عذب النايم ...

[شذى الزهراء]

إذا كان في عز نومه وانت مونايم ولا جايك نوم ادخل الغرفة وشغل النور واطلع .. اذا كنت مقهور من واحد نايم الظهر أو العصر لحفه زين وسكر المكيف واطلع ولا تنسى تسكر الباب. واذا بتقوم واحد من النوم لا تسوي شي من اللي سبق ذكرته بس بهدوء حط إيدك على الراديو وشغل محطة خربانة وعلى الصوت العالي وسكر الباب.. اذا كان نايم وانت شبعان نوووووووووم بس تبي تتونس جيب ماء بارد وقرب من النايم وحط قطره قطره على جبينه بيرتعش على باله نمله ولا شي واقعد لمن تطير نومته .. وإذا ما نجحت كل الطرق اللي فوق تأكد إنه مو أدمي .... خله نايم واطلع .

[dr fun]

وإذا كان عصبي وسويت فيه كل هالأشياء .. تتوقع رح يعديها بالساهل


أو يستخدم نفس الإسلوب معاي في يوم ثاني ..

شنو الحل ..!!!!!!!!!!

ممكن هالطريقه تنفع مع الجنس الآخر .. لأن ردة فعله تكون غالباً رقيقه

تقبلي مروري



dr fun

[همسات وله]

صعبه ماراح اسويها
لاني ما اقبل احد يسويها فيني
كل شي الا النومه
قويه واجد قويه

تسلمين خيتي
تحياتي وتمنياتي لك بالتوفيق
اختك همسات وله

[شمعه تحترق]

بصراحه تعذييييييييييييييب

هي أفكار اممم حلوووه انك تسويها في أحد

بس أحد يسويها فيك لااااااا .. لكن الخوف من ردت الفعل

واحد من اخواني مايصحى الابطلوع الروح

اذا حبو يصحوه ينادوني ههههههه

ترى ما اسوي له شي من اللي ذكرتيه لاااااا

أروح ادق باب غرفته وابقى واقفه وارجع ادق وأدق .. وأدق
لحد مااحسه انتبه من نومه

بعدها أدخل ابقى واقفه عند الباب وما أخلي كلمة فيها عناد
وأعرف انها تنرفزه ما أقولها

في النهايه الكل يسمعو صوت صراخي واني اركض وهو وراي
وبسرررعه اروح غرفتي واقفلها علي ..

وفي موقف سويته في اختي ملووكه

كان يوم عيد وهي مواصله للظهر جالسين نسولف

قالت انها نعسانه ورح تنام ومن تصير الساعه3 أصحيها قلت ان شالله

ونحاسه فيني بقيت اسولف معاها لحد ماصارت الساعه 3 إلا دقيقه أو أكثر شوي موفاكره بالظبط

المهم سكتت عنها وهي من زود النعس نامت لها كم دقيقه ومن دقت الساعه3 قمت اصحيها بإسلوب

هههههه الله لايوريكم .

يعطيك العافيه شذى الزهراء

[أمل الظهور]

هههه

حلوة منك هالافكار ..

وشمووع زين تسوي في ملوكة خليها علشان تنام الليل بدري ....


أما أنا عاد ياكثر مقالبي في الاهل وقت النوم ...احيانا يكسرون خاطرهم بس خلـهم اشوي ابرد قلبي فيهم ...


طبعا اذا نزلت لاتناموا خليكم سهرانيين معاي لاتجيبوا طاري النووم لي فاهميين ..

ومساكين خواتي يصادف يوم الاربعاء وجالسين من الصبح وانا ها بتناموون بوريكم شغلكم ..

وهم هاااا لا ابونا الحين يجي يشوفنا سهرانيين ويهزأنا وفعلا ابوي مايرضى على السهر

أضطر اعطيهم اعفاء ..احيانا تكون النحاسة واصله حدها عندي واقفل الباب

ولا اخليهم يطلعوا خخخ وهم اللي يتورطون مع الوالد بعدين لشافهم موب بغرفهم

اذا ناموا مبكر من الصبح اجلس ليهم هذا اذا نمت

وحتى امي ربي يحفظها لي ههههه ماتسلم مني هاليومين ...

