نروح لبطلة من بطلاتنا البارت اللي راح ما تطمنا عليها ...
الساعه 7:40ص في مدرسة سمانه كانت سمانه في قاعة الإختبار ...
سمانه..توقفت عن الحل دارت الدنيا في عيني صرت ما أشوف غير خطوط وضباب قدام عيني صداع غريب جاني مو قادره أركز في الورقه غمضت عيني ومسحت وجهي وكملت حل الأسئله سؤالين ورجع لي نفس الصداع ...
الأبله: سمااااااااااااااااااااااااااااانه
كل الطالبات في ذهووووووول شي غريب أن طالبه تطيح في قاعة الإختبارات والأبله عند كرسي سمانه تحاول تساعدها عشان توقف والمراقبه الثانيه تهدء البنات اللي بدأت فوضتهم ...
فضيله..حسيت شي غريب صاير مدري ليه قلت للوكيله تضيف الموجهات ورحت أمر ع القاعات شفت قاعه متجمعين عليها المعلمات وفوضة البنات رحت وأنا مصدومه مدري ليه بس شفت القاعه جت في بالي سمانه دخلت شفتها مثل قطعة القماش الهزيله مو قادره تقوم ع طولها والأبلة ساندتها ...
فضيله: سلامات سلامات ساعديني أبله خل نوصلها غرفة الأسعاف وجيبي معاك ورقتها بنات هدوووء ما حصل إلا الخير
فضيله..حاولت أصحيها البنت شكلها تعبانه أسمعها تمتم بكلمات ونباضات قلبها كل ماجاها تزيد مالي إلا حل واحد طلبت من العامله والأبلة يجلسون معاها ورحت للقاعه اللي فيها غدير ...
فضيله: السلام عليكم
الكل: وااااااااا عليكم الســــــــــــــــلام وحمة الله وبركاته
فضيله: غدير الـ****
غدير: نعم أبلة
فضيله: خلصتي؟
غدير بدون ماتنتبه لنفسها: سمانه وش فيها؟
فضيله: مافيها إلا العافيه خلصتي؟
غدير: أيوه خلصت
فضيله: تعالي حبيبتي إذا بتسلمين ورقتك أو إذا بتجين تختبرين عندي كيفك
غدير سلمت ورقتها وراحت مع فضيله
فضيله تمهد لغدير عشا ماتتفاجئ من شكل سمانه: ترى سمانه بخير تطمني بس تعبت شوي ونبيك تتصلين ع حد من الأهل عشان نتطمن عليها مو تخافين أن شاء الله مافيها إلا العافيه
غدير: طيب أبله أبي أشوفها
غدير..دخلت وشفتها طوالي ضميتها مو أول مرة أشوفها بهالحاله دوم تتعذب ولا تشكي لأحد التفت لأبله فضيله ناظرتني بعتب بمعنى وش قلنا ...
غدير: طيب أبي أكلم خالد
فضيله: تفضلي هذا جوالي مو تخوفيه لكن
غدير: أن شاء الله,, ألووو..............خالد وينك................لالا لاتخاف أنا في المدرسه.............مافينا شي بس سمانه تعبانه..................خلاص تعال......................لاتنسى بطاقتك عشان تقدر تاخدنا.............................طيب مع السلامه,

:*:*:*:*:*:*:*:*:*:*:*:*:*:*:*:*:*:*:*:**:*:*:*:

الساعه 9:40ص في الجامعه ...
كانو حنين ولمى في الكفتيريا ...
لمى: أستعدي ترى سيوف ع وصول
حنين: ياربي خايفه
لمى: أي خوف تراك شهر وشويه مخطوبه
حنين: بس ماتعودت أطلع معاه بروحنا
لمى: الله يوفقكم
حنين: آآميــن,,حلو شكلي؟
لمى: خيااااااااااالي شكلك تعالي دورة المياه عشان تعرفين أنتي تضبطي الميك آب أحسن مني
حنين: يلا
لمى: ما أبي ميك آب
حنين: يلا عاد سوي تغيير لمشعل
لمى: أوكي دامه منك مقدر أردك
بدأت حنين تمكيج لمى دخلت أنهار ...
