صفحة 3 من 15 الأولىالأولى 1 2 3 4 5 13 ... الأخيرةالأخيرة
النتائج 31 إلى 45 من 214

الموضوع: روايتي الأولى ::ذايب في هواهم::

  1. #31
    عضو متميز الصورة الرمزية دانهـ العشآق
    تاريخ التسجيل
    Sep 2009
    الدولة
    أرض الله الواسعه
    المشاركات
    209
    شكراً
    0
    تم شكره مرة واحدة في مشاركة واحدة
    معدل تقييم المستوى
    181

    رد: روايتي الأولى ::ذايب في هواهم::

    الساعه8:14م في فيلا أبو خالد كانو البنات طالعين السوق وقفهم خالد ...
    خالد: ع وين أن شاء الله؟؟
    سحر: طالعين السوق مع العروسه تآمرنا بشيء؟؟
    خالد: أي عروسه؟؟!!لايكون وحده فيكم أنخطبت وأنا مدري؟؟
    غدير: ههههههههه خالد وش فيك عروستك سمسوم
    خالد: أيييه قصدكم بنت أبو طارق؟؟
    سحر: أيوه سمانه زوجتك المستقبليه
    خالد: وليه أن شاء الله تروحون معاها؟؟
    غدير: إذا ما رحنا معاها مين يروح معاها برايك يعني؟؟
    خالد: أمها خواتها أحد من أهلها
    غدير: أنا أختها وأمها متوفيه
    خالد: الله يرحم أمها ويخليك لها,,طيب يلا وما أوصيكم لا تتأخرون
    سحر: أن شاء الله "وطلعو البنات سوا"
    خالد..ياربي وش هالمشكله اللي أنا فيها بتزوج وحده توني عارف أسمها وع كلام خواتي أنها ماعندها أم ولا خوات يمكن عشان كذا وافقت علي لا يمكن وافقت علي عن قناعه وأنا شنو فيني عشان تردني"صحاني صوت جوالي" ...
    مبارك: ياحي معرسنا
    خالد: الله يرجك وش تبي؟؟
    مبارك: ياخي عطينا وجه الأبتسامه في وجه مبارك صدقه ماقلت لنا شنو آخر الأخبار؟؟
    خالد: أبد بس عرفت العروس بنت أبو طارق الـ****
    مبارك: أحلـــــــــــــف!!,, لالا لاتقول المزيونه اللي سهرتك الليالي؟؟!!
    خالد: ههههههههه الله يرجك ومين قال لك أنها سهرتني الليالي أصلا ولا عمري شفتها
    مبارك: لا ياحلو تذكر البنت اللي شفتها وأنت رايح توقع ملفات عند أبو طارق؟؟
    خالد: مو شرط تكون هي
    مبارك: هههههههههه ياحليلك,,وش أسمها؟؟
    خالد: لاوالله تبيني أن شاء الله أقول لك أسم زوجتي
    مبارك: هههههههههههههههههههههههههه أحلى ياخلود والله وصرنا نغار
    خالد: جب بس جب روح الشركه خلص الملفات بس
    مبارك برومنسيه: خلووووودي
    خالد: ما يمشي عندي ماراح أوقع شي أنت روح الأسبوع اللي راح قطيت الخيط والمخيط علي الحين أنت روح مايخصني فيك
    مبارك: معرس ماتنلام لكن هين بعد شهر أوريك اللي يوقع عنك أوراق ويسد مكانك إذا لهتك العروسه
    خالد: أقول روح شوف شغلك أزين لك"مبارك سد الخط في وجه خالد: هههههههههههههه خبل

    :*:*:*:*:*:*:*:*:*:*:*:*:*:*:*:*:*:*:*:*:*:*:*:*

    نحلق معاكم في الجو مع ثلاثه من أبطالنا...
    كانو فيصل وفارس مستلمين فهد عشانه متغبن شوي ويبكي<<اللي يشوف حالهم أحسن منه ...
    فارس: تدرون عاد أنا موصيهم لا يضموني قدام الله وخلقه في المطار بس أمي وجدتي الله يهديهم
    فيصل: وأنا اللي يشوفني قصرت طول ما أنا معاهم في البلد أوصيهم لاحد يضمني قدام الشباب
    فهد: أتحداكم تقدرون أصلا أنا ماقدرت أبعد عن أختي
    فارس: يااابو قلب رهيف خف علينا بس
    فهد: أثنينكم ياتسكتون ياتنقلعون مالي خلقكم بنااام
    فيصل: يبينا نروح عشان يبكي براحته هههههههههه
    فارس: هههههههههههه
    فهد: القعده معاكم تقصر العمر الله يعينني بس
    فيصل يساسر فارس: الحين ببكيه أصبر علي شوي"رفع صوته: أفا يافهد!!
    فارس: يقطع أم النذاله
    فيصل: يافهد المفروض ماتمل منا فروس بس باقي له نصف سنه وينزل عنك وأنا باقي لي سنه كامله وأنت بتظل بروحك سنه فالمفروض ماتزعلنا لأنك بتظل بروحك
    فهد تغيرت ملامح وجهه بس يبين لهم أنه طبيعي: فكه منكم يالجلوف
    فارس: وأنت الصادق قص يدي إذا كملت
    فيصل: تلاقيه يدعي علينا نرسب بس عشان لاياخده العو
    فهد: وأنتو الصادقين بلعب وأطرب في البيت ع الأقل ماعندي أزعاج
    فيصل: فهد عيني في عينك
    فهد يبي يمسح دموعه مو عارف عطس: أشهـــــد إكلينكس
    فارس: تفضل تفضل رحمك الله
    فيصل: ههههههههههههه أي والله رحمك الله
    فهد: وحشنتي جلسات الشباب والوناسه والبيت
    فارس: يلا أنا نصف دراسي وبرجع
    فيصل: وأنا سنه وبرجع
    فهد وصلت معه: يانذول خلاص لاتقلبون المواجع
    فارس: خلاص خل نهجد عنه الشماته مو زينه
    فيصل: لاوالله الشماته في فهود عباده
    فارس: ههههههههههه ليه شمسوي لك
    فيصل: ياخي باط كبدي خلني ساكت أحسن
    فهد: هههههههههههههههههههههههههههههههههههههههههههههههههه ههههااااي عارف شاللي باط كبدك حررره والله توني حاس نفسي أخدت حقي منك
    فيصل: أخخخخخخخ يالقهر ماسويتها فيك
    فارس: الله يصلحكم بس
    فهد: خلااااص بنام حرام عليكم أرحموني بنوصل وطوالي بروح للجامعه أرتب جدولي ويوم ثاني عندي كلاس
    فيصل: تصدق فارس أنا بقى لي سنه وأخلص ودراستي تبدأ بعد أسبوع
    فارس: تصدق فيصل أنا دراستي تبدأ بعد أسبوع وبقى لي نصف سنه وأخلص
    فهد: نذوووووووول لا أدعي عليكم ترسبون أنت وياه
    فيصل: خلاص خلاص توبه أنا واحد وراي ألتزامات بس أخلص دراسه بنزل وطوالي بملك
    فارس: أي والله يقولون دعوة المظلوم مستجابه
    فيصل: المظلوم ماقالو الظالم يعني عادي نستلم فهود
    فارس-فهد: هههههههههههههههههههه
    فهد: بايق حلالك وأنا مدري
    فيصل: تصدق فارس باقي لي سنه وأخلــ.......
    فهد رماه بالإكلينكس وجلسو يضحكون وطناز ومناقر<<يوصلون بالسلامه يارب

    :*:*:*:*:*:*:*:*:*:*:*:*:*:*:*:*:*:*:*:*:*:*:*:*

    الساعه 7الصباح في بيت لمى كان مشعل طالع للشغل وسيف توه واصل ...
    لمى: أفضل الصلاة والسلام عليك ياحبيب الله محمد وآل محمد كللللللللللللللللللوووووووووووش
    سيف: تسلمين يالغاليه
    لمى: يسلمك,, كيف النفسيه؟؟
    سيف: حطي يدك ع قلبي أنتي
    لمى حطت يدها ع قلبه: ههههههههههههه مدري حنون وش أخبارها
    سيف: ليه ما كلمتيها؟؟
    لمى: إلا آخر مره لمن هزئتني والأمس كلمت أمها عشان نمرهم اليوم
    سيف: قولي أن شاء الله يطلع التحليل أوكي
    لمى: أن شاء الله ,,ربي يفرح قلبك,,تبي أحط لك فطور؟؟
    سيف: صدق متفرغه قومي ألبسي عبايتك وأتصلي عليهم
    لمى بخبث: أتصل ع من؟؟
    سيف: لمووووووووه قومي ألبسي عبايتك أهجدي عني بروحي ثلاث أسابيع مو نايم
    لمى بعناد: ياحراااااااااام روح نام
    سيف: أقول باي أروح مع جدتي أم تركي أحسن لي
    لمى: هههههههههههه خلاص بلبس عبايتي
    سيف مد لها الجوال عشان تتصل
    لمى: هلا والله وعليكم السلام.........كيف حنون؟؟.......هههههههه ربي يعينها............جاهزين ولا؟؟...............أهااا.....................خلاص ربع ساعه أحنا عندكم.............ماتقصرين يا أم وافي.................يسلمك..........حافظك ربي............مع السلامه,
    سيف: ها وش قالت؟؟
    لمى: ينتظرونا
    سيف: يلا مشينا
    "في السيارة"
    لمى: تاكل زين سيوف؟؟
    سيف: أيوه ليه؟؟
    لمى: لأن أكثر المخطوبين ماياكلون زين ويطلع عندهم أنيميا ويصير عدم توافق في التحيل
    سيف بخوف: لالا آكل زين,,حنين تآكل زين؟؟
    لمى: هههههههههههههههه ياعيني,,أيوه أمها مو مخليتها قبل شوي لمن أتصل تقول أنها جالسه تأكلها
    سيف: ماتقصر عمتي
    لمى تناظره بنص عين: ما أتفقنا ع هالألقاب
    سيف: لاحول لموه أعقلي عني
    لمى: ههههههههههههه طيب
    سيف: شنو أقول إذا ركبو السياره؟؟
    لمى: سلم وأسأل عن حالهم طبعا لا تكلم حنين كلم أم وافي
    سيف: أوكي,,بس؟؟
    لمى: لايكون بعد تبي تسلم ع حنين وتتباوس معاها وتجلسها معك قدام
    سيف: ياليت والله
    لمى: هييييي أستح أنتو رايحين للتحليل ما ملكتو
    سيف: آآآآآه,, أقول قربنا نوصل رني عليهم
    لمى: هههههههههههههه طيب

    :*:*:*:*:*:*:*:*:*:*:*:*:*:*:*:*:*:*:*:*:*:*:*:*

    نحرق أعصابكم شوي ونروح لمدرسة البنات الساعه 8ونص نهاية الحصه الثانيه ...
    طلعت الأبله رانيه طواااااااااااااالي مدت يدينها بكل ماعندها ...
    رزان: هههههههههههههههههههههههه بسك رانيوه لاينشق مريولك
    رانيه: خليني أبي أتنشط
    دانا: خلاااص رانيوه لاينفسخون أياديك
    رانيه: ياويلي اليوم صاير يلوع الكبد كأنه السبت مو الثلاثاء
    مرام: لأن حضركم ماخدين إجازه الأمس
    رانيه: كيف المدرسه بدوننا؟؟
    مرام: هو مو بس أنا كل بنات الفصل أفتقدوك
    رانيه: أحم أحم
    دانا: ياسلاااااااام وأنا
    رانيه: أفتقدوك بس ع خفيف صح مرام؟؟
    مرام: ههههههههههههههههه أنا عن نفسي أفتقدكم كلكم بس البنات متعودين ع رانيوه هي اللي تسوي الجو
    رزان: هي بس في المدرسه في المطار تسدحنا من الضحك عليها
    رانيه: هههههههههههه ماتوقعت أني أبكي
    دانا: هو ع أنك بكيتي بس ع قولت هنادي لاعبه دور المنقده رنوش
    رانيه: هههههههههههههههه هنادي تجنن هالمره مايبين عليها متزوجه وعندها أولاد
    رزان: تجنن لأنها زيك ما أتخيل أنتي معاها تجلسون في مكان واحد
    دانا: عزات الله أنفجرت بطوننا من الضحك
    مرام: حتى أنتي ورزان حاشتكم العدوه صرتو زيهم
    رزان: ههههههههههههه حتى فهد لاحظ يوم الخميس ع السفرة يآآآآآآآآآه وناسه دموع تطيح من الضحك هنادي ورشود ولد خالتي
    رانيه: خساره مايمديني أجي معكم
    دانا: مو شرط تنغدى مع الرجال سوا بس الفتره اللي راحت عشان فهد وفيصل وطول الوقت بعباياتنا
    رانيه: والله فاضيين بعباياتكم أنا وعبيروه نلبس قميص طويل وواسع مع بنطلون وحجاب أو مشمر
    الكل: هههههههههههههههههههههههههههههههههههههههههههههههههه هههه
    مرام: ياويلي أشكالكم تحـــفه أجل
    رانيه: تحفه قولي خلاص تعودنا,,إلا شخبا الهيئه؟؟
    دانا-رزان: ههههههههههههههههههههههههههههههههههههههههههههههههه
    مرام: أي هيئه!!
    رانيه: عندهم ولد خاله اللي هو زوج هنادي مره متشدد خلانا نتغطى في الكورنيش والشباب يمشون معانا
    مرام: ههههههههههههههههههههههههههههههههههههههههه
    رانيه: ويرضى تجلس هنادي معاكم ع السفرة والشباب موجودين؟؟
    رزان: أيوه تخيلي كم سنه هنادي ويانا8سنوات بنتنا وبذات مع راشد كأنها أخته لأن ساكن تحت وهم فوق راسه
    رانيه: أقول لكم تجنن هالمره
    دانا: خل هنادي تجي تسمع هالمدح
    رزان تناظر في ساعتها: كأنها تأخرت المعلمه
    شوي ودخلت وحده من الطالبات: المعلمه غايبه
    البنات: هييييييييييييييييييييييييييييييييييييييييييااااااا اااااا كللللللللللللللللللللللللللللللللللللللللللللللللل للووووووووووووووووووووووش عااااااااااااااااااااااااااااشو
    وبدأت الفوضه تكلمت رانيه وكلهم سكتوو ...
    رانيه: أحنا راح نجلس ع الأرض بمعنى أصح كرسي الأعتراف نختار وحده ونستلمها بالأسئله اللي يحب يتفضل معانا
    أغلبية البنات راحو مع رانيه وماخلص كرسي الأعتراف إلا الدموع أربع أربع عاد تعرفون رانيه سألت البنات كل اللي جاء ع بالها وكالعاده فاسخه الحياء ومطيحه الميانه مع الكل مع أن كان في معلمات يتفرجون وهي ولا عندها فيها بعد ...

    :*:*:*:*:*:*:*:*:*:*:*:*:*:*:*:*:*:*:*:*:*:*:*:*

    نرجع لبيت أبو وافي الساعه 7:14ص كانو أم وافي وحنين يفطرون وهم ينتظرون سيف ولمى عشان يروحون للتحليل كانت حنين حدها متوتره بعد شوي راح تكون في السياره مع سيف وأعصابها تالفه ووجها يطلع نار وأمها تهديها ...
    فاجئهم صوت الجرص ...
    أزهار: غريبه حنين قالت أنهم راح يوصلون عقب ربع ساعه
    حنين: يمكن نازله تسلم
    أزهار: لحظه بشوف
    حنين..خديت لي نفس طويــل أبي توتري يروح شوي وسندت راسي ع الجدار أبي أسترخي فاجئني صوت أمي كأنها تصارخ تهاوش حد بسرعه لفيت لفتي وقمت ...

