الساعه 8:30ص في المدرسه المتوسطه ...
كانو حور وملاك يتمشون مع بعض عقب ماخلصوالإختبار ...
ملاك: عاد الأمس خواتي ساهرين مع رزون بنت خالي مارجعو إلا الساعه 10
حور: أحمدي ربك عندك خوات أختبرو معاك أنا خواتي ثنتينهم في الجامعه وخلصو قبلي
ملاك: وأخيرا اليوم آخر يوم
حور: عاد بكره لازم تجين
ملاك: أفا عليك بجي مع خواتي رانيه أخت المعرس صاحبتهم
حور: أشوه ضمنت أنك راح تجين
ملاك: ههههههههه أفا عليك بس
"سمعو صوت الصافره وصراخ البنات وطابووووووووور"
حور: أففففف طابور
ملاك: تلاقينه تفتيش
حور: لا تقولين أنا جايبه معي البي أس بي
ملاك: مجنونه كيف الحين؟
حور: عندي أرميها في الزباله ولا يهزأوني ويتصلون في أمي
ملاك: حطيها في زاويه ولا شي أنتي وحضك إذا هي من نصيبك بتاخدينها
حور: شورك وهداية الله
حطو البي أس بي وراء الزباله وصفو سوا ...
جت المراقبه قريب من حور وملاك وقلوبهم طبول لأنها تدور الزله ع البنات وتبي تهزأ لأي سبب ...
المراقبه: الأخت رايحه حفله
ملاك: أنا؟!
المراقبه: لا أنا شنو حاطه لك في شفايفك؟
ملاك: ولا شي
المراقبه: قدامي أشوف
راحت ملاك مع المراقبه دخلت الإداره
المديره: هلا وغلا هلا والله كيفك وكيف الوالده؟
ملاك: الحمد لله بخير
المديره: وش عندك خير أن شاء الله
ملاك: المراقبه ع بالها أني حاطه لي جلوس أنا مو حاطه شي
المديره: ناديها
ملاك: أبله تبيك المديره
المراقبه: هلا أستاذه
المديره: وش عندك مع البنت؟
المراقبه: شوفي أنتي وش حاطه في وجهها كأنها جايه حفله
المديره: خدي الإكلينكس ملاك ماعليش
ملاك خدت الإكلينكس ومسحت أشفتها طلع دم
المديره: آسفه حبيبتي مو قصدي كان قلتي أن بشرتك حساسه
المراقبه: خلاص روحي
المديره: أسمحي لنا ياملاك وسلمي ع الوالده
ملاك: أن شاء الله يوصل
ملاك راحت عند حور وهي شوي وتبكي
حور: خير وش صار؟
ملاك: الحماره لكن إذا ماقلت لأمي ما أكون ملاك شوفي أشفتي كيف تشققو
حور: ههههه شكلها محتره
ملاك: عساها تحتر في النار أن شاء الله والله لو ما أحترامي للمديره كان مديت لساني
حور: خلاص ملوك لاتبكين ماتستاهل
ملاك: وربي قهرتني تجرني قدام البنات كأني مسويه جريمه ياخي خدودي حمرت من الشمس فيها شي
حور: خلاص تركيها عنك
ملاك: لا اللي يشوفني بهم حالي عشانها البقرة صخلة السوق
حور: ملكووووه خلاص لاتسبين
ملاك: عندك إكينكس؟
حور: خدي ولا تضغطين ع أشفتك خلاص وقف الدم
جت أبله قريب ملاك وحور ...
الأبله: وش فيك ملاك سلامات
ملاك أبتسمت: مافيني شي
الأبله: إذا تعبانه ولا شي تعالي معي
ملاك: لالالا مو تعبانه تسلمين
الأبله أبتسمت وضربت ملاك ع ظهرها وراحت ...
حور: خلاص ملاك عدلي وجهك حصل خير
ملاك: يلا أنا ببعد ماصار هذا طابور
حور: يلا
وبعد كذا طلعو البنات من المدرسه ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 11:14م في فيلا أبو تركي ...
عبير: رانيوه بكره هالوقت أحنا في الحفله
رانيه: ياسعدي والله أخيرا راح يجي يوم الأربعاء
عبير: بنخرب الدنيا حفلة سيوف
رانيه: لو تشوفي ياعبيروه البنات قامو يدربوني ع الرقص وضـــحك
عبير: هههههههههههههه عاد أنتي تذبحين ع هالرقصه
رانيه: كلهم أن شاء الله راح يجون بس شهود أحتمال ماتجي عشان بسام وصل
عبير: خساره خاطري أشوفها
