يوم الاحد صحت هدى الساعة ثلاث..اخذت لها شاور..واستشورت شعرها..مسكت البي بي..ثلاث مكالمات من رزان..و وحدة من سارة..دقت عسارة و فتحت اللاب..
هدى:"هلا..شرايك ما نروح المدرسة اليوم..؟!"
سارة:"ما لي خلق..بس ما اتوقع بابا يرضى..؟!"
سارة"بتقولي لها تجي معانا..؟!"
هدى:"احسني مضايقة ما ابي اجلس جنبها مدري ليه..!"
سارة:"قلت لك البنت مو عاجبتني..كفاية الاشاعات الي طالعة عليها..!"
هدى:"احسها مسكينة..بس حركاتها قوية شوي.."
سارة:"لا لامسكينة ولاشي ترى هي راسمة عليش لبعيد...
هدى :"بعيد كيف يعني مافهمت؟؟؟؟؟"
سارة :"ليش ماتسمعيها كيف تكلمش ...كلام غزل وغير شكل يعني..."
هدى :"يووووووووووووو راح بالش لبعيد "
سارة:"بابا يناديني بروح اشوف يمكن يخليني اغيب اليوم"
نزلت سارة و وجلست جنب ابوها حطت راسها على رجله
ابو سارة:"شفيش سارونة..؟!"
سارة رفعت راسها..وشاف الدمعة مغرقة عيونها ..
ابو سارة:"سارونة حبيبتي شفيش..يا حلوة يا قمر.."
سارة"يبا..امي وحشتني..ليه راحت وخلتنا..!"
ابو سارة سكت..و ضم بنته لصدره..
سارة:"يبا خلنا نطلع مع بعض نتذكر ايام ما كنا نطلع انا وانت وامي..يبا تكفا..!"
ابو سارة و مكسور:"يا بابا تعرفي ان ما عندي وقت..وانتي عندك دوام"
سارة و الدموع اربع اربع:"يا بابا تخيل اروح المدرسة و يشوفوني البنات كذا..ضايق خلقي و مكتئبة..ترضاها لبنتك الي الكل يشوفها مبتسمة.."
ابو سارة:"خلاص يا عمري..لا تروحي..دقي على هدى او أي وحدة ثانية من صديقاتش خلها تطلع معاش..!"
سارة قامت و لبست عبايتها و دقت عـــهدى و طلعوا مع بعض..راحوا مجمع يفطروا هناك..جلسوا على طاولة تطل على الطابق الي تحت..وهم جالسين ياكلوا نقزت سارة من مكانها مصدومة..وتأشر وهي ساكتة..قامت هدى تشوف وين تأشر..وانصدمت لمن شافت رزان ماسكة يد واحد و قاعدين يتمشوا..وهو حامل اكياس كثييير باين انها ملابس بنت..قامت هدى من مكانها و نزلت عالدرج بسرعة و تركض وراها سارة..وترجع للطاولة تاخد الساندويش حقها و الكوفي..وتركض ورى هدى مرة ثانية..
نزلوا وقعدوا يدورهم محل محل..سارة شافتهم وتأشر لهدى..طبعا ما فيها تنادي..فمها مليان اكل..لانها مع الاكشن الزايد تاكل زيادة..
سارة:"نتغطى ونمشي وراهم..ولا..(تبلع)..نلاحقهم من تحت لتحت"
سارة:"اصلا بتعرفنا يعني ما في احد في البلد عبايته ملونة زي عباتش..!"
هدى:"سارو سكتي لا يجيكي كف مو وقت استهبال..احسني وصخة..تخيلي مخلوقة بذي الحركات كانت تلمسني..!"
سارة:"يا ليت لو بس تلمسك..الا تبوسك و تضمك..تقولوا متزوجين..!
رزان:"خلاص يا قلبي شرينا واجد.."
الشاب:"لا يا حبي..اتدلعي على كيفك.."
رزان:"ما ابي اكلف عليك.."
الشاب:"لا حبيبتي خذي على كيفك..كل شي بثمنه.."
رزان ابتسمت ابتسامة دلع و مشوا من المحل..
طلعت رزان ويا الشاب من المجمع وركبوا سيارة و ركبت معاه في سيت الراكب يعني الي جنب السواق..!
