شيء ملاحظ ......ياليت نقدر نغيره لو شوي بس

بسم الله الرحمن الرحيم

اللهم صل على محمد وآل محمد الطيبين الطاهرين


شيء ملاحظ هذي الأيام ومن زمان

الناس تضيع وقتها في أشياء ما نقول ما ليها فايده

لا فيها من الفائدة الكثير

لكن لو يصير فيها بعد شي فاني تصير الفايده اكثر وأحسن

يعني تصير الفايده لك ولغيرك

الحين نقعد على النت كم ساعه في اليوم ؟؟؟

تقريباً يعين ؟؟؟

يعين نقدر نقول 4 ساعات بس

رغم انه اكثر

ما فيه مشكله

خذ الك 10 دقايق بس

بس عشر دقايق في اليوم

افتح الك صفحة من القرآن وإقرأها

لا تزيد ولا تنقص

واذا قريتهافي أقل من 10 دقايق ما فيه مشكله عود للنت

واذا وصلت 10 دقايق وانت ما كملتها حط علامة ويوم فاني كمل

من عند ما وقفت

نقدر نسويها ؟؟؟

أنا أولكم ...........الحمد لله سبقتكم

تصدقوا ..........صرت أخلص ختمة في كل سنه بهالطريقه

أروح للوالده الغاليه الله يحفظها

وأقول ليها أنا با أهديش حاجه وانتين تصرفي فيها

ختمة وإهديها للي تمبي

شقد فرحتهم لمن تقول ليهم هالشي


زين ما بتقرأ قرآن

صلي ركعتين ............ولا فقيله عليك انك تصلي ؟؟؟

كلها ركعتين ..........لا تقول ما أقدر

تنفعك في الآخرة

بتلاقيك اذا يوم ما صليت تحس بنقص

ولا أقول لك خليها فلاف ركعات

تصير صلاة الليل .........حتى لو قضاء عن الليلة اللي راحت

إيه صلاة الليل فيها قضاء بعد

بس تتعود عليها راح تشوف الدنيا مفتوحه قدامك

وأمورك ميسره

خلي الموضوع بينك وبين نفسك

عاهد نفسك على هالشي

ما بتخسر شي

جرب بس


اتمنى ان احد يجرب يسوي هالشي

واللي يسويه الله يوفقه ويبارك فيه


رحم الله والديكم ........لا تنسونا من دعائكم


فمان الباري الكريم

اللهم صلي على محمدوعلى آله الطيبين الطاهرين
وعجل بفرج امام زماننا الحجه المنتظر روحي فداء تراب قدميه الطاهره
بجد اخوووي ابوزيــــــــن
الانسان اذا تعودعلى نمط معين يجده بدون اراده منه يعمل به
لااقوووول اني مواظبه بعدكل صلاه على قراة القران وانما اكثر الاوقات
والادعيه حتى لولم اقراها اكن متابعه لها
ويمكن من الصغر الوالد{ربي يرحمه ويرحم المؤمنين والمؤمنات }
كنت اشوووفه دوووم يقرا القران فالطفل ياخذالقدوه والديه
يعني خيي اكثر الاشهر اكون خاتمه القران
واكيد خيي ماراح تنفعنا في اخرتنا غير الاعمال الصالحه
يالله بالعمل الصالح وحسن الخاتمه
الظاهرهدرت واجد:embarrest:
كل الشكر خيي ع اطروووحاااتك المميزه دوووم
يعطيك العااافيه ،،ورحم الله والديك
وانت من اهل الدعاء
دمت ودااام عطااائك
دمت برعاية المولى وحفظه

بسم الله الرحمن الرحيم
اللهم صلي على محمد وال محمد وعجل فرجهم
السلام عليكم ورحمة الله وبركاته
يعطيك العافيه اخي
انا اذا كنت جالسه ع النت اصلي على محمد وال محمد ولو حتى لو مره او مرتين او اكثر ع الاقل بستفيد لي كم حسنه
ان قرأة القران تنفعنا ولو حتى ايه كل يوم

موفق خيي رزقك الله كل خير والله ويحقق مرادك بحق محمد وال محمد
اختك : النظره البريئه

