كسرة خبز .......إجتماعية..

يعطيك العافية ابو زين
يا علييييييييي اني بموووت من القهر وش هالادمي دا :evil: >>>> للحين داخلة جو
وبعدين لاحد يقول عبود معود بالله عبود عنه على قلبي هالقمر:evil: >> ولد عمي الصغير يجنن >> وش دخل هذا في هذا هع:weird:
هذا حده عبدااااو ويخب عليه بعد:noworry:
بس حركاات حسين ومحمود عجبوني يفكرو زين مو متهورين
انشا الله زهراء تكون مثلهم وتفكر بعقلانية ولا تشك بحسين

ابو زين تكفى لا تطول ولا تحمسنا واجد :embarrest::embarrest: لان قربت الامتحانات والوالد ناوي يصادر اللاب توب:evil:
اووووف ويش يصبرني ما تابعها اول باول الله يعينا ونجيب نسبة عدلة :sad2:>> طلعت من الموضوع مرة ثانية:wacko:

نسالكم الدعاء بالتوفيق
:amuse::embarrest:

مشكور ع الجزء الروعة
يلا ننتظر الجزء الجديد

اللهم صل وسلم على محمد وآل محمد وعجل فرجهم وفرجنا بهم ياكريم ...

شكلها زهراء مشت عليها المؤامرة ...وناوية على الطلاق ....

الله يستر بس....

إن شاء الله حسين يفهمها الموضوع وحبكه ..... وتتفهم الوضع ياااارب...

صحيح ناس ماتخاف ربها .....من جد وترني هالعبد الله...الله يلعن ابليس...


تسلم الأيادي اخوي ع البااارت الشاد على الأعصاب..

ويعطيك العافية يااارب

ننتظر كل جديد مُشوق..وإن شاء الل تتعدل الأوضاع يااارب..


موفق لكل خير إن شاء الله تعالى

دمت بعين المولى الجليل

ايه كنت راصده التحركات الجويه والبريه
بس وين الجزء؟؟!!!!!!!
ماشفته موجوده لا هنا ولا هناك<<وين هناك ماعليك مخرفه
بس ننتظر ونشوف
سي يو لتر

اللهم صلي على محمد وآل محمد

ابو حسين ماعليه شر ان شالله...
الله يفرج عن المؤمنين والمؤمنات

مسكينه زهراء عورت قلبي بجد
بس مافيها احسن من رب العالمين...

ويش الناس هذول... الله يكفينا شرهم
الله يرد كيدهم في نحورهم...

وان شاءالله خير وصلاح يارب العالمين
الله يهدي الجميع

خيي ابو زين
جزء حلـــــــــــو...
اعمال مقبوله
دعاء مستجاب ,,,, حوائج مقضيه بحق باب الحوائج ام البنين

موفق لكل خير وصلاح
لاخلا وعدم منك...
دمت بحفظ الرحمن

اللهم صلي على محمد وآل محـمد..

بآررت جمـــــيل

والله يشآفي آبو حسين ومآعليه شــر آن شآء الله

وحسين وزهرآء عورو قلــبي الله ينتقم من هالعبدالله وآن شآء الله زهرآء تفهم الموضوع ويرتآح من هالمصيبه حسين,,قـولـو يآرب > دخلـت جوو..~

يعطــــــيك ربي الف عآفيه آبو زيوون..

ننتظــــــر البآرت الجديد بشوق قوي قوي قوووووي

موفق لكل خيــــر

سي يووو

][عششووق][

حسين :- شفت الرساله وشفت السيدي ، ويش رايش انتين ؟؟؟

زهراء:- اني..إه ، ما ادري ملخبطه

حسين :- ويش رايش باللي شفتيه يعني ؟؟

زهراء:- ما ادري يمكن ما يعجبك رايي اني ..!!

حسين :- قوليه ولا تخافي

زهراء:- والله اني اقول أول شي أني اثق فيك بس .....

( وخفق قلب حسين )

حسين :- فيها بس بعد..إه

زهراء:- بس مو عليك أني أفكر

حسين :- أجل بس وشوه ......؟؟؟

زهراء:- بس الناس وحياة محمود ، وأبوك وعايلتك وسمعتك .

