مشاهدة النسخة كاملة : ماعرفتوني .. كثر .. ما عرفني ..
زهرة البنفسجي
11-07-2007, 10:30 PM
هلا وغلا وأخيراااااااا بينزل جزء والله تعبت وأني أشيك كل شوي
الله يوفقك أختي أميره وتسلم أناملك وعساك عالقوة
تقبلي تحيااااتي
Princess
11-08-2007, 04:07 AM
هلااااااااااا:nuts:
هلا هلا....
كتبت جزئيه وبنزلها ليكم... تفادياا لأي طاارئ ممكن يصير
كفصل في شبكتنا .. وانتهاء مدة البطاقه... :wacko:
فإقروا هالجزء لين اخلص البااقي
ولا احد يرد لين اكتب الى اللقاء في الحلقه القادمه..:bleh:
يللا تفضلو
Princess
11-08-2007, 04:15 AM
ما مداه فارس بيرجع مكانه.. مسك ايده واحد من الشباب .. اللي معاهم بالباص ,,, وسحبه على تحت بشويش ببيقول له حاجه...
فارس: ــ هلا .. خير اخوي امر ..
الصبي: ــ مايامر عليك ظالم.. بس بافتن.. ترى هالمصري شلاخ اغبر .. من شوي توني شايفنه مطلع شريط الأغاني من المسجل
فارس : ــ والله... ابن اللذين عديم الضمير.. يعرف يشلخ ويقول راديو.. حسبي الله عليه..
ورجع فارس محله.. قبلها رجع الشريط لأمه ام حسين...
فارس :ــ ابن اللذين يقول خربان المسجل..
رائد وهو يتثاوب..:ــ خربان وجهه..
فارس: ــ الا عقله وقلبه عديم الضمير..
رائد..: ــ ايه والله..
فارس سكت ولا قال لرائد ان المصري كذاب لأنه يدري بيقوم الشباق ومشكله طويله عريضه ما بتخلص على حساب شريط فسكت وقصر الشر..
والحمدلله من حظهم ما تعطلو في الحديثه << معروفه المرمطه والحاله في الرجعه مو الروحه..
ودخلو حدود الأردن.. وصار التفتيش ومطابقة الجوازات.. ركب موظف امن الباص,,و جمع الجوازات .. وصار يعدد الأسامي ويطابق.. ويووم وصل لجواز رؤى:
ــ رؤى فاضل الـ.....
رؤى رفعت ايدها.. سكت الموظف .. وصار يقلب في الجواز واوراقه..
فارس حزتها داقتنه الحومه.. وده يقوم ويشلخ بدن هالموظف شدخ لين يقول بس.. شمعنى رؤى طول وصار يقلب << مع انه قلب في كل الجوازات وبنفس المده بس فارس لا عنده طولت ..
وقطعو الحدود الأردنيه السوريه..
وشوي ..
اللـــــــــــــــــــــــــــــــهم صــــــــــــــل على محــــمـــــــــــــــــد وال محـمــــــــــــــــــــــــــــد...
كلووووووش .. كلووووش .. وش وش..
وقام الصفاق والتصفير والحاله <<< الشبااب فرحانين..
واخيراً .., وصلو سوريا,, دخلو اراااضي سوريا... اخيراً طلعتي روحهم يا سووورياااا,,,
((سلام الله على السيده زينب .. تستاهل عليها السلام نتعنى لزيارتها .. الله يرزقني واياكم والقارئ يقول امين ))
وصلو الكراج .. ونزلو والكل اخذ نفس عميق وتمغطو وصار يحمدو الله ويتحمدو لبعضهم بالسلامه..
صارو يفضو الأغراض .. ولا يسمعو الا ابو كرار:
ــ هلااااا هلاااا وغلا ابو طاارق..
ابو طارق :
ــ اهليين وسهلين ومية مرحبا.. منورنا ابو كرار.. الحمدلله عسلامتكم..
ــ الله يسلمك ويخليك...
ابو طارق .. سوري طيب خدوم بعمر ابو كرار .. ابو كرار يعرفه من زمان ومأمنه على بيته اللي في سوريا.. يهتم فيه مدار السنه يأجره ويشرف عليه ويستفيد منه وله نسبه على العنايه.. وبس يجي ابو كرار سوريا ويا اهله يفضي ليهم البيت وينظفه.. يعني المسؤول بشكل كامل..
ابو كرار.. يكلم شباب اهله..
ــ يللا يا شباب .. حيدر .. حسن .. فارس .. رائد باللي يقدر عليه.. يللا ..
وصارو يعاونهم بعد فاضل و زوج خالتهم تهاني
ابو طارق ويش جاب للأغراض.؟؟؟
. جاب شاحنه.. وقال ان ولده طارق بيجي بسياره بعد شوي حق يركبو الحريم,,, لأن الشاحنه مافيها الا سيت واحد قدام.. ما يكفي الا نفرين و السواق ..
شحنو الأغراض في الشاحنه وصارو ينتظرو هالطارق يجي..نص ساعه ولا هو جاي... شوي رن جوال ابو كرار.. شاف ابو كرار الرقم من هنا .. سوريا .. رد عليه الا:
ــ اهلين عموو.. الحمدلله عسلامتكم ...
ــ هلا .. الله يسلمك.. مين معاي,,
ــ انا طارأ عموو بكلمك من كابينة التيلفون.. وانا جايكن ما بعرف شو صار بالمتور راح اتأخر عليكن ما بعرف اذا شفت احد غيري راح ارسلوو..
ابو كرار :
ــ يالله ويش ما تدري لمتى بتتعطل..
طارق وبإحراج:
ــ انا اسف عموو.. بس الشغله صارت هيك غصبن عني..
ابو كرار :
ــ طيب خلاص يا ولدي خذ راحتك بندبر عمرنا وبنشوف تكسي..
ــ انا اسف عموو..
ــ خلاص يا ولدي .. حياك الله..
ــ الله يحييك..
ابو طارق فهم الموضوع.. وحاس بإحراج.. راحو حسن وفارس يدورو على تكسي .. مافي كل اللي في الكراج.. انحجزو,, واذا دقو على ميكرو لو شي .. بيتأخر متى بيوصل و سالفه..
ابو كرار طالع في الحريم..
ــ البيت مو بعيد..
ام حيدر :
ــ يعني ويه.. نمشي .. لا بالله مافييني شده.. لا اني ولا ام حسين..
ابو كرار:
ــ يــــــــــــــالله ومين قال بتمشو..؟؟؟ << عفر عصب
فاضل :
ــ اجل ويه عمي,,
ابو كرار..
ــ بركب انا قدام ويا رائد لأن رجوله منكسره...
رائد فتح عيونه:
ــ ليش يبه والباقي ويش بيسوو...
ابو كرار :
ــ يرتبو روحهم ورى..
فاضل فتح عيونه:
ــ ورى ويناا؟؟
ابو كرار جت له ضحكه:
ــ ويش بيدي عليكم.. ورى ويا الحريم.. عدلو العفش وقعدو عليه.. والله بنخيس ونقطن يالله يجي ميكرو والدنيا زوار وزحمه والتكاسي والميكروات توها ماشيه.. قزروها مو بعيد البيت..
زوج تهاني :
ــ يا عمي ما قلنا شي .. احنا الرجال بس الحريم ويش شلون..
ام حسين :
ــ يا ولدي عادي .. رحم الله ايام لول .. كنا اذا بيروحو الحج في سيارة بلا سقف .. والرجال والحريم مقسمين عليها نصين نصل لينا ونص ليهم.. يطيح علينا مطر وتلفحنا بروده.. وتضربنا الشمس لين نوصل بالسلامه لبيت الله.. مو بعد دقايق ونوصل .. يللا بس عدلو بنركب سلام الله على الوديعه زينب...
فاضل قام يضحك.. عدلو العفش عدل.. وقالو للحريم يركبو اول .. فصارو الحريم مستواهم ارفع بشوي.. تالي ركبو فاضل وحسن وفارس وحيدر وزوج تهاني قدامهم.. ومشت الشاحنه..
رائد كل شوي يطل من الزجاجه الورانيه عليهم فيه الضحكه وهو يشوف شكل الحريم بالعبايات السودان وهم يتمايلو..
رؤى ميته من الحيا تحس شكلها غلط.. مكشوفه السياره وهي تمشي .. بس ما حست احد يطالع فيهم لأن المنظر مألوف اصلا ايام المواسم والزيارات,,,
شوي الا ابو طارق ضارب مطبه وتطيح رؤى على قدام.. وما طاحت الا على حسن اللي كان قدامها قاعد,,,
صارت تسحبها وتشيلها زهرا وام حيدر ويرجعوها لوضعها << هيهي لأنها خلاص غابت عن الدنيا وفهت من الخلعه..
حسن مرتبك ومره بيموت من الحيا ,, وفارس نار تشب منه.. ويش اللي مقعدنه مناا ما قعد مكان حسن.. وفي باله يقول ., يللا .. اشوى حسنوه.. لو حمزوه.. شته برى الشاحنه << خخ ما ادري ويش ذنبه .. انا لله كلن همه شقاه بليله,,
ما اخذو عشر دقايق ووصلو البيت... نزلو بالصلاة على محمد وال محمد.. رؤى مهي عارفه تنزل .. نزلها حيدر.. وصارو يشيلو في الأغراض ويدخلوهم..
بيت ابو كرار في حي قريب من حرم السيده عليها السلام .. واذا راحو ليها يدخلو ليها من الباب الخلفي للحرم..
حي شبه حيوي وفيه اسواق .. وطبعا ما بنقول نظيف خخ.. يعني فيه لمحة نظافه.. مع شوية تكسرات وتعرجات في الطريق .. << يعني امشي وانت مفتح لو سمحت..
حمزه واهله ورضا واهله.. سكنو في فندق بشارع التين..
ومن يوم هم بالسعوديه.. ابو كرار علمهم كل عايله وين بتسكن في البيت..
كان البيت دورين.. كل دور فيه مجلس منفصل بحمامه.. ابو كرار وام حيدر بياخذو المجلس اللي فوق .. وبيخلو المجلس اللي تحت لأم حسين وفارس لأنها ما تقدر على ركبة الدرج..
والدور الأرضي لرضا واهله حق قريبين من ام حسين.. والفوقي لتهاني واهلها...
دخلو ابو كرار واهله البيت.. و انصرعو..
ابو كرار :
ــ هدااوييش..؟؟
Princess
11-08-2007, 06:10 AM
ام حيدر تلطمت بغطاها:
ــ اوووف ويش هالريحه...؟؟
وكلمن دخل عفس وجهه.. ومستغريبن ويش صاير..؟؟؟
تهاني :
ــ ريحة زراايب.. غنننم..
رؤى قامت تضحك ., وتضحك,,
رائد:
ــ على ويه تضحكي انتين .. والا ايه صدق نسيت حالتش .. خخ.. الحمدلله والشكر,,
رائد بعفويه كعادته بتصرفاته الطايشه.. التفت لفارس وهو يسخر ويساسره..
ــ خخ رؤوه تخيل الريحه الخايسه اذا شمتها تجيها الضحكه..
فارس جت له الضحكه,, : ــ يعني ويه,, ؟؟؟
رائد : ــ ههههههه كل منها.. لول انا عادي.. تقول ويه ... اذا كتمت النفس عنها .. مامن مفر تالي بتفطس.. تقوم تاخذ نفس بالقوه.. وتدخل الريحه هوووب بكمية كبيره.. ههههههه وتضحك,,,
فارس اخذ نفس ولا شاف روحه الا ضحك.. ورائد وراه ضحك
رؤى حست بإحراج.. ودها تكفخ رائد تكفيخ..
شوي حيدر وحسن يسألو ويش صاير؟؟ لويش الضحك..
علمهم رائد بالسالفه وقامو يضحكو هم بعد..
زهرا جت:
ــ اف اف ... الريحه خياس تجي هبات خفيفه وهبات تفطس.. وويش فيكم ضحك قايم..
رؤى تشتكي لأمها بهمس..وشوي بتصيح..
ــ من ولدش .. ضحكهم علي .. على حالتي اذا شميت ليحه خايسه,,
زهرا قامت تضحك..
رؤى انقهرت:
ــ طالع حتى انتين علي.. تهي..
زهرا:
ــ رائد امي اعقل ويوز عن اختك..
رائد:
ــ هههههه ان شالله باعقل.. بس والله اماه...
وياخذ نفس عميق ويطلعه ويضحك وهو يقول:
ــ ههههههههه أي بالله تضحك الحركه.. ههههههه بطني..
زهرا ما تحملت وصارت تضحك..
ــ خلاص وبعدين.. خلاص رؤى ما عليش منهم.. اكم يضحكو واعظم منش..
فاضل يسمع النقاش ..
رائد:
ــ ههههههه ما نضحك على الريحه احنا.. نضحك على ضحكها ههههههه
فاضل :
ــ راائد..
رائد بادب :
ــ هلا يبا..
فاضل :
ــ انشب وتأدب عن اختك هاا..
رائد :
ــ ان شالله يبا.. << متعيلفين ما يجو الا بالعين الحمرااا
رؤى فرحانه ,, و تفرك في اصابعها حره حره.. ورائد وده يكفخها بأي شي بس مو لاقي..,
ووزعو روحهم في البيت.. والكل قرفان ومسغربين ويش سر هالريحه.. مع ان البيت نظيف .. ابو كرار شك في الدور الأرضي .. ممكن في شي الحمام خربان.. مهو داري .. لأن تحت الريحه اعظم من فوق..
نزل لقى زهرا معبيه مغطس ماي وفيه ديتول وطايحه مسح في الدنيا حتى الفرش مسحته تبغى الريحه تروح.. وعرواي البيبان وعبت الحمامات ديتول ..
ابو كرار كسرت خاطره بنته:
ــ قعدي يا يبا تونا الا واصلين ويش فيش تكرفي..
زهرا ومره قرفانه وشبدتها لايعه :
ــ الريحه مهي طبيعيه ابدا.. ولاني عارفه من وين..
ابو كرار طلع جواله وهو محمق ودق على بقالة ابو طارق ...
رد ابو طارق :
ــ مرحبا ..
ابو كرار:
ــ يا هلا ابو طارق ..
ابو طارق اختلع توه موصلنهم ويش فيه متصل .. قال يمكن يبغى شي من البقاله لو ناسيين شي في الكراج...
ابو طارق :
ــ خير شو في ابو كرار .. محاتجين ايا شي..
ابوكرار:
ــ افاا والله افاا يا ابو طارق ,, ويش هالحاله ..؟؟ صراحه مو طبيعيه..!!
ابو طارق بنبرة مختلعه:
ــ خير ابو كرار شو صاير .. رعبتني,,
ابو كرار :
ــ البيت الله يهديك ليش كذا.. مأجرنه مين كنت..
ابو طارق مستنكر :
ــ البيت..؟؟ شو فيه.. ..؟؟ مأجرو لمجموعة عزاب بس والله كانو نزاف كتير .. وأبل لا تجو وصيت ابني طارأ ينزف وراهون .. شوو وسخ البيت.. ضرابة السخن طارأ ما أآم بشغلوو..؟؟
ابو كرار : ــ ههههههههه هدي هدي .. لا مو وصخ بالعكس كنه البخت يلق لق.. بس فيه ريحة خياس.. كنها غنم..
ابو طارق :
ــ اهااااااا.. هههههههههههههه .. لك شو عملت فيي يا ابو كرار رعبتني عن جد.. لك هيدي الريحه..منا من المأجرين
ابو كرار متفاعل مع ابو طارق :
ــ ايه.. لكان من شوو..
ابو طارق :
ــ ههههههههه,, هيدا أبل شي شهرين بس الأرض ياللي وراكن تأجروها رواعي خواريف.. عم يتاجرو هونيك.. فالريحه جايتكون من عندون..
ابو كرار بخلعه :
ــ ويه.. خواريف .. هههههههه لا بالله كملت...
ابو طارق : ـــ هههههه ايه خواريف .. لك ما سمعتن..
ابو كرار : ــ لااا.. هههههههه يا بتي سمعتي صوت خرفان من شوي..
زهرا ضحكت:
ــ ايه. كل شوي اسمع صوت متقطع ... فكرت مارين بس ...
ما مداها زهرا تخلص كلامها الا بشهادة غنمه << امباااااع
ابو كرار فطس من الضحك..
ــ ويلي يا قلبي .. خلاص ابو طارق العذر والسموحه.. يعطيك العافيه..مع السلامه
ابو طارق :
ــ لا ولو حاضرين نحنا.. الله يعافيك خيوو.. الله يسلمك..
سكر ابو كرار والتفت لزهرا.. اللي كانت مره شكلها تعبانه ومعصبه وفيها الضحكه على هالحاله.. زهرا:
ــ أي بالله شر البلية ما يضحك... تدري يبا.. مو بس ريحه.. حتى بعووض..
ابو كرار فتح عيونه:
ــ والله.. انا لله.. الحين الكل تعبان.. اذا ارتحنا بنشوف حل .. واذا ما فاد بنتأجر فندق .. لا حوول .. حلالك ويأذيك.. ذل مخباتك ولا تذل روحك.. ارتاحي يا بتي .. وخلي الشغل يولي...
شوي الا بطلعة رائد من الحمام كان يسبح... لاف روحه بفوطه و وحده ثانيه على راسه و مغطي بها وجهه يمسحه ويمشي رايح الغرفه.. .. الا يسمع .. امباااااع...
اختلع وقف وفتح عيونه وجمدت ايده على نص وجهه.. صار متنقب بالفوطه.. وطالع في امه:
ــ امبااع..؟؟؟!! خخ هااادااوويه..
ابو كرار ضحك من حركة رائد :
ــ هههههههه غربلك ربي .. غنم يا ولدي بعد ويه..
رائد مستغرب :
ــ غنم ؟؟ غنم ويه ..
زهرا مسكره وماليها خلق : ــ غنم اللي يبيضو ويقولو كاك.. غنم ويه انت بعد..
رائد : ــ هههههههههه افتكرت اللي يقولو امبااع..
زهرا رمت المخمه على رائد وهي تضحك..:
ــ تستظرف ويا وجهك..
ابو كرار صار يضحك.. :
ــ يللا ارتاحو بركب انا.. نامو عدل كفايه يومين في الطريق الحين يأذن الظهر صلو وريحو حق ما تجي المغرب الا قعدتو.. ورانا زياره..
زهرا :
ــ ان شالله يبه..
و ركب ابو كرار..
رائد : ــ امااه غنم ويه .. ويش جابهم هنا.. يعني هالخياس منهم.,
زهرا : ــ ايه بالأرض اللي ورانا.. انا لله .. يتاجرو بعد يعني مافي امل يتحركو....
رائد : ــ اف يقطعهم على دي ريحه.. كااك خايسين.. وين رؤووه..؟؟
زهرا: ــ هههههههه غربلك الله من صبي,, رؤووه عفر منسدحه في الغرفه تنتظرك تخلص بتسبح .. روح قول ليها..
دخل رائد الغرفه لقى رؤى منسدحه وغافيه عيونها ...
وبنحاسته المعهوده قرب منها وصرخ حد ما عنده :
ــ امبااااااااااااااااع...
رؤى طفرت مفزوعه دقت السقف وعودت للأرض << اما عاد.. صاااروخ
وبصرخه حد ما عندها :
ــ يااااااااااغبي ....
زهرا برى :
ــ راااائدووه وويعه قلت لك قعدهاا قول ليهااا مو تخلعهاا.. اطلع لا اجي لك..
رائد ميت ضحك بيطلع وترمي عليه رؤى مخده وتصفقه وتنفتح فوطته ويتلاحق ويمسكها وهو ميت ضحك..
ــ وصاااقعه بغت تطب فوووطتي ياااهبله... ههههههههههههه
رؤى انحرجت وقامت تضحك ولا هي عارفه ويش ترد :
ــ ههههههه اسفه مو قصدي .. هههههه ما شفت شي لا تخاف.. ههههههههه .. منك.. ما احد قال لك تتعيلف هههههههه..
رائد لف فوطته عدل وشال المخده وصفقها بها وطلع وهو يضحك...
قامت رؤى بتروح الحمام.. وهي تضحك على حالة رائدوه..
زهرا : ــ ويش فيش تضحكي .. بعدها الريحه قويه..
رؤى : ـــ هههههههه من الليحه وولدش ..
ودخلت الحمام .. وما مداها تدخل الا طلعت تركض ..
ــ ويلي امااااااااااه الحقي ...
تابع >>>
ســحرالقوافي
11-08-2007, 08:03 AM
هههههههههههههههه
http://www.ss1ss.com/img/data/media/108/ov9.gif
هههههههههههههه
الله يساعدهم على ريحه http://kamad2.***********/images/خروف%20يأكل.gif
خخخخخخخخخ
عن جد ريحتهم تفطس
تراوليي حتى الخرو بيضحك على ام راء إذذا شافها تضحك
http://www.ss1ss.com/img/data/media/108/ov2.gif
وعجبتي سالفة رائد وه طالع من الحمام
امبااااع
http://www.ss1ss.com/img/data/media/108/ov1.gif
8
8888
88
88
عفر تجمعوا الخرفان هني لين طلعت الريحه
خخخخخخ
عن الخرفان وسوالفهم
طحيه رؤى على حسن خلتي ذايبه من الضحك عن جد من كثر ما ضحكت
بطني على راسي على الدموع اربع اربعhttp://www.ghamid.net/vb/signaturepics/sigpic501557_2.gif
حتى النايمين بغوا يطافروا زي طفرة رؤى من الصوتي
ههههههه
يسلمو يالغلا
جزء كفير كفيرات حلو
وزاحف زحفان
وترانا يالغاليه معذرينش
لانش ماتقصري
وعرافين بين المنتدى والبيت والجامعه
الوقت ضيق
بنتظار التكمله على احر من الجمر
دمتــ بود
اسير الهوى
11-08-2007, 08:30 AM
هذاويه اميرة ماورا علينا نشوف جزء من زمان واحنا ننتظر صار ودنا نفغصك من القهر...
احداث جميلة بس عندي استفسار وش معنا هالمثل..انا لله كلمن همه شقاه بليله,,
مافهمته على اني قريته مرات واجد هههههههه...
يعطيك الف عافية ومتشكرييييين ياميرة بحق...
تحياتي لك...
Princess
11-08-2007, 08:31 AM
زهرا مختلعه :
ــ ويش صاااير,...؟؟
رؤى :
ــ صلصووول بالحمااام.. ويع ويع..
زهرا : ــ هههههههههههه غرييبه اخوش ما قال << عقدته ليومكم هذاا..
رؤى : ــ ويش دلاني عنه يمكن توه طالع من الباالووعه يع يعوووه.. يخووف كبيل وبني ههههههه ..
زهرا : ــ ههههههههه غربلش ربي كبير وبني .. ليش يعني الصرصور السوري يفرق عن السعودي؟؟..
رؤى :ــ هههههههه ما ادللي ... عاااد قومي اقتليه بسبح,,
زهرا: ــ ويع اني.. لالا.. شوفي رائدوه.. شان يستقوي ويصفقه ويفكنا..
رؤى طقت الباب على رائد :
ــ لاااائدووه.. خلص لباس ما صالت تلبس حديد..
ــ هااااااا ويش تبغي ..
ويفتح الباب..
رؤى برعب : ــ صلصوول في الحمام تعال اقتله..
رائد يمسك اذونه من ورى ويقربها لرؤى :
ــ هاا.. ما سمعت.. صرصور.. روحي بس رووحي..
ــ يا جباان بلا نحااسه يللا بسبح.. كل منك فوضت البالوعه وطلع ..
ــ ههههه من وجهش مناك يللا .. وين ابوي خل يقتله,,
ــ مالت عليك يا زعم ليال.."رجال"
رائد وببرود:
ــ ريال و غصبن عنش .. وقفت على صروصر بيعوق رجولتي .. كف على وجهش ..
رؤى : ــ اماااه وين ابوووي..
زهرا: ــ قلت له يروح يجيب معقم ما جبت الا غرشة وحده ديتول .. وخلصت ..
رؤى : ــ اووف لمتى يعني ابغى اتسبح وانااااااااام دااايخه
رائد : ــ والله اصبري لو روحي اركبي لحمام ابوي وخالتي ام حيدر وشوفي اذا خلصو اسبحي هناك..
رؤى وبكل برائه:
ــ حق ويه بعد الكب فووق .. بستخدم حمام المجلس اللي تحت..
رائد معصب ورافع ايده: ــ تبغي اسطرش كف على عينش .. تجرأي وروحي اسبحي هناك..
ــ شيه لويه ويش فيها..؟؟؟
ــ انشبي لا تستعبطي .. حمام امي ام حسين وفارس هذا.. استحي على وجهش ها..
ــ باقفل علي الباب اني ما بخليه مفتوح..
رائد حمق : ــ هذي اللي بتجلطني .. بتسكتي لو لا...
رؤى بقهر : ــ زين.. بنتظر ابوي لين يجي...
شوي صوت باب الشارع انفتح.. طلع رائد بيشوف لقاه فارس جاي من برى..
رائد : ــ ويش فيك برى..
فارس : ــ ما ادري بعووض في المجلس من ويه؟؟ محنا داريين ..!!.. طلعت قلت يمكن في قريب النافذه بالوعه لو خمام .. ما شفت شي..
رائد قام يضحك وعلم فارس على سالفة الغنم.. وقام الضحك ..
رائد: ــ ابو الفوارس..
ـ لبيه.. عيونه..
ــ يخليك ربي.. بغيتك بشغله,,
ــ امرني ..
ــ ما يامر عليك ظالم. بس مو كن مزويدنها رسميات.. اقول بلا هالحركتات احم..
ــ ههههههه انشب بس خلصني قول ويش عندك..
ــ ايوه هههههه كذا تعجبني.. احم .. في حمامنا الله يكرمك..
ــ هههههههه فهمت..صرصوور مو..
ــ ههههههه عليك نور لك تؤبر عظامي شو زكي..
ــ هاهاها.. فارس انا مو زكي..
ــ هي هي هي .. ادري..
ــ سوي لي طريق بدخل بشدخ به..
ــ خخخخ زين .. يالله يالله.. اماه رؤى .. تغطو بيدخل فارس بيذبح الصرصوور نياهاااهاااهها << قالها وهو يفرك كفوفه..
زهرا : ــ غربلك ربي يا مشفلنا مالت عليك من خواف اقشر.
رائد : ــ هههههه يع يعووه ما اطيقه.. ولويش مفشلنكم.. خوب فارسووه..
دخل فارس . يالله يالله . رؤى لقافه لبست عباتها وطلعت تتفرج على البطوله العالميه في قتل الصرصور...
<<يعني كيف تتخيلو شكل الصرصور المسكين وباب الحمام ينفتح ويرفع راسه يلاقي فوقه النفر القاتل و3 برى يشجعو العمليه.. اييه يا دنيا انه الإرهاب بعينه..
دخل فارس رفع نعال الزنوبه بيصفقه.. وطااخ.. وللأسف الصرصوور يطيير .. فما صابه عدل وطااار بسرررعه.,, وطلع من الحماام.. وعلى طوول صفق في رائد اللي صرخ من قمة رااسه.. ــ حرررررررررررررريقه اااااااه... << طلع لينا فيها بنيه ويا الحرايق ..
شان ينزلو ابو كرار وزوج خالته .. وحسن يركضو.. السالفه حريقه وصرخه..
ام حسين قامت من المجلس وراحت وهي تصرخ يـــــــــــــــــــــــاااااعليي...
والصرصوور يطير في الصاله.. مهو عارف وين يروح.. لين يوقف على الجدار لِتباغتهُ فجأةٌ صفقةٌ من نعالِ الزنوبةِ .. ترصعه هناك ...
رؤى و بعفويه متناسيه وجود فارس صرخت : ــ ووويييييع...
فارس فيه الضحكه اول مره يسمع صوتها بوضوح.. ولا صرخه بعد.. وبعفويه هو الثاني وبخجل .. قال : ــ احم.. خلاص .. ذبحته..
رؤى انتبهت لفارس واستحت .. وراحت دخلت الغرفه..
فارس انقهر .. وفي باله : ــ اف مني اناا دفش .. احرجتها.. وصاقعه تصقعني اف اف...
ابو كرار ..
ــ صدق ما عندك سالفه رئوودة والأجر على الله غربلك ربي اللي كبرت ولا انت راضي تعقل..
رائد وهو قرفان ويمسح ايده ووجهه وشعره..
ــ اعقل على ويه.. على صرصور .. ويع.. جعلني ما عقلت..
زوج خالته وحسن كانو برى ما دخلو.. صار ابو حسن ينادي .. ــ عمي .. خير ان شالله..
ابو كرار طلع : ــ مافي الا الخير .. صرصور غربل الله شر رائدوه..
صارو يضحكو عليه..
حسن وهو برى : ــ ههههههه رئووده..
رائد وهو مره مشمئز ومقفل حده : ــ هااااااا...
حسن : ــ قتلتــــه.. <<< قالها وهو يمدها مد..
رائد : ــ تسخر ويا وجهك.. خخخ صفقه فويرس ولصق امه بالجدار..
حسن : ــ ههههههه وويش دخل امه.. اقول .. طالع فيه عدل .. يمكن ما مات.. اذا شفت قرون استشعاره لسا تتحرك يعني ما مات.. هههههه باي باي ..
وركب فوق..
فارس ميت ضحك. رائد تقرب وصار يبقق فيه :
ــ ايه والله يعووه.. بعده فيه الروح.. طلع شعرته ترقص ..
فارس : ــ ترقص ويه هههههههه قرون استشعاره هذي كذا تتحرك لين خلاص تطلع روحه.. صفقته صفقه قويه خلاص قضى..
رائد يقرب زياده: ــ هذا وجهي اذا مات وييييع قرف يقرفه بلى في شكلك من صُرصَاااار...
الا الصرصور قابع من الجدار وطايح على الأرض.. هو ما قبع وطاح على الأرض الا بصرخة رائد : ــ ويييييييييييع حيييييييي بعدددددددده..
ويطفر بعيد كم متر .. ويخلي فارس لوحده في ارض المعركه يشدخ في ذاك الصرصور حتى ازهق روحه تماما << اف حشا مو صرصور حرب البسوس مصاافق من متى,, وامحق من فصحى..
زهرا :
ــ والله مسخره غربل الله رائدوه انشب لا احد فارس عليك يشدخ بدنك بهالزنوبه..
فارس قام يضحك..
رائد فتح عيونه : ــ فارسوه تسويها,,..؟؟؟
فارس : ــ هههههه والله مجبور طاعة للأوامر العليا,,
رائد : ــ اوامر وجهك هههههههههه ..
وتم شيل الصرصور ورميه في المقبره...
زال الخطر .. وطلع فارس راح المجلس بينام.. ورائد بعد توجه للغرفه بينام...
دخلت رؤى الحمام.. فتحت الماي وصارت تسبح وهي تطالع في الجدار .. والسقف والأرض خايفه لا يطلع ليها شي... ويوم خلصت وسكرت الماي .. التفت للنافذه .. وشافت شي غريب فيها,, صارت تتأمل عدل .. وصرخت حده ما عندها.. ولبست برنصها وطلعت وهي تصيح وتنيح وتصرخ.. طلع رائد من الغرفه وزهرا كانت في المطبخ تشوف حالة الصفاري بعد استخدام العزوبيه صالحين لو يلوعو الشبد شان يشترو غيرهم...
رؤى طاحت على ركبها وصارت تصيح,, وكلامها يقطع وما ينفهم ..
ــ النافده.. تهي تهي .. فيها.. هناك.. تهي ,,
والى اللقاء في الجزء الجديد..:cool:
Princess
11-08-2007, 08:41 AM
يسلموو سحووره عالتعقيب الخرفاني الرهيب .. موتيني ضحك.. يعطيش الف عافيه...
هلا خيوو ياسر .. والله ظروفي كانت شويات صعبه حتى دخولي للمنتدى صاير قليل هالأيام.. وان شالله تعتدل..
ممممم بالنسبة للمثل .. كتبته حسب طريقة النطق ..
..انا لله كلمن همه شقاه بليله,,
وعذراا ميم زياده طاحت من السرعه تسلم خيو جاري التعديل اصل المثل
اساسا .. كِلٍ همه شقاه بليله..
وبالفصحى..
كلٌ اشقاه همه في ليله..
اتوقع وضح. عفر الميم يمكن اثرت عليه... وهو مثل سايد يضرب في من يشغله همه الخاص في وقت تقليبه وهو الليل ,,,
ويسلموو
دمتم بحفظ الرحمن
زهور الريف
11-08-2007, 10:35 AM
هلا والله بأموووووووووووووووورة
هلا بالطش والرش
ويش هالجزء
حركااااااااااااااات
الله يساعدهم خرفاااااااااان مرة وحدة
هههههههههههههه
الله يعين على الريحة هههههههههه
وي رائد يخاف من الصرصور هههههههههههه فشلنا
يسلمووووو يالغلا وعساك على القوة
وماتقصرين
والله يخلي هالانامل الذهبية
وبنتظار الجديد
كبرياء
11-08-2007, 12:47 PM
ههههههههههههههههههههههههههههههههههههه
هههههههههههههههههههههههههههههههههههههههههههههههههه هههه
هههههههههههههههههههههههههههههههههههههههههههههههههه ه
يااويلي ويلااااه هههههههههههه
صلاصيل وخلفان هههههههههههههههههههههههه
يسلموووووووووووووووو أميرووووه على الجزء العنييييييييف الاكشني هذاا
بانتظاااااااااااااااااااااااااار البقيه
سفيرة الاحلام
11-09-2007, 12:48 AM
مشكوره على الجزء ياالله نبي جزء بعد
بالصراحه جزء حلو
الله يعطيك العافيه
زهرة البنفسجي
11-09-2007, 01:54 AM
ههههههههههههههههههههههههههههههههههههههههههه
ههههههههههههههههههههههههههههههههههه
ويلي بطني مو قادرة أكثر شي ضحكني لما رائد قال حريقة واختلعوا أهل البيت
هههههههههههههههههههههههههههههههههههههههههههههههههه
يسلموا أمور على الجزء الأكشن
بانتظارك يالغلى
زهرة القلوب
11-09-2007, 02:27 AM
هههههههههههههههههههههههههههههههههههههههههه
مشكوره خيتو عالجزء
الله يعطيش العافيه
تحياتي
جنة الحسين
11-09-2007, 05:33 PM
ههههههههههههههه مساكين جيرانهم خرفاان
مشكووره على الجزء
بس جد صغير الجزء ترى احنا متحمسين
يعطيش الف عافيه و تسلم يمناش و عيناش
دمت بخير
عازفت الاوتار
11-09-2007, 09:50 PM
مشكوووووووووووووووووووووووور
امممممممممممممممممور الجزززززززززززززززززء رووووووووعه و انتِ اروع
والجزء وناااااااااسه
بليز امور لالا تطولي علينا في الجزر الجديد
تحياتي
جاااااااااااري الانتظار
سيناريو
11-09-2007, 10:01 PM
ــ غنم اللي يبيضو ويقولو كاك
أهههههههههاي كا ك كاك كوكو أتخيل يبيضوا ههههههه>> خرفـت الأخت
يخووف كبيل وبني ههههههه
المفروض صغير وأشقر خوب سوري ههههه
والصرصوور يطير في الصاله.. مهو عارف وين يروح.. لين يوقف على الجدار لِتباغتهُ فجأةٌ صفقةٌ من نعالِ الزنوبةِ .. ترصعه هناك ...
ترصعه وتُصرعه ويلقى حتفه على ذلك الجدارالذي ستنطبع فيه ذكرى الصرصور هههههههههه
وييييييع ماأقدر تجيني أمفوبيا من السراااااسير خخخخخخخ
يسلمو أميره على الأجزاء الثلاثة الرااااائعه بحق
دمتي بود
جنة الحسين
11-11-2007, 02:19 PM
جااااااااااااري الانتظااااااار
عازفت الاوتار
11-13-2007, 12:25 PM
البشر تقول
جااااااااااااااااري الانتظار
واني اقول
مليت الانتظااااااااار
أمل الظهور
11-14-2007, 03:20 AM
رائد : ــ ههههههه كل منها.. لول انا عادي.. تقول ويه ... اذا كتمت النفس عنها .. مامن مفر تالي بتفطس.. تقوم تاخذ نفس بالقوه.. وتدخل الريحه هوووب بكمية كبيره.. ههههههه وتضحك,,,
زهرا مسكره وماليها خلق : ــ غنم اللي يبيضو ويقولو كاك.. غنم ويه انت بعد..
رائد : ــ هههههههههه افتكرت اللي يقولو امبااع..
ــ صلصووول بالحمااام.. ويع ويع..
ظليت ساعه اترجم الصلصول
<<يعني كيف تتخيلو شكل الصرصور المسكين وباب الحمام ينفتح ويرفع راسه يلاقي فوقه النفر القاتل و3 برى يشجعو العمليه.. اييه يا دنيا انه الإرهاب بعينه..
هههههههههههههههههههههههههههههههههههههه
ههههههههههههههههههههههههههههههههههههه
اميروه موتيني ضحك فضحتينا في العماره الله يغربل شرك
والصرصوور يطير في الصاله.. مهو عارف وين يروح.. لين يوقف على الجدار لِتباغتهُ فجأةٌ صفقةٌ من نعالِ الزنوبةِ .. ترصعه هناك ...
ههههههههههههههه ويلي ويلاه متت ضحك ايه والله صفقه ورصعه
راحت عليه الصلصول
رائد : ــ تسخر ويا وجهك.. خخخ صفقه فويرس ولصق امه بالجدار..
اميروووه زودتي الم بطني من الضحك وربي
ولبست برنصها
وماهو البرنص :huuh:؟؟ كلمه جديده لم يتم التعرف عليها
افااا راحت علي قمتي قبل لااقراها
انا كيف يجيني النوم قبل لاافهمها
احححححححححم
ياشباب ويافتيات تعالوا ابغاكم بسالفه :wink:
اشوي اشوي على امروشه تراها مزحومه اشويات وواجد
<<خوش محامي من اولها تناقض اشويات وواجد:kaseh:
كليه واختبارات ومنتدى و اشراف وقصه ومدري ايش :angry:
حتى احنا نقول ليها تعالي سولفي معانا تقول بروح للقصه :closedeyes:
فاعذورها اشوي وخلوها لنا يوم خطر الله :mad::mad::mad:
خلوها تهلوس معاي يوم يمكن تأخذ فتره نقاهه ويجيها الهام :mad::mad::mad:
ووووو:signthankspin:يااعضاااااااااااااااء
<<اقول قومي نامي ان ماجاك كف من امور بيجيك دست من متابعي القصه
تصبحوا على خير واحلام سعيده :sleep:
تسلم اياديك امور <انتين للحين هنا قومي :silal:
*زهرة البنفسج*
11-14-2007, 09:42 PM
هلا بامورة وبالجزء الكشخه
الله يعطيك العافية علروائع ئلي اتحطيها
موفقه
عازفت الاوتار
11-15-2007, 01:38 AM
جـــــــــــــااااااااااااااااااااااااا ري الااااااااااااااااااانتظااااااااااااااااااااار
Princess
11-15-2007, 05:18 AM
يااربي عالإنتظاااااااااااااااار
وربي حالي من حالكم.. اصرخ جاااااااااااري الكتااابه
ههههههه وحالتي النفسيه زفت ولله الحمد.. والصحيه تنحرف بسببها... وربكم يعين ويساعد...
مشكورين عالتفاعل والمتابعه ,,, يعطيكم الف عافيه ما قصرتو والله ..
ادعو لي اختباراتي قربت..
تفضلو اللي قدرت اكتبه هالفتره...
Princess
11-15-2007, 05:21 AM
رؤى طاحت على ركبها وصارت تصيح,, وكلامها يقطع وما ينفهم ..
ــ النافده.. تهي تهي .. فيها.. هناك.. تهي ,,
صاروا يحاولوا يهدو فيها كان يفهمو ويش صاير .. وهي ابدا مافي فايده صايره تزيد.. قامت زهرا تسمي عليها بالرحمن وبتجيب ليها ماي..
رائد طلع برى البيت على صوت صريخ ابوه كأنه يهاوش احد.. ولا طلع من باب صالتهم الا فارس فاتح المجلس بيشوف بعد ويش صاير وليش هالمهاوش.. طلعو اثنينهم لقو فاضل ماسك صبي وطايح فيه شدخ .. بالأكياس اللي عنده,, وشكله هالصبي مو اكبر من 17 سنه,,
رائد مختلع:
ــ خير يبه ويش صاااير؟؟
فاضل وهو يتلاحق نفسه ومقهور وهو مستمر بالشدخ:
ــ الله يلعنه الف لعنه.. عبرت ما شفته الا واقف لي عند نافذة حمامنا ويطالع.,,
رائد فتح عيونه:
ــ هاااا ,, حماااااامنا,, الله يااااااخذه,,,, يــــــــــــالله <<< هجوووووووووووم..
وطاح في الصبي تصفيق بالعكازه ورم بدنه توريم.. فاضل تعب قعد على عتبة الباب..
ورائد يكفخ.. وفارس يحاول يفكه عنه,, لا يذبحه ويتورط به,, وهذاك الصبي دايخ من الطق ودموع ودم ويصيح : ــ دخيلكووووون ما بأ اعيدااااااا
رائد يوخر فارس ,, وهو يصارخ فيه:
ــ هددددني عليـــــــــــه.. انت ما تدري به ويش مسووووي...
فارس :
ــ يالله بتذبحه.. خلااااص,,,
رائد:
ــ وربي وربي دفانه واجب ,, اجل ابن اللذين يطالع في اختي وهي تسبح ,,
ويضرب فيه ويدوس فبطنه,,
فارس,, ما يدري يفكر الحمام فاضي ,,,بس من سمع السالفه فيها رؤى وانها كانت داخل الحمام.. طفر له عرق,, وقام ويا رائد قومه.. على داك الصبي ,, لعنو خامسه وفرموه فرررم لين خلااص ذاب ذوبه من الطق,,
فاضل:
ــ خلاااص خلووه هالملعون ,, قليل هالحيا والتربيه,, وربي لكن لوديك الشرطه..
الصبي وهو يتنافض ويصيح:
ــ لااا عموو هات ايدك لبوسا,, هات رجلك,, والله ما راااح اعيدااا,,
فاضل :
ــ عمت عينك من عين,,انت حاشاك تستحي ,, لو تستحي ما هذي سواياك..
ووخرو فارس ورائد عنه.. ولا شافوه الا شرد يرركض وهو يطيح,,, والغبره وراه من الخوف...
فارس حس بضيقه في صدره صار يمسح وجهه ورقبته وشعره .. مره بيموت,, ورائد نفس الحاله,, قعد فارس جنب فاضل على العتبه,,
فاضل : ــ يعطيك العافيه ولدي ما قصرت والله,,
فارس ابتسم :
ــ الله يعافيك عمي ما سويت شي .. هذا واجبنا..
دخل فاضل البيت,,, رائد بعده مولع ومعصب .. فارس يحاول يهديه..:
ــ خلاص هدي وادخل انت بعد وارتاح.. رجولك الله الله بها,,,
رائد من القهر يتحمق :
ــ احنا ويا هالرجووول اللي ابتلشنا فيهااا
و يصفقها في الجدار ويقعد وهو يتألم حس بصقعه فيها,,
فارس حمق فيه وصارخ عليه:
ــ ويــــــــــــــش فيـــــــــك منت صااااااحي...؟؟؟
رائد:
ــ شيه هاللي سواااه هالتيس يخلي للواحد عقل ,, هالسخيف ولد الـ .... الـ ....
فارس :
ــ يالله خلاااص .. لا تكسب ذنوب على حسااابه.. اكو كفخناه لين قال بس,, اخذت حيفك فيه لين طلعت روحه,,
رائد :
ــ كفخناااه.. اخ لو بس يحصل لي وبكيفي شان دفنته عند نافذة الحمام,, عقب ويه كفخناه .. عقب ما شبع فرجه ومطالع,, ويلي عليش يا اختي اكي مختلعه وبصياحها وصريخها داخل وانا ويا امي ما ندري على ووويـــــــه... سوود الله وجه المايستحي..
فارس شب وبعفويه :
ــ خلااااص عااد.. لا تزود حرقة قلبي,,
رائد سكت وصار يطالعه مستغرب ومبتسم:
ــ سلامتك حبيبي من الحره..
فارس انتبه لروحه وانحرج وباتدى يرقع..
ــ هاا الله يسلمك.. والله زي اختي ما ارضى عليها واللي يمسكم يمسني .. فخلاص انسى ولا تقهرني..
رائد وهو مبتسم ابتسامة رضا:
ــ فيك الخير يالغالي .. من طيب اصلك والله..
فاضل داخل البيت ويا زهرا اللي يوم درت بالسالفه صارت تصيح معوره قلبها بنتها,, يحاولو يهدو في رؤى.. دخلوها الغرفه وسكرت زهرا الباب ووقفت من برى.. تبغاها تلبس ثيابها,,, وطولت رؤى .. خافت زهرا فتحت الباب لقتها لابسه ومنسدحه على السرير وحدها تعبانه.. صارت تسكر في ازرار قميص بنتها وهي تصيح وتمسح على شعرها .. وتسمي عليها بالله ومحمد وعلي.. لين نامت,,
رائد دخل البيت صفق باب الغرفه وراه ونام.. وفارس دخل المجلس .. انسدح على منامه على حساب بينام..
انتبهت له امه و كانت غافيه فتحت عيونها, وبتعب :
ــ امي .. ويش فيك؟؟
فارس :
ــ هاا.. هلا اماه.. نامي مافيني شي ,, بس من التعب مانى عارف انام الحين انام ان شالله,,
ام حسين :
ــ ايه دنام ياعيني .. نام,,
فارس : ــ ان شالله اماه,,
صار فارس يقلب همومه على نار هاديه.. وفي قلبه حره مهي طبيعيه.. ويضرب في فكره اخماس بأسداس .. ــ ياربي .. ارحمني.. ورؤى .. ااااااه .. يااربي اكتبها من نصيبي.. لمتى هذا حالي ., وين تصير نصيبي ,, وانا لا شغله ولا عمله,, احس روحي ثقل على بيت اهل رائد.. تعباااان.. يارب ما تطير من ايدي .. يارب دخيلك ساعدني.. ويش اسووي ما بقى شي ما سويته,,, قاسيه يادنيا..
وفجأه طرى على باله أبوه,,, قام لشنطته .. وطلع الظرف اللي فيه الرساله والفلوس لرحلة اللي طرشهم له ابوه,, وصار يفكر : ــ يمكن يجيني الخير من ورى هالروحه .....
كم ساعه.. وقبل اذان المغرب بساعه,, قعدت زهرا .. وصارت تقعدهم حق يتوضو,, ويروحو يزورو ويصلو.. وراحت لرؤى.. تقعدها وتشوف حالتها بعد الخلعه.. لقتها عرقانه مره.. وتنافخ.. لمستها الا هي مصخنه,,,
راحت تركض لفاضل..:
ــ ابو رائد الحق رؤى مصخنه,,
فاضل كان نايم.. يوم سمع هالخبر قعد :
ــ هااا.. خير اللهم اجعله خير,,,
وقام وراح للغرفه .. لمس رؤى لقاها فعلا مصخنه وحالتها حاله.. :
ــ يالله.. يامحمد ,, ياااعلي ,,الله يكووون بالعوون.. انتقم الله من اللي كان السبب .. صخنت من الخلعه,, انا لله,,
رائد قعد من النوم وحاط فوطه على راسه ورايح بيغسل وجهه.. ويتوضأ .. سمع امه وابوه شال الفوطه من على راسه وعلقها على كتفته .. وصار يتحمق ..
ــ اففف,, يـــــــــــــالله ويش هالسفره اللي كلها بلاوي ومرض وتعب...
زهرا سمعته وحمقت فيه:
ــ الحمدلله رب العالمين.. اجر وعافيه ان شالله...
فاضل ..
ــ .. لا اعتراض على حكمك يارب..
زهرا :
ــ امي .. رؤى .. قومي غسلي والبسي بنوديش المستشفى..
رؤى وبتعب وبلا وعي :
ــ ماني قايمه.. مـــــااني قادله..
مسكتها زهرا وعاونتها ..
فارس ما جاله نوم ولا غمض له جفن.. طلع برى الشارع.. وقعد على العتبه ينتظر رائد وحيدر وحسن.. يخلصو ويطلعو وياه.. الا بطلعة فاضل ورائد ...
فاضل راح يدور تاكسي .. ورائد قعد ويا فارس .. وعلمه بمرض رؤى المفاجأ ... فارس زاد همه هم.. وصار يحاتي في رؤى.. ووده لو بيده قتل اللي كان السبب...
قام فارس بيشوف امه اذا قعدت وخلصت.. حق تروح تزور...
دخل ليها ومن لمحت وجهه.. عرفت انه ما نام ومواصل .. والتعب مبين عليه ..
ــ امي فارس .. ويش فيك يا عيني مو على بعضك..
فارس بتعب .. قام يفضفض.. و صوت متكسر..
ــ اخت رائد تعبانه.. << ما يقول رؤى.. يا عيني على الحيا ..
ام حسين دقت صدرها :
ــ وي على عمري رؤى .. ويش فيهاا,,...؟؟
فارس علم امه بالسالفه... وطلعت لزهرا ورؤى..
دخلت عليهم بالصلاة على محمد...
ــ امي رؤى.. ويش حالش غناتي..
رؤى وبتعب:
ــ الحمدالله اماه,,
زهرا وشوي وتصيح:
ــ حسبي الله على اللي كان السبب.. مره مختلعه ما قصر فيها الله ينتقم منه..
ام حسين :
ــ ما تشوف شر ان شالله,, اختلعت بالحمام مو.. كان كسرتو بيض ..
زهرا :
ــ رجعتنا من المستشفى ان شالله..
ام حسين :
ــ تروحو وترجعو بالسلامه.. اجر وعافيه ان شالله...
وطلعت عنهم ..شوي ,,رن جوال رؤى و زهرا تعاونها في اللبس.. وكانت المتصله حنين..
ردت عليها زهرا :
ــ هلا حنين..
حنين اختلعت .. غريبه زهرا اللي ردت .. لا يكون دقيت عليها بالغلط..
ــ هلا .. هلا خاله.. ويش اخباركم.. عسى ما ازعجتكم..؟؟
ــ هلا غناتي .. لا ابدا قاعدين .. الحمدلله بخير ويش اخباركم انتون..
ــ الحمدلله تمام.. شيه وين رؤى ..؟؟
زهرا علمت حنين بالسالفه..
حنين :
ــ وي على عمري سلامتها ما تشوف شر ان شالله..طمنينا عليها خاله..
رائد ينادي :
ــ اماااااه يللا جا التاكسي..
