الساعه 9وربع بعد العشاء في فيلا أبو وافي ...
كانت حنين تذاكر بصوت عالي ومندمجه رن جوالها ناظرت الرقم وأبتسمت ...
حنين بصوت واطي ممزوج بخجل: ألوو<<ماتنلام عروس جديده
سيف: السلام عليكم
حنين: وعليكم السلام
سيف: كيفك ؟
حنين: الحمد لله أنت؟
سيف: دامي سمعت صوتك بخير
حنين بخجل: عساك دوم مبسوط
سيف: جمعيا حبيبتي ,, كيف الدراسه معك؟
حنين: الحمد لله متعبه شوي بس يالله الحمد لله ع كل حال
سيف: موفقه ياحياتي
حنين بخجل: تسلم
سيف: يلا حبيبتي لا أشغلك توصين شي؟
حنين: سلامتكـ
سيف: صحيح أي شي ناقصك لاتترددين تراني قريب
حنين: ماتقصر تسلم
جا صوت من برى بالتحديد من عند حنين ووصل لسيف ...
أزهار: ياماما ياحنين أرحمي حالك شوفي جسمك شلون صار من قلة الأكل قومي تعشي من جيتك من الجامعه ما أكلتي شي
حنين حطيت يدها ع السماعه عشان سيف مايسمع وقالت بصوت واطي: طيب يما دقايق أنا الحين أكلم"ردت فتحت السماعه: هلا
سيف: وش هالكلام اللي سمعته ليه ما تاكلين تبيني أزعل؟
حنين أنحرجت: إلا آكل
أزهار بصوت عالي قاصده عشان يسمع سيف: ماعليك منها ما تاكل شي من جيتها من الجامعه ما أكلت غير شيبس
حنين: .................<<من الفشله
سيف: عطيني عمتي
حنين عطت أمها الجوال وناظرتها بعتاب ...
أزهار: هلا سيف كيفك ماما؟
سيف: الحمد لله عمتي كيفك أنتي وعمي ووافي والبنات
أزهار: كلهم بخير
سيف: كيف حنين مع الإختبارات
أزهار: مأذيتني أذى حتى الغداء أوصله لها لعند غرفتها ولا يفيد صايره عصاه من قلة الأكل قول لها تاكل كان تطيعك
سيف: الله يعينها
أزهار: ويعينك ,,كيفك مع الشغل وكيف الأهل؟
سيف: والله كل شي تمام والأهل يسألون عنكم
أزهار: تسأل عنهم العافيه ياربي يلا معاك خطيبتك سلم لي ع الوالد والأهل
سيف: يوصل
حنين: ألوو
سيف: هلا حنون
حنين: أهلين
سيف: وش فيك حبيبتي ما تاكلين كذا تخوفين أمك عليك
حنين: إلا آكل بس أمي تبالغ
سيف: حبيبتي لازم تاكلين لو منسده نفسك من جلسة البيت أي وقت تآمرين بطلع معك تغيرين جو بس لازم تاكلين
حنين: أن شاء الله
سيف: متى أن شاء الله تخلص أمتحاناتك؟
حنين: الإثنين أن شاء الله
سيف: خلاص الإثنين أمرك في الجامعه إذا ماعندك مانع
حنين: تسلم
سيف: يلا حبيبتي أشوفك الإثنين
حنين: ع خير أن شاء الله
سيف: مع السلامه وأنتبهي لنفسك وأكلي زين
حنين: أن شاء الله
سيف: أوامر شي حبيبتي؟
حنين: سلامتك
سيف: مع السلامه
حنين: حافظك ربي
حنين..قفلت جوالي وضميت الجهاز لصدري ...
أنهار: ياسلاااااام أدخلي أدخلي في الجهاز أحلى
حنين: أففففف وش فيكم علي خلوني براحتي قبل شوي أمي وقبلها حوروه والحين أنتي أبراج مراقبه!!
أنهار: بس بس بس آسفين وحقك علينا هذا جزاتي أبي أتطمن عليك؟
حنين: مشكوره عسى بس تطمنتي؟
أنهار: ياربي حنينوه وش فيك صرنا مانشوفك 24ساعه تذاكرين خفي شوي أرحمي عيونك
حنين: والله لا أنتي ولا غيرك بتنفعيني محد بينفعني غير دراستي
أنهار: حنون حبيبتي حرام عليك عطي الرجال ولو جزء من وقتك مو كل وقتك للدراسه
حنين: بجد أنهار حاسه أني أذاكر وأروح الجامعه ولسه أشياء أبي أذاكرها
أنهار: طيب ممكن تعطيني من وقتك شوي؟
حنين: أكيد حبيبتي أصلا أختباري بعد بكره
أنهار: خل نطلع الحديقه وربي لو أنا منك كان أختنقت يافي الصاله ع المرجوحه يافي غرفتك غيري جو
حنين شالت ملزمتها ونزلت مع أنهار وجلسو سوا قريب المسبح: تفضلي ..
