالطفل.. تقرب منه.. وهو يمشي داس على كيس بطاطس.. وفقعه..

عبدالله نقز من الصوت وصرخ صرخة واحد مرعوب .. نشف معاها دم الصبي .. وصار يحشر نفسه بالزاويه.. يحاول يحمي روحه..

الصبي :
ــ بسم الله الرحمن الرحيم.. مين انت؟؟ وويش اللي مجيبنك هنا هالحزه؟؟

عبدالله خايف.. ويشاهق,, ويحس نفسه مو فاهم ويش يقول هالصبي...!!
الصبي تقرب منه.. واختلع من ردة فعل عبدالله اللي صار يرفس ويصارخ ويرمي أي شي قريب منه تتطاوله ايده..
حاول يهديه .. مسكه حد ما عنده .. وكتفه....
ــ هدي .. هدي... خلااااص..
عبدالله يقاوم.. لين خلاص بادت قواه وضعفت.. وتحول صوت الصريخ الى صوت مبحوح.. انين .. مثل الطير مكسور الجناح..

انكسر خاطر الصبي على عبدالله.. في هالمكان.. وبهالليل وهالوقت.. وبهالوضع والحاله.. اكيد هالطفل صايبتنه مصيبه...

شاله السياره .. وطلب منه يدليه بيتهم.. ووصله لفريقهم..
نزل عبدالله يتعثر بالألم والهم.. يجر خطواته جر.. وصل بيتهم.. طق الباب ..
فتحت له امه الملهوفه والولهانه عليه يوم تأخر ... ودموعها تصب ............. . .. .. ..

انتبه عبدالله من سرحانه.. بسبة ماي البحر .. صار مد.. وارتفع الماي ووصل لعنده.. تباعد عنه شويات.. انبطح .. وصار يطالع في السما.. كانت صــــــــــــافيه.. والنجوم فيها شي فظيع.. متجميعن في كومه لامعه.. منظر رهيب يشرح الصدر..

ما عدا نجمه وحده لفتت نظره.. كانت صغيرة.. وضواها خافت مايل للصفرة...
وحيده.. صار يتأملها.. يحسها مثله في هالكون.. تنهد من قلب.. وقام .. نفض الرمل بتعب شديد .. وركب سيارته بيرجع البيت...



فتح عيونه صار يطالع السقف..
ــ انا وين ..؟؟
لقى على يمينه ممرضه.. تغير له كيس المغدي اللي فضى.. سألها :
ــ ويش صاير ؟؟؟
ما فهمت عليه .. اكتفت بإبتسامه.. ونادت على الدكتور...
اللي جاله وهو فارد البوز شبر..
ــ ايوه.. ايوه.. اااه.. ما شاء الله.. الحمدلله على سلامتك يبني.. ازياك ديالوأتي.. عامل ايه..
ــ الحمدلله.. ليش انا هنا ..؟؟ ومين اللي جابني ؟...؟
ــ لا بس بعد الضرب اللي حصل لك.. قابك هنا راقل اسمو عبدالله..

فارس .. تذكر اللي صار له.. وشبح بعيونه بخوف.. وتمتم بسؤال:
ــ وينهو عبدالله ؟؟
ــ خرق النهار ده.. وان شاء الله حيقي لك تاني بكره.. المهم انت يبني تهدينفسك وتريح لينا اعصابك لأنو بكره على خير حتيقي الشرطه هنا تحأأ معاك فياللي حصل لك...
ــ لويش يعني ..؟؟
ــ دي اقرائات ضروريه يبني .. انت استريح بس دي الوأتي وان شاء الله خير..
ــ ان شالله..

فارس حاس بخوف.. صار يرجف يحس ببرد .. تلحف بالشرشف.. وابتدى يقلب الفكر لين غفت عيونه ونام...



ــ وعرست فطوم على ولد السلطان.. وجابت صبيان وبنات.. وعاشوا احلى عيشه
وخلصت الخرّافه , بالصلاة على محمد وال محمد...

رائد ورؤى بنفس واحد..
ــ اللـــــــــــــــــــهم .. صلي .. على محمــــــــــــــد.. وآل.. محمد..
رؤى:
ــ امااه.. اماااه..
ام حسين:
ــ هلا امي..
ــ بعد وحده تانيه..
ــ لااا.. وايد هالليله .. باجر الصبح اقول ليكم غيرها..
رائد:
ــ انا لو من ولد السلطان.. ما اخذ فطوموه هذي..
ام حسين :
ــ يؤ يؤ يؤ ..ههههههههه.. ولويش امي..
ــ دلووعيه.. كل تصيح.. وتسوي حالها مسكينه...
رؤى:
ــ بالعكسسسسس.. حليوه..
رائد بمسخره:
ــ شفتيها انتين ؟؟
رؤى:
ــ أيـــــــــــــه... من وصف امي ام حسين.. شكلها حليوه..
رائد يبغى يقهر رؤى:
ــ ويـــــــــــــــــــــع.. والله لو مافي الدنيا بنات الا هي ما اخدتها..
رؤى حمقت:
ــ فالق.. مع وجهك.. اللي يسمعك يقول مله.. كبيل وبتعلس بكله.. مالت عليك..
ــ بتسكتي لااااا...
ام حسين..:
ــ يؤ يؤ يؤ.. يللا عاد خليكم حليوين ولا تتشابقوا .. فطوم خلاص عرست..
رؤى وهي تبحلس:
ــ لاحت عليك...
رائد يطالعها على جنب.. :
ــ مرة من حلاوتها عاد..



طن طون طن طون ... صوت عداد السياره.. السرعه 180.. عبدالله مسك الخط .. ومهو في وعيه.. والسرعه ابد مهي هامتنه..

الأحداث تتسابق عليه بالذكرى مع تنغيمة العداد.. وصورة امه يحسها قدامه..
المؤشر يزيد؟؟؟ وعداد الخطر مستمر بالدق..
وشوووي..
حححححححححححححححححححححححححححححححححححححححححححح


والى اللقاء بالجزء الجديد :cool:

[كبرياء]

ها ما مدانا لاتقولي عاااد
الانسه اللي جنبي تقوول ما صحت اليوم؟؟ :wink:
على العموم يسلموا وبانتظار الجديد

[آخر شقآوهـ ..~]

لالالالالالالالالالالالا حرام لاتقولي حادث كفايه عليه هموم بتسوي فيه كسور يكسر الخاطر
وعلى عمر عدوينه ان شاء الله<<قصة ترا مو حقيقه
الصراحه حويوه وتبكي
تسلمي خيوه
تحياتي
ضحكوه البطه

[.:روح وريحان:.]

هع
بطل القصه يمووت؟؟
ماتوقع
لاتخاافوا
مشكوورة اموورة ع التكمله

[أسيرة الأحلام]

مااااااااااااااااااااااااااني
أميرووووه الحلقه مرررررررررررررره قصيره
يلا أشوووف بسرعه الحلقه اللي بعدها وهاه أبغاها طويله موقصيره
يلا أني أستناااااااااااااااااااااااش
بس ياربي لو يموووت عبدالله <<<< يؤيؤيؤيؤ فال الله ولافالش
خخخخخخخخخخخخخخخـ
يلا أميروووه ترى أني على أعصابي

[أمير العاشقين]

حسبي الله علي شرش يا أميروووه

كل مره اخلي كم جزء يتجمع

يالله عاد عفيه حطي الاجزاء خلينا نشوف شنو بعد الحووووووووووووووووووووووووووووووووووووو

والله ان القصه فله لدرجه ان كل جزء انسخه في مستند نصي

تسلم الايدين اي كتبتهم

[الحال2007مه]

اهيء اهيء ........ القصه مأسويه
الله يبعد عنا وعنكم أولاد الحرام بحق محمد وال محمد
تسلم يمينش امووووووووووووووور:bigsmile:
ولاتحرمينا من جديدش <<<<الصراحه ضحكني المصري يوم قال خرق<<<خرج:cool:

[Princess]

يسلمووو جميعا على التواجد الجميل
واعذرووووني من جد على تأخيري
يسلموو على التفاعل الرائع << صارت تخاف منكم خخ لا تدعوا عليهاا هااا.. الله الله بأميرووة..

تفضلواا حبايبي الجديد...

[Princess]

بعد ساعه.. انتبه ورجع لوعيه رفع راسه من الدركسون " مقود السياره" .. كان الحر شديد وعرقه يصب والسياره خنقه ..صار يسترجع الحادث .. تذكر انه وهو مسرع طلع قدامه فجأه كلب خلاه ينحرف عن طريقه وينزل من الشارع الى الرمل..
سند راسه على الكرسي .. وانسلت دمعته..
ــ ااااه.. يالتني مع هالحادث قضيت وافتكيت ...
صار يهدي في نفسه..
ــ الحمدلله .. استغفر الله ياربي... هذانا عشت كل هالسنين متناسي همي .. ليش اقلب المواجع الحين...
وصار يضرب على الدركسون وهو يصرخ..
ــ ليش.. ليش...

شغل السياره .. حاول فيها مره مرتين يالله اشتغلت.. وكمل طريقه...



يوم السبت.. الساعه 8 الصباح... فبيت ابو رائد التلفون يرن...

زهراء :
ــ الو..
ــ الو.. السلام عليكم..
ــ ياهلا وعليكم السلام..
ــ هلا اختي ام رائد كيف الحال ان شالله بخير..
ــ الحمدلله الله يسلمك.. مين معاي..؟؟
ــ انا عبدالله..
ــ ياهلا فيك .. هلا..
ــ عسى بس ما ازعجناكم..
ــ لا ابد صاحيين .. لا ازعاج ولا شي..
ــ طيب بغيت اسأل ام حسين اذا صاحيه بروح لفارس المستشفى.. قولي ليها ما عليش امر..
ــ ان شالله ولا يهمك يوصل .. دقيقه بس اقول ليها...
ــ طيب...

راحت زهراء لأم حسين.. لقتها جالسه على سرير رؤى ورؤى حاضنتنها وحاطه راسها على صدرها .. وام حسين بهداوه تمسح على شعر رؤى..
كانت تحكي ليها قصه مثل ما وعدتها بالليل..

زهراء:
ــ صبحش الله بالخير خالتي..
ــ هلا.. صبحش الله بالنور ..
ــ اخبارش اليوم عساش بخير
ــ الحمدلله بخير الله يخليكم ..
ــ الحمدلله.. خالتي عبدالله متصل يسأل اذا بتروحي لفارس والا لا..
ــ يؤوو.. وهادي فيها سؤال.. اكيد باروح لضناي..
ردت زهراء على عبدالله اللي استاذنها اذا رائد يبغى يروح وياهم والا لا..

طبعا رائد ما يحتاج .. ما بيقول لا...

وصل عبدالله.. ركبت ام حسين .. ركب رائد قدام.. التفت مبتسم على عبدالله بيسلم عليه... واختلع من شكله..
كان مبهدل وعيونه مره منتهيه .. شكله واحد ما غمض جفن عينه,, ولااا سهران بدموع بعد..
رائد الهم ماكل قلبه.. وفي باله..
ــ لااا.. عبدالله ويش فيك.. ويش اللي صاير لك ..؟؟

وصلوا المستشفى.. دخلوا الغرفة اللي فيها فارس..
خذته جدته بالأحضان.. وصارت تصيح.. وفارس يهديها.. عبدالله سلم على فارس.. اللي لاحظ شحوبه وتعبه... روائد بعد اكتفى بالسلام من بعيد والسؤال عن الحال..
فارس:
ــ مشكور عبدالله ما تقصر.. تسلم..
ــ لا تشكرني على واجب... انت ويش اخبارك..
ــ الحمدلله احسن..

عبدالله وده يكلم فارس بين بعضهم.. يبغى يسأله مين اللي سوا فيك كذا... بس مو عارف.. شويات الا باب الغرفه يطق... شرطي معاه كاتب لمحضر تحقيق.. جاييين بيسألوا فارس..
جدته خافت.. عبدالله يهدي فيها .. هذي اجرائات ضروريه.. طلعت وراحت انتظار الحريم... وظل بالغرفه مع فارس رائد وعبدالله...

رائد وقف عند النافذه يطالع الرايح والجاي واذونه مع التحقيق....
ــ اسمك..؟؟ وعمرك..؟؟
ــ فارس الــ .... ’’ 13 سنه..
صاروا يسألوه كذا سؤال.. هل سوى شي يستحق احد يعاديه عليه.. ويش اخر شبقه صارت له...
صار فارس يجاوب .. بخوف.. لين سأله الشرطي:
ــ ويش اللي صار لك امس بالضبط...
فارس حس بخنقه بكتمه .. ووده يصيح.. صار يطالع عبدالله .. مو عارف يتكلم.. ويش يرد...
ــ امس.... كنت رايح السوق كعادتي كل اسبوع .. تفاجأت بسياره فيها ثنين شباب ما اعرفهم.. خذوني بالقوه.. ودوني بيت ما ادري بيت مين.. وتالي جا ابو مصيبه..
عبدالله في باله انصعق .. ــ انا كنت متوقع هالحقير
الشرطي :
ــ ابو ايش.. مصيبه.. اللهم يا كافي .. ايش اسمه هذا بالله ..
ــ جابر الــ......
ـ وايش سوى فيك؟؟
ــ حاول يعتدي علي.. و الصبيان الإثنين مسكوني وكتفوني.. وابو مصيبه صار يضرب فيني ..و كان يخوفني ويهدنني انه بــ .. اا..
ــ ايش..؟؟
فارس قام يصيح ..
ــ ما ادري .. ما ادري..
ــ طيب طيب هدي يافارس.. فهمنا عليك.. بس علمني .. عسى ما نفذ تهديده..
فارس ودمعته بعيونه:
ــ لا بس شقق ثيابي وضربني ضرب في اماكن حساسه.. وهددني المره الجايه بسوي اعظم..
وصار فارس يصيح.. عبدالله قعد على سريره وضمه اله يهديه..
رائد مو فااهم ولا حاجه.. ولا هو داري لويش فارس يصيح ..
ــ يعني افهم من كذا انه بس هدد .. متأكد ما ضرك بشي..
ــ لا..
ــ خير ان شالله.. يللا ما تشوف شر وان شالله خير .. في امان الله
عبدالله :
ــ حياكم الله...
طلع الشرطي .. رائد التفت على فارس وعبدالله .. لقى عبدالله ضام وجه فارس بيده ويقول له :
ــ لا تخاف انا معاك..
الموقف والمنظر فطر قلب رائد.. حس الغيره اللي كانت فيه ما ليها داعي .. حس شقد فارس محتاج لعبدالله اكثر من حاجته هو.. مع انه مو فاهم ويش صاير.. قامت عيونه تدمع من تاثير الموقف..

بعد يومين ..
ــ وزع الورق يــا..... <<< سكرانين يلعبوا قمار..
امين :
ــ ويش صار باللي طقيناه من ثلاثة ايام..
علي وهو مهو في وعيه :
ــ هع.. مين اللي طقيناه..
امين يسطره :
ــ انا اسأل ابو المصاايب .. ما سألتك .. ويش دخلك تجاوب..
علي :
ـــ فكرت روحي ابو مصيبه فجاوبت.. كفك..
طااخ ..ههاااااااي
ابو مصيبه :
ــ وووجعااااي.. ويش فيكم مزعجين..
امين :
ــ واحد انتحل شخصيتك..
ابو مصيبة فتح عيونه وكأنه افاق من السكره :
ــ مين هذا الــ ... الـــ ... خليني العن .... و .... و....
ــ ههاي .. هذا مدري ويش اسمه ..
علي يرفع ايده :
ــ اناااا.. ابو المصايب ويش عندك؟؟
ابو مصيبه:
ــ عندي لك دست بيتلقاه بدنك اذا عدتها مره ثانيه..
ــ ويش اللي اعيدها...
ــ هاا.. بفففففففف.. والله نسيت..
ــ ههاااااي..

<<< جو قرف.. للغايه..

شوي الا قامت عركه وتحذف وطق بالنعول ... واحد قام يغش باللعب ,, وقامت المذبحه...
ابو مصيبه هو الرئيس العود.. قام ليهم بعقاله .. ووين ما ياكل في لحمهم ..
طرااخ طرييخ طررووخ.. مزق جسمهم تمزيق.. <<< خلاهم يتنافضو زي القطاوه اذا كبوا عليهم ماي ..
ولم الفلوس اللي قاطينها للعب ,,
ــ جزاء ليكم ما في احد يربحهم الي كلهم...
ما احد يتجرأ من الشباب يرد على ابو مصيبه والا يكسر كلامه .. لا يتكسر.. فالكل مستسلم للأمر الواقع...
شويات الا جرس الشقه يدق ...
ابو مصيبه .. يطالع في الشباب الموجودين كلهم كاملين... سأل:
ــ في واحد منكم عزم احد على السهره..
الكل هزوا روسهم .. لاااا << مثل يهال بالروضه ..
ابو مصيبه حط شماغه على كتفه .. وراح فتح الباب ..

طرمطاااخ <<<< هجوووم شرطه ...
الكل قام يتنفر ويفزع بعمره.. خلاص ضبطوهم كلهم.. ويا عيني خمر وقمار غير المهمه اللي جايين ليها بالأساس ... خموهم كلهم بالسياره .. << وي وي وي وي الى القسم..

قام التحقيق مع ابو مصيبه اللي انكر كل شي.. بس الشرطه خذت بصماته اللي طابقت البصمات الموجوده على ثياب فارس.. وخلوه يعترف بكم كف .. مين المشترك معاه بالجريمه .. وحبسوهم على ذمة التحقيق....


بس للأسف... الزمن قاسي واغبر.. الزمن زمن فيتامين واو .. ابو مصيبة عنده واسطات قويه.. ما طول ساعتين بالكثير.. الا وجاه المنقذ ,, وطلعوه مع امينوه وعلي..

عبدالله جواله يرن... لقاه نفس الرقم الغريب ... قال هذا ابو مصيبه .. بس ويش طلعه.. رد عليه..
ــ الو..
ــ مفتكر نفسك بتقدر علي.. ههاااي.. لا يا يبه... شوف .. انا وراك والزمن طويل .. وما عاش من يخليني بالتوقيف..... وترى بالدور انتظر انت ويا هالياهل ويش بيصير فيكم .. باااي يا حلوو...
طووط طووط طووط..
عبدالله رمى جواله مقهور شاب ناار وين قاعدين احنا.. المسأله سايبه ..؟؟ .. طلع راح بيت امينوه .. طق الباب .. وسأل عن امين .. ومن طلع له امين ,, وشافه فعلا برى التوقيف.. مسكه وطاح فيه بدست غبر به الشارع.. وسدحه وقعد على بطنه ومسك كلر بلوزته..
ــ اسمع.. بسرعه توديني للداهيه ابو مصيبه.. لا العن خيرك..
امينوه داخ من الطق .. طق عبدالله طق واحد ما يرحم وواصل حده موووت .. خطررر ..
قام وياه للمزرعه اللي يقعد فيها .. كانت الساعه 8بالليل ,,, المزرعه ما يفتحوها الا للي يعرفوهم .. فركب مع امين بسيارته...



يتبع >>>

[Princess]

ام حسين قاعده مع ولدها فارس.. كان منسدح على منامه,, تحاول فيه كان ياكل له لقمه تشد عظامه المترضرضه بعد الطق وهو مهو راضي..
شوي الا باب بيتهم يطق..
ام حسين :
ــ ميــــــــن؟؟
ــ اني زهراء خالتي..
ــ هلا .. هلا ببنيتي...
فتحت ليها الباب.. وكانوا معاها رؤى ورائد.. دخلت زهراء وهي حامله صينيه فيها اكل..
ــ تفضلي خالتي كان تنبني عظام فارس .. و زين للدم ..
ــ لويش تكلفوا على عمركم .. خير الله وايد..
ــ الحمدلله .. هذا اقل شي نقدر نسويه.. انتون خلاص بحسبة اهلنا وعزيزه علينا والله انتين ويا فارس ..
ــ وي .. بلغش الله مرادش ووسع عليكم وعطاكم من نعمه وخيره زود الزود يا رب يا كريم..
ــ يالله.. تسلمي الله يخليش ويطول بعمرش

فارس مو راضي ياكل .. لا من اكلهم ولا من اللي جابته زهراء..
رائد:
ــ افاا.. وانا ما تعشيت للحين.. قلت بتعشى وياك.. وانت منت راضي .. اجل بطلت اكل..
فارس ابتسم..
ــ لااا.. اكل خذ راحتك .. انا مالي نفس..
زهراء مستغربه من ولدها .. تعشى هو.. بس تدري به يبغى يشجع فارس.. فساكته ومبتسمه ومستانسه على ولدها..
ــ اخذ راحتي .. لااا.. اما ما برتاح الا اذا اكلت انت..
ــ وربي مالي نفس...
رائد اخذ لقمة بيده.. ومدها على فارس... اللي كان يبتسم ويتمنع...
رائد :
ــ وغلاة عبدالله عندك.. الا تاكلها ...
فارس ابتسم :
ــ ايييه.. تمسكني من ايدي اللي تعورني .. زين باكل بس هذي اللقمه..
ــ لاااا.. بتاكل وياي الصحن كله.. لا اشتكي عليك عند عبدالله..
ــ ههههههه .. امري لله...
صار فارس ياكل ببطء شديد .. بس كذا يضيع وقت.. رائد لاحظه:
ــ انا ما باكل شي.. الصحن هذا هو.. ابغاه يخلص .. لا عبدالله بيدري بك .. وان درى.. عبدالله ينقهر.. وان انقهر .. الله يستر .. وان ..
ــ ههههههههه خلاص خلاص باكل...
فارس انفتحت شهيته من حركات رائد وطاري عبدالله.. >> حبيب القلب مازولا
اكل وخلص وبالشكر تدوم النعم..

صار رائد يسولف مع فارس.. وضحكهم قايم.. كنهم يعرفوا بعض من سنين..
شوي سكت رائد وسرح يفكر... فباله..
ــ بــــــــل .. كيفا كنت اكره انا هالفارس .. شوف الحين كيفا صرت وياه,, عجيب..
ــ هاا رائد وين وصلت..
ــ ههههههه لا معاك..
رؤى قاعده مع ام حسين وامها .. واذونها قاطتنها على الصبيان.. زهقانه .. مهي عارفه ويش تسوي..
شوي لفت نظرها شي يتحرك قريب رائد وفارس .. وقامت تنادي وهي تأشر :
ــ لااائد لااائد .. صلصوول صلصووول..

