بسم الله الرحمن الرحيم ..
صباح الخير ..
وكاهي همس جات بموقفها بعد ما كانت متابعه
من خلف الكواليس خوفاً من الاصطياد
ولكن لابد وأن يأتيها الدور يوماً ..
وهذا موقفي
وإن شاء الله يكون مضحك ..
.
.
في سنوات الدراسه الجامعية لما كنا بالرياض
وفي يوم من الايام صار النا حركات في الشقه
يعني حركات جننننننن
حركات خلتنا كلنا نخاف ونموت رعب منها
حتى النوم مانمنا ولا ذاكرنا ولا اي شي
كل وحده ماسكه قرأنها تقرأ و تطالع في الثانيه وتصيح
ننتظر نبي بس متى متى يطلع الصبح
وطلع الصبح بس ظلينا خايفين اشويات
وصرنا نتحرك كل مكان لازم ثنائي نخاف كل وحده تتحرك لحالها
حتى الحمام وانتوا بكرامة وحده داخل وحده تنتظر
المهم عدت الايام على خير بس طبعاً الخوف كان رفيق لينا
وجا يوم الاربعاء وكل وحده حزمت اغراضها بتنزل الى اهلها الا ثنتين
اظطروا يظلون لان عندهم امتحانات السبت والاحد
وعلى الرغم من محاولاتنا لآقناعهم في النزلة
الا انهم كانوا مصرين يقعدون
وكنا مرة خايفين عليهم
المهم نزلنا ورجعنا ليلة السبت
ووصلنا السكن وأحنا مرة هلكانين والتعب ماخذ دورة فينا
نبي بس متى متى ندخل الشقة ونريح
وصلنا لعند باب الشقه وصرنا
ندق الجرس ندق ندق ندق
ولاحياة لمن ينادي
دقينا في الباب كان ها اشوي يسمعونا او شي وابد مافيه
إجابه
مع إن غرفتنا على طول قبال باب الشقة
وديك الايام كان لسه مافيه عندنا جوالات عشان تساعدنا
وظلينا قاعدين عند باب الشقه اكثر من ساعه والافكار تودي وتجيب
انا أطالع في الي معاي والي معاي يطالعوني
وكل وحده خايفه تنطق بشي
فوحده قامت تقول تتوقعوا نايمين ردت الثانيه مستحيل نايمين
كل هالدقيق ونايمين مستحيييييييييل
وحده تقول يمكن طلعوا راحوا شقة احد نعرفه
قالت وحده مستحيل وفي هالوقت المتأخر ماتوقع بيروحون
الا هموس تنطق بكلامها الجهنمي
وتقول تتوقعوا سووا الجن فيهم شيي
الا وحده تقول هااااااااااا
وخلاص حزتها قعدنا نصيح وكل وحده تقول كل منهم
قلنا ليهم ينزلوا ويانا بس ماسمعوا كلامنا
ياعلي ويش نسوي
كن مروا علينا بنات واحنا نحاول نخفي دموعنا
وسألونا ويش صاير وقلنا لهم ان الي داخل
صار النا اكثر من ساعه ندق عليهم ولا فتحوا النا الباب
قالوا يووو لايكون فيهم شي
روحوا خلو العامل يفتح ليكم الباب
وماصدقنا خبر كان تروح وحده منا وتنزل للعامل وخليناه يركب
وجا وفتح الباب وعاد وقفنا كل وحده تعزم على الثانيه انها تدخل
لان الخوف مرة متلبسنا
وكنا نتخيل ندخل ونشوف جثث بيها الهوايل << مرة مصدقه عمري مع التخيلات خخخ
واخيراً تشجعت وحده من البنات وفتحت باب غرفتنا
وانا وراها استرق النظر وقلبي يناطط فوق تحت يمين يسار
ولا فتحت الباب الا وحضراتهم قاعدين وداقين سوالف وآخر وناسه
وأحنا رايحين فيها من الصياح والتخيلات
الا انا دخلت الغرفة ورميت اغراضي
وقعدت اصارخ عليهم
نحيسين ماحبكم ويش سويتوا فينا
وهم مع وجيهم يضحكون ومرة مستانين على حالتنا وتخيلاتنا
وانا من الخوف جسمي كله يرتجف وهم يضحكون
الا فجأة هموس قامت من على سريرها وقامت تضحك ضحك
موطيبعي والكل يطالع فيها ويش صاير
الا اقول الهم اما افلام وتخيلات طلعت في مخي
لكن مالت عليكم ..
وبس هذي قصتي مع الجن ومع البنات الي خوبلوني ..
.
أتمنى يكون موقفي مضحك ..
موفقين لكل خير ..