ماعرفتوني .. كثر .. ما عرفني ..

[ســحرالقوافي]

ذكرتيني بسالفه صايرة لي مع خوي اخويي
ذاك اليوم يجي اخوي اشرح له المسئله ويروح يشرحها لخويه
وبدقيقة يجي اعيد الشرح له http://www.5aial.net/big/11.gif لين طلعت روحيhttp://www.5aial.net/big/8.gif


خخخخخخخخخ



مسكينة رؤى بعد طاحت مريضه http://www.5aial.net/big/42.gif سلامتها والله كسرت خاطري http://www.5aial.net/big/55.gif

وعلى فكرة ياليت كل الاجزاء هذا الطولhttp://www.5aial.net/big/73.gif

<<<<<<<< طماعةhttp://www.5aial.net/big/81.gif


يسلموو يالغلاا


بنتظار الجزء القادمhttp://www.5aial.net/big/98.gif

دمتــ بود

[آهات عاشقه]

تسلمي غناتي على الاجزاء الرووعه الي تجنن


الله يعطيش الف الف عافيه


ورجعتيني الى ايام اختبارات الثانويه العامه


ايه صحيح توتر وزحمه ولافيه نوم اذكر في امتحان الكيمياء وصلت لدرجه اني اذاكر ولا اوتعي الى روحي

الا الكلام الي اقوله خرابيط خرفت


وخلعتيني على روئ عسى مافيها شيء


تسلمي يالغاليه والله يعطيش الف عافيه

دمتي لنا

[سيناريو]

الصبيان يختبروا ويروحوا بيوتهم والبنات يراجعو الحل ههههه زيي نحاسه مادري ليش ؟
ايمانووووووو الهبلونه ودي أعطيها إسطار خخخ
ياقلبي مسكينه رؤى
ايييييييييه الفيزياء طلع ليها قرون وهي تعبانه
واغمي عليها بعد وبعدين !!!!!!
يسلمو أمورررر
دمتي بود بانتظار الإصدار النيو

[زهور الريف]

هلا أموووووورة

وااااااااااااااااااااو ويش ها لجزء:rolleyes: رووووووووووووعة

خبلتينا

مشكوووووورة حبيبتي تسلمين:amuse:

يجنن:wink:

>>>>>>>>ولعاد فالس و لؤى:bigsmile::bigsmile:

تسلمييييييييييين

تحياتي

[طفلة بريئة]

هلاااااااااااا والله
بالطش والرش وماي المرشرش <<<<<<<<<<< ما ادري ويش يقولوا :nuts:


حركااااااااااااااااااااات الجزء روووعه يجنننننن :clap:

ما شاء الله عليش أموووووووووور :kaseh:

تشكري على الجزء الروعه

[كبرياء]

جزززززززززززء مرررررررررررررررررررررره روووعه وحليووو وطويل <<<نبغى كل الاجزاء كذااا

وايام امتحانتهم ذكرررتني بالذي مضى ايام مرعبه بس حلووووووه

سلمت الانامل التي خطت هذا الابداع

بانتظااااااااااااااااااااااااااار الجديد

تقبلي مروري وتحيـــــــــــــــــــــــااتي

[أسيرة الأحلام]

هاااااااااااااي أمووووره
سوووووري على تأخر الرد
المهم الجزء ملللله لائع ولؤى وعاليا عليها والله كسلت بخاطلي
والله يعينها على هالنحيسه إيمانووووه
يسلموووو يالغلا على الجزء اللووووووعه<<<روعه مو لوعه
خخخخخـ

[أمل الظهور]

يالله عليك امووووووووووور الغلاااا على الجزء الروعه

احداث رهيبه

خاصه وانت تعرضي لحظات الخوف والقلق

ومره تودينا مدرسة اولاد ومره بنات مرره اكشن :kaseh:


بس زين ماطفى عليهم الكهرب والمكيفات :lol:


وحركه البسبوسه ياااااااااااااااااسلاااااااااااام سلم :clap::clap:


ومقلب المشمر :deh::deh:



حركتاااااااااااااااااااااااااااااااااااااااااااااا ت

الجزء مررره طويل قلت يمكن فاتني جزء وحطيتي حلقتين وماحسيت

ياحليلك وانت كريمه <<بتنذبح :laugh:


دوم ان شاء الله :toung:


سي يوووووووووووو <<رد سريع سوري الراس مصدع والكحه ملعوزتنها :closedeyes:

[آخر شقآوهـ ..~]

ياااااااااااااااااااايي ياهووووو
ويشو هدا اميرووه
الحلقه فلته مفلووته تجنن
ورائدوه مع المشمر والله انه كشخه عدلل
والله والستر عاد مع فيسه
ورؤى على عمري طاااحت مسكينه في الحوش عاد ويليي عليها
الحين بظل في الحوش فتره طوييله مسكينه
الله يعينها ع الحر وربي ينجحها وينجع رائد وشغل فارس
ويعرس فارس على رؤى وهشكل يعني
تسلمين حبيبتي ع الحلقه
عطاش ربي العافيه
تحياتي
ضحكوه البطه

[الشمعة]

هلا اموووره شخبارج شلونج عسااج عالقوووه
والله ان الاجزاء جدا رائعه وحلوووه وعااد يلا ترى جايه المدرسه والله يعيني
مابقدر اجووف باقي القصه لازم افظي نفسي على شااان اشوفها
اهئ اهئ اهئ اهئ الله يوفق الجميع ان شاء الله
وعليا مسكينه رؤى كسرة خاطري بتموت في هالحرر بررره والشمس عليها
يلا اموررره نبي التكمله والله يجزيج الف خير
وانا تابعه لقصتج بس ما ارد << خووش تعترف << لا اهي دائما تعترف ويقولون الاعتراف بالحق فضيله
بس اليوم قلت لازم ارد عليج شلون مارد عليج لازم ارد
تحياتي لكِ وبالتوفيق ان شاء الله
الشمعة

[**جوان**]

مشكوره اختي

على الجزء الرائع الطويل

وقلت انها ايماان هل الخبله

مسكينه

رؤى على عملي<<< على عمري

[*زهرة البنفسج*]

يعطيك ربي العافيه اختي اميرة المرح

علجزء الروعه والفله

ننتظر الجديد بس هلله هلله بروى مسكينه

[Princess]

تسلمووو عالتفاعل الرائع
واعذورني عالتأخير قضيت وقت الغياب
نوم × نوم :embarrest:
السهر ذبحني وهلكني ... باصير ضبعه بسرعه من كثر السهر خخخخخخ
وعووضت...

وعـــــــد من اميرووه..
الليله+ ليلة الجايه+ ليلة السبت
في اجزاااء :cool:
انتظروووني

ويسلموو علتواجد الرائع
والإنتظار

دمتم بحفظ الرحمن

[الشمعة]

يلا امووووره ننتظر القصه بفاارغ الصبر احم احم
وانتِ هم تابعي قصتي
تحياتي للجميع
الشمعة

[Princess]

يسلموو حبايبي
وتفضلوا الجديد....

[Princess]

ــ اتهيـا ويـن مـا اشوفـه تهيـا
وارسي بمرساه وشراعي شراعـه
مـن عرفتـه والمحيـا بالمحيـا
ــ هلاااا رااائدي...
ــ سواقنا الفني فني ...و سواااقكم هندي هندي.. سواقكم ركبو جني.. سواقكم شلخوو جنيي.. يادان دانه وادانه.. ياليل دانه وادنه... ياليل دانه وادانه... هلا هلا صفقه .. باقي يومين واخلص يا فويرس وافتك.. صفقه يللا لا انتفك .. يا دان دانه وااداانااا .. <<< رائد على باب بيتهم ماسك الجوال يكلم فارس ومروووق حده.. ونازل من السياره..
ــ ههههههههههههه الحمدلله والشكر هاا بشر ويش سويت اليوم خبري فيزيا وصعب ها عسى الأخبار اوكي..


رائد وهو يكمل كلامه بلحن الهيصه اللي سواها في البدايه..
ــ والله ما ادري يا خيي.. سويت انا اللي عليي.. سويت انا اللي عليي والباقي باقي على الله.. هلا هلا..
ــ هههههههه رااائدووه ويش فيك..
ــ ويش فيني.. فرحان ما باقي الا يومين.. وافتتتك..
ــ عساك دوم مبسوط يا لغلا وسهاله يارب وتعديهم على خير ويخلف التعبه.... اجل اخر يوم ويش بتسوي الساتر الله بتجيب عرضة وفرقة كبر الشارع ويللا رقص..
ــ أي وياعلايه .. يا علاااايه..
ــ هههههههه اقول انشب بس .. ويللا روح ريح وتغدى و خذ لك غفوه و وخلي جوالك عند راسك بقعدك للمذاكره..
ــ حلو حلو.. وبخلص بسرعه بكره علي توحيد وذاكرته من قبل..
ــ ايوواا عفياا.. اجل بطلع معاك .. منها نمتشى ومنها اسمع لك..
ــ ايوا ايوا.. زين
و يفتح باب بيتهم.. ويشوف رؤى مرميه بالحووش.. ويشهق شهقه.. صروعت فارس تصروع..
ــ بسم الله رااائدووه ويش فيك.. وين انت .. في السيااره لو ويش << خاف عليه فكر سياره طلعت له وبغت تصدمه لو شي..
ــ فارس فارس اكلمك بعدين باي باي..
ــ ووووييييش صااااير لاتخلعني...
ــ رؤى اختي طايحه بالحوووش ماا ادري باي باي ..
ــ هاااه... ووويش...
طووط طوووط ..
فارس مسك قلبه..
ــ ويلي .. على قلبي ... ويلي ويش فيهاااا....
وقام يركض طلع لأمه ام حسين..
ــ امااه بروح مشوار بسرعه وراجع..
ــ وينا بتروح يا عيني..
فارس وهو يلبس نعاله .. ويتعثر بالطبقات...
ــ بروح مشواار ضروري اذا تأخرت لا تخافي..
ــ خير اللهم اجعله خير... تعــــــــــــاااال عدل صروالك مقلوب...
فارس انصرع ... في باله .. صروااال أي صروااال .. لا يكون بنطلوني.. طالع تحت.. لقاه عدل.. وطاحت عيونه تحت اكثر لقى نعاله مقلوب من الخلعه.. عدله وهو فيه ضحكه على سوالف امه ام حسين بس مهي راضيه تطلع ماله مزاج...


ويطلع يركض بالزرنوق وهو يركض يشوت قوطي بيبسي ويطفره بعيد ويوصل لضبعه مسكينه ماره عند فتحة الزرنووق بتدخله.. ويصقع فيها.. وتنقز ...


ــ بسم الله علي المشافي المعافي هااادااا ويييش هالمصبنه هدووولاااا..
فارس وهو يركض ..
ــ اسف اسف ...
ــ والله حاله .. مصبنه ما تستحي .. اسف هذا اللي فالحين به.. زين بعد قال لي اسف مو مفلات غيره اعجمي و سروي...
فارس فيه الضحكه وبعد ماله مزاج وفي باله..
ــ فاااضي انا لضبعه تتحمق وسروي بعد...


ويركب السياره يدق سلف ما تشتغل .. مره مرتين .. مافي فايده.. ويضرب الدركسووون..
ــ اووووووووووف هااداااووووويش هالصواااقع وهالنواااايب ويش هالحظ المنتكس...
وينزل يركض يشوف له تكسي..


بالطرف الثاني كان رائد رامي كتابه ودنياته .. وحاط ايده تحت راس رؤى كاان جسمها حااار مولع من الشمس .. عز الظهر..


صار يصرخ .. امااااه .. اماااه.. ما تسمعه امه بعيد والمكيفات تشتغل وما يندرى بعد بأي وادي..


جا بيفتح باب الصاله الا مقفووول .. ضررب جبهته..
ــ اووف ااااوووه نسسسيت امي مهي هنا في بيت جيرانا تعاونهم على تكييس الحلويات وتجهيز خرابيط العرس من الصبااح..
ويرجع لرؤى .. وياخذ هوز الزراعه وبلا وعي يرش على وجهها.. ولا في فايده صاير وجهها اصفررر ومحومر شوي من الحر..
حملها لسيارته.. وسدحها ورى.... الا بجية فارس نزل بسرعه وفتح باب السياره قدام..
ــ ووويش صاير..
رائد يفتح ازرار دراعته وجبهته تصب عرق..
ــ ماا نى داري رؤى ويش فيها دخلت الا هي مرميه بالحووش..
فارس ياخذ نشاف ويمسح وجه رائد عن العرق ..
ــ هدي هدي وصلي على محمد.. قوم اقعد ورى ويا اختك انا بسووق..
ــ تسلم الله يخليك.. ما تقصر..
ــ اقووول قووم مو وقت الشكر والمدايح..
ويركب رائد ورى .. ويحط راس اخته على فخذه ويصير يمسح علي جبهتها العرق .. وهي ابدا ما تتحرك...
رائد قام يصيح..
ــ فاارس .. ويش اسوووي.. ابدا ما تتحرك.. اختي راحت.. .. لالا... ويش اسوووووي..
فارس بلا وعي دار عليهم.. كانت رؤى بلا غطى .. وحالتها حاله تكسر الخاطر.. فارس من شافها غض النظر وجته الغصه على حال الحبيبه .. وشوي تطب دمعته..
ــ هدي رائد .. هدي حبيبي .. تحسس نبضها.. شووفها تنبض..
رائد يحط ايده على صدرهااا..
ــ لااا.. ما احس فيه.. لاااااااا...
فارس اختلع وقف ودار عليهم .. مهو عارف ويش يسوي صار يقول لرائد
ــ حط ايدك يسار مناك ..
ورائد يحرك ايده على صدر رؤى يبغى يحس بنبض قلبها مو قادر كان مرتبك خايف يحس قلبه بيطفر وقلب اخته ابدا مو حاس فيه..
فارس بلا شعور ومن الخووف والربكه.. مد ايده .. ومسك ايدها جهة الرسغ وضغط بشويش..
وتركها بسرعه..
ــ تنببض .. فيها نبض .. لا تخاااف هدي وصلي على محمد واله بس .. الله ويانا..
رائد ودموعه شلال..
ــ ان شالله يارب..


ووصلوا المستشفى.. فارس نزل بسرعه.. وطلب من الطوارئ كرسي لو نقاله.. وجابو ليها كرسي.. وشالوها.. ودخلوها بسرعه على الطبيب... وبعد ربع ساعه طلع ليهم..
رائد يركض له..
ــ ويش يا دكتور .. ويش صاااير... وويش فيها ؟؟؟؟
الدكتور وهو يبتسم .. ويكركر ضحك على خفيف..
ــ هدي هه هدي يابني..هه.. مفيش حاقه تخليك تبكي بالشكل دا..
رائد حمق ويطالع في فارس وهو يتحمق..
ــ انا هذا اللي ببكس وجهه... انا فويش وهو فويش ..
ــ الله الله الله في ايه.. انت ليه عصبي بالشكل دا..
فارس قام يتفاهم ويا الدكتور .. شكل هالدكتور رايق ومروق ولا عنده سالفه ورائد مو بعيده يفرك وجهه بالقاع..
فارس:
ــ ويش يا دكتور عسى ما شر..
ــ لأ.. لا شر ولا حاقه بإزن الله دي بس انيميا حاده من نأص الأكل .. والراحه.. كم يوم مع العنايه حتبأى كويسه ان شاء الله..
فارس وهو يتنهد من قلب..
ــ ان شالله..
رائد رمى روحه على الكرسي وهو يطلق زفرة قويه...
الدكتور راح .. وفارس قعد جنب رائد اللي كان يطالع الدكتور على جنب وهو رايح..
ــ يللعن فيسه انا فويش وهو يضحك..
ــ خخخ انت بعد ما قصرت عليه شوي وتشتر ثيابه وانت تسأل ويش صاير.. عموما الحمدلله عالسلامه وما تشوف شر..
رائد يضرب فخذ فارس ويسند راسه للجدار ويغمض ..
ــ اوووف.. الله يسلمك .. والشر ما يجيك.. بس بجد خلعتني..
ــ لا اسم الله عليها ما فيها الا العافيه ان شالله..
ــ ان شالله.. ومشكور فارس وما تقصر والله تعبتك معاي..
فارس يضرب خشم رائد على خفيف باصابيعه زي التيله...
ــ لا تقول كذا... تعبكم راحه...


قام رائد وطل على اخته.. وقالوا له المغذي يبغى له كم ساعه..
فارس..
ــ قوم نطلع من جو هالمستشفى وتاكل لك حاجه.. ونرجع ليها وبالمره تمر على امك تشوفها الحين بتختلع عليكم...
رائد..
ــ اوووه.. امي امي.. وي .. الحين بتخاف لا انا وصلت البيت ولا هي..
وقام يتحسس مخباه.. بيشوف جواله..
ــ اف اوهوو بالسياره.. قوم مشينا ونرجع بعد شوي..
ركبوا السياره وفتح رائد صندوقها الصغير اللي قدام.. وطلع جواله..
ــ اف اف اف 45 مكااالمه تخييييل ....
فارس ..
ــ يالله اكيد امك..
فتح رائد سجل المكالمات..
ــ أيـــــــــــــه على عمري اختتللللعت..
ودق عليها ما مداه يرن حتى رفعته وبلهفه وصوتها شكلها كانت تصيح.. وصوت مريم مرت جيرانهم معاها تهديها وتقول الحمدلله هدي اكو رد عليش..
ــ هلا .. هلا اماه..
ــ هلا امي .. وينكم ويش صاير لا انت ولا اختك..
ــ لا تخافي اماه بس رؤى تعبت شوي ووديتها المستشفى..
ــ وي على عمري على قلبي .. ويش بهاااا..
ــ اماه عاد صلي على محمد ما فيها شي.. بس فقر دم حاد حطوا عليها مغدي وبعد كم ساعه بنرجع البيت..
ــ وصاقعه تصقع النسب.. الله يلعن هذي حاله.. وفجعه تفجع الكتب والمذاكره.. بتي.. ويلي عليها..
وصارت تصيح.. ورائد يهديها من جهه .. ومريم من جهه ثانيه... خذت مريم السماعه منها..
ــ هلا رائد انتبه بس وسوق على مهلك.. امك خلها علي بهديها اني يللا مع السلامه..
ــ هلا الله يسلمش..


سكر رائد السماعه..
ــ على عمري امي قامت تسب وتلعن بالنسب والمذاكره من قهرها..
فارس وهو مبتسم..
ــ روعه امك الله يخليها ليكم ويخليكم ليها..
ــ تسلم .. والله يخليك لأم حسين ويخليها لك وما يحرمكم من بعض يارب..
ــ يارب يا كريم ..





تابع>>>

[Princess]

فارس يبغى يلطف الجو..
ــ حسبي الله عليك يا رئووده من الخلعه بغيت اجي لك وصراولي مقلوب..
ــ هاااه.. بفففف هههههههههههه صرررررواااال ويش ..
ــ هههههههههههه امي طلعتي تقول لي عدل صراولك تقصد نعالك..
ــ هههههههههههههههه ويلي على امي طارت من نعال لصروال يللا نفس الوزن خخخخ ..
ــ خخخخ مسكينه امي .. والله خايف عليها.. البارحه تقول لي حط اللبن في الفرن .. تقصد الثلاجه..
ــ ياعلي .. انا لله...
ــ والله بدت تنسى اسامي الحوايج الله يستر اخاف بكره بدال لا تسميني فارس ما يندرى ويس تسميني..
ــ الله يستر خخخخخخ...
ــ ولااا تخيل بعد شدخت ضبعه بقوطي بيبسي بالزرنوق شتته عليها شوته ولا ماردونا يسويها.. خفست وجهها تخفيس..
ــ احلللف ههههههههههههههههههههههههههههههه ويلي اكيد سويت بوجهها دوار لو شارع رايح جاي من قوة الضربه..
ــ ههههههههههههه ولا بعد تقول زين قلت ليها اسف مو سروي..
ــ هههههههههههههه ووويش سرووي بعد..
ــ سوووري يالمفهي هذا وفلتة زمانه بالإنجليزي,..
ــ ههههههههه الإنجليزي مو الضبيعي..
ــ خخخخ ووويش الضبيعي بعد..
ــ كلام هالضبعان والشياب لو تذبحني نصه ما افهم له..
ــ الله الله ههههههههههه عداال يا افندينا..
ــ هههههههههه والله ما افهم داك اليوم ابوي ابو كرار عاطني كرتون منشق يقول لي شحوه مدري ويش هي معناتها ارميه ... يبغاني اطلعه برى الشارع..
ــ هههههههههههه شحوه.. ههههههههههههه شحووه.. شووووحه يالمفهي..
ــ ايوااا شوووحه.. هههههههههههه ويش دراني عنك.. انت مسوى من امك علمتك هالكلام انا ويش دراني ويش تطلع شووحه بعد..
ــ خخخخخخخخ ههههههههههه والله مانى قادر.. شحووه.. شششششششش...

وصلوا لمطعم.. خذوا ليهم سندويشتين عالسريع ويا ببسي... بعد ما خلصوا اكل.. فارس عطى رائد علبة الببسي الفاضيه..
ــ هاااك.. شحوهاا...
ــ هههههههههههه لا تمسكها علي هاااا..
ــ هههههههههه خخخخخخ ههههههه خلاص هاك شووووحها..
رائد وهو يغير نبرة صوته لمسخره ويبحلس على فارس..
ــ شحتهااا..

وبعد الكم ساعه المحدده رجعوا لرؤى.. دخل عليها رائد لقاها مفتحه.. حط ايده على راسها..
ــ الحمدلله عالسلامه..
رؤى بصوت مبحوح.
ــ الله يسلمك.. ويش صايل.. لويش جبتوني هنا..
ــ هذا من قلة اكلش وراحتش ومن قلة اهتمامش بصحتش جبتش هنا فيش فقر دم حاد..
رؤى ودموعها طاغيه بعيونها..
ــ متى بطلع.. التوحيد ما فتحته ابد واياته وااايد طويله...
ــ يلعن ابو المذاكره على قولة امي زييين.. هدي وريحي ولا تحاتي بذاكره وياش ان شالله.. بشوف الدكتور الحين اذا بيطلعش ونطلع..
ــ ان شالله..

طلع رائد وسأل الدكتور قال عادي تطلع بس لازم ترتاح وتذاكر ولا تجهد نفسها ذهنيا ولا بدنيا ولا نفسيا...
طلعوها.. وفي السياره... فارس..
ــ الحمدلله عالسلامه...
ــ الله يسلمك..
ــ ما تشوفي شر..
ــ الشل ما يجيك..
وفي باله.. ــ على عمري ياليت اللي فيش فيني.. وقاعد يحاول يخمن جوابها.. ويبتسم..

فارس..
ــ خلاص نزلني هنا وانا بكمل للبيت يا بتكسي يا مشي .. وتوكلوا تأخرتوا عالبيت وايد اليوم..
رائد حمق ..
ــ لا والله انشب .. لفتحة الزرنوووق اوصلك ولو السياره تدخل الزنوق بعد دخلتها.. بس مع فيسك لا اسمعك ترطن هالرطنه مره ثانيه..
ــ خلاص خلاص رائد افندي لا تعصب .. مافينا شدة عصبيتك..
ــ أي احسن لك..
رؤى ضحكت عليهم..
فارس في باله..
ــ فديت هالضحكه وراعيتها انا...

وصلوه بيتهم.. وقبل لا ينزل.. رؤى:
ــ سلم على امي ام حسين..
ــ الله يسلمش يوصل ..
وفي باله..
ــ وي الله يسلم قلبش وحسش وما يحرمني منش..
رائد..
ــ وانا بعد سلم عليها ... غرت ليش ناس وناس.
ــ الله يسلم قلبك وحسك وما يحرمني منك.. << فضفض مشاااعره لا ينفقع.. خخخخخ
ــ هههههههه حركتااات تسللم ...
ــ الله يسلمك يللا في امان الله..
ــ في امان الكريم..
دخل فارس على ام حسين لقاها نايمه ومغطيه غداه.. فتح الغدا وصار يتغدى.. ويفكر في ابوه..
ــ ويش عنده ابوي بهالوقت يبغاني.. ليش متذكرني..
يحاول يتذكر شكله مو ذاكرنه.. اصلا شلون يتذكره وهو ترك امه من اول ما جابته وهو لسا صغيير
ــ اااه.. اذا امي ماتت وانا ابو 3 سنوات.. ما اتذكرها حتى عدل.. الا من سوالف جدتي تخليني احس اني شفتها حسيت بحنانها... شلوون يا يبه تبغاني اذكرك انت.. شلوون

ويغص فارس بعظم سمك.. ويقوم يركض يشرب ماي... يحط الكاس على المجلى.. وياخذ نفس..
ــ رحمة الله عليش يالغاليه.. والله خاطري بدفا حضنش.. صحيح امي ام حسين ما قصرت الهي لا يحرمني منها.. بس انتين غير والله غير..
رفع باقي كاس الماي وصار يصبه على شعره وهو منزل راسه في المجلى. .. والخصلات يداعبها الماي بلطف .. رفع وجهه مسحه عن الماي والدموع.. وغسل وراح غرفت ياخذ له غفو...

في بيت ابو فاضل ..
رؤى بحضن زهرا.. تحاول فيها كان تشرب شوربه..
ــ والله اماه مالي نفس ... احس بطني يعولني وحلقي ماني مشتهيه..
ــ على شاني امي .. على شان خاطري..
وتحاول رؤى قد ما تقدر..
ــ زين ما ابغى شولبه ابغى عيش الشولبه حاله.. والجو حلل احس جبدي لايعه..
ــ زين هااش امي..

وصارت تلقمها العيش..
رائد في غرفته يراجع كتابه كان مذاكرنه من قبل على شان بعد ما تريح رؤى يذاكره ليها ..
خلصت رؤى غدى..
ــ تسلم عليش حنين لا انسى وواحشتنها مره.. ولو ما الإختبارات كا مرتش مسكينه تنازع الوحيده في بيتهم بكتبها وكل يوم طلعه عنها الأسواق..
ــ ههههههه تستاهل ما حد قايل ليها قلت ليها من قبل داكلي قبل لا يجهزوا لأختش على شان تفتكي..وهي تالي لاحقه وبعدين .. طاحت بلاسها اللحين ..
ــ المهم غناتي هدي وارتاحي لش شوي غفوه كذا ساعه لو ساعتين..
ــ لاااا..لالالا.. ويش انام.. ابغى اداكل...
ــ ويش يابتي تذاكري.. ريحي شوي يا غناتي عاد ما يسوى عليش هالتعب .. تالي يا بعد روحي افتحي لش هالكتاب..
ــ زين وين لائد..
ــ هذااا انا علباااااب..
زهرا..
ــ بسم الله وهذي كل سوالفك زي الجني تطلع لينا فجأه..
ــ خخخ مو قصدي بس جيت كان ما بتنام بذاكر وياها..
ــ أي قعد وياها وذاكر.. وترى ابوكم ان شالله يوم الأربعاء بيرجع من الشمال ويلي وحشنا من زمان..
ــ احم احم وحش امي .. وسوتها جمع .. امااه وحشش مووو..
زهرا وجهها تلون..
ــ اهوو عاد استح على وجهك.. ليش ما وحشكم انتون بعد..
ــ الاااا... بس كل واحد يتكلم عن روحه.. احم قولي وحشني فاضل.. واحنا بنقول ايه وحشنا ابونا..
وطلع لسانه على جنب ويحط ايده على راسه.. لأن علبة النشاف جايه طياري وصاقعه وجهه ..
وتطلع زهرا عنهم وهي تضحك..
رائد يسكر الباب ويضحك على امه..
ــ خخخ استحت امي ششش.. وحشها ابوي وتسوي روحها تتكلم عنا..
ــ هههههه الله يغلبل شرك.. ان شالله الله يعطيك مله زي امي ياااكليم..
ــ يااارب ياكررريم ويعطيش ريل زيي.. هههههه
ــ هههههههه ان شالله
ــ عادي عندش واحد زيي بنحاستي كله يهزأ ويعصب ويكفخ..
ــ يؤ يؤ حلو وبااالد..
ــ حلت دنيااااش.. يللا نبدي نذاكر شويات..
ــ يللا. بسم الله..

وصاروا يذاكروا ويحفظها في الأيات ويسوي ليها حركات في كل درس على شان يركز في بالها..

تابع>>>

[Princess]

ــ الوو..
ــ هلا والله هلا .. هلا بهالصوت وراعيته .. مين معي..
ــ هههههه مالت عليك.. شكلك ترقم وايد لذلك منت مثبت..
ــ لا والله بس ابغى اعرف الإسم .. هالصوت الروعه اول مره اسمعه..
ــ هههههههه من ذوقك والله معاك ريم << ايماان اصلا ...
ــ هلا بالريم.. اكيد قدك مثله والا ما سموك لله فلله..
ــ ويشو قدي بعد..
ــ هههههههه ما تعرفين ايش يعني قدك.. يعني خصرك يا عسل .. انتي من وين..
ــ انا مالك شغل من وين .. انت ليش مرقمني..
ــ والله من الحلا .. ومن بين كل الملا .. اخترتك وحبك على قلبي اعتلا..
ــ اف اف اف .. الله الله شاعر بعد..
ــ افا عليكي اعجبك والله


شوي انتظااار جوالها في احد يتصل..
ــ لحظه ياا.. الا وش اسمك..
ــ مشعل الله يسلمك <<< خوووي حسسسن ولد خالة رائد<< ام الصددف...
ــ عاشت الأسامي .. لحظات امي تنادي بشوفها وبرد..
ــ اوكي فديتك
قفلت السماعه من عند مشعل .. طالعت الشاشه الا جواد يتصل بك.. وفي بالها..
اوووف من هاللزقه كم مره قلت له عوووع ما ابغاك فارق لكن هين اوريك..
ــ الووووووو.....
ــ هلا والله هلا بهالألووو..
ــ اني ويش قلت لك.. ما قلت لك فارق ... ما ابغاك اني العوووع منك العوووع..
ــ شيه السالفه على هواش هي.. احبش يالمينوونه ما تفهمي..
ــ حبتك قراده صحيح ما عندك كرامه..
ــ يالله انتين لويش ما تحسي ويش مسوي فيش انا..
ــ اف كل هذا وويش مسوي يا اخي فكني ريحني فااارق خليني بحالي ما تفهم..
ــ لويش يعني شفتي لش شوفه جديده..
ــ انالله ياصبر ايووب صبرني عليك.. صحيح دلخ وقطة وجه.. الله ياخذني يوم اكلمك واخذ رقمك اووووف..
ــ بل بل بل .. ولااا لا تدعي على روحش فديتش اسم الله على عمرش..
ــ الله ياخذك بدالي زييين... و انقلع
ــ يا ربي ليش انتين كذا..
ــ اذا سمعت رجال يكلمني رديت..
ــ افااا يعني انا مو رجال...
ــ لااا ابدا.. ودجاجة امك بعد..
ــ والله مره ماخذه عني فكره..
ايمان عصبت .. هذا بدل لا يعصب ويسد في وجهها ويلعن خيرها ويفارق قاعد يقرقر..
ــ ااااااااااااااااااه يلعن دلاختك وثقل دمك فااااااارق ..
شوي الا جاها انتظار...
طالعت الا هو مشعل ..
ــ انقللع زين..
ــ ويش فيش انتين اكيييد شايفه شووفه..
ــ ايه شايفه باي فارق..
طووط طووط طوووط..
جواد..
ــ سكرتي في وجهي ..ولا بعد شايفه لش شوفه .. هين بس...


ــ الوو هلا حبي..
ــ هلا وش فيه جوالك انتظار
ايمان في بالها ــ بل بل تحقيق هووو..
ــ لا ابد كنت اكلم خويتي..
ــ خويتك...
ــ أي ليش منت مصدق..
ــ الا وليش مصدق يعني.. المهم نرجع لموضوعنا..
ــ أي موضوع..
ــ ابي اشووووفك..
ــ هاااه..
ــ وش بلاك هاااه.. يقولون نعم..
ــ هلا..
ــ أي يا حليلك كذا.. ابي .. اشووووفك...
ــ أي وين..
مشعل في باله
الله اكبر ويل قلبي ويلاه.. وش هذي مشفوحه على طول ما صدقت على الله .. اول مره اقابل بنت كذا توني ما خذت اسبوع من عرفتك.. يلعن خشتك.. بس زين صيدك سهل.. اوريك يالريم ما اكون مشعل ان ما خليتك تركضين وراي وتطلبين رضاي..
ــ الوووو وينك..
ــ هلا والله فديتك.. لا بس واحد من الربع كان عندي.. أي وش قلتي
ــ براحتك ..
ــ طيب شرايك اشوفك عند مجمع الواحه يوم الخميس الساعه 10 الصباح..
ــ الصباااح صعبببه..
ــ اجل متى..
ــ 10 المسا زين
مشعل في باله..
ــ يااا ويلي شبلااها البنت خرفت وقعدت .. هههههههه 10 المسا يا زينه زيناه بعد.. جت منها مو مني انا.. وربي هالبنت خبله وبتخبلني معها..
ــ الووو وينك واحد من الربع بعد..
ــ ايه وش مدراك..
ــ خبررره..
ــ ام الخببرره يا شيخه فديتها وفديت راعيتها.. خلاص اتفقنا .. 10 المسا ليلة الجمعه قبال ماكدونالدز اللي يالواحه اوكي..
ـ اووكي ..
ــ يللا باي..
ــ باي...
قفلت ايمان السماعه .. وصارت تضحك وتضحك....
ــ مفكرني خبله يا مشعلووه هين بلعب فيييك لعب بوريك مين ايماان يا بطيخ


والى اللقاء في الجزء الجديد :cool:

[الشمعة]

تسلمي اموررررررررررره على هالجزء الروعه
مررررررررررررررررررررررررره عجبني وخلي كل اجزائج جذي طويله خخخ
ولاتحرمينا من هالقصه ابدا
وانا متابعه لج
تحياتي لكِ
الشمعة

[عازفت الاوتار]

هاي

مشكوره امور جزء روعه

بس ابدايه اروع من كل الاجزاء

وخاصه

فارس بلا شعور ومن الخووف والربكه.. مد ايده .. ومسك ايدها جهة الرسغ وضغط بشويش..
حسافه ومئة حسافه ماكانت موتعيه

تحياتي


ودي اشوفك يا اموووووررر

[ســحرالقوافي]

جزء رووووعه

عن جد

اميرة غير

بلا جده بلا بطيخ

خخخخخخخخخخخ


بس حبابه عفر بس اني الي صرت اتصيد اخطاء رؤى


شرك = شلك

بنتظااار الاجزاء القادمه

بس ها انتبهي على نفسش بلا سهر


<<<<<<<<<< اسمع من ينصح

خخخخخخخخخخخ


دمتـــــ بود

[الأمل البعيد]

يسلموووووووووووووووووووووووووووووووووو امور
اني خلاص بصيح اهئ اهئ بصير تواجدي قليل كل من هالمدارس
اكره المدراس
يسلموووووووووو امور هالجزء الروعة
ولاعاد فارس يوم يتفقد نبضها
يسلموووو خيتو عالجزء
تحيااااااااااتي

[الحال2007مه]

من طول الغيابات جاب الغنايم
جزء روووووووووعه ذكرني بحالنا يوم كنا في ثالث ثنوي بس اني الحمدلله ماصابني لا إغماء ولاشي <<<تحكي قصة حياتها
لاوهادي المتفرغه ايمانوووووووووه تغازل ايام اختبارات
يالله ننتظر الجزء الجديدلاتطولي واجد

[اسير الهوى]

عوافي عليك خيتي اميرة..

صار لي كم جزء امر عليه واقراه بالسريع من زحمة العمل وما يكون فيه فرصة للرد

لكن لتعلمي خية كلنا هنا موجودون بين احداث قصتك وابداعك الرائع والمميز..

يعطيك الف عافية ولك من اجمل تقدير والطف تحية

ياسر

[أمير العاشقين]

مشاء الله والله وصارت تطورات يا برنس فاني

والله وطلعتي فنانه

اقول لش شي تدري في وقت غيابي كنت اذخل قصتش اقراها واطلع

الله حركات

كان ودي اتصيد عليش بس الاخوه ما يقصروا

يسلموا على الجزء الحلو وبانتظار الجديد خيتو

اخوك

امير العاشقين

[سيناريو]

ــ ولااا تخيل بعد شدخت ضبعه بقوطي بيبسي بالزرنوق شتته عليها شوته ولا ماردونا يسويها.. خفست وجهها تخفيس..
ــ احلللف ههههههههههههههههههههههههههههههه ويلي اكيد سويت بوجهها دوار لو شارع رايح جاي من قوة الضربه..
يسلمووووووووو أمووووووووور يامبدعة
الله لو يصير مسلسل اني ابغى دور رؤى
بس الله يعيني اذا انتهى المسلسل
لساني بينقلب من حرف الراء خخخخخخخخخخخخخ
موفقه يارب

[كبرياء]

يسلمووووووووووووووو اموووووووره على الجززء الرووووووعه

[نور الحلم]

السلام عليكم:::


هلا أمووورة

شأحوالك؟؟

آآسفة حبيبتي اني كنت أقرأ من ورااء الكواليس بدون ما أرد عليك>>>> أدري ودك تعطيني كفوف معتبرة>> أستاهل

بس ترى المسامح كريم :)

بس المشكلة أن قصتك أو قصتينك راائعة وما تستاهل رد والسلام

وكل جزء أقول الجزء اللي بعده أكتب لي رد عدل ويجي الجزء الثاني وأقراه وما يكون لي نفس أكتب عدل


بس اليوم قلت لنفسي استحي على وجهك وردي يا بنت


كأني قلت قصة حياتي :)



عالعموم الرواية فوووق الرووعة

ووصفك للمواقف والأكشنات تماااام وحللو ويخلينا كل أشوي نتحمس للجزء اللي بعده أو الموقف اللي بعده
خصوصا وصفك للامتحانات ورهبتها أنا ما بعد تجي الاختبارات وقاعده أحاتيها وأتخيل روحي في محل رؤى أو روان >> الله يعين ويوفق الجميع
سواء في قصتك " آسف عليك يا قلبي مو عليك ياحبي" أو " ماعرفتوني كثر ما عرفني "

ومشكورة وتسلم هالأنامل الذهبية ياااارب

وربي يوفقك ويعطيك العافية


وآآسفة مرة ثانية :embarrest:

وان شاء الأيام الجاية حتى لو أنها أيام مدرسة برد على كل بارت


أختك::

نور الحلم

[..انين الروح..]

