لاقلت احبك اسكتي واسمعيني !!!!!

**الملاك راحيل** · 04-09-2006, 05:06 AM

السلام عليــكم ..

حبيت انقل لكم هالقصيده اللي عجبتني .. وانشالله اتنال اعجابكم ..

لا قلت احبك إسكتي..وأسمعيني

لاتتعبيني يكفي القلــــب مجـــــــروح
لاقلت احبك اسكتي واسمعــيـني

ماجيت ادوّر فيك لوعـــــــــات وجــروح
جيتك وانا كلي امل تسعــــديني

جيتك وانا كلي احاسيس ووضـــــــوح
جيتك ابي لو ساعةٍ تفهمــــــني

والله ماغيرك سكن داخــــل الــــــروح
ولاغيرك انتي وســـط قلبي وعيني

والعاشق اللي يعشق بصدق مفضوح
لو جا يرد الشـــــــــوق لازم يبينـي

لاتسأليني وش ورى الهم والنــــــــوح
وفي عز جرح القلب لاتســـــــأليني

ياليتني اقدر على البـــــــوح و آبــــــوح
ان كان ماشفتي الشقا محتوينــي

ياللي تحسبين الهوى لعب ومــــــزوح
شوفي سواة العشق والهــم فيني

بعض الغـــرام ايجيله ايــــام ويــــــروح
وانتي غـــرامك بالحشامبتليـــني

لاتتعبيني يادوى القلــــــب والــــــروح
لاقلت احبك اسكتيواحضنيني

**نون المحبة** · 04-09-2006, 05:10 AM

لاتسأليني وشورى الهم والنــــــــوح
وفي عز جرح القلب لاتســـــــأليني

تحياتى اختى الكريمة ...........!

**الملاك راحيل** · 04-09-2006, 05:16 AM

مشكوره اختي نون المحبه لمرورك السريع

**شمعه تحترق** · 04-09-2006, 10:54 PM

قصيده جميله ورائعه من حيث الصياغه
ولكن ربما يختلف البعض على جمالها لونظرو للمعنى
والرساله اللتي اراد الشاعر ايصالها لمحبوبته من خلال
ابيات القصيده .. واضح انه أراد فرض حبه معتمدا على
وصف مشاعره .. وكأنه يلغي كيان الآخرورأي الطرف الآخر
قصيده رائعه .. واختيار جميل اخي ملاك يدل على ذوقك
وعن نفسي اعطي الشاعر اسم (المستبد)
اعتقد ان القصيده للشاعر //ابراهيم بريول
يسلمو ملاك

**My tears** · 04-12-2006, 03:47 PM

أنـا مـع شمووعه في ما تقول ..
وشكراً على النقـل ..
والرجـاء الرجـاء الألتزام بشروط هذا القسـم ..
والله يعطيك العافيه ..

مع خالص تحياتي .. أختك My tears ..