كيف تتكلّم مع الناس ؟

[عماد علي]

بقلم: د.شــريف عــرفة
*************************************

عنوان غريب مش كده؟؟

عمرك لقيت إنك مش عارف تتواصل مع حد معين؟؟ رغم إنك فعلا عايز تكلمه؟

لقيت مرة واحد مابتحبّش تتكلم معاه خالص؟؟ كده لله في لله؟؟

هل مرة لقيت إنك مش عارف تبيع سلعتك للزبون بتاعك رغم إنك حاولت بكل إخلاص؟
أكيد أيوه.. مش كده؟

طيب.. هنتكلم النهارده عن حاجة من الحاجات اللي هتفيدك في التواصل مع الناس بصورة أفضل.. والحاجة دي اسمها
(التحدث بإيجابية)

*********

في البداية عايز أوضح لك حاجة مهمة جدا عن عقلنا اللاواعي
هنعرفها من المثال الصغير ده
:
هاقول لك جملتين عايزك تركز فيهم قوي وتنفّذ اللي فيهم

ماتفكرش في وردة حمراء

ها ها ها.. ينفع؟ طيب خد دي كده

ماتتخيّلش سيارة سوداء

ها؟ خدت بالك من اللي حصل ده؟؟ أكيد أكيد فكرت لا إراديا في الوردة الحمراء وفي السيارة السوداء كمان

*********

إيه اللي حصل ده؟

اللي حصل يا جماعة إن العقل اللاواعي بتاعنا مابيسمعش الكلام قوي.. ببساطة بياخد الجملة ويقعد يفكر فيها كلمة كلمة عشان يقدر يستوعبها.. فعلشان تفهم الجملتين اللي فاتوا كان لازم العقل اللاواعي بتاعك يتخيل الوردة والسيارة السوداء

يعني إيه؟؟ يعني لو أنا عايز أأثر على العقل اللاواعي للشخص اللي باتكلم معاه, ومش عايزه يفكر في وردة حمراء.. يبقى لازم الجملة مايبقاش فيها وردة حمراء.. صح كده؟؟

*********

طبعا المسألة مش مسألة وردة حمراء وسيارة سوداء
عشان تفهم قصدي اقرا الأمثلة دي

البائع: الأسعار بتاعتنا مش غالية.. احنا مش حرامية ونصابين

الجملة دي غلط تماما وهتأثر في اللاشعور بتاع الزبون.. هيلاقي نفسه ببساطة (مش مستريح) للصفقة دي, ومش لازم يكون عارف ليه.. لكن احنا عارفين طبعا

جملة (مش غالية) دي هيركز اللاشعور على كلمة (غالية) لا إراديا.. والجملة التانية (احنا مش حرامية ونصابين) هيفهم منها إنهم (حرامية ونصابين).. ده أكيد

يبقى المفروض البائع يقول مثلا: أسعارنا مناسبة جداً.. احنا يهمنا ثقة العملاء

*********

نفهم من كده إيه؟؟

نفهم إن إنت لو عايز تأثر في اللي قدامك بحاجة, يبقى لازم تستخدم الكلمات الإيجابية المناسبة اللي تخلق جو من الراحة في نفسه.. زي (رائعة) و(ثقة) في المثال اللي فات... واهرب من الكلمات السلبية زي (غالية) و(حرامية ونصابين) حتى لو نفيتها.. زي ما عرفنا مع بعض

الطبيب: ماتخافش.. الحقنة مش بتوجع خالص

هه.. إيه رأيك في المثال ده؟؟

يلاّ مع بعض نطلع الكلمات السلبية
:
أول كلمة سلبية هي: (ماتخافش).. دي هتخليه يخاف أصلا لأننا ذكرنا الخوف
ثاني كلمة سلبية هي: (مش بتوجع).. دي هتخليه يتخيل الألم والوجع
يبقى المفروض يقولها ازاي؟؟

الطبيب: اطمئن.. هتحس براحة بعد ثواني

(ملاحظ إننا ماذكرناش كلمة "حقنة" أصلا؟)

ملحوظة: كتجربة شخصية, لكل الأطباء اللي بيقروا الموضوع ده.. التكنيك ده أفادني كتير جدا -كدكتور - في إقناع المريض بأخذ الحقنة
تجنب الكلمات السلبية زي: ماتخافش، ماتقلقش، زي شكة الدبوس
كلّمه يا دكتور عن الراحة والشفاء وإن حقنة البنج مريحة لأنها حقنة بنج أساساً

*********

خدت بالك؟

ببساطة لأن هي دي الحقيقة, بس المهم هنوصلها له بأي طريقة؟

البنت لخطيبها: ماتقلقش يا حبيبي.. عمري ما هاخونك أو أكرهك

طبعا كلنا حسينا بصدمة من الكلام ده.. لكن احنا عرفنا ليه.. عشان الكلمات السلبية زي: ماتقلقش- هاخونك – أكرهك

المفروض الجملة دي تتقال كده
البنت لخطيبها: اطمئن يا حبيبي.. أنا مخلصة لحبنا وهافضل أحبك على طول

شايف الجمال اللي في المعنى؟؟ مع إننا ممكن نلاحظ ببساطة إن الجملتين لهم نفس المعنى

