يعطيك الف عافية خيوا عالبارت
لاااااااااااااا كذا بحط كريمو مع عبيد في زاوية وبتولاهم طق لين ينطقون العافية ///////// مقهورة حييييييييل
لاتطول علينا في انتظارك
بالتوفيق
عرض للطباعة
يعطيك الف عافية خيوا عالبارت
لاااااااااااااا كذا بحط كريمو مع عبيد في زاوية وبتولاهم طق لين ينطقون العافية ///////// مقهورة حييييييييل
لاتطول علينا في انتظارك
بالتوفيق
وصدر على الفور قرار بناء على الوقائع التي أدلت بها زينب للمحققين بإعتقال عبدالله ومسائلته عن الحادثه
وبدأو بإتخاذ الإجراءات على الفور لكن بدون أي شوشرة اعلامية .
جلس عبدالله من نومه ولا شاف أحد في البيت استغرب ، قام يدور على زوجته ......ما فيه أحد
طل من الدريشه لقى ان فيه دورية شرطه واقفه على المدخل بس تجاهلها وهو يقول ......الله يستر
لاحظ ان باب الشقه ما هو مسكر وان اغراض مرته مرمية على الأرض ......فتش في اغراضها
فتح الشنطه لقى فيها اغراض ولقى ...الكيس اللي فيه السيدي .....وانصدم ......
كيف وصل ليها هذي .......وانا اللي كنت فاكر نفسي خاشنه في مكان ما احد يقدر يوصل له .......
وقام بسرعه لبس فيابه وحط السيدي في مخباه وبس طلع من باب الشقه الا والشرطه تنتظره
...........تفضل معانا .
اخذوه للتحقيق ..........وتم تفتيشه .......سيدي ....فلوس ....اوراق ........بطاقات ...... واغراض اخرى
وتم الامر بتفتيش الشقة والسياره
غنيمه كبيرة لقوها في سيارته وشقته ..........تصوير لأشياء مهي منطقية في نظرهم ........ورسائل تهديد
الى أشخاص ................وتوسع التحقيق ......مع طلب من بإحضار من يتعلق أمرهم بهذه الأشياء .
أما كريم فقد انتظر أيام لتم تنفيذ الحجر على ابوه ويستفيد من هذا العمل..........وتم ارسال اوراق القضية
الى بيت ابو حسين لكن لا احد يجيب ولا احد يراجع
وكريم يراجع المحامي من وقت لآخر ولا نتيجة لان لاجراءات في هذه الحالة تتطلب وقت طويل ، فقط تم
الاستفسار عن حالة ابو حسين من قبل المحكمه وتبين لهم بأنه في المستشفى في حالة حرجه
بناء عليه يتم ايقاف الدعوى لحين ظهور نتائج مرض ابو حسين وفي حال استمراره لأكثر من ثلاثه اشهر
يستعلم عن الأمر من قبل السلطات المختصه عن امكانية شفاؤه والاستعلام عن وجود وصية من عدمها
وعلى هذا اقفل محضر القضية .
واخذ كريم في الاستعلام من هنا وهناك عن وضع ابوه وعن الوضع العام بالطبع .....كم رصيده .....ويش
هيه العقارات اللي يملكها ...........ويش هي استثماراته .......وقام يحسب ويضرب ويقسم ......
يعني مليون وشوي مهي بطاله يعني واذا مره مره أخذت وكاله من اخوتي وانا المستفيد ......ما بيضرهم
شي ، بيرتاحوا من الحنّه والروحه والجيه ..........يعني ندبل لينا المبلغ وعلى طول ...تقاعد واذا ما
فيه ....استقاله ونطير بلفلوس ..................وقام يحلم في اي مكان يروح اله ...
محمود وصل المستشفى وعلى طول راح لمكتب الدكتور أحمد بس ما لقاه ........اتصل على حسين
ولا لقى جواب .......ارسل له رساله ....- العزيز أبو أزهر أنا في المستشفى ، الرجاء الاتصال -......
اتصل حسين بعد خمس دقايق
حسين :- هلا محمود وينه انته
محمود:- انا في الحين في الاستقبال ، لأني رحت مكتب الدكتور أحمد بس ما لقيته
حسين :- خلاص أجل دانا با انزل لك
محمود:- اوكيه خلاص دانا با اروح البوفيه
حسين :- ممتاز انا بعد محتاج الى كاس كافي يهديني
محمود :- دانا با اطلب لك وانتظرك
ونزل حسين باللفت وفي الدور الثاني لقى الدكتور أحمد
حسين:- هاه ابو اسراء وينه انته
د أحمد:- موجود ، نازل البوفيه اخذ لي كاس كافي
حسين :- ممتاز داكوه محمود هناك
د أحمد:- ممتاز
وطلعوا من اللفت وراحوا جهة البوفيه وهم يمشوا حس حسين ان فيه أحد يتبعهم او يراقبهم
وقام يتطلع يمين يسار بس ما لقى احد ، وطمن نفسه انه يتوهم ، وصلوا للبوفيه ، اختار حسين مكان
بحيث انه يكون ظهره للجدار ، وهو بعدهوه شاك في الموضوع ان فيه أحد يتابعهم ........