حسين :- انتين تعرفي انا وأهلي ويش .

زهراء:- أني أعرف بس الناس ولسانهم ما يرحم ، وفاني شي الناس لفتره قريبه وبعدهم بعض الناس

ما هم مصدقين ان محمود صار خوش رجال

حسين :- آآآآآه من الناس وفعايلهم وكلامهم

زهراء:- هذا اللي أفكر فيه وهذا اللي شاغل بالي

حسين :- ويش رايش نسوي يعني ؟؟

زهراء:- ما أدري والله .....إنشل مني التفكير

حسين :- لا لا يا ام أزهر ، أرجوش ساعديني تراني انا معفوس عفاس

زهراء:- ويش تمباني اقول ....

حسين :- فكري بحل ارجووووش

زهراء:- يمبى لينا نرتاح ونريح تفكيرنا شوي ونوجه اهتمامنا لأبوك الحين .

حسين :- يا غناتي انا لازم اقطع هالوصله من تاريخ حياتنا واخلي هاللي مسوي هالشي يعتبر

زهراء:-زين اني با اسألك متى بتقول لمحمود عن هالشي

حسين :- تراني الحين بس جاي من عنده وعطيته السيدي علشان يفكر ويانا

زهراء:- بس ما تهقى محمود بيتأثر من هالشي ويمكن تصيبه انتكاسه

حسين :- محمود ما اعتقد انه ينصاب بإنتكاسه

زهراء:-ويش اللي يأكد هالشي ..؟؟

حسين :- قوة تحمله الفترة اللي راحت تخليني اوثق في محمود

زهراء:- والله اني متخوفه من هالشي .

حسين :- من هالناحية لا تخافي ، انا اضمن الش محمود

زهراء:- خير ان شاء الله

حسين :- زين الحين توعديني تعطيني رايش في هالشي

زهراء:- ان شاء الله غناتي

ومن سمع حسين كلمة غناتي كأنه واحد راش ماي بارد عليه

حسين :- ما يغت تطلع من بوزش هالكلمه وكنت انتظرها من زمان

زهراء:- افا على غيرك بس يا ابو أزهر

حسين :- الاف على غيرنا بس هذي الكلمة تخليني اهدأ يا غناتي

واستحت زهراء وبين عليها هالشي

زهراء:- ...........

حسين :- ويش فيش يا غناتي

زهراء:- ما فيني شي .......يا ...غناتي ، أبو أزهر

وقام حسين وباسها على راسها وراح

زهراء جلست تفكر


في المقابل محمود خلص من الصيد بسرعه ......ومر السوق اشترى اله ودام ورجع الشقه واستقبلته

زوجته ، وأخذت منه الودام ووصاها بأنها تنظفه وتبهره وتخليه في الفلاجه لأنهم اليوم معزومين عند حسين

في شقته وهذا ودامهم ، وراحت هيه المطبخ

وبقى محمود في الصالة يشاهد السيدي وهو متأثر مررررررررره

محمود:-...معقوله فيه ناس تسوي هالشي ....معقوله يعني ان واحد يفكر بهالتفكير ....انا واللي هو انا ايام

ما كنت صايع ضايع ولا فكرت اني افرق بين مره ورجلها ....صدق ما خليت شي الا سويته ...بس هالشي

لالا......المشكله هالناس ما بترحم الحين ....محمود ولد فلان رجع لسواياه ......إنا لله وانا اليه راجعون

...أقول للمره ولا ما اقول ....ولاويش ما تقول يا محمودوه .....مو هيه في ذاك اليوم رايحه وياك بيت ابو ازهر

وتعرف كل شي ....بس هيه بتصبر على هالشي زي ما صبرت من اول .....يعني الحين نستعد للبلاء من

جديد....ياربي .....ويش هالبلوه ......محمودوه ويش فيك .....فكر فكر فكر ...... ان بلغت الشرطه تورطنا

....ان سوينا شي بدون تفكير زادت ورطتنا .......ويش نسوي ......

وفجأة ما سمع الا زوجته تقول له ......

