عرض للطباعة
سلمت يداكـِ على الإبداع ...
الأحداث مشوقة مرررررره ...
سارة وميلاد طيوبين وأعتقد ان ميلاد راح يوالي لأهل البيت عليهم السلام بفضل هاجر ..
وبعد ان ميلاد وهاجر في النهاية بيتزوجوا <<< مصدقة حالي .. ألفت رواية :wink:
وسكينه ياقلبي مسكينة تعور القلب ..
مشكورة غناتي يعطيكـِ الله ألف عافية ..
وكل عام وأنتي بألف خير ..
اين انتي ..؟؟
شُكَراً لمُتابعتكنّ و توقعاتكنّ الجميلةَ
معذرةً أخواتي ..
أطلُب الإذن من قلوبكم الطاهِرةَ في التأخُرِ قليلاً
بإذن الله سأُدرِجُ الجزء غداً
لأنني لم أكُمله ..
جزيِلُ الود لكم ..
:)
ننتظـ:ـر بشوق كبير ~
الوووووووووووووووووو
وين الناس....؟؟؟
ناصفه حلاوه على النبي صلوات
كل عام وانتِ بالف خير
ايامكِ سعيده
حوائج مقضيه بحق المهدي ابن الحســــن عليهم السلام
هجيــــــــــــر... ويييييييييييييييينك هااااا
طولتي علينا بقووووه
تعاااااااااااالي ابسرعه لاااا اجي لك بيتكم الحين:wink:
وين هجير
اممممممممم وينش زعلتيني من متى كل يوم ادخل اقول يمكن اليوم يمكن ولا شي
هدآني جيت << صباح الخير
:embarrest:
كِل عام و أنتم بالف خير جميعاً
متباااااااااااركينْ بمولد الحجّة ( عجَّل الله تعالى فرجهُ الشريف )
و جعلكم الله من أنصاره و زوّاره ..
عاده الله علينا و عليكم بصحة و عافية
ما نسيتكم
و أعتذر عالتأخير
النفسية ما كانت تساعد اليومين الي طافوا
و اليوم قعدت أكتب ليي شويات
علشــانكم
:embarrest:
اتابع ردودكم .. تسعدني مرّه ..
الله يسعد قلوبكم جميعاً دنيا و آخرة
..
و حبيت اقول ليكم يعنو
بصير احط الأجزاء في يومين في السبوع
فأي يومين تحبوا أحط فيهم ؟!
أختـــاروا
:wink:
..,,..
بيوم ثاني ..
ما صحى إلاّ متأخر .. ففضّل ما يداوم..
كلّم السكرتير و بلّغه ..
سبَح و وقف قِدام المرآية يقفل ازارير ثوبه .. و عيونه على الكِتاب
الي عليِها .. ما باقي شيء و يخلّصه .. و على الليل إن شاء الله
بيتكلم وياها عنّه .. باقي اشياء كثير ما عرفها لحد الآن ..
..
تحتْ بالصَالة
خلود : وينه ؟ هو هِنا ؟
سارة : ما أدري .. انا توي قبل شوي صحيت .. انتي الله يهديك جايتني من صباح الله خير ..
خلود : الله أكبر .. الساعة 12 صارت صُبح ؟!
سارة : ايه , بالنسبة لي ..
خلود : ترى بقوم اروح بيتنا .. و الغداء ما ابيه ..
سارة تضحك : أمزح شفيك ..
خلود : إلاّ أمك و ابوك متى بيرجعون ؟
سارة : الله العالم .. جدتي تعبانة حيل .. و لازم يظلون جنبها لين تتعافى ..
خلود : الله يعطيها العافية ..
سارة : آمين ..
هاجر كانت بالمطبخ .. مِحتارة وش تطبخ .. خصوصاً إنّ عِند سارة ضيفة .. و لازم تسوّي شيء عدل ..
فضلّت تنادي سارة و تسئلها وش تحب صديقتها ..
راحت للصالة الي جالسين فيها سارة و خلود ..
هاجَر : سارة ممكن شوي ؟
سارة بإبتسامة : طيّب ..
راحت هاجر للمطبخ ..
أما خلود فأستوقفتْ سارة ..
خلود : هذي مو الخدامة الجديدة ؟
سارة : إلاّ
خلود : خير اشوفها تناديك بإسمك ؟!
سارة : طيّب وش فيها ؟
خلود بقسوة مخفيّة : تدرين أنا خدامتي لو تناديني بإسمي حاف .. انسيها إسمها ..
سارة ناظرت خلود بقهر من طريقتها و ببالها : سلطان الثاني ..
سارة : وش هالتفكير .. لازم تناديني عمتّي لأنها بس خدّامة !!
قالتها و راحت عنها .. أستفزتها طريقة خلود بالكلام .. تِود هاجر و ترتاح لهاجَر .. و هاجر بعينها أكبر من كلمة خدّامة ..!
بالمطبخ ..
هاجَر : صديقتش وش اطبخ ليها ؟ بالعربي وش تحب ؟
سارة : شوفي خلود من مجانين الريجيم يعني لو تسوين سلطة لها بتشبعها ..
هاجر : زين و انتين وش تبغي اسوي لش ؟
سارة : أي شي من إيدش آكله عادي ( قالتها و ضحكت )
هاجر تضحك : شوف تقلد حجيي ..
سارة : عيل ..
هاجر تضحك بقوة : عيل !!
...,,...
رّتب شماغه على راسه .. و نزل .. سمع همسْ خفيف ..
خلود قاعدة تغنّي لبينما تنتظر سارة الي دخلت المطبخ و لا طلعت .. تأفف بداخله .. مو وقتها أبداً .. بس مجَبور لازم ينزل .. بيروح المسَجد ..
تنحنح .. و هي من سمعت صوته .. حسّت الدم وقف بعروقها ..
صارت تتلفت .. تشوف وين هو ..
أمّا هو فكان واقف عالدرج .. بعيد .. ينتظر لبينما تتستّر و ينزل ..
نزل .. و بدون حتى لا يلتفت .. مرّ .. بس أستوقفته ..
خلود بإرتباك واضح : كيفك ميلاد ؟!
ميِلاد و عيونه عالباب يبي يطلع يلحق المسجد : بخير أختي خلود الله يسلمك .. يالله في أمان الله ..
قالها و طلع ..
أمّا هي فظلّت بخيبة أمل .. ما مداها حتى تتكلم .. و الي قهرها زود إنه ما طلّع فيها حتى ..
طلعت سارة من المُطبخ ..
شافت خلود متغيّرة ملامحها ..
سارة : خلود شفيك ؟
خلود و بعيونها بريق دموع : ميلاد نزل و سلّم علي بدون ما يطالعني حتى .. سارة تعتقدين ميلاد مآخذ موقف مني ؟!
سارة : ما أعتقد , ميلاد ما يفكّر كِذا .. بالعكس متفهّم و ما هو من الأشخاص الي يحتقرون .. هدّي بالك و خلينا نقوم نصلّي ..
خلود : طيّب .
هاجَر جهزّت شوي في الغداء و راحت تصلّي ..
بِكل خشَوْع وَ روْحانيّة .. وقفت .. تنَاجي المولى الكَريم ..
ترّدد آيات الطُهَر .. و تنحنَي بِمحرابْ الشُكَر ..
خلّصت و جلستْ على مصلاّها .. تسئل الله يِحفظ المؤمنين و المؤمنات أهلها و يحفظ سُكينة .. و يهَدي ميِلاد وَ ينوّر بصيرته .. و يقدّرها تساعده .. و ختمّتها بدُعاء الفرج لصاحبِ العصرِ وَ الزمان عجَّل الله تعالى فرجهُ الشريف ..
مسكتْ التُربة بإيدها .. و مرّرتها على وجهها .. و هي تذكر الله سبحانه ..
..,,..
بالقطيف ..
سُكينة ما طلعت من غُرفتها .. ظلّت حبيسة الهم و القهَر ..
جاءها جاسم و طقْ الباب ..
من الطقة عرفت انه جاسم .. و بصوت مكسور قالت ..
سكينة بألم : إدخل جاسم ..
دخل .. وقف يناظرها مذهول .. يحق له .. براءة طفولة و يشوف جسد مهتوك الكرامة ..
أبتسمت له .. و مدّت إيدها .. سارع خطاه إليها و طب بحضنها ..
ضمتّه بِكل ما فيها .. و راحت تفرّغ بقايا الألم ..!
ترّدد بهمس : ( ليتك كِنت أكبر يا جاسم , ليتك كِنت لي سند و عونْ .. ليتك تقدر تحميني من أبويي و أمك الظالمة .. آآآه يا جاسم )
رفع راسه من حضنها .. و مسك إيدها ..
جاسم : لا تصيحي , ما بخلّي ابويي يضربج ..
زادت اوجاعها كِلمته ..
سكينة ببالها : انت يا جاسم انت يالطفل .. بتوقف بوجه الشيطان و بتمنعه يضربني ..!!
..,,..
بالشمَال ..
تغدت هاجر بالمطبخ .. و سارة و خلود تغدوا بالصالةَ
أما ميلاد فتغدا بالمجلس .. و بعد ما خلّص غداه .. جلس يقرأ بالكتابْ ..
و بباله متعجّبْ : كيف كِنا نترضى على قاتِل سبط رسول الله صل الله عليهِ و سلم ؟!
..,,..
بعد الغداء ..
سارة طلبت من هاجر تقعد وياهم .. و هاجر مانعت بالبداية على أساس تآخذ راحتها مع صاحبتها .. بس سارة أصرّت ..
خلود كانت متحسسّة من قعدة هاجر وياهم .. و تناظرها بنظرات إستقذار ..
سارة لاحظتها .. و خافت هاجر تنتبه .. فتكلمت لعلّ خلود تلتفت ليها و تترك هاجر بحالها ..
سارة : أي خلود أنا ودي أروح السوق بهاليومين تجين معي ؟!
خلود : اجي معك .. وش وراي ..!!
سارة التفت لهاجر : هاجر وش رايك تجين معنَا ؟
هاجر مستحيّة : اني .. لا ما يحتاج ..
خلود مستنكرة دعوة سارة لهاجر و تناظر بسارة ..
سارة : يالله وافقي .. بفرّجك على أسواقنا .. بشوف مثل اسواقكم و الا لا .. ( ضحكت و ضحكت وياها هاجر )
خلود و قاصدة تقللّ من إعتبار هاجر : ايه و بالمرّة تشيلين لنا الأكياس .. تنفعينا ..
هاجر جرحتها الكِلمة .. و أنسحبت بهدوءْ ..
سارة شبّت من داخل .. ودها تقوم تكفّخ خلود على هالكلام ..
سارة بقهر : خلود ..
خلود : خير وش قلنا ؟
سارة : بطلّي كلام ماصخ ..
خلود : وش ماصخ انتي بعد ؟ اقول ترى هي خدّامة مهما سويتي بتبقى خدّامة .. تخدمك و تخدم ضيوفك .. سواء خليتيها تناديك بإسمك او جلّستيها معك .. و أنا ما طلبت غير إنها تقوم بشغلها ..
سارة خلاص طاح وجهها .. و تمنّت الأرض تنشق و تبلعها .. لعنت بسرها روحها الف مرّه لأنها طلبت من هاجر تقعد وياهـا ..
هاجر كِل الكلام تسمعه .. حسّت بنار بصدرها .. البنية الي برى اهانتها .. و قلّلت من قيمتها .. مستحيل تسكت .. لازم تردها ..
و عكست طريقها و رجعت للصالة ..
أنتبهت سارة لهاجَر .. و قامت بتتكلم و تعتذر نيابة عن خلود ..
بس هاجر سبقتها بالكلام الي وجهته لخلود و هي تناظرها بنظرات قوّية و ثابتة ..
هاجَر بثبات : اسمعي يا أخت خلود .. اول شي اني ماني خدّامة بهالبيت و إن كان الي تشوفيه من شغلي يِوحي بهالشيء .. ثانياً على إعتبار إني كنت خدّامة .. وش فيها يعني .. الخدّامة إنسانة حالها حالنا .. الفرق البسيط إنها إنسانة محتاجة و حِنا الله منعم علينا .. مالش أيّ حق تناظريها بدوّنية و تعامليها بإستقذار ولا تقلّلي من إعتبارها بأي شكل , من باب الإنسانية و الرّحمة على الأقل لو كان عِندش انسانية و رحمة ..اتركي عنش التجبّر و التكبّر .. لأنه لا بُدّ يوم من الأيام بينقلب هالجبورت و هالتكبر كِله عليش .. و تذكري إن الدُنيا ( كما تُدين تُدان ) ..
قالتها و مشت شوي .. و رجعت وقفت .. و قالت
هاجر : صح قبل لا أنسى .. شيلي أكياسش انتين .. منتين مكسرّة ..
خلود من الصدمة .. ما قدرت ترد بولا كِلمة ..
أما سارة فكانت بداخلها فرحانه من رد هاجر .. و بنفس الوقت خايفة من ردة فعل خلود ..
بس خلود ما تكلمت .. بكل هدوء أخذت اغراضها و طلعت ..
هاجر لمّا سمعت صوت الباب .. رجعت و شافت سارة لحالها ..
هاجر : طلعت ؟!!!!
سارة تقرّبت من هاجر و بإبتسامة واسعة : أي طلعت ..
هاجر : صديقتش زعلت و انتين شاقة حلقش الإبتسامة ؟
سارة : خلود غلطانة , مالها حق تزعل , لقت من يوقفها عند حدّها و ينظّف مُخها من أفكارها الماصخة .. تدرين يا هاجر يوم عن يوم أرتاح لك أكثر و أودك أكثر ..
هاجر أستحت .. ( حييّة هالبنية خخخ )
أما ميلاد فسمع كِل شي .. و كان واقِف عالدرّج فرحان من رد هاجر .. مُعجبْ بقوتها و تفكيرها .. تمنّى سِلطان سمع ردها .. لعلّ و عسى هو الثاني ينظف مخه ..
..,,..
بالليل ..
أنتظَر أولاد عمّه ينامون .. و بهَدوء نزل و توجّه لغُرفتها ..
خاف إنِها نست أو تكون تعبانة و نامتْ .. بس حمد ربَّه لما لقى نور الغُرفة شغّال ..
طق البابْ على خفيف .. و من الطقّة عرفت إنّه هو ..
فتحتْ الباب شوي .. و قعدت .. و هو بدوره قعد ..
أبتدا كلامه ..
ميلاد بحرج شديد : أختي هاجر اتمنى ما أكون مِزعجك بهالوقت .. خايف تكونين تعبانة و الا مشغولة و أنا معطّلك ؟!
هاجر : لا أخويي .. عادي .. يالله نبدأ ..
ميلاد : البارح تكلّمنا عن عِدة أشياء .. و طلبت منك تحدّثيني شوي عن أحفاد الرسول صلى الله عليهِ و سلم .. و اعطيتني الكِتاب ( و سلاحه البُكاءْ ) و قريته كِله ..
هاجر : وش إنطباعك عنّه ؟!
ميلاد و هو يناظر بالكتاب الي بإيده : ما أكذب عليك يا أُخت هاجر إنه خلاني اراجع حِساباتي بأشياء ما كنت حاطها ببالي و لا كنت حاط ببالي إني بناقشها معك .. بس سبحان الله فتّح عيوني عليها .. و لقيت الجواب بنفس الكِتاب .. يزيد خّمار فاسق و فوق هذا كِله قاتل سبط رسول الله (ص) و نترضى عليه !!! ما راعى للرسول حُرمة
.. أعجبتني و أثرّت بروحي فوق ما تتصورين حِكمة و بلاغة و قوة و ثبات الإمام زين العابدين (ع) .. شهامة و إيثار و تضحية أصحاب الإمام .. و بالخصوص أخوه العباسْ (ع) .. عِشت جو روحاني ما أقدر انساه و أنا اقرأ هالكِتاب ..