محمود:- ويش الاخبار
د أحمد:- الحمد لله ، الاوضاع هاديه
حسين:- الحمد لله على كل حال
محمود:- ابو حسين وابو عمران ...وضعهم كيف
د أحمد:- الحمد لله بدأو يستجيبوا للعلاج وحالتهم مستقره بس بعدهم تحت المراقبه ويمبى ليهم 24
ساعه علشان يقرروا ويش الحاله بالضبط
حسين:- الله يعيننا على الانتظار
محمود:- يالله يا خوك كله عند الله ، والمؤمن مبتلى
د أحمد:- الحمد لله على كل حال ، صحيح انا مقصر وياكم يا خوك يا ابو ازهر بس والله ويش بإيدي ، عندي
مرضى ومتابعات واي فرصه اقدر عليها تأكد اني ما با أتركها ان شاء الله
حسين:- لا تقول كده يا خوك انت مو مقصر ابد ونعرف الظروف يا خوك
محمود:- انا بصراحه عندي موضوع وجاء وقته يوم الحمد لله ان حالة ابو حسين وابو عمران استقرت
د أحمد:- خير يا خوك آمر
حسين:- قول يا خوك ويش موضوعك .
محمود:- موضوعي عن النذل عبدالله
د أحمد:- ويش فيه هالحـ..........
حسين:- لا توصخ لسانك يا دكتور ....ويش فيه وأضن الوقت مناسب الحين نتكلم لأن لازم نتخذ قرار حاسم
بهذا الشي
محمود:- اي والله خصوصاً بعد اللي صار ليي أنا بالذات بعد
د أحمد:- ويش صار يا خوك تكلم وقول
حسين:- انا لله وانا اليه راجعون ويش فيه بعد .
محمود:- الموضوع وما فيه انه ارسل رساله الى زوجتي يحذرها فيها مني وراسل وياها صورة اليي من زمان
مركبنها على جلسة ومن هالحاجات
د أحمد:- اعوذ بالله وهذا ما يهون عن القذاره ابد
حسين:- يعني ما خلا ولا بقى تعرض لينا فلافتنا كل واحد بشي ، أنا بس امبى ارعف ويش فايدته من
هالشي ولاويش يسوي كده بس
محمود:- هذا نفسه مريضه وروحه ملكها الشيطان
د أحمد:- اي والله صدقت وانا اعرفه تمام المعرفه
حسين:- ويش السواة ، تمبونا نخلي الحكومة هيه اللي تتصرف وياه لو تمبوها بلطجه
محمود:- انا من رايي نشتغل ....ضربني وبكى وسبقني واشتكى
د أحمد:- يعني ؟؟؟
حسين:- المقصود؟؟؟
محمود:- يعني نسوي اله عمله ونبلغ عليه
حسين:- انا عندي راي فاني .
محمود:- قوله
حسين:- انا اكلم اللي قلت ليكم عنه في الشرطه وأستشيره ونشوف
ومن نطق حسين بهالكلمه جاه اتصال ......
حسين :- الوه .....نعم نعم .......ويشووووه ؟؟؟ .....متاه .....وكيفه ......واااااااااال لهالدرجه .....ايه
ايه ........ لا لا ..أعرفه ...أكيد أعرفه ميه الميه وداهوه قاعد ويايي بعد .......خلاص متاه .....خليها بكره
أحسن علشان يمديني أتطمن على الوالد وأمركم ......خلاص وهو كذلك .....با اقول له وبا أجيبه ويايي
ايه .....رحم الله والديك وما قصرت .
محمود:- ويش صاير ؟؟؟؟
د أحمد:- ويش فيه يا خوك ؟؟؟؟
حسين:- انتهت مشكلتنا ويا عبدالله .
محمود:- وشووووووه .
د أحمد:-كيييييييف ؟؟
حسين:- يقول لك مسكوا عبدالله الشرطه وفتشوا بيته ولقوا كل شي عنده .
محمود:- وكيفه ، من اللي بلغ عنه ؟؟؟
د أحمد:- انت اتصلت ابو أزهر لو من ؟؟
حسين:- يقول لك انه ضارب مرته وخلاها بين الموت والحياة ، ومسكته الشرطه ولقوا عنده سيديات
ورسايل وبلاوي ومن ضمنهم الرسايل اللي كان يرسلها للمدام ، وبعد حاجات واجد واللي اتصل هوه نفسه
اللي قلت ليكم عليه ، يوم شاف صورتي واعترف عبدووه بإسمي إستلم القضيه وهوه اللي بيحقق فيها
محمود:- الحمد لله يعني احنا في السيف سايد .
د أحمد:- الله طيحه في شر أعماله
حسين:- اي والله ، وزين انه جت على كده والله يعيننا على مراجعتهم
محمود:- الا منهوه اللي تقول داهوه جالس ويايي
حسين:- انته ، يقول لي تعرف مكان اللي وياك في الفلم .....قلت له ايه وداهوه قاعد ويايي ويمبى الك
تحضر روحك لبكره
محمود:- يمبى لينا نتفق على اللي بنقوله يعني ...علشان تعرف المكتبة واللي فيها
د أحمد:- اكيد ، علشان بعد لا تدوخوا وياهم
حسين:- ما يهمك يا خوك بالنسبة للمكتبة والامور الفانيه ما هي مشكله عندي ، المشكله في الرسايل
وان شاء الله ما يطلبوا الحريم
محمود:- هذي والله البلشه ، وتعرف انت السوالف اللي بيطلعوها الناس
حسين:- لا تخاف أكيد السالفه دام فيها اوراق وتصوير وخرابيط يعني مستره من جهتهم
محمود:- الله يعين ، بس الحريم ...صعبه شوي يا خوك
د أحمد:- ما اعتقد انهم بيطلبوا الحريم ، اهم شي السالفه ثابته عليه بتكون الامور مزبوطه
حسين:- الله يعين ننتظر ونشوف
وفي هالوقت ما شافوا الا حسين قايم بسرعه ورايح جهة الباب والى المواقف على طول
وصدق حدسه واللي كان يتوقعه ........