زهرا بعدها تكلم حنين.. ورائد ينادي ولا يسمع امه تجاوب.. راح الغرفه شافها تكلم جوال..
ــ اماااه يللا التاكسي وصل...
زهرا تأشر لولدها بيدها حركة دقيقه صبر..
رائد لاحظ انها تكلم بجوال رؤى.. وعرف من طريقة امها وكلامها انها حنين:
ــ افففف متفررغه خلها تسككرر التاكسي برى..
حنين سمعته وتفشلت :
ــ يللا خاله مع السلامه وما تشوفو شر ..
زهرا :
ــ الله يسلمش غناتي والشر ما يجيش .. ولا تاخذي على خاطرش من رائد تعرفيه ,,, عصبي وحمقي..
حنين :
ــ لا عاد ويش دعوه .. يللا مع السلامه..
ــ الله يسلمش..
زهرا سكرت الجوال وصارت تهزأ في رائد:
ــ متى بتتأدب .. ما تستحي على وجهك احرجت البنيه.. كل طايح فيها فشايل ..؟؟
رائد وبلا مبالااه..,
ــ فاضي ليها انا عاد لو داق ليها خبر ..
طلعت زهرا وهي ماسكه رؤى و قابلو فاضل عالباب وركبو التاكسي وراحو المستشفى..
وكان فارس على الباب واقف ..
رائد طلع مع فارس.. وتنهد من قلب..
فارس :
ــ بسم الله عليك.. ما تشوفو شر يا رب...
رائد:
ــ الشر ما يجيك.. ما ادري ويش صاير .. استغفر الله.. من اولها للحين وكل مصايب ومن بلوى لبلوى..
فارس : ــ استغفر ربك.. اجر وعافيه صدقني..
وصار يمزح يبغى يلطف الجو.. وبنبرة مسخره وهو يطالع رائد على جنب:
ــ يمكن مني .. وجهي فال نحس عليكم..
رائد يبادله النظره بس بقهر,,
ــ لا تعليق ...
فارس :
ــ احسن...
رائد :
ــ حسن الله حواجبك خخخ
فارس : ــ بل هههههههه خلاااص بسكت.. الا وين حيدروه وحسنووه..؟؟
تااابع>>>
Princess
11-15-2007, 05:25 AM
رائد : ــ ما ادري بدق على حسنوه وباشوف..
رائد يدق رقم حسن.. ومن رد عليه حسن .. رائد على طوول:
ــ هلاااااااااااا وينـــــــــــــــــــــــك...؟؟؟يللا خلصنا احنا عالباااب..
حسن :
ــ ههههههه بل بل مافي تفاهم.. هذانا انزل الدرج سكر بس سكر..
رائد :
ــ هاااااع والله.. وانا اقول زلزال قايم..
حسن :ــ هههههههههه وجهك..
فتح حسن الباب وكان حديد..
رائد يسخر :
ــ هههههه على جنب على جنب..
حسن وهو يطلع فعلا على جنب .. يصفق رائد وهو يضحك:
ــ ما تتأدب ولا تيوز عني هااا...
رائد : ــ امزح وياك انا .. حبيب قلبي انت ..
حسن يحط ايده على خدوده ويرمش بعيونه بخجل ,,,
ــ فديتك.. استحي اناا...
فارس :
ــ حسن .. امك بتطلع تزور مو... ؟؟
حسن :
ــ ايه .. ابوي شوي طلع وبيتقدم .. ودرت امي عن خالتي وبنتها وقالت بتمر على امك ام حسين
فارس :
ــ تسلم من طيبكم والله..
حسن : ــ ولوو..
رائد :
ــ افففففف وين حيدرووه البارد... بدق عليه باشوفه..
دق عليه ..
حيدر :
ــ هلاااا
رائد : ــ ناايم؟؟؟
ــ لا يلعن ابو بليس ..؟
ــ يللا اجل انزل بسرعه نستناك..
ــ افففففففف قاعد ادور نظااارتي.. مانى شايفنها....
رائد مات من الضحك.. وعلم فارس وحسن السالفه.. وصارو يضحكو على حيدر ..
انتظروه ربع ساعه يدور بعد.. تالي دق رائد وقال ما يحتاج مافي وقت.. يطلع بدونها وتالي بيدوروها وياه..وهو مو راضي يقول بيمشي ويخبط...
طلعو من البيت.. وصولو السيده وزاروا.. وقبلو الضريح... وطلعو الساعه 10 الليل .. وصارو يتمشو في السوق وحيدر على اعصابه لأن ما يشوف عدل والدنيا ليل ...
وفعلا شوي الا حيدر مصروعنهم.. التفتو كلهم عليه لقووه متورط بمره واقفه قباله وتهدر ..
والى اللقاء ...:embarrest:
عازفت الاوتار
11-15-2007, 10:17 AM
مسكينه روى على مري ان شاء الله تقوووووم بسلامه يارب
وهم بعد
هههههههههههههههههههههههههههههههههه
مسكين حيدروه اتوقع وهو يمشي يكسر الخاطر ما يدري وين الله حاشره
جاااااااااااااااري الانتظاااااااااااااااااااار
ملاحظه: الرجاء عدم التاخير في الجزء الجديد
تحياتي
**جوان**
11-15-2007, 11:52 AM
........
ياعلـى عــمري رؤى ..
اللـه يلعنــه الحــيوان ..
.. مشــكوره خيــوه على الجـزء الجــديد ..
.. نتظر جديدكـ ...
..تــحياتــيــ ...
زهور الريف
11-15-2007, 02:30 PM
جزء كل أكشن
مشكورة خيتو وساش عالقوة
مسكينة رؤى مي مترقعة
لا تعبي عمرك أمووور وبالتوفيق
سفيرة الاحلام
11-15-2007, 03:54 PM
مشكوره اختي على الجزء
الله ينجاحك في اختباراتك ونجحنا
جاري الانتظار
*زهرة البنفسج*
11-16-2007, 10:52 PM
الله يعطيك العافيه امورة
الله تعدي امتحاناتك على خيررر
دبوه لاصيرري زيييي زفتتتتتتتتت في الأمتحانات
الله يفرجها ووفقش ووفقني بعددد
موفقه
زهرة القلوب
11-18-2007, 03:29 AM
مشكوره خيتو على الجزء الروعه
الله يعطيش العافيه
ويوفقش في امتحاناتش
تحياتي
طفلة بريئة
11-18-2007, 07:36 PM
السلاااااااااااااااااااام عليييييييييييييكم
بالصراااحة أجزااااااااااااء كشوخية رووووووووعه :bigsmile:
تسلم الأيادي أموووووووووووووووور :rolleyes:
المهم اني اليوم شفت صورة وعلى طول ذكرت القصة وخصوصاً الموقف اللي صار فيها :wink:
باحط ليكم الصورة وانتون بتعرفوا :toung:
ادري انها متأخرة :embarrest:
بس ويش اسوي شفتها وحبيت أحطها ليككم عشااااان تذكروا الموووووووووووووقف :wink:
http://www.noor22o.com/vb/upload/4ee070e59a.jpg
ســحرالقوافي
11-19-2007, 07:45 AM
http://www.yesmeenah.com/smiles/smiles/6/girl%20face%20(105).gif مسكينة رؤى http://www.yesmeenah.com/smiles/smiles/6/girl%20face%20(105).gif
ما تستاهل
واعلى قلب
بس هذا النحيس
لو اصيده
اطلع حرتي وحرت رائد وفارس وزهراء وفاضل
كـــــــــــلـها فيه الواطي قليل الحيا والتربيه http://www.yesmeenah.com/smiles/smiles/56/small%20(309).gif
وسالفت حيدر ويا النظاره الله يستر منها
يمكن البنت لازقه فيه شافته حلو وشعر حرير يمكن تبي تغازله
http://www.yesmeenah.com/smiles/smiles/56/small%20(285).gif
خخخخخخخ
بنتظار الجزء القادم قبل الاختباراتhttp://www.yesmeenah.com/smiles/smiles/6/girl%20face%20(131).gif
دمتــ بود
كبرياء
11-20-2007, 06:00 PM
هع هع هع هع
يسلموووووووووووووووووووو أميرووه على الجـــــــــــــزء الحلو
جـــــــــاري الانتظااار
زهرة البنفسجي
11-23-2007, 10:17 AM
سلمت أناملك على روعة ماخطت
بانتظار جديدك
Princess
11-23-2007, 05:00 PM
السلاااااااااااام عليكم...
مشكورين حبايبي على التفاعل والصبر علي....:embarrest:
بس بتأخر شوياات... ادخلو هالرابط وبتعرفووو لييش ..:toung:
http://www.alnassrah.com/showthread.php?t=43678 (http://www.alnassrah.com/showthread.php?t=43678)
دمتم بحفظ الرحمن
دمعة الاحزان
11-26-2007, 03:14 PM
افا يامور بس افا
الحين اغيب اسبوعين واجي ماشوف الا كم جزء من القصه
بس ماعليه عاذرتك لان الاختبارات ماتقصر في الواحد
واققول بعد هالغياب هالله هالله بالدرجات الزينه اللي تفرح
مو زي بعض الناس غابوا واول درجه اخذوها زي وجهم مع انها زينه
والكل يقول انها زينه بس هي مو عاحبتها على قوله امها لما شافتها تصيح
بني ادم ماتشبع عينه حبه التراب<<يمكن المثل كذا او بما معناه يعني طمع بني ادم
نجي الى الموهيم الان
اقول حبابه اموررر
اخاف بس الحركه اللي تسويها رؤى اذا شمت الريحه تخصك
بس رحتي حطيتيها في هالفقيرة المستينه المستتيه
حرام عليك تحطي فيها
ومسكينه كانها ناقصه عشان ولد الذين كفروا يجي ويطالع
واقول انتبهي الى الاختباراتك واذا خلصتي هالله هالله بالاجزاء
وموفقه
..انين الروح..
11-26-2007, 10:15 PM
الجزء زاحف زحيييييف................ كأنها صارت اعظم من الاولاد
تسلمين اوووووووور
وبنتظارك
تحياتي
..انين الروح..
جنة الحسين
11-27-2007, 02:30 AM
الجزء مره رووعه
بس مسكينه رؤى من شيء الى شيء ثاني
ننتظر الجزء الجديد لا تطولي علينا يعطيش الف عافيه امووره :rolleyes:
روحي في ذكراك
11-27-2007, 12:52 PM
الجزء مرة مرة حلو تسلمي
ننتطر الجزء الجديد بفارغ الصبر
تحياتي
أم الغالين
11-27-2007, 10:56 PM
قصة روعة الله يعطيكِ الف عافية
بالصراحة لا تستطيع حروفي التعبير عن حلاوة القصة
خشيةً من التقصير في الرد
مشكورة مع تمنياتي لكِ مزيد في التقدم والنجاح
في إنتظار تكملة الاجزاء الباقية في القريب العاجل
تقبلي تحياتي القلبية
أختكِ:أم الغاليين
..انين الروح..
11-28-2007, 01:50 PM
ياالله
اموووووووووووووووور ترى طولتي بالحيل
و يالله اموووووور حطي لنا اليوم جزء
يزيد فرحتنا باليوم
اليوم الاربعا يالله خلي الفرحه تكمل
ان شاء الله اليوم تحطي جزء
تحياتي
..انين الروح..
مليت الانتظار
Princess
11-29-2007, 09:45 PM
هلااااااااااااااااااا
لك تأبشو عظامي أبش.. شووو بحبكوون :toung: << متأثره بسورياااا..:wink:
تسلمو على الإنتظار.. بجد آســـــــــــ:embarrest:ـــــــــفه .. ادري مصختها وربي .. بس ربي يدري بي وبحالتي .:wacko:.
تفضلووو الجديد.. لا عدمتها طلاتكم يارب
دمتم بحفظ الرحمن
Princess
11-29-2007, 09:47 PM
طلعو من البيت.. وصولو السيده وزاروا.. وقبلو الضريح... وطلعو الساعه 10 الليل .. وصارو يتمشو في السوق وحيدر على اعصابه لأن ما يشوف عدل والدنيا ليل ...
وفعلا شوي الا حيدر مصروعنهم.. التفتو كلهم عليه لقووه متورط بوحده واقفه قباله وتهدر
راحو له لقوها مره من النّور << " النّور قبيله من غجر سوريا " بدو""
... وتهلوس عليه..
ــ البشاره يا صبي ...
حيدر مستنكر منها ومتشتت ويحس روحه داايخ بدون النظاره..
ــ بشارة ويـــــه؟؟
حسن ضحك..
ــ بتكشف لك الفال عفر..
رائد نقز..
ــ هلاااا.. ههههههه انا انا..
فارس يفلصه..
ــ استح على وجهك.. عاد بتصدق انت..
رائد :
ــ اييي لا بس نتسلى..
النّوريه:
ــ ايه ايه.. بالدور راح اقل الكن .. وانت اولهن..
اشرت على فارس...فارس ارتبك...
ــ ليش يعني..؟؟
النّوريه :
ــ هيك.. فالك مكشوف ما بيصعب علي تعال واقل لك وشوف..
رائد:ــ رووح يا اخي ويش ضارنك.. نتسمع وبس .. يللا .. حرك خلنا نشوف فالك << قالها وهو يرقص حواجبه...
فارس وهو يضحك : ــ زين.. يللا باشوف ...
النّوريه.. ــ ادفع
مد كفه للنوريه حق تقراها ...
النّوريه بتمسكها.. سحبها فارس :
ــ اقريها على بعد لو سمحتي..
طالعته نظره منقهره..:
ــ حاضر.. بس ادفع لول ..
عطاها فارس كم ليرة...
سكتت شوي ... وبعدين قامت الصواريخ بالقصف العشوائي..
ــ انت امك بعد اسبوع بدى تغضب عليك.. لأنك بدك تعمل شي ما راح يرضيها ..
رائد يساسر حسن :
ــ ابوووش يالصواااريخ.. رحمة الله عليش يا ام خويي...
تكمل :
ــ انت راح تتعرض لغدر من اعز اصحابك.. و راح تنصدم فيه ..
رائد طفر :
ــ هييييه ويش تقوولي..
النّوريه :
ــ شو في .. شو .. ليش معصب..
فارس يضحك ويغمز لرائد وهو يهمس : ــ يعني مصدق حضرتك.. خلها تهدر لبكره نشوف فضايحها اكي مبينه للحين شلاخ على اصوول ..
النوريه مهي فاهمه كلامهم.. تكمل الكلام..
ــ انت عشقان ...
فارس انقبض قلبه يوم قالت له كذا.. وصار ينتبه لباقي الكلام..
ــ ايه .. انت بتحب .. وغرقان بالعشق كتيير .. وهيدي يللي بتعشقا .. ماراح تكون من نصيبك.. راح تفارقها .. اما انك راح تموت او هيا تموت او راح تكون لغيرك..
رائد وحسن وحيدر مستلمين فارس مسخره ومزح..
رائد: ــ اييييييه تحب ,,اوه اوه حركتات وبسم الله عليك من الموت .. ههههه
حسن : ــ لا حووول اسكت لا تعور قلبه بيتفاارقوو..
حيدر : ــ تهي تهي.. والله دنيا بلاوي
فارس حس راسه يدور واختناق,,, وسكر ايده..
النوريه :ــ شو ما بدك اكمل ..
فارس : ــ لأ..
النوريه : ــ طيب براحتك.. هلق مين بدو اقرا لوو.,,
رائد انتبه لفارس وحركته .. بس سكت لأن معاهم حسن وحيدر ما حب يسأله ويحرجه..
جا دور حسن ..هدرت عليه شوي.. وخربطت وحسن بس يضحك... واخيرا دور رائد...
قالت له:
ــ انت اللي بيشوفك بيقول عنك شايف حالك.. بس يحق لك تشوف حالك.. فالك حلو كتير.. مستقبل حلو بيستناك.. بس مافي شي يكمل.. يا اما انك ما راح تتجوز يا اما انك راح تتأخر بالجواز..
رائد يفتح بلوزته جهة الرقبه: ــ تف تف تف بعيد الشر.. وليش بالله..
النّوريه: ــ ما بعرف .. بس شكلك ما راح تلاقي اللي تسعدك وترضيك.. شوف انا ما بعرف بس يمكن تلاقي صعوبات في ارتباطك باللي راح يختارها قلبك.. وممكن ما ترتبط فيها
المهم انك راح تطول .. ومنيح كتر خير الله اذا نجحت علاقتك فيها.. بس اللي مبين انك شخص كتير محبوب .. والبنات حولك وحواليك .. انتبه لنفسك..
رائد فقع ضحك.. :
ــ احم البنات حولي وحواليي .. ايه ادري امشي واطيح صفة بنات..
حيدر :
ــ خخ وانت الصادق درزن...
مشو عن النّوريه بعد ما كدت منهم خير .. وفارس ساكت.. رائد طلع جواله..
ــ بدق على ابوي بشوف ويش حال رؤى..
ما مداه يدق الجوال ويحطه على اذونه.. الا صبي يركض وخطفه من ايده.. وينحاااش..
ووراه يركضو رائد وفارس .. حسن مو بسرعتهم لأنه مو بخفتهم.. وحيدر مو لاااابس النظاره فما يشوف عدل .. ان ركض صامع في الخلق ..
وهم يركضو وراه .. شوي الا صبي طول بعرض .. يمسك الحرامي...
وصلو له رائد وفارس وهم ينافخو..
الصبي اخذ الجوال من ايد الحرامي ومسكها من كلر بلوزته وصار يفر فيه الأرض:
ــ.. شووو .. ليش الركض .. عم تسرأ يا حرامي ..
رائد وانفاسه تتلاحق:
ــ حقي هذا الجوال.. تسلم ياخوك..
الصبي ..
ــ الله يسلمك.. حاضرين بالخدمه.. يسلمك ربي ..
فارس وفضول فيه يوم سمع اللهجه :
ــ الأخ من وينا..
الصبي ضحك:
ــ من وينااا.. عفر من ديرتك.. اذا مانى غلطان..
رائد:
ــ من وينا اخووك..؟؟
الصبي :
ــ من الدراز .. بحريني..
ابتسم فارس :
ــ هلا فيك خيوو.. لا احنا من القطيف .. السعوديه..
الصبي :
ــ هلا والله بأهل القطيف .. اهلنا والله.. امي قطيفيه.. هلا والله فيكم..
رائد :
ــ هلا فيك.. ما عرفتنا يا خوك..
الصبي .:
ــ انا سلمان الـ ....
رائد : ــ انا رائد الـ .... وهذا خويي فارس الـ .... وهذا ولد خالتي حسن الــ..... وهذا خالي حيدر الـ .....
فارس :
ــ هههههههه ما شالله عليك لسان الحال..
سلمان:
ــ هلا والله فيكم تشرفنا...
حيدر:
ــ هلا فيك اخوي يعز مقدارك..
سلمان:
ــ استأذن الحين بروح .. مع السلامه.. فرصه سعيده..
رائد:
ــ احنا الأسعد.. الله يسلمك ..
ومشى سلمان عنهم..
فارس :
ــ شكله طيب هالسلمان وحركات.. رائد.. تصدق ذكرني بمين شكله و ابتسامته ..
رائد وهو مبتسم على جنب وبهدووء:
ــ المرحوم.. عبدالله..
فارس بادله الإبتسامه:
ــ ايييه الله يرحمه.. بس عبدالله كان انحف و اقصر .. هذا ما شالله متعافي.. شكله يحمل اثقال .. معضل .. لو صك الحرامي بكس مو بعيده يفر له وجهه..
رائد :
ــ ايه والله.. انا ابغى كذا بكثف التمارين حق اصير زيه.. كشخه والله...
فارس :
ــ ههههههههه ان شالله..
حيدر بمسخره:
ــ اخر شي افكر اسويه.. كمال اجسام قال..
حسن:
ــ خخخ نا ابغى شفط شحوم ولحوم..
فارس :
ــ ههههههههههه الله يحقق امانيكم..
رائد :
ــ حيدروه.. اف منك.. انت اسوي لك هفففففف الا انت طاااير... و حسنوه اخاف عليك والله من الغيبوبات .. يشفطو لك شحمك.. الا انت طافي ومنتهي .. بسم الله على عمرك.. ويش رايك تسوي خير وترسله لمجاعة افريقيا,, والله تكسب اجر وثواب
حسن يطالع رائد على جنب :
ــ هذا اللي فالح فيه حضرتك التمسخر..
حيدر :
ــ ما عليك منه ولد اختي فديتك.. خله يولي ..
رائد يبحلس عليهم:
ــ امززح وياكم شباب.. احبكم والله..
حسن:
ـــ مو ما مصبرنا على مزحك الثقيل هذا الا انا نحبك ..
رائد وهو داق على ابوه..:
ــ فديتكم والله ... الووو ... هلا يباا.. قوه .. ويش اخبار رؤى..
فاضل :
ــ الحمدلله تمام ضربوها ابرااه وصارت احسن..
رائد : ــ خخخخ معروفين ويش عندهم غير الأبر .. يللا هذا احنا راجعين البيت.. نشوفكم على خير.. مع السلامه..
فاضل : ــ الله يسلمك..
ووصلو البيت تعبانين.. فارس سرحان ويفكر في كلام النوريه.. امه ام حسين ويا تهاني بعدهم في حرم السيده.. انسدح في المجلس .. وشوي الا الباب يطق ..
ــ ميـــن؟؟
ــ انا ..
ــ هلا رائد.. ادخل..
دخل رائد وقعد على المنام جنب رجول فارس .. ضربها وتسند على الجدار:
ــ أيـــــه ما بتقول لي ويش فيك..
فارس مبهوت: ــ هااا .. مافيني شي ...
رائد : ــ ممم علينا عاد.. شوف انا منتبه وملاحظ عليك تغيرات من احد يجيب طاري الحب .. اعترف ..
فارس ابتسم : ــ ههههههههه ويش تخرف انت.. خبل قالو لك.. لا بس مستغرب من هالنوريه وتخريفها من وين تجيب هالكلام.. وبس..
ــ مممم وبس .. زين براحتك... فارسووه.. سلمان هذا كني شايفنه في مكان.. بس مو ذاكر وينا..
ــ مو قلنا يشبه المرحووم..
ــ لالا.. مكان ثاني .. مو غريب علي وجهه..
ــ تصدق يشبه بيت الـ ... جيراننا.. يشبه ابراهيم ولدهم... <<< بيت ام ابراهيم خوية ام حسين..
ــ أي والله وانا اقووول وينا شايفنه.. بس يشبه عبدالله اكثر موو..
ــ ايه رحمة الله عليه.. غالي له ذكرى وطاري في كل وقت..
صوت باب الشارع يتسكر ....
رائد : ــ وصلو اهلي .. اخليك بروح اتطمن على رؤى..
فارس : ما تشوف شر ان شالله.. حياك..
ــ الشر ما يجيك.. ارتاح ونام ولا تفكر وايد..
فارس مبتسم : ــ ان شالله..
طلع رائد وبعالي صوته : ــ هلاااا وغلااااا.. هااا ويش الأخبار ..
ضحكت رؤى : ــ ضللبوووني بلاه تقول حق بقله مو ادميه..
فارس داخل سمعها قام يضحك.. وتنهد من قلبه :
ــ ااااه لمتى هذا حالي .. يارب الطف بحالي .. تعبتتت من حااااالي...
ومن يذكر فارس حالته يتذكر ابوه على طول ..
ــ خلاص اسبوع بالكثير وبروح المغرب .. ضروري ارووح...
تابع>>
Princess
11-29-2007, 09:49 PM
في شارع التين.. في فندق الـ ....
شذى : ــ ووووف .. الإستشووواااار ماني شااايفه الفيش حقه.. وعاد فتحات الكهرب عليهم عجب...
سمر : ــ لازم استشوار يعني .. بتروحي السيده انتين مو معاريس ..
ــ من قال باروح الحين .. بروح بكره.. جت الليل ولا نمت العصر عدل ..
حنين : ــ ودي اطلع اني الحين .. اروح السوق سمرووه قولي لأبوي خلنا نرووح..
سمر : ــ انشبي زياره ما طلعت اروح السوق لاحقه..
حنين : ــ اوووف منش ... شذيووه اكو الفيش ..
شذى :ــ وينهوو..
حنين : ــ مافي بس كذا ابغى اجننش..
شذى : ــ صدق بااايخه .. وما عندش سالفه..
سمر : ــ ياربي ما تسكتو.. الحين ليش استشوار ضروري يعني ...
شذى : ــ اهووو عني شفتي روحش شعرش ناعم بتهدري على راسي .. ماني ما احب شعري كذا لو ويه .. ماااالي شغل دورو على فيشي..
سمر عاطتنها اذون الصمخه .. و حنين تفر في قنوات التلفزيون ومطنشه..
شذى وهي معصبه .. : ــ لكن ما عليه ارااويكم..
ربع ساعه وطلعت ليهم محجبه..
سمر فتحت عيونها : ــ ههههههههههه حق ويه متحجبه..
شذى تطالع سمر على جنب وتعطيها بحلوس بقهر :
ــ حق ينكوي شعري ..
حنين : ــ بففف ههههههههههههههه والله عليش طرق جهنميه...
شذى : ــ انشبي انتين...
حنين : ــ وانتين كل تهزأي فيني و تسكتيني.. فارقي بس .. اندل الفيش وما بقول لش وينا..
شذى : ــ احلفي .. بلا سخافه علي ..
حنين : ــ والله اندله .. وانقلعي ما احد قال لش تحطي دوبش دوبي ..
ــ الللحيييييييين مين حاطه دوبها دوب الثانيه اني لو انتين ...
حنين : ــ فكيني ..
شذى : ــ عاااد خلصيني وينا..
حنين : ــ اوووف .. فوق الكامدينا في بيتنا...
شذى وهي مولعه ناار : ــ ياااااااا باااااااااااايخه .. تستظرفي حضرتش ..
حنين : ــ هههههههه واني صاادقه ما شدبت..
شذى حمقت ودخلت الغرفه..
سمر : ــ ههههههه توم وجيري.. حق ويه كل تقهري اختش ..
حنين : ــ اف منها هي اللي كل تتعيلف وتشابق .. شافتني اصغر منها طايحه فيني طيح.. لويش ما تتعيلف فيش وفي كوثروه.. وي على قلبي كوثروه وحشتني ,,
سمر : ــ أي والله واني اكثر .. ويش رايش ندق عليها,,
حنين : ــ ايه نخوووبلها هههههه
سمر : ــ نحيييسه انتين..
دقو على كوثر ... وحطو السبيكر
كوثر : ــ هلاااااااااا هلاااا سموره هلا غناتي .. وحشتوووووني ...
سمر : ــ هههههههههه هلا فيش توها امي مكلمتنش الظهر يوم نوصل .. مداش تشتاقي ..
كوثر : ــ امي كلمتني والحين انتون .. والله مشتاقه ليكم.. خساره ما عند الريل اجازه شان لحقتكم..
حنين : ــ هههههههه كوثروه الريل هاااا,,, قولي اسمه... قالت ويه الريل .. وويش تلحقينا انشبي مكانش بس ..
كوثر : ــ ههههههه هلااا حنينوه الدبه حاطين سبيكر يا ملاعين.. احم استحي اقول اسمه.. ولويش ما الحقكم ,, تهي تهي.. خلاص ما تبغوني ..
حنين : ــ شوي شوي لا تطب دمعتش و تسيح مخاطتش علينا بس ..
سمر وكوثر بنفس واحد :
ــ يعووووووه...
سمر ترمي على حنين مخده : ــ فاااارقي مناك يا وصخه..
حنين ميته ضحك...
سمر سكرت السبيكر .. وحطت الجوال على اذونها :
ــ هلا كوثر .. خلنا كذا احسن لينا من هالوصاخه..
حنين حمقت :
ــ هييييييييييه .. لكن ما عليه,,,
صارت تصفق وتصارخ وتسوي ازعاج.. وسمر عاطتنها طناش ...
راحت حنين خذت جوالها .. وبحلست على سمر :
ــ مالت بس مالت بكلم رؤووه بطمن عليها شيه بس انتون قرقر بالجوال ..
سمر : ــ ما اقول الا الله يعين ابوي على الفاتوره.. سلمي عليها
حنين : ــ قولي لروحش داقه دووولي سكرررري ..
كوثر : ــ سكرو عليها قوطي تقول امين.. خلها لا تسكت لا اشلخ بدنها..
سمر : ــ هههههههه ما عليش منهااا..
حنين : ــ الوو رؤووه هلا غناتي
رؤى : ــ اهليين وسهليين..
ــ اخباارش واخبار صحتش وحشتيني بطيخه..
ــ الحمدلله الحين احسن ضلبووني بلااااه
ــ ههههههههه ابرااه,, ايه اكيد ويش تتوقعي..
ــ اح تعووول تقولي حق بقله..
ــ ههههههههههه احلى يا بقره...
ــ ههههههه وجهش.. لحتو السيده...؟؟
ــ لااا توني قاعده من النوم و الحرم زحمه هالحزه المفروض نروح العصر لو المغرب.. بكره الصباح ان شالله بنروح
ــ اوووكي انشالله نتلاقى..
ــ على خير .. انتبهي لروحش غناتي تسلم عليش سمروه..
ــ ان شالله تسلمي يالغاليه الله يسلمش .. سلمي عليها انتين بعد..
ــ الله يسلمش.. يللا باي
ــ باي...
وبعد يومين,, الساعه 9 الصباح..,,, فاضل :
ــ نبغى نتلاحق ما عدنا الا شهر.. نبغى نخلص زيارات .. ونروح الأسواق اللي هنا.. ونروح الزبداني .. ونروح جبل قاسيون ونروح دمشق للجامع الأموي والسيدة رقيه .... اف ما ابغى يضيع الوقت...
زهرا :
ــ أي والله.. نشوف الجماعه ونرتب وضعنا .. وبعد الزياره الظهر ويش رايكم نروح نزور السيده رقيه عليهم السلام نمر سوق الحميديه شوي .. ونزور الجامع الأموي .. ونقضي كم مكان هاليوم.... كلم ابوي وزوج اختي .. وجارنا رضا و اخوك ابو علي ونشوف خلنا كلنا نحجز ميكرو ونروح جماعه احسن..
فاضل : ــ والله خوش راي .. خلاص بنروح..
زهرا : ــ على خير...
الساعه 4 العصر .. رتبو عمرهم.. ابو كرار وعايلته كلهم في ميكرو.. وطلعو .. ورضا وابوعلي بما انهم ساكنين بشارع التين .. طلعو في ميكرو .. واتفقو على نقطه يتلاقو فيها ويكملو المشوار...
وتلاقو.. حمزه مقهور ومو مشتهي .. كلما طالع في فارس وده يذبحه وهو يشوفه يتمشى ويا رائد ووياه 24 ساعه.. وبعد مشاورات قررو يخلو سوق الحميديه لأخر شي بعد الزيارات رجعتهم يمرو عليه...
وصلو لمرقد السيدة رقية سلام الله عليها.. وفي كادر يشرف عليه شباب عراقي .. يحفظ النعالات في كراتين وسلات... تقدمو الرجال .. والحريم كلن حط نعاله.. ام حسين اخر وحده تمشي على هونها ويا ولدها فارس .. وصل .. فصخ نعاله ونزل يرفعه ولا سمع العراقي الا ينادي امه ام حسين اللي كانت تمشي على هونها وناسيه عمرها وبتدخل بنعالها :
ــ حجية عيني انطيني نعالج احفظه لج هنيا لين ما تخلصين زياره...
حمزه قام يضحك.. فارس عطاه نظره وطنشه.. انقهر حمزه ودخل ...
ابتسم فارس في وجه العراقي وعطاه نعاله.. وامه رجعت وفصخت نعالها.. نزل فارس وشاله وعطاه اياه .. ام حسين تكلم العراقي :
ــ عفية عليك يا خلف شبدي .. عسى امك بالغه فيك معرس يارب ..
رفع العراقي ايده وهو مبتسم:
ـ يارب الله يسلمج يمه ينطيج العافيه ويخليج لحبايبج ما تقصرين..
دخلت ام حسين الضريح .. وانكبت عليه بالدموع..:
ـ السلام عليش يا سيدتنا رقية , عليش ِ التحية و السلام و رحمة الله و بركاته , السلام عليشِ يا بنت رسول الله , السلام عليشِ يا بنت أمير المؤمنين علي بن أبيطالب عليه السلام , السلام عليشِ يا بنت فاطمة الزهراء سيدة نساء العالمين , السلام عليشِ يا بنت خديجة الكبرى أم المؤمنين و المؤمنات , السلام عليش يا بنتو لي الله , السلام عليش يا أخت و لي الله , السلام عليش يا بنت الحسين الشهيد , السلام عليش يا الصديقة الشهيدة , السلام عليشِ يا الرضية المرضية,,
وكملو الزياره بالدموع وخالص الدعاء... وبعدها طلعو يتمشو في الزرانيق الدمشقيه.. و في سوق الحميديه .. مشي لين يوصلو للجامع الأموي .. وقررو بعد طلعتهم من الجامع يرجعو السوق ويتبضعو... ولما وصلو لفت نظر فارس تاكسي وقف ونزلت منه ضبعه .. قابلت الجامع وبدت تدعي ...
ــ جعلك الدود اللي ينخر عظامك يا ظالم .. جعلك ما تربح .. تفووو عليك يا مسود الوجه...
<< وسباااااااااااايب ودعاااوي .....
فارس ميت من الضحك..:
ــ رااائدوه شوف الضبعه تطلع حرتها...
صار حيدر ورائد وحسن يطالعو فيها.. ويووم خذت حيفها سب ولعن..:
ــ اه.. اه.. تهي تهييي .... لعن الله ظالميكم يا سادتي ...
وركبت التاكسي .. ومشى..
رائد ما قدر .. صار يضحك ويضحك.. ودخلو بوابة الجامع... كان مليان حمام ويهال يطيرو فيهم .. حنين تخاف منهم.. وكلما طارو هي تنخش في اختها سمر ومتصروعه.. واختها ميته عليها ضحك..
ام حيدر تبقق في حريم اجانب من اوروبا شكلهم يصورو في الجامع وهم طبعا مكشوفات وكاشخات صارت تهدر وهي متنرفزه :
ــ قلل الله حياكم يا قليلا ت الحيا حيدرووه لا تطاااالع وصاقعه .. ..
حيدر نقز : ــ اه.. اللي يسمع اطالع انا الحين .. بعد تقولي لي حق ويه.. قولي لأبوي .. يبااا لا تطاااالع..
ابو كرار : ــ ولعنه.. ويش قالو لك .. صحيح ما تستحي على وجهك...
ام حسين تطالع:
ــ وي عجل يافرج الله لا عباه لا مشمر . واصفر واحمر هادويه هااادويه... حسبي الله عليهم..
حمزه ما شال عيونه يبقق فيهم يا مال عيونه البط..
رؤى وحنين ضرب مسخره.. وشوي تجي وحده منهم لزهرا وتكلمها ..
ــ hi
زهرا منصرعه :
ــ hi
ــ If be possible can you tell me in wich year and who was built this mosqu<<<< اذا كان ممكنا .. هل تستطيعين اخباري في أي سنه تم بناء هذا الجامع ومن الذي بناه .. <<<طبعا الأجانب ما يراعو القواعد في كلامهم.. ويتخذو الإنجليزيه العاميه.. مراعاة القواعد بالنسبه ليهم تعتبر فصحى وتكلف ..
زهرا فتحت بوزها : ــ هااااا
ام حيدر: ــ ومصيبه تصيبش .. ونايبة تصكش .. ويش قاعده ترطني لينا انتين.. ما نفهم عليش ولي فارقي.. حسبي الله على هالأشكال ..
الأجنبيه مستغربه ومهي فاهمه. فسألت فارس نفس السؤال ...
فارس : ــ The emus Alwalled ben Abd allamlek he was built this mosque in 705 after born
الأجنبيه : ــ oooh thanks so much
فارس : ـــ You are welcome
تابع>>>
Princess
11-29-2007, 09:50 PM
رائد : ــ فديت البلبل انا عاش عاش..
فارس : ــ خخخخخ اسكت بس كم كلمه صفيناها,,
حسن : ــ يعني ويه غلط كلامك.. ويش قلت ليها..
فارس : ــ وجهك غلط .. جاوبت عليها اللي بناه الأموي الوليد بن عبدالملك سنه 705 ميلادي ..
رؤى تتطفر وفي بالها : ــ يصقع وجهها تكلمه عيني عينك.. ويصقع وجهه يلد عليها .. اووف مننننهم...
دخلو الجامع .. وصلو لموضع الرأس الشريف .. وصارو يقبلوه.. ويمسحو عليه..
شوي سمعو همس رجال من وراهم:
ــ شيسون هذولي ..
ــ والله مدري .. ليش يبوسونه..
رائد تليقف ودار ليهم :
ــ موضع راس الإمام الحسين عليه السلام ....
واحد من الرجال ..
ــ وموضع راسه .. وش العبره من تبويسه .. وش الفايده خخ .. والله حركات غريبه..
رائد بيرد.. سحبه فارس وهمس له..
ــ الجدال وياهم عقيم.. خليهم عنك وخلنا نكمل ...
خلصو من الجامع وطلعو سوق الحميديه.. ام فارس طلبت من ولدها يوصلها للباص بداية السوق واقف .. بتركبه بترتاح.. وقالت ام حيدر بتروح وياها ويا ابو كرار تعبو وما فيهم شدة مداور بالأسواق .. ركبو الباص وكان السواق مسند راسه وعيونه غافيه.. الباقي كل ناس ويا اهلهم ,, يتبضعو.. ام حيدر في الباص :
ــ ابو كرار .. افادنا بكيلو قهوه.. اشتم ريحته تطخ في الرااس طخ.. حول جيب لنا كم كيلو نمخمخ روسنا عليهم..
ابو كرار : ــ اف منش ما قلتي داك الحين .. يوم ركبت ما مداه يحمى مكاني بعده باااارد ما مداني قعدت الا طلبتي .. .. زين باحول .. ام حسين ما تبغي شي ..
ام حسين :
ــ سلامتك.. يعطيك الف عافيه..
ــ الله يسلمش ويعافيش..
ونزل ابو كرار.. راح كذا محل بعدهم ما حمصوها " حبات البن .. القهوه" .. وهو يبغاها محمصه.. وبالهيل .. فصار يداور ...
عشر دقايق .. ام حيدر سندت راسها وغفت عينها...
ام حسين .. طالعت في رجولها..
ــ ايييه شكلي يبغى لي ابدل هالشحاطه.. بشحاطه يديييده .. باقوم .. ياااعلي .. اه.. ويش هالعافيه فقيله.. خلني باحول محل قريب واشتري لي وحده ..
ونزلت من الباص ولا انتبهت ليها ام حيدر والسواق انتبه بس فكرها عادي بتتبضع ما يدري بها مسكينه مخرفه...
رجع ابو كرار .. وما طالع ورى .. ركب :
ــ يالله يالله... ورمى كيس القهوه.
نقزت ام حيدر :
ــ بسم الله على عمري ...
ــ ايه انتين اشخري نوم.. وانا مشاوط من محل لمحل لقهوتش .. يالله حصلت كم كيلو محمص عدل وفيه هيل ..
ــ يعطيك العافيه يا الغالي يا خلف ابووي يا خلف اللي راحو ولا عودو..
ــ ههههه ايه حريم تعرفو تراشو بكم كلمه .. الله يعافيش..
وقعد ابو كرار .. بعد ما لفت نظره من بعيد.. شناط مغطيين بلحاف ماخذتنه ام حسين لرجولها لأنه تعورها فتلحفها.. فكر الشناط المغطيه ام حسين منسدحه.. وهي لا شناط بناته و عفايسهم..
وبعد ساعه على اتفاقهم.. انهم يرجعو الباص .. تجمعو .. وركبو ابو علي ورضا باصهم..
وركبو فاضل واهله وفارس وتهاني واهلها الباص الثاني..
التفت فارس ما لقى امه.. فتح عيونه وسأل :
ــ وين هي امي ..؟؟؟؟
ابو كرار نقز :
ــ شيه مو نايمه ورى..؟؟
فارس :
ــ لااااا هذي شناط مغطيه.. ياااربي متى نزلت.. ما تندل هي ومافيها شده,,
ونزل يركض .. ونزل رائد وراه..
ابو كرار :
ــ حيدر يبا .. روح وياهم دور .. انا لله .. عساه خير .
ونزلو فاضل وزوج تهاني .. يدورو..
الميكرو الثاني تقدم ومشى .. بيرجعو شارع التين .. ما يدرو ويش السالفه..
توزعو الشباب في السوق واتفقو يكون بينهم اتصال .. وصارو يدورو..
فارس يدور وايده على قلبه خايف على امه..
والكل يدور..
وفي مكاان ما في سوق الحميديه.. ام حسين تعبت وقعدت على واحد من الأرصفه وقعدتها مره تعبانه.. وبلا وعي ايدها مدتها.... الا بواحد ماد ليرة ليها ..: ــ تفضلي حجيه..
رفعت ام حسين راسها..وهي دايخه:
ــ يا ولدي اني ماني طراره.. ويش تفضلي .. ما شفت ميكرو منا قريب .. راسي داير ..
الصبي :
ــ لا حجيه ما شفت.. ويش لونه ... ؟؟
ام حسين :
ــ عفر ماني مفتكره.. ياعلي ويش هالحاله .. ويش اللي خلاني احول منه بلا راي .. انا لله.. ويلي عليك يا ولدي ..
ــ حجيه ولدش وياش.. ويش اسمه..؟؟
ــ فارس الــ....
ــ فارس الــ..... .. ,,, مممم ,, كن مر علي هالإسم..
قومي حجيه.. هذي اختي حوريه .. خلها بتمشي وياش وانا وياكم.. لين تشوفي ولدش ان شالله..
حوريه :
ــ هلا اماه.. تعالي امسكي ايدي ..
حوريه كانت بنت محجبه بعباه زينبيه .. وقمه في الستر والحشمه..
ام حسين :
ــ وي خلف شبدي يخليش لأهلش .. .. من وينا انتون.. القطيف ..
حوريه : ــ لا اماه.. درازيين من البحرين..
ام حسين : ــ هلا عيوني بأهل البحرين والدراز,, جارتي ام ابراهيم بنتها سكنه ماخذه ولد خالتها درازي هو من البحرين
حوريه بدهشه: ــ ام ابراهيم الــ .....
ام حسين : ــ ايه شيه تعرفوها..
حوريه ضحكت : ــ ايه هههههههه جدتي ..
ام حسين ضحكت : ــ يؤ يا سبحان الله.. صدق .. اني ولا نوبه شفت بنات سكنه بت ام ابراهيم والله سنين.. ..
حوريه : ــ ههههههههه ايه .. لا اله الا الله سبحان الصدف .. سلمان.. تعال اسمع.. هذي ام حسين طلعت جاره جدتي ام ابراهيم
سلمان : ــ ما شاء الله .. صدق .. هههههههههه لا اجل سهلتو المهمه علينا... انا مار عليي اسم ولدها .. بس مو من زمان مانى ذاكر ... اييييه حجيه .. وياه خويه اسمه رائد وواحد اسمه حيدر ..
ام حسين : ــ ايه ويش دراك يا ولدي ..
سلمان : ــ مممممم .. سالفة ويش دراني سااالفه.. امشي مع حوريه وانا وياكم وبقول لش ..
وصارو يتمشو يدورو على الميكرو ويعلمها بالسالفه..
فارس يدوور من وادي لوادي .. ومن بعيد .. لمح مره.. هيئتها ومشيتها زي ام حسين..
راح يررركض .. وصل ليها .. و مسكها .. ونادى ..
ــ اماااااه الله يهديش وين رحتي ..
الا هي دايره عليه ايرانيه وتهدر هدره ماليها اول ولا تالي .. وسب قايم فيه على اصول بالإيراني .. وتصارخ عليه.. تفكره بيعتدي عليها لو بيبووقها..
فارس منصرع .. ما انتبه من الخلعه ودورة الراس .. وفي باله ..
ــ الله يهديها من ايراااانيه لابسه لي مشمر اسوود مو مشجر .. ياربي شكلي ابتلشت..
ويتجمعو عليه الخلق ... ويجي له ولد الإيرانيه .. ويهدر ويصارخ فيه..
فارس وعيونه متورمه من الخلعه.. مو عارف ويش يقول ..
ــ اسف .. آآسف ... التماس عذر ..
ومتورط.. وشوي يرنه بكس من ولد الإيرانيه.. يورم له عينه..
والى اللقاء ...قريبا ان شاء الله.. :amuse:
**جوان**
11-29-2007, 11:44 PM
..............
مشكوره اختــي امـووور عـلى الجزء الرووعـــه ..
.. مــسكين على عمــري .. فــارسـ ..
..
تــحيــاتي ..
. وانــشاء اللـه ماتتأخري علينا في الجزء الجــاي ...
..
سفيرة الاحلام
11-30-2007, 01:04 AM
جزء روعه
الله يعطيك العافيه
بس لا تطولي
جنة الحسين
12-01-2007, 05:32 PM
جزء مره مره روووووعه
تسلم الايادي
ننتظر الجزء الجديد على احر من الجمر
لا تتأخري علينا امووره
دمتِ بخير
زهور الريف
12-02-2007, 10:08 PM
مشكورة خيتو
جزء روووووعة
مسكين فارس بس يالله ماعليه
لجأ عين تكرم مدينة
ســحرالقوافي
12-03-2007, 06:56 AM
ههههههههههههه
مسكين فارس ما دور يبتلش إلا ويا إيرانيه
هذول إيدهم والقبر http://www.yesmeenah.com/smiles/smiles/6/girl%20face%20(486).gif
خخخخخخخ عن جد ما ادري كيف إذا بلغلط صدمونا كسروا عظمنا
خخخخخخخ
وصراحه سالفة العرافة الله يغربلها خوفتني على فارس http://www.yesmeenah.com/smiles/smiles/6/girl%20face%20(670).gif
<<<<<< الي يسمعني يقول تصدق كلامهمhttp://www.yesmeenah.com/smiles/smiles/6/girl%20face%20(704).gif
يسلمووووو
وعقبال ما نشوف الجزء الجديد قريب
على فكره
http://www.yesmeenah.com/smiles/smiles/6/girl%20face.gif
شوقتينا الى سوريا
الله يكتبنا مع كل المشتاقين لعقيلة الطالبيين زياره قريبه
دمتـ بود
غــــلا
12-03-2007, 05:55 PM
مشكورة ع الجزء
والقصة روووووووووعة وقليلة عليها كلمة روعة
بس وين التكملة اهئ اهئ حرام متحمسة ويه الاجـزاء وتاركة المذاكرة
<<< مو متعودة تقرأ قصة جدي مو مكتملة
وتسلم ايـدك ع القصة
وبانتظــار البقية
عازفت الاوتار
12-03-2007, 07:18 PM
مشكووووووووووووووور خيتو
الجزء زااااااااااااااااااااااااااااحف و ازحف من الزاحف
بس فالس مسكين
ما نخلص من مرض روى يتكسر لنا فارس
الله يكون بالعون
بليـــــــــــــــز امور بليز
لالاتتاخري اوكيه
تحياتي
عازقت الاوتار
..انين الروح..
12-08-2007, 12:25 PM
اااااااااااااااااااااااااااااااااف
والله العظيم ملل
امووووووووور
تخيلي انتِ مكانه ويش راح تسوي ؟؟؟؟؟؟؟؟؟؟؟
..انين الروح..
ملللللللللليت الااااااااااا نتظار
تحياتي
كبرياء
12-08-2007, 08:05 PM
أحناااا قلنا نغيب شويات عن قصة أميروه يمكن نلقى جزئين لو 3 الا بس واحد !!
يسلموووووووووووووووو أميروه على الجزء الروعه
وبانتظار البقيه
تحيــــــــــــاتي
غــــلا
12-08-2007, 10:43 PM
أميـرة وينش
طولـتي..؟؟!
Princess
12-09-2007, 02:05 AM
هلا حبايبي :amuse:
كانت عندي اختبارات... والوقت اللي افضى فيه اقضيه اشراف ..
بكره اخر يوم في اختباراتي ادعو لي
وجايتكم باللي يسر
اسمحو لي
بس ودي اكسر راس كبريااائوه لأنها بعد اختبارات ووياي في نفس البيت ..:evil:
ايه تبغى هي تذاكر وتخلص وتجي على البراده تشوف ليها كم جزء ..:noworry:
هين لكن.. ههههههه
و انين الروح .. ما بحط روحي مكانش.. لأني لو حطيت روحي مكانش .. بضطر احطش مكاني..
واذا حطيتش مكاني بتعوفي دنياااش وبتقولي يماااه ارحميني وارجع انينووه مو اميرووه..
حلي هالمعادله عاد ..!!:huh:
دمتم بحفظ الرحمن
غــــلا
12-09-2007, 07:36 PM
هلاا امورة
الله يوفقك ان شاء الله وتجيبي الدرجـة الكاملة
واحنـا لاحقين ع القصة .. وورانا اجـازة تكتبي فيها ع راحتش و نقرأ فيها ع راحتنـا
تقبلي مـروري\\
غــلا
آخر شقآوهـ ..~
12-09-2007, 10:16 PM
هلووووها اميرووووه البطيخه
شحوالش وش مسوويه عفر الا هداك فاجه عليي والقصه بعد فاجه عليي
هوه اني مابقوول طولتي ومادري ويش لاني ادري لاويه متاخره <<<جحمه كفيير
بس صحيح مهلتي<<اني ماقلت طولتي قلت مهلتي
الله حيييهم اهل سورياا عفر الا فجت عليي سوريا
الله يرد ديك الايام احم كووح
الله يوفقش ان شاء الله قلبوو
تسلمي قناتي ع الجزء
ربي يعطيك العافيه
تحياتي
ضحكوه البطه
Princess
12-11-2007, 04:00 AM
يسلموو جميعا ...
هالجزء صرااحه تعبني واايد..
فيه كذا لهجه..
درازيه بشكل كبير .. وايرانيه شوي ..
استخفيت في صياغة الحوار المناسب مع الشخصيات والأحداث..
اتمنى تعجبكم..
تفضلوو..
Princess
12-11-2007, 04:03 AM
فارس منصرع .. ما انتبه من الخلعه ودورة الراس .. وفي باله ..
ــ الله يهديها من ايراااانيه لابسه لي مشمر اسوود مو مشجر .. ياربي شكلي ابتلشت..
ويتجمعو عليه الخلق ... ويجي له ولد الإيرانيه .. ويهدر ويصارخ فيه..
فارس وعيونه متورمه من الخلعه.. مو عارف ويش يقول ..
ــ اسف .. آآسف ... التماس عذر ..
ومتورط.. وشوي يرنه بكس من ولد الإيرانيه.. يورم له عينه..