رزان بنت سمراء طويلة ضعيفة..شعرها قصير ولادي..فيه خصل خضراء..وتلبس عدسات خضراء..بوية على ايمو
مشوا هدى و سارة..ركبوا السيارة وطوال الطريق ساكتين..نزلوا بيت سارة..جلسوا في الصالة..وهم لسا ساكتين..جت الشغالة و بكل برود تسأل سارة
سارة:"لا لا مالي خلق بس جيبي كوفي" وتلف سارة على هدى:"هدووش..تبي شي تاكليه..؟!"
سكتوا شوي وراحت الشغالة..وجابت الاغراض و طلعت
بعد دقايق من الصمت..سارة:"تتوقعي المفروض نقول للبنات..؟!"
هدى:"لا..خلنا نتأكد كويس اول..!"
سارة:"كيف..نروح لها و نقول لها في وجهها ترى احنا شفناك طالعة مع واحد و راح نشكيك للهيئة..و اذا خافت معناها كلامها صحيح!"
هدى:"لا..لا انتي ثانية أي هيئة أي خرابيط..انتي ناسية ان عندها ارقامنا و تدل بيوتنا و تعرف اهلنا و عندها صورنا..!"
هدى:"انا اقولك..نروح الحين نشتري لنا عبايات جديدة..وبراقع عشان ما تعرفنا و نقعد نراقبها..لين ما يصير عندنا اثبات..بعدين ربك يحلها.."
سارة:"وخلال هالوقت نتصرف طبيعي عشان ما تحس وما نقول للبنات..!"
هدى:"عليك نور..يلا خلنا نقوم قبل ما يقفلوا المحلات"
طلعوا من البيت بسرعة..وراحوا محل للعبايات..هدى اخذت لها عباية كتف اكمامها واسعة وفيها تطريز وردي وشيلة مع العباية و برقع واسع..وسارة اخذت لها عباية اكمامها ضيقة وفيها تطريز عنابي و بيج والشيلة تبعه واخذت لها برقع واسع كمان
ركبوا السيارة..سارة تطالع في هدى و بكل برود:"يبي لك تشتري عدسات لان عينك مستحيل ما تتعرف عليها..!"
هدى..انتبهت..كيف ما فكرت في ذا الشي..وتوها بتتكلم الا جوال سارة يدق..سارة طالعت في الرقم و طالعت في هدى بنظرة الرقم غريب..رفعت سارة:الو
الرقم:"شفيك سكتي..معقولة نسيتيني..؟!"
الرقم:"يا بنتي انا خالد..يبي لك حل على هالذاكرة..!"
سارة ومعصبة:"والله انا ما تذكرتك..لانك انسان مو مهم في حياتي..ومن وين لك الرقم..؟!"
هدى فهمت مين الي داق واشرت لها ان تحطه سبيكر..
الرقم:"بل بل بل..اعصابك عيوني..!"
سارة:"عمي يعمي عيونك قول امين..!" وقفلت التلفون في وجهه
وصلوا البيت وركبوا غرفة سارة و انبطحت هدى على السرير و سارة انبطحت على الارض عند الباب..ودق جوال سارة مرة ثانية..
سارة:"اووووف هالعلة ما يسكت..!"
هدى:"ارفعي السماعة وخلي التلفون..هو الي بيخسر..!"
رفعت و حطت التلفون جنبها..بس هي ما تدري انها بالغلط حطته سبيكر..وخالد سكت يوم حس ان الجو غير..
سارة:"هههه..اموت واشوف وجهه الحين..!"
هم طبعا ما يدرون انه يسمعهم وكملوا سوالف والاخ مندمج معاهم..!
خلص اليوم وجا المغرب وراحت هدى بيتهم وخلد الجميع الى النوم
جلست سارة من النوم على صوت المنبه..جهزت للمدرسة..كانت رافعة شعرها بطريقة مهملة..وحاطة قلوس..وكحل تركواز عشان يناسب ربطة شعرها و التراكي..وباقي الاكسسوارات..راحت المدرسة و هي نازلة شافت هدى نازلة من سيارتها بعد..دخلوا المدرسة الا رزان في وجهم..والابتسامة شاقة الدنيا..حضنت هدى..وهدى بعدت عنها..هدى:"رزان حبيبتي بعدي شوي اخاف تمرضي انتي كمان..!"
رزان:"عشان كذا غايبة امس..! سلامات قلبي ما تشوفي شر..!"
رزان وهي تطالع سارة من فوقها لتحتها:"وانتي ليه غايبة..عسى ما يكون مرض تقليد"
هدى قبل ما يمدي سارة ترد عشان ما يبدوا هوشة:"معاها الدورة..!"
