ذايب في هواهم

((الجزء الثاني))
بسم الله الرحمن الرحيم

((المستجدات في هذا الجزء
-مضى ع رجعة فهد وفيصل السعوديه أسبوعين وبقى ع رجعتهم فرنسا 3أسابيع ...
-راح تتعرفون ع شخصيات جديده في هذا الجزء ...
تابعونا))

في مكان ثاني وبعيد عن شخصياتنا اللي عرفتوهم عائله أنضمت إلى شخصياتنا ولها دور كبير في قصتنا وراح تنبسطون معاهم وتعيشون معاهم ضحكاتهم وبكائهم أفراحهم وأحزانهم لا أطول عليكم العائله هي أهل رانيه صديقة رزان ودانا<<المرجوجه أعتقد عرفتوها ,, هذي العائله قريبه من العوائل اللي تعرفنا عليها قبل لأن رانيه صديقة دانا ورزان من أيام المتوسطه وعلاقتهم قويه مع بعض في نفس الوقت فارس ولد خالة رانيه بالصدفه صار مع فهد وفيصل في فرنسا بكذا صارو العوائل بحسبة أهل لأن وقريب راح تتعرفون ع عائلة فارس ...
(عائلة أبو مشاري)
*أبو مشاري أب حنون ع أولاده سعيد ومرتاح مع زوجته متوسط الحال ...

*أم مشاري أم حنونه ع أولادها سعيده ومرتاحه مع زوجها..

*مشاري أكبر أولادهم عمره31سنه متزوج وعنده بنت عمرها 3سنوات(نور)سعيد ومرتاح مع زوجته(نرجس)<<نرجس طيبه وحبوبه مع أهل زوجها وسعيده مع زوجها ...

*ليلى أكبر البنات عمرها 26سنه متزوجه وعندها بنت(غزل)عمرها4سنوات..

*سيف عمره 24 هذا عاد مأذي أهله طول عمره طلعات وروحات وجيات ولا يجلس مع أهله ماخد البيت كأنه فندق حده بس يبدل ملابسه ويطلع وإذا جلس يفرد عضلاته ع أخوانه اللي أصغر منه والسماعه ع طول في أذنه ومن بنت لبنت لكن حدر بحيث أنه يكلم البنات بأسم مستعار غير أسمه وبشرايح بدون أسم إلا بنت كشفته وراح تتعرفون ع قصتهم قريب ...

*لمى بنت نعومه وحبوبه عمرها 22سنه تزوجت قبل شهرين يعني تقريبا بداية الإجازه الدراسه أول أهتماماتها تدرس في الجامعه سنه رابعه(طب) ...

*رانيه بنت حبوبه عمرها17سنه طالعه ثالث ثانوي قسم علمي مو من زود الشطاره بس عشان تكتمل الشله<<عزات الله أنتحرو المعلمات .. جسمها مليان شوي وبيضاء وطولها متوسط يميل للقصر مشهوره بالرجه والربشه ولسانها متبري كل الناس لمن يتعرفون عليها ع بالهم أنها مؤدبه بس إذا تعودت ع حد مجرد أنها تبتسم الكل يضحك حركاتها بعفويه وخفة دم ودائما ماتخلي نفسها من حد ماتكون رانيه إذا ماتعرفت ع كل الموجودين في المكان اللي هي فيه وشي أكيد تتحفهم بنكتها والله يعين إذا أجتمعو في مكان هي ودانا وباقي الشله ...

*أخيرا وائل أصغر من رانيه بسنه عمره 16سنه طالع ثاني ثانوي وناوي ع قسم أدبي ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

نبدأ..
"كانت لي قلبي أهي الدنيا ومعناها..كانت من عيوني تقراني وتفهمني..لامالقيت اللي بين الناس يسواها..كلهم ع راسي لكن ذي تسحرني"

