روايتي الأولى ::ذايب في هواهم::

[مجنونة وحلوة]

سلموووو على لبااارت مررره روووووعهـ
بس بسألش؟؟ كم جزء القصه؟؟ تحياتي... مجنونة وحلوة

[دانهـ العشآق]

حلم لطيف ..

حيآك الله غناتي ..

عوااافي ع المرور

///

[دانهـ العشآق]

ولوووووو مجنونه

مرورك الأروع

القصه 38بااارت-->>عزز الله هونو هع

ووصلنا للنصف

متابعه شيقه

كل الود

///

[دانهـ العشآق]

ذايب في هواهم

((الجزء التاسع عشر))
بسم الله الرحمن الرحيم

((المستجدات في هذا الجزء
-وصول بسام الشرقيه ,,
-حنين-إيمان-وافي إن شاء الله الليلة راح يرجعون الشرقيه
-اليوم الأربعاء اللي الكل ينتظره ع أحر من الجمر
تابعونا))

"«انا الموجود بوجودك وانا اللي ظلي بورودك وانا عمري ابتدأ معاك ونهاية عمري حدودك»"

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 10:16ص في مكتب ضاري ...
ضاري..كنت أنتظر بسام مو عارف أضبط أعصابي فريت المكتب يمكن 20مره وأنا أنتظره رن جوالي وأنكسر القلم اللي في يدي وأنا أرد عليه: هلا...........أنتظرك............خلاص أنا نازل الكوفي.............يلا مع السلامه ,, قفلت من عنده ونزلت للكوفي اللي قبال مبنى الشركه لقيته جالس رحت سلمت عليه سألني عن حالي وتباوس معي ولا كأن شي صاير ماحبيت هالمقدمات السخيفه قلت ببتدي في الموضوع لأني طفشت ...
ضاري: بسام أنا حاب الموضوع ينحل بدون محاكم وسين وجيم
بسام بشك: أي موضوع؟
ضاري: موضوعك أنت وشهد
بسام: رجاءاً لاتتدخل بيني وبين زوجتي
ضاري: أنا ما تدخلت إلا يوم طلبت مني شهد هالشي
بسام بسخريه: ماشاء الله ,, إن شاء الله عرفتك ع الشباب؟
ضاري: لاتتوقع أنك تستثيرني بهالحركات أنا عارف كل شي
بسام: وراضي عنه؟
ضاري: مو راضي بس أهم شي أن البنت عرفت غلطها وتابت هذا المهم عندي لو حاسبتها ع الماضي ماراح أغير شي
بسام: طيب والمطلوب مني؟
ضاري: أنك تطلق البنت بدون مشاكل وسين وجيم
بسام بدأ يعصب: من قال أني بطلق لو أبي أطلق ما أنتظرت حضرتك تعرض علي هالشي
ضاري: بسام أهدء أحنا جايين نتحاور ونحل الموضوع ودي مو عشان أنت تعصب علي ولا أنا أعصب عليك
بسام: ياخي زوجتي ما أبي أطلقها كيف أفهمك؟
ضاري: بس هي ماتبيك وأنت ماترضى لنفسك ولا أنا أرضى لك أنك تعيش مع أنسانه ماتبيك
بسام: مو بكيفها ماتبيني وين جالسين حنا الظاهر الأخت لمن شافت كل شي تبيه تحت أمرها تبي تتحكم في كل شي حولها
ضاري: بسام لاتغلط علي ولا ع بنت أختي ,, خلاص خل البنت تروح في طريقها وأنت في طريقك بدون مشاكل
بسام: طلاق ماراح أطلق وأعلى مافي خيلك أركبه "طلع من الكوفي وهو معصب"
ضاري..دفعىت الحساب وركبت لمكتبي دخلت وسكرت الباب رميت شماغي ع المكتب وفتحت أزارير ثوبي حاس أني مختنق رن تليفون المكتب عرفت أنها أمل أكيد ماحبت تتصل ع الجوال رديت عليها ...
ضاري وصوته مايبشر بخير: هلا أمل
أمل حست له: حبيبي الله إذا حب عبد أبتلاه أصبر أنت مؤمن
ضاري: أمل أنا لو كنت حاط الطلاق أحتمال فالحين أنا مصر عليه مستحيل بنت أختي تعيش مع هالأنسان أنا اللي في عمر أبوه ما أحترمني ولا حشمني كيف بتعيش مع أنسان غير محترم يطلقها غصب عنه حتى لو أتجرجر في المحاكم ليل نهار قابل بس البنت ماتتعذب
أمل: طيب حبيبي الدنيا مو فوضه وفي شي أسمه طلاق خلعي يعني مو بكيفه
ضاري: بعد شوي بستقبل أبو صقر في المطار لكن صدقيني ماراح أسكت عن الموضوع لو ع جثتي
أمل: طيب حياتي بس أنت أهدئ ولا تستعجل وأنت تسوق وأقرأ آيات وأنت راكب السيارة
ضاري: إن شاء الله مع السلامه
أمل: حافظك ربي "توها بتقفل سمعت ضاري يناديها ردت عليه: لبيـــه
ضاري: لباك ربي ,, حبيبتي أنتبهي ع شهد وقولي لها إن الموضوع إن شاء الله راح ينحل
أمل: إن شاء الله ,, مع السلامه
أمل..الله يوفقك ياضاري ويهديك ياشهد ويعوضك خير يارب ,, محتاره أبي أقرب ضاري وشهد لبعض بس كيف مو عارفه ضاري من درى بالموضوع مايحتك بشهد إلا قليل وشهد نفس الشي أحاول أبتعد عنهم إذا كانو مع بعض أعطيهم فرصه يتقربون من بعض لكن ما أرجع إلا واحد منهم قام عن الثاني الله يهديهم يارب ,, قمت أشوف إياد اللي يبكي وأستعد لجية شهد ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 11:55ص في المدرسه الثانويه ...
رزان..اليوم مدري وش فيني الأفكار توديني وتجيبني كلام شهد في الفسحه والتفكير أحس راسي بينفجر ,, معقول شهد اللي كان المثل ينضرب في علاقتها مع خطيبها يجي يوم ووحده منا تسألها عن حالها وتقول ما أتفقنا سكرو ع الموضوع!!! يعني معقول تفك خطبتها وشنو السبب اللي يخليها تفك؟!!! ...
الأبله: رزان
رزان: هلا أبله
الأبله: لا اليوم أنتي أبد مو معانا "غمزت لها وقالت: وافقي
البنات: ههههههههههههههههههههههههههههههههه
رزان..تعومست تخسبقت تلعثمت وش يدريها الأبله لايكون يبين ع وجهي يمااا نزلت راسي وسكتت وكل اللي حولي يضحكون ...
الأبله: خلاص بنات مزحنا شوي هدوووء خل نكمل الدرس
رزان..الأبله كملت الدرس وأنا أفهم كلمه وأضيع عشر مو قادره أركز الحمد لله أن الصافره أنقدتني وقفت أرتب أغراضي وألبس عبايتي ...
رانيه: وش فيك اليوم رزون أبد مو معانا؟
رزان: أفكر في الكلام اللي قالته شهد
مرام: أي والله حتى أنا أفكر قبل شهر تقريباً شايفين صور ملكتهم والحين بهالسهوله تقول ما أتفقنا
دانا: أنا بعد من قالت هالجمله وراسي يوجعني مدري كيف مو مستوعبه
رانيه: صحيح أنشغلنا ونسيت أقول لكم خالتي عبيرووه أنخطبت والجمعه الجاي ملكتها
مرام: مبروك حبيبتي الله يتمم لها ع خير وعقبالك يارب
البنات: آآآآميــــن
المناوبه: لمتى إن شاء الله بتضلون في الفصل؟
رانيه وعبايتها مبهدله ولفتها ع كتفها: يلا مع السلامه أبله الله يعينك
الأبله ضحكت ع شكل رانيه: ههههه مع السلامه
طلعو البنات سوا والتقو بشهد وعهد ,, جلسو كل وحده تنتظر سايقها وهم يسولفون ...
رانيه: كالعاده مراموه سواقهم ينام عند البوابه
شهد: هههه أي والله صادقه فيه حتى دقايق ما يتأخر
دانا: هههه يلا بناتوه سواقنا وصل باي
شهد-رانيه: باااي
رزان..ركبنا السياره وراسي مفتر الدوام طويل وفي نفس الوقت سالفة شهد وتفكيري في موضوع خطبتي حاولت أطلع نفي من الجو اللي أنا عايشته وقلت للبنات ...
رزان: أكيد في بيتنا
عهد-دانا: أكيد
عهد: كذا ولا كذا الليله بنجتمع في بيتكم فننزل من الحين أريح لنا
دانا: أي والله ,, نسيم حط لنا شي "نسيم شغل المسجل وهو يهز رقبته"

عيوني تشتاقله والقلب يحنله
عيوني تشتاقله والقلب يحنله
حبيبي حبيبي حبيب قلبى محمد

أفديه بعمرى كله

الله الله الله الله الله الله
الله الله الله الله الله الله
الله الله الله الله الله الله
الله الله الله

والجذع حن وبكي لفراق الهادي المكي
اشوفى بعد هشي قلوبنا ماتحنلوا

وعيوني تشتاقله والقلب يحنله
وعيوني تشتاقله والقلب يحنله
حبيبي حبيبي حبيب قلبي محمد

افديه بعمري كله

الله الله الله الله الله الله
الله الله الله الله الله الله
الله الله الله الله الله الله
الله الله الله

والجمل جيلو يبكي دمعه على خده يجرى
والجمل جيلو يبكي دمعه على خده يجرى

عن جوعو وحملوه يشكي وعن حاله قايلوه
وعيوني تشتاقله والقلب يحنله
حبيبي حبيبي حبيب قلبي محمد

افديه بعمري كله

الله الله الله الله الله الله
الله الله الله الله الله الله
الله الله الله الله الله الله
الله الله الله

والقمر لطه انشق نصفا عن بعضه افترق
وطه مؤيد من الحق وكلامه صدق كله

وعيونى تشتاقله والقلب يحنله
وعيونى تشتاقله والقلب يحنله
حبيبى حبيبى حبيب قلبي محمد
افديه بعمري كله ...

رزان: ماشاء الله طيور الجنه والله تطور
دانا: عشان رهف وغلا وشوق لا يأذونه يحط لهم أناشيد
رزان..نزلنا سوا للبيت سملنا ع الغاليه وبسنا راسها ركبنا غرفتي صلينا ,, بعد الصلاة رحت عند المرايه أضبط شكلي وبعدها نزلت تحت لأن عهد ودانا مشغولات دانا تاخد لها شاور وعهد تصلي طقيت باب مكتب بابا مثل ما توقعت رد علي ودخلت جلست سلمت عليه وبست راسه وجلست قباله ...
رزان: مساعدين بابا
عبد العزيز: جميعاً حبيبتي ,, كيفك وكيف الدراسه معاك؟
رزان: الحمد لله تمام "سكتت فتره وبعدها قالت وراسها للأرض: بابا أنا فكرت في الموضوع زين مثل ماطلبت مني
عبد العزيز: قبل لاتقولين رايك أنا بقول لك شي
رزان وراسها للأرض: أسمعك بابا
عبد العزيز: فيصل ولدنا مثل ما أنتي بنتنا وأثنينكم غاليين علينا وكلنا تمنيناكم لبعض لمن كنتو صغار وحتى المرحومه خالتك نورة ,, أنا ما أقول لك هالكلام عشان أضغط عليك أو أغصبك لايابنتي أبيك تعرفين أن اللي متقدم لك ولدنا ويعز علينا كلنا وتربيتي ولا تنسين أنه ولد عمتك اللي تعزك وتحبك وأخو توئم روحك دانا ,, طول عمري ربيته مع فهد وياما هزأته وضربته وفرحت له وزعلت عشانه يشهد علي ربي أنه عاده مثل ولدي "ناظر فيها ينتظر تعليقها
رزان وراسها لازال للأرض: مدري
عبد العزيز: لايابنتي مافي شي أسمه مدري هذي حياتك ,, في شي أسمه موافقه أو لأ وشرط يكون الجواب واحد من الإثنين وعن قناعه منك مو غصب من أحد
رزان والكلمه ياذوبها تطلع: مــ.......ـوافقه
مريم كانت عند الباب دخلت وضمتها: الله يتمم لك ع خير يايما ,, الله يشهد أني ماراح أتطمن عليك إلا مع إنسان مثل فيصل
عبد العزيز أبتسم ع شكلهم: أقول لا تبكين ولا شي مو الليلة الملكه حتى ليلة الملكه لاتبكين البنت بتظل معاك لين ماتتزوج
مريم: وحاسدني عشان بنتي معاي خليها في حضني تاخد حنان كم بنت أنا عندي
ريهام دخلت عرض: ثنتين
مريم ضمتهم سوا: الله لايحرمني منكم ,, الله يجيب لي فهد سالم وتكتمل فرحتي فيكم
الكل: آآآميــــن
ريهام: متى إن شاء الله التحاليل؟
عبد العزيز بتعجب: مو أحنا محللين لهم من زمان
ريهام تسوي نفسها ماتدري عن الدنيا: متى؟
عبد العزيز: لالا ولا شي إن شاء الله الليلة خميس أروح مع رزان المستشفى وأخلي فيصل يرسل لنا تحاليله
ريهام..ضحكت من قلب الوالد ع باله ماندري عن شي مايدري أن حتى رزون وصلها الخبر ,, أحترمت وجهة نظره لأن واضح أنه يبي يحسس رزان بقيمتها وإن رايها هو المهم ,, إن شاء الله يضبط التحليل لأن الحين يادافع البلاء الأمراض زادت وأحياناً يطلعون لنا أمراض مدري من وين يجيبوها رفعت راسي ماشفت إلا غبار رزون هههه أختي وأعرف حياها ظليت أسولف مع بابا وماما ,, وحمود وروابي ورهوفه يلعبون حولنا وبابا مبسوط يسولف ويلعب معاهم وماما نفس الشي شفت بابا يكلم خالي خديت أولادي وطلعت معاهم للصاله ...
عبد العزيز: إن شاء الله الليلة راح أروح مع رزان المستشفى.............ههههه معروف عنه فيصل توقعت هالشي...............خلاص أجل قبل أروح المستشفى بمر بيتكم..............أي صحيح الحين جيبوها معاكم................أي والله........ع العشاء إن شاء الله أحنا معزومين لاتنسى..........أي يبي لي أروح مع رزان ياقبل العشاء يابكره............إن شاء الله خير.........هههههه مداهم يخبرون فيصل..........يارب بس يضبط التحليل............أوكي يالغالي نشوفك ع خير.............مع السلامه,
مريم: شنو بتاخد من بيت أخوي؟
عبد العزيز: فيصل المستعجل أرسل نتايج تحاليله
مريم: ههههههههههه ولد أخوي وأعرفه زين ,, دايم مستعجل
عبد العزيز: إن شاء الله التحاليل تطلع أوكي ,, خايف ع كل هالحوسه والعجله ويتحطم
مريم: إن شاء الله ياربي أدعي لهم في كل صلاه
في نفس المكان ,, رزان..طلعت من مكتب أبوي وأنا أحس العرق يتصبصب من وجهي ماورى علي قلت هالكلمه ياويلي عديت شي باقي لي أشياااء باقي التحاليل والملكه وووو........ ,, يارب تسهلها بس دخلت المجلس مددت جسمي ع الكنب ,, تذكرت إن اليوم الأربعاء قمت خفت أن حد يدخل رقيت الدرج دخلت غرفتي ولقيت عهد ودانا في حوستهم شكلهم مادرو بموافقتي خخخخخ خليهم ع عماهم جلست ببرائه ولا كأن شي صاير ,, سولفنا وأحنا مستلقين ع السرير الكبير نريح دخلت عمتي ومعاها ملوك حسيت قلبي نزل في بطني مو لأني أول مره أشوف عمتي بس عشان الحين غير وقفت سلمت عليها وجلست ع السرير أرتب شكلي وأحوس في شعري مو عارفه وش أسوي ...
فضيله ببتسامه: رزون حبيبتي ع الساعه أربع أبوك بيروح معاك المستشفى
عهد-دانا: مستشفــــــــــــــــــــــــــــــــــــــى!!!!
ملاك: الحمد لله والشكر أستجنو خواتي وش فيكم؟
دانا فهمت السالفه رمت رزان بكرتون الإكلينكس: آآآه يالخوانه طول الليل ما أنام معاك ومشاركات وجدانيه وفي النهايه أنا آخر من يعلم بموافقتك
عهد رمتها بعلبة الإكلينكس من الجهه الثانيه: كان أنتظرتي ليلة الملكه بعدين قلتي لنا
فضيله: هييي شوي شوي عليها تراها عروس
دانا تتحرطم: رزون عروس عز الله ضاع كرتنا ياعهدو ,, أنا اللي باط كبدي أني آخر من يعلم
فضيله: وش تبونها تقول لكم البنت تستحي
عهد: لكن بتشوفين اللي يروح معاك المستشفى
فضيله تضحك ع خبالهم: ههههههههه تبون تروحون معاها المستشفى بعد وش هالأخلاص
دانا: تخيلي يايما أترك توئمة روحي وهي تخاف من الإبره
فضيله: أقول أجلسو مكانكم بس ناوين يقفلون المستشفى
عهد: رزون قولي شي
رزان برجاء: عمتي خيلهم يروحون معاي
فضيله: مشكلتي ما أقدر أردك عز الله سوو لنا حفله في المستشفى
مها دخلت ببتسامه: كيفها مرة أخوي؟
رزان نزلت راسها وبهمس خجول: الحمد لله
مها: يلا خالي ينتظرك
رزان: إن شاء الله"ونزلو كلهم بعباياتهم"
مها أنصدمت من الجيش كلهم لبسو عباياتهم: هذول وش دخلهم لايكون كل وحده دورت لها رجل وبيحللون؟
فضيله: هههههههههههه لابس بيرافقون العروس
مها بطناز: أقول أجلسو مكانكم بس لايرفعون عليكم شكوى ويشيلونكم البلديه
الكل: ههههههههههههه
أسامه: أخاف بس يحطون صوركم في الجرايد مسببين أزعاج للمرضى
ناصر: بناتي مبسوطات
ملاك: أيوه يبا بليز نبي نروح مع رزان
أسامه: صدق المصري يوم قال عندكم أنبياء واجد هذا نبي جديد أسمه نروح مع رزان
الكل: هههههههههههههههههههههههههههههه
ناصر: خلاص بس ع شرط
دانا-عهد-ملاك بدون لايسمعون الشرط: موافقين
ناصر: خلاص لاتنزلون من السيارة
دانا: مانروح أحسن
عبد العزيز: أنا بتقدم مع بنتي ,, الليلة أنا معزوم وأنتو تشاورون نفسكم
عهد-دانا-ملاك: خلاص خلاص "وطلعو مع عبد العزيز"

