قصة حب ـ^ـ ريم ويوسف ـ^ـ

[مجنونة وحلوة]

اليوم جايبة لكم قصة سعودية من اجزاء رووعة مرة

واليوم بنزل الجزء الاول اذا شفت ما فيه تفاعل ما بنزل واذا في تفاعل راح انزل الباقي

يوسف و ريم قصة حلوة
:::::::::::::::::::::::::::::::::::::::::::::::::: ::::::
الجزء الأول
=======


الام:ريــــــــــــــم..ووجع ان شاء الله, يلا الاكل جاهز له اكثر من ساعة وانتي قاعدة قدام هالبلوى اللي تسمونه انترنت..خلاااااااص قومي والله ان عيونك بتنعمي من كثر ما تطالعين بهالشاشة وملزقة وجهك فيها..انا بس ابي افهم وش تطقطقون عليه وش الشي اللي يخليك تقعدين عليه طول هالمدة..اقول قوووومي يله اخلصي وترى والله لو ما قمتي اني لا احرمك منه بالليل ( اليوم اربعاء يعني حرمان الانترنت كانها بتقفل عليهابغرفة بدون اكل او شرب)..
هذي حالة ام ريم مع بنتها كل يوم مطاق وهواش بسبة الانترنت وما صبر الام على بنتها الا انه البنت باقي فيها خير لامها واخواتها..يعني ما تترك صلاة ولو انه بعض الاحيان تأخر صلواتها..ودراستها ماشية تمام يعني علاماتها كويسة..بالنسبة لوحدة مرابطة قدام هالشاشة !!
وصلنا لريم..ريم بنت مملووووحة,عمرها 17 سنة,في ثاني ثانوي !! والكل عارف وش ثاني ثانوي انواااااع التطنيش والوناسة,شعارها في الحياة ( طنش تعش تنتعش ) هي نست مقطع اللي هو وفي النهاية تبتلش,

مرجووووجة الى ابعد الحدود,تحاول باي طريقة انها تصير عربجية على بالها يعني حركة لكن في الواقع ((ماعندها ما عند جدتي)) يعني تخاف من ظلها بس ساعات القوة تجيب معها نتيجة,والاغرب من هذا كللله انها علمي ؟!؟! ((woooooow))
الحين نشوف ريم وش قاعدة تسوي على الانترنت...<<الله من اللقافة
طببببعا اول شي تفتحه ريم اوول ما تشبك هو الشات وتبدا مغامراتها
وطواااالة اللسان شغالة,اول ما تدخل تبدا مطاق مع فلان وتريقة على فلان وقااااالبة هالروم فوق تحت والبنات ما تقرررررب عندهم على بالها مسوية اخلاق وذوق انها ما تأذي بنات جنسها (ايه هين)
ريم: اهليييييييييين شباب وبنات..كيفكم؟؟ هااااه انا متاكدة انكم اشتقتو لي عشان كذا جيت..طبعا هي من اول ما تدخل وهي حااااااااااااااايسة العالم راااااااجة الناس كلهم ما تترك احد الا تضاربه وما يسلم احد من لسانها بس فوق هذا هي تلتزم بحدودها يعني كل الكلام اللي تقوله ما يتعدى المزح والاستهبال..طبعا بعد ما تعبت من كثر ما طقطقت على الكي بورد قررت انها تطلع طبعا مو لله بس لان وراها طلعة من البيت بس قبل ما تطلع كان فيه واحد بنفس الشات يتفرج ويراقب كلام الناس ما لفت انتباهه من كل هالعالم الا ريم..ليه ؟؟ وش الميزة ؟؟ هو نفسه ما يدري الى الحين ايش الشي اللي لفته بهالبنت حاول يكلمها بس طبعا ما عنده الجرأة انه يكلمها مع هالناس والعالم,لانه كان متاكد انها ما راح ترد عليه واذا ردت عليه بتهزئه وبتكرهه بالساعة اللي تكلم فيها..فكر وقال انه بيكلمها برايفيت(خاص)
حاول كم مرة يكلمها وهي كل مرة تسكر قبل حتى لو تشوف الاسم..بس لاول مرة ترد عليه..
قال:السلام عليكم..قالت:وعليكم السلام..قالت:معليييييش اسفة والله لازم اطلع تاخرررررررررت والا بيروحون ويخلوووني اشوفك بعدين بالليل بالليل
هو ما يدري وش السالفة !!!!!!!! بس يكفي انه سمع منها كلمة يعني قالت له بالليل!! يعني عطته فرصة حتى لو كانت تصرفه بس هو يبي يستغل اي فرصة.....طلعت ريم وهي ما تدري اصلا مين هاللي كلمها بس هي ما تنسى اي اسم يمر عليها كان الاسم (يوسف) !! مين هالشخص ؟



