الساعه 5:14م في الرياض ...
بسام..توني راجع من الجامعه من ساعتين تقريبا كان اليوم متعب ياذوبي خلصت وما صدقت ع الله وأنسدحت ع السرير مسكت جوالي بكلم شهد آآآآآه وش قد واحشتني ياحبي لها زعلت كثير لمن سافرت يلا هانت كلها أسبوعين وأرجع يوووووووه تذكرت أن أختباراتهم بعد أسبوع يعني ماراح أشوفها إلا بعد3 أسابيع آآآآآه شيصبرني الله يعين رفعت جوالي وناظرت في الشاشه طلعت رقمها(الغاليه)توني بضغط ع الزر الأخضر سمعت صوت الجرص ياربي تعبان مين جايني الحين قمت بكسل وفتحت الباب تفاجئت الوجه غريب علي أول مره أشوفه ...
ماجد: السلام
بسام: وعليكم السلام
ماجد: بسام صح؟
بسام: أيوه بسام آمرني؟
ماجد: عارف أنك ماتعرفني ولا قد شفتني
بسام: للأسف ,, ممكن تعرفني بنفسك
ماجد: معاك ماجد
بسام: حياك تفضل
ماجد جلس ع الكنب: ماعليك زود
بسام: شنو تشرب؟
ماجد: أنا مو جاي آكل ولا أشرب أنا جاي عندي كلمتين وطالع
بسام: تفضل خوفتني لايكون في شيء صاير وأنا مدري؟
ماجد: هو مو بس شي اللي صاير صارت أشياء بس من زمان وأنا اليوم تذكرت
بسام: وهالأشياء أنا شنو دخلني فيها؟
ماجد: تفضل هالظرف وتعرف
بسام..مسكت الظرف فتحته طلعت أول صورة أنصدمـــــــــــت ماصدقت عيني أبتسامتها اللي تسحرني بس اللي عاطيني الصورة واحد غريب واحد غيري ماتمالكت أعصابي ورفعت يدي وعطيته كففففففف...
ماجد: مشكور ويجي منك أكثر بس حبيتك تعرف حقيقة زوجتك المصون باااي يازوج شــهد "طلع وصفق الباب وراه"
بسام.. طلع وخلاني بحيرتي طلع وخلاني مصدوووووم كيف شهد حبيبتي وخطيبتي تخونني ناظرتها يمكن أتوهم يمكن مو شهد وحدة ثانيه تأملت وجهها البريء عيونها حجابها الوردي وقميصها الأزرق الطويل مستحيل نفس الجسم نفس الطول نفس لون البشره حتى نفس لون التقويم الأزرق اللي في أسنانها دار راسي مو عارف أركز في شي كنت أنتظر اليوم اللي برجع فيه الشرقيه بس الحين كرهت الرجعه معقول طول هالفتره أنا مخدوع في شهد يعني أنا كنت مغفل حبيتها وصنتها وراعيت مشاعرها وهذي النهايه هذي النهايه أكتشف أن لها علاقه مع واحد غيري الأفكار توديني وتجيبني من كثر ما أنا مستنكر مرات أقول يمكن بالفتشوب مركبين الصور بس ينعرف تصوير حي وبنفس اللباس اللي قابلتني فيه آخر مره تخونني وهي ع ذمتي!! لو صورة صورتين يمكن أقول واصلينه بالغلط الا يعرفني ويعرف أسمي وأسمها وألبوم كامل أنا ماصار عندي ألبوم صورها يصير عند واحد غريب وبهالمستوى رميت الألبوم بقهر ياربي لييييييه لييييييييييييه حبيتها وربي حبيتها ...

"ياقلبي لاتستغرب كل ماتشوفه العيــــــــون,,’’عدوك يرحم حالك وأعز أحبابك يخـــــــــــون,,’’"

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 8:12في فيلا ناصر ...
تعرفون البنات مو مع بعض كل وحده تذاكر بروحها في مكان,, كانت دانا ماخده لها بريك ورزان جالسه معها لأن أمها عندها موعد في المستشفى فـ مو حلوة تظل في البيت بروحها ...