    :*:*:*:*:*:*:*:*:*:*:*:*:*:*:*:*:*:*:*:*:*:*:*:*

    ((هذا الجزء
    -سفر فيصل وفهد وفارس ثلاثه من أبطالنا تتوقعون شنو التغيرات اللي راح تصير؟؟!!
    -خالد وسمانه شنو راح يكون مصيرهم؟؟!
    -عايشه ورفضها لزواج خالد وسمانه دافعها الحقد والحسد تتوقعون راح تقدر توقف الزواج؟
    -رزان والجو اللي تعيشه تتوقعون في حد يقدر يغيره؟
    -تتوقعون مين اللي جاي بيت أبو وافي وشنو اللي يخلي أزهار تصارخ وتهاوش؟
    يعطيكم ألف عافيه
    تابعونا
    تحياتي))

    .
    .
    .

    .:دانهـ العشآق22:.
    ~.. ]]دانهـ [[ .. بعين كل من يـhــواني ..~

    .
    .
    .

    .:دانهـ العشآق22:.

  2. #32
    عضو فضي الصورة الرمزية مجنونة وحلوة
    تاريخ التسجيل
    Jul 2009
    الدولة
    في خيـــــــــــالي
    المشاركات
    839
    شكراً
    0
    تم شكره مرة واحدة في مشاركة واحدة
    معدل تقييم المستوى
    323

    رد: روايتي الأولى ::ذايب في هواهم::

    هلا والله...ْ}
    ننتظر الأجزاء البقيهـ بشوووووووووق...........{~
    تحياتي... مجنونة وحلوة..}.؟}

    مشكوووور اخووي ابوو احمد على التوووقيع الجميل

  3. #33
    عضو متميز الصورة الرمزية دانهـ العشآق
    تاريخ التسجيل
    Sep 2009
    الدولة
    أرض الله الواسعه
    المشاركات
    209
    شكراً
    0
    تم شكره مرة واحدة في مشاركة واحدة
    معدل تقييم المستوى
    181

    رد: روايتي الأولى ::ذايب في هواهم::

    أهلين في غاليتي مجنونه

    عوافي غناتي ع المرور

    ولعيونك راح أنزل هالبارت

    .
    .
    .

    .:دانهـ العشآق22:.
    ~.. ]]دانهـ [[ .. بعين كل من يـhــواني ..~

    .
    .
    .

    .:دانهـ العشآق22:.

  4. #34
    عضو متميز الصورة الرمزية دانهـ العشآق
    تاريخ التسجيل
    Sep 2009
    الدولة
    أرض الله الواسعه
    المشاركات
    209
    شكراً
    0
    تم شكره مرة واحدة في مشاركة واحدة
    معدل تقييم المستوى
    181

    رد: روايتي الأولى ::ذايب في هواهم::

    ذايب في هواهم

    ((الجزء الثامن))
    بسم الله الرحمن الرحيم

    ((المستجدات في هذا الجزء
    -سمانه ومصيرها المجهول مع خالد ...
    -لاتنسون سيف ولمى في طريقهم لبيت أبو وافي ...
    -حنين وأزهار ينتظرون سيف ولمى مين اللي جاهم وخلى أزهار تعصب ...
    تابعونا))

    نبدأ
    "عرفت أبكي من الفرحه..عرفت أضحك من الأحزان..عرفت أن الدموع أصدق وأرحم من يواسيني..عرفت أن الوهم دربي ولابه من يقدرني..عرفت أنك أمل عمري وأنا دايم عليك ولهان"

    :*:*:*:*:*:*:*:*:*:*:*:*:*:*:*:*:*:*:*:*:*:*:*:*

    الساعه 7:19ص في فيلا أبو وافي ...
    حنين..خديت لي نفس طويــل أبي توتري يروح شوي وسندت راسي ع الجدار أبي أسترخي فاجئني صوت أمي كأنها تصارخ تهاوش حد بسرعه لفيت لفتي وقمت سمعت صوته يقول ...
    : حرام عليكم تزوجونها أنا أبيها"وهو يدف أزهار: ماتفهمين أنا أبيهاا
    أزهار: تصرفك هذا يدل ع أنك مو رجال لو كنت رجال ما كلمتني بهالطريقه وأنا خالتك ولا دخلت بيتي كذا روح الله يسهل دربك البنت جاها نصيبها وبعد شوي راح أروح معاها للتحليل مانبي فضايح روح
    سعد: فضلتو الغريب علي ياخالتي
    أزهار: لو أنت تبي البنت كان جيت خطبتها من زمان وأنت عارف أن الخطاب يتقدمون لها وأي واحد يكون مناسب وولد ناس راح نوافق عليه
    سعد: مايخصني تكنسلون الموضوع وراح أتقدم لحنين
    أزهار: لعب جهال هو خلاص قلت لك بعد شوي بنروح للتحليل
    سعد..صحيت ع كفف لفيت وجهي ...
    وافي: مو أنت اللي تاخد أختي أختي ماياخدها إلا رجال سمعت
    سعد: رجال غصب عنك وبعدين أنت بزر مالك في هالسوالف
    وافي ضحك بسخريه: بزر يمكن عمري أصغر منك بس ما أنزل لمستوى عقلك
    سعد بصراخ: باخدها تسمعون باخدها وطلعه من البيت ماراح تطلعون
    وافي طلعه برى وكان سيف توه واصل مع لمى ...
    سيف..طول المشوار كنت ضابط أعصابي بس وصلنا قريب بيتهم حست أن الدركسون بيفلت مني ودقات قلبي تسارعت أنتبهت وافي يتهاوش مع واحد نزلت من السياره لفتت نظري حركته وهوي يأشر علي باستخفاف ...
    سعد: هذا الحقير اللي فضلتوه علي
    سيف نزل من السياره: وافي فكه منك هدو مايصير كذا
    وافي بعصبيه: ويصير هذا الحقير بنذالته يبي يوقف خطوبتكم أنت وحنين
    سيف..مجرد أني سمعت جملة وافي كأن حد ضاربني خلاص حسيت أني لا يمكن أفرح في يوم لازم شي يصير يخرب علي فرحتي الحين ولد خالة حنين من وين طلع لي وهدى يارب ساعدني يارب ...
    أزهار طلعت بعبايتها: ماراح يتوقف شي والحين راح نروح وتحللون أنت وحنين
    سعد: وأنا ياخاله تفضلين الغريب علي
    أزهار: هالغريب اللي تتكلم عنه إذا ربي أراد وتوافق التحليل راح يصير زوج بنتي وهالغريب مامد يده ع خالته ولا ع أمه هالغريب ماسمعنا عنه طالع من سجن هالغريب ماسمعنا عنه وعن أهله إلا كل خير هالغريب يوم بغى البنت تقدم لها ما أنتظرها تنخطب وجا يفرض رايه عليها و ع أهلها
    سعد: كل هالعيوب طلعت فيني أنا لكن أنا قلت راح أمشي بس هالكلام ماراح يعدي ع خير ياخالتي"وركب سيارته"
    أزهار: يعطيك العافيه ماقصرت نكدت علينا"صرخت: سيييييييييييييييييييييييييييييييييف
    سيف نط فوق كبوت السياره بحركه سريعه وسعد راح بسرعه جنونيه
    وافي ساعد سيف عشان يقوم من ع الأرض: أسمح لنا ياسيف
    سيف: لايا وافي مابيننا هالكلام
    وافي: تفضل معي المجلس
    سيف: لاماله داعي لمى في السياره
    وافي: لمى تدخل مع أمي أنت تعال معي المجلس "ودخلو سوا"
    أزهار طقت نافدة لمى في السياره: السلام عليكم
    لمى: وعليكم السلام
    أزهار: تفضلي داخل البيت حبيبتي
    لمى: وين سيف؟!
    أزهار: ماعليش أسمحو لنا بس المجنون سعد جا وفاجئنا,,تطمني سيف بخير في المجلس مع وافي تفضلي معاي حنين مامعها أحد وقاتله عمرها بكي
    لمى دخلت مع أم وافي لقت حنين ع باب الصاله تبكي ...
    أزهار: حنون يما ماصار شي
    حنين: ماما أنا عله ما أقدر أفرحكم لازم تجي مصيبه في اليوم اللي تفرحون لي فيه
    أزهار: ياماما هذا أختبار من رب العالمين وأن شاء الله خير أشربي مويه حبيبتي
    لمى: يلا عاد حنون ماشفنا عروس تبكي
    حنين: وما في واحد يرضى ببنت قاله ولد خالته أنه يحبها ويضربه عشانها
    لمى وأزهار ناظروها بذهول ...
    لمى: حنون حبيبتي سيف رجال ماراح يرد في كلامه وبعدين هو متمسك فيك
    حنين: وأنا مو أنانيه عشان آخد واحد ممكن أنه يتعرض للخطر بسببي
    أزهار: حنيــن أنجنيتي أنتي!!
    لمى: حنين هدي أعصابك لاتتخدين قارات وأنتي معصبه صدقيني ماينفع ويمكن تندمين
    حنين تنهدت: مدري يمكن الولد مايبيني عقب اللي صار
    لمى..عافه اللي تفكر فيه حنين وعاذرتها فيه لو أنا مكانها كان فكرت نفس التفكير صعب أن البنت يصير لها هالموقف وهي رايحه تحلل هي الحين في موقف صعب تحاتي نتائج التحيليل وتحاتي موضوع ولد خالتها ومو عارفه تفكير سيف شنو راح يكون لو مثلا أنه غير رايه بتنصدم البنت عندها تعيف الرجال ولا هو يعيفها ماتبي تحسس نفسها أنها رخيصه لكن ما راح أخلي هالسالفه تأثر ع خطبة سيف وحنين ...
    أزهار: لمــى
    لمى: هلا
    أزهار: وين سرحتي؟
    لمى: آسفه وش كنتي تقولين خالتي؟
    أزهار: حنون يما شوي بتكلم مع لمى
    حنين: عن أذنكم "ورقت الدرج"
    أزهار: لمى أنتي بنتنا وأحنا حسبة أهل ولا أحنا جديدن عليك ولا أنتي جديده علينا وبدون مقدمات راح أبدء
    لمى: أسمعك خالتي تفضلي
    أزهار: أنتي بنت ومن حقك تخافين ع أخوك وهذا شعور أي وحده فينا وكل وحده شعور طبيعي أنها تخاف ع أخوها ويمكن لو الله كتب وأخد سيف حنين ماراح تحسين أنك مطمئنه عليه وأنتي شفتي ولد أختي وجنونه ...
    لمى عرفت قصدها وبدفاع: لا ياخالتي مو أنا اللي تأثر فيني هالسوالف أحنا أهل لا أنا ولا سيف راح نغير راينا اللي صار قضاء وقدر وأنتو مالكم دخل فيه وممكن أنه يصير لأي حد وما أرضها ع حنين تتكنسل بهالسهوله خطوبتها عشان شي تافه
    أزهار: بس يالمى ..
    لمى: لا ياخالتي أنتي أم وعارفه أن هالكلام غصب عنك بس ترى صدقيني لا أنا ولا سيف راح نغير راينا وهالشي ماراح يلطع لأي حد من أهلنا وبعد شوي نروح للتحيليل ولا كأن شي صار
    أزهار: وسيف وحنين
    لمى: الحين راح أكلم حنين أسمحي لي برقى غرفتها
    أزهار: بيتك يايما
    لمى..فتحت باب غرفة حنين بهدوء لقيتها جالسه بصمت وحاضنه دبدوبها وسرحانه قلت ...
    لمى: شفيها الحلوة سرحانه؟
    حنين: تخيلي يالمى ..
    لمى: لاتكملين ياحنين عارفه اللي تفكرين فيه وعاذرتك مو أنا اللي تخبين علي
    حنين ضمتها: ربي لايحرمني منك
    لمى دفتها بمزح: لا تقلبينها مناحه يلا أجهزي بنروح المستشفى تحللون ويارب النتائج تكون توافق عشان حنون تصير مرت أخوي
    حنين: بس ....
    لمى: لا بس ولا شي يلا تحركي قدامي يلااااا
    حنين: ههه طيب
    لمى: بنزل أجلس مع أمك 5دقايق أنتي نازله مفهوم؟
    حنين: أن شاء الله
    لمى..طلعت من الغرفه وأستقبلتني أم وافي وعيونها مليانه أسئله من حقها أم ...
    أزهار: خير أن شاء الله بشري؟
    لمى: خير حنون تجهز عشان بعد شوي نروح المستشفى
    أزهار: الحمد لله هم وأنزاح بس باقي النتائج نحاتيها
    لمى: الله يعين سيف قال بيطلعها في أقل من يوم لأن ثامر زوج جهان بنت خالتي دكتور في المستشفى
    أزهار: خير أن شاء الله أنا بكلم وافي,,هلا يما وافي.............الحمد لله بخير...............كيفه سيف.....................الله يطمنك..................هههههههههههه لازم يحاتي...................طمنه قله يجهز الحين بنروح...........................أوكي يالغالي.........................شوي ونطلع لكم....................مع السلامه,
    حنين..سميت بسم الله وركبت السياره صرت ع الطرف خلاص قلبي مو قادر يوقف أسمع أمي ووافي وسيف يسولفون ولمى تشاركهم ع خفيف بس مو عارفه شيقولون مو قادره أركز ع شي اللي أسمعه بس دقات قلبي أحاول أذكر ربي أردد الأذكار مو قادره أثبت ع شي ...
    سف..تشجعت أكثر من قبل يمكن عشان معي وافي بس ركبت تلخبط كياني توترت حتى السياقه مو قادر أثبت عليها أحاول أسولف أضحك أخبي توتري أبد ألقط كلمه وأضيع عشر تبادلت مع وافي لأني مو قادر أسوق الحمد لله أن خالتي حست ولا كان ما عدت هالسياقه ع خير ما أشوف شي قدامي ...
    لمى..أحس بنفس شعور حنون ربي يعينها يمكن لأني جربت من قبلها أو يمكن عشانها صديقة روحي الحمد لله جت ع بال أم وافي فكرة أن سيف يبدل مع وافي ولا كان رحنا في داهيه ...