يوسف..ولد عمره 23 سنة تقريبا,متخرج وموظف ببنك,وهالانسان ما عنده اي طموح او هدف بحياته,عايش على الروتين,الدوام من الصبح الى العصر يرجع للبيت ياكل وينام الى المغرب,يقوم يقعد مع اهله واخوانه(ما عنده اخوات)..وبعد المغرب على الانترنت يقلب بالمواقع,والشات وينام وهذي حياته..(ما الومه اذا طفش من عمره).
-------------------------------------

[احلى ماخلق ربي]

الروووواية شكلها روووووووعة
ننتظر البااااااارت الثااااااااني

[مجنونة وحلوة]

يسلموووو على التوااجد..
منووورة بنت عمووو
ان شاء الله راح احط بارت واحد ...
تحياتيـ..
مجنونة وحلوة

[الفراش الفاطمي]

وااااااو روايه روعه
يسلمو خيتو مجنونه وحلوه
يلا اني من المتابعين
بس مو تطولي علينا هاا
تحياتيـ ..

[مجنونة وحلوة]

مشكووووووورة خيتووو فروووشة..
والحين راح انزل باررررت
تحياتيـ..
مجنونة وحلوة

[مجنونة وحلوة]

:: الجــزء الثــاني ::

اليوم: الاربعاء..الساعة:12 بالليل..المكان:بيت ريم..

ريم: اففففففف اخيييييراااا..رجعت البيت..وهالبزران نامو اعوذ بالله ما ينامون الا بالمطاق..

(طبعا الحين ريم بعد ما تأكدت من ان كل اللي في البيت نايمين وخاصة امها..توجهت للكمبيوتر كعادتها وأنتم عارفين وش راح تسوي كالعادة..يلا نشوف)

ريم: اهلييييييين شباب وبنات كيفكم ؟! طبعا مثل ما وعدتكم العصر يعني ما شاء الله علي انا عند وعدي..(وكالعادة نفس المواضيع ونفس الكلام ونفس الحالة)..بس في هالوقت كان يوسف ينتظر على احر من الجمر انه ريم تدخل..شافها..قرا اسمها..مررررة انبسط وراح يكلمها..بس تردد !! خاف ما تذكره..خاف ما ترد عليه..بس بالاخير تشجع وتوكل على ربه وكلمها..

يوسف: السلام عليكم

ريم: اهليييين وعليكم السلام

ريم: اهاااا عرفتك انت اللي اليوم كلمتني وانا كنت بطلع معليش اعذرني..

(يوسف مرررررة انبسط انها تذكرته)
يوسف: ايه انا..لا عادي عاذرك بدون ما تقولين..بس ما كنت متوقع تتذكريني
ريم: افاااا..وش دعوة تراني ريم..لووول
يوسف: والنعم والله بريم..لا يكون ازعجتك او عطلتك عن الشات والناس؟!
ريم: لالا عادي لاحقة على المضارب..اصلا الشات اليوم طفش ما عندهم ما عند جدتي ( طول اليوم بالشات وتقول ما عندهم ما عند جدتي)
يوسف: لا من جد انا ما ابي اسولف معاك وانتي ودك تسولفين معاهم خذي راحتك وانا انتظرك متى ما خلصتي انا موجود..

ريم: يااااخي قلت لك مابي اسولف معهم غصب هو لوووول
(ريم ما تبي تسولف معاه لله بس فيه واحد بالشات تتهرب منه ولا تبيه ينتبه لها مع العالم )..
ريم: لا يكوووون انت ما تبي تسولف معاي بس ودك تلزقها فيني..ترى عادي اعترف..
يوسف: هههههه انا ؟؟ لا والله حرام عليك انا ما ودي اسولف معاك ؟؟ والله ما صدقت بس اتجرأ واكلمك لا والاحلى من هذا انك رديتي علي
ريم: افففف لهالدرجة انا اخوف..اثري اخوف وانا مدري لووول
يوسف:لا والله ما امزح كنت متردد كثييير قبل لا اكلمك..وحاس انك بتهزئيني
ريم:لا وش دعوة ترى انا ملسوووووونة..بس كله مزح ولعب مو اكثر من كذا..

يوسف: ايه مو القصد كذا بس انتي لك هيبة يعني شخصيتك قوية..

ريم: لوووووووول انا شخصيتي قوية ايه هيييييين...بس بس ترى اخذ بنفسي مقلب ويكبر راسي..

يوسف: يحق لك اذا انتي ما شفتي نفسك اجل مين يشوف نفسه ؟!
(ريم ما قدرت تهزئه زي باقي الناس اللي اول ما يقولون كلمة او حتى يلمحون بمدحة لريم قلبت الدنيا على روسهم فسكتت ولا تكلمت)
يوسف قطع السكوت..

يوسف: ريم

ريم :هلا

يوسف :اقولك شي ولا تستغربين ؟؟

ريم:قووول
يوسف: انا صار لي تقريبا اسبوعين وانا اراقب كلامك..ما اقصد الكلمة بمعناها بس اللي اقصده اني اتفرج على كل كلمة تقولينها..وكل تصرف تسوينه..وعرفت انك غير البنات اللي هنا..

