منعاً للاحراج....!!

بسم الله الرحمن الرحيم

اللهم صل على محمد وآل محمد وعجل فرجهم وفرجنا بهم ياكريم وألعن من آذى فاطمة

السلام عليكم ورحمة الله وبركاته

صباحكم مساءكم طاعة ثم رضا

صباحك حنيني يانقاش:amuse: > ادري قديمة بقوة . مشتاقة للنقاش من زمان
وان شاء الله نعووضه بجزء من نشاطنا فيه..

الموضوع عبارة عن مواقف .... من خيالي الخاص ... لابد أن يكون لها جذر واقع من هذه الحياة.

تجنّب كثرة السؤال..منعاً للاحراج.

الموقف الأول..

علي شاب يحب يشارك في المنتديات...

ويكتب خواطر.ويعبر عن شعوره بأي شكل من الأشكال.....ممكن هالخواطر من وحيه أو ممكن من واقع يعيشه ..على اي حال

علي عضويته معروفة بالنسبة للشباب اصحابه..

وفي واحد من الشباب كلما شافه وقدام الجماعة كلهم ...

هااا أبو الشباب .. البارحة اشوف لك مشاركة كذا وكذا ....وأول بارحة مشاركتك حزييينة مرررة شا ويش صاااير..واللي قبلها كلها شوووق وحب وهيام..

شاااا تحب... ويغمز له..اعترف من هي....!!>>:huh:

اي اي ولاحظت بعد ان في استلطاف بينك وبين العضووووة الفلانية!! :weird: ليكووون هي.!! لالا لاتقووول >> وهو اصلاً مافي شي من هالقبيل....

و و و و و ..والاسألة ماتنتهي بل تزيد من جميع الحضووور.....وكأنهم مخلينه مُستهدف ولا مسويين حضرتهم تحقيق....!!

ولا يترركوا له مجال الاجابة .....كلما جى بيتكلم قام واحد ونسج قصة خياليه على اساس مزح ولاينتبهوا ان الشخص مُحرج ..

علي يخلص نفسه ويكتفي بضحكة وبس .!!! >>له حق مسكين ماعرف ويش يقووول خبصووه خبااااص

الموقف الثاني

زينب تعاني من حساسية في جلدها....!!

تظهر في مناطق معينة في جسمها.....وتكون ظاهرة للناظر....

فاطمة وحدة من البنات وياها ...تنتبه لها وهم وسط مجموعة بنات ..

فاطمة : ياعلييييييييي زينبووو وش فييييش ..!! وتأشر على مكان الببقع في صاحبتها...

زينب ومبين عليها الاحراج .وبعد ابتسامة مصحوبة بالخجل : حساسية ...

فاطمة: ياعليييييييي يادافع البلى صاير كنه حرررق ..

زينب زاد الاحراج شوي وتصيح...

فاطمة : ومن متى عندش..

زينب متغبنة كونها وسط البنات : من زمااان بس تخف وترجع..

فاطمة : ليش ماتتعالجي عنها.!!

زينب : الا ارووح المستوصف ويعطوني مراهم...وأدوية

فاطمة ومن تعاطفها وتفاعلها وضيقتها على صاحبتها بس مالاحظت ان كثرة الاسألة وسط هالناس ممكن تحرجها :

المستوصف عااااااااد وش بيسوووا وويش هالمراااهم اللي يعطوووش وياهااا ...

روحي مستشفى خاااص على الأقل يعطوش شي معتبر..ويشوفوا لش وشووو هذا ...

يمكن مو حساسية

الموقف الثالث

هند ..شابة متزوجة من سنتين

لم يرزقها الله بذرية .تعيش مع زوجها بسعادة ...لايعرقل صفوا هذه السعادة سوى كلام الناس..وكثرة سؤالهم ...!!

وإن كانا يتوقان لسماع صوت طفل يُحرك عواطف الأبوة بدواخلهما....بس هم مرتاحين وحامدين الرب على نعمته..ومتأملين خير..... بس الناس ماترحم ....

ومن أحد المواقف..هند في عزومة مع صديقات حماتها...اللي اجتمعت معهم ولأول مرة

بدأت السوالف سالفة تجر سالفة ...

حد ماسألوها...!!

وحدة تقول ..: من متى متزوجة انتين!!

هند : من سنتين

والثانية تتبعها..! وين اولادش..

هند : للحين ماالله رزقناا..

تكمل الثالثة .:ومنش ولا منه

هند بابتسامة : مافينا شي بس ماالله كتب......

الرابعة تتدارك الموقف شوووي..اي الله يرزقكم ان شاء الله..

الموقف الرابع..

زهرة ..فتاة توها مخطوبة

راحت زواج والتقت ببعض معارفها

ودروا عن خطوبتها

قاموا يصلوا على محمد وآل محمد وهذا من مظاهر الفرح عندنا ..هي انبسطت انهم فرحوا لها اكيد..

قامت وحدة تسأل ..

من الديرة ..!... ود من !! ويش يشتغل....!! كم راتبه...إذا رحنا لش نبغى نشوووف صورته>وش دخلهم بصورة الرجااال وهم مو من الأهل ولا الصديقات ..
شريتوا الشبكة والدبلة ..!!

واذا طلعت شرتها..يسألوها بكم !!! الحين مرة الذهب غالييييييييي ....

زهرة ماتتحمل كثرة الاسألة ..طالعتها باستغراب :huh:وغاورت :noworry:>>غاورت ماادري تعرفوها ولا لا.....بمعنى سوت نفسها ماسمعت :toung: سمعت البعض يقول غوملت ..>عن الهدرة :bigsmile:

يعني في اسألة معقولة وفي اسألة :wacko:

هذي قطرة من المواقف المؤذية لقلوب البشر....اي مؤذية ..

حتى لو النية حسنة بس كثرة الاسألة مي زينة ...وممكن تتسبب في احراج الناس وانت مو داري...

خصوصاً لو كانت وسط جماعة ...!! حتى بكتاب الله مكتوب عن تجنب كثرة السؤال بغض النظر عن تفسير الآية الكريمة وتأويلها

(لاتسألوا عن أشياء إن تُبدَ لكم تسؤكم)

مو القصد إن المفروض الواحد مايسأل...الا عادي مافيها شي...بس لاأكثر الاسألة ...ولازم اختار السؤال المناسب....والطريقة المناسبة لطرحه..

ولابد اراعي انه مايكون قدام مجموعة كبيرة لأن الاحراج راح يكون مُضاعف...

وفرضاً هالفئة من الناس ماشكلت لها الاسألة احراج كبير..وأخذوا كل شي ببساطة وبرحابة صدر..لازم نحط باعتبارنا ان البشر مو بطبيعة وحدة ناس تتأثر ويظهر عليها ناس تخبي مشاعرها وألمها وناس وناس وناس...

وممكن تلاقي ناس إذا احرجتهم حتى لو مو قاصد..لازم يردوها لك وهذي ردة فعل طبيعية بالنسبة لهم بحسب شخصيتهم..

أو ممكن تسمع لك كلمة تخليك تسد حلقك سنة من الفشلة .....مثلاً يقولوا لك وش دخلك...!! شي مايخصك...عن اللقافة الزايدة هذا أقل شي بالنسبة لهم >>:toung:

وفي ناس العكس حتى لوما بتجاوب ..بس ترد بطريقة لبقة .......وانت وحظك يالفضولي...

وإذا لاحظتوا في كل موقف تقريباً .حاولت تكون ردة الفعل مختلفة عن الثاني

تكلمت واااجد موو..!! اترك لكم المجال الحين .!!

انتوا وش رايكم.!!! .كيف الواحد يتصرف في مثل هالمواقف..وكيف يتداركها!!

