جذاااابه اني ومثل المغناااطييس ..

[Princess]

جاذبيتي وما ادراكم ما جاذبيتي...


هاااي .. معاكم اميره.. << ايه ايه درينا وتالي .....!!
شوي شوي علي .. اقول ليكم اني اميييييييييييييييره... وما ادراكم من اميره ؟؟؟؟
اقول .. بطلي هدره بس...×××

سلام عليكم اعزائي ورحمة من الخالق وبركاته ..
كم مره تكلمت فيها عن نفسك.. وفقعت راس اللي حولك بقولة انا وانا والعياذ بالله من كلمة انا ..

تتكلم وتبدي رايك في اللي لك فيه واللي مالك فيه.. تسوي روحك اهل الخبره وانت !!...ما اقول انك خرطي....
لاااا... حاشاك بس خبراتك على قدها .. شعارك بالحياه اناااا اعرف ... مو شرط غيرك ما يعرف .. بس المهم لكل شي انت تعرف..!!
كم مره صرخت بالفم المليان .. جاذبيتي . او بأي كلمه مرادفه.... انا مثل المغناطيس ... اجذب اللي حولي.. خلاص مالهم غنى عني .. انا محبوووب .. ودمي يااااي خفيف بالمره .. انا مبدع وفنان ومحد قدي .. الصراحه انا انسااان غييييييييير.. .
كم مره قطيت روحك بنية انك انسان اجتماعي .. على ناس اول مره تصادفهم بحياتك وبدايه هالتعارف التاريخي مالك هدره فيه الا عن نفسك وشخصيتك.. وكأنه طلب منك ابراز بطاقتك الشخصيه..

كم اكتشاف رهيب اكتشفته في اختلاجات نفسك وما تركت للي حولك فرصه انهم يكتشفوه فيك ويقيموك هم على اساسه فقمت وكالعاده بعالي الصووت : ترى انا كذا وكذا .. اكتشفت هالشي في نفسي من فتره ..
وكم... وكم ...
بدون لف ولا دوران.. اميرووه .. قولي اللي عندش ..
طيب ..
... اااي ......اااااااااااه ...
هذا راس اميروووه .. كل يوم في مشوراها للكليه ذهابا ورجعه .. ينفقع.. من وحده راعية جاذبية !! ..
شي يقهر .. من جد .. مشوار ربع ساعه الصباح وساعه العصر .. كلها هدره عن شخصيتها ومواقفها واعمالها ووين راحت وويش سوت وويش قالوا عنها ... ما خلت شي لدرجه وصلت ويش تاكل ..!!
ما باقي الا كم مره تروح الحمام باليوم خخ اكرمكم الله ..
من اول لقاء .. دخلت اميره الباص الجديد بدايه الترم الثاني .. ومن فجر الله .. عورها راسها .. كل شي الا المشواير الطويله .. الواحد ما يتحمل دوخه الراس مو بعد بهارات " هدره "..
اول الجمل ... " جاااذبيتي .. من جد ترى انا شخصيه لا اقاوم والكل يقوول كذا "
اميرووه سمعت هالقرقر صارت اطالع .. مو عشان انها بكتشف هاللي لا تقاوم .. لااا .. بتشوف ليش هالغرور يعني ,, وعلى أي اساس ..وفي نفس اميرووه ضحكه استغرااب ..
طنشت في البدايه .. بس زادت جرعه الأنا..
انا اعرف ... وانا .... وهذا سعره كذا ... وهذا صدقيني في البلد الفلاني كذا... و و و ..
اااااااااااااااااااااااااه .. تعبت اميرووه وماهي راعية بندول الصراحه..
ودووم هذا الحال.. واللي يبط جبد اميرووه .ان هالجاذبيه تتعمد تجلس قريبه منها .. بحجه انها تبغى تتعرف
مو كل الصبايا بالباص تعرفهم . ما يصير ما تعرفش خخ...
افاا بس يا اميرووه .. ما حل لش تعرفي لويش هالمعارف كلها.. .. : من الجاااااااااذبيه...
وتنزل اميرووه من الباص بعد ما شلخت النافذه من كثر ما طقت راسها فيها من الصداع والزهق..
وتنتظر اميرووه من بعيد بتشوف .. يعنو.. اذا الهدره مافيها ريحه جااذبيه .. خلنا نشوف المنظر .. يمكن هو السر..
بس الحمدلله والشكر .. ماشي زود.. بس الظاهر مصنع المغناطيس مو متوافر الا عند هالجاذبيه ودقاتها..

