الساعه 10:14 م ...
كان بسام في قمة عصبيته من لمن طلع من عند ماجد مسك خط الشرقيه مالقى نفسه إلا عند باب بيت أبو صقر دق الجرص رد عليه أخو شهد الصغير ...
بصوته الصغير: مين؟
بسام: أنا بسام شهد موجوده؟
:أيوه موجوده أنت بثام ثح؟
بسام: سوي لي طريق أبي أروح غرفة شهد
:تفدل مافي حد في البيت شهد في غرفتها "وراح معاه لغرفة شهد"
شهد..جيت من عند البنات بدلت ملابسي لبست لي شي أرتاح فيه للنوم برمودا وبلوزه كت,,رميت نفسي ع السرير بتثاقل كانت نفسيتي تعبانه يمكن من زمان ماضحكت كذا بس أضحك لأني أبي أطفي النار اللي بداخلي صد بسام لي والحين جواله مغلق خايفه وربي خايفه عليه وحشني صوته سؤاله عني حنانه عيونه اللي تداريني سمعت صوت طق ع الباب رديت ببرود ...
شهد: مين
بسام: أنا
شهد..سمعت صوته فزيت من مكاني بسام حبيبي بخير وعندي الحمد لله يارب خفت أقوم أفتح الباب ما ألقاه قدامي يمكن أتوهم ولا شي قمت لمن سمعته يناديني مره ثانيه فتحت الباب وشغلت النور ناظرت في شكله ملابسه فيها دم وشكله يدل ع أنه يركض سنين شكله ماطمني حتى نظراته كل مره ياخدني بأحضانه هالمره يناظرني ببرود سألته بـاهتمام وكل الزعل اللي فيني راح بمجرد أني شفته ...
شهد: بسام وش فيك مين سوى فيك كذا؟
بسام..ناظرت في عيونها باحتقار تخيلت أنها كانت تسأل عن غيري وتداريه بنفس هالنظرات المحبه مجرد أن هالفكره جت في بالي فقدت أعصابي ...
بسام قفل باب الغرفه بسرعه ورمى شهد ع السرير بدون تفاهم ...
شهد: بسام بسام وش فيك؟
بسام ضرب راسها في الجدار بقسوه ورمى الصور في وجهها: شنو هذا؟
شهد فتحت الظرف برجفه وطلعت الصور وقالت ببراءه: هذي صوري
بسام بسخريه: أجل صور جدتي جاوبيني لمن عطيتي هالصور؟
شهد: ماعطيتها لحد
بسام بصرخه: لا تكذبين كل شي أنكشف ياشهد كل شي
شهد: بسام عن شنو تتكلم وربي مو فاهمتك؟
بسام: بسوي نفسي مصدقك وأنك طيبه وبريئه وبقول لك قصة زوجتي الحبيبه يامدام زوجتي موزعه صورها عند اللي يسوى واللي مايسوى وغير العلاقات وقصص الغرام اللي كل واحد من الأ يقول الزود عندي وكل قصه أحلى من الثانيه
شهد سمعت كلامه ونزلت دموعها: أنا يابسام تشك فيني؟
بسام: دموع التماسيح ما أبي أشوفها لا تخدعيني فيها سوالفك كلها عرفتها جاوبيني ياشهد لاتكذبين علي أكثر
شهد ودموعها سيل ع خدودها: شأجاوبك أنا مو فاهمه شاللي تقصده مو عارفه ليه تغلط علي وتقول هالكلام مو عارفه شنو سبب صدك لي شهر
بسام: ماجد شنو علاقتك فيه؟
شهد..فز قلبي من سمعت هالأسم تذكرته في ثواني ماجد اللي تعرفو عليه خواتي ودخلوه المجمع معانا بس مالي شغل مالي علاقه فيه بس تذكرت مره أو مرتين قبل أنخطب ع بسام أستهبلت معاه في الجوال بس وش دخل بسام فيه وكيف عرف؟! ...
بسام: الأخت سرحت الظاهر أن قصتكم حلوة كثير
شهد بصراخ: ما أسمح لك تغلط علي أكثر مو أنا اللي أنزل للمستوى اللي في بالك
بسام: والأستهبال والمسجات والحب والحركات كل هذا مو غلط ولا ماجد غير عن كل الشباب عادي المدام تخون خطيبها معاه
شهد وهي تحاول تكون قويه وتدافع عن نفسها بدون لاتبكي: أنا.....