وهل مرّت عليكم مواقف محرجة..وهل عانيتوا من كثرة الاسألة !!

اتمنى أكون وفقت في فكرة الطرح وأسلوبه
دعائي لكل من يفتح لمتصفحي أبواب

بقلم دمعة على السطور

بسم الله الرحمـــــــن الرحيم..
وصلى الله على محمد وآل محمد الطيبين الطـاهرين ..

صبااحـــــــــك نور وضياء على قلبك ..

كلامك واااااقعــــي وصريح ويحتاج لوقفات طويلةلمعالجته قضية قضية
قكثرة الأسئلة تسبب الاحراج وتجرح المشــــاعر
وتجعل الانسـان ممقوت وبتصف بالفضول الزائد عن الحد المعقول
أولآ ..
بالنسبة لعلي ومشـاركتة بالمنتديات ..
فكل انسان له الحرية بالتعبير عن مشاعره وأحاسيسة
ونحن كأعضاء ليس من حقنا أن نستفسر عن مشاعر الآخرين
وفي مجتمع من الأصدقاء
طيب .. الشاب لو يبي يفضفض لكم.. ليه بيكتب بالمنتدى ..!!
ثـانيآآ ..
بالنسبة لزينب وحسـاسيتها ..
هـالأمور محرجة للغاية والبنت يكفيها اللي فيها
فمابالك تجيها وحدة وتسـألها أمام الجميع وتلفت أنتباه الكل لها
يعني مسكينه البنت يمكن هي طالعة ومتفشلة
وبالنسبة للمستشفى الخــاص ..
فالناس مستويات فمن الممكن أن أوضاع أهلها ماتسمح لهم
يودوها مستشفى خـاص
فمالاداعي هالأسئلة وهالأقتراحـات
ثـالثآآ ..
بالنسبة لهند ..
كل بنت لما تتزوج تتمنى الله يرزقها بالذرية
وتظل متأملة متى يجي اليوم اللي تصير فيه أم
طيب .. ســـألتي عن أولادها .. وأنحرجت بس ممكن حاولت تكون طبيعية
مـــالاداعي تستفسري .. يكفي أنك دريتي أن ماعندها عيال وأحرجتي نفسك
وويش دخلك من مين المشكلة ..!!
هي وزوجها رااضيين .. فمالاداعي تدخلي وسط بينهم
رابعـآآ ..
بالنسبة لزهــــراء ..
مخطوبة وباركتي لها وفرحتي من قلبك لها
طيب .. ليه تسـألي عن أدق التفاصيل وتبي تشوفي صورته
هو زوجك لو زوجهـا ..؟؟
أنت اللي بتعيشي وياه لوهـــــــي ..؟؟

مواقف تحصل للكثيرون من أشخاص يبحثون عن أدق التفاصيل
ويستفسرون في مالايعنيهم بدافع الفضوول
أو أن طبيعتهم كثرة الأسئلة رغبة في ملئ أوقات فراغهم
فكم هي أسئلة محرجة ومؤذية للآخــرين
وقد تبقى عــالقة في ذاكرة الانسان وترتبط بالشخص الذي سـأل
فكلما تذكره تذكر أســألته وشعوره حينها

غــاليتي ..
**دمــــــــــــــــــــعة **
أعجز كثيرآآ عن الثناء على طرحك الموفق جـــــــدآآ
فنحن جميعـآآ قد تمر علينا مواقف مشابه للغاية لهذه المواقف
ونشعر بالاحراج والألم والضيق من تذخل الآخرين بشؤؤن حياتنا
وقد نعبر عن أستياءنا وقد نبقى صامتين ونكتم غيظنا
فـأنا من النووع اللي مايحب لا يسأل ولا يُسـأل
فكل انسان يحتفظ بخصوصياته ولايسمح لأحد بالتعدي عليهــا

عذرآآ لقد أسترسلت في الحديث
وفي جعبتي الكثير لكني سأصمت لأفتح المجــال لغيري
فطرحك شجعني على المشاركة بالرغم من قلة زيارتي لقسم النقاش
فكـــــــــل الشكر لعطاءك الوفير ..
ولاحرمنا الله منـــــــك ..
وليحفظك الله ويرعــــــاك في كل حين ..
تحيـآآتي القلبية ..
.×.رنيـ الحب ـم.×.

اللهم صلي على محمد وآل محمد
طرح جمل وواقعي .
هكذا بشر ومن تعامل مرة واحده فقط معهم بمجرد ان نراهم مره اخرى يدق لدينا جرس بأن نبتعد عنهم لنحافظ على سلامة مزاجنا .
غاليتي دمعة لن اكتفي بتعقيبي هذا بل ان شاء الله لي عوده لأني في عجلة من امري ولم اشأ أن ازور صفحتك واخرج دون رد بتقدير لهذا العطاء

اهلين بالدمعة الغالية

منورة قسم النقاس

تعالي كل يوم :)

بالنسبة لموضوعك انا الاحظ انو في عينة من البشر كل همها انها تتصيد نقاط الضعف في اي شخص يقابلها

عشان تحطه في مواقف محرجة

طيب هل الحل نعتزل العالم عشان ماتنطرح علينا اسئلة محرجة ؟

او نتفادى هالنوعية من البشر الي احنا عارفين ان وجودهم راح يزعزع ثقتنا في نفسنا ؟

او الحل ان احنا نعزز ثقتنا بنفسنا وعلى قولتهم ياجبل مايهزك ريح ؟

لي رجعة للموضوع

اذا مو اليوم بكرا ان شاء الله

اقتباس:

---

المشاركة الأصلية كتبت بواسطة رنيم الحب

بسم الله الرحمـــــــن الرحيم..

وصلى الله على محمد وآل محمد الطيبين الطـاهرين ..

صبااحـــــــــك نور وضياء على قلبك ..

كلامك واااااقعــــي وصريح ويحتاج لوقفات طويلةلمعالجته قضية قضية
قكثرة الأسئلة تسبب الاحراج وتجرح المشــــاعر
وتجعل الانسـان ممقوت وبتصف بالفضول الزائد عن الحد المعقول
أولآ ..
بالنسبة لعلي ومشـاركتة بالمنتديات ..
فكل انسان له الحرية بالتعبير عن مشاعره وأحاسيسة
ونحن كأعضاء ليس من حقنا أن نستفسر عن مشاعر الآخرين
وفي مجتمع من الأصدقاء
طيب .. الشاب لو يبي يفضفض لكم.. ليه بيكتب بالمنتدى ..!!
ثـانيآآ ..
بالنسبة لزينب وحسـاسيتها ..
هـالأمور محرجة للغاية والبنت يكفيها اللي فيها
فمابالك تجيها وحدة وتسـألها أمام الجميع وتلفت أنتباه الكل لها
يعني مسكينه البنت يمكن هي طالعة ومتفشلة
وبالنسبة للمستشفى الخــاص ..
فالناس مستويات فمن الممكن أن أوضاع أهلها ماتسمح لهم
يودوها مستشفى خـاص
فمالاداعي هالأسئلة وهالأقتراحـات
ثـالثآآ ..
بالنسبة لهند ..
كل بنت لما تتزوج تتمنى الله يرزقها بالذرية
وتظل متأملة متى يجي اليوم اللي تصير فيه أم
طيب .. ســـألتي عن أولادها .. وأنحرجت بس ممكن حاولت تكون طبيعية
مـــالاداعي تستفسري .. يكفي أنك دريتي أن ماعندها عيال وأحرجتي نفسك
وويش دخلك من مين المشكلة ..!!
هي وزوجها رااضيين .. فمالاداعي تدخلي وسط بينهم
رابعـآآ ..
بالنسبة لزهــــراء ..
مخطوبة وباركتي لها وفرحتي من قلبك لها
طيب .. ليه تسـألي عن أدق التفاصيل وتبي تشوفي صورته
هو زوجك لو زوجهـا ..؟؟
أنت اللي بتعيشي وياه لوهـــــــي ..؟؟

