أسئلة الصغار وهقه..

[*زهرة البنفسج*]

بسم الله الرحمن الرحيم
وألف الصلاة والسلام علي اشرف الأنبياء والمرسلين
أما بعد..
لو الله بلاكم بخوات دائما يسئلوو وأسئلتهم غير شكل
مادري من وين اطلعوا الأسئلة ..
يعني أجيب إليكم مثال من أسئلة أختي الصغيرة

_حتي النمل يوم القيامة اموتوو ؟
_لو هلسؤال العظيم تسأل أمي أماه الجنة فيها أفلوس
عشان جارتنا إذا ماتت وراحت الجنة نشتري من عندها؟

_في النار لو قلنا إليهم جيبو إلينا ماء اجيبو؟

_لو تسأل أمي الجنة فيها قدو خايفة علي أمي أصدعها رأسها
وأمي أتوصيها أتقول اليها اذا مت ادفني وياي القدو عشان اشرب
استغفر الله العظيم عاد أختي مايحتاج لو تكبر بتذكر هلشي
الله يستر كان تدفن القدوو الله يطول عمر أمي هو يعني
بس أختي الله يغربل شرها مره عاد أسئلتها؟

_لو تسأل الجنة كيف هي ؟وش فيها وش مافيها ؟

_لو في المقبرة إذا رحنا أنزور أبوي الله يرحمه تسأل الحين أبوي في الأرض تحت وشوفنا؟

_واذا جاوبتها وقلت اليها روحه في السماء هو الحين ابتلش أبها
وطلع أليي ألف سؤال كيف هو في السماء وقبره أهنا؟

_وعاد داك اليوم الله كاتب اليي في المقبره ولأول مره في وحده متوفيه وشيعوها وخواتي وياي للصغار عاد هذي أختي الصغيرة قلت الله يعيني عليها الحين ببتلي أبها وبئسئلتها
وبدت مشوارها الفني وسئلت وجت تركض تسألني الووه كذا
هي حاطينها وحاملينها وي وشافتها وهم احطوها في القبر وتسأل ليش القبر كذا صغير وبحطوها كذا الحين وبيدفنوها وخلاص
يعني أبوي الله يرحمه كذا دفنوه وتسأل هي الووه رابطينها اولي شافتها وهم بيدفنوها
وش اجاوبها حسبيا الله عليها عندها فضول قوي أله أتروح أشوف كيف يدفنوها ؟

_لو اذا رحنا المقبرة أمي ماتروح وتوصي أختي الصغيرة أتقول إليها أذا رحتي المقبرة سلمي علي أبوش
وتبداء أسئلتها ئلي ماتنتهي الوه هو يسمعني يعني لو قلت إليه وكيف يسمعني وهو تحت في الأرض؟


لو اقعد منا إلي بكرة أسئلة أختي ماتخلص وقد مانقدر أنفهمها بس أنفهمها شي
ولازم اطلع إليها كم سؤال بعد من ئلي فهمناها وياه
والحين في الصيف بنوديها الحوزة وكلما تسألنا أنقول إليها إذا رحتي الحوزة
اسألي معلمتش وتعالي علمينا أحنا بعد يعني أهناك يفهموها أحسن منا
في النهاية لو الله باليكم بأخت زي ئلي عندي لو أخ دائما يسأل وش بتسووو
يعني أختي ماشاء الله تبغي أصير عالمه الظاهر من الحين تبغي تعرف كلشي

[عاشقة الرسول]

مرحبا زهرة البنفسج هذولا الصغار يبغالهم واحد متفرغ وعارف كل شئ عشان يجاوبهم
بنت خالتي عندها بنت زي اختك بس تسأل وجدتها متضايقه منها عشان اسئلتها كثيرة يمكن اللي يسأل يطلع ذكي

مشكورة اختي والله يعطيك العافيه

[توته وبنوته]