أنهار: وييييييه جايه من مبنانا لمبناكم نسيت أنك راح تروحين مع سيف
حنين: ههههههههه
لمى: زين الله جابك ضبطي لحنون الميك آب
حنين: لا بس كذا ما أبي أكثر
أنهار: شنو ماتبين أكثر رايحه المدرسه أنتي عن الدلع
حنين: الحين بلبس النقاب وإذا حطيت لي ميك آب لازم أغطيه
أنهار: حصلت لها حجه الأخت
لمى: إذا لفتك خفيفه مو مشكله حطي غطى خفيف
حنين: خلاص براحتكم
أنهار: ماباحط لك ثقيل بخليه حلو في نفس الوقت ناعم عشان يوم الأربعاء حفلتك
"وجلسو البنات يسولفون بعد كذا وصل سيف وراحت حنين عند البوابه ومعاها أنهار ولمى"
حنين: لمى تعالي معي
لمى: عن الدلع وش بيسوي فيك أخوي؟
أنهار: وش رايك بعد تاخدين معك بنات الجامعه كلهم
لمى: يلا مشعل وصل شوفيه هذا اللي نزل له سيف
حنين: الحمد لله وقفو قريبين من بعض
أنهار: هههههههههههههه حلوة لو وقفو قريبين وش اللي بيختلف؟
حنين: مدري
لمى: وصل سواقكم يلا أنهار روحي أنا بوصل حنون
أنهار: بالتوفيق باي
لمى وحنين وصلو مع بعض قريب من سيايرهم ركبت حنين جنب سيف ...
حنين بخجل: السلام عليكم
سيف: هلا وغلا وعليكم السلام
عم الصمت شغل سيف أغنية محمد الزيلعي ...

مرحبا بقدوم خلي يوم جاني في محلي
ياهلا وألفين سهلا والمهلي مايولي,,
مرحبا بقدوم خلي يوم جاني في محلي
ياهلا وألفين سهلا والمهلي مايولي,,
مرحبا بقدوم خلي,,
مرحبا بقدوم خلي يوم جاني في محلي
ياهلا وألفين سهلا والمهلي مايولي,,
مرحبا بقدوم خلي,,
يلا حيه وحي زوده حي في درب النشامه,,
عيني وقلبي وقفو له,,
ينثر الورد لترابه,,
مرحبا باللي لفاني ومن غلاتي لي تعنى,,
أشهد أنه من لفاني أسفر له القلب وغنى,,
سعد يومي بشروني أنه بيجيني هنيا,,
الله لايحرم عيوني شوفته في كل جيه,,

خلصت الأغنيه كانت حنين مبسوطه كثير من حركة سيف أبتسم ولف لها ...
سيف: وش رايك في ذوقي؟
حنين: كلك ذوق تسلم
سيف يبي يسولف: التكيف مطبوط
حنين: أيوه
سيف: مو بردانه؟
حنين: شوي
سيف: كيف تقدمين في الإختبارات؟
حنين: الحمد لله
سيف: الحمد لله أجل اليوم آخر يوم
حنين: أيوه
سيف: متى أن شاء الله نتائجكم؟
حنين: أمممم تقريباً بعد أسبوعين
سيف: بالتوفيق حبيبتي
حنين: جميعاً
سيف: وين خاطرك نروح؟
حنين: براحتك
سيف: خلاص خل نروح الكورنيش شوي قبل يأذن عشا إذا أذن بنروح المسجد
حنين: أوكي براحتك
حنين..وصلنا الكورنيش كان سيف يحاول أنه يتقرب مني يسألني عن حالي كان يحاول يكسر الحواجز اللي أنا حاطتها كل مره أخطط لليوم اللي راح أشوف فيه سيف وأني بكسر الحواجز وبتقرب منه بس مدري شاللي يمنعني ياذوربي أقول له كلمتين ع بعض دايم هو اللي يسولف تذكرت كلام أنهار أختي تمنيت أني لو أقدر أطبقه مثل ما قلت لأنهار أن شاء الله ياليت بس ياليت مد لي يده أستحيت من نفسي أرده مسكت يده وشفت أبتسامته ملت وجهه أنبسطت هذي الإبتسامه اللي أموت عليها بيدي بس ياليتني أقدر أسعدك ياسيف حاولت وحاولت ليه من أشوفك ما أعرف أعبر عن اللي في نفسي ليه ما أقدر أظهر مشاعري ...