فاطمه :- ويش فيك محمود في ويش تفكر ، تعبان يا غناتي..إه

محمود:- لا ما فيه شي يا غناتي ما فيه شي

فاطمه:- افا عليك بس افا ، اني تمباني اصدق انه ما فيك شي وانته وجهك مخربط وعلى طرف لسانك كلام

محمود:- ويش فيي يا غناتي ، ما فيي الا العافيه

فاطمه:- عافيه تصب عليك من عند الله ان شاء الله ، بس اني اعرفك يا غناتي لا تغبي عليي شي

محمود:- مشكله كده صغيرونه وان شاء الله تنحل

فاطمه:- واني يعني ما استاهل انك تقولها ليي

محمود:- ما امبى اشغل بالش بها الشي

فاطمه:- اقول اني مرتك ماني غريبه

وبعد ان نفذ صبر محمود وبدون شعور قال ....آآآآآآآآآآآآآآآآآآآآآآه

فاطمه :- سلامتك من الآه يا غناتي ، لا لا مهي مشكله صغيرونه الا حاجه كبيره .

محمود:-يالله با اقول لش واللي يصير يصير

فاطمه:- ويش فيك هذاني قاعده وما با اقوم الا وانت قايل ليي هالمشكله والا تراني با ازعل عليك

وجلست على الكنبه وسكتت ، ومحمود بعد يطالع في مرته وهو ساكت ، ومرّه وحده ما شافته الا وهو

..............يصيح

فاطمه:- محمود ويش فيك يا غناتي ، محمود لاويش تصيح يا روحي

محمود:- ..........ما في ...ني ...شي

فاطمه:- الا فيك وفيك يا غناتي ، أجل لاويش تصيح

محمود:- ما نا قادر اتحمل اللي شفته والكلام اللي سمعته من هالحقير

فاطمه:- اي كلام ...ويش اللي صاير بعد

محمود:- ...................

فاطمه:- علشاني يا غناتي علشاني تكلم ولا تخليني

محمود:- آآآآآآآآآآه آآآآآآآآآآآآآه من هالزمن واهله ، ناس تبني وناس تخرب

فاطمه:- يا علي يا علي ويش فيك

محمود:- ويش اتكلم ويش اقول يا فاطمه ويش اتكلم آآآآآآآآآآه

فاطمه:- قول اللي في خاطرك ، قول اللي في قلبك اني مرتك وام عيالك ان شاء الله

محمود:- ان شاء الله يا ام غايب

فاطمه:- الحين اني ام حسين ان شاء الله

محمود:- وشوووووه ........!!!!!!!!!!!!!

فاطمه:- ايه ان شاء الله ام حسين لو ام زهراء

واعتدل محمود وقام يطالع في فاطمه وهو في عالم آخر

محمود:- متى صار هالشي ...!!!!!!

فاطمه :-من كم اسبوع ..........>>>> واستحت

محمود:- مبروك مبروك

فاطمه:- الله يبارك الك وفيك ........الحين بتقول لي ويش اللي فيك لو .....ما بتقول

محمود:- اخاف عليش تتأثري

فاطمه:- ما عليك ....اني جبل ..هههههههه

محمود:- بس اوعديني

فاطمه:- أوعدك باللي تمباه

محمود:- خلاص اجل با اقول لش بالسالفه كلها

وقال محمود السالفه من اولها لآخرها لفاطمه ، وهي ما بين مستغرب وبين ساكته وبين انها ...جامده

وبعد ما خلص من سرد السالفه

فاطمه:- تصدق يا غناتي

محمود:- وشووووه ...!!!!

فاطمه:- كنت متوقعه مفلات هالشي يصير .

واستغرب محمود من رد زوجته ...................

