الحب كاذب يعني الشوق خشران

[جنون الذكريات]

السلام عليكم ورحمة الله وبركاته

هذه رفيقتي وحبيبتي ((الحب كاذب يعني الشوق خسران)) لانهااا من روايات صديقتي ..قد بدأت فيها قبل ثلاث شهور تقريبا..والروايه في بدايتها الى الأن
لذلك دعمكم هو من سيكملها..وهذا انا أضع جهدهاا بين يديكم((أملا في أن يعجبكم ما تخطه مخيلتي وواقعي من أحداث وشخصيات))

مرح اطول عليكم وهذا الجزء الأول

...............
....

.

[جنون الذكريات]

اكملهااا لكم العصر

باي

[جنون الذكريات]

ولادة الحب الصادق في قلبي((1))

جود:الاء خلصينا بسرررعه البسي أبوي من زمان بالسياره بيعصب
الاء؛يالله بس باقي عباتي
نزلت جود من الدرج وهي تركض والبسمه معتليه وجها..لقيت امها قدامها..واخذت من يدها الاغراض بصمت وراحت السياره..شافت اختها ايمان جالسه في مكانها
جود:لا يا حبيبتي هذا مكاني ابعدي
ايمان:والله مو مكتوب عليه اسمك ولا شي روحي الجهه الثانيه
جود:لا تعصبيني تدري ماحب اجلس الا هنا
ايمان:ياربي خلاص اجلسي وفكينا
جلست بصمت بعد ما حطت الاغراض بشنطه السياره..ومشوا في طريقهم
مثل كل يوم خميس يمر عليهم..يطلعوا مع بيت عمهم البحر عادتهم كل صيف واما بالشتاء فيكون البر بس مستحيل يجلسوا في البيت
من طبع جود انها هاديه بزياده وتحب تتأمل الاماكن وهي بالسياره..ودها لو كل اليوم يلفوا فيها السعوديه مرتين ثلاث
نقرت ايمان الاء وهي تأشر على جود اللي تبتسم وشكلها تتخيل شي او تذكر
ايمان:هههههههههههه والله انك هبله ليش تضحكي بروحك( ايمان عمرها 9 سنين)
انتبهت جود لنفسها وهي تعدل جلستها وتنكر:انا اضحك شكلك تحلمي وبعدين ليش تناظري فيني
الاء:هههههههه صحيح ليش تضحكي قولي لنا(الاء عمرها 15 سنه)
جود:ياربي انتوا يتهيأ لكم لا اضحك ولاشي(جود اكبر خواتها 17 سنه)
كلام امها كان المنقذ لها:خلوا بنتي يالله غصب تضحك وبعدين بنتي ملامحها مبتسمه وانتوا غيرانين
شكرت امها بداخلها وهي تقول ياربي وش فيني انا صار لي كم يوم مو على بعضي..وبعدين انا هبله ليش افكر كلها خمس دقايق واشوفها وتحكي لي كل شي
قربت سياره بيت ابومحمد من جنب سيارتهم
ابو محمد:هلا والله ابوسعود ..ها وين نجلس؟؟
ابو سعود:ماله داعي الفرفره مثل كل مررره
جود كانت تصرخ في داخلها تأيد هالمكان بقوووووه..ياترى نهى مبسوطه لان بروح نفس مكان جمعتنا كل مررررره..ياربي احب هالمكان حيل..البحر فيه غير ..الجوو حيل حلوووو..هو كذا والله لان معي نهى يكون كذا؟؟؟وحشتني طاولتنا حييل..وللحين اتذكر مكانها كأن امس فيها<<<(من جد له وحشه هالمكان)
نزلوا وكل وحده منهم تاخذ لها غرض من الشنطه..راحت جود الى ميعاد ركض؛هلااااااا
حضنتها جود وملامح الشوق على وجهى ما كأنهم امس كانوا مع بعض بالمدرسه؛وحشتيني
راحت الى نهى وسلمت عليها ببرود
نهى:اوريك هي امس شايفتها وكأن من سنه وانا اللي لي اسبوع مو معبرتني
قربت جود وهمست:انتي بالقلب
نهى:فكرت بعد
الاء:امشوا شكل البحر يشهى عالسباحه
ام محمد؛اركدوا خلونا نحط اغراضنا..ونصلي الظهر بعدين طيروا
ام سعود:ياربي من عبود مدري وين راح اخاف يروح البحر..حبيبتي ايمان روحي شوفيه اذا عند ابوك((عبود عمره ثلاث سنين))
ايمان:ياربي كله في راسي انا قولي الى الاء
ام سعود:عيب هذي اختك الكبيره روحي انتي
نهى:تعالي جود معي نروح الحمام((الله يكرمكم))نتوضأ
ميعاد:بروح معكم ((ميعاد 17 سنه نفس عمر جود))
نهى:اوهو انا قلت جود مو انتي((نهى عمرها 20 سنه>>اكبر خواتها))
جود:ما عليك منها تعالي
ميعاد وشكلها زعلت:لا خلاص بروح مع الاء مابيكم
شدت نهى يد جود ؛خلاص قالت لك بتروح مع الاء يالله خلصينا
مشيوا كم خطوه وهم ساكتين>>كان هالشي مألوف عند جود الهاديه..بس ابد مو مألوف عن نهى المهستره
نهى وصوتها يخترق صوت امواج البحر العاليه:ما تتصوري قد ايش وحشتيني
جود في هذي المواقف دايم ملامحها جامده وابد مايبين عليها الشوق..اللي يشوفها ما يقول هذي اللي في السياره بتموت من الوناسه لشنها بتشوف نهى
جود؛ يعني قد ايش..بس اسبوع هو اللي ما شفتك
نهى بأستغراب:مستقلتنه؟؟
جود:عادي احس مر بسرعه
نهى:متى بتتعلمي تتكلمي زين مدري
جود:ليش وش فيه كلامي
نهى:اموووووووت فيه ينقط عسل
رفعت جود اكمامها وهي تقرب من المغسله تنوي الوضوء ما حست الا نهى واقفه وراها على طول بلعت ريقها:بسم الله الرحمن الرحيم مو توك في ذيك المغسله وش جابك؟؟
نهى:ابي اقول لك شي
ناظرت فيها جود يعني قولي
نهى:لا مو الحين بالليل اذا رحنا طاولتنا العزيزه
هزت جود راسها وهي تكمل وضوء وتدعي لها بالهدايه..كم مره قررت تقول الى مره عمها يمكن تصحى نهى من غفلتها؟؟بس خافت عليها..نهى لها مكانه كبيره في قلبها ومستحيل تسبب لها المشاكل..وهي اللي وعدتها ان كل كلمه تقولها ما تطلع لاحد ابد..استغفرت الله وهي تلبس جزمتها ..وتبتسم في وجه رنا((اخت نهى وميعاد عمرها 12 سنه))
رنا:انتوا للحين هنا..الناس من زمان صلت وخلصت
جود:انا خلصت بس انتظر اختك
رنا:اذا خلصتوا تعالوا معنا جالسين نلعب مع عبود بالرمل
جود:مابي ماحب الرمل
لفت لها نهى وهي ترتب غطوتها وغمزت:بس انا احبه ما بتروحي معي؟؟
جود:بجلس مع ميعاد
نهى وهي تكابر:براحتك..انتي الخسرانه
راحوا الى مكانهم وكبروا وصلوا
ميعاد:انا بموووووت جوع ما افطرت متى بتتغذوا
ام محمد:تو الساعه وحده اذا جوعانه نادي على سامر يجيب لك بسكويت من السياره
سامر((اخو ميعاد عمره 11سنه))
جلست جود جنب امها وهي تناظر في الشباب اللي يلعبوا كره بحماس:اااااااااااه ودي ألعب معهم
سمعها ابوها:ولا يهمك تعالي اتوسط لك تلعبين معهم
جود وهي مصدقه عمرها:خساره ما جبت لي شورت
دخلت امهم معهم في الجو:خلاص نعطيك حق حمود واذا واسع نضيقه
حطت جود يدها على خصرها:لالا والله وتتمسخروا علي بعد..جد نفسي..ان لعبنا بالبيت قلتي كسرتوا الاغراض وين نروح؟؟
ميعاد وهي تاخذ البسكويت من سامر:تعال بيتنا خخخخخخخخخخخ
ام محمد تكلم بتلفون ولا انتبهت للي تقوله بنتها:اوكي يالله مع السلامه