    :*:*:*:*:*:*:*:*:*:*:*:*:*:*:*:*:*:*:*:*:*:*:*:*

    الساعه 12:40 في فيلا أبو تركي كانت رانيه راجعه من المدرسه ونازله في بيت جدها وخاربه الدنيا ...
    عبير: محترقه أعصابي يارانيوه أبي أروح معاهم لكن أخخخخ ياقهر لو ماعندي معهد كان أنا أول الواصلين
    رانيه: ويلي لا تذكريني أجل آخر عمري أنا رانيه يروح علي هالموقف المهم
    أم تركي: هههههههههههههههه الله يرجكم فجرتو راسي
    رانيه وهي تضرب ع فخدها: هضيمه ياجدتي هضيمه لكن آخر مره تحصل يصير شي مهم كذا و رنوش مو موجوده
    عبير: أتصلي ع لمى ماصار تحليل للحين ماوصلو
    رانيه: لمى الحين في بيتها مشعل ع وصول
    عبير: جب شوي,,هلا خالتي هلا حبيبي ياحي المعرس...............تعال البيت مشتاقه لك كثير...................إيش اللي تعبان تعال نفسي فيك.........................طيب طيب.........الليله تعال.................كيف!..................الليله بتاخد نتائج التحليل حركااات............بس أحلفك بأغلى ماعندك أنا أول وحده تبشرها.............................أوكي.........لا تنسى...........................الساعه كم بتروح المستشفى..........................الله يجيب الساعه 7بسرررعه يارب........ويفرحنا فيك ياسيفوه...........................مع السلامه,
    أم تركي: نامو ع ما يجيب تنائج التحليل صجيتو راسي
    رانيه تضرب راح ع راح: من وين يجينا النوم ياجدتي وأحنا نحاتي
    نهى: السلام عليكم
    أم تركي-عبير: وعليكم السلام
    رانيه تساسر عبير: إذا حظرت الشياطين دهبت الملائكه قومي قومي بس
    عبير تساسر رانيه: وأمي مسكينه نخليها مع هالـ أستغفر الله
    رانيه: ذيبه أم تركي لا تهاب المخاطر قومي أنتي
    عبير: ههههههههههههههه طيرزان شايفتها عشان لا تهاب المخاطر قومي يلا
    "قامو سوا"
    نهى بلقافه: ع وين؟
    رانيه تحقرها: أسمحي لي ياجدتي أنا مصدعه ولا لي خلق حد ينكد علي عن أذنك
    عبير تكتم ضحكتها وتقرص رانيه: عن أذنكم
    أم تركي: أذنكم معكم نامو زين
    عبير-رانيه: أن شاء الله
    نهى: عبير تطلعين معي الليله؟
    عبير: أسمحي لي معي رانيه وننتظر نتائج تحيليل سيف وأحتمال نطلع السوق خليها مره ثانيه
    نهى: أوكي
    رانيه رمت نفسها ع سرير عبير: عبيروه قولي لي من وين نازل عليها الحب هالعقربه؟
    عبير: مدري عنها من أسبوع وهي صايره طيبه
    رانيه: ياويلي أخاف بس تسوي فيك شي تختطفك ولا شي لاتطلعين معاها
    عبير: هههههههههه وحش هي رانيوه أعقلي
    رانيه: تصدقين مو حاسه أن بكره الأربعاء
    عبير: لأنك فالتها في هالأسبوع ياغياب ياتروحين المدرسه وتخربين الدنيا
    رانيه: محلاها بس لو أقول لك اليوم وش سوينا تموتين من الضحك ونااااسه
    عبير: لا تذكريني بأيام المدرسه من جد حنيت لها
    رانيه: يبي لي أدور لي يوم أصطحبك فيه
    عبير: هههههههههههههههه خبله قولي وش سويتو؟
    رانيه: أسمعي...........

    :*:*:*:*:*:*:*:*:*:*:*:*:*:*:*:*:*:*:*:*:*:*:*:*
    ~.. ]]دانهـ [[ .. بعين كل من يـhــواني ..~

    .
    .
    .

    .:دانهـ العشآق22:.

  5. #35
    عضو متميز الصورة الرمزية دانهـ العشآق
    تاريخ التسجيل
    Sep 2009
    الدولة
    أرض الله الواسعه
    المشاركات
    209
    شكراً
    0
    تم شكره مرة واحدة في مشاركة واحدة
    معدل تقييم المستوى
    181

    رد: روايتي الأولى ::ذايب في هواهم::

    الساعه 5:40م كانو البنات طالعين السوق(سمانه-غدير-سحر)ومعاهم أم خالد ...
    أم خالد: الله يهديها أم طارق
    سمانه ترقع: لا هي كان ودها تجي معانا بس عندها شغل أنتي تسدين ياخالتي
    أم خالد: تسلمين يايما,,الله يوفقكم يارب
    الكل: آميــن
    سحر: سمسوم الإضافات اللي شريناهم اليوم راح نوديهم للمصممه
    أم خالد: ماخلص هالفستان؟
    غدير: وين يما يمكن بعد شهر لو ثلاثه اسابيع يخلص
    أم خالد: أهم شي الفستان حق الملكه لأنها الخميس ماباقي شي
    سحر: تطمني يما كل شي أوكي أن شاء الله راح نخلص كل شيء قبل يوم الزواج
    أم خالد: الله يهديهم بس مستعجلين كل ششي حددوه بسرعه يلا الله يتمم ع خير
    الكل: أن شاء الله
    أم خالد: سمانه يما لاتستحين عديني أمك أي شي تحتاجينه لايردك إلا لسانك
    سمانه: ماتقصرين ياماما
    سمانه..كنت مبسوطه وأنا أمشي وأسولف معاهم مبسوطه لأنهم يعاملوني زي وحده منهم في نفس الوقت منحرجه من أختي اللي مافكرت تجي معاي هي وأمها الله يسامحهم أستحيت وأنا أرقع لهم صرت كذابه بس عشان لاحد يعرف أن أختي ومرت أبوي مو قد المسؤليه أنصفعت ع راسي لمن أنتبهت ...
    لمياء بوقاحه: ماشاء الله الأخت سمانه لقت لها ناس يروحون معاها السوق
    أم خالد: وعليكم السلام هلا والله لمياء
    لمياء: ماشاء الله أهنيك ياسمانه ع قدراتك قدرتي ترزين وجهك عند ناس وتبينين لهم أنك ضعيفه ومسكينه وأخدتي ولدهم حلوو
    سمانه: لو سمحتي لمياء....
    لمياء: آآآه لو سمحتي أسلوب رائع ومفيد لكسر خاطر الناس حافظه مثالياتك باي صاحباتي يتنظروني وسوري لا تمشين قريبه مني لأن صاحباتي قربو يوصلون مايشرفني أنهم يعرفون أنك أختي "ومشت وهي تطقطق بكعبها العالي"
    سحر: الحمد لله والشكر
    غدير..كلنا ننتظر ردة فعل سمانه فاجئتنا ...
    سمانه: السموحه ياخالتي أمسحيها في وجهي
    أم خالد: لا يابنتي لا تقولين هالكلام الله يعينك أن شاء الله خالد يسعدك ويعوضك أشهد أني أخترت لولدي جوهره وماغلطت ولا راح أندم

    :*:*:*:*:*:*:*:*:*:*:*:*:*:*:*:*:*:*:*:*:*:*:*:*

    أخيرا هبطت الطائر في فرنسا ووصلو أبطالنا بالسلامه ...
    كانو تعبانيـــن حيل من المشوار دخلو البيت وكل واحد رمى نفسه من جهه ...
    فارس: وصلو الشنط زهقااان أقوم أفتح للعامل الباب
    فيصل: من اللي فاضي يقوم"وعلا صوته: تفضل تفضل صديق
    فهد: ههههههههههههه فيصلوه الله يغربلك أحنا في فرنسا مو في السعوديه عشان تقول صديق
    فارس: ههههههههههههههههههههههه تحفه أنت فيصل
    فيصل: سدو حلوقكم"وعلا صوته: تفضل
    العامل: شكرا,,أين أضعها
    فيصل: ضعها هنا من فضلك
    العامل: إذا أحتجتم أي شيء نحن في الخدمه
    فيصل: شكرا
    العامل: عفوا مع السلامه "وسكر وراه الباب"
    فهد جلس يركب شريحته الفرنسيه وفيصل وفارس يناظرونه ولا لهم خلق يسوون شي هلكانين ...
    فهد: هلا ماماا
    مريم: هلا حبيبي هلا بالغالي,,شلونك ماما؟؟
    فهد وبدأ يتغير صوته: بخير ياماما أسأل عنكم وشلونكم وشلون رزان وأبوي وعمتي وخالي وريهام ومها وأسامه وطلال ورشود والبنات
    مريم: ياقلبي حنون مانسيت حد تمام ياماما كلهم يسألون عنك,, متى وصلت ماما
    فهد: تسأل عنهم العافيه يارب,, توني قبل ربع ساعه وصلت
    مريم: فيصل وفارس كيفهم عارفه فيصل مايتحمل المشاوير
    فهد: ياماما بخير تعود
    مريم: الحمدلله
    فهد: معك فيصل ماما
    رزان من سمعت أن فهد بالجوال مع أمها طوالي سحبت الجوال: هلا حبيبي هلا عمري"وبدأت تبكي: كيفك مع الغربه عسى مرتاح متى وصلت؟؟أكلت زين أو لأ؟؟متى تبدأ دراستك؟؟
    فيصل: أأ هلا وغلا
    مريم سحبت الجوال من رزان: جيبي لا تبكين ولدي كفايه أن هو في غربه,,هلا ماما
    فيصل تلعوز: أأ هلا عمتي كيفك؟؟
    رزان طواااااااااااااااااااااااااااااااااااااااااالي هربت غرفتها ...
    مريم: هلا ماما لا يكون بس رزان بكت لنا فهد؟؟
    فيصل تورط: لالالا عمتي بس أأ أنا بغيت أكلمك
    مريم: ما تقصر ياولدي أرتاحو نامو زين وأكلو زين ما أوصيكم ع بعض وسلمو لي ع فارس
    فيصل: ماتقصرين ياعمتي يعطيك العافيه
    مريم: مع السلامه حبيبي
    فيصل: مع السلامه "وقفل"
    فيصل..قفلت الجوال وحضنته لا إرادي وسندت راسي ع الجدار ياقلبي تهبل بس أكيد أستحت لمن سمعت صوتي أحسن أحب أخليها تستحي ياحلوها وهي محمره من الحياء تهبل ياقلبي هي ...
    فارس يساسر فهد: هههه تعال شوف ولد عمتك أستخف ولا شي يحضن في الجوال ويتبسم
    فهد بنفس الهمس: ههههههه ياويلي أحنا في فرنسا مو ناقصين مستشفيات مجانين وحاله
    فارس بنفس الهمس: أنا أراويك في"قال برومنسيه: فيصــل
    فيصل برومنسيه: ياعيونه ياقلبه يارووووحه
    فهد ما قدر يكتم ضحكته راح الغرفه وهو حاط يده ع فمه ...
    فارس بنفس الرومنسيه: ممكن تلب
    فيصل: عيووووني"رفع راسه أنتبه لفارس: وأنت وش جيبك هنااا ياجلف أقول أنقلع
    فارس ضرب راح ع راح: راح فيها الولد وعليه السلام
    وبدأ المناقر وتوزعو الشباب اللي راح يكلم أهله واللي راح يتحمم واللي طلع يشتري عشاء ...

    :*:*:*:*:*:*:*:*:*:*:*:*:*:*:*:*:*:*:*:*:*:*:*:*

    الساعه 10:00م في فيلا عبد العزيز...
    رزان..ركبت غرفتي وأنا أنفخ من الركض ع الدرج ياربي فيصل سمعني وأنا أبكي ولا بعد أتغزل الحين بيقول عني متعمده الله يهديه فهود وش سوى فينا لمن سافر الله يرجعه بالسلامه يارب ...
    طالعت في الشاشه أبتسمت دانوه أكيد حست وأتصلت فيني: هلا دانينوو
    دانا: هلا وغلا هلا فيك
    رزان: ياربي دانو توني راقيه الدرج ثلاث ثلاث
    دانا: ههههههههههههههه فيصل مو هنا عشان نقول صار لك آكشنات ولا شي غردي وش صار
    رزان: هو هنا ولا هناك لازم تصير لي هالمواقف
    دانا: ههههههههههههههه قولي وش صار
    رزان: رحت سحبت الجوال من عند أمي وأنا أتغزل وأبكي في النهايه يطلع فيصل مو فهد
    دانا: هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههه ياويله أخوي راح فيهاااا
    رزان: حرام عليك الحين بيفكرني متعمده
    دانا: فيصل عارفك أكثر من نفسه تلاقيه مستانس لأنك أنحرجتي
    رزان: ياربي,,وش جالسه تسوين؟؟
    دانا: بروحي كالعاده ملوك ع النت وعهد في غرفة المكتبه تذاكر
    وبدأت النشره بين دانا ورزان كل وحده تقول للثانيه وش صار لها طول اليوم ...

    :*:*:*:*:*:*:*:*:*:*:*:*:*:*:*:*:*:*:*:*:*:*:*:*

    الساعه 8:40م في فيلا أبو خالد ...
    خالد..كنت في الكتب داير للجدار وأكلم مبارك قفلت الجوال ع صوت شدخة الباب ورحت أركض وراء الجوهره ...
    خالد: جوهره وش فيك زعلانه جوهره كلميني
    الجوهره وصلت غرفتها وتوها بتسكر الباب دخل خالد وجلس ع سريرها ...
    خالد: وش فيك جوهره من مزعلك؟
    الجوهره: أنت أناني ما أحبك ما أحبك
    خالد..أختي الصغيره تربيتي وعارفها مو من هنا والطريق بتقول لي ما أحبك ...
    خالد: عيب جوهره ليه ماتحبيني شنو سويت أنا؟؟
    الجوهره: تذكر الكلام اللي قلته في المكتب وبتعرف شنو سويت
    خالد..جا في بالي الكلام اللي قلته بس ما أتوقع سمعتني الجوهره محد يعرفها كثري الحين بعرف منها السالفه ...
    خالد: طيب وش رايك تغسلين وجهك وأطلع معك الحين؟
    الجوهره: ما أبي أطلع معك
    خالد بدأ يعصب: جوهره تكلمي وش صاير ما أعتقد أني سويت جريمه عشان تكلميني بهالطريقه
    الجوهره: ليه ياخالد دامك ماتبي البنت ليه وافقت عليها ليييييييه؟
    خالد..ياربي حتى الجوهره بتلومني المشكله هي صغيره مو مثل أي وحده من خواتها بتتفهم الوضع آآه يالجوهره حطيتي يدك ع الجرح ...
    خالد: مين قال لك أني ما أبيها؟
    الجوهره: لأني صغيره تبي تقنعني أنك تبيها تطمن أنا عارفه كل شي
    خالد: حبيبتي أنتي صغيره ع هالسوالف غسلي وجهك وألبسي بطلع معك تغيرين جو
    الجوهره بدأت تبكي: كل شي قلتو لي أنا صغيره مو حاله وياكم أبي أروح مع خواتي السوق قالو لي بعدك صغيره أبي أروح معاهم لسمانه قالو لي بعدك صغيره وأنت تعاملني ع أني بزر في الروضه ما كأن عمري 13سنه
    خالد ضمها: طيب حبيبة أخوها وش فيها زعلانه؟
    الجوهره: أنا مو زعلانه عشان نفسي أنا زعلانه عشان سمانه
    خالد: وش فيها سمانه؟
    الجوهره: سمانه طيبه ونتحب بس مرت أبوها دوم تضربها وما تعاملها زين
    خالد: طيب حبيبتي أن شاء الله راح تجي بيتنا وأحنا بنعاملها زين صح أو لأ؟
    الجوهره: بس أنت ما تبيها
    خالد: الجوهره كبري عقلك شوي بتكلم معك كلام أكبر منك وهو اللي أنتي تبين تعرفيه
    الجوهره: طيب أسمعك
    خالد: أنا مو رافض سمانه ولو ما تقدمتو لها أنتو كان أنا من نفسي خليتكم تخطبونها لي بس أنا رافض الطريقه اللي راح يزوجوني فيها بذمتك تحسينها عدله؟
    الجوهره: لأ
    خالد: هالطريقه البدائيه في الزواج ماتصير في مجتمعنا أحنا عندنا لازم فترة خطوبه يتعرفون فيها العروس والمعرس ع بعض شوفي عاد كم فترة الخطوبه أحينا إذا زادت حتى أربع سنوات توصل وأنا خطوبتي شهر وفارضين رايهم علي تتوقعين شنو بيكون موقفي عمري ما أنجبرت ع شي أهم قرار في حياتي يجبروني عليه
    الجوهره: .....................
    خالد: فهمتي موقفي الحين؟
    الجوهره: بس تكفى خالد عامل سمانه زين ترها طيبه وحبوبه
    خالد: أن شاء الله,,زعلانه مني؟
    الجوهره هزت راسها بالنفي: أبدا أنت أحلى أخو في الدنيا
    خالد يبي يلطف الجو: حلوة سمانه؟
    الجوهره: أهي بس حلوة تطيح الطير من السماء
    خالد: ياويلي شوي شوي علي مقدر ع الحلوين
    الجوهره: هههههههههههههههههههههه

    :*:*:*:*:*:*:*:*:*:*:*:*:*:*:*:*:*:*:*:*:*:*:*:*
    ~.. ]]دانهـ [[ .. بعين كل من يـhــواني ..~

    .
    .
    .