بقول لكم سر خطير بالمرةيوم جلست امي من الصبح الساعه تقريبا 8
قلت ليها ماما قومي تـأخرتي على الطباخ

وتقوم مسكينه خايفة وحالتها حاله تفكرها 11 او 10 .....ههههه
شافت الساعه يوه تو الناس

قلت ليها قومي جلسي جنبي موب كله نايمين ....اذا جيتكم

عاد وييه بس يجلسوا واقعد معاهم ساعه وابتدي

انا فيه النوم ههههه

واخواني الصغار اذا وقت الصلاة اروح ليهم ادري عنهم يطفشوا امي فانا اتكفل بالسالفة

واخذ غطاء قلم وامرره على اذونهم واخليهم يفزوا غصب ....غير تشغيل الانوار والهذرة اللي مني ...غير التخريعااات

والصريخ ...بس اخوي الثاني ابتدى يكبرويصير شاب والله اني خايفة يجيني شيء منه يادووب احرك اذونه اشوي

واهرب للصغير ...

هههه ومرة اختي يوم كانت صغيرة تقريبا 9 سنوات سويت اليها مقلب ماانساه خخخخ

كان عندنا كاسيت عزاء عن الموت وكان هو يتلو آيه استغفر الله نسيتها ..عن اللي يتأخروا

عن الصلاة وعن عذاب القبر وجهنم

انا اجلسها واجلسها ولا هي هنا ...قلت ايه مافيه الا كذا هيين بس ..

ويجي اليوم الثاني ..وانزل تحت السرير واقعد اردد الاية اللي كان يقولها ..

واخليها تقوم وهي موب بشعورها ...


والله مقالب بتاعة النوم بس احد منهم يسوي لي مقالب اوريهم شغلهم خخخخ

بصراحة احيانا اكون مشتاقة للنوم بالمرة وادري عنهم بيجون يجلسوني ...

وزوجي طلع يعني بيأخذون راحتهم وبيجلسوني غصب ...خخخخ شسوي ياربي شسوي ...

خخخ اروح احط جنب الباب جزمة زوجي الثانية اعزكم الله علشان اوهمهم انه ماطلع ولسى بالبيت ...

يحرموا يقربوا جنب الغرفة بس ....

ولا اتوهق الا اذا جاء ابوي ربي يخليه يخبرهم انه السيارة مو موجوده

ويجون ..يبغى لي سيارة احتياط ...


مشكورة خيتووو على الموضوع الحلوووو خلتينا نطلع فضايحنا

تسلمي

[بنت الشيوخ]

حــــــــــرام عليش كلها مقالب ماحد يتحملها
وأنا بالذات أخواني يعذبوني بطريقتين من
الي ذكرتيهم واحد مايقدر بس يشوفني نايمة
يجي يسحب الحافي ويطلع خخخخخخخ
واختي تصحيني بالماي البارد عاد هذي
بالذات أكثر حركة تعــــــــــــذبني خخخخخخ

يسلمــــــــوا على الأفكار الخطيرة
تحيــــــــــــاتي

[دمعه حزن]

هههههههههههه
والله افكار جهنميه يا .. شذى الزهراء ..
يالله بنقول لكم المواقف الا صارت معانا .. اقصد الفضايح ..

انا عندي يوم ابوي يسهر يوم ثاني ما يرضى يقوم بالساهل ههههههههههه
عاد امي وينج يا دمعووه روحي صحي ابووج نبي نفطر
اروح له اقول .. ابوي في رجال برى يبيك
او قوووم الساعه وصلت 11 اذن
اخليييييه يفز من نومته ..
بس عرفني الوالد وعرف حركاتي عقب قام هو يخرعني هههههههههه
اروح له اصحيه يسوي حاله نايم ويتكلم ويطلع اصووات << وييي وانا عااد خيووفه ما تشوفوا الا كأني شايفه جني واقعد اناديه بخوف واهزه وشوي واصيح ويظل فترة يمثل عليي بعد يتقن الدور عقب ما اشوفه الا ميت ضحك عليي ..

موضوع جميل اخيه ..
تسلمي خيووه على هالطرح الرائع ..
يعطيك العافيه ..

