اسفة للتأخير
بس النت وما يسويه

بقول لكم موقف صار لي أيام الثانوية
انا فيني عادة مو حلوة بالمرة اني اتصيد أخطاء المعلمات

يعني اروح المدرسة وأكون محضرة الدروس وفاهمتها على الآخر

والمعلمة بس تشرح وتغلط اقعد اصحح لها على اساس شاطرة وفاهمة يعني

كنت من الشاطرات في مادة الرياضيات وكانت المعلمة تحبني مرة ومعلمتنا بسم الله عليها نادرا ما القط عليها خطأ صغير

بس فيه درس كان من ضمن الخطوات تعريف مجال الدالة ( لبتوع العلمي بس ) المعلمة مرات ومرات تنسى تعرّف مجال الدالة

وكنت لازم اترزز لها واقول لها لا ما يصير تنسيه وترجع المسكينة وتعرّف مجال الدالة واحسها شوي وبتقوم تدبحني لان كل مرة افشلها

المهم جى الامتحان عندما يكرن المرء او يهان ويجينا سؤال ومن ضمن فقرات السؤال عرّفي مجال الدالة

عاد ومن السرعة ومن الثقة الزايدة بالنفس اقوم انسى اكتب الاجابة
طلعت من الامتحان واثقة مية في المية اني جايبة العلامة النهائية في المادة
واروح يوم ثاني والاقي المعلمة واقفة قدامي
نطيت لها ....ها بشري ان شاء الله العلامة النهائية ؟؟
ردت عليه وهي معصبة حدها

قالت لي يا ..... نسيتي تعرفي مجال الدالة
كبستني كبسة محترمة وشوي من القهر واسوي كذا
ومن زود الفشيلة والقهر والاحراج صرت قد النملة
بس ياحرام طمنتني انها اعادت توزيع الدرجات كان على تعريف المجال علامتين وغيرته وسوتها نص علامة بس
لو زين على ايامنا كان فيه تقويم زي الحين
بس وسلامتكم