فارس حمق وصار يصارخ انه مو قصده .. وتجمعو سوريين و زوار..<< اللي ما يشتري يتفرج
حوريه :
ـــ امايي ما تعبتي من المشي .. ما يندرى وين الميكرو حقكم واقف
ام حسين :
ــ لاا يا بتي .. ويش اسوي الكبر شين نسيت اني وينا هوو ..
سلمان :
ــ شكل السالفه أمعصلقه << باللهجة الدرازيه امعصلقة = صعبة..
حوريه :
ــ أي والله زحمة الخلق زحمة .. ولا ينشاف شي ..
شوي وهم يمشوو الا سوري يمشي وهو يسحب سحاحير وتحك في الأرض ..
حوريه :
ــ افففف دقرني دااا..
ام حسين مختلعه:
ــ يؤ دقرش .. قليل الحيا ,, تعورتي
سلمان ضحك:
ــ ههههههه امايي دقرني يعني حرقص ميازي << حرقص مزاجي
ام حسين :
ــ ههههههه ويش دراني اني يا ولدي .. خوب لهجتكم قريبه منا بس كم حاجه مو زيكم
حوريه :
ــ ههههههه واني اقول ويش تقولي .. وانتين صادقه .. بس امي تعودت وصارت تتكلم مثلنا وحنا بعد اذا رحنا بيت يدي كم كلمه نقولها قطيفيه ..
سلمان :
ــ صبرو صبرو.. شوفو جمعة اوادم مناك .. ما يندرى ويش سالفتهم..
حورية :
ــ شكلها هوشة
سلمان :
ــ دهدي بغدي اشوف ويش صاير وبرجع << دهدي = بسرعه بالدرازي ,, بغدي= باروح
حوريه :
ــ تعااال ما عليك منهم علطير يشلخو بدنك << علطير = علشان
الا بدخلة سلمان وسط المعمه .. وهو يصارخ ..
ــ تباعد انت وياه.. خلني باشوف ويش السالفه ...
شاف الإيراني متشابك ويا فارس والهدره واصله حدها..
فككهم ومسك فارس وصار يطالع فيه و ابتسم ..
ــ هلاااا خيوو انت فارس موو..
فارس متوتر وراسه داير :
ــ هااا ويش .. ويش صاير ..
سلمان: ــ انت اللي ويش صاير يا خوك و لويش تتضاربو..
فارس علمه بالسالفه عالسريع..
سلمان.. : ــ امك داهي ويانا .. شفناها..
فارس طار من الفرحه وجى بيطلع من وسط هالناس و
سلمان صار يتفاهم ويا الإيراني :
ــ متأسف اشتباهى غيرعمدى مادر مادر شبـيه... << آسف غلط غير مقصود..امه وامك يتشابهو
الإيراني :
ــ به دست آورده خوب << حصل خير ..
سلمان:
ــ خلاص انتهت السالفه لويش هالتجمع يللا كل واحد يتيسر لشغله..
فارس راح جهة امه ام حسين وحوريه..
ــ يالله يالله..
حوريه وخرت ..
ام حسين : ــ وي هلا امي .. هلا بعد ابوي .. هلا خلف شبدي ..
وانتبهت لعيونه المضروبه ..
ــ وي وي .. ويش بك يا بعد رووحي مسوى مين هالفعله ..
سلمان :
ــ هههههه مفكر الإيرانيه انتين وانضرب من ولدها..
ام حسين تمسح على وجه فارس :
ــ وي بسم الله عليك حسبي الله على بليس.. امش يا غناتي نروح الباص الحين يدورو علينا..
فارس :
ــ مشكور ما تقصر ياخووك رحم الله والديك والله صدفه خخخ بس اسف مهي ذاك الزود ,,طق وتشليخ وشباق ..
سلمان : ــ ههههههه رب شبقة على قولتك خير من الف ميعاد
شوي الا يسمعو رائد ينادي فارسوووووه
ويجي يركض ويوصل له وهو ينافخ من التعب ..
ــ انت ... هناا... وحنا ... ندووور ...
فارس :
ــ توني شايف امي ما مداني اتصل واخبركم..
رائد خذ نفس عميق : ــ اهلييين سلمااان هلا والله ويش هالصدفه ...
ويمد ايده ويمسكها سلمان ويشد عليها :
ــ هلا فيك احلى صدفه اللي خلتنا نشوفكم .. اخبارك انت
رائد : ــ الحمدلله بخير ..لاعاد صدفه ثانيه تجمعنا ,, لااا لازم نتعرف اكثر ونكون علاقات..
سلمان ابتسم : ــ وانت الصادق ,, يشرفني والله ..
فارس : ــ يعز مقدارك حياك ربي
اخذو ارقام بعضهم حق التواصل ,, ومشو...
اتصل فارس للبقيه وقال ليهم حصلو امه و رجعو الميكرو ..
حوريه : ــ هذا فارس ولد أم حسين .. هامن اللي اياه.. << هامن = مين هذا
سلمان : ــ خويه رائد ..
حورية : ــ اهااا .. زين يللا دهدي قريب بيأدن ادان المغرووب..
سلمان : ــ زين ويش تبغي بعد من السوق ..
حورية : ــ دقيقه باوايق على هالمحل فيه تحف حليوين حق روازن داري .. << روازن = رفوف
سلمان : ــ ما تشبعي انتين بيتكسرو في الطريق ..
حوريه : ــ اوهووو ويش فيك سلمانوه عاد باوايق وباشوف اني .. << باوايق = باطل طله
سلمان :ــ زين يللا ..
دخلو المحل ..
حوريه : ــ سلمان تعال هالديل طاولني هاديك باشوفها << هالديل = هالجهه
سلمان رفع ايده : ــ ااي ضابوعي عورني ... وينا .. دي .. عفر مهي حليوه..<< ضابوع = كتف
حوريه : ــ الا عفرااات .. هونت ما ابغاها .. ويش فيك سلامتك ..
سلمان يدلك كتفه : ــ الله يسلمش
طلعو من المحل .. ووقف سلمان عند محل ثياب رجاليه يقلب فيهم.. ومشى ولا اخذ شي..
حوريه : ــ حق ويه ما اخذت شي .. ما عجبوك..
سلمان : ــ لأ محلوسين << محلوسين= مبهدلين .. هطلان
وبعد ربع ساعه
سلمان : ــ اففف تعبت انا من المهايل ..خلي باقي الباقي لباجر <<< المهايل = المداور
حوريه فتحت عيونها : ــ طالع سلمان مناك مو هذا مرادووه
سلمان : ــ أي مرادووه..
حوريه : ــ هذاك الخنيتواه .. << الخنيتواه = اللي يحب قعدة الحريم
سلمان : ــ ههههههه خبرش فيه يوم هو صغير وحبه التلزق في الحريم والبنيات الحين تطور وصار دلعه هههههه اقول لا تغيري السالفه وقدامي باجر نكمل << دلعه = لا يكش ولا ينش ماله شخصيه ..
حوريه : ــ ههههههههههه يصقع دا تطور
وتتعثر حوريه وشوي وتطيح ويمسكها اخوها ..
سلمان : ــ هدااويش انتين ما تحطي بالش ..
حوريه : ــ ويش دراني عنهم ما يباحصو هالشوارع من سنين وهي مكسره << يباحصو = يعدلو
سلمان : ــ هههههههه الا حوبة مرادووه ..
حوريه : ـــ اللاااااي دقيقه سلمان .. شوف هالمفارش .. امي من زمان تبغى من هالنمونه باخذ جم واحد.. << النمونه = هالشكل
سلمان : ـــ اخذي اللي تاخذيه بس نخلص بسرعه..
دخلو يقلبو في المفارش.. والسوري لزقه ويهدر :
ــ شوفي هيدا ,., وكمان هيداا..
سلمان ساكت ويطالعه على جنب.. وقال :
ــ كلمني انا لو سمحت..
البياع : ــ انا آسف بس ما كان أصدي شي ..
سلمان يتحمق بهدوء : ــ قصدك لو مو قصدك
وصار البياع يطلع كم واحد .. وكان معاه بياع ثاني ما شال عيونه عن حوريه..
كانت حوريه ناعمه وعيونها زي الأطفال كلها برائه,, وحجابها كله عفه وستر .. بس عيون اولاد الحرام ما تتوب ..
سلمان لاحظ وحمق :
ــ هيييييييه انت ويش تطالع
البياع : ــ شوو شو في ..
سلمان : ــ هذا خويك بفقع عيونه ما يستحي .. امشي ما بناخذ شي ..
البياع :ــ أيـــــــــــــه بالناااإص
سلمان : ــ نقص عمرك قول امـــــــيــــــــــــــــــــــن
حوريه ساكته وخايفه وطلعت ..
سلمان يتحمق ويسب .. وهي خايفه وساكته .. وشوي قلب على حوريه وصار يصارخ عليها
حوريه جتها الصيحه وصارت تهدر ..
ــ اني ويش كااري .. << ويش كاري = ويش يخصني
في الطرف الثاني رائد والجماعه ركبو الباص وصارو يتحمدو بالسلامه لأم حسين .. ومشى الباص راجعا الى البيت...
رائد : ــ مين هذي اللي ويا سلمان..
فارس : ــ يصقع وجهك انتبهت .. ما ادري ما سألته,,
رائد : ــ مممممم شكلها خطيبته ..
فارس : ــ ويش مدرااك انت ,,
رائد : ــ شفته لابس دبله في ايده اليمين ..
فارس : ــ اللهم صل على محمد وال محمد.. اذا انتبهت للدبله ... ما الومك لو تنتبه للبنيه..
رائد : ــ خخخخخخخ بس اذا خطيبته .. ممممم شكلها صغيره عليه موو..
فارس : ــ شعليك منه ههههههه ياااربي صدق ملقوف ليش كم تخمن عمره ..
رائد : ــ مو اقل من 30 .. وهي شكلها اصغر مني لو بعمري << حوريه عمرها 16 سنه ..
فارس : ــ وييش عليييك .. بس تدري رغم الإبتسامه اللي في وجهه ومزحه بس شكله عالم اسرار و وراه حكايات وقصص ..
رائد : ــ ايييه .. عجبني هالرجال يللا هذا احنا عرفناه وطلع حفيد جارتكم ..
فارس : ــ يللا ايام الله جايه وان شالله خير ..
وصلو البيت .. و في الليل صارو يتناقشو .. وين يروحو يوم ثاني ... اقترحت رؤى الزبداني .. وراق ليهم الإقتراح... رائد :
ــ يباا... في واحد يصير حفيد جيران فارس طيب واخلاقي ومن الدارز .. خاطري اتعرف عليه اكثر عادي نعزمه ويانا ..
فاضل : ــ من عيوني عادي كلمن يعز عليك كم رائد عندي انا اذا على كذا نأجل روحة الزبداني لبعد بكره لين تدق على خويك هذا وتشوف علومه حق يجهز روحه ..
رائد باس راس ابوه :
ــ تسلم لي يا لغالي .. بروح اقول لفارس وبكلم سلمان..
فاضل : ــ الله يسلمك حبيبي..
راح رائد وطق باب المجلس على خفيف وطلع له فارس .. كانت ام حسين نايمه ..
علم رائد فارس بالسالفه .. وفرح فارس .. وحسوها فرصه حلوه يتعرفو على سلمان اكثر ..
لهذه الحلقه تكمله .. باكملها قريبا ... تعبتني في صياغة الأحداث خصوصا لهجة سلمان وحوريه.. ما حبيت تصير أي كلام لازم شي عدل و واقعي .. :amuse:
روحي في ذكراك
12-11-2007, 01:01 PM
تسلمين على الجزء الحلو
لكن بصراحة قصير مره
نستنا الجزء الجديد بفارغ الصبر
تحياتي
غــــلا
12-11-2007, 02:17 PM
مشكـورة ع الجـزء ..
وننتظر الباقي ..
وااااااو صااار لي فتره ما طبعت لي بصمه هووووووون
بس من ورى الكواااااليس..متخفيه ..
بجد امـــــــــيره .....
جــــــــــزء رووووعه ..تسلمييييييين
ويعطيك العااافيه.
جااااري الانتظااار ..
تقبلي تحياااتي ..
زهور الريف
12-12-2007, 01:57 PM
مشكورة يالغلا
جزء حلو مع انه قصير
بس مرررة ررررروعة
تسلم الايادي
أسيرة الأحلام
12-12-2007, 08:55 PM
مشكووووره يالغلا على التكمله الحلوووه
وأحب أقولش أني كنت أتبع القصه من ورى لورىر
وعلى قولتهم من خلف الكواليس
وبصراحه كلمة مبدعة قليله في حقش
تقبلي مروري
تحياتي
أمير العاشقين
12-15-2007, 07:41 PM
هلا خيتوو أميره
ماعليه خيه بتكلم بالصراحه ولا تزعلي من كلامي واسف مقدما
خيتوو بجد والله صاير كل اسبوع اذخل ولا اشوف جزء جديد
روودك هذا خيتتو يخلي الاعضاء تنقطع من القصه ويخليها بارده
لاحظي الحماس الكل متحمس له وانتي صرتي ما تحطي اجزاء مثل ما تعودنا
ان كانت ظرووفك خيه انصحك بان تختصري الاحداث لان كذا راح تخلي القصه بارده
ادري تذخلت في شي ما يعنيني
لاكن خيه اقول لش ليش
انا خيتوو بنفسي اقرا قصتك
واستنى الجزء حالي من حال الباقي
لاكن خيه انسي الاحداث وقسماً بالله اقراخا من اول اذكر احداث نسيتها لين اوصل لجزئك والله
خيتووو مو تزعلي بس والله بروودك وتاخيرك يخلي قصتك خامله ومافيها تفاعل
عذراً خيه على صراحتي والله على العين والراس وكنت ابي اقول لش من زمان
بس الشي الي منعني والله العظيم زعلك
اتمني خيتوو اميره ما تزعلي من وانا اسف ان كان جرحتك
بس والله خيه صرت انسى الاحداث
قصة طولت اكثر من قصة الاولي
احنى ما نبيك كذا تدرين ليش
لان نبيك تكتبي قصة ثالث ورابعه وخامسه
ما تقعدي في قصه وحده
امور بجد اتمنى ما تزعلي
بس قسم بالله كل مره اقراها من البدايه تدرين ليش عشان الهي نفسي
اسف ادري والله جرحتك بس خيتوو قلت لك بتخلي قصتك بارده
والسموحه من الباقي وخاصة اميرة المنتدى اميرة المرح
اخوك
جاسم
Princess
12-15-2007, 09:18 PM
اليوم بنزل جزء واني مو لاهيه عنها بالعكس اكتب فيها
والله الشاهد انها الحين على شريط المهام اروح واجي عليها..
ادري مصختها وربي .. وهي همي الوحيد وشغلي الشاغل في المنتدى.. وابدا ما ازعل من صراحتكم وعلى عيني وراسي .. من الليله خلاص بدينا اجازه وراح ان شالله اخلصها قبل الرجعه للمدارس .. يعني ظرف اسبوعين بتواصل فيها ..
اعذروني ومشكورين لأنكم تحملتوني .. بس وربي الواحد يبدي ويش لو ويش .. غلطتي هي المفروض اخلصها كلها تالي انزل ليكم.. على هيك اذا في تجربة ثالثه.. يبغى لي سنه وتالي تشوفوها هههههه يصقع بليسي بدلع روحي ليه..
تسلمو مليون.. وابد خيو امير .. اميره ما تعرف الزعل .. وتعجبها الصراحه.. وكان هذا الكلام تعتبره جرح الي .. الله يخلي جروحي زيه كان تصير الحياه احلى واحلى... شكرا على التواجد
دمتم بحفظ الرحمن
*زهرة البنفسج*
12-15-2007, 09:48 PM
يعطيك ربي الف عافيه اموررة اشدعوه اغيب كذا حوالي ثلاث اسابيع اقولل الحين جمعت كفاري اجزاء ليشش كذااااا
الله وناسه ابي اروح سوريا اهي اهي الله يعطيني يارب
رجعتي ذاكرتنا الي سوريا حركتات
موفقه
سفيرة الاحلام
12-15-2007, 11:02 PM
مشكوره امير على الجزء
لاتطولي في الاجزاء واجد
Princess
12-16-2007, 06:35 AM
راح رائد وطق باب المجلس على خفيف وطلع له فارس .. كانت ام حسين نايمه ..
علم رائد فارس بالسالفه .. وفرح فارس .. وحسوها فرصه حلوه يتعرفو على سلمان اكثر ..
فارس فرح وحسها فرصه من جد ,, دق رائد على سلمان..
رائد :ــ الوو هلا خيوو
سلمان : ــ اهلين وسهلين.. هلا وغلا ..
رائد : ــ اخبارك عساك بخير ..
سلمان : ــ بخير طول منت بخير الله يسلمك..
رائد : ــ الله يخليك.. ابو السلم بغيت اخذ رايكم في شي ..
سلمان : ــ تفضل حبيبي ..
رائد : ــ بعد بكره بنطلع الزبداني ويا الأهل .. ويش رايك تطلع ويانا مع اهلك فرصه نتعرف اكثر ..
سلمان : ــ والله .. حلو.. ههههه تسلم وما تقصرو .. من زمان ما طلعنا الزبداني ..
رائد : ــ خلاص خيو شاورو الوالد واهلكم وشوفو..
سلمان : ــ الله يطول بعمر حبايبك ابوي عطاك عمره من سنين .. اشاور اهلي وارد لك خبر..
رائد : ــ رحمة الله عليه .. اسمح لي يا خوك ما دريت ..
سلمان : ــ ههههههه بلا هالرسميات .. اكيد ما تدري ويش دراك.. عموما اشاور الأهل وارد لك خبر .. تسلم حبيبي ما تقصر والله..
رائد : ــ الله يسلمك.. يللا عساه خير ان شالله .. مع السلامه..
سلمان : ــ خير يا رب .. حياك الله..
سلمان هو الولد الكبير .. وما عنده الا اخته حوريه .. وامه.. قايم بهم وشايلهم..
توفى ابوه من سنين .. ايام ما كان يدرس بالجامعه.. ما كمل الدراسه .. بحكم انها تحتاج مصاريف .. طلع وصار يدور له شغل من مكان لمكان .. لين حصل شغله سواق ميكرو حق مدارس اطفال مع مجموعة باصات ..
سلمان : ــ يمه.. ما افادش تروحي الزبداني ..
ام سلمان : ــ ايه يا ولدي .. خبري بهالطلعات من ايام المرحوم ابوك يسكنه ربي فسيح جناته.. بس ويش الطاري هالمره
سلمان : ــ يالله يا كريم ,, بس جماعة شباب من القطيف تعرفت عليهم وبعد بكره يبغونا نروح وياهم اذا تبغو نروح بنروح..
حوريه : ــ منهو .. رائد .؟؟؟
سلمان ابتسم : ــ ايه رائد .. ويش دراش ..
حوريه : ــ يؤ اللي ضاعت جدته بالصالحيه كيفا بعد ويش دراني ..
سلمان توسعت ابتسامته : ــ بس فارس اللي ضاعت جدته .. رائد خويه..
حوريه : ــ يووو.. نسيت .. خربطت..
ام سلمان : ــ يا ولدي كيفا عرفتهم .. ناس اجاويد هم عاد لو لا ..
سلمان علم امه سالفة الجوال والصالحيه..
: ــ وترى ام حسين وفارس جيران جدتي ام ابرااهيم ..
ام سلمان : ــ صدق .. والله زين .. شوقتني يا ولدي اجل لشوفتهم..
سلمان : ـــ زين ويش رايكم الحين ..نروح وياهم
حوريه وام سلمان بنفس واحد : ــ إيـــه..
وجا اليوم الموعود.. اتصل رائد الصباح لسلمان حق يعرف في أي فندق ساكنين.. صدفة طلع قريب من فندق بيت عمه وجارهم رضا.. فإتصل بجاره رضا وعلمه بالسالفه ,, ووصف له سلمان وقال له بعد شويات اذا وصل لفندقهم بيدق عليه حق يستقبله ويركب معاه في الميكرو.. وتلاقو سلمان ورضا...
سلمان له محيا يشرح الصدر ما شالله عليه.. الواحد من يشوفه يرتاح له من بشاشة وجهه وابتسامته ,, يدخل القلب بسرعه.. وهالسبب كفيل لإرتياح رضا اله من اول لقاء ..
حمزة .. كان قريب .. وفي باله مليون الف سؤال .. مين يكون هذا.. عرف انه مو سعودي ,, بس ويش سالفته سؤال صار يدور في باله ..
وركبو الميكرو ,, جلس سلمان جنب فاضل .. وصارو يسولفو.. حمزه قاط اذونه ولقط انه جارة ام حسين تصير جدة سلمان.. فجته العله.. ناقص فارس حق بعد ناس تبعه,, ومن طرفه.. << ما كان يدري انه من طرف رائد..
رضا عجبه سلمان بالمره.. من جلسته وياه مشوار الطريق .. انطلق معاه بالسوالف و رغم اختلاف الأجيال ارتاح له .. لمح في ايده دبلة ,, وعرف انه خاطب وما حب يسأله لأنه واضح الأمر..
وصلو الزبداني .. دخلو احد البساتين.. ونزلو... واجتمعو يرتبو عمرهم النسوان في جهه والرجال في جهه.. ظل الميكرو داخل معاهم حق اذا احتاجو شي يطلعهم..
حوريه اندمجت بسرعه مع حنين و شذى و رؤى عاد حنين وشذى ورؤى ما يحتاج هدارات و مره وناسه ..بس لفت نظرها هدوء سمر و صاير فيها فضول
تتقرب منها وتعرف ليش هي مو زي خواتها ,, صارت تسولف وياها .. لاحظت ان
كلماتها كانت قليله .. ردودها وافيه وموجزه .. حزن في عينها يطغى عليه ويغطيه ابتسامه من شفتها..
سمر حبت حوريه ,, رغم ان بينهم فرق يقدر بـ 12 سنه تقريبا.. الا انها حستها ناضجه فكريا وعقليا.. ومهي مراهقه من مراهقات هاليومين..
حمزه انبطت مراراته يوم شاف سلمان صار ويا الجماعه.. وبالأخص رائد.. مع انه توهم يعرفوه.. وهو اللي يصير ليهم عاجز عن الإندماج وياهم..
ام سلمان ضرب سوالف ويا الحريم.. خصوصا ام حسين.. بحكم انها جارة امها .. وام حسين تذكرها ايام لول يوم هي صغيره وشباقها ويا حسين ولدها .. وتذكر ليهم مواقف حلوه .. رغم كبر سنها وخرفها المتزايد الا ان بعض من الذكريات ظلت محفوره..
الكل مستانس . راعي البستان شايب وطيب وحباب ... وبعد الغدى .. جت بنته.. ودخلت عليهم وهي حامله صحن مليان فواكه من البستان.. كان ابو كرار قاعد بصدر المكان.. جت وسلمت وحطته قدامه..
ام حيدر فتحت عيونها تطالعها.. كانت مره عاديه وشكلها كبيره بالعمر يعني في الثلاثينات,,
سألتها سؤال كله ريبه و فضول :
ــ انتين مرت صاحب المزرعه..
ــ لأ .. انا بنتوو..
ام حيدر من قالت بنته .. استلمتها اسئلة..
ــ متزوجه,,..؟؟
تابع >>
Princess
12-16-2007, 06:37 AM
شوي الا بدخلة امها
البنت بنبره مستحيه وهاديه :
ــ لأاا.. ما حصل نصيب ..
امها تتدخل بعد ما سلمت وقعدت وياهم :
ــ أيه شو بدنا نعمل إسمة الله ما كتب لهالبنت تتيسر .. مع إنا كتير شاطره بشغل البيت ومرتبه ومربايه .. واخلاااأ لك تؤبرني
ام حيدر ولعت.. ويش قصدها دي بالوصف تعرض بنتها ..
ابو كرار ساكت.. وام حيدر تطالع فيه وودها تطفر البنت وامها برى ..
ابو كرار حس عليها.. فمن يوم قامو جى يبغى يقهرها << يموت في التعيلف فيها وقهرها..
ــ ام حيدر .. اقوول .. ويش رايش بهاا..
ام حيدر مختلعه وبريبه : ــ من هي ..
ــ البنيه .. شكلها شاطره والله.. ويش رايش .. لو اخطبها ..
ام حيدر بإنفعال : ــ لمييييييييين
تهاني انتبهت لمرت ابوها كانت جنبهم .. ضحكت :
ــ الله لا يروعش خالتي يمزح ابوي .. عاد ما تعرفيه انتين ..
ام حيدر : ــ مزحه يحرق الأعصاب ..
حيدر : ــ هههههههه اخطبها لي يبا..
ام حيدر : ــ ولعنه انت بعد.. ما تستحو.. اهووو .. << وكفخت وجهها زعلانه,.
شوي قامو البنيات يتمشو.. الا سمر ما قامت.. حوريه التفت :
ــ سمر ما بتقومي ويانا..
سمر ابتسمت : ــ لااا.. << تحس نفسها مهي من جيلهم تخاف ما ياخذو راحتهم .. دايما تفكيرها سلبي بخصوص هالأشياء ..
حوريه : ــ لويش عاد.. امشي ما يصير تظلي هنا قاعده ..
ابتسمت سمر .. وفرحت من قلب .. وقامت وياهم..
الشباب على جنب يتمشو.. رائد و فارس و حيدر و حسن وسلمان.. حمزه ما قام ما يطيق المشي وياهم طول ما فارس وياهم شولون وسلمان بعد نفر جديد ومعرفه وياه..
البنات قريب من شجرة تفاح . لفتت نظر سمر :
ــ الله شجرة تفاح.. بعيد لكن..
رؤى : ــ اقول لأخوي لائد ...يقطع لينا..
رنت عليه مسد كول على رائد .. اللي كانو قبالهم من قريب .. جاها وقالت له يبغو تفاحه وحده من الشجره..
رائد : ــ رفيعه ما اطالها.. بروح اشوف الشباب اذا واحد منهم يوصل
وراح ليهم يسألهم ...
فارس : ــ خخخ احملك..
رائد : ــ هههههههه وجهك .. سلماان انت اطولنا يللا قطع لينا تفاحه ..
سلمان : ـــ ويش يطولني اياها مو لهالدرجه.. رحم الله ايام قضب اللوز .. ما يجيني ابويي الا متعلق عليه..
ويحاول سلمان ويمد ايده ويقطع التفاحه بصعوبه.. وتجيه نخزه في كتفه.. تغير معاها ملامح وجهه..
فارس لاحظه : ــ خير سلمان ويش فيك..
سلمان ابتسم وهو يدلك كتفه :
ــ لا بس ضابوعي شوي ينخزني ..
حسن : ــ ضابوع .. يعني ويه..
سلمان : ــ هههههههه يعني كتف ..
حيدر : ــ تجنن لهجتكم تشبه لهجتنا شويات..
سلمان : ــ تسلم الله يخليك من ذوقك..
رائد اخذ التفاحه.. وغسلها في البركه.. وعطاهم اياها . وهو رايح ليهم طاحت عيونه بعين حوريه بالغلط.. ارتبك وغض النظر و بلا شعور صار قلبه يدق .. وحوريه اختلعت وغاورت وجهها عن ناحيته.. خذت رؤى التفاحه وعطتها سمر وشكروه...
رائد تصرفاته عفويه .. وكلها بحسن نيه... قال :
ــ العفو بس الشكر لسلمان..
ابتسمت حوريه بعفويه لطاري اخوها ...
رائد انتبه ليها ورجع غض النظر وابليسه يوسوس..
ــ اخته اكيد .. يمكن خطيبته و مسافرين وياهم والحين جت وياه البستان
ونادى سلمان من بعيد :
ــ سلمان يشكروك ..
سلمان ابتسم : ــ العفو .. ولو حاضرين..
حيدر وحسن تعبو راحو ياخذو ليهم غفوه..
سلمان اخذ سكين وصار يحفر على وحده من الشجر...
بعفويه رائد ولقافه .. معتاده ما تنتهي ..
ــ اوه اوه حركتات ويش بتكتب .. مممم اكيد حرفك وحرف الخطيبه مووو << قالها وهو يحرك حواجبه..
سلمان وقف حفر .. ابتسم ابتسامه تخفي وراها حزن عميق ... وبنبره خافيه ومكسوره :
ــ أي خطيبه..
رائد حس عليه .. ما عرف ويش يرد .. ارتبك وسكت..
سلمان صار يحوس في دبلته..
ــ شفت بيميني هالدبله فكرتني خاطب
..رائد وبنبره خافته :
ــ ايه صراحه ..
سلمان ابتسم ..
ــ لا .. كنت خاطب .. بس الخطيبه .. توفت من زمان.. ما كملت وياها سنه..
رائد حس بغصه وكسر بخاطره سلمان.. كان مره متغير ونفسيته تعبانه وهو يتكلم في الموضوع...
رائد : ــ الله يرحمها .. انا آسف خيي.. حقك علي ما كنت ادري .
سلمان ابتسم : ــ لا .. حصل خير يا خوك.. ويش دراك انت ..
فارس يسمع الحديث بصمت .. بصمت وبدون أي تعليق .. حس بضيقه بعد سماع هالسالفه من سلمان.. ومو قادر يتخيل رؤى ماتكون له .. وصار يتمنى يجي يومه قبل لا تصير من نصيب غيره ..
سلمان يكمل حفر .. كتب اسمه واسم رائد وحيدر وفارس وحسن على هذاك الجذع .. وسجل التاريخ..
بالطرف الثاني .. كانو البنات قاعدين.. السوالف قايمه
الا سمر كانت ساكته... حوريه كانت تراقبها.. الباقي متعودين عليها وعلى هدوئها..
حوريه :
ــ سموره ممكن اتلقف شويه..
سمر ابتسمت ..:
ــ هلا غناتي مافي لقافه ولا شي تفضلي ,,امريني ..؟؟
حوريه : ــ ما يامر عليش ظالم.. اشوفش كل ساكته ما تسولفي ويانا لويش ..؟؟
ابتسمت سمر : ــ ما اعرف اسولف
حوريه ابتسمت: ــ تصدقي خيه.. ذكرتيني بخطيبة اخويي سلمان.. كذا هاديه مثلش مره..
شذى : ــ حركااات اخوش الكبير خاطب .. حليو اذا الوحده عندها اخو اكبر منها ويخطب ويعرس وتصير عمه حركااات والله..
حوريه : ــ الله يرحمها كان يحبها وايد وما خطبها الا عن حب فيها ,, ما تت جاها السل الرئوي اللهم ادفع البلا عنكم وعن عمر حبايبيكم.. واعتزلها حق لا تعديه.. ومن يقرب ليها سوت له سالفه ,, كانت تخاف عليه .. وكان يتعذب وياها بكل ثانيه.. كسر بخاطري يوم ماتت وتركته.. ترك دبلتها بيمينه ما شالها.. الله يكون بالعون..
عم الصمت.. وشوي الا حنين تقترح... يلعبو لعبة الخشه .. وقامو يتوزعو والدور كان على رؤى تدورهم وينا هم ..
فارس كان تعبان.. وراسه داير .. قال لرائد بيروح يركب الباص بيريح في السيت اللي ورى ..
ركب الميكرو وراح اخر سيت .. انسدح عليه وكان فيه لحاف غطى روحه كاامل ..
رؤى بدت تدور المنخشات.. شوي لفت نظرها الباص .. الباب مفتوح وشافت ورى اخر شي فكرت فارس حنين منخشه..
ركبت الميكرو.. وراحت وبعفويه قعدت على فارس المغطى من فوق لتحت.. وصارت تثقل روحها وتفلص و تضرب :
ــ حنينوووووه قووومي
فارس حس من اولها ان احد قعد عليه.. استحى وارتبك..مو عارف كيف يتصرف .. وزاد الطين بلة صرخة رؤى مفكرتنه حنين..
رفع الغطى من عله وجهه وهو مغمض عيوونه بالقوه.. يبغى رؤى تنتبه انها غلطانه..
والى اللقاء..
اعذروني ما قدرت الونها صداع صدعت ولا حبيت امهل عليكم وما انزل .. الليله اكيد الجزء 51
غــــلا
12-16-2007, 01:50 PM
مشكورة اميرةع الجزء
وبانتظار البقية
**جوان**
12-16-2007, 03:36 PM
...
.. مـشكوره ..
.. خــيوووه على الجزء الروعــه ..
..ياربي على الفــشيله .:wacko:. مــسكينه رؤى ..:embarrest:
..تــحيــاتـــي ...
عازفت الاوتار
12-16-2007, 05:29 PM
هلا والله
الجزء ولعه جناااااااااااااااااااااااااااان
حرااااام سلمان كسر خاطري مسكين
وهم
روى مسكين فشلتها مو هينه
الله اموووووووووووووووووووووور ونااااااااااااااااسه
الليلة في جزء الله يابختنا
شكلنا بنرجع مثل ايام اول (الى اللقاء غداً) مو (الى اللقاء اسبوع القادمـ)
تقبلي مزحي
تحياتي
عازفت الاوتار
سفيرة الاحلام
12-16-2007, 08:27 PM
واااااو
جزء روعه يسلموا
زهرة البنفسجي
12-16-2007, 08:35 PM
روووووووووعه والله جزء زاااااااااحف
كسر خاطري سلمان مع قصته بس أتوقع ان بيحب سمر وبتكون من نصيبه
رؤى مسكينه الله يكون بعونها فشيييييييييييييلة بالقوة ولا كلا بالباص هالمواقف تحصل لها
ننتظرك أميرة الليله وعساك عالقوة وإلى الأمام دائما
أرق التحايا العطرة
سيناريو
12-16-2007, 09:10 PM
الله بالخير عاد أني قريت من صفحه 54 >>>> لك صارلي زمنااااااااااات ماطبيت هووون
أم حسين مسويه طاش ماطاش هههههههه
دخلت مياااازي هالأجزاء >>>> باللهجه الدرااازيه خخخخخ
صراحه أول مره أعرف ان اللهجه الدرازيه غير شكل وفيها عجايب
المقطع الأخير واااااااااااااااااااااااااااااااااااااااي خطييييييييييييير
رؤى الله يعينها على الفشله
وفارس الله يعينه
شكله سلمان بيعرس على سمروووو
وحوريووو بتعرس على رااائد ووو
والله يبارك ليهم كلللللوش >>>> خررررفت >>> مدري ويش فيها اليوم هههههه
أميرووو رووووووعه وابداع والله العظييييييييييييم
أسيرة الأحلام
12-17-2007, 12:04 AM
هلا والله
يسلمووو يالغلا على التكمله
تحياتي
عازفت الاوتار
12-17-2007, 12:11 AM
لالالالالالالالالالالالالالالالالالا
وين حوريه الي راااائد
ما بعد الكره الى المحبه يعني راااح ياخد حنينو
اذا ما اخدها نعطيها من
نعطيها حيدر هههههههه
اممممممور وين الجزء صرنة الدنيا ليل ومافي جزء
تحياتي
عازفت الاوتار
Princess
12-17-2007, 05:33 AM
هلا والله
يسلمو عالتواجد الروعه والردود الحلوه
والتخامين الأكشناتيه .. تعجبوني والله
يللا
3
2
1
انطلاااااااااق,,,
Princess
12-17-2007, 05:35 AM
فارس حس من اولها ان احد قعد عليه.. استحى وارتبك..مو عارف كيف يتصرف .. وزاد الطين بلة صرخة رؤى مفكرتنه حنين..
رفع الغطى من على وجهه وهو مغمض عيوونه بالقوه.. يبغى رؤى تنتبه انها غلطانه..
رؤى من شافته وهو مغمض بعد... جتها خلعه عالميه ومعتبره بس ردة الفعل... انها طفرت وقامت تمشي بتنزل من الميكرو وهي تتعثر.. مسكينه ولا صرخت ولا شي وحست قلبها بيقبع من الموقف .. نزلت وحالتها حاله.. وشافها رائد وهي نازله ..
ــ ويش تسووي دااخل ..؟؟
ــ ادول حنينوه انتبهت ان في احد نايم داخل وطلعت الكض ..
ــ ايه هذا فارسوه.. نايم لو قاعد..
رؤى مختلعه.. مهي داريه .. يسويها فارس ويقول له بفعلتها.. وهي تهلوس في بالها ,, لا لالا ما ظني يسويها..
رائد يكرر سؤاله: ــ ناايم كان لو قاعد..
رؤى : ــ هاااا..
رائد : ــ اه... اقوول الماخذ عقلش بس .. وخري بعبر ..
دخل رائد لقى فارس مفتح وشابك راسه بكفينه وسرحاان بعييد,,
رائد : ــ اووواااااااااااااااااااه..
فارس نقز مختلع : ــ بسم الله..
رائد : ــ هههههه ويش فيكم.. وحده نزلت مفهيه ,, وواحد شابك راسه وسرحان.. لا يكون خلعتك اختي بس ..
فارس : ــ هااا..
رائد : ــ اه ..وثنينهم هاااا بعد.. اقول قوم بس بلا نوم .. خلنا نتمشى في البستان.. كفايه حيدروه وحسنوه نامو.. قوووم سلمان لحاله برى,,
سلمان كان واقف برى .. ولفت نظره حمزه يطالع فيه,, ابتسم سلمان.. حمزه غاور عنه..
سلمان في باله : ــ بل ويش هالأخلاق دي..
ويوم نزل رائد.. سأله عن حمزه مين يكوون ..؟؟
ــ افففففففف هذا ولد عمي .. كريه وما اطيقه..
سلمان : ــ افااا .. ليش عاد..
رائد : ــ غثيث وثقيل دم بشكل لا يطاق وملقوووف وفتان وكل شي ..
فارس : ــ خلاص رائد ولد عمك هذا,,
رائد : ــ اهووووووو.. ينقلع .. يعني عاجبتنك تصرفاته.. كريه نفس وخايس اخلاق مرره ..
سلمان : ــ اما من ناحية خايس اخلاق .. هههههههه فخايس اخلاق ومره على قولتك..
رائد : ــ ههههههه شيه ويش سوى لك..؟؟؟
سلمان : ــ ابتسم له يغاور عني ..
رائد : ــ ما عليك منه.. ما بنعطى وجه.. اجل احمد ربك ما بادلك الإبتسامه .. هيهي لو بادلك اياها ويش يفكك من لزقته وثقل طينته..
سلمان : ــ هههههههه حشااا يا سااااااتر..
صارو يتمشو.. لقو الرجال ابو كرار و ابو حسن و فاضل ورضا .. حاطين قوطي ببسي من بعيد.. وقاعدين كل واحد يحاول يطقها بحجر ويقلبها.. وكل مره يبعدوها اكثر .. لين صار بينهم وبينه حوالي 7 امتار..
ابو كرار : ــ يالله بعيد القوطي ما اشوفه عدل .. رحم الله ايام الشباب.. لو ويه ما بسدحه
فاضل : ــ ههههههههه ويش عمي بعدك شباب افا عليك..
ابو حسن يرمي الحجر ولا يصيب :
ــ الظاهر انا اللي شيبت و لا اشوف عدل..
رضا : ــ افاا عليك انت بعد.. جيب اشوف ..
اخذ رضا الحجر ورماه الا نفس حالة ...
رائد: ــ بااجرب وياكم..
اخذ الحجر ورماه صاب القوطي بس ما طيحه .. شوي كان ويطيحه...
فارس اخذ حجر وبرميه قويه تعدى القوطي وما صابه..
رضا : ــ سلمان..
سلمان : ــ هلااا..
رضا بإبتسامه: ــ ما بتجرب ..؟؟
سلمان ابتسم.. : ــ نجرب ليش لأ..
اخذ الحجر .. ورماه..
وطااااااخ طفر القوطي مترين ورى..
رائد بلا شعور صرخ : ــ صااااااااابه عاااااااااااااااش...
ماتو ضحك عليه..
ابو حسن : ــ ههههههه تلعب تيل .. رائد مندمج.. سلمان...عفيا عليك ..
ابو كرار : ــ ما شالله عليك يا ولدي .. يعطيك الصحه والعافيه..
فارس : ــ يا سلام عليك اللهم صل على محمد وال محمد..
صلو جميعا على النبي وال النبي...
رائد : ــ ابضااي سلمانوو فديتك.. يللا عطيني دروس في القنص ..
سلمان : ــ ول هههههههه سويتها قنص .. صايد غزال مو قوطي بيبسي ..
رضا بحكم انه تاجر وغني .. عنده فرع في البحرين لتجارته.. وتاعب فيه عدل لأنه يتابع بصعوبه الأخبار هناك.. وكل ما بين كم شهر جاب له احد ينتبه للشغل هناك ويكون ثقه وامين وقد المسؤوليه.. صار يتأمل في سلمان :
ــ لازم اعرف هالشخص اكثر واتقرب منه اكثر .. والله شكله رجال وينشد فيه الظهر .. واخلاق مره حلوه .. عساني انفعه وينفعني...
اما الحريم والبنات خذو صحن معدن وصارو يطقو عليه و بهداوه..
غااالي .. غااالي .. غالي يابو السجاد حبك غااالي .. انت الحبيب العايش بدلالي .. غيرك في هذا الكون ما يحلا لي .. غااالي .. غااالي .. غاالي يبو السجاد حبك غالي << هالمولد للملا باسم حفظه الله .. الكل يعرفه وحافظنه.. صغير وكبير .. ما يخفى عليهم...
شوي الا بنقزة سمر تصرخ.. ــ ووووزغه.. << شخطت وراها وحست بها في ظهرها..
قامو يتراكضو.. انتبهت ليها ام حسين : ــ يووو عاد هذي ام سليمون مسالمه ما تسوي شي .. خلوها ..
حنين مستغربه ومختلعه : ــ ام ويه؟؟؟ ام سليمان..؟؟؟؟
ام سلمان : ــ سليماان ويه بعد هههههههه سليمون.. تعالي غناتي الله لا يروعش..
راحت سمر وقعدت جنب ام سلمان..
مريم : ــ اختلعتي امي .. جيبو ليها ماي
ام حسين : ــ هذي عادي ,, ما تطلع الا في المزارع والبر . ايام لول اراقع بها واني احوس بالزراعه ويا ابوي... طيبه ما تسوي شي مهي كريهه مفلات الوزغه اللعينه..
رائد برى لفتت نظرهم شجرة ...
فارس : ــ برتقال .. الله حليو وهو معلق ..
سلمان : ــ مممممم نذوق طعمها...
قطع وحده.. وقشروها..اكلو ..
رائد غمض عيونه : ــ حح حاااامضه..
فارس : ــ ههههههه ما تنبلع..
سلمان : ــ أي والله ما على البرتقال المغربي ابو سرره.خطيييير ... ممم هذا البرتقال العدل ..
فارس من سمع طاري المغرب..
ــ تصدقو.. بعد كم يوم ناوي على روحة المغرب ..
سلمان وهو يمص العصير اللي في البرتقاله : ــ كخخخخ ممم.. حق ويه .. بترووح تجيب لك برتقال عدل من هناك ..
رائد فهى وحط البرتقال اللي في ايده على جنب وبهدووء :
ــ حق ويه.. يعني بتروح صدق .. هاا.. لمتى.. ؟؟ بتروح وياك بعد امي ام حسين ..؟؟؟
سلمان مو فاهم ويش صاير .. وفاجأته حالة رائد وارتباكه..
فارس مسك كتوف رائد : ــ لازم اروح.. ما يصير بعد.. بشوف ويش صاير .. وامي ام حسين بتظل هنا.. برجع انا بس بشوف ويش السالفه..
سلمان ساكت .. حس عليه فارس انه ضايع بينهم وخجلان يسأل لا يتلقف .. فعلمه بقصته..
فارس : ــ وهذي السالفه.. ويش رايك يا خووك..
سلمان : ــ رايي تروح وتشوف ويش صاير .. مهما كان هذا ابوك.. وله حق عليك..
رائد انفجر : ــ حق ويه..اللي اله عند فارس هااا.. متى عرفه هو.. تركه يوم هو صغير .. ابو خراط هذا.. الحين ويش يبغى.. اتحداه اذا راح له يعرفه.. ويش يعني ..
سلمان يهدي في رائد.. وفارس مرتبك مو عارف ويش يسوي .. مشى عنهم..
رائد يوم شافه مشى سكت.. وطلع في سلمان وقال وهو مندهش :
ــ طالع.. انا محمق وهو ابد ولا معبر .. ولا بعد راح..
سلمان : ــ لا تلومه ياخوك.. بس ما يقصد هوو.. مجبور والله..
رائد عفويه وبلا قصد من حمقه وزعله رفع صوته : ــ انت ويييييييش دراااك.. مافي شي غصبن عن الواااحد.. ما تفهم انت..
سلمان فتح عينه بوجه رائد و ابتسم..
تابع<<<
Princess
12-17-2007, 05:36 AM
رائد حس انه مصخها وسلمان ماله ذنب حق يصرخ عليه :
ــ اسف وربي .. بس ...
وتغيرت نبرة صوتها وصارت متكسره..
ــ فارس خويي.. انا منه وهو مني .. من يوم كنا صغار ويا بعض .. احبه.. ولا اقدر استغني عنه.. ابوه طول عمره ما عرفه.. انا اكثر واحد حسيت بمعاناته ووحدته.. وعذابه وشقى عيشته.. ابووه غني ولا يفكر يرسل له حتى مصروووف.. ما كمل دراسه والسبه الفقر .. ويش الحين يبغى منه.. يوم كبر وصار رجال يبغاه... لييييش .. تخيل يروح المغرب ويقول له خلاص اقعد وياي ولا ترجع.. بموت.. ما استغني عنه..
سلمان صار يهدي فيه ويحاول انه يلهيه.. وبنبرة شجيه فيها بحه ..
ــ سيدي في القلب حاجه.. هل لها منك انفراجه.. ان مابي .. من عذابي .. سيدي ارجو علاجه.. انا ما جئتك الا .. بعد ان ارهقت ثقلا .. لك امري.. انت تدري.. عظم الخطب وجلا..
رائد ابتسم : ــ حفظك الله يا شيخنا الغالي .. حفظك الله يا لأكرف .. صوتك حليو يا خووك..
سلمان : ــ ههههه اما حليو.. تقول سياره خربانه مهي راضيه تشتغل..
رائد : ــ هههههه حرام عليك.. في صوتك بحه روعه.. واااو زي خالو بالضبط..
سلمان : ــ مين ..؟؟
رائد : ــ خالي حيدرووه.. صوته مره حليو.. ويقرا بحسينيات
سلمان : ــ ما شالله.. والله.. ابغى اسمع..
رائد : ــ ايه ان شالله اذا قعد ذكرني اخليه يسمعك مقطع..
هدأ رائد.. وشوي جاهم فارس .. رائد ساكت عنه.. وفارس بعد مهو حاب يناقشه بشي .. لا يرجع يفتح الموضوع من جد وجديد..
قعد حيدر من نومته.. دخل الحمام .. وبعد ان فرغ من قضاء حاجته.. انتبه ان بريق الماي فاااضي .. ولا في ماي بالحمام.... ويش يسوي كيف يدبرها..
طلع جواله ودق على حسن.. حسن نايم ولا انتبه للجوال..
حيدر.. ــ افففففففف لم يتم الرد.. تلاقي حسنوه منقلب على الجوال ومخمد على انفاسه وين يسمعه.. فارس عفر استحي ويش اقوول.. راائدوه مالي الا هوو.. ولعنه هذا بيفضحنا.. امري لله..
دق جوال رائد.. طالع الإسم:ــ اه.. حيدرووه.. ويش فيه متصل غريبه... متغوي لو مضيع نظارته ومو شايفنها..
سلمان وفارس ماتو ضحك... رد رائد : ــ الووو..
حيدر بهمس: ــ الحق علييييييي...
رائد : ــ خخخ الحق عليك وينا .؟؟. بالحلم !!.. مين طقك.. ؟؟؟
حيدر : ــ بلا ظرافه علي .. تعال الحمام..
رائد : ــ والله مافيني حق ويه اروح الحمام..
فارس وسلمان فقعوها ضحكه..
حيدر سمع الضحك: ــ ولعنه يا فضيحه.. بلا مسخره .. تعال جيب لي غرشة مااااي,, مافي ماااي بالحمام..
رائد: ــ افااا يا خااال .. ههااااااي.. شلون ما تشيك على طهورك قبل لا تسويها..
سلمان وفارس فتحو عيونهم حد مااعندهم.. وخلاص ماتو ضحك..
حيدر صخن : ــ ولللللللللعنه انت ولد اخت انت.. انت مصيييييييبه.. حرررررررركني بطلع ظلمه هالحمام وقرف .. هين لكن.. خللص في فتحه فوق الباب ارمي منها الغرشه,, ونتفاهم بعدين..
رائد وهو ميت ضحك .. : ــ زين جاينك..
وصل رائد وزين ما فضحه عند الحريم.. اخذ الغرشه.. ووقف عن باب الحمام..:
ــ وواااااحد,, افنيييييين.. فلاااااافه وفلاااافين,, وهووووووب
ورماها الغرشه وتطب داخل الحمام وطراخ على راس حيدر ..
حيدر : ــ وصاااقعه.. هين يا رائدوه اراويك..
رائد ميت ضحك: ــ مااي وايد جبت لك.. تطهر عدل هههههههههه
حيدر : ــ حسبي الله عليك من ولد اخت ..
طلع حيدر من الحمام,, الا رائد حط رجوله وهرب ..و ما خلف وراه الا غبااار ..
حيدر ويش بيسوي .. هذا رئووده وما منه فايده لو بيتأدب تأدب من زمان.. ضحك على الموقف بعد ما كان مره معصب .. ومشى.. شوي الا جواله يرن...
طلع رائد اللي متصل ..
حيدر رد بقهر: ــ هاااااااويش تبغى...
رائد بهداوه وأدب : ــ خالوو.. سلمان يبغاك.. مو انا..
حيدر : ــ حسبي الله عليك.. هذانا جاي..
وصل .. سلمان بإبتسامه:
ــ يقولو صوتك حليو.. ما بتسمعنا شي ..؟؟؟
ابتسم حيدر:
ــ انت تسمع لمين,,؟؟
سلمان : ــ وايد.. للأكرف.. لباسم .. لجعفر ..
حيدر تمام.. انا حافظ للأكرف .. يللا بسمعك بس بشرط تسمعني .. والا اقول لك ويا بعض نصير .. كل واحد يكمل للثاني ..
سلمان : ــ اوووكي يللا ..
حيدر :ـــ ممممممم... أي عيش يطـــــــاق ,, بعد هذا الفـــــــــــــراق
رنت هالجمل في مسامع سلمان.. وبعفويه تذكر خطيبته.. تنهد في قلبه وهمست روحه..
سلام الله عليكي يا فاطمة .. سلام الله عليكي يا سيدتي ومولاتي..
وكمل ..
ــ فـــاطم لا تغمضي عينكي عنـــــاا... فاطم لا تغمضي عينيكي عنــــــــــا...