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

[دانهـ العشآق]

الساعه 12:33ص في المطار ...
أنهار..كلنا كان نفسنا نجلس أكثر محد يمل من بيت الله ,, لمحنا خالي عبد اللطيف وسدوم من بعيد جو لعدنا سلمنا عليهم علق خالي عبد اللطيف لمن شاف سديم ضامه أمها ...
عبد اللطيف: ماصار أسبوع مايحتاج يلايلا أمشو بس الوقت متأخر
أنهار..مشينا كلنا وخالي عبد اللطيف ووافي قدامنا وصلنا للسيارة طبعاً طول المشوار نذكر المواقف اللي صارت لنا وتفاجئت أن وافي أخوي يتكلم عن موسى ولد عم سمر ,, أخوي وأعرفه زين مو من النوع اللي يتعرف شلت هالأفكار من بالي وتذكرت لمن كنا في مكه مع سمور والبنات ماظل سوق مارحناه والحرم نظل فيه للفجر ولا نمل ولا أنسى المنظر اللي أعشقه وهو لمن تشرق الشمس وأحنا في الحرم بجد يهبل الموقف نزلنا من السيارة وحاولنا مع خالتي تنام معانا قالت أنها بتروح شقتهم ماقدرنا نضغط عليها أكثر دخلنا وسلمنا ع ماما وبابا وحور والوليد اللي كانو ينتظرونا ,, أنا عن نفسي ماقدرت أجلس أكثر لأني ما أنام إلا قيلولات بسبب وقتنا الضيق فأغلب الوقت نكون في الحرم وباقي الوقت السوق وآخر شي نفكر فيه النوم أستأذنت وركبت غرفتي خديت لي شاور دافي يروح تعبي<<بعدها راحت في سابع نومه ...
حنين..شفت أنهارو أستأذنت وأنا مو قادره متكسره حدي بكره من الصباح باقول لسناء تسوي لي مساج هلكانه أستأذنت وركبت غرفتي خديت لي شاور دافي يروح تعبي وبعدها تمددت ع السرير فتحت جوالي اللي نسيته مغلق من نزلنا من الطائرة للحين ,, تذكرت سيف وعلاقتي معاه تضايقت من قلب لأنه مايرد علي أتصلت عليه بعد تردد ع آخر رنه رد ...
سيف ع غير عادته وبصوت عادي: هلا
حنين: هلا وغلا "سكتو فتره طويله قطعت الصمت حنين تقول: سيف أحنا رجعنا اليوم قبل ساعه وصلنا
سيف خف بروده شوي: الحمد لله ع سلامتكم ,, تقبل الله
حنين بفرح لأن سيف بدأ يرجع إلى طبيعته: الله يسلمك ويتقبل منا ومنك
سيف: إن شاء الله مانسيتينا من الدعاء؟
حنين: لا وربي دوم ع بالي
سيف: تسلمين لي
حنين قالت بهمس: سيف
سيف ذااااب لأن حنين تكلمه بهالطريقه ولأول مره: عيوني
حنين: تسلم عيونك ,, آسفه ع اللي صار
سيف سكت فترة طويله وقال: حبيبتي مو وقته تعتذرين نامي وأرتاحي
حنين والضيق باين ع صوتها: يعني أنت زعلان مني؟
سيف: حنين مو أنتي اللي لازم تعتذرين أنا اللي المفروض أعتذر
حنين وهي قريب تبكي: ع شنو تعتذر أكيد لأنك عطيت قلبك لوحده ماتستاهلك
سيف: حنين وش هالكلام!!!!
حنين زاد بكاها,, سيف ماتحمل يسمع بكاها قال بتهور: حنين أنا جاي لك الحين
حنين من بين شهقاتها: إن شاء الله
حنين..مسحت دموعي دخلت دورة المياه وغسلت وجهي طلعت من دورة المياه وفتحت شنطتي شفت الملابس اللي خديتهم طلعت فستان ليموني فيه كاوهات باللون البني محروق جبنيز ومن الخصر حزام باللون البني المحروق وبعد الحزام كسرات يوصلني الفستان لنصف ساقي لبست عليه أكسسوارات باللون البني المحروق وحطيت لي الكحل والجلوس وناظرت في شكلي في المريا ,, ع هالكشخه يمكن ينتهي اللي بيننا رفعت يدي أبي أشيل الإكسسوارات جا في بالي كلام أنهار وخالتي حطيت في بالي إن إرادتي أقوي من كل شي وراح أتحدى نفسي عدلت شعري وسمعت صوت جوالي عرفت أنه سيف رديت عليه عطاني خبر أنه وصل ,, فتحت باب المجلس لقيته يمشي وهو منزل راسه وصل لعندي ماعرفت كيف أسلم عليه لا إرادي ضميته وأنا أبكي ...

أبيك تضمني ضمــة غــــلا فيها حنان وشـــــــوق
أبــي أتــوه في نظـــرة عيونك وأنثر أشواقــــــي
أبي ضمـة دفا تروي ضمى في خــافقي المحروق
أبيـــك ولا أبـــي غيرك غريب يبعثر أوراقـــــــــي
أبيـــك إنت تبعثرني وأبيــك تلمنــــي برفـــــــوق
أبـي أحس إنك يالغـــــلا مشتـــــاق لعنــــــــــاقي
أبي تنسى وتنسيني الولـه وأنسى هذاك الشــوق
وأبي أكون في دنيــــــاك أنا العطشان والساقــــي
وأبيك تضيع فيني ياغـلاي وسيــــد أهل الـــذوق
وأبي أضيــــع فيك ياغـــــــلاي وكل عشاقـــــي
وأبي أغيب عن دنيا البشر من جد مابغى أفـوق
وأبي أنـام في حضنك أنا والحـــب وأشـواقــــــي
وأبي أكون لك غيمه وتكون إنت رعــد وبـــروق
ومطر يسقي خفوقٍ ضـــامي إلقياك مشتـــــــاقي
خيالاتن رسمها الشاعر بشعره وزاد اشـــــــواقي ,,,

...

سيف..شعور غرييييييييب وأنا ضامها لصدري مسحت ع شعرها وبست راسها بعدتها عن صدري اللي تبلل من دموعها وجلستها جنبي ع الكنب ولفيت يدي ع خصرها وهمست لها ...
سيف: حنينـــي
حنين: سيف أنا آسفه بجد آسفه وربي ماكان قصدي مدري ليه.....
سيف حط يده ع فمها: لاتكملين
حنين هزت راسها بالنفي: سيف إذا تبي راحتي بتخليني أقول اللي في قلبي
سيف بستسلام: تفضلي أسمعك حبيبتي
حنين بصوت مبحوح: سيف وربي متنذمه ع كل لحظة صديتك أو تجاهلتك فيها صدقني هالشي مو بيدي صدقني سيف مدري شنو اللي كان يمنعني أني أظهر لك مشاعري وأصارحك فيها مثل كل بنت بس أحبك وربي أحبك
سيف وهو منزل راسه: أنتي تعاقبيني ع ماضيي صح؟
حنين أنصدمت ماتوقعت هذا تفكيره: لا سيف صدقني ماقد فكرت في هالشي
سيف: حنين أنا حاس أني ما أستاهلك مدري ليه أنا تجرأت وخطبتك وأنا عارف أني ما أستاهلك بس أنتي خليتيني أعرف قدري وأعرف أني ما أستاهلك و.........
حنين قاطعته والدموع في عينها: وربي ماقد فكرت في هالشي أصلاً لو أني حاسه أنك ماتستاهلني كان ماوافقت عليك من البدايه أنا وافقت عليك وأنا أعرف كل شي ماجد علي جديد وواثقه ومتأكده من حبك لي وأنك تركت كل ماضيك عشاني ,,"طاحت دمعتها وهي تقول: سيف ليه تقول هالكلام تحسسني بالذنب تحسسني أني خديت الإنسان اللي تتمناه كل بنت وماقدرته عطاني الحب والحنان وأنا ماقدرته
سيف: يعني أنتي مقتنعه فيني؟
حنين: أنا مو بس مقتنعه فيك أنا أحمد ربي ليل نهار لأن ربي عطاني إنسان رائع مثلك
سيف ضمها وباس راسها: الله لايحرمني منك
حنين: سيف آسفه لأني
سيف قاطعها بمزح: لاحول الله مضى نص عمرنا وأحنا مو فاهمين بعض تبينا نقضي باقي عمرنا وأحنا نعتذر لبعض خلينا نعيش حياتنا
حنين: هههههههههه
سيف: فديييييييييت هالضحكه وراعيتها
حنين حمرت وبعدت عنه شوي ,, سيف قال بقهر: لاحول الله أنتي يبي لك بوسه تأدبك
حنين: سيييييييييف
سيف: هههههههه بعد عمري والله حنيني الخجوله
حنين: بقوم أحط لك شي تاكله
سيف: لاحبيبتي بمشي الحين خليك ترتاحين توك راجعه من مشوار إذا صحيتي أمرك طيب
حنين وبان ع وجهها الضيق لأن سيف بيطلع: طيب
حنين..أرسل لي بوسه في الهواء وهو طالع أبتسمت ع حركته رقت الدرج دخلت غرفتي من النعس أنسدحت بملابسي وأكسسواراتي وحالتي ولا حتى فكرت أبدل ملابسي اللي شميت فيهم عطره ونمت وأنا أشتم عبير عطره ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

[دانهـ العشآق]