احسنت ابو زين
جعله ربي في ميزان حسناتك يارب
ولاتنسانا من صالح دعائكم

ســلآآآمووون
يعطيك العافيه أبو زين..
وكلامك صح 100% الحياة مو كل نت وبس
في متطلبات لازم انسويها ..والتفاتتك رائعة بحق
والحمد الله الي اقدر عليه اسويه..
أني بالنسبه ليي عندي وقت طويل لدرجة اني اقدر اخلص كذا جزء باليوم
على الرغم أن عندي دوام:bigsmile: بس استغل أوقات فراغي بالجامعه بدل ما أضيع وقتي
في مناظرتي في دي ودي:wondering::worried:
وماتوقع أن الكل بينشغل لدرجة أنه مايقدر يقرا حتى صفحة:blink::blink:
والي يبغى أكيد بيلقى الوقت..حتى لو اشغال الدنيا كلها فوق راسه
كُــل الشـكـر لـك..أخي
دمت في حفظ الله ورعايته
تح ـيـآآآآآتي

بارك الله فيك خيي الموضوع رائع وكل واحد يعرف كيف يتقرب لربه
لو عنده أشغال الدنيا كلها..
يسلمو على الطرح الجميل
أختك: هواها قلعاوي

اللهم صلي على محمد وآل محمد
الله يعطيك العافيه اخووي ابو زين

ملاحظة مهمه بجد ويجب علينا الالتفات ليها اكثررر

وبالنسبة ليي بصراحة اني اكثرر وقتي على هالكمبيوتررر
بس ما يخلى الواحد انه يردد على الاقل الصلاة على محمد وآل محمد
او على الاقل سورة الفاتحه
ويهديها لمن يحب بغرض قضاء الحاجات وشفاء المرضى

وإحنا بعايلتنا انسووي كل اسبوع ختمه قرآن وفي نهاية الاسبوع نهديها للإمام المهدي المنتظر اللهم عجل فرجه
او لأحد مريض لقصد الشفااء وغيره من قضاء الحاجات
يعني لكل شخص بالعائلة يقرأ على الاقل جزئين من القرآن

وايضاً جدول لبعض الاذكار البسيطه والاوراد
وفي نهاية الاسبوع نحصي عدد الصلوات مثلاً
ونهديها لأحد الائمه عليهم السلام

يعني انسووي حملة المليون الصلاة على محمد
او حمله المليون سورة الفاتحه وهكذاااا

وبصراحه اني اكثر اوقاتي لقراءة القرآن الكريم
بالصباح قبل لا اروح الدوااام
او المساء وقت النووم

اخووي ابو زين
الله يعطيك العافيه ع المجهووود
وقضى الله جميع حوائجك بحق الصلاة على محمد وآل محمد
الله يوفقك ويحفظك ويخليك
ولا تنساااانااا من الدعاااااااء
دمت بود

ابو زين .. اولا ارحب بك .. وارحب بطرحك المميز
القرآن .. أتعرفون مافائدة قراءته حتى وان كانت لدقائق معدوده؟
وماعظم اجرها عند الله؟
فائدتها راحة للنفس وطمأنينة في القلب وجواب لكل سؤال في دنياك
واجرها عند الله كبييير
جعلنا الله وايكم من القارئين الدائمين والمغفور لهم يوم القيامة ومن الناصرين للحجة عج الله فرجه الشريف
تحية طيبة
تمنياتي للجميع بالتوفيق

رحم الله والديك اخويي
ضربت على الوتر الحساس الي غفلت اني عنه
بس الحمد لله
في الأونه الأخيره......اقصد الفترة الأخيره
رجعت زي قبل
اقرأ يا جزء يا صفحات على حسب وقتي
وقبل النومه اشغل وقتي بالتسبيحات والأذكار اكثر من قبل
وخصصت ولله الحمد ركعتين بعد صلاة الفجر لتعجيل الفرج
وزي ما قلت اخوي اقول الى امي اهديتش ثواب الصلاة او الأذكار
وشقد تفرح الوالده بهالهديه المتواضعه
وشقد انفتحت وانفرجت قدامي الأبواب بعد فترة بسيطه جدا
وصار يومي اكثر تنظيم بين النت واشغال البيت والفترة العباديه
الي استثقلتها فتره
والذكرى تنفع المؤمنيين

السلام عليكم

شكرا لك اخي للطرح الموفق

تحياتي لك وشكرا

موفق اخوي الكريم ع الطرح الرائع
سلمت يمناك يارب .. ولا عدمنا هذه الاقلام الرائعة ..

جزاك الله خيرا

جعلنا الله وإياكم من أهل القرآن
وليس ممن اتخذوا هذا القرآن مهجورا

مشكووووووور اخي الكريم ويعطيك العافية وانشاء الله بميزان اعمالك فالدال على الشيء كفاعله حفظك المولى