الحب كاذب يعني الشوق خشران

يحميك ربي من متاهات الاقدار ..
يا بهجة الدنيا ونجمة سماها
بينك وبين العمر لو كنت بختار
ارخصت لك النفس وعطيتك غلاها
يحميك رب البيت يا تاج الاشعار
يا من حروفي بك تكمل حلاهـا..
دخلت القاعه وأمي ماسكه يدي..وهي اللي وصلتني الى نهى..لما رفعت عيوني لها..حسيت أني شايفها من زمان..وأني أعرفها من سنين..صحيح أنا أعرفها من قبل..بس اللي أحس فيه غير..شبها كبير من وائل..شكلهم توم..بس هي ما قد قالت لي هالشي..بست جبهتها..وجلست جنبها
همست لها:مبروك نهى(ردت علي بالمثل)وقلت الكلمه اللي بقلبي:نهى احس أني بختنق والكل يناظر فيني..خلينا نخلص أبي أطلع
الحمدلله انها ما فهمت قصدي خطأ..وأبتسمت:يلا شد همتك ونخلص
كان الدافع لي الوحيد هنا..هو وجود أمي حولي..أمي اللي سوت أشياء كثيره عشان اوصل للي أتمناه..واقفه بشموح جنبي..كانت تقرى علي ووتعوذ من الشيطان
بعد ما خلصوا..لفت نهى له وقالت بدلع:حبيبي..أبي أرقص معك
ما كنت مستوعب كلامها..التفت يمين ويسار وقلت:ها
سحبتني من يدي:يالله ناصر قوم
سحبت يدها ليما صارت جنبي وهمست:نهى غناتي..خليها بالبيت..وربي مافيني..بعدين مافيك تزعليني مو(وغمزت لها)
هزت راسها بنعومه وقالت وهي تناظر أمي:من قدي..صار عندي أم ثانيه
بمجرد ما قالت هالكلمه كان ودي أحطها بقلبي وأخبيها:طيب ما شفتي اختي
ردت وهي تحاول تتذكر:أيووووه..شفتها هي حامل مو
أبتسمت:أيه..عقبالك
فتحت عيونها:وش عقبالك؟؟..بسم الله على عمري
هي ما قالت هالكلمه..الا وأنا فاطس ضحك..هزتني:هي..لا تضحك كذا..الحين يقولوا مدري وش قايله له
خليت ظهري مستقيم وعدلت الشماغ:زين كذا؟؟
ردت وهي تناظر للناس اللي تحت الكوشه:تهبل
..طيب يالله متى نقوم؟؟ترى جاني النوم؟؟
حسيت ان معرفتي فيها من قبل..ساعدتني كثير..حتى لو اني أطيح الميانه في أول ليله
بعد ما طلعنا..تواعدنا أن بكره نلتقي..لان النعس داهمنا
............

لما طلع ناصر رحت عند نهى أنا وميعاد وساعدناها تلبس عباتها.لان فستانها ثقيل..وهمست في أذنها:رقصت اليوم بس على عشانك
شفت الصدمه في عيونها:لا تكذبي علي..ماشفتك!!
مدري..مدري..ليش دموعي تسيل..مين اللي سمح للجمود أنه ينهار مين؟؟..ضمتني نهى:وربي ما شفتك..أن شاء أشوفك بالعرس..جود انا ضامتك ضميني
حسيت أني أختنق والدنيا حولي سوداء..ودي بسبب واحد يقول؟؟ليش أبكي وقدامهم كلهم؟؟ليش
رفعت نهى صوتها:جود أنا أقولك ضميني
أبتعدت..وطلعت برا القاعه..شفت سعود ينتظرنا وهو يناظر الساعه
سعود بطفش:تأخرتوا؟؟وين أمك؟؟
ما كان ودي أرد ويسمع نبره البكى في صوتي بس قلت:مدري..الحين تجي
رفع صوته بقوه:كيف ما تدري..صار لي زمان أنتظركم..بعدين ما تدري
ركبت السياره بدون ما أرد عليه..حسيت ان كل الرجال اللي برا سمعونا..وبعدين حتى ما بارك لي..أنا أخته..تسندت على زجاج السياره..وبعد عشر دقايق جات امي تقول:جود كيف تطلعي وما تخبرينا..جلسنا ندور عليك
مدري ليش غيرت السالفه وناديت عبود يجلس جنبي..وصلنا البيت وعلى طول رحت غرفتي..وأخذت شاور سريع..من بعدها تلحفت ببطانيتي ونمت
يوم الجمعه
جلست على صوت ميعاد وهي تهدر فوق راسي..فتحت عيوني..وكأنها ما بغت على الله هالشي يصير
ميعاد تشد اللحاف:قومي الناس تغذت وخلصت وانتي لسى نايمه
تو أتذكر أن أبوي قال أنه الغذاء عندنا بالبيت..قمت بملل..الحين أكيد جدتي مجهزه الاسطوانه مثل دايم..وسألت ميعاد:وش ألبس؟؟
ناظرت ميعاد في نفسها:ألبسي مثلي (كانت لابسه ثوب نعوم لتحت الركبه..ولونه وردي فاتح)

أخذت لي ثوب يشبه ميعاد..ودخلت الحمام توضيت..وطلعت فرشت سجادتي البيج..صليت الصبح والظهر والعصر لأنها فاتتني(استغفر الله دايم أحط لي المنبه..بس الامس نسيت)
دورت جوالي بمكانه المعتاد..بس ما لقيته..طلعت برا..وشفت نور غرفه فراس شغال..دخلت وكان خالص من تغير ملابسه:هلاااا
أبتسم أبتسامته العريضه..وفتح يدينه:تعالي يا عروسه..مبروك
رحت عنده وأنا خجلانه:الله يبارك فيك
أشر على جيب بنطلونه:ترى جوالك عندي؟؟
رفعت حاجبي:ليش؟؟
..مريت من الصبح عند غرفتك وسمعت الجوال يصيح..دخلت عليك لقيتك نايمه..واللي يتصل رقم..رديت عليه..فطلع وائل
طلع التلفون من جيبيه وحطه في يدي:العصر بنطلع..أنا وأنتي وهو..زين؟؟
رفعت كتوفي:مدري..رح أسأل أمي وأشوف
طلعت من الغرفه..ونزلت الصاله سلمت على الكل..وجلست جنب فجر:شخبارك فجر؟؟
شكلها كانت متحمسه تشوفني وتسولف على أمس:ما عليك من حالي..وش هالحركه اللي سويتوها الامس..والله أنك خطيره يا بنت عمي(وباستني)مبروك تستاهلي كل خير
أبتسمت لها:الله يبارك فيك ..عقبالك
دفتني من كتفي وهي تتكلم بهمس:شكلي بطوف عمتي..وبصير عانس العيله
حطيت يدي على فمها بمزح:اااش لا تسمعك..والله لتسوي سالفه
رجعت شعرها عن عيونها..ولمته بملزم:جزاتي بعد..بأزرها
لفيت راسي يمين ويسار:الا وين ورد ما أشوفها؟؟
..مدري..يمكن مع شغالتكم بالمطبخ..أقول قوموا نطلع الحوش..وانتي الاء جيبي معك علبه فاضيه..بنلعب لعبه الجرأه والصراحه
صفقت ميعاد بقوه تأيدها:ايوووووه..من زمان ودي ألعبها ومحد راضي
وراحت الى فجر وحضنتها بمزح:يا حبيبتي دايم فاهمتني
نطت نهى من على الكنب:هاااا..أشوف في مؤامره..يا تلعبوا نظيف يا لا
غمزت الاء بعد ما جابت علبة مويه فاضيه:واثق الخطوه يمشي ملكا
طلعنا الحوش..وسوينا دائره مكونه من خمس بنات
رفعت الاء يدها بأستسلم:اللي يجيب علي السؤال بذبحه
وقفت فجر والاء تحتها..ومسكت أبت ثوبها بتهديد:شوفي يا تلعبي عدل يا أنسحبي من الحين
أبعدت الاء يد فجر:ياشريره زين خلاص بلعب عدل
فرت فجر العلبه وجات عند جود وميعاد
ميعاد بتهديد:تبي سؤال جرأه والله صراحه
رديت بهدوء:لا والله مافيني على الجرأه..خلينا صراحه أهون
ميعاد تغمز لها:وش الصفات اللي تتمنياها في وائل..والصفات اللي ما تبيها
..أمممممم..عاجبني مثل ما هو
..أحم أحم

((هل ما زال الحب يتوالد؟؟))
ليش الدنيــــــــــــــــــــــــــــــــا كذا؟؟
الجــــــزء الثامن



كلهم تغيرت حياتهم..كلهم مشغولين..مزحومين..كلهم صارت عندهم مسؤليات..الا أنـــــا..أكبر مسؤلياتي((أحدث مواضيع الاعضاء))..اللي صاروا يقلوا يوم ورى يوم..المنتدى كان ساخن بالزيارات والمواضيع الجديده اللي تشغل وقتي..واليوم..أخر موضوع من أسبوع مرتكز في القمه محد حركه..قفلت لاب توبي بملل..ياريت تنكسر وتريحني منك..بس..بس..لالا..مقدر على بعده..احسه جزء مني..ودي أعيش حياتي طلعات وناسه..ودي ببنت تفهمني..ما تتركني..ولا أحد ياخذها مني..أنتوا تفهموني؟؟
لبست عباتي وأخذت جوالي..طلعت من الغرفه حتى بدون ما أغير ثوب البيت..شفت رنا في الصاله ترسم..قلت في نفسي..ياريتني مثلك..أعز ناسي رسماتي..لوحات أفتخر فيهم..يضيع وقتي..بس أحس بأنجاز..دوم أمي وأبوي يحاربوني على جلسه النت اللي تدوم بالساعات..ما يدرو أن هالشي فوق أرادتي..ولو الود ودي أكسر الاب من اليوم
قلت بصوت هادي عشان لا أخوفها:رنا..وين نهى عنك؟؟
رفعت شعرها عن عيونها وناظرت فيني والريشه لسى بيدها:في المجلس..مع ناصر..أنتي وين بتروحي؟؟
هزيت كتوفي بمعنى مدري..وجلست على الارض..وأنا متسنده على برواز الباب..اللي يشوفني..يستغرب جلوسي في ذا المكان..مسكت رقبة ثوبي وقلت بقهر:طفشانه..ملانه..أبي أغير جو..زهقت من البيت..وين أمي؟؟
رجعت أندمجت في اللوحه وهي تتكلم بتقطع:رااحت هي مع أبوي..يشربوا شاهي عند بيت عمي؟؟
فزيت من مكاني:عمي أبو سعود؟؟
ما ردت علي..كان ودي أخذ الريشه وأخربش اللوحه من القهر..ومن برودها:هي رنووووووه..بيت أي عم؟؟
قامت من عند لوحتها اللي على الارض..ودفتني من ظهري:أوووهو أذيتيني.خليني أركز..بيت عمي أبو وسام..خلاص؟؟
لفيت عليها وأنا أبعد يدها:وش رايك تروحي معي بيت عمي أبو سعود؟؟
رنا:الى مين بتروحي؟؟تو طالع وائل..أكيد راح عند جود
حسيت بالاحباط:معليه بروح..على الاقل مع الاء وايمان

بعد تفكير..وأنا أدعي ربي أنها توافق..هزت راسها وراحت تلبس عباتها..وأنا دقيت على أمي وقلت لها رح نروح بيت عمي..بس اااااااااااااااااااااااااااااااااااااااه أحبطتني أكثر وقالت:أن الليله العشاء عند عمي أبو وسام..وأكيد هم رح يروحوا وألتقي فيهم
طبعا أكلت تهزيئه من رنا..كله عشان خليتها تلبس عباتها قبل ما أتصل..بس جلست أترجها نطلع من بعض الحديقه ونغير جو..والله مليت حسوا فيني؟؟
طلعنا برا الحديقه..أبتسمت وانا أتصنع على نفسي قبل الكل أني طبيعيه
لفيت الى رنا اللي كانت وراي وترشرش المويه على الزرع:يالله الحقيني
هربت وانا أضحك وكأني طير هارب من قفصه..ورنا وراي تركض..فجأه ما حسيت بنفسي الا الدنيا ظلام وطحت على الأرض:اااااااااااي ركبتي؟؟
جاتني رنا وهي تزفر بقوه من التعب..ومن انفاسها أكتشفت أني أركض بقوه:تعورتي؟؟
دمعت عيني..لفيت وجهي عشان لا تشوفني رنا..أعرفها رح تفضحني عند كل البيت..بس ما قدرت..شهقت بقوه..وضميتها وصرت أبكي:جود أنخطبت ومرح تفضى لي..أصلا هي من أول مو فاضيه لي..ونهى اللي كنت أتكلم لها عن الاشياء اللي تضايقني..ما عدت أثق فيها..لأنها دايم تحب تفضحني مدري ليش..حتى فجر حاولت أكون قريبه منها..بس أكتشفت أنها ما تناسبني..ااااااااااااااااااااه وصديقاتي كلا أنقبلت في كليه..الا أنــــــــــــــــــا..لمين أشتكي؟؟وين أروح..لا تتركيني!!
مسكت يدي وقومتني بدون ما تتكلم..دخلنا البيت..ورحت الدرج أركض لين وصلت غرفتي..طحت على السرير ولاب توبي جنبي..حضنته بقوووووه:حتى انت رح يجي لك يوم تخرب وتتركني
رميته بقوه على الجدار..بس الظاهر طاقتي كلها راحت في البكاء..لان الاب توب ما صار له شي..دخل علي الغرفه وائل..وتفاجأ بشكلي..شعري لازق في وجهي من الدموع..وعيوني متنفخه..وأنفي ما كان أحسن منهم..فهو يصلح حق مهرج من كثر مو محمر
تقرب من السرير بشويش:ميعاد وش صاير؟؟
تعودت على وائل حنون..يختلف عن محمد 180 درجه..وبمجرد ما فكرت كذا زادني الموضوع قهر..بس الحين رح تنسنا..ورح يصير الحنان الى ام الحنان جود
..ما أحبكم..ما أبيكم..أكرهك..ليش خطبت جود..أكرهك..ليش نهى رح تزوج وتتركنا..أكرهكم كلكم..أطلع برا وخليني
جلس على السرير وقال بهدوء:ليش تكرهينا..لأنا حبينا نفاجأك وجيناك(ورفع صوته شوي ينادي جود)جود تعالي!!
دخلت الغرفه وهي مبتسمه وفي نفس الوقت تسوي زعلانه وهي ضامه يدينها لصدرها:يعني أروح بيتنا خلاص!!ما تبيني ؟؟
بعد تفكير رديت:الا أبيـــــــــك..بس مو وائل معك
رفع وائل حاجبه:أفااااا..الحين أنا اللي خسران بنزين وجايبها من بيتهم..بعدين ما تبيني..يا ثنينا يا لا وش رايك؟؟
ضميت المخده لصدري:خلاص أجل..أخذها وأطلعوا
قربت جود مني ورفعت شعري من على وجهي:ميعاد..وش فيك؟؟..أفتكرت الحين رح تستانسي..هذا وأنا جايه بيتكم بدون ما أقول لأمي..تدري لو دروا أني جايه مع وائل مرح يرضوا..بعدين تقولي كذا؟؟
رد وائل قبل ما أفتح فمي:هي هي..أنتي وش تقولي؟؟وليش أن شاء الله ما يرضوا؟؟
لفت جود عيونها تدور أجابه وقالت:يخافوا تخطف بنتهم..بعدين من وين يجيبوا جود ثانيه؟؟
دخلت رنا الغرفه زامه شفايفها:معليه لكن..تجوا حق ميعاد أما أنا لا
وائل:مقدر على الدلاعه..زين وش رايكم نطلع(وهو يحرك راسه للباب)
قمت من على السرير ورتبته:أمي تقول أن العشاء الليله في بيت عمي أبو وسام
جود:ايه صح!!
وائل:زين انا بروح أخذ شاور..رنا أنتبهي لجودي زين؟؟
رفعت جود حاجبها:اش معنى مو ميعاد؟؟
وائل يمد يديه بطريقه مفترسه:لان ميعاد تعض(وطلع من الغرفه)
فكت جود عباتها وانسدحت على السرير بتعب:فيني النوم
فتحت دولابي اطلع ملابس حق الطلعه..ومن التعب جلست على الارض ورقبتي تناظر في الملابس في الرف الثاني..لفيت وجهي لوجود وقلت:اعترفي وين طايره أنتي وائل من الظهر؟؟
تمغطت وهي تثاوب:أممممم..بس رحنا تغذينا بمطعم تو فاتح جديد..ودرنا في السياره وهذا أحنا جينا
هزيت حواجبي لها وأنا اناظر في وجهى وأبتسم:مافي شي كذا والله كذا؟؟
حسيت أنها فهمت لي..بس ما تبي تبين:أنتي وش تقصدي؟؟
رجعت لفيت أتأمل في الدولاب..ووقفت على طولي وأخذت ملابس عشوائيه:لا بس أبي أقولك..من بعد ما شفت وش سوى وائل في لعبه الصراحه..ما عاد أستبعد شي
رمت علي الخده بقوه..ورنا تضحك:يا هبله..ياغبيه..يا أم السعف والليف..وش هالكلام؟
تركت ملابسي على السرير وصرت أمثل الدور وأنا أكلم رنا:أجل شفتي يا رنا..اثنين توهم أمس مخطوبين..تقول لهم وحده اللي هي انا..في لعبه مثل لعبه الصراحه والجرأه..جود بوسي وائل..تقول لا لا(قربت من رنا كأني أمثل دور وائل)ويجي الفارس الملثم..ويقول لا تزعجوها..هذا الطلب حقي انا:أموووووواه
رفعت جود صوتها بصراخ:يا ميعـــــــــــــــــــــاد يا بقره
دخلت علينا نهى:وش صاير..أووووووه جود عندنا..من زمان القمر ما بان
لفت جود ظهرها عن نهى بزعل:أنا اللي ما أبان والله أنتي
مسكت نهى كتفها وقالت:بلا دلع ..جواد وش فيك تصارخ من شوي؟؟
شالت جود يد نهى مع على كتفها وعضتها بقوه:كم مره قلت لك لا تقولي جواد
ردت رنا بتحذير:صحيح..أن سمعك وائل ليذبحك
أشرت نهى على رنا بمعنى ذوقينا سكوتك:ما قلتي ليش جود تصارخي؟؟
قربت أنا لهم وأنا أمشي مثل عارضات الازياء:لا لا جود لا تتعبي نفسك وتقولي(كنت أدري أنها مرح تقولي..قلت كذا بس عشان أغيظها)..أنا أقولك يا نهى..بس الحلوه والقمر وأم السعف والليف اللي هي انا..كانت تشرح وش صار يوم كنا بالحديقه ببيت عمي
نهى بأبتسامه عريضه:أيوووووه..يا حليلها تستحي بنت عمي
سكت وأنا أقول:أقول أسكتي..أكيد أنتي المخفي اعظم
دخل وائل بعد ما طق الباب..وهو ماسك المشاطه ويضبط شعره
رحت بعجله للحمام:يوووووه تأخرت(وأشرت بيدي)بس شوي بلبس
طلعت من الحمام(الله يكرمكم) وانا مالي نفس أطلع من البيت..وفي نفس الوقت مابي أجلس وأقابل النت..ما لقيت بالغرفه غير جود..اللي استعدت ولبست عباتها كانت واقفه عند المرايه تعدل حجابها:وينه وائل..شوي هنا شوي طاير؟؟
رفعت كتوفها:مدري شكله راح غرفته..بقوم أشوفه!
سكرت عليها الطريق وأنا ماده يديني:هي هي ممنوع
جود:أوووووهو ميعاد خليني..مالي خلق أهواش
تركتني وراحت وأنا بدون ما أحس بنفسي فتحت الابتوب..وأنتبهت الى نفسي وصرت أتأفف..دخلت على منتداي المفضل..شفت رساله شخصيه جديده..فتحت الرساله..كنت متوقعه أنها من (المشاغبه).كذا أسم عضويتها..علاقتي معها حلوه..من خلال الردود على المواضيع..كانت كل مناسبه ترسل لي تهاني وأنا نفس الشي..فتحت الرساله
هلا بأختي (الحساسه)
بصراحة أنا حبيت شخصيتك..وأتمنى أتعرف عليك
فاذا كان أنتي نفس الشي
هذا أيميلي اذا تحبي
Hotmail.com@...............