اعزائي ..قربوا بتقول ليكم اميروووه شي بذونكم . احم . اسمعوا ..
حلو انك تمتلك قدرات .. وحلو توثق بنفسك وتحسها غير.... هالشي يخليك تخطي خطوات واسعه نحو الإبداع. بس الأحلى ان هالإحساس يكون في ذاتك بداخلك.. بينك وبين نفسك.. مالداعي تعرف الأخرين من تكون .. خلهم يعرفوك هم .. ويقيموك هم. . بشرط ان هالأحساس ما يوصلك لحافة الغرور ..ويللا تطيح بحفره ثقاله الدم ...
وكنصيحه ..
" اجعل شخصيتك تشف عما يجول في حناياك.. واسقط كل قناع"
ومادح نفسه تراااه ... كذااااب...
اتمنى وصلت فكرتي من هالهدره .. .
ودمتم بحفظ الرحمن

[hope]

يسلموو

موضوع رائــــع والله


بجــد عجبــني

يعني فيـه فكاهه وجديه في نفـس الوقت


والفكــره وصلـت تــمامو


ومشكوورة على القر قر الواجد زيــن


هذا في سوي فـايده حق مــال انـا



وبالتوفيق ...


تحياتي
حوور

[نور الهدى]

ياعلي عليش ووعلى هدرتش

هههههه بس حلوة

الله يعطيك العافية

وصلت فكرتش

بس ان شاء الله ما نكون من هالنوعية الي قلتي عنها

اذا كنت اي

قول لي لا تسكتين عشان اصحح من نفسي

تسلمين اميرة على الطرح

ويالله نبي نشوف بعد غير هذا

تعويض عن الغياب

وتسلم الايادي

العياذ بالله من الانا

[Princess]

هههههههه لا خيتو حوور
متأصثره بالهندي تماموو
اهم شي وصلت الفكره
ويسلموو حبابه
ومنوره
دمتي بحفظ الرحمن

[Princess]

يسلمش ويسمنش حبابه ام محمد
ولا ابد ما عليش كلام يالغلا وتعرفي اميرووه عاد صريحه بزياده في شي بقوول لش كااش ما يحتاج توصي << خخ بل بل ياااساااتر
منوره عزيزتي وان شالله اعوض الغياب
ويعطيش الف عافيه
دمتي بحفظ الرحمن

[ام باسم]

السلام عليكم ورحمة الله وبركاته
الثقة بالنفس شيء مهم وضروري
واساس الثقة بالنفس هو الاحترام
احترام الشخص لذاته
كلما كان احترامك لذاتك اكبر كلما كانت ثقتك بنفسك اكثر
والثقة بالنفس من اهم اسباب النجاح في كل ما نطمح نسعى اليه

طبعا هناك راابط خفي بين الغرور والثقة بالنفس
فالثقة الزائدة بالنفس قد تؤدي الى الغرور والتباهي بما عند الشخص من قدرات
والتعالي على الناس وبدون ان تشعر بذلك

اميرة المرح


ع الموضوع
الله يعطيك العافيه والصبر على هدرتها وانا وانا
عاد كل يوم جيبي لنا سوالفها
لاتنسي

دمتي بود
اختك
ام باسم

[التعيس]

شكرا خيتي أميره ماعاد نقول شيء اذا الرادار شغال

صحيح فيه ناس كثيره هذرتهم ومدحهم لأنفسهم يتفز المستمع

لكن _هل تعرفين السبب ؟ لأكون أنا وأنا مدري

السبب هو أن عنده نقص في شخصيته يحاول يكملها أو يلفت النظر له فقط

[عيون لاتنام]

أولا حياش الله أختي أميرة ويعطيش الف عافية وعساش على القوة دايما والله يوفقش وتتخرجين يااارب
موضوع حلو وطبعا صادفنا من هالنوعية الكثير
وتعليقي على الموضوع
بين الغرور والثقة بالنفس شعرة واحد فقط
ومثاااال حي من عيلتنا تقعد جنبك وتقعد تسولف وتسولف انا وانا 000 وأولادي 00 زوجي 000 قالي صراحة أنتي جميلة ومو مبين عليش انش جايبة هالقد من الأولاد 000وأنتي تتفاعلين معاها وتسألين وتتفاعل في الموضوع لأنها يخصها وبالأخير تكتشفين إنها ماتسولف الا عن نفسها وبس
ولما يتغير الموضوع وتسولفين ولو شيء بسيط عنك مو مدح بعد 0000 ماتصير مستمعة أبد