هاجر : سلام الله عليهم أجمعين ..
ميلاد : أختي هاجر .. ابي اسئلك سؤال و اعذريني عليه ..
هاجر : تفضّل
ميلاد : عندكم زواج يُسمى بزواج ( المُتعة ) و تعتقدون بِحلّيته .. و أنا ما راح اناقشك على إنّه حلال أو حرام .. بس برأيك هل فيه رجّال يرضى يزوّج إخته زواج مُتعة ؟!
هاجر : زواج المُتعة حلال .. و علشان اكون صادقة ما أعرف عنه واجد .. أما جوابي على هل
يرضى و الا لا ؟ اقولك مِثل ما قال السيّد السستاني ( حفظه الله ) " مو كل جائز مقبول " ..
ميلاد بإندماج : كيف يعني ؟!
هاجر : اضرب لك مِثال , بِمُجتمعاتنا بالغالب يكون فيه رفض لزواج البنت الصغيرة بالسن برجل عِنده ثلاث زوجات أو رجل مُسن .. بس هو بالأساس جائز .. بس غير مقبول .. فهمتني ؟
ميلاد و بباله يعيد المثال : ايه فهمت ..
هاجر : و بعدين أنتم تحاجونا في زواج المُتعة .. و ما خليتوا زواج ما أخترعتوه .. و آخرها المسفار .. و المصياف .. الي لا يقبلها لا شرع و لا عقل ..!
ميلاد : اوافقك بهالنقطة .. و مو كِل الطائفة السُنيّة راضية عنها ..
هاجر : من حقهم .. فتاوي مُخجلة ..
سادت لحظات من السكوت .. يفكّر فيها ميلاد بنُقطة آخرى يناقشها فيها .. و هاجر تنتظر ..!
ميلاد و بسؤال يقطع هالصمت : أختي هاجر كلميني عن المهدّي ؟!
تنهدّت بشَوْق .. و داعبتْ جفنها دمعةَ ..
هاجر : المهدي المنتظر سلام الله عليه هو ابو القاسم محمد بن الحسن العسكري بن علي الهادي , ولد بسامراء النصف من شعبان .. ليه غيبتان .. غيبة صُغرى و غيبة كبرى .. ووردت أحاديث كثيرة عن الرسول الأعظم صلى الله عليهِ و آلهِ و سلم تبشّر به سلام الله عليه .. و هو حيّ غائب .. عجَّل الله تعالى فرجهُ الشريف ..
ميلاد : قِلتي إنّ إسمه ( محمَّد بن الحسن ) و هذا يخالف قول الرسول (ص) و الي ذكر فيه قوله بإنّ ( يواطئُ إسمه إسمي و إسم ابيهِ إسم أبي ) فمعنى ذلك إنّ إسم المُنتظر هوَ ( محمَّد بن عبدالله ) و مو مِثل ما ذُكر عِندكم ؟!! ممكن تجاوبيني
هاجر حارت بهالسؤال .. و سبحانَ الله بقدرة قادر تذّكرت إنها سبق و قرأت في ( شبهات حولَ معتقد الشيعة في الإمام المهدّي عليهِ السلام ) ..
و رّدت
هاجر : الحديث الي ذكرته ورد بكتبكم بس ما ورد بِكُتبنا و زي ما هو معلوم عِند كبار عُلمائنا إنّ أحاديثكم ما تكون حجّة علينا و لا هي صحيحة عِندنا .. و هالحديث بالذات ورد بطرق مختلفة .. البعض ذكر عِبارة ( و إسم أبيه إسم ابي ) و البعض الآخر توّقف عِند ( يواطئ إسمي إسمه ) ..
و حسب ما أتذّكر إنّي قرأت إن الأحاديث الي ورد فيها عبارة ( إسم ابيه إسمُ ابي ) كِلها تنتهي لراوي سيء الحُفظ .. بشهادة عُلماء من السنّة بعد .. مثل النسائي الي قال : " ليسَ بحافظ " و غيره واجد .. و معروف إنّ مثل هالرواة ما تكون احاديثهم صحيحة و مأخوذ فيها .. للآخطاء الموجودة فيها .. و معقول نرمي بكل الأدلة الأخرى و نعوّل على رواية رواي سيء الحِفظ !!!!
ميلاد أقتنع بهالنقطة .. و أثرّت بنفسه .. ما كان يعتقد بمهدّي الشيعة .. مع إنّه قرأ عنه الشيء اليسير .. و الآن حسّ بروحه إنه مو مجرّد مُعتقد .. لا شيء أكبر ..
و هو بينْ أفكاره .. كمّلت هاجر ..
هاجر : نوره .. بيوم ما طُفى نوره .. مِثل الشمس ينوّر الدنيا .. هذا مهدينا .. سلام الله عليه .. حاول بلحظة تختلي بنفسك غمّض عيونك و أستشعر وجوده .. تِلقاه سلام الله عليه .. بقلبك .. تدري أخويي ..
ميلاد : وشو ؟!
هاجر : لو فيه إنسَان ودّه يعرف الشيعة على حق أم لا .. أسهل طريقة يناظر لحال الشيعة بكل مكان بهالعالم .. يناظر للظلم و الإضطهاد إلي يعانوه .. سلب و نهب .. إباحة دم و قتل .. أخذ حقوق .. كِل هذا لأنه شيعي موالي .. كِل هذا لأنه آمنْ بالرسول صلى الله عليهِ و آلهِ و سلّم .. و آمن بعترته .. كِل هذا لأنه لعن ظالمي أهل بيتِ النبي إلي قال فيهم الله في محُكم كتابهِ الكريم : ( إنِما يريدُ اللهُ لِيُذهبَ عنكم الرجس اهل البيتِ و يطهرّكم تطهيرا ) ..
أيِ إسلام و أي مذهب اليّ يهمّش أهل بيت رسوله .. و يجعل الحجّة بس في أصحابه ؟!!!
شوف العالم .. ما عندهم غير قالت عائشة و قال عُمر و قال ابن ابي قحافة ....الخ ..
تركوا الأصل و المنبع و راحوا للفرع .. و ياليته فرع عدل ... إلا فرع اعوج ..
تركوا النور الي رضع من عِلم النبي صلى الله عليهِ و آلهِ و سلم .. و راحوا للـ روى عنّه .. و كذّب بروايته ..!
طالعين لينا هالأيام بسالفة مُقاطعة الدِنمارك .. و هم أولى يقاطعوا أنفسهم .. لأنهم اول من اساءو للرسول (ص) .. و ياما روايات عندهم تتطاول على حرمته ..
بالعقل يعني .. الرسول قال : ( إنما بُعثتُ لأتمم مكارمَ الأخلاق ) يقوم يناقض قوله و يعبس في وجه كفيف ؟!
و الأعظم كأنكم تقولوا إنّ القرآن كلامُ الله يناقض نفسه مِثل ما ذُكر في الآية الكريمة : ( و إنك لعلى خلق عظيم )
لا إله إلا الله .. سُبحانك يارب
تكرهونا و تحقدوا علينا .. رافضة , عبيد قبور .. ما ظل شيء ما سميتونه فيه .. بس لأنّ فكّرنا بعقلنا .. أما أنتون فركضتوا ورى مشايخكم المتخبطين .. و رواياتهم الي تناقض نفسها .. فهمتوا القُرآن فِهم سطحي .. غفلتوا عن معانيه الدفينه .. الي لو شغلّتوا عقولكم شوي بس و تدّبرتوها .. أبصرتوا النور ..
هاجر مِثل بركان و أنفجر .. و ميلاد يسمع كلامها بتأثر ..
فِعلاً هم كِذا .. فِعلاً هم ما فكّروا بعقلهم .. فِعلاً في اشياء عندهم تناقض نفسها ..!
مذهبهم يناقض نفسه ..
تذّكر مقولتها ذاك اليوم ..
" مذهب يناقضُ نفسهُ ألاولى أن يُترك , و مذهب يُثبت نفسهُ من كُتبِ مخالفيه أحقُ أن يُتبّع "
هاجر صاحت بدونْ إرادةَ .. دائماً دموعها تغلبها لمّا تحس بحاجة لمدد و عون مِنْ صاحب العصَر و الزمانْ عليهِ السلام .. لما تذكره .. تِحس بحرقة قلب ..
سَادْ الصمتْ .. و استأذنت ..
سكرّت الباب .. و قام تسوقه أفكاره و التخبّط الي يعيشه ..
بهاللحظة ..
تراجع سِلطان و صعد غُرفته .. كان نازِل .. و لمح باب هاجر يتسّكر و ميلاد جاي من جهته .. خالجه شك شيطاني ..!
ترّقبوني معَ أحداث أكثر تشويق
:wink:
ياهلااااا وغلااااا هجيـــــــــر
وانتِ بصحه وسلامهـ غناتي
ايامكِ سعيده يارب
من العايدين السعيدين...
رووووووووووووعه بكل معنى الكلمه
مسكينه سكينه بجد تعور قلبــــي:closedeyes:
الله يفرج عنها وعن جميع المؤمنين والمؤمنات يارب العالميـــــن
هاجر/ ايوووووووه يابنت عدددددددل زين تسوي في خلود:deh:
ساره/ احــــــــم احم على الحب حركاااات مع هاجر:wink:
ميلاد/ ماشاءالله عليه انسان رااااائع بجد
سلطان/ الله يستر على هاجر منه
هجيــــــــــر/ احسنتِ غناتي على هيك طرح
ربي يعطيك الف عافيهـ غناتي
حوائج مقضيه بحق المــــهــديـ ابن الحسنـ عليهم السلام
غناتي على راحتك.... بس مو طولي علينا:in_love:
ترى يمكن من الشوق اجي بيتكم ومادري ويش اسوي :wink::deh:
موفقه لكل خير وصلاح
دمتي بحفظ الرحمن...
اهلاً بالغالية
دمعة طِفلة يتيمةَ
الروعةَ مُتابعتك ..!
ههههه تعالي بيتنَا حيآش
بس لا تشلخيني ترى اصيح ><,
أسعدَ الله قلبكِ دُنيا و آخرةَ
بإذن الله ستكونُ الأجزاء
يوم الأحد و الأربعاءْ من كُل أسبوع ..
واخيرا هجيره جتنا
نستاش حوالي باسرع وقت انش تفيدينا
سلطان وخلود ليقين على بعض كلهم حقد
امن ميلاد وسارة يا حلاتهم ما كأنهم من داك النوع
احس ان هاجر بترتاح اخر شي والي بيريحها هو ميلاد
نترقبكِ
هجيــــــــــــر ....
وينك ...؟؟؟
ترى قريب بصير يوم جديد وبصير عليك غرامهـ جزء زياده ههههه:wink:
موفقه لكل خير وصلاح...
حليك خمسة اجزاء هدية لانك طولتي >>>تصتضرف هههههه
بزيادة طولتيها سرعي
حقكم ما بقول لا .. هههه
المعذرةَ مِنكم .. صارت عِندنا شوية ظروف طارئة
توني بكتب جزء جديد الا هو جايني اتصال إنّ أختي
تولد .. و المطلوب اني اتكفّل بأولادها على ما تطلع بالسلامة
لذلك تلاقوني تأخرت بـ الجزء ..
خصوصاً إن دخولي بسبب زحمة الأولاد و البيت
قلّت ..
بس ولا يهمكم .. نبديّ فيه قريب إن شاء الله
و على يوم الأحد يكون في الصفحة هذي ..
اعذروني خواتي ..
حفظكنّ المولى و أنار دربكُنّ
هجـير ..
من بعد قرائتي لـ [طفلتك وأحبك]
أعجبت بأسلوبكِ بالكتابه
بالفعل اسلوب معبر
وكتابة رائعه
اعجز بالفعل ان اعبر لكِ
فـ بعد أعجابي بـ طفلتك وأحبك
تسارعت خطواتي لارسالهـآ لـ [أبنة عمي,صديقتي]
وقد اعجبو بهـآ من بعدي
وبالأمس بينما كنت أتصفح المنتدى
وقع نظري على قسم الروايات
ولم اتردد في فتحه
ورأيت هذه الروايه
<<~ الله لو تشوفيني سهرتي صارت عليها .. وكل شوي أضحك واخويي يقوول ضحكينا وياش بعدين يقول خبله ههههههههههه
هجيـر ..
أنـآ هنـآ متآبعة لكِ ..
وقبل لآ أنسى ..
الله يقوم أختش بالسـلآمه ..
لكِ آرآئي
هآجر//ميلاد :أتوقع أنها بتحب ميلاد وميلاد بيحبها وبالنهايه بيستشيع وبيتزوجها
محمد: الندم بيعتصر قلبه بس في النهايه اتوقع يسوي شيء يحاول يرجع هاجر
مريم: بصراحة عجبتني هالبنيه هههههههههههههه ومناقرتها ويا هاجر تذكرني بأختي هههههههههه
ام محمد: الله يصبرها على فراق بنتها بصراحه حزنت عليها
سكينه:ياقلبي عليها الله يرفع الظلم عنها ويعرف ابوها ان مرته تحت كل شيء ويستسمح منها
ساره:ياعمري على هالقلب أشوه انها مو مثل سلطان
سلطان:بصراحة هذا اني حقدت عليه من تفكيره
خلود: هذي بعد ان شاء الله يعتدل تفكيرهاااااا احسها مغروره شوي بس مااتوقع تقدر تسوي شيء يحبب ميلاد لها بالعقل يعني الولد رافضهـآآآ وهي تلاحقه ..!
ابو سلطان//ام سلطان: أكرههم بالذات ام سلطان مسويه حالها قوية وهي ماعندها ماعند جدتي ههههههههههههه
الله يعينش خيتوو على اولاد اختش بالذات اذا شياطين هههههههه
وننتظرش..
عدرناكِ هجيرتنا بس صارت الروايه ما لها طعم ننسى الي قريناه على ما تجيبي الجزء الجديد
الغالية و الصديقة
إيقاعات قلب
أسَعدني ردش مرّه
:embarrest:
و أبشرش أختي ولدت بالسَلامة
و جابت " حُسين "
:wink:
الله يسلمش و يخليش ..
و توقعاتش جِداً حِلوة ..
:bigsmile:
أولاد أختي
شرَّ + شرَّ
:wacko:
كَوْني بالقُربِ دوماً
..
الغالية و العزيزةَ
اعشق أبي
لكِ الحق في الإستياء ..
تأخرتُ لأكثر مِنْ مرّة .. و لكَن الظروف قيّدتني
فكما أخبرتكنّ مُسبقاً إنني مُتكفلة
بـ " ولدين " لا يكلاّن و لا يملاّن .. و همهم بالليل و النهار
" معاندةِ الخالة و عصيانِ كلامها "
:wacko:
و " منزل " يتطلّب مني إدارة ما أوكِل إليّ
من أموره ..
:sad2:
احاول قدرَ المُستطاع التواجد و الكِتابة
و أبحثُ عن الوقتِ لأجلكم
..
لكِ ورودُ إعتذاري يا غالية
:embarrest:
و تفضلوا الجديد ..
...
بيوم ثاني ..
بالقطيف ..
العصر
ببيت أم محمَّد
سوسن : ما دّقت عليكم هاجر ؟!