مواقف تحصل للكثيرون من أشخاص يبحثون عن أدق التفاصيل
ويستفسرون في مالايعنيهم بدافع الفضوول
أو أن طبيعتهم كثرة الأسئلة رغبة في ملئ أوقات فراغهم
فكم هي أسئلة محرجة ومؤذية للآخــرين
وقد تبقى عــالقة في ذاكرة الانسان وترتبط بالشخص الذي سـأل
فكلما تذكره تذكر أســألته وشعوره حينها

غــاليتي ..
**دمــــــــــــــــــــعة **
أعجز كثيرآآ عن الثناء على طرحك الموفق جـــــــدآآ
فنحن جميعـآآ قد تمر علينا مواقف مشابه للغاية لهذه المواقف
ونشعر بالاحراج والألم والضيق من تذخل الآخرين بشؤؤن حياتنا
وقد نعبر عن أستياءنا وقد نبقى صامتين ونكتم غيظنا
فـأنا من النووع اللي مايحب لا يسأل ولا يُسـأل
فكل انسان يحتفظ بخصوصياته ولايسمح لأحد بالتعدي عليهــا

عذرآآ لقد أسترسلت في الحديث
وفي جعبتي الكثير لكني سأصمت لأفتح المجــال لغيري
فطرحك شجعني على المشاركة بالرغم من قلة زيارتي لقسم النقاش
فكـــــــــل الشكر لعطاءك الوفير ..
ولاحرمنا الله منـــــــك ..
وليحفظك الله ويرعــــــاك في كل حين ..
تحيـآآتي القلبية ..
.×.رنيـ الحب ـم.×.

---

ياحبيبة قلبي...

رنيم ....~ تُخلفين بالقلب بهجة في كل مرة تُجاورين فيها أحرفي.....

لاأتخيل موضوع لدمعة ...لاتسكنه رنيم الأخت الغالية :)


سعيدة صدقيني ......وجودكِ مفخرة لقلمي....

ونقاشكِ كان صادق وقريب لواقعنا...




الله يكفينا وياكم كثرة السؤال..لأن فعلاً الانسان ينحرج في مثل هالمواقف ...ومو في كل الاوقات الشخص قابل لتلقي الاسألة والاجابة عليها ..ممكن تصيبنا ظروف مايعلم بها الا الله ..تخلينا مُنهكين نفسياً ومانملك قدرة على الاجابة ...ويمكن نتصرف تصرف ماودنا نتصرفه ..بس عشان نخلص أنفسنا من مثل هالمواقف....



رنيم.....شكري لايكفي ولن يفيكِ حقكِ ..

فلتقبلي صدق دعائي لقلبك ....


موفقة مقضية حوائجكِ بحق الطهر الزواكي.

دمتِ بعين المولى الجليل

اقتباس:

---

المشاركة الأصلية كتبت بواسطة ملكة سبأ

اللهم صلي على محمد وآل محمد

---

اقتباس:

---

المشاركة الأصلية كتبت بواسطة ملكة سبأ

طرح جمل وواقعي .
هكذا بشر ومن تعامل مرة واحده فقط معهم بمجرد ان نراهم مره اخرى يدق لدينا جرس بأن نبتعد عنهم لنحافظ على سلامة مزاجنا .
غاليتي دمعة لن اكتفي بتعقيبي هذا بل ان شاء الله لي عوده لأني في عجلة من امري ولم اشأ أن ازور صفحتك واخرج دون رد بتقدير لهذا العطاء

---

ياملكة قلبي...

تعلمين أن خمائر أحرفي لاتتزن حينما تطرق السعادة قلبي.....!!

هكذا أشعر عند تلقي مشاركتكِ وإياي .....


رائعة حقاً.......كلماتكِ بالنقاش انتظرها ..لعلمي بفكرك الفذ...أُبلله بذكر الصلاة على محمد وآل محمد

مجرد بصمتكِ شرفٌ يستحوذ أركاني....

فكيف بعودتكِ.........!! أفرش لكِ الصفحات زهوراً......

شكراً لقربك يالغالية ...شكراً عميقاً...

دعائي يتلبس وجدانك..

موفقة مقضية حوائجكِ بحق من هم النور..

دمتِ بعين المولى الجليل

اقتباس:

---

المشاركة الأصلية كتبت بواسطة ملاك الورد ..~

اهلين بالدمعة الغالية

منورة قسم النقاس

تعالي كل يوم :)

بالنسبة لموضوعك انا الاحظ انو في عينة من البشر كل همها انها تتصيد نقاط الضعف في اي شخص يقابلها

عشان تحطه في مواقف محرجة

طيب هل الحل نعتزل العالم عشان ماتنطرح علينا اسئلة محرجة ؟

او نتفادى هالنوعية من البشر الي احنا عارفين ان وجودهم راح يزعزع ثقتنا في نفسنا ؟

او الحل ان احنا نعزز ثقتنا بنفسنا وعلى قولتهم ياجبل مايهزك ريح ؟

لي رجعة للموضوع

اذا مو اليوم بكرا ان شاء الله

---

ياحبابة :)

ياهلا فيك وحياك ......انتي المنورة صفحتي خية ....

وجودك قوي كما العادة ....ماشاء الله عليك...

وكلامك سليم ومنطقي للغاية ..

انتظر عودتك بقوة ......وارتقب حماسك.......


واحوطك بتحفة الصلاة على محمد وآل محمد..


شكري لاتفقهه المعاجم ...

دعائي أقلدكِ به أخية ..

موفقة مقضية حوائجكِ بحق رب العرش وأنواره..

دمتِ بعين المولى الجليل

مرحبا
والله وطرحش دا ياخيه جاي بالصميم
وشان على الناس ولقافتهم.. اللي اغلبهم عن حسن نيه فحدث ولا حرج
مع ان طبع فيني العكس تماما ولاحظت بعض صديقاتي يتضايقو من هالشي .. << ارضاء الناس غاية لا تدرك
يعني مثلا اسمع عن فلانه مريضه..
عافاش الله حدي
ما اسأل ويش مرضها بالضبط
صديقتي عدل عدل من زمان .. ولا دريت عن واحد من اخوتها انه من ذوي الأحتياجات الخاصه الا مؤخرا بالصدفه من صديقه ثانيه ولا سألت و لا ادري ويش نوع الأعاقه..
وحده انخطبت...
الف مبروك... حدي اعرف من عيال من ومن وين... وغالبا اذا ماقالت هي ما اسأل الا اذا مقربه مني عدل....
يووو اشيائات وايد كل احس نفسي مالي شغل و لا هو ضروري بالحياه اتلقف واعرف...

وعلى النقيض..
انذبح بالأسئله
ولا عاد فترة اللي انفصلت فيها من الكليه على شان المعدل... من سنتين
واللي رجعت اعيشها حاليا ...p:
الى يومش هذا والسائل يسأل
عاد قريب مني لو بعيد
يوووو
لويه عاد
ويش مسويه

واذا شافو شي عجبهم مني
ويش دراستش
ثانويه عامه بس
يوووو
والله حرام
كيف ونسبتش عاليه
ووووو

عاد هالكلام يجي بشكل مواساه منهم..
بس في الواقع غالبا يألمني من الداخل

وموقفي ساعتها
ابتسامه
والله عالظالم
ويغير الحال ...!!