حيدر: ــ مثل طائر سليمـــــــان.. طرت اكشف امرها..
سلمان :ــ واهيم بعالم احــــزاان.. واسايل عن خبرهــــــــا..
ثنينهم : ــ في المأآآآآآسي .. في المأآآآسي اللي ما تطيب .. وعيني شافت اعاجيب .. بعالم الزهرا انظر الصار .. بالقلب جمره.. وبالجفن نااار..
فارس : ــ ما شالله.. رهيبين.. ثنائي عجيب..
رائد : ــ عيني عليكم بارده.. بالصلاة على محمد وال محمد..
قريب يجي المغرب .. قررو يرجعو البيت... وتواعدو .. يكون بينهم اتصال.. وما يقطعو بعض ..
حوريه وام سلمان استانسو وياهم.. وسلمان اكثر... الوحيد اللي تضايق وتنرفز من الرحله.. حمزه ما عجبه الوضع ابدا.. و رؤى متأثره بموقفها ويا فارس ومستحيه حدها..
حط راسه على المخده.. وجت صورتها قدامه ... تحسس الدبله بيده.. سالت دمعه على خده.. تنهد .. رحمة الله عليش يالغاليه.. قرى الفاتحه على روحها .. وروح ابوه المرحوم..
تذكر موقف حيدر بالحمام.. ضحك.. وتناسى همه.. مسك الجوال .. رسل مسج لرائد..
بالظلمه.. كان منسدح.. يفكر بحوريه.. مستغرب من روحه.. ليش لفتت نظره هالبنت.. كان على الجمال فهي عاديه وناعمه ,, كلام ما سمعها تكلمت.. شي شده ليها.. من نظرة عينها اللي طاحت في عينه بعفويه.. من خدودها اللي وردت خجل وحيا يوم غاورت بوجهها عنه..
ضوا يتبعه رنة مسج.. فتحه ..
ــ شكرا لكم من صميم قلبي .. ادخلتم بهجة لعائلتي نسيناها منذ سنين.. لا حرمنا الله جمعتكم.. دمتم بخير ,,
ابتسم .. رد له المسج..
ـــ ان لنا بالدنيا اخوانا واحبابا نرتاح للقياهم من اول مره .. نوثق بمودتهم ممن نراهم كل يوم..
ما بيينا شكر عزيزي .. تصبح على خير ..
وكل يفكر بقلبه .. الا هو.. كان مشغول البال والهم محتويه.. يفكر .. متى بيقرر يروح المغرب .. متى بيشبع فضوله البائس ان يعرف ويش سالفة هالمرسول المفاجئ..
التفت لأمه ام حسين.. تنهد وفي قلبه.. معاهم انتين في امان.. عين الله تحرسش يا يمه..
شوي انحرف الفكر واتجه للقلب .. ابتسم وصار قلبه يدق بسرعه.. تذكر قعدة رؤى فوقه وهدرتها وعفويتها.. صار يفكر فيها خايف عليها.. لا يكون تتعقد وتخاف منه وتتذكر كلما تشوفه..
يوم ثاني الصباح.. الساعه 9.. و بالتهويه .. ام حسين وهي تضرب على ابريق الشاي بملعقه..
بالعافية يا حلوة بالعافية يادرة البحرين يالوافية نذر عليه واشهدوا ياحضور لقسم الحلوى وانا الوافية
متـــــــــــــــــى بس الله يبلغني فيك يااا خلف ابووي..<<< امنيه تخرج عن نص الأنشوده..نذر عليه واشهدوا ياحضور لقسم الممروس وانا الوافية نذرعليه واشهدوا ياحضور لقسم الحنة وانا الوافية
والله لأتحنى طرق احمررررر بكل ايد.. << حديث جانبي نذر عليه واشهدوا ياحضور لقسم الماورد وانا الوافية نذر عليه واشهدوا ياحضور لقسم المشموم وانا الوافية
والله لسوي لي قلايد حزتها لركااابي << ايضا على جنب نذر عليه واشهدوا ياحضور لاسوي هلاهل وانا الوافية نذر عليه واشهدوا ياحضور لارقص واصفق واناالوافية
تهاني زوجها ما نام طويل الليل .. البيت فيه حاس " بعوض صغار" وقرص فيهم تقرص .. غير الأمس بالزبداني قرصهم شوي .. وطول الليل حكه..
فتحت تهاني النافذه من فوق ..
ــ خاااله.. خااااله ام حســــــيــــــــن.. قصري صوتش .. ابو حسن ما نام..
ام حسين :
ــ يؤ .. اسمحو لي.. بقصر حسي .. نامو نومة العوافي ..
سكتت شوي .. الساعه 10 بعفويه رجعت تطق ..
وقفت فوق الجبل وشفت خاشوقة وشفت بنت العرب حلوة ومعشوقة
الا بدخلة رؤى عليها..
ــ صباح الخيلات اماه.ههههههه. ويش فيش تطقي العالم نايمه ..
ام حسين وهي تطق على الإبريق..
ــ صباحش صباحين..صباح الكحل بالعين
صباح يطرد الفقر..صباح يوفي الدين
صباحك الصباحي...والورد والتفاحي
رؤى صارت تضحك,, وقعدت ويا ام حسين.. وهي تحك..
ــ اففف بعووض من هالغنم مليان البيت قلصني تقليص..
ام حسين : ــ لا تحكيه داهو فيني وما فيني الا العافيه .. احقريه..
رؤى : ــ ما اقدل يحل..
ام حسين .. وهي تضحك.. وتغمز لرؤى..
ــ كل من هالخرفان اراويش فيهم الحين...
وتسندت على الجدار اللي يفصل بين التهويه و حوطة الغنم.. وتطالع في الفتحات..
وتدخل الملعقه من اتجاه المسكه بسرعه.. ولا يسمعو الا :
ــ امباااااااااااع..
وتمووت رؤى من الضحك..
ــ ههههههههههههههههه طفلتيهااا بعيد.. هههههههههه مسكينه اختلعت..
ام حسين : ـــ هههههههههههه تستاهل دبحتنا بريحتها...
شوي ما سمعوا الا فارس ينادي امه ام حسين برى..
ــ يالله يالله.. امااه تعالي ابغاش..
ام حسين استغربت اول مره فارس يناديها.. متعود يستأذن ويدخل اذا فيه احد..
ــ تعال امي ويش فيك..
ــ مافيني شي بس ابغاش بسالفه..
ــ مافي الا رؤى امي تعال دش ..
فارس منحرج يبغى امه بسالفه وفوق هذا رؤى معاها حاسس بيسبب ليها احراج..
فارس : ــ خلاص تالي بقول لش ..
رؤى قامت.. ــ اماه بلوح الغلفه اني اذا بغيتي شي ناديني..
فارس حس بإحراج اكثر.. تنحى عن باب التهويه.. طلعت رؤى وبسرعه.. كانت من داخلها خايفه موت.. تذكرت موقفها .. وحالتها حاله من الفشيله..
وهو قلبه صار يدق بسرعه.. وده يقول ليها لا تخافي .. وده يحسسها بالأمان.. وده ووده.. بس ويش بيده..
دخل لأمه.. باس راسها .. وقعد جنبها.. حط ايده على فخذها.. وعينه بعينها.. وقال..
ــ امااه.. بعد يومين على خير .. بروح المغرب..
والى اللقاء غدا..
زهرة البنفسجي
12-17-2007, 08:44 AM
ههههههههههههههههههههههههههه مت من الضحك من قريت الموقف الا صار الى حيدر
هههههههههههههههههههههههههههههههههههههههههههههههههه هههههههه
تسلمي أختي اميرة على الجزء الرااااااااااااائع
سلمت اناملك الذهبية
بانتظار الجديد
سفيرة الاحلام
12-17-2007, 01:36 PM
مشكوره اميره على الجزء الروعه
ولا ماقصرتي في هذا الجزء روعه
يعطيك العافيه
غــــلا
12-17-2007, 03:02 PM
مشكورة ع الجزء
عازفت الاوتار
12-17-2007, 03:57 PM
مــــــــــــــــشــــــــــــــكــــــــــــــــو ـر
ـالــــجــــزء رـوعه جــــــــنــــــــااااااااااااااااااان
تحياتي
عازفت الاوتار
Princess
12-18-2007, 09:00 AM
العفوووو حبايبي
ودوووم هالضحكه يااارب :bigsmile:
وتفضلو الجديد
Princess
12-18-2007, 09:02 AM
فارس حس بإحراج اكثر.. تنحى عن باب التهويه.. طلعت رؤى وبسرعه.. كانت من داخلها خايفه موت.. تذكرت موقفها .. وحالتها حاله من الفشيله..
وهو قلبه صار يدق بسرعه.. وده يقول ليها لا تخافي .. وده يحسسها بالأمان.. وده ووده.. بس ويش بيده..
دخل لأمه.. باس راسها .. وقعد جنبها.. حط ايده على فخذها.. وعينه بعينها.. وقال..
ــ امااه.. بعد يومين على خير .. بروح المغرب..
ام حسين تغيرت ملامح وجهها.. حطت ايدها على خد فارس وبنبره متكسره:
ــ ما بمنعك يا ولدي .. هذا ابوك ومهما سوى له حق عليك انك تطيعه.. روح الله ييسر لك امرك ولا تحاتيني اني ويا هالطيبين من عرفتهم ما شفت الا كل خير وسعاده.. لا تطول يا خلف اللي راحو ولا عودو.. وترجع بالسلامه لي يارب..
مسك فارس كف امه .. باسها وضم كفها الى صدره.. و ضمته لصدرها وصارت تمسح على راسه ,, كان مختنق ووده يصيح.. بس ماسك روحه ما يبغاها تتأثر وتصير تحاتيه..
وهي دمعتها انسلت .. وبملفعها مسحتها .. وتنهدت من قلبها ..
ــ عين الله تحرسك يا بعد روحي..
وفي الظهر قعد رائد من النوم.. طلع على باب البيت.. لقى فارس توه راجع من برى..
رائد : ــ هلا,, وينا طلعت عني يا خاين.. كان قعدتني من النوم اتمشى وياك..
فارس ساكت .. بس اكتفى بإبتسامه..
رائد وهو يتثاوب : ــ ويش عندك .من صباحة الله خير .؟؟ وين رحت؟؟؟ اشوفك فاضي منت حامل شي ..
فارس بإرتباك.. : ــ رحت احجز لي كرسي بالطياره .. بروح المغرب بعد يومين..
رائد قطع التثاؤب وفتح عينه : ــ كح كح .. سويتها.. من صجك يعني .. بترووح..
فارس ابتسم بهداوه وحرك راسه ايماء .. ايه..
رائد ما تكلم ولا كلمه.. فتح باب البيت حد ما عنده وكان حديد.. صفق بالجدار ودخل البيت..
صوت صرير الباب وهو يرتد .. خلى قلب فارس يرتعش ,, مسك مقبض الباب.. وسكره.. وقعد على العتبه من برى.. وكفه على شعره.. اصابعه تتخلل خصلاته.. ويضغط ويمسح.. حاسس بتوتر .. بخوف .. ما يدري .. هل اللي يسويه هو اللي مفروض يستوي .. لو لا... صار يتمتم بينه وبين روحه:
ــ ويش تبغى فيني الحين يا يبه ..؟؟ ليش الحين ...؟؟؟
هدووء بين الطرفين.. لا حوار ولا أي شي .. فقط السلام ومع السلامه.. لمدة يومين.. واليوم الثالث في الصباح .. خلاص بدى فارس يسلم على الجماعه.. ويسألهم الدعاء بيروح يلتقي بأبوه.. بعد غياب 23 سنه..
سلم على الكل.. الا رائد...ما شافه لأنه تعمد يطلع من الفجر ..
فارس حس بغبنه.. وينهو اعز ناسه.. ماجى يسلم عليه.. ولا هو راضي عليه..
ضم امه ام حسين .. وطلب منها طلب .. طلب ملفعها.. اللي على راسها,, كان عندها كذا واحد.. فصخته وتحجبت بالمشمر .. اخذه.. شمه .. وضمه لصدره..
ــ حق تصيري وياي وين ما اروح...
صاحت ام حسين .. : ــ ويلي ياولدي .. يا بعد ابوي ..
حضنته .. وطلع حرته وصار يصيح..
صارت تعصره بالقوه.. كنها بتفارقه.. كنها بتفقده.. كنه بيروح ولا بيرجع..
الموقف كان مؤثر بالمره .. اجبر الجميع يصيحو وياهم..
فكو حضنهم.. والتفت فارس الى فاضل وبصوت مبحوح :
ــ عمي .. سلم على رائد.. سلام كثير .. ومهما كان.. غالي بقلبي وما انساه..
ولأول مره.. يلتفت بعفويه لرؤى ..
ــ انتبهي لروحش خيه.. وديري بالش على الغالي ...
رؤى كانت تصيح.. زادت بالصياح يوم خصها بوداع,,
وصل التكسي .. طلع فارس .. وسكر الباب,, حس برعشه تسري بجسمه كله.. وخوف من المجهول.. ركب .. وكله امل قبل لا يمشي يجي رائد ويشوفه على الأقل حتى لو ما سلم عليه و من بعيد .. والتكسي يمشي .. ورقبته ملتفته ورى لعله يلمحه.. بس للأسف ,, خابت اماله..
اصابع.. تخللت الضريح الشريف ,, وبحرقه ودموع.. سند راسه عليه..
ــ يا سيدتي ومولاتي يا زينب .. يا غريبة كربلاء .. يالفاقده .. اسأل الله بحقش و بحق غربة اخيك.. انه يوفق الغالي ويرجعه لينا بالسلامه..
دموعه انهمرت.. ما كان وده يتصرف هالتصرف يخلي حبيب قلبه ورفيق دربه يروح ولا يودعه.. بس غصب عليه..
فارس في المطار .. وجواله في ايده.. يترقب مسج .. في قلبه امل ان رائد يذكره..
نرجو الإنتباه.. الرجاء من المسافرين على متن الخطوط السوريه لمملكة المغرب التوجه على البوابه رقم .. والإستعداد لركوب الطائرة .. مع تمنياتنا لكم برحله ممتعه..
ضغط فارس على جواله .. اللي ما رن .. قفله.. وتوجه للطائره.. وركبها بالصلاة على محمد وال محمد..واقلعت الطائره...
رجع رائد البيت.. دخل .. سلم.. لقى ابوه زعلان منه..
ــ ويش فيك على فارس .. حرام عليك.. يسلم عليك .. وكان عنده امل قوي انه يشوفك..
رؤى بنبره حزينه : ــ حتى اني وصاني اسلم عليك..
رائد كشر حواجبه والحزن طغى في عيونه.. ما تكلم ولا كلمه.. ودخل الغرفه وسكر الباب عليه..
زهرا لابسه عباتها ورايحه المجلس بتروح ويا ام حسين الحرم...كان تلهيها شوي ..
وعلى ارض المغرب بعد سويعات .. حطت رجل فارس .. كان ضايع .. ومتشتت.. وما يدري ويش يسوي.. طلع الورقه اللي ارسلها له ابوه وفيها العنوان..
وركب تكسي ..
ــ لو سمحت وصلني الى ..
الا المغربي يرد عليه وفارس ما فهم منه ولا كلمه.. عطاه الورقه يقراها كان يعرف المكان.. بس للأسف طلع الرجال ما يقرأ..
ويش يسوي .. نزل وراح ركب تكسي ثاني.. وطلب منه يوصله.. ونفس الحاله.. رد عليه السواق رد عجيب غريب ما فهم منه الا كلمتين
إشمال وإجنوب .. والحمدلله فهم فارس السالفه ان المكان الي عايش فيه ابوه كبير ومقسم لقسمين شمالي وجنوبي .. فكمل الوصف للسواق وطلع ابوه في الحي الشمالي .. وانطلقو للحي الشمالي ...
وصل البيت لقى الباب مسكر .. طق الجرس .. لا حياة لمن تنادي.. صار يطالع الورقه.. نفس الوصف ونفس البيت.. كان البيت كبير وواسع وفخم.. مبني على طراز اندلسي مغربي ومره روعه.. صار يتأمله وفي قلبه غصه .. تذكر حال بيتهم هناك.. وهذا ابوه ساكن في غربه وفي افخم الأماكن..
تعب وهو واقف ولا حياة لمن تنادي.. طق جرس الجيران.. فتحت له بنت صغيرونه الباب ..
فارس : ــ وين البابا..
البنت راحت تركض داخل وطلعت له امها ..
ــ نعم..
فارس :
ــ الله ينعم عليش .. مو هذا منزل محمد الـ...
واشر على البيت..
ابتسمت المره: ــ بصح هذي الدار حقته.. << بصح = صحيح
فارس : ــ ما حد فتح لي .. وينهم..؟؟
المره : ــ مين انت ..؟؟
فارس : ــ انا ابن محمد ..
المره ابتسمت وصارت ترحب فيه ..
ــ مراحب اهلا وسهلا .. انت محمد فارس الـ .... يا زينه.. زينه آجي هنا سربي .. << سربي = بسرعه.. ,,, آجي هنا = تعالي هنا..
زينه : ــ نعم
المره : ــ هذا ابن جارنا المرحوم محمد الـ... اخيرا وصل..
فارس سمع المره تقول المرحوم وانصعق ..
ــ مين المرحوم.. ابوي .. ااا.. ليش ..؟؟ مات ..؟؟
المره مندهشه..
ــ ايواا من شي شهر.. علاش معندكش علم ؟؟.. << علاش = ليش..
فارس وشوي وينهار : ــ لااا..
المره حست عليه.. ودخلته البيت وقعدوه وجابو له ماي ..
: ــ كفاش ما صار عندك علم وانت ابنه.. << كفاش = كيف..
فارس وهو مبهوت : ــ ماادري ..
زينه : ــ يا امي .. انا بعرف كل اشي .. قال لي المرحوم عن التفصايل ..
وشنو كان لما سحرته مرتوه .. وبعدته عن اهله وابنه.. يا امي نسيتي ان السحر ما انفك الا بموتها .. لكنو مرض بعدها.. المهم انا اللي بعرف كل اشي وراح اتكفل بكل اشي..<< شنو كان = ويش صار
فارس وابدا مهو في دنياه :
ــ ليش مين انتي؟؟
تابع>>>
Princess
12-18-2007, 09:05 AM
زينه : ــ انا المحاميه الـ... زينة .. والدك الله يرحمه كلفني امسك ثروته و انتظرك سنه لحد ما تجي اسلمك اياها وبعد السنه لو ما جيت ارجع ارسل لك واعلمك .. ولو ما جيت طلب ابيع داره و الورث كله يصير مبلغ وارسله لك السعوديه..
فارس ابدا مو مستوعب .. ومره صدمه قويه.. 23 سنه ما شاف ابوه ولا يذكره ويوم جى بيشوفه لقاه توفى وترك له ورث ما شاء الله..
راحت زينه وجابت ورقه عطتها فارس .. قراها لقاها وصيه من ابوه ان الورث كله الى ولده فارس ,, ويطلب منه السماح..
فارس حاس بالذنب .. ليش تأخر .. بوده انه لو شاف ابوه.. كان يسامحه.. كان يخليه يموت وهو مرتاح ومطمئن..
طغت دموع في عيونه.. وا ابتسم ليداري الدمعه..
ــ الله يرحمك يا يبه شكرا اختي على حملش للمسؤوليه والأمانه..
ــ ولو يا اخي شغلتي و حاضرين.. بس باقي عليك نروح المحكمه لتوقع ونخلص الموضوع ان شاء الله على خير..
فارس : ــ ولمتى هالإجرائات
زينه : ــ ما تطولش بزاف
فارس ابتسم : ــ ويش يعني بزاف
زينه : ــ اوه سمحلي نسيت انك ما بتعرف للهجتنا افتكرتك مثل المرحوم .. بزاف يعني كثير << سمحلي = اسمح لي .. (عذرا)
فارس : ــ اهاا ههههه ان شالله على خير..
ام زينه : ــ شويه بجيب ساروت الدار ,, ليرتاح فارس
زينه : ايواا يا امي .. يعطيكي العافيه..
فارس مو فاهم ويش السالفه..
زينه : ــ سمحلي يا اخي بنعطيك ساروت دارك دارنا مافيها محارم كلنا حريمات ..
فارس : ــ مسموحه اختي ولو حقكم هذا.. بس .. ااا.. ويش ساروت..
زينه ضربت جبهتها.. ــ ايي هههههه مفاتيح
فارس : ــ ههههههههههههه طيب..
جابت ام زينه المفاتيح.. عطتهم فارس ..
ام زينه : ــ دابا ريح بدنك و انعس شويه .. وبعدين فرج..
فارس مليون الف استفهام فوق راسه .. دابا .. وانعس شوي شلوون بعد انعس شوي ..
زينه حست عليه وضحكت..
ــ يعني الآن ريح نفسك ونام شويه ..
فارس ابتسم .. ــ يبغى لي دروس في لهجتكم..
زينه ابتسمت : ــ ان شاء الله.. راح تتعلم بسرعه..
اخذ فارس المفاتيح.. ودخل البيت...
اول ما دخل انبهر .. كان مره فخم.. الجدران مرصعه بفسيفساء و الكراسي طراز اندلسي قديم وخشب معتق و مخداتها الوان مره حلوه و ذوق ..غير التحف الأفريقيه الراقيه من العاج والنحاس والأخشاب بمختلف انواعها..
قعد في الصالة .. وصار يتأمل المكان.. ووساعته.. وحلاته .. شلون باقي البيت..
حس بخوف .. بغصه.. وده احد يحضنه.. ضياع وشتات وصدمه.. بنفس الوقت ابتسامه مرسومه على شفته.. كل هالخير حقي انا.. لحالي ..
اخذ نفس واطلقه : ــ الحمدلله..
حضن مخده من الكراسي وطلع من شنطته ملفع امه ام حسين,, شمه بالقوه.. ولحف فيه المخده وانسدح عليها على الكرسي .. سالت دمعه من عيونه.. طلع جواله.. ورسل مسج لرائد ..
انا بخير وحولي خير اتمنى انك بخير يا وجه الخير .. سلم على امي ام حسين وطمنها وصلت بالسلامه..
وصل المسج لرائد.. فتحه.. ابتسم .. ــ الحمدلله.. واااحشني يالغالي ..
بلغ امه ام حسين بسلامة ولدها .. وجا يبغى يرد عليه مسج بس مو عارف بعده فيه قهر ليش راح وخلاه..
فارس ينتظر رد.. وشوي جا اله مسج..
ــ امك ام حسين تسلم عليك وتقول لك انتبه لروحك..
فارس جته غصه قويه..
ــ افااااااا يالغالي .. بس .. هذا اللي طلع منك.. يللاااا الله يصبرني..
سالت دمعه بعفويه.. وغمض عينه ونام..
في السعوديه... كانت ايمان جالسه على المسنجر .. نصه بلوك.. فلان وعلان وفلانه عرفتها على علان .. وفلانه مصادقه علان .. والبلاوي في هالمسن اشكال والوان..وهي تتأفف:
ــ افففففف روانوه ماترد علي وكل مشغووله ترتب عمرها حق البعثه دافوره الله يغربل شرها.. ورؤووه بعد عمري مسافره.. و ريهامووه الدبه بس فالحه اذا بطير سوق لحقتني اففففففف زهق ويش اسوووي ..
شوي جتها اضافه.. وكان النك اتحداك تقبلني..
ضحكت ..ــ تتحدى.. لا تتحدى.. ههههههه ويش ورانا نقبل التحدي ونتسلى..
وتمت الإضافه..
ويوم تمت الإضافه.. غير النك نيم الى ..
معذب قلوب البنات..
ونك نيم ايمان كان ..
انا بنت الأصول ومنسبي من طيب الأنساب من يفكر بحفرة خبث حتماً بدفنه فيها...
ايمان في بالها : ــ ههههه بل مره واثق ..
دخل عليها محادثه..: ــ السلام عليكم..
ايمان ضحكت وفي بالها.. زين والله يسلم بعد وردت عليه السلام..
(( الحوار بالنك نيمات))
معذب قلوب البنات Says:
ــ هلا اوه شكلي غلطان اضفتك بالغلط .. مممم بنت الأصول .. ممكن اعرف ليش قبلتي الإضافه,,
انا بنت الأصول ومنسبي من طيب الأنساب من يفكر بحفرة خبث حتماً بدفنه فيها...Says:
ــ بس كذا كيفي ..
معذب قلوب البنات Says:
ــ اهاا لا بس كان ظني على شان إنك بنت اصول..
انا بنت الأصول ومنسبي من طيب الأنساب من يفكر بحفرة خبث حتماً بدفنه فيها...Says:
ــ بنت اصول وغصب عليك..
معذب قلوب البنات Says:
ــ اوه .. شوي شوي علي يا ... ما عرفتينا..
انا بنت الأصول ومنسبي من طيب الأنساب من يفكر بحفرة خبث حتماً بدفنه فيها...Says:
ــ ريما..
معذب قلوب البنات Says:
ــ عاشت الأسامي .. معك سعد ..
انا بنت الأصول ومنسبي من طيب الأنساب من يفكر بحفرة خبث حتماً بدفنه فيها...Says:
ــ ما طلبت منك تعرفني على نفسك......
معذب قلوب البنات Says:
ــ الله .. ههههههههه.. اقول يا بنت الأصول .. على ايش شايفه نفسك..
انا بنت الأصول ومنسبي من طيب الأنساب من يفكر بحفرة خبث حتماً بدفنه فيها...Says:
ــ يكفي اني بنت اصول على شان اشوف نفسي ..
معذب قلوب البنات Says:
صحيح فاضيه وما عندك سالفه.. اقول .. تراني فاضي وما وراي شي .. وعلى فكره انا ضايفك بالغلط.. تبين تسولفين بسولف ما تبين بدق على خويي هالسطل يعطيني ايميله صح..
انا بنت الأصول ومنسبي من طيب الأنساب من يفكر بحفرة خبث حتماً بدفنه فيها...Says:
هههههههههههههه .. وانا بعد فاضيه وما وراي شي .. عادي وش ورانا خلنا نسولف بس بشرط
معذب قلوب البنات Says:
وايش يطلع شرطك يا بنت الأصول ؟؟؟
انا بنت الأصول ومنسبي من طيب الأنساب من يفكر بحفرة خبث حتماً بدفنه فيها...Says:
تتكلم معي بحدود الأدب ..
معذب قلوب البنات Says:
الله عالأدب يا شيخه.. ليش راح اكلك انا يعني ؟؟؟!!
انا بنت الأصول ومنسبي من طيب الأنساب من يفكر بحفرة خبث حتماً بدفنه فيها...Says:
لا بس ما ادري ويش ممكن يصير ..
معذب قلوب البنات Says:
مممم .. قلتي ما تدري ويييييييش ممكن يصير.. الا من وين انتي؟؟
انا بنت الأصول ومنسبي من طيب الأنساب من يفكر بحفرة خبث حتماً بدفنه فيها...Says:
من ارض الله الواسعه..
معذب قلوب البنات Says:
لا والله تستظرفين علي طيب طيب .. بأيش تبينا نسولف دام بحدود الأدب..
انا بنت الأصول ومنسبي من طيب الأنساب من يفكر بحفرة خبث حتماً بدفنه فيها...Says:
ما ادري عن أي شي ..
معذب قلوب البنات Says:
لا بس اخاف بما انك بنت اصووول اطلع معك خارج النص و اقول شي ما يرضيكي و تسوين لي سالفه..
انا بنت الأصول ومنسبي من طيب الأنساب من يفكر بحفرة خبث حتماً بدفنه فيها...Says:
من يفكر بخبث حتماً بدفنه..
معذب قلوب البنات Says:
لا يا شيخه.. ترى غرورك زايد وماهو مع سعد.. وكان انك تبين تكسرين راسي بغرورك انا اعظم منك غرور كفايه اني معذب قلوبكم..
انا بنت الأصول ومنسبي من طيب الأنساب من يفكر بحفرة خبث حتماً بدفنه فيها...Says:
هههههههههههههههههههههههههههههههههههه
معذب قلوب البنات Says:
تضحكين.. طيب .. ما دخلتي مزاجي انتي من اولها.. وانا مو سهل مو أي بنت تقدر توصل لهالمزاج.. على شان كذا انا معذب قلوبهم.. وهم بنات اصل وفصل وما يسوون سواتك ويضيفون واحد غريب ما يعرفونه.. يللا انقلعي عن مسنجري ولا تكلميني..
ايمان في بالها.. اففففف زهقاانه اني خلني الين شوي كان يسولف والله لأجيب اجله هالمغتر هذا واخليه يقلب نك نيمه الى متعذب من بنت الأصول..
انا بنت الأصول ومنسبي من طيب الأنساب من يفكر بحفرة خبث حتماً بدفنه فيها...Says:
سعد..
معذب قلوب البنات Says:
نعم ..
انا بنت الأصول ومنسبي من طيب الأنساب من يفكر بحفرة خبث حتماً بدفنه فيها...Says:
الله ينعم عليك.. تبي ؟؟
معذب قلوب البنات Says:
وشو..؟؟
انا بنت الأصول ومنسبي من طيب الأنساب من يفكر بحفرة خبث حتماً بدفنه فيها...Says:
حلا ..
معذب قلوب البنات Says:
انت الحلا ..
انا بنت الأصول ومنسبي من طيب الأنساب من يفكر بحفرة خبث حتماً بدفنه فيها...Says:
هههههههه لا انا ريما والحلا جالكسي ..
معذب قلوب البنات Says:
ههههههه يا حليلك جعلها دوم هالضحكه.. ايه ابي جالكسي ..
وظلت ايمان.. هدره فاضيه وماصخه وماليها أي معنى ولا داعي مع ((المجهول بإسم سعد)) حتى اذان الفجر..
تابع>>
Princess
12-18-2007, 09:06 AM
باقي ساعه على اذان الفجر في سوريا.. ام حسين ما غمضت ليها عين..طلبت منها رؤى انها تخليها تنام وياها ..فنامت وياها.. المجلس ظلمه.. ورؤى نامت على طول اما ام حسين فكانت تصيح .. خايفه على ولدها.. هو دنيتها وحياتها.. ظلت تفكر فيه لين اذن الفجر .. قامت تمسحت بالصلاة على محمد وال محمد .. قعدت رؤى للصلاه.. صلت رؤى ورجعت نامت.. اما ام حسين ظلت على سجادتها بمسباحها تدعي الله ودموعها على خدودها..
الساعه 9 الصباح.. فتحت رؤى عيونها.. لقت ام حسين بعدها على السجاده..
و ساجده..
رؤى قامت وفتحت الباب :
ــ يووو نمت وااايد اذن الظهل ولا حسيت..
طلعت ودخلت شقتهم .. شافت ابوها وامها ورائد قاعدين يفطرو..
زهرا : ــ هاا قعدتي .. صباحش خير امي ..تعالي افطري
رؤى منصرعه : ــ صباح.. شيه الساعه كم.. ؟؟
رائد : ــ الساعه ونص .. الساعه كم بعد تسع..
رؤى : ــ احلفوووووووو..
رائد : ــ بسم الله ويش فيش مختلعه شيه وراش موعد..
رؤى : ــ لا بس امي ام حسين قعدت الا هي تصلي .. ما ادلي صلاة ويه..
زهرا : ــ صلاة الصبح... قضاء يمكن..
رؤى : ــ لالالا.. الفجل صليتها اياها.. بلوح اشوفها يمكن خلصت..صلاة ويه تصلي ..
فاضل : ــ ياربي عليكم.. يمكن شكر .. نذر وتوفيه.. لقافتكم بكل شي حتى الصلوات..
رؤى : ــ بلووح اشوفها..
دخلت رؤى الا ام حسين بعدها ساجده..
تقربت منها وقعدت جنبها.. حستها مو طبيعيه..هدووء ما تهمس في صلاتها وهي عادة صلاتها كلها روحانيه وهمساتها تنسمع..
10 دقايق .. طولت .. مالت رؤى براسها على جنب تطالع موضع السجود.. لقت عين ام حسين مفتحه وما ترمش ..
حزتها صرخت :
ــ اااااااااااااه اماااااااااااااااااااه
الى اللقاء .. غدا..
غــــلا
12-18-2007, 01:17 PM
حرااااام ليش تموتيها
الحين فارس من بقى له
الله يكون بعونه اذا درى
ومشكورة ع الجزء
وبانتظـار البقية
أمير العاشقين
12-18-2007, 02:29 PM
اميرررووووووووووووووووووووووووووووه قسم بالله دمعت العين
ذكرتيني بعمي المرحوم لما شفته وهو تحت رحمة ربه
حرام عليش والله ذكرتيني بلحظة الم
سفيرة الاحلام
12-18-2007, 02:41 PM
اميره حرام عليك تموت ام حسين
مشكوره هلى الجزء بس عندك غلط هذي الحلقه تصير 52
واتمنى تكون ام حسين ماماتت
روحي في ذكراك
12-18-2007, 03:19 PM
اميره حررام عليش تموتي ام حسين
من بقى الى فارس المسكين
تحياتي
آخر شقآوهـ ..~
12-18-2007, 05:12 PM
حـــــــــــــــــــــــــرام وربي حـــــــــــــــــــــــرام
الحــــــــــين فارس ويش حاله لو درى بالخبر من بقى له في هــ الدنيا
مابقى له غير خيالها وثيابها وريحتها والله حاله يكسر الخاطر<<<عاشت الجو وصااحت ويلي علييك ياولدي يافارس
الله يصبره ويرزقه ببنت الحلال وتنسيه همومه على قلبي فارسووه مايستاهل
يالله ويش نسوي الطيب دوم رزقه كده
بس ان شاء الله ماتموت بس تصير يعني هيه تمزح وياهم صح اميره ..قولي ايه.
مشكوره عيوني ع الجزء الحـــــــزين خسرني دمووع <<<حشا
ربي يعطيك العافيه
تحياتي
ضحكوه البطه
الأمل البعيد
12-18-2007, 05:32 PM
حرااااااااااااااااااااااام
حراااااااااااااااااااااام
لا اموور لاتموتيها من يبقى ليه في هالدنيا
بس ان شاء الله ماتموت بس تصير يعني هيه تمزح وياهم صح اميره ..قولي ايه
مشكووووره خيه على الجزء
تحياتي
أمل الظهور
12-18-2007, 06:44 PM
<<تعبت وانا اقرا بالاجزاء ..
بس استمتعت فيها كثيييييير
رحلة الزبداني رووعه ومتت ضحك على غرشة الماي
وعورت بقلبي الخطيبه حيييل ..
وماشاء الله عليك اللهم صل على محمد وآله
من وين متعلمه اللهجه المغربيه هااا:wink::wink:
ايييه على سالفة ام حسين ان شاء الله من جد بتموتيها لادخيلك امروشه خليها
تفرح بولدها فارس بعدين موتيها كيفك <<استغفر الله
وبعدين هي امانه تموت عندهم ويش يقول عنهم فارس هااااا :sad2:<<متفاجأه
ننتظر البقيه امروش
تسلم اناملك ويعطيك العافيه
سيناريو
12-18-2007, 08:34 PM
أميروووووو لاااااا عن جد إذا بتموت لفي على النص وغيريه >>> على كيفك
عورني قلبي تحطمت مرررررره
فاااارس مسكين يكسر الخاطر،،،،
بانتظار التكمله
الله يعطيك العافيه
طفلة بريئة
12-18-2007, 09:06 PM
أموووووووووووووووووووووووووووووووووووووووووووووووو ور :evil:
حرااااااااااااااااااااااااااااااااااااااااام عليش حراااااااااااااااااااااام :sad2::sad2:
لييييش كده
الحييين فاااااااارس من بقى له :no:
ما ليي شغل انيييييييييييييي احتج :mad::angry::med: <<<<<<<<من انتين علشان تحتجي :wacko:
تسلمي على الجزء الكشة
ننتظر الجزء الجديييد
بس ما نبغى فيه حزن :wink:
عازفت الاوتار
12-18-2007, 11:46 PM
حراااااااااااااااااااااااام والله العظيم حراااااااااااااااااااام
امووووووووووووووووووور و الله مالي خلق اصيح
امور انتِ تمزحي صح
ان شاء الله تكوني تمزحي
مشكور ع الجزء الزاااااحف
تحياتي
أميرة الشوق
12-19-2007, 01:14 AM
الله بدأت القصة تحلى أكثر وأكثر
بس أرجوش لا تقتلي أم حسين
تهئ تهئ تهئ تهئ
بإنتظار الجزء الجديد على أمل أن أم حسين ماتموت خخخخخ
زهرة القلوب
12-19-2007, 04:31 AM
حرااااااااااااااااااااااام
من بقا اله فارس
مابقا الى رؤى ان شاالله عادمن نصيبه>> عايشه الدور عدل هههههههه
مشكوره خيتو
لو اكتب من الحين الين بكره عن وصف القصه مااعجز
الله يعطيش العافيه
تحياتي
حرااااااااااااااااااام من بقا اله فارس
مابقا اله الى رؤى اذا كانت من نصيبه ان شا الله >> اميره خليه من نصيبه حراام بعدين يتقطع قلبي عليه يكسر الخاطر >>
مشكوره اموره
القصه كل مايالها اتصير تجنن
ماني عارفه اعبر من حلاوتها >> لادقولين مبالغه ترى عن جد هههههههههه
مع جزيل الشكر والتقدير
زهرة القلوب
آهات عاشقه
12-19-2007, 05:13 AM
يااااااااااااااااااااااااااااعلي
حرااااااااااااااااااااااااااااام
كيف تموت ام حسين
ان شاء الله ماتموت بس تعبه كذا وخلاص
مااقدر بعدين ياعلي ويش حال فارس
كل حياته تعبان من الدنيا وهمومها ويوم تيسرت اموره يصيبه هالشيء
زهرة البنفسجي
12-19-2007, 06:09 AM
لا حرااااااام الا ام حسين حرام فارس المسكين بيتحطم
انتظر الجزء القادم على أحر من الجمر
تحياتي لك
عازفت الاوتار
12-19-2007, 04:34 PM
امووووووووووور يالله ابي الجزء
**جوان**
12-19-2007, 04:49 PM
:no:
مــسكين فارس ..
:closedeyes::closedeyes:
مــامداه يستانس له شووي ..
:closedeyes::closedeyes:
والله يكسر الخــاطر ..
.. بـأنتظار الجزء الجـديد ..
.. تحياتــي .. :sad2:
أسيرة الأحلام
12-19-2007, 10:08 PM
لا أمووور لاتقولي ام حسين ماتت
كل شي ولا هالشي
والله حرام
مسكين فارس كل المصايب عليه
،،،،،،،،،،
يسلموووو أمووور
في إنتظار القادم
بفااااااااااااارغ الصبر
تحياتي
دمعة الاحزان
12-20-2007, 04:10 PM
ياعلي اميرة الفرح على قوله اختي<<صارت تسميك كذا
اذبجك اشنقك اضربك دسوت مدسسته
ولا ويش اسوي فيك ها قوليلي؟؟؟
نبر ون تصيحيني واليوم العيد والله لو مو عشان اختي هنا
كان دمعتي من زمان جرت بالمدرار
بصراحه لحظه الفراق ماقدرت عليها ودمعت عيني ذكرت غالي ودعني ومارجع
وذكرت زواجات اخواني يوم يودعوا بناتهم وهم يصيحوا عشان بيروحوا الحج
يس حرام عليه رائد مايودع فارس >>هذا وداع عادي وانا ماش
هذا لو جبتيه بالنص كان سلمي على دموع
بصراحه كسر خاطري فارس يوم ماجاء اله رائد ولا يرسل اله ومايرد عليه زي الناس
وياشين هاللحظه ترسل عشان يرد عليك وتنتظر وترجع خايب وتكون لحالك وتصيح
ادري اخربط محد فاهم شي بس اناا فاهمه يمكن لان اعيش هلحظه كل يوم
وتعالي ليش تموتي ام حسين حررااااااااااام
خلي فارس يتهنى شويات بعمرة توه تنفتح عنده ابواب الفرج
بس يلا نستنى الاحداث ونشوف
ويش عندش من خفايا
يسلموا على كل الاجزاء ويلا نبي عيديه الليله
اتركك في حفظ الباري وكل عام وانت بخير
زهور الريف
12-21-2007, 02:07 PM
أجزاء حلوة
وأحداث أكشن
تسلم الايادي
وننتظر التكملة
Princess
12-21-2007, 09:41 PM
هلا حبايبي .. وكل عام وانتم بخير وينعاد عليكم العيد السنه وكل سنه وانتون بصحه وعافيه
سلامتكم من الألام وعسى عينكم ما تبكي لفقد غالي وحبيب
:rolleyes:انتظرو الجديد اما فجرا او صباحا.. وراح نكمل الأجزاء بشكل متواصل
:embarrest:اخذت اجازه يومين للعيد عسى ايامكم بالفرح عامره
دمتم بحفظ الرحمن
أمير العاشقين
12-21-2007, 11:29 PM
عيدك افراح وسعاده انشالله
وينعاد عليك يارب
اوكي خيتووو
I am waiting my sister
Princess
12-22-2007, 03:48 PM
فتح عينه.. وصار يتأمل المكان.. ــ انا وين..
وبصعوبه تذكر انه في بيت ابوه.. في بيته هو الحين .. رفع راسه.. ومسح على الملفع وابتسم.. صباحش كله خير يالغاليه....
قام يغسل . في مغسلة خارجيه .. صار يطالع في المرايا ,, لافته نظره صورة بالجدار .. صار يمسح الماي من على وجهه .. ويتقرب ليها اكثر وهو يتأمل.. حس بحنين.. هذا ابوي ..؟؟ يالله شكثر انا اشبهه..
ابتسم ابتسامه بارده .. اسمح لي يا يبه.. ما عرفتك ولا عمرك عرفتني .. ببيع البيت باللي فيه وبرجع لأمي ..
طلع من البيت وهو مستحي من جيرانهم.. يبغى يكلم زينه لأنها المحاميه والمسؤوله.. وهو ما يدل وين يروح وويش يسوي ..
وهو يقفل الباب .. صدفه زينه طالعه بتروح تداوم في مكتبها..
زينه بإتسامه : صباحك خيرات
فارس : هلا صباح النور صدفه ما شالله كنت جاي ابغاش في موضوع..
زينه : ــ خير ان شالله
فارس : ان شالله.. بغيت ابيع كل الأملاك اللي هنا واقبض ثمنها وارجع ديرتي .. وابغاش تساعديني في حصرهم وبيعهم بما انش المحاميه ..
زينة : إيوا ان شالله انا امبارح نسيت ما قلت لك متى رايد نتقابل منشان هالموضوع..
فارس .. : ممكن الحين اذا ما عندش اشغال نقضي سالفتنا..
زينة : ــ ايوا ليش لااا,,
صارو يمشو وهم ماشيين دخلو في زرنوق و طلع لزينه واحد :
ــ صباحك عسل يا زوين ,, يا غزال .. << زوين = جميل
زينة اختلعت ويش جابه هذا هنا فمشت مطنشتنه ولا معبترنه.. فارس حمق فيه :
ــ استح على وجهك واحترم حالك لا ما بيحصل لك طيب ..
زينه : ــ امشي عنه يا فارس قديش هالرجل خيب الأفعال وما بيستحي .. << خيب = قبيح
الرجال : ــ علاش تدافع عنها شكون انت ..؟؟ << شكون = من
فارس مو عارف ويش يقول .. وبتسرع قال ..
ــ خطيبها..
الرجال وبخبث : ــ ما شالله يا زينة .. خطيبك .. متى ما قلتيش لنا لنبارك لك..
زينة خايفه منه.. ومهي عارفه ويش تسوي وتلعن الساعه اللي خلتها تعبر من هالزرنوق ..
فارس حمق : ــ كلامك معاي .. واصلا مافي كلام انتهينا وخر عن الطريق ..
بس الرجال تمادى ووصلت فيه سخافته فوق الكلام الى التصرفات وحاول يمد ايده على زينه .. لكن فاجأه بكس من فارس وقامت شبقه عظيمه طلع فيها الرجال سكينه وضرب فيها فارس ...
في سوريا.. وفي احد المستشفيات
رائد اتصل لسلمان على طول اول ما خذوها للمستشفى.. كان يبغى احد يكون جنبه.. الكل راح من الرجال .. جالسين بالإنتظار ينتظرو .. رائد متسند على الجدار قبال غرفة الكشف ,, ويفكر في ام حسين وفي فارس اللي في غربه وامه بهالحاله الصعبه.. سلمان يحاول يهدي فيه يحسه متوتر ومو على بعضه.... لحظات قليله..
طلعت الدكتوره السوريه وقالت بهداوه :
ــ البأيه بحياتكون..
..للأسف .. الموت ما يرحم...رحلت ام الكل .. وسلمت امانتها لله عزوجل .. رحلت الحنونه الغاليه.. رحلت السند الوحيد لفارس من ظلم الزمان و قسوته..
رائد بلا شعور .. صار يضرب في الجدار .. وبهداوه :
ــ لااا.. لاااا..
وبصرخه تردد صداها بالمستشفى :
ــ فاااااااااااااااااارس ...
انتابته نوبة توتر مهي طبيعيه وصار يتكلم كلام مقطع ووجهه شاحب وحالته حاله..
ـــ لااا.. امي ,, فارس .. وين بيرووح.. بقايا اهله.. لااا.. الحين .. ههههه ما بيرجع .. اذا درى ما بيرجع من المغرب .. لااا.. سلمان..بيقعد ويا ابوه صح.. قول لي مو صح .. لاا.. لاا عاد .. لاااااااااااا..
سلمان مسك رائد من كتوفه وصار يضغط عليهم يبغاه تركد حالته.. لكنه مستمر بالكلام ولا هو قادر يسكت..
ــ الحين .. ويش نكلمه.. نقول له.. اتصلو عليه خليه يرجع .. بسرررعه ...كل من ابوه اكره ابوه اكررررررررررهه
وصارت دموع رائد تنزل ..
الرجال صارو يترحمو .. وانا لله وانا اليه لراجعون.. حيدر وفاضل وابو كرار ما تحملوا صاروا يصيحوا .. حسن متأثر بالقوه ويحاول هو وسلمان يهدو الوضع ..
سلمان : انا لله وانا اليه لراجعون.. رائد حبيبي .. صيح.. طلع حرتك لا يصير فيك شي
رائد بنوبة هستريا.. : ههههه اصيح .. اصيح على ويه لو ويه.. على فراقها.. لو على حال فارس .. ويش بيسوي .. هي امله ودنيته وبقايا اهله.. شلون كذا .. كل منه ليش راح المغرب .. انا خايف عليه افهموني .. الحين اذا درى ويش بيصير فيه .. بس.. بس .. لاااااااازم يدري ..
سلمان.. ــ هدي روحك حبيبي وصل على محمد .. انا باكلمه ..
واتصل سلمان على جوال فارس ..
ــ ان الهاتف المطلوب لا يمكن الإتصال به الآن .. نرجو معاودة الإتصال في وقت لاحق..
سلمان مستغرب .. ليش مقفلنه فارس مع انه المفروض يخليه مفتوح 24 ساعه حق يتطمنو عليه ويتطمن على امه..
سلمان : ــ مقفل جواله..
رائد صار يضرب على الجدار بقبضة ايده..
ــ هذا وقته.. هذا وقته..
سلمان ,, ــ وبعدين وياك خلاص امش بنطلع من هنا.. حرك..
ورائد مهو راضي .. وحالته حاله..
دموعها تسيل على خدودها وهي تعاتب نفسها .. انا السبب..
وتتأمل فارس اللي غايب عن الوعي .. والمغذي في ايده ..
الحمدلله الضربه ما كانت قويه .. بس في البطن و قامو الدكاتره باللازم .. يبغى له بس راحه وعنايه..
فتح عيونه.. طالع زينه.. وبألم همس :
ــ انا وين..وويش صاير
زينه :
ــ ماكاين والو الا الخير .. في المستشفى انت الحين
فارس ابتسم.. ــ ما فهمت شي الا المستشفى..
زينة ضحكت : ــ يعني مافي شيء الا الخير ان شالله..
فارس ابتسم وعينه رجعت وغمضت..
رائد متهووس على فارس .. ويش فيه ما يرد... حسن رجع البيت يخبر الحريم ويهديهم.. لأن لو اتصل واحد عليهم جوال بيسوو مصايب فراح احسن ليهم..
دخل البيت وكانو كلهم قاعدين في المجلس " غرفتها" ينتظروها ترجع..
طق حسن الباب : ــ يالله يالله,,
تهاني : ــ يا رجى الله.. امي .. حسن .. هاا ويش صار
حسن مهو عارف ويش يقول وبصعوبه بالغه :
ــ تعيشو..
زهرا صفقت صدرها : ــ هااااااااا يعني ويه ؟؟
ام حيدر : ــ نننعييش .. وين ام حسين ويش فيها..
رؤى : ــ لاا.. لالا.. عاد حسن لا تمزح..
حسن ساكت.. رؤى انهارت وصارت تصارخ وتصيح.. زهرا حضنتها وصارت تصيح وياها.. وام حيدر وتهاني صياح والحاله قايمه.. حسن صار يهدي فيهم بس كلما هدى زادو.. طلع برى وطلع حرته هو بعد ..
طلعو ام حسين للمغتسل .. غسلوها.. كفنونها.. صلو عليها ودفنوها في مقبرة الحرم الزينبي الشريف..
وفي الحرم.. رائد مهو في دنياه الهم طاغي عليه.. سلمان يحاول يواسيه.. وكلما دقو على فارس لا علم ولا خبر .. مقفل وزادهم هَمّ وخووف عليه ..
تابع>>
Princess
12-22-2007, 03:49 PM
اجرائات التحقيق مع زينه حول الحادث بدت .. و الصحافه اشتغلت .. والخبر انكتب في الصحف .. من صحفي.. اخذ اقوال الطرفين زينه وفارس .. و الرجال اللي ضرب فارس ..
وكان احد عناوين المواضيع في الصحيفة..
(ضرب سائح سعودي بسكين بعد ان حاول الدفاع عن خطيبته المغربيه..)
وكان بين احداث الخبر ان الفاعل وضح اسبابه لهذا الإعتداء ان المجني عليه وهو فارس ابتدى الضرب اولا .. بحجة الدفاع عن خطيبته..
بينما نفت زينه كونها خطيبته.. واكد فارس النفي .. والعدل ينتظر ان يأخذ مجراه في هذه القضيه.. خصوصا ان المجني عليه سائح ..
وحطو صور لفارس وزينه اثناء الحوار الصحفي .. و للجاني ...
نايف .. ولد عم مشعل كان في المغرب .. وبين ما هو يتصفح الجريده لفت نظره الخبر .. قراه وصار يطالع الصوره مهي غريبه عليه.. والفضول ذابحنه متأكد شاف هالإنسان... صور الخبر وكانت الصوره تحته على طول بالجوال .. ودق على مشعل ..