أنهار: حنين خيه نصيحه خديها من أختك اللي أصغر منك الثقل زين بس مو كذا أحسك كثير مقصره بجد الرجال بيمل أنا ع بالي بتنخطبين بتخفين شوي عن الدراسه أثاريه زاد حالك أنا ما أقول لك أهملي دراستك بالعكس تعجبيني بس أنتي الحين غير أنتي مخطوبه من أنخطبتي كم مره أتصلتي ع سيف تسألين عنه؟!
حنين: ...........................
أنهار: خلاص براحتك إذا مو عاجبك الكلام
حنين: لا عادي قولي
أنهار: حنين أبيك تفهميني ما أبيك تفكريني حاسدك أو غايره منك بس عندك خطيبك ماشاء الله يحبك وأنتي ماقد أتصلتي عليه دايم هو اللي يتصل عليك مثل ما أنتي تحبين تعرفين أنه يحبك ويخاف عليك هو كمان يبي يحس بهالشعور
حنين: من اللي قال لك أني ما أتصل عليه؟
أنهار: محد قال لي بس واضح والأمس يوم عطيتيني جوالك عشان أوصف المشغل لصديقتك تأكدت صدقيني مو مراقبه ولا شي بس ما أبي حد يتكلم عليك
حنين: تسلمين
أنهار: صدقيني حنين تسمعيها مني أنا أختك ولا تسمعيها من حد غريب
حنين: ماتقصرين
أنهار: الرجال ياحنين محتاج أنك تتصلين له تقولين له متى بتجي مو دايم هو اللي يحدد متى بيجيك مو حلوة وربي يحس أنك متضايقه منه أنا عارفه أنك مو متضايقه لأني أختك بس مو الكل بيفسرها كذا
حنين: ............................
أنهار: ما أقو لك صيري جريئه بالعكس الثقل زين بس مو لهذي الدرجه
حنين: ..................................
أنهار: ما أضغط عليك شوي شوي أن شاء الله تتعودين الله يوفق لك أنا قايمه "قامت ولفت ظهرها بتمشي"
حنين: أنهار..
أنهار لفت وجهها لها: هلا
حنين: شكرا
أنهار: العفو أن شاء الله أنك ماتضايقتي من كلامي؟
حنين: لا بالعكس
أنهار: يلا أستأذن وذاكري عدل طيب ؟
حنين: طيب
حنين..أحبك ياسيف أحبك بس مدري وش فيني آآآه ياليتها سهله علي مثل ماقالت أنهار يارب ساعدني ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 11في فيلا أبو مشاري ...
كانو وائل ورانيه جالسين في الصاله عن حساب يذاكرون بس الواقع مناقر وضحك ووناسه خخخ ...
سيف: السلاااام
رانيه: ولا إله إلا الله ولا إله إلا الله كللللللللللللللللللللللللللللللللللللللللششووووووو وووووووووووووووووووووششييسش عاااااااااااااااااشووو ياحي المعرس
وائل: هههههههههههه خبله أختكـ
سيف: الله يشافيها بس
وائل رفع كفوفه: يارب العبااااد آميـــن
رانيه وهي تدف سيف بكوعها: خبرنا من وين جا هااا ؟
سيف: هههههههه خبله من بيت جدتي
رانيه وهي تدفه بكوعها: عينااا
سيف: لاتبطين كبدي حنون عندهاا أمتحانات
رانيه: ههههههههههههههههههههههه أصعب منظر أن الواحد يشوف عشاق ولهان متعذب
سيف: وخري عن طريقتي بروح غرفتي
رانيه: لا تنسى تعزمها آخر يوم في أختباراتها
سيف: أنتظرك من زمان عزمتها وخلصت
رانيه: أحـــــــــلى ,,طيب خلصتو أغراض الحفله؟
سيف: أيوه الأمس رحنا مع ليلى وعبير
رانيه بقهر: وليه ماخدين معاكم عبيروه؟
سيف: خالة المعرس لازم تختار معانا
رانيه: تصبر علي الدبه يارب تكون ملكة جسور في فترة أختباراتها أو وهي متزوجه وحامل وماتقدر تطلع يارب
وائل: يادافع البلاء راحت فيها خالتي من هالدعوات
سيف: يلا ذاكرو عدل هاا
رانيه بقهر: وأحنا وش جالسين نسوي نلعب؟
سيف: ههههههههههههههههههههه مرتي بتخلص الإثنين ياسلاااااام
رانيه: أقول خف بس ع البنت توك أسبوع ويومين من خطبتها وأنت لازق فيها خف شوي علينا
سيف: أنقلعي حلاااااااالي وماعاش اللي يمنعني عن حلالي
رانيه: لالا لازم أعطي حنون وصايا قبل تتقابلون
سيف: أقول لاتخربين مرتي ذاكري بس "حط الكتاب في وجهها ورقى الدرج"
رانيه: أفففف يعني لازم نذاكر وربي مليت
وائل: أنا طالع باي
رانيه رفست الباب: أفففففف قهر قهر

:*:*:*:*:*:*:*:*:*:*:*:*:*:*:*:*:*:*:*:*:*:*:*:*