السلام عليكم ورحمة الله وبركاته
راح احكي لكم قصه صغيره عن فتاه في سن السادسة عشر
تحب الدراسه واحلامها كثيره وتتمنى تصبحفي المستقبل دكتورة اطفال
تحب الاطفال موووت ..
تتزوج من شاب >> من ذوي الاحتياجات الخاصه .
وهل تتحقق احلام صمود وتصبح دكتوره ؟
وهل تترك الدراسه ..اذاتزوجت وتخسر احلامها..؟
اتـــــــــــــــــرككم معها ..طبعا الاسماء مستعاره والقصه حقيقيه ..
العرووسه اسمها ..صـــمود
العريس اسمه ضــــــــياء
والد صمود متوفي ولديها ثلاثة اخوان سمير ..عادل ..منير
ضــــــياء ..عنده اخوه واخوات من الاخوات هدى وناديه
صمود فتاه مرحه جدا وتدرس في اولى ثانوي ومتفوقه في دراستها
سمير الاخ الاكبر لــ صمود وولي امرها بعد والدها المرحوم
سمير...امي كيف حالك انشاء الله بخير
الام..الحمد لله اذا انتم بخير انا بخير وياكم
سمير ..وينها صمود
الام..تذاكر في غرفتها تعرف اختك وحبها للدراسه
سمير ..الله يوفقها ايييه ما اعرف كيف البيت بيصبح بدون صمود اذا تزوجت
الام ..ربي لايحرمكم من بعض وليش هالكلام في هالوقت ياولدي
سمير ..بصراحه يمه ..اليوم وصل مكتوب لي مع رجال مومن منطقتنا
الام...خير ياولدي ويش فيه المكتوب
سمير ..يطلبون يدالغاليه صمود .يعني يمه شاب متقدم للخطوبه
الام..ومن وين هذا يعني اجودي
سمير..من القطيف وماجاورها وبعديمه انا راح اسأل عنه وعن سلوكه ودينه وعن اهله
ولاني عرفت من الرجال انه >>من ذوي الاحتياجات الخاصه<<
الام..ويش يعني هذيلا الايطلعوهم في التلفزيون ومايتحركو
وعليهم حركات .
سمير..لايمه هذا من الصم والبكم يعني مايتكلم ولايسمع
الام ..ياعلي ياولدي اختك صغيره وتريد تبليها بهم وانا ساعات اسمع عنهم انهم مايفهموو
سمير ..لاييمه لايروح فكرك لبعيد انا احب اختي ولايمكن ازوجها اي واحد ومن قال انهم مايفهموو
انا الاعرفته عنه ..انه دارس في الرياض والرجال ذكي وعنده هويات المهم يايمه انا بالاول بسأل عنه
واذا شفت انه رجال ويتحمل المسؤليه راح اخذ رايكم واولكم صمود
الام ..ياولدي خبر اخوانك حتى يسألون وياك .
سمير ..اكيد يمه راح اخبرهم
وجمع اخوانه عادل ومنير وقال ليهم عن الشاب
عادل ..لاانا موموافق ان صمود تزوج واحد مايتكلم
منير ..انا اذا هو الرجال زين وماعنده لفه ودوران وصمود موافقه
انا ماعندي مانع وانا اعرف ناس واوقات اجلس معاهم في مزارع
اصحابي والايفهم الى لغتهم مايشعر بفرق بينا وبينهم
هذا رايي وانتوا احرار
سمير ..سأل والكل يشكر فيه واخلاقه ودينه وفي اهله
وانه موظف واهله ناس طيبين
سمير خبر امه نادى على صمود حتى ياخذرايها
سمير..صمودووود تعالي اريدك بموضوع
صموود..خير ياخوي ويش تريد لاتقول تريدشاي وكيك وخرابيط
انا ما اعرف
سمير..ماجوزين عن مزحك معاي
صموود..وانا الاقي مثلك في وين ياحبيبي انت تآمر وامرك على راسي ومن هالعين قبل الثانيه
سمير..مايآمر عليك عدوويخليك يالغاليه بس موضوعي يختلف
وخلينا جد اشويه
صموود..كأن فيه مصيبه ياساتر منك دووم تكبر المواضيع
والاكيف تكون سمووور ههههه
سمير...خيه هذا فيه واحد متقدم لك ..
..
اذا شفت ع قصتي اقبال منكم اعــــــــزااائي راح اكملها
انتظر ردووودكم ..
رد مع اقتباس
المفضلات