ام محمَّد بنبرة ألم ما فارقت صوتها : لا , قليل تتصل ..
سوسن : غريبة !! المفروض تتصل كل يومين على الأقل .. خوب هي هنا في السعودية مو طالعة برى ..
ام محمَّد : الله العالم يا بنيتي .. علميني وش اخبار عمتّش أم خليل ؟
سوسن تنغفرت ( تضايقت ) : وش حالها بعد , داكي تشقح .. ما في الا صوتها يلعلع عليي طول النهار و الليل ..
أم محمَّد بحنيّة : الله يهديها و يصبرّش يا بنيتي .. إسمعي يا بتي , مهما سوّت فيش .. اصبري و برّيها ..
سوسن : ابرّها و هي همها بس تهيني !!!
ام محمَّد : ايه , برّيها و عامليها بطيب و موّدة و إحسان .. تراها مره كبيرة .. اصبري عليها و على كلامها .. ومأجورة من الله على صبرش .. و علشان هالجهال بعد ..
سوسن : أمرش أماه .. نبرّها و الله يأجرنا و يصبرّنا .. إلاّ وينها مريوم ؟!
أم محمَّد : راحت بيت صديقتها بت أم كاظم ..
سوسن : أها .. ومحمَّد بعده في الشغل ؟!
ام محمَّد : لا رجع , داكو نايم ..
سوسن : الله يعطيه العافية
...,,....
بالشِمال
بُغرفة سارة ..
سارة تكلم خلود بالجوال ..
سارة : انا اهنتك ؟!!!
خلود : إيوه , سكوتك على إهانتها لي .. يُعتبر إهانة لي ..
سارة : والله محدّ اهانها غيرك .. خلود اعترفي انك غلطانة ..
خلود : ماني غلطانة , و هي خدّامة غصباً عنها و وقحة بعد ..
سارة عصبّت : خلود و بعدين ؟!! لا تشتمينها ..
خلود : الله أكبر , ما ترضين عليها .. لحست مُخك ..!
سارة : محد لحس مُخي .. بس البنت ما سوّت لك شي ولا ضرتك .. انتي الي غلطتي عليها .. مهما انكرتي انتي بداخلك عارفة هالشيء ..
خلود : طيّب يا سارة .. خلّي الخدّامة تنفعك .. ( و سكرت )
سارة بقهر : اووف ..
..,,..
بمكان آخر ..
سُلطان : هلا يبه .. وش اخباركم ووش اخبار جدّتي ؟ عسى طابت !
أبو سُلطان : كِلنا بخير .. و جدّتك وضعها مُستقر للحين و للهِ الحمد .. انتم شاخباركم ؟ وسارة ؟
سُلطان : كِلنا بخير و سارة بعد بخير ..
ابو سُلطان : المهم انا بعد بُكرى راجع الشِمال ..
سُلطان : بترجعون يعني خلاص ؟!
ابو سُلطان : امك بتجلس مع جدّتك .. برجع لحالي عِندي كم شغلة بالشرقية لازم اخلّصها .. المهم بدق عليك اول ما توصل الطيارة ..
سُلطان : طيّب ..
ابو سُلطان : يالله سلم لي على العيال .. في امان الله
سلطان : في امان الكريم ..
سكّر .. و التفت لناحية الدرج .. ميلاد نازل ..
سُلطان : كِل هذا نوم ؟!
ميِلاد و هو يجلس عالكنبة : راحت علي نومة .. ( و كمّل و هو يتمغّط ) و احس بعد فيني نوم ..
سُلطان بنبرة غريبة : ليش , كِنت سهران ؟!
ميِلاد : أي والله .. سهران ..
سُلطان : وش الي مسهرّك ؟!
ميِلاد : ابد , ما جاني نوم .. و جلست اراجع اوراق الشركة .. و افرفر بهالمواقع .. لين صكني النوم و نمت ..
سُلطان بباله :.. قال اراجع اوراق الشركة .. تراجعها بغرفة الخدّامة !! , والله إنك مو هيّن يا ميلاد .. تصطنع المثالية و الإلتزام و انت من جنبها ..
ميلاد : سُلطان ..
سُلطان انتبه : هلا
ميلاد : اسئلك أنا ..
سُلطان : معليش سرحت ( و ضحك )
ميلاد ضحك : الله يعينك , اقولك اتصل عمّي ؟!
سُلطان : ايه توي سكرّت منه ..
ميلاد : وش اخبارهم ؟! وجدتي ؟!
سلطان : بخير و جدتي يقول وضعها مستقر .. و بيرجع بعد بُكرى عِنده اشغال بيقضيها ..
ميلاد بإبتسامة : على خير ان شاء الله ..
...,,...
هاجر بُغرفتها .. زهقانة ..
هاجر : هالحزّة في بيتنا اشاهد او اتناقر ويا مريوم .. و الا اسولف ويا سكون .. ياعلي وحشوني .. و سكون ما سمعت صوتها من زمان .. ما أدري وش مسوية ويا الضبعة مرت ابوها .. الله يلطف بحالها يارب .. ( سكتت تفكر ثم قالت ) يا علي ويش اسوي .. الصالة و ما يمديني اطلع .. ممكن بأي لحظة يجي أحد .. و المُطبخ زهقت من مقابله .. و هالغُرفة تجيب المرض .. اووف .. خل اشوف ليي كِتاب و اقراه احسن ..
مسكت كِتاب ( قصص من حياة الإمام الحُسين عليهِ السلام )
و غرقت في بحَر نوره .. سلام الله عليه ..
..,,..
بالقطيف ..
بمجلس بيت أبو صالِح ..
صالح : ما اتصلت ليه انت ؟!
محمَّد : اتصلّ .. جواله مُغلق ..
صالح : كان اتصلت على رقم بيته .. طاف شهرين .. المفروض هالشهر يجيبها ..
محمَّد : و انا اتصل فيه علشان كِده .. ( كمّل بندم ) آآه لو الأيام تِرجع .. ما أخذت منه فِلس و لا خليتها تروح .. لو بس لو ..
صالح : ما تنفع " لو " الحين .. الله يساعدها .. المهم انت حاول تتصل فيه لين يرد ..
محمَّد : إن شاء الله .. خل ادق الحين اشوف ..
( طلّع جواله و دق رقمه )
محمَّد يطالع بمحمَّد : داهو يدق ..
صالح : إن شاء الله يرد عليك ..
ردّ ..
محمَّد : السلام عليكم
ابو سُلطان بنبرة جافة : و عليكم السلام ..
محمَّد : عارف طبعاً ليش متصل فيك ؟
ابو سُلطان : ايه عارف , و تطمن بجيبها بس أرجع لأني حالياً مسافر .. على الإسبوع الجاي بتكون عِندكم .. بس هااه ترى كِلها يومين و بنرجع ..
محمَّد بباله إنّه ما يخليها ترجع : ايه .. يصير خير .. يالله مع السلامة
صالح : بيجيبها ؟!
محمَّد : على الإسبوع الجاي ..
صالح : بويشو تفكر فيه ؟!
محمَّد : إن دخلت هاجر بيتنا ما بتطلع مِنّه ..
صالح : كيف يعني ؟!
محمَّد : كِنت جبان بالمرّة الأولى , طاوعته و طاوعتها و خليته ياخذها .. لكن و ربي هالمرّة إن ردت هاجر بإذن الله .. ما ترجع وياه .. لو على رقبتي ..
صالح : و الحلف الي حلفته لهاجر !! و السجن ؟!!!
محمَّد : الحلف .. مغفور بإذن الله .. و السجن شي استحقه .. بسبب طمعي و غبائي و تفريطي بأختي لهالحقير .. كِل الي يهمني ترجع هاجر لبيتنا .. ارتاح من عذاب الضمير .. ابغى يعتقني الندم .. و بعدها ما يهمني أي شي .. خل يسوي الي يسويه ..
صالح : تعتقد هاجر بترضى ؟!
محمًَّد بحزم : إن طاوعتها قبل ما بطاوعها الحين .. و بترضى ..!
..,,..
بالشِمال ..
خلود .. تفكّر و ببالها ..
خلود : صدق اني غبيّة , الحين أنا متزاعلة مع سارة و المفروض اتقرّب اكثرعلشان تساعدني اخلي ميلاد يحبني .. بالله الحين كيف بروح بيتهم و هي زعلانة مني !! كان اعترفت اني غلطانة وش بخسر يعني .. اهم شي ميلاد .. يالله خل ّ بعدين اتصل فيها و اراضيها ..
..,,..
بعد صلاة المغرب ..
اتصلت خلود لسارة و اعترفت بغلطها ..
و سارة طلبت من خلود .. تزورها .. وتقعد معاها ..
و جات ..
سارة : شوفي الحين وش زينك ..
خلود : خلاص لا تذكريني , غلطت و اعتذرت ..
سارة : اعتذرتي لي .. مع إنّ المفروض تعتذرين لها ..
خلود : سارة اسمعيني صحيح اني اعترفت بغلطي و اعتذرت لك .. بس إسمحي لي ما أقدر اعتذر لهَا .. بداخلي ما أقدر ..
سارة : طيّب اوّصل لها إعتذارك بالنيابة ؟!
خلود : كِذا معليش ..
سارة تضحك : يا بنت يا مغرورة ..
خلود : وش اسوي ياربيه .. انا كِذا .. المُهم ميلاد هِنا ؟
سارة : و انتي كِلما جلستي معاي سئلتي عنه .. ايه هِنا
خلود : نايم , يطالع التلفزيون , يآكل , و الا وش يسوي ؟!
سارة : ما ادري .. جالسة مِعك أنا .. مو معاه ..
خلود : سارة تكفين ساعديني اخلي ميلاد يحبني تكفين ..
سارة : بوسي يدّي
خلود : وجع , هذا الي ناقص
سارة تضحك بقوة ..
خلود : اتركي عنك الضحك و يالله وش قلتي تساعديني ؟
سارة : والله ما أدري .. ماني مقتنعة بأفكارك و اقولها لك يا خلود .. خلّي نسبة الـ 99 % إنّ ميلاد ما راح يتحرّك فيه شي لك .. و الـ 1% يمكن يناظرك .. ميلاد يا خلود مو من النوع الي تغرّه كم حركة من الروايات .. لو كان اخوي سُلطان اوكي بقولك نسبة الـ 100% إنه بيركض وراك .. ( و ضحكت )
خلود : و انتي ما عِندك شغلة غير تحطميني .. و بعدين وش قلتي اخوك سُلطان !!! .. آخر واحد أفكر فيه ..
سارة تضحك : سبحان الله " اقطابٍ تشابه تنافر " ..
خلود بعصبية خفيفة : و بعدين ؟!
سارة : طيّب , المطلوب مني ؟!
خلود : تساعديني .. موافقة ؟!
سارة : طيّب .. أمرنا لله .. وش بتسوين الحين ؟!
خلود : أول شي ابيك تشوفينه لي .. هو وينه فيه ؟!
سارة : و بعدين ؟!
خلود : بقولك .. بس روحي شوفيه ..
سارة : طيّب ..
ميلاد جالس بالاب توب بالصالة .. يتصفّح مواقع مختلفة .. لعُلماء و مشايخ من
الشيعة .. اسئلة كثير دارت بباله .. لقى إجاباتها بمواقعهم ..
و كانت عِنده نوعاً ما مُقنِعة ..
القت نظرة عليه سارة .. و رجعت لـ خلود ..
سارة : جالس بالصالة ..
خلود : طيّب .. حِلو ..
سارة : وش بتسوين ..
قامت خلود و فصخت عباتها .. اسدلت شعرها البُني الغامق ..
و رتّبت ملابسها ..
خلود بإبتسامة واسعة : بخليه يشوفني نظرة شرعية ..
سارة هِنا فطست من الضحك ..
خلود : وجع , ليش تضحكين ؟!
سارة و هي لا زالت تضحك : آه يا قلبي .. نظرة شرعية ( و رجعت تضحك )
خلود : ايه وش فيها .. بسوي نفسي كأني ما أدري إنّه موجود بالصالة و بنزل كِذا .. و لا بُدّ بيلمحني .. و يُمكن يُعجب فيني و يحبني .. بطلة الرواية سوّت كِذا و البطل صار يفكّر فيها و حبها و تزوّجها .. بس طبعاً هي مو متعمّده مثلي ..
سارة : بس خلود .. انتي متعمدّة !! ما يجوز ..
خلود : لا يجوز .. انا اقول يجوز .. بحط بنيتي إنها نظرة شرعية .. المهم أنا بنزل أدعي لي تكفين ..
سارة : ما تبيني انزل معك ؟
خلود : لا , خلّك هِنا ... دقايق و برجع ..
سارة : انتبهي لا يشوفك سِلطان ..
خلود : هو هِنا ؟
سارة : لا بس ممكن يرجع بأي لحظة ..
خلود : طيّب .. ادعي لي اوكيه ..
طلعت و مشت لعِند الدرج .. أنتابتها رجفة خفيفة لفكرتها المجنونة .. نبضات قلبها .. قرع طبول ..!
غمضّت عيونها و شهقت و زفرت .. و أبتدت تنزل و هي تحاول تكون طبيعية .. تخفي الإرتباك و التوتر قد ما تقدر ..
أما هو فكان مُندمج معَ موضوع يقرآه ..
.. نزلت و وصلت لآخر الدرج .. تحاول تسيطر على رجفانها .. بس لو يلتفت على جنب شوي .. يشوفها ..
بس ما ألتفت .. من شِدّة إندماجه مو حاس بلي حوله ..
رجعت صعدت كم درجة .. و فكرّت بطريقة تلفت إنتباهه علشان يطالعها .. مالقت غير إنها تغنيّ و هي تنزل .. اكيد بيناظرها ..
و بالفِعل .. رجعت نزلت و هي تغني ..
سمعها و تلّفت .. و لقاهـا قِدام عينه ..
أفتعلت كم حركة تِدل على أنها منصدمة و ما كانت تتوقع إنه موجود .. و صعدت بسرعة ..
أما هو فأول ما شافها .. انصدم .. و بسرعة غض بصره ..
راحت ركض لغُرفة سارة ..
سارة : هاه وش صار ؟
خلود و هي تآخذ نفس : شافني شافني ..
سارة : وش سوى ؟!
خلود : المسكين انصدم ..
سارة : ما قالك شيء ؟!
خلود : لا , اقولك انصدم .. اكيد من حلاي ..
سارة : طيّب و الحين ؟!
خلود بإبتسامة واسعة : بنتظره يجي يصارحني بحُبه ..
سارة فيها ضِحكة و حابستها .. ما تبي تحسسّ خلود إنها تنتظر شيء مستحيل .. حاولت تحسسها قبل و ما أقتنعت .. بكيفها ..
خلود بإلحاح : سارة تكفين روحي للصالة .. يمكن يقولك شي ؟ و الا بس شوفي ملامحه كيف ..
سارة : طيّب .. طيّب
ميلاد بعد ما شاف خلود .. ظل فترةَ مصدوم .. مع إنّه ما ناظرها لوقت طويل .. إلاّ إنه حاس بالذنب .. و مستغرب كيف بِنت غريبة و تتمشى بالبيت بدون سِتر .. و هي تدري إنّ فيه رِجال أجانب عنها ..
نزلت سارة .. تسوّي نفسها رايحة تشوف هاجر ..
و خلود واقفة عِند الدرج .. تراقب ..
أستوقفها ميلاد .. و قال ..
ميلاد : سارة خلود معك ؟!
سارة بإرتباك : إيه ..