سيف: حنيني
حنين: هلا
سيف: وين سرحتي؟
حنين: أبد معك
سيف: تحبين تجلسين؟
حنين: مدري براحتك
سيف: أنتي داخلك مسجل يقول براحتك أبي أسمع صوتك في شي غير هالكلمه
حنين: ..................................
سيف: يلا أبي الشي اللي يريحك تبين نجلس ع البحر ولا نمشي؟
حنين: مدري أحس الشمس أحترت شوي
سيف: خلاص حبيبتي خل نرجع السياره
حنين..ركبنا السيارة وأنا مستحيه من نفسي كان الجو هاااادئ أنتبهت لسيف يناظرني نزلت عيوني تفاجئت لمن مسك يدي وباسها جاني شعور غرييييييب مدري ليه أنا أنفر منه كذا سحبت يدي بخفه وعيوني مارفعتها رفعت عيوني لقيت أن أحنا في مكان فاضي مافيه إلا أحنا زادت نبضات قلبي ...
سيف: حنون حبيبتي أفتحي وجهك مافيه حد
حنين..خفت من منظر وجهي كيف بيكون خفت أن الميك آب سال من الشمس أو أن شكلي تلخبط بعد تردد فتحت وجهي لقيت سيف يناظرني وهو سارح سكت وأنتظرته هو اللي يتكلم ...
سيف..سبحان الله عمري ماشفت ولا باشوف بنت بجمالها الحمد لله لك ياربي لأنك عطيتني البنت اللي قلبي حبها وأختارها أنتبهت للصمت ورفعت دقن حنين بصبعي ...
سيف: ها حنون حبيبتي تعبانه من الجامعه والمشاوير؟
حنين: لا عادي
سيف..ظلينا ع هالحال حنين كان كلامها قليل وأنا أحاول أسولف تندمج معي شوي بس دقايق ويرجع حياها يمكن لأنها توها عروس أو أنها مستحيه حاولت أعذرها وما أضغط عليها قدر الأمكان رحنا المطعم تغدينا والله أنا حسيت أني تغديت بروحي خخخ وبعدها طلبت لنا آيسكريم من باسكن ورحنا ناكله ع البحر زين لكن هالمره أحس حنين أكلت ولو قليل أما أنا خلصت آيسكريمي كامل خخخ وبعدها رجعتها بيتهم جلست معاها هي مع أبوها وأخوها كانت أجرأ شوي يمكن لأن أخوها وأبوها معانا من جد لكن عجبني شكلها بدون العبايه ربي يخليها لي رجعت البيت خديت لي أغراض ورديت رجعت الشغل ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 4ونص العصر في فيلا أبو صقر ...
شهد...توني صحيت من النوم وخلصت أموري جلست ع الكرسي مسكت الجوال بيدي مافيه ولا مكالمه غريبه!! بسام صار له ثلاث أسابيع مو ع بعضه المفروض أنه ينزل قبل أسبوعين شاللي أخره يارب أجعله خير أتصلت ...