ما فكرت في الموضوع لأني سمعت صراخ نهى..انه هم طالعين..وانا لسى ما لبست عباتي..سكرت الابتوب بدون ما أطفيه..وطلعت بسرعه
ريــــــــــــــــــم
طقت روحي من الملل..ان رحت الجامعه ما سلمت..وأن جات الاجازه ما سلمت
رفعت رجولي على الكنبه وجلست متربعه:يمه زهقانه..طفشانه..حسوا فيني أبي أطلع..أبي أشم هواء
أم مناف تدخل الأبره في الخيط..عشان تركب أزرار قميص مناف:هذا الحوش عندك..روحي شمي هواء
غيرت وضعيتي..وأنسدحت:اااااااف..يمه لا تتمسخري علي..جد زهقانه..مافيه الا مناف أن رحت بلعب معه..قام يكفخني
أم مناف:طيب قولي لي وش أسوي؟؟عندك حل؟؟
أبتسمت وهي تدري..أنا الموضوع صعب:أيه..أشتروا لي جهاز كمبيوتر..أبي أشوف الدينا..أبي أدخل اللي يسموه النت..وأمممممم..أبي أروح البحر..البر..أي مكان المهم أغير هالروتين
وقفت امها وهي تنزل الخيوط اللي علقت بتنورتها البيج:ريــــــــــــم!!(وكملت بنبره تهديد) لا تكلمي أبوك في هالشي..سامعه؟؟
ما رديت عليها..ولقيت وجهي للمخده..كررت علي الكلمه:ريم سامعه؟؟
..أيوه سامعه
غيرت نبرت صوتها الى حنيه:والله لو نقدر يا ريم ما يغلى عليك..بس هذا أنتي تشوفي أبوك الدوام هالكنه..ومن يرجع ينام..وش تبي بعد يسوي لك..يموت عشان تنبسطي!!
..الله يخليه لنا..طيب أمي خليني أنا ومناف نروح السوبر ماركت اللي عند البيت..على الأقل نشوف الشارع
بعد ما وافقت..أخذت مناف ورحنا على السوبر ماركت وأنا أمشي شوي شوي..والله ما ودي الشارع يخلص..تذكرت جود..فطلعت جوالي من جيبي..وضغطت أتصال..بس ااااااااااااااااه يالقهر(الرقم محظور)..خلص الشحن..ولازم أعبي من جديد..صحيح أنا أقتصاديه بمكالمتي..بس من قرادة الحظ ما يمديها وتخلص
جر مناف عباتي:أتصلي بكلم عبود صديقي
نزلت لمستواه..وبتسه على خده:يا بعد عمري منوووفه وصديقه..بعدين نكلم..الحين تعال نشتري حلاوه(الجمله الاخيره قلتها عشان أحفزه)
دخلنا البقاله..وراح مناف يشتري له من اللي يحبهم قلبه..اما انا رحت عند الثلاجات..أخذ لي عصير تفاح..اخذت لي والى مناف معاي..ولما جيت ألف بارجع..مسكني احد من فمي..ويده الثانيه على رقبتي..حسيت كأني في فلم رعب..أو كابوس..بعدت اليد اللي حاصرتني..أبي أصرخ بأسم مناف:مـــــــــــــــــــــــــــــــــــــــــنـ ــــــــــــــ ــــاف
:اااااااااااش يا حبيبتي لا يسمعك مناف
هذا الصوت أعرفه..من بين مليون صوت أميزه..صار جسمي يرتجف..حاولت أثبت نفسي..بس أنفـــــــاســــــ ــــــه كانت قريبه مني..أحسها حولي..أستنشقها!!
همس في أذني بخفه:مناف..بنودينه البيت..لا تخافي عليه
فكيت نفسي منه..بعد ما حسيت قبضته خفت: الحين أكيد أمي تحاتيني..أنا بروح!!
حاولت أركض..بس رجليني من الخوف مو شايلتني..مسكني من معصمي:وين رايحه؟؟أمشي معي..ولا أسمع منك ولا كلمه
أخذني الى سيارته اللي أعرف كل شي فيها..وأنا اسحب يدي..أصرخ؟؟
ياربي أخاف أفضح نفسي..بس أمي وأبوي..قلت له بترجي:تكفى..تكفى..وديني البيت..تكفى لا تخوف أمي علي
رماني في السياره وقفل الباب..وركب هو من الجهه الثانيه..شغل السياره وهو منفعل:أمك تخاف عليك؟؟والله أنك أم الاحساس..يا مرهفه
كتفت يديني ولزقت في النافده وكأني بكذا أبعد نفسي عنه..ومابي أي دمعه تطيح..مابي أبين ذليله..انا أقوى منه..أيه انا أقوى
وصلنا..الى مكان وسط المنطقه..لا وحوالينه الناس..مدري ليش تخيلت انه بياخذني مكان مظلم..وما فيه أحد..نزل من السياره وأنا لسى جالسه..مو عارفه وش أسوي؟؟
فتح لي الباب:لا يكون بعد تبي خدام يا عيون أمك تفتح لك الباب؟؟أنزلي قدامي
نزلت وصرت أمشي وراه وهو قدامي..كأنه عارف أني مرح أهرب..اااااااااااااه كله مني..كنت دايم مهمله في حفظ الشواراع والاسماء..وما أدل غير بيتنا وبيت جيرانا!!
دخلنا مبنى..متوسط في المساحه..وشكل أن كله شقق..أمممممم..شفت اللوحه على البوابه مكتوب((شقق النصر للايجار))..قريت الايات اللي حافظتها بقلبي..وصرت أدعي ربي..دخل(.....) أحد الشقق كانت بالدور الثاني..أو الأول..والله مدري..لأنا ركبنا درج..يعتبر حق طابق..ما علينا.. أما أنا تسندت على جدار الشقه من برا..وكتفت يديني..هذا وين رح يروح ويخليني؟؟..طلع بعد خمس دقايق..وبيده علبه مويه يشرب منها:وشو؟؟منتي ناويه تدخلي..تعالي بسرعه لا يشوفك أحد
ياريت يشوفني أحد..على الأقل أشتكي له..بس لالالالالا..مو ممكن أنا أسوي كذا في اللي حبيته..حتى لو كان حبه ماضي لي
دخلت الشقه..وسمعت صوت الباب يتقفل وراي:لا تخافي..مرح أسوي لك شي..تدري فيني..أخاف عليك أكثر من نفسي..(أشر على الكنب الاورنج اللي يتوسط الصاله الصغيره نوعا ما)..أجلسي
كان رح يمشي بس نطقت كلمتي ووقف:لو سمحت أبي مويه
هز راسه ودخل المطبخ..عرفت هالشي..لان الباب يطل على المغسله..أنتهزت أنا الفرصه وفتحت نقابي..أحاول أخذ شهيق وزفير بأقوى ما عندي..ما حسيت فيه الا هو قدامي..نزلت عيوني على الأرض..حط علبة الماي على الطاوله الزجاج اللي بين الكنب..وجلس جنبي..بعدت عنه..بس هو كان أسرع مني..مسكني من كتوفي:ريم..طالعيني؟؟
حسيت قلبي يطق بقوه..تذكرت أمي..أبيها..الحين أبيها..سالت دمعتي على خدي..مسحها بأبهامه ..رفعت عيوني..وشفته يناظرني..عيونه محمره بقوه وما أخبي عليكم..مليانه دموع..حتى يدينه اللي قابضه على كتوفي بقوه كانت ترتجف:ريـــــ ــــــــــم..بليز..ضميني
قمت من الكنبه بسرعه..والخوف يزيد أكثر وأكثر:وديني البيت تكفى
ما امداني اخلص كلمتي..الا جرس الباب يدق..أنفاسي ضاقت علي..أحس أني أمثل دور بأحد المسلسلات..(ياربي سترك)..راح عند الباب..وناظر من العيون..ولف يكلمني وهو يأشر:أدخلي هذي الغرفه بسرعه!!
دخلت الغرفه..كانت ظلمه..الا من ضوء خافت..الان ستارة الغرفه مفتوحه..دارت عيوني بالغرفه أدور مفاتيح الأنوار..فتحتهم..ووضحت لي الغرفه أكثر..لونها أحمر مع أبيض..تبين أنها غرفه شاب في عمر العشرينات..لان فيها شويه فوضى..وملابس هنا وهناك..شفت قران صغير على التسريحه..ورحت له بخطوات سريعه..كأنه الحامي والمنقذ للي أنا فيه..مسكته وضميته لصدري حيل..وأنا أستنشق الهواء بقوه..طلعت مني كحه قويه..بس سكرت فمي بيدي..وسمعت الصاعقه:أرجوك لا تدخل..هنا زوجتي
هذا مين يكلم؟؟ووش يألف؟؟
..أقولك لازم نفتش الشقق كلها..والأمر عليك وعلى غيرك..خلنا نشوف شغلنا
..بس هذي أعراض..وأنا ما أسمح لكم
..طيب روح نادها وأحنا نفتش الغرفه
بمجرد ما سمعت هالكلام..لفيت أدور نقابي..بس ااااااااااه..شكله برا من شوي..تغطيت بجزء من الحجاب..فتح لي الباب وقال بصوت صريح وعالي:في حراميه سارقين شقة جارنا..والشرطه جاين يدورن يمكن الحرامي متخبي في أحد الشقق..لأنهم محاصرين العماره..ولا أحد طلع منها!!
ما رديت بكلمه..بس طلعت من الغرفه ووقفت جنبه:أبي أروح البيت..بسرعه خذني
لف علي ويسوي نفسه يتكلم طبيعي:خذي هذا جوالي كلمي أمك..وقولي لها كلها نص ساعه وأنا عندك
أخذت الجوال..والله لولا الحاجه ما أخذته..بس وش أسوي اذا جوالي المنحوس ما دور يحظر المكالمات الا اليوم
جيت أدق الرقم..وساعتها بس أنتبهت للخلفيه حق الجوال..حسيت بغصه..هذا طول عمره وسخ..وما يفكر بأعراض الناس..كيف يحط صوره جود عنده..لا وبعد بالواجهه..رميت الجوال من قهري على الجدار..وهنا الكل التفت..قلت بصوت مصطنع:سوري طاح من يدي بدون ما أحس
ودع (....)الشرطه بعد ما تأكدوا أن ما فيه في الشقه الا أحنا..وحمدت ربي أنهم ما طلبوا بطاقات ولا شي..قرب وهو يبتسم:ولوو حلالك الجوال وصاحبه
..أنت ما تفهم..أقولك خذني البيت
أشر على عيونه وهو يقول:من عيوني..يالله أمشي
...........................
ناصر وحمد في أحد المقاهي المطله على الكورنيش
حمد حاط رجل على رجل ويعدل الجمر على معسل التفاح..وهو يزفر دخان أبيض..
حرك ناصر يده يمين وشمال يبعد الدخان عن وجهه بعبوس:اااااااااف..حمد وش صار فيك..لا مو هذا صديقي اللي يخاف يشوف السيجاره..الحين يشرب معسل
تسند حمد على المسنده المخمل وقال:هذا يا حبيبي..فعل ماضي..أما الحين انا وش ماخذ من الدنيا..ولا شي
هذا هو حمد صار له فتره على هالحاله..ولا أحد داري وش فيه..حتى ناصر حاول يفهم منه..بس ما قدر
أبتسم حمد أبتسامة سخريه وهو يقول:اليوم بروح أسهر مع الشباب..وش رايك تجي معي!!
عصب ناصر من كلامه زيادة:تراك أذيتني شباب وشباب..أي شباب ذول اللي تعرفت عليهم في يوم وليله
طلع حمد الخمس مئات من جيب ثوبه العلوي:شباب يجي من وراهم فلوس..ولا أكبر مدير راتبه في الشهر مثل راتب يوم لي!!
قام ناصر..وهو يشيل جواله ومفاتيحه من على الطاوله اللي قدامه..وحطهم بجيبه:انا ماشي يا حمد..واذا صحيت على نفسك..تعال خبرني..تراني أنتظرك
قال أخر كلمتين بغصه..هذا تؤام روحه..في يوم وليله ينقلب عليه..ااااااااااااااااااااه..ليش الدنيا كذا؟؟
راح عند الكورنيش..وأنسدح على العشب الخصب..مو مبالي بنظرات الرايح والجاي..اللي مبسوط..واللي حزين..واللي جاي يعمل سبور..كلن يغني على ليله..ناظر في القمر..هذا أنت يا قمر..مثلهم كلهم..كل يوم لك وجه..بس الا حمد..سحب العشب بأصباعه بقهر..وناظر فيه كأنه ضحيه بين يديه..قتله ودمره..بعد هالأفكار السخيفه بنظره..وطلع جواله اللي كان هديه من نهى((n81
ضغطت أصابعه الازار بسرعه كبيره..وصار يتجول بين الأرقام الصارده..(حياة الروح)..ضغط أتصال..وأنتظر الرد..(مشغول)..(ااااااااااااف هذا وقتك يا نهى تقفلي في وجهي..تراني متضايق..بليز ردي)
...................
في صالة بيت أبو وسام
كانوا الحريم متجمعين في الصاله..والرجال بالمجلس
الجده ممدده رجولها بوجع:ااااااااه الكبر شين..من امشي خطوتين..تعبت من هالرجول(وطلعت علبه الفكس من جيبها)..تعالوا يا بنات أهمزوني!!
حطت الاء يدينها على بطنها من كثر الضحك:ويلي يا أمي..وين ما تروحي ذا الفكس في جيبك ههههههههههههههههههه
رفعت فجر أكمام بلوزتها الطويله..وسوت مالت على الاء وميعاد الفاطسين ضحك:أنا أهمزك يا جده(وباست راسها)
مسحت الجده على شعر فجر:ويه الله يخلي لي هالبنت..متى أشوفك عروس على ذيك الكوشه الصفراء
ميعاد تمسح دموعها من الضحك:ههههههههههههه..وش جايك يا جدتي اليوم صايره تنكتي كثير
..روحي بس يا ميعادوه..لو فيك خير كان جيتي همزتيني!!
قامت ميعاد تسوي أن فيها خير:أنا من عندي أغلى من جدتي..مددي أرجولك الثانيه بس مددي
ضربتها الجده على كتفها:تعالي يا أم محمد شوفي بنتك..مسويتني مسخره اللي ما تستحي
ألتفت أم محمد لميعاد وهي تشرب من الشاهي اللي بيدها:ميعاد يا مهبوله..قومي بس قومي..شوفي عمتك هدى..من العشاء أختفت
الجده ساده أنفها من ريحه الفكس القويه:قومي صحيح..ليكون بس قتلت نفسها
قربت ميعاد من أذن جدتها وقالت بشويش..وفجر تقرب تبي تسمع وش رح تقول هالمهبوله:دامك ما تحبي ريحته..ليش تحطيه؟
مسكتها الجده وحضنتها>>لان ميعاد حجمها مره صغير وما يبين أن عمرها 19 >>وباستها بقووه على خدها..وميعاد ترافس برجلينها:اااااااااااااااه يا قلبي..كل هذا بوسه يا جدتي..خلاص..بموت
فكتها جدتها ونقزت للمرايه تشوف وجهى:يا ويلي..أمااااااه شوفي وش سوت فيني..صار خدي أحمر من هالروج اللي من العصر الأموي
ضحكت أم محمد عليها وهي تقول:تستاهلي..جزاك
أخذت أكلينكس من العلبه اللي جنب جدتها بحذر حتى ما تحس فيها..وتمسكها مره ثانيه..وصارت تمسح خدها بقووووه..وهي تروح غرفه عمتها هدى اللي بدور الثاني
دخلت الغرفه..وكانت شبه مظلمه ما عداء من نور الابجوره الورديه اللي بجنب السرير..وسريرها فاضي..بس الاب توب محطوط على السرير..وهو شغال..قربت ميعاد منه بدون ما تشغل الأنوار..لان عمتها تحب الظلام..وما ترضى أحد يفتح أنوار غرفتها..وجلست على السرير تناظر صفحات الانترنت العديده المفتوحه..وأول وحده فيهم..كانت لسى تتحمل..جلست تنتظرها تفتح..ولأنها حست أن هدى بالحمام..عشان لما تطلع تخليها تنزل معها تحت..أنفتحت الصفحه..نقزت ميعاد من المنظر المقزز اللي تشوفه قبالها..وحست ببطنها ينعصر من الألم..قامت ركض وطلعت من الغرفه..وقفت على الدرج وهي حاطه يدها على قلبها من كثر ما ينبض بشده..وش هاللي تسويه عمتي؟؟..حست أنها تعبانه فجلست تهدي أنفاسها..(يالله رح أنزل وأقول ما شفتها بالغرفه وخلاص)..نزلت بصمت..وجلست جنب جود ونهى وهي تقول لأمها:ما شفت عمتي بالغرفه..يمكن تاخذ شور
التفت جود لي:وش فيه وجهك محمر
ضحكت بأصطنع:هههههه..أنتي أدرى من روج جدتي
دق جوال نهى فقالت:هذا ناصر يتصل..أنا بطلع الحديقه اكلمه..لان في هذي الهيصه مرح أسمع شي!!
نهى وهي تفتح الباب اللي يودي للحديقه بأبتسامه:هلا حياتي
ناصر بغصه:نهى
راحت نهى لعند الازهار اللي زارعها الجد في أركان الحديقه وهي تلمسهم بنعومه:ناصر حبيبي فيك شي؟؟
..مدري والله مدري..حمد كل يوم يتغير أكثر..وأنا ما عندي غير هالأخو..نهى ما أبي أفقد حمد الأخو مابي
جلست نهى على الكرسي البلاستك وهي ترفع خصلاتها عن عيونها:ناصر..صدقني هذا شي طبيعي..تجي على الانسان أوقات يتغير فيها..بس أنت أصبر عليه..وأوقف معه..وعسى الله لا يفرقكم
طلع وسام من باب المجلس وهو يلتف يمين ويسار..يسمع صوت همس..وحروف متقطعه..بس ما يدري من أي جهه!!
لبس نعاله(الله يكرمكم)اللي على باب المجلس ولف ورا البيت..بس اللي شافه خلى خطواته تخف..ويتخبى ورا الحيط

الجزء التاسع
هل ما زال الحب في توالد؟؟




وســــــــــــــــــــــــــــــــــام
سبحان من خلق هالملاك..مع ان جمالها جدا عادي..بس فيها شي حلو..حركاتها حلوه..حتى أبتسامتها..اااااااااااااااااااااااااااه عمري ما شفت وحده..وحسيت قلبي طار عندها..شفايفها شي عجيب..قال ايش قال نانسي وهيفاء..تعالوا شوفوا اللي قدامي..أنا لازم أعرف من هي..أمممممممم يمكن جود..بس لالالاجود أصغر..هذي شكلها أكبر..يمكن ميعاد..ايه شكلها ميعاد..وسويت بيدي حركه يعني لقيتها..تحركت من المكان بسرعه قبل لا يشوفني أحد من الشباب..أنا أصلا ليش طالع من المجلس..خل أرجع قبل لا يشكوا فيني..رحت المجلس وجلست في نفس مكاني قبل شوي وتكتف وأنا أفكر..ويمكن حتى أحرك شفايفي..هالبنت خلتني أهلوس..(ضرب محمد يدينه في بعضهم وطلق ضحكه ساخره):سامر وين الببسي؟؟
حكيت شعري ببلاهه:ها..وشو..ايه ايه الببسي..رجلي تأمني مافيني أروح
ضحكوا عليه الكل ومن ضمنهم أبوه وأعمامه
قام فراس من مكانه وتقرب جنبه وهو يمثل دور الأم:ومن قال لك يا بابا روح البقاله مشي؟؟وبعدين تو رجولك صاحيه وش صار فيها الحين هههههههههه؟؟
حطيت يدي على جبهتي وأنا أحس بالفشله:أوووووووهو اللي يبي يروح أنا ما أبي
رفع أبو محمد بيالة الشاهي وقال:خلاص خلوه على راحته..وبعدين أنتوا دمان على ذا الببسي أشربوا شاهي والله قهوه
زفر أبو سامر وهو يحرك المسبحه بيده:اي شاهي وقهوه..قول على الأقل عصير..شباب هالايام يجيبوا لأنفسهم المرض..الله يعديهم الشر
جاء في بالي أروح أنام ..لان أحس راسي مصدع..بس عمتي الحين أكيد مستحليه غرفتي..هذا هي كل مره تجي بيتنا أو أي بيت من أعمامي..معها لاب توبها...وثيابها عمتي شكلها عندها هوس نظافه..بس ليش تختار غرفتي تجلس فيها..مو غرفه فجر..أو تجلس مع الناس..شلت الفكره من راسي..وقمت لعبت مع الشباب ((كيرم))

في داخل الصاله
ميعاد للحين تحس بالخوف وأكتافها تهتز..ضغطت عليهم عشان يوقفوا شوي..بس ما قدرت..همست لجود..اللي كانت تضحك على تعليقات جدتها مع فجر.ومو منتبهه لها
هزت ميعاد كتف جود بهدوء..فناظرت فيها جود بتسائل:أبي أقول لك شي؟؟
قالت جود وهي تلف نفسها بحيث صارت مواجهه لميعاد:قولي!!
رن جوال جود بنغمة وائل..رفعت التلفون:هلا وائل
سمعت ميعاد صوت وائل ..لانها كانت قريبه وهو يقول:يالله جود أنا على الباب طلعي
شعرت ميعاد بالاحباط ..ضربت فخذ جود وهي تقول:اوووووهووو مو أنتي طول اليوم معاه..وش يبي الحين
قالت جود وهي تلبس حجابها وتناظر بالساعه:كلها نص ساعه وراجعين والله
تسندت ميعاد على الكنب وهي متكتفه ومربعه رجولها فوقه
قربت جود لها وهي تقول:صدقيني بس شوي وبجي..وبسمع سالفتك..واذا ما قدرنا الليله..أنا أدق عليك بعد ما أرجع..وعد!!
ماردت ميعاد عليها..فطلعت جود بعد رنات وائل المتتابعه..ولقت سعود على باب الصاله من برا..مع أنها متغطيه بس عرفها من هيئتها..ومشى كم خطوه لين وصل لها:أنتي وين رايحه؟؟
ردت بدون نفس لان اسلوب سعود ما يعجبها ابد:طالعه مع وائل
حط سعود يدينه على خصره:بس أنتي من العصر معاه..روحي أدخلي داخل..ومافيه طلعه
ضربت جود بكعبها الارض:والله أمي وأبوي وراضين..أنت وش عليك
أشر بحاجبه وهو يقول:خلصيني داخل..لا الحين برفسه أطيرك
ولما شافها وائل مطوله وهي تكلم أخوها..طلع من السياره وراح جنبهم:ها وش عندكم تسولفوا؟؟
سعود:كنت أقول لها ترجع ومافيه تطلع
رفع وائل حواجبه بأستغراب:وليش أن شاء الله..أنا قايل لها تطلع..مو من حقك تقول كذا!!
قال سعود بقهر من اسلوب وائل:شوف اذا صارت ببيتك قول هالكلام..يابيبي
أنقهرت جود حيل من كلمته..ما كانت تتمنى يقول هالكلمه ابد..وخصوصا وهي موجوده..لانه أكيد رح يتضايق
سحبته من يده متوجهه لسياره وهي تقول الى سعود:أعلى ما في خيلك أركبه
ضحك سعود بقوه..خلت كل اللي حوله يلتفت له:صدق أنك بيبي..أجل بنت تقودك هههههههههههههههههههههههههههههههههه
ضغطت جود على يد وائل وهي تقول:ما عليك منه..هو دايم يحب يستفز الي حوله
ترك وائل يدها وراح لباب السواق وركب..شغل التكيف لانه يحس بحراره
جــــــــــــــــــود
ركبت السياره وأنا مقهوره من كلام سعود..سندت راسي على الكرسي..وقلت:سوري وائل..كله مني..لو ما زودت أنا كلام ما كان قال كذا
لف علي وهو ماسك الدركيسون وهو يقول : صحيح هو ولد عمي..بس أنتي زوجتي..محد له دخل!!
ابتسمت من تحت الغطاء وأنا اقول برقه:خلاص حبيبي..أنسى..ولا تكدر نفسك عشاني
ما رد علي..وطول الطريق وهو ساكت..أحترمت سكوته..وصرت أناظر الشوارع..وأنا أفكر في اشياء كثيره
وصلنا الى طاولتي العزيزه اللي ناويه أجي لها من العصر..نزلت من السياره..وأسرعت في مشيتي..لين وصلت لها وجلست..جاء وائل وراي وهو يضحك:ول ول ول..كل هذا حب فيها!!
زفرت بقوه وأنا أتأمل هالمكان وقلت:ااااااااااااااااه يا وائل..هنا أحس حياتي..ودنيتي..هنا بس أحس أني مرتاحه..ومابي أمشي ولا خطوه
جلس جنبي وهو يقول: كل هذا غزل فيها
أبتسمت وانا الف وجهي للجهه البعيده عن وجه:هنا جود هيصت..وهنا كبرت..وهنا شافت شباب وتمسخرت..وشافت شباب وتدلعت
مسك دقني بيده ولف وجهي ..كنت أحس أن داخله ضحكه بس مو قادر يطلعها:جودي حبيبتي..بلاها هالكذبات زين؟؟..أخاف بكره أولادي يتعلموا من أمهم!!
وقفت فوقف وراي..وتقربت من البحر..لين جلست قريب من المويه وأنا أقول بشويه حزن: أنت ما تتصور جود اش كثر تعذبت منك!!..كنت كل ما ابي التفت أشوفك قريب..وأن بعدنا..كنت أشوف عيونك تتبعنا..مع كذا ولا يوم..حاولت أخلي حبك يكبر في قلبي(نزلت دمعتي وأنا أقول)..كنت أخاف من شي أسمه حب..خفت أحب وأتدمر..خفت أحب وأكون لغيرك(رفعت عيوني وشفته يتأملني بصمت..حطيت يدي على عيونه وقلت:كفايه لا تناظري ما أعرف أتكلم كذا؟؟)
مدد وائل رجلينه..لحتى صارت أقدامه في المويه وقال وهو يرفع بصره للسماء: خفتي تكوني الى فيصل؟؟
حطيت راسي على كتوفه وقلت:مو شرط فيصل..يمكن غيره..المهم ما كنت أبي أشعر بالاحباط..ومابي أحب لكم يوم..وأعيش حزن لسنين قدام
رفع راسي فضحكت وأنا أقول:لا يكون بس راسي ثقيل
هز راسه بالنفي وهو جاد:لا بس أبي أشوف وجهك..تدري جودي يمكن البنت تحب غير الشب..أنا بقول هالشي وأنتي ثاني شخص تسمع هالكلام!!
رفعت جواجبي باستنكار وقلت:ليش من الاول؟؟
لم رجلينه لصدره وزفر بقوه:أحلى وأغلى أنسان بحياتي
..طيب من هو؟؟
قطع كلامي وهو يقول:أنتي أسمعي وش رح أقول..والشخص بعدين أعلمك من هو!!
جودي..أنا كنت أحس الحب شي كريه..لانه يعذبني..لانه يبكيني في كل ليله..لان فيصل كان يحارب حلمي..وحاول يقطع كل حبل أحس فيه الامل اللي رح يوصلني لك..كنت أحس قلبي يتقطع..كان ودي أبعد عن كل الدنيا بس أشوفك حولي..كنت أتمناك في كل ضيقه أحس فيها لو أنها صغيره(تنهد بقوه)
حطيت يدي على فمه وهزيت راسي:مو مهم تعبير حبيبي وتتعب نفسك في ذكرى وأيام أنتهت..وهذا أنا لك وبين يديك..دام حلمك تحقق(غمزت له)حافظ عليه
تاهت عيونه في مياه البحر..وظلام السماء:خايف يا جود خايف..جود أوعديني ما تتركيني مهما صار
قرب يدي لعند قلبه وقال:حسي
فتحت عيوني على وسعها:وائل اش فيك هدي..والله لو تركض مو كذا..خلاص لولي (ورفعت صوتي وأنا أمد يديني لسماء وكأني أمثل) أوعدك ما يفرقنا غير الموت
رن جوالي..فطلعته من جيبي..وأخذه وائل وناظر في الاسم (ميعادي)..حط على لسبيكر وقال:هلا ميعادو
سمعنا صوتها الخافت:بسم الله الرحمن الرحيم..كنت أنتظر صوت أنثوي..طلع لي
قطع وائل كلامها:لا تكملي..قصدك طلع لك صوت ولا أحلى
زفرت ميعاد:يا شين الثقه..وائل وين جود..أبيها..وبقول لك أبوي من العصر يسأل عنك ونقول مع حبيبة القلب..أحترم نفسك وودي البنت بيتهم
حسيت في عيونه الكره الى هالكلام:ميعاد اذا متصله عشان كذا فقفلي قبل الا اقفل في وجهك
ضحكت ميعاد :أنا اسفه يا حبيبي..بس قلت حرام البنت ما شافت أهلها من خطبتم..وبعدين خذها بيتهم أنا ابي أكلمها على راحتي!!
أشر وائل الى جود..يعني بزنطها.فضحكت جود وهي تقول:هلا حبيبتي ميعادو..اش أخبارك هههههههههه
صرخت ميعاد من سمعت صوتها:جود وين اللي بترجع البيت وتكلمني..أشوف شفتي وائل ونساك الدنيا

جود بالنفي:مو كذا ما نسيت ولاشي..بس قلت لما ارجع البيت..صدقيني ما نسيت
قرب وائل منه التلفون وقال بصوت عالي:الا نسيت أحد يشوف وائل ويتذكر وحده مثلك..يالله خيتو مع السلامه.الوقت المحدد أنتهى
قفل التلفون وضيق عيونها:تحبي ميعاد؟؟
زميرت شفايفي:اااااااااااااااه ميعاد أختي وحبيبتي وأموت فيها..ونهى كل شي في دنيتي
ابتسم حتى بانت غمازاته:ووش جاب طاري نهى؟؟
مديت صبعي على مكان غمازاته:ياااااااااي يجننوا(وابتسمت).ابي ولدي يصير فيه كذا
مسك يدي:اصلا ولدنا بيطلع غير شكل
غمضت عيوني تأكيد لكلامه:طيب بقول لك وش جاب طاري نهى عشان لا تقول أتهرب..لان نهى وميعاد خواتي..ولهم نفس المعزه..عشان كذا ذكرتهم
غمزت لي وقال:هذا عاد جواب دبلوماسي..طيب يالله نقوم لا يقتلني أبوك
...............
((هذا الجزء من القصه جريئ نوعا ما..ويطرح قضيه..مدري اذا رح تتقبلوه أو لا..بس هدفي طرح القضيه ومعالجتها لا غير))
هـــــــــــــــــدى
دخلت غرفه سامر..أحسها تناسبني بهدوئها..وألوانها..وكل شي..جلست على السرير وفتحت لاب توبي..أنفتح واحد من ايميلاتي الكثيره تلقائي((عدد المتصلين 5))
بمجرد ما شافوا حالتي((متصل))
تتابعت المحادثات...ضحكت بهستريه وأنا أضرب السرير بيدي..اااااااااااااه شو هالكلام..قلت بصوت مسموع وبلهجه اللبنانيه(هيك الناس اللي بتفهم)وختمتها ببوسه لشاشه الكمبيوتر..أي واحد فيهم أكلم؟؟
عقره بقره................(ايوه هذا)
غنج ودلع وخفه دم..وين بتلقى أحلى؟؟
هاااااااااااااي مااااااي فرند
في هذه اللحظات جاتني اشاره على أنه يغير نكه الى(مشتاق الى &&& يا سحر)
مشتاق الى &&&يا سحر
مرحبا بهالطله سحوره>>سحر..كان أسمي المستعار..واللي كان أغلب مترددين مواقع(الخراب)يعرفوه
حطيت له وجه خجلان وقلت شو هالنك العجيب
أرسل لي بوسه وقال:وين الجديد سحوره..صار لنا زمان ما شفنا صور جديده؟؟
كان تأخيري في عرض الصور الجديده لي بالمنتدى..بس عشان أشوف رح يسألوا أو لا؟؟بس شفت الأقبال عليهم كثران..وخصوصا من الشباب
..أنتظروا علي شوي ورح تشوفوا صور وأفلام فيديو ما صارت
مشتاق الى&&& يا سحر
..بليز سحووووره..أبي صوره لي مخصوص(وجه يغمز)
حسيت أني مشتهيه جد أصور..بس المكان والزمان ما يناسب..ما حسيت بنفسي الا وأنا بالحمام(أكرمكم الله)شلحت ثيابي وطلعت الى الغرفه..فتحت عيوني على وسعها وأنا أشوف الباب مفتوح على الخفيف..شلون أنا نسيت أني أقفله..ركضت له وقفلته مرتين..فتحت الأنوار عشان تضبط الصوره..فتحت شنطتي البيج وأنا أبتسم لصوت المحادثات الكثيره..طلعت النقاب ولبسته..جلست على السرير وصرت أصور نفسي وأنا أفكر وش رح تكون ردة فعلهم على صور مثل كذا
قربت مني الاب توب بعد ما التقطت خمس صور الى مواضع مختلفه مني..وغيرت النك نيم حقي الى(شكولاته ساخنه)
أرسلت الصور الى كل الموجودين..اللي ردوا علي بأنبهارهم على الصور..زادت أبتسامي ومسرع ما اختفت وأنا اشوف الساعه تدق على 12 ..قفلت لاب توبي..وأنا أحس قلبي منقبض..هذا حالي في كل مره..أحس بالراحه من اللي أسويه..لكن مسرع ما ينقلب خوف وقلق وتوتر..وحاله نفسيه غريبه بعد ما اقفل الاب توب..لبست عباتي ونزلت لهم..جلست بصمت..وأنا أسمع أحاديثهم السخيفه بالنسبه لي..لين رحت البيت
...........