جزء اكشن ام الاكشن بعد
تسلمي امووووووووووور
والله جزء فلته ودي ايمانوه بتشوف لما لطختها بنعال الحمام ما اكون رهوف
بنتظار جديدك
جاااااااااااااااري الانتظار
تحياتي
رهف

[muhanad]

مشكووووووووووووووووور

[**جوان**]

//مشكوره//

اختي اميرة المرح

على الجزء // الروعــه//

وننتظر الجزء الجديد

تسـلمين على الجزء الروعــه

[آهات عاشقه]

تسلمي يالغاليه والله يعطيش الف الف عافيه


دمتي لنا غناتي

والله الجزء تمام ويجنن

[زهور الريف]

ها امووووووور وينك وين الاجزاء
الررررررررررروعة اللي تبرد القلب
ننتظرك ياحلووووووووووة

[*زهرة البنفسج*]

يعطيك ربي الف عافيه امورة علجزء الروعه

[آخر شقآوهـ ..~]

ايوا ايوا عاشو<<<مابعلق لاني نعسانه ان علقت
بصير زي الهبله مثل داك التعليق حتى انتينا مافهمتي ويش كاتبه
بس بقول حاجه
وصمرقع يصرقع ايمانوه ام الصبيان
رهفووه قصدي انينوه همشي اني بالمساحه ونتينا بالنعال همشي
هجوووم طاخ وطيخ على ايمانووه
لو اعرفها فقعتها على حركاتها وع وعووه

تسلمين عيوني ع الحلقه الاكشناات الروعيه
عطاك ربي العافيه
تحياتي
ضحكوه البطه

[الشمعة]

بسم الله الرحمن الرحيم
هلاااا شخباركم امبيى ضحوكه ويش هذا كل ذا محمقه على ايمانووه ترى هي كلها قصه
يعني مابتنتفعي من شي لاتعبي نفسج بس عيشي جوهااا على قولت امورره
عااد دائما تخيلي اشكالهم هااا ههههه
تحياتي
الشمعة

[Princess]

يسلموو عالتفاعل الأكثر من روعه.. والله لو يمدييني واقدر رديت عليكم واحد واحد تستاهلوا وربي مو مقصرين
الله يخليكم الهي ولا يحرمني منكم..
ياهلا بالجدد منورين والله...
ضحوك ورهووف... هههههههههه غربل الله شركم
طحتوا في ايمان طق يوم بسنه كسرتوا عظامتها..
فسجلت غياب اليوم...
اعذرووني على التأخير .. بس زحممممممممه ... وربي ونادرا اذا ريحت..
وبعد اسبوع دراستي وبتزيد الزحمه الله يكون بالعون
وكلما جيت احاول اختم هالقصه لقيتها تنمغط
الساترالله لا تتحول مكسيكي وفارس يقلب اليخاندرو.. ورؤى سنيتيا... خخخ

تفضلوا الجديد
اسألكم الدعاء

[Princess]

بعد يومين...
هدوووء سايد بالسياره...
رائد..
ــ رؤى.. وتاليتها ويش فيش اليوم اخر يوم..
ــ ...........
ــ وبعدين امس عدى خلاص ما صارت هذا هالتوحيد اثر على الأدب اليوم.. ويش فيش ليش كذا..
صوت بداية صياح..
ــ وبعدين.. افففف .. انا لله.. صدقيني ما بتنقص النسبه وايد ان شالله..
رؤى بصوت مبحوح ومخنوق..
ــ شلوون ما بتنقص .. هااا.. امس ولا دليل احس الكل اللي خبصت فيه بالحلوف واللي نسيته.. والأدله عليها علامات وايد .. واليوم ما لكزت عدل غيل اللي قبل خلاص نسبتي بطيح في الألض
ــ لا انشالله خير تفائلي.. ولا تتعبي روحش اهم شي صحتش
ــ ان شالله...
جوال رائد يرن..
ــ هلا وغلا اهلين..
ــ هلا فيك ويش فيك ما دقيت غريبه مو اليوم اخر يوم لو انا غلطان..
ــ خخخ أيه اخر يوم .. بس من التعب ومار على اختي بعد.. فما مداني
ــ ها ويش سويتوا..
ــ الحمدلله يالله الإيد على القلب بنتظار النتيجه..
ــ موفقين ان شالله..المهم ارتاح الليله بطلع معاك ومع حيدر اوكي ..
ــ ان شالله ... على خير ...


رؤى وصلت البيت وبغت من الله توصل لحضن امها وبالصياح..
ــ وي على عمري ويش فيش تعبتي..
رائد..
ــ لااا.. بس تحاتي في هالنسبه..
زهرا وهي تمسح على راس بنتها..
ــ احنا ويا هالنسب اللي ما تخلص سوالفها.. اهم شي راحتش وصحتش ويش فيش لا تصيحي فطرتي قلبي ..
رؤى تمسح دموعها.. وتهدي روحها..
زهرا..
ــ بكره بيجي ابووكم.. يللا ابغاكم تريحوا وتروقوا من زمان ما شفتوه نبغى استقبال حار


رائد يبغى يلطف الجو..
ــ اما استقبال وحركتات هذي عليش اماه.. احنا حدنا بنسلم ووحشتنا يبه.. وبطلع انا ويا اختي وبنخلي ليكم البيت في هذه الليله..
زهرا تمسك اذون ولدها وتمصعها على خفيف..
ــ نحييس ولا تستحي هههههه وعليك سوالف تستاهل عليها مو بس قرصة اذون .. دوسة بطن..
ــ اييي هههههههه خلاص التووبه..
رؤى تطالع فيهم تضحك..


وفي الليل الساعه 9 طلع بيمر على فارس .. وصل له وركب معاه...
رائد..
ــ ها ويش اخبارك واخبار امي ام حسين..
ــ الحمدلله بخير الله يسلمك.. وامي ام حسين نامت وقفلت البيبان وهذاني وياك..
ــ خخ يللا مشينا نمر على حيدر وبعدين قول لي وينا تحب نروح..
ــ ممممممم والله مافي بالي مكان معين.. خليها على ابو حسين يحدد لينا ..
ــ اووكي..


وصل رائد بيت جده.. ودق على حيدر ...
ــ هلااا رائدووه..
ــ اهلين .. ها يللا اطلع دحنا عالباب..
ــ دقيقه بلبس الجوتي..
ــ حشاا وين رايح بتلعب كوره.. خلصنا يللا عاد..
ــ زين سكر جاي انا.. باي..
ــ باي...



رائد وهو يضحك..
ــ والله حركتات هالخال.. مين يصدق هذا هو حيدر الطشونه يوم احنا صغار.. الحين كشخه وعنايه وحلاة وصوت .. اف اف ,, يطيح درزن بنات..
ــ ويلي منك والله لو ما اعرفك بقول حدك حسووود وعين حاره والقبر
طلع ليهم حيدر ويا عيني على الحركتات فعلا كاشخ..
ركب السياره ...
ــ سلام عليكم..
ردوا عليه السلام...
رائد يعدل مراية السيارة ويطالع في حيدر ورى..
ــ ا وووه.. ويش هذا ...ويش هالكشخات خاالوو ...ويش هذااا محنا ..رايحن مجمع الصراحه.. فويرس لالا ما نروح وياه... اخاف يطيح سوقنا ذاك اليوم بنتين ورانا... الحين هذا ويانا اغسل ايدك ولا وحده ..
فارس ميت من الضحك..
حيدر يعدل نظارته...
ــ هااا ..ويش فيك انت ... بديناا عااد... ويش هالهدره .. حشاا .. يقولوا لي ولد اخت عندي حسوود اغبر..
ــ هههههههههههه وجهك جزاتي امدح فيك.. فارق بس ..
ــ لا تمدح.. خخ ..
رائد وهو حاط ايده على خده وبهمس
ــ لويش بالله.. تستحي يعني ...
ــ اسكت عني...


صاروا يفروا بالسياره من وادي لوادي .. شروا ليهم شاورما مشتهيها حيدر اخذ له لحم.. وقلد عليه رائد.. بس فارس اخذ له دجاج.. اخيرا راحوا سوق الحب,,, وخشوا في الدواعيس.. وهم يتمشوا.. كانت الدنيا زحمه.. والسيارات متلاصقه.. والناس تتمشى وتتبضع...
فارس..
ــ جبدي لايعه تصدقوا..
حيدر..
ــ من ويش..
رائد..
ــ خخخ متوحم..
فارس يصفق رائد ضربه ..
ــ قلالة حياك.. ما تستحي ..
ــ اييييي هههههههههه امزززح..
ــ زي وجهك مزحك..
ــ أي ادري يعني حليو..
ــ ايهييي ما بنخلص عاد انفتحت سالفة الحلا ... صدقووني لااااايعه...
وشوي وقفت سيارتهم جهة بنيه واقفه.. مبرقعه وتطالع في فارس.. فارس التفت ناحيتها بس عقله مو معاها مع لوعة جبده ..
فارس جبده لا يعه وبدون قصد يطلع لسانه لبرى.. وفي وجهه جاي جهة البنيه زوجها مدري اخوها... وينبته لفارس وهو يبحلس.. ويجي له ويطق نافذته وهو محمق ..
ــ نزل النافذه,,,
فارس فتحها...
ــ نعم..
ــ وش هالحركات بعد ما تستحي على وجهك انت تغازل بنات خلق الله قلة ادب وقص بلسانك بلا في شكلك.. ..
فارس مليون الف استفهام وتعجب فوق راسه..مو فاهم ويش القضيه...
ــ ويش تقول انت..
ــ لا والله لسانك هذا بقصه اذا طلعته ثاني مره استحوا على وجهكم..دشران بصحيح..
رائد طقت عنده 180 وزووود... << حشاا عداد مو بني ادم..
ــ ياهييييييييه انت.. الززم حدودك لو سمحت طيب..
حمق عليه الرجال..
ــ وانت مين على شان تامر علي والله لجيب لكم الهيئه الحين..
حيدر حمق وكانت عنده علبة ببسي فاضيه...
فتح النافذه ورماها جهة الرجال..
الرجال نقز.. والتفت لحيدر يسب فيه..


فارس فتح باب السياره بسرعه.. ونكس راسه وقام المسكين يرجع..
الرجال وخر يركض... البنيه قالت حد ما عندها..
ــ ويييييييييييييييييييييييييييع.. << ههههههههه بلوووع جبدكم ..
رائد خاف عليه وقام يصارخ على الرجال..
ــ شفت .. تعبان هو ولسانه يوم يطلعه مو قصده شي .. وخر منااك بس...
وقام طلع من السياره.. والهرنات تضرب ورائد محمق ... راح يركض بوفيه قريبه اخذ ماي ورجع لقى حيدر سدح كرسي فارس اريح له.. وفارس شكله مره منتهي مو قادر..
شربه الماي.. ومشوا.. والرجال ماكلف على عمره حتى يعتذر ....




ــ الوو هلا رؤى اخبارش غناتي...
ــ هلا لوان الحمدلله احسن..
ــ خوفتيني عليش اليوم الصباح ابدا صفرا ومنتين على طبيعتش..
ــ لا تخافي غناتي زينه الحين تسلمي...
ــ الله يسلمش...
هدووء...
روان.:
ــ رؤوووه...
ــ ههههههه ويش فيش خلعتيني..
ــ لا قلت يمكن نمتي.. رؤووه خلصنااااااااااااا,,,
ــ هههههههههه أي والله افتكينا.. بس خايفه حدي..
ــ لا تخافي ولا شي ان شالله خير غناتي وبتتوفقي يارب.. صدقيني..
ــ ان شالله.. ايمانوه ما تدلي بها؟؟
ــ ايمانوه هالأيام مالي بها.. تدري امي مانعتني اكلمها.. بيني وبينش ما عدت ارتاح لهالمخلوقه ابد..
ــ الله يهديها هي معتفسه حدها وكلما جا ليها للأسوء
ــ مالي بها ماني ناقصه مشاكل.. أي اخبارش و اكلي عدل وريحي ها لا اجيش ادوس فبطنش..
ــ ههههههه زين ..
ــ يللا باي باي وخلينا نشوفش مو جت الإجازه خلاص تقطعي..
ــ لا انشالله نتلاقى قليب وعلى خيل
ــ على خير مع السلامه
ــ الله يسلمش..


سكرت رؤى من عند روان.. وجا على بالها فارس .. قامت تهلوس..
ــ ويش جيبك على بالي.. يعني ويش .. ليش افكل فيك.. ويش سويت فيني يا فالس .. يالله..
حطت راسها وغفت عيونها..

تابع >>>

[Princess]

في السياره.. متوجهيين للمستشفى.. فارس ابدا منتهي.. وحالته حاله.. شوي الا جوال رائد يدق..
طالع رائد الأسم..
ــ اوووف انا فاضي له هالحزه... ولي فارق..
ويحط بزي..
حيدر مستغرب.. ويش صاير..
وشوي ويرجع يدق.. رائد ماله خلق .. رمى الجوال ورى على حيدر..
ــ هااك رد عليه...
طالع حيدر .. الا هو حمزه..
حيدر:
ــ اه وانا ويش دخلني به.. بعد يقول عني ملقوف.. لو حسنوه ما عليه ولد اختي.. فارق مناك..
ويحط الجوال قدام. وهو مو راضي يسكت.. يدق ويدق...
شوي رائد قفله خيير شر...


حمزه بالطرف الثاني.. منقهر ومولع وشاب حريقه لويش هذا ما يرد ولا قفله بعد... ... قام دق على تلفون البيت
رؤى كانت غافيه... وكان التلفون لا سلكي جنبها يوم تكلم روان...
ازعجها الإتصال.. وزهرا ما ردت.. فردت هي.. وبصوت مبحوح مبين عليه التعب..
ــ الوو
حمزه من مسع صوتها قال يمكن زهرا..
ــ هلا وين رائد..
ــ لائد مهو هنا طلع دق عليه جواله
حكزه في باله.. ــ لائد .. فديتها هذي رؤى..
ــ هلااا رؤى اخبارش
رؤى اختلعت مين هذا اللي يعرف اسمها ولا بعد اخبارش...
ــ نعم.. مين انت..
ــ ويش فيه صوتش مبحووح.. خير سلامات..
ــ مين انت وويش تبغى..
ــ ههههههه شوي شوي علي ويش فيش خايفه.. تطمني انا حمزه..
رؤى مصدعه وبعفويه..
ــ أي حمزه..
حمزه طفر ..
ــ افاا ولد عمش..
ــ ايه نسيت اسفه هلا.. لائد مو هنا ..
ــ أي زين دريت انه مو هنا..
ــ اجل يللا باي..
ــ دقيييييقه.. ويش فيه صوتش..
ــ شالبه بالد .. باي..
ــ سلامتش ما تشوفي شر.. << دلاخه يبغى يهدر مو عارف
ــ الشل ما يجيك باي..
ــ انتبهي لروحش..
ــ باي باي..
ــ باي
سكرت رؤى وودها تكفخ حمززوه تكفخ وفي بالها وبحمق..
ــ ثقيييل دم يااالبي .. ويش هالصبي هذاا...
حمزه بالطرف الثاني..
ــ فديتها ولا تعطي وجه .. صفقتني من كثر قولة باي تصفق.. ااااخ يا رؤى... وين بتروحي مني بس...



وصولوا المستشفى.... شالوا فارس كل واحد مسك ذراع وحطها على كتفه.. وسحبوه سحاب..
وصلوا به الطوارئ ودخل على الدكتور...
وشويات جاهم خبر فارس.....
تسمم غذائي......
حيدر..
ــ اناا قايل له الله يهديه.. لا ياكل دجاج بهالرطوبه الا يبغى شاورما دجاج.. ها راح فيها الولد..
رائد يستفسر ويش بيصير الحين ...
قالوا له يبغى له اسبوع بالمسشفى.. يترقد...
رائد خايف عليه.. ويش يترقد بالمستشفى.. ويفكر بأمه ام حسين..


راح وجلس بالإنتظار يفكر كيفا بيقول ليها وهي تخاف على فارس من الهوا الطاير ..
وبلمح البصر استرجع موقفه مع عبدالله يوم يروحوا لأم حسين يخبروها عن فارس لما طقه ابو مصيبه بسوق الخميس... ويتذكر موقفها.. ويتذكر عبدالله وموقفه ..
ــ يالله يوم انا صغير كنت افتكر روحي شجااع يوم اخبر امك يا فارس.. طلعت مو شجاعه الا عفويه .. الحين مو عارف شلون اتصرف .. اااه.. رحمة الله عليك يا عبدالله...


طلع رائد وحيدر من المستشفى وصل رائد حيدر بيتهم.. وراح رائد لأمه وقال ليها السالفه.. وطلب منها تروح معاه لأم حسين تفهمها وتهديها ... وفعلا .. صار المتوقع يصير ...
ــ وديني .. رائد وديني له..
ــ وين اوديش له اماه.. خلاص الزياره انتهت ليل الحين بكره ان شالله خير...
وصارت ام حسين تصيح.. وزهرا تهدي فيها وبالموت قنعتها تبات معاهم لين يطلع فارس بالسلامه...


ويوم ثاني...
الساعه خمس الفجر بعد الصلاة بساعه... بيت فااضل هدوووء الكل نايم... رؤى قعدت تبغى ماي.. نزلت تحت.. وهي نازله... سمعت صووت بالصاله... والتفتت.. وحد ما عندها صرررخت....




والى اللقاء .. :amuse:

[ســحرالقوافي]

ياااااااااااااااااااااااااااااااي


كلعادة

رووووووووووووووووعه





وكثر من روعه



اكيد رؤى شافت ابوها وبتركض له وبتحضنه

<<<<<<<<<< تستبق الاحداث بالخير خايفه على رؤى لايصير صلصول

<<<<<<قامت تتكلم زيها



يسلمو خيتو


وبنتظار الجزء الجديد



بفااااااااااارغ الصبر



دمتـــــ بود

[اسير الهوى]

خخخخخخخخخخخ

والله حركاتا اميرة هالجزء وصايرة الرومنسية تزيد من حلقة لثانية ههههه

وهالصرخات ماتخلص لو عشان نمقع شعرنا وننتظر الحلقة الجاية ههههه

موفقة يارب وعوافي عليك..

ياسر

[عازفت الاوتار]

هاي

امور جزء روعــــــــــــــــــــه حلو واااااااااااااايد

انتظر الجديد

[آهات عاشقه]

الله الله الله وماشاء الله على الابداع

غناتي الله يخليش ويحفظش

صراااحه القصه كلما جا اليها تحلى وتحلى

مسكين فارس مايستاهل الي صار له

واستانست لما جاء على بال روئ

بس شكلها صرررخت يمكن شافت ابوها

تسلمي يالغاليه

دمتي لنا

[أمير العاشقين]

اتوقع ابوها جا من السفر

يالله اميرووووه قسم بالله متشوق

اكشنات والله

المهم خيتوو عندش غلط

حكزه في باله.. ــ لائد .. فديتها هذي رؤى..
ــ هلااا رؤى اخبارش


يالله اميروه ترا والله بصيح

عفيه شطوره انتي ما بتهلي عفيه

[زهور الريف]

هلووووووووووووو
كيف الحال؟؟؟
جزء رووووووعة
بس يالغلا حمستينا
الله يسامحك
بسررررررررعة نزلي الجديد
ننتظرك...

[كبرياء]

يسلموووووووووووووو على الجزء مرررررررررررررررررره رووووعه

وشوقتينا يا شريره ابغغغغى اعرررررررررررف وش بيصير

يعطيكـ العاااافيه

تقبليـــ تحيـــــاتيـــ

[آخر شقآوهـ ..~]

يباااااااااااااه حبيبي وحشتنيي<<<هدي رؤى تقول يعني
تسلمين اميروووه ع الحلقه الروعه
ربي يعطيك العافيه
تحياتي
ضحكوه البطه

[ريح الجنه]

السلام عليكم
هذي اول مشاركه لي في هالنتدى الروعه وخصيتش اختي اميرة بالرد لان كتاباتش جداً حليووووووووووووه واكثر من روعه ...............مأقدر اقول أكثر من جدي لآن بصراحه لو ويش اقولماأوفيش حقش
تسلمي غناتي على هالجزاء الحليوه
بس عندي طلب صغيروووووون واتمنى ماترديني مادام اني جديده في المنتدى ياليت تهديني جزء طويل وحليو

في إنتظار الجديد

ريح الجنه

[سيناريو]

أني أول مرة أقرا القصة واني آكل ايسكريم وطلعت بعد الحلقة فيها لوعة جبد >>> يقطع ابليسش أميرووووووووو

ههههههههههههه
غيران فارس من تعب رؤى والحين هو اللي تعبان وتسمم غذائي أوووووووووووووه
مايشوف شر
موفقه أمووووووووور

[*زهرة البنفسج*]

ههههه جزء حركات وفلته مرره

ويبيلي دست علي قولتك يعني ماعلي ردي علي قدي ههههه

ربي يعطيك العافيه امورة حبيبتي

[Princess]

هلااااااااااا
ياكثر اعذاري :nosweat:
والله غصبن عني..
ادري ودكم تكفخوني .. وتطيحوا فيني دست..
بس مضغوطه مره..:angry:
عندي صراحه شغله لااااازم اخلصها..
وبكره وبعد بكره بداوم بالكليه :closedeyes:
نظامي ونومي معتفس.. :wacko:
اشكي حالتي بصراحه هنا خخخ
بحاول قد ما اقدر اكتب.. اعذرووني
وشكرا على التفاعل
ومراحب بالجدد ياهلا

اسألكم الدعاء وان شالله قريبا بما يسركم ارجع.. :amuse:

دمتم بحفظ الرحمن

[أمل الظهور]

هلا امور



ربي يعطيك الالاف من العافيه على الاحداث الحلوه


قرأت الجزء ماقبل الاخير يوم الجمعه وانا حالتي حاله يعني قراته وانا نايمه بس من التشويق اللي فيني



ماني قارده اقوم واترك الجزء ...


وجيت اعلق بس شكله جفني اللي علق من النوم :wacko:



والله كان جزء فله حلووووووووووو مررررررررره


بس خليني اعلق على الجزء الاخير






رائد يبغى يلطف الجو..
ــ اما استقبال وحركتات هذي عليش اماه.. احنا حدنا بنسلم ووحشتنا يبه.. وبطلع انا ويا اختي وبنخلي ليكم البيت في هذه الليله..
زهرا تمسك اذون ولدها وتمصعها على خفيف..
ــ نحييس ولا تستحي هههههه وعليك سوالف تستاهل عليها مو بس قرصة اذون .. دوسة بطن..


هههههههههههههههههههههههههه حلووووووووووووه زين عنده احساس :toung:



ــ لائد مهو هنا طلع دق عليه جواله
حكزه في باله.. ــ لائد .. فديتها هذي رؤى..
ــ هلااا رؤى اخبارش
رؤى اختلعت مين هذا اللي يعرف اسمها ولا بعد اخبارش...
ــ نعم.. مين انت..
ـ

احنا وهالحمزه اللي واقف عظم بالبلعوم






ــ وش هالحركات بعد ما تستحي على وجهك انت تغازل بنات خلق الله قلة ادب وقص بلسانك بلا في شكلك.. ..
فارس مليون الف استفهام وتعجب فوق راسه..مو فاهم ويش القضيه...
ــ ويش تقول انت..
ــ لا والله لسانك هذا بقصه اذا طلعته ثاني مره استحوا على وجهكم..دشران بصحيح..




هههههههه بل بل بل

الحين اللي يغازلوا مالهم احد يوقفهم عند حدهم واللي على باب الله و ابرياء يجيهم الدست

صدق تجيك التهايم وانت نايم





ــ يالله يوم انا صغير كنت افتكر روحي شجااع يوم اخبر امك يا فارس.. طلعت مو شجاعه الا عفويه .. الحين مو عارف شلون اتصرف .. اااه.. رحمة الله عليك يا عبدالله...




ويه ويه مسكين افويرس ويش جرى اله ويه ويه الله يساعد قلب رؤى الحين :rolleyes:

ولازم يعني تذكرينا بالمرحوم :sad2:



تسلمي امور على الجزء الروعه والحلوو

وريحي بالك وروحي الزريبه ولاتشيلي هم وخلصي اشغالك ونامي كويس وعدل لايجيك كف راشدي

من اللي يحبهم قلبك



بالانتظاااااااااااااااااااار

[ســحرالقوافي]

امور


لاتشلي همنا:noworry:


اهمشي انش مرتاحه:amuse:


وبعدين كلما ريحتي نفسش طلع الجزء اروع واروع :shiny:


>>>>>>>> يعني مو لله فــ لله:wink:


خخخخخخخخخخ



بنتظارش يا الغلااااا :in_love:



دمتــ بود

[اسير الهوى]

اميرة مطول الغيبات لازم يجيب الغنايم ههههههه

يعني نبغي جزء بعد مايحتاج زييين

ترا كل شوي نخش ندور وندعي نشاء الله اميرووه كملت لينا جزء ويخيب املنا

يالله احنا انتظر ترا بسرعة..

[عازفت الاوتار]

هلا

امور طولتي واااااااااااااااااااااااااااااااايد

ملينا ننتظر وااااااااااايد

بس امور مانبي جزء قصير نبي طويل

واني انتظر الجديد

تحياتي

[نور الحلم]

اللهم صلي على محمـــد وآل محمد

جزء ابداع × ابداع

وان شاء الله يجيبون نسب تشرح الصدر وتفرح قلوبنا

وويلي لو على هالتعب اللي تعبته رؤى وطيحتها ما تجيب النسبة اللي تتمناها >>> حدها متأثرة



أعوذ بالله من هالحمزوووه ما يخلص من جرأته ومصاخته البايخة هاللي ما يستحي على وجهه قلة حياء قسما بالله العظيم هذا اللي ناقص يطق سوالف مع رؤى جان يفقع مرارتها اهو وبياخته
مو كفاية تعبها من هالاختبارات يجي اهو ويقطع عليها نومتها >>> حدي متنرفزة من حركاته والله يستر لا يخرب على فارس ورؤى شكله ناوي نية شينه مثل وجهه

وماخلصنا من مرض رؤى تمرضين فارس الله يعينه على هالأسبوع اللي بيقضيه في المستشفى ويطلع منها سليم مشافى " يارب "
:sad2:



وربي يوفقك في دراستك
وان شاء الله قريب نشوف أسمك على كتب روايات باسمك

أختك:: نور الحلم

[زهور الريف]

هاااااااااااا اموووووووور
ملينا واحنا ننتظر
وينك
من طول الغيبات جاب الغنايم
ليلة الخميس والجمعة مفروض تنزلي لينا جزء حتى لو قصير

[Princess]

:embarrest: هلاااا
:embarrest::embarrest::embarrest:
اخباركم .. كل عام وانتون بخير
:embarrest:
ااااا.. والله كنت البارحه بكتب جزء وحتى اسألوا الضحكه البريئه و امل الظهور :wink:
بس الشبكه ضربت عندي :sad2: وحاولت اشبك وما قدرت :sad2: وانسدت نفسي..

بس الليله :bigsmile: عندي ليكم مفاجأه بمناسبة رمضان.. جزء على كيف كيفاتكم بإذن الله
بس اسألكم الدعاء..
مشكورين على الصبر علي << ادري ودكم تكفخوني :toung:
بس وربي حالتي :wacko:
ياكثر البس موو :amuse:
والسمايلات بعد موو.. :rolleyes:
مسوى ماني عارفه ويش اقوووول :embarrest:
انتظروني بما يسر
دمتم بحفظ الرحمن

[Princess]

هلاااااااااااااااا
جااايه اركض وراي دوام
اسألكم الدعااء
تفضلوا الجديد
والعذر ثم العذر على القصور

[Princess]

ويوم ثاني...
الساعه خمس الفجر بعد الصلاة بساعه... بيت فااضل هدوووء الكل نايم... رؤى قعدت تبغى ماي.. نزلت تحت.. وهي نازله... سمعت صووت بالصاله... والتفتت.. وحد ما عندها صرررخت....
ــ اااااااااه
شافت في المطبخ في الظلمه واحد عن المغسله واقف...ويوم سمع صرختها.. نقز وطق السقف والتفت..
ــ وووويش فييييش...
الا هي بصرخه ثاانيه..
ــ يباااااااااااااااه...
فاضل:
ــ هلااا.. هلا وغلا.. ههههههه شوي شوي.. غربل الله شرش خلعتيني
وتركض لأبوها وتحضنه..:
ــ واااحشني مله مله . انت اللي خلعتني في هالظلمه.. . اخباالك..
ــ هههههههه الحمدلله تمام.. جاي بغسل وجهي بسم الله.. اخبارش انتين غناتي.. << ولع الليتات.. وهو يكمل كلامه..
ويش فيش صفرا ومو على بعضش وويش مقعدنش..
ــ بسم الله على عملك هههههه.. ما ادلي اسفه... لا بس تعبت من الإمتحانات شوي.. الحين احسن.. قعدت بشلب ماي.. والله مفاجأه
ــ الا صرختش المفاجأه.. الحين بتقعدي العالم..وويش سويتي بهالإمتحانات
ــ الحمدلله ماشي الحال.. يووه.. الحين عااد.. امي ولائد بيقعدوا من الصليخ..
فاضل وهو يغمز لرؤى..
ــ رائد يمكن.. امش .. مافي امل تقووم.. مالي الا اخلعها..
ــ ههههههه حلااام.. ويش بتسووي..
ــ هههههه افكر انام وتقعد الصباح وتشوفني ..
ـ لالا.. هههههه حلاااام تخلع امي.. لا يصيبها شي..
ــ ههههههه ويش تبغيني اسوي .. وينا انام...؟؟
ــ نام بالصاله بالمجلس.. نام بغلفتي .. والا لالا.. غلفتي معاي ام حسين..
ــ اوه اوه من متى.. والله حركات واحشتني الله يخليها..
رؤى ونبرة صوتها متغيره فيها رشة حزن:
ــ مسوى فالس تعبان في المستشفى.. وهي بالموت لضت تنام وياي..
ــ اهاا .. ما يشوف شر.. ويش فيه..؟؟
ــ تسمم غذائي..
ــ يالله.. ما يشوف شر.. وان شالله يقوم بالسلامه
ــ ان شالله..
ــ الحين ويش يعني انام وين... انا لو ما قعدتي سويت اللي براسي ..
ــ هههههههه لالا حلام تختلع امي.. بجيب لك منام في المجلس.. لا تخلع امي صلاحه ابغاها..
راحت رؤى بتجيب المنام.. وابوها يضحك ويهدر..
ــ هههههههه غربل الله بيلسش انا بعد شيه ما ابغاها.. واحشتني..
رؤى التفت له وهي تضحك..
ــ ههههه يؤ يؤ لومنسي ابووي..
ــ ههههههههههههههه غربلش ربي غربال رووحي جيبي المنام بس تعبان..
ــ ههههههه ان شالله..
وجابت رؤى لأبوها المنام.. ونام في المجلس..


يوم ثاني الصباح.. قعدت زهرا اول وحده.. نزلت تحت.. وصارت تحوس في البيت.. .. حست بشي غريب.. صوت باب المجلس الداخلي ينفتح . << كان للمجلس بابين واحد داخلي يطل على دهليز وحمام وباب يوصل للحوش وثم لباب الطريق.. وباب ثاني يوصل للصاله.. زهرا سمعت الصوت من داخل في الأولي..
. وخافت... راحت ركبت غرفة رائد.. وطلت.. لقت رائد .. حاضن المخده ورايح فيها نووم.. ووجهه مفهي حده..
ــ راائد.. امي رااائد..
الا رائد يهلوس:
ــ فارقي مناك.. يللا عااد.. مانى..
زهرا حمقت..
ــ راائدووه... يا بطيخ..
رائد انتبه من النوم..
ــ هاا .. هااا.. ويش... ويش صاير..
زهرا ومبين على وجهها الخوف:
ــ قوووم.. ما ادري مين بالمجلس .. تحررك..
ــ هااا.. يمكن ابووي << قالها ورجع شدخ روحه ونام..
ــ قوووم ابووك قال العصر بيوصل مو الصبااح..
ــ هااا.. والله.. زين بس بدخل الحمام..
ــ لا تدخل.. قوووم على طوول تالي..
ــ ويش تاالي بطني يعورني اواجه الحرامي وانا بهالحاله.. تبغي ويش يصير فيني خخخ..
ــ فااضيه لك تنكت تووك بترجع انام..
ــ لا وانا نايم بتحمل.. فرضا صار ضرب وشدخ ويا الحرامي برووح فيها..
ــ ياااربي اللهم طولش يااروح.. يااعلي وين ارووح اني .. ويش هالولد.. اني ميته من الخووف.. وهو يستظرف علي .. قوووم..
ــ ههههه زين بقووم.. بس ان سويت شي مانى ماسح.. << قالها وهو قايم بيطلع من باب غرفته..
وتمسكه زهرا وهي مقهوره من دراعة نومه من ورا وتدفه قدامها بسرعه .. حرررك..


نزل .. وقف عند باب المطبخ..
ــ اقوول اماه.. اعطيني ساطور.. والا لا.. شي يصلح للمخ.. مقلى.. ملاس.. أي شي حق ضرب..
ــ مع وجهك بلا غباء علي..
ــ لا والله فرضا مسلح.. وعنده بازوكه.. وطااخ.. الا انا مسدووح.. ويش اسوي.. ابغى مقلى وملاس.. المقلى درع للوقايه من الرصاص والملاس للقيام بالمهمه..
ــ تهي تهي.. جبته عوون لي .. قام يستظرف راائدووه وربي كف..
ـ افاا.. زين بروح له خالي اليدين.. وخله يطرقني رصاصه تطفرني .. بشوف انا.. بسم الله مشينا..
ــ لاااا .. تعاال .. تهي .. خذ بجيب مقلى وملاس.. دقيقه..
جابت زهرا مقلى شكله قديم عندها مخفس ومحترق وحالته حاله..
رائد مسك ايد المقلى وصار يفر بإيده الثانيه ويتمسخر:
ــ خذ لك.. طالع ويش جايبه لي.. هذا بالله صبع الحرامي بيخترقه مو رصاصه بعد.. هذا بصفق راس الحرامي به بينشلخ والحرامي ما بيصير فيه شي .. توتوتوتوتوتوتو.. لاااا ما ينفع دااا..
زهرا وهي مره خايفه وودها تكفخ رائد..
ــ فاارق منااك اني فويش وهو في ويش.. دقيييقه بجيب لك العجره بس اخاف تصفق راسه بها وتودينا بداهيه..
ــ جيبيها بس.. لا اجل هذاا درع بالله.. مقلى الفقر...
صار رائد يفر المقلى بسرعه وهو ماسكنه من ايده.. وشوي طننن.. تقبع الإيد ويطير البدي تبع المقلى.. وطراااخ على السراميك.. وصووت مره يصرووع..
زهراا جت تركض بالعجره وهي ميته من الخووف.. الا باب المجلس اللي يوصل للصاله ينفتح..
طبعا زهرا قبل من الرعب قفلته.. ويسمعوا طق في الباب.. ولا مجيب.. تالي قام الشدخ..
زهرا خلاص رجولها مهي شايلتنها...
راح رائد وهو يتثاوب.. لصق روحه في الباب..
ــ ميييين..
ــ افتح انا ابوووك..
ــ ويش اسمك..
ــ هههههههههه ظريف.. افتح لا اكسر راسك..
ــ مانى فاتح ويش اسمك..
ــ فاااضل افتح..
ــ فاااضل ويش؟؟
ــ ههههههه رائدووه يا دب افتح لا انتفك..
ــ هههههههه
وفتح الباب و في الأحضان..
زهرا سندت العجره على الجدار وقامت تصيح مهي عارفه من الفرحه لو الخلعه..
وراحت وسلمت على فاضل وتحمدت له بالسلامه.. وسولف ليهم سالفته الفجر وان هذي فكرة رؤى انه ينام بالمجلس لا يخلع امها.. زهرا تضحك :
ــ هههههههه ويش مجيبنك الحين انت قلت العصر لو مسوي زي ما قلت ما بختلع كذا.. ويلي طاح قلبي في بطني من الخلعه.. الحمدلله على سلامتك ونورت بيتك..
ــ هااا اطلع واعوود العصر.. ههههه قدموا الوقت شوي.. وطلعنا بدري ابرد للطريق..
ــ لالا ما اقصد.. منورنا والله ويش فيك بس خلعتنا فاجأتنا ... << تلون وجه زهرا.. فديتها خخخ
فاضل بهمس:
ــ الله يسلمش والنور نورش..
رائد يثاوب وهو متوجه للدرج:
ــ اااااخ .. بتبدوا غزل... بااي تمسوون على خيرر.. وراي طلعه العصر لفويرس..
زهرا:
ــ هههههههه وانت من اهله..


وفي العصر... توجه رائد للمستشفى.. طبعا قال لأم حسين ثاني زياره بوديش اله اذا بيطول وما بيطلع.. لأنها ما تقدر على المشي والمشاوير وتتعب ..
دخل على فارس لقاه مسدوح وحالته حاله.. وجنبه تبسي الأكل.. ومغطيه الصحون..
ــ هلااا فارسي.. ما تشوف شر حبيبي..
ــ هلا وغلا هلا رئووده.. الشر ما يجيك..
ــ اه للحين ما تغديت..
ويفتح رائد الصحون ويصرخ....
ــ ههههههههه هذااا ووووويش
ويمووت عليه فارس من الضحك وبصوت مبحوح من التعب..
ــ ههههههههه انشب لا تفضحنا من البارحه وهم يأكلوني كذا.. لاعت جبدي..
رائد مهو قادر ميت ضحك والكلام معاه يقطع:
ــ ههههههه.. عيــ ههههههه ـــش... ابيض هههههه ونااشف.. ولا بعد ههههههه فووقه بطااا هههههههه طســـه مسلوووقه.. هههههههههههههههه حلووه دي ...
اااغه.. دادا..
ــ ههههههههه انشب بس.. مانى قادر.. نفسي بأكل زي الأودام..
ــ وي على قلبي خويي.. ليش زين ههههههه خخخ هالبطاطس المسلووق وهالعيش .. الحمدلله عز الله النعمه..
ــ اسكت .. وماصخ بعد..
ــ هههههههههههههههههه اااه يالشاايب.. ويش هالحاله..
ــ يقولوا للبطن يمسك.. لأن بطني تدري به ضرب بعد فجعة هالشاورما..
ــ الله يكون بالعون.. طيب ويش خاطرك فيه..
فارس جت على باله فجأه بسبووسه اشتهى الحلا..
ــ نفسي في بسبووسه..
ــ وي على قلبي احلى بسبووسه ولا يهمك..
ــ فديتك انا..
رائد مسك جواله ودق بيتهم... رفعت امه وطلب منها بسبوسه لفارس...
زهرا ما تضبطها كثر رؤى.. راحت لرؤى.. كانت تتابع مسلسل بالتلفزيون << اجل الراديو..
ــ امي رؤى تعبانه؟؟
ــ لا الحمدلله مافيني شي .. ليش بغيتي شي؟؟
ــ يقول رائد فارس افاده ببسبوسه شان تسويها.. اخاف اسوي ما تطلع بحلاوة اللي تسويها انتين..
رؤى ابتسمت ابتسامه شبر..
ــ لااا مافيني الا العافيه.. بقووم اسويها..
وتسويها رؤى زي الحلاوه.. ما جا اذان المغرب الا هي خالصه.. طبعا رائد سأل الدكتور قال بيطول يوم بعد على فارس فقرر المغرب ياخذ ام حسين... والبسبوسه معاه..


وصلوا المستشفى رائد.. وام حسين.. وكيس فيه صحن البسبوسه..
طبعا المستشفى ممنوع يدخل للمريض اكل من برى..
دخل رائد بالكيس وما احد انتبه له يفكروه هديه.. وتم تهريبه بنجاح..
وصلوا غرفة فارس.. دخلت ام حسين طبعا ما يحتاج..بالأحضان.. وصياح وفارس يضحك عليها,, وقعدت.. وحط رائد صحن البسبوسه..
ام حسين:
ــ عوافي عليك يا ولدي.. على عمري رؤى مع انها تعبانه سوتها لك..
فارس قام قلبه يضرب ضرب .. اووه راح فيها..
رائد :
ــ الحمدلله زينه هي الحين مافيها الا العافيه .. عوافي عليك ابو الفوارس
توه فارس بيمد الملعقه بسم الله الا بدخلة الممرضه الفلبينيه بتحط ابره بالمغذي
وتشووف صحن البسبووسه ما شاء الله و ....