[جنون الذكريات]

قفلت السماعه وهي تناظر في ام سعود:اليعال رح يجوا
ام سعود:واخيرا رضوا يطلعوا معنا
جات نهى وهي حامله في كفوفها رمل:اووووووف الحين مرح يخلونا نتحرك من مكانا
حطت نهى الرمل على حضن جود:اوووووهوووو كم مره قلت لك ماحب الرمل
ناظرت نهى فيها وهي تطلع لسانها :بس انا احبه كيفي
التفت ميعاد للبحر وهي تشهق:شووووفووووا قليلة الادب شلون تكلم الرجال باقي شوي وتلمه
ام محمد:عيب وش هالكلام وبعدين يمكن زوجها
ميعاد:اتحدى شفتها وهي تنزل من السياره بس معها السواق
جود:لا تظني في الناس..ان بعض الظن اثم
ميعاد وهي تحاول تأكد لهم: اصلا حتى لو تعرفه مرح تسوي هالحركات وسط الناس(كانت تناظر فيها وهي ودها تقتلها)
ام محمد:الله لا يبلانا ناس مو مربيه..استغفر الله..ربي لا تعاقبنا
كانت جود تعيش في صراع..هذا وانا مفكره اقولك يا مره عمي..اثاريك من وحده ما تعرفيها سويتي سالفه اجل لو.........>>شالت الموضوع من راسها وهي تقوم تساعدهم على الغذاء
جابت ايمان البيبسي من عند ابوها وعطته امها:يوووووووه ليش جايبينه الحين ان شافه عبود بيحرم غذاء
الاء:جيبي بحطه في السله لا يشوفه(هذا هو عبود موته وحياته شي اسمه بيبسي مع ان عمره اربع سنين>>لكن شكله ادمان من الصغر خخ)
في هذا الوقت وصلوا العيال
اولاد بيت ابو محمد
محمد 22 سنه...............وائل 20 سنه
اولاد بيت ابو سعود
سعود 23 سنه............فراس 20 سنه
بعد الغذاء راحوا البنات يتمشوا>>الاء وميعاد اخذوا عبود يلعبوه بالمراجيح
وايمان ورنا يلعبوا فطوووول الوقت يبنوا كوخ ويكسروا الثاني
ام جود ونهى>>>فما يستغنوا عن طاولتهم الغزيزه>>
وجود وهي تتأمل الهلال الساطع على مياه البحر الراكده:شوفي شكل الهلال على البحر كأنه قرش جاي يهجم علينا
نهى:وش هالنظره..بس تصدقي في ذا الظلام شكله قرش خخخخخخخ
جود لفت نظرها للطاوله اللي جنبهم:نهى قومي بنرجع لأمهاتنا
نهى بأستغراب:ليش؟؟
جود وهي ما زالت تناظر:وربي مو حابه ذول الناس وثاني شي اسمعي الاغاني اللي عندهم
نهى:ياختي وش صار ناس طالعه من بيتهم تبي تنبسط
جود وهي مستغربه المنظر حطت يدها على خدها:شوفي اللي ما تستحي تهز خصرها قدام الرجال
نهى بلامباله:الدنيا ظلام مين بيشوف؟؟
جود:مثل ما شفنا يقدروا يشوفوا..قومي عاد ماحب اجلس في مكان وحولي ناس كذا..احس اني قذره
نهى بوزت:وش هالتخلف..ما صارت أغنيه والبنت مستمتعه ترقص..واذا بالمره متضايقه منهم انسي وجودهم
جود:يصير خير
نهى لفت وجه جود ناحيتها:دريتي..يقول ابوي رح نروح المدينه اسبوع الجاي
جود فتحت عيونها:جد تتكلمي؟؟
نهى ترسم شفايفها بزعل:جد
ردت بتنهيده:ياليتنا معكم ودي من زمان اروح المدينه
حط نهى يدينها على خدودها وشطحت بأفكارها:الله تخيلي وناااااااااااااااااااااااااسه
حط جود يدها على فم نهى:اسكتي ياهبله هذا وتخيل كيف لاصارجد
نهى:بطير وناااااسه..بس تدري انا زعلانه من شي
جود:احد رح يروح المدينه ويزعل
رمت نظرها للبحر:بروح المدينه ومرح اقدر اكلم ناصر..رح يوحشني
بدا الصمت ينرسم على هالجلسه الهاديه .. كل وحده منهم تفكر بشي بعيد عن الثانيه هذا هي جود مخزن نهى ومستودعها السري..انحكم عليه بالسكوت قدام احداث نهى اللي تفجع جود..تعودت عليها..حبتها<<لانها زرعت الثقه فيهاااا<<علمتها اشياء ما بعد تتفتح عيونها عليها<<كبرت جود اكبر من عمرها وصارت تنظر بمنظار نهى اللي يفوقها بكذا سنه قدام
نهى وهي تتنهد:الامس اشتريت بطاقه من السوبر ماركت اللي جنبنا..عشان اكلم ناصر..واقوله اني بروح المدينه..وعدني انه يحاول قد ما يقدر يروح
جود وعلامه الاستفهام تكبر على راسها:طيب ليش ما كلمتي من تلفون البيت او الجوال؟؟