    .:دانهـ العشآق22:.

  6. #36
    عضو متميز الصورة الرمزية دانهـ العشآق
    تاريخ التسجيل
    Sep 2009
    الدولة
    أرض الله الواسعه
    المشاركات
    209
    شكراً
    0
    تم شكره مرة واحدة في مشاركة واحدة
    معدل تقييم المستوى
    181

    رد: روايتي الأولى ::ذايب في هواهم::

    الساعه 7:00م في فيلا أبو تركي ...
    بالتحديد في غرفة عبير كانو عبير ورانيه نايمين وصحاهم صوت المنبه ...
    عبير بصوت كله نوم: رانيووووه قفلي منبهك لا أذبحك
    رانيه: هيييييييي عبيروه قومي عندنا موعد مهم
    عبير: أففففف وش موعده بعد
    رانيه: الحين سيوف بيروح يجيب النتائج من المستشفى
    عبير قامت ع طولها: صح ذكرك الله بالشهاده بتصل له,,هلا سيوف خاله
    سيف: هلا والله
    عبير: سيوف جبت النتائج؟
    سيف: لا أنا في الطريق
    عبير: أمانه تجي البيت كل الشعب هنا
    سيف: ههههههه أن شاء الله
    عبير: ننتظرك هااا
    سيف: أوكي أنا نازل المستشفى باي
    عبير: باي "وقفلت"
    رانيه: أحملي كتاب الأدعيه وسجدات وجلال صلاة
    عبير: ليه؟
    رانيه: عشان ندعي التحليل يطلع أوكي حتى لو فيهم مرض وراثي أو عدم توافق الله يعميهم عنه ويملكون
    عبير: صادقه
    رانيه: أووووه نسيت أحملي بعد شريط طقاقات
    عبير: ليه؟
    رانيه: عشان إذا طلع توافق نزف سيف
    عبير: هههههه كيف راحت عن بالي يلا خلصي عشان ننزل
    "نزلو رانيه وعبير وكل وحدة بيدها العده وكل وحدة لبست جلال الصلاة وسلمو"
    أم تركي: من وين نازل عليكم الإيمان؟
    عبير: وش فيك يايما عشان ندعي يطلع تحليل سيف وحنين أوكي
    أم مشاري: ماشاء الله وأنا أقول وش هالنشاط وليه الأشرطه والأستيريو؟
    رانيه: عشان نسوي زفه لسيف إذا وصل
    أم فارس: هههههههههههههههههههههههه
    أم تركي: لا ياعمري لا تسمعونا أغاني
    رانيه: لا جدتي عبد المجيد أغانيه مو حرام
    أم تركي: ليه أن شاء الله؟
    رانيه: يقول عسى الله مايجيب عتاب ولابعد وهجر وغياب عسانا مانتفارق يوم عسى دايم نكون أحباب ...
    عبير: أحباب..من الدنيا وش المطلوب سوى راحة فكر وقلوب وخل في هواه أذووب وهو مثلك بخلك ذاب ...
    رانيه: عسى الله مايجيب عتاب ولابعد وهجر وغياب عسانا مانتفارق يوم عسى دايم نكون أحباب..عسى تسلم وتبقى لي فرح دنياي يالغالي ...
    عبير: في قربك ياهنيا لي تهنيت وزماني طاب ...
    رانيه: عسى الله مايجيب عتاب ولابعد وهجر وغياب عسانا مانتفارق يوم عسى دايم نكون أحباب
    أم تركي: بــــــــــــــــــــــــــس
    جاسر: هي لا تعلمون أمي ع الأغاني
    وائل: باكر نشوف جدتي تجمع صور راشد الماجد ولا شي مو ناقصين غيرة جدي
    أم تركي: مغسول وجههم بمرق هالجيل
    رانيه: طالعين عليك جدتي
    الكل: ههههههههههههههههههههههههههههههههههههه
    أم تركي: ماتستحي هالبنت أبد
    رانيه تسوي نفس أسلوب جدتها وتضرب راح ع راح: أبد
    الكل: هههههههههههههههههههههههههههههههههههه
    مشاعل: السلااااااااااااااااااااااااااام عليكم
    الكل: وعليكم السلاااام
    جهان: السلاااااااام عليكم
    الكل: وعليكم السلاااام
    رانيه: لاحول صارت شغلتنا نرد السلام وبس خلو مسجل ولا شي لو نجلس من هنا لبكره ما بنخلص
    أم فارس: سبحان الله العرايس جو سوا
    عبير: ويه خيووو خبرك عتيق أنتهت مدتهم الحين دور حنين
    مشاعل: لا والله أنا أجدد من جهانوه
    جهان: سكتي الفرق بين زواجي وزواجك شهرين و4أيام
    رانيه: إلا شخبار البيبي؟
    جهان أستحت: بخير يسأل عن بنت خالته
    رانيه: بسمع صوته
    جهان: وخري عني مقدر أحد يلمس بطني هههههههههههههههه رانيوه وخري هههههههههههه رانيوه هههههههههه
    رانيه: ههههههههههه كل هذا عشان لمست بطنك كيف تغارين إذا حد لمس بطنك؟
    جهان: يجيني هوس ضحك
    رانيه سمعت صوت الباب ينفتح تركت جهان وراحت ركض: هلااااااااااااا سيف بسرعه بسرعه بشر
    عبير: أنا بيبشرني قبل قول يلا
    سيف: لا أنتي ولا هي الغاليه"باس راس أم تركي: الحمد لله جدتي توافق
    الكل: كلللللللللللللللللللللللللللللللللللللللللللوووووو ووووووووووووووووووووووووش هيييييييييييييييييييييييييييييييي لا إله الله
    عبير: حد منكم شاف بالدنيا بدر مقبل يمشي ومن حوله بشر من حلاه........
    الكل كان منشغل بالتبشير والغايب يعلم الحاظر مافي إلا رانيه مسكت جوالها وصراخها مفزع الدنيا
    رانيه بصراخ ممزوج مرح: مبروووووووووووووووووووووووووووووووووووووك توافق
    حنين: .................................
    رانيه: خلاص صرت حماتك ههههههههههههههههههههههههه
    حنين: ......................................
    عبير: تكلم مين هالخبله؟
    أم تركي: رانيه تكلمين مين؟
    رانيه: العروس,,أقول حنون عادي ترى أسوي لك آكشنات أخليك تكلمين سيف أنتي أشري بس
    أم تركي سحبت الجوال منها وطلعت برى الصاله واللي في الصاله كلهم متسدحين ضحك ع حركة رانيه ...
    أم تركي: ألو
    حنين بحياء: ألو
    أم تركي: هلا والله بنتي أسمحي لنا أدري هالخبله لعوزتك
    حنين: ...................
    أم تركي: ماعليش خدي لك نفس أرتاحي عارفه أنك متفاجئه مبروك يابنتي
    حنين بحياء: جميعا<<مو عارف شتقول من البهدله
    أم تركي: مع السلامه حبيبتي
    دخلت أم تركي الصاله وهي تضحك: وش سويتي فينا يالخبله
    رانيه: من الفرح أبي أفرح قلب العروس
    جهان: هههههههههههههههههههه يالخبله حد يتصل ع العروس يتصلون ع أهلها
    رانيه: عادي تبشر أهلها
    مشاعل: خبلللللللللللللللللله أنتي كيف تبشر أهلها وهي عروس
    رانيه: عادي تروح لهم وتقافز وترقص وتقول تواااااااااااااااااااااااااااااااافق توااااااااااااااااااااااااااااااااااااااافق هيييييييييييييي
    الكل: هههههههههههههههههههههههههههههههههههه
    وائل: هذي أنتي شكلك بتسوينها رانيوه
    أم تركي: مسكينه البنت راحت فيها حتى الكلام مو عارفه تتكلم
    أم فارس: ههههههههههههههههههههههههه الله يقطع سوالفك يارانيوه لازم تسوين لنا مقلب
    رانيه: وش أسوي فرحانه"قشرت جزره وحطتها عند فم سيف وهي تسوي نفسها مذيعه: وش شعورك؟
    أم مشاري: ههههههههههههههههههههههه رانيوه حرام عليك
    رانيه: أصبرو علي للحين ماشفتو شي ناويه ليهم ع نيه
    جاسر: لا الحين لي الحق أقول الله يعينك ياسيف تكفووون إذا خطبتو لي هذي والخبله اللي معاها لا تعلمونهم
    الكل: هههههههههههههههههههههههههههههههههههه
    أم تركي: عبير يما عطيني رقم بيت أبو وافي
    عبير: 8*****
    رانيه: جدتي عطيني باكلم
    أم تركي: أنتي جدتي مو أنا جدتك
    الكل: ههههههههههههههههههههههههههههههه
    أم تركي أشرت بيدها عشان يسكتون: السلام عليكم
    أزهار: وعليكم السلااام هلا والله
    أم تركي: كيفكم وش أخباركم كيف البنات ووافي وأبو وافي
    أزهار: بخير ربي يسلمك
    أم تركي: أبشرك نتيجة تحليل حنين وسيف توافق
    أزهار بفرح: الله يبشركم بالخير وطولة العمر
    أم تركي: جميعا,,متى أن شاء الله تحبون الملكه
    أزهار: براحتكم
    أم تركي: بعد شوي أرد لكم خبر
    أزهار: ع خير أن شاء الله
    أم تركي: مع السلامه
    أزهار: مع السلامه
    أم تركي: ها متى الملكه؟
    أم مشاري: البنت يبي لها تستعد يعني ع الأقل شهر
    سيف بأحباط: يما حسو فيني شهـــر أنا ثلاث أسابيع ع أعصابي وبعد أنتظر شهر
    أم تركي: وهو الصادق ولدي فرحو قلبه
    لمى: السلاااام
    الكل: وعليكم السلام
    لمى: مبروك يالمعرس
    سيف متضايق: بيجي أجلي وأنا مابعد صرت معرس
    لمى: خير وش صاير؟
    أم مشاري: عيارته أخوك مستعجل ع الملكه
    لمى: حددتو أو لأ؟
    أم تركي: لا لسه ما شاورنا الرجال
    لمى: الله يعينك ياسيف ترى الأسبوع الجاي يوم الأحد تبدأ أختباراتنا وما نخلص إلا بعد أسبوعين
    سيف: مالي شغل أبي نملك قبل الإختبارات
    أم فارس: البنت ما أستعدت ولا شي بكيفك هو
    سيف: هي بتستعد وبتتعدل لمين لي أنا عادي أنا أبيها جرفليه مو لازم تتعدل ولا تستعد
    الكل: هههههههههههههههههههههههههههه
    مشاعل: أعصابك سيف بهدوء تناقش لاتهاجم
    سيف: ياخالتي لاعت كبدي ثلاث أسابيع و4أيام وأنا أنتظر
    أم فارس: خلاص وش رايكم تملكون هالأسبوع الخميس ملكه عائليه وبعد أختبارات حنين تسوون الحفله؟
    سيف: ونعم الراي ياخالتي موافق
    لمى: تخيلو البنت ما أستعدت إذا اليوم الثلاثاء وما بيمديها تطلع السوق يعني مابتقدر تجهز في يوم
    أم فارس: لا لمى مو حفله بس يملكون وسيف يشوفها حتى مو ضروري تروحون تتعدولون ولا شي مسكين الولد تأزم نفسيا ها وش قلتو؟
    أم تركي: خلاص بس نشاور الرجال ونرد خبر لبيت أبو وافي
    سيف: لاحول لازم يعني؟
    أم مشاري: أي يما لازم وش فيك
    وبدت زحمتهم واللي تشارور الرجال واللي تتصل في بيت أم وافي والبنات يسولفون ع جنب ...
    لمى: وحشتني حنون خل أتصل أشو وش حالها
    الكل: ههههههههههههههههههههههههههههههههههه
    لمى: وش صاير قلت شي يضحك؟
    مشاعل: لا بس رنوش سبقتك
    لمى: لاتقولون كلمتها؟
    جهان: هي بس كلمتها توه جاي سيف أتصلت لها برجتها وتبشرها
    لمى: ههههههههههههههههههههههههههه ياعمري حنون وش سوت؟
    عبير: أستحت مسكينه ماقدرت تتكلم
    لمى: هههههههههههه الله يغربلك يارانيوه
    رانيه: جزاتي أبي أبشرها قبل أهلها
    أم تركي: ما أقول إلا الله يخلف عليك
    رانيه: جميعا جدتي
    الكل: ههههههههههههههههههههههههههههه
    أبو تركي-أبو مشاري: السلام عليكم
    الكل: وعليكم السلام
    أبو تركي: خلاص الملكه الخميس
    الكل: كللللللللللللللللللللللللللللللللللللللللللووووووو وووووووووووووووووووووووش هييييييييييييييييييييييييييييييييييييييييي
    وبدأت الفوضه والتخطيطات والزغاريت وبيت أبو وافي نفس الحال مزحومين في التجهيز للمكله ...

    :*:*:*:*:*:*:*:*:*:*:*:*:*:*:*:*:*:*:*:*:*:*:*:*

    الساعه2 الفجر كان خالد عند البحر...
    خالد..آآه مو حاله ياخالد ملكتك ع البنت بعد يومين وأنت كل يوم تعرف عنها شي تنصدم فيه أكثر ,,عمري في حياتي ماتخيلت أن أبو طارق رجل الأعمال المثقف يعامل بنته بهالطريقه أو يخليها مداس تحت رجلين بنته ومرته ياربي كيف بعاملها؟! وهي بتتقبلني أو لأ؟! ع بالي أني أنا بس اللي أنفرض علي الزواج اليوم عرفت من كلام الجوهره أني مو بس أنا اللي أنجبرت حتى البنت ماعرفت إلا بالصدفه ومزحومه مع التجهيزات,,آآه ياربي تقدرني وأسعدها حتى لو ما قدرت أسعدها أهم شي أني ما أظلمها وهذا عهد بيني وبين نفسي ...