هلا زهرة معليش باصير ناصحه
المفروض لما تسأل اختك تجاوبينها على كل شيء لان الطفل يفهم يمكن تفهم اكثر منك
ماعليه بتقولين اجابات الاسئله كبيره عليها مايخالف ردي تفهم
اما مسألة انك تقولين ليش ارد بتكبر وتنسى لا ماتنسى لان الانسان يذكر الاشياء وهو صغير اكثر من اذا كبر
وهذا يدل على ذكاء اختك ماشاء الله الله يخليها يارب
ها ماوصيك هالله هالله فيها ترى دخلت قليبي
وعلى العموم مشكوره والله يعطيك العافيه

[فرح]

اللهم صلي على محمد وعلى آل محمد
هلا بزهـــــــــوووره
بجد ماشاء الله الاطفال الحين تحسيينهم ذكين وعقلهم اكبر من سنهم
عندهم اسئله احيانا محرجه ...
بس زهوووره لو تجاوبينها بدون استملال يكون افضل
لان اكثراسئله الطفله يدل ع ذكائها وتحب تعرف كل شيء
بجد انا متعبتني فروووحه تسأل اكتير احيانا تكون الاسئله وااااجد محرجه
اذا كان واحنا جالسين مع ابوهم العود (جدهم )ليش بابا موانت الي تزوجت ماما ؟
ليش بابا ينام مع ماما موعيب ؟........الخ الاطفال يبي لهم سعة ورحابه صدر
وجاوبين ع الاسئله حتى ماتجي لهم عن طريق ثاني ....
مشكوووره زهوووره
يعطيك الف عااافيه
واسمحي لي ع الهدره
ربي يحفظ اختك انشاء الله باين عليها حباااابه ...

[.:روح وريحان:.]

ياهلا فيكم
خيتووو زهوورة موضووع جا في وقته
شوقتيني اشووف اختج <<<اذا رحتي الحوووزة اسالي المدرسة عنها
ههههههههه
انشاء الله نفس الحوزة الا باروحها <<<<ياعيني ع الصدف
اني اخوي صغير عمره 8 سنوات
والصغير حموود عمرة اسبوعين (الله يخليهموخليكم)
من اول ماجابوو حموود
وهو
ليش سمووه احمد
ومن اختاار
وكيف يصيح ولا يفتح عيوونة
ومتى يفتح
ومتى يصير يقول اسمي ومتى يصير يسبح لحاله
ويامن بنام ؟؟
وكيف تعرفوا اذا عطشان والا يبغى حليب
كيف كان ينام
وكم عمرة الحين
واذا قالوا لي انت اصغر اححد وشو ارد؟
وانا اقوليهم هذا اخووي الصغير
يعني واااه قرة عينكمـ
الخ الخ من الاسئلة
والحين واني اكتب قااعد يسالني
من الا خلى منتداكم ملوون
وكيف صاار
هو ماكان كذا وتكتبي الى من
وع فكرة يعرف اسماء الاعضاء
واذا قلت له اساميكم وشو اسمها العدلي على قولته وكم عمرها وشو تصير لينا ههههههههه
اسئلة وااجد
ساااعات اني ماعرف اجاوبها
طالع هدااري عليي
يؤؤؤؤ
سووري خيتوو زهوورة على الهدرة
نسيت حالي هههه
وحتى اني انتظر الجواب
روح وريحان

[*زهرة البنفسج*]

ياهلا أخت عاشقة الرسول
أي والله للصغار يبغا أليهم احد متفرغ إلي أسئلتهم
واذا ما جاوبتيهم بعد يسئلوو الووه ماجاوبتي هههه أختي كذا
يسلموو علمرورر الحلو منك

[*زهرة البنفسج*]

