الساعه 8:19م في فيلا أبو تركي ...
عبير..كنت منسدحه ع سريري تعبااانه كالعاده مخلصه أمتحانات قبل الناس رن جوالي ...
جاسر: ها عبور أخبارك الحين ؟
عبير: الحمد لله , تآمر بشيء؟
جاسر: أنزلي أنا تحت لو أركب لك ؟
عبير: لالا نازله باي "وصلت تحت لقت أم مشاري وأم تركي وجاسر وأم فارس , كالعاده بدون مقدمات قامت تناقر جاسر ...
جاسر: الشره علي اللي مناديك طسي يلا غرفتك
عبير: يمااااا شوفيه
أم تركي: أنا محد بيقضي علي غير هالإثنين
أم مشاري: ماعليك منهم يما , ماقلتي لي وش رايك في الموضوع ؟
عبير بلقافه: أي موضوع؟
أم مشاري: ومن متى صرت أمك!!
جاسر: كككآآآآآك ألقطي وجهك عبووور
عبير: لاحول خيو يعني لازم تشمتين العدوان فيني؟!
أم تركي: وأنا يمديني أقول رايي من هالإثنين جابو لي الصمرقع
سيف اللي توه داخل باس راسها: سلامتك يالغاليه من الصمرقع
أم فارس: هلاهلا بوليدي الغالي وين حنين؟
سيف: تسلمين خالتي , حنين في بيت أبوها معاها صاحباتها
عبير وهي تأشر لسيف بعنى خلاص أسكت: الله يوفق لها الله يوفق لها , كملي يماا
سيف: ههههه تعالي عطيني كف بعد , إلا وش صار ع موضوع رانيه
عبير!!: جسور قد سمعت سيف يعدل أسم رانيوه ؟
جاسر ناظر ساعته: أي والله اليوم الساعه تسعه إلا ربع
أم تركي: ياربي شسوي في هالإثنين نبي نتكلم مو عارفين
سيف: أنا أأدبهم لكم "ألتفت لجاسر وعبير: يلا طسو إجتماع مغلق ممنوع دخول الأطفال
عبير: أنا الشهر الجاي بكمل الـ22 بدخل الـ23
أم فارس: آآآخ وياليت مبين فيك
جاسر توه بيفتح فمه , قال سيف: جب أنت جحا سمحت لكم تجلسون"رسلت له عبير بوسه في الهواء بهبال ,خشن ملامحه وقال يكمل: لكن بشرط
عبير-جاسر: مواااااااافقين
سيف: جدتي الحين أقدر أقول الله يخلف عليك في أولادك , يلا أنتي وياه جلسه صحيه "جاسر وعبير تكتفو وجلسو كل واحد في زاويه مثل البزارين في الروضه"
سيف: ههههه شاطرين , "ألتفت لأمه: ها يما وش سويتو ؟
أم مشاري: أنا توها اليوم أم فيصل مكلمتني سولفت لي عن الولد وشغله و......
سيف: أنا بعد أبوي سألني عن الولد ماشاء الله عليه خوش ولد
عبير تساسر جاسر: جسور السالفه فيها خطبه "سيف عطاهم نظره أبتسمت عبير ببراءه وتكتفت وعدلت جلستها ولف سيف وجهه عنها"
أم فارس: راشد ماشاء الله عليه الكل يمدح فيه
عبير نطت تدور جوالها حطت الجوال في أذنها وقالت بحماس: ياغنااااااااااااااااتي ياغناااااااااااااتي أكييييييييد ماقدر يقاوووم السيقان البيضان "جاسر سحب الجوال وقفل الجوال"
أم مشاري عصبت: البنت ماتدري عن شي محد فتح لها الموضوع متفقين مانخبرها إلا بعد أمتحاناتها
عبير باست راس أم مشاري: سوري سوري خيه هذا من الحماس بس كملو إجتماعكم
سيف اللي يكتم ضحكه لأنه فهم قصد عبير: يلا أنت وياها جلسه صحيه بنكمل الإجتماع
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 9:22م في جده بالتحديد في شقة رانيه ...
رانيه تكلم نفسها بصوت مسموع: خرفت عبيرووه عن جد وش سيقانه وش بياضه هالخبله شتتكلم عنه!!