الله يسلمش موقف من المواقف اللي ما انساها ..
مره كنت اقدم دورة فتوشوب لمجموعة بنات
من بينهم كانت وحده كبيره متزوجه وعندها احفاد ما شالله عليها
وكنت احترمها و اقدر عمرها
مع انها كانت سليطة لسان وهداره وغالبا تقطع الشرح في سوالف ماليها داعي
:) اني فيني شي في قدمي تحديدا في احد الأصابع..مرتفع شوي عن اخوانه... فيصير اذا لبست صندل يبين عدل
ما اعتبره عاهه ابدا .. الله سبحانه اختارني له
وما احاول اخفيه ابدا.. احسه شي مميز اذا قعدت اتأمل فيه..
بس اسلوب هالمرأه لما قطعت الشرح و بصوت عالي قدام البنات
يوووووو ...... لويش كذا .. ويش فيه صبعش .... وصارت تضحك
والبنات كلهم تركو الدرس والتفتو لرجولي
حسيت بأحراج مو طبيعي
ابتسمت وكعادتي اطلقت نكته من باب مداراة الأحراج:::
ويش اسوي ياخيه.. طالع يتنفس .. :laugh:

عاد بدت سيل الأسئله..
طايح عليه شي؟
من لما كنتي صغيره؟
وراثه؟
مايضايقش اذا جيتي تشتري نعال ؟
ووو

اني عاد اكتفيت بأجابه وحده
:) وراثه ولا اعتراض على كتبة الله...





تسلمي خيه عالطرح
الفضفضاوي

افا عليش مصيبه اذا اميروه ماتعرف يعني ويه كلمة مغاور p:
دمتي بخير
وبحفظ الرحمن

بسم الله الرحمن الرحيم
السلام عليكم ورحمة الله وبركاتة ..
اللهم صلِ على محمد وآل محمد وعجل فرجهم وفرجنا بهم ياكريم ..
اول شي مشكورة دموع غناتي على الطرح الي جبتيه في الصميم
انا ابي مسمى حق هالناس الملاقيف
إلي عاد ابد مايعرفونش بس يادوب
معرفة بسيطة
وتعال ياسيل الاسئلة الي تتحدف من كل مكان
الي ماتعرفي تجاوبي على ويش وتخلي ويش
جد يزهقون ويخلون الواحد يطلع من طورة
يعني في آسئلة مالها داعي ابد
آو يكونون يعرفون الاجابة حقتها
بس لا تآكيداً للشي إلي سمعوة
أو إنهم يكررون السؤال كل يوم كل يوم
بس للفضول إلي قتلهم
لاويه وبسبب ويش وعشان ويه
وكلها نفس السؤال بس تغيرت الكلمة
خخخخخ
آذكر في ديك السنة لما اعتذرت من الجامعة
وآنقطعت ولآسباب عدة
من ضمنها ان النفسية كانت مرة بسبب وفاة الوالد الله يرحمة
الا كل من شافني يو لاويه مارحتي الرياض
لايكون فصلوش او معدلش مرة نازل
او ماعندش فلوس
طيب آنتو ويش دخلكم هذي حرية شخصية
انا حرة رحت مارحت بكيفي
ولا المصيبة إن في كل مرة اشوفهم
يسآلوني نفس الاسئلة
وآعيد عليهم نفس الاجابة
وللحين الله وكيلش آنسآل نفس السؤال ..
بس يالله يبي لنا طريقة نخيط بها لسان هالملاقيف
والثرثارين كان نرتاح منهم اشوي ,,
.
الله يعطيك العافية دموع على الطرح غناتي
جد جد يدق على الوتر الحساس ..
موفقة لكل خير
والله يبعد عنا الناس الثرثارة ..

مرآإحب ..~
طرح رووعهـ من جد ..!
ترى هالنآس مآتحس ع دمهـآ <~ تعرف وحده لو بتحس على دمهـآ حسست !!
مو مسأله يحطونك بموآقف محرجه وبس ..
لآن أنـآ أصلآ معهم أصير قليلة أدب هههه <~ يعني أقول لهم مآيخصك ., مآلك دخل <~ دآمهم تلقفوآ خل يتحملوآ
بس المصيبه إذآ صـآروآ مـآيحسسون ..!!
معـآي وحده بالجآمعه ..
صرت أخـآف أروح النآر على وجهي من كثر مآ أحسسهآ انهآ تتدخل كثير ..!
بس البنت ليومكم مآحسست !!
كل مآ شآفتني أو شآفت أي حد ..
بشوف جوآلك !
بتصفح رسآيلك !
عـآدي آخذ طله على صورك ,,!
وش نوع العلآقه الي بينك وبين المستحييل !
خييير أن شآلله يعني عشآني مآ أرتآح أجلس مع شله
وعشآني مـآ أرتـآح مع غيرهآ أنسأل هالسؤآل السخيف ..!
لآ و من كثر مآ أنـآ دفشه ههههههه ومآ أعطيهآ وجه ووجهي مآ يأهلهآ تسآل كثير ..
ومن كثر مآ أفشلهـآ ..
دآرت على المستحيل!
ومستحيلو مـآ تعرف تفشل تستحي ع قولتهـآ ههه
وتصير تجآوب على سلسلة التحقيق !
وتعطيهآ الجوآل عفيه عليهـآ ..!
والمصيبه أنهآ إسمآعيليه وتبي تنسب نفسهـآ لنـآ ..!
مـآدري شتبي تقول وتسوي ..!
وتدخلنآ بمذآهب بيوم كآن خآطري أعطيهـآ كف هههههههه ..
أي مـآعلينآ حشيت كثير هع ..
هالنآس أبد مآتريح ..~
وبالنسبه لي مآ أتعآمل معهم إلآ بصرآحه مطلقه وأريح نفسي ..!
تسلمي دموع ع الطرح ~
وعذرآ يعني ع الأطآله ..
ثقلت الصفحه هآع ..
أدري نورتهآ مآيحتآج تردين <~ كف
سلآآإم ..!

اقتباس:

---

او نتفادى هالنوعية من البشر الي احنا عارفين ان وجودهم راح يزعزع ثقتنا في نفسنا ؟

او الحل ان احنا نعزز ثقتنا بنفسنا وعلى قولتهم ياجبل مايهزك ريح ؟

---

هالنوعيه من البشر موجوده كثر النمل ..
كيف بتتفآدينهـآ ..!؟!
وإذآ ع الثقه فمو كل وقت تقدرين تعززين نقآط ضعفك لو أنهآ أنضربت ..
<~ شقصدك تحطييم ؟
لآ بس بالنسبه لي للحين الصرآحه معهم ..
ومن الأخير ..
مـآلكم دخل !
يمكن لي عوده ..
<<~ تحب الهوشآت << من تهآوش؟
سلآإم

اقتباس:

---

المشاركة الأصلية كتبت بواسطة Princess

مرحبا

ياهلا وغلا ومراحب فييك

والله وطرحش دا ياخيه جاي بالصميم
:bigsmile:
وشان على الناس ولقافتهم.. اللي اغلبهم عن حسن نيه فحدث ولا حرج

مع ان طبع فيني العكس تماما ولاحظت بعض صديقاتي يتضايقو من هالشي .. << ارضاء الناس غاية لا تدرك
يعني مثلا اسمع عن فلانه مريضه..
عافاش الله حدي
ما اسأل ويش مرضها بالضبط
صديقتي عدل عدل من زمان .. ولا دريت عن واحد من اخوتها انه من ذوي الأحتياجات الخاصه الا مؤخرا بالصدفه من صديقه ثانيه ولا سألت و لا ادري ويش نوع الأعاقه..
وحده انخطبت...
الف مبروك... حدي اعرف من عيال من ومن وين... وغالبا اذا ماقالت هي ما اسأل الا اذا مقربه مني عدل....
يووو اشيائات وايد كل احس نفسي مالي شغل و لا هو ضروري بالحياه اتلقف واعرف...

