بسم الله الرحمن الرحيم
اللهم صلي وسلم وزد وبارك على محمد وال محمد ,,وعجل فرجهم وفرجنا بهم يا كريم
معروف الشخصيات تختلف والامزجة تتغير والقلوب متقلبه
وفينا الي يحب يهذر ويقول كل الي بداخله والي يخطر على باله ,,
وفي الي يظل صامت يستمع فقط ,, واذا تكلم يتكلم بحدود الكلام الموجه له
وفي الي بالمرة حتى الرد ما يرد الا ما رحم ربي ,,
الشكوى ,,
في الي يا ربي عليهم لو ينجرح صبعه تشوفه ما يخلي احد الا ويشكي له ,,,
وفي الي حتى اصعب المواقف تشوفه صابر وساكت ويقول الحمدلله على كل حال ,,
احيانا الكلام نعمه والفضفضة راحه للنفس ,,
وفي اوقات تنقلب الموازين على راسك لو تكلمت ,,
تغيرت نفوس اهل هذا الزمان وصرنا نخاف ولا نثق ,,
رغم وجود الطيبة ,, والصدق ,, والاخلاص
بس يظل الخوف موجود من الانصدام من خفايا القلوب ,,
عن نفسي صرت اتجنب الحديث عن الي بداخلي واذا ضاقت نفسي يا اكتب وبعدها دليت للملف ,, او اتجاهل الامر واشغل نفسي بأشياء ثانية
وانت ,, وانتي ؟؟؟؟
وهل توافقوني الرأي بان الصمت هو افضل حل ؟؟؟
اما البوح بكل ما يختلج بصدرك ,,
هل يوجد اثر سلبي للصمت ؟؟؟
وللبوح سلبيات ,, وايجابيات ؟؟
يوجد الصديق الحقيقي ؟ اسئلة كثيرة تنطوي بين سطور الموضوع
وهو موضوع متكرر وطرح اكثر من مرة
بس ودي نناقش ونتلحلح في المنتدى ونعيد الحياة بعد السبات
المفضلات