شهد: هلا حبيبي
بسام ببرود: هلا
شهد: كيفك أخبارك كيف أمورك؟
بسام: الحمد لله عايش
شهد: قلبي في شي مضايقك؟
بسام: يعني لازم تبين تطلعيني مريض ولا فيني شي متضايق
شهد: طيب طيب لا تعصب
بسام: أوووووووووووه شهد قلت لك مو معصب
شهد قربت تبكي: هذا جزاتي خايفه عليك
بسام: مشكوره بس أرجوك خففي من خوفك لأنه ماراح يجيب لك خير
شهد: بسام تعرف رقمي؟
بسام: أيوه عندي في المكالمات المستلمه
شهد..ماتحملت أسلوبه الجاف معاي طوالي قفلت الجوال أقول له تعرف رقمي قال لي عنده في المكالمات المستلمه يعني مسح رقمي من جواله يعني أنا ما أعني له شي 3أسابيع ماكلمني ولا سأل عني ما كأني خطيبته لكن أنا الغبيه اللي دلعته وصرت أتصل له كل يوم وهو ولا معبرني مسحت دموعي ورديت ع جوالي ...
شهد: ألووو
عهد: هلا بشري بكره راح ترجعين معانا
شهد: أي أن شاء الله
عهد: شهد حاسه أنك مو ع بعضك
شهد: لا بس توني صاحيه من النوم
عهد: خلاص حبيبتي أشوفك بكره
شهد: أن شاء الله مع السلامه
عهد: مستعجله هههههه باي
شهد: باي
شهد..قفلت من عهد وأنا حدي متضايقه قلت لها أني بروح معاهم أبي أغير جو حتى لو ما أستأذنت من بسام هو مو معبرني وبكره آخر يوم ما أبي أجلس في البيت حاطه يدي ع خدي إذا أتصل راح أقول له بس ينسى أني أتصل له ع أسلوبه الجاف وربي ضايقني لو يعرف وش قد الكلام اللي مجهزته له ماكلمني بهالطريقه,, جوالي لسه في يدي بدون لا أحس أتصلت ع خالي ...
ضاري: هلا بالغاليه اللي نست خالها
شهد: هلا بابا
ضاري: يا حبيبة بابا أنتي كيفك؟
شهد: الحمد لله كيفك وكيف أمل والبيبي
ضاري: الحمد لله والبيبي الدلوع ننتظره
شهد: هههههههههههه يوصل بالسلامه أن شاء الله
ضاري: أن شاء الله ,,كيف أمورك وصقر كيفه؟
شهد: الحمد لله وصقر توه الأمس جا لي غرفتي يعاتب
ضاري: هههههههههه وأنتي حتى أخوك الوحيد اللي معاك في نفس البيت ماتدرين عنه يلا الله لينا
شهد: وش دعوه أنتو الغاليين مالي غنا عنكم
ضاري: أيه أيه قصي علي بهالكلام
شهد: هههههههههههههههههه شسوي أحب أتدلع عليك
ضاري: كبرتي وصرتي عروسه وبعدك تتدلعين وبيجي البيبي وبعدك تتدلعين
شهد: لاوالله لايكون إذا جا البيبي تنسوني
ضاري: ماعاش اللي ينساك أنتي من ريحة الغاليه
شهد تغير صوتها من طرى ضاري أمها: الله يرحمها
ضاري: شهد حبيبتي فيك شي؟
شهد: لا خالي أنا بخير بس شوي تعبانه
ضاري: مدري ياشهد من الأمس وحاس أن فيكم شي أتصلت ع صقر قال لي أنه بخير بس أنتي خفت أزعجك
شهد: تسلم ياخالي
ضاري: شهد أكيد مافيك شي أتطمن؟
شهد: تطمن بس خالي أبي طلب ممكن؟
ضاري: عيوني
شهد: أبي أروح لصديقاتي بكره رجعتي من المدرسه
ضاري: حبيبتي أنتي الحين ع ذمة رجال هو المسؤل عنك أنا خالك صح بس بسام هو المسؤل عنك
شهد: بسام في الرياض وأنا أبي أستأذن منك
ضاري: طيب حبيبتي إذا كلمتيه لازم تعطيه خبر
شهد: يمكن ما أقدر أكلمه أنا أبي رايك أنت
ضاري: بيت من بتروحين؟
شهد: بيت الـ****
ضاري: وين يصير بيتهم؟
شهد: في حي الـ****
ضاري: قصدك بيت أبو فيصل؟
شهد: أيوه
ضاري: والنعم هذول ناس ماعليهم زود ماعندي مانع بتروحين بروحك ولا معاك حد؟
شهد: بنكون قروب بنات
ضاري: إذا كذا ماعندي مانع بس ليه تستأذنين مني؟
شهد: خلاص خالي أنت موافق أكيد أروح؟
ضاري: شهد قلبي ناغزني أبي أعرف شنو فيك
شهد: تبي تعرف أنا أقول لك "بدأت تبكي"
ضاري: بس بابا شهد لا تبكين أنا جاي دقايق وأنا عندك
ضاري شغل سيارته وراح لبيت أبو صقر طوالي دخل غرفة شهد ...