محمود:- كيفه يعني متوقعه

فاطمه:- اني توقعت ان فيه احد بيسوي الك مشكله وانت تعرف لويش

محمود:- علشان ماضيي يعني

فاطمه:- لا .....علشان حاضرك يا غناتي

محمود:- ما فهمت عليش فسري ليي هالشي

فاطمه:- تعرف الناس واللي قاموا يقولوه اول ما عرسنا ويوم مرت فتره على عرسنا وبس كان اللي نسمعه

كلام ، استغربت ان ما فيه احد حاول يسوي لك فضيحه ويلبسك وياها

محمود:- يعني من اللي كنت وياهم في الماضي ...إه

فاطمه:- ايه ...تعرف مو من السهوله ان الواحد يتحرر من قيوده ومره وحده يتوب ويعود الى حياته الزينه

محمود:- ايه بس لا ويش يسووا هالشي

فاطمه:- تعرف النفوس المريضه واللي ما تعرف ربها

محمود:- اي والله ، بس لاويش يصير هالشي الحين يعني

فاطمه:- قول لاويش يصير هالشي مو الك مباشره ، لاويش يصير لزهراء وبواسطتك انت

محمود:- ما فهمت عليش يا غناتي

فاطمه:- يعني لاويش يصير هالشي لزهراء ، وانت تكون شيء عارض بس لقى فيه هالمجرم جسر علشان

يمر عليه الى اللي يمباه من غيرك ...يعني انت مو المقصود ...غيرك هو المقصود ...وانت شيء عارض بس

محمود:- ايه ايه الحين فهمت ، يعني اللي سوى هالشي لقاني انا في المكان الصحيح بالنسبه اله

فاطمه:- ايوا ، هذا قصدي يعني هو لقى انك انت في النص وقر انه يستفيج من وجودك ، ولو كنت منت

موجود يمكن ما دخلك في السالفه وشاف اله شوفه فانيه

محمود:- صحيح صحيح ، ريحتي بالي الله يريح بالش

فاطمه:- كيف يعني الحين السالفه ما تهمك يعني ....افا

محمود:- لا لا ...فهمتيني غلط غناتي

فاطمه:- كيف أجل ...!!!!!!!

محمود:- يعني يا غناتي ، الحين اقدر اتحرك بدون هو ما يحس اليي ، يعني اقدر اضربه بدون ما يدري من

اللي ضربه

فاطمه:- ما فهمت الك ...ممكن توضيح يعين ؟؟؟

محمود:- يعين الحين هو متوقع الضربه الاساسية من حسين لو زهراء ، بس انا يمكن متوقع مني ضربه

بس مو الحين ....متوقع مني ضربه بعد ما ينشر المقطع ولا يوصل لمراده

فاطمه:- اها ، صحيح صحيح .....والحين ويش بتسوي ؟؟

محمود:- دانا افكر في شي بس ما ادري

فاطمه:- في ويش تفكر ؟؟

محمود:- امبى منش وعد .

فاطمه:- كيف يعني وعد ولاويش؟؟

محمود:- وعد انش ما تتخلي عني مهما صار ومهما شفتي

فاطمه:- افا ، لا أني با اتخلى عنك ولا .....حسين لو زهراء

محمود:- انا وبعد الكلام اللي صار جت في بالي فكره

فاطمه:- ويشهيه ، قول ليي الحين بالتفصيل بعد.

محمود:- انا با استعين بقوات اجنبيه .

فاطمه:- كيف يعني ؟؟؟؟

محمود:- تعرفيني انا كنت لول ويش والحن والحمد لله كيف .

فاطمه:- ايه ...!!!!!!!!!!!!!!!!!

محمود:- انا من اصحاب لول فيه واحد للحين يحترمني ويقدر اني تبت من كل الشغلات البطاله

فاطمه:- وناوي تستعين به يعين ..؟؟

محمود:- ان شاء الله .

فاطمه:- بشرط يا غناتي .