فضيله: السلام عليكم
دانا-رزان: وعليكم السلام
فضيله: هلاااا رزاني عمه كيفك من متى أنتي هنا؟
رزان: الحمد لله بخير ,,توني جايه من شوي أمي عندها موعد
فضيله: نامي مع دانا غيرو جو
رزان: بعد الإختبارات أن شاء الله
فضيله: يلا بقى أسبوع وتبدأ أختباراتكم بالتوفيق يارب
رزان: جميعاً
فضيله: يلا أستأذن واليوم مافي طلعه من البيت راح أتصل ع أمك نامي مع دانا شتسويين في بيتكم بروحك بتملين
رزان: بس أمي بتظل بروحها الصباح
فضيله: إذا طلع أبوك يوصلها لنا يلا عن التغلي
رزان: هههه إذا أم فيصل طلبت من يقدر يردها!!
فضيله: تسلمين يالعمه يلا أستأذن
دانا-رزان: أذنك معك
دانا: هيااااا عاشت أمي عاشت والله محد يقدر يقنعك غيرها
رزان: أم فيصل الغاليه مانقدر نردها
دانا: مين الغاليه هي لو فيصل؟
رزان وردت خدودها: أثنينهم
دانا: مين تحبين أكثر؟
رزان: أوووه يلا عاد دانووه
دانا: تصدقين مو بس أنا اللي أموت عليك إذا حمرت خدودك حتى فيصل
رزان: هيهيهيهيهيهيهيهي ومتى قال لك فيصل؟
دانا: ههههههههه هو ماقال يعني قال لي مباشره
رزان: أحلفي أجل كيف عرفتي؟
دانا: ياحبك له بس يقول لك ياطويلة العمر مره كنتي داخله المطبخ وضمك فيصل من وراء ع باله أنك أنا
رزان: داااانوووه حرام لاتذكريني بذاك اليوم وربي بغيت أختفي من الوجود
دانا: أعظم شي يوم يبوسك
رزان: ياربي ليه دائما يصير لي معه كذا
دانا: لازم ياحبيبتي
رزان: ماعليه فشله
دانا: ياربي بجد حاسه لك أنتي بدون شي تستحين من ظلك كيف هالمواقف اللي تصير لك
رزان: أعظم شي لمن سحبني من قميصي وربي خلاااااااااص تسخنت 4أسابيع
دانا: ههههههههههههههههه هو حس لك لأنه كان من جد معصب فيني
رزان: يبي لنا نسوي له لك علامة فارقه عشان إذا جا فيصل
دانا: مشكل أنا عاد اللي أشبهك الناس يقولون أن أحنا نتشابه أنا أحس أن أحنا مانتشابه
رزان: يتهيأ لك بس أنا أملأ منك شوي
دانا: وأطول وأبيض أبي أعرف مافيهم عواين اللي يقولون عنا نتشابه
رزان: ههههههههههههه أنتي يبي لك تطولين شوي
دانا: أي والله ملاكوه صارت أطول مني
رزان: أي صح كيف سمعتي فيصل؟
دانا: الله رزون مانسيتي؟
رزان: يلا عاد دانوه قولي
دانا: بقول أممممـ عقب ماطلعت غرفة فيصل أشوف وش صاير سمعته يتكلم وهو ضام يدينه لصدره ويقول"وهي تقلد صوت فيصل: آآآه ياحيلها رزاني تجنن وهي مستحيه
رزان..رحت فيهاا الكلبه دانوه تعرف تسوي نفس صوته إذا كلمني أو كلم وحده من خواته يخلي صوته حنووون وناعم لأقصى حد ياقلبي هو يجنن ...