ــ الوو هلا نايف .. هلا والله هلا .. اخبارك واخبار السياحه معك..
نايف : ــ بخير الله يسلمك علومك انت وش مسوي..
مشعل : ــ ابد .. زهقان ما عندي سالفة غير الشات والمسنجر ومطيح في هالبنات تطييح.. والليل طلعه ولعب بلوت مع الشباب .. وهذا حالي كل يوم.. يالتني رحت معك ابرك لي ..
نايف : ــ هههههه لا ما ابيك..
مشعل : ــ ايه حق يصفى لك الجو .. وش تسوي هااا يا دب
نايف : ــ اقسم بأيات ربي مسوي شي امزح معك كنك ما تعرفني ..
مشعل : ــ ههههههه أي بالله اعرفك زين لو ما اعرفك كان مااا خليتك تروح المغرب لحالك..
نايف : ــ اخس هههههههه ليش وش شايفني ..
مشعل : ــ هههههههه مخاوي الهيئه..
نايف : ــ هههههههه يلعن شكلك تسخر مع وجهك.. طيب اوريك خليني ارجع بس ..
مشعل : ــ هههههههه طيب بنطرك..
نايف : ــ الا اقول مشيعيل ,, برسل لك صورة وسائط شوفها ابي تعرف لي منو اللي فيها شايفه بس ماني بعارفه.. من الجريده صورتها ..
مشعل : ــ وش سالفتها..
نايف : ــ انت شوفها الحين.. برسلها وبروح مقهى انترنت وبشبك وبكلمك عالمسن ابيك تركز زين,, فضول ذابحني هالشخص شايفه من قبل بس وين مدري ...؟؟
مشعل : ــ طيب ارسلها نشوف..
ورسلها لمشعل .. مشعل شافها.. وعرفه تذكره .. فارس .. ايه نعم قريب لحسن خوينا.. ادق على حسن اسأله واتأكد..
دق على حسن .. رفع حسن..
ــ هلا مشعل ..
مشعل : ــ هلا فيك اخوي وش اخباار سوريا معك..
حسن :ــ الحمدلله..
مشعل حس فيه شي : ــ خير ان شالله وش بلاه صوتك..
حسن : ــ لا بس عندنا وحده متوفيه تعيش انت..
مشعل : ــ اووووه عظم الله اجوركم اخوي الله يجعلها اخر الأحزان..متى ووش تقرب لك ؟؟
حسن : ــ من امس الصباح عطتك عمرها.. وما تقرب لي تصير جدة خوينا فارس كان اذا تذكره
مشعل : ــ اهااا الله يرحمها.. فارس خويكم في المغرب .. صح ؟؟
حسن فتح عيونه ..: ــ صح.. وش دراك انت...
مشعل : ــ نايف ولد عمي شافه هناك بس مو شخصيا.. بالجريده..
حسن اختلع زياده : ــ الجريده.. ليش ويش فيه..
مشعل : ــ مدري بس رسل لي صورة .. والااقول لك... حسن افضل ارسلها لك تشوفها وتتأكد .. يمكن تشابه اسماء بعد.. بس انا متأكد انه هو .. شوفها بكلم نايف عالمسن دلحين وبعرف وش هي السالفه بالضبط..
حسن داير راسه ومو مستوعب شي ..
ــ زين ارسلها..
وتم الإرسال وفتحها حسن .. وانصدم من الخبر . (ضرب سائح سعودي بسكين بعد ان حاول الدفاع عن خطيبته المغربيه..)
. و الصور .. اللي تأكد الكلام..
حسن مهو قادر يستوعب الخبر .. مو عارف ويش يسوي .. بداخله مليون الف سؤال ...
نايف شبك وكلم مشعل عالمسن...
نايف .. نك نيمه كان اسمه نفسه .. :
NAYEEF Says:
هلا والله مشيعيل .. وش هالنك هذا مالت عليك
Says:معذب قلوب البنات
هههههههه هلا والله .. وش اسوي اتسلى .. عرفته هذا فارس خوي حسن خوينا اللي شفناه بالمزرعه هذاك اليوم تذكرته ؟؟
NAYEEF Says:
ــ اييييييييه صح صح .. وانا اقول وجهه ماهو بغريب علي ..
Says: معذب قلوب البنات
ــ بالله وش سالفته خطيبته هذي ..؟؟
NAYEEF Says:
ــ والله مدري بس اللي ضربه يقول انه فارس دافع عنها وقال له انها خطيبته.. وهي وفارس ينفون هالشي .. ما ندري الله العالم..؟؟
Says: معذب قلوب البنات
ــ هذا وجهي اذا هي خطيبته اذا ينفي انها مش كذا اجل وش تطلع.. اخ منكم من تحت لتحت..
NAYEEF Says:
ــ استغفر ربك بس ومالك شغل بالناس .. هذي اعراض ولا تتكلم عنها كذا..
شوي الا
انا بنت الأصول ومنسبي من طيب الأنساب من يفكر بحفرة خبث حتماً بدفنه فيها... Says:
ــ هلا والله حبيبي ...
وسكتت شوي ورجعت وقالت :
ــ ويييييينك..
مشعل يكلم نايف,,
Says: معذب قلوب البنات
ــ اقووول يا قلبي قوم بس بلا قعدة النت وانت بسفر خليني اشوف هذي وش تبي ..
NAYEEF Says:
ــ منهي .. اختك ؟؟
Says: معذب قلوب البنات
ــ هههههههه لا اختي .. بنت الأصول .. تناديني وينك حبيبي سعد..
NAYEEF Says:
ــ حسبي الله على شرك . ولا سعد بعد... الله يهديك ويغير حالك.. طيب بفارق عنك..مع السلامه..
Says: معذب قلوب البنات
ــ الله يسلمك..
وراح يكمل محادثته بالطرف الثاني ..
Says: معذب قلوب البنات
ــ هلا والله وغلا .. هلا في حبيبتي مليوون الف هلا..
ايمان ساكته ما ترد ..
Says: معذب قلوب البنات
ــ وينك حياتي .. شفيكي سكتي ؟؟
انا بنت الأصول ومنسبي من طيب الأنساب من يفكر بحفرة خبث حتماً بدفنه فيها... Says:
وش تسوي تكلم غيريييي ؟؟ مين كنت تكلم..؟؟
Says: معذب قلوب البنات
ــ اف اف شوي شوي ... تغارين حياتي علي
انا بنت الأصول ومنسبي من طيب الأنساب من يفكر بحفرة خبث حتماً بدفنه فيها... Says:
ــ لاا بس محب احد يطنشني ..
Says: معذب قلوب البنات
ــ افااا ما كنت اطنشك بس كنت اكلم وحده من المغرب ..
انا بنت الأصول ومنسبي من طيب الأنساب من يفكر بحفرة خبث حتماً بدفنه فيها... Says:
ــ لا والله.. بعد ويعترف طيب يا سعد اوريك..
Says: معذب قلوب البنات
ــ ههههههه تووك ما تغارين.. شبلاك الحين حمقتي وشبيتي ..
ايمان سكتت.. وما ردت.. وفي بالها .. تقلب الأفكار.. سعد هذا دخل مزاجها وحبته.. حسته يفهمها بكل شي .. وكنه يعرفها.. من كم محادثه معاه .. كان يسبقها في كلامها ويقول ويش ودها وويش تبغى تقول وويش تحب هي وتكره...
كان مالي عليها وقت فراغها وخصوصا العاطفي .. مشبعنها كلام حلو .. و يسليها بكل وقت.. حاسه نفسها ما تقدر تستغني عنه..
Says: معذب قلوب البنات
ــ وينك فديتك .. زعلتي .. اكذب مهي بوحده ولد عمي في المغرب وكلمته خلاص قام..
انا بنت الأصول ومنسبي من طيب الأنساب من يفكر بحفرة خبث حتماً بدفنه فيها... Says:
ــ احلف
Says: معذب قلوب البنات
ــ ههههههه والله انه ولد عمي .. اخبارك حياتي ..
وبدأت المحادثه الى ما شاء الله وانتهت بعدها على امل محادثه جديده..
حسن يضرب فكر وفي باله مليون سؤال .. هل فعلا هذي خطيبته,,
دق على مشعل اللي كان نايم..
ــ الووو هلا مشعل ... نايم ؟؟
مشعل وهو دايخ : ــ ايه توني من ساعه بس .. وش فيك اقلقتني ..
ــ آآسف بس ضروري اعرف هالخبر ويش سالفته ... وويش مضمونه...
ــ آآخ .. ممم... كلمت نايف وقال انه اللي ضربه يقول ان فارس خطيبها وهي وفارس ينفون هالكلام..
ــ يعني ويه ؟؟
ــ فسرها انت عاد.. يعني ايش.. واحد يلاقونه ويا وحده و يرقعونها له ويقولون خطيبته ولا مضروب على شانها.. يقوم ينفي ويقول لآ مهي بخطيبتي .. المغرب يا اخي مليانه بلاوي وبنات مستعدات انهم ا..
حسن قاطعه وهو متنرفز : ــ خلاص خلاص .. مشكور ... كمل نومك..باي
مشعل : ــ طيب باي ..
حسن مره حاسس الأرض مهي شايلتنه.. مهو عارف ويش يسوي .. هذا وهو مهو مره ويا فارس و الخبر صدمه.. شلون رائد .. ويش بيكون حاله لو درى..
صار محتار مهو عارف .. ويلاقيهم محتارين وخايفين عليه جواله مقفل من امس .. حسن في حيره .. ولا هو داري ويش يسوي .. قرر يكلم سلمان..
وفعلا كلم سلمان.. سلمان انصدم ...
ــ لاحول ولا قوة الا بالله.. عساه بخير بس .. والله يهديه.. بس لازم يعرفون .. يعني ما يصير قول ليهم صابه حادث وانه بخير خلهم يتطمنوا ..
حسن راح لرائد .. وقال له ان فارس صابه حادث وهو بخير ..
رائد : ــ هااااااا حاادث ويه.. ويش دراك.. كلمك..؟؟؟
على طول رائد دق على فارس الا رقمه مقفل ..
رائد محمق : ــ حادث ويه وويش دراك انت .. وجواله اكو مقفل .. كيفا دريت ؟؟
حسن : ــ دريت من مصادر..
رائد وبلا وعي مره فيه قهر ولا هو مشتهي أي شي :
ــ مصادر اللي زي وجهك.. فاضي لك انا .. ويش هالمصادر دي .. ومين انت اصلا حق تدري به قبلي ..
حسن حمق ووصلت حده معاه:
ــ رائدوه احترم نفسك وعدل الفاظك وياي هااا .. الشرهه علي اللي جاي اطمنك..
رائد : ــ تطمني ويه.. جاي تقول لي مصادر .. مصادر ويه.. فارقني بس .. جاي تتبلى عليه حادث .. عسى ما مااات بعد.. قال ويه حادث وبخير ..
حسن خلاص ضرب عداد القهر فيه 180 وطلع جواله وفتح الصوره :
ــ هااا شوووف ..
رائد بمسخره انتبه انها صوره وبمسخره:
ــ هذا وقتك مع صورك اللي ما تخلص .. ولي عني..
حسن : ــ لسانك طويل وما تحترم احد .. شوف بس ..
ورمى عليه الجوال..
رفعه رائد وطالعه .. فتح عيونه.. صار يكبر الصوره.. ويركب فوق يقرى الخبر .. وينزل تحت ويطالع الصوره.. وهو يبلع ارياقه مهو فاهم يعني ويه..
ــ حسنووه.. يعني ويه ؟؟
حسن وهو مولع : ــ يعني ويه .. يعني انا اتبلى .. وانا مين حق ادري عنه.. وانا وانا.. ايه طول لسانك على كيفك ما تستحي على وجهك انت ولا بتستحي ..
رائد قام ومسك ذراع حسن .. ونبرة صوته مخنوقه :
ــ تكفى .. قول لي ويش السالفه .. بمووت.. انا اسف وربي مو قصدي بس متأثر على امي ام حسين وخايف عليه جواله مقفل من امس .. تكفى حسن ..
حسن عور بقلبه رائد وحالته.: ــ العنوان يقول انها خطيبته والخبر مكتوب فيه انه ينفي هالشي .. مع انه دافع عنها وكانت وياه.. وانضرب على شانها..
رائد : ــ يعني ويه ..
حسن سكت وطالع في الأرض ..
رائد حط الجوال في ايد حسن .. وبلا وعي صار يسب في فارس :
ــ الحقير الـ ... الــ... وصلت فييه يكذب علينا قال ويه على شان ابوه الا طالع على ابوه رايح للبلاوي هناك.. الحمدلله امي ام حسين ودعت قبل لا تعرفه على حقيقته.. يا حيف تعبها وتربيتها.. من شابه اباه ما ظلم ايه والله.. اسفي على ايام قضيتها وياك.. يا خاين ذاتك وضميرك.. حسبي الله عليك..
ولأول مره تسيل دمعه من عيون رائد وبحراره ومن قلب بقهر من فارس ...
بكمل الحين قد ما اقدر وبشوف ويش يطلع معاي وكل جزء اخلصه بنزله..
جنة الحسين
12-22-2007, 05:44 PM
الجزء حلوو مره
بس يا حرام فاارس مسكين اتهموه ظلم
و رائد ما يتفهم على طول سب
يعطيش العافيه على الجزء
ننتظر التكمله
سفيرة الاحلام
12-22-2007, 05:58 PM
حرام اميره تموتي ام حسين
ماني متوقعه كذا :no:
يعني كلام النوريه كله صحيح :huh:
يسلموا على الجزر الحزين:closedeyes:
الله يعطيك العافيه:rolleyes:
لا تطولي ارجوك
أمير العاشقين
12-22-2007, 06:09 PM
اتوقع روئ ما بتاخده من هالشي
بتشوفوا يالله امووور بالانتظار
يعطيش العافيه يارب
دمعة الاحزان
12-22-2007, 07:07 PM
مدري ويش ارد بس احس راسي داير من الاحداث
ومن اللي صار الى فويرس ورائد مسكين
وبعض الناس هنا مستلميني عشان احم احم
والمشكله موجودين بالصفحه
خليني اخلص واشوفهم ويانا اراضيهم ويا اطلع وراسي داير زياده
يسلموا امور ع الاحداث والله يعطيك الصحه والعافيه
أمل الظهور
12-22-2007, 11:19 PM
والله ياامور الاحداث تقطع القلب وتخوف بعد
خاصه انه هالرائدوه متهور واحيانا يصير مهبول بتسرعه ..
ايييييييييييييييييييييييييييييييه
يااميروه اكيد تعرفي سر
هالااييييييييييييييييه اييييييييييييييه
خليها مستوره لانه فضحتين على القلب توجع
تسلم اناملك على امرمر على القصه
ننتظر البقيه
غــــلا
12-23-2007, 03:00 AM
حـرام رائد يظلم فارس
مسكين هو هناك ولا يدري عن امه ورائد .......
الله يستر من الجاي
بانتظار البقية
أميرة الشوق
12-23-2007, 12:56 PM
أني أتوقع أن فارس ورائد يتفارقوا
ووووفارس ما بيتزوج روئ
وبتصير القصة مآسآة
بليييز أميرة لا تطولي علينا بالجزء
زهور الريف
12-23-2007, 01:39 PM
حرااااااااام عليش أمور ويش هالجزء الحزييييييييين
:sad2::sad2::sad2:
وكيف تسوي في فارس جدي مسكييين:no::no:
بسرررررعة خليه يرجع ويصلح الامور
يعني مو كفاية أمه ماتت :closedeyes:
بعد رائد مو طايقنه:closedeyes:
الله يستر من الي جاي
ننتظر التكملة على أحر من الجمر
طفلة بريئة
12-23-2007, 02:14 PM
أمووووووووووووووووووووووووور حرااااااااااااااااااااااام :no:
لييييييش كده :mad::seif:
يقطع القلب حال فاااااااااارس :closedeyes::closedeyes:
بلييييييييز ما نبغى القصة تصير مأساة نبغى نستانس فيها :clap:
ننتظر على أحر من الجمر :wink:
روحي في ذكراك
12-23-2007, 02:40 PM
امور حرام عليش تخلي فارس يصير فيه كذا والله
ما يستهال الي يصير فيه نبي النهاية سعيدة عاد
تسلمي في انتظار الجديد
اسير الهوى
12-23-2007, 03:14 PM
اميرة..
انا قبل لا ارد واشكرك ابغي بصراحة وانتي تكتبي الاحداث الحزينة هذي وش يكون شعورك وبصراحة تصيحي وياها لو لا .. بصراااااااحة ... حتى لو كانت فضيحة..
لانك بصراحة مافي احد الا صيحتيه بهالاحداااااااااث..
عوافي عليك هالابداع خية وتسلم ايدك..
تحياتي..
الأمل البعيد
12-23-2007, 05:03 PM
ابداع والله
بس حراااااااااام خيه اهئ مسكيييييييين فارس وهذا رائدوه مايتفهم الأمور علطول قام يسب ويلعن
حرااااااام يعني كلام النوريه كلللللللللله صح يااربي ابي الجزززء ببسرعه اهئ
تحياتي
الأمل البعيد
12-23-2007, 05:17 PM
اتوقع روئ ما بتاخده من هالشي
بتشوفوا يالله امووور بالانتظار
يعطيش العافيه يارب
اني بعد اتوقع هذا الي بيصير مثل كلام النوريه
وبتتزوج رؤى سلمان
ورائد بيتزوج حوريه
وحيدر بيتزوج حنين
والمصيبه العظمىى وإن شاء الله ماتصر
بيتفرقوا رائد وفارس
وفارس بيعيش في المغرب وبيتزوج زينه
لا لا لا لا >>> جتها حاله هستيريا
يسلموو أمور
تحياتي
زهرة البنفسجي
12-23-2007, 10:26 PM
كلمة ابداع قليلة عليش
ماتوقعت الأحداث بتصير بهالطريقة وصحيح انها حزينة بس القصة روووووووعة وحتى الاحداث ومو حلو الأحداث كلها مافيها حزن بهالطريقة تصير القصة أحلى وأحلى
هالجزء قمة في الإبداع وحزييييييييين جدا بس عفية عليش يامبدعة اتمنى تستمري في هالإبداع وبتصير أجمل قصة وإنشاء الله النهاية تطلع حليوة
تكفي أميرة عندي طلب لاتختصري في الأحداث عشان بس تخلص القصة حتى لو وصلت مئة جزء مو مشكلة بس الأحداث تنعرض كاملة
ربي يعطيش العافية وتسلم أناملك الذهبية
تقبلي مروري
Princess
12-24-2007, 02:25 PM
مراحب يالغوالي
تفاعلكم رهيب اشكركم عليه.. و دايم الوم نفسي على تقصيري :embarrest:
الجو هاليومين برررد واميروه صابها تعب شويات :wacko: يعدي ان شالله على خير..
هههههه وبصراحه متكسره من هالجو وكله نوم ..:huh: << نامت الفجر على الكي بورد ولا انتبهت الا لوحده من البنات عالمسن كلمتها ورسلت صوت :embarrest::embarrest:
وتطلب منكم السماح على القصور والجزء ان شالله اليوم بتحاول قبل لا يجي المغرب تنزل شي ..
كاسر خاطركم فارس .. مو فارس هذا حبيبي :amuse:<< استحي على وجهش هههههه:toung:
لا بس الصراحه هو بالنسبه لي بطل القصه و محورها وهو اللي تجري عليه الحكايه بشكل اكبر
مع اني لاحظت و سمعت كذا تعليق على الإعجاب الشديد بشخصية رائد واعتباره المحور الأساسي للقصه << قاهرني هالرائد فيه نحاسه شوي على فويرس :toung:
من البرد المخ شويات ههههه مسكر.. :wacko:
خيوو ياسر اولا .. :rolleyes: الف مبروك على النك الجديد.. مع انا تعودنا على قولة ياسر ,,
والله حالك بيصير من حال روح وريحان للحين اسميها بشاير ..
تبغى الصراحه.. ما يطلع الشي عدل الا اذا عشته لحظه بلحظه وتفاعلت وياه وكأنك تشوفه..
وهذا اللي يصير معاي في القصه.. اصير زي المجنونه ههههههه اذا الجزء فيه فرح وكوميديا احط مولد ويللا واني اكتب اندمااج. واضحك.. اذكر اخر موقف كتبته واني اضحك واضحك موقف حيدر في الحمام خلاص صرت كني اشوفه ومره اندمجت. واذا فيه حزن ومآسي .. ما احب الا اسمع موسيقى اصدار اهات مره.. ويللا عاد اشدخ الكي بورد طق و صياح << ما تعرف تشتغل الا بصووت.. وعفر فضحتنا :embarrest:
فصراحه هذي يومين واني اكتبها تعب وبرد وصياح هههههه << ماحد قال لش :noworry:
يسلموو والله ويعطيكم الف عافيه وانتظروني بالجديد :amuse:
دمتم بحفظ الرحمن
اسير الهوى
12-24-2007, 03:16 PM
ههههههه
ياسر او اسير:weird:
مو كأنهم نفس الحروووف:toung:
هذا نك نيم بس اللي بيتكلم معاي وهو يعرفني كل واحد يسميني الا يبغاه..
وما ازعل ترا حتى لو سميتوني ياسروووه :bigsmile:
تسلميخية والله يكون بعونك ويالله نبغي احداث حلوة زي اللي بالحلقة الاخيرة ترا عجبتني واااجد
خيتي ماعليه طوليها وخليها 100 جزء واكثر تراها روعة
ترا انقلاب الاحداث فيها خلاها احلا واحلا
Princess
12-24-2007, 05:43 PM
اهلا خيي اسير او ياسر ههههههه صدق نفس الحروف يللا كل واحد
لا خلاص اني حاطه في بالي لازم انهيها قبل محرم ما ابغى يدخل محرم واني بعدي فيها..
ادوعوو لي بحاول عالأكثر لنهاية الشهر اضبط الأحداث وامشيها..
وتفضلو الحين الجديد
Princess
12-24-2007, 05:44 PM
قررو يرجعو للسعوديه. وغيرو الوقت وصدفه كان سلمان واهله بيرجعو في نفس هاليوم و بنفس الباص.. الكل متأسف على ام حسين ,, ويحسو ايامهم بتمر بثقل وتعب لو ظلو بسوريا.. فرجعو كلهم ما عدا حمزة واهله..
هدووء شاحب في الباص.. ما يتكلم الواحد الا للشديد القوي..
سلمان قعد جنب رائد.. وصار يحاول يخفف عنه همه..
ــ خلاص ياخوك هونها وتهون ولا تكتئب .. هذا يومها رحمة الله عليها..
رائد : ــ الله يرحمها.. انا قهري على اللي انخدعت فيه وطلع من تحت لتحت وفضايحه بالجرايد.. لكن الله رايد اكشفه على حقيقته.. رحمة الله عليك يا عبدالله ياخوي..
سلمان : ــ عاد لا تظلمه ما تدري انت ويش السالفه بالضبط ,, مهما كان خويك هذا وعشرة عمر .. وهو بعيد ما تدري ويش ظروفه وويش مسوي.. وويش بتكون حالته اذا درى عن امه.. بس. اسمح ليي على اللقافه. مين عبدالله؟؟
رائد : ــ لا ابد ياخوك عزيز وغالي ولا لقافه ولا شي .. عبدالله هذا صديقنا يوم احنا صغار .. توفى الله يرحمه.. كان يحبنا ثنينا وهو اللي جمع بيننا ووصاني ادير بالي على فارس ولا اخليه ..
سلمان بهداوه: ــ والوصيه خبري بها لازم تتنفذ
رائد ساكت.. تنهد من قلبه .. ودار للنافذه يطالع الطريق..
فارس ما صرحو له خروج من المستشفى الا بعد 3 ايام.. وزينه صارت تروح وتجي تتطمن عليه.. وهو مو في وعيه مره.. والتعب مسيطر على جسمه..
ويوم طلع وهم ماشيين يشوفو تكسي هو ويا زينه .. تذكر جواله. اللي كان مقفل من فتره قفلته زينه وهم في المستشفى... فتحه لقى رساله من حيدر ,, كاتب فيها عظم الله اجرك ....
فارس اختلع دق على حيدر على طول... كانو في الحمامات نازلين يتمسحو لصلاة المغرب ..
حيدر يمسح كفه عن الماي وهو يسولف ويا رائد وسلمان وحسن..
طلع الجوال من مخباه.. وفتح عيونه..
ــ فااارس .. فارس المتصل.. اخيرا .. قرى الرساله..
رائد بعصبيه .. ــ رد عليه بس حط سبيكر ابغى اسمع ويش بيقول ..
حيدر حط السبيكر : ــ هلا فارس ..
فارس مختلع : ــ ويش صاير .. حيدر ويش فيك تعظم لي الأجر .. حيدر تكلم بسرعه...
حيدر مرتبك ومهو عارف ويش يقول ..
فارس صرخ عليه : ــ حيـــــــــــــــدررر .. الووو..
حيدر وكلامه يتكسر تكسير : ــ امك.. عطتك عمرها...
فارس انصعق مو عارف ولا مستوعب .. شبحت عينه .. وجمد واقف .. كانت زينه جنبه تسمع كل شي .. وخايفه من صريخه.. وبعدين يوم شافته جمد ولا تحرك وظل واقف .. وبلا وعي مد الجوال عليها زينه خذته مهي فاهمه ويش صاير .. بعفويه وبلقافه.. قالت : ــ الوو.؟؟؟
من سمعو كلهم صوتها اختلعو.. وصرخ رائد ..
ــ ويـــــــــــش بعد اكثرررررر من هالدليل ..
فارس يترنح داير راسه من الخبر .. وطاح مغمى عليه,,, زينه صرخت :
ــ لااا فااارس ..
طووط طووط طوووط,,
الكل سكت.. حيدر وسلمان وحسن .. وكلهم انظارهم على رائد.. اللي خلاص شياطين الدنيا تلعب في راسه..
وبقهر شديد .. وبحرقة قلب .. قالها بغضب :
ــ لعنة الله عليك.. اكررهك يا كذااب..
ومشى عنهم وهو مره معصب ..بيروح الإستراحه بيصلي ..
سلمان لحقه ومسكه من كتفه واداره لناحيته..
ــ رائد.. انا يمكن مالي الحق اتكلم ولا ادافع عن فارس لأني ما اعرفكم ثنينكم عدل.. بس اللي عرفته ولمحته ان علاقتكم بالمره حليوه.. واكثر من كلمه حليوه.. صراحه ما توقعت منك هالتصرف المفاجأ .. تحرى زين عن هالخبر .. شوف ويش صاير منهي دي بالضبط. والله يستر ليش ردت علينا وسكتت هو لا يكون صار فيه شي لا سمح الله... مو تصرف سليم منك ..على طول قلبت عليه وابدا ما كنه بينكم عشرة عمر .. المفروض ما احد يعرفه كثر ما تعرفه انت..
يالله .. رجع الزمن بورى برائد.. تذكر هذاك اليوم لما ظن بفارس ظن السوء وانه يتحرش بأخته بالجوال .. جملة سلمان.. ما احد يعرفه كثر ما تعرفه انت...
صار يسمع معاها في قلبه عتب فارس .. ــ وانا كلمن حولي اقول ليهم.. رائد هذا حياتي وخويي وكل شي بدنيتي.. وما عرفتوني كثر ما عرفني....
صراع داخلي عنيف بين طيبة رائد وتسامحه وبين شيطان غضبه وانفعاله..
الا ان شيطانه انتصر وبعصبيه رد على سلمان :
ــ اكثر من الدليل اللي سمعناه ما اظن فيه.. واوضح من الصوره والخبر اللي شفناه ايضا ما فيه.. سلمان.. لو سمحت لا تدافع عنه.. ما عرفته انا ولا عمري عرفته وانا اللي كنت نفسي اقرب اله من نفسه واعرفه زين ما زين .. وخلاص اللي بيننا بنهيه ما يشرفني اعرفه .. خلها تكون اللي تكون خطيبته عشيقته زوجته الطقاق..جعله ما يرجع... بروح اصلي ..
سلمان مو عارف ويش يقول : ــ طيب جايين وياك.. تقبل الله منا ومنك صالح الأعمال ...
حيدر متحسف ومتأسف زي سلمان.. راح لسلمان وبلا شعور حضنه.. وصار يصيح.. سلمان مختلع منه .. صار يمسح على ظهره :
ــ حيدر ياخوك.. ويش فيك .. هدي وصل على محمد وال محمد وامشي نصلي ..
حيدر وبصوت مخنوق..
ــ كانو مضرب المثل .. كنت احب القعده وياهم.. كانو اروع ثنين شفتهم .. غلاتهم لبعضهم حليوه .. عتبهم حليو.. هواشهم وزعلهم حليو.. سوالفهم و مقالبهم فيني تجنن.. سلمان.. ما اتخيلهم يتفارقو.. احس روحي.. حسدتهم
سلمان يهدي فيه..
ــ ويش تقول ياخوك.. لا حسدتهم انت ولا شي كلامك هذا كله مدح في علاقتهم.. واعجاب مو حسد.. هذا قدرهم وهذا اللي كتبه الله.. هدي ياخوك.. ويللا صلاه..
صلو وركبو الباص .. وكملو طريقهم...
وبالمستشفى مره ثانيه.. فارس .. دخل غيبوبه قويه اثر صدمه نفسيه.. زياده على تعبه الجسدي من الضربه.. زينه تصيح.. ولا هي عارفه ويش تسوي.. ماليها احد رجال يجي ويساعدها.. صارت تروح وتجي عليه.. لأن الدكاتره عطوه كم يوم ضروري يظل فيهم بالمستشفى...
وصلو السعوديه بالسلامه.. وكل واحد راح بيته.. دخلو وهم يسحبو الشنطات .. بتعب والم.. فاضل ..
ــ اللهم صل على محمد وال محمد.. الحمدلله على سلامتكم..
زهرا : ــ الله يسلمك .. اااه.. رحمة الله عليش يا امنا.. والله يكون بعون ولدش..
رؤى قامت تصيح ,, وبعفويه :
ــ كاسل خاطلي فالس .. ويش حالته الحين.. لائد ما كلمتوه ما قلتو له..
رائد صار يطالع امه وابوه .. ورؤى.. نظرات مليانه كلام.. وببرود ممزوج بقهر مخفي ..
ــ فارس خلاص انتهى..
زهرا طقت صدرها.. ورؤى اختلعت..
ــ يعني ويه انتهى..؟؟
رائد : ــ ما عاد له لزمه بحياتي..
فاضل منذهل منه..: ــ رائد ويش تقول و ويش صاير .. ويش فيه فارس ..؟؟؟
طلع رائد جواله.. وراواهم اياه. وقال ليهم على السالفه كلها واللي سمعه يوم يكلمه حيدر ... فاضل اندهش و سكتت ولا قال ولا شي ..
زهرا بقهر : ــ حسبي الله ونعم الوكيل .. رحمة الله عليها تعبت وربت وهذي سواياه.. انا لله..
رؤى خذت الجوال من ايد امها.. وصارت تطالع في الصوره.. صورته اللي انطبعت في خيالها رغم انها كانت كل تشوفه من ورى غطاها.. دموع طغت في عينها.. وغصه تليها غصه وهي تبلعهم بقهر.. وبألم...
وفي خاطرها صوت مخنوق يصيح دم و لوعه.:
ــ كان عندي امل انك تكون نصيبي .. وكنت احلم فيك بكل ساعه ودقيقه..
بس للأسف خانتني الأماني .. ومنت لي .. وحسافه.. طحت من عيني...
ركبت غرفتها وقفلت على روحها الباب وصارت تصيح.. وتصيح... لين نامت...
من بعد رجعتهم من سوريا .. قررو سلمان و حوريه وامهم يظلو كم اسبوع ويا جدتهم ام ابراهيم بالسعوديه.. قبل لا يرجعو البحرين.. وام ابراهيم من لهفتها عليهم.. ومن حزنها على فقد جارتها وصديقة عمرها ام حسين.. ترجتهم يقعدو وياها شهر .. اسمها المدارس مسكره .. وسلمان مافي شغل الا مشاوير خاصه وحوريه اجازه صيفيه..
صار سلمان يحاول قد ما يقدر يكون قريب من رائد .. و يواسيه ويحاول يحصل أي فرصه ممكن من خلالها يهديه من ناحية فارس كان ترجع المياه لمجاريها بس اسف مافي فايده..
وبعد اسبوع .. طلع فارس من المستشفى,, وهو ساكت .. ولا نفس ..
ويوم وصل البيت.. وقعد .. طلعت منه جمله وحده:
ــ ابرجع سوريا..
زينه صارت تحاول فيه يكون طبيعي وهذا حال الدنيا نفقد ناس غاليين كل يوم و نشوف ناس نغليهم في يوم ثاني .. وهو ابدا..
فتح شنطته.. وصار يدور فيها.. وشوي زاد التوتر وهو يدور .. وشويات نفر الشنطه كلها.. ولا تسمع زينه الا صرخه منه..
ــ جواااازي وينهوووووووو؟؟؟
باااقي تكمله لهالجزء .. ردين ويخلص لي رجعه قريبا ان شالله..
روحي في ذكراك
12-24-2007, 06:22 PM
تسلمي خييه اميره المرح بس والله حرام انشاء الله
ما يفترفوا والله كانت علاقتهم حلوه مره حرام
تحياتي
طفلة بريئة
12-24-2007, 06:40 PM
لاااااااااااااا أموووووووووووووور حراااااام
لااااا يتفاارقوا خلييييهم وياااا بعض
لاااااااااااااا بعدين ما ادري ويش باسوي :weird:
زهور الريف
12-24-2007, 06:40 PM
ماشاءالله عليك أمور
قلمك ولا أروع ابداع ما شاء الله
تسلم الايادي
وأني متأكدة انه النهاية حلوة
زي حلاتك
وتسلم الايادي
أميرة الشوق
12-24-2007, 07:11 PM
اههههههههئ الجزء مرررررررره حزين
وين راح جواز فارس؟؟؟!!!
يا الله كاسر خاطري فارس
وزينة ودي أذبحها على لقافتها النحيسه
سفيرة الاحلام
12-24-2007, 07:34 PM
مشكوره على الجزء الروعه
الله يعطيك العافيه
بس لا يتفرقوا
ابيك تردي علي كلام النوريه صحيح
جنة الحسين
12-24-2007, 07:37 PM
حراااااام و الله مسكين فارس ما يستاهل طيووب
ليش دائم الطيبين يصير فيهم كذاا << متفاعله حدي
تشكري على الجزء
ننتظر التكمله و يعطيش الف عافيه يارب
موفقه
أسيرة الأحلام
12-24-2007, 08:59 PM
أميروووووووووووووووووووووه
والله لو أنتين جنبي كان ذبحتش
تدري أكتب ردي هذا وعيوني مليانه دمووع
ذابحه روحي من الصياح
والله مسكين فارس
قاهرني رائدووه ثقيل هالدم
صرت ماأطيقه أبداً
أميرووووه إذا ماعدلت الجزء الجاي باجيش بالعجره
خخخخخـ
يسلمووو بالإنتظار
تحياتي
سيناريو
12-24-2007, 11:35 PM
:sad2::sad2:
http://www.alnassrah.com/images/icons/bawling.gif
http://www.alnassrah.com/images/icons/bawling.gif
مسكين فاارس مايستاهل ينقلب الزمن ضده وحتى صديقه بعد ،،،،
وأم حسين بعد توفت الله يرحمها
الدنيا صايره ماتسوى في نظره أكييييد >>> متفاعله ومتحمسه مرررره
بانتظار الجزء الجديد علاش يكون مايندرى ؟؟؟؟
أهئ أهئ
وااااااء بفجرها صيحه ...
بالانتظار وبجانبي كراتين النشاف تتنظر بعد
الله يعطيش ألف عافية أموووور:sad2:
Princess
12-25-2007, 01:36 AM
ما اقسى الظلم.. وما اعظم مرارته على النفس.. هذا حال دنيانا.. ولا نملك فيها الا الصبر...
شكرا على المتابعه.. شكرا على التفاعل..
اترككم مع تتمة الجزء ...
Princess
12-25-2007, 01:37 AM
زينه مختلعه :
ــ اشننو وقع.. ؟؟؟ << ويش صاير ..؟؟
فارس مهو عارف ليها وللهجتها ..
ــ جواااازي كان بالشنطه..مادري وينهووو
زينه :
ــ وين كاينة قبل لا تروح عن الدار ..؟؟؟
فارس :
ــ تركتها تحت الكنب خشيتها تحته..
زينه قامت تدور وياه.. تحت الكنبات وفي الأماكن.. ولا حصلو شي
قعد فارس عالكنبه وهو يضرب على فخذه..
ــ امي .. ورااحت.. وانا ... الحين في غربه و جوازي مااا ادري وينهووو.. وشوف عاد متى اذا بلغت عن فقدانه يعطوني بدل فاقد..يالله يااارب ساعدني .. وحط كفه على وجهه وخلاص يحس نفسه مو طايق الدنيا..
شوي الا يسمع صوت صياح.. رفع راسه.. شاف زينه تصيح..
سألها: ــ ليش تصيحي .. زينه .. ليش ؟؟
زينه : ــ انا السبب من طلع لك الخايب في الزنقة وتتدابز معه والمصايب بدت .<< زنقه= زرنوق,,, تتدابز = تتشابق
فارس مع انه ما فهم لكلامها عدل بس فهم مقصدها..:
ــ الذنب مو ذنبش يا زينه.. كذا الظروف صارت.. الله يكون بالعون..
قام بيغسل وجهه.. وقامت زينه :
ــ برجع لدرانا اذا بغيت ايا شي قل لنا ونلبيه ان شاء الله..
فارس ابتسم وهز راسه وهمس : ــ ان شالله,,
وطلعت زينه..
فتح فارس الماي .. وصار يطالع في المرايا.. صوت الماي وهو يصب صاير مزعج بالنسبه له.. حط ايده لفتره طويله تحت الماي ,, رفع كف ماي وغسل وجهه بهداوه رفع كف ثاني وغسل اسرع ثالث اسرع واسرع شوي فقد السيطره ووصل لسابع وثامن و عاشر.وصار يكفخ نفسه بالماي ... وقف غسيل ورجع يسمع صوت الماي .. صار يضرب في الماي ويطشره ودموعه تسيل ..
طلع كل حرته.. بعدها سكر الماي وراح للكنبه.. عجيب امره البيت واسع وفيه من الغرف مليون.. بس ما تحرك من على هالكنبه.. قعد عليها.. ورفع ملفع امه من بين الثياب والأغراض المنفره.. ومسح فيه وجهه.. ويوم وصل لجهة خشمه اخذ نفس عميق وطلع الزفرات اهااات شوي وتطلع وياها روحه...
اخذ نفس ثاني وثالث وبالرابع صار ينوح ويصيح.. انسدح وهو لسا حاط الملفع على خشمه,, وصار يقلب في ذكرياته معاها ودموعه تصب عالخد شلال...
لين غفت عيونه...
عبدالله: ــ مهو ميت الا ميت الضمير .. والكل بيموت ولا بيبقى الا وجهه سبحانه..
رائد: ــ عبدالله .. مانى قادر استوعب هالبلاوي .. ام حسين وراحت وفارس مصدوم فيه وربي مصدوووم
ــ خويك غلاك .. لا تخونه وتتبع هواك..
ــ عبدالله تكلم وياي عدل .. تعبان وربي .. محتاج الك.. فارس خذلني بتصرفه هذا..
ــ ان بعض الظن اثم..
ــ بس كل شي يثبت صحة الكلام اللي ضده..
ــ ما بقى له في الأيام خل ولا صاحب .. رائد.. فارس لا تخليه..
ــ ماني قادر استوعب مانى قادر اتحمل .. احس نفسي مخدوع فيه مو طايقنه افهمني ..
ــ فارس ..لا تخليه ..
ــ عبدالله ارجوك لا تغصب علي
ــ فارس .. لا تخليه ..
انتبه من الحلم.. وهو بحالة خوف شديده .. تنهد وقرى الفاتحه على روح المرحوم .. وشرد في همومه.. وبألم وغصه تساؤلات كثرت في خاطره..ليش يا فارس ..؟؟
المحادثات بالمسنجر صايره تزيد.. وايمان تعلقت بهالسعد وصار كل دنيتها ,, تطور الأمر وما مانعت تكلمه بالمايك.. واستخدم برنامج لتغيير الصوت لا تكتشفه انه مشعل .. خلاص ايمان استولى بليس على عقلها,, لين طلب منها يشووفها فوافقت.. وتم تحديد اليوم والساعه.. بس بعد اتفاق .. كان من سعد اللي هو مشعل ..
ــ حياتي .. انا ما ابي اذيك.. وابيك تثقين فيني وتتطمنين.. وعلى شان تتطمنين اكثر .. ترى عايلتي فري و اختي كل شي اقوله لها .. ومستعد اجيبها معنا تتعرفين عليها..
ايمان طارت من الفرحه.. ما همها أي شي .. بس تبغى تشوف هالسعد وكيف صاير وهل يستاهل تفكيرها هذا فيه والا لا..
وجى اليوم الموعود.. وطلعت متبرجه وحالتها حاله.. ركبت مع بابو سواقها قوي العين واللي ما يستحي . ويويديها وين ما تبغى ويدري عن بلاويها . ووصلها لعند مزرعه كانت مكان اللقاء,,,
وشوي شافو في الظلمه سياره تكبس انوارها.. عرفت انها سيارة سعد..
صارت تطالع من بعيد في السياره وشافت ويا سعد صحيح وحده متغطيه ..
و اكد ليها بابو اللي شافته..
فنزلت وراح بابو عنها.. فتحت الباب الوراني الا واحد قاعد ورى ..
ــ هلا والله بحياتي .. هلا والله بالغلا كله...
ايمان مذهوله ومنصرعه.. راحت قدام للي قاعد مكان السواق .. وحطت ايدها عالنافذه:
ــ سعد .. انت تعرفه هذا ..؟؟
مشعل ورى ميت ضحك عليها :
ــ سعد.. انا سعد. قلت لك وانا مشيعيل بيجيك يوم ,.. اجل انا تهينينني وتخليني انتظرك مثل الحمار .. انا تذليني .. ما عاشت ولا كانت بنت تذلني الا اذلها واكرهها حياتها.. وبعدين هذا خويي .. وهذي اللي معه ترى مهي بخته.. هذا خويي بعد..
ايمان خلاص رجولها مهي شايلتنها.. صارت تسب وتلعن في مشعل .. وراحت تركض .. صرخ مشعل ..
ــ تعااااااااالي وين بترووحين.. ليل ومزراع .. راح نلحقك بالسياره..
وايمان تركض .. طلعو ليها ركض ثلاثتهم.. ومسكوها ودخلوها المزرعه..
لا ادري .. الى اين اسير.. فدربي بات بالعراقيل التي صنعتها بيدي مثقلا.. وشاقا.. وصعب عسير..
دنياي الفانيه.. ارتجي منها حضن يدفئني ويطلق بوحا في قلبي اسير.. تائهه محطمه.. ولا املك في عمري سوى لحاف دموعي وصبري الحصير...
صوت حبات الكي بورد والطق عليهم . ابتدى ينقل هالكلام من الورق لشاشة الكمبيوتر . يقطع سكون الليل .. كان هدووء شاحب .. والكلمات تنكتب مع حركة الأصابع بعفويه ..
تختم خاطرتها مليئه بالحزن .. ينيرها شيء بسيط من الأمل :
على قارعة طريق الأمل .. نثرت عشقك الممزوج بالأماني .. لعلي المح طيفك يأتي يوما ما.. ليحرر قيودي .. و ينسيني مر اهاتي .. ليتني متت قبل ان اولد.. وليتها ماتت معي كلماتي ..
صوت الباب يطق .. ويقطع معاه الإندماج.
ــ مين..
ــ اني ..
ــ تعالي ..
دخلت حنين على سمر ..
سمر : ــ ما نمتي للحين ؟؟
حنين : ــ اكلم حوريه عالمسنجر . عورت راسي كني مو تارسه عينها كل شوي تقول روحي شوفي سمر اذا ما نامت خلها تشبك ابغى ايميلها حق اكلمها واحشتني ... فجيت استأذنش .. عاد انتين منتين شابكه.. تعبتيني مشواااار ..
سمر : ــ ههههههه احسن لا اجل كل شويات ناطه علي تبغي شي ,, وحوريه شابكه من وين ..
حنين : ــ من جهاز خالها ,, سمرووه اخاف صاكتني بلوك من صاقعه ..
سمر : ــ لا .. ديليت مره وحده..
حنين : ــ تسوويهااا
سمر : ــ وجهش .. روحي بس الحين بشبك وضيفيني وياكم في محادثها وخلها تاخذه..
وتمت الإضافه..
نك نيم سمر كان..
ضاع عمري مرتين .. مرة قبل أن ألقاك .. والثانية .. عندما لم أعد ألقاك
وحنين..
يا ليتني في جيبك ريال مشقوق يبقى معك ما يقبله اي دكان
وحوريه..
Ho0r
وصارو يسولفو ويا بعض .. حوريه سألت سمر ويش تسوي وعسى ما ضايقتها ..
جاوبتها سمر ..
ــ لاا.. بس كنت اكتب خاطره..
حوريه طلبت من سمر اذا مافي مضايقه ولا لقافه.. تخليها تقراها سمر ما مانعت بالعكس رحبت .. وقالت لحوريه انها مشتركه في المنتدى الفلاني و بأسم صمت السنين.. اذا حبت تقرى ليها ...
وشوي دخل سلمان . وشافها قاعده عالمسن.. وصار بعفويه يطالع نك نيمات حنين وسمر .. وصار يضحك على نك نيم حنين .. يضحك ويضحك.. وشوي طلع ريال مشقوق من مخباه.. وصارت حوريه تضحك زياده.. وفتنت عليه.. قالت ليهم ان اخوها سلمان شاف نك نيم حنين وطلع الريال .. وماتت حنين ضحك.. شوي سلمان لفت نظره نك نيم سمر .. وجته غصه.. تذكر نك نيم حبيبته اللي ودعت.. كان نقيضه بس بنفس الوقت يشبهه...قعد على الكرسي وتنهد..
ــ مسحتي ايميلها..؟؟
حوريه عرفت مقصده وردت بهداوه:
ــ لا..
سلمان :
ـــ انكتب لي عمر مرتين.. مره يوم اشوفك.. والثانيه وانت نصيبي واحلى ايامي معاك..,,
حوريه : ــ الله يرحمها
سلمان ابتسم: ــ يارب .. مستحيل انسى هالنك .. ما انساه ولا انساها
استأذنت حوريه من سمر وحنين وقفلت المسنجر ...
وطلبت من سلمان يقرى خواطر سمر .. لأنه يكتب بعد وقالت تبغى رايه فيهم..
قراهم وابدى اعجابه الشديد فيهم..
ولما وصل لهالخاطرتين..
لا ادري .. الى اين اسير.. فدربي بات بالعراقيل التي صنعتها بيدي مثقلا.. وشاقا.. وصعب عسير..
دنياي الفانيه.. ارتجي منها حضن يدفئني ويطلق بوحا في قلبي اسير.. تائهه محطمه.. ولا املك في عمري سوى لحاف دموعي وصبري الحصير...
على قارعة طريق الأمل .. نثرت عشقك الممزوج بالأماني .. لعلي المح طيفك يأتي يوما ما.. ليحرر قيودي .. و ينسيني مر اهاتي .. ليتني متت قبل ان اولد.. وليتها ماتت معي كلماتي ..
سلمان ــ دنياي الفانيه.. ارتجي منها حضن يدفئني ويطلق بوحا في قلبي اسير ,,,
ليتني متت قبل ان اولد.. وليتها ماتت معي كلماتي ..
أيــــــــــــــــــــــه والله... روعه ... واكثر من روعه..مين اللي كاتبه هالكلمات..
حوريه بإبتسامه :
ــ سمر ..
سلمان:
ــ أي سمر ..؟؟؟
حوريه :
ــ سمر رضا الـ ... اللي سافرنا اياهم..
سلمان:
ــ اهاا ما شالله روعه ..
حوريه :
ــ هي صاحبة النك اللي ذكرك بالمرحومه..
سلمان:
ــ والله...
حوريه:
ــ ايه.. وعلى فكره .. تراها تشبهها في اشياء وايد..
سلمان كشر حواجبه:
ــ ماليها داعي هالهدره.. تصبحي على خير ..
حوريه مستائه منه : ــ زين.. وانت من اهله..
وفي بالها .. الله يغير حالك يا اخوي
وطلع من عندها وهو يفكر في هدرتها .. ويهلوس ويا روحه .
ــ هه هدره فاضيه..
طلعت من المزرعه.. متحطمه.. نفسيا .. جسديا.. ما قصرو فيها.. دموعها على خدها تسيل .. وتلعن نفسها والساعه اللي طلعت فيها من بيتهم .. تمشي وهي حايره.. خذو منها كل شي .. فلوسها جوالها.. واثمن ما تملكه.. شرفها.. ايه خلاص ضاع وضاعت ايمان..
تمشي وتتعثر الخطا.. شافت سد قريب من المزرعه.. وقفت على الحافه.. تنهدت..
و بحرقه صاحت.. ورمت بروحها فيه...
لفتت نظر مجموعه من الشباب كانو طالعين من مزرعه.. وشافوها رمت روحها..
كلهم خافو لا يبتلشو بها.. الا واحد خذته النخوه .. وراح للسد .. ونزل وطلعها وكانت مغمي عليها .. خذها المستشفى. اللي اكد انها متعرضه لأغتصاب ... ويوم خذو اقواله.. بالتحقيق .. اضطرو يحجزوه عندهم لين تطلع نتايج فحص الـ DNA ولين تصحى من غيبوبتها وتبرأه من أي تهمه ..
والى اللقاء غدا..
