الساعه10:16ص في فيلا أبو صقر ...
بسام..فتحت عيني بهدوووء وأنا أشوف ملاكي نايمه بهدوء ع صدري باين أنها تعبانه تذكرت ماجد والصور ومكالمات رميتها ع السرميك بقسوووه ...
شهد صحت مفزوعه وصوت طيحتها ع السرميك يتردد في الغرفه: حرام عليك ليه كذا تسوي فيني ليه أنا وش سويت لك عشان تعذبني
بسام: جب ولا كلمه مو أنا اللي تضحكين علي بدموع التماسيح
شهد: والله بسام والله أني كنت مراهقه صدقني بسام والله أني ماعمري كلمت شباب بس
بسام قاطعها: ماكلمتي شباب بس ماجد غير الشباب عادي يكلموه حلال
شهد: صدقني
بسام رماها ع الأرض وتركها تبكي وطلع بسرعه ...
شهد..آآآآآآآآآه ليه يابسام تعذبني ليه ماتعطيني فرصه أشرح لك موقفي ليه صرت بدون أحساس لكن معذور يابسام تسوي فيني اللي تسويه لأن ماوراي حد يدافع عني لأن أبوي في العمل طول الأسبوع الخميس والجمعه يكون موجود خالي اللي يحل محل أبوي في غيابه مرته قريب بتولد ومشغول وأخوي الوحيد من أمي مشغول بدراسته مرت أبوي عمرها ماوقفت خواتي عند حدهم ولا حتى أنا أكككككككككككككككككرهها أككككككككككككهها هي السبب في اللي أنا فيه ما أحبها صحيح لمن كنت مراهقه كنت مبسوطه لأني ماخده راحتي بس يوم وعيت ع الدنيا كرهتها من قلبي أستعذت من الشيطان وتذكرت الصلوات اللي فاتتني قمت أغتسل عشان أصلي ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

يوم الأحد الساعه 9:12ص في مكتب خالد ...
خالد..سندت راسي للكرسي وغمضت عيني الليلة زواجي ع أنسانه دخلت في حياتي فجئه وكأنها صندوق أسرار يوم عن يوم أكتشف عنها أشياء أكثر وأكثر لين متى وأنا أكتشف عنها أشياء قبل لا أقابلها كان ودي أشوفها وأعرفها وأساعدها فجئه جاني أبوي يقول لي تزوج وبيوم ملكتي أكتشف أنها الأنسانه اللي أنا ,,قطع علي حبل أفكاري مبارك ...
خالد: ياخي أنت ماتخلي حد يفكر براحته
مبارك: بالله عليك هذا وجه واحد بيتزوج
خالد: أنت اللي تسألني أنت أكثر واحد عارف موقفي ومفترض أنك تقدره
مبارك: أحلف ياشيخ لايكون أكتشفت سر جديد؟
خالد: أنا أتوقع بظل أكتشف عن هالأنسانه أشياء لين ما أصك المئه
مبارك بمزح: تكون في القبر
خالد: برووووووووك مالي خلق
مبارك: حد قال لك تداوم أنا قلت بمسك عنك الشغل بما أنك معرس بس أنت عنيد
خالد: آآآآآآه يامبارك أحترت وربي أحترت مو عارف أركز في شغلي ولا أنام مثل خلق الله
مبارك وهو يغمز: نام زين لاحق ع السهرات
خالد: برووووووك تراك متفرغ أنا في شنو وأنت في شنو
مبارك: طيب طيب ,, ماقلت لي وين بتروح شهر العسل؟
خالد: البنت تدرس بنروح مكة والمدينة أسبوع وأن شاء الله الصيف نسافر
مبارك: أطلــــــــع كاشخ مع المره
خالد: مبارك حبيبي أنا لايعه كبدي وماني فايق لك فلو تكرمت أمسك الشغل لأن شكلي رايح روحه بلا رده
مبارك: يادافع البلاء خالد تكلم زي الناس أنت معرس
خالد بعصبيه: كل من شافني ضحك وعلق معرس ومعرس ويباركون ولاحد يدري ولا حد فكر يسألني وش شعوري أنا مرتاح أو لأ
مبارك بصوت عالي: خالد خالد
مبارك..ماتوقعت أنه يعصب كذا لحقته بسرعه أبي ألحق عليه لايسوي لنا كارثه نزلت بالدرج حتى ما أنتظرت المصعد ماشفت إلا غباره الله يستر من خالد ويعيننا عليه ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه5:30م في الصالون ...