الساعه 5:44ص في شقة خالد وسمانه ...
سمانه..خلصت صلاة وطوالي جهزت صينية الحلى وأنتظرت خالد يجي من المسجد عشان ننزل نفطر سوا ,, فتح باب الشقه قابلته ببتسامه ...
سمانه: تقبل الله
خالد: منا ومنك صالح الأعمال ,, جهزتي؟
سمانه..جاوبت بأيوه ونزلنا سوا كالعادة رحبو فينا وجلست بين خالد وغدير ,, الكل علق ع الحلى اللي سويته أنه مرة لذيذ وطبعاً كان خالد أول المشجعين ساعدت عمتي والبنات وبعدها قالت لي عمتي أركب لخالد ما أعترضت أعتذرت وركبت لقيت خالد يرتب ملفات عنده وقفت حسيت لقافه لو أروح جنبه لفيت لعند غرفتي ناداني ...
سمانه: هلا
خالد: تعالي معي ساعديني ع الملفات الله لايهينك
سمانه: إن شاء الله من عيوني "جلسو يرتبون الملفات بصمت رن جوال سمانه قالت بشوق: هلا وغلا............الحمد لله.............لاوالله جالسين لا إزعاج ولا شي............كيف الوالده ولبنات...........الحمد لله...........أيوة عندي......أوكي لحظات بس..........أيوة هذا هو.......خلاص أرسله لك ع الإميل.........إن شاء الله.............تآمريني بشيء؟............أوكي حبيبتي......مع السلامه,"ناظرت خالد وقالت: هذي عهد بنت أم فيصل
خالد: والنعم ,, "حاول يستدرجها في الكلام: باين عليك متعلقه فيهم كثير
سمانه سرحت: أكثر مما تتصور ياخالد هالإنسانه علمتني شي لايمكن أنساه علمتني أن الإنسان مو بيده يختار أهله ,, كانت تشاركني مشاكلي وتقول لي أشياء حتى لو مافهمتها أكبر ويوم عن يوم أفهمها أكثر
خالد: الله الله الله صرت شاعره ع غفله
سمانه: هههههه لو تعرف هالإنسانه زين مالمتني
خالد ترك اللي في يده وتسند ع الكنبه قبال سمانه: كملي كملي أسمعك
سمانه: وش أكمل
خالد: سمانه أنتي وعدتيني تقولين لي ولا نسيتي؟
سمانه: خالد أنسى الموضوع خلاص موضوع قديم وأنتهى
خالد: لا ما أنتهى صدقيني لو تقولين لي عن الموضوع تحلين لي مشاكل كثيرة مو قادر أحلها ولا قادر أفسرها
سمانه: طيب وش دخل مشاكلي في مشاكل شغلك
خالد: خلاص براحتك سمانه إذا تبين تعتبريني غريب
سمانه: لا مو كذا بس
خالد: بس شنو؟ حرام عليك أنا أخوك ما أعرف عنك ولو شي قليل ,, مشاكلك ماتبيني أشاركك فيها ولا حتى أدري عنها ترى مو عاجبني الوضع
سمانه أستسلمت: طيب أسمع وإذا مليت قاطعني ,, أنا من لمن توفت أمي الله يرحمها كنت صغيره ومابعد فتحت ع الدنيا زين كانو أهل أمي أغنيااااء مرة وفلوس أمي كلها صارت لي ولا حد يدري وين راحت فلوس أمي لين ما وصلت صف أول ثانوي وصل مرت أبوي كلام أن فلسوي عند إنسان مجهول وعذبتني وضربتني وأتهمتني في أشياء أنا ماسويتها لدرجة أن تقدم لي رجال عمر 55سنه كانو بيوافقون عليه بس عشان يتخلصون مني "سكتت"
خالد: أيوة كملي
سمانه: وصارت لي مشاكل مالها أول ولا تالي تعبت في المدرسه ورحت مكتب أم فيصل مديرتنا لقيت عندها الحنان وقلت لها مشكلتي من...إلى ,ووعدتني أنها تساعدني والحمد لله أن زوجها طلع يعرف الرجال اللي تقدم لي وكلمه أنه يتراجع عن خطبته لي ,, الرجال تنازل بدون نقاش لأن بابا مألف عليه قصه حزينه ماعرفت شنو هي بالضبط بس لأن الرجال قلبه طيب ويحب يساعد وافق أنه يتزوجني مع العلم أنه سعيد ومرتاح مع زوجته .. وقال لها بالقصه اللي ألفها عليه بابا ولمن عرف بنوايا أبوي كلمه وقال له أنه خلاص يلغي الموضوع عاد أنا لاتسألني عن فرحتي ذيك الحزه بس تفاجئت لمن عرفت "سكتت"
خالد: سمانه لاتسكتين أسمعك أنا
سمانه: أكتشفت أن بابا قبل أسبوع من مساعدتها هي وزوجها لي حاول يحرق مصنعهم ,, صرت ما أكلمها ما أناظر في عينها لمن سألتني ليه قلت لها أني عرفت بالسالفه فهمتني أن الإنسان مو بيده يختار أهله ,, ماعرفت كيف أشكرها قالت لي تشكريني بدرجاتك الحلوة أبي أرفع راسي وأقول هذي طالبتي وبنتي اللي ربيتها ,, تخيل ياخالد كنت أنجح بالدف والحين بمساعدتها صرت آخد المركز الأول ع الشرقيه
خالد: بجد هالإنسانه رائعه حتى زوجها ماشاء الله
سمانه: تبي تضيع السالفه قول لي شنو المشاكل اللي راح تحلها في شغلك
خالد: سمانه أسمعيني للآخر
سمانه: أسمعك تكلم
خالد: سمانه أنا الإنسان المجهول اللي يشتغل ع فلوسك
سمانه بصدمه: كيـــــــــــــــــــــــــــــــــــــــــف!!!!
خالد: أنا في بداية حياتي قبل لا أوصل للي أنا فيه كنت أدرس برا ورجعت وحبيت أني أكون نفسي بدون مساعدة أي حد تعرفت ع خالك الله يرحمه وعقب ماتوفت أمك الله يرحمها قال لي بيعطيني أمانه لأني الإنسان اللي يوثق فيه وسويتي لي توكيل عام وصرت أشتغل ع فلوسك وكل شهر أحطهم لك في حسابك الخاص اللي أنتي ماتدرين عنه أصلاً وتكون لي نسبه لكن أنا سويته للأمانه وجا الوقت اللي أسلم لك فيه الأمانه لمن شفت تاريخ ميلادك وعرفت أنك كبرتي لكن تحيرت كيف أوصل لك كنت متردد وخايف وعايش في قلق الإنسان الوحيد اللي يعرف عن سالفة الفلوس مبارك صديقي نصحني أني أنتظرك تتزوجين وأعطي فلوسك لك أو لزوجك إذا كان إنسان ثقه أخدت بشوره وسكت ع الموضوع ,, بعدها بفتره أبوي عرض علي الزواج كنت رافض الزواج أساساً لكن ليلة الملكه تفاجئت من الأسم
سمانه: بجد قصتنا كأنها فلم كيف يصير كذا سبحان الله
خالد..أبتسمت لأنها كشفت لي الشي اللي حيرني ,, كنت بقول لها حبيتك قبل أشوفك بس حسيت أن مو وقته خلينا أخوان وإذا جا الوقت المناسب أقول لها ...
خالد مد لها البطاقه: هذي بطاقتك ياسمانه
سمانه: لاوالله ما أبيها فلوس أختك هي فلوسك وبعدين أنا ما أحتاجها فلو تشتغل فيهم يكون أحسن
سمانه..أنبسطت لمن عرفت بالسالفه ع الأقل عرفت أن في حد يهتم لي خالي الله يرحمه ولو أنه مات بس المهم عرفت أن في حد يهتم لي ,, في نفس الوقت مقتنعه باللي سويته عشان لا أحس أني ضيفه ثقيله عند خالد حسيت أني رديت له من جميله ولو قليل وأنا مو داريه ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 11:44ص في شقة إيمان ...
سديم..صحيت من النوم وخديت لي دش سريع أتنشط لأن اليوم الخميس ,, تذكرت لمن وصلت ماما سويت لها مفاجئه كنت مرتبه شقتنا ومسويه عشاء بمساعدة مرت خالي غاده أنبسطنا مع بعض ومانمنا إلا بعد أذان الفجر ,, تقربت للسرير شفت ماما لسه نايمه ياقلبي شكلها تعبانه بستها في خدها ماحبيت أصحيها توضيت وصليت توني بفسخ جلال الصلاة سمعت ماما تناديني ...
سديم: هلا ماما
إيمان: هلا حبيبتي ,, ليه ماصحيتيني؟
سديم: لأن شكلك تعبانه ما حبيت أصحيك
إيمان: ياقلبي يلا أنا بصلي عشان أسوي الغداء
سديم: طيب
إيمان..خلصت صلاة وأتصلت ع أنهارو وحشوني بنات أختي الأمس هالوقت هم معاي ردت علي ...
أنهار: هلا والله خالتي
إيمان: هلا فيك وحشتوني توني أقول لسدوم خاطري في بنات أختي الأمس هالوقت هم معي
أنهار: هههههه زين أنك أتصلتي لأني توني مطروده
إيمان: يووووه مين اللي طارد بنت أختي؟
أنهار: حنون ههههههههههه عمره ماتبخر تبخر وأحترق
إيمان: لاتقوليييييين
أنهار: إلا الأمس من وصلت حتى مانامت جا لها سيف
إيمان: ههههههههههههه كيف كشفتيها؟
أنهار: نايمه بفستانها ومكياجها والإكسسوارات أثرهم طبع ع جسمها
إيمان: ياقلبي أكيد طلع وهي تعبانه
أنهار: لا وأزيدك من الشعر بيت أقول لها وش صار قالت لي سوري سوري أشياء خاصه
إيمان: ههههههههههههه من جد عمره ماتبخر تبخر وأحترق
أنهار: من صحت من النوم نزلت الصالون تسوي لها مساج وتنظيف وتسشور شعرها بيتغدا معاها
إيمان: الله يوفق لهم يارب
أنهار: يارب ,, عارفه من أنخطبت حنون للحبن توني حاسه أنها مخطوبه مثل العالم
إيمان: الحمد لله كنت خايفه عليها والله صابني هوس ماظلت صلاة مادعيت لها فيها
أنهار: ماتقصرين والله خالتي ,, متى بتجين ترى حدك وحشتينا
إيمان: بعد شوي باجي لكم إذا أتصلو لي البنات برجع الشقه للحين محد قال أنه بيجي لي
أنهار: أوكي ننتظرك بيبياي
إيمان: باي "لفت لسديم: ها ماما وش تسويني
سديم: ع النت
إيمان: تروحين معي بعد شوي بيت خالتك؟
سديم: أيوه
إيمان: يلا ماما أجهزي عشان إذا طلع خالك نروح معه
سديم..سكرت لابتوبي وقمت ألبس أمممـ تحيرت وأنا عند دولابي طلعت لي بلوزه تركوازيه علاقي ع الرقبه مخططه بالون الفوشي مع برموده فوشي وأكسسوارات لبست عبايتي وطلعت شفت خالي في الصاله ينتظرني سلمت عليه ...
عبد اللطيف: حيا الله اللي ماتبينا أجل ماتبين تنامين عندنا
سديم أنحرجت: لا مو كذا بس عشان في بيت خالتي بتكون حور معي
عبد اللطيف: قولي ماتبينا يالدلوعه
إيمان وهي تقفل باب غرفتها: يلا أنا جاهزه
سديم..ركبنا السيارة وأحنا نسولف لين ماوصلنا بيت خالتي سلمنا ع خالتي طبعاً خالتي توها تشوف أمي لأن أمس نزلنا طوالي في شقتنا ...
حنين اللي توها جايه من المشغل: هلا خالتي"وضمتها وتباوست معاها: وحشتيني
إيمان: وأنتو أكثر هاا أخبارك
حنين عرفت إن الأخبار وصلتها أنحرجت: الحمد لله
إيمان: أساعدك؟
حنين: لاخلصت بس باقي لي ألبس تعالي معاي غرفتي
إيمان: عن أذنكم
أزهار-سديم: أذنك معك
إيمان وهي ترفع الفستان اللي ع سرير حنين: واااااو هذا اللي بتلبسيه؟
حنين: لا هذا اللي لبسته الأمس
إيمان: بشريني وش صار أمس؟
حنين: ماتتصورين ياخالتي كنت أذكر كل كلمة تقولينها لي مدري من وين جتني الجرأه ماتوقعت أني أكون كذا
إيمان: أهم شي ماتجيك الجرأه كثير
حنين فهمت قصدها: ههههههه لاتخافين
إيمان: الحمد لله يعني خلاص أنحلت المشكله
حنين: أنحلت وأنحل أبوها
إيمان بتريقه: عقبال أمها
حنين: لا أمها خليها عقب الزواج
إيمان: هههههههههههه كأنك صرتي ماتستحين بنت أختي كل هذا من الوناسه
حنين: ماتدرين يمكن "رفعت لها الفستان: وش رايك؟
إيمان: رهيييييب يلا ألبسي لاتتأخرين ع الرجال أخاف يتحمس وتصير أشياء
حنين: ههههه لا تخافين حتى لو تحمسنا نتحمس بحدود
إيمان: أي ع بالي بعد تحملين لنا من الخطوبه
حنين شهقت: بسم الله علي و على عمري لا تخليني أهلوس وأجلس مكاني
إيمان: هههههههه
حنين..جلسنا ضحك ومسخره أنا وخالتي وأنا أجهز وهي تساعدني وآخد رايها رن علي سيف ونزلت أركض ...
وافي بطناز: ماراح يطير الرجال شوي شوي
أنهار-إيمان: ههههههههههههههههههه
وافي: والله أنك مو هينه ياخالتي
إيمان: أفا عليك أعجبك
حنين..حقرت طنازهم ودخلت سيف المجلس جلسنا شوي نتغزل في بعض (^_^) وبعدها طقت علينا الخدامه الباب قالت أن الغداء جاهز رحنا غرفة الطعام جلسنا ع الطاوله جنب بعض ...
سيف بعد ملعقته وشوكته وعصيره ع جنب وقرب له ملعقة حنين وشوكتها وعصيرها ...
حنين حطت يدينها ع خصرها: لاوالله
سيف: مالي شغل تشربين من نفس الكاس اللي أشرب منه "مدلها الشوكه وفتحت فمها
نط عليهم وافي: ياسلااااام ياسلاااااام"قام يصفق ,, شوي وسوى نفسه مستحي قام يتغطى ببلوزته: أستغفر الله أستغفر الله
سيف وهو يضحك ع هبال وافي: تفضل حياك
وافي: أنا إنسان خجول مع السلامه
وافي..أنبسطت من قلبي لمن شفتهم والبسمه ع محياهم مدري ليه صفقت يمكن صحيح من الفرحه ماكنت حاس لنفسي ,, طلعت وأنا مفتشل من حركتي وش بيقول عني سيف ياربي أنا ماعرفت وش أسوي نادتني خالتي ...
وافي: هلا
إيمان: وش فيك صار لي ساعه أناديك
أنهار تساسرها: شكله شاف شي غلط
وافي سمعها لأن أذنه عندهم: ع قولت أنهارو "ومشى"
إيمان: هههههههههههه مادخل إلا في وقت غلط ,, قومي بس نروح الصالون وحشوني الصبايا ووحشتني سوالفهم
أنهار: يلاا

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 4:22م في شقة ضاري...
أبو صقر: طيب ياضاري ماحاولت تتفاهم معاه؟
ضاري: أقول لك الولد قليل أدب أنا لو كنت حاط الطلاق كإحتمال من قبل فالحين أنا مصر عليه
أبو صقر بضيق: لاحول ولا قوة إلا بالله ,, أنا اليوم كلمته مو مقتنع يطلق
ضاري: في شي أسمه طلاق خلعي مو شرط يقتنع
أبو صقر: والله أنا ماودي في مشاكل وسين وجيم ,, وش رايك أكلم أبوه
ضاري: اللي تشوفه بتكلم أبوه كلمه
أبو صقر: إن شاء الله يقدر يقنعه بدون مشاكل
ضاري: إن شاء الله

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

تم بحمد الله الجزء التاسع عشر
((هذا الجزء
-بسام وعناده تتوقعون بيقتنع بالطلاق أو لأ؟
-رزان وموافقتها ع فيصل تتوقعون التحاليل بتطلع مضبوطه أو لأ؟
-حنين وسيف وتحسن علاقتهم تتوقعون شنو يتنظرهم؟
-سمانه ومصارحتها لخالد بأسرارها تتوقعون خالد عرف كل شي ولا في أشياء لسه ماعرفها؟
يعطيكم ألف عافيه
تابعونا
تحياتي))

.
.
.

وصلنا للنصف !!

شنو تعليقاتكم ع الروايه ؟!!

متحمسين تكملون أو لأ ؟؟!!

.:دانهـ العشآق22:.

[مجنونة وحلوة]

مرآآآآآآآحب ..}ْ
الباارت مرة حلووو
ننتظر البااارت الجديد
تحياتي.. مجنونة وحلوة

[دانهـ العشآق]

مرحبتين غناتي مجنونه

عيووونك اللي مررره حلوووه

لا عدمناك يارب

مستعده تكملي للنهايه ؟؟!!

///

[دانهـ العشآق]

ذايب في هواهم

((الجزء العشرون))
بسم الله الرحمن الرحيم

((المستجدات في هذا الجزء
-توافق نتائج تحاليل رزان وفيصل وهالخبر فرح الكل وكلن مشغول في التجهيز للملكه
-أصرار أبو بسام وأبو صقر وضاري ع بسام أنه يطلق شهد وعناد بسام
-اليوم الخميس وكلن مشغول لأن بكرة ملكة عبير
تابعونا))

"عندماأحسب عمري
ربما أشتاق شيئاً من شذاكم
ربما (أبكي) لأني لا أراكم

إنما
في العمر يوماً
هوعندي كل عمري

عندما
أحسست أني
عشت بعض العمرنجماً في سماكم

أخبروني

بعدهذا ...