هلا بتوته وبنوته عادي غناتي أخدي راحتش ونصحي
أنجاوبها علي أسئلتها بس في أسئلة حتي أني بصراحة ماعرف أجوبتها وهذا
دليل علي ذكاء أختي تبغي تعرف هههه تبغي أصير اذكي مني
بالعكس أني اجاوبها حتي أمي احياننا اتقول لي وش فهمها لاتقولي لها
وانا اقول الي امي أي ماتفهم والله تفهم أكثر مني
بعدين تكبر وتعرف وتقول أن احنا انجاوبها خطاء
خلها من الحين تعرف الصح
يعني في مره قالت الي أمي تبغي بنت صغيرة خت يعني أمي قالت إليها كيف أجيب مايصير
وبدت أسئلت أختي الوه مايصير وأمي سكتت عنها واني جاوبتها وامي اطلع فيي اتقولي خلها عنش وش فهمها
قلت اليها كيف اجيب بنوته وابوي متوفي يعني مايصير يعني لازم أكون في ابوو عشان أتجيب بنوته
وفهمت السالفة وسكتت يعني فهمتها الموضوع بالمختصر المفيد علي قد عقلها
يسلمو حبيبتي علمرورر

[*زهرة البنفسج*]

هلا وغلا بفروحه هلا بهلطله
مثل ماقلتي اسئلتهم محرجه جدا احياننا
يعني معظم الأطفال افكروو الام اذا ولدت اشكوو بطنها عشان الطفل يطلع
واني وحده منهم لما كنت صغيرة افكر كذا بعد
بس أختي تسأل وسئلت ذاك اليوم كيف الجاهل اطلعوه من بطن الام جاوبتها أختي ئلي اكبر منها
وقالت اليها اشكوو بطن الأم ويطلع الجاهل
وقلت اليهم لالالا مايشكو البطن وأمي اتبلعمت كيف الحين اشرح اليهم
امي ئلي انحرجت واني عادي الموضوع عندي بجاوبهم
عشان لايكبروو وفكروو الجهال يطلعو من بطن الام اذا شككو بطنها
وفهمتهم بس للحين يسئلو كيف
والله يعافيك فروحه بالعكس هدرتك حلوو
اووه ماشاء الله حبيتو أختي تري أختي هدارة واجد

[*زهرة البنفسج*]

ياهلا روح وريحان
هههه أنشاء الله نفس الحوزة
أمي تقنعني أروح في الصيف
هههه بس ابغا الفكة من خواتي أروح الزق وياهم في الحوزة
كان أختي الصغيرة تمشي وتعرفهم آبي هذي أختي اعرفها
هههه ماشاء اللله عليه اخوش أني ئلي حبيته الحين
مثل ماحبيتو أختي علي فكرة أختي عمرها 7 سنين
بالعكس بشورررة هدرتك خفيفة دم زييك
يسلموو علمرورر حبيبتي

[عكاريش بنوته]

مشكوووووووووووووووره


اخـــــــــــــ زهرة النرجس ــــــــــتي



على


الموووووضوووووع

الكووووووووووووووووووووووووووول


دووم ان شاء الله

عكاريش بنوته

سيسكومورا

[واحد فاضي]

هلا بخيتي زهرة البنفسج

بسم الله ما شاء الله على اختج الصغيرونه

شكلها بتطلع فقيهه >>>>>خمسه وخميسه

عموماً اختي هي اسئله بريئه واجوبتها تكون بريئه وتسوي ثقة

لليهال الحلوين ويصيروا يوثقوا فيج اكثر وأكثر

ذكرتيني بقصه حصلت في ديرتنا قبل كم سنه
واحد وهو صغير ابوه عطاه تربه للمام الحسين علشان يعلمه الصلاة عليها
ووصاه انك تصلي عليها واذا امت انا حطها وياي في قبري
وفعلاً هالولد صار يواظب على الصلاة علشان ابوه وبعد تقريباً عشرين سنه
توفى ابوه وفي لحظة دفنه الا الولد يقول للشيخ تصبر شوي عندي وصيه من ابوي
وراح بسرعه وجاب التربه وعطاها الشيخ وقال له هذي وانا عمري عشر سنين
وصاني ابوي احطها في قبره

واسمحوا ليي على هالهذره الوااااااااااايد

سلام

[أمل الظهور]

ربي يحفظ خيتك ويخليها لكم يارب

مثل ماقالوا الك جاوبيها بهدوء وبدون تملل ولا تضجر لانه علامة ذكاء

ودليل على انه عقليته كبيره ومخه متفتح

فأنت كوني دافع لها علشان يكبر وتفهم صوح وتنمين ذكائها

انا عبيدان اووه مطلع قروني من اسئلته ..

