السلام عليكم ورحمة الله وبركاته
أهلاً وسهلاً
شأخباركم بنات ؟!
حبيت اليوم أوريكم شغل بقشور البيض ،
وان شاءالله الشرح يكون سهل عليكم واشوفكم مسويينه
الأدوات:
{قدر صغير-شموع- بيض-عود أسنان}
وإليكم خطوات العملْ
[1]
أول شي نجيب البيضه ونفتح لها فتحه صغيره من فوق مثل ماأنتم شايفين بالصورة ..
[2]
نفرغ البيضه وبعد مانفرغها نغسلها بالمويه الين تنظف كلياً بس برقه عشان ماتنكسر البيضه
طريقة تنظيفها انك تدخلين اصبع من اصابعك جوا البيضه من الفتحه الصغيرونه وتفركينها من جوا زين عشان تنظف .. بس مثل ماقلنا بشوي شوي ..
[3]
هذا شكل البيض بعد التفريغ والتنظيف ..
[4]
نجيب القدر ونحط جواه الشمعه باللون الي انتِ تبينه ونحطه على نار هاديه .. لان لو كانت النار عاليه لاقدر الله يشتعل القدر
ونخليه بالنار لين تموع الشمعه كلها . .طبعا ماتطول بسرعه تذوب الله ينجينا من عذاب النار ..
[5]
بعد ماتذوبين الشمعه تصبينها جوا قشور البيض بس بشوي شوي لان اذا صبيتيه دفعه وحده بيفور وبيطلع كله وبيطشر{معناة يطشر اي ينتشر زي الزيت }
{ملحوظه*إذا ودك تصير الشمعه لونين ولنفرض فوش وازرق.. تذوبين الشمعه الفوشيه وتصبينها على قشر البيض بس الى النص يعني نص القشر}
[6]
نجيب الفتيله حقة الشمعه الي ذوبناها وندخلها جوا مثل ماتشوفين بالصوره ..
ونعقدها على عود اسنان عشان ماتطيح الفتيله جوا .. طبعا انا مالقيت عود اسنان قريب عشان كذا حطيت عود اذان
بس ماانصحكم بعود الاذان لانه يذوب اذا جيتي بتصبين الطبقه الثانيه للشمعه ..
بعد ماتقضين صابه الشمع ورابطه الفتيله ندخلها للفريزر {عشان تجمد}
واذا جمدت نطلعها من الفريزر ..
{طبعا عشان تكون الشمعه من لونين بعد ماتجمد الطبقة الاولى نصب اللون الثاني الي تبينه على الطبقه الجامده ومن ثم نرجعها للفريزر الى ان تجمد الطبقه الثانيه<<هذي الطريقه اذا كنتِ تبين الشمعه لونين}
رد مع اقتباس
المفضلات