ريـــــــــــــــــــــــم
بعد ما نزلت من سيارة اللي ما يتسمى الخايس..مشيت كم خطوه لين وصلت الى باب البيت..شفت سياره أبوي موديل 76 على الباب..ضربت خدي بكفوفي..الحين وش أقول؟؟وش أسوي؟؟..قريت المعوذات ودعيت من قلبي..سميت بسم الله وفتحت باب البيت..عمي الصغير عندنا بالبيت..وهذا أنا أشوفه قدام عيوني..عمي الصايع الضايع..اللي كمل 35 بدون وظيفه!!
الظاهر محد أنتبه لي..بس صوتي صدح في أرجاء البيت بعد كلماته اللي كل شهر متعودين عليها..جاي يطلب من أبوي فلوس سلف..ههههههههههههه..ليش من وين رح يحصل فلوس عشان يرجع اللي تسلفهم:تعب أبوي حق عياله وبس..مو كل شوي أنت راز الوجه لنا تبي فلوس..كان فيك خير روح أشتغل
ما حسيت الا بتقدم عمي لي..ويعطيني ذاك الكف..كان يكلمني وهو يناظر أبوي بعيونه الحمراء البارزه:هههههههههههه..هذا الادب اللي علمته بنتك
ما حسيت بهالكف ممكن يوقف في طريق اللي نفسي أقوله:كذا ياقليل الذوق تكلم أخوك اللي يصرف عليك..كذا تكلم اللي ينقص من مصروف عياله عشان يعطيك
طلعت أمي من المطبخ وجرتني من يدي معها:خلاص ريم هدي
دخلتني المطبخ وعطتني كاس المويه:خلاص ريم..هدي وجلسي..عيب عليك ترفعي صوتك عند اللي أكبر منك
شربت شوي من المويه وحطيت الكاس على رفوف المطبخ القديم:يمه..عيب اذا كان عمي يعرف العيب..يعني هو اعمى..ما يشوف كيف حالت أبوي..ما يشوف كيف تعبان في وظيفته..وفوق هذا جاي يطلب..هو رجال يقدر يشتغل ويصرف على نفسه
حطت أمي يدها على خدها:هو جاي يقول يبغى يعرس..ما يبي مصروف
ضحكت بسخريه:هههههههههههه..عشان نبتلش فيه وفي مرته فوقه..يمه أنا مثل عمي انسان غبي ما شفت..كيف يعرس وهو ما يقدر يصرف على نفسه
تاهت عيون أمي في الفراغ وقالت:لا تنسي هذا أخوه..وأبوك ما يقدر يشوف أحد من أخوانه يطلبه ولا يساعده..لا تقولي هالكلام..تراه يضغط أبوك أكثر..ويحسسه أنه منقص في حقكم
عضيت شفايفي بقوه وقلت بداخلي(والله أن كلامك يا يمه صحيح..الحين أبوي بقول أنه مقصر علي..ياربي ليش أنا مسرعه كذا)
دخل أبوي وهو ماسك مناف من يده اليسار:لو سمحتي يا أم مناف سوي لنا شاهي
ناظر فيني أبوي وقرب باسني على جبيني وطلع..ترك مناف يد أبوي وقال لي:فتح؟؟
كان في يده حلاوة..ابتسمت وفتحتها له وقلت:من عطاك؟؟
هنا التفت أمي وقالت:ريم أنتي وين تأخرتي..وخليتي مناف يدخل لوحده؟؟
حسيت قلبي يطق بقوه..واللي جاء في لساني قلته:شفت بنت جيرانا بتدخل بيتهم..جلست معها في حوشهم نسولف شوي
سحب مناف الخصله اللي على عيوني>>الظاهر أنها قاهرته..صرخت فيه..وقمت لحقته..بس هو كان أسرع وراح لأبوي بالصاله
ضبطت أمي الصينه وقالت:الله يسعدك خذيها لأبوك
سحبت بكلتي الزرقاء ورفعت شعري كله على فوق ورجعت حطيتها:يمه..مابي أروح..(وحطيت يدي على رقبتي)..صحيح هو عمي بس ودي أقتله..أو أشوفه يتعذب قدام عيني
فتحت أمي عيونها على وسعها:ريم وش هالكلام عيب
أخذت عباتي من على الكرسي وقلت:يمه أنا بروح غرفتي..سامحيني مرح أقدر أخذها لهم
......................
((بعد أسبوع من الأحداث))
..يالله يا نهى تأخرتي!!
طلعت نهى من باب البيت وشكلها كانت تركض..ركبت السياره:ااااااااااااه السلام عليكم
لبست النظاره الشمسيه..وعدلت المرايه اللي قدامي..ضغطت على البنزين ومشينا:وعليكم السلام
نهى تلعب بالدبله بين يديها بتوتر:والله خايفه
لفيت على الشارع اللي ياخذنا الى بيتنا:ههههههههه..أمي وخواتي يخوفوا؟؟..لا بس لان اول مره..بس أنتي خلك طبيعيه(ضربت يدها)..ماله داعي هالتوتر
وقفنا على باب بيتهم الصغير:ناصر مابي خليه مره ثانيه..أحس قلبي يضرب بقوه
ناظرت في ساعتي السوداء:نهى بلا دلع..حرام أمي كل يوم تتغذى الساعه وحده والحين 3 (ومسكت يدها)وربي أمي ما فيه أطيب منها..ورح تشوفي
دخلنا البيت..وأم ناصر بالمطبخ تضبط الغذاء..رحنا لها
..بوووووووووه..يمه هذا أحنا جينا
حطت أم ناصر يدها على قلبها:الله يغربل ابليسك فجعتني..وأبتسمت الى نهى..وهي ماده يدينها..راحت لها نهى وضمتها:هلا والله بمرة الغالي
رفعت أم ناصر صوتها:يا بنات تعالوا ساعدوني نحط الغذاء
وقالت بهمس وهي تسحب يد ناصر:أقول يا ولدي..تعال بس نحط الغذاء..غيذاء ولدها مريض ومو راضي يسكت من صياحه..وسمر شكلها نايمه تعبانه من الحمل
رفعت أكمامي..ولا يهمك يا أمي..الا يشوف من يحط الغذاء كل يوم غيري..أشرت لي أم ناصر..روحي يا أمي الصاله أجلسي..لا تصير ريحتك طبخ
أبتسمت نهى بخجل :لا عادي..بساعدكم
قربت من أذنها وأنا ماسك ملعقه الغرف:روحي..شوفي غرفتي قبل نجي..ثاني غرفه على اليسار
رفعت كتوفها دلاله على النهي..أعطيت المعلقه أمي وسحبت نهى وأنا أقول:لحظه بس يا أمي وجاين
سمعنا صوتها وهي تضحك:نهى لا يهبل فيك ناصر أعرفه ترى..شيطان من يوم يومه
لقيت وحده من خواته في الصاله مع طفل..الظاهر أنها غيذاء..سلمت عليها..ردت بخجل وهي تنزل بلوزتها السماويه:معليه على هذا الاستقبال..بس هالولد مجنني
..لا عادي ولوو
دخلت غرفته المتواضعه..وكان بأمكانها النفي أن مثل هالغرفه عندنا بالسعوديه..مدري ليش تفكر كل الناس مثل بعض..أبتسمت أبتسامه كبيره وأخذت نفس وهي تجلس على الكرسي الخشب:غرفتك حميميه
الظاهر ما كان سامعها..لانه سرحان..رفعت صوتها:ناصر ناصر..حبيبي اش فيك؟؟..ناصر لا تشغل فكرك بحمد
كتفت يديني وأنا أوقف قدامها:واعدته اليوم أني أروح معه لأصحابه الجديدين
سحبت يدي وهي تقوم من على الكرسي:طيب..زين ما سويت..يالله نصور خل نروح الى أمك..تركنها لوحدها
...................

&&في بيت أبو فيصل&&
غلا تقلب المحطات بملل وهي تقول:أدعي ربك أن أمي توافق على طلعه بكره..نفسي أنبسط!!
رغد جالسه على الارض وفي يدها ((براون))تنظف رجلها:ااااي ااااااااي ااااااااي..شوفي الساعه كم وأخوك للحين ما شرف ولا خبروه..ما شكلنا بنطلع
عدلت غلا من جلستها بعد ما ضغطت الحبه الحمراء في الريموت:تخيل عاد يجي وأنتي كذا..عشان تاكلي تهزيئه ما صارت
مدت رغد لسانها وهي تتأوه:أصلا هو هالايام ما يتكلم لا في الزين ولا في الشين
نزلت أمهم من على الدرج وهي تناظر رغد بعدم استيعاب:رغد.وش تسوي هنا..قومي أنقلعي عن وجهي..لا بارك الله فيك بنت
طفت رغد الاله وهي تلمس ساقها:يااااااااااااي نعومه لا تقاوم!!
مسكت غلا ضحكتها لا تجيها تهزيئه من أمها وقالت:أمي بليز نبي نروح بكره مع بيت خالتي للمزرعه..(وسحبت بلوزتها بقهر)أنخنقنا من البيت
قالت أم فيصل بغضب:الله لا يبارك الله فيها هالجود..ما خلتنا نتهنا في شي..الولد وهذا هو..من يومها يطلع ويدخل ولا يكلم أحد
سمعوا صوت الباب الخارجي..وقفت رغد بسرعه على طولها..ونزلت بنطلونها..ودخلت الاله في الدرج بأهمال..وهي تنفض يدها براحه:سلااااااام..أنا رايحه أخذ شاور
ردت غلا على أمها:يمه..ليش تدعي على جود حرام..وبعدين هي تبي ولد عمها..واللي ما يبينا ما نبيه..بس تبقى بنت خالتي
دخل فيصل وقامت له غلا ومسكت يده:تكفى فصووووول
ناظر فيها بمعني وش تبي؟؟
قالت أم فيصل وهي تتأمل الرفض من ولدها:عازمتنا خالتك بكره نطلع معهم على الجمعه في مزرعه أبو محمد..تروح؟؟
فك يده من غلا..وقال وهو يركب على الدرج بخفه:أوكي ..الساعه كم بتروحوا؟؟
أبتسمت غلا بأنتصار:الساعه سبعه الصبح
..أوكي جلسوني(وكمل طريقه الى الغرفه)
ما صدقت غلا على الله أنه يسكر باب الغرفه حتى تصرخ بفرحه:ووووووووووووووويه بنطلع..بنطلع..يا ناااااااااااااااس بنطلع
حدت أمها من النظر فيها:غلا..رح تصحي أبوك من الصراخ!!
رمت بوسه على أمها وركبت الدرج:رح أروح أخبر رغدووووووووه
دخلت غرفه رغد وسمعت صوت المويه..راحت عند باب الحمام..وهي تلعب في المقبض(ووووووووووه أنفتح الباب)
صرخت رغد:هيييييييييييييييييييييييييييييييييييييي
قفلت غلا الباب وجلست على باب الحمام تضحك:هههههههههههه سو ههههههههههه سوووووووري والله مدري..بعدين أنتي ليش ما سكرتي الباب
ردت رغد بقهر:يا بقره يا غبيه..مدرررري نسيت..مالت عليك..وش تبي؟؟
غلا:ووووويلي..بمووووووت..رغدووووووه بكره بنطلع..رح نروح المزرعه هيييييييييييييييييييييه
صرخت رغد في الحمام:هيييييييييييييييييييييييييييييييييييييييييي يه
همست غلا:يا هبله لا تصرخي في الحمام بعدين مدري وش يصير فيك
حطت رغد يدها على فمها وقالت بصوت خافت:هبلتي فيني يا مجنونه..يالله أذلفي خلني أعرف أتحمم!!
...................

الساعه 9 و45 دقيقه..كان حمد ينتظر ناصر عند باب بيتهم..بعد تخووف ناصر طلع من البيت وركب السياره وهو يسلم..أستغرب ناصر الوضع..السياره مليانه صناديق..وأشياء ما يعرف ليش هي هنا..وأصلا وش هي؟؟
وقفوا عند طريق مظلم..نزلوا من السياره..وناصر ورى حمد.. من الضياع يلتفت الى المكان الغريب..أحد يجلس هنا؟؟
حمد بثقه نافخ صدره:خلك يا ناصر وراي(وربت على كتفه)..وأوعدك أنك تحبهم مثلي.
دخلوا في فتحه ضيقه..الظلام فيها دامس..شغل حمد المصباح المحمول
نـــــــــــــــاصر
حسيت أني أمشي في قبر..من كثر مو ضيق ومظلم..أنتهى هذا الممر بساحه..أقدر أقول هنا مزرعه كبيره..شباب نايمين على الحصير..وشباب يطبخوا أندومي..وشباب يلعبوا ورق وصوت ضحكاتهم يتعالى..شباب كثير..رح حمد داخل الحوطه اللي جالسين فيها الشباب اللي يلعبوا ورق..وهو يصفق يدينه:يالله يا نواف..متى يخلص العشاء تراني جووووعان موووووت
أشر له بيده بمعنى بعد شوي
جلسنا وعرفهم علي :شوفوا يا شباب..هذا رفيق دربي من يوم أنا صغير..هذا نصووور الغالي..عاد نبغى نعلمه على الشغل تمام..وراه بيت وزوجه!!
كلمني شخص (استغفر الله)شكله مثل الشيطان..هيئته مخيفه..شنبه طووووويل وبدون لحيه..شعره صاير بس كره من الوسط والباقي مافيه..لابس ملابس البيت..وشكله كاب عليهم شي..مدري يمكن ببسي:شوف يا ناصر..دامك جاي من طرف الحبيب حمد..فأكيد أنك موثوق بس ايش يا شباب!!
ردوا كلهم مره وحده مثل طلاب الروضه اللي يتبعوا استاذهم:الثقه عندنا أهم شي..والسريه التامه
ضخم صوته وهو يضحك:ههههههههههههه..ايوووه هذا تقدر تقول عنه شعارنا..وعشانك رح تنضاف لنا من اليوم..رووح يا بندر جيب حصيلة الأمس!!
راح بندر الى غرفة بابها صغيره في طرف المكان..وفتحها بمفتاح القفل الاصفر..دخل وجاب قطعه قماش..وحطها في الوسط وهو يفردها..فلووووس؟؟
ايوووه اللي داخلها مبالغ باهضه ..عباره عن رصات من الخمس ميات..أخذ
قائدهم رصتين..ورماهم في وجهي:هذا حلاوة معرفتنا بس!!ومع الأيام..انت وشطارتك يا الحبيب
تركت الفلوس..بعد ما طاحوا على الأرض وتسندت بخوف..حرااااميه..أتوسلك ياربي..أتوسلك أن لا يغريني المال..أتوسلك
ناظرت في حمد بنظره مقززه..جايبني عند هالصيعه..اللي مو مربين!!لالالا ضعوا هنا خط أحمر
التربيه ليس عامل أساسي..بعض الناس أهلهم ونعم الناس..من البيت للمسجد..بعضهم أبهاتهم أئمه مساجد..وانت يا حمد..كيف تنضم الى هذه الفئه؟؟كيف تترك أمك بعد ما مات أبوك..كيف تخونها بهذا التصرف؟؟..كيف رح تواجهها
جاب الشاب اللي يطبخ..والله نسيت أسمه..المهم جاب الاندومي في صحون صغيره..وتجمعوا كلهم عليه..كأنهم في مجاعه؟؟يمكن أكثر..ليش يا ناصر ما تتكلم؟؟ليش ما تكون أنت الهادي لهم بعد ربهم؟؟
سمعت صوت سيارات الشرطه في أنحاء المكان..تفازعوا الشباب..ذكروني بالحروب اللي أشوفها بالتلفزيون كل يوم..كلا في ذا الوقت كان في همه..كلا شاف له طريقه يهرب فيها..منهم من نجاح ومنهم من كبلتهم الشرطه..وأنا؟؟؟؟؟؟؟؟؟؟؟؟؟؟؟؟؟
..............................
صباح يوم الخميس الموافق
12/4/1425ه
على الساعه 10 تواجد الكل في المزرعه..الاء ورنا داخل بركه السباحه
راحت الاء الى رنا اللي جالسه على السرميك ورجلينها بالمويه..ودفعتها داخل المويه..والان كان هالشي فجئه لرنا فستغرقت دقيقه لين ضبطت وضعها في المويه وأرتفعت..وهي تبعد شعرها عن وجهى..وتتفنس بقوووه:الاووووووووه يا بايخه..تخيلي أني مت!!
رفعت الاء يدينها فوق..ورمت نفسها في المويه:أنا أدري أنك شاطره بالسباحه..لا تخافي مرح تموتي
دخل عليهم عبدالله..وهو يبكي
قربت الاء من الحاجز وقالت:عبود وش فيك تصيح؟؟
رد عليها وهو يفرك في عيونه ويبكي بدلع:أبي أسبح معكم
ضربت الاء يدينها في بعض:أحلى يا بابا..عبدوووووه روح عني مو فاضيه أجلس أتأملك كل شوي..قول الى ماما الاء ما رضت!!
طلع وهو يمد لسانه لها وراح عند أمه:الاء..ماتبيني
مسكته ام سعود من بطنه وجلسته على حظنها:خلك هنا..خلاص عبود تأدب..قلت لك لما تكبر وتصير مثل بابا تسبح..زين؟؟
هز راسه وهو يحاول يفك نفسه من بين يدينها
في الجهه المقابله..جود جالسه مع نهى وميعاد وغلا..أما رغد مو متعوده على جلست الصبح..ونامت..قامت نهى وهي تشد يد جود:جود قومي أبي أتمشى برا..قبل لا تصير الشمس حاره
طلعوا مع بعض..وراحو مكان بعيد عن الصالات..وجلسوا على الرمل
جود بحماس:نفسي أسوووي أكشن غير شكل..وأهيص
نهى وهي تلعب بالرمل:انا نفسي أجلس معك وبس..أمممممممم..شكلنا يا جود كبرنا..تخيلي يجي وقت ما أعرف أتكلم معك كلمتين على بعضهم من هيصة أولادنا
أبتسمت جود:أنا عن نفسي..مابي أجيب أولاد من بدري(وحركت عيونها بدلع)لساتني صغيره...الدور والباقي عليك
سوت نهى لها..مالت:أسمعي صوت رنا والاء من المسبح..الهبلان يصارخوا(وطلعت جوالها من جيبها..تعطي نفسها أمل يرن جوال ناصر)
أن الرقم الذي طلبته ليس موجود بالخدمه:ااااااااه يا جود..وهذا ناصر شاغل بالي..من أمس وأنا أدق عليه..ورقمه مغلق..مو من عوايده!!
..تلقيه طالع مع اصحابه ومافيه شحن..مافيه الا الخير
غمزت نهى لها:ايه من قدك وائل وهذا هو معك
..اسكتي بس .اصلا اليوم بكبره ما لمحته(رن جوالها..وكانت أمها)
..هلا يمه
أم سعود بعصبيه:جود..تعالي خلصيني أخذي عبود ولعبيه..بس مخلينه علي..تعبت انا
قفلت التلفون بعد ما قالت الى امها انها رح تجي:نهوووووي..بس ثواني أجيب عبدالله وأجي
شافت في طريقها فيصل يكلم بجواله تحت ظل وحده من الشجر..مريت بسرعه منه..بس كان أسرع مني و............................................

الجزء العاشر
((حقا ما زال الحب يتوالد!!))

غمـــــــــــــــــــــــــــــوض


قفلت التلفون بعد ما قالت الى امها انها رح تجي:نهوووووي..بس ثواني أجيب عبدالله وأجي
شافت في طريقها فيصل يكلم بجواله تحت ظل وحده من الشجر..مشيت بسرعه..بس كان أسرع مني وقال بطريقه يتصنع فيها البرائه:جود..وقفي مكانك..عندي كلام ولازم تسمعيه
جــــــــــــــــــود
مشيت خطوتين لقدام من بعد ما وقفني صوته الضخم..في نفس الوقت هو تقدم..وسحبني من يدي الى وحده من الغرف اللي تعتبر من المخازن بالمزرعه..تركني بوسط الغرفه..وهو يرفس أكياس الشعير بعصبيه:وأخيرا جاء اليوم اللي حصلت فيه فرصه أكلمك
تكلمت وأنا ألتفت يمين ويسار وبالي مع وائل..ايش رح يكون شعوره لو يدري بالموضوع..أو حتى يشوفني:فيصل..ما اتوقع لي معك اي كلام
سحب واحد من الاكياس وحطه ورى الباب وجلس عليه:رح أشوف كيف رح تطلعي(وصرخ بقوه)مو انا اللي يلعبوا معي مو أنا..حلوه منك الثلاث شهور..متفقه مع حبيب القلب وخالصه..لا تسوي نفسك البريئه..لأن أكثر من نذالتك ما شفت
نزلت راسي وتسندت على الجدار..الكلام معه مرح يفيد..واصلا لو أتكلم وش رح أقول..أخاف أتكلم وتكرهوني؟؟أنتوا تحبوني صح!!
..الحب في هالزمن غلط..وخصوصا من بزر مثلك..تلعب مع مية حبل..والكل يثقوا فيها..هههههههههههههههههههه..(تقرب ليما صار واقف قبالي)..عيونك حلوووين..بس الدموع فيهم كذبه..(ضربني على راسي)..أصحي..بطلة روايتك أنسيها..فكري قدام..كيف هههههههههههههههه..كيف وائل رح يشوف حقيقة حبيبته المررره..تستاهلي كل اللي يجيك
رن جوالي نغمه وائل..القهر مالكني..وللحظه ما حبيت اكون المضحيه..مثل بطلتي..وأخبي على وائل الموضوع..لالالا كنت أنا..رفعت السماعه..ونظرات فيصل الساخره لساتها متوجهه لي..يفتكرني بخبي وأخاف..تكلمت بسرعه:وائل أنا بالمخزن اللي عند أشجار الليمون..فيصل حبسنـــــــ>>سحب فيصل التلفون..ورماه على لجدار اللي جنبي تماما..لدرجة أني خفت يجي وجهي..مد صبعه السبابه قدامي وقال:صدقيني يا جود..أن ما خليتك تندمي على تحطيم قلبي..ما أكون المهندس فيصل..سحب الكيس من عند الباب بقوه وطلع..جلست على الارض..وغمضت عيوني أحاول أستوعب..كنت أبي أبكي..بس شكل الدموع محاربتني..فتحت عيوني على صوت لهثات وائل وهو متسند على برواز الباب ويناظرني..وتكلم بصوت واطي وهو منزل عيونه للارض:وش صار
لميت قطع جوالي من على الارض وتقربت عنده..التفت لي وقال:أنا رايح مجلس الرجال بعدين أشوفك!!
انصدمت..وش صار له..توقعت رده فعله غير..يسأل..يصرخ..أو يمكن يقتل فيصل..مو..مو..مو بس يسأل وش صار..وبدون ما يعرف الاجابه يروح..ضبطت حجابي ورحت الى أمي..الي عصبت على تأخيري..أخذت عبود ورحت فيه الى الألعاب..ماودي أرجع الى نهى الحين الان مزاجي معفوس..غير حركت وائل اللي ما ادري وش يقصد فيها..حطيت يدي على قلبي..من صرخت ميعاد اللي جات وراي تفاجأني:ميعادووووه وش هالحركات..مافيه دواء يخفض مستوى الصوت..لو يخليك خرسه
ضربتني على راسي وهي تتحلطم:أحم أحم..والله من كثر حنتك على صوتي..أخاف يجي له يوم وما يطلع
حركت المرجوحه بقوه الى عبود وقلت:هذي الساعه لمباركه..الا تعالي قبل لا انسى..وشي ذي السالفه..اللي من زمن جدي تبي تقوليها
طلعت لسانها تغايضني وقالت:مو قايله لك..واصلا المكان مو مناسب
ناديت ايمان اللي كانت تلعب..والحمدلله ربي هداها ورضت..تلعب عبود معاها
سحبت ميعاد وقلت بصرامه:مو على كيفك..الحين رح تقولي!!
ميعاد:طيب خل نجلس!!
جلست ميعاد..وأما أنا حسيت أن راسي يدور..فحطيت راسي على رجل ميعاد..وصرت أناظر فيها وهي تتكلم..كل اللي شدني..صوتها الهادئ والنادر اللي حسسني بشي خطير..بعد ثواني حطيت يدي على فمي..وقمت جلست قدام وجهى:ميعادو حبيبتي..يمكن هي مو قاصده تفتح كذا شي..بس بالصدفه طلع كذا..وبعدين أنتي قلتي شفتيها وتوها الصفحه تفتح
حطت يدينها على خدودي وكملت وهي تناظرني:أنا بعد فكرت كذا..بس تصرفات عمتك غريبه..وتخلي الواحد يشك
شلت يدينها وضربتهم في بعض:أحنا من زمان ندري أن فيها أكتئاب..وفجر كذا مره راحت فيها الطبيب
وقفت ميعاد بعزيمه:طيب الحين أنادي لك عاشقة الفارس..وخليها تشرح لك..يمكن تعرف شي..موهي اللي دام معها محامي دفاع!!
..ههههههههه..والله وصارت عاشقة الفارس..يا عمري ياخوي..مدري وش أخرت حب هالبنت لك
سفهتني ميعاد وراحت تنادي على قولتها..((عاشقة الفارس))..ورجعت وهي تجرها ورها:حرام عليك خلي البنت تعرف تمشي
جلست فجر وهي تتنفس بقوه..ورفعت يدينها الى السماء:يا جعل رجال يجي ويسرقك في ليله مضويه يا ميعادووه..هلكتيني يا غبيه!!
ميعاد بتهديد وهي تقلد حركات فجر:شوفي..اللي أوله شرط أخره سلام..مو تجلسي طول الوقت تأشري يمين يسار بيدك..لو ترى من الحين أربطهم..فهمينا السالفه بدون حركات
كلمتني فجر تسوي نفسها تحقر ميعاد:وش فيها هالبنت..أول ساحبتني باقي شوي ويدي تنكسر..وبعدين تهدد!!
مسكت ميعاد دقن فجر وقالت بهدوء:نبغى تعلمينا بحقيقة عمتنا هدى؟؟؟؟؟؟؟
...........