فارس التفت على المكان اللي تأشر عليه رؤى.. وفي قلبه كاتم الضحكه :
ــ لااائد .. و لااااا ...صلصووول .. بعد هههههههههههههههه....
رائد كش بدنه .. ويوخر بعيد .. فارس من شاف رائد نط من بعد تحذير اخته .. هو من دون شي ضحكته حركة رؤى وطريقتها ورائها الحلوه.. بعد يشوف صبي ينقز من صرصوور <<< لاااا كملت...
ويمووت ضحك.. عليه .. ويشيل زنوبة جدته ..
<<<طااخ طااخ طااخ ...
ويحطها على جنب.. وينادي على رائد :
ــ ههههههههه تعال خلاص مات...
ــ اكو يتحرك.. شنبه ..
ــ ههههههههههه .. من صجك.. مات خلاص ما تشوفه مترصع.. تعال لا تخاف .. ما يخوف..
ــ ويع انا ما اخاف انا ما اشتهيه ..
رؤى وبعفويتها المعتاده..
ــ الا تخاف انت ما الصلاصيل لا تشلخ..
رائد طالعها منقهر .. ناار .. <<< قام ضرب الصورايخ شرر من العيوون ..
رؤى عرفت النظره نظرة تهديد وسكتت..
فارس بقلبه مو قادر على رؤى .. مره عجبته رائها.. صار يتخيلها كيف تقول اسمه .. صار يتمتم بشوي شوي بصوت هادي مو مسموع..
ــ فالس .. فالس ..هههههههه .. حلووه والله..
ظلت زهراء وولادها مع ام حسين وفارس شوي زين.. وتالي طلعوا...



وصل امين المزرعه.. عبدالله لبس شماغ طلعته وتلطم به.. اللي فتح باب المزرعه عرف امين.. وسأله من اللي وياه وليش متلطم..
قال له واحد من الربع.. ومزكم زكام حاد لا يعديني ..
دخلهم .. وصلوا للغرفه اللي مره صوت طق العود والطبل واصل لبرى من قوته
نزل عبدالله وهو يهدد في امين ان سوى شي كذا والا كذا,,,
دخل عبدالله وهو متلطم بشماغه << خخ الفارس الملثم..
صرخ :
ــ ابو مصيبه .. وينك اطلع اذا فيك خير..
كانت الغرفه واسعه وفيها شباب متفرقين جماعات.. وجوهم لا يطاق...
شوي الا واحد من الشباب ينادي..
ــ ابو مصيبة .. يا ابو الشباب .. واحد يبغاك..
قام ابو مصيبة ..
ــ مين هذا...
شال عبدالله اللثمه..
ــ اناا...
ابو مصيبه :
ــ هلااا.. ومسهله.. ومية مرحبــــااا.. جاي لخرابك ودمارك هااا..
ــ انت اللي بفنيك من دنياك انا الحين ..
ــ هع ,, تفنيني.. تراك مفخم نفسك وايد..
ومد اصابيعه على خد عبدالله يطقه على خفيف..
ــ يبه روح بس روح...
عبدالله مسك ايد ابو مصيبة وعوجها له ونفضها بعيد عن وجهه..
ابو مصيبه قهرته الحركه.. قام وبكل وقاحه تفل على وجه عبدالله ..
عبدالله ساعتها .. كل شياطين الدنيا تجمعت براسه << هجووووووووووووم ..
قام الطق والتبكيس..
طبعا ما احد يتجرأ يفك عبدالله عن ابو مصيبه.. لأنه ان سواها .. ابو مصيبة بيذبحه قبل عبدالله .. ما يرضى ابو مصيبة << ومصيبة تصيبه ..

المهم عبدالله اخذ بالثار << صعايده حشاا..
ودحن ابو مصيبة بالغرفه وداس رمته بالقاع,,
وطلع عنهم..


ابو مصيبة ما يحتاج .. حمق .. شلون هذا يكسر عظامه قدام الأوادم... وبصرخه حد ما عنده :
ــ برااااااااااااااااااااااااااااا..
وتنفروا الشباب تنفير .. يلحقوا على اعمارهم لا يلعن خيرهم ابو مصيبه ...



والى اللقاء في الحلقه القادمه :cool:

[آخر شقآوهـ ..~]

ياسلام ويش هل جزء يجنن فلته يهبببببببل
اكتشفت اكتشاف قصدي جاني احسان وهو كــ التالي

فارس بقلبه مو قادر على رؤى .. مره عجبته رائها.. صار يتخيلها كيف تقول اسمه .. صار يتمتم بشوي شوي بصوت هادي مو مسموع..
ــ فالس .. فالس ..هههههههه .. حلووه والله..

فارس بيحب ام الراء الجميله وبيعرسو<<هدا ادا عرسو نيهههههههههههاي
تسلمي حبيبتي
يعطيكِ ربي العافيه
بانتظار جديدكِ
تحياتي
ضحكوه البطه

[أمل الظهور]

امرووشه ...

اجل تقولي الاحداث في هالجزء موب شيء ومدري ويش تقولي ...

اجل فالس وفالس خخخخخ وربي فقعت ضحك

يحليلها تجنن ههههههههههه

كويس انه لائد حن اشويات على فالس واندمج معاه اشويات وترك غيرته

لاتقولي بيرجع (يتدحن ) ويغار ..

شكل فالس ولا ئد بيطلعوا فولات او فراولات ولا ويش رايك:wink:



اموور الاحداث تحلوو وتحلووو وتحلووو

ونحن على ناااااااااااااااااااااااااااااار من الوله والشوق


<<<جاري الانتظار <<<

[فرح]

امـــــــووره
بجد القصه كل يوم عن الثاني تحلى
يعطيك العاافيه
جــــــــاااااري الانتظااااار ....

[نور الهدى]

جاررررررررررررري الانتظار

[ســحرالقوافي]

http://i168.photobucket.com/albums/u181/lomwy/51266725-1.gif

اللهم صلي على محمد وال محمد




جزء يهووووس

عن جد كلما ماجا ليهااا تحلا ها القصه وكل ما جالينا نتشوق اكثر


الله يعطيك العافية


بس لا تطولين علينا ترحنا على نااااار


دمتــــــــ بود

[آهات عاشقه]

هلا غناتي

والله القصه
جناااااااااااااااااااااااااااااااااااان

توني اقراء الجزئين الاخيرين

والله قطع قلبي عبد الله وهو يذكرماضيه

خلاص مره حتى اني صارت حالتي حاله من الصياح >> تتأثر بسرعه

واستانست على الجزء الثاني

الي فيها فالس فالس

والحمد لله يوم رائد شال الغيره على جنب

بس استانست وشقيت الحلق من الوناسه

يوم عبدالله يشلخ امينوه وابو مصيبه

عساهم بهالحاله واردى

تسلمي غناتي

والله يعطيش الف عافيه

غناتي يلا نزلي الينا واجد ابغى استانس بالقصه قبل مااسافر

دمتي لنا

[.:روح وريحان:.]

الصرااحة
حسيت باجوااء قرفــــ
فخاار يكسر بعضووه
لو ذبحهمـ احسن
مشكوورة اموورة ع التكمله

[*زهرة البنفسج*]

امورة يالغلا

اولشي فقدتيني لو لا

هههههه أكيد فقدتيني مرررة واثقة من حالها البنت

المهم امورة غبت 10 أيام وجمعت خمس حلقات وراء بعض

بس وناسه والحين بقعد علي أعصابي انتظر الحلقات الباقي

بس لما كنت غايبه اووف أقول راحت علي القصة مادري وش صار هههه

اسبق الأحداث

يسلمو امورة والله يعطيك العافية

[أسيرة الأحلام]

يااااااااااااربي
القصه مو بس تجنن إلا تخلي الواحد يستخل من حلاوتها
مشكووووووووووره أميروووووه
وجاري إنتظار الحلقه القادمه
:rolleyes: تحياتي :rolleyes:

[الأمل البعيد]

جزء رووووووووووووعة يلا عاد وراء رؤى حلوةةةةةةةة
لا تتأخري ونمباش اجيبي الينا كل الأجزاء وعاد ويفالس حلوة
كملي ولا بتشوفي عقاب من الاعضاء لين تكملي

[الحال2007مه]

ــ لااائد لااائد .. صلصوول صلصووول..
لحد احين اضحك عليها:bigsmile:
ــ ابو مصيبه .. وينك اطلع اذا فيك خير..
أكشنننننننننننننننننننننن خطير اتخيل المنظر في بالي:wacko:
ننتظر الجزء اليديد لاتتاخري لا باسوي فيش زي ماسوى عبد الله في ابو مصيبه<<<<<<<<امززززززززززززززززززززززح لاتالي ماتحطي حلقات اصلا:wink:

[الأمل البعيد]

لا زم اشوقينا يلا عاد نمبى الاجزاء ننتظر بفارغ الصبر
مو تتأخري يلا اليوم نمباش تعوضي جيبي لينا كل الأجزاء
والقصة رووووووووووووعة تجنن
بانتظار الحلقة القادمة

[Princess]

ههههههه يسلموو حبايبي كالعاده تفرحني تعاليقكم وتواجدكم الأكثر من رائع

اعذروني على التأخر .. بس اشتراك النت حقي خلص.. والليله شحنت خخخ

حباابي .. هالجزء استعنت فيه بإنساانه غاليه على قلبي مره. جدتي .. ام امي . الله يحفظها ويخليها لي يارب.. ويحفظ ليكم حبايبكم.. عطتني كم حاجه.. بتعرفوا من الجزء.. ويش عطتني..
:)

اتمنى لكم قراءه ممتعه ومسليه
تفضلوا

[Princess]

وبعد ثلاثة ايام... عبدالله قرقر يطلع مع فارس ورائد يغيروا جو.. رائد طلب من عبدالله اذا ما فيها كلافة ياخذوا وياهم حيدر.. عبدالله ما مانع ..
رائد راح لحيدر .. وخبره عن الطلعه .. طبعا حيدر طار من الفرحه...
رائد:
ــ بس انتبه هااا.. اخذ احتياطك قبل لا نطلع .. لا تسوي لينا سالفة داك اليوم..
ــ لا ماشربت شي ولا بشرب..
ــ هههههه مع وجهك.. يللا مشينا..

طلعوا لعبدالله اللي كان ينتظرهم في السياره مع فارس.. كان رائد قاعد قدام.. وفارس ورى.. ركب حيدر وسلم عليهم ...
مشوا .. فارس يطالع في حيدر بنظرات << ياللي تطالع وكنك ما تطالعني خخخ..
متعجب .. هو سمع من رائد ان حيدر عمره 11 سنه يعني اصغر منه بس بسنتين.. شكله كنه اصغر منه بــ 5 او 7 سنوات ..<< ياحليله الطشونه..

عبدالله:
ــ انا ما فبالي مكان .. وين تبغونا نروح...
حيدر :
ــ المرجحانات على البحر .. افادي اتمرجح..
رائد:
ــ ههههههههههه ولا بتكبر .. حقة يهال المرجحانات..
ــ مانى حليو لكن..
عبدالله ..ابتسم..
ــ زين بنروح .. وانا بعد عندي حاجه حليوه تعلبوا بها هناك...

وصلوا البحر.. نزلوا .. حيدر حجز له مرجحانه .. رائد ميت عليه ضحك.. وفارس مستغرب منه..!!

فتح عبدالله دبة السياره.. وطلع منها سيكل..
رائد فتح عيونه ....
ــ سيكل مين هادااا..
عبدالله :
ــ هههههههه سيكل اخوي مهند .. من زمان حطيته بدبة السيارة كل يوم اقول ابابيعه ولا يدعيني قلبي واهون... يللا مين بيسووقه...
رائد :
ــ انااا.. << ولا مره ركب سيكل..
ــ تعرف له..؟؟؟
ــ أيــه .. ويش مفكرني... << احم .. كل شي يعرف له..
ركب رائد السيكل .. يبغى يتوازن..
طراااخ..
ــ ههههههههههههههه توووك تعرف له..
ــ من الأرضيه مهي مسفلته عدل..
ــ ههههههههههه حججك صواريخ يا رائد.. زين روح مناك قريب الرصيف مسفلت عدل...
رجع .. وطااااخ..
ــ ههههههههههه رائد قووم بس ما فينا شدتك.. ما بغينا ايدك تعتدل ويشيلوا الجبيره .. ترجع تكسرها.. ويش تبغى اهلك يقولوا عني .. كل طايح في ولدهم تكسير..
ــ مانى مانى.. ابغى اسوقه... علمني ..
ــ ههههه تووك تعرف...
ــ هااه.. فكرته سهل ...
ــ زين انا ودي اعلمك بس السيكل صغير علي ههههههه اخاف اركبه والرايح والجاي يتمسخر علي.. ولا بعرف بعد من الدراعه.. ويش اسوي لك .. كيفا اعلمك؟؟
فارس من بعد سكوووت طويل من اول ما طلع :
ــ انا اعلمه...
عبدالله :
ــ ايه والله صدق نسيت انك تسوق سيكل..
ــ يللا اعلمك رائد...؟؟!!
عبدالله خايف من ردة فعل رائد.. قال كان ما يشب بس في فارس حريقه... ما يدري بهم صاروا حليوين ...
رائد فرد بزوه شبرين :
ــ أيـــــــــــــــــــه..
عبدالله :
ــ صلوااات على محمد .. وال محمد...
وصار يصفق ..
رائد وفارس طالعوا في بعض وفقعوها ضحكه...
عبدالله :
ــ ويش فيكم تضحكو...
رائد حط ذراعه على كتف فارس:
ــ سرررر..
ــ هههههههههه.. ولاااا بعد صار بينكم اسرار ...
وحط صبعه في فمه .. وصفر ...
ــ عاااشوا.. ايوااا.. احلى .. من متى .. وانا اخر من يعلم..؟؟
رائد:
ــ ههههههههه مو من زمان.. بس صرنا اخويا.. خلاص..
ــ عسااه دووم يارب .. فرحتوا قلبي والله بهالسالفه ...

صار فارس يعلم رائد كيف يسوق.. وعبدالله متسند على سيارته .. متكتف ويتأملهم.. وعيونه مليانه فرح.. مستانس بهم فرحوا قلبه ونسوه همه شويه..


احلى شي مر بهالأيام على عبدالله هالصداقه المفاجأه بين رائد وفارس.. صار يفكر ويبتسم.. شلون المصايب خلفت وراها اشيا حلوه والحمدلله.. يتذكر اول تعارف له مع رائد كان بعد مصيبه.. لا اله الا الله .. والحين هالصداقه بعد نفس الحاله .. وصدق مثل ما يقول المثل :ما بعد العداوة الا محبه..

شوي الا رائد عرف يسوق ..
ــ هييييييييييييييييييييه هههههههههههه
وفارس يصفق ويصفر له.. حيدر مهو وياهم.. ملتهي بالمرجحانه..
انتبه عبدالله لرائد قاعد يساسر فارس.. وفارس يطالع في حيدر بخبث..
عبدالله فباله..
ــ اوووه صدق السالفه.. صار بينهم اسرار .. حلو حلو .. ماشالله.. وشكلهم ناويين على نية قشرى..

وفعلا.. غافلوا حيدر اللي كان يتمرجح وهو مغمض عيونه << خاش جوو يعني
ومسكوا المرجحانه كل واحد من جهه.. وهوووووب .. حد ما عندهم صاروا يمرجحوه.. خلوه يتصروع ...
_ اااااااااااااااااااااااااه.. هههههههههههه.. وقفووووا .. شوي شوووووووووووي..
وما ينشاف الا شعره يهبهب كنه بنوته << خوش داعيه لشامبو
وهم كلما صراخ زادوا السرعه والقوه.. وعبدالله فارط من الضحك:
ــ ههههههه حراام عليكم.. طشونه بينكم .. خففوا عليه.. رائدووه انت ادري بك راعي سوابق .. هههههههه ويا ويلي طلع فارس زيك بعد ..
فارس يكركر ضحك..
شوي الا حيدر الطشونه طااااير من المرجحاانه وطراااخ على الرمل على وجهه..
ويقوم الركيض عبدالله صار يصارخ:
ــ كسرتوووه هو نااقص ؟؟
شالوه وقلبوه على ظهره لقوا خشمه انفشخ وطلع شوية دم وجبهته متورمه.. نظارته الحمدلله بس اعوجاج بسيط..
صار عبدالله يسطر فيه على خفيف .. بس حيدر مغمى عليه.. عبدالله عصب:
ــ يــــاربي.. انا ناقص انا... هاا اغمى عليه...
فارس خاف:
ــ والله ما كنا نقصد ويش درانا انه بيفلت ويطير..
رائد وهو مو داق خبر.. :
ــ اهووووو ما عليكم منه.. هذا قطو بسبعة ارواح .. اسألوني بس عن الخال .. لا يغركم حجمه..
عبدالله حط حيدر بحضنه بيحمله :
ــ وانا ما شغلتي الا اناقل فيكم لهالمستشفى .. خلفتكم ونسيتكم.. والله بلشه.. لكن الشرهه علي يوم اطلعكم...
فارس تضايق.. اما رائد ولا عنده فيها...
ومامداه بيقوم .. الا حيدر :
ــ اووووووو...وووووووووه... << كان يسوي حاله مغمى عليه..
عبدالله انقهر منه ويمسكه من راسه ويهزه :
ــ ووجع.. خوفتنا .. طلعت انت بعد العن منهم.. الله يساعدني عليكم بس..
حيدر يعدل نظارته بعد الهزه.. وهو يضحك:
ــ بس اعرف امثل موو..
رائد :
ــ قايل ليكم قطوو... ما صدقتوني ....خالي وانا ادرى فيه...
فارس ميت من الضحك...

تابع >>>

[Princess]

ام حسين كانت في بيت فاضل.. عازمتنها زهراء على شاي العصريه.. وجايه بعد وياهم مريم.. وبنتها حنين..
حنين:
ــ رؤوووه .. حليو الرازقي " الفل" اللي بزراعتكم ..
رؤى:
ــ ايه توه طالع.. صايل حليو ويا الليحان.. << الريحان
ــ اول ما دخلنا بيتكم الريحه خنينه ..
زهراء:
ــ يؤ.. طلع الرازقي صدق..؟؟
مريم:
ــ هههههههه الله يهديش هذا وبيتكم وما تدري به..
ـــ هههههه ويش دراني به.. اني ما طلعت من زمان.. ويا رائد يا فاضل يسقو الزراعه ويش يدريني قام لو ما قام.... رؤى غناتي اخذي سله وروحي انتين ويا حنين لموه ويا شوية ريحان.. خلونا نوزعه ونستانس..

قاموا الثنيتن زي المربووشين.. خذوا السله ويللا تجميع... قبعوا اللي قدروا عليه.. غسلوه ونشفوه.. ورجعوا به للحريم..
زهراء صارت تقسمه عطت مريم شوي ويوم جت بتعطي ام حسين .. فردت ام حسين شيلتها وصارت زهراء تنفر فيها وام حسين..
ــ احححح صلواات على محمد...
كلهم بنفس واحد..
ــ اللهم صلي على محمد وال محمد
صارت ام حسين تشمه..
ــ اححح ذكرتوني بأبو حسين.. رحمت الله عليه << قالتها وهي تضحك مستحيه ورافعه جزء من الشيله ومغطية وجهها به..

قروا له الفاتحه...

نزلت الشيلة وهي مبتسمه..:
ــ رؤى امي.. قومي جيبي لي خيط وابراه...
ــ ان شالله اماه..
زهراء ومريم يطالعوا في بعض مستانسين عرفوا لويش تبغاهم ام حسين..
رجعت رؤى بالخيط والإبره.. وقعدت ويا حنين قبال ام حسين.. يطالعوها ويش تسوي...
شكت الخيط بالإبره.. وصارت تشك الريحان والرازقي تسوي قلاده.. وهي تغني :

ابو الزين يامالي هوا الزين يا مال
البارحه بيتوني تحت غرفتها هوا الزين يا مال ..
انا نايم وانا اتحرق بيمرتها <<"جمرتها" هوا الزين يامال..
يا لايمة لا تلوميني في محبتها هوا الزين يا مال..
هي بنت خالي وانا ولد عمتها هوا الزين يا مال..
البارحه بيتوني برى في البري << " البر" هوا الزين يامال..
ولعوابقلبي صوابٍ بالحشا ما بري هوا الزين يا مال..
البارحه بيتوني والمطر يمطر هوا الزين يامال..
وريحة فيابش "ثيابش" يا حبيبة تعطر هوا الزين يامال ..

ورؤى وحنين .. هلا هلا .. ما شغلتهم الا يصفقوا .. ويردوا ورى ام حسين .. هوا الزين يا مال..

خلصت ام حسين القلاده الأوليه..
ــ كلووووش... تعالي عروستنا رؤى هلا ..
رؤى متشققه ولبستها ام حسين اياها.. وسوت وحده ثانيه لحنين ..
ــ كلووووش والثااانيه للعروس لحنين.. عاشوا...
حنين ولعت الوان..
زهراء ومريم مستانسين ومره ميتين ضحك...
رؤى تطالع في حنين وهي تضحك:
ــ حنينوه تخيلي نعلس هالكبل هههههههه
ــ ههههههه لااا صغار بعدنا في المدرسه
ام حسين ..:
ــ يؤ. لا صغار ولا شي... اني يوم اني قدش يا رؤى.. عرست .. اكبر منش بس بسنه ام 10
رؤى فتحت عيونها وطقت صدرها
ــ يؤ هههههههه كيفااا؟؟
ام حسين :
ــ ههههههه ذكرتيني بأول.. يقولوا : البت "البنت" في هالوقت يسوى من يربيها .. احسب اليها عشر واخذ ربابيها " روبيات..فلوس.. المهر" لاجيت تخطبها من عند اهاليها .. امها كما النار عسى ربي يجازيها ...
زهراء ومريم لطموا صدرهم وفاتحيين عيوونهم :
ــ ههههههههه وييييش .. حرااام ..
ام حسين :
ــ هههههههههههه ويش اسوي هذا قول اهل لول ..خلوني اكمل ليكم ..
ــ ايه وتالي هههههه
ــ ايه امها كما النار عسى ربي يجازيها .. والأبو يشرط بندله ومنين قهوتا.. "قهوتها"
رؤى:
ــ ويشوو يعني بندلة..
ام حسين :
ــ هههههه يعني تتن حق القدو.. ويش يعرفكم انتون..
ــ هههههههههههه
ام حسين تكمل كلامها.. ونبرة صوتها غيرتها الى نبرة المختلع على مسخره :
ــ الــــــلــــــــــه يعينك .. لمن شفت حالتها.. تشبه القنفذ اللي لسانه مفل "مثل" النار .. وسلامتكم

كلهم ماتوا من الضحك على هالسالفه ...
وبنفس واحد:
ــ الله يسلمش..


بالسياره.. رجعتهم.. عبدالله وحيدر ورائد وفارس... وصل حيدر اول واحد.. نزل بغبرته وحالته .. وجبهته المتورمه.. وما يحتاج .. ردة فعل ام حيدر معروووفه ..