ريم: !!!!!!!!!!!!

يوسف: لا تستغربين انا اكلمك جد..يعني انتي الوحيدة اللي ما تتكلمين بالطريقة اللي يتكلمون فيها باقي البنات..حتى اول كم يوم ما صدقت انك بنت كنت متاكد انك ولد..بس الحين تأكدت انك بنت..مهما حاولتي تخفين
انك بنت يبان بين الكلام اللي تقولينه..

ريم: الحييين قاعد تتكلم عني انا !!

يوسف: ايه...مو انتي ريم ؟؟ ههههه
ريم: الا هذا اللي خابرته لوووووول
يوسف: اجل انتي..
ريم: طيب يوسف ممكن سؤال ؟!

يوسف: تفضلي

ريم: الحين انت على قولتك شايف كلامي لك اكثر من اسبوعين..ليه انا ولا مررررررة وحدة شفتك تتكلم مع الناس يعني انا اصلا ما دريت انك موجود الا اليوم؟؟
يوسف:ما عندي الجرأة اني اتكلم بالطريقة اللي تتكلمون فيها..مو لسبب معين ولا لاني اكره المزح بالعكس..انا احب اقرا الكلام واضحك على اشياء معينة..بعدين على فكرة انا ما ادخل بس الشات..ادخل مواقع تفيدني..

منتديات تسليني..يعني اشغل وقتي باكثر من شي..بس انتي مررة لفتي انتباهي وخليتيني اركز على كلامك واتجرأ اكلمك..
ريم تقول بنفسها ( والله اللي موب انا ووجهي)

ريم: اها ما شاء الله اجل موب مثلي اللي ما اصبر اسكت وانا بالشات لازم احوس العالم..لووووول
يوسف:هههههه

(ريم مستغربة من هالولد..يعني مو معقولة يكون كلامه صادق ؟؟
قاعدة تفكر وتقول..هالولد يا انه صااااااادق..او انه شااااطر في اللعب بعقول البنات..والحين جا دوري يلعب علي..ايه نشوف.. يلعب بعقول الناس كلهم الا عقلي انا..انا محد يلعب علي)
يوسف: ريم

ريم: هلا

يوسف:انا عندي اسئلة كثيرة بس ما ودي اسئلها كلها مرة وحدة كاننا بامتحان..ان شاء الله من سواليفنا الااقي الاجابات..

ريم: يووووووه لا تذكرني بالامتحانات..ايه عادي اسئل اللي تبي لكن بحدود..ومثل ما لك الحرية انك تسال لي الحرية اني اجاوب اوكي ؟
يوسف:ايه وش دعوة..بس انا ابي اقولك شي انتي بعد يحق لك تسأليني اللي تبين وبدوووون حدود..
ريم:اوكي..

(سكوووووت ولا احد يتكلم كل واحد ينتظر الثاني يبدا)

ريم:اييييه وكيفك بعد ؟؟
يوسف:تمام..هااه ما ودك تسولفين مع الناس ولا حتى تشقرين عليهم؟
ريم:لووول لا خلاص مدري وش فيني اليوم ما لي خلقهم..اكيد حسدوني
بس على ايش يا حسرة..لوووول
يوسف:ريم..لاحظت شي..

ريم: وشووو ؟؟

يوسف:بالبرايفيت(الخاص) انتي مرررة غير اذا تكلمتي مع الناس..
ريم: غير!! كيف غير
ريم: يوووووووووووه اذذذن لازم اطلع معليش لازم اروح اقوم امي وابوي للصلاة والا صفقوني..

يوسف: ريم لحظة
ريم:لالا اسفة معليش لازم اطلع اشوووووفك بعدين لازم تقولي وش هالشي اللي غير!! مع اني عارفة ان اللقافة بتاكلني من هنا لبكرة

لوووول..

يوسف:هههههه لا بسم الله عليك..
ريم: يله تصبح على خير..ولا تنسى الصلاة

يوسف: وانتي من اهله..ان شاء الله

ريم :بااااااااااااي
يوسف: فمان الله



وان شاء الله تعجبكم
وانتظروا التكمله

وتابعوا مو وماتردوا والقصه حلو ومشجعه

[الفراش الفاطمي]

يالله بسرعه نبغى الجزء
تجنن صراحه
يسلمو خيتو مجنونه وحلوه
بانتظار الجزء بشووووووووق
تحياتيـ ..

[مجنونة وحلوة]

مشكورة على مرووورش الحلووو
راح انزل البارت ان شاء الله الحين
تحياتيـ..
..مجنونة وحلوة..

[مجنونة وحلوة]

(ومر على هالحالة أسبوعين..ريم ويوسف تقريبا يوميا سواليف واستهبال مع بعض لكن كل سواليفهم كانت سطحية..يعني لا ريم تعرف عن يوسف شي ولا يوسف يعرف عن ريم شي..اهم شي انهم كانوا مبسوطين..وكان كل كلامهم ضمن الادب والاحترام محد يتعدى حدوده بالكلام)

وفي الشات...