بسام..ماتحملت براءتها وهي تبكي وتفهمني وتقنعني ودموعها تنزل ع خدودها كنت بروح بضمها بس جت صورة ماجد في بالي ولا قدرت أستحمل وخديت اللي أبيه منها بطريقة أنتقام كنت أسمع صراخها وأشوف دموعها ع خدها والكلام اللي تقوله لي وتريجها لي أني أتركها وضربها لي بس العصبيه عمت عيني همي هو أني أنتقم من شهد وأسوي الشي اللي يضايقها وما يرضيها ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 1:40ص في سيارة أسامه ...
أسامه: مها
مها: هممـ
أسامه: حبيبتي قربنا نوصل
مها: بدق ع دانا تجهز ريان
أسامه: بس كأنه تأخر الوقت الساعه 2إلا ربع
مها: بكره ماعندهم مدرسه بدق أشوفها...ألوو....هلا دانا....وين أنتو؟.....أوو نايمين....أهآآآ.....ريان صاحي ولا؟......أهآآ...خلاص أجل بكره الصباح راح أمره...باي,
أسامه: وين أروح؟
مها وهي متضايقه: خلاص البيت ريان نام مع عمتي من الساعه 10 وما أبي أزعجها
أسامه: أن شاء الله بكره من الصباح راح نجيبه
مها: اليوم بطوله ماشفته أنبني ضميري
أسامه: حتى أنا أشتقت له ولأزعاجه الدب يلا بكره أن شاء الله راح يجي عندنا
مها: الحين بتعصب فينا أمك
أسامه: ههههههه أمي أكره شي عندها أن ريان ينام مع حد غيرها مدري هي تغار ولا شنو بالضبط
مها: ياحليلها عمتي مبسوطه بريانوه
أسامه: يلا الليله نرتاح شوي ع الأقل ننام زي الناس
مها: هذا إذا جاني نوم بدون ريانوه
أسامه: وأبو ريانوه شنو موقعه من الإعراب؟
مها أشرت ع قلبها: هنا
أسامه: ياقلبي أنتي شكلك نعسانه
مها: خلص بانزيني طول المشوار أبي أدور لي سالفه أسولف فيها أي شي أتكلم فيه دلة الشاي خلصتها كلها ولا هو فايد
أسامه: من قلة النوم مها حبيبتي لازم تنامين زين ماتعودين ريان الله يحفظه كذا تنامين وقت يروق له وتجلسين وقت يروق له عطي لنفسك فرصه مو بس الجامعه وأنا وريان أنتي بعد لازم تنامين زين تاكلين زين
مها: لأن أنتو كل حياتي
أسامه: وأنتي كل حياتنا بس لازم ترتاحين الأنسان طاقه
مها: أن شاء الله
أسامه: مو مثل كل مره أن شاء الله ولا نشوف شي
مها: لا أن شاء الله بريح نفسي بكره ماراح أسوي غداء ولا راح أصحى بدري وريانوه ماراح نجيبه من بيت خالي
أسامه: أقول أسكتي بس ماتنعطين وجه
مها: هههههههههههههههه عرفت أنك ماتستغني عن خدماتي
أسامه: أمممم مو دائما
مها: كذاب
أسامه: قد الكلمه؟!
مها: يووووه سوري من النعس قمت أتكلم بدون لا أحس لنفسي
أسامه: سوري لو مصري أنتي قلتي وخلصتي وتحملي اللي يجيك الليله مافي نوم
مها: أساااااااااامه نعسانه
أسامه: أنزلي أنزلي بس وصلنا

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 7:30ص في المستشفى ...
كانو غدير وسمانه يستعدون عشان اليوم راح يكون خروج سمانه من المستشفى ...