صار رائد يحايل في فارس ينزل وياه بيتهم.. لأن فارس في نيته بس يوصلوا بيت رائد ياخذ جدته ويرجع معاها بيتهم .. يوصلهم عبدالله.. بس فارس مهو راضي.. وقاعد يقنعه يخليها مرة ثانيه.. ورائد راكب راسه عناد الا اليووم..
عبدالله مستانس بهالألحاح من رائد.. وصار يحايل في فارس بعد.. بس فارس مهو راضي..
وصلوا بيت رائد.. نزل رائد ماد البرطم شبر.. دخل ونادى على ام حسين.. بس زهراء ما رضت تخليها ترووح:
ــ اهووو خالتي قعدي مستانسين وياش .. لا تردينا عاد..
ــ ويي .. والله كلفت عليكم خلوها لمره ثانيه .. قولي لي كم مره خلال هالأسبوع اني وياكم
ــ حشاا هذي المره الثانيه.. يللا عاد خالتي لا كلافه ولا شي.. وربي متونسين معاش..
ــ خليها مره فانيه .. باروح فارس بالسياره.,.والرجال ما قصر بيوصلنا لا اخليه يتانيني وايد..
زهراء وقفت عند بابهم.. وقفلت الباب وشالت المفتاح في مخباها..
ــ واذا قلت لش مافي روحه...
ــ يؤ.. هههههه.. يـــــــــــاعلي...
رائد مسك ام حسين من ايد.. ورؤى من ايد وصاروا يسحبوا فيها .. الا تقعد.. ومريم وحنين ضحك عليهم...
ورضت تقعد اخيرا.. رائد طاار من الفرحه.. ونننننن طياري لفارس برى.. ويفتح الباب .. ويفرك بأصابيعه وهو يهز ..:
ــ حره حره.. بتقعد امي ام حسين ويانا.. يعني تنزل .. حره حره..
عبدالله فطس من الضحك على رائد .. مره شافه فرحاان ..
فارس مره مات من الضحك.. ونزل :
ــ امري لله.. يللا مع السلامه عبدالله ..
ــ الله يسلمك...

تابع >>>

[Princess]

رائد:
ــ عبدالله اقعد ويانا..
ــ هههههههه لا مره ثانيه اخاف اصير عذول..
ــ على راحتك ..
عبدالله يمزح ويا رائد:
ــ بل بل على راحتي مافي محايل لي انا يعني صدق خوفي..!!.. صدق من قال من شاف احبابه نسى اصحابه..
رائد تلون :
ــ ههههههه والله ما اقصد حياك.. بس قلت عطلناك طول اليوم مداور وتعبناك..
ـــ هههههههه امزح وياك .. صدق انا تعبان وباروح البيت اريح.. يللا اشوفكم على خير
ــ مع السلامه..
مشى عبدالله وهو مره مستانس وفرحان والدنيا مهي سايعتنه بسبب هالتطور الجديد..
دخل فارس بيت رائد.. اول ما دخل ..
حنين تساسر رؤى:
ــ هذا هو فارس...
ــ ايه هذا هو..
ــ احليوو.. << بل من صغرها تغازل خخ
رؤى تطالع في حنين..مستغربه..
ــ بل قليلة ادب .. ههههه.. ما تستحي.. عيب يا دبه..
ــ ماقلت شي خلقة الله كلنا حليوين..
ــ عيب يا بنيه تسمعش امش تقص لسانش هادا صبي..
ــ خلاص بل بل ماصارت هدي كلمه خلاص اقرع مو حليو..
ــ اقلع.. اقلع..


شوي قاموا حنين ويا رؤى.. راحوا غرفة رؤى.. كانت قبال غرفة رائد.. وباب رؤى كان مردود .. مفتوح شووي ما نطبق عدل.. فارس ورائد لسا تحت ما ركبوا..


دائق معدودات و ارتفع صوت المسجل.. ودقت الحاله ..
رؤى ويا حنين طايحين حالة هباله ورقص مستانين بقلايد الريحان..
هلا هلا هلا ...
غرفة رؤى فوق غرفة جلوس الحريم على طول .. زهراء من سمعت الأهتزاز وزلازل السقف .. طالعت في مريم وهي تضحك:
ــ دقت الحاله .. دقت ..
وصاروا يضحكوا..
ام حسين :
ــ يا ساتر هادويش ويش اللي فوق..
زهراء :
ــ معاريس .. رؤى وحنين داقينها عرس..
ــ ههههههههه حلاوتهم.. وي بلغني الله فيهم عرايس بليلة وحده..
مريم وزهراء:
ــ يارب وبلغش الله بفارس ..
ــ الله يسلمكم وبلغكم بكل حبايبكم


رائد ركب ويا فارس.. وصلوا عند الغرف.. فارس بيدخل غرفة رائد الا رائد يسحبه .. ويحط صبعه على خشمه ويهمس :
ــ ششششششش.. تعال شوف الخبلان.. خخخ.. اذا دقت حالتهم.. ويش يسواا ..
فارس:
ــ ههههههه عيب عليك..
ــ خخ ما حد قال ليهم ما يسكروا الباب عدل .. تعال بس لا يفوتك يموتوا من الضحك..
وصاروا يطالعوا فيهم ,, وميتين ضحك ,,
الثنتين طبعا بالمشامر كالعاده .. وكملت قلادة ريحان.. وجههم بس مغطى والقلادة طالعه تهتز وهو يناقزوا.. ضبيعات عدلات.. ولا يدروا انهم صايرين مضحكه ..

وبالغلط فقد فارس توازنه وحط كل ثقله على رائد اللي فتح الباب بالقوه .. وطرااخ شدخه بالجدار..
ووقفوا الثنتين مختلعين.. وشالوا المشمر من على وجوههم يطالعوا ويش هالشدخه..
رؤى حمقت:
ــ قليلن ادب تطالعوا فينا.. لكن باقول لأمي ..
رائد ولا كنه مسوي شي:
ــ قولي... ويش مسويين احنا .. ما سوينا شي..
فارس مستحي حده .. هذي اول جيه له لبيت رائد ويسوي مشكله وفي باله
: ــ بــــــــــــــل غربل الله بليسي يوم اطاوعك يا رائدوه .. افف ويش هالفشله..
حنين صارت تهدي فيها :
ــ خلاص ما عليه .. لا تعصبي و لا تسووا شبقه..
رائد فاقعها ضحكه..
ــ امبااااع.. ويش هالحشيش اللي على رقابكم..
حنين ضحكت ..
رؤى حمقت زياده:
ــ حشيش دبتك.. هذي قلادة ليحان ولازقي ويش عرفك
فارس مهو قادر وفي باله :
ــ ليحان ولازقي . يا حليلها.!!!
دار بوجهه على جنب وهو يضحك..
رؤى انتبهت له يضحك.. وحمقت زياده:
ــ وانت على ويش تضحك.. ما قلت شي يضحك.. ما تستحوا.. لكن ما عليه..
فارس :
ــ لالالا.. ولا شي .. اضحك على رائد..
وفي باله :
ــ بل بل فارسووه ويش هالفشايل اول جيه وهذي سواياك..
رؤى انقهرت في رائد وفارس:
ــ اطلعوا بللا .. من غيل مطلود..
رائد حمق .. هادي شلون تكلمه كذا قدام فارس .. مافي احترام مافي حشيمه << كنه محترمها لو محشمها خخ
ويرد عليها بمسخره:
ــ اطلعوا بللا .. من غيل مطلود.. .. شلون من غيل مطلووود وانتين قلتي اطلعوا بللا...
رؤى خلاص عيونها صارت بحر .. هذا قاعد يتمسخر عليها قدام حنين وفارس.. بعد حنين متعوده عليها .. قاهرنها وجود فارس .. حاسه بفشيله.. وتشيل مخده من سريرها وطراااخ ترميها.. رائد وخر بسرعه.. وطااخ تصفق بفارس..
رؤى خلاص انحرجت.. رائد انقهر فيها :
ــ ما تستحي.. كل هالشباق عشان تمسخرت على هالحشيش.تصفينا بمخدتاش
ويمسك القلاده بيهزها ليها عن مسخره.. وترجع رؤى على ورى بسرعه فكرته بيصفقها .. وتنقطع القلاده وتطيح على الأرض...
رؤى:
ــ اااه.. تهي تهي ... انت ويشوو انت.. ما كنت اقصد فالس يوم المي المخده .. حق ويش قطعت قلادتي .. ماني ماني ..تهي تهي ..
فارس كسرت خاطره .. ابتسم:
ــ رائد حق ويش كذا حرام عليك.. عادي الا مخده ما تعور
ــ اهوو ويش عرفك انت بالبنات .. دلااااليع ما عليك منها .. امش بس غرفتي ..
ــ دقيقه..

شال فارس القلادة من على الأرض.. وربطها.. ولبسها رؤى اللي كانت قاعده على سريها ومغطيه وجهها تصيح..:
ــ خلاص لا تصيحي .. هاا سويتها ربطتها بالقوه بعد.. ما بتنقطع مره ثانيه.. خلاص...
رؤى وايدها بعدها على وجهها..
ــ خلاص.. لكن رائدوه عند ابوي خله بس يرجع من العمل..
رائد ولا عنده فيها :
ــ قولي .. كل يوم هذا شريطش وينعاد.. يبه رائد سوى .. يبه رائد قال..

وطلع هو ويا فارس من غرفة رؤى.. حنين صارت تهدي في رؤى ..
ــ يعني ما تعرفي اخوش صدق نحيس بس طيب شوي وبيراضيش..
رؤى تدري به فسكتت..
وبغرفة رائد... فارس يكلم رائد:
ــ انت كذا على طول ويا اختك؟؟
ــ شلون يعني ؟؟
ــ يعني شباق ونحاسه وكله تصيحها..
ــ ايه البنات ما يجوا الا بالعين الحمرا.. تعلمني عنهم .. ويش دراك انت..
ــ حرام عليك.. كان زين لو عندي اخت لو اخو.. كان ما سويت زيك..
ــ اهووو.. فارسوه يللا عاد لا تقعد تعور راسي بهالبنات.. وبعدين انا وين رحت؟؟
ــ وين رحت .. يعني ويش؟؟
ــ يعني انا اخوك.. والا ما تبغاني ..
فارس ضرب كتف رائد:
ــ افااا وانا احصل اخو زيك واعيفه ..
ــ هههههههه .. زين.. بس ويش يعني اعيفه..
ــ ههههههه يعني اخليه.. ويش يعرفك هذا كلام امي ام حسين..
ــ ههههه ايه احبها امك ام حسين طيبه
فارس تنهد:
ــ ايييه .. والله طيبه الله لا يحرمني منها لولا الله راحم حالي بها .. كان ضعت انا بهالدنيا..
رائد كسر خاطره فارس:
ــ الله يخليها لك ولا يحرمك منها يارب ..
ــ يارب...

وهم قاعدين يسولفوا الا بصوت
ــ ااااااااااااااااااااااااااااااااااااااااااه
بغرفة البنات

والى اللقاء في الحلقه القاادمه :bleh:

[الأمل البعيد]

يلا عاد نمبي الأجزاء الباقية بسرررررررعة ننظرش ومرة حلو هالجزء كله فرح ورقص وحلوو
مافيه كرب ييجنننننننن وعرفت ساعدج جدتج الله يخليها لج في الأنشودة صح
ويلا قاعدين ننتظر باحر من الجمر وبعد نخلينا نتشوق امبى اعرف وشصاير ويالبنات

[الأمل البعيد]

يووووووووووووووووووووووه عجلي امورشة بسررررررررررعة ماني قادرة انتظر تراني ماني قادرة اصبر
مشكووووووووووورة ع القصة الروعة احلى قصة صراحة بس اشفوها اشقق فرح

[أمل الظهور]

هوا الزين يامال http://www.moq3.com/img/uploads/klJ12417.gif (http://www.moq3.com/img/)http://www.moq3.com/img/uploads/klJ12417.gif (http://www.moq3.com/img/)http://www.moq3.com/img/uploads/klJ12417.gif (http://www.moq3.com/img/)




هوا الزين يامال http://www.moq3.com/img/uploads/HwG12658.gif (http://www.moq3.com/img/)http://www.moq3.com/img/uploads/HwG12658.gif (http://www.moq3.com/img/)http://www.moq3.com/img/uploads/HwG12658.gif (http://www.moq3.com/img/)




ياااربي امووووووور وربي الاحداث قطعتني هالمره من الضـحك





ــ امبااااع.. ويش هالحشيش اللي على رقابكم..



ويلي امرووشه بموت ضحك ماني قادره:deh:



دمعت عيوني من الضحك



وعلى حيدلوه على الملجيحه <<علمتها لؤى :toung:



وهذا لائدوه يعني مالاح يتوب ويتلك اخته على حالها


لازم بكل حلقه يضلبها ويكسل بخاطلها :evil:


الله يهديه بس


حلقه وجزء مميز بعيد عن التوترات والالام ..


بس لايكون الهدوء الذي يسبق العاصفه




اقول امرووش لايكون بتنزلي بكره حلقه


لاتنزلي شيء سامعه لا انتفك


اصبري موب تطير القصه نزليها يوم الجمعه


ولا السبت الفجر يعني على الراحه


علشان ماتتعبي وتتجمع الافكار


وتصير احداث رهيبه


سامعه ولا :weird:



ننتظر الحلقه الجديد على اقل من مهلك :noworry:

[.:روح وريحان:.]

هو الزين يامال
هلا هلا عاشووووووا
ههههههههه
مشكوورة امورة
انتظر التكملهـ..

[الأمل البعيد]

احليوو.. << بل من صغرها تغازل خخ
حلوووووو من صغرها وتغازل موتتني من الضحك :kaseh: وعاد كل يوم عرس بعدهم صغار ع العرس عقلهم فوين الله يستر عليهم خخخخخخخ:deh: ههههه:ongue::ongue::ongue:لامورة
والله هذا احلى الاجزاء روعة والخوف من الجاي
تحياااااتي

[ســحرالقوافي]

جزء يهوووس


روووعه وحركااات


وهوا الزين يااامااال




وترى الليله عدنا عرس بنت عمي ولد عمتي


بس قلت لازم اجي اقراها

خخخخخ


ما قدر متحمسة مرة مرة

وهم بكرة عدم عرس بنت عمي لا تنزلي الجزء


في العجلة الندامه



ومن تأنى نال ما تمنى

خخخخخخ

<<<< قامت تقول حكم بس عشااان لا يفوتها الجديد


وعلى فكرة
ــ خلاص.. لكن رائدوه عند ابوي خله بس يرجع من العمل..

يمبالك تصحيحيها

لائدوه


افوتك بعااافيه




دمتـــ بود

[الأمل البعيد]

لا لا لا لاتسمعي سحورة تقدر تقراه مابطير القصة
احنا الي بنطير من الشوق للقصة
ان سمعتي كلامها نوريش نخليش تكتبي جزئين بدال واحد
نعكس المثل
في التأني الندامة
وفي العجلة السلامة
خخخخخخخخ ههههههه
ننتظر بكل شوق
تحيااااتي

[فرح]

بجد وناااااسه واكتير حلووو
حركاااااات
امـــــــــوووره
وصح السان جدك عرفت تساعدك اكتير
في الاغنيه لانها حقت الاول >>ربي يحفظها لك ولايحرمك منها <<
جــــــــاااااري الانتظاااار ..

[آهات عاشقه]

الجزء

مرررررررره مرررررررررررره


حليو ويجنن

هي بنت خالي وانا ولد عمتها هوا الزين يا مال..
>> عجبتني .. لغاية في نفس يعقوب


بالصراحه موتيني ضحك


ضحكت ضحك واستانست مررره


غناتي ان شاء البسمه ماتفارقش

تسلمي يالغاليه

ننتظر الجزء الجديد

[كبرياء]

يسلموا خيتو وبانتظاااااار الجديد

[أسيرة الأحلام]

أموووره الحلقه مرررره تهبل وتموت من الضحك
بس على فكره عندش أخطاء في كلام روئ
خخخخخخخخخخخخـ
المهم مشكووووره يالغلا على الحلقه اللي تهبل
أووووووه نسيت
سلمي على جدتش وقولي ليها مشكووووووره على المساعده<<<<اللي يقول تعرفها من زمان
خخخخخخخخخـ
الله يخليها ليكم
يسلموووو يالغلا ونحن يإنتظار الحلقه الجديد..

[أمير العاشقين]

ــ حشيش دبتك.. هذي قلادة ليحان ولازقي ويش عرفك

ــ خلاص.. لكن رائدوه عند ابوي خله بس يرجع من العمل..


أميره ملاحظاتي ههههههه

ترا ما بتحقلي الشهاده

انتبهي مره ثانيه زين

رائد يعني لائد زين

ويرجع يعني يلجع زين

وعرفك يعني علفك

ترا بتنقثصي علامات واجد ولا بتعدي الماده زين

والله هيبات القصه ميه ميه

كملي اميوووره خلينا نكملها كلها طلبتش

[آخر شقآوهـ ..~]

السلام عليكم
اول بعلق وبعدين هداك :toung:

ــ المرجحانات على البحر .. افادي اتمرجح..
مع فيسك حيدلوه فتحت نفسيتي ابغى اروح اتمرجح<<نرجع لايام الطفووله نيهههههههههاي


ــ أيــه .. ويش مفكرني... << احم .. كل شي يعرف له..





ماشاء الله عليه مافي حاجه مايعرفها بس الصرصور مايعرف يطقه نيهههههههههههاااي جبان صحيح<<عدال عليش ياللي ماتخافي


ابو الزين يامالي هوا الزين يا مال





..ألخ

عجبتني يبغى ليي احفظها نيههههههههههههاااي



ــ حشيش دبتك.. هذي قلادة ليحان ولازقي ويش عرفك
هههههههههههههههههههههاااي عجبتني حشيش دبتك والله انها فلته لؤى

ــ خلاص لا تصيحي .. هاا سويتها ربطتها بالقوه بعد.. ما بتنقطع مره ثانيه.. خلاص...
وييييه هدا طيب طالع عليي ايه اصير بنت عمه له:wacko:<<خرفت الاخت ويش جيبش انتينا ليه
عفر احساسي الاخير بيصدق اني عندي احساس ادا صدق قولو البطه صدقت بس ادا ماصدق لا تقولو سوو روحكم نسيتو
خيوووه امووروه عليش حلقه شفاريات كشوخيات فلته وتزحف زحيف
سلمي على جدتي اقصد جدتش وقولي ليها مشكوورة كفاري وماقصرتي
والله يعطيكم ربي الف عافيه
بانتظار الجزء هداك هوه
تحياتي
ضحكوه البطه

[*زهرة البنفسج*]

الله يعطيك الف عافيه امورة يالغلا
علقصه الروعه
موفقه

[Princess]

:) :) :) ^_^ :) :) :)



منوريييين حبايبي ويسلمووعالتعاليق الكشووخه.. :bigsmile:

على فكره للي ما يدري.. ترى اميرووة تكتب الحلقات اولبأول يعني مهي مكتوبه عندها من قبل ...



المهم... اعلااااان...




اميـــــــــــروووة قررت تاخذ اجازه من الكتابه ليلتين الأربعا والخميس من كل اسبووع.. خلها تشم هواا تاخذ نفس :) .. والليله ان شاء الله تكمل ... http://www.allams.net/vb/images/smilies/smilies/58.gif


راح يصير تعويض وزيادة الجزء في حالة الغياب خااارج نطاق هالليلتين.. خخ .. اما بهالليلتين... اجازه رسميه << حالها حالكم^_^

دمتم بحفظ الرحمن

[كل الحكاية أحبك]

هههههههه نعطيك أجازة بس يالله عطينا اجزاء له

[الشمعة]

مشكوره خيه بس وين التكمله ترى اني متشوقه اعرف
ويش بيصير وبصراحه عجبتني فلطة رؤى احب الي يغلطوا اني
يلا عاد بلا دلاعه كملي لا انتفش ترى هذي القصه احلى بزود
عن الي قبلها هذيك كلها مأسي ونياحه اما هذي كركرتني ضحك
على حيدر وعبد الله لكن عجبني هالعبد الله خخخ <<< شجاع
يلا بس كملي واني متابعه لش اني مابترك المنتدى على شانش بقعد بس
على قصصش الحليوه واني بصراحه اموووره حاولت االف قصه بس مادري عنها
عدله لو مو عدله لان اول محاوله ليي في تأليف القصص
فا اني ابغا افعل عضويتي بس مارسلو لي رابط التفعيل ياريت احد يساعدني ويطلب منهم
على شان اقدر اسوي شي جدي احس انه رجايلي واياديي مربطه
تحياتو الى اميررررروه الحليوه
شموعة

[Princess]

يسلمووو كل الحكايه احبك :bigsmile: الليله بيبتدي دوامي خخ

شمووعه ياهلا وغلا .. منوره عزيزتي ودوم هالضحكه يارب
وحلو ورينا اول تجاربش وان شالله راح اتباعها لش على خير .. لا تخبي اي موهبه عندش ولا تنتقصيها مع الوقت تطلع الإبداع.. :bigsmile:

وحساااااابش الغير مفعل .. عندش خيي امير . متابع القصه وان شالله ما يردش
وهاا لعيونش بسوي له نداء ويش كبره .. :wink:

خيي اميـــــــــــــــــــــــــر العاااشقيييين..


اني ابغا افعل عضويتي بس مارسلو لي رابط التفعيل ياريت احد يساعدني ويطلب منهم
على شان اقدر اسوي شي جدي احس انه رجايلي واياديي مربطه


هذاا كلام خيتناا الشمعه... :bigsmile: تصرف ويعطيك الف عاااافيه....



