بسم الله الرحمن الرحيم
السلام عليكم ورحمة الله وبركاته
كيف الصبايا الحلوين ؟؟
إكيد الجميع بالف خير ..
متباركين بهذي الليالي المباركة
الله يعودها علينا جميعاً يارب ..
اليوم هموس جايبة الكم طبق إنما إيه
سهل ولذيذ وحتاكلوا صوابعكم وراه
وإلي ملانة تطبخ وتبي تسوي اي شي بسرعه
مافي اسهل من ها الطبخة ..
يالله بسم الله نبدأ مع طبختنا ..
مطبق الدجاج
وفي ناس يسمونها
تحت القدر ..
المهم ندخل في طبختنا اللذيذه


المكونـــــــــــــــــــــات


جميع أنواع الخضار الي تحبونها
وأنا حطيت
بصل شرائح / طماطم شرائح



بطاطس مكعبات / كوسا مكعبات
فليلفة خضراء
جزر مكعبات / لوبيا خضراء مقطعة صغيرة
ولو حبيتوا الخضار المشكلة المثلجه تقدرون تحطونهم



وطبعاً أهم شي الدجاج وراح نقطع الدجاجة
الى ست أو ثمان قطع
حسب الي تبينه ..




والرز راح اعلقة على النار
ووراح أحط وياه بهارات حب
وبمجرد يطبخ ( يغلي الماي ) اشخلة وأخليه على جنب ..

والحين راح نبدأ بطريقتنا ..

أخلط الخضار والدجاج مع بعضهم وأحطهم في الصفرية
وأحط عليهم بهارات وملح وبهارت حب
وإستكانة زيت
وراح أقطّع عليها نصف أصبع زبدة
وراح أصب عليها نص كاس ماي..




وبعدها راح أحط عليها الرز المسلوق ربع سلق
وراح أحط عليه زيت وقطع من الزبدة
وزبيب ورمان مجفف
وصبغة صفار الزعفران ..







وبعدها راح أغطيه وأحطه على نار عاليه اشوي لمدة دقايق
وبمجرد أسمع صوت الغليان راح أنزل عليه مرة
وأخليه على نار هادئة مرة
وتقريباً الطبخة تاخذ ليها ساعة على النار لغاية ما ينضج الدجاج ويصير الطبق جاهز ..
وبعد ما يستوي راح أبدأ
بالتقديم
راح اقلب الصفرية رأساً على عقب
منشان يصير الي تحت فوق والي فوق تحت
وبتصير بهذا الشكل بعد ما قلبناهم




وهذا بزاوية ثانيه





وبعدها أقدر أغرف للي أبي وبالكيمة الي أبي
وبيكون هذا الصحن لأول رد على طبقي اللذيذ





هذا هو طبقنا اللذيذ والسهل لهذا اليوم
وإن شاء الله يعجبكم
و يكون سهل عندكم
ترى مايبغى ليه شي مرة سهل ..
مع تحياتي العطرة لكم جميعاً ...
وعلى قلوبكم بألف عافية .

همــّــــــــــــــــــــــــوس ..