الى اللقاء قريبا...
ليهاا تكمله لسا ما خلللصت بس..
ورااي دوااام .. اسألكم الدعااء

[زهور الريف]

مشكووووووووووووورة :bigsmile::bigsmile::bigsmile:
جزء اكشن مع الملاس والمقلى :wink::wink:
بغى يروح فيها فاضل>>>>خخخ:wacko::wacko:
تسلمين ماقصرت :rolleyes::rolleyes:
حلوووووووو مرررررررة
وبالتوفيق:cool::cool:
ولا تتأخري ننتظرك
تحياتي:amuse::noworry:

[soul on fire]

بسم الله الرحمن الرحيم ..... السلام عليكم ورحمة الله اختي اميرة المرح احب ان ابدي اعجاااابي الشدشد بتئليفك الرئع والاكثر من رائع ولا يسعني غير ان اتمنى من الباري عز وجل ان يوفقك في درستك وانا بئنتظار الجزء الجديد تحياتي : soul on fire وتحياتي الى صديقاتي انين الروح والضحكة البريئة

[أمير العاشقين]

هههههه كان شلخ راسه بالعجره لو المقلى حق الضحك ههههه

وذا رائدوه لازم اكشنات ههههه ضحكني الغبي هههه

بازوكا قا ههههه ياعلي والله اكشنات عليه
لو امي تقول لي قوم واستهبل عليها كان اقرب شي على راسي
تكون خايفه وجاسم تعال ولا مجيب اووه تزلزل الدنيا فديتها هههههه ذكرني بسالفة الوزغه ههه
انا اخاف منها وامي تخاف وشوف كيف ذاك اليوم هههههه ابوي يذخل علينا ويضحك علينا ههههه

اما مقلى ذا ههههه والله خوش أكشن

لو سالفة المقلى تشبة سالفتي يوم اتنوم ما رضوا يذخلو لي رز وانا بدون الرز ما اعيش وهم حدهم كيكه وجربه حدها وسلطه وعصير تفاح وحمص الحين واحد وياه فقر دم وياه g6bd يجيبوه ليه حمص قمه في التخلف هههه

واذا جابوا اهلي الرز اوووه اضرب بالعشره تخيلوا واحد ما ياكل الا من الزياره للزياره ومره ما رضيوا يذخلوا الرز وشوف عاد الوالد كيف سوا هدره وياهم وامي في العباه ويمشي ولا عليها ههههه

بانتظار الجديد خيتوو

شكلي انا بجي بيتكم بالمقلى والعجره حق اذا مهلتي نشلخ راسش

بس تعالي بعدين كيف نكمل القصه

لالا بس تهديد سمعتي هههه

أمزح خيتوو مو تزعلي

أخوك
امير العاشقين

[كبرياء]

هههههههههههههههههههههههههههههههههههههههههه

هههههههههههههههههههههههههههههههههههههههههههههههههه

ياااويلي ويلااااااااه فقعتيني ضحك ههههههههههههههههه

ولاعااد المقلى المخفس هذا هههههههههههه

يللا أميروووووووه مو تطوولي

[Princess]

اهلا اهلا جميعا
هلا بالمتابعه الجديده اسفرت وانورت..
خيي امير ههههههههههههه غربل الله شرك.. تخاف من الوزغه..

تسلمو وتفضلوا الباقي

[Princess]

توه فارس بيمد الملعقه بسم الله الا بدخلة الممرضه الفلبينيه بتحط ابره بالمغذي
وتشووف صحن البسبووسه ما شاء الله و تجي اللممرضه الفلبينيه وتشيل الصحن من قدامه وهي تهدر..
ــ لاااا.. ما يصير بابا.. هذا اكل مو زين..
فارس والملقعه في بوزه وفاتح عيونه.. مفهي حدده..
رائد حمق فيها.. ومسك الصحن.. يسحبه من الطرف
ــ جيبيه اقول.. وجهش اللي مو زين.. تبغي بعطيش...اما تخطفيه خطف.. اللهم ادفع البلا..
حمقت الممرضه وسحبته بالقوه.. ويتنفر على الأرض كله...
ام حسين بعفويه:
ــ جعلش صاقعه.. تصقعش.. خربتي على ولدي اكلته..
رائد..
ــ ويش هذاا .. ليش كذاا.. مجنوووووونه ..
الفلبينيه ولعت حريقه.. وطلعت وهي ترطن فلبييني <<< شكلها تسب
..و رايحه للدكتور بتشتكي..
فارس لسا الملعقه في فمه.. بقايا الحلا.. يستطعمه << مسكين..
رائد::
ــ انا بروح بشوف هالدكتور مهي حاله هذي.. يا يأكلوه اكل زي الناس يا يخلونا نجيب له.. هذا ويش هالبخل..
ما مداه رائد بيطلع من الغرفه.. الا الدكتور في وجهه.. ووراه الممرضه مولعه نار..
الدكتور وهو داخل الغرفه:
ــ هو في ايييه..
ام حسين بلا وعي :
ــ لاااااااا... تدوووس النعمه..
الدكتور داس شوي وانتبه وبسرعه طالع الأرض وشهق:
ــ يا خبرر.. بسبووسه..
الممرضه:
ــ شوف دكتورهذا نفر.. هو في جيب اكل هنا.. هذا فارس ممنوع ياكل ..
رائد:
ــ لا والله تجوعيه حضرتش.. << ويصفق باطن كفه اليمين على ظاهر كف الشمال..وهو يتمسخر
ــ فارس ممنوع ياكل.. بس ياكل عيش وبطاطس.. مافي اندوومي..
الدكتور حمق في رائد..
ــ عيب يا واد.. هيا ما تمنعهوش بمزاقها.. اصل الأكل دا فعلا ممنوع عنوو.. ما يصحش لحالتو دي الا نواااشف.. تعرف يعني ايه نواااشف.. بلاش تعمل لينا مشاكل يقرى له حاقه والا حاقه ويألوا بعدين غلطة دكتوور اااه.. خليك كويس نبأى كويسين..
رائد حمق من هدرة الدكتور.. وبنبره كنها تحدي على مسخره يقلد على الدكتور..
ــ ايوااا.. يا عم.. طيب بلاش تكلمني بالطريأه دي لو سمحت يعني.. انا مش عبيط للدرقه دي..
الدكتور :
ــ ايه.. في ايه.. مالك بتكلمني كدا ليه؟؟ .. انا ألت حاقه غلط يعني
ــ لا خلاص ولا حاقه << قالها وهو يطالع على جنب..
دقت الممرضه الأبره في المغذي...
وطلعت ومره نفسها في خشمها.. وطلع الدكتور وراها.. ورائد مد لسانه وهو مكشر وفي باله.. مالت عليكم وجوه الفقر..
وكل هذا والملعقه بعدها في فم فارس..
شوي الا فارس يشيلها ويشدخها في التبسي وينسدح..
وتجي بعد شويات عامل نظافة ينظف البسبوسه..
ام حسين:
ــ على عمري.. ما مداه يتهنى بها.. ووي على عمري رؤى.. اللي سوتها على حسابه وتعبت حالها.. حسبن الله عليهم..
فارس جته حره.. وفي باله..
ــ انا.. انا اتهنى بشي.. انا حظي منتحس .. مالت علي.. تهي.. اجل مخصصتنها لي.. وبحح.. رااحت.. وين تحصل لي خاصه مره ثانيه.. اخخ بس ...


طبعا وصل خبر البسبوسه لرؤى.. وجتها غبنه مسكينه.. على فارس اللي كان افاده فيها.. وقررت طلعته بالسلامه تسوي له وحده... << مين قده بعد..


يوم ثاني الخميس.. الساعه.. 4 العصر.. في بيت فاضل........
وصل فارس بالسلامه... اول من استقبله فاضل..
فاضل: ــ هلا .. هلا وغلا.. الحمدلله عالسلامه..
فارس: ــ هلا عمي الله يسلمك.. وانت بعد الحمدلله عالسلامه.. لك وحشه والله..
فاضل: ــ الله يسلمك وانا بعد وحشتوني.. اخبارك انت..
فارس: ــ الحمدلله... تمام..
رائد يعلق..
ــ خخخ اخباره.. طالع من خشمه عيش وبطاطس مسلووق هههههههه
فارس: ــ ههههههه يعووه عليك عز الله النعمه.. زي وجهك تشبيهاتك..
ــ فديت ويهي.. ياحليله..
ــ انشب بس..
ــ زين خخ..


دخل المجلس.. طبعا.. بالموت والصاقعه ومليون الف رجا من فاضل لأم حسين.. يضلو وياهم كم يوم لين يصير فارس احسن.. وفارس مهو راضي.. على قولته ما يحب يكلف ..
رائد:
ــ استح على وجهك هاا.. لا تقول كذا تكلف ويش
فارس وهو ينسدح بالمنام في المجلس:
ــ اااخخخ.. والله زايدين القعده وياكم.. ويش فيك انت عندنا بيت..
ــ كف..
ــ لا والله.. من صجي اتكلم.. بس الليله.. وبكره بنروح بيتنا..
ــ دست..
ــ لا.. تايسن طالع لي فيها.. عدال باقي بكس يا محمد علي كلاي.. يللا ادي لوو.. ويش مستني..
ــ هههههههههههههه دبتك.. انشب بس..
قعد رائد ويا فارس يسولفوا


ربع ساعه الا باب المجلس يطق .. فتح رائد الباب.. لقى رؤى.. حامله تبسي في بسبوسه وشاي..
رائد من شافه تهلل وجهه .. وصفق صفقه..
ــ هلاااا وسهلاااا... خووش حلاااا..
رؤى تضحك وتهمس لرائد:
ــ تحمد له بالسلامه عني..
رائد اخذ التبسي وقدام رؤى.. قال لفارس:
ــ فويرس..
فارس:ــ هلا
ــ هذي رؤى جايبه لك بسبووسه.. وتتحمد لك بالسلامه..
فارس ارتبك.. تربط لسان.. قلبه قام يدق.. في باله : يوو.. وااو.. لا... والله.. ياقلبي..
ــ احم.. الله يسلمها مشكوره وما قصرت.. يعطيها العافيه.. وهي بعد ما تشوف شر
رائد:
ــ الله يعافيك... والشر ما يجيك


قعدوا ياكلوا في البسبووسه..
رائد وهو يبلع:
ــ زي بسبووسة رؤووه ما ذقت..
فارس:
ــ أي والله.. لذيذه مره.. فنانه ما شالله..
ــ اختي فنانه بكل شي فديتها.. بس انا نحيس وياها احيانا..
ــ ههههههه نحيس الله الله فيها ما عندك غيرها كان زين عندي خوات لو اخوان .. << احم..
ــ هههههه ان شالله عمي... ويش دراك يمكن عندك من ابوك اخوان وخوات مغاربه
ــ هههههههه جايز والله.. خيرتنا نروح ونشووف...
ــ نعم...
ــ الله ينعم عليك.. سكر هالسالفه لكل حادث حديث ادري بك الحين بتفتح لي سالفهويش طولها وويش عرضها.. اتحلف بها..
ــ اقول..
ــ هلااا..
ــ خلص بسبوستك.. وتلحف ونام..
ــ هههههههه ان شالله عمي..


وليلة الجمعه... عند الماكدونلدز بالواحه....


------------------
اعذرووني على الفقر في الأجزاء
بس على حسب وقت فراغي ..
باي باي قريبا.. :cool:

[ســحرالقوافي]

وااااااااااااو

روووعه


صراحه ها الجزء

كله ضحك في ضحك

و وناسه في وناسه


روحي ياميره
ربنا يفتحها فوشك دونيا واخرة


تصدقي عاد شهيتيني للبسبوسه

<< الجوع ضرب فيوزاني<<<<<<<<<<<< خذ لك لوزين
خخخخخخخخخ



بنتظار روعة القادم


دمتــ بود

[زهور الريف]

واااااااااااااااااااو جزء جنااااااااااان الله يخليك خيتو
مسكين فارس عور قلبي يوم طاحت البسبوسة
بس الحمد لله الله عوضه
هههههههههههههه
والله رائد يوم يبي يتشابق وي الدكتور هههههه فلتة
الله يوفقش انشاء الله
ولا تنسونا من الدعاء

[كبرياء]

جزززء أكشنات على حركات

روووووعه مررررررره

يسلموووووووووو أميرووووووه وبانتظاااااار البقيه

[الحال2007مه]

اني لومن رائد ادوس في بطن هالمصري المعفن الله ياخدهم كلهم وخاصه المصري اللي في بالي هو وي مرته <<<<اكيد عرفتيهم اميرووووووه
مشكوره على الجزء احلى اموووووووور

[الأمل البعيد]

سلام من الله عليكم
وااااااااااااااااااااو جزء رووووعة حلو
تسلميييييي اموووورة واخذي راحتش اهمشي صحتش
يسلمووووووو والله
ههههههههههههههه كل ما اتذكرالبسبوسة اشتهيها ااااامممم لذيذة
وش هـ النحاسة هاذي النحيسة الممرضة هي والدكتور وماخلو فويرس يتهني وضيعوا تعبة رؤى
قههههههر
تحيااااااااااتي

[زهرة القلوب]

هههههههههههههههههه
مشكوره خيتو عالجزء الروعه
الله يعطيش الف عافيه
تحياتي

[Princess]

العفوو جميعا ومشكورين على التواجد الجميل
الحالمه ههههههههههه ايه عرفتهم اكيد احم اللهم اني صائم :toung:

تفضلوا الجديد

[Princess]

وليلة الجمعه... عند الماكدونلدز بالواحه....


مشعل يطالع بساعته..
ــ افف بلاها هذي تأخرت الساعه 11.. ووعدها 10.. وما ترد على جوالها.. لا يكون بس تلعب معي...
ايمان في البيت منسدحه ... وجوالها مليون الف مكالمه من القوطي << مشعل ... وعاطتنه طناش...
طووط طووط طووط << لم يتم الرد
مشعل:
ــ ووجع ان شالله.. ليش انا حمار حقها تواعد ولا تجي.. انا عارف من اولها استغربت.. لكن معليش يا ريووم اوريك..
ايمان تفكر.. وابتسامه بارده مرسومه على شفتها.. رفعت الجوال .. وضحكت وفي بالها..
ــ يعني اسويها واطلع.. اووف.. خله مره ثانيه.. والا لويش خلني العب شويه..
مشعل زهق ساعه كامله ولا ردت.. طلع من الماكدولندز وركب سيارته ومشى...
وشوي الا جواله يرن.. والإسم..مصيوده.... << خووش لقب يعني تعادل 1_1
مشعل يهلوس ..
ــ هلا والله.. تأخرتي توك.. اوريكي لكن.. خليكي واقفه مثل ما وقفت.. << ولا رد عليها
ايمان.. تتصل مره ومرتين وعشر.. بالنهايه عرفت انه شكله يعاندها زي ما طنشته.. فوقفت...
وبعد عشر دقايق رجع مشعل واتصل << مو قادر...
وبصوت كله تكسر وتعب ايمان:
ــ الوو..
مشعل: ــ هلا والله .. وينك؟؟
ــ تعبااانه..
ــ تعبانه.. سلامتك حبي شفيك؟؟
ــ الله يسلمك .. بس مصخنه.. وكنت نايمه اعذرني.. فديتك.. متولهه عليك..
ــ فديتك انا.. انا هم متوله ازود منك.. حيل مشتاق لشوفتك.. اف على حظي هذا منتهي مدته..
ــ هههههههههههه<<< وفي بالها باااايخ
ــ فديت هالضحكه عساها دايمه ياربي.. طيب ما اقدر اشوفك ..
ــ ان شالله وقت ما احصل فرصه بكلمك..
ــ تسلمين.. بس لا تتأخرين ..
ــ لا لا تخاف بس اصحى.. واصير كويسه بدق..
ــ اووكي.. يللا فديتك ريحي راسك
ــ اوكي يللا باي باي مشعل << وفي بالها من هدرتك اريحه..
ــ باي باي ياروح مشعل..


رمت ايمان الجوال على جنب.. وفي داخلها مليون الف هوجاس وصراع نفسي.. طغت دمعه بعينها... حضنت مخدتها ونامت...


بعد اسبوع......في مجلس فاضل على الكمبيوتر .
رائد وفارس يشيكوا النسب على النت......
شيك رائد نسبته.. وبصرخه قلع المكان
ــ ياااااااااااااااااااااهوووووووووووووووووو .. كلووووووش وش وش ...
فارس قام يصفق ويصفر,, ويطبل على خلفية الكمبيوتر ورقص..


فارس: ــ الف الف مبرووك حبيبي تستااهل كل خير وربي .. الله خلف تعبتك وجهدك عقبال القبول بالجامعه..
ــ ان شالله يااارب تسلم الله يخليك.. يالله الحمدلله اخيرااا ..
ــ يللا عقبال اختك نفرح فيها الحين شيك وشوف..
ــ ايه تعال مليني رقم الجلووس مانى عارف من الفرحه..


فارس يملي رائد الرقم... اضغط بحث .........................................
رائد:
ــ افااااا.. يـــــــــــــا الـــــــــــــــلـــــــــــــــــــــــه...
والتفت الى فارس .. وفارس هو الثاني متأسف ووجهه اعتفس...وفي باله:
ــ ياربي ياعمري الحين بتنصدم.. تووها هذاك الإسبوع طايحه.. الحين ويش بيصير فيها الله يكون بالعون..
رائد..
ــ ياربي ويش اسوي كيفا اقول ليها.... مانى قايل تشيك هي وتشوف ارحم لي...
فارس:
ــ لا حول الله الله يكون بالعون..
شوي جوال رائد يدق... الا هو حيدر:
رائد:
ــ هلوو هلا ههلوو خااال.. قوووه
ــ هههههههه هلا والله الصوووت مبين من عنواانه هاا بشرر..
ــ الحمدلله 96% وانت ويش هااا
ــ الف مبروك.. الحمدلله اعلى منك بحبتين..
ــ الف الف مبرووك.. وحسنوه ما دريت عنه..
ــ لا لسا .. ما دقيت بالدور عليكم... لحظه انتظار بشوف مين..
طالع حيدر الشاشه ورجع كلم رائد:
ــ ههههههههههه الدب عند ذكره هذا حسنوه اكلمه وارجع ادق عليك باي
ــ هههههههه طمنا عليه وسلم لي عليه الدب باي..
ــ اوكي..


رد حيدر على حسن...
ــ هلااا ابو علي.. هااا ويش الأخبار
ــ اوه اووه.. عال العال .. الحمدلله ما نقصت الا 4 نسب.. وربي كنت احاتي مخسف في الدين تخسيف..
ــ هههههههه الحمدلله .. ايه يسلم على رائدووه
ــ الله يسلمك اخبااره.. والا اقول لك فارق بدق عليه..
ــ ههههههه وجهك.. خالك انا لا كف.. فارق ولا تشغل الخط وايد ابغى اكلمه انا..
ــ روح مناك.. ما تشبع منه انت.. خليه شويه لينا
ــ ههههههههه اكله هو.. ابغاااه اناا ما اشبع .. لو اكلمه ساعه خلص يللا
ــ اهب .. على رصيدك .. حسدة قوويه هذي..
ــ هههههههههه ويش اهب بعد.. مع وجهك..
ــ خخخ هذي عداني بها مشعلوه البطيخ .. صدق فارق بدق عليه وعلى نوافوه بشوف اخبارهم باي.. واول رائد لا تدق زين لا تخاف ما بطول وياه..
ــ اوووكي...


حسن دق على رائد... وبشره بالنجاح.. ودق على مشعل .. .. للأسف ما جاب نسبه.. بس ابووه احم.. يدبر له كرسي بالجامعه.. افاا عليه ولا يزعل حبيب البابا.. نواف جاب نسبه والحمدلله...


رائد طلع من المجلس ... راح لأمه.. وكانت مع رؤى... وام حسين
ــ اماااه << قالها وهو مبرطم..
ــ هلا امي ويش صاار هاا.. طلعتوها..
ــ ..................................
ــ لا تخلعني هاا.. ويش ... طاحت نسبتك.. لا عااد .. رائدووه
ــ هه ههه ههههه ههههههه ههههههههههههه ههههههههههههههههههههههههههههههههه
ــ وي ولدي استخف.. رائد امي.. ويش .. ويش طلعت..
ــ هههههههههههههههههههههههههه ياااااهوووو سطه وطسعيييييين...
رؤى صررررخت..
ــ هييييييييييييييييييه ايواااااااااااا هياااااااااا...
زهرا طاحت دموع الفرحه.. وخذت ولدها بالأحضان..
ام حسين :ــ افضل الصلاة والسلاام عليك يا حبيب الله محمد...
زهرا: ــ الف مبروك امي الحمدلله رب العالمين .. عقبال الشهاده الكبيره يارب..
رائد: ــ الله يبارك فيش ويخليش..
رؤى:
ــ الف مبلووك غنااتي .. واني طلعتووها..
رائد ارتبك..
ــ الله يبارك فيش.. انتين.. ااا
الا جوال رؤى يدق .. المتصل حنين..
رؤى صوتها مبحوح صار فجأه من الصريخ :
ــ هلا
حنين: ــ اهلين غناتي,,, اخبارش
رؤى تتنحنح تعدل صوتها: ــ الحمدلله.. وانتين
ــ الحمدلله واحشتني.. غناتي.. ولا تزعلي روحش.. ولا يهمش.. هذا المكتوب... يصير.. <<< طلعت نسبة رؤى.. عندها رقم الجلووس ..
رؤى مهي فاهمه شي ...
ــ ويش تقولي حنين.. ويش ما ازعل...
حنين تفكر رؤى زعلانه وتعتب بهالكلام..
ــ لا بس غناتي.. انتين لا اول وحده ولا اخر وحده تنزل نسبتها.. اصبري بس والله يعوض عليش.. حسبن الله على بليس.. ولا تزعلي روحش ولا شي صحتش بالدنيا..
رؤى فهت.. وفهمت السالفه.... وبنبره مخنوقه..
ــ ليش .. كم؟؟؟
حنين مهي فاهمه..
ــ ويش اللي كم؟؟؟
رؤى ودمعتها شوي وتطيح :
ــ النسبه ....
من قالت النسبه.. رائد تغيرت رسومه وراح المجلس لفارس...
زهراء واقفه تطالع في رؤى...
حنين انتبهت ... للسااالفه ان رؤى ما تدري .. لا حووول...
حنين :
ــ اسفه غناتي مو قصدي بس فكرت وصل لش الخبر واتصلت اواسيش اني خبله وفتانه اسفه..
رؤى وصوتها يتعب زياده..:
ــ حنين.. كم.. قولي..
حنين بخوف وغصه على رؤى..انها بتسمع منها هي الخبر:
ــ اااااااا تسعه
رؤى وهي تنافخ:
ــ تسعه وكم...
حنين:
ــ...............
رؤى تصارخ:
ــ وووكـــــــــــــــــــــــم....
حنين بهمس متألم:
ــ ثمانين
رؤى:
ــ لاااااا.. احللفي.. لاااا عاااد
زهرا اخذت السماعه من عند حنين..
ــ هلا حنين.. بسكر الجوال زين مع السلامه

تابع>>

[Princess]

حنين مفهيه.. قامت تصيح من الخلعه.... وراحت لأمها استأذنتها بتروح بيت فاضل..
رؤى وحالتها حاله وصياح:
ــ ويش .. لويش كذااا.. تسعه وثماانين.. كااانت 99 ... ويش سويت اني..
ام حسين..
ــ هدي امي .. اخزي بليس.. قلعتهم.. اهم شي انتين..
زهرا..
ــ أي اهم شي انتين بلا نسب بلا بطيخ..
رؤى تضرب فخوذها وهي تصيح..
ــ ويش اسوي.. الحين.. والله تعبت.. تهي تهي.. والله ذاكلت.. وملضت وكل شي.. تسعه وثماانين.. ياالله.. وين الووح بها.. أي دااهيه تقبلني
زهرا. وهي تصيح:
ــ بسم الله عليش من الدواهي..
رائد وفارس سمعوا صريخ رؤى..
رائد:
ــ الفتااانه حنينووه ما اطيقها هي السبب .. انا ما قدرت اقول ليها.. وهي على طول تبشرها بشاره..
فارس ساكت ولا هو عارف ويش يقول..
رائد : ــ برووح اشووفها.. حسبن الله عليش يا حنينووه..
ما مداه رائد يطلع من باب المجلس رايح للصاله.. الا جرس بيتهم يطق...
طلع يشوف مين.. لقاها حنين... ويحط حرقته فيها ويصررخ عليها..
ــ ووويش جااايبنش يا ساااس البلا...
حنين من شافته يصرخ عليها كذا شوي ويغمى عليها.. وجتها الصيحه.. ورجعت بيتهم تركض...
دخلت البيت وكانوا بالصاله امها وسمر وشذى ...
مريم:
ــ يوه حنين توش الا رايحه ويش رجعش..
حنين تكمل طريقها للدرج بدون ما ترد على امها... وكانت نازله اختها كوثر لابسه فستان عرسها توريه امها وسمر كان عدل والا يبغى له شوية تعديلات.. لأن بعد اسبوع عرسها...
وهي تصعد تدووس على فستان اختها .. وتتعثر به وتطيح على الدرج..
كوثر وهي معصبه..
ــ فتتتحي عينش عدل .. بغيتي تشقيه الي...
حنين ما ردت عليها بس فقعتها صيحه... وكملت لفووق... كوثر مستغربه ويش صاير؟؟
مريم قامت ورى حنين بتشووف ويش السالفه..
وكوثر راحت لسمر ..
ــ ويش صاير سمووره
ــ ويش دراني .. حالي من حالش.. الله الله ويش هالزين ويش هالغزال .. ويش هالحركات
كوثر فرحانه بكلام اختها.. ومهي عارفه ويش ترد..
سمر وقفت تعدل الصدر تبع الفستان..
ــ ممممم هذا يبغى له تضييق شويات لا يطيح عليش...
وسمر تعدل في صدر الفستان.. ما انتبهت الا كوثر حاضنتنها وهي تصيح...
شذى مبققه عواينها ومبتسمه...
سمر بادلتها الحضنه.. وجتها الدمعه.. وبضحكه وهي تمسح على ظهر اختها::
ــ ويش فيش بطيخه تصيحي
كوثر: ــ ماني متخيله اليوم اللي باخليكم فيه وخصوصا انتين..ما اقدر استغني عنكم...
سمر : ــ ومين قال بتتخلي شان اكسر راسش..
كوثر قامت تضحك...
الا بنزلة مريم من فووق و وهي تصارخ:
ــ الحقووا علي.. سمر .. شذى.. كووووثر...


والى اللقاء قريبا... :rolleyes:

[عازفت الاوتار]

واااااااو

الجزء روعه واروع من الروعه

بس حنينوه تستاهل الي سواه فيها رائد

و روى مسكينه

انتظر الجديد

تحياتي

[ســحرالقوافي]

تهي تهي تهي


جزء كله خلعات

مسكينة رؤى

ان شاء الله يكون خطاء في الكمبيوتر

مع اني ذايقتنها طاحت نسبتي تقريباً زيها
من فوق فوق الى تحت تحت

الله المعين


ومسكينة حنين

يعني اول شي خلعتها على رؤى وبعدين صراخ النحيس رائدوه وبعدين تكمل بطيحة اكيد راحة فيها


تهي تهي تهي ........... للحين كاسرة خاطري

يسلموو وبنتظار القادم

دمتــ بود

[..انين الروح..]

اهئ اهئ
حرام رؤى تنزلي نسبتها كده مره زفت امووور يا شينش ادا سويتيت حزن ....... سكتي لا يطردوش

ورائدوه دي الي ماي عرف للبنات يبغي له دروس خصوصيه في التعامل صحيح ما يستحي قا خايف قال
مسكينه حنون علي عمري والمستشفى بعد الي تستضيف ابطال القصه خخخخ
بنتظار الجزء الجديد
تحياتي
..انين الروح..

[زهور الريف]

جزء رووووووووووووووعة
يجنن
ومسكينة رؤى على النسبة الله يساعدها
وحنين بس لا يكون صار فيها شي جايد
ترى كل من رائدوه النحيس مايستحي يصرخ
على البنيه
يللا مشكووووورة وتسلمي
وإلى اللقااااااااااااااااااااء

[**جوان**]

واو

اخيراا

نزلتي يا غناتي الجزء الجديد

بس جزء مـره روعــه

تسلمين خيووه

[زهرة القلوب]

مسكينه حنين ما تستاهل الي سواه الها رائدوه
مشكوره خيتو عالجزء
الله يعطيش العافيه
تحياتي

[الأمل البعيد]

اهئ اهئ اهئ
حراااااااااام
جزززء روووووووووووعة يسلمووووووو كل خلعات
ومسكينة رؤى حراااااااااام اتوقعها غلط في الكمبيوتر
ويمكن الأولى بعد
ومسكينة حنين ماخلصت من خلعة رؤى يجي رائدوو ويصرخ عليها
لاحوووول
يسلمووووو خيتو
تحيااااااااااتي

[كبرياء]

تهي تهي تهي

أميرووووووووه ولعتيهااا نااااار

جزء مرررررررررررررره رووووووووعه لاتطولي بالبااااقي لاتحترق اعصابي <<< خخخخ ياشاعر

يسلموووووووو اميره لاعدمنا هالقلم المبدع

تحياتيـــــــــــــ

[آهات عاشقه]

روووووووووووووووووووعه

بصراحه

اعجزويش اقووول الش

لان القصه روووووعه وتجنن


تسلمي يالغاليه

والله يعطيش الف الف الف عافيه

[أمير العاشقين]

اميروووووووووووه بسرعه بنشوف ويش بيصير في فارسوووه ولؤى يالله بسرعه هااا

والله تمام بس انا فيني شي قاهرني الحين بطلعه

ليش البنات لما يجيبوا نسبه مثلاً 89 يقولوا الاوه والاوه يعني هم السبب ما حلوو عدل ويش يسوا ليهم بعد

يعني بخطؤهم في الاجابات مستحيل

بس يعني هذا يسمووه دلع بنات والله

[سيناريو]

اني من زمان ماقريت القصه واليوم قريت الأجزاء اللي فاتتني
الله بسبوسه والله بطني يسوي قراقر يبغى بسبوسه الحييييييييييييييين
لا وطلعت أميرووووو تعرف مصري عدل
أيووووه ياسيدي ازاي ماتعرفش يعني وفي الكليه الدكاتره مصاروه عفر


اييييييييييه البنات شاطرين وعيونهم كله في هالكتاب وكل يوم تحضير ومشاركة وتعديل في ذاك الدفتر موزي الصبيان مايذاكروا الا في وقت الامتحان والدفتر خرابيش ولا يحضروا الدروس أصلا ههههه
>>>> اسكتي لا الحين يسووا هجووووووم ههه أكيد مو كلهم بس اللي عندنا من الصنف الأول
على قلبي رؤى مسكينه فالف فنوي بحره غزير ويوم اللي تطلع فيه النسب تطلع فيه الروح
لا وحتى حنين مسكينه ويش ذنبها جزاتها بتواسي رؤى وينقلب عليها الحال 180 درجه لا 360 بعد
مايندرى ويش صار فيها ؟؟

[Princess]

ههههههههههه يسلموو والله جميعا منورين
يعطيكم الف عافيه
والله يجزي الصابرين ويش... خيرا..
مممممممم بالنسبة لحرتك خيي امير اوافقك عليها صراحه هي دلع بنات.. بس رؤى على عمري ظروفها كانت صعبه فطاحت النسبه .. بسبب مرضها.. غير كذا لا...
الصياح والقهر والأوه ,والأااه اذا جابت النسبه وما استقبلتها الجامعه اللي تبغاها والتخصص اللي تحلم به.. هنا مو دلع بنات.. هنا وجع القلب.. والله يكن بالعون...

منورييين جميعا.. هههههههه بس حبيت اعلق على سيناريو.. حبابه متعوده ويش اسوي اذا باليوم مو اقل من ساعتين هدره بالمصري على راسي.... من وين ما اختم اللهجه :)

وتفضلوا الجديد

[Princess]

الا بنزلة مريم من فووق و وهي تصارخ:
ــ الحقووا علي.. سمر .. شذى.. كووووثر...
سمر اختلعت..
ــ ويـــش صاير ...؟؟؟؟؟؟؟؟
شذى وكوثر راحوا لأمهم على الدرج..
وقفت مريم وهي مره هلكانه ووجهها مو على بعضه..
ــ حنين.. حنين ما ادري ويش فيها.. قافله الباب ولا ترد.. شفتوها رجعتها مهي على بعضها...
شذى..
ــ دقي على بيت عمي فاضل وشوفي ويش صاير عندهم وليش رجعت بسرعه.. لا يوكن بس هي ويا رؤى تشابقوا لو شي ..
سمر:
ــ خذ لك يهال قالوا لش يتشابقو.. بس صحيح اماه دقي عليهم واسألي..
دقت مريم ورد عليها رائد..
ــ هلا رائد قووه ويش احوالك..
ــ الحمدلله هلا خالتي <<< وفي باله.. لا والله عاشوا اكيد راحت واشتكت عند امها...
ــ وين امك..
ــ هذا هي لحظه..


رائد:
ــ امااه ... ام سمر تبغاش..
زهرا كانت جنب رؤى تهدي فيها...
قامت للتلفون....
ــ هلا مريم..
ــ هلا فيش اخباركم..
ــ الحمدلله على كل حال بخير وانتون اخباركم..
ــ الحمدلله .. الا بسألش.. حنين من شوي ما جت ليكم؟؟
ــ لا ما شفتها.. ليش ويش صاير
مريم اختلعت على بنتها..
ــ يوو.. احلفي.. طلعت على حساب بتجيكم وما طولت.. الا هي راجعه بصياحها وحالتها وقافله عليها الباب..
ــ يــــــــاعلي... يا ساتر.. دقيقه بس كني سمعت جرسنا...
زهراء تسأل رائد..
ــ مين اللي كان على الباب..
رائد:
ــ حنين...
زهرا..
ــ وتسمعني اقول ما شفتها ما تقول شفتها انت.. وويش صاير ليش ما دخلت..
رائد:
ــ سفلت بها صراحه..
زهرا ضربت على صدرها..
ــ وييش تقوول ولوويش؟؟
ــ ملقووفه.. شوفي رؤووه كل اللي فيها مسواها..
زهرا رجعت تكلم مريم..
ــ اسمحي لي خيه.. تعرفيه رائد ولدكم ونحاسته.. يقول صارخ عليها لأنها علمت رؤى بنتيجتها..
مريم:
ــ يا ساتر خير اللهم اجعله خير ليش ويش النتيجه..
ــ الحمدلله على كل حال.. مهي لهناك واكي ذابحتنا رؤى صياح..
ــ وي على عمري .. ورائدوه حسابه تالي ويش ذنبها بنتي يصروعها.. اوريه..
زهرا:
ــ ايه رائد ولدكم ووريه..
زهرا تكلم رائد:
ــ اكي بتوريك شغلك .. لويش تصروع حنين..
رائد قام يضحك عليهم..
ــ خخخخ صحيح زين ما عليه.. بس قهرتني هي .. خلاص حقهم علي..
زهرا:
ــ يقول خلاص حقكم عليه.. عفر خاف منش .. ويش تسوي بولدي..
ــ هههههههههههههه.. زين احسن له.. والله ولا شي.. طول ما اني اعتب عليه لو اهزأه وهو ينكت لي.. اني ما اقدر واضحك.. الله يسلمه لش ويخليه..
ــ ههههههههه تسلمي الا ويش اخبار كوثر.. ها خلصتوا تجهيز ليها والا بعدكم.. ترى نعين ونعاون ما يردكم الا لسانكم..
ــ الله يخليش الحمدلله خلصنا باقي اشيا بسيطه ليها العروس ونقضي..
ــ يالله متباركه ومتهنيه وبلغش الله بسمر وشذى وحنين..
ــ الله يبارك فيش وتسلمي وبلغش في رائد ورؤى.. يللا اجل دام السالفه بس صرخه من رائد متعودين عليها... بس الحين قافله الباب.. غربلها الله.. يوو هذا هي نزلت هههههههه والله نحاسه..
ـــ هههههههه صدق .. الحمدلله.. حلاوتها حنونه اعرفها تزعل وترضى بسرعه.. والله رائد مو قصده بس من حرقته على اخته...
رائد في باله وهو رايح المجلس لفارس..
ــ الا دلاعه ولقافه.. وما اقدر عليها .. وصاقعه...
مريم:
ــ يللا سلمي على رؤى وخلها تشد حيلها ولا هي اول وحده ولا اخر وحده وهذا نصيبها,, وتتأكد عدل من المدرسه لا تعتمد على الكمبيوتر تصير اغلاط احيانا..
ــ ان شالله. الله كريم ... الله يسلمش..
ــ يللا مع السلامه..
ــ الله يسلمش حياش الله


رائد في المجلس وهو متحمق ويحش في حنين..
ــ اووووف ما اطيييييقها.. صاقعه هالبنيه ويلي..
فارس:
ــ هههههههههه عيب عليك يا بطيخ استح على وجهك..
ــ ههههههههه والله لو تعرفها كثر ما اعرفها انا.. كان عفت حياتك..
ــ بل بل حشا مو لهالدرجه خويت اختك هي .. كف على وجهك خلاص.. << فارس ما يحب الهدره على بنات...
فارس يبغى يقهر رائد:
ــ احم.. ياخوفي تطلع زوجة المستقبل بس..
رائد:
ــ مـــــــــــاااعليه.. يصـــــــيـــــــــــــــــــر خيير.. والله لو ينقرضوا البنات ما اخذتها..
ــ هههههههههههه لهالدرجه..
ــ خخخ واكثر..
ــ استغفر الله خلاص بس الله يستر عليها...



في بيت رضا... مريم ...كلمت حنين.. واللي مسكينه على طول رضت وعلى قولتها.. متعوده على توم <<< تسمي رائد توم ... لأنه كل يتعليف ويستظرف..


بعد اسبووع....


سمر حاضنه كوثر.. على الكوشه... والدموع تسيل... منظرهم مؤثر كان بالمره...
كوثر بهمس:
ــ سمروه بتوحشيني ..
ــ خلاص عاد.. انتين اكثر والله..لا تصيحي...
ــ ماني قادره.. ما اتخيل اروح بعيد عنكم وديره ثانيه..
ــ بلا نحاسه خلاص في سيارات ويش فيش..
حنين جت تفلص في العروس على جنب من تحت لتحت..
وباستها..
ــ الف الف مبرووك خييه..
كوثر والدموع تسيل ..
ــ الله يبارك فيش..
شذى جتهم وهي تضحك..
ــ بلا خباله.. كوثرووه وجهش صار كنه طفو .. مره سواد بيسيل الكحل كله.. بتروحي لريلش وحاتلش حاله.. يللا عاد اضحكي الف مبروك.. غناتي...
كوثر بإبتسامه ...
ــ الله يبارك فيش... وعقبالكم كلكم حبايبي...
شوي الا بجية مريم.. من بعيد وكوثر تطالعها.. وهي تلمح في عيونها لمعة الدموع..
وعلى بعد مترين من كوثر.. فتحت ذراعينها.. وحضنها متلهف لحضن كوثر..
وتحاضنو.. وصاروا الأخوات والقرايب كلهم يصيحوا <<< فلم هندي...
وقضوا العرس فرحه ووناسه ورقص.. ورؤى غيرت جو عن الكتمه اللي صابتها بسبة النسبه.. واستانست..