والحين تفضلوا الجزء الجديد.. :cool:

[Princess]

سبق الأاااه صوت شدخه قوويه شلخت الأرض .. وسقف غرفة جلوس الحريم ارتج رج شوي ويطيح..
زهراء كانت تحوس بالمطبخ..بتجيب ضيفة ..
ام حسين رفعت راسها.. :
ــ سمت على اعمارنا الزهرا ام الحسن وحسين .. هااداا ويش ..
مريم :
ــ ههههههه... الله يستر . بنادي زهرا تشوف ... زهراااا .. يا زهراااا

فارس ورائد راحوا ركيض بيشوفوا هالشدخه .. ويوم دخلوا.. لقوا سرير رؤى منشلخ وحنين ورؤى في وسطه بمشامرتهم وضلوعهم متكسره..
رائد:
ــ هههههههههههههه ويش صااير؟؟
حنين وهي تمسك حواف السرير تحاول تقوم:
ــ اااه.. آآآآييي.. قايله اني لرؤوه لا نناقز على هالسرير.. اخاف ينكسر ..
وتقلد رؤى بمسخره: "سليلي.. كل يوم اناقز عليه .. قوي وما ينكسل"
رؤى:
ــ آآآآييييي.. انكسل منش انتين يادبه و لا تتمسخلي.... وويش دلاني اني انه بينكسل..
رائد:
ــ ههههههههههههه فيله ودينصورة بيناقزوا على سرير خشب.. وما تبغوه ينكسر.. ويش يقدره هالمسكين..
فارس قام يضحك...
رؤى انقهرت وصارت تطالعهم على جنب:
ــ فيل انت مع وجهك..
حنين:
ــ طااالع اخذت الفيل وخلت لي الدينصور..
ــ أيـــه .. انتين امتن مني ..
حنين تصفق رؤى:
ــ ما احد غيرش الدينصور..
ــ ماني دينصول ولا فيل .. لكن ما عليه اوليكم..
رائد:
ــ قوومواااا يــادبب..
زهراء ركبت:
ــ ويش اللي انشدخ .. ويش صاير؟؟؟
ويوم شافت السريراللي منشلخ .. تنهدت..
ــ اشواا .. يعني السرير بس .. ما صابكم انتون شر..
حنين ورؤى:
ــ لااا..
زهراء:
ــ قوموا اجل عنه وخلوه تالي فاضل يصلحه..
نزلت زهراء تحت... وما مداه رائد بيرجع غرفته ويا فارس.. الا فارس ماسك ايد رائد:
ــ رائد.. انا ابغى اصلحه .. عادي؟؟
ــ ههههههه .. حركات.. تعرف له..
ــ ودي اصلحه اجرب.. عادي؟؟
ــ ايه عادي.. يللا وانا باعاونك..
شالوا المنام والبطانيات.. الا بطيحة ورقه على الأرض..
رؤى من شافتها قامت تركض وخطفتها وحطتها بالدرج..
رائد بحمق:
ــ ويــــــــــــــــش هالورقه..؟؟
ــ مـــــــــــــــــالك شغل...
رائد فتح الدرج وهو معصب وخطف الورقه... ورؤى تصارخ عليه ., وفارس وحنين يتفرجوا مستغربين..
رائد:
ــ هههههههههههههه .. ولوويش خاشتنها تحت البطانيه..
ــ اصلا ما ادلي بها من داك اليوم ضاعت لحنا بيت جدي بسلعه ولا دليت وين لاحت.. وهي اندعست في منامي..
رائد يكفسها :
ــ ماليها داعي الحين ..
رؤى :
ــ لااااااااااااااااااااااء..
وتخطفها من ايده وهي تعدلها..:
ــ بكلة اذا كبلنا تدكلك بفعايلك فيني يوم كنا صغال..
ــ خخخ والله ما عندش سالفه..

حنين وفارس يطالعوا في بعض مهم فاهمين ويش السالفه..
رائد:
ــ يللا ابو الفوارس.. ويش العدة اللي تبغاها للتصليح..
ــ بس مطرقه..
رائد راح لأمه:
ــ امااه .. وين المطرقه..؟؟
ــ يؤه .. حق ويش..
ــ بنصلح السرير..
ــ خلوه .. ابوك يصلحه تالي..
ــ لا بنصلحه انا وفارس,,
ام حسين:
ــ على عمري فارس ما يقدر يشوف شي منكسر لو مخترب وما يحط ايده فيه.. خليهم زهرا .. لا تخافي فارس شاطر..
زهراء:
ــ لا بس اني قلت لا يتعب عمره لو يصيبه شي من ضرب المطرقه..
ــ لا ان شالله ما يصيبهم شر.. ودام انه اشتهى ..جربوه عن افاده..
زهرا ابتسمت:
ــ وليش لا.. رائدي .. المطرقه في الصندوق في الدولاب اللي على يمين الثلاجه .. خذها وانتبوا لعمركم لا تضربوا اياديكم الله الله بروحكم..

عشر دقايق وقام الطق..
طراخ .. طراخ.. طرخ.. طرااخ .. طرخ..
ورؤى وحنين كالعاده مع الطق ما شغلتهم الا صفقه ورقصه ودق رقاب << يصلحوا يسووا فرقة .. خخ
رائد يتمسخر عليهم وقاعد يتفرج على فارس اللي ينجز المهمه.. << شقال قال باعونك ..

خلصوا تصليحه .. وعدلت حنين ورؤى المنام..
فارس
ــ يللا جربوا يطيح لو لا..
رؤى انربشت وقامت تناقز عليه.. نقزه نقزتين ثلاث الا هو .. طراااخ مره ثانيه..
فارس :
ــ لااااااااااااااااااااا..
رائد:
ــ ههههههههههههه قايل لش فيله... وبعدين تجربي جربي القعده النومه .. لويش تناقزي .. هههههههههههه
رؤى حمقت .. وقامت وهي منقهره:
ــ اني ماني فيله.. وماليكم شغل خلاص لا تعدلوه ما احد قال ليكم .. خلوه يعدله ابوي عدل..
فارس جت له حالة احباط,, ساعه يطقطق .. وتالي تناقز وتشلخه ولا بعد مو عاجبنها الوضع.. وخلوه وما احد طلب منكم بدل كلمه شكرا .. يعطيك العافيه...
فارس:
ــ رائد مشينا غرفتك
رائد حس على فارس من نبرته انه تضايق..
ــ يللا مشينا...

حنين صارت تعاتب في رؤى:
ــ الحين بدل لا تشكريه تقولي ما احد طلب منك...
رؤى حاسه بتأنيب الضمير بس من النوع اللي ما تبين هالشي وتظهر عكس ما تخفي:
ــ ما احد قال له .. ويولي .. اصلا ما اطيقه.. هادي تاني مله اشوفه.. وهو من اتكلم كله يضحك على كلامي من حلاته هوو..
ــ يمكن ما يضحك عليش.. ويش فيش..
ــ لا تدافعي عنه ولا تطليه والا فالقي لوحي ليهم وخليني.. تهي تهي
ــ بل بل.. تبغي اقل حاجه حق تصيحي..

تابع >>

[Princess]

بعد شهرين ...


ــ امااااه .. زهقت واني ضامه ايدي.. متى اغسلها..
ــ اذا تبغيه برتقالي وعع.. ومو حليو قومي غسليها.. حلاته احمرر ..
ــ افففف اني قلت لش ما ابغى .. ويش هاادي بقعه حملا.. لازم حنى..
ــ رؤووه.. عرس بنت خالتش زنووب ولازم تصيري حليوه كل البنات بيتحنوا الا انتين .. ما يصير شوفي حنين اكي ساكته..
ــ الا مفهيه شوفيها فتحت بوزها من التعب .. زهقت.. مو لازم هالبقعه من حلاتها ..
ــ رؤووه لا تقعدي تحني على راسي .. وسكتي...
شويات نشف الحنى .. وقاموا غسلوا.. ووقفوا قدام المرايا يستهبلوا.. فردوا اياديهم.. وصاروا يلوحوا بهم كنهم يودعوا باي باي .. هلا هلا هلا ..
حنين بنبرة تلحين كنها تغني :
ــ حنااي غمق.. احسن منش.. يعني يحبني ريلي..
ــ هههههههه .. ليلش في عينش .. مين اللي قال لش..
حنين تكمل بنفس النغمه:
ــ من قول امي.. اذا غمق حناش.. يعني يحبششش... واللي ما يغمق ما يحبهاااا..
ــ هههههههه واني اقول مفهيه وساكته .. و لا تكلمتي.. عشاان يغمق .. حق يحبش ليلش.. ههههههه خبله حنينووه وما تستحي..
حنين عدلت صوتها :
ـ اهووو انتين كل حاجه ما تستحي...




وبعد يومين ...


جت ليلة الزفه...
حنين متكشخه لابسه ثوب نعووم ,, ورؤى بحكم ان زينب بنت خالتها فلبست ثوب مفرفش ابيض ومستانسه به.. قاعده تدور وفرحانه بالثوب وهو يكبر مع دورانها..


زهرا ومريم يحطوا ليهم روج وكحله عند المرايا ويتعدلوا << قبل 10 سنين كل شي بسيط تعديل في البيت والعرس في البيت كل شي عادي..


ــ امااه اني ما ابغى حنى.. بس حطيتي لي .. اني ابغى حاجه حملا في مكان تاني..حطيها لي..
زهرا:
ــ وين يعني..
رؤى مدت برطمها :
ــ بلطمي..
ــ تبغي الطمش عليه .. عيييب البنيات ما يحطوا << رحم الله ايام لول خخ يوم كنا صغار.. عظيمه وقوويه اذا بنت مهي متزوجه حطت خخخ..
رؤى مدت برطمها حمسانه:
ــ لاااا.. هونت خلاص ...
ــ لا عاد اني اللي باحط لش عشان هونتي ..



حنين ساكته وسرحانه و شوي فتحت عيونها << حركه واحد لقى فكره جهنميه ومستعد لطرحها..
رؤى بتملل وحمسانه :
ــ قولي .. ويش عندش
حنين :
ــ بسم الله الرحمن الرحيم .. جنيه ويش دراش اني باقول حاجه..
رؤى ترفع حواجبها بخبث:
ــ دلـــيـــــــــــــــــــــــت.. قووولي..
ــ ههههههه .. زين ... عندكم فيمتو..؟؟
ــ فيمتو ؟؟ اللي يشلبوه ..؟؟
ــ لا اللي يتسبحوا به.. ايه عصير.. ويش فيش مفهيه..
ــ لااا بس توش شالبة عصيل بلتقال .. مسلع عطشتي وتبغي فيمتو..
ــ بــــــــــــــل رؤوووه بخيله يصقععععششش..
رؤى حمقت :
ــ مااني بخيله انتين اللي ما تشبعي يا دينصووله..
ــ دينصووره انتين .. جزاتي ابغى اسوي براطمش حمراا..
رؤى فتحت عيونها ..
ــ صدق ؟؟ كيفااا..
ــ امشي وياي المطبخ واعلمش..
راحوا المطبخ.. طلعت رؤى غرشة الفيمتو... صبت حنينوه قطرة في كاس.. وغمست صبعها.. ومدته على برطم رؤى..
رؤى:
ــ وييييع .. لا تقولي امص صبعش.. ما ابغى فيمتوو كذاا اني .. صبي فيه مااي ..
ــ خبله انتين اذا سويته عصير بتشربيه ويصير لش براطم حمرا وشنب .. ما نبغى الشنب نبغى بس البرطم.. اسكتي بس .. ما قلت لش مصيه.. ابمسحه على برطمش مالش شغل..
وتصير حنين تمسح برطم رؤى .. مره ومرتين بالفيمتو المركز.. وبالغلط طاحت
نقطتين فيمتو على الثوب الأبيض..
رؤى :
ــ ااااااااااااااااااااه... لا لا لا
وراحت تغسلهم بسرعه ... وللأسف انتشروا وصارت بقعتين ورديتين كبيرتين..
رؤى غرقت عيونها دموع... وتسندت على كبت المطبخ..
ــ تهي تهي.. مالت عليش وعلى فكلتش.. اختلب ثوبي.. تهي تهي
حنين مفهيه .. ماده صبعها واثر الفيمتو عليه .. وواقفه تطالع الموقف ...
ــ اسفه ما كنت اقصد..
ــ الحين امي بتعصب ويش اسوي.. تهي تهي..


راحت حنين لزهرا.. و بخووف وارتباك وتردد علمتها بالفعله العظيمه.. مريم انقهرت من حنين ومصعتها من اذونها وصرخت عليها..


اما زهراا توجهت للمطبخ لترى نتيجة الفعله... ويال هووول المفاجأة ووقعها على زهراا.. ابنتها وااقفه وتفرك ثوبها بصابون غسيل الصحون.. تريد البقعه الورديه ان تتلاشى << احم كحح اميرووة كنش قلبتي اللهجه ..
خخ باااك..
زهراا عصبت ..
ــ رؤوووووووه...
وراحت تركض ليها .. وضربتها على ظهرها على خفيف.. << ما يطاوعها قلبها بالقوه..
بس رؤى مهي معوده الا على الدل والدلال وتجيها صرخه وضربه :
ــ تهي تهي .. ما ندلي طاحت نقطتين .. اختلب ثوبي تهي تهي..
زهراا كسرت خاطرها بنتها.. بس ويش تسوي.. ان غسلته الحين ما بيمديه ينشف ..
جت ليها مريم..
ــ ويش بيدي عليش .. على عمري كل من هالنحيسه حنينوه .. اني لو عندي ليها ثوب ابيض كان جبته .. انا لله ويش بتسوي..
زهرا ترفع كتوفها وهي ماليها خلق:
ــ ما ادري والله.. شكلي بطلع ليها أي لبسه ناعمه وخلاص .. ما بيمديه ينشف وحتى لو نشف هذا مفرفش يبغى له حوسه وكواي واحنا مستعجلين.. حسبي الله على بليسكم من بنات..


راحت زهرا ودبرت لرؤى لبسه ناعمه.. لبست رؤى وهي مادة البرطم وعيونها حمرا .. مقهوره الحين كل البنات هناك .. متكشخين وعرايس الا هي.. << تعرفوا غيرة البنيات ما يحبوا يصير احد احلى واحسن منهم خخ


وطلعوا متوجهين لبيت ابو كرار .. لأنه واسع فبيصير فيه العرس...
وصلوا.. ودخلوا


زهراا شافت وحده وصرخت من الفرحه يوم شافتها لأنها ما توقعتها تجي .. وراحت ركض ليها وبالأحضاان ...


والى اللقاء بالحلقه القادمه.. :cool:

[كبرياء]

تسلمي خيتو
وبانتظاار الجديد

[..انين الروح..]

قصه رائعه من كاتبه اروع
مشكوره حبيبتي الله يعطيش العافيه
وبنتظار الاثاره والتشويق
تحياتي
رهوفه التوفه

[الأمل البعيد]

حلقة رائعة بس لويش وقفتي وقت الحماس اف كمليها
منهي المرة لحضنتها
ياعلي كل تشوقينا اهئ اهئ
مشكورة ع القصة الروعة
جاري الأنتظار >>>

[ســحرالقوافي]

حلقة عحيبه

بس مسكين فااارس كسر خاطري


جزات الخير سواد الوجه


ودكرتيني بايام لجنون مع اني ما سويتها بس الي حولي سواها


الاسكريم الاحمر والحلاوه والفيمتو عشااان بس الروج


خخخخخخخخخخخ




جااااري الانتظار






دمتـــــــــ بود

[فرح]

يسلموو امــــــــــوووره
يعطيك العاافيه
جـــــــــااااري الانتظااااار :wacko:

[همسه]

:rolleyes:يسلموووووووووووو
شاطره في القصص توقف عند الأحداث المثيره
جاااااااااااااااااري الأنتظار :cool:

[الحال2007مه]

خخخخخخخخخخخخخخخخخخخ دكرتيني بايام لول كل شي عيب اجل احين اتحداش تفرقي بين
اللي مومتزوجه واللي متزوجه لاوفي متزوجات يستحوا اكثر من اللي مومتزوجين
تسلم ايدش ولا تتاخري واجد

[Princess]

يسلمووو جميعا على التفاعل الأكثر من روعه

اعذروني البارح على التقصير
بس صارت مشكله بجهازي .. طق مخه وما رضى يشبك واير لس..
وما عندي واير عادي.. اليوم عدلته.. وليكم الحين جزء البارحه.. وجزءالليله احطه الليله او الفجريه على خير

تفضلوا .. :)

[Princess]

زهرا:
ــ هـــــــــــــــــدىىىى ..
هدى:
ــ بعد عمري زهرااا..
ويتحاضنوا بلهفة وشووق..
زهرا:
ــ الله يقطع شرش.. تقولي منتين جايه منتظر ما عنده اجازه,,
ــ ويش اسوي في حميش.. تعرفيه يحب المفاجئات.. اخبارش خيتي .. واحشيني عدل انتين وتهانيووه..
ــ والله انتين واحشتنا اكثر... لا تقولي ما بتطولي
ــ اااخخ.. أي والله زين قدر ياخذ له اجازه اسبوع.. والله لخاطر اختي وبنتها .. والا مهم راضيين..
ــ حسبي الله عليهم.. ما يحسوا.. كفايه مودينكم جده.. اااخر الدنيا.. الله يعينش غناتي..
ــ الله يعين.. ويش اخباركم ... واخبار اولادش ..
ــ الحمدلله.. بخير الله يخليش اخبار مرام.. القمر.. اجل مشت الحلوه..
ــ الحمدلله كبرت ومشت.. سنتين صار ليها ..
ــ الله يخليها ليكم وما يحرمكم منها

هدى.. شبيهة امها المرحومه .. اكثر بنات ابو كرار صبر .. واكثرهم ضبط لنفسها وقت الغضب.. مع انها اصغرهم.. تحملت اشيا وايد.. يوم تتوفى ام كرار كانت هدى بالكليه.. تأزمت نفسيتها وما كملت.. وتالي خطبها حمي زهرا .. منتظر .. منتظر انسان حباب.. خدوم.. وطيب بزياده.. والكثير يستغلوا طيبته وحسن نواياه.. لدرجه انه يقدم راحة غيره على راحته.. يتنازل عن اجازاته لأجل زميل بالعمل محتاج لأجازه .. فيقضي شغل غيره .. طيييب بزياده.. الله انعم عليه بهدى.. اللي كانت تصبر على الغربه .. ولا تعارضه على فعل الخير.. مرام ملت عليهم الدنيا فرحة وبهجه وهي املهم الوحيد.. هدى بعد سنه من ولادتها .. اكتشفوا بداية ورم خبيث يا دافع البلا في رحمها.. فأجرت له عمليه..

لا اله الا الله.. زهراا كان الأمل ضعيف والله حقق مناها.. هدى فقدت الأمل وما عندها الا شمعه وحده تنور حياتها .. مرام...

اللي يشوف هدى يقول هي اكبر خواتها من ملامحها الذابله واللي اكساها الزمن شحوب شديد..

ــ رؤوووى يا حلووه.. ويش هالحيااا.. ابدا مافي سلام لخالة هداووي..
رؤى بحيا مدت ايدها:
ــ قوه خاله..
ــ يقوويش غناتي.. كبرتي وصرتي عروس..
رؤى تلون وجهها واكتفت بإبتسامه..
زهرا:
ــ الا وين هي مرام..
ــ نايمه .. ما نامت في السياره على عمري خلعوها قروود الطايف مرينا مناك وشافتهم وقعدت تصيح.. كل مره انيمها بالطريق هالمره عاندتني.. ويوم وصلنا سبحتها وداخت على عمري بس لا تتحلم ..
ــ وي على عمري خلعوها .. ومتى وصلتوا....؟؟
ــ من ساعتين على ما بدلنا وجهزنا..
ــ يـــاعلي من طلعتكم الفجر .. الله يعينكم حتى ما ريحتوا ويلي ..
ــ يللا هي ليله وتقضي على خير ان شالله..
ــ على خير..

متباركين عرس الأثنين ليلة ربيع ليلة قمراا
واللي جمع بين قلبين الله يطول في عمره..

حنين ورؤى طبعا فالينها فل وما يحتاج وصفهم... بس رؤى متضايقه شوي على فستانها .. ومع الطق والهيصه تحاول تنسي روحها شويات..

كللووووش جابوا العرووس.. ويللا عاد اليهال زحمه عليها الكل يبغى يصور وياها << خخ مو مثل الحين الله يخلف على العروس حدها لما تدخل يطالعوها دقيقه وتالي ينسوها ويتفرجوا على البنات والخبال خخخ..


عبدالله منسدح على منامه.. ينتظر بعد ربع ساعه بيطلع من بيتهم بيروح لفارس مواعدنه بيوصل جدته للمعاريس.. وبيروح هو معاه يباركوا لزوج خالة رائد..

وبظرف دقايق غفت عينه...



ــ عبدالله ..امي.. تعال شوف هالباب.. قفله خربان..
ــ ان شالله اماه..
ويدخل عبدالله مع امه للغرفه...
ــ ويش فيه القفل...
ــ ما ادري .. قفل علي من متى ويالله فتحته.. ابغاك تصلحه لا يرجع ويقفل..
ــ امااه.. انا مشتاق لش.. قبل لا اصلحه .. احضنيني..
ــ وي على عمري تعال يا عمري ..
حضنت ام عبدالله عبدالله.. وهي تحضنه.. صووت صرير للباب.. ومن حاله تسكر.. وقفل عليهم داخل الغرفه..

انتبه عبدالله من نومه..
ــ بسم الله الرحمن الرحيم.. اللهم صلي على محمد وال محمد... خير اللهم اجعله خير..
قرى الفاتحه لأمه... وقام بيطلع بيروح لفارس وجدته... وصلهم .. وراح مع فارس لرائد.. بحسينيه في حيهم .. بيباركوا للمعاريس...


في بيت ابو كرار.. الحاله قايمه.. ام حيدر تحاول تبتسم مهي قادره.. هي لمة بناوتها واولادهم ليلة الجمعه وهي ما تقدر عليها,,, شلون معاريس..

تهاني مطنشتنها ومهي داقه ليها خبر.. بيت ابووها وهي حره دام ابوها اللي فتحه ليها ولبنتها .. خلاص تنطق ام حيدر وعشرة من امثالها ..

ام حيدر تطالع في اليهال وهم يلعبوا.. وطالعين وداخلين .. بالها بال الفرش ويش ينظفه الحين..

وبين ما الطق قايم.. والناس تهني وتبارك.. كانت هدى مع زهراء في زاويه من الغرفه.. زهراء تحب هدى ومشتاقه ليها .. ونفس الشي هدى.. فسوالف ومره رايحين فيها وناسين ختهم تهاني في المعمعه ..


تابع>>

[Princess]

جتهم تهاني معصبه..
ــ حلاتكم .. بدل لا تعانوني قوموا جيبوا ضيفه للمعازيم ووزعوا المرطبات .. والفاكهه بنحط العشا..
زهراء:
ــ ويي على عمري تهوونه نسينا لهينا بالسوالف يللا جايين وراش للمطبخ..
ــ ايه حركوا.. خلكم وياي ..
وتغمز بعيونها على جنب وهي تساسرهم..
ــ لا تخلوني لحالي وياي ام حيدر تعاون وهي تحن وتهدر عورت راسي .. اذا قمتواباقول ليها ترتاح.. كان ارتاح من حنتها .. كفايه بعد برطمها الممدود
على هالحووسه الصايرة في بيتها..
هدى :
ــ هههههههههههههه .. ياعلي تهاني.. بعدش على هالحال وياها..
تهاني تغمز لهدى وتشبر بيدها .. حركوا قوموا..
قاموا هدى وزهرا يعونوا تهاني... وقعدت ام حيدر .. و فبالها :
ــ ما بغوا يقوموا .. فكه .. استرحت ..

وبين ما هم يحوسوا.. جت رؤى تركض لخالتها هدى :
ــ خاالتي الحقي .. ملام قعدت وتصيح .. وام حيدل معصبه وتصالخ عليها ..
زهراء :
ــ وي..,و لويش تصارخ عليها..؟؟
رؤى :
ــ ما ادلي بس الظاهل ملام بالت في ثيابها...
هدى دقت صدرها :
ــ وي على عمري من الخلعه .. ما قصروا عليها هالقرود..
وراحت تركض لبنتها .. وراحت وياها زهرا...
وتهاني واقفه حامل كرتون الموز .. وتطالع في رؤى.. وهي تضحك..
ــ انا لله.. الله يعين .. بتقوم حرب الحين..
رؤى :
ــ ياااي بلووح اشوووفهم..
تهاني :
ــ غربلش الله من فتينه..