رفعت كفوفي وأنا وسط الدرج:ياربي أستر علي
مع اني عارفه اللي أسويه غلط..الا أني أدعي ربي يستر علي..ضبطت كل شي بالبيت وبخرته..نزلت الصاله ورجعت اتأمل جسمي في المرايه اللي بطول الجدار:ههههههههههههههههه..شكرا لك يا أمي..صحيح عذبتيني وخليتيني فتره..أنظف وأطبخ كأني مثل الخدم أو أعظم الا أني أستفدت وصرت رشيقه من التعذيب
كنت لابسه تنوره بيضاء فوق الركب..مع بلوزه علاقي ضيقه وشفافه..وتاركه شعري الطويل مفتوح على غير عادتي
هــــــــــــدى
الحمدلله ربي..أبوي وأخيرا رضى يخليني بالبيت بروحي..فكه حتى الخدم أخذوهم..تعرفت على صديقه من أحد المنتديات اللي أنزل فيهم صوري..وطلعت في نفس منطقتنا صحيح بعيد..بس شكلها ((حررره)) مو مثلي أهلي قافلين علي..رديت على جوالي:هلا هلا غرام..أنا جهزت كل شي ما باقي الا حضورك
فتحت لها الباب ..ودخلت تمشي بغنج واضح..أكثر شي لفت نظري صندلها الكعب بلون الدم..دخلتها الصاله :حياك غرومه البيت بيتك
شالت الغطاء من على وجهى:متأكده أن ما في بالبيت غيرنا؟؟
ضحكت بدلع مصطنع:ولو..أنا ما أكذب عليك..خبرتك أهلي طلعوا المزرعه ومافيه بالبيت غيرنا
غمزت وهي تشيل عباتها:حلووو
شبكت يديني وأنا أجامل:تصدقي غرومه توقعتك حلوه من صورك الرهيبه..بس وجهك ملائكي..ماشاء الله تجنني
قلت أخر كلمه بصدمه من اللي شفته..كانت لابسه ملابس داخليه نسائيه وبس..أحس أن جاتني الدوخه وأنطميت..جات جلست جنبي وباستني على خدي:هذا من ذووقك ياقلبي
حاولت ابين طبيعيه وأن مافي شي :اش أخبارك وش مسويه؟؟
تسندت على الكنب وكتفت يدينها وهي تتأمل الديكور:بصراحه الأمس..كان يوم غير شكل..شي رهيب سحوووره
..الله يبسطك دايم..ليش وش صار؟؟
غمضت عيونها بحالميه:الأمس رجعت من رحله الى لبنان..من فتره تعرفت على واحد مشترك في القروب حقي..ومن مده وهو يطلبني أزوره وأنا أتغلى..بس قبل اسبوع دخلت في راسي الفكره..وبصراحه هو أغراني بمبلغ كبير..وكذا مبلغ ما ينرد..حجزت على أول طياره وعلى لبنان..ااااااااااااااه يا سحووووره لو تجربي!!
تلعثمت وأنا أقول:طيب كم المبلغ؟؟
حطت رجل على رجل بأغراء:الليله الوحده بعشرين ألف ريال..أحسبي أسبوع كامل..(حطت أصبعها على خدي مثل الاطفال وكملت)..كم صار المجموع؟؟..ولا تنسي هذي بدايه المشوار..مع الأيام أكيد المبلغ رح يتضاعف
وقفت وأنا أقول:عليك بالعافيه..أنا أروح أجيب العصير لك!!
وقفت ومسكت يدي:رح أروح معك(أشرت لها بمعنى تفضلي)..سحوووره وش رايك نتاجر..صدقيني الارباح أكيده..غير كذا متعه
والله الفكره حلوه..بس أهلي أكيد مرح يرضوا أطلع من البيت..لا حتى أجلس يوم كامل برا البيت..مو أسافر لبنان وأقضي أسبوع
زميت شفايفي:والله يا غرومه صعبه..تعرفي الأهل..والموضوع فيه سفر..وخرجه بالليل..مستحيل أقدر
رفعت صوتها بكبرياء:هههههههههههه..يابابا أنتي عمرك 27 سنه..يعني مو طفله تبكي لرضعه..والمفروض قرارك بيدك مو بيد أي أحد..شوفيني أصغر منك بسنتين..غير كذا ما علي من احد..وأسوي اللي أبي
حسيت بالاحباط من كلامها..وجاء نفسي أذبح كل واحد يوقف في طريقي:اوكي يا غرام رح أحاول!!
جلست على فرفوف المطبخ وهي تشرب عصير الفراوله:سحر لا تصيري مغفله..مو كافي تصويرك بالنقاب اللي يفقد الصوره حلاوتها..مو كافي هاللبس اللي عليك..أنتي متى رح تصيري جريئه؟؟
فتحت عيوني مو مستوعبه كلامها:الحين لبسي مو جريئ؟؟
نزلت من على الرف وسحبتني:سحر وين غرفتك..قال ايش قال لبسي جريئ!!
أخذت كيس من على الكنب..وأخذتها الى غرفتي..طلعت ملابس من الكيس وقالت:يالله شيلي هالزباله اللي عليك..ولبسي هذا!!
نزلت عيوني على الارض..أنا لازم أتغير..لازم أكون مثل غرام!!>>لالالالا لازم أكسر راسها وأكون أحسن منها
رفعت راسي بحماس:رح أدخل الحمام أغير ملابسي..خذي راحتك
طاحت على السرير على ظهرها وهي ماسكه ضحكتها وترافس برجلها:قال ايش رح اروح الحمام(غمزت لي وهي تقوم من على السرير)..خليك هنا..كلنا بنات مع بعضنا..وبعدين خل اساعدك باللبس
>>هذي وش تقول..استخفت؟؟..لالالالا يا هدى لازم تكوني أحسن منها..ايه والله ليش الحمام؟؟..اللي يشوف هي مو شايفه صوري بالمنتديات وشبعانه منهم..ما بقى الا وجهي..وهذا هي شافته..يعني ماله دااااااااعي!!!!!!!!
لبست اللبس وأنا أدور عند المرايه:يااااااااااي غررررومه..شي يجنن..طلعت الكاميرا الجديده اللي شريتها..صوريني كم صوره ههههههههه
((نصيحه لكل فتاه))
فالاخت المسلمة الملتزمة هي اثمن من ان تعرض عورتها على العامة , كسلعة رخيصة بخيسة
الاخت المسلمة مخلوقة غالية اكرمها الله بالجمال الخارجي والداخلي وذلك نعمة الله
فان ظهرت عورة هذه الغالية على العامة فلم تطيع الرحمن وخانت الامانة واصبحت سلعة رخيصة
وان التزمت ولم تظهر عورتها الا على من سمح لها الرحمن فلقد حافظت على الامانة

تظن الكاسية العارية ان الناس يعجبون بها , كلا ان الذين ينظرون لها ويعجبون بها ما هم الا ممن يريد سلعة رخيصة
ومن اراد من الرجال لنفسه سلعة رخيصة , فهو لا يدرك قيمة نفسه وهو رخيص
فان اردت الغالي ذو القيمة الذي يدرك قيمتك لا تكوني سلعة رخيصة كاسية عارية
كوني مخلوقة الرحمن , اساس الاسرة , مربية لاطفال الامة , غالية المقام
قال رسول الله صلى الله عليه وأله وسلم(("" نساء كاسيات عاريات ، مائلات مميلات لا يدخلن الجنة ، ولا يجدن ريحها ، وريحها يوجد من مسيرة خمسمائة سنة ""))
...................

وســـــــــام
رميت كورة الطائره بقوه..مسكين فراس جات في وجهه:هههههههه..أنت مو حق لعب
خفت وأنا أشوفه يفصخ نظارته بحذر..مريت من تحت الشبك الفاصل بين الفريقين:صار لك شي؟؟
فتح عيونه وقال:وش هالعب وسامووه..كسرت عدسه نظارتي(رفع يده)..أنا أنسحب..مقد أكمل
سعود بسخريه:والله أن عقلك يوزن بلد يا دكتور..أحد يلعب بنظارته..هههههه تفكر نفسك في غرفة العمليات!!
شال وائل يده من على خده وقال الى فراس:الغلط منك..احد يلعب مع ناس أقل منه مستوى..شوفني جالس أتفرج.
سعود بغرور:صح عليك يا وائل..أجل في أحد يلعب مع أولاد يدلعوا مثل البنات(يقصد فراس)..والله ناس تبسموا ومن زود الوناسه يلعبوا بدون ما يركزوا>>طبعا يقصدني
ااااااااااه لو تدري يا سعود وش فيني كان ما حكيت..صحيح أنا أصغر منك..بس شكلي رح أجرب الزواج والحب قبلك..مدري أمي الحين فتحت الموضوع مع أم محمد والله لا..ياخوفي تقول المكان مو مناسب..ميعاد دخلت مزاجي من يوم أشوفها في حديقة بيتنا..جاء على بالي أحاول أشوفها اليوم..بس تعوذت من ابليس..وحسيت هالحركات أنا كبير عليها..خلاص كلها كم يوم وتصير زوجتي..هو في وحده تقدر ترفضني!!
صحيت من أفكاري على صوت وائل يسأل عن الساعه..جاوبته أسكته:خمس وكم دقيقه
طلع وائل جواله من جيبه:صار لي ساعتين أدق على ناصر ما يرد..هو قال أنه رح يجي لنا المزرعه..بس جواله كله مغلق!!
رد فراس وهو يلعب بالرمل برجلينه:يمكن أنه نايم..ناس وايد أيام أجازتهم ياخذوها نوم!!
لفيت وجه وائل:يالغالي وش جايك على الرجال؟؟
حسيت في رده العصبيه:يعني ما تشوفه؟؟كيف جالس لوحده..هالمغرور مع نظراته..كأنا قدامه حشرات
رفعت كتوفي وأنا أبعد خصله من على عيوني..وأحط يدي على غصن الشجره:اللي مو فاهمته..ليش جاء؟؟
أنسدح فراس على رجل وائل:يمكن خواته أصروا عليه يجي!!عشان كذا هو مقهور.
دورت محمد وسعود بعيوني..وأنا توني أنتبه من عدم وجودهم:وين راحوا الشياب؟
قام فراس وهو يتثاوب:شكلهم دخلوا يشوفوا المباره..الحين رح تبدى!!أنا بقوم أدخل أنام(أشر لنا بيده وراح)
جلست على الكرسي الخشبي اللي بدون مسند جنب وائل وحطيت يدي على كتفه:وش فيك ياخوي..اللي يشوفك ما يقول هذا خطيبته (وغمزت)معاه في نفس المكان
حسيته مكتئب وماله خلقي..حتى اجوبته يا معصب يا يسكتنا فيهم..طلعت جوالي ودقيت على فجر:هلا فجور..أنتي وين..زين معاك جود؟؟..طيب قولي لها وائل يستناها عند ملعب الطائره..ايه الحين..يالله باي
لف علي وهو مقهور:ليش سويت كذا؟؟
وقفت وسحبت خشمه:ياغبي لا تخلي(أشرت على فيصل) وجود مثل هالاشخاص..يقهرك..عيش حياتك
مشيت شوي ولفيت له:من قدك ياخوي..أبتسم بس لا تخلع البنت من تكشيرتك
وما كملت مشي لين شفته أبتسم
..............
فجــــــــــــــــــــــــــــــر
جات ميعاد المربوشه تسحبني من يدي..وقطعت سرحاني في فراس..كنت متأزمه صار لي فتره مو قصيره وأنا أحبه..وللحين ما يدري..أبي أسوي شي يحسسه بحبي له..ااااااااااف كم مره عطيت نهى هدايا ورسايل توصلهم له..شكل هالرجال ما يفهم..أو يمكن ما يحبني..لازم أشوف طريقه..وأسمع بنفسي أنه يكرهني..بس لا مابي أسمعها..أخاف يصير لي شي..بعدين كيف أكمل حياتي بدون شي..على الاقل أفكر فيه؟؟وأحلم بالمستقبل معه..ربي جاب هالمربوشه وأنهت هالصراع النفسي اللي أعيشه
ميعاد وهي تجرني:تعالي..عندنا معك موضوع
سحبت يدي وقلت وأنا أغطي شعري بحجابي اللي طاح:زين بس خفي على يدي شوي
أخذتني وين ما جود جالسه..وهنا حسيت بالفرحه..يمكن جايبيني يقولوا لي أن فراس يحبني..بس في داخلي أقول..والله أنك خبله يا فجر..وتفكيرك طفولي حيل
جلست وأنا أتنفس بقوه..ورفعت يدي الى السماء:يا جعل رجال يجي ويسرقك في ليله مضويه يا ميعادووه..هلكتيني يا غبيه!!
ميعاد بتهديد وهي تقلد حركاتي:شوفي..اللي أوله شرط أخره سلام..مو تجلسي طول الوقت تأشري يمين يسار بيدك..لو ترى من الحين أربطهم..فهمينا السالفه بدون حركات
كلمت جود وأنا أسوي نفسي أحقر ميعاد:وش فيها هالبنت..أول ساحبتني باقي شوي ويدي تنكسر..وبعدين تهدد!!
مسكت ميعاد دقني وقالت بهدوء:نبغى تعلمينا بحقيقة عمتنا هدى؟؟؟؟؟؟؟
بلعت ريقي وأنا أحس حلقي جف وقلت بهدوء:حقيقة وشو؟؟
حسيت أن المكان هدوء..ما عداء صوت ضحكات عبود وهو يلعب..وميعاد تاخذ رمل من على الارض وتحطه على حضني..كنت أشوفها بس مو مهتمه..تكلمت بعد دقايق كأنها سنين من الصمت:تذكري أخر مره نجي فيها بيتكم؟؟
هزيت راسي لها بصمت وكملت:رحت أنادي عمتي هدى من غرفة وسام..لما دخلت لقيت الغرفه ظلام..أفتكرتها نايمه..توسطت الغرفه ولقيت لاب توبها على السرير..ومدري ليش جاني فضول..رحت وشفت على الشاشه صفحة نت تتحمل..لما تقربت شفت(ناظرت عيوني ثواني وقالت)..شفت يا فجر أجسام عـــ ـــاريه..شفت شي ما ينشاف(تنهدت ميعاد وقالت)أنتي يا فجر أقرب وحده لها..أنتي اللي تاخذينها الطبيب..أنتي اللي تزوريها..فهميني الموضوع؟؟
لما قالت أجسام أرتحت..وكأن شي ثقيل على كتفي وأنزاح..كنت خايفه أنها شافت صورها لو شي..بس أشوا شافت الغير مو هي!!!!!!!
هذي ميعادوه داهيه..وأكيد مرح تترك الموضوع يمر كذا..لما حسيت الثقل على رجلي ناظرت في رجلي وأنصعقت..وقفت وأنا أبعد الرمل عني:الله ياخذك..عبيتيني رمل!!
فكت جود حجابها..وحركت رقبتها يمين ويسار..تحرك شعرها:جود!!وش فيك؟؟كأنك تعبانه.
حركت راسها بالنفي وقالت:لا بس أفكر في عمتك..وفوق كذا مدري ليش عيت تجي معنا..وجلست بالبيت لوحدها
جلست وأنا أحرك يديني ومعصبه:جود..وش قصدك..أكيد قصدك أنها ما جلست الا على عشان يفضى لها الجو..وتسوي اللي تبي
غمضت جود عيونها..وكأنها توقفني عن الكلام..بس بعدين حسيت بيديني وحطيتهم بحضني وأبتسمت بخفه:مقدر عليك..خايفه على عيونك..خلاص مرح أحرك يديني!!
ساد الصمت..وتنهدت وقلت:صدقوني مدري وش أسوي معاها..عمتنا..يمكن اللي سواه جدي أثر عليها
قاطعتني ميعاد بعصبيه:كل الناس تصير عندهم مشاكل..كلنا يمكن يجي يوم ويدمرنا..المفروض في ذي الاوقات نتقرب من ربنا..ننسى الماضي بشي يفيدنا..مو نعصي ربنا..فجر أنتي وش تقولي!!
ظليت على هدوئي وكملت:كذا مره أخذها لدكتور غصب..بس هي تعاند وما تشرب الادويه..ولا تسمع كلام الطبيب..كذا مره تشكي لي..هي ما ودها تسوي كذا..صدقوني انها تزعل من نفسها..وحاولت تترك هالاشياء عنها..بس صار أدمان بالنسبه لها
حطت جود يدينها على وجهى:يا دافع البلاء..عمتي تمشي الى النار برجولها..يارب أنك تهديها
نزلت رقبتي على الارض:لا تنسوا أنفسكم..عمتنا كانت محتاجه حنان..محتاجه أنفس أرواح قلوب توقف معها..تساعدها تتخطئ محنتها..بس كلكم تركتوها..لين شافت شي يعوضها عنكم..لا تعاتبوها والسبب أنتم!!!!!..لو سمعت يا ميعاد..أن هالكلام واصل الى أحد غيرنا..لا تلومي الا نفسك
وقفت وأنا معصبه منهم ومشيت رايحه مجلس النساء..في هالوقت دق علي وسام..قفلت منه..ولفيت الى جود بدون نفس:جود..وسام يقول أن وائل ينتظرك عند ملعب الطائره
...............

جـــــــــــــــود(2)
لمني ابدفا من صقيع الليل باحضانك
جيتك عطش منهك من نضرة اغصاني
وقفت وحتى ما كلفت أضبط حجابي..قلت الى ميعاد وأنا ملانه من نفسي:غناتي أنتبهي الى عبود..وقولي الى نهى أني مع وائل لا تقول تركتها..ولحقي على فجر لا تزعل منا
حط ميعاد يدها على راسها:ول ول عليك..كل هذا أنا أسويه..روحي بس أذلفي.
تركتها ورحت الى ملعب الطائره صرت ألتفت في أي جهه جالس وائل؟؟..شفته في أخر الملعب منسدح على الكرسي ومغمض عيونه..تقربت منه..وظليت ساكته..الحين وش أقول؟؟..أخر شي تنحنحت وقلت:وائل!!
حسيت أني مو قادره أوقف أكثر..يمكن لو وقفت أكثر..رح أبكي:أنا رح أمشي
قام بدون ما يناظر فيني ووسع لي على الكرسي..وهو يناظر الارض:أجلسي!!
جلست وظليت ساكته..يعني هو مناديني عشان يظل كذا ساكت؟؟:وائل..اذا ما عندك شي..أنا بروح!!
وبعد ما تكلم..ظليت دقايق..بعدها قرب لي..وضمني الى صدره بيد وحده:ليش كنتي معها..وش قال..هو جاء عشانك مو..ليش دقيتي علي..تبي تقهريني؟؟
رفعت راسي عشان أشوف وجهه وكيف ملامحه الحين..بس هو قربني أكثر..فماقدرت أرفع راسي وقلت:هو كان يبي
قال بصوته الطبيعي:خلاص أسكتي!!
..أنت سألت..طيب خل أشرح لك..وش صار!!
رجع قال:خلاص أسكتي
رفعت صوتي لأني عصبت:وائل..وش فيك..خليني أقول عشان أرتاح وترتاح!!
حسيت أنه عصب بقوه لانه ضغط علي بقوه وقال:ااااااااااااااااااااااااااف..جود ولا حرف!!
ولاني ما أحب أحد يعصب علي قلت:أنت بعد أااااااااااااااااااااااااااااف..ضامني بقوه بختنق..ومو مخليني أتكلم أاااااااااااااااااااااااااااااف
ضحك على كلامي ورجع قال بجديه مصطنعه:أاااااااااااااااااااااااااااااااص
كتفت يديني وأنا مقهوره على الأقل هو يضيع وقت يتأمل السماء..مو أنا مخنوقه..ظليت كذا ربع ساعه..حسيت أني خلاص بنااااام وأفتح عيوني غصب..بعدها غمضتها..وفزعت من وائل وهو يبعد كتفي عشان يشوف وجهي ويقول:أنا ما قلت لك نامي
رجعت على نفس وضعيتي وقلت:مو أنت قلت لا تتكلمي..هذا أنا أنطميت..وأختنقت..وش تبي فيني بنام أاااااااااااااااااااااااااف أسكت(قلت أخر كلمه عشان أقهره)
قال من بعد ما حط راسه على راسي:الحين أنتي تكتبي روايات؟؟..وشو نوع البطل اللي تكتبي عنه!!
حركت شفايفي بحيره:مدري على حسب القصه ونوعها..بس بالنسبه لي دايم أحب البطل الحنون..ما أحبه رومانسي بزياده..أحبه متفهم..بالاصح أنا أحب البطل اللي أتمناه وبس..حتى لو كتبت أنه شرير..فأكون هذا البطل وهو شرير..لانه ساعتها رح يكون داخله شي يخليه كذا
..زين انا مرح أقول أني بطلك اللي تتمنيه..لأنك رضيتي فيني وأنتهيتي..يعني مافي فكه
ضحكت وأنا أبعد يده..قوم نجلس على الارض..تعبت من الكرسي..قمت ورحت تحت وحده من الشجر الكبار وأنسدحت..وهو جاء وتربع:أهااااا..شكلها طاقه عليك النعسه..عشان كذا قمتي وأنسدحتي
رفعت عيوني وصرت أناظر فيه وماعلى وجهي أي تعبير وناظرت وراه وشفت رجلين تتقدم..لما تأكدت انه فيصل..جلست وحطيت عباتي على راسي:بسم الله الرحمن الرحيم..أختلعت
تقرب مني وائل وأبعد العباه عن راسي:خلاص راح..اذا أرتكبت فيه جريمه لا تلوميني
أبتسمت على شكله وهو معصب وقالت:اااااايه..لا تضيع الوقت على هالغبي
تسندت على الشجره وهو يقول:أجل وش تبيني أسوي
قلت بحالميه مصطنعه: لمني ابدفا من صقيع الليل باحضانك
حرك شفايفه بسخريه:قال ايش قال صقيع..أحنا بعز الصيف وهي صقيع..قال ايش قال لمني ابدفا من صقيع..روحي بس من شوي تقول أختنقت..أختنقت..خلاص أختنقت
ضحكت بهستريه:هههههههههههههههههههههههههههههه..اااااااااا ي بطني بموووووووت
واللي ضحكني أكثر برود حركاته..مد يدينه وقال:تعالي!!
ناظرت فيه وأنا بعدها الضحكه فيني:أخاف تخذلني!!
ناظر فيني وعلى وجهه الصدمه:أنا..أنا..أســـو(وما أمداه يكمل كلمته الا أنا عنده)
بعد دقايق قلت:اااااااااااف وائل صحيح مووووووووت حر
غمض عيونه وده يقتلني وقال من بين أسنانه:جوووودوه سخيييييييييييفه
رجعت ضحكت بهستيريه:ههههههههههههههه..مدري ليش لين جلست معك أهستر
طيب أعقلي بقول شي:أنتي من جدك..مرح نعرس لين تخلص السنه؟؟
هزيت راسي بمعنى (ايه)
..زين جودو..رح أتكلم بشكل عام..مو على أني أحبك..ولاشي..زين؟؟
رجعت هزيت راسي(ايه)
..أنا واحد مثل هالشباب..وشايف قدامه بنت..وش يقدره يستنى سنه!!
جاوبت ببلاهه:ليش..عادي!!
..يعني سنه كامله..أكيد في مره..رح أقول..ما عليك المهم أنه ما ينفع لازم نزوج
ضربته على رجله بخفه:أول كمل رح تقول وشو؟؟
رفع حاجب وقال:أني وحده هبله..يعني أممممممم..أووووهووو..يعني رح أقول أبيك
ظليت أناظره..من بعدها صرخت:اللي يشوفك ما يقول هذا ما صار له شهرين خاطب..واللي يشوفني يقول صار لها عشرين سنه معاه..لا وقاعده أسمعه بعد..شوف يا حبيبي..رح تستني رح تستني(وطلعت لساني)أنا لساتني صغيره على هالسوالف
مسك رقبتي كأنه بيقتلني:أول مره أدري أنك تسوي من الحبه قبه..خلاص أنسي هالسالفه..الحين قومي صلي..وبالليل أشوفك زين
غمزت له:اااااااااااف بعد بالليل أشوفك
ضمني من وراي:جودي وش جايك اليوم على لهبال..أشوفه زايد
فكيت يدينه وقلت:كله منك..كل ما اشوفك أستهبل..تتوقع من الحب؟؟
هالمره هو اللي ضحك بقوووه:تصدقي أنا وأنتي..صحيح صحيح صار لنا عشرين سنه..مو مخطوبين لا متزوجين!!