تابع>>>

[Princess]

بعد اسبوع...
حيدر في صالتهم.. منسدح على الكنبه وعلى الكنب اللي جنبه ابوه غافيه عيونه ...شوي الا جواله يرن.. وكان المتصل السيد جعفر ...
السيد جعفر:
ــ السلام عليكم ورحمة الله وبركاته..
حيدرقام قيام.. وهو مبهوت وفاتح بوزه شبر.. ومفقق عواينه شبرين.
ــ هلا هلا .. وعليكم السلام هلا سيد..
ــ اخبارك يا ولدي واخبار امتحاناتك..
حيدر مرتبك مو عارف ويش يرد متفاجئ من الإتصال:
ــ الحمدلله بخير الله يسلمك..
ــ الحمدلله.. عاد من متى وانا ابغى اكلمك واقول لنفسي يا رجال اصطبر الصبي وراه ثانويه عامه.. بس الحين الحمدلله خلصت وجت الفرصه المناسبه..
ــ وانا تحت امرك سيدنا امرني..
ــ ما يامر عليك ظالم.. ليلة الجمعه.. في حسينية الـ.... بــ ..... واحد اعرفه ناذر نذر لأم البنين سلام الله عليها.. وانا اقترحت عليه .. اللطميات بتكون عليك انت يا حيدر..
حيدر ما صدق خبر من سمع الإقتراح...
ــ الله يخليك وتسلم والله وانا حاضر في الخدمه.. وان شالله اكون عند حسن ظنك.. وابيضها ..
ــ الله يحفظك .. خلاص اتفقنا.. واليوم بعد صلاة العشا طلعتنا من المسجد ابغى اشوفك.. بعطيك اللطميات تقراهم وتتدرب عليهم..
حيدر مره طاير من الفرح:
ــ ان شالله على خير ..
ــ حياك الله ولدي..
ــ الله يحييك مع السلامه...
سكر حيدر الجوال.. وصرخ حد ما عنده ..
ــ هيااااااااااااااااا
ابو كرار طفر من على الكنبه..
ــ بسم الله الرحمن... ويش فيك استخفيت...
حيدر راح لأبوه.. واخذ العكازه وصار يلوح بها في الهوا ..
ــ يبا.. كيفا يرقصو..
ابو كرار..
ــ يرقصوا بعينك.. مو يرقصوا... ينشو..
ــ ههههههه تفرق..
ــ ايه انتون يالصبيان.. الحين رقصكم ديكسو.. وما تستحوا..
ــ دي ويش ديكسو بعد .. خخ ديسكو يبا..
ــ ديسكو.. ديكسو.. دسيكو.. اللي يجي.. المهم الواحد منكم يفتر كنه مصروع.. تقول يطق طيران ويطلع زيران..
ــ هههههههههههه ما اسوي كذا انا.. مينوون.. ههههههههه وينا شايفنهم يبا..؟؟
ابو كرار :
ــ هاا.. وينا بعد في التلفزيون..
حيدر بنحاسه يمزح:
ــ في التلفزيون هااا..
ابو كرار يلوح حيدر بغترته..
ــ مناك.. يللا..
حيدر بالعكازه رجع يلوح بها..
ــ هاا ما بتعلمني...
الا بدخله ام حيدر عليهم..
ام حيدر :
ــ يؤ ويش صاير..
ابو كرار:
ــ ويش مدريني عن ولدش استخف..
وحيدر ولا عليه يلوح بالعصايه فوق وتحت..
ام حيدر:
ــ ويش صاير حيدر..
حيدر:
ــ اماه.. نشي نشي..
ام حيدر: ــ هههههههه.. عفر استخف صدق...
وعلمهم حيدر السالفه..
ام حيدر بلا شعور.. قامت تصفق وهي تناقز.. من الفرحه..
ابو كرار وحيدر ماتوا عليها من الضحك..
وهي مره فرحانه.. ويوم انتبهت لعمرها..
ــ يوو.. تخوبلوا الواحد خوبال تخلوه يطلع عن طوره.. اللهم صلي على محمد وااال محمد
صلت المصليات على ولدي حيدر.. اوووف..
وصارت تقرى عليه المعوذات.. واوووف وهي رايحه...



على ضوى شمووع
لا ادري .. الى اين اسير.. فدربي بات بالعراقيل التي صنعتها بيدي مثقلا.. وشاقا.. وصعب عسير..
دنياي الفانيه.. ارتجي منها حضن يدفئني ويطلق بوحا في قلبي اسير.. تائهه محطمه.. ولا املك في عمري سوى لحاف دموعي وصبري الحصير...

دمعه طاحت على الورقه.. وسال الحبر الأزرق .. و بعدها طفت الشموع... ورحلت لعالم همها وحزنها الدفين....

الى اللقاء قريبا... :cool:

[عازفت الاوتار]

هاي

امور مشكور الجزء روعه

فارس يبغى يقهر رائد:
ــ احم.. ياخوفي تطلع زوجة المستقبل بس..
رائد:
ــ مـــــــــــاااعليه.. يصـــــــيـــــــــــــــــــر خيير.. والله لو ينقرضوا البنات ما اخذتها..
ــ هههههههههههه لهالدرجه..
ــ خخخ واكثر..

اني اتوقع انه بياخدها

لانه ما يجي بعد الكره الى المحبه

تحباتي

[كبرياء]

يسلموووووووووووووو أميروه على الجزء الروووووعه هذا والله حراام عليه رائدوه يسوي كذا مع حنين خخخخخخ

بانتظار البقيه

تقبليـــــــ مروريــــــ وتحيــــــــااتيــــــــ

[زهور الريف]

جززززززززء روووووووعة
الله يغربل حيدر ضحكنا
هههههههه
ويسلموووووووو

والحمدلله حنين بس زعلانة اني توقعت شيء ثاني>>>>>>>> كل تفاول
وننتظررررررررر الجزء الجديد
باااااااااااي

[روائع القصص]

يسلمو

[آخر شقآوهـ ..~]

ويا رؤى هده كتبت ربكِ
اجل اجل
تسلمييييييييين اموور ع الاجزاء الروعه
يعطيك ربي الف عافيه
تحياتي
ضحكوه البطه

[سيناريو]

يبا.. كيفا يرقصو..
بيصير رادود ويسأل كيف يرقصوا هههههههه

يسلمو أمور حبيبتي على الأجزاء الحلوه
موفقه ان شا الله

[الأمل البعيد]

هههههههههههههههههههههههههه
ويلي حليو الجزء

ــ احم.. ياخوفي تطلع زوجة المستقبل بس..
رائد:
ــ مـــــــــــاااعليه.. يصـــــــيـــــــــــــــــــر خيير.. والله لو ينقرضوا البنات ما اخذتها..
ــ هههههههههههه لهالدرجه..
ــ خخخ واكثر..

ههههههه والله عدله شكلها بتاصير
يسلمووووووو امورة
حياتي قبل تحياتي

[ســحرالقوافي]

حركتااااااااات


ابداع دائم


جزء روووعه


يسلموو الايادي


دمتــ بود

[آهات عاشقه]

تسلمي يالغاليه على هالجزء الرووووعه


الله يعطيش الف عافيه

دمتي لنا

[أميرة الشوق]

مشكورة على القصة الروعه
بإنتظار التكمله ....

[زهور الريف]

هاااااااا
وينك أمووووووووور
مو كنك طولتي علينا
ننتظرك
بااااي

[Princess]

:embarrest: ادري وربي تأخرت وايد :embarrest:
بس لو تدروا بي عذرتوني

:amuse: اسجل دخول للمنتدى من متى.. ولا الاقي فرصه ووقت للمشاركه الا بين فتره وفتره..
:embarrest:الحلقه على فكره صار لي يومين اكتبها في الكليه في وقت فراغي .. في دفتر.. وتالي ارجع البيت واكتبها في وورد :weird: هذا ويش شوي.. :embarrest:
اصبروا علي وربي زحمه رمضان ودراسه وعندي ظروف صعبه في هالدراسه :sad2:

مشكورين على التفاعل والصبر:rolleyes:
اسألكم الدعاء
دمتم بحفظ الرحمن

[آهات عاشقه]

ندري رمضان وزحمه

يلا غناتي الله يوفقش يارب

على العموم تسلمي والله يعطيش الف عافيه

دمتي لنا

[زهور الريف]

مشكوورة يالغلا
وعساك على القوة
ولاتشيلي هم
بالتوفيـــــــــــــــــــــــــــــــــق

[*زهرة البنفسج*]

هلا امورة اني مادخلل ئله كله واسطه لازم ادخل عمري في الوسطه

ارحموو امورة هذي اميرة المرح ماعندنا غيرها

اخدي راحتش اميررة والله شكلي بجيني ضربت دست من الباقي

الله يعطيك العافيه امورةة

بس كفاية محازن ها

موفقه

[اسير الهوى]

السلام عليــــــــــــــــــــــــــــــــــــكم

اميرة ادري زحمة بس والله نبغي التكملة مايصير كذا معلقين كل شوي نشيك واذا ماشفنا القصة

عصبنا عليك هههه امزح عااااد

عموما موفقة والله يسهل عليك خية

وتكوني بخير

[**جوان**]

..
كيفك اموور

ويــر ار يوو << انعل ابو الانقليزي

وينك خيه الصراحــه انا زهقت ..:weird:

عااد كمليهــا .. :closedeyes::closedeyes:

[Princess]

:embarrest: شكرا لمراعاة ظروفي
:embarrest: شكرا للدعم..
:embarrest: شكرا للصبر علي
:embarrest: اسألكم الدعاء..

تفضلو الجديد :embarrest:

[Princess]

دمعه طاحت على الورقه.. وسال الحبر الأزرق .. و بعدها طفت الشموع... ورحلت لعالم همها وحزنها الدفين....


قطع هالصراع نغمة جوال.. وبملل وتعب شديد طالعت ايمان الشاشه.. الا هو القوطي يتصل بك.. حست بلهفه.. بحاجه للكلام.. محتاجه احد يسمعها..وهي على هالحال.. ردت عليه..
ــ الوو.. << قالتها بنبره متقطعه يشعر الطرف الثاني بحزن فيها
مشعل : ــ هلا والله .. اخبارك يا حياتي.. وش بلاه صوتك..؟؟
ايمان وبحة صوتها تزيد لدرجة الإختناق:
ــ تعباانه يا مشعل .. تعبانه موووت..
ــ سلامتك من التعب والموت.. لا تقولين كذا.. وش فيكي.. وش اللي صاير ؟؟
ايمان دموعها بدت تسيل:
ــ مـــااا ادري... والله مــااا ادري...
ــ طيب طيب هدي حياتي وان شالله ما يصير الا الخير



هدووووء.... وقطعه سؤال من مشعل..
ــ الا ابسألك..؟؟
ــ هلا...
ــ متى راح نتقابل.. متى بشوفك..؟؟
ايمان حزتها حست بزيادة اختناق.. وبضياع مو طبيعي... وبصوت بالكاد ينسمع:
ــ ما ادري .. ما ادري... بسكر خلاص..
مشعل وهو شوي ويعصب:
ــ وانتي كل كذا ما تدرين ومن اجيب هالسيره بتسكرين.. ريم.. انتي ليش تعامليني كذا.. انتي تحبيني والا تلعبين معي..
ايمان وبحزن ما عطى لصوتها مجال...
ــ لا....
ــ وش لائه بعد..ما تحبيني يعني..
ــ ايه..
ـ انا ما عدت افهم وش تقولين..
ايمان وبنبره مليانه قهر وخانقتها العبره :
ــ ما احبك.. فكني.. خلني بحالي.. كنت العب..
مشعل وبقهر واصل حدده:
ــ طيييب اوريكي يا ريم..
ــ زين وريني .. باي..
وقفلت المكالمه في وجهه..


مشعل بقهر رمى الجوال على جنب....
ــ طيييب يا ريم.. اذا ما وطيت راسك للقاع,,, ما اكون مشيعيل.. هين اوريكي..


ايمان مخنوقه.. ودها تسولف.. ودها تتكلم واحد يسمعها خلاص وصلت لمرحلة انهيار جدا صعبه...
مسكت جوالها.. وصارت تقلب في الأرقام.. بودها تفضفض.. وصلت لأسم روان.. ورنت عليها رنه.. بتشوفها اذا صحيه بتردها ليها واذا نايمه ما بتردها << حركة المسد كولات
روان كانت منسدحه على سريرها و تفكر في مستقبلها.. خصوصا انها جابت نسبه حلوه وقررت تروح بعثه استراليا تدرس الطب هناك... شافت المسد كول وفي بالها:
ــ اووف ويش عندها الحين مسد كول.. متفرغه ...
وطنشتها ولا ردت ليها...
دقيقه.. خمس .. عشر... مافي رد... ايمان خابت امالها... نزلت للأسم اللي بعده.. لقته رؤى.. ابتسمت ابتسامه هاديه... ــ هذي ما تردني ... ولا تخيبني ..


رؤى كانت بالصاله تتابع الإعاده لحلقة مسلسل.. فاتتها العصر كانت نايمه...
سمعت المسد كول.. شافت اسم ايمان... واستغربت من زمان ما سوتها ايمان.. فردتها ليها...
الا ايمان تتصل... رؤى استغربت زياده... وتذكرت كلام اخوها وامره ليها انها تتركها ..
ردت رؤى وظلت سااكته منتظره ايمان تتكلم...
بصوت مبحوح .. ايمان :
ــ هلا رؤى..
رؤى : ــ اهلين هلا ايمان...
ايمان سكتت مهي عارفه ويش تقول..
رؤى:
ــ ايماان.. ويش فيش..؟؟
ايمان بصوت مخنوق ويتقطع:
ــ ابغى.. امي...
رؤى من نبرة صوت ايمان وطلبها هذا حست انها في وضع ما تنحسد عليه وانها فعلا محتاجه لأحد يكون معاها بهالوقت... جت لرؤى غصه.. وشوي تطب دمعتها.. وردت عليها..
ــ غناتي هدي.. وحاولي بكله تلوحي ليها...
ايمان : ــ هه كنش ما تدري .. ريلها ما يرضى.. كذا مره اسمعه يقول لأمي ما خلفتها ونسيتها << قالتها ودمعتها تسيل على خدها...
رؤى سكتت مهي عارفه ويش ترد..
ايمان: ــ اسفه غناتي.. ازعجتش هالحزه .. بس وربي تعبانه .. ومحتاجه احد يسمعني..
رؤى : ــ لا ابد مافي ازعاج ولا شي .. وثاني شي اني قاعده عادي ...
هدووء.. رؤى تبغى تدور سالفه... :
ــ ايه الا صدق.. ويش اخبال نتيجتش وويش اخبالش انتين ..
ايمان بعد تنهيده عميقه...
ــ النتيجه... غااسله ايدي منها.. قاعده في البيت قاعده.. وا خباري ...
وسكتت ايمان,,,
رؤى :
ــ ويش فيها اخبارش...
الا بدخلة رائد للصاله راجع من برى .. ومن شاف رؤى قاعده وتكلم جوال بعد في هالوقت على طول سألها :ــ تكلمي من ؟؟؟
رؤى : ــ اكلم ايمان...
رائد: ــ ايمــــــــــــــااان.. ووييش عندهاا هالحزه ايمــــــــــااان...وويش قاااايل لش انا على ايمااان...؟؟؟
رؤى حطت ايدها على السماعه :
ــ شششششش اسكت لا تفشلني البنيه هي المتصله وتبغاني بسالفه استح على وجهك
رائد بحمق ونبرة مسخره:
ــ تبغـــــــاااش بسااالفه .. صحيح.. لا عاااد ... سوالف ويش تطلع هالحزه.. بلا مصاخه بس وقلة حيا لينا .. وخصوصاا ايمان زين
رؤى بتقوم بتغير مكانها... رائد مسكها من ايدها.. وسحبها... وبصوت محمق ومكتووم
ــ خليييييينييييي .. قلت لك هي المتصله مو اني .. لا تفشلني تالي اذا قفلت سوي اللي تبغااه
رائد: ــ لااا.. الحين ... وتمسحي رقمها بعد...
كل كلام رائد كانت ايمان تسمعه وكان مثل الملح اللي يزيد للجرح لهيبه .. تنهدت وسالت دمعتها وتمتمت بينها وبين نفسها.. ــ ايييه اني اللي استاهل وصادق بكل كلمه يقولها...
رؤى رجعت بتكلم ايمان... طووط طوووط >> قفلت ايمان الخط


دقت رؤى عليها ... ان الهاتف المطلوب لا يمكن ........................
رؤى نزلت السماعه بهداوه والتفت لرائد ووجهها مخطوف وبهمس :
ــ قفلت جوالها...
رائد : ــ باللي ما يردها..
رؤى : ــ حلااام عليك.. ما ادلي ويش فيها ما سمعتها ويش قالت لي فطلت قلبي ..
رائد بمسخره : ــ لاااا.. صدق .. فطرت قلبش.. توتوتو .. انا لله.. ويش قااالت مسزز ايمااان..
رؤى بهمس : ــ ابغى امي..
رائد : ــ هااا .. ليش يتيمه ..؟؟
رؤى : ــ لا بس تعتبل يتيمه..
وقصت لرائد قصة ايمان....
رائد سكت كسرت خاطره.. بس بنبره شديده قال لرؤى:
ــ ولو.. كل هذا مو مبرر لتصرفاتها الطايشه.. الله يكون بعونها ويهدي الجميع...
رؤى: ــ الله يهديها ويغيل حالها ياالب...


ايمان غفت عينها بعد ما غرقت المخده دموع.. كعادتها .. في كل ليله....


وبعد شهر.. الساعه 9 الصباح...
ــ الوووووووو .. فووويرس قوووووم يللا حرررك
ــ هااا.. ويش تبغى
ــ حركني نسيت اليوم التسجيل بالجامعه قووم خاويييني...اف منك هذا ومحرص عليك وموصنك تنام من الباارحه.. قوووووووووم..
ــ فعقت طبلة اذووني وصااقعه
ــ ههههههههه ويش كنت تسووي البارحه لويش ما نمت بدررري
ــ اااخ كنت افكررر << احم..
ــ تفكر بويش بالحبيييبه هيهي
فارس وهو مختلع : ــ ههه هه هههه وجهك ..
ــ هه هه قم بس قم.. بنمر على حيدر بعد يللا حررك..
ــ اووكي



وبجامعة الملك فهد للبترول .. قدم رائد في كلية علوم وهندسة الحاسب الآلي
قسم هندسة البرمجيات (http://ar.wikipedia.org/wiki/%D9%87%D9%86%D8%AF%D8%B3%D8%A9_%D8%A7%D9%84%D8%A8% D8%B1%D9%85%D8%AC%D9%8A%D8%A7%D8%AA) وحيدر قدم بكلية العلوم الهندسيه .. قسم الهندسه الكهربائيه << عاشو المهندسين...
حددوا ليه موعد اختبار القبول والمقابله وكل شي... وانجزوا مهماتهم.. وانجزوا المهمه...
وبعد فتره .. فارس ويا رائد ويا حيدر يشيكو النت على اسامي المقبولين... وشوي قام التصفيق والهيصه..
حيدر قبلوه.. والحمدلله... شوي قام الرقص.. والصريخ.. رائد قبلوه... ياهووو...
ودق رائد على حسن يسأله ... قال له انه هو ويا ولد عمه حمزه انقبلو في كلية المعلمين بس حمزة بالدمام وهو بالأحساء,...
رائد وهو متأسف يقول لحسن:
ــ اف والله .. ما يبادلك حمزوه خخخخخخخ
حسن : ــ ههههههه لا يبادل ولا ابغى رقعته
ــ خخخخخ افتكيت منننه., بس افااا بتوحشنااا حسنووه
ــ هههههههه انتون اكثر ...



بعد ما قفل رائد السماعه.. هدأ شوي زين.. وسرح..
فارس يشبر بيده قدام رائد:
ــ شش اش .. هيه ياهوو .. وصل البااص نزلنا,, يللا حرررك..
حيدر :
ــ ههههههههه سفر الله متى بس خلااااص قرب الإسبووووع الجاي .. فديت سورررياااا..
فارس ميت من الضحك..
رائد : ــ اف ذكرت اختي ...
فارس سكت... حيدر : ــ خيره ليها يمكن قعدة هالبيت.. يللا تظل حالها اهون لأنها بنيه.. الله يعين الشباب بس.. ولو ان هالزمن حتى البنات يحتاجوا يتعلمو ويتوظفوا .. بس يللا الصبر زين


طق طق طق ...
رائد قام فتح الباب : ــ هلاااا بالحامل والمحموول...
رؤى بصوت هادئ : ــ هاا بشل ..
رائد: ــ كلووش الحمدلله قبلونا
رؤى : ــ مبلووك...الف مبلووك
فارس في باله : فديت المبلووك وراعية المبلووك.. ومن انقال له مبلوووك..
رائد: ــ الله يبارك فيش بشري امي
رؤى: ــ ان شالله ...
حيدر راح جهة الباب ورز فيسه .. ــ هلااا هلا هلاهل هلا
فارس من بعيد يطالع الباب المفتوح ويتنهد.. ــ اااه .. متى انا بعد ارز فيسي...


رؤى :ــ هههههههه هلا وغلا هلا خالو... الف مبلوك..
ــ الله يبارك فيش غناتي .. عقبال ما ابارك لش بعرسش..
فارس في باله.. : ــ اححححح وتبارك لي ويااااهااا يااارب ...



واخذ رائد تبسي فيه كيك و قهوة تركيه..



ومن الفرحه.. اقترحوا المقبلوين بالجامعات يسوو حفله بشاليه.. كل واحد يبغى يشترك يقط قطيه.. .. وجا يوم الحفله... رائد من الفرحه عزم فارس على حسابه.. وبالمووت وسبعين الف حلف .. يالله رضى ووافق يروح ويا رائد.. لأن رائد زعل عليه قبل هاليوم يوووم كامل .. وما كلمه ولا دق عليه ولا حتى عبره... وفارس طبعا ما يقدر على فراق رائد دقيقه... ورائد يتغلى بس مو قادر.. فتمت الموافقه ورائد طاير من الفرحه...
وطبعا ام حسين مع رؤى...


قرروا يقعدو بالشاليه يومين... دخلو الشاليه شلة الصبيان.. وكانو رائد وفارس وحيدر وحسن وحمزه ونواف ومشعل وثلاثه معاهم بعد...
وفتحوا عواااينهم.. هذااا ووويش..؟؟؟؟


والى اللقاء واعذروووني... :embarrest:
في تاابع لهالحلقه بس وراي دوام :amuse: الى اللقاء

[اسير الهوى]

اههههه اخيرا شفنا شي تعبنا واحنا كل شوي نشيك على القصة..

والله حلوة بس المقطع اكشن بس قصير يالله ننتظر التابع روحي الدوام وتعالي بسرعة..

----- ---- جاري الانتظار ---- ------

[زهور الريف]

روووووووووعة:bigsmile::bigsmile::bigsmile::bigsmil e:
والحمد لله الاخوان قبلووووهم:wink:
مسكينة رؤى كان شفتي ليها واسطة:sad2::sad2:
>>>>>>>ههههههه امزح:embarrest::embarrest:

تسلمين:amuse::bigsmile::amuse:
جزء روووووووعة:noworry:
وين الباقي لاطولين:evil::evil:




امزح خدي راحتك:bigsmile::bigsmile::bigsmile:
تحيااااااااتي

[**جوان**]

اخيررررررررررررراااااااً

انحط جزء جديــد

مشكوره خيووه

صحيح مو طويــل بس بمشــي الحال لو اعرج << حكت ..

تحــيــاتي وانـشاء الله ماتطولي علــينـا ..

[سيناريو]

فرحة القبول بعد الأمتحان غيررشكل
زين قبلوهم شوفي أميروووووووو وصلي سلامي لحيدر ورائد وفارس بالقبول وقولي ليهم الف مبروك
خخخخ>>> مندمجه
افتكوا من حمزوووووووو في الدمام هالغفيف خخخخخخ

[آهات عاشقه]

والله مستانسه حددددددددددددددددي


واخيرا شفت جزء نزل


تسلمي يالغاليه هو صحيح قصير بس انتين اهم شيء نزلتي الينا

تسلمي يالغاليه

وربي يعطيش الف الف عافيه

دمتي لنا

[زهرة البنفسجي]

السلام عليكم ورحمة الله وبركاته

أني عضوة جديدة في المنتدى وبصراحة أختي أميرة المرح أني ماسجلت في المنتدى الا عشان قصصك الرائعة صحيح اني متأخرة في الرد بس توني واصلة معاكم في الأجزاء بس عجبتني القصة مووووووووووت أحلى قصة قريتها وخصوصا انها باللهجة القطيفية

ربي يعطيك الصحة والعافية وعساك دوم على القوة

تقبلي مروري

[أسيرة الأحلام]

هلا أموووووووره
كيفش يالغلا؟؟
سوووري يالغلا على الغيبه عن قصتش بس أنتي عارفه السبب أكيد
المهم أحداث القصه كلما جى ليها تحلى أكثر
يلا نستنى الباقي
ويسلمووووو على هالأجزاء الروووعه
تحياتي

[كبرياء]

يسلموووووووووووووووو أميرووووووووه على الجزء الاكشنااات هذاا

بانتظاااااااااااااااااااار الجديد

[Princess]

سلاام عليكم
اخواتي واخواني
طبعا ما بحط جديد لين تخلص وفاة الإمام علي عليه السلام
مشكورين عالتفاعل ومأجورين

دمتم بحفظ الرحمن

[Princess]

صباااحكم عسل.. وتقبل الله الطاعات,,, حسب وقتي هذا اللي طلع معااي .. تفضلوو...



رائد:
ــ هذااا مييييين اللي حجز هالشااااليه..؟؟؟؟
حمزه بإرتباك..:
ــ هااا.. اناا..
رائد منقهر و بنبرة مسخره:
ــ بالله هالقرقوور كم غرفه...
حمزة بإنفعال منقهر من طريقة رائد :
ــ والله لأنه زحمة والإجازه بدت والعالم ضرب نعول واهل الرياض كلهم يصيفوا هناا.. زين حصلت هذا.. ويش اسووي انا..؟؟
حيدر:
ــ خلاص صلوا على محمد
الكل صلى على محمد وال محمد..
رائد وهو عاض على اسنانه:
ــ قطو قطيه.. قطو قطيه.. وقطو يخبق عواينك.. اللي يسمعك يقول فندق خمس نجوم.. لو براحه تناطح فيها التيوس جايبنااا قرقوووور.. قوطي.. هذي تكفي عشر انفار.. وجهي.. ان ما صرنا معلبات هين بس... يلعن شكلك..
حمزه ولع نااار:
ــ لاااااااااااا تسب هاااا .. قلت لك ما حصلت غيره.. ما تبغى تقعد بكيفك..
رائد:
ــ لااا طرده.. لا قول لي بعد يللا فارقنا ومقفاك.. لابعد.. حلوووه دي ..
حمزه:
ــ انـــــــــــــــــــــــــاااا ... مااا طردتك...
فارس:
ــ خلااص.. لا تكبروا السالفه هدوا .. لا تتشابقو...
حمزه بدون شي ما يشتهي فارس وبيتدخل بينه وبين ولد عمه.. وببرود ونظره ابرد :
ــ انت لا تتدخل بينا وهي ما بتكبر...
فارس سكت حس بإحراج كفايه جاي بعزومه من رائد ما عزموه هم .. كلهم خريجيين وحفلتهم وهو مرافق لرائد...
رائد من سمع كلام حمزه وشاف طريقته كيفا ويا فارس... ولع حريقه:
ــ هيييييييييه .. ياهوو.. له شغل زيين... وانت اللي انشب ومالك شغل..
حمزه فقق عواينه:
ــ خلااااص صك السالفه.. والله على حساب انك ولد عمي والا شان وريتك شغلك << ويقصد رؤى بالذات..
رائد وده يدعس وجه حمزه بالقاع ويفركه فرااك.. بس خزى بليس وطنش الموضوع


دخلو القرقور جوا بيقعدو في الصاله الكنبه ما تكفي 10 انفار.. رائد حد ما عنده :
ــ اووووووووف.. فرش مافي .. سراميك يلعن ابو الكشخه.. كنب يكفي لنفرين بس.,,,
انا ما ادري اقوم واقعد على راس بعض الناس اريح لي,,
حمزه مقهور وسااكت,, حيدر وحسن يكركروا ضحك عالصامت.. وفارس ساكت.,,,.
مشعل:
ــ وش هذا صار لكم ساعه تتناجرون يقطع شيطانكم جايين نتونس حنا لو نشوف هواش,,
نواف :
ــ أي والله.. بنرد الخبر حنا احسن لنا والله . قمنا نحس حالنا غرب بينكم,, وانتو اعظم بين بعضكم هم بعد اغراب... وش هالطلعه ..
حسن :
ــ وجهك انت وهو.. مافي شي ان شالله الا الخير,,, سوء تفاهم بس.. ولا غرب ولا شي.. خذوا راحتكم...


طلعوا للساحل يتمشو.. كل جماعه ويا بعض,, ورائد وفارس انفردوا ويا بعض .. طبعا وعيون حمزه عليهم ومقهوور حده..غيراان ووده لو كان محل فارس مو لسواد عيون رائد.. لا طبعا.. لغاية في نفس يعقوب.. << معرووفه طبعا...


رائد:
ــ فارس..
فارس:
ــ هلاا,,
ــ ويش فيك..
فارس بإبتسامه مصطنعه...
ــ ولا شي .. مافيني شي..
ــ ما عليك منه هالسخيف ولا يهمك ما عنده سالفه .. انا ودي ادوس فبطنه بس ماسكني انها طلعه تغيير جو.. والا مو داق له خبر وحتى لو ولد عمي...
ــ ااه..
ــ سلامتك.. ويش فيك .. ليش هالأااه..
ــ لا بس جا على بالي مثل...
ــ اللي هو؟؟
ــ انا واخوي على ولد عمي .. وانا وولد عمي عالغريب...
رائد بعفويه وبنبره مره روعه..
ــ وانت اخوي...
فارس ابتسم.. وعيونه صارت تلمع.. فارس بعتب:
ــ بس اسمح لي رائد.. ترى ردة فعلك على ولد عمك مره قويه.. وغلط.. يعني ويش ذنبه اذا مافي شاليه الا هذا.. قال لك العذر وعذره مقبول صدق زحمه...
رائد وبتطنيش..
ــ اهوو مناااك ما عليك منه يولي .. ينطق .. هذا لا ينعطى وجه ولا يستاهل احد يدافع عنه.. ويش هالشاليه صغير وبنتكدس فيه ونتكفس.. 10 انفار في قوطي,, الله العالم وين بنام الليله,, شكلي بنام برى انفه لي,,
فارس قام يضحك على رائد .. حط كفه على كتف رائد... وصارو يتمشو على البحر...


مشعل :
ــ اووووف وش هالبحر هذا ميت الشاليه زفت وفوق هذا ولا بنت,,,ياهووو ولا عايله هنا والا هنااا,,
نواف:
ــ استح على وجهك.. ما اجروها لعزاب الا لأن الجزء هذا لهم.. يا حليلهم يأجرون عزاب وعوايل بنفس المكان .. انخبلت انت... كان انك مخبول كف يعقلك..
ــ هيهي .. ياا الهيئه انت.. اكرمنا بسكاتك.. يا كرهي لك لا مثلت دور العاقل..
ــ ههههههههه وجع يوجع شيطانك.. بطلت حركات الورعان هذي من زمان,., يا شينك وانت تتبلاني,,
ــ انطم بس,, وناظر معي يمكن نلاقي حوريه..
ــ قسم انك ابو عين فارغه.. كان الله بعون المقروده اللي بتاخذك..
ــ بالله ,,, اقول.. اكرمني بس اكرمني..
ــ طيب ,, وهااا << حط كفه على فمه...
شوي نواف يبغى يسوي اكشن..
ــ مشششششششششششعل .. شف شف هناااك..
مشعل طفر ..
ــ وين.. وين...
ــ ههههههههههه بلاك مسعور بنات.. فشلتنا.. يا خوي العتب عالنظر .. حاوية زبالة افتكرتها حرمه..
ــ الله ياخذك يا غبي.. والله لفتن عليك عند امك وخواتك... تشبههن بالحاويه,,
ــ بففف .. ههههههههه لا وربي مقصد .. لا تكفى..
ــ خف منهن.. مالت عليك بس.. امحق رجال..
ــ لا بس ياغبي ارعي شعورهن.. مو مثلك.. اسف اسف .. اسحبها... مو قصدي.. والله هالحاويه,, ما تشبه حد الا انت..
ــ ورى ما تنطم لا احوشك كف اطيرك لعندها.. يا قليل الأدب,, احترمني اكبر منك..
ــ بشهر.. هيهي ضحكتني ..
ــ ايه ما سمعت المثل اللي يقول.. اكبر منك بيوم اعلم مدري اعقل منك بسنه..
ــ قصدك ادشر واصيع منك بسنه,..
ــ انا هذا اللي بفصخ نعالي وبكفخه.. يللا فارقني ..
ــ طيب انا رايح لحسن ابرك لي...
ــ رح بس.. عورت راسي بهذرتك..


وراح نواف لحسن ...
مشعل قعد لحاله.. على الساحل... وشوي ... طلع جواله.. ودق على ايمان.... مسد كولات.. صار يجننها فوق الخمسين مسد كول وهو يدق ويفصل...
ايمان ما كانت جنب جوالها.. كانت تسبح... طلعتها شافت المكالمات.. وانصعقت .. خمسيين مكالمه.... فتحت القفل وطالعتهم كلهم من القوطي.. قفلت جوالها...
دق مشعل شافه مقفل...
ــ هييييييين يا ريم اوريكي.. ما اكون مشعل اذا ما لعنت خيرك ....


شوي قرروا ينزلوا البحر.. ما سمعوا الا صرخة حسن.. .
ــ ااااااااااااااااااااححححححححح .....


وانتظروا الجزء 42 قررريبا.,..

[اسير الهوى]

احلى اميرة زين والله نزلتي هالجزء

وانا توي داخل من شوي ماشفت شي وسـ.....؟؟؟!! لا مو شي هههه لا احصل زفة هههه

عموما يعطيك الف عافية خية ولو انه قصير شوي بس حلوووو..

موفقة الى خير

[سيناريو]

ــ انا واخوي على ولد عمي .. وانا وولد عمي عالغريب...

جاي المثل في مكانه عدل



يسلموأمووووووووور على الجزء المدخن عصبيه خخخخخ
الشباب ماينراح اياهم طلعات اذا كده يقلبوا على النكد
الله يعطيك العافيه
موفقه يالغاليه
الله لايحرمنا منك

[آهات عاشقه]

مشكوووووره يااحلى امووره في الدنيا

ونستيني حتى لو كان الجزء صغير اهم شيء انش حطيتيه


تسلم الانامل الحلووه الي كتبتها وحطتها

وربي يعطيك الف عافيه

دمتي لنا

[زهور الريف]

هاااااااااااااااااي

جززززززء روووووووعة

والله كشة رائد زف حمزوة زف يستاهل عساه مايخليه

ههههههه

مشكوووووورة يالغلا
يسلموووووو

[كبرياء]

يسلموووووووووووووو أميروووووه على الجزء الحلوووووو ؛؛

بس تراااااااااااااه هااا أقووول تراااااااااااااه قصيرررررررر ؛؛

بانتظاااااااااااار البقيـــه

تحيــــــــااتيــــــ

[الأمل البعيد]

مشكوووووره يااحلى امووره في الدنيا

ونستيني حتى لو كان الجزء صغير اهم شيء انش حطيتيه


تسلم الانامل الحلووه الي كتبتها وحطتها

وربي يعطيك الف عافيه

دمتي لنا

[زهرة القلوب]

مشكوره خيتو عالجزء
الله يعطيش العافيه
تحياتي

[دمعة الاحزان]

ادري من زمااااااااااااااااااااااااااااااااان مارزيتي فيسيي ان يور بيج
بس للظروف احكام وانا كنت اتابعها وانتي عارفه كيف اظن ويسلموا
بس في هالاجزاء كسرت خاطري ايمان حيل
مسكينه لا ام ولا اب ولو ضاعت قالوا احنا موب السبب وهي كبيرة
طيب كبيرة اوكي بس تحتاج توجيه تحتاج نصح تحتاج احد معاها يحسسها انها موجوده
وموب على هامش الحياة ومامنها فايده
ويسلموا على الجزء الاخير هو قليل بس احسن لانه يناسبني عشان ماطول<<مصلحجيه
الله يعطيك الف عافيه

[زهرة البنفسجي]

يسلموا أختي أميرة المرح على الجزء هذا وبانتظار الجزء 42


عجبني رائد وهو يشابق حمزة فقيل الدم :wink:


وحشتني رؤى في هالجزء ماطلعت فيه


أتوقع ان حسن صابه شي من الشاطئ بس اصابته خفيفه


يالله أنتظر الجزء الجديد وعساك عالقوة دوم :cool:

[أمل الظهور]

<<ادري طلع غبار مني سوري غناتي :embarrest:



قهرني حمزوه بتصرفاته البايخه حرج فارس مسكين :noworry:



وامون كسرت خاطري مسكينه زين اعترفت بس ويش بعده



وابن عمي واخي جات على الموقف تمام التمام



ويش فيه حسن بعد هذا من حنة وهذره هالرائد مع حمزوه جات بهالفقير :wacko:



في انتظار تكمله رحله البحر ووووو احداث سوريا :toung:


تسلم الايادي

[ســحرالقوافي]

وااااااااااااااااااااو


جزئين روعه هذا والي قبله




<<<<<<<<<< جالسه تنتظر على احر من الجمر


ان شاء الله تنزلي جزء وش طوله بمناسبة العيد



دمتــ بود

[Princess]

اميررررررررروووه بااك
ويلي تعبت وربي... وهذا فجأه مو راضي يفتح..
ما علينا..
مشكوورين عالتفااعل .. مشكورين على الصبر علي << لو الود ودكم شدختوني...

المهم تفضلو الجديد

[Princess]

شوي قرروا ينزلوا البحر.. ما سمعوا الا صرخة حسن.. .
ــ ااااااااااااااااااااححححححححح .....
وكان حسن على الساحل قريب ينزل وياهم..
رائد صررخ:
ــ حسنووه ويش صاير ...
حسن قعد على الأرض وماسك ابهام رجوله...
ــ احححححح عضني ولللد اللذين..
حيدر :
ــ ميييين...
حسن:
ــ هالقبقب اللعين,, اففف.. قبع الظفر هههههههه يصقعه...
فارس :
ــ نزل صبعك في ماي البحر يطهره بالملوحه...
حط حسن صبعه في الماي ..
ــ احححح الا زاد حراره..
رائد:
ــ ايه ما عليه .. رجال انت تحمل...
حسن :
ــ ههههههههه زين...
وصار حسن ناقع رجوله في الماي .. وتالي قام يطامس وياهم << خوش مصطلح يطامس

في بيت فاضل .. رؤى تراوي حنين حيدر خالها وهو يقرى بالحسينيه في سفرة ام البنين....بالجوال مقاطع بلوتوث
حنين مهي مصدقه:
ــ اللهم صل على محمد وال محمد .. هذاا خالش .. يجننن..
رؤى بإستغراب:
ــ هاا.. ويش تقولي..
حنين استحت وانتبهت لروحها:
ــ هااا اقصد صوته ما شالله يجنن رهييب.. له مستقبل
رؤى:
ــ ايه والله فديته خالي لفع لاسنا ..
حنين مره مهي مصدقه ان هذا حيدر.. غير صاير .. كبر و احلو.. وغير الصوت الرهيب اللي تخشع له القلوب...

<<<<<< نررررجع للبحر...