شوفي كيف اسالته ..

ماما انت تحبي عمي ....

قلت له ايه هو اخوي

يقول اجل ليه تغطي وجهك عنه وماتروحي تجلسي جنبه

شنو اقول له بل بل بل عليه هذا واحنا بعاد عنهم وماننزل كل اسبوع

ولا حظ..

ونفس الشيء يسأل ابوه انت تحب خالتي ..

يقول اختي هي يقول ليه ماتجلس جنبنا معاها ....

ولا عاد هذا اللي بيجنني زود ..

يقول اذا شافني بروح انام غرفتي

يقول ماما انت المفروض انت اللي لوحدك بالغرفه لاني انا ولد والبابا ولد

وانت الى ان تجيبي بنت تنام معاك الحين نامي لحالك وانا انام مع البابا ...

ولا عاد شوفي حبه لدموع خخخ ماقلت لكم مسويه للولد شيء

يسألني يقول لي لجات دموع وين بنقابلها<<ترى مايسميها دموع يسميها بالاسم الحقيقي اللي

ندلعها فيه

عرفتيه زهور هاااا ؟؟

قلت له يمكن بالملاهي

قال الي هي دموع بالرياض ساكنه

قلت له لا هي بالقطيف

ماما شنو ذي القطيف

لاحوول انا القطيف منطقه مثلها مثل الاحساء والرياض

يعني دموع ساكنه في بيت بالقطيف

وهو يعني هي ساكنه بالقطيف

انا ايه

وييروح فتره ويرجع لي :wacko:

ماما القطيف فيها الاحساء ...

لاحوول انا لا هي منطقه قريبه من الاحساء

وهو ماما يعني قريب بيتهم من بيت جدو ....<<<بيت اهلي

وانا لا بعيد اشوي

هو اجل قريب بيتهم من بيت بابا ...<<<بيت اهل ابوه

وانا لا كمان بعيد

وهو اجل وين بيتهم هي وكيف بيتهم وشنو لونه وشنو اسم عيالها وهي اي صف الحين

وين تدرس وووووووووووووووووووووووووووو

ونعيد ماقلناه من اول وجديد

واووه يالله عليه اذا شاف على المسن (قطاوة ) امور

عاد هي ماشاء الله عليها اشكال قطاوتها :toung:

فكل واحده له عنها ميه سؤال وسؤال

مره زهقني وقلت الى امور تغيرها بس تنيحست وماغيرتها:evil:

وغير اسئلة المطبخ وعن الاهل وعن الغرف ووووووو

الله يكون بالعون



موفقه زهوررروو



واسئله لاتنتهي

[عاشق الزهراء]

مشكووووره خيتووو
على الطرح اسئلة الاطفال
مو بس وهقه الى عوار راس
تسلمي خيتووو على الموضوع
تحياتي عاشق الزهراء

[ســحرالقوافي]

اختي زهورة

اطفل الي دايماً يسأل معناته ان ذكي

ولازم نجاوبه على لاسئله الي يسألها ان كانت صعبة او سهله

او مسائل صعب شرحها الى الاطفال

ممكن اعطائه جواب بصوره مبسطة جداً او قريبه من الجواب

واذا كان السؤال صعب جداً ولا تعرفيه

بدل ما تقولي انك ماتعرفي الجواب تقولي إذا سويت كذا او اي شيء تلهيه به وانتي في هذا

الوقت تسألي


اعرف بنت صغيره ما تجاوزت التاسعة سألت امها ليش الله في آيه النور قال (الله نور السماوات ) وما قال (انا نور)