يوسف: وين ريم؟! غريبة!! انا لي اكثر من اسبوع ويمكن صارت اسبوعين وانا الى الحين ما شفتها..وش صار لها..لا يكون صاير شي وانا ما اعرف عنه..ما قالت لي بتغيب كل هالمدة..مو معقولة تترك الشات فجأة بدون سبب؟!
ومين انا اصلا عشان تقولي انها بتترك الشات...
(كل هالتساؤلات براس يوسف..ما يدري وش صار بريم..وش سالفتها بالضبط ليش هالغيبة فجأة..)

وفي المدرسة..

الجوهرة:ريـــــــــــــــــــم..يلا اخلصي علينا كل هذا تراجعين يله بسرعة بيبدا الاختبار ولا يدخلونا القاعات..
(هذي الجوهرة صديقة ريم بالمدرسة وعلى قولتهم صديقة العمر..من ايام الابتدائي..وكل وحدة تعرف الثانية زي ما تعرف نفسها)
الجوهرة: شوفي والله لو ما تركتي الكتاب لا اطلع واخليك لحالك..والا ترى باخذ الكتاب ارميه..يعني مرة مقطعة المذاكرة مالت عليك
ريم: يوووووه اصبري انتي خلاص خلصت اعوذ بالله واصلا مين قالك بيبدون الاختبار وانا ما جيت اصلا ما يقدرون..
الجوهرة: ايه هين ومين انتي عاد
ريم : انا رييييم..
الجوهرة:اقول لا تتفلسفين علي يله امشي لا بكف
ريم: اف وصلت للكفوف يله يله مشينا
الجوهرة: <<تبتسم ابتسامة النصر<<موب الهلال <<هاهاهاااااي
وبعد الامتحان نزلو ريم والجوهرة للساحة..
ريم: هاه الجوهرة وش سويتي ؟؟
الجوهرة :والله الحمد الله ماااشي الحال يعني ما تركت ولا سؤال فاضي
ريم:مالت عليك يعني هذا اهم شي ولا سؤال فاضي..قولي ولا سؤال غلط
الجوهرة: تكفين ياللي الحين انتي مية بالمية صح
ريم: هههههههههه ايه افا عليك
ريم:اففف الجوهرة تخيلي من اول الامتحانات ما دخلت الشاااااات.. والله متى تخلص عشان ادخل من جد من زمان عن المطاقات
الجوهرة: المطاقات هاااااااااه ؟! علينا ريمو علينا..والا اكيد مشتاقة للحبايب..هاااه اعترفي اعترفي..(الجوهرة عارفة كل السالفة)
ريم:اي حبايب؟؟ حبك برص..حباااااايب مين اقول ضفي انتي واياه
الجوهرة:هههههههه امزح يختي حرام امزح..والله انتي مع الامتحانات ما ينمزح معاك اعوذ بالله
ريم:ههههههه ناس ما تجي الا بالعين الحمرا..
الجوهرة: اقول ضفي بس
الجوهرة: الا ريم انتي ما تدخلين الانترنت ابد ؟؟ شلون تقولين واصلك ايميل مدري وشو
ريم: الا ادخل بس الايميل اشيك عليه عشان ما يسكر واطلع
الجوهرة: طيب يعني ليه ما تدخلين الشات بالوقت اللي تشكين علىالايميل
ريم:صاحية انتي..انا اشيك الايميل بخمس دقايق لو فتحت الشات قعدت ساعتين ونسيت الدنيا يعني ودك امي تشيل الكمبيوتر بكبره..
الجوهرة: يوووه امك تروع.. اجل لالا خليك كذا بس ما بقى شي وتخلص الامتحانات اصبري اصبري وبعدين تدخلين على كيف كيـــــــــفك..
ريم: ايه والله هانت انتي بس اصبري تخلص الامتحانات وانا بطلع حررررتي
الجوهرة:عاد تخيلي بعد كل هالصبر امك تشيل الكمبيوتر..عشان نتيجك اللي كانها وجهك هههههههههههه
ريم: ههههههه لالا الله لا يقوله..عاد من ناحية انه النتيجة اذا بتطلع زي وجهي فهي تهبل
اما المصيبة اذا كانت زي وجهك انتي..
الجوهرة: اقول يلا عاد ترى انتي ما تنعطين وجه يله فتحو البوابة..قومي بنرجع بيوتنا يله