ميلاد بلهجة حازمة شوي و جافة , مقهور من الموقف الي صار :
سارة .. قولي لخلود إذا جاتك تخلي سِترها عليها .. تبي تِخلعه .. تِخلعه بغرفتك .. مو تِخلعه و تتمشى بالبيت و هي تدري إنّ فيه رِجال أجانب عنها .. ممكن بأي لحظة يطلع واحد بوجهها و تنحط بموقف يحرجها و يحرجه ..
سارة ارتبكت زيادة و حسّت بالحرج من ميلاد لأنه صادق : ميلاد أنت تعرف ان خلود تتصرّف بعفوية .. مو قصدها ..
ميلاد بنفس اللهجة : فوضوية متسيّبة ما هي عفوية ..
خلود حسّت بنار شبّت بقلبها .. و العرق جلّل جبينها من الفشيلة ..
و علشان لا تسمع كلام يسمّها أكثر .. رجعت لغرفة سارة .. تجرّ اذيال الخيبة ..
الحمدلله على سلامة أختش غناتي
..
بصراحة ميلاد طلع حرتي في خلود تستاااااااااااااااااااهل
<< حاقده عليها :toung:
الله يعطيش العافيه
وننتظر الباقي لا تطوولي :wink:
يعطيكِ العافية ...
والحمدلله على سلامت أختش ...
ننتظرش بفارغ الصبر ...
الله يسلمكم و يخليكم لعينٍ ترجيكم
سعيدة بإطلالتكم الحِلوة ..
غداً بإذن الله سأقوم بوضعِ الجُزء الجديد
بهِ أحداث كثيرةَ مشوّقة ..
فأنتظروني ..
الف مبروك لولا دت اختك
واسعدني تواجدكِ وجزئكِ النوع ما قصير
تمنايتنا لك بتقديم مشواركِ في نهج الحسين بن علي
تسلم أنامش
جميلة جدا
يعطيش العافية
سلّمكم المولى و آدامكم يا رائعاتْ
عصراً بإذن الله ( الأربعاء )
سأقومُ بوضعِ الجُزء الجديد و المشوّق ..
:wink:
نحن بنتظاركِ
صعدت سارة بسرعة .. تشوف خلود .. حاطة يدها على قلبها ..
دخلت و شافت خلود جالسة .. و الدموع تسولف على خدّها ..
سارة مُحرجة : خلود ..
خلود قاطعتها : ما يحتاج تقولين شيء يا سارة .. قلتيها و صدقتي .. ميلاد لا يُمكن يناظرني .. و الظاهر الأفضل اشيله من بالي ..
سارة جلست جنبها : شيليه يا خلود .. و الله يرزقكْ بالأحسنْ .. زوج يحبك و يناظرك و يبيك ..
خلود أكتفت بإبتسامة ألم ..!
..,,..
بمنتصف الليل ..
أنتظر يعمّ الهدوء بالبيت .. و نزل .. كالعادة ..
و معاه شخص ينتظر .. سُلطان .. الي اصرّ يعرف
سالفة ميلاد معَ هاجر ..!
أنتظر ميلاد يروح لغرفة هاجر .. و طل ..
لقى ميلاد قاعد جنب غرفتها و يتكلم .. هِنا صار وجهه علامة تعجّب ..!
سُلطان بباله : جالس جنب غُرفتها و يكلّم نفسه ؟!!! وش الي قاعد يصير ..
ما قدر يسمع شيء مِنْ كلام ميلاد .. ولا يقدر يتقرّب أكثر علشان يسمع .. ممكن يحس فيه ميلاد ..
ففضّل ينسحب بهدَوء .. مع علامات تعجبّه ..
...,,,...
اليوم التآلي ..
الظهَر
عالغداء ببيت أم محمَّد ..
محمَّد بإبتسامة : أبشرّكم هاجر بتجي على الإسبوع الجاي
مريم بفرحة : صحيح ؟!!
ام محمَّد بنبرة شوق : الله يبشرّك بالخير ياولدي .. هي الي قالت لك ؟ّ!
محمَّد : إيه ..
داعبت جِفن أم محمَّد دمعة .. راحت تسولف الشوق ..
أم محمَّد بدموع ما قدرت تمنعها و صارت تمسحها بمشمرها :
وحشتني بنيتي ..
محمَّد بنبرة حانية : كِلنا أشتقنا ليها .. إن شاء الله بترجع بالسلامة .. ولا بتفقديها مرّه فانية ..
أم محمَّد بإستغراب : إيلاويش .. بتسكن في الديرة يعني ؟!
محمَّد بإبتسامة : إذا جت بتعرفوا .. ( و رجع يتغدا )
و مريم و أم محمَّد يتبادلوا النظرات .. مستغربين ..
...,,...
ببيت أبو سكينة
أم جاسم تتكلّم في التلفون ..
أم جاسم : رجال و النعم فيه .. لا لا باكلم أبوها اليوم و بارد عليش .. زين , الله يحفظش غناتي مع السلامة ..
أبوسكينة و هو يشرب معسله : بويشو بتكلميني ؟!
أم جاسم بإبتسامة شيطانية واسعة : سكينة جاها خاطب ..
أبوسكينة ترك المعسّل من إيده : منهو ؟!
أم جاسم بحماس : حمي أختي أم سليمان .. أبو شاكر ..
أبوسكينة: بس هذا كبير و معرّس ..
أم جاسم : و بتك كبيرة .. و نسوانه الثنتين طلّقهم ..
( أم جاسم خافت أبو سكينة يرفض .. و قامت تبث سمومها )
أم جاسم بنبرة شيطانية : أبو شاكر رجال الله منعم عليه .. و مريض و عقيم .. يعني بعد عُمرٍ طويل .. لو مات كِل خيره بيروح لـبتك سكنوه .. و غير كِده بتك احس اذا ما عرّسناها بتخلي راسنا بالأرض .. كفاية سوالفها الي راحت ..
أم جاسم دّقت على الوتر الحسّاس لأبو سكينة .. خصوصاً إنه على قد حاله .. و هالخاطب بمثابة كنز طاح من السماء ..
ابو سكينة : خلاص قومي كلمي سكنوه
أم جاسم : معَ إنها بتآخذه غصباً عنها بس باقوم اكلمها ..
( و قامت )
..,,..
بُغرفتها .. ويا الألم و الذكرى ..
ذِكرى هاجر .. هذا الي بقى ليها ..
تعتب بداخلها عليها ..
سكينة ببالها : نسيتيني يا هاجر .. من سافرتي ما سئلتي عني .. ما سئلتي عن صديقتج و أختج سكينة .. ما سئلتي كم جرح بغيابج صابها .. ما تدري إني احتاجج جنبي ..
قطع عليها حبل العتاب .. دخلة مرت أبوها أم جاسم ..
غصباً عنها رجفت أوصالها .. تحس من تدخل عليها .. يعني إنّ فيه مُصيبة ثانية .. بتنضاف لرصيد المصايب الي صابتها من وراهـا ..
ام جاسم : اسمعي ترى اليوم جاينش خاطب ..
سكينة بصدمة : خاطب !!
أم جاسم : ايه .. يحق لج تنصدمي و الا من يبغى وحدة زيج ..
سكينة بقهر ممزوج بخوف : منهو الخاطب ؟!
أم جاسم : أبو شاكر .. حمي اختي ..
سكينة : أبو شاكر !! متزوج ؟!!
أم جاسم :مطلّق مرتين .. ما عنده أولاد .. بس غني و بيعيّش عيشة تحلمي فيها .. بيطلعنا من هالفقر .. عالعموم أني ماني جاية آخذ رايج .. بس علشان يصير عِندج خبر
سكينة بقهر : و من قالج إني بوافق !!
أم جاسم : نعم ما سمعت عيدي .. بتآخذيه غصباً عليج مو بكفيج .. و إن عندّتي .. باخلي ابوج يتفاهم وياج عدل .. ( تقصد بالعقال )
سكينة : قلت لج ما بآخذه .. و إذا مرّه مُصرّة خذيه أنتين ..
أم جاسم : ياليت بس مالت على حظي الي طيحني بأبوج .. جهزي عُمرج .. بكرى جاي الرجال ..
سكينة بصرخة : قِلت لج ماني ماخذتنه تفهمي ..
أم جاسم عصّبت : اراويج ..
( و قامت تعيّط على أبو سكينة .. الي ترك معسله و جاء يركض من سمع صوت أم جاسم تناديه )
غمرها الخوف .. و أستيقنت بـ الموت ..
أبو سكينة بنظرات حادة : وش صاير ؟!
أم جاسم : شوف بتك .. تقول ما تبغى ابو شاكر .. الظاهر ما شبعت من سوالفها .. تبغى تفضحنا بخياسها ..
سكينة : كذابة ..
أم جاسم بشهقة : اني كذابة ؟! , إيه لأني كاشفتنج ..
ابو سكينة بصرخة هزّت جِدران البيت : سكنوه ..
تقرّب مِنها .. و مسكها من شعرهـا ..
سكينة : آآآه شعري ..
أبو سكينة بعصبية : لا ترفعي صوتج على خالتج مره فانية .. و أبو شاكر بتآخذيه غصباً عنج .. سااامعة
سكينة ملّت روحها الذّل و الظلم .. و حسّت الدم بعروقها يثور ..
و ثارت ..
سكينة : مااااااني ماخذتنه .. اضربني .. اذبحني .. ما يهمني .. ما بآخذه ..
أبو سكينة وصل حدّه .. رماها بقوة .. و تناول العصا من إيد أم جاسم إلي كانت مجهزّتنها ..
أنهال عليها بالضرب و الشتم .. و سكينة تتأوه ..
أم جاسم تتشمت كالعادةَ ..
سمع الصِراخ جاسم الصغير .. و هرع لغرفة خيته الحنونة سكينة ..
فجعه منظر ابوه و هو ينهآل بالضرب على إخته .. و أمه واقفة بدون حراك ..
جاسم و هو يمسك مشمر أمه : أماه .. وقفي ابويي لا تخليه يضرب سكينة
أم جاسم : ماما , سكينة سوّت غلط و البابا يضربها علشان لا تعيده ..
قهر براءته وقفة أمه .. و ركض لأبوه .. يحاول بجسمه النحيل يوقفه ..
أبو سكينة بصراخ : جاسم تبااااعد
جاسم : مـانا .. لا تضربها ..
أبو سكينة بصرخة أقوى و هو يدز جاسم بعيد عن مكان أخته : قِلت لك تباااعد
عوّرته الدزة ..
أم جاسم : جاسم تعال ..
سكينة من بين الضرب .. تسمع توّسلات جاسم لأبوه .. و تتقطّع بداخلها .. مِثل ما العصا تقطّع جسمها ..
جاسم مُصرّ إلاّ يخلي ابوه يتوقف عن ضرب سكينة ..
و أبوه يضرب سكينة .. بالعصا .. ضربات تفتت الصخر ..
وقف قدامه .. و بلا وعي من أبوه جت الضربة على راسه ..
أم جاسم منفجعة : لااااااااااا ولدي ..
( و ركضت ليه )
أما أبو جاسم فوقف مدهوش .. يحاول يستوعب الي صار .. هذا ولده جاسم على الأرض .. و جنبه دمّه ..
أما سكينة من بين الألم صرخت صرخة .. و تقرّبت لجاسم و أحتضنته ..
شافت الألم لحالها بعيونه ..
أم جاسم بدموع و صراخ تكلم ابو سكينة : وش فيك واقف روووح جيب الأسعاااف .. ويلي وووووولدي
ركض أبو سكينة لبرى ..
سكينة بدموع ممزوجة بدم : جاسم .. حبيبي جاسم
أم جاسم تحاول توّقف سيل الدم بمشمرها .. و هي تولول ..
سكينة تمسح عن وجهه الدم .. و تناديه ..
و بلحظة حسّته يجهض بقايا روحه بحضنها .. إيده بإيدها .. و كأنه يقول
( وفيت بالوعد يا خيّة )
و صرخت صرخة ..
سكينة : لااااااااااااااااااا
..,,..
بالشمَال ..
خلّصت غسال مواعين الغداء .. و قعدت .. ترتاح ليها شوي ..
حسّت بنخزة في قلبُها .. و أنشغل بالها .. و هي ترّدد
" خير اللهم إجعله خير "
هاجر ببالها : ودّي اكلم أهلي .. اسئل عن أحوالهم .. بس صُعبة اني اروح ادق .. و سارة ركبت فوق .. ياربَّ إحفظ المؤمنين و المؤمنات و أهلي و حبايبي ياربَّ ..
..,,..
وصلت سيارة الإسعاف .. ضجة الحِزن و الألم .. ممزوجة
بضجة الناس ..
الكِل يتسائل .. الكِل يستفهم ..
و الجثة الي طلّعوها .. أخرستهم ..!
..,,..
ببيت أم محمَّد
سمعوا صوت سيارة الإسعاف ..
أم محمَّد و هي تهرع للباب : ياعلي .. ويش صاير ..
مريم مختلعة و تِلحق أمها ..
طلع محمَّد من غرفته .. و هو يتسائل ..
أم محمَّد : سيارة إسعاف واقفة قِدام بيت ابو سكينة .. ياعلي ..
محمَّد أختلع و طلع يشوف وش صاير ..
مريم بخوف : ليكون سكينة ابوها سوى فيها شي ..
أم محمَّد : ياعلي .. الله يلطف بحالها ..
...,,...
سكينة ما عاد فيها قوةَ .. طاحت بزاوية تنتحب ..
جنبها أم جاسم الي تصرخ بجَنون على ولدها .. و جنبها بعض الجارات يواسوها و يهدّوها ..
أما ابو جاسم فلحق ولده .. تسبقه دموعه .. و ندمه .. و صحوة ضمير ..!
و بالمستشفى جاه الخَبر ..
" عظم الله أجرك "
رجع البيت يجرّ أذيال المُصيبة .. الي جناها بإيده ..
وقف و هو يطالع إيده .. هالإيد أنزلت ويلات و حسرات بـ بنته سكينة .. الي من وعت ما عرفت غير لغة الضرب و الإهانة .. بدون حتى ما يسمح لها تدافع عن نفسها ..
هالإيد قضت على براءة جاسم .. و ذنبه إنه حاول يصحّي ضمير .. ماااااات ..!
طاح على الأرض .. ينتحب .. و هو ماسك إيده ..
أبو سكينة بصراخ و نحيب : وش سويت أنا .. قتلت أولادي ..بلا ذنب .. بلا ذنب .. بلا ذنب .. وش اسوي فيج يا إيد .. احرقج و الا اقطعج
توّجه للمطبخ .. و تناول سكين .. و همّ بقطع إيده ..
و بقلب ما حوى غير الهم .. مسكت إيده الي فيها السكين ..
ناظرها ..
عيونها بعيونه .. همّت بالكلام .. لكنه سبقها ..
أبو سكينة بقمة الضعف و الندم : اتركيني يا بتي .. بقطعها .. بقطع هالإيد الي ذلتش بليل و نهار .. هالإيد الي قتلت جاسم .. اتركيني ..
سكينة بـألم : لا .. لو كان فيه شي يستحق القطع فهو قلبك .. مو إيدك ..!! إيدك الي تتلقى أوامرها من قلبك الحجر .. تتلقى الضرب و المهانة و الذل لي .. و القتل لـ جاسم .. ( و رجعت تنتحب )
أبو سكينة زادت دموعه ..