ياعلي ذكرتيني بموقف ...على اساس اني مااحب اسأل واجد...وموضوع الخطوبة ..

هذي وحدة من الأهل لما انخطبت بس درينا انها انخطبت حدنا باركنا لها وفرحناااااااا من قلببببب..بس رجعنا البيت قلنا لأمي..إلا أمي تفاجئت وهي مستانسة تقول انخطبت لمن.....قلنا ماندري اماه

تقول يووو هذي من اهلكم وقريبة لكم بقووة ولاتسألوا لا..!! قلنا اللي بيقول دحنا نسمعه ولا مانسأل

مع ان المفروض الموضوع عادي لو سألنا على الأقل من باب اظهار الاهتمام بالشخص ..وكونها مُقربة جداً فما راح يسبب احراج ...
بس ماادري كيف.... طبيعة يمكن..!! >> مو معنى هذا ان احنا نسوي نفسنا مثاليين ومانتليقف يعني..نتليقف بس بحدود بعد.........:toung:


وعلى النقيض..
انذبح بالأسئله
ولا عاد فترة اللي انفصلت فيها من الكليه على شان المعدل... من سنتين
واللي رجعت اعيشها حاليا ...p:
الى يومش هذا والسائل يسأل
عاد قريب مني لو بعيد
يوووو
لويه عاد
ويش مسويه

واذا شافو شي عجبهم مني
ويش دراستش
ثانويه عامه بس
يوووو
والله حرام
كيف ونسبتش عاليه
ووووو

عاد هالكلام يجي بشكل مواساه منهم..
بس في الواقع غالبا يألمني من الداخل

أكيد راح يأثر حتى لو ماأظهرتي ألمك ...ويمكن البعض يشوف ملامحك طبيعية فيفتكر إن ماأثر بقلبك الكلام ..ويقوم يزيد ويزيد ويطينها بعد...والقلب مايدري به غير رب العالمين...

وموقفي ساعتها
ابتسامه
والله عالظالم
ويغير الحال ...!!



الله يسلمش موقف من المواقف اللي ما انساها ..
مره كنت اقدم دورة فتوشوب لمجموعة بنات
من بينهم كانت وحده كبيره متزوجه وعندها احفاد ما شالله عليها
وكنت احترمها و اقدر عمرها
مع انها كانت سليطة لسان وهداره وغالبا تقطع الشرح في سوالف ماليها داعي
:) اني فيني شي في قدمي تحديدا في احد الأصابع..مرتفع شوي عن اخوانه... فيصير اذا لبست صندل يبين عدل
ما اعتبره عاهه ابدا .. الله سبحانه اختارني له
وما احاول اخفيه ابدا.. احسه شي مميز اذا قعدت اتأمل فيه..
بس اسلوب هالمرأه لما قطعت الشرح و بصوت عالي قدام البنات
يوووووو ...... لويش كذا .. ويش فيه صبعش .... وصارت تضحك

:weird::weird: قوية ...تضحك بعد..!!

والبنات كلهم تركو الدرس والتفتو لرجولي
حسيت بأحراج مو طبيعي
ابتسمت وكعادتي اطلقت نكته من باب مداراة الأحراج:::
ويش اسوي ياخيه.. طالع يتنفس .. :laugh:


عاد بدت سيل الأسئله..
طايح عليه شي؟
من لما كنتي صغيره؟
وراثه؟
مايضايقش اذا جيتي تشتري نعال ؟
ووو

اني عاد اكتفيت بأجابه وحده
:) وراثه ولا اعتراض على كتبة الله...


جميل إن الانسان يقدر يتحكم بأحاسيسه ويداريها ...


وردة فعلك كانت جداً سلسة ....

بس مشكلة الناس تشوف الظاهر وتزيد الطين بلّة ..!!

ومشكلتنا إن مو في كل الأوقات نفسيتنا تستقبل هالكم من الاسألة هذي كلها...

يعني لو ظلينا سنين نداركها لازم يجي يوم يفيض بنا ...!!

اني صراحة كنت اتضايق ويبان علي... بس الحين تأقلمت ويمكن حاولت اغير من نفسي ..
وماقمت أظهر ضيقة من كثرة الاسألة بس بداخلي أُحرج
ويمكن انجرح بعد وهم ولاداريين




تسلمي خيه عالطرح
الفضفضاوي

افا عليش مصيبه اذا اميروه ماتعرف يعني ويه كلمة مغاور p:


:bigsmile: زين أجل >> :toung:

دمتي بخير
وبحفظ الرحمن

---

أميرة ياغناتي انتي...

ماتدري قد ويش انبسطت من وجودك بهالصفحة ومشاركتك لي ...


شكري لاتحده الكلمات..


ودعائي يوازي السُحب .........ليصل إلى السماء..


موفقة مقضية حوائجكِ مُيسرة مطالبكِ بحق نور الأنوار وآله الزواكي..

دمتِ بعين المولى الجليل

اقتباس:

---

المشاركة الأصلية كتبت بواسطة همس الصمت

بسم الله الرحمن الرحيم
السلام عليكم ورحمة الله وبركاتة ..
اللهم صلِ على محمد وآل محمد وعجل فرجهم وفرجنا بهم ياكريم ..
اول شي مشكورة دموع غناتي على الطرح الي جبتيه في الصميم
انا ابي مسمى حق هالناس الملاقيف
إلي عاد ابد مايعرفونش بس يادوب
معرفة بسيطة
وتعال ياسيل الاسئلة الي تتحدف من كل مكان
الي ماتعرفي تجاوبي على ويش وتخلي ويش
جد يزهقون ويخلون الواحد يطلع من طورة
يعني في آسئلة مالها داعي ابد
آو يكونون يعرفون الاجابة حقتها
بس لا تآكيداً للشي إلي سمعوة
أو إنهم يكررون السؤال كل يوم كل يوم
بس للفضول إلي قتلهم
لاويه وبسبب ويش وعشان ويه
وكلها نفس السؤال بس تغيرت الكلمة
خخخخخ
آذكر في ديك السنة لما اعتذرت من الجامعة
وآنقطعت ولآسباب عدة
من ضمنها ان النفسية كانت مرة بسبب وفاة الوالد الله يرحمة
الا كل من شافني يو لاويه مارحتي الرياض
لايكون فصلوش او معدلش مرة نازل
او ماعندش فلوس
طيب آنتو ويش دخلكم هذي حرية شخصية
انا حرة رحت مارحت بكيفي
ولا المصيبة إن في كل مرة اشوفهم
يسآلوني نفس الاسئلة
وآعيد عليهم نفس الاجابة
وللحين الله وكيلش آنسآل نفس السؤال ..
بس يالله يبي لنا طريقة نخيط بها لسان هالملاقيف
والثرثارين كان نرتاح منهم اشوي ,,
.
الله يعطيك العافية دموع على الطرح غناتي
جد جد يدق على الوتر الحساس ..
موفقة لكل خير
والله يبعد عنا الناس الثرثارة ..

---

ياهلا بالغاليين..



ياعلييي وش هالناس...!!!

أذية صراحة ....وأشوفهم يزيدوا إذا السالفة تتعلق بالدراسة ....!!