في وسط الماي... رائد .. وحضرته يبغى يسوي مقلب.. صار يطالع يمين وشمال ومحتار يسويه في مين...
ــ فارس.. مستحيل ... حسن .. توه صبعه لاعب فيه قبقب.. حمزه .. وععع .. نواف ومشعل.. مالي بهم ما اعرفهم عدل اخاف يزعلو.. والإثنين الباقيين اول مره اشوفهم.. مممممم مين ياربي...ما باقي الا الخال فديته.. عليييييييه.. ههههههههه <<<< هلوسه في بال رائد...
حيدر شال النظاره قبل لا ينزل الماي << طبعا خخخخ اجل بينزل بها...
وطلع برى الماي يدور على شي ما لقى... لفت نظره حسن وهو قاعد عالساحل وعليه بلوزه سودا .. وطبعا حسن ما شالله جثه... طول بعرض
رائد :
ــ حسنووه.. تسلفني بلوزتك..
حسن يطالع رائد:
ــ هااا.. وليش يعني..
رائد:
ــ هههههههه ويش فيك مختلع.. بستخدمها فوطه.. ههههههه امززح ابغاها بشغله...
حسن:
ــ تفداك البلوزه وراعيها.. بس روح اول دبر لي فوطه لو أي شي << يستحي يقعد بدون بلوزه...
ــ تسلللللم ...اوووكي..
دبر رائد لحسن شرشف جايبنه وياه... واخذ البلوزه...
رائد يهمس لحسن... بسوي بها مقلب للخال...
حسن :
ــ هههههههههه احللف.. والله وناسه...
ــ هههههههه والله اسمع باقول لك...
وعلم حسن على المقلب...فارس من بعيد يراقب رائد ويش بيسوي وويش عنده ويا حسن اول شي فصخه تالي مساسر......توجه رائد لفارس.. اللي كان يطالعه نظرات استغراب.. ورائد شاق البوز شبر وفيه ضحكه...
همس رائد لفارس:
ــ بسووي في حيدروه مقلب خخخخ
فارس :
ــ حرااام عليييك.. هههههه بلا نحاسه على خالك ما تتوب...
ــ اسسسكت.. وبتشووف... المهم اسمع <<< وهمس لفارس الخطه في اذونه
فارس:
ــ ههههههههههه ياا الله صحيح انك جهنمي .. ويلي على حيدر الله يعينه عليك ...
ــ ههههههههههه حتى حسنوه يدري وفرحان بالخطه وبيطبقها ويانا..
ــ ههههههههه ما اقول الا مالت عليك يا حيدروه على اولاد هالأخت...
ــ هيهي.. حاصل له زينا نونسه..
ــ الا تصروعوه.. ههههههههه ذكرت النخل ودعيدع.. وربي حرام رائدوه .. تسوي له مقلب جديد .. لا ينجلط بسم الله عليه..
ــ لااا هههههههه نجرب ويش ورانا..
ــ تجررب ويه تجلطه..ههههههه
ــ لا بسم الله عليه... اهو يللا انشب ومشينا نطبق الخطه..
ــ مشينا..
رائد من بعيد اشر لحسن انهم بيبتدو...
الوقت كان مغرب.. الشمس بدت تغيب... والدنيا مكتمه... وباقي الشباب حمزه ونواف ومشعل واللي معاهم بعيدين...
رائد تباعد عن حيدر مسافه زينه بس بنفس اتجاهه .... وترك البلوزه في الماي.. البلوزة طبعا سودا وعريضه وكبيره.. طفحت على الماي وصار شكلها يخوف من بعيد...

الا بصرخة حسن..
ــ حيييييييييييييييييييييييييييدرررررررررر... انتبه ورااااك لا يحوووشك..
الا رائد قام يركض وهو يصارخ:
ــ ووويش هذااا.. سمك قرررش لو ويـــــــــــــه...
فارس فيه ضحكه .. بس وياااهم.. ركيض ويطلعو من الماي...
ما شافو الا حيدر بصرخه يركض وهو يتعثر ويطيح ويطامس شرب نص ماي البحر << حشا حشا...
لين وصل الساحل ورمى روحه عليه << مسكين العتب على النظر..
وظل مرمي وهو ساكت..رائد راح يركض ..
ــ حيدر.. حيدر.. ويش فيك..
وحيدر ينافخ شهيق وزفير مو طبيعي... وصاير الصوت حاد... ويكح وحالته حاله...
حسن غطاه بالشرشف..
ــ خالي قوم.. بسم الله على عمرك .. مو قرش هذا.. هذي بلوزتي...
رفع حيدر راسه وعيونه حمرااا و غرقانه دموع من الخلعه والملوحه والماي اللي شربه.. وشعره لاصق على وجهه ...
صار حسن يمسح عليه كان يهدي.. وعيون حيدر تطلع شرر محمق..
وشرف حمزه...
ــ ويش صاير ويش هالصريخ..
وفهم السالفه.. وبنبره قهرت رائد قال:
ــ الحمدلله والشكر حركات يهال.. ثبت العقل يارب
رائد ولع نار ..
ــ ماااااااااااا دخلك انت.. خالي وانا حر ويااه..
حمزه :
ــ توتوتو.. شوي شوي .. هدي .. لا تعصب.. مو زين... خلاص ما بتدخل...
ــ احسسسسسسسسسن ...
وراح حمزه ويا ربعه.. ورائد محمق ..
حسن:
ــ هدي رائد ما عليك منه..
ــ اسكت عني لا اشيلك وارميك عليه..
حسن :
ــ هههههههههههه بل.. كورة بولينغ بنفرهم كلهم,,,
ما شافو حيدر الا فاطس من الضحك.. ولحقوه هم ضحك ضحك لين قالوا بس,,
رائد :
ــ فديت المدحرج خفيف دم.. قمر ما يزعل .. اجل بعض الناس اللي ودي اصفقهم كفوف لين يقولو بس...
حيدر :
ــ ميين.. يا ابو مزح ثقيل...
رائد:
ــ هيهي بسم الله على عمرك صروعتك.... حمزوه مين بعد...
حيدر:
ــ فكرت...
رائد:
ــ هههههههه بطيييخ .. لا تفكر...


تابع>>>

[Princess]

وجا الليل... طلعو المنقله يشوو ليهم لحم.. واللي يفرم سلطه.. واللي يتفرجو بلو توث ويتبادلو بينهم....
رائد جا على باله مقلب ثاني.. وهالمره الضحيه حسن... كان حسن يشوي .. وحاط جواله على الأرض... بعد ما استقبل كم بلوتوث ورسل كم واحد..
وبيد خفيفه,, اختلس رائد الجوال... جا بيفتحه...
ــ افااا.. لعن يوم القفوول يا شيخ.. حشاا.. اف.. ما ينفع...
رجعه ...انتبه عليه فارس.. وصار يطالع فيه.. ورائد يغمز عليه .. اصصص...
فارس عرف حركه جديده ومقلب جديد والساتر الله...
رائد شاف حيدر منسدح وتعبان ويحس بطنه منتفخ.. مليان ماي ...
راح رائد كالعاده ساسر فارس .. فارس ضحك.. ويالله رضى..
ــ اف منك يا راائدووه ما تتوب
راح رائد لحيدر المسدوح ,,, يبغى يلهيه فصار يتعيلف به...
ــ وي خااالي ويش فيك
حيدر:
ــ بطني احس شبدي لايعه.. شربت ماي وايد من البحر..
ــ ههههههههه تبغى ادوس فبطنك..
ــ وجهك مو تدووس...
ــ هههههههه ايه ادوس وافتح بوزك وادوس وانت تطلع الماي لين يطلع كله..
ــ هههههههه بياختك قالو لك نافوره .. لو مسدس ماي .. أي والله قال ويه... قال ادوس


بوقت هالهدره.. فارس غافل حيدر .. واخذ جواله كان جنبه على الأرض...
وبسرعه خطفه.. وقعد بعيد شوي..
انتهت مهمة فارس.. وبطل رائد يتعيلف:
ــ خلاص كيفك.. جاي باساعدك بفضي لك بطنك.,, انت الخسران..
حيدر حط ذراعه على عيونه..
ــ يللا مناااك بس...


رائد .. طنننننن ركيض لفارس وهو ميت ضحك... طلعوا جوال حيدر.. وفتحه رائد...
دور على اسمه وغيره... وبسرررعه رجعه تحت راس حيدر اللي كانت عيونه غافيه...


شوي الا مسج في جوال حيدر...
رفع حيدر ذراعه وفتح المسج.. وقعد قعوود.. وشكله منصرع...دار لرائد وفارس...
ــ مين فيكم جواله فاتوره..
رائد :
ــ ثنينا سوا.. ليش ويش صاير..؟؟؟
حيدر..
ــ قلبي. اااه,,. مانا مصدق.... رساله من الجوال.. عزيزي العميل لقد صدرت فاتورتك بمبلغ 9000 ريال الرجاء التسديد حالا.... ووويش 9000
رائد:
ــ قايل لك يالهدار حط حد ائتماني ما طاوعتني تستاهل
حيدر:
ــ بللللل بس مو لهالدرجه.. اف لو ويه ما بيسددها لي ابوي .. لا بالله يا حيدوور رحت فيها


وضرب حيدر الهم...
وفارس ورائد ميتين ضحك ضحك.. رائد البطيخه غير اسمه الى ALJAWAL ورسل هالمسج.. ومشى على حيدر...
خلصو تسوية العشا,,,,تعشوا... وبعده... سمعو ان فيه بالشاليه محل خاص للدبابات..
رائد:
ــ ياهووو ويش رايكم نروح ونفلها هناك..
فارس:
ــ اف منك ليش ويش تبغى فيهم..
رائد:
ــ وناااسه....بنروح يللا... مين بيروح..
حسن وحيدر قالوا بيروحو.. وفارس ما بيقعد لحاله.. يللا وياهم..
حمزه وربعه ما بغو .. نواف قال بياخذ له غفوه وراح معاهم مشعل...
وصلوا للمكان كان ساحه كبيره ومحوطه بشينكو وفيها دبابات.. دخلو وكل واحد ركب واحد .. وشغلوهم ليهم.. ويللا ننن...اول واحد طفر رائد وغبره وراه.. ولحقه مشعل... طيراان,, حيدر وحسن زينه سواقتهم.. وماشيين ..
فارس ما يحب هالأشياء.. ركب ..الدباب كان من اليد يمشي .. "دعسة الريس"
دعسها ..ومشى.. شوي ...ويرفع ايده.. ويوقف.. ولا يشوف الا واحد جاينه طااير ويفر عليه خمسه ويش كبرها نشف دمه ...
فارس:
ــ رااااااااااااااااااائدووووووه يااا خبل.. شايف روحك تعرف تسووقه بتتفنن فيني..
رائد وقف وصار يضحك..
ــ ههههههههههه الله .. لا احد يسمعك.. ويش يبغى له هو.. ادعس االريس بس ويللا وراي..
ــ هههههههههه ثقيل ومكشوف ما احب...
ــ اقووول انشب ههههههه هذا انت تسوق سياره.. يللا مشي..
ــ زييييين مع وجهك...
ومشى... وصار احسن من الأول...
صاروا الصبيان يتفننو.. اللي يفحط واللي يخمس .. واللي طاير ومسرع... وشوي ما شافوا الا حسن في محاوله فاشله لصنع خمسه عالميه على رمل الساحه.. منقلب هو بالدبااب.. قلبتين ثلاث .. وانشدخ هو في صوب والدباب طفى وانشدخ بالصوب الثاني..
وقفو كلهم.. ونزلوا من الدبابات.. وركييض له..
فارس :
ــ حسسسسسن..
وقعد جنبه يحاول يقلبه .. كان منشب "منكب " على وجهه.. قلبه.. لناحيته.. وصار يصفق خدوده..
حيدر :
ــ ويلي .. ويلي على ولد اختي .. ويلي .. راح الولد.. هو من دون شي ثقيل وتقلب.. ويلي
رائد :
ــ حيدرررروه اسكت ولا تولول لي زي الحريم لا كف.. حسسسن حسسسن .. ويش فيك..
مشعل :
ــ سلامات خير ان شالله...
الا حسن فاتح عيونه..
ــ واااااااااااااااه... ههههههههههههههههههه
رائد ضرب حسن على بطنه ضربه وهو محق..
ــ يااااااازفت يا نحييييس خوفتنا عليك... واااه وجهههك.. اقول ليكم هالمدحرج لا يتضرر روحو بس تعافو للدباب اللي رضرضه...
حسن :
ــ هههههههههههه لا والله بدني ترضرض بس ما فيني شي ..
فارس :
ــ الحمدلله.. الحمد لله على سلامتك..
ــ الله يسلمك..
حيدر :
ــ ابن اختي.. فديتك.. ما ذا حل بك.. هل انت بخير..
رائد :
ــ خذ لك.. هالنحوي.. اقول عدل اللهجه بس .. ما يليق..
حسن:
ــ اااخ يا خاااالي.. انني اتألم من شدة الشدخه..
رائد :
ــ هههههههههههههه فؤاااد.. طاش ما طااش,, اخ يااخااالي.... ام الفصحى وربي .. احم... الشدخه.. مضاف اليه مجرور وعلامة جره بدن حسنوه ..ههههههههههههه..
حسن :
ــ والهاء ضمير متصل مبني عمارة على راس رائدوه..
حيدر :
ــ هيهي .. والجار والمجرور متعلق بالدباب..
فارس :
ــ ههههههههههههه ما فهمت عيدوا الشرح اساتذتي..
مشعل :
ــ ههههههههههه غير قابل لللأعاده.. صفر يا فارس وعالشمال..
فارس :
ــ ههههههه خذ الصفر ولا تبالي .. فإن الصفر من شيم الرجالي..
الشباب كلهم..
الله الله..


رجع حسن عدل الدباب وركب.. ورجعو ركبو كل واحد دبابه...
شوي ضرب مخ رائد يسابق .. وقرر يطلب من مشعل اللي ينافسه.. مشعل كان سواق وفنان,, ورائد يبغى يجرب وياه..


ولبى مشعل له الطلب.. وصفوا حسن وحيدر وفارس على جنب يشوفو السباق...
1
2
3
انطلااااق... من اول الساااحه,, الى اخرها,, وكل واحد يدووس حده ما عنده...
قريب يوصلوا للشينكو.. ولصبية اسمنت كانت على الأرض مصبوبه وعليها كم كفر حق ترتيب مسارات للساحه..


وكل واحد طماع اكثر من الثاني... ولا هو راضي يوقف.. خلاص ما باقي شي على صبية
الإسمنت.. لااا وصلوا.. فارس يصررخ من بعيد,.,,
ــ وقفوووووووووووووو


شوي الا طراااااااااخ..


الى اللقاء ... :cool: توموووروو

[اسير الهوى]

عفية عليك اميرة ورحم الله والديك ترا متابعين وننتظر بالدقيقة للاجزاء الجديدة هههههه

المهم المصطلح اللي ماعرفتيه



فارس ما يحب هالأشياء.. ركب ..الدباب كان من اليد يمشي .. فيه مكبس باور << هيهي ام المصطلح.. المهم يضغط عليه حق يمشي << عجزت اميرووه تعرف هالمصطلح الصبياني...





يسموه دعسة الريس ههههههه

اما المقالب هذي تذكرني بايام الرحلات ههههه اللي نخربش وجهة واللي نربط رجايلهم واللي واللي ههههههه

تسلمي اميرة

يعطيك الف عافية وموفقة يارب..

اخوك

[عازفت الاوتار]

هاي

امـــــــــووووووووووووووووووووووووووووووور

الجززززززززززززززززززززززززززززززززززززززززززززززز ززززززززء

ررررررررررررررررررررررررررررررررررررروعه

ولا تتاخر علينا في الجزء الجديد

انتظر

تحياتي

[أمير العاشقين]

على قولتك اميرووه الباوور

ترا اسمه ريس دعسة الريس مثل ما قال ياسرووه

لو دعسة البنزين

ويالله ترا خيه طولتي بالقصه ونتتظر على احر من الجمر

يعطيش العافيه يارب

خيه اميره عندي ملاحظه ممكن تتقبليها

أبو فارس شصار عليه
فارس ما جاب هالطاري
المفرووض خيه تذخلي في الدوور وتذكري اي شي

اسف على اللقافه
بس احسك تجنبتيه وواجد

اسف على الازعاج

أخوك
امير العاشقين

[كبرياء]

فارس :
ــ ههههههههههههه ما فهمت عيدوا الشرح اساتذتي..
مشعل :
ــ ههههههههههه غير قابل لللأعاده.. صفر يا فارس وعالشمال..
فارس :
ــ ههههههه خذ الصفر ولا تبالي .. فإن الصفر من شيم الرجالي..
الشباب كلهم..
الله الله..


خخخخخخخخخخخخخخخخخخخخ حلووووووووووووه

يسلموووووووووو أميرووووووه وبانتظارر الجزء التوموري

<<خخخخخخ

تحيــــــــااتيــــ

[سيناريو]

يسلمو أموووور
خخخخخخ حيدرو بعده مصدق مقلب الرساله من الجوال ههههههههه 9000 عاد مافي مجال ههه


اقول ليكم هالمدحرج لا يتضرر روحو بس تعافو للدباب اللي رضرضه...
هههههههه هالدُبي مايتعور مسكين



مصطلح دعسة الريس اسمعه من اخوي بس ماادري وشو يعني كلنا في الهوا سوا مع هالمصطلحات
يسلمو أمووووور على الاجزاء الفانتاستيكيه
اللله يعطيكِ العافيه

[الأمل البعيد]

فارس :
ــ ههههههههههههه ما فهمت عيدوا الشرح اساتذتي..
مشعل :
ــ ههههههههههه غير قابل لللأعاده.. صفر يا فارس وعالشمال..
فارس :
ــ ههههههه خذ الصفر ولا تبالي .. فإن الصفر من شيم الرجالي..
الشباب كلهم..
الله الله..
ويلي هذا المثل ما انساه عجبتني
يسلموووووووو امووور ورائد يذكرني بنفسي كل مقالب هتى الصبيان ماسلموا مني وقاموا يصيحوا
جتني فكرة >>> ام الأفكار الجهنمية
ههههه بتعرفوها قريب
يسلمووووو امورة على الجزئين الرووووووعة
تحيااااااااااتي

[زهور الريف]

واااااااااو جزء روووووووووعة
:bigsmile::wink::bigsmile::wink::bigsmile::wink:
يسلمووووو أمووووووور
:rolleyes::rolleyes::rolleyes::rolleyes:
مسكين حيدر مايسلم من رااااااائد الله :wacko::wacko:يعينه على هالولد خت
ههههههههه
يسلمو وماتقصري يالغلا:amuse::amuse:
وننتظر الجديد:cool:
ودمتي بخير

[آخر شقآوهـ ..~]

ويليييييييي ويلاااه اميرروه
عدله الحلقه الييوم كلها اكشنااات وناااسه
ويليي وحشني دعيدع ابو الخلاقيين هع
وعجبني المقلب هو ايييه ده
تسلمين عيوني ع الجزء الرووووعه
عطاك الله العافيه
تحياتي
ضحكوه البطه

[زهرة البنفسجي]

ههههههه خذ الصفر ولا تبالي .. فإن الصفر من شيم الرجالي..
عجبني هالمثل وااااااااااجد بصراحه هالجزء أكثر من روعه بس أهم شي لا يصيب رائد شي انتظر الجزء الجاي على أحر من الجمر

تقبلي تحياااااااااااتي

[آهات عاشقه]

وناااااااااااسه


مشكوره يالغلا على هالجزء


يجنن ووناسه

ومسكين حيدر كل المقالب فيه

بس اذا انسي رائد واتصل عليه وهو مايدري

بيطلع الجوال يتصل بك

ههههههههههههههههههههه


وناااااااااااااااااااسه


يسلموا حبوبتي اموووره والله يعطيش الف عافيه

دمتي لنا

[زهرة القلوب]

مشكوره خيوه على الجزء الروعه
الله يعطيش العافيه
تحياتي

[Princess]

يسلمووو جميعا عالتفاعل الرائع :bigsmile:
خيي ياسر شكرا جزيلا على توضيح المصطلح .. جاري التعديل .. :toung:تسلم من كل شر..

خيي اميرلا تستعجل ,, في بالي ما نسيته.. والأجزاء الجايه بتكشف .. اني ما نسيته بس فارس يتناساه,,, :wink:
و ابدا لا لقافه ولا شي بالعكس ملاحظتك هذي فرحتني وحسستني انك متابع ممتاز للغايه تسلم...

يعطيكم الف عافيه جميعا
وتفضلو الجديد .... ان شالله يطلع واايد.. ههههههه قولو يارب
واسألكم الدعاء

[Princess]

شوي الا طراااااااااخ

صفقوا ثنينهم من الطمع .. رائد ومشعل.. بصبية الإسمنت... مشعل طار من الدباب وصفق راسه بالشينكو وارتج رج... بس رائد انقلب به الدباب بعد الصفقه وطاح على الإسمنت.. وفوقه الدباب...
جو يركضو ليهم.. شالو مشعل الحمدلله اصابته بسيطه بس راسه داير وشوية رضوض...
فارس عند رائد يسحب الدباب من فوق رجوله... والله يهديه كان لابس برمودا.. فرجوله تشققت ومره الدم يسيل ,,
رفع فارس راسه من على صبية الأسمنت وشهق شهقه.. لقى دم بعد .. طالع من راس رائد... صار يصارخ بسرعه نجده... وعلى طول الشباب شالوه.. ورائد دايخ وابدا مو في وعيه.. كانت الشدخه مره قويه وفوق هذا الدباب طاح عليه ..
طلعو من الساحه وراحو للشاليه,,, حمزه حمق وسوى سالفه..
ــ هذاا اول يوم ويش صاير ويش مسوويين...
حسن:
ــ اسسكت انت الحين بنوديه المستشفى فاضيين لك..
حمزه:
ــ اصلا حمار اللي يطلع وياكم مره ثانيه...
فارس حمق,,
ــ شيه وانت ويه...
حمزه ولع :
ــ انت ما دخلك.. يا قوة عينك.. انا اموت واعرف ما سمعت المثل اللي يقول من جا بلا عزيمة قعد بلا حشيمه.. كيف عادي عندك ما ادري...
حسن :
ــ حمززوه انشب لا اوريك.. ومين قال لك هالكلام.. هو ويا رائد ولا لك شغل..
حمزه:
ــ افف ما احب اللي يقطو وجههم..وانت مو شغلك ما احد وكلك محامي دفاع..
هنا فارس خلاص ما استحمل .. وعطى حمزه بكس على عينه...
حمزه :
ــ ااااااااااااه ياااا ................... <<< طووووط سبه قوويه تم تشفيرهااا ههههههه
فارس فتح عيونه...
ــ بعـــــــــد لكن والله اوريك...
صارو يفكو بينهم,,,
حسن صررخ:
ــ خلاااااااااااص رااائد بيمووت دم ينزف وانتوون شباق,,,
فارس ترك حمزه,,, وعطاه نظره بسم الله....
حمزه يعدل عمره .. وسوى حركه سخيفه للغايه لفارس...
دفر رمل برجوله ... وعلى جنب .. بأتجاه فارس وبحركه قمة الحقاره..
فارس تمالك اعصابه.. حده اطلق زفرة قويه وهو ضاغط كفوفه وقال :
ــ يــــــــااارب,,,
وتركو المكان...ركب فارس ورى ويا رائد.. بسيارة رائد...
وحسن وحيدر قدام.. كانو كله جايين بسياره وحده....

فارس حاط تحت راس رائد نشاف وايد وكل شوي يغيره .. وهو مره مقهوور شلون جايين رحله بدون اسعافات اوليه...
وفجأه وهم بالسياره.. جى لفارس خيال عجيب,, كيف جى مهو داري.. حس السنين رجعت لورى بسرررعه.. وكنه يشوف روحه وهو صغير بسيارة عبدالله مسدوح بنفس الحاله..
يتذكر كان يفتح عيونه كل شوي وهو مهو في وعيه .. ويشوف عبدالله قدام يسوق وكل شوي يلتفت له...
وجه عبدالله صار يشوفه في وجه رائد... حس بكتمه.. ولا انتبه الا والدم عبى ايده ..و النشاف غرق... قام يصارخ..
ــ مااا يفيييد... بيمووت.. رااائد... جيبو لي أي شي غير هالنشااف..
حسن مو عارف ويش يسوي... عطاه شرشف,,, طواه فارس وحطه تحت راس رائد...
وصار يمسح الدم من على جبهته.. وبلا شعور دموعه قامت تصب...
وصلوا المستشفى.. ونزلوه طوارئ...
حطوه بالعنايه.. لقوه يحتاج دم.. ورجوله انكسرت.. وفصيلة دمه O حسن فصيلة دمه A << ما يناسب..
وحيدر AB ما يتبرع << فصيلة الدم البخيله...
فارس ما يدري ويش هي فصيلة دمه.. ما مره حلل ولا عاطي ليها اهميه...
حلل بسرعه.. وطلعت O وعلى طول تبرع مع انه فيه فقر دم... وحذره الدكتور ممكن ينخفض الهيموجلوبين ويتضرر هو سواء بدوخه والا تكسير.. بس هو الا يتبرع.. لتوأم روحه.. ما يصير... وتبرع والحمدلله ما صابه الا الخير ... ورائد الحمدلله صار احسن بس حطو له جبيره لرجله.. وبعد ساعه فتح عينه والحمدلله...
وبلا شعور قال .. :
ــ افاادي بشوكولااته..
ضحكو عليه.. مسكين من الدم اللي فقده حس بهبوط,,,
فارس :
ــ من عيوني اجيب لك فديتك... ويش تبغى..
ــ بوونتي..
ــ علبه ولا يهمك ..


طلع فارس للبقاله ركب السياره.. ,,, وهو يسوق .. سمع جوال يرن.. فتح صندوق السياره...
شاف جوال رائد,, حطه حيدر يوم يركبو.. واللي يتصل كانت رؤى..
صار قلب فارس يدق.. حط الجوال جنبه... سكت... ورجع دق.. وقلب فارس يدق.. ورجع سكت.. كذا اتصال.. فارس يفكر...
ــ ارد.. عليها... لا عيب.. استح على وجهك.. ويش باقول .. اخوفها على اخوها.. فارسوه.. استح..
وصل البقاله وجاب البونتي لرائد .. وعطاه جواله وقال له.. ان رؤى دقت..
واستغرب مررره من رد رائد عليه..
ــ كان رديت عليها وقلت ليها نايم.. الحين ما ابغى ارد انا و تسمع صوتي وتختلع..
فارس في باله.. بللل ويلي راحت علي هههههههه ويش فيني انا,, اف استحي على وجهي احسن لي...
شوي الا رؤى رجعت تدق.. فرد عليها حيدر..
ــ الوو هلا لائد..
ــ هلا رؤووه..
ــ هههههههه اهلين خالوو.. ويش جاب جوال لائد عندك شيه وينهو..
ــ نايم فديته..
ــ بل دحاجه ما اصدق الساعه توها 10 ... و لحله... لا يكون فيه شي بس,,
ــ لااا مافيه الا العافيه بس طامس في البحر لين طفح وقال بس.. ونام الحين..
ــ اهااا...
ــ تبغي منه شي,,,
ــ لا بس بسأل عنه وحشني ,,,
ــ فديتش بعد عمري الحنونه بس يقعد اقول له اتصلتي ,,, <<< هنا فارس مره بيموت.. وده هو مكان حيدر... وفي باله .. متى بس متى..
فارس يبغى يخش عرض مو عارف.... قال لحيدر..
ــ اسألها ويش اخبار امي ام حسين << توه متصل الظهر بيت فاضل ومطمن عليها..
رؤى سمعت فارس وضحكت... وقالت لحيدر:
ــ قول له الحمدلله تمام.. ونايمه,,,
فارس يدور حاجه ثانيه يسأل عنها مو لاقي ...
لين سكر حيدر.. وفارس متحسر على المكالمه اللي راحت عليه...
طبعا المستشفى قالو اصابة رائد في راسه مهي قويه .. والحمدلله تفادى الخطر بس رجوله الكسر قالوا له يبغى له شهر وتالي يشيلو الجبيره... فظل بس ليلة بالمستشفى.. وظلو وياه فارس وحيدر وحسن.. مواصلين

ويوم ثاني الصباح... رجع رائد البيت.. دخل الصاله.. دخلوه حيدر وحسن ...
حيدر:
ــ قواش الله خيه...
حسن :
ــ يالله يالله ... قواش الله خالتوو..
زهرا من شافت منظره. ورجوله مكسوره وراسه ملفوف بشاش.. وماسك عكازته .. طقت صدرها.. ووقفت...
ــ ولدي.. وييييش فيه..
ضحك رائد
ــ تكسرنا ودبرنا عمرنا... لا تخافي مافيني شي...
ــ ويلي عليك شلون ما فيك شي .. وراسك ويش هذا,,
ــ فلعه.. بسيطه.. طلع دم وتبرع لي فارس خخخخخ
ــ اني هذا اللي بيجلطني.. تبرع له فارس.. ويقول بسيطه...
ــ ههههههههه بسم الله عليش هذاانا قدامش مافيني الا العافيه ويش فيش اماه خلاص..
الا بفارس ..
ــ يالله يالله...
زهرا خذت مشمرها وتغطت...
ــ يا رجا الله تعال فارس ادخل ..تعال قول لي من ويه هالحاله..
حيدر:
ــ خيه خلاص قال لش مافيه شي كسر وبعد شهر بينشال,, هيهي يعني يرووح سوريا بكسره
رائد شهق .. وفقعها ضحك
ــ هههههههههه أي والله خذ لك..
زهرا بدت تصيح.
ــ ما تحسو انتون.. قالبينها مسخره.. وهذا شوف حاله شلون.. ويش اسوي بكم..
فارس عورت قلبه.. وحس بشعور مو طبيعي.. مع ان امه ام حسين ما كانت حارمتنه شي.. بس حس بحاجه لأحد مثل زهرا يسوي له.. يخاف عليه.. ويحن عليه... ابتسم وتنهد... الا بصوت ام حسين نازله ويا رؤى.. ورؤى تتنطط عالدرج ما تدري انهم رجعو...
وصلت لأول درجه من الدرج اللي مقابل الصاله.. وفي وجهها فارس.. وتختلع وترجع تركض ...
فارس حس بإحراج.. وبنفس الوقت بيموووت قهر خايف لا حسن لفتت نظره بعد.. والتفت يدوره لقاه اشوى راح المطبخ يشرب ماي .. وتطمن قلبه... والا الكل …لاهي برائد الا هو اللي انتبه ... فارس:
ــ قواش الله امااه...
ام حسين :
ــ هلا امي الله يقويك شحوالك.. رجعتو من البر,,
ــ الحمدلله اماه.. البحر مو البر.. ايه رجعنا..
ــ الحمدلله.. وزين انت,, ما بك شي.. ,,,,,,,,,, والتفت فجأه لرائد.. وطقت صدرها هي الثانيه..
ــ وي.. على عمري .. ويش بك امي...
رائد :
ــ هههههههه لا تخافو.. بس شدخه وكسر ما فيني شي..
زهرا ..
ــ شفتي امااه.. بيذبحني هالولد.. ويضحك..
رائد :
ــ ويش تبغيني اسوي .. اصيح.. تهي تهي..
ام حسين قامت تضحك على رائد,,
ــ خلاص امي زهرا مافيه الا العافيه
زهرا :
ــ كف على وجهه .. يروح بس يسبح و يستريح.. وينتبه لعمرك.. ويلي على عمري يوم الخميس بنسافر وانت كذا..
رائد:
ــ عادي ,, ويش باسوي بعد..

رؤى في غرفتها مختلعه وتفكر ..
ــ اففف هذي المله المليون يشوفني تهي تهي... افف يالله .. احلااااج..
قامت وقفت قدام المرايا.. تعاين شكلها ..
ــ هههههههه استخفيت .. ويش فيني اطالع لوحي.. خايفه من ويه...
ما يندلى ويش فيه لائد اخوي.. مالي الا البس مشمل وانزل اشوف,,,

لبست مشمرها ونزلت.. ومن شافت اخوها.. شهقت .. شهقه طلعت روح فارس ...
ــ ويلي لائد .. ويش فيك ...
ــ هههههه شوي شوي لويش هالشهقه.. مافيني شي .. شدخه وكسر خخ لا تخافي..
حطت رؤى ايدها على راس رائد... وصارت تمسح على الشاش على خفيف .. << فارس خلاص ذاب,,
ــ وهذا ويش ليش هالشاش .. ويش فيه لاسك..
ــ بس طلع شوية دم قلت لش لا تخافي,,,
ــ ويش فيك انت اذا ما خفت عليك اخاف على مين..
فارس في باله :
ــ اااه.. علي,,,



تاابع>>

[Princess]

رائد:
ــ بعد عمري تسلمي .. لا تخافي الحمدلله زين انا..
رؤى:
ــ الحمدلله..
حيدر :
ــ يللا انا بروح بيتنا..
زهرا:
ــ وين رايح.. اقعد بس ...
رائد :
ــ وين بيروح اصلا .. خخخخ جايين بسيارتي ولا في حركه..
حسن:
ــ حلوه دي بنروح ننام.. حدي تعبان...
حيدر :
ــ انا بعد... مو قادر بروح..
رائد:
ــ نامو هنا..
حيدر :
ــ لا ابغى اسبح بعد ..
رائد:
ــ خذ من عندي ثياب,,
حيدر :
ــ اوهو.. ههههه يطلع حلول من تحت الأرض,, لا بروح..
فارس:
ــ تدرو.. حتى انا.. اماه وين عباتش .. يللا بنرجع البيت..
زهرا:
ــ استحو على وجهكم.. افرش ليكم منامات بالمجلس ودقوا بها نومه...
حيدر :
ــ انا على غير سريري ما تجيني نومه.. وتعبااان.. اسمحي لي خيه... برجع..
حسن :
ــ وانا بعد خالتي اسمحي لي .. برجع..
فارس :
ــ هههههه انا عاد اسمحو لي برجع اكييد..
رائد :
ــ كف على وجهكم.. وانت فارسووه ويش بتروح بتاخذ امي وتحبسها وانت بتنام.. انثبر... اذا مصريين يرجعو هم خذ المفتاح ووصلهم وارجع انت ولا تحبس امي وياك..
ــ اجل برجعهم وبروح البيت بنام.. والعصر باجي..
ــ فااارسوووه ووجعه.. بلا بياخه علي .. تعال نام هنا واستحي على وجهك..
ــ رائدوه .. لا تحرجني..
ــ ااي.. ويلي.. اااي.. راسي ...
زهرا:
ــ وي ولدي .. على عمري ويش فيك..
ــ بيذبحني فارسوه.. قولوا له يبطل هالكلام الماصخ..
فارس :
ــ ههههههههه أي كلام..
ــ احرااج وما احراااج ...
ــ خلاص خلاص زين ولا تزعل .. بوصلهم وبرجع..
رائد:
ــ هيااا..
فارس :
ــ زيك حيال ونصاب ما شفت.. يللا مشوار الطرريق اوصلهم وراجع..
وصل فارس حسن وحيدر البيت...حسن تهاني اختلعت من شافته..
ــ ويش صااير امي.. ويش فيك رجعت..
علمها بالسالفه.. وعلى طول دقت على زهرا تتعافى لرائد...
ونفس الشي حيدر.. علم ابوه ودق ابو كرار على بنته زهرا كلمها وتالي ام حيدر بعد تعافو لرائد .. ابو كرار يكلم رائد:
ــ هاا يا ولدي .. ويش صاير .. عافاك الله
ــ الله يعافيك يبه.. لا بس تشدخنا ..
ــ غربل الله شرك .. اجل تتسابقو دبابات.. لا تعودوها مره ثانيه.. انت لو صافع راسك بالشينكو حالك حال اللي وياك ارحم.. استغفر الله.. يللا نصيبك..
ــ ان شالله.. هههههه عاد حيدرووه ما قصر نشرة اخباريه مفصله ..قال كل شي..
ــ هههههههه ايه افاا عليك بس.. يللا انتبه لروحك وما تشوف شر..
ــ الشر ما يجيك حياك الله يبه..
ــ مع السلامه..
ــ سلمك ربي

رؤى فرشت منام بالمجلس لفارس... ويوم رجع فارس.. راح المجلس ونام.. نومه عميقه من التعب ولا قعد الا المغرب,,,
فاضل رجع من العمل .. ودرى بالسالفه..
ــ يالله ما تشوف شر ياولدي اذا ما تقدر عالسفر نأجل.. اهم شي راحتك.. رجولك تقدر تشيلك لو تعورك..
رائد:
ــ لااااااااا ويش تأجله وما تأجله.. يالله انا انتظر هاليوم.. عادي رجولي مافيها شي,,,
ــ الحمدلله يللا بيصيرو وياك حيدر وفارس وحسن وبينتبهو لك..
ــ وناااااااااااسه...
ام حسين:
ــ والله كلفت على عمرك يا ولدي يا ابو رائد.. والله جمايلك مغطتني اني وولدي فارس
فاضل:
ــ لا تقولي كذا اماه.. انتين حسبة امي... الله يرحمها.. لا اسمعش تقولي جمايل ولا فعايل,,
ــ يا عساك السعاده يارب وزيارة علي واولاده.. افتح الله عليك باب الرزق من اوسع ابوابه يسر الله لك امورك فك الله ضيقتك ووسع الله عليك عيشتك..
فاضل :
ــ ايه هذا الكلام اللي يشرح الصدر .. دعاش امي دعاش بس ..

رائد راح المجلس لفارس.. لقاه مرتب المنام و قاعد ...
رائد:
ــ خذ لك من متى صاحي..
فارس:
ــ خذ لك انت.. ويش اللي جاب..
رائد سند العكازه على الجدار وقعد جنب فارس..
ــ واحشني يا غبي,,
ــ ههههههههه وحشتك العافيه .. وانت اكثر..
ــ عندي لك خبر .. يسوى مليون..
ــ جيب المليون اول..
ــ بل عليك مادي ..هههههههه
ــ هههههههه ويش هوو...
رائد وهو يرقص حواجبه بحركه بطيئه:
ــ يووم الخميس السفرر..وبتروحوا وياانا..
فارس:
ــ ويش تقوول.انا ويش قايل لك...
ــ موو منــي من ابوووي .. للللا للللا بتروح وياانا.. مافي قعده هناا..
ــ ههههههههههه يالله.. انا اصلا كنت افكر اذا انتون رحتو سوريا على حساب بروح المغرب ..
رائد فتح عيونه:
ــ هاا ,, المغرب ليش..
ــ بشوف سالفة ابوي..
ــ اففففف انا اشوفك سكتت من داك اليوم قلت يمكن منت رايح..
ــ الا بروح بس كنت محتار بأمي ام حسين.. وين بتروح..
ــ مااااااااااافي بتروحوا ويانا سوريا,,,
ــ بنروح.. خلاص بنروح.. بس..
ــ بس ويه..
ــ بخليكم كم يوم بسوريا وبروح المغرب ضروري بشوف السالفه..
ــ اففف .. زين على راحتك. المهم بتروح ويانا..
ــ على خير..
ــ هياااا,,
ــ ههههههههههه .. جعلك دوم مبسوط ومستانس..
ــ دووم طول ما انا معاك.. الله لا يحرمني منك
ــ الله يخليك و لا يحرمني منك...


ويوم الخميس... بدأ التوجه لمكتب الـ....... للسفر والسياحه.. وكانو .. فاضل وعايلته.. جاره رضا وعايلته.. ابو كرار وعايلته.. تهاني وعايلتها.. ابو علي " ابو حمزه " ومعاه ام علي وحمزه .. علي ما بيروح لا هو ولا حريمه... كانو على حساب سراج عم رائد بيروح بعد.. بس ما عنده اجازه ومسافر برى للعمل لحاله .. و مرته ولله الحمد اهلها بالأحساء فظلت معاهم ...
اشتهو تروح وياهم هدى بس للأسف ظروف منتظر اخو فاضل ما تناسب.. العمل بعد ما عطوه اجازه وهم بجده بعيدين.. فصار تقريبا ثلاث ارباع الباص ليهم و الربع توزع على شلة صبيان عزوب .. وعايلتين .. وحده منهم معاريس...