فشوفي لوين عقولهم

وهذي البنت تعرف كل ما يدور على الفتاة في مراحل بلوغها

ممكن يكون الجواب صعب ولكن الاصعب ان تخدشي الصورة التي يبنيها الطفل حول الاشخاص المهمين حوله


سوري على الهدره



دمتــــِ بود

[ملكة سبأ]

الحال من بعضه عندي بنيتي فاطمه على صغر سنها ملسونه وياااااااا كثر أسئلتها
حتى لوتشوف قدر على النار تسأل ماما ويش تسوي أقول لها ويش هي الطبخه وترجع تقول
أشوفها ماما . وكل يوم من تقوم من النوم تسأل وين بنروح ومن بنشوف .
وإذا شافت أبوه بيطلع بابا وين بتروح هههههه أني أمها ما أسأله وين بتروح هو من نفسه يقول لي انا رايح المكان الفلاني .
كل هذا كوم ووقت النوم كوم ثاني إذا جيت أقول قصة ما قبل النوم إذا كان القصه تاخذ نصف ساعه
من هدرة فطوم وأسئلتها تاخذ ساعه ونصف .
يعطيك العافيه أختي زهرة البنفسج على الطرح الجميل والله يخلى هالحلوه لكم

[*زهرة البنفسج*]

عكاريش بنوته يسلمو علمرور الحلو منك
بعدين اسمي زهرة البنفسج بس يالله كل واحد
موفقه أخيه




أهلا باخ واحد فاضي
مثل ماقلت تبغي تطلع فقيه
بس القصة ئلي قلتها مت من الضحك
ماشاء الله هلصغار ماينسوو شي
مانسي وصية ابوه
شكرا أخي علمرور الحلو منك




هلا بامولة
ههههه المشكلة اذا جاوبتها أطفر قروني أكثر
اطلع سؤال من الإجابة ئلي جاوبتها وياها
ماشاء الله عليه عبادي حبيبنا
هههه ضحكني اذا سالش انت نامي بلوحدك وهو بنام مع ابوه
والله هليهالو اطلعووو أسئلة ولا يستملوو
ولا عن دموع يحليله حتي هو ادلعها
أي عاد امورة ويا قطاوتها حتي اني أختي اذا شافته تسئل الوه هو كذا وكيف سووه ووو
يسلموو امولة علتواجد الرئع منك حبيبتي



عاشق الزهراء
شكرا علتواجد وعلي مرورك الكريم هنا
مثل ماقلت مو وهقه ئله عوار راس



اخت سحر القوافي
الصغار يمكن اعقل منا
ويعرفو كل شي
ويمكن يسئلوو عباطة بعد
اشوفونا وش انجاوبهم
يسلموو حبيبتي علمرور وعلبنت ئلي سمها نورر شكلها تجنن



أخت ملكة سبأ
يسلمو عزيزتي علتواجد الرئع منك
الله يعينك علبنوته
مادري من وين اطلعو الاسئلة
احنا لما كنا صغار نستحي نسأل وهم الحين
فضوليين وجريئين
والله يعافيك اختي وخلي لك فطوم
توها البارحة اختي تسئلني سؤال
الميتين يلبسوو ثياب سكت عنها وقمت اضحك
وهي تعود تسئل اقول اليها يلبسوو كفن ابيض ئله تقول أي صحيح ذكرت وسمعت ان هم يلبسوو كذا
وذكرت المرأة ئلي ذفنوها ئلي شافتها ذكرت أن عليها ابيض
وتعود تسئل يعني اذا قابلو ربهم ماعليهم ثياب يعني يوم القيامة ماعليهم ثياب
يعني اجاوبها وتعود تسئل وطلع كم سؤال بعد من تحت الأرض
اني ئلي الحين هدرت واجد
يسلمو جميعا علمرورر

[نور الهدى]

الله يعطيك العافية

وتسلم الايادي زهوووورة

اسئلتهم ما تخلص

وعليهم اسئلة ما ادري من وين يجيبونها

الله يعينا على هالجيل

ما بزيد على الي قالوه

كفوا وافو

[النغم انيني]

الله يعينكم على الجهال وهدرتهم

[LUCKY]

يسلموا على الطرح الرائع

و صراحه انا ساعات انحرج من اسئله ولد اخوي لانه على طول اي شيء يشوفه قدامه يسئل عنه

والله المعين.