نهى وهي تفرك عيونها:ابوي مدري اش جايه رح شركه الاتصالات وحذف الصفر من عندنا..وتدري جوالي ما اكلم عشان لا يطلع الرقم بالفاتوووووره
جود وهي متشوقه لجواب سؤالها:نهى بسألك..اش معنى خاطرتي وقلتي لي كل اللي يصير معك مو احد ثاني
ابتسمت في وجها وغمزت:لانك اعز شخص عندي..ولا تخافي مرح اخاف تعلمي احد..لاني اشك في نفسي ولا اشك فيك
تعرفوا اذا احد قال لكم هالكلام>>تحسووا انفسكم شي كبير>>اكبر من هالناس..مع ان عمركم صغير>>هذا كان احساس جود اللي كل يوم يكبر غلا نهى في قلبها
...........................
في احد المقاهي
ناصر من عائله تقريبا متفككه>>لكن هالشي زرع القوه والثقه في نفسه..وصار رجال البيت اللي تعتمد عليه امه >>من بعد ما طلقها ابوه وعرس مره ثانيه..هذا الاب اللي ترك بيته وعياله..من شان بنت اغرته بمفاتنها..واستولت على حلاله..حتى صار خادم بين يدينهاا
حمد:الا شخبار نهى؟؟
حمد من اعز الناس على قلب ناصر..ويعرف عنه كل كبيره وصغيره..هالاثنين كانت همومهم ومشاكلهم هي القاسم المشترك بينهم>>فحمد تيتم من كان عمره 10 سنوات..وهذا هو يعيش تحت رعايه اخوه الكبير..اللي ضحى بسنين عمره معاهم وحرم نفسه الزواج
ناصر:الحمدلله تقول رح تروح المدينه اسبوع الجاي
شد حمد شعره:وش تفكر فيه؟؟لا تقول تروح معاها
كان خايف من رده فعله..بس هذا هو دايم صريح بمشاعره خصوصا لحمد:ايه
تكلم بهدوء :ناصر قولي وش الفرق لو رحت او جلست هنا؟؟
..على الاقل اكون معها ..اشم نفس الهواء اللي تشمه
ناظره حمد بتفحص:بس؟؟؟
..هي هي حمد وش تفكر..وبعدين احنا اصحاب من كنا صغار يعني ما تعرفني لين الحين؟؟
ابتسم ولمه:ولووو..انت اقرب من نفسي لي..بس كنت اجرب وش رح تكون رده فعلك..بس طلعت رجال والنعم
ابعده ناصر وهو يسوي زعلان:روح روح بس
..ياعمري اخوي الزعلان(غير نبرته الى جد)ودي في شاورما..وش رايك؟؟
دخل ناصر يده في جيبه وطلعه:بح مافيه ولا قرش..الا اذا بتعزمني
..اشوف اليوم تستغلني..البنزين ودفعته والحين بعد اعشيك..ترى حالي حالك لا تفكرني الوزير
اسند ناصر راسه وهو يسوي نفسه يحلم:تخيل لو تكون وزير..كان كل يوم سياره اااااااه ياقلبي..كل يوم عشااااء فخم>>مو على شاندويش شاورما بتذلنا
مسكه حمد من ياقته:قم بس قم..صارت الساعه وحده
فز ناصر من مكانه ومشى الى السياره بسرعه:يالله يالله..وش فيك تمشي على بيض؟؟
رفع حاجبه:وانت ليش مستعجل
وقف يتأمله بمكر:يعني تسوي نفسك ما تدري..ايه ايه رح اروح اكلم نهى خلصني
..ايه نهى تركض..بس انا لا..هذي اخرتها يا ناصروه
ناصر:خخخخخخ..اشوف الاخ يغاااااار
..انا اغاااااااار وعلى مين عليك..روح مناك بس
ركبوا السياره ..كان ناصر مستعجل عشان يكلم نهى..وحمد يفكر في ناصر..ما يدري هل اللي يسويه خطأ كونه ساكت عنه..>>كان افكار تجي وتروح مره تأيد سكوته بس الاكثر تعارضها..ما انتبه على نفسه قدام باب بيتهم
فتح عيونه:والشورماااااااااااا؟؟؟؟؟؟؟
..اووووووهوووو حمد مو لازم تاكل الحين بتنام
دق تلفون ناصر ولقى المتصل نهى
حمد:هذي نهى موووو؟؟؟؟
هز ناصر راسه وهو يتأمل الاسم
..طيب ارفعه
رفع السماعه ونسى حمد بالمررره..اصلا وجوده ما كان يأثر..لان يحس بوجوده الحمايه..يحس ان احد واقف معاه في طول ألمه..انحرم من حنان الاب سنين..صحيح امه عوضته كثير..بس وجود نهى في هالفتره..املى فراغ في وسط قلبه
رجع كرسي السياره على ورى واسند راسه :طيب متى بترجعوا البيت؟؟
نهى:مدري على حسب..بس انا ماودي ارجع خصوصا وان معي بنت عمي
..ياكثر ما سمعت عن بنت عمك ذي..لدي الدرجه غاليه؟؟؟
نهى:اااااااااااااه فوق ما تتصور
............................

[جنون الذكريات]