ظلوا فتره ينتظرو بالإستراحه يالله شحنو الأغراض وركبو بالصلاة على محمد وال محمد..
السيت الأخير قالت ام حسين تبغاه حق تمدد رجولها عليه لا تتعب..
ركبو الباص.. واقترح ابو فاضل ينقسم الباص قسم للرجال وقسم للحريم .. بس المعرس ما رضى..
رائد قام يتحنطب ..
ــ خذ لك.. هالكناري .. ما بطير .. يوم بليله ما يستحمل فرقاها.. هذا اللي بيضايق اهلي كف على وجهه..
فارس :
ــ ههههههه اسكت لا يسمعك غربلك الله فشلتنا.. شهر العسل يا اخي كيفه الرجال حر ..
ــ شهر البصل.. اف منه .. يروح بطياره.. ويفكنا.. وويش هذيللا شلة هالعزوب ويش جيبهم.
ــ انا لله ويش فيك تتعيلف.. ههههههه لا بعد مو ناقص الا يخصصو باص للعزاب وباص للعوايل .. ما عليك منهم...
ــ المشكله كراسيهم عند الباب .. فنزلة حريمنا وطلعتهم.. في وجههم افف,,
ــ لا تحط بالك عاد .. ان شالله ما بيصير الا كل خير وبنوصل بالسلامه..
ــ ان شالله..

ركبو.. حنين جنب رؤى.. حيدر مع حسن.. وفارس طبعا مع رائد... حمزه قعد مع واحد من الشباب العزوب اللي قدام,, وفيه حرره.. كل واحد مخاوي له واحد.. وهو لحاله...
ام حسين ورا طبعا لحالها على الكرسي..
<<< الباقي ماني مرتبتنهم ههههه مالي خلق حوسه يرتبو روحهم...

ومشى الباص الساعه 4 العصر بالصلاة على محمد وال محمد...
الساعه 9 بالليل.. رؤى تعبت.. تبغى تنسدح مهي عارفه.. حنين نامت..
ويش تسوي رؤى.. دقت في بالها فكره جنونيه...
راحت لأم حسين لقتها متربعه على السيت,, تشرب قهوه..
ــ امااه ويش تشلبي هالحزه شان نمتي..
ــ ويش اسوي يا بتي .. راسي داير وما يقنده الا القهوه..
ــ يعني ويه يقنده..
ــ ههههههه ويش عرفكم انتون .. يعني يعدله..
ــ اهااا يلوقه...
ــ والله ما ادري اللي هي هي.. ويش بش ما نمتي ..
ــ لا بنام.. بس بفلش لي تحت..
ــ تحت وينا...
رؤى تأشر تحت رجول ام حسين على الأرض..
ــ هناا..
ام حسين:
ــ ويش فيش يا بتي .. عند المكينه.. بتستحري وبيفقع راسش,,
ــ با جلب بس استحل ويفقع لاسي باقوم..
ــ على راحتش..

فرشت ليها رؤى وانسدحت..
السواق على شان لا يجيه النوم.. قالوا له عن الهدوء يحط شريط ..

ياباني الحجره على السيف بنها على ساس القويه معرسامجمع ليه آلافات ناوي على عرس لبنيه...
ام حسين تصفق بهداوه .. وهي تنشد ويا يوسف الرومي ...:
ــ بلغني الله فيك يا فارس.. عساني اشوفك معرس يارب

وشوووي ... صوت انفجار قوي ... وصارت رجول ام حسين ترتفع وتنزل على رؤى رضرضت عظامها .. وقام الصريخ ...و دخان ملى البااص.. ومال على جنب..
و............

الى اللقاء... :amuse:

[عازفت الاوتار]

ياقلبي

الجزء زااااااااااااااااااااااااااااااااااااااااااااااااا اااااااحف

كله ااااااااااااااااااااااكشن

اموووووووووووووووووووووووووووووووووووووووووووووووو ر

بللللللللللللللللللللللللللللللللللللللللللللللللل ليز

كممممليهاااااااااااااااااااااااااااااااااااااااااا اااااااااااااااااا

جااااااااااااااااااااااااااااااااااري الااانتظااااااااااااااااااااااااااااااااااار

تحياتي

[آخر شقآوهـ ..~]

ياعلييي مسكين رائد صديقيي
صج انه طماع وطماع بزياااده الاخ
اميروووه لاتقوليييي الباص صار فييه شي<<<<ايه صار هع
تسلمين عيوني ع الجزء الكشووخي
يعطيك ربي العافيه
تحياتي
ضحكوه البطه

[ســحرالقوافي]

وااااااااااااااااااي


وش ها الاكشنات

صراحه هالجزئين كانهم فلم هندي

خخخخخخخخخ

فيهااا طراخ وطريخ وحوادث وابطال


شي

عن جد ابدعتي


بس مسكين رائد يعني جبريرته بتطلع سالمه
<<<< الناس يسألوا عن الرجال وهي تسأل عن جبيرته


يلا بنتظار الجزء الجديد عى احر من الجمر

ترى طول اليوم بجلس افكر فيهم مساكين

إلا ما قلتي وين وصلوا يعني توهم ماشيين ولا صار له مده عشان اتخيل المكان عدل

<<<<<< فاضيه



دمتــ بود

[كبرياء]

يسلموووووووووووووووووووووووووووووووووووو أميروووووووه على هيكـ اكشنااات

جااااااااااااااااااااري الانتظاااااااااااااااااااااااااااااار

[الأمل البعيد]

ماشااااااااااااء الله
ابداع والله
جزء زاحف اكشن
امووور لاتتأخري
ياعلي اكيد نام السواق مادري من هو خخخ
يسلموووو
تحياااااتي

[اسير الهوى]

ايـــــــه هذي الاجزاء اللي تقند الراس عدل ههههههه

تعجبني دوخة فارس والكلام اللي بخاطره هههه

المنامات>>>تصحيح>>>منمه....طبعا هذي احنا نقولها...


يعطيك الف عافية اميره وتسلم يدك..

اخوك

[الشمعة]

بسم الله الرحمن الرحيم
اللهم صلي على محمد وآل محمد وعجل فرجهم ياكريم
مشكوررررره امووووره حبيبتي على الاجزاء الحلووووووه عن جد عجبوني وااايد
بس عااد فطستيني ضحك على سالفتهم في المقالب وغيره
تسلملي هالانامل الرائعه لاحرمنا الله منها ابدا
تحياتي لكم من صميم القلب
الشمعة

[زهور الريف]

وااااااااااو

كشخة:bigsmile::bigsmile::bigsmile::bigsmile:
يسلمووووو يالغلا
ابداع ماشاء الله:noworry::wink:
اشوي اشوي على ابطالنا لاتقتلي واحد والله شيء:noworry::wacko:
المهم ماأوصيش وصليهم سوريا سالمين
ويسلمووو مرة ثانية:cool::cool:
وننتظر الاجزاء الحلوة زيك
باااااااااااااااي:rolleyes::toung:

[زهرة القلوب]

مشكوره خيوه على الجزء الروعه
الله يعطيش العافيه
تحياتي

[أمير العاشقين]

برافوو اميره كملي واصلي خيتوو القصه بالانتظار

وهالمره بنشوف أخوة أمير العاشقين

اطلب هالطلب وما ترديني

بنشوف شقد هالاخوه خيتوو

اطلب اممم تحطي 3 أجزاء مره وحده

احنا بالانتظار

[أميرة الشوق]

يلا أميرة شوقتينا
ويش بصير بعدين؟؟

اهئ اهئ

[آهات عاشقه]

يسلموووووووووووووووووووووووو


ننتظر البقيه


يارب بس ماصار فيهم شيء

[Princess]

سلامووو... مشكورين جميعا عالتفاعل...

امير.. يااا خوووووك ويش هالطلب .. بس يللا ...
ان شالله اقدر البيه...
فصبرا علي ... هذاني الحين ارتب افكاري واكتب..
ولعيونكم 3 اجزاء عيديه بإذن الله

انتظروني ان طاااالت مره مره.. بكره العصر ينزلو ...

او اني كلما اخلص جزء انزله.. لين بكره يكون المجموع 3

اسألكم الدعاء

دمتم بحفظ الرحمن

[ســحرالقوافي]

حركات اموره

عجل بنكلف امير كل يومين بطلب مثل هذا الطلب


<<< بدى الطمع

يقول

إذا كان حبيبك عسل لا تلحسه مدري لا تاكله

وحنا طايحين طيح فيش

ويش نسوي طماعين وانتي كريمه
مدري انتي كريكه وحنا نستاهل

معذرة بس فيوزي ضاربه من الجوع

بالانتظار


دمتــ بود

[Princess]

:rolleyes:بيييييييب نن حححححححححححححح <<< قامت الغبره:wink:


وصلت الطلبيه الأولى.. بس اسمحو لي بدون مقبلات << الوان..
بسرعه على شان الحق...
ولا تطلبو وايد صدقتي سحور
اذا كان حبيبك عسل لا تلحسه كله .. :toung:
. شوي شوي علي لا انطفي ههههههه بسم الله علي..
لا صدق الحين بطاريتي على وشك تنطفي....:embarrest:
تفضلو الجزء الأول وجاري كتابة الثاني... اسألكم الدعاء...

[Princess]

وشوووي ... صوت انفجار قوي ... وصارت رجول ام حسين ترتفع وتنزل على رؤى رضرضت عظامها .. وقام الصريخ ...و دخان ملى البااص.. ومال على جنب..
وشوي وينقلب .. نزل عن الإسفلت للبر.. ووقف... و الناس تصارخ واللي يصيح..
وقف السواق الثاني بنص الممر وقام يهدي فيهم حصل خير وما صار شي...

ابو كرار:
ــ ويش صاير.. ويش اللي قلب الباص ,.,,
السواق الثاني :
ــ انفجر التاير... وطلع خويي عن السيطره..
رائد كان صاحي و شايف كل شي...
رائد:
ــ اصلا قبل لا ينفجر التاير والباص يميل... بعدها مال ميلة قويه وانحرف عن الإسفلت.. وصفق التاير بحجر مدري ويش وفقع.. وصار اللي صار .. برايك لويش صار كذا..
السواق الثاني :
ــ اااا... هو التاير فقع.. و...
رائد:
ــ خويك نام وانحرف عن الشارع و يوم فقع التاير انتبه وشوي يقلبنا.. صح..
السواق الثاني انحرج ولا هو عارف كيف يرد ...:
ــ اااا لا ... حصل خير الحمدلله على سلامتكم,, بس ما عليكم امر تفضو الباص بنصلح التاير..

نزلو الكل.. وهم يتحمدو لبعضهم عالسلامه... و في البر فرشو ليهم حصر وقعدو جماعات جماعات...
رائد ماد رجوله وقاعد يضرب بالعكازه على الأرض وهو محمق..
ــ قالو ويه حصل خير .. بينام لا يسوق .. بيودينا بداهيه...
فارس :
ــ انت هدي ولا تسوي مشاكل وياهم خل هالسفره تعدي على خير ادري بك انا
ــ شيه اتعيلف انا.. هذا الواقع نام لا ينكرو...

فارس ..:
ــ ايه زين.. خلاص شوف مناك .. مو هذا ابوك ابو كرار...
رائد:
ــ أي والله ويش وداه مناك..
فارس :
ــ خخخخ ربما لقضاء الحاجه..
ــ هههههههه ربما.. بس مو كنه كلما جاله يبعد زياده..
ــ استر له ..
ــ هههههههه غربلك الله..

ابو كرار كان يتمشى في البر .. وناسي روحه ويتعمق .. سرحان ولا هو منتبه...
شوي وحده من الحريم اللي قاعدين:
ــ لو سمحتو.. الشايب اللي راح مناك ويش عنده.. كني اشوف مناك شي يتحرك...
رائد التفت.. وفعلا شاف شي اسود يتحرك وكبير.. وابو كرار يمشي قريب منه وشكله مو منتبه ..
كان نظر ابو كرار على قده من الكبر .. ومشيته بعد .. مهو سريع..
رائد :
ــ وي وي ابووي .. ويش هذا هالأسود.. اف ظلمه ما يبين .. يباااااااا..

فاضل والرجال كانو عند الكفر ... مافي الا فارس ورائد قاعدين على جنب.. يحرسو الحريم القاعدين...
سمعو صريخ رائد .. جا فاضل..
ــ خير ويش صاير...
رائد:
ــ ابوي .. ما ادري ويش فيه.. يمشي واكو شي اسود قريب ,,
فاضل يحد نظره شان يشوف ويش هذا...:
ــ أي والله اكو يتحرك بعد.. شكله ذيب.. يا الله... عمـــــــــــــــي... وين راااايح...
<<< لكن لا حياة لمن ينادي..
راح فاضل يركض كان يوصل له..رائد فيه نحاسه وحركتات عفويه ... تخلع الواحد... فلما سألوه الحريم الصريخ ليش وويش صاير:
ــ ابوووي ابو كرار راح بعيييد.. واكو شكله ذيب..
صرخت ام حيدر :
ــ ذيــــــــــــــب ويــــــــــــــــه.... هذا اللي بيغربلنااا... ابو كراااااااااااااااار .... ابو كراااااااااااااار....
زهرا :
ــ وي ابوي على عمري .. الحقو عليه..
رائد وبنحاسته المعتاده وعفويته :
ــ ابوش بس .. خخخخ ريلش بعد اكو لحقه...
صفقت زهرا صدرها..
ــ وي وي .. يااعلي .. ابوي وريلي .. راحو.. ويلي عليهم .,, يباااااااااااا.. فاااااااضل...

جو الرجال يشوفوا ويش صاير .. ويوم درو بالسالفه. حيدر :
ــ وااه.. ابوي.. لااا ..
وراح هو الثاني يركض له..
ام حيدر صرخت :
ــ تعااااااااال انت بعد.. ناقصين واحد حق الثاني يقووم..
وبتقووم.. مسكوها الحريم يهدو فيها..
جا السواق وفي ايده ميكرفون يدوي .. وصرخ...
ــ يا ابو كراار .. تعال ... لا تبعد ..
ابو كرار انتبه.. ورجع ومن بعيد شاف اثنين جايين له مهو عارفهم من الظلمه ونظره الضعيف .. وابو كرار يمشي على هون وهداوه...
رائد كسر خاطره ابوه اللي يراكض خايف على جده.. وجده اللي مو داق خبر ويمشي ببرود.. وقف وقال للسواق اعطيني المايك.. عطاه اياه .. صرخ رائد :
ــ يباااااااه ابو كراااااااار .. ذيــــــــــــــــــــــــب.. اكوو قرب جى لك,,,
ابو كرار من سمع طاري الذيب... قام يركض ويتعثر ركضته ثقيله... وصل لفاضل وهو ينافخ.. مسكه فاضل.. وسنده عليه... وشوي وصل ليهم حيدر .. وسندوه ومشو به...
لين وصلو للحصر وجلسو .. وهم ينافخو من التعب وماي جابو ليهم وحاله..
شوي العروس قامت تصيح..
ــ ماني قاعده هنا.. في ذيب .. بركب الباص اخاف..
جاها زوجها يهدي فيها.. فارس يركز النظر على هالأسود البعيد.:
ــ ما اتوقعه ذيب .. صار له ساعه واقف .. واذا تحرك تحرك وهو مكانه... شكله كيس لو شي مرمي .. ذيب.. لاا.. ويش يجيبه.. كلب يمكن.. بس واقف.. لا تخافو..

الحوسه قايمه لتغيير تاير السياره... شالو المنفقع.. جو بيركبو واحد ثاني.. راح واحد من السواقين يجيب السبير... ورجع وهو مرتبك.. ولا هو عارف ويش يقول.. سأله خويه اللي كان جالس يشيل التاير القديم.. .. وين التاير ..
رد بإرتباك وهمس :
ــ مافي عدنا سبير...
فز السواق على طوله:
ــ هااا وويش تقوول...
<<< ومعاها خلفيه شهقه عظيمه من المسافرين
رد الثاني :
ــ ااا.. والله استخدمنا السبير اخر مره رجعتنا من سوريا.. ونسينا نحط غيره.. او نرقع القديم...
سكت السواق وما رد عليه.. لأنه مو عارف ويش يقول..
رضا حمق :
ــ انتوون ويش ما تاخذو احتياطكم ويش هالأهمال .. الحين ويش بنسوي ليل وبر .. وحريم ويهال..
فاضل عاونه عليهم:
ــ صحيح انكم ما عندكم سالفه اول مره بحياتي يمر علي مكتب سفريات كذا.. اولا سواق مهمل وينام وبيودي باص كامل بستين داهيه.. وتالي تاير سبير مافيه.. انتون ويش .. انا لله..
ابو كرار:
ــ صبرا جميل.. اللهم صل على محمد وال محمد..

الكل صلى على محمد وال محمد...
رائد درى بالسالفه.. وراح ليهم.. ولا سمع الا حمزه ولد عمه يقول:
ــ ارتاح يا ولد العم.. اطلع منها خلهم يدبرو حل ويخلصو..
رائد حمق:
ــ ويش قصدك؟.
حمزه بإرتباك:
ــ ولا شي..
رائد ضرب عكازته بالأرض :
ــ لا عفر قصدك..
ــ لا والله مو قصدي..
ــ لا شكلك تقصد اني راعي مشاكل.. واذا تدخلت بتصير سالفه موو..
ــ انا ما قلت كذ الا اذا انت حاسس كذا .. عاد هذا شي ثاني ..

رائد دفر حجاره من الأرض لجهة حمزه... << كرد لحركته اللي سواها له في البحر.. ومشى عنه...
فارس يضحك على رائد :
ــ هههههههه هااا تنتقم..
رائد:
ــ خخخ ويش دراك..
فارس:
ــ مبييينه.. الله يهديكم بس..
رائد:
ــ دم ضرووسي .. ودي اشنقه... اذبحه.. اخخ بس لو مافي حكم علي شان اخذت حيفي فيه وبردت قلبي..
فارس:
ــ اف اف اف .. الساتر الله بس... يقولوا ما بعد العداوه الا محبه..
ر ائد:
ــ هيهي خبل اللي قال هالمثل .. مينوون انا .. ولا مين حمززوه.. عووع...
فارس:
ــ ههههههههه نسينا ما كلينا... شان تبغى اذكرك بذكرك..
رائد:
ــ تذكرني بويش..
فارس:
ــ نسينا.. شيه كنت تحبني انت << قالها وهو يرفع وينزل بحواجبه بحركه بطيئه..
رائد غمض عيونه وابتسم حد ما عنده:
ــ شششششش.. لا احد يسمعك بس... انت غير حبيبي فديتك..
فارس:
ــ هههههههه يعني مو خبل قايل المثل..
رائد:
ــ خخخخخ لا اسحبها.. بس ليش تدافع عنه.. خويك..
فارس:
ــ حلوه دي ولد عمك بعد خويي.. ويش دخلني به
رائد:
ــ ولد عمي .. عمت عين ابليس... من وين لوين ولد عمي .. هههههههه تستعبط علي
فارس :
ــ اف.. ليش عااد ... تبريت منه...؟؟
رائد:
ــ ما اعرفه اصلا... قال ويه ولد عمي ... خويك اقول لك ..
فارس:
ــ تقصد مين؟؟


تابع>>>

[Princess]

رائد:
ــ اللي قال المثل ..
فارس:
ــ ههههههههههه غربلك ربي .. تت مناك يللا ..
رائد:
ــ هههههههههههه تت وجهك قطو قالو لك..
فارس :
ــ احلى قطو..
رائد:
ــ ما اقدر ما اقدر.. ويش هالدلع .. هذا وانا خويك.. بكره الخطيبه ويش بتسوي ليها..
فارس تنهد من قلب:
ــ اااااااااه اللي تبغاه...
رائد:
ــ ههههههههه بسم الله عليك اااااه من قلب .. لا يكون بس طايح ورايح فيها..
فارس :
ــ هاااه..
رائد :
ــ هههههههههه وهااه بعد...
ولصق في فارس ومسكه بالقوه:
ــ عفيااا.. مين هي..
فارس يفلص رائد :
ــ هههههههه استح على وجهك.. وخر مناك بس .. امش نشوف ويش صار للجماعه..
رائد :
ــ هيهي هههههه اقص ايدي بس اذا منت طايح ورايح..
فارس منحرج:
ــ رائدوه..
ــ هلا,,,
ــ انشب..
ــ هههههه ان شالله...


رؤى وحنين على جنب على الحصير.. شوي صارت حنين تحوس بحجر على الأرض..
كان املس .. ومره صافي وحليو.
ــ رؤووه شوفي هالحجر حليو مو..
رؤى:
ــ باشووف... ايه والله.. تصدقي شكله اللي يشبو به النال بس ناسيه اسمه ..
حنين:
ــ ههههههه يشبو وجهي .. كيفا بعد..
رؤى:
ــ جيبي اجلب واشب وجهش..
عطت حنين رؤى حجره..
رؤى:
ــ جيبي ثانيه...
عطتها ثانيه... حكتهم رؤى ببعضهم ما طلع شي..
حنين تسخر عليها..:
ــ هههههههه احلى يا اهل الكهف يا قديم الزمان.. قالت ويه بتشب نار.. هههههه كان محدش غلب..
رؤى :
ــ سكتي .. اني متأكده .. شكله يطلع شلال.. دقيقه بس...
رنت رؤى على رائد رنه... وجاها..
رائد :
ــ خير ويش صاير..
رؤى :
ــ حك هالحجلتين مع بعض حد ما عندك.. وطلع شلال
رائد بمسخره:
ــ صدق صدق متفرغه .. احنا فويش وانتين تعال حك حجره.. بصفقش بها.. اهو بس..
رؤى حمقت:
ــ زين يا المشغول اسفين عالإزعاج لوح بس غيل التايل ..
رائد:
ــ اروح احسن لي مالي خلق شباق..
رجع رائد لفارس.. وكان واقف ويا حيدر وحسن.. وهو يتمسخر:
ــ قالت ويه.. حكهم.. خخخخخخ
حيدر :
ــ تحك ويه..
رائد :
ــ نياهااهههااا ظهوركم..
حسن :
ــ شيه قرده..
فارس :
ــ ههههههههههه مو احنا اللي نحك.. هو اللي يحكنا.. صدق رائدوه تحك ويه..
رائد :
ــ حجر شايفتنه تقول حكه ويشب حريقه..
حيدر :
ــ حريقه مره وحده..
رائد:
ــ ويش دراني عنها متفرغه..
فارس :
ــ لا يصير يطلع شرر اذا هو صوان .. وموجود وايد بالبر .. صحيح لا تسخر..
رائد :
ـ يوه ههههههه اجل بروح اجيبه من عندها بشب حريقه بالسواويق من قهري...
وراح ليها
حيدر :
ــ ههههههه وربي ارهابي..
رائد وهو رايح دار لحيدر وهو يرقص حواجبه...:
ــ طالع عليك خاالوو..
حيدر :
ــ هههههههه دبتك.. خلص بس جيبه...


رائد:
ــ رؤى .. جيبي الحجر بيجربو الشباب..
رؤى :
ــ توك تسخل علي ويش تبغى فيه..
رائد :
ــ اوهوووو ... وانتين ما احد يمزح وياش.. بتعطييني اياه لو ويش..
حنين تساسر رؤى:
ــ اعطيه اياه بنشووف..
رؤى :
ــ البل مليان يدول له..
حينين:
ــ اف وانتين كله تعاندي ندري البر مليان .. خلينا بنشوف ان قلتي له يدور بيعاند
رؤى:
ــ خله يعاند احسن..
حنين:
ــ ايه قولي خايفه يكشف تخريفش..
رؤى:
ــ أي تخليف..
حنين:
ــ اني ادري عنش ... اجل حجر يشب حريقه.. كثري منها بس ...<<< تبغى تقهرها كان تبطل عناد وتعطيه الحجر..
رؤى:
ــ ماني مخلفه ولا شي ... لااااااااائد.. هاك شوف جلبو..
حنين في بالها.. هيااا ههههههه ما ينفع وياها الا الإستفزاز..
راح رائد ليهم وعطى حسن الحجر..
ــ خذ انت جرب اول واحد .. حد ما عندك..
اخذ حسن الحجر:
ــ ليش انا عاد اول واحد..
رائد:
ــ ههههههه .. جثه بتعطيه قوه ضاربه.. الا هو صاير طفو .. مو بس يطلع شرر
حسن:
ــ ههههههههههه وجهك.. اكو انت تلعب كمال اجسام.. عليك به..
رائد :
ــ ايي .. انا رجولي منكسره..
حيدر :
ــ هههههههههه شيه بتحكه برجولك..
رائد:
ــ هههههههه لا براسك..
حيدر:
ــ زين يصير خير خخخخخخ


صار حسن يحك.. ما طلع شي...
اخذه حيدر.. يجرب...
رائد:
ــ الحين ما قدر حسنوه انت بتقدر..
حيدر :
ــ يوضع سره في اضعف خلقه..
صار حيدر يحك ونفس الشي ما طلع شي...
اخذه فارس ...
رائد :
ــ ههههههه بالتناوب...
شخطتين الا طلع شرر..
رائد :
ــ واااو فارسووه ما شالله.. هههههههه ادي لوو.. عفيااا..
فارس رجع يحك وطلع شرر زياده... وصاير مبين وحليو في الظلمه..
رؤى شافته.. وفرحت ..
ــ شفتي حنينوووه طلع شلل.. لا تعااايي فيني مره ثانيه وتجادليني..
حنين:
ــ الله حليو .. حركات..


رائد :
ــ ابو الفوارس .. تعرف اسمه.. هالحجر..
فارس :
ــ اذا ما خاب ظني هذا جرانيت اللي هو الصوان...
حيدر .. :
ــ ههههههههه ايه هذا اللي قال عنه احد الشعراء
دق الصوان و اوقدها لهايب
رائد: ــ لهااايب..
حيدر:
نشن و اضرب العدو مش صايب
رائد: ـــ هيهي خوش خوش...
فارس:
حنا ربع العاصفة يا فلسطين
يوم العركة ما فينا اللي هايب
رائد : عااشو .. هههههههه والله مثقفين..
حيدر: ــ هههههههه انشب واسمع بس..
دق الصوان و اجعلها شرارة
رائد :
ــ مرااااااااررررره..
حيدر:
ــ هههههههه دبتك مراره.. احم..عزمك صوان ماتنطفي نارك
و صويحبي لو ضربني بشبرية
رائد فتح عيونه..
ــ بل شبريييه هههههههههههههههه
فارس:
ــ ههههههههههههههه ... احم... امسح الدم و احميه من الضرايب
بالبازوكا و البارود و الهاون
رائد :
ــ أي بطني .. بازوكا وبارود وطار لهاون... حشا هاون.. هيل هو لو قهوه هههههههه
حيدر :
ــ خبالتك.. الهاون من الأدوات الحربيه...
رائد وشوي يتدحن على الأرض من الضحك.. وحسن وياه ضحك...
: ههههههههه فكرته تبع لول اللي يدقو فيه خخخخخخخخخخ
حيدر :
ــ مالت دقو راسك ويش عرفك انت... المهم..نرمي العدو و ننصب لو الكماين
و اللي يهوب حدك يا ثورتنا... هااا ويش يصيبه ابو الفوارس...
فارس:
ــ تردو الفتح على اعقابو خايب
حسن قام يصفق .. و رائد يصفر :
ــ اييييييييه يعيييشووو على قلبي الحلوين...
حيدر :
ــ هههههههههه شيه بنرقص ..
رائد :
ــ بيذبحني هالخال هههههههههههههه المشكله عن ما قريب وبيصير رادود وهو بعده خبل ..
حيدر :
ــ هههههههههه بلا خباله علي شيه ويش قايل .. لا تطلع علي اشاعات ما اسمع اغاني انا ولا ارقص.. ههههههههه امززززح..
رائد :
ــ ههههههههه خلاص خلاص لا تصدقو امزح انا...
صار فارس يحك في الحجر ويطلع شرر زياده الا بجية حمزة.. ناحيتهم...
رائد:
ــ اف جا الملقوف..
حسن:
ــ ويش عليك منه...
رائد:
ــ تراهن بيتعيلف ...
ما مداه رائد يكمل كلامه الا .....


جاري كتابة الجزء الثاني من العيديه.. ويلي اذا تعبت بوقف صراحه http://allams.net/vb/images/smilies/smilies/yawn[1].gif اسألكم الدعاء... وكل عام وانتون بخير :bigsmile:

[آهات عاشقه]

احلىىىىىىىىىىىىى عيديه


تسلمي يالغاليه


دمتي لنا

وناااااااااااااااسه



اني اول وحده استلمت عيديتش خيتوووووو اموووووووووور


الله يعطيش الف عافيه

دمتي لنا

[ســحرالقوافي]

جزء ابداع

روعه

شي رهيب



الله يعطيش العافيه
ونولش الي في بالش

ويفرح قلبش مثل ما ونستينا بهذا الجزء وبهذي القصه الي كل ما جاليها تحلا

اكثر وكثر


بس اموره
في خطاء بسيط بدل ما كتبتي حيدر كاتبه رائد

حيدر :
ــ ههههههه وربي ارهابي..
رائد وهو رايح دار لرائد.. وهو يرقص حواجبه...:
ــ طالع عليك خاالوو..




بتوفيق خيتو جاري الانتظار

دمتــ بود

[Princess]

صرااحه :embarrest: اسمحو لي
ماني قادره

:wacko: http://allams.net/vb/images/smilies/smilies/yawn[1].gifhttp://allams.net/vb/images/smilies/smilies/yawn[1].gifhttp://allams.net/vb/images/smilies/smilies/yawn[1].gif :wacko:

اعذرووني .. ما بتأخر كل يوم بيومه ...
الرجال عند كلمته :embarrest: اشوى ماني رجال

تمسون على خير
ومشكوره حبابه سحوره
جاري التعديل فديتش

دمتم بحفظ الرحمن

[سيناريو]

جزء بدون مقبلات بس مهضووووووووووووووم حبيته كتيييييييييييييييييير

الله يعطيش العافيه الله لايحرمنا هالقصه الفاتيستيكيه ولايحرمنا منش أميرتنا
جاري الإنتظار عبي البطاريه وكمليها أحسن لش خخخخ

[كبرياء]

يسلمووووووووووو أميرووووه على هالجزء

الاكشناات هع هع هع قال ذيب قال

وسالفة هالحجر هع هع يؤؤ بلا تخريف واايد

كبريااؤه

يعطيكـ العافيه أميرووه وبانتظاار البقيهـ

تقبليـ مروريـ وتحيــــــااتيـ

[زهور الريف]

جنااااااااااااان:bigsmile::bigsmile:
وكل عام وانت بألف خير خيتو
وتسلميييييييين
الله يعطيك العافية:cool:
وموفقين انشاء الله

[زهرة البنفسجي]

يسلموا أميرة على الجزء الراااااااائع

وكل عام وانتي بخير وخذي راحتك بس أهم شي تطلع القصة حلوة والنهاية سعيدة وأهم شي قبل ده كله راحتك يالغالية

تقبلي تحياتي

[الأمل البعيد]

يسلمو يالغلا تعبناك والله جزء زاحف رائع
عجبتني ذيب ههه
تحياتي

[زهرة القلوب]

مشكوره خيتو على الجزء الروعه
الله يعطيش العافيه
وكل عام وانتي بخير

تحياتي

[الشمعة]

يالله امورر حبيبتي نبي التكمله عن جد جزء رااائع جدا مشكوررره واايد بس نبي لاجزاء الباقيه

تحياتي
الشمعة

[Princess]

يسلووو عالتفاعل الهي لا يعدمني اياكم جميعا
منورين وعلى قلبي تواجدكم عسل
كل عام وانتون بخير
حاولت قد ما اقدر .. اكتب ..
تفضلوو الجديد

[Princess]

صار فارس يحك في الحجر ويطلع شرر زياده الا بجية حمزة.. ناحيتهم...
رائد:
ــ اف جا الملقوف..
حسن:
ــ ويش عليك منه...
رائد:
ــ تراهن بيتعيلف ...
ما مداه رائد يكمل كلامه الا حمزة يسأل فارس.:
ــ ويش فيك تحك بالحجر ..
فارس ببرود :
ــ اطلع شرر..
حمزه:
ــ خخخ والله .. لحظه اجل ولع لي سيجاره...
وطلع سيجاره ومدها على فارس ..:
ــ يللا حك.. طلع شرر,,
رائد حمق منه:
ــ اقووول.. فارق لا احك وجهك بكف ...
حمزه :
ــ وانت ويش دخلك...
رائد:
ــ اذا ولعتها بطفيها بوجهك.. فاهم.. دخلني ويللا مالك شغل ووخر مناك...
حمزه وهو مكشر حواجبه:
ــ الحمدلله والشكر.. اروح احسن لي لا تصير سالفه بس..
رائد بحمق:
ــ يكووووون احسن...
تركهم حمزه من هنا.. فارس رمى الحجر على الأرض من جهه ثانيه..
رائد:
ــ ويش فيك؟؟ ما عليك منه...
فارس:
ــ مافيني شي.. بس ما احب اشوفكم كذا وانتون اولاد عم.. احس نفسي سبب لهالكره اللي بينكم..
رائد:
ــ فارس..
فارس:
ــ هلا..
رائد :
ــ كف على وجهك..
فارس :
ــ هههههههههه اعصابك يا تايسن.. وانت ما تمشي الا كفوف وطراقات.. خلاص سكر السالفه..
رائد :
ــ يكون احسن.. بروح اشوف سالفة هالتاير..
راح هو ويا فارس.. لقو واحد من السواقين يكلم جوال... وبعد خمس دقايق تقريبا.. خلص المكالمه :
ــ يا جماعه.. شوي وبيجي باص ثاني ان شالله عنده سبير.. دقيت مكتب السفريات.. وقالو بعد طلعتنا بساعه مشى هالباص... يعني ان شالله يوصلنا قريب...
رضا:
ــ قريب.. ساعه قريب... ساعه حريم ويهال في هالبر و تقول لي ساااعه ..
ابو كرار:
ــ الله يكون بالعون.. سلام الله على زينب والسبايا.. الصبر زين..
رائد:
ــ انتون ويه ابغى افهم..
فارس يحاول يسكته شان يهدي ولا يسوي سالفه..
واحد من السواويق:
ــ بني ادم معرض للزلات والأغلاط .. يا اخي هدي ويش فيك عصبي..
رائد يضرب عكازته عالأرض:
ــ اهمااال وتقول لي ويش فيني عصبي .. انا لله,,,
مسك فارس ايد رائد ومشى وياه.. ومشى وياهم حيدر وحسن...
ــ ياتحرير الإنسان من كل عبوديــــــــه.. خطاك حسينيــــــــه .. وانت الحريـــــــه
رائد:
ــ على قلبي الخال عشت.. سمعنا بس ,,, يخليك ربي ويخلي الأكرف..
حيدر ابتسم وكمل..
ـــ لكَم سرنا وكم اعيا بنا السيرُ.. والقتنا بمرساك اعاصيرُ .. فلما ان سرى فينا بك النورُ .. تحررنا بكم والدين تحريرُ .. تهنا لكم تهنا.. حتى تنبهنا .. في واحة غنى عن كل صحرا...
حامت ضمائرنا .. جفت سوايقنا.. يا سعد راوينا .. من ذلك الماء...
فارس :
ــ ما شالله حيدر.. كل يوم عن يوم يزيد حلا صوتك.. مره يخشع الواحد معاه.. اهنيك على هالموهبه...
ــ تسلم الله يخليك.. من ذوقك...
مرت ساعه.. وصل الباص... وطلع ليهم السبير اللي عنده.. وبسرعه ركبوه... ولمو قشهم ..جو بيركبو الباص.. قبلهم شلة العزوب .. رائد ضرب بعكازه على خفيف على الباص..
ــ لووو سمحتو .. خلو حريمنا تركب اول .. هم ورى وانتون قدام...
وقفو الشباب على جنب ... حمزه جا بيسوي حاله بيركب... رائد :
ــ هيه.. حالك من حالهم.. انتظر الحريم اللي ورى يركبو تالي اركب...
حمزه يطالع رائد مقهور منه.. ورائد عاطنه طناش × طناش..
ركبو الحريم.. ام حسين كانت مره تعبانه,, فنامت على السيت ورى.. ورؤى ويا حنين قعدو يسولوفو..ومشى الباص اخيرا بالصلاة على محمد وال محمد..
وجا وقت صلاة الفجر .. ووقف الباص المحطه.. الكل نزل الا رؤى.. ويا جهال صغار اولاد العايله اللي معاهم.. كانت رؤى معذوره.. فنامت في السيت الأخير.. والكل نزل للصلاه...
فارس يالله نزل امه ام حسين.. ووصلها للحمامات.. تالي شذى وسمر وحنين قالو له يروح يصلي وهم بيهتمو فيها...
وفي الحمامات.. تذكرت ام حسين سجادتها في الباص نسيتها في الرف اللي فوق... قالو ليها شذى وسمر تصلي بسجادتهم.. بس هي ما رضت تبغى سجادتها موضع السجود فيه خوص عوض عن التربه والورق .. وما تحبها الا هي للسفر.. فطلبو من زهرا تتصرف.. زهرا دقت على رائد .. لقته مقفل.. فدقت على فارس...
فارس خلص صلاة ومتوجه للماركت بياخذ له عفايس.. الا زهرا تتصل له .. رد عليها لقاها تطلب منه يروح يجيب السجاده من الباص لأمه.. ودلته عليها...
راح فارس الباص .. وركب.. وكان ظلمة وهدووء.. ولا يدري ان رؤى موجوده.. ورؤى كانت نايمه... راح فارس ورى.. مكان امه.. بيشوف الرف,, صار ينبش.. ويحوس على هذيك السجاده مره يطلع له شرشف مره عباه جايبتنها امه زياده احتياط.. و خلاقين..
حمزة لاحظ ان رؤى ما نزلت... خلص صلاته بسرعه.. وراح بيركب الباص...
ركب حمزه الباص .. وراح ورى وفي نية باله بيطل بس طله.. بيشوفها صدق موجوده لو لا << خبييث...
شاف فارس.. وفارس ما حس عليه,,, فارس داخ مو شايف هالسجاده.. وانتبه بالظلمه على السيت شاف بطانيه متكفسه .. مد ايده بعفويه .. ورفع البطانيه بيشوف كان السجاده تحت ويا هالعفايس لو لا .. وانصدم بصرخة رؤى حد ما عندها كانت نايمه ومتكفسه تحت هالبطانيه زي الربيانه.. ولا هي مبينه... فارس اختلع وشهق حد ما عنده.. . عرف انها رؤى.. رؤى قعدت على السيت قعود وشوي وبتصيح... فارس مرتبك منحرج مو عارف ويش يقول وكيف يبرر موقفه المتسرع هذا... نزل راسه للأرض على طول.. وقلبه يدق .. الا بكف من وراه يمسكه ويصرخ عليه,,
ــ ويييش تسوي هنا...
بعفويه فارس صرخ اختلع...و دار لحمزة.. :
ــ ادور سجادة امي ..
حمزه:
ــ عليناااا.. جاي ورى ليش .. يا قليل الحيااا تكشف حريمنا يا يا .. << كل يرى الناس بعين طبعه..
فارس :
ــ قسم بالله خلقني ما ادري ان في احد..
ــ لا تقسم قسم الله راسك.. قلة ادب فوق شينك تقسم على كذب ,,, والله لكن لوديك بداهيه هين بس ..
فارس مو عارف ويش يسوي له وده يحوش وجهه بكس يفقعه له .. بس على حساب رؤى المختلعه وانهم سفر وتعب وانه حس نفسه تسرع بس بعفويه من دوخة الراس والتعب ما فكر قبل لا يتصرف فما يبغى يسوي مشاكل ...
فارس بإحراج:
ــ اسمحي لي خيه.. بس والله مو قصدي جاي ادور على سجادة امي مانى شايفنها..
رؤى وهي مرتبكه وخايفه اشرت على نهاية السيت ... التفت فارس لقاه مطوي اخذه.. والتفت لقى حمزه معصب فيه.. ويهدر ويمسكه من كلر بلوزته حد ما عنده :
ــ ما تستحي رجال اخر زمن...
فارس نفض ايد حمزه وعطاه نظره قويه..
ــ قلت لك غلطان ما اقصد اكشفها حقكم علي...


