مسابقة ضحكنا وياك..!!~

[ورده محمديه]

استنى تستدعوني ..
اساساً تم استدعائك قبل ماترد ..بس تعرف القوانين لازم الاشراف على الرسالة قبل ارسالها..عشان كدا ماوصلتك على طول


لا - خلاص ،،
باحط موقف ..
عشان لابعدين مايمديني أو شي
وتقولو هذا مو راضي
ياهلا فيك وبموقفك ..
تشرفنا والله

هو أكيد مرت علي مواقف مضحكة >>> لكن ماذكر منها شي
نعيش كل يوم في يومه >>> احسن لنا من تذكر الماضي ..

المهم عندي هالموقف - بس هو محرج حده
لكن ما ادري يضحكم لو لا ..

كانت ايام دراستي بالثانوية ,,
وكان مدرس الفيزياء اللي درسني بثاني وهم درسني بثالث
علاقتي معاه قوية - والكل اذا يبغغى واسطة عنده يجيني ... ههه
مثلا استاذ غايب وهو علينا الحصة الأخيرة فاكلمه عشان يقدم الحصة ونطلع بدري ..
زيادة درجات ,,
حتى مرة رحت اله اتوسط لطالب عشان يعدل درجته تعرفو ثالث ثنوي - ندور درجات
المهم اله يقولي الأستاذ انت شابق على روحك بالأول
قلت اله لا ،، انا ضامن انك بتعدل درجتي >>> واثق الأخ

المهم ،، صحيح نسيت اقول ليكم اتحملوني لأن السالفة بطول ،،

ومرة من المرات اذكر انه احنا كنا رايحين مختبر الكيميا - وهو جنب غرفة المدرسين
اللي فيها هذا الأستاذ/ استاذ الفيزيا

انا سلمت عليه ،، إلا هو ناداني ورحت اله
والا هو مغصب علي أخذ من عنده فطور - جايب سندويشات لا انسى انها من مطعم التنور ،،
المهم بعد التي واللتيا أخذت سندويشة ..

واللي هو شايف استاذ جاي - محضر مختبر
واللي هو مسوط عليه ويقوله ماتشوف حل لهذا - يقصدني انا - كله جاي غافني ..
ويدخل داك ويصارخ علي ويهزأني - وانا ساكت
بعد ،، توصل كذا .. قام علووه وحسب مايذكر كان حاط السندويشة فوق كتابه حق الكيميا
قام دحرج السندويشة ووصلها لطاولة المدرس وراح بيطلع ..

اللي هو الأستاذ يسوط علي تعال ،، تعال
خذ السندويشة - يبغى يقول كنت امزح معك - مافي فايدة
جآن اطلع واقوله بعد اللي قلته انت وهذا وطراخ صفعة بالبالب >>>> اتقي شر الحليم اذا غضب

المهم صرت ما اكلم الأستاذ - حتى لو يناديني باسمي في الصف
مثلا بيسجل غياب - يبغاني اشارك
يتعمد يحاول يضحكني - حاول اني ارجع اكلمه زي الأول - لكن كنت ميبس راسي
وهو متندم لأنه يدري انه هو الغلطان

وظلت الحالة كذا لمدة شهر لو شهرين الى نهاية الفصل الدراسي الأول
وبالاختبارات - الا هو يشوفني واقف على باب القاعة قبل الاختبار - لا انسى انه حديث

الا يقولي انت في هذي القاعة عشان باجي المكان اللي انت فيه - قلت اله اذا انت تجي فيه انا اطلع .. >> مسوي معصب

جآن شوي وانا بالاختبار - طبعا الاستاذ كان بالقاعة اللي قبالنا
إلا المرشد الطلابي جاي
ويشق الصفوف إلى ان وصل لحضرة جناب علوووه ..

ها علي - وش فيك زعلان مع استاذ فلان / قلت اله انا من اللي قالك
قالي المهم اللحين هو يتأسف منك وانا جاي اقدم اسفه وكلام زي كذا >>>> المهم

=============
عشان فشيلتي وايا المرشد - وجاي اللي لعند اختباري
اضطر علووه انه يسامح الاستاذ ..