هدى :
ــ لويش تصارخي عليها.. ياهله ما تفهم.. غصبن عليها..
مرام حاضنه امها وترتجف المسكينه...
ام حيدر :
ــ دام انها ياهله وما تفهم.. لويش ما تلبسيها حفاظ .. شوفي هالحاله..
ــ بنتي شاطره من يوم عمرها سنه ونص شلته وتعلمت.. بس من الخلعه سوتها غصبن عليها.. تلاقيها حلمانه .. حرام عليش..
ــ من الخلعه لويش .. اني اللي خلعتها بصراخي.. هي سوتها قبل لا اصارخ.. لا تتحججي لي...
ــ من القروود...
ــ أي قروود .. اني الحين ما فيني شدة عوار راس وحاله.. بسرعه نظفي هالبلوى..
ــ اني ما قلت لش نظفيه اني بانظفه.. ورجاء بلا صريخ..
ــ والله حاله.. يغيبوا يغيبوا .. وما يعودوا الا ببلاوي.. الله يعين بس ..


زهراء تدخلت..
ــ بلاوي ويش .. اختي تعبانه وتوها جايه من جده من طلعتهم من فجر الله ..
وبنتها مختلعه.. ويش فيش انتين..
ــ يللا عاد نطقت محامي الدفاع.. اني بروح اقعد والمكان يتنظف.. سامعين..


هدى انقهرت.. راحت بتنظف المكان.. زهراء مسكت ايدها تهديها..

ــ مشكوورة خيه .. ما تقصري...


وانتهى العرس على خير .. وزفوا زينب على ريلها.. وتهاني دموعها اربع اربع,, بنيتها الوحيده.. وزهرا وهدى صياح وياها وكلما تذكروا انه ممكني يجي يوم ويصيروا رؤى ومرام بالموقف زادوا بصياحهم..

نظفوا بيت ام حيدر زين ما زين لا تحجج.. وكل راح لبيته... هدى حمدت ربها عند ريلها في بيت اهله غرفة يباتو فيها لا تضطر تبات في بيت ابوها وتقابل ام حيدرووه ..

ومرت الأيام .. تسابق بعضها.. عبدالله ورائد وفارس دوم ويا بعض.. عبدالله حبهم وتعود عليهم.. وهم حبوه وتعلقوا فيه...

وفي احد الخميسات.. وفارس بسوق الخميس كعادته.. ورائد معاه مبسط ..
عبدالله تركهم شوي راح يشتري غرض لأبوه...

الا بجية امين.. وعلي.. مقبلين من بعيد..
فارس من شافهم يبس ريقه.. وقام يتأتأ لرائد:
ــ هم.. هم..
رائد مستغرب :
ــ مين هم..؟؟
ــ اللي... طقوني .. داك.. اليوم
رائد فتح عيونه:
ــ مييين...؟؟
فارس اشر عليهم ...
رائد اختلع :
ــ هااديلااا ؟؟
ــ أيــــــه.. هم اللي طقوني وربطوني ووصلوني لأبو مصيبه..
راائد:
ــ متأكد معاهم هادااا..؟؟؟ << يقصد علي..
ــ أيــــه...
ــ يا ويلاااه..
ــ ويش فيك .. لويش..تعرفهم..
ــ ايه واحد ولد جيرانا.. والثاني ..ااا
ــ الثاني مين..
ــ ولد عمي..
ــ هااااه.. احلف
ــ ولويش اشلخ
فارس سكت مو عارف ويش يقول ..
رائد حس بصخونه.. ونار في قلبه.. ولد عمي ويسوي هالفاعيل << في ظنة باله بس طق.. شلون لو يدري ويفهم الأشيا الثانيه اللي صارت..


علي:
ــ اووه ولد العم هنا . هلاااا... رائدوه ويش تسوي..
رائد مو مشتهي يطالع يطالع في وجهه..
امين:
ــ انا كني اعرف هالصبي.. هيه انت اللـي...
رائد يقاطعه وبحده:
ــ ضربتني برصاص ذاك اليوم..
امين:
ــ والله زين اجل ما تخونك الذاكره <<< شلوون تخونه وهو اللي خرب سيارته خخ ما يدري امين بعده مفكر من عبدالله..
رائد عطاهم نظره .. وكفخ وجهه
امين:
ــ بعد بعد.. ويعرف يطالع بنظرات..
ومد ايده على خد رائد عن مسخره:
ــ حبيبي مو ناقصني الا ياهل .. زيك..
رائد طق ايد امين.. ورفع بلوزته ومسح خده مكان اللمس..
امين :
ــ بعـــــــــــــــــد.. عدال .. والله انك خطير..
علي ميت من الضحك على امين وولد عمه..
فارس بلا شعور ضم رائد اله وبنبرة خوف:
ــ ويش تبغوا فينا .. وخروا عنا..
رائد مستغرب ليش هالخوف كله..!!!

شوي جاهم عبدالله ومن شاف امين وعلي .. هجم هجووم..
ــ ويش عندكم خير ويش تبغوا فيهم..
امين:
ــ مـــــــــــاااالك شغل .. عبدووه وخر بعيد لا تتدخل في اللي مالك خص فيه لا يجيك شي ما يسرك..
عبدالله حمق :
ــ نعـــــم...
شوي الا جوال امين يدق .. رد عليه .. طلع ابو مصيبه.. ويوم درى انهم بالسوق وان عبدالله معاهم.. طلب من امين يعطي عبدالله الجوال بيكلمه..
عبدالله:
ــ ما بيني وبينه أي كلام..
امين رد على ابو مصيبة كلام عبدالله ..
ابو مصيبة طلب من امين يحط الميكرفون..
ابو مصيبه:
ــ اسمع يا عبدووه.. يا جبان.. اذا فيك وفي امك وفي طوايفك كل ابوها خييير.. تعال لي المزرعه .. يا..... يا.... ... والله ما تجي منت رجال تخساا ..
عبدالله شب حريقه... ويش يقول هذا...؟؟؟؟!!!
قال لفارس ورائد ينتظروه بالسوق .. بيروح وبيرجع..
فارس صار يترجى عبدالله يهدي ويحقره.. وعبدالله محمق:
ــ لااااااا ما سمعته ويش يقول .. مستحيييييل اخليه واعديها...
رائد وده يروح معاه بس عبدالله مو راضي ..
ــ رائد ابقى هنا مع فارس انا برجع ليكم...

فارس خايف ... رائد مو قادر ميت على الروحه..
عبدالله قبل لا يركب سيارته.. طالع في رائد وفارس .. ابتسم... :
ــ لا تخافوا.. وانتبهوا لنفسكم,,, مع السلامه..

رائد وفارس بلا وعي مسكوا كفوف بعض.. وابتسموا:
ــ مع السلامه...


وصل عبدالله المزرعه.. دخل ولقى ابو مصيبه رايح فيها ومهو في وعيه...

ــ خير ويش تبغى فيني..
ابو مصيبة:
ــ والله خاطري العب فيك..
ــ نعم.. احترم نفسك.. انت اللي مو رجال .. احترم سنك..
ــ ههههههاااااي.. انت اللي بتعلمني كيف تكون الرجوله ..كخ بس كخ.. وانت مخاوي يهااال..
ــ يهاال عقلهم احسن من عقل مليون من امثالك..تفكيرهم طاهر برئ عفووين تتشرف وترتاح بمجالستهم..
ــ ههاااااي يا عيني عالطهر .. اسكت بس لا انسيك الحين معنى الطهر .. لا قسما بالله لـ............
عبدالله ارتجت تحت رجوله الأرض .. رجعه هالقسم لماساته.. نفس القسم صار يتردد صداه في اذونه .. في الصندقه وهو يصيح ويصارخ:
ــ بتسكت لا تفضحنا لا قسما بالله لـ ......
بلا شعور هجم على ابو مصيبه اللي كان ابدا مو في وعيه .. وطاح فيه ضرب ,,
امين وعلي يتفرجوا .. مستحيل يتدخلو..
ابو مصيبه صار يدافع عن عمره ..
وبسرعه مهي متوقعه ووعي مفقوود للغايه .. طلع سكين من جيبه .. و ضرب عبدالله...


الى اللقااء بالجزء الجديد :rolleyes:

[ســحرالقوافي]

يا علي يا علي

مسكين عبووووود


لا تقولي صابه شي خطير


اميروووه



ترى هو الي محل القصه





تسلم يدك جزء حلوو

والله يخلي جهازك ويعطيه الصحه والعافية

خخخخخخخخخخخ


دمتـــ بود

[فرح]

ياااااارب
اميره
لاتقولين ان اصابته عبد الله قويه:wacko: وخطيره
دليل انه شاف امه في الحلم
جـــــــــااااري الانتظاااار على شـــــــوووق

[كبرياء]

يسلمو خيتو اميره وبانتظاار الجديد

[آخر شقآوهـ ..~]

ياااااااااااااااااااااي شفاري وناسه
فاتتني حلقتين جخه والله يبغى لينا مره فانيه نسويهم عشر
نيههههههههههههههههاي
ماني عارفه اعلق من الوناسه
بكتفي بــ
شوكرن خيووه ع الحلقتين
يعطيش ربي العافيه
توحياتي
ضحكوه البطه

[الأمل البعيد]

ياعلي ياعلي ياساتر
لاتقولي اصابة خطيرة ارجوك مو حليوة القصة بدونه
مشكورة القصة تجنن والله يخلي لك جهازك خخخخخ عشان تكتبي لينا كل الأجزاء
وناسة بس هالجزء يخوف يمه
سي يو

[آهات عاشقه]

ياعلي

ويلي على عبد الله

وابو مصيبه الله يلعنه واصلا شكله هو نفسه

الي صار بينه وبين عبد الله الموقف الي في الصندقه

وزي مايقولون ابو طبيع مايجوز عن طبعه

الله يحرق قلبه ان شاء الله هالنحيس >> مي قادره متأثره بالقصه وومنقهره مررره


تسلمي غناتي

والله يعطيش الف عافيه

دمتي لنا

[الأمل البعيد]

اي والله شكله هو ابومصيبة الالي صار بينه وبين عبد الله الموقف الي في الصندقه
حرام اخيرة ابو مصيبة الموت هالنحيس حرق قلبي
كأن القصة حقيقية

[ام الحلوين]

الله يحفظش يابعد عمري ويعمي الله عنش اعيون الشياطين يارب

http://omeldonia.com/adminupload/E_Card/big/b_86.gif

[الأمل البعيد]

جاري انتظار القصة >>>

[Princess]

هههههه يسلموو عالتفاعل
ويسلموو الجاري الإنتظار
ويلي .. وربي كل ليله لعيونكم اكرف كرف في هالقصه
حتى افتقدني المنتدى صايره قليل اقعد فيه

تفضلوا الجزء الجديد
ونسألكم الدعاء

[Princess]

ــ اذا الأقدار خذت منا حبايبنا.. نردد ااه.. يا قسمتنا والنصيب
واذا العين تعبت من مدامعنا.. نعاتبها يستاهل دمعش الحبيب
صعب ننسى ونبعد وان تجاهلنا.. ترد الذكرى ترجعنا قريب
وما نملك الا االصبر والله يساعدنا.. هو الشافي للهم والطبيب

2005
مع صوت تلاطم الأمواج.. رائد ينشد هالإنشوده.. ممزوجه بالأهات...
فارس واقف بجنبه ومحوطنه بذراعه .. وسرحانين مع العمق الأزرق..

يرجع بهم الزمن تسع سنوات ورى.. يتذكروا .. كيف صاروا ينتظروا حبيبهم وصديقهم واخوهم الكبير.. كيف الخوف اكل قلبهم يوم عدى النهار ولا رجع.. يتذكروا لهفتهم ودموعهم اللي ذرفوها بحراره وهم يسمعوا خبر الرحيل..
خبر رحيل عديل الروح.. عبدالله..

اوقات كانت صعبه ومره.. عبدالله ذاك الإنسان الرائع اللي مخبي ورا ابتسامته قصة حزن دفينه .. تعب فضول رائد يبغى يعرفها ولا قدر.. عبدالله اللي تمثلت فيه كل الصفات الحلوه .. من مرؤة واخلاق وشهامه قليله ممن كانوا في سنه..

بعد ما رحل .. خلف وراه هموم واحزان...

ابو عبدالله راح لواحد من اولاد اخوه يحبه ويزوره وايد.. يوم درى به صار وحداني .. ترجاه يعيش وياه..
علي وامين انسجنوا فتره من الزمن .. بتهمة تعاطي خمور ..
وابو مصيبه اعدموه ..
رائد كان بوده هو اللي يعدمه.. هو اللي يفنيه .. سلب منه اغلى انسان.. الإنسان الوحيد اللي علمه اشيا كثيره بالحياه.. واولها الصبر على فقد الأحباب..

يتذكر وهو واقف ورا الزجاج.. ينظر لعبدالله الطريح على فراش الموت.. ينازع سكراته لحظه بلحظه.. يتذكر دمعاته المنسكبه.. يتذكر كيف كان مع فارس مثل جسد واحد يحاتي فقد الروح.. اللي سلمت امرها لله وودعت..

طبق عبدالله اجفانه.. وطارت طيور السعاده من اعشاش الطفلين.. ودعتهم هاجرتهم فرقا بدون رجعه..

رائد ارتمى على عبدالله وفارس بجنبه.. مسكوه ثنينهم .. لا ااا.. لا يروح.. كل شي الا الفراق .. هذا اخونا ..

يتذكروا لحظاتهم معاه.. ايامهم الحلوه .. الحوادث اللي صابتهم.. كل ذكرى يتردد وراها صدى الأاااه..

كان هاليوم يوم ذكرى رحيله.. تعودوا رائد وفارس اللي ما فارقوا بعضهم من بعد رحيل روحهم.. وظلوا جسد واحد.. كل واحد فيهم يعد الثاني روحه.. وطيف عبدالله ما فارقهم ولا لحظه...

نفس المكان اللي قعد فيه عبدالله مع رائد.. رائد يطالع بحسره مكان الكرسي اللي كان محفور عليه اسم عبدالله ومهند.. حتى الكرسي ودع.. واستبدلته البلديه بكراسي جديده..

رمى نفسه على بديل كرسي اعز ناسه.. بس هالمره حفر عليه هو بنفسه.. اسمه واسم فارس وبينهم اسم عبدالله .. تسند ورفع راسه للسما ...

ــ ااه.. رحمة الله عليك يا اخونا...

فارس بعده واقف يتأمل البحر .. يحس وده يصرخ.. الدنيا تغيرت والحال صعب.. اعز ناسه امه وتركته من صغره .. ويتبعها اخوه ورفيق عمره .. يحس انه هو السبب.. يحس عبدالله راح فداه.. مسك فارس راسه بكفينه وهو ضاغط عليه..
مسح بأصابع شعره.. وذرف دموعه .. ما مسحها تركها توصل لشفافه تذوق ملوحتها وحس بحرارة الفرقا... ومزود همه جدته الغاليه ام حسين.. مرضت وصابها خرف .. صارت ما تقدر تتحرك مثل لول .. وصار هو المتكفل فيها وبرعايتها.. خايف في أي لحظه يصحى الصباح وما يلقاها..

تعب من الم الفراق .. وبكل لحظه يتمنى شبح الموت يخطفه مع احبابه..
ــ ااااه.. استغفر الله ياربي ..
مسح دموعه .. وتوجه لرائد .. جلس بجنبه.. رائد وهو مغمض:
ــ سنيييين مرت .. وعدت.. وذكراه في القلب .. والله لأخر لحظه في حياتي ما انسى ذكرى هاليوم..
فارس:
ــ أيـــــه يا خوي.. الله يرحمك.. في قلبنا عايش .. عبدالله ما مات..
رائد التفت لفارس.. صار يتأمله.. وهو مبتسم.. يحسه جزء منه...


فارس ساعتها عمره 21 سنه تخرج من الثانويه وما جاب نسبه من الضغط والهم اللي عايشنه وقاعد يدور على وظيفه ... ورائد 18 سنه بثالث ثانوي .. سنين عدت بسرعه ما تلحق ومضت في طرفة عين...
رائد:
ــ اليوم بيرجع عمي سراج من استراليا ..
ــ ايه عمك اللي سافر يدرس بعثه من سنين .. ويش يسوي هناك..
ــ والله تزوج لبنانيه كانت تدرس وياه واشتغل هناك.. وظل عيشته هناك.. بس شي .. سمعت ابوي يقول ولده عمره 7 سنوات ويتكلم لبناني زي امه وانجليزي
ــ افااا ما يعرف قطيفي ..
ــ هههههههه أي والله افااا.. حلاته اذا جا اقول له .. دخلك رمزي ما بدك تلعب معي..
ــ بفففف هههههههه ورمزي بعد..
رائد يبتسم بمسخره..
ــ اللبنانيه حابه رمزي ...
ــ عجيييب قليل بالقطيف رمزي .. هذا اذا في..خخخ
ــ ههههه وربي مو راكب .. رمزي سراج.. ما ادري كيفا صاير .. اهوو على كيفهم ..
ــ أي والله منت خسران شي..

ظلوا عالبحر يسولفوا ويتذكروا ايامهم الخوالي مع عبدالله.. هاليوم يوم ذكرى الفرقا وكل سنه ما ينسوه...


ــ امااااه ابغى الوح الكوافيل <<<< 18 سنه عمرها وللحين رائها الحلوه..
ــ لويش الكوافير...
ــ شوفي حواجبي حشيش تخووف..
ــ والله ما عندش سالفه.. صايرين خيووط.. رحم الله ايامنا كانت البنيه ما تحف الا اذا عرست..
ــ اماااه لول انتون غيل.. الحين يتلعبوا علي اذا حواجبي كذا الأسبوع الجاي حفلة التخلج ماني ابغى اصيل نظيفه...
وتمد برطمها شبر وهي تتمسخر:
ــ صايله كني لائد بهم.. بس لائد وجهه شوي يبين انه صبي من اثل الحلاقه..
ــ زين رجعة اخوش من برى خليه يوصلش..
ــ ولويش مو ابوي..
ــ ابوش بيرجع من العمل تعبان.. واخوش ما وراه لا شغله ولا عمله .. قاهرني وحارق قلبي بدل لا يقابل كتبه السنه اخر سنه له..
ــ يقول يداكل خلاص لا تحلقي قلبش .. عقلة في لاسه يعلف خلاصه..
ــ أي والله بس لا يخلص علينا هو... وراه مستقبل بيفتح بيت .. ويلي كل ليلة اني واي ابوش نحاتي فيه .. ويش بنسوي اذا ما جاب مجموع..
ــ لا ان شالله بيجيب.. اعلفه اني اخوي شاطل.. صدقيني احيانا ما اعلف مسائل في اللياضيات يعلمني اياهم..
ــ يالله ياكريم يوفقكم وينجحكم .. ويبرد قلبنا بكم..
ــ يالله يا كريم .. يعني انتظل لائدوه لين يجي ...
ــ اليوم بيجي عمش سراج دريتي..
رؤى عن المرايا تحوس بحواجبها..
ــ ايه دليت..
ــ بيقبعوا وايد حووس بتروحي الكوافير خلاص..
ــ ههههههه زين.. اماه تذكري شكله اخر مره كان ويانا ..
ــ هههههه يعني مو مره من زماان
ــ ايه والله اتخيل صال غيل..
ــ والله من زمان.. من اول ما تخرج من ثانوي.. راح يدرس .. عمش وابوش لاهيين كل في مشاغله.. لين يوم كلمهم قال وياه بالجامعه هناك لبنانيه من الجنوب .. بيتزوجها .. وتزوجها .. وتخرج واشتغل هناك.. سنين والله .. تقريبا في الثلاثينات هو الحين.. وجاب رمزي..
ــ هاا.. لمزي .. خخ .. عجييب ... لبنانيه قلت يمكن طوني .. جوني..
ــ ههههههه خبالتش قالوا لش مسيحيه .. من الجنوب شيعيه ..
ــ ويش دلاني خخ..
ــ ياعلي يا رؤى يبغى لش تقري تهتمي تتثقفي.. منتين شاطره الا بهالبشره وهالشعر .. ومخش قوطي فاضي..
ــ امااه لا تسخلي علي .. والله اعلف بس كنت امزح وياش..
ــ ههههههههههه لا تصيحي وتطب دمعتش الساكبه ادري بش تمزحي بس ابغى احرق اعصابش
رؤى ماده البرطم :
ــ ايه فكلت بعد تفكليني هبله وما اعلف شي..
ــ لا ما شالله عليش بنيتي قمر وعقل كامله مكمله والكامل الله
رؤى فردت البوز شبرين..
ــ ويي الله يخلي لي احلى ام في الدنيا..
ــ يالله يبلغني فيش يا كريم
ــ لااا.. اول شي اتخلج من الجامعه واشتغل وتالي يبلغش..
ــ اخخ منكم من بنات.. بنشووف ..

تابع >>

[Princess]

الساعه 8 الليل .. وصل سراج من استراليا استقبلوه فاضل وهادي بالمطار..
زوجته طبعا بما انها لبنانيه فما تتغطى ..

فاضل متحرج منها.. ومو عارف يتصرف وعيونه طول الوقت في الأرض حتى وجه اخوه ما شافه عدل ..

بحكم ان بيت ابوه صغير .. ويالله يكفي هادي واولاده .. قال فاضل لسراج يقعد وياهم.. لين يشوف له شقة يتأجرها لأنه خلاص قرر انه يستقر في السعوديه بحكم ولده بيروح المدرسه.. واهل مرته بالسعوديه عايشين بس بالأحساء ..
والشركه اللي يشتغل فيها ليها فرع بالسعوديه ويالله وافقوا على طلب نقله هناك

.. زهرا ما مانعت واحسه فرصه حلوه تتعرف على زوجة حميها.. ليلى ..

وصل سراج بيت اخوه.. نزلوا الشناط..
رؤى راحت لعمها :
ــ قووه عمي الحمدلله عالسلامه..
ــ هلااا رؤى الله يسلمش .. ما شاء الله صرتي مره .. كبرتي يا بنيه وحلويتي..
رؤى كالعاده الوان تلونت..
ــ هلا خالة كيف الحال
ــ اهلين رؤى.. منيحه الحمدلله .. انتي كيفيك
ــ اني الحمدلله..

رمزي يسحب عباية امه..
ــ إمي إمي .. بدي مي..

فاضل:
ــ زين حبيبي.. الحين اخلي خالتك زهرا تجيب ليكم.. بس اناديها استريحوا البيت بيتكم..

راح فاضل لزهرا تحوس بغرفتهم.. وعلمها عن وصول اخوه ..
ونزلت زهرا تستقبلهم وتسلم عليهم...