>>>>يتبع
خيتي المميزة مراحب
تقبلي خالص تحياتي وتقديرياقتباس:
المشاركة الأصلية كتبت بواسطة المميزة
فمان الله
خييت دمعة طفلة يتيمه مراحب
الله يرحم والديكِ ويسلمكاقتباس:
المشاركة الأصلية كتبت بواسطة دمعة طفله يتيمه
خالص تحياتي وتقديري
فمان الكريم
خيتي احبك يا غلا عمري مراحباقتباس:
المشاركة الأصلية كتبت بواسطة أحبك ياغلا عمري
بتواجدكم وحضوركم خيتي
خالص التحيات
فمان الكريم
خيتي eman.h مراحب
خالص تحياتي للتواجد الكريماقتباس:
المشاركة الأصلية كتبت بواسطة eman.h
فمان الله
اقتباس:
المشاركة الأصلية كتبت بواسطة فوفو الحلوه
خيتي فوفو الحلوه مراحب
الله يعافيك ويسلمك
خالص تحياتي وتقديري
فمان الله
خيتي صمته جرحني مراحب
خالص تحياتي وتقديرياقتباس:
المشاركة الأصلية كتبت بواسطة صمته جرحني
فمان الله
اللهم صلي على محمد وآل محمـــد,,,
جزء رووووووعه بجد
ماشاءالله عليك خييي .... قلم مميـــــز ومبدع
ربي يعطيك الف عافيهـــ
موفق لكل خيـــــــــــر وصلاح
حوائج مقضيه بحق من هم النور على النــــور
دمت كما انــــــتـــ بصدق مشاعرك...
يعطيك العافية ابو زين
الجزء اكثر من رووووعة
الف الصلاة والسلام عليك ياحبيب الله محمد كللوووووووووش
فرحتنا والله يخوك يستاهل عبداو >> بلا شماته هع
بس من هذا اللي يراقب حسين
في الانتظار
يسلموووووووووووو
أخوي في انتظار جديدك
مشكوووووووور اخوي على الجزء
اتمنى لك التوفيق
تحيااااااااتي
أحبكـ ياغلا عمري
يسلمووووو اخوي ((واحد فاضي))
على القصة وننتظرالتكملة
***تحياتي***
##مجنونة&حلوة##
هلا والله اخوي ابو زين
جزء روعة وااجد تسلم ايدك
اتوقع كريم هو الي يتابع حسين خخخ
ننتظر الجزء الروعة
تحياتي
يعطيك العافية عالبارت
الحمد لله شكل الاوضاع بدت للتصلح والله يتمم عليهم فرحتهم
برجعة ابو حسين وابو عمران
تحياتي
متااابعين وننتظر البارت الجديد
يعطيك العافية اخوي
ننتظر الباقي
يعطيك العافية وااااااااااااااااحد مليان اقصد فاضي هع مو تتأخر عاد !!!
تحياتي...
وفي هالوقت ما شافوا الا حسين قايم بسرعه ورايح جهة الباب والى المواقف على طول
وصدق حدسه واللي كان يتوقعه ........
كريم طالع من المستشفى .........
رجع حسين الى محمود و د.أحمد
د أحمد :- خير خير يا خوك ويش فيك
حسين:- ابد كنت شاك في شي وتأكدت منه الحين
محمود:- خير ان شاء الله
د أحمد :- ويشو هالشي ؟؟؟
حسين:- أخويي كريم ، اكيد جاي يسأل عن الوالد ، ويتأكد ...أستغفر الله العظيم ...من وضعه الصحي
محمود:- ويش فيها يعني ولد وجاي يسأل عن ابوه
حسين:- وانت ناسي انه مسوي قضية حجر على الوالد
محمود:- بل بل يمبى يورثه يعني وهوه حي
د أحمد :- ناس قلوبها حجر ولا تحن على نفسها بعد مو أقرب الناس ليها
حسين:- اي والله صدقت يا خوك ، قلوب حجر ما تلين ، ناس تتمنى بس يكون عندها ابو يوم واحد لو ساعه
وحده وناس تمبى متاه متاه ابوها يموت
محمود:- الله يلعن لفلوس اللي تخلي الناس بهالقلوب
د أحمد :- زين خلينا نشوف القسم ونتأكد عن ويش يسأل اخوك
حسين:- اي والله جبتها يا ابو اسراء ، يالله قمنا
محمود:- قمنا قمنا ويش ورانا
وقاموا للقسم وراحوا للاستقبال وسأل د أحمد عن أي أحد جاي يسأل عن حالة أبو حسين وقالوا له ان
فيه شخص جاء ويسأل عن حالة أبو حسين وعن وضعه وهل فيه أمل انه يتحسن لو لا وكلام كثير
وتأكد حسين بأنه هوه كريم اللي جاي ، ورد سأل د أحمد الاستقبال اذا طلب ورقه ولا شي
فقالوا له انه حاول ياخذ تقرير عن حالته وانه عرض عليهم فلوس علشان يعطوه تقرير بالحاله اللي هوه فيها
ويضيفوا انه ما في امل في علاجه ، لكن يوم لقى ان ما فيه فايده مشى وهو يهدد بأن راح يجيب التقرير
بالطيب بالغصب راح يحصل عليه .