شهد: خالي"مسحت دموعها وقامت تسلم عليه"
ضاري مسح ع راسها بحنان: شهد بابا وش فيك ليه الدموع مافي شي يستاهل دموعك قولي لي ناقص شي حد مضايقك تكلمي يابابا؟
شهد: لا بس أشتقت لك
ضاري: يعني شي خاص ماتقدرين تقولينه لي؟
شهد: صدقني خالي مافيني شي
ضاري: إذا تبين شي أنا وأمل موجودين
شهد: ماتقصرون
ضاري: طيب ليه تستأذنين مني مو من عوايدك
شهد وهي تشاهق في البكي: لأنك أنت الوحيد اللي بتسألني عن التفاصيل بتحسسني أن في حد يخاف علي بتحسسني بحنان أمي اللي فقدته عارفه لو أنا قلت لأبوي بروح لصديقاتي بيقول لي أسألي مرت أبوك ولو سألتها بتقول لي بكيفك بدون لا تسألني وين وليه ومع مين
ضاري ضمها: خلاص خالي أنا أسأل عنك هالشي مافرحك وبعدين طول عمرها مرت أبوك ماتبالي توك تنتبهين؟
شهد: الحين بس ياخالي عرفت ليه أنت تعصب علي وتعاقبني الحين عرفت بقيمتك وخوفك علي عرفت ياخالي بس متأخر
ضاري: أهم شي أنك عرفتي والماضي حطيه وراء ظهرك وأبدئي صفحه جديده مع نفسك
شهد: بوجودك يا أحلى خال في الكون
ضاري: يلا حبيبتي عن الدلاعه يلا غسلي وجهك وإذا حابه تروحين معاي البيت أفرش لك الطريق ذهب أنتي بس أشري وأنا أقنع أبوك
شهد: لاخالي بكره علي أختبار وبروح مع صاحباتي ماتقصر أنت روح شوف أمل والبيبي هم محتاجينك
ضاري: هههههههههههه طرده محترمه شهود
شهد: ههههههههههههههههه دامك أنطردت أطلع بكرامتك
ضاري: يلا حبيبتي وأنتبهي لنفسك وأي وقت تبين تجين معاي مثل ماوصيتك
شهد: أن شاء الله سلم ع أموله
ضاري: مع السلامه
شهد..طلع خالي وأنا حاسه أني أرتحت طول عمره خالي يحس فينا أنا وصقر بدون لاتنكلم وزوجته اللي ماشفنا منها إلا الخير علموني ع أشياء لا يمكن أنساها صار لها11سنة متزوجه وتوها تحمل ماشفتها يوم أعترضت شفتها الأنسانه الصبوره اللي ساعدت خالي ووقفت معاه وعاملتنا مثل أولادها آآآآآه طردت الشيطان وتذكرت كلام خالي وأمل وبسام اللي يخافون علي وع مستقبلي وقمت أذاكر ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*