فتحت عيوني لما تذكرت:وائل تذكرت شي..انت قلت لي بتقول من الشخص اللي تغليه وتخبره بأسرارك..مين هو؟؟
مسكني من يدي وصرنا نقترب من المجالس:رح أجاوبك بسرعه لان قربنا نوصل..بعدين أقولك بالتفاصيل..الشخص هو وسام..يالله روحي صلي
دخلت المجلس ولقيت المكان هدووء..ميعاد وعبود نايمين..ورغد تحوس بجوالها..سألتها:رغد وين أمي؟؟
أشرت على المطبخ:كلهم راحوا يجهزوا أغراض حق العشاء..وأنتي حضرتك توك تبي تصلي
أبتسمت ورح جلست جنبها:رغدوه..أنا بس بصلي..ورح أجلس أتكلم معك طيب؟؟
أعرفها رغد تغليتي..لو غلا أكيد ما هزت راسها بالأيجاب..طلعت جوالي من جيبي:طيب خليه عندك أخاف يطيح بالحمام(أكرمكم الله)
توضيت وصليت..ورجعت أسولف معاها..أهم شي ما تاخذ على خاطرها مني..صحيح أنا غلطت..بس هذا اللي ربي كتبه!!
طول ما أنا جالسه كنت أبعد السوالف عن الاهل..عشان ما نوصل الى اللي تبغى تسولف فيه رغد..عالاقل الحين..لان مالي خلق..خصوصا من بعد سخافة فيصل اليوم
.......................
دخلت ام ريم من الباب وهي تقول:رحمتك ياربي
نطت لها ريم وهي تلم الصوف من على الارض:وين رحتي يمه؟؟طولتي!!
جلست على الارض وهي تشيل حجابها:رحت حق أم ناصر بالحي اللي جنبنا..الله يكون في عونها..طلع ولدها حرامي!!!!!!!
قلت وأنا مو مهتمه للموضوع:مسكينه..شوفي يمه هذي
كانت مسويه بالصوف وبلون الأحمر جزء مو مفهوم:ريم..وشو ذا؟؟
..قلت بدل هالملل..بسوي قلب كبير..عشان اذا عرست جود تحطه بشقتها.
أم ريم عطت ريم عباتها:روحي علقي عباتي..الحين مدري وش حالت بنت عمها..أكيد مرح يخلوها على ذمته!!
رجعت ريم ووقفت قدام أمها:الحين هذا اللي تقولي حرامي..خطيب نهى؟؟
هزت أمها راسها:يادافع البلاء..طلع داهيه الله يجيرنا
جلست ريم على ركبها:بس والله شكله يوم الحفله..طيوب وحبوب..يالله تلاقي اللي أحسن منه نهى أن شاء الله
أشرت أم ريم على التلفزيون وهي تشوف مناف نايم على الارض..ومتغطي ببطانيه فيها رسومات اطفال:وطي على التلفزيون..والله أقولك أطفيه..خسارة كهرباء
ريــ،،،،ـــــــــم
رحت غرفه أمي وعلقت عباتها على الشماعه..ورحت من بعدها لغرفتي..وأنا أفكر في نهى..مسكينه ما تهنت..فتحت شنطتي التركواز الوحيده..وطلعت بطاقة شحن سوى..شحنت جوالي بعشرة ريال..كنت ناويه أدق على جود..بس في أخر لحظه غيرت رأيي..كيف أنا أتصل وسئل عن بنت عمها..وأنا للحين ما قلت لها على اللي صار مع السخيف..اووووهو مو لازم اقول لها عليه..الحين هي مخطوبه ورح تسوي سالفه لو دريت أنه لين الحين حاط صورتها على خلفية جواله..أحسن شي أكتب لها مسج وخلاص..بعد دقايق ضوى رقم جود..رديت عليها:هلا جود..سوري ما دقيت عليك..بس قلت أكيد الحين مشغوله
جاها رد من الطرف الثاني:هلا ريم..أنا مو جود..أنا بنت خالتها رغد اللي..
ماكان قصدي بالكلام أسكتها بس كذا طلع معي:ايه عرفتك..فيه شي؟؟
كان يبين من صوتها التردد:أنا كنت ناويه أكلمك من زمان ..بس مو على الجوال..أقدر أزورك بالبيت؟؟
حسيت بوناسه تبي تتعرف علي أنها ..مو مهم الموضوع اللي تبيني فيه..المهم أسولف مع ناس عدله..مو بويات ولا خطافين:اوكي..حياك بأي وقت
قالت بصوت واطي:أنتي متأكده من اللي مكتوب بالرساله!!
فتحت عيوني بصدمه:ليش ما تدروا؟؟..أي والله جد..الله يكون بالعون..سلمي لي على الكل..وكونوا جنب نهى..لا تزعل عمرها على واحد ما يسوى
قالت رغد تنهي المكالمه:اوكي..أشوفك على خير..مع السلامه
ما أمداني أرد عليها الا قفلت في وجهي..رميت الجوال على السرير..ورحت فتحت النافده..أشوف هالخطاف..المتوحش..الغبي..اليوم واقف برا أو لا!!
هذا هي عادته..من أنخطبت جود وهو كل يوم واقف قريب من بيتنا..كان منسدح على كبوت السياره..اللي يشوفه يقول هذا مطرود من بيتهم ولا سكران.
سمعت صوت أمي من برا..ريـــــــــم
أكيد تبيني أساعدها في المطبخ..يااااربي متى أنا اتزوج..لا تفكروا على مساعدة أمي..بالعكس..أمي لو بيدي أخدمها ليل ونهار مو بس أساعدها
بس أنا ابي شخص يكون معي..يحبني..أشكي له همومي..أبكي له ويضمني..أفرح معه..يكون معي بكل خطوه(نيالك يا جود)

الجزء الحادي عشر
الوقت ضدي .. حرمني من ملذاتـي




***بصراحة أنا أرتحت لكِ كثير
^^^ أنا كمان..طول الأيام اللي كنت أكلمك فيها..كنت أحسك أخت وأكثر
***ربي لا يفرقنا
^^^ ميعاد وش فيك..كل شوي جايبه طاري الفراق؟؟
***بصراحة أنا ما عدت أثق في أحد..وخايفه يجي يوم وتتركيني
^^^ولووو مو منى اللي تترك أختها!!
***وعد؟؟
^^^ولو أكيد وعد!!
ميعـــــــــــــــــــــــــــــــــــــــــــــاد
قفلت الاب توب والضحكه على شفاتي..وأخيرا شفت وحده تسمع همومي..ههههههههه صحيح هي ما تسمع..بس المهم تعرف باللي يصير لي.. الحمدلله أنو ضفتها..حلو لما تحس أن في ناس يهتمون لك..خلاص يا جود زمانك ولا!!
خلي نهى تنفعك..مو أنتي اللي بغيتيها؟؟..أما أنا ما عدت بحاجتك..صار عندي أخت وصديقه وكل شي..صحيح أكبر مني شوي..بس تفهم لي وأفهم لها..وقفت وأنا أناظر شكلي بالمرايه..من يوم ما دخل ناصر السجن..واحنا حتى ما نناظر في شكلنا..كأن واحد متوفي عندنا..ويمكن أعظم لانه عايش ومحروم من الناس اللي يحبهم..مسكينه نهى من يومها وهي بس تبكي..حتى أيام تجلس من النوم وهي تصرخ بأسمه..ودايم تقول بريئ بريئ
طفيت انوار الغرفه وطلعت متوجه الى نهى..لقيت أمي عندها..وتحاول تخليها تاكل..بس هي مو راضيه..وتبكي بصمت..رحت وجلست على السرير وانا ساكته..تكلمت أمي:وهذا شغلك بس طول اليوم نت في نت..ما تدري وش صاير في الدنيا ولاشي
قلت بعدم أهتمام..حتى حياتي الحلوه اللي هي(النت)يبوا يحرموني منها:ليش وش صار بعد؟؟
حطت نهى يدينها على شعرها ورجعت قصتها على ورى:خلاص..طلعوا عني..خلوني في حالي!!
قامت أمي وهي شايله صينيه الأكل:خلاص نهى هدي..وأنتي ست ميعاد قومي دقي على مرة أخوك..مدري اش فيها هالبنت كأن نست أن عندها بيت عم لازم تزورهم!!
دخل وائل بأبتسامه..تقدم وباس جبين نهى:كيفك اليوم؟؟
ردت عليه بصوت مخنوق:وين جود؟؟
لحقت أمي لبرا الغرفه..مع أنو كنت أتمنى أسمع جواب وائل..نزلت الصاله..وجلست جنب أبوي لين أمي جات..كنت ساعتها محتاره في أمري كثير..ومو عارفه كيف أبدي كلامي..نبهتني أمي وهي تقول:ميعاد..أنتي مو تحسي انك كبرتي؟؟
هزيت راسي بالنفي:لا لساتني صغيره!!
ضحك أبوي وقال:هذا هي بنت عمك جود..نفس عمرك..لا بعد انتي أكبر منها بكم شهر..والله كان هي تخرجت هالسنه معك..وهذا هي تزوجت!!
قلت وانا بالي بالموضوع اللي رح أفتحه معهم:ما تزوجت لساتها مخطوبه
مسحت أمي على شعري وهي تبتسم:وأنتي أن شاء الله قريب رح تخطبي..وتتزوجي اذا ربي أراد
قلت بعفويه:لين يجي العريس يصير خير..يبه يمه..أنا قدمت على الجامعه اللي قلت لكم عنها في لبنان في الانترنت..وقبلوني..ما بقي الا اروح المقابله أسبوع الجاي.
جاوبني أبوي بهدوء:اسمعيني يا ميعاد زين..ولد عمك وسام خطبك..واذا الله أراد وكل شي تم على خير..قولي له بموضوع الدراسه..والله يوفقك
أنخرست..وكأن أبوي رمى قنبله..حسيت أن الجو حار..حطت أمي يدها على كتفي:فكري زين..واستعجلي عشان ما تطوفك المقابله..مو تضيعي الوقت بس في النت
هزيت راسي..وقمت ركض على غرفتي..قفلت الباب..وأرتميت على سريري..هذا هو ..هذا هو..هذا الشعور اللي يقولوا فيه لما البنت يخطبوها..حطيت يديني على خدودي..اووووهوو ماله داعي الخجل..ليش أنا حرانه؟؟..مسكت جوالي ولا ارادي دقيت على جود
ماحسيت كم رن..جاني صوت جود بدون نفس:هلا ميعاد
ماعرفت وش اقول:امممم..جود..ايه جود..ياربي
..ميعاد وش فيك؟؟نهى فيها شي؟؟
ودي أكفخها..يعني ما يصير ارتبك الا اذا نهى فيها شي:لا..كنت بقولك شي عني!!
..ميعاد غناتي..قولي وش فيك..لاني مشغوله شوي!!
يالله بقول اللي عندي وخلاص:أنا أنخطبت
..واااااااااااااااو..ميعادوه..ماصدق..طيب مين سعيد الحظ؟؟
قلت بخجل:أحزري!!
قالت بنفاد صبر:ميعادوه..خلصيني..مين؟؟
نطقت أسمه بثقل:وسام ولد عمي!!
كانت متردده وهي تقول:طيب انتي موافقه؟؟
هزيت راسي كأنها تشوفني:يعني انتي وش رايك..أكيد مو هو ولد عمي ؟؟..كيف أرفضه!!
..أجل ألف مبروك!!
قلت بفرح:تدري جود وش أحلى شي..أنو أهلي لما كلمتهم عن الدراسه في لبنان حسيت الموافقه في كلامهم..كأني بنت كبيره
..الحمدلله..وسام بارك عليك ههههههههه
...............
وصلت البيت المطلي باللون الابيض..في الحي القديم..دخلت بتردد..وهي تنسق الكلام اللي ناويه تقوله في بالها
رغــــــــــــــــــــــــد
سلمت على ريم اللي كانت مبتسمه لأخر حد..وهي تهلي وترحب:حي الله من جانا..تو ما نور البيت
ناظرت بيتهم بتقزز وأنا أجلس على الفرشه الحمراء:أنتم ما عندكم كنب!!
حسيت في ضحكتها السخريه:عندنا بس في الصاله..بس تراه قديم..بعد مرح يعجبك
أنا ما كان لازم أقول كذا..لازم ما أخرب الموضوع قبل ما يبدأ:ولوووو..البيت بصحابه يا ريم..مو بأثاثه..سامحيني بس لأن ظهري يوجعني من الجلسه على الارض
اوووهو كأني خربتها مره ثانيه..قالت وهي رايحه:سامحينا مره ثانيه قبل ما تجي..نوفر لك اللي تبي
راحت تجيب القهوه..وأنا وقفت جد متقززه من المكان..مع أنه نظيف..رجعت جلست بسرعه لما حسيت بخطواتها..جات وجلست جنبي..يالله ماله داعي أتأخر بالسالفه..كفايه أني جالسه بهالمجلس على أعصابي ومنقرفه:أقول ريم!!أنتي مو مفكره تتزوجي؟؟
رجعت شعرها الاشقر بدلع على ورى:ههههههههههههههه ليش هالسؤال!!
ااااااااااااااه ياريتني نص من جمالك بس..كأني تأخرت بالرد:ها..لا بس بصراحه..أنا جايه لك اليوم أجس نبضك..أخوي فيصل من زمان ندور له على بنت تناسبه..والحمدلله لقيناك
ردت علي بجرئه:اهاااا يعني جايه تخطبيني لأخوك فيصل؟؟
أيدت كلامها :ايه هذا هو بالضبط..اللي جايه أقوله!!
تصنعت الحزن..ومن عيونها باين التصنع:والله سوري حبيبتي..أنا متواضعه حيل..وأكيد لو مو أني محجوزه..ما كنت رفضت المهندس فيصل(قالت الكلمتين الاخيرتين وهي تضغط على أسنانها)
كان نفسي الارض تنشق وتبلعني..مو كافي جاين نخطبها حق المهندس فيصل على قولتها..وهي بهذا المستوى..تقول لنا محجوزه..بس من عذرها..في وحده بهالجمال ولليوم مو مخطوبه..والله تلقي من هي أم عشر سنين والخطابين على الباب
أبتسمت وأنا مفتشله:الله يوفقك..والله يلقينا ببنت الحلال الي تليق فيه
رفعت ريم يدينها بسخريه:يارب
ما دريت أن على ريم حركات مثل كذا..كل علمي واللي شفته..أنها طيوبه حيل..والقط ماكل عشاها
ودعتها وانا طالعه..ورح أرجع لك يا أمي وأنا مفتشله..طلعت محجوزه..اااااااااه وأنا متى متى متى بس أعرس..مو كذا..متى تنزاح غلا من قدامي..وتعرس وأفتك..شكل محد في بيتنا رح يعرس..حتى فيصل شكله رح يعنس ههههههههه
ركبت مع فيصل وبدون سلام ولا مقدمات قال:وش قالت؟؟
..يعني وشو..البنت محجوزه!!
وقف السياره وقال بعصبيه:محجوزه لمين؟؟
لزقت في الباب وأنا خايفه من نظراته:فيصل وأنا وش دراني..قالت محجوزه وخلاص..ما يصير بعد اسألها لمين
حرك السياره وصار يسرع بقوووووه..وأنا كل شوي أشوف مؤشر السرعه..وأدعي ربي ما يصير لنا شي..مدري اش فيه..كل ماوحده رفضته جن جنونه..والله الرجال مهبولين..يفكرون العرس غصب..وأنهم أفضل ما خلق ربي..عشان ما يرفضوهم
.............................
وسط قبضان الحديد وجدران صفراء اللون..غمضت عيوني بشده..أتمنى أفتح عيوني وألقى نفسي وسط غرفتي..وأمي تصحيني من النوم..من على مخدتي اللي تعودت عليها سنين..شديت اللحاف وغطيت راسي..مابي أشوف أحد..مابي أعاشر ذول الناس..مابي أكون بمستواهم..طول عمري وأنا بعيد عن كل شي يضر أظفري..كيف اليوم أعيش على سرير حديد..مع ناس جرائمهم عديده..منهم نادم..ومنهم ينتظر يطلع من هالحكره حتى يرجع على نفس الطريق اللي كان عليه..لكن بأسلوب يجعل المهمه على الشرطه صعبه..بأنهم يمسكوه..وأنا؟؟
نــــــــــــــــــــاصر
رفع هشام اللحاف من على وجهي:قوم أكل لك كم تمره!!
تاهت عيوني في اللون الازرق الفاتح..اللي يلبسه المساجين..هزني هشام من كتفي:ناصر وش تناظر..بدلتي نفس بدلك..من حلاتها يأخي..تجيب الكئابه أكثر مو مكتئبين
قمت معه..ورحنا وسط الغرفه المتوسطه بالحجم..فيها اربع اسره..عكس اللي كنت فيها بالتحقيق..كانت فاضيه من اي شي..بس هذي غير..شكل وجودي هنا رح يطول!!..ناظرت في الصحن اللي فيه عشر تمرات تقريبا..وعلبة مويه صحه
قال هشام بعد ما طلع لب التمره من فمه:مشتاق الى أهلك صح!!؟؟
هزيت راسي بمعنى ايه..من جيت هنا وأنا حركاتي أغلب من كلامي..سحب هشام يدي اليمين..اللي تختلف عن اليسار..بوجود الدبله الفضه:أنت خاطب؟؟
رجعت هزيت راسي مره ثانيه وقلت:هنا ما نقدر نكلم تلفون؟؟
قال واحد من الموجدين:الا تقدر..بس في يوم محدد..ووقت محدد!!
طلع هشام من جيب بدلته جوال قديم..يتهيأ لي أنه العنيد الثاني أو شي زي كذا:خذ هذا جوال..دق على اللي تبي..بس أعطيهم الرقم..وخلهم هم يدقوا..تدري الشحن بفلوس
مسكت الجوال واللي غلافه بتدرجات الاخضر الزيتي:كيف ما يخاذوه من عندك؟؟
قرب هشام من أذني وهو يناظر الشرطي على الباب:الشرطي اللي على الباب..يجيبه لنا..صحيح هذا الجوال برا السجن حتى بخمس ريال ما يشتروه..بس هنا بألفين ريال أشتريته..غير بطاقات شحن سوى..نشتري اللي بعشره ريال بخمسين..وطبعا مو بعد ما توافق أنك ما تخبر أحد باللي صار..لأنو لو أحد درى رح يصادروا الجوال..وهذي صارت كثير..بس نرجع نشتري من جديد
أخذت الجوال ووقفت على طولي..ورحت الى السرير:شكرا..أن شاء الله ما أصرف كثير..بس اقول لهم على الرقم وأٌقفل
دار وجهه ورجع يكلم الباقي..وكأنه يوافقني في الكلام..دقيت رقم بيتنا..رن ورن ورن..بس محد رد..أبيهم يردوا أبي أسمع صوت أمي..لاني أستحي أطلب هشام مره ثانيه..وغير كذا مدري وش ينوي لي..يمكن بفلوس يخليني أكلم..وأنا يا حسره..ما عندي غير خمسين ريال..أشتري فيهم من البوفيه اللي يفتحوها بعض الساعات في السجن..دقيت على جوال نهى..وجاني صوت وائل:مرحبا
قلت على السريع وحتى الحروف مو طالعه من فمي زين من العجله:وائل..دق على هالرقم (وقفلت الخط)..3 ثواني..الحمدلله..رفعت الجوال الى هشام وأنا مبتسم من بعيد:ثلاث ثواني بس
جاني صوته:والنعم يا ولد أبوك
ولد أبوي؟؟..اه ااااااا يا أبوي..لو أنك مثل باقي الأباء..ما خليت ولدك الوحيد..ينام في السجن ليلة وهو بريئ..ما جيت لي في غرفه التحقيق..من بعد سته شهور من غيابك تقولي:هذي اخرت تربيتي ياللي ما تستحي..أنا برئ منك الى يوم الدين..يا الحرامي
أي تربيه يا أبوي؟؟..أنا حرامي..ليش تصدق أني حرامي..أنا ولد أمي ..مو ولدك..زعجني من تفكيري رنت نوكيا القديمه..أرتسمت أحلى أبتسامه على فمي:هلا
جاني صوتها مخنوق..يتعذب..أول مره أسمع صوتها كذا:ناصر..حبيبي..ناصر..أنت رح تطلع..لا تخلي الدعاء

جلست على السرير..لان جسمي كله نمل..ورجولي من همها..مو قادره توقف:ااااااااااااه يا نهى ااااااااااااه..شفتي وش سوى فيني حمد شفتي؟؟
سمعت صوت بكاها وهي تقول:نــ ــاصر هذا الكلام مو وقتـ ــه..أنت كيفك.أهئ اهئ..سووا فيك شي؟؟
يقولوا شره البليه ما يضحك..يمكن عشان كذا جاتني الضحكه:ههههه..نهوي غناتي لا تخافي..اساسا للحين ما صدر حكم علي..عشان يسووا فيني شي
ولان ما جاني ردها قلت:نهى..نهى..وين رحتي!!
..نهوي غناتي..لا تزعلي..كلها يومين وأكون عندك!!
ردت بصوت أرفع مما كانت تتكلم فيه:ناصر..ليش يومين..على أي اساس..ناصر أنا مقدر أتحمل أكثر من كذا!!
رديت بجديه تامه:نهى خلك شوي عاقله..لا تسوي حركات الاطفال
حسيت أن صوتها ضرب في طبله أذوني..عشان كذا بعدت التلفون شوي:نــ ــاصر..تدري لو ما تطلع في هاليومين وتثبت براءتك..أهلي رح يلزموا عليك تطلقني
..هي نهى..وش هالكلام..وش هالخرابيط..أنتي زوجتي مو على كيف أحد..لو كان هذا شي تبيه أنتي..أمنا بالله..بس أهلك..لا يا حبيبتي محد له دخل!!
ردت نهى بنفاذ صبر:الأمس جاء سعود ولد عمي يكلم أبوي وأخواني..ويصرخ..يبيك تطلقني
قفلت التلفون في وجهى وأنا مقهور..وش كان بعد تبيني أقول..أقول أيوه هذا شي صح..لو أني حرامي جد ما قلت شي..((بس يا ناصر..الناس مالهم الا الظاهر..جاهم أنك حرامي..قالوا حرامي))..ايه والله..بس هذا سعود أنسان غثيث..ودايم يدخل نفسه في شي ماله دخل فيه..الحين صار ولد عمها..يدخل في حياتها..بشر غير شكل
رجعت الجوال الى هشام بخيبه..ياريتني ما أخذته من البدايه..لا كلمت أمي!!..وسمعت خبر كدر عيشتي
................
أنتهى اليوم على خير..ههههههههه أي خير..الا على شي أستغفر الله..رجعت البيت..وعلى طول على سريري من التعب..تقلبت يمين شمال..بس مافيه فائده..فتحت شنطتي..وطلعت المبلغ الكاش..34 ألف ريال الى يوم واحد..حسيت قلبي ينقبض..وعيوني تدمع وتدمع..لين تحولت الى بكى بصوت عالي..ما قدرت أوقف نفسي..أحس اني قذره..حتى الحيوانات أحسن مني..ااااااااااااااااااااه..اااااااااااااااه..كله منكم يا أهلي..كله منكم يا أخواني..أنتم السبب..والله لأدمركم..ضربت دراسي بقوه مثل المجنونه:أصلا بدمر نفسي بالأول
اخذت جوالي ودقيت رقم فجر:اهئ اهئ اهئ..فجر فجر..أنا محتاجتك..فجر وينك؟؟
ما سمعت صوتها..شكلها قفلت الخط بوجهي..حتى هي ما تبي تكلمني بعد..أنا وش سويت لهم..ليش ما يحبوني..ليش تركوني وحيده..أدور العطف والاحساس بالحب لو كان بالكذب..لين صرت رخيصه..سلعه يتأملوا فيها
أنفتح باب الغرفه..وأنا بسرعه خبيت الفلوس في الشنطه:هذا انتي يا فجر..هذا انتي؟؟
قمت على طولي..وضميتها بقوووووه..لين حسيت أني ألمتها..وبعدت فجأه وأنا أقول:سوووري!!
مسكتني من كتفي وجلستني على قطعة السجاد الزيتيه اللي تتوسط الغرفه:عمتي وش فيك؟؟
ضربت فخودي بيدين الثنتين:أنا حيوااااااااااااانه..أنا بعت نفسي..أنا؟؟لالالالالالالا مو مني..كله منكم
مسحت فجر دموعي بأصبعها..وقال بهدوء:عمتي..ليش سويتي كذا؟؟(وسالت دموعها)..عمتي ليش تكرهي نفسك بنفسك..كل شي توقعته الا هالشي!!
أنسدحت على الارض وصار نصي على السيرميك والنص الثاني على السجاد:ما كنت ابي اسوي كذا..بس أنا وحيده..تعرفي يعني وشو وحيده..يعني ما عندي أحد..كلهم تركوني..وشفت هالناس تركض وراي
ردت فجر بصوت عالي:تدري اللي سويته حراااااااام..تدري أنك كذا عصيت ربك ووالديك..تدري أنك هدمتي حياتك..عمتي أصحي..أصحي
ناظرت في الساعه((11 ونص المساء)):فجر أتركيني أنام..بكره وراي مشوار جديد..مابي أبكي خلاص..كذا رح أونس نفسي..ورح أحصل على مبالغ كبيره..ورح أخليهم كلهم عبيد رح رجولي
تسندت فجر على السرير..ومدت رجولها:عمتي..فراس ما يحس فيني..فراس ما يفكر فيني!!
أعتدلت في جلستي وصرت قدامها..فكيت البكله من شعري..وحركته بأصابعي:أنتي غبيه..وش تنتظري؟؟تنتظري تسمعي خبر زواجه!!..اذا على كل اللي سويتيه معه ما همه..لازم تواجهيه!!
وقفت فجر قدام المرايه تضبط حجابها:عمتي أنا مابي أكون مثلك..أنا عندي كرامه..كيف اروح أقط نفسي عليه؟؟..الحب عذاب عذاب عذاب..حاولت اشيله من بالي بس مو قادره!!
رحت على سريري..ونسيت حالتي قبل شوي..الحين كل اللي في راسي..التخطيطات ليوم بكره:هههههههههه لا تصيري مثلي..خليه يضيع من بين يدينك
..أنا رايحه..وسام ينتظرني برا
حركت لي يدها بمعنى باي..وطفت الأنوار وطلعت
...............
وائــــــــــــــــــــــــــــــــــل
دخلت ولقيت عمي ومرة عمي وفراس وسعود:السلام عليكم
..وعليكم السلام والرحمه
كنت ناوي أجلس معهم شوي..بس قال فراس بطريقه مرحه:يأخي لا تلعبي علينا..وتسوي نفسك جاي لنا..جود في غرفتها روح لها
قال سعود وهو يسحبني من يدي عشان أجلس:أجلس ماعليك منه..هي الحين بس تسمع صوتك بتنزل
ضحك عمي:قوم بس قوم..على قولة فراس لاتسوي نفسك جاي لنا..لنا الله
رحت ناحية الدرج وأنا أودعهم بيدي ..طقيت على باب غرفه جود وأنا أتنحنح..لان يمكن أن خواتها معها..خصوصا وأنا ما شفتهم تحت..بس ماجاني رد..فتحت الباب ومالقيت أحد..على طول طلعت جوالي ودقيت عليها..بس قبل ما يرن شفت الجوال قدامي..تقربت من باب الحمام(أكرمكم الله)وسمعت صوت المويه...قلت بصوت مسموع:اهااااااا تاخذ شووور(حطيت يدي على فمي وأنا ادعي أنها ما سمعت صوتي)..رح أنسدحت على سريرها بالعرض وأنا أناظر السقف..وقمت بسرعه وأنا أتخيل أن وحده من بنات عمي..دخلت وهي ما تدري..أكيد رح تنصدم..رحت سكرت الباب بالمفتاح اللي معلق في ميداليه بنوتيه.

