الساعه 4:30م في محل راشد ...
راشد..كنت مشغول مع الزباين لمن حسيت أن الوضع هدأ تقريباً معظمهم كانو يتفرجون جلست ع الكرسي أنزل لواحد من الزباين نغمات , أنتبهت لطفل صغنون يهبل أعطه 7أو8سنوات وقفت ضربته ع صدره بخفه ...
راشد: شسمك يابطل؟
الطفل ببراءه: ساري
راشد: آمرني يالغالي
ساري: بكم الآيبود؟
راشد: شوف حبيبي في آيبود وفي أم بي ثري أنت شنو تبي بالضبط؟
ساري: أول شي بكم؟
راشد: ماعليه حبيبي خلي البابا يجي معاك قول له راشد يبي يتكلم معاك عشان أنا أضبط كل شي معاه
"ساري هز راسه بالموافقه وطلع من المحل"
راشد..لمحت تغير في ملامح الطفل أختفي من قدام عيني وبعدها دخلو مجموعة شباب وقفت أشوف طلباتهم وأتكلم لهم عن الأجهزه ومواصفات الأجهزة.....ألخ>> ,, وقف ع بال ماهم يتشاورون أكمل شغلي ع الاب , سمعت صوت حد يناديني رفعت راسي سلمت عليه وتباوست معاه ...
فارس: يالقاطع لو ماجينا لك كان ماشفناك
راشد: هلا والله فيكم حياكم الله في كل وقت
جاسر وهو يضرب ظهر وائل: عاد ولد أختي يبي يغير جهازه
راشد: يآمر هو يتدلل يشوف الجهاز اللي يعجبه وبالسعر اللي يعجبه
وائل: تسلم والله
فارس جلس ع الكرسي اللي قبال راشد: أجل اليوم طلعو فهد وفيصل
راشد: أي والله الكل ينتظرهم
فارس: الله يجيبهم بالسلامه كلمني العريس قبل يركبون الطائره
راشد: ههههههههههههههههه العريس خون فينا
فارس: ههههههههه فصول من يوم عرفته وهو مايتوب عن مفاجئاته
راشد: هو بس أنتو تفاجئتو حتى أحنا كذا ماشفناه الا عزم عزايمه وقال بملك
فارس: هههههههه فصول بيودع العزوبيه
راشد: أقول له هذا اللي مايبي يخطب قال لي خايف ع يدك
فارس: ههههههههههههههههههههههههههههههههه ليه وش سالفة يدك؟
راشد: قلت له أقص يدي إذا تجلس أسبوع عقب نزلتك
فارس: هههه مكشوف , عاد الحين بيهيص لاشغل ولا مشغله بيلهي مع الخطيبه
راشد: اتوقع والله أعلم أنه ماراح يشتغل دامه بيملك
فارس: ههههههههههه حرام عليك لهدرجه طايح من عينك
راشد: وأكثر أنت ماشفتنا أنا فهود وش سوينا فيه
فارس: ههههههههه آآآآآهـ هـ ذوب مهجتي أبو الفياصل
جاسر اللي تقرب منهم: وهالفيصل محد مخليه في حاله وين مارحنا نسمع خلق الله تحش فيه
راشد: ههههههه قلت لهم الحش فيه عباده محد صدقني , سامع مين يحش فيه؟
جاسر: الشباب في المقهى
وائل اللي توه متقرب ومايدري شالسالفه: مين فيصل؟
فارس: هههههههههههههههههه أطلـــع صديقي طلع مشهور أنت شنو يعرفك فيه؟
راشد: الظاهر أنه سمع عنه في التلفزيون ولا شاف صورته في المجله
وائل: لاوالله ماشاء الله عليه خفيف دم ومحبوب عند الكل
فارس: أنتو ماشفتوه في فرنسا صادق كل سكان فرنسا
جاسر: ههههههههههههه الحمد لله أنه صار معك أقلاً صرت أجتماعي شوي
راشد: ههههه ياحليله فصول الله يرجعه بالسلامه "لف لوائل: رسيت ع شنو؟
وائل: n95
