ليلى والذئب بالبدوي

**shireen41068** · 07-01-2007, 09:47 AM

كانت ليلى بتتبرطع مع الغنم بالوطاة ورا الدار ولما سمعت أمها بالحوش بتنادي عليها ليلااااا! تعي جاي ! أجت ليلى وقالت ليها وش أدك يما ؟ قالت أمها خدي هاللبنات (لبن) وديهن لجدتكي تمرسهن عشان ودنا نطبخ منسف بكرى ردت ليلى : حاظر يما
أخذت ليلى هاللبنات بالسلة وبدت تمشي وتهيجن وما في شوي والا ليلى بتسمع صوت بقول ليها (( قوكي خية )) اتطلعت وقالت قويت بس منو انت ؟ قال ليها أنا وش أدكي فيني وين موجها ؟ قالت لية عند جدتي فكر شوي وقال ليها :هانا أقرب ليكي من الطريق تبعتكي شو رايكي تيجي من هان معاي ؟ قالتله روح يا رجل فكني من شرك وامشي من قدامي أحسن لأصمطك بزعموط اللبن أجيبك أرض
قاللها يا بنت الأوادم هاي الطريق بتوصل أسرع لجدتكي ردي علي وخلينا نطيح من هان
قالتله اسمه ماني شايف الظو قدامي اقلب وجهك ! ولما شاف التشلب انو ليلى معيه ترد عليه راح ركظ من طريق قريبة وسبق ليلى على بيت الجدة ........... وصل البيت ودفش الباب باجرة ودخل وقالت الجدة بخوف واستغراب منو هاظا ؟! ولفت وجها ولما شافت التشلب قالت ليه البين يطسك خرعتني وشو اللي جابك يا مسخم ؟ قاللها التشلب مالك انطبزتي ؟ هو انشبي عاد واسكتي ! نط عليها ودملها بين اللحف وحشاها بخزانة ! لبس التشلب (الكلب ) ثوب الجدة ونام مطرحها وما في شوي ولا ليلى بتدق الباب وقال التشلب (صوت الجدة ) افتح الباب وفوت ! فتحت ليلى الباب وقالت : "هاذي انا يا جدة "
قال التشلب أقربي جاي أنا تلفانة مش قادر أقوم ...................... قربت ليلى عند الجدة وقالتلها شايفيتك كايسة ! شو مال صوتك مبحوح
قال التشلب بصوت الجدة: مبارح نمت مكشفه
قالت ليلى هاي فهمتها بس لويه أذانكي كبار ؟ جاوب التشلب وقال عشان أسمعكي فيهن
قالت ليلى :اه طب وعلام عيونك كبرانات قال التشلب : عشان أشوفكي فيهن مو الكبر عبر يا ميمه قالت ليلى سلامتكي يا جده بس لويه زقمك كبير هيك ؟ قال التشلب عشان أزلطك فيه ونط التشلب على ليلى وبدو يوكلها......!!!!!!!
وصرخت ليلى على طول صوتها "يا ويلي يا غصبة يا حزينه !!!!!!!!!! ساعدوني
ولحسن الحظ ليلى كان أبوه قريب عند السيل بتصيد ولما سمع صوت صراخها ساعدوني ساعدوني تناول البارودة وراح يحجل حجل على عرقوب وركاظ على بيت الجدة شاف التشلب ناط على ليلى طار ظبان عقله وصار يطخطخ والتشلب بش شاف هيك ركظ ركاظ وبعدين راح لعند ليلى وطلعوا الجدة من الخزانة
وثاني يو طبخو مناسف وشربو اللبن والسمن وعاشو مبسوطين

ان شاء الله تكون عجبتكم