محمود:- آمري وتدللي

فاطمه:- انك ما تعرض مستقبلنا للخطر ، يعني بدون تسرع واتخاذ قرارات خطأ

محمود:- لا يا غناتي مو انا اللي يتخذ قرارات خطأ

فاطمه:- أجل كيف، وويش اللي بيصير

محمود:- انا با اوصل الفكره لحسين وبنشوف ويش اللي يصير واللي يستقر عليه الراي

فاطمه:- ايه كده زين ..ورأي فنين احسن من راي واحد

محمود:- اكيد ما با اسوي شي الا بعد ما اتشاور ويا ابو ازهر .....يا أم حسين ..لو زهراء ان شاء الله

واستحت فاطمه

فاطمه:- قول ان شاء الله اقوم بالسلامة ويصير حسين لو زهراء

محمود:- ان شاء الله تقومي بالسلامة وتعرسي ولادش يارب

فاطمه:- الله يعينك عليهم وعلى شطانتهم

محمود:- الله يعين

فاطمه:- والحين يالله قوم خذ الك راحه شوي

محمود:- بس هاه قعديني عندي مشوار ضروري

فاطمه:- خير ان شاء الله متى تمبى تقعد؟؟؟

محمود:- يعين على الساعه عشر

فاطمه:- يالله قوم الحين بسرعه نام علشان رتاح لك شوي ترى المحل بعد ناقصتنه حاجات

محمود:- ما فيه مشكله اليوم نروح الدمام ونجيب اغراض اللي ناقصه

فاطمه:- ويش عندك اليوم تقول مشوار ضروري

محمود:- با أروح ازور ابح حسين تعبان شوي ومرقد في المستشفى

فاطمه:- سلامته ، ويش فيه ؟؟؟؟؟

محمود:- بس يقول حسين شوية تعب وانا قلت اله حق ....نروح نزوره

فاطمه:- اكيد واجب علينا

وراح محمود حق ينام اله شوي ...........

>>>.......يتبع

خيتي المميزة مرحبتين

اقتباس:

---

المشاركة الأصلية كتبت بواسطة المميزة

يعطيك العافية ابو زين
اله يعافيك ويسلمك خيتي

يا علييييييييي اني بموووت من القهر وش هالادمي دا :evil: >>>> للحين داخلة جو
وبعدين لاحد يقول عبود معود بالله عبود عنه على قلبي هالقمر:evil: >> ولد عمي الصغير يجنن >> وش دخل هذا في هذا هع:weird:
هذا حده عبدااااو ويخب عليه بعد:noworry:
هههههههه لا متفاعله خيتي :bigsmile:
بس حركاات حسين ومحمود عجبوني يفكرو زين مو متهورين
انشا الله زهراء تكون مثلهم وتفكر بعقلانية ولا تشك بحسين
الجزء اليديد يبين ويش سوت زهراء
ابو زين تكفى لا تطول ولا تحمسنا واجد :embarrest::embarrest: لان قربت الامتحانات والوالد ناوي يصادر اللاب توب:evil:
لا خيتي هالاسبوع يمكن نحط ليكم اكثر من جزء ان شاء الله
اووووف ويش يصبرني ما تابعها اول باول الله يعينا ونجيب نسبة عدلة :sad2:>> طلعت من الموضوع مرة ثانية:wacko:
الله يوفقك خيتي في الاختبارات وتجيبي نسبه مشرفه
يا رب وتكوني من الاوائل
نسالكم الدعاء بالتوفيق

:amuse::embarrest:

---

خالص تحياتي وتقديري
فمان الكريم

اقتباس:

---

المشاركة الأصلية كتبت بواسطة فاطمة المعصومة

مشكور ع الجزء الروعة

يلا ننتظر الجزء الجديد

---

خيتي فاطمة المعصومة مرحبتين


لا شكر على واجب خيتي

خالص التحيات
فمان الكريم

خيتي دمعه على السطور مرحبتين

اقتباس:

---

المشاركة الأصلية كتبت بواسطة دمعة على السطور

اللهم صل وسلم على محمد وآل محمد وعجل فرجهم وفرجنا بهم ياكريم ...

وفرج اللهم لنا بهم يا كريم
شكلها زهراء مشت عليها المؤامرة ...وناوية على الطلاق ....

الله يستر بس....
لا لا زهراء عاقله خيتي وتقدر الامور

إن شاء الله حسين يفهمها الموضوع وحبكه ..... وتتفهم الوضع ياااارب...
بالتأكيد خيتي
صحيح ناس ماتخاف ربها .....من جد وترني هالعبد الله...الله يلعن ابليس...