راشد: حلووو وأنا أنصحك فيه مطلوب كثير , يلا عاد السعر مالي دخل فيه اليوم أنت صاحب المحل
وائل: لاتحرجنا عاد حقك قول بكم؟
راشد: مالي دخل في الأسعار أعتبر نفسك صاحب المحل
فارس: ههههههه وؤل فرصتك خد لك 4جولات بـ100ريال
الكل: هههههههههههههههههههه
جاسر: ماتنعطون وجه عز الله فلست ياراشد
راشد: حلالهم إذا تبون بعد لابتوبلات حلالكم المحل محلكم
فارس: نخاف بس نطلع وتسب فينا
راشد: ههههههه شدعوه نورتوني
وائل: النور نورك "عطاه المبلغ"
راشد ناظره بعيون تلمع: يبقى لك 200
راشد..أنبسطت معاهم هالناس حسبة أهلنا من سنين نعرفهم ماشفنا منهم إلا الخير , جابو لي جهاز من الفرع الثاني جلست أشتغل عليه سمعت نفس الصوت الطفولي يناديني ...
راشد ببتسامه: جا معاك البابا يابطل؟
ساري بعون تايهه: بابا راح الجنه
راشد..نظرته البريئه سلبت كيااااني ذكرتني بحالي لمن كنت في عمره بدون شعور حملته مثل العصفور بين يديني وضميته لصدري بكل ماعندي ومسحت ع راسه , أنتبهت لنفسي وأنا ناسي كل اللي حولي وأنا ضام الولد نزلته جلسته ع المكتب وأبتسمت له قال وكأنه أرتاح لي ...
ساري: شسمك؟
راشد: أسمي راشد
ساري: عاشت الأسامي
راشد جر خدوده وهو مبسوط ع كلامه: تسلم ,, قم خل أختار لك آيبود
ساري: كم سعره الآيبود؟
راشد: أنت ماعليك من السعر أختار لك اللون اللي يعجبك
ساري أختار له آيبود أسود وعطى راشد الفلوس وقال ببتسامه: مشكوور عمي راشد
راشد: وين رايح؟
ساري: بروح بيتنا ماما بروحها هي قالت لي لا أتأخر
راشد: بيتكم بعيد؟
ساري: لا هنا قريب
راشد قام معاه وهو يوصله لعند بيتهم: أنتبه لمدرستك وأسمع كلام الماما ولا تقطعني
ساري: إن شاء الله "أشر ع باب بيتهم: تفضل
راشد..أستأذنت منه ورحت لمحلي , الله يقطع الشيطان نسيت المحل مفتوح الحمد لله أن الشارع مليان ولا اللي ماعندهم ضماير ممليين الدنيا , ياحليله ساري دخل قلبي حسيت وأنا أضمه ببراءته في نفس الوقت حسيته يذكرني بنفسي لمن كنت صغير ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
في أجواء غيررر أبطالنا يطيرون مع الطيور يحلقون في السماء راجعين لديرتهم وأهلهم وناسهم بعد الأغتراب .. راجعين وهم رافعين رؤوسهم ورؤوس أهلهم وناسهم .. راجعين وعن قريب بيصيرون عسرسااان ...
فيصل..كنت جالس جنب فهد ولاني جالس جنبه , كنا جالسين جنب بعض لكن قلوبنا مو ع بعض حاس أن فهد شايل علي في قلبه عمري ماشفت فهد يكلمني بهالبرود , أحسه يكلمني بس لأن أحنا في غربه ومالنا إلا بعض , حتى لمن لقينا الفلاش كنت مبسوط ورايح أبشره رد علي ببرود وقال يمكن حد خدا اللي فيها ورجعها , أنهبلت أنجنيت قلت له خل نجلس أقلاً لحد ما نتطمن أن الصور محد شافها أو أخدتها , قال لي أني أناني وما أفكر إلا في نفسي قال كيف بيكون موقف رزان لو تأجلت ملكتها كذا بدون لاتدري كيف , في النهايه طلعت صدقه وتوكلت ع الله ...