حسين:- والحين ويش نسوي
د أحمد:- والله ما ادري يا خوك بس ننتظر ونشوف
محمود :- الله يعين ويساعد ، المهم انا الحين با امشي واذا احتجت اي شي يا خوك قول لي
حسين :- رحم الله والديك بس لا تنسى بكره بنروح الشرطه هاه
محمود :- ولا يهمك يا خوك ، معقوله انسى هالشي
د أحمد:- وأنا بعد رايح علشان العملية وراجع من أخلص
حسين :- على خير ان شاء الله
وتفرقوا على أمل اللقاء ، أما كريم فهو بعد ما طلع من المستشفى راح البيت وجلس هناك يفكر
ويخطط للخطوه اللي بعد هذي ، ابوه شكله ما فيه امل في علاجه ، والورفه جايه جايه ما با افك منها
وقام يوزعها من الحين ويخطط ليها ويش بيسوي فيها وين بيوديها وين بيروح بها ، بس
حسابه .................. طلع مو مزبوط http://www.aljarodiah.org/vb/images/smilies/Flick2.gif
حسين في المستشفى مع الاهل ، ينتظروا اي خبر عن الاثنين ابو حسين وابو عمران ، لكن ما احد يخبرهم
بشي وكل اللي سمعوه ان الحالة مستقره للآن
فجأة صارت حركة وروحه وجيه ، دكاتره داشين ودكاتره طالعين ، ممرضات تراكض وممرضات تحمل
أغراض ، وحسين وأهله محتارين ، وكل ما سأل أحد ما يلاقي عنده جواب ، بس الحركه زايده
اتصل بالكتور أحمد مغلق جواله ، ويش يسوي وين يروح .........
راح للمدير الطبي وسأله عن حالة ابوه وهل التحركات هذي علشان ابوه ولا علشان زوج اخته
فقال له المدير الطبي ..ابوك شويه تعب وهم يحاولوا ينعشوه وان شاء الله تعدي الامور على خير
حسين من سمع هالشي دار راسه وقعد على الكرسي بدون شعور ........
............
محمود رجع البيت وهوه يفكر في اللي راح يقوله في الشرطه ........ويش هالبلشه هذي .....ويش نقول
ليهم ........كتب ؟؟أغراض خاصة ؟؟ هدايا؟؟ويش نقول ..........يالله يفرجها ربي .......
ووصل للشقة وهو بعدهوه يفكر في ويش اللي بيقوله وويش اللي بيتفق عليه ويا حسين .........ما حس
بروحه الا هوه داخل الشقة وجالس على الكنبة .................
فاطمة:- ويش فيك غناتي محمود ؟؟ محمود ....محمود
محمود:- هاه ...ايه ....ويش قلتي !!!
فاطمه:-لا لا ...ويش فيك انته مو على بعضك ابداً ابداً
محمود:- لا ما فيه شي ...ما فيه شي
فاطمه:- الا فيه تعلمني عنك اني ....ويش فيك ؟؟
محمود:- قلت لش ما فيني شي الا غصب فيني شي يعني
فاطمه:- قلت الك ويش فيك وتعرفني اذا قلتها ، أعرفك اني ...الا اذا عادني غريبه عنك وما تمبى تتكلم ليي
محمود:- لا بس ..........يالله
فاطمه:- اذا تحسها غصب عليك لا تقول خلاص
محمود:-لا ...الموضوع عن عبدالله .
فاطمه:- ...؟؟؟؟؟؟؟
محمود:- راعي الرسايل
فاطمه:- اها ، اللي ارسل اليي الصورة .
محمود:- ايه ، هذا يقول لش الشرطة مسكوه ولقوا عنده التسجيلات وخبرش لازم نروح ليهم
فاطمه:- ويشو ، الحمد لله أجل افتكينا .
محمود:- افتكينا وابتلشنا
فاطمه:- لاويش عاد ، الا افتكينا وابتلش هوه
محمود:- ايه بس ويش نقول ليهم باللي في الكراتين اللي خبرش ..مكتبة زهراء
فاطمه:- عادي ....ناسي اني راعية محل كوشات
محمود:- ما فهمت عليش
فاطمه:- يعني تقول ليهم ان حسين عنده مناسبة وكان حاب يسوي لمرته مفاجأة وخلانا نروح وياه طول ما
هيه في بيت ابوها وإحنا جهزنا الشقه وتالي مشينا .
محمود:- والله وجبتيها ، الحين اتصل على حسين واسأله عن ابوه بعد مره وحده
وقام واتصل على حسين مره ومرتين وفلاف و.........عشر ..ولا فيه جواب ، وقلق عليه .......
..واتصل على د أحمد ...ولا فيه جواب بعد .............
محمود:- ما أدري ويش فيهم ، الله يستر ، الله يستر
فاطمة:- الله يستر بستايره ، قوم روح ليهم واتصل عليي اول ما تعرف شي ..زين
محمود:- خير ما عليه ....الحين اروح
فاطمه :- وأني ممكن أشاهد ...........العار
محمود :- حصلتيه ؟؟؟
فاطمه :- اكيد غناتي اني فاطمه مو لعبه
محمود:- خلاص شاهديه براحتش بس عاد هوه فيه كلام شوي .........