تابع>>

[Princess]

الا رائد راكب الباص... رائد:
ــ خير ويش صاير؟؟؟؟؟
فارس :
ــ جيت انا.. با
حمزه يقاطعه:
ـــ الحمدلله والشكر.. خوي الغفله.. شوفه بس ويش يسوي مو وراك..
رؤى انصعقت .. يعني ويه.. يعني صدق ما يدول السجاده.. تهي تهي..
رائد فتح عواينه...
ــ بالله.. ويش سوى... علمني ... قول لي حضرتك..
ــ خويك اللي معتبرنه خويك.. ما ركبت الباص الا هو رافع بطانيه تحتها اختك ويطالعها وهي نايمه..
رائد اختلع .. وطالع في فارس :
ــ صدق فارس.. ليش.. اا.. جد والا تمزحو..
حمزه :
ــ وليش نمززح هالسوالف ما فيها مززح.... قلة حيا بجد...
فارس :
ــ استح على وجهك احسن لك واحترم نفسك..
حمزه :
ــ مستحي ومحترم نفسي قبل لا اتعرف على اشكالك..
فارس :
ــ مااا احد جبرك تتعرف ...
حمزه:
ــ اصلاا ما يشرررفني
رؤى قامت تصيح... رائد صرخ فيهم:
ــ بسسسسس خلااااص..
وبصوت واطي :
ــ فارس .. صدق.. ويش ركبك الباص او بالأحرى ويش مودنك ووورررى .. ويش تسوي...
فارس بنبرة مقهور :
ــ قسما باللي خلقني بجيب سجادة امي .. والله جعل ربي يخسف بي اذا كان غرضي من الركوب شي ثاني.. والله اني ما ادري عن اهلك انهم في الباص .. وجيت عالنيات دورت وما حصلت وشفت هالبطانيه مرتفعه فكرت تحتها حوايج امي ما دريت ان في احد لسا في الباص وما نزل..
رائد :
ــ خلاص خلاص.. حمززوه.. هو عرفت عذره ليش جاي ورى... انت ليش جاي ورى..
حمزه:
ــ جاي وراه.. بشوفه ويش بيسوي
رائد بنبرة اللي مو مصدق :
ــ اهااا.. بتشووفه.. ممم... زين كثر الله خيرك..
حمزه:
ـــ كنك مو مصدقني ..
رائد:
ــ لاااا.. افااا.. مين قااال... المهم حصل خير ....
شوي الا جوال فارس يرن ... طالع فارس الشاشه لقى ام رائد تتصل بك...
وجه الجوال يوريه حمزه..
ـــ شووف هذي مرت عمك داقه لي بطيت على السجاده من هواشك لي وظنك فيني...
رائد تطمن .. وخويه فارس اكيد ما بيظن فيه أي ظن سوء لأنه يعرفه اكثر من أي انسان... بس صار قلبه مو مرتاح بالمررره لحمزووه وحركاته.. وحاسس انه ما بيخرب عليه هالسفره الا هالحمزه..
نزل فارس السجاده.. وخذتها زهرا :
ــ حشاا .. الله يهديك ساعه يا فارس.. والله شان مداها صلت صلاة جعفر .. الله يهديها بعد من متى خلصنا ولا تبغى سجاداتنا...
فارس ابتسم::
ــ اسف بس ما لقيتها .. ودلتني عليها رؤى,,
زهرا حست بإحراج وتفشلت.. وخافت على مشاعر بنتها.. نست امرها انها في الباص فكرتها نزلت مع البنات.. زهرا بإرتباك:
ــ ايه.. الله يعطيك العافيه.. تسلم..
ــ الله يعافيش ويسلمش...
وبعد الصلاه.. طلعو بسرعه بيركبو الباص .. الا نعال حنين ينقص .. حنين :
ــ اااااااااااااااااه اف اف .. ويش اسوي .. ووين ابووي...
سمر وشذى ضحك عليها.. رائد كان بعده ما يركب وسمع الهدره حنين المنقهره والضحك القايم عليها...
ــ خير خواتي بغيتو شي..
شذى:
ــ نعال حنينوه... انقص..
رائد جت له الضحكه.. بس مو عارف .. شوي الا بجية حيدر .. :
ــ رااائد.. تروح معاي الماركت.. فارسوه الخوان وحسنوه سبقونا..
رائد :
ــ يللا مشينا.. خواتي بغيتو شي من الماركت..
حنين متنحه.. تطالع في حيدر وتتذكر مقطع البلوتوث.. وفي بالها...
ــ حركتات هذاا هو خخخخ...
شذى :
ــ سلامتك خيي يعطيك العافيه...
سمر :
ــ ماي حار اذا ما عليك كلافه.. البراد مثلج ابغى اشرب ماني قادره..
رائد :
ــ ان شالله...
حيدر لاحظ حنين ما قالت شي .. وبعفويه..
ــ باقي وحده ما قالت لينا شان تبغى شي...
حنين من سمعته وعرفت انه انتبه ليها.. استخفت... وقالت بعفويه:
ــ نعالي منقص اذا فيه نعال..
رائد فقع من الضحك... الا بجية رضا ابوهم...
حنين :
ــ يباااه انقص نعالي..
رضا:
ــ لا حوول الله قايل لش البسي جوتي ما تطاوعي .. يللا اللي ما يطيع يضيع .. تحملي..
ــ ويش اتحمل .. باقي وايد لين نوصل وبننزل كم محطه.. انزل واني حافيه..
رضا وهو يضحك :
ــ شان حطيتي لش نعال سبير..
حيدر ضحك:
ــ الباص ما حط له سبير .. بيحط غيره.. خلاص عمي بنشوف الماركت اذا فيه بنجيب..
حنين استخفت زياده.. وفي بالها..: ــ حركااااات .. بيجيبه لي ..
رائد وهو يضحك:
ــ اتحدى اذا فيه...
حيدر وهو ميت ضحك زياده..
ــ هههههههه فيه زنوبة هنوود..
حنين في بالها:
ــ افاا.. هههههههه ظررريف..
رضا:
ــ اللي هي... يا ولادي .. بس المهم لا تتأخرو ما نبغى نتعطل...
ركب رضا الباص.. حنين وشذى وسمر رجعولأمهم . اللي كانت مع زهرا وام حسين جايين ناحيتهم.. ويوم جو بيركبو الباص .. حنين بالغلط صفقت كوعها بوجه واحد من الشباب من الضيق وحست بإحراج... والصبي مبتسم و وهو يطالع بالأرض يقول ..
ــ حصل خير .. تفضلي...
وصلت لرؤى وهي ميته خووف .. ولقتها مفهيه من بعد الموقف اللي صابها.. وماليها بالة شي...ركبو الشباب الراجعين من الماركت الباص.. ومشى الباص
حيدر كان عنده كيسين.. كيس فيه اكل وخرابيط وكيس الثاني فيه نعال الزنوبه ..
نادى رؤى وعطاها اياه تعطيه حنين... رؤى فتحت الكيس وقعدت جنب حنين وطلعت النعال وفقعت ضحك..
ــ زنوووووووووبه ولااااا بعد .....
الى اللقاء...
تمسون على خير

[زهرة القلوب]

مشكوره خيتو على الجزء

ودي احط في حمزوه دست

ههههههههههههههههههههه


الله يعطيش العافيه




تحياتي

[ســحرالقوافي]

مسكينه :closedeyes: حنين

واعلى قلبي:weird: بتلبس زنوزبه:wacko:

خخخخخخخخخ


صراحه جزء زاحف زحفان:bigsmile:

ر بي يخليش ويسعدش

ان شاء الله دوم الوناسه عند ابطال قصتنا:wink:



بالانتظار


دمتــ بود

[الأمل البعيد]

رووووعة
جزء زاحف زحفان
ما شاء الله عليش
امووووور تدري اني احس ان شخصيات القصة حقيقية واني قاعدة وياهم خخخ >>>>>> متائثرة البنيه
يسلمووو خيتو
تحياتي

[**جوان**]

...........

ههههههههههه


ويش فيه الزنوبه خووش نعـــــال

ههههه

بس هذا حمزه لو يطيح في ايدي لمايقووم حي يجب العله عله تشيله ..

مشكوره خيووه على الجزء الرائـــع ..

..

ننتظر الجزء الجديد ..

.. تــحياتـيـ ..

[آخر شقآوهـ ..~]

ايوا ايوا جزء زاااحف زحفااان
وهدا حمزووه ودي افغصه من حلقه هدوييش ده كلا قاهر فروووس
تسلميين عييوناتي ع الحلقه الرووعه
ربي يعطيك الف عافيه
تحياتي
ضحكوه البطه

[كبرياء]

وصلت لرؤى وهي ميته خووف .. ولقتها مفهيه من بعد الموقف اللي صابها.. وماليها بالة شي...ركبو الشباب الراجعين من الماركت الباص.. ومشى الباص
حيدر كان عنده كيسين.. كيس فيه اكل وخرابيط وكيس الثاني فيه نعال الزنوبه ..
نادى رؤى وعطاها اياه تعطيه حنين... رؤى فتحت الكيس وقعدت جنب حنين وطلعت النعال وفقعت ضحك..
ــ زنوووووووووبه ولااااا بعد .....

هههههههههههههههههههههه

ههههههههههههههههههههههههه

ههههههههههههههههههههههههههههههههههههههههههه

يسلموووووووو أميرووووووه على النحااسه هذي ؛؛

بانتظااااااار البقيه هع هع هع

تحيـــــــاااتيـ

[عازفت الاوتار]

هاااااااااااااااااااااااااااااااااااااي

اموووووووووووووووور

اجزززززززززززززززززززززززززززززء

رررررررررررررررررررررررروعه

و الغبي حمزوه هذا ولد عم

مااااااااااااالت عليه

اموووووووووووووووووووور

تحياتي

عازقت الاوتار
جاااااااااااااري الاااااااااااااانتظار

[زهور الريف]

:bigsmile::bigsmile::bigsmile:ياااااااااااااي:bigs mile::bigsmile::bigsmile:
جزء يجنننننن:wink::wink:
يسلمو يالغلا
ويش هالحمزة عساه حريقه :evil::evil:غفيف وملقوف
وفتان بعد
الله يخليك موتيه وفكينا:wacko::wacko:

ههههههه
هههه
مسكينه حنون:rolleyes::bigsmile::rolleyes:
الله يعينها على الزنوبة:toung::wink:
ويسلموووو:cool:
وننتظرك:noworry::noworry:

[..انين الروح..]

جزء جنااااااااان

مشكوره امور وتسلم يمينش وعساش علي القوه

وني رايي من رايهم هده حمزه شوفي ليه اي داهيه وخلصينه منه فقيل الدم

والله الزنوبه نكته خخخ
لا بس ويش فيه الزنوبه خوش رجال قصدي خوش نعال لا وطبي بعد خخخخخ
تسلمين اموور
بنتظار الجديد

[أميرة الشوق]

تســـــــــــــلمي يا أميرة على الجـــــــــزء الرووووووعه


ننتظر الجزء اللي بعده

[زهرة البنفسجي]

يسلموا أميرة على الجزء الرووووووووووووعه

جاري الانتظار

[طفلة بريئة]

يسلموووووووو امووووور على الجززززء الفلته:clap::wavetowel2:

بس مو كأنش طولتي عليناااا:seif:

كل شوي أمر أشوف ادا في جزء جديد لو لا:atkal:

[Princess]

عذرااااااااااا عالتأخير بس صارت لي شوية ظرووف << يا كثر ما اتعذر
يللا معليش استحملووني
هذا الجزء تكملة للسابق

[Princess]

نادى رؤى وعطاها اياه تعطيه حنين... رؤى فتحت الكيس وقعدت جنب حنين وطلعت النعال
وفقعت ضحك..
ــ زنوووووووووبه ولااااا بعد ..... ثنتينهم يسااال
حنين فتحت عيونها ولصقت الطبقتين جنب بعض ..
ــ ههه ههه هههههههههههههه أي والله حق ويه ثنتينهم يسار...
وصفقت الطبقتين في بعض وحطتهم في الكيس وهي تضحك وتسخر:
ــ خالش يسخر علي قاعد والا ويش قصده..
ــ هههههههههههه ما ادلي .. ويلي بطني بمووت.. زنووبه وثنتينهم يسااال .. احلى يالكشخه..
حنين :
ــ انشبببي ههههه لا اصفق وجهش بها..
ــ هههههههه شايفتني صلصوول.. سكتي بدق عليه بسأله.. هههههههه


دقت على خالها... وصا ر يرن بس ما يسمعو صوته.. ولا يرد...
رؤى :
ــ شكله صامت.. ههههههه بدق على لائدوه وبقول له يعطييني اياه..
ودقت على رائد... وسمعو النغمه.. ورد رائد...
رؤى :
ــ خالي جنبك..
ــ ايه وراي.. ليش..
ــ عطني يااه..
ــ ليش ما دقيتي عليه..
ــ خخخخ صامت شكله..
ــ زين...حيدرووه هاك
حيدر مستغرب :
ــ مين...
رائد :
ــ احم وحده تبغاك..
حيدر اخذ الجوال وهو يسخر على رائد:
ــ وحده تبغاك.. وحده تبغاك.. يا اختي يا رؤى..
رائد:
ــ بطيخ .. دامك تدري حق ويه تسأل..
حيدر :
ــ اسأل أي وحده فيهم...
ويرد على رؤى :
ــ اهلين..
رؤى :
ــ ما بغيت تلد .. اف خسلتووني... هههههههه اسمع ويش هالمقلب
حيدر مستغرب :
ــ أي مقلب..
حنين طلعت الزنوبه وحطتها قدامها وقدام رؤى تطالعها..
رؤى ما استحملت وصارت تضحك وتضحك..
حيدر :
ــ ههههه هذا ويش هالضحك .. ضحكيني وياش و أي مقلب ..
رؤى :
ــ هههههه طبقتين الزنوبه ههههه يسااال..
حيدر :
ــ بففففف ههههههه ويه.. يسااار.. من صجش..
رؤى :
ــ منت مصدق تعال وشوف... ههههههه
حنين مهي قادره صارت تضحك وياها.. لبسته ومدت رجولها تطالع فيها وتفرفر فيها..
ورؤى ميته ضحك..
ــ يللا باي باي خسلتني .. ههههههههه
حيدر :
ــ هههههههه غربل الله الهندي اقول له جيب نعال حط وبس ويا الأكياس وانا شلته.. ههههههه ويش هالفشيله.. يللا تتحمل لمحطه ثانيه نشوف غيره..هههههههه بااي..
فارس ورائد فهمو السالفه .. وصارو ضحك ضحك... رائد عطى فارس طبقة نعاله اليسار .. وفارس عطاه اليمين.. لبسوهم وصارو يسخرو ويضحكو,,,
فارس :
ــ هههههههه افاا بس الشكل غير .. اخ بطني..
رائد وهو حاط رجول على رجول..
ــ هههههههه ام الكشخخخه.,.
حيدر :
ــ غربلكم الله تبغو أي شي تتعيلفو فيه ههههههههه صحيح نحووس..
رائد :
ــ هههههه ويلي بطني اموت واعرف شلون حط ثنتينهم يسار.. وشلون مو مغلفين... عالأقل مربوطين بخيط هههههههه
فارس :
ــ ههههههه غبي الهندي ..
حسن :
ــ على ويش الضحك,,,
علموه السالفه .. فقع من الضحك وفتح جواله وطلع ليهم صوره,,
ــ طالعو..
رائد من شافها.. فرط ضحك ضحك.. خلاص يبغى هوا..
صارو الشباب يطالعو فيه...
حمزه يبغى ينام ومو قادر من ازعاجهم وضحكهم,, فقام يهدر .. ورائد يعانده يطالع الصوره ويهدر ويضحك زياده.. شافوها فارس وحيدر وعاونو رائد بالضحك...
رائد :
ــ حسننوه اه اه ايي ههههههه جيب برسلها لأختي .. خل راعية الزنوبه تشوفها..
حيدر :
ــ ههههههههه غربلك الله حرام عليك.. صحيح مسخرشي..
ابو كرار درى بالسالفه هو وفاضل ورضا وقامو يضحكو.. وحمزه فيه الحومه يبغى يعرف على ويه .. ووده يقوم يشلخهم مو قادر ينام...
رؤى وهي قاعده.. جاها بلوتوث .. من " خلصني استقبل" <<< اسامي جهنميه يسموو الصبيان
رؤى فقعت ضحك..وورت حنين النك...
حنين :
ــ بل مافي تفاهم.. هههههههه .. خلصني .. هههههه
رؤى ..
ــ هههههههه عناد.. هاا... لفض ..
رائد نقز:
ــ اف صاقعه تصقع بليس .. رفضت ههههههه بحاول مره ثانيه..
ونفس الشي رفضت..
رائد :
ــ حسنووه ويش مسمي بلوتوثك .. مره مصقع مهي راضيه تستقبل .. خبري بها لاقطه كل شي تستقبله.. ليش الحين لا..
حسن :
ــ خخخخ خلصني استقبل..
رائد وهو يحوس :
ــ استقبل ويش مع وجهك اقول لك برسل الصورة لأختي تقول لي خلصني استقبل..
حسن :
ــ ههههههه لااا اسم بلوتوثي خلصني استقبل..
رائد طالع في حسن وفقعها ضحكه...
ــ اف اف يا الأسامي هههههه وانا اقول ليش مهي راضيه تستقبل .. السالفه عناد.. خلاص برسلها لي وبرسلها تالي ليها هههههههه
حيدر وفارس ضحك خلاص مهم قادرين...
شوي دار واحد من الشباب على رائد :
ــ لو سمحتوو.. ممكن هدوء شوي نبغى ننام..
رائد وهو يحوس بالجوالاات..
ــ نامو في الليل..
الصبي:
ــ نعم...؟؟
فارس صار يطالع في رائد.. فيه ضحكه ووده يسطره على نحاسته..
رائد :
ــ هاا.. هلا .. سلام عليكم وعليكم السلام.. ان شالله .. اسفين...
دار الصبي وشكل وجهه يسب في قلبه << خخخ كني شفته..
رائد :
ــ بففففف خخخخخخخخخخخ << يبغى يضحك مو قادر...
شوي صوت المسج انرسل البلوتوث من جوال حسن لجوال رائد.. ونغمة رائد الرسايل ...
طقطقه وحاله ورسالة رساله جت الك رساله.. << حشاا عرس مو نغمه ..
ورائد كنه يعاند ومخلنها كلها لين تخلص ..
دار الصبي وشكله خلاص مولع نااار :
ــ وبعدين.. ممكن تخررسو جوالااتكم..
رائد ببرود:
ــ توتوتو.. اففففففف .. بعد احنا وخرسنا.. جوالاتنا نخرسها... جوالي اخررس لو سمحت..
الصبي :
ــ لا والله قاعد تسخر حضرتك..
رائد :
ــ لا ما اسخر ... ..
وسكت الجوال خلصت النغمه...
رائد :
ــ ها شفت .. سمع الكلام .. وخرس ...
الصبي عفس وجهه :
ــ الحمدلله والشكر ...
ورجع دار .. وفارس طايح تفلص في رائد .. يبغاه يتأدب لا يسوي مشاكل..
رائد مطنش السالفه ولا عليه من احد..
شوي الا بلوتوث جا لرؤى.. من " ابد ما انساك يا عبدالله "
رؤى :
ــ يؤ اخووي خخ ما يندلى ويش لاسل ...
واستقبلت..
حنين :
ــ اتوقع نفسه خلصني استقبل خخخ لو تبعه..
رؤى:
ــ تبعه يمكن .. لائد من يوم يومه وهذا نكه.. ابد ما انساك يا عبدالله
حنين:
ــ مين هالعبدالله..؟؟
رؤى :
ــ خويه من زماان يوم هم صغال .. مات الله يلحمه...
ــ الله يرحمه ويرحم اموات المؤمنين والمؤمنات يارب...
وصل البلوتوث لرؤى فتحته وفتحت عواينها وماتت ضحك..ومدته على حنين ...
ــ طااالعي ويش لاسل لي ههههههه ويلي يا بطني..
حنين ماتت ضحك..:
ــ ما عليه لكن.. ويش يقصد...
<<< فيكم فضوول صح.. تعرفو ويش الصوره
الصورة كانت نعال زنوبه مقفل بقفل .. ومكتوب عليه اتحداك تبوقني ..
رؤى :
ــ ههههههههه ماني قادله.. واتحداك تبوقني .. شكله هندي في الحلم..
حنين :
ــ حلم ويه.. ههههههه حلاوته ...
رؤى :
ــ تسخلي على لائي مع وجهش..
حنين :
ــ يوووووووو هههههههه قصدش الحرم.. والله ما فهمت اقول أي حلم...
ــ وجهش ..هههههه بس نكته .. زين لو يضيع مفتاح القفل ويش بيسوي..
ــ ههههههه بيقص النعال وبياخذ القفل..
ــ هههههههه ليش عااد..
ــ مو القفل اغلى من النعااال ويلي هههههه غربل الله شرهم على هالصوره...
زهرا:
ــ ما تصخوو.. الناس داير راسها وانتون قرقر وبربر.
رؤى :
ــ هههههههه لو تشووفي على ويه نضحك.. ما سكتتي..
وورت امها.. وماتت امها من الضحك.. وصار الجوال يدور من ايد لأيد..
لين وصل لأيد ام حسين:
ــ هاداا ويه..
رؤى :
ــ هههههههه نعال زنوبه مقفل بقفل..
ام حسين :
ــ وهداا ويه المكتوب عليه.. سعره. عفر مو سعره.. ماني شايفه رقم..
حنين :
ــ هههههههه لا مكتوب اتحداك تبوقني...
ام حسين حطت ايدها على لحيتها:
ــ يؤ .. صدققق هههههههه... حتى النعل خلوها تهدر .. يا عجب الله
رؤى وحنين ضحك ضحك..


جا وقت اذان الظهر ووقفو في محطه. ونزلو .. ورؤى ميته ضحك على حنين اللي تعرج وتغطي النعال بعباتها... رؤى قعدت برى المسجد >> الغرفه المترين في متر والمليانه صواقع من جميع ما تطيب به النفس ويشعر الواحد بروحانيه وهو يصلي فيها خخخ على انها مسجد
وميته من الضحك على نعال حنينوه كيف شكله وهم جنب بعض طبقتين يسار..
خلصو صلاه.. وشان اللي يبغى يتغدى يتغدى..
وويوم جو بيركبو الباص... الا الكل متجمع عنده والحاله قايمه و....



الى اللقاء

[**جوان**]

...........


مشكوره

اختـي اميرة المرحـ ..

نــستــنى

الجزء الجديد ..

.. تــح ــياتــيــ ..

[الأمل البعيد]

هههههههههههههههههههههههههه يويلي


الصورة كانت نعال زنوبه مقفل بقفل .. ومكتوب عليه اتحداك تبوقني ..


عندي ياها في الجوال هههههههه عدله وربي
يسلمو امور جزء جناان ماسكتت من الضحك وقهقة بعد
فكيف لوكنت قاعدة معاهم كان اموت من الضحك>>> امس خلاص بطني انفجر من الضحك
قمت الفلف في منتدى الطرائف خخخ
يسلمووو يالغاليه بارك الله فيك
احس بمعاناتش والله
تحياتي

[زهرة البنفسجي]

يسلموا أمور على الجزء والله زااااااااااحف مت من الضحك عليهم مع النعال الزنوبة

على فكرة أني شفت الصورة من قبل في منتدى وقعدت أضحك عليها لهدرجة الثمن غالي مقفل عليه بقفل هههههههههههههههههههههههههههههههههههههههه

بانتظار جديدك

[فرح]

يسلموووو اميره
بجد بموووت ضحك حتى الافي البيت مفتكريني جنييييييت:embarrest: الله يسامحهم
ــ خويه من زماان يوم هم صغال .. مات الله يلحمه...

بجد هذا المقطع ذكرني بموقف صار معااااي ..
ومع وحده نفس الغلط حرف الراء..
يعطيك العاااافيه
جاااااري الانتظاااار

[سيناريو]

هههههههه عناد.. هاا... لفض


أهههههههههههههههههههاي قعد ت أقراها عشر مرات تالي فهمتها أقول يمكن غلطانه املائيا خخخخ




الصورة كانت نعال زنوبه مقفل بقفل .. ومكتوب عليه اتحداك تبوقني



ههههههههاي والله جزء فانتاستيكي ظرييييييييييييييييييييييف عجييييييييب حبيته كتتتتتتتتتر
موفقه عزيزتي واتمنى لش السعاده زي ماقاعده تسعدينا بهالقصه

[زهور الريف]

مشكوووووووووووووورررة
جزززززززء
حلوو وكله ضحك يسلموو يالغلا غيرنا جو
وننتظرك

[كبرياء]

هههههههههههههههههههههههههههههههههههههه

هههههههههههههههههههههههههههههههههههههههههههه

يسلموووووووو اميروه على الجززززززء مرررررررررره مضحك

بس صغيروون << خخخ أحمد ررررربي

بانتظااااار البقييييييييه

تحيـــــــــــااتيـ

[..انين الروح..]

سنكسيو امووور
الجزء يجنن
ولا عاد الزنوبه شي

بنتظار الجديد
تحياتي
..انين الروح..

[زهرة القلوب]

ههههههههههههههههههههههههه


مشكوره خيتو

الله يعطيش العافيه

تحياتي

[ســحرالقوافي]

هههههههههههههههه
هههههههههههه
هههههههههه
ههههههه
ههههه



وبعد

هههههه
هههههههههه
هههههههههههههه
هههههههههههههههه




روعه روعه روعه ها الجزء


مع انهم شوقوني لزيارت السيده


يالله ان شاء الله

الله يعجمعني وياكل من هو مشتاق لعطر ذاك الضريح


دمتــ بود

[أمل الظهور]

:embarrest::embarrest::embarrest::embarrest:


ادري امور وربي مقصرررررررررررررره حدي مع قصتك


فشله جد :huh:


ظروف امور ظروف :sad2:


<<تبي بعد تجمع للقصه ماتبي جزء صغير وتتشوق حد ماعندها



احداث رووووعه وجنان


ولا الذيب متت ضحك عليه


وزين حنينوه لهت عن فارسوه وغيرت وجهتها الى حيدر ههههههههههههه


وحمزوه هذا ويش جيبهم معاه لازم يعني يقولوا له يجي معاهم لاحول الله اوففف عاد يبغاها يتعيلف في فارس


والنعال ههههههههههههههههههههههههههههههههههههه شفت البلوتوث وجد يضحك



الله يعين حنين على اليسال:toung:




والله يستر مدري ويش بلاه هالباص بعد :rolleyes:





يسلمووو امور على ماتمتعينا فيه بالقصه

[Princess]

يسلموووووووووو عالتفااعل
اعذروني وربي .. هالجزء كتبته في الكليه في دفتري
وقت فراغي.. ورجعت وكتبته بالوورد.. يعني مرتين.. :wacko:
حوسه والله بس على شان الحق واخلص .. واوفيكم
لأني مره مـتأخره بس غصب علي والله يشهد..
وعذرا على القصوور:embarrest:

تفضلووو

[Princess]

وويوم جو بيركبو الباص... الا مشكله كبيره صارت.... والحاله قايمه.. المعرس اللي معاهم محمق ويهاوش.. ورضا بعد اعظم منه,.,و فاضل يهدي الوضع .. رائد راح يركض ليهم وهو يعرج وحالته حاله.. وفارس وحيدر وحسن معاه...
رائد:
ــ يباا ويش صااير ؟؟!!
فاضل:
ــ البااص تعطل..
فارس مختلع:
ــ هااا .. ويش.. لا عاااد..
طراااخ... <<<رائد ضرب بعكازته على الباص ... :
ــ هذاا وويش .. مره تاير خرباان,, الحين بكبره عطلان...
طرااااخ << رجع كفخه:
ــ مهي حاله ويا هالقووطي..
السواق :
ــ لوو سمحت اخوي.. بلاش مشاكل..
ويصفقه رائد صفقه ثالثه حد ما عنده ::
ــ خايف على ويه هاا.. على هالقووطي..؟!!
السواق :
ــ يا اخي.. مو ذنبي.. لا يتضرر لا نتحاسب احنا..
رائد:
ــ لا والله خايفين عليه يتخفس.. لا عاد عكازي مره اللي بيسوي شي .. من زينه عااد خايفين عليه..
فارس يحاول يهدي في رائد..
حسن:
ــ الحين ويش الحل ..؟؟
حيدر :
ــ خخخ عفر يبغونا نصلحه..
السواق بإرتباك.:
ــ لا اذا ممكن تدفوه يا شباب..
رائد فتح عيونه:
ــ هاا ... ويش... ويش تقوووول...؟؟
السواق :
ــ هو يبغى له دفعه بسيطه كذا مره تصير له هالحاله..
رضا :
ــ لاااا والله.. وتعترف بعد.. كذا مره هااا.. مو جديده يعني.. ولا فاد ولا صلحتوه زي الأوادم..
السواق ساكت مهو داري ويش يرد..
السواق الثاني حمق :
ــ ويش ذنبنا احنا هاا.. طايحين فينا تهزأ .. من المكتب هم المسؤولين.. مالينا شغل.,, لا تتحمقو علينا لو سمحتو.. وكل شوي واحد يصارخ فيناا..
رائد بنبرة قهر ومسخره:
ــ من مكتب السفريات قلت لي.. ماليكم شغل هاا.. زين هالعطل هه بنقول من مكتب السفريات ما يشيكو على الباصات.. نومتك البارحه بعد من مكتب السفريات.. لو ما الله ستر شان قتلتنا...
سكت السواق الثاني ولا رد وركب الباص...
السواق الأول :
ــ صلو على محمد وان شالله ما يصير الا الخير .. الحين بس شدو همتكم معاي يا شباب
حريمكم قولو ليهم لو سمحتو يركبو الباص .. وابوكم بعد << يقصد ابو كرار..
وانت بعد يا اخوي اركب << يقصد رائد,, وانتون اخواني الشباب فيهم الخير ان شالله <<< يقصد رضا وفاضل ..
والباقي اذا ما عليكم امر .. تدفو الباص جميع.. دفعه بسيطه وان شالله يمشي ..
رائد بحمق:
ــ اركب هااا.. انا.. اركب...
السواق :
ــ يا اخوي ما تقدر تنفعنا انت.. رجولك مكسوره..
رائد:
ــ كيفي .. من قال بدف وياك اصلا.. بس مانى راكب..
السواق ما رد عليه.. وطنشه خايف منه ومن عناده ونحاسته..
فاضل:
ــ يا ولدي .. حق ويش العناد.. ويش بتسوي برى .. اركب مع امك واختك..
رائد:
ــ ما ودي اركب يا يبا..
حيدر :
ــ رائدووه رجولك ها... طاوع بسرعه واركب..
رائد:
ــ دفو الباص بس.. ولا عليكم مني...
وطلع رائد جواله وشغل الكاميرا....
فارس فتح عيونه وبلع ريقه:
ــ بلل.. ويش بتسووووي؟؟؟
رائد بحمق ..
ــ ما اكون رائد فاضل الـ... اذا ما شرشحتكم يامكتب الـ..... .. ان ما صورتكم بلوتوث و انتون مخليين المسافرين يدفو الباص وانشر المقطع بلوتوث وبالنت.. شوفوا المسافرين دافعين ومتغربليين.. ادفع من مخباك وادفع القوطي الله لا يبلاك.. ما بخلي مكان ما بفضحهم بجيب ليهم الفقررر... فضيحه مؤكده بدليييل هييييييين بس..
حيدر مات من الضحك :
ــ ياااربي راائدووه خبيييييث..
حسن :
ــ لا بالله راحو فيها.. ولد خالتي واعرفه.. ما يسكت على أي شي يقهره.. الا يطلع الحره..
فاضل :
ــ ياولدي اقصر الشر.. وامش وياي ويا ابوك ابو كرار وعمك رضا نركب .. مافينا شده...وخل الشباب يقضو شغلهم.. لينا اجر بهالتعب..
رائد:
ــ اسمح لي يباا.. مصخوها ويانا..ولازمهم تأديب .. لو اول مره هالحركات صارت ويانا احنا ما عليه بقول حظنا.. بس اعترف يقول كذا مره.. ما يصير نسكت.. خوش راحه للمسافرين..
ركبو اللي ما يقدرو يدفو.. اكبر الرجال في الباص .. ابو كرار ورضا وفاضل .. وقعدو قداام مره.. مع السواق ...
السواق الثاني مع الشباب تحت يدفو.. ورائد يصور.. والسواق يتفاهم وياه.. خلاص بلاها.. ويستر على ما واجه.. و رائد ابد مصمم.. خلاه السواق وفي باله ماله شغل الخساره للمكتب .. ولا عليه ويش يسوي بعد..


تابع>>>>

[Princess]

وبداخل الباص .. ورى الحريم تجمعو...
ام حسين:
ــ ويش صاير ..؟؟ خير اللهم اجعله خير..
حنين:
ــ الباص اخترب . وشكله برى بتصير مذبحه..
ام حسين مختلعه.:
ــ مذبحه.... وي علي ياااعلي ..ويـــــــــــــــن ولدي فاااارس..
حنين:
ــ كل الشباب برى..
ام حيدر وراسها داير ومره شبدها لايعه..:
ــ اف .. انالله.. رااسي مفتتر فرر.. قايل لي ابو كرار بنحجز طياره.. صاقعه تصقعني يوم ما اطاوع.. شان وصلنا من زمان.. <<< ابو كرار وام حيدر ما يقدرو على الباص طويل الطريق نوم.. يتعبو ويدور راسهم...
تهاني :
ــ عاااد لويش ياخالتي ما رضيتي.. حاصل لش هالعرض وترفضيه..
ام حيدر :
ــ وي وي وي.. اني .. اني اخاف من الطياايير.. تمبيها تطب بنا.. وي ما ايرع اني ..
زهرا:
ــ دون هالباص اللي بغى يقتلنا البارحه.. الحمدلله يوم الله طلعنا..
ام حسين :
ــ الحمدلله.. ويــــــــــن ولدي .. تقولو مذبحه برى..
مريم:
ــ هههههه لا تخافي ام حسين غير الا حنينوه غربلها ربي تحب تكبر السوالف..
زهرا:
ــ ايه اماه مافيه الا الخير .. برى يدف ويا الشباب فهالباص..
رؤى كان راسها دااير وعيونها غافيه.. فتحت شوي من عيونها.. وبثقل تثاوبت..
حنين:
ــ حشا مكنسه..
رؤى وهي تصفق حنين :
ــ هههههه ظليفه.. ويش صال بعدهم ما اصطلح..
حنين:
ــ خخخخخخخ ولا بيصطلح كملي نوم بس..
مريم:
ــ حسبي الله عليش من بنيه فال الله ولا فالش .. ما ادري طالعه على مين غير عن خواتش .. نحيسه..
حنين:
ــ هههههه غير اني .. اجل زيهم ..
سمر :
ــ الحمدلله والشكر..
شذى.:
ــ المشكله مالي خلقش والا شان سويت بوجهش شوارع..
حنين:
ــ وي وي خفت يماااه..
مريم:
ــ سكتي بس عن الهدره الزايده..
حنين :
ــ زيــن.. اف شكلهم مطوولين هذيلا..
رؤى:
ــ ويليييييي تعباانه ضلووعي احسها متكسله.. من هالكلسي ..
ام حسين:
ــ وي .. على عمري تعالي ورى وياي .. تعالي يا بعد شبدي انبطحي هنا..
رؤى بخجل:
ــ لالا اماه خذي لاحتش ومدي لجولش..
ام حسين:
ــ لا ما عليه تعالي .. ابغاش تقعدي وياي قومي .. الا عاد اذا ما تبغيني..
رؤى:
ــ افاا اماه.. اني ما ابغاش .. لا عشت ان قلت هالكلام.. قومي حنينوه بعبل << كانت رؤى قاعده عند النافذه..
حنين:
ــ ماني قايمه.. زهقانه.. اقحصي..
رؤى:
ــ اق ويه.. اقحص.. ويش هالكلام بعد..
ــ خخخخ يعني نطي
رؤى:
ــ انط وجهي .. مالت عليش وعلى كلماتش ,, وخلي بس خليني بعبل وعن القلقل الماصخ.. واحمدي لبش بفضي لش الكلسي حق تلتاحي شوي..
كفست حنين رجولها على السيت حق تعبر رؤى.. وبين ماهي تعبر .. حنين طايحه فيها فلاليص..:
ــ حركي بس حركي..
رؤى تكفخ في حنين:
ــ صاقعه تصقع من يخاويش يالمتوحشه..
حنين:
ــ هههههههه يااارب..
راحت رؤى ورى .. وانبطحت على السيت.. ام حسين:
ــ قومي يا عيني حطي راسش على رجولي..
رؤى وهي منحرجه:
ــ لا عاد اماه بعد بنام عالكلسي واحط لاسي بعد.. اكو الكلسي طويل يكفي التاحي انتين.. لا تتعب لجولش..
ام حسين:
ــ على من طالعه ما تطاوعي هاا.. اللي يسمعش بتنبطحي بكبرش.. غير الا راسش..
حنين وهي تسخر :
ــ ثقيل راسها مليان افكار..
رؤى:
ــ خخخ تستظلفي حضلتش,,
وحطت راسها على رجول ام حسين.. وصارت ام حسين تحوس بشعرها
حنين حطت راسها مكان رؤى.. ومدت رجولها على كرسيها وطيحتهم لبرى:
ــ اححححح.. حاااااااار.. يطبخخخخ
رؤى:
ــ سكتي حال.. ويش تبغيه اجل ... قومي خليه يبلد
حنين:
ــ زين انشبي بانام..
رؤى :
ــ ما ادلي منهي اللي تهدل..
ام حسين وهي تحوس... :
ــ ذكرتيني بأيام لول يوم اني صغيره.. شعري هاللون زي شعرش .. وكل صفقه ويا الصبيان بالطريق .. ههههه والله كان زمنا غير.. مو مفلات الحين مافي امان.. واحنا نعلب كنا نغني اغاني وايد.
رؤى :
ــ ايييييه زي ابو الزين يامالي هوا الزين يا مال ...
حنين فقعت ضحك:
ــ الللله اياااام وذكرياات بل غبااار..
ام حسين:
ــ هههههههه غربل الله شركم.. حلاوتكم خلف ابوي انتون.. لاا.. هذي حقات كبار.. وحنا يهال كنا لما نلعب نغني اغاني كفيره.. بس هدي اللي اتذكرها اكفر شي. وصارت تغنيها وهي تطبطب على رؤى....زانة زانةزانة..والخير في اللي جانا..حسن يا ابو عطية...وعمامته المطوية..طواها ماطواها...طواها في البرية...قاعد يعد فلوسه...في الطاسةِ المنقوشة...
رؤى:
ــ الله كشششخه.. هههههه حليووه..
ام حيدر ضحكت:
ــ يؤ عاد يا ام حسين .. زانه زانه.. عفر هادي لليهال الصغار... مو على قولتش كبار وصفقه..
ام حسيين :
ــ يووو عفر .. هههههه صادقه ام حيدر ... والله الكبر شين نسييت..
ام حيدر :
ــ هههههه الله يطول بعمرش ..
ام حسين:
ــ وبعمرش وعمر حبايبش.. يارب..
رؤى:
ــ يعني ويه زانه زانه..
ام حسين:
ــ هذي لعبه لليهال الصغار.. تنسدحي وتكفسي رجولش.. وتحطي الياهل وترفعيه فوق وتحت..
رؤى:
ــ ايييييييييه... بس ما اعلف ويش يسمووها.. هههههههه
حنين:
ــ بطيخه.. زانه بعد ويه
رؤى:
ــ سكتي بس يا زعم تعلفيها قبل الوصف..
ــ زعمات بعد هههههههههه


برى العفسه قايمه والدف قايم... ولا في فايده.. شوي اتصل السواق بالمكتب .. ورجع ليهم بالخبر...