مثل ماقلنا يمكن نياتهم صافية ... بس ياناس اقصروا شوووي سووا شورتر لاسألتكم ..مو لهدرجة >>>.:huh:




عجبني اقتراحك هموس هههه أجل نخيط السنتهم هاااا :toung:

وش هي الطريقة ...نسكت ..!! نحقر..!! نعطيهم إياها كاش لاتتدخلوااا بزيادة ...!!

ولامثل ماقالوا ملكة ونوارة نحاول نبتعد عنهم..!! ولا ننغلق على روحنا بس عشان لانتعرض لاسألتهم..!!

ولانجاوب عشان نرضي فضولهم..!!!
الله يعييين ...!!


على اي حال حضوركم وتنويركم يبرد القلب...

هموس ياغناتي تسلمي ع الحضور الروووعة ..

شكري أُبروز به أحرفك.....

والدعاء يحتضن قلبك..


موفقة لكل خير إن شاء الله تعالى

دمتِ بعين المولى الجليل

اقتباس:

---

المشاركة الأصلية كتبت بواسطة كبرياء

مرآإحب ..~
طرح رووعهـ من جد ..!
ترى هالنآس مآتحس ع دمهـآ <~ تعرف وحده لو بتحس على دمهـآ حسست !!
مو مسأله يحطونك بموآقف محرجه وبس ..
لآن أنـآ أصلآ معهم أصير قليلة أدب هههه <~ يعني أقول لهم مآيخصك ., مآلك دخل <~ دآمهم تلقفوآ خل يتحملوآ
بس المصيبه إذآ صـآروآ مـآيحسسون ..!!
معـآي وحده بالجآمعه ..
صرت أخـآف أروح النآر على وجهي من كثر مآ أحسسهآ انهآ تتدخل كثير ..!
بس البنت ليومكم مآحسست !!
كل مآ شآفتني أو شآفت أي حد ..
بشوف جوآلك !
بتصفح رسآيلك !
عـآدي آخذ طله على صورك ,,!
وش نوع العلآقه الي بينك وبين المستحييل !
خييير أن شآلله يعني عشآني مآ أرتآح أجلس مع شله
وعشآني مـآ أرتـآح مع غيرهآ أنسأل هالسؤآل السخيف ..!
لآ و من كثر مآ أنـآ دفشه ههههههه ومآ أعطيهآ وجه ووجهي مآ يأهلهآ تسآل كثير ..
ومن كثر مآ أفشلهـآ ..
دآرت على المستحيل!
ومستحيلو مـآ تعرف تفشل تستحي ع قولتهـآ ههه
وتصير تجآوب على سلسلة التحقيق !
وتعطيهآ الجوآل عفيه عليهـآ ..!
والمصيبه أنهآ إسمآعيليه وتبي تنسب نفسهـآ لنـآ ..!
مـآدري شتبي تقول وتسوي ..!
وتدخلنآ بمذآهب بيوم كآن خآطري أعطيهـآ كف هههههههه ..
أي مـآعلينآ حشيت كثير هع ..
هالنآس أبد مآتريح ..~
وبالنسبه لي مآ أتعآمل معهم إلآ بصرآحه مطلقه وأريح نفسي ..!
تسلمي دموع ع الطرح ~
وعذرآ يعني ع الأطآله ..
ثقلت الصفحه هآع ..
أدري نورتهآ مآيحتآج تردين <~ كف
سلآآإم ..!

---

ياهلا بالمهليّ...

هههه توقعت تكون هذي ردة فعلك..أعرفك صريحة ...!

طيب ..حتى الكلام الصريح ماجاب مفعوله مع هالفئة ..!!

وإذا مالقوا عندك الجواب الشافي يشوفوا غيرك ومن المقربين لك ..عشان يشبعوا فضلوهم...!!


تدري..!!! أني بالعادة أجاوب على هالنوعية ...يمكن لأني استحي...يعني مثل المستحيل مثلاً بهالموقف....


مع اني من داخل مضغوطة من كثرة اسألتهم اللي مالها معنى ..!! بس صار لي موقف إني ماابغى ارد لأن بالغوا كثير وتتعبي وانتي تقولي كثيييييييييير.....فقمت غاورت....مع اني مااتقن المغاااور عدل...وسويت نفسي مشغولة بشي ثاني ..حد ماتعبوا وهم يعيدوا السؤال..بعدين اعتذرت على عدم ردي لانشغالي......حسيته انتصار على قلبي قبل لاانتصر عليهم...وبنفس الوقت من داخلي منحرجة اني مابرد على فضولهم.....!!

بس وش اسوي اذا اسألتهم شخصية حد الموووت...




أحس احسن حل هو التجاهل بهالحالة .....

أو أغير الموضوع واجيب لي سالفة من تحت الارض..

المهم إني ابتعد عن ذكر المواضيع اللي ممكن تثير فضولهم ..

يمكن ...!!









وعذرآ يعني ع الأطآله ..

بالعكس غناتي خذي راحتك ...وكل يوم تعالي... :bigsmile:

أدري نورتهآ مآيحتآج تردين <~ كف

وهالبنت دايماً مصدقة حالها وبس :amuse:

اي نورتي ........نورتي بقوووة بعد.... :)




شكري بعدد نسمات الفجر...
والدعاء يلف وجدك ...

لاتبتعدي عن مساحات دمعة .....


موفقة يالغالية ..

دمتِ بعين المولى الجليل

اللهم صل على محمد وآل محمد وعجل فرجهم وفرجنا بهم ياكريم وألعن من آذى فاطمة ..

اقتباس:

---

المشاركة الأصلية كتبت بواسطة كبرياء

هالنوعيه من البشر موجوده كثر النمل ..
كيف بتتفآدينهـآ ..!؟!

بنظري..!!

إنك لو اضطريتي إنك تتجاهليها فتجاهليها.....ولك حقك...

أو ممكن بابتسامة نلطف الجو ونقول ...!! :) اممم تتوقعي من المفترض انك تعرفي هالجواب..!!

يمكن يفيد...!!



وإذآ ع الثقه فمو كل وقت تقدرين تعززين نقآط ضعفك لو أنهآ أنضربت ..
<~ شقصدك تحطييم ؟

اممم يمكن...على حسب النفسية ......كلامك صح...
بس تصدقي..أني اقتنعت بنظرية نوارة بعد ...إن احنا المفروض نعزز ثقتنا بنفسنا ....يعني مثل اللي بالموقف المذكور بالموضوع...هند لما ردت بكل ثقة وبابتسامة ..

ومثال حي..أميرة ماشاء الله عليها لما ردت بابتسامة وبكل ثقة ..مع تلطيف أجواء....

بس بالنهاية الناس قدرات في التحمل..

لآ بس بالنسبه لي للحين الصرآحه معهم ..
ومن الأخير ..
مـآلكم دخل !

بصراحة لك عذرك لما رديتي بهالرد...

ومو كل شخص يقبل التدخل بخصوصياته

دافعتي عن حق خاص فيك لوحدك وشيئ شخصي...والحق معك...

ومثل ماقلتي اللي بيسأل...يتحمل اللي يجيه...!!








يمكن لي عوده ..

سأكون في غاية سروري....إن عُدتِ...

<<~ تحب الهوشآت << من تهآوش؟

هههه الله يغربل ابليييسش... ادري قصدك حد عنده وجهة نظر ثانية ...!

يلا ننتظر.....


سلآإم

حيووو حيووو

---

ياهلا وسهلا والله..

كبرياااؤؤؤ انبسطت بحضورك..وبعودتك كثييير...


يسلم لي هالحضور وتسلم صاحبته يارب..



الدعاء لايبتعد ..... ابتعدتي أو كنتي قريبة ....!!

موفقة بحق الميامين..

دمتِ بحرز الاله...