لا 000 وفي مرة جالسين جلسة بنات في بيت وحده من خالاتي إلا المره قاعده جنب مرت أخوها وهم يسولفون سمعت أسمي على لسانها
قلت لها وشو ماسمعت
قالت لي لا بس أقول لمرت أخوي أنش دايما تمدحين في جمالي ( ماكانت ردة فعل إلا 00أييييييييه 000 ( ماعمري أصلا مدحت فيها ) وشسوي سايرت الموضوع حق لا أفشلها



على العموم مشكوره على الواقع الملموس
أختك
عيون لاتنام

[تاج]

حلو الواحد يكون واثق من نفسه , بس المدح الزايد للنفس هذا مو بس غرور
إلا نقص في الشخصية , وصدقت مادح نفسه شذاااااااااااااااب
وشكرا على الموضوع ,, ووصلت الفكرة " اصبع مرفوع للاعلى "

[همسات وله]

حيا الله الغياب
المتعززين علينا
ويبون يشوفن اشكد غلاتهم في قلوبنا
هلا وغلا بالطيبين
وحيا الحلوين
ويا حلو هدرتهم على القلوب
تحياتي لك اموووووووووووره
والله يعطيك العافيه على هالسوالف الحلوة
ومثل ما يقولون من نعت نفسه يبي ليه رفسه
والواحد لما ايكون واثق من نفسه ما يحتاج انه يتكلم عن صفاته ومواصفاته للناس
لان الناس لها عيون
وهي نفسها اللي تتابع وتدرس وتحلل وبالاخير تستنج ان كان هذا الشخص اوكي ولا لالالالالالالا
تحياتي لك خيتي اميره
والله يسلم لنا هالسوالف الحلو
وكل يوم انشاء الله من ذا
همسات وله

[شمعه تحترق]

خلاااااااااااااص باطيح عالكيبورد من الضحك

عن جد اسلوبك اموره يجنن

وعيون لاتنام الموقف جناااااااااااان

اني بصراحه اتضايق من مجالسة أمثال هالمذكورين

وأريح راسي وأتجنب المكان اللي هم فيه

بس المصيبه لما يكونو ببيتك يعني من الذوق انك تروحي تسلمي عليهم

وتجلسي معاهم عاد بعدها يا أموررره مافي منتي راعية بندول ... بتدوري لك أقوى مسكن .

الله يعين ..

يسلمووو أموره وانصحك بعد ماتوصلي الكليه على طول عالكفاتيريا ..كوووب قهوه ثقيله تعدل راسك .

موفقه خيوووه

[عماد علي]

أقول خيتو أميرة تقولي تحبي الهذرة جتك اللي تفقع راسك من الهذرة ... موضوع حلو ومثل ما قلتي الثقة بالنفس زينة لكن ما تصل للغرور .. وصحيح الكل مفطور على حب ذاته لكن حتى لهذا الحب حدود... بالنسبة لي يمر عليّ كثير منهم وأعطيهم إللي يبون أذن صاغية وتصديق وخلاص يحطونك على راسهم أعرف أنهم شلاخين بس ويش أسوي وياهم كلها جلسة وأنا قايم عنهم ...أنا ما أنافق معهم لان النفاق معناته إنك تبي منهم شيء لكني لا أريد بل هم اللي يريدوا واحد يستمع لهم (هذا مرض وعلاجه الاستماع له) وأحسن المواقف عندي لما إثنين من هذه النوعية يجلسون يتفلسفون في شيء وكل واحد منهم دكتور وفهيم وما أحد قده ساعتها أقول فخار يكسر بعضه... أذكر واحد من هؤلاء الفطاحلة جلس يخرط لين شبع ووصل للقوية وقال "قصيدة صلاة الليل " أنا اللي كاتبها وكاتب القصيدة يومياً في الانوار نشوفه ما هو؟!!! يارب لهذه الدرجة يفتكروا الناس أغبياء ما نقول الا الله المعين...