تحياتي
دمعه حزن

[القلب المرح]

السلام عليكم
ايييييييييييييه ياكثرها مواقف تحصل كذا
في النوم اكره مكره عليي احد يجي يصحيني وانا ماقلت له اوووووووووووه يروح فيها هذا ان صحيت له يعني
اذكر لكم سالفه
مره انا نايم رايح في سابع نومه سابتنها سبات والحلمه زاحفه بعد المهم اخويي الصغير جاي قوم يبغوك بره
انا حاقر
ينادي قوووم انا حاااقر
يشيل البطانيه من عليي ويهزني قوووم انا حاااقر << واصبر نبي الله ايوب عليه السلام
اخر شئ يجي يصفعني داك الككككككككف بقووووه في الخد وهو منقهر وافززززز والحقه واترفس فيه
وجيت بنام طارت وانزل وعقاب ليييه اخليه يشتري ليي من البقاله

""
وفيه مره في مجلس جالسين فيه واحد من الشباب نايم عالكنبه
الحين اتفقو الجماعه يجننوه بس كيف؟
نجيب العسل وكم زيجاره ونلزقها في بوزه بالعسل
المهم جبنا العسل و واشوي اشوي حتى لايحس حطينا فيه العسل في بوزه
وجبنا الزيجاره الا هو يتحرك قلنا لا حس
مسح الا ببوزه حس بشئ
وعود نام وعودناها نفس الشئ الحركه
حتى لبقت وحطينا الزيجاره وصورناه بالجوال كانه صحان ميت والزيجاره ببوزه خخخخخخخ
ولما اوتعى مسكيييييييييين طاح فينا سب والكل يضحك عليه بس عور افادي بس كل من صاحب الفكره << مو انت ولاشئ وه

وياكثرها مواقف تحصل في تعذيب النايم ههههههههه بس عدل
تحياتي للجميع بالتوفيق

[شذى الزهراء]

اشكركم على مروركم الكريم والحلو بصراحة اسعدني تواجدكم ..دكتور فان ,همسات وله ,امل الظهور ,شمعة تحترق, بنت الشيوخ ,دمعة حزن ,القلب المرح .. يسلموااا.

[دمعة الاحزان]

صبااااااااااااااااااااااااااح الخير
بما ان الموضوع عن النوم وانا ارد بالصباااح فااصبح ع الجميع

شذوي حرررررررررررررررام عليك طرقك مو بس عذاب
الا تصحي الي الموصاحي

اما انا في النوم تعالوا شوفوني
اذا بصحي احد عادي اصحيه ومن دون هالاساليب<<<البنت ناااااااااااعمه
يعني اذا اختي تبيني اصحياها اروح لها يلا قومي
ويارايحه وياجايه واذا حصلت الي تهزيئه منها قلت لها خلك موب مصحيتك بالطقاق
واصفع الباب شوي واطلع
ولا اخليه مفتووح لانها اكره ماعليها تكون نايمه والباب مفتوح كاااااامل

اما اذا طلبت من احد يصحيني شنو يسوون بس يدقون الباب ولا ماينسمع
الا يقول خايفين على اصابيعهم والحين يكتفون برنه الجوووووووووووووال <<اسلوب حلو تصحي وترجعي تكملي نومتك وانت مااحد هامك
اما اذا ماقلت لهم ياويل قلبي منهم
دق في الباب وصريخ وهذرة
واذا فتحت لهم الباب ورجعت نمت شنو يسلمني منهم
مايخلو عزايه انشودة مولد الا حاطينه وهم ويااااااااااااااااه
ويلا الي يقول رايحين حرب من اصواتهم
وانا منقهرة وهم ولاهمنهم
ثااانكس ع الموضوع

[عماد علي]

أذكر مواقف لشباب الجامعة في النوم وعندهم تسميات بعد ... نوم أهل الكهف وهذه النومة الطوييييييييلة ونومة التعذيب وهذه يخلون النعسان نايم خمس دقايق وبعدين يصحونه ولما يعود ينام يخلوه خمس دقايق ثانية وهكذا لآخر الليل... أذكر أيام الصغر تجيني نومات غريبة وكأني ميت يوم من الايام كنت نايم ومع أخي الصغير ( عمره شهور) الحين الولد جلس من النوم وقام يصيح وأنا الله بالخير في سابع نومة البيت يسمعوا صريخه وشديخ في الباب المسكين وأنا في سابع نومة بعضهم راح للنافذة يصارخ علي ويرمى حصى وهم أنا في سابع نومة حاولوا يكسروا الباب وما جلست إلا لما جابوا عصا طويلة وعلى راسي( شكلي ما أجلس إلا باللمس ) وأجلس ويش السالفة وأبوي شوي ويضربني بالعصا يناس ما سويت شيء بس كنت نايم حرام؟!!! حصلت لي يمكن مرتين أو ثلاث مثل هذا الموقف (غريبة).

[شذى الزهراء]

عماد علي تسلم على مرورك الكريم ..مشكورة دمعة الاحزان على تواجدج اللطيف الحلووو..