مسابقة ضحكنا وياك..!!~

[مناجاة الصابرين]

عدنا

احترت شنو من قصة احط الكم...

بس وقع الاختيار على هذه...

هاي القصة صارت لي بزيارة الاربعين كبل سنتين...

كانت بنتي صغيرة وكنا بنطلع من الصبح عن طريق البحرين الله يرجعها واهلها بالسلامة...... فهي ما نامت وياي ذاك اليوم يعني اني ما نمت... اهو من سألوني بتروحي العراق .. كبل السفر بشهر..ما صرت انام عدل..<< مو مصدكة..

طبعا طلعنا من الصبح ومطر... ورايحين البحرين...وكذا موقف صار ..لين طارت الطيارة الى مطار دمشق..

ووصلنا مطار دمشق...تمينا 3 ساعات واني وحدة خلاص طفشت حسيته اطول يوم في حياتي.. مع انه مليان احداث... والمفارقة اني كل شوي اطالع بالساعة متوترة... وفي عز دين البرد خلاص بطلع من هدومي .. حرانة ومو طايقة عمري... ابي اتسبح لاني عرقت..وفي اكو من سمعني احجي وي زوجي استحي ادخل العراق واني هلون ريحتي..

الموهيييم

طارت الطيارة الى مطار بغداد الساعة 6 وربع المغرب ووصلنا بغداد قربابة الساعة 8... صلينا على محمد وال محمد بالمطار... وتحرك الباص من المطار قريب العشر... رايحين الفندق على اساس... بعد عشر دقايق من الحركة.. وولا سيارة ولا ادمي يمشي... وقفتنا دبابة امريكية... عشان تفتيش وتغيير الباص...

ما وصلنا الفندق في بغداد الا الساعة 12 بعد نص الليل وتميت وي زوجي بالاستقبال .. اثاري ما صار لنا غرفة.. تالي لبقوا لي مكان مع جماعة منسيين مثل حالي...

واول ما دخلت الغرفة اكو مراة كبيرة شويات يعني زعلانة واجد مسكينة انكسر القدو مالها من الشيل والحط.. وهذامقدس.. زيه زي الجواز ويمكن اعز...

واني نعسانه حدي والساعة 2 والاذان الساعة 5 يمكن.. وراسي ثقيل ان نمت ما راح اصحى لو ويش...

فقلت للجماعة احد وده يسبح لو ادخل اني<< ابي اصحصح..

قالوا لا خشي اول..والكل لاهي بترتيب اغراضه..

المهم... دخلت الحمام الا اشوف بيه باب ثاني... والفضول يذبح .. يعني ايش ورا هالباب يا ترى...

فتحته و...

المنظر كان للوهلة الاولى غير الواقع..

لاني فري رومنسية...

شفت بانيو كبير مليان ماي دافي وبخار وشموع.. وتو بحط رجلي... الا اسمع صوت كلاب...

صحيت من حلمي عشان اكتشف اني عالبلكونة اللي بيها الصخانه وان تحتي الارض الشارع لان ماكو بلاطة عند الباب..

والانكى جيت بقفل الباب ما رضى ينقفل .. طبعا كنت ارتجف من هول الموقف..
وطاحت دموعي...
طلعت باقصى سرعة واني اصارخ ..

كلت لهم روحوا وشوفوا اني ماني..<< وخرابيط اخرى غير مفهومة..

حاولوا يهداوا احوالي يوم سكت بعدنيارتجف..

قلت الشجاعة تدخل وتشوف شنو ورا الباب اللي داخل...

راحت وحدة .. وصرخت مكانها وكالت.. واو... مكان للانتحار.. وللحرامية...

طبعا .. سبحت تالي وكان اسرع حمام اخذه في حياتي .. ما مداني... 5 دقايق ما خذيت... وطلعت واني ارتجف ... وما هذات الا يوم طلعت من الفندق والقبة جدامي الفجر..

وتصدكون واني اكتب ... رجعت لي نفس حالة الرجفان...بس كاعدة اضحك واني اتخيل نفسي...

وما اكول غير... الله يرزقنا ويرزقكم الزيارة والوصووووول... بحق محمد وآل محمد...