[ام باسم]

أذكر واحد من هؤلاء الفطاحلة جلس يخرط لين شبع ووصل للقوية وقال "قصيدة صلاة الليل " أنا اللي كاتبها وكاتب القصيدة يومياً في الانوار نشوفه ما هو؟!!! يارب لهذه الدرجة يفتكروا الناس أغبياء ما نقول الا الله المعين...

قويه بقوووووووووووه

[أمل الظهور]

هلا بالغلا كله

(امووووورشه) يوه يوه الله يهداك الناس نيام عندي وانا قاعده (اطلق الضحكات تتلوها الضحكات )

احم

لايكون هاذي اللي في بالي اللي قلتي الي عنها بنت الـــ_ _ _

لا لا ماهي بنت الـ_ _ _

لانها موب من نفس منطقتكم يعنو ماتروح معاك بالسيارة ..

لو انا منك وكل يوم على هالسالفة كان علوم والله وانت اصلا خبري فيك كبريت

وصريحة وكلامك دغري غريبة ماعطتيها صراحتك المعهودة والله هااا تبغين بس مساعده كذا

ولا كذا ترى حاضرين بالخدمة حبيبتي <<كملت

بين الثقة والغرور شعرة

وحلووو تكون واثق بنفسك ومعتز بشخصيتك وبالعكس لو ما كنت واثق فبتكون شخصيتك

مهزوزة وضعيفة بس اني دووووووووووم اقول عن نفسي واتكلم ورحت وجيت وسويت وشريت

يوه يوه هذا اللي مااحبه واكره عاد ثلاثة ارباع الكلام لو انه قنابل كان شلخت الجدران وسقف السيارة

انا من وجهة نظري اللي كذا اممــ يحاولوا يعوضوا نقص في شخصياتهم وماهي ثقة بالعكس

يمكن تكون انعدام ثقة ويحاولوا يزيدوها او يعززوها بهالكلام وانهم يصيروا محط انظار الكل

شوفي ترى عندي منهم كثييير وواحده لو شفتها ادري اني بودع الكلام اللي الي

وبظل ساكته وانا مااتحمل لازم اتكلم واسوالف موب كله تعليق

ترى شريت فستان كذا وكذا وكشخت وفعلت ورحت السوق الفلاني

وشفت عنده كذا وخذت الي ووووو

والله ابي اتكلم بقول سالفة (تقرقع ) في قلبي بس ماكووو مجال ماتعطيني فرصة

اغير الموضوع بقول سالفة غير مااشوف الا تقاطعني بدون استأذان وتعود لقائمة مشترياتها

وتجاربها بالحياة ...

احس بس طلعت هوووووووووء بس لسى سوالفي تقرقع <<ماخلص القرقعان عندها

لاني ماقلتها

تصدقي خايفه اعتدي منها واصير مثلها <<ليش انت موب مثلها ؟؟

امرووووشة شة شة شة

تسلمي يالغالية على هاي الموضوع الجنااان

وكثري منهم

وربي يسلم الك هاي الايدي

[Princess]

السلام عليكم ورحمة الله وبركاته

الثقة بالنفس شيء مهم وضروري
واساس الثقة بالنفس هو الاحترام
احترام الشخص لذاته
كلما كان احترامك لذاتك اكبر كلما كانت ثقتك بنفسك اكثر
والثقة بالنفس من اهم اسباب النجاح في كل ما نطمح نسعى اليه

طبعا هناك راابط خفي بين الغرور والثقة بالنفس
فالثقة الزائدة بالنفس قد تؤدي الى الغرور والتباهي بما عند الشخص من قدرات
والتعالي على الناس وبدون ان تشعر بذلك

اميرة المرح

ع الموضوع
الله يعطيك العافيه والصبر على هدرتها وانا وانا
عاد كل يوم جيبي لنا سوالفها
لاتنسي

ههههههههه اليووووووم غااايبه هي .. استغفر الله وحضرتي مروقه زين اشوى على حالي كان وراي اختبار
وما فيني شده اجيب سوالفها ما بتخلص بامووت " اسم الله على عمري وهدرتها لسا ما بتخلص "

دمتي بود
اختك
ام باسم

ام بسووم يسلموو يالغلا تواجد ولا اروع يعطيش الف عافيه
دمتي بحفظ الرحمن