مرحبآ
كيف الحآل ؟
:amuse:

طرح رآئع جداً ، أخيراً حس فيني أحد :toung: تدرين احس هالنآسات تتوارث الملآقة بشكل مش طبيعي
- تتوقعين هي السآلفة فيها ورآثة ولا عدوة بيئية - لو قلنا عدوة تتوقعين لها صلة بفصول السنة ولا بهرمونات الجسم - :bleh: << فلسفةٌ فارغةٌ لا تكترثي لها !

موقف من المواقف /

بزوآج صديقتي المقربة ، اجتمعنا أنا و هذيان و غبار الملائكة و بنت خآلي ،
جلسنا و فجأة تنط عندنا وحدة غثيثة :suspicious: أبد ما احبها !
سلمت و خلصت و ضلت واقفة على طرف الطاولة ، و بدت تحقيق معي :
- انتي فلانة بنت فلانة ؟
- إي ، و بداخلي [ يا ذكية أجل على أي اساس سلمتي علي إذا ما تعرفيني ]
( كملت )
- من عازمكم عالزواج ؟ من تعرفون أهل العروس ولا المعرس ؟
( جاوبتها بنرفزة )
- العروس و اهلها ، و نعرف اهل العروس [ النرفزة على أمل تسكت و تروح عنا بس مآشي أمل ]
( سألتني )
- ما جات الوالدة ؟
- لا .. [ ما تشوفين ،]
- ليش ؟
- :weird: ، عندها ظرررف ..
[ زين ما ألحت تعرف الظرف بعد ]
- تدرسين ؟
- إي بالجآمعة ،
- أي سنة ؟ و شنو تخصصك ؟
(وقتها كنا بثاني أنا الحين ثآلث عجرت :cheesy: )
- ثآني ، تربية خآصة
سكتت شوي و رجعت تسأل:
- ليش كآشخة هالكثر ؟ هالقد غاليين عليك ؟
( هنآ خلاص أنا ما تمالكت نفسي بصراحة :amazed:/ طقت فيوزآتي)
- أولاً كيفي ، ثانياً انتي امي ؟ ابوي ؟ شدخلك يا شيخة ؟!!
[ شآن ترد بكل وقاحة ]
- هييه انتي لا تعلين صوتك ، ماغيرك متكبرة و شآيفة نفسك و النآس تشوفينهم صغآر حولك ،
( صرآحتن حسيت بصييح :silal:، انقهرت بقوة من هي عشان تقيم شخصيتي ولا تآمرني ؟! )
رديت :
- خلآص يوم إني متكبرة وش له متعنية لي و جآية من طاولتك لطاولتي / هآآ ؟ /
تفضلي << طردة مش مقصودة .. :blink1:
[ الشي الوحيد اللي صدمني أشكال صديقاتي ههههـ حسآفة ماصورتهم ، كل وحدة فآتحة عينها على آخر حد و فمها بعد - حمدلله ما انفجرت ضحك و خربت السآلفة - ؛ حليلهم خآيفين تصير هوشة :nosweat: - ]
بس السنيورة من جرأتها عطتني ظهرها و جلست تسولف مع بنت خآلي - صج وجهها لووح :huh:
بالنهآية يالله فكتنا و راحت ، و ارتحنا أخيراً :atkal:

أنا اعتذر جداً على عرض اسلوبي في المحادثة / لأنني أكره أن اكون كذلك ..
لكنني مجبرة مع هذه الفئة الغريبة التركيب !
و لستُ مجبورة على معايشتهم أو حتى مسؤولة عن علاجهم ؛ هؤلاء لا يُقدرون أحد .

[ و مثل كذا أشكال ماتجي إلا بالعين الحمرة على أمل إنها تتغير ، لكنها أبد ما تتغير / صح دمعة ؟:idea: ]
و عذراً على السآلفة الطويلة العريضة / بس قولي إنها ضحكتك دموع ، لأن من بعدها أنا و الهوانم متنا ضحك :shiny:

تشكرآتي لروحكِ يا جميلة " :rose:

ها أنا عدت مجدداً
وإطلعت على ردود الأخوات المشاركات وللحقيقة شعرت وكأنني في جلسة معكم والجميع يتحدث وبكل اريحية عن معاناته من هكذا بشر.

لي تعقيب بسيط على براءة


[QUOTE=براءة من الحب;1174736



[RIGHT]أنا اعتذر جداً على عرض اسلوبي في المحادثة / لأنني أكره أن اكون كذلك ..
لكنني مجبرة مع هذه الفئة الغريبة التركيب !
و لستُ مجبورة على معايشتهم أو حتى مسؤولة عن علاجهم ؛ هؤلاء لا يُقدرون أحد .[/RIGHT]

[ و مثل كذا أشكال ماتجي إلا بالعين الحمرة على أمل إنها تتغير ، لكنها أبد ما تتغير / صح دمعة ؟:idea: ]
و عذراً على السآلفة الطويلة العريضة / بس قولي إنها ضحكتك دموع ، لأن من بعدها أنا و الهوانم متنا ضحك :shiny:

واقول لا يرغب احدا ان يكون سليط اللسان إنما في موقفك كما سرديته لنا فلا الومك فقد كانت المتحدثه امامكِ في الحفل جريئة وتخطت الحدود بكل المقاييس هذا وهي تتحدث معكِ للمرة الأولى إذا كيف سيكون الوضع لو انكِ جاريتها في الحديث .
إذاً لا الومك ابداً على تصرفك معها فأنتي بهذا قد تجنبتيها وجنبتي نفسك أذاها .

اعود للموضوع نفسه
لا يسلم أحد من تسلط أحد هؤلاء الثقلاء عليه في أي وقت من حياته والأدهى والأمر أن تكون مجبرا على العيش مع أحدهم أو قريبا منه في سفر او إقامة مؤقته والمصيبة الأعظم أن يكون ذو صلة بك .
ولا نعلم هل هم يتعمدون سلوكهم الفج هذا ام انه طبع وخصله سيئة فيهم ولا يستطيعون التخلص منها .
ويختلف الناس في ردة فعلهم إذا اوقعتهم الظروف امام هؤلاء الثقلاء فبعضهم لا يتردد في توبيخهم وإعلان الإستياء منهم
والبعض الآخر قد يكتفي بالتلميح والإعراض عنهم و هو يحاول التملص منهم بكل أدب وحياء .
غلاي دمعة اجدد شكري لكِ ولقلمكِ المميز
ومتابعة معكم إلى ان ينتهي هذا الحوار

اقتباس:

---

المشاركة الأصلية كتبت بواسطة براءة من الحب

مرحبآ
كيف الحآل ؟
:amuse:

طرح رآئع جداً ، أخيراً حس فيني أحد :toung: تدرين احس هالنآسات تتوارث الملآقة بشكل مش طبيعي
- تتوقعين هي السآلفة فيها ورآثة ولا عدوة بيئية - لو قلنا عدوة تتوقعين لها صلة بفصول السنة ولا بهرمونات الجسم - :bleh: << فلسفةٌ فارغةٌ لا تكترثي لها !