فاطمه:- ما عليك ، با انزل الصوت اذا سمعت كلام مش ولا بد
محمود:- خير ان شاء الله
وطلع محمود واتجه للمستشفى ...............وهناك سمع الخبر ...
>>>>يتبع ان شاء الله تعالى
الف شكر وتقدير لكل من مر من هنا
للجميع بدون استثناء
خاااااااالص تحياتي
فمان الكريم
يعطيك العافيه خيوووووووو
في الانتظار التكملة
تحياتي...
الله يعطيك ألف عافيه أخي
ننتظر البقية اخوي ابو زين
لاتتأخر علينا عاد
تحياتي
يعطيك العافيه أخوي ننتظر التكمله
الله يعطيك العافية ابو زين
ياعلي ليكون مات ابوحسين :sad2:
انشا الله ماصار ليه شي :noworry:
في الانتظار
هاااااي ننتظر التكملة
****تحياتي****
_-_ مجنونة& وحلوة _-_
يسلموووووووووووو
بس الجزء مرة قصير
يلا ننتظر الجزء الجديد
اللهم صلي على محمد وآل محمد
ياااااااااااااااااااااااالله
روووووووووووووووعه بجد
ماشاءالله الجزء مره حليييييييييو
يسلم لينا قلمك خيي ابو زين
ويسلم لينا هيك فكر الله يزيدك من الخير والصلاح
موفق لكل خيريارب
حوائج مقضيه بحق الائمه الاطهار
لاخلا ولاعدم من هيك قلم مميــــــــــــز...
دمت بود.
يسلموا خيوا عالبارت
ارجوك لاتقول ان بو حسين توفى حرام من لحسين واهلة
ننتضر التكملة بفارغ الصبر
ياهلااااا ابو زين
وينك.........؟؟؟؟
عسى ماشر ان شاءالله
من زمااااان عنك ان شاءالله المانع خييير ياااارب
لاخلا ولاعدم من نور وجودك في المنتدى
حوائج مقضيه بحق الحبيب محمد وآله
موفق
وينك ياابو زين
طولت الغيبة
عسى المانع خير
وطلع محمود واتجه للمستشفى ...............وهناك سمع الخبر ...
دخل محمود المستشفى وعلى طول غرفة أبو حسين وما لقى أحد فيها
راح للإستقبال وسألهم قالوا له ان أبو حسين في غرفة العمليات في حالة حرجة جداً
وراح قريب غرفة العمليات ولقى حسين مهو قادر يتحرك من التأثر
محمود:- سلامات أخويي ابو أزهر ما تشوف شر والوالد ما يشوف شر ان شاء الله
وقام حسين وعلى طول حضن محمود وهو يصيح
حسين:- يا خوك خايف على الوالد يا خوك، داهم صار ليهم ساعه وهم يحاولوا وما أدري ويش فيه أبويي
محمود:- ما عليه الا العافيه أخوك ، شده وتروح يا خوك
حسين:- ان شاء الله ان شاء الله يا خوك بس ............
محمود:-لا بس ولا شي ، محتاج دعائك انت الحين والمفروض تصير قوي علشان الوالده بعد له
حسين:- الوالده ، آآآآآه يا أمي ما تدري هيه للحين وانا مخلينها ويا أم أزهر ولا رديت عليها وأخاف تجي
حتى لو بتكسي
محمود:- وانت قلت لزهراء بالوضع ؟؟
حسين:- ايه قلت ليها وان شاء الله تقدر تسيطر على الوالده
محمود:- ما عليك أجل الحين أخلي السواق يودي فاطمه بعد ليهم
حسين:- جزاك الله خير يا خوك والله ما أدري وين أودي جمايلك
محمود:- عيييييييب يا خوك هالكلام ، ويالله قوم يالله وخلك قوي
حسين:- خير يا خوك
محمود:- الا با اسألك وين أبو إسراء ؟؟؟ ما اشوفه يرد
حسين:- داخل ابو اسراء ، من سمع بالخبر جاء على طول ودخل وياهم لان الظاهر الجلطه قويه وأثرت على
الوالد بقوه
محمود:- لا تقول هالشي يا خوك ما عليه الا العافيه أبو حسين
حسين:- الله يسلمك ويعافيك ، الله يلعن اللي كان السبب والله يلعن الفلوس اللي تدمر اللي مابين الاخوه
محمود:- اي خوك هذي الدنيا رضينا بها ولا ما رضينا ، الناس تاكل بعضها في هالزمن
والشاطر اللي يطلع منها
حسين:- الله يرحم بالحال
وهم في كلامهم طلع أبو إسراء من الغرفه
محمود:- هاه ابو إسراء بشر
حسين:- ويش يا خوك قول ؟؟؟؟
د أحمد:- تعالوا ويايي المكتب وبتعرفوا كل شي هناك
محمود:- يالله حسين أجل قوم يالله
حسين:- والله ما فيي شده اتحرك
د أحمد:- لالا خليك قوي يا خوك الموقف يمبى اله قوه وصلابه وأعرفك انت رجال عن عشرة رجال
محمود:- يالله قوم يا ابو أزهر
حسين:- الله يعين نقوم نقوم
وراحوا مكتب الدكتور أحمد وطلب لحسين ليمون ولمحمود كافي وهوه كافي
حسين:- ويش في الوالد يا أبو إسراء
د أحمد:- الوالد ما عليه الا كل خير يا ابو أزهر
محمود:- يعني خلاص تعدى مرحلة الخطر ؟؟؟
د أحمد:- من ناحية تعدى تعدى ، بس يمكن تصير له آثار للي مر به ، والدكاتره ما قصروا والشهادة لله
محمود:- يعني ويش فهمنا ترى ابو حسين وانت تعرف انه ابونا كلنا ما قصر ويا الكل
حسين:- ايه فهنا وبلا هدره مالت دكاتره ، فمنا وياها بالعاميه
د أحمد:- الوالد وزي ما تعرف تعرض لصدمه نفسية هيه السبب في اللي يمر به الحين وانت تعرف بعد ان الجلطات لازم يصاحبها آثار ، والوالد ابو حسين صارت له آثار بس الحمد لله تلاحقوها الدكاتره وبقت آثار خفيفه في الساق
حسين:- يعني ما بيقدر يمشي الوالد ؟؟؟؟؟
د أحمد:- لا بيمشي بس تعرف لازم علاج طويل ومتابعه مستمره
محمود:- الله يقومه بالسلامه يارب
حسين:- ما فهمت عدل أنا الحين ممكن تفهمني شوي شوي.