غدير: وهـ ماورى عليك بتطلعين
سمانه أبتسمت: الحمد لله رب العالمين بس المستشفى أرحم لي من بيتنا
غدير: أن شاء الله حبيبتي الأحد أنتي عندنا هانت ياسمانه هانت
سمانه: الأحد أنا عندكم بس مدري شاللي ينتظرني مو عارفه شنو مصيري
غدير: بالعقل اللي بتتزوج شنو بيكون مصيرها بتصيرين مدام الأستاذ خالد اللي هو أخوي وبعد كم شهر بتجيبون لنا بزارين وأنا راح أصير عمه وحضرتك راح تصيرين أم وأخوي راح يصير أبو
سمانه: ليت الكلام اللي تقولينه بهالسهوله
غدير: سمانه شاللي صابك وين قوتك وين نصايحك لي مو معقول أنتي سمانه اللي أعرفها مو بهسالهوله تستسلمين غير سبب طيحتك في المستشفى اللي حتى الدكتور مارضيتي تقولين له عنها
سمانه: شنو أقول تتوقعين بيصدقوني إذا قلت لهم مرت أبوي كانت طمعانه في فلوسي من ورث أمي ولمن عرفت أنهم مو عندي ضربتني لأنها شكت أني عاطيتهم خالد عرفتي السبب أرتحتي
غدير: مو معقول هذي أنسانه رغم أنها حابستك في غرفه بروحك وتشك فيك كمان
سمانه ضحكت بسخريه: هذي الحقيقه أنتي لو تسمعين الكلام اللي تقوله أستغفر الله بس
غدير: شتقول هالنذله؟
سمانه: عارفه أني حتى الإختبار ماذاكرته زي الناس لأن طارق مزع الكتاب بس الحمد لله حليت زين لو تعرفين كيف كان شعوري لمن جاتني هي وطارق ولمياء أنبسطت توقعت أنهم بيعتذون لي لأني بروح عنهم أبتسمت وأختفت أبتسامتي لمن سمعت عايشه النذله تقول جا حبيب القلب يابنت سميرة؟!شفتي لك من تقصين عليه وتتميلحين عنده
غدير: الله يعوضك حبيبتي أن شاء الله أمي أمك وأبوي أبوك وخواتي خواتك
سمانه أبتسمت: ماتقصرون حبيبتي فيكم الخير والله أني عادتكم أهلي وأكثر
غدير: صحيح سمسوم ليه تفاجئتي ليلة العقد لمن شفتي أسم خالد
سمانه أرتبكت: مدري بس كأني شايفته قبل حاولت أتذكر بس ماتذكرت
غدير: طيب إذا تذكرتي قولي لي
سمانه: غدور اليوم البروفه حق فساتيننا
غدير: يوووووه ذكرتيني بتصل للمصممه والحين طلعتنا نروح نمر ع سحور والجوهره ونقيس فساتيننا سوا
سمانه: أبي أبدل ملابسي
غدير: جابت لك أمي ملابس موجودين في الدولاب
سمانه: ياربي مستحيه معاكم مو عارفه كيف أرد لكم ...
غدير حطت يدها ع فمها: جب جب الحين بتقلبينا لنا مناحه تكفين عاد يلا بدلي ملابسك لأن أبوي في الطريق
سمانه قامت من ع السرير راحت لدورة المياه((تكرمون))وهي قايمه طاحت ورقه من تحت وسادتها غدير فتحتها وجلست تقرأ ,,سمانه طلعت من دورة المياه ((تكرمون))وتوها بتفتح فمها لقت الورقه عند غدير ...
سمانه نزلت راسها ...
غدير: من أمك ؟
سمانه: أيوه الأمس لمن جا بابا قال لي هذي أمك وصتني أعطيها لك إذا صرتي عروسه
غدير: الله يرحمها
سمانه: الله يرحمها ويرحم موتى المسلمين يارب
غدير: يارب,, تشبهك أمك
سمانه: ههههههه الكل يقول بدات لمن كبرت
غدير ناظرت جوالها: يلا بابا خلص الأجراءات خل ننزل
سمانه: يلاا

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 1:30ص في فرنسا ...
كان فيصل في غرفته نايم والشباب داخلين يأذونه ...
فارس: ياخي قوم وربي جوعانين
فهد: يلا فيصلوه حرام عليك أرحمنا جوعانين
فيصل: أخترعو شي أسمه مطاعم مو بس أنا اللي أعرف أطبخ في العالم
فارس: شنسوي بعد مانستغني عن طبخاتك
فيصل: أففف ياناس حسو نعسان مشو حالكم ببيض أو أي شي سهل مو ظروري تتعشون
فهد أشر لفارس وراح فارس حمله من رجايله وفهد من أياديه ...
فيصل: ههههههههههه يانذوووول خلاص بقوم خلاص توبه
فهد وفارس رمو فيصل في المسبح وبعد عشر دقايق وصل فيصل عن الدرج ...
فيصل: هههههههههه مهابيل مجانين لا شره
فارس: بتقوم تسوي لنا عشاء ولا؟
فيصل: لالالالا خلاص بقوم
فهد: ههههههههههه يلا قوم
قام فيصل من المسبح ونشف جسمه وراح المطبخ: تعالو ساعدوني مو كفايه مصحييني من النوم عشان أطبخ لكم
فهد: سوري سوري أنا عندي أختبار
فيصل: ياسلاااام وأنت ياثور لا شغله ولا مشغله تعال معاي
فارس: دقايق وجاي بس بجيب لي أغراض من غرفتي"دخل غرفته ونادى بصوت عالي: فيصــــــــل
فيصل جا ركض: وش صايــ"سكت لمن شاف الستاره اللي أكلتها النار تطيح قدام عينه"
دخل فهد وأعصابه مشدوده وهو يشوف الستاره والسرير يحترقون حاول شوي يركز وجاب الماي يبي يطفي به الحريق
صرخ فيه فيصل: يامجنون النار تزيد الحريق "أنتبه للبطانيه ورماها ع الستاره راح فارس وجاب بطانيات لين ماطفو الحريق"
فهد رمى نفسه ع الأرض وهو يتنفس بقوه: أبي هواء أكسجين
فارس فتح نوافد الشقه كلهم وفيصل رش وجه فهد بمويه ...