[عماد علي]

هذه مسؤولية ولازم الآباء ما يخلوا شيء في ذهن إبنهم إلا يوضحوا بالطريقة المناسبة ولا يتجاهلوهم ...
طرح رائع خيتو الله يعطيك ألف عافية وتسلم الايادي...

[إيلاف]

عالم الأطفال .. عالم روووعه بكل مافيه ..
ببرائتهم وأسئلتهم ..
والمفروض على الأب والأم والأخوة المحيطين بالطفل ..
مايتغافلوا عن أسئلته .. ابدا .. لأن كثرتها دليل قوي على ذكائه ..
والمفترض ماتنهمل او تتجاهل .. من قبل الآخرين .. لأنه يساعد على إحباط الطفل ..
وتدمير نفسيته .. والتقليل من مستوى ذكائه ..
نقطه مهمة بعد .. أنه مهما كان السؤال مايخطر في بالك ..
أهم شي لا تجاوب على سؤال الطفل بجواب غلط ..
لأن المعلومة اللي تجاوبها إياه .. هي اللي ترسخ في بال الطفل ..
فمن الأولى أن ماينشأ الطفل بمعلومات مغلوطة ..
عموما .. أن عشقي الأطفال .. وأحب حركاتهم وأسئلتهم ..
واللي يمل بسرعه منهم .. جيبوهم لي يقضوا اليوم معاي ,, :noworry:

مشكورة حبوبة زهوور على الطرح الحلو ..
يعطيكِ ربي الف عافية ..
ننتظر جديدكِ ..
تحياتي .. إيلاف ..

[*زهرة البنفسج*]

الله يسلمك أم محمد
يسلمو عزيزتي علتواجد الرئع منك


النغم أنيني
يسلمو علمروور وعين اللكل علجهالوو


Lucky يسلمو علمرورر
وكرم مرورك هنا بين صفحتي


الله يعافيك أخ عماد علي
تسلم علتواجد


عزيزتي ايلاف
تسلمي علتواجد عزيزتي وكرم مرورك
ومثل ماقلتي المفروض مانجاوبهم اجابة خاطئة
خلاص ايلافوو أجيب الك أختي والله كان اتمللك وتقولي ماحب الجهال
الله يعافيك

[.:روح وريحان:.]

ياهلا فيكمـ
وووين مافتكيتوا مني
ههههههههههه
الصراحة
بعد ماقريت اسئلة الجهالوو حبيت اعترف واقر
اني يوم اني صغيرة
كنت اسال امي
كيف الرجل والمرة اذا عرسووا يجيبوا ولاد
ليش مثلا مو خالتي تجيب وااحد
واهي مو معرسة
ليش مو اني بعد
وطبعا كانت اجابة امي
لان الرجاال لازم ويااه زوجة
واني معاارضة كيف تجيب الا اذا تزوجت من الاعيعطيهم
اجابة مامو:الله اوه عالم كل شي
ونعمــ بالله
بس للحين هالاسئلة رااسخة في بااالي
وصحيح المهم لازم نجووب صح
بهالاجابات اني اقتنعت واذا كبرت فهمت كل شي
يسلمووو مرة ثاانية زهووور على فكرة مو بس الجهال الا يسالوا كباار صغاار يسالوا
.......

