بسم الله الرحمن الرحيم
العبايه فوق راسك حشمة وطيب وثبـــــــات .....
العباية عولموها وانفثو فيها السموم
ـــــــــ من ملاهي الرقص جابوا فكر تخصير العباة
ضيقوا صدر العباة ووسعوا اطراف الكموم
ــــــــ ونزلوها لين وصلت آخر أكتاف الفــــــــتاة
بانت نحور الصبايا وانكشف شكل الهدوم
ـــــــــــ والغبية تحسبنها زايده زين وحــــــــــــلاة
والبراقع دلعوها لين عام الخد عوم
ـــــــــــ لازم القرضه توسع والكحل يلقى الحــــياة
طوروا شكل النقاب وصارت الدعوه علوم
ـــــــــــــ صار شفاف(ن)يوضح خدها وايا الشـــــــفاة
وآخر الصرعه لثام(ن)يفتن الرجل العزوم
ـــــــــــ والفتن قالوا ضلاله للقلوب المؤمنـــــــــات
إتركيهم ياالطاهره وخلي اللايم يلوم
ـــــــــ وسعي خصر العبايه واكرمي بالمكرمــــــات
وإن رفعتيها لراسك أصبح الراس محشوم
ــــــــ العبايه فوق راسك حشمه وطيب وثبـــــــات
ياعفيفه لايغرك بعض غربان(ن) تحوم
ـــــــــ أنتي فوق الكل أنتي فوق روس النايـــــــــفات
ضيقوا صدر العباة ووسعوا اطراف الكموم
ـــــــــ وبيجي يوم(ن) نشوف شقوق في وسط العبــــاة
و ســلامتكم
<<< أبيات منتقاة من قصيدة طويلة تحاكي الواقع ،،
فأحببت نقلــهـآ لكم ..
/
\
رد مع اقتباس
المفضلات