فيصل: فهد أنت بخير؟
فهد: الحمد لله بس حاس أني مخنوق شوي
فارس: قوم قوم بنزل معاك الحديقه "سند فهد له ونزل معاه الحديقه"
فارس: تحس أنك تحسنت؟
فهد بدأ يرجع يتنفس طبيعي: الحمد لله
فيصل نزل لهم: ها كيفه فهود؟
فهد: الحمد لله
فيصل: توقعو وش نسينا؟
فارس-فهد: شنو؟
فيصل: أنشغلنا نطفي الحريق ونسنا الزيت ع النار
فارس: ههههههههههههه كيف طفيته بروحك؟
فيصل: ماعرفت شسوي لو تشوف المطبخ دخن كله شغلت الهوايه وطفيت الغاز وحطيت قدر كبير ع المقلى
فهد: لا اليوم مسويين بروفة أسعافات حق حريق
فيصل-فارس: ههههههههههههههههههههههه
فارس: دفع الله عظيم تخيلو لو أحنا طلعنا نتعشى برا وتركنا فيصل نايم بروحه
فيصل: الحمد لله ع السلامه
فهد-فارس: الله يسلمك
فيصل: والله ومغامرات عشناها في فرنسا
فارس: بجد أيام ماتنسى يلا شهر وأنزل عنكم
فيصل: 4شهور وأحنا لاحقينك
فهد: بجد ماحسينا أحس الأيام مرت بسرعه
فيصل: الحمد لله عدت ع خير والله أن صورة الستاره وهي تحترق لسه في بالي
فارس: هذا بركة دعاء الغاليات أكيد أمهاتنا داعيين لنا
فهد: الله يخليهم لنا
فيصل: ع طاري أمهاتنا لا تقولون لهم عن الحريق يخافون
فارس-فهد: أكيد لاتوصي
فيصل: صوت جوال
فارس: مو جوالي
فهد: جوالي "قام جاب الجوال ورد" هلاوغلا بالغاليه......هلا ماما....أيوه بخير الله يسلمك....في الشقه أنا الحين......لالا تطمني بخير.....بخير....الحمد لله يسأل عنك...كلنا بخير....تطمني...هههه الله يسلمها وينها.....هلا بالورده.....هلا فيك...ههه بجد وش تقول....ههههههه ياحيلها الوالده....لالا كلنا بخير....متى تطلع نسبتك؟.....عسى بس ترفعين راسنا؟.....والنعم أختي....أول واحد تبشريني أنا.....تسلمين....ريهام وأولادها كيفهم؟.......الله يسلمك وبيت عمتي والكل.....الله يسلمكم.....وينها أمي؟.....هلا ماما...فيصل جنبي"ضرب فيصل السرحان"..كلم "فيصل أرتبك",
فيصل: أنا أكلم!!
فهد: تكلم أمي
فيصل : أها"خدا الجوال من عند فهد: هلا بالعمه....بخير الحمد لله......كيف أمي وخواتي والبنات....الحمد لله....والله بخير كل شي أوكي.....أن شاء الله....فروس معانا ههه خديه,
فارس: وعليكم السلام هلا والله أم فهد......بخير والله مانشتكي....نسأل عنكم.....هههه.. لاتخافين في عيوننا....ننتبه لبعض مايهمك....تسلمين والله...بخير يسلمون عليكم....أيوه الظاهر أن الأربعاء حفلة سيف ولد خالتي....تسلمين...أن شاء الله...مايهمك...مع السلامه,"قفل السماعه",
فهد: ياحليلها أمي حاسه
فيصل: عمتي حنونه حتى وأحنا بعيدين عنها تحس لنا
فارس: الله يخليها يارب
فيصل: لاحول صوت جوال
فهد: ههههههههههههههههه حاسين قلب الأم مافي منه
فيصل: قومو بس أنت رد ع أمك لاتخاف وأنا بكمل لكم العشاء عقب هالمغامره
:ههههههههههههههه يلاا

:*:*:*:*:*:*:*:*:*:*:*:*:*:*:*:*:*:*:*:*:*:*:*:*