دانا بصراخ: هيييييييييي رزانووووه
رزان: همممممممم
دانا: يجنن أخوي صح؟
رزان وهي مو حاسه لنفسها: أيــه
دانا: ياعينــــــــــــــــــي رزون فيها شي صارت تتغزل في فيصل عينك عينك
رزان أنتبهت لنفسها: أأأ متى تغزلت أنا دانوه عاد خلاص
دانا: والله أنتي وياه حالتكم حدها صعبه في الحب الله يساعد قلبكم بس
ملاك نطت عليهم: هي مع من؟
دانا: أقول ملكوو بره عندنا شي خاص
ملاك: مو جايه لك حبيبتي جايه أسلم ع رزان
دانا: سلمي وأطلعي
ملاك: ياربي كلكم صايرين جلفين كل هذا تأثير الإختبارات
دانا: ملكوو أحنا ثالث مو فاضيي لك ولخفة دمك أنقلعي أحسن
ملاك: اللي يشوف المذاكره مقطعه بعضها أطلع بكرامتي أحسن
رزان: الحين أنتي بتطلعين ولا سلمتي؟
ملاك: شسوي لكم ذاكرو أحسن باااي "وطلعت"
رزان: دانووه خفي ع ملكوو شوي تراها مراهقه
دانا: وش أسوي لها صايره تبط الكبد وحركاتها تنرفز
رزان: الله يعين بس إذا أحانا ماتحملناها من بيتحملها؟
دانا: يلا خلها ع ربك أن شاء الله تعقل
رزان: عهدوو متى بتجي؟
دانا: أوتدري أنك موجوده معي كان فجرتني أنا وياك
دانا: تعالي تعالي رزانوه
رزان: شنو؟
دانا: شوفي فيصل وش كاتب
رزان حمرت خدودها: وأنا وش دخلني يقصدك أنتي
دانا: لاوالله لايكون صار أسمي رزان ع غفله
رزان تقلد غلطة دانا في الراء: صار أسمي رزان
دانا: حرام عليك
رزان: هههههه دانوه ياتحفه يبي لك قاموس خاص مافيه حرف الراء كم سنه صار لك مانطقتي أسمي؟
دانا: شسوي إذا أنا كل ماقلت كلمه سويتوني مسخره عليها
رزان: والحظ أبد مو محالفك أكثرنا بحرف الراء لاحضي الشله كلها ((مرام-رانيه-رزان))بس أنتي اللي مو بحرف الراء
دانا: هو بس في الشله حتى العائله الكريمه أكثرهم بحرف الراء
رزان: ههههه تجنني في الغلطه والله تهبل
دانا: ما أحب حد يسمعني وأنا أنطق حرف الراء
رزان: هبالتك يالهبله أصلا كلهم مستجنيين ع غلطتك في الراء بس مايقولون قدامك عشان لاتستغرين
دانا: مدري ما أحب أقول شي فيه هالحرف قدامك وياذوووبي أما قدام الباقي لازم يعلقون لو نطقت حرف الراء
رزان: لاحول شكلنا بنغير أسمائنا
عهد: سلامٌ عليكم
رزان-دانا: هلا وغلا
عهد: رزون هنا وأنا مدري؟
رزان: بالصدفه كانو أمي وأبوي رايحين المستشفى وحطوني عندكم
عهد: حركات يعني أن شاء الله النومه عندنا؟
رزان: يس توها عمتي متصله ع أمي
عهد: ونااااااااااااسه يااانثووو
ملاك نطت عليهم: يادافع البلاء وش فيكم متوفي عندكم أحد أشكالكم كأنكم جالسين في عزاء
دانا: وقســـم ملاكوه لو ماتأدبتي عن حركاتك القرعه بتشوفين شي ماشفتيه
ملاك: هيهيهيهيهي مره قويه مسويه نفسك عدله عشان رزان موجوده؟
دانا: أقول برررررررره لا كفففف يعدل وجهك صايره ماتنطاقين
ملاك: قاعده ع كبدك
رزان: لحظه شوي ملوك أبيك بروحك
ملاك: طيب تعالي غرفتي
رزان دخلت غرفة ملاك وسكرت الباب وراها
ملاك: عارفه بتعطيني محاظرات
رزان: ملكووو أعقلي وش فيك؟
ملاك: رزان خلينا حبايب أحسن
رزان: لا ملاك ماراح أخليك كذا مو أنا أختك صح؟؟
ملاك: أيوه بس خلك بعيده
رزان: أنتي تحرجيني كذا ملاك صدقيني إذا جيتي تعاندين خواتك وأنا موجوده ما أعرف مع مين أصير
ملاك: ماطلبت معك تصيرين في صفي
رزان: مانلعب كره عشان في صفك أو ضدك حنا خوات
ملاك: رزان حاسه أنك تبين تكسبين الكل إذا عشان فيصل تطمني ماراح أمنع حد إذا جا فيصل بيخطبك
رزان تنرفزت رفعت يدها وردت نزلتها وهي تزفر من العصبيه ...
ملاك: ياطيبه أنتي ياحنونه ياهااادئه يامؤدبه أضربي
رزان..ماتوقعت هالكلام يطلع من ملاك الصغيره هذا وأنا أحاول قدر الأمكان وأجاهد نفسي أني ما أتعلق في فيصل كثير تضايقت وربي تضايقت طلعت من غرفة ملاك رحت أنسدحت في غرفة عهد ما أبي أبكي ما أبي أضعف فيصل للحين مو خطيبي ولا زوجي ومو من حقي أفكر فيه صعبه أني أحس نفسي محبوبه عند الكل وأكتشف راي أصغر وحده فيهم اللي هي ملاك ع بالها أني أعاملهم زين عشان فيصل!! هم أهلي وفيصل ولد عمتي وولد خالي غريب عني كيف تفكر ملاك؟! ...