فهد..كاسر خاطري فصول بس في نفس الوقت ضاغط نفسي عشان أأدبه أنا حالف أني بأدبه ولا راح أبطل حلفي , قبل لا نطلع بساعتين حطيت الفلاش في شنطته الصغيره , ههههه حاس نفسي شرير بس يستاهل فصول ماراح أقول له إلا إذا جابو درزن أولاد خخخ ...
فيصل: فهد
فهد وهو خايف يضحك وينفضح: هلا
فيصل: ما أشوفك تآكل حطو العشاء من فتره
فهد..حاس نفسي توم كروز وأنا ممثل هالتمثيله الطويله العريضه اللي يشوفني يصدق أن السالفه صدق , سميت بالله وسويت نفسي آكل بدون نفس عشان أعلم فصول أن الله حق , ياويلي متى بس نوصل المشوار طويل ومن مطار لمطار وحاله ولازم نعيد صلاواتنا اللي فاتتنا في الطائرة إذا وصلنا وبعد مانوصل بيوم ملكة رزان وفيصل , غمضت عيني وأنا حاس أن وراي أشيا كثيرة لازم أسويها ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 10:16م في فيلا خالد وسمانه ...
سمانه..كنت قايمه جالسه وجالسه قايمه أباشر طلبات الضيوف صحيح أن البوفيه مفتوح بس لازم يحتاجون أشياء , في نفس الوقت كنت متضايقه من نظرات أهل خالد كأني مجرمه لو قاتله لهم قتيل ويبون يأمرون علي بأتفه الأشياء وكأنهم يبون يعجزوني لكن أنا حاظره ع قول الشاعر
وأني لعبد الضيف مادام نازلاً ولاشيمة لي غيرها تشبه العبدا
نادتني غدور أكيد حست لي , هي بعد مثلي عز الله نزل وزنا 15كيلوو مع هالحركه ...
سمانه: هلا حبيبتي غدوور
غدير: الجوهرة تقول أن خالد ضروري يبيك
سمانه بروعه: الله أجعله خير
غدير وهي تغمز: خير بس شكله الأخو مشتاااااااااااق
سمانه ضربتها بخفه وراحت تركض لعند الباب وصلت لعند خالد أبتسمت في وجهه وقالت: هلا خالد
خالد يناظر عيونها التايهه ولبسها الأنيق وشعرها وتميزها اللي يليق بأنها صاحبة البيت: هـــــــلا والله
سمانه بتوتر: آمرني خالد الجوهره تقول أنك تبيني خير في شي
خالد ضحك ضحكات عاليه تثير الشك ...
سمانه بحرج: خالد عندنا ضيوف
خالد أنتبه لحاله ورجع للوراء وهو حاط يده ع فمه وماسك يد سمانه يرجعها للوراء معاه لين صدم في الجدار وصارت سمانه قباله ...
سمانه..تفاجئت من ضحكاته العاليه بس لا إرادي أذوووب بقرب أنفاسه مني ضليت أناظرة أبيه يتكلم , سمعنا صوت طراااااااااااااااخ رفعت راسي شفت بنت عمة خالد مقفله النافده بقهر , يمكن تفاجئت لمن شفت ضحكاته العاليه وقربه مني لكن آآآآه طلعت تمثل ياخالد بس قدام الناس لهدرجه ما أعني لك شي!! ...
خالد..تفاجئت لمن رفعت راسي صحيح أني نحيس وعنيد لكن ماتوصل فيني أني أمثل أو أجرح مشاعر زوجتي أو بنت عمتي مهما يكون فكل وحدة لها مشاعر , ناظرت في عيون سمانه أكيد متضايقه ع تصرفي أكيد بتعتبرني واحد غبي وسخيف قلت أبرر موقفي ...