[سمراء]

يسلمو خيتو زهرة البنفسج على الطرح الجميل
بس صدق الأسئلة ما تخلص واغلبها ما ليها معني
مثل اخوي الصغير ما عنده الا الهذرة والسؤال
واحيانا يكون ما عندي جواب لأسئلته لان تكون مو مناسبة لسنه
يمكن تكون هذي من علامات الذكاء بس مو في كل وقت
على العموم مشكورة حبيبتي زهووور
ولاعدمنا من جديدج المتميز
دمتي بحفظ الرحمن
تحياتي
سمراء

[القلب المرح]

السلام عليكم
الاطفال تكثر تساؤلاتهم وان كثرت تساؤلاتهم ولم يلقو الجواب من اهاليهم اذاً مِن مَن يلقو الجواب هل من الاطفال الاخرين ؟
وربما يلقو الجواب الخاطئ ويستمر معهم في كبرهم ويصعب تغيير مارُسخ في ذهنهم من صغرهم
فابسط حل هو اجابتهم على كل سؤال ولانقول كبير على عقلهم بل تستطيع الاجابه على الاسئله بعدة طرق ومن عدة جوانب
وان جاوبتهم بكل صراحه دون ان تتهرب من اسئلتهم فانك قد علمتهم شئ مفيد ينفعهم في حياتهم
تحياتي للجميع بالتوفيق

[ام الحلوين]

اختي زهرة البنفسج الله يعطيش الف عافيه ويخلي ليكم هالصغيرونه يارب
وزي ما قالوا لش الاخوات انه هذي تري ميزة ذكاء عند الاطفال انهم يسالوا وايد على شأن يتعرفوا اكثر على المحيط الي هم عايشين فيه ولازم منه احنا انه انكون صبورين ونتحملهم لانهم احباب الله شلون مايكونوا احبابنا لازم نجاوبهم ونرد عليهم في اي سوال على شأ ن مايحتارو وينموا نمو عقلي سليم ....

[سمات]

...يعطيك ربي الف عافيه زهرة البنفسج ....
ذكرتيني ببنت ولد عمي ...
كل معااها سوالف مو بس في البييت حتى مع الناس
واذا شافت حد هدرات معاه وحتى الي ماتعرفهم
ومره رايحين للمستشفى ...
وشافت رجال يقراء على مرتة حامل دعاء...
وتسال ابوها الاويه يقراء ...قال الها علشان تولد..
وبعدين والرجال رفع راسة تصرخ وتقول
له اقراا بصوت رفييع علشان تولد مرتك بسرعه ....
ههههه
..

[روم]

هذا اختك عقلها كبير لكن الطفوله تسيطر عليها ماتشوفي أسئلتها كلها عن الأخره
ماشاء الله عليها

[*زهرة البنفسج*]

هلا بروح وريحان هلا حبيبتي اخذي راحتش غناتي
ئلحين ها قريتي واعترفتي
بس اهم شي عطتك أمك المعلومة الصح
لان للحين اتقولي راسخة في مخك
يسلمو حبيبتي علتواجد مرة ثانيه


يسلمو حبيبتي سمراء علتواجد
الرائع منك هنا بين صفحتي



وعليكم السلاام اخ القلب المرح
يسلمو أخي علئضافتك
فعلا لابد أن نرسخ في عقولهم المعلومة الصحيحة

[*زهرة البنفسج*]

أم الحلوين الله يعافيك وخليك
تسلمي علتواجد


أخت سمات
والله القصة ئلي جبتيها موتتني ضحك
هلجهال مره عليهم سوالف ماتخلص
تسلمي علمرور


روم يسلمو علمرورر
أي والله اسئلتها كلها عن الأخرة اني احياننا ماعرف اجاوبها لان اني بكبري ماعرف الجواب
ولاسئلت سؤالها الي احد
وهي تسئلي وتستفسر

[حكاية حب]

ههههه
الحين مره اهلي راحو المعاريس وبقيت اني واخوي اللي قبل الصغير لوحدنا في الشقه
وولد عمي شااف شقتنا مفتووحه واني كنت بااسكر الباب شفته وقعدنا نسولف ماشفت الا اخووي يسئله انت تحب ..... قال ليه اسمي
واااني خلاص وجهي اتصبغ بلووون والواان
بغيت ادعس اخووووي
وساااعاات يقعد يستهبل عليي باسئله بجد تعصبني
ددائما يفشلني
ادري طووولت مووو