د أحمد:- يعني الوالد بيصير اله بطء في الحركه ويمبى اله علاج طبيعي والحمد لله من صارت اله الجلطه على طول سووا اله علاج الاطباء ولا تضررت الاعصاب بشكل مباشر بس يعني لازم تأثير خفيف نتيجة ان الدم توقف شوي في الساق وانقطع الدم عنهم لحضات وهذا يسبب آثار تزول بالعلاج الطبيعي
محمود:- ما عليه مخافه أبو حسين ، وحاضرين في كل وقت احنا يا ابو أزهر
حسين:- ما تقصر والله يا محمود فيك الخير والبركه
وجاء اتصال للدكتور احمد في هاللحظه ....إيه إيه ....لاتحول ليي اي حاله اليوم بس العمليه خليها متأخره
اليوم .....لالا ....قولوا اله فحص عادي وبيرجع بعدين .........لا ...انا جاي الحين
محمود:- خير يا دكتور ؟؟
د أحمد:- لا ما فيه شضي بس ابو عمران قعد ويسأل عن أبوك
محمود:- اي والله نسينا ابو عمران بعد يالله قوم نروح اله يا ابو أزهر
حسين:- اي والله نسيناه ....بس يالله با اتصل انا بعد علشان الجهاز با اشوفه وصل ولا بعدهوه
د أحمد:- خير أجل انتون اسبقوني وبا امر المختبر انا با اشوف نتيجة التحليل لابو حسين وأبو عمران
محمود:- خير أجل يالله حسين قوم .
وقاموا راحوا لابو عمران والدكتور راح المختبر يشوف النتيجه ..............
في شقة حسين كان الوضع مختلف ........تشنج .......وترقب
أم حسين:- ما ادري ويش فيه حسين ما جاء للحين
زهراء:- ما فيه الا العافيه يمكن الحين بعد شوي يوصل
أم حسين:- قلبي يقرصني ولا فابت في محله يرقع ، حاسه بشي صاير ومغبيين عليي ، ويش صالير يا بتي
زهراء:- ما فيه الا العافيه عمه ، ويش فيه داني اناي وياش قاعده ولا ادري ويش فيه حسين
أم حسين:- اتصلي به يا بتي اتصلي وطمنيني
زهراء:- اتصلت يا عمه واجد ما اشوف عنده ارسال
أم حسين:- ما عليه اتصلي مره فانيه بعد
زهراء:- بأمرش يا عمه
وقامت اتصلت برقم جوالها واللي هوه مغلق علشان تسمع أم حسين النغمه
أم حسين:- ويش بعدهوه مسكر الجوال ..إه
زهراء:- اي والله يا عمه بعدهوه
أم حسين:- زين اتصلي بالمستشفى له ، لو اتصلب بتكسي خلينا نروح المستشفى
زهراء:- اتصلت المستششفى والسنترال ما أحد يرد عليه ما ادري ويش فيهم ، حارسي شوي يا عمه
يمكن هوه الحين على وصول
أم حسين:-ماني قادره يا بتي تعرفي يعني ويش ماني قادره
وشوي الا جرس الباب يدق ............
زهراء:- يمكن حسين وصل
وقامت فتحت الباب ولقت فاطمه على الباب
فاطمه :- هاه ويش الاخبار عسى ام حسين ما حست بشي ؟؟
أم حسين:- من هذا يا زهراء ...حسين..إه
زهراء:- لا عمه هذي فاطمه مرت محمود جايه
زهراء:- لا ما حست بشي للحين بس ماني قادره اخليها تقعد ازيد من هالشكل
فاطمه :- ما عليش اني اخليها تقعد زياده الحين ، أبشرش بعد خلاص ابو حسين صار زين وطلع من العمليه وهوه الحين في الغرفه بس بعدهوه تحت تأثير البنج
زهراء:- بشرش الله بالجنه يارب ، ورحم الله والديش هديتيني الله يهدي ايامش
ودخلت فاطمه على أم حسين وسلمت عليها وقامت تسولف وياها وتشكي اليها حالتها ويا الحمل
واخذت ام حسين تكلمها وشوي شوي بدت تتأقلم ويا الوضع رغم انها بين فتره وفانيه ترد تسال عن
حسين بس شوي خف القلق اللي عندها
في الجانب الآخر كريم حسن ان حركه صايره في المستشفى بعد ما قرر انه يتصل بالتلفون للسؤال
عن ابوه بدل ما انه يروح ويخاطر بتواجده هناك
كريم :- الوه السلام عليكم
المستشفى:-عليكم السلام آمر
كريم :- اسأل عن حالة مريض عندكم اسمه ............