موقف من المواقف /

بزوآج صديقتي المقربة ، اجتمعنا أنا و هذيان و غبار الملائكة و بنت خآلي ،
جلسنا و فجأة تنط عندنا وحدة غثيثة :suspicious: أبد ما احبها !
سلمت و خلصت و ضلت واقفة على طرف الطاولة ، و بدت تحقيق معي :
- انتي فلانة بنت فلانة ؟
- إي ، و بداخلي [ يا ذكية أجل على أي اساس سلمتي علي إذا ما تعرفيني ]
( كملت )
- من عازمكم عالزواج ؟ من تعرفون أهل العروس ولا المعرس ؟
( جاوبتها بنرفزة )
- العروس و اهلها ، و نعرف اهل العروس [ النرفزة على أمل تسكت و تروح عنا بس مآشي أمل ]
( سألتني )
- ما جات الوالدة ؟
- لا .. [ ما تشوفين ،]
- ليش ؟
- :weird: ، عندها ظرررف ..
[ زين ما ألحت تعرف الظرف بعد ]
- تدرسين ؟
- إي بالجآمعة ،
- أي سنة ؟ و شنو تخصصك ؟
(وقتها كنا بثاني أنا الحين ثآلث عجرت :cheesy: )
- ثآني ، تربية خآصة
سكتت شوي و رجعت تسأل:
- ليش كآشخة هالكثر ؟ هالقد غاليين عليك ؟
( هنآ خلاص أنا ما تمالكت نفسي بصراحة :amazed:/ طقت فيوزآتي)
- أولاً كيفي ، ثانياً انتي امي ؟ ابوي ؟ شدخلك يا شيخة ؟!!
[ شآن ترد بكل وقاحة ]
- هييه انتي لا تعلين صوتك ، ماغيرك متكبرة و شآيفة نفسك و النآس تشوفينهم صغآر حولك ،
( صرآحتن حسيت بصييح :silal:، انقهرت بقوة من هي عشان تقيم شخصيتي ولا تآمرني ؟! )
رديت :
- خلآص يوم إني متكبرة وش له متعنية لي و جآية من طاولتك لطاولتي / هآآ ؟ /
تفضلي << طردة مش مقصودة .. :blink1:
[ الشي الوحيد اللي صدمني أشكال صديقاتي ههههـ حسآفة ماصورتهم ، كل وحدة فآتحة عينها على آخر حد و فمها بعد - حمدلله ما انفجرت ضحك و خربت السآلفة - ؛ حليلهم خآيفين تصير هوشة :nosweat: - ]
بس السنيورة من جرأتها عطتني ظهرها و جلست تسولف مع بنت خآلي - صج وجهها لووح :huh:
بالنهآية يالله فكتنا و راحت ، و ارتحنا أخيراً :atkal:

أنا اعتذر جداً على عرض اسلوبي في المحادثة / لأنني أكره أن اكون كذلك ..
لكنني مجبرة مع هذه الفئة الغريبة التركيب !
و لستُ مجبورة على معايشتهم أو حتى مسؤولة عن علاجهم ؛ هؤلاء لا يُقدرون أحد .

[ و مثل كذا أشكال ماتجي إلا بالعين الحمرة على أمل إنها تتغير ، لكنها أبد ما تتغير / صح دمعة ؟:idea: ]
و عذراً على السآلفة الطويلة العريضة / بس قولي إنها ضحكتك دموع ، لأن من بعدها أنا و الهوانم متنا ضحك :shiny:

تشكرآتي لروحكِ يا جميلة " :rose:

---

ياهلا وغلا والله....ياالله إنك تحييها ....
الحمد لله بخير وياك غناتي :)




خجلى منكم.....لتأخري ..

اسمحي لي غناتي بس تصدقي قرأت مشاركتك أول مااضفتيها ومت من الضحك ...:bigsmile:

الموقف من جد يخلي الواحد مايعرف وش يسووي ..يعني الواحد ينرفز ولا يضحك ولا يتجاهل ولا كيف يتصرف...!
يخلوا الناس تطلع من طورها ..وتتعامل معهم بشكل غير مُحبب.........بس لك حق..صدقيني لك حق >>>تقولها من قلب...
يعني ردة فعلك كانت طبيعية ...خصوصاً لما السالفة تعدت حدها ...


ياحبيبة قلبي...بسم الله عليك وعلى فيوزاتك يااااارب...
والله لايكدر خلقك ومزاجك .....

تدري حسيت نفسي شهدت الموقف معك لأن اسلوبك كان واضح الملامح بقوووة ..


عندك اسلوب روائي مُحترف..وش رايك تكتبي رواية >>فاضية موو...! الناس في ويش وهي...!! :weird: <<وشدعوة وأني الصادقة ألطف جووو .. >>:huh: >>> هذا الكلام خارج عن النص





تسلمي ياحبابة انتِ..ويسلم قلبك يااارب...

سعيدة لهطولك الغالي ..ولاطلالتك الغنية بالجمال...


موفقة لكل خير إن شاء الله تعالى
دمتِ بعين المولى الجليل

ياهلا ملوووك حبيبتي....اعذري تأخري الجزل..



[quote=ملكة سبأ;1176107]ها أنا عدت مجدداً
وإطلعت على ردود الأخوات المشاركات وللحقيقة شعرت وكأنني في جلسة معكم والجميع يتحدث وبكل اريحية عن معاناته من هكذا بشر.

لي تعقيب بسيط على براءة

اقتباس:

---

المشاركة الأصلية كتبت بواسطة براءة من الحب;1174736



[right

أنا اعتذر جداً على عرض اسلوبي في المحادثة / لأنني أكره أن اكون كذلك ..
لكنني مجبرة مع هذه الفئة الغريبة التركيب !
و لستُ مجبورة على معايشتهم أو حتى مسؤولة عن علاجهم ؛ هؤلاء لا يُقدرون أحد .[/right]

[ و مثل كذا أشكال ماتجي إلا بالعين الحمرة على أمل إنها تتغير ، لكنها أبد ما تتغير / صح دمعة ؟:idea: ]
و عذراً على السآلفة الطويلة العريضة / بس قولي إنها ضحكتك دموع ، لأن من بعدها أنا و الهوانم متنا ضحك :shiny:

واقول لا يرغب احدا ان يكون سليط اللسان إنما في موقفك كما سرديته لنا فلا الومك فقد كانت المتحدثه امامكِ في الحفل جريئة وتخطت الحدود بكل المقاييس هذا وهي تتحدث معكِ للمرة الأولى إذا كيف سيكون الوضع لو انكِ جاريتها في الحديث .
إذاً لا الومك ابداً على تصرفك معها فأنتي بهذا قد تجنبتيها وجنبتي نفسك أذاها .

اعود للموضوع نفسه
لا يسلم أحد من تسلط أحد هؤلاء الثقلاء عليه في أي وقت من حياته والأدهى والأمر أن تكون مجبرا على العيش مع أحدهم أو قريبا منه في سفر او إقامة مؤقته والمصيبة الأعظم أن يكون ذو صلة بك .
ولا نعلم هل هم يتعمدون سلوكهم الفج هذا ام انه طبع وخصله سيئة فيهم ولا يستطيعون التخلص منها .
ويختلف الناس في ردة فعلهم إذا اوقعتهم الظروف امام هؤلاء الثقلاء فبعضهم لا يتردد في توبيخهم وإعلان الإستياء منهم
والبعض الآخر قد يكتفي بالتلميح والإعراض عنهم و هو يحاول التملص منهم بكل أدب وحياء .
غلاي دمعة اجدد شكري لكِ ولقلمكِ المميز
ومتابعة معكم إلى ان ينتهي هذا الحوار

---

اللهم صل على محمد وآل محمد وعجل فرجهم وفرجنا بهم ياكريم وألعن من آذى فاطمة ...

ومع كل كلمة تدلّت من غصن أفكارك...أرى رجاحة العقل وصدق المنطق...

حبيبة قلبي...ملووكة ..

سلم مقدمك المُخضر بالجمال...

وسلم قلمك العملاق....

إلى حد الذهول راقني هذا الحضور....

أحفكِ بالصلاة على محمد وآل محمد..

كوني دوماً بالقرب من مساحات قلمي..

موفقة لكل خير إن شاء الله تعالى
دمتِ بعين المولى الجليل