الشيز كيك من تحت ديات همووووس ..

[همس الصمت]

بسم الله الرحمن الرحيم
السلام عليكم ورحمة الله وبركاتة ..
من كم يوم كانت معاي صديقتي وعلمت الها الشيز كيك
وطبعاً لازم تشاركونا حلانا اللزيز ..
ذوقوووة وبعدين احكموا << بحط ليكم عينات
خخخخخخ

المكونات ..
الطبقة الاولى ..

2 علبة بسكويت شاي مطحون ناعم ..

آضيف عليها ملعقة زبدة
ونص كاس حليب سائل او حسب مايحتاج
لين يتكون عجينة لينة
افردها في الصينية ..

وبعدها ادخلها الفريزر لين انتهي من عمل الطبقة الثانية ..

.
.
الطبقة الثانية ..

نحتاج إلى ..
6 حبات لبنة
علبة جلو انناس او ليمون < حسب الرغبة >
آنا استخدمت هالمرة آنناس
كيس دريم ويب
علبة قيمر < قشطة >
آستكانة ماء ..

وآخفقهم بخفاق الكيك
لين تختلط المكونات وتصير كلها تمام التمام هيك ..

وهذي اقرب ..

والحين اصب هالمكونات على البسكويت ..

وبعدين ادخلها الفريزر لمدة لاتقل عن 4 ساعات
آو لين آحس انها جمدت مرة
عشان لما اصب الطبق الثالثة ماتختلط معاها ..
.
.
الطبقة الثالثة ..
علبتين او علبة جلو كرز حسب حجم الصينية
او حسب السماكة الي تبينها
وممكن تستبدلينها بالمربى الخاص بالشيز كيك ..
اذوبها العلبة الوحدة في كوبة ماء
لاني ابغاها تكون متماسكة مرة ...
وآدخلها الثلاجة لين تجمد ..
وبس اطلعها بيصير شكلها هيك ..

والحين نقدمها بالهناء والعافية ..

وهذي شقلبت العالم عشان اوريكم الطبقات
خخخخخ

وهذي حطيت في الملعقة عينة للي تبي تذوق
عشان ماتقولون هموس كل تحسر ولا تذوقنا

وعلى قلبي وقلب صديقتي
وقلب آهلي الف مليون عافية
وعلى قلوبكم الف عافية التحسير
إلي مايجي الا انصاص الليالي
خخخخخخخخ
تحياتي الشيزية
لكل من سيمر من صفحتي ..
موفقين لكل خير ..
همــ الصمت ــس ..