المستشفى:- ايه هذا توه طالع من غرفة العمليات
كريم :- زيكف حالته الحين ؟؟
المستشفى:- انته منهو علشان تعرف حالته
كريم :- انا ابنه .
المستشفى:- طيب وش اسمك يعني ؟؟
كريم :- ليش تبون الاسم ؟؟أول مره هذي أنا أسأل عن حالة ابويي ؟؟؟
المستشفى:- وويش اللي يثبت لينا انه ابوك ، تفضل عندنا وزوره
كريم :- مو شغلك أزوره ولا ما أزوره عاد ، ويالله بلا هذره فاضيه عاد، وخبرني عن الحاله
المستشفى:- آسف أخي الكريم ، اذا بغيت اي شي عن هالموضوع تفضل المستشفى وان شاء الله ما
نقصر وياك
كريم :- افا ، هذي أخلاق مستشفاكم ، الشرهه علينا اللي حاطين ابونا عندكم
المستشفى:- اي خدمه ثانيه .
كريم :- اقلب وجهك ويالله وبدون مع السلامه
المستشفى:- شكرا لتعاونك اخي الكريم ، ومع السلامه
واغلقوا السماعه وجلس كريم يسب ويلعن في المستشفى ........والحين كيفه نعرف اخبار هالشيبه هذا
.......وآخرتها يعني ......ما بنعرف له ...........ورفع راسه وشاف صورة زوجته ...ولمعت في راسه الفكره
وعلى طول نادى عليها ..........هيه انتين تعالي هنه
-- نعم امر خير
كريم:- امباش تسوي حاجه الحين
-- خير ويش هيه بعد هالحاجه يا سي السيد
كريم :- اشوف مو عاجينك كلامي ولا يعني ويش صاري الش
-- مو انته طردتني له ، لا ويش بعد تمباني اسوي الك شي بعد ، تقول تمبى تطلقني انت ,
كريم:- اقول بلا هذره زايده انتين للحين على ذمتي ، وتحت امري
-- اقول اللي ما تطوله بايدك طوله باللي تمبى ، وشي الك ما فيه ، واللي بيصير يصير
كريم:- افا بس افا اشوف قامت للنمل ضروس يعني
-- ضروس انياب ، اني ما با اسوي شي الك يا حضرة المحترم
كريم:- لا طالت وشمخت ، اقول تراني للحين هادي وياش ترى
-- حياك الله يالهادي ، بس مفلات ما سمعت شي اسويه الك انسى
كريم:- يا غبيه هذا الشي لمصلحتنا احنا لفنين، وراه فلوس ما تحلمي بها ويش فيش
-- الله يلعن الفلوس اللي بتجي من وراك انت
قام اليها بعد هالكلمتين وضربها كف وخلها وهيه تصيح على وراح المطبخ وجاب سكين بعد ما ركب
الشيطان راسه وقام يرقص قدامه ويوسوس اله ..:- هذي ويش فيها ...هذي اللي المفروض تصير في صفك
الحين تتخلى عنك ...ولا يهمك اذبحها وادفنها في اقرب مكان ولا من شاف ولا من دري ........وانت بعد ما
عندك اصحاب ولا احد.....ولا احد بيهتم بامرها هذي العاقه لزوجها ...قوم قوم روح اذبحها وخلها عبره لمن
لا يعتبر ..........واذا مره مره تهديد بالسكين وبتخاف وبتنفذ اللي تمباه منها
وراح كريم للصاله ولقى مرته على حالتها ............
وراح جهتها بينفذ اللي في راسه
فجأة رن جرس الباب وزي اللي قعد كريم من غفلته ورمى السكين من إيده وراح جهة الباب
وفتح الباب...........
لقى حسين عند الباب
كريم:- نعم خير آمر ويش تمبى انت بعد ، ويش اللي جايبنك في هالحزه
حسين:- انا جاي الك اقول لك كلمتين ولا امبى منك شي يا اخويي يا ولد ابويي
كريم:- ايه يا ولد ابويي ، اما امي فهي بريئه منك ومن امك
حسين:- ما عليه ومقبوله منك هالكلمة
كريم:- غصباً عنك مو رضى منك
حسين:- رحم الله والديك وما تقصر
كريم:- أهوه ويش تمبى انت الحين جاي
حسين:- انا زي ما قلت الك هيه كلمتين ورد غطاهم
كريم:- قول وخلنا نسمع هالكلمتين اللي من عندك
حسين:- انته ويش تمبى من ابوك ؟؟؟ ولا ويش مسوي كده ورافع قضيه عليه ؟؟؟
كريم:- اولاً انته مو شغلك ولا يخصك ، ثانياً هوه أبويي زي ما هوه أبوك ثالثاً وهوه الأهم انا امبى
حصتي من الورفه
حسين:- وهالشي يخليك ترفع عليه قضية حجر وتمبى تجرجره في المحاكم زي اللي تسويه الحين
كريم:- قلت الك أنا امبى نصيبي من الورث وهالشي مو حرام
حسين:- مو حرام لكن عييييييييب يا أخويي عيب
كريم:- انته اللي تعلمني العيب يعني ، أجل اسمع الكلام أنا ما با اتنازل عن هالقضيه ولا تفكر بكلمتين منك
بتخليني اهون عن هالشي
حسين:- انا ابغاك ترجع لضميرك وتعرف اللي رفعت عليه القضية هوه ابوك اللي طول عمره ما قصر وياك في
شي واذا بغيت شي منه ما يقصر عليك من فلوس وواسطات وكل شي وأنا وانت تعرف هالشي
كريم:- والله هذا واجب عليه مو رضى منه ، هوه المسئول عنا والمسئول عن تربيتنا وعن أمورنا كلها
حسين:- وهوه مسئول عن عرسك وأموره كلها بعد ؟؟ حتى مهرك ما دفعت منه شي وحتى سفرتك بعد
العرس هوه اللي تكفل فيها .
