تجهيز شنطة شهر العسل



شوفوا اهم شي كل مايتعلق بالنظافة
1_ منشفتين +شامبو+ فرشاة ومعجون وممكن غسول للفم بالنعناع او حلاوة بولو تفي بالغرض +غسول للمنطقة الحساسة+جل استحمام+كريم مرطب او ممكن زيت بيبي اويل من جونسون بالزهور فظيع وحتى البابونج..+مسك سائل للمناطق الحساسة+بودرة شبة للعرق لأنها افضل شي+بودرة معطرة للجسم
وممكن كل الاشياء هذه تاخذينها مجموعة متكاملة من بودي شوب عشان توفري المساحة في الشنطة وتضيفي لها الشبة والمسك وزيت جونسون احتياط يمكن مايعجبك الكريم المرطب............................والعطور اثنين كفاية
2_قمصان النوم حسب مدة الاقامة وتكون منوعة طويل وقصير وشورتات وتوبات وشخلعات...الخ وطبعا لازم روبين على الاقل وتكون مرتبة للاستقبال+بجايم حلوة للبيت من لاسنزا ونعومي ودبنهامز مررة حلوة لأنك موطول الوقت بتجلسين بملابس طلعة وكشخة في الفندق ..وفكرة الاخت قصيمية روعة مرة انك تقسمين لبسك في اكياس وتتحددين لكل يوم الملابس اللي تحتاجينها فيه وممكن تحطين في كل كيس الكور المعطرة اللي في نكتار او سيتي بلازا تعطي ريحة تجنن..وملابس الكشخة انا مع البنات اللي قالوا المفروض ماتكثرين منها خصوصا السهرة...واكتفي بالقطع الحلوة واللي ممكن تتركب بأكثر من طريقة وخذي معاك جزم بالوان محايدة تنفع على اغلب الملابس عشان ماتكون اغراضك كثيرة وتتعبين ابو الشباب..........
3_المكياج خذي الاشياء الضرورية لاتشيلين عفشك كله ..يعني خذي الوان الشدو اللي تتناسب مع ملابسك ونفس الشي الارواج والقلوسات والكحل لاتنسينه ابدا ابدا مع كريم اساس خفيف ويناسب للطلعات وبلاشر طبعا وبودرة اضاءة وكونسيلر وبس...
4_الملابس الداخلية كثررري منها لأنك راح تغيرينها على الاقل مرتين في اليوم يعني خذي ضعف عدد الايام اللي بتجلسينها............
5_وطبعا لاتنسين الاكسسوارات الناعمة وربطات الشعر النعومة والسشوار والمشط وبرضو زي ماقالوا البنات لاتكثرين ذهب والماس في السفر خليك بسيطة
وبس هذا اللي عندي الحين والله يوفقكم جميعا....

خذي كل يوم قميص نوم
مو حلوه تكررين وانتي في شهر العسل
عبايات خذي ثنتين وحده سنعه وكشخه والثانيه يوميه علشان لو رحتي للبحر ولا طلعتي مكان فيه تراب ومشي وحوسه

اما الاندر ويرات خذي حق 9 ايام
يكفي لانها ما تتوسخ بسرعه
ولا يمكن 7 تكفي
البجامات خذي 3
علشان لو جلستي في البيت ولا حبيتي تغيري عن القمصان

ولا تنسي ملابس للبيت شورتات وفساتين وتنانير وكذا