وين ما كانت نهى موجوده على طاولتهم العزيزه..اللي ترددوا عليها اليوم كثير..كانت جالسه مقابل جود..اللي حطت راسها على الطاوله..وكانها تمنع نفسها تسمع اللي يصير..نقزت وهي تسمع نهى يرتفع صوتها بلااااااااااااا
قطبت حواجبها:ليش طيب؟؟؟؟
ناصر:نهى انتي ادرى بالحال..ريال واحد مافيه في جيبي..من وين بجيب سعر التذاكر والسكن
نهى:اوكي حبيبي ولا يهمك..الا شخبار حمد؟؟؟؟
ناظر ناصر في حمد اللي يتأمله من بدايه المكالمه:هذا هو جنبي يسلم عليك
همست جود:نهى انا رح اروح لميعاد زين؟؟؟؟؟
هزت نهى بمعنى اوكي
خطواتها ثانيه..هدفها محدد..كل اللي تشوفه ما يهز شعره من اخلاقها الحلوه..تحاول دايم انها تكون محل فخر اهلها فيهاا..ابد ما كانت من الناس اللي يجرفهم التيار..صحيح من العشره رح تنعدي..بس حدودها باينه..وتعديهاا ابعد شي تفكر فيه
قربت من اهلها المجتمعين وسلمت..جلست جنب ميعاد
ام محمد:جود وين نهى؟؟
جود بصوت ثابت:تكلم صاحبتها بالتلفون الحين تخلص وتجي
وائل:اقول فراسوه يا الدلووووع قوم جرب
فراس:روح بس عني..تبيني اركب النخله عشان اطيح واتكسر
وائل:صدق من قال دلووع
تدخلت جود:حرام عليك اخوي مو دلوع..بس يخاف على عمره
وائل وهو يضحك:اثاريك ما شفتيه اول ما صرنا نطبق بالجامعه..كل شوي مغمى عليه..هذا وجه طب ذا؟؟
جود بنبره عتب:اصلا اخوي عاطفي وحساس مو مثلكم شرسين
فراس:عاشت اختي اللي تدافع عاشت(كان يقولها وهو يصفر)
وائل وهو يضرب ميعاد على راسها:شوفي الخوات ياحظي
حكت راسها:ااااااي وش تبيني اقول؟؟
وائل:مالت بس شكرا لا تقولي شي
ميعاد بمسخره:لا خلاص ولا يهمك الحين اقوم اذبحه
فراس بتحدي:خخخخخخخخخخ وش تقولي تذبحيني ما بقى الا انتي
نرفزها اسلوبه فقامت ومشت ناحيته ومسكته من رقبته..هو يصرخ بمسخره
ام محمد:بنـــــــــــــــــــــــــت وش هالحركات عيب
هنا حست ميعاد مثل مووووويه بارده تنكب عليهاا..شالت يدينها بسرعه وجلست مكانها
ام محمد بصوت شبه مرتفع:انتي ما تستحي من نفسك تسوي كذا؟؟لا وعيني عينك بعد
ام سعود تحاول تهديها:وش فيك يا ام محمد فراس مثل اخوها وبعدين كانوا يمزحوا
طاحت دموع ميعاد..خصوصا وان كل هذا حصل في وجود فراس..حست بالفشله حيييييييييل..هذا مو محرم لي..ليش انا سويت كذا؟؟بس احنا من يوم يومنا متعودين عليهم كأنهم اخونا واكثر..الله يسامحك يا امي بس
جود:اش فيك ميعاد ما عليك منهم..قومي نروح الى نهى
تنهدت ميعاد:ايه والله..ودي اتمشى من العصر(وناظرت فيها)بس انتي مدري وين مختفيه؟؟
كانت مركزه عيونها على البحر:وش قصدك؟؟؟
قرصت نهى خدها:قصدي وحشتيني
ماردت عليها وتقربت من البحر وجلست تلعب بالرمل برجلينها..جات ميعاد وجلست جنبها:تدري جود؟؟
..وشووووو
.يعني ما قالت لك نهى؟؟
جاء صوت نهى من وراهم:وشو فيني
سحب ميعاد عباتها من تحت بمعنى اجلسي:اقول ما قلتي لها عن فجر؟؟؟
جلست بتلقائيه:يووه تصدقي نسيت
تحمست جود وتربعت وهي تنتظرها تكمل
نهى:فجر؟؟
جود:ايه
نهى:فجر؟؟
جود:نهى ترى دحين بكس في بطنك يالله وش فيها؟؟
خفضت صوتها وقربت منهم :تحب فراس
ضربت جود على صدرها بشكل يضحك:ياويلي يا خوي..فجر وتحبك خخخخخخخخخخخخ
مسك نهى يديها وهي تكمل:تعالي سمعي بعد؟؟
..وش اسمع بعد..هو في اكثر من كذا؟؟
ميعاد:يووووووه شكلك في خبر خير
جود:زين كملوا خل اشوف
ميعاد:الامس يوم عرفت اننا بروح معاكم البحر
نهى تقاطع ميعاد:خليني اكمل انا..ايه..عطتني كيس ..فيه امممممم رساله ووعطر وووشو بعد ميعاد؟؟
ميعاد وهي تضحك:وشوكلاته بونتي
جود:يا لهووووووي وش ناويه عليه هالبنت؟؟
نهى:احم احم نحن لها..تدري عاد الشوكلاته تقاسمتها انا وميعاد خخخخخخ..والعطر كل شوي راشينه باقي شوي ويخلص
جود:والرساله؟؟
ميعاد:انا الحلوه شققتها(قطعتها) وبزباله..بس تأسفنا لو احنا قارينها في البدايه..نشوف وش كاتبه هالرومانسيه
جود:خخخخخخخخخخخخخخ..بس تدري وش هالتصرفات اللي عليها..مو كأنها بايخه
فجر(بنت عمهم..عمرها19 سنه..تدرس لغه عربيه)
هزت ميعاد راسها بتأيد:ايه والله ..عاد لو تشوفيني اشتعلت غيره
نهى بمسخره:ياهووووووياهوووو وش تقولي؟؟
بوزت ميعاد:بلا هباله نهى..ذول اخواني
ضربتها نهى على كتفها:لا والله..وبعد انا اخواني
جاهم صوت محمد:يابنات تعالوا هنا..وين جالسين المكان كله رجال
ميعاد:ياحسرتي على ذول الاخوان اللي نفتخر فيهم..حتى نبعد مترين مو راضين
ضربتهم جود على رجليهم:يالله يالله قوموا لا يسوا سالفه
قامت ميعاد وهي تفتح يدينها لعبود:ياحبيب ميعاد..ولمته
قربت نهى من جود:انا مبسوطه؟؟
كانت جود فاهمه السالفه..بس لازم تخليها تحكي..وكأنها مو داريه بشي:عساه خير
نهى:بس مبسوطه لان كلمت ناصر
سمعوا مناداه محمد مره ثانيه..وقاموا يركضوا ثنتينهم
ام سعود:جد يا بو سعود؟؟
الاء:هيياااااااااااااااااااااااااااااا
ايمان تحضن رنا:بروح معاكم..بروح معاكم
نهى:ياناس ياهووووو وش صاير
ايمان بلهفه:بروح معاكم المدينه
ناظرت نهى جود:الله بروح معاكم(وقرصتها في كتفها)
جود:ااااااااااااااااااااي يا ايدي اااااااااااااااااااااااااي
ام محمد بعتاب:نهى وش جايك على هالحركه من امس وانتي كل ما شفتي احد قرصتيه
نهى بتصرفيه:من الحب يا امي
ام سعود:صح ما سمعتي اللي يقول من سبك حبك
في جلسه الرجال
سعود:غير رأيك عاد يبه ابي اشوفهم يصيحوا بعد هالضحك
وائل يتناظر في الورق اللي يلعبهم..ويرمي ورقه:حرام عليك والله انت شرير..كيف ما طلعت على اخوك هالدلوع
سعود:كمل لعبك وانت ساكت..ترى مرضى على اخوي
فراس بملل:خلاص فكونا من ذا اللعبه قوموا نتمشى ترى طقت كبدي
ابو محمد:والله لو يتقطع لسانك مرح يقوموا معاك..ذول من يشوفوا ذا الورق ينسوا عمرهم..مدري اش عاجبهم فيها
فراس:مو هذا المشكله..المشكله انهم بعد حاكرين البنت..وان بعدوا خطوتين ياويلهم
سعود وهو يأشر:وين يمشوا وذا واشكاله هنا
وائل بمزح:تصدقوا افكر اسوي مثله..بس للاسف شعري مايسمح(قالها بدلع)
محمد:الحمدلله والشكر تقول شايل على راسه عش حمام
فراس بفلسفه:هذي يعتبرها موضه..وتلقاه حاط مليون جل ومثبت عشان يصير كذا
محمد:انا شفت اكبر من ذا الكشه..في مباراه السعوديه..كان صابغها اخضر..والناس بس تصوره
وائل بقهقه:تلقاهم نسوى المباراه وصاروا يصوروا فيه
جات ايمان لابوها:يبه امي تقول برد الجو..بنرجع البيت..عشان لا يمرض عبود
ابو سعود وهو يحك شعره:يالله اجل رتبوا اغراضكم
من سمعوا البنات كذا ما تسمعوا الا صرختهم
الاء بزعل:حرام عليك يمه تو الساعه ثلاث نبي نجلس لين تطلع الشمس
ام سعود:الجو برد..وعبود ما يتحمل
ميعاد تحاول مع انها تدري ان محاولتها فاشله:عاد بس شوي
ام محمد ترتب الاعراض في السله:خلاص عطينا الرجال خبر..قوموا ساعدوني