كيف أعطي القلب يوماً
لسواكم"

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 3:33م في فيلا أبو تركيلا...
عبير..سكرت دفتري بجد صعبه أني بعد سنه أو شهور راح أودع بيتنا اللي عشت فيه طفولتي وضحكت وبكيت فيه ,, كنت مبسوطه وأنا أشوفهم يعلقون الزينه ع البيت ويزينون الصاله والعمال اللي رتبو الطاولات توهم طالعين وخواتي وبنات خواتي وأخواني كلهم موجودين ويزينون ويرتبون وينفخون البالونات وأنا أقوم معاهم شوي وأمي تجلسني تقول لي عشانك عروس أرتاحي أضحك من قلب على أهتمامها فيني ,, والأخوان مو مقصرين من يشوفوني سرحانه ولا شي يعلقون علي ...
جاسر اللي لاحض سرحان عبير قال بطناز: وؤل أقرأ دعاء الأستسقاء
جهان اللي ماتدري عن الدنيا: ليــه؟
وائل: عشان ينزل علينا مطر ههههههههههههههه
عبير..الدفشين قمت عنهم مو مخلييني في حالي أبد دخلت غرفتي وسكرت علي الباب وأنا أسمع تعليقاتهم وضحكهم وطنازهم ...
في نفس المكان بس في الصاله كان الأزعاج والفوضه وصوت المسجل والبالونلات مملي المكان ...
مشاعل تسولف مع جهان: مانزلت نهى؟
جهان: لاوالله ما أشوف اليوم الصباح بس سلمت وطلعت تلقيها مشغوله مع بيت خالتها
مشاعل: أي هي صايره في الوسط مطر ولد خالتها وعبير حماتها
لمى شاركتهم: المفروض تقسم نفسها بما أنها معانا في نفس البيت
جهان بقلة حيله: الله يهديها
نرجس جت لعندهم: ترى العروس جايه
لمى: مين حنون؟
نرجس: أيه ,, أتصلت لها قالت أنها بتكلم سيف يجيبها
مشاعل: ماشاء الله عليها حنين مع أنها توها عروس وتشاركنا أفراحنا عكس اللي عندنا بتكمل 15سنه في البيت ولا تشاركنا في ولا شي
أم تركي: مشاعل سمعتك سكري ع السالفه لاتنسين أن ولد خالتها بياخد أختك يعني المفروض تحسنون العلاقه
مشاعل ماحبت تناقش أكثر وغيرت السالفه: وين رانيوه؟
ليلى: توها رايحه البيت تجيب أغراض لعبور
نرجس: ياحليلها رنوش مبسوطه لعبور لاعبه الدور عدل في التجهيزات والحين وبكره في الرقص
جهان: هههههه عاد رنوش لهسوالف لاتوصونها
سيف اللي واقف ع الباب مع حنين: يالله يالله
عقب ماتغطو اللي يتغطون من سيف وتحجبو اللي يتحجبون قالت ليلى: تفضل أخوك
أم تركي-أم مشاري-أم فارس: أفضل الصلاة والسلام عليك ياحبيب الله محمد وآل محمد كلللللللللللللللللللللللللللللللللوووووووووووووش
البنات شاركوهم وقامو يسلمون ع حنين وسيف وبعدها جلسو وهم يسولفون مع حنين ويسألونها عن حالها وحال أهلها وهي تسولف معاهم ...
سيف: يلا أستأذن بروح أساعدهم ,, تآمريني بشيء حنين قبل أطلع؟
حنين بخجل: سلامتك
لمى تبي تحرجها أكثر: قولي أنتبه لنفسك أحلى
حنين بخجل: أنتبه لنفسك
سيف: ههههه طيب من عيوني ,, ما أوصيكم ع مرتي
أم تركي: في عيوننا بس أنت رووووح
سيف راح والكل ضحك ع طريقة أم تركي وهي تطرده: هههههههههه
حنين: أجل وين رنوش؟
أم مشاري: راحت البيت تجيب لعبير أغراض
أم فارس: ماشاء الله رنوش الكل مفتقدنها
أم تركي: من هالرجه قبل شوي راجه البيت رج شوي تشتغل معانا وشوي مع خوالها برا
حنين: هههههه تذكرني بأنهار أختي
أفراح: لاعاد أنهار هادئه
حنين: بس قدامك خليها تتعود عليكم شوي
مشاعل: زين يعني عندكم جو في البيت ع بالي كلكم هادئين
طلعت عبير مع بنات أختها من غرفتها وسلمت ع حنين ...
حنين: هلا والله بالعروس مابغينا نشوفك
جهان: ههههه مسكينه ماقصرو فيها
حنين: لازم ذقناها قبلك ياعبور ,, كيف النفسيه
عبير: مو عارفه وش أسوي أدخل وأطلع
نرجس: هههههههه الله يعينك ياقلبي
الكل: آآآميـــن
رن التليفون ردت أم تركي اللي تحاول تخليهم يهدأوون شوي عشان تعرف تكلم: هلا..........الحمد لله.............تمام والله...............ملكة عبير ماتدرين؟...........أيوة ع مطر الـ*****......."شهقت والكل سكت لشهقتها وطاحت من عندها السماعه والكل ألتمو حولها ...


:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 4:13م في فيلا أبو بسام ...
بسام: يبا قلت ماراح أطلق يعني ماراح أطلق
أبو بسام: بيدفعون لك اللي تبيه بس أنت طلقها البنت باعتك وأحنا ناس عندنا كرامه
بسام: أي كرامه يايبا صار لك أسبوع وأنت تزن ع راسي
أبو بسام: إذا تبيني أرضى عليك طلق البنت خل تروح في حالها لو بتغير رايها كان غيرت رايها لمن كلموها أمك وخواتك بس البنت عايفتك
بسام: أطلق ع شرط
أبو بسام: أشرط بنشوف آخرتها
بسام بعد تفكير طويل: أبي أكمل دراستي في أمريكا
أبو بسام: خلاص جاك بس ألزم ماعلينا كرامتنا الله يهديك
بسام: ومتى إن شاء الله المدام تبي ورقتها توصلها؟
أبو بسام: اليوم مو ناقصين مشاكل ياولدي الله يعوضك خير
بسام: خلاص مالك إلا طيبة الخاطر يبا
أبو بسام: يايبا مانبي مشاكل طلقها وكأنك ماعرفتها خليها تروح في حالها وأنت روح في حالك
بسام: إن شاء الله ,, بكرة من الصباح راح أروح المحكمه
أبو بسام: الله يهديك ياولدي ويرضى عليك
بسام..طلعت من البيت كله وكان نفسي الله ياخد روحي وأطلع من هالدنيا ماكنت متصور أبداً أني أطلق شهد أنا سويت اللي سويته عشان أعاقبها أو بمعنى أصح أنتقم لنفسي للحين مو مستوعب أن شهد تخونني لكن كل شي واضح خلاص هي ماعادت تبيني يمكن هالشي لصالحي عشان ما أعيش طول عمري مخدوع مع إنسانه تخونني الله يصبرني وأتناساها آآآآه صعب علي أني أطلقها صعب وربي ,, طلبت من أبوي أني أكمل دراستي في أمريكا عشان أقدر أعيش حياتي هناك , هنا حتى الشوارع تذكرني فيها كل مكان يذكرني فيها كل ذكرى لي معاها أحلى من الثانيه لكن وش فايدة الذكريات إذا هي تخونني ظليت أفتر في الشوارع مو عارف وين أروح أبي حد يقول لي يفهمني اللي سويته صح أو غلط؟!! ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

[دانهـ العشآق]

الساعه 5:36م في شقة خالد وسمانه ...
سمانه وهي تبخر خالد: أدعي لي
خالد: إن شاء الله أكيد بدعي لك ,, إلا أقول سمسوم تعالي معاي ترى المسجد فيه قسم نساء
سمانه تتهرب: لا الحين يبي لي أتحمم وأبدل ملابسي
خالد: توك متحممه وإذا ع تبديل الملابس أنتظرك
سمانه نزلت راسها: ما أقدر أروح معاك المسجد
خالد توه مستوعب: كان قلتي من البدايه ياشيخه ,, يلا مع السلامه
سمانه..وصلته للباب ياربي فشلة كنت أسمع البنات يقولون لي عن مواقف كذا مع أخوانهم لكن أنا ماعشت مثل علاقة كل الأخوان مع بعض ,, توني الحين أعيش الأخوه ومع مين مع زوجي لفتت نظري كلمة زوجي فز لها قلبي أي زوجي ليه أنكر هالشي وأنا مهما أنكرت أو تناسيت أنه زوجي ما أقدر أغير الحقيقه خالد زوجي ,, شغلت التلفزيون أبي أشوف شي شاهدت شوي وبعدها فتحت شنطتي عدت ع مذاكرتي ما أبي مستوايي يتغير سمعت صوت طق ع الباب ...
سمانه: مين؟
غدير: أفتحي الباب أنا غدير
سمانه: هههههههه هلا وغلا
غدير: وش تسوين؟
سمانه: والله طفشانه أفتح كتاب وأسكر كتاب من الطفش
غدير: ههههههه طيب ليه ماتنزلين لنا؟
سمانه ماعرفت شنو تقول: لا بس خفت أنكم مشغولات ولا شي
غدير: حلوة هذي مشغولات قومي بس قومي أنزلي معاي
سمانه: لا غدور خلينا نجلس هنا أنا تعبانه
غدير: أوكي بتصل ع سحور والجوهرة يجون معانا
سمانه..الحمد لله أني قدرت أقنع غدير أنهم يجلسون معاي في الشقه ,, ماحبيت أقول لها أنا ما أرتاح لنظرات أخوها عمر مهمها يكون هو أخوها وأكيد أنها ماراح ترضى عليه سولفت مع البنات وونسوني لين ماطلعو لأن خالد أتصل قال لي إذا أبي شي ولا شي لأنه ع وصول ضليت أنتظر خالد وصل وأبتسمت له ...
سمانه: تقبل الله
خالد: منا ومنك صالح الأعمال
سمانه: كيف كانت المحاضرة
خالد: روووعه إن شاء الله مرة ثانيه آخدك معاي
سمانه: إن شاء الله "سكتت فترة"
خالد: سمانه فيك شي؟
سمانه: لا بس اليوم طارق أرسل لي رساله
خالد: طيب وش رايك أغير رقمك أريح لك؟
سمانه: مدري أخاف إذا غيرته يعرفونه عاد أنا أظل طول عمري أغير في رقمي
خالد: مو شرط تعطينهم الرقم خليه بس أنا وأمي وخواتي وأبوك إذا بغاك يقدر يتصل لي
سمانه: مدري اللي يريحك
خالد: خلاص إن شاء الله بكره رجعتي من الشركه أطلع لك رقم جديد عطيني جوالك الحين
سمانه بإنصياع: تفضل
خالد: وش طابخه لنا اليوم سمسوم؟
سمانه: الحلى اللي يحبه قلبك دقايق وأكون عندك
خالد..أبتسمت ع برائتها عن مزحه أقول لها سوي لي حلى هي تسوي عن جد ,, حمدت ربي مليون مرة لأن أمي أنسانه متفهمه ماتخلي سمانه تطبخ لأنها لسه صغيره لكن سمانه ماشاء الله عليها ذوق رجعتها من المدرسه تنزل تساعد أمي وإذا سوت الغداء أو أي طبخه في الويك آند لازم تنزل لأمي تذوقها ...