سمانه..خلصت الميك آب قرأت رسالة أمي الله يرحمها ضميتها لصدري آآآآآآآه يايما أنا عروس يما ماشفتيني عروس يما أنا محتاجه لحناك يما كل الناس باركو لي أنتي ماقلتي لي مبروك يما بتزوج بروح لواحد ما أعرفه ماخلوني أتعرف عليه حتى في فترة خطوبتي يما الليلة مابنام ع سريري يما اليوم بودع بتنا محد بيفتقدني يما كلهم بيفتكون مني يما أنا مو عارفه أنبسط ولا أزعل أنبسط عشان أني بطلع من العذاب اللي أنا عايشه فيه ياخوفي أدخل في دوامة عذاب ثاني يما وينك ...
غدير: سمسووووووووووووووم وش فيك لاتخربين الميك آب
سمانه مسحت دموعها: غدير أنا ما أبكي صدقيني غدير شوفيني أنا ما أبكي
غدير ضمتها بكل ماعندها: خلاص حبيبتي كلنا معاك لاتبكين
سمانه: أبي أمي أنتو ماتحسون أنا أمي ماراح تحضر زواجي أختي ما سألتني وش محتاجه أخوي ضربني قبل ما أطلع من البيت أبوي الوحيد اللي عطاني كلمه تبرد قلبي ولو بالمجامله
غدير: خلاص سمانه حبيبتي خلاص أنا أختك وأمي أمك وخواتي خواتك وخالد بيعوضك أهدي
سمانه: كل عروس تتضايق أنها راح تترك بيتها ومكانها أنا كارهه البيت ماحسيت حتى أني راح أشتاق له كل عروس تودع أهلها قبل تطلع أنا حاسه أن أهلي راح يفتكون مني يبوني أروح بلا رجعه تعبت ياغدير تعبت
غدير: خلاص لاتبكين أنتي عروس أدعي ربك أنه يعوضك وربك مايخيب حد سمانه أرجعي سمانه القويه اللي أعرفها
أم خالد: أنتو هنا وأنا أدوركم
غدير بمزح: هذي سمسوم قالبتها مناحه
أم خالد ضمتها: الله يوفقك يايما ويبرد قلبك ويبلغني في أولادكم
سمانه: تسلمين ياخاله
أم خالد: كذا أزعل منك سمانه ناديني يما
سمانه ضمت أم خالد: الله لايحرمني منك يما
سحر: لا حول أفلالالالام وش خليتو لخالد
سمانه أستحت من كلام سحر ...
أم خالد: ياحليل بنتي مستحيه
الجوهرة: يلا السواق وصل
توجهو لقصر الأفراح ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعة 7:00م في صالة الأفراح عند الرجال ...
مبارك..الله يستر منك ياخالد الأوادم بدو يجون وغيابك الكل ملاحضه يارب عدي هالليلة ع خير يارب ...
أبو خالد: مبارك خالد ماجاء؟
مبارك بربكه: ع وصول أن شاء الله راح يوصل
أبو خالد: الله يهديه هالولد فشلنا الناس بدو يجون وهو لسه ماوصل
مبارك: راح أكلمه
مبارك..قلت هالكلمه كـ هروب أتصلت ع خالد جواله مغلق يارب وش هالأنسان وش هالبرود اللي عنده رديت رنيت عليه أفففف طلعت من الصاله ركبت سيارتي شفته وصل نزلت له كلمته بهدوء لأن عارف مو وقت عتاب لو أعاتب خالد يجوز أنه يتركني فكلمته بهدوء ...
مبارك: هلا خالد ع البركه
خالد سلم عليه وتباروس معاه: الله يبارك فيك
مبارك: لحظه بنادي الشباب يزفوك
خالد..جيت مو لأني مغصوب جيت عشان البنت هي وش ذنبها تتعذب كفايه العذاب اللي شافته في حياتها ما أنكر أني حبيتها قبل أشوفها وقبل أبوي يفرضها علي والله لو أني ما أبي البنت كان ماوافقت عليها من البدايه ولا عاش اللي يغصبني وأنا خالد الله يستر بس وتعدي هالليلة ع خير ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه1:00ص في قصر الأفراح ...
سمانه..نسيت كل التوتر شفت الناس اللي حبيتهم وتعلقت فيهم كلهم حولي ماتركوني ولا لحظه حسيت أن هذا أحلى يوم في حياتي يارب ينقضي باقي اليوم ع خير سمعت غدور تناديني ...