خالد بتبرير: ماكنت عارف أن في حد يناظرنا من الشباك
سمانه: ...............................
خالد: سمانه زعلانه؟
سمانه تنهدت وقالت تغير الموضوع: خالد ناديتني بغيت شي؟
خالد: لابس حبيت أتطمن ع الوضع عندك عسى ماحد مضايقك مو ناقصك شي؟
سمانه: تسلم , تآمرني بشيء؟
خالد: لا أبد "ناظرها لين ماطاحت عينه بعينها: سمانه زعلانه؟
سمانه أبتسمت غصب عنها: لا "لفت ظهرها بتروح"
ناداها خالد: سمــــانه
سمانه: هلا
خالد: أنتبهي لنفسك
سمانه: إن شاء الله
خالد يحك راسه: خلصتو عشاكم؟
سمانه: يعني ناس خلصو وناس يشوفون الفيلا وناس جالسين يسولفون وأنا كل شوي أصير مع ناس
خالد: الله يعينك أكيد تعبانه
سمانه: لا والله وناسه البنات مو مقصيرن معي
خالد: يلا لا أأخرك وأنتبهي لنفسك "أنتبه لخط أحمر في كتفها سألها: سمانه وش فيك
سمانه..نزلت راسي بحرج ياااااااااااربي محد ظل ما سأل واللي ساكت معناها فاهم غلط ...
خالد: آسف إذا...........
سمانه قالت بسرعه لايفهم غلط هو الثاني: كنت أدخل الملابس في الغساله وطاح علي غطاء الغساله
خالد حط يده عند كتفها: يوجعك؟
سمانه: شوي الحين بعد فتر الألم الحمد لله
خالد: ألبسي عبايتك خل نروح الطبيب
سمانه من بين أسنانها: خااالد عندنا ضيوف وبعدين مافيني شي , يلا عن أذنك تأخرت
خالد: أوكي وأنتبهي لنفسك
سمانه..لوحت له بيدي ودخل شفت النظرات اللي أكرهها نظرات الحقد والحسد والغيرة , المشكله حتى مرت أبوي جالسه مع عمات خالد وكأنها منهم حاولت أكون طبيعيه وطول الوقت الإبتسامه منظر وجهي , ظليت أباشر الضيوف لين ماركبو البنات معي فوق يتفرجون ع الطابق الثاني للفيلا وصلنا لغرفة خالد هنا أنقبض قلبي ...
:تجنن الغرفه
:بس ليه كذا مأثثه!!
سمانه تغطي توترها: هذي الغرفه أحتياط لين وحدة منكم بتنام معانا أو إذا كان عندي أختبارات أذاكر فيها عشان لا أزعج خالد
سحر غمزت لها: يمكن البيبي جاي في الطريق وهذي الغرفه له
غدير: أو يمكن ناويه تطرد أخوي من الغرفه إذا تهاوشت معاه
سمانه..ضحكت ع تعليقاتهم مدري أضحك ع حالي أو ع شنو بالضبط , بعد ساعه تقريباً فضت الفيلا ضلو معاي حمواتي السيارة ماكفت لهم خخخخ توهقت حضراتهم ناوينين ينامون في غرفة خالد يستهبلون طبعاً الله يستر بس ...
غدير: لاحول شكلنا بننام عندكم
سمانه: ياليت والله
سحر: صحيح أنك متفرغه أول ليلة في الفيلا خدو راحتكم أنبسطو مع بعض مو ننام معاكم
الجوهره: عشان تعرفون حسن نوايا مرت أخوي هذي حزات الغرفه المأثثه الزايده
سمانه: الحمد لله في إثبات لحسن النوايا "قامت وقالت وهي تمدد يدينها: بقوم أبدل ملابسي وبالمره أشوف خالد إذا نام أو لأ
غدير: البيت بيتنا طبعاً
سمانه: ههههههههه طبعاً "ورقت الدرج لين ما وصلت لغرفة خالد لقتها فاضيه طقت باب غرفة النوم المشتركه اللي هي غرفتها"
خالد..سمعت صوت طقتها المميزه ع الباب قلت لها تفضلي كانت رهييييييييييييييييبه بمعنى الكلمه حاولت أصرف نفسي عشان لا أسوي شي غصب عني ...