سكينة : أيّ دموع تغسل ألمنا .. و أي دموع الي ترّجع كرامتنا .. و أي دموع الي ترّجع شرفنا يابويي .. الدموع ما تسوي شيء .. إن كانت علامة ندم و صحوة ضمير .. فهالإثنين فات وقتهم .. و لا عاد ليهم أي قيمة ..
قالتها و طلعت .. و بقى يتجرّع غصص عذاب .. يستحقه ..!
..,,..
وصل الخبر لبيت أم محمَّد .. من محمَّد ..
ام محمَّد و إيدها على راسها : ياعلي ياعلي قتل ولده ..
مريم صاحت .. متألمة لبراءة جاسم .. و تفكّر بحال سكينة ..
محمَّد : لا حول و لا قوة الا بالله العلي العظيم ..
..,,..
بالشِمال ..
هاجر تبغى تتصل على أهلها .. تتطمّن عليهم .. بس تحتاج سارة تساعدها .. على الأقل تجيب ليها التلفون .. لأنها ما تقدر بكل بساطة تروح تكلّم بالصالة ..
قرّرت تركب ليها غُرفتها .. و ركبت ..
وقفت مِحتارة .. أي غرفة غُرفتها .. مشكلة ..!
قعدت تعقّر .. و هي تضحك على روحها .. و جاء رقم عشرة على الباب إلي على إيدها اليمين ..
و توكلت على الله .. و طقّت الباب ..
هاجر و هي تطق : سارة ..
مرّت ثواني .. ما جاها صوت .. خافت تكون نيمة ..
من ورى الباب .. سمعها .. و هي تنادي .. و تطق .. مفتشل و مبتسم .. يدري إنها تبغى سارة .. بس غلطت بالغُرفة ..
يخاف يفتح الباب و تختلع ..
تنحنح .. بس جت نحنحته مع صوت طقة هاجر .. فما سمعته ..
و فتح الباب ..
هاجر .. أختلعت .. و لا إرادياً ركضت تحت من الخلعة ..
مسكينة تبهدلت ..
أمّا هو .. فوقف مفتشل و يضحك .. حتى ما مداه يقول ليها إن الغُرفة الثانية هي غرفة سارة ..
ظل فترة يتأمّل الدرج .. يِحس بشيء داخله لهالإنسانة .. وشو ما يدري .. شيء عجز لا يفهمه ..
هاجر ركضت لغرفتها و سكرت الباب عليها .. و هي تتنفس بقوة من الركض و قلبها يدق كأنه طبلة مِنْ الخلعة ..
هاجر تعاتب نفسها : غبية اني .. خبلة .. ليتني ما ركبت .. ياعلي تفشّلت .. ( شوي و بتصيح )
ميلاد راح لغرفة سارة .. طق الباب و طلب منها تنزل لهاجر ..
و نزلت ..
طقّت بابها ..
سارة : هاجر ..
هاجر سمعتها و فتحت الباب على طول ..
هاجر : تفضلي
سارة : يقول ميلاد إنك تبيني ..
هاجر : إيه .. بغيتش ده .. قصدي اني ابغى اكلم أهلي فبغيتش تجيبي ليي التلفون ..
سارة تضحك : طيّب وش فيك كِذا مختبصة ..
هاجر : هاا , لا ماني مختبصة و لا شي ..
سارة : طيّب تعالي معاي.. مافي أحد بالصالة ..
..,,..
عطتها التلفون .. و دّقت رقم بيتهم .. طوّل بالرنين ..
و انشغل بالها .. بالعادة هالحزة .. حتى لو أمها طلعت مريموه موجودة .. معقولة طالعة .. و الا يمكن نيمة ..
و هي بين تساؤلاتها .. رفعه .. أخوها محمَّد ..
محمَّد : آلو ..
هاجر بحنين جارف : هلا محمَّد
محمَّد بفرحة ممزوجة بخجل من اخته و الي سواه فيها : هلا هلا بخيتي هاجر ..
هاجر : وش اخبارك ياخويي ؟ و وش اخبار أمي و مريم و سوسن و أولاده ..
محمَّد : أنا بخير و لله الحمد .. و امي و مريم و كلهم بخير .. ( كمّل بألم ) انتين وش اخبارج يا خيّة ؟
هاجر بنبرة عتب : اني بخير و للهِ الحمَد .. من جيت هِنا ما دقيت سئلت عني .. ما استاهل منك سؤال ؟!!!
محمَّد : لا والله .. تستاهلي روح أخوج .. بس خجلي من الي سويته فيج منعني .. من رحتي و انا اسير الندم .. لا ليلي ليل .. و لا نهاري نهار .. من كثر همي .. بغت امي تكتشف السالفة ..
هاجر بإندفاع : لا يا محمَّد إلا أمي .. ما أبغاها تدري .. حذاري تبيّن ليها شيء .. وينها هي ؟!
محمَّد : إن شاء الله .. طلعت ويا مريم .. ترى ابو سُلطان بيرجع من السفر و بيجيبج الديرة ..
هاجر : وش درّاك ؟ كلمته ؟!
محمَّد : إيه .. الكِل مشتاق لج ..
هاجر بدموع : و اني بعد .. قبل لا اسكر بسئلك محمَّد ما تدري عن سكينة وش اخبارها ؟!
محمَّد أنعصر قلبه .. سكينة ليها الله الحين .. بس ما حب يقول لأخته بالمصيبة الي حلّت على سكينة .. يدري صديقتها الروح بالروح .. و بتتألم .. و كفاية عليها ألم غربتها و خِذلان اخوها ..
محمَّد : سكينة حسب علمي بخير .. تجي تزور امج و اختج من فترة لفترة و تسئل عنج واجد ..
هاجر : بعد ما عمري ما تقصّر .. يالله خوك باسكر .. سلم ليي على امي و خواتي ..
محمَّد : يوصل إن شاء الله ..
هاجر: يالله في امان الله
محمَّد : ربي يحفظج يالغالية ..
..,,..
بالليل ..
ببيت ابو سكينة ..
سواد خيّم .. و دموع نصبت عزاء .. لبراءة أُجهِضتْ ..
سكينة بإيدها صورة جاسم .. تتأمله .. تكلمه .. تعاتبه ..
و أم جاسم .. ماليها حال .. قاعدة .. تناظر في الفراغ .. و عيونها تجري دموع ..
و أبو سكينة .. مع صحوة ضميره .. يراجع و يحاسب نفسه .. يشهق بألم ما بين كِل ذِكرى .. لجاسم ..!
..,,..
بيوم ثاني ..
رجع أبو سُلطان من سوْريا ..
و أجتمعوا سارة و ميلاد لإستقباله...
أما سُلطان فأتجه للمطار لإستقباله ..
وصلوا البيت ..
سارة و هي تبوس راس ابوها : الحمَدلله على سلامتك يبه .. وحشتونا
ابو سُلطان : الله يسلمك يا بنيتي .. انتم اكثر يالغالية ..
ميلاد و هو يبوس راس عمه : الحمَدلله على سلامتك يا عم ..
ابو سُلطان : يسلّم عُمرك ياولدي ..
سُلطان : نوّر البيت بوجودك يبه .
ابو سُلطان : منوّر بوجود ياولدي ..
سارة : وش اخبارها جدتي .. عساها طابت ؟
ابو سُلطان : الحمدلله وضعها مُستقر ..
الكل : الحمدلله ..
..,,..
هاجر كانت تراقب من المطبخ .. و ببالها " رجع ابو حديجان "
..,,..
بالقطيف ..
أنحطّت فاتحة الطِفل جاسم .. و أتوافد الناس من الجيران و المعارف و اهل الخير لحضورها ..
..,,..
مرّ إسبوع .. على جيّة ابو سُلطان .. و حان اليوم الي توّدع فيه هاجر الغُربة لِمدة ثلاثة أيام بس .. بأمر من ابو سُلطان .. مُدّة قليلة ما تمنتّها هاجر .. بس على قولتها
"عصفور في اليد و لا عشرة على الشجرة " ..
ميلاد حسّ قلبه متألم لروحة هاجر .. الي رفض ابو سُلطان يعلمهم بسببها .. و برّرها على إنها شوية إجراءات لازم يسويها لهاجر .. و ثلاثة أيام و بيرجعوا إن شاء الله ..
سارة : بشتاق لك ..
هاجر : واني بعد .. بس يالله كِلها فلافة ايام و اني راجعة ان شاء الله .. لزقة ( تضحك )
سارة ضحكت و حضنت هاجر و باستها ..
فرحت هاجر .. و ضمتها بحرارة ..
..,,..
بنفس اليوم ..
بالقطيف ..
ببيت أم محمَّد
الكِل فرحان و مستانس .. هاجر بعد غياب شهرين و نص .. راجعة
شمعة البيت و فرحته .. راجعة ..
أم محمَّد بخرّت البيت .. و مريم ساعدت أمها في سواي الورق العنب .. تعرف هاجر تموت فيه ..
معَ إنّ باقي ساعة على ما تِوصل إلاّ أنهم وقفوا عِدال الباب ينتظروها .. يتأمّلوا طيفها و هي تدخل عليهم ..
سوسن تكلم أمها الي قاعدة جنب الباب تترّقب : أماه قومي ندخل , الحين ان شاء الله بتجي .. حرّ هِنا ..
أم محمَّد بلهفة و دموع : لا خليني قاعدة هِنا .. ابغى من تدخل آخذها بحضني .. دخلي انتين و اولادج لا يحترّوا ..
..,,..
بالطائرة ..
هاجر تِحسْ بفرح .. اخيراً بتشوف أهلها .. بتشوف سكينة .. بتشوف ديرتها .. حبيبتها ..
وصلوا بالسَلامة ..
بإنتظارهم أخوها محمَّد معَ ولد خالتها صالح ..
شافتهم من بعيد .. جرت دموعها .. ودها تركض .. تروح لأخوها .. تحضنه .. تترّجاه ما يخلي أبو سُلطان يرّجعها لـ ديرته .. كرهتها .. ملّتها .. تبغى تقعد هِنا .. بجنبهم .. بديرتها ..
محمَّد من شافهم تهلّل وجهه .. و صالح مبتسم .. بس مقهور بداخله و يحس وده يطيح على ابوسُلطان .. ينتفه تنتف ..
محمَّد و هو يسلّم على أبو سُلطان بدون نفس : الحمَدلله على السلامة
ابو سُلطان بنبرة جافة : الله يسلمك ..
أمّا صالح فأستخسر يتحمّد ليه بالسلامة .. فسكت و أكتفى بنظرات حارة وجهها له .. لاحظها ابو سُلطان بس حقره ..
توّجهوا للبيت .. هاجر و محمَّد و صالح .. اما ابو سُلطان توّجه لأحد رجال الأعمال .. من أصحابه بالدمام ..
..,,..
ببيت أم محمَّد ..
أم محمَّد لا زالت قاعدة جنب الباب .. سمعت صوت سيارة محمَّد .. و قفت على طول و فتحت الباب تشوف .. و شافتها ..
دمعّت عيونها .. و تفاسحت .. تتنظرها تدخل و تضمها ..
هاجر تمشي بخطوات بطيئة .. تتأمل كِل شيء بحنين .. حيّهم .. بيوت جيرانهم .. بيت سكينة .. بيتهم ..
دخلت ..
شافت أمها تتنظرها .. و عيونها تحكي شوقها ليها .. و ألم غيابها عنها ..
ما قدّرت تتحمّل .. صاحت و ركضت لحضن أمها ..
هاجر و هي تصيح : وحشتيني يالغالية .. وحشتيني أمااااااه ..
أم محمَّد و هي تصيح و تبوس في هاجر : اشتقت لج ياغناتي .. هان عليج تروحي و تخليني ..
طلعوا مريم و سوسن .. تسبقهم دموع الشوق ..
هاجر أنتبهت ليهم .. و ركضت تحضنهم ..
سوسن و هي تحضن هاجر : الحمَدلله على سلامتج يالغالية .. وحشتيناا
هاجر : الله يسلمج .. انتون اكثر .. ياعلي ( و زادت صياح )
مريم بدموع : تي خلاص له .. خلوني بحضنها ..
هاجر : مريموه .. ( و حضنتها )
مريم تصيح بحضن هاجر : يافيلة رحتي و خليتيني لحالي .. ضيعتيني ..
هاجر : يا فارة .. اني الي ضعت بدونج ..
محمَّد يشاهد المنظر .. و يتألم .. هو السبب ..!
..,,..
بعد فترة ..
قعدوا في المجلس ..
هاجر بحضنها إبراهيم ود ختها : يبغى ليي اروح لسكون .. مشتاقة ليها مرّه ..
الكِل ساكت و ملامحهم توحي بِحزن .. لاحظته هاجر و أستفهمت ..
هاجر : وش فيكم ؟!
ساكتين ..
هاجر : سكينة فيها شيء ؟
بعد ساكتين ..
هاجر : أكلمكم اني ..
أم محمَّد : سكينة مافيها الا العافية .. لكن اخوها جاسم ..
هاجر بخوف توّسد داخلها : وش فيه جاسم ؟!
أم محمَّد : عطاج عُمره ..
هاجر بشهقة قوية : ياعلي ..
دمعّت عيونها ..
جاسم روح سكينة .. ما يصبرّها على الضيم و القهر الا هو .. ما يسكّن جروحها بعتمة الليل الا هو .. ما يشبع جوعها من بعد طول حِرمان إلا هو .. هو الحنون عليها .. هو الأبو و الأم و الأخ .. و كل شي بحياتها ..
هاجر قامت و دموعها تسبقها .. ناوية تروح لسكينة ..
أم محمَّد : على وين يا بتي ؟
هاجر: باروح لسكينة .. ما أقدر اقعد .. لازم اشوفها ..
سوسن : زين استني للعصر روحي ..
هاجر : لا .. الحين باروح ..
و طلعت ..
أم محمَّد : خليها تروح .. ما بتسكن لين تشوفها ..
..,,..
توّجهت لبيتهم .. طقّت الباب .. طوّل ما انفتح .. زادت الطقة ..
و فتح ليها أبو سكينة .. ما عرفته .. نحل جسمه و شحب وجهه .. و الحِزن و الندم أكل قلبه .. وين ابو سكينة الي قبضته تكسر الباب .. و صوته يهزّ البيت ..
أبو سكينة بضعف : تفضلي ..
دخلت و توّجهت لغرفة سكينة ..
سكينة جالسة بغرفتها .. تأن و تون .. لغياب أخوها ..
سمعت طقة الباب .. و أستغربت ..
أم جاسم من توفى ولدها و هي غايب عقلها .. جسد بلا روح .. صارت زي الصنم .. بس تناظر بالفراغ و تصيح ..
و أبوها .. صار بسجن نفسي .. و سجّانه الندم ..
سكينة بصوت مبحوح يالله يطلع : تفضل ..
فتحت الباب و دخلت .. و من شافتها سكينة .. شهقت و ركضت ليها ..
هاجر و هي ضامة سكينة بقوة و ألم : عظم الله أجرج يالغالية .. ( زاد صياحها )
سكينة و هي تنتحب : هاجر راح جاسم .. راح و تركني .. قتله ابويي .. اني الي المفروض اموت مو هو .. آآه
طاحوا الثنتين على الأرض ..
هاجر : استهدي بالله يالغالية .. اترحمّي له ..
سكينة : ماني مصدقة إنه مات .. أحسه كابوس .. ابغى اقعد منه .. آآه يا جاسم
هاجر : إنا للهِ و إنا إليهِ راجعون
...,,...
بمنتصف الليل ..
بالشِمال ..
حس نفسه تايه .. ما يدري ليش ..