كريم:- ايه هوه المسئول ونص بعد .
حسين:- زين الحين با اسألك انت ويش تمبى منه ؟؟ يعني بالمختصر المفيد كم المبلغ اللي تمباه ويخليك تتنازل عن القضية ؟؟
كريم:- انا ما با أرضى بأقل من مليونين ريال ريال ينطح ريال .
حسين:- ولللللللل عليك تفكر انت ابوك ملياردير
كريم:- ايه عنده فلوس ما تشيلها تريلا مو تفكرني ما أدري عن شي أنا ترى أدري عن كل شي واذا انت
منت قد الشغله لا تجي وتسوي روحك رجال وتمبى تحل المسأله ، ولا أقول لك خلي المحكمه هيه اللي
تحكم بهالشي هذا اذا مو أزيد من هالشي بعد
حسين:- والله مانا داري ويش أقول لك يا خوك ، أنا الحين با أشوف ويش اللي بيصير وبا ارد عليك
كريم:- اقول اذا انته مو قدر المرجله لا تربط روحك بها أبد
حسين:- يصير خير يا خوي يصير خير
ومشى حسين عن أخوه بس للحين الكلام اللي قاله يطن في أذونه ......معقوله هذا كلام كريم اللي كان
أبويي يقول عنه هادي ......معقوله اللي يسويه ...منهوه اللي لاعب في مخه .....الله يعين الله يعين ........
أما كريم فبعد ما راح حسين صفق الباب في وجهه وهوه يقول .......درب يسد ما يرد ...مفكرني با أتأثر من
كلمتين قالها ليي ....فلوس رزم يمباني أتركها له ولأشكاله .....شايف روحه لاعب على أبوه لعب ولا هوه
مخلي شي ......قربت يا كريم النهايه .........قرب يا كريموه الغنى والفرفشه والنعنشه ......كلها كم يوم
ونشوف الفلوس ونلعب بها لعب ............
ودش البيت وما شاف مرته في الصاله محل اللي تركها ............راح غرفة النوم ما شافها ....راح الغرف
كلها ما شاف أحد .............. وقام يسأل روحه ..وين راحت هذي وين ولت ......شكلها فارقت
من باب المطبخ باللي ما يردها ولا يرد بناتها .........ويخلوني بلفلوس اتمتع
اييييييييييه الله يرحم ذيك الايام اللي كنا ندور فيها ..........كسرة الخبز دواره
راح الفقر عنا ...........وقرب الغنى لينا
وووووو>>>>>> يتبع
خيتي eman.7 مرحبتيناقتباس:
المشاركة الأصلية كتبت بواسطة eman.7
الله يعافيك ويسلمك
اليوم حطينا جزئين بدل تأخير ههههه
خالص التحيات
فمان الله
خيتي أمينه مرحبتيناقتباس:
المشاركة الأصلية كتبت بواسطة أمينه
الله يسلمك ويعافيك
فمان الله
خيتيHabit Romanمرحبتيناقتباس:
المشاركة الأصلية كتبت بواسطة Habit Roman
تأخرنا وضريبة التأخير ...جزئين
ان شاء الله مانتأخر مره فانيه
خالص التحيات
فمان الله
خيتي أحبك يا غلا عمري مراحباقتباس:
المشاركة الأصلية كتبت بواسطة أحبك ياغلا عمري
نزل البارت اليديد....ين ههههه
خالص التحيات
فمان الله
خيتي المميزة مراحباقتباس:
المشاركة الأصلية كتبت بواسطة المميزة
ربي يعافيك ويسلمك خيتي
لا لا أبو حسين بعدهوه بصحته :cool:
تابعي اليديد ..جزئين
فمان الله
خيتي ..مجنونه وحلوه مراحباقتباس:
المشاركة الأصلية كتبت بواسطة مجنونة وحلوة
نزل البارتـ...ين اليديد....ين :bigsmile:
خالص تحياتي
فمان الله
اقتباس:
المشاركة الأصلية كتبت بواسطة فاطمة المعصومة
خيتي فاطمة المعصومة مراحب
تعويض عن هذا الجزء القصير
تم وضع جزئين
خالص التحيات
فمان الكريم
خيتي دمعة طفله يتيمة مراحب
الله يقضي حوائجكم بحق محمد وآل محمد الطيبين الطاهريناقتباس:
المشاركة الأصلية كتبت بواسطة دمعة طفله يتيمه
خالص التحيات
فمان الله