*********

نستفيد من الكلام ده إيه بقى؟؟

نخش على الحكمة بتاعة التهاردة
مهم جدا معنى الكلام الذي نقوله.. والأهم هو: كيف نقول هذا المعنى

استخدم كلمات إيجابية دائما في حياتك.. ولاحظ الفرق الذي سيحدث في علاقاتك مع الناس..واعرف الحقيقة دي.. الناس اللي بيستخدموا كلمات سلبية كتير في كلامهم, الناس بتبتعد عنهم ومش بتحب تتكلم معاهم.. افتكر حد مش بتحب تتكلم معاه.. يا ترى إيه السبب؟؟ بيشتكي دايما من الظروف؟ بيشتم كتير؟ بيثير الإحباط؟؟ ركز في كلامه هتلاقي الكلمات اللي قلنا عليها.. الكلمات السلبية

على عكس الناس اللي الناس بتحب تتكلم معاهم.. فكر في واحد بتحب تتكلم معاه وبتستمتع بكده.. مبتسم؟ متفائل؟ بيهوّن على الناس اللي حواليه مشاكل الحياة؟ ركز في كلامه هتلاقي الكلمات اللي بنقول عليها: الكلمات الإيجابية

*********

قبل ما نختم بقى تعالوا نلعب لعبة

اختار الجمل والكلمات الإيجابية اللي توصل المعنى بصورة صحيحة, وحط قدامها علامه: صح

أنا مش عبيط.. أنا فاهم كل حاجة
صح غلط

خليك ذكي وركز معايا
صح غلط

الجو النهارده كويس
صح غلط

ياباشا البضاعة بتاعتي مش بتعفن بسرعة
صح غلط

ماتقلقش.. الموضوع بسيط
صح غلط

هابطّل السجاير, واكون إنسان جديد
صح غلط

البارفان ده ريحته مش وحشة خالص.. بالعكس
صح غلط

ماتفتكرش إن صحتي راحت.. أنا زي الفل
صح غلط

مش هاخذلك يا معلّم
صح غلط

أنا إرادتي قوية جدا.. ثق في كده
صح غلط

ماتبقاش غبي يا بني.. فتّح مخك معايا
صح غلط

بحبك
صح غلط

طبعا حلّيت الواجب كله لوحدي..إنت فاكرني باكدب؟
صح غلط

*********

حلها بقى بروقان واعرف إنت بقيت متحدث إيجابي ولاّ لأ
مرّن نفسك من النهارده على إن كلامك يكون إيجابي.. ولاحظ الفرق اللي هيحصل في حياتك

ماشي يا جماعة.. حط بقى مرادفات (إيجابية) للجمل (السلبية) اللي فاتت لو حبيت.... وورينا شطارتك يا بطل

*********

بقلم: د.شــريف عــرفة

[ام باسم]

راح اطبق هذا الموضوع ولن أنساه

مشكور عماد على الطرح القيم

[شجون آل البيت]

السلام...

بصراااااحة أعجبتني قرأت الموضوع..

ممتع للغاية .. نصائح حلوة ومهمة ..

اعجبني كثيراً .. سلمت يداك..

ما ننحرم من جديدك.

والسلام..

أختك

شجووون آل البيت(ع)

[أمل الظهور]

تشكر أخي عماد علي

خطوات مهمه وحلوة

يعطيك العافيه

[نور الولاية]

بصراحة الموضوع عجبني وايد.
الف شكر لك / مشرفنا الغالي/ عماد علي
الله يعطيك العافية ..

[malaak]

يسلموووووواااااااا

[الــــنـــاري]

يسلمووووووووووو
اعجبني كثيراً ...
ما ننحرم من جديدك...
والسلام..
اخوك
الــنـــاري

[أمير الأحزان]

تسلم أخي عماد علي على الطرح القيم
تحياتيـ

[عماد علي]

أم باسم
شجون آل البيت ع
أمل الظهور
ألم الفراق
ملاك
الناري
أمير الاحزان

أشكر تواجدكم الكريم .... وإن شاء الله الفائدة هدفنا.....

[نور الهدى]

الله يعطيك العافية

وعساك على القوة

والله يوفقك

[عماد علي]

الله يعطيك العافية

وعساك على القوة

والله يوفقك

الله يقويك أختي أم محمد... كل الشكر لكرم مرورك.....

[دمعة المقهور]

سلمت أخوي أبوباسم 00 وسبحان الله أن من قال الدين المعاملة فقد صدق وماعلى كلامه غبار 00

صح أن مالي داك البخت بس عالي بأخلاقي 0000 ودمت أخويا 000

[عماد علي]

سلمت أخوي أبوباسم 00 وسبحان الله أن من قال الدين المعاملة فقد صدق وماعلى كلامه غبار 00

صح أن مالي داك البخت بس عالي بأخلاقي 0000 ودمت أخويا 000

أهلا بمرورك أخي دمعة...

[أسرار الليل]

السلام عليكم
بصراحه اخوي عجبني الموضوع واااااااااااااااااااااجد الله لا يحمنا منك اخوي
((تحياتي قبل حياتي ))

[القلب_الحنون]

الف شكرلك عزيزي الغالي (ابوباسم) على هذا النقل المفيد والجميل والرائع
وعلى اي شخص قبل ان يحكم على اي انسان ان يسمع وجهة نظرة قبل الحكم؟
مع تحياتي واحترامي لك