أمل الظهور
12-25-2007, 02:17 AM
اميررررررررررررروه :
موتيني صياااح خلاص يكفي :sad2::sad2:
كفايه انت وبعض الناس بالمسن مستلميني
وساعه صياح وساعه ضحك
حلم رائدوه وطيحة ايمان ذبحتني تجرعت الغصه تلو الغصه :sad2:
ننتظر الاحداث الباقيه وان شاء تتعدل الظروف
أميرة الشوق
12-25-2007, 02:21 PM
مشكورة أميرة على الجزء الرووووووووعه
تسلممممممممممممممممممممممي
دموع الوحدة
12-25-2007, 03:22 PM
السلام عليكم
خيه اميرة هذه اول مشاركة لي المنتدى حبيت انها تكون رد على روايتك الأكثر من روعه هالرواية من جد خلتني اصيح من قلب تاثرت بها مرررة وانتي تكتبيها اقول ياسبحان الله موهبة رائعه وكاتبة يوقف القلم لما يجي يوصفه كتاباتها, صراحة رواية روووعه وتجننن والكلام البحريني ولا احلى خخخخخ
من جد شجعتيني اني اكمل الرواية اللي كتبت فيها 20 صفحة واستمليت خخخخخخخخخخخ
اختي ياريت تكمليها ترى هذه اول مرة اقرأ رواية مو مكملة اموووت اذا ما تتكمل بس وي روايتش صراحة الواحد مايعرف ويش يقووول توديش بعالم ثاني صدقيني صرت انام واحلم بها هههههههه ياليت تكمليها أختي
تقبلي مروري
أختك /
دموع الوحدة
عازفت الاوتار
12-25-2007, 03:50 PM
اميروه اذا ما تطلعي جوااااااز فارس بذبحش فاهمه
يالله عااااادي امور صفي النيه بين فارس و رائد
لانه رائد ما ينطاق بدون فارس
وإمانوه الغبيه تستاهل والله ماحد قال لها تروح له والله
وعلى فكره امور احلى نك نيم نك نيم حنينوه جناااااااااااااااااااااااااااااااااااااان
جااااااااااااااري انتظااااااااااااار الجديد
تحياتي
عازفت الاوتار
سفيرة الاحلام
12-25-2007, 05:24 PM
روعه هالجزء في حزن
الله يعطيك العافيه
مسكين فارس
رائد نحيس
روئ في هالجزء ماليها دور
جاري الانتظار
أسيرة الأحلام
12-25-2007, 07:59 PM
يسلمووو
أموووووووووووووووور
على الجزء اللي يصيح
والقصييييييييييييييييييييييير
مرررررررررررررررررررررررررره
بالإنتظار
تحياتي
الضحكة البريئه
12-25-2007, 10:35 PM
هلووووهاا من وحده فانيه قصدي عضويه فانيه<<<ديك العضويه معجره ويايي مو راضيه تدش
وهني المعركه قايمه ولصياح ومادري ويه واني اقرا وابغى اردد وهوه مو راضي <<<ماعليناا
اميرووووووووه حرااام فويرس مايستاهل كاسر خاطري على قلبي
يعني امه ماتت صحيح مابنتعترض لان ماحد يموت ناقص عمر
بس يعني ارحمي بحاله شويي خليه يشوف جوازه لو طلعي ليه بدل فاقد
وخليه يرد السعوديه ويقول ليهم بالسالفه يعني حراام<<<متأفره وااجد
يالله بطييخ ننتظر جزء جديد
يعطيك العافيه
تحياتي
ضحكوه البطه
Princess
12-27-2007, 05:55 AM
هلا والله فيكم
هلا بتعاليقكم وتفاعلكم الرهيب
اللي يثلج صدري ..
منورين هالمتصفح حبايبي ومشكورين وما قصرتو..
هالمره حبيت اخص بشكري خيتي دموع الوحدة .. تسلمي والله و يشرفني تكون اول مشاركه لش تنور عندي .:embarrest:. من ذوقش حبابه .. وكملي روايتش لا توقفي ,, وبنتظارها تنولد عندنا بالناصره .. واكون اول من يقراها ان شالله..
وبعد اشكر من قلبي ضحكوتنا الغلا .. اللي دخلت بعضويه جديده بس على شان ترد علي ..
اسأل الله الفجر القريب لعضويتش حبابه ..:toung:
منورين ويعطيكم جميعا الف عافيه
تفضلو الجديد..
Princess
12-27-2007, 05:56 AM
فارس مو عارف ويش يسوي.. والتصرف السليم هو انه يروح لقسم الشرطه في المغرب ويبلغ عن جوازه المفقود..وبعدها يتوجه للسفاره السعوديه ويبلغ عن الفقدان.. ويقدم على طلب بدل فاقد.. وشوف عاد متى يطلع.. هذا غير الغرامه الماليه مابين 1000 _ 4000 ريال سعودي .. واحتمال حرمانه من السفر مدتها تنحسب من تاريخ تبليغه عن الفقدان..
فارس يبغى يتصرف باسرع وقت.. مو هامنه شي وحاسس كل الأبواب مسكره في وجهه,, زينه تحاول معاه قد ما تقدر ..
فتحت عينها... كان الألم يسري بسجمها كله.. نفسيتها تعبانه ومخنوقه.. واللي زايدنها الم واختناق.. انها متأكده ما احد بيسأل عنها.. ابوها لاهي من مرته وشغله وامواله .. و امها بعيده عنها مع زوجها ولا تدري ويش صاير ..
الممرضه تسألها ,, عن حالتها ,, جاوبتها بصوت مبحوح .. انها بخير ..
استأذنتها الممرضه بدخول رجال من الشرطه للتحقيق معاها في وضعها...
دخل عليها ..
الشرطي : ــ السلام عليكم..
ايمان : ــ وعليكم السلام..
ــ كيف الحال اختي عساكي بخير
ــ الحمدلله..
ــ بغينا اختي نسالك كم سؤال اذا ما يضايقك الحين .. واذا انه يضايقك نخليه لوقت ثاني..
ــ لا .. تفضل ..
ــ طيب .. ممكن نعرف ايش اللي حصل لك بالضبط.. ومين اللي عمل فيكي كذا ؟؟
ايمان .. وبصوت مخنوق .. والكلام يتسارع ويتقطع تقطيع..
ــ خدعني .. خاين.. مو لحاله .. معاه اثنين..
صار الشرطي يهدي من روعها وانفعالها.. سألها وين اهلك..
ما شافها الا زادت صياح وصريخ وحاله,,,
جو الممرضات يهدوها ويالله هدت.. الشرطي يبغى يحسم الموضوع عالأقل من ناحية المتهم اللي جابها المستشفى .. هل اله علاقه لو لا ..
طلب من ايمان تهدي .. وسألها لو جى واحد من اللي تعرضو ليها تعرفه شكلا.. اكدت له انها تعرفهم شكلا .. طلب منها اساميهم.. حدها وبصياح و صريخ قالت :
ــ مشعل .. مشعل .. وما ادري بعد اذا هو سعد لو مشعل .. عرفته من زمان بإسم مشعل .. والحين سعد,. ما ادري ويش اسمه...
ــ طيب يا اختي هدي وبشويش .. مشعل ايش ..؟؟
ــ ما ادري .. ما قال لي ولا سألته..
ــ والله مشكله يا اختي .. ما تدرين وش اسمه.. طيب اذا ماهو متورط بأي شي .. ولا مسوي شي من قبل .. ما بنصيده لو ايش ما سوينا .. وراح يضيع حقك..
ايمان صارت تصفع في نفسها وهي تصارخ وتصيح..
ــ ضعت.. ضعت وخلااااص ...
الشرطي قام وطلب من العسكري اللي وياه يدخلو عليهم المتهم تشوفه هل هو منهم لو لا ..
دخل الرجال وهو يطالع في الشرطي ومنقهر .. وقال :
ــ بذمتكم لو انا منهم بجيبها بنفسي .. اسوق رجولي للأعدام..
الشرطي : ــ اجرائتنا كذا يا اخي ..خلصنا بدون أي نقاش ولا اعتراضات..
وسأل ايمان : ــ تعرفينه.؟؟
ايمان صارت تطالع فيه : ــ لاا..
ــ متأكده.. ماهو واحد منهم..
الرجال المتهم : ــ قالت لك لا.. الا تورطوني بالموضوع.. جزاة خيري .. تجبرون الواحد ما يسوي خير بحياته.. يعني لو تاركها تموت احسن لي ولكم..
ايمان وهي تصارخ وتصفع في روحها : ــ ولي .. ولي .. ليش طلعتنيييييييييي ...
الشرطي : ــ استغفري ربك يا بنت .. وانت اسكت لا اضطر ارجعك للحجز..
متأكده .. ما تعرفينه.. مهو معهم,,
ايمان : ــ لااا,, لا لا., لاااااا,,
الشرطي : ــ طيب طيب .. حنا حالتك هذي صعبه.. لا تعرفين اسمه ,, واكثر من واحد .. شكلها بتطول سالفتك.. الله يكون بعونك وما تشوفين شر ..
وطلع من عندها .. والمتهم برائه..
صارت تضرب في نفسها.. وحالتها حاله .. ولا هم عارفين يهدوها.. تجمعو عليها الممرضات يحالو يخلوها توقف عن الضرب .. عطوها ابرة مسكن .. خدرت ونامت..
على مخدتها.. سالت الدمعات.. وتحت بطانيتها حست بحرارة الآهات واللوعات.. جرت الغصه ما بعدها غصه.,.. كانت تتذكر الأيام الحلوه اللي قضوها مع فارس .. تتذكر كم مره شافها.. وكيف كانت حالتها من الفشيلة والرعب.. تذكرت اخر موقف جمعها اياه في الباص يوم تقعد عليه.. كل موقف تذكره والدموع تصب ..
تنهدت بحرة قلب ..
ــ منهو انت .. على شان تحتل حياتي واخسل على شانك دموعي .. انت ولا شي ...
تصادف خواطر .. كان من الهم منسدح على هذيك الكنبه. جت على باله رؤى .. ابتسم.. وتنهد .. يا ترى ويش حالش هالأيام,, شغلتني الظروف عن التفكير فيش يالغاليه...
كان يومه كان مره شاق ومتعب ,, من الشرطه للسفاره السعودية ومن مكان لمكان..
و كلما يدق على رائد ما يرد عليه ..
رائد يسمع نغمة فارس .. كان مخصص له مقطع من مرآة حياتي للأكرف..
ــ لا تلم فيك ثباتي .. انت مهما كنت ذاتي ,, ليس اغراء صديق من صفاتي .. ضحكي في العثراتي .. ليس من معتقداتي .. ما انتصحنا في طريق للشتات ..
انت مرآة حياتي لا ,,.....
وسكت عن الرنين .. رائد اخذ الجوال وقفله مره وحده .. وهو مره متضايق ,, ومصمم خلاص في يوم ثاني بيغير رقمه بس على شان لا يأذيه فارس بإتصالاته...
ان الهاتف المطلوب لا يمكن الإتصال به.....
نزل الجوال من على اذونه بهداوه.. ما سكره .. ظل يسمع الرساله الصوتيه..
نرجو معاودة الإتصال في وقت لاحق ...
وبلا شعور وبعوفيه.. دمعته سالت..
ــ افااا يا اخوي يا رائد.. في الوقت اللي انا بأمس الحاجه لك فيه.. تخليني .. ما هقيتها منك.. توه يرن الحين تقفل .. افاا والله ..للحين زعلان .. ما اصدق هاللي تسويه فيني ..
مسكين فارس .. مفتكر زعل رائد عليه على حساب ما يبغاه يروح المغرب .. ما يدري بالأدهى والأمر .. وقرار الفراق اللي قرره رائد..
دق على حيدر وحسن.. حسن كان نايم.,, حيدر رد على فارس ..
حس فارس كن الروح ردت له في غربته.. اخيرا احد رد عليه..
حيدر مرتبك.. مو عارف .. يبغى ما يصدق اللي صار .. بس الظروف والأحداث مخلتنه يشك وبألم,, مع انه مو مثل رائد معاه.. بس حبه وارتاح له ويحسه مو راعي سوالف بطاله.. بس ويش بيده يسوي ليصلح بينهم..
فارس : ــ الوو حيدر .. اهلين..
حيدر بإرتباك : ــ هلا ,,
ــ ويش فيكم ,, اللي ما يرد واللي يرن وتالي قفله ,, ويش صاير ,, انا حالتي حاله ,,
ــ ويش فيك؟؟ خير ان شالله..
وعلم فارس حيدر بالموضوع.. انه جوزاه ضايع ,, وما تطرق ولا واحد منهم لسالفه زينه والشكوك .. وحيدر ما تجرأ يسأل فارس من هي دي .. وانتهت المكالمه..
تابع >>
Princess
12-27-2007, 05:58 AM
وفي اليوم الثاني راح حيدر لرائد ,, وعلمه بسالفة فارس وان جوازه ضاع,,
رائد ببرود لا متناهي :
ــ جعله .. عمره لا رجع.. خله مع حبيبة القلب اللي مسافر على شانها..
حيدر منصدم من ردة فعل رائد... ما توقعه بهالقساوه,,
طلع رائد وركب سيارته.. و هو يحس بإختناق,, يحس مو قادر يستغني عن فارس .. يحسه روحه .. واذا خسره بتطلع وخلاص ما لعيشته لا طعم ولا ذوق ..
صار يداور بالسياره مو عارف وين يروح..
قرر انه يروح لسلمان,, فتح جواله .. ولقى رساله من فارس .. فتحها لقاه كاتب له..
ــ محتاجك في غربتي .. لا تقسى علي ,,
جته غصه ,, خيارات .. مسح.. ومسحها ... واتصل على سلمان,, وقال له انه بيجي يقعد وياه..
سلمان راح قال لأهله بيجي واحد الي .. حوريه وبلقافه.. :
ــ منهوو..
سلمان : ــ وانتين ويش عليش ..
حوريه : ــ ههههه عرفته.. اكيد رائد..
ــ الله وليش بالله. حكمتي ..
ــ ما عندك حدا هنا,, واكثر شي انت ويا رائد لو فارس .. وفارس ماهو هنا بالمغرب ..
ــ عدال عالتحاليل العالميه.. هههههه ايه عدل رائد..
ــ حق تعرف ان اختك ذكيه..
ــ أيــــــــه...... ما شالله عليها ..
وصل رائد لجهة بيت ام ابراهيم.. وكانت جارة بيت ام حسين.. صار يطالع في الزرنوق .. والهم معتلي قلبه..
نزل من السياره .. دخله.. وهو يحس انه يسمع خطوات فارس معاه.. وهي اللي ما فارقت خطواته لحظه.. وظلهم مترافق على طول ..
وقف عند باب بيت ام ابراهيم.. التفت وراه كان بيت فارس .. تنهد من قلب ..
ــ رحمة الله عليش ياا يمه..
دق الباب .. وكان سلمان في الحمام .. وام سلمان تحوس وام ابراهيم نايمه.. مافي الا حوريه..
حوريه وبعفويه لبست عباتها وقامت وقفت على الباب وقالت :
ــ مـــن عند الباب..
رائد من سمع صوتها ., ارتبك ..
ــ هاا .. اناا..
حوريه ما تعرف الأصوات ما سمعت صوته ولا مره..
رجعت سألته:
ــ مين انت ؟؟
رائد : ــ انا.. رائد .. وين سلمان..
حوريه : ــ ايه حياك..دش .. الحين اناديه..
دخل رائد.. وراسه يطالع في الأرض ومستحي حده..
ــ يالله يالله..
ووقف على الباب...
حوريه : ــ ثواني انادي سلمان,,
وراحت .. رائد بعفويه <<<حركات بليس
رفع عينه.. بفضول لقاها قمة الحشمه والعفه .. كلها مغطيه من فوق لتحت ما عدا وجهها اللي كان قمه في البرائه.. وهي نظراتها مهي معاه رايحه بتنادي اخوها..
ــ اعوذ بالله منك يا بليسوه.. صحيح ما استحي .. غض النظررر...
ونزل عينه اللي كانت مجبوره وبدون قصد ترتفع مره ثانيه وثالثه..
حوريه تطق باب الحمام على سلمان..
ــ خيي جالك رائد..
سلمان: ــ ايه هذاني بطلع..
وفتح باب الحمام.. وسألها..
ــ ويش دراش ان رائد ؟؟
ــ فتحت له الباب ,,
سلمان محمق فيها .. وراح للباب لقى رائد واقف ..
ــ هلا هلا رائد تفضل ..
ودخله المجلس ..سلمان : ــ امهلني دقايق بغدي وبرجع لك..
رائد بلا شعور صار يفكر في حوريه ,, خايف عليها لا يكون سلمان راح يشابقها ..
وفعلا سلمان كان رايح المطبخ يهدر على راسها,,, وكانت امه موجوده ..:
ــ انتين حق ويه فاااتحه الباب ...<< قالها بهمس مقهور ..
حوريه بخوف : ــ ما في حدا يفتحه الا اني .. امي في المطبخ وامي العوده نايمه وانت في الحمام.. ويش اسوي ؟؟ لبست عباتي وفتحته .. ما طلعت هدّه
سلمان وهو يصارخ :
ــ والله ما بنام انا في الحمام .. كان مهلتي لين اطلع .. مره ثانيه ان فتحتي بيبان لحدا راويتش شغلش ..
حوريه وشوي بتصيح: ــ ان شالله..
سلمان : ــ سوو شاي وجهزو تبسي شويات وبجي اخذه..
وطلع من المطبخ..
حوريه طاحت دمعتها ,, وصارت تتشكى لأمها..
ــ حق ويه كل يصارخ عليي .. اني ما اطلع الا مستره.. ما يمر عليي في مكان رجال الا شب حريقه .. والحين فتحت الباب لرائد وعصب عليي .. اني ما اطلع احسن ليي ..
ام سلمان : ــ لا تلوميه يا بتي من حبه وخوفه عليش من هالزمن وبلاويه يحمق فيش ويصارخ عليش .. وابوش موصنه علينا.. والله يحبش هو من كل قلبه..
حوريه وهي تمسح دموعها وتبتسم :
ــ اني بعد احبه و ماليي غناة عنه..
ام سلمان : ــ الله يخليكم ليي وما يحرمكم من بعض ..
حوريه : ــ يارب و يخليش لينا يالغاليه ,, اماه اني باصلح الشاي ,,
رائد لاحظ توتر سلمان.. وعرف انه شابقها ,, وحس بالذنب ومو عارف ويش يقول ..
ــ عسى ما جيتك في وقت مو مناسب ,, ياخوك قايل لك بمر عليك ونطلع..
سلمان :
ــ لا ويش دعوه .. وين بنطلع يعني وين ممكن نروح .. خلنا في البيت على رواق احسن..
رائد وهو مرتبك : ــ سلماان..
سلمان : ــ هلا
ــ فارس .. ضاع جوازه..
ــ والله .. لا حووول .. ويش درااك...
رائد علم سلمان بالسالفه..
سلمان : ــ انا لله والله يكون بعونه ,, ويش بيسوي الحين .. على بال ما يبلغ عن الفقدان ويطلع بدل فاقد بتمر عليه شهور وهو هناك.. الا اذا طلع له تاشيرة للرجعه .. والله ساااااالفه..
رائد وهو عابس وجهه .. : ــ ويش دراني عنه..
سلمان : ــ افاا... مصمم يعني ما تكلمه ؟؟
رائد : ــ لاا.. لا .. ولا حتى اعرفه ..
ــ انا لله .. انا بكلمه بعد شوي .. اذا كلمته .. بتكلمه وياي ؟؟
رائد : ــ مادري .. لاا.. لا لا..
سلمان .. طيب شوي وبرجع ..
وراح المطبخ.. لقى حوريه خلصت تجهيز .. شالت التبسي ووصلته له.. ويوم وصلت لقت سلمان يرفع كفه...
خافت .. الا هو يمسح خدها اليمين وبهداوه :
ــ صحتي ..؟؟؟
حورية : ــ لااا..
سلمان وهو يمسح خدها : ــ عليي هالكلام.. مبين على عيونش .. وشامة خدش تشتكي من الملوحه ..<< كانت لحوريه شامه حليوه صغيرونه على خدها اليمين عاطتنها برائه ونعومه..
حوريه ضحكت بهداوه : ــ لا بس من بخار الشاي دمعت عيني ..
سلمان وهو مبتسم : ــ بخار الشاي هاا... عموما .. انا آسف .. تعرفيني انتين بسرعه اعصب من هالسوالف .. ووالله من حرصي وخوفي عليش .. ولأني احبش ..
حوريه : ــ ادري ياخوي . عاد لا تحط في بالك..
اخذ التبسي .. ورجع المجلس .. طلع جواله ودق على فارس ..
فارس كان منسدح لا شغله ولا عمله .. يبغى يخلص حصر الأملاك وبيعها بس جوزاه ضروري وضايع.. فمتعطل على حسابه الا جواله يرن والمتصل سلمان..
فارس حس بفرحه قووويه.. اخيرا اتصل به احد.. اخيرا ذكره في غربته المُره احد
اخيرا حس روحه مهو منسي وفي احد يفكر فيه ومتذكرنه. قام ووقف من شدة الفرح ...و رد على المكالمه وصار يسولف ويا سلمان اللي سأله عن احواله و الجواز ,, وصاير فارس زي الطفل الضايع والخايف مهو عارف كيف يتكلم
لين فااجأة سلمان وقال له ان رائد وياه..
فارس فرح زياده.. : ــ رائد وياك.؟؟؟!!. باكلمه ..
سلمان صار يطالع في رائد اللي كان مبين عليه انه معصب يوم قال سلمان لفارس عنه..
وبنظرات ترجي صار سلمان يتأمل من رائد ياخذ الجوال ويرد على فارس ..
مد الجوال عليه وقال له :
ــ رائد .. صفي قلبك شوي ناحيته .. هو بغربه .. كلمه .. ولو كلمه .. اجبر خاطره بها ..
اخذ رائد الجوال من ايد سلمان.. حطه على اذونه..
سمع فارس :
ــ سلمان .. وينك ...؟؟؟
من سمع صوته حس بنار قهر تشب في قلبه.. حس وده يصرخ في وجهه لييييييييش .. وده يعاتب وده يواجه وده يسوي مليون الف حاجه..
و...
الى اللقاء .. :toung:
**جوان**
12-27-2007, 06:32 AM
.....
مــشكوره ...
اخــتي علـى الجزء الروعــه ..
وانشاء اللهــ تتصفى قلــوبهــم << متحمسه ..
..
زهرة القلوب
12-27-2007, 11:31 AM
مشكوره خيتو عالجزء الروعه
الله يعطيش العافيه
تحياتي
روحي في ذكراك
12-27-2007, 04:35 PM
مشكورة على الجزء الجديد و الشيق و
الحلو و في انتظار الجديد تسلم اناملش
تحياتي
سفيرة الاحلام
12-27-2007, 04:40 PM
مشكوره على الجزء الله يعطيك العافيه
الضحكة البريئه
12-27-2007, 06:24 PM
ايييييييييييه وبعديين ويش صاااار ...؟؟
اكيد بيكلمة وبيفهم السالفه ياااارب
قووولو يارب ويايي له..
تسلمين بطيختي ع الجزء
ربي يعطيك العافيه
تحياتي
ضحكوه البطه
عازفت الاوتار
12-27-2007, 06:48 PM
يااااااااااااااااااااارب
مشكور خيتو ع الجزء الروووووووووووووووووووووووووووووووووعه
بليز لالا تتاخر زين
جاااااااااااااااري الااااااانتظااااااااااااااااار
تحياتي
دموع الوحدة
12-27-2007, 07:04 PM
يااااااااااااااااااااااااااااااارب يكلمه يااااااااااااارب
ضروري تقطعيه كان كملتي شوي << متحمسة الأخت خخخخخخخخ
يعطيش العافية خيتووو على هالجزء الروووعه تسلمي
تقبلي مروري
دموع الوحدة
أمل الظهور
12-27-2007, 07:29 PM
لا عاد اميروووه يادبه حنني قلبه على فارسوه مايصير
لاتقولي بيرفض يكلمه هالخبل ذا <<بتتكفخي
يكلمه بس من غير نفس ماعليه اهم شيء يحن عليه ومايقسى زود
بس اقول لك <<تهدد :wink:
لو ماكلمه وقسى قلبه يطلع هو اللي مايستحق فارس يكون صديقه :evil:
مالت عليه لعب عليه ابليس وقام يطالع في بنات خلق الله <<ماتحبه :wacko:
تسلمي امروشه
وبإنتظار المكالمه بينهم ويش بيصير فيها ..
ارجوان
12-27-2007, 09:27 PM
بسم الله وعلى بركة الله<<<<<<<بتفتحي محل ولابتبيعي ادخلي في الموضوع على طول:
اميرررووووووووووه نفسي امسكش من خشمش لان بسببش زكمة وخلص النشاف (كلينكس بالاتكيت:kaseh:)وف زهقت من الاصياح يالله عاد رجعي فاارس الى اهله واذا ماابترجعيه بنسوي حزب ولابنقرء القصه:ranting::mesb::seif:<<<<<اتحداش انت اول وحدة بتخلفي الوعد
وحنني قلب راائدوه ثقيل الدم هذا ولافيه شدة من تحت الى تحت بعد ايطالع:nuts::nuts: <<< ينعل الحب شو بيذل خخخخ على حورية ام شاامة:embarrest::embarrest:<<<<عيب استحي ياابنت ماايقولوا ذاالكلام
اني داايم اقرء القصة بس اول مرة اكتب رد من كل قلبي اتمنى لك الخير
ماشاءلله عليش قلم وانامل مبدعة الله يزيدش ابدااع وافكار بس مفرحة:icon30:......
جااااااااااااااااااااااري الانتضار على قولت عازفت الاوتار موطولي
تحياتي لك: ارجوان
زهور الريف
12-28-2007, 01:46 AM
ماني ماني:sad2::sad2:
حرام عليش اموور
اتفاعلنا ووقت النقطة الحاسمة تقولي
الى اللقاء:huh::wacko:
بس ويش هالابداع خيوه ما شاء الله:cool:
:embarrest::embarrest:
بس ها مو لطولي علينا :evil::evil:
ننتظركِ:toung:
جنة الحسين
12-28-2007, 03:48 AM
تشكري على الجزء
ننتظر جزء الصلحه
يعطيكِ الف عافيه
موفقه
اسير الهوى
12-28-2007, 04:05 PM
احداث واكشن ولا اروع اميرة..
تغير الاحداث والتفنن فيها ... ابداع ... ابداع ... ابداع
لو قلت شكرا اكيد مقصر..
لك اغلا تحياتي خية
أسيرة الأحلام
12-28-2007, 08:10 PM
مشكوووووووره
يالغلا
على الجزء الروووعه
والأكششششششششن
يسلمووووووووو
تحياتي
*زهرة البنفسج*
12-29-2007, 10:04 PM
بسمة تعالي
اولا الله يعطيك ربي الف عافيه ياقمر
وثانيا وش هلئحداث مررة حزينه
اصياح مررة فقعتها هههههه بس كذا كنت محتاجة اصيح وجت من الله
مررة روعة وحركتات القصة ننتظر البقية
Princess
12-30-2007, 04:36 AM
تسلمو عالمتابعه الحلوه
والله تشجيعكم داعم لأستمراري
يعطيكم الف عافيه
وبكم ارتقي الله لا يحرمني منكم
وتفضلو الجديد... طبعا هذا الجزء مو كامل له تكمله في وقت قريب بإذن الله
Princess
12-30-2007, 04:38 AM
اخذ رائد الجوال من ايد سلمان.. حطه على اذونه..
سمع فارس :
ــ سلمان .. وينك ...؟؟؟
من سمع صوته حس بنار قهر تشب في قلبه.. حس وده يصرخ في وجهه لييييييييش .. وده يعاتب وده يواجه وده يسوي مليون الف حاجه..
صار يسمع فارس وهو يقول الوو والوو..
مد الجوال على سلمان .. وسلمان بعيونه يطالعه نظرات متأمل بس للأسف رائد صار يمد الجوال بالقوه.. ومغمض عينه وينافخ يبغى يتمالك اعصابه..
ماحب سلمان يضايقه اكثر .. واخذ الجوال .. وكلم فارس
ــ هلا فارس ..
ــ اهلين وينك ويش صار ؟؟
ــ لا بس الشبكه عفر ضعيفه ..
ــ تقول رائد وياك..!! وينهوو !!؟؟
سلمان ارتبك : ــ هاا لا قلت كان وياي .. قبل لا اكلمك ويوم طلع كلمتك..
فارس : ــ الله يهديك ,, واحشني مره وبعده زعلان علي على حساب جيت المغرب .. يالله ما درى عني وعن حالتي ,, والله يا سلمان نفسي عايفه الدنيا مره كل يوم تتقفل بوجهي اكثر واكثر
ــ افاا يا خوك .. خلك شديد واصبر .. وياجبل ما يهزك ريح.. والله يفرجها عليك يارب .. بقرب فرصه ..
ــ ان شالله نسألكم الدعاء وسلم على رائد .. ما يرد علي قاهرني ..
ــ علينا الدعاء وعلى الله الإجابه..يللا في امان الكريم ...
ــ حياك الله تسلم ياخوي..
انهى المكالمه.. وانسدح على ذيك الكنبه... يطالع بالسقف .. اللي كان قبه زجاجيه تدخل منها اشعة الشمس.. كان البيت اشبه بقصر مهندسه معماري فنان..
شعور بالوحده عنيف اختلج في صدره.. وده يذرف الدمعات بس عينه جفت..
تنهد من قلبه.. حاسس بإختناق ..
قام يبغى يغير جو يبغى يطلع.. طلع .. وهو يقفل الباب .. حس بشي من وراه طاح.. طالع الأرض لقى حمامه صغيره طايحه كانت بعدها ما تطير ..
رعشه صابت بدنه .. مر الموقف عليه من قبل .. اول سوء تفاهم بينه وبين رائد.. لقى فرخ عصفور طايح ورجعه لعشه.. تقرب من الحمامه.. انحنى .. لقاها ما تتحرك.. شوي حس فوقه شي يحوم .. رفع راسه لقى حمامه.. حس انها امها وملهوفه عليها.. انتبه لبيت جيرانهم ( بيت زينه.)فوق السطوح يربو حمام...
شال الحمامه الصغيره.. بس للأسف لقاها ميته من الطيحه ..
بدون استئذان .. طاحت دمعته.. العصفور كان طايح .. كان منتظر فارس يرجعه لعشه ولأمه.. ورجعه .. ورجع الأمل والحياه.. ولما رجعه لقى رائد قدامه ينتظره وبالأحضان.. وتصافت القلوب..
بس الحين هو في غربه.. صعبه وقاسيه.. وحيد .. واعز الخلق عنده ولا سأل عنه.. الحمامه ماتت وضاع الأمل بالرجوع لحضن امها.. ضاع الأمل يلقى حضن يضمه عن تشتته وحيرته.. نوح الحمامه على فرخها قطع قلبه تقطيع.. وهي تحوم وتنوح..
كان قاعد على ركبه وبين كفينه الحمامه.. قام وهو متضايق .. مسح دموعه بكتوفه وهو لسا ماسك فرخ الحمامه في كفينه.. طق باب بيت زينه.. ولما فتحت اختها الباب عطاها الفرخ وهو مبتسم..:
ــ ماتت..
اخت زينه خذت الحمامه وراحت ركض لأمها وهي تصيح:
ــ ماما ماتت..
خذتها ام زينه ودخلت بها داخل.. وسكرت الباب..
ومع تسكيرة الباب عصف بقلب فارس الحزن اصناف واشكال ...
ما اقساك يا زماني .. أي هم قد حمّلته اياي اثقل كاهلي واعياني.. هل هو فراق ..؟؟
ام لوعة اشتياق .؟؟. هل غدر حبيب .؟؟. ام خيانة صديق ؟؟.. لم اعد ادري ..؟؟؟
في دائرة مفرغه والإتساع بها يضيق .. ادور لوحدي يرافقني ظل الضيق..
انفاسي تتلاحق و تطلعي لغدي يزيد بي التشويق ..ويغويني عن الطريق..
.. لا اقسى من تشويه القلب الطيب بالجروح ..
احساس مؤلم .. ان تشعر بغربة الروح وجسدك في الأوطان..
يرافقه شعور لا يوصف حين تشعر انك قابع في الأركان..
تجلي غبارها و بلا هوية.. متمسك بشظايا ماضيك او خائف من حاضرك و مضيعا للعنوان..
امسك قد فات .. وانت اليوم وليد جديد.. فلا تلتفت للماضي وعش حاضرك بحلوه ومره..
ابحث عن ذاتك بذاتك .. ولا تعلق امالك بمن رحل عن حياتك .. وعش ايامك ...
ايا نفسي .. وفري نصائحك لنفسك.. فإني
الومك..
اوبخك..
اعاتبك..
وامقتك....
تنهد من قلب ,,
حوريه: ــ حليوه الكلمات مو..
سلمان : ــ وااايد..
حوريه: ــ صراحه ياخوي اول ما قريتهم قلت لازم اخليك تقراهم ..
سلمان وبإبتسامه : ــ ليش يعني ؟؟
ــ هههههه لأنك زي اللي كتبت الكلام .. كل تحاول تخلي اللي حولك فرحانين ومتفائلين ويفكرو بحاضرهم ومستقبلهم وينسو ماضيهم وانت للحين متمسك بماضيك..
سلمان ساكت ويطالعها..
حوريه : ــ لويش ساكت تكلم قول شي ..
سلمان : ــ من وين هالكلمات.. انتين كاتبتنهم؟؟
حوريه : ــ لاااا .. اني .. ويش يعرفني .. هذي سمر
سلمان : ــ أي سمر ..؟؟
حوريه : ــ هذيك المره قلت لك.. سمر بنت رضا اللي سافرو ويانا..
سلمان : ــ اهاا .. والله كتاباتها شي .. قدش هي ؟؟
ــ لا اكبر مني بوايد
ــ والله ... كم يعني؟؟
ــ 16 لو 17 سنه.. بس اصغر منك خخخخ
سلمان يطالعها على جنب :
ــ ويش المقصد يعني .؟؟
حوريه تطلع لسانها :
ــ ولا شي .. بس كذا..
سلمان وهو يقوم يكفخها بمخده : ــ صدق .. ما تستحي .. قومي بس عن جهاز خالش تلفتيه ولعنتي خيره
ــ اوهوو هو راح يدرس صيفي ما بيستخدمه .. وثاني شي عطاني الإذن,, ويش باسوي فيه اني باكسره .. لو باكله..
طلع سلمان من الغرفه .. وطلعته دار عليها.. :
ــ اقوول حجيه.. اطبعيها ليي و اذا في غيرها كتابات اطبعيهم
حوريه : ــ لسمر لو لغيرها..
سلمان : ــ بلا ظرافه عليي ..
حوريه : ــ هههههه زين...
قاعد على باب البيت .. يحس بخنقه وضيقه.. مهو عارف ويش يسوي ,,من بعيد قدام البيت في مطعم وفيه جلسات خارجيه.. وكانو اثنين جالسين.. رجال ومره..
وشكل الجو بينهم مكهرب .. نقاش حاد مبين من تعابير الوجه..
فارس بدون قصد صار يتأملهم.. لا شغله ولا عمله.. شوي الا البنيه قامت وهي معصبه وشالت شنطتها وراحت..
والرجال ظل مشبك كفوفه و مسند لحيته عليهم .. وتالي قام..
ابتسم فارس .. وفي باله ..
ــ كنت اظن هالمشاهد بس في الأفلام.. تفارقو.. على الله العوض .. اااه.. متى الله يجمعني وياش يا رؤى.. قريييب ان شالله .. برجع وبيصير عندي القدره اجيب مهرش والحمدلله.. واعيش معاش للأبد.. يـــــــــــا الله متى بس متى...
بالمستشفى حالتها مره صعبه.. المهدئات والمسكنات ما تفيد.. ايمان تعيش اصعب اوقات حياتها و قضيتها متوقفه على ذاكرتها والبحث مستمر عن أي مزرعه فيها شبهات جهة السد اللي لقوها فيه طايحه.. بس للأسف السالفه بتطول وهي مهي عارفه الإسم الكامل للي سوو فيها فعلتهم .. ومع كثرة المهدئات فقدو السطيره على حالتها .. صابتها حالة كآبه عنيفه..
اضطروا على اثرها يحولوها للمستشفى النفسي .. ولقسوة االأقدار والزمن..
ما انتبهو اهلها لفقدانها الا بعد يومين.. كل واحد يفكرها مع الثاني .. امها تفكرها في بيت ابوها والعكس .. ما نبهتهم على فقدانها الا ريهام بنت خالتها اتصلت فيها ولقت جوالها مقفل .. وصارو يدورو عليها من وادي لوادي لين سلمو امرهم للشرطه اللي خبرتهم بالحادث واستنكرت تصرفهم هذا واهمالهم وحملتهم مسؤوليه اللي صار فيها,,,
وبخلال هاليومين رجع حمزه.. واهله مخططين على شي ..وبعدها بكم يوم راحو جميعا زياره لبيت فاضل .. زياره الكل استغرب منها .. واولهم فاضل .. اخوه من سنين ما طب بيتهم بحجة الأشغال والإرتباطات ,, رائد يحاول قد ما يقدر يبلع حمزه وتواجده .. ويحاول يعاند روحه ويتغير الحال من ناحيته زي ما تغير من ناحية فارس .. فصار يسولف وياه قد ما يقدر .
وبعد السلام والتراحيب وهدره شويات وسؤال عن الحال والأخبار.
ابو علي : ــ والله ياخوي يابو رائد.. حبينا نكلمكم في موضوع..
فاضل : ــ خير ياخوي ..؟؟ تفضل ..امر
ابو علي : ــ ما يامر عليك عدو.. ولدي حمزه .. حابب القرب منكم.. وده في بنت عمه تكون من نصيبه ..
حمزه متشقق .. رائد منصدم.. ومنصعق .. وسكووت مفاجا صابه ...
والى اللقاء ..
روحي في ذكراك
12-30-2007, 12:27 PM
اميرة حرام عليش و الله
يعني كلا النورية كله صدق
ليش والله حرام ما يستاهل
فارس المسكين الله اساعده
جزء حزين واجد جاري الانتظار
تحياتي
**جوان**
12-30-2007, 05:59 PM
...
يؤؤؤ لا حــرام
.. لا ياخذها حــمزه ..
بــصيح اذا اخذها ..
ولا رائد قاعد يحسن العلاقــه ..
لا مــسـتحيل.. مابتوافـــق ..
.. تــحــياتــيـ ..
ارجوان
12-31-2007, 02:21 AM
:sad2::sad2::sad2::sad2::sad2::sad2:لالالالالالالا لالالالا والله حرااااااااااااااااااااااااااااااااااااااام عليش
ترى اذا مااتصلحي الامور الشرطة :help::help:خلاص اتعبت اني من الاصياح
ام حسين ومااتت وايماانوا ورااحت فيها جننتيهها:wink:وحمزوا وبيااخذ روئ على قلبي مااتستاهله ثقيل الدم هذا يالله عاد غنااتي رجعي الماي لمجاارية:wacko::mesb:
جاري الانتضار
زهور الريف
12-31-2007, 01:00 PM
وينك أمور حرام:sad2::sad2:
عليكِ تسوي كدا
مو حلوة القصة وفارس زعلان والله
قطعتي لوبنا
يا لله وين الصلحة
:rolleyes::rolleyes:
حبابة ننتظر الخبر الحلو
الي زيك:embarrest:
عازفت الاوتار
12-31-2007, 05:49 PM
لالالالالالالالالالالالالالالالالالالالالالالالالا لالالالا مستحيل
تقبل لالالا ان شاء الله رائد يقنعها و ما تقبله
يالله لالا تقبل ااااااااااااااااااااااافــــــ
ياربي انتظر الجزء الجديد باحر من الحمر
لالالا تتاخري
تحياتي
أميرة الشوق
01-01-2008, 02:39 PM
أن شاء الله ماتوافق روئ
أميرة متى بتحطي الجزء؟
Princess
01-01-2008, 04:01 PM
هلا وغلا حبايبي
تسلمو عالتفاعل وحاسه فيكم والله :nosweat:
اني الحين اكتب في الجزء
هالأيام بدت اختبارات العملي بالكليه اسألكم الدعاء
قريبا بينزل الجزء اخلص كتابته واضبطه وانزله لعيونكم :bigsmile:
لفتت نظري ارجوان .. هههههه خيه تسلمي والله اخجلتيني مشاركتين في قصتي وتفاعل رهيب عجبني تسلمي والله .. :embarrest:
ولا حرمني الله من الباقي حبايب وما تتصورو شلون الإبتسامه على وجهي تنرسم من الأذون للأذون على قولتهم.. من فرحتي واني اقرى تعاليقكم :in_love:
الله يخليكم.. ويعطيكم من العافيه مليون
انتظروني ..
دمتم بحفظ الرحمن
Princess
01-01-2008, 06:52 PM
فاضل : ــ الله يقدم اللي فيه الخير ان شالله والراي بالأول والأخير لرؤى
ابو علي : ــ على خير .. يللا نستأذنكم في امان الله
فاضل : ــ حياكم الله..
طلعو .. ورائد بعده مفهي .. مو مصدق ..
ــ يباا..
فاضل : ــ هلا..
ــ تتوقع رؤى توافق ..
ــ والله مادري يا ولدي ..
ــ تصدق .. انا من رايي توافق .. يعني لاحظته انا من زمان وهو مهتم فيها وبالأول والأخير ولد عمها ..
ــ والله مادري يا ولدي .. هي اختك قريبه منك.. روح وفاتحها بالموضوع وشوف .. وعساه خير ان شالله ..
راح رائد لأخته .. طق الباب ودخل لقاها قاعده على السرير .. سحب كرسي وقعد قدامها ..
ــ خيه.. << قالها بكل هدوء ومره اسلوبه ما كنه رائد..
رؤى مستغربه ..
ــ هلا ..
ــ ااا.. ويش رايش في حمزه ولد عمش..
رؤى سكتت.. ووجها بين عليه انها فهمت السالفه .. وصارت تغاور ما ودها تجاوب ..
رائد : ــ ادري به غثيث .. بس يحبش وايد .. وهو ولد عمش واللي من لحمش ودمش اذا ما حبش رحمش.. شلون ويحبش بعد.. براحتش خيه .. بس انصحش تفكري عدل..
رؤى :
ــ ان شالله ..
رائد :
ــ لمتى بتفكري ..
ــ اسبوع..
ــ براحتش..
طلع وسكر الباب .. وهي حضنت المخده .. واشتغلت صياح.. وصارت الذكريات تجي قدامها موقف موقف .. كم مره شافها فارس .. كم مره انحرجت وياه..
صحيح ما كلمها ولا مره .. صحيح كان وياها مؤدب واخلاق لأبعد الحدود.. بس كانت تحس انه مهتم فيها.. شوي بدت تصيح.. مهي عارفه توصف مشاعرها...
ظلت ربع ساعه تصيح.. وهي ضامه مخدتها بالقوه..
مشاعر غريبه مختلطه.. خوف على فارس في الغربه.. بنفس الوقت تحس بحقد عليه وعلى اللي سمعو الشباب صوتها وياه.. رفعت كفها ومسحت دموعها :
ــ اني ويش فيني خبله.. على ويه اصيح.. ما وعدني بشي هو.. ولا هو الي .. حق ويه قاتله لوحي .. على ويه عااد.. اغال يعني ..
التفت وطاحت عينها على المرايا.. حاولت تصطنع الإبتسامه.. وتنهدت..
ــ بنساك.. بنساك يا فالس..
صحا من نومه مفزوع.. كابوس غريب .. كن عنده ارض وااسعه وفرحان فيها ومليانه خيرات.. فجأه جا واحد واغتصبها منه.. وهو لاحول ولا قوة له.. و صارت بعد كذا ارض بوور ما تنفع لزراعه وتصحرت ..فتنازل عنها اللي اغتصبها منه.. ورجع فارس يزرع فيها من جديد ..
صار يفكر في الحلمه .. طالع الساعه لقاها 8 العشا .راحت عليه نومه... صار يسلي نفسه انها باطله ,, ويتجاهل يعرف التاريخ .. قام وهو متوتر . صلى صلاته.. وحالته حاله.. غسل و طلع بيشوف ويش يسوي وويش صار على جوازه وبدل الفاقد.. ويخلص باقي الإجرائات مع زينه..
طلع من باب البيت.. وطلعته شاف زينه واقفه ويا واحد على باب بيتها وضرب سوالف و ضحك ,, وهو مو فاهم شي من كلامهم ,, وتالي الرجال حط ايده على راس زينه وهي عادي ولا قالت شي ..
فارس يغض النظر ..
ــ انا ويش دخلني وايد علي مصايب .. اكي هي عادي ..
حاول يغاور ويغير اتجاهه.. انتبهت له زينه ..
ــ فارس ..
فارس عاطنهم ظهره بس لف راسه على جنب بدون ما يطالعهم ..
ــ نعم..
زينه :
ــ الله ينعم بحالك.. ما عرفتكم على بعض ..
الرجال اللي معاها بلهجه كنه متضايق :
ــ علاش من يكون .؟؟
زينه :
ــ رشيد نسيته هذا فارس اللي خبرتك عنه..
رشيد مو ذاكر ..
زينه بهمس ..
ــ فارس ابن جارنا محمد ,, اللي دافع عني وصابتو مصايب قاسحة عليه بزاف << قاسحه عليه بزاف : صعبه عليه مره..
رشيد : ــ اااه ذكرته ..
وابتسم وراح لناحية فارس :
ــ اهلا وسهلا فيك يااخي نورت المغرب .. وشكرا على شهامتك مع زينه..
فارس ابتسم : ــ منوره بأهلها .. والعفو ما سويت الا الواجب..
زينه : ــ فارس .. اعرفك على رشيد ابن خالتي يشتغل بفرنسا ومن يومين بدأت عطلته .. و... ... خطيبي << قالتها ووجهها تلون خجل
فارس ابتسم : ــ ما شاء الله و الف مبروك .. ما دريت عنش ..
زينه : ــ لا بس بالكلام لسا ما انخطبنا رسمي .. بنتظر اوراق الي وفيزا لحتى نتزوج على طول ونسافر لفرنسا..
فارس : ــ اهاا .. الله يقدم اللي فيه الخير..
رشيد وهو مبتسم : ــ إوا شنو درتو بقضية الباس بورت .. << هاا ويش سويتو بقضية الجواز..
فارس فرد ابتسامه شبر ونص
زينه ضحكت عرفت انه ما فهم منه شي ... زينه:
ــ رشيد .. فارس ما بيعرف للهجة .. فارس.. رشيد يقصد ايش صار بجوازك..
فارس :
ــ هههههه اسف والله لهجتكم صعبه علي .. ولا شي كان عندك خبره في هالمواضيع ممكن تساعدني..
رشيد :ــ ان شاء الله
والتفت لزينه : ــ ايوااا شراح اقل لك .. راني بعرف شخص ممكن يساعده وبسرع وقت يجيب له تأشيرة ليرجع لبلده..,,, <<< راني= ترى انا
ورجع التفت لفارس :
ــ انت مزروب ..؟!
فارس فتح عيونه حسها كنها سبه لو اهانه ..
ــ نعم..!!؟؟
زينه : ــ هههههههههه شقلت لك يا رشيد ما بيفهمش على كلاماتنا .. فارس يعني انت معجول ..
فارس : ــ ههههه اهاا يعني مستعجل على الرجعه لبلدي ..؟؟
زينه : ــ هههههه ايواا..
فارس : ــ ايه والله ابغى ارجع في اقرب فرصه ابغى اخلص كل شي هنا وارجع..
رشيد : ــ ان شالله خير .. بس اللي بعرفه مسافر مللي يرجع واكلمه..
فارس اكتفى بإبتسامه..
زينه وهي تضرب رشيد على كتفه بخفه : ــ ههههههه ما راح تحاول تكلمه بلهجه ابسط.. فارس بيقل لك رشيد اذا رجع من سفره بيكلمه ان شالله..
رشيد يضرب راس زينه بأصابعه على خفيف وبمزح:
ــ هههههه حاضر بحاول ..متنسيش العربي منه قوي عندي ولهجتي نصفها كذا ونصفها فرنسي ..
ويهمس ليها ..
ــ ما قط قلتلك توحشت على ضرباتك..
زينه انحرجت وتلونت وبإبتسامه : ــ رشييييد..
رشيد : ــ هههههههه
فارس في باله . ــ بل اروح عنهم احسن ههههههه يا سااااتر .. انا استحيت..
فارس :
ــ اا .. احم .. يللا اخليكم ..
رشيد : ــ على فين يا فارس ..
فارس : ــ لا بس بروح اشتري لي شي اكله ..
رشيد يطالع في زينه: ــ شعندك دابا يا زوينه.. << ويش عندش الحين يا حلوه
زينه بدلال : ــ ولا شي ..
رشيد : ــ يللا استأذن من خالتي بخطفك نتعشى..
وغمز وهو يطالع في فارس ..ــ انتي و فارس عازمكم الليله اذا ما عندهش مانع..
زينه طالعت في فارس .. اللي كان مبتسم وعيونه مليانه استفهامات,,
تابع>>>
Princess
01-01-2008, 06:53 PM
رشيد لاحظ عليه التعجب : ــ فارس زينه كلمتني عنك بزاف وصراحة موقفك معها كبرك في عيني و حاسس نفسي ولفت عليك من كلامها .. باين عليك بنادم طيب بزاف..
زينه ضحكت.. : ــ رشيييد راح اصير مترجمه لألك .. فارس رشيد ارتاح لك كثير و حابب يتعرف عليك اكثر اذا ماعندكش مانع.. وهو عندو خبره في هاي المواضيع اكثر مني
فارس : ــ تسلم والله يا اخوي من ذوقك وطيب اصلك ..
فارس يحس بإحراج داخله بس لبى الدعوه حق يشوف له هالرشيد .. حل يطلعه من ورطته..
وفي المطعم .. فارس محتار على عمره .. وين يقعد.. قعد رشيد مقابل زينه..
فارس منحرج.. ان قعد جنب زينه احراج وان قعد جنب رشيد بعد بيقابل زينه.. صرف عمره وهو يهدر في باله :
ــ ويش هالبلشه.. اقعد جنبه والف وجهي ناحيته ارحم لي ..
قعدو وبدو السوالف ..
رشيد : ــ سبحان الله المكاتيب جمعتنا يا خيي .. زينه حدثتني عنك بزاف من بعد ما توفى المرحوم والدك .. شقد حسيت الدنيا قاسحه عليك.. الله يكون بعونك..
فارس : ــ يالله يا كريم..
رشيد : ــ شوف يا فارس ,, انا بعرف صديق لي حريف وبيعرف لشغلات الجوازات وعنده واسطات ,, هو دالحين مسافر وبعد شي ثلاث ايام ومثل ما قلت لك مللي يرجع واكلمه .. ومتأكد حيقدر يساعدك ويدبر لك تأشيرة رجوع بسرعه ,,
فارس : ــ مشكور يا اخوي وما تقصر ..
رشيد : ولو ,, حنا اللي نتشكرك على جميلك والله صحيح انك غريب على زينه بس الرجال ماشي كله حال بحال ..
فارس ابتسم.. ضحكت زينه :
ــ يعني الرجال مو كلياتهم مثل بعض ..
فارس : ــ اهاااا.. ههههههه تسلم والله..
رشيد يضحك بإستغراب : ــ هههههه الله يسلمك.. لهالقد لهجتنا قاسحه عليك..
فارس : ــ أي والله لو ما بعض الكلمات تكرروها كذا مره ما افهم..