يتبع

[جنون الذكريات]

قاموا وكل وحده منهم تسوي زعلانه
نهى:انا عندي فكره..اسمعوني يا اخوات(تقصد امها ومره عمها)
ام محمد:قولي وش عندك؟؟
تكلمت نهى شوي شوي وهي خايفه يردوها:توعدونا..بكره..نجتمع؟؟؟؟
ام سعود:نفكر
مسكت جود يد امها بترجي:عفيه يمه قولي ايه..الدنيا اجازه وش نجلس نسوي بالبيت
ام محمد جاتهم بالخبر المنقد:خلاص..ياحنانات..بس وين بتروحوا؟؟
ميعاد بعد تفكير:امممممممممم نروح الراشد
ام سعود:لا ياغناتي..ذا كله شباب مافيه تروحوا لوحدكم
ضربت الاء رجلها بالارض:ياربي..اجل وين نروح؟؟؟
ام سعود:تروحوا بس نروح معكم وبشرط
ميعاد بفرحه:موافقين على جميع الشروط
ام سعود:ما تطولوا؟؟
نهى:خلاص..اهم شي نروح
جاهم صوت ابو محمد:يالله يابنات على السياره
ابوسعود بمعارضه:لالا اول يروحوا الحمام(الله يكرمكم)ويغسلوا يديهم ورجلولهم..مابي وحده تركب السياره بحبه رمل
بعد ما غسلوا..وقفوا بين السيارتين
نهى بأبتسامه:موعدنا بكره
جود:اوكي..انا اسمع صوت توأمك ينادي(وائل..ونهى..توأم..بس كل واحد له شكل يختلف نهائي عن الثاني..بحيث من النادر الحكم عليهم أنهم توم)
التفت نهى..ولقته وماسك جوالها..ارتفعت ضربات قلبها..وازدادت مع جريها
وائل:شوي وشوي..وش فيك تسرعي؟؟
نهى بارتباك:ها..ولا شي..بس قلت يمكن تبيني بشي ضروري
مد جوالها:جوالك سمعته يرن..شكلك نسيتيه
اخذته من يده:مشكور..بس ما كملت كلمتها الا التلفون يرجع يهتز بين يديها..ناظرت في الشاشه وبلعت ريقها..ورجعت ناظرت في وائل
وائل بشك:وش فيك.. ردي؟؟
نهى بأبتسامه:هذي صديقتي تلقها بس تبي تتفلسف
صرفها وهو يقول:طيب يالله روحي السياره كلهم ركبوا
راحت السياره مبوزه وتكلم نفسها:ااااااااف..كذا يا وائل..راحت جود بدون ما اسلم عليها
نبهها ابوها يستعجلها..ركبت السياره بصمت واسندت راسها على النافده ونامت
ابو محمد يلتف وراه:خخخخخ ياحبي لهم وهم ساكتين ونايمين خخخخخخ
ام محمد:من التعب ناموا لو رنا مو تعبانه كان شفت هواشها
خفض السرعه:ياريتهم كل مره كذا
تقريبا كان نفس الوضع في سياره ابو سعود..الا من جود اللي ما تحب تفوت منظر قدامها..مهما كان..يمكن ما تلفهتها الشوارع ولا تركز فيها..بس افكارها تاخذها وتجيبها
اما في سياره الشباب السوالف ماخذه دورها
سعود ماسك ضحكته:اقول محمد متى ناوي تعرس؟؟
ضحك محمد بصوت عالي..حتى خاف فراس:هي هي انتبه قدامك..ترى ارواحنا غاليه
محمد:ووووووويه..شوف اخوك وش يقول..قال ايش قال اعرس..شكله ناوي(يغمز)ويبي يحط السالفه فيني
وائل:جد يا سعود..والله صرت رجال خخخخخخخخ
سعود بعصبيه:اقول انت وهو ضبوا لسانكم
فراس:والله انت اللي جبت الكلام لنفسك
............................

[جنون الذكريات]