ولحد الآن علاقتي وياه قوية ..
وعلى اتصال دائم معه ..


وش رايكم بهالموقف !!!
وسامحونا على الاطالة - وعلى اللهجة العامية


واللي عنده تعليق ماينقال هني >>> عنده التقييم هع هع

موقف حلـــــــــــــــــــو ..
بس بصراحه الا استعجبت منه انك شهرين ماتكلمه >>ماهكذا الظن بك
الله يديم هالعلاقه عليكم يارب

يعطيك ربي الف عافيه أخوي
ومشكور على تلبية الدعوه
وخلينا نشوف طلاتكم وتعليقاتكم على مواقف الاعضاء
لاخلا ولا عدم منك
دمتي بطهر قلبك ..

[ورده محمديه]

ترى الغريب في الأمر
انه ماوصلتني دعوة ..

واني بديت ارد قبل لا أشوف ردكم
شوفو الحين وقت الرساله وبتعرفو انها قبل
ويش اهون واسحب موقفي .. ههه[/center]

ياهلا فيك اخوي
اسعدتنا بمشاركتك
دمت متواصل
تحياتي لك ..

[ورده محمديه]

هلا ورطوني وستدعوني

والله يعين

لي عوده إنشاء الله قريبآ

مرحبا ..
لا تطول علينا أخوي
بنتظار عودتك
تحياتي لك..

[ورده محمديه]

خوش مواقف
مكسوره الخاطر
غناتي حلو موقفش موت
احنا اختي عكسش جاية سريع وطراخ ........الباب مغلق
وجلسنا نضحك ساعه في مارينا
وكل ما مشينا شوي تذكرنا وفطسنا ضحك
نمشي وكأنا سكرانين
هاهاهاها


علي اخوي
خوش موقف حلو مع استاذك والله يدوم المحبة بينكم

مراحب يالغلا..
يسعدني تواصلكِ
لاعدمناكِ
تحياتي لك..

[ورده محمديه]

ههههههههههه
مكسوره الخاطر موقف لا تحسدي عليه
خيي علي الله يدوم المحبه ههه
وكل الشكر يعود لورده ع الطرح
بانتظار بحووره
تحياتيـ ..

ياهلا بفروشه القموره..
ياعساها دوم هالضحكه يارب

..ارق التحايا لكِ..

[ورده محمديه]

علي : وقدرت تقاطع الإستاذ شهرين
أني لو منك ماصبر حتى إسبوع
بس كلامك ذكرنا بايام المراهقه وحلاوتها
الله يدوم المحبه

اسعدنا تواصلك
دمتي قريبه من هنا

تحياتي لكِ

[ورده محمديه]

مواقف كتير حلوة من الأعضاء
وجودك الاحلى غناتي

الله يعطيكم الف عافية جميعا
ربي يعافيكِ ويخليكِ
وتعيشوا وتاكلوا غيرها
ههههه
ومشكورة خيتو ورده على استدعائك لي
العفو حبابه
واعذريني غناتي ما قدرت اجي
عادي غناتي اخدي راحتكِ
ويمكن ما ادخل في المرات الجاية
لأنة دخولي الى المنتدى صاير قليل مرة
الله المعين
فخلاص اختاري غيري لا اطول عليكم وازهقكم وياي
ماتزهقينا ولا شي ..عزيزه وغاليه
مع خالص تحياتي لك يالغلا

دمتي بخير

وجودك وردك يكفيني يالغلا
دمتي بخير

[ورده محمديه]

مرحبآ ..