الى اللقاء... تعبببت صرااحه خخ اذا ارتحت كتبت الباقي...:wacko:

[الأمل البعيد]

وااااااااااااو مرة حلو الجزء
تراثي عدل هههه


ــ ايييييه زي ابو الزين يامالي هوا الزين يا مال ...


هههههههه وهههههههههه عجبتني انتي ادرى *-^
يسلموو يالغالية امور والله احس بمعاناتش وانتي بعد في الكلية غفصة وربي
يسلمووووووو
تحياتي

[ســحرالقوافي]

واااااااااااو

جزء كشخيات

ورائد وعصبيته شي

ما ادري طالع على من امه رايقه وابوه هادي

عفر طالع طفرة جينيه


هههههههههههه


يسلموو يالغلاا


جااااري الانتظار

دمتــ بود

[أمل الظهور]

هاااااااايااااات





وطلع رائد جواله وشغل الكاميرا....
فارس فتح عيونه وبلع ريقه:




ههههههههههههههه يسويها رائدوه النحيس والله

بس جبتيها فكره هالمره اذا بروح سوريا في باص بصورهم مايجوا الا بالعين الحمراء:toung:







ــ اف .. انالله.. رااسي مفتتر فرر.. قايل لي ابو كرار بنحجز طياره.. صاقعه تصقعني يوم ما اطاوع.. شان وصلنا من زمان.. <<< ابو كرار وام حيدر ما يقدرو على الباص طويل الطريق نوم.. يتعبو ويدور راسهم

عاد ام حيدروه راسها يفتر بدون شيء

كيف باص وزحمه وحر وخراااب الله يكون بعونها








ــ حشا مكنسه..



ههههههههه خوش تشبيه اميروه :clap:






ــ ثقيل راسها مليان افكار..




ههههههههههههههههههاي حلاوتها حنينوه

لو كل واحد على افكاره كان رحنا فيها







برى العفسه قايمه والدف قايم... ولا في فايده.. شوي اتصل السواق بالمكتب .. ورجع ليهم بالخبر...



هاا ويش جاب لهم سواق باص الهنا






يسلموو امور على الجزء الحلوو <<بس كأنه صغير <<<بنذبح شكلي :nosweat:

[عازفت الاوتار]

الجزء

جناااااااااااااااااااااااان

وانتظر الجزء الجديد باحر من الجمر

جااااااااااااااااري الاااااااااااااااانتظاااااااااااااااااااااار

[زهرة البنفسجي]

ننتظر الجزء الجديد بس أتمنى يكون طويل شوي

جاري الإنتظااااااار

[*زهرة البنفسج*]

يسلمو امورة يالغلا علجزء الأكشن

حركات مررة حليووووووو

أمورة بس ماجانا للبلوتوث تصدقي كان انشره اني بعد ههههه

أكيد عندش مو لازم ترسليه لي أكيد بتقولي فهيت لالا ابي للبلوتوث يوم ادفوو الباص

مو كأنه ثقيل عليهم

موفقه امورة

[واحد فاضي]

عليش حلكاااااااااااااات مللللللللللللللللللللللللللللللللله حلوه

الله يغلبل ابليسش خيتي

لكن با أطبعها القصه كلها في العمل
وبا أرتبها وأقلاها مله وحده

ولاجع الى الموضوع


سلام

[Princess]

شكراااااااااا عالتعاليق الرايقه فديتكم
عذرا على التقصير
اهلن اهلن بالمتابع الجديد اسفرت وانورت خيي واحد فاضي

تفضلو الجديد

اسألكم الدعاء..

[Princess]

السواق :
ــ خلاص .. المكتب يقولو في باص لـ Vip ... راجع للسعوديه بيمر هنا بعد ساعتين تقريبا بتركبوه وبيوديكم على خير
حيدر :
ــ من هالقووطي الى Vip..
رائد بمسخره :
ـــ مممممم Vip .. very important person .. كخ بس كخ..
حيدر :
ــ اف اف .. خخخ صرت انا شخصيه مهمه الحين..
رائد :
ــ خخخخخ يقولو الحمدلله والشكر..
حمزه نطق :
ــ وان شــــــــــالله بيخلونا ندفع زيااده..
رائد في باله :
ــ اول مره هالغثيث يقول شي عدل وفي مكانه.. خخخ
السواق :
ــ لا طبعا لأن الغلط من المكتب ومافي باص الا Vip فخلاص..
حمزة:
ــ فكررت بعد..
المعرس:
ــ انا قايل ليكم ابغى اروح فيه قلتو لي مافي حجز مليان,, لا اله الا الله الله رايد اروح به ..
رائد:
ــ خخخ اخاف تعطل الباص منك بس .. مشتهي هالـ Vip وتنيلنا بسبة شهوتك بستين نيله...
ضحك المعرس:
ــ حلوه دي بس من جد مكتب سفريات ولا بقررش... خرب علي ..
رائد مطيح ميانه وياه:
ــ خووش شهر عسل ويه.. بدايته حوادث يا كافي الشر وتعطيلات.. يللا الله يخلصه على خير
المعرس :
ــ هههههههههه ياربي عليك سوالف عجيبه..غربل الله بليسك.. بس ويش نسوي ...
ويغمز لرائد ويكمل كلامه .. :
ــ بيني وبينك ما احد ضربني على ايدي وقال لي عررس..
رائد يغمز له .. :
ــ مممممممممم .. علينااااا..
المعرس :
ــ هههههههه خلاص عاد الله يقطع سوالفك..
رائد:
ــ هههههههه ان شالله.. ما تعرفنا .. مين الأخ...؟؟
المعرس :
ــ جواد الـ......
رائد :
ــ ياهلا.. رائد الــ.....
فارس في باله:
ــ ماشالله على خويي حلاوته اجتماعي...


السواق :
ــ يللا اخواني كل واحد يخلي اهله ينزلو ويقعدو في الإستراحه حق تنزلو ويانا اغراضكم ..
ركب فارس على باب الباص دخل شوي وتنحنح..
ــ احم يالله يالله .. يا حريم.. فضو الباص و بنفضي الأغراض بيجي باص ثاني .. انزلو للأستراحه.. بعد ساعتين ان شالله بنمشي ..
ام حسين :
ــ وي على عمري .. فديت هالصوت .. فااارس .. فااارس..
فارس :
ــ هلا اماه,,
ام حسين :
ــ تعال امي ..
حنين قعدت بسررعه وعدلت روحها.. رؤى كانت غافيه على رجول ام حسين.. سمعت النداء وقامت :
ــ يؤيؤ امااه.. تنادي ولدش واني كذاا دقيقه...
وقامت وصارت تلف شعرها وتغطي وجهها..
ام حسين :
ــ يؤ هههه راح عن بالي ..
فارس:
ــ خير اماه.. يالله يالله... وعبر في الممر شوي..
ام حسين :
ــ لا بس يا ولدي ابغاك تمسكني نزلتي من الباص..
رؤى تهمس لأم حسين:
ــ يوو امااه هذا احنا وياش اني ويا حنين..
ام حسين :
ــ فديتكم خلف ابوي .. ما تقصرو ادري بكم.. بس ولدي وحشني..
رؤى:
ــ يعني .. الله يخليش له ويخليه لش,,
ام حسين:
ــ ويخليش لينا يا عيني ..
رؤى تلونت من الحيا.. وفي بالها.. يخليني ليهم..
فارس:
ــ ان شالله اماه بس ينزلو الكل وباجي لش.. انتظريني ..
نزل فارس ووقف على جنب ينتظر الباص يفضى ونزلو الكل واخر شي كانو حنين ورؤى.. وام حسين.. نزلت رؤى وكانت وراها حنين.. حنين مهي عارفه تمشي عدل من نعال الزنوبه الأعور .. ومتكسره رجولها من القعده.. تعثرت وهي تنزل عتبة الباص .. وشوي تطيح على وجهها مالقت قدامها الا عباة رؤى تمسكها وطراااخ على ركبها.. وتطيح عباة رؤى من راسها لنص ظهرها.. ويبين شعرها ..
رؤى بعفويه وبخلعه ترفع عباتها بسرررعه.. وتصارخ على حنين بلا شعوور:
ــ هداااااووويييش فضحتيييني بين اللجاااال << الرجال ..


فارس فيه ضحكه.. كان غاض النظر طول الوقت والحريم ينزلو.. بس مع صوت الشدخه على العتبه وصريخ رؤى و شبقاها التفت.. بسرعه وغض النظر مره ثانيه وفي باله..
ــ هههههههه فديتش اللجااال هااا.. ههههههه


حنين :
ــ حريقه .. باقوول لأبوي يشوف لي نعال من هالمحطه.. اوووف وعووه ما صارت دي .. ماني قااادره..
رؤى تضحك عليها,,, وقبل لا يركب فارس لأمه لفت نظره حمزة متوجه لرؤى وحنين وهم رايحين الإستراحه.. فوقف على العتبه يراقبه ويش عنده..



حمزة:
ــ قوة بنت عمي
رؤى اختلعت .. وحنين اعظم منها بس صارت تفكر في بالها يمكن ولد عمها عادي وهم كل وياه وعادي مع بيت عمه...
رؤى مهي متعوده لكن .. ردت بريبه :
ــ الله يقويك..
حمزه:
ــ ما تبغو شي اذا بغيتو شي لا يردكم الا لسانكم.. بروح الماركت الحين,,
رؤى في بالها:
ــ اوووف غثييييث وويش فيه داا...
ردت عليه ..
ــ سلامتك بس اذا ما عليك كلافه نعال
حمزه :
ــ هلا.. ويش..
رؤى شوي وتضحك وحنين مهي قادره ما ينسمع منها الا خخخخخ
رؤى :
ــ نعال بنت جيلاننا انقص نعالها نبغى نعال


حمزه طاحت عيونه على الأرض .. انتبهو له وهو يطالع ... حنين غطت رجولها بعباتها وهي محمقه ودها تسبه..
هوانتبه للزنوبه وجته الضحكه وفهم السالفه اللي صارت في الباص..
حمزه :
ــ ان شالله ولا يهمش .. طيب وانتين ما بغيتي شي..
رؤى :
ــ لا اذا بغيت بقول لأبوي لو لائد..
حمزه في باله:
ــ لا بالله كدينا خير اجل .. دام السالفه فيها رائدوه ....
ورد عليهم:
ــ خلاص بشوف اذا فيه نعال زنوبه وبيجيبه ليكم ..
رؤى :
ــ زين
ومشو حنين قالت لرؤى اخذي هاش فلوس واعطيه.. رؤى :
ــ مناك يللا خله يولي .. هو الا بخمسه ليال اذا قتل عمله مله.. هذا اذا مو بلياالين
حينين:
ــ تهي دنيا.. قمت البس نعال بريالين.. قاسي يا قدر..
رؤى ميته عليها ضحك..
فاارس مناااك هنااك على عتبة البااص يراقب المشهد من بعد.. ما سمع الكلام بس يكفي انه شاف حمزه وهو شاق بوزه شبرين ويهدر وياهم.. وشبت في قلبه حراايق وطلع منه دخاان.. وحالته حاله شوي ويشق ثيابه من القهررر ولو الود وده شال الباص ورقع حمزوه به.. << حشاا القوة الضاربه هيهي الرجل الأخضر


وفي باله :
ــ اخ لو اصيدك بس والاقي حجه عليك لفرم وجهك وادوس بطنك بالقاع..
ركب الباص وراح لأمه...
فارس :
ــ هلا اماه...
ام حسين :
ــ هلا امي هلا خلف شبدي.. كني من زماان ما شفتك. وي تعال فديتك... بسم الله.. يــــــــــاعلي..


وتسندت على ولدها وقامت... وهي على الممر تمشي وياه .. تحسست ذراعه وتالي رقبته وخدوده وجبهته..
ــ وي على عمري ياعلي الا صااااخن ..
فارس مكشر حواجبه :
ــ لا اا اماه لا تخافي .. بس من التعب وقلة النوم يصخن جسمي.. << الا من الغييره اف وربي خطيييره...
ام حسين:
ــ على قلبي.. عطاك الله العافيه..
فارس:
ــ الله يعافيش يالغاليه...

تابع>>>

[Princess]

ووصلها للأستراحه .. وراح جهة الباص ويا الرجال حق يفضو الأغراض الا هو مقابل حمزه وجه لوجه.. وشافه حامل كيس فيه نعال زنوبه وشكاليت.. عطاهم اياهم رؤى عطت حنين كل شي النعال بالشكاليت مهي مشتهيه شي... ورجعته حمزه انتبه له فارس انه قاعد يطالع فيه..و بنظرة تحدي .. ومره شرر يطلع من عينه..
فقام فارس نفس الشي بادله النظرات <<< ... صايرين كهرب .. موجب وسالب وشوي يتجاذبو ويقوم الطق
كذا حمزه مو طايق فارس ويحسه دايم ثقله عليهم وويش دخله بينهم.. وفارس كذا مره يعدي تصرف لحمزه والحين زاده قهر بحركته...
رائد ينادي :
ــ فاارس وينك.. تعاال ويش تسوي ويا حمزوه..
فارس عطى حمزه نظره طلعت بعفويه من حرة قلبه.. و تركه وراح لرائد..
حمزه يبغى يقهر فارس :
ــ هه.. ناداك مديرك.. روح بس تيس تبع.. الله يعينك على روحك..
فارس خلاص طق براسه عرق .. مد كفوف ايده وهو عاطي حمزه ظهره.. وسكر عليهم بالقووه .. واطلق نفس قووي زفييييييير لو قدامه احد طيره.. وقال بصوت عالي:
ــ خزااك الله يا ابليس...
ومشى عنه...
حمزه انقهررر مرره من هالتصرف .. تمنى يجي ويبدي شبقه حق يطلع حيفه فيه ويشادخ به..بس خابت اماله.. فارس شخصيه مره روعه حليم ويتمالك روحه وقت الغضب ولا يحب يسوي مشاكل .. واذا عصب يتعامل باللتي هي احسن حتى ولو كانت بداخله نيراان تسعر من الحره...


وبعد ساعتين.. وصل الباص العالمي,,, وكان السواق مصري << ياعيني ياليلي يــــــاعيني
صارو المسافرين يشحنو الأغراض ويا السواقين ونزل المصري ونفسه مره بخشمه:
ــ الله الله الله فيه ايه .. مالكوو.. ايه دا.. توتوتوتو... يا سااتر .. يعني انا مكتب بالشكل دا في حياتي مشفتش .. دا عقيب ما حصلش ابدا.. اصلي لما كنت بشتغل في مكتب الـ....


ويقاطعه واحد من السواقين :
ــ يا اخي .. موو وقت الهدره.. ندري بك تعبان .. وتبغى متى توصل المكتب.. بس ويش نسوي .. صارت الظروف كذا.. يللا تيسر امانة الله ..


السواق الثاني فيه ضحكه من رد خويه .. لأن السواق المصري كل مره كذا يغثهم بهالهدره كنهم رعاة المكتب .. ومعتادين على قرقره.. وحافظينه بصم..


وفي الباص بعد ما حملو الرجال الأغراض داخله ...ركبو ووزعو روحهم كل واحد مع خويه .. مثل ترتيبهم قبل...
رائد يمغط رجوله المكسوره...
ــ ايه كذا باصات والا بلاش ,, تخشبت رجولي هناك...
فارس :
ــ ايه مو لله مخليين فلوسه ازيد...
حيدر وراهم:
ــ بس تصدقو .. ماميش راحه نفسيه...
حسن جنبه وهو يثاوب حد ما عنده :
ــ ليـــــــش عاااااد...
رائد يطالع في فارس ويسخر على حيدر:
ــ راحه نفسيه.. ولا بعد.. مـــــــــا ميش... ويش هالمصطلحات المغبره علي يــــــــاعلي..
حيدر :
ــ هههههههه ويش عررفك انت .. انشب بس..
رائد :
ــ هههههه لا صدق ليش ماميييييييييش راحه نفسيه...


حيدر سند راسه وصار يهدر:
ــ في البااص الأولي ... << قالها بنغمة تدليع ومدها مد..
رائد بدلع:
ــ أيــــــــــــــــه..
حيدر يعاند:
ــ في البـــــاص الأولي .. اححح..
حسن ينقلب على الكرسي على جنب ويقابل حيدر ويتأمل فيه..
حيدر يغطي وجه حسن بكف ايده..:
ــ لا تطالعني .. استحي وي ..
رائد وفارس :
ــ هههههههههههههه
حيدر :
ــ هههههههههه طالعو بس عيونه.. مبكسه تبكيس ووجه كنه قرص خمير .. ولا مفهي وهو يتأمل مره طالع تحفه..
حسن :
ــ هههههههه غربلك الله من خال كمل حبيبي .. كمل بس .. ويش فيه الباص الأولي << ويثاوب حد ما عنده..
حيدر :
ــ ايه .. في البـــــــــــــاص الأولي
رائد طفح به الكيل :
ــ انا ما ادري انتفه اصفقه كف .. . واطلع كل حرتي فيه.. يلعن خيرك في البااص الأولي والأولي ...ويش فيه القووطي الأولي
حيدر يستعبط :
ــ بل ليش هذاا قووطي
رائد صفق كفوفه:
ــ صبر ايوووب صبرني .. يارب بعبط حيدرووه لا تعااقبني ..
فارس وحسن ميتين ضحك...
حيدر :
ــ خلاص خلاص .. في الباص الأولي تشعر براحه نفسيه عالميه تدرو ليش ..
ر ائد :
ــ ليش وصاقعه..
حيدر :
ــ تصقع عدويني ان شالله..
رائد :
ــ ان شالله يللا عاد ترى زهقت ما بتقول لا تقول رااسي يعورني ..
حيدر :
ــ لا خلاص بقول .. بس ما ادري كيف احس هاذاك اريح.. يعني متقااربيــــــــن ونـــــــااااسه,, كل واحد يسمع الثاني .. وقريب منه.. هناا متر بينك وبين اللي قدامك واللي ورااك ..
رائد دار على حيدر :
ـــ يااااحبك للغفصه... احم يعني تسمع سوالفنا انا ويا فروسه..
حيدر يحرك حواجبه على خفيف :
ــ ايييه وبالحرف بعد..حتى لما تتهامسو اسمعكم..
حسن:
ــ هههههههه.. يتهامسو مخاطيب لو معاريس قالو لك..
رائد يدخل عكازته بين الكراسي وينغز حسن في بطنه:
ــ استح على وجهك..ههههههههههه عييييب




ام حيدر :
ــ ويلييي ضلوعي متكسره تكسرر.. من هالباصات بس عفر هالباص اريح بوايد من هذاك واحسن من الطياره.. خلاص كل نوبه نروح به ابو كرار
ابو كرار مغطي وجهه بغترته.. وبثقل وتعب رد عليها:
ــ الله يوصلنا بالسلامه الحين.. ويحيينا لمره فانيه على خير..


فاضل ورضا تعبانين وبينامو .. وام حسين قاعده تحوس في عفايسها واغراضها.. رؤى مفهيه وفيها النوم وحنين تقلب مجلات..
والباقي كل واحد لاهي بشغله ...
شوي جا هندي وقتح براد وصار يوزع عصير .. الا المصري يصرخ:
ــ يا محمد.. أفل البرااد.. مالوش داعي العصير دا.. تعالا هنا بسرعه لي..
<< هيهي مو من نصيبهم ما دفعو هم حق تكلفة راحتهم بهالباص .. دافعين حق باص عادي..
رائد:
ــ إيــــــــــــــه.. بعد ويـــــــــــــه مو لأن ما دفعنا احنا.. " أفل يا محمد بس افل."
يااشبااب لا احد يفتح العصيرات لا تروحو فيها تسمم.. يصككم عين تجيب اجلكم يا دافع البلا..


جواد" المعرس ":
ــ والله انا فتحته و بالطقاق يطقهم.. بعد مو كفايه غربلونا.. ريالين ما بيضرهم..
رائد :
ــ ههههههههه زين تسوي ...



هدوووء الباص الكل ساكت اللي نايم واللي يطالع بالشارع .. واللي لاهي بجوال لو جريده لو مجله.. وشوي الا صوت طقطقه وطرب
الكل اختلع قالو جوال واحد.. بس زادت الحاله... واكتشفو ان المصري حاط له شريط ويللا عااد طربان و مكيف..قام له فارس وكلمه..
ــ لو سمحت ممكن تطفيه..
المصري :
ــ ليه..؟؟
فارس :
ــ بس راس المسافرين مصدع وتعبانين.. ولا يبغو اغاني..
المصري:
ــ امال ايه.. انا معرفش أسوأ الا وانا بسمع حاقه.. على شان منمش..
فارس:
ــ ما بتنام ان شالله حط قران


قصر المصري عالصوت وهو يتحمق من تحكمهم... ورجع فارس لمكانه الا امه تناديه ..
راح ليها ..
ــ هلا اماه..
طلعت من اغراضها شريط..
ــ عطه اياه يحطه لينا موالد احسن من هاللغو اللي حاطنه..
اخذه فارس وراح للمصري وقال له ..
ــ تفضل حط هذا..
المصري :
ــ إيه دا؟؟
فارس:
ــ مواليد لآل البيت عليهم السلام..
المصري :
ــ المسقل ما بيشتغلش..
فارس :
ــ اجل اللي من شوي ويش ..
المصري :
ــ وانت تسأل ليه مش مسدأني يعني ..من شويا كان راديو.. كنت فاتح الراديو...
فارس :
ــ طيب خلاص


ما مداه فارس بيرجع مكانه.. مسك ايده واحد من الشباب .. اللي معاهم بالباص ,,, وسحبه على تحت بشويش ببيقول له حاجه...


والى اللقاء .. بالجزء الجديد :amuse:

[الأمل البعيد]

اووووووووه حمزوه عثيث وفقيل دم
هالرائد يضحك غربل الله بليسه على اسم ولدي خخخ
خلاص اني تبنيته من زهراء اني بعد اسمي زهراء مافي فرق خخخخ
وياعيني على حيدر عجبني يوم يعاند رائدووه قمت اتخيل شكله واطبقة بصوت خخخخ
ااااااه هههههههه بضحك بعد هههههه
اوووه متى بيتزوجوا طيور الحب فارس ورؤى يفكونا ويتزوجا احسن
واني متأكده ان رائد بيرقص وبيجبب بعد هههههه
يسلموووو امور يالغالية على الجزء الجنااااااان الروعة زاحف زحفان
تحياتي

[الشمعة]

بسم الله الرحمن الرحيم
اللهم صلي على محمد وآل محمد وعجل فرجهم ياكريم
ماشاء الله اختي اموووره بجد اجزاء روععععععععععععععععه وقليله كلمة روعه والله
بس ماقدر اقراء اخر الاجزاء هذي يالله ان شاء الله اقدر اقراهم بعدين بس اشكرج جدا
على هذه القصه الجميله لاعدمناج اختي

تحياتي لكم من صميم القلب
الشمعة

[عازفت الاوتار]

يااااااااااااااااااااااااااااااااااا الله


الجزززء رووووووووووووووووووووووووووووووعه


اموووووووووووووو لا تطولي علينااااااااااااااااااااا بليز


جاااااااااري الانتظار


تحياتي

عازفت الاوتار

[كبرياء]

هع هع هع << تمهيد

ههههههههههههههههههههههههههههههههههه هههههههههههههههههههههه

يسلمووووووووو أميروووووه على الجزء الوناااااااااااااااااسه حده

صاااااااار ودي أساااااااافر اححححححححح

يعطيكـ العافيه أميروه

بانتظاااااار البقيهـ

[زهور الريف]

يااااااااااااااي روووووووووووووعة

أمووووووووورة

تسلم هالانامل الذهبية الله يخليك يارب


الله الله على أبو الفوارس والغيرة الي عند


حرقتي الرجال مسكين

خخخخخخخخخ


ههههههه


يسلموووووو يالغلا

وننتظرك

بالتوفيق

[واحد فاضي]

الله يغربل ابليسش أميروووه

ذكرتيني بالسفريات

أنا 12 سنه رايح جاي على خط مكه المدينه

وكل سنه أقول باتوب عن هالشغله بس ما أقدر

الله المعين

حلوووووو مررررررررره هالجزء

((أفل يا محمد أفل ) هذي مره سويناها في مصريين

كل شوي يطبوا على الثلاجه

يا محمد ما عندكش مويه
يا محمد ما عندكش عصير أصل الواد بيعيط >>>>>>عيطوا عليك في سوق الغنم ان شاء الله ههههههههه

تسلم يمناش خيتي

[ســحرالقوافي]

ههههههههههههه


يؤ يؤ يؤ

لا تدخلي في العميق


غربله ربي عجل مواليد قال مخترب المسجل

والغاني لا صاحي

بس ويش كان حاط نانسي لو هيفا لو روبي


ماعلينا

نرجع الى حمزوه فقيل الدم


غثيث وربي غثيث

بس ويش شرى ليها اكيد بونتي <<<<<<<<<<< هههههههههههه

لاتقولي شهيتك مالي شغل انتي الي بديتي وخليتيني اتخيله في ذاك الكيس




يسلموو على الجزء الروعه

بنتظااار التكمله على امل ان لا تنتهي هذه القصة

حشى مكسيكي

بس والله صرت ما اتمناها تخلص لان مو بلبساطه تقدري تودعي رؤى ورائد وفارس ورادود العيله حيدر

<<<<<<<<جتها الصيحه

يلا ان شاء الله تطول القصه اكثر واكثر


دمتــ بود

[سفيرة الاحلام]

مشكور اميرة على القصه الروعه

ابغى اعرف وشي يصير

تسلمي والله يعطيك العافيه

[جنة الحسين]

لقصه مره مره رووووووعه

تسلم الايادي

و ينتظار الجزء الجديد بفارغ الصبر


الله يعينا على الانتظار

[ملاك الورد ..~]

هلا والله أميرة
انا ما راح أبدأ فيها غير لما تخلصيها
اعصابي ما تتحمل انتظار
يالله نبي النهاية بسرعة
والله يعطيج الصحة والعافية
يا مبدعة الشبكة

[Princess]

سلام عليكم احبتي


في حاجه ابغى اخذ رايكم فيها... :embarrest:


اني على حساب بتوصل القصه حدها 50 جزء
بس اشوفها كلما جا ليها تتمغط.. اخاف تقلب مكسيكي وتزهقوو :noworry:


سألت خوياتي قالو طوليها... اكثر من 50... والحين اشوف سحور تقول ما تقدر على فرقى الأبطال فديتها.. :wink:
اني قاعده قد ما اقدر اقلص في الأحداث وارتبها.. لأن مو معقول انط نطه كبيره بين حدث وثاني لازم اخليها تمشي طبيعي حق تندمجو معاهم وما تتشتتو ...
غير ظروف الدراسه.. فصايره اماطل وياكم .. فأستميحكم المعذره << زهقو منش ومن اعذارش...:toung:


الزبدة والمهم..


هل موافقين اني اطول القصه لأكثر من 50 جزء... والا تبغوها بسرعه تخلص وتبغو النهايه...؟؟؟؟

رايكم يهمني .. وجاري كتابة الجديد وانزاله بقرب فرصه بإذن الله


اسألكم الدعاء
موفقين لكل خير...


دمتم بحفظ الرحمن

[آخر شقآوهـ ..~]

هلا هلا عاشو عاشو<<<<كأني قدييمه من زمان ماجيت
لا هوه اني جيت بس ضيف <<اقرا واقووم
الموهييييم
حلقاات متكاشخه كشووخيه
والله فلته تزحف زحييف
احم نعود الى هداك الللي هوه
اني مو موافقه
اني لو على هوايي لطووول العمر الله يططوول اعماركم
يعني كفريها خييوه
وربي يساعدش ان شاء الله ويعطيك العافيه
اللى اللقاء يا أحبائي<<<دايخه الاخت جايه من المدعسه فيعني اسمحو لينا ع التخريف

[**جوان**]

...........مرحــبــا..مشكوره خيووه على القــصه ..واني اقول اذا فيهاا بتنطي نطه ومابتندمج الاحداثــ .. فأنـا عندي لا خلــها الى الخمســين ..وبعدين انــا الى وقت ماتبغا تخلص تخلــصــ .... تــحيــاتــيــ ..

[أمل الظهور]

:huh:غبت اسبوع وجزء واحد امووررر:evil: <<بيجيها كف:wacko:


اححم

زين صبروا ونالوا ولو كل باص تصير معاه هالسوالف وهالمشاكل جابوا لهم باص زي العالم والناس

كان ياسلااام سلم


كأنه كسر خاطري فارس وهو غيران وطالعه منه النيران <اوه صرت شاعره




" أفل يا محمد بس افل."


عجبتني هالجمله امور :toung:




بس ياسلاام والله حركات لو يشغلوه مواليد ويقلبوها فله <لا والله

اتوقع المعرس زعل يوم قفلوا على الاغاني :bleh:<<باعتها





يسلموو امور وعلى راحتك تخليه مسلسل مكسيكي مسلسل خليجي

على كيف كيفك بس اهم شيء نشوف فيه فيلم هندي :smile1:

ومثل ماقالت خيتو مو سهله نفارق الابطال

يعطيك العافيه

[minney]

هلا اميرة
مشكورررررررررررة القصة مرة روعة
نتتظر الحزء الجديد بفارغ الصبر

[زهرة القلوب]

القصه كل مالها وتصير احلى واحلى

خليها اكثر من خمسين

ومشكوره عالقصه

الله يعطيش الف عافيه


تحياتي

[جنة الحسين]

اي و الله القصه مره حلوووه

خليها اكثر من 50 ترى هي مره كشووخه

يعطيِ الف عافيه

بس مو تتأخري علينا ترى يعورنا راسنا من التفكير في الحدث الجديد

[ام الحلوين]

السلام عليكم

ويش اخباركم


نيابة عن اميرة المرح اقدم ليكم هذا الاعتذر لانها راح تتأخر شوي في تنزيل الحلقه

بسبب ظرف طارىء حصل لأميروووووووووه

وهي رايحه الكليه اليوم بتنزل من الدرج في البيت الاطراااااااااااااخ :wacko: واني قاعده ويش صاير

هي:اه اه اه طحت
اني : ها هههههههههههههههه :deh:


عاد اني مقدر في هالمواقف بس الحمد لله شوية الم في الظهر وتكسرة الاكسسورات الي عليها ورجعت ماراحت الكليه وكلتني نيابة عنها بهذا الاعتذار .


نسألكم الدعاء

[اسير الهوى]

انا رايي 50 جزء احسن..

سلاماتها من كل شر... ان شاء الله بس ماجاها شي...؟؟؟؟؟

والحمدلله على السلامة...

وخلوها تتنتبه وبلا ربشة ترا طيحة الدرج مو هينه....

هالمرة تكسرة خراخشينها (اكسسواراتها) وعدة على خير..

خالص تحياتي

[أمل الظهور]

:closedeyes::closedeyes::closedeyes:


:no::no:على عمري امور وربي ماتستاهل :no::no:


ماتشوف شر وسلامتها الغاليه:sad2:


ان شاء الله بعدوينها ولافيها :huh:


حمد لله على سلامتها

وهالمره لاتلبس عبايتها الا تحت :mad::mad::mad:


وان شاء الله تطمني ونطمن عليها

ماعليها شر

[زهور الريف]

هلا والله :bigsmile::bigsmile:
كيف حالك ؟؟ سلامات ماتشوفين شر يالغلا :amuse:

انشاء الله أخر السوء
ويش هالخبر تبي تسويها أكثر من 50 لالالالا حبيبتي أقصري الشر وانهي القصة:evil::evil:>>>>>>






شكلي ابي تكفيخ من الاعضاء:wink:
تراني امزح القصة مرة حلوة :toung::toung:وراعيتها أحلى وعساها ماتنتهي الا السنة الجاية

بس أهم شيء سلامتك يالغلا

وبالتوفيق
ومازلنا ننتظر وصول الابطال بالسلامة لانهم مساكين تعدبوا في الطريق>>>> الاخت متفاعله

ههههههههه
بااااااي:cool:

[Princess]

اهلا مشكورين وما تقصرو
الله يسلمكم.. وابدا ما في ربشه ولا شي على قولة امول جابتها .. نلبس العبايه تحت هالمره..
الحمدلله الحين اني احسن..
وللحين اشوف اراء الأعضاء يبغو الإطاله..
ان شالله على خير جاري كتابه الجديد وتنزيله قريبا.. دعاكم بس احتاجه..
وابغى اشوف راي باقي الأعضاء بمسأله اطالة القصه او عدمه

يعطيكم الف عافيه
دمتم بحفظ الرحمن

[عازفت الاوتار]

هااااااااااااااااااااااااااااايااااااااااااااااااا اات


اموووووووووووووووور


ســــــــــــــــــــــــــــــــــلا مـــــــــــــــــــــــــــــــــــــااااات


اني رااااااااااااااااااااايي


اذا تحسيه تعب عليك خليها 50 جزء واذا مو تعب خليها اكثر :bigsmile::bigsmile::bigsmile:<<امزح


على كيفك


وانا عطيتك رايي


لالا تطولي علينا في الجزء الجديد


جـــــــــــــــــااااااااااااااااااااااااااااري الااااااااااااااااااااااااااااااانـــتـــــــــــظ ـــــــــااااااااااااااااااااار


تحياتي

[سفيرة الاحلام]

مشكوره على القصه

اني اقول خليها 50حزء لا تعب عليك


اذا خلصتي هذي القصه ابدي في قصه جديده

[واحد فاضي]

سلامات ..........سلامات

ما تشوفين شر

وأنا أقول ويش صاير عند الكليه :help::help:
واوا واو وااااااو

الله يعطيش العافيه
واصلي الإبداع 50 ولا ستين

ما فيه فاصل وبنواصل

كله تمام كله كويس

سلام

[سيناريو]

يؤيؤ سلامااااااااااااااات امووووور ماتشوفي شر يالغلا
الظاهر ذاك اليوم نعسانه حدددددددددش :wacko:


طيحة الدرج موهينه بس الحمد لله طمنتينا أنش بخير

رب ضارة نافعة >>> دخلنا في تعليق القصه ههههه
باص vipالله ونااااااااااااسه يااااسلام

بالنسبه للحلقات إذا في أحداث لاتبخلي علينا فيها لأني من جد استمتع وأني أقرأ أحس أن القصه حقيقيه والأبطال في أرض الواقع

بتسويه مكسيكي خليجي يتمغط على رااااااحتش
وراش وراش والزمن طويل :wink:
يسلمو اميره والله يعطيك العافيه

[ســحرالقوافي]

هههههههه:deh:هههههه


هههههههههه:deh:ههههههههه


هههههههههههه:deh:هههههههههه


اموره لا تقولي طحتي


ههههههههه:deh:ههههههههه



والله وطلعت ام الحلوين من قومي ماتقدر تمسك نفسها إذا شافه وحده طايحه:walla:




العذر والسموحه خيتو وسلامات:toung:


<<<<<< بعد ويه بعد ما ضحكتي وشبعتي ضحك:huuh:



اني رايه سويها مكسيكس ويش ورانا :shiny:


وبدعي فيها زي ما عودتينا:icon30:



دمتــ بود

[زهرة البنفسجي]

سلاااااااااامااااااااااات وماتشوفي شر يالغالية

الله يعطيك الصحة والعافية

أنا من رائيي مو مهم كم عدد الأجزاء أهم شي ان القصة تكون متكاملة ماتقلصيها بس عشان تصير عدد الأجزاء صغيرة

ورحم الله والديك

تحياتي

[ملاك الورد ..~]

سلامات ما تشوفين شر خيتو

ذكرتيني بشدختي السنة الي فاتت
راحت ايدي فيها
شهور واني اتعالج
بس الحمد لله الحين صرت زينة

[Princess]

الله يسلمكم جميعا....
خلاص يتراوالي يكفي عدد هالأصوات
الغالبيه تؤيد الإطاله...
صار لي يومين اوزع الأحداث وارتبها حق تتساير مع السيناريو السابق ولا تصير اي قفزه..
انتظروووووووووووني بكرررررره نستكمل المسيره .. مع الأبطال...

اسألكم الدعاء
ومشكورين وما تقصرو والله

دمتم بحفظ الرحمن

[جنة الحسين]

جاااااااااري الانتظااااااااااار :bigsmile:

[أمير العاشقين]

I am waiting

بشلخ راسش اميرووه
انتظر من زمان وكل ما اخش انتف شعري مافي جزء

خيتوو والله زهقت وانا استنى
يالله اميرووه بسره حطي والله بموت من القهر

[آخر شقآوهـ ..~]

احم احم
ماتشوفين شر عيوني<<<صدق متأخره هني بس هناك مو متأخره صوووح عييوني
يالله خييوه حطي الجزء
ترى وحشووني الابطاال
ووحشنتني نحاااسة رائد نيههههاي
يعطيش ربي العافيه

[**جوان**]

.......................

يــالله امــوورر

ياللــه عااد ..


حطي الجزء الجـديد ..

..

زهــقنــا << اقول كل واحد يتكلم عن روحه ..

...
...

[أمير العاشقين]

اميرووه شكلي بجيب وياي طيوري وهجووم على بيتكم بكلاش

ها بتحطي لو اجي ارش بيتكم برشاش

اهئ اهئ باصيح صار لي سنه ايمرووه حراام عليش

[Princess]

هااادوااايش يمااااه :weird:
تهي تهي.:sad2:. ويش صااير .. وربي ما يمديني احك راااسي,,, وقسم قسمات الجزء اكتبه في الكليه هالأيام في اوقات فراغي ... مقسمه دفتري ومخصصه قسم للقصه ومره مسوده طاحو عليه خوياتي وشباق يبغو يقرو الجزء
واني لاااااااااا شووفووووه بالمنتدى.. اح انتي وياااااهااااا..
الحين الجزء الجديد مسوده بالرصاص وحاله قايمه شباق خرابيش دجاج.:toung:.
9 صفحات بالدفتر .. والحين اكتبه في الوورد يعني شوفو كتابه مرتيين.. وما يندرى كم صفحة وورد بيطلعو .:wacko:.. عادة اني يجيني احباط هههههههههه
12 صفحة بالدفتر = 9 صفحات وورد الجزء.. وتالي انزله المنتدى بس يتقسم على ردين....وتقولو انتون شوي وتطمعو بالمزيد... :angry:
تخيلو كم صفحة وورد وصلت ؟؟؟.. اني انصرعت .:weird:. وصلت للحين 435 صفحة وورد .. واني مرااكض ... وربي لعيونكم
فصبرو علي....:amuse:
الدفتر على رجولي الحين .. وشغل بالجهاز وتكفخ قايم ههههههههههههههههه وقايمه قاعده عليه ريااضه
يمكن ينزل الوحي واضيف احداث قولو يارب .. وادعو لي بدل لا تهجمو علي :toung:

يللا عن القرقر ... بكتب شويات وباخذ بريك بالمنتدى اهايت .. ساعه دون ساعه... :wink:
بس الليله قولو يارب انزل الجزء... ولا يفصل النت اللي حقنا ههههههههههه وربي ما اكذب الله علي شاااهد
صاير كل شوي يفصل عفر بيخلص الإشتراك ويبغى له تجديد.:embarrest:.. هههههههههه بتكفخ ساعتها,,
امانه لا تدعو علي زين... :nosweat:


دمتم بحفظ الرحمن