فيه مع الاسف ناس يعيشون في هذا المجتمع بهذا التفكير والاسلوب والحياة بعد
تسلم الأيادي اخوي ع البااارت الشاد على الأعصاب..

ويعطيك العافية يااارب

ننتظر كل جديد مُشوق..وإن شاء الل تتعدل الأوضاع يااارب..
موفق لكل خير إن شاء الله تعالى

دمت بعين المولى الجليل

---

الله يسلمك ويعافيك يارب

خالص شكري وتقديري للتواجد الكريم
فمان الله

خيتي دمعة الاحزان مرحبتين

اقتباس:

---

المشاركة الأصلية كتبت بواسطة دمعة الاحزان

ايه كنت راصده التحركات الجويه والبريه

بس وين الجزء؟؟!!!!!!!
مو جود الجزء خيتي والجزء اليديد بعد موجود الحين :bigsmile:
ماشفته موجوده لا هنا ولا هناك<<وين هناك ماعليك مخرفه
بس ننتظر ونشوف

سي يو لتر

---

خالص شكري وتحياتي للتواجد الكريم
فمان الله

خيتي دمعة طفلة يتيمة مراحب

اقتباس:

---

المشاركة الأصلية كتبت بواسطة دمعة طفله يتيمه

اللهم صلي على محمد وآل محمد

وعجل فرجهم يا كريم
ابو حسين ماعليه شر ان شالله...
الله يفرج عن المؤمنين والمؤمنات
اللهم آمين يارب العالمين

مسكينه زهراء عورت قلبي بجد
بس مافيها احسن من رب العالمين...

ويش الناس هذول... الله يكفينا شرهم
الله يرد كيدهم في نحورهم...
هذولا الناس وامثالهم موجودين مع الاسف في المجتمع يعيشون عبر الرقص على جراح الآخرين

وان شاءالله خير وصلاح يارب العالمين
الله يهدي الجميع

خيي ابو زين
جزء حلـــــــــــو...
اعمال مقبوله
دعاء مستجاب ,,,, حوائج مقضيه بحق باب الحوائج ام البنين

موفق لكل خير وصلاح
لاخلا وعدم منك...
دمت بحفظ الرحمن

---

مقضية حوائجك بحق محمد وآل محمد الطيبين الطاهرين

فمان الكريم

خيتي عاشقة المستحيل مرحبتين

اقتباس:

---

المشاركة الأصلية كتبت بواسطة عاشقة المستحييل

اللهم صلي على محمد وآل محـمد..

وعجل فرجهم يا كريم
بآررت جمـــــيل

والله يشآفي آبو حسين ومآعليه شــر آن شآء الله

وحسين وزهرآء عورو قلــبي الله ينتقم من هالعبدالله وآن شآء الله زهرآء تفهم الموضوع ويرتآح من هالمصيبه حسين,,قـولـو يآرب > دخلـت جوو..~
يا رب العالمين تشافي كل مريض
يعطــــــيك ربي الف عآفيه آبو زيوون..

ننتظــــــر البآرت الجديد بشوق قوي قوي قوووووي

موفق لكل خيــــر

سي يووو

][عششووق][

---

لك خالص التحيات للتواجد الكريم
والتفاعل مع الاحداث :bigsmile:

فمان الله

جزء روعة أخوي أبو زين

والله لو النسوان كلهم مثل زهراء وفاطمة كان الدنيا بخير خخخ

تسلم أخوي وسلمت يمناك وننتظر الجديد بفارغ الصبر لاتتأخر علينا عاد

الواحد يسلي عمره بالهقصص الحلوة لان شكلة لمنتدى بيصير فاضي الكل لاهي ويمتحاناته

تحياتي لك أخي

اللهم صل على محمد وآل محمد
يسلموا اخي على الجزء مرررررره رررررررروعه
وعجبتني طريقة تفكير حسين ومحمود وزين انهم ما تهوورررر وسوو شي مو عدل
و زهراء وفاطمه بعد طلعو والله خوش نسوان وما وداهم تفكيرهم بعيد
بانتظار بقية الاحداث
الله يعطيك العافيه اخوي
وموفق انشاء الله لكل خير
دمت بحفظ الباري