سمانه: هلا
غدير: يلا حبيبتي أوقفي خالد بيدخل
سمانه..لاتسألوني عن حالي حانت الحظه الحاسمه خالد راح يدخل ألتفت للي حولي كلهم متغطيين والموسيقى أشتغلت وضربات قلبي تزيد مع الموسيقى وقفت وغدير مع المصورة غطو وجهي بالطرحه حاولت أقرأ آيات أوصل لنصف الآيه وأرد أعيد مو قادره أركز ع الحروف أنتبهت أن غدير لبست عبايتها وراحت بغيت أبكي وين بتروح عني!! ألتفت شفت خالد داخل ووراه أبوي وطارق وصل لي وباسني ع جبيني ورفع الطرحه ووقف جنبي جا أبوي وضميته بكل ماعندي حسيت أن هو اللي جا ينقذني لأن كلهم بعيدين عني إلا خالد وأبوي ...
أبوطارق: سمانه يايبا خلاص ,, خالد هالله هالله في سمانه
خالد: لاتوصي ياعمي في عيوني أن شاء الله
سمانه بعدت عن أبوها وباست راسه: راح أشتاق لك يبا
خالد..لمحت في عيون أبو طارق ضعف وأنكسار عمري ماتصوت أني راح أشوف أبو طارق كذا أنهز من هالكلمة وتأثر بشكل مو طبيعي لدرجة أنه رد ضم سمانه مره ثانيه وبعد عنها وباس راسها ...
أبو خالد: أنا بعد راح أشتاق لك أهتمي في نفسك وفي زوجك
سمانه: أن شاء الله
لمياء بوقاحه جايه واللفه ع كتفها وشعرها مكشوف ووجهها سلمت ع أبوها وطارق وأمها وراها وجلسو يرقصون مع طارق متجاهلين وجود خالد وزفو أبو طارق وطارق وبقو ع الستيج خالد وسمانه وبنات أبو خالد ركبو ع الستيج يسلمون ع سمانه وخالد ...
سمانه..مدري ليه تضايقت وش بيقول عني خالد وهذا شكل مرت أبوي وأختي وأخوي اللي يوزع بوسات في الصاله أستغفر الله حتى ما سلم علي داخل مدري ليش بقيت مع خالد ع الستيج أشرت لنا المصورة نجلس وجلسنا ما أرتحت إلا يوم شفت البنات وخالتي جو يسلمون علينا قمت سمعت وصاياهم لنا ومزحهم ولفت نظري علاقة خالد بالجوهرة بصراحه مرة حلوة الله لايفرقهم آخر شي جت أغلى ناسي غدور ضمينا بعض وكأنا مابنلاقي بعض سنيــــن ...
خالد بمزح: غديروووه وخري عن مرتي
سحر: ياعيني من الحين خلووود "وهي تغمز"
خالد: الله يكملك بعقلك يا أختي
سمانه..أبتسمت لمن شفت الكل ضحك ع رد خالد .. بعدها صورنا مع عمتي وحمواتي وطلعنا جناح العرسان وصورنا كنت مثل الصنم يحركونو وأنا أتحرك مو حاسه لنفسي وتوتري واضح المصورة كانت تطلب مني أشياء صعبه من أول أو ثاني مرة كان حيائي يمنعني أني أرفض أو أحتج وخالد أتوقع أنه نفس الحال .. بعد التصوير اللي حسيت أنه لو ماخلص كان طلعت روحي توجهنا للبوابه .. دمعت عيوني وأنا أشوف حمواتي ماخدين دور خوات المعرس وخوات العروس وعمتي نفس الشي لهدرجة ماعندي أهل حتى مافكرو أختي ومرت أبوي يودعوني ولو بالمجامله قدام الناس بس آآآآآآآه زاد توتري أكثر وأكثر لمن طلعنا وركبنا السيارة أنا مع خالد وراء وواحد من أخوان خالد يسوق المفروض أخوي اللي يسوق بس الظاهر تبرو مني أهلي حتى في يوم عرسي .. صحيت ع صوت اللي في السيارة يودع خالد وخالد فتح لي باب السيارة ضربات قلبي زادت لمن دخلنا وسكر خالد باب الشقة ماعرفت وش أسوي وش أقو حتى وراسي مو قادره أرفعه رحت عند غرفة النوم لمن قربت عند الباب سمعت صوت خالد يناديني ...
