صباح الورد والفل
متباركين بهاليوم العظيم ..وكل عام وانتم بإلف خير
المقـاديـر:
مكرونة شرائط -صدور دجاج مقطعة مكعبات
زيت -بصل وثوم مفرومين -زيتون أسود
فلفل رومي (أخضر أحمر أصفر)-قرنبيط (الزهرة)
مكعب ماجي
كريمة الخفق (المراعي)-2ملعقة دقيق أبيض
وطبعـاً السر اللي هو البهارات اللي واضحة بالصورة
الطريقـة:
جهزي ثلاث قدور
القدر الأول
نبدأ نسلق المكرونة
في موية وملح وشوية زيت ونص مكعب ماجي
وبعد ماتستوي نصفيها
القدر الثاني
نسوي كريمة الخفق
نصب العلبة في القدر على النار
ونضيف لها الدقيق ونص مكعب ماجي
ونحركها لما تفور
ونكون مستمرين في التحريك عشان ماتتكتل ونطفي عليها النـار
ونحاول نخليها خفيفة مو ثقيلة
يعني بس تفور ونطفي عليها
القدر الثالث
أول حاجة نحمر البصل والثوم لما يصير لونهم ذهبي
وبعد كيذا نضيف الدجاج
وملعقة صغيرة من الفلفل الأسود والملح والكمون
ونقلبها تمااام لما تستوي الصدور
بعد كيذا نضيف أنواع الفلفل الرومي والقرنبيط
وبعد ماتنضج الخضار ماخليها لماتذبل حلو لما تكون نص استواء يجي
طعمها أفضل وتحتفظ كمان بقيمتها الغذائية
نضيف الزيتون
وعلى طول بعد مانضيف الزيتون
نضيف المكرونـة وكريمة الخفق
عشان ماينطبخ الزيتون ويلين
ونقلبهم
ونضيف السـر اللي هو البهارات
لو حابة تكون الأكلة حارة ضيفيلها الفلفل الأحمر المطحون
ونقلبها لمدة دقيقتين الين تتجانس ونطفي عليهـا
وهنا في صحن التقديم ..
وعوافي على قلبكم..
منقول للغوالي..
تحياتي..
رد مع اقتباس
المفضلات