رانيه: تشوفينا في عرسي قريب
عبير: هههههههههههههههههههه كثري منهااا
رانيه شافت جدتها جايه: هلا هلا بالقمر حيا الله دلوعة أبو تركي
أم تركي: هههههههههه الله يرجك كيفك؟
رانيه: بخير دامني شايفه هالوجه السمح
عبير: ههههههه خلاص رانيوه أستحت أمي
رانيه: فديـــــــــت الحيا
أم تركي: ههههههههه رانيوه لاتخليني أقوم عنكم
رانيه: أقول جدتي خلنا نكون صريحين قولي أشتقتي لأبو تركي والجلسه معه لا تستحين
عبير: رانيووووه أعملي أدب
أم تركي: هذي عمرها مابتعقل
عبير بتأييد: أي والله
أم تركي: وأنتي أعظم منها
رانيه: ههههههههههههههه فشلوها حتى لقمه ماعطوهااا
عبير: أفآآآ يمى تشمتين رانيوه فيني وأنا بنتك الصغيره
أم تركي: بقوم عنكم أنا توني صابغه شعري إذا جلست معاكم أكثر راح يغزيني الشيب مره ثانيه
رانيه تناظر جدتها بخبث: علا طاري الصبغ وش قال أبو تركي هاااا أكيد طول الليل يتغزل فيك
جاسر كان في المطبخ يشرب عصير سمع جملة رانيه فطس ضحك وكب العصير اللي في فمه ع بلوزته وشرق ...
عبير ماتحملت شكل جاسر وجلست تضحك ورانيه مع القوم ياشقراء ...
أم تركي: صدق أن وجيهكم مغسولين بمرق
جاسر وهو يكتم ضحكته: أنا شرقت
عبير وهي تكتم ضحكتها: وأنا أضحك ع شكل جسور ههههههه
رانيه: وأنا أضحك ع شكلك وأنتي مستحيه كأنك بنت 15سنه ههههههههههههه
الكل: ههههههههههههههههههههههه
أبو تركي: السلاااام
الكل: وعليكم السلام
رانيه: أبو تركي بالذمه وش رايك في شعر أم تركي؟
أبو تركي: زين
الكل: هههههههههههههههههههههههههههههههه
جاسر: ماعند رومنسيه الوالد
أبو تركي: بقوم أنام عنكم يلا أم تركي "راحو سوا"
رانيه: هذا اللي ماعنده رومنسيه كيف لو عنده رومنسيه"همست لعبير: مو قادر ينام بدون مرته
عبير: ههههههههههههههههه أسكــتي رانيوه هذا اللي تتكلمين عنه جدك
جاسر اللي سمعهم: هههههههههههههههه الله يهديكم
رانيه: وين ع الله ؟
جاسر: بامر وؤل واعده أروح معاه يلعب بلياردو بس أنشغلت وتوني الحين فضيت
عبير: ياااااااااي خدني معاكم
جاسر: أقول أجلسي مكانك ونامي باكر وراكم حفله عشان تتنشطون للرقص
رانيه: ههههههههههههه أكشــــخ يالخال فاهمنا
عبير: يلا عقبالك
جاسر: عقب عمر طويل وش لي بالزواج أنا من أشوف فتوح مسكين أتعقد
فتحي: السلام عليكم
عبير-رانيه تذكرو كلام جاسر: ههههههههههههههههههههههه
فتحي يقلد ضحكتهم: ههههههههههه خير؟!
جاسر: مجانين ماعليهم عتب
نهى بدلع: فتحــــي
فتحي: نعم
نهى: يلا نركب الشقه"سوت نفسها توها منتبهه لعبير ورانيه وجاسر وتغطت: السلام عليكم
الكل: وعليكم السلام
فتحي بعصبيه: يلا نهى نركب فوق
نهى: يلا"ركبو مع بعض"
جاسر وهو يقلد صوتها: فتحــــي "رجع صوته طبيعي: من زين الصوت عاد
رانيه ردت تقلد صوت نهى: فتحـــــي"رجعت صوتها طبيعي: هو بس يشوف وجهها يصير"وهي تقلد صوتها: سكـــــــــري
الكل: ههههههههههههههههههههههه
عبير: ههههههههههههههه طالع فيها الأخو يغار عصب لأنك شفتها
جاسر: من زين الوجه حافظه زي أسمي ومن أشوفه يجيني غثيان
الكل: هههههههههههههههههههههههههه
عبير: ههههههههههههه حرام عليكم
رانيه: أستغفر الله
جاسر: يلا أستأذن مسكين وؤل تأخرت عليه
عبير :أذنك معك
رانيه: جيب آيسكريم
جاسر: أوكي الفجر رجعتي بااي
رانيه-عبير: مع السلامه