في بيت العم((أبو وسام>>ويسموه سامر أو وسام))
فجر:وسام انا ملانه قووووم نطلع
وسام..((اكبر من فجر عمره21 سنه))
وسام وهو يضغط على ازرار الريموت:الساعه 3 وين نطلع حراميه
قربت منه وهي تتمسكن:عاد سموووي حبيبي..كذا تكسر بخاطر اختك الوحيده
عصب وسام من الريموت اللي عيا يصلح ومن حنت فجر..فضربه في الجدار..فتحت فجر عيونها وهي تشوف قطع الريموت بكل مكان:ياقاسي وش سويت فيه
تنهد وسام:وووووووويه واخيرا ارتحت
ابتسمت بهبل:زين ارتحت قوم نطلع
وسام:اقولك شي(ومسك يدها يقومها)خلينا الحين ننام
ضربت فجر رجلها بالارض:لالالالالالالالا
وسام بهدوء يطفي انوار الصاله..ويسحب اخته للدرج:اااااااااش خليني اكمل..ونجلس بكره من الساعه سبعه..ونطلع نفطر..وش رايك؟؟
ناظرت فيه بتفحص:اخاف تنام وتنكبني
مسك دقنها:انا انكب اختي الوحيده..وش هالكلام الجارح
فجر:وساااااااامووووووه بلا مسخره ارجوك
غير صوته للجديه:اقول يالله منامك..بعد من 1لين 3 اذا ما وصلتي منامك مافيه بكره نطلع
من قبل ما يعد وصلت فجر منامها وتغطت ببطانيتها البيج..وهي تسمي..بس وين النوم يافجر..وين..تو تعرفي يافجر شقى وعناء الحب..ياليتك ما جربتيه ولا ذبتي في هواه
تكلمت بصوت مسموع يتبعه الصدا قي ذا الليل الهادئ:ياترى الحين عطتك نهى الكيس..وش شعورك؟؟ياترى انت تحس نفس ما احس؟؟اااااااه يافراس..شكلي بتعذب معك كثير
فتحت نور الابجوره..وطلعت ورقه وقلم من جنبها..وبديت تخربش..بأي شي يمر ببالها..اهم شي ترتاح
لين غلبها النوم غصب ونامت وسط كلام سطره القلب..يمكن تحلم بمستقبلها اللي تتمناه..ااااااااااااه ياريت الاحلام تتحق لو جزء منها>>كان ياما حلمنا..وتمنينا
على الساعه 8 صباح يوم الاحد
دخل وسام غرفه فجر وقربت منه يصحيها..جذبته الورقه المزخرفه بالوان بناتيه..ورسوم كرتونيه مضحكه
كانت كل الورق دوائر ومكعبات وبعض الوجه العابسه مره والمبتسمه مره
قفله وحطه على المكتب وهو ينادي بأسمها:فجر فجر.اوووووهوووو فجر..لا انتي يبيلك سحب شعر..قرب منها وسحب شعرها المموج الداكن بسواده..صرخت بدون ماتفتح عيونها وغطت وجهى بالبطانيه
وسام يسوي نفسه طالع من الغرفه:خلاص انا اجل بدق على الشباب اطلع معاهم..وانتي احلام سعيده
فزت من سريرها:لالالالالابروح معك
ناظر في ساعته:اوكي لك بس عشر دقايق تجهزي..اي دقيقه زياده اطلع واخليك
فركت عيونها بنعس:اوكي خلاص اقل من عشر دقايق وانا بالسياره
غيرت بجامتها بسرعه..ولبست العباه طيران على السياره
فجر :صباح الخير
وسام:ول ول كل ذا تركضين..اهدي اهدي..وين تبي نروح؟؟
بعد تفكير قالت فجر كلامها بصوت خافت..خوف من وسام يرد الطلب:وسام..خل نروح الى عمتي هدى
حرك السياره بدون ما يرد عليها..هزته من كتفه:وسام وش قلت؟؟
وقفت السياره على جنب..ولف يكلمها:فجر انتي شفتي كيف عصب ابوي المره الماضيه يوم اخذنها الدكتور
فجر تحاول تفهمه:بس يا وسام انت شفت حالتها ووش قال الدكتور..عمتنا في اكتئاب..واذا الكل كذا مستغني عنها..احنا لا..وسام كل انسان يخطأ ويتعلم..ربك يسامح احنا ليش ما نسامح
طلع زيجاره من جيبه وقربها من الولاعه:بس يا فجر ابوي بيزعل..وبعدين وين اهم ابوك والله عمتك
تأففت:وسام ارمي السجاره..اختنقت مدري انت متى بتوب منها..وبعدين صح ابوي اهم..بس عمتنا تحتاجنا يا وسام وربي تحتاجنا
رمى السيجاره من النافده ورجع شعره بيدينه على ورى:بس عمتي لو رحنا لها ما تعطينا وجه..ما كنا جالسين معها
فجر ترفع صوتها:وسااااااااام..ما سمعت الدكتور يقول اكتئاب..و احنا لازم نعالجها..مرح نخلي عمتنا كذا

((رح اقولكم على نبذه من مرض الاكتئاب>>اللي يعتبر من احد الامراض النفسيه))

[جنون الذكريات]

الاكتئاب كمرض وجدانى يختلف تماماً عن حالات الضيق التى يعانى منها كل الناس من وقت لآخر ... إن الإحساس الوقتى بالحزن هو جزء طبيعى من الحياة ... أما مرض الاكتئاب فإن الإحساس بالحزن لا يتناسب مطلقاً مع أى مؤثر خارجي يتعرض له المريض .

وهناك أشياء ومواقف فى حياة كل منا من الممكن أن تسبب له بعض الحزن ولكن الأفراد الأصحاء يستطيعون التعامل مع هذه الأحاسيس بحيث لا تعيق حياتهم .

وكما يتوقع البعض فإن العرض الرئيسى للاكتئاب هو الشعور بالحزن . ولكن الحزن ليس دائماً هو العرض الأساسي فى الشخص المكتئب وإنما قد يكون الإحساس بالخواء وعدم القيمة أو عدم الإحساس نهائياً هو العرض الأساسي للاكتئاب ، وقد يشعر المريض المكتئب بالنقص الواضح والملموس فى الشعور بالمتعة تجاه أى شئ حوله لدرجة الزهد فى كل شئ فى الحياة .

أما الأطباء النفسيين فأنهم ينظروا إلى المريض المكتئب بأنه الشخص الذى يعانى من تغيير واضح وملموس فى المزاج وفى قدرته على الإحساس بذاته والعالم من حوله .والاكتئاب كمرض من أمراض الاضطراب الوجدانى يتراوح ما بين النوع البسيط والنوع الشديد المزمن الذى قد يؤدى إلى تهديد للحياة