خالد: آسف كنت تعبان كثير ومو حلوة أنام بغرفتي النوم وعندنا ضيوف
سمانه أبتسمت: عارفه "قالت بمزح: بعد شوي يطلعون خواتك تروح غرفتك مفهوم
خالد: هههههههههه مفهوم ميت ع غرفتك أناا
سمانه وهي تروح عند غرفة الملابس: لايكثر بس ببدل ملابسي البنات تحت ينتظرون السايق لا أتأخر عليهم
خالد لا إرادي ناظرها بإعجاب وهو يسمع صوت كعبها يتردد في أركان الغرفه: حلو عليك الفستان بلييييييز لا تبدلينه
سمانه أنصدمت: شنو اللي لا أبدله حامت كبدي منه من بعد المغرب وهو علي
خالد أنتبه للكلام اللي قاله: قصدي يعني ع بال ما خواتي تحت كملي بالفستان لحد مايطلعون
سمانه فكرت شوي يعني شنو بتلبس تكمل بالفستان أحسن لها لحد مايطلعون البنات , رفعت كتوفها: ع قولتك يلا بروح أشوف البنات
غدير ناظرت سمانه وهي تنزل الدرج: هذي اللي بتبدل
سمانه بكذب تبين لهم أن علاقتها بخالد طبيعيه: شسوي في أخوكم عاجبه الفستان
البنات قامو يصفرون ويصفقون , سحر: الحمد لله أنك نزلتي توقعتك ماتنزلين
سمانه رمتها بعلبة الإكلينكس: أقول لا يكثر
الجوهرة اللي توها مقفله جوالها: يلا خالي برا
غدير بمزح: الحمد لله أنه جا عشان نطلع بكرامتنا
سحر تجاريها: وأنتي الصادقه لو تأخرنا 5دقايق نلقى نفسنا مشردين
سمانه: ههههههههههههه مهابيل وربي , أستريحو نامو معانا
سحر: لا يعيوني ماننام مع متزوجين أحنا ناس عزابيه ونخاف نتعلم ع أشياء غلط "طلعت تركض وراء خواتها اللي تقدمو عنها قبل تسمع رد سمانه"
سمانه..ههههههه ياحليلها سحور , دخلت الفيلا جلست عند المرايا اللي في الممر لفيت شعري ورفعته بإهمال وفسخت الصندل والإكسسوارات شلت الميك آب من وجهي وركبت الطابق الثاني , أستحيت أطق باب الغرفه أكيد خالد نايم , رديت نزلت تحت خديت لي بجامه من الخزانه مشيت حالي فيها , دخلت غرفة خالد يلا أقص شريطها خخخ أول ليلة أنا أنام فيها لكن مردوده مثل ماهو جرب سريري قبلي أنا أجرب سريره قبله , أنسدحت ع السرير وركبت لي المنبه للصلاة تقلبت ع السرير وتقلبت أفففف مو جايني نوم هو من التفكير والفيلا الجديدة والأحداث اللي صارت اليوم قمت من ع السرير جلست أتمشى في الفيلا الكبيرة اللي مافيها حد غيري أنا وخالد آآآه اللي يشوف هالفيلا الكبيرة ويسمع عن أنتقالنا المفاجئ لها يقول هذول أسعد زوجين مايتوقع أبد أنا نكون أسعد أخوااااااان , أستعذت من الشيطان وأنا أسمع صوت الأذان رحت أستعد للصلاة وبالمرة أصحي خالد ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*