زينه : ــ هههههه ايش الكلمات اللي خلاص رسخت في بالك..
فارس : ــ مممممم هههه علاش وكفاش وقاسحه وبزاف .. << ليش و كيف و صعبه و مره او كثير
رشيد : ــ ههههههه يالله ضحكتني يا اخي
فارس : ــ هههههه ويش اسوي .. عاد نصهم استفهام ونصهم حسرة
زينه ورشيد صارو يضحكو..
زينة : ــ هونها يافارس وتهون ..
فارس : ــ ان شالله.. الا يا رشيد ما قلت لي ويش تشتغل في فرنسا؟؟.
رشيد : ــ مراسل صحفي ..
فارس : ــ ما شالله صعبه الشغله؟؟
رشيد : ــ لا بالعكس حلوه وممتعه .. بس غربه ويحتاج فيها البنادم لونيس ..<< قالها وهو يطالع في زينه.. وزينه مستحيه
فارس انتبه ليهم : ــ احم.. كح.. الله يكون بعونك ويوفقك يارب..
رشيد : ــ الله يخليك.. ويفتح الرزق في وشك يا كريم..
فارس : ــ هههههه استغفر الله.. مو انفتح وضاع الجواز.
رشيد : ــ ههههه لا بإذن الله حتلاقي دباره .. << دباره = حل اوتدبير مثل ما نقول
فارس : ــ ان شالله..
رشيد ارتاح لفارس وايد .. وطلب منه يسولف له عن حياته.. وكيف كان عايش بالسعوديه .. فارس قلبه كبير و اخلاقه عاليه .. صار يسولف وحكى لرشيد قصته.. وطرى له رائد خويه وانه زعلان منه على حساب راح المغرب وخلاه
رشيد : ــ ايييه يا اخي قصتك بزاف مؤثره,, تصلح تتكتب بس بصراحه اسمح لي رائد غلطان على زعله هذا ..
فارس وهو مبتسم.. : ــ ويش اسوي .. بزااف غلطان
رشيد وزينه : ــ هههههههه ..
كانت سهره حلوه رغم الإحراج اللي حس فيه فارس .. بس غير جو بعد الضغوط والتوتر اللي صايبنه.. واستانس شوي..
منسدح.. ويحرك الدبله في صبعه.. ويفكر في نفسه ..
ــ اااه... لمتى هذا حالي .. لمتى ..!!!
انقلب على يمينه.. لمح ملف مجمعه فيه حوريه كتابات سمر اللي طلبهم..
فتح الملف وصار يقلب بين الأوراق ...
لفتت نظره جمله من خاطره كاتبتنها..
بيدنا نستطيع رسم السعاده.. ووحدنا قادرين على التفنن في الوانها.. ولكن ما ذا لو كان الكراس في واد والألوان في واد اخر..
لربما في يوم ما يلتقيان.. ويرسمان معا قوس الرحمن ..
سلمان :
ــ نستطيع رسم السعاده.. وقوس الرحمن..
رجع انسدح على ظهره .. رفع كفه.. حرك الدبله.. شالها وحطها على الطاوله.. ونام...
هذا باقي الجزء الساابق
جاري كتابة الجديد
امـــــــــووووره ياااقلبي ..
بجد اتاااابع للحلقااات وقلبي يتقطع ع فارس ورؤى
ياااربي ماتوافق ..يكسر الخاطر فارس ..
احممم اذا بهدر مابخلص:embarrest::toung: ..
يعطيك العااافيه غاااليتي امـــــوووره
ع الابــــــــــدااااع ..وتسلمي..
اجمل الامنيااات لك بالسعاده والتوفيق
تقبلي تحياااتي ..
زهور الريف
01-01-2008, 09:52 PM
ماشاء الله عليك أمور
عندك تتابع بالاحداث رهيب:bigsmile::bigsmile:
اللهم صل على محمد وآل محمد
ويالله حبابة في الجزء الجديد رجعي فارس السعودية
وريحينا :wink:هههههههههه
تسلم الايادي الروعة:cool:
دموع الوحدة
01-01-2008, 10:27 PM
أمووووووره حرررااااام لا تزوجي رؤى حراااام بتصيري مجرمة خخخ<< سكتي لا تحصلي تكفيخ خخخخخخخخخخخخ
اموووورة هالله هالله في فارس ورائد راضيهم على بعض وخلي رؤى تعرس نبغى نستانس <<< افضل الصلاة والسلام عليك ياحبيب الله محمد كللللللللللللللللللوش هههههههههههههههههههههههههه
مشكوووووورة امووووووورة الجزء حليو بس مازال حزين يكسر الخاطر ابو الفوارس خخخخ
الله يوفش ان شاء الله في الاختبارات ياااااااااارب
دموع الوحدة
سفيرة الاحلام
01-01-2008, 10:42 PM
مشكوره على الجزء
الله يعطيك العافيه
ان شاء الله سلمان يعرس على سمر
جاري انتظار الجزء
Ro7 AlM7bA
01-02-2008, 01:13 AM
اولا : القصه مررررره روعه وشهادتي فيش مجروحه بصراحه ..
اسجل اعجابي بكتابتش واسلوبش المشوق..
وانا من المتابعين وبشغف >> خلف الكواليس
اتمنى لكـ ِالتوفيق
وبالنسبه للقصه ياعلي حرام اميروه :embarrest:>> مطيحه الميانه هالبنت
ماترجعي فارس ورائد قلبي متقطع عليهم
ولا تتزوجي هالعله حمزوه من رلوئ مايستاهلها ..
فديتها الاموره الشيخه ادري راح تتطاوعيني.. :embarrest:
اني الي قاهرني رائدو هالعله لو جنبي نتفته يشك في خويه ياحيف الصداقه..
بس امباهم يرجعو بس لازم فارسو يزعل >> الا تعقد المسأله هالبنت ..:wink:
بأنتظار الجزء القادم على احر من الجمر ..:amuse:
لاتتطولي علينآآ خيووهـ ..
تقبليـ مروريـ ^^
جنة الحسين
01-02-2008, 01:19 AM
الأحدااث مره روووعه بس حزينه
و فارس مسكين ما سيستاهل اللي يصير فيه
ان شاء الله يرجع قبل لا يعقدوا و يصلح الامور او رؤى ما توافق ياارب
مشكووره على الجزء الحزززين
ننتظر التكمله و يعطيش الف عافيه
ارجوان
01-02-2008, 02:11 AM
الف شكر خيتو على الجزء الروعة>>>>>>>> ياااااارب يااااااااارب مااتواافق روئ على الخطبة
الله يوفقك بالامتحانات ووفقنا معاك ياارب يااكريم
جنة الحسين
01-02-2008, 02:26 AM
نسيت ما اقووولش
الله يوفقش في امتحاناتش و ينجحش
بس برضووا ننتظر التكمله على احر من الجمر
موفقه بحق محمد و أهل بيته الطاهرين
زهرة البنفسجي
01-02-2008, 06:08 PM
الله يوفقك أختي أميرة في إمتحاناتك ويوفق الجميع
بصراحه الأحداث كلما جا ليها تحلو
اتوقع ان سلمان بيخطب سمر ورؤى بتوافق على حمزة بس بعد مابيتزوجوا بيطلقها وبتتزوج فارس وهذا تفسير الحلم الا حلمه فارس
بانتظارك يالغلى مع الجزء الجديد
تحاتي القلبية
دموع الوحدة
01-02-2008, 08:51 PM
أميروووه مافيه جزء ويش اسوي خميس وجمعه خخخخخخخخخخخخخخخخخخخخخخخخخخخخخخخخخ<<< خلي البنت تذكر مسكينة
عاااااد اذا تقدري حطي جزء صار لي اسبوع استنى خميس وجمعه علشان استانس اهئ اهئ
ابغى جزء
ننتظرش اختي والله يوفقش
جــــــــــــــاري الإنتــــــــــظار
دموع الوحدة
Princess
01-03-2008, 03:16 PM
ههههههه ياااحبكم لجاري الإنتظار
واني جاااري الركضه..
تسلموو مليوون
ودي اهدر واشكر اكثر
ودي اعبر عن سعادتي بتفاعلكم .. بس ماني عارفه كيف وويش اقول
:embarrest:
يعطيكم العافيه منوريني والله
وتفضلو الجديد..
:bigsmile:
Princess
01-03-2008, 03:17 PM
مرت ثلاثة ايام.. ثلاثة ايام محسوبه من العمر .. باقي على رؤى من اسبوع تفكيرها 4 ايام.. وفارس هالثلاثه ينتظر فيهم حسم الأمر...
وعدى اليوم الثالث.. والساعه 9 الليل تفاجأ فارس بجرس البيت يطق ..
قام وفتح الباب وهو متوقع انها زينه .. لقاه رشيد..
ــ السلام عليكم..
فارس بإبتسامه مليانه امل ,,
ــ وعليكم السلام ياهلا تفضل ..
دخل رشيد وقعد .. فارس مرتبك مو عارف اول مره احد يزوره في البيت قام بيجيب له ضيافه,, مسكه رشيد :
ــ اجلس يا فارس ,,مابديش حاجه.. والله خجلان منك ومش عارف ايش اقللك..
فارس قعد وقلبه ناغزنه :
ــ خير يا خوي .. ويش صاير ,,..؟؟
رشيد : ــ البارح بالعشيه .. عيط عليا صديقي القلتلك عنو .. وقال ميقدرش يجي قريب ,, عندو شغلات ,, بس بقيت فيا حالتك وقلت اسأله ..<< عيط عليا = اتصل فيني ’’ بقيت فيا = كسرت بخاطري ,,
فارس بعفويه وهو يمسح على راسه بكفينه يقاطع رشيد :
ــ رشيد حبيبي لو سمحت ممكن نتكلم مع بعض بالعربيه الفصحى وبشويش ,, مو قادر الحق على كلامك واستوعبه .. ممكن يجزاك خير
رشيد ابتسم : ــ حاضر ولو انه عربيتي الفصحى مانهاش عال العال لكن بحاول .. كنت اقول لك .. اتصل بي صديقي اللذي اخبرتك عنه ,, وخبرني انو ما بيرجع قريب عنده شغل,, بس اااا << وقف عند بقيت فيا مو عارف يجيب معناتها بالفصحى.,
فارس وهو فاتح عيونه المليانه امل وحزن ..
ــ ايه,,؟؟!!
رشيد : ــ لا ادري ماذا اقول ,, ولكن ارشدني الى حل وحيد .. بدل الفاقد لا يصدر الا من بلدك هناك تستخرجه.. هنا فقط تحقيقات و سوف يطول المده .. اقترح علي ان ارشدك الى البيرو حق الترحيل وهما يتكفلو باللازم,,
فارس : ــ البيرو .. ويش البيرو؟؟
رشيد : ــ اااا ,, الأووفيس حقهم..
فارس : ــ اهاا .. مكتب الترحيل << قالها بغصه والم..
رشيد حس عليه انها صعبه يروح مكتب الترحيل ويرحلوه وكأنه عبء لو ثقل في البلد ويللا فارق بلدك..
ــ سمحلي يا فارس والله كان بودي اساعدك بس سبحان الله المكاتيب اجت هاكا..
<< سمحلي= اسمح لي ... المكاتيب = القدر .. هاكا = كذا..
فارس نص الكلام ما استوعبه بس مشى حاله لأن تفكيره كله على حالته وويش بيسوي ..
طلب من رشيد يتصل بزينه.. واستأذن من رشيد يعطيه رقم جواله للتواصل في الضروره ..
وجت زينه وياهم .. ويوم درت بالحل تأسفت على حال فارس ..
زينه : ــ الله يكون بعونك يا فارس .. خلاص انت ارجع لبلدك وانا راح نكمل اجرائات ورثك بس وقع على الأوراق وبعد كذا راح نرسل لك حقوقك بالبوسطا...
<< البوسطا = البريد..
فارس ساكت والحزن مخيم عليه ..
زينه : ــ ولو يا فارس مناش ثقه..؟؟
فارس : ــ لا والله عالعين والراس انا همي من هالحل مو قادر اتخيل اروح مكتب الترحيل .. ههههه كني هندي في بلدنا بدون اقامه ويرحلوه.. اففف..
رشيد ابتسم : ــ وش بغيت ندير, حبيت اساعدك بس للأسف , ماباليد حيله..<< ندير = نسوي ..
وقع فارس على الأوراق اللي عند زينة حق تقوم باللازم .. وقرر يوم ثاني يروح لمكتب الترحيل ...
حيدر ما راح عن باله فارس .. دايم التفكير فيه .. قرر يدق عليه .. وفعلا اتصل به.. فارس الدنيا تنور عليه من يشوف احد متصل من البلد .. يرد بلهفه.. وشوق :
ــ هلا حيدر .. هلا بالغالي ..
حيدر : ــ هلا فيك .. اخبارك وويش مسوي ..؟؟!
فارس بحزن : ــ اخباري .. ويش اخباري ياخوك .. بكره بروح مكتب الترحيل وبجيكم ان شالله قريب كني هندي ..
حيدر : ــ توتوتو .. لا حول الله. المهم توووصلنا بالسلامه وحشتنا يالغالي . هونها ياخوي وتهون..
فارس : ــ الحمد لله على كل حال . عاد انا كان بودي ازور قبر امي اسلم عليها بسوريا.. تعبان مره ياحيدر.. خلاص الجواز يبغى لي بدل فاقد اذا رجعت البلد اشوف صرفه وشوف عاد متى يطلعوه على حد علمي ياخذ 5 سنوات,. ايييه ويش اخبارك انت واخبار راائدووه النحيس اللي حارق قلبي ومزود همي ابدا لا يتصل ولا يسأل..
حيدر هو حاس بأسى على فارس ورائد وحالتهم : ــ ايييه الحمدلله عايشين ,, ورائدوه عاد ههه ما بغيته الا الحين يفتكر .. مشغول بخطبة اخته..
فارس زي الصعقه الكهربائيه سرت في بدنه.. كن احد كب عليه ماي حااااار ..
ــ هاااا..
حيدر حس عليه مختلع .. : ــ فارس ويش فيك الله لا يروعك.!!!!!!!!!.
فارس : ــ مين .. اللي انخطب ..؟؟
حيدر : ــ رؤى بنت اختي ..
فارس بعفويه وانفعال مقهور :
ــ ومين اللي خطبهاااااا؟؟
حيدر اختلع :
ــ فارس ويش فيك .. هدي حبييبي ..
فارس : ــ حيدر حيدر .. حيدررررر .. ميـــــــــــن؟؟!
حيدر حاس برعب ولا هو داري ويش صاير :
ــ فارس ,, فارس ويش فيك ..حمزه ولد عمها اللي خطبها..
ما يسمع حيدر الا صوت تكفيخ ... فارس كفخ تحفه قريبه منها وشلخها ,, وصار ينافخ .. وبصوت متكسر الحروف يالله طلعت من مخارجها ..
ــ متى..؟؟ وخلصو لو لسا ..؟؟ << قالها ودموعه تصب على خده..
حيدر حاسس بتأنيب الضمير لو يدري بيصير كذا ما اتصل .. وهو الثاني دموعه نزلت..
ــ فارس هدي وصل على محمد.. ويش فيك يا خوك..
فارس بنبرة مخنوقه..
ــ حيدر .. حيدر انا جيت المغرب على شانها.. حيدر .. انا قلت اكيد ابوي بيرحم بحالي وبيتغير حالي .. فعلا .. تغير الحمدلله .. عندي املاك ما شالله وبرجع ليكم قريبا.. حيدر .. انا احبها.. احبها.. اسمح لي عالجرأه بس احبها وابغاها.. ما تفارق خيالي ولا دقيقه ولا ثانيه .. بس بس خلاص راحت .. رااحت..
حيدر خلاص حاس بإنهيار مو طبيعي وصار يصيح وصوته مبين عليه :
ــ هدي .. هدي فارس .. هي بتفكر اسبوع.. وبعدها ما تقرر ..
فارس : ــ والإسبووع كم باقي عليه..؟؟
حيدر : ــ اربعة ايام..
فارس وهو يضرب فخذه,, : ــ خلاص ههه رااحت,, راااحت..
حيدر : ــ ويش درااك انها رااحت ... يمكن ما توافق عليه,,
فارس : ــ وليش ما توافق عليه .. ولد عمها اولى من الغريب .. وغني و يشتغل و
طووط طووط طووط
حيدر طالع جواله ..
ــ يلعن تاريخك وقتك يخلللللص الرصيييييييييييد
فارس يطالع جواله هو بعد .. ويش صاير ؟
واتصل هو على حيدر ..
حيدر : ــ هلا ياخوك .. اسمح لي خلص الرصيد..
فارس : ــ مسمووح.. وربي انك غالي وعزيز الوحيد اللي تتصل فيني وتسأل علي انت وسلمان.. ومخسرين روحكم علشاني..
حيدر : ــ لا تقول كذا ياخوك ... ثاني شي المكالمات الدوليه النص بالنص لا تخاف مو كلها علينا .. عسى بس ما نكلف عليك..
فارس عصب : ــ حيدرررررووه ..
وبصوت متكسر : ــ ما تتصور فرحتي اذا واحد منكم اتصل وسأل عني ,,
وبصوت هادي : ــ حيدر .. رائد ويش ردة فعله على خطوبه اخته..
حيدر : ــ تبغى الصراحه..
فارس : ــ ايه ولا شي غيرها,,
حيدر : ــ احسه متحمس ..
فارس انصعق : ــ مت.. متحمسسس !!!
حيدر بصوت كله اسى : ــ صراحة ويلعن صراحتي .. بس ياخوك ما ابغى اكذب عليك.. هذا اللي صار ..وانا نحيس لو ادري ماتصلت وكدرت عليك وزدت هم على همك..
فارس ودمعته انسلت على خده .. وهو يمسحها مبتسم..
ــ لااا.. فيك الخير .. ويش ذنبك انت.. انا اللي اشكرك وتسلم ما تقصر .. انت عيني اللي تشوف عني هناك.. وحاس فيني وبكل خبر توافيني .. رحم الله والديك ما قصرت..
حيدر في حلقه غصه يحاول يبلعها مو قادر :
ــ ووالديك..
فارس : ــ يللا مع السلامه..
حيدر مو عارف ويش يقول : ــ الله.. الله يسلمك..
انتهت المكالمه.. اللي معاها انتهت احلام فارس بنهايتها, وفي باله:
ــ رؤى ما تدري عني ولا عن غلاها بالنسبه لي ويش يخليها ما توافق على ولد عمها وهو اللي مبين اهتمامه,, راحت عليك يا فارس راحت,,
وكالعاده .. الكنبه رفيقه عمره انسدح عليها.. وطلع ملفع امه المرحومه.. رفعه ,, ضمه.. فتحه وغطى به وجهه.. اخذ نفس .. وشبك كفينه على صدره.. تحسس قلبه.. حس كل نبضه تتخلل كفوفه وتسري ويا دمه.. دموعه صارت تصب بحراره.,.. وصار يتمتم بصوت هادي ..
ــ اغلى ما املك فقدته.. فقدتش يالغاليه يا يمه.. وفقدت حلم حياتي .. وفقدت الأمل ..يبه .. عمرك ما عرفتني .. يوم ذكرتني .. ما جتني من ورى ذكراك الا المصايب ,اااااااه, رحمة الله عليك.. ورحمة الله عليش يا يمه...
حيدر حاس بتأنيب ضمير مو طبيعي .. مو عارف ينام.. حاس بالذنب .. لو يدري ما دق على فارس وهو في غربه وعطاه هالخبر ..
يتذكر ردة فعله وكلامه اللي صار يرن صداه في اذونه..
ــ انا احبها.. احبها.. اسمح لي عالجرأه بس احبها وابغاها.. ما تفارق خيالي ولا دقيقه ولا ثانيه .. بس بس خلاص راحت ..
مو عارف ويش يسوي .. مسك جواله بيدق على رؤى .. واللي فيها فيها..
وفي باله : ــ رائد قسى بالمره على فارس .. ليش كذا.. انا لازم اكلم بنت اختي .. وااايد على الرجال مصايب .. ولعنة على حمزووه الكريييه..
تابع>>
Princess
01-03-2008, 03:18 PM
حوريه شبكت المسنجر .. لقت سمر صاحيه..
ــ هلا سمووره..
ــ هلا والله حور ..
ــ اخبارش ..
ــ تمام الحمدلله.. اخبارش انتين..
ــ بخير الله يسلمش ..
ــ دووم يارب ..
ــ سمووره..
ــ عيونها..
ــ تسلم عيونش .. ما كتبتي شي جديد ..؟؟
ــ ههههه لا لويش ..
ــ احم.. لا بس في ناس عورو راسي .. ينتظرو كل جديدش بفارغ الصبر ..
سمر : ــ يوو مين ..؟؟
حوريه : ــ اخووي ..
سمر استحت وخجلت :
ــ ليش يقراهم هو ...!! متابع ؟؟
حوريه استحت وتفشلت : ــ ايه اسمحي لي طبعتهم وعطيتهم اياه يقراهم ..
سمر ساكته..
حوريه : ــ ضايقتش غناتي .. مو قصدي بس اخوي يحب يكتب وكتاباته حليوه ويتابع كتابات ,, قلت يشوف خواطرش اذا يضايقش غناتي خلاص ما اراويه مره ثانيه..
سمر : ــ ههههه لا غناتي ما يضايقني دون اللي في المنتدى .. اكم يتابعو ويعلقو عادي ..
حوريه : ــ أي منتدى..؟؟
سمر : ــ منتدى الـ......
حوريه : ــ اهاا.. وويش اسمش هناك..؟؟
سمر : ــ الم وامل
حوريه : ــ الله حليو اسمش .. عجبني ,, الم وامل .. زي خواطرش عميق ومليان اسرار .. بس صراحه اخوي معجب في كتاباتش ويمدح اسلوبش .. عاجبنه مره..
سمر : ــ ههههه تسلمي من ذوقش واخوش بعد من ذوقه يسلم..
حوريه : ــ الله يسلمش .,, يللا اخليش الحين بقوم ..
ــ اووكي ..
حوريه حطت بالخارج.. ودخلت المنتدى تشوف الم وامل ..
صارت تتصفح.. مواضيعها وكتباتها ..
الا بدخلة سلمان عليها..
ــ ووويش تسوووي .. << نبرة مفاجأه..
حوريه : ــ بسم الله على عمري ..
وطالعت في سلمان على جنب :
ــ اتصفح المنتدى..
ــ اوه اوه.. شيه مشاركه فيه ..؟؟
ــ لااا اني ويش يعرفني لهالسوالف ..
ــ اجل اكيد مطيحه في روايه وقاعده تقري فيها..
حوريه تحرك رااسها وتطلع صوت معناته لأ..
سلمان : ــ اجل ويش تسوي ؟؟
حوريه : ــ اقرى خواطر ..
سلمان قرب منها يطالع اللي تقراه :
ــ خواطر ...!!
وقرب اكثر وطاحت عينه على جزئيه من الخاطره ...
في دائرة مفرغه والإتساع بها يضيق .. ادور لوحدي يرافقني ظل الضيق..
انفاسي تتلاحق و تطلعي لغدي يزيد بي التشويق ..ويغويني عن الطريق..
وبتساؤل عفوي :
ــ هذا مو لسمر ؟؟
حوريه وهي تطالع في الشاشه ومبتسمه من الأذون للأذون وفاتحه عينها حدها.. وشوي طالعت جهة سلمان على جنب وصارت تحرك حواجبها بخبث ..
ــ هااا .. ويش دراااك.. حافظنها ...!!!
سلمان :
ــ هاا.. صحيح ما عندش سالفه.. قريتها كذا مره . والتعبير حليو علق في راسي .. خير ان شالله..!!!
حوريه وهي مستمره بحركتها :
ــ هااااا .. ممممممم.. علينااا..
سلمان يمسك اذون حوريه ويمصعها.:
ــ حوريوه.. يوزي عني << يوزي عني = جوزي عني خليني بحالي
حوريه : ــ أي أي آآآآآآآي .. خلاص .. هههههه .. هد اذووني ..
سلمان تركها : ــ ايه حق تتأدبي مره ثانيه وانتين تكلمي اخوش الأكبر منك..
حوريه : ــ زين.. بس .. ممممم .. مستغربه منك شلووون حفظته...
سلمان: ــ حوريوووووه..
حوريه : ــ هههه ها ها خلاص خلاص..
سلمان : ـــ ما تقومي بقعد شوي على هالنت..
حوريه : ــ ليش من متى انت تقعد عليه...
سلمان : ــ حوريوووووه..
حوريه : ــ زيـــييييييين...حوريوه وحوريوه
قامت حوريه وهي تضحك..
ــ اخلي المنتدى والخاااطره مفتوحه لو اسكر كل شي ...
سلمان : ــ قومي بسرعه خلي كل شي انا بسكر اللي اسكره وبفتح اللي افتحه...
حوريه : ــ زين لا تعصب ..
وقامت وطلعت من الغرفه,,
سلمان يتأمل الخاطره,, يتأمل النك نيم..
ــ الم وامل ,,
وسرح يفكر في عمق الإسم..
شوي .. صدى ذكرى المأساه,,, يدوي لا ننساه.. أيــــــازهرااء.. لا ننساكِ
جاله مسج.. الهمه بإسم...
ــ مممممم صدى الذكرى ..
وسجل في المنتدى ..
الوقت يمر بسرعه بالنسبه ليها .. وبثقل بالنسبه لفارس ...
تفكيرها في حمزه لابد يقاطعه خيال فارس .. كانت تتعذب في اليوم مليون مره.. واذا طلعت من غرفتها لأهلها.. تشوفهم يعاملوها غير ودايم يتكلمو عن حمزه ويسألو وراه وويش طبعه ويا ربعه والناس ..
وهي من تسمع هالطاري تنسد نفسها وترجع غرفتها...
اتصلت لحنين .. حاسه بضيقه ومحتاجه احد يكلمها .. للأسف جوال حنين مقفل ..
قفلت المكالمه .. الا برساله .. فتحتها لقتها كول مي ..
الجوال في هالخدمه ما يطلع الإسم بس الرقم وهي ما تحفظ ارقام
رؤى : ــ مين هذا كول مي هالحزه.. ادق بسلعه واقفل واشوف يطلع اسمه عندي لو لا ..
دقت لقت .. خالي الغالي ..
رؤى : ــ يوو ويش فيه خالي عجيبه هالحزه داق و كول مي ..
رد عليها حيدر :
ــ هلا غناتي ..
رؤى : ــ هلا وغلا ..
ــ نايمه ؟؟
ــ لا وين يجي النوم..
ــ زين دقي على بيتنا تلفون..
ــ حق ويه..
ــ ابغاش بسالفه و ما عندي رصيد انا لا اخسرش ..
ــ زهقاانه اطلع بلى ,., ويش صاايل قول عادي ..
حيدر بتردد :
ــ رؤى .. ويش رايش بفارس.. قولي رايش بصراحه ..
رؤى مختلعه .. ويش هالسؤال المفاجأ .. وبنبرة مبين عليها التساؤل والدهشه:
ــ ليش يعني ؟؟
حيدر : ــ قووولي رااايش وبصراحه..
رؤى ..و الدموع طاغية في عينها..
ــ ..
الى اللقاء .. :weird: :toung:
أميرة الشوق
01-03-2008, 03:51 PM
أميرة الجزء روعه مثل روعتك
مشكووووووووووووووووورة
زهور الريف
01-03-2008, 03:57 PM
يالله
جزء
جناااااااااااااااااان
روووووووووووووووووعة
ابداااااااااااااااااااع
ماشاء الله
شببناش خيتو من عيون الحسود
اللهم صل على محمد وآل محمد
تقبلي مني أرق التحيات
ودمتي ودام ابداع قلمك
وننتظر جديدك على أحر من الجمر
زهور الريف
سيناريو
01-03-2008, 04:23 PM
يسلمو خيتو أميره
متحمسه للأحداااااااااااااااااث
الله يعطيكِ العافية
ولايحرمنا من هالإبداع
موفقه
أسيرة الأحلام
01-03-2008, 05:26 PM
جزء ولاأرووووعـ
ننتظر التكملهـ
جاريـ الإنتظار...
روحي في ذكراك
01-03-2008, 07:07 PM
جزء رووعة يجنن حلو مرة تسلم ايدش و يعطيك ربي العافية ما تقصري
جـــــــــــــــاي الانتــــــــــــــظار
سفيرة الاحلام
01-03-2008, 08:46 PM
إن شاء الله تقول رايها بصراحه وماتكذب خخخخ
ننتظر الجزء
لاتطولي علينا
دموع الوحدة
01-03-2008, 11:18 PM
أميروووووووووووه حراااااااااااام ليش قطعتي باقي كم كلمه بس كان حطيتيهم اهئ اهئ اهئ بعدين ويش صاااااار
الجزء قصير خخخخخخخخخخخخخخخخخخخخخ <<< شكلها التكفيخة قوية اليووم ههههههههههه
تسلمي امووووووووورة الجزء روووووووووووووووووووعة واكثر من روعة بعد مشكووووووووورة يعطيش الله 999 عافية خخخخخخخخخخخخخخخ <<< قالوا لش بتتصل على الشرطة خخخخخخخخخخخخخخ
ننتظر الجزء الجديد نحاااسة هذا الاسبوع علينا اختبارات الله يصبرني لاسبوع الجاي كله من اميروووه الحين طول الاسبوع بحلم بفارس ورؤى مساكين
تســــــــــــــــــلمي مــــــــــــــرة ثـــــــــــــانية
دمــــــــــــــــوع الــــــــــــــــــوحدة
زهرة البنفسجي
01-04-2008, 05:00 AM
تسلمي أميرة على الجزء الحلو مثلك
بانتظار الجديد
الحال2007مه
01-04-2008, 03:35 PM
اهلين اموره:rolleyes:
اولا اعذريني اني من زمان مارديت على القصه بس انتي ادرى بالظروف:wink:
ثانيا القصه رووووووووووووووووووووووووووووعه وتزداد حلاوه
ثالثا يااعضاء المنتدى شوي شوي على اميره ترى الدراسه تاخذ وقت الواحد كلها واحين احنا على ابواب اختبارات<<<<<<لاتحقدو علي بس هادا الواقع:sad2:
مولله لاني اني بعد علي اختبارات ومابغى تنزل جزء الابعد الأختبارات:toung:
على العموم تسلم ايديش وعادي اني اعطيش اجازه من الكتابه واتفرغي للمداكره<<<<قولي لروحش اول
الله يستر من الأعضاء اللي يتابعوا القصه :wacko:انشاء بس مايعرفوا بيتي ويغتالوني:cool:
دمعة الاحزان
01-04-2008, 06:53 PM
يالله اميروة ويش سويتي بالقصه واحداثها
انا قرت الحين بس الجزء ورجعتهم وهم بالطريق وماتحملت
ومابقدر اقرء الباقي لاني مابقدر
لاني لو قريتهم بصيح وانا مابي وكفايه اللي انا فيه فسوري
اذا تعدلت اوضاعي بتشوفي وجهي<<الله يعين ع امول والليل الاليل
ويش يسكتهم بس ربك كريم
سي يوو
أميرة الشوق
01-05-2008, 01:19 AM
على العموم تسلم ايديش وعادي اني اعطيش اجازه من الكتابه واتفرغي للمداكره<<<<قولي لروحش اول
الله يستر من الأعضاء اللي يتابعوا القصه :wacko:انشاء بس مايعرفوا بيتي ويغتالوني:cool:
صح لسانك خيه لازم نتفرغ للمذاكرة
وماعليكِ منهم أميرة ذاكري زين ولاتشغلي نفسك غناتي كثير بالقصه
سي يو
Princess
01-05-2008, 06:12 AM
تسلمو والله
يعطيكم العافيه
تالي برد عليكم مستعجله الحين :embarrest::toung:
تفضلو الجديد
Princess
01-05-2008, 06:14 AM
رؤى ..و الدموع طاغية في عينها..
ــ لايي .. بكل صلاحه كان في نظلي انسان محتلم واخلاق بس اسف بعد لوحته المغلب واللي صال طاح من عيني..
حيدر ساكت مو عارف ويش يقول .. و لاهو عارف يدافع عن فارس لأنه هو بعد مصدوم ,, ولا هو عارف يكلم رؤى ويقول ليها عن فارس ويش هي بالنسبه له..
رؤى:
ــ لويش تسألني عنه؟؟
حيدر : ــ ااا.. كلمته لأني .. بس كذا .. مادري ..
رؤى : ــ وكلمته؟! ويش اسوي فيه اني ..!؟؟
حيدر يحس مو حلوه يقول ليها ترى فارس يحبش .. وهو مجرد كلام سمعه بس حس بصدقه ..
موقف فارس اللي صار و كان السبب في فراق رائد عنه يروح ويجي على بال حيدر ومانعنه من الكلام..
حيدر : ـــ بكلم فارس بسأله عن الموقف وعن اللي سمعنا صوتها واللي فيها فيها..
رؤى بنبرة تجاهل: ــ مايهم,, وويش يضمنك انه ما ينكل السالفه و يدبل له أي عذل يقنعنا فيه .. تتوقعه بيعتلف على لوحه .. ماتوقع ..
اصلا لو عنده اخلاق ما كذب علينا.. في باله يعلس لو يحب .. يقول ليش يحط العذل الوحيد ابوه.. ثاني شي هو مسؤوول عن تصلفاته...
وسكتت وصوت انفاسها يبين انها تصيح..
حيدر : ــ غناتي رؤى ويش فيش ؟؟
رؤى : ــ ليش تسألني عنه,, طاح من عيني هالإنسان., وخلاص كم يوم وبحدد مصيلي واحتمال كبيل اوافق على ولد عمي ويش دخلني في فالس ..
حيدر : ــ زين هدي .. وليش ظن السوء يمكن اللي سمعناها اخته من ابوه,,
رؤى : ــ اخته.. لو مهي اخته.. ماا يهمني .. << قالتها من ورى قلبها تبغى تنهي الموضوع..
حيدر مو عارف ويش يرد .. ويش يقول .. بصوت هادي وبنبرة اسف :
ــ خلاص .. براحتش ..
رؤى : ــ زين .. تسلم يالغالي .. بس اتمنى ما تحط لوحك في موقف محلج مع فالس ..
حيدر : ــ ان شالله .. يللا تصبحي على خير
رؤى : ــ وانت من اهله..
سكرت الجوال .. وبلا شعور دموعها صارت تصب .. عينها ما ترمش بس دموعها تتناثر .. خذت نفس عميق ..
ــ اااااه يالله ساعدني..
من الصباح .. طلع لمكتب الترحيل .. راح معاه رشيد وخلصو اجرائات ترحيله .. وحددو له بعد 3 ايام خلاص بيرجعوه بلده .. طبعا خلالهم تحقيقات وسين وجيم وحاله..
فارس حاسس بتعب نفسي مو طبيعي مرو عليه ثلاثة الأيام بثقل رهيب ,,
بنفس اليوم اللي ركب فيه الطائره.. وطلعت به من الحدود المغربيه ,,
طلعت رؤى من غرفتها.. وطقت باب غرفة اخوها ودخلت ,,
كان معاه حيدر يحوسو في موقع جامعة البترول .. ما باقي شي على الدراسه فيشوفو ويش الدنيا ..
دار رائد عليها : ــ هلا..
رؤى بصوت خافت : ــ خلاص ,, وافقت .. قول لأمي وابوي
حيدر فتح عيونه.. وصار يسمع كلام فارس ..
ــ انا احبها.. احبها.. اسمح لي عالجرأه بس احبها وابغاها.. ما تفارق خيالي ولا دقيقه ولا ثانيه .. بس بس خلاص راحت
رائد اكتفى بإبتسامه بارده ..
ــ ايه.. زين .. الله يتمم على خير .. شوي وبروح ابلغهم ..
طلعت رؤى عنهم..
حيدر بأسف وهو يطالع في رائد : ــ من صجك انت .؟! الحيين اللي صاير مقتنع فيه ؟!!
رائد ساكت ويحوس في الكمبيوتر ..
حيدر بعصبيه : ــ قسم بالله ما توقعتك كذا .. افاا بس عليك.. قاااسي بالمررره.. الحيـــــــــــن من حبك الزاااايد لحمزوووه,, وين كلامك عنه وعن غثاثته .. احنا الشباب وما نقدر عليه .. شلوون ترضااه لأختك الوحيده.. رؤى حساسه .. وبدل لا تنورها وتعلمها بعيوب ولد عمك ساكت وكنك تزينه ليها.. ليييش؟؟؟!! كل هذاا انتقام من فااارس ؟؟!!
رائد يطقطق على الكي بورد و يسوي روحه مطنش وما يسمع كلام حيدر .. وبنبرة مره طنااش :
ــ ويش دخل موضوع رؤى ويا حمزة في فارس ..
حيدر : ــ كلمت فارس وصارحني ..
رائد : ــ هه ... صارحك بويه .؟! بفعلته ,, لو شلخ لك كم شلخه وصدقته..
حيدر : ــ حراام عليك .. سالفته اصلا ما سألت عنها ولا ادري بها ..
رائد : ــ اجل صارحك بويه .؟.!
حيدر مرتبك .. : ــ ااا.. صراحه قال .. ااا.. صراحه لما درى ان رؤى انخطبت ,, زعل و ...
رائد يقاطعه : ــ ويششش دخله .. وزعل لو انطق .. صحيح ما عندك سالفه انت بعد << كلام لسان بس بداخل القلب الم وحسره..
حيدر عصب :
ــ ويش فيـــــــك انت .؟! قالب ابليس مخك عدل ..!! والله ما عندك قلب .. تدري لو لا .؟؟!.حشااا,, هذا وانت وياه عشرة عمر وكذا قلبت عليه ..
رائد : ــ اوهوووووووو .. لا تهدر على راااسي وبلا هالمثالياااات خلصني ويش قال لك .؟؟
حيدر : ــ يعني هامنك ويش قال لي ؟؟!
رائد كفخ الكي بورد بكفه كفخه قويه : ــ وبعديــــــــــــــــــــن...
حيدر : ــ هيـــــــــــــــــــــــــه.. اعصاابك انت.. شيه منت صاااحي .. ما صارت دي .. المهم .. فارس طلع يحب اختك صراحه.. وورث من ابوه خير ما شالله.. وبيرجع البلد بيرجعوه مكتب ترحيل ..
رائد يقاطعه :
ــ بس بس .. ويش دراك به انه يحبها..؟؟
حيدر : ــ قبل 3 ايام كلمته وقال لي ..
رائد بسخريه : ــ حلو حلو .. عيني عينك.. الله الله.. والله وطلعت يا فارسوه مو هين .. يعني فوق اللي عرفناه عنه بعد يتجرأ ويتكلم كذا,, وانت ليش تقول لي الحين .. مسخرره عادي عندك هالكلام ,, ويش يعني تبغوني اسوي ... اروح لحمزه واقول له ما نبغاك والله سيد فارس طلع يحب اختي..!؟؟ ههاااي عجبتني ,, صدق قلة حياا..
حيدر عصب : ــ رااائدووه ولعنه.. صحيح خلاص صرت معدوم ضمير واحساس ..ويش فيـــــــــــــــك؟؟ طول عمره فارس عايش وياكم .. بينكم .. طلعت منه حركه مهي عدله ناحية اختك..؟؟؟ طلع منه تصرف شين ومو اخلاقي ..؟؟؟
قال شي .. طالع وتعدى الحدود بنظراااته؟؟ والله ثم والله انه كان قمه في الأخلاق والإحترام ,, انا انصدمت يوم دريت منه انه يحبها ,, ماكااان يبين شي والله انسان محترم بمعنى الكلمه وانا صرااحه مو مصدق اللي صار واللي سمعناه واللي الفتوه عليه وانتون ما تدروا به .. ليش ما تكون اللي سمعنا صوته اخته من ابووه هااا ليششش ...؟؟؟؟
رائد عصب هو الثاني : ـــ هيــــــــــــــــه..اشوفك صرت علي مع الغريييب .. اذا قلنا الصوت اخته,, الصوره والخبر اللي في الجرااايد ويشوووو ,, ويش تسميه..؟؟
حيدر : ــ افااا صار الحين غريب .. مادري ويش اقول .. عجزت اتفاهم وياك ..
شوي وعلق الكمبيوتر ,, ويضرب رائد الشاشه بكفه..
حيدر : ــ المجانين في نعيم..
رائد : ــ لا تتعيلف هاااا.. وفكننننني..
شوي الا جوال حيدر يرن طلعه من جيبه .. وابستم ..
ــ واااو يالله الطيب عند ذكرره فااارس ,,
رائد التفت بسرعه لحيدر ,, وضرب الكي بورد طيرها من مكانها وقام وطلع من الغرفه,,
حيدر : ــ هيييييييييه غبااااااااااء,,,
ورد على فارس :
ــ هلااا .. هلا فارس ..
فارس :
ــ حيدر .. حيدر .. وصلللت البلد .. ابغى احد يجي يكفلني حق اطلع .. في مكتب الجوازات انا وبحولوني القسم للتحقيق..
حيدر وشوي يطير من الفرحه:
ــ هِيااااااااااااا ..ياهوووو .. هههههه بنجيك انا وفااضل الحييييين..
فارس : ــ هههههه فديتك وحشتوووني ..
حيدر : ــ يللا باي باي جاييينك مسافة الطريق ..
طلع حيدر من الغرفه ركض .. ووقف في الصاله اللي فوق وطل من الدرج .. كان رائد ويا امه يقول ليها عن رؤى انها وافقت على حمزه,,
رؤى كانت بتطلع من غرفتها .. ولا تسمع الا صرخه حيدر برى .. وبفرح
ــ فــــــــــااااااااااااااارس ررررررررجع..
زهرا :
ــ اللهم صل على محـــــــــــــــمــــــــد وال محمد..
رؤى تسندت على الباب وحطت ايدها على قلبها وبحزن ممزوج بفرح وتطغى عليه الدمعات,,
ــ الحمدلله...
رائد .. اللي مشاعر غريبه اختلجت في روحه .. حاس بفرحه بس بنفس الوقت بقهر ووجهه كسته ملامح التطنيش..
حيدر نزل بسرعه وقف عند زهرا ورائد وهو ينافخ:
ــ برووح.. برووح انا وفاضل .. وينهو خيه.. ابغاه يروح وياي يكفله ..
زهرا : ــ مادري طلع . تلاقيه قريب هنا .. دق عليه وشوفه..
حيدر بفرح : ــ زين يللا بااااي..
زهرا : ــ في امان الكريم .,, انتبهو لروحكم,,
وطلع حيدر ..
رائد حاس بغصه ,, يشوف حيدر وشلون فرحان ومتحمس وهو يخفي فرحته ويظهر قهره وغضبه.. وبدون شعور رنت في اذونه جملة عبدالله :
ــ فارس .. لا تخليه يارائد .. دايم خلك وياه..
غمض عيونه واخذ نفس وفي باله :
ــ اعذرني يالغالي .. رحمة الله عليك.. بس اسف طلع على حقيقته ما يستاهل اظل وياه ..
زهرا قطعت عليه سرحانه وصمته :
ــ امي رائد .. بعدك حامل على فارس في قلبك..؟؟ كل انسان له غلطاته .. الله يهديه ويغير حاله يارب .,, ما تقدر انت تحاسبه .. الله فوقه .. حسيبه وكفيله .. ما عليك الا العتب عليه والدعاء له .. امي لا تصير قاسي قلب هاللون .. وتقطعه مره وحده..
رائد ساكت بس ملامح وجهه كفيله بشرح مقدار الأسى والحزن والقهر اللي في داخله ,, قام عن امه ودخل غرفته,,
قعد على الكرسي مقابل التسريحه وطاحت عينه على صورتهم هو وفارس ويا عبدالله .. من بعد ما انكسر بروازها .. لصقها على المرايا .. ..
قام وشالها وحطها بالدرج .. وانسدح على سريره يقلب الفكر...
حيدر وفاضل راحو قسم الشرطه.. طلعوه بكفاله.. وكان داخل مع الضابط يجرو التحقيق ..,, دخل عليه وظلو حيدر وفاضل برى ..
الضابط : ــ قلت لي جوازك ضاع في المغرب ..
فارس : ــ ايه..
ــ وشلون ضاع..؟؟
ــ مادري ..!!
ــ اعتررف احسن لك .. ترى هالحالات مرت علينا وكثيره..
ــ اعتترف بويش ؟؟
ــ بكم بعته وعلى مين ؟؟
فارس مندهش :
ــ ويشووو؟؟
ــ لا تستعبط علي .. وش اللي يضمني انك ما بعته ..
ــ ليش الجواز يبيعوه..!!
ــ انت تسوي نفسك ما تدري .. ترى الجواز السعودي غالي يوصل سعره لـ 20 الف .. اعترف احسن لك..
ــ والله ما بعته .. وليش ابيعه.. ودام السالفه 20 الف .. خذ يا اخي 20 هالألف وجيب لي جواز ..
الضابط فتح عيونه وضرب الطاوله :
ــ نعــــــــــــــم يااا عسكررري ..
جى العسكري ..
الضابط : ــ خذه عالحجز
فارس فتح عيونه:
ــ ليييييش ...؟؟!!
ليش انت تمشي وانت ساكت..
فتح العسكري الباب وهو ماسك فارس ..
شافوه فاضل وحيدر ..
فاضل : ــ ويش صاااير ؟؟!!
فارس : ــ ماادري شوفو هالضااابط ويش سالفته ؟؟
دخل فاضل على الضابط سلم وسأل:
ــ ويش اللي صاير .. ووين بياخذوه..
الضابط : ــ على الحجز..
فاضل انصرع : ـــ ليش ويش مسوي..
الضابط : ــ رشوة موظف ....
فاضل فتح عيونه..
ــ رشوووة ..!!
والى اللقاء :cool:
Ro7 AlM7bA
01-05-2008, 10:35 AM
ياررربي بوقت الحماس
على قلبي فالس بجيبها منين ولامنين
اميره مشكووره خيه على الجزء بس قصير مررره
الله يوفقش خيه في امتحاناتش
لاتطولي علينا كثير ننتظر جزء دسم بالمررررهـ
تـ ح ـيآآتـ ي
سفيرة الاحلام
01-05-2008, 01:48 PM
واااااااااو
جزء روعه
حرام عليك كل نصيح
الله يعطيك العافيه
أميرة الشوق
01-05-2008, 02:04 PM
مسكين هالفارس
من مصيبه إلى مصيبه:sad2:
Princess
01-05-2008, 03:45 PM
هلا بالغوالي .. :embarrest:
تسلمو والله يعطيكم العافيه
هههههه الحالمه غناتي .. تسلمي والله .. ضحكتيني .:toung: . يعيطش العافيه والله يوفقش ويوفق باقي الشله ياارب.. :in_love:
منورين ..
وتسلمي اميرة الشوق موفقه يارب :embarrest:
والله يووفق كل اللي عندهم اختبارات ,:nosweat:, دموع الوحده اللي ذكرت هالشي يوفقها ربي ويوفق الجميع..:ongue:
دمعة الأحزان. غناتي... سلامتش يالغلا .. والله يبعد عنش كل حزن.. ويفرح قلبش ان شالله
طبعا لهالجزء اللي كتبته بقيه .. اكتبها حاليا... وعلى الله التساهيل :unsure:
اسألكم الدعاء
دمتم بحفظ الرحمن :bleh:
اسير الهوى
01-05-2008, 06:57 PM
الااحداث تزداد تشويق
لي عودة
أسيرة الأحلام
01-05-2008, 09:11 PM
يلا أمووور
إحنا بإنتظار التكملهـ
تحياتيـ
الأمل البعيد
01-05-2008, 11:02 PM
جززززززززززززززززء يجنن مره حلو :bigsmile:
عاد اميره انتي كل مرة توقفي وتقولي والى اللقاء :cool:
تجيني حاله عصبيه وانتظر الجزء بفارغ الصبر يلا مو تتأخري ويصير لي انهيار عصبي هع هع :weird:
(متابعه خلف الكواليس ههه:embarrest:)
يسلمووووو على الجزء الي يهبل وموفقه في الإختبارت ان شاء الله
تحياتي
الأمل البعيد
Ro7 AlM7bA
01-06-2008, 12:08 AM
يالله خيوووه مو تتأخرين علينا كثير
نحنو بالأنتظار
وموفقه بأمتحاناتكـ ِ
تـ ح ـيآآتـ ي
زهرة البنفسجي
01-06-2008, 03:46 AM
مسكين فارس كل ماطلع من مصيبة يدخل في مصيبه
ننتظر الجزء الجديد أميرة والله يوفقك إنشاء الله ويوفق الجميع
الجعفرية
01-06-2008, 06:52 PM
كاسر خاطري فارس حرام مايستاهل كل إلا قاعد يصير له
من مشكلة إلى أخرى .....لاتعذبيه اكثر خليه يعيش لحظات سعيدة مع روئ
مشكوووووووووورة الله يعطيكِ الف عافية
في إنتظار باقي الاجزاء
مع تحيات أختكِ الجعفرية
بالتوفيق والنجاح
ارجوان
01-06-2008, 11:32 PM
هلا اميرة الله يوفقش في اختبارااتش ووفقنا معاش ومشكورة على هالجزء الروعة و الحزين،والله مسكين فارس من مصيبة الى مصيبة الله يصبر قلبه
الدموع:sad2::sad2::sad2::sad2::sad2::sad2::sad2: تنتظر الجديد خيتو وموفقة مرة ثانية
Ro7 AlM7bA
01-07-2008, 02:48 AM
وينج خيهـ تأخرتي علينا
لاتطولي كثيييير الله يوفقش ويوفق الجميع
تـ ح ـيآآتـ ي
Princess
01-07-2008, 06:59 AM
مرحبا
والله يوفقكم جميعا يارب
ومشكورين منورين وياهلا
خيتو الجعفريه منوره حبابه يسعدني ويشرفني اول مشاركاتش عندي
تفضلو الجديد وعذرا على الـتأخير..
Princess
01-07-2008, 07:01 AM
فاضل فتح عيونه..
ــ رشوووة ..!!
الضابط : ــ ايه نعم..
فاضل : ــ ليش كم عطاك..؟؟
الضابط : ــ ولا شي .. بس قال .. خذ 20 الف وعطيني جواز.. يعني محاولة .. عرض ..
فاضل سكت .. وطلع وهو يقول ..
ــ لاحول ولا قوة الا بالله..
حيدر راح لفارس ..
فارس ومره شاحب :
ــ حيدر تكفى طلعوني .. ما بغيت ارجع.. والحين يحجزوني هنا والله مو قصدي ويش فيه هذا .. افف تكفى حيدر دبرووني ما عندي غيركم..
حيدر :
ــ هدي وصل على محمد.. وبنشوف حل .. هدي بس ..