ألتفت الا أشوف جود قدامي:بسم الله الرحمن الرحيم
أبتسمت لها..بس ما بادلتني الأبتسامه:اهاااااا..الحين تأكدت أن فيك شي!!
ما خلصت كلامي الا هي على سريرها..أنسدحت على بطنها وصارت تبكي..كنت عارف أنها اذا عصب ما تحب أحد يسألها..عشان كذا رحت على كرسي الكمبيوتر المكتبي وجلست..أنتظرت وأنتظرت..بس شكلها مرح تهدئ..قمت أخذت كمبيوترها المحمول..وجلست نفس مكاني..فتحت الكمبيوتر..وأول شي طلع..ملف الورد اللي تكتب فيه قصتها..ناظرت في العنوان((الخوف من المستقبل))..قلت بصوت مسموع:جودي..الحين أنتي قد ايش تخافي من المستقبل؟؟
رفعت راسها وهي تمسح دموعها بالكلينكس..وقالت بصوت عالي:جد أنك فااااااااااااااااضي!!
قفلت الملف..وطلع لي سطح المكتب ((صورتي))..كنت بملابس رياضه..وشكلي طايح ورجلي تألمني:حرااااااااام عليك الحين ما دورتي الا هالصوره تحطيها!!
رجعت دفنت راسها في المخده:انت مافيك أحساس..ولا شعور..ولاشي!!
قفلت الشاشه وقلت بحده:ليش أن شاء الله يا ست جود!!
ما جاني ردها..جاء في بالي أهبب فيها:أنا طالع..وأنتي روحي دوري لك أحد في أحساس
عدلت جلستها وقالت بسخريه:وائل..تراني فاهمه حركاتك
رحت جلست جنبها..ومسكت يدها وأنا أقول:مو ذنبك اذا سعود أخوك يفكر بهذي الطريقه..ومو ذنبك تكون أعز الناس هي أخت زوجك..ومو ذنبي ما أشوفك ولا أسمع صوتك عشان هالاسباب!!
..ذنبي أني أكون السبب..ذنبي أسمع من سعود ومن نهى ومنك بعد!!
وقفت وشفتها تطلع عباتها وتلبسها:أبي أروح طاولتي العزيزه والحين!!
ضحكت لا ارادي:ههههههههههههه حلوه دي العزيزه..(ورجعت تكلمت بجديه)..بالأول قولي لي وش سمعتي!!
سمعنا صوت فراس على الباب..فقمت فتحت له الباب..دخل فراس وقال بصدمه:جود..وشو فيه وجهك كذا!!
هو من قال هالكلمتين..الا جود رجعت تبكي..راح لها فراس وضمها:جود وش فيك؟؟
ناظرني وهو مبتسم ويسوي نفسه جدي:وائلوه ياللي ما تستحي..وش سويت في أختي!!
..أقول..مو كافي ضام زوجتي عيني عينك..لا تهاوش
أبعدها فراس وهو يكلم جود:شوفي زوجك مسكين غار وشكله بيبكي
دخل عبود الغرفه وشاف جود بعباتها:جود أبي أروح معك!
تكلمت معه جود بجفا:عبود روح الى الماما
مسك فراس يد عبود وقال بمرح:يالله عبودي نروح عن جود..ما نبيها..أحنا بروح نشتري ايس كريم فراوله
طلع عبود لسانه لجود وقال وهو طالع:ما احبك
ألتفتت لي وهي مبتسمه:يالله نطلع!!
طلعنا من الغرفه وأنا أقول لها:حرام عليك..ليش تكلمي عبود كذا..الطفل ينجرح
هزت راسها :اهاااااا.. طلعت تحس والله زين
طلعنا وركبت جود السياره:وائل كيف ينزلوا الكرسي؟؟
شغلت السياره ورديت بدون ما أناظرها:ليش ناويه تنامي؟؟
هزت راسها بلا..مدري وش جايها على هز هالراس..حركت السياره:جود مرح أوديك المكان اللي تبي..لان أعرفك رح تبكي..وأنا زهقت من البكاء
فتحت غطاها وقالت:على راحتك..أنا عارفه أني أذيتك..أنا اسفه
ما رديت عليها..أصلا أنا ما أحب أتكلم وأنا أسوق..وقفت في مكان هادئ..وتسندت على الكرسي وكتفت يديني
بعد كم دقيقه قالت:ما أسعد أيامي لو جنبك أقضيها..من تكثر الأمي قربك يداويها
ناظرت فيها وقلت:تدري جود أنا وش أحس؟؟أحس أنك هبله!!
رفعت حواجبها :أنا هبله؟؟
..ايه..كل تصرفاتك تقول كذا؟؟..اصلا مو زين أن يصير لك زوج وأنتي في هالعمر؟
رفعت صوتها معصبه:وائل..وش قصدك؟؟
..قصدي المتزوجه تعرف كيف تتصرف مع زوجها..وما تخلي نفسها تحت المجهر على طول..ما تبين أحساسها الى زوجها في كل مره تحس..صح؟؟
نزلت دمعه من عيونها..كانت رح تمسحها بس قلت:خليها..كل اللي اقوله خطأ مو..كل اللي اقوله مو في جود مو؟؟..جود انتي ليش كذا؟؟..جود ليش كل هالغموض؟؟فهميني!!..ترى أنا ساكت على أمل أنك رح تتكلمي..تدري لو ما تدري؟؟
مسحت دمعتها وقالت:وائل انت ليش تبي تزيدها علي..مو كافي اللي أنا فيه؟؟..ليش معصب علي؟؟
حسيت ان دمي فار في هاللحظه:كل اللي يصير وما تبيني أعصب مو..كل اللي أسمعه من ولد خالتك وما أعصب مو..حتى مقاس خصرك حطه في نشرة الأخبار..وفوق هذا ما أعصب..غير سالفة نهى..اللي مدري وش صاير بعد..لا والأعظم لما أجي أسأل عنك تحقري..كل هذا وما أعصب ؟؟
حركت السياره رايح بيتنا..كنت أناظرها كل شوي..وهي ساكته..مافيه الا صدرها يرتفع وينزل..مسكت يدها وقلت:خلاص جود أهدي..واذا تبي تبكي..ريحي نفسك وأبكي
رفعت راسها وهي تناظر في النافده الأماميه:وين رايح؟؟
..بروح بيتنا عشان تشوفي نهى..هي محتاجتك لا تخليها
رفعت يدي وقالت:وائل أنا أبي أتكلم معك..وبعدين وين الدبله؟؟
..رح نتكلم ومن قال رح أخليك؟؟..والدبله حطيتها في اليسار من وقت ما كنت أتغدى..ونسيتها
وقفت السياره:يالله أنزلي
سحبت يدي:لحظه بقول شي.. بس ممنوع ترد عليه ..خلاص وائل متى ماتبي نتزوج..أنا ما عندي مانع!!
.......
في بيت أبو سعود
نزل فراس من على الدرج وبيده عبود..لقى أمه مع الاء بالصاله..ناظر يمين ويسار:اجل يمه..وينهم اللي كانوا هنا من شوي؟؟
ردت أم سعود وهي تحط ملقعه سكر في الشاهي:أبوك راح ينام شوي..وسعود مدري عنه..يمكن يسبح
فـــــــــــــــــــراس

رحت طفيت التلفزيون المندمجه في الاء..حطت الاء يدها على خدها:اووووهو ليش طفيته..ابي اشوف وش بيصير؟؟
غمزت لها:عندي لكم موضوع أهم
جلست جنب أمي وقلت:يمه..صراحه..صراحه..صراحه
ردت أمي بنفاذ صبر:وش جايك..على هالصراحه
هزت الاء راسها بحماس:قوول فراسوه بسرعه
أشرت على نفسي:الحين انا فراسوه..وهذا وجايكم ابيكم تخطبوا لي!!
فتحت الاء عيونها على وسعها:من جدك؟؟ياااااااااي يمه..فراسوه بعرس!!
لفت أمي وجهى عني:انت وش فيك..جد انهبلت..بعدك ما تكمل 21 وتبي تعرس..لا واخوك الكبير ما بعد عرس
كنت حاس انهم رح يقولوا كذا:هذا هو وائل في عمري وخطب..وش صار يعني؟؟
تكلمت أمي بهدوء تحاول تفهمني :وائل مطيوور على العرس..وبعدين هو يبي بنت عمه اللي هي أختك..بس انت اذا خطبنا لك مين رح يرضى فيك؟؟
ضحكت الاء:يمه وش فيك..انتي بس وريهم نظارة الدكتور..وهم بدون نقاش رح يوافقوا
تنهدت الماما وهي تقول:بشرط..أخطب لك اللي أبيها؟؟
قمت بستها على راسها:أكيد..اذا امي ما أنتقت لي شيخة البنات..مين رح ينتقيها!!
كملت بتحذير:ولا تنسى..باقي رأي أبوك..وسعود نشوف وش في راسه.
وقفت أصارخ :هيااااااااااااااا
قالت تختبرني:زين ما تبي تعرف مين بخطب لك؟؟
تلعثمت..بس جاوب على طول:مين؟؟
ردت أمي بوناسه:بنت أختي..رغد..هذي أكثر وحده تناسب لك
قاطعتها الاء:يمه بس غلا أكبر
..غلا أكبر..بس رغد هي اللي تناسب ولدي..وبعدين غلا نفس عمره..أنا أبي لولدي بنت صغيره
قامت الاء وهي تقول:بروح أكلم جود..بقول لها السالفه ..بس أنا على طول طلعت جوالي من جيبي الجنز.. وقلت أنا اللي بدق على جود
.............
جـــــــــــــــــود
طلعت من السياره..وقلت الى وائل:أبي مرآيه أشوف وجهي وش صار فيه؟؟
غمزلي:تهبلين(وطلع كلنكس من جيبه..ومسح بقايا الكحل تحت عيوني)
ما سمعنا الا صوت محمد مار من جنبنا:أحم ..أحم..تراكم في مكان عام..والله أبتلشنا بمهابيل
ركض وراه وائل بمرح..ومسكه من رقبته:أذبحك؟؟أذبحك؟؟
أبعده محمد:روح يا الولهان روح الى زوجتك
رفع وائل صعبه لسماء:وربي أني بريئ..وربي واللي ببالك خطأ..بس أنت تفكيرك مجنون
ضحك محمد وقال:صحيح يا جود؟؟
حسيت بالفشله..وأنا ساكته..ووائل يأشر لي عشان أأكد لمحمد كلامه..مشيت الى الباب وقلت:أنا ما علي منكم بروح داخل
دخلت ومالقيت أحد بالصاله..حسيت بالراحه أني ما شفت أحد..مدري ليش؟؟..ركبت الطابق الثاني..ورحت على طول غرفة نهى..طقيت الباب..بس ما جاني رد!!..فتحت الباب ولقيت الغرفه ظلمه..الا من نور الأبجوره الأصفر..قفلت الباب ورحت لعند السرير:نهى..حبيبتي
رفعت اللحاف عنها وقالت:اش جابك؟؟
كان شكلها يكسر الخاطر..عيونها منتفخه..وشعرها مبعثر حوالينها:جايه أشوفك واسأل عنك
بلعت ريقها..وردت علي ونظرها الى السقف:أنتظرتك كثير..توقعتك أول الناس جنبي وما تتركيني..وشفت العكس..الكل يسأل عني وأنتي(وصلت لين هنا وسكتت)
حسيت حالي وكأني نمله جنب هالكلام..بس وش اسوي؟؟..ما كان لي وجه أقابلها:اأنا..أنا
حطت يدها على فمي:مو منتظره..أعذار منك..أتوقع علاقتنا أكبر من كذا
كتفت يديني وظليت أناظر فيها..مو عارفه وش أقول
ظلينا على كذا ربع ساعه تقريبا..بعدها قالت نهى هالكلام..وما قدرت الا اني أضمها وأبكي
ما همني من غاب عني من الناس
من أتصل بي يوم والله قطعني
لاشك بعدك زود القلب وسواس
تدري خيالك مر لحظه وفجعني
لك وسط قلبي مدينه وحراس
*غالي* ولكن طول بعدك (ذبحني)

قطعنا من هالحاله صوت جوالي..طلعته من شنطتي الذهبيه..وأنصدمت بالأسم((فراس))

الجزء الثاني عشر
وما مصير الحب بعد التوالد الا النمو(3)


قطعنا من هالحاله صوت جوالي..طلعت من شنطتي الذهبيه..وأنصدمت بالأسم((فراس))
رديت على فراس..اللي ماسمح لي فرصه أتكلم:جود أمي بتخطب لي رغد
ياريتني ما رديت على هالمكالمه..الناس في ايش وأخوي في ايش؟؟..بس جد كلامه فاجأني..من متى هو يفكر يتزوج..عشان مره وحده أمي بتخطب له رغد..عدت الاسم في بالي مرات ومرات ومرات..رغـــــــــــــــــــد..يعني ما شافوا غيرها؟؟
..جوووووووووووووودووووه وينك؟؟
تكلمت بهدوء:فراس..بعدين أكلمك(وقفلت الجوال)
مسكت نهى يدي:على الأقل الوقت اللي تكوني معي..كوني معي..لا يشغلك أحد عني
وقامت قفلت الباب بالمفتاح..وشغلت الأنوار البيضاء..وطلعت لسانها:عشان لا يجي وائل!!
..ههههههههه..حرام..تراه زوجي
جلست قدامي وهي تمشط شعرها:عشان بس لا تخافي من شكلي هههههه..بقولك جود!!أنتي تحبي وائل؟؟
ناظرت في عيونها..معقوله وائل قايل لها شي من اللي قاله لي بالسياره..لالا ما اتوقع:أكيد أحبه مو هو زوجي
رفعت شعرها ذيل حصان ببكله برتقاليه ما تناسب بجامتها التركواز:طيب وش شعورك لو يغيب عنك أسبوع..وما تقدري تسمعي صوته حتى!!
حسيت أنها تشكي حالها..بس بطريقه غير مباشره:حبيبتي نهوي..أنا أكيد رح أزعل..بس لو كان هالشي غصب عنه..رح أعذره..حبيبتي نهى..أنتي ما عليك الا الدعاء لناصر..والصبر أهم شي
قطعت كلامي وهي تقول:جود أمي سألت عليك كثير
هزيت راسي:أدري أني مو قاطعه..ومو صاحبة واجب
مسكت نهى دقني وقالت وهي تناظر في عيوني:جود انتي مخبيه علي شي مو؟؟
هزيت راسي بمعنى ((لا))..وأبعدت عيوني عن عيونها
..جود لا تكذبي..ليش ما تفضفضي لي!!..طوول عمرك كنتِ تسمعي لي..وأقول كل شي لك..حتى أدق التفاصيل..وما عمرك كلمتيني عنك
رديت عليها وأنا ألعب بأظافري:مافي عندي شي عشان أخبي عليك..وكل شي يصير واضح لك..لا تفكري فيني..اللي فيك يكفيك
..بس تفكيري على طول فيكم..لأني أحبكم..في ناصر وفيك وفي ميعاد وأخواني
ناظرت فيها بتساءل:اش معنى قلتي ميعاد..هي فيها شي؟؟
..لا بس..طول الوقت على النت..وأنا خايفه..تكون .....مابي أحكي أنتي فاهمه علي
أبتسمت وأنا أقول: دامها بتتزوج..لا تخاف عليها..أقول نهوي..وش رايك نروح مدينه الملاهي!!
أنسدحت على السرير وتغطت باللحاف:أنا في ايش وأنتي في ايش؟؟
غمزت وأنا ارفع اللحاف من عليها:قومي.خلصي..غيري هالبجامه الباهته..وخلينا نروح ننبسط شوي
لفت راسها لناحيه الثانيه:جود..أنتي ما تحسي باللي بقلبي..أنتي
رفعت صوتي وقلت:أنا لو ما أردي ..ما قلت هالمكان بالذات وأنتي تدري فيني ما أحبه..أنا مقدر أشوفك حزينه وتعبانه ومسكره عليك الغرفه(ورجعت هديت صوتي)..اذا لي خاطر عندك..عيشي حياتك كأن ناصر معك..شوفي كل أهلك حزينين لحزنك..فرحيهم لو بالظاهر..واذا جلستي وحدك سوي اللي بتسويه
..صدقت أمي يوم قالت..نادو جود هي اللي تعرف لها
ضبطت حجابي:صحيح مرة عمو ما شفتها..يالله أجل بروح أسلم عليها..وأشوف ميعاد ورنا ووائل عشان طلعة الملاهي..وأنتي ضبطي نفسك
أشرت لها بيدي على السريع عشان ما يكون لها مجال تتكلم وطلعت
.........
ريـــــــــــــــــــم
حكيت الى منافي قصة سندريلا اللي ما يتعب ولا يمل منها..ونام على حضني يا عمري هو..ياربي ؟؟أستغل فرصة وجود أمي وأبوي وأحكي لهم اللي أفكر فيه؟؟..أي والله!!..جامعة وخايفه أروح من هذيك اللي دوم تتعرض لي..وغير كذا الجامعه كلها تباهي..ملابس..جزم..أكسسوارات..وأنا مو قدها..ايه ايه..لازم أقول لهم الحين الحين
لفت أنتباهم..ووعيتهم من اندماجهم على الفلم المصري القديم:أحم أحم..يبه..يمه؟؟
ناظر أبوي فيني وعلى وجهه أبتسامه حنونه:أمري يبه!!
قلت بصوت هادئ وأنا منزله راسه:بس ما تعصبوا؟؟
حسيت أمي خايفه أفتح سالفه الكمبيوتر الى أبوي..عشان كذا قلت اللي ابي على طول:أنتوا تدروا أن جيرانا..عندهم كوافير صغير في بيتهم..وأنا كلمت هدى..بنتهم الكبيره..وقالت مو مشكله أشتغل معهم..وأخذ دوره تدربيه بعد ببلاش
صد أبوي عني..ورجع يشاهد الفلم:هذا الموضوع سكريه..ولا عاد أشوفك تتكلمي فيه..ناقصك شي تكلمي؟؟بس شغل لا
أنقهرت بقوه..توقعت يتفهموا السالفه على الأقل..بس الحين أكيد ابوي فكر أنه مقصر علي لو شي..عشان أشتغل..ما يدروا أن الشغل في الكوافير..رح يخليني اتعرف على الناس..وأغير شوي من جوي..أتفتح على عالم ثاني
حملت مناف على كتفي..وأخذته الى سريره..اللي صار جنب سريري..وقفت قدام المرآيه..وفكيت شعري المايل على شقار..أحس بملل رهيب..دخلت من تحت الستاره وفتحت النافده بهدوء..عشان لا ازعج مناف..جلست أتأمل الحي القديم..أممممم لو على كيفي..كان هدمت كل البيوت..وبنيت بيوت جديده الى كل هالناس..كان صممت الى كل واحد الغرفه اللي يحلم فيها..حطيت يدي على فمي..توني أحس أن صوتي مسموع..اووهوو وخليه يكون مسموع..مدري مين رح يسمع لي..لفت نظري شباك الجيران مفتوح..صحيح أن ورى النافده فيه ستاره من النوع الشفاف باللون الأبيض..ولكن ما يمنع الرؤيه..شفت شاب في عمر 25 او 24 تقريبا..منسدح على سريره الخشب..ومسند راسه بيدينه..عيونه تناظر في الاشي..ومدري اذا اللي اشوفه دموع أو لا..فجأه قام من سريره..وتوجه الى النافده عشان يسكرها..بس صوتي كان أسرع:ليش تبكي..الدنيا ما تسوى!!
لف ظهره وقال:وانتي ليش تتجسسي على خلق الله..مو عيب عليكِ؟؟
رفعت الخصله عن وجهي وأنا خجلانه من كلامه:ما كنت اسوي اللي تقول عليه..واللي شفته صدفه لا أكثر ولا أقل
رفع صوته بعصبيه:بس
أنا هنا سمعت صوت خطوات..عشان كذا قفلت النافده وقفزت على سريري..وقلبي ينبض بسرعه كبيره..دخلت أمي الغرفه:ها ريم..بتنامي؟؟
هزيت راسي لها..لأن أحس لو تكلمت..رح تحس اني راكضه..او خايفه من شي..جلست على طرف السرير..شكلها فهمت من هزت راسي أني زعلانه:يمه أبوك..يبي مصلحتك..وما يصير بنت في عمرك تترك الجامعه..وتشتغل
رفعت راسي من على المخده:بس أنا أشوف أن هالشي بيريحني..وأنا نفسي أشتغل في الكوافير..مو عشان فلوس ولا شي..بس عشان أعتمد على نفسي
..أنا بكلم أبوك مره ثانيه وبشوف..بس ما أوعدك أنه يوافق..وأنتي لا تزعلي نفسك
هزيت راسي وقلت:يمه شخبار عمي..من زمان ما شفته شرف بيتنا!!
..والله مدري عنه..هو اذا بغى فلوس أكيد بيجي..يالله انا رايحه الى أبوك..تغطي زين..وأنتبهي الى مناف
قمت بسرعه وراها وانا أقول:أن شاء الله(وقفلت الباب بالمفتاح)
ورجعت الى النافده..وفتحتها..بس شفت نافدة بيت الجيران مقفله..ضربت بيدي على الجدار:أوووهوووو..رااااح
وش فيك يا ريم؟؟..مدري بس يمكن من نقص العاطفه..أو أو أو مدري..أحس أني بحاجه أحد أسولف معه..حتى لو كان هذي السوالف هوااااش..بس المهم أفضي شي في نفسي..ياريتني واقفت على فيصل..وما قلت أني محجوزه..مالت علي وعلى حظي..مدري مين هالمقرود اللي حاجزني..يالله كله نصيب
...............
وسط الغرفه اللي يغلب عليها اللون الأخضر..كانت نايمه على بطنها في الأرض..وقدامها الاب توب البناتي باللون الوردي..وحاطه السماعات على أذنها بصوت عالي..لدرجه اللي يدخل عليها يسمع وش هي تسمع!! دخلت عليها رغد..كانت توها طالعه من الحمام..وشعرها مبلول..وعلى كتفها فوطه صغيره باللون البيج
رغـــــــــــــــــــــــــد
رفستها على خفيف..وقلت بصوت عالي:غلووواوه..وين الجل؟؟
رفعت غلا راسها ببلاهه..وشالت السماعات:نعم!!آمري
تكتفت قدامها:أبي الجل..اللي سرقتيه
سوت لي حركه (يعني مو عاجبها الكلام):أفتحي هذاك الدرج الأول ورح تلقيه
أخذته وأنا طالعه وقفت وراها أشوف وش تسوي..لما حست بوجودي..نزلت الشاشه:رغدوووه..أذلفي برااا
جلست وأنا أقول:مو طالعه..لين تقولي مين ذي اللي تكلميها!!
أبعدت عني شوي..وكملت طقطقه في ذا الاب:مالك دخل..والله أقولك..(وكملت بفخر)..هذي مديرة المنتدى..اللي مشتركه فيه
فتحت علبة الجل وصرت أحط في شعري..حتى بدون مرآيه لأني تعودت:وخير يا طير..وبعدين مديرة منتداكم عجوز وش لك فيها
قالت بنفاذ صبر:أووووووهووو..رغدووووه..وش دخلك..وبعدين الصداقه ما تعرف عمر
دخلت الحمام وغسلت يديني وطلعت:شوفي مو حلو؟؟
رفعت راسها بس عشان تسكتني:ايه
أخذت أغراضي وقلت وأنا طالعه:مالت عليكي وعلى صديقتك
نقزت وهي تصرخ:رغدووووه..تقول رح تجي بيتنا!!
انصدمت بكلامها:هي انتي وش تقولي؟؟..من هي عشان ندخلها بيتنا؟؟..شكل أنتي أنجنيتي جد..(وسويت حركه يعني الحمدلله والشكر)
..حبيبتي رغد تعاااالي..قولي وش ألبس..وكيف أسوي شعري؟؟..كلها ساعه ورح تجي
ضحكت عليها:وووول يا مسرعها..صدق اللي قال(بنات أخر زمن)
فتحت الدولاب:أممممم..احسن شي ألبس لبس ساتر وبأكمام..عشان أعجبها
جلست فوق التسريحه وأنا أناظرها..قرب مني:زين..رغود..ألبس الأبيض والله الأحمر
هزيت راسي (لا)..وأنا أخذها على قد عقلها:ألبسي الأبيض عشان تقول أنك بريئه
طلعت لها بنطلون وبلوزه:زين خلاص قووومي طلعي بلبس
حكيت راسي:أووووهو نسيت فيه جل لسى ما نشف..أقول غلا(الثقل زين)..وطلعت
بعد ساعه في الحوش
قفلت غلا جوالها:تقول انها على الباب
أنفتح باب الحديد..وغلا راحت ركض داخل البيت..وأنا صرت أصرخ عليها:غلاااااااا هذا فيصل
دخل فيصل الحوش وهو يتثاوب:فيه وحده براا..تقول تبي غلا!!..روحي خليها تدخل..أنا بروح أنام
صرت أنادي على غلا..بس ما ردت علي..فضطريت أنا اللي أستقبلها..أول ما فتحت الباب..شالت نقابها..وضمتني:هلا بغلاااا
أبتعدت عنها بهدوء..وأنا أدقق في ملامحها..يبين الخبث على وجهى..وغير كذا..هي من أصحاب البشره السمراء..وحاطه لها رووج أحمر فاقع..فصاير ملفت للأنظار:أنا أختها رغد(وأبتسمت)..حياك تفضلي
دخلتها المجلس..واستئذنت وطلعت على طول..شفت غلا جالسه في الصاله بسكون..رحت وجلست قدامها:وووويه ووويه..هذي من وين أنتي جايبتها..خفت أنها تاكلني بعيونها
تقربت مني..وهي ترتب شعرها:يعني مين أحلى أنا والله هي!!
وقفت رايحه للمطبخ:لا أنتي أكيد..أنا بروح أسوي لك العصير..وأنتي أذلفي للعجووووز
لما رحت أسوي العصير في المطبخ..لقيت أمي..وصارت تسألني:يمه رغد..هذي مين اللي جايه تزور أختك؟؟
أصعب شي لما أجي أكذب على أمي:ها..ايه..هذي وحده من صديقاتها في الجامعه
كملت وهي ترفع القدر من على الفرن:ايه..لو مو ريحتي طبخ..كان رحت سلمت عليها..يمكن تعجبني..ونخطبها لهالولد
خفت لما قالت أمي هالكلام:لالا..يمه..هذي متزوجه
أخذت العصير وطلعت من المطبخ..أهرب من أسألت أمي اللي ما تخلص..لما دخلت المجلس..شفت غلا تناظر الأرض وساكته..والحرمه تسولف وتناظر فيها:أحم أحم..حي الله من جانا
عطيتها العصير وجلست جنب غلا..ورفعت دقنها:الا ما تشرفنا بأسمك
ضحكت على حركتي مع غلا:شكل حبيبتي غلا خجوله حيل..تذكرني بأيام خطوبتي..وأنا أسمي مرام
..تشرفنا مدام مرام (حسيت أن الجو هادئ..وغلا هاديه حيل..وأنا أدور في بالي على سالفه)..الا عندك عيال؟؟
سندت ظهرها على الكنب:لا والله..كل ما أفكر أجيب عيال..بس زوجي يشيل الفكره من راسي..وبعدين بدري على لعيال
صرت أكلم نفسي..الحين وحده في الثلاثينات وتقول بدري على لعيال..الحمدلله والشكر
بعد كذا أستئذنت وطلعت
................
أبتسمت وهي تفكر في اليوم اللي تكلم فيه زوجها بلهفه..مثل الشغاله..وحبذا لو يكون فراس..من تذكر هالشخص تجيها حاله من الجووع..فتحت الفرن ولقت مكرونه..غرفت لها في صحن متوسط..وجلست على الكرسي الخشب تاكل..وهي تناظر ورد..لما خلصت ورد من مكالمتها صارت تناظر في فجر..وهي مو حاسه أبد
طلعت ورد علبة عصير برتقال وحطتها قدام فجر..نقزت فجر:بسم الله الرحمن الرحيم..مين قالك أبي عصير؟؟
سوت ورد نفسها بريئه:أنتي اللي قلتي..ورد جيبي عصير
شكت فجر في نفسها:أهاااا..شكرا
سحبها ورد من يدها:قومي..نشتنشق هواء
هزت فجر راسها وطلعت معها:ها..وش أخبار زوجك؟؟
أبتسمت ورد وهي تطلع الفوطه من جيب مريول الطبخ..وتمسح سيارة أبو وسام:كله شي كويس!!
..آآف..وأنتي وين ما رحتي تنظفي..ياربي ليش ما عطيتني أخت
وراحت عنها لداخل البيت..أول ما دخلت الصاله..لقت أمها مقفله سماعة التلفون وعلى وجهه أبتسامه:تدري يا فجر!!ميعاد وافقت
فجـــــــــــــــــــــــــــــــــر
حسيت من جوات نفسي..المفروض أنبسط..وخصوصا وأن ميعاد بنت طيوبه وحبوبه..صحيح عصبيه وعليها شوي حركات أطفال..بس بعد هي بنت عمي..اااااااااه مادري وش فيني..ودي أنبسط بس مو قادره:حلووو.علمتي وسام؟؟
أخذت جوالها من على الطاوله اللي يتوسطها شمعدانات باللون الذهبي..وصارت تفرفر في قائمه الاسماء:الحين بدق أخبره
..لا ..اذا جاء البيت خبريه..ما تعرفي ولدك مهبول..الحين يسوي لنا حادث من الفرحه
نزلت التلفون من على أذنها:ايه والله..وأنتي الصادقه
..بس والله أحلى شي..أن ميعاد بتجي بتسكن هنا..على الأقل يصير فيه جو
بعد مده من الصمت ردت أم وسام:بس تعالي..ميعاد تبي تدرس طب تقول أمها في لبنان..يعني مرح نشوفها كثير
أحس أن بطني ألمني من الضحك:وأنتي مصدقه أن وسام بيتزوج عشان زوجته تعيش في لبنان وهو هنا..يجلس عزابي أحسن له
تكلمت أم وسام بهدوء وكأن أحد يسمعهم:أسكتي ولا تتكلمي في هالموضوع..أن شاء الله نملك عليهم قبل الدراسه..وهم ياخذوا قرارهم بنفسهم
تذكرت شي عشان كذا قمت طيران على الملحق..اللي فيه معظم أغراضنا القديمه..فتحت الباب الألمنيوم..وشغلت الأنوار البيضاء..كراتين و أكياء وصناديق كثيره..معظمها كتب وملفات وصور قديمه..لقيت تحت رجولي لعبتي..كانت عباره عن دميه صغيره لون شعرها بنفسجي..ولابسه فستان أبيض..أنعاد موقف من قبل 12 سنه تقريبا..لما كان وسام يسخر علي اللعبه:ههههههه..تشبهك يا جنيه
كان دوم الدوم يسخر على شعري الكيرلي..سبحان الله شفتوا شلون؟؟..أنا البنت شعري كذا..وهو الولد شعره قمه في الجمال..تركتها على جنب..وفتحت أول كرتون صادفني..كان فيها أغراض مكتب أبوي القديم..فتحت الكرتون الثاني..أغلب الأشياء اللي فيه كانت حق وسام..مع كم غرض لي..حقرتهم وصرت أتصفح في أشياءه..أول شي مسكته لانه لفت نظري..نوت صغير..لونه وردي وعليه ورود..وهذا اللي أستعجب منه..غريبه وسام تعجبه هالاشياء..وبعدين ما قد مره شفته عنده..فتحت أول صفحه مكتوب فيها..بخط أطفال..حرف على السطر وعشره طايرين(مني أنا)..غيرت على طول الصفحات..لين وقفت على صفحه مكتوب فيها((أحبك))بجميع الألوان..تضحكت على الطفوله..كنا ناس بريئين..ما نعرف أن الحب عذاب..بس نقوله بدون ما نفكر فيه..المهم نسوي أنفسنا كبار ونخطه بأقلامنا..ونحسس أنفسنا أنا بجد كبار
كنت رح أقفل الدفتر..بس أستوقفتني الصفحه الكبيره..لأنها بخط وسام الحالي..يعني وهو شخص كبير
لماذا تركتي حبيبكِ ورحلتي..لماذا لم تفي بوعدكِ..وتنتظريني اتقدم لخطبتكِ!!..لماذا هربت من هذا الواقع..ورحلتي الى دنياه..وبقى محبوبكِ..ينزف ألما..ويتمنى لو لم يراك في يوم..وقلبه يهواك..ويتمزق بعد غيابكِ..قد خنتِ شخص لو صلح له لفداك بنبضات قلبه..ولجعل الأكسجين بين يديكِ
(وسأبقى:على ذكراكِ)
أنصدمت من هالكلام..وشو ذا؟؟..يعني الكلام اللي من قبل مو له!!حطيت النوت في جيب بنطلوني..ودورت على تاجي الصغير..(لما كنت صغيره..كنت دايم أقول الى وسام لما تتزوج بأبلس هذا التاج في يوم عرسك)..لقيته في أحد الرفوف وطلعت من الملحق..حطيت الأغراض في غرفتي..وعلى طول نزلت تحت لما سمعت صوت أبوي في الصاله
وقفت على أخر درجه وأنا أشوف وسام جالس جنب أبوي..ما كانت نظراتي نظرات عاديه..لا..كانت نظرات تدور على الحقيقه..حقيقة الكلام اللي قريته
قال وهو يحك شعره:والحين متى الملكه يبه
رحت وجلس عندهم:ول ول ول..عليك يا وسام..كل هذا مستعجل على الزواج
قال بعصبيه..مدري وش سببها:والله كل الناس تزوجت..وش ناقصني أنا ما أتزوج
..ياعمر أمك..مو ناقصك شي..بكره أبوك مع عمك أبو سعود يرحون ويتفقون على يوم الملكه..الله يعطيني العمر وأشوف عيالك
قام وسام وكأنه مو مبالي بكلام أمي..وركب لغرفته..لحقته بس قفل الباب بوجهي:وسام بقولك!!
..لا تقولي شي أنا بسبح..أذلفي
لالا..صار لي تشويش..أبي أحد يربط لي اللي يصير.ااااااااااه يا فراس..متى يجي اليوم اللي أكون فيه مكان ميعاد
طقيت راسي بهباله:وأنا كل شي أحط فيه فراس..مالت علي
...............