(وانتهت الامتحانات على خير..وريم ما صدقت على الله انها تخلص..وافتكت من المذاكرة والقلق..ورجعت للبيت اخر يوم وهي مبســــــــوطة..)
ريم: مــــــــــــامــــــــــا... يمممممممممممممه واخييييييييرا خلصت.. اعوذ بالله ما بغيت اخلص..
ام ريم: ههههه المفروض تقولين الحمد الله موب اعوذ بالله..يله يا بنتي الف مبروك ان شاء الله عاد النتيجة تبيض الوجه..
ريم: ايه افا عليك اكيد تبيض الوجه.. انا بنتك ما تعرفيني
ام ريم: ايه المشكلة اني عارفتك وخايفة ان نتيجتك مثل ما اعرفك..
ريم: افااااااااااااااااا لا وانا بنت ام ريم هههههههههه
ام ريم: ان شاء الله عاد يصير كلامك صح واشوف نتيجة حلوة..والله انك هالترم شادة حيلك احسن من الترم الاول..يله الشدة كلها السنة الجاية
ريم: يووووووووووووووووه يمه انا ما صدقت اخلص ثاني ثانوي الحين وانتي تجيبين طاري ثالث تراني مبسوطة عاد لا تخربين علي
ام ريم: ههههه طيب طيب خلاص
ريم: يله عاد يمه استأذنك بروح ارابط عند الانترنت
ام ريم: ايوه بدينا توني اقول يا حبيلها قاعدة تسولف معاي ونست الانترنت
ريم:عاد يمه وشو..يعني حرام عليك كم لي الحين ما دخلت الانترنت..(ريم قامت تسوي حركات عشان امها ترحمها)
ام ريم: طيب طيب خلاص روحي الله يعيني عليك
ريم: ياااااااااااحبيلك يا شيخة
ام ريم: لا والله اصغر عيالك انا ؟؟ تقولين يا شيخة
ريم: هههههههه لا قصدي يا شيخة الزين كله
( تركت ريم امها وراحت على غرفتها ودخلت الانترنت..ما صدقت نفسها من الوناسة..
نفس الاشياء اللي كانت قبل الامتحانات ما تغير شي الشات والماسنجر وطبعا الشات اهم شي الحين..)
ريم: يوووه من هاللي مسوي لي اد عاد مالي خلق مثل كل مرة اتضارب..بروح الشات واطنشه..
ريم: الســـــــــــــــــــــلام عليــــــــــــــــــكم بنات وشباب من زماااااااااااان عنكم
( وبدت ريم مغامراتها...وبعد عشر دقايق تقريبا كان اللي مسوي لها اد اون لاين بس ما تجرأ يكلمها وهي نست سالفته ولا درت عنه حتى ايميله ما انتبهت وشو..ارسل لها ايميل)
ريم:وش هالايميل من مين ؟!
الايميل>> اغنية لراشد الماجد.
ريم:الله من الميااااااااااااااااااانة..مين هذا اللي مرسل لي الاغنية لا ويعرف يختار اغاني
هههههههه
ريم: بسم الله بدينا مطاقة جديدة..اهلين..اقول انت ياالاخ..يعني مسوي لي اد ومدري من وين طلعت لي ومن زود الميانة مرسل لي اغنية لا واللي زاااااااااااااااد الطين بله اغنية (وحشتيني) ليه شايفني حبيبتك اللي ضاعت والا اللي نسيتها عند باب المسجد
وحشتيني وجيت اسال: بسم الله
وحشتيني وجيت اسال:وعليكم السلام
ريم:لووووول ايه نسيت السلام عليكم + المقدمة اللي فوق
وحشتيني وجيت اسال: كيفك ؟؟
ريم: وشششش كيفك بعد تسالني عن كيفي والله مالي كيف لووووول واغني بعد
وحشتيني وجيت اسال: هههههههه
وحشتيني وجيت اسال: انتي وينك غايبة كل هالمدة ؟؟
ريم: انا ويني ؟؟ اقول من متى المعرفة
وحشتيني وجيت اسال: انتي ريم..المعرفة اممممم من زمان
ريم: اقول لا يكثر مين معاي ؟؟
ريم: الو؟؟ ويييييييييينك انت
وحشتيني وجيت اسال: اقول ريم انا بطلع اصلي اشوفك بعد الصلاة
ريم: وش اللي اشوفك بعد الصلاة لا اشوفك ابد بس قولي مين انت
وحشتيني وجيت اسال: انا يوسف..بااااي لازم اطلع
ريم: يوسف !!!!!!!!!!!!!!!!!!! وش يوسف
وحشتيني وجيت اسال ( اوف لاين)
ريم: يوووووووه هذا طلع وش اللي يوسف!! لا يكووووون هذاك ما غيره

[الفراش الفاطمي]

هههههه حلوه وش يوسف هذاك ماغيره
يسلمو خيتو مجنونه وحلوه يلا نستنى الجديد
تحياتيـ ..

[مجنونة وحلوة]

يسلمووووو على التوااجد
منووورة صفحتي...
ان شاء الله راح انزلها غداً
واذا في تفااعل بحط جزئين..
تحياتي.. مجنونة وحلوة

[مجنونة وحلوة]

:: الجـزء الثـــالث ::

اليوم: الخميس..الساعة: 10بالليل..المكان:الفيصلية !!