فارس : ــ اللهم صل على محمد وال محمد.. حيدر .. خذ هذي شنطتي واغراضي .. فيهم اوراق الأصل المهمه حقات ورث ابوي والإجرائات.. لا يضيعوو زين.. ووياهم جوالي ..
حيدر اخذ الشنطه .. ــ ان شالله في عيوني امانه..
ــ يسلم عيونك ..
حيدر :
ــ يللا مع السلامه وانتبه لروحك ما بطول ان شالله بنشوف حل ونطلعك.. الله الله بنفسك..
فارس : ــ الله يسلمك.. اااه.. عساه خير...
مشى حيدر عن فارس .. ولا يسمع الا فارس يناديه قبل لا يدخلوه الحجز..
ــ حيدر ..
التفت حيدر : ــ هلا .. امرني..
فارس : ــ الله لا يحرمني منك يارب ويخليك ..
حيدر ابتسم ورجع لفارس وحضنه..
ــ شد حيلك ياخوك.. الله معاك..
فارس اختلجت بعينه دمعه : ــ الله كريم..
طلع حيدر من عند فارس .. وكله اسف على حالته وقهر على رائد اللي ابدا ولا معبر ..
وركب السياره مع فاضل و طلع جواله بيدق على سلمان ..
كان سلمان قاعد على النت .. يشارك في المنتدى .. ومتابع لكتبات سمر .. يرد على بعضها .. وبعضها يتابعها خلف الكواليس ..
شوي الا الشاشه تهز,,, ورن جواله ..
ــ هلا حيدوور هلا وغلا ..
حيدر : ــ هلاا فيك .. اخبارك..
سلمان : ــ الحمدلله بخير وانت..
حيدر : ــ بخير وكل الخير .. اخرر خبرر رجع فاارس..
سلمان بنبرة فرح : ــ والله .. الف الحمدلله على سلامته
حيدر : ــ الله يسلمك .. بس ...
سلمان : ــ بس ويش ..؟؟!
حيدر علم سلمان بالسالفه..
سلمان : ــ انا لله وانا اليه رااجعون.. الله يكون بعونه ويساعده ياما قاسى وعانى هالفارس ..
ــ ايييه ربك كريم .. المهم حبيت اعطيك خبر عنه
سلمان: ــ فيك الخير والله.. ويش بتسوو الحين ..؟؟ ولمتى بيظل بالحجز..؟!
حيدر : ــ ما بيطول ان شالله بندبرها له ...
فاضل يكلم حيدر :
ــ بنشوف له رضا جارنا .. له سمعته في البلد ومعروف .. يقدر يدبره ويطلعه ان شالله
سلمان سمع كلام فاضل :
ــ رضا .. تمام والله .. ان شالله خير
حيدر : ــ ان شالله
سلمان : ــ متى بتروح لفارس ..بروح وياك؟؟
حيدر : ــ بكره ان شالله .. بعد ما نكلم رضا . خلاص امر عليك ..
ــ على خير ..
وصل حيدر بيتهم.. نزل واتفق ويا فاضل يوم ثاني يروح لرضا ويكلمه وهو ويا سلمان بيتلاقو وياهم في القسم..
دخل حيدر البيت.. شاف امه وابوه قاعدين بالصاله وعلمهم بالموضوع..
ام حيدر : ــ رجع .. اخيرا.. الله يكون بعونه .. هاللي يصير فيه عقاب من الله على اللي سواه
حيدر : ــ اماااه .. مالينا علم باللي سوواااه
ابو كرار : ــ ايهييي يا مره .. ما عليش منه .. خليه بحاله..
ام حيدر : ــ وويش قلت اني .. ؟؟!!
حيدر ساكت بيركب غرفته.. امه انتبهت للشنطه :
ــ حيدر .. شنطة ويه اللي عندك..؟؟!
حيدر : ــ هلاا.. شنطة فارس ..
ام حيدر : ــ ويش حاط فيها..
حيدر : ــ اغراضه..
ام حيدر : ــ متأكد.!!.
حيدر : ــ ايه ليش ويش بيكون فيها يعني .؟!!
ام حيدر بنبرة شاك : ــ ايه.. ما يندرى..
ابو كرار عصب عليها :
ــ وتاليتها يااامره.. حيدر روح ياولدي .. تيسر..
حيدر :
ــ ان شالله يبه..
ابو كرار يعتب على ام حيدر :
ــ ويش فيش انتين .. ويش عليش ويش فيها الشنطه .. قنابل لو متفجرات يعني خوب مهو ارهابي هو ..
ام حيدر :
ــ يووو يابو كرار ويش قلت الحين اني ..
ابو كرار :
ــ لا سلامتش ..شيه تقولي شي
ركب حيدر فوق .. حط الشنطه على جنب .. وانسدح على منامه.. وغفت عيونه..
حمزه اسعد انسان في العالم.. مو مصدق عمره..
ــ واخيرااا بتصيري لي يا حياتي .. من متى وانا انتظر هاللحظه ,, بعد يومين خلاص بنروح المستشفى نحلل
رؤى بالطرف الثاني :
ــ لجع فالس .. وياليته مالجع.. متى احلل و تطلع نتيجة هالتحليل ...
كان الحجز فاضي مافيه الا واحد وطلع قبله.. فارس وحيد ما يرافقه الا ظله بالجدار ,, ينتظر يوم ثاني يحولوه تحقيق وما يندرى كم بيسجنوه.. قضايا الرشوه تاخذ شهر حبس .. وكله امل يجي احد ويطلعه.. سند راسه على ورى ..
وسرح والخيالات تجي قدام عيونه و ينعاد شريط الذكريات من اول وجديد ..
امه ام حسين وحنيتها.. طيف عبدالله المرحوم.. مواقفه هو ورائد .. شهامة حيدر وياه.. رؤى .. واااه من رؤى .. توقف به التفكير عندها.. وتوقف نبض القلب .. والمشاعر انشلت .. والدمعه تحجرت.. خلاص .. راحت .. ودموعه عليها ما تفيد ولا بترجعها ..
ــ ااااه احبش ,, اكثر ظلم دنياي يوم اللي انخطفتي مني .. كنتي املي و سر سعادتي .. حبيت الحياه على شانش .. في كل لحظه كنت اتمناش معاي ..اسف ,, ضعتي وخاب رجاي .. اااه ياربي ..
التفت عن يمينه لقى على الجدار جمله مكتوبه ..
:: تركد وافهم الدنيا تراها ايام محسوسه.. ولا تجزع ترى الخالق قوي ونافذ باسه..
ابتسم ابتسامه بارده :
ــ ايه .. الله يعوض عليك يا فارس ..
فاضل اتصل على رضا.. وراح له وحكى له القصه.. رضا ما يتأخر عن فعل الخير .. فإتفقو خلاص اليوم الثاني يروح القسم ويشوفو ويش السالفه..
وان شالله خير..
ويوم ثاني راحو القسم فاضل ورضا.. والتقو هناك بسلمان وحيدر..
رضا :
ــ هلا .. هلا وغلا بولدي سلمان.. اخبارك؟؟..
سلمان : ــ هلا فيك عمي بخير الله يسلمك.. اخباركم انتون.؟؟.
ــ الحمدلله.. والله تلاقينا وليكم وحشه.. بس ياليت لو كانت الظروف احسن
ــ الجايات اكثر عمي .. تسلم والله..
تابع>>
Princess
01-07-2008, 07:02 AM
رضاا هالسلمان داخل مزاجه .. وحاسب حساب الا يكلمه في موضوع الشغل .. بس قال خلنا نخلص سالفة فارس اول وان شالله خير ..
سلمان وحيدر راحو لفارس ..
فارس من شاف سلمان اقبل عليه حس بغصه قويه وحرارة قهر تسري في جسمه..
ــ الله يالدنيا الغريب اللي ماخذت شهر من عرفته.. وهو حنين علي و قريب ... والقريب اللي معاه عشرة عمر ابعد بعيد..
تحاضنو وصارو يسولفو وياه ويخفوو عليه..
دخل رضا على الضابط.. سلم ., سولف شوي زين.. الضابط يعرفه..
رضا : ــ الحين ويش قضية الولد..؟؟
الضابط : ــ والله ياخوي محاولة رشوة
ــ اهااا محاوله .. يعني لاهو راشي ولا انت مرتشي
الضابط سكت ..
رضا : ــ ايه ياخوي .. ما رديت علي .. عطاكم لو ريال واحد ..
الضابط : ــ لا .. بس تلفظ بكلام معناته رشوه..
ــ ويش قال ..؟؟
ــ قال هذي 20 الألف وجيب لي جواز ..
ــ طيب انتون مو مكتب الجوازات.. الحين عطاكم 20 الألف ؟!
قول طايش هذا.. بتحطو بالكم وباله.. قول مو فعل لو طلع ليكم ريال ساعتها اقول ليكم سوو في اللي تسووه ويستاهل ..
الضابط بإبتسامه: ــ ياخي لا تحرجني معاكم ,, كلامه يتحاسب عليه
رضا وهو يمسح لحيته : ــ ياخي سامحه ما يقصد وعديها له هالمره .. الولد جاي تعبان ومصدوم جوازه مسروق وما بغى يرجع بلده ينصدم فيها زود..
الضابط سكت شوي ..
ــ طيب انا افدى هاللحيه وعلى هالخشم << حط صبعه على خشمه..
بس اسمح لي ياخي ما بطلعه الا بعد يومين .. خله يتأدب وما يعيدها..
ــ ليش قضية الرشوه كم تاخذ ..؟؟
ــ شهر الله يسلمك..
ــ اجل خلاص اذا على يومين .. نجي بعد يومين وعساه خير ..
ــ خير ان شالله...
طلع رضا .. وبشرهم بعد يومين بيطلع فارس بإذن الله..
وطلعتهم من الحجز رضا ساسر فاضل ياخذ حيدر وياه وهو بيوصل سلمان ..
فاضل : ــ حيدر بروح وياك وصلني انا جيت ويا رضا.. ويبغى سلمان هو في موضوع..
سلمان مستغرب : ــ انا,,؟!
رضا : ــ ايه ياولدي .. تفضل اوصلك واعلمك السالفه..
سلمان بعفويه طالع في حيدر.. وحيدر بعفويه اعظم منه رفع كتوفه .. مادري !!؟
رضا : ــ هههههههه امش ياولدي وبتعرف كل شي .. تفضل حياك..
ركب سلمان ويا رضا . وكان باين عليه الفضول والإستغراب .. والإرتباك..
وحركو..
رضا : ــ ايه ياولدي .. اخبارك واخبار الأهل..
سلمان : ــ الحمدلله بخير .. الله يسلمك..
رضا: ــ مممم.. اخبار شغلك..؟؟
سلمان: ــ الحمدلله .. اجازه المدارس الحين.. ولو انا في البحرين اشتغلت مشاوير خاصه.. بس سافرنا وعطلنا..
رضا : ــ الباص اللي تشتغل عليه الك ؟!
ــ ايه ..
ــ دافع حقه كامل لو اقساط..؟؟
ــ لا الصراحه للحين اقسط فيه..
ــ باقي على قسطه واايد ؟!
ــ لااا ربع المبلغ تقريبا..
ــ اهااا..
سلمان مو داري لويش هالأسئله كلها..
رضا : ــ ياولدي السالفه ومافيها عندي فرع لمؤسستي بالبحرين .. وابغى احد يدير اعمالي فيها.. شفتك كفو .. وصراحه ارتحت لك.. وحابب تكون عيوني اللي في البحرين تراعي حلالي ولك نصيبك واتعابك.. والباص اقترح عليك ادفع باقي قسطه زين وتبيعه وتاخذ لك سياره بداله
سلمان وهو مندهش ومتفاجأ وبنفس الوقت مستانس : ــ تسلم والله ياعمي .. بس اللي بقايا القسط اللي بتدفعه بيرجع لك ان شالله
رضا بإبتسامه : ــ ان شالله يا ولدي ..ههههه خلاص ولا يهمك اعتبره مخصوم من راتبك..
سلمان : ــ على خير ..
وصار رضا يسولف ويا سلمان.. في الشغل والدنيا وخذهم الوقت لين وصل سلمان بيت امه .. ونزل وتواعدو على اللقاء بعد ما كل واحد خذ رقم الثاني..
سلمان دخل البيت وهو فرحان..
ــ امااااه.. امايي امااه اماااااه
حوريه طلعت له :
ــ بسم الله ويش صاااير ..؟؟
سلمان وهو يصفق :
ــ طلعت ليي شغله محترمه وراتبها قووي
ام سلمان طلعت من المطبخ وهي مختلعه :
ــ ويناا .؟؟. لا تقول هنا يااولدي..!!
ــ لااا هنا.. شيه شباب البلد قادرين يحصلو شغل حق احصل انا هنا.. في البحرين..
ام سلمان : ــ يوو في البحرين شلون و ويش دراك..؟
سلمان علم امه بالموضوع..
ام سلمان :
ــ اللهم صل على محمـــــــــد وال محمد .. مبروك يا غناتي تستاهل كل خير.. وعسااها فاتحه رزق عليك ياالله وعقبال ما افرح فيك معرس
سلمان :ــ الله يبارك فيش يالغاليه .. تسلمي فديتش..
ام سلمان : ــ بروح ابشر يدتك.. بتسااانس..
وراحت..
حوريه :
ــ الف مبروك ياخوي..
وبهمسه فيها مكر وشقاوه:
ــ فرصتك الحين تصير اقرب واقرب
سلمان:
ــ اقرب ويش .. !!
حوريه تحرك حواجبها شوي شوي:
ــ اظن فهمت علي .. احم
وطالعت في يمينه وكانت مافيها دبله..
حوريه:
ــ احم احم..
سلمان فهم عليها ومسك اذونها ..
ــ وانتين ما بتوبي .. مخاويه بليس اشوف
حوريه :
ــ أي اااااي التوبه خلااااص
تركها سلمان..
حوريه وهي تدلك اذونها..
ــ اييي بالأخير بتصير اذون فيل من كثر ما تسحبها ليي
ــ حق تتأدبي
ــ اتأدب .. مو هذا الواقع...
ورفعت ايدها للسما..
ــ الهي ياحبيبي حقق اللي في بااالي ياااارب
سلمان بيهجم عليها
حوريه..
ــ يمااااه
وتهرب الغرفه وتسكر الباب
سلمان يضحك عليها وعلى خبالتها.. ويرفع يمينه يطالعها بدون دبلته..
ابتسم بحزن.. وتنهد :
ــ يارب..
وفي اليوم الثاني .. حيدر في غرفته يحووس.. لفتت نظره شنطة فارس,, شالها بيحطها في الكبت .. الا جوال فارس يرن..
ــ بسم الله الرحمن الرحيم..
طنش الموضوع.. شوي سكت ورجع يرن... مره مرتين ثلاث..
حيدر خاف .. مين هذا اكيد ضروري خلني اشوف..
طلع الجوال من الشنطه..
ولقى المتصل زينه..
حيدر مختلع..
ــ زييينه .. منهي دي .. لا يكوون اا..
سكت الجوال..
حيدر مرتبك.. مو عارف ويش يسوي..
شوي ورجع دق.. وبعد كانت زينه..
حيدر بإارتباك..
ــ اعذرني يا فارس .. بس تعبت من ظنوني وشكوكي .. برد عليها .. ابغى ارتاح واعرف منهي ...
حيدر :
ــ الو...
والى اللقاء .. :amuse: احتماال الليله مافي بكره علي اختبار ادعو لي
Ro7 AlM7bA
01-07-2008, 07:49 AM
الله يوفقش خيه وانتبهي للمذاكرهـ
بارت مفرح وحزين على فارس وروئ
اسعدني اكون أول من يرد عليكـ
تـ ح ـيآآتـ ي
ملاك الورد ..~
01-07-2008, 07:50 AM
هلووووووووو اميرة
صار لي من الخميس من بديت بالقصة
روعة روعة روعة
قالبتها ساعة ضحك وساعة مناحة
الي يشوفني اقراها يضحك علي
المهم خيوه عندي تعليق بسيط
ياريت تصححي لي او تصححيه في القصة اذا كان تنبيهي صحيح
في سالفة اغتصاب عبد الله ايامها مافي جوالات
وانتي ذكرتي ان الشاب الي شافه في الظلمة شغل شاشة الجوال عشان يشوفه
وبعدين خيوه ما قلتي لينا جواز فارس ويش صار فيه
هو ضاع والا انسرق وشلون ؟.؟؟؟
مشكورة خيتي
والله يحفظك ويرعاك من شر حاسد اذا حسد
ويخليج لاهلج ونفرح بج ان شاء الله
سفيرة الاحلام
01-07-2008, 01:12 PM
مشكوره اميره على الجزء
الله يوفقك وينجحك يارب
الله يعطيك العا فيه
عازفت الاوتار
01-07-2008, 01:31 PM
هلا و غلا بكل الغلا
مشكوووووووووور مشكوووووووور مشكووووووور مشكوووووووور مشكووووووووور
ـالـجـزء جــــنــــاااااا ـنـ رووووووووووووو ـــعــــــه
بس حرااااااام فارس يدخل في مصيبه ما يصدق ع الله انه يطلع منها واذا طلع منها دخل في غيرها
امووووووور ممكن طلب
ممكن تخلي راااااااائد ينطاااااااااق لانه صاير ما بنطاااااااق بدون فارس
و ع روى
ان شاء الله ما يكون فيها شي علشان تتزوج فاااارس
وان شاء الله يكون في حمزوووووووووه
انتظر الجديد
وعلى اختبارك ان شاء الله يوفقش و يوفقني معاااااش
تحياتي
جاااااااري الانتظاااااار
زهور الريف
01-07-2008, 01:39 PM
غاليتي
أميرة المرح مهما وصفت روعة
قلمكِ لن افيه حقة
فوفقكِ الباري ورعاكِ
إن شاء الله
سيناريو
01-07-2008, 04:33 PM
يسلمو حبيبتي أموووور
على الجزء الراااائع
الله يوفقك يااااارب
دمتي بصحه وعافية
دموع الوحدة
01-07-2008, 06:42 PM
مشكووووووورة أموووووورة
الجزء روووووووووعة يجننننننننن وحزين بعد
مسكين فارس يكسر الخاطر وهذه رؤى حرااااام توافق :sad2::sad2:
الله يفرجها عليك يافارس والله أنك مسكين <<< قلبت القصة جد :bigsmile: خخخخ
يالله عاد امووورة نبغى نفرح ونستانس صايرة هذه الأجزاء مرة حزينة
صحيح الله يوفقش في الاختبار <<< خلصت اليوم اختبارات هذا الاسبوع خخخخخخخ :toung::embarrest:
تحياتي
دموع الوحدة
ملاك الورد ..~
01-07-2008, 07:26 PM
صحيح نسيت اقول توقعاتي
رؤى ما راح تنخطب لحمزة
لانها وياها فقر دم منجلي وهو ولد عمها وفيه بعد نفس المرض فما راح يوافقوا
مو
قولي اي عفيه هههههههه
Princess
01-09-2008, 05:06 AM
هلا وغلا بالجميع وتسلمو عالمتابعه والتعاليق والتخامين الحلوه اللي تفرحني وتحسسني انكم متابعين عن جد .. بس ما بقول صح لو غلط ,:wink:,:toung:
خيتوو نواره منوره والله تسلمي اخجلتيني .. وبالنسبه لملاحظاتش .. صحيحه اني راحت عن بالي هالنقطه ويوم امي تقرى هالجزء بعد ما نزلته بالنت قالت لي فصححته بالأصل عندي ونسيت اصححه هنا << خووش مشرفه ..:embarrest:
بس صححته بالأصل قلت ولاعة .. استخدمها بدل الجوال .. وبالنسبه للجواز ضايع مو مسروق .. بس كمجاراه للواقع عادة بعض الكبار ينسو ويغيرو ويزيدو في السالفه .. وجلبا للأستعطاف خليت رضا يقول ان جواز فارس مسروق كان ينكسر خاطر الضابط على فارس .. خوفه يقول له ضايع ويرد عليه يستاهل مهمل ..
لكنه اساسا ضايع,,
اتمنى الصوره وضحت., وهي اساسا الأصل يبغى لي اعيد قرائتها وتصحيحها حق اذا طبعتها قريبا ان شالله ..:bigsmile:
منورين وياهلا
وتفضلو الجديد
Princess
01-09-2008, 05:06 AM
حيدر :
ــ الو...
زينه مستغربه من الصوت:
ــ مرحبا..
حيدر بإرتباك:
ــ ياهلا..
ــ مش هذا نمرة فارس محمد الـ....؟؟
ــ ايه صح
ــ مين معي .؟!
ــ صديقه..
ــ ليش فينه هوو؟؟
ــ مو موجود ..؟؟
ــ طيب متى يرجع ؟؟
ــ بيطول .. خير مين معاي ..
ــ طيب ياخي متقدرش تخبره تقل له المحاميه زينه اتصلت عليه بدهاش اياك في شغله كتير ضروريه..
حيدر فتح عيونه :
ــ المحاميه ؟!
ــ ايوا المحاميه .. عاوزته بشغله ضروريه ..
حيدر :
ــ اختي بغيتيه بويش انا بدله حاليا عنده هو شغله ضروريه ما بيجي بالوقت الحالي..
ــ طيب يا اخي انا راح اقل لك وانت بلغو او ساعدني اذا تقدر
ــ تفضلي..
ــ فارس قبل لا يسافر وكلني اخلص باقي اجرائات الورث .. وعطاني كل المعلومات .. ومن بينهم رقم حسابه للبنك .. انا الله يصلحني لما اخذته كتبتو في ورقه وما كتبت اسمه عليها .. وكثير اوراق عندي من هالشاكله.. بدي رقم حسابه ضروري منشان اخلص الإجرائات واحول له حقو..
حيدر مفهي ولا هو عارف ويش يسوي ..
ــ اا.. طيب.. اكلمك بعد شوي ونتفاهم
ــ تسلم يا اخي ضرووري تكلمني ..منشان لا يتأخر ..
ــ على خير..
انتهت المكالمه.. وبينت الحقائق.. نفس الصوت يذكره حيدر عدل.. نفس الإسم اللي لقوه بالصوره بالجوال .. يبغى يتأكد ..
ارتسمت ابتساامة فرح عريضه على وجهه.. قام يركض خذ مفاتيح سيارته., وشنطة فارس .. وراح لرائد..
رائد بالصاله يطالع تلفزيون.. الا بدخلة حيدر ..
ــ كح كح.. هلااا..
رائد بنبره بارده :
ــ هلا فيك..
حيدر يطالعه على جنب :
ــ ويش فيك كافخ وجهك..
رائد يقلب في القنوات..
ــ مافيني شي ..
حيدر :
ــ كل هذا ولا فيك شي ؟!!
رائد طفى التلفزيون وقابل حيدر :
ــ هاا .. آمر ويش صاير ؟؟
ــ بل عليك صاير خايس نفس ..
وابتسم حيدر ابتسامه عريضه..
ــ عندي خبر مهم .. وابغى اتأكد منه عدل وقدااام الكل ..
رائد :
ــ خبر ويش ..؟؟
حيدر :
ــ عن فارس ..
رائد بضيقه :
ــ افففف ما بنخلص ..
ــ هييييه ويش فيك انت.. الا وين رؤى واختي..
ــ رؤى فوق وامي في المطبخ ..
حيدر :
ــ زين قوم فوق في غرفتك..
ــ لويش..؟؟
ــ ابغاك في سالفه..
ــ ويش..
ــ اوهوو ويش فيك غثيث وكل تسأل ,, قوم وبتعرف
ــ اففف زين...
ركبو فوق ..
حيدر :
ــ نادي اختك رؤى.. وامك.. خلهم ويانا...
ــ وبعدين وياك.. لويش ؟؟
ــ رااائدووووووه..
ــ زيــــــــــــن لا تحمق وتنفخ علي..
فتح الباب :
ــ اماااه ,, رؤى .. تعالو بسررعه..
جت زهرا:
ــ خير ويش صاير ..
رؤى وراها ساكته ووجهها مرسوم عليه مليون استفهام...
حيدر :
ــ رائدوه.. ركب البلوتوث بالكمبيوتر واستقبل الصوره..
ــ أي صووره..؟؟
ــ انا لله...
ركب رائد القطعه واستقبل من جوال حيدر .. وفتحها لقاها الصوره حقت الخبر تبع فارس وزينه اللي انتشر بالجرايد,.,
رائد :
ــ اففففف فكرت عندك سالفه.. حق ويه يعني استقبلها..
ــ كبرها.. وخليك جهة الخط ...
ــ ليش ؟؟
ــ رااائدوه ولعنه..
كبر رائد الصوره ونزل جهة الخط.. وهو يمشي بالماوس لين وصل هالسطر
بينما نفت زينه كونها خطيبته.. واكد فارس النفي .. والعدل ينتظر ان يأخذ مجراه في هذه القضيه.. خصوصا ان المجني عليه سائح ..
حيدر :
ــ بس بس .. وقف ...
رائد وقف وهو مره مو رايق ولا هو فاهم شي ...
فتح حيدر الشنطه حقت فارس .. وصار يحوس .. شاف محفظته.. طلع منها بطاقة البنك.. وقال ليهم :
ــ الحين هدووء ابغاكم تسمعو هالمكالمه..
زهرا:
ــ مين ..؟؟ بتكلم مين ..؟؟
ــ المغرب ..
رائد بإستغراب :
ــ وحق ويه .. واكو هنا .. بتتصل على مين..؟؟ وويش هالأوراق وهالبطاقه..
حيدر منقهر من رائد :
ــ اسكت واسمع..
طلع جوال فارس ..
رائد : ــ هذا مو جوال فارس ؟؟
ــ زين تتذكره
ــ تستظرف ...
ــ لا فكرتك نسيته مو احسن منه هو .. يا عجبي تذكره وتنسى راعيه..
رائد عطى حيدر نظرة طناش مو طبيعيه..
واتصل حيدر على المغرب ..
رفعت زينه.. وحط حيدر سبيكر .
ــ الوو...
الكل فتح عيونه.. واكثر شي .. رائد .. تذكر الصوت نفسه اللي سمعوه يوم يخبرو فارس عن وفاة امه...
بيتكلم .. حيدر عطى رائد نظره نهره لا يتكلم واشر عليه يسكت ...
حيدر :
ــ هلا اختي زينه ..
رؤى مقهوره فيها حره جوال فارس ,, والخبر قدامها على شاشة الكمبيوتر ..
زينه :
ــ هلا اخي .. جبت الرقم..
ــ خيه ما فهمت عليش من شوي كنت صاحي من النوم اسمحي لي . ذكريني يا زينه ويش شغلتش بالضبط... عيدي لي طلبش وبالتفصييل ما عليش امر يعني << متعمد حق يسمعو..
ــ اوكي يا اخي, انا الـ ... زينه .. محاميه موكلني محمد الـ... والد فارس بتسليم ورثه لأبنه.. فارس رجع مثل منتو عارفين باسبورده ضاع ووكلني اخلص باقي الإجرائات ., وقريب اخلصها ان شاء الله.. بس رقم حسابو ضوعتو .. واريده الآن..
الكل فتح عيونه...
رائد دار على الجهاز ,, وشاف اسم زينه... بالخبر ..
حيدر يكمل :
ــ طيب يا اختي .. فارس ما عنده قرايب بالمغرب . يوكلهم..؟؟؟
ــ لا ابوه توفى وما خلفش .وكلني انا كمحااميه.
ــ طيب ما يعرف احد بالمغرب ؟؟هه اسمحي لي اختي على فضولي ..
ــ معليش .. ما بيعرفش الا انا محاميتو .. وخطيبي رشيد مؤخرا...
هي قالت كذا.. خلاص رائد دار راسه.. وسحب الكرسي وقعد.. رؤى كانت واقفه على باب الغرفه طلعت وتسندت على الجدار جنب برواز الباب من برى .. ومسكت قلبها وصارت تصيح..وفي بالها :
ــ ظلمنـــــــــــــــــــــاااااه...
زهرا سااكته.. وتطالع في ولدها...
حيدر عطى زينه الرقم..
زينه :
ــ اشكرك يا اخي .. يعطيك الصحه وعوافي عليك..
حيدر : ــ حاضرين أي شي اتصلي وان شالله البي ..
ــ خير ان شاء الله .. مع السلامه..
ــ الله يسلمش..
سكر الجوال .. هدووء في الغرفه...
حيدر بعتب :
ــ سمعت.. وشفت روحك قد ويش ظلمته.. تأكدت الحين من شكوكك لو بعد تبغى ادله زياده..
رائد ساكت بس ينافخ ببطىء يتنفس .. وعيونه شاارده وحمرا.. ومكشر حواجبه..
حيدر يطلع اوراق من الشنطه:
ــ هاا.. هذي ورقه لمحل اثاث مغربي .. لأبو فارس .. وزينه موقعه عليها انها استلمت توكيل من ابوه حق تسلمه لفارس ..
وهذي بعد ورقه لأرض زراعيه هناك.. وهذي ورقه لبيت .. وهذي ورقه لـ .. و .. و..
ما عاد يسمع راائد .. و تنفسه يزيد ..وبعينه طغت الدموع.... قام بسرعه وقلب الكرسي وطلع..
زهرا:
ــ راائد .. راائد امي .. وين بتروح..
رائد طلع .. ركب سيارته.. حيدر لحقه .. بس ماا صاده.. ومشى رائد...
في الحجز... ينتظر متى يجي بكره.. متى يطلع من هالمكان.. ويسرح في حالته..
ــ ولو طلعت.. ويش باسوي.. مال حياتي أي طعم برى هالمكان.. هنا سجن واذا طلعت سجن البال ضايق الله يفرجها ان شالله.. اااه ما يندرى حللو .. عقدو لو بعدهم..
ابتسم ابتسامه هاديه وسالت دمعه مسحها بسرعه:
ــ الله يوفقش يالغاليه ويهنيش...
رضا انهى مكالمه ويش سلمان.. تواعدو فيها على ان سلمان يجي ويشوف طبيعة شغله ويعرف ويش له وويش عليه.. وخلاص اسبوع وبيستلم الشغل..
وبالسياره.. بالهاي وي.. السرعه وصلت 180.. وايده ضاغطه على الدركسوون..
وصوت انذار الخطر مفزع الدنيا... والمواقف الأخيره من علاقته بفارس قدام عيونه تتسارع.. مقهور من نفسه.. مقهور من اللي صار.. مو طايق روحه.. ومستحقرنها..
وشوي
حححححح
الى اللقاء... لهذا الجزء بقيه ...
Ro7 AlM7bA
01-09-2008, 07:30 AM
ياعلي لاتقولي بيصيبه حادف وقوي بعد
تكفي عااد حرااام يارب بس شي خفيف كسور رض لاتقولي غيبوبه ..
ياربي وش بيصير بفارس لماا يسمع وروئ وامه واحبابه مااتوقع انه يمووت بس بتصيحيني اكييد بالجزء الجاي:sad2:
يسلم قلبش على هالبارت :embarrest:
بأنتظار التكمله
سي يو
ملاك الورد ..~
01-09-2008, 11:21 AM
مشكورة خيوه على الجزء الروعة
وزين عرفوا حقيقة فارس
بس ان شاء الله ما يصير في النحيس رائدوه شيء
عاد كفاية علينا صياح
ننتظر التكملة
سفيرة الاحلام
01-09-2008, 01:08 PM
مشكوره اميره على الجزء توني مستانسه على طول الصيح حرام كذا
الله يعطيك العافيه
يسلموا
روحي في ذكراك
01-09-2008, 01:16 PM
تسلمي اميرة على الجزء المشووق والحلو و ربي يعطيك العافية
زهور الريف
01-09-2008, 01:52 PM
هلا امووووووووووورة
تسلمين حبيبي على الجزء
الروووووووووووووووووووعة
بس ها مو يصير في رائد شيء
كأنك تصلحيح شيء وتخربي شيء
مو طولي ننتظركِ
و تسلم الايادي
عازفت الاوتار
01-09-2008, 03:54 PM
لالالالالالالالالالالالالالالالالالالالالالالالالا لالالالالالالا مستحيل
اميره خلاص رائد ينطااااااااق بس لالا تخليه يموت :sad2:
ان شاء الله ما يموت اذا مات من الي ياخد حوريه <<<<<هذا الي هامني
كلكم قولوا ياربي ما يموت
يــــــــــــــــــــــــــــاربــــــــ
جاري انتظار التكمله
تحياتي
أميرة الشوق
01-09-2008, 04:59 PM
مشكورة أميرة على الجزء
بردتي قلبي
سيناريو
01-09-2008, 05:02 PM
البراءه لازم في يوم تطلع أيييييييييه
يسلمو ياقلبي أموووور على الجزء الرهييييييييييب
لاعدمناك
وبانتظار تكملة الجزء
الله يعطيك العافية
موفقه
ارجوان
01-09-2008, 06:20 PM
هلا امووووووووووووور
ياكافي الشر يادفع البلاء لاعاد امور يكفينا حواادث وحرام صحيح رائدوا نحيس بس قلبه طيب ولاتموتيه مابيظل الى فارس احد على كذا
ياعلي والله حرام <<<<<<<<<<<<<:evil::mesb: وشكلش ناوية اتروحي الشرطة:help:(ابعيد الشر عنش غناتي:embarrest:)
الدموع تنتظر الجديد:closedeyes::closedeyes:
غــــلا
01-09-2008, 07:52 PM
مشكووورة ع الجزء
ولاتموتي راااائد نباه خليه حادث بسيط ومايتعور بس السيارة
وبانتظـار البقية
لاتتــأخري..
Princess
01-09-2008, 09:25 PM
مرحباااا
جيتكم من بدري هااا:wink:
مستعجله حق نخللص:toung:
منورين حبايبي وتسلموو على هالتواجد الهي لا يحرمني منكم
ويعطيكم الف صحه و عافيه
تفضلو الجديد تكملة الجزء السابق
Princess
01-09-2008, 09:26 PM
وبالسياره.. بالهاي وي.. السرعه وصلت 180.. وايدهضاغطه على الدركسوون.. وصوت انذارالخطر مفزع الدنيا... والمواقف الأخيره من علاقته بفارس قدام عيونه تتسارع.. مقهورمن نفسه.. مقهور من اللي صار.. مو طايق روحه.. ومستحقرنها.. وشوي حححح .. ضرب في عمود
تجمعو عليه الخلق وفتحو باب السياره لقوه بخير ما صابه شر ,, رضوض في الرقبه وشوية جروح ,, السياره من قدام انعدمت ..
تطمنو عليه ووحد وصله مستشفى قريب ,, لفو له جروحه وجبرو رقبته..
جواله مقفل وامه تحاتي وتصيح خايفه عليه ..
رائد متضايق طل من المستشفى وراح لسيارته سحبوها المرور و قامو بالإجرائات,, ظل مهو عارف ويش يسوي .. ماله خلق يكلم حيدر ويقول له تعال لي ,, مستحي يراويهم وجهه .. مسك جواله وخطر على باله سلمان ..
دق عليه ...
سلمان نايم و ناسي جواله عند الكمبيوتر وحوريه كانت قاعده.. شافت المتصل رائد وراحت لأخوها :
ــ سلماان ,, سلمان قووم
سلمان بتعب :ــ هاااا
ــ قووم جواالك
ــ رووحي عني حوريووه طيه بزي..
ــ رائد المتصل قووووم ,, اكوو سكت ...
سلمان فتح عين وحده :
ــ هااا رائد ويش يبغى ..؟؟!
حوريه تطالعه على جنب :
ــ ويش دراني ما رديت عليه ولا سألته .. ارد واسأله..
سلمان فتح عيونه ومكشر :ــ اقووول استحي هاا,, عطيني ايااه ..
حوريه : ــ هااا اخذه ...
وطلعت وهي مستانسه :
ــ اخيرا قعد من متى ابغاه يقوم يشتري لي شكاليت
رائد : ــ اففف ما يرد..
الا سلمان متصل عليه ..
رائد بتعب وصوت مكتوم : ــ هلااا..
سلمان : ــ هلا فيك ويش فيه صوتك ..
رائد ونبرته ازدادت كتمه:
ــ تعبان ومحتاج اتكلم ..
سلمان قعد على منامه :
ــ خير ان شالله ويش فيك ؟؟
ــ انا في شارع الـ... ما عليك امر تجيني بتكسي ,,
ــ ويش صاير ليش وين سيارتك ..؟؟
ــ سويت حادث ..
سلمان مختلع :
ــ والله .. رائد ويش فيك ويش صااار تعورت ؟؟!!
ــ لااا مافيني الا الخير بس رقبتي شوي انرضت .. تعال مر علي الحين محتاجك
سلمان : ــ ان شالله مسافة الطريق بس
سلمان حس في السالفه ان ... والا كان اتصل على خاله وقال له و الا شمعنى يدق علي انا...
قام سلمان وبسرعه لبس .. وطلع ...وتلقته حوريه عند الباب
ــ تعااال وين بتطلع..؟؟
ــ ويش تبغي ؟؟
ــ اه ويش ابغى فيك من الصبح
ــ ويش دراني خلصي مانى فاضي
ــ اففف ابغى شكلااااته
سلمان منقهر وشوي يكفخها.
ــ رووحي الحين مانى فاضي لش
وطلع عنها
حوريه بقهر تصارخ : ــ ايه بس فاااضي لراائد
طلعت امها :
ــ ويش فيش تصارخي وويش فيه رائد
ــ افف سلمانوه مو راضي يقعد من نومه ولا يشتري ليي ويوم دق ليه رائد قام يركض له..
ــ استحي على وجهش اخوش الكبير هذا ,, ويش سلمانوه ؟؟
حوريه ودمعتها شوي وتطيح :
ــ كلكم عليي تدافعي عنه بس ..
وراحت غرفة خالها .. وسكرت الباب ..
ام سلمان :
ــ الله يهديش من بنيه ,, ام لسانين..
حوريه فتحت الماسنجر وشافت حنين شابكه على طول طبت عليها..
ــ الوو يا ريااال مشقووق << نك نيم حنين ياليتني ريال مشقوق ....
حنين :
ــ ههههههه هلاااا مالت عليش يوم بقوم الحين شررفتي
ــ هههههه ويش دراني عنش ,, مين الحين بتقعد... لا تقولي شذى
ــ هيهي ولو شذيووه ويش بتسوي ..
ــ ههههه ما تعطي وجه استحي منها تدخل وتطلع لا سلام ولا كلام
ــ لا تخافي سمروه حبيبة القلب
حوريه حطت وجه مستحي ..
حنين :
ــ عدااال يللا بقوم ...
شوي وشبكت سمر ..
ودخلت على حوريه وسلمت عليها .. وسالتها عن الحال ...
حوريه حطت سمايل زعلان L
سمر : ــ خير غناتي ويش فيش ..؟؟؟
حوريه حطت سمايل يصيح :
ــ سلماانووه
ــ هههههه عيب يا بنيه اخووش الكبير ويش مسوي فيش ؟؟
ــ اه انتين بعد ... << وحطت وجه يصيح
ــ يوو لى ويه عاد ويش فيش
حوريه علمت سمر بسبب قهرها ..
سمر :
ــ ههههههه صحيح ما عندش سالفه .. يمكن رائد يبغاه بشغله ضروريه ..
شوي الا شذى داخله عليهم الغرفه ..وبصوت مختلع :
ــ مااا سمعتو اخر خبر ..
حنين منسدحه على بطنها فوق سريرها تقرى قصه .. وسمر مع حوريه عالمسنجر ..
حنين انقلبت على ظهرها وقعدت ,, وسمر دارت على طول بالكرسي وثنتينهم بنفس واحد:
ــ ويش صاير
شذى :
ــ زهرا جارتنا من شوي دااقه تكلم امي وهي تصيح تقول راائد طلع من البيت وحالته حاله وجواله مقفل وهي خايفه عليه..
حنين :
ــ يووو الله يسترر .. ويش فيه ...
شذى
: ما فهمت السالفه عدل بس شكلها على فارس سمعت طاريه
سمر :
ــ هذاني اكلم حوريه تقول سلمان طلع مستعجل وبيروح لرائد..
شذى :
ــ والله .. تأكدي
سمر تأكدت من حوريه .. وقامت لأمها..
ــ اماه دقي على جارتنا زهرا .. وخبريها ان رائد بخير وسلمان راح له..
مريم فرحت وعلى طول دقت على زهرا وطمنتها..
رائد جواله مقفلنه.. دق حيدر على سلمان..
سلمان مع رائد على البحر .. حكى له السالفه.. بحزن شديد ....
وبالنهايه خذ نفس عميق :
ــ سلمان .. ويش اسووي .. مانى عارف حاس روحي ضايع .. متشتت .. مخنوووق ...
سلمان : ــ صل على محمد ...
الا جواله يدق .. طالعه .. لقاه حيدر ..
ــ هذا حيدر .. لحظه برد عليه ..
رائد : ــ اللهم صل لى محمد وال محمد ..لا تقول له احنا فوين .. بس قول له انا بخير ..
سلمان :
ــ هلا حيدر ..
ــ هلا سلمان كيفك..
ــ الحمدلله ..
ــ رائد وياك ؟؟
ــ ايه تطمنو عليه وطمن امه بخير هو وهذاني اياه .. تالي بيرجع ..
ــ زين خليه يفتح جواله ..
ــ ان شالله ,, على خير
ــ يللا مع السلامه...
سلمان :
ــ افتح جوالك اهلك خايفين عليك...
رائد يطالع فيه الأرض ..
سلمان : ــ راائد .. ويش فيك .. هدي ما بيصير الا الخير ..
شوي الا رائد قام ينحب .. مثل طفل صغير وضايع ,, ودموعه تصب ..
سلمان خاف عليه ,, حضنه وصار يخفف عنه:
ــ فارس يحبك .. وبيفهمك .. وما بيزعل عليك.. واذا فعلا لسا له غلاوه في قلبك بكره روحتنا له نطلعه من الحجز روح ويانا...
رائد يهز راسه .. ايه...
ساعه ورجعو البيت .. ومن شافته امه اختلعت ..
ــ ويش فييييك...
سلمان :
ــ يالله يالله
زهرا :
ــ يا رجى الله تفضل ..
سلمان : ــ مافيه الا العافيه .. حادث والله سلم عمره لا تخافو .. رقبته بس وشوية رضوض يبغى له راحه...
حيدر :
ــ تسلم وما تقصر يعطيك العافيه وين نطلع من جمايلك اصيل والله
سلمان :
ــ ولوو ما سوينا شي ... يللا مع السلامه
زهرا :
ــ حياك الله رحم الله والديك .. يطول بعمرك
سلمان : ــ ووالديكم الله يحييش خيه . امان الكريم
ــ حياك الله..
ركب رائد غرفته وانسدح .. والنوم مجافي عينه.. الا اذان الفجر يرن صوته في اذونه..
رائد :
ــ اذن .. اااه .. ولا غفت عيني .. متى تطلع الشمس .. متى اروح لك يا فارس ..
وغطى وجهه بكفوفه ..
ــ وحشتني .. اعذرني ..
وقام وصلى ..وصار ينتظر الشمس تطلع ويتصل حيدر عليه ,,
موعدين مهمين في بيت ابو رائد.. اولهم تحليل رؤى .. اللي طلعت من الصبح مع امها وحمزه وامه ,, وطول المشوار تفكر في رائد درت منه انه بيروح لفارس .. وكلما تكلم حمزه وسمعت صوته تحس بضيقه مهي طبيعيه .. ولاهي قادره تتكيف مع الوضع..رفت عينها وطالعت حمزه وبغصه :
ــ ااااه مصيلي اتكيف عليك,,,
وبالطرف الثاني .. رائد وحيدر وسلمان ورضا وفاضل راحو القسم بيطلعو فارس اللي كان ينتظر هاللحظه بفارغ الصبر ..
وصلو دخل رضا للضابط اللي عطى فارس تصريح بالخروج ..
راحو له حيدر وسلمان..
رائد واقف بعيد ..
طلع فارس .. حضنه سلمان تالي حيدر اللي حضنه بالقوه وفرحه.. فارس مغمض عيونه وهو حاضن حيدر .. فتحها لقى رائد واقف على بعد مترين ..
فارس مهو مصدق نظرته فرحانه .. وبعده شابك حيدر ...
تركه حيدر وانتبه له يطالع وراه ووجهه مفهي وحالته مهي طبيعيه وابتسامته من الأذون للأذون...
رائد يتأمل وبإبتسامه والدموع في عيونه طاغيه ... و كل واحد اتجه للثاني وبالأحضان ...
والى اللقاء مع الجزء الأخير:cool:
سفيرة الاحلام
01-09-2008, 10:49 PM
وااااو
جزء روعه الله يعطيك العافيه على الجزء
اذا خلصتي الجزء الاخير
ارجوك بدي قصه جديده
الله يعطيك العافيه
يسلموا
أمل الظهور
01-09-2008, 11:06 PM
هلا امور شكلك رجعتي هااا :wink:حمد لله على سلامتك :amuse:
عساها عجبتك بس .....نورت غناتي بجيتك :wink:
والله قاهرني هالرائدوه حيييييييييييييييييييييل بحقرانه وقسوة قلبه :sad2:
عشرة عمر وكله مع بعض اخر شيء يظن فيه كذا ومايقبل حتى يسمع صوته
اقول مالت عليه بس مالت من صديق ..
ومسكين هالفارس من بلوه الى بلوه ..
وهالرائدوه زود عليه همه ..
رؤى معاها تكسر كأن مو ...يارب ماتتوافق ومايناسبوا بالتحليل مع حمزوه :toung:
بس شكلها بتكون لحمزوه ربي يستر بس ..
عاد لاتخلي فارس يرجع له بدون عتاب وبدون كلام بنقهر زود :sad2:
بإنتظار الجزء الاخير بفارغ الصبر :cool:
سيناريو
01-09-2008, 11:23 PM
نتائج التحليل مو زابطه أني حللت ليهم والنتايج عندي >>> بلللللل كيف دخلت في السالفه هههههه
موقف فارس من راااائد مؤثررررررررررر بيكون وااااااو
يسلم على الأجزاء اللي كلما ليها تصير أحلى وأحلى ومشوووووقه
موفقه يالغلا
دموع الوحدة
01-09-2008, 11:55 PM
:no:يااللـــــــــــــــــــه أمووووورة لا تقولي الجزء الأخير حرااام تعودت على القصة كنت ما دخل على النت نهائيا ايام المدارس الحين صرت ادخل بس علشان اشوووف القصة حرااام تخلص :no::no::no::sad2::sad2::sad2::sad2:
الحين التعليق على الجزء خخخخخ
يااااااااااااااارب يطلع التحليل مو عدل ياااااااااااااارب
ونفرح برؤى وفارس ورائد وحورية وسلمان وسمر في يوم واحد<<< عادكل شيء الا سلمان وسمر ان شاء الله يسموا اولادهم بعد بحرف السين خخخخخخخخخخخخ
وفرحتيييييييينا مرة بعودة فارس ورائد لبعض الله يخليهم لبعض ولا يفرقهم ان شاء الله
مشكوووووورة أمووووورة على الجزء الرووووووعه يجنننننن مرة حليووو خاصة ان رائد ماصار فيه شيء
تسلم يمناش اختي على هالجزء
تحياتي
دموع الوحدة
زهور الريف
01-09-2008, 11:56 PM
ماشااااااااااااااااااااااااااااااااااء الله
اللهم صل على محمد وآل محمد
جزء رووووووووووووووووعة
بمعنى الكلمة تسلم أناملك غاليتي
وموفقة لكل خير بحق محمد وآل محمد
Ro7 AlM7bA
01-10-2008, 02:57 AM
ياااااااااااااااااااااااااااااااااااااي جزء ولا آروع
اني اتخيل ان نتايج التحليل تتطلع اوكي بس يوم العقد بيفكو وبيعقد فارس على روئ
يعني بترردد تاخد هالحمزوه فقيل الدم وبترفض:wink:
اتوقع فارس راح يعاتب رائد لانه ظن فيه للمره الثانيه ويمكن يتازعلو احسن يتاهل رائدوه هالنحيس :noworry:
سمر وسلمان تتطورات راح توصلهم للقفص الذهبي:bigsmile: خخخخخخخ
وحوريه اتوقع بنهاية هالقصه بس خطوبه من رائد :embarrest:
امممممممم مين بقى حيدرو مااتوقع يخطب حنين خخخخخخ
جزء ولا ارووووووووووووووووووووووع
تسلمين يالغاليه على هالقصه
تجنننننننننننننن جووونااااااااان بصراحه :embarrest::embarrest:
تقبليـ مروريـ
أميرة الشوق
01-10-2008, 10:52 AM
رائد لو مات أحسن بيخ القصه بسخافته
ومشكورة يا أميرة على الجزء
اسير الهوى
01-10-2008, 11:50 AM
لاااااااا عااااااااااااااااااااااااد مو الجزء الاخيييييييررررررررررر
اميرة تكفي طوليها شوي بعد...
تراها ممتعه مرررررررة حدهاااااااااااااااااااااااااااااا
كل يوم نقرااااااااااااا منها جزء اروع من الثااااااااااني..
عموماً
رحم الله والديك خية ..
ومشكككككككككككوووووووووررررررررررة
*زهرة البنفسج*
01-10-2008, 01:14 PM
يسلموو امرة علئجزاء الروعه
رائد يبيله ضربت دست عدلللل قاهرني
ورؤي علي عمري حمزوو لالالا مسكين فويرس
الله يعين
موفقه امورة
زهرة البنفسجي
01-10-2008, 01:37 PM
لالالالالالالالالالالا حرام مو الجزء الاخير انصدمت لما قريت الجزء الأخير أحس ان الأحداث لس ماتنتهي في جزء واحد
تكفي خية أميرة طلبتك لا تنهيها بهالسرعة وتقلصي الأحداث بس عشان تخلص
لان بصراحه وبدون زعل أحسك تبي بس تخلصي القصة لأن أحس الأحداث لس يبي لها كم جزء على ماتخلص القصة بس ماادري كيف انتي تبي تنهيها بجزء واحد
بصراحه القصة حلوووووووووووووووة وااااااااااااااجد وأكثر من رائعة حرام تكون نهايتها مو حلوة أتمنى تكون النهاية رائعة مثل القصة وبدايتها الجميلة
تسلم أناملك على الجزء الرائع بصراحه رجعت فارس ورائد مرة روعه قعدت أصيح وأنا أتخيل الموقف وسلامة رائد من الحادث فرحتني ربي يعطيك العافية والى الأمام
تقبلي مروري وأتمنى ماأكون ثقلت عليك بكلامي ولا تزعلي من كلامي لك
أختك : زهرة البنفسجي
الأمل البعيد
01-10-2008, 03:38 PM
رووعه وكل مايجيها تحلا
عاد امووور الله يخليش لاتقولي اخر جزء ماني :(
ابداع والله
واتوقع نتايج التحليل اوكي بعدين بتهون رؤى
يسلمووووووو
تحياتي