فراغ كبير .. و ضيق .. أحتّل صدره .. من راحت ..
ما يبيها تروح .. يحس نفسه ضايع ..
ما بعد أرتاحت روحه .. ما شبع من مُناقشتها .. لا زال متعطّش ينهل أكثر و أكثر من ينبوع أهل البيت عليهم السلام ..
و هي كانت الوسيلة ..
الله يصبرّه هالثلاثة أيام .. محسوبة من عُمره ..
ظل يروح و يجي بغرفته .. طرأ على باله كلامها ذاك اليوم ..
" حاول بلحظة تختلي بنفسك , غمّض عيونك .. و أستشعر حضوره سلام الله عليه .. ناجيه .. تلقاه بقلبك حاضر .. يسمعك "
فرش سجادته ..
جلس .. سمّى بالرحمن الرحيم .. أستحضر السكينة .. و أودعها قلبه ..
غمّض عيونه .. و رفع إيده .. بحالة دُعاء ..
بقلبه تكلّم .. يوّجه خِطابه لـ مولانا الإمام المهدّي عليه السلام بعد ما أستشعر وجوده و قربه مِنه .. و إنه حاضر يسمعه ..
" قالت لي إنك حيّ .. عايش بيننا .. تشوفنا و تسمعنا .. تتألم لألمنا .. و تفرح لفرحنا .. يعني تشوفني و تسمعني يا سيدي .. تحِس بحيرتي و ضياعي .. ساعدني .. نوّرني .. بحقِ جدك الحُسين عليهِ السلام .. ساعدني .. اعطيني و لو إشارة .. تخلي قلبي مُطمئن بنوركم .. لا تتركني اتخبّط .. ساعدني "
بلل وجنتيه بدموع الرجاء .. و حسّ بنفحة هواء باردة و زكيّة .. مرّت على وجهه .. فرح .. وأستيقن الإجابة .. و نام مِرتاح ..
و بعالم الرؤيا .. شاف
نفس الرجال النوراني الي يشوفه كِل مرّه ..
جالس على كُرسي يشع نور ..
ينظر له و يبتسم .. لفت إنتباه ميلاد .. جرح بجبين الرجال ينزف ..
حاول ينطق .. يسئله منو أنت ؟! .. بس لسانه انربط ..
و جاءه صوت .. زلزل قلبه من هيبته .. و كأنه الرجال النوراني
يتكلّم ..
بمسجد الـ ..... تكونُ الإشارة ..
بمسجد الـ ...... تكونُ الإشارة ..
بمسجد الـ ...... تكونُ الإشارة ..
أنتبه من النوم .. حط إيده على صدره .. هالمرّة مو مثل كل مره يصحى مفزوع من النوم .. لا هالمرّة يحس ببرودة و راحة تغلّف قلبه .. تذكر جملة الرجل النوراني .. و عرف إنه الإمام سمعه و لبى
حمد ربه و شكره و بباله : قال بمسجد الـ ....... تكون الإشارة .. و هذا مسجد حيّنا الي اصلي فيه .. يا ترى وش تكون الإشارة ..
..,,..
ترقبوني مع احداث ستقودنا للنهاية ..
لا تبخلوا علي بارائكم ..
وي وي تجمعت الدموع بعيني على جاسم
ياعمري عليه
الحمدلله صحى ضمير ابوه
لكن هالجزء مؤثر بقوه خيتي هجير
والحمدلله الي نور قلب ميلاد
ويالله لا تطولي علينا نبغى جزء طويل
>> متحمسه
مـــــــــــــــــــاشاءالله
ابدعتي بجد
احداث جدااااااااااااااااااااااا روووووووووووووعه
اسواب رااااااااااائع
تعبير جميييييييل
طرح موفق
والله مادري ويش اقول فيك ياهجير
اخدتي قلبي باهل القصه...
الف الحمدلله على سلامة اختك
موفقه لكل خير وصلاح
ربي يعطيك خير الدنيا والاخره
حوائج مقضيه بحق محمد وآله
كل عام وانتِِ بال خير
ايامك سعيده
وان شاءالله يكون شهر خير عليكم يارب
لاخلا ولاعدم من جميل طرحكِ
دمتي بحفظ الرحمن غاليتي
إيقاعات قلب
دمعة طِفلة
ما أسعدني بحروفِكنّ ..
لا حرمني المولى تعالى مِنها ..
:embarrest::embarrest:
تفضلّوا الجديد
بيوم ثاني
( الظهر )
القطيف ..
بيت أم محمَّد ..
بالمطبخ ..
مريم بألم : ياعلي راح يوم ما , و هذا اليوم بيروح .. ما باقي الا بُكرى .. و بتروحي
هاجر بألم مكبوت : ويش اسوي ؟ كان ودي اقعد اكثر .. بس يالله فلافة ايام احسن من لا شيء ..
أم محمَّد تركت المِلاس من إيدها .. و تقرّبت من هاجر ..
أم محمَّد : بسئلش غناتي ما سويت لش شي ؟!
هاجر بإستغراب : شيء .. زي ويشو يعني ؟!
أم محمَّد : جاهل .. جاهلة ..
هاجر ضحكت بداخلها : لا .. الله ما كتب للحين ..
أم محمَّد : مِرتاحة ويا رجلج يا بتي ؟!
هاجر بإبتسامة مُصطنعة : أي مرتاحة ... لا تحاتي أمااه
..,,..
بعد مرور ثلاثة أيام على عودةِ هاجر ..
جاء اليوم الي تغادر فيه من جديد .. تِحس بثقل بقلبها ..
رافض يطلع من هالبيت .. رافض يرجع للغربة ..
رافض يوّدع اهلها ..
بغرفتها .. تلبّق ثيابها بالشنطة .. ما بين لحظة و لحظة تطيح دمعة من عيونها .. و تمسحها قبل لا تلمحها أمها .. الي قاعدة تراقبها .. تتأملّها و تروي عيونها منها قبل لا تغادر ..
هاجر شافت أمها تصيح بهدوء قرّبت منها و قالت بإبتسامة مُصطنعة و دموع محبوسة : لا تصيحي أماه .. كِلها كم شهر و برجع ..
أم محمَّد : صعبة عليي يابتي ..
حضنتها .. و فرّغت هاجر همها بصدر أمهـا ..
..,,..
محمَّد واقف قِدام باب البيت .. ينتظر جيّة ابو سُلطان ..
طلعت هاجر .. يزفوها أمه و خواته .. بدموع ..
ناظرهم محمَّد و هو مبتسم ..
هاجر استغربت إبتسامته ..!!
محمَّد بإبتسامة : على وين خيّة ؟!
هاجر مستغربة حدها : مو بيجي رجلي يآخذني ..
محمَّد : رجلج !! .. متى عرّستي علشان صار عِندج رجل ..
الكِل وجههم صار علامة إستفهـام .. و هاجر دقّات قلبها تتسارع .. محمَّد وش قاعد يخرّف .. وش غايته ؟!!
محمَّد : إرجعي يا خيّة .. مالج طلعة من هالبيت
هاجر بخوف : محمَّد !!
انطق الباب .. عرف محمَّد إنّه ابو سُلطان .. فتوّجه بنفسه علشان يفتح الباب ..
فتحه ..
ابو سلطان بلهجة جافة بدون حتى سلام : أختك جاهزة ؟!
محمَّد بإبتسامة : لا , بس أنا جاهِز ..
ابو سُلطان بإستغراب : وشو ؟!
محمَّد طلّع جواله و مدّه على ابو سُلطان : خِذ إتصل بالشرطة و بلّغهم عني .. بس اختي ماليها طلعة وياك ..
ابو سُلطان شبّ حريقة بداخله :
أم محمَّد سمعت الكلام .. و شهقت لمّا ذكر محمَّد لفظ " الشرطة "
أما سوسن و مريم فكانوا .. مستغربيييين ..
و هاجر تقرّبت من محمَّد و قالت
هاجر : لا باروح وياك .. ( كملّت تخاطب محمَّد ) خِذ جوالك ..
محمَّد بعصبية : لا , اذا كِنت أناني و جبان قبل و خليته ياخذش .. هالمرّة لا .. حتى لو كان الثمن سجني .. ما تطلعي من هالبيت لو على جثتي ..
ام محمَّد : فهموني وش صاير ؟!
تجاهل سؤالها محمَّد .. و كمّل يكلم ابو سُلطان ..
محمَّد : يالله اتصل ..
أبو سُلطان بغضب : هيّن يامحمَّد اورّيك ..
محمَّد بإبتسامة سخرية : و أنا جاهز ..
هاجر : لاااااا .. لا تتصل .. باروح وياااك ..
محمَّد : قِلت لج لا .. سامعة ..
هاجر بدموع ما قدرت تحبسها اكثر : بيسجنوك ؟!
محمَّد : استاهل يا خيّة .. بس مالج طلعة ..
أبو سُلطان اتصل على الشرطة .. و بلّغهم ..
رمى الجوّال بوجه محمَّد .. و وقف .. ينتظر جيّة الشرطة ..
أم محمَّد : محمَّد فهمني وش صاير ؟!
سوسن : هاجر ويش فيكم ؟!
محمَّد : انا افهمكم .. أنا الأناني الطمّاع كِنت محتاج فِلوس و ذّليت نفسي لهـ الظالم .. الي صار يطالبني و يضيّق عليي بالمُهلة .. لحد ما أنتهت و ما عطيته الا ربع المبلغ .. هدّدني إما يسجني و ياخذ البيت و يرميكم بالشارع .. و الا اعوّضه بشي ثاني ..
الكِل مصدوم .. و هاجر تصيح بصمت ..
محمَّد و هو يأشر على هاجر و يتكلم بندوم و قهر على الماضي : ما تزّوجها .. كذّبنا .. أخذها تشتغل في بيته بالشِمال .. خوفي من السجن خلاّني اضحّي بأختي و اخليها تصير خدامة في بيت هالكلب .. بس الحين مستحيل اخليها تِرجع وياه .. لو على رقبتي ما تطلع من هالبيت ..
هاجر بإندفاع و دموع : بس بيسجنك ..
محمَّد و هو يضرب على صدره بألم : استاهل السجن استاهل ..
هاجر : و البيت يا محمَّد .. ما فكّرت إنه بيطردنا .. وين بنروح ؟!
محمَّد : صالح .. روحوا لصالح .. يدري و بيخليكم عِنده ..
ام محمَّد مصدومة : كِل هذا صار .. و اني ما أدري عن شيء .. كذّبتوا عليي ..
محمَّد : كذبنا من خوفنا عليج .. هاجر حلّفتني ما أتكلم بالسالفة ..
أم محمَّد تهاوت و بألم قالت : احس كِل الي قاعد يصير واجد عليي .. فلوس .. سجن .. طرد .. و كذبة زواج اختك ..
أنحنوا بجنبها مريم و سوسن .. بصدمة و ألم ..!
هاجر تقرّبت من امها و هي تصيح : اماه سامحيني .. والله من خوفي عليج ما قلت .. الصدمة بتكون قوية .. ما بتتحمّلي
ام محمَّد و إيدها على راسها : ياعلي ..
انطق الباب .. و صوت رّجال ينادي محمَّد .. عرف إنه الشرطي
غمّض عيونه .. و تنهد بألم ..
محمَّد و إبتسامة من ورى دموعه بانت : الحين بس اقدر أنام و أنا مِرتاح .. أمنتكم الله
طلع .. و تركهم .. وأم محمَّد قعدت تنتحب .. تناديه .. !
..,,..
وصل الخبر لصالح .. الي كان مستعد .. و طلع رايح لبيت ام محمَّد علشان يآخذهم .. قبل لا يطردوهم ..!
..,,..
بالشِمال ..
أذن لصلاة المغرب ..
توضأ .. و طلع رايح للمسجَد ..
يذكر الله بكل خطوةَ ..
يستشعر قربه مِنّه ..
بعد الصلاة ..
قعد بزاوية .. يقرأ القُرآن الكريم ..
تلأ آية " اللهُ نُورُ السَّمَاوَاتِ وَالأَرْضِ مَثَلُ نُورِهِ كَمِشْكَاةٍ فِيهَا مِصْبَاحٌ الْمِصْبَاحُ فِي زُجَاجَةٍ الزُّجَاجَةُ كَأَنَّهَا كَوْكَبٌ دُرِّيٌ يُوقَدُ مِن شَجَرَةٍ مُّبَارَكَةٍ زَيْتُونَةٍ لا شَرْقِيَّةٍ وَلا غَرْبِيَّةٍ يَكَادُ زَيْتُهَا يُضِيءُ وَلَوْ لَمْ تَمْسَسْهُ نَارٌ نُورٌ عَلَى نُورٍ يَهْديِ اللهِ لِنُورِهِ مَن يَشَاءِ وَيَضْربُ اللهُ الأَمْثَالَ لِلنَّاسِ وَاللهُ بِكُلِّ شَيْءٍ عَلِيمٌ "
و هو يقراها .. جت عينه على رجال جالس بالمسجد ايضاً .. و باين عليه إنه في حالة دُعاء ..
شاف نور يِسطع مِنّه .. بالبداية ظنّ إنه خيال يرسمه عقله ..
أو يتوّهم ..
بس لا .. النور يزداد ..
مو قادر يصدّق .. ترك القُرآن على الرف .. و تقدّم للرجال النوراني ..
تقرّب مِنّه مدهوش .. تلفت حوله .. فيه أحد يشوف النور الي يشوفه ؟!
بس المسجد كان خالي .. إلا من شايب يقرأ قُرآن ..
المنشغلين بشيء .. غير الي سلب عقله .. و أدهشه ..
و بلا إرادة .. قعد جنبه .. يناظره ..
التفت الرجال النوراني لـ مِيلاد .. و أبتسم ..
كِله هيبة ووقار .. كِله نور ..
ميلاد و الدهشة ما فارقت ملامحه : السلام عليكم
الرجال النوراني : و عليكم السلام ..
ميلاد : عفواً .. بس أول مرّه اشوفك .. انت من منطقتنا هِنا ؟!
الرجال النوراني لا زال مبتسم : لا ..و لكَن كنتُ مارّ من منطقتكم فآثرتُ الصلاة على إكمال المسير .. ووجدتُ مسجدكم أمامي .. فأقبلتُ للصلاة ..
لهجة الرجال فُصحى .. اتعجّب مِنها ميلاد ..
ميلاد : حيّاك أخوي ..
الرجال النوراني :حيّاكَ الله .. كأنّك توّدُ قولَ أمرٍ ما ؟!
ميلاد : بصراحة , إيه .. ما أدري تصدّقني و الا لا .. بس و أنا هِناك جالس ( و أشرّ عالزاوية ) كنت اقرأ قُرآن و التفت لك .. لقيت نور يسطع منك ..
الرجال النوراني ابتسَم : لك عِند الله حاجة ؟!
ميلاد : ايه .. اسئله دايماً ينقذني من حيرتي و يهديني للصواب ..
الرجال النوراني : ما رأيت هو علامة لما أنتَ متحيّرٌ فيه ..
ميلاد يتفكّر و بباله : معقول تكون هذي الإشارة ؟!
و هو بين أفكاره ..
نهض الرجال النوراني .. و طلع من المسجد
جاء رّجال شايب و تقرّب من ميلاد ..
الشايب : ولدي .. شفيك جالس هِنا ؟!
ميلاد الي كان يفكّر بكلام الرجال النوراني : كِنت اكلم الرجال الي كان جالس هِنا ..
تلّفت الشايب حوالينه : أي رجال يا ولدي ؟!