سمانه: لاحول لمتى بضل واقفه
خالد: ههههه سوري سرحت شوي
سمانه: اللي ماخده عقلك تتهنى به
خالد..والله محد ماخد عقلي غيرك الله يقدرني وأسعدك ,, أكلت من الحلى اللي سوته وأنا مستمتع بطعمه يمممممـ صدق أن الحلو مايجي منه إلا الحلو ^_^...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 7:12م في فيلا عبد العزيز ...
دانا بطفش: رزانوه والله إذا ماتقومين معي ما أدخل بيتكم
رزان: دانوه حرام عيك أستحي
دانا: وش فرقت يعني توك تتعرفين علينا أنتي؟
رزان: لابس الحين غير
دانا: لو فيصل موجود في البيت عذرتك بس مافي إلا أحنا مقابلين وجهك 24ساعه وتستحين منا
رزان: تخيلي كأني مفجوعه ماصدقت تخطبوني أنام في بيتكم
دانا: ياناس الله يعين أخوي ع هالبنت ,, الحين بتروحين معي ولا لأ؟
رزان: لا طبعاً
دانا: أفففففف عنيد هالبنت عنيده شكلك مابتدخلين بيتنا إلا بعد الزواج
رزان: دانوه تونا راجعين من السوق وراسي مفتر وأفتر أكثر من حنتك
دانا: طيب أنا ماراح أنتظر العشاء بروح بيتنا
رزان بنبره تكسر الخاطر: دانوه لاتخليني بظل في البيت بروحي
دانا: لاحول بيطردوني خالي وعمتي منك كم أسبوع صار لي معاكم
رزان: طيب مو يقولون الصديق وقت الضيق أردها لك في الأفراح
دانا غمزت بخبث: في الأفراح ها بتنامين معانا بس مو في غرفتي
رزان ضربتها: أفكارك سوداء مثلك
دانا: هههههههههههه "سمعو صوت ناصر يناديهم ,, دانا بصراخ: هلا بابا
ناصر: هلا والله بنتي ترى العشاء جاهز تعشو عشان أوصلكم البيت وأنا رايح الشركه
دانا سحبت يد رزان ومشت معاها الدرج تنط فيها 3درجات في نفس الوقت ورزان مسلمه أمرها لله ...
مها ضحكت ع شكل رزان: هههههههههههههههههه ياقلبي رزون مرة وحدة مسحوبه
ناصر: هلا هلا هلا باللي ماتبينا
عبد العزيز: هلا ببنتي اللي منخشه عنا
ريهام: هلا بأختي اللي ماتنشاف
هنادي: هههههه هلا بالقمر المستحيه منا
مريم جت لرزان من وراء وباستها في خدها: كيفك ماما؟
رزان أستحت ع ترحيبهم وحمرت ردت البوسه لأمها: بخير ماما الحمد لله
عهد: مرت أخوي أنا هنا
رزان أبتسمت بخجل: هلا عهوده
ملاك: هنا هنا رزون أنا
رزان راحت جنب ملاك سلمت عليها وعقب ماتأكدت أنها سلمت ع الكل جلست جنبها: هلا وغلا ملوكه
روابي: خالتي ردان ماما بتستري لي فثتان لمكتك "نطت في حضنها"
ريان بغيره وهو يضربها ع فخدها: أزان أزان "رزان حطته ع رجلها"
هنادي: هههههه من الحين ريانوه لزق في مرت خاله
عبد العزيز: تعالو تعالو خلو بنتي تآكل
رزان: عادي بابا آكل خليهم جالسين
مها: تتدرب عشان في المستقبل إذا صار عندها أولاد
مريم: متى ياربي الله يبلغنا ونشوف أولادها ملتمين عندها يارب
الك: آآآآآمـــين
فضيله: خلو البنت تآكل وجهها راح من الحياء هي ياذوبها تنزل تسلم تحرجوها
ناصر: أنا زعلان على رزان
رزان: ليه خالي ماعاش اللي يزعلك
ناصر: كذا التغلي كلهم يجون البيت إلا أنتي لهدرجه مانستاهلك
رزان نزلت راسها: تعرف خالي أمتحانات وثالث....
ريهام قاطعتها: وحيا
الكل: هههههههههههههههههههههه
هنادي: أخبارك مع التجهيزات؟
رزان: الحمد لله
مريم: بعد قلبي بنتي تجهز لي ولها
رزان وهي تعدد ع أصابعها: أفااا عليك كم غاليه وحنونه وتجنن ومحد في الدنيا يسواها ,, كم أم عندي أنا!!؟
مريم باستها: والله مو عارفه كيف بتروحين عني
هنادي..ناظرت في رزان وعمتي مريم كيف يتمازحون ويسولفون بصراحه قليل إذا شفت بنت علاقتها بأمها كذا ما شاء الله عليهم ,, عمتي مريم محبوبه عند الكل كبير وصغير حتى راشد وسوالفه ومزحه معاها وربي أنهم يونسون ...
دانا: هناااااااادي
هنادي: هلا
مها: تكلمك دانوه وش فيك؟
هنادي: سرحت شوي
ريهام: اللي ماخد عقلك...
الكل: هههههههههههههههه
هنادي: ماعليش دنووووش ما أنتبهت لك ,, آمري عيوني
دانا: أقول لو في الملكه نخلي أمي وعمتي يطقمون
هنادي: حلووو بشرط يكونون جلابياتهم ع ذوقنا
ريهام: بصراحه الجلسه مو شي بدون رؤى حاسه أن شي ناقص ريوف وصراخها
مريم: أتصلت لها شوي وبتجيب لي ريوف
هنادي: ماشاء الله عليك ياعمتي أمس بطوله وأنا أحاول معاها أبي ريوف تنام معي ولا لانت كيف قدرتي تقنعينها
عبد العزيز: هذي الغاليه من يقدر يردها
مها: أي والله تصدق خالي حتى أسامه يلين إذا قلت له عمتي مريم قالت ع قولته مقدر أرد طلب لأم فهد
فضيله: حتى راشد أذبح عمري عليه عشان يجي ينام مع فيصل وفهد بالموت يرضى بس إذا كلمته أم فهد طوالي يرضى
عهد: وطلعاتنا لازم ندخل عمتي مريم في السالفه عشان يقتنع أبوي
ملاك: عطينا المقادير عمتي
مريم: تفتفتفتفتفتفتفتفتف بروح لشيخ يقرأ علي لاتصكوني بعين
ناصر: ههههه صايره العروس يمدحونك وش عليك
هنادي: سر المهنه ياملاك
مها تأشر ع ملاك: أنتي آخر وحده تتكلمين لمن كنا في المدرسه نذبح عمرنا نبي نغيب لا ماما ولا بابا يلينون وأنتي مدري كيف تقنعينهم
ريهام: هالجيل كلهم ورزان ودانا من نفس الطينه ,, أخف وحدة فيهم يمكن عهد
فضيله: والله أنتو ع زمنكم غير وهم غير
هنادي: لازم ع النهايه تدليع
قطع نقاشهم عبد العزيز: يلا أستأذن تآمروني بشيء؟
الكل: سلامتك
ناصر: يلا اللي بيروح معي في طريقي "لف لرزان: يلا ليه مالبستي عبايتك؟
رزان: بجلس مع أمي
ناصر: عن التغلي يلا ألبسي عبايتك بيتنا صاير ظلمه من زمان مانورتينا
عهد: صح رزون تعدلي معانا عشان بكره ملكة عبير نروح سوا
مريم: يلا رزون روحي مع بيت خالك مو حلوة تردينهم
هنادي بخفة دم: ههههههههه رزون عمتي تبي تفتك منك
رزان: هههههههه صح ماما ؟
مريم: لا ياقلبي بس غيري جو شوي روحي أنبسطي والصباح بتكون معي ريوف
فضيله: مانضرب رزون يلا قومي
رزان..أستحيت ع وجهي كلهم يحاولون يقنعوني مو حلوة أردهم في نفس الوقت مدري كيف أحس بعد شهرين وشوي ملكتي أحس فشله أروح بيتهم اللي في كل مكان فيه موجود صورة له وكل زاويه فيه لي معاه ذكرى حلوة معاه ,, جهزت ملابسي والميك آب ونزلت ع السريع ركبت السيارة طول الوقت كنت سرحانه وأفكر كيف بدخل بيت عمتي وكأني أول مرة أدخل هي مو أول مرة بس هالمره غير ,, دخلت وأنا أسمي بسم الله مدري ليه حسيت أني مو قادره أرفع راسي دخلت وجلست ع كنب الصاله شفت صورته قبالي نزلت راسي ,, رفعت راسي شفت البنات يتطنزون علي وعمتي وخالي راحو ينامون ...
ملاك: ههههههههه الظاهر أن الأخت تتخيل نفسها جالسه معاه من جد
دانا: بعرف بس هذي كيف ليلة الملكة إذا الحين الصورة قدامها مستحيه منها كيف ع الطبيعه وجهاً لوجه!!
رزان: دانوه لاتذكريني أتوتر
دانا شافت حياها وقالت بخبث: تخيلو لو فيصل يسوي لنا مفاجئه وينزل اليوم البيت
عهد: هههههههههههه حلوة أتخيل رزون طول هالفتره منخشه ولمن جت بيتنا وأخيراً يجي فيصل
ملاك شافت توتر رزان: خلاص أعقلو لاتروح بيتهم مشي مو ناقصين مغامرات
دانا: أتخيل يصير فلم آكشن تركض وتطيح جزمتها((تكرمون)) ويلحقها فيصل وإذا وصل لها يلبسها وياها
الكل: هههههههههههههههههههههههههههههههه
عهد: ياشيخه زين إذا ماجاب الشيخ يملك فيهم
ملاك: والله هذا فصول مغامراته أعظم من عدنان ولينا تتوقعين منه كل شي
رزان بخوف: أبي أروح بيتنا
دانا حركت حواجبها بخبث: قفلنا الأبواب
رزان تنهدت وبصوت واطي: يعني مايقدر يدخل
ملاك: ههههههههههههههههه بنت خالي الذكيه فديتها
عهد: أفسخي عبايتك مافيه حد ولا صدقتي أن فصول بيجي
رزان وهي تفتح أزرارات عبايتها: صاير بيتكم غير
ملاك: لأنك عروس طالع النور غير شكل
رزان: لاتذكروني ينمغص بطني
عهد: ههههههه صحيح خلو بنت خالي تعيش العزوبيه لآخر قطره
دانا: خخخخ حلوة لآخر قطره كلها شهرين وشوي وتودع العزوبيه
بهبال كانو عهد ودانا جالسين وفي الوسط بينهم رزان وقبالهم ع الأرض دانا ويخططون للملكه والآكشن ورزان مستحيه .. رزان تناديهم مايجاوبونها مندمجين جلست بالعرض بحيث أنهم مايشوفون بعض راحو يكملو سوالفهم من وراء ظهرها وهي تتلقى الضربات مع الحماس ...
عهد وهي تبعد ظهر رزان: يااااخي هذي قطعت علينا سوالفنا صايره الحاجز بيننا لو نقومها يكون أحسن
دانا حطت يدها عند صدر رزان ودفتها ع الكنب بحيث أنهم يشوفون بعض ويكملون سوالفهم ...
"وجلسو ضحك وهبال ومثلكم عارف سهرات البنات وسوالفهم لين ماقامو يتثاوبون ...
عهد: يلا خل ننام من الحين عشان نروح السوق من الصباح يآآآآآه يازين طلعة الصباح إلى غير المدرسه
دانا: اللي يسمعك يقول أنا بنام أصلاً يصرفنا نروح السوق مواصلين ورجعتنا ننام وإذا صحينا نروح ملكة عبور
رزان: صحيح خل نتصل ع رنوش أكيد الحين قالبه الدنيا