زميلتها سلمى دخلت المطبخ: خير رانيه ع بالي معاك حد
رانيه: كنت أكلم خالتي شكلها مخرفه خلصت الإمتحانات وخرفت
سلمى: يلا عقبال مانخلص إمتحانات
رانيه: مابقى شي الأربعاء أحنا مخلصين قبل صاحباتي اللي في الدمام وأخوي
سلمى: ههههههه الله يعينهم عليك
رانيه: ههه هم بعد ماقصرو فيني لمن بدأت أختبارات قبلهم
سلمى: يلا هذي الحياه يوم لك ويوم عليك
رانيه: أي والله , والبقر اللي تحت ماعندهم إمتحانات؟
سلمى: شنسوي بعد كل ماكلمناهم زادت فوضتهم
رانيه: هذول مو جايين يدرسون جايين يستهبلون ويشغلون أمة محمد عن الدراسه
سلمى: الله يعين
رانيه وهي ترد ع جوالها: لحظه حبيبتي أنتبهي للصلصه ع النار , هلا جسور أكلم صديقتي.........ههههه........والله جوعانه........وش سالفتها عبيروه...........أهاا شكلها نايمه بقووه............سلم عليها إذا صحت...........والله ممشيين مابقى علينا إلا أختبارين..............واحد الأحد وآخر شي الأربعاء................جميعاً.........سلم عليهم كلهم.........يسلمك خالوو..........مع السلامه يالغالي,
سلمى: غريبه ماطولتي
رانيه: مدري وش سالفته خالي بيكلمني بعد شوي
سلمى: يعني بعد شوي مابنشوفك
رانيه: هههههه الظاهر كذا لازم ناخد الأخبار منه
سلمى: ههه كان زين لو عندي خال قريب لعمري
رانيه: عندك أنا في جده صح ماتستحين قولي صديقتي رانيه هي حبيبتي وخالي وعمي وجدتي وأمي وحياتي كلها
سلمى: ههههههههههههه صديقتي رانيه هي حبيبتي وخالي وعمي وجدتي وأمي وحياتي كلها زين كذا ؟
رانيه: أيه أنا أعرف اللي في قلبك
سلمى: بقوم أذاكر لا أستجن ويضيع علي الوقت , تآمريني بشيء؟
رانيه: تسلمين بس إذا بتنامين عطيني خبر عشان لا أزعجك
سلمى: طيب , وش رايك نذاكر برا ع السلم
رانيه: يلا بس أنتي اللي تجلسين في السلم اللي عند طفاية الحريق
سلمى: هههه يامصلحجيه يلا
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 4:15م في شقة إيمان ...
إيمان وهي تحط المواعين بروعه: لايكون حد قال لها عن موت أبوها ؟
عبد اللطيف: لالا ماتدري حتى تلعب وتضحك وتذاكر , يعني الوضع عندها بقوه إيزي
إيمان: عبد اللطيف , أنا أفكر أقول لسديم عن موت أبوها
عبد اللطيف: أنجنيتي البنت عندها أختبارات ومشغوله
إيمان: خايفه ع بنتي لاتدري من برا البيت حزتها مدري أكون جنبها أو لأ
عبد اللطيف: خليها لبعد إختباراتها
إيمان: ما أضمن أنها ماتدري من المدرسه
عبد اللطيف: ثلاث أيام وأحنا نتناقش في هالموضوع , خلاص سوي اللي يريحك
إيمان..ولو أن الشي صعب علي أني أخبر بنتي بموت أبوها بس لازم تدري مصيرها تدري , طلبت من عبد اللطيف يكون معاي حتى لو ماتكلم كذا ولا كذا المتوفي أبوها ومتوقعه منها أي ردة فعل , وقفنا عند باب غرفتها كل واحد ينتظر الثاني يدخل تقدمت أنا وجلسنا نسولف معاها كل واحد مو عارف يفتح السالفه لين مافتح عبد اللطيف السالفه ...