موضوع حلو وكشووخ

موآقف ظريفة بالحيل
من أكثر الموآقف اللي ضحكتني موقف نبرآس وً أنين

ومآ ننسى موقف أخونآ الزعلان علي هههههههـ

زين بعد رضيت عليهـ .. حشى صآر أخوكـ الصغير مو أستآذكـ
ووصلهآ للمرشد الطلابي بعد هعـ

/
\

تسلمي غلاتوآ وردة ع الموضوع النآيس
ربي يسلمك
نصيحة لـآتفكري تستدعيني لـأني أدخل يوم وأغيب شهر وأظن جربتوني قبل ~>> كف
عادي ..براحتك

تحيآتوا ,,

يسلموا على المرور الحلو
دمتي بخييييير
تحياتي

[ورده محمديه]

ههههههه ..مكسورة الخاطر من جد موقف يضحك ماتنحسدي عليه

اخوي علي .. الله يدوم المحبه بينكم ياربي

تواجد مميز
دمتي متواصله
ودي و وردي

[ورده محمديه]

مرحبا اكيد طولت عليكم

هههه بجد مواقف لاتحسدون عليها

يالله اقول لكم موقف جد مستحيل انساه يفشل ويضحك هههه

مره كنا بروح الكليه وسواقنا اعتذر فقلنا يالله ندور غيره

المهم حصلنا واحد جارنا لا وبلواسطه مني ..

تجمعنا كلنا في بيتنا وركبنا الباص..وتفقنا الي تنزل تعطيه فلوسها عن الزحمه

ومشو ثتنين قبلي وجاء دوري

وعطيته وهو يقول لا أختي مايحتاج وانا مصره لا خد حقك ههه

وهو يقول لا مايحتاج والبنا ت يضحكون ونا مادري شنو السالفه

استسلمت ههه وقلت ليه رحم الله والديك<<<ماكنت اعرف اني ؟؟؟

والبنات مو قادرين من الضحك يمشون وانا ياغافلين ليكم الله

واسال ويشفيكم مايردون يضحكو ’’’عصبوني ودخلت قبلهم وفتحت شنطتي اخد الي اغراض وقلت يالله خليني ارتب محفظتي

والطامة الكبرى ....شفت اني بدل 50 مديت اليه ريااال هههه

وفهمت السالفه وانخش من مكان لين مكان ماودي اشوف البنات بس المشكله مو هون المشكله ادا رد الينا السواق للرجعه ههه

ركبت الباص والفشله ماليا المكان

وماصدقت رجعت البيت وخليت اخوي يكلمه هههه(ماخلا كلمه بعد ماضحك وشبع)


اتمنى اني ماطولت عليكم.....بس لاتضحكو كثييير لان لريال يشبه الخمسين ههه
ريال ومصره عليه الا تأخده حقــــــــــــــك




بصراحه قمه في الاحراج

اسفر وانورت واستهلت وامطرت

خوش موقف خيتي بحور ضحكتينا عليه عدل

يعطيكِ ربي ألف عافيه حبابه
ومشكوره على تلبية الدعوه
دمتي متواصله مع مواقف الاعضاء
تحياتي الحاره..

[ورده محمديه]

بحر :أني أحسب السالفه قديمه
بس عرفت من الريال والخمسين
ترى هذي صارت هالأيام مشكله
في واحد دفع ريال قام البايع رد عليه 49ريال
طلع بالفايده
بس الله يساعدش من الفشله ديك الحزه

الحمد لله على الغطاء لولاه كان وجوهنا مافيها ماي من هالمواقف

مشكوره غناتي على التواجد الحلو
لا خلا ولا عدم منك
دمتي بود

[ورده محمديه]

خخخخخ
مواقفكم جونااان
عن جد لاتحسدون عليها
يعطيكم ربي الف عاافية

منورهـ حبابه
دمتي في تواصل دائم
وردي و ودي

[ورده محمديه]

الأعضآء الا وقع الاختيار عليهم هالمره هم :
1)أبو طارق
2)حب آل محمد
3)نسيم الذكريات

يلا لاتطولون علينا..
بأنتظآركـــم..~

[@Abu Ali@]

أعتذر على الطالةولكن الوقت لم يسمح

كان ودي أن ما أرد الدعوة بس ضيق الوقت

أعتذر من الجميع ومن وردة محمدية

[ورده محمديه]

أعتذر على الطالةولكن الوقت لم يسمح

كان ودي أن ما أرد الدعوة بس ضيق الوقت

أعتذر من الجميع ومن وردة محمدية

ياهلا والله فيك أبو علي
مسموح أخوي ..ولكن سنترقب قدومك حين تسمح لك الفرصه
..تحياتي لك..