    :*:*:*:*:*:*:*:*:*:*:*:*:*:*:*:*:*:*:*:*:*:*:*:*

    الساعه 11:40م في فيلا أبو صقر ...
    شهد: هلا بسام
    بسام: هلا شهود حبيبتي هدأتي؟
    شهد: الحمد لله
    بسام: أن شاء الله شهر وبرد لك ويمكن أنزل إذا صارت عندي فرصه
    شهد: بالتوفيق يالغالي
    بسام: عاد ما أوصيك ع دراستك
    شهد: لا توصي وأنت بعد ما أوصيك ع دراستك
    بسام: أن شاء الله,,محتاجه شي حبيبتي قبل أركب الطائره؟
    شهد: تسلم لي
    بسام: مثل ماوصيتك والرياض مو بعيده أي وقت تصير عندي فرصه بنزل لك ,,أهم شي ماتضايقين نفسك وتقصرين ع نفسك بشي وتهتمين بدراستك وأي شي ناقصك لاتترددين
    شهد: تسلم لي حبيبي
    بسام: يلا عمري باي
    شهد: باي
    شهد..قفلت من عند بسام وجلست أبكي تعلقت في بسام بشكل ماحد يتصوره صار كل حياتي حتى لمن كان موجود شي رسمي أنه يمرني كل يوم مو قادره أتصور أنه راح يغيب عني شهر الله يصبرني ,,أنا أبكي لكن ما أبكي عشان أن بسام بيسافر في شي حتى مو قادره أصارح نفسي فيه ياربي ساعدني جا ع بالي أرسل لبسام رساه رسلت له ...

    ""من فارق احبابه ظلم"

    غلاك موجود واكيد
    ماجد في هذا جديد
    مادامك الحب الوحيد
    عالروح والقلب انقسم

    حاولت انا اخفي الجروح
    عل وعسى يمكن تروح
    جروح لك عنها ابوح
    جروح من عانا الندم

    ابكي على وقت مضى
    لحبي على نار اللضى
    عقبك ترى ضاق الفضا
    واليوم شيفيد الندم"

    شهد..طوالي لغيت الأرسال خفت بهالرساله أضايق بسام أو أنه يعرف الشي اللي مو قادره أصارح فيه نفسي"نامت شهد وهي ع هالحال" ...

    :*:*:*:*:*:*:*:*:*:*:*:*:*:*:*:*:*:*:*:*:*:*:*:*

    تم بحمد الله الجزء الثامن..
    ((هذا الجزء
    -سعد وجنونه هل تتوقعون أنه راح يقدر يوقف ملكة سيف وحنين؟
    -خالد ومصارحته للجوهره أصغر خواته عن شعوره والعهد اللي أخده بينه وبين نفسه ...
    -شهد شنو الشيء اللي مخليها تبكي واللي ماتقدر تصارح فيه نفسها؟
    -البارت الجاي ملكة سيف وحنين,,وملكة سمانه وخالد؟!
    يعطيكم ألف عافيه
    تابعونا
    تحياتي))

    .
    .
    .

    .:دانهـ العشآق22:.
    ~.. ]]دانهـ [[ .. بعين كل من يـhــواني ..~

    .
    .
    .

    .:دانهـ العشآق22:.

  7. #37
    عضو فضي الصورة الرمزية مجنونة وحلوة
    تاريخ التسجيل
    Jul 2009
    الدولة
    في خيـــــــــــالي
    المشاركات
    839
    شكراً
    0
    تم شكره مرة واحدة في مشاركة واحدة
    معدل تقييم المستوى
    323

    رد: روايتي الأولى ::ذايب في هواهم::

    يسلموووووووو كثير على البااااارت الحلوووووووووو
    تحياتيوووووو؟؟

    مشكوووور اخووي ابوو احمد على التوووقيع الجميل

  8. #38
    عضو متميز الصورة الرمزية دانهـ العشآق
    تاريخ التسجيل
    Sep 2009
    الدولة
    أرض الله الواسعه
    المشاركات
    209
    شكراً
    0
    تم شكره مرة واحدة في مشاركة واحدة
    معدل تقييم المستوى
    181

    رد: روايتي الأولى ::ذايب في هواهم::

    تشكرااات غاليتي مجنونه ع المرور والتواصل العطر

    لاعدمناك

    ///
    ~.. ]]دانهـ [[ .. بعين كل من يـhــواني ..~

    .
    .
    .

    .:دانهـ العشآق22:.

  9. #39
    عضو متميز الصورة الرمزية دانهـ العشآق
    تاريخ التسجيل
    Sep 2009
    الدولة
    أرض الله الواسعه
    المشاركات
    209
    شكراً
    0
    تم شكره مرة واحدة في مشاركة واحدة
    معدل تقييم المستوى
    181

    رد: روايتي الأولى ::ذايب في هواهم::

    ذايب في هواهم

    ((الجزء التاسع))
    بسم الله الرحمن الرحيم

    ((المستجدات في هذا الجزء
    -اليوم الخميس عند بيت أبو وافي وبيت أبو مشاري ملكة سيف وحنين ...
    -وملكة سمانه وخالد عند بيت أبو طارق وأبو خالد ...
    تابعونا))

    نبدأ..
    "حبيبي إاآنت..ومن غيرك له بقلبي مكان..حياتي اإآنت..وما اعطي حياتي لغيرك مهما كان .."

    :*:*:*:*:*:*:*:*:*:*:*:*:*:*:*:*:*:*:*:*:*:*:*:*

    الساعه 8 الصباح في فيلا أبو طارق ...
    سمانه..صحيت من النوم مفزوعه طول الليل مانمت كنت أفكر وأبكي مدري شنو مصيري اليوم ملكتي محد صحاني من النوم ماعندي أم تهدأني تسولف معي تروح معي الصالون تتعب معي في عرسي تفرح لي تقر عينها بشوفتي عروسه صحيح البنات ماقصرو وحتى معلمتي فضيله وربي أستحيت منهم تعبو معي كثير طردت هالأفكار من بالي وقمت من ع السرير مريت عند المريا شفت وجهي منتفخ ودبلان من السهر والبكي خديت لي دش ع السريع وصليت لي ركعتين عشان أهدأ خلصت صلاة وسمعت صوت جوالي شفت رقمها أستحيت حدي أرد هالأنسانه تعبت معي كثير ولها فضل علي عمري ماراح أنساه رديت عليها ...
    سمانه: هلا ماما
    سمانه..ماماا مدري وش اللي خلاني أقول هالكلمه يمكن أواسي نفسي لأني هاليوم محتاجه لأمي أكثر من أي يوم صوتها شال جبال هموم من ع ظهري ...
    فضيله: هلا ماما حبيبتي سمانه صاحيه؟؟
    سمانه..هو أنا نمت عشان أصحى!! ...
    سمانه: أي ماما صحيت
    فضيله: يلا عشان نروح الصالون سوا أنا وأنتي والبنات
    سمانه..فرحت لمن سمعتها تقول البنات راح يجون معانا حسيت أنهم خواتي وأبله فضيله أمي قلت بفرحه ...
    سمانه: تسلمي لي ماما تعبتـ
    فضيله: أششش أستحي ع وجهك وش هالكلام أنا أمك يلا أنا والبنات بنتقدم وأنتي أتصلي ع سحر وغدير ولا بتروحون معي؟؟
    سمانه..هو أنا عارفه أن مرت أبوي ولمياء طالعين مع السايق بس أستحيت أقول ...
    سمانه: لا تسلمين بروح مع غدير وسحر
    فضيله: أوكي نشوفك هناك
    سمانه: على خير أن شاء الله مع السلامه
    فضيله: مع السلامه
    سمانه..قفلت الجوال وطاحت دموع من عيني مدري ليه يمكن لأني حسيت في حد يهتم لي أووه صدق ماعندي سالفه أتصلت ع غدير .. هلا غدوره
    غدير: هلا والله بالعروس كيف النفسيه؟
    سمانه: أوووووه لا تذكريني
    غدير: ههههههههههه الله يعينك يلا خمس دقايق وأحنا عندك
    سمانه: أوكي أنا جاهزه
    غدير: أوكي باي
    سمانه: غدووور
    غدير: هلا
    سمانه: تدرين أبله فضيله بتتعدل معانا هي مع بناتها
    غدير: أحلفي!!
    سمانه: أكذب عليك أنا توها متصله لي
    غدير: أوك يلا خمس دقايق وأحنا عندك مو تتأخرين
    سمانه: طيب بااي
    غدير: باي

    :*:*:*:*:*:*:*:*:*:*:*:*:*:*:*:*:*:*:*:*:*:*:*:*

    الساعه 9 وربع في الصالون وصلو سمانه وغدير وسحر وبعدهم بربع ساعه وصلو فضيله والبنات ...
    أم خالد وفضيله كانو جالسين سوا جت لعندهم سحر ...
    فضيله: هلا ماما سحر
    سحر: ياهلا فيك خالتي ,, يلا أنا أخرت أدوارنا عشان أنتو تخلصون بدري وتباشرون المعازيم
    أم خالد: ماتقصرين ماماا
    سحر: يلا تآمروني بشي؟
    فضيله-أم خالد: سلامتك
    سحر: يسلمكم يلا أنا أستأذن "وراحت عند البنات"
    أم خالد: باين عليك متعلقه في سمانه كثير
    فضيله: أكثر من ماتتصورين أنا ما أحب أن تكون لي علاقه خارجيه بطالباتي إلا عقب مايتخرجون إلا سمانه غير
    أم خالد: الله يعينها نتحب وفي نفس الوقت تكسر الخاطر
    فضيله: ديرو بالكم عليها تراها جوهرة
    أم خالد: لاتوصين يا أم فيصل ,,عارفه أني بالغلط سألتها عن مرت أبوها وتغيرت ألونها
    فضيله: الله يعينها مرت أبوها طالعه من صبح ربي عشان برستيجها وستايها ولا فكرت تباشر المعازيم أو حتى أنها تسأل بنت زوجها وش محتاجه
    أم خالد: أنتي قلتيها بنت زوجها ,,الله يهديها بس أنا ماكنت أعرف عن معاملتها لسمانه بس البنات قالو لي لأني مدري عن الدنيا وكل مره تجينا سمانه أسألها عنها وهي تنحرج
    فضيله: الله يعين
    ]]ـ-ـ-ـ-ـ-ـ-ـ-ـ-[[
    في نفس المكان عند البنات كانو جالسين يتفرجون ع ألبومات الميك آب ...
    رزان: سمانه هذا حلو أحسه يناسبك
    سمانه: مدري
    دانا: سمانوه وش فيك كل شي بكيفكم ع راحتكم أنتي عروس أختاري اللي يعجبك لا تستحين أو وآخر شي ضروري أنك تكونين مقتنعه في شكلك
    سمانه: ما أعرف أختار بروحي ساعدوني
    غدير: من جد أنتي تحفه يلا خلصي عشان باقي عليك ميك آب وتصوير ووو....
    سمانه بخوف: لاتذكريني
    عهد: حرام عليكم لاتذكروها
    سحر: سواء ذكرنها أو لأ هذي الحقيقه لا مفر
    سمانه: عقبالكم
    البنات: آآآآآآآآآآآميــــــــــــن
    فضيله: آمين هااا
    البنات تلعثموو ...
    :كنت أقصد آمين يسعد سمانه وخالد
    :كنت أقصد آمين يخليك لنا
    :كنت أقصد آمين تطلع سمانه حلوة
    :كنت أقصد آمين ينصر فلسطين ع الأستعمار الصهيوني
    أم خالد-فضيله: هههههههههههههههههههههههههههههه
    فضيله: الله يسعدكم جميعا يارب
    أم خالد: إلا أم فهد ما جات؟؟
    رزان: تعبانه شوي الليله راح تجي
    أم خالد: الله يقومها بالسلامه
    الكل: آآآآميــن
    فضيله: حركات سمسوم
    سمانه: تسلمين
    عهد: مابعد يخلصون الحين بس سشوار باقي لهم التسريحه بتطلع سمسوم غييير شكل
    دانا: هي بدون شي ماشاء الله عليها
    فضيله: أي والله ربي يعمي عنك عيون الشياطين والأباليس
    الكل: آميـــن
    أم خالد: إلا وين الجوهره؟؟
    سحر: مع ملاك مسوين صداقات
    فضيله: ههههه زين والله أنا ساحبه ملوك معانا بالموت رضت تجي تقول ماعندها حد في عمرها حتى جابت معاها لابتوبها لاتمل
    أم خالد: جبتي دواهم باللاب مستحيل يملون
    الكل: هههههههههههههه
    رزان: عمتي نسيت أقول لك
    فضيله: قولي حبيبتي ...
    رزان: الليله ملكة سيف أخو رانيه ع حنين
    فضيله: ماشاء الله مو ناوين تروحون إذا ناوين تروحون قسمو نفسكم شوي هنا وشوي هناك
    رزان: هههههههه لا رانيوه عزمتنا بس الملكه عائليه وفي بيت العروس فما له داعي نروح الحفله أن شاء الله بنروح
    فضيله: ع خير ,,يلا بنات عن أذنكم
    البنات: أذنك معك
    أم خالد: ما أوصيكم ع عروستنا
    الكل ضحك ع حمار سمانه: ههههههههه أن شاء الله
    راحو أم خالد وفضيله مع بعض وضلو البنات ...
    غدير تتكلم مع سحر بلإشارات والبنات مشغولات أشرت غدير لسحر بإشاره أنها تبي تجلس مع سمانه شوي بروحهم سحر طلعت مع البنات والبنات أخدو الموضوع برحابة صدر لأنهم عارفين علاقة سمانه بغدير ...
    غدير: سمانه حبيبتي وش فيك
    سمانه طاحت دموعها: مدري ياغدير حاسه أني مختنقه
    غدير ضمتها: حبيبتي أنتي عروس أنتي سمانه القويه وين قوتك وين ...
    سمانه: من وين لي القوه ياغدير أي قوه اللي تتكلمين عنها كلها قناع ثاني الكل يشوفني مبسوطه فاكرني من جد مبسوطه وأنا من داخلي أتقطع
    غدير: فضفضي حبيبتي طلعي اللي في قلبك
    سمانه: تخيلي حالتي أبي أحس أني زي كل البنات من أمس وأنا ع أعصابي وأحاتي ومحد معي في البيت طول الوقت بين أربع جدران أحاتي بروحي وأتقلب ع السرير أنتو كل شوي تتصلون علي تتطمنون صدقيني هالشيء هو اللي بكاني مدري كيف لمن تحسين نفسك وحيده والناس اللي المفروض أنهم يكونون حولك تلقينهم لاهين عنك تخيلي أشوف أختي ليلة ملكة صاحبتها كيف أنها مانامت وتجهز معاها وحتى النوم نامت معاها وأنا أختها حتى ماسألتني محتاجه شي أو لأ وأنتو ماقصرو معاي مدري ليه كل ما أشوف وقفتكم جنبي أحس أني ببكي
    غدير: خلاص حبيبتي أحنا جنبك لاتبكين
    سمانه: مو قادره أحط عيني في عينكم أنتي وسحر وأمك وأبله فضيله ودانا ورزان وعهد وحتى ملاك والجوهره ماتصدقون أنتو وش قد فرحتوني وقفتكم معاي عمري مابنسها لكم
    غدير بمزح: عن العياره وش وقفتكم وما وقفتكم زي ماكرفنا في ملكتك تكرفين في ملكاتنا
    سمانه: هههه أن شاء الله
    غدير: هههه سمانوه مو قادره عليك كيف كذا تضحكين وتبكين في نفس الوقت؟!
    سمانه: هههههههههههههههههههه
    غدير: أي خلك كذا يلا أمسحي دموعك"سمانه مسحت دموعها" , "غدير شهقت بإستنكار: سمااااااااااااااانوه شوفي شعرك
    سمانه بروعه: هاا
    غدير: شوفي قدلتك وش صار فيها
    سمانه شهقت: ياااااااربي
    غدير: قومي قومي بس خليهم يسشورو لك عفستي الدنيا أهم شي ماتسويين لنا مناحه كل شوي تعفسين نفسك
    سمانه: أن شاء الله
    غدير: أكيد خلاص مافينا كل شوي نعدل لك شي إذا في شي في قلبك طلعيه قبل يحطون لك الميك آب
    سمانه: هو بس شي لو أبكي من هنا لين سنه ماراح أطلع اللي في قلبي,,خليها ع ربك بس
    غدير ضمتها: خلاص حبيبتي هدي نفسك هذا أختبار من رب العالمين لك كلنا حولك أنا وأمي والبنات وأبله فضيله وخالد صدقيني كلنا نحبك ياسمانه كلنا
    سمانه: وأنا أحبكم ربي لايحرمني منكم
    غدير بخبث: أهم شي خالد
    سمانه: غديروووه خلاص عاد
    غدير: أقول أنا حماتك طيعيني أمسحي دموعك ويلا أمشي معي يعدولو لك سشوارك عشان يبدون في التسريحه
    سمانه: طيب

    :*:*:*:*:*:*:*:*:*:*:*:*:*:*:*:*:*:*:*:*:*:*:*:*
    ~.. ]]دانهـ [[ .. بعين كل من يـhــواني ..~

    .
    .
    .