ميلاد : الي طلع قبل شوي ..
الشايب : ياولدي محد كان هِنا غيري و غيرك .. و لا أحد طلع ..
ميلاد بصدمة : هاا
الشايب : شكلك تعبان يا ولدي .. قوم لبيتكم ارتاح ..
ميلاد و لا زال مصدوم : إن شاء الله
طول ما هو راجع البيت .. و هو يتفكّر .. لحد ما تيّقن إنّ الي شافه هو الإشارة الي جاته بالرؤيــا ..
بس الرجال النوراني حيّره ..
وصل للبيت و صعد غُرفته .. سجد سجدّة مطوّلة لله سبحانه و تعالى ..
شكره و حمده و أثنى عليه و صلى على محمَّد و آلِ محمَّد ..
و أعلن بداخله إنه من اليوم شيعي من شيعة النور ..!
..,,..
ببيت أبو صالح ..
الكِل مهموم .. و متألم لحال ام محمَّد و بناتها ..
سوسن رجعت بيتهم .. لرجلها و أولادها .. و روحها ترفرف حوالين أمها و خواتها و الهم الي صابهم ..
ام صالح : ذكري الله يا أم محمَّد .. خيلانه ما بيتركوه ان شاء الله ..
أم محمَّد بألم و دموع : لا إله إلا الله ..
هاجر أنزوت بركن بعيد .. تبث شكواها لربها .. تسئله الصبر لأمها و الفرج لأخوها .. محمَّد
و مريم ويا بنات خالها .. يواسوها ..
..,,..
أما محمَّد .. فإذا ما سلّم المبلغ المُطالب فيه .. فراح يسجنوه .. و لأبو سُلطان الحق إنه يآخذ بيته ..!
أبو سُلطان .. بعد ما تطمّن إنّ محمَّد في السجن .. اسرع لطيارته و طار للشِمال ..!
..,,..
بيوم ثاني ..
العصَر
طلعت سُكينة من بيتهم .. قاصدة تروح لـبيت أم محمَّد .. تقعد وياهم شوي .. ما تدري بعد هاجر موجودة لو رجعت لديرتها .. من الحِزن الي لفها .. نسئت ما سئلتها كم يوم بتقعد ..
استغربت يوم شافت بيت ام محمَّد .. مقفّل بقفل كبير ..
حاولت تِلقى احد قريب في الطريق تسئله .. بس ما فيه ..!
و رجعت بيتهم .. تتسائل بينها و بين نفسها ..!
..,,..
بالشِمال ..
قعد من نومه .. و صلى صلاة الظهر و العصر .... يحس بإنشراح كبير بصدره .. لازم الحين يدّور على شيخ شيعي يعلّمه الصلاة و باقي الأحكام .. بس هِنا بالشمال .. صعبة يلقاه ..
نزل للصالة .. لقى عمّه موجود .. توه بينزل يهلّي فيه و يسلّم ..
أستوقفه كلامه ..
يكلم بالجوال و باين عليه معصّب و يتوّعد ..
ابو سلطان : ابيك تخليه يتعفّن بالسجن .. و لا يطلع الا اذا دفع المبلغ كامِل .. اييه .. سبق و خلّيت اخته تجي تشتغل عندي .. اييه .. و ما رضى ترجع معي للشمال .. الي اسمها هاجر و الورقة الي عِندها ما تسوي شيء لها .. دام أخوها ما ألتزم بالمُدّة .. عفيّة يا أبو سعد .. ما أوصيك .. لا ترحمهم .. يالله مع السلامة
انصدم ميلاد .. هاجر ..!
من أول ما جت و هو عارف إنّ وراها سالفة .. و كبيرة بعد ..!
رجع لغرفته .. يفكّر .. بحل ..
هاجر كانت له أكثر من مُعين على إبصاره للنور .. هي السبب بعد الله سبحانه بسعادته و فوزه بالدنيا و الآخرة . مستحيل يتخلّى عنها بهالظروف .. لازم يلقى حل ..
بس كيف .. و هو بعيد عنها .. و لا يدري عن مكانها ..!!
...,,...
بالقطيف ..
سُكينة مِحتارة وش تسوي .. وين تسئل عنهم ..
دّقت على بيتهم .. ما يرفعوه ..
دقّت على محمَّد .. مقفّل جواله ..
و الحين ؟!!
..,,...
ببيت أبو صالح ..
الحال لا زال مِثل ما هو ..
أم محمَّد مع توّسلات خواتها و نسوان إخوانها .. سكتت .. و قعدت وياهم شوي .. يسلّوها ..
و مريم ويا بنات خالها ..
أما هاجر فظلّت مثل ما هي .. ساكتة و عيونها تسولف حِزن ..
تتوّسل بقلبها ..
" ياربَّ فرّج عن أخويي .. ياربَّ بحق محمَّد و آلِ محمَّد فرّج عنه علشان امي .. يا من لا يُعجزه شيءٌ في الأرضِ و لا في السمَاءْ .. يا حيُّ يا قيوم .. يالله .. "
ضمّت نفسها .. و صاحت بزيادة .. لمّا استشعرت بقلبها قُرب المولى الخالق مِنها .. يسمعها .. يعلم بحالها .. يُجيب دعوتها ..
..,,..
بعد مرور يومين ..
راحوا هاجر و أمها و أختها .. بيتهم .. يآخذوا أغراضهم ..
خلاص هالبيت ما عاد إليهم ..
مو من حقهم ..
ناحوا على كِل ذكرى لهم بهالبيت .. ناحوا على أبوهم المرحوم .. ناحوا على محمَّد المسجون ..
..
طلعت سُكينة .. و فرحت لمّا شافت باب بيتهم مفتوح ..
دخلت .. و نادت على هاجر ..
طلعت ليها هاجر .. يسبقها حِزنها و همها .. و حضنتها ..
اختلعت سُكينة .. و أستفهمت من هاجر السبب .. و فهمّتها ..
سكينة بألم كِله ماله يزداد بقلبها لحالها و حال هاجر : الله يفرّج عنّه .. هاجر انتخي بأهل البيت عليهم السلام ما يخيبوج ..
هاجر بصياح : و من ليي وسيلة غيرهم سلام الله عليهم .. الله بحقهم و فضلهم ما يخيّبني و يفرّج عنه ..
..,,..
بالشِمال
ميلاد قرّر هاليوم يفاتح عمّه بموضوع تشيّعه ..
لازم يعرف .. و أولاد عمّه يعرفون .. يمكن لا عرفوا و شرح لهم .. الله يهديهم و يبصروا النور مِثل ما أبصره ..
نزل للصالة ..
لقاهم كِلهم جالسين ..
سارة : و الحين ماما متى بتجي ؟!
ابو سُلطان : على نهاية الإسبوع بروح لهـا .. و بنرجع إن شاء الله .. جدّتك و للهِ الحمَد طابت ..
سُلطان : الحمَدلله
ميلاد بإبتسامة : السلام عليكم
الكِل : و عليكم السلام
ميلاد : زين إنكم مجتمعين .. ابي اكلمكم بموضوع ؟!
ابو سُلطان بإبتسامة : ليكون نويت تخطب يا ولدي ؟!
سُلطان : افاا .. مو قايل لك تنتظرني ..
ميلاد بإبتسامة : لا يا عمَّ .. مو هذا الموضوع ..
ابو سُلطان بإستفهام : اجل وشو يا ولدي ؟!
ميلاد مترّدد بقوة و مو عارف كيف يتكلّم : أنا من فترة كِنت اشوف منامات ترعبني .. و حكيت لسلطان اني اشوفها .. و طلبته رقم شيخ يفسرّ .. و لمّا رحت للشيخ صار يتعذّر و يماطل .. و بعدين عرفت السبب .. المهم .. هالمنامات كانت تحمل لي اشارة .. تنبهّني إني لازم أعيد التفكير بمعتقداتي و مذهبي ..
الكِل مُصغي ..
ميلاد : و بدأت اعيد التفكير بمعتقداتي و مذهبي .. بغرض اني اتوّصل للحق .. و أتجنّب الباطِل .. يمكن كلامي يصدمكم بس الأخت هاجر " الشغّالة " الي جبتها يا عمَّي ساعدتني .. وضحّت لي اشياء كثير عن مذهبها كنت فاهمها غلط .. و اشياء عن مذهبي كنت واثق انها صح .. صارت بيني و بينها مُناقشات كثيرة .. و أبحاث و كُتب .. تكلمنا عنها .. لحد ما الله هداني ..
سُلطان : و أكيد هداك لمذهبك .. و عرفت إن مذهبها ما هو الا خزعبلات !!
ميلاد بإبتسامة : لا , هداني لمذهبها .. للنور الي تؤمن فيه ..
سارة بدهشة : يعني انتي صرت شيعي ؟!
ميلاد : ايه ..
ابو سُلطان و قف و بغضب : و تقولها بعد .. الكافرة غسلت مُخك بأوهامها و خزعبلاتها .. ضحكت عليك بكم كِلمة قرأتها بُكتب أصحابها مُشركين بالله ..
ميلاد : ما هيّ خُزعبلات .. لكن عقولنا التافهه كانت قاصرة إنها تفهمها .. فقمنا نقول عنها خُزعبلات ..
سُلطان بغضب : و أنا اشوفك كِل ليلة متكّي جنب باب غُرفتها .. تكلم نفسك .. اثرك تكلمها و هي تحشّي مُخكَ بالباطِل ..
ميلاد يحاول ما يعصّب : ما هو باطِل .. اترّجاكم تفكّروا شوي .. افتحوا عقولكم .. أسمعوني تلقون إنّ الحق بوادي و مذهبنا المُتخبّط بوادي ..
ابو سُلطان بصرخة : ميلاد ..
ميلاد ما هزّته الصرخة ..
و قال بهدوء
ميلاد : عمّي .. أنا حُرّ بلي أعتقده .. و إن كِنتم رافضين تسمعوني .. فأنا أستأذنكم ..
ابو سُلطان بغضب : مالك جلسة ببيتي ..
ميلاد التفت لعمّه : متوقعها يا عمّي .. و حاضر على أمرك ..
سُلطان : مصيره يجي يوم و تعرف إنّك خسرت اهلك و دينك علشان تفاهات ..
ميلاد بقوة و ثبات .. استمدها من قوة و ثبات هاجر و دّعمها إيمانه : يا خوفي إنتَ الي تخسر يا ولد عمّي ..
حسّ الكِلمة هزّته .. ما يدري صحّتها و الا ثبات ميلاد هو الي هزّه !!
صعد ميلاد .. يلمّ اغراضه .. ماله قعدة بهالبيت .. يحمد ربَّه إنه ما وافق على الشراكة بينه و بين عمَّه .. و ظلّ حلاله له .. و الا كان الحين دخل بمشاكل ..
..,,..
بعد مرور إسبوعينْ ..
|" القلوبُ لا زالتْ تتوّسدُ الصبر .. و تلتحِفُ لِحافَ الرجاءْ .. تتسَارعُ
نبضاتُ القلوبِ شوقاً لحبيبٍ .. غابَ خلفَ القُضبانْ ..! "
رُغمِ كِل الحِزن الي تشوفه بوجه أمها و أختها .. إلاّ إنّ أملها بالله كبير .. مهما طالت المُدّة .. بيجي الفرج بإذنه سبحانه ..!
و هي بين هالأفكار ..
سمعت صوت النسَوان .. و زغاريط ..
طلعت من غرفة بنات خالتها .. تشَوْف وش صاير ؟!
طلعت و كانت المُفاجأة ..
محمَّد بشحمه و لحمه .. قِدامها .. تشوفه .. ما هو بسجن و لا خلف قُضبان ..
أم محمَّد و مريم حاضنينه و يصيحوا .. و خالاتها يزغرطوا .. و يتحمّدوا بالسلامة ليه ..
واقفة .. ما هيّ مصدقة .. تِحس حالها بِحلم .. حِلم حليو .. حِلم إنّ أخوها جنبها ..
أنتبه ليها محمَّد .. و أنتبه للدموع الي تزاحمت في عيونها ..
و تقرّب مِنها ..
ظلّت تناظره .. مي مصدقة .. كأنها تقول " قولوا ليي إن الي اشوفه حقيقة مو حِلم "
محمَّد بإبتسامة حنونة : كيف حالج يا خيّة ؟!
هاجر أجتمع بملامحها الضّدين .. إبتسامة و دموع ..
و بلهفة حضنت أخوها .. حضنة .. كانت كفيلة تعلّم محمَّد بـمدى ألم هاجر لفراقه ..
هاجر و هي تصيح : الحمدلله على سلامتك .. الف حمد و شكر لله
محمَّد صاح وياها : الحمدلله ..
ام صالح : كللللللللللللللللووووش
..,,..
بعد اللقاء الحَار ..
جلس بالمجلس محمَّد و امه و خواته ..
هاجر بفرح و تساؤل : كيف دبّرت المبلغ وَ رّجعته ؟!
محمَّد : ما أدري ..
الكِل استغربوا ..
أم محمَّد : كيف ما تدري يا ولدي ؟! عجل كيف طلّعوك ؟!
محمَّد : صج ما أدري .. ما شفت الا الضابط جاي و يقول " محمَّد الـ .... إفراج " ..
مريم : طيّب يمكن داك الظالم ابو سلطان تنازل ..
هاجر : ما أعتقد هالجِلف يتنازل ..
أم محمَّد : يمكن الله هداه و حنّن قلبه على ولدي ..
محمَّد : لو بيحن .. حنّ من أول .. مو يسجني و يطرّد حريمي
المبلغ أندفع لأبو زفت .. و الي دفعه ما صرّح بإسمه ..
هاجر مستغربة ..
ام محمَّد : جزاه الله الف خير مين ما كان يكون .. و الله ما انساه بصلاتي من الدُعاء .. يوم بفضل الله فرّج عن ولدي .. و رد لينا بيتنا .. ( دمعّت عيونها )
محمَّد لف إيده على أمه .. و رّبت عليها بحنان : بسج دموع يالغالية ..
أم محمَّد : فرحانة يا ولدي .. الله لا يحرمني منك .. و لا من خواتك .. ماليي غيركم بهالدنيا ..
التفوا حواليها بحنان ..
..,,..
بعد فترة ..
ام صالح : خلاص عزّمتوا خية .. بتروحوا ؟!
ام محمَّد : أي يا خيّة .. ما قصرّتوا والله .. زحمناكم و عوّرنا راسكم .. اسمحوا ليناا
ام صالح : انتين اختي يا أم محمَّد .. ما بينا هالكلام و بيتي هو بيتج .. متى ما جيتي مفتوح لج ..
ام محمَّد : الله يجزاج الف خير يا خيّة .. اصيلة ..
توّدعوا من خالتهم و بنات خالتهم .. و طلعوا ..
صالح ويا محمَّد .. بالسيارة ..
صالح و هو يِسوق و حاب يعاند محمَّد : هااه كيف السجن ؟!
محمَّد : وناسة .. الله يعطيك و تجرّب
صالح و هو يضحك : فال الله و لا فالك ..
..,,..
بعد مرور شَهر ..
ببيت أم محمَّد ..
بالصالة
سوسن : يالله وحدة منكم تقوم تبطّل الباب ؟!
هاجر : قولي لريموه داكي فاضية .. اني اقشرّ البطاطس ..
ام محمَّد : انشبوا .. اني باقوم افتحه ..
و راحت تفتح الباب ..
ام محمَّد : مِنْ ؟!
الرجال : السلام عليكم ..
ام محمَّد : و عليكم السلام ..