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 1 الفجر في فيلا أبو مشاري كانو رانيه ووائل جالسين في الصاله يشاهدون وشوي يلعبون كيرم وأكله رايحه وأكله جايه وصراخهم واصل آخر الدنيا وحايسين المطبخ دخل عليهم سيف ...
رانيه..كنا جالسين في قمة وناستنا وحشتنا لمى كانت قبل شهرين تجلس معنا في مثل سهراتنا هذي دخل علينا سيف آآآآه سيف أخوي وأنا أعرفه متقلب ومزاجي آخر مره عطاني كفففف ماكان عندي حد أشتكي له شكيت لخالتي عبير قالت لي"عطيه فرصه بيني له أنك أخته وتحبينه لا تغبين مشاعره ولاتدعين عليه بعدين إذا صابه شي لاسمح الله راح تتأسفين"قمت ورحبت فيه مثل ما أسوي مع كل أخواني ...
رانيه برجتها المعتاده: هلا سيوف هلا أخوي هلا حبيبي كيفك؟؟أخبارك وينك من زمان عنا
سيف..شـ فيها هذي ناقصها أنا ياذوبي متحمل هدى وحنتها تجي هذي تزيدني أنا كرهت الكلام الحلو لأن أغلب الوقت أسمعه من هدى وأعرف أنها تقوله لألف واحد غيري وأنا مو قادر أتركها لأن عرفتني وأعرف أنها ممكن تفضحني وتلوث سمعتي أخخخ يالقهر أنا سيف آخر عمري أصير مداس تحت رجل هدى لكن لازم أتخلص منها بس كيف ياربي كيف "أنتبهت ع رانيوه الخبله قطعت علي حبل أفكاري" ...
صرخت عليها ورفعت يدي في وجهها كنت بعطيها كف بس تمالكت نفسي: خير أن شاء الله شتبين؟؟
رانيه..تجمعت الدموع في عيني هذا أخوي ليه يعاملني كذا حرام عليه أنا أحبه ليه ما يجلس معانا ليه مايشاركنا ليه متعب أمي وأبوي"أنتبهت ليده تدفني ورقى السلم الظاهر أنه رايح غرفته"جلست ع الأرض مو لأني تعبانه بس أحس الدنيا سوداء في عيني"سمعت صوت وائل" ...
وائل: خلاص رانيه لاتضايقين نفسك
رانيه..أحس أني تعبانه ركضت لغرفتي ولحقتني وائل ...
رانيه: خلاص وائل أنا متضايقه شوي
وائل: أفتحي الباب رانيه بجلس معك بقول لك شي
رانيه..فتحت الباب خايفه أني أصرخ في وجه وائل مسكين ماله ذنب سكت وأنتضرته يتكلم لمحت مشاري داخل لغرفتي وباين ع وجهه أنه صاحي ع أصواتنا أفتشلت حدي ...
مشاري: وش فيكم؟؟وش صاير؟؟وائل تكلم وش فيها رانيه؟؟
وائل نزل راسه: سيف جا وعصب عليها
مشاري: لاحول مابيتدأب سيف الله يهديه بس رنوش شقلتي له عشان يعصب؟؟
رانيه أنفجرت في وجه مشاري خلاص تعبت وأنا أكتم: والله ما قلت له شي تبي تعرف ليه أخوي المحترم مهزأني عشان أني سلمت عليه مثل ما أسلم عليكم قلت أنه ممكن يحس فيني قلت يمكن أني مقصره وياه ما أعامله مثلكم لقيت العكس لقيت أني أعامله مثلكم ويمكن أحسن بس هو عديم أحساس مايحس هذا مو سيف أخوي الأولي أخوي سيف مات من سنتين أو بدلوه مستحيل هذا يكون أخوي سيف ماتعودت هالقسوه منه"بكييت من قلبي".. جلسو معي أخواني ياقلبي هم ما طلعو إلا لمن أبتسم لهم وجلست أسولف معاهم تطمنو علي الله يخليهم لي تقلبت شوي ع سريري لين غلب علي النعاس ...
وائل..كنت متضايق جلست أسولف مع مشاري شوي ووصاني أني ما أقول لأمي وأبوي اللي صار ما أقول إلا الله يهديه سيف ...
مشاري..طلعت من عند وائل وحاولت أضبط أعصابي لأن ع حسب كلام رانيه ووائل أن سيف كان معصب رقيت بس مو لسلم شقتي رقيت عند غرفة سيف سمعته يقول كلام وسخ أعوذ بالله الظاهر أنه يكلم بالجوال طقيت باب غرفته ...
سيف..لاحول ماتتوب هالبنت توني مهزأها صرخت فيها: خييييييييييير
مشاري: أنا مشاري
سيف: أوكي حبيبتي أكلمك بعدين .. تفضل مشاري
مشاري: السلام عليكم
سيف: وعليكم السلام بغيت شي؟؟
مشاري: هذي طريقتك في أستقبال أخوك الكبير؟؟
سيف: أوووووه مشاري مو وقت مثالياتك قلت لك أنا تعبان أخلص وش تبي؟؟
مشاري: سيف لمتى بتضل ع هالحال أكبر أعقل أصحى من اللي أنت فيه وش هالكلام اللي سمعته أنا متزوج ماقد قلت لزوجتي هالكلام عيب ياسيف عيب
سيف: وأنت حضرتك جالس تراقبني يعني أنا مو رجال قدام عينك؟؟