عبد اللطيف: ياسديم أنا خالك وبحسبة أبوك والله يعوضك خير إن شاء الله وعظم الله أجرك
سديم ناظرت السقف وعيونها تلمع من الدموع مررت عيونها ع أنحاء الغرفه بعيون تايهه وقالت ببرود محد توقعه: الله يرحمه
إيمان اللي تفاجئت من برودها ضمتها: عظم الله أجرك ماما
سديم ودموعها متحجره في عينها بعدت عن أمها: أجرنا وأجرك , ماعليش ماما بكرا عندي أمتحان أبي أذاكر
إيمان هزت راسها وهي متضايقه ع حال بنتها: اللي يريحك "طلعت وطلع وراها عبد اللطيف"
سديم مسكت دفترها وقامت تكتب مشاعرها بشكل عشوائي: لماذا سقطتي يادمعتي ؟! أوجود الأب محاك من قبل ؟! هل أنستي ياعيني يوماً بوجوده؟! هل ضمك يوماً إلى صدره ؟! آآآآآآه وألف آآه خرجت من أعماقي , هل غير اليتم مسار حياتي ؟! فأنا عشت اليتم مند صغري قبل موت أبي "لاشعوري قامت ترسم خطوط عشوائيه ع الكلام اللي كتبته بقسوه لين ماتشقق الدفتر رمت الدفتر وجلست تبكي ...
سديم..مدري ليه أبكي يمكن عشان بداية الشهر يكلف نفسه يجيب لي المصروف بنفسه"ضحكت بسخريه"هذا الشي الوحيد اللي بفتقده , أو الرحلات اللي زييييين إذا جت في السنه مره آآآآه الله يرحمك ويسامحك يايبا ...
]]ـ-ـ-ـ-ـ-ـ-ـ-ـ-ـ-[[
في نفس المكان بعيد عن سديم // في الصاله عند إيمان وعبد اللطيف ...
إيمان وهي تبكي: مدري مدري ياعبد اللطيف مايهون علي أشوف بنتي في هالحاله وأنا ساكته
عبد اللطيف: بعرف بس ليه تبكين؟! مو أنتي خايفه من ردة فعلها
إيمان: ياخوي أفهمني سكوتها مو طبيعي لو تصرخ تفزع الدنيا تكسر البيت ع راسي ولا تسكت كذا
عبد اللطيف: يعني أروح أقول لها تبكي ولا تذاكر ؟
إيمان: عبد اللطيف اللي فيني مكفيني خلني بروحي
أنهار اللي توها داخله قالت وهي تفسخ نقابها: أو ماي جد , وش صاير
عبد اللطيف دعم كتفه في كتفها وهو طالع: مدري عن خالتك
أنهار وهي تقرب لإيمان: ماي آنتي أمون شصاير ؟
إيمان: مدري مدري , بإختصار سدوم درت عن موت أبوها
أنهار: ياقلبي هي من قال لها ؟
إيمان: تكفيييييييين أنهار مالي خلق وقت ثاني أسألي اللي تبين
أنهار: أوكي أوكي , بس ماقلتي لي أخبارها سدوم ؟
إيمان: سدوم ساكته مدري شنو سبب سكوتها ردة فعلها مخوفتني يا أنهار
أنهار: أعذريها ياخالتي , أنتي لو تسمعين عن موت واحد شفتيه مره في حياتك في الشارع تذكرينه وتذكرين شكله وحركاته .. كيف لو الميت أبوها
إيمان وهي تمسح دموعها: بروح أتطمن ع بنتي
أنهار: بروح معك
إيمان..دخلت غرفتها لقيتها منسدحه ع طرف السرير والمكيف موجه عليها رفعت المكيف وغطيتها ,بست راسها وطفيت النور وطلعت ...
أنهار: هاتطمنتي ؟
إيمان: ماراح أتطمن إلا إذا صحت
أنهار: الله يعين , يلا عطيني الأغراض موسى ينتظرني في السياره
إيمان عطتها الكيس: يلا سلمي ع موسى وتعذري منه ع التأخير
أنهار: صدق ماتستحين طرده يعني الناس يقولون تفضلي
إيمان: ههه تفضلي
أنهار وهي طالعه بمناقرهم المعتاد: لالا خلاص أنطردت ماراح أدخل
إيمان ضحكت ع هبال بنت أختها ودخلت تكمل شغلها ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
تم بحمد الله الجزء الحادي والثلاثون
((هذا الجزء
-أبطالنا وحوستهم وزنقتهم مع الإختبارات
-عهد مع ثالث ثانوي وفراق فهد // فهد وسفره لكندا تتوقعون شاللي ينتظرهم ؟!
-بسام وتغيره للأحسن وإصراره ع خطبة شهد
-راشد وخطبته المبدأيه لرانيه , ورانيه مشغوله في الإختبارات وماتدري وين ربي حاطها
-سديم ووفاة أبوها وردة فعلها الغير متوقعه تتوقعون شنو سببها
يعطيكم ألف عافيه
تابعونا
تحياتي))

.
.
.
.:دانهـ العشآق22:.