غير وسام طريقه الى بيت جده..بعد خمس دقايق الا هم يوقفوا في باركن السيارات..سبقته فجر الى الداخل..لقت جدها وجدتها يفطروا في الصاله..راحت لهم وباستهم على راسهم..جلست جنب جدتها
الجده:هلا وغلا ببنتي فجوره..شخبارك ياقلبي
فجر بأبتسامه:الحمدلله بخير دامك بخير
الجده:الا وين وسام عنك؟؟
الا بدخلت وسام
فجر تأشر:هذا هووو
بعد ما جلسوا تقريبا نص ساعه
فجر:جدتي..هدى في غرفتها
الجده مو عاجبها اهتمام فجر بالمره:وانتي اش عليك منها..الله..............
فجر:لا يا جدتي لا تقولينها..هذي بنتك ادعي لها مو عليها
تنهدت:والله يا بنتي اللي ما خافت على اهلها من لسان الناس محد يخاف عليها
تعبت فجر من نفسيه الكل ضد عمتها هدى.الى متى رح يفهموا..ان لكل انسان نزوه..يمكن هالشي يرفعها عند ربها..لان بعدها رح تبعد عن أي شي يزعل ربها واهلها..الى متى يحسوا بشعور انسان غلطان يطلب منهم السماح والكل واقف ضده..هذي هي صابها اكتئاب من وراهم..ومحد حس فيها
ركبت الدرج بصمت.لو ظلت تناقش جدتها ما خلصت.وطلعت هي الغلطانه
دخلت غرفه عمتها..كانت ظلام..الستائر مخفيه اشعه الشمس تماما..تلمست الجدار لين وصلت الى ازرار الانوار وفتحتهم..لقيت هدى على سريرها..بمنظر يقطع القطع..كانت شاده شعرها بيدينها الثنتين..قربت منها فجر وفكت يدينها ولمتها:صباح الخير يا احلى عمه بالوجود
كانت فجر عارفه ان عمتها..مستحيل ترد عليها..بس مع كذا تكلمها..تركتها وراحت فتحت الستائر العنابيه..ولمتهم بسير ذهبي انيق..ابتسمت فجر:شوفي قد ايش حلوه الغرفه بالشمس..خليها دوم مفتوحه
على ان فجر اصغر من عمتها>>لكن كلام فجر يبين العكس
((هدى..عمتهم الوحيده..واصغر اخوانها..عمرها 27 سنه))
فتحت الدولاب واختارت لها فستان ابيض ناعم يوصل تحت الركبه..بسير من الوسط..وطلعت لها مستلزمات الحمام
فجر:هدى قومي(مدت لها يديها)هذي ملابسك انا اخترتهم..احم احم...اخذي شاور ريحي جسمك
ناظرت فيها هدى..مسكت يديها وضمتها..ودخلت في نوبه بكاء
مسحت فجر على ظهرها:عمتي انا ماحب الدموع..اوعديني اخر مره اشوفها
بعدت عنها هدى شوي وهمست:شخبار فراس
جلست فجر على السرير:اااااااااه يا عمتي..صار لي فتره مو شايفته
اخذت هدى الملابس ودخلت الحمام(الله يكرمكم)بدون ما ترد على فجر
استغلت فجر وقت ما كان هدى بالحمام وصارت ترتب الغرفه من الفوضى
.......................

انتهى

[جنون الذكريات]

لو سمحتوا اخواني اخواتي ممكن تعديل المضوع

( الحب كاذب يعني الشوق خسران )

[جنون الذكريات]

قريباً الجزء الثاني الى

( الحب كاذب يعني الشوق خسران )

[جنون الذكريات]

ان شاء الله تنال اعجبكم

[جنون الذكريات]

هذا ويه بصراااحة زعلتوني اني مع صديقتي

فكرناا انكم بتشجعون صديقتي افاا بس افاا


انترككم مع الجزء الثاني

[جنون الذكريات]

اليوم الثاني

جات ميعاد السياره تركض..وطلت من النافده:يعني جد امكم ما جات؟؟
فتحت الاء لها الباب وهي تقول:لا عبود فيه زكام..مو رايحه فيه
..لالا سكري الباب..بروح اقول لامي تجلس مكانها وش له تروح معنا
فتحت جود النقاب:هههههه وش عليك منها يمكن تبي تتمشى
ميعاد تهز راسها:ممنوع العجز يروحوا مع الشباب
ضربتها جود على كتفها:اااه ياقليله الادب..الحين امك عجوز ..والله لعلمها
طارت ميعاد تقول لامها..وجات رنا ونهى..وهم يحمدوا ربهم
رنا بستنكار:اش فيها هذي تركض بالشارع؟؟
ايمان بلقافتها الدايمه:امي ما جات معنا عشان كذا راحت تقول لامك تجلس بالبيت
صمتوا ثواني..واستوعبت جود ..ان نهى ساكته..حتى ما سلمت..مو من عوايدها..مدت يدها وقرصتها:اش فيك نهويه؟؟
استغربت سكوتها حيل فسألت رنا:وش فيها اختك؟؟
رفعت رنا كتوفها بمعنى ماتدري..اممممم اولا واخيرا رح تدري..عشان كذا سكت..مشت السياره في شوارع المدينه..اخترق هالصمت صوت جوال جود
جود بحماس:هلااااااا رغوده
رغد:وين انتي يا حوله
جود بتوعد:انا حوله يا عوره اوريك
رغد:اقول جود انا على باب بيتكم انزلي لي
شهقت جود:حلفي؟؟
رغد:بسم الله عليك وش فيك..اقولك يالله انزلي
وطت جود صوتها:بس انا مو بالبيت..انا بالسياره مع بنات عمي رايحين الراشد
ضغظت رغد على الجوال:اوهوووو..وين اروح يعني..مللتوني
جود:ليش من مللك غيري؟؟؟؟؟
رغد:راحت غلا وامي المستشفى حق اسنانها..ومليت بالبيت لوحدي مافيه الا فيصل شفته طالع قلت يوصلني عندكم
كسرت خاطرها:امممم..خلاص الحين ارجع البيت كم رغوده عندنا
رغد بأبتسامه:جد؟؟
قفلت جود السماعه..وهي خايفه تقول لهم..لان اكيد بيعصبوا..بس مافيه وقت لازم تخبرهم
جود:اقول بنات..وش رايكم ترجعوني البيت وتروحوا لوحدكم؟؟
الاء بصوت عالي:لا والله..احنا متفقين من امس
جود تهديها:ااااااااش..لاعاد تصرخي..اذوني ألمتني..وبعدين انا ماقلت شي..قلت رجعوني وروحوا انتوا
رنا بقهر:اااااااااااااف منكم خلاص ارجعي فكه منك
غمزت لها جود:شكرا ياقلبي
همست نهى وهي تسند راسها على النافده:انا بعد تعبانه..بنزل معك
ميعاد:يااااااااااااربي يعني مافيه طلعه..دايم كذا تخربوا الطلعات..بس يالله بمشيها هالمره عشان خاطر رغد
رغد(بنت خالة جود عمرها 18 سنه يعني اكبر من جود بسنه..اختها غلا عمرها 20 سنه..واخوهم فيصل 23 سنه يدرس هندسه)
رجعوا البيت..ولقوا رغد جالسه مع ام سعود بالصاله..دخلوا كلهم وسلموا
ام سعود:زين ما سوت فيكم رغوده خلتكم ترجعوا البيت
جود وهي تفك الحجاب:انا بروح احط عباتي واجي
رغد توقف:وانا بعد بشيلها
راحت رغد مع جود غرفتها..شالت رغد عباتها ووقفت قدام المرايه تستعرض..كانت لابسه تنوره جلد بني لين الركب..مع بلوزه بأكمام طويله:وش رايك؟؟
مسكتها جود ولفتها:ووووع مش حلوووووووه
سوت رغد نفسها تبكي:ادري اصلا حلوه غصب عليك بس غيرانه(وطلعت لسانها)

[جنون الذكريات]