سمانه وراسها للأرض وبهمس خجول: هلا
خالد: أبي أكلمك قبل تدخلين الغرفه
سمانه في قلبها رحتي فيها .. أشر لها خالد وجلست ع الكنب ...
خالد: أحم بصراحه سمانه مو عارف من وين أبتدي بس ممكن ترفعين راسك أعتبريني أخوك عمك خالك شلي فكرة أن أنا زوجك
سمانه رفعت راسها وعيونها للأرض: إن شاء الله
خالد: عارف أنك ما أخدتي راحتك في التفكير لمن تقدمت لك ولا حتى أخدتي وقتك في الخطوبه أنك تتعرفين علي وتاخدين وتعطين معاي كانت خطوبتنا قصيرة وطول الوقت نجهز أثاث للشقه وماتعرفنا ع بعض "وسكت"
سمانه..كنت أسمع كلامه ومركزه مع كل كلمة يقولها لاحضت سكوته وقلت بصوت حاولت أنه يكون راكد ...
سمانه: أيوة كمل ....
خالد: عارف أن صعب عليك أنك تعامليني كزوج وتتعودين علي وعارف بخوفك وتوترك الحين ومقدر موقفك
سمانه كانت منزله راسها تسمعه بإصغاء ...
خالد قال يكمل: الشي راجع لك وأنا ما راح أغصبك ع شي عامليني كـ أخ أو كـ خطيب أو أي شي تشوفيه مناسب لك "سكت فترة طويله وبعدها قال: أنا خلصت كلامي "وناظرها بمعنى أنتظر ردك"
سمانه: تسلم يا"وسكتت فترة طوييييييييييييييييييييييلة وبعدها قالت" أخـــــــــوي
خالد أبتسم إبتسامة ريحت سمانه: يلا قومي بدلي ملابسك عشان نتعشى "أشر ع غرفة النوم" هذي غرفتك .. أن شاء الله الساعه بكره الصباح راح نروح المطار أستعدي
سمانه: إن شاء الله"وقفت وقريب توصل عند باب غرفتها لفت له" تآمرني بشيء أخوي؟
خالد: لاتطولين الحين بيوصل العشاء
سمانه: إن شاء الله
خالد..دخلت غرفتها وتنهدت مدري كيف طلع مني هالكلام ماكنت مخطط له ولا حاسب له حساب أصلا ,, كنت مخطط لشي ثاااااااني مع سمانه اللي حبها قلبي قبل أشوفها يلا الحمد لله ع كل حال الحمد لله اللي جمع بيني وبينها ,, صحيت لها طالعه من الغرفة أبتسمت ,, رحت معاها الغرفة اللي مجهزين فيها العشاء جلست آكل بصمت أنتبهت ع سمانه ما تاكل مدريت لها الملعقه ...
خالد: تفضلي
سمانه خدت الملعقة وأكلت منها: تسلم"بعد ماخلصت أكل لفت لخالد" تآمرني بشيء أنا رايحه أنام؟
خالد: سلامتك بس إذا ماصحيت للصلاة صحيني
سمانه: إن شاء الله ,, تصبحين ع خير
خالد: وأنتي من أهله
سمانه..دخلت غرفة النوم وقفلت وراي الباب تنهدت الحمد لله باين ع خالد مقدر مشاعري ومتفهم ما أخدت في بالي أنه يبي يفتك مني أو أنه مايبيني بالعكس حسيته خايف علي حمدت ربي مليون مرة تقلبت ع السرير الكبير كثييييييير ماجاني نوم قمت من السرير أصلي قيام الليل وأشكر ربي اللي وفقني وأدعيه أنه يوفق لي في حياتي الجديدة ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

تم بحمد الله الجزء الرابع عشر
((هذا الجزء
-إنقضاء حفلة خطوبة حنين وسيف ع خير وبرود حنين في معاملتها مع سيف تتوقعون شنو سبب هالبرود؟وهل بتتغير علاقتهم؟
-شهد وبسام تتوقعون شنو نهاية علاقتهم؟
-زواج سمانه وخالد وحب خالد لسمانه اللي للحين ماعرفتو شنو سببه وكيف هو حبها قبل يشوفها ويعرفها ,, شنو توقعاتكم؟
يعطيكم ألف عافيه
تابعونا
تحياتي))

.
.
.
.:دانهـ العشآق22:.