رمزي كان ولد هاادي وحليو ودبدوب.. يشبه ابوه سراج بس على بشرة امه .. ابيضاني واشقراني .. صاير لعبه حلاته..

زهرا مستخفه عليه خفيف دم..دخل قلبها.. وامه حليوه طيوبه و طشونه اللي يشوفها يقول ام 17 سنه وهي 27 سنه..
رؤى مستانسه بولد عمها .. ما خلت حلاوة ولا شوكولاته الا جابتها له ..


قعدوا في الصاله وجابت ليهم زهرا ضيفه وصاروا يسولفوا .. الا بدخله رائد..
رائد يوم شاف نعالات على الباب .. دخل وهو يتنحنح:
ــ يالله يالله.. احم..
ما سمع الا عمه سراج :
ــ هلاااااا رااائدووو..
رائد رفع حواجبه فرحان:
ــ هلااااا قرندايزر الحمدلله عالسلامه..
وبالأحضان.
>>>>
قرندايزر .. لقب كان رائد يلقب به عمه سراج.. كان يلعب معاه ايام الطفوله يشيله ويشادخ به .. وياخذ صحون البلاستك ويرميهم الصحن الدوااار وما ادري ويشوو.. خخ راحت عليه قرندايزر ..

سراج:
ــ ههههههههه والله زين ولا نسيت..
ــ ههههههه افاا لا ويش ينسيني..اخبارك .. ياعلي صرت غيير شيبت..
ــ هههههههه والله .. صرت انت رجال ما شالله .. يا الله سنين ما تلحق ..
ــ احم .. تسلم..

رائد شاف رمزي واستانس به وفي باله ..
ــ حلاته .. هووب .. دبدوب...
طبعا ما التفت لمرت عمه.. كان مستحي .. استأذنهم وركب غرفته..

وهو راكب لحقته رؤى ..
ــ لائدوه .. لائدووه..
ــ هااا .. ويش فيش..
ــ بل بل .. هااا.. يمااه.. ابغاك توصلني الكوافيل..
ــ بل بل بل .. توش داك الشهر موصلنش .. حلاوة هو كل شهر..
ــ اهوو لا تسخل.. ابغاك توصلني..
ــ تالي المغرب .. الحين انا تعبان ونعسان.. ومالي خلق.. قعديني قبل الصلاة بربع ساعه نصلي واوصلش..
رؤى مدت برطمها كالعاده:
ــ زين..

انسدح رائد على سريره.. التفت على يمينه.. صورة لعبدالله مصورنها وياه ومعاهم فارس.. شال البرواز وصار يتأمله.. ضمه لصدره .. قرى الفاتحه لعبدالله وغفت عيونه .. وناام....

ــ فارس .. لا تخليه.. خلكم دوم ويا بعض.. اذا تبغوني مرتاح..
ــ مين قال لك باخليه.. انا ما بخليه لين اموت.. انت ليش رحت وخليتنا,,
ــ انا.. انا .. رحت لأمي.. وحشتني..
ــ لااا.. يعني حتى فارس بيروح لأمه..
ــ هههههههه رائد.. اعقل.. هذا يومي .. انت بس فارس خلك دوم معاه.. الله الله به.. لا تتزاعلوا.. هو تراه يحبك.. وانا ادري بك تحبه.. ابغاكم مضرب للمثل.. انا معاكم.. لا تخافوا.. معاكم.. لا تخافوا...

الله اكبر الله اكبر .. لا الـــــــــــه الا الله .. لا الــــــــــــــه الا الله...

فتح رائد عيونه.. غرفته ظلمه.. هذا اذان المغرب .. كفخ المخده على جنب ..
ــ خبله رؤووه اقول ليها قعديني قبل اذان المغرب ..
وما مداه يقوم.. بالغلط نسى ان البرواز تركه على سريره.. فزحف معاه.. وطاح على الأرض وتكسر..
رائد من طاح البرواز.. لا شعوري شهق وقعد على ركبه ..
ــ عبد الـــــــلـــــه ..
وصار يوخر الزجاج.. شال الصوره .. وتسند على التسريحه.. تنهد من قلب...
ضم الصورة .. وصار يهدي في نفسه..
ــ لمتى كذا.. من يجي هاليوم تهيج عندي الذكريات والأحزان.. رحمة الله عليك يالغالي ...

تمسح وصلى.. وطلع ينادي على رؤى بيوصلها الكوافير...
وهم بالسياره.. رائد حاط حسين الأكرف على حده..
ــ ابد ما انساك حااشا وكان.. عداني الخير لو انسى .. تريد انساك ياشراعي ياموج الشوق والمرسى.. هواي انت نسيم احلام وربيع الام هد نفسه .. لظل ابكيك طول الليل ياباقي النور والخمسه ..
تنهد من قلب وفي باله :
ــ سلام الله عليش يا الوديعه.. مصاب الحسين عليه السلام ما مثله مصاب.. وفقد زينب له فجيعه.. الهموني الصبر يا سادتي ..
وهو سرحان ما انتبه للأشاره انها حمرا.. ويوم قريب يعديها صرخت رؤى ..
ــ حملااااااااااا
ويضرب رائد بريك حد مااا عنده


الى اللقاء في الجزء الجديد :rolleyes:
اسألكم الدعاء ..

[.:روح وريحان:.]

ياهلا فيكمـ
مشكوورة خيتو على الاجززاء
توني اقراااها
مؤلمة بجد

[فرح]

ا مـــــــــــوووره
بجد توقعته ان عبد الله بمووت يااارب
اشكثر مؤثر الموقف وذكرنا باحببنا
ربي يرحم موتانا وموتا المؤمنين والمؤمنات اجمعين
بس انشاء الله يكون الباقي خير ..
يعطيك العاافيه
تمنياااتي لك بالتوفيق والنجاح
دمت في حفظ لله ورعايته
جــــــــااااري الانتظاااار بشووووق

[إيلاف]

آآآآآآآآآآآآآآآآآآآه ياعلي .. حرااام يمووت عبد الله ..:sad2::sad2:
والله شخصيته تجنن ومحلي القصة ..
عورني قلبي عليه ..

مشكورة حبيبتي أموورة على الأجزاء ..
وننتظر البقية بشوق ..
موفقة غاليتي ..
تحياتي .. إيلاااف ..

[الشمعة]

يلا امووووووورة تكفين كمليها والله حليوه
اتمنى قصتي تصير به الحلاوه يلا اني انتظرش تكمليها
عد مو تخلص دي القصه وخلاص ماتالفي لا اني ابغى
اشوف قصصش الحليوه الله لا يحرمنا منش ابد
وعلى فكره قصتي فيها اسم فارس بس اني ماخذة الاسم
من عندش جاء على بالي وكتبته قبل لا اشوف القصه كتبته خخخ
بس مو تحرمينا من التكمله يلا اني في شوووق لمعرفة الاجزاء
وعندي تخمين ان فارس معجب في رؤى وبيتزوجها خخخان شاء الله التخمين عدل
تحياتو
شموعة

[آخر شقآوهـ ..~]

اني كان عندي احساس من قلتي ان ام عبد الله جت ليه في منامه وحضنته قلت لا لا عبد الله بمووت
رحمك الله ياعبد اللهhttp://www.alnassrah.com/vb/images/icons/bawling.gifhttp://www.alnassrah.com/vb/images/icons/bawling.gif
الصراحه يعني اول شي اني دموعي طاحت لازم يعني هوه مات اللي متعودين عليه وبعدين هدي ام الراء ولا نطقت عدل فشلتنا وعمرها 18 سنه<<خوفتي اجيب بنوته غلطه زيها من شفر ماعيب عليها
تسلمي حبيبتي والله ع القصه واحساسي تجدد بس مابقووله
تحياتي
ضحكوه البطه

[آهات عاشقه]

ياعلي ماني قادره

اول ماقريت القصه على طول شهقت بقووه وحطيت ايدي على صدري

وظليت كذا فتره طويله

لكن زي ماقال عبد الله .. كل من بيومه

كملت القصه واستانست

بس بعدهيه فيني غصة موت عبد الله

تسلمي يالغاليه على القصه

الاكثر من رووعه

الله يعطيش الف الف عافيه

دمتي لنا

[كل الحكاية أحبك]

ههههههه زين.. اماه تذكري شكله اخر مره كان ويانا ..

اميره مو قلت لش أمير العاشقين ما بيعطيش الشهاده

شفت ثلاثه أخطاء عندش نقصتي ثلاث درجات

تسلمي خيتووو على هالقصه الروعه

شوف الصدف أميره

كنت أسمع صلاة الليل ما اشوف روحي الا اقولها اقول طلع اميره ويش فيها هههههه

ضحكتيني بجد والله العظيم

مشكورة خيتوووو

وبانتظار جديد الاحداث

خالص تحياتي
أمير العاشقين
جاسم أحمد

[الأمل البعيد]

حرام مات كنت باصيح اهئ اهئ:closedeyes::sad2: وبعد الي زادها حاطة موسيقى حزينة بس توقعت من يوم شاف امه بالحلمة والله حرام مشكورة عالقصة بس هالجزء مرة حزين واسفين تعبناج يمبلج تاخذي راحة
مشكورة عالقصة

[*زهرة البنفسج*]

امورة يالغلا يسلموو علقصه الروعة
بس المأسي اتزيد وش صايرر

علعموم ندااااااااااااءطويل الي كل الأعضاء
اميرة تعبانة هلفتره اعذروها تري ماكذب عن جد
وسوي روحي واسطه يعنوو مسكينه عورت قلبي مره مزحزمه البنت اعذروها
بس قريب راح اتنزل اليكم ئلي ابرد خاطركم
موفقين
ها اعضاء لاتخيبوني صايرة واسطه وبعدين اتفشلوني
اعذرو اميرة ماعندنا غيرها ها

[أمل الظهور]

اميرووه ماني قايله شيء على قتلك لعبودي تهي تهي

كفايه ماجاك من عتاب بالمسن تهي تهي

حرام عليك موتيني صياح اميرووه

راح الغالي تهي تهي

حاسه بغصه ولا ني مستوعبه الى الآن من الصدمه

يعني انتي متاكده انهم دفنوه وطلع هوو عبود شافوه اكيد هو

يمكن غلطانين ولا شيء تهي تهي

ليه تقتليه ليه يامجرمه ياقاتله <<وتقول موب تعاتب ...

امور تهي تهي حرام عليك ..


اميروووه خلاص انت تعبانه مررره وحالتك الصحيه من الخلعه على عبود تعبانه

فأنصحك لاتنزلي شيء الحين <<علشان مصلحتها

وربي ماني قادره وابي اتابع الحلقات اول بأول لاتنزلي شيء الحين اوكي


المهم انا بقوم اشرب ماي وبغسل وجهي بماي ورد لاني مرتاعه على عبد الله الله يرحمه

كان زين الشبان ماتهنى بشبابه تهي تهي


بايوو امور ننتظر الحلقات القادمه بس لاتجيبي طاري الموت

[ســحرالقوافي]

حــــــــــــــــــــرامhttp://www.alnassrah.com/vb/images/icons/bawling.gif



حرام راح الغالي:sad2: راح عبوديhttp://www.alnassrah.com/vb/images/icons/bawling.gif



وها ترى كفايا علينا فقد عبود


لاتقولي رائد ورؤى تقلبت بهم السياره

كفايا علينا دموع اقلبي شوي كوميديا
خلينا نبتسك شوي:evil:

صارت عيوني صغار من كثر الصياح:bigsmile:


عساااك على القوة

بنتظااار القاااادم على احر من الجمر


دمتــ بود

[Princess]

يسلموووووو جميعا على التفاعل الجميل :bigsmile:
وشكرا لتحملكم تأخيري :embarrest:
ومن بكره ان شالله راح ارجع ليكم بالجديد واللي يبرد خاطركم ان شالله
تسلموا اعزائي على هالإجازه :rolleyes: << من كيفش مو برضاهم لو يصيدوش داسوا فبطنش :wink:

دمتم بحفظ الرحمن

[.:روح وريحان:.]

الله
حركااااااااات
جاري الانتظار
.......................................

[أمل الظهور]

امييييييييييييييييييييييييييييييييييييييييييييرررر رررررررررررررررررروووووووووووووووووووووووه



:rocket::ranting::mad::angry::mesb::med:


امرووووووووووووووووشوووووووووووووووووووووووووووووو وووووووووووووووووووووووووووووووووووووووووووووه


:sad2::sad2::sad2::sad2::sad2::sad2:


متى بتسنعي هاااا متى بتسنعي هاااا


:rocket::seif:



قلنا اجازه وتاخري يوم يومين بس مو ثلاثه واربعه وخمسه



اميرررررررررررررروه



يعني نظل ننتظر ويش صار على لؤى ولائدوه :huh:






الليله و بكره العصر بالكثيير ابغى اجزاء منزله :seif:




ماابي اعذار اميروووه




سامعه ولا بشتكي عليك الغالييه ام الحلوييين :help:




وبخلي كبرياؤؤؤؤؤوووووووو تدخل مملكتك الصغيره وتحولها لزريبه :help:



فاهمه سامعه !!!!!!!!!!!!!!!!!!!!!!!!!!!!!!!!!!!!!!!!!!!!!!


<<شكله بيجيني كف رسمي هالمره جد خليني اروح قبل لايجيني شيء




الدجاجه انضجت :toung:





<<<<<جاررررررررري الانتظاااااااااااااااااااااااااااااااااااااااااااا ااااار اميروووشه

[Princess]

يسلموو على الإنتظار .. شكرا على التفاعل ..
املووه بطيخووه حسابش وصلش هنااك خخ ودريتي بعذري يا دبه ..

تفضلوا الجديد
واعذروني على تقصيري

[Princess]

ــ ايييي ..
رؤى متكرفسه على ارضية السياره قدام.. يوم ضرب رائد بريك .. طفرت المسكينه من الكرسي وطاحت على الأرض على ركبها.. صك راسها بالصندوق الصغير تبع السياره.. وعورتها جبهتها..
حطت ايد على الكرسي وصارت تشيل عمرها بصعوبه .. وايدها الثانيه على فخذ رائد.. اللي كان وجهه على الدركسون..
ــ تهي تهي .. لائد.. لااااااااااااااااااااااااائد...
ــ لا تصرخي ما فيني شي << قالها وراسه بعده على الدركسون..
ــ اجل ويش فيك لويش لاسك على الدلكسون..
ــ داير شوي ..
ــ وي على عملي اخوي لو دليت ما قلت ابغى كوافيل .. تهي تهي ..

انتبهت رؤى على بنطلون رائد.. اثر مثل الماي .. رفعت راسها.. لقت دموع تطيح شي يسيح على الدركسون وشي على البنطلون..
مسكت كتف اخوها تباعده عن الدركسون.. وبنبره مخلوعه ومخنوقه..
ــ لائد ويش فيك...
رائد رفع راسه .. مسح دموعه بظاهر كفه وبسرعه ..
ــ مافيني شي ...
ولا انتبه على واحد من العابرين اللي شافوا الموقف يدق نافذته.. ويسأله عن احواله.. وهل يحتاج مستشفى لو لا..
رائد طمنه انه ما صابهم شر ,, والحمدلله...

وكملوا طريقهم للكوافير... نزلت رؤى ... رائد :
ــ انا بنتظرش هنا..
رؤى كانت بتسكر باب السياره ورائد يقول ليها هالجمله .. رجعت فتحته..
ــ هااا .. بتنتظلني ما بتلوح ؟؟
ــ ايه ..
ــ يمكن زحمة واطول ..
ــ عادي ..
رؤى سكرت الباب وهي تضرب مليون فكر ...
ــ لااا اخوي فيه حاجه.. عادة ما ينتظل يلوح يداول لين اخلص .. ما يشتهي الإنتظال .. لااا .. ويلي اخوي ما ادلي ويش فيه..

دخلت الكوافير الا وحده من شلتها اسمها روان قاعده تنتظر دورها..
روان .. خوية رؤى الروح بالروح .. انسانه بسيطه وعفويه وسريعه بالكلام ..
طيبه واللي بقلبها على لسانها ... صديقة رؤى من اول متوسط..
ــ رؤوووه.. هلاااا
ــ اهلييين .. لوان..
اللي جالسين التفتوا لقافه خخ يوم سمعوا رؤى تقول لوان.. مستغربين مهم عارفين هو اسم غريب يعني والا غلط بالحروف ..
رؤى حست عليهم .. وقعدت جنب روان لصقت فيها تساسرها..
ــ بل بل يحبوا اللقافه .. تهي واني عقدتي يعني هالحلف .. وكل اللي حولي واعلفهم في اساميهم موجود عنااد .. خخ استغفل الله يا لبي..
ــ ههههههه غربل الله شرش.. بالعكس حليوه رائش خفيفة دم ..
ــ الله يسلمش من ذوقش .. جاملي بس خويتش..
روان من النوع العفوي اللي ما تنتبه لتصرفاتها ... وبلا شعور رفعت صوتها :
ــ لا والله ان رائش حليووه صدقيني ...
اللي بالكوافير التفتوا و ابتسموا.. عرفوا السالفه ..
رؤى تفلص في روان..
ــ حسبي الله على شلش فضحيتنا,,
ــ ويي خخ ما انتبهت لعمري اسفه..
ــ عاادي مع فيسش.. الا ايمانوه غليبه للحين ما جت.. ..
ــ خخ ويش دراني عنها .. يمكن غيرت الكوافير .. تقول هداك الشهر خربوا حواجبها .. خلوها زي الجنيه ...

وما مداها روان تخلص كلامها الا بفتحة باب الكوافير .. ودخلت ايمان
ــ هااااي صباياا..

ايمان .. بنت ملسونه حبابه.. ستايل بنات المدرسه على قولة الأبلات.. كل يوم توقيف ومخالفات يوم على طريقة شعرها يوم على كحل بعيونها.. يوم جايه المدرسه بعبايه مخالفه.. بالمره بنوته فرري بس طيوبه ..

روان ورؤى يطالعوا في بعضهم ويفقعوها ضحكه..
روان..:
ــ هايااات وينش ..
رؤى :
ــ وعليـــكم الهااي .. طلينا الأ اقاا ينط ..
ايمان:
ــ هااا اشوف أط وفار ومدري ويش.. السالفه فيها حش فيني .. ويش كنتوا تقولوا علي .. واني اقول تعثرت على باب الكوافير بغيت اتكسر ..
روان:
ــ هههه ما قلنا شي خطير والله .. وما تعثرتي الا من هالكعب مسمار يااعلي .. كيفا تقدري تمشي به..
ــ اهوو شفتي روحش طويله الخلف علينا يالقصار يبغى لينا كعب كان نبين في الشارع ..
ــ هههههههه وحق ويش تبيني ..
ايمان تغمز ..:
ــ بس كذاا..
رؤى :
ــ ايماانوه ولا تهوني عن هالسوالف .. والله انش طيبه وحليوه بس لو تتأدبي..
ايمان بنبرة مزح ومسخره وهي مادة برطمها:
ــ ويش مسوويه اني ..
روان :
ــ خخ ويش مسويه بذمتش هذي عبايه ..
ايمان تطالع في عباتها ..
ــ ويش فيها ..؟؟
رؤى :
ــ حق معاليس .. ثوب خليجي مو عبايه ..
ايمان :
ــ خخخ .. اهوو حليووه..
روان :
ــ ما قلنا مهي حليوه بس مهي ساتره .. مره تلفت النظر ..
ــ مهي كتف هي الحين على شان تلفت ..
رؤى :
ــ لويش بس الكتف اللي تلفت .. ياما عبايات لاس تلفت اكثل من الكتف ..
روان :
ــ ايه والله شوفي عباتش ايمانوه راس بس كنش سلندر غاز .. مخصره والأكمام ليتات معاريس ..
ايمان سكتت.. وكن الكلام مو عاجبنها...
رؤى:
ــ هو هالشي على لاحتش غناتي بس لأنا نحبش ونبغى مصلحتش ..
ايمان :
ــ وجهة نظركم واحترمها .. براحتكم..

وغيروا الموضوع بسرعه كالعاده هالسوالف تنفتح مع ايمان وتتسكر ولا كنها صارت...جا دور روان .. وحفت .. خلصت .. جا دور رؤى .. انسدحت على الكرسي ورفعت لفتها عن جبهتها الا الكوافيره تقول ليها :
ــ ويش هذاا بجبهتش ..
وتلمسها بيدها ..
رؤى :
ــ اييي .. هدي الضلبه لويش مبينه عدل ؟؟
ــ أيــــــه..
رؤى نقزت تطالع في المرايا .. وشهقت ..
ــ يـــــــــاااعلي .. صايله بنفسجيه تهي تهي .. بعد ثلاثة ايام حفلة تخلجي .. ويش تطلع لي هادي تخلب علي تهي تهي ..
روان وايمان جو ليها .. ويسألوها عن هالضربه .. وهي تقص ليهم السالفه ..
ايمان صفقت صدرها ..
ــ السياره ماصابها شي ..؟؟
رؤى تطالعها على جنب :
ــ هذا اللي هامنش مع وجهش السيالة .. طلعي جبهتي ملونه..
ــ غالية وحليوة السيارة لأنه..
رؤى عصبت ناااار :
ــ اغلى مني .. مع وجهش يقولوا في الحديد ولا في العبيد .. الحمدلله الله سلمني اني ويا اخووي .. ايماانوه شكله منش حاطه عيونش على سيالة اخووي زين يوم لبي سلمنا ..
ــ بل بل بل .. ما قلت شي ...يمااه اكلتيني بقشوري ..
روان ميتة من الضحك...


رائد.. في السياره.. يحوس بتعليقه معلقنها على المرايا قلب في حرف A صغير .. و كانت هالتعليقه في سيارة عبدالله .. وترجع به الذكريـــــــــات ..

ــ ويش تحووس رائدووه..
ــ حليوه هالتعليقه .. القلب حليو .. بس كنها مالت بنات..
ــ هههههههه حلت دنياك.. ايه على شان اعطيها خطيبتي << قالها وهو يغمز..
ــ ههههههههه .. حليوه بتعجبها ..
ــ خذها حلالك..
ــ لا اخااف تزعل خطيبتك..
ــ ههههههههه الله يجيبها .. وتالي ازعلها .. خذها يا ولد ما تغلى عليك
ــ شكرا ..
عبدالله يحط ايده على راس رائد :
ــ العفووو ..




رائد حاط ايده على راسه .. ويحوس بشعره .. يتخيل اصابع عبدالله .. ضغط على التعليقه بكفه.. غمض عيونه .. واطلق زفرة ::
ــ رحمك الله يالغالي .. ما شفتها هالخطيبه .. الله يسكنك جناته وينعم عليك بأحسن منها يارب..