(طبعا اليوم الخميس يعني اكيد ريم وين بتكون غير بالسوق تدور وتتفرج على هالعالم وخصوصا الفيصلية سوقها المفضل,وما غير تدوووور مترت الفيصلية رايحة جاية)
ريم:يمه..خلاص طفشت يله نرجع للبيت
ام ريم: لا والله طفشتي..انا توني ما خلصت باقي اشتري ملابس لاخواتك
انتي وش عندك مستعجلة تونا ما صارت الساعة 10.
ريم:هاه..لا بس خلاص مليت
(ريم زيادة على الطفش كانت متضايقة من تحرش الاولاد فيها والكلام السخيف والحركات التافهه<<<بعذرهم لانها ما تتغطى !! )
ام ريم:يله ريم تبين شي والا نرجع
ريم:لاااااااااااااااا مابي شي يله نرجع

(دخلو البيت وريم على طووووول رمت العباية والجزمة وعلى الكمبيوتر)
ام ريم: ما شاء الله بدينا..يابنتي ما امداك تدخلين مع الباب طيب على الاقل قومي غسلي غيري لبسك..مو على طول على الكمبيوتر..
(ريم ما تدري امها وش قاعدة تقول متنحة بالشاشة)
ام ريم:انا اكلم جدااااااار ؟!.. وجع ردي
ريم:نعم يمه..
ام ريم:شوفي ترى من الحين اقولك ما فيه قعدة للفجر زي امس والا والله لا اقول لابوك يشيل الانترنت بكبره..فاهمة والا لا ؟؟
ريم:طيب طيب فااااهمة ( خافت لا امها تقطع الانترنت من جد)
(راحت ام ريم وتركتها وريم قاعدة كالعادة نفس المواقع نفس الصفحات ما فيه شي جديد وتوها تفتح الماسنجر)
ريم: يوووووه مين هاللي مسوي لي اد ؟! اففف الله يعيني بس احلى شي اني لقيت احد احط حرتي فيه واتضارب يعني انواع الوناسة<<شرانية..
(ريم كانت فاتحة الشات بس ناسيته ومستلمة هاللي مسوي لها اد بالاسئلة والتهزيء)
ريم:اقوووول اخلص علينا يابن الناس وقلي من وين جايب ايميلي ؟؟
(يعني ياريم من وين بيكون جايبه الا من هالمليون قروب اللي انتي مشتركة فيها اكيد من الفوروورد,والولد عاجبه الوضع يعاند ولا يبي يقول لها من وين جاب الايميل)
ريم:اقوووول جعل عمرك ما قلت من وين جايب الايميل يله حط لي بلوك وانا بصكك بلوك بعد..
(واستمرت هالمضاربة بينها وبين الولد..وبهالوقت يوسف دخل الشات ولا كان يدري عن ريم لانه ما يشوفها تتكلم مع العالم كعادتها)
يوسف:وينها ريم ما اشوفها !! ابشوف ايميلي والمنتدى ويمكن بعد شوي تدخل..
(مر الوقت)
يوسف: مو معقولة الى الحين ما دخلت !! يمكن القى اسمها موجود بس هي مشغولة..هذي هي موجودة ! بحاول اكلمها واشوف وش قصتها
يوسف:اهلين ريم..
ريم:اهليييييين
يوسف: وينك !!!!!!!!!
ريم: يووووه نسيت اني فاتحة الشات قاعدة احوس ونسيت
يوسف: هههههه ليه وش قاعدة تحوسين فيه؟؟
ريم: لااا ابد بس واحد ناشب بحلقي..قاعدة اتضارب معاه وهو ما يبي يعلمني من وين جايب ايميلي..
يوسف: يعني من وين بيجيب ايميلك اكيد من الايميلات الثانية او من المجموعات اللي مشتركة فيها هذا المكان اللي يجيبون منه الايميلات
ريم: ايه عارفة بس ولو انا ابي اعرف ياخي كيفي لوووول
يوسف: اوكي بكيفك شوي شوي لا تاكلينا
ريم: لووووووول والله اني اخوف احم
يوسف: ههههه..طيب وش صار مع اللي ضايفك ؟؟ علمك من وين ايميلك؟
ريم: لاااااا هالقلق ما علمني.
يوسف: طيب وش بتسوين ؟؟
ريم: طبببببعا بحط له بلوك والا بعد..ما بقى الا هالاشكال بماسنجري
يوسف: هههههه طيب حطي له
ريم:لا اول شي بخليه هو يحط لي
يوسف:وايش الفرق ؟!
ريم: ما فيه فرق بس عناد لووووول
يوسف : الله يعينه عليك
ريم: اميييييين الله يعينه محد قاله يضيفني لوووول
ريم:برب بتفاهم مع هالغثيث
يوسف: تيت