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 1:22ص في فيلا أبو صقر ...
شهد..طلع من عندي بسام ودموعي ع خدي مو هو اللي كان يمسح دموعي؟مو هو اللي وعدني أن دموعي ماتنزل بس الحين هو سبب دموعي دخلت دورة المياه((تكرمون))فتحت الصنبور أبي أخفف دموعي ما أبي أحس لها أختلطت دموعي بالمويه البارده وأنا أبكي من قلب ماتوقعت هالتصرف من بسام خلاص أنا الحين ماعدت بنت أنوثتي أخدها,, ومو عارفه شنو مصيري يمكن أحمل ويمكن بسام يتركني آآآه الله يرحمك ياماما سمعت صوت طق ع الباب جاوبت وأنا أحاول أن صوتي يكون طبيعي ...
شهد: مين؟
صقر: أنا صقر خلصتي؟
شهد: شوي وبخلص بغيت شي؟
صقر: لا بس خاطري أجلس معك
شهد: أوكي شوي بس
شهد..حاولت قدر الأمكان أبين طبيعيه لبست ملابسي ولفيت الفوده ع شعري وطلعت مشطت شعري ورحت الصاله لقيت صقر ينتظرني جلست جنبه ...
صقر: هلا بالغاليه من زمان مو مبينه وينك كل هذا مع بسام؟
شهد..آآآه ليتك تدري ياصقر وش سوى فيني بسام ...
شهد أبتسمت تخفي ألمها: عايشين أنت اللي مو مبين
صقر: الله يعين بس شهد بقول لك
شهد: قول
صقر: وش فيهم خواتك وش هاللبس لاحضت عليهم مايتحجبون من خالي ضاري هو خالنا هم وش دخلهم مايحل لهم
شهد: الله يعين حتى هو متضايق وأنا قلت لهم بس مايسمعون الكلام
صقر: الشره ع مرت أبوي من كثر ماهي طيبه صارت ساذجه
شهد: الله يهديهم ويهدي الجميع
صقر: آآمين "بعد فتره قال: شهد
شهد: هلا
صقر: حلمت بأمي
شهد أبتسمت: شنو حلمت فيها؟
صقر: مدري خايف حلمت أنها لافه وجهها عني بعدها قالت لي شهد وصحيت ع صوت المنبه ...
شهد: اللهم أجعله خير
صقر: شهد أنتي مو طبيعيه فيك شي؟
شهد: لا أنت شايف فيني شي؟
صقر: بصراحه أيه وجهك أصفر وباين أنك ماتنامين زين ووصايا خالي ضاري عليك والحلمه اللي حلمتها بأمي
شهد: لا تطمن مافيني إلا العافيه
صقر: حابه تطلعين تغيرين جو؟
شهد: تسلم بنام توه بسام طالع من عندي
صقر: أوووه الظاهر أزعجتك
شهد: لالالا مو قصدي بس مالي خلق أطلع
صقر: يلا حبيبتي وإذا بغيتي شي أنا موجود
شهد: أووكـ تصبح ع خير
صقر: وأنتي من أهله

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

تم بحمد الله الجزء الثالث عشر
((هذا الجزء
-البنات وسهرتهم وأنقضاء أمتحانات كل أبطالنا ع خير والشباب ومغامراتهم في فرنسا شاللي ينتظر أبطالنا؟!
-سمانه وحالتها النفسيه تتوقعون كيف راح تكون نفسيتها عقب الزواج؟
-شهد وبسام شنو مصيرهم بعد اللي صار وهل راح يستمرون مع بعض وشهد تتوقعون راح تقول لأحد عن اللي صار ولا بتظل ساكته؟
يعطيكم ألف عافيه
تابعونا
تحياتي))

.
.
.

:.دانهـ العشآق22:.