الرجال : الأخ محمَّد موجود ؟!
ام محمَّد : أي موْجود .. دقايق ..
راحت لغرفة محمَّد .. و بلّغته إنّ فيه رجال يبغاه ..
محمَّد : ما قال منهو هو ؟!
ام محمَّد : لا يا ولدي ..
طلع ليه ..
أستقبله .. و دّخله المجلس .. و طلع لخواته في الصالة ..
محمَّد : خياتي .. فيه رّجال عندي .. هالله هالله بالشاي و القهوة .. و عجّلوا فيها ..
سوسن : إن شاء الله
بالمجلس
حسين : انا جاي و طالب القُرب منكم أخويي محمَّد ..
محمَّد مبتسم و مستحي من الرجال : ماعليه .. بس ممكن توّضح ليي أخويي قصدك ؟!
حسين مبتسم : انا جاي خاطب .. و يشرّفني اطلب القُرب منك بأختك الكريمة هاجر ..
محمَّد : و حِنا نتشرف بِك أخويي بس أعطينا مهلة نسئل البنت و نستفسر عنك .. و على ما أظن إنّك منت من ديرتنا ..
حسين : لا .. انا ساكن في صفوى .. ( مد كرت على محمَّد ) و هذا عنواني و أرقامي .. للإستفسار و في حال الموافقة من عدمها ..
محمَّد و هو يناظر الكرت : خلاص .. الله يكتب الخير إن شاء الله
حسين : إن شاء الله .. يالله استأذن .. مع السلامة
محمَّد و هو يوصله للباب : الله يسلمك ..
..,,..
دخل محمَّد الصالة .. و أستوقفته أمه ..
أم محمَّد : منهوالي جَاي ؟!
محمَّد و هو مبتسم و يناظر هاجر : خاطب
هاجر أختبصت .. و طاحت المقشرة من إيدها ..
سوسن : ياعيني ..
مريم : أحلى .. هاجروه خطبوهاا
أم محمَّد : صحيح .. ود من ؟!
محمَّد : حسين الـ ...... , من صفوى .. باين عليه خوش رجال .. و طبعاً أنا بسئل عنّه بعد .. إخذي وقتج خيّة فكري ..
ام محمَّد بفرح : وي .. عُقبال ما أروح أخطب لك يا بعد جبدي ..
محمَّد استحى : إن شاء الله ..
مريم : طبعاً مالك الا سكّون ..
محمَّد مبتسم : و انا ما قِلت أبغى غيرها !!
هاجر ما تدري وش إحساسها بالضبط ..
فرح ممزوج بخوف ..
يعني ما توّقعت تنخطب بهالوقت ..
....
بعد يومين ..
هاجر : ياعلي ما أدري .. انتين وش رايج ؟
سكينة : لا ترفضي .. الرّجال أجودي و ما شاء الله عِنده خير .. و بشهادة اخوج الي سئل عنّه ..
هاجر : بس ما أدري خيفة ..
سكينة : هالإحساس عادي .. لأنج بتقبلي على مرحلة جديدة لو وافقتي .. فيكون عندج هالرهبة و الخوف ..
هاجر : ماشاء الله عليج .. وش رايج تصيري اخصائية نفسية ؟!!
سكينة : أحم .. اصير ليش لا .. ( و ضحكت )
هاجر : وينها مرت ابوج ما شفتها دخلتي ؟!
سكينة : راحت تزور أبوها ..
هاجر : الله يثبّتها يارب ..
( أم جاسم بعد وفاة ولدها تغيّرت كُلياً .. دخلت بحالة صدمة و إنهيار عصبي .. و بفضل الله سبحانه و تعالى تشافت .. و رجعت .. طلبت الصفح من سكينة الي سامحتها و ضمّتها .. و صارت خوش مره ^_^ )
( أما ابوها .. فلا زال فيه حاجز بينها و بينه .. هو الي بناه بوجه سُكينة .. خجلان مِنها و ندمان .. و لا يقدر يكون عادي وياهـا .. كِلما شافها تذّكر الظُلم الي وقع عليها بسببه )
..,,..
اعلنت هاجَر الموافقة .. و الكِل فرح لهــا .. امتلأ الجو بالزغاريط ..
و بعد التحاليل تحدّد يوم العقَد ..
..,,..
يوم العقَد
بهاليوم " هاجر " أميرة متوّجة بتاج الحِسنْ ..
مريم : يصقعش هجروه .. طالعة حليوة ..
هاجر تتفل على روحها : ياعلي بيحسدوني ..
سوسن و هي تضحك : بسم الله عليش .. الله يهنيش يا خيّة ..
هاجر مستحية : و يهنيكم
زينب دخلت الغرفة : ما خلصت العروس له ؟!
هاجر بإبتسامة واسعة : لا خلصت ..
زينب حضنتها و باستها و باركت ليها ..
و جوا وراها باقي الشِلّة ..
..,,..
حانْ موعِد دخلة هاجر لـ حسين .. زوجها ..
تِحس قلبها بيطفر من مكانه .. و الآف الأسئلة و الأفكار تجول ببالها ..
فرح .. لأنها ياما تمنّت هاليوم
خوف .. من الإنسان الي داخل .. خيفة ما تعجبه او إنه ما يعجبها او او ...الخ
غلطتها ما طلبت صورة .. خخ
و دخلت وسط زغاريط الأهل .. و أهل المُعرس حسين ..
سلّمت عليه بدون لا تناظر بوجهه .. و قعدت ..
من أنفاسها .. تِحس كأنها راكضة مسافة طويلة ..
تِحس بنظراته مصوّبة تجاهها ... يناظرها ..
هاجر ببالها : يحترم وضعي على الأقل .. اتصببّ عرقان من الحياء و فوقها يقعد يطلّع فيي ..
نادت وحدة من اهل المُعرس .. علشان يلبسوا الدبل ..
صارت تراقب إيده و هو يآخذ العلبة .. و يتناول الدبلة ..
عطاها وياها .. و بصعوبة لبّسته ..
مدّ إيده .. يبغى إيدها ..
مدّتها و الرجفة واضحة فيِها ..
لبّسها .. و قال ..
حسين بإبتسامة فرح : على البركة ..
هاجر و صوتها يهتّز : الله يبارك فيك ..
لحظة
لحظة
لحظة
لحظة
لحظة
هالصوت تعرفه .. هالصوت ما هو غريب عليها ..
سمعته قبل .. تعرفه ..
رفعت راسها ..
و شافته .. مبتسم ..
بغت تطلع منها صرخة من هول المُفاجأة ..
لكنه اخذ الشوكة و فيها قطعة كيك .. و سدّ بوزها .. و هو كاتم الضحكة ..
حسين بصوت خفيف : لا تفضحينا ..
..
خلااااااااااااااااص
تِحس قلبها بيطلع من مكانه .. أنتظرت اهله و اهلها على ما طلعوا .. و دارت ليه .. تستفهم ..
هاجر بصدمة : ميلاد ..
حسين : لا حسين ..
هاجر مي عارفة وش تقول : لكن ؟!! .. كيفه ؟!!!
حسين ببتسامة : بافهمج لا تستعجلي .. بس لحظة بشرب عصير ..
هاجر سحبت كأس العصير من إيده : اترك العصير و فهمّني ..
حسين و هو يضحك : طلّع الحيّالة .. توج قبل شوي بتموتي من الحياء .. و الحين كأس العصير سحبتيه من إيدي ..
هاجر : ميلاد .. قصدي حسين فهمنّي ..
حسين : بعد ما سافرتي ويا عمي .. ظليت لحالي متخبّط .. ماليي مُعين الا الله .. سئلته بلطفه يدّلني على الحق و يساعدني .. و ما خيبّني .. الحمدلله .. بعد ما صارت لج المشكلة و انسجن أخوج .. فاتحت عمّي بموضوع تشيّعي .. و ما عجبه .. و صار يشتمني و طردني .. طلعت .. ما كِنت ابغى اجلس بالشمال .. صعبة القى أحد يعلّمني احكام مذهبي الجديد .. لذلك جيت الشرّقية ...
هاجر مندمجة وياه ..
حسين يكمّل : جيت للشرقية و أنا ما أعرف أحد فيها .. بس سبحانه سخّر لي عائلة طيبة بصفوى .. استأجرت شقة عِندهم .. و صاروا لي أكثر من أهل .. جدتهم أحتضنتي .. و ساعدتني واجد .. كلمت شيخ علشان يعلّمني .. و صِرت اروح له .. و أرتوي من منبع عِلمه .. قصيّت عليه حكايتي كِلها .. و بصرّني على اشياء كِنت غافِل عنها .. أو فاهمها عكس مضمونها ..
عرفت إنّ الرّجال النوراني الي اشوفه دائماً برؤياي هو الإمام الحُسين عليهِ السلام
( دمعّت عيون حسين )
بعد ما عرفت هالحقيقة .. اقسمت على إني اسمّي نفسي " حسين " و ما أكتفيت .. لا .. غيّرت هوية " ميلاد " كِلها .. إلي ما أبصر النور إلا بكرامة الإمام سلام الله عليه .
هاجر داعبت عيونها دمعة : إنتَ الي دفعت المبلغ و طلّعت اخويي من السجن ؟!
حسين مبتسم : مع إني ما كان ودّي اعلّمج .. بس ايه انا ..
هاجر : سبحانَ الله .. كِل هذا صار لك .. و بفضل الله سبحانه .. ثم كرامة الإمام الحُسين عليهِ السلام .. هنيئاً لك ..
حسين : الي يدّور طريق الحق .. و يسعى ليه .. و يخلص النيّة لرب العالمين .. يلقاه ..
هاجر صاحت ..
حسين : يا الدمعة الساجبه ..
هاجر من بين دموعها ضحكت على لهجة حسين ..
حسين ببتسامة حنونة : الله لا يحرمني منج ..
هاجر بحياء مغلّف بالدموع : و لا منك ..
..,,..
أكيد تتسائلوا عن ابو سُلطان و عائلته
ابو سُلطان لقى جزاه ( و اقل من جزاه ) على طمعه و شجعه
لمّا افلس بالكامِل .. و صار مسكنه هو و اهله الشارع ..
وصل الخبر لميلاد " حسين " و رجع للشمال .. شرى ليهم بيت و سكنّهم فيه .. و دبّر وظيفة لعمّه بعيد عن شركته .. أما ولد عمّه سُلطان .. فمسوي عِنده عزّة نفس و كرامة .. وآثر إنّه يبوق على يآخذ شيء من عِند " الشيعي ميلاد " ..
..,,..
مُقتطفات من النهاية
محمَّد تزّوج بِسُكينة و أنجبوا " جـاسم "
..
مريم خُطبتْ لصالِح .. و تستعدّ لزفافِها ..
..
سوسن لا زالت تُعاني من بُخل الزوج و ظلم أم الزوج
و تحتسبُ بصبرِها الأجر عِند الله سبحانه ..
..,,..
كَلمة :
هذهِ الرواية هي ( الثالثة ) التي اقومُ بخطّها على صفحاتِ الشبكة العنكبوتية ..
و كانت من " اصعبها " .. لأنها لا تحوي مُجرّد كلمات ..
لا .. بل تحَوْي .. النوْر .. محمَّد و آلِ محمَّد عليهم السلام ..
_ يا قارئَ / ـة متواضعتي _
رأيك يِهُمني ..
و إنتقادُكَ ( الإيجابي ) يطوّر من إسلوبي في الكتابة ..
و تصحيحُك لأخطائي _ الغير متعمّدة _ يُنوّرُني ..
فلا تبخل ..
..
نسألكم الدُعاء بخالصه ..
أختكم
هجير
هجير ..
قلمـكِ في قمة الابداع والروعه
وماعساني اقول
أعجبت بشدهـ بقلمـكِ ذو الخط الرهيف ..
سلمت يمنـآكِ وعسآكِ عآلقوهـ ..
وإذآ مآعليكِ كلآفه أبي أعرف أسم روآيتكِ الأولىآ :embarrest:
إيقاعات قلب
بل الروعة هيّ تواجدكِ و تشجيعكِ و " حماسُكِ "
كنتِ نِعمَ المُتابِعة ..!
:embarrest:
انثرُ بحضرتكِ وروداً حمراء .. شُكراً مني على حروفك ..
:embarrest:
الرواية الثالثة .. حقيقةً لم تعجبني .. و لي تحفظّات عليها .. قد تستغربين و لكنها الحقيقة ..
كانت أول تجرّبة لي ..
لذلك قمتُ بحذفها نهائياً ..
أعتذر يا غالية ..
حفظكِ المولى و قضى حوائجكِ ببركاتِ محمَّدٍ و آلِ محمَّدٍ عليهم السلام
اللهم صلي على محمد وآل محمـــــــــــــد
روووووووووووووووووووووووووووووعه.... روووووعه.... روووووووعه بكل معنى الكلمه
قصه تجننننننننننننننن بجد
احداث ونهايه جميييييييييييييييله
ماشاءالله عليك وعلى هيك فكر وهيك قلم
في ميزان حسناتك يارب
من احلى القصص التي قراتها
الله ينور قلبك بنور محمد وآل محمد
سلمت اناملكِ المحمديهـ
موفقه لكل خير وصلاح
حوائج مقضيه بحق من هم النور على النور
ربي يعطيك خير الدنيا والاخره
عطاكِ الله ماسألتي عنه بحق الشهر الفضيل
دمتي بحفظ الرحمن
في انتظر كل ماهو جديد ومييز لكِ ~~~
اللهم صل يوسلم على محمد وال محمد
هلا هلا خلصت الرواية بالصلاة على محمد
كانت رواية بجد ابدع او اكثر من ابداع
رزقني المولى العزيز ان اسي مثل ما سرتي انتي وان اقدم حسن ضنكِ
فموهبتكِ وروايتكِ ليست ككل الروايات كانت جدابة رواحنية
اعشقها ان شاء الله بخلي البنات يقروها
بصراحة ما شفت رواية زيها
جعلك الله باقية على نور الولاية وكتبة الله لكِ في ميزان حسناتكِ
هاجر .. هي انتي وهي بطلت روايتنا انتم بمعنا الكلمه صبورين متحريين تدخلو القلب من كل مكان
اشكركِ قد ما اقدر
اللهم صلي على محمد وال محمد
اللهم صلي على محمد وال محمد
اللهم صلي على محمد وال محمد
اللهم صلي على محمد وال محمد
اقتباس:
المشاركة الأصلية كتبت بواسطة دمعة طفله يتيمه
دمعة طفلة يتيمة
كُنتِ و لا زِلتِ المُتابعةَ المُتألقة
الروعـة تواجدكِ و تشجيعكِ
من أعماقِ أعماقِ اعماقِ قلبي أشكركِ يا غالية
:embarrest:
" بفتقد مُتابعتش و دعواتش الحِلوة "
:embarrest:
جزيلُ الدُعاء انثرهُ في محضركِ يا أختي
اقتباس:
المشاركة الأصلية كتبت بواسطة اعشق ابي
الغالية
اعشقُ أبي
انتي وردةٌ تنثرُ عبيرهـا على روايتي كُل " بارت " ..!
أشكركِ من صميمِ قلبي على مُتابعتكِ و تشجيعكِ
و حروفكِ المُرهفة اللطيفة في حقي ..
:embarrest:
سأشتاقُ لـ تواجدكِ ..!
وردةٌ بيضاء أقدّمها لكِ .. مُغلّفة بـ دُعاءٍ يحرسُكِ
غاليتي اسعدتني واشرحتي قلبي بكلمكِ المتوج بالولاء