    .:دانهـ العشآق22:.

  10. #40
    عضو متميز الصورة الرمزية دانهـ العشآق
    تاريخ التسجيل
    Sep 2009
    الدولة
    أرض الله الواسعه
    المشاركات
    209
    شكراً
    0
    تم شكره مرة واحدة في مشاركة واحدة
    معدل تقييم المستوى
    181

    رد: روايتي الأولى ::ذايب في هواهم::

    ركزنا كثير ع سمانه لا ننسى عروستنا الثانيه حنين,,الساعه 10ونص الصباح في فيلا أبو وافي ...
    كانت أنهار مشاركه حنين وجدانيا ونايمه معاها طبعا كانت حور بتنام معاهم بس طردوها خخخ واللي يشوف شكل أنهار يقول أنها هي اللي بتملك ساعه تهدأ حنين وساعه حنين تهدأها وما نامو إلا بعد شروق الشمس وطبعا حنين بتتعدل في مشغل أمها فماله داعي أنها تصحى بدري وعاد الكوابيس والأحلام حدّث ولا حرج مو بس حنين حتى أنهار مشاركتها من قلب ...
    أنهار بصوت كله نوم: ألووو
    سناء بلهجتها اللبنانيه: شو حبيبتي أنهار مابدكون تنزلو يلا شروفو أبل يزدحم الصالون
    أنهار: طيب طيب شوي وأخلي حنينوه تنزل لينا وصلت؟
    سناء: أي حبيبتي كلن الصبايا وصلو ,,لا تتأخرو أي حبايبي
    أنهار: أن شاء الله باي
    سناء: باي
    أنهار: حنون حنين
    حنين قامت مفزوعه: هااا
    أنهار: بسم الله يلا الساعه صارت عشر أنزلي الصالون سناء تنتظرك
    حنين: طيب آخد لي دش وأبدل ملابسي وأنزل بتتعدلين عند من؟؟
    أنهار: بلا شك لينا وأنتي؟؟
    حنين: الميك آب أمي والشعر سناء
    أنهار: يلا يلا خلصي بسرعه
    حنين: طيب
    نزلو حنين وأنهار مع بعض لقو الكل متجمعين ع الفطور ...
    حنين-أنهار: صباح الخيررر
    الكل: صباح النور
    أبو وافي: هلا هلا ببناتي
    أنهار: هلا بك زود يبا
    أو وافي: الله يحيك,,إلا العروس مو عاطيتنا وجه عسى بس مو زعلانه علينا؟؟
    حنين بخجل: وش دعوه يبا
    وافي: ياناااااااااس شوفو أختي تستحي ياحلوك مستحيه ياحنون
    حنين: لا والله
    وافي بعناد: مقدر ع الدلع أختي بس أنخطبت صارت رقيقه ياويلي
    أزهار: وفوي حرام عليك أعقل عنها
    حنين بصوت واطي: الله يراويني فيك ياوفوي
    وافي: الله يسمع منك متى بس ياربي
    أبو وافي: أستح ع وجهك
    وافي: بنت أنا عشان أستحي لاحياء في الدين الزواج نصف الدين اليوم ياحنون راح تكملين نصف دينك...
    أنهار: هههههههه وفوي وش فيك صاير كأنك عجوز قريح
    الكل: ههههههههههههههههههههههاااي
    أزهار: أكلي حنين ماما
    حنين: آكل
    وافي: عز الله بيتروع الرجال أكلي لا تفشلينا يفكرك أفريقيه ولا شي
    حنين: وفووووووووي أعقل عني
    وافي: ياعيووووووونه ماراح أعقل
    أبو وافي: واااااافي وش فيك أحشمنا
    وافي: لايبا بس جالس أمهد ليها عشن تتعلم ع الكلام الرومنسي لاتفشلنا مع الرجال
    أبو وافي: أستح ع وجهك ياللوح
    وافي: مقبوله يابو وافي بس عشانك أبو العروس
    أنهار: يلا حنون هذا بيشيبك كفايه أنك قبل أمس صابغه شعرك مو ناقصين تردين تصبغينه اليوم
    وافي: والله يلعبون عليكم يالبنات كان أنتظرتي تشيبين ولا تخسرين حالك
    أزهار: وش حليلها بنتي جب بس جب ياللي ماتعرف
    وافي: بعرف بس وش بقى من ملامحها اللي يشوفها مايقول هذي حنين
    حنين: هيهيهي أجل خيالها عارفه أني حلويت
    وافي: لا والله قبل أحلى قصي أضافرك لاتروعين الرجال يفكر وحش بيفترسه بهالمخالب
    أنهار: جب بس بنشوف مرتك شتسوي في نفسها
    عبد اللطيف خال حنين: السلاااام
    الكل: وعليكم السلام
    عبد اللطيف: أحم يالله يالله
    أنهار: ههههههههه تفضل هذي حنين
    عبد اللطيف: من جد ,,أنا فاكر نفسي غلطان في العنوان أقول شاللي سوى بنات أختي شقر كذا
    الكل: ههههههههههههههههههههههههه
    أزهار: وش رايك حلوة صح؟؟
    عبد اللطيف: أي بصراحه شي سوو شعر غاده
    أزهار: ولا يهمك ع يدي
    أنهار: أيووووه يالخال أكشخخخخخخخخ هذا اللي يعرف مو اللي هنا"وتأشر ع وافي: ما أقو اللي مالت بس
    حنين: هذا خدو له صوماليه يكون أحسن
    الكل: ههههههههههههههههههههه
    وافي: هيهيهيهيهيهيهي ترى سيف كأنه هندي
    حنين: لاوالله
    الكل: ههههههههههههههههههههههههههههههههههه
    عبد اللطيف: أحلىىىىى يالخال من الحين هااا
    أنهار: الله يعينك ياحنون يلا يلا بس خل نروح الصالون
    عبد اللطيف: أذن ترى أول شي صلو
    أنهار: يووووه راح علينا الوقت وسناء ولينا ينتظرونا يلا حنون خل نصلي في المشغل عشان طوالي نتعدل عقب الصلاه
    سالم: ع الساعه 2ونص أستعدي بابا حنين عشان الشيخ راح يجي يسمع موافقتك
    حنين بحياء: أن شاء الله "وراحت مع أنهار عند المشغل"
    أنهار وهي ماسكه مقبض الباب: تفضلي
    حنين: ياربي أنهاروه خايفه
    أنهار: يالبقره أحنا بندخلك الصالون مابندخلك عند سيف يلا حركي
    حنين: لحظه باخد لي نفس
    أنهار دفتها ودخلو سوا
    البنات: أفضل الصلاة والسلام عليك ياحبيب الله محمد كللللللللللللللللللللللللللللللللللللللللللللللللل للللللللللللللللللللوووووووووووووووووووووووووووووو ووووووووووووش ...

    طلت عروستنا يامحلا طلتها ..
    طلت عروستنا وبيدها دبلتها ..
    عروسنا غاليه وياكثر غلاوتها ..
    كلنا نحبها وما راحت محبتها ..
    طلت عروستنا والليله ملكتها ..
    على الهادي صلينا بارينا يحفظها ..
    طلت عروستنا وغار القمر من حلاوتها ..
    ياربي تسعدها ومن عين الحساد تحفظها ..

    وقام الرقص والفوضى والكل أستقبل حنين اللي تبوسها واللي تغني واللي ترقص وكأن الليله الزواج ما كأنه بس ملكه عاديه كانت أجواء الفرح ماليه المكان والبنات مسويين أجواء جنان وهم يمكيجون حنين وساعه يرقصون وساعه يغنون وساعه يكملون شغلهم ...
    حنين..أشوف البنات من حولي يرقصون ويغنون وكأن الليله العرس جا في بالي ليلة الحفله والعرس وش بيسوون إذا الليله ملكه عاديه وسوو كذا من جد أنبسطت وأبتسمت لكن بس أتذكر أن الليله ملكتي وباشوف سيف ياااااااربي يجيني رعب من هالفكره ...
    أزهار: حنين ماما كيف تبين شكل شعرك؟؟
    حنين: أممم مابي شي ثقيل أبي شي بسيط
    سناء: شو شي بسيط الليله ملكتك أنتي عروس عن الجنان حنين هي ليله مافي غيرا
    حنين: أنتي قلتي ملكة مو حفلة ولا عرس بعدين إذا سويت ميك آب ثقيل الحين ليلة الحفلة مابيتغير شي
    أزهار: حلو وأنا أقول كذا لأنه أول مره راح يشوفها الأفضل أنها تكون الأقرب إلى الطبيعه ولا وش رايك ماما؟؟
    حنين: أي خلاص
    أنهار: يلا حنون أبوي جا مع الشيخ يبي يسمع موافقتك وبعدها كملي سشوار شعرك
    حنين..جاني مغص في بطني وأحترق وجهي وبلعت ريقي وكأن الضربه القاضيه جتني ...
    أزهار: لاتخافين ماما راح أجي معك
    أنهار: باجي معاكم أبي أشوف شكل حنينوه
    الكل: هههههههههههههههههههههههههههههههههه
    سناء: ومين اللي مايبي يشوفا وراكن ماراح أتركن ياا
    وتوجه الجيش مع حنين للمجلس وكلهم بعبايتهم ومتغطيين ...
    أنفتح الباب شوي هنا حنين طاح قلبها ...
    الشيخ من وراء الباب: هل تقبلين بسيف بن...... الـ......... زوجا لك ع سنة الله ورسوله؟؟..<<نسيت الباقي هع هع
    حنين: ..................
    أزهار أنقدتنها: نعم
    الشيخ: مبروك وتقفل الباب
    "سمعو طق ع الباب هنا حنين طاح قلبها"
    أزهار: تفضل ماما وافي
    وافي..بسم الله الرحمن الرحيم شيسون هذول لايكون بس سيف بيتزوجهم كلهم خخخخ وين أروح أنا أيي أنتبهت لأمي وحنين وأنها فاتحين وجوههم ورحت عندهم تباوست مع أمي وبست راسها وباركت لها ونفس الشي حنين وأنهار ومديت الدفتر لحنين ...
    وافي: هنا وقعي
    حنين وقعت وعطته الدفتر ...
    وافي رد سلم عليها وتباوس معاها: مبروووك
    حنين بخجل والصوت ياذوبه يطلع: ربي يبارك فيك
    أزهار: عقبالك ماما
    وافي: الله يسمع منك مع السلامه "وطلع"
    البنات: أفضل الصلاة والسلام عليك ياحبيب الله محمد كللللللللللللللللللللللللللللللللللللللللللللللللل للللللللللللللللوووووووووووووووووووووووووووووووووو ووووووووووش
    وفسخو عباياتهم وراحو ع المشغل وهم يغنون ويرقصون ...
    لمى: السلاااااااااااااااااااااااااام
    أنهار وهي تقرص وتردد الأغنيه: ياسامعين الصوت مجنون أنا فيها ماهي بحلوة موت بس ميتن فيها"وهي تهز كتفها في وجه لمى سلمت عليها وتباوست معاها: هلا وغلا بأخت المعرس
    لمى وهي تضحك: أهلين بأخت العروس
    أنهار: تعالي الحين أنا شسميك؟؟
    لمى: هههههههههههههههههه مدري أصير لك مرت أخو أختك يعني أختك أسهل
    أنهار: هههههههههههههههههههههههههه ,,لا تصيرين لي أخت رجل أختي
    لمى: هههههههههههههههههه أعذرني تراني مخرفه
    أنهار: الله يعين مانمت مع حنون
    لمى: ههههههههههههههههههههه زي حال عبيروه ورانيوه الأمس
    أنهار: هههههههههههههههه وينهم؟؟
    لمى: جايبين لهم وحده تعدلهم في البيت لأن كلهم بس سشوار وميك آب عادي
    أنهار: أهاا,,حلو مكياجي؟؟
    لمى: رهييييييييييب ,,وين مرت أخوي؟؟
    أنهار: مرت أخوك تصور لحظه تعالي معاي
    دخلت لمى مع أنهار لغرفة التصوير لقت حنين تصلي: تقبل الله
    حنين وقفت تسلم وتتباوس مع لمى وبهمس خجول: الله يبارك في عمرك
    لمى: الله الله كل هالحلاه الله يساعد أخوي
    حنين أبتسمت ...
    لمى: هييييي حنون مو أول مره أشوفك خلي الحياء ع جنب شوي
    حنين بخجل: ههه
    أنهار: أبعرف بس وش راح تسوي هذي إذا دخل سيف
    حنين أنمغص بطنها بمجرد أنهم جابو طاري سيف وضربت أنهار ع راسها ...
    لمى: هههههههه الله يعينك ياحنون صدقيني عاذرتها لأني صرت في موقفها وربي صعبه لكن بعدين إذا تذكرتي حياك تضحكين ع نفسك
    أنهار: ترى الحين بس نزل عليها الحياء من شوي فالتها ضحك ووناسه مع البنات
    لمى: هههههههههههههههه الله يعينها"رن جوالها: أووووووه المعرس......................هههههههههههههههههه.... ...........................أنا مع العروس..................ههههه.......لايكون تبي تسمع صوتها تراني نحيسه..........................ههههههههههههههههههه هههههههههههههههههههههههههه...........ياخجول أنت...........................متى راح توصل...........................يعني ماباقي شي...........................مين................عب ير ورانيه!! عز الله زفوك ع مستشفى المجانين.................................ههههههههه ههههههه........................مدري والله...................ما أتوقع لأن بس أنا وأمي وخواتك وخلاتي الصغار وخلات العروس وعماتها.........أي بس عائليه مافي ناس كثير....................خلاص أنتو خصلتو صح؟؟..................عارفه من العصر راح علي ماشفتك وأنت تملك.......................ههههه..............بالب ركه.................خلاص نص ساعه وأكون ع الباب................راح أستقبلك........................ههههههه............ .....مو الحين راح تشوفها.................بعد ماتوصل أكيد يعني..............أي خلاص هي خلصت...............خلاص إذا وصلت عطيني رنه.............باي,
    أنهار: لاتقولين الحين بيوصلون
    لمى: أيوه هم ع وصول بس بيمر عبير ورانيه فاضحين الدنيا يبون يركبون مع المعرس
    أنهار: هههههههههههههههههههههه يلا حنون أستعدي نفسيا
    حنين "خدت نفس عميق"

    :*:*:*:*:*:*:*:*:*:*:*:*:*:*:*:*:*:*:*:*:*:*:*:*
    ~.. ]]دانهـ [[ .. بعين كل من يـhــواني ..~

    .
    .
    .

