اهلين

شحالكم
بما اني عروس لازم اتعلم اطبخ
امي قالت ليي خلاص اتعلمي لا تجوعي الرجال
وصاحبتي هزأتني قالت خلاص اتعلمي ما باقي شي على عرسش

وفي صبيحة يوم امس الأحد وبينما امي رايحه بيتنا القديم عشان العزية قلت لازم اسوي الغدى قبل لا توصل ماما

وامخمخ وش اسوي وش اسوي
قلت ماليهم الا بيض
اتاري ما عندنا ولا بيضه

قلت يامرى سوي غدى محترم واتعلمي
طلعت العيش مال المندي وغسلته ونضفته وطلعت دجاجه عشان تنقع
قطعت طماطيتين ودورت فليفله مالقيت اخذن بطاطسه قشرتها وقطعتها شرايح وبشرت ماجية وحده
وحطيت كم هيله ومسمار وفلفلات سودان ومعاهم صبغه وملح في العيش وخليته عالنار

اتجهت بعد شوي الى الدجاجه ولأول مره امسك دجاجه شغل كامل
سبحتها ودعجتها عدل هم نصين الأول نتفت جلدها نتفه نتفه فصختها اثيابها
وعذبتها وانقسمت نصين الصدر لحال والفخذ لحاله
لو قايليلن ليي شيلي جلدها ما عرفت
الثانية اهون

المهم وش اسوي وش اسوي عصرت عليها ليمونه وحطيت بهارات على هوايي من كل علبه شوي
بس ما بين فيها لون
طلعت ريحه الغدى رحت ركيض الى الصفرية والا هو يدخن نشف الماي وصار لونه اصفر حركات
كان استانس واطفي الفرن واغطية بفوطه قلت عشان ينشف لحاله ههه
الا وقد وصلت امي دخلت البيت وقالت اشم ريحة غدى سويتيه وكانت الفرحه غامرتنها
راحت على طول الى الصفرية وهي مستانسه حدها قالت هذا بحاري داكو اصفر وسألتني وين الودام قلت اليها لسه ما حطيته القت عليه نظره قالت مو بين البهارات زادت بهاراته وتبلته بالليمون مره ثانية وحطته بالفرن مع بطاطس وبصل في الصينية
وكانت ريحة الرز مره اتجنن و كنت مره مستانسه حدي بس للأسف طلع ماصخ
كلمت خطيبي وخبرته قال ويش اذا احتجتوا المطافي كلموني هه

المهم هادي صورة غدايي وعلينا بالعافية
هدرت واجد عفر قصة حياتي