فتح الضابط الباب الحديد..ورمى حمد داخل السجن..أنصعق ناصر لما شاف الكم الهائل من الكدمات على وجه حمد..طاح على الأرض..وهو يصرخ:أنتوا ما تفهموا..أنا أتألم
من سمع ناصر كلمة ألم..حس أن قلبه ينقبض..الى أي حد يوصل الأخلاص يا ناصر؟؟
الى أنك تنسى كل شي سوواه فيك هالوقح..وينعصر قلبك بمجرد أنه تلفظ بالألم ويمكن أنه ما يعنيه
تجمع السجناء حوله..ومن ضمنهم هشام اللي وقفه ووصله لين سريره
قال واحد منهم:يا أخ(كان يقصد الضابط)شكلكم غلطانين..هنا الأسره مليانه
قال الضابط بصوت خشن:أحنا عارفين..خلوه ينام على الأرض
قال هشام الى حمد اللي جزء منه مستخري على السرير:ما عليك منه..أنت الليله نام على سريري..وأنا بدبر عمري
رفع رجليه فوق السرير..وغطاه باللحاف..وتوجه لين سرير ناصر
نــــــــــــــــاصر
معقوله اللي ما يعرفه يسوي كل هذا؟؟..وأنت يا ناصر..أنت وينك..هذا صديق عمرك..هذا الأخ والصديق نسيته يا ناصر؟؟
أنا ما نسيت أحد..بس هوو..هوو..هوو((خلوها في القلب تجرح..ولا تطلع لبرا وتفضح))
جلس هشام على سريري:تسمح لي أنام بس الليله معك..عارف أن السرير صغير..بس
قطعت كلامه وانا أقول:حياك..السرير وصاحبه يفداك
حط يده على كتفي وهو يأشر بدقنه الى حمد اللي عاصر عيونه:تعرفه؟؟
..ليش تسأل!!
قال بعد تفكير:نظراتك..عيونك..ردة فعلك..تقول أنك تعرفه
هزيت راسي بمراره:ايه..كان صديقي..بس ربك أراد وصرنا أغراب
..كذا الدنيا..مع أني مدري وش سالفتكم..بس لا تخلي شي يفرق بينك وبين أي أحد..حتى لو كان هالأحد زميل مو بس صديق
في هذي اللحظه صرخ حمد:آآآآآآآآآآآآآآآآآآآآآآآآآآآآآآآآآآآآآآآآآآآآي
ألتفت هشام:مسكين..شكله يتألم صدق
ورفع صوته:ياضابط..المسجون الجديد شكله مريض
..أوووووووووهوو..يعني أنا ناقصكم..وبعدين عرفناها أساليب السجناء الجديده..من هالمكان لا تحلموا تطلعوا!!
قمت من مكاني ورحت لعند حمد..حطيت يدي على جبينه..بس ما كان فيه حراره..فتح عيونه وأنصدمت بلونهم..أنقلب اللون الأبيض الى الأصفر:حمد..تحس بشي؟؟
قال بصوت هادئ :أحس الموت يتقدم لي..أحسه يلاحقني..آآآآآآآآآي
ضميته..وهو بادلني بنفس الشي..بس رجعت ذاكرتي لذاك اليوم اللي رحت معه الى المزرعه..وتركته بخشونه:غداااااااار
حط يدينه على وجهه:ناااااااصر سامحني..سامحني
..كيف أسامحك..وأنت هدمت حياتي..حلمي اللي كان رح يتحقق..هذا هو يوم عن يوم يتلاشي قدام عيوني..أمي اللي تعبت علي..وربتني وكافحت لين كبرت وصرت في هالعمر..الحين أسمها أم الحراااااااااامي..وتبي أسامحك!!!
أنقلب للجهه اللي يناظر فيها الجدار:مابي أموت وأنت مو مسامحني..تكفى عامل السيئه بالحسنه..مابي شي غير تسامحني
قال هشام بصوت خافت:هو مريض من قبل
هزيت راسي(لا)
قال بتردد:الله العالم..وأن شاء الله أكون غلطان..بس كأن اللي فيه أعراض مرض السرطان
................
وسط مدينة الملاهي..صرخت رنا بوناسه:هيااااا بركب قطااار الموت
قربها وائل منه:أسكتي يا مهبوله..بنت طول بعرض تصارخ؟؟
ردت جود:كل شي للعب يهون..ياريتني جايبه عبود معاي
راح وائل يشتري تذاكر..ورجع وهو يوزع:هذي الى نهى وهذي ميعاد وهذي رنا..وهذي لك جود
أشرت جود على نفسها:أنا أركب قطار الموت..ليش مجنونه؟؟
ناظر وائل فيها بأستغراب..وجاوبت نهى:وائل..جود تخاف تركب هذي الألعاب..أو بالأصح..دايم دورها في هالمكان تناظر الناس وتضحك على أشكالهم
قالت جود دفاع عن نفسها:من قال أنا أخاف؟؟..أنا بس ما أحب أركب
وائل:زين بنات روحوا بسرعه قبل لا تبدأ اللعبه..وأنتي جود متأكده ما تبي تركبي
هزت راسها(ايه)وقالت:متأكده
جلست جود على الكرسي ونظرها يتابعهم..أما وائل قال أنه رايح يشتري مويه
جــــــــــــــــــود
ضحكت على شكل رنا وهي تصرخ..مدري من الخوف أو من الوناسه:هههههه..شوف وائل شكل رنوووه تضحك
وأما ميعاد..كانت عاصره عيونها..وماسكه بقوه في الحديد اللي قدامها..حطيت يدي على رجله أنبهه:وميعادوه مو أهون منها..ويلي بطني..يقتلوا من الضحك
أنتبهت أن ما كان له رد على كلامي..وأنا جالسه أضحك وأسخر بعد..ناظرت فيه ماسك علبة المويه الناقص ربعها..ويناظر في اللعبه بدون أي تعبير:وائـــل..وش فيك؟؟
تكلم بدون ما يغير وضعيته:ااااااااااااش
أستغربت من لهجته..فسكت..لما نزلوا البنات من اللعبه..جات نهى ركض لي:فاتك يا جودوه..تهبل اللعبه مررره
ميعاد وهي تجلس على الكرسي بيني وبين وائل:اااااااااااه..حسيت أني شوي وأموت..والله كل شوي أستشهد
..هههههههه..أشوف شكلك وأنتِ مسكره عيونك..يبين عليكِ الخوف
فجأه وقفت ميعاد:قوموا نركب وحده ثانيه(وسحبت يدي)الحين تركبي..تركبي
هزيت راسي بحماس:أوكي
قالت نهى بفرحه:وااااااااااو..ماصدق..يالله يالله..بنركب السفينه
رنا:يالله وائل أنت بعد تعال أركب معانا
رد عليها بجفاء:مابي..روحوا أنتوا
مشيت قدامهم..مو مهتمه في وائل:خلوه على راحته..يالله خلونا نلعب
رحنا اللعبه..وكانت مره زحمه..ومافيه تقريبا الا الكرسي الأخير..قالت رنا:هذا يخوف بنصير مره فوق
دفتها نهى:خلصيني أركبي..أحلى أحساس..لما تحسي بالخوف
سويت عليها(مالت):جد أنك مهبوله
أستعجلنا العامل اللي يطفي ويشغل اللعبه..فركبنا بأستعجال..وصرت أنا على الطرف..أول ما ركبت..حطيت يدي على قلبي..وقريت آيه الكرسي..وأنا أشوف وائل عاطينا ظهره..بدأت اللعبه ولا أرادي..مسكت في يد نهى بقووووه..وبعد دقائق زادت سرعة اللعبه..وجلست أصارخ لا ارداي:بموووووووت..نهى صدقيني بموووووت
ما صرت أشوف قدامي الا ضباب أسود..حطيت رأسي على كتف نهى..بعد ثواني وقفت اللعبه وأغلب الناس نزلوا..هزتني نهى:جود قومي خلاص وقفت
همس لها:مو قادره..دايخه حيل
جاء وائل معصب:وأنتوا وش فيكم؟؟ليش ما تنزلوا؟؟
قالت ميعاد بهدوء:جود هي اللي على الطرف..وهي دايخه مو قادره توقف
فك يدي من نهى:قوي نفسك شوي..بس لبين ما نوصل السياره
وقفت ونهى مسكتني من يدي الثانيه وطلعنا من مدينه الملاهي..ياريت ما ركبت معهم..خسرتهم الطلعه..ركبت السياره ونزلت لي نهى الكرسي..عشان أسترخي أكثر..ساد الصمت في السياره..ما عداء من صوت الراديو الهادئ..حسيت أن بطني يقلب..أشرت الى وائل:وقف
الظاهر أنه فهم علي..لأنه وقف ونزل من السياره وفتح لي الباب..جلست على الرمل..وطلعت كل اللي ببطني..قال وائل وهو يفتح لي علبة المويه:ما كان المفروض أخليك تركبي
هنا هزيت راسي(لا)..ونزلت دموعي وأنا أخذ المويه وأغسل وجهي..نزلت نهى من السياره وأنا راجعه..أبتسمت لي:سلامات..سلامات..كل هذا من لعبه..والله أنك دلوعه
طول الطريق ووائل يبغاني أروح المستشفى..وأنا مو راضيه:خلاص..داخ راسي من لعبه..وش رح تسوي لي الدكتوره
هز راسه(ايه)وصلنا بيت أبو محمد والبنات نزلوا..وما بقى في السياره غير أنا و وائل
وائل:للحين مصره ما تبي تروحي المستشفى!!
ناظرت فيه وقلت:خايفه
فجأه وقف السياره وقال:من وشو؟؟
..أبي أفهم بالأول..انت وشو فيك؟؟كل شوي بمزاج!!..مره تكلمني وتضحك..ومره الود ودك تدفني وترتاح..مو قلت كل شي في خاطرك قبل ما نجي بيتكم وخلصت..ليش بعد هالمزاجات؟؟؟
..أوووووهو جود..خلاص بعدين أقولك..الحين خلينا نروح المستشفى أوكي؟؟
..وليش تبي تسمع الكلام من الدكتوره مو مني أنا..تبي أنا أقول أني
قاطعني بعصبيه:الله يخليك..لا تكملي..خلينا نشوف الدكتوره أول

الجزء الثالث عشر
فتحت باب الغرفه..ولقيت البيت كله ظلام..بس الجوع كافر..نزلت المطبخ وطلعت التوست مع جبن كيري..وجلست أكل..أسمع صوت ونين..الظاهر أن الشغاله تعبانه..أو أو أو يمكن هي أمي..تركت الأشياء اللي بيدي..ورحت الى مصدر الصوت..فتحت غرفه أمي..ولقيتها منسدحه على السرير وهي شوي تون..وشوي تدعي..وأبوي ماسك القران وجالس يقرئ سورة يس
..وش فيها أمي؟؟
ترك أبوي القرآن وقال:أطلعي برا..لو فيك خير..من زمان دريتي عن أمك..اللي كل ليلة تعاني من ألم ظهرها..مو بس شطاره في الطلعات والروحات
ألجمني كلامه..وفجأه رن جوالي..رفعت السماعه:هلا سحوووره..سمعي على السريع..أنا اليوم مظطره أجلس بالبيت..ممكن تروحي بدالي؟؟
قلت بدون تفكير:أيوووه..وين؟؟
..فندق(......)بالدور الخامس..الشقه 3
..طيب كم الدفع؟؟؟
قالت بسرعه أكبر مما بدت عليها المكالمه:الدفع كان مسبق..أنتي روحي وبعدين أحاسبك..باي
طلعت من الغرفه على السريع..بس وقفني صوت أبوي على الباب:وين؟؟
تثاوبت وحطيت يدي على فمي:مررررره نعسانه..رايحه أنا!!
رجع فتح بابا القرآن وقال:الله لا يوفقك من بنت
طبعا أنا ما استهميت لكلامه..رحت غرفتي..ولابست ملابسي..وطلعت من الباب اللي ورا البيت..بدون محد يحس فيني..حتى نسيت أني جوعانه..وصرت أفكر في السهر لا غير.....
...................
جـــــــــــــــــــــــــــــود
بعد التحليل جلسنا ننتظر نتيجة التحليل على كراسي الأنتظار
لقى وائل الممرضه جايبه نتجية التحليل وتنادي على أسمي..رح وائل أخذه من عندها..أما أنا ما تحركت من مكاني..جلس على الكرسي..وفتح الورقه البيضاء:أووووووف راسي دايخ مو فاهم شي
أخذت الورقه من عنده وطويتها:الحين بس تطلع الحرمه وندخل للدكتوره..لا تستعجل
سند راسه على الجدار:متوتر حدي
قلت بصوت واطي:مو أكثر مني
مسك يدي..وقمنا على طول لما شفنا الحرمه تطلع من العياده..رفعت الدكتوره راسها ولقتنا واقفين:لسى الممرضه ما نادت عليكم..طب أقلسوا..هم المتزوقين قديد دايم كزا
سحب وائل الورقه من يدي وعطاها الدكتوره:طب صار لكم متزوقين؟؟
ناظر وائل فيني بخوف وقلت:شهر ونص!!
قفلت الدكتوره المصريه الورقه وشالت نظارتها:برابو(وغمزت لي)..أنتِ حاسه نفسك حامل أو لا؟؟
في هذه اللحظات حسيت ان قلبي ينبض بقوه..ومو قادره أتكلم..فرفعت أكتافي
رجعت ناظرت في وائل:مبرروك عليك المدام حامل..ولسى في بداية الشهر الأول
أما أنا..نظراتي ما تعدت جزمتي(أكرمكم الله)
عطت الدكتوره وائل ورقه:هذي بعز الفيتامينات..أشتريها من الصيدليه اللي قمب المستشفى..وأنتِ يا عروس كل 15 يوم يكون لك موعد..في الشهور الأولى..بعد كزا كل شهر..وباقي الأشياء أخبرك بيها الشهور القايه
طلعنا من الدكتوره..وأنا ما أفكر في شي..الا سعود..هو على الطلعه مع وائل يسوي لي سالفه..مو بعد أكون حامل
ضربت جبيني لما تذكرت..المدرسه بعد أربع أيام!!
راح وائل الصيدليه ياخذ الأدويه..وأنا جلست بالسياره..بعد دقيقتين جاء وائل بكيس الأدويه وعطاني وياها:كل دواء مكتوب عليه كم مره..والأغلب بس مره في اليوم
هزيت راسي بدون ما اتكلم:لا تخافي محلوله أن شاء الله..بس أنتي لا تخبري أحد
ناظرت فيه ببلاهه:من جدك؟؟
حرك السياره:أجل وش ناويه عليه؟؟
..على الأقل أخبر أمي
لوى شفايفه وبعد تفكير:لو كذا..رح تقول الى أبوك..ومنها الى أخوانك..يعني رح تنتشر السالفه..أنتي لا تتكلمي..وأنا رح أدبر الموضوع
وصلنا على باب بيتنا:يووووه واذا شافوا الأدويه وش أقول لهم؟؟؟
..أممممم..أقولك خليهم عندي..واذا شفت فرصه جبتهم لك..تدري جودي أني مستانس..وأحس مالي حق أستانس
طلعت من السياره..بدون ما أرد عليه..دخلت البيت وكان الكل مجتمع بالصاله..ناداني أبوي:تعالي حبيبتي..أجلسي جنبي
رحت جلست جنبه..وأنا صامته..كأني أنتظر كم كلمه من سعود على التأخير
وجهت أمي لي الكلام..وهي تعطيني كاس عصير برتقال:جود يمه..رح نخطب الى أخوانك؟؟
ناظرت في سعود وفراس:أخواني..يعني حتى أنت يا سعود!!
رف ياقة ثوبه:مو عاجبك لو مو عاجبك
..الا عاجبني بس مفاجأه هههههه
قالت ايمان تختصر الموضوع:رح يتزوجوا بنات خالتي!!
كملت الاء:غلا ورغد
أحست أن الموضوع محسوم وكلهم متفقين..كأن كلامي اللي كنت ناويه أقوله الى فراس..ماله داعي..يعني صحيح غلا بنت رزينه بس رغد لا..وهم متفقين على الثنتين..مالي الا اسكت وخلاص..يكفيني اللي فيني
................