رن الجرس..وراحوا فصلهم و مر باقي النهار تمام..سارة ما تكلمت الا عند الضرورة..خايفة تعك في الكلام او شي..!
طلعوا من المدرسة..سارة دورت سيارتها ما لقتها..
سارة:"لا ما يحتاج تلاقيه عند المدام..!"
هدى:"طيب تعالي انا بوصلك"
سارة:"لا ما يحتاج لاني بروح بيت خالتي و بعدين بنروح بيت اهلي.."
ركبت هدى سيارتها وهي قلقة على سارة..لان المدام ما تطيق سارة ومو غريبة انها تستخدم السواق بس عشان تخلي سارة توقف في شمس الظهر
سارة نزلت شنطتها عن كتفها..حطتها عالارض..و وفقت وهي مكتفة ايدينها..رن جوالها..كان محطوط في جيبيها لزوم التفتيش..رفعته من دون ما تطالع الرقم توقعته هدى
سارة:"لحد الحين ما خطفوني..!"
سارة انفجعت بصوت رجال يكلمها
الرقم:"يعني تبينهم يخطفوك مثلا..؟!"
الرقم:"لاني متأكد انك نسيتي مين اكون..فمن الحين بذكرك..انا خالد..!"
سارة:"وليه اكون حرانة..!"
خالد:"يعني واقفة في الشمس..بالمريول و الشنطة..و.."
سارة تقاطعه:"انا مو واقفة في الشمس انا واقفة في الظل..وبعدين وانت شدراك..؟!!!"
خالد:"جزاتي خايف عليك..وبعدين تشوفي السيارة السوداء..
خالد:"تشوفي المزيون الي فيها..هذا انا"
خالد:"لا لا على جهة اليمين..
سارة:"انا اطالع في اليمين..!"
سارة:"يووووه وانا شدراني وينك فيه"
طلع لها خالد من السيارة سارة شافته وحست انها عطته وجه..سحبت شنطتها..ما تكلف عمرها تشيلها..وتباعدت..وهي تسحب الشنطة حست انها صارت خفيفة..دارت الا شافت الاخ حامل الشنطة
وقفت مكانها تستوعب شوي..سحبت الشنطة بقوة من الخيط..وطاحت على رجوله..!
تعور..تعور بقوة بس حاول انه ما يبين لها..يعني الشنطة ثقيلة و كلها كتب و دفاتر ثقيلة..وشكلها العطر الي طاحت على رجله..
سارة كملت تسحب الشنطة ولا كانها مسوية شي..هو ما صدق عالله انها تلف الا وشوي ويصيح من الالم..!
وصلت سيارة سارة..وركبت فيها وهو واقف مكانه..خاف يكون انكسر صبع رجله الكبير..شباب السعودية ولا شي بدون هالصبع..!
ركبت في السيارة وهي ساكتة..وغيرت رايها..ما تبي تروح بيت خالتها ولا بيت اهلها..فراحت بيتهم على طول..دخلت البيت الا تلاقي المدام في وجها
المدام:"مو انتي المفروض تروحي بيت هلك..؟!"
سارة:"مو شغلك..وبعدين ليه ماخده السواق وانتي عارفة اني اطلع ذا الوقت..!"
المدام:"لا تصارخين علي..ومو مشكلتي..هو مو الك لحالك..!"
سارة قررت انها تسكت عنها لان مالها خلقها..مشت الدرج ومرت ابوها تصارخ وسارة ولا كأنها تسمع شي..دخلت الغرفة..قفلت على نفسها الباب..شنطتها طبعا عند باب الشارع الشغالة الي تدخلها..فسخت العباية ورمتها عالكنبة و شالت المريول ولبست بيجاما وردية لنص الرجل..وفتحت شعرها..جلست على السرير..تفكر..تفكر ليه ردت على خالد وليه قامت تدور عنه لمن قال لها انه هناك..ولمحت نفسها في المرايا..ليه يكلمها ليه مثلا ما كلم هدى وهدى اية في الجمال..ليه ما كلم جميلة وهي مرة نعومة ليه ما كلم نورة الطفولية..ليه كلمها هي..!
قامت وقفت قدام لمرايا..تطالع في جسمها..هي متينة شويتين..بس حلوة..لكن سارة ما تشوف هالشي فيها..تشوف انها وحدة متينة وبس..!
غفت سارة و راحت لعالم الاحلام..و السؤال يدور في بالها
ليه خالد اختارها هي من بين كل رفيقاتها..؟!
المفضلات