ابطرح فكره وابغى التفاعل....ورونا شطارتكم يالمبدعين
سلام عليكم احبتي
اخواني اخواتي الأعزاء
اصحاب الأقلام الشامخه والمبدعه
طرت على بالي هالفكره وقلت ليش ما اطرحها عليكم
وفكرتي هي انا نسوي موضوع مشترك بيننا كل مبدع وله بصمه فيه
كيف؟؟ اقول لكم اللحين
الله يسلمكم ببتدي اني بطرح موضوع معين مثلا الحب. الفراق... الظلم.... الخ
اجيب على الموضوع هذا قصيده شعريه يجب ان لايقل عدد ابياتها عن 5 او خاطره لا تقل عن 5 سطور بعد...
بس هااا لاتكبروا الخط وتلعبوا علي خخخخخ
لازم بعدي 3 اعضاء يجيبوا قصايد طبعا لهم مهي منقوله.. عن نفس الموضوع وكل واحد وشطارته بالأسبقيه
العضو رقم 4 يجيب موضوع جديد.. ويكتب عنه واللي بعده 3 نفس موضوعه وهكذا
ممكن المشاركه للجميع حتى اللي ما يكتبوا قصايد بالتعقيب على أي قصيده تعجبهم لأي موضوع كتشجيع يعني
اتمنى تتثبت هالفكره وبعد شهر ان شاء الله على الأقل نشوف حصيلتنا الإبداعيه
وموفقين
الموضوع الأول
عن الصبر... وهذي خاطرتي
وهل ينفع الندم بعد الرحيل والفراق... وبغربة الشعور هل سيداوينا حنين واشتياق.. وخلف جدران قلوبنا نخط سطورا تخلف في الحس اوراق.. ونحمل في اروحنا من الهموم مالا يطاق.. ولكن الصبر سيد مواقفنا والبسمة مع شط الدموع رفيقة مرافئنا فنحمل بالقلب الصفاء وخالص الحب والدعاء..
يالله مستنيه تفاعلكم
ودمتم بحفظ الرحمن
رد مع اقتباس
المفضلات