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

[دانهـ العشآق]

الساعه 4:00م في فيلا أبو تركي ...
حنين..كلنا مصدومين محد عارف كيف يتصرف الموقف صعب ,, معقول في ناس بهالقساوه وأحنا نزين للمكله نسمع من الجيران أن الولد ملكته الأسبوع الجاي ومحد منهم كلف عمره يقول لنا حتى مرت أخوهم اللي معاهم في البيت!! ,, جلست مو عارفه كيف أتصرف شفت عبير المصدومه رايحه لغرفتها وأم تركي ع الكنب والكل حولها يهدونها والرجال اللي يزينون برا كلهم دخلو المجلس الكل كان في حالة صدمه وذهوووول محد حسب حساب هالشي ,, فكرت في سيف ياقلبي أكيد متضايق تذكرت كيف كان يسولف معي وأحنا في السياره عن سوالفهم هو مع عبير لمن كانو صغار وأنه مو متخيلها عروسه جت جنبي نرجس حسيتها أنقدتني قمت معاها ...
في نفس المكان ,, مشاري..صدمه محد حسب لها حساب البيت قبل ساعات الفرح يملي أجوائنا لاكبير ولا صغير الكل مبسوط لملكة عبير دلوعة الكل اللي الكل يشوفها صغيره فجئه كذا كل شي ينتهي,, كلهم دخلو داخل المجلس أنسدت نفسنا حتى عن الأكل اللي توه واصل ,, جلست أفك الزينه اللي علقناها ع البيت لاتشوفها عبير ينكسر خاطرها ,, أنتبهت لرانيه داخله ناديتها قبل تدخل تشوف الوضع وتنصدم ع الأقل أمهد لها ...
مشاري: رانيه
رانيه: هلا أبو نور
مشاري يحاول يبتسم: هلا والله رنوش
رانيه بمزحها المعتاد: ليه تشيل الزينه لايكون الهيئه خالك حرم الزينه
مشاري ضحك بدون نفس: رانيه بقول لك شي
رانيه وكأنها حست بشي قالت بخوف: شنو؟
مشاري: أنتي كبيره يارانيه وعارفه أن كل شي قسمه ونصيب
رانيه تأكدت أن في شي: مشاري تكـــــــلم عبير وش فيها؟
مشاري: مافيها إلا العافيه بس
رانيه: حرقت أعصابي بس شنو؟!!!!!
مشاري: مالها نصيب مع الولد
رانيه من الصدمه تسندت ع الجدار والأكياس طاحت من يدها: مشاري أكيد تمزح
مشاري: ياليتني أمزح
رانيه دمعت عينها: طيب كيف وليش!!
مشاري: مدري يارانيه علمي علمك بس وحدة من الجيران أتصلت لأمي وقالت لها أن الولد ملكته أسبوع الجاي كلمنا أهله وللأسف الخبر طلع صحيح بمعنى أصح ألغو كل شي بدون لايبلغوننا
رانيه صرخت: كله من اللي ما تتسمى مرة خالك عارفه أنها ماتحب عبير ولا تتمنى لها الخير كنت حاسه أن في شي بيصير
مشاري حاول يهديها: رانيه صيري عاقله أهدي عشان جدتي وعبير كلهم متضايقين بس هالشي قسمه ونصيب ماله داعي تبكين
رانيه: كيف ما أبكي خالتي وحبيبتي أشوفها مبتسمه وبهالسهوله يجي من يخرب فرحتها وينتزع بسمتها وما أبكي
مشاري: اللي صار صار والبكي ماراح يغير شي أدخلي داخل هدي جدتك سولفي مع خالتك الله يعوضها إن شاء الله
رانيه: ما أبي أدخل أبي أروح البيت وصلني كيف أقدر أدخل وما أشوف الإبتسامه ع وجوههم !! كيف أدخل وأشوف الزينه معلقه وكل شي أنتهى
مشاري: رانيه حبيتي هدي حالك أمسحي دموعك وغسلي وجهك عشاني أنا ولا مالي خاطر عندك
رانيه: تكفى مشاري وصلني البيت
مشاري: يعني أخوك الكبير ماله خاطر عندك؟!!
رانيه: صدقني مشاري ما أعرف أتصرف في هالمواقف
مشاري: ماعليه رنوش عشان أخوك بتصل لنرجس تجي لك عند الباب طيب؟
رانيه بقلة حيله: طيب
رانيه..تضايقت بجد ماتوقعت هالشي يصير ياقلبي عبورة الله يصبرك شفت حنين ونرجس جايين لعندي بعد ماسلمت عليهم مسكتني نرجس من يدي وسألتها ...
رانيه: كيف عبير؟
نرجس: توه الحين الوضع أستقر نوعاً ما بدأنا نسولف بس عبير في غرفتها
رانيه طاحت دمعه من عينها: أكيد متضايقه
حنين مسحت دمعة رانيه: أفا عليك رنوش أهدي لازم تكونين أقوى من كذا إذا أنتي تبكين وش خليتي لعبير صيري هادئه وأدخلي سولفي مع عبير ونامي معاها الليلة هي محتاجه لك الحين
نرجس: صحيح رنوش أدعي إن الله يعوضها ,, الحمد لله أنها أفتكت منه من الحين إذا هذا أوله ينعاف تاليه
رانيه..عقب كلام حريم أخواني اللي ينحطون ع الجرح ويبرى دخلت سلمت ع خلاتي كانو طبيعيين يسولفون لكن ماخفى علي الحزن اللي في عيونهم حتى أنا كنت بارده مالي خلق ضحك وطناز حاسه أنه مو وقته ,, أذن وتوزعو خلاتي ناس راحو يصلون وناس طلعو وجدتي راحت غرفتها ترتاح وأنا رحت أصلي خلصت صلاتي ورفعت كفوفي دعيت ربي أنه يسوي اللي فيه الخير لنا ولجميع المؤمنين والمؤمنات ويصبر خالتي عبير ويعوضها خير ,, ذكرت أن الليلة الجمعه فتحت كتاب الأدعيه وقرأت الدعاء بخشوع ...
حنين..دخلت الغرفه وأنا أسمعها تقرأ آخر مقطع من الدعاء ...
((فَإِلَيْكَ يارَبِّ نَصَبْتُ وَجْهِي ، وَإِلَيْكَ يارَبِّ مَدَدْتُ يَدِي ، فَبِعِزَّتِكَ أَسْتَجِبْ لِي دُعائِي ، وَبَلِّغْنِي مُنايَ ، وَلاتَقْطَعْ مِنْ فَضْلِكَ رَجائِي ، وَاكْفِنِي شَرَّ الجِنِّ وَالاِنْسِ مِنْ أعْدائِي . ياسَرِيعَ الرِّضا إِغْفِرْ لِمَنْ لايَمْلِكُ إِلا الدُّعأَ ،فَإِنَّكَ فَعَّالٌ لِما تَشأُ ، يامَنْ إِسْمُهُ دَوأٌ ، وَذِكْرُهُ شِفأٌ ، وَطاعَتُهُ غِنىً ، إِرْحَمْ مَنْ رَأسُ مالِهِ الرَّجأُ وَسِلاحُهُ البُكأُ ، ياسَابِغَ النِّعَمِ ، يادافِعَ النِّقَمِ ، يانُورَ المُسْتَوْحِشِينَ فِي الظُّلَمِ ، ياعالِماً لايُعَلَّمُ ، صَلِّ عَلى مُحَمَّدٍ وَآلِ مُحَمَّدٍ ، وَأَفْعَلْ بِي ماأَنْتَ أَهْلُهُ ، وَصَلَّى اللّهُ عَلى رَسُولِهِ وَالاَئِمَّةِ المَيامِينَ مِنْ آلِهِ وَسَلَّمَ تَسْلِيما))
رانيه..قفلت الكتاب وأنا أحس براحه عقب ما خلصت من الدعاء ضميت الكتاب لصدري ,, رفعت راسي أنتبهت لحنين أبتسمت لها ...
حنين: تقبل الله
رانيه: منا ومنك
حنين: كان قلتي أنك بتقرأين الدعاء كان أجي أسمعك
رانيه: وش دعوه تسمعيني صوتي مو حلوو
حنين: بالعكس شي رهيييييب
رانيه: تسلمين ,, عبير طلعت من غرفتها؟
حنين: لاوالله للحين ما أشوف عسى بس دعيتي لنا
رانيه: أكيد وأنا أقدر أنساكم
حنين: الله يخليك لنا
رانيه: طلعو خلاتي؟
حنين: مو كلهم أم فارس ومشاعل وأمك هنا والباقي طلعو وخواتك وبنات خالتك أم فارس كمان موجودين
رانيه: تأقلمتي ع الوضع مع خلاتي وبنات خالتي
حنين: أي ماشاء الله ينحبون كأني أعرفهم من زمان
رانيه: من ذوقك ,, حنين أبي أروح لعبور بس مو عارفه كيف أقابلها
حنين: إذا كنتي متوتره وماتقدرين تمسكين نفسك لاتروحين لها حاولي تهدأين وبعدين روحي لها
رانيه: أيه أنا قلت بروح لها إذا طلعو كلهم
حنين: أيوة كذا خليك قويه
رانيه: ههههه نقوم الصاله نجلس معاهم؟
حنين..رحت مع رانيه الصاله ياحليلها هالبنت ع ضحكها وهبالها إلا اني أكتشفت اليوم أكتشاف خطير أنها حساسه بالمره ,, جلسنا في الصاله كنت أحس أني جالسه مع أهلي كانو يتكلمون بدون قيود كنت جاسه بين لمى ورانيه سمعت صوت رجولي ماميزته تغطيت وعدلت جلستي ...
فتحي: السلام عليكم
محد رد السلام غير أم فارس-أم مشاري: وعليكم السلام
فتحي ببرود: من ميت عندكم؟
مشاعل بتأفأف: أعوذ بالله من الشيطان الرجيم
فتحي: خير وش صاير ؟!!
أم فارس وقفت له بهدوء: ياخوي اليوم كنا نزين لملكة عبير وسمعنا أن مطر خطب والأسبوع الجاي وملكته
فتحي بنفس البرود: خير يعني الرجال يبي يخطب !!
أفراح قامت بعصبيه: شنو اللي الرجال يبي يخطب ع الأقل يقولون لنا يعطونا خبر مو يخلونا تحت الأمر الواقع وأحنا نزين ومبسوطين يصدمونا
فتحي: مو ملزومين يقولون لكم أهم شي العروس والمعرس يدرون الله يبارك لهم هذا بدال ماتفرحون لهم
ليلى بطناز: أبشرك راح أكون أول الحضور وراح أرقص في ملكتهم "قامت وقفلت وراها الباب بقوووة"
فتحي: صدق ماعندها أحترام لخالها ماكأني أكبر منها يما فيها شي لو الولد يبي يخطب؟
جهان اللي كانت قباله: ياخي أفهم محد معترض ع خطوبته الله يبارك له بس أحنا معترضين ع الطريقه اللي وصلنا فيها الخبر
فتحي مسك يدها وقال بحده: قصـــري صوتك
جهان: آآآه أترك يدي
فارس دخل ع صرخة جهان مسك يد فتحي وقال: بعد عن أختي
فتحي: أوووو خريج فرنسا وصل ,, لايكون أنت يامثقف معترض ع الطريقه
فارس: خالي لو سمحت أحترم حالك ما أبي أغلط لأنك أكبر مني
فتحي طلع بعصبيه وهو يتحرطم: يعني الولد بيخطب لازم يستأذن منهم
فارس قرب من جهان: جهان توجعك يدك؟
جهان وهي شوي وتبكي: لا "طلعت جوالها من شنطتها"
أم تركي: يايما ياجهان لاتطلعين من بيتنا زعلانه
جهان أبتسمت غصب عنها: كلي راضيه عنك يا أغلى الغاليات بس تعبانه شوي بروح بيتنا أنتظر ثامر
أم مشاري: أنتظريه هنا أنا ياذوبك تقومين ماعليك من خالك
جهان بكذب: باخد لي أغراض من البيت "وطلعت"
أم فارس: فارس يما ألحق أختك هي حامل ماتصلح لها لعصبيه
فارس..طلعت وراء جهان وأنا من جد معصب وش هالخال اللي مايبرد قلب حد ,, والله زين سوت جهان يوم طلعت لاتدخل العقربه مرته وترمي عليها كلمة من هنا ولا من هناك ,, شفتها وافقه عند الباب عرفت أنها ناسيه المفتاح فتحت لها الباب ودخلت وراها ...
فارس: لا تضايقين نفسك ولا شي
جهان: بالعكس أصلاً كنت حاسه أن الكل ظالم خالي فتحي ومرته ع كلامهم عنهم واليوم تأكدت أن الكل ع حق وما أعتب عليه إذا هذي سوايا مرته في أخته وهو ساكت
فارس: جدي حده متضايق
جهان: من اللي مو متضايق يافارس خليها ع ربك الله يعوضها إن شاء الله
فارس: إن شاء الله ,, كيفها عبير؟
جهان: من سمعت الخبر دخلت غرفتها بهدوووء وللحين ماطلعت
فارس: الله يعينها "قال يغير الموضوع: كيف البيبي؟
جهان: الحمد لله يسأل عن خاله
فارس: هههههه خاله بعد يسأل عنه ويستناه يشرف
جهان: يلا مابقى شي "رن جوالها وقالت تستأذن: يلا جا ثامر
فارس وقف معاها وأخد شنطتها يوصلها لها: الله يسلمك مو تضايقين نفسك
جهان: تطمن عطيني شنطتي
فارس: بوصلها لك وبسلم ع ثامر بالمره
في نفس المكان في سيارة سيف ,, حنين..ركبت السيارة محتاره مو عارفه وش أقول لو من وين أبتدي سلمت وأحترمت سكوت سيف شفت عيونه تايهه وباين أنه متضايق حطيت يدي ع فخده وقلت...
حنين: حبيبـــي
سيف: همممـ
حنين: الله يعوضها خير إن شاء الله لاتضايق نفسك
سيف: إن شاء الله
حنين..خيم الصمت السيارة مرة ثانيه لفيت وجهي شفت سيف لاف عند بيتنا أستعديت عشان أنزل من السيارة وقبل أسكر الباب دخلت نص جسمي وحطيت يدي ع يد سيف وقلت...
حنين: في أمان الله حبيبي ,, أنتبه لنفسك لاتسرع
سيف..هزيت راسي لها وأنا مبتسم ع أهتمامها فيني وخوفها علي الله لايحرمني منها ,, لفيت الدركسون للبيت وأنا أحس نفسي تعباااان من رجعتي من الدوام وأنا في بيت جدي أساعدهم والخبر صدمنا ,, يلا الله يعوضها خير ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 8:30م في فيلا أبو تركي ...
جاسر..بعد ماجلست في المجلس وأنا أغصب نفسي ع الكلام أنتهت الجلسه ع خير والحمد لله ,, توزعو أخواني ورجال خواتي وأبوي دخل يرتاح وأنا دخلت البيت كلهم طلعو مافيه إلا مشاعل ورنوش موجودين في الصاله سلمت عليهم ورحت لعند غرفة عبير طقيت الباب مرة ومرتين وثلاث ماردت خفت وقمت أوسوس فتحت الباب لقيته مفتوح شفتها ع السرير ضامه رجلينها لصدرها بصت وسرحانه ناديتها ...
عبير بصوت مبحوح: هلا جاسر
جاسر: ممكن أدخل؟
عبير وهي تتحاشى تناظر في عيونه: تفضل
جاسر جلس قبالها ع السرير: عبير تبكين!!!!!
عبير..ماتحملت سؤاله طول الفتره اللي راحت وأنا أضغط ع نفي بالقوة ماسكه نفسي لا أبكي , كنت أسمع تعليقاتهم ع الموضوع وتهديأهم لأمي والكلام اللي قاله فتحي مع كل كلمه ينزف جرحي أكثر لقيت جاسر ضامني لصدره وهو يهدأني ...
جاسر..صعب علي أشوف أختي اللي هي روحي الثانيه أقرب إنسانه لي تبكي!! ماتحملت دموعها ضميتها لصدري كان نفسي أسوي أي شي عشان لاتطيح دمعه من عينها كان ودي لو أقتل هالمطر ولا أشوف دمعه في عين عبير قلت أهدأها ...
جاسر: ماعليش حبيبتي الله يعوضك خير الحمد لله أن أحنا عرفناه من البدايه أنه كذا قبل ترتبطين فيه
عبير وهي تشاهق في البكي: جاسر محد فاهمني محد فاهم شعوري الكل ع باله أني أبكي لأني أبي أتزوج "سكتت هي تشهق في البكي"
جاسر بحنان: فضفضي أنا جاسر أخوك أسمعك
عبير وهي لازالت تشاهق في البكي: جاسر أنت أكثر واحد عارف أني ترددت كثير في هالموضوع لأني مو مستعجله ع الزواج ولأني ما أبي أتقرب من نهى أكثر
جاسر: هذي نهى ماتحس دام الشي جا من طرفها الحمد لله أنك تخلصتي منه قبل تتقربين منها أكثر
عبير: مو سالفة أتقرب منها أكثر أو أني مستعجله ع الزواج أنت لو تفكر فيها تخيل الناس اللي عزموهم والزينه المعلقه ع البيت في دقايق كل شي ينتهي ومحد يعرف شنو السبب , الكل بيجي في باله أنه سمع عني شي ولا وش اللي خلاه ينهي كل شي خلال يوم وليلة الكل راح يشك فيني
جاسر ضمها مرة ثانيه: خلاص حبيبتي أهم شي أنتي واثقه من نفسك والناس ماترضى ع شي وتدور شي تتكلم عليه , أنسي السالفه وتخيليها حلم مزعج وكأنك صحيتي منه مثل الحلم تصحين منه وكل شي ينتهي
عبير: إذا أنا تخيلتها حلم ونسيت تتوقع أن الناس بيتخيلونها حلم وبينسون!!
جاسر: عبير حبيبتي لاتفكرين بس في نفسك ولا بس في كلام الناس فكري في أمي وأبوي وخواتي وبنات خواتي كلنا نحبك وبنتضايق إذا شفناك متضايقه صيري عبير الحبوبه المرحه اللي شوفتها مبتسمه تبهج القلب
فتحي فتح الباب وناظرهم من فوق لتحت وقال بعصبيه: وين جالسين حنا!! ضامها وشوي وتنام معاها أستح ع وجهك رجال وش طولك وش عرضك تغلط مع أختك
جاسر قام بعصبيه: كلن يرى الناس بعين طبعه , وبعدين رجال وش طولك وش عرضك تشك في أخوانك أختي متضايقه جلست معاها أهديها فيها شي؟
فتحي: لا ياحلوو ياخوفي بس تشوفها مرة ثانيه متضايقه و........
جاسر صرخ فيه وهو رافع يده: أحترررررررم نفسك ع الأقل أستح ع وجهك حس لأختك اللي قبل ملكتها بيوم يوصلها خبر أن اللي خاطبها الأسبوع الجاي ملكته كله يهون إلا مرتك العقربه اللي معانا في البيت ولا فكرت حتى تعطينا خبر أن بيت خالتها ألغو الموضوع
مشاعل ورانيه سمعو الصراخ وراحو عند غرفة عبير , دقايق وأبو تركي وأم تركي جو وراهم ...
أبو تركي: بــــــــــــــــــــس
فتحي: يبا هذا ولدك مو محترم نفسه يغلط علي وعلى مرتي , غير جلسته مع "وهو يأشر ع عبير: هذي وكأنها مرته
أبو تركي: هذا كلامك لي وأنا أبوك أحترم الشيب اللي في راسي تتهاوش مع أخوانك قدامي وكأني بزر ماله أحترام تخليني أغلط عليك وأهزأك وأولادك صارو طولي "فتحي طلع وقفل الباب وراه بقوووه"
جاسر باس راس أبوه: آسف يبا وحقك علي
أبو تركي: لا تتأسف ولا شي ياولدي
جاسر: راضي علي يالغالي؟
أبو تركي: هو أنا أقدر أزعل
مشاعل قالت تغير الجو: قام يتغزل أبو تركي أطلــــــــع يالغزل
أم تركي: هههههه وكيفها بنتي الصغيره؟
عبير أبتسمت: الحمد لله
مشاعل وقفت جنب جاسر: ضاع كرتنا ياجسور
رانيه: ههههههههههه دورنا أنا وعبورة نتدلع أنتو شيبتو
عبير..ردت روحي لمن شفتهم حولي ويخففون عني حسيت أن عندي ناس يحسون لي ويهتمون لي , فديت رنوش نامت معي مشاركه وجدانيه خخخخ ياحليلها ع رجتها إلا أنها حساسه صايره أنا أهدأ منها ...

"مابنكسر صابر لو فرصتي تمضي ..
والحظ لو عاثر بصنع أنا حظي ..
لو تنثر أحلامي برجع أرتبها ..
لو تصعب أيامي بعيش وما أحسبها ..
يامسهل الدنيا مهما تعاندنا ..."

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

تم بحمد الله الجزء العشرون
((هذا الجزء
-بسام وأقتناعه أنه يطلق شهد وسفره للخارج تتوقعون شنو ينتظره؟وشهد شنو ينتظرها وكيف راح تكون حياتها بدون بسام؟
-بيت أبو تركي وصدمتهم بإلغاء أهل مطر الملكه بدون لايعطونهم خبر ,, عبير تتوقعون كيف راح تكون نفسيتها؟
-فتحي وعدم مبلاته ,, تتوقعون إلغاء خطبة مطر وعبير , نهى لها يد فيه؟
-قرب الإختبارات النهائيه اللي كل ما أقتربت زادت معاها دقات قلب أبطالنا وبذات رزان لأن بعد الإمتحانات باسبوع راح تكون ملكتها ...
يعطيكم ألف عافيه
تابعونا
تحياتي))

.
.
.

.:دانهـ العشآق22:.