    .:دانهـ العشآق22:.

  11. #41
    عضو متميز الصورة الرمزية دانهـ العشآق
    تاريخ التسجيل
    Sep 2009
    الدولة
    أرض الله الواسعه
    المشاركات
    209
    شكراً
    0
    تم شكره مرة واحدة في مشاركة واحدة
    معدل تقييم المستوى
    181

    رد: روايتي الأولى ::ذايب في هواهم::

    نطلع شوي من بيت أبو وافي ونروح لبيت أبو طارق // الساعه 8:12م في مجلس الرجال ....
    مبارك..كنت أناظر وجه خالد ومركز ع تعابيره وهو يوقع ع عقد النكاح كأنه يوقع ع ورقة أو ملف في الشركه فجأه وقف القلم في يده خفت خالد يغير رايه أو شي هذا زواج مو لعبه التغيير اللي صار ع وجه خالد وترني ألف فكره وفكر جات في راسي يارب تعدي هالليله ع خير يارب ...
    خالد..مسكت القلم وأنا حاس أني أوقع ع صفقة فيها مغامره ياتصيب ياتخيب أنتبهت للأسم!!!.. وقف القلم بيدي مو معقول مو معقول أكيد أنا أحلم صحيت من الأفكار اللي جات في راسي وقعت بسرعه وعطيتهم الدفتر حاس أن في عيون ضباب بس أسمع أصواتهم يباركون لي أسلم وأنا في عالم ثاني أفتر راسي مو قادر أركز مو عارف وش هالصدف الغريبه اللي تربطني بهالبنت حاس أني راح أتزوج بحر أسرار كل يوم أكتشف عنها سر جديد حاس أني أبي أفكر أسترخي مو وقت تبريكات وتصوير بس سكت قلت خل هالليله تمضي ع خير يارب ...
    مبارك يهمس لخالد: خالد وش فيك مو طبيعي؟
    خالد: خليها ع ربك مو وقته
    مبارك: طيب أتصل ع أمك وخواتك عشان يسون لك طريق
    خالد: أوكي
    ]]ـ-ـ-ـ-ـ-ـ-ـ-ـ-[[
    في نفس المكان عند النساء ...
    سحر: ألووو....ما أسمع لحظه شوي بطلع برا........هلا خالد...........الحين بتدخل؟.................طيب طيب بسوي لك طريق.........مع السلامه,
    دخلت سحر وأعلنو أن خالد راح يدخل والكل تغطو والبنات ضبطو شكل سمانه وسمانه حلت بها الصااااااااعقه ...
    سمانه..خلاص مو قادره أثبت أحس كل جسمي يرقص من الخوف وحرارتي أرتفعت من الخوف حتى وصيت البنات وأبله فضيله يجلسون قبالي لأن سحر والجوهره راحو يدخلون خالد وغدير خليتها تجلس جنبي صارت تجيني أفكار غريبه من الخوف قالو لي أذكري الله أقري المعوذات أبدا ولاشي مو قادره أثبت غدير جنبي ساكته كأنها هي العروس ...
    غدير..مستلمه سمسوم وطول الوقت أنا والبنات ضحك وطناز على حياها مع كذا قالت لي أجلس معاها يوم جا بيدخل خالد جا في بالي ليه تفاجئت لمن شافت أسم خالد وقت جات توقع وليه قالت لي حاسه أن الأسم مو غريب؟صحيح أني خديت الموضوع بمزح وقلت لها أخوي أو يمكن فارس أحلام الغفله اللي يجيلك في منامك خخخخ,,أووو دخل خالد وقفت جنب سمسوم ياربي حاسه أنها دفايه وصوت تنفسها أسمعه وصدها يرتفع وينزل من التوتر مسكت يدها وضغطت ع يدي أكثر ...
    خالد..دخلت بسم الله الرحمن الرحيم بيت أشباح داخل أنا خخخخ كله عواين مدري وين أروح متاهه الجوهره وسحر يمشوني لمحت غدير جالسه ع الكنب وجنبها سمانه منزله راسها توترت سلمت عليها وبست راسها وبعدها جلسنا ...
    سمانه..سلم علي وباس راسي وأرتفعت حرارتي أكثر جلسنا ع ما طلبت منا المصوره أنا ساكته وهو ساكت غدير قامت كنت بقوم وراها بس ذكرت أني عروس وجلست مكاني ...
    خالد أخيرا طلع من فمي سؤال بس الصوت ماطلع أضطريت أقرب منها: كيفك؟
    سمانه..ياويلي ما توقعت أنه يقرب مني شايفه عواينهم من النقابات كلهم صغرو أكيد يضحكون حضراتهم مسويين بودوجاردات علينا ...
    سمانه بهمس: بخير.............كيفك
    خالد: تمام الحمد لله.........كيف الدراسه؟؟
    سمانه..ذكرت الدراسه طموحي آآآآآآآآه في نص السنه زواجي الله أعلم أكمل دراستي أو لأ حاولت أخفي ملامحي ودموعي اللي شوي وبتطيح ...
    سمانه: الحمد لله
    لحظـ صمــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــت ـات
    جات فضيله سمانه قامت وضمتها ...
    فضيله: مبروك ياماما
    سمانه..مجرد أني شفت عيونها شفت حنان الأم اللي أنحرمت منه وأنا صغيره لا إرادي ضميتها بكل ماعندي وبكيت مدري ليه لمن أشوف حد يحبني ويخاف علي أبكي يمكن الدموع صارت وسيلتي في التعبير عن فرحي وعن حزني ...
    فضيله: مبروك حبيبتي
    سمانه: ربي يبارك فيك
    فضيله: وش دعوه حبيبتي البكي يلا مسحي دموعك
    سمانه: تذكرت أمي الله يرحمها تمنيتها معاي
    فضيله: كلنا معاك ياحبيبتي كلنا معاك
    سمانه: أحبكم
    فضيله: وأحنا نحبك يلا عاد عن الدلاعه يلا عن البكي لا يطردنا خالد يقول بكتو زوجتي
    سمانه بخجل تذكرت اللي حولها: هههههه
    غدير دخلت في النص: ياسلاااام الحين الميك آب بيروح فيها
    سمانه: ......................
    فضيله: تعالي معي بعطيك علبة مبيض صلحيه ليها وأنتي سمسوم عن الدلع آخر مره تبكين
    سمانه: أن شاء الله
    خالد..كنت أراقب الموقف وأتأمل براءتها وهي تبكي بس ياترى مين هذي اللي تناديها ماما؟ ياربي حاس أن هالبنت لغز كبييير,,في نفس الوقت جالس مكاني ومو عارف وش أسوي موقف صعب ليلة الملكه تبكي مو عارف أهدأها ولا شي مابعد ناخد ع بعض ...
    غدير وهي تعدل ميك آب سمانه: خلاص حبيبتي عن البكي عشان الحين تقطعون الكيكه
    سمانه: أن شاء الله
    جات الجوهره وحضنت خالد بقوووووووووه ...
    الجوهره وهي شاقه الحلق وبروح مرحه: مبروك مبروك مبروك
    خالد بنفس طريقتها المرحه والأبتسامه العريضه: الله يبارك في عمرك الله يبارك في عمرك الله يبارك في عمرك عقبالك عقبالك عقبالك
    الكل ضحك ع طريقة خالد وهو يقلد الجوهر: هههههههههههههههههههههههههههههههههههههههههههههههههه ههههههههههههههههههههههههههههههههههه
    الجوهره: ههههههههه"ضمت سمانه: مبرووووك مرت أخوي
    سمانه بخجل: الله يبارك فيك عقبالك
    الجوهره: ياااااااارب
    خالد ضربها ع راسها: هييييييييي شنو يارب
    الجوهره وهي تحك راسها: أجل تبيني أعنس!!
    خالد: ههههههههههههههههههههههههه
    الجوهره: يلا بروح أجيب عربة الضيافه لاتذبحني دانوه أستعدو
    خالد: طيب ضفي وجهك
    سمانه..ماتوقعته يمزح توقعته جدي بزياده لأني ماقد سمعت غدير تقول أنه يسولف أو يضحك معاهم بالعكس باين أنه علاقته بخواته حلوة بدايه موفقه يارب تمضي الليله ع خير ...
    وصلت الكيكه وبدأو يقطعونها سوا ويأكلون بعض وبعدها العصير وبعد العصير الشبكه وبعد الشبكه زفوهم ع الغرفه و دخلو يصورون سوا وكانو أثنينهم متفاجئين من بعض كانو ينفدو طلبات المصوره بصمت مع أن الحياء مبين ع وجه سمانه إلا أنها ما أتحتجت ولا أعترضت ع الحركات اللي تطلبهم منها المصورة وخالد يحس لحياها بس مو قاردر يجادل ولا يرد المصورة يبي ينقد حياء سمانه في نفس الوقت مايبها تقول أنه ينفر منها أو أنه مايبي يتقرب منها فتنفدت الحركات كلها ...
    مضت الليله ع خير بركة دعاء الكل ...

    :*:*:*:*:*:*:*:*:*:*:*:*:*:*:*:*:*:*:*:*:*:*:*:*
    ~.. ]]دانهـ [[ .. بعين كل من يـhــواني ..~

    .
    .
    .

    .:دانهـ العشآق22:.

  12. #42
    عضو متميز الصورة الرمزية دانهـ العشآق
    تاريخ التسجيل
    Sep 2009
    الدولة
    أرض الله الواسعه
    المشاركات
    209
    شكراً
    0
    تم شكره مرة واحدة في مشاركة واحدة
    معدل تقييم المستوى
    181

    رد: روايتي الأولى ::ذايب في هواهم::

    الساعه 9:15م في السيارة سيف عند فيلا أبو مشاري ...
    سيف..ذييييييييب ولا متوتر ولا شي مين قال أن الملكة تخوف حطيت يدي ع الدركسون مابعد أضغط علي إلا ثنتين نطو ع راسي ...
    عبير: هلا هلا بالمعرس
    رانيه وهي تصفق: ياحي الله المعرس ياهلا باللي سبى قلبي و......"كفخه ع مخها: أيييييي
    سيف: هههههههههههه وش اللي سبيت قلبك يالخبله أنا رجال متزوج
    رانيه بلا مبلاه تكمل: هلا باللي سبى قلب حنون و..........."كفخه ع مخها":أيييييي
    سيف: حنون أصغر عيالك هي
    رانيه تغني بعدم مبلاه بالكفخه اللي جاتها:

    لا يالغالي لالا,, يالغالي لا تقول أنك تغار يالغالي ...
    محبتك فوق الراس ومكانك يظل عالي ...
    لالا لاتقول أنك تغار يالغالي ...
    ماهي غيره لاتقول ويظل مقامك عالي ...
    مشكلتي أحبك ولا أزعل والله أعلم لي جفيت شاللي يجرا لي ...
    لالا لاتقول أنك تغار يالغالي ...
    أقسم لك أني أحبك وجاه الواحد العالي ...
    كويت نار الشوق بجفاك وقلبي من غيرك خالي ...
    لالا لاتقول أنك تغار يالغالي ...
    من بين كل الناس حبيتك وأخترتك حبيبا لي ...
    بدونك أنا ياحبيبي تتحطم آمالي ...
    بدونك أنا ياحياتي بفتقـد ...
    طيبتكـ حنانكـ وقلبك ونار الشوق تشتعل ...
    غار بكيفك ياحياتي بس لاترحل ...
    سحرني أسمك وحروفه وكلامل العسل ...
    لالا لاتقول أنك تغار يالغالي ...