وبين ما رائد في سرحانه الا بطلعة ثلاث بنات بينهم اخته رؤى .. ووحده يوم دخلت ما عجبه شكلها>>خخ ايمان..
رؤى ركبت السياره .. وقالت لرائد :
ــ خوياتي بيوتهم قريبه لا يمشوا وصلهم..
ــ زين ناديهم..
نادت عليهم ..
ايمانوووه عيونها على السياره .. كانت بنتلي وفضيه وكشخه.. ورائد اكشخ منها ..<< يللا عاد هالبنيه والمطالع..
ركبوا السياره .. ووصلهم.. ويوم نزلوا

رائد:
ــ ويش هذي خويتش .. شكلها قوية عين ..
ــ منهي.. << قالتها وهي تعرف الجواب
ــ الا كن محل العبي بايقنها كم متر من عباتها ..
ــ ههههههههههههه ايمانووه..
ــ بــــــــــــعد ايمـــااااان.. خخ امحق ..
ــ خخ .. لويش قوية عين ويش شفت عليها,,
ــ اولا لبسها.. ثانيا.. لويش جالسه بالنص والمكان واسع.. كلما بطالع السيارات ورا تطيح عيوني بعيونها هادا ويش هالحاله هدي ..
ــ كانت جايه بتقول لي حاجه قالتها ونست حالها بالنص ..
ــ تقول لش حاجه هاا.. تأجلها لتالي .. ويش هالبنات يا كافي الشر..
ــ خلاص عاد لا تهدل على البنيه..
ــ اهوو ويش لي بها .. الله يهديها ..
ــ يالب والله من قلبي اتمني تتغيل .. والله ما مخلبنها الا هالتصلفات,,
ــ ان شالله الله كريم...


تابع >>

[Princess]

وصلوا البيت .. وزهرا شافت الضربة بجبهة رؤى ..
ــ ويش هااادي ..؟؟ من وييش ؟؟
علموها السالفه .. اختلعت المسكينه .. وما يحتاج السوالف اللي تسويها الأمهات اذا سمعوا خبر كذا ..

رؤى واقفه قدام المرايا تحوس في الضربه .
ــ ايي تهي تهي .. حلاتها ما تلوح ليوم حفلة تخلجي

وبتغميضة وتفتيحه ..
رؤى عند المرايا ..
ــ تهي تهي وجا يوم حفلة التخلج.. وبعدها هالضلبه ما لاحت ..

لبست وكشخت الحفله كانت في العصر .. وكل شوي تحط بوجهها شي وتمسحه تبغى تخبي اثر الضربه ..بالأخير نزلت شعرها على جبهتها على جنب .. واشوى على حالها كان ناعم فصار شكلها كيوت مره ..

شويات الا جايتنها حنين .. كانت بثاني ثانوي.. شرت ليها كرت على شان تحضر الحفله ..

خلصت رؤى متأخره شويات.. وطلعت خذت كيسين واحد فيه اغراضها شال التخرج والقبعه وعباية التخرج.. والثاني فيه خرابيط ورود وكروت وعفايس وعلبة المكياج...

وطلعت لرائد .. هي ويا حنين .. يبغوه يوصلهم الأستديو بعدين مكان الحفل .. وبعدين يرجع لأمهم يوصلها ليهم .. بعد ساعه...

وصلهم الإستديو.. رؤى مهي عارفه من العجله والربكه كيف توقف وكيف تقعد .. جننت المصوره .. وحنين ضحك عليها وتمسخر :
ــ خبله رؤووه هذي حفلة تخرج كيف لو حفلة خطوبها بتنتف المصورة شعرها ..
رؤى تكتفي بالبحاليس كالعاده..

خلصوا تصوير وتأخروا واايد .. دقت رؤى على رائد مره ومرتين وعشر ..

طلع الأخ مخلي جواله في السياره ونزل يشتري له حاجه من المطعم ذبحته الدواره من الجوع << كنه هو اللي يداور مو السياره .,,,
شاف المكالمات ..
ــ بل بل .. 23 مكالمه .. علي ياعلي .. الا سندويشة شاورما وغرشة بيبسي الا نزلت اشتريهم ..
ويدق على رؤى وهو يحط السندويشه في بوزة
ردت عليه :
ــ الووو وينك ؟؟
ــ انووه احم هاداانا الهين ممممم باجي ..
ــ يؤ اخووي ويش فيك مين اللي خانقنك .. << قالتها بنبرة مختلعه
ــ كححح ..هههههه ..كح كح غربل الله شرش .. أي خانقني اكل كح كححح..
ــ ههههههه صحه صحه .. اشلب مااي ..
ــ كح كح .. زين سكري قتلتيني ..
ــ هههههه زين بسلعه تعال باي ..
ــ باي كحح ..

ويرفع رائد غرشة البيبسي بيشرب .. ويتذكر كلام اخته ..
ــ كحححححح كح كح ههههه كحح
ويطفر بيبسي على جامة السياره ..
ــ اوهوو كح كح ..غربل الله شرش .. كح كح احححم

ويمسح بالنشافه وحالته حاله .. ويتأخر شويات ياكل وهو يسوق ..
رؤى :
ــ وي اخوي سكلت الجوال وهو شلقان .. كان ما صال فيه شي بس ..
ــ لا ان شالله دقي وشوفي

ما مداه الجوال يرن الا رائد راد عليها ..
ــ ثواني واطلعي ...
طووط طووط طووط
رؤى :
ــ ههههههه اشوى ما صال له شي..

وصل رائد وطلعوا .. ركيض متأخرين وحالتهم حاله ..

ويوم قريب يوصلوا الا رؤى شاهقه وضارب صدرها :
ــ تهي ماااااني ماااااااااااني ....



والى اللقاء بالجزء الجديد الباقي بكره تعبت :wacko: .. احم :amuse:

[بنت الاجاويد]

تهي تهي تهي تهي تهي تهي تهي تهي تهي تهي
والله حرام عليك نشفتي دموعي بموت عبووود
مسكين ليه عاد سويتي كذا وانا قايله لك مانبغى مووت

بس والله تاثرت فيه عبوود مع فارس ورائد اشلون كلن وضعهم وحالتهم
اشلون تلقو الخبر وكيف كانت ردة فعلهم
الله يصبر قلوبهم وقلب كل فاقد >>>>>> كل هذا تاثر بالقصه واعظم

بس ليه اخترتي عبوددي ما اخترتي بو مصيبه >>>>>> ليكون انتي ملك المووت
ولاحد عرف بسالفته مسكين عالصندقه يعني توفى وتوفى معه المه

والا عمهم سراج بس مع هالولد رمزي مثل ماقلت رؤى المفروض طوني او شربل من اسماء اللبنانيين

والا على هالكوافير مسكينه رؤى مع حرف الراء فشلتها روان بس شحليلهم والا هالايمانووه مسكينه
حتى من رائد ما سلمت من شره

ليكون الان رائد مو عاجبتنه هي تكون خطيبته يكتبهم النصيب لبعض

اهم شي مانبقى موووت كفايه راح من عندنا عبوووود الطيب القلب الواسع
الصبور مدري ويش اكتب عن شخصيته >>>>>> ليكون حطيتي عينك عليه

والحمدلله انه قبل مايتوفى عبووودي قوة العلاقه بين فارس ورائد

لانه مسكين هالرائد كان يغار شحليله هو غيرته
المهم مثل ماقلنا لك مو تسوي لنا نهاية مووت
ترى مافي دمووع كلها خلصتها على عبوود وذكريات فارس ورائد لعبود

ياويلك يا اميرووووه لو خربتي علينا وناستنا بالقصه

[فرح]

يؤ اخووي ويش فيك مين اللي خانقنك .. << قالتها بنبرة مختلعه
ــ كححح ..هههههه ..كح كح غربل الله شرش .. أي خانقني اكل كح كححح..
ــ ههههههه صحه صحه .. اشلب مااي ..
ــ كح كح .. زين سكري قتلتيني ..
ــ هههههه زين بسلعه تعال باي ..
ــ باي كحح ..

ويرفع رائد غرشة البيبسي بيشرب .. ويتذكر كلام اخته ..
ــ كحححححح كح كح ههههه كحح
ويطفر بيبسي على جامة السياره ..
ــ اوهوو كح كح ..غربل الله شرش .. كح كح احححم
هههههههههههههههههههه
بجد بمووووووووت ضحك
لو في الكوافير ورؤى وحرف الراء
بجد مأساء ..ليها بس حلووو
مسكينه اذا في ناس مافهموو ليها اكيد تضايق
يعطيك العااافيه
امـــــــــيره حرااام لاطولين مره ثانيه
جـــــــــاااااري الانتظاااار ..

[بيسان]

الله الله وش هالحركات جزء حلوو بس قصير
ماااااااشفع لش غيابش:evil:
يالله نبي جزء طوووووووووويل ومانبي موت ونبي فرح ووووكل شي حلو << اقرع ومتشيرط:embarrest:
وصح ليش اخترتي اسم ايماانوه ماتدري اني اكره
يالله انتي وميااوش لاطوولي علينا
ترى وحشتينااااااااااا انتي وفراولتش
:):toung:
وبالتوفيق
والله يعطيك الصحة والعافيه ياارب
اختك..
:wink:بيسان:wink: بيسوو:wink: بيسون :wink:

[اسير الهوى]

ههههههههههه

برافوووووو اميرة وهذي شهادتي بصراحر رووووووعة قليلة فيها

مبدعة بصراحة ومنتي هينة

وانا ترا اقراء القصة من بعيد بس يوم صدتيني ماعندي حجة الحين ههههه خخخخ

عموما موفقة ع المجهود الكبير بصراحة

تدري وش اللي يقهرني بقصتك..؟؟؟

؟؟

؟؟

؟؟؟


اذا جت الاحداث والاندماج وقلتي الى اللقاء هذي اللي تذبح قهر..ههعههههه

يسلمووو خية وموفقة


ي
ا
س
ر

[أمل الظهور]

امور :


حسابي وصل وبس الا خفت تجيني وتذبحيني بل بل عليك كل ذا خوف على مملكتك الصغيره

كبرياؤؤووو حيلك فيها عرفت اسلوب اهدد اميرووه فيه :wink:

كل ماتتأخري علينا بستخدم اسلوبي بالتعاون مع كبرياؤوو :kaseh:


ايوااا عاشت امورتنا الغاليه <<خليني اراضيها لا تجيني بدست مدري ويش تقول


امووووور الاحداث من جد روعه ولا الضلبه البنفسجيه مسكينه حلام حفل تخلجها

وفيها ولمه




انووه احم هاداانا الهين ممممم باجي ..
ــ يؤ اخووي ويش فيك مين اللي خانقنك .. << قالتها بنبرة مختلعه
ــ كححح ..هههههه ..كح كح غربل الله شرش .. أي خانقني اكل كح كححح..
ــ ههههههه صحه صحه .. اشلب مااي ..
ــ كح كح .. زين سكري قتلتيني ..
ــ هههههه زين بسلعه تعال باي ..
ــ باي كحح ..






ياعلي متت ضحك ههههههههههههههههههههه:deh::deh::deh:

اميلووووه يوه احم

اميرووووه امور امروش امروشه

الجزء قليل بس يلا يوم عرفت ظروفك بعذرك اشويات


يلا لاتتأخري ولا ترى هااا انفذ تهديدي :lol:



سي يوووووووووووووووو

[الأمل البعيد]

حلو ه الجزء مررررررررررررررة
عاد ولاء لوئ >>>>>>>> مندمجة ويالقصة
صحيح لاوى اخترتي اسم ايمان اكره لان اعرف وحدة زيها نفسشي العباية ملونة ولى كان عمها شيخ
مشكوووووووووورة اموووووووووووورة ع القصة الحلوة
اهئ اهئ مو تتأخري
سي يو

[دمعة الاحزان]

اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااف
الحين صاااااااااااااار الي اسبوع غايبه عن القصه
وارجع وماشوف غير جزء وااااااااااااااااااحد والقهر صغير
انا شنو اسوي فيك ها
اجي اضربك وارميك الى قطاوتك وقطاوة الشوراع
والله حاله معاك تجنني الي مايتجنن <<الي يسمعني
الحين بيقول هذي مرة شكلها عاقله

بس جزء حلو منك
ولا عاد موقف رؤى بالكوافير
ومع الوان والله تخيلت شكلها
وحتى موقف التخرج فرحت فيه<<هذي لان البنت وعدهم بيوم تخرج ولا صار ولا استوى
بس طلع اكثر من كلامها والاهم انهم سووة في صاله الامير ابو متعب
شفتي كل هذا دلع لينا مالت علينا يوم تخرج ماشفنا

موفقه غاليتي

[..انين الروح..]

تسلمين امور جزء روعه

يجنن

يا الله الانتظار يقهر يبط
يا الله عاد الله يساعدش علينه بس

[بيسان]

أميرووووووووه وينك
نداء الى اموووووووووول يالله شغلي قواتك انتي ودموع وتفقوا مع كبريااء
حراام اموور كذا تلعبي بعصابنا
يالله لا اجي لك وادوس فووق بطنك وش هالدلع بعد مااعدنا بتدلعي على ام الحلوين عادي بس احنا نووه وويه
يالله ننتظر وبااحر من الجمر
سي يووووو

[Princess]

مشكورين عالتفاعل وربي لو عندي وقت كنت ما بخلت عليكم.. بس تعرفوا يعني اجازه وطلعات البارحه ما رجعت الا متأخره.. والحين بس اطل عليكم.. والا معانا بيت جدي .. يعني مزحومه وربي .. حتى عيوني ماني قادره افتحها من التعب والنعس .. صدقوني ما اماطل وياكم ..
خخ اني قايله ما بنزلها الا اذا كتبتها كلها .. بس اعرف روحي بماطل زياده ويمكن لو سويت هالحركه ما بخلصها الا بعد سنه .. بس كذا احس روحي مرتبطه.. بس شوي شوي علي..
ان شالله الليله .. اسألكم بس الدعاء لي ..

<< اذا في اغلاط املائيه خخ والا هلوسه غير مفهومه عدوها لي .. لأني اكتب بعيون مفتحه وعيون مغمضه..

دمتم بحفظ الرحمن

[كبرياء]

بانتظاار البقيه خيتو اميرووووووووووووه سرررعي والا والله اتامر اني مع الصبايا عليك ونسوي لك
اقتحاام وزعزعه غيير طبيعيه
ودمتم

[.:روح وريحان:.]

مشكووورة اموورة على التكمله
بس مرة حليووة
دكرتني بتجرجي

[ســحرالقوافي]

حلقه حلو شراتك :wink:

<<< قمت اتكلم إماراتي:bigsmile:

خخخخخخخ


بس خيتوووو

ــ خوياتي بيوتهم قريبه لا يمشوا وصلهم..
قليبه






وجااااااري الانتظاااار






دمتـــ بود

[Princess]

هههههههه يسلموو ومنورين ومال داعي زوابع في ممكلتي الصغيره كبريااؤووه :evil:..<< ما عليكم منها كبرياؤووه هذي بس كلام هنا وقرقر .. اتحدها .. احم اني الأكبر يللا مناك خخ .. << لا رحتي فيها اميرووه.. :toung:

الليله كنكم متواعديني بهلكه ما بعدها هلكه :rolleyes:

الحين جزء وبكرف بعد شويات بجزء جديد
الله يساعدني
بس ادعوا لي ... :amuse:
اتمنى لكم قراءه ممتعه
تفضلوا

[Princess]

رائد :
ــ بسم الله الرحمن الرحيم .. ويش فيش بعد..
رؤى وهي مره منقهره وزعلانه وضايق خلقها..:
ــ نسيت كيسي بالإستديو..
حنين:
ــ هااا .. لويش كم كيس حملتي ,,
ــ تهي تهي .. بس اللي فيه الولود وعلبة المكياج وخلابيط .. اما الكيس الثاني.. نسيته.. تهي .. مااني شاالي وقبعة التخلج والعباااايه نسيتهم في الإستديو..
رائد :
ــ حسبي الله على شرش من بنيه ويش فيه هالكيس اللي حملتيه شي مهم مره ونسيتي الأهم منه.. والحين مشوار ما بغيت اوصل صالة الملك عبدالله ترجعيني الإستديو.. غربل الله بليسش..
ــ تهي تهي ويش اسووي .. نسيته.. وتأخل الوقت .. الحين البنات جهزوا واني بعدني .. تهي
ــ بلا تهي بلا اهي .. سكتي بس .. نرجع امرنا لله..
سكتت رؤى مسلمة امرها لله اخوها عصب مشاوير وبيرجع لأمه تالي وبيوصلها الصاله...
وصلوا الإستديو .. نزلت رؤى من السياره كانت لابسه جوتي بوت كعب .. وهي نازله من الربكه والحووسه والخوف من رائد .. التوت رجولها وطاحت على ركبتها اليمين عند باب السياره..
ــ ايييي .. وصااقعه هاااادااا وقتهااااا الطيحه ..
رائد .. باس ايده وجه وقفا :
ــ الحمدلله والشكر..
حنين بلعت الضحكه .. وفتحت الباب بتنزل :
ــ وي رؤى غناتي تعورتي..
رؤى منقهره :
ــ لاااا.. يلعن هاادي حاله... ولويش نازله ..
حنين :
ــ حلاتي اقعد ويا اخوش بالسياره ..
رؤى :
ــ ويش بيسوي فيش بياكلش والا بيخطفش .. لووحي بس اني دقيقه باجيب الكيس ..
قومت حنين رؤى ونفضت عباتها .. ورجعت ركبت السياره ...
دخلت رؤى الإستديو مسكينه وهي تعرج .. التوت رجولها بالقوه..
اللي تحاسب من شافتها عرفتها وطلعت الكيس .. وهي فارده البوز مبتسمه شبر .. ورؤى من الم ارجولها وتأخيرها مادتنه شبرين .. << خخ خلعت البنيه بس ما تنعطى وجه بل بل ..

ركبت رؤى السياره .. وانطلقوا للصاله... وصلوا.. طبعا حنين خلت رؤى تروح لخوياتها.. وهي راحت تقعد مع ضيوف الحفل ...

رؤى راحت لخوياتها بسرعه في الحمام وكانت روان عند المرايا تعدل شعرها ..
ــ لواااانووه .. تهي الحقي علي ..
روان :
ــ ويش صااير اليوم اللهم ادفع البلا .. ايمانوه من شوي الحق عليها وانتين الحين بعد..
ــ شيــــه ويش فيها ايمانوه..
ــ خخ الخبله ما صدقت على الله قالت المديره البسوا أي شي .. لبست تنوره ضيقه مره .. ولااا بعد قصيره لفوق الركبه بشوي ..
رؤى فتحت عيونها :
ــ بلللل ..
روان :
ــ ههههههه لا تخافي معاها جوتي بوت طويل بس الركب طالعين ..
رؤى :
ــ اني هالتنوله واني خايفه من المديله شلون ايمانووه << رؤى كانت لابسه تنوره ميدي لنص الساق .. وجوتي البوت مهو طويل مره ..
روان :
ــ لاااا عسل انتين حليوه .. شوفي ايمانوه بس .. انشقت عليها من جنب تقولي من متنها الزايد .. الحمدلله عندي خيط وابراه جبتهم وياي قلت اذا حسيت الدبابيس مي عدله لما اركب الشال على قميصي اخيطه على خفيف .. خخ بس لون الخيط عنابي على لون الشال وتنورتها سوداا..
ــ هههههههههه .. وينهي الحين..
ــ اكي داخل الحمام تخيط خخ..

ولا يسمعوا الا باب الحمام .. طرااخ انفتح وانصفق بالجدار << فتح وحده منقهره .. وتطلع ايمانوه..
ــ صاقعه ويش هالحاله ..
وتلتف على الجنب المشقوق..
روان :
ــ بففف هههههههههههه .. هااداا وييييش .. ويش هالغرزة الجديده .. ياعلي شوهتيها..
ايمان محمقه ومولعه ناار :
ــ اهووو ويش يعرفني .. وقتها هذي .. خربت مزاجي..
رؤى ترفع ايدها بخوف وابتسامه :
ــ هلااا .. ايماان..
ايمان ابتسمت :
ــ هلاااااا ومية مرحباااا بالحلووين .. من متى هنا .. والله من القهر صرت ثوره ما اشوف..
ــ ههههههه ماافي ثووله .. في بقله ..
ــ هههههه اقوول ... ويش اخبارش ..
روان :
ــ أي صدق رؤووه جيتي تصرخي... الحقش ويش فيش ..
رؤى تضحك وهي تطالع مكان الخياطه في تنوره ايمان:
ــ لا هونت .. من شاف مصايب الناس هانت عليه مصيبته ..
ايمان حطت ايدها على خصرها ورفعت حاجب وحاجب .. وبنبرة مسخره مازحه :
ــ لا والله انسه رؤى.. تمسخري .. ان شالله تنشق لش تنورتش من فووق لتحت..
رؤى :
ــ هههههههه لاااا اسم الله علي .. وايد علي لجولي انلضت..
روان:
ــ وييي .. من ويش ...؟؟
قصت ليهم السالفه ..
ايماان :
ــ ههههههه .. شقال قالت .. من شاف بلاوي الناس هانت عليه بلوته..
رؤى :
ــ مصايب مو بلاوي ..
ــ نفس الشي مع فيسش..
ــ أي اني اهوون .. انتين طالعي يبين خخ..

ايمان طلعت الشال من كيسها وهي تطالع في رؤى وروان ... وتاشر على عقلها ..
ــ احم في هنا مخ يفكر مو قوطي .. شوفوا ويش باسوي..

حطت طرف الشال على كتفها .. والطرف الثاني وصل لجنبها مكان الخياطه المشوهه.. وتغطى التشوه بالشال .. وخيطته عليه..
ودرات ليهم ::
ــ ترااا.. ترن ترن .. شوفوا الجماال .. بين شي ...
روان :
ــ ههههههه يلعن بليسش جبتيها عدله .. دبرتي عمرش ..
رؤى :
ــ ههههههه لا لحت اني فيها اني اللحين باصيل علجه وبتبين مشيتي ..خخخ..
ايمان :
ــ أي على شان لا تهوني بلوتش وتعظمي بلوتي ..
رؤى :
ــ اهوو يللا ... تفاسحوا باعدل شعري ...

كان شعر رؤى طويل شوي لنص ظهرها .. وناعم مره .. ومروله بالفير كم خصله...
ــ لوانووه شوفي الخصل اللي ولا.. اختلبوا مو..
روان:
ــ افاا .. أي نزلوا ما رولتيه عدل..
ايمان :
ــ لا ما حطيتي جلي مو ..
رؤى :
ــ لااا .. بس بالفير ..
ايمان :
ــ صحيح انش عاقله .. شعرش ناعم مره يبغى له شي يثبت الروله .. مشطيه بس.. خليه كله سيدا..
رؤى محمقه ..
ــ ماني ابغى حلكه حليوه بشعلي..
روان :
ــ تبغي اخذ ربعه واسوي لش ظفيرة هنديه ..
ــ ايه ايه .. ابغى حلكه..