[مجنونة وحلوة]

مرآآآحب..ْْ}ْْْ
الباارت رووعهـ >>
(:>> اكيد اني مستعدهـ للنهاااااايهـ>>:)

[دانهـ العشآق]

ياهلآ مجنونه ,,’’

مرورك الأروووع

عسى بس نخلص قبل زنقة الدراسه

وتطمني النهايه ماخليت شي في قلبي ماكتبته هع

///

[دانهـ العشآق]

ذايب في هواهم
((الجزء الحادي والعشرون))
بسم الله الرحمن الرحيم
((المستجدات في هذا الجزء
-أنقضاء الأسبوع الأول من الإمتحانات النهائيه ع خير ع خير وقرب موعد ملكة رزان وفيصل
-تم طلاق شهد بكامل الإجراءات
-تحسن نفسية عبير عقب إلغاء موضوع خطبتها
-تعالو معاي نشوف حال أبطالنا في يوم السبت الأسبوع الثاني
تابعونا))
"أحبك لوتصير آهات ودمــوع..وأحــزان*..أحبك لوتصير الماي واتوسلك عطــشان*..أحبك لوتصير الموت والتابوت والدفــان*"
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 2:40ص في فيلا ناصر ...
دانا..قفلت الكتاب ع الجزء اللي وصلت له وتمددت ع السرير وحسيت بتعب , مدري وش فيني من بدأت الإمتحانات وأنا دوم تعبانه حتى رحت المستشفى الأمس عطوني مغدي كانو يبون يرقدوني بس الحمد لله بابا أقتنع أنه يطلعني ع مسؤوليته , حتى ماما ماتنام تجلس معاي الفجر تشوف طلباتي خواتي اللي معاي في نفس البيت ما أشوفهم ورزون كالعاده دوم معي إذا في مادة نحتاج أن كل وحدة تشرح للثانيه ننام سوا وإذا مانمنا مع بعض تنواصل بالجوال وشي أساسي كلنا البنات نتواصل بالجوال مع بعض كل وحدة تشجع الثانيه ونغير جو شوي حلوة أيام الإمتحانات تعب بس بنفتقد هالشعور لأن آخر سنه لنا ,, شفت رقم رزون ورديت ...
دانا: هلا والله وين وصلتي؟
رزان وصوتها متغير: في الفصل قبل الأخير وأنتي؟
دانا: أنا باقي لي درسين وأوصل لك أنتظريني بذاكرهم عشان نبدأ مع بعض
رزان وهي شوي وتبكي: مدري وش فيني مو قادره أذاكر مليت محد معاي في البيت كل شوي أنزل أشوف ماما تصلي صلاة الليل تحت , ماعندي حد يذاكر معاي في البيت مو حاسه بأجواء الإمتحانات
دانا: ياقلبي كان جيتي معاي هو نفس يوم اختبار الكيمياء مع بعض بس كل وحدة تذاكر في غرفه بروحها
رزان: حتى ولو بس أحس أن في حد معاي أسمع صوت أحس أن مو بس أنا اللي أذاكر
دانا: يلا عن العيارة بكرة واللي بعده وخلاص بتعدي هالسنه ع خير مضى الكثير مابقى إلا القليل
رزان: الله يعين , صحيح صرتي أوكي الحين؟
دانا: أيوه بكره بعد بروح المستشفى يعطوني مغدي
رزان: الله يعينك قلبو ذكرتيني بحالتي أيام اختبارات نصف السنه
دانا: عاد أحنا لازم , يلا بروح آكل لي شي عشان أكمل مذاكره
رزان: طيب وإذا خلصتي رني علي بشوف باقي البناتوه عشان أتشجع
دانا: هههههه أوكي ياقلبي بااي
رزان: باايو "وقفلت"
فضيله ببتسامه: ها حبيبتي كيف المذاكره معك؟
دانا: الحمد لله ماشي حالي , ليه مانمتي للحين؟
فضيله: كنت أصلي صلاة الليل وما بقى شي ع الأذان قلت خل أنتظره
دانا: تقبل الله عسى بس دعيتي لنا
فضيله: أكيد ياماما , توني الحين رحت تطمنت ع خواتك ملوك نامت وعهوده لسه تذاكر
دانا: الله يوفق لهم يارب
فضيله: آآآميــن ,, تحبي أسوي لك شي تاكلينه؟
دانا: توني أخطط أني أنزل أسوي لي شي آكله أغير جوي زهقت من المذاكره
فضيله: طيب حبيبتي إذا أحتجتي أي شي أنا في الغرفه أصلي
دانا: ماتقصرين يما
دانا..خخخخخخ هذا حالي أيام الإختبارات ما أذاكر إلا في المطبخ وأنا آكل ع قول البنات ياليت لو يبين فيني ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
بعيد عن الشرقية وأهلها في فرنسا ...
فهد..اليوم وناستي لاتوصف أخيراً خلصت دراستي ما أرتاح قلبي إلا يوم أستلمت وثيقتي ,, تونا راجعين من حفل تخرجي أنا وفيصل فتحت باب الشقه وشغلت التلفزيون وحطيت الاب ع روجولي والشيبات جنبي ...
فيصل: يادافع البلاء مفجوع مافي إلا أنت في الدنيا تخرجت!!
فهد وهو ياكل: وش عليك أنت خل أستانس
فيصل: آآآخ ياقلبي بقى ع ملكتي أسبوع و3 أيام
فهد: ههههههه ياخي ريح نفسك وقول أسبوعين إلا 4أيام
فيصل: أنقلع عني أنا أبي أقصر المده وأنت تطولها علي كفايه أني بنتظر بعد أختباراتها أسبوع
فهد: الله رحم بحال أختي أن الشركه أخروك ولا كان تخلص أمتحاناتها من هنا وتملك فيها من طووواااالي
فيصل: أنت نحيس
فهد: ههههههه أقول جب لا أوريك النحاسه ع أصول
فيصل: عاد أنت ورشود قصرتو الأمس بغيت أرتكب فيكم جريمه ع نذالتكم "قال يقلد راشد: عمتي مايصير تخيلي مسكين فيصل يوصل يوم ويوم ثاني الملكه لازم يرتاح
فهد: ههههههههههههههههههه يعجبني ولد الخاله "قال يقلد عصبية فيصل: أنت وش حارك عساني لو أموت مالك شغل أنا أبي أملك بعد ما أوصل بيوم
فيصل: جب أنت الثاني "قال يقلد فهد: وهو الصادق راشد أنا أعرف فيصل مايرتاح إلا بعد المشوار بسنه ع الأقل , "رجع صوته طبيعي: عجيز قدامك ما أقول إلا مالت عليك لكن أردها لك
فهد: ليش محتر يعني الملكه وتحددت ع رايك خلاص أعفو وأصفح
فيصل: أوريك لكن أعفو وأصفح هاااا
فهد: قوم بس سوي لي العشاء
فيصل: ياسلام خادم عنددك؟
فهد: أحترمني أنا نسيبك يالجلف ولا ترى والله.........
فيصل يمثل أنه خاف: لالالا تكفى
فهد: ضربتك ع الوتر الحساس ها
فيصل: مشكلتي طيب والكل مستغل طيبتي
فهد: عدال ياطيب أنت قوم بس خليني أكلم أختي براحتي
فيصل: سلم عليها
فهد: كان تطلع من المسن خليها إذا ملكتو سلم عليها كثر ماتبي
نك فهد.. @المهندس فهد@
نك رزان.. "حسبـ..الدنيآ مثل أمي أزعلها وترضيني...ـت"
فهد: بآآآآآكـ
رزان: ولكموو نور المسن
فهد: منور فيك
رزان: وين كنت إن شاء الله؟
فهد: خطيبك أذاني بالموت تركني
رزان أنمغص بطنها لطاريه بس كتبت: أهااا
فهد: غريبه شابكه هالوقت
رزان: توني راجعه من المدرسه الحين بكره آخر يوم
فهد: أهاا
.تقدمين زين؟
رزان: أيوة الحمد لله
فهد: أيوة خيه أرفعي راسي
رزان: مايهمك أكيد
فهد: صحيح من وين شابكه أسمع راشد يقول لابتوبك عنده!!
رزان: أيوة عنده أخترب مع الإمتحانات يدور مصلحتي
.خخخخخخ
فهد: ههههههه
.من وين شابكه؟
رزان: من الجهاز اللي في غرفتي
فهد: مو فيه صورك (فيس احباط)
رزان: أيوة لاتخاف حظرت كل اللي عندي في المسن بس أنت وبنات العمه يعني ناس واثقه فيهم ومو داخله بالجهاز مكان غير المسن
فهد: أنتبهي خيه
رزان: أكيد منتبهه أصلاً أنا شابكه , أنتظر الصلاة شوي وبقوم
فهد: برب شوي بروح دورة المياة تكرمين
رزان: تيت
فيصل..يآآآي فهدو قام من ع الجهاز بشوف وش كاتب قرأت المحادثه , بسرعه جبت السي دي اللي عندي والفلاش سرقت الصور اللي في جهاز رزان كلهم ببرنامج عندي في سي دي دخلتهم في الفلاش وبعدت ع لابتوب فهود كنت متأكد أنه ماطلع من دورة المياة ((تكرمون)) , دخلت غرفتي سحبت الورقه اللي في الفلاش وكتبت عليها "يكفيني أحس بوجود صورك حولي بدون لا أشوفهم.. مثل العطر يكفي عن الشوف شمه!!" ,تركت الورقه ودخلت الورقة في الفلاش بروحها رديت سحبتها قرأت الكلام اللي كتبته ورديت تركت الورقة ودخلت في الفلاش إذا ملكت بشوفهم ماراح أشوف الصور قبل أملك وهذا عهد بيني وبين نفسي , قمت أتحمم حاس أني مو طايق نفسي ...
فهد..لاحول الله الواحد مايمديه يتهنى حتى في دورة المياه دقايق بس وطس فصول يسبح أففف أنا جوعان ما كأني متعشي قبل شوي خخخخ , تعودنا في فرنسا ع كثرة الأكل نتعشى مرتين ثلاث دخلت سويت فصول , سويت حفله جلست أطقطق باب دورة المياه وأنا أغني وأستهبل ...
فهد: أفضل الصلاة والسلام عليك ياحبيب الله محمد كلللللللللللووووووووووووش ,, يامعيريس وعين الله تراه الحمار يمشي والحمير يمشون وراه
فيصل: ههههههههههههه , بتحمم تعشى أنت بالعافيه
فهد: بنتظرك يلا أخلص
فيصل: ربع ساعه بالكثير
فهد..أمري لله بنتظره وش وراي دراسه وخلصت هو مسكين اللي عنده دوام من الصباح خخخخ يوم لك ويوم عليك , جلست أحوس في مكتب فصول شفت فلاش خل أفتحها عن الزهق دخلتها في الاب وحطيته ع رجلي وفتحت الفلاش مافيها إلا ملف صور فتحته !!!! فتحت عيوني ع وسعها وأنا أشوف صورة أختي رزان جالسه ع المسبح بمايوه وحاطه رجل ع رجل وتاكل سينبون وهي تضحك معقــــــــــــول!!!! قلت يمكن صورة بالغلط أنتقلت للصورة الثانيه شفت صورة ريان يبوس رزان في خدها , خلاص مو قادر أستوعب , سحبت للصورة اللي بعدها كانت صورة لرزان جالسه ع المرجحانه وضامه دبدوب وهي تبتسم , أنتقلت للصورة اللي بعدها لقيت صورة لرزان صاحيه من النوم وتفرك عينها ,شلت الفلاش وطقيت باب دورة المياة ع فيصل أبي أفهم السالفه قام يستهبل علي خديت لابتوبي ورحت قفلت علي باب غرفتي كيف صور رزان وصلت لفيصل أختي وعارفها زين مستحيل تسوي هالشي , فيصل فيه هبال مزح جرئه بس مين اللي بيعطه صور رزان معقول وحدة من خواته !! سحبت الورقة اللي في الفلاش قرأت المكتوب فيها "يكفيني أحس بوجود صورك حولي بدون لا أشوفهم.. مثل العطر يكفي عن الشوف شمه!!" ,, تركت الورقة ودخلت داخل الفلاش , تطمت أن فيصل ماشاف الصور قبل الملكه بس من وين وصلته الصور؟!! حطيت الفلاش في درجي وقفلته وطلعت بره ولا كأن شي صاير شفت فيصل ينشف شعره من المرايا رحت له غرفته جلست أحوس في أغراضه كالعاد . شفت السي دي حق سارق الصور سألته ...
فهد: وش لك في سارق الصور؟
فيصل: أبد بس حبيت أهبل في واحد من الشباب نكشف فضايحه
فهد: هههههه ,, عن أذنك
فيصل: تعال الحين بنتعشى
فهد: طيب دقايق
فهد..رحت غرفتي الحين تطمنت أن الصور ماوصلت في فيصل عن طريق حد لكن يافيصل بخليك تتعلم درس ماتنساه ع تهورك لو حد دخل الغرفه وخدا الفلاش كان راحت فيها أختي , خليت الفلاش في غرفتي وطلعت ولا كأن شي صاير شفت فيصل يدور شي ...
فهد: وش تدور؟
فيصل: في فلاش لي مدري مين شالها
فهد بكذب: ترى العامل اللي ينظف توه طالع
فيصل بصدمه: كيـــــــــــــف!!
فهد بلا مبالاه: وش فيك الرجال جا وخليته يدخل ياخد الأكياس
فيصل: ومن متى تخليه يدخل أنت عارف أني إذا طلعت باطلع الأكياس معي وهو يجي ياخدهم
فهد: والله عاد دخل وخلص وخدا الأكياس
فيصل وهو قريب يبكي: والفلاش اللي ع مكتبي؟
فهد: مدري عنها ماشفتها
فيصل: فيها أشياء مهمه
فهد: ياخي حافظ ع أغراضك شي مهم تحطه ع المكتب كذا , أنت عارف أن الشباب في أي وقت يجون الشقه وأنت مو واثق في الكل والشيطان شاطر
فيصل: فهد قول إن شاء الله ألاقي الفلاش فيها شي مهم لو ما لاقيتها راح أأجل موعد رحلتنا
فهد: إن شاء الله , بس ماقلت لي شنو فيها؟
فيصل: مو وقته بعدين أقول لك بس تكفى حاول تساعدني ألاقيها
فهد: إن شاء الله
فيصل..تضايقت من قلب حتى مو عارف أركز ع شي حتى الأكل مو راضي يدخل في فمي كيف صور رزان اللي أنا ماشفتهم يشوفهم حد غيري أنا غبي ليه مافكرت قبل أسرقهم ياربي تفرجها قبل موعد رحلتنا ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 1:20ص ع البحر ...
جاسر: أول مرة أشوف الكورنيش كذا
فارس: ههههههه خوب كل الناس عندهم امتحانات إلا أحنا
عبير: وش بقى خلاص اليوم آخر يوم تعالو بكره هالوقت شوفو الكورنيش ههههه يبي لي أصوره اليوم وأرد أصورة بكره وأكتب الفرق
جاسر: الله يغربلك ياعبور هذا وقت نطلع فيه
عبير: لاحول بتمنون علي بهالطلعه
فارس: لا وش دعوه كم خاله صغيرة عندي أنا
عبير: هههههه أصبغني بهالكلام بس تجي الخطيبه يروح كل هالكلام هباءاً منثورا
فارس: مايروح وقسم والخطيبه لازم تكون ع ذوقك
عبير تناظره بنص عين: مو أنت أخترتها وخلصت
فارس: هههههههههههههههه أي أخترتها بس أهم شي هي عاجبتك؟
عبير: أي والله خوش بنت لو أنت ما أخترتها كان أنا أخترتها لك
جاسر: ماعندها خوات مني مناك
عبير: ههههههههههههه ليش ناويين تشبكون العائله الكريمه كلها
فارس: ههههههه أخاف بس جسور بعد كم سنه تتغير ألقابنا نصير أولاد الــ*****
عبير: أقول أخطب البنت لاتروح عليك
فارس: في الإجازه إن شاء الله راح أخطبها الحين هي أختبارات الله يوفقها
جاسر: ماشاء الله سمعت رنوش تقول أنها الثانيه ع الشرقيه
فارس: وأنت وش لقفك تسمع أخبارها
جاسر: هههههههه ياخي سمعت وش أسوي يعني أسد أذني إذا سمعت طاريها !!
فارس: أيه سد أذنك
عبير: بصراحه أحس شكلي معاكم تحفـــــه
فارس: ههههههههه إذا شافونا الناس بيفكرون أنا زوجك وجسور ولدنا
جاسر ضربه ع راسه بخفه: يانذل أنت حتى أبوي يبين كأنه ولدك طول وعرض
فارس: صل ع نبيك لابكره أجلس من النوم نحفان وقصران
جاسر: هههههههههههههههههههه مافي أمل
فارس: خلاص أحرجتني لاتخليني أسوي رجيم
عبير: يااااي يابو الرجيم أنت , أصلاً أنت مافيك لحمه أحس أن عظمك كذا عريض
جاسر: لا إله إلا الله حتى عظمك قاسته
عبير: وش عليك أنت ولد أختي وكيفي
فارس: عقبال الخطيب
عبير: أقول جب بس جب , خله نايم في بيتهم لايجي أحسن
جاسر: تخيل فروس لو تتزوج عبور كان نضيع يصير ماعندنا حد نتهاوش معاه
عبير بأسى: وش هالأخو ع بالي بيقول ماعندنا وجه حلو نصبح فيه وحدة تسأل عنا أثاريه يفكر في الهواش!! الله يكون في عوني
فارس: ههههههههه نمزح عبور
عبير: أنت يمكن تمزح إلا هذا
فارس: لاوالله مايستغني عنك حتى أنه ذاك اليوم مو راضي تنامين مع بيت خالتي أم مشاري عشان مايسهر بروحه
عبير: عارفه بس مين يعترف يقول عناد طاخ في راسي ما أخليك تنامين هناك وهو أساساً مايبي يسهر بروحه
فارس: صاااااااااااااااااااادوه
جاسر عطى فارس نظرة: أنت أبد ماتعرف تغبي شي محد يقول لك شي
فارس طقطق بلسانه ولف راسه بالنفي: أبد
عبير: خاطري في آيسكريم من باسكن
جاسر: لاحول الله , الله بلانا بأخت ماتشبع
عبير: محد طلبك أنا أبي آيسكريم من يد ولد أختي حبيبي فروووسي
فارس: وأنا أقدر أردك تــــم
جاسر: يلايلا خل نمشي لاتمسكنا الهيئه
عبير: شنو هو ع كيفهم يمسكوننا بنت جايه الكورنيش مع ولد أختها وأخوها فيها شي؟
فارس: ههههه لامافيها شي بس الوقت متأخر خل نفرفر بالسيارة
جاسر: بتطردنا الوالده من البيت هي موصيتنا لانتأخر
عبير: خل الوالده علي
فارس: خطيرة أنتي طالعه ع ولد أختك
عبير: أفا عليك أعجبك
جاسر بمزح: الهيئه اللي في البيت أن مسكتنا عز الله مانمنا
عبير: وش عليك منه أهم شي أستأذنا من أمي وأبوي ماقالو شي هو يسد حلقه وينطم ماله حكم علي
فارس: سبحان مغير الأحوال عبير اللي تلعن خامسنا إذا حشينا الحين تحش !! سبحانه جلت قدرته
عبير تغيرت نبرة صوتها: اللي شفته منه ومن مرته مو قليل "سكتتو فترة"
جاسر قال يقلبها مزح: شكلنا ماراح نداوم بكره ع حسابك
فارس: الدوام وأبو الدوام إذا فيها عبور هي تتدلل والكل طزززز
عبير: بعد عمري ولد أختي "شافت نظرات جاسر المسكينه وقالت: الله لايحرمني منكم
فارس: هههههههههههههههههههههه
:*:*:*:*:*:*:*:*:*:*:*:*:*:*:*:*:*:*:*:*:*:*:*:*