بعد يومين مما سبق..يوم الأربعاء..الساعه 8:20 الصباح..لبست ملابسي..وضبطت شكلي على الخفيف..باقي أكثر من نص ساعه على بداية الدوام..صحيح لسى ما أدوام بالمره..يعني أتدرب..ولله الحمد..ماتوقعت الشغل مره حلوه وممتع..الأمس تعلمت كيف أقص الشعر طبقات..كانت عمليه سهله الا أنها تبي شي من الدقه والخفه..وما زاد وناستي..مدح الزبونه الشغل..كأني سويت أنجاز>>كل هذا على قصت شعر
ريـــــــــــــــــــــــــم
فتحت النافده كعادتي كل يوم قبل ما أطلع المشغل(الكوافير)..عشان يتغير جو الغرفه..وصرت أرتب سريري..اليوم منووف..نام مع ماما..هذي عادته اذا كان دوام بابا آخر ليل..ماحسيت الا بشي ثقيل على ظهري:آآآآآي
سمعت صوت:هي..هي..يا بنت!!
ارتبكت حيل..تذكروا؟؟..هذا اللي شفته ذيك المره..رحت لعند النافده وأنا أمثل بأني معصبه:أنت ما تستحي على وجهك..ليش ترمي الحصى علي!!
عيونه تناظر كل مكان الا أنا..رد بصوت واطي:أنا آسف اذا ألمتك
رديت بدون نفس:مو مشكله..خلصني وش تبي؟؟
رفع كتوفه:مابي شي..بس كنت بقولك..اذا رح تفتحي النافده..حطي شي على شعرك على الأقل..لا تنكشفي للجيران!!
تسندت على جدار النافده..وقفزت أول ما أنتبهت أن الباب مفتوح..يعني أحتمال تجي ماما:رح وسكرته..وفي طريقي..اخذت الحجاب ولبسته وأنا أضحك..ورجعت لمكاني
..وين رحتي؟؟
أبتسمت:أسوي اللي قلت عليه
هز راسه:تمام
قلت وكأني بموت أعرف السبب:ممكن اعرف..أنت ليش كنت تبكي ذيك المره؟؟
جلس على طاولة خشب.. كرسيها في جدار النافده..بالأصح..كأنه عطاني ظهره!!
..وأنتي وش يخصك؟؟
أحرجني بس قلت بسرعه:عادي جاره تسأل عن جارها
قال بعد صمت ثواني..أممممم
سرحت وأنا أناظر ساعتي الي على الجدار..وتفاجأت مر الوقت بسرعه..وباقي بس 7 دقايق على بداية الدوام..قلت بأستعجال:أنا عندي دواام..باي
قفلت النافده ولبست عباتي وطلعت..خساره ما أمداني أسولف معه أكثر..بس مو كأني بديت خطوه حلوه..وهو كمان بدا يستجوب>>تلاحظوا أو لا؟؟
طول الوقت في المشغل وأنا أفكر فيه..وأحزر السبب اللي يخلي رجل يبكي..صرخت البنت اللي أستشور شعرها الأسود الفاحم:مجنونه أنتي..ناويه تحرقيني
طفيت الأستشور..وأنا مفتشله في داخلي:آنا آسفه
فكت البكل اللي رافعه فيهم شعرها..ولبست حجابها وهي تقول:الغلط مني جايه عندكم..آسفك وين أوديه لو أحترق شعري؟؟
لحقتها وأنا ناويه أهديها..بس ما أعطتني مجال وطلعت..وقفت عند الباب فتره..بعد خايفه المديره تسمعني كم كلمه؟؟..صحيح هي جارتي..بس محد يرضى باللي سويته..تبوا الصراحه؟؟هي زودتها!!
دخلت وأنا أمشي بثقه وما كأني مسويه شي..لقيت بنت جيرانا قدامي(المديره)..رفعت كتوفي بلباقه:حاولت أهديها بس الله يصلحها معصبه
هزت راسها:اممممم..ريم حبيبتي..روحي البيت أرتاحي
كملت بنفس أسلوبي قبل شوي:بس أنا مافيني شي؟؟
حطت يدها على كتفي بحنيه:أحس عقلك مو معك..معليش..روحي ريحي وبكره تعالي وأنتي مصحصه على الأخر..زين؟؟
أبتسمت وأنا من داخل ميته قهر:أوكي..مشكوره
رحت البيت وكان هادئ تماما..ركبت الطابق الثاني..لما مريت من عند الغرفه اللي ينام فيها عمي مره في السنه..سمعت أصوات غريبه..قربت أذني من عند الباب..فيه صوت بنت وبعد صوت عمي..يمكن يكلم جوال مع وحده من مهابيله..بس لالا..هذا الصوت واضح كأنها بالغرفه..قلت بصوت واضح:أهااااا..تزوج
شكل عمي تزوج وجاب زوجته عندنا..وش هالبلشه..رحت غرفتي وأنا مقهووره..كل ما قلت أفتكينا منه يطلع لنا مره ثانيه..علقت عباتي وصرت أناظر في النافده وأفكر..خلاص مرح أفتح النافده وأكلمه بعد كذا..معقوله أنا اللي أقول عن عمي مهبول..أطلع أنا أهبل..حطيت راسي على المخده ونمت
.................
نزلت ميعاد من على الدرج وعباتها وراها مثل سوبر مان..نطت على الكنبه جنب وائل:وه تعبت(وضربته على رجله بمزح)..أقول وائل وين ست الحسن جودوه..من الصبح أدق عليها ولا ترد
ردت عليها وائل بملل:يمكن نايمه
حطت ميعاد يدينها على خصرها:لا والله..وأنا أن شاء الله من رح يروح معي الكوافير..نهووه ومحتزنه في غرفتها(حطت جواله في يده)دق عليها وائل..أكيد رح تشوف أسمك وترد
حط الجوال في جيب ثوبه:روحي مع رنا
..وائل..بليز دق..مابي أروح مع البزر رنوه لحالنا
تنرفزت رنا من كلامها:أوريك لكن..شوفي من رح يروح معك..وهذي جلسه!!
ناظر وائل فيها:ما يحتاج تروحي كوافيرت..هو الا ملكه عاديه
حطت يدينها على خدودها:مو كافي مرح يسووا لي حفله..وبعد ماأروح الكوافير(وقامت رجعت غرفتها)ااااااف منكم كلكم
رفعت رنا حواجبها بأهتمام:وائل..ترى لو مارحت بتسوي لكم سالفه..ويمكن ما ترضى تملك..ميعادوه وتعرف حركتها!!
هز راسه بتفهم:وش أسوي فيها..أختها ومن حقها زعلانه على زوجها..وجود ما ترد..عنيده هالبنت..الله يعينك يا وسام
تردد صوت أم محمد في البيت:رنا..رنا
..نعم يمه..أنا في الصاله
دخلت أم محمد الصاله وفي يدها أكياس الحلويات:قومي وديهم المطبخ..وتعالي بعدين أخذي عباتي علقيها
وائل وهو يطفي التلفزيون:هلا يمه
أم محمد وهي تشلح شرابها البيج:وينك يمه..هالأيام ما تبين؟؟
..انا أدخل البيت وانتم تطلعوا..يمه مين عزمتوا حق الملكه
...مافي غريب..بس الأهل..لو مو سالفة نهى كان سويناها كبيره..بس هذي كتبة الله
هز راسه بتفهم:أحسن..يالله يمه أنا بروح أجيب جود..عشان تروح مع ميعاد الكوافير
وائــــــــــــــــــــــــــــل
طلعت من البيت..وركبت سيارتي الرنج بلون الأسود..شغلتها حق تسخن..وحطيت راسي على الدركسيون..مدري اليوم وش فيني..مرررره زهقان وملان..وأحس أني مخنوق حدي..غير أن وسام كل شوي يتصل وأنا ما أرد عليه..هذا الأنسان اللي أضعف لما أسمع صوته..وما أقدر أمسك نفسي..لازم أحكي له كل شي..شفتوا كيف علاقة نهى بجود؟؟يمكن أنا وسام كذا وأكثر..لبست نظارتي الشمسيه وطلعت من بوابة البيت الرئيسيه..كنت في الشارع أمشي بسرعه 70 بس..يمكن لأني أفكر..وقررت أدق على وسام..مدري ليش..أحب أستغل كل ثانيه أكون معاه..وأخاف يجي يوم أدوره وما ألقاه:هلا وسوووم
رد بصوت مرتفع:وائلووه..يا..>>لو تدري ماني قايل..وينك فيه؟؟تعبت من كثر ما أتصل فيك
رديت عليه ببرود يخالف الهيجان اللي بصدري:ما قدرت أرد عليك
سكت شوي بعدين رد:وائل..وش فيك؟؟والا أقول أنت وين؟؟
..رايح حق جود

قال بسخريه:وأنت كل يوم في وجها..الله يعين البنت على فيسك..أقول تعال
أول بيتنا بوريك شي..بعدين روح الى جودك
تبوا الحقيقه..كنت أبي أروح ومابي أروح بس وافقت:أوكي أنا جاي
وصلت لين بيت عمي ووقفت برا..مع أن باب البيت مفتوح..بس كأني عجزان أضغط على البنزين..دقيت هرن على وسام..طلع لي وهو مستغرب:وش فيك أدخل البيت!!
جاوبته بدون ما أناظر في عيونه:مستعجل..وريني اللي بتوريني بسرعه؟؟
لف على السياره وركب جنبي:وائل..ناظرني..تبي الجد؟؟ما كنت بوريك شي..جبتك عشان أعرف وشو فيك.؟.
كلمته بعصبيه:تتمسخر حضرتك..شايفني فاضي حق سوالفك الهبله
حسيته أنبهر بأسلوبي الغير معتاد:أوكي..سوري لأني ضيعت وقتك(ونزل من السياره)مع السلامه
نزلت بعده على طوول..ولحقته:وساام..وساام(مسكته من كتفه ووقفته)..معليش سامحني..نفسيتي مرره مخربطه
تكلم بهدوءه:أنا مو زعلان عشان كلامك..أنا متضايق لأني أشوفك متغير وأجهل السبب..أنا يا وائل اللي ما تصير لي صغيره ولا كبيره الا تدري فيها..وأنت...... خلني ساكت أحسن لي
...لو أقدر أتكلم..صدقني أنت أول من رح أتكلم له..بس ما أقدر!!
حط يدينه على خصره بعصبيه:وليش أن شاء ما تقدر؟؟
مسكته من يده..ودخلنا البيت..وأنا أحاول أغير الموضوع:بعدين أقولك..(وغمزت له)ها كيف الهمه يا عريس!!
رفع كتوفه:والله مدري..ماحس أني رح أتزوج..يمكن مو مصدق
جلست بشكل مفاجأه على العشب اللي توه ينبت:ياعمري ميعادوه..محد معطيها وجه اليوم
جلست بعدي وقال:أفااا ليش؟؟
حطيت يدي على خدي بشكل مأساوي:نهى وما ينعتب عليها زوجها وسط السجن ومالها خلق الدنيا..وأبوي اليوم متضايق شوي لأن جدتي تعبانه..وجود كمان تعبانه
أنسدح وسام على العشب وحط يدينه تخت رقبته:وأنا كمان لاحظت..ويمكن سالفة ناصر هي اللي مخليه الكل يتكدر
تنهدت بألم:يااااريت هي وبس
قام وسام فجأه ومسكت دقني:شووووف يا وائل..رح تحكي لي..رح تحكي لي..تراك دوختني من الصبح للحين
تكلمت بصوت شبه مسموع:أول شي لا تناظرني..وبعدين جد جد جد مابي الشي يطلع لأحد أبد..حتى أنت أنساه
حسيته تحمس لأنه صار ينتف العشب بيدينه:طيب قول
الكلمه كأنها غصه واقفه في حقلي..أنا قلت لها ما تخبر أحد..أقوم أنا اللي أقول الى وسام:جود حامل
رفع راسه بعدم استيعاب:مين جود!!؟؟؟
وقفت لأني نويت أطلع خلاص..وغير كذا نسيت سيارتي مشغله:بنت عمي..باي
كانت كلماته مثل الخناجر في صدري:غبي..غبي..غبي..يا أناني..البنت وراها دراسه..وراها تحضير للجامعه..وراها سعود اللي لو درى مدري وش رح يصير فيك!!
لفيت له بعصبيه:جود زوجتي..لا سعود ولا غيره له دخل
..اذا سعود ولا أهلك هموك..جود بعد ما همتك!!
رحت ركض لين السياره..مابي أسمع كلام زياده..أصلا أنا الغلطان اللي علمته..اللي فيني يكفيني..ليش يزيد علي؟؟..طول عمري كان وسام لي قدوه لأنه يمتلك من الرصانه والتفكير السليم كثير..زدت سرعة السياره بقووه..أبي أشوف جود..الحين الحين الحين..لما وصلت بيتهم ودخلت..ما كان فيه أحد موجود بالصاله..صعدت الدور الثاني وأنا أتنحنح ودخلت غرفه جود..لقيتها نايمه على السرير..وعلى ملامحها الحزن..أو شي ثاني!!مدري..بس ما كانت على طبيعتها..جلست على طرف السرير..ورجعت شعرها على ورى وأنا أهمس بأسمها:جودي
فتحت عيونه بخفه وتكلمت بصوت مبحوح:مو ناايمه
أبتسمت لها:مساء الخير يا قلبي..كيفك اليوم؟؟
رفعت راسها..وأنا حطيت المخده ورى ظهرها..ضحكت بصوت خفيف:يسلموو
..ليش تضحكي؟؟
رفعت كتوفها بأبتسامه:مدري بس كذا
مسكت يدها بيديني الثنتين:جود..أنا
ضمتني وهي تقول:أنت حبيبي مو؟؟
قاطعتها وأنا أحس دموعي على وشك أنها تنزل:كنت أبي أقول!!
مسحت على شعري وهي تقول:أنا مابيك تقول شي..(وتكلمت بجديه أكثر)..وائل ترى الدموع مو عيب..ومرح تقلل من قيمتك عندي..بس اللي رح يصير أنك على ترتاح بعدها
ضميتها بقوه..وما بكيت بمعنى البكاء..بس حسيت أني أفرغ طاقه..في هذي اللحظه سمعت صوت الباب ينفتح..بمجرد مافكيت جود ولفيت وراي الا هو تقفل مره ثانيه:مين؟؟
ضحكت على شكلي اللي مو مستوعب:فراس
قمت وفتحت الباب أناظر يمين وشمال:فرااس تعال!!
جاء وشكله مستحي:أنا آسف..مادريت فيك هنا؟؟
حطيت يدي على كتفه:يا شيخ ومدري وش صار يعني..تعال أدخل!!
دخلنا الغرفه ولقيت جود رجعت أنسدحت على السرير..فحسيت أنها تعبانه
فجلسنا على الأرض..فراس بأبتسامه خفيفه:دريت أني رح أخطب
..والله نيالها اللي بتاخذ فراسوه
..وكمان سعود بيخطب معاي..الأخ تحمس
ضحكت بدون نفس:جود..اش فيك مو عاطتنا وجه..نطلع يعني!!
قام فراس ورفع اللحاف من عليها:وش فيك جودوه..أكيد وائلوه مزعلك أنتِ بس قولي وش مسوي..عشان أخذ حقك
مددت رجليني على الأرض:أحلف يا شيخ..وش قدر الصرصور على النمر
..صرصور في عينك..أنت بس جرب وبتشوف
ضحكت جود:اي والله لا تاخذ مقلب في هالعصاقيل وهالنظارات..تراه قوي
..ههههههه يعني مجربه
قالت وهي تقوم من السرير:اصلا ماذكر قد تهاوشت معه..كنت كله أتهاوش مع الاء
..جود أجهزي عشان أخذك الكوافير مع الاء
هزت راسها:أوكي..بس أخذ شاور وألبس
دخلت الحمام ورن جوالها..ناظر فيه فراس:ميعادي..هذي أختك..خذ رد عليها
بعد ما كلمت ميعاد..شفت في رساله مو مفتوحه..تبادر في ذهني أنها أكيد من ميعاد ففتحتها
((مجرد ذكرى))
ليت {المرض} فيني ولافيك
ما أتحمل يا حبيبي أسمعك تقولالآآهـ
ماا بيدي شي أسويهعشان
أخفف عليك غير {أدعي ربي} إنهيشفيك
ما تشوف شر يا بعدمغليك

مين هذي اللي تعرف أن جود مريضه..وليش مسميتها مجرد ذكرى؟؟..رحت صندوق الرسائل..وجلست أدور على نفس الأسم..لقيت رسالتين بس من هالأسم..وهذي الثالثه
الأولى مكتوب فيها
هـذا [الحنان] اللي له {القلب}.. محتاج.. }~
.أرجوك. زيد {بالعـطا} و[احتويني] ..
وان كان{ شفت} في[ وصالي] لك ..احراج .. }~
فـي {الصمت}..[ أحبك ].. بين{ قلبي} وبيني ... }~
والثانيه
((الله يوفقك))
رفعت راسي وما شفت فراس في الغرفه..رحت بسرعه مسحت أخر رساله..مدري ليش مسحتها..بس كنت أبي أمسحها وبس..وتركت الجوال مكانه وطلعت
.........
وســـــــــــــــــــــــــــام
أخذت شاور عشان أنعنش..من بعد سالفة وائل... من سمعته حسيت قلبي ينقبض..وتمالكني شعور بأني أضرب أي أحد قدامي..بس الحين الحمدلله ريحت..ووأنتقل تفكيري عن اللي بصير بعد ساعه..عن اللي رح يغير حياتي بأكملها..لفيت المنشفه على خصري..ورحت الغرفه ألبس ثوبي..اللي نادر ألبسه..أنا بالعاده ما أحب الشي التقليدي..وألقى في البنطلونات راحه أكثر..لفت نظري دفتري الصغير..قبل 3 أشهر ونص كان هنا..وكان عذاب بالنسبه لي..فحطيته في الملحق..أبعد مكان عن عيوني..بس وش جابه هنا؟؟..حكيت راسي بتساءول..يمكن أنا ما وديته المحلق بس كنت أتخيل..أوووووهووو..فتحت دولاب ذكراتي وأوراق القديمه اللي ما استغني عنها..وحطيته فيه..بس ما قبل ما أقفل الدولاب..طاح نظري الى الورقه البيضاء..بدون أي زخرفه أو معلم أنثوي يدل على صاحبتها..هههههه..كانت في ذاك اليوم كاتبتها على عجله..ومن أقرب دفتر أخذت الورقه..وأرسلتها مع أخوها الصغير..ذاك اليوم كان يوم جدا جميل..لأني حسيت كبريائها تنازل لي..وكله من حركاتي الجهنميه..صحيح ما كان بينا الشي الكثير..لكن حركاتنا كانت مدروسه صح
تدري وش ودي أسوي؟؟؟
ودي بطابوقه فوق راسك!!
عشان تحس أني موجوده
وفي اخر سطر رسمت وجه يدل على الأغاضه
اااااااااااااااااااه..ليش اليوم بذات كل هذا يصير؟؟..اليوم اللي المفروض ما أفكر فيه غير في مستقبلي..زوجتي..مخططاتي..على الأقل الكلمتين اللي رح أقولهم أول ما أشوفها..اااااااااااه عليك يا بنت عمي..صحيح كبرتي وحلويتي..ما كنتِ كذا وأنتي صغيره..في هذي اللحظه فتحت فجر الباب..صرخت وسكرته..ورجعت فتحته وهي مغطيه وجهه الا عيونها >>تسوي أنها خجلانه هههه
..وسااااااامو..بسرعه ألبس(وشالت يدها من على وجها)..تأخرنا كثير
..يالله بس ألبس ثوبي وجاي
تسارعت اللحظات قدام عيني..ما كنت أسمع كلامهم..ولا على ايش اتفقوا؟؟..ولا حتى شروط بنت عمي المصون..كل هم حضور وائل!!..المفروض يكون جنبي في هذي اللحظات..بس هو أبعد ما يكون..مدري ليش؟؟كذا الظروف تبعده في الوقت اللي أحتاجه فيه..قبل لحظات تقدم لي عقد القرآن ووقعته بيدي..مع أن كل هذي اللحظات كانت قبل دقايق الا أني أحسها ذكرى قديمه مو قادر استرجعها لقدمها..وهذا أنا ألتفت حواليني وما ألقى أحد!!..يعني أنا أنتظر نصفي الثاني..أقصد زوجتي..طول عمري كنت أتخيل هذي اللحظه في مجلس غير عن هذا المجلس..وفي بيت غير هالبيت..لكن سبحان الله..قطعت الكلام مع نفسي..بدخول ميعاد مع محمد..يحل لي في هذي اللحظات أوصفها لكم..بنت طولها مع يتعدى 150..ووزنها أكيد أنه أقل من 45..شعرها الاسود يوصل لنص ظهرها..تمتلك عيون واسعه وسوداء للغايه..لالالالا..مو هي اللي شفتها!!هذي انسانه غير..هذي طفله مشاغبه..أسنانها الأماميه مخلوعه..شعرها القصير يتبعثر بعنف..أصبعها لا يفرق فمها أبد..أنصدمت!!وأنعادت في مخيلتي البنت اللي جالسه على الكرسي وتتكلم بالجوال بجديه الا أن جديتها كانت مغريه..أبتسمت أبعد عن ملامحي الصدمه:مبرروك
هزت راسها بكل لطف:الله يبارك فيك
ما كانت خجلانه..بالعكس كانت معفويه في حركاتها..وكأنها جالسه مع واحد من أخوانها..ومتعوده عليه بالمرره:أن شاء الله مبسوطه
..ان شاء الله
قدمت لي عصير الفراوله:سمعت أنك تحبه!!
هزيت راسي وأنا أشرب العصير بأرتباك:صح..وأنتي؟؟
..أنا أكثر شي أحبه التفاح
سألت بفضول يذبحني:وينه وائل اليوم ما شفته
ضحكت بسخريه..وكأنها أنصدمت من السؤال:مدري..أنا كمان أستغربت لأني ما شفته..وتوقعته بالمجلس!!
وقفت وأنا أقول:طيب ميع..(مدري ليش قطعت أسمها وما كملت)..أنا طالع الحين..وأن شاء الله أشوفك قريب
لما طلعت حسيت نفسي سخيف..أو يمكن أكثر..هذا أول لقاء بين زوجين توهم يشوفوا بعضهم..ااااااااااااف..أحس صدري مكتوم..أحسن شي أرجع البيت وأنام قبل لا يستلموني فجر وأمي ليش أني طلعت بدري
.................

يوم السبت الفجر..الساعه 4..أول يوم دراسي
..طيب ليش أنتي ما تكلميه؟؟
$$استحي أدق عليه..ويفكرني قاطه نفسي
..بس هذا مستقبلك..خليه يقول اللي يقول..بس حققي حلمك
$$مدري والله محتاره كثير..والدمعه في عيني..وأنا أشوف الناس مستعده للدوامات وأنا لسى ما أخذت قرار
..توكلي على الله وكلميه
$$هو ما أحس أنه يعطيني وجه
..يتهيأ لك الرجال عطيه كم كلمه وحلوه..ويذوب فيك
$$تبي الجد!!
..أكيد
$$مع أني من صغري وأنا أدعي أنه أحبه..الا أني أحس كنت معجبه فيه وحركات أطفال بس..ماطيقه أبد
..أنتي وشو تقولي؟؟
$$وربي من أشوفه أو أسمع صوته..أحس نفسي ينكتم..وأني قرفانه منه
دخلت رنا عليها الغرفه..وش رأيك بمريولي؟؟
..بسم الله توها الساعه أربع ونص أنهبلتي
هزت راسها بلا عمداً عشان تحرك شعرها:بس متحمسه..والحين بروح أفصخه
رنا وهي طالعه بتسكر الباب..صرخت عليها ميعاد:نامي..لا يوجعك راسك بالمدرسه
..مابي(وقفلت الباب وراحت)
أرسلت لها صديقتها أشارة تنبيه..لانها طولت بالرد عليها
$$ها وش تبي..ترى أخلاقي في خشمي!!
..أقولك جربي..دقي عليه الحين..وأتدلعي لك شوي..صدقيني رح تنبسطي
$$امممممممممممممم..أوكي شورك وهداية الله..أجل يالله باي..أوافيك بالاحداث بكره
..الله يوفقك حبيبتي
قفلت الاب توب..ومسكت الجوال وهي تفكر في الكلام اللي رح تقوله:أوووووهو..مالازم أفكر اللي يطلع معي يطلع
بعد ثالث رنه..رد وسام وصوته كله نوم:ألوو..ألوو..ميعاد!!
تكلمت وهي مفتشله مررره:أنا آسفه..أرجع نام
رفع صوته حبيتين يبين أنه خلاص جلس:وش فيك ميعاد..تكلمي..تبي شي!!
والله أنه سخيف..هذي أول مره أدق عليه ويقول تبي شي:لا..بس بغيت أطمن عليك
رد بجواب مثله سخيف:تطمني علي؟؟
جاءت الفكره في راسها وقالتها بنعومه:وكمان عشان أجلسك لصلاه
..أهااااا مشكوووره..فيك الخير
..اوكي يالله مع السلامه
ضربت يديها على الكومدينه..(ما استفدت شي..لو دريت ما أتصلت عليه..وووي كتم على أنفاسي..وربي ما أتحمله هالانسان)
............
لبست تنورتها السوداء..مع بلوزه نص كم..بلون الزيتي..ومرسوم عليها بنت بشكل كبير..رفعت نص شعرها وتركت النص الثاني على أكتافها بحريه..حطت لها كحل بلون الزيتي..مع قلوس بلون بشرتها..أخذت شنطتها السوداء..ونزلت الصاله..شافت فيصل قدامها..تكلمت بصوت رجولي:أهلا يابو الشباب
رد عليها بدون نفس:متى رح تعقلي..بعد زواج وقريب رح نفتك منك
حطت يدها على خصرها:لا والله..أشوف قررت عني..الا توهم البارح متقدمين..خلينا ندلع شوي ونماطل
سحب شعرها وهو طالع:خمس دقايق أن ما طلعتي أنتي وأختك اللي فوق بمشي عنكم
صرخت رغد بصوت عالي:غلااااااااااااااا..بسرعه فيصلوه بروح عنا
نزلت غلا وهي تتمايل في مشيتها بملل
رغد:وانتي لساتك بالبجامه
أنسدحت غلا على الكنبه:مو رايحه الجامعه..هو الا أول يوم مافي شي مهم
أنفعلت رغد من كلامها وضربت الارض بقهر:ليش ما قلتي لي..الأمس تقولي بتروحي اليوم لا
غمضت غلا عيونها وهي تتكلم:طوووول الليل وأنا أكفر ما جاني نووم
ضحكت رغد بسخريه:ول ول ول عليك..هذاني حالي حالك..والله ولا أوليت الموضوع أهتمام..الحياه حلوووه..بااااااي

انتهت الروايه سلام



ان شاء الله عجبتكم