جود بجديه:لا بصراحه مرررره كيوت حلووووه..بس مو كأنك ضعفتي بزياده
طاحت رغد على السرير:اااااااااااااااااااااااه الحب ياختي
جود بضحك:لو كل الناس تحب اصدقهم بس انتي ماتخيل..اصلا ما يليق
وقفت رغد قدام جود:اشوف طايحه فيني تهزيئ..بس انا أايد المثل اللي يقول..ضرب الحبيب زبيب
جود بستهبال:ومن ضربك؟؟؟
رغد مسكت ازرتها :كلامك خناجر شوفي شلون الدم بقلبي من كثر الجروح
غطت جود وجها بيدها:ويلي..يمه..وش ذا؟؟وش هالحركات
ضحكت رغد وهم يطلعوا من الغرفه:اقول امشي تأخرنا على بنات عمك..وقربت منها..بصراحه استحيت منهم صار لي زمان ما شفتهم
جود بدلع تبعد خصلات شعرها:بنات عمي..يهبلوا..لا تستحي ولا شي
دخلوا الصاله على صوت الاء:ماتحلى الجلسه الا بشبس
ام سعود تنصح:مو هذا اللي بيضركم
جلست جود ورغد على الارض..يسوا نفسهم عجز خخخ
ام سعود بستغراب:جود انهبلتي..قومي اجلسي زين
رغد تناظر الكنب:وين نجلس مو كلهم استحليتوهم
ابعدت نهى شوي:تعالي جود فيه مكان
جود ببرائه:سووا لنا مكان تعالي رغوده نجلس
ميعاد بتسأل:مره عمي وينه عبود..وحشني هالارنب
الاء بعصبيه مصطنعه:اسكتي يافار اخوي مو ارنب
ام سعود تسكتهم:تعب اليوم هد حيله الزكام ونام
ايمان برتياح:احسن يسوي ازعاج لنا
الاء:والله محد غيرك المزعجه
جود تسكر اذنها:اوووووووهووووو منكم..قوموا بس بروح غرفتي.وانتي وهي وهي اجلسوا هنا ..واذا قررتوا تجوا..اضغظوا على الحبه ونزلوا الصوت لين الصفر(كانت تقصد ايمان والاء ورنا)
رنا تسند ظهرها:احسن من قال نبيكم
ميعاد بملل:ياااااربي..متى ربي يتوب علينا ..تعبت من الهواش
دخلوا الغرفه..وتذكرت جود الشبسات وفزت:بقوم اجيب الشبسات قبل ما يخلصوهم الدبات اللي برا
طلعت من الغرفه..وطلعت وراها نهى..حست بأحد وراها فالتفت:ووووووويه..خرعتيني..(حطت يدها على قلبها) لو مت الحين وش بتسوي؟؟
نهى بتفكير:اممممم لو متي بوزع هدايا
ناظرتها جود بنص عين:لو انتي متي..انا بسوي حفله..وعزم كل ابو الناس
نهى بنظره حزن:مو وقته المسخره
تأملتها جود بتفحص:ادري فيك شي من يوم احنا بالسياره(سحبتها من يدها وراحوا المطبخ)
جود بحماس:نفسي اسوي كيكه يمي يمي (جلستها على الكرسي وبدت تطلع المقادير)

[جنون الذكريات]

جود:يالله قولي كل اللي عندك
زمت نهى شفايفها:بس ماعرف اتكلم وانتي تدوري..اجلسي
تركت جود الخلاط يخفق المقادير وجلست بالكرسي المقابل نهى:وهذا انا جلست
حطت نهى راسها على الطاوله:ناصر يا جود ناصر؟؟
جود:تكلمي وش فيه؟؟
نهى بدت الدموع تنزل من عيونها:اليوم العصر صار له حادث والحين هو بالمستشفى
جود:طيب كيف عرفتي؟؟
نهى بألم:دقيت عليه كذا مره..ولما مارد..اتصلت على صديقه حمد وخبرني
فتحت جود عيونها بأستغراب:اتصلتي الى حمد؟؟
نهى بتفهم:ايوه..هو قال لي اذا بغيتي شي ومارديت عليك دقي على حمد..وبصراحه انا اضطريت اتصل..جد قلبي نغزني
اااااااااااااااه يانهى بعد صديقه..احنا ما خلصنا من ناصر يجي حمد
نهى:تدري شكل صديقه مؤدب حييييييل ومحترم
جود تحالو تواسيها غصب عنها:ان شاء الله يقوم بالسلامه
ميعاد من ورى الباب:من هووووو؟؟؟؟؟
جود تحب تلعب بأعصابهم:حبيبي
جات لها رغد تركض :حبيتي من ورنا ياخاينه؟؟؟
جود بحزن:ااااااااااااااااااااااااه لم يطرق الحب قلبي بل دخله بدول استئاذان
ميعاد :احلى يااستئذان(وجلست على الطاوله)
كلمت بضحك على ذكرياتها:اذكر وانا صغيره امووووت في شي اسمه وسام
رغد وعلامه استفهام فوق راسها:مين وسام؟؟
لفت لها جود:ولد عمي..اخو فجر
رغد:اهاااااااا
قامت ميعاد وفتحت الثلاجه واخذت لها خيار:جد كنا اذا رحنا بيت جدي..اناظر فيه وانا مستحيه..خخخخخخخخ..جد بزران هبلان
رغد سحب من يدها الخيار:روحي جيبي لك ثانيه..ايه ماقلتي كم كان عمرك؟؟
ميعاد:امممممممم يمكن 10 سنين
نهى تقطع سالفتهم:اقول رغد اخبار غلا من زمان عنها..حتى بالجامعه ما عاد اشوفها
رغد:الحمدلله تمام..اختي دافوره طول الوقت ماسكه الكتاب وين تشوفيها(رن جوالها) طلعته من جيب تنورتها
ميعاد تأشر عليها:ياهبله لا تحطيه في جيوبك مو زين
هزت راسها وهي ترد:لا فصوووول ما امداني.اوكي..لالا زين
رغد بأرتياح:اشوا وافق يخليني شوي
جود:ليش وش عاجله؟؟
رغد:يبي يرجعني البيت عشان يرجع لاصحابه..صحيح جود يسلم عليك
كبت جود الخليط في القالب وحطته بالفرن وردت ببرود:الله يسلمه ويسلمك
ميعاد :كم عمره ذا الفيصل
رغد تحسب:اممممممم في حيطان 23
ميعاد:اهااااااا كبير فكرت صغير..اشوف قصص حب من ورنااااا
سكتت جود وهي توهمهم انها مشغوله بالكيكه
رغد:ياختي..ناس يموتوا على ناس بس محد معطيهم وجه..واحنا(تأشر على نفسها)لنا الله محد يناظر فينا
.....................................