بسم الله الرحمن الرحيم ..

كيفكن ياحلوين .. وشخباركم مع الستايل الغريب

..
أولاً مسألة ذكر موقف مضحك حصل لي..صعب شووي..لأن القاعده السائده عندي
شي مضحك جداً = مبكي جداً + محرج جداً
..

ولهذا بذكر موقف حصل في بيتنا الكريم ..

||
قبل سنوات يمكن حوالي 10 سنوات او اكثر يمكن..المهم اني كنت في الابتدائي يمكن..
كانت الخادمه الطيوبه " امينه ".. تغسل المواعين بالمطبخ .. وإمي توها مركبه " قدر الضغط " عالفرن .. << مش ذاكره شو الطبخه حسافه ...
المهم هالخادمه أول مره تشوف هالقدر..وكانت مستمتعه في غسيل الصحون وبينما هي كذلك ...

إذ رفع المفتاح الخاص بالقدر وطلع البخار بصفاااره ..وكنا جالسين بالصاله ..وجات تصرخ
وهي تناقز
وتقول : مــــــامــا وهي تصيح ..هذا في بوتجاز...سوي بومب " وتحرك ايدينها يمين وشمال ..تشرح معنى الانفجااار" كبـير...هذا مطبخ..فيه حريق ..وجلست تصيح ....
وأمي ركضت للمطبخ وإحنا جلسنا نحاول نهدي فيها ..ونفهم الموضوع..
ولما جات امي تضحك وقالت لنا السالفه..جلسنا نشرح للأخت الكريمه سالفة قدر الضغط
وهي .. ..أبداً محرمه تدخل المطبخ وتصيح بس..
ومسكتها امي ... وقالت لها بدخل معاش ..وشوفي ..وهي تصيح وشوي وتبوس يد امي وتترجاها ..لاتدخلها المطبخ لانها بتموت ..

الله يرحم اياك ياامينه ..
..

ادري اني ماعرف اقول لا قصه ولا نكته ...ههههه
ولكن
أرجو اني وفقت في طرح موقف..رسم شي من إبتسامه على وجوهكم ....
وشكراً للاستظافه الظريفه