تابع >>

[Princess]

طلعت روان مشط لرؤى.. وتفننت بشعرها .. سوت ليها ربع شعرها ظفيره هنديه والباقي مفلول.. ...
رؤى :
ــ الله حلكه حليوه تسلمي غناتي ..
ــ الله يسلمش لو عندش بعد شي زينه ورده لو كريستال ..
ــ أي عندي ولود ..
ــ اوه حركات لويش جايبه ..؟؟
ــ تالي بتشوفي ..
ــ زين عندش بيضا صغيره ..
ــ أي دقيقه ..
طلعت ورده بيضا صغيرونه .. وحطتها روان ليها بنهاية الظفيرة وجابت الظفيره على كتفها على جنب .. وطلعت رؤى شي .. بنوته كيوت ونعومه ..
ايمان:
ــ رؤووه ما حطيتي ميك اب ولا حاجه..
ــ الا حطيت جلوس " لمعة شفايف " وكحلة ومسكله.. ما ابغى زياده.. حلكات تتفننوا فيني ..
ــ هههههه غربلش الله .. اجل لويش هالعلبه وويش هالعلبه الحليوه اللي مع علبة المكياج..والورود..
ــ علبة المكياج قلت ما ادلي يمكن تحتاجوا شي والا اغيل لايي مع اني ما اعتقد اغيله والعلبه الحليوه تالي تعلفي ويش فيها ..
ــ اوكي بس بالعكس تعالي احط لش مكياج لبناني كشخه بظرف ربع ساعه << ايمان فنانه تحط ميك اب وايدها خفيفه...
رؤى :
ــ لا واللي يلحم والديش ما ابغى هي حفلة تخلج مو معاليس ..
ايمان تاشر على وجهها :
ــ يووه يعني هذا مو حليو << كانت حاطه سمووك اسود ..
رؤى :
ــ حليو بس كنه لمعاليس ..
ــ اهوو .. قالوا عادي عادي .. ويش ورانا خلنا نتفنن... على راحتش ..

وبين ما هم يكشخوا .. سمعوا المشرفه على الحفل تنادي بالمايك يللا البنات يتجمعوا على شان يرتبوهم استعداد للحفله ..

وبسرعه لبسوا قبعات التخرج .. وطلعوا .. ايمان عيونها على خصرها لا يكون يبين الخياط.. ورؤى تمشي بثقل تخاف تبين عرجتها ..

ووصلوا الأمهات.. وقعدوا والصاله وااسعه قسموهم نصين نص كراسي للبنات الخريجات ونص للأمهات.. البنات الخريجات صاروا بغرفه مهم على الكراسي .. وزعوا عليهم شموع بيضان طوال على شان دخلتهم يشعلوهم ليهم ..

وبدأ الحفل بالقران الكريم... وبعدين كلمة المديرة .. .. وبدأت الفعاليات .. مسرحيه وغيره .. وكلمة للأم .. وجا وقت التخريج . اشعلوا شموع الخريجات... طفوا لمبات الصاله..

طق طق طق ططق ططق طق طق <<< صووت قلب رؤى وايمان وروان..

حطوا شريط نشيد للتخرج.. والبنات يمشوا بالظلمه والشموع منوره لين وصلوا لكراسي جلوسهم وصاروا وحده وحده يدخلو.. ورؤى حايم قلبها بالظلمه تبغى تشوف وين امها ومفهيه .. والبنت اللي وراها مفهيه اعظم منها يوم جلست البنت على الكرسي .. شوي ما حست رؤى الا بطق على ظهرها ..

طاخ طاخ طاخ ... الا هي ابله من الأبلات تصارخ محمقه في اللي ورا رؤى ..

ــ وخري الشمعه يابنت يوم تجلسين ميليتها على البنت .. حرقتي شعرها ..
رؤى شهقت ..
ــ وييييييي شعلي ..
وجابت الجزء المفلول لقدام تشوفه.. الحمدلله ما احترق مره بس الأطراف مقدار تقريبا 3 سم صاير ابيض .. مسكته رؤى تفتت بيدها .. وشهقت من الخلعه .. البنيه اللي وراها مفتشله وخجلانه.. وهي عارفه ويش تقول .. همست بحيا :
ــ اسفه ما كان قصدي ..
رؤى ابتسمت..
ــ حصل خير ..
كانت كل وحده تقعد تطفي شمعتها ..
طفوا الشموع..
ولعوا اللمبات..
والقوا كلمة للخريجات وكلمة للمتفوقات .. ويللا بدأ التخريج بالترتيب ..

ــ ايماان محمد الـ ....
ايمان نقزت ..
ــ ويلي بنات شكلي ما يفشل تنورتي ما يبين الخراب اللي فيها ..
روان :
ــ لااا حركي بسرعه ..
طلعت ايمان .. وهي تمشي بهداوه خايفه تنشدخ من هالكعب ومرتبكه .. وصلت للمديره سلمت عليها .. المديره عيونها طاحت بشكل عفوي وغير مقصود على الجهه المشوهه بس ما شافت شي ..
ايمان اختلعت ونطت عيونها على المكان .. ونست عمرها ايدها ماسكه ايد المديره والمديره صار ليها ساعه ماده شهادة التخرج .. لين هزت المديره ايدها وانتبهت ايمان .. وتلونت مليون لون زياده على الألوان اللي حاطتنها .. ونزلت من المسرح وهي تمشي وتتعثر بالخطوه ..
ووصلت لروان ورؤى اللي كانوا يكركروا ضحك وطاحت فيهم فلاليص : "تقريص" ..

ــ روان عبدالكريم الــ ... شكر للطالبه على تفوقها الترتيب الثالث على المدرسه
روان ::
ــ وي وي باي بنات باي ..
رؤى وايمان ميتين عليها ضحك وتصفيق .. قامت تسابق الخطوه هالبنت سريعه في كل شي ..
ابتسمت في وجهها المديره وقالت ليها :
ــ سمارك مشرق هاليوم << كانت روان سمرا وناعمه وزي رؤى ما حطت بوجهها شي ثقيل شي خفيف وبسيط وطبيعي ..
وكانت من المتفوقات فأستحقت كم كلمة غزل من المديره ..
تلونت روان ومره استحت .. اخذت شهادة التخرج وشهادة شكر وتقدير على التفوق ورجعت مكانها تنافخ ...
ــ رؤى فاضل الــ ... وبجداره المرتبه الأولى .. شكر وتقدير على جهودها الجباره
رؤى من سمعت اسمها والكلام طاح قلبها و ساحت على الكرسي ..
ــ وي وي لجولي ثقيله ماني قادله اشيلها ..
ايمان :
ــ يؤووه رؤووه لا تدلعي كلنا من الربكه والربشه رجولنا ثقلت قومي من الكلام سيحش .. تحركي لا تتفشلي ..
روان تمسح على كتف رؤى :
ــ اللهم صلي على محمد وال محمد .. عمت عين الحسوود عنش يا خويتي
هوففففففففففففففففف
وتنفخ في وجهها ..
ــ قومي .. يللا عادي كلنا خفنا ..

قامت رؤى تمشي شوي شوي رجولها المنرضه تعورها فصارت مشيتها مره شي على ركاده << يا ارض انهدي ما عليش قدي ..
والتصفيق قايم.. وصلت للمديره ..
المديره :
ــ ما شالله تبارك الرحمن.. ثقل وجمال وعقل واخلاق .. وتفوق .. الله يبارك فيك يا بنتي ..
رؤى :
ــ الله يسلمك استاذه ..
ومره اشارة مرور احمر وردي عنابي << اخر موديل للأشارات خخ
واستلمت شهادة التخرج والتفوق وقبل لا تنزل استجمعت قواها وهمس للمديره طلب .. بغت تسويه بالحفل .. المديره ابتسمت في وجه رؤى وحطت ايدها على كتفها وهزت راسها يعني .. موافقه .. سوي اللي فبالش ..


الجزء الجديد بعد حين ان شالله :wacko: بس برييييييح .. :amuse:

[Princess]

نزلت رؤى من المسرح وما راحت لخوياتها طلعت من الصاله راحت لمكان العبي .. ايمان ورقبتها بتنكسر وهي ورى رؤى :
ــ وين بتروح هذي ..
روان :
ــ ويلي منش يمكن الحمام..
ــ لااا .. ما شفتيها والمديره تكلمها .. بعدين نزلت من المسرح وطلعت .. اكيد في ان..
ــ خخ ياعلي ما اقدر عليش ايمانوه ما يطوفش شي..
ــ اهوو يا خبر هالدقيقه بفلوس عشر دقايق ببلاش..
ــ خخخ على كيفش بعد تضربي الأمثال..
ــ اجل ويش ..
شوي رجعت رؤى حامله كيس من اكياسها .. حطته عند روان وراحت للمشرفة تبع الحفل اللي كانت تعدد الأسامي .. وعطتها ورقه .. ورجعت لخوياتها ..
ايمان :
ــ رؤووه ويش صاير ..؟؟
رؤى :
ــ لا تستعجلي شوي وتشوفي ..

خلصوا تكريم الخريجات.. وقبل لا يختموا الحفل ... قامت المشرفة تقرى ورقة رؤى..
" بسم الله الرحمن الرحيم...
ليت الجرأه تمتلك لساني لأبث لكي ما بقلبي الصغير ومابحناياي يجول يا جنتي .. ولكن اعذريني فأنت الأدرى بسبب عدم امتلاكي لتلك الجرأه. وانت الأدرى بما يحتويه من حب خالد لكي وان لم انطقه لك كلاما مسموع فهو يصل لك من القلب للقلب..
امي.. ارجوحتي اذرعتك.. ودفئي ببرد شتائي واحاسيسي احضانك.. تتبعثر كلماتي كلما هممت بصياغتها فتقف حائره ترتعش من اين تبدأ واين ستنتهي فهي لن تنتهي..
امااه.. ليتني شاعره لتفوقت على كل قيس في وصف حبيبته.. فحبي العذري النقي الذي لا يضاهي أي حب ولا يشابه حكايا عشاق الزمان قد تعدى الحدود..
امااه .. اليكي ضمني ومنكي لا تحرميني فأنا وان كنت في حضنك اظل لنهل دفئه اشتاق .. اطال الله بعمرك ياحبيتي واقر الله عيناك بي .. ووفقني لرضاك دوما وابدا .. ابنتك : رؤى فاضل الــ .... "

قام التصفيق .. زهرا ذرفت الدموع .. رؤى قامت بالكيس ووقفت على المسرح تطالع وينها امها .. امها رفعت ذراعها تلوح والدمعه بعيونها طاغيه وقامت .. رؤى ابتسمت ابتسامه في غاية الروعه .. ونزلت من المسرح مثل الفراشه تناست الم رجلها المرضوضه وراحت لأمها وتلاقوا عند الممر بنالص بين جهة الضيوف والخريحات.. و مع صوت التصفيق .. طلعت من الكيس قلادة ورد لبستها امها وحضنتها .. وعطتها الكيس فيه هديه ليها .. وظلت حاضنه امها والأمهات تأثروا وبكوا .. زهرا صارت دموع الفرح تتناثر على خدها وتتذكر جمل رنت في اذونها من كلام رؤى :

" ليت الجرأه تمتلك لساني لأبث لكي ما بقلبي الصغير ومابحناياي يجول يا جنتي .. ولكن اعذريني فأنت الأدرى بسبب عدم امتلاكي لتلك الجرأه."
هالجمله طرقت ابواب الفضول في بال زهرا .. ليش ما تمتلك الجرأه ؟؟؟
ويوم سمعت اسم بنتها بنهاية هالكلام الرائع .. عرفت السبب .. عرفت ان
رائها .. راح تخون مجرى الكلمات .. زادت ضمها لبنتها وفبالها :
ــ احلى من أي راء بالدنيا رائش.. كلامش دخل قلبي وتربع ...

روان :
ــ تهي تهي .. مؤثر المنظر ..
والتفت لإيمان ... لقت الكحل سايل على خدوها وشكلها تصيح من قلب عدل وتشاهق بصمت وكتمان شديد بس ملحوظ ..
طلعت ليها نشاف ومسحت خدودها ..
ــ وي ايمان غناتي .. اسم الله عليش.. خلاص ..
ايمان ما تحملت وحطت راسها على كتف روان.. روان صارت تمسح على شعر ايمان .. وتهديها ...
وفبالها .. الله يهديش يا ام ايمان.. يعني كفايه البعد اللي باعدتنه عن ايمان واختها .. بعد ما تحضري حتى حفلة تخرجها .. اففف .. انا لله..

ايمان..
امها مطلقه من 9 سنوات.. وتركتهم وتزوجت .. وابوها تزوج .. وكل واحد خلف والتهى بعايلته الجديده.. ايمان عندها اخت اكبر منها تزوجت .. وسافرت مع زوجها يشتغل بالخارج.. وظلت ايمان لحالها مع مرت ابوها .. صحيح مرت ابوها ما كانت قاسيه .. بس كانت غاسله ايدها منها .. ماليها شغل فيها.. ان غلطت .. ما تنصحها.. ولا تراقب سلوكياتها كمراهقه.. ابوها غني مره و بحكم انها وحيده وامها مهي معاها فمدلعنها دلع مو طبيعي كل طلباتها مجابه .. واي شي وان خالفه في البدايه بيرضى فيه بالنهايه .. كانت ايمان محسوده من بنات جيلها على الدلال المفرط .. والزايد.. بس عمرهم ما عرفوا ايمان .. لما تختلي مع نفسها ويش يصير فيها...
ايمان اللي كل ليله الدمعه رفيقتها.. اللي كوت مشاعرها غربة مهي طبيعيه.. تتمنى حضن بس دافي يضمها يحويها.. شبعت من دلال مادي... تبغى دلال حسي معنوي شي تلتمسه ويسكن من حرارة مشاعرها الملتهبه..

بكت ايمان لين شبعت على كتف روان.. وقامت معاها الحمام.. تغسل وجهها <<< بعد الصياح صار فحم من السموك اللي سال.. خخ

خلصوا الحفل ختموه.. و كل طلع بيروح بيتهم..

ركبوا السياره.. زهرا ورؤى وحنين.. يرجعوا البيت.. رائد :
ــ هاا حركات اجل .. ويش صار ويش ما صار ..
حكت زهرا لرائد اللي صار ..
ــ اهاااا والله اكشنات.. رؤووه هذا الكيس اللي ما نسيتيه هو اللي فيه الهديه هاا..
رؤى :
ــ خخ ايه..
زهرا قامت تضحك.. رائد يوم يوصلها للصاله اشتكى على رؤى ونحاستها يوم تمشوره وترجعه الإستديو..
رائد :
ــ كح كح انا بعد اسبوع حفل تخرجي ..
رؤى :
ــ الله كان زين لو يخلوا البنات يجوا..
ــ خخ ويش بتسوي لو خلوكم..
ــ هههههه بلقص..
ــ وجع هههههه.. اقص رجولش ..
ــ صدق امزح..
ــ هههههه عاد اللي يسمعش يصدق .. احنا قلنا لو ..
ــ كان زين.. اشوفك كاشخ حلكات بالشماغ .. يووه والله تطلع قمل ..وتطيح دلزن بنات ولاك..
ــ هههههههههههههه بااموووت عااد رااائش هنا تجنن عنيييفه .. ههههههههه انا قمل .. خخخخخخ .. ولا دلزن..
ــ مع وجهك سو لوحك ما فهمت,,
ــ ههههههه امزح وياااش افااا فهمت مو لهالدرجه رائش رايحه فيها .. كلما جا ليها تنقلب غين.. الساتر الله..
ــ هههههههه لا تسخل علي هااا .. لا الله يبليك بمله لو بنيه غلطه..
ــ والله عسسسل لا بلوه ولا شي ..
ويرفع ايده من على الدركسون ..
ــ يـــاالله ..
وتصرخ زهرا وحنين ورؤى مره وحده ..
ـــ ااااااااااه
رائد بسرعه حطت ايده على الدركسون مختلع من صرختهم..

زهراا معصبه :
ــ لا تشيل ايدك مره ثانيه هااااااااااا ..
ــ ويي ان شالله .. بس لويش جبانين تخافوا انا قلت .. يــــــالله
ورجع رفع ايده ..
ورجعوا :
ــ ااااااااااااااه
رؤى :
ــ لاااائدوه يادب ..
وطراااخ تشوت الكرسي برجولها اليمين المرضوضه .. << كان رائد قدامها قاعد..
ــ وجع عورتي الكرسي ..
ــ ااااي لجولي اللي انكسلت ..
ــ احسن تستاهلي ..

زهرا ..:
ــ وتاليتها وياكم كبرتوا وبعدكم يهال .. ويلي منكم بس ..

حنين ما شغلتها الا تضحك...
رؤى :
ــ ويلش منا .. بس ويش حلاتي مو اماه .. اهبل مو ..
زهرا:
ــ ههههههه ويش باقول قمر يا بعد عمري وقليل عليش

رائد يمسك كلر قميصه بيدينه ويرفعه على فوق ويميل رقبته وعن مسخره :
ــ بس بذمتش امااه مو ولدش احلى ولد بالعالم ..
رجعوا صرخوا :
ــ اااااااااه امسكككه ..
رائد :
ــ ههههههههههههه ويلي بتموتوني ضحك..
رؤى :
ــ من الغيله بيودينا بداهيه ..
ــ احم .. اقول رؤى ..
ــ هلا..
ــ انشبي ..<< " انطمي .. سكتي "
رؤى :
ــ زيـــــــــــن .. انشبيت ..

وصلوا حنين البيت .. ودخلوا بيتهم.. رؤى من دخلت البيت صرخت بفرحه ..
ــ الـــــــــــــــــلــــــــــــــــــــــــــــــ ـه

والى اللقاء غدا .. الصراحه تكسرت :rolleyes:

[.:روح وريحان:.]

مشكووورة خيتو
امووورة
على التكمله
بسـ في غلط مطبعي
حصل خير :toung:
مو حصل خيل
هههههه
تحياتي
ريحانوو

[الأمل البعيد]

مشكووووووووووووورة اموشة
بس وين التكملة غايبة سبوع وتالي ماتحط الا شويه
وبعد فو الحماس توقف
افففففففففففففففففففففففففففففف
نزلي الجزء بسرررررررررررررررررررررررررررررررعة
تحياااااااااااااااااااااااااااااااااااتي

[فرح]

هههههه عاد اللي يسمعش يصدق .. احنا قلنا لو ..
ــ كان زين.. اشوفك كاشخ حلكات بالشماغ .. يووه والله تطلع قمل ..وتطيح دلزن بنات ولاك..
ــ هههههههههههههه بااموووت عااد رااائش هنا تجنن عنيييفه .. ههههههههه انا قمل .. خخخخخخ .. ولا دلزن..
ــ مع وجهك سو لوحك ما فهمت,,
ــ ههههههه امزح وياااش افااا فهمت مو لهالدرجه رائش رايحه فيها .. كلما جا ليها تنقلب غين.. الساتر الله..
ــ هههههههه لا تسخل علي هااا .. لا الله يبليك بمله لو بنيه غلطه..
ــ والله عسسسل لا بلوه ولا شي ..
هههههههههههههههههههه
انا هنا بموووووت من الضحك بس خايفه الافي البيت يصحوو من النوووم
واطيح انا في داااهيه ههههه
بجد روووعه وحفلة الخرج شي رااائع وكلمة رؤى جدا حركه رووعه
تسلم يدينك حبيبتي امـــــــــــيره
وجااااري الانتظاااااار بس لاموتخلينا ع نـــــــــاااار:wacko:

[ســحرالقوافي]

الجزء اكشنات وحركااات

تسلم الايااادي

صرت اتصيد الاخطاااء عليش:wink:

خخخخخخ

ــ لااا .. بس بالفير ..
بالفيل:weird:
ههههههههه
لا بزرافه:bigsmile:


و

حصل خير
خيل

هههههههه
لا حمار :wink:

خخخخخخخخخخ

اليوم الاغلاط كلها خوف من الحيوانات:bigsmile:






تسلم يدك



دمتـــ بود

[بيسان]

الله اميرروه هالمره رضينا عليش
جزء رهيب والله
طول الوقت والابتسامه على وجهي
ذكرتينا باللذي مضا
ها لايكون هذا موقفش اعترفي اميروه
يووم تخرجش سويتي كذا ها
ننتظر التكمله من القصه المكسيكيه :)
على احر من القدوو
الله يعطيك العاافيه يالغلا
ويسلموو
وبالتوفيق

[الشمعة]

رؤى :
ــ اهوو يللا ... تفاسحوا باعدل شعري ...




عندش خطأ يا اميررررروه ترى باجيلش بيتكم وباعلمش خخخخخ <<< هي يبغا اليها من يعلمها
اي صلحي الخطا قبل لا يشوفها مير العاشقيين

والجزء جدا راااااائع ويلا كملي قبل لا اجلش واشدخ بش دست <<< اي ناويه على عمرش

[اسير الهوى]

:clap::clap::clap::clap::clap:

اسجل حضوري في مسرحك الرائع

موفقة يا اميرة

[أمير العاشقين]

ــ لااا .. بس بالفير ..

ــ حصل خير ..

أميلوووه بقتلس انا
شغلتي بس الاقض ولاش عشان حلف اللاء

انتبهي ملة ثانية مانا قايل لش هاذي غلط ولا شي

وما بوقع على ولقتش

تفهمي أميلووه

يالله استنى الجزء الي بعده

تحياتي
أميل العاشقين
جاسم أحمد

[بنت الاجاويد]

ياااااااااااااااي ياسلام عليك غناتي اميرتنا
سلمت اناملك الرائعه لكتابتك المتميزه الله يعطيك العافيه
بس ونااااسه تخرجهم ذكرتيني با ايام تخرجنا بالثانويه
والى الان انا محتفظه بالهدايا اللي وزعوها علينا

بس مدري وش هالخلل اللي حصل عندك برؤى وحرفها الرائع
مع اني في احدى الاجزاء وجدت رائك لكن ماحبيت اقولك>>>>> قلت امررها ونعديها لك
هذه الان صارت مو بس قصه هذه تعليق الان الله يعينك علينا وعلى راء رؤى وخطئك فيه
بس عشان تعرفي انه جميعا معك ومدققين في قصتك ولذلك اندمجنا معها
والكل دقق في هالراء بالخلل الكتابي خخخخخخخخخخخخخخ
بس كسرت خاطري ايمان مسكينه ماتستاهل كل هذا تهي تهي تهي تهي تهي
بالنسبه لرائدوووه وناسه مع الدركسون عاد انا استانس عالمغامره كذا

غناتي لا تتاخري علينا با احداثك الشيقه
ليكون تتاخري وتنزلي لنا جزء قليييييييييييل ياويلك

[الأمل البعيد]

ها صار الصبح ولا حطيتي القصة صار لج سنة
مو تتأخري
عقاااااااااااب
جااري الانتظار >>>>>>>>>