بسم الله الرحمن الرحيم
اللهم صل على محمد وآل محمد الطيبين الطاهرين
شيء ملاحظ هذي الأيام ومن زمان
الناس تضيع وقتها في أشياء ما نقول ما ليها فايده
لا فيها من الفائدة الكثير
لكن لو يصير فيها بعد شي فاني تصير الفايده اكثر وأحسن
يعني تصير الفايده لك ولغيرك
الحين نقعد على النت كم ساعه في اليوم ؟؟؟
تقريباً يعين ؟؟؟
يعين نقدر نقول 4 ساعات بس
رغم انه اكثر
ما فيه مشكله
خذ الك 10 دقايق بس
بس عشر دقايق في اليوم
افتح الك صفحة من القرآن وإقرأها
لا تزيد ولا تنقص
واذا قريتهافي أقل من 10 دقايق ما فيه مشكله عود للنت
واذا وصلت 10 دقايق وانت ما كملتها حط علامة ويوم فاني كمل
من عند ما وقفت
نقدر نسويها ؟؟؟
أنا أولكم ...........الحمد لله سبقتكم
تصدقوا ..........صرت أخلص ختمة في كل سنه بهالطريقه
أروح للوالده الغاليه الله يحفظها
وأقول ليها أنا با أهديش حاجه وانتين تصرفي فيها
ختمة وإهديها للي تمبي
شقد فرحتهم لمن تقول ليهم هالشي
زين ما بتقرأ قرآن
صلي ركعتين ............ولا فقيله عليك انك تصلي ؟؟؟
كلها ركعتين ..........لا تقول ما أقدر
تنفعك في الآخرة
بتلاقيك اذا يوم ما صليت تحس بنقص
ولا أقول لك خليها فلاف ركعات
تصير صلاة الليل .........حتى لو قضاء عن الليلة اللي راحت
إيه صلاة الليل فيها قضاء بعد
بس تتعود عليها راح تشوف الدنيا مفتوحه قدامك
وأمورك ميسره
خلي الموضوع بينك وبين نفسك
عاهد نفسك على هالشي
ما بتخسر شي
جرب بس
اتمنى ان احد يجرب يسوي هالشي
واللي يسويه الله يوفقه ويبارك فيه
رحم الله والديكم ........لا تنسونا من دعائكم
فمان الباري الكريم
رد مع اقتباس
بس استغل أوقات فراغي بالجامعه بدل ما أضيع وقتي 
المفضلات