    عبير: هييييييييييييييييييييييييييييييياااااااااااااااااا ااااا فنننننننن شيييييييييي خييييييييييييييال صوتك بصراحه بدعتي
    رانيه: شكرا شكرا أخلتم تواضعنا
    عبير: خليلوووه خليلووه ياهووووه أيوا عاشوووو
    سيف: أهجدو أنت وياها لايفكروني فاعل خير مودي المجانين نزهه
    عبير: ههههههههههههه سيفوه أنا خالتك
    سيف: وأنا أكبر منك لاتسميني سيفووه
    رانيه: لا أنا اليوم بغير أسمك بسميك عاشق بنت الـ****
    سيف: والنعــــــــــــــــــــــــــــــــــم ماغلطتي
    عبير: بعرف بس كل العالم يخجلون ليلة ملكتهم وأنت فررررري قالب الدنيا
    سيف: حد يستحي لأن حلمه بيتحقق؟؟
    رانيه: أووووووووووووه الأخووو شاااااااعر
    عبير: شاعر حنين
    سيف: بعد قلبي حنين عندكم مانع
    عبير: لا مو طبيعي ولد أختي الناس مايتغزلون إلا بعد أسبوعين إذا مسخوها مره أسبوع وإذا طولوها بعد الزواج وأنت من الحين طالع فيها شاعر
    سيف: أحبهــــــــــــــا
    رانيه: بجد أمك وجدتك ماخدين فيك مقلب
    سيف: هههههههه ليه وش يقولون
    رانيه: ساعه الله وكيلك وأحنا نقنعهم نبي نركب معاك في السياره يقولون الولد متوتر وبتوترونه أكثر برجتكم
    سيف: ههههههههههههههههههههه ,,, يلا بدخل أتصلو ع لمى ملييييييييت من العصر وأحنا مالكين وللحين ماشفتها
    عبير: أفاااا عليك,,هلا لمووونا..........بسررعه سيف مستعجل...........طيب لا تطولون................أوكي باي,
    سيف: ها ندخل؟؟
    عبير: بس بيعطون الحريم خبر أنهم يتغطون
    سيف: من زينهم اللي يشوفني بناظرهم أصلا عندي قمر وش لي بالنجوم
    رانيه: أحلىىىىىى من الحين بدأ التغزل أشك أن بعد شوي راح تصير أشياء أخرى
    عبير: ههههههههههه أنتبه للبنت شوي شوي خف عليها مو من الحين تجلس تتغزل فيها
    سيف: حلالي وش عليكم تغزلت فيها الحين لو أي وقت بكيفي أنا حر
    عبير: ماعليه بس خفف الجرعه
    سيف: لا حول بعدهم يتغطون من زين وجيههم يعني؟
    عبير: بتصل للمى لاتموت علينا,,هلا لمونا...........سيف مستعجل بسرعه...........طيب من أي باب ندخل.............خلاص خله يطلع لنا.........باي,
    سيف: وش صار؟
    عبير: يلا الوليد أخوها الصغير بيطلع لنا هم في المجلس الكبير
    رانيه: تعال أخوي بعدل شماغك"وهي تضبظ شماغه: أوووه رهييييييب يلايلا أدخل وإذا قالت لك حنين قمر قول لها رانيه اللي ضبطت شماغي
    عبير: هههههههههههههه خبله رانيوه
    الوليد سلم ع سيف وسيف لوى عليه وتباوس معاه ...
    سيف: كيفك يابطل؟
    الوليد: بخير كيفك أنت؟
    سيف: بخير بس تكفى عاد وصلني عند أختك لا أنتحر
    رانيه-عبير: هههههههههههههههههههههههههههههههههههههههههههههههههه ههههههههههههههه
    الوليد: طيب تفضل من هنا
    لمى فتحت الباب: أفضل الصلاة والسلام عليك ياحبيب الله محمد كللللللللللللللللللللللللللللللللللللللللللللللللل للللللللللللوووووووووووووووووووووووووووووووووووووو ووووش
    وكل خلات سيف وعماته وخواته أستقبلوه وهم يسلمون عليه ويتباوسون معاه ...
    أم تركي: تحب الكعبه ياولدي
    سيف: أن شاء الله
    مشاعل: مبرووووك سيوف
    سيف: الله يبارك فيك
    رانيه تخترق الصفوف لا سلام ولا كلام وهي تفسخ عبايتها وبصراخ: وينهااااااا وينهاااااااااا مرت أخويي؟؟؟
    عبير تتبعها: وينها وينها مرت ولد أختي
    الكل تسدحو من الضحك ع مهاجمة رانيه وعبير: هههههههههههههههههههههههههههههههههههه
    عبير سحبت سيف من يده: تعال تعال معاي
    سيف راح معاها وهو يضحك وبهمس: والله أحسن شي سويتيه في عمرك
    عبير: أعجبك هاا
    سيف: أفا عليك بس
    رانيه مسكته من اليد الثانيه وقامت ترقصه جاتهم أم تركي
    أم تركي: يامجنونات تركو الولد هبلتو به كفايه عليه حياه
    رانيه: والله أنك طرشه في الزفه ياجدتي
    الكل مو قادرين يتنفسون من الضحك ع هبال عبير ورانيه وأنهار تصورهم ...
    أم مشاري: شنو طرشه في الزفه رنوش أستحي عاد ع الأقل قدام الناس توك تعرفينهم
    رانيه: كله واحد يما الحياء قطاع أرزاق
    حنين..خلاص مو قادره أمسك ضحكتي وربي يضحكون ع توتري إلا أن حركاتهم مو طبيعيه تقرب سيف مني وراحت الضحكه قلبي طاح في معدتي ...
    سيف سلم عليها وباس يدها وراسها: مبروك
    حنين وراسها للأرض وبهمس خجول: ربي يبارك فيك
    رانيه بهبال: بوسي راسه يلا يلا حركي
    سيف نزل راسه لمستوى حنين<<مصدق حاله الأخ ...
    حنين..ياربي من أول ليلة تمنيت الأرض تنشق وتبلعني قربه يوترني حطيت فمي ع عقاله عشان بس لا أحرجه ...
    سيف..رفعت راسي وأنا فاطس ضحك ع هبال رانيوه تنفع حق آكشنات وحياء حنون ياويلي تهبل عارف أنها ما باستني لكن أنا لها تصبر علي شوي أوريها حياها كله أطلعه ...
    الكل كانو يغنون ويرقصون ومسخره وضحك وهبال ...
    لمى: مو كأن نسينا العرسان
    الكل: هههههههههههههههههههههههههههههههههههههههههههههههههه هههه
    أم مشاري: أستريحو ماما
    جلسو حنين وسيف ,, كانت حنين لامه جسمها كله ماتبي تكون قريبه من سيف وهو كل ما بعدت قرب منها لين ماصار يفصل بينهم شي ...
    سيف..صرت أسمع التبريكات من كل مكان صرت كأني مسجل أقول الله يبارك في عمركم الله يبارك في عمركم الله يبارك في عمركم الله يبارك في عمركم,,حتى لو محد بارك لي ...
    الكل: هههههههههههههههههههههههههههههههههههههههههههههههههه هههههههههههههه
    عبير: علق المسجل
    الكل: هههههههههههههههههههههههههههههههههههههههههههههههههه ههههههههههههههه
    رانيه: هههههههههههه حط لك مسجل أريح ههههههههههههههههههههههههههههههههههه
    الكل: هههههههههههههههههههههههههههههههههههههههههههههههههه هه
    سيف..أنحرجت رانيوه ما تعرف تسمع شي وتسكت تسوي نفسها ماسمعت خخخخخ ...
    مشاعل: يلا قطعو الكيكه
    وقفو سيف وحنين يقطعون الكيكه ...
    سيف يهمس لحنين: أركدي شوي مو عارف أقص الكيكه خففي رجفتك
    حنين أبتسمت بخجل وحاولت تضبط نفسها ...
    عبير تهمس لرانيه: تتوقعين وش قال لها؟
    رانيه: شكله فلها في التغزل
    عبير: أي والله صادقه سكتي خل نشوف حركة شفايفهم عشان نعرف وش يقولون
    رانيه: هههههههههههه منتي هينه
    عبير: أفا عليك أعجبك صح؟
    رانيه: تعجبيني ونص يلا خل نراقب حركة شفايفهم
    نرجس: عبير ورانيه يتساسرون رحنا فيها
    مشاعل: ههههههههه أنتي الصادقه يخططون ع آكشن
    الكل: هههههههههههههههههههههههه
    لمى راحت عند سيف وحنين تساعدهم ,,سيف حط لحنين قطعه كبيره ...
    لمى: هههههههههههه حرام عليك سيفوه بتذبح البنت
    سيف: من عندي ماتردها يلا أفتحي فمك
    حنين فتحت فمها بنعومه ...
    سيف: هه ماينفع معي أفتحي كبييييييير مثل التمساح
    لمى: ههههههه سيف خلاص عاد
    سيف حط القطعه عند فم حنين ,,حنين أكلت جزء صغير منها ...
    سيف: كمليها
    حنين بخجل: بس تسلم
    لمى قطعت ليسف قطعه كبيره أكبر من اللي قطعها لحنين: يلا كله ا"عطت حنين الملعقه"
    سيف مسك يد حنين: ما أبي من هذي أبي من اللي أكلتي منها
    عبير-رانيه يصفرون ويستهبلون: أيوووووووووووواا عااااااااااااااااااااشوووووو أحلىىىىىىى
    سيف يهمس للمى: كيف سمعوني هالمجانين؟
    لمى: هههههههههه هالمره أنتبه زين
    بعد ما أكلو سيف وحنين الكيكه جلسو يصورون معاهم عشان يتركونهم بروحهم والتصوير مسخره طبعا لأن أنهار اللي تصور بنقابها وتستحي تتكلم عشان أن سيف موجود وعبير ورانيه لاعبين الدور ...
    أم تركي: يلا نترككم تاخدون راحتكم
    عبير: لالالالالا ماما مايصر
    رانيه توافقها: أي جدتي مايصير
    أم تركي: الله يرجكم شاللي مايصير
    عبير: جدة المعرس لازم تصورين معاهم بروحك
    مشاعل: صح يمى أنتي وأم مشاري أم المعرس وجدته
    حنين وسيف رجعو وقفو ...
    أم مشاري: كيف نسوي؟
    رانيه: أوقفو في الوسط جنب بعض وسيف وحنين وراكم مره سيف يبوس راس جدتي وحنين تبوس راس أمي والعكس وبعدين أنهار تسوي الصورة بالفتو لقطتين,الحركه عجبت الكل وسوها وصورو ...
    أم تركي: ها الحين نطلع؟
    عبير: مع السلامه
    الكل: هههههههههههههههههههههههههه طرده محترمه
    الكل طلعو ظلو عبير ورانيه ومعاهم أم وافي وأنهار ...
    أزهار: يلا ماما أنهار خل نطلع عشان ياخدون راحتهم العرسان
    أنهار: بس خل ناخد لهم بعد ثلاث صور مع بعض وخلاص
    بعد ماخلصت أنهار التصوير طلعت ومعاها رانيه وعبير وأم وافي قدامهم ...
    رانيه: جايتني حره أبي أعرف شنو يسوون؟
    عبير-أنهار: ههههههههههههههههههههههههههههههه
    رانيه: أقول أنهار ماعندكم نافده ولا شي نروح نطل عليهم
    أنهار: عندنا بس قريبه من غرفة أخوي يعني ما بناخد راحتنا
    عبير: خساره
    أنهار: يلا أنا عازمتكم ع سهره محترمه
    رانيه: وين؟؟
    أنهار: وين يعني في المشغل"فتحت الباب: تفضلو
    عبير: زاد فضلك بس مايبون يتأخرون ترى أحنا جايين بس ندخل سيف الحين وصلو السيارات
    أنهار: وش عليكم أطلعو مع سيف
    رانيه: أي والله عشان نوفيك بالتفاصيل
    أنهار: هههههههههههه يلا تعرفو ع الصبايا
    رانيه وعبير كالعاده جلسو يسولفون مع الكوفيرات وكأنهم يعرفونهم من سنيييييييين وضحك ومسخره,,شوي وطلعت لينا من دورة المياه تكرمون ...
    لينا: أوو عندنا ضيوف وما تخبروني أنا فرجيكن هيك أطلع للضيوف
    رانيه: هههههههههههههه كله واحد "ووقفت تسلم عليها وتبوسها"
    لينا: شو أسمك؟
    رانيه: رانيه بس أسم الشهره رنوش
    لينا: هههههههههههههه فيها أسم شهره كمان أي تشرفنا رنوش أنا لينا
    رانيه: يووووووووووووو لييييييييييييييييييييينا
    أنهار: وش صاير لايكون تعرفينها؟
    رانيه: لابس حبيت أسألها عن عدنان
    البنات: ههههههههههههههههههههههههههههههههههههههههههههه
    لينا: هههههه وينو عدنان لسه ماشرف
    رانيه: يوووو الله يجيبه أنا بعد تراني معنسه
    الكل: هههههههههههههههههههههههههههههه
    لينا: لسه بدري ماشاء الله عليك صغيره
    رانيه: أي صغيره صرت في ثالث ثانوي
    سناء: أي كلنا معنسين بس حنوو صارت مدام بنفتقدها كتير
    لينا: لأ سناء حنين مستحيل تنسانا وبزات أنتي أأرب وحده منا
    سناء: أي أن شاء الله ربي يوفأآآ
    الكل: آآآآآآميــــن
    سناء: كيفا الحين خجلانا؟.
    عبير: أي والله مستحيه
    سناء: تؤبشني هي ربي يعينا,, خساره ماحضرت كان عندنا زباين
    رانيه: يلا أن شاء الله الحفله راح تحضرون
    :أكيد أصلا بنقفل الصالون ليلة الحفله
    لينا: عندك صورة لخطيب حنين في الموبايل؟
    رانيه: أيوا تفضلي
    سناء: ييي ماشا الله يناسبا كتير
    وقضو الليله وناسه وضحك وهبال وحنين وسيف توهم كان كلامهم قليل وسيف نزل عليه ملك لمن طلعو رانيه وعبير طلع حياه كله وراحت الجرئه ...

    :*:*:*:*:*:*:*:*:*:*:*:*:*:*:*:*:*:*:*:*:*:*:*:*

    تم بحمد الله الجزء التاسع
    ((هذا الجزء
    -مضت ملكة حنين وسيف ع خير ياترى كيف بتكون علاقتهم مع بعض كـ مخطوبين؟؟
    -مضت ملكة سمانه وخالد ع خير تتوقعون شاللي فاجئ خالد وهو يوقع العقد وشنو الأسرار اللي كل يوم يكتشفها عن سمانه؟؟
    -سمانه وكلامها لغدير تتوقعون وين شافت أسم خالد قبل توقع العقد؟؟
    -هذا البارت كانت الكاميرا موجهه ع العرسان بقية أبطالنا شنو المفاجئات اللي بانتظارهم؟؟
    يعطيكم ألف عافيه
    تابعونا
    تحياتي))

    .
    .
    .

    حبيت أخلي ملكة حنين وسمانه في نفس البارت عشان تشوفون الفرق وتعيشون الجو مع سمانه وش كثر تعاني !!

    تحياااتي

    .:دانهـ العشآق22:.
    ~.. ]]دانهـ [[ .. بعين كل من يـhــواني ..~

    .
    .
    .

    .:دانهـ العشآق22:.

  13. #43
    عضو فعال الصورة الرمزية أميرة الشوق
    تاريخ التسجيل
    Aug 2007
    المشاركات
    73
    شكراً
    15
    تم شكره 0 مرة في 0 مشاركة
    معدل تقييم المستوى
    203

    رد: روايتي الأولى ::ذايب في هواهم::

    روآآيــه جونـــــآآآن

    يسلموو يالغــلـآ

    لي عوده بالتعليق على كل شخصيه في الروآيه

    سـلـآم
    ڷا تڹتظر مــڹ ‘‘ فاقد اڷڜـيء‘‘ يعطيه عمــر اڷعزا مــاڜاڷته {صاڷة أفراح . . ‘‘ ~

  14. #44
    عضو جديد
    تاريخ التسجيل
    Sep 2009
    المشاركات
    2
    شكراً
    0
    تم شكره 0 مرة في 0 مشاركة
    معدل تقييم المستوى
    0

    رد: روايتي الأولى ::ذايب في هواهم::

    مشكوووور والله يعطيك الف عافيه

  15. #45
    عضو متميز الصورة الرمزية دانهـ العشآق
    تاريخ التسجيل
    Sep 2009
    الدولة
    أرض الله الواسعه
    المشاركات
    209
    شكراً
    0
    تم شكره مرة واحدة في مشاركة واحدة
    معدل تقييم المستوى
    181

    رد: روايتي الأولى ::ذايب في هواهم::

    أوووووووووه أميرووه نورتي

    أنتظرك من زمان أقول وين اللي فاضحه الدنيا ومتحمسه تبيني أنزل الروايه

    أثاريها معانا وأنا مو داريه تراني أشوف النور بس توني عارفه مصدره

    يسلموووو غناتي ع المرور

    وننتظر تعليقاتك

    سلملم

    ///
    ~.. ]]دانهـ [[ .. بعين كل من يـhــواني ..~

    .
    .
    .

    .:دانهـ العشآق22:.

صفحة 3 من 15 الأولىالأولى 1 2 3 4 5 13 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 2 (0 من الأعضاء و 2 زائر)

المواضيع المتشابهه

  1. قطط الأنمي
    بواسطة ليلاس في المنتدى منتدى الانيمي
    مشاركات: 5
    آخر مشاركة: 08-11-2009, 06:27 PM
  2. حلى المولد
    بواسطة حساسه بزياده في المنتدى مالذ وطاب في فن الاطباق
    مشاركات: 18
    آخر مشاركة: 04-11-2009, 05:32 AM
  3. حزن الأنمي
    بواسطة أنيـ القلب ـن في المنتدى منتدى الانيمي
    مشاركات: 13
    آخر مشاركة: 02-11-2009, 02:55 PM
  4. .. كلمة قلتهـا والقلب ذايب ..
    بواسطة أمير العاشقين في المنتدى منتدى الشعر والنثر
    مشاركات: 17
    آخر مشاركة: 06-28-2007, 01:02 AM
  5. هذه الأولى... !!!
    بواسطة عماد علي في المنتدى منتدى الـطـرائف
    مشاركات: 13
    آخر مشاركة: 11-16-2006, 03:45 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •