أسئلة الصغار وهقه..

[*زهرة البنفسج*]

بسم الله الرحمن الرحيم
وألف الصلاة والسلام علي اشرف الأنبياء والمرسلين
أما بعد..
لو الله بلاكم بخوات دائما يسئلوو وأسئلتهم غير شكل
مادري من وين اطلعوا الأسئلة ..
يعني أجيب إليكم مثال من أسئلة أختي الصغيرة

_حتي النمل يوم القيامة اموتوو ؟
_لو هلسؤال العظيم تسأل أمي أماه الجنة فيها أفلوس
عشان جارتنا إذا ماتت وراحت الجنة نشتري من عندها؟

_في النار لو قلنا إليهم جيبو إلينا ماء اجيبو؟

_لو تسأل أمي الجنة فيها قدو خايفة علي أمي أصدعها رأسها
وأمي أتوصيها أتقول اليها اذا مت ادفني وياي القدو عشان اشرب
استغفر الله العظيم عاد أختي مايحتاج لو تكبر بتذكر هلشي
الله يستر كان تدفن القدوو الله يطول عمر أمي هو يعني
بس أختي الله يغربل شرها مره عاد أسئلتها؟

_لو تسأل الجنة كيف هي ؟وش فيها وش مافيها ؟

_لو في المقبرة إذا رحنا أنزور أبوي الله يرحمه تسأل الحين أبوي في الأرض تحت وشوفنا؟

_واذا جاوبتها وقلت اليها روحه في السماء هو الحين ابتلش أبها
وطلع أليي ألف سؤال كيف هو في السماء وقبره أهنا؟

_وعاد داك اليوم الله كاتب اليي في المقبره ولأول مره في وحده متوفيه وشيعوها وخواتي وياي للصغار عاد هذي أختي الصغيرة قلت الله يعيني عليها الحين ببتلي أبها وبئسئلتها
وبدت مشوارها الفني وسئلت وجت تركض تسألني الووه كذا
هي حاطينها وحاملينها وي وشافتها وهم احطوها في القبر وتسأل ليش القبر كذا صغير وبحطوها كذا الحين وبيدفنوها وخلاص
يعني أبوي الله يرحمه كذا دفنوه وتسأل هي الووه رابطينها اولي شافتها وهم بيدفنوها
وش اجاوبها حسبيا الله عليها عندها فضول قوي أله أتروح أشوف كيف يدفنوها ؟

_لو اذا رحنا المقبرة أمي ماتروح وتوصي أختي الصغيرة أتقول إليها أذا رحتي المقبرة سلمي علي أبوش
وتبداء أسئلتها ئلي ماتنتهي الوه هو يسمعني يعني لو قلت إليه وكيف يسمعني وهو تحت في الأرض؟


لو اقعد منا إلي بكرة أسئلة أختي ماتخلص وقد مانقدر أنفهمها بس أنفهمها شي
ولازم اطلع إليها كم سؤال بعد من ئلي فهمناها وياه
والحين في الصيف بنوديها الحوزة وكلما تسألنا أنقول إليها إذا رحتي الحوزة
اسألي معلمتش وتعالي علمينا أحنا بعد يعني أهناك يفهموها أحسن منا
في النهاية لو الله باليكم بأخت زي ئلي عندي لو أخ دائما يسأل وش بتسووو
يعني أختي ماشاء الله تبغي أصير عالمه الظاهر من الحين تبغي تعرف كلشي

[عاشقة الرسول]

مرحبا زهرة البنفسج هذولا الصغار يبغالهم واحد متفرغ وعارف كل شئ عشان يجاوبهم
بنت خالتي عندها بنت زي اختك بس تسأل وجدتها متضايقه منها عشان اسئلتها كثيرة يمكن اللي يسأل يطلع ذكي

مشكورة اختي والله يعطيك العافيه

[توته وبنوته]

هلا زهرة معليش باصير ناصحه
المفروض لما تسأل اختك تجاوبينها على كل شيء لان الطفل يفهم يمكن تفهم اكثر منك
ماعليه بتقولين اجابات الاسئله كبيره عليها مايخالف ردي تفهم
اما مسألة انك تقولين ليش ارد بتكبر وتنسى لا ماتنسى لان الانسان يذكر الاشياء وهو صغير اكثر من اذا كبر
وهذا يدل على ذكاء اختك ماشاء الله الله يخليها يارب
ها ماوصيك هالله هالله فيها ترى دخلت قليبي
وعلى العموم مشكوره والله يعطيك العافيه

[فرح]

اللهم صلي على محمد وعلى آل محمد
هلا بزهـــــــــوووره
بجد ماشاء الله الاطفال الحين تحسيينهم ذكين وعقلهم اكبر من سنهم
عندهم اسئله احيانا محرجه ...
بس زهوووره لو تجاوبينها بدون استملال يكون افضل
لان اكثراسئله الطفله يدل ع ذكائها وتحب تعرف كل شيء
بجد انا متعبتني فروووحه تسأل اكتير احيانا تكون الاسئله وااااجد محرجه
اذا كان واحنا جالسين مع ابوهم العود (جدهم )ليش بابا موانت الي تزوجت ماما ؟
ليش بابا ينام مع ماما موعيب ؟........الخ الاطفال يبي لهم سعة ورحابه صدر
وجاوبين ع الاسئله حتى ماتجي لهم عن طريق ثاني ....
مشكوووره زهوووره
يعطيك الف عااافيه
واسمحي لي ع الهدره
ربي يحفظ اختك انشاء الله باين عليها حباااابه ...

[.:روح وريحان:.]

ياهلا فيكم
خيتووو زهوورة موضووع جا في وقته
شوقتيني اشووف اختج <<<اذا رحتي الحوووزة اسالي المدرسة عنها
ههههههههه
انشاء الله نفس الحوزة الا باروحها <<<<ياعيني ع الصدف
اني اخوي صغير عمره 8 سنوات
والصغير حموود عمرة اسبوعين (الله يخليهموخليكم)
من اول ماجابوو حموود
وهو
ليش سمووه احمد
ومن اختاار
وكيف يصيح ولا يفتح عيوونة
ومتى يفتح
ومتى يصير يقول اسمي ومتى يصير يسبح لحاله
ويامن بنام ؟؟
وكيف تعرفوا اذا عطشان والا يبغى حليب
كيف كان ينام
وكم عمرة الحين
واذا قالوا لي انت اصغر اححد وشو ارد؟
وانا اقوليهم هذا اخووي الصغير
يعني واااه قرة عينكمـ
الخ الخ من الاسئلة
والحين واني اكتب قااعد يسالني
من الا خلى منتداكم ملوون
وكيف صاار
هو ماكان كذا وتكتبي الى من
وع فكرة يعرف اسماء الاعضاء
واذا قلت له اساميكم وشو اسمها العدلي على قولته وكم عمرها وشو تصير لينا ههههههههه
اسئلة وااجد
ساااعات اني ماعرف اجاوبها
طالع هدااري عليي
يؤؤؤؤ
سووري خيتوو زهوورة على الهدرة
نسيت حالي هههه
وحتى اني انتظر الجواب
روح وريحان

[*زهرة البنفسج*]

ياهلا أخت عاشقة الرسول
أي والله للصغار يبغا أليهم احد متفرغ إلي أسئلتهم
واذا ما جاوبتيهم بعد يسئلوو الووه ماجاوبتي هههه أختي كذا
يسلموو علمرورر الحلو منك

[*زهرة البنفسج*]

هلا بتوته وبنوته عادي غناتي أخدي راحتش ونصحي
أنجاوبها علي أسئلتها بس في أسئلة حتي أني بصراحة ماعرف أجوبتها وهذا
دليل علي ذكاء أختي تبغي تعرف هههه تبغي أصير اذكي مني
بالعكس أني اجاوبها حتي أمي احياننا اتقول لي وش فهمها لاتقولي لها
وانا اقول الي امي أي ماتفهم والله تفهم أكثر مني
بعدين تكبر وتعرف وتقول أن احنا انجاوبها خطاء
خلها من الحين تعرف الصح
يعني في مره قالت الي أمي تبغي بنت صغيرة خت يعني أمي قالت إليها كيف أجيب مايصير
وبدت أسئلت أختي الوه مايصير وأمي سكتت عنها واني جاوبتها وامي اطلع فيي اتقولي خلها عنش وش فهمها
قلت اليها كيف اجيب بنوته وابوي متوفي يعني مايصير يعني لازم أكون في ابوو عشان أتجيب بنوته
وفهمت السالفة وسكتت يعني فهمتها الموضوع بالمختصر المفيد علي قد عقلها
يسلمو حبيبتي علمرورر

[*زهرة البنفسج*]

هلا وغلا بفروحه هلا بهلطله
مثل ماقلتي اسئلتهم محرجه جدا احياننا
يعني معظم الأطفال افكروو الام اذا ولدت اشكوو بطنها عشان الطفل يطلع
واني وحده منهم لما كنت صغيرة افكر كذا بعد
بس أختي تسأل وسئلت ذاك اليوم كيف الجاهل اطلعوه من بطن الام جاوبتها أختي ئلي اكبر منها
وقالت اليها اشكوو بطن الأم ويطلع الجاهل
وقلت اليهم لالالا مايشكو البطن وأمي اتبلعمت كيف الحين اشرح اليهم
امي ئلي انحرجت واني عادي الموضوع عندي بجاوبهم
عشان لايكبروو وفكروو الجهال يطلعو من بطن الام اذا شككو بطنها
وفهمتهم بس للحين يسئلو كيف
والله يعافيك فروحه بالعكس هدرتك حلوو
اووه ماشاء الله حبيتو أختي تري أختي هدارة واجد

[*زهرة البنفسج*]

ياهلا روح وريحان
هههه أنشاء الله نفس الحوزة
أمي تقنعني أروح في الصيف
هههه بس ابغا الفكة من خواتي أروح الزق وياهم في الحوزة
كان أختي الصغيرة تمشي وتعرفهم آبي هذي أختي اعرفها
هههه ماشاء اللله عليه اخوش أني ئلي حبيته الحين
مثل ماحبيتو أختي علي فكرة أختي عمرها 7 سنين
بالعكس بشورررة هدرتك خفيفة دم زييك
يسلموو علمرورر حبيبتي

[عكاريش بنوته]

مشكوووووووووووووووره


اخـــــــــــــ زهرة النرجس ــــــــــتي



على


الموووووضوووووع

الكووووووووووووووووووووووووووول


دووم ان شاء الله

عكاريش بنوته

سيسكومورا

[واحد فاضي]

هلا بخيتي زهرة البنفسج

بسم الله ما شاء الله على اختج الصغيرونه

شكلها بتطلع فقيهه >>>>>خمسه وخميسه

عموماً اختي هي اسئله بريئه واجوبتها تكون بريئه وتسوي ثقة

لليهال الحلوين ويصيروا يوثقوا فيج اكثر وأكثر

ذكرتيني بقصه حصلت في ديرتنا قبل كم سنه
واحد وهو صغير ابوه عطاه تربه للمام الحسين علشان يعلمه الصلاة عليها
ووصاه انك تصلي عليها واذا امت انا حطها وياي في قبري
وفعلاً هالولد صار يواظب على الصلاة علشان ابوه وبعد تقريباً عشرين سنه
توفى ابوه وفي لحظة دفنه الا الولد يقول للشيخ تصبر شوي عندي وصيه من ابوي
وراح بسرعه وجاب التربه وعطاها الشيخ وقال له هذي وانا عمري عشر سنين
وصاني ابوي احطها في قبره

واسمحوا ليي على هالهذره الوااااااااااايد

سلام

[أمل الظهور]

ربي يحفظ خيتك ويخليها لكم يارب

مثل ماقالوا الك جاوبيها بهدوء وبدون تملل ولا تضجر لانه علامة ذكاء

ودليل على انه عقليته كبيره ومخه متفتح

فأنت كوني دافع لها علشان يكبر وتفهم صوح وتنمين ذكائها

انا عبيدان اووه مطلع قروني من اسئلته ..

شوفي كيف اسالته ..

ماما انت تحبي عمي ....

قلت له ايه هو اخوي

يقول اجل ليه تغطي وجهك عنه وماتروحي تجلسي جنبه

شنو اقول له بل بل بل عليه هذا واحنا بعاد عنهم وماننزل كل اسبوع

ولا حظ..

ونفس الشيء يسأل ابوه انت تحب خالتي ..

يقول اختي هي يقول ليه ماتجلس جنبنا معاها ....

ولا عاد هذا اللي بيجنني زود ..

يقول اذا شافني بروح انام غرفتي

يقول ماما انت المفروض انت اللي لوحدك بالغرفه لاني انا ولد والبابا ولد

وانت الى ان تجيبي بنت تنام معاك الحين نامي لحالك وانا انام مع البابا ...

ولا عاد شوفي حبه لدموع خخخ ماقلت لكم مسويه للولد شيء

يسألني يقول لي لجات دموع وين بنقابلها<<ترى مايسميها دموع يسميها بالاسم الحقيقي اللي

ندلعها فيه

عرفتيه زهور هاااا ؟؟

قلت له يمكن بالملاهي

قال الي هي دموع بالرياض ساكنه

قلت له لا هي بالقطيف

ماما شنو ذي القطيف

لاحوول انا القطيف منطقه مثلها مثل الاحساء والرياض

يعني دموع ساكنه في بيت بالقطيف

وهو يعني هي ساكنه بالقطيف

انا ايه

وييروح فتره ويرجع لي

ماما القطيف فيها الاحساء ...

لاحوول انا لا هي منطقه قريبه من الاحساء

وهو ماما يعني قريب بيتهم من بيت جدو ....<<<بيت اهلي

وانا لا بعيد اشوي

هو اجل قريب بيتهم من بيت بابا ...<<<بيت اهل ابوه

وانا لا كمان بعيد

وهو اجل وين بيتهم هي وكيف بيتهم وشنو لونه وشنو اسم عيالها وهي اي صف الحين

وين تدرس وووووووووووووووووووووووووووو

ونعيد ماقلناه من اول وجديد

واووه يالله عليه اذا شاف على المسن (قطاوة ) امور

عاد هي ماشاء الله عليها اشكال قطاوتها

فكل واحده له عنها ميه سؤال وسؤال

مره زهقني وقلت الى امور تغيرها بس تنيحست وماغيرتها

وغير اسئلة المطبخ وعن الاهل وعن الغرف ووووووو

الله يكون بالعون



موفقه زهوررروو



واسئله لاتنتهي

[عاشق الزهراء]

مشكووووره خيتووو
على الطرح اسئلة الاطفال
مو بس وهقه الى عوار راس
تسلمي خيتووو على الموضوع
تحياتي عاشق الزهراء

[ســحرالقوافي]

اختي زهورة

اطفل الي دايماً يسأل معناته ان ذكي

ولازم نجاوبه على لاسئله الي يسألها ان كانت صعبة او سهله

او مسائل صعب شرحها الى الاطفال

ممكن اعطائه جواب بصوره مبسطة جداً او قريبه من الجواب

واذا كان السؤال صعب جداً ولا تعرفيه

بدل ما تقولي انك ماتعرفي الجواب تقولي إذا سويت كذا او اي شيء تلهيه به وانتي في هذا

الوقت تسألي


اعرف بنت صغيره ما تجاوزت التاسعة سألت امها ليش الله في آيه النور قال (الله نور السماوات ) وما قال (انا نور)

فشوفي لوين عقولهم

وهذي البنت تعرف كل ما يدور على الفتاة في مراحل بلوغها

ممكن يكون الجواب صعب ولكن الاصعب ان تخدشي الصورة التي يبنيها الطفل حول الاشخاص المهمين حوله


سوري على الهدره



دمتــــِ بود

[ملكة سبأ]

الحال من بعضه عندي بنيتي فاطمه على صغر سنها ملسونه وياااااااا كثر أسئلتها
حتى لوتشوف قدر على النار تسأل ماما ويش تسوي أقول لها ويش هي الطبخه وترجع تقول
أشوفها ماما . وكل يوم من تقوم من النوم تسأل وين بنروح ومن بنشوف .
وإذا شافت أبوه بيطلع بابا وين بتروح هههههه أني أمها ما أسأله وين بتروح هو من نفسه يقول لي انا رايح المكان الفلاني .
كل هذا كوم ووقت النوم كوم ثاني إذا جيت أقول قصة ما قبل النوم إذا كان القصه تاخذ نصف ساعه
من هدرة فطوم وأسئلتها تاخذ ساعه ونصف .
يعطيك العافيه أختي زهرة البنفسج على الطرح الجميل والله يخلى هالحلوه لكم