(راحت تهزئه بكم كلمة ورجعت )
ريم:باااااااك وريتك فيه
يوسف: هلا ولكم
ريم: خليته يندم يوم سوى لي اد
يوسف: ههههه طيب حطي له بلوك وارتاحي
ريم : طيب طيب بحط
يوسف: احسن لك والله
ريم: بررررب هذا مدري وش يبي بالضبط
يوسف : تيت (يوسف عصب يبي ريم تركز معاه)
ريم:حطيييييييت له بلوك اخيرا
يوسف: ايه والله اخيرا
يوسف:خلاص فكينا من شره وتعالي هنا كلميني
ريم: (تعالي هنا كلميني !! والله يمون)
ريم:هلااااا ما قلت لي وش اخبارك هالولد خلاني انسى اسئلك
يوسف: انا بخيير نسال عنك..
ريم:احم الحين وش المفروض اقول ترى ما اعرف لهالكلام
يوسف: هو عادة الناس يقولون تسأل عنك العافية..بس انتي بكيفك
ريم: ( ما اعجبتني الكلمة وش تسأل عنه العافية ما بقى الا هي اقوله هالكلمة..بس والله استحي اطنشه..يله بقولها)
ريم:تسأل عنك العافية..
يوسف:تسلمين والله
يوسف:وبشريني عن دراستك انا ولا مرة سئلتك انتي بالجامعة؟
ريم:لوووول اي جامعة الله يهديك انا تووووني افحط بالثانوي
يوسف:ههههه تفحطين بالله انتي من وين تجيبين هالكلام..يله اجل الله يعينك على التفحيط بالثانوي
ريم: لوول اميييين
يوسف: طيب وكيف الثانوي لازم تشدين حيلك
ريم:ايه ان شاء الله بس انا مخليه الشدة على ثالث توني الحين فترة راحة
يوسف: ليه انتي بثاني ؟؟
ريم:يسسسس
يوسف: علمي والا ادبي @@ ؟
ريم:يخسى الادبي انا احم احم..علمي
يوسف: هههه مو باين على كل هالرجة
ريم:والله اني علمي عاد تبي تصدق صدق ما تبي عادي
يوسف:لالا روقي والله مصدق بس امزح معاك
ريم: ايه اشوا لووول
(ريم تذكرت ان المرة اللي فاتت يوسف قال انها غير بس كيف غير ما عرفت منه والحين بتموووت وتعرف وش كان يقصد)
ريم:ايييييه صح نسيت
يوسف: وش نسيتي
ريم:المرة اللي فاتت قلت لي اني انا غير كيف غير ؟؟
يوسف: ههههه منيب قايل لك
ريم:الااااااا بتقوووووول يعني بتقول
يوسف:طيب بقول ولا يهمك بس لا تدفين
ريم:لوووول طيب يله منيب دافة
يوسف: اللي كنت اقصده يا ريم انه انتي بالبرايفيت(الخاص) غير
ريم:يعني زي جدة غير <<<تستخف دمها لوول
يوسف: هههههه
يوسف :لا مو زي جدة غير..اللي اقصده انه انتي لو تكلمتي مع الناس تتكلمين باستهبال وبمزح وبدون ما تتكلمين بمواضيع جدية ولا حتى تتكلمين بالحب زي باقي البنات..لكن بالخاص تصيرين رايقة..يعني هادية كانك على طبيعتك..طبعا ما اقصد انك صرتي زي باقي البنات..بس اشوفك تتغيرين
ريم: !؟!؟!؟!؟
يوسف: يعني تصيرين احسن من اللي كنت متوقع واللي يشوفك هنا ما يصدق انها نفسها اللي تستهبل مع العالم..
ريم: لووول هذي انا
يوسف: ايه انتي..يعني مين غيرك
ريم: شككككراااا..
يوسف:العفو وش دعوة ما قلت شي غير الحقيقة

(ومرت لحظة صمت قطعها يوسف بسؤاله)
يوسف:ريم
ريم: هلا ؟
يوسف: ممكن اسئلك سؤال؟
ريم: ايه تفضل
يوسف: ريم اللي فهمته من كلامك انك ما تضيفين اولاد صح ؟!
ريم:ايه صـــــــــــــــح ما شاء الله عليك تفهمها وهي طايرة لوووول
يوسف:طيب مو هنا السؤال..
ريم:اوكي تفضل اسأل
يوسف:طيب ممكن اعرف السبب ؟ يعني ايش الفرق بين هنا والماسنجر
ريم: اممممم انت لو مركز شوي كان عرفت من نفسك الفرق..انت بلسانك يا يوسف قلت لي اني انا بالخاص غير لما اتكلم مع الناس نفس الشي بالماسنجر اكون غير وانا مابي هالشي يصير ما عندي استعداد لمشاكل
انا مو قدها..
يوسف:اهااا يعني قصدك انك ما تبين الناس يعرفون مين ريم ؟!
ريم: يعني تقريبا..
يوسف: ما شاء الله عليك
ريم: على ايش ؟!
يوسف: اللي يشوفك مع العالم يقول انك صغيرة يعني يعرف كم عمرك بس اللي يسولف معاك جد لا يمكن يقول ان عمرك اقل من العشرين..عقلك اكبر من عمرك
ريم:لووووووووووووووووووووول تعال لو سمحت قل لامي هالكلام دايم تقولي عقلك صغير وعقلك صغير..
يوسف: هههههههه لا والله ما شاء الله عليك عاقلة وفاهمة
ريم:ايه كثر منها..
ريم:يوسف ملاحظ انك انت بس اللي تسأل وانا ما اسألك شي ؟
يوسف: هههه طيب احد ماسكك اسألي اللي تبين
ريم:امممم طيب انت تدرس والا تشتغل ؟؟
يوسف: لا اشتغل موظف ببنك
ريم:احلىىى يالكبير
يوسف: ههههه لا حرام عليك توني السنة اللي راحت متخرج وين كبير
ريم:مالي دخل يالشاايب يالشاايب
يوسف:هههه يلا عاد وش شايب تراني شباب اكثر منك
يوسف: برب شوي وراجع
ريم: تيت