مشاري: سيف قصر صوتك وأجلس خلنا نتفاهم أنت برايك اللي تسويه أنت صح؟؟ترضى ع خواتك؟؟ تخيل لو وحده من خواتك تكلم شباب وش راح تكون ردت فعلك طبعا خواتك مكرمين حاشاهم بس تخيل أنت
سيف: والله لو حصل وسمعت أنهم يكلمون شباب لأكسر رقابهم كسر ذا اللي ناقص
مشاري: شفت أنك ما ترضى ع خواتك فلا ترضى ع بنات الناس هم بنات الناس عندهم أخوان مايرضون عليهم والله عيب ياسيف أخوك المراهق مريح أمي وأبوي وأنت يالكبير العاقل متعبهم أترك عنك هالخرابيط
سيف: أحاول
مشاري: سيف من متى وأنت توعدني أنك تحاول متى بتحاول لين يطيح الفاس في الراس وتطيح من عين الكل وبعدها شوف من اللي بتوافق عليك قالبني إذا عرفو أمي وأبوي باللي تسويه وقدرت تحط عينك في عينهم تبي شي أخده بالحلال بس مو بالحرام
سيف: أكبر وأعقل إذا تزوجت بترك عني كل هالخرابيط
مشاري: ومتى بتتزوج ياسيف وكيف بتكتفي بالحلال وأنت تعودت ع الحرام
سيف: خلاص أوعدك وقت ما أقرر أتزوج أعطيك خبر ولا تقول لأمي تفضحنا
مشاري: عطني الشرايح
سيف: صدقني الشرايح بدون أسم ولا بنت أكلمها تعرف أسمي الحقيقي
مشاري: طيب خليهم عندك الله يهدك أتمنى أنك ترميهم من نفسك وما يصير عندك غير الرقم اللي مخصصه للعائله يلا أنا رايح شقتنا تآمرني بشي
سيف: سلامتك باي
مشاري: مع السلامه
سيف..طلع مشاري من غرفتي وتنهدت تنهيده طويله ليش ع بالهم أن حالي عاجبني؟؟ أنا نفسي متضايق أكثر منهم أنا أكلم البنات عشان أفرغ اللي في نفسي كلهم أقدر أتركهم إلا هدى إذا تركتها راح توديني في ستين داهيه هدى مو سهله وكل الشباب يعرفونها ويطلعون معاها وكلهم يعرفون أنها تكلم غيرهم مع كذا ما يتركونها أهي الوحيده اللي كشفتني ليه ياربي ليه أنا تعلقت فيها زياده عن اللزوم وأتصلت لها برقمي اللي بأسمي .. وحنين آآآآه ياحنين حنين أهي الوحيده اللي ماعبرتني بس هذا"أشر ع قلبه"هذا يحبها حنين غير مو نزوه غير عن كل البنات محترمه ماكلمتني ولا رخصت بنفسها لي ولا خانت ثقت أهلها وغير كذا أهي صديقة لمى يعني أهلي عارفينها ولا راح يعارضوني إذا طلبت أني أتزوجها ...
نرجع مع سيف ونسافر معاه بأفكاره قبل 6شهور ...
سيف..كنت ناوي أصحح أغلاطي كنت ناوي أترك خرابيطي دخلت غرفة لمى تفاجئت بقمر قدامي كانت حنين منسدحه ع سرير لمى ع بطنها وترقص رجايلها وأهي تذاكر وشوي تلعب بخصلات شعرها وتعدل بلوزتها أنا بدون شعور وقفت مكاني بلمت عليها فجئه سمعت صوت باب المطبخ ينفتح عرفت أن لمى جايه قفلت الباب بهدوء ورحت ع غرفتي صورتها أنطبعت في قلبي أول بنت تدخل لقلبي كذا غير عن كل البنات اللي شفتهم غرقت في أفكاري بعدها طلعت أبي أعرف مين هالبنت اللي مع لمى صدفه وأنا نازل تحت شفتهم واقفين عند الباب وحنين تربط خيوط جزمتها وتضحك وتسولف مع لمى رحت من الباب الثاني بحيث أني أشوفها مدري ليه جاني شعور أني أبي أشوفها ما أبيها تبعد عني دخلت لمى وكانت حنين منشغله تعدل غطها فجئه صرخت أنا رحت لعندها لقيت قطه تحت رجلها خخخ بنات يخافون من ظلهم لاشرى طردت القطه من تحت رجلها ولفت لي أبتسمت لي أبتسامه خجوله ممزوجه بخوف وفشله من اللي صار عدلت غطاها وطلعت طلعت وأنا واقف مكاني آآآآآه ياقلبي أحبك يالقطه الحلوه تباركتي علي خليتيني أشوف هالملاك ولا بعد تبتسم وش ناويه علي آآآآه وأنا وش فيني واقف خخخ صدق أني خقيت ع البنت بقوه دخلت سمعت أمي تكلم لمى وتسألها طلعت حنين أبتسمت أسمها حنين ياقلبي هي رقيت غرفتي وبما أني عرفت أسمها خديته من جوال لمى حاولت أتقرب منها بس كانت تصدني وتقول شكرا لأنك أنقدتني من القطه وجميلك ماراح أنساه بس أعرف أني مو تبع حركات كانت تقول هالكلام وتكبر في عيني أكثر لازم أشوف لي حل لازم "بعد كل هالتفكير راح سيف في سابع نومه" ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

-->>لي عوده مع التكملهـ ..