[دانهـ العشآق]

الساعه 1:44ص في شقة خالد وسمانه ...
سمانه صحت مفزوعه..بسم الله الرحمن الرحيم ناظرت في الساعه ياربي وش هالنوم اللي نمته دخلت دورة المياة((تكرمون))غسلت وجهي ع السريع مافي وقت آخد دش ,, دخلت المطبخ أبي أشرب مويه عطشااانه فتحت الثلاجه مافيها مويه أففف ياربي وش هالقلة التوفيق ع آخر يوم الثلاجه مليانه عصيرات بس أنا طبعي ماترويني إلا المويه الباارده .. أكيد خالد نسى صناديق المويه تحت , لبست عبايتي بروح أشرب لي مويه قفلت باب الشقة بشووويش وخديت معي جوالي وصلت المطبخ شفت الأنوار مسكره فتحت النور ورحت عند برادة المويه شربت ثلاثه جلاسات موية وراء بعض من العطش سمعت صوت حركه من الروعه طاح جلاس الموية من عندي لفيت شفت عمر أخو خالد وراي عدلت لفتي ورحت لعند الباب طاح قلبي في بطني لمن حصرني عند الجدار وهو شكله سكران قال لي بخبث ...
عمر وهو يتخبط في مشيته: ع وين ياحلوة
سمانه..ما أبي أصارخ لاحد يجلس يشوفني في المطبخ هالوقت وهو جاي عندي شنو بيفهمونها!! قلت بهدووء ...
سمانه: عــ....مــ..ر وخر
عمر ضحك ضحكه خبيثه: كيف أوخر يامرت أخوي وأنتي مرت أخوي ههههه أنتي متزوجه أخوي يمكن يصير نشترك فيك ههههه مو بس خلووود ياخد وحدة مزيونه وأنا لا
سمانه قدرت تتملص من يده بالقووه وركضت ...
عمر بصراخ: تعالي قلت لك تعالي
سمانه ركضت وجت تلف من عند طاولة الطعام عشان تطلع من المطبخ ما أنتبهت للكرسي اللي في طريها من الخوف وطاحت صار نصف جسمها ع الكرسي والنصف الثاني ع الأرض ...
عمر بضحكه شيطانيه: قلت لك ماراح تفرين مني يامرت خلووود
سمانه قاومت ألمها وبعدت عنه: تخسي إلا أنت تلمسني سامع تخسي إلا أنت
سمانه..تقرب لي ماعرفت وين أروح أدافع عن أغلى ماعند البنت بدون تفكير ركبت فوق طاولة الطعام مسك رجلي حسيت أني فقدت توازني غمضت عيني وأنا أتخيل طول المسافه بين الطاوله والأرض حسيت أني ماراح أقوم بعدها سمعت صوت مو غريب علي يصرخ عمـــــــــر وقتها فتحت عيني شفت عمر يهرب مثل الطفل اللي يخاف من حد وهو ماشي دف الكرسي بجسمه الضخم ثواني إلا أنا طايه ع الكرسي آآآآه مسند الكرسي أنرز لي في ظهري بكيت مدري من الألم لو من الخوف لو من الدنيا اللي مو راضيه تضحك لي أنتبهت لنفسي خفت حد يجي يشوفني جمعت قطع جوالي المتناثره ع كبر المطبخ وشلت كتابي ورقيت الدرج ,, حاولت أنسى اللي صار عشان أذاكر لأن بكره آخر يوم ...
في نفس المكان ,, خالد..مدري ليه من سمعت باب الشقه ينفتح لا إرادي بعد ربع ساعه قمت من السرير ورحت وراها حسيت أنها محتاجتني شفت عمر النذل صرخت فيه علمته الأدب بكم طراق وهزأته تهزيئه محترمه وبعدها رحت المطبخ مالقيت سمانه قرصني قلبي خفت لاياخدها واحد من هالنذول اللي يسهرون مع عمر دورت عليها في كل البيت مثل المجنون يوم تأكدت أنها مو موجوده فتحت باب الشقه سمعت صوتها تذاكر ,, قفلت باب دورة المياة عشان تفكرني طالع من دورة المياة ولا تحس أني بمسك شي عليها ولا بعايرها بشي خليها تذاكر بهدووء ,, رحت عند غرفتها ناطرت من الجزء المفتوح من الباب تطمن عليها ورحت أكمل نومي عشان بعد شوي تصحيني للصلاة ...
:*:*:*:*:*:*:*:*:*:*:*:*:*:*:*:*:*:*:*:*:*:*:*:*
الساعه 7:33ص في فيلا نورة ((الله يرحمها)) كانو الثلاثي متجمعين ...
رؤى اللي توها واصله: السلام عليكم
هنادي-ريهام: وعليكم السلام
رؤى: ياربي اليوم صحينا متأخرين وتوه رائد طالع
ريهام: الله يعين , سمعت صوت ريوف تبكي قلت باخدها من عندك بس خفت تزعجك
رؤى: آآآآآه ومين اللي ماسمعها تبكي الساعه 1 الفجر رحنا معاها المستشفى
هنادي: الله يعينكم الأطفال لازم يمرضون في هالسن حتى جسوم تجيه أيام كذا ماينام لي
رؤى: اللي باط كبدي أني سهرانه وتعبانه وأنصاف الليالي من مستشفى لمستشفى ولا هو تارس عينهم كل ع بالهم أني متعبه ولدهم
ريهام: لايهمك ولا تحطين في بالك ولا شي أهم شي علاقتك مع زوجك
رؤى: وربي الوضع يطفش مليت دوم ع بالهم أني ما أفهم حتى لو أول بنت عندي صارو عندي قبل أولاد أخواني صح أو لأ؟
هنادي-ريهام: صح
رؤى: خلوها ع ربكم
هنادي: شنو يقول رائد إذا سمعهم يتكلمون عليك؟
رؤى: يسكت مايتدخل بس حده متضايق
ريهام: أحسن ترى أنه يسكت عشان لايقولون حرضتي ولدهم عليهم
رؤى: الحمد لله ع كل حال
هنادي: إلا مهيوه وينها؟
رؤى: بتجي إذا طلع أسامه للدوام
مها اللي توها داخله: السلام
الكل: وعليكم السلام
ريهام: ماتنطرين بنت حلاااااااال
مها: هههههههههههه أعترفو وش كنتو تحشون؟
هنادي: أبد بس نسأل عليك
ريهام: وين ريان؟
مها: عند جدته هههه عمتي معصبه فيني صار له أسبوع ماجلس معاهم
رؤى: كويس والله أرتحتي
مها: أي والله , عارفين اليوم بنطلع السوق؟
هنادي: طبعاً ماتشوفيننا مسفرين رهف وشوق
ريهام: هههههه وبنسفر الباقي بعد شوي
مها: خخخ والله لو مايرضعون كان سفرتوهم من زمان
ريهام: كان ودي أسفر روابيوه بس حرام نايمه إذا جلست بسفرها
هنادي: ترى مابقى شي ويطلعون من المدرسه أستعدو
مها: أكشـــــــخ يعني تنتظرون العروس؟
ريهام: هههههههه أيوه
هنادي: من قدهم اليوم آخر يوم يعيدون
رؤى وهي تعدد ع أصابعها: بعد قلبي رزون أكيد مزحومه التجهيز والإمتحانات والقلق...........ألخ>>
مها: هو بس رزان كلنا حايسين من زمان ماصار عندنا مناسبه كذا
هنادي: أي والله فرحه تتورخ (ملكة رزان وفيصل)
مها: أصبري شوي بتنخطب رزان وكللللللللهم بينخطبون وراها
رؤى: أي والله دوم كذا المناسبات كلها تجي مرة وحده والحين بعد خطب فيصل أكيد فهد وراشد بيلحقونه
ريهام: مشكل رشووود مو راضي يخط بالمره
هنادي: كلهم كذا بعدين بتشوفين طوااااالي بيقرر فجئه
مها: زي فيصل تفاجئنا خطبته ماكانت ع البال ولا على الخاطر كان يسولف مع بابا جا طاري رزان فجئه قال أخطبوها لي
هنادي: ههههههههههههههههه فصول تحـــفه
سمعو طقة راشد المميزة ,, راشد: أحم أحم يالله "دخل عقب مالبسو عباياتهم وقال: كيفكم؟
مها: الحمد لله , وأنت من نحش في أخوي تطلع لنا
راشد: ههههههههههه الحش في فصول عباده
هنادي: هههههههه توني أسمع , سمعت النظر إلى الكعبه عباده
راشد: كله واحد نفس الثواب
رؤى: هههههههههههههههههه أستغفر ربك رشوود
راشد: أستغفر الله "ناظر في ريوف اللي ع حضن رؤى: جيبي جيبي بس "أخدها وحملها بيد وحده وعلقها فوووق"
رؤى بصرخه: رشوووووود نزل بنتي
راشد ناظر إبتسامة ريوف البريئه: قووويه قويه بنت أختي "نزلها وعطاها رؤى"
رؤى ضربته ع كتفه: يالدب بنتي مريضه
راشد: يااااااااي مريضه أنتي ماتدرين إنها إذا تعودت ع هالحركات تقوى بنيتها
هنادي: تكفى لاتقوي بنيتها مانبيها تقوى بنيتها , قوي بنية أولادك
رؤى: أقص يدي إذا يلعب في أولاده كذا
ريهام: هههههههههههه يارب نشوفهم قريب
راشد: عقب عمر طويل
مها وهي تقلده: عقب عمر طويل "رجعت صوتها طبيعي: شيبت سمعنا إن هذي الكلمه للبنات
راشد: أقول هذرتكم ماتخلص بابدل ملابسي وبرجع محلي مافيه إلا الهندي
هنادي: وأنت وش جيبك هالوقت؟
راشد: طفشوني البنات زي الحمير يجون الاب مخترب ويقتلون حالهم في النهايه يطلع مو مشحون ولا وحدة تدق ع الجوال تسوي نفسها تستفسر وهي تتميع
رؤى: وأنت أكيد مستانس
راشد بغرور: أصلاً البنات ميتين علي بس أنا ما أعطيهم وجه
هنادي: أحلف ياشخ توم كروز ع غفله؟
الكل: ههههههههههههههههههههههههههههههههه
راشد بمزح: أقول أنا رايح محلي في مزيونه تنتظرني لا أتأخر عليها
رؤى رمته بالخداديات وحدة وراء الثانيه: قليل الأدب لكن أوريك إذا ماعلمت سلمان ع سوالفك والله لأخليه يقفل محلاتك كلها
راشد طلع وهو يضحك ويحاول يصد الخداديات: ههههه خوب سلمان إذا غابت الهيئه يحل محلهم
ريهام: ههههههههههههههههه رؤى شكلك يقتل ضحك صدقتيه أنتي ماتعرفين رشود وسوالفه صايره كأنك أمي
رؤى: عارفته بس بط مرارتي الدب هذا كلام يقوله
هنادي: ههههههههههه والله أنه حفلة رشود الله يعين اللي بتاخده ع مزحه
دخلو البنات سوا: السلام
الكل: وعليكم السلام
مها: ها قدمتو زين؟
دانا: خليني ساكته أحسن
عهد: وأنتي متى قلتي أنك حليتي زين مدري كيف يطلعون الدرجات
رزان: ياويلي يدي ع قلبي لين ماتطلع النسبه
هنادي: أنتي يدك ع قلبك لين ماتطلع النسبه ويدك ع قلبك لين ماتملكين الله يعينك بجد حالتك صعبه
ريهام: ههههههههههههه ياقلبي أختي , ليه تأخرتو؟
رزان: رحنا البيت بدلنا ملابسنا وعباياتنا وتحممنا
مها: كويس ومتى إن شاء الله بنروح؟
دانا: صح نسينا نسيم ع الباب
رؤى: هههههههههههههههههه مسكين الحين بنطلع وهو يتحرطم
ريهام: يذبحني إذا ترحطم مقدر أسكت
رزان: بالعكس يكسر خاطري
مها بمزح: قومو قومو لا ينكسر خاطر رزون
الكل: هههههههههههههههههههههههه

:*:*:*:*:*:*:*:*:*:*:*:*:*:*:*:*:*:*:*:*:*:*:*:*