(ريم قعدت تحوس بايميلها وتنتظر يوسف..)
يوسف:باك
ريم: وللللللكم..
يوسف: ريم تعرفين قصة (المسافر) اغنية راشد الماجد؟؟توني قاريها بايميل
ريم:المسافر؟؟ لها قصة ؟؟ لا ما اعرفها
يوسف:ايه لها قصة مرررة تحزن روعة بس مدري اذا حقيقة او لا
ريم:يااااااي ابي اقرااااهااااا
(ريم زل لسانها وقالت هالجملة..مادرت انه فيها سالفة ايميل وما ايميل
وطبعا توهقت..)
يوسف: ولا يهمك عطيني ايميلك ارسلك اياها لانها من جد تستاهل
ريم: اممممم
يوسف: ريم لا تخافين ما راح اضيفك..ولو فكرت بهالشي ما راح اسويه الا باذنك..صدقيني وعدتك
ريم: ( ريم استحت مرة لانها هي اللي حطت نفسها بهالموقف..فكرت وقالت يلا عاد هو وعدني وبعدين لو فكر يضيفني..فيه اختراع اسمه بلوك)ريم:اوكي اتفقنا
ريم: يللللهههه بسرعة وين القصة ودي اقراها
يوسف: هههههه لا والله وانا وش دراني ايش ايميلك
ريم: لووووول ايه والله نسيت مع الحماس
ريم:............<< يعنني هنا ايميلها منيب فاضية اخترع ايميل ويطلع صدقي
يوسف: اوكي ثواني بس
ريم: اوكي
يوسف: يله ارسلته
يوسف: وصل؟؟
ريم: ايييييه هذا هو وصل يله برب بس اقرا القصة وارجع
يوسف: طيب اسمعي هذا لينك الاغنية عشان من جد ما يطلع للقصة طعم الا مع الاغنية..
يوسف:
ريم: شككككرا والله معليش غثيتك صرت غثيثة اكثر من اللي ضافني لوووول
يوسف:ريم وش دعوة وش هالكلام..ماسويت شي يستاهل
(ريم راحت تقرا القصة وبعد ما خلصتها رجعت)
ريم:وااااااع وااااااع <<<قاعدة اصيح
يوسف: ليه سلامتك؟؟ ليه تصيحين ؟؟
ريم: القصة مرة حلوة من جد حلوة مسكين الرجال يا عمري
لا والبنت بعد مريضة يااااااحياتي
يوسف: ريم تصدقين اول مرة اسمعك تقولين يا عمري
ريم: !!!!!!!!!!
يوسف: ايه والله جد اول مرة
ريم:واخر مرة ان شاء الله لوووووووول
يوسف: ههههههه
ريم: يله تأخر الوقت انا لازم اطلع
يوسف: وين تطلعين تونا بدري تونا ما اذن الفجر عشان تطلعين
ريم:ايييه عارفة بس اليوم امي انواع التهديد تقولي لازم اطلع بدري والا بتقطع الانترنت كله
يوسف:لا مدام الوالدة اللي قالت لك كذا اجل ما اقدر اقول شي
ريم: يووووه امي تخوفك انت بعد لووووووول
يوسف: الله يخليك لها ويخليها لك
ريم: امييييييييييييييييييييين
ريم:يله يله الحين لو بدت سالفة والله ما تخلص ابد خلني اطلع احسن لي يوسف: ههههه يله بسكت ولا يهمك
ريم: يله يوسف اشوفك على خير ..وتصبح على خير
يوسف: على خير نوم العافية ريم..انتبهى لنفسك
ريم:ان شاااااء الله..بااااااااي


وتابعوا التكمله ...

[الفراش الفاطمي]

واااااااااااااو جزء رائع تسلمي خيتو
بانتظار الجزء الجاي
تحياتيـ ..

[مجنونة وحلوة]

يسلمك ربي ...
مشكوورة على التوااجد..
منوووورة

[احلى ماخلق ربي]

الجزززء روووووووووووووعة
ننتظر التكملة
تحياتي..